Ngb-pt-0427-vol-05-text
Front[edit]
Body[edit]
འདི་ཡི་སྲུང་མ་གྱིས་ཤིག །ཐུབ་པར་སྲུངས་ཤིག །ཨུ་རྒྱན་གྱི་སྐད་དུ། ་་་༷ཐ་་་༷ ནཱན་ཧྭ། བོད་སྐད་དུ། རྫོགས་པ་ཆེན་པོའི་ཆིག་ཆོད་ཀུན་གྲོལ་ཆེན་པོ་ཞེས་བྱ་བའི་རྒྱུད། བཅོམ་ལྡན་འདས་ལྷུན་གྲུབ་འདུས་མ་བྱས་པའི་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ལྷུན་གྲུབ་འདུས་མ་བྱས་པའི་དཔལ་ཆེན་པོ། དེ་བཞིན་ཉིད་ཀྱི་གནས་ཆོས་ཀྱི་དབྱིངས་སྤྲོས་ཐམས་ཅད་དང་བྲལ་བའི་ཕོ་བྲང་ན། རང་བྱུང་སྤྲུལ་པའི་སངས་རྒྱས་དང་བྱང་ཆུབ་སེམས་དཔའ་དཔའ་བོ་དང་ཌའསྐི་སེམས་ཅན་ཉིད་ལས་མི་གཞན་པ་རྣམས་དང་། དུས་གསུམ་མཉམ་པ་ཉིད་ལྷུན་གྱིས་གྲུབ་པའི་ངང་དུ་བཞུགས་སོ། །དེའི་ཚེ་འཁོར་གྱི་ནང་ནས་རང་བཞིན་ཐུགས་རྗེའི་ངང་གདངས་ལས། རང་བྱུང་ཡེ་ཤེས་རྡོ་རྗེ་ཞེས་བྱ་བ་ཞུ་བ་པོར་ལངས་ཏེ། འཁོར་ཐམས་ཅད་ཀྱིས་བཅོམ་ལྡན་འདས་ལ་མགྲིན་གཅིག་ཏུ། འདི་སྐད་ཅེས་གསོལ་ཏོ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། འཁོར་འདས་ཀུན་ལ་མ་ལུས་ཁྱབ་པ་ཡི། །རང་བྱུང་ཆིག་ཆོད་བྱང་ཆུབ་སེམས་ཀྱི་དོན། །རང་བྱུང་འདུས་པའི་འཁོར་ལ་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་ལྷུན་གྲུབ་འདུས་མ་བྱས་པའི་དཔལ་གྱིས་བཀའ་སྩལ་པ། ཀྱེ་མ་ཉོན་ཅིག་རང་བྱུང་སྤྲུལ་པའི་འཁོར་ཚོགས་རྣམས། །སྣང་སྲིད་ཀུན་ལ་ཁྱབ་པའི་བྱང་ཆུབ་སེམས། །རང་བྱུང་ཡེ་ཤེས་ཆིག་ཆོད་ཆེན་པོ་སྟེ། །འདི་ཞེས་མཚོན་བྱའི་ཚིག་ལས་འདས་མོད་ཀྱང་། །མཚོན་བྱེད་ཚིག་གིས་མ་བསྟན་མི་གོ་བས། །མཚོན་མེད་ཆོས་དེ་བརྡའ་དོན་ཚིག་གིས་སྟོན། །ལོག་ན་སྟོན་རྒྱུ་ཡོད་པ་མ་ཡིན་ཏེ། །རྒྱལ་བའི་ཐུགས་ཀྱི་དགོངས་པ་གཅིག་ལ་ནི། །རང་བྱུང་རང་གི་ངོ་བོ་བསྟན་པ་ཡིན། ཞེས་བཀའ་སྩལ་ཏོ། །རང་བྱུང་ཡེ་ཤེས་རྡོ་རྗེས་ཡང་གསོལ་པ། །རང་བྱུང་ཆིག་ཆོད་བྱང་ཆུབ་སེམས་ཉིད་དེ། །རང་རང་ངོ་བོས་ཇི་ལྟར་སྟོན་པ་ལ། །དེ་དོན་འདུས་པའི་འཁོར་ལ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །རང་བྱུང་ཆིག་ཆོད་བྱང་ཆུབ་སེམས་ཉིད་དེ། །ངོ་བོ་རང་རྩལ་མ་འགགས་འཆར་ཚུལ་ལས། །རང་བྱུང་རྣམ་པ་སྣང་སྲིད་ཐམས་ཅད་འབྱུང་། །མདོར་བསྡུས་རིག་དང་མ་རིག་ལམ་གསུམ་སྟེ། །རང་བྱུང་མ་རིག་ཉོན་མོངས་སེམས་དཀྲུགས་ནས། །བདག་འཛིན་སྡུག་བསྔལ་འཁོར་བའི་སེམས་ཅན་བྱུང་། །རང་རིག་ཡེ་ཤེས་འཛིན་མེད་རྟོགས་པ་ཡིས། །བདག་མེད་མྱ་ངན་འདས་པའི་སངས་རྒྱས་བྱུང་། །འཁོར་འདས་གཉིས་པོ་དབྱེར་མེད་རྟོགས་པའི་ཐབས། །ལམ་གྱི་ཐེག་པ་ཕྱི་ནང་གསང་གསུམ་བྱུང་། །དེ་རྣམས་རང་རང་ངོ་བོས་བསྟན་པ་ཡིན། །དོན་ལ་ཐམས་ཅད་སེམས་རྒྱུད་གཅིག་པའི་ཕྱིར། །ཡང་གསང་ཆིག་ཆོད་ཨ་ཏིར་རྫོགས་པ་ཡིན། །དེ་དོན་བཤད་པའི་ཐབས་ནི་ཐུག་གིས་སྟོན། །གང་ཟག་ཡིད་ཆེས་སྐྱེད་ཕྱིར་ལོ་རྒྱུས་བཤད། །ཆོས་ཀྱི་བྱུང་ས་བསྟན་ཕྱིར་རྩ་བས་བཤད། །འཆར་ཚུལ་ཐ་དད་བྱུང་ཕྱིར་ཐེག་རྣམས་བཤད། །དེ་རྣམས་ཐབས་སུ་གོལ་ཕྱིར་དགོས་ཆེད་བཤད། །དགོས་ཆེད་དོན་གྱིས་སྒྲོལ་ཕྱིར་མན་ངག་བཤད། །དེ་དོན་ཆེ་བའི་ཡོན་ཏན་གཏད་རྒྱས་བཤད། །ཅེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས། གླེང་གཞི་གླེང་སློང་གི་ལེའུ་སྟེ་དང་པོའོ།། །།རང་བྱུང་ཡེ་ཤེས་རྡོ་རྗེས་ཡང་གསོལ་པ། ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །རང་བྱུང་ཆིག་ཆོད་བྱང་ཆུབ་སེམས་ཉིད་དེ། །དང་པོ་ལོ་རྒྱུས་དོན་གྱིས་ཇི་ལྟར་བཤད། །མ་བཤད་སྐྱོན་ཅི་བཤད་པའི་ཡོན་ཏན་གང་། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། །རང་བྱུང་ཆིག་ཆོད་བྱང་ཆུབ་སེམས་ཉིད་དེ། །དང་པོ་ལོ་རྒྱུས་དོན་གྱིས་མ་བཤད་ན། །དཔེར་ན་རྒྱལ་རིགས་རྒྱལ་ས་འཛིན་པའི་དུས། །རྒྱལ་རིགས་མ་བཤད་དམངས་རྣམས་ཡིད་མི་ཆེས། །དེ་བཞིན་རང་བྱུང་ཆིག་ཆོད་བྱང་ཆུབ་སེམས་ཉིད་ལས། །སེམས་རྒྱུད་མ་བཤད་གང་ཟག་ཡིད་མི་ཆེས། །རྒྱལ་རིགས་བཤད་པས་དམངས་རྣམས་ཡིད་ཆེས་ལྟར། །དེ་ཕྱིར་གང་ཟག་ཡིད་ཆེས་སྐྱེད་ཕྱིར་བཤད། །དང་པོ་ཆོས་སྐུའི་ཐུགས་ཀྱིས་དགོངས་ནས་བཤད། །བསྟན་ནས་མཐོང་བ་མ་ཡིན་རང་བཞིན་དགོངས་པས་ན། །དཔེར་ན་ཉི་འོད་ཆུ་ནང་ཤར་བ་བཞིན། །བྱིན་གྱི་བརླབས་ཀྱི་དགོངས་པས་བཤད་པ་ཡིན། །ལོངས་སྐུས་སྐུ་ཡི་སྒོ་ནས་བཤད་པ་སྟེ། །བཤད་ནས་ཐོས་པ་མ་ཡིན་མཚན་དང་དཔེ་བྱད་ཀྱི། །དཔེར་ན་གཟུགས་མཐོང་དེ་ཡིས་ཁ་དོག་ཤེས་པ་བཞིན། །རང་རང་ངོ་བོའི་སྒོ་ནས་དཔེ་དོན་བཤད་པ་ཡིན། །སྤྲུལ་པའི་སྐུ་ཡིས་གསུང་གི་སྒོ་ནས་བཤད། །དུ་མ་བཤད་པ་མ་ཡིན་ཚངས་པའི་དབྱངས་གཅིག་གསུངས། །དཔེར་ན་པི་ཝང་སྒྲ་བཞིན་རང་རང་སྐད། །མཐུན་པའི་ཆོས་སུ་གསུངས་ནས་བཤད་པ་ཡིན། །དེ་ལྟར་རྒྱལ་བ་རྣམས་ནི་དགོངས་པས་བཤད། །བྱང་ཆུབ་རིག་འཛིན་རྣམས་ནི་ བརྡ་ཡིས་བཤད། །གང་ཟག་སྒྲུབ་པ་པོ་ལ་ཚིག་གིས་བཤད། །ཐམས་ཅད་སེམས་རྒྱུད་གཅིག་ལས་བརྒྱུད་པ་ཨེ་མ་ཧོ། །ཞེས་བཀའ་སྩལ་ཏོ། །རྫོགས་པ་ཆེན་པོ་ཆིག་ཆོད་ཀུན་གྲོལ་ཆེན་པོའི་རྒྱུད་ལོ་རྒྱུས་དོན་གྱིས་བཤད་པའི་ལེའུ་སྟེ་གཉིས་པའོ།།་་་་༷་ །།རང་བྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །ལོ་རྒྱུས་དོན་གྱིས་བརྒྱུད་པའི་བྱང་ཆུབ་སེམས། །རྩ་བ་ཡིན་པའི་དོན་ནི་ཇི་ལྟར་ཡིན། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །རང་བྱུང་བྱང་སེམས་རྩ་བ་ལེན་པ་ནི། །དཔེར་ན་ནམ་མཁའ་ཆེན་པོའི་ཀློང་ཡངས་ལས། །སྣོད་བཅུད་སྐྱེ་འགྲོ་ཐམས་ཅད་སྐྱེད་པ་བཞིན། །རང་ཆིག་ཆོད་བྱང་ཆུབ་སེམས་སུ་ལས། །སངས་རྒྱས་སེམས་ཅན་ཐམས་ཅད་བྱུང་བ་ཡིན། །དེ་ཡང་ཐོག་མར་འཁོར་འདས་གང་དུ་ཡང་། །ཅི་ཡང་གྲུབ་པ་མེད་པའི་དུས་ཚོད་དུ། །ཀུན་གཞི་བྱང་ཆུབ་སེམས་ཀྱི་རང་རྩལ་ལས། །བསྐལ་པ་སྲིད་པ་འདེགས་བྱེད་གཅོད་བྱེད་འཕེན། །རླུད་ལྔ་བྱུང་ནས་རང་གིས་འབྱུང་ལྔ་ཆགས། །དེ་ཡི་རང་སྒྲ་ལྔ་ལས་རྒྱུད་ལྔ་བྱུང་། །དེ་ཉིད་མ་རིག་བདག་འཛིན་སེམས་ཅན་བྱུང་། །དེ་ཡིས་དུག་ལྔ་རང་རྒྱུད་བཅས་པས་འཁོར། །རིག་པའི་ཡེ་ཤེས་སངས་རྒྱས་རང་ལས་བྱུང་། །སྣང་སྲིད་འཁོར་འདས་སེམས་ལས་རང་བྱུང་བྱུང་། །ཐམས་ཅད་བྱུང་བས་ཀུན་གྱི་རྩ་བ་ཡིན། །དེ་ཕྱིར་ཀུན་གཞི་བྱང་ཆུབ་སེམས་ཞེས་བཏགས། །དཔེར་ན་རྒྱ་མཚོ་ཆེན་པོའི་ཆུ་བོ་ནི། །ཕྱོགས་སུ་བབས་ནས་རྒྱ་མཛོར་འདུ་བ་བཞིན། །ཐམས་ཅད་སེམས་ལས་སྐྱེས་ཤིང་སེམས་སུ་འདུས། །རང་གྲོལ་ལྷན་ཅིག་སྐྱེས་པའི་ཡེ་ཤེས་ཡིན། །སེམས་ལས་མ་རྟོགས་སྣོད་བཅུད་འཇིག་རྟེན་མེད། །སངས་རྒྱས་སེམས་ཅན་མེད་ཅིང་འཁོར་འདས་མེད། །ཉོན་མོངས་མེད་ཅིང་དགག་སྒྲུབ་མེད། །སྟོང་དང་མི་སྟོང་རྟོགས་དང་མི་རྟོག་མེད། །གཟུགས་དང་སྒྲ་དང་དྲི་དང་རོ་རེག་མེད། །རིག་དང་མ་རིག་ཡོད་མེད་གང་ཡང་མེད། །སེམས་ཀྱིས་མ་བཟུང་དེ་རྣམས་གང་ཡང་མེད། །སེམས་ཀྱིས་བྱས་པ་ཐམས་ཅད་བྱུང་བ་ཡིན། །དེ་ཕྱིར་རྣམ་རྟོག་སེམས་ཞེས་མིང་དུ་བཏགས། །ཐམས་ཅད་སེམས་ལས་རང་ཤར་རང་གྲོལ་དུ། །དབྱེར་མེད་གཅིག་ཏུ་རིག་ན་རིག་པའི་ཡེ་ཤེས་ཏེ། །དེ་ལ་འཛིན་རྟོག་མེད་པའི་གསལ་བ་དེ། །ཀུན་ལ་ཁྱབ་པའི་ཆོས་སྐུར་མིང་དུ་བཏགས། །ཡོད་ནི་གཅིག་ལས་མེད་པར་ཐེགས་པ་སྣ་ཚོགས་བྱུང་། །སྣ་ཚོགས་བྱུང་ཡང་བྱང་ཆུབ་སེམས་སུ་འདུས། །སེམས་ལ་བསྟན་དུ་དངོས་པོ་མཚན་མ་མེད། །བཞག་དུ་མ་འགགས་ཅིར་ཡང་ཤར་ཅིང་སྣང་། །སྣང་ཙམ་ཉིད་ན་སྣང་བ་རང་སར་གྲོལ། །རང་གྲོལ་རང་བྱུང་ཡིན་ཕྱིར་ཆིག་ཆོད་དུ། །ཐམས་ཅད་སེམས་ལ་རྫོགས་པས་རྫོགས་ཆེན་ཞེས། །དོན་ལ་མཚན་དུ་བཏགས་པ་ཨེ་མ་ཧོ། །ཞེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས། རྩ་བ་དོན་གྱི་ལེའུ་སྟེ་གསུམཔའོ།། །། ་་་ཿ །རངབྱུང་ཡེ་ཤེས་རྡོ་རྗེས་ཡང་གསོལ་པ། ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །རྩ་བ་བྱང་ཆུབ་སེམས་ནི་གཅིག་ཉིད་ལ། །ཐེག་པའི་རིམ་པ་ཇི་ལྟར་བྱུང་བ་ཡིན། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ།ཆུབ་སེམས་དཔའ་ལམ་སྦྱངས་སངས་རྒྱས་སྒྲུབ། །ཀྲི་ཡ་ཨུ་པ་བསྐྱེད་རྫོགས་སངས་རྒྱས་སྒྲུབ། །མ་ཧྭ་ཨ་ནུ་དབྱིངས་དང་ཡེ་ཤེས་སྒྲུབ། །ངོ་བོ་གཅིག་ལ་ཐེག་པ་སྣ་ཚོགས་བྱུང་། །འབྲས་བུ་མི་གཅིག་འདོད་པ་སོ་སོར་སྒྲུབ། །དེ་རྣམས་གཅིག་ཏུ་མ་རྟོགས་བླ་མེད་ཀྱི། །འབྲས་བུ་མི་ཐོབ་སྣང་བའི་ལམ་ཙམ་ཡིན། །མིག་ལྡན་གླང་པོ་ཚོགས་པར་མཐོང་བ་བཞིན། །རྫོགས་ཆེན་ཐམས་ཅད་ཀྱི་ནི་དོན་རྟོགས་པས། །འབྲས་བུ་ཀུན་རྫོགས་ཨ་ཏི་ཆིག་ཆོད་ཡིན། །དེ་ཕྱིར་ཐེག་པའི་མཐར་ཐུག་རྫོགས་ཆེན་པོ། །ཞེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས་ཐེག་པའི་རིམ་པ་བྱུང་ལུགས་བསྟན་པའི་ལེའུ་སྟེ་ལྔ་པའོ།། །ལྒནསྭ། །།རང་བྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །ཐེག་པའི་མཐར་ཐུག་རྫོགས་ཆེན་ཆིག་ཆོད་དོན་ནི་ཇི་ལྟརཡིན། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །ཐེག་པའི་མཐར་ཐུག་ཨ་ཏིའི་དགོས་ཆེད་ནི། །དཔེར་ན་གླེན་པ་གཅིག་གིས་མི་མང་ཁྲོད། །ལྟས་མོ་བྱས་པས་རང་ཉིད་སྟོར་ནས་སུ། །རང་ངོ་མ་ཤེས་གཞན་དུ་མཐོང་བ་བཞིན། །ཐུན་མོང་ཐེག་པ་སྣ་ཚོགས་འདོད་པ་ཡང་ རང་སེམས་སངས་རྒྱས་མ་ཤེས་གཞན་དུ་འཁྲུལ། །སེམས་ལས་མ་གཏོགས་སངས་རྒྱས་གཞན་དུ་འཚོལ། །འཇིག་རྟེན་པ་ནི་ཉོན་མོངས་རང་གར་སྤྱོད། །ཉན་ཐོས་རང་རྒྱལ་སེམས་ཀྱིས་ཉོན་མོངས་སྤངས། །བྱང་ཆུབ་སེམས་དཔའ་ཉོན་མོངས་ལམ་གྱིས་སྤྱོད། །གསང་སྔགས་ཐུན་མོང་ཉོན་མོངས་གཞི་ལས་བསྒྱུར། །གདོད་ཀྱིས་ཇ་མེད་འབྲས་བུ་ཐོབ་པར་འདོད། །སྤང་བླང་ཆོས་ཀྱིས་བསྐལ་པར་བསྒོམས་གྱུར་ཀྱང་། །སེམས་མ་རྟོགས་པས་སངས་རྒྱས་ཐོབ་མི་འགྱུར། །ཐེག་པ་སྣ་ཚོགས་ཐབས་སུ་ཞེན་པས་བསྒྲིབས། །ཨ་ཏི་ཤེས་རབ་ཆེན་པོའི་སྤྱན་མིག་གིས། །ཀུན་ཤེས་ཀུན་རིག་ཆོས་ཀུན་མངོན་པར་རྟོགས། །སྤང་བླང་མེད་དེ་འཁོར་འདས་དབྱེར་མེད་གྲོལ། །དེ་ཕྱིར་བླ་མེད་རྟོགས་ཕྱིར་ཨ་ཏི་དགོས། །ཞེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས། དགོས་ཆེད་དོན་གྱི་ལེའུ་སྟེ་དྲུག་པའོ།། །ཁནཊརྒ༷༷ །།རང་བྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །ཨ་ཏི་མ་རྟོགས་ཐེག་པ་གཞན་རྣམས་ཀྱིས། །ཐབས་སུ་གྲོལ་བས་དོན་ལ་ཇི་ལྟར་བསྒྲིབས། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། །འཁོར་བའི་སེམས་ཅན་རང་སེམས་མ་རིག་འཁྲུལ། །དགེ་བཅུ་སྤྱད་ཅིང་མི་དགེ་བཅུ་སྤངས་ཀྱང་། །ཐད་ཀའི་འབྲས་བུ་ཙམ་ལས་སངས་རྒྱས་མ་མཐོང་བསྒྲིབས། །འཁྲུལ་པ་བཟློག་འདོད་མུ་སྟེགས་ཐེག་པ་ཡིན། །རྟག་ཆད་མཐའ་ལ་ཞེན་པས་དོན་ལ་བསྒྲིབས། །མི་དགེ་སྦྱངས་པས་འབྲས་བུ་ངན་སོང་འགྲོ། །དེ་ཕྱིར་མུ་སྟེགས་ལོག་པའི་ཆོས་སུ་གོལ། །ཉན་ཐོས་རང་རྒྱལ་གཟུང་འཛིན་ཞེན་པས་བསྒྲིབས། །ངན་རྟོག་འགྱུ་བྱེད་རྟོག་པ་འགག་ཙམ་ལས། །རྣམ་མཁྱེན་སངས་རྒྱས་ནམ་ཡང་མི་ཐོབ་གོལ། །དབུ་མ་བདེན་གཉིས་མཐའ་ལ་ཞེན་པས་བསྒྲིབས། །ཚོགས་བསག་སྒྲིབ་སྦྱངས་བསྐལ་པར་འབད་བྱས་ནས། །ས་ལམ་རྟོགས་འདོད་སངས་རྒྱས་རེ་བས་འགྱངས། །ཀྲི་ཡོག་བསྙེན་བསྒྲུབ་མཐའ་ལ་ཞེན་པས་བསྒྲིབས། །དོན་དམ་རྟོགས་ནས་ཀུན་རྫོབ་བསྒོམས་པས་གོལ། །ཀུན་རྫོབ་མ་གྲོལ་བར་དུ་སངས་མི་རྒྱ། །མ་ ཧྭ་ཨ་ནུ་དབྱིངས་རིག་མཐའ་ཞེན་བསྒྲིབས། །གཉིས་མེད་དོན་ལ་གཉིས་སུ་ཕྱེ་བས་གོལ། །གཉིས་མེད་གཅིག་ཏུ་མ་གྱུར་སངས་མི་རྒྱ། །ཨ་ཏི་མཐའ་ཡས་ཕྱོགས་ཆ་ཅན་དུ་གོལ། །ཐམས་ཅད་རང་སེམས་འཁོར་འདས་དབྱེར་མེད་ལ། །སྤང་བླང་བྱེད་པའི་ཐེག་པས་འཁོར་བར་འཁྱམས། །ཐིག་ལེ་ཉག་གཅིག་རྩོལ་མེད་ལྷུན་གྲུབ་ལ། །ས་ལམ་རྩི་བའི་རྨོངས་པ་དོན་ལ་གཡེལ། །སངས་རྒྱས་དགོངས་པ་བློ་ལས་འདས་པ་ལ། །དམིགས་སྟོང་མཚན་མའི་བཟླས་སྒོམ་བྱེད་པ་འཁྲུལ། །དེ་ཕྱིར་གཞན་གྱིས་མ་རྟོགས་བླ་ན་མེད། །རྒྱུ་མེད་རྐྱེན་གྱིས་མ་བྱུང་ཨ་ཏི་སྲ །ཀུན་ཤེས་རྩིས་གདབ་པ། །རྫོགས་ཆེན་ཆིག་ཆོད་བྱང་ཆུབ་སེམས་ཉིད་དེ། །མ་རྟོགས་རྟོགས་ཕྱིར་མན་ངག་དོན་གྱིས་བཤད། །དཔེར་ན་རྒྱ་མཚོའི་ནོར་བུ་ལེན་པ་ལ། །དེད་དཔོན་མཁས་པ་མ་བརྟེན་མི་ལོན་བཞིན། །འདིར་ཡང་བླ་མ་མ་བརྟེན་དོན་མི་རྟོགས། །བླ་མ་སངས་རྒྱས་ཐམས་ཅད་འདུས་པའི་སྐུ། །ཆོས་སྒོ་བརྒྱད་ཁྲི་བཞི་སྟོང་བླ་མའི་གསུང་། །ཆོས་ཉིད་ཡངས་པའི་ཐུགས་རྗེས་ཀུན་ལ་ཁྱབ། །བླ་མ་མེད་པའི་སངས་རྒྱས་ཆོས་མ་བྱུང་། །དེ་ཕྱིར་བླ་མ་མཆོག་ལ་བརྟེན་པས་འགྲུབ། །ཆོས་སྐུའི་ངང་ནས་གྲོལ་ལ་ཕན་གདགས་ཕྱིར། །རང་སྣང་མ་དག་གདུལ་བྱའི་སྣང་བ་མྲ །གཟུགས་སྐུར་བྱོན་ནས་དེ་ཡིས་སྣང་བར་མཛད། །ངེས་མེད་སྣ་ཚོགས་རང་གིས་རྟོག་པ་ལ། །སྔ་མའི་སྐྱོན་ལ་མི་བལྟ་ཡོན་ཏན་བསམ། །སྐུ་ཡིས་ཅི་མཛད་ལེགས་པ་ཉིད་དུ་བལྟ། །ཅི་གསུང་བདེན་པར་བཀའ་བཞིན་རྗེས་སུ་སྒྲུབ། །ཅིར་དགོངས་ཐམས་ཅད་མཁྱེན པར་ཡིད་ཆེས་བྱ། །དངོས་པོ་རྟོག་པ་ཞེན་མེད་མ་ལུས་དབུལ། །སྒོ་གསུམ་སྲོག་ལ་མི་བལྟ་བླ་མའི་ཕྱོགས། །ཅི་མཉེས་ཞབས་ཏོག་བྱས་ཤིང་ཕུལ་བ་ཡིས། །སངས་རྒྱས་ཆོས་རྗེས་དུས་འདིར་འཛིན་པར་འགྱུར། །བླ་མ་ལ་ལོག་དམ་ཉམས་བདུད་ཀྱི་བུ། །ཚེ་འདིར་བར་ཆོད་ས་ཕྱོགས་བཀྲ་མི་ཤིས། །མནར་མེད་སེམས་ཅན་རྡོ་རྗེ་དམྱལ་བར་འགྲོ། །དེ་བས་བླ་མ་གུས་པས་བརྟེན་བྱས་པས། །ཙསྡོན་ག་བུར་རེག་པས་དྲི་འགོ་ལྟར། །བརྟེན་ཅིང་གུས་པ་ཙམ་གྱིས་བྱིན་རླབ་འབྱུང་། །རང་བྱུང་ཆོས་ཉིད་དོན་དེ་རྩོལ་མེད་འཆར། །བཅུད་ལྡན་བླ་མས་མན་ངག་གནད་ལྡན་ནི། །སྣོད་ལྡན་སློབ་མ་སྐྱེ་ཤིས་འཇིགས་པ་ཡིས། །འཇིག་རྟེན་འཁོར་བའི་ཆོས་ལ་རྒྱབ་ཀྱིས་ཕྱོགས། །གཅིག་གམ་བདུན་ནམ་དགུ་ལས་མང་མི་རུང་། །ཟང་ཟིང་བྱ་བ་ཐམས་ཅད་བློས་སུ་བསྒྱུར། །མི་མེད་དུར་ཁྲོད་རི་ཕུག་དབེན་པ་སྲ །མི་རྟག་སྐྱོ་ཤས་སྐྱེ་བའི་ཆོས་བཤད་ལ། །ཐབས་ཀྱིས་མན་ངག་ཤེས་རབ་དོན་རྟོགས་བྱ། ཁྲེས་རབ་མན་ངག་ཐབས་ཀྱི་དོན་རྟོགས་བྱ། །གཉིས་སུ་མ་ཡིན་མཐའ་བྲལ་ཡེ་ཤེས་ཆེ། །དཔེར་ན་ཝ་ལ་དྲངས་པའི་ཆུ་བཞིན་དུ། །རྫོགས་ཆེན་ས་ལ་འཆུགས་ཐབས་མེད་པ་ཡིན། །སྔོན་འགྲོའི་མན་ངག་སེམས་ཉིད་སྲང་དུ་གཞུག །སྤྲིན་མེད་མཁའ་ལ་ཉི་མ་ཤར་བ་བཞིན། །ཆོས་ཉིད་དོན་དེ་མངོན་གསུམ་གསལ་བ་ཡིན། །དངོས་གཞིའི་མན་ངག་སེམས་ཉིད་གཏན་ལ་དབབ། །མགྲོན་པོ་ལམ་ནས་རང་ཡུལ་སླེབས་པ་བཞིན། །རྗེས་ཀྱི་མན་ངག་འབྲས་བུ་ལ་བཟླ་བའི། །ཐོག་མ་བར་དང་མཐར་དགེ་ཆོས་སྤྱོད་པས། །རྫོགས་ཆེན་བྱར་མེད་ལྷུན་གྲུབ་མངོན་སངས་རྒྱས། །ཞེས་བཀའ་སྩལ་ཏོ། །རྫོགསཆེནཆིགཆོདཀུན་གྲོལ་རྒྱལ་པོའི་རྒྱུད་ལས། མན་ངག་གནད་དོན་མདོར་བསྡུས་ཀྱི་ལེའུ་སྟེ་བརྒྱད་པའོ།། །།ཧ་༷༷ །།རང་བྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །མན་ངག་གནད་ཀྱི་དོན་གསུམ་བསྟན་པ་ལ། །ཐོག་མར་སྔོན་འགྲོ་གནད་ཀྱིས་ཇི་ལྟར་སྟོན །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། །དང་པོ་སྔོན་འགྲོ་ཐུན་མོང་ཁྱད་པར་གཉིས། །ཐུན་མོང་སྔོན་འགྲོ་སྐྱབས་ཡུལ་བླ་མ་ལ། །བདག་གཞན་བླ་མེད་འབྲས་ཐོབ་བསམ་པ་ཡིས། །སྒོ་གསུམ་གུས་པའི་དད་པ་ཞེ་ཐག་པས། །བདེ་གཤེགས་མ་ལུས་ཐམས་ཅད་འདུས་པའི་སྐུ། །སྔ་མ་སངས་རྒྱས་འགྲོ་མགོན་སྐྱབས་མཆོག་ལ། །བདག་སོགས་སེམས་ཅན་སངས་རྒྱས་མ་ཐོབ་བར། །ལུས་ངག་ཡིད་གསུམ་གུས་པས་སྐྱབས་སུ་མཆི། །ཞེས་པས་ཚིག་དོན་སྐྱབས་འགྲོ་གསོལ་འདེབས་བྱ། །བར་ཆོད་སེལ་ཞིང་བྱིན་རླབ་འཇུག་པ་ཡིན། །འགྲོ་དྲུག་གནས་པའི་མ་རྒན་སེམས་ཅན་ལ། །བདག་གཞན་བདེ་སྡུག་བརྗེ་བའི་སྙིང་རྗེ་ཡིས། །བདེ་ཐོབ་སྡུག་བསྔལ་བྲལ་ནས་སངས་རྒྱས་པར། །བྱའོ་མཉམ་པའི་བྱང་ཆུབ་སེམས་མཆོག་བསྐྱེད། །རང་འདོད་གྲོལ་ནས་གཞན་ཕན་འགྲོ་དོན་འབྱུང་། །གཉིས་པ་ཁྱད་པར་སྔོན་འགྲོ་ལུས་ངག་ཡིད་གསུམ་གྱི། །འཁོར་འདས་རུ་ཤན་འབྱེད་པའི་མན་ངག་ནི། །ལུས་ཀྱི་རུ་ཤན་འབྱེད་པ་ཕྱག་བསྐོར་དང་། །རྡོ་རྗེ་སྐྱིལ་ཀྲུང་བྱས་ལ་གྲིམས་ཀྱིས་སྒྲིམ། །དེས་ནི་འཁོར་བའི་ལུས་ལ་ཞེན་ལོག་སྐྱེ། །ངག་གི་རུ་ཤན་འབྱེད་པ་ཧུ།་ཕཊ་དང་། །མི་སྨྲ་བརྗོད་མེད་ལྐུགས་པ་རླུད་དྲག་བཟུང་། །དེས་ནི་འཁོར་བའི་ངག་ལ་ཞེན་པ་ཟློག །ཡིད་ཀྱི་རུ་ཤན་འབྱེད་པ་སྐྱོ་ཤས་དང་། །དམིགས་པ་གཏན་པའི་འབེན་ལ་མ་ཡེངས་བྱ། །དེས་ནི་འཁོར་བའི་ཡིད་ལ་ཞེན་ལོག་སྐྱེ། །གྲིམས་ཀྱིས་བསྒྲིམས་པས་འཁོར་བའི་སྡུག་བསྔལ་ཡིན། །དེ་ཡིས་འཁོར་བའི་རུ་ཤན་ཕྱེད་པ་ཡིན། །དེ་ནས་ལུས་ཀྱི་ངལ་བ་བྱ་བྱེད་སྤང་། །བྱར་མེད་ངང་དུ་ལུས་ཀྱི་འཛིན་པ་སྟོར། །འཛིན་པ་བྱུང་ཚེ་ལུས་ལ་བདེ་བ་སྐྱེ། །ངག་གི་ངལ་བ་སྨྲ་བརྗོད་ཐམས་ཅད་སྤང་། །བརྗོད་མེད་ངང་དུ་ངག་གི་འཛིན་པ་སྟོང་། །ཡིད་ཀྱི་ངལ་བ་དམིགས་གཏད་ཐམས་ཅད་སྤང་། །དམིགས་མེད་ངང་དུ་ཡིད་ཀྱི་འཛིན་པ་སྟོར། །ལུས་ངག་ཡིད་གསུམ་བདེ་བར་ངང་གིས་འགྲོ། །ལྷོད་ཀྱིས་སློད་པ་མྱང་འདས་བདེ་བ་སྟེ། །སློད་པས་གྲོལ་བས་མྱང་འདས་རུ་ཤན་ཕྱེ། །དེ་ཡིས་གང་ཟག་ཚོགས་རྫོགས་བྱིན་རླབས་འཇུག །གྲིམས་གྱིས་བསྒྲིམས་ལ་ལྷོད་ཀྱིས་སློད་པ་ཡིན། །འཁོར་འདས་གཉིས་ཀྱི་བདེ་སྡུག་རུ་ཤན་ཕྱེད། །མན་ངག་གནད་ཀྱི་ཆིག་ཆོད་ཚིག་གཅིག་ཡིན། །ཅེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས། མན་ངག་སྔོན་འགྲོའི་ལེའུ་སྟེ་དགུ་པའོ།། །། ་་་རྩི །།རང་བྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །དེ་ལྟར་སྔོན་འགྲོའི་མན་ངག་རྫོགས་བྱས་ནས། །དངོས་གཞི་གནད་ཀྱི་མན་ངག་ཇི་ལྷར་སྟོན། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། དངོས་གཞིའི་གནད་ཀྱི་མན་ངག་དོན་ལ་ནི། །དབང་བཞིའི་བརྡའ་བསྟན་སྣང་བའི་ཉམས་བཞི་འཆར། །ཉམས་ལེན་གནད་བཞིས་རྟོགས་པའི་ངོ་སྤྲད་པས། །གྲོལ་བའི་འབྲས་བུ་སྐུ་བཞི་ལྷུན་གྲུབ་སྟེ། །དབྱེར་མེད་ཟང་ཐལ་ཡང་གསང་ཆིག་ཆོད་དོན། །མིང་ཚིག་ཐ་སྙད་ཀུན་ལས་འདས་མོད་ཀྱང་། །མིང་ཚིག་བརྡ་ཡིས་མ་བསྟན་མི་གོ་བས། །དེ་ཕྱིར་གང་ཟག་རབ་འབྲིང་ཐ་མ་ལ། །བརྡ་དང་གནད་ཀྱི་མན་ངག་ཚིག་གིས་བསྟན། །གང་ཟག་རབ་ལ་བརྡ་ཡིས་བསྟན་པ་ནི། །སྣང་བ་ཐམས་ཅད་སེམས་ལས་བྱུང་བ་སྟེ། །སེམས་ཉིད་ཆིག་ཆོད་རྟོགས་ཕྱིར་བླ་མ་ལ། །སྤྲོས་བཅས་སྣང་བའི་དབང་བསྐུར་ཞུ་ཞེས་པས། །ཉི་མ་འཆར་ཁའི་དུས་སུ་གསོལ་བ་གདབ། །བླ་མ་ཉི་མ་འཆར་ཁར་མཎྜལ་བཤམ། །པདྨ་འདབ་བརྒྱད་ལྟེ་བ་གཅིག་པ་ལ། །ཚོན་སྣ་ལྔ་ཡིས་མུ་ཁྱུད་མཛེས་པ་བྲི། །དེ་ཡི་དབུས་སུ་བུམ་པ་ཁ་རྒྱན་ཅན། །མེ་ཏོག་མཛེས་པ་ཚོགས་གཏོར་མཆོད་ཡོན་བཤམ། །བླ་མ་དཀོན་མཆོག་ཌའསྐི་མཉེས་པར་བྱ། །དེ་ནས་སློབ་མས་གོས་གོན་ཕྱག་བཙལ་ལ། །ཐལ་མོ་སྦྱར་ཏེ་གསོལ་བ་འདི་སྐད་གདབ། །ཨེ་མ་ཧོ། །ཀུན་བཟང་བླ་མ་སྤྲུལ་པའི་སྐུ་མཆོག་ལ། །དེང་ནས་བཟུང་སྟེ་གུས་པས་གསོལ་བ་འདེབས། །སྣང་བ་བདེ་ཆེན་སྤྲོས་བྲལ་དཀྱིལ་འཁོར་དུ། །རིག་པ་མངོན་སུམ་རྟོག་པའི་དབང་བསྐུར་ཞུ། །ཞེས་པས་ལན་གསུམ་བར་དུ་གསོལ་བ་གདབ། །དེ་ནས་སྔ་མས་དད་ལྡན་རིགས་ཀྱི་བུ། །རྫོགས་ཆེན་ཆོས་ལ་འཇུག་པར་སྤྲོ་ལགས་སམ། །སྤྲོ་ལགས་ཞེས་སློབ་མས་ལན་དུ་གདབ་པར་བྱ། །དེ་ནས་སློབ་མའི་དམ་བཅའ་དབོག་པ་ནི། ཁྱོད་ཀྱི་འཁོར་བ་བློ་ཡིས་བཏང་ནས་སུ། །བྱར་མེད་མངོན་སུམ་དོན་ལ་མ་ཡིན་པར། །རང་བྱུང་དཀྱིལ་འཁོར་བལྟ་བར་དམ་ཆོས་ཤིག །དེ་ལས་འགལ་ན་ཁྱོད་ཉིད་རླག་པར་འགྱུར། །ཅེས་པས་རྡོ་རྗེ་བདུད་རྩིའི་མནའ་ཆུ་བླུད། །དམ་ལས་འགལ་ན་བདུད་ལ་མ་འགལ་སྨན། །དེས་ན་བདུད་རྩི་བ་་ལ་དམ་བཅའོ། །དེ་ནས་དཀྱིལ་འཁོར་བསྟན་ལ་ཅི་འདུག་དྲི། །བག་ཆགས་རྗེས་མ་འབྲེངས་ན་སྣང་བ་གྲོལ། །རྩེ་གཅིག་མིག་གིས་དཀྱིལ་འཁོར་འདི་ལ་ལྟོས། །བརྡ་ཡི་དོན་ལ་ངོ་སྤྲོད་བྱ་བ་ནི། །ལྟེ་བ་གཅིག་ལས་གྱེས་པའི་པད་འདབ་བརྒྱད། །རྣམ་ཤེས་ཚོགས་བརྒྱད་སེམས་ལས་བྱུང་བའི་བརྡ། ཁ་དོག་དཀར་དམར་སྣ་ཚོགས་བྱུང་བ་འདི། །སྣང་བ་མ་འགགས་ཅིར་ཡང་འཆར་བའི་བརྡ། །དེ་ཡི་དཀྱིལ་འཁོར་དུ་མ་འབྱུང་བ་ནི། །བྱང་ཆུབ་སེམས་ལས་ཐམས་ཅད་བསྐྱེད་པའི་བརྡ། །ནང་དུ་བུམ་རྫས་སྣ་ཚོགས་བླུགས་པ་ནི། །རྣམ་རྟོག་སྣ་ཚོགས་སེམས་སུ་འདུས་པའི་བརྡ། ཁ་རྒྱན་མེ་ཏོག་མཆོད་གཏོར་བཤམས་པ་ནི། །སྣང་བ་སེམས་ཀྱི་ལོངས་སྤྱོད་བརྡ་རུ་བསྟན། །དེ་ནས་བླ་མས་བུ་ཁྱོད་སུ་ཡིན་དྲི། །ང་ནི་སྐལ་ལྡན་རིགས་ཀྱི་བུ་ཡིན་བྱ། ཁྱོད་ཀྱིས་གོས་འདི་ཅི་ལ་གོན་པ་ཡིན། །ལུས་ལ་གོན་ཟེར་གོན་པ་ཅི་ལ་བརྟེན། །དྲིས་པས་ལུས་ལ་བརྟེན་ནས་བྱུང་བར་ཞེས། །དེ་བཞིན་སྣང་ བ་འདི་ཡང་སེམས་ལས་བྱུང་། །སྣང་བ་སྣ་ཚོགས་འདུག་ཀྱང་སེམས་སུ་གཅིག །དེ་ལྟར་སེམས་ཀྱི་དོན་དེ་རིག་པར་གྱིས། །ཞེས་པས་བརྡ་བསྟན་དབང་བསྐུར་བྱ་བ་ནི། །ཧུ༷་ཧུ༷་ཧུ༷་ཧུ༷་ཧུ༷། སྐྱེ་མེད་ཆོས་སྐུའི་དཀྱིལ་འཁོར་ཀློང་ཡངས་སུ། །འགག་མེད་སྣང་བ་བུམ་པའི་ལྷ་ཚོགས་ཀྱིས། །མངོན་སུམས་ཞལ་སྟོན་རྡོ་རྗེ་ལུ་གུ་རྒྱུད། །སྣང་བ་དབང་དུ་འདུས་པར་བྱིན་གྱིས་རློབས། །ཞེས་པས་སྤྲོས་བཅས་བརྡ་ཡི་དབང་བསྐུར་བས། །སློབ་མས་ཡོན་དབུལ་དགའ་སྟོན་ཆེན་པོ་བྱ། །སྣ་ཚོགས་གཅིག་ཏུ་རྟོགས་ཕྱིར་བླ་མ་ལ། །རྟ་དང་གླང་པོ་རིན་ཆེན་འབྲུ་སོགས་དབུལ། །ནོར་མཆོག་ཕུལ་བས་དོན་མཆོག་རྟོགས་པར་འགྱུར། །གང་ཟག་འབྲིང་པོ་བརྡ་ཡིས་མ་གྲོལ་ན། །ལྟ་བ་ཆིག་ཆོད་གནད་ཀྱི་མན་ངག་ནི། །ལུས་གནད་འདུག་སྟངས་རྡོ་རྗེ་སྐྱིལ་ཀྲུང་བྱ། །ག་་མའི་གནས་ལུགས་རྟོགས་ཕྱིར་དྲང་པོ་གཅེས། །ངག་གི་རླུད་སྟངས་མི་སྨྲ་དལ་བར་བྱ། །འཁྲུལ་བའི་སྣང་བ་གྲོལ་ཕྱིར་བརྗོདམེདགཅེས། །ཡིད་ཀྱི་ལྟ་སྟངས་རིག་པ་མིག་ལ་གབ། །མངོན་སུམ་མཐོང་ཕྱིར་ནམ་མཁའི་དབྱིངས་ལ་བལྟ། །བལྟ་རུ་མེད་པའི་ལྟ་བ་ཆེན་པོ་སྟེ། །མི་སྐྱེ་མི་འགག་ནམ་མཁའི་ངོ་བོ་ཉིད། །ཕྱི་ཡི་ནམ་མཁའ་དག་པའི་ཡེ་དྭངས་དང་། །ནང་གི་སེམས་ཉིད་དག་པའི་རང་དྭངས་དང་། །བར་གྱི་རྩལ་མ་དག་པའི་ངང་དྭངས་གསུམ། །དབྱེར་མེད་འདྲེས་ནས་ནམ་མཁའ་ལྟ་བུ་སྲ །མཐོང་བ་ཆོས་ཉིད་མངོན་སུམ་སྣང་བ་ཡིན། །གསུམ་རིག་དོན་གསུམ་ཐེ་ཚོམ་མེད་པ་ཡིས། །རིག་པ་རང་གསལ་རྡོ་རྗེ་ལུ་གུ་རྒྱུད། །མཐོང་སྣང་དེ་ལྟར་ཤེས་པའི་ཉམས་མྱོང་དུ། །འབྱུང་བཞི་ཐམས་ཅད་ནམ་མཁའི་ངང་ལས་བྱུང་། །ནམ་མཁའ་ལ་ནི་འབྱུང་བ་ཐམས་ཅད་དག །དག་པའི་ནམ་མཁའ་ཕྱི་ཡི་སེམས་སུ་རིག །དུག་ལྔ་ཐམས་ཅད་རང་གི་སེམས་ལས་བྱུང་། །སེམས་ཉིད་ལ་ནི་དུག་ལྔ་ཐམས་ཅད་དག །དག་པའི་ཡིད་དེ་ནང་དུ་སེམས་སུ་རིག །སྣང་བ་ཐམས་ཅད་སྐུ་ལྔའི་ལམ་ལས་བྱུང་། སྒོ་ལྔའི་ལམ་ནི་ལུས་ཀྱི་སྙིང་རྩར་འདུས། །དག་པའི་རྩ་སྒོ་བར་གྱི་སེམས་སུ་རིག །དེ་ལྟར་ཕྱི་ནང་གསང་གསུམ་གཅིག་ཏུ་རིག །སྣང་རིག་སེམས་གསུམ་དབྱེར་མེད་གཅིག་ཏུ་རྟོགས། །མ་རྟོགས་ཞགྲུལ་པ་སེམས་ལས་གསུམ་དུ་བཟུང་། །ཕྱི་ཡི་སྣང་བ་ནང་གི་འཛིན་མཁན་སེམས། །བར་གྱི་ལུས་ལ་སྒོ་ལྔར་བལྟས་པས་འཁྲུལ། །འཁྲུལ་པའི་རྟོག་པས་གསུམ་དུ་ཕྱེད་གྱུར་ཀྱང་། །སེམས་ཉིད་གཅིག་ལས་གཞན་གྱི་བར་ཆད་མེད། །ཕྱི་ནང་གསང་གསུམ་དབྱེར་མེད་འདྲེས་པ་ལས། །རིག་པ་རྡོ་རྗེ་ལུ་གུ་རྒྱུད་ཅེས་བཏགས། །ངོ་བོ་ཆོས་ཉིད་ཡིན་ཏེ་མངོན་སུམ་དུ། །གསལ་བས་ཆོས་ཉིད་མངོན་སུམ་རྟོགས་པའོ། །དེ་ཡི་དོན་ལ་མ་ཡེངས་ལྟ་བ་ཡིན། །ཡང་དག་ཉིད་ལ་ཡང་དག་ལྟ་བ་སྟེ། །ཡང་དག་མཐོང་ན་རྣམ་པར་གྲོལ་བའོ། །དེ་ཉིད་གཏན་ལ་ཕེབས་པའི་རྟགས་ཚད་ནི། །དངོས་ཀྱི་རྟགས་སུ་ལུས་ངག་ཡིད་གསུམ་ལ། །རང་གཞན་ཀུན་གྱིས་མཐོང་བའི་ཞེན་ལོག་སྐྱེ། །ཚེ་འདིའི་ལུས་དང་བྱ་བ་བློས་སུ་གཏོང་། །ངག་གིས་མི་སྨྲ་ལྐུགས་པ་ལྟ་བུར་འགྱུར། །ཡིད་ནི་འཁོར་བའི་ཆོས་ལ་སྐྱོ་ཤས་སྐྱེ། །བླ་མ་རྗེས་སུ་དྲན་ཅིང་འགྲོ་ལ་སྙིང་རྗེ་འཆར། །རྒྱུ་འབྲས་ཡིད་ཆེས་སྡིག་སྤང་དགེ་བ་སྒྲུབ། །ཉམས་རྟོགས་ལུས་པོ་ཡང་དུ་སོང་བ་དང་། །ངག་གི་དབུགས་ནི་རྒྱུ་བ་མི་དྲན་དང་། །ཡིད་ལ་མཐོང་ཐོས་དྲན་རིག་ཐམས་ཅད་པ། །རང་སེམས་ནམ་མཁའ་ལྟ་བུའི་དོན་འདི་ཡིན། །སྙམ་པ་རང་གི་ཤེས་པའི་རྟགས་ལའང་། །སྣང་སེམས་ཆོས་ཉིད་དོན་ལ་འབྱོར་པའི་ཚད། །མཐོང་བའི་ལྟ་བ་རང་རིག་མངོན་སུམ་དོན། །དབྱིངས་རིག་གཉིས་མེད་ནམ་མཁའི་ཀློང་ན་གསལ། །དེ་ལ་སྣང་བ་མི་འགྲོ་མཐོང་སྣང་ཚད། ཁོ༑ས་པའི་རྟགས་ནི་སྣང་སྲིད་ཐམས་ཅད་ཀུན། །རང་གི་སེམས་སུ་རིག་ཅིང་སེམས་ཉིད་ནི། །རིག་ཅིང་གསལ་བས་ནམ་མཁའ་ལྟ་བུར་རྟོགས། །རྨི་ལམ་དུ་ཡང་བཟུང་ན་ཟིན་པ་ནི། །སྣང་བ་སེམས་སུ་གཏན་ཕེབས་ལོ་བདུན་ན། །ཕུང་པོ་མི་སྣང་ལྷག་མེད་སངས་རྒྱས་འཐོབ། །རྨི་ལམ་མི་ཟིན་སེམས་སུ་ཤེས་ཙམ་ལ། །བར་དོ་དང་པོ་ལ་ནི་གྲོལ་བར་འགྱུར། །དོན་ལ་འགྱུར་ལྡོག་མེད་ན་ཚད་ལ་ཕེབས། །སྣང་བ་དབང་དུ་འདུས་པས་སྤྲུལ་སྐུ་ཡིན། །ཡིད་དཔྱོད་སངས་རྒྱས་མི་རེ་མངོན་སུམ་ཨེ་མ་ཧོ། །སྣང་བ་ཐམས་ཅད་རང་སེམས་ཡིན་པ་ལ། །གང་ཟག་ཐ་མ་གནད་ཀྱིས་མ་གྲོལ་ན། །མན་ངག་ཚིག་ཏུ་བཀྲོལ་ནས་བསྟན་པ་ནི། །དངོས་པོ་གཤིས་ཀྱི་གནས་ལུགས་མ་མཐོང་བས། །སྣང་བ་སེམས་སུ་མ་ཤེས་འཁོར་བར་གོལ། །རང་སེམས་སངས་རྒྱས་མ་རྟོགས་མྱང་འདས་བསྒྲིབས། །འཁོར་འདས་གཉིས་ལ་རིག་དང་མ་རིག་གིས། །སྐད་ཅིག་གཅིག་གི་བྱེ་བྲག་བར་ལས་མེད། །རང་གི་སེམས་ལ་གཞན་དུ་མཐོང་བས་འཁྲུལ། །འཁྲུལ་པ་དེ་ཉིད་སེམས་སུ་མ་རིག་ན། །ཆོས་ཉིད་དོན་དེ་ནམ་ཡང་མ་རྟོགས་པས། །ལྟ་བ་ཞབྲུལ་པས་སེམས་ཀྱི་ཕུ་དག་དཀྲུགས། །རང་བྱུང་རང་ཤར་རང་གིས་རང་ལ་བལྷ། །སྣང་བ་འདི་དག་དང་པོ་གང་ལས་བྱུང་། །བར་དུ་གང་ན་གནས་ཤིང་མཐར་གར་འགྲོ། །བལྟས་པས་དཔེར་ན་གཟིངས་ཀྱི་བྱ་རོག་གིས། །གཟིངས་ནས་ཕུར་ནས་གཟིངས་སུ་ལོག་པ་བཞིན། །སྣང་བ་སེམས་ལས་ཤར་ཞིང་སེམས་སུ་གྲོལ། །སེམས་ཉིད་ཀུན་ཤེས་ཀུན་རིག་དྲི་མེད་འདི། །གསལ་སྟོང་ནམ་མཁའ་ལྟ་བུར་གདོད་མ་ནས། །རང་བྱུང་ཡེ་ཤེས་མངོན་སུམ་གསལ་བ་སྲ །གཏན་ལ་ཕེབས་ན་དེ་ཀ་ཆོས་ཉིད་ཡིན། །ཡེངས་སུ་མེད་ཀྱི་དེ་ཀའི་ངང་ལ་ཞོག །སྣང་བ་སེམས་ཀྱི་ངང་དུ་ལྟས་མོ་ལྟོས། །བལྟས་པས་མ་མཐོང་བཞག་པས་མ་ཞོགས་པ། །ནམ་མཁའ་ལྟ་བུའི་ཆོས་ཉིད་རང་ངོ་སྤྲད། །དེ་ལྟར་མ་རྟོགས་ཞབྲུལ་པའི་སྣང་བ་བྱུང་། །དཔེར་ན་སྐྱེས་བུ་གཉིད་ལོག་རྨི་ལམ་ན། །སྐྱེས་པ་བུད་མེད་བདེ་སྡུག་ལོངས་སྤྱོད་སྣང་། །གཉིད་སད་དུས་ན་རང་སེམས་ཡིན་པར་ཤེས། །དེ་བཞིན་སྣང་སྲིད་མ་ལུས་ཐམས་ཅད་ཀུན། །རང་སེམས་རྨི་ལམ་ལྟ་བུར་འཁྲུལ་པར་ཤར། །ཤར་ཡང་སེམས་ལས་ལོགས་ན་སྣང་བ་མེད། །དོན་ལ་རྨི་ལམ་ལྟ་བུ་ཡིན་པ་ལ། །མེད་བཞིན་མངོན་སུམ་ལོག་པར་བལྟས་པ་ཡིན། །དཔེར་ན་མཐོ་མི་ཐག་པ་སྦྲུལ་དུ་མཐོང་། །མཐོང་བ་ཙམ་གྱིས་དངངས་སྐྲག་བརྒྱལ་བར་བྱེད། །བརྟགས་ཤིང་དཔྱད་ན་མཐོ་དང་ཐག་པར་ཤེས། །སེམས་ལ་སེམས་ཀྱིས་སྐྲག་པ་འཁྲུལ་སྣང་སེམས། །དཔེར་ན་རླུད་མཁྲིས་བད་ཀན་མིག་སྐྱོན་གྱིས། །བར་སྣང་སྟོང་པར་སྐྲ་འཛིངས་སྣང་བ་བཞིན། །རང་སེམས་མ་རྟོགས་ཉོན་མོངས་ལས་རྐྱེན་དབང་། ཁམས་གསུམ་སྣོད་བཅུད་རིགས་དྲུག་སྡུག་བསྔལ་གྱིས། །མ་དག་སྣང་བར་ངན་རྟོག་སྣ་ཚོགས་ཤར། ་ར་ཡང་སེམས་ལས་ལོགས་ན་གྲུབ་པ་མེད། །སེམས་ལ་སེམས་ཀྱིས་ངན་པར་བཟུང་བ་ཡིན། །དཔེར་ན་རླུད་དང་ཉི་ཟེར་ཆར་རྒྱུན་ལས། །བར་སྣངའཇའཚོནགསལབརསྣངབབཞིན། །རངགི་ཚོགས་གཉིས་བསགས་པའི་བསམ་པ་ཡིས། །རྒྱལ་བའི་ཞིང་ཁམས་ལྷ་དང་ལྷ་མོ་སྲ །དག་པའི་སྣང་བ་བཟང་རྟོག་སྣ་ཚོགས་འབར། ཁྲར་ཡང་སེམས་ལས་ལོགས་ན་གྲུབ་པ་མེད། །སེམས་ལས་སེམས་ཀྱིས་བཟང་པོར་བྱས་པ་ཡིན། །དོན་ལ་སྣང་བ་དངོས་པོ་གྲུབ་པ་མེད། །དཔེར་ན་ཆུ་ཟླ་མེ་ལོང་གཟུགས་བརྙན་ལ། །སྣང་ཡང་དེ་ལ་དངོས་པོ་མེད་པ་བཞིན། །རང་སེམས་མ་འགགས་སྣང་བ་ཅི་ཤར་ཡང་། །དངོས་པོ་དཀྲུག་པ་ཅི་ཡང་མེད་པ་ཡིན། །དངོས་པོ་མེད་བཞིན་ཡུན་རིང་ཨ་འཐས་པས། །ས་རྡོ་རི་བྲག་ལ་སོགས་བེམ་པོར་སྣང་། །སྣང་ཙམ་ཉིད་ན་དོན་ལ་བདེན་མེད་རྫུན། །དཔེར་ན་སྒྱུ་མ་མཁན་གྱི་སྒྱུ་མའི་གཟུགས། །སྤྲུལ་པ་སྣ་ཚོགས་སྟོན་ཡང་རྫུན་པ་བཞིན། །སྣང་བ་ཀུན་རྫོབ་ཆོས་འདི་སྣ་ཚོགས་ཀྱང་། །གཅིག་ཀྱང་བདེན་པར་མ་གྲུབ་འཇིགས་པ་ཡིན། །དེས་ན་སྣང་སྲིད་འཁོར་འདས་ཐམས་ཅད་ཀུན། །རང་གི་སེམས་ཉིད་གཅིག་གི་མཐོང་སྣང་ཡིན། །གང་ཚེ་རང་གི་སེམས་རྒྱུད་འགྱུར་ཙམ་ན། །ཕྱི་རུ་འགྱུར་བ་དེ་ཡི་མཐོང་སྣང་འབྱུང་། །དེས་ན་ཐམས་ཅད་སེམས་ཀྱི་མཐོང་སྣང་སྟེ། །རིགས་དྲུག་རྣམས་ཀྱིས་སོ་སོའི་ལས་སུ་མཐོང་། །མུ་སྟེགས་པ་ཡིས་རྟག་ཆད་གཉིས་སུ་མཐོང་། །ཐེག་པ་རིམ་དགུས་རང་རང་ཐེག་པར་མཐོང་། །སྣ་ཚོགས་མཐོང་ཞིང་སྣཚོགསམིགཅིགཔ། །ཐ་དད་བཟུང་བས་ཆགས་སྡང་འཁོར་བར་འཁྲུལ། །རྟོག་ཚོགས་ཉོན་མོངས་ལས་ཀྱིས་སེམས་དཀྲུགས་ཤིང་། །དེ་ཉིད་མ་ཤེས་སྡུག་བསྔལ་འདམ་དུ་བྱིང་། །སྣང་བ་ཐམས་ཅད་སེམས་སུ་རིག་པ་ན། །མཐོང་སྣང་ཤར་ཡང་འཛིན་མེད་སངས་རྒྱས་ཡིན། །དེས་ན་སྣང་བ་སེམས་སུ་ཕུ་ཐག་ཆོད། །སྣང་བ་སེམས་སུ་གཞི་རྩ་མ་ཆོད་ན། །སྡོང་པོའི་ཡལ་ག་བཅད་ཀྱང་ཡལ་ག་སྐྱེ། །རྩ་བ་གཅིག་ཆོས་ཡལ་ག་མི་སྐྱེ་བཞིན། །རྣམ་རྟོག་བཀག་ཀྱང་རྣམ་རྟོག་སྣ་ཚོགས་སྐྱེ། །རྣམ་རྟོག་སེམས་སུ་ཤེས་ན་ངང་གིས་གྲོལ། །སྣོད་ཀྱི་འཇིག་རྟེན་བེམ་པོར་སྣང་བ་སེམས། །བཅུད་ཀྱི་སེམས་ཅན་རིགས་དྲུག་སྣང་བ་སེམས། །མཐོ་རིས་ལྷ་མིའི་བདེ་བ་སྣང་བ་སེམས། །ངན་སོང་གསུམ་གྱི་སྡུག་བསྔལ་སྣང་བ་སེམས། །མ་རིག་ཉོན་མོངས་དུག་ལྔའི་སྣང་བ་སེམས། །རང་བྱུང་རིག་པའི་ཡེ་ཤེས་སྣང་བ་སེམས། །ངན་རྟོག་འཁོར་བའི་བག་ཆགས་སྣང་བ་སེམས། །བཟང་རྟོག་མྱ་ངན་འདས་པར་སྣང་བ་སེམས། །བདུད་དང་འདྲེ་ཡི་བར་ཆད་སྣང་བ་སེམས། །ལྷ་དང་སིརྙི་ལེགས་པར་སྣང་བ་སེམས། །རྣམ་པར་རྟོག་པ་སྣ་ཚོགས་སྣང་བ་སེམས། །མི་རྟོག་རྩེ་གཅིག་སྟོང་པར་གནས་པ་སེམས། །དངོས་པོ་མཚན་མའི་ཁ་དོག་སྣང་བ་སེམས། །མཚན་མ་མེད་ཅིང་ཅིར་མི་དགོངས་པ་སེམས། །གཅིག་དང་གཉིས་གསུམ་གཉིས་མེད་སྣང་བ་སེམས། །ཡོད་མེད་གང་དུ་མ་གྲུབ་སྣང་བ་སེམས སེམས་ལསམགཏོགསསྣངབགང་ཡང་མེད། །སེམས་ཉིད་མ་འགགས་སྣང་བ་གང་ཡང་འཆར། ་།ར་ཡང་མཚོ་ཡི་ཆུ་དང་ཆུ་རླབས་བཞིན། །གཉིས་སུ་མེད་དེ་སེམས་ཀྱི་ངང་དུ་གྲོལ། །གདགས་བྱ་མ་འགགས་མིང་ཙམ་ཅིར་བཏགས་ཀྱང་། །དོན་ལ་སེམས་ཉིད་གཅིག་ལས་ཡོད་མ་ཡིན། །གཅིག་པོ་དེ་ཡང་གཞི་རྩ་བྲལ་བ་ཡིས། །སྣང་བ་གང་ལྟར་ཤར་ཡང་ཕན་གནོད་མེད། །སྣང་བ་ཐམས་ཅད་སེམས་ཀྱི་ཀློང་ཡངས་ཡིན། །སྐྱེ་འགག་གནས་གསུམ་བྲལ་བས་ཀུན་ལ་ཁྱབ། །མ་སྐྱེ་མི་འགག་ནམ་མཁའ་ལྟ་བུར་བལྟ། །བལྟས་ཙམ་ཉིད་ན་མཐོང་བ་གཅིག་ཡང་མེད། །མ་མཐོང་བ་དེ་དོན་གྱི་ལྟ་བ་ཡིན། །གང་ཚེ་ནམ་མཁའ་བལྟས་པས་མ་མཐོང་ན། །དེ་ཚེ་ནམ་མཁའ་མཐོང་ཞེས་ཐ་སྙད་བཏགས། །དེ་བཞིན་སེམས་ཀྱི་གནས་ལུགས་རྟོགས་པ་ནི། །དོན་དམ་ཆོས་ཉིད་མཐོང་ཞེས་ཐ་སྙད་བཏགས། །མཐོང་བའི་ལྟ་བ་ཕྱོགསརྟོགས་ལྟ་བ་ཡིན། །མེད། །མ་མཐོང་བ་དེ་དོན་གྱི་ལྟ་བ་ཡིན། །གང་ཚེ་ནམ་མཁའ་བལྟས་པས་མ་མཐོང་ན། །དེ་ཚེ་ནམ་མཁའ་མཐོང་ཞེས་ཐ་སྙད་བཏགས། །དེ་བཞིན་སེམས་ཀྱི་གནས་ལུགས་རྟོགས་པ་ནི། །དོན་དམ་ཆོས་ཉིད་མཐོང་ཞེས་ཐ་སྙད་བཏགས། །མཐོང་བའི་ལྟ་བ་ཕྱོགས་རྟོགས་ལྟ་བ་ཡིན། །མ་མཐོང་མཐོང་བ་ཕྱོགས་བྲལ་ལྟ་བ་ཡིན། །དེས་ནས་བྱང་ཆུབ་སེམས་ཀྱི་གནས་ལུགས་ནི། །གསལ་ལ་དངོས་མེད་ནམ་མཁའ་ལྟ་བུ་ཡིན། །རང་ཤར་རང་གྲོལ་ཨ་ཏི་ཆིག་ཆོད་ཡིན། །དེ་ལྷར་ཐམས་ཅད་རང་བྱུང་ཡེ་ཤེས་ཏེ། །སྣང་བ་ཐམས་ཅད་སེམས་ཉིད་ཆིག་ཆོད་ཡིན། །དེ་ལྟ་ཐམས་ཅད་རང་བྱུང་ཡེ་ཤེས་ཏེ། །སྣང་བ་ཐམས་ཅད་སེམས་ཉིད་ཆིག་ཆོད་དུ། །ཨ་ཏི་ཡང་གསང་མངོན་སུམ་ངོ་སྤྲོད་དོ། །སེམས་ཉིད་གཅིག་ལ་རོལ་པ་སྣ་ཚོགས་ཤར། ཁྲར་ཙམ་ཉིད་ན་རྟོག་མེད་ངང་གིས་གྲོལ། །རྣམ་པ་ཀུན་ལྡན་རྣམ་པ་མེད་པའི་དོན། །ཡོད་མེད་གང་དུ་མི་གནས་རང་བཞིན་གསལ། །གསལ་སྣང་སྣ་ཚོགས་འཛིན་པ་མེད་པའི་སེམས