Ngb-pt-0403-vol-05-text
Front
Body
རྒྱ་གར་སྐད་དུ། སརྦ་དྷརྨ་པུ་ཏྲ་ཤེ་ཀ་ཏནྟྲ་ནཱ་མ། ཏ་ཐུ་ག་ཏ་བཛྲ་སཏྭ་ས་མ་ཏི། བོད་སྐད་དུ། རྒྱལ་བ་རྡོ་རྗེ་སེམས་དཔའི་དགོངས་པ་བསྟན་པ་ཐམས་ཅད་ཀྱི་བུ་གཅིག་པ་ཞེས་བྱ་བའི་རྒྱུད། ཐོག་མའི་སྟོན་པ་འོད་མི་འགྱུར་བ་བཅོམ་ལྡན་འདས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཆོས་ཀྱི་དབྱིངས་ཀྱི་ཞིང་ཁམས་རྣམ་པར་དག་པ་ཆོས་ཉིད་དུས་གསུམ་སྐྱེ་འགག་མེད་པ་ན། རིག་པ་དངོས་མེད་ཆོས་ཀྱི་སྐུ་ལ་ཉོན་མོངས་པའི་དྲི་མ་མེད་པ། སྐུ་ལ་མདུན་རྒྱབ་མེད་པ། ཐུགས་རྗེ་ལ་དབྲི་བཀོལ་མི་མངའ་བ། རིན་པོ་ཆེ་གསང་བའི་སྦུབས་ན་རང་བཞིན་རྣམ་པར་དག་པའི་སྣང་བ་ལ། རང་སྣང་ངོ་རྟག་པའི་འཁོར་དག་འདུ་འབྲལ་མེད་པར་བཞུགས་སོ། །འདི་སྐད་བདག་གིས་ཐོས་པའི་དུས་གཅིག་ན། ཡུལ་ཆོས་ཉིད་ལ་ཡེ་ཤེས་འོད་དུ་གསལ་བ། ཡེ་ཤེས་ཀྱི་གཞལ་ཡས་ཁང་ཆེན་པོའི་སྦུབས་ན། ལོངས་སྐུའི་ཞིང་ཁམས་ཡེ་ཤེས་ཀྱི་སྣང་བ་འོད་དང་བཅས་པ་ནི། ཡུལ་ཆོས་ཉིད་ལ་ཡེ་ཤེས་འོད་དུ་གསལ་བ། ཡེ་ཤེས་ཀྱི་སྣང་བ་འོད་དང་བཅས་པ་ནི། རིན་པོ་ཆེ་འོད་འབར་བ་སྐུ་སངས་རྒྱས་བཞི་བཅུ་རྩ་གཉིས་རང་བཞིན་གྱིས་འོད་གསལ་བ། གཟིགས་སྣང་གསུམ་མ་འགགས་པར། ཐུགས་རྗེ་ཉི་མ་དང་འོདཟེརབཞིནདུའབྱུངཞིང་། ཡེ་ཤེས་ཀྱི་སྣང་བ་འོད་ལྔར་གསལ་བ་དང་འདུ་འབྲལ་མེད་པར་བཞུགས་སོ། །སྣང་བ་འོད་དུ་གསལ་བ་དེའི་ཚེ། རྡོ་རྗེ་སེམས་དཔའ་རང་གི་རིག་པའི་རང་གདངས་སུ་ཤེས་ནས། ཡེ་ཤེས་རང་ས་ཟིན་ནས་སངས་རྒྱས་སོ། །དེའི་ཚེ་པདྨ་བདེ་ལྡན་གྱི་གྲོང་ཁྱེར་དུ་སངས་རྒྱས་རྡོ་རྗེ་སེམས་དཔའ་ལ། ཐུགས་རྗེ་རང་བྱུང་གི་སྐུ་དྲུག་ཐུན་མོང་མ་ཡིན་པའི་འཁོར་དང་བདུན། ཡེ་ཤེས་མཁའ་འགྲོ་མ་ལྔ། ས་ལ་གནས་པའི་བྱང་ཆུབ་སེམས་དཔའ་གསུམ་གྱིས་བསྐོར་ནས། སྐུ་དང་ཡེ་ཤེས་ཀྱི་སྣང་བ་མ་འགགས་པ། གསལ་བའི་དགོངས་པ་ལ་ཞུགས་སོ། །དེའི་ཚེ་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་རྡོ་རྗེ་འཆང་། སངས་རྒྱས་ཀྱི་ཡུལ་ལྔ་གསུང་དུ་གསོལ། ཞེས་ཞུས་སོ། །ཙྭ་ན་པརྩི་ཀ་ལ་ཧ་ཙཀྱུ། རི་རབ་ཀྱི་རྩེ་མོ་ལ་གྲོང་ཁྱེར་གཉིས་ན། མི་རྒོད་ལྔ་བཞུགས་པའི་མན་ངག་གོ །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨེ་མ་ཧོ། རྡོ་རྗེ་འཛིན་པ་ལེགས་པར་ཉོན་ཅིག །རང་ལ་ཚུར་བསྟན་ནས་ཆོས་ཀྱི་སྐུའི་ཡུལ། རང་གི་བྱང་ཁོག་གི་སྟོད་ཡིན་ནོ། །ཨེ་མ་ཧོ། །ཡེ་ཤེས་ཀྱི་ཡུལ་རང་གི་བྱད་ཡིན་ནོ། །ལོངས་སྐུའི་ཡུལ་རང་གི་མགོ་ཡིན་ནོ། །སྤྲུལ་སྐུའི་ཡུལ་རང་གི་རྒལ་ཚིག་ཡིན་ནོ། །ཡང་སྤྲུལ་ཐིག་ལེའི་ཡུལ་རང་གི་ལུས་ཐམས་ཅད་ཡིན་ནོ། །གསང་བའི་བདག་པོ་ཕར་ལ་བསྟན་ནས། རིག་པའི་ཡུལ་དབྱིངས་ཡིན་ནོ། །སྒྲོན་མའི་ཡུལ་ནམ་མཁའ་ཡིན་ནོ། །ཡེ་ཤེས་ཀྱི་ཡུལ་མེ་ལོང་ཡིན་ནོ། །འོད་ཀྱི་ཡུལ་རང་གི་རིག་པ་ཡིན་ནོ། །ལོངས་སྐུའི་ཡུལ་ཚོམབུའི་དཀྱིལ་འཁོར་བཅས་པ་ཡིན་ནོ། །ཐིག་ལེའི་ཡུལ་བེ་ཏ་ལི་ཡིན་ནོ། །ཞེས་གསུངས་པས། གསང་བའི་བདག་པོས་ཡུལ་ཆོས་ཀྱི་དབྱིངས་སུ་རྟོགས་སོ། །མཚན་མར་སྣང་བ་ཐམས་ཅད་འོད་ཀྱི་དཀྱིལ་འཁོར་དུ་རྟོགས་སོ། །འོད་ལྔ་སངས་རྒྱས་ཀྱི་རང་ལུས་ཡིན་པར་རྟོགས་སོ། །རང་གི་རིག་པ་ཡེ་ཤེས་སུ་རྟོགས་སོ། །དེ་ནས་གསང་བའི་བདག་པོས་འདི་སྐད་ཅེས་ཞུས་སོ། །ཨེ་མ་ཧོ་སངས་རྒྱས་ཐུགས་རྗེ་ཅན། སངས་རྒྱས་ཀྱི་གནས་ལྔ་བསྟན་དུ་གསོལ། ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་སངས་རྒྱས་ཆོས་ཀྱི་སྐུ་རང་གི་སྙིང་གི་དཀྱིལ་ན་བཞུགས་སོ། །ཡེ་ཤེས་ཟང་ཐལ་གྱི་སྐུ་བྱད་ཀྱི་དཀྱིལ་ན་བཞུགས་སོ། །ལོངས་སྤྱོད་རྫོགས་པའི་སྐུ་རང་གི་ཀླད་པའི་དཀྱིལ་ན་བཞུགས་སོ། །ཐུགས་རྗེ་སྤྲུལ་པའི་སྐུ་རང་གི་གཞུངས་པའི་ནང་ན་བཞུགས་སོ། །ཐིག་ལེ་རང་བྱུང་གི་སྐུ་རང་གི་རྩ་ཐམས་ཅད་ཀྱི་ནང་ནས་ཞུགས་སོ། །ཀྱི་རྡོ་རྗེ་འཛིན་པ་ཁྱོད་ཉོན་ཅིག །སངས་རྒྱས་སྐུ་ལྔ་ཡེ་ཤེས་ལྔ་རང་གི་སྙིང་གི་དཀྱིལ་ན་ཡེ་ནས་གནས་སོ། །སེམས་ཅན་ཐམས་ཅད་ལ་སངས་རྒྱས་ཀྱི་སྐུ་ཡེ་ནས་གནས་སོ། །རིག་པ་འོད་ལྔའི་ལུས་སུ་ཡེ་ནས་གནས་སོ། །གསང་བའི་བདག་པོ་ལེགས་པར་ཟུང་ཞིག །སེམས་ཅན་ཐམས་ཅད་ཀྱི་སྙིང་གི་དཀྱིལ་ན། ཡེ་ཤེས་ཀྱི་སྐུ་འོད་ཁྱིམ་གྱི་ཚུལ་དུ་སྣང་ངོ་། །རང་གི་སྙིང་གི་དཀྱིལ་ན་ཆོས་ཀྱི་སྐུ་མི་འགྱུར་བ། ཡེ་ཤེས་ཀྱི་སྙིང་པོར་ཤར་བར་ཡེ་ཤེས་ལྷང་ངེ་བ་བཞུགས་སོ། །འབྱུང་བ་འོད་དུ་འབྱུང་ཞིང་གསལ་བ་ཟེར་དུ་གསལ་ལོ། །དག་པའི་སྣང་བ་ལ་ཡེ་ཤེས་ཕྱོགས་བཅུར་ཤར་ནས། ནུབ་པ་མེད་པར་བཞུགས་སོ། །རང་གི་སྙིང་གི་དཀྱིལ་ན་ཆོས་སྐུ་ལ་མཚན་མའི་ཡུལ་མེད་པས། མཐའ་ལ་ཐུག་པ་མེད་པར་བཞུགས་སོ། །ཆོས་སྐུ་ལ་དྲི་མ་མེད་པས་རང་གི་རིག་པ་ལ་འགག་པ་མེད་དོ། །མ་འགགས་པར་སྣང་བ་ལ་ཐོགས་རྡུག་མེད་དོ། །རྡོ་རྗེ་འཛིན་པ་ཆེན་པོ་སངས་རྒྱས་ཀྱི་སྐུ་དེ་རང་གི་སྙིང་གི་དཀྱིལ་ན་ངོ་བོ་སྟོང་པར་བཞུགས་སོ། །ཡེ་ཤེས་གསལ་བར་བཞུགས་སོ། ཁ་དོག་ཕྱེད་པར་བཞུགས་སོ། །གསལ་ལ་འཚེར་བར་བཞུགས་སོ། །འོད་དུ་འཕྲོ་བར་བཞུགས་སོ། །སྐུ་མི་གཡོ་བར་བཞུགས་སོ། །ཡེ་ནས་ཕྱོགས་དང་རིས་མེད་པར་སྐུ་དག་པ་ཆེན་པོར་བཞུགས་སོ། །རིགས་ཀྱི་བུ་ལེགས་པར་ཉོན་ལ་ཡིད་ལ་ཟུང་ཞིག །སངས་རྒྱས་ཀྱི་སྐུ་བརྟེན་པ་རང་གི་བྱང་ཁོག་གི་སྟོད་ལ་བརྟེན་ནོ། །བཞུགས་པ་རང་གི་སྙིང་གི་དཀྱིལ་ན་བཞུགས་སོ། །གསལ་བ་རམ་མཁའི་ངང་ལ་གསལ་ལོ། །དེ་ལྟར་རང་གི་སྙིང་གི་དཀྱིལ་ན་སངས་རྒྱས་མངོན་སུམ་དུ་བཞུགས་སོ། །དེ་ངོ་ཤེས་པས་སངས་རྒྱའོ། །རང་གི་ཀླད་པའི་ནང་ན་སངས་རྒྱས་ཁྲོ་བོའི་སྐུ་ཐམས་ཅད་མངོན་སུམ་དུ་བཞུགས་སོ། །རང་གི་ཀླད་པའི་ནང་ན་ཐམས་ཅད་འོད་ཀྱི་ཁ་དོག་ལྔས་ཁེངས་ནས་ཡོད་དོ། །ཞེས་གསུངས་སོ། །དེ་ནས་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་འདས་རྡོ་རྗེ་འཆང་། སངས་རྒྱས་ཀྱིས་གསལ་བ་ལྔ་གསུང་དུ་གསོལ། ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ཨེ་མ་ཧོ། །གསང་བའི་བདག་པོ་ངེས་ཟུང་ཞིག །སངས་རྒྱས་ཀྱི་ཞིང་ཁམས་འོད་ལྔར་གསལ་ལོ། །སངས་རྒྱས་ཀྱི་ལུས་འོད་ལྔར་གསལ་ལོ། །འོད་ཁ་དོག་ལྔ་ནུབ་པ་མེད་པར་གསལ་ལོ། །འོད་ལྔ་རང་གི་སྙིང་གི་ནང་ན་གསལ་ལོ། །ཡེ་ཤེས་ལྔ་འོད་ལྔར་གསལ་ལོ། །ཞེས་གསུངས་སོ། །བསྟན་པ་ཐམས་ཅད་ཀྱི་བུ་གཅིག་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།བུརྙ་བཛྲ། མ་ཧྭ་ཙིསྟ། རིན་པོ་ཆེ་ཟ་མ་ཏོག་ན། ཡིད་བཞིན་གྱི་ནོར་བུ་རིན་པོ་ཆེ་བཞུགས་པའི་མན་ངག་ལ། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་རྡོ་རྗེ་འཆང་། སངས་རྒྱས་ངོ་སྤྲོད་ལྔ་ལྔ་གསུང་དུ་གསོལ། ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ། རང་གི་མིག་ལྷའི་བུའི་ཕྱག་སོར་གིས་བཀབ་ལ། ཕྱག་སོར་ལ་མ་ཡེངས་པར་བལྟས་པས། སངས་རྒྱས་ཀྱི་ཞིང་ཁམས་རྣམ་པར་དག་པ་མངོན་སུམ་དུ་འཆར་རོ། །རང་གི་མིག་མེ་ལོང་གི་ནང་དུ་བཅུག་ནས་བལྟས་ན། སངས་རྒྱས་ཀྱི་ཞིང་ཁམས་མངོན་སུམ་དུ་འཆར་རོ། །འཁར་པོར་ལགས་པར་ཆུས་བཀང་ནས། རྡོ་རྗེ་སེམས་དཔའི་མེ་ལོང་བསྟན་ན། སངས་རྒྱས་ཀྱི་ཞིང་ཁམས་མཚོན་ཆའི་རྩེ་མོ་བཞིན་དུ་འཕྲོ་བ་འཆར་རོ། །ནམ་མཁའི་སྙིང་པོ་ལ་རང་གི་མིག་བཅུག་ནས་བལྟས་པས་སངས་རྒྱས་ཀྱི་ཞིང་ཁམས་ཕྲ་ལ་དྭངས་པ་འཆར་རོ། །གྲོང་ཁྱེར་གྲངས་མེད་སྣ་རྩེ་ཉི་མ་ལ་བསྟན་ནས། དེ་རང་གི་མིག་ལ་བལྟས་ནས། སངས་རྒྱས་ཀྱི་ཞིང་ཁམས་འཆར་རོ། །ཀྱེ་གསང་བའི་བདག་པོ་ལེགས་པར་ཉོན་ལ་དགོངས་ཤིག །ཡིད་གཏོད་ཅིག །ང་རྡོ་རྗེ་སེམས་དཔའི་གདམས་པ་རིན་པོ་ཆེ་འདི་ནི་འཇིག་རྟེན་དུ་འབྱུང་བར་དཀའོ། །འདི་ནི་ལས་ཟད་པའི་གང་ཟག་ལས་ཅན་ལ་བསྟན་ནོ། །ཞེས་གསུངས་སོ། །གསང་བའི་བདག་པོ་རང་གི་སྙིང་གི་ནང་ན། སངས་རྒྱས་ཐམས་ཅད་ཀྱི་སྐུ་ཉུང་འབྲུ་ཙམ་ལ། སྤྱན་ཕུལ་ཐག་ཙམ་དུ་གནས་སོ། །གདམས་སོ། །སངས་རྒྱས་ཀྱི་སྐུ་འོད་ལྔའི་ཁང་པ་ཅན་གྱི་ནང་ན་གནས་པ་དེ་ལ། རྡོ་རྗེ་སེམས་དཔའི་མེ་ལོང་ལ་བལྟས་པས་རང་ལ་མངོན་སུམ་དུ་འཆར་རོ། །དེ་ངོ་ཤེས་པས་ཆོག་གོ །མ་འོངས་པའི་སེམས་ཅན་ལ་དེ་བཞིན་དུ་སྟོན་ཅིག །ཅེས་བཀའ་སྩལ་ཏོ། །བསྟན་པ་ཐམས་ཅད་ཀྱི་བུ་གཅིག་པོའི་རྒྱུད་ལས་མངོན་སུམ་དུ་བསྟན་པའི་ལེའུ་སྟེ་གཉིས་པའོ།། །།ཙྭ་ན་ཡེ་ཤེས་ཙཀྱུ། མིག་དྷརྣ། ཆོསཀྭ་ཡ། སྐུཙིསྟ། སྙིངརཏྣ། རིནཆེནགསེར་ནིཆོསཉིདལཟེརབཡིནགཡུའི་ནིཡེཤེསཡིནནོ། ལྷ་ཁང་ལ། སྙིངནངགིསངསརྒྱསཡིནནོ་རིན་པོ་ཆེ་ནིཆོསསྐུཡིནནོ། །ལྔའི་མཆོད་་༄།།རྟེན་རང་བྱུང་དུ་རྒྱུ་རྐྱེནབྱ་ད་པ་་པ་སྤངས་པ་བྱོན་ནས་མུ་ཏིག་གང་རང་གང་ངརག་པ་གསལབ་འདི་ཡངན་ནོའཁོར་ལོ་ལ་བཞུགས་པའི་མན་ངག་གོ།སངས་རྒྱས་་འད་ལྔས་བསྐ་ར་ནས་ཡ་ད་པཡངན་ནོ།།་་གྲ་་་་༷་༷།་ཁུ་་༷་སངས་རྒྱས་་འདལྔངའ་ལུསསུ་ཡ་དདོ།།།་་་་མ་་་འད་ལྔ་སྙིངགངནང་ན་ཡ་ད་དོ།་་་་འདལྔ་རང་་འད་ཡངན་པར་ང་ཤེས་ནས་སངས་རྒྱ་འ།།དེ་ནས་གསང་བའི་བདག་་པས་འདི་སྐད་ཅེས་ཞུས་སོ།།ཨེ་མ་ཨེ་མ་སངས་རྒྱས་ཐུགས་རྗེ་ཅན།།སྐུ་གསུམ་གྱང་་ང་་བ་གསུང་དུ་གསོལ།ཞེས་ལྡོ་་སོ།།་་ཀྱེ་རྡོ་རྗེ་འཛིན་པ་ཁྱོད་ཉོན་ཅངག།མ་ཡ་ངས་པར་ཉོན་ཅིག།ངརགས་ཀྱང་བུ་ཉོན་ཅིག།ཕུང་་པ་ཕུང་་པ་ལྟག་མ་མེད་པར་སངས་རྒྱས་པས་འདོད་པའི་མིས་འདི་ལྟར་ཤ་ས་པར་བྱའོ།།རང་གི་སྙིང་གང་ནང་ན་འོད་ཁ་དོག་ལྔའི་དཀྱངལ་ན་སངས་རྒྱས་ངརགས་ལྔའི་སྐུ་ཚོམ་བུའི་དཀྱངལ་འཁོར་དང་བཅས་པ་སྐུ་སྣོ་་འབྲུ་ཙམ་ལ་སྤྱན་སྤྱན་རང་གང་སྙིངནངན་ཡ་དཕུལ་ཐག་ཙམ་སྣ་ཚོགས་གཅེར་གྲོལ་དུ་བཞུགས་སོ།།སྐུ་དེ་ཡང་་ང་་བ་གསལ་ལ་ཟང་ཐལ་བ།འཛིན་རྟོག་དང་བྲལ་བའི་ཡ་་ཤེས་སུ་བཞུགས་སོ།།དེ་ལྟར་རང་གང་སྙིང་གི་ནང་ན་སངས་རྒྱས་སྐུ་སྣོ་་འཐུ་ཙམ་དུ་བཞུགས་ཀྱང་འཁྲུལ་སྣང་འགགས་པའི་དུས་སུ།སྐུ་ཆེ་བ་ནམ་མཁའི་མཐའ་དང་མཉམ་པའམ།འབྲིང་པོརི་རབ་ཙམ་གྱིས་ཁེངས་ནས་རང་ལ་འཆར་རོ།།དེ་ལ་མ་འཇིགས་ཤིག །དེ་ངོ་ཤེས་པས་ཆོག་གོ །ཀྱེ་གསང་བའི་བདག་པོ་ལེགས་པར་ཟུང་ཞིག །རང་འཆི་ཁར་ཆོས་ཉིད་རང་སྣང་གི་ནམ་མཁའ་ལ། སངས་རྒྱས་ཀྱི་སྐུ་མངོན་སུམ་དུ་འཆར་རོ། །དེ་ངོ་ཤེས་པས་ཆོག་གོ །རང་གི་རིག་པ་འོད་ལྔ་དང་འདུ་འབྲལ་མེད་པར་འགྲོགས་པ་ཡིན་ནོ། །རང་གི་རང་འོད་ངོ་ཤེས་པས་སངས་རྒྱས་ཀྱི་སྐུ་ཐོབ་པ་ཡིན་ནོ། །རང་ལ་སངས་རྒྱས་རང་ཆས་སུ་ཡོད་པ་དེ། སྲིད་པའི་མེ་ལོང་ལ་བལྟས་པས། སངས་རྒྱས་རང་ལ་མངོན་སུམ་དུ་འཆར་བ་ཡིན་ནོ། །མ་ནུ་སེམས་ཅན་སརྦ་ཐམ་ཅད་བུརྙ་སང་རྒྱ་ཙྭ་ན་ཡེ་ཤེ་ཀྭ་ཡ་སྐུཔ྅་ལྔའོ། །རིགས་ཀྱི་བུ་སངས་རྒྱས་རང་ལ་ཡོད་པས་གཞན་དུ་མ་ཚོལ་ཞིག །སངས་རྒྱས་འོད་ལྔའི་ལུས་བཞུགས་པས་གསལ་འགྲིབ་དང་བྲལ་ལོ། །སངས་རྒྱས་སྐུ་ལ་འགྱུར་བ་མེད་པས་སྐྱེ་འཆི་དང་བྲལ་ལོསངསརྒྱསལའཆི་འཕོམེདཔརསངསརྒྱསསངས་རྒྱསསྡུགབསྔལམེདཔརཡེཤེས་ལྔརཡོད་པས་ཏེ། ཐམས་ཅད་རང་ངོ་ཤེས་པས་སངས་རྒྱས་པས་དཀའ་ཐུབ་དང་བྲལ་བའོ། །སངས་རྒྱས་འོད་ཀྱི་སྐུ་ལ་གསལ་ལ་རྟོག་པ་མེད་པས་སྣང་ལ་རང་བཞིན་མེད་པ། བདེ་བ་རྒྱུན་ཆ་མེད་པ་རང་གི་སྙིང་གི་དཀྱིལ་ན་བཞུགས་སོ། །བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ལས། སངས་རྒྱས་གསུམ་བསྟན་པའི་ལེའུ་སྟེ་གསུམ་པའོ།། །།ཨུཌདཔངས་མཐོབཐུང་སྤངསཔ་གོཔོསྭ་མཐའརྣམཔརགྲོལབརྦུ་ལསཀྱིས་མིསྒྲིབ་པ་ས་་ བདེ་བབྷང་ཏུ། ཙྭ་ན། ཙིསྟ། ་། བཛྲ། མ་ཧྭ། ཙཀླུ། བྷང་ཏུ། ཨ་མ་ལ། མ་ཧྭ། པལྒ ཀྭ་ཡ། དྷརྨ། ཡལ། ཨ། གསུངས་ནས་ཅང་མེད་ད༷། ་། ད་ནས་དགའ་རབ་རྡ་རྗས་འད་སྐད་སྨྲས་ས། །ཀྱ་རྫགས་པའ་སངས་རྗེསེརཅེཨོ་་་་དེརྒྱས་ཐུགས་ ་ཅན། ། མས་ཅན་ཀུན་གྱ་སྡུག་བསྔལ་བསལ་དུ་གསལ། ། ས་ཞུས་ས། ། ་ཨུ་སྨ། སྨ། སྐ། ། སྨ། ཧུ༷་ཧུ༷། སྨ། སྐ། སྟ །ཧུ༷། གྭགྱ་།མོཨུ་་ ༷༷ ་ནས་བཅམ་ལྡན་འདས་ཀྱས་བཀའ་་་པ། གསང་བའ་བདག་པ་སངས་རྒྱས་རང་ལ་ཡད་ད། ། ་ང་ཤས་ན་སྡུག་བསྔལ་ཐམས་ཅད་དང་བྲལ་ལ། །ཅེས་གསུངས་ས། །བསྟན་པ་ཐམས་ཅད་ཀྱ་བུ་གཅག་པའ་རྒྱུད་ལས་སངས་རྒྱས་ཀྱས་གདམས་ངག་བསྟན་པངའ་ལེའུ་སྟེ་བཞི་པའ།། །།སྒྱིད་ཏུ། ཨུ། ཏ་ཐུ་ག་ཏ། ཀུ་ལ། པལྒ པ་ན། ་ང། ཀུ་ལ། པལྒ ཙིསྟ། བཱ་ངན། ་ང། ཀྭ་ཡ། ཧྭ་མྱ་ལྭ། ཨུསུ། གསུངས་ནས་དགོངས་པ་ལ་གཤེགས་སོ། །ནམ་མཁའི་དཀྱིལ་ནས་ཉི་ཟླའི་ཁང་པ་རིན་པོ་ཆེ་འོད་འབར་བ་ལྔ། བཞུགས་པའི་མན་ངག་དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་སངས་རྒྱས་རྡོ་རྗེ་འཆང་།སངས་རྒྱས་ཀྱི་བཞུགས་ཚུལ་གསུང་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ཁྱོད་མ་ཡེངས་པར་ཉོན་ཅིག །རང་གི་སྙིང་གི་དཀྱིལ་ན་སངས་རྒྱས་ཐམས་ཅད་ཀྱི་སྐུ་ཉུང་འབྲུ་ཙམ་ལ་སྤྱན་ཕུལ་ཐག་ཙམ་དུ་བཞུགས་སོ། །རང་གི་སྙིང་གི་ནང་ན་སངས་རྒྱས་རྒྱལ་བ་རིགས་ལྔ་འཁོར་དང་བཅས་པ་ཐམས་ཅད་སེང་གེ་དང་། གླང་པོ་ཆེ་དང་། རྟ་དང་། རྨ་བྱ་དང་། ཤང་ཤང་གི་གདན་ལ་སྐུ་མདོག་ལྔ་དང་ལྡན་པ། ཕྱག་མཚན་རྡོ་རྗེ་རྩེ་ལྔ་པ་བསྣམས་པ། ནོར་བུ་རིན་པོ་ཆེ་དང་། པདྨ་འདབ་མ་བརྒྱད་པ་དང་། རྡོ་རྗེ་རྒྱ་གྲམ་དང་། འཁོར་ལོ་རྩིབས་བརྒྱད་བསྣམས་པ། རིན་པོ་ཆེ་འོད་འབར་བའི་སྐུ་རང་གི་སྙིང་གི་ནང་ན་ད་ལྟ་བཞུགས་སོ། །རང་གི་ཀླད་པའི་ནང་ན་སངས་རྒྱས་ཁྲོ་བོའི་སྐུ། བཛྲ་ཧེ་རུ་ཀ་དང་། བུརྙ་ཧེ་རུ་ཀ་དང་། རཏྣ་ཧེ་རུ་ཀ་དང་། པདྨ་ཧེ་རུ་ཀ་དང་། ཀརྨ་ཧེ་རུ་ཀ་དང་། ཁྲག་འཐུང་གི་ལྷ་ཚོགས་ཐམས་ཅད་མངོན་སུམ་དུ་བཞུགས་སོ། །ཀྱེ་གསང་བའི་བདག་པོ། རང་གི་ཀླད་པའི་ནང་ན་ཁྲག་འཐུང་གི་ལྷ་ཚོགས་ཐམས་ཅད་སྣ་ཚོགས་གཅེར་གྲོལ་དུ་བཞུགས་སོ། །རང་གི་ལུས་འདི་ལ་སངས་རྒྱས་ཀྱི་གྲོང་ཁྱེར་ཉི་ཁྲི་ཆིག་སྟོང་ཡོད་དོ། །གྲོང་ཁྱེར་དེ་དག་ཐམས་ཅད་ནི་སངས་རྒྱས་ཀྱི་སྐུས་ཐམས་ཅད་ཁྱབ་ནས་ཡོད་དོ། །རང་གི་རྩ་ཡི་ནང་བདེ་བར་གཤེགས་པའི་སྐུས་ཁེངས་ནས་བཞུགས་སོ། །ཀྱེ་གསང་བའི་བདག་པོ་ལེགས་པར་ཉོན་ལ་ཡིད་ལ་ཟུང་ཞིག །གངས་སམ་གཡའ་ལས་བྱུང་བའི་མན་ཤེལ་དྲི་མ་མེད་པ་གཅིག་ཉི་མ་ལ་འཕྱར་བས། འོད་ཁ་དོག་ལྔ་ལྷུག་པར་འཆར་རོ། །དེ་ཡང་འདི་ལྟ་སྟེ། ཁ་དོག་མཐིང་ག་དང་། དཀར་པོ་དང་།དམར་པོ་དང་། ལྗང་གུའོ། །དོན་དེ་ལྟ་བུ་རང་གི་སྙིང་གི་དཀྱིལ་ན་བཞུགས་སོ། །རང་འཆི་བའི་དུས་སུ་འོད་ལྔ་གསལ་ལ་འཚེར་བ་རང་བཞིན་བཀྲག་ལ་ཉམ་ང་བ། སོས་ཁ་བྱང་ཐང་ཆེན་པོ་ལ་སྨིག་རྒྱུ་འགྱུ་བ་བཞིན་མེར་མེར་པོར་འོང་ངོ་། །དེ་ལ་མ་འཇིགས་ཤིག །འོད་ལས་ཟེར་མཚོན་ཆའི་ཆར་པ་བབས་པ་འོང་ངོ་། །དེ་ལ་མ་སྐྲགས་ཤིག །འོད་ཀྱི་ནང་ཐམས་ཅད་ནས་ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་འདྲ་བ་གྲག་ལ་སྒྲ་ཆེ་བ་འོང་། དེ་ལ་མ་དངངས་ཤིག །དེ་གསུམ་ལ་མ་འཇིགས་མ་དངངས་མ་བྲེད་པས་ན་སངས་རྒྱའོ། །དེ་གསུམ་ལ་འཇིགས་སྐྲག་ནས་བྲེད་པ་དེ་ནི། རྫོགས་ལྡན་མུན་པ་ནག་པོའི་རྒྱལ་ཁམས་བྱ་བ། ཉིན་མོ་ཉི་མའི་སྣང་བ་མེད་པ། མཚན་མོ་ཟླ་བའི་སྣང་བ་མེད་པ། ནང་ནུབ་མའི་སྣང་བ་མེད་པ། རླུང་ཆར་དང་མུན་པ་ནག་པོའི་གསེབ་ན་ཤིན་ཏུ་སྡུག་བསྔལ་ལོ། །དེ་ནས་འཁོར་བ་སྲིན་གྱི་ཁ་ཆུ་དང་འདྲ་བར་འཁོར་ཞིང་སྡུག་བསྔལ་ལོ། །དེས་ན་གདམས་ངག་འདིའི་གནད་ཤེས་པ་གལ་ཆེའོ། །འདི་མ་ཤེས་ན་ཕན་མེད་དོ། །ཞེས་གསུངས་སོ། །བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ལས། སངས་རྒྱས་ཀྱི་བཞུགས་ཚུལ་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་འདས་རྡོ་རྗེ་འཆང་། སངས་རྒྱས་ཀྱི་མངོན་རྟགས་གསུང་དུ་གསོལ། ཅེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ཁྱོད་ཉོན་ཅིག །སངས་རྒྱས་ལ་གཉིས་མངོན་པར་རྫོགས་པར་སངས་རྒྱས་པ་དང་། ཡང་དག་པར་རྫོགས་པར་སངས་རྒྱས་པའོ། །མངོན་པར་རྫོགས་པར་སངས་རྒྱས་པ་དེ་ལ། འོད་དང་། སྒྲ་དང་། གདུང་དང་། སྐུ་འོང་ངོ་། །འོད་གྱེན་ལ་འགྲེང་ནས་སྐས་ཀྱི་ཚུལ་དུ་བྱུང་ན། དབུགས་ཆད་པ་དང་སངས་མི་རྒྱ་བར་ཞག་ལྔ་ནས་སངས་རྒྱའོ། །འོད་ཁང་ཁྱིམ་གྱི་ཚུལ་དུ་བྱུང་ན། ཞག་ལྔ་ནས་བརྟན་པ་ཐོབ་ནས་སངས་མི་རྒྱ་བར། དབུགས་ཆད་པ་དང་སངས་རྒྱའོ། །སྒྲ་ལ་གཉིས་ཏེ་སྒྲ་འུར་ཟེར་ན་ཞག་ལྔ་ལ་སངས་རྒྱས་སོ། །སྒྲ་ཐུར་ཟེར་ན་ཞག་བདུན་ནས་སངས་རྒྱའོ། །གདུང་ལྔ་ལ་གདུང་དཀར་པོར་གྱུར་ན་རྡོ་རྗེ་སེམས་དཔའི་ཞིང་ཁམས་སུ་སྐྱེས་ནས་མངོན་པར་རྫོགས་པར་སངས་རྒྱའོ། །གདུང་སེར་པོར་བྱུང་ན་རིན་ཆེན་འབྱུང་ལྡན་གྱི་ཞིང་ཁམས་སུ་སྐྱེས་ནས་མངོན་པར་རྫོགས་པར་སངས་རྒྱའོ། །གདུང་ཁ་དོག་དམར་པོར་བྱུང་ན་སྣང་བ་མཐའ་ཡས་ཀྱི་ཞིང་ཁམས་སུ་སྐྱེས་ནས་མངོན་པར་རྫོགས་པར་སངས་རྒྱའོ། །གདུང་ཁ་དོག་ལྗང་གུར་བྱུང་ན་དོན་ཡོད་གྲུབ་པའི་ཞིང་ཁམས་སུ་སྐྱེས་ནས་མངོན་པར་སངས་རྒྱའོ། །གདུང་ཁ་དོག་མཐིང་གར་བྱུང་ན་རྣམ་པར་སྣང་མཛད་ཀྱི་ཞིང་ཁམས་སུ་སངས་རྒྱ་བ་ཡིན་ནོ། །སྐུ་ལ་གཉིས་ཞི་བའི་སྐུ་བྱུང་ན་སྣང་བ་འདི་འགགས་པ་དང་སངས་རྒྱའོ། །ཁྲོ་བོའི་སྐུ་བྱུང་ན་ཞག་ལྔ་ནས་སངས་རྒྱའོ། །དེ་བཞིན་དུ་འོད་དང་། སྒྲ་དང་། གདུང་དང་། སྐུ་འབྱུང་ངོ་། །ཞེས་གསུངས་སོ། །བསྟན་པ་ཐམས་ཅད་ཀྱི་བུ་གཅིག་བུའི་རྒྱུད་ལས། མངོན་རྟགས་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་རྡོ་རྗེ་འཆང་། །སྐུ་ཡི་གནས་ལུགས་གསུང་དུ་གསོལ། །ཅེས་ཞུས་སོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ཞུ་བ་ལེགས་སོ། །རང་གི་སྙིང་གི་ནང་ན་དབུས་རྣམ་པར་སྣང་མཛད་སྐུ་མདོག་མཐིང་ག་ཡབ་ཡུམ་འཁོར་དང་བཅས་པ་འོད་ལྔའི་དཀྱིལ་ན་ཡོད་དོ། །རང་གི་སྙིང་གི་ཤར་ན་རྡོ་རྗེ་སེམས་དཔའ་ཡབ་ཡུམ་འཁོར་བཅས་བཞུགས་སོ། །རང་གི་སྙིང་གི་ལྷོ་ན་རིན་ཆེན་འབྱུང་ལྡན་ཡབ་ཡུམ་འཁོར་དང་བཅས་པ་བཞུགས་སོ། །རང་གི་སྙིང་གི་ནང་ནུབ་ན་སྣང་བ་མཐའ་ཡས་ཡབ་ཡུམ་འཁོར་དང་བཅས་པ་བཞུགས་སོ། །རང་གི་སྙིང་གི་བྱང་ན་དོན་ཡོད་གྲུབ་པ་ཡབ་ཡུམ་འཁོར་དང་བཅས་པ་བཞུགས་སོ། །རང་གི་ཀླད་པའི་ནང་ཐམས་ཅད་ཁྲོ་བོའི་སྐུས་ཁེངས་ནས་ཡོད་དོ། །རང་གི་རིག་པ་མ་འགགས་པར་གསལ་བ་འདི་ལ་ཆོས་ཀྱི་སྐུ་ཡིན་ནོ། །སངས་རྒྱས་རྒྱལ་བ་རིགས་ལྔ་རང་གི་སྙིང་གི་ནང་ན་བཞུགས་སོ། །ལོངས་སྐུ་ཡིན་ནོ། །རང་གི་ཀླད་པ་དུང་ཁང་དཀར་བའི་ནང་ན་བཞུགས་པ་དེ་སྤྲུལ་པའི་སྐུ་ཡིན་ནོ། །རང་གི་ཀླད་པའི་ནང་གི་དབུས་ན་འོད་ཁ་དོག་ལྔ་ཡོད་དོ། །འོད་ལྔའི་ནང་ན་སངས་རྒྱས་ཀྱི་སྐུ་བཞུགས་སོ། །རང་གི་ག༷ས་པའི་ནང་ན་སངས་རྒྱས་ཀྱི་སྐུ་རུ་བཞུགས་སོ། །རང་གི་ལུས་རྩའི་དྲ་བར་ཡོད་དེ། །རྩའི་ནང་ན་སངས་རྒྱས་ཀྱི་གྲོང་ཁྱེར་ཡོད་དོ། །དེ་ཐམས་ཅད་སངས་རྒྱས་ཀྱི་སྐུས་ཁེངས་ནས་ཡོད་དོ། །འོད་ལྔ་སངས་རྒྱས་ཀྱ་ཞིང་ལུས་སུ་ཤེས་སངས་རྒྱའོ། །ཁུག་པ་ལྔ་ཤེས་ན་དབུགས་མ་ཆད་པ་ལ་སངས་རྒྱའོ། །ཞེས་གསུངས་སོ། །དེ་ནས་རྡོ་རྗེ་སེམས་དཔའི་ཞལ་ནས་སློབ་དཔོན་དགའ་རབ་རྡོ་རྗེ་ལ་རིགས་ཀྱི་བུ་ངས་འཇིག་རྟེན་ཁམས་སུ་རང་ཉི་ཤུ་རྩ་ལྔ་སྤྲུལ་པའི་སྐུར་བཞུགས་སོ། །སེམས་ཅན་གྱི་ལོ་སྟོང་བརྒྱད་ལོན་ནོ། །ཞེས་གསུངས་སོ། །ནམ་མཁའ་འོད་ཀྱི་བཀང་ནས་ཕུང་པོ་ལྷག་མ་མེད་པར་སངས་རྒྱས་སོ། །དེར་དགའ་རབ་རྡོ་རྗེ་བརྒྱལ་ནས། ཀྱེ་མ་ཀྱི་ཧུད་ཟེར་ནས་སྐད་ཕྱོགས་བཅུར་བོས་པས་བརྒྱལ་བ་སངས་ཙམ་ན། སངས་རྒྱས་རྡོ་རྗེ་སེམས་དཔའ་ཆོས་ཉིད་རང་སྣང་གི་ནམ་མཁའ་ལ། ཡེ་ཤེས་སྒྱུ་མ་ལྟ་བུའི་སྐུ་བྱོན་ནས་ཕྱག་གཡས་པའི་སོར་མོ་བརྐྱངས་ནས། དྷརྨ་རཏྣ་སིརྙ་པ་ཡ། ཞེས་པའི་སྒྲ་བྱུང་ནས་རིན་པོ་ཆེ་གཡུའི་ཟ་མ་ཏོག་སེན་གང་བ་གཅིག་དབུ་ཐོག་ཏུ་བབས་སོ། །དེ་ཁ་ཕྱེ་ནས་གཟིགས་པས། གསེར་གྱི་་།ག་བུ་ལ་གཡུའི་ཡི་གེ་བྲིས་པ་གཅིག་འདུག་ནས་དེ་བལྟས་པས། སངས་རྒྱས་རྡོ་རྗེ་སེམས་དཔའི་ཞལ་ཆེམས། ཚིག་གསུམ་པ་ཞེས་བྱ་བ་ཕུང་པོ་ལྷག་མ་མེད་པར་སངས་རྒྱ་བ་འདི་འདུག་གོ །དེར་དགའ་རབ་རྡོ་རྗེས་དེ་བལྟས་པས། དགའ་རབ་རྡོ་རྗེ་ཕུང་པོ་ལྷག་མེད་དུ་སངས་རྒྱས་སོ། །བསྟན་པ་ཐམས་ཅད་ཀྱེ་བུ་གཅིག་པུའི་རྒྱུད་ལས། སྐུ་ལྔ་བཤད་པའི་ལེའུ་སྟེ་བདུན་པའོ།། །།བསྟན་པ་ཐམས་ཅད་ཀྱི་བུ་གཅིག་པ་རྫོགས་སོ།། །།ཐ་མ་སྐད་ཅིག་མ་གསུམ་ལ་སངས་རྒྱའོ། །ཞེས་གསུངས་སོ། །རིགས་ཀྱི་བུ་འདི་ལྟ་སྟེ། རང་གི་སྙིང་གི་ནང་ན་རིགས་ལྔའི་སྐུ་མངོན་སུམ་དུ་བཞུགས་སོ། །འཆར་བ་མངོན་སུམ་དུ་འཆར་རོ། །ཀྱེ་གསང་བའི་བདག་པོ་གདམས་པ་བསྟན་པའི་ཚེ། སངས་རྒྱས་ཀྱི་སྐུ་མེ་ལོང་གི་གཟུགས་བརྙན་བཞིན་འཆར་རོ། །རྡོ་རྗེ་སེམས་དཔའི་ཞལ་ཆེམས་ཚིག་གསུམ་པོ། །དགའ་རབ་རྡོ་རྗེའི་ཐུགས་ཀྱི་གཏེར་དུ་སྦོས། ཞེས་གསུངས་སོ། །དེ་ནས་ཡང་སངས་རྒྱས་རྡོ་རྗེ་སེམས་དཔའི་ཞལ་ནས། དགའ་རབ་ལ་རིགས་ཀྱི་བུ། ངས་འཇིག་རྟེན་ཁམས་སུ་རང་ལ་ལོ་ཉི་ཤུ་རྩ་བཞི་ལོན་ནས། སྤྲུལ་པའི་སྐུར་བཞུགས་སོ། །སེམས་ཅན་གྱི་ལོ་སྟོང་བརྒྱད་བརྒྱ་ལོན་ནོ། །ཞེས་ཕུང་པོ་ལྷག་མེད་དུ་མངོན་སངས་རྒྱའོ། །དེ་ན་རིམ་པར་བརྒྱུད་ནས། ལྕེ་བཙུན་གྱིས་མ་ཆད་པ་སྟག་ཅན་དུ་སྦས་སོ། །དེ་ནས་ལྕེ་