རང་སེམས་སྤྲུལ་པའི་སྐུ་རུ་ལྷུན་གྱིས་གྲུབ། །སངས་རྒྱས་སྤྲུལ་པས་ཕྲིན་ལས་སྣ་ཚོགས་བྱེད། །མཚན་དཔེ་བཟང་པོ་དྲུག་ཅུའི་ཆོ་འཕྲུལ་ཚོགས། །དེ་དང་དེ་ཡིས་སྣང་བ་སྟོན་པར་འགྱུར། །རྩོལ་རྟོག་མེད་པའི་ཐུགས་རྗེས་ཀུན་དོན་མཛད། །བྱ་བ་ཐམས་ཅད་ཆོས་ཀྱི་དབྱིངས་ནས་སྤྱོད། །འདི་ཉིད་ཉམས་སུ་བླངས་ན་ཀུན་གྲོལ་ཏེ། །དབང་པོ་དག་ལ་རྣོ་རྟུལ་མེད་པས་རྟོགས། །ཏིལ་དང་འོ་མ་མར་གྱི་རྒྱུ་ཡིན་ཀྱང་། །མ་བསྲུབས་མ་བཙིར་མར་ནི་མི་འབྱུང་བཞིན། །འགྲོ་ཀུན་སངས་རྒྱས་སྙིང་པོའི་རྒྱུ་ཡོད་ཀྱང་། །ཉམས་སུ་མ་བླངས་སེམས་ཅན་སངས་མི་རྒྱ། །ཉམས་སུ་བླངས་ན་བ་གླང་རྫི་ཡང་གྲོལ། །འཆངམི་ཤེས་ཀྱང་མངོན་སུམ་གཏན་ལ་ཕེབས། །རང་གི་ཁ་རུ་མྱོང་བའི་བུ་རམ་ལ། །གཞན་གྱིས་དེ་ཡི་རོ་བཤད་མི་རྟོགས་བཞིན། །འདི་ཉིད་མ་རྟོག་པརྫིཏ་ཡང་འཁྲུལ། །ཐེག་དགུ་བཤད་པ་ཤེས་བྱ་མཁས་གྱུར་ཀྱང་། །མ་མཐོང་རྒྱང་གི་གཏམ་རྒྱུད་བསྙད་པ་བཞིན། །སངས་རྒྱས་ལ་ནི་སྐད་ཅིག་ཉེར་མ་རེག །དེས་ན་ཨ་ཏི་ཡང་གསང་ཆིག་ཆོད་དོན། །མངོན་སུམ་གནད་ཀྱི་མན་ངག་ཤིན་ཏུ་ཟབ། །ཀུན་བཟང་ཐུགས་ཀྱི་མེ་ལོང་ས་མ་ཡ། །ཞེས་སོ། །ཨེ་མ། གང་ཟག་རབ་ལ་བརྡ་ཡིས་བསྟན་ནས་སུ། །སྣང་བ་སེམས་སུ་རྟོགས་པ་རྣལ་འབྱོར་པ། །མངོན་སུམ་རང་གི་ཐོག་ཏུ་ངོ་སྤྲད་པས། །ཉམས་སྣང་གོང་དུ་འཕེལ་བའི་སྣང་བ་ཡི། །སེམས་ཀྱི་ངོ་བོ་སྟོང་པ་ཉིད་ཡིན་དེ། །སྟོང་ཉིད་ཆིག་ཆོད་རྟོགས་ཕྱིར་བླ་མ་ལ། །སྤྲོས་མེད་སྟོང་པའི་དབང་བསྐུར་ཞུ་ཞེས་པའི། །ཉི་མ་ཤར་བའི་དུས་སུ་གསོལ་བ་གདབ། །བླ་མས་དབེན་པའི་གནས་སུ་མཎྜལ་བཤམ། །དེ་སྟེང་མེ་ལོང་ཤེལ་གོང་དག་པ་བཞག །རྨ་བྱའི་མདོངས་གཟུགས་ཚོགས་གཏོར་དཀོན་མཆོག་མཆོད། །སློབ་མས་སྟོད་ཀྱི་གོས་ཕུད་ཕྱག་བཙལ་ནས། །ལངས་ཏེ་ཐལ་སྦྱར་གསོལ་བ་འདི་སྐད་གདབ། །ཨེ་མ་ཧོ། །ཀུན་བཟང་བླ་མ་ལོངས་སྤྱོད་རྫོགས་སྐུ་ལ། །བདག་ཉིད་ཁྱེད་ལ་གུས་པས་གསོལ་བ་འདེབས། །ཆོས་ཉིད་སྐྱེ་བ་མེད་པའི་ཕོ་བྲང་དུ། །ཟག་མེད་ཉམས་རྩལ་ཆིག་རྫོགས་དབང་བསྐུར་ཞུ། །ཞེས་པས་གསོལ་པ་ལན་གསུམ་གདབ་པར་བྱ། །དེ་ནས་བླ་མས་རིག་པ་སེམས་ཀྱི་བུ། །ཆིག་ཆོད་དོན་ལ་འཇུག་པ་སྤྲོ་ལགས་སམ། །ཞེས་བརྗོད་སློབ་མས་ལན་དུ་སྤྲོ་ཞེས་བྱ། །དེ་ནས་སློབ་མའི་དམ་བཅའ་དཔོག་པ་ནི། ཁྱོད་ཀྱིས་མཚན་མའི་འཁྲུལ་ཕྱིར་མ་འབྲེངས་པར། །རྩོལ་མེད་ཆོས་ཉིད་དོན་ལ་མ་ཡེངས་པའི། །དམིགས་མེད་སྒོམ་པའི་ཉམས་ལེན་དམ་ཆོས་ཤིག །དེ་ལས་ལོག་ན་ཁྱོད་ཉིད་རླག་པར་འགྱུར། །ཅེས་པས་དམ་ཆུ་བླུད་ལ་དམ་འཆར་གཞུག །དེ་ནས་བརྡ་ཡི་དཀྱིལ་འཁོར་བསྟན་པ་ནི། །སྣང་བ་སེམས་སུ་འཛིན་པའི་སྒྲིབ་གཡོགས་ཕུད། །སེམས་ཉིད་སྟོང་གསལ་ཡེ་ཤེས་མིག་བྱེ་ལ། །སྣང་སྟོང་རིག་པའི་དཀྱིལ་འཁོར་འདི་ལ་ལྷོས། །མེ་ལོང་དེ་ལ་གསལ་ཡང་འཛིན་རྒྱུ་མེད། །དེ་བཞིན་སྣང་བ་འཆར་ཡང་སྟོང་པའི་བརྡ། ཁྲེལ་ལ་སྒྲོ་ཡི་འོད་ལྔ་ཤར་བ་འདི། །སྟོང་པའི་རང་རྩལ་ཡེ་ཤེས་འཆར་བའི་བརྡ། ཁྲར་ཡང་དངོས་པོར་མ་གྲུབ་སྣང་སྟོང་ཡིན། །དེ་ནས་བླ་མས་བུ་ཁྱོད་སུ་ཡིན་དྲི། །ང་ནི་རིག་པ་སེམས་ཀྱི་བུ་ཡིན་བྱ། ཁྱོད་ཀྱི་སྟོད་ཀྱི་ལུས་འདི་ཅི་ཡིན་དྲི། །སྟོད་ནི་གཅེར་བུ་སྨད་ནི་གོས་ཡོད་ཟེར། །དེ་བཞིན་སེམས་ཉིད་འདི་ཡང་ཤེས་པར་གྱིས། །ལུས་ལ་བརྟེན་ནས་གོས་བྱུང་སྣང་བ་འདི། །སེམས་ལ་བརྟེན་ནས་བྱུང་བར་ཤེས་པའི་བརྡ། །གོས་ཀྱི་ག་ས་པས་ལུས་འདི་མི་མཐོང་བཞིན། །སེམས་ཉིད་སྣང་བས་འཁྲུལ་པས་སེམས་མ་མཐོང་། །གོས་ཕུད་ལུས་དེ་གང་ཡིན་མཐོངབབཞིན། །སྣངབགང་དག་དེ་རུ་སེམས་ཉིད་མཐོང་། །དེ་ལྟར་བརྡ་བསྟན་དབང་བསྐུར་བྱ་བ་ནི། །ཧུ༷་ཧུ༷་ཧུ༷། སྣང་བ་ལོངས་སྐུའི་དཀྱིལ་འཁོར་མཛེས་པ་མྲ །གསལ་བ་འཛིན་མེད་ཤེལ་འོད་སྣ་ཚོགས་ཀྱིས། །སྐུ་དང་ཡེ་ཤེས་སྟོང་པའི་སྒྲོན་མ་མཆོད། །སེམས་ཉིད་སྐྱེ་མེད་རྟོགས་པར་བྱིན་གྱིས་རློབས། །ཞེས་པས་སྤྲོས་མེད་བརྡ་ཡིས་དབང་བསྐུར་ལ། །སློབ་མས་ཡོན་དབུལ་ཉམས་མྱོང་དགའ་སྟོན་བྱ། །སྣང་བ་སྟོང་པར་རྟོགས་ཕྱིར་བླ་མ་ལ། །བུ་དང་ཆུང་མ་ཉེ་འཁོར་ཚོགས་རྣམས་དབུལ། །མི་མཆོག་ཕུལ་བས་དོན་མཆོག་འགྲུབ་པར་འགྱུར། །གང་ཟག་འབྲིང་པོ་བརྡ་ཡིས་མ་གྲོལ་ན། །བསྒོམ་པ་ཆིག་ནོད་གནད་ཀྱི་མན་ངག་ནི། །སྟངས་གསུམ་སྔོན་བཞིན་བྱས་པའི་མིག་གིས་བལྟ། །ལོངས་སྐུའི་གཟིགས་སྟངས་ཐད་ཀའི་དབྱིངས་ལ་བལྟ། །དབྱིངས་རིག་གཉིས་སུ་མེད་པའི་མངོན་སུམ་ལ། །མ་ཡེངས་ཁྲེལ་ལེ་གནས་ལུགས་རང་སར་གཞག །སེམས་ཉིད་སྟོང་པ་ཉིད་དུ་གྲོལ་ནས་སུ། །མངོན་ཤེས་སྣང་བ་ཐམས་ཅད་དངོས་མེད་དུ། །ཆོས་ཉིད་སྟོང་པའི་རང་དངས་ཉམས་སྣང་དུ། །འོད་དང་འོད་ཁྱིམ་འཇའ་འོད་སྣང་བར་འཆར། །ཉམས་སྣང་དེ་ཉིད་གོང་ནས་གོང་དུ་འཕེལ། །ཐིག་ལེ་ཐིག་ཕྲན་རྩིབས་ཤར་གྱེན་འགྲེང་དང་། །ཐིག་ལེའི་ནང་དུ་སྐུ་དང་འོད་ཀོར་འཆར། ཁྲར་ཡང་སྣང་བ་ཙམ་ལ་དངོས་པོ་མེད། །དེ་ཉིད་ཡུན་དུ་བརྐྱངས་པས་ཟག་བཅས་ཀྱི། །སྣང་བ་མེད་པར་ཡེ་ཤེས་སྣང་བར་འཆར། །འཇའ་འོད་ལ་སོགས་མཐོང་སྣང་ཐམས་ཅད་ལ། །འཛིན་པ་མེད་པར་གྲོལ་ནས་སྟོང་གསལ་དུ། །ཡེ་ཤེསསྣང་བར་ལམ་མེ་ཞེན་པ་ཞེན། །རང་སྣང་སྟོང་པའི་དབྱིངས་ལ་རིག་པའི་ངང་། །ཡེ་ཤེས་གཉིས་མེད་ཚུལ་འཆང་རྟོག་མེད་ཉམས། །གང་ལྟར་བྱས་ཀྱང་དེ་བཞིན་ཀུན་ཏུ་སྣང་། །སྣང་བ་ཙམ་ལས་འཛིན་མེད་ནམ་མཁའི་ངང་། །གསལ་འགྲིབ་མེད་པས་དབྱིངས་རིག་འདྲེས་པ་སྟེ། །རང་སེམས་སྣང་བ་སྟོང་པ་ཉིད་དུ་གྲོལ། །སྟོང་པ་ཉིད་ལ་སྒོམ་རྒྱུ་ཅི་ཡང་མེད། །སྒོམ་རྒྱུ་མེད་པ་དམིགས་མེད་དོན་གྱི་སྒོམ། །སྒོམ་རྒྱུ་ཅན་ནི་དམིགས་གཏད་མཚན་མའི་ཆོས། །བསྒོམ་པ་མ་ཡིན་གཟུང་འཛིན་འཁྲུལ་པ་ཡིན། །དམིགས་གཏད་མཚན་མ་མེད་པའི་ངང་བསྒོམ་དེ། །འོད་གསལ་འཛིན་པ་མེད་པའི་ལོངས་སྐུ་ཡིན། །རང་བྱུང་ཡེ་ཤེས་ཆེན་པོ་མངོན་གྱུར་པའོ། །དེ་ཉིད་གཏན་ལ་ཕེབས་པའི་རྟགས་ཚད་ནི། །དངོས་ཀྱི་རྟགས་སུ་ལུས་ངག་ཡིད་གསུམ་ལ། །རང་བཞིན་ཀུན་གྱིས་མཐོང་བར་ལུས་པོ་ཡང་། །ངག་ནི་གསོང་པོར་མ་བསླབས་ཆོས་སྐད་འོང་། །ཡིད་ལ་མངོན་པར་ཤེས་པ་ཐོགས་རེ་འཆར། །བླ་མའི་མོས་གུས་ལྷག་པར་ཆེ་བ་འོང་། །ཉམས་ཀྱི་རྟགས་སུ་རང་ལུས་འོད་དུ་འགྲོ། །རང་གི་སྒྲ་རྣམས་བྲག་ཆ་ལྟ་བུར་འཆར། །སེམས་ནི་འོད་གསལ་གྱུར་ནས་ལུས་ནི་སྣང་། །ཉམས་སྣང་སྟོང་པ་དོན་ཐོག་གྲོལ་བའི་ཚད། །སྣང་བའི་འཕེལ་ཉམས་དངོས་པོར་མི་སྣང་བར། །འོད་སྣངའབའཞིགངངདུམཐོང་བ་ཚད། །ཅིར་ཡང་འཛིན་མེད་སྟོང་པའིརངབཞིནདུ། །ངོབོ་ཉིད་ཀྱིས་རང་སར་གྲོལ་བར་རྟོགས། །ཉིན་མཚན་མེད་དེ་རྨི་ལམ་དུ་ཟིན་ན། །ཆོས་ཉིད་སྟོང་པར་ཉམས་ཀྱི་ཚད་ལ་ཕེབས། །དེ་ཉིད་བསྒྱུངས་ན་ལོ་གསུམ་ཟག་བཅས་ཀྱི། །ཕུང་པོ་མི་སྣང་ལོངས་སྐུར་སངས་རྒྱའོ། །ཚད་ལ་མ་ཕེབས་བར་དོར་གྲོལ་བར་འགྱུར། །ཉམས་སྣང་འཕེལ་འགྲིབ་ཟད་ནས་ཚད་ལ་ཕེབས། །ཆོས་ཉིད་སྟོང་གསལ་ལོངས་སྐུ་མངོན་གྱུར་པས། །ཆོས་ཉིད་གོ་ཡུལ་མི་འཇོག་མྱོང་བས་གྲུབ་པ་ཨེ་མ་ཧོ། །སེམས་ཀྱི་ངོ་བོ་སྟོང་པ་ཡིན་པ་ལ། །གང་ཟག་ཐ་མལ་དེ་ཉིད་མ་རྟོགས་ན། །དེ་ཡི་མན་ངག་ཚིག་ཏུ་སྒྲོག་པ་ནི། །སེམས་ཉིད་སྟོང་པའི་ཉམས་སྣང་རང་ཤར་ལ། །དབྱིངས་རིག་གཉིས་མེད་ཉམས་སུ་མི་ཤེས་པར། །ཉམས་ལ་མངོན་པར་ཞེན་ན་མཚན་མར་གོལ། །མཚན་མར་བཟུང་ན་ཆོས་སུ་བཟུང་ཡང་་བྲུལ། །ཞེན་པ་ཡོད་ན་སྟོང་པ་ཉིད་ཀྱང་གཟུགས། །སྣང་བ་སྟོང་པ་ཉིད་དུ་མི་གྲོལ་བས། །སྣང་སྟོང་གཉིས་མེད་དོན་དེ་མ་རྟོགས་ན། །ཀུན་རྫོབ་ཡིན་ཏེ་རྟག་ཆད་མཐའ་ལ་ཤོར། །སྣང་བ་སེམས་སུ་ཤེས་ཀྱང་མ་གྲོལ་བས། །གསལ་སྟོང་རང་བྱུང་ཡེ་ཤེས་མ་མཐོང་སྒྲིབས། །དེ་དོན་རྟོགས་ཕྱིར་བསྒོམས་པས་གཏན་ལ་དབབ། །མཐོང་ཉམས་ཚོར་ཉམས་ཤེས་ཉམས་གང་ཤར་ལ། །དེ་ཡི་སྟེང་དུ་མ་ཡེངས་དེ་ཉིད་བསྒོམ། །བསྒོམ་པས་དེ་ཉིད་གཏད་མེད་ཡལ་ནས་འགྲོ། །ཞབྲུལ་དང་མ་འཁྲུལངོབོགཅིགཔསྟེ། །འགྲོ་ལ་སེམས་རྒྱུད་གཉིས་སུ་མ་གྲུབ་པས། །སེམས་ཉིད་མ་བཅོས་རང་སར་བཞག་པ་ཡིས། །དཔེར་ན་སྨིག་རྒྱུའི་ཆུ་ལ་སྟེང་དུ་ཕྱིན་པ་ཙམ། །ཆུ་མེད་སྨིག་རྒྱུ་ཡིན་པས་ཡལ་ནས་འགྲོ། །ཆུ་ཡོད་ན་ནི་མེད་པར་མི་འགྲོ་བཞིན། །ཉམས་སྣང་འཆར་ཚུལ་དངོས་པོར་ཤར་ན་ཡང་། །དེ་ཉིད་རང་ལ་བརྟགས་ཤིང་དཔྱད་པ་ཙམ། །གཞི་མེད་རྩ་བྲལ་སྟོང་པར་གྲོལ་ནས་འགྲོ། །དངོས་པོ་ཡིན་ན་འཆར་དུ་ག་ལ་བཏུབ། །ཆུ་ཟླ་གསལ་བར་སྣང་ཡང་འཛིན་རྒྱུ་མེད། །ཉམས་སྣང་གསལ་ཡང་འཛིན་པའི་ཡུལ་མ་གྲུབ། །འཛིན་པ་མེད་པ་གསལ་ཡང་སྟོང་པ་ཡིན། །སྟོང་པ་ཡིན་པས་མ་འགགས་ཅིར་ཡང་འཆར། ་།ར་ཡང་སྟོང་པ་ཉིད་ལ་སྟོང་པར་ཤར། །རང་ཤར་རང་གྲོལ་ཆུ་དང་ཆུ་རླབས་བཞིན། །སྣ་ཚོགས་ཤར་ཡང་སེམས་ཉིད་སྟོང་པར་གྲོལ། །སྟོང་པ་ཉིད་ལ་དངོས་པོ་མཚན་མ་མེད། །མེད་བཞིན་གསལ་བས་ནམ་མཁའ་ལྟ་བུ་ཡིན། །ནམ་མཁའ་མ་འགགས་སྤྱིན་དང་འཇའ་ཚོན་ཤར། ་།ར་ཡང་ནམ་མཁའི་ངང་ལ་ནམ་མཁར་གྲོལ། །དེ་བཞིན་སྣང་བ་འདི་དག་སེམས་ལ་ཤར། །སེམས་ཀྱི་ཀློང་ན་གནས་ཤིང་སེམས་སུ་གྲོལ། །སེམས་ཉིད་ཅི་ཡང་མ་གྲུབ་ངོ་བོས་སྟོང་། །སྟོང་པའི་རང་བཞིན་གསལ་ལ་འགག་པ་མེད། །འགག་མེད་རྣམ་པར་དག་པ་སེམས་ཉིད་དེ། །དང་པོ་བྱུང་ས་མེད་དེ་རྒྱུ་ཡིས་སྟོང་། །བར་དུ་སྐྱེ་ས་མེད་དེ་རྐྱེན་གྱིས་སྟོང་། །ཐ་མར་འགག་པ་མེད་དེ་ངོ་བོས་སྟོང་། །དུག་གསུམ་སྔ་ཕྱ་མེད་པར་མཉམ་པས་སྟོང་། །དབྱིབས་དང་ཁ་དོག་མེད་དེ་ངོ་བོས་སྟོང་། །ཐོག་མཐའ་འགྲོ་འོང་མེད་དེ་རང་བཞིན་སྟོང་། །སྣང་བ་ངོས་གཟུང་མེད་དེ་མཚན་མས་སྟོང་། །སེམས་ལ་ཕྱི་ནང་མེད་པས་གཟུང་འཛིན་སྟོང་། །སེམས་ལ་དངོས་པོ་མེད་པས་རྟག་ལྟ་སྟོང་། །གསལ་ལ་འགག་པ་མེད་པས་ཆད་ལྟ་སྟོང་། །མཐའ་དབུས་ཕྱོགས་ཆ་མེད་པས་གཉིས་ཀ་སྟོང་། །ཕྱོགས་མེད་རྩིས་ལས་འདས་པ་གཉིས་ཀས་སྟོང་། །ཉེ་སྐྱོན་ཡངས་པ་མེད་པས་གཉེན་པོས་སྟོང་། །གདོད་ནས་གྲུབ་པ་མེད་པ་བདག་གིས་སྟོང་། །ཡེ་ནས་འཕོ་འགྱུར་མེད་པ་སྟོང་པས་སྟོང་། །དེ་ལྟར་སྟོང་པ་ཉིད་ཀྱི་རང་བཞིན་ལ། །སེམས་ཅན་བློ་ལ་ཉམས་མྱོང་གསལ་རིག་ཀྱང་། །དེ་ལ་མཚན་མའི་དངོས་པོ་རྡུལ་ཙམ་མེད། །འདས་པའི་སྣང་བ་ནམ་མཁའི་བྱ་རྗེས་འདྲ། །ད་ལྟའི་སྣང་བ་དངོས་མེད་བར་སྣང་འདྲ། །མ་འོངས་སྣང་བ་ཆ་མེད་ཡུལ་དང་འདྲ། །དུས་གསུམ་སྐྱེ་འགག་མེད་པ་གདོད་མ་ནས། །ཡེ་ནས་ཡིན་པའི་གནས་ལུགས་ཤེས་པར་བྱ། །དུས་གསུམ་མཉམ་པ་ཉིད་དུ་སྟོང་པའི་སེམས། །སྐྱེ་འཇིག་འཕོ་འགྱུར་མེད་པས་ནམ་མཁའ་འདྲ། །མཐའ་དབུས་ཕྱོགས་ཆ་བྲལ་བས་ནམ་མཁའ་འདྲ། །གང་སྟོང་གསལ་འགྲིབ་མེད་པས་ནམ་མཁའ་འདྲ། །ཀུན་ཁྱབ་ངོས་གཟུང་མེད་པས་ནམ་མཁའ་འདྲ། །སྣ་ཚོགས་རིས་མེད་འཆར་བས་ནམ་མཁའ་འདྲ། །དོན་ལ་འགྲོ་འོང་མེད་པས་ནམ་མཁའ་འདྲ། །ནམ་མཁའ་ལྟ་བུའི་སེམས་ལ་ཅི་ཤར་ཡང་། །དཔེར་ན་རྨི་ལམ་དག་གི་བདེ་སྡུག་རྣམས། །སད་སད་སྟོང་སྟེ་བདེ་སྡུག་རང་གྲོལ་བཞིན། །རྣམ་པར་རྟོག་དང་མི་རྟོག་སྣ་ཚོགསཀྱང་། །གནས་ལུགས་དྲན་པས་སྟོང་སྟེ་རྩོལ་བ་མེད། །མདོར་ན་གཟུང་འཛིན་མཚན་མའི་ཉམས་སྣང་ཀུན། །ཇི་ལྟར་སྣང་ཡང་རིག་སེམས་ཡིན་ཏེ་སྟོང་། །སེམས་ཉིད་གདོད་ནས་མ་སྐྱེས་སྐྱེ་མེད་ལ། །དུས་གསུམ་དུས་མེད་སྟོང་པ་ཅིག་ཆོད་དུ། །ཡེ་ཤེས་མིག་གཅིག་དྲི་མེད་ཤེས་པར་གྱིས། །གཟུང་འཛིན་ཞེན་པ་བྲལ་བའི་རིག་པ་ཡིས། །སྟོང་འཛིན་དྲི་མ་བྲལ་བའི་ངང་ཉིད་དུ། །གཉིས་མེད་ཡེ་ཤེས་རོལ་པར་སྤྱོད་པ་ཡིས རང་སེམས་ལོངས་སྤྱོད་རྫོགས་སྐུར་ལྷུན་གྱིས་གྲུབ། །ཀུན་སྣང་བྱང་ཆུབ་སེམས་ཀྱི་ཆོས་ཉིད་ལ། །བདེ་ཆེན་རྒྱལ་པོ་གཉིས་མེད་རོལ་བའི་དཔའ། །སྟོང་ཉིད་སྙིང་རྗེའི་མངའ་བདག་ཡང་དག་དོན། །རྣམ་པར་རྟོག་པ་རང་བྱུང་འོད་པོ་ཆེ། །དེ་ཉིད་རྟོགས་ན་དགེ་སྡིག་མེད་པར་གྲོལ། །འདི་ཉིད་མ་རྟོགས་དགེ་སྡིག་གང་སྤྱད་ཀྱང་། །མཐོ་རིས་ངན་སོང་འཁོར་བ་ལས་མི་འཕགས། །འདི་ཉིད་རྟོགས་ན་སྡིག་པས་གནོད་མི་སྐྱེལ། །བར་སྣང་སྟོང་པར་ཆུ་ནི་མི་འཆགསབཞིན། །སྟོངཔཉིད་ལ་སྡིག་པའི་ཡུལ་མ་གྲུབ། །དགེ་བ་དག་གིས་ཕན་པར་མི་ནུས་ཏེ། །མཚན་མོ་མུན་པའི་གླིང་དུ་མར་མེ་གཅིག ཁྱིམ་གང་ཙམ་གྱི་མུན་པ་སེལ་གྱུར་ཀྱང་། ཁྲི་གདུགས་ཉི་མ་མཁའ་ལ་གདལ་བའི་ཚེ། །མར་མེས་འཕེལ་འགྲིབ་གང་ཡང་མི་ནུས་བཞིན། །རང་སེམས་སྟོང་གསལ་ཡེ་ཤེས་རྟོགས་ཙམ་ན། །དགེ་བས་ཕན་གནོད་གང་ཡང་མ་གྲུབ་བོ། །དེ་བས་ཨ་ཏི་ཡང་གསང་ཆིག་ཆོད་དེ། །ཙིསྟར་ཕུལ་ཅིག་ས་མ་ཡ་ཧོ། །ཨེ་མ་གང་དག་རབ་ལ་བརྡ་ཡིས་བསྟན་པས་གྲོལ། །སྣང་སེམས་སྟོང་པར་རྟོགས་པའི་རིགས་ཀྱི་བུ། །སྟོང་པ་ཆོས་ཉིད་དོན་ལ་ངོ་སྤྲད་པ། །རིག་པ་ཚད་ལ་ཕེབས་པའི་སྣང་བ་ཡིས། །རང་གྲོལ་ཆིག་ཆོད་རྟོགས་ཕྱིར་བླ་མ་ལ། །གཉིས་མེད་རང་གྲོལ་དབང་བསྐུར་ཞུ་ཞེས་པའི། །སྔ་དྲོའི་དུས་སུ་སློབ་མས་གསོལ་བཏབ་ལ། །བླ་མས་ནམ་མཁའི་དབྱིངས་ཀྱི་དཀྱིལ་འཁོར་དུ། །ཏིང་ངེ་འཛིན་གྱི་མཆོད་པ་རྒྱས་པར་དབུལ། །དེ་ནས་སློབ་མས་གཅེར་བུར་ཕྱག་བཙལ་ལ། །འགྲེང་ཚུག་ཐལ་མོ་སྦྱར་ཏེ་གསོལ་བ་ནི། །ཨེ་མ་ཧོ། །ཀུན་བཟང་བླ་མ་ཆོས་སྐུ་རང་གྲོལ་ལ། །དུས་གསུམ་དུས་མེད་གུས་པས་གསོལ་བ་འདེབས། །སྟོང་གསལ་འགག་མེད་སྤྲོས་བྲལ་དཀྱིལ་འཁོར་དུ། །རང་གྲོལ་གཉིས་མེད་ཆེན་པོའི་དབང་བསྐུར་ཞུ། །ཞེས་གསོལ་བ་ལན་གསུམ་གདབ་པར་བྱ། །དེ་ནས་བླ་མས་སྟོང་ཉིད་སེམས་ཀྱི་བུ། །རང་གྲོལ་དོན་ལ་འཇུག་པར་སྤྲོ་ལགས་སམ། །ཞེས་བརྗོད་སློབ་མས་ལན་དུ་སྤྲོ་ཞེས་བྱ། །དེ་ནས་སློབ་མས་དམ་བཅའ་དབོག་པ་ནི། ཁྱོད་ཀྱིས་སྣང་སྟོང་ཞེནའཛིནསྤངས་ནས་སུ། །སྟོང་གསལ་རང་གྲོལ་ཆོས་སྐུའི་དོན་ལ་ནི། །རང་བཞིན་ལྷུག་པར་སྦྱོད་པར་དམ་ཆོས་ཤིག །དེ་ལས་ལོག་ན་ཁྱོད་ཉིད་བརླག་པར་འགྱུར། །ཅེས་པ་དམ་ཆུ་བྱིན་ལ་དམ་བཅའོ། །དེ་ནས་བརྡ་ཡི་དཀྱིལ་འཁོར་བསྟན་པ་ནི། །སྟོང་པ་སྟོང་འཛིན་ཞེན་ཉམས་ཕྱིར་ཕུད་ལ། །རང་གྲོལ་དྲི་མེད་མིག་གིས་དལ་ལ་ལྟོས། །དཀྱིལ་འཁོར་ཆེན་པོ་ནམ་མཁའ་ཡངས་པ་ཡིན། །ནམ་མཁའ་གསལ་ཡང་དངོས་པོ་མེད་པ་བཞིན། །སེམས་ཉིད་གསལ་ལ་དངོས་པོ་མེད་པའི་བརྡ། །ནམ་མཁའ་དངོས་མེད་དབྱིངས་ན་གསལ་བ་བཞིན། །སེམས་ཉིད་སྟོང་པ་ཅི་ཡང་འཆར་བའི་བརྡ། །ནམ་མཁའ་གསལ་རྫོགས་དབྱེ་རུ་མེད་པ་བཞིན། །སེམས་ཉིད་གསལ་སྟོང་དབྱེ་རུ་མེད་པའི་བརྡ། །ནམ་མཁའ་མཐའ་འབྲལ་ཡེ་སྟོང་ཡིན་པ་བཞིན། །སེམས་ཉིད་མ་བཅོས་སྤྲོས་བྲལ་ཡིན་པའི་བརྡའོ། །དེ་ནས་བླ་མས་བུ་ཁྱོད་སུ་ཡིན་དྲི། །ང་ནི་རང་བྱུང་ཡེ་ཤེས་ཡིན་བྱའོ། ཁྱོད་ཀྱི་གཅེར་བུའི་ལུས་ནི་ཅི་ཡིན་དྲི། །ང་ཡི་ལུས་འདི་གོས་མེད་གཅེར་བུའོ། །ཞེས་པ་སློབ་མས་བརྗོད་ལ་བླ་མ་ཡིས། །ལུས་པོ་གཅེར་བུ་གདོད་ནས་ཡིན་པ་ལ། །དེ་ལ་གོས་བསྐོན་ངོ་ཚའི་འཛིན་པ་བྱུང་། །དེ་བཞིན་སེམས་ཉིད་གདོད་ནས་ཡེ་སྟོང་ལ། །དེ་ལ་སྣང་བར་བཟུང་བས་ཞབྲུལ་པ་བྱུང་། །ལུས་པོ་ཆས་མེད་ངོ་ཚའི་འཛིན་པ་བྲལ། །ལུས་ཀྱི་ངོ་བོ་གང་ཡིན་གཅེར་བུར་གསལ། །དེབཞིནསེམསལའཛིན་མེད་འཁྲུལ་པ་གྲོལ། །སེམས་ཀྱི་ངོ་བོ་ཟང་ཐལ་གཅེར་བུར་རྟོགས། །དེ་ལྟར་བརྡ་བསྟན་དབང་བསྐུར་བྱ་བ་ནི། །ཧུ༷་ཧུ༷། རང་གྲོལ་ཆོས་སྐུའི་དཀྱིལ་འཁོར་རྣམ་དག་ཏུ། །གསལ་སྟོང་ནམ་མཁའ་དོན་གྱི་ལྷ་ཚོགས་ཀྱིས། །རང་བྱུང་ཡེ་ཤེས་རྩོལ་མེད་ཀུན་ཏུ་བཟང་། །མ་བཅོས་ལྷུན་གྱིས་གྲུབ་པར་བྱིན་གྱིས་རློབས། །ཞེས་པས་རང་གྲོལ་བརྡ་ཡི་དབང་བསྐུར་ལ། །སློབ་མས་ཡོན་དབུལ་རྟོགས་པའི་དགའ་སྟོན་བྱ། །བདག་འཛིན་རང་སར་གྲོལ་ཕྱིར་བླ་མ་ལ། །རང་གི་ལུས་ངག་ཡིད་གསུམ་ཐམས་ཅད་དབུལ། །སྒོ་གསུམ་ཕུལ་བས་སྐུ་གསུམ་འབྲས་བུ་ཐོབ། །གང་ཟག་འབྲིང་གིས་བརྡ་ཡིས་མ་གོ་ན། །དེ་ལ་མན་ངག་གནད་ཀྱིས་བསྟན་པ་ནི། །སྟོང་གསུམ་སྔོན་བཞིན་བྱས་པའི་གཟིགས་སྟངས་ནི། །སྤྲུལ་སྐུའི་གཟིགས་སྟངས་མིག་གཉིས་མར་ལ་བལྟ། །གསལ་སྟོང་གཉིས་སུ་མེད་པའི་ངང་ལ་བཞག །དེ་ཉིད་དོན་ལ་ཡུན་དུ་བསྐྱངས་པ་ལས། །སྣང་བ་ཉམས་ཀྱི་འཕེལ་ཉམས་འཆར་ཚུལ་ཡང་། །རང་བཞིན་མེད་པའི་སྟོང་པ་ཉིད་དུ་གྲོལ། །སྟོང་པ་ཉིད་ལ་སྟོང་ཉིད་ཞེན་པ་མེད། །ཞེན་འཛིན་མེད་པའི་སྟོང་གསལ་ཆེན་པོ་མྲ །གསལ་ལེ་སེང་ངེ་ཡེ་རེ་ཅིར་མི་དགོངས། །གཟུང་འཛིན་མཚན་མའི་བག་ཆགས་གང་ཡང་མེད། །འོད་གསལ་བར་ནི་དུས་གསུམ་དུས་མེད་པར། །ག་་མ་རང་གྲོལབདེབཆེནཔོའིངང། །ཇི་ལྟར་བྱས་ཀྱང་གསལ་འགྲིབ་མེད་པར་རྟོགས། །སྣང་སྟོང་གཉིས་འཛིན་རང་སར་གྲོལ་བ་ཡིས། །རང་འབྱུང་རིག་པའི་ངོ་བོ་ལྷག་མཐོང་བས། །མ་བཅོས་ལྷུན་གྲུབ་ཆོས་སྐུ་དེ་ཀ་ཡིན། །དེ་ཉིད་དོན་ཐོག་ཚད་ལ་ཕེབས་པའི་རྟགས། །དངོས་རྟགས་རང་བཞིན་ཀུན་གྱིས་མཐོང་སྣང་དུ། །ལུས་ཀྱི་དངོས་འཛིན་མེད་ཅིང་ཆུར་མི་འབྱིང་། །ལུས་ལ་དེ་ལྟར་མེད་པའི་མཚན་རྟགས་དང་། །ངག་གིས་མ་བསླབས་ཆོས་དང་གཞན་ཕན་འོང་། །ཡིད་ལ་ཟག་པ་མེད་པའི་མངོན་ཤེས་འཆར། ཁྱད་པར་རང་ཉམས་ལུས་ངག་ཡིད་གསུམ་ལ། །གང་ཡང་འཛིན་པ་མི་དྲན་བརྗེད་ནས་སུ། །སྟོང་གསལ་འཛིན་མེད་ངང་དུ་ཅི་བྱུང་ཡང་། །ཐམས་ཅད་དེ་ཀར་ཁྲོལ་ཁྲོལ་སོང་ནས་སུ། །རི་བྲག་ལ་སོགས་ཟང་ཐལ་སྣང་བ་ཡོད། །དེ་ཉིད་ངང་ལ་ཉིན་མཚན་བྱེ་བྲག་མེད། །རྨི་ལམ་འཁྲུལ་པ་གཏན་ནས་ཆད་ནས་འགྲོ། །འདི་ཉིད་བསྐྱངས་ན་ལོ་གཅིག་མངོན་སངས་རྒྱ། །འབྲས་བུ་ཕྱོགས་སུ་མ་གོལ་ཀུན་གྲོལ་སེམས། །རང་གྲོལ་ཆིག་ཆོད་ལྷུན་གྲུབ་ཨེ་མ་ཧོ། །གང་ཟག་ཐ་མ་གནད་ཀྱིས་མ་གྲོལ་ན། །མན་ངག་ཆིག་ཆོད་བཀྲོལ་ནས་བསྟན་པ་ནི། །སེམས་ཉིད་ཡེ་ནས་རང་གྲོལ་ཆེན་པོ་ལ། །སྟོང་དང་མི་སྟོང་བསྒོམས་པས་གོལ་སར་ལྷུང་། །སྣང་བར་བལྟས་ན་མཚན་མའི་ཕྱོགས་སུ་ལུབྲུལ། །དེ་ལ་བཟུང་ན་རྟག་པར་ལྟ་བར་གོལ། །སྟོང་པར་བལྟས་ན་ཡེ་ཤེས་གསལ་ཆ་མེད། །དེ་ལ་ཞེན་ན་ཆད་པར་ལྟ་བར་གོལ། །གཉིས་མེད་བལྟས་ན་གཅིག་ཏུ་ངོས་འཛིན་བྱུང་། །གཅིག་ཏུ་གྲུབ་ན་མང་པོ་དག་ཀྱང་འོང་། །དེས་ན་སྟོང་དང་མི་སྟོང་ཡུལ་ལས་འདས། །མ་བཅོས་རང་གྲོལ་འདི་ཀ་ཆོས་ཉིད་ཡིན། །འདི་ལ་ཕྱོགས་ཆའི་འཛིན་པ་ཅི་ཡང་མེད། །འཛིན་མེད་ཤུགས་འབྱུང་ངང་དེ་སྐྱོང་བ་ཡིན། །གལ་ཏེ་འཆར་ཚུལ་དགག་ཏུ་མེད་པ་ཡིས། །ཇི་ལྟར་ཤར་ཡང་འཛིན་མེད་རང་གྲོལ་ཏུ། །དཔེར་ན་ཆུ་ལ་རི་མོ་བྲིས་པ་བཞིན། །དྲན་སྟོང་སྐད་ཅིག་སྔ་ཕྱི་གྲོལ་ནས་འགྲོ། །གདོད་ནས་ངོ་བོ་ཡེ་གྲོལ་ཡིན་པ་ལ། །སྟོང་ཉིད་བསྒོམས་པས་ཆོས་སྐུ་མ་མཐོང་བསྒྲིབས། །སྟོང་ཉིད་འཛིན་རྒྱུ་མེད་པར་བསྒོམ་པ་ནི། །སྒོམ་དུ་ཡོད་པས་གཟུང་འཛིན་འཁྲུལ་བས་བཅིངས། །ཆུ་རྙོག་བསལ་བས་སླར་ལ་རྙོག་པ་བཞིན། །རྟོག་པ་བསལ་ཕྱིར་རྟོག་མེད་སྒོམ་པས་སློང་། །རྟོག་པ་ཞེན་པས་སྟོང་ཉིད་སྒོམ་པས་ཕུང་། །ཆུ་རྙོག་མ་བཅོས་བཞག་པས་དྭངས་པ་བཞིན། །སྣང་བ་མ་བཅོས་རྗེས་མ་འབྲངས་པས་གྲོལ། །སེམས་ཉིད་གཞི་མེད་རྩ་བྲལ་དོན་རྟོགས་ནས། །དངོས་འཛིན་ཞིག་པས་སྣང་བས་འཆིང་མི་ནུས། །ཆུ་ཟླ་སྣང་ཡང་སྣང་སྟོང་དུས་མཉམ་ཞིང་། །གློ་བུར་ཐོལ་སྐྱེས་རྣམ་རྟོག་སྣང་བ་ཡང་། །སྣང་ཙམ་ཉིད་ན་གྲོལ་བ་མངོན་དུ་གསལ། །སེམས་ཉིད་སྟོང་ནས་རང་གྲོལ་གཞི་རྩ་མེད། །གཞི་མེད་དོན་ལ་སྟོང་ཉིད་མིང་དུ་བཏགས། །ཇི་ལྟར་མོ་གཤམ་བུ་ཡི་མཚན་ཉིད་བཞིན། །མིང་ལ་སྟོང་པ་དོན་དུ་གྲུབ་པ་མེད། །སྟོང་པ་མ་ཡིན་གསལ་བར་༄༅། ཁྲར་བ་ཡིན། ཁྲར་ཡང་དངོས་མེད་ནམ་མཁའི་མེ་ཏོག་བཞིན། །གསལ་བ་ཙམ་ལས་འཛིན་པའི་ཡུལ་མ་གྲུབ། །ཡེ་སྟོང་ཡེ་གྲོལ་རང་བཞིན་ལྷུན་གྲུབ་ཡིན། །གཅིག་ཏུ་མ་གྲུབ་དུ་མ་བྲལ་བ་ལ། །ཀུན་རྫོབ་དོན་དམ་སྣང་སྟོང་གཉིས་སུ་ཕྱེ། །མིག་ནད་ཅན་ལ་མཁའ་ཟླ་གཉིས་སྣང་བཞིན། །ལོག་ལྷ་ཅན་གྱིས་སྣང་སྟོང་གཉིས་སུ་རྟོགས། །རབ་རིབ་ཅན་གྱིས་མཁའ་ལ་སྐྲ་མཐོང་ཡང་། །སྐྱོན་མེད་མིག་གིས་ཅིའང་མཐོང་བ་མེད། །ཀུན་རྫོབ་ཞབྲུལ་པ་ཡོད་མེད་གཉིས་སྣང་ཡང་། །དོན་དམ་ངང་དུ་ཡོད་མེད་གཉིས་སུ་མེད། །དོན་དམ་གཉིས་མེད་མཐའ་བྲལ་བརྗོད་འདས་ལ། །སྣང་བསམ་བསྒོམ་བྱ་ཤེས་བྱའི་ཡུལ་མ་ཡིན། །དེ་ལ་ཆོས་ཀུན་སྟོང་པར་རྟོགས་པ་ཀུན། །ཕྱོགས་རྟོགས་ཡིན་ཕྱིར་ཆོས་ཉིད་དོན་མ་ཡིན། །རང་སེམས་གཉིས་མེད་མཐའ་བྲལ་སྟོང་པ་ལ། །སྟོང་པས་སྟོང་པ་བསྒོམ་དུ་ག་ལ་ཡོད། །མིག་གིས་མིག་ནི་མཐོང་བར་མི་ནུས་བཞིན། །བསྒོམ་བྱ་སྒོམ་བྱེད་གཉིས་སུ་མ་གྲུབ་སྟེ། །རང་ཤར་རང་གྲོལ་རང་བྱུང་ལྷན་སྐྱེས་ཡིན། །སྦྲུལ་གྱི་མདུད་པ་བཞིན་དུ་རང་བཞིན་གྲོལ། །རྒྱུ་ཡིས་མ་བསྐྱེད་རང་བཞིན་ཉིད་དུ་གྲོལ། །རྐྱེན་གྱིས་མི་འཇིག་འགྱུར་བ་མེད་པར་གྲོལ། །སྟོང་པར་མ་ཞེན་རང་གསལ་ཉིད་དུ་གྲོལ། །དངོས་པོར་མ་གྲུབ་སྐྱེ་བ་མེད་པར་གྲོལ། །ཡོད་པར་མ་གྲུབ་སྐྱེ་བར་མེད་པར་གྲོལ། །མེད་པར་མ་སྟོང་འགག་པ་མེད་པར་གྲོལ། །ཕྱོགས་སུ་མ་ལྷུང་དབྱེར་མེད་གཅིག་ཏུ་གྲོལ། །གཅིག་ཏུ་མ་གྲུབ་མཐའ་དང་བྲལ་བར་གྲོལ། །ཡིན་པ་མ་ཡིན་མིན་པ་མེད་པར་གྲོལ། །བཅོས་མ་མ་ཡིན་ལྷུན་གྲུབ་ཉིད་དུ་གྲོལ། །གྲོལ་དང་མ་གྲོལ་བརྗོད་དུ་མེད་པར་གྲོལ། །བརྗོད་མེད་བློ་འདས་རང་གྲོལ་ཆེན་པོ་སྟེ། །བློ་འདས་ཡིད་ཆེས་བྲལ་བའི་དོན་དེ་ཉིད། །མཐའ་བརྒྱད་བསྐྱོན་གྱིས་མ་གོས་མཉམ་པ་ཉིད། །རྣམ་པར་རྟོག་མེད་ཆོས་སྐུ་ལྷུན་གྱིས་གྲུབ། །སངས་རྒྱས་ཐོག་མ་ཐ་མ་མེད་པ་སྲ །ངོ་བོ་ཉིད་དུ་ཀུན་ཏུ་བཟང་པོར་གྲོལ། །འདི་ཉིད་རྟོགས་ནས་བསྒོམས་དང་མ་བསྒོམས་མེད། །བསྒོམས་ཀྱང་ཡོན་ཏན་སྐྱེ་རྒྱུ་རྡུལ་ཙམ་མེད། །དཔེར་ན་ནམ་མཁའ་ཡེ་སྟོང་སྟོང་པར་བསྒོམ་མི་དགོས། །བསྒོམས་ཀྱང་དེ་ལས་སྟོང་དུ་མི་འགྲོ་བཞིན། །སེམས་ཉིད་ཆོས་སྐུ་སྟོང་གསལ་འཛིན་མེད་ལ། །བསྒོམས་ཀྱང་དེ་བས་བཟང་དུ་འགྲོ་རྒྱུ་མེད། །མ་བསྒོམས་བཞག་ཀྱང་ངན་དུ་འགྲོ་རྒྱུ་མེད། །ཉི་མའི་སྙིང་པོ་ ས་ཡིས་བྱིངས་གྱུར་ཀྱང་། །ཉི་མའི་ངོ་བོ་གསལ་འགྲིབ་མེད་པ་བཞིན། །སེམས་ཉིད་ཞབྲུལ་སྣང་མཚན་མའི་ཆོས་སྤྱོད་ཀྱང་། །སྟོང་གསལ་ཆོས་སྐུའི་ངང་ལ་གསལ་འགྲིབ་མེད། །འབྲས་བུ་རྒྱུ་རུ་མི་ཟློག་རྡུལ་བཞིན་དུ། །རྣམ་དག་ཆོས་ཀྱི་སྐུ་ལ་འགྱུར་བ་མེད། །འགྱུར་མེད་ཀུན་ལ་ཁྱབ་པའི་ཐུགས་རྗེ་ཅན། །སྒོམ་དུ་མེད་དེ་ཤེས་བྱའི་ཡུལ་ལས་འདས། །ཡེངས་སུ་མེད་དེ་ངོ་བོ་ཉིད་ཀྱིས་གསལ། །སྣངསྟོངརང་གྲོལ་ཆོས་ཉིད་ཆོས་ཀྱི་སྐུ། །སངས་རྒྱས་ལས་ཀྱིས་མི་བསྒྲུབ་སྔོན་གྱུར་པ། །རྡོ་རྗེ་སེམས་དཔའ་དུས་འདིར་མཐོང་བཡིན།། ་་་ །།ཨེམ་ཧོ། །སྟོང་པ་རང་སར་གྲོལ་བའི་སྐྱེས་བུ་མཆོག །གང་ཟག་རབ་ལ་བརྡ་ཡིས་བསྟན་པ་ནི། །རང་གྲོལ་ལྷུན་གྲུབ་དོན་ལ་ངོ་སྤྲད་པས། །ཆོས་ཉིད་ཟད་སར་སྐྱོལ་བའི་སྣང་བ་ཡིས། །ལྷུན་གྲུབ་ཆིག་ཆོད་རྟོགས་ཕྱིར་བླ་མ་ལ། །ལྷུན་གྲུབ་དེ་ཉིད་དབང་བསྐུར་ཞུ་ཞེས་པའི། །ཉིན་གུང་དུས་སུ་བླ་མ་ལ་ཞུས་པ། །བླ་མས་དབེན་པའི་གནས་སུ་སློབ་མ་ཁྲིད། །སློབ་མར་གཅེར་བུ་ཉིད་དུ་ཕྱག་བཙལ་ལ། །ཐལ་མོ་སྦྱར་ཏེ་གསོལ་བ་འདི་སྐད་གདབ། །ཨེ་མ་ཧོ། །ཀུན་བཟང་བླ་མ་བདེ་བ་ཆེན་པོ་ལ། །རང་གསལ་ཆོས་སྐུའི་ངང་ནས་གསོལ་བ་འདེབས། །ལྷུན་གྲུབ་བདེ་བ་ཆེན་པོའི་དཀྱིལ་འཁོར་དུ། །ཀུན་མཁྱེན་རྫོགས་སངས་རྒྱས་པར་བྱིན་གྱིས་རློབས། །ཞེས་པས་གསོལ་བ་ལན་གསུམ་གདབ་པར་བྱ། དེ་ནས་བླ་མས་རང་གྲོལ་ཆོས་ཉིད་བུ། །ལྷུན་གྲུབ་དོན་ལ་འཇུག་པ་སྤྲོ་ལགས་སམ། །ཞེས་བརྗོད་སློབ་མས་ལན་དུ་སྤྲོ་ཞེས་བྱ། །དེ་ནས་བླ་མས་དམ་བཅའ་དབོག་པ་ནི། ཁྱོད་ཀྱིས་གྲོལ་རྒྱུའི་འཛིན་པ་ཟད་ནས་སུ། །ཟག་མེད་སངས་རྒྱས་ལྷུན་གྲུབ་བདེ་བ་ཡིན། །རྟོག་མེད་མཁྱེན་པའི་དོན་ལ་དམ་ཆོས་ཤིག །དེ་ལས་འགལ་ན་ཁྱོདཀྱིའཚིགཔརའགྱུར། །ཅེས་པསདམཚིགའགྱུརམེདབསྟན་བྱས་ལ། །དེ་ནས་བརྡ་ཡི་དཀྱིལ་འཁོར་བསྟན་པ་ནི། །ཁྱོད་ཀྱིས་འདོད་ཞེན་བློ་འཛིན་རང་གྲོལ་ལ། །སྒྲིབ་མེད་ཡེ་ཤེས་མ་བལྟས་མ་མཐོང་བའི བཅོས་པ་མེད་པའི་ལྷུན་གྲུབ་དཀྱིལ་འཁོར་ལྟོས། །བལྟ་རུ་མེད་དེ་གསལ་བ་འདི་ཀ་ཡིན། །གསལ་ལ་མི་རྟོག་ཆོས་སྐུའི་དཀྱིལ་འཁོར་ལ། །ཕྱོགས་རིས་མེད་དེ་ཀུན་ཁྱབ་གཟུགས་མ་གྲུབ། །གསལ་འགྲིབ་མེད་དེ་ཟང་ཐལ་འདི་ཀ་སྲ །ཐམས་ཅད་ངོ་བོ་ཉིད་དུ་རྫོགས་པ་ཡིན། །མཉམ་ཡངས་ལྷུན་གྱིས་གྲུབ་པའི་དལ་ལ་ལྷོས། །ཞེས་པས་ཆོས་ཉིད་བརྡ་ཡི་དཀྱིལ་འཁོར་བསྟན། །དེ་ནས་བླ་མས་བུ་ཁྱོད་སུ་ཡིན་དྲི། །ང་ནི་བདག་མེད་ཀུན་གྲོལ་ཡིན་བྱས་ལ། ཁྱོད་ཀྱི་ལུས་འདི་ཅི་ཡིན་དྲི་བར་བྱ། །ང་ཡི་ལུས་འདི་གཅེར་བུ་ཟང་ཐལ་ཏེ། །ཅེས་པ་སློབ་མས་བརྗོད་པ་བླ་མ་ཡིས། ཁྱོད་ཀྱི་ལུས་འདི་བླ་ཕྱི་བར་གསུམ་དུ། །མ་བཅོས་རང་བྱུང་གཅེར་བུ་ཡིན་པ་བཞིན། །སེམས་ཉིད་དུས་གསུམ་དུས་མེད་ཐམས་ཅད་དུ། །ངོ་བོ་མ་བཅོས་རང་གསལ་ཆོས་སྐུ་ཡིན། །ལུས་ལ་གོས་ཀྱི་གོས་ཕུད་ངོ་ཚ་བཅོས། །གོས་མེད་གདོད་ནས་གཅེར་བུ་ངོ་ཚ་བྲལ། །སེམས་ཀྱི་འཛིན་པ་སྣང་སྟོང་འཁྲུལ་པས་བཅིངས། །འཛིན་མེད་སེམས་ལ་རྟོག་དང་འཁྲུལ་པ་མེད། །ཀུན་གྲོལ་མཉམ་ཡངས་བདེ་བ་ཆེན་པོ་ཡིས། །རྟོག་པ་མེད་པའི་འཆར་ཚུལ་མཁྱེན་པ་ཡིན། །དེ་ལྟར་བསྟན་པ་བརྡ་དབང་བསྐུར་བ་ནི། །ཧུ༷་ཀུན་གྲོལབདེབཆེནཔོའིདཀྱིལའཁོར་དུ། །འཛིན་མེད་ཅིར་མི་དགོངས་ཀྱི་ལྷ་ཚོགས་ཀྱིས། ་།གས་འབྱུང་ཡོན་ཏན་གདོད་ནས་རབ་རྫོགས་པའི། །ལྷུན་གྲུབ་བདེ་བ་ཆེན་པོར་བྱིན་གྱིས་རློབས། །ཞེས་པས་་་ན་གྲུབ་བརྡ་ཡི་དབང་བསྐུར་ལ། །སློབ་མས་ཡོན་དབུལ་དགའ་སྟོན་ཆེན་པོ་བྱ། །ཀུན་དོན་ཡོན་ཏན་རྫོགས་ཕྱིར་བླ་མ་ལ། །བདག་གཞན་མ་ལུས་ལོངས་སྤྱོད་ཐམས་ཅད་དབུལ། །ཐམས་ཅད་ཕུལ་བས་ཐམས་ཅད་མཁྱེན་ཉིད་ཐོབ། །གང་ཟག་འབྲིང་པོས་བརྡ་ཡིས་མ་གོ་ན། །མན་ངག་གནད་ཀྱི་སྒོ་ནས་བསྟན་པ་ནི། །ལུས་ངག་ཡིད་ཀྱི་འདུག་སྟངས་གང་བདེ་ལ། །དབྱིངས་རིག་གཉིས་མེད་རང་གྲོལ་ཆོས་ཉིད་ངང་། །བཅོས་པ་མེད་པར་གནས་ལུགས་བསྐྱངས་པ་ཡིས། །སེམས་ཉིད་སྟོང་པར་གྲོལ་ནས་ཉམས་སྣང་ཟད། །སྟོང་ཉིད་མ་འགགས་ཕྱོགས་མེད་ཀུན་ཏུ་གསལ། །གསལ་ལ་ངོ་བོ་ཅིར་ཡང་མ་གྲུབ་པའི། །འདི་ཞེས་བསམ་བརྗོད་ཡུལ་ལས་འདས་པའི་དོན། །མིན་པར་བྱས་ཀྱང་དེ་ཉིད་བྱེད་མ་ཤེས། །ཡིན་པར་བྱས་ཀྱང་གསལ་དུ་འགྲོ་རྒྱུ་མེད། །གང་ལྟར་བྱས་ཀྱང་འཛིན་པ་མེད་པ་ཡི། །ཀ་དག་ལྷུན་གྲུབ་བདེ་ཆེན་མངོན་གྱུར་ནས། །རྣམ་པར་རྟོག་མེད་ཅིར་ཡང་གསལ་བའོ། །ཆོས་ཉིད་ཟད་པའི་སྣང་བ་ཞེས་བྱ་སྟེ། །སྣང་བར་མིང་དུ་བཏགས་ཀྱང་གསལ་ཆ་ཡིན། །གསལ་ལ་འཛིན་མེད་འཆར་བ་མཁྱེན་པ་ཡིན། །དེ་ལ་རྣམ་རྟོག་རྡུལ་ཙམ་མ་མཆིས་པས། །རྣམ་རྟོག་མི་མངའ་ཅི་ཡང་ས་ལེར་མཁྱེན། །མཁྱེན་པའི་ཡེ་ཤེས་བྱང་ཆུབ་མངོན་སངས་རྒྱས། །ལམ་རྟགས་ཡོན་ཏན་ཆོས་དང་ཡེ་ཤེས་ཟད། །གདོད་ནས་མ་བཅོས་ཀུན་ཏུ་བཟང་པོའི་སྐུ། ཁུ།བ་ཏུ་མེད་པའི་ལྷུན་གྲུབ་ཡོན་ཏན་རྫོགས། །སངས་རྒྱས་འདི་ཀ་ཡིན་ནོ་ཆིག་ཆོད་དོན། །མ་བཅོས་ཐ་མལ་ཤེས་པ་ཆོས་ཉིད་ལ། །ཐམས་ཅད་ལྷུན་གྱིས་གྲུབ་པས་ཆོས་ཀྱི་སྐུ། །ས་ལམ་སྦྱང་བགྲོད་མེད་པའི་རྫོགས་པ་ཆེ། །ཐམས་ཅད་རང་གྲོལ་ལྷུན་གྲུབ་ཡིན་པ་ལ། །གང་ཟག་ཐ་མས་དེ་ལྟར་མ་རྟོགས་ན། །གནད་ཀྱི་མན་ངག་ཚིག་གིས་སྒྲོལ་བ་ནི། །སེམས་ཉིད་གདོད་ནས་སྐྱེ་འགག་མེད་པ་ཡི། ཁུ་མེད་རྐྱེན་ཟད་འབྲས་བུ་མ་གྲུབ་པའི། །རང་བཞིན་ལྷུན་གྲུབ་ཆོས་སྐུ་ཡིན་པ་ལ། །སྣང་དང་སྟོང་དང་གྲོལ་རྒྱུ་མ་གྲུབ་སྟེ། །རྒྱུ་མེད་ཆོས་ལ་སྣང་སྟོང་བློས་བཏགས་ཙམ། །བཏགས་པ་ཐམས་ཅད་མེད་སྟེ་དོན་མེད་ལ། །གྲོལ་རྒྱུའི་ཆོས་དང་གྲོལ་མཁན་གཉིས་སུ་བྱས། །ཉོན་མོངས་ཡེ་ཤེས་གྲོལ་བའི་འབྲས་བུ་འདོད། །ཡེ་ཤེས་ལམ་ཡིན་མཐར་ཐུག་དོན་མ་ཡིན། ཁྲེས་བྱའི་ཆོས་རྣམས་གཟུང་འཛིན་ཞབྲུལ་བ་སྟེ། །མཐར་ཐུག་དོན་ལ་གྲོལ་རྒྱུ་གྲོལ་ས་མེད། །ཐམས་ཅད་ཆོས་ཉིད་སྐྱེ་མེད་རང་བཞིན་ཡིན། །གསེར་གྱི་གླིང་ན་ས་རྡོའི་མིང་ཡང་མེད། །ཇི་ལྟར་བྱས་ཀྱང་གསེར་ལས་མ་འདས་བཞིན། །ཆོས་ཉིད་ངང་ལས་གར་ཡང་གོལ་ས་མེད། །དེ་ཉིད་མེད་པས་འཛིན་པའི་ཡུལ་མ་གྲུབ། །བྱ་ཡིས་གར་འཕུར་ནམ་མཁའ་ལས་མ་འདས། །ཅི་ཤར་ཅི་བྱུང་ཅི་སྣང་ཆོས་ཉིད་ངང་། །ཆོས་ཉིད་དབྱིངས་ལ་སྟོང་པར་མིང་བཏགས་ཀྱང་། །དབྱིངས་དང་རིག་པ་གཉིས་མེད་ཆོས་སྐུ་ཡིན། །ཆོས་ཀྱི་སྐུ་ལ་གཉིས་མེད་གཅིག་མ་གྲུབ། །མཐའ་ལས་འདས་ཏེ་ཕྱོགས་མེད་མཉམ་པ་ཉིད། །ཡོད་མེད་གང་དུའང་མ་ཡིན་ངོ་བོ་ཉིད། །ངོ་བོ་ཉིད་ལ་འདི་ཞེས་མཚོན་དུ་མེད། །གལ་ཏེ་མཚོན་བྱ་མཚོན་བྱེད་ཡོད་སྲིད་ན། །དངོས་པོ་ཡིན་ཕྱིར་ཆོས་ཉིད་དོན་མ་ཡིན། །ཆོས་ཉིད་ཀ་དག་མཚོན་པའི་ཡུལ་ལས་འདས། །མི་སྟོང་དོན་དེ་སྨྲ་བསམ་བརྗོད་ལས་འདས། །ལུང་རིགས་ཚིག་དང་བརྡ་ཡིས་མཚོན་མི་ནུས། །ཚིག་དང་ཐ་སྙད་གློ་བུར་སྒྲོ་བཏགས་ཙམ། །དེ་ནས་སེམས་དོན་ཚིག་གིས་མཚོན་དུ་མེད། །ཆོས་ཉིད་མཚོན་པའི་ནམ་མཁའ་དཔེར་བཞག་ཀྱང་། །རེ་ཞིག་ཕྱོགས་ཙམ་མཚོན་པའི་བརྡ་ཙམ་སྟེ། །སེམས་ཉིད་རིག་བཅས་སྟོང་པ་མཐའ་བྲལ་ཏེ། །ནམ་མཁའ་རིག་མེད་སྟོང་པས་མཚོན་མི་ནུས། །ནམ་མཁའ་ཉིད་ཀྱང་རང་གི་སེམས་ཡིན་པས། །དེ་ཕྱིར་སེམས་དོན་ནམ་མཁའ་མཚོན་དུ་མེད། །མཚོན་བྱ་མཚོན་བྱེད་བློ་ལས་འདས་པའི་དོན། །མེད་པ་མ་ཡིན་རིག་ཅིང་གསལ་ལ་དངོས། །ཡོད་པ་མ་ཡིན་ཅིར་ཡང་མ་གྲུབ་སྟོང་། །སྟོང་གསལ་འཛིན་མེད་ཉམས་ཀྱི་སྣང་བ་དང་། ཁྲེས་དང་ཤེས་བྱའི་ཆོས་ཀྱི་བློ་ཟད་ནས། །འཛིན་མེད་གསལ་བ་འདི་ཀ་སངས་རྒྱས་ཡིན། །དེ་ལས་ལོགས་ན་སངས་རྒྱས་ཡོད་མི་སྲིད། །འདུས་མ་བྱས་ཤིང་ལྷུན་གྱིས་གྲུབ་པ་སྟེ། །མཁྱེན་དང་བརྩེ་དང་ནུས་མཐུ་ལྡན་པ་ཡིས། །སྐུ་དང་ཡེ་ཤེས་གཞན་གྱི་སྣང་བ་ཙམ། །མཁྱེན་པའི་སྟོབས་ལས་ཤུགས་ཀྱིས་འཆར་བ་ཡིན། །གཟུགས་སྐུའི་འགྲོ་དོན་གདུལ་བྱའི་སྣང་ངོར་བྱོན། །མེ་ལོང་དག་ལ་གཟུགས་བརྙན་གསལ་བ་བཞིན། །དག་པའི་གདུལ་བྱར་དག་པའི་སྐུ་རུ་བྱོན། །མེ་ལོང་གཡས་སྒྲིབ་གཟུགས་བརྙན་མི་གསལ་བཞིན། །མ་དག་གདུལ་བྱར་མ་དག་སྐུ་རུ་འབྱོན། །གཟུགས་སྐུའི་འགྲོ་དོན་གདུལ་བྱའི་སྣང་ངོ་སྟེ། །ཉི་མ་ཤར་ཚེ་མུན་པ་སེལ་བ་བཞིན། །རྩོལ་བ་མེད་པར་རང་བཞིན་འགྲོ་དོན་རྫོགས། །རྫོགས་པའི་སངས་རྒྱས་སྟོང་གི་དགོངས་པ་གཅིག །ཡང་གསང་ཆིག་ཆོད་ལྷུན་གྲུབ་རྡོ་རྗེའི་གདན། །ཐམས་ཅད་ཀུན་གྱི་སྙིང་པོ་འདི་རྟོགས་ན། །བླ་མེད་འབྲས་བུ་རེ་དོགས་མེད་པ་སྟེ། །དཔེར་ན་དོན་གཉེར་སྒྲུབ་པོ་ཡུལ་སླེབ་ནས། །ལམ་གྱི་དགྲ་ཡི་རེ་དོགས་བྲལ་བ་བཞིན། །དེ་ལྟར་རང་སེམས་ཆོས་ཉིད་མངོན་གྱུར་པས། །མྱང་འདས་རེ་བ་འཁོར་བའི་དོགས་པ་བྲལ། །འདི་ཉིད་མ་རྟོགས་བསྐལ་པར་བསྒྲུབས་གྱུར་ཀྱང་། །འབྲས་བུ་མི་ཐོབ་ཐོབ་འདོད་འགྱངས། །འདི་ཉིད་མྱུར་དུ་ལམ་བགྲོད་དཔེར་ན་ནི། །བསྐལ་པར་བསགས་པའི་མུན་ནག་འཐུག་པོས་འགྱངས། །སྐད་ཅིག་སྒྲོན་མ་གཅིག་གིས་སེལབབཞིན། །སྐདཅིག་རྟོགས་པའི་ཤེས་རབ ཆེནཔོཡིས། །ཚོགས་རྫོགས་སྒྲིབ་པ་མ་ལུས་རང་སར་དག །ཆོས་ཉིད་མངོན་གྱུར་འཁོར་བ་དོང་ནས་སྤྲུགས། །འབྲས་བུ་མ་བཅོས་སྐུ་གསུམ་ལྷུན་གྱིས་གྲུབ། །དེ་ཕྱིར་ཨ་ཏི་ཡང་གསང་ལ་བཟླའི་ཆོས། །འདི་ཉིད་མ་རྟོགས་གཞན་རྣམས་གྲུབ་མཐས་བཅིངས། །གཟུང་འཛིན་རྟོག་པ་རིགས་པས་བདུད་ཀྱིས་ཁྱེར། །དགེ་སྡིག་གཉིས་ཀྱིས་ཆགས་སྡང་འཁོར་བར་འ་ས། །ཕྱི་རོལ་པ་རྣམས་ལོག་པའི་ལམ་དུ་གོལ། །ཡང་དག་དོན་ལ་སྒྲིབ་པ་འཐུག་པོ་བསགས། །ཉན་ཐོས་ང་རྒྱལ་གཟུང་འཛིན་མཐའ་རུ་གོལ། །ཐམས་ཅད་མཁྱེན་པའི་ཡེ་ཤེས་གཏན་དུ་སྒྲིབ། །ཕར་ཕྱིན་དབུ་མ་བདེན་གཉིས་མཐའ་རུ་གོལ། །ཆོས་སྐུ་མངོན་གྱུར་ལམ་གྱི་ཆོས་ཀྱིས་སྒྲིབ། །གསང་སྔགས་ཐེག་པ་བསྐྱེད་རྫོགས་མཚན་མར་གོལ། །དོན་དམ་དམིགས་མེད་ཀུན་རྫོབ་དམིགས་པས་སྒྲིབ། །ཨ་ཏི་ཕྱོགས་གཅིག་སྣང་བའི་ཉམས་ལ་ཞེན། །ལ་ལ་བཤོས་ཀྱིས་སྟོང་པར་བལྟས་པས་གོལ། །འགའ་ཞིག་བློས་ བྱས་རྒྱས་བཏབ་སྟོང་པར་གོལ། །ཕྱོགས་མེད་དོན་ལ་ཕྱོགས་སུ་ཞེན་པས་བསྒྲིབས། །ཨ་ཏི་ཆིག་ཆོད་གོལ་སྒྲིབ་ཀུན་ལས་གྲོལ། །རིན་ཆེན་གླིང་ན་རྡོ་ཡི་མིང་མེད་བཞིན། །རང་བཞིན་མེད་པ་གང་ཡང་མེད་པས་ན། །གོལ་རྒྱུ་གོལ་ས་ཅི་ཡང་ཡོད་མིན་ཏེ། །ཆོས་རྣམས་ཐམས་ཅད་མིང་ཙམ་བརྡ་བཏགས་ཙམ། །ཡང་དག་དོན་ལ་ཆོས་ཉིདངངདུགཅིག །འབྱུངབ་ཐམས་ཅད་ནམ་མཁའི་ངང་དུ་གཅིག ཁམས་གསུམ་མ་ལུས་སྐུ་གསུམ་ཞིང་ཁམས་ཡིན། །མཐའ་གོལ་སྒྲིབ་མེད་ཡེ་དག་ཆོས་སྐུ་ཡི། །ཐིག་ལེ་ཉག་གཅིག་ཨ་ཏི་ཡང་གསང་མཆོག །ཐེག་པའི་མཐར་ཐུག་རྒྱུད་ཀྱི་སྙིང་པོ་སྟེ། །སངས་རྒྱས་དགོངས་པ་ཆིག་ཆོད་ཨེ་མ་ཧོ། །ཞེས་བཀའ་སྩལ་ཏོ། །རྫོགས་ཆེན་ཆིག་ཆོད་ཀུན་གྲོལ་ཆེན་པོའི་རྒྱུད་ལས། དངོས་གཞི་མན་ངག་གི་ལེའུ་སྟེ་བཅུཔའོ།། ་་ །།རངབྱུང་ཡེ་ཤེས་རྡོ་རྗེས་ཡང་གསོལ་པ། །ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །དེ་ལྟར་དངོས་གཞི་གནད་ཀྱིས་རྟོགས་བྱས་ནས། །མཐར་འདོན་རྗེས་འཇུག་མན་ངག་ཇི་ལྟར་སྟོན། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རང་བྱུང་ཆིག་ཆོད་ཐིག་ལེ་ཉག་གཅིག་ལ། །ཀུན་རྫོབ་བཞིའམ་སྣང་སྟོང་སེམསགསུམ་བྱུང་། །དེ་གསུམ་སོ་སོར་བཟུང་བས་མ་རིག་འཁྲུལ། །དེ་རྣམས་དབྱེར་མེད་གཅིག་ཏུ་རྟོགས་པ་ལ། །དབྱིངས་རིག་གཉིས་མེད་ལྟ་སྒོམ་སྦྱོད་གསུམ་བྱུང་། །དེ་རྣམས་འབྲས་བུ་སྐུ་གསུམ་མཐར་ཐུག་སྟེ། །སྐུ་གསུམ་ལྷུན་གྲུབ་ཆིག་ཆོད་རྫོགས་སངས་རྒྱས། །འབྲས་བུ་མ་ཐོབ་བར་དུ་རྩལ་སྦྱངས་ནས། །བག་ཆགས་གཟུང་འཛིན་ཕྲ་མོ་དག་བྱའི་ཕྱིར། །དེ་ཉིད་མཐའ་འདོན་རྗེས་ཀྱི་མན་ངག་ནི། །རང་སྣང་དང་ནི་གཞན་སྣང་གཉིས་ལས་སུ། །རང་སྣང་སྣང་སྲིད་འཁོར་འདས་མ་ལུས་པ། །ཡེ་ནས་རང་སེམས་མཐའ་བྲལ་རྟོགས་པ་ཡིས། །བལྟ་རུ་མེད་པའི་ལྟ་བ་ཕྱོགས་མེད་ལ། །ཡེངས་པ་མེད་པའི་གནས་ལུགས་བལྟས་པ་ཡིས མཐོང་བ་མེད་པའི་ཆོས་ཉིད་རང་སར་མཐོང་། །བསྒོམ་དུ་མེད་པའི་རང་གསལ་ངང་སྒོམ་གྱིས། །དམིགས་སུ་མེད་པའི་ཆོས་སྐུ་མངོན་དུ་གྱུར། །ཆོས་སྐུ་རྩོལ་མེད་རང་བཞིན་ལྷུག་པར་སྤྱོད། །ལྷུག་པ་མ་བཅོས་རང་དག་སངས་རྒྱས་ཡིན། །ཡེ་ནས་ཡིན་ཏེ་་བློ་ཡིས་དཔྱད་མི་དགོས། །གནས་ལུགས་ཤེས་པ་མ་བཅོས་རང་ལུགས་ལ། །རྟག་ཆད་མེད་པའི་ངང་ལ་རང་སར་ཞོག །བྱ་བཙལ་མེད་པའི་ངང་ལ་ལྷག་པར་སྐྱོངས། །དེ་ཀའི་ངང་ལ་བྱ་རྒྱུ་ཅི་ཡང་མེད། །དབེན་པའི་གནས་སུ་འདུག་གམ་གཏན་ལ་དབབ། །རྫོགས་པ་ཆེན་པོ་བྱ་བྲལ་ཀློང་ཆེན་ཡིན། །ལུས་ཀྱི་བྱ་བྲལ་གཅེར་ཉལ་འཕྲིག་མེན་ཡིན། །ལུས་ཀྱི་དངོས་འཛིན་དག་ཚེ་བྱ་བྲལ་ཡིན། །འཛིན་པ་མ་དག་བྱ་རྒྱུ་ཡོད་པས་ན། །གཅིག་པུར་དབེན་པར་སྡོད་ལ་རྣལ་དུ་ཕོབ། །འཛིན་མེད་ལུས་དེ་ལུས་མེད་ལུས་ཀྱི་མཆོག །གང་དུ་མི་གནས་ཟང་ཐལ་ངེས་མེད་སྤྱོད། །རྫོགས་ཆེན་དོན་ལ་བརྗོད་དུ་མེད་པ་ཡིན། །ངག་གི་བརྗོད་མེད་རང་གསོང་ལྷུག་པར་སྨོས། །ཇི་སྐད་སྨྲས་ཀྱང་འཛིན་བྲལ་བརྗོད་མེད་ཡིན། །ངག་ལ་འཛིན་པ་འདུག་ན་བརྗོད་བྱ་ཡིན། །མི་སྨྲ་དགོས་དོན་གཞན་དང་བློ་མི་བསྲེ། །འཛིན་མེད་ངག་དེ་ཚངས་པའི་སྐད་ཀྱི་མཆོག །ཅིར་ཡང་མ་ངེས་ཟང་ཐལ་གསོང་པོར་སྨྲ། །རྫོགས་པ་ཆེན་པོ་བསྒོམ་དུ་མེད་པ་ཡིན། །ཡིད་ཀྱིས་སྒོམ་མེད་གཏད་མེད་རང་གསལ་སྐྱོངས། །ཡིད་ཀྱི་གཟུང་འཛིན་དག་ཚེ་སྒོམ་མེད་ཡིན། །ཇི་སྲིད་གཟུང་འཛིན་ཡོད་ཚེ་སྒོམ་དུ་ཡོད། །མ་ཡེངས་ལྟ་སྒོམ་དག་ལ་བརྩོན་འགྲུས་ཀྱིས། །གཟུང་འཛིན་མེད་པའི་སེམས་དེ་སེམས་དཔའ་མཆོག །ཅི་ཡང་མི་རྟོག་ཟང་ཐལ་ཡེ་ཤེས་གསལ། །རྫོགས་པ་ཆེན་པོ་ཀུན་གྲོལ་ཆིག་ཆོད་ཡིན། །ལུས་ངག་ཡིད་གསུམ་རང་གྲོལ་ལྷུག་པར་སྐྱོངས། གང་དུ་འཛིན་པ་མེད་ན་རང་གྲོལ་ཡིན། །འཛིན་མེད་ལུས་ངག་སངས་རྒྱས་སྐུ་གསུང་ཐུགས། །འཛིན་པ་འདུག་ན་མ་གྲོལ་སེམས་ཅན་ཡིན། །དབེན་པར་གཅིག་པུར་ལྟ་སྒོམ་གཏན་ལ་ཕོབ། །གཟུང་འཛིན་མེད་ན་རྣལ་འབྱོར་དབང་ཕྱུག་ཆེ། །ཧེ་རུ་ཀ་དང་གཉིས་མེད་བཅོམ་ལྡན་འདས། །མངོན་པར་སངས་རྒྱས་ལྷུན་གྲུབ་ཟང་ཐལ་ལོ། །ཆིག་ཆོད་དོན་ལ་གཉིས་སུ་མ་གྲུབ་ཀྱང་། །གཉིས་པོ་གཞན་སྣང་ཐབས་ལ་སྤྱོད་པ་ནི། །མི་དགེ་སྤང་ཞིང་དགེ་ལ་ཤུགས་ཀྱིས་སྤྱོད། །དགེ་སྡིག་འབྲས་བུ་འདོད་པའི་བློ་མ་གྲུབ། །དམ་ཚིག་བགྲུང་སྡོམ་སྤྱོད་པ་ཤུགས་ཀྱིས་ལེགས། །ཉེས་ལྟུང་ཉམས་ཆག་སྐྱོན་དང་འཛིན་པ་མེད། །བླ་མའི་མོས་གུས་འགྲོ་ལ་སྙིང་རྗེ་སྐྱེད། །བདག་དང་སེམས་ཅན་བླ་མའི་ལོག་ལྟ་མེད། །འགྲོ་ཀུན་དོན་དུ་ཐབས་ཀྱིས་སྨོན་ལམ་གདབ། །དམིགས་མེད་ཤེས་རབ་སྟོང་ཉིད་ངང་དུ་བསྔོས། །དཔེར་ན་སྒྱུ་མ་མཁན་གྱི་སྤྲུལ་པ་བཞིན། །བདེན་རྫུན་མེད་པའི་གཞན་སྣང་ཐབས་ལ་སྤྱོད། །སྤྱོད་ཀྱང་ཐབས་ཀྱིས་མི་འཆིང་དུག་ལ་སྔགས། །ཐབས་ཤེས་དུག་གིས་མི་འཆི་དུག་ཀྱང་སྨན། །སྔགས་ཀྱིས་མ་ཐེབས་དུག་ཅན་ཁ་ཟས་ནི། །ཆེ་ཟོས་ཆུང་ཟོས་ཐམས་ཅད་འཆི་བ་བཞིན། །དངོས་པོ་གཤིས་ཀྱི་གནས་ལུགས་མ་རྟོགས་ན། །དགེ་བའི་ཆོས་ལ་སྤྱད་ཀྱང་འཁོར་བར་འ་ས། །སེམས་ཉིད་ཉག་གཅིག་རྩ་བྲལ་དོན་རྟོགས་ན། །ཐབས་ཤེས་གཉིས་མེད་ཟུང་འཇུག་ཆོས་སྐུ་ཡིན། །བྱམས་དང་སྙིང་རྗེའི་དཀྱིལ་འཁོར་ཡངས་པ་ཡིན། །པདྨ་ལྟ་བུའི་གར་གྱི་རྣམ་འཕྲུལ་གྱིས། །ཐབས་ཀྱིས་མི་མངའ་ཤེས་རབ་འཁོར་བ་ཡིན། །དོན་གཅིག་གཉིས་མེད་ཆོས་ཀྱི་དོན་དུ་སྤྱོད། །སྤྱོད་པ་མཐར་ཕྱིན་ཁྲུལ་པ་མེད་པ་ཡིན། །ཆོས་སྐུ་བདེ་བ་ཆེན་པོ་ཨེ་མ་ཧོ། །རྫོགས་ཆེན་ཉམས་ལེན་གྱི་ཆ་ལག་ཏུ། རང་གཞན་གཉིས་དོན་དུག་ལྔ་ལམ་དུ་ཁྱེར། །འདོད་ཆགས་ལམ་ཁྱེར་འདོད་ཡུལ་གཟུངས་མ་ལ། །དང་པོ་འདོད་ཆགས་བསྐྱེད་པ་རང་ཉིད་ནི། །བདེ་བའི་རང་བཞིན་གཟུངས་མ་མཛེས་ལ་བལྟ། །རྡོ་རྗེ་པདྨ་བསྐྱོད་པས་འདོད་ཆགས་འཆར། །རྣམ་པ་ལྟེ་བའི་གནས་སུ་ཐིག་ལེ་འབབ། །དེ་ནས་འདོད་ཆགས་བཟུང་བ་ཐིག་ལེརྣམས། །ཧིགགིསགསངབའི་གནས་སུ་ཕབ་ལ་གཟུང་། །བཤང་བ་བསྡམས་ལ་དམིགས་པ་ཨུ་རྒྱན་གཏད། །དེ་ཡིས་འདོད་ཆགས་བདེ་བ་ཆེན་པོར་ཟིན། །བདེ་བ་མ་སྐྱེས་བསྐྱོད་པས་ཚད་མེད་སྐྱེ། །དེ་ནས་མ་ཟིན་འདོད་ཆགས་ནང་དུ་སྒྲམ། །ཧིག་ཅེས་བརྗོད་པས་རླུད་སེམས་སྤྱི་བོར་དྲང་། །གསང་གནས་ཧིག་དེ་ཡར་ལ་སྤྱི་བོར་སིམ། །ལུས་ངག་བདེ་བའི་ཐིག་ལེས་གང་བར་བསམ། །ཡན་ལག་སྤྲུག་ཅིང་ལུས་པོ་བསིག་པར་བྱ། །དེ་ཡི་ངང་ལ་ཀ་དག་དོན་ལ་བཞག །འདོད་ཆགས་བདེ་སྟོང་ཡེ་ཤེས་ཆེན་པོར་འཆར། །ཐུན་མོང་ཡོན་ཏན་རྒས་སྲ་གཉེར་མ་མེད། །སྟོབས་རྒྱས་ཚེ་ཡི་དངོས་གྲུབ་ཐོབ་པར་འགྱུར། །ཞེ་སྡང་དྲོད་ཀྱི་ལམ་ཁྱེར་བསྟན་པ་ནི། །དང་པོ་ཞེ་སྡང་བསྐྱེད་པ་སྐྱིལ་ཀྲུང་བྱ། །ཞེ་སྡང་སྐྱེ་ཡུལ་ཐམས་ཅད་བསམ་བྱས་པས། །ཞེ་སྡང་འབར་ནས་ལུས་པོ་དྲོད་དུ་འབར། །རྣམ་པ་སྙིང་གི་ཁ་རུ་འབར་ནས་ཡོང་། །དེ་ནས་ཞེ་སྡང་སྙིང་གར་འདུས་པ་དེ། །ར༷་དུ་བསམས་ལ་སྟེ་བར་ཕབ་ལ་གཟུང་། །སྟེང་འོག་རླུད་གཉིས་ལྟེ་བར་བསྡུས་བྱས་ལ། །ར༷་ལས་མེ་བྱུང་ལུས་རྣམས་འབར་བར་བསམ། །དེ་ཡིས་ཞེ་སྡང་དྲོད་ཀྱི་ངོ་བོར་གྲོལ། །དེ་ནས་ཞེ་སྡང་མ་ཟིན་རང་སར་གཞིལ། །ར༷་ཞེས་བརྗོད་པས་རླུད་སེམས་རང་སར་གཞིལ། །ལུས་པོ་མེ་ཡི་གོང་བུར་གྱུར་པར་བསམ། །དེ་ཡི་ངང་ལ་ཀ་དག་དོན་ལ་བཞག །ཞེ་སྡང་དྲོད་ཀྱིས་གསལ་སྟོང་ཡེ་ཤེས་འཆར། །ཐུན་མོང་ཡོན་ཏན་ལུས་ཡང་དྲོད་སྐྱེས་ཤིང། །གོསམེདགཅེརབུརཚུགས་ཤིང་འཕུར་ཤེས་འགྱུར། །གཏི་མུག་གཉིད་ཀྱི་ལམ་མཁྱེར་བསྟན་པ་ནི། །དང་པོ་གཏི་མུག་བསམ་པ་དུས་གསུམ་གྱི། །རྟོགས་པ་བཅད་ལ་རྩེ་གཅིག་ངང་དུ་སྡུད། །རྣམ་པ་སྨིན་མཚམས་ཉིད་དུ་འདུས་ནས་འོང་། །དེ་ནས་གཏི་མུག་གཉིད་དུ་འཐིབས་པ་དེ། །ཡི་གེ་ཨ་རུ་སྙིང་གར་ཕབ་ལ་བཟུང་། །གློ་གཡས་ཕབ་ལ་བདེ་བར་ཉལ་བྱས་ཏེ། །རླུད་སེམས་སྐྱེ་མེད་ཨ་ཡི་ངང་ལ་བཞག །དེ་ཡི་གཏི་མུག་རིག་སྟོང་འོད་གསལ་འཆར། །དེ་མ་ཟིན་ན་གཏི་མུག་གསང་བ་ནི། །ཨ་ཞེས་བརྗོད་པས་རླུད་རིག་ནམ་མཁར་འཕང་། །ནམ་མཁའ་ལྟ་བུའི་སྟོང་གསལ་ཆེན་པོར་གསལ། །དེ་ཀའི་ངང་ལ་ཀ་དག་དོན་ལ་བཞག །དེ་ཡིས་གཏི་མུག་ཡེ་ཤེས་ཆེན་པོར་འཆར། །ཐུན་མོང་ཡིད་གཟུགས་མངོན་ཤེས་འཆར་བར་འགྱུར། །ང་རྒྱལ་ན་ཚ་ལམ་དུ་ཁྱེར་བ་ནི། །དང་པོ་ནད་བསྡུ་སེམས་ཅན་ཐམས་ཅད་ཀྱི། །ནད་རྣམས་ཐམས་ཅད་བདག་ལ་འདུས་པར་བསམ། །རྣམ་པར་རང་རེའི་གར་ན་ལྷངས་ཀྱིས་འོང་། །དེ་ནས་ནད་བཟུང་ན་སར་ཐལ་མོ་བརྡེག །ནད་རྣམས་ཕཊ་ཏུ་བསམས་ལ་མགྲིན་པར་བཟུང་། །རླུད་སེམས་གཅིག་ཏུ་དྲིལ་ལ་མ་ཡེངས་བྱ། །དེ་ནས་མ་ཟིན་ནད་དཀྲུག་ཕྱིར་གཏོར་ཏེ། །གང་ན་དཀྲུག་ཅིང་མཉེས་པས་ནད་དེ་རྣམས། །སྔོན་དམར་དུད་པ་བཞིན་དུ་འཁྲུག་བསམ་ཞིང་། །ཕཊ་ཅེས་བརྗོད་པས་གར་ནར་གསེང་ཕུག་ལ། །ཕྱི་རུ་རང་བཞིན་མེད་པར་ཐོན་པར་བསམ། །དེ་ཀའི་ངང་ལ་ཀ་དག་དོན་ལ་བཞག །དེ་ཡིས་ང་རྒྱལ་ནད་དེ་ཆོས་ཉིད་འཆར། །ཐུན་མོང་ཡོན་ཏན་ལུས་ཀྱི་ཟོ་མདོག་བདེ། །ཕྲག་དོག་ལྷ་འདྲེ་ལམ་དུ་ཁྱེར་བ་ནི། །དང་པོ་ལྷ་འདྲེ་གདུག་པ་གང་གནོད་འདྲེ། །གང་ན་ཡོད་པའི་གནས་ནས་བསམ་བྱས་པ། །ཡིད་ལ་ཁུགས་ནས་རྣམ་པ་སྙིང་ལའང་། །དེ་ནས་ལྷ་འདྲེ་འཛིན་པ་ཧ་རུ་བསམ། །རླུ་་སེམས་རྩེ་གཅིག་དེ་ལ་མ་ཡེངས་་གཏད། །ལྷ་འདྲེ་མ་བཟོད་ལྷང་ལྷང་བྱེད་དུ་འོང་། །དེ་ནས་མ་ཟིན་ལྷ་འདྲེ་རྒྱང་དུ་ནི། །ཧ་ཞེས་བརྗོད་པས་རླུ་་སེམས་རྒྱང་དུ་འཕང་། །ལྷ་འདྲེ་ནམ་མཁའི་དབྱིངས་སུ་ཡལ་བར་བསམ། །དེ་ཀའི་ངང་དུ་ཀ་དག་དོན་ལ་བཞག །ཕྲག་དོག་ལྷ་འདྲེ་འོད་གསལ་ཆེན་པོར་འཆར། །ཐུན་མོང་ཡོན་ཏན་དངོས་གྲུབ་ཐམས་ཅད་སྟེར། །རྫོགས་ཆེན་དུག་ལྔ་མི་སྤང་ལམ་དུ་ཁྱེར། །དུག་ལྔ་སེམས་སུ་གཞི་རྩ་ཆོད་གྱུར་ན། །དུག་ལྔ་སྐྱེས་ཀྱང་དུག་མེད་ཆོས་ཉིད་ཡིན། །འདོད་ཆགས་ཆོས་ཉིད་རང་རྩལ་ཤར་བ་ཡིན། །ཞེ་སྡང་ཆོས་ཉིད་གསལ་བའི་ངང་སངས་ཡིན། །གཏི་མུག་ཆོས་ཉིད་གནས་པའི་ངོ་བོ་ཡིན། །ང་རྒྱལ་ཕྲག་དོག་ཆོས་ཉིད་རོལ་པ་ཡིན། །ཆོས་ཉིད་ངང་ལས་བདག་གཞན་གཉིས་མེད་ཕྱིར། །དུག་ལྔ་རང་གྲོལ་མན་ངག་ཨེ་མ་ཧོ། །ཞེས་བཀའ་སྩལ་ཏོ། །རྫོགསཆེནཆིགཆོདཀུནགྲོལཆེནཔོའིརྒྱུདལས། མཐར་འདོན་རྗེས་ཀྱི་མན་ངག་གི་ལེའུསྟེབཅུགཅིགཔའོ།། མཧྭ་་ །།རང་བྱུང་ཡེ་ཤེས་རྡོ་རྗེས་ཡང་གསོལ་པ། ཨེ་མ་ཧོ། །བཅོམ་ལྡན་ལྷུན་གྲུབ་འདུས་མ་བྱས་པའི་དཔལ། །ཨ་ཏི་ཡང་གསང་རང་བྱུང་ཆིག་ཆོད་དེ། །ཆེ་བའི་དོན་གྱིས་ཇི་ལྟར་བཤད་པ་ལགས། །དེ་དོན་འདུས་པའི་འཁོར་ལ་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་བཀའ་སྩལ་པ། །རྫོགས་ཆེན་ཆིག་ཆོད་ཀུན་གྲོལ་ཆེན་པོ་འདི། །ནམ་མཁའ་བཞིན་དུ་ཀུན་ལ་ཁྱབ་པ་སྟེ། །འདི་ཉིད་ལ་ནི་མ་རྫོགས་གང་ཡང་མེད། །རྫོགས་པའི་སངས་རྒྱས་ཀུན་གྱིས་གསུངས་པའི་ཆོས། །ཐམས་ཅད་མཐར་ཐུག་འདི་རུ་བསྟན་པ་ཡིན། །འདི་ཉིད་གཞན་དང་མི་འདྲ་ཁྱད་པར་ཆེ། །ཚིག་རྒྱུད་མ་ཡིན་དོན་རྒྱུད་སྙིང་པོ་ཡིན། །བྱས་བཅོས་ཚིག་གི་རྒྱུད་པའི་ཐེག་པ་རྣམས། །བསྐལ་པར་དཀའ་སྤྱད་མངོན་གྱིས་སངས་རྒྱས་རེ། འདི་ཉིད་མཐོང་བ་ཙམ་གྱིས་བྲོལ་བ་སྟེ། །བླ་མའི་དྲིན་ཐོབ་དབེན་པའི་གནས་ཉིད་དུ། །ཞག་བདུན་དོན་རྟོགས་ཟླ་བདུན་ཕྱིར་མི་བཟློག །མཐོང་བས་གྲོལ་ཏེ་ལོ་བདུན་མངོན་སངས་རྒྱས། །ཐེག་པ་གཞན་རྣམས་སྡིག་སྤང་དགེ་སྤེལ་ཡང་། །སྤང་བླང་ཆོས་ཀྱིས་སངས་རྒྱས་ཐོབ་པར་རེ། །དོན་རྒྱུད་འདི་ལ་དགེ་སྡིག་ཕན་གནོད་མེད། །མཚམས་མེད་ལྔ་ཡི་ལས་བྱས་སྡིག་ཅན་སྤང་། །བསྐལ་པའི་མུན་ནག་སྒྲོན་མེ་གཅིག་འཇོམས་བཞིན། །འདི་ཉིད་མཐོང་ན་སྡིག་མེད་མངོན་སངས་རྒྱས། །འདི་ཉིད་མ་རྟོགས་དགེ་བ་བཅུ་སྤྱོད་ཀྱང་། །ཐད་ཀའི་བདེ་ལས་འཁོར་བ་ལས་མི་འཕགས། །དེ་ཕྱིར་འདི་ཉིད་མཐོང་བས་གྲོལ་བ་སྟེ། །སྡིག་པ་མ་སྤངས་ཡེ་དག་ཆེན་པོ་ཡིན། །དགེ་བ་མ་བྱས་ཡེ་རྫོགས་ཆེན་པོ་ཡིན། །སངས་རྒྱས་མ་བསྒྲུབས་ལྷུན་གྲུབ་ཆེན་པོ་ཡིན། །ཐེག་པ་གཞན་རྣམས་གཤོན་དུས་སྒོམ་པ་ལས། །རྒས་ནས་མི་ནུས་སྒོམ་པ་མི་འོང་ཟེར། །འདི་ཉིད་ལ་ནི་ན་སོ་རྒན་གཞོན་མེད། །རྒྱུད་པ་ལྡང་མི་ཤེས་པའི་རྒས་པོ་ཡང་། །དགོས་ངའི་གཏམ་དེ་ཐོས་པས་གོ་བ་བཞིན། །འདི་ཉིད་ཐོས་པ་ཙམ་གྱིས་གྲོལ་བར་འགྱུར། །འདི་ཉིད་མ་གཏོགས་ན་སོ་དར་གྱུར་ཀྱང་། །བྱིས་པ་ཡིན་ཏེ་སངས་རྒྱས་དོན་མ་རྟོགས། །འབྲུག་གམ་ས་གཡོས་ཉི་ཟླ་གཟས་ཟིན་དུས། །བླ་མ།འི་དྲིན་ཐོབ་རྒྱུད་འདི་ཀློག་པ་ན། །རྟགས་དེ་གང་མཐོང་སེམས་ཅན་ཐམས་ཅད་ཀྱིས། །འདི་ཉིད་ཐོབ་ནས་བྱང་ཆུབ་མངོན་དུ་བྱེད། །དེ་ཕྱིར་འདི་ཉིད་ཁྱད་པར་འཕགས་པ་སྟེ། །བསྒོམ་མི་དགོས་ཏེ་ཐོས་པས་སྒོམ་དུ་འཆར། །མ་བསྒོམས་བཞག་ཀྱང་མི་གསལ་དགག་ཏུ་མེད། །ཐོས་པ་ཙམ་གྱིས་ཡེ་སྒོམ་ཆེན་པོ་ཡིན། །འདི་ཉིད་བཅངས་པ་ཙམ་གྱིས་གྲོལ་བ་སྟེ། །མཐིང་ཤོག་དག་ལ་གསེར་གྱིང་་ཡི་ ་གེ་བྲེ། །བླ་མའི་དྲིན་ཐོབ་དར་སྣ་ལྔ་ཡིས་གྲིལ། །གང་གིས་རྟོགས་པའི་སེམས་ཅན་སངས་རྒྱས་ཏེ། །རྒྱལ་བ་ཀུན་གྱི་འགྲོ་དོན་ཕྲིན་ལས་འགྲུབ། །དེ་ཕྱིར་འདི་ཉིད་གཞན་ལས་ཁྱད་པར་འཕགས། །ཐེག་པ་གཞན་རྣམས་མིག་དང་སྣ་དང་ལྕེ། །དབང་པོ་འགག་ན་དོན་མེད་ཆོས་མི་འོང་། །འདི་ལ་དབང་པོ་དག་ལ་རྣོ་རྟུལ་མེད། །གླེན་ལྐུགས་འོན་པ་དམུས་ལོང་དག་ལ་ཡོད། །ཙསྡོན་ག་པུར་རེག་པས་དྲི་འགོ་ལྟར། །གང་གི་མགུལ་དུ་བཏགས་པས་གྲོལ་བར་འགྱུར། །ཐོས་བསམ་མི་དགོས་རྟོགས་གྲོལ་ངོ་མཚར་ཆེ། །བསྒོམ་བསྒྲུབ་མི་དགོས་རྩོལ་བའི་ནད་དང་བྲལ། །འདི་ཉིད་འཆང་བ་སངས་རྒྱས་སྲས་ཡིན་ནོ། །དགོས་འདོད་ཐམས་ཅད་འབྱུང་བའི་ནོར་བུ་སྟེ། །དུས་གསུམ་སངས་རྒྱས་ཐམས་ཅད་འདི་ལས་བྱུང་། །འདི་འཛིན་རྣལ་འབྱོར་སྐལ་བ་ཆེན་པོ་ཡིན། །ཨེ་མ། ཀེ་རི་ཀེ་རི། ས་མརྙ། བྷ་ལི་བྷ་ལི། སྭ་ཏི་སུ་ཏི། སུ་རུ་སུ་སྲ ཀུན་དྷ་ལི་མ་སུ་མ་སུ། ཨི་ཀ་རི་ལི་སུ་བྷས་ཏ་གེ། ཙ་ཀི་རི། སྣུ་ལིང་ཏ་ཀི་ཏ། ཅེ་ཡེ་ས་མུརྙ།ཙརུ་སུ་ཀ་མེ། སྟིད་ས་ནེ་བྱ་ཀུ་ལི། ཀ་རེ་ཀེ་འདུ་ཀ་ན། མ་ཏ་ནི་བེ་ཏ་ནི། པ་ར་ལ་མ་ཏ་ཧི་སི་ནི། ས་མ་སྣུད་ར་ཏ་མ། བྷ་ཙ་ར་ཏ་ས། སྨུབྱ་བྷ་ཏ་ས། ཨེ་བ་ཤ་ན་ས་རན་པ་ཏི་ས། གུ་སི་ཏི་ཡ་ཐ་མ། སྒུ་ར་ལྷུ་ར་ས་གཁ་ར་ན་ལ། ན་ར་ན་ར། ཨི་ཐ་ར་བྱུ་རྙ་བྷ་རྙ་ཚི། ཤ་བ་གྱེ་ལ༷། ས་ར་རི་རི་ལ་ཁེ། པ་ཏ་ལ་ས་སིརྣ། བེ་ས་བེ་ས་ར་ས་ས་ལ༷། སྙི་སྙི། བཱ་བཱ། རྭ་རྭ། ཨུ༷༷ རང་བྱུང་ཀུན་བཟང་ཡབ་དགོངས་སོ། །ཨོ་ཨུ༷༷ཧུ༷། ཨེ་མ། ཀེ་རི་ཀེ་རི། མ་ཏ་བྷ་ལི། ས་མི་ཏ། སུ་རུ་སུ་སྲ ཀུན་དྷ་ལི་མ་སུ་ཨ་ཀ་རི་ལི་བྷ་ལེ། ཙ་ཀ་སྣུ་ལེ་ཏ། ལྕེ་ཡེ་ས་མུརྙ། ཙརུ་སུ་བྷ་ཏི། ས་མ་བྱ་ད་ལྷུ་ཡེ། ཀ་རི་དྷ་ཀ་རི། ཏྲ་ཀ་མ་ཧ་རི་བེ། ཧ་ཏ་ན་པ་ར་ལི་སྩི༷ ས་མན་ཁ་ར་ཀ་ཏེ་ལ་ན། ས་སྟུད་ར་ཏ་མེ་ཀ་ར་ཙ་བ༷་ཏ༷། དྷ་ས་ཧ་བ་སུརུ་བྷ་ཏ་ར་ཨུ། ན་མ་བ་ར་དྷི་ཧི། ཏི་ས་གུ་ར་ལ༷། མ་སྨིན་ས་གུ་ཏི་ལ། ར་ན་ལ༷་ང་ན་ར་ན་ར། ཨི་ཐ་ར་པ་ཏ་ལམ། སིརྣ་སིརྣ་སྙེ་ས་ར་ལ༷། ས་སྙེ་ལ༷། བ་སྭ། རི་རི་ལི་སྙི། ཨ་སྙི། མ་སྙི། ར་རྭ། ཨུ། ཀུན་བཟང་ཡུམ་གྱི་དགོངས་པའོ། །དབང་པོའི་ཞེན་པ་བཟློག་པའི་ཕྱིར། ཀརྨ་རསྒ་སྙི་ཧ༷་ཏི། ཕུང་པོའི་ཞེན་པ་བཟློག་པའི་ཕྱིར། །བེ་ག་ར་ཎ་སོ་གད་གླིང་། །ཡུལ་ཀུན་ཞེན་པ་བཟློག་པའི་ཕྱིར། །སྐྲུ་ཏི་རི་ལ་བྷ་ཏུ་ཏྲི། །སེམས་ཀྱི་དངོས་པོ་སྤྲུག་པའི་ཕྱིར། །ར༷་པ་ཀ་ལ་ས་མི་ཁྱེ། །བྱུང་ཚོར་གནས་སུ་དགག་པའི་ཕྱིར། །མ་ཏང་ཕ་ཕཊ་ར་མེ་ཏ། །འདུ་ཚོགས་སྣང་བ་ངོས་གཟུང་ཕྱིར། ཁ་དྷ་རཀྟ་ས་སྨིག་ཀླུ། །རིག་པ་བཙོན་རར་གཞག་པའི་ཕྱིར། །ཨེ་ཁ་ར་ན་སྙེ་ཙག་ཤ །་བྲུལ་པའི་རང་རྒྱུད་ཁུངས་གཅད་ཕྱིར། །ཡ་རི་མུ་ཏ་ས་གུ་ལི། །རིགས་དྲུག་རིམ་གྱིས་བསྒྲལ་བའི་ཕྱིར། །ཡ་སིང་ང་སྟུང་བ་ལ་ཡ། །འཁོར་བ་དོང་ནས་་གདོན་པའི་ཕྱིར། །མ་མ་ཀོ་ལིང་ས་མི་ཏ། །ཆོས་ཅན་ཐུར་དུ་གཞུག་པའི་ཕྱིར། །བྷ་རི་ཡ༷་བྷ་རི་མ་ཏི། །རོ་ཡི་ཡུལ་ཁུངས་སྐྲུང་པའི་ཕྱིར། །བུ་ག་སི་ཧ་ས་བྷ་ལྭ། །ཞེན་པའི་ཕྲེང་ཐག་གཅད་པའི་ཕྱིར། །ར་མི་ལི་བི་ལེ་ཏ་ས། །ལུག་རྒྱུད་ཨར་ལ་གཏད་པའི་ཕྱིར། །བིག་གུ་མ་ལ་ས་ཏ༷་ཀི །ལྷ་ཡི་ཕྱག་རྒྱ་བལྟ་བའི་ཕྱིར། །ས་མ་ཏི་ལ༷་དྷི་ར་ས། །ལྟ་སྒོམ་ལོག་པ་དག་བྱའི་ཕྱིར། །བཛྲ་སུ་ཏ་ཏྲི་ཏོ་མེ། །ས་ལམ་དུས་གཅིག་གཅད་པའི་ཕྱིར། །སྙེ་བྷ་སྤུར་བྷ་རྣ་མ་ཡེ། ཡིད་དབྱོད་ལྟ་བ་ཁུངས་གཅད་ཕྱིར། །དྷརྨ་ཨ་ཏོམ་སི་གུ་ལི། སྐུ་གསུམ་ལམ་དུ་བླང་བའི་ཕྱིར། །ར་མི་ས་མ་ཁ་གད་ཚེ། །སྣང་བ་དངོས་སུ་བླང་བའི་ཕྱིར། །རུ་པ་ས་མི་མི་ཏ་ལ༷། །སྒྲ་ཡི་ཞེན་པ་མཐའ་གཅད་ཕྱིར། །འདི་ཏེག་པ་ལ་ཀི་ལི་ས། །བསམ་གཏན་ཆེན་པོའི་ས་གནོན་ཕྱིར། །བྷ་ཙ་པ་ལ་ཨི་ཏ༷་ས། །ཕྲིན་ལས་མཐའ་རུ་དབྱུང་བའི་ཕྱིར། །ཀ་ར་ཨེ་མ་ཨ་ནུ་ས། །སངས་རྒྱས་མངོན་ཞེན་བཟློག་པའི་ཕྱིར། །ས་དྲི་མ་མ་ཀརྨ་པ། །རྒྱལ་སྲས་རྣམས་ཀྱི་གནས་བཙལ་ཕྱིར། །ང་ལ་དེ་པ་ཀི་ལི་པ། །ཨ་ཨུ། ཀུན་བཟང་ཡབ་ཡུམ་གཉིས་མེད་དགོངས་པའོ། །རང་བྱུང་དོན་རྒྱུད་སྲས་གཅིག་འདི། །མཐོང་ཐོས་རེག་པ་ཙམ་གྱིས་འགྲོ་བ་རྣམས། །སྐུ་གསུམ་འབྲས་བུ་ཚེ་འདིར་ཐོབ་པའི་རྟགས། །འདི་འཛིན་སྐྱེས་བུ་ནམ་ཞིག་ཚེ་འཕོས་དུས། །ང་ཡི་སྐུ་གསུང་ཐུགས་ཀྱི་རྟེན་ལྔ་ནི། །སེམས་ཅན་ཀུན་གྱི་ཙིསྟའི་དཀྱིལན་ཡོད། །འོད་ལྔ་འབར་ཏེ་ཕྱི་རྟགས་དཀར་སེར་དང་། །འཇའ་འོད་དམར་ལྗང་མཐིང་ག་འོང་བ་ཡིན། །ནམ་མཁའ་དངས་ན་ངེས་པར་ཐུགས་ཐོབ་རྟགས། །ནང་རྟགས་ཕུང་པོ་བསྲེགས་པའི་དུད་པ་ནི། །སྔོདཀརགྱེནའགྲེངགཡོན་དུ་འཁྱིལ་བ་དང་། །མེ་འོད་དཀར་གསལ་མདངས་དང་ལྡན་པ་འབྱུང་། །སྲེག་པའི་ཤིང་ནི་ཙསྡེན་རྒྱ་ཤུག་བྱ། །གསང་རྟགས་བསྲེགས་ཤུལ་གདུང་རིགས་ལྔ་འབྱུང་སྟེ། ཁྲ་རི་ར༷་ནི་མགོ་བོ་དག་ལས་འབྱུང་། ་་ཡི་རྟེན་དུ་རྡོ་རྗེའི་གདུང་དུ་བཞག །ཡོན་ཏན་སྐྱེ་མེད་ཆོས་སྐུ་ཐོབ་པའི་རྟགས། །ཆུ་རི་ར༷་ནི་ཁྲག་གི་དངས་མར་འབྱུང་། ཁྲག་གི་རྟེན་དུ་རཏྣའི་གདུང་དུ་བཞག །དེ་ནི་ཡོན་ཏན་སྣ་ཚོགས་འཕེལ་བའི་རྟགས། །བ་རི་ར༷་ནི་སྙིང་དགོངས་དག་ལས་འབྱུང་། །རུས་པའི་རྟེན་དུ་པདྨའི་གདུང་དུ་བཞག །དེ་ཡི་ཡོན་ཏན་ལོངས་སྐུ་ཐོབ་པའི་རྟགས། །ཉ་རི་ར༷་ནི་རྐང་གི་ནད་ལས་བྱུང་། །ཡན་ལག་རྟེན་དུ་ལས་ཀྱི་གདུང་དུ་བཞག །དེ་ཡི་ཡོན་ཏན་སྒྲུལ་སྐུ་ཐོབ་པའི་རྟགས། །པ྅་ར༷་ནི་དོན་སྙིང་ལྔ་ལས་བྱུང་། །འབྱུང་འདུས་རྟེན་དུ་ཡང་དག་གདུང་དུ་བཞག །དེ་ཡི་ཡོན་ཏན་སྐུ་ལྔ་ཐོབ་པ་ཡིན། །གདུང་གི་གྲངས་ཚད་མ་ངེས་གཅིག་པ་ཡང་། །གཞན་རྐྱེན་ངན་པའི་གྲིབ་ཀྱིས་ཡལ་ཡང་འགྲོ། །གདུང་རིགས་ལྔ་བྱུང་རབ་ཡིན་ཐུགས་ཐོབ་རྟགས། །ཡི་གེ་བྱུང་ན་འབྲིང་ཡིན་གསུང་ཐོག་རྟགས། །ལྷ་སྐུ་བྱུང་ན་ཐ་མ་སྐུ་ཐོབ་རྟགས། །དེ་ལྟར་དངོས་དང་དངོས་མེད་རང་གཞན་ལ། །རྟགས་དང་ཡོན་ཏན་བྱུང་སྟེ་སྐུ་གསུང་ཐུགས། །ད་ལྟ་མངོན་གྱུར་དོན་རྒྱུད་ཁྱད་པར་འཕགས། །འདི་ཡོད་འགྲོ་བ་ཐམས་ཅད་སངས་རྒྱས་ཡིན། །དེ་ཕྱིར་སངས་རྒྱས་བསྟན་པའི་སྲོག་ཤིང་སྟེ། །འདི་མ་རྟོགས་པའི་སངས་རྒྱས་སྔརམབྱུང། །ཆིགཆོདབྱངཆུབསེམས་རྒྱུད་གཅིག་ལ་ནི། །འབྲེལ་དང་མ་ཚང་མེད་པསཕུནཚོགསརྒྱུད། །རིནཆེནསྣལྔསབྲིསལ་གཙུག་་་།།ཏུ་བཅིང་།།ཡང་གསང་ཀུན་གྲོལ་རང་བྱུང་རྒྱུད་གོ་འདི།།དུས་གསུམ་རྒྱལ་བངའ་ངརག་འཛིན་སྤྲུལ་པངའ་སྐུ།།དགའ་རབ་རྡོ་རྗེས་ཨུ་རྒྱན་ཀོ་ཤངའ་གླངང་།།བསྐལ་བཟང་སངས་རྒྱས་སྟོང་གི་བསྟན་པ་སྐྱོང་།།མཚོ་སྐྱེས་པདྨ་་ཐད་ཕྲེང་ཉིད་ལ་ག་།།མི་མསྔེད་འཛམ་བུ་གླིང་གི་རྡོ་རྗེ་གདན།།བྱང་ཕྱོགས་ཆུ་འཁྱགས་ཡུལ་དུ་ལྷ་སྲིན་འདུལ།།གསང་སྔགས་དར་དུས་སྐལ་ལྡན་བུ་ལ་ག་།།དེ་ཡངས་འགྲ་་ཀུན་གང་ལ་གང་འདུལ་བྱ།།སྐལ་ལྡན་འགའ་ཡངས་སྤྱོད་ཡུལ་ཡངན་པས་ག་།།སྐལ་མེད་སྔོ་ཆུང་ཐེག་དམན་སྲེག་་གྱུར་བས།།སྟེར་བངའ་སྣོད་ནི་རབ་ཏུ་བརྟག་པ་གཅེས།།ལོག་ལྟ་ཅན་ལ་མི་བསྟན་སྙིང་དུ་བསྟིམ།།འི་་བཀའ་སྩལ་ཏོ།།དེར་རང་བྱུང་སྤྲུལ་པངའ་འཁོར་ཚོགས་རྣམས།།བ་ཅམ་ལྡན་འདས་ཀྱངས་གསུངས་པ་ལ་རང་རང་གང་་ཆས་ཉིད་དུ་ཡངད་རང་བྱུང་ཆིག་་ཆད་ཡ་་ཤེས་རང་དུ་ཀུན་གྲོལ་ལོ།།རྫོགས་གོ་ཆིག་་ཆད་ཀུན་གྲོལ་ཆེན་་པའི་རྒྱུད་ལས།ཡོན་་་ག་་རྒྱངའ་ལེའུ་སྟེ་བཅུ་གཉངས་པ་འ།།།།ཐེག་པ་ཐམས་ཅད་ཀྱང་སྙིང་་པ་བསྡུས་པངའ་ཡང་ཏིག།ཡང་གསང་ཆིག་་ཆད་ཀུན་གྲོལ་ཞོ་་པ་ཞེས་བྱ་བངའ་རྒྱུད།ཨུ་རྒྱན་གྱང་པརྙི་ཏ་པདྨ་འབྱུང་གནས་བཟང་པོས་ཨུ་རྒྱན་ཀྱི་སྐད་ལས་བོད་སྐད་དུ་སྒྲ་རང་་གྱུར་དུ་བསྒྱུར་བ་རྫོགས་སོ།།་་་་ཟླུ་་་ང༷་་་་་་།།ཨེ་མ་ཧོ།།ངོ་མཚར་རྨད་ཀྱི་རྒྱུད་གོ་གསང་བ་འདི།།དེ་བདག་གིས་རྙེད། །ཟབ་མོའི་ཆོས་ཕྱུང་གཏེར་དཔེ་བཤུས། །འབྲེལ་ཚད་དོན་ལྡན་དམ་ཆོས་འདི། །བོད་ཡུལ་ཕྱོགས་སུ་འགྲོ་དོན་བྱེད། །སངས་རྒྱས་བསྟན་པ་དར་བར་ཤོག ཁྱི། ཨེ་མ་ཀུན་གྱི་མཐར་ཐུག་ཡང་གསང་རྫོགས་ཆེན་འདི། །དྲིན་ཅན་བླ་མ་དུས་གསུམ་སངས་རྒྱས་ཀྱིས། །བློ་དམན་སྐྱེས་བུ་ཤཱརྙི་ཕ་ལ་ལ། །བཀའ་ལུང་མན་ངག་གཏད་རྒྱ་རྫོགས་པར་གནང་། །སྔོན་གྱི་སྨོན་ལམ་འཕྲལ་རྐྱེན་ཚོགས། །བདག་གཞན་བླ་མེད་བྱང་ཆུབ་མྱུར་ཐོབ་ནས། །དམིགས་མེད་ཆོས་སྐུའི་ངང་དུ་སངས་རྒྱས་ཤོག །བླ་མའི་ཕྱག་དཔེ་ལ་བཤུས་ཤིང་། ཤོག་སེར་ལའང་ག་ས་པ་ལགས་སོ། །མནྟྲ་གུ་རྒྱ། ཆོས་འདིའི་བརྒྱུད་པ་ནི། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོ་རྗེ་འཆང་ཆེན། སྤྲུལ་སྐུ་རྡོ་རྗེ་སེམས་དཔའ། རིག་འཛིན་དགའ་རབ་རྡོ་རྗེ། གུ་རུ་ཤི་སིདྷ། ཨུ་རྒྱན་པདྨ་འབྱུང་གནས། ཆོས་རྒྱལ་རིན་ཆེན་གླིང་པ། དེས་ཤཱརྙི་ཕ་ལ་བདག་ལ་གདམས་པ་ཡོངས་སུ་རྫོགས་པར་གནང་བའོ། །དེས་ཟུར་ཧྭ༷་ཤཱཀྱ་འབྱུང་གནས་ལ། དེས་བདག་ལའོ། །གསང་སྔགས་སྔ་འགྱུར་རྒྱུད་འབུམ་འདི། །སྙིང་སྟོན་གཞོན་ནུ་དཔལ་བཟང་པོས། །ལྷག་བསམ་རྣམ་པར་དག་པས་བཞེངས། །དགེ་བ་བྱང་ཆུབ་ཆེན་པོར་བསྔོའོ།། །།