Front[edit]

Body[edit]

རྒྱ་གར་སྐད་དུ། ལོ་ཀ་དུ་ཏ་ཏནྟྲ་པྲ་བ་སད་ནཱ་མ། བོད་སྐད་དུ། སྲིད་པའི་བེམ་ཞེས་བྱ་བ། རྒྱ་ནག་སྐད་དུ། བདེ་རོད་དར་མུད་ཁ་ཕྱེད། བོད་སྐད་དུ། སྲིད་པའི་སྐོས་ཆེན་པོ་ཞེས་བྱ། ཞང་ཞུང་སྐད་དུ། མུ་ཡི་སངས་འདུ་བེ་ཏ་ཧ་འཕྱོ་ཡ་སངས། བོད་སྐད་དུ། སྲིད་པའི་ཧས་ཞེས་བྱ། བཅོམ་ལྡན་འདས་ཧེ་རུ་ཀ་ལ་ཕྱག་འཚལ་ལོ། སྔོན་འདི་སྐད་ཐོས་པའི་དུས་གཅིག་ན། རང་སྣང་གི་དངོས་པོ་ནི་རིགས་ལྔ། འབྱུང་བ་ལྔ་ནི་ཡུམ་ལྔ་རུ་སྣང་བ་ལས། སྲིད་པའི་ཆམ་ལ་དབབ་པའི་སྐོས་བདག །སྲིད་པའི་རྒྱལ་མོ་འཁོར་ལོ་རྟེན་ཅིང་འབྲེལ་བར་འབྱུང་བ་ཐམས་ཅད་སྡུད་པ་ལས། དེའི་ཐུགས་ཀ་ནས་སྐོས་བདག་ཆེན་པོ་བརྒྱད་སྤྲུལ་ནས་འཇིག་རྟེན་ཆམ་ལ་ཕབ་སྟེ་གནས་པ་ནི། །ནག་པོ་འཛུམ་མེད་དང་། ཐོམ་པོ་ཡོར་པོ་གཉིས་སྲིད་པ་བྱང་དུ་བསྐོས། །སྐོས་རྗེ་དྲང་དཀར་དང་། ཐོད་པའི་ཕྲེང་བ་གཉིས་ཤར་གྱི་སྐོས་བདག་ཏུ་བསྐོས། ཡསྒ་དེ་ཝ་དང་།ཡསྒ་ཀྲོ་ཏ་གཉིས་ནུབ་ཀྱི་སྐོས་བདག་ཏུ་བསྐོས། འཁོར་ལོ་བཅུ་གཉིས་པ་དང་། ཡབ་རྗེ་ནག་པོ་གཉིས་བྱང་གི་སྐོས་བདག་ཏུ་བསྐོས། དེ་ཐམས་ཅད་ཀྱང་བཛྲ་ཧེ་རུ་ཀའི་སྐུ་ལ་འཁྲིལ་བའོ། །བདུད་དེ་རྣམས་ཀྱིས་བསྐོས་བཏབ་པས། ནམ་མཁའ་དང་གླིང་བཞི་རི་རབ་ཏུ་བཅས་པས་ཀུན་ཏུ་གང་བས་ཁྱབ་པ་ནི། རི་རབ་ཁྲི་འཕང་བཞི་པ། བང་རིམ་དང་བཅས་པ་ནི། དཔག་བསམ་གྱི་ཤིང་ལ་བརྟེན་པས་ཡར་དཔག་ཚད་བཞི་ཁྲི་མར་དཔག་ཚད་བཞི་ཁྲི་སྟེ། བརྒྱད་ཁྲི་ནི་ཐམས་ཅད་འགྲོ་བ་རིགས་དྲུག་གི་བརྟེན་པ་སྟེ། འོག་གི་བཞི་ཁྲི་ནི་ངན་སོང་གི་གནས་གསུམ་མོ། སྟེང་གི་བཞི་ཁྲི་ནི་མཐོ་རིས་ཀྱི་གནས་སོ། །གསེར་གྱི་རི་བདུན་ནི་རོལ་པའི་མཚོ་དང་འབྲེལ་བས་ནམ་མཁའ་ལ་ཡང་མུན་སེལ་གྱི་གློག་འགྱུ་བའོ། དེ་ལ་འཛམ་བུ་གླིང་བཞི་མི་བཞི་བརྟེན་ཏེ། གླིང་བཞིའི་བྱ་བས་མི་མཐུན་པ་དང་། སྤྱོད་པ་དང་བསྐྱེད་པ་དང་། ཁ་དོག་ཀྱང་མི་མཐུན་པ་ཡིན་ནོ། དེར་ནི་རི་རབ་ནི་སྲིན་པའི་རྒྱལ་མོའི་ལྟོ་བ་སྟེ། དེ་ལ་ནི་རྟེན་འབྲེལ་བཅུ་གཉིས་དང་། དུས་གསུམ་དང་། ལྷ་མ་ཡིན་གྱི་གཡུལ་ངོ་འགྱེད་པ་དང་། འགྲོ་བ་རིགས་དྲུག་གི་མི་དང་བྱོལ་སོང་ཡི་དྭགས་དམྱལ་བའི་གནས་ནི་སྐུ་ལ་འཆར་རོ། ཕྱག་གཉིས་ནི་རི་རབ་ཀྱི་ཕྲག་པ་གཡས་གཡོན་གཉིས་ནས་འཇུས། ཞབས་གཉིས་ནི་རྒྱ་མཚོའི་གཏིང་དུ་བརྐྱངས་ནས་གནས་པ་ལ། རི་རབ་ཀྱང་འགུལ། གླིང་གཞི་ཡང་ལྡེག་རྒྱ་མཚོ་ཡང་འཁྲུགས་པ་ལས། འཇིག་རྟེན་སྟོངས་ལ་ཁད་ནས། བཛྲ་ཧེ་རུ་ཀའི་དགོངས་པ་ལ་འདི་ལ་ཏིང་ངེ་འཛིན་གྱི་གཟེར་གཅིག་མ་བཏབ་ན་འཇིག་རྟེན་སྟོངས་པར་དགོངས་པས་ཟིལ་གནོན་གྱི་ཕྱག་རྒྱ་བཅས་ནས་སྐུ་ལྟེ་བ་མན་ཆད་བསྣུབས་ཏེ། མོའི་བྷ་ག་ལ་སླེབ་པར་བྱས་སོ། དེར་རི་རབ་ཀྱི་ཟུར་བཞིའི་ལྕོག་ཆེན་པོ་གནས་པ་ལ། ཁང་པ་བརྩེགས་པ་བཞིན་དེད་དཔོན་ཆེན་པོ་བཞི་གནས་སོ། ལྷའི་དེད་དཔོན་ནི་འཁོར་ལོ་བཅུ་གཉིས་པ་བ་དན་དཀར་པོ་བསྣམས་པ། ཤེལ་ཁྲབ་དང་། ཤེལ་རྨོག་གསོལ་བ། ཆིབས་སུ་བན་གླང་དཀར་པོ་གསེར་གྱི་སྣ་ཆུ་ལ། དར་གྱི་སྣ་ཐག་ཅན་བཅིབས་པའོ། །ལྷ་བྲན་དང་བཅས་བདུན་བདུན་གྱི་གཡོག་བྱས་པའོ། ལྷ་མ་ཡིན་གྱི་དེད་དཔོན་ནི། བསེ་ཁྲབ་དང་བསེ་རྨོག་གསོལ་བ། ལྷ་མ་ཡིན་གྱི་གཡོག་བདུན་གྱིས་བསྐོར་ཏེ་བེར་ནག་ཅན་བདུན་ནོ། བདུད་དང་གནོད་སྤྱིན་གྱི་དེད་དཔོན་ནི་ཟངས་ཀྱི་འཕར་བ་ལ་ཤོན་པ། སྟོད་ཟངས་ལ་སྨད་ལྕགས་ཀྱི་ཁྲབ་དང་། ལྕགས་རྨོག་གསོལ་བ། འཁོར་མང་པོས་བསྐོར་བ་འཁོར་རྣམས་དམར་ནག་འདུག་པས་བསྐོར་བ། མ་མོའི་དེད་དཔོན་ནི་སྐུ་ལ་གཡུ་ཁྲབ་དང་གཡུ་རྨོག་གསོལ་བ། དར་ནག་ལྕེ་ལྔ་པའི་བ་དན་བསྣམས་པ། ཟངས་མ་མོ་སྐེ་རིང་ལ་ཞོན་པ་བྱང་ཤར་ལ་གནས་པས་སོ་སོ་ནས་འདུལ་ལོ། ལྷ་མ་ཡིན་ནི་བ་དན་དཀར་པོ་ལྕེ་དམར་བའོ། །བདུད་དང་གནོད་སྤྱིན་ནི་དར་སྣ་ལྔའི་བ་དན་ནོ། །ལྕོག་གི་རྩེ་ལ་རྒྱལ་མཚན་བཞི་རེ་གནས་ཏེ། སྟག་དང་གཟིག་དང་བྱ་རྒོད་དང་། རྨ་བྱའི་རྒྱལ་མཚན་གནས་སོ། དེ་ན་དགའ་བའི་ཚལ་ལ་སོགས་པ་བཞི་ནི་འདྲེས་པའི་ཚལ་དུ་འཐབ་བའོ།དེ་ན་ནི་ཤིང་ཡོངས་འདུ་ས་བརྟོལ་གནས་ཏེ། ཡོན་ཏན་སྣ་ཚོགས་དང་ལྡན་པའོ། །དེ་ན་མ་སྲིད་པའི་རྒྱལ་མོ་ལ། བཛྲ་ཧེ་རུ་ཀས་བརྒྱན་ལ་གཞལ་ཡས་ཁང་གསེར་གྱི་འཁོར་ལོ་འོད་འབར་བ་ལྟེ་བ་ཁ་དོག་སྣ་ཚོགས་པ་མཛེས་པའི་བརྒྱན་ལ་མུ་ཁྱུད་དཀར་པོ་དང་གྲུ་ཆད་ལྗང་གུ། བར་ཁྱམས་ནི་ཤར་དཀར་པོ། ལྷོ་བིཌ་ར་ཡ་སྔོན་པོ། ནུབ་རྭ་ག་དམར་པོ། བྱང་ཨིནྟྲ་ནི་ལ་ལྗང་གུ་དེའི་ཕྱི་རིམ་ན་སྒོ་སྣམ་དང་། སྒོ་ཁྱུད་དྲག་པོ་ལྕགས་ཀྱིས་བྱས་པ། གྲུ་གསུམ་སུམ་བརྩེགས་ནི་ནག་པོ་དམར་པོ་སེར་པོའོ། །ཡོན་ཏན་སྣ་ཚོགས་དང་ལྡན་པ་གསེར་གྱི་འཁོར་ལོས་བྱས་སོ། །དེ་རྒྱ་མ་ཆད་པ་ནམ་མཁའ་དང་མཉམ་པའོ། ཐོད་པ་སྐམ་རློན་གྱི་རྩིགས་པས་བརྟན་པར་བྱས་པ། དེ་ཐམས་ཅད་ཁྲག་གི་ཞམ་ཆུ་འབབ་པ། དུར་ཁྲོད་ཀྱི་ཅེ་སྤྱང་མང་པོ་ཁྲག་ལ་སྟོད་ཅིང་འཐུང་བ། ཀེང་རུས་དང་ཤ་ཁྲག་མང་པོ་རི་རབ་ཙམ་སྤུངས་པ། ཞིང་ཆེན་གྱི་རྒྱལ་མཚན་དང་འཕན་གདུག་དང་བླ་རེས་བྲེས་པ། ཀང་ཀ་ལ་སོགས་ཏེ། དུར་བྱའི་ཚོགས་མང་པོ་ཡང་ལྡིང་བ། གནོད་སྤྱིན་ཕོ་མོ་མང་པོ་འདུ་བ། ཉི་ཟླའི་མཐོངས་ཁུང་དང་། གཟའ་ཆེན་པོས་བརྒྱད་ཀྱི་ཀ་ཞུ་དང་། ཞིང་སྨུག་པོའི་ཀ་བ་དང་།དར་ནག་གི་ལྡ་ལྡི་དང་། ཕེལ་ཀ་ཆེ་ཆུང་དང་། མཆོག་ཕྲན་གྱི་གྲལ་ཕྱམ་དང་། རྒྱན་སྣ་ཚོགས་ཀྱིས་བརྒྱན་པའི་གནས་ན་བཅོམ་ལྡན་འདས་བཛྲ་ཧེ་རུ་ཀ་དང་ཡུམ་གྱི་སྲིད་པའི་རྒྱལ་མོ་ལ། གནོད་སྦྱིན་ཕོ་མོ་མང་པོས་བསྐོར་བ་ནི་འདི་ལྟ་སྟེ། དབྱིངས་ཀྱི་ཡུམ་དྲུག་ལ། བདེ་བ་ཆ་སྙོམས་མ་ཡིད་ཀྱི་རྩ་ལས་བསྐྱེད་པ་དང་། ཡིད་འོང་རྒྱལ་མོ་བྷ་ག་སེམས་ཀྱི་རྩ་ལས་བསྐྱེད་པ་དང་། འཁོར་ལོ་ཚིམས་བྱེད་མ་ཉོན་མོངས་པའིརྩ་ལས་བསྐྱེད་པ་དང་། འགྲོ་བ་སྒྲོལ་བྱེད་མ་མཁའ་ལྡིང་གི་རྩ་ལས་བསྐྱེད་པ་དང་། ཐོས་བྱེད་ཀྱི་རྩ་ལས་ཡིད་འཕྲོག་མ་བསྐྱེད་པ་དང་། སྣོམ་བྱེད་ཀྱི་རྩ་ལས་ཆགས་བྱེད་རྒྱལ་མོ་བསྐྱེད་པ་དང་། དྲུག་ནི་དབྱིངས་ཀྱི་ཡུམ་དྲུག་ཅེས་བྱའོ། ཡུམ་དྲུག་ཅེས་པ་ནི། མ་མོ་ཐམས་ཅད་དེ་དྲུག་ལས་བསྐྱེད་པས་ཡུམ་དྲུག་ཅེས་བྱའོ། སྲིད་པ་བདེ་འགྲོ་མ་བདེ་བ་ཆ་སྙོམས་མའི་ཡིད་ལས་བསྐྱེད་པས་རྟགས་སུ་འཁོར་ལོ་དང་བྷསྟོ་བསྣམས་པའོ། ཡིད་འོང་རྒྱལ་མོའི་སེམས་ལས་རྣམ་སྣང་གསལ་བསྐྱེད་པས། འབྱུང་བ་ནམ་མཁའ་ལ་དབང་བྱེད་པའོ། འཁོར་ལོ་ཚིམས་བྱེད་མའི་ཉོན་མོངས་པའི་རྩ་ལས་བཀྲག་གསལ་འབར་བསྐྱེད་པས། འབྱུང་བ་ས་ལ་དབང་བསྒྱུར་བདང་། འགྲོ་བ་སྒྲོལ་བྱེད་མའི་མིག་གི་རྣམ་ཤེས་ལས་འོད་གསལ་འབར་བསྐྱེད་པས། འབྱུང་བ་མེ་ལ་དབང་བསྒྱུར་བའོ། ཡིད་འཕྲོག་མའི་རྣ་བའི་རྣམ་ཤེས་ལས་གཉེན་གསལ་འབར་བསྐྱེད་པ་ལས། འབྱུང་བ་ཆུ་ལ་དབང་བསྒྱུར་བ་དང་། ཆགས་བྱེད་རྒྱལ་མོའི་སྣའི་རྣམ་ཤེས་ལས་ཡང་གསལ་གཡོས་བསྐྱེད་པས། འབྱུང་བ་རླུད་ལ་དབང་བསྒྱུརབའོ། དེ་ཡང་དབྱིངས་ཀྱི་ཡུམ་དྲུག་ལ་དཔལ་ཆེན་པོས་མིང་གི་དབང་བསྐུར་བ་ནི། དགའ་བའི་མེ་ཏོག་མདངས་ལྡན་མ་ཞེས་བདེ་བ་ཆ་སྙོམས་མ་ལ་དབང་བའོ། ཡིད་འོང་མ་ལ་རིན་ཆེན་ལྕུག་མ་ཞེས་བྱའོ། །འཁོར་ལོ་ཚིམས་བྱེད་མ་ལ་འབར་མ་འོད་ཆགས་མ་ཞེས་དབང་བསྐུར་རོ། འགྲོ་བ་སྒྲོལ་བྱེད་མ་ལ་རི་རབ་བརྗིད་ལྡན་མ་ཞེས་དབང་བསྐུར་རོ། ཡིད་འཕྲོག་མ་ལ་འཁོར་བ་ཆགས་པས་ཚིམ་མཛད་མ་ཞེས་བཏགས། ཆགས་བྱེད་མ་ལ་རྒྱལ་མོ་ཀུན་བསྐྱེད་མ་ཞེས་མིང་གི་དབང་བསྐུར་རོ། །དབྱིངས་ཀྱི་ཡུམ་དྲུག་པོ་དེ་ནི་དབུ་གསུམ་གསུམ་སྟེ། དགའ་བའི་མེ་ཏོག་མ་ཞལ་དབུས་སེར་གཡས་དཀར་ཡོན་ལྗང་ནག་གོ །རིན་ཆེན་ལྕུག་མའི་དབུས་སྔོ་གཡས་སེར་གཡོན་དམར། འབར་བའི་འོད་ཆགས་མའི་ཞལ་དབུས་རྭ་ག་གཡས་མཐིང་ག་གཡོན་དམར། རི་རབ་བརྗིད་ལྡན་མ་ནི་དབུས་དཀར་གཡས་སེར་གཡོན་དམར། འཁོར་བ་ཆགས་པས་ཚིམ་མཛད་མ་ནི། ཞལ་དབུས་ལྗང་གཡས་དམར་གཡོན་དཀར། ཆགས་བྱེད་རྒྱལ་མོ་ནི་ཞལ་དབུས་སེར་གཡས་ནག་གཡོན་མཐིང་བའི་ཞལ། དེ་དྲུག་ཀའི་གཡས་དང་པོ་དྲུག་ན་བྷརྙ་ཁྲག་གིས་བཀང་བ་བསྣམས་པའོ། །གཡོན་གྱི་དང་པོ་ཀུན་ན་དར་ནག་གི་རུ་མཚོན་ཕྱར་བའོ བར་མ་ཐ་མ་ན་སྣ་ཚོགསཀྱིམཚོནཆཕྱརབའོ། རྟག་པའི་རྒྱལ་མོ་དྲུག་ཀྱང་དབུ་གསུམ་གསུམ་མོ། ཕྱག་མཚན་སྐུ་མདོག་ཀུན་གཞུང་དང་མཐུན། རྟག་པའི་རྒྱལ་མོ་དྲུག་ནི་རྣམ་སྣང་གསལ་ནི་འགྲོ་བའི་སེམས་ལ་དབང་བསྒྱུར། བཀྲག་གསལ་འབར་ནི་ཤ་ལ་དབང་སྒྱུར། གཉེན་གསལ་འབར་ནི་འགྲོ་བའི་ཁྲག་ལ་དབང་བསྒྱུར། འོད་གསལ་འབར་ནི་འགྲོ་བའི་དྲོད་ལ་དབང་བསྒྱུར། འཕགས་པ་གཡོས་ནི་འགྲོ་བའི་དབུགས་ལ་དབང་བསྒྱུར། སྲིད་པ་བདེ་འགྲོ་ནི་འགྲོ་བའི་མདངས་ལ་དབང་བསྒྱུར། བསྐྱེད་པའི་ཁྲོ་མོ་བཅུ་གསུམ་མོ། །ཅིར་མི་འོང་བའི་སྐྲུན་དྲུག་ཡིན། ཞེས་གཙོ་མོ་དང་བཅུ་གསུམ་པོ་ལ་བྱའོ། །དེ་རྣམས་ནི་གཙོ་མོའི་འཁོར་རོ། །དེ་ནས་བང་རིམ་དང་པོ་ལ་ནི་རྣལ་འབྱོར་མ་བཞི་ཁྲོས་པའི་མ་བཞི་ཕུང་བྱེད་སྦས་པའི་མ་བཞི་དང་། །ཉི་ཟླ་ཐོད་ཕྲེང་དང་། ཕྲ་མེན་རྒྱ་མཚོ་རྣམས་ནི་དབུ་གསུམ་མོ། །གཞན་ཞལ་གཅིག་ཕྱག་གཉིས་སོ། །ཉི་ཟླ་སྟོང་གི་ཐོད་ཕྲེང་ནི་ཞལ་དབུས་དཀར་གཡོན་སྔོ་གཡས་སེར། ཕྱག་དྲུག་གི་དང་པོ་ན་ཐོད་པ་ཁྲག་གིས་བཀང་བ་བསྣམས་པ། བར་མ་ན་གསེར་གྱི་འཁོར་ལོ། ཐ་མ་ན་ག་ཡུའི་གལྭ ཕྱག་གཡོན་དང་པོ་ན་ཉི་ཟླ། བར་མ་ན་ག་ཡུ་ཁྲ། ཐ་མ་ན་རྒྱུ་མའི་ཞགས་པ་བསྣམས་པའོ། །ཕྲ་མེན་རྒྱ་མཚོ་དབུས་སྣ་ཚོགས་ཀྱི་ཞལ་གཡས་དཀར་གཡོན་དམར། གཡས་དང་པོ་ན་པྲསྤྲོ་དཀར་པོ་ཁྲག་གིས་བཀང་བ། བར་མ་ཞིངགིརུམཚོན། ཐམནེའུལེའི་རྐྱལ་པ། གཡོན་དང་པོ་ན་ཏི་རའི་དབྱུག་པ། བར་མ་ན་སྦྲུལ་ནགགིརུམཚོན། ཐམནལྕགས་ཀྱུ་བསྣམས་པའོ། །དེ་ནི་རྣལ་འབྱོར་མ་བཅུ་བཞིའི་འཁོར་རོ། །སྲིད་པའི་སྨན་མོའི་འཁོར་ནི། མ་མོ་བདུན་དང་། སྲིང་མོ་བཞི་དང་། རྒྱས་འདེབས་བཞི་དང་། དམག་གི་རྒྱལ་མོ་བཞི་དང་ཨེ་ཀ་ཛ་ཞི་སྐྲུན་དྲུག་དང་། གྲུ་འདེགས་བཞི་དང་། བྱ་བ་མོ་དང་བྱེད་པ་མོ་གཉིས་དང་། དབང་མོ་ཉི་ཤུ་རྩ་བརྒྱད་དང་། དེ་ལྟར་ཤར་གྱི་དཀར་མོ་ཤེལ་གྱི་བུམ་ཐོགས་མ་ཤེལ་གྱི་ཁང་པ་ན་གནས་པ། དེ་ནི་ཁྲི་འཕང་ཡར་འཕགས་མར་ནུབ་ཀྱི་རྩ་ལ་གནས་པའོ། །ལྷོ་ན་སྔོན་མོ་བི་རུའི་བུམ་ཐོགས་མ་བཞི་བིཌབྱའི་ཁང་པ་ན་གནས་པའོ། །ནུབ་ན་དམར་མོ་བྱེ་རུའི་བུམ་པ་ཐོགས་པ་བཞི་གནས་སོ། །བྱང་ན་སེར་མོ་གསེར་གྱི་བུམ་པ་ཐོགས་པ་བཞི་གནས་ཏེ། ཕྱོགས་བཞིའི་སྲིང་མོ་བཞི་བཞི་ཡིན།ཚེའི་ལྷ་མོ་བཅུ་དྲུག་ཅེས་བྱའོ། ལྕགས་རི་མུ་ཁྱུད་འདས་པའི་ཕ་རོལ་ན། མུན་པའི་གཡུང་དྲུང་གླིང་བར་གྱི་མུན་པའི་ནང་ན་ཟོར་བདག་ཆེན་མོ་བཞི་ནི། །དགའ་མོ་གཉན་གྱི་ཟོར་འཕེན་མ། །ཨསྙེ་གཉན་གྱི་སྨན་གཅིག་མ། །རཀྟ་གཉན་གྱི་ཙ་མུན་ཏྲི། །དྲེའུ་གདོང་ཅན་མགོ་གཅོད་མ། ཞེས་ཐམས་ཅད་ཀྱི་ལས་ལ་ཤིས་པའི་མ་མོ་བཞིའོ། །ནམ་མཁའ་སྟོང་ལ་དབང་བསྒྱུར་བའི་མ་མོ་ནི། །བདུད་ཀྱི་བུ་མོ་ནག་མོ་དུང་མགྲིན་མ་དང་། ས་བདག་དང་ཀླུ་ལ་དབང་བསྒྱུར་བདག་གཡུ་བྱེའུ་ཅན་གྱི་འཁོར་གྱིས་བསྐོར་བ་ནི་མ་མོ་བརྒྱ་རྩ་བརྒྱད་ཀྱི་ཁུངས་ནས་བརྒྱུད་པའོ། །དེ་ལས་སྤྲོས་ན་སྟོང་རྩ་བརྒྱད་དུ་འགྱུར་རོ། །དེ་ཡང་མ་མོ་རིགས་བཞིར་བསྡུས་པ་ལས། དབྱིངས་ཀྱི་མ་མོ་གཙོ་མོ་སྲིད་པའི་རྒྱལ་མོ་དང་། ཕུང་བྱེད་སྦས་པའི་མ་བཞི་དང་། བསྐྱེད་པའི་ཁྲོ་མོ་བཅུ་གསུམ་ལ་སོགས་པ་ནི་དབྱིངས་ཀྱི་མ་མོའོ། །བདུད་མོ་ཀུན་གྱི་གཙོ་མོ་ནི་ཨེ་ཀ་ཙ་ཏི་དང་། རྣལ་འབྱོར་ཉིད་དབྱིངས་བཅུ་བཞི་དང་། ནག་མོ་དུང་འགྲིན་ལ་སོགས་པ་ནི་བདུད་མོའི་རིགས་སོ། །ཡང་གབ་མ་བཞི་དང་། གཡུའི་བྱེའུ་ཅན་དང་། ཚ་བ་མགོ་ཏིའི་བདག་མོ་མགོ་དགུ་རལ་གཅིག་དང་། རོ་བཤལ་མ་དང་། དྲ་མི་དྲ་དང་། རྨ་རིན་ཆེན་མོ་ལ་སོགས་པ་ནི་སྤྲུལ་པའི་མ་མོའི་རིགས་སོ། གཙོ་མོ་གདུག་བྱེད་ནག་མོ་དང་། བསེབ་ཏིའི་བདག་མོ་དང་། གདོང་མོ་བཞི་དང་། དུར་ཁྲོད་ཀྱི་བདག་མོ་ཤི་ཙ་མུན་ཏྲི་དང་། རྒྱ་རི་སྐྱེ་སེར་ཁ་འབར་རྐན་སྒྲ་ཅན་ལ་སོགས་པ་ནི་ལས་བྱེད་མའི་རིགས་སོ། །འདྲེན་ཅིང་འགུགས་པའི་ལས་བྱེད་པ། ་་་ལེ་ཉིས་བརྒྱ་ལྔ་བཅུ་གཉིས། །མངག་ཅིང་གཞུང་པའི་ལས་བྱེད་པ། །ཕོ་ཉ་ཉིས་བརྒྱ་ལྔ་བཅུ་གཉིས། །གསོད་ཅིང་གཅོད་པའི་ལས་བྱེད་པ། །བདུད་མོ་ཉིས་བརྒྱ་ལྔ་བཅུ་གཉིས། །འགུགས་ཤིང་འདྲེན་པའི་ལས་བྱེད་པ། །སྨན་ཕྲན་ཉིས་བརྒྱ་ལྔ་བཅུ་གཉིས། །མ་མོ་སྟོང་དང་བརྒྱད་དུ་གྲགས། །བསྡུས་ན་དབྱིངས་ཀྱི་མ་མོར་འདུས། །ཀུན་ཀྱང་གཙོ་མོ་ཡུམ་དུ་འདུས། །གཙོ་མོ་ཡུམ་ཡང་དཀྱིལ་འཁོརཆེནཔོརའདུས། །དང་པོ་བསྐྱེད་པའི་ཧུ༷་དུ་འདུས། །ཧུ༷་ཡང་ཐིག་ལེ་ཆོས་སྐུར་འདུས། །མ་ནི་ཆོས་ཀྱི་དབྱིངས་ཡིན་ཏེ། །མོ་ནི་རིག་པའི་ཡེ་ཤེས་ཡིན། །ཆོས་ཀྱི་སྐུ་རུ་ཐམས་ཅད་རྫོགས། །ཞེས་གསུངས་སོ། །མ་མོ་སྲིད་པའི་བེམ་ལས། གླེང་གཞིའི་སྐབས་ཏེ་དང་པོའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་གསོལ་ཏོ། །ཡབ་ཅིག་འཇིག་རྟེན་འཇོམས་པའི་ལྷ། །སྐོས་བདག་བརྒྱད་པོ་ཇི་ལྟར་ལགས། །སྲིད་པ་ཆམ་ལ་ཇི་ལྟར་དབབ། །ཡབ་ཅིག་བདག་ལ་བཀའ་སྩོལ་ཅིག །ཅེས་གསོལ་པས་བཀའ་སྩལ་པ། སྐོས་རྗེ་དྲང་དཀར་ལ་སོགས་བརྒྱད། །སྲིད་པ་སྦྱོ་བཟློག་མདོས་ཀྱི་སྐོས། ་ར་ལྷོ་ནུབ་བྱང་ཕྱོགས་བཞི་ནས། །འདོད་པའི་རྫས་རྣམས་སྐོས་ཀྱིས་འགྲེམས། །བཀའ་བློན་སྒོ་མ་ཐམས་ཅད་བྱེད། །མ་མོ་རྣམས་ཀྱི་མངག་གཞུག་ཡིན། །སྲིད་པ་ཆམ་ལ་དབབ་པ་ཡིས། །ལྷ་མིན་གཡུལ་ངོ་བཟློག་པ་སྟེ། །སྲིད་པའི་རི་རབ་བཅས་ནས་ནི། །སྟེང་དུ་སྲིད་པའི་རྒྱལ་མོའི་ཞལ། །གཞུང་དང་མཐུན་པར་བྱུང་བར་བྱ། །དབྱིངས་ཀྱི་ཡུམ་དྲུག་གཞུང་བཞིན་བྲི། །ཡང་ན་གསང་ཕྱེ་དག་ལ་བྱ། །སྨུག་ནག་སྔོ་ནག་ལྗང་ནག་དྲུག །གཞུང་དང་མཐུན་པར་བྲི་བར་བྱ། །དེ་ནས་བསྐང་རྫས་བསག་པར་ནི། །གཟུགས་མཛེས་བྲིའམ་འབུར་དུ་གཏོང་། །མཁའ་ལྡིང་རྒྱལ་པོ་ཤང་ཤང་དྲུག །རིགས་དང་ཁ་དོག་མཚུངས་པརབྱ། །ཁྱུང་ཆེན་དྲུག་དང་མདངས་ལྡན་རྨ་བྱ་དྲུག །དེབཞིན མཛེསཔའིབཙུན་མོ་དྲུག །གྭ་དོར་དྲུག་དང་སྐྱེས་པ་དྲུག །རིགས་དང་མཐུན་པར་བྲིས་པ་དྲུག །སྣ་ཚོགས་དར་གྱིས་བརྒྱན་ནས་ཀྱང་། །གཙོ་མོ་དྲུག་ནི་ཁྱུང་ལ་བསྐྱོན། །སྐྱེས་པ་དྲུག་ནི་གྭ་དོར་ལ། །སྟག་གཟིག་ཆས་སུ་བཅུག་ལ་བསྐྱོན། །རྒྱལ་པོ་དྲུག་ནི་འཁོར་དང་བཅས། །འགྱིང་བག་བཅས་ཏེ་གླང་ཆེན་དྲུག་ལ་བསྐྱོན། །དབྱིངས་ཀྱི་ཡུམ་ལ་དབུལ་བར་བྱ། ཁེང་རིས་དྲུག་ནི་སྣ་ཚོགས་མཛེས་པར་ཚོན་གྱིས་བྱུག །རིགས་དང་བསྟུན་ཏེ་མཛེས་པར་ཚོན་གྱིས་བྱུག །གཉིས་པ་རི་དྭགས་རྒྱལ་པོ་ཤ་བ་དྲུག །བུད་མེད་དྲུག་ཀྱང་བྲི་བར་བྱ། །བྱ་དང་སྣ་ཚོགས་ཆེ་བའི་ཉི་ཟླ་བྲིས། །མཁར་ཐབས་སྒོ་དྲུང་བློན་པོ་དྲུག་ཀྱང་བྲི། །ཁུ་བྱུག་གསུང་སྙན་དྲུག་དང་དཔག་བསམ་ཤིང་ལོར་ལྡན། །མཛེས་པའི་རྟ་ཕོ་ཡ་ཐ་ཡིན། །སྣ་ཚོགས་དར་ལས་ཚོམ་བུ་དྲུག་པའི་ལྗང་བུ་དྲུག །རིང་ཐུང་ལུས་ཀྱི་ཚད་དུ་བྱ། །རྨ་བྱའི་སྒྲོ་ཡི་མདོངས་ཀྱིས་བརྒྱན། །མེ་འཕང་རིགས་དང་མཐུན་པ་དྲུག །སྣ་ཚོགས་དར་གྱིས་བརྒྱན་པར་བྱ། །གཙོ་མོའི་ནམ་མཁའ་ཀུན་ཏུ་ཞལ། །དྲུག་ལ་ཁོང་པ་ནག་པོ་སྟེ། །སེར་པོ་སྔོན་པོ་དཀར་པོ་དམར། །སྣ་ཚོགས་དར་གྱིས་བརྒྱན་ནས་ཀྱང་། །རྨ་བྱའི་སྒྲོ་ཡིས་བརྒྱན་པར་བྱ། །མཛེས་པའི་ཡུམ་ལ་དབུལ་བར་བྱ། །འདི་ལ་མདའ་རྣམས་མ་གསུངས་ཏེ། །འཁོར་ལ་གནས་པའི་མ་མོ་གསུམ་གསུམ་པོ་ལ་ནམ་མཁའ་ནག་པོ་གསེར་གྱི་ཁ་ཅག་ཅན་བཅོ་བརྒྱད་ལ་རས་མ་སྔོན་དམར་དང་། རྒོད་ཀྱི་ཕོད་ཀྱིས་བརྒྱན་པར་བཏང་ངོ་། །མ་མོ་ཁ་བློན་རེ་གུང་བློན་རེ་ནང་བློན་རེའོ། །ནམ་མཁའི་དབྱིངས་ཕྱུག་མ་དང་། འབྱུང་བའི་བབ་འབྱིན་མ་དང་། མཁའ་ལ་གར་ཏིང་ཤགས་དང་། དུས་གསུམ་དུ་རྒྱུ་བའི་གློག་ཕྲེང་ཅན་དང་། ཧར་ཏིང་ནག་མོ་དང་། དུན་ཏིང་སྔོན་མོ་དང་། མེ་ཟ་བྲག་གྱོན་མ་དང་། མེ་ཏོག་མདོངས་ཀྱི་རྒྱལ་མོ་དང་། སྲིད་པའི་གཡུལ་ངོ་བཟློག་མ་དང་། འོད་ལྡན་རྒྱལ་མོ་དང་། ཉི་མའི་ཟེར་ཅན་དང་། འོད་ཆགས་གཡུའི་རལ་གཅིག་མ་དང་། དུང་ཐོད་ཐིག་ལེ་ཅན་དང་། རྡོ་རྗེ་བྱ་མགོ་མ་དང་། ཁ་ན་མེ་འབར་མ་དང་། རི་རབ་རྡོར་རྒྱུ་མ་དང་། འཁོར་ལོ་འདྲེ་ཞོན་མ་དང་། ཨེ་མ་འུར་སྒྲ་ཅན་དང་། བཅོ་བརྒྱད་པོ་དེ་ནི་ཁ་བློན་དང་། གུང་བློན་དང་། ནང་བློན་དང་། དེ་རྣམས་ལ་ངར་གླུད་མཛུབ་གང་པ་རེ་ཆས་སུ་བཅུག་ལ་དབུལ་བར་བྱའོ། །འཕང་སྣ་ཚོགས་པ་རེ་ནམ་མཁའ་བཞིན་བརྒྱན་པ་དབུལ་བར་བྱའོ། །དེ་ནི་དབྱིངས་ཀྱི་ཡུམ་དྲུག་གི་འཁོར་དང་བཅས་པའི་ཆས་སུ་འདེབས་པའོ། །དེ་ནི་རྟགས་པའི་རྒྱལ་མོ་དྲུག་ལ་བསྔོ་བ་ནི། སེང་གེ་གཡུའི་རལ་པ་ཅན་དྲུག །བན་གླང་དཀར་མོ་གསེར་གྱི་སྣ་ཆུ་ཅན་དྲུག་ལ། སྐྱེས་པ་ཆས་སུ་བཅུག་པ་དྲུག་བསྐྱོན་པ་དང་། ཁྱུང་དྲུག་ལ་དར་སྣས་བརྒྱན་པ་དང་། རྟ་དྲུག་ལ་བཙུན་མོ་གོ་ཟུ་ཅན་ཆས་སུ་བཅུག་པ་དྲུག་དང་། མི་མོ་མཛེས་མ་དྲུག་ལ་གསེར་གཡུས་བརྒྱན་པ་དྲུག་པོ་ནི་ཁ་ཕྱིར་བལྟས་པར་བང་རིམ་དང་པོ་ལ་དགོད། འབྲུ་སྣ་ལྔ་ལ་རིན་པོ་ཆེ་སྣ་ལྔ་བཏང་།སྤོས་དང་ཤ་བ་ལ་བཏང་། བསེ་མགྲོན་བུ་ལོང་བཏང་དུང་། ཟངས་མ་ལྕགས་དེ་རྣམས་ལ། ངར་གླུད་ཁྲུ་གང་བ་གཅིག་བྱས་ལ། བཟའ་མི་དུ་ཡོད་པའི་མིང་འོ་མ་དང་མཚལ་སྦྱར་ལ་བྲིས་ལ། རུས་ཀྱང་གཞུག་མགོ་ལ་གཡུ་གདགས་ལ་ལག་ཏུ་ནོར་ཕྱུགས་དང་། ཟངས་ལྕགས་དང་འབྲུའི་བང་དང་ཤོག་བུ་ལ་བྲིས་ལ་ཅི་ཡོད་པའི་རྫས་བསྐུར། གོས་དང་རྒྱན་སྣ་ཚོགས་གདགས་སོ། །དེ་ནས་ཤིང་རིས་འཕན་བཟང་དྲུག་ལ། རྡོ་རྗེ་དང་པདྨ་རིན་པོ་ཆེ་འཁོར་ལོ་རྒྱ་གྲམ་རལ་གྲི་བྲི། ཁྱུང་རེ་རེ། རྨ་བྱ་རེ་རེ། ནེ་ཙོ་གསུང་སྙན་རེ་རེ། ཤིང་ལོའི་ཁ་ནས་སྐད་སྙན་བསྒྲོགས་པ་རེ་བྲི། བ་དན་ལྕེ་ལྔ་པ་རེ་རེ་བྲི། རི་དྭགས་རྒྱལ་པོ་དྲུག་བྲི། ཉི་ཟླ་འོག་ནས་འཆར་བ་བྲི། མདའ་རིགས་དང་བསྟུན་པ་དྲུག་བྲི། ནམ་མཁའ་ཁ་དོག་རིགས་དང་བསྟུན་ལ། མཛེས་ཚོན་དུ་བྱས་པ་དྲུག་བྲི། འཕང་དྲུག་གི་ཁ་དོག་མཐུན། རྨ་བྱས་ཀུན་བརྒྱན་དར་སྣ་ཚོགས་དང་བཟང་སྒྲོས་བརྒྱན། ཁམས་གསུམ་ཡུམ་མཆོག་ལ་རྒོད་ཀྱི་ལྡེམ་རུ་གཟུག ལྗང་བུ་དྲུག་ལུས་ཚད་དུ་བྱ། དར་གྱི་ཚོམ་བུ་གསུམ་གསུམ་གདགས་སོ། འབྲུ་བྱ་ཚང་བ་ནི་གཡོག་མོ་རྣམས་ལ་བསྔོ། ཏིང་ལོ་མར་གྱི་བཀང་བ་བཅོ་བརྒྱད་སྡོང་བུ་དང་བཅས་པ་བྱའོ། ངར་གླུད་ཆག་གང་པ་དྲུག་བྱ། གོས་ཟུ་བསྐོན་ནོ། མ་ཆོསཀྱིརྒྱནགཅིགམདང། ཐོར་ཚུགས་གཅིག་མ་དང་། ཀེང་རུས་ཐོད་ཕྲེང་ཅན་དང་། དབུགས་བདགརལགཅིགམདང།ནག་མོ་མཆུ་འཕྱང་མ་དང་། སྨུག་ནག་མིག་གསུམ་མ་དང་། དཀར་མོ་ཞི་བའི་འོད་འཕྲོ་མ་དང་། ནག་མོ་ཆེན་མོ་མགྱོགས་མ་གླུ་ཞོན་མ་དང་། སྨུག་ནག་ཆེན་མོ་རོ་རྐུན་མ་དང་། དམར་མོ་འོད་ཆགས་རལ་གཅིག་མ་དང་། སེར་མོ་སྦྲུལ་གྱི་གཤོག་པ་ཅན་དང་། ས་བདག་ཆེན་མོ་བསེའི་རལ་པ་ཅན་དང་། བདུད་རྩི་དམར་མོ་དང་། སྨུག་ནག་ཆེན་མོ་མགོ་དགུ་དང་། ག་་པ་ཆེན་པོ་མགོ་དགུ་མ་དང་། ཁྲག་འཐུང་སྤྱན་གཅིག་མ་དང་། རེ་མཁན་ནག་མོ་དང་། རྒྱ་ནད་གཏོང་བའི་མ་མོ་དྲེད་གདོང་མ་དང་། བཅོ་བརྒྱད་པོ་དེ་ནི་འཁོར་འདུལ་གྱི་མ་མོ་ཞེས་བྱའོ། ད་ནི་རྣལ་འབྱོར་མ་བཅུ་བཞིའི་བསྐང་རྫས་བསྟན་ཏེ། གཙོ་མོ་གཉིས་ལ་སྒོས་ཀྱི་བསྐང་བའི་རྫས་རྣམས་ནི། ཁྲུང་ཁྲུང་དཀར་མོ་ལ་དར་ཟ་འོག་གི་ཟུ་ཅན་བཙུན་མོའི་ཆས་སུ་བཅུག་པ་དང་། ཕྲ་མེན་རྒྱ་མཚོ་ལ་གཟིག་ལ་སྐྱེས་པ་སྟག་ཆས་བསྐྱོན་པར་བྱ། གཞན་ནི་སྤྱིའི་བསྐང་རྫས་ཏེ། སྟག་བཅུ་བཞི། གཟིག་བཅུ་བཞི། ཁྱི་དཀར་པོ་གསེར་གྱི་ཡང་ཆུང་ཅན་བཞི། ཁྱུང་བཅུ་བཞི། རྨ་བྱ་བཅུ་བཞི། ཤང་ཤང་བཅུ་བཞི། གཞན་ཡང་སའི་འབྲས་བུ་ཀུ་ལན་ཏ། ཤ་སྣ་ཚང་བའི་གཏོར་མ་བཞི། སྟག་ཆས་གཟིག་ཆས་དར་ཟབ་ཁང་བཟང་གསེར་གཡུགོམཚོནདང། མིལཡོད་པའི་རྫས་ཀུན་ཚོགས་ཚད་དུ་བསོག །དེ་ནས་མདའ་གཞུང་དང་མཐུན་པ་བཅུ་བཞི། ཤིང་རིས་ལྔ། དེ་ཡང་གཙོ་མོ་གཉིས་ལ་རེ་རེ། ཁྲོས་པའི་དབང་ཆེན་བཞི་ལ་གཅིག །ཐུགས་ཀྱི་དགྱེས་སྡེ་མོ་བཞི་ལ་གཅིག །ཕུང་བྱེད་སྦས་པའི་མ་བཞི་ལ་གཅིག །མདའ་ཡང་རྒྱས་པར་བྱེད་ན་བཅུ་བཞི། བསྡུ་ན་ལྔ། གཞུང་དང་མཐུན་པར་བཅུ་བཞི་བྲི། འཕང་ནི་ལྔ་རུ་བསྡུ་བར་བྱ། ནམ་མཁའ་ལྡང་བུ་བཅུ་བཞིའོ། །ཉི་ཟླ་ཐོད་ཕྲེང་ལ་ནམ་མཁའ་ཁོང་པ་དཀར་པོ་ལ་མཛེས་པའི་ཚོན་དུ་བྲིས་པའོ། །ཕྲ་མེན་གྱི་རྨ་ཟངས་མ་ལ་དར་གྱི་དཔྱང་ལག་རྩེ་མོ་གཉིས་ལ་དགོད། རྨ་བྱའི་མདོངས་ཀྱིས་བརྒྱན་པར་བྱ། ཁྲོས་པའི་དབང་ཆེན་བཞི་ལ་ཁོང་པ་ནག་མོ་ལ་གསེར་གྱི་ཁ་ཆག་ཅན་བཞི། དགྱེས་སྡེ་བཞི་ལ་གཡུའི་ཁོང་པ་ལ་ཕྱི་རིམ་གསེར་ལ་ཁ་ཆག་དུང་། མ་མོ་བཞི་ལ་གཅིག་ཁོང་པ་གསེར་ལ་ཕྱི་རིམ་གཡུ། གཅིག་ཁོང་པ་གནག་ལ་ཕྱི་རིམ་སེར། གཅིག་ཁོང་པ་གཡུ་ལ་ཕྱི་རིམ་དུང་། གཅིག་ཁོང་པ་གཡུ་ལ་ཕྱི་རིམ་གནག །ཁ་ཆག་བྱི་རུས་བྱས་པ་ཡིས། །འཕང་ལྔ་རྒྱན་དང་ཆས་པ་ཡིན། །དེ་ཡིས་འཁོར་ན་གནས་པ་ལ། །བལ་མཚོན་ལྗང་ཁུ་གསུམ་པ་སྤྱིན། །ཀུན་ཀྱང་རིང་ཐུང་ལུས་ཀྱི་ཚད། །ནམ་མཁའ་ལྗང་བུ་སྣ་ཚོགས་རེ་རེ་སྤྱིན། །སྣ་ཚོགས་རས་ལ་སྒྲོ་ཡིས་བརྒྱན། །འཁོར་ན་གནས་པའི་མ་མོ་བཞི་བཅུ་རྩ་གཉིས་འདི་ལྟ་སྟེ། སྔོན་མོ་ཁྲོ་གཉེར་སྦྲུལ་ཞགས་ཅན། །མ་བཙུན་མཐིང་གི་ལྷ་མོ་དང་། །སྒྲོལ་བྱེད་ལྕགས་ཀྱུ་ཅན་དང་། དྲེའུ་གདོང་འཁོར་ལོ་ཅན་དང་། བཙན་གྱི་བུ་མོ་མདུན་ཏིང་ཤགས་དང་། གཟའི་བུ་མོ་ཐོགས་འཕེན་མ་དང་། བདུད་ཀྱི་བུ་མོ་མིག་གཅིག་མ་དང་། ཁ་ལ་མེ་འབར་རི་རབ་འཕེན་དང་། ཚངས་པ་གཟི་ཆེན་གྱི་བུ་མོ་གཟི་བརྗིད་འོད་ལྡན་མ་དང་། མུན་པའི་བུ་མོ་རྐང་གཅིག་མ་དང་། གནོད་སྦྱིན་བུ་མོ་རབ་འབར་སྒྲ་མོ་ཆེན་དང་། ཀླུའི་བུ་མོ་འོད་དེ་རིང་མོ་དང་། རབ་འབར་སྒྲ་བོ་ཆེ་དང་། ནག་མོ་བྱ་རོག་གི་གདོང་པ་ཅན་དང་། ཐལ་མདོག་ཁྲོ་གཉེར་ཅན་དང་རེ་མ་ཏི་དང་། གསེར་གྱི་འབྲུ་གཅིག་མ་དང་། ཨུརུ་གཉེར་གྱི་རི་མ་ཏི་དང་། ཀེང་མུ་ཆེན་མོ་གཡག་མགོ་ཅན་དང་། ནག་མོ་སྦྲུལ་མགོ་ཅན་དང་། ནག་མོ་བསེ་གདོང་མིག་གཅིག་མ་དང་། ཀླུའི་བུ་མོ་གཡུའི་ལན་ཚར་ཅན་དང་། ཡིད་འོང་གི་དགེ་བ་དང་། མཚོ་སྨན་གྱི་རྒྱལ་མོ་སྦྲུལ་ནག་གི་གོ་ཟུ་ཅན་དང་། རལ་གཅིག་རྒྱ་མཚོ་དང་དཔག་བསམ་ནམ་གྲུ་མ་དང་། བདུད་འདུལ་དབང་གི་ལྷ་མོ་དང་། དཔལ་ལྷ་མོ་ནག་མོ་དང་། བྱ་ཐུལ་ཅན་དང་། ཐུགས་ཀྱི་གཟེར་ཅན་དང་། ནམ་མཁའི་ཁམས་ཀྱི་དཔལ་མོ་བཙན་དང་། སའི་མ་མོ་ཁྲག་གནད་གཏོང་བ་དང་། བར་སྣང་ཁམས་ལ་སྨྱོ་འབོགས་རྒྱལ་ནད་གཏོང་མ་དང་། ནམ་མཁའི་མཐོངས་ནས་མཁྲིས་པ་ཤ་ཡ་དང་། བལ་ནད་འདར་བུ་གཏོང་བའོ། །མཚོ་སྨན་ཆེན་མོ་དཀར་མོ་དབུ་དགུ་མ་དང་། སྨུག་མོ་དབུ་ལྔ་མ་དང་། ར ་ཙ་མུན་ཏི་དང་། ནམ་མཁའི་ཁམས་ཀྱི་དཀར་མོ་གཡུའི་ཐོད་གདེང་ཅན་དང་། གནམ་སྨན་དཀར་པོ་ཉི་འོད་འབར་བའི་སྨན་གཅིག་མ་དང་སྲིད་པ་གསུམ་གྱི་ཐོད་གདེངསཅན་དང་། རྨ་རི་རབ་འབྱམས་རྡོ་རྗེ་གྲག་མོ་རྒྱལ་ལོ། །དེ་ལྟར་མ་མོ་བཞི་བཅུ་རྩ་གཉིས་ནི། རྣལ་འབྱོར་མ་བཅུ་བཞིའི་འཁོར་ན་གནས་པས། དེ་རྣམས་ལ་མཆོད་པར་བྱའོ། །དེ་མན་ཆད་ན་སྲིད་པའི་སྨན་མོ་ལྔ་བཅུ་རྩ་དགུ་གནས་ཏེ། མ་མོ་བདུན་ལ་ནི། ནམ་མཁའ་ནག་མོ་དུང་གི་ཁ་ཅག་ཅན་བདུན། བྱ་སྐྲུ་དང་རས་མ་སྣ་ཚོགས་ཀྱི་བརྒྱན་ཏེ། འཕང་ནག་མོ་བདུན་ལ་གསེར་གྱི་མེ་ལོང་བསྩལ་བ་དང་། ལྗང་ཁུ་བདུན་ནོ། །མདའ་ནག་པོ་བདུན་ལ་གཟིག་རིག་གཉིས། སྟག་སོ་རིས་གཉིས་ཆུ་མིག་རིས་གཉིས། མཁར་ཐབས་ཟོ་བ་རིས་ནི་གཙོ་མོ་ལྔ་ལ་ལྔའོ། །སྲིང་མོ་བཞི་ལ་ཕྱོགས་དང་བསྟུན་པའི་ནམ་མཁའ་བཞིའི་ཁ་དོག་མཛེས་པར་དབབ་པར་བྱའོ། །མདའ་ནི་དཀར་དམར་གསེར་དང་སྔོ། ཐིག་ལེ་སྟག་སོ་ལྡན་པར་བྲི། ཉི་ཟླ་སྨན་མོ་ཀུན་གྱི་གོང་ནས་འཆར། མ་མོའི་གྲངས་ཇི་བཞིན་ལྗང་བུ་བྱ། ཤིང་རིགས་མ་མོ་བདུན་ལ་གཅིག སྲིང་མོ་ཞལ་གཅིག །འཕང་ཡང་དེ་བཞིན་གྲུབ་ཚད་བྱ། གྲུ་འདེགས་བཞི་ལ་ཤིང་རིས་གཅིག །དམག་གིས་རྒྱལ་མོ་བཞི་ལ་ཤིང་རིས་གཅིག །གསང་བ་ཡུམ་ཆེན་བཞི་ལ་ཤིང་རིས་གཅིག ལྗང་བུ་རེ་རེས་གཅད་པ་མིན། གསང་བའི་ཡུམ་བཞི་ལ། ནམ་མཁའ་ཁོང་པ་དཀར་པོ་འཇའ་རིས་གཞི་ཀ་ལས་མཛེསཔའིཚོནགྱིསབྲིབརབྱ། མདའ་ཡང་ཕྱོགས་ཀྱིས་བསྒྱུར་བ་ལས། ཤར་དུ་དཀར་པོ་སྟག་སོ་རིས། ལྷོ་རུ་སྔོན་མོ་གཟི་བྲི། ནུབ་ཏུ་དམར་པོ་ཟོ་བ་ཁ་སྤྲོད་བྲི། བྱང་དུ་སེར་མོ་ཉ་མིག་བྲི། དམག་གིས་རྒྱལ་མོ་བཞི་ལ་ཡང་། ཁ་དོག་ནག་པོ་བསྒྱུར་བ་ལ། །དཀར་པོ་རི་བོ་གསུམ་གསུམ་དང་། །སེར་པོ་དམར་པོ་གསུམ་པ་བྲི། །ཨེ་ཀ་ཛ་ཏི་སྐྲུན་དྲུག་ལ། ནམ་མཁའ་སྨུག་པོ་དྲུག་ལ་གཡུའི་ཁ་ཆག་བཏང་། །མདའ་ནི་གཞུང་དང་མཐུན་པར་བྲི། ཁེང་རིག་གཅིག་ལ་སྣ་ཚོགས་ལྡན་པར་བྱ། །སྟག་སོ་ཉི་ཟླ་གོང་དུ་བྱ། །ལྗང་བུ་ཤིང་རིས་ལུས་ཀྱི་ཚད། གྲུ་འདེགས་ཆེན་པོ་བཞི་པོ་ལ། རིའུ་དང་འབྲིའུའི་ནམ་མཁའ་དང་། ཟངས་མ་དམར་མོ་སེར་མོ་བྱ། །སྟག་གཟིག་བྲིས་པའི་ཤིང་རིས་བྱ། །བྱ་བ་མོ་དང་བྱེད་པ་གཉིས། ཐམས་ཅད་ཀྱི་ནི་བདག་ཉིད་ཡིན་པས། ཤིང་རིས་ལུས་ཚད་གཉིས་བྱ་སྟེ། གཅིག་ལ་དཔག་བསམ་ཤིང་བུ་བྲི། ཡལ་ག་རེ་ལ་བཀྲ་ཤིས་པའི་བྱ་མཛེས་སྐད་སྙན་སྣ་ཚོགས་བྲི། ཉི་ཟླ་གཉིས་ནི་འོག་ནས་འཆར། གང་ན་ཁ་ཡལ་ཡེལ་དང་གསང་ཕྱ་ཕྱོ་བྱ་བ་དང་། ལོགས་ལ་ནི་རི་དྭགས་རྨིག་བཞིན་རྒྱུ་བ། ཚོན་སྣ་ཚོགས་ཀྱིས་མཛེས་པར་བྲིས་ལ་དར་སྣ་མང་པོའི་སྤྱང་ལག་གདགས། གཅིག་ལ་ཁ་ཡལ་ཡོལ་དང་གསང་བྱ་ཕྱོའི་འོག་ཏུ་ཁྱུང་ཁ་སྤྲོད་གཉིས། དེའི་འོག་ཏུ་བཙུན་མོ་ཆས་བཟང་གཉིས་བྲི། །དེའི་འོག་ཏུ་རི་དྭགས་གྲུབ་ཚད་བྲི། དེ་ཉིད་རི་རབ་ཀྱི་སྟེང་དུ་སྲིད་པའི་རྒྱའ་་མོའི་མདུན་རྒྱབ་ཏུ་གཟུག་གོ །སྨན་མོ་ཐམས་ཅད་ལ་སྲོག་ཆགས་ནི་གནམ་ལ་ལྡིང་་དགུ་དང་། ས་ལ་འཛུལ་བཅུའི་གཟུགས་གྲུབ་ཚད་དུ་བྱའོ། །སྤྱན་གཟིགས་ཀྱི་གཏོར་མ་བཞི་ཕྱོགས་བཞིར་གཞག་གོ །སྲིད་པའི་བེམ་ལས་ལེའུ་སྟེ་གཉིས་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། །ཀྱེ་མ་ཧོ། །ཡབ་ཅིག་འཇིག་རྟེན་འཇོམས་མཛད་ལྷ། སྲིད་པའི་སྨྱོ་རྫོགས་མདོས་འདི་ལ། །རི་རབ་གླིང་བཞི་ཇི་ལྟར་བཅའ། །སྐོས་བདག་བརྒྱད་ཀྱི་གླུད་ནི་གང་། །ཡབ་ཀྱིས་བདག་ལ་བཀའ་སྩོལ་ཅིག །ཅེས་དེ་ཉིད་ན་འཁོད་དོ། །བཀའ་སྩལ་པ། རྒྱུ་ནི་གཙང་ཕྱེ་སྲང་ཕྱེད་པ། །ཆ་གཅིག་རི་རབ་གླིང་བཞི་བཅའ། །རིན་ཆེན་སྣ་ལྔ་གཏང་བར་བྱ། །འོ་མ་སྤོས་དང་ཆུ་གཙང་གིས། །ལེགས་པར་བརྫིས་ཏེ་ཁྲི་འཕངས་བཞི་རུ་བརྩིགས། །སྟེང་དུ་ཟུར་བཞི་ལ་ལྕོག་བཞིའི་སྟེང་དུ། དེད་དཔོན་བཞི་གཞུང་དང་མཐུན་པར་གཟུགས་སུ་དགོད། །སྟེང་དུ་སྲིད་པའི་རྒྱལ་མོའི་ཞལ། །མངོན་དུ་གཞུང་དང་མཐུན་པར་དབྱུང་། །གླིང་ཕྲན་རྣམས་ནི་ལེགས་པར་བཅའ། །འཛམ་བུའི་གླིང་ནི་སྔོན་པོ་ལ། །མི་རྣམས་འདྲ་བའི་གཟུགས་གསུམ་བྱ། །གོས་དང་ཁ་དོག་འདི་འདྲའི་ཆས་སུ་བྱ། །ཤར་ནི་དཀར་པོ་ཡིན་པ་སྟེ། །མི་ཡི་དབྱིབས་ཀྱང་ཟླ་གམ་ཚུལ། །བོངས་ཆེ་ཁ་དོག་དཀར་པོར་བྱ། །བྱང་དང་ལྷོ་ཡངདེབཞིན ཏེ། །མིནི གསུམ་གསུམ་ཀུན་ནས་ཆས་ཀྱིས་མཛེས་པར་རྒྱན། ཁྲར་གྱི་གསུམ་པོ་ཤར་གྱི་སྐོས་བདག་ལ། །དམར་གཏོར་རེ་དང་ཆས་ཏེ་འབུལ་ལོ། །ལྷོ་དང་ནུབ་དང་བྱང་ཡང་དེ་བཞིན་ནོ། །དང་པོ་དབྱིངས་ཀྱི་ཡུམ་དྲུག་དགོད། །དེ་ཡང་གསང་པྱེ་འཕུལ་བཞི་ལ། །ཡུམ་དྲུག་སྐུ་ནི་ཆེ་བར་བྱ། །ཡང་ན་ཤོག་ཤོག་ལ་ཚོན་གྱིས་ལེགས་པར་བྲི། །ཐམས་ཅད་བང་རིམ་དང་པོ་ལ། །འཁོར་དང་བཅས་པ་དགོད་པར་བྱ། །དེ་ནས་རྟག་པའི་གྱེལ་མོ་དྲུག །དེ་ནས་གསང་ཕྱེ་བྲེ་ཕྱེད་ལ། །སྐུ་གཟུགས་ཡང་ནི་ཤོག་བུ་ལས། །མཛེས་པའི་གཟུགས་ལྡན་དབུལ་བར་བྱ། །བཙུན་མོས་མཛེས་པ་དྲུག་དང་མཛེས་པའི་རྫས་རྣམས་དགོད། གཙོ་མོ་ཡུམ་ལ་དར་སྣ་ལྔ་ཡི་གུར་ཡང་དབུབ། །རྒྱལ་མོ་དྲུག་ལ་མཐིང་ནག་གུར། །ཡུམ་ཆེན་དྲུག་ལ་འཇའ་ཚོན་ཁང་པ་དབུབ། དེ་ནས་ཕྲ་མེན་རྒྱ་མཚོ་དང་། །ཉི་ཟླ་ཐོད་ཕྲེང་གཉིས་ལ་ཆེ་བར་བྱ། །རྣལ་འབྱོར་བཅུ་བཞི་ཆུང་བར་བྱ། །གསང་ཕྱེ་བྲེ་གང་དག་ལ་བྱ། །ཡང་ན་ཤོག་བུ་དག་ལ་བྲི། །མཐུན་པའི་རྫས་ཀུན་བསོག་པར་བྱ། །བང་རིམ་གསུམ་པ་དག་ལ་དགོད། །བཞི་པ་སྲིད་པའི་སྨན་མོའི་ཚོགས། །སྣ་ཚོགས་མཐུན་རྫས་བསོག་པར་བྱ། །གཞན་ཡང་སྤྱི་ཡི་བསྐང་རྫས་ནི། ཁྲ་ཆེན་གཏོར་མ་ཆ་བཞི་བཤམ། །ཕྱོགས་བཞིར་ཁྲག་གིས་བཀང་ལ་བཞག །རི་རབ་སྟེང་གི་རྒྱལ་མོ་བདུན་ལ། །སྣ་ཚོགས་ཤ་སྣའི་གཏོར་མ་ལ། །ཕུད་དང་བདུད་རྩི་སྨན་གྱིས་དགང་། །སྣང་བའི་མར་མེ་བལྟམ་པར་བྱ། །རྒྱལ་མོ་ཉིད་ཀྱི་ཐུན་རྫས་ཡིན། །རྟག་པའི་རྒྱལ་མོ་དྲུག་ལ་ཡང་། །སྤྱན་གཟིགས་གཏོར་མ་ཆ་གཅིག་དང་། །ཕུད་དང་སྨན་གྱིས་མཆོད་པར་བྱ། །ཡུམ་ཆེན་དྲུག་ལ་བསྐང་བ་ནི། ཁྲ་ཆེནགཏོར་མ་ཆ་གཅིག་དང་། །སྣ་ཚོགས་སྙིང་སྣའི་ཕྲེང་བ་གདགས། །འཇའ་ཚོན་ཁང་པར་ཕུད་དང་མར་མེར་བཅས། །མཐུན་པའི་རྫས་སུ་འབུལ་བར་བྱ། །རྣལ་འབྱོར་ཆེན་མོ་བཅུ་བཞི་ལ། །རཀྟ་གཏོར་མ་སྨན་དང་ཕུད། ཁྲ་ཆེན་གཏོར་མ་ཚིལ་ཆེན་དང་། །སྦར་མ་ཏིའི་མཆོད་པ་འབུལ། །སྨན་མོ་རྣམས་ལ་འབུལ་བ་ནི། །ཚོགས་དང་མར་མེ་ཞལ་ཟས་དང་། །ནག་སྨུག་རྫས་ཀྱིས་ཐུགས་དམ་བསྐང་། །སྤྱི་ཡི་རྫས་རྣམས་བསྟན་པ་ནི། །རྫ་རྫ་ཅང་ཏེའུ་གླིང་བུ་དང་། །རྔ་དང་སིལ་སྙན་སྣ་ཚོགས་དང་། །འཕན་དང་གདུགས་དང་དབུལ་བར་བྱ། །སྐམ་ཆས་ཐམས་ཅད་གདགས་ལ་གཡོགས། །མདའ་དང་འཕང་དང་ནམ་མཁའ་ཡང་། །དབྱར་དགུན་ཆ་ཡིས་རབ་ཏུ་བརྒྱན། །ཤིང་རིས་ཀུན་ཀྱང་དར་གྱི་ཆས། །ཚེ་ཡི་ལྷ་མོ་བཅུ་དྲུག་ལ། །ཚེ་ཡི་བུམ་པ་བུག་རྡོལ་མེད་པ་སྲ །བདུད་བརྩི་འཛའ་གད་བླུག་ནས་ནི། །བེ་རྒྱལ་དཀར་ཕྲོམ་གཞག་པར་བྱ། །སྙིང་པོ་ལྔ་ཡང་ནང་དུ་བླུགས། །དེ་ནས་ཕྱོགས་བཞིར་གདན་གྱི་སྟེང་དུ་བཞག །བུ་མོ་གཙང་མ་ཆས་སུ་བཅུག་པ་བཞིས། །མདའ་དར་མེ་ལོང་བཞི་ཐོགས་ལ། །ཚེ་ཡི་སྙིང་པོ་འབོད་དུ་གཞུག །ཕྱོགས་བཞིར་ནམ་མཁའ་བཞི་བཞི་དབུལ། །ཕུད་གཙང་གཏོར་ཞིང་སྤོས་མེ་བཏང་། །ཟོར་བདག་ཆེན་མོ་བཞི་ཡི་རྫས། །ནམ་མཁའ་ནག་མོ་གསེར་གྱི་ཁ་ཆག་ཅན་ལྷོ། །ནམ་མཁའ་སེར་མོ་མདུང་གི་ཁ་ཆག་ཅན་ཤར། །དམར་མོ་གཡུའི་ཁ་ཆག་ཅན་ནུབ། །སྔོན་མོ་བྱེ་རུའི་ཁ་ཆག་ཅན་བྱང་། སེར་ལྡིང་ཕུར་བུ་ཤར། མཆོག་ཕུར་བྱང་། སྐྱེ་འཕུར་ལྷོ། ཟངས་ཕུར་ནུབ། ཁོ་རང་གི་གཟུགས་ཅི་འདྲ་བ་དགོད་དོ། །ལྕགས་རི་འདས་པའི་ཕ་རོལ་དུ། གྲུ་གསུམ་བཞི་ལ་དགོད་དོ། །དེ་ནས་སྐྱེས་པ་ཆས་སུ་བཅུག་པ་བཞི་འཕར་བའམ་སྤྱང་ཀི་ལ་བསྐྱོན་ལ་གླུད་དུ་འབུལ་ལོ། ་༑ག་བུ་ལ་བྲིས་ན་རབ། །དེད་དཔོན་བཞི་ལ་ཁོང་རང་ཇི་བཞིན་དབུལ། །བྱ་བྲལ་ཁ་དོག་སོ་སོ་དང་མཐུན་པ་བཞི་དང་། དམག་མི་བདུན་བདུན་མཛེས་པར་བྲིས་ལ་དབུལ་བར་བྱ། དེ་ནས་སློབ་དཔོན་ཆས་གོས་དང་ལྡན་པར་བྱ་བ་ནི། དར་ནག་གི་བེར་གྱོན། རེ་བ་ནག་པོའི་ལྷམ་གྱོན་ཐོད་ནག་པོ་བཅིངས། དཔྲལ་བར་རྒྱ་ལོང་མཐེབ་གང་བ་གདགས། མདུན་དང་རྒྱབ་ཏུ་དར་དཀར་གྱི་སྙིང་ནོན་དང་། མེ་ལོང་སྙིང་གར་གདགས་སོ། །རྟ་མགྲིན་ནམ་དཔལ་ཆེན་པོའི་ཏིང་ངེ་འཛིན་དུ་ཞུགས་ལ་གྱེར་གཟུག་གོ། །རྟག་པའི་གྱེན་མོ་མན་ཆད་གྱེར་ཀུན་མཐུན་ནོ། །སྐོས་བདག་བརྒྱད་དང་།དབྱིངས་ཀྱི་ཡུམ་དྲུག་དང་། སྲིད་པའི་གཡུལ་ངོ་བཟློག་པའི་དེད་དཔོན་བཞི། སྐོས་བདག་མོ་བརྒྱད། ཟོར་བདག་མོ་བཞི་སྐད་ལུགས་མི་གཅིག་པས། ནན་ཏན་རྒྱལ་མོ་ཉིད་ལ་བྱའོ། །གཙོ་མོ་གཙོས་ན་ཀུན་ཀྱང་བདེ་ཞེས་གསུངས་སོ། །དེ་བས་ན་གཙོ་བོའི་རྫས་དང་བསྐྱེད་པའི་མ་མོ་བཅུ་གཉིས་པོའི་རྫས་མ་ཚོགས་ན་མི་རུང་ངོ་། །མ་མོ་སྲིད་པའི་བེམ་པོ་ལས། སྲིད་པ་སྨྱོ་བཟློག་གི་མདོས་ཆེན་པོ་གཏན་ལ་ཕབ་པའི་ལེའུ་སྟེ་གསུམ་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། །དཔའ་བོ་འཇིག་རྟེན་འཇོམས་པའི་ལྷ། །རྣལ་འབྱོར་ནད་ཀྱིས་ཐེབས་གྱུར་ན། མ་མོ་གང་དང་གང་གི་བཀའ་ཆད་ལགས། །འཇིག་རྟེན་འཇོམས་མཛད་བཀའ་སྩོལ་ཅིག །ཅེས་དེ་ཉིད་ན་འཁོད་དོ། །འཇིག་རྟེན་འཇོམས་པས་བཀའ་སྩལ་པ། །ཉོན་ཅིག་གཡུང་དྲུང་ལྷ་ཡི་གཙོ། །ང་ཡིས་འདི་ལྟར་བསྟན་པ་ཡིན། །ལྕི་ཞིང་འཐིབས་ནས་ཡི་ག་འགགས། །གཙོ་མོ་ཡུམ་གྱི་བཀའ་ཆད་ལགས། །བརྒྱལ་ཞིང་སོ་ཚིག་ལྕེ་རིལ་བྱེད། །དབྱིངས་ཀྱིས་ཡུམ་དྲུག་བཀའ་ཆད་ལགས། །རོ་སྟོད་བྲང་དུ་གཟེར་བས་སྙིང་མི་དགའ། །སྨུག་མོ་ལྕམ་དྲལ་བཀའ་ཆད་ཡིན། །མིག་སེར་ཟ་འཕྲུག་བཞིན་ནི་སྔོ། །ཡང་གབ་མ་གཞིའི་བཀའ་ཆད་ཡིན། །སྨད་མི་བདེ་ཞིང་རྐང་པ་བྲི་སྦྱིད། །ཟ་ལྟོ་ཆེ་ཞིང་སྐོམ་དད་ཆེ། །རྒྱལ་མོ་ལྔ་ཡི་བཀའ་ཆད་ཡིན། །གཞོགས་ཕྱེད་ན་ཞིང་བཞིན་ལྡོག་པ། །ཁ་ཟས་ཡི་གར་མི་འོང་ན། །པུད་བྱེད་མ་གཞིའི་བཀའ་ཆད་ཡིན། །མགོ་ཟེར་དྲག་ལ་རྨལ་ཞིང་ན། །ཉི་ཟླ་ཐོད་ཕྲེང་བཅོས་པར་བྱ། །འདར་ཞིང་རྔམ་པ་དྲག་པོ་འོང་། །མ་མོ་བདུན་ལ་མཆོད་པར་བྱ། །བྲང་རྒྱབ་སྦྱར་ན་དྲེག་པ་ཆགས། །ཡི་ག་མི་བདེ་སྟོང་སྒྲེགས་བྱེད། །ཨེ་ཀ་སྐྲུན་དྲུག་གཅོས་པར་བྱ། །ཚིག་ཅིང་སྨྲ་ཞིང་ངུ་ཞིང་འབྲོས། །སྨུག་མོ་ལྕམ་དྲལ་བཅོས་པར་བྱ། །ཕོ་སྟོད་ལྕི་ཡང་བཅོས་ལ་ཤ་མ་སྐྱེ། །སྤྱིངས་བ་ངན་ལ་ཉལ་སྙིང་འདོད། །ཟས་ཀྱང་མི་ཞུ་མདོག་ཀྱང་གནག །འདི་རྣམས་བཅོས་པའི་མ་མོ་ནི། ཁྲེ་ཙ་མུན་ཆེད་དུ་བཅོས། །སྤྱིར་ནི་བདུད་མོའི་རིགས་ཀ་བཅོས། །ལུས་པོ་ལྡི་ལ་རྐང་ལག་འདར། །ཁོང་པ་སྦོ་འཁྲོག་བྱེད་པ་ན། །ལྷ་མོ་ནག་མོ་བཅོས་པར་བྱ། །སྤྱི་ཡང་བདུད་མོའི་རིགས་ཀ་བཅོས། །ཡར་ལ་སྒྱུག་ཅིང་མར་ལ་སྦྱོང་། །སོ་དྲེག་ཆགས་ཞིང་དོང་ཀ་བདེ། །རྒྱ་རེ་སྐྱེ་སེར་བཅོས་པར་བྱ། །ཁོང་པ་ན་ཞིང་གསུས་པ་རྫིངས། །མཚོ་སྨན་མཆེད་ལྔ་བཅོས་པར་བྱེད། །སྨད་ཚིགས་ན་ཞིང་སྐེད་པ་འཕྱེས། །བླ་རྐུན་ནག་མོ་བཅོས་པར་བྱ། །འབྲས་བུ་སྐྲངས་ཤིང་རྐང་པ་ན། ཁེན་ཏུ་སྐེད་པ་ན་གྱུར་ན། །རལ་གཅིག་རྒྱ་མཚོ་བཅོས་པར་བྱ། །གཙོར་བཙོར་ན་སྨུགས་ན་རྒྱལ་པོ་ལ།བྱུང་ནི་སྨུག་ནག་རྒྱ་སྲོལ་པོ་ལ། །དར་སྨུག་པའི་ཐོད་བཅིངས་པ་ལ་གྲིབ་སེལ་མ་གཟུགས། གསང་བའི་མདོས་དང་བཅས་ལ་དབུལ། །རྐང་ལག་སྐྲངས་ཤིང་ལུས་མི་བདེ། །གཡལ་ཞིང་སྦྲེད་ལ་ཁ་ཟས་ལྟོ་རུ་ཟོས་པ་སྒྱུག །དབྱིངས་ཀྱི་མ་མོའི་བཀའ་ཆད་ཡིན། །སྐོམ་དད་ཆེ་ལ་སྙིང་མི་དགའ། །འགྲོ་སྙིང་འདོད་ལ་གཞན་ལ་ཁྲོ། །དམ་ཚིག་ཉམས་པའི་ཆད་པ་ཡིན། །རང་གི་དམ་ཚིག་གཞུད་བཞིན་བསྐང་། །འབྲས་བུ་སྐྲངས་ཤིང་རྒྱུན་ཆུ་འགགས། །མ་མོ་བཞི་བཅུ་རྩ་གཉིས་བགེགས། །རྣལ་འབྱོར་མ་ནི་བཅུ་བཞི་བཅོས། །ཀླད་པ་རྡོལ་ཐབས་གསེར་ཁུང་འགགས། །གཉིད་མི་འོང་ཞིང་གཞན་གྱིས་སྨྲས་པ་གནོད། །སྤྲུལ་པའི་མ་མོ་བཅོས་པར་བྱ། །རྐང་པ་དྲག་པོས་འཕྲལ་དུ་ཐེབས། །ལུས་དང་གདོང་པ་སྐྲངས་ནས་ནི། །སྐྲ་དང་ཁ་སྐྲུ་ན་བ་ན། །ལྷ་མོ་གཡུ་ཡི་བྱིའུ་ཅན་བཅོས། །ལྐོག་ནད་འབྲས་དང་ཕོལ་བྱུང་ན། །ལྷ་མོ་ནག་མོ་ཆེད་དུ་བཅོས། །གག་པ་དྲག་པོ་བྱུང་གྱུར་ན། །གཙོ་མོ་ཨེ་ཀ་ཙ་ཏི་བཅོས། །ཁྲག་ནད་རྒྱུ་ཟེར་བྱུང་གྱུར་ན། །ནག་མོ་སྤུན་གསུམ་བཅོས་པར་བྱ། །འབྲུམ་ནག་དྲག་པོ་བྱུང་གྱུར་ན། །རྒྱལ་མོ་འཁོར་བཅས་ཉི་ཤུ་རྩ་བཞི་བཅོས། །བལ་ནད་འདར་བུ་བྱུང་གྱུར་ན། །སྲིང་མོ་བཞི་ནི་བཅོས་པར་བྱ། །སྲིད་པའི་སྨན་མོ་རྣམས་ལ་མཆོད། །སྐྲངས་ནད་བེམ་བུ་བྱུང་གྱུར་ན། །རིག་མ་འོད་ལྡན་བཀའ་ཀྱོན་ཡིན། །རྒྱས་འདེབས་བཞི་བདེཡངལ་མཉེས་པར་མཆོད། །བས་ལྡག་ཤུ་བའི་ནད་བྱུང་ནས། །ཤིན་ཏུ་ཚ་འབྲབ་ཆེ་གྱུར་ན། །རྨ་རི་རབ་འབྱམས་བཀའ་ཀྱོན་ཡིན། །མ་མོ་འདུས་པའི་གུར་མདོས་བྱ། །རུས་ནད་ཟེར་བུ་བྱུང་གྱུར་ན། །རྒྱལ་མོ་བཅུ་གསུམ་བཀའ་བཀྱོན་ཡིན། །སྨྲེ་སྔགས་དྲག་པོས་བསྐང་གསོ་བྱ། །གཟེར་བ་དྲག་པོས་ཐེབས་གྱུར་ནས། །བརྒྱལ་ཞིང་འབོག་པའི་ཚུལ་སྟོན་ན། །སྐོས་རྗེ་དྲང་དཀར་གསང་མདོས་བྱ། །སྐྱ་རེངས་དང་པོ་ཤར་ཙམ་ན། །འབོག་ཅིང་འཕྲིག་ཐུལབཡངཔ་བྱུང་གྱུར་ན། །སྲོག་བདག་མཆེད་ལྔའི་བཀའ་བཀྱོན་ཡིན། །དཀར་པོ་བཅུ་གསུམ་མདོས་ཀྱིས་བསྐང་། །དེ་ནས་རྒྱལ་པོའི་གསང་བསྒྲུབ་བཤམ། །གཞུང་དང་མཐུན་པར་བསྒྲུབ་པར་བྱ། །དེ་ནས་ལྕམ་མོ་ཨེ་ཀ་ཙ་ཏི་དང་། །ལྷ་མོ་ནག་མོའི་ལྕགས་ཀ་མདོས། །མཇུག་ལ་བཏགས་ན་བྱས་གྱུར་ན། །ནད་རྣམས་ཞི་བར་གདོན་མི་ཟ། །དེས་ཀྱང་ཞི་བར་མ་གྱུར་ན། །ནག་སྨུག་གཉིས་ཀྱི་བསྒྲུབ་པ་བྱ། །ང་ཡིས་ངེས་པར་བཤད་པ་ཡིན། ཁོན་ཏུ་ཁ་སྨྲ་སྨྱོ་གྱུར་ན། །གནམ་སྨན་བཅོས་པར་ཤིན་ཏུ་བཤད། །གནམ་སྨན་དཀར་པོ་ཡང་དག་དཔལ། །བུ་མོ་དམ་ཚིག་གཡུ་སྒྲོན་མ། །གཅུང་མོ་འོད་ཆགས་གཡུ་ཡི་རལ་གཅིག་མ། །དེ་ཡི་གཅུང་མོ་པཎྜ་ཤ་བ་རི། །དེ་ཡི་གཅུང་མོ་གཡུ་ཡི་ཐོད་གདེངས་ཅན། །དེ་ཡི་གཅུང་མོ་ནམ་མཁའི་ཁམས་ཀྱི་བོ་དྷི་མ། །དེ་ཡི་གཅུང་མོ་ནམ་མཁའི་དཔལ་མོ་བཙན། །གནམ་སྨན་མཆེད་བདུན་གཞུང་བཞིན་བསྐང་། །དཀར་མོ་ཉི་ཁྲི་བདུན་འབུམ་གྱི། །མཆེད་བདུན་ཀུན་གྱི་གཙོ་མོ་ཡིན། །བྱ་ཐུལ་ཅན་ཞེས་བྱ་བ་ནི། །ཅི་བྱས་ཅི་རུ་མ་བ་་པས། །ལོག་ཏུ་ཐུགས་དམ་གཞུངབཞིནབསྐང། །མཆེད་བདུན་འཁོར་ན་ཡེ་ནས་གནས། །སྲོག་བདག་བུ་མོ་ཡིན་པས་བཅོས། །ནད་པའི་སྲིའུ་གསོ་བ་ལ། ཁེན་ཏུ་གདུབ་པས་བཅོས་པར་བྱ། །ལྷ་མོ་སྨུག་ནག་གཉིས་ཀྱི་སྨྱོ་འབོག་ནི། ཁྲན་པ་ཕྱོ་བསོད་སྲོག་པ་བཞིན། །ཕྲ་ཞིང་ཁ་ཆུ་འོང་བར་འགྱུར། །དེ་ཡི་བཅོས་ཐབས་བསྟན་པ་ནི། །ནག་སྨུག་གཉིས་ཀྱི་མདོས་དང་ནི། །ཕོ་མདོས་མོ་མདོས་སྤེལ་ལ་རྒྱས་པར་བྱ། །སྒྲུབ་པ་མ་མོའི་གཞུང་བཞིན་བྱ། །དེ་ནས་ནག་སྨུག་སྦྱིན་བསྲེག་བྱ། །དེ་ཡིས་ནད་རྣམས་ཞི་བར་འགྱུར། དེ་ཡང་གདུག་པའི་ཀླུ་ཡི་ནད་རྣམས་ནི། གླང་ཐབས་སྤོས་གྲི་བྱུང་གྱུར་ན། རིགས་ངན་གདོལ་པའི་ནད་རྣམས་ཡིན། དྲི་དང་སྣ་ཚོགས་ནད་རྣམས་འབྱུང་། ས་བདག་ཀླུ་ཡི་ནད་རྣམས་ཀྱང་། ཞ་གྲུམ་འཔྱེའོ་བཞིན་ལྡོག་ན། །སྤྱི་རུ་བཅོས་པ་ཡོ་བཅོས་ཡིན། དེ་ལྟར་ང་ཡིས་བཅོས་པར་བྱ། ཞེས་གསུངས་སོ། མ་མོ་སྲིད་པའི་བེམ་ཆེན་པོ་ལས།གདོན་གྱི་ནད་རིགས་ངོས་གཟུང་བའི་ལེའུ་སྟེ་བཞི་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། ཀྱེ་མ་ཧོ་འཇིག་རྟེན་འཇོམས་པའི་ལྷ། མ་མོ་གུར་མདོས་ཆེན་པོ་ལ། །བསྐང་བའི་རྫས་རྣམས་ཇི་ལྟར་ལགས། ཞེས་གསོལ་ཏེ་དེ་ཉིད་ན་འཁོད་དོ། ཉོན་ཅིག་ང་ཡིས་བསྟན་པར་བྱ། །བསྐྱེད་པའི་ཁྲོ་མོ་བཅུ་གསུམ་ཀུན་ཀྱང་གཅིག །རྫས་ཀྱང་གཙོ་མོ་མི་དགོས་ཀུན་ཀྱང་གཅིག །སྨྱོ་བཟློག་བཞིན་དུ་བསག་པར་བྱ། །རྣལ་འབྱོར་མ་མོ་བཅུ་བཞི་ལ། །ནམ་མཁའསྔམབཞིནདུབྱ། །མདའརིས་ལྔ་ཡང་བྱ་བ་སྟེ། །དཀར་མོ་གཟི་རིས་མཁར་ཐབས་བྲི། །ཉི་ཟླ་གོང་ནས་འཆར་བ་བྱ། །ཉི་ཟླའི་ཐོད་ཕྲེང་ཅན་ལ་དབུལ། །སྟག་སོ་ཆུ་མིག་བསྒྲིལ་མ་རིས། །མཁར་ཐབས་ཉི་ཟླ་སྟོང་ལ་གུར། །ཤིན་ཏུ་མཛེས་པ་བྲི་བར་བྱ། །ཕྲ་མེན་རྒྱ་མཚོའི་ཕྱག་ཏུ་དབུལ། །དབང་ཆེན་བཞི་ལ་ཟ་འོག་རིས། །མཁར་ཐབས་ཉི་ཟླ་གོང་ནས་འཆར། །དེ་བཞིན་དབང་ཆེན་བཞི་ལ་དབུལ། །དགྱེས་སྡེ་བཞི་ཡི་མདའ་རིས་ནི། སྔོན་མོ་བཞི་ལ་ཉ་མིག་རིས། ཤེན་ཏུ་མཛེས་པ་བྲི་བར་བྱ། །མཁར་ཐབས་ཉི་ཟླ་རྩེ་ནས་འཆར། །དགྱེས་སྡེ་བཞི་ལ་དབུལ་བར་བྱ། །ཕུར་བྱེད་བཞི་ལ་ཆུ་མིག་རིས། །གདན་ནི་ཕྱོགས་དང་བསྟན་པ་དང་། །མཁར་ཐབ་ཉི་ཟླ་འཆར་བར་བྱ། འཁོར་ན་གནས་པའི་མ་མོ་སྟོང་རྩ་བརྒྱད། གྲངས་ཀྱི་གནས་པ་མ་བསྡུས་ཏེ། བཞི་བཅུ་རྩ་གཉིས་ལ་གོང་མ་བཞིན་དུ་མཆོད་པར་བྱ། །གཏོར་མ་བཞི་ཡང་ཕྱོགས་བཞིར་བཞག །ཤིང་རིས་བསྡུས་པ་སྔ་མ་བཞིན། ལྗང་བུ་དར་གྱིས་མཚན་པ་གསུམ། །གཙོ་མོ་ཉིད་ལ་དབུལ་བར་བྱ། །ལྔ་བཅུ་རྩ་བཞི་བལ་ཚོན་ལ། ཚོམ་བུ་གསུམ་པ་བྱ་བར་བཤད། །རིང་ཐུང་ཀུན་ཀྱང་ལུས་ཀྱི་ཚད། །དེ་ཡང་མ་མོ་འཁོར་བཅས་གླུད། །སྟག་གཟིག་ལ་སོགས་བཅུ་བཞི་དང་། །སྲོག་ཆགས་ཚན་པ་བཅུ་བཞི་ཚང་། །འབྲུ་བྱ་འབྲུ་ལུག་གྲུབ་ཚད་རྣམས། །ལྔ་བཅུ་རྩ་དྲུག་གླུད་དུ་དབུལ། །དེ་ཡང་སྣ་ཚོགས་དར་གྱིས་བརྒྱན། །དེ་ཡང་སྲིད་པའི་སྨན་མོ་ལ། །འབྲུ་ལས་བྱས་པའི་སེམས་ཅན་སྣ་ཚོགས་དང་། །ལྗང་བུ་ལྔ་བཅུ་རྩ་དགུ་དང་། །ནམ་མཁའ་ལྔ་བཅུ་རྩ་དགུ་དང་། །མ་མོ་བདུན་གྱི་ནམ་མཁའ་ནི། །ཁོང་པ་གནག་ལ་ཁ་ཆག་སེར། །རྨ་བྱ་སྒྲོ་ཡི་ཟེར་གྱིས་བརྒྱན། །སྲིང་མོ་བཞི་ཡི་ནམ་མཁའ་ནི། །ཕྱོགས་དང་བསྟུན་པའི་ཁོང་པ་ལ། །ཁ་ཆག་མཛེས་ཚོན་གཏང་བར་བྱ། །མདའ་ནི་ཟང་ཡག་ལྕམ་མཁྲིས་བཏང་། །ཕྱོགས་དང་མཐུན་པ་སོ་སོའི་མདའ། སྲིང་མོ་བཞི་ལ་དབུལ་བར་བྱ། །ཨེ་ཀ་ཙ་ཏི་སྐྲུན་དྲུག་ལ། །གཞུང་དང་མཐུན་པར་དབུལ་བར་བྱ། །གསང་བའི་ཡུམ་བཞིའི་ནམ་མཁའ་དང་། །སྣ་ཚོགས་རྫས་རྣམས་བསག་པ་ཀུན་ཀྱང་མཐུན། །དེ་ནས་རི་རབ་བཅའ་བ་ནི། །སྣ་ཚོགས་འབྲུ་སྣའི་གསང་ཕྱེ་ལ། །རི་རབ་བང་རིམ་བཞི་པ་བྱ། །ལྗང་བུ་ཁྲུ་རེ་འཕང་ཀྱང་དེ་བཞིན་ནོ། །རི་རབ་ཐོག་ཏུ་ནས་དང་འབྲུ་ཡི་བང་བ་བྱ། །དེ་ནས་ལྷ་རྫས་སྣ་ཚོགས་བང་བ་བྱ། ཁྲ་མར་གསུར་དང་ཤ་སྣ་སྣ་ཚོགས་བཤམ། །རི་རབ་སྟེང་དུ་གཞག་པར་བྱ། གསེར་དངུལ་ཟང་ལྕགས་རིན་ཆེན་དབྱིག །རི་རབ་སྟེང་དུ་གཞག་པར་བྱ། །དེ་ནས་མངར་སྣ་ཚང་བར་བཞག །དེ་ཡི་སྟེང་དུ་ཟ་འོག་གུར་ཆེན་དབུབ་པར་བྱ། །གྲྭ་བཞི་དབུས་སུ་རྨ་བྱ་ལྔ། གཞུང་དང་མཐུན་པར་གཟུག་པར་བྱ། །དེ་ནས་བང་རིམ་དང་པོ་ལ། །མཐིང་ནག་གུར་ཆེན་དབུབ་པར་བྱ། །དེ་ནས་བང་རིམ་གཉིས་པ་ལ། །ལྗང་སྔོན་གུར་ཆེན་དབུབ་པར་བྱ། །དེ་ནས་བང་རིམ་གསུམ་པ་ལ། །ལེ་བརྒན་གུར་ཆེན་དབུབ་པར་བྱ། །དེ་ནས་བང་རིམ་བཞི་པ་ལ། །སྣ་ཚོགས་དར་གྱི་འཇའ་རིས་བྱ། །དར་དང་རས་མ་ལྤགས་བུ་རྣམས། །ཁྲི་རྐང་བཞི་ལ་རིམ་པར་བསྐོར། །དེ་ནས་གཞུང་བཞིན་བསྐང་བར་བྱ། མ་མོ་སྲིད་པའི་བེམ་ཆེན་པོ་ལས། གུར་མདོས་ཆེན་པོ་བསྐང་པའི་རྫས་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། ཀྱེ་མའོ། ཡབ་ཅིག་འཇིག་རྟེན་འཇོམས་མཛད་ལྷ། །སརྦ་དུ་པ་ཞེས་བྱ་བ། ཐམས་ཅད་བསྐང་བཟློག་ཆེན་མོའི་མདོས། །འདི་ཡི་བསྐང་རྫས་ཇི་ལྟར་ལགས། ཞེས་གསོལ་ཏེ་དེ་ཉིད་ན་འཁོད་དོ། །དེ་ནས་ཡང་ཉོན་ཅིག་འཇིག་རྟེན་སྐོས་ཀྱི་གཡུང་དྲུང་ལྷ། །དབྱིངས་ཀྱི་ཡུམ་དྲུག་རྫས་རྣམས་མཐུན། །རྒྱལ་མོ་དྲུག་ཀྱང་དེ་བཞིན་ནོ། །ཡེ་ཤེས་རྗེ་མོ་བཅུ་བཞི་མཐུན། འཁོར་རྣམས་འདི་རུ་མ་གསུངས་པ། སྲིད་པའི་རྒྱལ་མོའི་ཞལ་མང་ཕྱུང་། ལྗང་བུ་ཤིང་རིས་ཀུན་དང་མཐུན། སྲིད་པའི་སྨན་མོ་རྣམས་ལ་ནི། ཤིང་བུ་མ་གསུངས་ལྗང་བུ་བྱ། །བསྐྱེད་པའི་ཁྲོ་མོ་རྣམས་ལ་ནི། །ལྗང་བུ་ནམ་མཁའ་ཤིང་རིས་རྣམས། །དར་གྱིས་སྣ་ཚོགས་བརྒྱན་པར་བྱ། །ནམ་མཁའ་རྨ་བྱའི་སྒྲོ་ཡིས་བརྒྱན། །རྣལ་འབྱོར་མ་མོ་བཅུ་བཞི་ཡི། །གཅོ་མོ་གཉིས་ལ་དར་གྱིས་བརྒྱན་པར་བྱ། །ཁྱུང་ནི་སྣ་ཚོགས་དར་གྱིས་བརྒྱན་པར་བྱ། །སྲིད་པའི་སྨན་མོའི་ཚོགས་ལ་ནི། །ནམ་མཁའ་བསགས་པ་ཀུན་ཀྱང་མཐུན། །སྣང་ཞིང་སྲིད་པའི་སེམས་ཅན་གཟུགས། །སྣ་ཚོགས་ངར་སྒྲོས་བརྒྱན་པར་བྱ། །གཙོ་བོར་མི་གཟུགས་ཕོ་མོ་སྤེལ་མ་ཡི། །ཕྱོགས་བཞིར་བདུན་བདུན་གཞག་པར་བྱ། །ཕོ་ཆས་མོ་ཆས་མཛེས་པར་བརྒྱན། །ཁྲག་སྣ་མང་པོས་བརྒྱན་པའི་ཕོར་བུ་བརྒྱད། །ཕྱོགས་བཞི་མཚམས་བཞིར་གཞག་པར་བྱ། །རིན་ཆེན་སྣོད་མཆོག་དུམ་པ་བཞི། །བདུད་རྩི་འཛའ་གད་སྨན་གྱིས་དགང་། །ཚེ་ཡི་འབྲང་རྒྱས་བཞི་ཡིས་ཁ་བཅད་དེ། གཙང་མའི་སྟན་བཏིང་ཕྱོགས་བཞིར་བཞག །གཙང་མའི་མདའ་བཞི་ཕྱོགས་བཞིར་བཞག །བཙུན་མོ་ཆས་བཟང་བཞི་ཡང་ཕྱག་གིས་འདེགས་པའི་ཚུལ། །དེ་ནས་དང་པོར་སྣ་ཚོགས་དར་གྱི་ཕྲེང་བས་བསྐོར། །དེ་ནས་རས་མ་དཀར་པོའི་ཕྲེང་བས་བསྐོར། །དམར་པོ་སེར་པོ་སྔོན་པོ་དང་། །པགས་པའི་ཕྲེང་བས་བརྒྱུན་ཞིང་བསྐོར། །སྤྱིར་ཡང་དབྱར་ཆས་དགུན་ཆས་དབྱེ། །སྐད་སྙན་བྱ་དང་ནོར་བཟང་ལུག །གསེར་གཡུ་ཁྲབ་དང་ཟངས་དང་ལྕགས། །དར་དང་ཟ་འོག་གོས་དང་རྒྱན། །སྣ་ཚོགས་ཚང་བར་བསགས་ནས་ནི། །གཙང་མའི་གནས་སུ་དཀར་ནག་སྦྲ་ཕུབ་སྟེ། །ཞག་གསུམ་བསྙེན་པ་ཕུལ་ནས་ནི། །སློབ་དཔོན་གསུམ་གྱིས་སོ་སོའི་ལས། །ཏིང་འཛིན་གསལ་ཏེ་གཞུང་བཞིན་བྱ། །སློབ་དཔོན་ཆོས་གོས་རབ་ལྡན་པས། མདོས་ལ་དང་པོར་སྤྱན་དྲངས་ཤིང་། །བར་དུ་བྱུང་ཁུངས་གདོན་པར་བྱ། །ཐ་མར་སྐོས་ཀྱང་གདབ་པར་བྱ། དེ་ནས་བསྐང་གསོ་དྲག་ཏུ་བྱ། །དེ་ནས་ཆད་ལྷག་ནོར་བ་བཤགས། །དེ་ནས་གཙོ་མོ་ཡུམ་ལ་གྱེར། །དེ་ནས་ཡུམ་དྲུག་རྟག་པའི་རྒྱལ་མོ་ལ། །རིམ་གྱི་ཐ་ལེ་གཅད་པར་བྱ། །དབྱིངས་ཀྱི་ཡུམ་དང་རྟག་པའི་རྒྱལ་མོ་དྲུག །རྗེ་མོ་བཅུ་བཞི་སྨན་མོའི་ཚོགས། །ཀུན་ཀྱང་མདོས་ཆེན་གསུམ་ལ་གཅིག །དབྱིངས་ཀྱི་མ་མོའི་འཁོར་བཅས་དང་། །རྒྱལ་མོ་དྲུག་གི་འཁོར་བཅས་དང་། །སྨད་མོའི་འཁོར་དང་བཅས་པ་རྣམས། །སྨྱོ་བཟློག་མདོས་ལས་གཞན་ན་མེད། །སྐོས་བདག་བརྒྱད་དང་ཚེའི་ལྷ་མོ་བཅུ་དྲུག་ནི། །བར་སྣང་ས་དང་བཅོ་བརྒྱད་པའོ། །གཞུང་ནི་གཞན་ལས་གྲགས་པ་མེད། ཟོར་བདག་བཞི་ནི་ཀུན་ལ་གཅེས། ཚེ་ཡི་ལྷ་མོ་བཞི་ཡང་དགོས། དེད་དཔོན་བཞི་པོ་གཞན་ན་མེད། ཅེས་གསུངས་སོ། །མ་མོ་སྲིད་པའི་བེམ་ཆེན་པོ་ལས། སྐོས་ཀྱི་གཡུང་དྲུང་ལྔ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། །ཨེ་མ་ཧོ་འཇིག་རྟེན་འཇོམས་མཛད་ལྷ། །སྲིད་པའི་གཏོ་ནི་ཀུན་ལ་ཤིས། །དེ་ནས་རྒྱལ་མོ་བཅུ་གསུམ་མདོས། དེ་ཡི་རྫས་རྣམས་ཇི་ལྟར་བསག །ཅེས་གསོལ་ཏེ་དེ་ཉིད་ན་འཁོད་དོ། །དེ་ནས་བཀའ་སྩལ་པ། རྒྱལ་མོ་བཅུ་གསུམ་བསྐང་རྫས་ནི། མདའ་ཆེན་བྱ་རྒོད་མ་བཅུ་གསུམ་ལ།མེ་ལོང་བཅུ་གསུམ་གྱིས་བརྒྱན་པ་དང་། ནམ་མཁའ་བཅུ་གསུམ་ལ། རྨ་བྱའི་མདོངས་བཅུ་གསུམ་གྱིས་བརྒྱན་པའོ། །ནམ་མཁའ་སྔོན་པོ་གསེར་གྱི་ཁ་ཆག་ཅན་གསུམ། ནག་མོ་དུང་གི་ཁ་ཆག་ཅན་གསུམ། སེར་མོ་གཡུའི་ཁ་ཆག་ཅན་གསུམ། དམར་མོ་ལ་ནག་མོའི་ཁ་ཆག་ཅན་གསུམ། ཁོང་ནག་མོ་ལ་ཚོན་སོགས་ཀྱི་ནམ་མཁའ་གཅིག །འཕང་བཅུ་གསུམ་ལ་མེ་ལོང་སོ་སོར་མཛེས་ཚོན་བཏང་། དེའི་ཚེ་རྒྱན་ནི་སྣ་ཚོགས་དར་སྣས་བརྒྱན་པའོ། །ངར་གླུད་བཅུ་གསུམ་ནི་ངར་ཆས་སུ་བཅུག་ལ་ཁ་དོག་ནི་ནམ་མཁའ་དང་མཐུན་པ་ལ་གསེར་གཡུས་བརྒྱན་པའོ། །གཅིག་ནི་ཆེ་བ་ལ་དང་མཐིང་ནག་གི་གོ་ཟུ་གསེར་གྱི་རྡོ་རྗེས་ཁ་ཆག་བྱས་པ་ལ་ཉི་ཟླའི་ཕུར་སྒྲོགས་བྱས་པ་བསྐོན་པ་ལ། མཐིང་གི་གོ་ལྕོག་ལ་གསེར་གཡུའི་རྒྱན་སྣ་ཚོགས་ཀྱིས་བརྒྱན་པ་མགོ་ལ་བསྐོན་པ་ནི་རྒྱལ་མོ་ལ་དབུལ་ལོ། སྙིང་གར་མེ་ལོང་མཐེབ་གང་བ་ཡང་གདགས་སོ། །དེ་ཡང་རྒྱལ་མོ་ཞེས་བྱ་བ་ནི། དཔེར་ན་ས་བདག་རྒྱལ་པོས་འབངས་མངའ་འོག་བསྡུས་ནས་བཀའ་བསྒོ་བ་ཉན་པ་བཞིན། སྲིད་པ་ཆམ་ལ་འབེབས་པའི་གཙོ་མོ་སྲིད་པའི་རྒྱལ་མོས་དབྱིངས་ཀྱི་ཡུམ་དྲུག་ཆམ་ལ་ཕབ་ནས་འཁོལ་ཏེ། དེ་ཡི་ནང་ནས་ཆགས་བྱེད་རྒྱལ་མོ་དང་། རིན་ཆེན་འབར་མ་འོད་ཀྱི་རྒྱལ་མོ་དང་། དགའ་བ་ཏིང་འཛིན་ཉུལ་བྱེད་ཀྱི་རྒྱལ་མོ་དང་གསུམ་གྱིས་རྟགས་པའི་རྒྱལ་མོ་འཁོལ། སྲིད་པའི་བདེ་འགྲོ་རྟག་པའི་རྒྱལ་མོ་དང་། མཁའ་འགྲོའི་རྒྱལ་མོ་ནམ་མཁའི་དབྱིངས་ཕྱུག་མ་དང་། མཁའ་འགྲོ་བཀྲག་གསལ་འོད་འབར་རྒྱལ་མོ་དང་། དེ་ཚོས་རྣལ་འབྱོར་མ་མོ་བཅུ་བཞི་འཁོལ། འདོད་པའི་རྒྱལ་མོ་ཕྲ་མེན་ཐུགས་ཀྱི་གཟེར་ཆེན་མ་དང་། འདོད་པའི་རྒྱལ་མོ་བདུད་ཀྱི་གཙོ་མོ་ཁམ་ཐོགས་མ་དང་འདོད་པའི་རྒྱལ་མོ་རྡོ་རྗེ་ཁྲོས་མས་ནི་སྲིད་པའི་སྨན་མོ་རྣམས་འཁོལ་ཏེ། དེ་ཡི་ནང་ནས་འདོད་པའི་རྒྱལ་མོ་ནག་མོ་ཁ་རླན་མཆེ་བ་ཅན་དང་། འདོད་པའི་རྒྱལ་མོ་བདུད་འདུལ་རལ་གཅིག་མ་དང་། འདོད་པའི་རྒྱལ་མོ་དཀར་མོ་གཡག་ཐོད་མ་སྟེ། དེ་ལྟར་རྒྱལ་མོ་བཅུ་གསུམ་པོ་དེས་ནི་མ་མོའི་རིགས་སྟོང་རྩ་བརྒྱད་འཁོལ་ལོ། སྲིད་པའི་རྒྱལ་མོས་མི་འཁོལ་བ་ནི་མེད་དོ། དེ་ནས་སྔགས་པ་དམ་ཚིག་ཉམས་ན། སྙིང་མུན་རུམ་དུ་སྲོས་ནས་ཉམས་ལྕི་བ་ལ་ལུས་བེར་བ་ལངས་ནས་དྲན་པ་མ་གསལ་ན་བྱ། ཁྲག་གི་ཕོར་བུ་བཅུ་གསུམ་ནི། ཐམས་ཅད་འདུས་པའི་ཟོར་ཁ་བཟློག་པའོ། ཐ་མ་མདོས་བྱང་ཤར་མཚམས་སུ་ཆུ་ལ་བསྐྱལ་ལོ། གཏང་བ་ནི་སྲིད་པའི་རྒྱལ་ཉིད་ལ་གཏོང་ངོ་། ཁྲག་གི་ཕོར་བུ་རུ་ཁྲག་སྣ་ཡོད་ཚད་ལས་ཤེས་རབ་མའི་མཚལ་མེད་དུ་མི་རུང་བས་བསྐང་ལ་བལ་ཚོན་སྣ་ལྔས་ཁ་བཅད་ལ་ཤ་ཆེན་གྱི་གཏོར་མ་ཆ་གཅིག་དང་། དཔལ་གྱི་གཏོར་མ་དང་། ཕུ་དང་བཞལ་ཟས་ཀྱི་ཚོགས་དང་རྔ་གླིང་དང་སྦ སྨ་ར་མ་ཏི་དང་། མར་མེ་དང་། མཆོད་རྫས་རྣམས་དབུལ་བར་བྱའོ།དེ ནས རྔཆེན བརྡུངཞིངའདི་སྐད་གྱེར་རོ། ཞེས་གསུངས་སོ། ཀྱེ་འདོད་ཁམས་རྒྱལ་མོ་ཚུར་གསོན་ཅིག །ཁྱོད་ཀྱི་མིང་དང་མཚན་བསོལ་བ། །རྡོ་རྗེ་གར་གྱི་དབང་ཕྱུག་མ། །པདྨ་གར་གྱི་ལེགས་ལྡན་གཉིས། །དཔྱིད་ཟླ་ར་བའི་ཉ་ཤེད་ལ། །གཉིས་མེད་སྦྱོར་བ་བྱས་པ་ལས། །ཟླ་དགུ་དང་ནི་ངོ་བཅུ་ལ། །བུ་ཚ་མིང་སྲིད་དགུ་ཞིག་བཙས། །སྲིད་མོ་ཆེན་མོ་མཐུ་ཆེན་རྩལ་དྲག་ནས། །ས་རིམ་པ་དགུའི་འོག་ཏུ་སྦས། །མིང་པོ་སྐོས་ཀྱི་བདག་པོ་བརྒྱད། །གླིང་བཞི་ཡི་ནི་བདག་མོར་བསྐོས། །མིང་སྲིང་དེ་ནི་དགུ་རུ་སྲིད། །ས་དགུའི་སྟེང་དུ་སྦས་པ་དེ། །རོ་ལངས་སྐུ་གཅིག་འགུལ་འགུལ་རྒྱུང་། །འཛམ་བུའི་གླིང་ཡང་འགུལ་འགུལ་འགུལ། །ད་ནི་སྐུ་གཅིག་ཀྱང་འགུལ་ནི་མ་མཛད་ཅིག །འཛམ་བུའི་གླིང་ཡང་ནི་འགུལ་ཞིང་ལྡེག །ས་གཡོས་འོང་བར་ནུས་པའོ། ཞབས་གཅིག་འགུལ་འགུལ་ནི་མ་མཛད་ཅིག །ཞབས་གཅིག་འགུལ་འགུལ་ནི་མཛད་པ་ན། །ས་བདག་ཀླུ་ཡང་བརྒྱལ་བར་ནུས། །ཞབས་གཉིས་ཐུར་དུ་བརྒྱད་ཙམ་ན། །གཅིག་ནི་ཀླུ་ཡི་ཡུལ་དུ་བརྒྱད། །གཅིག་ནི་ས་བདག་མགོ་དགུ་འདུལ། །ཀླུ་ཡི་ཡུལ་དུ་བརྐྱང་བ་ཡི། །བདེ་བྱེད་ཀླུ་རྒྱལ་གྱི་ཐུགས་ཀྱང་དཀྲུགས། །འབྱུང་བ་ཀླུ་ཡི་ཚ་བ་སྙོམས། །དབུ་གཅིག་བཏེག་བཏེག་མ་མཛད་ཅིག །དབུ་ནི་བར་སྣང་ཁམས་སུ་འཕྱོ། །ལྷ་བྲན་ཀུན་ཀྱང་འདར་ཞིང་བརྒྱལ། །སྤྱན་གཉིས་དམར་བའི་རྩ་བཟློག་པས། །བར་སྣང་ལྷ་བྲན་ཀུན་ཀྱང་འཁོལ། །སྲིད་གསུམ་ལ་ནི་མངའ་མཛད་མ། །ལོ་གསར་གཉན་པོའི་ཚེས་གཅིག་ལ། །རྒྱལ་མོ་ནི་སྐུ་བཞེངས་ལ། །མདོས་ཀྱི་ནི་ཕུད་ལ་སྤྱོན། །སྤ་ར་མ་ཏིའི་མཆོད་པ་བཞེས། ཁྲ་ཆེན་གཏོར་མ་ནི་འདི་བཞེས་ཤིག །མཛེས་པའི་སྒྲ་སྙན་འདི་ལ་སྤྱོན། འོད་ལྡན་གསལ་བའི་མེ་ལོང་དང་། །མདའ་བཟང་དང་ནི་བྱ་རྒོད་མ། །དཔལ་དར་ནི་རུ་མཚོན་དང་། ཟ་འོག་ནི་ལྡིང་ཁང་ན། གསལ་བའི་མར་མེ་བལྟམ། །མ་དུད་སྤོས་བདུག་སྤོས་ཀྱང་ མཆོག་ནི་ན་བུན་དུ་འཐུལ། སེམས་ལུས་ནམ་མཁའ་བཀྲག་གསལ་འབར། ཁྲག་སྣའི་རྦ་རླབ་ནི་ཆི་ལི་ལི མོ་འཕང་མོད་ལང་ཡང་སི་ལི་ལི། ཆས་སུ་གསལ་ནས་རྒྱལ་མོ་སྤྱན་འདྲེན་ནོ། ཛ༷༷ཧུ༷་བ༷་ཧོ༷༷། ར་ཙ་མ་སྙིང་ཁ་རག་རཀྟ་ཏི་བཛྲ་སྨྱོ། རུ་ལུ་རུ་ལུ་ཧྭ༷་སྨྱོ་ཧུ༷། ཞེས་སྤྱན་དྲངས་ལ་དཀྱིལ་འཁོར་གྱི་དབུས་སུ། དཔལ་ཆེན་པོའི་མདུན་དུ་བཞུགས་ཏེ་མདོས་ལ་བྱིན་གྱིས་རློབས་པར་བསམ་མོ། །དེ་ནས་རིམ་གྱིས་སྤྱན་དྲང་བ་ནི། འདི་སྐད་ཅེས་བརྗོད་དོ། །ཀྱེ་འདོད་པའི་མ་མོ་ཚུར་གསོན་ཅིག །ཆགས་བྱེད་རྒྱལ་མོ་རིན་ཆེན་འོད་འབར་རྒྱལ་མོ་དང་། །ཏིང་འཛིན་ཉུལ་མཛད་རྒྱལ་མོའི་ཚོགས། །སྔོན་གྱི་བསྐལ་པ་དང་པོ་ལ། །སངས་རྒྱས་མ་བྱུང་སྔོན་རོལ་དུ། །མངའ་མཛད་རྒྱལ་མོ་བཅུ་གསུམ་བྱུང་། །ཆགས་བྱེད་མ་དང་རིན་ཆེན་འོད་འབར་མ། དགའ་མ་ཏིང་འཛིན་ཉུལ་བྱེད་མ། །སྲིད་པའི་བདེ་འགྲོ་ནམ་མཁའི་དབྱིངས་ཕྱུག་མ། །བཀྲག་གསལ་འོད་འབར་གསུམ། །ཕྲ་མེན་ཐུགས་ཀྱི་གཟེར་ཅན་དང་། །བདུད་ཀྱི་གཙོ་མོ་ཁྲམ་ཐོགས་རྒྱལ་མོ་དང་། །འདོད་པའི་རྒྱལ་མོ་རྡོ་རྗེ་ཁྲོས་མ་དང་། །གཙོ་མོ་ལ་སོགས་བཅུ་གསུམ་མོ། །འཛམ་བུ་གླིང་ལ་དབང་སྒྱུར་མ། །འཇིག་རྟེན་མཐུ་དང་དཔལ་མཛད་མ། །དོ་ནུབ་མདོས་ལ་སྤྱན་འདྲེན་ནོ། །མངའ་བདག་རྒྱལ་མོ་གཤེགས་སུ་གསོལ། །རི་རབ་ཁྲི་འཕང་དང་པོ་ལས། །ཆགས་བྱེད་རྒྱལ་པོ་རིན་ཆེན་འབར་བའི་འོད་ཀྱི་རྒྱལ་མོ་དང་། །དགའ་བས་ཏིང་འཛིན་དྲོང་ཉུལ་རྒྱལ་མོ་གསུམ། །འོད་ཆེན་འབར་བའི་དཀྱིལ་འཁོར་ནས། །ཀུན་ཀྱང་མི་བཟད་འབར་བའི་སྐུ། །གསང་བ་མདོས་ཀྱི་དཀྱིལ་འཁོར་དུ། །སྣ་ཚོགས་རྫས་རྣམས་བསོག་ནས་ནི། དབྱིངས་ཀྱི་རྒྱལ་མོ་སྤྱན་འདྲེན་ནོ། །མདོས་ལ་བྱིན་གྱིས་རློབ་ཅིང་སྤྱོན། །བསྐང་བའི་རྫས་ཆེན་མཆོད་པ་འདི། །གཙང་ཞིང་དག་པར་སྦྱར་བ་ལ། །བདུད་རྩི་མཆོག་དང་ནོར་གྱི་དབྱིག །གོས་དང་རྒྱན་དང་མཛེས་པའི་ནོར། །སྙན་པའི་སྒྲ་མཆོག་འདི་འབུལ་གྱི། །རྣལ་འབྱོར་མཐུ་དང་དཔལ་སྐྱེད་ལ། །མི་མཐུན་སྐྱེན་ཆེན་སླར་ལ་བཟློག །སྲིད་པའི་བདེ་འགྲོ་རྟགས་པའི་རྒྱལ་མོ་དང་། །ནམ་མཁའི་རྒྱལ་མོ་མཁའ་འགྲོའི་དབྱིངས་ཕྱུག་མ། །མཁའ་འགྲོ་བཀྲག་གསལ་རྒྱལ་མོ་གསུམ། །བར་རིམ་གཉིས་ལ་སྐུ་བཞུགས་ཏེ། །འོད་ཆགས་མཐིང་གའི་དཀྱིལ་འཁོར་ནས། །གསང་བ་མདོས་ཀྱི་དཀྱིལ་འཁོར་འདིར། །མཐུན་པའིརྫསཆེན བསོག པ ལས། །སྤྱན་འདྲེན མཆོད ཀྱིགཤེགསསུགསོལ། །ཀུན་ཀྱང་མཐིང་ནག་འབར་བའི་སྐུ། །མདོས་ལ་བྱིན་གྱིས་རློབ་ཅིང་སྤྱོན།བསྐང་བའི་རྫས་ཆེན་མཆོད་པ་འདི། གཙང་ཞིང་དག་པར་བཤམས་པ་ལ། བདུད་རྩི་མཆོག་དང་ནོར་གྱི་དབྱིག །གོས་དང་རྒྱན་དང་མཛེས་པའི་ནོར། སྙན་པའི་སྒྲ་མཆོག་འདི་འབུལ་གྱི། །རྣལ་འབྱོར་མཐུ་དང་དཔལ་སྐྱེད་ཅིག །མི་མཐུན་རྐྱེན་ཆེན་སླར་ལ་བཟློག །མངའ་ཐང་རྐྱེན་དུ་བཞེས་སུ་གསོལ། ཀྱེ་འདོད་པའི་མ་མོ་ཚུར་གསོན་ཅིག །ཐུགས་ཀྱི་གཟེར་ཆེན་འདོད་པའི་རྒྱལ་མོ་དང་། །བདུད་མོ་ཀུན་གྱི་གཙོ་མོ་ཁྲམ་ཐོགས་རྒྱལ་མོ་དང་། །རྡོ་རྗེ་ཁྲོས་མ་འདོད་མའི་རྒྱལ་མོ་རྣམས། །མ་མོ་ཀུན་གྱི་རྒྱལ་མོས་བྱ། །རི་རབ་བང་རིམ་གསུམ་པ་ལ་ཞུགས་པ། །ཀུན་ཀྱང་ཁྲོ་མོ་ལྗང་ནག་སྐུ། །གསང་བ་མདོས་ཀྱི་དཀྱིལ་འཁོར་དུ། །སྣ་ཚོགས་མཐུན་པའི་རྫས་བསོག་ནས། །རྣལ་འབྱོར་རྒྱལ་མོ་སྤྱན་འདྲེན་ནོ། །མདོས་ལ་བྱིན་གྱིས་རློབ་ཅིང་སྤྱོན། །གཙང་ཞིང་དག་པར་བཤམས་པ་ལ། །བདུད་རྩི་མཆོག་དང་ནོར་གྱི་དབྱིག །གོས་དང་རྒྱན་དང་མཛེས་པའི་ནོར། །སྙན་པའི་སྒྲ་མཆོག་འདི་འབུལ་གྱི། །རྣལ་འབྱོར་མཐུ་དང་དཔལ་སྐྱེད་ཅིག །མི་མཐུན་རྐྱེན་ཆེན་སླར་ལ་བཟློག །ཀྱེ་འདོད་པའི་མ་མོ་ཚུར་གསོན་ཅིག །ནག་མོ་ཁ་རློན་མཆེ་བ་ཅན། །འདོད་པའི་མ་མོ་བདུད་འདུལ་རལ་གཅིག་མ། །འདོད་པའི་མ་མོ་དཀར་མོ་གཡག་ཐོད་ཅན། །རི་རབ་བང་རིམ་ཐ་མ་ལས། །ཁྲག་མཚོ་དམར་པོའི་དཀྱིལ་འཁོར་ནས། །ཀུན་ཀྱང་དམར་ནག་འབར་བའི་སྐུ། །གསང་བ་མདོས་ཀྱི་དཀྱིལ་འཁོར་དུ། །སྣ་ཚོགས་མཐུན་པའི་རྫས་བསོག་སྟེ། །སྨན་མོའི་རྒྱལ་མོ་སྦྱན་འདྲེན་ན། །མདོས་ལ་བྱིན་གྱིས་རློབ་ཅིང་སྤྱོན། །བསྐང་བའི་རྫས་ཆེན་མཆོད་པ་འདི། །གཙང་ཞིང་དག་པར་སྦྱར་བ་ལ། །བདུད་རྩི་མཆོག་དང་ནོར་གྱི་དབྱིག །གོས་དང་རྒྱན་དང་མཛེས་པའི་ནོར། །སྙན་པའི་སྒྲ་མཆོག་འདི་འབུལ་གྱི། །རྣལ་འབྱོར་ཚེ་དང་དཔལ་སྐྱེད་ལ། །མི་མཐུན་གདུག་པའི་རྐྱེན་ཆེན་བཟློག །མངའ་བདག་རྒྱལ་མོ་བཅུ་གསུམ་ཡང་། །གསང་བའི་དམ་རྫས་འདི་ན་མཐུན་པར་བསོགས། །བཟང་དགུ་བསྡེབ་ནས་སྐུ་གླུད་འབུལ། །རྒྱལ་མོ་བཅུ་གསུམ་ཐུགས་དམ་བསྐང་། །མ་མོ་བྱེ་བ་འབུམ་ཕྲག་འཁོར་དུ་སྐྱོང་། །འདིར་གཤེགས་མཆོད་པ་དམ་པ་བཞེས། །ཞེས་སྤྱན་དྲངས་ལ། དེ་ནས་ཁུངས་བྱུང་ཚུལ་ནས་འདི་སྐད་ཅེས་བརྗོད་དོ། །སྔོན་གྱི་བསྐལ་པ་དང་པོ་ལ། །མདོས་བྱུང་དེ་ནི་ཇི་ལྟར་བྱུང་། །གླུད་བྱུང་དེ་ནི་གང་ནས་བྱུང་། །རྒྱ་གར་གྱི་ཡུལ་ཤེད་དུ། མི་ནད་ནི་ཆུ་ལྟར་འཁྲུགས། ཕྱུགས་ནད་ནི་༷་ལྟར་འ་ས། ཅི་བགྱིས་ལ་ཅི་མ་ཕན། པརྙི་ཏ་མཆེད་གསུམ་གྱིས། ཐུགས་ཀྱིས་ནི་སྨོན་ལམ་བཏབ། སེ་ནའི་ཕྲ་སྐོར་ནས།གསང་བ་འབུམ་སྡེའི་ནང་ཤེད་ནས། སྲིད་པའི་མདོས་ལེའུ་ཆེནཔོབ་། ཕོདང་ན་མོའི་མདོས་ལ། ཉིན་གསུམ་ནི་ཚོགས་སུ་བསགས། མཚན་གསུམ་ནི་གྱེར་དུ་བགྱེར། ཆ་གཅིག་ནི་རི་རབ་རྩེ་རུ་བསྐྱལ། ཆ་གཅིག་ནི་ལུང་གསུམ་མདོ་རུ་བསྐྱལ། ཆ་གཅིག་ནི་ཆབ་ཀྱི་གཞུང་ལ་བསྐྱལ། །དེ་ནས་མདོས་བྱུང་ནི་གང་ནས་བྱུང་། །གླུད་བྱུང་ནི་གང་ནས་བྱུང། བལ་པོའི་ཡུལ་དུ་བྱུང་། བལ་པོ་ནི་ཧུ༷་མཛད་ཀྱིས། བལ་པོ་རྒྱལ་པོའི་དོན་དུ་མཛད། རྒྱལ་པོ་བཅུ་གསུམ་གྱི་གླུད་དུ་ཕུལ། རྒྱལ་པོའི་སྙུན་ནད་ཀྱང་དེར་སངས་སོ། །དེ་ནས་མདོས་བྱུང་གང་ནས་བྱུང་། ཞང་ཞུང་ཡུལ་ཤེད་དུ། ཞང་ཞུང་གི་རྒྱལ་པོ་ལ། མཁྲིས་པ་ནི་ཤ་ཡས་ཟིན། ཅི་བགྱིད་ནི་ཅིས་མ་སྨན། མུན་དུན་ཤགས་ཀྱིས་པྲ་ཕབ་པས། ཧོར་ཏ་ལྕམ་མོ་བཅུ་གསུམ་ལ། གླུད་དང་ནི་ཐབས་ཅིག་ཕུལ། རྒྱལ་པོའི་སྣུན་ནད་དེར་སངས་སོ། །ཞང་ཞུང་བོན་པོ་ཁྲི་མུན་སྟོང་གིས་ནི། དཀའ་དགུ་ནི་བསོགས་བསོགས་ནས། མཐུན་དགུ་ནི་སྡེབས་ནས་སུ། རྒྱལ་པོ་བཅུ་གསུམ་ལ་གླུད་དུ་ཕུལ། སྙུན་ནད་ཀྱང་དེར་སངས་སོ། །དེ་ནས་མདོས་བྱུང་ནི་གང་ནས་བྱུང་། །གླུད་བྱུང་ནི་གང་ནས་བྱུང་། བོད་ཡུལ་གྱི་དབུས་སུ་བྱུང་། །སྐྲུ་རྒྱལ་བཙན་པོ་ནི་སྙུན་གྱིས་ཟིན། ཅི་བགྱིས་ནི་ཅིས་མ་སྨན། རྒྱ་གར་གྱི་ཡུལ་ནས་སུ། གྲོང་ཁྱེར་ནི་གསལ་ལྡན་ནས། ཛ་ཡ་སེ་ན་སྤྱན་དྲངས་ནས། པྲ་ཕབ་ནི་ཕྱ་བསྐོར་བས། །མ་བདུད་རྒྱལ་མོས་བཀྱོན་ནོ་སྐད། རྒྱ་བོད་མཁས་པ་ནི་མང་པོས་བསྐོར། ཉིན་གསུམ་ནི་བསོགས་སུ་བསག །མཚན་གསུམ་ནི་གྱེར་དུ་བགྱེར། ཆག་ཅིག་རི་གསུམ་རྩེ་ལ་བསྐྱལ། ཆ་གཅིག་ལུང་གསུམ་གྱི་མདོར་རུ་བསྐྱལ། །ཆ་གཅིག་གཙང་ཆབས་ཀྱི་གཞུང་ལ་བསྐྱལ། རྒྱལ་པོ་སྙུན་ལས་དེར་ཐར་རོ། དོ་ནུབ་ཙམ་སུ་ཡི་གླུད། ཡོན་བདག་རྒྱུ་སྦྱོར་གླུད། རྡོ་རྗེ་སློབ་དཔོན་གླུད། མཆེད་དང་ནི་ལྕམ་དྲལ་གླུད། རྒྱལ་མོ་བཅུ་གསུམ་ལ་གླུད་དུ་འབུལ། མདོས་བདག་ནི་མདོས་བཞེས་ཤིག གླུད་བདག་ནི་གླུད་བཞེས་ཤིག དེ་ནས་བྱུང་ས་གདབ་པ་ནི། མ་མཆིས་ནི་དགུ་ཞིག་མཆིས། དགའ་དགུ་ནི་བསོགས་ནས་མཆིས། གཐུན་དགུ་ནི་སྡེབས་ནས་མཆིས། ཚོ་མ་ནི་ཚོ་དགུ་མཆིས། མདའ་ལ་བྱ་རྒོད་མ་བཅུ་གཉིས་ནི། །ཕོད་སྒྲོ་ལྡེམ་རུ་དང་བཅུ་གསུམ་མཆིས། དར་སྣ་བཅུ་གཉིས་ནི། དཔལ་དར་ཡུག་ཆེན་དང་བཅུ་གསུམ་མཆིས། ནམ་མཁའ་བཅུ་གཉིས་ནི།འཇའ་རིས་འོད་སྔོན་དང་བཅུ་གསུམ་མཆིས། ལྗང་བུ་ནི་བཅུ་གཉིས་ན། ཁུགས་རང་བྱུང་དང་བཅུ་གསུམ་མཆིས། རྨ་བྱ་ནི་བཅུ་གཉིས་ན། འདབ་ལྡན་སེར་པོ་དང་བཅུ་གསུམ་མཆིས། མོ་འཕང་ལྡེང་མོ་ནི་བཅུ་གཉིས་ན། གསེར་རིས་འཁོར་ལོ་དང་བཅུ་གསུམ་མཆིས། མཛེས་པའི་མེ་ལོང་ནི་བཅུ་གཉིས་ན། གཟི་ལྡན་འོད་ཆགས་དང་བཅུ་གསུམ་མཆིས། ཁྲག་སྣའི་ཕོར་བུ་ནི་བཅུ་གཉིས་ན། མཚལ་ཁྲག་ཟག་དགུ་དང་བཅུ་གསུམ་མཆིས། གསང་བའི་དཀྱིལ་འཁོར་གཉེན་པོ་ནི། རྒྱལ་པོ་བཅུ་གསུམ་སྤྱན་སྔ་ན། འཛའ་གད་བདུད་རྩིའི་བཅུད་བལྟམ་ནས། རཀྟ་རྒྱ་མཚོ་རྦ་རླབ་ཅི་ལི་ལི། གསལ་བའི་མར་མེ་འོད་བལྷམ་ནས། མ་བདུད་སྤོས་ཆེན་དུ་ཐུ་ལུ་ལུ། མཐིང་ནག་གུར་ཆེན་ནི་ལྡི་རི་རི། ཤ་ཆེན་གཏོར་མ་ནི་ཅི་ལི་ལི། ཆུ་ལུག་རྒྱལ་མོ་ནི་འབའ་དང་དི་རི་རི། འབྲས་བུ་མེ་ཏོག་སྣ་ཚོགས་ནི་བཅལ་དུ་བཀྲམ། ཞལ་ཟས་སྣ་ཚོགས་མཆོད་པ་ནི་རི་ལྟར་སྐྲུངས། མ་མོ་མཁའ་འགྲོ་དང་རེ་སྤྲོ། རྫ་རྔ་སིལ་སྙན་སྐད་རེ་སྙན། མ་ཚོགས་མཁའ་འགྲོ་དམ་ལ་འདུ། དོ་ནུབ་ནི་མདོས་གྱེར་རོ། ལྷ་ཡང་ནི་སྐྱེང་མ་སྣོལ། མི་ཡང་ནི་མ་གཟིམས་ཤིག །ནམ་མཁའ་ནི་ཡ་གི་ལ།རྒོད་པོ་ནི་ཁྱུང་ལྡིང་ཡང་། འགྲེང་མི་ཡིན་ནི་གླུད་མ་ལགས། དུད་ཕྱུགས་ཀྱི་ནི་སྐྱིན་མ་ལགས། མ་བདུད་ནི་རྒྱལ་མོའི་བྱ། རི་ལོགས་ནི་ཡ་གི་ན། ཤ་རྒོད་ནི་རྨིགས་རྒྱུ་ཡང་། འགྲེང་མི་ཡི་གླུད་མ་ལགས། དུད་ཕྱུགས་ཀྱི་ནི་སྐྱིན་མ་ལགས། མ་བདུད་གྱི་རྒྱལ་མོའི་དཀོར། མཚོ་མོ་ནི་མ་གི་ལ། འགྱུར་སྲམ་མ་བུ་ནི་སྐྱེ་གཞུངས་ཡང་། འགྲེང་མི་ཡི་ནི་གླུད་མ་ལགས། དུད་ཕྱུགས་ཀྱི་ཡང་སྐྱིན་མ་ལགས། མ་བདུད་རྒྱལ་མོའི་དཀོར། དོ་ནུབ་འགྲེང་མི་ཡི་ནི་གླུད་དུ་འབུལ། དུད་ཕྱུགས་ཀྱི་ཡང་སྐྱིན་གཅིག་གསོབ། ཀྱེ་འདོད་པའི་རྒྱལ་མོ་ཚུར་གསོན་ཅིག །ཆགས་བྱེད་རྒྱལ་མོ་ཚུར་གསོན་ཅིག །སྐུ་ནི་མཐིང་ནག་འབར་བ་ལ། །མཐིང་གི་གོ་ལྕོག་དབུ་ལ་གསོལ། །མཐིང་ནག་རལ་པ་འོད་དུ་འབར། །སྐུ་ལ་དར་ནག་གོ་ཟུ་གསོལ། མི་མགོ་རློན་པའི་ཕྲེང་བས་བརྒྱན། དར་ནག་རུ་མཚོན་གཡས་ན་བསྣམས། །གཡོན་ན་འཕྲུལ་གྱི་མེ་ལོང་བསྣམས། །སྔོ་བསངས་མ་ནི་བཀའ་བློན་མཛད། །ཁྲོ་གཉེར་ཅན་ནི་གུང་བློན་མཛད། །ནང་བློན་མོན་མོ་སྤྱི་རིངས་མ། །རྒྱལ་མོ་ཁྱོད་ཀྱི་འཁོར་བཅས་ལ། །གསང་བ་མདོས་ཀྱི་དཀྱིལ་འཁོར་འདི་འབུལ་གྱིས། །རྒྱལ་མོའི་བཀའ་ཆད་ད་བཟློག་ལ། །གསང་བ་མདོས་འདི་ཕར་ལ་སོང་། །ལྗང་བུ་འཕན་རིང་སྐུ་ཡི་གླུད། །རྒྱལ་མོ་སྐུ་ལུས་འོད་ལྡན་པས། །དམ་ཚིག་ཉམས་པའི་བཀའ་ཆད་ཞི། །རྨ་བྱའི་མདོངས་ཆེན་འདི་ཕུལ་བས། །བཀྲག་དང་གཟི་བྱིན་ལྡན་པར་དབུལ། །སེམས་ཀྱི་གླུད་དུ་ནམ་མཁའ་དབུལ། །ཚེ་ཡི་གླུད་དུ་མོ་འཕང་ལྗང་མོ་དབུལ། །སྲོག་གི་ལུད་དུ་མདའ་བཟང་བྱ་རྒོད་དབུལ། །གོས་ཀྱི་གླུད་དུ་དར་ནག་སླེ་ཆེན་དབུལ། །རྣམ་ཤེས་གླུད་དུ་ཁྲོ་ལྕགས་མདེའུ་རྩེ་དབུལ། །རྒྱལ་མོ་རྣམས་ནི་མ་རིག་ཞབྲུལ་པས་བཅིངས། །མ་རིག་བག་ཆགས་སེལ་མཛད་པས། །སྣང་སྲིད་གསལ་བའི་མེ་ལོང་དབུལ། །རྒྱལ་མོ་རྣམས་ཀྱི་བཀའ་ཆད་བཟློག་པའི་ཕྱིར། །སྣ་ཚོགས་ཁྲག་སྣ་མཚལ་ཆེན་ཟག་དགུ་དབུལ། །རྒྱལ་མོའི་ཐུགས་ནད་སངས་གྱུར་ལ། །བདག་ཅག་གཡར་དམ་གསོ་རུ་གསོལ། །མ་དུད་སྤོས་ཆེན་འབྲང་རྒྱས་དང་། །འཛའ་གད་བདུད་རྩི་འདི་འབུལ་ལོ། །རྒྱལ་མོ་ཁྱེད་ཀྱི་ཐུགས་དམ་བསྐང་གྱུར་ཅིག །བདག་ཅག་གཡར་དམ་གསོ་རུ་གསོལ། །པྲེ་ཏ་གླིང་གི་རྒྱལ་མོ་ཁྱོད། །མདོས་བདག་ལགས་ཀྱི་མདོས་ལོང་ལ། །གླུད་བདག་ལགས་ཀྱི་གླུད་བཞེས་ཤིག །མངའ་བདག་རྐྱེན་དུ་བཞེས་ནས་ཀྱང་། །ཚེ་སྲིངས་དཔལ་སྐྱེད་དངོས་གྲུབ་སྩོལ། །མདོས་བདག་ཆེན་མོ་གླུད་བཞེས་ཤིག །ཅེས་མཆོད་དོ། །དེ་ནས་འཛའ་གད་གཏོང་ལ་འདི་སྐད་དོ། །ཀྱེ་འདོད་པའི་རྒྱལ་མོ་ཚུར་གསོན་ཅིག །རིན་ཆེན་འོད་འབར་རྒྱལ་མོ་ནི། །སྐུ་ནི་ལྗང་ནག་འབར་བ་ལ། །ཐུགས་ནི་མ་གཡོས་དཀྱིལ་མོ་ཆེ། །གཡས་པ་ཐོད་པ་ཁྲག་གིས་བཀང་བ་བསྣམས། །གཡོན་ན་སྡིག་པའི་གཡང་གཞི་འཕྱར། །སྲིད་པ་གསུམ་ལ་མངའ་མཛད་མ། །འདོད་ཁམས་རྒྱལ་མོ་ཆེན་མོ་ཁྱོད། །ཁམས་གསུམ་ཞལ་དུ་རབ་གདངས་ནས། །སྟོང་གསུམ་ཞལ་དུ་རབ་ཏུ་གསོལ། །བཟོད་པར་དཀའ་བའི་དུར་ཁྲོད་ཆེན་པོ་ན། །མི་ཁྲག་རྟ་ཁྲག་མཚོ་རུ་བསྐྱིལ། །འགྲོ་བའི་མདངས་ལ་མངའ་མཛད་མ། །ཁྱོད་ཀྱི་སྔོན་དམར་ཁ་རླངས་ནས། །སྣ་ཚོགས་མི་ནད་ཕྱུགས་ནད་གཏོང་། །མདོས་བདག་ནི་མདོས་བཞེས་ལ། །གླུད་བདག་ནི་གླུད་བཞེས་ཤིག །ཅེས་ཕུད་གཏོང་། །དེ་ནས་ཏིང་ངེ་འཛིན་གྱི་རྒྱལ་མོ་ལ་འདི་སྐད་དོ། །ཀྱེ་འདོད་པའི་མ་མོ་ཚུར་གསོན་ཅིག །དགའ་མ་ཏིང་འཛིན་དྲོད་ཉུལ་རྒྱལ་མོ་ནི། །སྐུ་མདོག་སྔོ་བསངས་ཁྲོ་མོའི་སྐུ། །དབུ་ལ་མུ་ཏིག་ལྗོན་ཚར་གསོལ། །སྐུ་ལ་ལྗང་ནག་གོ་ཟུ་ལ། །མུཏིགཕྲེངབསཁཆག་གསལ། །ཕྱག་གཡསཞིངཆེནརྒྱལམཚནབསྣམས། །གཡོནནམཚོནཆའིའཁོརལོ་བསྣམས། །འདུལབཁཆེནདྲུགཔོའདུལ། །འཁོར་བ་མ་མོ་བརྒྱད་ཅུས་བསྐོར། །གསོལ་ནི་ཤ་ཁྲག་དམར་ཆེན་གསོལ། །ཟས་སུ་ཅང་ཁ་བུ་རི་གསོལ། །ནོར་བུ་འབར་བའི་ཁ་བད་ཐགས་བཟང་བསྲེལ། །གྲོགས་སུ་གནོད་སྤྱིན་སྟོབས་ལྡན་ནག་པོ་བརྟེན། །འབར་བ་མེ་ཡི་འོད་དང་བཅས། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །ཅེས་ཕུད་གཏོང་ངོ་། །ཀྱེ་འདོད་པའི་མ་མོ་ཚུར་གསོན་ཅིག །སྲིད་པའི་བདེ་འགྲོ་རྟག་པའི་རྒྱལ་མོ་ནི། །སྐུ་ནི་ཅི་ཡང་མ་ངེས་ཏེ། །སྐུ་ལ་མཐིང་གི་གོ་ལྕོག་གསོལ། །རྨ་ལོ་མཛེས་པའི་ལན་ཚར་ཅན། །ཕྱག་ན་བ་དན་བྷནདྷའཁོར་ལོ་བསྣམས། །འཁོར་ནི་རྣལ་འབྱོར་མ་མོ་འཁོལ། །མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག །ཀྱེ་འདོད་པའི་མ་མོ་ཚུར་གསོན་ཅིག །མཁའ་འགྲོ་རྒྱལ་མོ་ནམ་མཁའི་དབྱིངས་ཕྱུག་མ། །སྣ་ཚོགས་འགྱུར་བའི་གཟུགས་འཆང་ཞིང་། །འཁོར་ལོ་རལ་གྲི་ཕྱག་ན་བསྣམས། །མཐིང་ནག་མཛེས་པའི་གོ་ཟུ་ལ། །ཨུཏུལ་སྔོན་པོའི་ཁ་ཆག་ཅན། །དབུ་སྐྲ་མཐིང་ནག་ཐོར་ཚུགས་ཅན། །ཁ་བློན་གུང་བློན་ནང་བློན་ཚོགས་དང་བཅས། །འབྱུང་བ་ནམ་མཁའི་མངའ་བདག་མོ། །འདུལ་བའི་རྣལ་འབྱོར་མ་མོ་འདུལ། །མདོས་ལེན་མ་མདོས་ལོང་ལ། །གླུད་བདག་ནི་གླུད་བཞེས་ཤིག །ཀྱེ་འདོད་པའི་མ་མོ་ཚུར་གསོན་ཅིག །མཁའ་འགྲོའི་རྒྱལ་མོ་བཀྲག་གསལ་འོད། །སྐུ་ནི་སེར་ནག་འབར་བ་ལ། །སེར་ནག་རལ་པ་ཐོར་ཚུགས་ཅན། །ལག་ནརིན་ཆེན་བྷརྙ་བསྣམས། །ཞལ་གདངས་མཆེ་བ་གཙིགས་པ་ན། །ཉིད་ཀྱི་འཁོར་རྣམས་མ་ལུས་འདུལ། །ཁྲོ་གཉེར་བཞད་པས་རྣལ་འབྱོར་མ་མོ་འདུལ། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །ཅེས་ཕུད་གཏོང་ངོ་། །ཀྱེ་འདོད་པའི་མ་མོ་ཚུར་གསོན་ཅིག །ཕྲ་མེན་ཐུགས་ཀྱི་གཟེར་ཅན་རྒྱལ་མོ་ནི། །སྐུ་ནི་སྨུག་མཐིང་ཆེན་མོ་ལ། །དབུ་སྐྲ་རྨ་ལོ་མཛེས་པས་བརྒྱན། །མེ་དཔུང་དམར་པོའི་དཀྱིལ་ན་བཞུགས། །སྐུ་ལ་ཕྲ་མེན་གོ་ཟུ་གསོལ། །གཟའ་ཆེན་བརྒྱད་ཀྱི་ཁ་ཆག་ཅན། །ཉི་ཟླ་ཤར་བའི་གོ་མཚོན་ཅན། །ཕྱག་གཡས་རིན་ཆེན་གའུ་མཛེས་པའི་ཆུན་འཕྱང་བསྣམས། །མ་མོ་བདུན་ལ་མངའ་མཛད་མ། །འདུལ་ནི་སྲིད་པའི་ཚོགས་རྣམས་འདུལ། །མདོས་བདག་ཆེན་མོ་མདོས་བཞེས་ལ། །གླུད་བདག་ཆེན་མོ་གླུད་བཞེས་ཤིག །ཀྱེ་འདོད་པའི་མ་མོ་ཚུར་གསོན་ཅིག །ཁྲམ་ཐོགས་བདུད་མོ་གཙོ་མོའི་རྒྱལ་མོ་ནི། །ཁྲམ་ཁ་སྟོང་ལ་དབང་སྒྱུར་བ། །དམག་གི་རྒྱལ་མོ་བཞི་ལ་མངའ་མཛད་མ། །འདུལ་ནི་སྲིད་པའི་མ་ཚོགས་འདུལ། །སྐུ་ནི་མཐིང་ནག་འབར་བ་ལ། །ན་བཟའ་དར་ནག་གོ་ཟུ་གསོལ། །གཡས་པ་ཁ་ཊ༷་རྩེ་གསུམ་བསྣམས། །གཡོན་ན་སྤྱང་མོ་མགོ་དགུ་བསྣམས། །ཞལ་དུ་མི་སྙིང་འབུམ་འབུམ་གསོལ། །བདུད་ཀྱི་དམག་དཔུང་འཇོམས་མཛད་མ། །མདོས་བདག་ལགས་ཀྱི་མདོས་བཞེས་ཤིག །གླུད་བདག་ནི་གླུད་བཞེས་༄༅། ཁེག །ཀྱེ་འདོད་པའི་མ་མོ་ཚུར་གསོན་ཅིག །རྒྱལ་མོ་ཆེན་མོ་ཁ་རླན་མཆེ་བ་ཅན། །སྨན་མོ་ལྔ་བཅུ་རྩ་དྲུག་ལ། །མངའ་བདག་རྒྱལ་མོ་མངའ་མཛད་དྲུག །སྲིད་པའི་བྱོལ་ཁ་བཟློག་མཛད་མ། །སྐུ་མདོག་ནག་མོ་ཙེ་རེ་རེ། །ཐོད་པ་ཁྲག་གིས་བཀང་བ་བསྣམས། །གཡོན་ན་མི་སྙིང་ཐུ་ལུ་ལུ། །སྡང་བའི་ལས་ངན་དགྲ་བོ་ལ། །ལས་ཀྱི་ཐུན་གཅིག་དབབ་ཏུ་གསོལ། །འཁོར་འདུལ་རྒྱལ་མོ་གོ་ཏིང་ཤགས། །མ་མོ་བདུན་གྱི་རྒྱལ་མོ་ཁྱོད། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །བདུད་འདུལ་རྒྱལ་མོ་རལ་གཅིག་མ། །སྐུ་མདོག་བྱེ་རུ་དམར་པོ་ལ། །མུ་མེན་ཟངས་ཀྱི་གོ་ཟུ་ཅན། །ཕྱག་གཡས་འོད་མའི་རྒྱུད་བསྐུལ་ཞིང་། །གཡོན་པས་ཞགས་པ་དམར་པོ་སྡོག །ཉམས་པ་རྣམས་ཀྱི་སྙིང་ཁྲག་འཐུང་། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །འདོད་པའི་མ་མོ་དཀར་མོ་གཡག་ཐོད་མ། །སྐུ་མདོག་ཤེལ་དཀར་ལྡེམ་པ་ལ། །རྨ་ལོ་གཡུ་ཡི་ཐིག་ལེ་ཅན། །དབུ་ལ་དུང་གི་གོ་ལྕོག་གསོལ། །སྐུ་ལ་དར་དཀར་གོ་ཟུ་ལ། །མི་མགོ་ཐོད་པའི་ཕྲེང་བས་བརྒྱན། སྲི་མོ་བཞི་ལ་དབང་བསྒྱུར་ཞིང་། །གསང་བའི་མ་མོ་བཞི་ལ་མངའ་མཛད་མ། ཁྲུ་འདེགས་བཞི་ནི་ཁྱོད་ཀྱིས་འཁོལ། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །གསང་བ་མདོས་ཀྱི་དཀྱིལ་འཁོར་འདི་འབུལ་གྱི། །རྒྱལ་མོ་རྣམས་ཀྱི་བཀའ་ཆད་འདིས་བཟློག་ལ། །གསང་བའི་མདོས་འདི་ཕར་ལ་ལོང་། །ལྗང་བུ་འཕན་རིངས་སྐུ་ཡི་གླུད། །རྒྱལ་མོའི་སྐུ་ལུས་འོད་ལྡན་པས། །དམ་ཚིག་ཉམས་པའི་བཀའ་ཆད་ཞི། །རྨ་བྱ་མདོངས་ཆེན་འདི་འབུལ་བས། །བཀྲག་དང་གཟི་མདངས་ལྡན་པར་དབུལ། །སེམས་ཀྱི་གླུད་དུ་ནམ་མཁའ་དབུལ། །ཚེ་ཡི་གླུད་དུ་མོ་འཕང་ལྡོང་མོ་དབུལ། །སྲོག་གི་གླུད་དུ་མདའ་བཟང་བྱ་རྒོད་དབུལ། །གོས་ཀྱི་གླུད་དུ་དར་ནག་སླེའུ་ཆེན་དབུལ། །རྣམ་ཤེས་གླུད་དུ་ཁྲོ་ལྕགས་མདེའུ་རྩེ་དབུལ། །རྒྱལ་མོ་རྣམས་ནི་མ་རིགས་ཞབྲུལ་པས་བཅིངས། །མ་རིག་བག་ཆགས་སེལ་མཛད་པ། །སྣང་སྲིད་གསལ་བའི་མེ་ལོང་དབུལ། །རྒྱལ་མོ་རྣམས་ཀྱི་བཀའ་ཆད་བཟློག་པའི་ཕྱིར། །སྣ་ཚོགས་ཁྲག་སྣ་མཚལ་ཆེན་ཟག་དགུ་དབུལ། །རྒྱལ་མོའི་ཐུགས་ནད་སངས་གྱུར་ནས། །བདག་ཅག་གཡར་དམ་གསོ་རུ་གསོལ། །མ་བདུད་སྤོས་ཆེན་འབྲང་རྒྱས་དང་། །འཛའ་གད་བདུད་རྩི་འདི་དབུལ་ལོ། །རྒྱལ་མོ་ཁྱེད་ཀྱི་ཐུགས་དམ་བསྐང་གྱུར་ཅིག །བདག་ཅག་གཡར་དམ་གསོ་རུ་གསོལ། །བེ་ཏ་གླིང་གི་རྒྱལ་མོ་ཁྱོད། །མདོས་བདག་ལགས་ཀྱི་མདོས་ལོང་ལ། །གླུད་བདག་ལགས་ཀྱི་གླུད་བཞེས་ཤིག །མངའ་ཐང་རྐྱེན་དུ་བཞེས་ནས་ཀྱང་། །ཚེ་སྲིངས་དཔལ་བསྐྱེད་དངོས་གྲུབ་སྩོལ། །མདོས་བདག་ཆེན་མོ་གླུད་འདི་བཞེས། །གླུད་བདག་ལགས་ཀྱི་ཟླུད་ལོངས་ཤིག །གླུད་ཐམས་ཅད་ནི་ཕོ་གླུད་མོ་གླུད་དེ། ཀུན་ཀྱང་མཐུན་ནོ། །དེ་ནས་རྨ་བྱའི་མདོངས་ཀྱིས་བྱད་སྒྲིབ་ཏུ་བཅུག་ལ། ཕོ་གླུད་མོ་གླུད་ལ་འདི་སྐད་བརྗོད་དོ། །ཀྱེ་རིན་ཆེན་སྤོས་ཀྱི་མི་བོ་ཆེ། ཡོན་བདག་ནི་ཕོ་མོའི་གླུད། རིན་ཆེན་ནི་སྣ་ལྔའི་གཟུགས། ལུང་ཐང་མིག་ལ་མགྲོན་བུའི་སོ། །རུས་པ་དཀར་པོ་ནི་མི་ལ་མཆིས། རུས་པའི་གླུད་དུ་ནི། དུང་ཁང་ནི་བྱ་རུས་དབུལ།མི་ལ་ནི་ཤ་མཆིས་ཏེ། ཤ་ཡི་གླུད་དབུལ་ལོ། ཁྲ་བལ་ནི་སྤང་སྐྱེ་མཆིས། མི་ལ་ནི་ཁྲག་མཆིས་སོ། །རྒྱ་མཚལ་ནི་ལྕོགས་ལ་མ། ཁྲག་གི་གླུད་དབུལ་ལོ། མི་ལ་ནི་སྙིང་མཆིས་སོ། །སྙིང་གི་གླུད་དབུལ་ལོ། །ཞོ་ཤ་རྩ་བཞི་དབུལ། མི་ལ་ནི་མཁལ་མཆིས་སོ། །མཁའ་མའི་གླུད་དབུལ་ལོ། །མ་མཁལ་ནི་སྨུག་པོ་དབུལ། མི་ལ་ནི་སོ་མཆིས་ཏེ། སོ་ཡི་ནི་གླུད་དབུལ་ལོ། །མགྲོན་བུ་ནི་སུལ་མདས་དབུལ། མི་ལ་མིག་མཆིས་ཏེ། མིག་གི་གླུད་དབུལ་ལོ། །ལུང་ཐང་ནི་ནག་པོ་དབུལ། མི་ལ་ནི་སྒྲ་མཆིས་ཏེ། སྐྲ་ཡི་ནི་གླུད་དབུལ་ལོ། །གཟི་མོ་ནི་བྱི་ཐུར་དབུལ། མི་ལ་ནི་ཀླད་མཆིས་ཏེ། སྲམ་གྱི་ཀླད་དབུལ་ལོ། །མི་ལ་ནི་བཀྲག་མཆིས་ཏེ། བཀྲག་གི་གླུད་དུ་བསེ་ཡི་ལོ་གྲོམ་དབུལ། མི་ལ་ནི་ཚེ་མཆིས་ཏེ། ཚེ་ཡི་གླུད་དབུལ་ལོ། །ཟངས་མ་ནི་གཉན་གྱི་ཚེ། སྲོག་གི་ནི་གླུད་དབུལ་ལོ། །གནམ་ལྕགས་ནི་ངུར་མོ་དབུལ། མི་ལ་ནི་མདངས་མཆིས་ཏེ། རྨ་བྱའི་མདོངས་ཆེན་དབུལ། རྣམ་ཤེས་ཚོགས་བརྒྱད་ཀྱི་གླུད་དུ་དབུལ། རིན་ཆེན་སྣ་ལྔདང་། རྒྱ་ལོང་དང་མེ་ལོང་དབུལ། །ལུས་ལདརཟབ་ནི་བསྐོན་ཏེ་དབུལ། །མགོ་ལ་སལ་སིལ་བརྒྱན་ཏེ་དབུལ། གཡས་ན་དར་ཐོགས་ནི་པུ་རུ་སྲ གཡོན་ན་མེ་ཁྱེར་ནི་ལམས་སེ་ལམ། མ་བདུད་རྒྱལ་མོའི་སྤྱན་སྔརམཆིས། བལ་མཁལ་ཐགས་འཐག་ཙམ་རྡོ་རེཐོག །ཕྱེར་ཐག་འགྲམ་སྐྱ་ཙམ་རྡོ་རེ་ཐོག །ཆུའཆུ་འགབ་གཤེར་ཙམ་རྡོ་རེ་ཐོག །བང་ཆེན་རིང་རྒྱུག་ཙམ་རྡོ་རེཐོག །རིན་ཆེན་ནི་ངར་གྱིས་འདི་སྐད་ཞུས། མ་བདུད་རྒྱལ་མོ་ནི་ཚུར་གསོན་དང། རྗེདང་འབངསསུ་ནི་བརྗེབར་ཞུ། ཚེ་དང་གླུད་དུ་ནི་བརྗེ་བར་ཞུ། ལྟས་ངན་སྣ་དགུ་ནི་བཟློག་པར་ཞུ། ཡས་ཀྱི་བདུད་གཡོས་ཀྱང་སླར་ལ་བཟློག །མས་ཀྱི་སྲི་ལངས་ནི་སླར་ལ་བཟློག །དེ་སྐད་ཅེས་ཞུས་པལས། མ་བདུད་རྒྱལ་མོའིཞལ་ན་རེ། སྨྲ་བངག་སྙནནིཏོངས་སེ་ཏོང་། འགྲོ་ནསྟབས་སྡུག་ནི་ལག་མ་ལེགས། ཁྱོད་རྗེ་ཡི་ཟླུད་དུ་མཆིས་པ་ན། སྨྲ་བ་ཚིགགསུམ་ནི་ཉན་མི་ཉན། འགྲོ་བ་གོམ་གསུམ་ནི་མགྱོགས་མི་མགྱོགས། །གསེར་དང་དོ་གཅིག་བདོ་མི་བདོ། བཙན་དང་ཁ་ལྟ་ནི་ཕོད་མི་ཕོད། མི་དང་གླུད་དུ་རྗེ་མི་རྗེ། མི་དང་གླུད་དུ་ནི་དོ་བདོ་ན། ཁ་གསེར་ཁ་གཡུ་ཡོད་དམ་མེད། དེ་ཙུག་ནི་ཡོད་པ་ན། རྗེ་དང་ནི་འབངསསུབརྗེ། དེ་སྐད་ཅེས་གསོལ་པ་དང་། རིན་ཆེན་ངར་གྱིས་མཆིང་ན་རེ། མ་བདུན་རྒྱལ་མོ་ནིཚུར་གསོན་ཅིག །གསེར་དང་ནི་དོ་བདོ་བས། མི་ལུས་ནི་གསེར་བས་བྲིན། བཙན་དང་ནི་ཁ་ཡང་ལྟ། བཙན་ཡང་མི་ཡིས་འཁོལ། མི་དང་གླུད་དུ་མི་བརྗེ་སྲ མི་བས་གླུད་དུ་བཟང་། དེ་སྐད་ཅེས་གསོལ་པ་དང་། མི་དང་གླུད་དུ་དོ་གཅིག་བདོ། ཁ་གསེར་དང་ཁ་གཡུ་བདོག །རྗེ་དང་འབངས་སུ་མི་བརྗེ་སྲ རྗེ་ཡི་གླུད་དུ་འབངས་རེ་བཟང་། ཀྱེ་མ་བདུད་རྒྱལ་མོ་ནི་ཚུར་གསོན་ཅིག །ཀྱེ་མདོས་འདི་མ་བདུད་རྒྱལ་མོའི་ཕྱག་ཏུ་དབུལ། དང་པོ་ནི་མ་བདུད་རྒྱལ་མོ་ལ། བཅའ་བཅའ་ནི་བསྔོ་བསྔོ་ནས། ད་གཡང་ཡ་བདུད་རྒྱལ་མོ་ལ་དབུལ། སྨྲ་ཚིག་གསུམ་མཁས་ཏེ་བསྒོ་བ་ཉན། འགྲོ་གོམ་གསུམ་མགྱོགས་ཏེ་བང་ཆེན་ཕེར། མ་བདུད་རྒྱལ་མོའི་བཀའ་སྩལ་ཉན། ཅེས་ངར་གྱིས་སྨྲས་པས། རྒྱལ་མོ་ཐུགས་དགྱེས་ནས་གླུད་བཞེས་པའོ། །དེ་ནས་རྒྱལ་མོ་ལ་མདོས་གཏོང་བ་འདི་སྐད་དོ། །ཀྱེ་རྒྱལ་མོ་བརྒྱད་ཅུ་རྩ་ལྔ་གླུད་དུ་འབུལ། རྒྱལ་པོ་བཅུ་གསུམ་གྱི་གཙོ་མོ་ནི། མ་སྲིང་པའི་རྒྱལ་མོས་བྱ། རྒྱལ་མོ་ཁྱོད་ཀྱི་ཆོ་དང་ནི་འབྲངས་སྨོས་པ། ས་གཞི་ནི་སྐུ་ཡིས་བརྡལ། དོག་མོ་ནི་ཆུ་ལས་ཆགས། མཚོ་མ་པང་གི་སྟེང་ཤེད་ན། སྐུ་མ་ཉག་གཅིག་ལྡེམ་པའི་ཚེ། དབུ་ནི་བར་སྣང་ཁམས་སུ་འཕྱོ།ཞབས་ནི་རྒྱ་མཐོའི་གཏིང་དུ་ཞབྲུགས། ཕྱག་ནི་སྲིན་པོའི་ཡུལ་དུ་བརྐྱངས། ཞལ་ནི་མི་ཡི་ཡུལ་དུ་གདེངས། སྐུ་ནི་རི་རབ་ཀྱི་ཟོམ་ལ་བཞུགས། མཆེ་བ་རོལ་མཚོའི་གཏིང་དུ་གཙིགས། སྤྱན་ནི་སྟོང་གསུམ་ཀུན་ཏུ་གཟིགས། དབུ་སྐྲ་སུམ་ཅུ་རྩ་གསུམ་གནས་སུ་གླེབས། རྒྱལ་མོ་ཁྱོད་ཀྱི་ལྟོ་བ་ནས། ལྷ་དང་ལྷ་མིན་གྱིས་གཡུལ་ངོ་འགྱེད། རྒྱལ་མོ་ཁྱོད་ཀྱི་ལྟོ་བ་ནས། རྟེན་འབྲེལ་ནི་བཅུ་གཉིས་འཆར། རྒྱལ་མོ་ཁྱོད་ཀྱི་ལྷོ་བ་ནས།ཉོན་མོངས་ནི་དུག་གསུམ་འཆར། ཡི་དྭགས་དམྱལ་བ་ནི་འགྲོ་དྲུག་ཀྱང་། རྒྱལ་མོ་ཁྱོད་ཀྱི་ནི་སྐུ་ལས་འཆད། དགའ་བའི་ཚལ་དང་ནི་འདྲེས་པའི་ཚལ། རི་རབ་རྩེ་ཡི་ཚལ་བཞི་ཡང་། རྒྱལ་མོ་ཁྱོད་ཉིད་ལས་ཀྱང་བྱུང་བ་སྟེ། འབྱུང་བ་ཀུན་གྱི་ནི་བཅུད་བདག་མོ། སྲིད་པ་ཆམ་ལ་ནི་འབེབས་མཛད་མ། མ་མོ་ཁ་རླངས་ནི་འོད་དུ་འཁྱུག །འཇིག་རྟེན་རིམས་ནད་གཏོང་མཛད་མ། རྒྱ་མཚོའི་སྟེང་དུ་ཞབས་བརྐྱང་པས། ཀླུ་བྲན་འབུམ་སྡེ་ནི་དབང་དུ་སྡུད། བར་སྣང་ཁམས་སུ་ནི་འཔྱོས་པས་ནི། ལྷ་བྲན་མང་པོ་དབང་དུ་སྡུད། སྲིན་པོའི་ཡུལ་དུ་ནི་ཕྱག་བརྐྱང་བས། སྲིན་པོ་རྣམས་ནི་གྲོགས་སུ་བྱས། མི་ཡི་ཡུལདུཞལ་གཟིགས་པས། སྔོན་དམར་མི་ཡི་ཡུལ་དུ་ཁྲག་ནད་གཏོང་། རི་རབ་ངོས་ལ་སྐུ་བཞུགས་པས། ཐམས་ཅད་འབྱུང་བ་མ་མོས་བྱས། མཆེ་བ་རོལ་མཚོའི་ནད་གཙིགས་པས། སྲིད་པའི་མ་བདུན་ལས་ལ་འཁོལ། སྟོང་གསུམ་ཀུན་ཏུ་སྤྱན་གཟིགས་པས།འགྲོ་བའི་སྲོག་ལ་མངའ་མཛད་མ། དབུ་སྐྲ་སུམ་ཅུ་རྩ་གསུམ་གནས་སུ་སླེབས། །ལྷ་རྣམས་ཀུན་ཡང་ཆམ་ལ་འབེབས མ་མོ་མ་མོ་མི་བགྱི་སྲ །ཐམས་ཅད་འབྱུང་བ་མ་མོས་བྱས། །ཆོས་ཀྱི་དབྱིངས་དང་དབྱེར་མེད་ཅིང་། །སྐུ་ནི་མཐིང་ནག་ཆེན་མོ་ལ། །ཐུགས་ནི་མ་གཡོས་དཀྱིལ་མོ་ཆེ། །སྣ་ཚོགས་འཇའ་གུར་ལྡི་རི་རི། །བཞེངས་ཤིག་ཆོས་ཀྱི་དབྱིངས་ནས་བཞེངས། །འཇིག་རྟེན་རྔམ་པའི་སྒྲ་བྱུང་བས། །སྣང་སྲིད་ཐམས་ཅད་ཟིལ་གྱིས་གནོན། །ལོ་གསར་གཉེན་པོའི་ཚེས་གཅིག་ལ། །རྒྱལ་མོ་སྐུ་བཞེངས་ཤིག །ཕྱག་ན་མི་བྲེ་མི་སྲང་ཆེན་པོ་བསྣམས། །མི་བརྒྱ་ཁྲམ་ལ་ཐོབ་ལ་རྟ་བརྒྱ་སྲང་ལ་འཇལ། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །དབྱིངས་ཀྱི་རྒྱལ་མོར་གཤེགས་སུ་གསོལ། །དབྱར་གྱི་རྒྱལ་མོ་མཛད་པའི་ཚེ། །མེ་ཏོག་ཀུན་གྱི་མདངས་འཕྲོག་མ། །སྟོན་གྱི་རྒྱལ་མོ་མཛད་པའི་ཚེ། །ལོ་ཏོག་སྣར་མོའི་བཅུད་འབྱིན་མ། །དགུན་གྱི་རྒྱལ་མོ་མཛད་པའི་ཚེ། །སྒྲུབ་པ་པོ་ཡི་གྲོགས་མཛད་མ། །རྒྱལ་མོ་ལྔ་བཅུ་རྩ་ལྔའི་གཙོ་མོ་ཁྱོད། །མདོས་བདག་ལགས་ཀྱི་མདོས་ལོང་ལ། །གླུད་བདག་ལགས་ཀྱི་གླུད་བཞེས་ཤིག །རྒྱལ་མོ་བཅུ་གསུམ་ཁྱེད་རྣམས་ཀྱིས། །མདོས་འདི་ཕར་སོང་སླར་མ་བཟློག །འདི་ལ་ཕྱ་དང་གཡང་མ་འབྲོས། །ཞེས་སྲིང་མོ་བཞི་ནི་སྒོ་བ་སྟེ། ཁྲར་གྱི་དཀར་མོ་སྤྱན་གསུམ་མཆེ་བ་ཅན། །སྲིང་མོ་རྡོ་རྗེ་མདོས་ལོང་ལ། །མིང་པོ་རྣལ་འབྱོར་མདོས་གཏོང་ངོ་། །ལྷོ་ཡི་ནག་མོ་སྤྱན་གསུམ་མཆེ་བ་ཅན། །མིང་པོ་རྣལ་འབྱོར་མདོས་གཏོང་གིས། །སྲིང་མོ་རྡོ་རྗེ་མདོས་ལོངས་ཤིག །ནུབ་ཀྱི་དམར་མོ་སྤྱན་གསུམ་མཆེ་བ་ཅན། །མིང་པོ་རྡོ་རྗེའི་མདོས་གཏོང་གིས། སྲིང་མོ་རྡོ་རྗེའི་མདོས་ལོངས་ཤིག །བྱང་གི་སྔོན་མོ་སྤྱན་གསུམ་རྣལ་འབྱོར་མིང་པོས་མདོས་གཏོང་ངོ་། །སྲིང་མོ་རྡོ་རྗེ་མདོས་ལོངས་ཤིག །སྒོ་བའི་ལས་སུ་སྒོ་ཕྱེ་ལ། །འཕྲད་པའི་ལས་སུ་འཕྲང་སོལ་ཅིག །མདོས་ཆ་གཅིག་རི་གསུམ་རྩེ་ལ་བསྐྱལ། །བདག་ཅག་རྣལ་འབྱོར་སྒྲུབ་པ་པོ། །རི་བོ་བས་ཀྱང་ལྷུན་སྡུག་པ། །བཀྲ་ཤིས་དམ་པའི་མཆོག་གྱུར་ཅིག །མདོསཆགཅིག་གཙང་ཆབ་གཞུང་ལ་བསྐྱལ། །མི་མཐའ་ཆུ་ཡི་རྒྱུན་བཞིན་འགྱུར། །ཆ་གཅིག་ལུང་གསུམ་གྱི་མདོ་རུ་བསྐྱལ། །ལོངས་སྤྱོད་ཚོགས་རྣམས་འདུ་གྱུར་ཅིག །ཅེས་མདོས་བདག་བསྐྱལ་ཚེ་འགུགས་ཁྲག་གི་ཕོར་བུ་ཟོར་བདག་བཞི་ལ་བསྐུལ་ལ་ཟོར་དུ་འཕང་ངོ་། །མ་མོ་སྲིད་པའི་བེམ་ལས། རྒྱལ་མོ་བཅུ་གསུམ་གྱི་མདོས་ཀྱི་ལེའུ་སྟེ་བདུན་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མའོ་འཇིག་རྟེན་སྟོབས་ཀྱི་ལྷ། །སྣ་ཚོགས་སྡིགས་པའི་ལྟས་ངན་ཇི་ལྟར་བཟློག །སྡིགས་པའི་ལྟས་ངན་གང་ལ་བགྱི། །ཞེས་གསོལ་པས། འདི་སྐད་ཅེས་བཀའ་སྩལ་པ། ཉོན་ཅིག་ཁྱོད་ཀྱིས་དྲི་བ་ལེགས། །འཁོར་བ་འདུས་ཀྱི་ཆ་འདི་ལ། །དུས་ཀྱི་ལྟས་ངན་མི་ལ་བབ། །འུག་པ་མཁར་ལ་ཚད་བཅས་དང་། །སྲོད་ལ་བྱ་སྐད་སྒྲོགས་པ་ནི། །མ་བདུད་བྱ་སྨན་ལས་ངན་ཡིན། །སྲིན་བྱ་རོ་བྱུང་ཟེར་བ་དང་། །ལྷ་བྱ་གོང་མོ་ཁྱིམ་དུ་ཞུགས་པ་ནི། །སྨན་དང་འགོང་པོའི་ལྟས་ངན་ཡིན། །བྱ་རྒོད་མཁའ་ལ་སྡེར་བཛིངས་པ། །ཡ་བདུད་རྒྱལ་པོའི་ལྟས་ངན་ཡིན། །ཡུགས་ས་ཕོ་མོའི་སྡེར་འཛིངས་པ། །འབྲོག་སྲིན་སྤུན་བདུན་ལྟས་ངན་ཡིན། །ཏག་ཡག་མཚེ་མ་བྱུང་བ་ནི། །བྱི་བ་འགོང་པོའི་ལྷས་ངན་ཡིན། །མགོ་རྐུབ་ལོག་པའི་སེམས་ཅན་ཡང་། །དེ་ཡང་བྱི་བ་འགོང་པོའི་ལྟས་ངན་ཡིན། །མིང་སྲིང་བསྣོལ་དང་བ་གཤོར་བ། །དམ་སྲི་ནག་མོའི་ལྟས་ངན་ཡིན། །གླང་པོ་ཆེ་ཡི་མཆེ་འཛིངས་པ། །བྲག་བཙན་རྒྱལ་པོའི་ལྟས་ངན་ཡིན། ཁྲ་ཕོ་རྭ་འཛིངས་བདུད་ཀྱི་ལྟས་ངན་ཡིན། །མི་དང་བྱོལ་སོང་བསླད་པ་ནི། །གནམ་སྨན་མཆེད་བདུན་ལྟས་ངན་ཡིན། །སྦལ་པ་ཁྱིམ་དུ་ཚང་བཅས་སྐྲོག་སྒྲ་འདོན་པ་ནི། །ས་བདག་བཞི་ཡི་ལྟས་ངན་ཡིན། །སྐྲུལ་གྱི་གཤོག་སྒྲ་འཕུར་བ་མཐོང་། །བྱོལ་སོང་ཀླུ་ཡི་ལྟས་ངན་ཡིན། །སྲེ་མོང་བྱི་རོ་སྔོན་དུ་བསྒྱུར། །མ་བདུད་རྒྱལ་མོའི་ལྟས་ངན་ཡིན། །བྱ་རོག་འུག་པ་དེང་ནས་ཁྱིམ་དུ་བབ། །ལི་བྱིན་ཧར་གྱི་ལྟས་ངན་ཡིན། །བུད་མེད་ལུས་མི་བདེ་གྱུར་ལ། །ལུས་ལས་བུ་ནི་མི་བཙའ་བར། །སྦུབས་དང་ཆུ་རུ་བྱུང་བ་ནི། །ལི་བྱིན་ཧར་གྱི་ལྟས་ངན་ཡིན། །དེ་ལ་ཟློག་པ་ཇི་ལྟར་བགྱི། །འཇིག་རྟེན་སྟོབས་ལྡན་བཀའ་སྩོལ་ཅིག །ཉོན་ཅིག་འཇིག་རྟེན་སྟོབས་ཀྱི་ལྷ། །མི་དང་བྱོལ་སོང་བསླད་པ་ནི། །འབྲུ་བྱ་དཀར་མོ་མཆེ་དམར་བདུན། །ལུག་དཀར་མོ་བདུན། ཁྱི་དཀར་མོ་བདུན། དངོས་སུ་མེད་ཀྱང་ཤེ་མིག་གཅིག་ལ་དར་སྣ་ཚོགས་བརྒྱན་ནས། དར་སེར་པོས་མགུལ་ནས་བཏགས་ལ། དེ་མན་ཆད་དུ་ལུག་མིག་དམར་གྱིས་སྣ་དྲངས་ལ་བཤིག །དར་དཀར་གྱི་ཉག་སྟེང་ན་མར་བརྐྱང་ལ་བཞག་གོ །ངོས་གཅིག་ན་མར་བྱ་བཤིབས་ལ་དེ་ཡང་དར་དཀར་གྱི་ཉག་བརྐྱང་ལ་གཞག་གོ །གླིང་བཞི་བཅའ་ནས་དེ་རུ་སྨན་བཤོས་བདུན་བཞི་ཡང་བྱས་ལ་རི་རབ་ཀྱི་སྟེང་དུ་བཞག །དེའི་སྟེང་དུ་བཙུན་མོ་གོ་ཟུ་ཅན་བདུན་བྱས་ལ་བཞག་གོ །ངར་ཕྱེ་ལ་ཤ་བ་ཡུ་མོ་བདུན་བྱས་ལ་དར་དམར་པོས་བརྒྱན། ནམ་མཁའ་དཀར་མོ་གཡུའི་གོང་ཆུང་ཅན་བདུན་ལ་རས་མ་དཀར་མོ་དང་། གོང་མོའི་སྒྲོ་དང་སྣ་ཚོགས་ཀྱིས་བརྒྱན་ནོ། །འབང་བདུན་ལ་གསེར་གཡུའི་མོང་ལོ་ཅན་སྣ་ཚོགས་ཀྱི་བརྒྱན་པ་གཟུག་གོ །དེ་ནས་ཡས་སྟགས་རུ་ལ་སྟོན་ལ། སྤོས་དང་མེ་དང་འབྲང་རྒྱས་བདུན་དང་། ཕུད་གཙང་མས་རིན་པོ་ཆེའི་སྣོད་བལྟམས་ལ་བཞག །མདའ་བྱ་རྒོད་མ་ལ་དར་དཀར་གྱི་སླེའུ་བཏགས་ལ་བུ་མོ་གཙང་མས་གཡོབ་ཏུ་གཞུག་གོ །ལག་པ་གཡོན་དུ་མེ་ལོང་བསྐུར། སྤོས་ཆུས་བུ་མོའི་ལུས་བཀྲུ། རས་གཙང་མའམ་ཕྱིང་པ་གཙང་མ་ལ་གསེར་ཡུས་ཕྲག་པ་གཡས་གཡོན་བརྒྱན་ལ་བཀོན་ནོ། །དེ་ན་གྱེར་གཟུགས་ཟིན་ཙམ་ན་ཕུད་གཏོར། བྱ་ལུག་དང་ཡས་སྟགས་གཡའ་རི་དང་གངས་རི་ལ་བསྐྱལ་ལོ། །ཧུ༷་ནམ་མཁའ་ཁམས་ཀྱི་དཀྱིལ་འཁོར་ནས། །གནམ་སྨན་དཀར་མོ་རྡོ་རྗེ་ཡང་དག་གསལ། །གནམ་སྨན་མཆེད་བདུན་སྤྱན་འདྲེན་ནོ། །དར་དཀར་སླེའུ་གཡབ་འདོར་རོ། །དྲི་ཞིམ་སྤོས་ཀྱི་ན་བུན་གཏིབས། །གསལ་བའི་མེ་ལོང་མདའ་བཟང་བྱ་རྒོད་རྟེན། །རིན་ཆེན་མདོས་མཆོག་འདི་ལ་སྤྱན་འདྲེན་ན། །གནམ་སྨན་མཆེ་བདུན་གཤེགས་སུ་གསོལ། །གནམ་སྨན་དཀར་མོ་རྡོ་རྗེ་ཡང་དག་དཔལ། །སྐུ་ནི་འོད་ཆགས་སྡེམ་པ་ལ། །ན་བཟའ་སྤྲིན་དཀར་གོ་ཟུ་གསོལ། །མཐའ་མ་གསེར་གྱིས་ཁ་ཆག་ཅན། །ཉི་ཟླ་མཛེས་པའི་གོ་མཚོན་ཅན། །དབུ་ལ་གཡུ་ཡི་གོ་ལྕོག་གསོལ། །ཆིབས་སུ་སྨན་ཤ་ཡུ་ཆུང་ཆིབས། །གསེར་གྱི་སྒ་སྲབ་སི་ལི་ལི། །གཡུ་མཐུར་སྔོན་མོ་བྲེངས་སེ་བྲེང་། །རོལ་དུ་ཁྲུང་ཁྲུང་དཀར་མོ་ཁྲིད། །མདོས་བདག་ལགས་ཀྱི་མདོས་ལོང་ལ། །ཐུགས་ནད་སངས་ལ་བཀའ་ཆད་བྲི། །བྱ་སྐད་སྙན་ཏེ་ཏོངས་སེ་ཏོང་། །ལུག་དཀར་མིག་དམར་འབའ་དང་དི་རི་རི། །ཁྱི་དཀར་ཤེལ་མིག་འདུར་དང་ཞུདས་སེ་ཞུང་། །སྨན་ཤ་ཡུ་ཆུང་ཡང་དཀྱུས་དང་བྲེངས་སེ་བྲེང་། །དར་དཀར་ཉག་ཐག་ཀྱང་སྐུ་ལ་རིང་གིས་འཆར། རྣལ་འབྱོར་བདག་གིས་བརྟེན་ཅིང་ཁྱོད་མཆོད་དོ། །གྲིང་མོ་དམ་ལས་ནི་མ་འདའ་ཞིག །དེའི་ནི་གཅུང་མོ་བ། དམ་ཚིག་ནི་གཡུ་སྒྲོན་མ། ཕྲ་མེན་ནི་མཛེས་པའི་སྐུ། དབུ་ལ་དར་དཀར་གྱི་ལྡིང་ཞུ་གསོལ། མུ་ཏིག་མཛེས་པའི་ལྗང་ཚར་ཅན། །སྐུ་ལ་ཕྲ་མེན་གྱི་གོ་ཟུ་གསོལ། །སྐུ་སྟོད་གཡུའི་ན་བུན་ནི་ཐུ་ལུ་ལུ། ཕྲ་མེན་མཛེས་པའི་གོང་ཡག་ཅན། །ཆིབས་སུ་ཁྲུང་ཁྱུང་དཀར་མོ་བཅིབས། །རོལ་དུ་སྨན་ཤ་ཡུ་ཆུང་ཁྲིད །གཡས་ན་ཕྲ་མེན་འཔྲུལ་གྱི་གའུ་བསྣམས། །གཡོན་ན་དངུལ་དཀར་གྱི་མེ་ལོང་བསྣམས། །མུ་ཏིག་ཁུ་འཕང་ཡངཤ་ར་ར། ནོར་བུ་གོང་སྲེག་ནི་མང་པོ་བསྲེལ། །སྨན་མཁར་རྩེ་ལ་ན་བུན་འཐུལ། གཟེད་མོ་གྲོང་བདུན་ནི་འཁོར་དུ་འཁོལ། མི་མཐུན་ལྟས་ངན་ཡང་སླར་ལ་ཟློག །མདོས་བདག་ནི་མདོས་ཁོངས་ལ། །སྨྱོ་འབོག་ནང་ཁ་ཡང་སླར་ལ་ཟློག །བྱ་སྐད་གསུང་སྙན་ཡར་དི་རི་རི། ཤ་དགོད་ཀྱུས་དང་ནི་བྲེངས་སེ་བྲེང་། སྨན་ལུག་དཀར་མོ་ཡང་འབའ་དང་དི་རི་རི། ནམ་མཁའ་མཐོ་ལྡིང་ཡང་། བཀྲག་མདངས་སིགས་སེ་སིག །དུང་འཕང་མེ་ལོང་ཡང་ མཛེས་པའི་ཆས་སུ་བསྩལ། །རྨ་བཟང་ཕོད་སྒྲོ་ཡང་ཟེར་དང་ཕྱུ་རུ་སྲ །མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག །ཅེས་ཕུད་གཙང་གཏོང་ངོ་། །དེའི་གཅུང་མོ་ལ། འོད་ཆགས་གཡུའི་རལ་ཅིག་མ། །སྐུ་ནི་རིན་ཆེན་ལྡེམ་པ་ལ། །རྨ་ལོ་མཛེས་པའི་ན་བཟའ་གསོལ། །མུ་མེན་མཛེས་པའི་ཁ་ཆག་ཅན། །སྨན་ཤ་ཡུ་ཆུང་ནི་ཆིབས་སུ་བཅིབས། རོལ་དུ་དགོ་བ་རུ་སྔོན་ཁྲིད། གཡས་ན་ཤ་ཞག་ཁྲ་བོ་བསྣམས། གཡོན་ན་གཡུ་ཡི་ཁུ་བྱུག་བསྣམས། །གསུང་སྙན་ནི་ཏོངས་སེ་ཏོང་། མདོས་བདག་ནི་མདོས་ལོངས་ལ། གླུད་བདག་ནི་གླུད་བའེས་ཤིག །མི་ལ་ནི་ཐན་མ་ཐོ། བྱ་ལ་ནི་སྙི་མ་འདོགས། སྣཚོགསནིསྡིག་ལ་ཟློག །དེའི་ནི་གཅུང་མོ་བ། པཎ་ཤ་བ་རི། སྐུ་ལ་ནི་ཅི་གསོལ་ན། བཙོ་མ་གསེར་གྱི་ནི་གོ་ཟུ་ལ། ཕྲ་མེན་མཛེས་པའི་ཁ་ཆག་ཅན། །ཆིབས་སུ་སྨན་ཤ་ནི་ཡུ་ཆུང་བཅིབས། རོལ་དུ་སྙན་པོ་ནི་རུ་སྒོར་ཁྲིད། ཕྱག་ན་ཕྲ་མེན་ནི་བུམ་པ་བསྣམས། གཡོན་ན་གསེར་གྱི་ནི་ཟོར་བ་ཟོ་བ་ཡང་བསྣམས། ནད་དུ་སྨྱོ་ནད་ནི་གཟེར་བ་གཏོང་། གསུང་སྙན་བྱ་སྐད་ཀྱང་ཏོངས་སེ་ཏོང་། དམུ་ལུག་འབའ་སྐད་ནི་དི་རི་རི།ལོགས་ལ་ཤ་དགོ་དག་ཀྱང་བྲེངས་སེ་བྲེང་། དྲི་ཞིམ་སྤོས་ཀྱི་ན་བུན་ཀྱང་ཐུ་ལུ་ཐུ། ནམ་མཁའ་མཐོ་ལྡིང་ཡང་བཀྲ་དང་སིགས་སེ་སིག །མོ་འཕང་དུང་དཀར་ཡང་ནི་སི་ལི་ལི། མདའ་བཟང་བྱ་རྒོད་ཀྱང་མཁའ་ལ་ལྡེམས་སེ་ལྡེམ། སྨན་མཁར་སྟོད་ན་གཡུ་ཡི་ན་བུན་འཐུལ། མདོས་བདག་ནི་མདོས་བཞེས་ལ། གླུད་བདག་ནི་གླུད་བཞེས་ཤིག །ཅེས་ཕུད་གཏོང་ངོ་། །དེ་ཡི་གཅུང་མོ་བ། གཡུའི་ཐོད་གདེངས་ཅན། སྐུ་ནི་རིན་ཆེན་འབར་བ་ལ། །སྐུ་ལ་མེན་དཀར་གྱི་གོ་ཟུ་གསོལ། རྨ་ཚོ་གཡུའི་ནི་གོང་ལག་ཅན། དབུ་ལ་གཡུ་ཡི་གོ་ལྕོག་གསོལ། ཆིབས་སུ་ཁྱུང་ཆེན་དར་མ་བཅིབས་། སྐུ་ལ་རང་ལ་ལྕགས་ཀྱིས་བསྐྱོད། རྒྱ་ལོང་མཛེས་པའི་མུ་མེན་ཅན། གཡས་ན་ཤེལ་གྱི་བྱ་ཁྲ་བསྣམས། གཡོན་ན་གཡུའི་སེང་གེ་བསྣམས། འོད་དང་ནི་འཇའ་མཚོན་རིས། ལྷ་བྱ་ནི་གོང་མོ་ཡང་། སྐད་གདངས་ནི་ཏོངས་སེ་ཏོང་། བྱ་བཟང་ནི་གར་བྱུང་ཡང་། །མཁར་གྱི་ནི་རྩེ་ལ་ལྡིང་། རྨུ་སྨན་ནི་མཆེད་ཀྱིས་བསྐོར། ཐགས་བཟང་ལུག་དཀར་ལ། མང་ཁྱུ་དང་མེ་རི་རི། དྲི་བསུང་སྤོས་ཀྱི་ན་བུན་ཐུ་ལུ་ལུ། དར་དཀར་ཉག་བརྐྱང་ཡང་། འོད་དང་བྲེངས་སེབྲེང་། སྨན་ཕྲན་གཤེགས་ཀྱི་ཤུལ། དར་དཀར་གྱི་སླེའུ་ཆེན་ཡང་། སྨན་ཕྲན་བཞུགས་ཀྱི་གུར། མདོ་བདག་ནི་མདོས་བཞེས་ཤིག གླུད་བདག་ནི་གླུད་བཞེས་ཤིག །ཅེས་ཕུད་གཏོང་ངོ་། །དེའི་གཅུང་མོ་བ། ནམ་མཁའི་ཁམས་ཀྱི་བོ་དེ་མ། སྐུ་ལ་ནི་ཅི་གསོལ་ན། བྱ་རྒོད་པོའི་ཐུལ་བ་གསོལ། ཆིབས་སུ་ནི་ཅི་བཅིབས་ན། སེང་གེ་ནི་དཀར་མོ་བཅིབས། རོལ་དུ་ནི་གཡུ་ཡི་བྱ་ཁྲ་ཁྲིད། ཕྱག་ན་བྱ་རྒོད་ལྡེམ་བུ་བསྣམས། སྨན་བྲན་ནི་འབུམ་དང་བཅས། མདོ་བདག་ནི་མདོས་བཞེས་ཤིག །གླུད་བདག་ནི་གླུད་བཞེས་ཤིག །དེའི་ནི་གཅུང་མོ་བ། ནམ་མཁའ་ཁམས་ཀྱི་དཔལ་མོ་བཙན། །སྐུ་ལ་དར་དཀར་སླག་པ་གསོལ། །བ་ཏི་སྨུག་པོའི་ཤམ་བུ་གདགས། །ཕྱག་ན་གསེར་གྱི་ཟངས་གྲི་བསྣམས། །གཡོན་ན་བ་དན་དཀར་པོ་བསྣམས། །ཆིབས་སུ་དགུ་ཚིགས་སྐྱ་མོ་བཅིབས། །སྐར་མ་མདའ་རུ་འཕེན་པའི་རྩལ་མོ་ཆེ། །འཁོར་དུ་སྨན་ཕྲན་འབུམ་གྱིས་བསྐོར། །མདོས་བདག་ནི་མདོས་བཞེས་ཤིག །གླུད་བདག་ནི་གླུད་བཞེས་ཤིག །ཅེས་རི་གསུམ་རྩེ་ལ་བསྐྱལ་ལོ། །བྱོལ་བཟློག་པ་དང་། ཉམས་ལྕི་བ་དང་། སྨྱོ་འབོག་དང་། བརྒྱལ་བུ་དང་། དམུ་རྡོས་ཕོག་པ་དང་། གླུ་བྲོ་རྩེ་ཞིང་སྨྱོ་བ་དང་། སྙིང་མི་དགའ་ཞིང་མི་གསེབ་ཏུ་འགྲོ་སྙིང་མི་འདོད་པ་དག་ལ་འདིའི་ཕན་པ་དང་བདེ་བར་འགྱུར་རོ། །སྦལ་བ་ཚང་འཆས་ན་ས་བདག་གི་ཡོ་བཅོས་བྱ། ཀླུ་ལ་ཀླུའི་མདོས་ཀྱིས་བཅོས་བྱ། རྒྱལ་པོ་འགོང་པོ་སྐྲུན་དགུ་བཟློག །དཀར་པོ་བཅུ་གསུམ་རབ། ཤིན་ཏུ་སྨྱོ་འབོག་ལ་ཕན་ནོ། །མ་བདུད་ཀྱི་ལྟས་ངན་རྒྱལ་མོ་བཅུ་གསུམ་མདོས་ཀྱིས་བཟློག །སྨན་དང་འགོང་པོའི་མཚན་ངན་ལ་ཕོ་མདོས་མོ་མདོས་རྒྱས་པར་བྱ། ཡ་བདུད་ཀྱི་བདུད་ཞལ་བསྒྱུར་བྱ། ཡུགས་ས་ཕོ་མོའི་མཚན་ངན་ལ་གླིང་བཞི་ཁ་ལྔའི་མདོས་ཀྱིས་བཟློག །ཕྱུགས་ནད་ཐམས་ཅད་དེ་ཡིས་བཟློག །བྱིང་བ་འགོང་བོའི་མཚན་ངན་ལ། །སྲིད་པའི་རྒྱལ་མོའི་སྒོས་མདོས་བྱ། །དམ་སྲི་ནག་མོའི་མཚན་ངན་ལ། །ལྷ་མོ་ལྕགས་ཁང་མདོས་ཀྱིས་བཟློག །བྲག་བཙན་དམར་པོའི་མཚན་ངན་ལ། །རྒྱལ་པོ་འགོང་པོ་སྤུན་དགུའི་མདོས་ཀྱིས་བཟློག ཤེན་ཏུ་ཡམ་ཤུད་དམར་པོ་བཅོས། ཁྲ་པོ་བདུད་ཀྱི་མཚན་ངན་ལ། །ལྕགས་མདའ་བཅུ་གསུམ་མདོས་ཀྱིས་བཟློག །སྲོ་མོ་མ་བདུད་རྒྱལ་མོའི་མཚན་ངན་ལ། །མདའ་བཞི་སྨྱོགས་བཞིའི་མདོས་ཀྱིས་བཟློག །བྱ་རོག་ལི་བྱིན་ཧར་གྱི་མཚན་ངན་ལ། །དེ་ཡང་ཡུལ་མཁར་མདོས་ཀྱིས་བཟློག །དེ་ཡང་སྨྱོ་བཟློག་མདོས་ཀྱིས་ཀུན་ཀྱང་བཟློག །ཅེས་གསུངས་སོ། །མ་མོ་སྲིད་པའི་བེམ་ལས། ལྟས་ངན་བཟློག་པའི་ལེའུ་སྟེ་བརྒྱད་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །མདའ་བཞི་སྐྱོགས་བཞི་ཇི་ལྟར་བཅའ། །ཟོར་ཁ་ཆེན་པོ་ཇི་ལྟར་བཟློག །ཅེས་གསོལ་ཏོ། །ཡང་བཀའ་སྩལ་པ། ཉོན་ཅིག་གནོད་འདུལ་གཡུང་དྲུང་ལྷ།འཁོར་ལོ་རྩིབས་བཞི་མུ་ཁྱུད་ལ། །སྒོ་བཞི་སྒོ་རྣམས་ལྡན་པར་བྲི། །དེ་ནས་མདའ་བཞི་མེ་ལོང་བཞི། །དར་སྣ་ལྡན་པར་འཁོར་ལོ་བཞི་ལ་གཟུག །འུག་པ་ཕོ་རོག་ཁྲ་དང་སྲིན་བྱ་བཞི། །མཁས་པས་སྒྲོ་ནི་བསྐྱོན་པར་བྱ། །མདེའུ་སྐྱེར་པའི་ཟུར་གསུམ་གཞུག །དེ་ཡང་ཕོ་རོག་བྱང་ལ་འུག་པ་ཤར། །ཁྲ་ནི་ལྷོ་ལ་སྲིན་བྱ་ནུབ། །ཁྲག་སྣའི་ཕོར་བུ་ཕྱོགས་བཞིར་བཞག །ཁྱི་རྒྱ་བོའི་སྙིང་ཁྲག །གླང་རོག་པོའི་སྙིང་ཁྲག །ས་བདག་རྒྱལ་པོའི་སྙིང་ཁྲག །བུད་མེད་ཀྱི་དུས་ཁྲག་དེ་རྣམས་མེད་དུ་མི་རུང་ངོ་། །གཞན་ཡང་ཁྲག་སྣ་ཡོད་ཚད་བླུགས་སོ། །གླང་གི་ཁྲག་བྱང་། །ཤར་དུ་ས་བདག་རྒྱལ་པོའི་ཁྲག །ལྷོ་རུ་ཁྱི་ཁྲག །ནུབ་ཏུ་དུས་ཁྲག་།དེ་བཞིན་ལྕང་ལོ་མཚན་ལྡན་དུ། །ཕུད་གཙང་སྨན་དང་སྦྱར་ལ་བཞག །ངར་གླུད་འཛུབ་གང་ཚད་དུ་བྱ། །བཙུན་མོ་བཞི་ཡིཆས་སུ་གཞུག །ནམ་མཁའ་ཁོང་ཁྲ་འཇའ་རིས་ནི། །ཁོང་གིས་བསྒྱུར་ལ་རྨ་བྱའི་སྒྲོ་ཡས་བརྒྱན། །དེ་བཞིན་ཕུད་བྱེད་བཞི་ལ་དབུ་ཐ། །ལྷ་ཡི་ཆོ་ག་གཞུང་ཡང་བསྲང་། །ནམ་སྟོད་ལྷ་འཛབ་དབུལ་བར་བྱ། །ནམ་སྨད་མ་མོའི་བསྙེན་པ་དབུལ། །ཞག་གསུམ་བར་དུ་བསྙེན་པ་དབུལ། །སྔགས་འདི་ནི་བཞི་སྙིང་གཅིག་དུ་དྲིལ་བའོ། །ཏྲག་རསྒ་མུ་ཏྲ་མ་མ་སྙིང་ཁ་རག་མ་མ་ཏྲག་རསྒ་མ་མ་རསྒ། རག་མོ་སྙིང་ཁྲག་ལ་མ་དུན་དུན། ཏྲག་རསྒ་སྙིང་མ་སྙིང་ཧེ་ཀེ་མ་མ་རུ་ལུ་རུ་ལུ་སྨྱོ། དེ་ནས་མ་བཞི་བུ་མོ་བཞི་ལ་བསྟོད་ནས་ཚེ་འགུགས། དེ་ནས་ཕྱོགས་བཞི་མཚན་ངན་དང་ཟོར་ཁ་ཟློག །ཁྲག་གི་ཕོར་བུ་རེ་རེ་དང་མདའ་རེ་རེ་བསྒྲགས་ལ། མདེའུ་དམར་ཁམ་མེ་བྱས་ལ་བྲོར་བདག་བཞི་ལ་བསྐུར་བཏང་ངོ་། མ་བཞི་བུ་མོ་བཞི་གཞན་དང་མཐུན། མདའ་དང་མེ་ལོང་དང་དར་སྣ་དང་ཆས་པ་ན་ཚེ་གཡང་དགུག་པའོ། །དང་པོ་འཁོར་ལོ་ལ་འཇུག་ཙམ་ན་མ་བཞིར་བསྐྱེད་པས། སྔགས་བཟླས་ཤིང་མཆོད་ལ་དབང་བསྐུར་རོ། །ཚེ་བླན།མཎྜལ་བསྡུ། ཟོར་བདག་མོའི་བསྐུལ་ཐུན། ད་ནི་མདའ་འཕེན་སུ་ལ་འཕེན། །ད་ནི་སྨྱོགས་འཕེན་སུ་ལ་འཕེན། །ཉི་མ་ཤར་ཕྱོགས་ཕ་ཀི་ནས། །མཚན་ངན་འུག་པ་གད་མོ་དགོད། །དུར་བྱ་སྲིན་བྱས་རོ་བྱུང་ཟེར། །ཐོ་རངས་སྒོ་ཁྱི་ངུ་ཞིང་ཟུག །སྲེ་མོས་བྱི་རོ་འཕངདུསྒར། །ད་ནི་མདའ་འཕེན་དེ་རུ་འཕེན། །ད་ནི་སྨྱོགས་བརྡེག་དེ་རུ་བརྡེག །སྟེང་གི་ལྷ་ལ་མི་བརྡེག་གོ །འོག་གི་ཀླུ་ལ་མི་བརྡེག་གོ །བར་སྣང་ལྷ་ལ་མི་བརྡེག་གོ །བར་སྣང་ལྷ་ཡིས་ཤུལམཚོནཅིག །བླཡིབུ་ལ་མི་འ་ཕེན་ནོ། །འོག་གི་ནུ་ལ་མི་འཕེན་ནོ། །བུ་དང་ཆུང་མ་ནོར་གྱི་དབྱིག་ལ་མི་འཕེན་ནོ། །འུག་པ་གད་མོ་དགོད་ཅིང་སྲིན་བྱས་རོ་བྱུང་ཟེར། །སྒོ་ནས་ཁྱི་ངུ་སྲེ་མོང་བྱི་རོ་བསྒྱུར། །ཉི་མ་ཤར་ཕྱོགས་ཕ་ཀིར་འཕེན། ་།ར་ཕྱོགས་རྒྱལ་ཆེན་བཀའ་བསྒྱུར་ལ། །རྨི་ལྟས་མཚན་ངན་སླར་ལ་ཟློག །ཟོར་ཁ་ཟློག་ལ་སྒྱོགས་ཁ་སྒྱུར། ་།ར་ནས་གཟའ་ཡི་བུ་མོ་དན་ཏིང་ཤགས། །སྒྱོགས་ཁ་སྒྱུར་ལ་ཟོར་ཁ་ཟློག །བསྟན་པ་འཇིག་པ་དེ་ལ་ཟློག །ཟོར་ཁ་མདའ་ཡི་རྩེ་ལ་ལོངས། །ཁྲག་ཟོར་དམར་པོ་དགྲ་ལ་སྒྱུར། །ཁྲག་ནད་རྒྱུ་གཟེར་དགྲ་ལ་ཐོང་། །ད་ནི་མདའ་འཕེན་གང་དུ་འཕེན། །ཉི་མ་ལྷོ་ཕྱོགས་ཕ་ཀི་ནས། །འུག་པ་གད་མོ་དགོད་ཅིང་སྲིན་བྱས་རོ་བྱུང་ཟེར། །སྲེ་མོང་བྱི་རོ་འཕང་དུ་བསྒྱུར། །ཐོ་རངས་ཁྱི་ངུ་དེ་ན་ངུ་། །ཤེས་རབ་ཐབས་ཀྱི་གཞུ་བདུངས་ནས། །ཡེ་ཤེས་ཐབས་ཀྱི་མདའ་འཕེན་གྱིས། །ཟོར་ཁ་ཟློག་ལ་སྨྱོགས་ཁ་སྒྱུར། །ཁྲག་ཟོར་དམར་པོ་དགྲ་ལ་རྒྱོབ། །ལྷོ་ཕྱོགས་རྒྱལ་ཆེན་བཀའ་སྒྱུར་ལ། །མདའ་ནི་ཟོར་ཁ་དགྲ་ལ་ཟློག །སྐྱོགས་ཀྱི་ཁ་ལ་དལ་ཁ་སྨྱོ། །ཉི་མ་ལྷོ་ཕྱོགས་ཕ་ཀི་ནས། །བཙན་གྱི་བུ་མོ་ཁ་ལ་མེ་འབར་ལྕེ་དགུ་མ། །སྒྱོགས་ཁ་བསྒྱུར་ལ་ཟོར་ཀ་ཟློག །བསྟན་པ་འཇིག་པ་དེ་ལ་ཟློག །དམ་ཉམས་དགྲ་བོའི་སྙིང་ལ་རྒྱོབ། །ཁྲག་ཟོར་དམར་པོ་དགྲ་ལ་རྒྱོབ། །ལས་ཀྱི་ཐུན་གཅིག་དབབ་ཏུ་གསོལ། །ད་ནི་མདའ་འཕེན་གང་དུ་འཕེན། །ད་ནི་སྒྱོགས་འཕེན་གང་དུ་འཕེན། །ཉི་མ་ནུབ་ཕྱོགས་ཕ་ཀི་ནས། །འུག་པ་གད་མོ་དགོད་ཅིང་སྲིན་བྱས་རོ་བྱུང་ཟེར། །ཐོ་རངས་སྒོ་ཁྱི་ངུ་ཞིང་སྲེ་མོང་བྱི་རོ་འཕང་དུ་བསྒྱུར། །ད་ནི་མདའ་འཕེན་དེ་རུ་འཕེན། །ད་ནི་སྒྱོགས་ཁ་དེ་རུ་སྒྱུར། །མདའ་ཡི་རྩེ་ལ་ཟོར་ཁ་སྒྱུར། །སྨྱོགས་ཀྱི་ཁ་ལ་དལ་ཁ་ཟློག །ཉི་མ་ནུབ་ཕྱོགས་ཕ་ཀི་ནས། །ཀླུ་ཡི་བུ་མོ་ཡིད་འོང་དགེ །ཟོར་ཁ་བཟློག་ལ་སྨྱོགས་ཁ་སྒྱུར། །བསྟན་པ་འཇིག་པ་དེ་ལ་ཟློག །ཁྲག་ཟོར་དམར་པོ་དགྲ་ལ་རྒྱོབ། །ད་ནི་མདའ་འཕེན་གང་དུ་འཕེན། །ད་ནི་སྤྱོགས་འཕེན་དེ་རུ་འཕེན། །ཉི་མ་བྱང་ཕྱོགས་ཕ་ཀི་ནས། །འུག་པ་གད་མོ་དགོད་ཅིང་སྲིན་བྱས་རོ་བྱུང་ཟེར། །ཐོར་རངས་སྒོ་ཁྱི་ངུ་ཞིང་སྲེ་མོང་བྱི་རོ་འཕང་དུ་བསྒྱུར། །ད་ནི་མདའ་འཕེན་དེ་རུ་འཕེན། །ད་ནི་སྨྱོགས་འཕེན་དེ་རུ་འཕེན། །བྱང་ཕྱོགས་རྒྱལ་ཆེན་བཀའ་བསྒྱུར་མ། །ཟོར་ཁ་ཟློག་ལ་སྤྱོགས་ཁ་སྒྱུར། །ཉི་མ་བྱང་ཕྱོགས་ཕ་ཀི་ནས། །བདུད་ཀྱི་བུ་མོ་མིག་གཅིག་རྐང་འདེགས་མ། །ཟོར་ཁ་ཟློག་ལ་སྨྱོགས་ཁ་སྒྱུར། །བསྟན་པ་འཇིག་པ་དེ་ལ་ཟློག །ཁྲག་ཟོར་དམར་པོ་དགྲ་ལ་སྒྱུར། །མདེའུའི་ཁ་ལ་ཟོར་ཁ་ལོང་། །ཞེས་ཚེ་བླན་ནོ། །མ་མོ་སྲིད་པའི་བེམ་ལས། མདའ་བཞི་སྐྱོགས་བཞིའི་མདོས་ཀྱི་ལེའུ་སྟེ་དགུ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །མཚོ་སྨན་མཆེད་ཀྱི་བསྐང་མདོས་ལ། །དེ་ཡི་མཐུན་རྫས་ཇི་ལྟར་བསོག །དཔའ་བོ་ཆེན་པོས་བཀའ་སྩོལ་ཅིག །ཅེས་གསོལ་ཏོ། །ཡང་བཀའ་སྩལ་པ། མཚོ་སྨན་མཆེད་ཀྱིས་བསྐང་རྫས་ནི། །མདའ་རིས་ཤིང་རིས་མ་གསུངས་ཏེ། །དང་པོར་ནམ་མཁའ་བསོག་པར་བྱ། །གསེར་གྱི་ཁོང་ཆུང་བཏང་བ་ལ། །རག་མོ་གཡུ་ཡི་ཁ་ཆག་ཅན། །སྣ་ཚོགས་དར་དང་རྨ་བྱའི་སྒྲོ་ཡིས་བརྒྱན། །སྨུག་མོ་དབུ་ལྔའི་ཕྱག་ཏུ་དབུལ། །ནམ་མཁའ་སྔོན་པོ་གསེར་གྱི་ཁ་ཆག་ཅན། །མཐིང་ནག་དར་དང་རྨ་བྱའི་སྒྲོ་ཡིས་བརྒྱན། །མ་བཙུན་མཐིང་གི་ལྷ་མོའི་ཕྱག་ཏུ་དབུལ། །ནམ་མཁའ་དུང་གི་ཁོང་ཆུང་ལ། །གསེར་ལ་གཡུ་ཡི་ཁ་ཆག་ཅན། །དཀར་མོ་དབུ་དགུའི་ཕྱག་ཏུ་དབུལ། །ཁོང་པ་སྨུག་ལ་ཕྱི་རིམ་སེར། །བཡུ་ཡི་ཁ་ཆག་མཛེས་པར་བཏང་། །ཙ་མུན་ཏྲི་ཡི་ཕྱག་ཏུ་དབུལ། །ཁོང་པ་གཡུ་ལ་ཕྱི་རིམ་དམར། །གཡུ་ཡི་བྱེའུ་ཅན་ཕྱག་ཏུ་དབུལ། །ནམ་མཁའ་སྔོན་པོ་ཟང་ཡག་ལ། །དུང་གི་ཁ་ཆག་གཏམས་པ་ནི། །རྒྱ་མཚོ་གླིང་གི་དབང་མོ་ཆེ་ལ་དབུལ། །ཁོང་པ་དུང་ལ་ཕྱི་རིམ་དམར། །ཁ་ཆག་གཡུ་ལ་བྱས་པ་དེ། །རྨ་རི་རབ་འབྱམས་ཕྱག་ཏུ་དབུལ། །ཁོང་པ་གནག་ལ་ཕྱི་རིམ་དཀར། །ཁ་ཆག་གཡུ་ཡིས་བྱས་པ་ནི། །འོ་དེ་རིང་མོའི་ཕྱག་ཏུ་དབུལ། །ནམ་མཁའ་འཇའ་རིས་འོད་པོ་ཆེ། །སྲིད་པའི་རྒྱལ་མོའི་ཕྱག་ཏུ་དབུལ། །ཀུན་ཀྱང་དར་དང་རྨ་བྱའི་སྒྲོ་ཡིས་བརྒྱན། །མཚོ་སྨན་མཆེད་དགུའི་བསྐང་རྫས་ནི། །འཕང་སྔོན་དགུ་ལ་མཛེས་པའི་མེ་ལོང་སྩལ། །དར་གྱི་གོས་སྔོན་ཆས་སུ་གཞུག །བུ་རམ་མཚོ་དང་སྦྲང་གི་མཚོ། །མར་ནག་མཚོ་དང་རྩི་མར་མཚོ། །འོ་མའི་མཚོ་དང་ཁྲག་གི་མཚོ། །རྩི་སྨན་མཚོ་དང་ཆུ་མིག་མཚོ། །ལྡིང་ཀ་མཚོ་དང་འབབ་ཆུ་མཚོ། །བྱ་དགུའི་ཁ་དོག་འཕང་དང་བསྟུན། །བུད་མེད་མཛེས་མ་དགུ་ཡི་གཟུགས། །མགོ་ལ་གསེར་གཡུ་མཛེས་པས་བརྒྱན། །མཐིང་ནག་དར་གྱི་གོ་ཟུ་བསྐོན། །གསལ་བའི་མར་མེ་དགུ་ཡང་བལྟམས། །གཏོར་མ་དགུ་ཡང་བཤམས་ནས་ནི། །སློབ་དཔོན་ཆས་སུ་ཞུག་ནས་ཀྱང་། །རྟ་མགྲིན་རྒྱལ་པོར་བསྐྱེད་ནས་ཀྱང། །མཚོ་སྨན་རྒྱལ་མོ་དགུ་ལ་གྱེར། །དེ་ནས་ཚེ་དགུག་གཡང་བླན་ལ། །བྱ་ཆུ་ཁའམ་ལུག་ཆུ་ཁ་མགོ་དར་གྱིས་ག་ས་ལ། ཆུ་དབྱིངས་སུ་ཐ་མ་མཐིང་གི་ལྷ་མོ་ལ་གཏད་དོ། །དེ་ཡང་འདི་སྐད་ཅེས་དབུལ་ལོ། །ཀྱེ་དོ་ནུབ་མདོས་གྱེར་རོ། །དོ་ནུབ་ནི་གླུད་འབུལ་ལོ། །གནམ་ཡང་ནི་མ་མནལ་ལ། །ས་ཡང་ནི་མ་གཟིམས་ཤིག །ལྷ་ཡང་མ་མནལ་ལ། མི་ཡང་མ་གཟིམས་གཤིག །ཕྱོགས་ཕྱོགས་དེ་ནི་ཕ་ཀི་ན། །མཚོ་མ་པང་དེ་ནི་མེ་རེ་རེ། གསེར་གྱི་ཉ་སྦྲུལ་ཡང་ཤིགས་སོ་ཤིག །ཀླུ་བྱ་ཕོ་ཡང་དི་རི་རི། གཉན་བྱ་མཆུ་སྔོན་སྐད་སྙན་ཏོངས་སེ་ཏོང་། །ངར་ངུར་ལྕམ་དྲལ་ཡང་དར་མ་དིར། གནམ་སྔོ་ས་སྔོ་ཡང་སངས་སེ་སང་། རྨ་བྱ་གར་བྱེད་ཀྱང་སྒ་ར་ར། དེའི་ནི་གཉན་མོ་བ། མ་བཙུན་མཐིང་གི་ལྷ་མོས་བྱས། རྒྱམཚོཆེནཔོའིནངཤེད་ན། གཡུ་ཡི་སྦྲང་མ་བཀྲ་ལ་ལ། དེའི་ནང་ཤེད་ན། གཡུ་མཁར་སྔོན་པོ་ཡང་སྡེམས་སེ་སྡེམ། མཁར་སྟོད་གཡུ་ཡི་ན་བུན་འཐུལ། མཁར་སྨད་གཡུའི་བུ་ཡུག་འ་ །དེའི་ནང་ཤེད་ན་གསེར་གྱི་ཁྲི་ལ་གཡུའི་གདན་སྟེང་ན། མ་བཙུན་མཐིང་གི་ལྷ་མོ་བཞུགས། སྐུ་ལ་མཐིང་གི་བེར་ཆེན་གསོལ། །དབུ་ལ་དར་ཞུ་ནག་པོ་གསོལ། །ཆིབས་སུ་ཆུ་གླང་སྔོན་པོ་བཅིབས། །ཕྱག་ན་རྨ་བྱའི་རྒྱལ་མཚན་བསྣམས། །མཁྲིས་པ་ཤ་ཡའི་མངའ་བདག་མོ། །འཁོར་དུ་ཀླུ་སྨན་འབུམ་གྱིས་བསྐོར། །ཕོ་ཉར་བཅུ་བཙན་ཆུགོཡངསྔོན་མོ་འགྱེད། །མདོས་བདག་ནི་མདོས་བཞེས་ལ། གླུད་བདག་ནི་གླུད་ལོངས་ཤིག །གཡུ་མཚོ་སྔོན་མོ་ནི་མེ་རི་རི། དེའི་ནང་ཤེད་ན། གཡུ་མཁར་སྔོན་པོ་ནི་ལྡེམས་སེ་ལྡེམ། དེའི་ནང་ཤེད་ན། མཁར་གྱི་བདག་མོ་ལ། ཀླུ་ཡི་ཕོ་མོ་འོད་དེ་རིང་མོས་བྱས། སྐུ་ལ་སྦྲུལ་སྔོན་གྱི་སླག་པ་གསོལ། དབུ་ལ་མཐིང་གི་གོ་ལྕོག་གསོལ། ཕྱག་ན་རུས་སྦལ་ནག་པོའི་པར་བུ་བསྣམས། གཡོན་ན་སྦྲུལ་ཞགས་ནི་ཁྲ་བོ་བསྣམས། ཆིབས་སུ་རུས་སྦལ་ནག་པོ་བཅིབས། །མདོས་བདག་ནི་མདོས་བཞེས་ལ། གླུད་བདག་ནི་གླུད་ལོངས་ཤིག །ས་བདག་ཀླུ་དང་ནི་མ་སྡོང་པར། མིང་པོ་རྣལ་འབྱོར་གྱི་མངའ་བདག་རིང་འཁོར་དུ། སྲིང་མོ་རྣལ་འབྱོར་དམ་མ་འདའ། ཕྱོགས་ཕྱོགས་དེ་ནི་ཕ་ཀི་ན། ཡུལ་བས་ཀྱི་མ་མཐའ་ན། ཆབ་བས་ཀྱི་མ་གཞུག་ན། མཚོ་དིང་དིང་གི་ནང་ཤེད་ན། མཐིང་གུར་སྔོན་མོ་ནི་ལྡི་རི་རི། གསེར་གྱི་རེ་ཐག་ནི་རྒྱངས་སེ་རྒྱང། གཡུཡིཆོནཕུརནིསིལིལི། དེའི་ནི་ནང་ཤེད་ན། ཁ་བདག་ཆེན་མོས་བྱ། ཀླུ་ཡི་བུ་མོ་ཡིད་འོང་དག །སྐུ་ལ་ཉ་ལྕིབས་སྔོན་མོ་གསོལ། སྦལ་ལྕོང་འབུམ་གྱི་ནི་ཁ་ཆག་ཅན། །ཆིབས་སུ་ཆུ་སྲིན་དར་མ་བཅིབས། རོལ་དུ་སྦལ་པ་ནག་པོ་ཁྲིད། མཛེ་ནད་ཤུ་བའི་མངའ་བདག་མོ། ཕྱག་ན་སྦྲུལ་གྱི་རྒྱལ་མཚན་བསྣམས། ཕོ་ཉ་ཆུ་བཙན་སྔོན་པོ་བགྱེད། མདོས་བདག་ནི་མདོས་བཞེས་ལ། གླུད་བདག་ནི་གླུད་བཞེས་ཤིག །མངའ་བདག་དེང་འཁོར་དུ། མཚོ་སྨན་ནི་མཆེད་དགུ་ལ། གླུད་འབུལ་ཁབ་འཇལ་ལོ། མི་བས་གླུད་རེ་དགའ། རྫས་བས་ཁབ་རེ་དྲོ། རྒྱ་གར་ཡུལ་གྱི་ཚུ་རོལ་ན། ཁ་ཆེ་ཡུལ་གྱི་ནི་ཕ་རོལ་ན། གཟེབ་བེ་ཏའི་གླིང་ཤེད་ན། མཛེ་ནད་བཅོ་བརྒྱད་གཏོང་བའི་མངའ་བདག་མོ། །ལྷ་མོ་གཡུ་ཡི་བྱེའུ་ཆུང་ཅན། སྦྲུལ་མགོ་དགུ་ཡི་གོ་ཟུ་ཅན། སྦལ་ཅོང་འབུམ་གྱི་ཁ་ཆག་ཅན། རྨ་བྱའི་ལ་ཚོམ་པུ་རུ་མྲ ཀླུ་རྒྱལ་འབུམ་གྱི་ལྕམ་གཅིག་མ། ཕྱག་ན་སྦྲུལ་གྱི་རྒྱལ་མཚན་བསྣམས། མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །དུང་མཚོ་དཀར་མོའི་ནང་ཤེད་ན། ཀླུ་འོད་ཟངས་ཀྱི་ལྕམ་གཅིག་མ། སྐུ་ལ་དར་དཀར་གྱི་གོ་ཟུ་གསོལ། དབུ་དགུའི་ཐོར་ཚུགས་ནི་གཅིག་ཏུ་བཅིངས། ཆིབས་སུ་གསེར་སྦྲུལ་ནི་གཡུག་ཤོག་བཅིབས། ཕྱག་ན་དུང་གི་རྒོད་ནི་ལེགས་པ་བསྣམས། །ཁ་རླངས་སྔོན་དམར་འཇའ་ཚོན་འཁྱུག །ལྗང་སྔོན་དྲག་པོའི་སྲིན་མོ་སྟེ། ཡསྒ་ནག་པོའི་བཙུན་མོ་ཡིན། ཕོ་ཉ་མ་བདུད་རྒྱལ་མོ་འགྱེད། མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག །མངའ་བདག་ནི་དིང་འཁོར་དུ། མཚོ་སྨན་མཆེད་དགུ་ལ་གླུད་འབུལ་ལོ། དོག་ནེམས་ནེམས་ཀྱི་ནི་འོག །མཚོ་མེར་གྱི་ནང་ཤེད་ན། གསེར་མཁར་སེར་པོ་ལ། གཡུ་ཡི་བད་བཏགས་པས།གཉན་བྱ་ནི་དིང་པོ་ལྡིང་། རིན་ཆེན་ནི་སྒོ་བཞི་བསྩལ། གཡུའི་རྒྱལ་མཚན་ནི་བཀྲ་ལ་ལ། དེའི་ནང་ཤེད་ན། ཨ་ཕྱི་ལ་ཁ་བདག་མོ། །མཚོ་སྨན་རྒྱལ་མོ་ཉུལ་ལེ་མ། །སྐུ་ལ་མཐིང་ནག་བེར་ཆེན་གསོལ། །དབུ་ལ་རྨ་བྱའི་མཐིང་ཞུ་གསོལ། །རྒྱ་ལོང་མེ་ལོང་ཏ་ལ་ལ། །ཆིབས་སུ་ཆུ་སྲིན་མགོ་དགུ་བཅིབས། །རོལ་ཏུ་ཆིབ་རྟ་སྔོན་པོ་ཁྲིད། །ཁྱི་སྔོན་མོ་ཤེལ་མིག་གི་མངའ་བདག་མོ། །ནད་དུ་ཞ་གྲུམ་ལ་ཟ་འཕྲུག་གཏོང་། མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག མངའ་བདག་ནི་དིང་འཁོར་དུ། མཚོ་སྨན་མཆེད་ལ་གླུད་འབུལ་ལོ། ཁྲག་མཚོ་དམར་པོ་འཁོལ་བའི་ནང་ཤེད་ན། །དམར་མོ་གཡུ་ཡི་རལ་པ་ཅན། །ཁྱོད་ཀྱི་སྐུ་ལུས་མཐིང་བས་སྔོ། །གཡུ་ཡི་རལ་པ་འོད་དུ་འབར། །རལ་པའི་ཟར་བུ་ཉག་མ་རེ་རེ་ལ། །གསེར་གྱི་ཉ་སྦྲུལ་ཤིགས་སེ་ཤིག །ཁྱི་དམར་པོ་ཤེལ་མིག་གི་མངའ་བདག་མོ། །འཁོར་དུ་དུང་འཕེན་རེ་མཁར་ནག་མོ་འཁོལ། །ཟ་འཕྲུག་གཏོང་བའི་མངའ་བདག་མོ། །འཁོར་དུ་དམར་མོ་འབུམ་གྱིས་བསྐོར། །མདོས་བདག་ནི་མདོས་བཞེས་ཤིག །གླུད་བདག་ནི་གླུད་བཞེས་ཤིག །མངའ་བདག་ནི་དིང་འཁོར་དུ། མཚོ་སྨན་མཆེད་ལ་གླུད་འབུལ་ལོ། །མཆོངས་ཁར་སྨུག་པོའི་ནང་ཤེད་ན། །དུང་གི་རྒྱན་ནི་ཁྲ་ལ་ལ། །གཡུ་ཡི་ཁྲི་ལ་གསེར་གྱི་གདན་སྟེང་ན། །སྨུག་ནག་ཆེན་མོ་དབུ་ལྔ་མོ། །སྐུ་ལ་ལེ་བརྒན་བེར་ཆེན་གསོལ། །རོལམཚོ་གཡུ་ཡི་ཁ་ཆག་ཅན། །དུང་གི་སྡོམ་སྡིག་ཉི་ལི་ལི། །བུད་མེད་དམར་ནག་འབུམ་གྱིས་བསྐོར། །ཆིབས་སུ་ཆུ་ཀླང་སྔོན་པོ་བཅིབས། །གཡས་ན་དཔལ་དར་སྨུག་པོ་བསྣམས། །གཡོན་ན་མཆོང་གི་གའུ་བསྣམས། །སྐུ་ལ་ཉག་གཅིག་བསྐྱོད་ཙམ་ན། །སྐུ་མ་རིང་ལ་ཐམས་ཅད་འདུ། །ཁྱི་སྨུག་མོ་ཤེལ་མིག་གི་མངའ་བདག་མོ། །མདོས་བདག་ནི་མདོས་བཞེས་ལ། །གླུད་བདག་ནི་གླུད་བཞེས་ཤིག །མངའ་བདག་ནི་དིང་འཁོར་དུ། །མཚོ་སྨན་མཆེད་ལ་གླུད་འབུལ་ལོ། །རི་རབ་ཆེན་པོའི་རྨང་ཤེད་ན། །རྒྱ་མཚོ་ཆེན་པོའི་ནང་ཤེད་ན། །རྨ་རི་རབ་འབྱམས་ལྷ་མོ་གྲགས་མོ་རྒྱལ། །སྲིད་པ་གསུམ་གྱི་ཐོད་གདེངས་ཅན། །གསེར་དང་ཤེལ་གྱི་རྔ་མོ་ལ། །གཡུ་ཡི་སྒ་བསྟད་ཟངས་སེ་ཟང་། །མུ་མེན་གུར་ཆེན་ཁྱི་ལི་ལི། །མུ་ཏིག་ཁུ་འཕང་ཤ་ར་ར། །སྐུ་ལ་རྨ་བཟངས་བེར་ཆེན་གསོལ། །ཕྱག་ན་ཀླུ་འབྲུག་ད་ར་འཛིན། །སུས་ཀྱང་མི་བསྐྱོད་མི་ཤིགས་ཡང་། །རྣལ་འབྱོར་དམ་ཚིག་ཅན་ལ་དགོངས། །བྲན་གླུ་སྒྱུགས་པ་ཙེ་རེ་རེ། །ཞབས་གཅིག་རྒྱ་མཚོའིགཏིང་དུ་བརྐྱང། །ཀླུ་བྲན་མང་པོ་བྲན་དུ་འཁོལ། །ཞབསགཅིགསྲིནཔོའི་ཡུལ་དུ་བརྐྱང་། །སྲིན་པོ་ཕོ་མོ་བྲན་དུ་འཁོལ། །ཕྱག་གཅིག་རི་རབ་བརྩེ་ལ་བཏོན། །ལྷ་མ་ཡིན་གྱི་གཡུལ་ངོ་ཟློག །ཕྱག་གཅིག་ལྷ་ཡི་ཡུལ་དུ་བརྐྱང་། །ལྷ་བྲན་མང་པོ་བྲན་དུ་འཁོལ། །མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག །མངའ་བདག་ནི་དིང་འཁོར་དུ། །མཚོ་སྨན་ནི་མཆེད་དགུ་ལ། །རྒྱལ་དུ་གླུད་འབུལ་ལོ། །མི་མ་ནི་རིན་ཆེན་བདུན་དགུ་ཡང་། མཛེས་པའི་རྒྱན་གྱིས་བརྒྱན། རྣམ་ཤེས་ནི་དབང་པོ་ལྡན། མི་ཡི་ནི་གླུད་ལགས་ཏེ། མཚོ་སྨན་ནི་མཆེད་དགུ་ལ་འབུལ། ནམ་མཁའ་ནི་སེམས་ཀྱི་གླུད། མི་ཡི་གླུད་དུ་དབུལ་ལོ། །མོ་འཕང་ཐང་བཟངས་ནི་གཟུག །གཟུགས་གྱི་ནི་གླུད་ལགས་ཏེ། གསལ་བའི་མར་མེ་དགུ། རང་རིག་ནི་གསལ་བའི་གླུད། སེམས་ཉིད་སྣང་བའི་གླུད་དུ་འབུལ། རྨ་བྱ་ནི་མདོངས་ཆེན་དགུ། །མདངས་དང་བཀྲག་གི་གླུད། བཀྲག་དང་མདངས་ཀྱི་གླུད་དུ་འབུལ། མཚོ་ཆེན་དངས་མ་དགུ། ཡུལ་དང་ནི་མཁར་གྱི་གླུད་དུ་འབུལ།དངུལ་དཀར་མེ་ལོང་འོད་པོ་ཆེ། དབང་པོ་སྒོ་ལྔའི་གླུད་དུ་འབུལ། དར་སྣ་མང་པོ་ཡང་། ན་བཟའ་མཛེས་པའི་གླུད། གོས་ཀྱི་ཟླུད་དུ་འབུལ། ཟངས་ལྕགས་གསེར་གཡུ་དང་། བྱ་ཁྱི་མཛེས་པར་ཁ་དོག་བསྒྱུར། ནོར་གྱི་ནི་གླུད་དུ་འབུལ། སྤྱན་གཟིགས་ནི་ཞལ་ཟས་ཡང་། ཟས་ཀྱི་གླུད་དུ་འབུལ། །རིན་ཆེན་སྤོས་ཀྱི་མི་བོ་ཆེ། །མཆེད་ལྕམ་སྐུ་ཡི་གླུད་དུ་འབུལ། ཁྲ་ཆེན་གཏོར་མ་རཀྟ་རྣམས། །གསང་བའི་དམ་རྫས་མཆོད་པར་འབུལ། །མཚོ་སྨན་མཆེད་དགུ་མདོས་ལོང་ལ། །ཚེ་དང་གླུད་དུ་བརྗེ་བར་ཞུ། །རྫས་དང་ཞབས་སུ་བརྗེ་བར་ཞུ། །མ་མོའི་བཀའ་ཆད་སླར་ལ་ཟློག །མི་བས་གླུད་བཟང་འབུལ། ཞེས་མདོས་འདི་སྐད་ཅེས་བཏང་ངོ་། །མ་ཚོགས་ནི་གཉན་མཆོད་དོ། །མཚོ་སྨན་ནི་མཆེད་དགུ་མཆོད། མདོས་ནི་གང་དུ་གཏོང་། ཕྱོགས་ཕྱོགས་ནི་ཕ་གི་ན། མཚོ་མ་པང་ནི་མེ་རེ་རེ། བསྐྱོད་པའི་རྦ་རླབས་ཀྱང་ཅི་ལི་ལི། དེའི་ནང་ཤེད་ན།མདོས་ཀྱི་བདག་མོ་བ། མ་བཙུན་གྱི་རྒྱལ་མོ་ལགས། མ་བཙུན་མ་བཙུན་མི་བགྱི་སྲ རྨ་བཟངས་ཐ་མོའི་ལྕམ་མོ་ལགས། ཀླུ་འོད་ལྡན་གྱི་བཙུན་མོ་ལགས། རྒྱལ་མོ་རྒྱལ་མོ་མི་བགྱི་སྲ ཀླུ་རྒྱལ་འབུམ་གྱི་ལྕམ་མོ་སྟེ།མཚོ་སྨན་མཆེད་དགུའི་རྒྱལ་མོ་ལགས། །དོ་ནུབ་ནི་གླུད་འབུལ་ལོ། །དོ་ནུབ་ནི་མདོས་བཏང་ངོ་། །ཆུ་རྒྱ་དྲོལ་སོལ་ཡང་པོ་དར་གྱིས་བརྒྱན། མདོས་ཀྱི་སྣ་དྲོངས་ལ། མ་བཙུན་གྱི་སྤྱན་སྔ་སྲ མུ་ཏིག་གི་རྩར་བས་མཛེས། མ་བཙུན་གྱི་སྤྱན་སྔ་སྲ སྲིན་མི་བབས་ཀྱི་བུ་བས་མཛེས། དེའི་མདོས་ལ་ནི་ཆོག་ཅིག་འདོན། མདོས་ཀྱི་རི་རབ་ཀྱང། །རིན་པོ་ཆེའི་རྩིགས་པ་ལ། མུ་ཏིག་ཕྲེང་བ་ནི་རྩར་དུ་བརྒྱུས། སྐུ་འཕང་ནི་རི་རབ་ཙམདམའ་ཡུལ་གྱི་ནི་གླུད་ལགས་སོ། མཐོ་ཁར་གྱི་གླུད་ལགས་སོ། །མཚོ་སྨན་མཆེད་དགུ་དང་མི་རུ་བརྗེ་བའི་མདོས། དེའི་སྐུ་རྒྱལ་དུ་སྣ་ཚོགས་བསགས། མཐུན་དགུ་ནི་མཚར་དུ་སྡེབས། མ་བཙུན་རྒྱལ་མོའི་སྤྱན་སྔར་དབུལ། ཀྱེ་མ་བཙུན་རྒྱལ་མེ་ནི་ཚུར་གསོན་ཅིག །ཡུལ་ནི་ཀླུ་ཡུལ་དིང་བ་ན། མཁར་ཀླུ་མཁར་ནི་ཉ་ཡི་མཁར། སྟོད་སྡིག་པ་ལ་ཆུ་སྲིན་གྱི་གཏམས། དེའི་ལ་ནང་ཤེད་ན། ཀླུ་ཡི་བུ་མོ་མ་དེ་ལྕམ་གཅིག་མ། སྐུ་ལ་སྦལ་པའི་ཚེམ་ཚེམ་གསོལ། ཞལ་ལག་གཡུ་བག་སྔོན་པོ་རྒྱན། ཕྱག་ན་སྦལ་ལྕོང་གི་དོང་བུ་ཐོགས། ནད་དུ་མཛེ་དང་ནི་ཕོལ་འབྲས་ཀྱང་གཏོང་། མ་བཙུན་མཚོ་ནི་མ་ཞབྲུགས་པར། མདོས་ནི་ཕར་ལོངས་ནི་འགབ་མ་ངན། ཚེ་ནི་ཚུར་ལོག་ནི་མནའ་མ་ཟ། ཚེ་དང་ནི་གཡང་མ་འབྲོས། མདོས་ཀྱིས་ཁྱེད་བསྐང་པས། མཚོ་སྨན་མཆེད་དགུའི་ཐུགས་ནད་སངས། ཕོ་གླུད་གཡས་ན་སྒ་ར་ར། མོ་གླུད་གཡོན་ན་སི་ལི་ལི། མདོས་འདི་ཕར་འབུལ་གྱི། ཚེ་དང་གཡང་འདི་ཚུལ་སྩོལ་ཅིག །ཕྱུ་དང་ནི་དམུ་ཡང་མདོས། །ལྷ་དང་ལྷ་མིན་མདོས། བཙན་དང་བདུད་ཀྱང་མདོས། དོ་ནུབ་སུ་དང་སུ་ཡི་མདོས། མཚོ་སྨན་མཆེད་དགུ་དང་། ཡོན་བདག་ནི་རྒྱུ་སྦྱོར་མདོས། བཟློག་པ་ནི་མདོས་ཀྱིས་བསྡུ། དཀའ་དགུ་ནི་བསོག་ནས་དབུལ། མཐུན་དགུ་སྡེབས་ནས་དབུལ། སྐུ་གླུད་ནི་རིངཚདའཇལ། སྒོ་བ་ལ་སྒོ་ཕྱེས་ཤིག །འཕྲང་བ་ལ་འཕྲང་སོལ་ཅིག །སྒོ་བ་ལ་བཙས་སུ་འབུལ འཕྲང་བ་ལ་བཙས་འབུལ་ལོ། །ཞེས་ཕུད་བར་མ་བཏང་། ལུག་སྣ་ལ་ཁྲིད་དུ་བཅུག །ཡས་དང་ནི་འགྲོགསལ། དནིགཤེགསསོཤར་ར། ཉི་མ་བྱང་ཕྱོགས་ཕ་གི་ན། །བྱང་གི་སྔོན་མོ་ཁྲོག་གཉེར་ལས་མཁན་མ། །མིང་པོ་རྡོ་རྗེ་མདོས་བཏང་གིས། །སྲིང་མོ་རྡོ་རྗེ་མདོས་ལོང་ལ། ཚེ་དང་གཡང་གཅིག་ཚུར་ལ་གསོལ། །ད་ནི་མདོས་གཏོང་གང་དུ་གཏོང་། །ཉི་མ་ཤར་ཕྱོགས་ཕ་ཀི་ན། ཁྲར་གྱི་སྤྱན་གསུམ་མཆེ་བ་ཅན། །མིང་པོ་རྡོ་རྗེ་མདོས་གཏང་གིས། །སྲིང་མོ་རྡོ་རྗེ་མདོས་ལོང་ལ། །ཚེ་དང་གཡང་གཅིག་ཚུར་ལ་གསོལ། ད་ནི་མདོས་གཏོང་གང་དུ་གཏོང་། །ཉི་མ་ལྷོ་ཕྱོགས་ཕ་ཀི་ན། །ལྷོ་ཡི་སེར་མོ་སྤྱན་གཅིག་མཆེ་བ་ཅན། །མིང་པོ་རྡོ་རྗེ་མདོས་གཏོང་གིས། །རྡོ་རྗེ་སྲིང་མོ་མདོས་ལོངས་ཤིག །ཚེ་དང་གཡང་གཅིག་ཚུར་ལ་གསོལ། །ད་ནི་མདོས་གཏོང་གང་དུ་གཏོང་། ཉི་མ་ནུབ་ཕྱོགས་ཕ་ཀི་ན། །ནུབ་ཀྱི་དམར་མོ་བྱེ་རུའི་ལན་ཚར་ཅན། །མིང་པོ་རྡོ་རྗེ་མདོས་གཏོང་གིས། །སྲིང་མོ་རྡོ་རྗེ་མདོས་ལོངས་ཤིག །ཚེ་དང་གཡང་གཅིག་ཚུར་ལ་གསོལ། །མདོས་འདི་ཕར་སོང་འགབ་མ་ངན། །ཚེ་འདི་ཚུར་ཤོག་མནའ་མ་ཟ། །མདོས་ལ་ཕྱ་དང་གཡང་ལ་འབྲོས། །ཞེས་ཕྱོགས་བཞིར་ཕུད་གཏང་། མདོས་བྱང་ཕྱོགས་སུ་བསྐྱལ་ལོ། །དེ་ནས་ཚེ་བླན་བཤགས་པ་བྱའོ། །མ་མོ་སྲིད་པའི་བེམ་ལས། མཚོ་སྨན་མདོས་ཀྱི་ལེའུ་སྟེ་བཅུ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །དབང་ཕྱུག་མ་ཡི་ཟོར་མདོས་ལ། །རྫས་རྣམས་མཐུན་པ་ཇི་ལྟར་བསོག ཅེས་གསོལ་ཏོ། །ཡང་བཀའ་སྩལ་པ། རྫས་རྣམས་མཐུན་པར་བསོག་པ་ནི། །མདའ་མཐོ་གང་བ་ཉི་ཤུ་རྩ་བརྒྱད། འཕང་བུ་ཉི་ཤུ་རྩ་བརྒྱད། ནམ་མཁའ་ཉི་ཤུ་རྩ་བརྒྱད། ཕྱོགས་དང་བསྟུན་ལ་གཟུག །ཏིང་ལོ་ཉི་ཤུ་རྩ་བརྒྱད། ཟན་ཆང་ཉི་ཤུ་རྩ་བརྒྱད། ངར་གླུད་ཉི་ཤུ་རྩ་བརྒྱད། ཁྲག་གི་ཕོར་བུ་ཉི་ཤུ་རྩ་བརྒྱད། ཁ་དོག་ཕྱོགས་དང་མཐུན། ཕྱོགས་བཞི་གཏོར་མ་བཞི། ལྗང་བུ་ཉི་ཤུ་རྩ་བརྒྱད། །སྟག་པ་དང་གླང་མའི་ཕོ་དང་མོ་དང་ཉི་ཤུ་རྩ་བརྒྱད། གཙང་གཤོས་གྲུ་གསུམ་ཉི་ཤུ་རྩ་བརྒྱད། བྱ་ཉི་ཤུ་རྩ་བརྒྱད། རྩང་ཉི་ཤུ་རྩ་བརྒྱད། ཕྱི་རིམ་དུ་གཟུག་གོ །དེ་ནས་མཎྜལ་གྲུ་བཞི་ལྷམ་པ་ལ། ཟུར་བཞི་ཆ་ཡིས་བགོས་ནས་ནི། སྤྱོ་ཉི་ཤུ་རྩ་བརྒྱད། རྩེ་མོ་བཞི་ལ་ཧུ༷་བཞི། དེ་ལྟར་བཤམས་ལ་དེ་ནས་གཏོར་མ་བཤམས་ལ། ལས་ཀྱི་ཆོ་ག་གཞུང་བསྲང་། རཀྟ་སྦྲེངས་ཤིང་སྲིན་མོ་སྨུག་ནག་ཅེས་དྲག་ཏུ་བསྐུལ། དེ་ནས་ཚོགས་ཀྱིས་མཆོད། ལྷག་མ་ཡེ་ཤེས་ཀྱི་དབང་ཕྱུག་མ་ལ་བྱིན། དེ་ནས་གླིང་བཞིའི་རྫས་དང་ཡས་བགོས་ལ། སྨྱོ་ཤར་གྱི་མ་བདུན་ཤར་དུ་སྨྱོ། །ལྷོ་ཡི་མ་བདུན་ལྷོ་རུ་སྨྱོ། །ནུབ་ཀྱི་མ་བདུན་ནུབ་ཏུ་སྨྱོ། །བྱང་གི་མ་བདུན་བྱང་དུ་སྨྱོ། །ཞེས་བྱང་ཕྱོགས་སུ་ཡས་སྟགས་བསྐྱལ་ལོ། །མ་མོ་སྲིད་པའི་བེམ་ལསདབང་ཕྱུག་མའི་སྒོས་མདོས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །སྲིད་པའི་རྒྱལ་མོའི་སྒོས་མདོས་དང་། །མཐུན་པའི་རྫས་རྣམས་ཇི་ལྟར་བསོག །འཇིག་རྟེན་སྟོབས་ཀྱིས་བཀའ་སྩོལ་ཅིག །ཅེས་དེ་ཉད་ན་འཁོད་དོ། །ཡང་བཀའ་སྩལ་པ། རྫས་རྣམས་མཐུན་པར་བསོག་པ་ནི། །མ་ཏྲང་ནག་པོ་གྲུ་གང་ལ། །ཁ་མིག་དབང་པོ་ཚང་བར་དགོད། །ལུས་པོ་ནག་པོ་གདོང་པ་དམར། །དེ་ཡི་སྙིང་གར་མོ་ཉིད་བསྐྱོན། །ངར་གྱི་ཕྱེ་ལ་ཁྲུ་གང་བ། །ཁ་མིག་ལེགས་པར་དོད་པར་བྱ། །ལུས་ལ་དར་ནག་གོ་ཟུ་བསྐོན། །མགོ་བོར་མཐིང་གི་གོ་ལྕོག་བསྐོན། །མཐིང་ནག་རལ་པ་ཕྲག་སོར་སླེབ་པར་བྱ། །མདུན་དུ་རྨ་བྱའི་སྒྲོ་ལྔ་སྦམ་ལ་གཟུག །ནམ་མཁའ་ཁོང་ནག་པོ་ལ་འཇའ་རིས་བྱས་ལ། དར་ནག་དང་རྨ་བྱའི་སྒྲོས་བརྒྱན་ལ་མོའི་རྒྱབ་ཏུ་གཟུག །དེ་བཞིན་ཁོང་སེར་མོ་ལ་ཁ་ཆག་ནག་གུས་བྱས་པ་གཅིག་གཡོན་དུ་གཟུག་ཁོང་སྔོན་མོ་ལ་དམར་མོས་ཕྱི་རིམ་བྱས་པ་གཅིག་གཡས་སུ་འཛུག །ནམ་མཁའ་ཁོང་དཀར་པོ་ལ་ཕྱི་རིམ་སྔོན་པོ་གཅིག་ལོགས་གཡོན་པར་གཟུག །ཁོང་དམར་པོ་ལ་ཕྱི་རིམ་དཀར་པོས་བྱས་པ་གཅིག་ལོགས་གཡས་པར་གཟུག །ཁོང་སྔོན་མོ་ལ་དར་གྱིས་ཚོམ་བུ་ལྔར་བརྒྱན་པའི་ལྗང་བུ་ལྔ་ནམ་མཁའི་འགྲམ་དུ་གཟུག །དར་ནག་གི་གུར་དབུབ། འཇའ་ཚོན་སྣ་ལྔའི་བླ་རེ་བྲེ། ཤ་ཆེན་གྱི་གཏོར་མ་ཆ་གཅིག་བཤམ། བྱ་ཁ་དོག་ལྔར་བྱས་ལ་གཟུག་གོ །དེ་ནས་རིམ་གྱིས་ཐུགས་དམ་བསྐང་བ་དབྱིངས་ཀྱི་ཡུམ་དྲུག་ནས། སྨན་མོ་ཡན་ཆད་བསྐང་། ལྷུར་མ་མོ་རིགས་བཞི་བསྐང་། སྒོས་དབྱིངས་ཀྱི་མ་མོ་ལ་བསྐང་། བསྐང་བའི་རྫས་ནི་མདོས་དང་། ལུག་ནག་མོ་ཐིག་ལེ་ཅན་དང་། ཕུག་རོན་ནམ་ཀྱུང་ཀས་བསྐང་། རྔ་གླིང་དང་གཏོར་མ་འཛའ་གད་དང་། ཞལ་ཟས་ཚོགས་དང་། མདའ་བྱ་རྒོད་མ་སྒྲོ་དང་མདེའུ་མ་ཉམས་པ་དང་། མེ་ལོང་དང་དར་ཡོད་ཚད་ཀྱིས་བསྐང་ངོ་། །དེ་ནས་མདོས་བསྐྱལ་བ་དགྲ་ཕྱོགས་སུ་བསྐྱལ། མ་མོའི་ཞལ་ཁ་དགྲ་ལ་བསྒྱུར། ཐུགས་ཀྱི་གནག་པ་དགྲ་ལ་མཛོད། །ཞབས་ཀྱི་རྟེན་མ་དགྲ་ལ་མཛོད། །ཕྱག་གི་སོར་གདུབ་དགྲ་ལ་འཕངས། །བདག་ཅག་རྣལ་འབྱོར་སྒྲུབ་པ་པོས། །དམ་ཚིག་ཉམས་ན་གསོ་རུ་གསོལ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །ཞེས་དང་པོ་ས་དགུའི་གཏིང་ན་བཞུགས་ཞེས་བསྟོད་དོ། །མ་མོ་སྲིད་པའི་བེམ་ཆེན་པོ་ལས། སྲིད་པའི་རྒྱལ་མོའི་མདོས་སྒོས་བསྐང་ཆེན་པོའི་ལེའུ་སྟེ་བཅུ་གཉིས་པའོ།། །།དེ་ནས་ཡང་གཡུང་དྲུང་གིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། ལྷ་མོ་ནག་མོ་ཐུགས་དམ་བསྐང་བ་ལ། །ལྕགས་ཁང་ནག་མོའི་མདོས་ལ། མཐུན་རྫས་ནི་ཇི་ལྟར་བསོག །ཅེས་གསོལ་ཏོ། །ཡང་བཀའ་སྩལ་པ།ལྷ་མོ་ནག་མོའི་ཐུགས་དམ་བསྐང་བ་ལ། མཐུན་རྫས་ནི་ལྕགས་ལས་ཁང་པ་གཞུང་བཞིན་རྩིག །ཟུར་བཞི་སྨུག་ལ་ལོགས་བཞིན་དམར། །འགྲམ་བཞི་རང་ཁར་གཞག་པར་བྱ། །བང་བཞི་གསེར་ལ་ཁ་བད་གཡུ།ཚོན་སྣ་ལྔ་ལས་ཁོང་མིག་དགུ་རུ་དབུབ། དེ་ནས་གསང་ཕྱེ་ཕུལ་གང་ལ། བོང་ནག་གཟུགས་བྱས་གཞུང་བཞིན་སྒ་ཡང་བསྟད། སྲབ་དང་མཐུར་ཡང་གཞུད་བཞིན་གཞུག །་རྟོ་མོའི་སྐུ་གཟུགས་བསྟོད་པ་དང་མཐུན་པར་བྱ། །བོང་བུ་ལ་བསྐྱོན་མིང་པོས་ཁྲིད། །ནང་དུ་ལྷ་མོ་བ༷ནུགསཔལ། བོང་བུ་སྒོ་དྲུང་གདགས་པར་བྱ། ནམ་མཁའ་ཁོང་ནག་པོ་ལ་གསེར་གྱི་ཕྱི་རིམ་བྱ། ཁ་ཆག་ནི་གཡུ། སྣ་ཚོགས་དར་དང་རྨ་བྱས་བརྒྱན་པ་དང་། འཕང་ནག་ལ་གསེར་གྱི་མེ་ལོང་བྱས་ལ་མཁར་གྱི་གདང་དུ་གླིང་ཕྲན་གཅིག་ལ་གཟུག་གོ །སེང་ལྡེང་གི་ཕུར་པ་གཅིག་ལ། དར་སྣ་ལྔ་བཏགས་ལ་དེ་ཡང་གཟུག །དེ་ནས་ཕུད་ལྟིར་བུ་གང་གི་ཁ་རུ་འབྲང་རྒྱས་གཅིག་གཞག །བྱ་ནག་མོ་གསེར་གྱི་མགྲིན་པ་ཅན་ནམ། ལུག་ནག་མོ་མིག་གསེར་མ་ལ་རྟེན་བཅའ། དར་ནག་པོ་ལྕེ་ལྔ་པའི་འཕན་གཟུག །མེ་དུད་སྤོས་ཆེན་གཏང་རྐང་གི་གླིང་བུ་འབུད། རྔ་ཆེན་བརྡུང་ཞིང་སྤྱན་དྲངས། ཁོང་པའི་ནང་ནས་བྱོན་ནས། གླིང་ཕྲན་སྟེང་ན་བཞུགས་པ་ལ། མ་མོ་ས་མ་ཡ་ཏིཇི་ལྷན། ཞེས་བརྗོད་པས། ཕུར་པ་དང་གཉིས་སུ་མེད་པར་བསྟིམ་པས་ཚུལ་དང་ཆ་བྱད་ཇི་བཞིན་གྱུར་པ་ལ།བདག་བཛྲ་ཧེ་རུ་ཀ་རུ་བསྒོམ་པའི་ཐུགས་ཀ་ནས་སྒག་ནག་པོ་གཅིག་མ་མོའི་ཐུགས་ཀར་འཕངས་པས། ཤིན་ཏུ་གཟི་བྱིན་དང་ལྡན་པར་གྱུར་ཏེ། དེ་ལ་སྲོག་གི་སྙིང་པོ་བརྒྱ་འམ་སྟོང་རྩ་བརྒྱད་དབུལ་བར་བྱའོ། །ཨོ་རུ་རུ་རོ་རུ་ཙ་པ་ལ་ཨ་ཤུག་མེ་བ་ཧུ༷་མ་སྨྱོ་ཛ་ཛ། ཞེས་པའི་ཡི་གེ་བཅུ་བདུན་པ། དེས་སྲོག་བསྡུས་ནས་གཞུང་དང་མཐུན་པར་མཆོད་པ་རིམ་གྱིས་དབུལ། མེ་ཏོག་མང་པོ་བཅལ་དུ་ཡང་དགྲམ་མོ། །དེ་ནས་བསྟོད་པ་ཀུན་ཡང་གཏང་། དམ་བདར་ཕུད་གཏང་བསྐང་བ་དྲག་ཏུ་བྱ། བཤགས་པ་འབུལ་བ་དང་། དེ་ཀུན་ཐུན་རེ་རེ་ལྟར་བྱ་ཞིང་། ཧུ༷་བདག་ནི་ཡེ་ནས་མ་ཆགས་བྱང་ཆུབ་སེམས། །དུས་གསུམ་རྒྱལ་བའི་ཐུགས་དང་ཡེ་ནས་མཉམ། །གསང་བའི་དཀྱིལ་འཁོར་གཉེན་པོ་འདིར་ཞུགས་ནས། །མི་ཕམ་ལྷ་མོ་ཁྱོད་དང་མཐུན་སྡེབས་ན། །དུས་འདིར་མི་འདོད་དགྲ་ལངས་པས། །ལྷ་མོ་ཁྱོད་ཀྱི་མཐུ་དང་བྱིན་རླབ་ད་མ་ཆུང་། །གངས་ཀྱི་སེང་གེ་བཞིན་དུ་ཚང་མར་དག་གིས་བསྒྲུབས། །ནགས་ཀྱི་སྟག་གུ་བཞིན་དུ་གཅིག་བུར་བདག་གིས་བསྒྲུབས། །བྲག་བར་རུས་སྦལ་བཞིན་དུ་བྱང་ཆུབ་སེམས་དང་ལྡན་པར་བསྒྲུབས། །བྱ་རྒྱལ་ཁུ་བྱུག་བཞིན་དུ་དམ་ཚིག་བདག་བསྲུང་ན། །དོན་མེད་གཡེལ་བར་མ་གཏོང་མ་མོ་ཁྱོད། །བྱམས་མགོན་ཐུགས་རྗེ་བདག་ལ་དགོངས་སུ་གསོལ། །འདི་འདྲ་དུས་ངན་བསྐལ་པའི་ཐ་མ་ལ། །བདེ་གཤེགས་བཀའ་ཡི་བསྟན་པ་བསྲུང་དགོངས་ཀྱིས། །ཁྱེད་རྣམས་མ་གཡེལ་ཐུགས་དམ་སྲུངས། །གྲོགས་སོ་ཅོག་ཀྱང་གྲོགས་མིན་གྱི། །རྣལ་འབྱོར་གྲོགས་མཆོག་བདག་མ་སྤངས། སྒྲུབ་པོ་ཅོག་ཀྱང་དམ་མི་བསྲུང་། །རི་ཁ་མ་རྒྱུད་དམ་ཚིག་སྲུངས། །ཁམས་གསུམ་འཁོར་བའི་གནས་འདི་སྲ །མ་མོ་མཁའ་ལ་མ་འཕྱོ་བར། །ནམ་མཁའ་སྟོང་པ་ཡ་གི་ནི། །མ་མོ་རྟེན་དུ་མ་འཆའ་དང་། །དེ་ནི་མ་མོའི་ཆགས་ས་མིན། །དེ་བས་གཞལ་ཡས་འདི་མ་སྤངས། །ཆུ་བོ་འཁྱིལ་བའི་རྦ་ཀློང་ལ། །དོན་མ་མཆིས་པར་མ་མཆོད་ཅིག །མ་མོ་རྟེན་དང་མཚོ་མི་འགྱུར། །རཀྟའི་རྦ་ཀློང་འདི་མ་སྤངས། །དུར་ཁྲོད་གནས་སུ་མ་གཤེགས་ཤིག །མ་བསྔོས་འཚོ་བའི་ཟས་མ་ཡིནདེ་བས་དུར་ཁྲོད་རྫས་ཆེན་འདི་མ་སྤངས། །ནགས་ཚལ་ཡ་གིར་མ་གཤེགས་ཤིག །གཤེགས་ཀྱང་མ་མོའི་བཞུགས་ས་མིན། །དེ་བས་བྷརྙ་ལྕང་ལོ་འདི་མ་སྤངས། །རི་བོ་ཡ་གི་ལྷུན་སྡུག་ཀྱང་། །མ་མོའི་ཆགས་ཀྱི་རྟེན་མ་མཆིས། །དེ་བས་བདག་གི་སྲིད་པའི་རི་བོ་འདི་མ་སྤངས། །མ་མོ་ཁྱོད་ཀྱི་དམ་འཁོར་ཡང་། །དགེ་བའི་དོན་ལ་མི་དགོངས་ཀྱི། །སྡང་བའི་དགྲ་བོ་སྲོག་དང་ཕྲོལ། །འཆི་མེད་དོན་གྱི་ལམ་བསྟན་གྱི། །སྐྱེ་མེད་བྱང་ཆུབ་མ་སྤངས་ཤིག །སྲིད་པ་གསུམ་པོ་ལམ་མིན་ནོ། །དོན་དམ་སེམས་ཉིད་མ་སྤངས་ཤིག །དེ་བས་རང་དམ་རང་གིས་སྲུངས། །མ་མོ་ཁྱོད་ལ་སྨྲེང་གསོལ་བ། །སྐྱེ་བ་འདི་དང་སྔོན་ཚེ་གོང་མ་ནས། །མ་མོ་ཁྱོད་དང་མཐུན་སྡེབས་ནས། བདག་གིས་བླ་མེད་བྱང་ཆུབ་སྒྲུབ་དགོངས་པས། །ལས་ངན་དགྲ་བོས་མ་སྟེར་རོ། །བདག་དུང་དུང་ནི་མཆི་མ་བྲོ། །ཀ༷་ཀ༷་བྲང་ལག་འཐབ་སྙིང་འཚལ། །འདི་ལྟར་བོས་ཤིང་གདུང་ཙམ་ན། །གའུ་ཤོད་ཀྱི་སྲིན་མོ་ཡང་། །ཕ་བས་བྱམས་ཤིང་ཁུ་བས་དུངས། །ལང་ཀ་ཡུལ་གྱི་སྲིན་མོ་ཡང་། །མ་བས་བྱམས་ཤིང་སྲིང་བས་དུངས། །པུ་རི་ཡུལ་གྱི་སྲིན་མོ་ཡང་། །ཕུ་བས་བྱམས་ལ་ནུ་བས་དུངས། ཁྲ་ཤའིསྲིན་པོ་ཕོ་མོ་དེ་འདྲ་ན། །མ་སྲིང་རྒྱ་མཚོ་ཐུགས་རེ་སྲ། །བདག་གི་གཟུགས་ཀྱི་ཕུང་པོ་ནི། །སྡོང་པོ་རུལ་པའི་རྩ་བ་འདྲ། །བདག་གི་སྲོག་གི་སྦུ་གུ་ནི། །སྟོན་ཁའི་སོག་སྐྲུགས་ཤར་གཤིར་ཡང་བ་འདྲ། །བདག་གི་རྣམ་པར་ཤེས་པ་ནི། །མེ་སྟག་རླན་སར་བབ་པ་འདྲ། །འདི་འདྲའི་སྡུག་བསྔལ་ཐུགས་ཀྱིས་བཟོད་ལགས་སམ། བདག་སེང་གེ་བརྗིད་དང་མ་བྲལ་ཅིག །སྟག་གུ་རིས་དང་མ་བྲལ་ཅིག །རུས་སྦལ་ཁོག་པ་སྟོངས་ས་རེ། །བདུད་རྩི་རྒྱུན་ལམ་ཆད་ད་རེ། །རྡོ་རྗེའི་གཟོང་ཁ་སྙིལ་ལ་རེ། །ཁྱུང་ཆེན་གཤོག་པ་ཆག་ག་རེ། །པ་ཏ་རི་ལེའི་ཤ་མ་ཟ། །ལང་པ་དབྱེ་དང་ཁུར་མ་ཁུར། །དབྱེ་བ་རྦབ་ཀྱིས་ཕོག་ག་རེ། །ཡ་ག་ཆེན་པོ་ད་ར་རེ། །ཞེས་སྨྲེང་གསོལ་ལ་བསྐང་གསོ་བྱ་ཚོགས་རོལ། དེ་ནས་ལིདྷ་སྐུད་པ་སྔོན་དམར་གྱིས་ལ་ཡང་མིའི་སྙིང་གར་བཅིངས་ལ། ཁ་བྱང་ཕྱོགས་སུ་བསྟན་ཏེ། ལྕགས་ཁང་གི་ནང་དུ་གཞུག་ལམ་རྒྱ་གྲམ་དུ་མནན་ནོ། །མ་མོ་སྲིད་པའི་བེམ་ལས། ལྷ་མོ་ནག་མོའི་གསང་མདོས་དམ་སྲི་དང་དགྲ་མ་རུངས་པ་མནན་ཅིང་བཟློག་པ་དང་བསྐང་བའི་ལེའུ་སྟེ་བཅུ་གསུམ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །ལྷ་མོའི་མ་ཏྲང་མདོས་འདི་ལ། །མཐུན་པའི་རྫས་རྣམས་ཇི་ལྟར་བསོག །ཅེས་གསོལ་ཏོ། །དེ་ནས་ཡང་བཀའ་སྩལ་པ། མ་ཏྲ༷་ནག་མོ་བརྐྱང་ཁྲུ་གང་། །ཁ་མིག་ལེགས་པར་བཏོད་པ་ལ། །ལྷ་མོའི་ཆ་བྱད་ཞལ་བསྐྱོན་ཏེ། །མདངས་ལྡན་ལྔ་ཡིས་བརྒྱན་པར་བྱ། །དྲེའུ་ནག་མཐུར་དང་སྒ་བསྟད་ལ། །ཕྱག་ཏུ་གཡས་ནས་མཐུར་མདའ་གཏད། །ནམ་མཁའ་འཇའ་རིས་མདངས་ཀྱིས་བརྒྱན། །སྣ་ཚོགས་དར་གྱི་དཔྱང་ལག་བཏགས། །ནམ་མཁའ་དཀར་མོ་གཡུ་ཡི་ཁ་ཆག་ཅན། །རས་མ་སྒྲོ་ཡི་འཕན་ལག་གཏང་། ནག་མོ་དུང་གི་ཁ་ཆག་ཅན། །རྨ་བྱ་ཟེར་དང་དཔྱང་སྤྱང་ཡང་ལག་གདགས། །རེ་མ་ཛ་ཡི་ཕྱག་ཏུ་དབུལ། སྨུག་མོ་གསེར་གྱི་ཁ་ཆག་ཅན། །རེ་མ་ཛུ་ཡི་ཕྱག་ཏུ་དབུལ། །འཕང་ཡང་དེ་བཞིན་ཁ་དོག་མཐུན། །གཙོ་མོ་དར་གྱི་ལྗང་གུ་ལ། །གསུམ་ལ་བལ་ཚོན་ལྡང་བུ་བྱ། ཤིང་རིས་མ་མོ་བདུན་དང་མཐུན། །འབྲུ་བྱ་བཞི་ཡང་ཁ་དོག་སྔ་མ་བཞིན། །ལུག་ནག་ཁ་རྒྱ་སྨུག་དགུ་སྤྱི་ཐིག་ཅན། །དེ་རྣམས་དངོས་སུ་མདངས་ཀྱིས་བསྐང་། །གཙོ་མོའི་ལག་པ་གཡས་རལ་གྲི། །གཡོན་དུ་འཕྲུལ་གྱི་མེ་ལོང་བསྣམས། །དར་ནག་གོ་ཟུ་མཐིང་ནག་རལ་པ་བྱ། །སྤྱི་གཙུག་གཡུ་ཁྲབ་གཡས་ན་ཁྱུང། །གཡོན་ན་སེང་གེ་དེ་བཞིན་བསྐུར། །ངར་གླུད་བཞི་ཡང་གཏང་བར་བྱ། །མེ་མར་ཁ་ལྔ་བཏང་ནས་ཀྱང་། །དེ་བཞིན་སྤོས་ཆེན་དུད་པ་དང་། །མེ་ཏོག་སྣ་ཚོགས་ཤ་ཆེན་གཏོར་མ་མི་དབང་འབྲས་བུ་དང་། །གོ་རོ་ཙ་ན་སྙིང་སྣའི་ཕྱེ་མ་རྣམས། །དབང་པོ་ལྔ་ལ་མཆོད་པར་དབུལ། །བསྟོད་པ་ཚུལ་བཞིན་ཀུན་ཀྱང་མཐུན། །བསྐང་བའི་མདོས་རྣམས་འདི་ཡིས་ནི། །ཐ་མར་དགྲ་བོའི་ཕྱོགས་སུ་བསྐྱལ། །སྔགས་པའི་དམ་ཚིག་ཉམས་པའི་ཚེ། །མདོས་རྣམས་ཀྱིས་ནི་སྐང་བར་བྱ། །སྨྱོ་དང་འབོག་དང་རིམས་དང་ཤི་བ་ཡང་། །དམ་ཚིག་ཉམས་པའི་ཆད་པ་ཡིན། །མདོས་རྣམས་འདི་ཡིས་བསྐང་བར་བྱ། །ཀྱུང་ཀ་གསོན་མ་ཤིན་ཏུ་གཅེས། །དེ་ཡིས་ཐུགས་དམ་བསྐང་བར་གྱུར། །མ་མོ་སྲིད་པའི་བེམ་ལས། ལྷ་མོ་ནག་མོའི་མ་ཏྲང་གི་གཟུགས་མདོས་ཐུགས་དམ་བསྐང་བའི་ལེའུ་སྟེ་བཅུ་བཞི་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །མ་མོའི་ཁྲག་མདོས་ཆེན་པོ་ལ། །བསྐང་བའི་མ་མོ་གང་གང་ལགས། །དེ་ཡི་རྫས་རྣམས་ཇི་ལྟར་བསོག །ཅེས་གསོལ་ཏོ། །ཡང་བཀའ་སྩལ་པ། བསྐང་བའི་མ་མོ་བསྟན་པ་ནི། །རྣལ་འབྱོར་མ་མོ་བཅུ་བཞི་དང་། །མ་མོ་བདུན་དང་སྲིང་མོ་བཞི། །ཨེ་ཀ་ཛ་གི་སྤུན་དྲུག་དང་། །གསང་བའི་ཡུལ་བཞི་སྲིད་པའི་གྲུ་འདེགས་བཞི། །དམག་གི་རྒྱལ་མོ་བཞི་དང་ནི། །མ་མོ་ལས་ལ་གྲུབ་པ་ཉི་ཤུ་བརྒྱད། །བྱ་བ་མོ་དང་བྱེད་པ་མོ། །བསྐང་བའི་མ་མོ་ཡིན་པར་བཤད། །བསྐང་བའི་རྫས་རྣམས་བསྟན་པ་ནི། །མེད་དུ་མི་རུང་ཁྲག་སྣ་གསུམ་ཡོད། །གཞན་ཡང་སྣ་ཚོགས་ཁྲག་སྣ་བསོག །མ་མོ་བདུན་ཅུ་དོན་གསུམ་ལ། །རྣལ་འབྱོར་མ་མོ་བཅུ་བཞི་ལ། ཁྲེང་རིས་གཞུང་བཞིན་ཀུན་ཀྱང་བྱ། །ལྗང་བུ་བཅུ་བཞི་དར་ལས་བྱ། །གཞན་ནི་བལ་ཚོན་སྣ་ལྔ་པོ། །ནམ་མཁའ་ཀུནཀྱང་གཅིག་པ་ཡིན། །ཕོ་གླུད་མོ་གླུད་དར་ཟབ་མཛེས་པར་བྱ། །སྟག་དང་སེང་གེ་དཀར་པོའི་ཁྲག །ཕྱི་བ་མའིཟིལ་པ་སྐྱེས་པ་དར་མའི་ཁྲག །རྣལ་འབྱོར་མ་མོ་བཅུ་བཞིའི་རྫས། །བ་གླང་ཁྱི་དང་རྟ་ཁྲག་མི་ཁྲག་རྣམས། །མ་མོ་བདུན་གྱི་དམ་རྫས་ཡིན། །རི་བོ་ཉ་ཁྲག་སྲིན་མོ་བཞི་ཡི་དམ་རྫས་ཡིན། །དམག་གི་རྒྱལ་མོ་གསང་བའི་ཡུམ་བཞི་དང་། །གྲུ་འདེགས་བཞི་ལ་ཁྲག་སྣ་ཚང་བར་བསོག །མ་མོ་བཅུ་གཉིས་དམ་རྫས་ཡིན། །ཨེ་ཀ་རྫགི་སྦུན་དྲུག་དང་། །དབང་གི་ལྷ་མོ་ཉི་ཤུ་བརྒྱད། །བྱ་བྱེད་མ་མོའི་དམ་རྫས་རྣམས། །ཁྲ་དང་འུག་པ་ཕོ་རོག་རྣམས། །གཅིག་ཏུ་དྲིལ་བས་ཁྲག་སྣ་བཅུ་གསུམ་ཡིན། །མ་མོ་བདུན་ཅུ་རྩ་གསུམ་ལ། །མཉེས་པའི་མཆོད་པ་དབུལ་བར་བྱ། །གཞན་ཡང་མ་མོ་བཅུ་གསུམ་ཚན་པ་ལ། །རྣལ་འབྱོར་མ་མོ་བཅུ་བཞི་ལ། །གཙོ་མོ་གཉིས་ལ་རེ་རེ་ཚན་པ་གསུམ་རེ་རེ་ལ་ལྔ། མ་མོ་བདུན་དང་སྲིག་མོ་བཞི་ལ་རེ་རེ་གཉིས། །བཞི་ཚན་ངར་གླུད་བཅུ་གསུམ་བྱ། །དེ་ཡང་གཙོ་མོ་གཉིས་ལ་དར་གྱི་གོ་ཟུ་བསྐོན། །བཅུ་གཅིག་གང་མཛེས་ཆས་སུ་གཞུག །ཁྲག་སྣའི་ཕོར་བུ་བཅུ་གསུམ་བྱ། །སོ་སོའི་ཚན་དང་རིས་སུ་དབྱེ། །ཆོ་ག་མདོས་ཚན་གསུམ་དང་མཐུན། །དེ་ནས་མདོས་གཏོང་ཙམ་ན་ངར་གླུད་གསུམ་ཁྲག་གི་ཕོར་བུ་བཅུ་གསུམ་དུ་བཅུག་ལ་གཏང་ངོ་། །དེ་ནས་གླིང་བཞི་བཅའ་བ་ནི། །གླིང་བཅུ་གསུམ་བྱ་བའམ །ཡང་ན་དགུ་རུ་བྱ་བར་གསུངས། རྣལ་འབྱོར་མ་མོ་བཅུ་བཞི་ལ་གཅིག །དེ་ལྟར་བྱ་བར་མདོས་བསྡུས་ཆེན་པོའི་ནང་ནས་གསུངས། མདོས་གཏང་བའི་ཆོ་ག་ཀུན་མཐུན། གཏང་བ་ནི་བྱ་བ་མོ་དང་བྱེད་པ་པོ་གཉིས་ལ་གཏང་། ཚེ་བློན་ཐུགས་དམ་བསྐང་། སྔགས་པ་དམ་ཚིག་ཉམས་ནས་ཁྲག་ནད་ཀྱིས་ཐེབས་ན་བྱ། །བསྟན་པ་བསྲུང་བ་ལ་བྱེད་ལ་རང་གང་བསྒྲུབ་ལ། མཚན་དང་ལྡན་པའི་ཡས་ལུག་གི་ཐུགས་དམ་བསྐང་། །སྤྱིར་སྐོང་ལ་མཁའ་ལ་ལྡིང་དགུ་དང་། །ས་ལ་འཛུལ་དགུའི་མདངས་ཀྱིས་བསྐང་། །མེད་ན་འབྲུ་ལས་གྲུབ་ཚད་བྱ། །རྣལ་འབྱོར་མ་མོ་བཅུ་བཞི་ལ། །གཞུང་དང་མཐུན་པར་བསག་པར་བྱ། །ཞེས་གསུངས་སོ། །མ་མོ་སྲིད་པའི་བེམ་ལས། མ་མོ་ཁྲག་མདོས་ཐུགས་དམ་བསྐང་བ་དང་ལས་དང་ཟོར་དུ་འཕང་བའི་ལེའུ་སྟེ་བཅོ་ལྔ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །ཕྱུགས་ནད་དལ་ཡམས་བབས་པ་ལ། །དེ་ལ་ཟློག་ཐབས་ཇི་ལྟར་བགྱི། །འཇིག་རྟེན་སྟོབས་ཀྱིས་བཀའ་སྩོལ་ཅིག་ཅེས་གསོལ་ཏོ། །དེ་ནས་ཡང་བཀའ་སྩལ་པ། དལ་ཡམས་ཕྱུགས་ལ་བབས་པའི་ཚེ། །དེ་ཡི་ཆོ་ག་འདི་ལྟར་བྱ། །གླིང་བཞི་རྫས་དང་ལྡན་པ་ལ། །མདོངས་ལྡན་རྨ་བྱའི་སྒྲོ་ཡིས་བརྒྱན། །སྣ་ཚོགས་ལྷ་རྫས་ཚང་བར་དབུལ། །རས་མ་སྣ་ཚོགས་དཀོར་ཆས་བརྒྱན། །དེ་ནས་ཡང་ཕུད་གཙང་མ་དབུལ། སྲིད་པའི་རྒྱལ་མོ་དང་། སྨུག་མོ་རལ་གཅིག་མ་དང་། རཀྟ་ཙ་མུན་ཏི་དང་མ་མོ་བདུན་ལ་དྲག་ཏུ་ཆོ་ག་བྱས་ལ། ཕྱོགས་བཞི་དབུས་དང་ལྔ་ལ་སྩལ། དེ་བཞིན་དུ་ཕུད་གཙང་མས་མཆོད་ནས་ཞག་གཅིག་གི་ནང་པར་གཞན་དུ་འཕོས་ལ། །ས་ཚོན་སྣ་ལྔ་ལ་སྦྲེང་། སྔགས་འདི་བགྲང་ནས་དལ་མི་ཆོད་མི་སྲིད་དོ། །ཨེ་འབུར་འབུར་མ་ཧྭ་ས་མ་ཙི་འབུར་བྱ་མ་ནས་ཨོ་ཏོ་ཤི་མོ་ཀྲོ་ཏ་ཧུ༷་ཧུ༷་ཕཊ་གྲྭ་ཧྭ། ཞེས་བརྗོད་ན་ཕྱུགས་ནད་དག་དོན་མི་ཟ་སྟེ། མདོས་དེ་ནི་དབྱིངས་ཕྱུག་ལྷ་མོ་ལྔའི་མདོས་ཞེས་བྱའོ། །མ་མོ་སྲིད་པའི་བེམ་ལས། དབྱིངས་ཕྱུག་མ་ལྔའི་མདོས་ཀྱི་ལེའུ་སྟེ་བཅུ་དྲུག་པའོ།། །།དེ་ནས་ཡང་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །ལོ་ཏོག་བསྲུང་བའི་ཆོ་ག་ཇི་ལྟར་བགྱི། །འཇིག་རྟེན་འཇོམས་པས་བཀའ་སྩོལ་ཅིག །ཅེས་གསོལ་ཏོ། །ཡང་བཀའ་སྩལ་པ། ཞིང་ལ་རི་བོང་ཟ་བ་དང་འབུ་སྲིན་ཟ་བ་དང་། གདོན་རྣམས་བསྲུང་དང་སོ་སྲིན་བསྲུང་བ་དང་། །མཛེར་པ་བསྲུང་བ་རབ་ཏུ་གཅེས། །སྲིའུ་གསོ་དང་ལྷོག་པ་དང་། །གག་པ་བསྲུང་བ་ཇི་ལྟར་ལགས། །སེར་བ་བསྲུང་བ་དང་། ཤྭ་ཁ་ཟློག་པ་དང་། ལིང་ཏོག་རིམས་ནདཇིལྟར་བསྲུང་བར་བགྱི། ཞེས་གསོལ་ཏོ། །ཡང་བཀའ་སྩལ་པ། ཞིང་ལ་རི་བོང་བསྲུང་བ་ནི། དཀར་རྩིས་ཞིང་གི་མཐའ་མ་སྐོར། །ཞིང་དཀྱིལ་དུརི་བོང་གི་རིལ་མའི་མེ་བཏང་ལ། ཅོག་་་བུདདུ་ཡེན་གྲྭ་ཧྭ། ཅོམ་བུ་གོལ་བུ་ཡེན་གྲྭ་ཧྭ། ཐུ༷་ཐུ༷་ཡེ་ལེ་སྭཧྭ། ཐ༷་ཐ༷་སྭ་ཧྭ། དེས་ནི་རི་བོང་ཁ་ཆིངས་པར་འགྱུར་རོ། །ཞིང་ལ་འབུ་སྲིན་ཟ་ན། ར་རོག་པོའི་རྭ་གཡས་པར་རམ་བུ་དང་ཞིང་གི་ལྗང་རྩའི་ནས་ཁུ་བུན་དང་། འབུ་མགོ་དམར་པོའི་རིགས་དང་། མགོ་ནགཔོའི་རིགས་དང་། མེའི་བྲུན་སྐམས་སོ། །ར་རུ་རུ་བཙལ་ཏེ། ཞིང་དཀྱིལ་དུ་སྦས་ལ་སྔགས་འདིསཁ་བཅིང་ངོ་། །ཨོ་བྲ་བྲ་དུ༷་བུ༷་ཁ་ཡེལ་ཡེལ་བེ་ ར་བེ་རམན་འདར་ཁ་ཐུ༷་རུ་ཐུ༷་རྦད། ཅེས་ཁ་ལ་ཆས་བཅད་ནས་སྦས་ན་གདོན་མི་སྡུག་གོ །གདོན་ཡོ་བྱད་ལ་གདོན་ན། སྣོད་གང་ཡིན་པ་ལ། ཉུང་དཀར་ལ་སྔགསའདིས་བྲབ་ལ་ནང་དུ་བླུགས་ན་མྱུར་དུ་ཞི་བར་འགྱུར་རོ། །སོ་ནབ་ལ་རིགས་གསུམ་སྟེ། ཁྲག་སྲིནདང་རླུད་སྲིན་དང་། སྲིན་བུ་རང་དང་གསུམ་ལསརླུད་སྲིན་ནི་མིཐུབ་སྟེ་རྟགས་མེད་ན་རླུ་་སྲིན་ཡིན་པས་མི་ཐུབ་སྟེ། ཁྲག་སྲིན་དང་སྲིན་བུ་ལ་སྔགས་འདིས་གདབ་བོ། །ཨོ༷་གྱུ་སྟུལྷངལྷང་སྲིན་བུ་མ་རུ་བ་ཏི་མ་ཙ། བྲ་བོ་བྲ་བོཤིག་ཙིསྟ་ཀུ་ལ་ནན་ལོག་ལོག་ཀས་ཀས་གྲྭ་ཧྭ། དེས་ནི་མྱུར་དུ་ཞི་བར་འགྱུར་རོ། །གང་ན་བའི་ཐད་དཀར་གདབ་བོ། །དེ་ཡང་ཁྱིའི་རྩིབ་མས་དང་པོ་མཛེར་པ་གང་བྱུང་བ་ལ་བྱུག་ཅིང་སྔགས་འདིས་གདབ་པར་བྱའོ། །ཨོ་བྷ་ག་ལ་བྷ་ག་ལ་ཙི་འདར་ནན་གྲྭ་ཧྭ། ཟླ་བ་མར་ངོ་ལ་བཏབ་ན། །ཕྱི་མའི་ཡར་ངོ་ལ་སངས་ཙེར་འགྲོ་བར་འགྱུར་རོ། །སྲིའུ་གསོ་ན་རུས་བུ་གོག་མོ་རྫ་གསར་པར་བཅུག་ལ། འབྲུ་ངན་དང་སྦང་མ་དེ་རུ་བླུགས། དེ་ནས་ཐལ་བས་ཁ་བཅད་དོ། །ཕུར་བུ་གཅིག་དཔྲལ་བའི་དབྱེས་སུ་གདབ། གཅིག་སྙིང་ལ་གདབ། གཅིག་གསང་སྒོར་གདབ། ཁ་རུ་སྤང་མདང་སོལ་བ་ཐལ་བ་བླུགས། །དེ་ནས་སྔགས་འདིས་བརྡེག་གོ །ཏྲི་ཁ་ཤ་མར་ཡང་། བུར་ཛ་ནི་སྲ་སྲ་གང་ཤི་བེར། །ཨོ་ཨ་ཀྲོ་ཏེ་ཀ་ཡ་མུརྙ་ཀ་ཧ་ན་མ་ཐ་བྷརྫི་ཧུ༷་ཕཊ། ཅེས་ཐེམ་པའི་འོག་གམ། མལ་འཕངས་སུ་མནན། རབ་ཏུ་ཐབ་ཀྱི་དབུས་སུ་གཏིང་བསྲིང་ལ་མནན་ནོ། །ལྷོག་པ་དང་གག་པ་ལ་གོང་དུ་བསྲུང་བ་དང་འཕྲལ་དུ་གདབ་པ་གཉིས་ཏེ། གོང་དུ་བསྲུང་ན། །སྐུད་པ་སྣ་ལྔ་བསྒྲིལ་ལ། སྔགས་འདིས་གདབ།མདུད་པ་ཉི་ཤུ་རྩ་གཅིག་གདབ། དེ་ནས་དཔུང་པ་ལ་བཅིངས། འཕྲལ་དུ་འདེབས་ན་གང་བྱུང་སར་གདབ་བོ། །ཨོ་གྲང་ཏི་ཏྲིག་ཏིག་གྲ་དང་། གྲ་ཤིག་ཏ་ར་ཡ་ཏ་ཙ་ལེ་ཧུ༷་ཀ་ཧུ༷་ཕཊ། དེ་ནས་འདིས་ཀྱང་གདབ་པ། ཨོ་ཤི་མསྐྲུ་ཡ་མ་རྭ་ཙ་མ་མ་ཨེ་ཀ་ཛུ་ཞི་ནི་ཛ་ཛ། ཞེས་ཀྱང་གདབ། བྱ་ཁྱུང་གི་སྙིང་པོས་ཀྱང་གདབ་བོ། །དེ་ངོས་འཛིན་ན། བྱོལ་སོང་ལ་ནང་ཁྲོལ་སྨད་ལྔ་ལན་འོང་། དེ་གང་བྱུང་སར་བ་སྐྲུ་ལྡོག །མཁལ་མ་ལ་བྱུང་ན་རྐུབ་འཕྲིག་རྐང་པ་འཚབ། མཚེར་པ་ལ་བྱུང་ན་གུང་རུ་ཞག་་ཡངགསུམ་གྱི་སྟེང་གཡོན་དུ་འོང་། གློ་བ་ལ་བྱུང་ན་གཞུ་མཆོག་གི་སྣ་རུ་སྐྲུ་ལྡོག །མཆིན་པ་ལ་བྱུང་ན་ནི་གུང་རུ་ཐ་མ་ལའོ། །གློ་བ་ལ་བྱུང་ན་སྣ་སྒོ་གཡས་གཡོན་གྱི་སྟེང་དུའོ། །སྙིང་ལ་བྱུང་ན་མིག་རྩ་རྒོད། བྲང་གི་ཟེ་མ་གཡས་གཡོན་དང་བཞག་ཤ་འདར་སྐྲུ་ལྡོག་པས་སྔགས་དྲག་ཏུ་གདབ། མི་ལ་ངོས་མ་ཟིན་ན། དྲི་མ་གང་དུ་ལོག་བརྟག །གང་དུ་བཟློག་པར་གདབ། ལྷོག་པ་དཀར་པོ་རྐང་ལག་དང་། རྩེའུ་ཆུང་གཡས་གཡོན་ལ་འོང་། དང་པོ་ལུས་གྲང་ཤུམ་ཁྱེར་ནས་འོང་། སྙིང་མི་དགའ་བར་འོང་། དེ་གང་དུ་བྱུང་ཡང་སྣ་ལ་སྤྱི་གཙུག་སྙིང་ག །ལྟེ་བ་རྐང་མཐིལ་ལག་མཐིལ་རྩེའུ་ཆུང་གཡས་གཡོན་དེ་རྣམས་ལ་གདབ། དེ་ནས་གང་བྱུང་སར་མཐའ་མ་བསྐོར། །དེ་བཞི་ནས་ཟས་མི་ཞིམ་པ་དང་བཏུང་དུ་མ་འདོད་ན། བྲོས་པ་ཡིན་པས་གང་དུ་སོང་བ་ལྟའོ། །ངང་ལ་དྲི་མ་བསྣམས་དེས་མ་ཚོར་ན། མེ་ལོང་རྡུལ་ཆེ་བ་གསལ་པོ་ཕྱིས་ལ་བལྟའོ། །ནད་བྱུང་བའི་སྐོར་གྱིས་ཟན་དྲོན་མོ་འོ་མ་དང་བརྫིས་པས་ཕྱི། དེར་མེ་ལོང་གི་ནང་དུ་དམར་བྲེང་བ་ཡང་འོང་། དེར་གདུལ་དཀའ་བས་བརྩོན་འགྲུས་བསྐྱེད་མདོས་བྱ། སྔགས་དྲག་ཏུ་གདབ་བོ། །དཀར་པོ་བྱུང་ན་ཆུ་གཏོར་འདོན། རྡོ་རྗེ་རྣམ་འཇོམས་འདོན་ནོ། །སྔགས་གདབ་དམར་པོ་བྱུང་དུ་མི་རུང་ངོ་། །ངོ་གང་དུ་བྲོས་པའི་བ་སྐྲུ་ལྡོག །དེ་བརྟག་པ་ན་མ་བྱུང་བ་གཅིག་གིས་ཕྱིས་ལ་མཐུན་མི་མཐུན་པ་ལྟའོ། །སེར་བ་སྲུང་བར་འདོད་ན། སེང་ལྡེང་གི་ཕུར་བུ་སོར་བཞི་པ་ལ་སྙིང་པོ་ཤོ་ཆུང་ལ་བྲིས་པ་ལྔ་ལ་གང་དུ་ཁྲི་ཚོ་གཅིག་བཟླས་ལ། ཕྱོགས་བཞི་དབུས་དང་ལྔ་རུ་གཟུག །ཐོ་བརྩིག་ཡུང་དཀར་ལ་སྔགས་མང་པོ་བཟླས་ལ། ཕྱིང་ཁུག་ཆུང་དུ་ལྔ་རུ་བླུགས་ཐོག་གསེབ་ཏུ་གཞུག་གོ །དེའི་སྙིང་པོ་ནི། ཨོ་འབུར་འབུར་མ་ཧྭ་པདྨ་རྡེའུ་འབུར་རྩི་འབུར་ཕྱི་གེ་བི་མ་ན་སེ། ཨོ་ཧོ་ཤི་མོན་ཀྲོ་རྟ་ཧུ༷་ཧུ༷་ཕཊ་ཕཊ་སྲུ་ཧྭ། དེས་ནི་སེར་བ་ཟློག་པར་འགྱུར་རོ། ་་བཟློག་ན་རབས་ཆད་ཀྱི་ཐོད་པར་སྔགས་བྲིས་ལ་སེང་ལྡེང་གི་ཕུར་པ་ལ་བཏགས་ལ་ཐོད་པའི་ནང་དུ་བཅུག་ལ་སྔགས་བཟླས་ལ། ཤྭ་སྒོར་སྦས་ན་ཤྭ་བཟློག་པར་འགྱུར་རོ། ལིང་ཐོག་ལ་ནི་བྱ་ཕུག་རོན་གྱི་དིང་རུང་གཡས་པ་ལ་སྔགས་འདི་བཟླས་ནས་བཏགས་ན་གདོན་མི་ཟའོ། །བྲ་བྲ་ཐུ༷་པ་ཡེར་ཡེར་ཏོག་མར་བུན་ཁ་སོང་དམར་བྱུང་ཕུར་ན་ཡེར་ཡེར་གྲྭ་ཧྭ། རིམས་ནད་བསྲུང་ན་གང་དུ་བསྲུང་བར་འདོད་ན་མདོ་གདོན་ཚ་ཚ་དང་ཆུ་གཏོར་བཏང་། གླིང་བཞི་ཁ་ལྔའི་མདོས་བཏང་། གནོད་སྤྱིན་གྱི་སྔགས་བཟླས། དེ་ཡིས་རིམས་ནད་ཐུབ་པར་འགྱུར། །ཞེས་གསུངས་སོ། །མ་མོ་སྲིད་པའི་བེམ་ལས། འཇིག་རྟེན་ཕན་གདགས་པའི་ལེའུ་སྟེ་བཅུ་བདུན་པའོ།། །།དེ་ནས་མ་མོ་རྣམས་ནི་ལས་ལ་གྲུབ་པས། དེ་འདུལ་བའི་ཐབས་ནི་ཇི་ལྟར་བགྱི། ཞེས་དགོངས་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་འཇོམས་པའི་ལྷ། །འདི་ལ་ནན་ཏན་ཇི་ལྟར་བགྱི། །འཇིག་རྟེན་འཇོམས་མཛད་བཀའ་སྩོལ་ཅིག །ཅེས་གསོལ་ཏོ། །ཡང་བཀའ་སྩལ་པ། མ་མོ་ནག་མོ་བྱ་བ་ལ། །རྣམ་པ་གཉིས་སུ་ཤེས་པར་བྱ། །ཡེ་ཤེས་ཆ་ལས་སྐྱེས་པ་དང་། །འཇིགརྟེན་ལས་ལ་གྲུབ་པའོ། །ཡེ་ཤེས་ཆ་ལས་སྐྱེས་པ་ནི། །དབྱིངས་ཀྱི་ཡུམ་དྲུག་སྦས་ནས་བྱུང་། །རྟག་ན་རྟག་པའི་རྒྱལ་མོ་དྲུག །རིགས་ལྔ་ཀུན་བཟང་ཕྱག་མཚན་དང་། །དབུ་གསུམ་ཕྱག་དྲུག་རྔམ་པར་བྱུང་། །དབྱིངས་ཀྱི་ཡེ་ཤེས་མ་མོ་དང་། །ལས་ཀྱི་མ་མོའི་ཆ་འཛིན་པ། །དཀར་མོ་དབུ་གསུམ་དབྱིངས་ཀྱི་ཆ། །ཕྲ་མེན་རྒྱ་མཚོ་ལས་ཀྱི་ཆ། །ཕྲ་མེན་ཞེས་སུ་བྱ་བ་དེ། །བདུད་པོ་ཐོད་པའི་ཕྲེང་བ་དང་། །སྲིད་པའི་བདེ་འགྲོ་འཆོས་པ་ལས། །ཕྲ་མེན་རྒྱ་མཚོ་མཁའ་ལ་ཐོན། །དེས་ན་དབྱིངས་ཀྱི་མ་མོ་དང་། །བདུད་ཆོས་པས་ཡེ་ཤེས་ལས་སུ་བྱུང་། །ཕྲ་མེན་ཞེས་སུ་ཤེ་ལ་བྱ། །དཀར་མོ་ཞེས་སུ་བྱ་བ་ན། །གསང་བདག་ཕྱག་ན་རྡོ་རྗེ་ཡིས། །སྲིད་པའི་རྒྱལ་མོ་ཉིད་ལ་ཐུགས་ཡེ་ཤེས་ཀྱི་མདའ་གཅིག་འཕངས་པས། མོ་ལས་སྲས་གཅིག་བལྟམས་པ་ལས། སྐྱོན་གྱིས་མ་གོས་པའི་རྟགས་སུ་དབུ་གསུམ་སྐུ་ནི་དཀར་མོ་ལྡེམ་བག་ཏུ་བྱུང་ངོ་། །ཕྱག་ན་རྡོ་རྗེས་ཉི་ཟླ་གཉིས་ཐོད་དུ་བཅིངས་ནས། ཁྲོས་པའི་དབང་ཆེན་བཞི་ཁྱོད་ཀྱིས་ཐུལ་ཅིག་ཅེས་བསྒོས་སོ། །དེ་བཞིས་ཕུང་བྱེད་མ་བཞི་བཏུལ་ལོ། །དེས་ནི་དགྱེས་སྡེ་མོ་བཞི་བཏུལ་ལོ། །དེས་ན་མ་བདུན་མན་ཆད་ནི་ལས་ལ་གྲུབ་པ་སྟེ། འཇིག་རྟེན་ཕོ་མོའི་མཛའ་ན་ལས་བྱུང་བའི་མ་མོ་མང་པོའོ། །མ་མོ་བདུན་ཅུ་རྩ་བརྒྱད་སྤྲུལ་པའི་མ་མོའོ། །བྱ་བ་མོ་དང་བྱེད་པ་མོ་ནི་དབྱིངས་ཀྱི་མ་མོའོ། །གནམ་ས་གཉིས་ཀྱི་མ་མོ་དང་། ཚེའི་ལྷ་མོ་བཅུ་དྲུག་ཟོར་བདག་མོ་བཞི་ནི་ཉི་ཤུ་གཉིས་ཏེ་བདུད་མོའི་རིགས་སོ། །ལས་ལ་གྲུབ་པ་རྣམས་ནི། གོང་མ་རྣམས་ནི་རྗེ་བོ་ལྟ་བུར་བལྟའོ། །ཆོས་འདི་ལ་ནི་གཞན་མེད་དེ་གོང་མ་རྣམས་ཡོད་པར་བལྟའོ། །དེ་ཡིས་བསྒོ་བ་རྣམས་ཀྱང་ཉོན། དེ་བཞིན་དུ་རྗེ་བོ་ལྟར་བལྟ་བའི་རྣལ་འབྱོར་པས་ཀྱང་ཤེས་པར་བྱའོ། །སྤྲུལ་པའི་མ་མོ་དང་དབྱིངས་ཀྱི་མ་མོ་དང་། ལས་བྱེད་མ་མོ་དང་བདུད་མོའི་རིགས་སོ། །མ་མོ་བཞི་པོ་དེ་ནི་ཡེ་ཤེས་ཀྱི་ཆ་དང་ལས་ཀྱི་ཆ་ལས་བསྐྱེད་པ་སྟེ། མ་ནི་ཐབས་མཆོག་འདོད་མེད་མཁའ། །མོ་ནི་ཤེས་རབ་ཆགས་མེད་ཀློང་། །མ་ནི་ནམ་མཁའ་དབྱིངས་ཀྱི་མཁའ། །མོ་ནི་སེམས་ཀྱི་སེམས་ཉིད་ཀློང་། །མ་ནི་ཆོས་ཉིད་ཟབ་མོའི་ཀློང་། །མོ་ནི་རྣམ་ཤེས་ཧུ༷་དུ་འབར། །སེམས་ཉིད་ཐིག་ལེ་ཧུ༷་དུ་འདུས། །དེ་ལས་མ་མོ་ཐམས་ཅད་འདུས། །དེ་ལས་དབྱིངས་ཀྱི་མ་མོ་ནི། །སེམས་ཉིད་མཁའ་ལ་དབྱིངས་ཉིད་ཀློང་། །ཐམས་ཅད་སེམས་སུ་དག་པར་བལྟ། །བདུད་མོའི་རིགས་ཀྱིས་འདི་ལྟར་བལྟ། །གང་ཟག་རྣམས་ཀྱི་བདག་མེད་ཅིང་། །ཆོས་ལ་ཕྱོགས་གཅིག་ཡོད་པར་བལྟ། །སྤྲུལ་པའི་མ་མོ་རྣམས་ཀྱིས་ནི། །བདག་དང་བདག་གི་བྱེད་པ་པོ་རུ་བལྟ། ཐམས་ཅད་དེ་རྒྱུ་ངོ་བོར་བལྟའོ། །གཞན་ནི་ཡོད་པར་མི་རྟག་གོ །ལས་བྱེད་མ་མོ་རྣམས་ནི་འདི་ལྟར་བལྟ། །དང་པོར་བག་ཆགས་བརྟས་པའི་མཐུས། །དཔལ་ཆེན་སྐུ་རུ་གང་བསྒོམས་པས། །དེ་ཉིད་རྗེ་བོ་ལྟ་བུར་བལྟ། །ཆོས་ཡོད་བྱ་བ་ལྟ་བུར་བལྟ། །དེ་ནི་མ་མོ་ཁོག་ནོན་མདོར་བསྟན་ཡིན། །ཞེས་གསུངས་སོ། །མ་མོ་སྲིད་པའི་བེམ་ལས མ་མོའི་ལས་ཀྱི་རིམ་པ་སོ་སོར་བསྟན་པ་དང་ལྟ་བ་མདོར་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །མ་མོ་རིམ་གྱིས་ཇི་ལྟར་གང་ཞིག་གང་གིས་བ་། །ཇི་ལྟར་འདུལ་བར་བཤད་དུ་གསོལ། །ཅེས་གསོལ་ཏོ། །ཡང་བཀའ་སྩལ་པ་དང་། ཡེ་ཤེས་ཐིག་ལེ་ཆེན་པོ་དང་། །གསང་ཆེན་བདེ་བའི་ལམ་མཆོག་དང་། །མན་ངག་རྫོགས་པའི་ཀློང་ཆེན་ལས། །ཡང་གསང་མ་མོ་དྲུག་པོ་སྟེ། །འོད་ཆེན་ཁ་དོག་སྣ་ཚོགས་ཀྱིས། །སྲིད་པའི་རྒྱལ་མོ་ཆེན་མོ་ཡིས། །དབྱིངས་ཀྱི་ཡུམ་དྲུག་བསྐྱེད་པ་ལས། །རྟག་པའི་རྒྱལ་མོ་དྲུག་ཅུ་སྣང་། །དེ་ནས་སྲིད་པའི་བདེ་འགྲོ་གཙོ་མོ་ཡིས། །ཉི་ཟླ་ཐོད་ཕྲེང་གདན་དུ་བཏིང། །ཐིགལེཆེནཔོབརྒྱནབརྒྱད་པཡངཔ་ཡིས། །ཁྲོས་པའིདབངཆེནབཞིཔོདང། །བཅས་པ་བཞི་པོ་གདིང་བར་བྱ། །སྲིད་པའི་རྒྱལ་མོ་བསྐྱོད་པ་ཡིས། །སྦས་པའི་མ་མོ་བཞི་པོ་དང་། །ཐུགས་ཀྱི་བགྱེས་སྡེ་བཞི་པོ་ཡང་། །མངོན་སུམ་གདན་དུ་གདིང་བར་བྱ། །བདེ་ཆེན་གསང་བའི་དཀྱིལ་འཁོར་འདིར། །སྲིད་པའི་ཆགས་བྱེད་སྐྲུན་གཉིས་མནན། སྲིད་པ་རང་ལུགས་སྨུག་པོ་ཡིས། །ཨེ་ཀ་ཛུ་ཞི་སྐྲུན་དྲུག་མནན། །ཐབས་དང་ཤེས་རབ་རང་བཞིན་གྱིས། །ཆགས་པའི་དབང་བྱེད་དམར་མོ་ཡིས། །འདོད་ཁམས་དབང་ཆེན་སྤུན་གཉིས་མནན། །སྲིད་པ་སྤྱི་ཡི་མདོ་བསྡུས་ཀྱིས། །ནམ་མཁའི་རྒྱལ་མོ་སྐྲུན་གཉིས་མནན། །དབང་མོ་སྤྱི་ཡི་མདོག་གསལ་གྱིས། །སྲིན་མོ་བདུན་པོ་གདན་དུ་མནན། །གཡས་གཡོན་ཐབས་དང་ཤེས་རབ་ཀྱིས། །དམག་གི་རྒྱལ་མོ་བཞི་པོ་མནན། །སྲིད་པ་འཇིགས་བྱེད་ཕོ་མོ་ཡིས། །ཉི་ཤུ་རྩ་བརྒྱད་གན་རྐྱལ་མནན། །དེ་ལྟར་གདན་དུ་བཏིང་ནས་ཀྱང་། །སྙིང་འདྲེན་ཕྱག་རྒྱ་བཅིངས་ནས་ཀྱང་། །དྲག་པོ་སྔགས་ཀྱིས་བཅིང་བར་བྱ། །ཧུ༷་མུ་ཁ་ཧ་ལེ་ད་ཧ་ཤ་ཧ་ཤ་ཕཊ་ཀྲི་ཡ་ཤརྙེ་ནན། །སུརུ་པ་ཏ་ཀ་རག་སྲིང་འགྲོ་ནན། སུ་ཏི་ཤིན་དུན་ཏི་ནན། ཀེ་མ་ཏ་ཀེ་མ་ཏ་ནི་ལ་ཏ་ནན། །མ་མ་ཧུ༷་སྨྱོ་ནན། མ་མ་དུཛི༷་ནན། མ་མ་དུཛི༷་ཕཊ། མེ་ར་ག་ཏ་པི་ཐ་ཤ་ནན།ཞེས་བརྗོད་པས། གདན་གྱི་རྒྱུ་རྣམས་བསྒྱེལ་ནས། དེ་ནས་བདུད་རྩི་དམར་ཆེན་ཁ་རུ་བླུགས། ཨོ་བཛྲ་ཨམྲིཏཨདྷིལྒ ཙིསྟ་ནན། ཏ་ཊ་ཕཊ་ནན། ནན་ཏི་ནི་ནན། སྲོག་འཕྲོག་པ་ཡིན་ཏེ། བདག་གིས་སྙིང་ཁྲག་ཞལ་དུ་རྔུབས། །ལྕེ་ཡི་སྟེང་དུ་གསལ་བར་བཞག །ཧུ༷་ང་ནི་ཁྲག་འཐུང་ཀུན་གྱི་རྗེ། །ང་ནི་ཁྲག་འཐུང་ཀུན་གྱི་ཡབ། །ང་ནི་སྲིད་གསུམ་སྙིང་རྗེའི་བདག །ང་ནི་མ་མོ་ཀུན་གྱི་རྗེ། །ཐམས་ཅད་ཀྱི་ནི་སྙིང་ཁྲག་བདག །ཁྱོད་རྣམས་སྙིང་ཁྲག་ང་ལ་ཡོད། །ང་ཡི་ལས་རྣམས་ཁྱེད་ཀྱིས་སྒྲུབས། །ཙ་དུན་ཏྲི་མ་མོ་སྨྱོ། རུ་ལུ་རུ་ལུ་རག་མོ་སྨྱོ། ཡེ་ཤེས་རྩལ་འཕང་ཐིག་ལེ་ཡིས། །བསྒོམ་བྱ་མ་མོ་བཅུ་གསུམ་ལ། །དྲུག་ཅུ་རྩ་བརྒྱད་དཀྱིལ་འཁོར་རྫོགས། །བདག་ཉིད་བླ་ན་མེད་པ་ཡི། །ཏིང་ངེ་འཛིན་དུ་གསལ་བྱས་ལ། །སེམས་པ་དབང་པོ་ལས་བསྐྱེད་པའི། །མ་མོ་ཆེན་མོ་བཅུ་གསུམ་ལ། །མ་མོ་དྲུག་ཅུ་རྩ་བརྒྱད་སྲོག་གི་སྙིང་པོ་བསྡུས། །འཁོར་དུ་མ་མོ་གཞན་ཡང་བཞག །དེ་ནས་འབྱོར་ཚོགས་མཆོད་པ་བཤམ། །ཁྲོ་བའི་དཀྱིལ་འཁོར་རྣམས་ལ་མཆོད། །ཧུ༷་ཐིག་ལེའི་དབྱིངས་ལས་བསྐྱེད་པའི་ཁྲོ་རྒྱལ་ཡུམ། །གཉིས་མེད་ཧ་ཧ་བཞད་ཅིང་རྔམ་པ༷འི་ཧུ༷་སྒྲ་འབྱིན། །མཆེ་བ་དཀར་པོ་གཙིགས་ཤིང་སྙིང་འདྲེན་རྐན་སྒྲ་རྡེབ། །མ་མོའི་ཚོགས་རྣམས་འདུལ་མཛད་དཀྱིལ་འཁོར་མཆོག །མ་མོ་རྣམས་ཀྱི་ཕྱག་རྒྱ་བསྟན་པ་ནི། །རྡོ་རྗེ་ཁུ་ཚུར་བཅིངས་པ་ལས། །ཨཱོཾ་དང་གྲྭ་གཉིས་རྒྱབ་བསྣོལ་འཁྱུད། །འབྲུ་གསུམ་རྩེ་སྤྲད་སྐུ་གསུང་ཐུགས། །མ་མོ་རྡོ་རྗེ་ཁྲག་གི་རྒྱ། །རྡོ་རྗེ་ཁུ་ཚུར་དམ་དུ་བཅིངས། །ཧྭ་གཉིས་རྩེ་སྤྲད་གྱེན་དུ་བསྒྲེང་། །ཨོ་གཉིས་རྩེ་སྤྲད་ཐད་ཀར་བསྒྲེང་། །སྲུ་གཉིས་རྩེ་སྤྲད་ཐུགས་ཀར་བཀན། །འབྲུ་གསུམ་ཐུགས་ཀར་དམ་དུ་བསྣོལ། །གུ་ཡ་ཐུགས་ཀར་བཟུང་བ་ནི། མ་མོ་རྡོ་རྗེ་མེ་ཡི་རྒྱ། ཨོ་གཉིས་རྒྱབ་བསྣོལ་ལུ་གུ་རྒྱུད། འབྲུ་གསུམ་སོར་མོ་རྩེ་བསྣོལ་ཏེ། དྷི་གཉིས་དྲག་ཏུ་གཡབ་བར་ནི། མ་མོ་རྡོ་རྗེ་ཁྲག་གི་རྒྱ། རྡོ་རྗེ་ཐལ་མོ་བརྐྱང་པ་ལས། ཐབས་ཀྱི་ཨ་དང་ཧ༷་གཉིས་ལས། ཤེས་རབ་གྲྭ་ཡིས་མཚོན་པར་བྱ། ཤེས་རབ་ཨོ་དང་ཧ་གཉིས་ལ། ཐབས་ཀྱི་ཧུ༷་གིས་བསྟན་པར་བྱ། ཤེས་རབ་ཧུ༷་དང་ཨ་བརྐྱང་སྟེ། ཐབས་ཀྱི་ཨ་དང་སྭ་བཀན་ནས། སེམས་ཀྱི་དཀྱིལ་དུ་བརྐྱང་བཀན་པ། མ་མོ་ཡེ་ཤེས་མཁའ་འགྲོའི་རྒྱ། རྡོ་རྗེ་རིན་ཆེན་རྫོགས་པ་ཡི། ཕྱག་རྒྱ་བཞི་ཞེས་དཔའ་བོས་བཤད། མ་མོ་སྲིད་པའི་བེམ་ལས། ཕྱག་རྒྱ་བསྟན་པ་དང་ལྟ་བ་བསྟན་པ་དང་མ་མོ་འདུལ་བ་བསྟན་པའི་སྐབས་ཀྱི་ལེའུ་སྟེ་བཅུ་དགུ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། འཇིག་རྟེན་འཇོམས་མཛད་སྟོབས་ཀྱི་ལྷ། ཕྱག་རྒྱ་ཆེན་པོ་ཇི་ལྟར་ལགས། ཞེས་གསོལ་ཏོ། །ཡང་བཀའ་སྩལ་པ། ཐིག་ལེ་ཆེན་པོའི་ཕྱག་རྒྱ་ནི། །རྡོ་རྗེ་ཁུ་ཚུར་ཁ་སྤྲད་ནས། ཁྲེས་རབ་མཆོག་གི་ཕྱོགས་ནས་སུ། །ཨོ་ཨུ་ཧུ༷་གསུམ་རྩེ་སྤྲད་དེ། །སྐུ་གསུང་ཐུགས་ཀྱི་རྡོ་རྗེའི་རྒྱ། །ཐབས་ཀྱི་ཧུ༷་དང་སྒོ་གསུམ་རྒྱ། །རང་རྟགས་ཡེ་ཤེས་ཕྱག་རྒྱ་ཡིན། །ཤེས་རབ་གྲྭ་ཡིས་སྐུ་གསུམ་འཁྲིལ། །ཐིག་ལེ་བྱང་ཆུབ་སེམས་ཀྱི་རྒྱ། །ཤེས་རབ་ཧུ༷་གི་རྩེ་མོ་སྲ །ཐབས་ཀྱི་གྲྭ་ཡིས་སྦྱར་མནན་པས། །ཐབས་དང་ཤེས་རབ་ཕྱག་རྒྱ་ཡིན། །ཐིག་ལེ་ཆེན་པོའི་ཕྱག་རྒྱ་བཅིངས་ནས་སུ། །མ་ཧྭ་སུ་ཁར་བསྡམས་གྱུར་ན། །བླ་ན་མེད་པར་གསལ་འགྱུར་བས། །དུས་གསུམ་ཉེས་དམིགས་སེལ་བར་བྱེད། །དུས་གསུམ་མགོན་པོས་དེ་སྐད་བཤད། །དཀྱིལ་འཁོར་བསྒོམ་དང་སྐུ་མདོག་དང་། ཕྱག་མཚན་བསྟན་པ་དང་། སྐྱེ་ཤི་རྩ་བ་གཅོད་ཅིང་བདེ་ཀློང་དབྱིངས་སུ་སྡུད། ཀུན་ཀྱང་སྐུ་མདོག་ཁྲོ་མོར་བཞུགས་ཤིང་དབང་ཆེན་དཀྱིལ་འཁོར་རྫོགས། །ཕྱག་ནས་སྤྲུལ་པ་འགྱེད་ཅིང་དུག་གསུམ་དབྱིངས་སུ་སྦྱོར། །མ་མོ་འཁོར་དུ་འདུས་ཤིང་བྷ་གའི་མངའ་མཛད་མ། དྲུག་ཅུ་རྩ་བརྒྱད་དུ་ནི་མཁྱེན་པར་མཛད། རྒྱུ་ལས་བསྐྱེད་པའི་བདུད་རྩི་ཆེན་པོ་འདི། རྣམ་རྟོག་གཞོལ་ཕྱིར་སྐུ་ལ་ཐིམ་པར་མཛོད། ཧུ༷་ཧ་ཧེ་མ་མ་སྨྱོ་རུ་ལུ་སྨྱོ། ཨ་ལ་ལ་ཧོ། དབྱིངས་ཀྱི་ཡུམ་དྲུག་བསྐྱེད་ནས་སུ། །དཀྱིལ་འཁོར་དྲུག་པོ་སྤྱན་དྲངས་སོ། །ཧུ༷་མ་མོ་ཆེན་མོའི་དཀྱིལ་འཁོར་ནས། །ཀུན་འབྱུང་དཀྱིལ་འཁོར་མངའ་བདག་མོ། །བཞི་ཟུར་ཞབས་བརྒྱད་ཞལ་ལྔར་འབར། །མཁའ་ལ་བདེ་ཀློང་དབྱིངས་ན་གསལ། །མཁའ་འགྲོ་སྲོག་གི་མངའ་མཛད་མ། །དཀྱིལ་འཁོར་གཙོ་མོརགཤེགསསུགསོལ། །ཧུ༷ མམོཆེན མོརྒྱུདབདག་མོ། །སྣ་ཚོགས་འགྱུར་བའི་སྐུ་མདོག་ལ། །ཞལ་གསུམ་ཤར་གྱི་མཁའ་འགྲོ་མ། །ཧྭ༷ མམོཆེན མོདབུགསཀྱི་བདག །སྣ ཚོགསའགྱུརབའི་སྐུ་མདོག་ལ། །ཞལ་གསུམ་ནམ་མཁའི་མཁའ་འགྲོ་མ། །ཡང་སྦས་དྲུག་གི་དཀྱིལ་འཁོར་ནས། །ཐུགས་དམ་ཆེན་པོ་དགྱེས་དགོངས་ལ། །བཅོལ་བའི་ལས་རྣམས་འགྲུབ་པར་མཛོད། །རྣལ་འབྱོར་མ་བཅུ་བཞི་བསྐུལ། དང་པོར་མ་མོ་བསྐུལ་བའི་ཐབས་དང་། དབང་དུ་སྡུད་པ་དང་གསང་བའི་གནས་བསྟན་པ་ནི་སྔོན་དུ་བཤད་ཟིན་ཏོ། །མ་མོ་སྲིད་པའི་བེམ་ལས། ཐིག་ལེ་ཕྱག་རྒྱ་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་འབྲུ་ལྔའི་དོན་ལག་གི་འདུ་བྱེད་བསྒོམ་པ་ནི། གཡས་གཡོན་ཐབས་དང་ཤེས་རབ་ལས། །རྡོ་རྗེ་གར་དུ་བསྐོར་བ་ནི། ཁྲེས་རབ་མཆོག་གི་སྙིང་གར་བསྟན། །སྦོམ་པོ་དབང་མོ་རྩེ་སྤྲད་དེ། །ཐབས་ཀྱི་ཕྱོགས་མཚམས་བསྐོར་བ་ནི། །མ་མོ་ཚོགས་ཀྱི་རྒྱལ་མོའི་རྒྱ། །རྡོ་རྗེ་སྡེར་མོ་དམ་བསྣོལ་ཏེ། ཨོ་བསྒྲེས་རྩེ་མོ་རྒྱ་བཅིངས་པས། །མ་མོ་རྡོ་རྗེ་རུས་པའི་རྒྱ། །རྡོ་རྗེ་ཁུ་ཚུར་བཅིང་པ་ལས། །ཧུ༷་དང་ཧ་གཉིས་རྩེ་བསྡུས་ནས། འབྲུ་གསུམ་བརྒྱུད་ནས་གཤོག་པའི་ཚུལ། ན་ར་ཧ་ཟེར་བཟུང་བ་ནི། ཕྱག་རྒྱ་གྲུབ་པར་བསྟན་པ་ཡིན། མ་མོ་སྲིད་པའི་ཐེམ་ལས། རིན་པོ་ཆེ་གཏེར་གྱི་ལེའུ་སྟེ་ཉེར་གཅིག་པའོ།། །།གཡུང་དྲུང་ལྷ་ཡིས་ཡང་གསོལ་པ། འཇིག་རྟེན་འཇོམས་པ་སྟོབས་ཀྱི་ལྷ། འཇིག་རྟེན་འདི་ལྷར་དབང་བྱེད་པ། །རིམ་པ་གང་ཞིག་གང་གསལ་བ། །ཡང་དག་དཔའ་བོས་བཀའ་སྩོལ་ཅིག །བཀའ་སྩལ་པ། འཇིག་རྟེན་འདི་ལྟར་དབང་བྱེད་པ། སྲིད་པའི་མཁའ་ལས་བསྐྱེད་པའི་དབྱིངས་ཀྱི་ཡུམ་དྲུག་དང་། སྲི་པའི་བདེ་འགྲོ་ལ་སོགས་དབྱུང་བ་ལྔ་ལས་བསྐྱེད་པའི་བུ་མོ་སྤུན་དྲུག་དང་། འབྱུང་བ་ལྔའི་ཆགས་འཛིན་སྐྲུན་གཉིས་དང་། དུས་བཞི་རྫོགས་པའི་གཙོ་མོ་ཡུམ་གྱི་མཁའ་ལ་གནས། དུས་བཞི་དབང་བྱེད་མ་ནི་བུ་མོ་སྤུན་དྲུག་དང་། ཉི་ཟླ་ཐོད་ཕྲེང་ངོ་། ཆ་སྙོམས་མ་ནི་ཁྲིས་པའི་དབང་མོ་ཆེ་བཞི་དང་། དགྱེས་སྡེ་བཞིའོ། དུས་ཀྱི་ཉུལ་ལེ་མ་བཞི་ནི་སྲིང་མོ་བཞིའོ། མ་མོ་རང་རང་གི་བཀོད་ཐབས་ནི། ཡུལ་ཆེན་མོའི་མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་མ་མོ་གསུམ་དང་། ཡིད་ལ་བསྒོམ་ལེགས་མ་དང་བདུན་འཁོལ་ལོ། མ་མོ་བདུན་ནི་རྣལ་འབྱོར་གྱི་དྲོད་ཉུལ་བས་ནམ་གྱི་གུང་ལ་རྒྱུའོ། ཡུམ་ཆེན་མོས་ཉིན་མཚན་ཕྱེད་མར་ཉུལ་ཞིང་གཟིགས་ཏེ། ཕྱོགས་བཞི་མཚམས་བརྒྱད་ལ་མངའ་མཛད་དོ། དེ་ནས་ཁྲོས་པའི་དབང་མོ་ཆེ་བཞི་ཡུམ་ཆེན་མོས་གཙོ་བྱས། རྟག་པའི་རྒྱལ་མོ་ལ་སོགས་ཏེ། མ་མོར་གྲགས་པ་དང་སྲིད་པ་ཀུན་ལ་དབང་མཛད། རྒྱལ་མོ་ཆེན་མོའི་ལྷོ་ནས་སྲིངད་པ་ཐམས་ཅད་འཆར། བཅུ་བཞི་ཞེས་བགྱི་བ་རྗེ་དང་འབངས་ལྔ་བཅུ་རྩ་དྲུག་ཡོད། དེ་ལ་ནི་ནང་བློན་དང་གུང་བློན་དང་ཁ་བློན་དང་བར་མཚམས་བློན་མོ་ཞེས་ཀྱང་བྱའོ། ཉི་མ་དགུ་བརྒྱ་རྩ་གཅིག །ཟླ་བ་དགུ་བརྒྱ་རྩ་གཉིས་ཀྱིས། རི་རབ་ཀྱི་ཕྱི་རོལ་ན་ཡོད་པའི་སྣང་སྲིད་ཐམས་ཅད་ཚིག་ནས་ཅི་ཡང་མི་སྲིད་པ་ལས། རི་རབ་ཀྱི་རིང་ཐུང་ནས་ཡང་དཔག་བསམ་གྱི་ཤིང་ཡོངས་འདུ་ས་བརྟོལ་བྱ་བ་ནི། ཤིང་གི་རྩེ་མོ་རི་རབ་ཀྱི་བུམ་པའི་ནང་ན། ཡུམ་ཆེན་མོ་སྲིད་པའི་རྒྱལ་མོ་དེ། སྐུ་མདོག་མཐིང་ནག་འབར་བ་ལས། དབུ་དང་ཕྱག་གཅིག་ཡང་སྟོན་པ་རིན་པོ་ཆེ་སྣ་ཚོགས་ཀྱི་རལ་པ་ཅན། སྤྱན་གཉིས་གཡས་ནས་ཁྲག་གི་མཆི་མ་འཛག་གཡོན་ནས་རིན་པོ་ཆེ་སྣ་ཚོགས་ཀྱི་མཆི་མ་འཛག་པ། ཡང་ན་བདུད་རྩིའི་མཆིས་མ་ཞལ་ནས་འབྲས་བུ་རྣམ་པ་ལྔའི་བཅུད་འཛག་པ། སྦས་པའི་ཕྱག་གཉིས་ན །གཡས་སྲིད་པ་ཐམས་ཅད་ཀྱི་སྙིང་བཟུང་ནས་རི་རབ་ལ་འཇུས་པ། གཡོན་ན་རྡོ་རྗེ་དང་བྷརྙ་གཟུང་ནས་རི་རབ་ལ་འཇུས་པ། སྦས་པའི་ཞབས་གཉིས་ཀྱིས་ནི། གཡས་པས་འཇིག་རྟེན་ན་དབང་ཆེ་བ་རྣམས་ཀྱི་སྙིང་རྩེ་བརྫིས་པ། གཡོན་པས་འཇིག་རྟེན་ན་དབང་ཆེ་བ་ཐམས་ཅད་ཀྱི་སྙིང་རྩ་མནན་པ། གསང་བའི་མཁའ་གེ་སར་གྱི་དབུས་ནས་སྣང་སྲིད་ཐམས་ཅད་འཕེལ་འགྲིབ་མཛད་པས། ཡེ་ཤེས་རང་རིག་ལས་མ་གཏོགས་པ་ཀུན་ཀྱང་མཁའ་སྟེང་དུ་སྡུད་པ། སྤྱི་བོའི་གཙུག་ནས་ཁྲག་གི་རལ་པ་གཅིག་གིས་སྲིད་པའི་མ་མོ་ཐམས་ཅད་དབང་དུ་སྡུད་པའོ། །དེ་ཉིད་ཀྱང་བཛྲ་ཧེ་རུ་ཀས་སྤྱི་གཙུག་ཏུ་ནུབ་པར་བྱིན་གྱིས་བརླབས་པའོ། །དེ་ནི་རི་རབ་ཀྱི་རྩེ་བུམ་པའི་ནང་ན་བཞུགས་པའོ། །དེའི་མདུན་རྒྱབ་ན་སྲིད་པ་ཆགས་བྱེད་མ་དང་ཆ་སྙོམས་མ་གཉིས་གནས་སོ། །ཡུམ་ཆེན་མོའི་ཁོལ་མོ་སྲིད་པ་ཞིག་འཛིན་མ་དང་། སྲིད་པའི་བྱན་བྱེད་གཉིས་ཤིང་གི་རྩ་བ་ན་གནས་ཏེ། རི་རབ་ཀྱི་ཕྱི་རོལ་ན་སྣང་ཞིང་སྲིད་པ་སྐྱེ་འགྲོ་ཐམས་ཅད་གཅིག་ཀྱང་མི་སྣང་བ་ལས། ཡུམ་ཆེན་མོའི་སྐུའི་སྤྲུལ་པ་སྲིད་པའི་བདེ་འགྲོ་མས་སྣང་སྲིད་བསྡུ་བའི་ཕྱིར། འབྱུང་བ་ལྔའི་དྲོད་ལས་སྤྲུལ་པའི་བུ་མོ་དཀར་མོ་ལ་གཡུའི་རལ་པ་ཅན། དབྲལ་བའི་དབྱེས་ན་མིག་ཟུར་གསུམ་པ་ཡོད་པ་གཅིག །ལྕགས་དང་ཟངས་ཀྱི་མཁར་ནག་ལ། སྙིང་བརྒྱུད་པའི་ཕྲེང་ཞགས་ཅན་གཅིག་སྐྱེས་པ་དེས། ཉི་ཟླ་སྟོང་ཐོད་དུ་བཅིངས་ནས་ཉི་ཟླ་ཟུང་གཅིག་བཏང་བས། གདོང་སྲིད་པ་ཆ་སྙོམས་མོ། །དེ་ནི་ནང་པར་ཉི་མའི་ཟེར་ལ་ཞོན་ནས་མ་མོ་ལྔ་བཅུ་རྩ་དྲུག་དང་བཅས་ནས། དགྲ་སྲོག་ཆམ་ལ་འབེབས་པས། དེའི་དུས་སུ་གཏོར་མ་གཏང་ངོ་། དེ་ནས་ཉི་ཟླ་སྟོང་གི་ཐོད་ཕྲེང་མ་མོ་ཉིད་གསང་གནས། རེ་རབ་ཀྱི་རྨང་དུ་སྦས་པས།ཀྭ་ལ་ཡསྒ་བྱའི་གདོང་པ་ཅན་གྱིས་ཚོར་ནས། བྱི་བའི་ལོར་ཡིད་ཀྱིས་སྦྱོར་བ་གཅིག་བྱས་པས། གླང་གི་ལོ་ལ་བུ་མོ་སྐྲུན་བཞི་སྐྱེས་པ་དང་། ཁོལ་མོ་སྲིད་པ་ཆ་སྙོམས་མས་ལྟེ་བ་བཅད་པ་དང་། བུ་མོ་དེ་བཞི་ལ་སོ་སོར་མིང་བཏགས་ཏེ། དབྱིངས་ཕྱུག་མ་དང་། རྒྱན་གྱི་རྒྱལ་མོ་དང་། བདག་ཉིད་མ་དང་། གཅིག་པུ་མ་དང་བཞིར་བཏགས་སོ། །དེ་བཞིས་སྲིད་པ་ཕུང་བ་གཅིག་བྱས་ཏེ་བསྐལ་པ་ཕྲ་མོ་གཅིག་ཏུ་དབང་བྱས་སོ། །དེ་ནས་ཉི་ཟླ་ཉིད་ཡེ་ཤེས་པ་སྤྲུལ་པ་དང་། སྲིད་པ་བདེ་འགྲོ་མ་དང་གཉིས་ཀྱིས་སྤྲུལ་པ་བཀྱེ་ནས། ཕུང་བྱེད་དེ་བཞི་ས་མ་སྲོས་ཉི་མ་མ་རྒས་བར་དུ་དགྲ་བོའི་མངལ་ཐམས་ཅད་དབང་དུ་བསྡུས་སོ། །ཧུ༷་ལས་སྤྲུལ་པའི་མ་མོ་བཞི། དེའི་དུས་སུ་གཏོར་མ་གཏང་ངོ་། །དེའི་མ་སྲིད་པ་ཆགས་བྱེད་མས་བྱས་སོ། །མིང་པོ་དང་བྱི་པོས་མིང་བཏགས་པ་ནི་རྡོ་རྗེ་ཉི་མ་ཁྲོས་པའི་དབང་མོ་ཚེ་དང་། རྡོ་རྗེ་པདྨ་ཁྲག་འཐུང་ཁྲོས་པའི་དབང་མོ་ཆེ་དང་། རྡོ་རྗེ་སྲིད་པ་ཁྲོས་པའི་དབང་མོ་ཆེ་དང་། རྡོ་རྗེ་ཁམས་གསུམ་ཚོགས་པའི་དབང་མོ་ཆེར་མིང་བཏགས་སོ། །བུ་མོ་དེ་བཞིས་མིང་གི་དབང་ཐོབ་ནས་མ་བཞིས་དབང་དུ་བསྡུས་སོ། །སྤྲུལ་པའི་བུ་མོ་དེ་བཞི་དང་། རིགས་ཀྱི་འབྱུང་བ་དེ་བཞིས་ཤིང་གི་ཡལ་ག་ལ་འབྲུག་གི་ལོ་ལ་རྩེ་ཞིང་མཛའ་བ་དང་། མུ་སྟེགས་ཀྭ་ལས་ཚོར་ནས་དམན་མོ་བོར་བ། མཛའ་ན་རྒྱུག་པ་ཁྱེད་ཅག་རྣམས་ནལ་བུའི་ལྟོ་རུ་ཞུགས་པས་ངོ་ཚ་བའི་བུ་སྐྱེ་བར་ཤོག །ཅེས་དམོས་པ་དང་དམོད་མོ་སྡིགས་ཏེ་སྦྲུལ་གྱི་ལོ་ལ་བུ་མོ་སྐྲུན་བཞི་སྐྱེས་ཏེ། ཡང་སྲིད་པ་ཆགས་བྱེད་མས་ལྟེ་བ་བཅད་དོ། །དེ་ནས་མ་བཞི་ངོ་ཚ་ནས། །རི་རབ་ཀྱི་གྲྭ་བཞིར་སྦས་པ་རྟའི་ལོ་ལ་བལྟ་ཡིས་མི་བྲ་བའི་བུད་མེད་རྫུ་འཕྲུལ་ཆེ་ཞིང་མཚན་དང་ལྡན་པ་བཞིར་དཔལ་ཆེན་པོས་གཟིགས་ནས་ཐུགས་ཀྱི་དགྱེས་སྡེ་གསང་བའི་བྱི་མོར་བཟུང་ངོ་། །དཀར་མོ་མིག་གཅིག་རྒྱས་འདེབས་མ་དང་།ནག་མོ་རལ་ཅནརྨོངས་བྱེད་མ་དང་། དམར་མོ་དབང་སྒྱུར་ཟ་བྱེདམ་དང་། སེརམོ་ལས་མཁན་ཚེ་འཕེལམ་དང་བཞིར་མིང་བཏགས་སོ། །དེ་བཞི་ནི་ས་སྲོས་ནས་ཉི་མ་ཤར་གྱིབར་དུ་རྒྱུ་སྟེ་ཐུན་བཞི་རུ་རྒྱུའོ། །ནགམོ་རལ་ཅན་ནམ་གྱི་གུང་ལ་དགུ་ཚིགས་ཞོན་ནས་རྒྱུ་བས་དེ་ལ་གཏོར་མ་བཏང་། དམར་མོ་དབང་བྱེད་སྲོད་ལ་གནོད་སྤྱིན་བུ་འཕྲོག་ལ་ཞོན་ནས་རྒྱུ་བསདེ་ལ་གཏོར་མ་བཏང་། སེར་མོ་ལས་མཁན་བདུད་མི་ཀུན་ལ་ཞོན་ནས་ནམགྱི་ཆསྨད་ལ་རྒྱུབས་དེ་ལ་གཏོར་མ་བཏང་། དཀརམོ་མིག་གཅིག་སྐྱ་རེངས་ཀྱིཟེར་ལ་ཞོན་ནས་རྒྱུ་བས་དེ་ལ་གཏོར་མ་བཏང་། དེ་རྣམསཀྱིཁོལ་མོ་སྲིད་པ་ཆགས་བྱེད་མ་དང་སྲིད་པ་གཞི་འཛིན་གཉིས། ཁྱི་ལོདཔྱིད་ཟླ་ར་བའི་ངོ་ལ་ཁྱོ་ཤུག་ཏུ་འདུས་པ་དང་། ཕག་གི་དཔྱིད་ཟླར་བའི་ཟླ་བ་ཉ་ལ་བུ་ཁྱེའུ་གཅིག་སྐྱེས་པ་དང་། ཇོ་མོ་ཉི་མའི་ཐོད་ཕྲེངཅན་གྱིས་སྐོས་རྗེ་དྲངདཀར་དུ་མིང་བཏགས་ཏེསྐོསབདག་ཏུ་དབང་བསྐུརརོ། །དེ་ནས་སྐོས་རྗེ་དྲང་དཀར་དང་སྲིད་པ་ཆ་སྙོམས་གཉིས་ཁྱོ་ཤུག་ཏུ་འདུས་ཏེ་སྲིད་པའི་སྐོས་བཏབབོ། །དེ་གཉིས་ལས་བུ་མོ་སྐྲུན་དྲུག་སྐྱེས་ཏེ་ཨེ་ཀ་ཛུ་ཞི་སྨན་དྲུག་ཡིན་ནོ། །ཁོ་རང་ཡང་བདུད། ཨེ་ཀཛུ་གི་ཡང་བདུད་མོ་ལས་བུ་མོར་མ་བྱས། །མིང་སྲིང་དུ་བྱས་ཏེ། ཇོ་མོ་ཉི་མའི་ཐོད་ཕྲེང་གིས་བསྟན་པ་བསྲུང་དུ་བཅུག་སྟེ་སྔགས་སྲུང་ལྕམ་དྲལ་དུ་མིང་བཏགས་སོ། །དེ་ནས་ཡང་རྟའི་ལོ་ལ་བྱི་བྱས་པས་ལུག་གི་ལོ་ལ་བུ་མོ་སྐྲུན་དྲུག་སྐྱེས་ཏེ། བཞི་ནི་ཁྲོས་པའི་དབང་མོ་ཆེ་བཞིའོ། །སྐོས་བདག་དྲུག་གིས་ཆུང་མར་བླངས་སོ། །ཤར་གྱི་སྐོས་བདག་གཅིག་ནི་བར་སྣང་གི་མ་མོ་དང་འདུས་སོ། །སྲིད་པ་གྲུ་འདེགས་མར་མིང་བཏགས་སོ། །གཅིག་ནི་ཨེ་ཀ་ཙ་ར་མར་མིང་བཏགས་སོ། །ཐུགས་ཀྱི་དགྱེས་སྡེ་མོ་བཞིའི་ཁོལ་མོར་ཡང་ཐོབ་བོ། །ཡང་ལུག་གི་ལོ་ཚེས་བརྒྱད་ཀྱི་ནུབ་མོ་བྱི་བྱས་པས། །སྤྲེའུ་ལོ་ཁྱི་ཟླ་བའི་ཚེས་བཅུ་གསུམ་དཔྱིད་ཟླ་ར་བ་བདུད་ཀྱི་ཉི་མ་ལ་བཙས་པས་ཅི་བྱེད་ཅི་རུ་མ་བཏུབ་བོ། །དགྱེས་སྡེའི་ཁོལ་མོ་བཞིའི་མིང་ནི། དཀར་མོ་ཆེན་མོ་མཆེ་བ་ཅན་དང་། སེར་མོ་རྐང་ལྡག་མ་དང་། ནག་མོ་ཁ་གླལ་མ་དང་། །དམར་མོ་མཆུ་འཇིབ་མ་དང་བཞིའོ། །དེ་བཞིའི་རིང་ལ་ནི། ཕ་སྐོས་རྗེ་དྲང་དཀར་གནོད་སྤྱིན་གྱིས་ལྕགས་ཐག་ལ་བརྒྱུས། མ་ཡུགས་ཀྱི་གསོན་མོར་ལས་ནས་དེར་སྐྱེ་བའི་རྒྱུད་ཆད། གནོད་སྤྱིན་གྱིས་ཁོའི་མགོ་ཡང་བསྒྱུར་ནས་སེང་གེའི་མགོ་བྱིན་པས་ལུས་ནག་པོར་བསྒྱུར་ནས་བསྟན་པ་སྲུང་དུ་བཅུག །འཁོར་དུ་འགོང་པོ་སྤུན་བདུན་བཏང་ངོ་། །དེ་ན་ལུག་དང་སྤྲེའུ་གཉིས་གཉེན་བྱ་རུ་མི་རུང་ངོ། །ལུག་དང་སྤྲེའུ་གཉེན་བྱས་ན་རབས་ཆད་ཀྱི་ལོ་བྱ་བ་ཡིན་ནོ། །ཕག་དང་བྱི་བ་གཉེན་བྱས་ན་ཕོའི་ས་རུ་རབས་ཆད་ཀྱི་རོ་དུར་འདེབས། གླང་དང་འབྲུག་གཉིས་གཉེན་བྱ་མི་རུང་ངོ་། །ཁ་སྨྲས་དང་སྒོ་ཁྱི་ཡང་མི་ཆགས། བར་དུ་ལྷ་མི་ཆགས་ཏེ། རི་བསྙིལ་ས་ལྟུང་གི་ལོ་བྱ་བ་ཡིན། སྟག་དང་སྦྲུལ་གཉེན་མི་བྱ། ཁང་རྡིབས་དགྲ་ཁང་ཁྱིམ་ལ་ཞུགས་པའི་ལོ་ཡིན། སྟག་དང་ཕག་གཉེན་མི་བྱ། སྲོག་ཤི་ལུས་གཏོར་གྱི་ལོ་བྱ་བ་ཡིན། བྱ་དང་སྐྲུལ་དུ་འདུས་ལ་ཁ་ཡན་གྱི་ལོ་བྱ་བ་ཡིན་ཏེ་བྱ་ཡུག་ས་བྱེད་པ་བྱ་བ་ཡིན། བྱ་དང་སྤྲེའུ་གཉེན་བྱས་ན། ཕོ་གཡས་སྟོངས། མོ་གཡོན་སྟོངས་བྱ་བ་ཡིན། །ཁྱི་དང་ཡོས་བུ་གཉེན་བྱས་ནས་རམ་ཤིང་ཆད་ཀྱི་ལོ་བྱ་བ་ཡིན་ཏེ།སྟག་དང་ལུག་ཏུ་བྱས་ནས་ཤི་ཤིང་ཟད་བྱ་བ་ཡིན། དེ་ནི་རང་ཁ་ཟུག་བྱ་བ་ཡིན་ནོ། །མ་མོ་སྲིད་པའི་བེམ་ལས། །སྐྱེ་རྒྱུད་མ་སྲིང་གི་ལོའི་མཚན་ཉིད་མདོ་ཙམ་བསྟན་པའི་ལེའུ་སྟེ་ཉེར་གཉིས་པའོ།། །།དེ་ནས་ཡང་ལྷ་གཡུང་དྲུང་གིས་འདི་སྐད་ཅེས་གསོལ་ཏོ། །ལྷ་ཆེན་པོ་བདུན་གྱི་ཆུང་མ་སྲིན་མོ་ཆེན་མོ་བདུན་འཇིག་རྟེན་དུ་རབ་ཏུ་གནོད་པ་ལས། ཡུམ་ཆེན་མོའི་ཐུགས་ཀྱི་སྤྲུལ་པ་དབྱིངས་ཀྱི་ཡུམ་དྲུག་གི་སྤྲུལ་པ་ནང་བློན་དྲུག །གསང་བ་བསྡུས་པའི་མ་མོ་དེ་ལྟར་བཏུལ་ནས་ནང་གི་བློན་མོར་བྱས་སོ། །གསང་བ་བསྡུས་པས་ནི་ཉི་ཟླ་འོད་ཕྲེང་ཅན་ནོ། །དེ་ནས་རྒྱན་གྱི་རྒྱལ་མོ་དང་ཡ་བདུད་རྒྱལ་མོ་གཉིས་བྱི་བའི་ལོ་ནལ་བྱས་པ་ལསཕག་གི་ལོ་བུ་བཙས་པ་ལས ལོ་ཡང་ནུར་བ་ལས། ཡར་ལ་ཤོད་ཀྱི་སྐྱེས་ཏོ་རེ་དང་། འདོད་ཁམས་ལྷའི་གཙོ་མོ་གཉིས་མཚེ་མར་སྐྱེས་པ་ལས། དེ་ནས་ཡར་ལ་ཤོད་ཀྱི་སྐྱེས་ཏོ་རེ་ཞེས་པ་དང་། བདག་ཉིད་མ་གཉིས་༄༅། ཁྲེང་ནལ་བྱིས་ལའི་རྩེ་མོར་ལུག་གི་ལོ་ལ་མཛའ་ན་བརྒྱུགས་པས། བདག་ཉིད་མའི་རྟིང་པ་ལ་ཁྲག་ཙ་རེ་འདུག་པ་མཐོང་སྟེ། སྒྱུག་བྲོ་ནས་མཆིལ་མ་གཅིག་ཁྲག་ལ་བོར་བས། ཁྲག་དང་མཆིལ་མ་འདྲེས་པའི་བུ་མིང་སྲིང་གཉིས་སྐྱེས་པས་སྤྲེའུའི་ལོ་ལ་གནམ་ཁྱི་དཀར་པོ་སྐྱེས་སོ། །སྲིད་མོ་ས་བདག་པདྨའི་ཕྲེང་ཡིན་ཏེ། །མ་སྒྱུགས། ཕ་རི་མ་ལ་ཡར་བྲོས་པས། བུ་མིང་སྲིང་ནི་དམ་སྲི་དང་རྒྱལ་པོར་གྱུར་ཏོ། །ཡར་ལ་ཤོད་ཀྱི་སྐྱེས་ཏོ་རེ་སྙིང་ན་གནས་ལོང་ན་བ་ལུག་དང་སྤྲེའུའི་ལོ་བྱི་བྱས་པས། ལུག་གི་ལོ་ལ་མིང་པོ་ཤེལ་གིང་དཀར་པོ་སྐྱེས་སོ། །སྲིང་མོ་ནི་པདྨ་གར་གྱི་དབྱིངས་ཕྱུག་མ། དེ་ནས་ཤེལ་གིང་དང་པདྨ་གར་གྱི་དབང་ཕྱུག་མ་གཉིས་མིང་སྲིང་ནལ་བྱས་པས། བུ་འགོང་པོ་སྐྲུན་དགུ་སྐྱེས་སོ། །དེས་ན་མི་རུང་བ་ཡིན་ནོ། །དེ་ནས་ཨེ་ཀ་ཛུ་ཞིའི་མིང་ནི་མ་མོ་ཡོངས་ཀྱི་ཚོགས་བདག་མོ་ཞེས་བྱའོ། །གྲུ་འདེགས་མ་བཞི་ནི་ཧར་ཏིང་དཀར་མོ་དང་། དུན་ཏིང་ནག་མོ་དང་། ཤསྟི་དམར་མོ་དང་། གྲུབ་ཏིང་སེར་མོ་དང་བཞི་ནི་ཉི་མ་ཕྱེད་ན་རྒྱུ་སྟེ། དེའི་དུས་སུ་གཏོར་མ་གཏང་ངོ་། །སྤྱིར་མ་མོའི་དཀྱིལ་འཁོར་བརྒྱད་ཡོད་དེ། ཡུམ་ཆེན་མོའི་དཀྱིལ་འཁོར་ནི་སྣང་སྲིད་རྫོགས་ལྡན་མཆོག་གི་དཀྱིལ་འཁོར་ཞེས་བྱའོ། །དཀར་མོ་མིག་གཅིག་མ་ནི་ཉི་ཟླ་འོད་ལྡན་གྱི་དཀྱིལ་འཁོར་ཞེས་བྱའོ། །ཁྲོས་པའི་དབང་ཆེན་བཞི་ནི་སྙིང་རྗེ་བྱམས་ལྡན་གྱི་དཀྱིལ་འཁོར་རོ། །དཀར་མོ་མིག་གཅིག་ལ་སོགས་བཞི་ནི་གསང་བ་དགྱེས་པའི་དཀྱིལ་འཁོར་རོ། །དབྱིངས་ཕྱུག་མ་ནི་ཕུང་བྱེད་སྦས་པའི་དཀྱིལ་འཁོར་རོ། །ཁྲོས་པའི་དབང་མོ་ཆེ་བཞི་ནི་སྐྱེ་འགྲོ་ཡོངས་སུ་སྐྱོང་བའི་དཀྱིལ་འཁོར་རོ། །དེ་ནི་བདུད་རྩི་བུམ་པ་དང་འདྲའོ། །ཐུགས་ཀྱི་དགྱེས་སྡེ་མ་བཞི་ནི་གེ་སར་ཡོངས་ཀྱི་དཀྱིལ་འཁོར་ཞེས་བྱའོ། །སྲིད་པ་ཆ་སྙོམས་ནི་མཉམ་བྱེད་ཆེན་མོའི་ཚོགས་སོ། །སྲིད་པའི་གྲུ་འདེགས་ནི་གླིང་བཞི་སྤྱིའི་ཚོགས་སོ། །ཨེ་ཀ་ཛུ་གི་ནི་ཕོ་ཉ་ཀུན་གྱི་ཚོགས་སོ། །དམག་གི་རྒྱལ་མོ་བཞི་ནི་དྲི་ཟ་ལ་སོགས་པའི་རིགས་སོ་སོའི་ཚོགས་སོ། །འདོད་ཁམས་ལྷའི་གཙོ་མོ་ནི་བུད་མེད་ནག་མོའི་ཚོགས་སོ། །རྡོ་རྗེ་གར་གྱི་དབང་ཕྱུག་མ་དང་པདྨ་གར་གྱི་དབང་ཕྱུག་མ་གཉིས་ཉུལ་བྱེད་ཆེན་མོའི་ཚོགས་སོ། །རིན་ཆེན་སྲིད་འདེགས་མ་དང་གླིང་བཞི་སྤྱི་ཕུད་མ་ནི་སྨན་ཕྲན་གཙོ་མོའི་ཚོགས་སོ། །ཨེ་ཀ་ཛུ་ཞིའི་བུ་མོ། ཨེ་ཀ་ཛུ་ར་བསམ་ནས། ཇོ་མོ་ཀུན་གྱི་ནང་ན་བདག་གི་ཇོ་མོ་བཞི་ཁུད་པར་དབང་ཆུང་བས། ཁོལ་མོའི་ནང་ན་བདག་ཅག་དབང་ཆུང་བས་ནང་འཐབ་ཅིག་བྱ་སྙམ་པ་ལས་བུ་མོ་གཅིག་པུ་མས་བྱི་སྣ་བྱས་ཏེ་རྒྱ་མཚོ་གཏིང་ནས་ཆུ་སྲིན་གྱི་རྒྱལ་པོ་ཀུ་བེ་ར་མ་ཀ་ར་བ་བཀུག་སྟེ། དུག་ཤིང་གདུག་པ་ཅན་གཅིག་གི་གམ་དུ་ཉལ་པོ་བྱེད་དུ་བཅུག་པའི་བུ། འབྲུག་གི་ལོ་ལ་བུ་དཀར་པོ་མིག་གཅིག་པ་བྱ་བ་སྐྱེས་ཏེ། སྲིན་མོ་ནག་མོ་ཁྲག་འཛག་མ་བྱ་བ་སྐྱེས། །ནད་གཏོང་བས་མིང་ནི་ལྷ་མོ་ནག་མོ་ཞེས་བྱའོ། །དེ་ནས་མིང་པོས་མའི་མཐུ་དང་གཟི་བྱིན་ཕྲོགས་ཏེ་འཇིག་རྟེན་ཡོངས་ཀྱི་མཐུ་ཡང་རྐུ་བར་བགྱིས་པས་སྲུ་མོ་ཨེ་ཀ་ཛུ་ཞིས་ཚོར་ཏེ་ཇོ་མོ་ཁྲོས་པའི་དབང་མོ་ཆེ་ལ་ཞུས་ནས། རྗེས་འབངས་ལ་བསྒྲལ་བའི་ལས་བྱས་པས་མི་གཅིག་གི་ཁོང་ནས་ཙིརྟི་བཅུ་བྱུང་བ་ལས། གཅིག་སྙིང་གི་བདག་པོ་ལ་སྒྱིན། དགུ་ལ་གསུམ་རྒྱལ་ཐེའུ་ཁྲ་བོ་དང་། ཏྲི་ཤང་ཀ་ར་དང་།གནོད་གཏོར་དང་གསུམ་སྟེ་རྒྱལ་པོའི་རིགས་ལ་གནོད་དེ། གསུམ་ལ་བར་ཐེའུ་སྨུག་པོ་དང་། ལེགས་ཐེའུ་ཁྲ་བོ་དང་། ས་ཐེའུ་ནག་པོ་གསུམ་སྟེ་ཡོངས་ཀྱི་མི་ལ་གནོད་དོ། །གསུམ་གྱི་ཕྱོགས་བཅུར་གྱུར་ཏེ་བྲག་སྲིན་དང་ཤིང་སྲིན་དང་ཆུ་སྲིན་གསུམ་དུ་གྱུར་ཏོ། །དགུ་ཅར་རྐང་པ་ཡ་རེ་བཅག་ནས། གནམ་ཁྱི་དཀར་པོ་འཁོལ་དུ་བཅུག་གོ །དེ་ནས་ཨེ་ཀ་ཛུ་གི་འབྲུག་གི་ལོ་ལ་ལུས་མ་བདེ་ནས་མཉེས་བཙིར་བ་ལས། བུ་གདོང་སོག་པོ་མིག་ལོང་བ་ལ། ལུས་སྤྱང་ཀི་ལ་ཁོག་པ་ན་སྙིང་གསུམ་ཡོད་པ་གཅིག་སྐྱེས་པ་ལས། དེ་ནི་སུ་ལ་ཡང་ཆ་མེད་པ་ལས། དགྲ་བོའི་སྙིངའབྱིན་པ་བྱམས་པ་ལ་ལན་ལྡོན་པ་ཞིག་སོང་སྙམ་ནས། སུ་ལ་ཡང་མེད་པ་རུང་སྙམ་ནས་དགའ་ཞིང་འདུག་པ་ལས། ཇོ་མོ་ཉི་མའི་འོད་ཕྲེང་གིས་ཚོར་ནས་ཤེལ་གེལ་ཁོལ་པོར་བྱིན་ནས་གཏང་ངོ་། །མ་མོ་སྲིད་པའི་བེམ་ལས། སྲིད་པ་ཕོ་དང་མོ་རྒྱུད་ཀྱི་ལེའུ་སྟེ་ཉེར་གསུམ་པའོ།། །།གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་འཇོམས་པའི་ལྷ། །འདྲེན་ཅིང་འགུགས་པའི་སྔགས་རྣམས་ཇི་ལྟར་ལགས། །ཞེས་གསོལ་ཏོ། །ཡང་བཀའ་སྩལ་པ། ཧུ༷་ཧུ༷་བཛྲ་ནན་ཏི་ཕཊ། མ་ག་དུན་ཏིང་སྨྱོ། ཨོ་མུ་ཏིང་སྨྱོ། བ་ཤན་ཏྲི་ནིག་མུ་དུན་ཏི་ནི། ཨོ་ཨ་སྲུརུ་བི་ཏོ་ཨ་ཏོ་ཡེ་པདྨ་བྱི་ཏོ་ཨ་ཏོ་ཡེ། ཁ་རག་བྱི་ཏོ་ཨ་ཏོ་ཡེ། །སྲིད་འགྲོ་བྱི་ཏོ་ཨ་ཏོ་ཡེ། །ཨོ་བཛྲ་ཀེ་མ་ཀེ་མ། ཨོ་བཛྲ་ཏ་ཀེམ་ཏ་ཀེམ། བཛྲ་ནི་ལ། བཛྲ་ན་ལ།བཛྲ་ད་ལ། བཛྲ་མསྡོ། ཨོ་བཛྲ་གྲམ་བུ་ལ། མུར་ཤིང་། ཨོ་བཛྲ་སྙིང་ཁ་རག་ཁ་རན་སྙིང་། སྒག་རསྒ་མུར་ཙག་ཤ །སྒག་རསྒ་མུ་ཏྲ་བ༷། ཁུང་མུ་ཏ་མ། སྒག་རསྒ། བྲ་བན་ཀ་ར། ཀ་ཏིཇི་སྨྱོ། ཕྲ་ཤ་སྨྱོ། ཕྲ་ཤི་ཤང་གྱི་ཤ་སྨྱོ། ཧུ༷་ཀ་རི་ཀ་མ་རོ། ནམ་ལ་ཚུར་མི་ཏ་ཁ་ཏོང་ཏ། ད་ལ་ཙ་ད་ལ་ཙ་ལ། པདྨ་ཙཎྜསྦྱོ། གུ་མུ་རལྟོ། ཏིང་ས༷་དང་ས༷། ཨེ་ཨ་ར་ལི་བུ་བྱི་རུ་རུ་ལུ་རུ་ལུ། སྤྱོ་སྨྱོ་སྨྱོ་རུ་རསྒ། ཨོ་ཨ་མྲི་ཏ་སྦྱོ། ཏིང་སྨྱོ་ཏིང་སྦྱོ། པྲ་ཏིང་སྨྱོ།མུ་ཏིང་སྨྱོ། ཤན་ཏིང་སྨྱོ། དུན་ཏིང་སྨྱོ། རལྟིང་སྨྱོ། ཧར་ཏིང་སྨྱོ། གྲུབ་ཏིང་སྦྱོ། ཏེ་ཨེ་ཏིང་ཏ་སྨྱོ། ཨ་པར་སྨྱོ། ད་ལ་དུན་སྨྱོ། ནི་ལ་མ་མ་ཀ་སར་མ་སྦྱོ། དབང་ཕྱུག་མ་བསྐྱེད་པ་ནི་སྨྱོ་ཉི་ཤུ་རྩ་བརྒྱད་དོ། །དེ་ནི་མ་མོའི་འགུགས་འདྲེན་ཡིན། །ཞེས་གསུངས་སོ། །མ་མོ་སྲིད་པའི་བེམ་ལས། འགུགས་འདྲེན་སྔགས་ཀྱི་ལེའུ་སྟེ་ཉེར་བཞི་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །འཇིག་རྟེན་འཇོམས་་་་་་་པའི་སྟོབས་ཀྱི་ལྷ། །སྲིད་པའི་དབང་ཆེན་འདི་དག་ཀུན། །བསྙེན་བསྒྲུབ་བཅོལ་ན་ཇི་ལྟར་བགྱི། །ཞེས་གསོལ་ཏོ། །ཡང་བཀའ་སྩལ་པ། བསྙེན་བསྒྲུབ་བསྐུལ་བའི་ཚིགས་རྣམས་ཀུན། །ངས་གསུངས་ཀུན་གྲགས་ཐེ་ཚོམ་མེད། །ཧུ༷་སྲིད་པའི་རྒྱལ་མོ་སྐུ་བཞེངས་ཤིང་། །དབུ་ནི་དཔག་བསམ་ཤིང་གི་བུམ་པ་ལ། །སྐུ་ནི་རི་རབ་གཏོས་ཡིན་ཏེ། །མ་མོ་ཁྱོད་ཀྱི་མཚན་ཉིད་ནི། །འབྱུང་བ་ལྔ་ལས་གྲུབ་པ་མོ། །ཁྱོད་ཀྱི་སྐུ་ཡི་དཀྱིལ་འཁོར་ནས། །འགྲོ་བ་རིགས་དྲུག་ཁྱོད་ལས་འཆར། །ཁྱོད་ཀྱི་སྐུ་སྟོད་གཡས་གཡོན་ནས། །ལྷ་དང་ལྷ་མིན་གཡུལ་ངོ་འགྱེད། །མཚོན་ཆ་གོ་ཆའི་ན་བུན་ལ། །ལྷ་དང་ལྷ་མིན་འཐབ་མོ་འགྱེད། །ལྷ་རྣམས་རྒྱལ་ཏེ་ལྷ་མིན་ཕམ། །དོ་ནུབ་མི་དང་འདྲེ་རུ་འཐབ། །ལྷ་ཡི་མཐུ་དཔུང་མ་ཆུང་ཞིག །མ་མོ་ཁྱོད་ཀྱི་ལྟེ་བ་ནས། །དུག་གསུམ་འཁོར་བ་གཏི་མུག་ཕག །མུན་ལྟར་གཏིབས་པའི་ན་བུན་ལས། །འཁོར་བའི་སྡུག་བསྔལ་ཉམས་སུ་མྱོང་། །དེ་ཡང་མ་མོ་ཁྱོད་ཀྱི་ལྟོ། །གཏི་མུག་ལས་ཀྱིས་མ་རྟོགས་ནས། །འདོད་པའི་མ་མོ་ཐུགས་དང་འགལ། །སྲིད་གསུམ་ནད་རྣམས་སྨྱོ་ཞིང་བཟློག །སྨྱོ་བཟློག་ཆེན་པོས་ཁ་སྒྱུར་ལ། །རྡེའུ་ཐབས་ཅིག་ཀྱང་དེར་བཟློག་ཅིག །མ་མོ་ཁྱོད་ཀྱི་ལྟེ་བ་ནས། །ཞེ་སྡངཆེནཔོམེལྟརའབར། །མེ་ལྟར་འབར་བས་སྙིང་པོ་ཚིགས། །མ་རྟོགས་ཞབྲུལ་པའི་ཞེ་སྡང་མེས། །འདོད་པའི་མ་མོས་བཀའ་བཀྱོན་སྐད། །སྲིད་གསུམ་ནད་ཀྱིས་སྡུག་བསྔལ་འབར། །ནད་རྣམས་བཟློག་ལ་ཟོར་ཁ་བྱོལ། །མ་མོ་ཁྱོད་ཀྱི་སྐུ་ཡི་ལྟེ་བ་ནས། །འདོད་ཆགས་འཁོར་བ་ཆུ་ལྟར་༣བྲུགས། །འདོད་ཆགས་གཟུགས་སུ་བྱ་བྱུང་སྟེ། །མ་རྟོགས་ལུབྲུལ་པས་རྩ་བའི་དམ་ཚིག་ཉམས། །འདོད་པའི་མ་མོ་ཐུགས་དང་འགལ། །སྲིད་གསུམ་ནད་རྣམས་ད་བཟློག་ཅིག །ཟོར་ཁ་བཟློག་ལ་བྱོལ་ཁ་སྒྱུར། །དམྱལ་བ་རྣམས་ཀྱང་སྲོག་ལ་ཆགས། །མ་མོ་དམ་ལ་མི་ཆགས་སམ། །ཡི་དྭགས་རྣམས་ཀྱང་གཟའ་བཏུང་གོས་ལ་ཆགས། །མ་མོ་རྫས་ལ་མི་དགོངས་སམ། །སྐེ་ལེ་མི་ཡང་འདོད་པའི་རྫས་ལ་ཆགས། །མ་མོ་མདོས་དང་ཡས་ལ་མི་དགོངས་སམ། །ལྷ་མ་ཡིན་ཡང་གོ་མཚོན་དྲུག་ལ་ཆགས། །མ་མོ་མདོས་དང་ཡས་ལ་མི་ཆགས་སམ། །ལྷ་ཡང་ལོངས་སྤྱོད་རྫས་ལ་ཆགས། །མ་མོ་མདོས་ལ་མི་དགོངས་སམ། །འདོད་པའི་མ་མོ་ཚུར་གསོན་ཅིག །བདེ་བ་ཆ་སྙོམས་ཚུར་གསོན་ཅིག །དབུ་གསུམ་ཕྱག་ཀྱང་དྲུག་པ་སྟེ། །གཡས་ན་བྷརྙ་ལྕང་ལོ་བསྣམས། །གཡོན་ན་རུ་དར་རྩེ་ལ་འཕྱར། །སྐུ་ལ་མུ་མེན་ཤེལ་གྱི་གོ་ཟུ་གསོལ། །ཡིད་ལས་སྤྲུལ་པའི་མ་མོའི་ཚོགས། །དབྱིངས་ཀྱི་ཡུམ་ཆེན་མདངས་ལྡན་མ། །ཁམས་གསུམ་འཁོར་བའི་ཞེན་ཆགས་ཐོང་། །མདོསབདག ཆེན མོབདེབའིཆ་སྙོམས་མ། །དེ་ཡང་རྒྱལ་མོ་ཁྱོད་ལགས་མོད། །མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་༄༅། ཤེག །འདོད་པའི་མ་མོ་ཚུར་གསོན་ཅིག །ཡིད་འོང་རྒྱལ་མོ་སྲིད་པ་སྐྱེ་འགྲོའི་བདག །སྐུ་མདོག་གཡས་སེར་གཡོན་དམར་དབུ་སྔོ་ཞིང་། །ན་བཟའ་རྨ་ལོ་མཛེས་པ་གསོལ། །གཡས་ན་བྷརྙ་ལྕང་ལོ་བསྣམས། །གཡོན་ན་བྷརྙ་སྨུག་པོ་བསྣམས། །དེ་ཡང་རྒྱལ་མོ་ཁྱོད་ལགས་མོད། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །འཁོར་ལོ་ཚིམས་བྱེད་འདོད་ཆགས་མ། །སྐུ་ནི་རིན་ཆེན་ཨིནྟྲ་ནི། །གཡས་སྔོ་གཡོན་དམར་དབུས་དཀར་ཞལ། །ཕྱག་ན་བྷནྟྲ་ལྕང་ལོ་བསྣམས། །གཡོན་ན་བ་དན་དམར་པོ་འཕྱར། །རྒྱལ་བ་རྣམས་ཀྱི་ཐུགས་དམ་བསྐུལ། །དེ་ཡང་རྒྱལ་མོ་ཁྱོད་ལགས་མོད། །མདོས་བདག་ཆེན་མོ་མདོས་ལོང་ལ། །གླུད་བདག་ནི་གླུད་བཞེས་ཤིག །མདོས་བདག་ཆེན་མོ་ཚུར་གསོན་ཅིག །འགྲོ་བ་སྒྲོལ་བྱེད་མཁའ་འགྲོ་མ། །གཡས་སེར་གཡོན་དམར་དབུས་དཀར་ཞལ། །ན་བཟའ་ཆུ་སྲིན་གཡང་གཞི་གསོལ། །གཡས་པ་བྷརྙ་ལྕང་ལོ་བསྣམས། །གཡོན་ན་དར་ནག་རུ་མཚོན་འཕྱར། །འདི་ཡང་རྒྱལ་མོ་ཉིད་ལགས་མོད། །མདོས་བདག་ནི་མདོས་ལོང་ལ། གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །འཁོར་བ་ཆགས་པས་ཚིམ་མཛད་མ། །སྐུ་ལ་ཞིང་ཆེན་གཡང་གཞི་གསོལ། །ཀུན་ཀྱང་མི་བཟད་འབར་བའི་སྐུ། །གཡས་དམར་གཡོན་དཀར་དབུས་ལྗང་ཞལ། །ཁྲག་ཆེན་འབར་བའི་རལ་པ་ཅན། །གཡས་ན་བྷརྙ་ལྕང་ལོ་བསྣམས། །གཡོན་པ་བ་དན་ལྗང་ནག་འཕྱར། །དེ་ཡང་རྒྱལ་མོ་ཁྱོད་ལགས་མོད། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །སྐུ་ནི་མི་བཟད་མཐིང་ནག་སྐུ། །ན་བཟའ་ཞིང་ཆེན་གཡང་གཞི་གསོལ། །གཡས་ནག་གཡོན་མཐིང་དབུས་སེར་ཞལ། །གཡས་ན་བྷནྟྲ་ལྕང་ལོ་བསྣམས། །གཡོན་ན་བ་དན་ཁྲ་བོ་བསྣམས། །མ་མོ་ཆེན་མོ་དྲུག་པོ་ཡང་། །གདན་དུ་ཞིང་ཆེན་བསྣོལ་མ་བཏིང་། །ཀུན་ཀྱང་མེ་རི་སྨུག་ནག་ནང་ན་བཞུགས། །རྒྱལ་མོའི་ཐུགས་ལས་སྤྲུལ་པ་མོ། །ཀུན་ཀྱང་རྒྱལ་མོ་ཉིད་ལགས་ཏེ། །འཁོར་བ་རྔམ་པའི་མདངས་ཀྱིས་འཁོད། །དབྱིངས་ཀྱི་རྒྱལ་མོ་དྲུག་པོ་ལ། །འདབ་ཆགས་རྒྱལ་མོ་མཁའ་ལྡིང་དྲུག །གར་དང་བཅས་ཏེ་རྒྱལ་མོ་དྲུག་ལ་འབུལ། །གཤོག་ཆགས་རྒྱལ་མོ་ཁྱུང་ཆེན་དྲུག་པོ་ལ། །མཛེས་པའི་བཙུན་མོ་དྲུག་ཤོན་པ། །རྒྱལ་མོ་དྲུག་ལ་གླུད་དུ་འབུལ། །གཅན་གཟན་རྒྱལ་པོ་གྭ་དོར་དྲུག་པོ་ལ། །སྐྱེས་པ་ཆས་བཟང་དྲུག་ཤོན་ལ། །རྒྱལ་མོ་དྲུག་ལ་གླུད་དུ་འབུལ། །ལྷ་ཡི་སྤྲུལ་པ་རྒྱལ་པོ་དྲུག །འཁོར་དང་གཡོག་བཅས་གླང་ཆེན་དྲུག་ཞོན་པ། །རྒྱལ་མོ་དྲུག་ལ་གླུད་དུ་འབུལ། ཁོང་རིས་ཀྱི་འཕན་བཟངས་ལ། །མཛེས་པའི་རི་དྭགས་རྒྱལ་པོ་དྲུག །སྣ་ཚོགས་དར་སྣས་མཛེས་པར་བརྒྱན། །བློན་པོ་དྲུག་དང་བཅས་པ་ལས། །ཉི་ཟླ་༄༅ མཛེས་པ་བཀྲ་ཡལ་ཡལ། །བྱ་ལྡིང་ནི་ནམ་མཁའ་ལ་འཕྱོ། །ཤད་ཤད་ནི་གར་བསྒྱུར་བ། །བྱ་སྐད་ནི་དི་རི་རི། ལོགས་ལ་ཤ་དགོ་རྨིག་བཞི་རྒྱུ། །ཡ་མཚན་རྨད་ཀྱི་དཀོར་ཆ་འདི། །རྒྱལ་མོ་དྲུག་ལ་གླུད་དུ་འབུལ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །རྒྱལ་མོ་ཆེན་མོ་ཁྱེད་དྲུག་ཀྱང་། །མངའ་བདག་ཇོ་མོའི་སྤྱན་སྔར་དམ་བཅས་ནས། །འདོད་པའི་གཏེར་ལ་སྤྱོད་དོ་སྐད། །སྲིད་པའི་བྱོལ་བཟློག་མདོས་འདི་བཞེས། །དང་པོ་དམུ་དང་ཕྱ་རུ་འཐབས། །དེར་ཡང་རྒྱལ་པོ་འོད་ལྷ་ཡིས། །དམུ་ཡི་གཡུལ་ངོ་དེར་བཟློག་གོ །དེ་ནས་ལྷ་དང་ལྷ་མིན་འཐབས། །ལྷ་མ་ཡིན་གྱི་གཡུལ་ངོ་དེར་བཟློག་གོ །དེ་ནས་མི་དང་འདྲེ་རུ་འཐབས་པ་ལས། །མི་ཁ་ལྷས་བཟུང་འདྲེ་སྲིན་ཕམ། །དོ་ནུབ་འདྲེ་ཡི་གཡུལ་ངོ་བཟློག །ཞེ་སྡང་རྩད་ནས་གཅད་པའི་ཕྱིར། །ཞེ་སྡང་སྦྲུལ་གྱིས་ཐུགས་དམ་བསྐང་། །འདོད་ཆགས་རྩད་ནས་བཅད་པའི་ཕྱིར། །འདོད་ཆགས་བྱ་ཡིས་ཐུགས་དམ་བསྐང་། །གཏི་མུག་རྩད་ནས་བཅད་པའི་ཕྱིར། །གཏི་མུག་ཕག་གིས་ཐུགས་དམ་བསྐང་། །ང་རྒྱལ་རྩད་ནས་བཅད་པའི་ཕྱིར། །རྒྱལ་མོ་དྲུག་གིས་ཐུགས་དམ་བསྐང་། །ཕྲག་དོག་རྩད་ནས་བཅད་པའི་ཕྱིར། །འགྲོ་དྲུག་གཟུགས་ཀྱིས་ཐུགས་དམ་བསྐང་། །ཉོན་མོངས་དུག་ལྔ་མེ་རུ་འབར། །འདི་ཡང་རྒྱལ་མོ་ཁྱོད་ཀྱི་དུག །རྒྱལ་མོ་རྣམས་ཀྱི་དུག་ནད་འདི། །གསངས་སོ་དུག་ལྔའི་ནད་སོས་ནས། །རྒྱལ་མོ་ཡང་དག་དོན་དང་ལྡན་པར་བསྐང་། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །སྐུའི་གླུད་འབུལ་ལོ། །རང་གི་ཚང་འཇལ་ལོ། །མ་མོ་སྲིད་པའི་བེམ་ལསརྒྱལ་མོ་དྲུག་གི་བསྐང་བའི་ལེའུ་སྟེ་ཉེར་ལྔ་པའོ།། །།དེ་ནས་ཡང་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །རྒྱལ་མོའི་འཁོར་གྱི་བློན་མོ་རྣམས། །དེ་ལ་ནན་ཏན་ཇི་ལྟར་བགྱི། །ཞེས་གསོལ་ཏོ། །ཡང་བཀའ་སྩལ་པ། མི་སྲུན་མ་མོ་ཆེན་མོ་རྣམས་ལ་ནི་དྲག་ཏུ་ནན་ཏན་བསྐྱེད་ཅིང་། དེ་རྣམས་ནི་ཤིན་ཏུ་གདུག་པའི་མ་མོ་ཡིན་ནོ། །ཞེས་གསུངས་སོ། །ཧུ༷་འདོད་པའི་མ་མོ་ཚུར་གསོན་ཅིག །དབང་བསྒྱུར་ནང་བློན་ཆེན་མོ་དྲུག །དེ་རིང་མིང་པོས་མདོས་གཏིང་གིས། །སྲིན་མོ་ནང་བློན་མདོས་ལོངས་ཤིག །ནམ་མཁའ་ཁམས་ཀྱི་དབྱིངས་ཕྱུག་མ། །སྔོན་མོ་ཁྲོ་གཉེར་རལ་པ་ཅན། །མི་མགོ་ཐོད་པའི་ཕྲེང་བས་བརྒྱན། །ན་བཟའ་སྡིག་པའི་གཡང་གཞི་གསོལ། །ངར་ནག་རུ་མཚོན་ཕྱག་ན་བསྣམས། །བདུད་ཀྱི་ཡུལ་ནས་ཕྱག་བརྙན་གཏོང་། །ནང་བློན་ཆེན་མོ་དབྱིངས་ཕྱུག་མ། །ཆིབས་སུ་གློག་མོ་གྱ་གྱུ་བཅིབས། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །འབྱུང་བ་ལྔ་ཡི་ནི་བཅུད་འབྱིན་མ། །ན་བཟའ་མཐིང་བེར་ནི་མཛེས་པ་ལ། །མུ་མེན་ཤེལ་གི་ནི་ཁ་ཆག་ཅན། །ཕྱགནཞིངཆེནརྒྱལམཚནའཕྱར། །ཆིབས་སུ་རྩངས་པ་མགོ་དགུ་བཅིབས། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །མ་མོ་ཆེན་མོ་ཀར་ཏིང་ཤགས། །སྐུ་དཀར་མོ་ནི་ཙེ་རེ་རེ། །གཡུ་ཡི་ལན་ཚར་ནི་སྐེ་སོར་སླེབས། །ན་བཟའ་དར་དཀར་གྱི་གོ་ཟུ་ལ། །གསེར་གྱི་རྡོ་རྗེའི་ཁ་ཆག་ཅན། །མེ་ཏོག་མཛེས་པའི་ག་ཤ་ཅན། །ཆིབས་སུ་བྱ་རྒྱལ་ཁྱུང་ལ་བཅིབས། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །དུས་གསུམ་མི་འགྱུར་གློག་ཕྲེང་ཅན། །སྐུ་མདོག་ཅིར་ཡང་མ་ངེས་ཏེ། །ན་བཟའ་ཆུ་སྲིན་གཡང་གཞི་གསོལ། །ཕྱག་ན་མགོ་བོའི་རྒྱུད་མངས་བསྣམས། །གསང་བའི་སྒྱུགས་གླུ་ཙེ་རེ་རེ། །ལས་སུ་སེམས་ཅན་སྲོག་ལ་རྒོལ། །བདུད་དང་སྲིན་པོ་མུ་སྟེགས་འདུལ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འདོད་པའི་མ་མོ་ཚུར་གསོན་ཅིག །ཉུལ་ལེ་ཆེན་མོ་ཧར་ཏིང་ཤགས། །ཤ་ཁྲག་དམར་ལ་མངའ་མཛད་མ། །ན་བཟའ་མི་ལྤགས་གཡང་གཞི་གསོལ། །ཕྱག་ན་བེ་ཅོན་དགྲ་སྟུ་བསྣམས། །ཆིབས་སུ་མ་ཀེང་ཅང་ཤེས་བཅིབས། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །དིང་ཏིང་སྔོན་མོ་གཟི་བརྗིད་འོད་གསལ་བ། །སྐུ་མདོག་དམར་ནག་འབར་བ་ལ། །ན་བཟའ་མཆོག་གི་གཡང་གཞི་གསོལ། །ཆིབས་སུ་ཟངས་ཀྱི་ཀེའུ་ལེ་བཅིབས། །ལས་སུ་བདུད་ཀྱི་ཁ་དཔོན་མཛད། །ཁོལ་དུ་སྲིན་མོ་མགོ་དགུ་འགྱེད། །ཕྱག་ན་གསོད་བྱེད་འཁོར་ལོ་བསྣམས། །སྡིག་པ་ནག་པོའི་ལྟས་ངན་གཏོང་། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །ལྷ་མོ་མི་ཟ་བྲག་གྱོན་མ། །གུང་བློན་ཆེན་མོ་མདོས་ལོངས་ཤིག །མེ་ཏོག་མདངས་ཀྱི་རྒྱལ་མོ་ནི། །སྲིན་མོ་ཡི་ནི་སྲོག་རྐུན་མོ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །སྲིད་པའི་གཡུལ་ཟློག་མ་མོ་གུང་བློན་མ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །འོད་ལྡན་རྒྱལ་མོ་སྲིད་པའི་མངའ་བདག་མོ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །ནང་བློན་གུང་བློན་མ་མོ་བདུན་ཅུ་རྩ་བརྒྱད་པོ། །ཀུན་གྱི་མིང་ནས་བྱུང་ཞིང་མདོས་བདག་ཅེས་ཀུན་ལ་འགྲེས་སོ། །མ་མོ་སྤྱི་ཀུན་ཀྱང་མ་མོ་བརྒྱ་རྩ་བརྒྱད་དུ་མ་གཏོགས་མེད་དོ། །མ་མོ་སྲིད་པའི་བེམ་ལས། མདོས་བསྔོ་བའི་ལེའུ་སྟེ་ཉེར་དྲུག་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་འཇོམས་པའི་ལྷ། །རྟག་པའི་རྒྱལ་མོ་དྲུག་པོ་ལ། །མདོས་ཀྱི་བསྐང་བ་ཇི་ལྟར་བརྗོད། །ཅེས་གསོལ་ཏོ། །ཡང་བཀའ་སྩལ་པ། རྟག་པའི་རྒྱལ་མོ་དྲུག་པོ་ལ། །ཚེ་དང་དབང་ཐང་སྐྱེད་པའི་ཕྱིར། །ཚིག་གིས་བསྐུལ་བ་འདི་སྐད་བརྗོད། །ཅེས་གསུངས་སོ། །ཧུ༷་སྲིད་པའི་བདེ་འགྲོ་ཁམས་གསུམ་ཡུམ་མཆོག་མ། །ཕྲ་མེན་རྒྱ་མཚོ་སྐུ་བསྐྱོད་ཅིག །ཡུམ་ཆེན་ཉིད་ལས་སྐུ་སྤྲུལ་མ། །དབུ་གསུམ་ཕྱག་ཀྱང་དྲུག་པ་སྟེ། །སྤྱན་ནི་ཁྲོས་པའི་ཚུལ་མངའ་ཞིང་། །ཞི་བའི་སྐུ་ལ་སྣང་སྲིད་འཆར། །སྤྲུལ་པའི་སྐུ་ལས་ཞབས་བརྒྱད་འཆར། །དྲུག་གིས་རྒྱུད་དྲུག་སྒོ་ཡང་གཅོད། །གཅིག་ནི་ཀླུ་ཡི་ཁམས་སུ་འཆར། །གཅིག་ནི་བདུད་དང་མུ་སྟེགས་འཇོམས། །རྣལ་འབྱོར་ཤེས་པའི་ཡུལ་དྲུག་ལས། །སྤྱན་དྲུག་མངོན་པར་ཤར་བ་ནི། །སྤྱན་གསུམ་གྱེན་དུ་གཟིགས་པ་ཡིས། །རྣམ་པར་ཐར་པའི་སྒོ་ཡང་འབྱེད། །སེམས་ཅན་སྐྱེ་ཤིའི་ལམ་ཡང་སྟོན། །སྤྱན་གསུམ་ཐུར་དུ་ཤར་བ་ཡིས། །སྲིད་པ་གསུམ་ཡང་ཐལ་བར་རློག །གཡས་ཀྱི་ཞལ་བཞད་ཐུགས་རྗེ་སྟོན། །གཡོན་གྱི་ཞལ་བཞད་ཁམས་གསུམ་དབང་དུ་སྡུད། །དབུས་ཀྱི་ཞལ་བཞད་དྲག་ཤུལ་ཆེ། །རྡོ་རྗེ་མཆེ་བ་གཙིགས་པ་ཡིས། །སྲིད་པའི་འགྲན་ཟླ་ཆེམ་ཆེམ་གསོལ། །མ་མོ་གསང་བའི་བྷ་ག་ལས། །སྲིད་པ་གསུམ་ཀ་ཤར་བར་མཛད། །ལྷ་དང་བདུད་དང་གནོད་སྤྱིན་དང་། །གཤིན་རྗེ་སྲིན་པོ་ཀུན་ཀྱང་འདར། །མ་མོ་སྐུ་ཡི་གཡས་ཕྱོགས་ནས། །ལས་བྱེད་མ་མོ་བཅུ་གསུམ་འཆར། །ཕོ་ཉ་ཕྱག་བརྙན་ཐམས་ཅད་འགྱེད། །གཡོན་གྱི་ཕྱོགས་ནས་ཤར་བ་ནི། །མ་མོ་སྐུ་ཡི་སུམ་ཆ་ལས ངེས་པའི་མ་མོ་དགུ་སྦས་ཤིང་། །ཐམས་ཅད་ཀུན་ལ་ཁྱད་པར་བརྩོན། །ཡུམ་གྱི་ཞབས་ཀྱི་གཡས་ཕྱོགས་ནས། །བཀའ་སྡོད་ཉི་ཤུ་རྩ་བརྒྱད་འཆར། །རྣལ་འབྱོར་ཀུན་གྱི་ལས་རྣམས་སྒྲུབ། །སྲིད་པའི་མ་མོ་ཐམས་ཅད་ཀུན། །མ་མོ་སྐུ་ཡི་རྒྱན་དུ་རྫོགས། །མ་མོ་ཐུགས་ཀྱི་ཐིག་ལེ་ལས། །རྡོ་རྗེ་ཁ་ཊ༷་གཞུ་བདུངས་ནས། ཁྲེས་རབ་ཡེ་ཤེས་མདེའུ་རྩེ་ལས། །སྤྲོས་པའི་མ་མོ་དགུ་འཕེན་མ། །ངེས་པའི་བདེ་ཀློང་གཅིག་ཏུ་འཁྱིལ། ཁྲོ་ཧུ༷་སྲས་འཁོར་དུ་བརྟག །མཐིང་ནག་འབར་བའི་འཕྲོ་འདུ་ཡིས། །ཐམས་ཅད་སྒྲོལ་ཞིང་དབང་དུ་སྡུད། །ཞི་བའི་སྐུ་ལ་ཐུགས་རྗེ་ཆེ། །ཡེ་ཤེས་སྤྲུལ་པའི་ཕྱག་དྲུག་ལས། །གཡས་ཀྱི་དང་པོ་འཁོར་ལོ་བསྒྱུར། །གསང་སྔགས་བཀའ་རྣམས་སྒྲོགས་པའི་དོན། །གཡོན་ན་རིན་ཆེན་དབང་བསྒྱུར་ཞིང་། །སྲིད་པའི་འཇིག་རྟེན་གནད་ལ་འཕེན། །གཡས་ཀྱི་བར་མ་གཡང་གཞི་རྡེབས། །བདུད་དང་སྲིན་པོ་དབང་དུ་སྡུད། །གཡོན་ན་བྷརྙ་དམར་བསྐྱིལ་ཞིང་། །བུད་མེད་མ་མོ་དབང་དུ་སྡུད། །གཡས་ཀྱི་ཐ་མ་ཚེ་སྲོག་འཛིན། །རྣལ་འབྱོར་ཀུན་ལ་དངོས་གྲུབ་སྟེར། །གཡོན་གྱི་ཐ་མ་ལྕགས་ཀྱུ་དགུ་བསྣམས་ཤིང་། །དམ་ཚིག་ཉམས་པ་རྣམས་དང་ནི། །བཀའ་ལས་འདས་པའི་སྙིང་ནས་འདྲེན། །སྤྱི་གཙུག་སྤྲུལ་པའི་འཕྲོ་འདུ་ཡིས། །སྟོང་གསུམ་འཇིག་རྟེན་སྟོ་བཟློག་མཛད། །བདག་ཉིད་ཡེ་ཤེས་རྩལ་འཆང་ཞིང་། །ངེས་པའི་དབང་དང་རྟོགས་པའི་མཐུ། །མན་ངག་ཐུགས་ཀྱི་རྒྱུད་བསྐུལ་ཞིང་། །སྐད་ཅིག་ཡུད་ཙམ་དབྱིངས་ནས་བཞེངས། །སྲིད་པ་གསུམ་དང་གླིང་བཞི་ཡང་། །ཐང་གཅིག་ཡུད་ཀྱིས་འཇིག་པར་མཛད། །ཁྱད་པར་ཡེ་ཤེས་ཉི་ཟླའི་སྤྱན། །གཡས་ཀྱི་སྤྱན་གྱིས་སྲིད་གསུམ་གསལ། །གཡོན་གྱི་སྤྱན་གྱིས་སྦྱོར་བ་མཛད། །རྡོ་རྗེ་སྨིན་མ་གདེངས་པ་ཡིས མུ་སྟེགས་ཡསྒའི་སྙིང་ཡང་འགེམས། །མ་མོ་ཁྱོད་ཀྱི་མཚན་ཉིད་ནི། །བྱང་ཆུབ་སེམས་མ་ཞེས་ཀྱང་གྲགས། །ཡང་དག་གསང་བའི་མཚན་ཉིད་ནི། །སངས་རྒྱས་ཁྲོས་པའི་རྒྱལ་མོ་ལ། །བདེ་ཀློང་ཀུན་གྱི་གཙོ་མོར་གྲགས། །རྣལ་འབྱོར་གསང་བའི་དཀྱིལ་འཁོར་དུ། །གསང་བ་ཐབས་ཀྱི་འཕྲོ་འདུ་ཡིས། །ཡུམ་གྱི་ཐུགས་དམ་འདིས་སྐོངས་ལ། །སྐུ་ནི་མི་བསྐྱོད་འདིར་བཞུགས་ཤིག །འཁོར་གྱི་བློན་མོ་ཀུན་བསྐྱོད་དོ། །བཅོལ་བའི་ལས་རྣམས་འགྲུབ་པར་མཛོད། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་བཞེས་ཤིག །ཧུ༷་ལྷ་མོ་ཆེན་མོ་རྣལ་འབྱོར་མ། །ཀུན་གཞི་ཡོངས་ཀྱི་དབང་ཕྱུག་མ། །སྣང་སྲིད་ཀུན་ལ་དབང་བསྒྱུར་ཞིང་། །སྐྱེ་འགྲོ་ཀུན་གྱི་དབུགས་འཕྲོག་མ། །དུང་ཆེན་ཕྱག་ན་བསྣམས་ཤིང་འོ་དོད་ཆེན་མོ་སྒྲོགས། །གཤིན་རྗེ་བྲན་དུ་འཁོལ་ཞིང་འཇིག་རྟེན་མེ་ཡིས་བསྲེག །འགྲོ་བའི་ཚེ་དཔལ་འཕྲོག་ཅིང་བྱང་ཆུབ་སེམས་ཀྱི་བདག །སྒྲོལ་བ་དོན་དུ་གཉེར་ཞིང་དབང་ཕྱུག་ཀུན་དང་སྦྱོར། །སྲིད་གསུམ་སྤྲུལ་པས་འགེངས་ཤིང་ཡ་བདུད་དབང་དུ་སྡུད། །གཡང་གཞི་གོས་སུ་གོན་ཞིང་ཁ་ཊ༷་གཡབ་མོས་འདེབས། །སྐུ་མདོག་ཁྲོ་མོར་བཞུགས་ཤིང་རྣལ་འབྱོར་གྲོགས་མཛད་མ། །ཁྲག་དང་ཞག་གིས་བརྒྱན་ཅིང་སྐྲུ་གྲི་ཕྱག་ན་བསྣམས། །དམ་ཉམས་དགྲ་བོའི་དོན་སྙིང་འབྱིན་ཅིང་སྙིང་ཁྲག་འཐུང་། །བཱང་ས་ཟས་སུཟ ཞིང་ཙིསྟའི་ཞགས་པ་འཕེན། །ཉི་ཟླ་ཐོད་དུ་བཅིངས་ནས་སྟོང་གསུམ་བདེ་ལ་འགོད། །དུང་ཆེན་སྣོད་དུ་དམར་ཆེན་ཁྲག་དང་སྙིང་སྣ་སྦྱར་བ་འདི། །མ་མོ་ཁྱེད་རྣམས་ཀུན་གྱི་ཐུགས་དམ་བསྐང་། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །མ་མོ་སྲིད་པའི་བེམ་་ལས། དབྱིངས་ཀྱི་ཡུམ་དྲུག་བསྐང་བའི་ལེའུ་སྟེ་ཉེར་བདུན་པའོ།། །།ཧུ༷་རྣལ་འབྱོར་ཁྲོས་པའི་དབང་མོ་ཆེ། །ཉི་མ་སྟོང་གི་གཟི་མདངས་ཅན། །སྟོང་གསུམ་འཇིག་རྟེན་འོད་འཕྲོ་མ། །སྲིད་པ་སྒྲོལ་བྱེད་གཤེགས་སུ་གསོལ། །ཧུ༷་རྣལ་འབྱོར་ཁྲོས་པའི་དབང་མོ་ཆེ། །པདྨ་སྟོང་གི་དབུ་རྒྱན་ཅན། །གེ་སར་འབུམ་དང་བཅས་ནས་སུ། །འཇིག་རྟེན་མྱོས་པའི་ཁྲག་འཐུང་མ། །དབང་ཕྱུག་རྒྱལ་མོ་གཤེགས་སུ་གསོལ། །ཧུ༷་རྣལ་འབྱོར་ཁྲོས་པའི་དབང་མོ་ཆེ། །ཁམས་གསུམ་གསོད་བྱེད་བདུད་རྩི་སྦྱོར། །བདུད་རྩི་སྨན་མཆོག་ཀུན་གྱི་གསོས། །བདུད་རྩི་རྒྱལ་མོ་གཤེགས་སུ་གསོལ། །ཧུ༷་རྣལ་འབྱོར་ཁྲོས་པའི་དབང་མོ་ཆེ། །བྷ་ག་ཡོངས་ལ་མངའ་མཛད་མ། །གནས་ལམ་ཐམས་ཅད་སྟོན་མཛད་མ། །ཐར་པའིལམཚོལགཤེགསསུགསོལ། །ཁྲོས་པའི་དབངཆེནབཞིརྣམསཀྱང་། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །མ་མོ་སྲིད་པའི་བེམ་ལས། ཁྲོས་པའི་དབང་མོ་ཆེ་བཞིའི་ལེའུ་སྟེ་ཉེར་བརྒྱད་པའོ།། །།ཧུ༷་བྷ་ག་འབུམ་ལ་མངའ་མཛད་མ། །དབྱིངས་ཀྱི་རྒྱལ་མོ་གཤེགས་སུ་གསོལ། །འཇིག་རྟེན་ཡོངས་ཀྱི་བྱིན་མཛད་མ། །རྒྱན་གྱི་རྒྱལ་མོ་གཤེགས་སུ་གསོལ། །བདག་ཉིད་ལྷག་ལྷག་བཞད་མཛད་མ། །བདག་ཉིད་ཆེན་མོ་གཤེགས་སུ་གསོལ། །སྟོང་གསུམ་ཐམས་ཅད་རྒྱུག་མཛད་མ། །གཅིག་པུ་ཡུམ་མཆོག་གཤེགས་སུ་གསོལ། །སྦས་པའི་མ་མོ་བཞི་རྣམས་ཀྱང་། །མདོས་བདག་ལགས་ཀྱི་མདོས་ལོང་ལ། །གླུད་བདག་ལགས་ཀྱི་གླུད་བཞེས་ཤིག །མ་མོ་སྲིད་པའི་བེམ་ལས། སྦས་པའི་མ་བཞིའི་ལེའུ་སྟེ་ཉེར་དགུ་པའོ།། །།ཧུ༷་རི་རབ་གླིང་བཞིའི་ཤར་ཕྱོགས་ན། །ཤར་གྱི་དཀར་མོ་མིག་གཅིག་མ། །ན་བཟའ་བྱ་རྒོད་ཐུལ་པ་ལ། །གཡུ་ཡི་དྲིལ་བུ་འབུམ་གྱིས་བརྒྱན། །དུང་གི་ལན་ཚར་མཆེ་བ་ཅན། །རིན་ཆེན་ཤེལ་གྱི་ཐོད་གདེངས་ཅན། །དཀར་མོ་སྒེག་མ་འབུམ་གྱིས་བསྐོར། །སྲིད་གསུམ་ཤར་ལ་མངའ་མཛད་མ། །འདིར་བྱོན་མདོས་བདག་མདོས་ལོང་ལ། །བདག་གིས་ལས་བཅོལ་འགྲུབ་པར་མཛོད། །ཧུ༷་རི་རབ་གླིང་བཞིའི་ལྷོ་ཕྱོགས་ན། །ལྷ་མོ་ནག་མོ་མཆེ་བ་ཅན། །གསེར་གཡུ་བརྩེགས་པའི་ཐོད་གདེངས་ཅན། །ནག་མོ་སྒེག་མོ་འབུམ་གྱིས་བསྐོར། །སྲིད་གསུམ་ལྷོ་ལ་མངའ་མཛད་མ། །འདིར་སྤྱོན་མདོས་བདག་མདོས་ལོངས་ཤིག །ཧུ༷་རི་རབ་གླིང་བཞིའི་ནུབ་ཕྱོགས་ན། །ནུབ་ཀྱི་དམར་མོ་དབང་བསྒྱུར་མ། །ན་བཟའ་ཆུ་སྲིན་གཡང་གཞི་ལ། །སྦྲུལ་ནག་བདུན་གྱི་གདེངས་ཀ་ཅན། །གཡུ་ཡི་ལན་ཚར་མཆེ་བ་ཅན། །བྱི་རུ་འབར་བའི་ཐོད་གདེངས་ཅན། །དམར་མོ་སྒེག་མ་འབུམ་གྱིས་བསྐོར། །སྲིད་གསུམ་ནུབ་ལ་མངའ་མཛད་མ། །འདིར་གཤེགས་མདོས་བདག་མདོས་ལོང་ལ། །རྣལ་འབྱོར་ཕྲིན་ལས་འགྲུབ་པར་མཛོད། །ཧུ༷་རི་རབ་གླིང་བཞིའི་བྱང་ཕྱོགས་ན། །བྱང་གི་སེར་མོ་ལས་མཁན་མ། །སྐུ་ལ་རྨ་བྱའི་ཐུལ་པ་གསོལ། །མཐིང་གི་གོ་ལྕོག་ཡ་བས་བསྐོར། །གསེར་གྱི་ལན་ཚར་མཆེ་བ་ཅན། །ཐོད་སྐམ་འབར་བའི་ཐོད་གདེངས་ཅན། །ལྗང་ནག་སྒེག་མོ་འབུམ་གྱིས་བསྐོར། །སྲིད་གསུམ་བྱང་ལ་མངའ་མཛད་མ། །འདིར་གཤེགས་མདོས་བདག་མདོས་ལོངས་ཤིག །ཧུ༷་གླིང་བཞི་རྒྱལ་མོ་གསང་བའི་གཟུངས། །ཐུ་བ་གཡས་ལ་དམག་གིས་བཀང་། །རྣལ་འབྱོར་ཀུན་གྱི་དགྲ་འདུལ་མ། །ཐུ་བ་གཡོན་པ་རིན་པོ་ཆེ། །རྣལ་འབྱོར་ཚེ་དང་དབང་ཐང་སྐྱེད། །ཕྱག་གཡས་ཞིང་ཆེན་གཡང་གཞི་རྡེབས། །ཁམས་གསུམ་རྡུལ་དུ་བརླགས་ནས་ཀྱང་། །བདུད་དང་སྲིན་པོ་དབང་དུ་སྡུད། །ཕྱག་མཚན་གཡོན་ན་བྷརྙ་བསྐོར། །མ་མོ་ཐམས་ཅད་དབང་དུ་སྡུད། །རལ་པ་ཅན་གྱི་འཁོར་སྐྱོད་ལ། །འདིར་སྤྱོན་མདོས་བདག་མདོས་ལོངས་ཤིག །མ་མོ་སྲིད་པའི་བེམ་ལས། ཐུགས་ཀྱི་དགྱེས་སྡེ་མོ་བཞིའི་ལེའུ་སྟེ་སུམ་ཅུ་པའོ།། །།ཧུ༷་སྲིན་མོ་ཆེན་མོ་ཤམ་ཤམ་མོ། །ཨ་ཕྱི་ཆེན་མོ་མི་བཟད་མ། །ན་བཟའ་ཞིང་ཆེན་ལྤགས་རློན་ལ། །མཐའ་མ་བྷརྙ་རློན་པས་བསྐོར། །ལག་པ་གཡས་ན་ཞིང་གི་སོར་ཕྲེང་བགྲང་། །གཡོན་ན་མི་མགོ་ཕོར་པ་ཐོགས། །རང་གིས་རང་ལ་ཚིམ་པར་སྟོབ། །གཡང་གཞི་རུ་མཚོན་ཕྱར་ནས་སུ། །བདུད་དང་སྲིན་པོ་ཐལ་བར་རློགས། །འཇིག་རྟེན་ཐམས་ཅད་སྒྲོལ་བར་བྱེད། །འདིར་གཤེགས་མདོས་བདག་མདོས་ལོང་ལ། །བདག་གི་ཕྲིན་ལས་འགྲུབ་པར་མཛོད། །ཧུ༷་ཁྱབ་བདག་ཆེན་མོ་རྣལ་འབྱོར་མ། །ཁྱབ་བདག་ཆེན་མོ་ཐིག་ལེ་དགུ། །ཡེ་ཤེས་ངང་གི་རོལ་པ་ལས། །ཕྱག་ན་རྩེ་གསུམ་འབར་བ་བསྣམས། །ཁྲག་འཐུང་ཆེན་མོ་ཀུན་ལ་དབང་བསྒྱུར་མ། །མཆོད་པ་དམ་པ་བསྔོས་པ་དང་། །མདོས་བདག་ཆེན་མོ་མདོས་ལོང་ལ། །ཁྱེད་ཀྱི་འཁོར་རྣམས་རབ་ཏུ་མི་བསྒྲུབས་ཏེ། །སྒྲ་སྐད་ཡིད་འཕྲོག་བྱེད་པ་མ་མོ་ཁྱོད་ཀྱི་འཁོར། །འདོད་པ་ལྔ་ལ་རབ་དད་པས། །མེ་ཡི་བསྐལ་པ་གཏོང་ཞིང་སྙིང་རྗེ་ལམ་དུ་གཏོང་། །གསོད་པ་དོན་དུ་གཉེར་ཞིང་ཁྲོ་བོ་ཀུན་དང་སྦྱོར། །བདུད་ཀྱི་བུ་མོ་འཁོལ་ཞིང་ང་རྒྱལ་དྲག་ཤུལ་ཆེ། །འོ་དོད་ཆེན་པོ་འབོད་ཅིང་ཞལ་གདངས་མཆེ་བ་གཙིགས། །དགྲ་སྙིང་ཚལ་པར་འགེམས་པ་མ་མོ་ཁྱོད་ཀྱི་འཁོར། །མདོས་བདག་ཆེན་མོ་མདོས་ལོངས་ཤིག །ཧུ༷ མམོཆེནམོསྲིན་པའི་བདག །ཨེ་ཀ་ཛུ་གི་རལ་གཅིག་མ། །མིག་གཅིག་མ་ལ་དཀར་ཤམ་མདོག །རང་ཆས་སྤྲིན་དཀར་གོ་ཟུ་ལ། །འཇའ་ཚོན་འབར་བའི་ཁ་ཆག་ཅན། །ལག་ན་ཁ་ཊ༷་མཚོན་ཆ་ཐོགས། །ཟ་འོག་ཞབས་མའི་དབུ་རྒྱན་ཅན། །བསམ་པས་ཁམས་གསུམ་མྱོས་བྱེད་མ། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །ཧུ༷་མ་མོ་ཆེན་མོ་ཚུར་གསོན་ཅིག །རིན་ཆེན་སྲིད་འདེགས་ཆེན་མོ་ཁྱོད། །མདོག་བཟངས་སྔོན་མོ་རལ་པ་ཅན། །རང་ཆས་མུ་ཏིག་གོ་ཟུ་ལ། །གསེར་དང་གཡུ་ཡི་ཁ་ཆག་ཅན། །མཐའ་མ་རིན་ཆེན་འབར་བས་བསྐོར། །གཡས་ན་རིན་ཆེན་ཟ་མ་ཏོག །གཡོན་ན་གཡུ་ཡི་ཟོ་བ་ཐོགས། །ཁྱོད་ནི་སྲིད་པའི་མ་མོ་སྟེ། །ཚེ་བདུད་དབང་ཆེན་མ་མོ་ཁྱོད། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །ཧུ༷་འདོད་པའི་མ་མོ་ཆེན་མོ་ནི། །བདུད་ཀྱི་སྲིན་མོ་གཤིན་རྗེའི་ལྕམ། །མདོག་བཟངས་མ་མོ་རལ་པ་ཅན། །རལ་པའི་ཟར་བུ་མུན་ནག་གཏིབས། །ལྕགས་ཀྱི་ལུས་ལ་ཟངས་ཀྱི་ཞབས་མ་ཅན། །ལག་པ་གཡས་ན་གཤིན་རྗེའི་ཁྲམ་བམ་ཅན། །གཡོན་ན་ཤོ་རྡེའུ་དཀར་ནག་འགྲེམ། །མཚན་ན་ནད་ཀྱི་རྐྱལ་པ་སྦེད། །ཁྱོད་ནི་འཇིག་རྟེན་སྨྱོ་བཟློག་མཁན། །ཁྲམ་བམ་ཕྱིས་ལ་ཤོ་རྡེའུ་གཏོར། །ནད་ཁ་ཕྱིས་ལ་དལ་ཁ་སྒྱུར། །མདོས་བདག་ཆེན་མོ་མདོས་ལོང་ལ། །གླུད་བདག་ཆེན་མོ་གླུད་བཞེས་ཤིག །རིམས་ནད་ཕྱིས་ལ་དལ་ཁ་ཟློག །རྣལ་འབྱོར་མ་མོ་དབང་བསྒྱུར་མ། །མདོག་བཟང་དཀར་མོ་རལ་པ་ཅན། །ཁྱོད་ནི་གླིང་བཞི་སྤྱིར་འགྲོ་སྟེ། །རང་ཆས་དར་དཀར་གོ་ཟུ་ལ། །གཡུ་བྲན་འབར་བའི་ཁ་ཆག་ཅན། །གསེར་གྱི་གང་ལེབ་འབར་བ་ལ། །གཡུ་ཡི་ཅོད་པན་འོད་འཕྲོ་མ། །རྫུ་འབྲུལ་རྐང་པས་ཕྱོགས་བཅུར་འགྲོ། །གཡས་ཀྱི་ཕྱག་ན་ཐོགས་པ་ནི། །གསེར་གྱི་ལྕམ་བུ་འབར་བ་ལ། །གཡུ་ཡི་ལྕག་འབྲས་འབར་བ་བཏགས། །ཀླད་ལ་བསྐོར་བས་བདུད་དཔུང་འཇོམས། །ས་ལ་བརྡབས་པས་དགྲ་བགེགས་སྒྲོལ། །གཞན་གྱིས་རྦད་ཀྱང་མི་ཉན་པར། །བཅོལ་བའི་ལས་རྣམས་འགྲུབ་པར་མཛོད། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །རྡོ་རྗེ་གར་གྱི་དབང་ཕྱུག་མ། །དབུ་བརྒྱ་མ་ལ་སྤྱན་སྟོང་མ། །འཇིགས་ཚུལ་རྔམ་པའི་ཆ་བྱད་ཅན། །ཕྲིན་ལས་དགྲ་བགེགས་ཀུན་འདུལ་ལ། །རྡོ་རྗེ་སྒེག་མོ་མདོས་ལོངས་ཤིག །ཧུ༷་པདྨ་ལས་ཀྱི་དབང་ཕྱུག་མ། །ས་བདག་ཆེན་མོ་པདྨ་ཕྲེང་། །ལག་ན་ཐོད་པ་ཁྲག་གིས་བཀང་བ་ཐོགས། །གྲོང་ཁྱེར་ཀུན་ཏུ་འཐོར་བྱེད་མ། །མདོས་བདག་ནི་མདོས་ལོང་ལ། །གླུད་བདག་ནི་གླུད་བཞེས་ཤིག །མ་མོ་སྲིད་པའི་བེམ་ལས། མ་མོ་བསྐུལ་བ་དང་བསྐང་བའི་ལེའུ་སྟེ་སོ་གཅིག་པའོ།། །།ཧུ༷་རི་རབ་གླིང་བཞི་གྲུ་འདེགས་མ། །ཧར་ཏིང་དཀར་མོ་ཆེན་མོ་སྟེ། །བྱང་ཤར་མཚམས་ཀྱི་གྲུ་འདེགས་མ། །ཧུ༷་དུན་ཏིང་ནག་མོ་ཆེན་མོ་སྟེ། ཁྲར་ལྷོ་མཚམས་ཀྱི་གྲུ་འདེགས་མ། །ཧུ༷་ཤན་ཏིང་དམར་མོ་ཆེན་མོ་སྟེ། །ལྷོ་ནུབ་མཚམས་ཀྱི་གྲུ་འདེགས་མ། །ཧུ༷་གྲུབ་ཏིང་ལྗང་སེར་ཆེན་མོ་སྟེ། །ནུབ་བྱང་མཚམས་གྱི་གྲུ་འདེགས་མ། །མཚན་ནི་གྲུ་འདེགས་ཆེན་མོ་སྟེ། །རྒྱལ་ཆེན་གཟུངས་མ་མདོས་ལོངས་ཤིག །ཧུ༷་དམག་གི་རྒྱལ་མོ་ཆེན་མོ་བཞི། ཁྲར་གྱི་དཀར་མོ་མཆེ་བ་ཅན། །ལྷོ་ཡི་ནག་མོ་ཁ་རླངས་མ། །ནུབ་ཀྱི་དམར་མོ་མཆུ་འཇིབ་མ། །བྱང་གི་སེར་མོ་རྐང་ལྡག་མ། །རིགས་བཞིའི་དམག་དཔུང་འཁོར་གྱིས་བསྐོར། །འདིར་སྤྱོན་མདོས་བདག་མདོས་ལོང་ལ། །བདག་གི་བསམ་པ་འགྲུབ་པར་མཛོད། །ཧུ༷་གླིང་བཞིའི་མགྱོགས་མ་ལྷ་ཡི་སྲིང་། ཁྲར་གྱི་མགྱོགས་མ་གཤེགས་སུ་གསོལ། །ཧུ༷་མཁའ་ལ་ཁྱུང་ལྡིང་གཤིན་རྗེའི་སྲིང་། །ལྷོ་ཡི་མགྱོགས་མ་གཤེགས་སུ་གསོལ། །ཧུ༷་དམར་མོ་གཡག་ཐོད་ཀླུ་ཡི་སྲིང་། །ནུབ་ཀྱི་མགྱོགས་མ་གཤེགས་སུ་གསོལ། །ཧུ༷་ནག་མོ་སྡེར་ཆེན་གནོད་སྤྱིན་སྲིང་། །བྱང་གི་མགྱོགས་མ་གཤེགས་སུ་གསོལ། །སྲིང་མོ་ཆེན་མོ་ཁྱོད་བཞི་ཡང་། །མདོས་བདག་ནི་མདོས་ལོངས་ཤིག །ཅེས་བསྟོད་ལ་མདོས་དབུལ་ལོ། །མ་མོ་སྲིད་པའི་བེམ་ལས། བསྐང་བ་དང་མ་མོ་མིང་གྲངས་ཀྱི་ལེའུ་སྟེ་སོ་གཉིས་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་འཇོམས་པའི་ལྷ། །མི་སྲིན་འཇིགས་པའི་མགོན་ཅན་རྣམས། །བསྒྲུབ་ཅིང་ཕྲིན་ལས་བཅོལ་བ་ལ། །རྫས་རྣམས་མཐུན་པར་ཇི་ལྟར་བསོག །རྟགས་དང་དུས་ཚིག་གཏོར་མ་ཇི་ལྟར་གཏང་། །གཏོར་མའི་མཎྜལ་ཇི་ལྟར་བརྩིག །འཇིག་རྟེན་འཇོམས་པས་བཀའ་སྩལ་ཅིག །ཅེས་གསོལ་ཏོ། །བཀའ་སྩལ་པ། ཉམས་དགའ་བཀྲ་ཤིས་བཞུགས་གནས་སུ། །གཞུང་དང་མཐུན་པར་དཀྱིལ་འཁོར་བྲི། །པདྨའི་རིགས་ལ་མཚན་དང་ལྡན། ཁེན་ཏུ་སྒེག་མ་གཞག་པར་བྱ། །ཙིསྟ་རཀྟ་ཞིང་ཆེན་ལྕང་ལོ་ཡང་། །རྫས་སུ་དུར་ཁྲོད་རོ་རྫས་བཞག །མི་ཡི་ཟིལ་པ་ཆེད་དུ་བླང་། །རཀྟ་ཙིརྟི་ཚོགས་ཚད་བསོག །ཚིལ་ཆེན་མེ་མར་ཁ་ལྔ་གཏང་། །གསུར་ཆེན་དུད་པ་རྒྱུན་མི་འཆད། །ཅི་འབྱོར་ཞལ་ཟས་ཚོགས་ཀྱིས་བསྐང་། །རྣལ་འབྱོར་ཤུན་ཆེན་གོན་ལ་ཕྲེང་བ་ཆེན་པོ་བགྲང་། །སྲིད་པ་སྤྱི་བླུགས་ཞ་གྱོན་ལ། །རྩེ་གསུམ་འབར་བའི་གཡབ་མོ་ཐོགས། །དངོས་གྲུབ་བླང་བའི་ཞལ་བུ་ཡང་། །བཀྲ་ཤིས་རྫས་སུ་བླང་བར་བྱ། །དེ་ནས་དང་པོར་ལྷ་ཡི་བསྙེན་པ་བྱ། །ཡུམ་དང་གཉིས་མེད་སྦྱོར་བ་ཡིས། །ཀ་ནི་ཀ་ཡི་མཆོད་པ་དབུལ། །བདག་ཉིད་བཛྲ་ཧེ་རུ་ཀ །ཡུམ་སྲིད་པའི་རྒྱལ་མོ་ཉིད་དུ་བྱིན་གྱིས་བརླབ། །གཉིས་སུ་མེད་པར་དེ་བཞིན་བསྒོམ། །དེ་ནས་སྙིང་པོ་དབུལ་བར་བྱ། །ཉིང་བཞི་མུ་ཁ་ལེ་ཀྲོ་དྷི་ཤྭ་རྡི་མ་ཧྭ། པདྨ་བྷ་ག་བདེ་ཀློང་འདུས་འདུས། སྙིང་ཛ་ད་ཤ་ཡུ་ཏི་ཧུ༷་སྨྱོ། དེ་ནས་ཞག་ཉི་ཤུ་རྩ་གཅིག་ན། ཧ་ཞེས་སྨྱུགས་པ་ཕྱུང་ཟེར་ནས་གམ་དུ་འོང་ངོ་། །དེ་ནས་དང་པོ་སྦྱོར་བ་བྱས་པ་ལ། །ཀར་ནི་ཀས་མཆོད་པ་དབུལ་ལོ། །དེ་ནས་ཡུམ་སྟོན་ལ་རྣལ་འབྱོར་མ་གསུམ་མམ་ལྔ་ཚུན་ཆོད་གང་བྱེད་ཀྱང་ཆེད་དུ་གང་བྱེད་པའི་སྙིང་པོ་ལ་དྲིལ་ལ་སོ་སོར་རང་རེ་བཟླས་སོ། །དེ་ནས་ཡུམ་ཆེན་མོ་མཆོད་པའི་སྦྱོར་བ་ལ་འོང་སྟེ། དེ་ནི་དངོས་གྲུབ་ཚུར་སྟེར་བ་ཡིན་པས་རབ་ཏུ་བཟང་ངོ་། །སྔར་ཡུམ་དང་ལྷན་ཅིག་སྦྱོར་བའི་མཆོད་པ་དབུལ་བས། ཡུམ་ལ་འགྲན་མི་རྒྱུ།ཕྱིས་མ་སྟོན་ན་དངོས་གྲུབ་མི་སྟེར་རོ། །གསང་བའི་གཟུངས་མ་ནི། །ཉི་ཟླ་སྟོང་གི་ཐོད་ཕྲེང་ཅན་ནོ། །སྦྱོར་བ་ལ་བྱུང་ནས་བསྟོད་པ་ནི། །ཧུ༷་ཆེ་ཞེས་མོན་མོ་གསང་བའི་ཡུམ། །ཐིག་ལེ་སྦྱོར་བའི་ཡུམ་གཅིག་མ། །དཀར་མོ་ཉི་ཟླ་སྟོང་གི་ཐོད་ཕྲེང་ཅན། ཁུ་གསུམ་འབར་བའི་སྤྱན་གཅིག་མ། །གཡུ་ཡི་རལ་པས་སྲིད་པ་སྒྲོལ། །ཆགས་པའི་སྤྱན་གྱིས་པདྨ་འཛིན། །རིན་ཆེན་མཆི་མ་སྐྱེ་འགྲོའིགསོ། །ཙིསྟའིཞགས་པས་དགྲ་བོ་སྒྲོལ། །སྔོན་གྱི་སྦྱོར་མཆོད་ཇི་བཞིན་དུ། །བདག་དང་གཉིས་སུ་མེད་པར་སྦྱོར། །ཞེས་བསྟོད་དོ། །སྒྲུབ་པ་དེ་ཐོན་ནས། གང་སྒྲུབ་པ་ལ་འཇུག་གོ །གཏོར་མའི་མཎྜལ་བརྩིག་པ་ནི། དབྱིངས་ཀྱི་མ་མོ་ནི་རྒྱར་ཁྲུ་བྱེད་དང་ངོ་། །དཔངས་སུ་འདོམ་གང་ཁྲུ་གང་བར་བརྩིག །མདོག་སྨུག་ནག་ཏུ་བྱ་ཁྲུ་གང་གི་འོག་ཏུ་མཎྜལ་ཞིང་རས་ལ་བྲིས་ལ་བཞག །འཁོར་ལོ་རྩིབས་བཞི་པར་བྱ། དབུས་སུ་གྲུ་གསུམ་ལ་གཙོ་མོ་སྤྱིའི་སྙིང་པོ་བྲི།འཁོར་ལོ་བཞི་ལ་ཕུང་བྱེད་མ་ལ་སོགས་པ་གང་བྱེད་པའི་སྙིང་པོ་བྲི། གཏོར་མ་བཏང་། དུན་ཏིང་ནག་མོ་ནང་པར་ཉི་མའི་ཟེར་ལ་ཞོན་ནས་རྒྱུ་བ་དེའི་གཏོར་མ་བཏང་ངོ་། །མིས་མི་མཐོང་བར་མིང་རུས་འཁོར་ལོའི་འོག་ཏུ་བཞག་གོ །བདུད་མོ་རིགས་ཀྱི་གྲུ་གསུམ་དུ་བརྩིག །དཔངས་དང་རྒྱ་ཀུན་གཅིག །མཎྜལ་དུར་ཁྲོད་ཀྱི་རས་ལ་གྲུ་གསུམ་བསྣོལ་མར་བྲི། ཚངས་པ་གཟི་ཅན་གྱི་བུ་མོ་ནམ་མཁའི་མཐའ་ལ་རྒྱུ་བས། ནམ་ལང་བ་ལ་བཏང་། ལས་བྱེད་མ་མོ་རྣམས་ཀྱིས་གྲུ་གསུམ་ལ་ཁ་ཁྱེར་བར་གསུམ་བརྩེག་ལ་ཁང་སེང་དུ་རྩིག །འགྲམ་དུ་ལིདྷ་བསྐུར། བདུད་ཡསྒ་མེ་སྲེག་གི་བུ་མོ་ནག་མོ་རྐང་གཅིག་སྐར་མདའ་ལ་ཞོན་ནས་རྒྱུ་བས། །ནམ་གྱི་ཆ་སྨད་ལ་བཏང་ངོ་། །སྤྲུལ་པའི་མ་མོའི་གཏོར་མ་ནི། ཉི་མ་གུང་ལ་ཟླ་བའི་སྲས་མོ་རྟ་ལ་ཞོན་ནས་རྒྱུ་བས་དེའི་དུས་སུ་བཏང་ངོ་། །བདུད་ཁྱབ་པ་ལག་རིངས་ཀྱི་བུ་མོ་ནམ་གུང་ལ་རྒྱུ་སྟེ།འདོད་པ་རོ་ཟན་ཁྲག་འཐུང་སྤྱན་གཅིག་ཡིན་པས། དེར་ཡང་བཏང་ངོ་། །སྟེགས་ནི་གྲུ་བཞི་ལ་མདོག་སེར་ནག་ཏུ་བྱ། འཁོར་ལོ་རོ་རས་ལ་མ་མོའི་སྙིང་པོ་གང་བྱེད་ཀྱིས་མཐའ་མ་བསྐོར་ལ། དབུས་སུ་མིང་རུས་བྲིས་རྟགས་མ་ཐོན་པར་གཞུག་གཏོར་མ་དེའི་སྟེང་དུ་སྤུངས། དེ་ནི་གཏོར་མའི་ལས་སོ། །མ་མོ་སྲིད་པའི་བེམ་ལས། གཏོར་མ་བཏང་བ་དང་སྤྱི་ཡི་བསྒྲུབ་པའི་ལེའུ་སྟེ་སོ་གསུམ་པའོ།། །།ད་ནི་བུ་མོ་བཞི་ལ་ལས་དག་པོ་བཀོལ་བ་ལ། ཚེས་བཅུ་བཞི་ལ་གནས་དབེན་པར་བཤམ། དེ་ནས་ཡོ་བྱད་བརྩམ། དཀར་མོ་མིག་གཅིག་མ་ལ་བྷརྙ་ཟླུམ་ལ་པདྨ་ཆགས་པ་དང་། འཇམ་ལ་རི་མོ་ཉུང་བ་བཙལ། དཀར་མོ་མཆེ་བའི་ཕྱག་ན་བསྣམས། །འཆོང་རིས་སྨུག་པོས་རབ་ཏུ་བརྒྱན། །ལྗོན་ཤིང་རི་མོ་ཡོད་པ་ནི། །ནག་མོ་ཆེན་མོའི་ཕྱག་ན་བསྣམས། །པདྨ་འདབ་བརྒྱད་ཡོད་པ་ལ། །དཀར་ལ་འཚེར་བར་གྱུར་པ་ནི། །དམར་མོ་དབང་བསྒྱུར་ཕྱག་ན་བསྣམས། །དུམ་བུ་གཉིས་པ་ཡོད་པའམ། །རྡོ་རྗེ་རྒྱ་གྲམ་རྩེར་འདུག་པ། །སེར་མོ་ལས་མཁན་ཕྱག་ན་བསྣམས། །དེ་རྣམས་རྟེན་དུ་བཅས་པ་ལ། །རི་མོ་མེད་ན་ཚོན་གྱིས་བྲི། །རིགས་ནི་མཚན་ངན་འདིར་མི་གཏོགས། །བྷརྙ་དེ་བཞིན་ལྡན་པ་ལ། ཁྲེལ་གྱི་རྒྱུ་བཞི་ཡང་དག་རྫོགས། །གཞན་ཡང་དམ་རྫས་མ་བཞི་བསོག །དེ་ནས་མ་བཞིའི་དབང་བསྐུར་བའི་ངན་སྔགས་བོད་པ། འབོད་རྦད་གསོད་པ་གསུམ་དུ་དྲིལ་ལ་བཟླས། དང་པོར་བཟླས་པ་མ་མ་སྙིང་ཁ་རཀ །མ་མ་རསྒ་མ་མ་རསྒ། རཀློ་སྙིང་ཁྲག་ལ་མ་མ་དུན་དུན། སྒག་རསྒ་མ་སྙིང་ཧེ་ཀེམ་མ་མ་རུ་ལུ་རུ་ལུ་སྨྱོ། རྦད་པ་དྲིལ་བ། ཁོག་སྦུབ་རོལ་གཅིག་མ་མ་སྙིང་ཁྲག་ལ་ས་མ་ཡ་སྟུ༷། ཛ་ཛ་སྙིང་རྩ་ཕྱུང་ཞིག །མ་མ་སྙིང་ཙིསྟ་ལ་ཐུན། སྙིང་ཁྲག་མ་མ་དུན་དུན། ཤ༷་ཏིཇི་མ་སྙིང་ལ་ཡ་མ་མ་སྨྱོ། བསད་པ་དྲིལ་བ་ལ། མུ་མུ་ཤ་ཤ་མ་མ་ཧྲིང་ཧྲིང་། དགྲ་བོ་མ་མ་ས་མ་ཡ། དགྲ་བོའི་ཙིསྟ་མ་ཛ་ལ་མྱ་ར་ཡ་ཛ། ཙིཏི་ཙལ་རོལ་ཆུ༷་ཐུ༷་རི་ལི་ལི། མ་ལས་མྱུར་དུ་མཛོད་ཅིག །ཅེས་དྲག་ཏུ་བསྐུལ་ལོ། །ཧུ༷་ཤར་གྱི་དཀར་མོ་མིག་གཅིག་མ། །ན་བཟའ་ཤུན་ཆེན་རློན་པ་གསོལ། །བྷརྙ་རློན་པའི་དྲིལ་བུས་བརྒྱན། །རལ་ཕྲན་ཞག་གི་ཐིགས་པ་ལ། །དུང་ཆེན་མཆེ་བ་གཙིགས་པ་ཡིས། ཁྲར་ཕྱོགས་སྲིད་གསུམ་ཕུར་པས་འདེབས། །རིན་ཆེན་ཤེལ་གྱི་ཐོད་གདེངས་ཅན། །ཞག་གི་ལན་ཕྲན་བསིགས་པ་ཡིས། །སྟེང་དུ་ཡ་བདུད་རྡུངས་ཤིག་ཆེམ། །བར་དུ་དགྲ་བགེགས་ཐལ་བར་རློགས། །ཧུ༷་རི་རབ་གླིང་བཞིའི་ལྷོ་ཕྱོགས་ན། ནག་མོ་ཆེན་མོ་མཆེ་བ་ཅན། །མི་ལྤགས་རློན་པའི་གོ་ཟུ་ཅན། །བྷརྙ་སྐམ་པོའི་དྲིལ་བུས་བརྒྱན། །རྡོ་རྗེ་ལན་ཕྲན་དྲིལ་ཆེན་འཁྲོལ། །ལྕགས་ཀྱི་མཆེ་བ་གཙིགས་པ་ཡིས། །ལྷོ་ཕྱོག་་དགྲ་བགེགས་ཕུར་པས་འདེབས། །གསེར་གཡུ་སྤེལ་བའི་ཐོད་གདེངས་ཅན། །དྲིལ་ཆེན་རལ་པ་གསིགས་པ་ཡིས། །སྟེང་དུ་ལྷ་ཆེན་འཆིང་བར་བྱེད། །བར་དུ་དགྲ་བགེགས་ཕུང་བར་བྱེད། །འོག་ཏུ་བྱོལ་སོང་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །ཧུ༷་རི་རབ་གླིང་བཞིའི་ནུབ་ཕྱོགས་ན། །དམར་མོ་ཆེན་མོ་དབང་སྒྱུར་མ། །ན་བཟའ་ཁྲག་གི་གོ་ཟུ་ལ། །སྦྲུལ་ནག་འཁྲིལ་བའི་ཆུན་འཁོར་ཅན། །པདྨ་རཀྟའི་ཐིག་ཕྲན་ཅན། །མཆེ་བ་དམར་པོ་གཙིགས་པ་ཡིས། །ནུབ་ཕྱོགས་དགྲ་བགེགས་ཕུང་བར་བྱེད། །མིཁྲགརློནཔའིཐོདགདེངས་ཅན། །ཁྲག་གི་ལན་ཕྲན་བསིགས་པ་ཡིས། །སྟེང་དུ་ཚངས་ཆེན་འཇིགས་པར་བྱེད། །བར་དུ་དགྲ་བགེགས་ཕུང་བར་བྱེད། །འོག་ཏུ་བྱོལ་སོང་གནས་རིས་འཇོམས། །མ་གཡེལ་ཐིག་ལེ་གསང་བའི་གཟུངས། །ཧུ༷་རི་རབ་གླིང་བཞིའི་བྱང་ཕྱོགས་ན། །སེར་མོ་ལས་མཁན་ཆེན་མོ་ལ། །མཛེས་པའི་ན་བཟའ་སྐུ་ལ་གསོལ། །བཱ༷་ས་རློན་པའི་ཐུལ་པ་ལ། །དྲི་ཆུ་ཁོལ་མའི་ཡ་བ་བསྐོར། །ལན་ཕྲན་དྲིལ་བུ་འབར་བ་འབྱུང་། །གསེར་གྱི་མཆེ་བ་གཙིགས་པ་ཡིས། །བྱང་ཕྱོགས་སྲིད་གསུམ་རླག་པར་བྱེད། །མྱ༷་ས་རློན་པའི་ཐོད་གདེངས་ཅན། །དྲི་ཆུའི་ལན་ཕྲན་བསིགས་པ་ཡིས། །སྟེང་དུ་ཚོགས་ཀྱི་བདག་པོ་འཆིང་། །བར་དུ་དགྲ་བགེགས་ཐལ་བར་རློག །འོག་ཏུ་བགེགས་རིགས་སྟོངས་པར་བྱེད། །མ་གཡེལ་ཐིག་ལེ་གསང་བའི་གཟུངས། །ཐིག་ལེ་གསང་བའི་གཟུངས་གཅིག་མ། །བདུད་རྩི་རྣམ་ལྔ་དབུ་ལ་རྫོགས། །གཡས་ན་གཡང་གཞིའི་ཐོར་ཚུགས་ཀྱིས། །མུ་སྟེགས་ནག་མོའི་སྙིང་འབྱིན་མ། །གཡོན་ན་ཐོད་པ་ཁྲག་འཛག་བསྣམས། །བུད་མེད་ཐམས་ཅད་དབང་དུ་སྡུད། །རལ་པ་ཅན་གྱི་འཁོར་སྐྱོང་མ། །སྒྲུབ་པ་པོ་ལ་བརྩེ་དགོངས་ཏེ། །འདིར་སྤྱོན་བདག་གི་ལས་མཛོད་ཅིག །ཅེས་བསྐུལ་ལོ། མཆོད་རྟེན་རྙིང་པའི་ཕྱོགས་བཞིར་ཐོད་པར་སྩལ་ལ་བཞག །ཞག་ཉི་ཤུ་རྩ་གཅིག་ཏུ་བསྒྲུབ་ནས་མནན་ན་བ་གདོན་མི་ཟའོ། །མ་མོ་སྲིད་པའི་བེམ་ལས། སྲིན་མོ་བུ་མོ་བཞི་བསྒྲུབ་པའི་ལེའུ་སྟེ་སོ་བཞི་པའོ།། །།དེ་ནས་མ་མོ་ཨེ་ཀ་ཛུ་ཞི་བསྒྲུབ་པ་འདི་ལྟར་བྱས་ན་གང་འདོད་ཀྱི་གཏམ་སྨྲ་རུ་འོང་ངོ་། །སྟེགས་བུ་གྲུ་བཞི་པ་གཅིག་གི་སྟེང་དུ། གྲྭ་ཕྱིང་གཙང་མ་གཅིག་བཏིང་ལ།དམ་རྫས་སྣ་ལྔ་སྩལ་བའི་དམར་གཏོར་གྱི་ནང་དུ་སྨན་དང་། ཕུད་གཙང་མ་སྩལ་ཏེ། དར་དམར་ཁ་ཚོན་གང་གིས་ཁ་བཅད་ལ། ཁ་ནུབ་ཏུ་བལྟས་ལ་ཞག་བདུན་དུ་བསྒྲུབ་པ་བྱས་ཏེ། བུད་མེད་མཚན་དང་ལྡན་པ་ལ་པྲ་ཕབ་སྟེ། ཧུ༷་སྲིད་པའི་བྱན་མོ་ཡལ་གམ་ཅན། །སྐྱེ་འགྲོ་རལ་གཅིག་འཇིག་རྟེན་སྒྲོལ། །མིག་ནས་ཁྲག་འཛག་སྙིང་ཁྲག་བསྲེག །ཁ་ནས་མེ་འབར་རྒྱ་མཚོ་སྐེམས། །མ་བྱུང་བ་ཡི་དུས་མཐའ་ནས། །འཇིག་རྟེན་ལས་ཀྱི་དབང་བསྒྱུར་མ། །སེམས་ཅན་དོན་ལ་རབ་བརྩོན་ཏེ། །སྙིང་རྗེ་བྱམས་པའི་དཀྱིལ་འཁོར་དུ། །བརྩེ་བའི་ཐུགས་ཀྱིས་གཤེགས་སུ་གསོལ། །ཡུམ་ལས་བབ་ནས་སྣང་སྲིད་སྟོན། །དེ་ལ་མེད་དུ་མི་རུང་བ་ནི་སྣེལ་གྲི་མོའི་སྙིང་དང་ཐོད་པ་ཡིན་ནོ། །མ་མོ་སྲིད་པའི་བེམ་ལས། ཨེ་ཀ་ཛུ་ཞི་པྲ་ཕབ་པའི་ལེའུ་སྟེ་སོ་ལྔ་པའོ།། །།དེ་ནས་གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །འཇིག་རྟེན་འཇོམས་པ་སྟོབས་ཀྱི་ལྷ། །མདོས་ལ་མ་ཚོགས་ཇི་ལྟར་བསྐུལ། །ཅེས་གསོལ་ཏོ། །དེ་ནས་ཡང་བཀའ་སྩལ་པ། དང་པོ་ཧུ༷་གིས་ལྷ་མཆོག་གཙོ་བོ་བསྟོད། །དེ་ནས་རིགསཀྱིསམཚོགསམཆོད། །ཧཱུཾབཅོམལྡན་ཆེ་མཆོག་ཧེ་རུ་ཀ །མཐིང་ནག་འཇིགས་པའི་ཆ་བྱད་ཅན། །དཀར་ནག་འབར་བའི་ཞལ་མངའ་བ། །ཕྱག་དྲུག་ཕྱག་མཚན་སྐྱེ་འགྲོ་སྒྲོལ། །སྦྲུལ་ཆེན་ཞགས་པས་མ་ཚོགས་འགུགས། །གཡང་གཞི་གཡབས་པས་ཐམས་ཅད་འདུལ། །ཡུམ་དང་གཉིས་སུ་མེད་པ་སྟེ། །སྦྱོར་བ་ཚོགས་ཀྱི་མཆོད་པ་འདིས། །ཐུགས་རྗེ་དབྱིངས་ནས་རོལ་པར་མཛོད། །བསྟོད་པ་ཀུན་མཐུན། དེ་ནས་མ་མོའི་སྙིང་པོ་ཀུན་ཐུན་གཅིག་བཟླས། ཨ་མྲི་ཏའི་དམ་ཆུ་ལ། ཧེ་རུ་ཀའི་ང་རྒྱལ་བསྐྱེད་ལ། ཧུ༷་ང་ནི་ཁམས་གསུམ་སྙིང་ཁྲག་བདག །ད་ནི་ཤ་རུས་འཆའ་བ་སྟེ། །ང་ནི་ཟ་བྱེད་ཆེན་པོ་སྟེ། །ཁམས་གསུམ་སྨྱུ༷་ས་ཟ་བའི་བདག །མ་མོ་ཀུན་གྱི་རེ་གནས་ཀྱིས། །མ་མོ་བསྐང་ཟློག་གཏོར་མ་ལོངས། །ཞེས་དམ་བསྲེས་ལ། དེ་ནས་ཡང་། ཧུ༷་འདོད་པའི་མ་མོ་ཚུར་གསོན་ཅིག །དོ་ནུབ་མ་ཚོགས་གཉེན་མཆོད་དོ། །འབྲུ་སྣ་ནི་མང་པོ་དང་། རིན་ཆེན་ནི་སྣ་ཚོགས་དང་། གླིང་བཞིའི་གཏོར་མ་དང་། སྣ་ཚོགས་ནི་རྫས་བསགས་ནས། སྲོག་ཆགས་ནི་མང་པོས་བསྐོར། ཀུན་ཀྱང་རིན་ཆེན་བརྒྱན། འཇིག་རྟེན་ནི་ནོར་གྱིས་བསྐོར། དཀོན་པའི་ནི་ཟས་བསོགས་ནས། མུ་མེན་ནི་སྟེགས་བུ་ལ། རིན་ཆེན་ནི་བཅལ་བཀྲམ་ནས།སྤོས་ཀྱི་ནི་ས་གཞི་བཏིང་། དབང་གི་ནི་དཀྱིལ་འཁོར་ལྡན། །དར་དཀར་གྱིས་ཡོལ་བ་བྲེས། གསལ་བའི་མར་མེ་བཏང་། རྒྱལ་མཚན་ནི་སྣ་ཚོགས་བཙུགས། ལེ་བརྒན་ནི་གདུགས་ཀྱིས་བཀབ། མ་བདུད་ནི་གཉན་བྱུང་ནས། གསེ་བགྱི་ནི་སྐྱེམས་འཕང་བལྟམ། སྲོག་ཆགས་ཀྱི་སྐྱིན་དུ་འབུལ། ཆུས་སྲིད་ཀྱི་མངའ་ཐང་བཞེས། ལོངས་སྤྱོད་ནི་རྐྱེན་དུ་བཞེས། །ཧུ༷་རི་རབ་གླིང་བཞིའི་དཀྱིལ་འཁོར་ནས། །འཇིག་རྟེན་ཡོངས་ཀྱི་མངའ་མཛད་མོ། །མ་མོ་ཚོགས་ཀྱི་བདག་མོ་སྟེ། །སྲིད་གསུམ་ཡོངས་ལ་མངའ་བདག་མོ། །སྐྱེ་འགྲོ་ཡོངས་ཀྱི་ཟ་བྱེད་མ། །ན་བཟའ་ཞིང་གི་གཡང་གཞི་ལ། །ཐོད་པ་རློན་པའི་ཕྲེང་བ་ཅན། །ལག་ན་སྙིང་གི་ལོངས་སྤྱོད་མ། །འདིར་གཤེགས་མདོས་བདག་མདོས་ལོངས་ཤིག །རྡོ་རྗེ་རིགས་ཀྱི་རྒྱལ་མོ་སྟེ། ཁྲར་ཕྱོགས་རིགས་ཀྱི་མངའ་བདག་མོ། །དཀར་མོ་སྤྲིན་ཆེན་གོ་ཟུ་ལ། །ལག་ན་གསེར་གྱི་སྤུ་གྲི་ཐོགས། །སྲིད་པ་ཀུན་གྱི་རུས་འཆའ་མ། །མདོས་བདག་ཆེན་མོ་མདོས་བཞེས་ཤིག །ཧུ༷་རིན་ཆེན་རིགས་ཀྱི་རྒྱལ་མོ་སྟེ། །ལྷོ་ཕྱོགས་ཁམས་ཀྱི་མངའ་བདག་མོ། །ནག་མོ་གཡུ་ཡི་གོ་ཟུ་ལ། །བསྐལ་པའི་མེ་དཔུང་འོད་འབར་ཞིང་། །སྲིད་པ་གསུམ་གྱི་དྲོད་འབེབས་མ། །སྐྱེ་འགྲོ་ཀུན་གྱི་ཚེ་འཕྲོག་མ། །མདོས་བདག་ཆེན་མོ་མདོས་ལོངས་ཤིག །པདྨའི་རིགས་ཀྱི་རྒྱལ་མོ་སྟེ། །ནུབ་ཕྱོགས་ཁམས་ཀྱི་རྒྱལ་མོ་སྟེ། །དམར་མོ་ཁྲག་གི་གོ་ཟུ་ལ། །ལག་ན་ཐོད་པ་ཁྲག་གིས་བཀང་། །སྐྱེ་འགྲོ་ཀུན་གྱི་ཁྲག་འཐུང་མ། །འདིར་སྤྱོན་མདོས་བདག་མདོས་ལོངས་ཤིག །ལས་ཀྱི་རིགས་ཀྱི་རྒྱལ་མོ་སྟེ། །བྱང་ཕྱོགས་ཁམས་ཀྱི་མངའ་བདག་མོ། །སེར་མོ་གསེར་གྱི་གོ་ཟུ་ལ། །སྐྱེ་འགྲོ་ཀུན་གྱི་དབུགས་བདག་མོ། །མདོས་བདག་ཆེན་མོ་མདོས་ལོངས་ཤིག །ནམ་མཁའི་རིགས་ཀྱི་རྒྱལ་མོ་སྟེ། །འཇིག་རྟེན་རིགས་ཀྱི་མདོས་ཀྱི་བདག །མཐིང་ནག་ནམ་མཁའི་གོ་ཟུ་ལ། །གསེར་གྱི་ཞགས་པ་བསྡོགས་པ་འཕེན། །སྐྱེ་འགྲོ་ཀུན་གྱི་བཀྲག་བདག་མོ། །འདིར་སྤྱོན་མདོས་བདག་མདོས་ལོངས་ཤིག །ཧུ༷་འདོད་པའི་མ་མོ་ཚུར་གསོན་ཅིག །རི་རབ་གླིང་བཞིའི་རྩེ་མོ་ལ། །སྣང་སྲིད་ཀུན་གྱི་ཕུག་སྲོག་མོ། །སྐུ་མདོག་མཐིང་ནག་ཆེན་མོ་ལ། །དབུ་དང་ཞལ་ནི་ཅིར་ཡང་སྟོན། །རིན་ཆེན་རལ་པ་སྣ་ཚོགས་ཀྱིས། །སྣང་སྲིད་ཁ་དོག་གསལ་མཛད་མ། །སྤྱན་གཉིས་མཛེས་པའི་མཆི་མ་ཡིས། །གཡས་ལ་སྣང་སྲིད་དབང་དུ་སྡུད། །གཡོན་པ་སྐྱེ་འགྲོ་གསོས་མཛད་མ། །ལྔ་བཅུ་རྩ་བདུན་ཇོ་མོ་སྟེ། །སྐྱེ་འགྲོ་ཀུན་གྱི་མངའ་བདག་མོ། །མ་མོ་ཆེན་མོ་གཤེགས་སུ་གསོལ། །མདོས་བདག་ཆེན་མོ་མདོས་ལོངས་ཤིག །མ་མོ་སྲིད་པའི་བེམ་ལས། རྟག་པའི་རྒྱལ་མོ་དྲུག་ལ་མདོས་བསྔོ་བའི་ལེའུ་སྟེ་སོ་དྲུག་པའོ།། །།ཧུ༷་ཆེ་ཞེས་ཆེན་པོ་དཀར་མོ་སྟེ། །ཉི་ཟླ་སྟོང་གི་ཐོད་ཕྲེང་ཅན། །ལྕགས་དང་ཟངས་ཀྱི་དྲིལ་ཞགས་ཅན། །སྙིང་གི་ཞགས་པ་བསྡོགས་ཤིང་འཕེན། །དཀར་མོ་ཆེན་མོ་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཆེ་ཞེས་དཀར་མོ་ཉི་མའི་མདངས་ལྡན་མ། །སྲིད་པ་གསུམ་ཆར་སྒྲོལ་མཛད་མ། །ལག་ན་ཤེལ་གི་སྐྲུ་གྲི་ཐོགས། །ཁྲོས་པའི་རྒྱལ་མོ་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཧུ༷་ཆེ་ཞེས་ཆེན་མོ་ཁྲག་འཐུང་མ། །སྲིད་པ་གསུམ་ཆར་དབང་དུ་སྡུད། །ལག་ན་ཐོད་པ་ཁྲག་གིས་བཀང་བ་བསྣམས། །ཁྲོས་པའི་རྒྱལ་མོ་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཆེ་ཞེས་དམར་མོ་བདུད་རྩི་བདག །སྲིད་པ་གསུམ་ཀ་གསོས་མཛད་མ། །ལག་ན་བདུད་རྩི་བུམ་པ་ཐོགས། །སྲིད་པའི་རྒྱལ་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཆེ་ཞེས་ལྗང་ནག་གནས་འདུལ་མ། །སྲིད་པ་གསུམ་ཆར་ཟད་པར་འགྱུར། །ལག་ན་ཞིང་ལྤགས་རྒྱལ་མཚན་བསྣམས། །ཁྲོས་པའི་རྒྱལ་མོ་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཆེ་ཞེས་ཆེན་མོ་སྲིད་པའི་རྒྱན་བྱེད་མ། །ལག་ན་སྐྲ་ཡི་ཞགས་པ་ཐོགས། །ཕུང་བྱེད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །མཚན་ནི་གཅིག་པུ་ཆེན་མོ་ལ། །ལག་ན་མི་ཡི་གཡང་གཞི་རྡེབས། །བྷ་ག་ཆེན་མོ་ཕུང་བྱེད་མ། །མདོས་བདག་ཆེན་མོ་མདོས་ལོངས་ཤིག །མཚན་ནི་རྒྱུག་བྱེད་ཆེན་མོ་སྟེ། །ལག་ན་མི་མགོའི་རྒྱུག་པ་ཐོགས། །ཕུང་བྱེད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །མཚན་ནི་བདག་ཉིད་ཆེན་མོ་སྟེ། །ལག་ན་ཞིང་གི་རྒྱུག་པ་འཕེན། །ཕུང་བྱེད་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ཧུ༷་རི་རབ་ལྷུན་པོའི་དཀྱིལ་འཁོར་ནས། །སྲིད་པ་ཤར་གྱི་བདག་མོ་སྟེ། །དཀར་མོ་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །སྲིད་པ་ལྷོ་ཡི་བདག་མོ་སྟེ། །ནག་མོ་ཆེན་མོའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །ལག་ན་བྷསྟོ་ལྕང་ལོ་ཐོགས། །འཆིང་བར་བྱེད་པའི་མིང་ནས་ཕྱུང་། །མདོས་བདག་ཆེན་མོ་མདོས་ལོངས་ཤིག །སྲིད་པ་ནུབ་ཀྱི་མངའ་བདག་མོ། །དམར་མོ་དབང་གི་རྒྱལ་མོ་སྟེ། །ལག་ན་བྷནྟྲ་ལྕང་ལོ་བསྣམས། །འཆིང་བར་བྱེད་པའི་མིང་ནས་ཕྱུང་། །སྲིད་པ་བྱང་གི་བདག་མོ་སྟེ། །སེར་མོ་ཆེན་མོ་ལས་ཀྱི་གཙོ། །ལག་ན་ཐོད་པ་རྒྱ་གྲམ་ཐོགས། །ལེན་པར་བྱེད་པའི་མིང་ནས་ཕྱུང་། །མདོས་ བདག་ཆེན་མོ་མདོས་ལོངས་ཤིག །མ་མོ་སྲིད་པའི་བེམ་ལས། བསྐང་བའི་ལེའུ་སྟེ་སོ་བདུན་པའོ།། །།ཁོལ་མོ་རྣམས་ལ་བསྔོ་བར་བྱ་སྟེ། སྲིད་པ་ཡོངས་ཀྱི་ཤ་ཟ་མོ། ་ང་ཤང་དེའུ་ལ་སོགས་པ་བཞི། །རི་རབ་གླིང་བཞི་བཅས་པ་ལ། །མ་ཚོགས་འབུམ་གྱིས་བསྐོར་བ་ལ། །རྗེ་དང་འབངས་དང་ཁོལ་མོ་དང་། །གཡོག་དང་བྲན་ལ་སོགས་པ་དང་། །ནང་བློན་ཁ་བློན་གུང་བློན་དང་། །མ་ཚོགས་འཁོར་དང་བཅས་པ་ནི། །མདོས་བདག་ཆེན་མོ་མདོས་ལོངས་ཤིག །རི་རབ་བང་རིམ་བཞི་པ་ལ། །ཤར་ཕྱོགས་དུང་མཁར་དཀར་པོ་ལ། །གཡུ་ཡི་སྒོ་མོ་སྩལ། །གསེར་གྱི་སྒོ་ལྕགས་ཀྲ་ལ་ལ། །དེའི་ཁབ་བདག་པ། དབང་ཕྱུག་ནི་སྒྲོལ་བྱེད་ལགས། སྒོ་བ་ནི་སྒོ་ཕྱེ་ཞིག །མདོས་བདག་ནི་མདོས་ལོངས་ཤིག །གླུད་བདག་ནི་ཟླུད་ལོངས་ཤིག རི་རབ་ལྷོ་ཕྱོགས་ན། ལྕགས་མཁར་སྔོན་པོའི་ནང་ཤེད་ཁྱབ་འཇུག་ཆེན་པོ་ཡིན།གནམ་ལྟ་དཀར་པོའི་མིང་ཕྱུང་ནས། མདོས་བདག་ནི་མདོས་བཞེས་ཤིག །འཛམ་གླིང་ནི་བྱང་ཕྱོགས་ནས། །མདོས་ཀྱི་ནི་བདག་པོ་བ། མ་ཧྭ་དེ་བ་ལྷ་ཆེན་པོ། བཙུན་མོ་ཨུ་མ་དེ་བ་འཁོར་དང་བཅས། །ནོར་ལྷ་ཆེན་པོའི་མིང་ནས་ཕྱུང་། །མདོས་བདག་ནི་མངོས་ལོངས་ཤིག །བྱང་ཤར་མཚམས་ཤེད་ན། །བསེ་མཁར་ནི་ཁྲ་བོ་ལ། དངུལ་གྱི་ནི་བད་ཀྱིས་བསྐོར། ལྕགས་ཀྱི་ནི་སྒོ་སྩལ་བས། བཙན་ནི་ཡམ་ཤུད་དམར་པོའི་མཁར། །བཙན་གྱི་རྒྱལ་པོའི་མིང་ནས་ཕྱུང་། །མདོས་བདག་ནི་མདོས་ལོངས་ཤིག །མདོས་འདི་ཕར་སོང་འགབ་མ་ངན། །ཚེ་འདི་ཚུར་མཆིས་མནའ་མ་ཟ། །ཕྱ་དང་གཡང་མ་འབྲོས། ཞེས་བསྐང་ངོ་། །མ་མོ་སྲིད་པའི་བེམ་ལས། མདོས་བསྐྱལ་བའི་ལེའུ་སྟེ་སོ་བརྒྱད་པའོ།། །།དེ་ནས་རྟག་པའི་རྒྱལ་མོ་ལ་བསྟོད་པ། ཧྭ༷་སྣང་སྲིད་ཐམས་ཅད་ཡུམ་གྱི་བྷ་གའི་ཀློང་། །དུས་གསུམ་བདེ་གཤེགས་འབྱུང་བ་ལྔ་ཡི་ཡུམ། །སྐྱེ་འགྲོ་མ་ལུས་འབྱུང་བ་ལྔ་ལ་རྫོགས། །འདས་དང་མ་བྱོན་འབྱུང་བ་ལྔ་ཡི་དབྱིངས། །འབྱུང་བ་ལྔ་ཉིད་བྷ་ག་ཡུམ་གྱི་ཀློང་། །བདེ་ཆེན་ཡུམ་གྱི་ཀློང་ལ་ཕྱག་འཚལ་ལོ། །ཧུ༷་ཁམས་གསུམ་ཐམས་ཅད་ཡུམ་གྱི་བྷ་གའི་རྒྱན། །སྣང་སྲིད་ཐམས་ཅད་འཁོར་ལོ་རྩིབས་བཞི་ལ། གྲུ་ཆད་བཞི་ཡིས་བྷ་གའི་ཚུལ་གྱིས་བརྒྱན། །འབྱུང་བ་ལྔ་ཡི་རྒྱལ་མོ་སྐུ་བསྐྱོད་ཅིག །ཧུ༷་འཁོར་ལོ་འབར་བའི་ལྟེ་དབུས་སུ། །མ་བདུད་བསྒྱེལ་བའི་གདན་སྟེང་དུ། །ཡུམ་གྱི་རྒྱལ་མོ་སྐུ་བཞེངས་ཏེ། །བཞི་ཟུར་ཞབས་བརྒྱད་ཕྱོགས་མཚམས་གནོན། །མཁའ་བཞི་བདེ་ཀློང་གཅིག་ཏུ་འཁྱིལ། །མཁའ་ལ་དུས་བཞི་ཆ་སྙོམས་མ། །དབུ་གཅིག་ཞལ་ལྔ་སྲིད་པ་གསལ། །ཞབས་ལས་འབྱུང་བ་ལྔ་འཆར་མ། །ཕྱག་དྲུག་ཕྱག་ན་སྣ་ཚོགས་བསྣམས། །དང་པོ་རྡོ་རྗེ་དྲིལ་བུ་དང་། །བྷནྟྲ་ལྕང་ལོ་ཁ་བད་འཕྱར། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྣ་ཚོགས་ཤིན་ཏུ་འབར། །འཁོར་ལོ་འབར་བའི་རྩེ་མོ་ཅན། །ཚོགས་ཀྱི་བདག་མོ་གཤེགས་སུ་གསོལ། ཁྲར་ཕྱོགས་འཁོར་ལོའི་རྩིབས་སྟེང་ན། །དྲི་ཟ་བསྒྱེལ་བའི་གདན་སྟེང་དུ། ཁྲར་གྱི་མཁའ་འགྲོ་སེང་གེའི་གདོང་། །རྟག་པའི་རྒྱལ་མོ་རྣམ་སྣང་གསལ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་དཀར་མོ་ཤེལ་ལྟར་དག །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རྡོ་རྗེ་བྷརྙ་འབར། །བར་མ་དགྲ་སྟུ་ག་་ཤིང་འབར། །ཐ་མ་སེང་གེའི་མཆོགཆེནསྟོབས། །འབྱུང་བ་ས་ཡི་མངའ་བདག་མོ། །འགྲོ་བའི་ཤ་ལ་མངའ་མཛད་མ། །རུས་པའི་བདགམོརགཤེགསསུགསོལ། །རྒྱུ༷་བྱང་ཕྱོགས་འཁོར་ལོའི་རྩིབས་སྟེང་དུ། །གནོད་སྤྱིན་བསྒྱེལ་བའི་གདན་སྟེང་དུ། །བྱང་གི་མཁའ་འགྲོ་ཁྱུང་ཆེན་གདོང་། །རྟག་པའི་རྒྱལ་མོ་ཡང་གསལ་གཡོས། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་ལྗང་ནག་ཤིན་ཏུ་འབར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རྡོ་རྗེ་རྒྱ་གྲམ་འབར། །བར་མ་ཁྱུང་ཆེན་རྒྱུ་ཞགས་འདྲེན། །ཐ་མ་སྤྱང་མོ་ཞིང་ཆུང་སྙོད། །འབྱུང་བ་རླུད་ལ་དབང་བསྒྱུར་ཞིང་། །འགྲོ་བའི་དབུགས་ལ་མངའ་མཛད་མ། །དབུགས་ཀྱི་བདག་མོར་གཤེགས་སུ་གསོལ། །ཧུ༷་ནུབ་ཕྱོགས་འཁོར་ལོའི་རྩིབས་སྟེང་དུ། །ཆུ་བདག་བསྒྱེལ་བའི་གདན་སྟེང་དུ། །ནུབ་ཕྱོགས་མཁའ་འགྲོ་དུར་བྱའི་གདོང་། །རྟག་པའི་རྒྱལ་མོ་གཉན་གསལ་མ། །སྣ་ཚོགས་འགྱུར་བའི་སྐུ་མདོག་ལ། །སྤྱན་ནི་དམར་པོའི་མདངས་ཀྱིས་མཛེས། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་དུང་ཁྲག་ཀྟནྟྲ་དམར། །བར་མ་ཞགས་པ་དྲིལ་བུ་ལ། །ཐ་མ་ཅེ་སྤྱང་ཞིང་ཆུང་སྙོད། །འབྱུང་བ་ཆུ་ལ་དབང་བསྒྱུར་མ། །འགྲོ་བའི་ཁྲག་ལ་མངའ་མཛད་ཅིང་། །ཁྲག་གི་བདག་མོར་གཤེགས་སུ་གསོལ། །ཧུ༷་ལྷོ་ཕྱོགས་འཁོར་ལོའི་རྩིབས་སྟེང་ན། །གཤིན་རྗེ་བསྒྱེལ་བའི་གདན་སྟེང་དུ། །ལྷོ་ཡི་མཁའ་འགྲོ་བན་གླང་གདོང་། །རྟག་པའི་རྒྱལ་མོ་འོད་གསལ་འབར། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སྔོན་པོ་བི་ཌབྱ། །དབུ་གསུམ་ཕྱག་དྲུག་ཞབས་བཞིར་བགྲད། དང་པོ་རིན་ཆེན་བྷརྙ་འབར། །བར་མ་མེ་འབར་ཆུ་སྤྱང་བསྣམས། །ཐ་མ་སྟག་མོ་ཞིང་ཆུང་ཟ། །འབྱུང་བ་མེ་ལ་དབང་བསྒྱུར་མ། །འགྲོ་བའི་དྲོད་ལ་མངའ་མཛད་ཅིང་། །དྲོད་ཀྱི་བདག་མོ་གཤེགས་སུ་གསོལ། །དཀྱིལ་འཁོར་མཚམས་ཀྱི་འཁོར་ལོའི་སྟེང་། །ལྷ་ཆེན་བསྒྱེལ་བའི་གདན་སྟེང་དུ། །ནམ་མཁའི་མཁའ་འགྲོ་རྡོ་རྗེའི་མཆུ། །སྣ་ཚོགས་འགྱུར་བའི་སྐུ་མདོག་ལ། །ན་བཟའ་སེར་པོ་བཙོ་མ་གསེར། །དབུ་གསུམ་ཕྱག་དྲུག་ཞབས་བཞིར་བགྲད། །དང་པོ་རིན་ཆེན་བྷསྟོ་འབར། །བར་མ་རྒྱལ་མཚན་སྐྲུ་གྲི་བསྣམས། །ཐ་མ་འུག་པའི་ཞིང་ཆུང་སྙོད། །ནམ་མཁའི་སྟོང་ལ་དབང་སྒྱུར་ཞིང་། །འགྲོ་བའི་བཀྲག་ལ་མངའ་མཛད་མ། །བཀྲག་གི་བདག་མོ་གཤེགས་སུ་གསོལ། །ཀུན་ཀྱང་ཡེ་ཤེས་མཁའ་འགྲོ་མ། །སེམས་ཅན་དོན་ལ་བརྩེ་ཞིང་དུང་། །འཇིགས་ཚུལ་ཆེ་ཞིང་སྙིང་རྗེར་ལྡན། །ཡེ་ཤེས་དྲུག་ལྡན་རྒྱལ་མོ་དྲུག །མདོས་བདག་ཆེན་མོ་མདོས་ལོངས་ཤོག །གླུད་བདག་ནི་གླུད་ལོངས་ཤིག །མ་མོ་སྲིད་པའི་བེམ་ལས། རྒྱལ་མོ་དྲུག་གི་བསྐང་བའི་ལེའུ་སྟེ་སོ་དགུ་པའོ།། །།གཡུང་དྲུང་ལྷ་ཡིས་འདི་སྐད་ཅེས་གསོལ་ཏོ། །ཀྱེ་མ་ཧོ་འཇིག་རྟེན་སྟོབས་ཀྱི་ལྷ། །ཕོ་རྣམས་ཐུགས་དམ་ཇི་ལྟར་བསྐང་། །མཐུན་པའི་རྫས་རྣམས་ཇི་ལྟར་བསོག །ཅེས་གསོལ་ཏོ། །དེ་ནས་བཀའ་སྩལ་པ། མོ་ཁ་བས་ནི་ཕོ་ཁ་དྲག །སྣ་ལ་སྔོན་དུ་ཕ་རྣམས་མཆོད། །མོ་ཁ་ཕོ་ནི་སླ་བ་ཡིན། །དེ་ཡི་མཐུན་རྫས་བསོག་པ་ནི། །དཀར་པོ་བཅུ་གསུམ་རྫས་བསྟན་པ། །ལུག་དང་བྱ་དང་སྤྲེལ་དང་ཁྱི། །བཅུ་གསུམ་ཆོ་བཞིར་བསག་པར་བྱ། །བཤོས་བུ་ལྷ་བཤོས་མར་མེ་དང་། །མཁར་ཐབས་བཅུ་གསུམ་ཆོ་བཞིའོ། །མདའ་དང་ནམ་མཁའ་ངར་གླུད་དང་། །སྤྱན་གཟིགས་གཏོར་མ་བཅུ་གསུམ་ཚོ་བཞིའོ། །ཞལ་ཟས་བཟང་པོས་སྣ་དྲངས་བཅུ་གསུམ་མོ། །ཚོགས་ཚད་ཞལ་རྣམས་བྲིས་ན་རབ། ཁེང་རིས་ལྗང་བུ་གཞུང་བཞིན་བྱ། །མཆོད་དང་བསྟོད་པ་ཀུན་ཀྱང་གཅིག །འགོང་པོ་སྤུན་དགུའི་བསག་ཐབས་ལ། །དང་པོ་འགོང་པོ་སྐྲུན་བརྒྱད་ལ། །གཟུགས་དང་མཐུན་པར་འདྲ་འབག་བརྒྱད། །མགོ་ལ་བྱ་དཀར་སྒྲོ་བཙུགས་ལ། །ཕྱོགས་བཞི་མཚམས་བརྒྱད་ཕྱི་བསྟན་ཁ། །ནམ་མཁའ་མཐེབ་གང་མཁར་ཐབས་བརྒྱད་དུ་བཤམ། །མདའ་བརྒྱད་མཐོ་རེ་དཀར་པོ་ལ། །མཛེས་པའི་ཚོན་གྱིས་བསྐོར་བའི་རི་མོ་གསུམ། །བློན་པོ་གདན་བག་དབུས་སུ་ནི། །མདའ་རིས་མཁར་ཐབས་ཟ་འོག་གོ་ཟུ་རིས། །ནམ་མཁའ་གཡུ་རིས་དར་དཀར་མཚན་པའི་ལྗང་བུ་བྱ། །ཞལ་ཟས་སྣ་ཚོགས་མཛེས་པར་བསག ཁེང་རིས་མཐུན་པར་བསག་པར་བྱ། །དེ་ནས་ཕྱོགས་བཞི་མཚམས་བརྒྱད་དུ། །ཡས་སྟགས་བསྐྱལ་ལ་གཏང་། །རྒྱལ་པོའི་གསང་མདོས་དབུལ་བ་ནི། །ཁོ་རང་སྐུ་གཟུགས་མཛེས་པར་བྱ། ཁོ༑ག་བུའི་ལག་འཕན་བདུན་གྱིས་བརྒྱན། །སྤྱི་བོར་གདུགས་ཀྱིས་དགབ་པར་བྱ། །ཡི་གེ་བཅུ་པའི་འཁོར་ལོ་སྙིང་གར་བཞག །དེ་ནས་སྨྱུག་མ་ཁྲུ་གང་ལ། །ཁྲམ་གྱི་བུ་ག་བསྣོལ་མར་ནམ་མཁའ་གཟུག་པར་བྱ། །ལྷ་ལ་གཙོ་བོའི་ནམ་མཁའ་གཟུག །གཡུ་ཡི་ཁོང་བ་ཕྱི་རིམ་དཀར། །གསེར་གྱི་ཁ་ཆག་གཏང་བར་བྱ། །དེ་ནས་ཁོང་པ་གསེར་ལ་ཁ་ཆག་གཡུ་ཡི་ཕྱི་རིམ་དཀར། །གཅིག་ནི་དཀར་པོ་ཆེ་བའི་གཡུ་དང་བྱེ་རུ་གསེར། །གཉིས་ནི་དཀར་ལ་གཡུ་དང་གསེར་གྱི་ཁ་ཆག་ཡིན། །བཞི་ནི་དཀར་པོ་ཟང་མ་ལ། །མཐོ་གང་ཚད་དུ་གཟུག་པར་བྱ། །སྣ་ཚོགས་དཀར་པོའི་རྒྱན་གྱིས་མཚན། །འཇའ་རིས་བཏོད་ལ་རིམ་གྱིས་གཟུག །དེ་ནས་མཁར་ཐབས་དཀྱིལ་དུ་གཟུག །སྤྱན་གཟིགས་གཏོར་མ་ཕུད་གཙང་དབུལ། །རྐང་འདོམ་ཉི་ཤུ་རྩ་གཅིག་ཏུ། །གཏིང་རིང་ཡས་སྟགས་གནན་པར་བྱ། །ཞེས་གསུངས་སོ། །དེ་ནས་ཡང་སྲིད་པའི་རྒྱལ་མོ་སྒོས་མདོས་བཤམ། །མཁར་ཐབས་གཞུང་བཞིན་བཤམས་ནས་ཀྱང་། །ནམ་མཁའ་དགུ་པོ་གསང་བའི་མདོས་དང་གཅིག །ལྷ་བཤོས་བྲེ་ཆའི་སྟེང་དུ་ཏིང་ལོ་ལྔའི་མར་མེ་བཏང་། །སྨྱུག་རིང་སྣ་ཚོགས་རྒྱན་གྱིས་བརྒྱན། །མདའ་རིས་གཞུང་དང་མཐུན་པར་བྱ། །སྤྱན་གཟིགས་ཕུད་གཙང་དབུལ་བར་བྱ། །ཞེས་གསུངས་སོ། །དེ་ནས་ཡང་རྒྱལ་པོ་མཆེད་ལྔ་ལ། །ལྷ་བཤོས་བྲེ་ཆ་ལྔ་བྱས་ཏེ། དབུས་སུ་ཏིང་ལ་རི་མོ་མར་གྱིས་བལྟམས་ལ། །སྨྱུག་རིང་མདའ་རིས་ནམ་མཁའ་ཀུན་མཐུན། སྤྱན་གཟིགས་ཆ་ལྔ། གསེར་དངུལ་གྱི་སྣོད་དུ་ཕུད་གཙང་མས་བཀང་ལ་དབུལ་ལོ། །དེ་ནི་ཕོའི་བསྐང་བ་ཡིན་ནོ། །མ་མོའི་མདོས་ཀུན་གྱིས་སྣ་ལ་བསྐང་ངོ་། །མ་མོ་སྲིད་པའི་བེམ་ལས། ཕོ་བསྐང་བའི་ལེའུ་སྟེ་བཞི་བཅུ་པའོ།། །།དེ་ནས་ཡང་ས་བདག་ཡོ་བཅོས་ཀྱི་མདོས་འདི་གསུངས་སོ། །དང་པོ་གཙང་མའི་གནས་ཉིད་དུ། །ཀླུ་ཡི་དཀྱིལ་འཁོར་བཤམ་པར་བྱ། །དེ་ནས་གཙང་ཕྱེ་བྲེ་གང་ལ། །ས་བདག་བཅུ་དྲུག་གཟུགས་བྱས་ཏེ། །དང་པོ་གཙོ་བོ་བཞི་ཡི་གཟུགས། ཁྲར་དུ་ས་བདག་་པ་ཁྱི་ལ། །ལྷོ་རུ་ཧང་འཕེན་དགོད་པར་བྱ། །ནུབ་ཏུ་ས་བདག་ཐེ་སེ་ལ། །བྱང་དུ་ཙང་ཀུན་དགོད་པར་བྱ། ཁྲར་དུ་མི་ཡི་ལུས་པོ་ལ། །སྟག་དང་ཡོས་བུའི་མགོ་ཅན་ཡིན། །ལྷོ་རུ་མི་ཡི་ལུས་པོ་ལ། །སྦྲུལ་དང་རྟ་ཡི་མགོ་ཅན་ཡིན། །ནུབ་ཏུ་མི་ཡི་ལུས་པོ་ལ། །བྱ་དང་སྤྲེའུའི་མགོ་ཅན་ཡིན། །བྱང་དུ་མི་ཡི་ལུས་པོ་ལ། །ཕག་དང་བྱི་བའི་མགོ་ཅན་ཡིན། །ནུབ་བྱང་མི་ཡི་ལུས་པོ་ཁྱིའི་མགོ་ཅན་ཡིན། །བྱང་ཤར་གླང་གི་མགོ་ཅན་ཡིན། ཁྲར་ལྷོ་འབྲུག་གི་མགོ་ཅན་ཡིན། །ལྷོ་ནུབ་ལུག་གི་མགོ་ཅན་ཡིན། །གཞུང་དང་མཐུན་པར་རྫས་རྣམས་བསག་པ་ནི། །སྣ་ཚོགས་ཤིང་སྣ་ཚང་བ་དང་། །ལྗང་བུ་བཅུ་གཉིས་ཤིང་རིས་བཞི། །སྣ་ཚོགས་འབྲུ་དང་མར་དང་འོ་མ་དང་། །ཁུར་བ་དཀར་གསུམ་གཏོར་མ་བཞི། །གཙོ་བོ་བཞི་ལ་དབུལ་བར་བྱ། །འཁོར་གྱི་ས་བདག་བཅུ་གཉིས་ལ། །གཏོར་མ་ཆ་གསུམ་བཤམ་པ་ནི། །ནས་དང་གྲོ་དང་འབྲས་ཆན་གསུམ་གྱི་གཏོར་མ་གསུམ། །དང་པོ་གཅིག་ནི་མར་དང་འོ་མས་དགང་། །གཅིག་ནི་སྣ་ཚོགས་རྩི་སྨན་བླུགས། །གཅིག་ནི་སྲན་ཆང་བྲ་ཕྱེ་ནས་དང་སྦལ་གཅོང་གཏོར་མས་དགང་། ནམ་མཁའ་ཁྲ་བོ་ཆེན་པོ་བཞི། །གཙོ་བོ་བཞི་ལ་དབུལ་བར་བྱ། ་ར་དུ་དཀར་པོ་གསེར་གྱི་ཁ་ཆག་ཅན་དང་གཉིས། །ལྷོ་རུ་སེར་པོ་གཡུ་ཡི་ཁ་ཆག་ཅན་དང་གཉིས། །ནུབ་ཏུ་དམར་པོ་དུང་གི་ཁ་ཆག་ཅན་དང་གཉིས། །བྱང་དུ་སྔོན་པོ་བྱུ་རུའི་ཁ་ཅག་ཅན་དང་གཉིས། །མཚམས་བཞིར་གསེར་གཡུའི་ཁ་ཅག་ཅན་ནི་བཞི། །མདའ་རིས་བཞི་ནི་གཞུང་དང་མཐུན་པ་ལ། །བཅུ་གཉིས་ནམ་མཁའི་ཁ་དོག་བཞིན། །ཕྱོགས་མཚམས་གཞུང་དང་མཐུན་པར་བྲིས། །དེ་བཞིན་ས་བདག་ཕག་མོ་ལ། །དམར་གཏོར་ཆ་གཅིག་བཤམས་ནས་ནི། །བལ་ཚོན་སྣ་ལྔས་ཁ་བཅད་ལ། །དེ་བཞིན་སྣ་ལ་མཆོད་པར་བྱ། །དེ་བཞིན་མ་མོ་སྲིན་མོའི་རྫས། །བལ་ནག་ཚལ་པོ་བྱས་ནས་ནི། །འབྲུ་མར་ཆང་གི་སྤང་མ་བླུགས། །གཟུགས་ནི་མཐོ་གང་ཚད་ཡིན་ཏེ། །མདོས་བདག་ཀུན་གྱི་ནང་དུ་ཡང་། །མོ་ཡི་རྫས་ནི་བསག་པར་ཤིས། །ཞེས་གསུངས་སོ། །མ་མོ་སྲིད་པའི་བེམ་ལས། ས་བདག་ཡོ་བཅོས་ཀྱི་སྐབས་སོ།། །།དེ་ནས་ཡང་ཀླུའི་མདོས་ཀྱི་སྐབས་འདི་གསུངས་སོ། །རིགས་བཞི་ཀླུའི་གཟུགས་བརྙན་ངར་ཕྱེ་ལ་དགོས་པར་བྱའོ། །ནག་པོ་མགོ་དགུ་ལ་བྱ་སྐྲུ་སྣ་ཚོགས་ཀྱིས་བརྒྱན་པ་བཞག །རྩི་སྨན་སྣ་ཚོགས་དང་།མཚལ་ལི་ཁྲི་དུང་དང་དམར་པོའི་གདུགས། ཤིང་རྩི་ཚང་བ་འོ་མ་དང་འབྲས་ལ་སོགས་པའི་འབྲུ་ཆན་སྣ་ཚོགས་དང་། མངར་སྣ་ཚང་བ་བསག་པར་བྱའོ། །རྒྱལ་རིགས་ལ་ནམ་མཁའ་སྔོན་པོ་ལ་སྣ་ཚོགས་ཚོན་གྱིས་བྲིས་པ་ལ། དར་སྣ་ཚང་བས་བརྒྱན་པའོ། །བྲམ་ཟེའི་རིགས་ལ་ཁོང་དམར་པོའོ། །སྣ་ཚོགས་ཚོན་གྱིས་བྲིས་པ་གཅིག་དབུལ་ལོ། །རྗེའུ་རིགས་ལ་ཁོང་ནག་པོ་ལ། སྣ་ཚོགས་ཚོན་གྱིས་བྲིས་པ་གཅིག་དབུལ་ལོ། །དམངས་རིགས་ལ་ཁོང་ནག་པོ་ལ། སྣ་ཚོགས་ཚོན་གྱིས་བྲིས་པ་ལ། སྣ་ཚོགས་ཆུ་བྱའི་སྒྲོ་དང་རས་མ་སྣ་ཚོགས་པས་བརྒྱན་པ་དབུལ་ལོ། །གཏོར་མ་ཆ་གཅིག་ལ་འབྲས་ཆན་དང་ནས་ཀྱི་རུས་ཆན་དང་། །ཞོ་དང་ཁུར་བ་བཏབ་པ་ནི། རྒྱལ་རིགས་ལ་དབུལ་ལོ། །བྲམ་ཟེའི་རིགས་ལ་ནས་ཀྱི་རུས་ཆན་དང་། །ཁུར་བ་མར་དང་ཞོ་དང་བཅས་པ་དབུལ་ལོ། །རྗེའུ་རིགས་ལ་ནས་ཆན་དང་། སྣ་ཚོགས་ལྷ་རྫས་ཀྱི་འབྲུ་སྣའི་གཏོར་མ་གཏང་ངོ་། །དམངས་རིགས་ལ་སྣ་ཚོགས་པའི་གཏོར་མ་སྤྱིན་ནོ། །འོ་མ་ལ་སྨན་སྣ་ཚོགས་དང་། མངར་སྣ་ཚོགས་པས་བྲན་པ་ནི། རིགས་བཞི་ཀུན་ལ་གཏོར་མ་དབུལ། ཤིང་རིས་དང་མདའ་དར་གཞུང་བཞིན་བྱས་ལ། སྣ་ཚོགས་ཤིང་སྣ་ལ་ནམ་མཁའ་དང་བཅས་ལས་གཟུག་གོ །ནམ་མཁའ་ནི་འདྲ་བ་གཉིས་རྒྱལ་རིགས་ལ། བྲམ་ཟེའི་རིགས་ལ་འདྲ་བ་བཞི། རྗེའུ་རིགས་ལ་འདྲ་བ་གཉིས་དང་དམངས་རིགས་འདྲ་བ་བདུན་ནོ། མཎྜལ་ལ་བ་ཡི་རྣམ་ལྔ་དང་། སྤོས་ཆུས་བྱི་དོར་ལེགས་པར་བྱས་ལ། གཟུགས་ལྔ་དགོད་དོ། །གཏོར་མ་ཆ་བཞི་དགོད་ལ་བཞག་གོ །འོ་མའི་ཕོར་བུ་བཞི་ཡང་བཞག་གོ །སྣ་ཚོགས་སྤོས་ཆུས་ནད་པ་བཀྲུས་ལ། ཁ་ཤར་དུ་བསྟན་ལ་གཡས་ཕྱོགས་སུ། ནས་དཀར་མོ་གསོག་མེད་པ་བྲེ་གང་བཞག་དེ་ནི་གླུད་དེ་ཚེའི་སྐྱིན་པའོ། །གཡོན་དུ་སྲན་མ་ནག་པོ་གསོག་མེད་པ་བྲེ་གང་བཞག །དེ་ནི་གླུད་དང་འཁྲུན་བཅད་པའོ། །མདུན་དུ་ཞལ་ཟས་སྣ་ཚོགས་དང་། འབྲང་རྒྱས་དང་ཕུད་བལྟམས་ལ་བཞག །དེ་ནི་བཀྲ་ཤིས་གསོལ་བའོ། །ལག་པ་གཡས་པར་མཚལ་ལི་ཁྲི་བསྐུར། དེ་ནི་བཀྲག་དང་གཟི་མདངས་སྐྱེད་པའོ། །གཡོན་དུ་དུང་བསྐུར། དེ་ནི་རུས་ནད་གསོ་ཞིང་ཚེ་བརྟན་པར་བྱས་པའོ། །དེ་གཉིས་ནས་གཏོར་དུམ་རེ་བླུགས། ལྷག་མའི་སྙིང་གར་གདགས་སོ། །དེ་ནས་ཀླུ་མཆོད་ལ་ཆུ་སྔོ་བཟང་པོ་ཅན་དུ་ཡས་སྟགས་བསྐྱལ་ལོ། །ནག་པོ་རྐང་གཅིག་ནི་བྱ་ཁྱུང་དང་། ཕྱག་ན་རྡོ་རྗེའི་སྔགས་ཀྱིས་རྨ་བྱའི་སྒྲོས་བྲབ་ཅིང་ག་ས་ལ། ནད་པའི་མལ་འོག་ཏུ་མནན། །སྒྲོ་ནད་པའི་ལག་ཏུ་ཐོགས། །བྱ་ཁྱུང་སྙིང་པོ་ཟློས་སུ་གཞུག་གོ །མ་མོ་སྲིན་པའི་བེམ་ལས། ཀླུ་མདོས་ཀྱི་སྐབས་སོ།། །།དེ་ནས་ཡང་རྣལ་འབྱོར་ལས་སུ་རུང་ཞིང་། བཀྲ་ཤིས་པར་བྱ་བའི་ཕྱིར་མ་མོ་རིགས་བཞིའི་དབང་བསྐུར་བ་འདི་གསུངས་སོ། །དེ་ཡང་དང་པོར་གནས་བཀྲ་ཤིས་པའི་སར་མཎྜལ་གཞུང་དང་མཐུན་པར་བརྩིག །སྤྱི་སྒྲུབ་དཔེ་ཆུང་དང་མཐུན་པར་བྲིས། ཞིང་ཆེན་གྱི་འཕན་གདུགས་དང་། རྒྱན་སྣ་ཚོགས་དང་དུར་ཁྲོད་ཀྱི་རྫས་རྣམ་པ་སྣ་ཚོགས་དགྲམ།དེ་ནས་མཆོད་པ་ལ་སོགས་པ་བཤམས་ལ། སློབ་དཔོན་ལ་དར་མཐིང་ནག་གམ། ལྕགས་ཁའི་ཐོད་བཅིངས་ལ། གཉེན་པོ་སྟོབས་ཀྱི་ལྷའི་ཏིང་ངེ་འཛིན་དུ་ཞུགས་ཏེ། མ་མོ་རིགས་བཞི་ལ་མཆོད་བསྟོད་བྱ། ཞག་ལྔའམ་བདུན་དུ། ཡང་ན་གསུམ་ཡང་རུང་བས། སྤྱིར་བསྙེན་པ་དབུལ། དེ་ནས་དབང་བསྐུར་བ་ནི། དབང་གི་ལྷ་མོ་སྤྱན་དྲངས་ཏེ། ལྕགས་ཀྱུའི་ཕྱག་རྒྱ་བཅས་ཏེ། བཛྲ་རེའུ་ཏྲི་ས་མ་ཡ་ཛ་ཞེས་སྤྱན་དྲངས་ཏེ། འདི་སྐད་ཅེས་བསྟོད་དོ། །ཧུ༷་དཀར་མོ་ཁྱུང་ཐོགས་རྡོ་རྗེའི་གཤོག་པ་ཅན། །མཁའ་ལ་ཡིད་བཞིན་སྤྲུལ་པའི་ཆར་འབེབས་མ། །ཨ་ལ་ལ་ཡི་དངོས་གྲུབ་གསོལ་མཛད་མ། །མ་གཅིག་གཙུག་གི་རྒྱན་འབྱམས་མ། །ཡིད་བཞིན་སྤྲུལ་པས་མཁའ་ལ་བདུད་རྩིའི་ཆར་འབེབས་མ། །དོ་ནུབ་དབང་དང་དངོས་གྲུབ་སྩོལ། །ཞེས་བྱོན་པར་བསམས་ལ་སློབ་མ་ནུབ་སྒོར་བཞག་གོ །དེ་ནས་སློབ་དཔོན་གྱི་ས་འདི་སྐད་ཅེས་བརྗོད་དོ། །ཉོན་ཅིག་སྐལ་ལྡན་རིགས་ཀྱི་བུ། །ཁྱོད་ནི་སྐལ་མཆོག་རབ་ཏུ་ལྡན། །ཡང་གསང་ཐུགས་ཀྱི་དཀྱིལ་འཁོར་དུ། །འཇུག་པའི་སྐལ་བར་ལྡན་པ་ནི། །དེ་ནི་སྐལ་ལྡན་རྣལ་འབྱོར་ཏེ། །ལུས་ངག་ཡིད་གསུམ་དང་བས་འདུད་པར་གྱིས། །ལངས་སྟབས་ཐལ་མོ་སྤྱི་བོར་རྡེབས། །འདི་ནས་བཟུང་སྟེ་དམ་པར་གྱིས། །ཞེས་བརྗོད་པས། རིག་པའི་མེ་ཏོག་ཐོགས་ནས། རིགས་ཀྱི་བུ་དེས་འདི་སྐད་ཅེས་ཞུའོ། །བླ་མ་ཡེ་ཤེས་དམ་པ་ཀུན་གྱི་བདག །སྐུ་གསུམ་བདེར་གནས་དངོས་གྲུབ་དག །མ་ནོར་མཚན་མའི་ལམ་སྟོན་པ། །བདག་ནི་དཀྱིལ་འཁོར་འདིར་འཇུག་ཀྱི། །བདག་ལ་དངོས་གྲུབ་བསྟན་དུ་གསོལ། །ཞེས་རིན་པོ་ཆེའི་མེ་ཏོག་གཏོར་ནས་དེ་ཉིད་ན་འཁོད་དོ། །དེ་ནས་ཡང་གུ་རུས་འདི་སྐད་ཅེས་གསུངས་སོ། །ཉོན་ཅིག་སྐལ་ལྡན་རིགས་ཀྱི་བུ། །དད་པའི་མཆོག་ནི་ཉེར་བཞག་ནས། །བླ་མ་ལ་མོས་དད་པ་སྐྱེད། །དབུལ་བའི་མཆོག་ཏུ་དེ་འགྲོ་ཡིས། །བསྒོ་བའི་བཀའ་རྣམས་ཉན་པར་གྱིས། །ཞེས་གསུངས་སོ། །དེ་ནས་ཡང་འདི་སྐད་ཅེས་ཞུའོ། །རིན་པོ་ཆེའི་མེ་ཏོག་ཐོགས་ལ། ཧོ་དགོངས་སུ་གསོལ། །ལན་གསུམ་བརྗོད་ནས། བདག་ནི་དད་པའི་ཤུགས་བསྐྱེད་ནས། །བླ་མ་རྡོ་རྗེའི་སློབ་དཔོན་ལ། །ལུས་ངག་ཡིད་གསུམ་དད་པ་ཡིས། །བདག་ནི་སྐྱབས་སུ་གསོལ་ལགས་ཀྱི། །དཀྱིལ་འཁོར་ལྷ་ལ་སྐྱབས་སུ་མཆི། །མ་མོ་རིགས་བཞིའི་དཀྱིལ་འཁོར་དུ། །བདག་ནི་འཇུག་པར་འཚལ་ལགས་ཀྱི། །བདག་ལ་གསན་ཅིང་དཀྱིལ་འཁོར་སྟོན། །ཞེས་མེ་ཏོག་དོར་ནས། དེ་ཉིད་དུ་ལོང་བུ་དང་ཐལ་མོ་སྦྱར་ནས་འཁོད་དོ། །དེ་ནས་ཡང་གུ་རུས་འདི་སྐད་ཅེས་གསུངས་སོ། །ཉོན་ཅིག་སྐལ་ལྡན་རིགས་ཀྱི་བུ། །རིགས་བཞི་མ་མོའི་དཀྱིལ་འཁོར་འདིར། །དད་པའི་ཡིད་ཀྱིས་ཁྱོད་འཇུག་ན། །སློབ་དཔོན་ང་ལ་དད་པ་སྐྱེད། །འཁོར་དང་ཡུལ་དང་བུ་སྨད་ཚོགས། །དད་པའི་མཆོག་ཏུ་དབུལ་བར་གྱིས། །གུས་པས་ཐོང་ན་དབུལ་བར་བྱ། །གལ་ཏེ་དད་པའི་སྟོབས་མེད་ན། །དམ་ཚིག་ཉམས་པའི་རྒྱུ་ཡིན་པས། །བསྟན་པར་བྱ་བ་མ་ཡིན་ནོ། །ཞེས་གསུང་སོ། །དེ་ནས་ཡང་རིགས་ཀྱི་བུ་དེས། བདག་ནི་དད་པའི་ཤུགས་དང་ལྡན། །བླ་མ་སྙིང་རྗེ་རབ་ལྡན་ན། །བདག་ཀྱང་དམ་ཚིག་གཙོ་ལགས་ཀྱི། །རྫུ་འཕྲུལ་མཐུ་ཡི་དངོས་གྲུབ་བདག་ལ་སྩོལ། །བདག་ལ་དབང་མཆོག་དམ་པ་གསོལ། །དེ་ནས་ཡང་གུ་རུས་འདི་སྐད་ཅེས་གསུངས་སོ། །ཉོན་ཅིག་སྐལ་ལྡན་རིགས་ཀྱི་གཙོ། །ཁྱོད་ནི་དམ་པའི་ཚུལ་འཛིན་ན། །རིགས་བཞི་མ་མོའི་དཀྱིལ་འཁོར་དུ། །ཁྱོད་ནི་ང་ཡིས་གཞུག་པར་བྱ། །སྡོམ་པ་གསུམ་ལ་གནས་པར་གྱིས། །ཉམས་པ་གཉིས་ལ་འཛེམ་པར་གྱིས། །བླ་མ་ལ་ནི་གུས་པར་གྱིས། །གང་ལྟར་དམ་བཅའ་བྱས་པ་ལ། །དོར་བར་བྱ་བ་མ་ཡིན་ནོ། །སྒྲུབ་པའི་དམ་རྫས་དང་དུ་བླང་བར་གྱིས། །དེས་ནི་ཐུན་མོང་དངོས་གྲུབ་ཐོབ། །དེ་ནས་ཡང་ནི་རིགས་ཀྱི་བུ་དེས་འདི་སྐད་ཅེས་ཞུའོ། །སྡོམ་པ་གསུམ་ལ་གནས་པར་བགྱིད། །བླ་མ་ལ་ཡང་གུས་པར་བགྱིད། །ཡི་ དམ་ལྷ་ལ་མཐུན་རྫས་དབུལ། །ཡང་བླ་མས་གསང་བར་འོས་དང་འདའ་དཀའ་བསྲུང་། །སྲོག་ལས་ཉམས་པ་མི་བསྒོ་ཞིང་། །ཆོས་ཀྱི་དམ་ཚིག་ཉམས་པ་དང་། །བླ་མ་མཆེད་ལྕམ་ལ་འཁུས་པ། །འདི་ནི་ཉམས་པ་ཆེན་པོ་ཡིན། །དེ་ཡང་ཡི་གེ་ཕྱེད་མི་འདྲི། །ཆོས་དམ་འདྲེས་པ་དམ་ཚིག་ཉམས། །ཆོས་སྐད་གཅིག་འདྲེས་བུ་འཁོར་སྲོག་དང་བྲལ། །དམ་ཅན་ཆགས་ན་དེ་ལྟར་ཡིན། །གལ་ཏེ་ཆོས་ཉིད་དོན་འཆོལ་ན། །རྡོ་རྗེ་དམྱལ་བར་གདོན་མི་ཟ། །བུ་ཁྱོད་དམ་ཚིག་བསྲུང་བར་གྱིས། །དེ་ནས་ཡང་འདི་སྐད་ཅེས་གདམས་སོ། །མ་མོ་སྲོག་གི་འཁོར་ལོ་ནི། །ཐམས་ཅད་སྲོག་གི་རྒྱུན་འཆང་བས། །བདེན་པ་དོར་བར་མ་བྱེད་པར། །རྟག་ཏུ་སྲོག་གི་སྙིང་པོ་ཐོན། །འོན་ཏང་བུ་གཅིག་མ་བྱམས་འདྲ། །ཞེས་པས་རོ་རྫས་བསྐམས་ལ་ཁྲོམ། །དབང་མཆོག་འདི་ལ་དད་པ་སྐྱེད། །དེ་ནས་རིགས་ཀྱི་བུས་འདི་སྐད་ཅེས་ཞུས་སོ། །ཁྱོད་ནི་དམ་པ་ཀུན་གྱི་གཙོ། །བདག་ནི་རིག་པ་མཆོག་ལགས་ཀྱི། །དང་དུ་བླངས་པའི་དམ་རྫས་རྣམས། །དང་དུ་དེ་རིང་བདག་ལེན་གྱི། །གིང་ཆེན་རྣམས་ཀྱི་དབང་མཆོག་སྩོལ། །བྷརྙ་ལྕང་ལོ་ཁ་བད་ཅན། །འཛའ་གད་བདུད་རྩི་སྨན་གྱིས་བཀང་། །དངོས་གྲུབ་འཕེལ་བའི་རྫས་མཆོག་འདིའི། །དེ་རིང་བདག་ལ་དབང་མཆོད་སྩོལ། །མཆོགཆེནགཡངགཞིརུམཚོནའདི། །མམོ་མཁའ་འགྲོ་གཡབ་མོ་བས། །ཐམས་ཅད་འདུ་བའིརྫསམཆོགའདིས། །དེ་རིང་བདག་ལ་དབངམཆོགསྩོལ། །ཙིསྟརིནཆེནའབརབའདི། །མ་མོ་རྣམས་ཀྱི་རྟེན་ཡིན་ཏེ། །མ་མོ་མཁའ་འགྲོ་འདུ་བའི་དབང་མཆོག་སྩོལ། །རྩིས་མཆོག་ཁྲམ་བམ་བདུད་ལས་རྒྱལ། །ལྷ་སྲིན་སྡེ་བརྒྱད་བདུད་ལས་རྒྱལ། །དགྲ་དཔུང་འཇོམས་པའི་དབང་མཆོག་སྩོལ། །ཁ་ཊ༷་རྩེ་གསུམ་འབར་བ་འདི། །དྲག་པོ་མཚོན་ཆ་རྣོ་དབལ་ཏེ། །ཡེ་ཤེས་མཚོན་ཆས་ཀུན་འདུལ་བས། །དགྲ་བགེགས་འཇོམས་པའི་རྫས་མཆོག་འདིས། །དགྲ་བགེགས་འཇོམས་པའི་དབང་མཆོག་སྩོལ། །དམ་རྫས་བདུད་རྩི་རྣམ་ལྔ་འདི། །ཀུན་གྱི་ཟས་མཆོག་དམ་པ་སྟེ། །དངོས་གྲུབ་འཕེལ་བའི་དམ་རྫས་འདིས། །དེ་རིང་བདག་ལ་དབང་མཆོག་སྩོལ། །མཐིང་ནག་དར་གྱི་ཅོད་པན་འདིས། །ཐམས་ཅད་སྐྱོབ་པའི་མཐུ་དཔལ་ཏེ། །མི་ནུབ་རྒྱལ་མཚན་ཆེན་པོ་པ། །ཀུན་གྱི་དཔལ་དུ་གྱུར་པ་བས། །དེ་རིང་བདག་ལ་དབང་མཆོག་སྩོལ། །ལྷ་མིར་བཅས་པའི་འཇིག་རྟེན་ན། །ཕྲེང་བ་རིན་ཆེན་མེ་ཏོག་ལྡན། །ཚངས་པ་གཙུག་ཕུད་ཆེན་པོ་བས། །དེ་རིང་བཀྲ་ཤིས་མེ་ཏོག་ཕྲེང་བ་འདིས། །དེ་རིང་བདག་ལ་དབང་མཆོག་སྩོལ། །ལྷ་མིར་བཅས་པའི་འཇིག་རྟེན་ན། །ཀུན་ཀྱང་འཚོ་བའི་རྫས་ལ་བརྟེན། །ཞལ་ཟས་རོ་མཆོག་སྣ་ཚོགས་འདིས། །དངོས་གྲུབ་འཕེལ་བའིརྫས་མཆོག་སྟེ། །དེ་རིང་དངོས་གྲུབ་སྤེལ་བའི་དབང་མཆོག་སྩོལ། །མིང་ནས་བཏགས་ནས་ཆགས་པ་སྟེ། །འཇིག་རྟེན་འདིར་ནི་མི་ནུབ་ཕྱིར། །མིང་གི་གྲགས་པའི་རྒྱུ་ཡིན་པས། །ལྷ་མིར་བཅས་པའི་དབང་མཆོག་སྩོལ། །དེ་ཡང་དང་པོ་དཀྱིལ་འཁོར་འཇུག་པའི་དུས་ན། གདོང་གཡོགས་ལ་སོགས་པས་དཀྲིག་ལ། མེ་ཏོག་དོར་བ་ནི་ཀུན་དང་མཐུན། དེ་ནས་སློབ་དཔོན་ལ་ཡོན་ཕུལ་ལ། གདམས་ངག་ནོད་དོ། །དེ་ཡང་རྫས་ཆད་ཅིང་དད་པ་སྙིང་ནས་མ་རྫོགས་ན། དབང་མི་ཐོབ་སྟེ། ཤིན་ཏུ་བརྩོན་འགྲུས་བསྐྱེད་པར་བྱ་སྟེ། དེ་ཡང་སློབ་དཔོན་མན་ངག་དང་ལྡན་ཞིང་དད་པ་ཆེ་ལ་སྙིང་རྗེ་ཆེ་བ་ནི་སློབ་དཔོན་དམ་པ་སྟེ། དེ་ནི་ཡིད་བཞིན་གི་ནོར་བུ་དང་འདྲའོ། །དེ་ལ་ནི་དབང་འདི་ནོད་པར་བྱ་ལ། སློབ་མ་ཡང་སྨྲས་པ་བཙན་ཏེ་ཆད་པ་ལྟར་བྱེད་ཅིང་གསང་བའི་གཏམ་ཐུབ་ན་དབང་བསྐུར་བྱའོ། །མ་མོ་སྲིད་པའི་བེམ་ལས། དབང་སྦྱིན་པའི་སྐབས་སོ།། །།དེ་ནས་ཡང་དམ་ཚིག་གི་སྐབས་འདི་གསུངས་སོ། །སྒྲུབ་པར་འདོད་པའི་རྣལ་འབྱོར་པས། །མ་མོ་རྣམས་ཀྱི་དམ་ཚིག་བསྲུང་བར་བྱ། །སྔགས་དང་འཁོར་དང་ཉམས་དང་འདྲེས། །འདི་དག་དམ་ཚིག་བསྲུང་བ་གཅེས། །སྔགས་ཀྱི་དམ་ཚིག་བསྲུང་བ་ནི། །དང་པོ་སྲོག་གི་སྙིང་པོ་མ་ནོར་བར། །བོད་ཡིག་དྲུག་གི་སེལ་ཞུགས་ནས། །ཡིན་པ་མིན་པར་གསོ་བ་ན། །དེ་ནི་དམ་ཚིག་ཆེན་པོའི་འཁོན་ཡིན་ནོ། །ཆད་དང་ནོར་དང་ལྷག་པར་ཡང་། །དེ་ཡང་དམ་ཚིག་སྔགས་ཀྱི་འཁོན། །དེ་ནི་སྔགས་ཀྱི་འཁོན་ནག་སྟེ། །མ་མོའི་འཁོན་ནག་བསྲུང་བ་ནི། །དམ་ཚིག་གཅིག་པ་འཁོན་པ་དང་། །སྲོག་ལས་ཉམས་པ་དག་པོའི་འཁོན། །ཉམས་པ་ཆེན་པོ་ཆོས་ལས་དམ་ཉམས་ཏེ། །ཁྲིམས་མེད་དམ་ཚིག་ཉམས་པ་དང་། །དམ་པ་ཆོས་ཀྱིས་སྐད་མི་འདྲེ། །འདི་དག་མ་མོའི་དམ་ཚིག་སྟེ། །བསྲུང་ན་ཤིན་ཏུ་དམ་ཅན་ཏེ། །རང་གི་དམ་ཚིག་ཐུབ་པར་བསྲུང་། །འདི་ནི་ཆོས་ཁྲིམས་དམ་ཚིག་སྟེ། །མཁས་པ་རྣམས་ཀྱིས་བསྲུང་བར་བྱ། །སྐུ་གསུང་ཐུགས་ཀྱི་དམ་ཚིག་ནི། །ཁ་ལ་མི་བསྲུང་སེམས་ལ་བསྲུང་། །སྐུ་ཡི་དམ་ཚིག་བསྲུང་བ་ནི། །བླ་མ་རྣམས་ཀྱི་སྐུ་མི་སྨད། །གྲིབ་མ་འགོང་བ་མ་ཡིན་ཏེ། །རྐང་བརྐྱང་ཕྱོགས་ཆར་གོམ་པ་དོར་བ་མིན། །སྟེང་ཕྱོགས་ཡོངས་སུ་འགྲོ་མི་བྱ། །མིང་ནས་འབོད་པ་མ་ཡིན་ཏེ། །ཡུལ་གྱི་ཕྱོགས་ནས་འབོད་པར་བྱ། །བཀའ་རྣམས་བཅག་པ་མ་ཡིན་ཏེ། །ར་རོ་བ་སྙིང་མྱོས་པའམ། །སྨན་རྣམས་མི་གསོལ་བཀའ་བཅག་མིན། །གཞན་ནི་ནམ་ཡང་བཅག་པ་མིན། །དེ་ནི་སྐུ་ཡི་དམ་ཚིག་གོ །ཐུགས་ཀྱི་དམ་ཚིག་བསྲུང་བ་ནི། །གང་ཡིན་བསྟན་པའི་ཡི་དམ་ལྷ། །གསལ་བར་བསྒོམ་ཞིང་དམ་པར་བཟུང་། །གསུང་གི་དམ་ཚིག་བསྲུང་བ་ནི། །གང་ལ་བྱེད་པ་བཟླས་པའི་སྔགས། །མི་ཚིག་བར་མ་ཆོད་པར་བཟླས། །སེལ་རྣམས་མ་་།ར་ཤིན་ཏུ་གཅེས། །དམ་ཚིག་རྩ་བ་གསུམ་པོ་ནི། །གང་བསྒྲུབ་པ་ཡི་སྲོག་ཡིན་ནོ། །དེ་ནས་ཡན་ལག་དམ་ཚིག་ནི། །དམ་ཅན་སྒྲུབ་པར་འདོད་པ་རྣམས། །དམ་ཅན་བརྟེན་པའི་དམ་རྫས་རྣམས། ་རྐོན་ཏུ་དཀའ་ཡང་བཙལ་བར་བྱ། །སྒྲུབ་པའི་དམ་རྫས་མ་ཚོགས་ན། །ཉེ་བར་བྱེད་ཀྱང་དམ་མི་སྐོང་། །དྲག་པོའི་རྫས་རྣམས་མ་ཚོགས་ན། །ལས་རྣམས་མྱུར་དུ་འགྲུབ་པ་མིན། ཁོན་ཏུ་ཉམས་པ་རྣམས་ལ་འཇོམ། །དེ་ནི་མ་མོའི་དམ་ཚིག་སྟེ། །སྲོག་ལས་གཅེས་པར་དམ་ཚིག་གཟུང་། །མ་མོ་སྲིད་པའི་བེམ་ལ། དབང་དང་དམ་ཚིག་གི་སྐབས་སོ།། །།དེ་ནས་ས་བདག་གི་བསྟོད་པ་འདི་གསུངས་སོ། ཁྲར་གྱི་ས་བདག་ཧལ་ཁྱི་ནི། །སྐུ་མདོག་དཀར་པོ་གངས་རི་འདྲ། །སྐུ་ནི་རིན་ཆེན་འབར་བ་ལ། །འོད་ཟེར་དམར་པོ་སྟོང་གསུམ་འཕྲོ། །ཕྱག་ན་གསེར་གྱི་མདའ་གཞུ་བསྣམས། ཁྲར་གྱི་ས་བདག་དམ་ཤིང་ལ། །གཙང་མ་མདོས་ཀྱི་མཆོད་པ་འབུལ། །ལྷོ་ཡི་ས་བདག་ཧང་ཕན་ནི། །སྐུ་ནི་རིན་ཆེན་འབར་བ་ལ། །སྐུ་མདོག་མཐིང་ག་འོད་ཟེར་འབར། །ཕྱག་ན་སྦུད་པ་ནག་པོ་བསྣམས། །དམ་ཤིང་སྤྲུལ་པའི་འཁོར་གྱིས་བསྐོར། །ལྷོ་ཡི་ས་བདག་དམ་ཤིང་ལ། །གཙང་མ་མདོས་ཀྱི་མཆོད་པ་འབུལ། །ནུབ་ཀྱི་ས་བདག་དམ་ཤིང་ནི། །སྐུ་ནི་རིན་ཆེན་འབར་བ་ལ། །སྐུ་མདོག་དམར་ལ་འོད་ཟེར་འབར། །ཕྱག་ན་སྦྲུལ་གྱི་ཞགས་པ་བསྣམས། །ནུབ་ཀྱི་ས་བདག་འཁོར་བཅས་ལ། །གཙང་མ་མདོས་ཀྱི་མཆོད་པ་འབུལ། །བྱང་གི་ས་བདག་གཏམ་ཤིང་ནི། །སྐུ་མདོག་རིན་ཆེན་འབར་བལ། །རིནཆེནཐོར་ཚུགས་མཛེས་པས་བརྒྱན། །སྐུ་མདོག་ལྗང་གུ་འོད་ཟེར་འབར། །ཕྱག་ན་རྩང་དང་ཕུར་བུ་འདྲིལ། །བྱང་གི་ས་བདག་འཁོར་བཅས་ལ། །གཙང་མ་མདོས་ཀྱི་མཆོད་པ་འབུལ། །ས་བདག་ཆེན་པོ་ཁྱེད་བཞི་ཡང་། །ཕྱག་ན་རྡོ་རྗེའི་བཀའ་བཞིན་དུ། །སྔོན་གྱི་ཐུགས་དམ་རྗེས་དགོངས་ཏེ། །བཅོལ་བའི་ལས་ཀྱི་འབྲས་བུ་མཆིས་པར་མཛོད། །རྗེ་རིགས་བཅོ་བརྒྱད་སླར་ལ་བཟློག །ས་བདག་ཁྱེད་ཀྱི་ཐུགས་དང་འགལ་བ་བསྐང་བར་བྱ། །ཁྱོད་ཀྱིས་བཀའ་ཆད་བྲལ་བར་མཛོད། ཁྲར་གྱི་ས་བདག་འཁོར་སྐྱོང་བ། །སྟག་མགོ་ཅན་དང་ཡོས་མགོ་ཅན། ཁྲར་ཕྱོགས་ཤིང་ལ་མངའ་མཛད་ཅིང་། །སྐུ་མདོག་དཀར་པོ་འོད་ཟེར་འབར། །ཕྱག་ན་ཁྲམ་དང་རིན་ཆེན་བར་བུ་བསྣམས། །དེ་ལ་གཙང་མ་མདོས་ཀྱིས་བསྐང་། །ལྷོ་ཡི་ས་བདག་འཁོར་སྐྱོང་བ། །མི་ལུས་རྟ་དང་སྦྲུལ་གྱི་མགོ། །ལྷོ་ཡི་ཕྱོགས་ན་མངའ་མཛད་མ། །སྐུ་མདོག་སྔོ་སངས་འབར་མ་ལ། །ཕྱག་ན་ཟོར་བ་དགུ་ཁྲམ་བསྣམས། །མེ་རི་འབར་བའི་ཕུང་པོ་འཕྲོ། །གཙང་མ་མདོས་ཀྱིས་ཐུགས་དམ་བསྐང་། །ལྷོ་ཕྱོགས་ས་བདག་མ་བཀྱོན་ཅིག །ནུབ་ཕྱོགས་ས་བདག་འཁོར་སྐྱོང་བ། །མི་ཡི་ལུས་ལ་བྱ་དང་སྤྲེའུའི་མགོ །ནུབ་ཀྱི་ཕྱོགས་ལ་མངའ་མཛད་ཅིང་། །སྐུ་མདོག་དམར་ལ་འོད་ཟེར་འབར། །ཕྱག་ན་སྡིག་པ་ནག་པོ་དང་། །ཟངས་ཀྱི་སོག་ལེ་ཁ་བརྒྱ་བསྣམས། །་ཙང་མ་མདོས་ཀྱིས་ཐུགས་དམ་བསྐང་། །ནུབ་ཕྱོགས་ས་བདགམབཀྱོནཅིག །བྱངགི་ས་བདག་འཁོར་སྐྱོང་བ། །མི་ལུས་ཕག་དང་བྱི་བའི་མགོ །བྱང་ཕྱོགས་ཆུ་ལ་མངའ་མཛད་ཅིང་། །སྐུ་མདོག་ལྗང་གུ་འོད་ཟེར་འབར། །ཕྱག་ན་རལ་གྲི་སོ་མངས་བསྣམས། །རིན་ཆེན་འབར་བའི་དབྱུག་ཏོ་བསྣམས། །གཙང་མའི་མདོས་ཀྱིས་ཐུགས་དམ་བསྐང་། །བྱང་གི་ས་བདག་མ་བཀྱོན་ཅིག ཁྲར་ལྷོའི་མཚམས་ཀྱི་ས་བདག་ནི། །མི་ལུས་འབྲུག་གི་མགོ་བོ་ཅན། །སྐུ་དམོག་མཐིང་ག་འོད་ཟེར་འབར། །ཕྱག་ན་རིན་ཆེན་མཆོད་རྟེན་བསྣམས། །གཙང་མ་མདོས་ཀྱིས་ཐུགས་དམ་བསྐང་། །ལྷོ་ནུབ་མཚམས་ཀྱི་ས་བདག་ནི། །མི་ཡི་ལུས་ལ་ལུག་གི་མགོ །སྐུ་མདོག་སྔོ་བསངས་འོད་ཟེར་འབར། །ཕྱག་ན་རིན་ཆེན་དབྱུང་ཏོ་བསྣམས། །གཙང་མ་མདོས་ཀྱིས་ཐུགས་དམ་བསྐང་། །ནུབ་བྱང་མཚམས་ཀྱི་ས་བདག་ནི། །མི་ཡི་ལུས་ལ་ཁྱི་ཡི་མགོ །སྐུ་མདོག་ལྗང་གུ་འོད་ཟེར་འབར། །ཕྱག་ན་གའུ་སེར་པོ་བསྣམས། །གཙང་མ་མདོས་ཀྱིས་ཐུགས་དམ་བསྐང་། །བྱང་ཤར་ས་བདག་ཆེན་པོ་ལ། །མི་ལུས་གླང་གི་མགོ་བོ་ཅན། །སྐུ་མདོག་དུད་ཀ་འོད་ཟེར་འབར། །ཕྱག་ན་དགྲ་སྟུ་འབར་བ་བསྣམས། །གཙང་མ་མདོས་ཀྱིས་ཐུགས་དམ་བསྐང་། །མཚམས་ན་གནས་པའི་ས་བདག་བཞི། །འབྱུང་བ་ས་ལ་མངའ་མཛད་ཅིང་། །མི་ཡི་གནས་སུ་གནོད་མ་སྦྱོར། །ས་བདག་ཡུལ་ནས་མ་འདེགས་ཤིག །ཡུལ་བདག་མཐའ་ནས་མ་༣བྲུག་ཅིག །ས་ལ་གནས་པའི་ས་སྲིན་ཡང་། །བྲག་ལ་གནས་པའི་བྲག་སྲིན་རྣམས། །ཐང་སྐམ་ཕ་བོང་ལ་བརྟེན་པ། །ས་བདག་འཁོར་བཅས་ཁྱེད་རྣམས་ཀྱང་། །གཙང་མའི་མདོས་བདེ་ཕར་ལོང་ལ། །སྔོན་ཆད་གནོད་པ་སླར་ལ་རྟུལ། །ཕྱིན་ཆད་གནོད་པ་མ་བྱེད་ཅིག །ཤིང་ལ་གནས་པའི་ཤིང་སྲིན་དང་། །ས་ལ་གནས་པའི་ས་བདག་གིས། །མཆོད་པ་དམ་པ་འདི་བཞེས་ལ། །མཐུ་དང་རྫུ་འཕྲུལ་མེད་པར་མཛོད། །ཉོན་ཅིག་སྡིག་ཆེན་ལས་ངན་ཁྱོད། །ང་ཡི་བཀའ་ལས་འདའ་མ་བྱེད། །གལ་ཏེ་བཀའ་ལས་འདས་པ་ན། །ན་རཀ་དམྱལ་བའི་གནས་སུ་སྐྱེ། །ཞེས་གཞུང་བཞིན་བྱའོ། །དེ་ནས་རྫས་རྣམས་བསྐྱལ་བར་བྱའོ། །མ་མོ་སྲིད་པའི་བེམ་ལས། ས་བདག་ཡོ་བཅོས་ཀྱི་སྐབས་ཏེ་དང་པོའོ།། །།དེ་ནས་ཀླུ་རྣམས་ཀྱི་བསྟོད་པ་འདི་གསུངས་སོ། །གཞུང་དང་མཐུན་པར་བསོགས་ནས་ནི། །འདི་སྐད་ཅེས་གསོལ་ཏོ། ཁྲར་ཕྱོགས་ཀླུ་རྒྱལ་དུང་སྐྱོང་ནི། །སྐུ་མདོག་དཀར་གསལ་འོད་ཟེར་འཕྲོས། །སྦྲུལ་མགོ་གསུམ་གྱི་གདེངས་ཀ་ཅན། །ཆིབས་སུ་དུང་གི་སྦལ་པ་བཅིབས། །ཕྱག་ན་དུང་སྦལ་ལྕོང་མོ་བསྣམས། །རིགས་ནི་བྲམ་ཟེའི་རིགས་སུ་གཏོགས། །བྲམ་ཟེའི་རིགས་ཀྱི་འཁོར་གྱིས་བསྐོར། །ཀུན་ཀྱང་ནད་ཀྱི་རྐྱལ་བ་ཐོགས། །ཁ་རླངས་སྔོ་དམར་འོད་དུ་འཁྱུག །ཁྲག་ནད་ཆུ་སེར་ཆར་ལྷར་འབེབས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ནཱ་ག་ཡུ་ཡུ་ནཱ་བ་བ་དེ་བ་ཨུ་གྲྭ་ཧྭ། མདར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མདར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་་བསལ་གྱུར་ཅིག །ཧུ༷་ལྷོ་ཕོགས་ཀླུ་རྒྱལ་རྒྱ་མཚོ་ནི། །སྐུ་ནི་རིན་ཆེན་འབར་བ་ལ་། །སྦྲུལ་མགོ་ལྔ་ཡི་གདེངས་ཀ་ཅན། །སྐུ་མདོག་མཐིང་ནག་འོད་ཟེར་འཕྲོ། །ཕྱག་ན་ལྕགས་སྦལ་ལྕོང་མོའི་རྒྱལ་མཚན་བསྣམས། །ཆིབས་སུ་ཆུ་གླང་སྔོན་པོ་བཅིབས། །རིགས་ནི་རྒྱལ་པོའི་རིགས་སུ་གཏོགས། །རྒྱལ་རིགས་གཙང་མའི་འཁོར་གྱིས་བསྐོར། །ཀུན་ཀྱང་ལག་ཆ་སྦལ་པའི་རྐྱལ་པ་ཐོགས། །གདུང་བའི་ལས་ཀྱི་མཛེ་ནད་བཅོ་བརྒྱད་གཏོང་། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ཧུ༷་ནཱ་ག་རྭ་ཛ་དེ་བ་ཡུ་ཡུ་སྐྲུར་ལྕེ་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོ་༄༅། ཁུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །ཧུ༷་ནུབ་ཀྱི་ཀླུ་རྒྱལ་གཟི་བརྗིད་ནི། །སྐུ་ནི་རྭ་ག་འབར་བ་ལ། །སྦྲུལ་ནག་བདུན་གྱི་གདེངས་ཀ་ཅན། །སྐུ་མདོག་དམར་སེར་འོད་ཟེར་འབར། །ཕྱག་ན་དུང་གི་སྡིག་པ་བསྣམས། །ཆིབས་སུ་ཟངས་ཀྱི་ཆུ་སྲིན་བཅིབས། །རིགས་ནི་རྗེའུ་རིགས་སུ་གཏོགས། །རྗེ་རིགས་ག་་པའི་འཁོར་གྱིས་བསྐོར། །ཀུན་ཀྱང་ཟངས་ཀྱི་སྡོམ་སྡིག་ཉི་ལི་ལི། །མཛེ་ནད་བཅོ་བརྒྱད་ཆར་པ་འབེབས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ཧུ༷་ནཱ་ག་ར་བྷ་ལིན་ཁ་ཧུ་ཡ་ཧུ་ཡ་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །ཧུ༷་བྱང་གི་ཀླུ་རྒྱལ་མཐའ་ཡས་ནི། །སྐུནིརིནཆེནལྗངགུལ། །སྦྲུལ་མགོ་དགུ་ཡི་གདེངས་ཀ་ཅན། །སྐུ་མདོག་ལྗང་གུ་འོད་ཟེར་འབར། །རིགས་ནི་དམངས་ཀྱི་རིགསསུགཏོགས། །ཕྱགན་གཡུ་ཡི་སྡོམ་སྡིག་བསྣམས། །གཡུ་སྦལ་ལྕམ་མོ་ཐ་ར་ར། །ཆིབས་སུ་གླང་བུ་དམར་པོ་བཅིབས། །འཁོར་དུ་དམངས་རིགས་ཀླུ་ཡིས་བསྐོར། །ཀུན་ཀྱང་སྦལ་ནག་ཐོད་པ་ཕོར་བ་ཡང་བསྣམས། །ཕོ་ལྷོག་གླང་ཐབས་ཆར་དུ་འབེབས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ཧུ༷་ན་ག་ནཱ་ག་འབེ་རི་འབེ་ར་ག་བ་ལིང་དུང་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །བྱང་ཤར་ཀླུ་རྒྱལ་འཇོག་པོ་ནི། །སྐུ་ནི་མི་བཟད་འབར་བ་ལ། །སྦྲུལ་མགོ་གཉིས་ཀྱི་གདེངས་ཀ་ཅན། །སྐུ་མདོག་དཀར་སེར་འོད་ཟེར་འབར། །ཕྱག་ན་ཡིད་བཞིན་བུམ་པ་བསྣམས། །རིགས་ནི་བྲམ་ཟེའི་རིགས་སུ་གཏོགས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ནཱ་ག་བ་རུ་ཎ་ན་བེ་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག ཁྲར་ལྷོ་ཀླུ་རྒྱལ་དགའ་བོ་ནི། །སྐུ་ནི་བིཌརུ་སྔོན་པོ་ལ། །སྦྲུལ་མགོ་གཉིས་ཀྱི་གདེངས་ཀ་ཅན། །གཙུག་ན་ཡིད་བཞིན་ནོར་བུས་བརྒྱན། །སྐུ་མདོག་མཐིང་ནག་འོད་ཟེར་འབར། །ཕྱག་ན་གཡུ་ཡི་བུམ་པ་བསྣམས། །རིགས་ནི་རྒྱལ་རིགས་དྲ་མར་གཏོགས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ནཱ་ག་ཡུ་ཡུ་ནཱ་ག་རྭ་ཛ་བྷ་ལི་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །ལྷོ་ནུབ་ཀླུ་རྒྱལ་རིགས་ལྡན་ནི། །སྐུ་ནི་པད་མ་རྭ་གའི་དབྱིབས། །སྐུ་མདོག་དམར་སེར་འོད་ཟེར་འབར། །ཕྱག་ན་སྦལ་ནག་རྒྱལ་མཚན་བསྣམས། །སྦྲུལ་མགོ་བདུན་གྱི་གདེངས་ཀ་ཅན། །རིགས་ནི་རྗེའུའི་རིགས་སུ་གཏོགས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ནཱ་ག་བེ་ནཱ་ག་བྷ་ལི་ནཱ་ག་ཧུ༷་ཡ་ཧུ༷་ཡ་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོས་ཀྱི་མཆོད་པ་ཡིས། །ཀླུ་ཆེན་རྣམས་ཀྱི་ཕོ་བྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །ནུབ་བྱང་ཀླུ་རྒྱལ་ནོར་རྒྱས་ནི། །སྐུ་མདོག་ལྗང་ཞུ་འོད་ཟེར་འབར། །སྦྲུལ་མགོ་དགུ་ཡི་གདེངས་ཀ་ཅན། །ཕྱག་ན་སྐྲུལ་ཞགས་ཁྲ་བོ་བསྣམས། །རིགས་ནི་དམངས་ཀྱི་རིགས་སུ་གཏོགས། །ནག་ཐལ་ཅན་གྱི་འཁོར་གྱིས་བསྐོར། །ཕོ་ལོག་གླང་ཐབས་ཁྲོས་ནད་གཏོང་། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ནཱ་ག་བེ་ནཱ་ག་བེ་ནཱ་ག་སུ་པྲ་སྟེ་གྲྭ་ཧྭ། མངར་གསུམ་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མས་མཆོད། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་སྣ་ཚོགས་སྤོསཀྱིམཆོདཔཡིས། །ཀླུཆེནརྣམསཀྱིཕོབྲང་དུ། །སྤོས་ཀྱི་སྤྲིན་ལྡིང་བདུད་རྩིའི་ཆར་བབ་ནས། །ཞ་གྲུམ་ནད་རྣམས་སོས་གྱུར་ཅིག །དེ་བཞིན་ཡོན་བདག་འཁོར་བཅས་ཀྱི། །ཀླུ་ནད་ཐམས་ཅད་བསལ་གྱུར་ཅིག །དེ་ནས་ཀླུ་མོ་བཞི་ལ་མཆོད་ཅིང་བསྟོད་ལ། །ཧུ༷་ནུབ་ཕྱོགས་རྒྱ་མཚོའི་ཕོ་བྲང་ནས། །ངོ་མཚར་ཆུ་བོ་བཞི་འབབ་པ། །འདམ་བུ་མེ་ཏོག་ཚལ་གྱི་གླིང་། །པདྨ་རྭ་གའི་དཀྱིལ་འཁོར་ནས། །རྗེ་རིགས་བུ་མོ་པདྨ་ཅན། །སྐུ་མདོག་དམར་མོ་པདྨ་མཛེས། །ཟངས་སྤྲུལ་འཁྱིལ་པའི་ནང་ན་བཞུགས། །ཕྱག་ན་དར་དཔྱང་དམར་པོ་བསྣམས། །རིན་ཆེན་གསེར་གྱི་ཅོད་པན་ཅན། །མངར་གྱི་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མ་བཞེས། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་དང་ནི་སྣ་ཚོགས་སྤོས་ཀྱིས་མཆོད། ཁྲ་བཀྲ་ཕོལ་མིག་འབྲས་དང་རྐོང་པ་རྣམས། །འཇིག་རྟེན་གནས་ན་ཞི་བར་མཛོད། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ལྷོ་ཕྱོགས་རྒྱ་མཚོའི་ཕོ་བྲང་ནི། །ངོ་མཚར་ཆུ་བོ་བཞི་འབབས་པ། །པདྨ་བརྩེགས་པའི་དཀྱིལ་འཁོར་ནས། །རྒྱལ་པོའི་རིགས་ཀྱི་བུ་མོ་སྟེ། །སྐུ་མདོག་མཐིང་ནག་འབར་བ་ལ། །བིཌར་སྔོན་པོ་འོད་དུ་འབར། །སྦྲུལ་མགོ་ལྔ་ཡི་གདེངས་ཀ་ཅན། །རྟག་ཏུ་སྦྲུལ་སྔོན་དཀྱིལ་ན་བཞུགས། །ཕྱག་ན་གསེར་གྱི་ཉ་མོ་བསྣམས། །རིན་ཆེན་གཡུ་ཡི་ཅོད་པན་ཅན། །འཁོར་དུ་སྨན་ཕྲན་འབུམ་གྱིས་བསྐོར། །མངར་གྱི་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མ་བཞེས། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་དང་ནི་སྣ་ཚོགས་སྤོས་ཀྱིས་མཆོད། ཁྲ་བཀྲ་ཕོལ་མིག་འབྲས་དང་རྐོང་པ་རྣམས། །འཇིག་རྟེན་གནས་ན་ཞི་བར་མཛོད། །མདོས་བདག་མདོས་ལོང་མ། །གླུད་བདག་གླུད་བཞེས་ཤིག ཁྲར་ཕྱོགས་རྒྱ་མཚོའི་ཕོ་བྲང་དུ། །དོན་མཚར་ཆུ་བོ་བཞི་འབབས་པ། །འདམ་བུ་མེ་ཏོག་སྐྱེད་མོས་ཚལ། །བྲམ་ཟེའི་རིགས་ཀྱི་བུ་མོ་སྟེ། །ཀླུ་ཡི་བུ་མོ་དུང་སྐྱོང་མ། །སྐུ་མདོག་ཤེལ་དཀར་འོད་ཟེར་འབར། །སྦྲུལ་མགོ་གསུམ་གྱི་ཐོད་གདེངས་ཅན། །ཕྱག་ན་དུང་ཆེན་འཁྱིལ་བ་བསྣམས། །རྟག་ཏུ་སྦྲུལ་འཁྲིལ་ནང་ན་བཞུགས། །དུང་གི་ཅོད་པན་ཐོད་གདེངས་ཅན། །འཁོར་དུ་ཀླུ་སྨན་འབམ་གྱིས་བསྐོར། །མངར་གྱི་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་ མཆོད། །བླ་མེད་མཆོད་པ་གཏོར་མ་བཞེས། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་དང་ནི་སྣ་ཚོགས་སྤོས་ཀྱིས་མཆོད། ཁྲ་བཀྲ་ཕོལ་མིག་འབྲས་དང་རྐོང་པ་རྣམས། །འཇིག་རྟེན་གནས་ན་ཞི་བར་མཛོད། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །བྱང་ཕྱོགས་རྒྱ་མཚོའི་ཕོ་བྲང་ཆུར། །ངོ་མཚར་ཆུ་བོ་བཞི་འབབས་པ། །མེ་ཏོག་མདངས་ལྡན་དགའ་བའི་ཚལ། །པདྨ་བརྩེགས་པའི་དཀྱིལ་འཁོར་ནས། །ཀླུ་ཡི་བུ་མོ་གཟི་བརྗིད་ཅན། །སྦྲུལ་མགོ་དགུ་ཡི་གདེངས་ཀ་ཅན། །ཕྱག་ན་སྦྲུལ་ནག་རྒྱལ་མཚན་བསྣམས། །སྦྲུལ་ནག་འཁྱིལ་བའི་ནང་ན་བཞུགས། །དམངས་རིགས་ཀྱི་ནི་བུ་མོ་སྟེ། །འཁོར་དུ་ཀླུ་བྲན་འབུམ་གྱིས་བསྐོར། །མངར་གྱི་མཆོད་པ་འོ་མས་མཆོད། །གདུང་བའི་མཆོད་པ་དབྱངས་ཀྱིས་མཆོད། །བླ་མེད་མཆོད་པ་གཏོར་མ་བཞེས། །གུས་པའི་མཆོད་པ་སྣ་ཚོགས་སྨན་གྱིས་མཆོད། །དཀར་གསུམ་དང་ནི་མངར་གསུམ་དང་། །རྩི་སྨན་དང་ནི་སྣ་ཚོགས་སྤོས་ཀྱིས་མཆོད། ཁྲ་བཀྲ་ཕོལ་མིག་འབྲས་དང་རྐོང་བ་རྣམས། །འཇིག་རྟེན་གནས་ན་ཞི་བར་མཛོད། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །དེ་ནས་སྲིན་ལ་འདི་སྐད་བརྗོད་དོ། །ཉོན་ཅིག་གདུག་པ་ཀླུ་ཡི་བུ། །ཨ་ཕ་ཀླུ་དང་ཨ་མ་སྟག །སྲིན་མོ་ནི་ཚོགས་པའི་བུ། །ཁྱོད་ནི་བྲག་སྲིན་ཁྲ་བོ་སྟེ། །མགོ་ལ་སྦལ་ནག་རྨོག་ཞུ་གསོལ། །ལུས་ལ་སྦྲུལ་ནག་ཕྲག་པ་མ་སློག་པ་གསོལ། །ལག་ན་རྒྱ་ཟོར་ཁུག་པ་ཐོགས། །ཁྱོད་ནི་རབ་ཏུ་མི་བསྒྲུངས་ཏེ། །གླང་ཐབས་སྨྱོ་འབོག་ཁྱོད་ཀྱིས་གཏོང་། །རྡོ་རྗེ་འཆང་གི་བཀའ་ཉོན་ལ། །གནོད་པའི་སྦྱོར་བ་རྒྱུན་ཆོད་ཅིག །ཆུ་ལ་གནས་པའི་ཆུ་སྲིན་དང་། །བྲག་ལ་གནས་པའི་བྲག་སྲིན་དང་། ཁེང་ལ་གནས་པའི་ཤིང་སྲིན་དང་། །ས་ལ་གནས་པའི་ས་སྲིན་དང་། །དེ་རིང་རྔན་དགས་འདི་ལོང་ལ། །སྔར་བྱས་གནོད་པ་སླར་ལ་རྟུལ། །ད་སླན་ཆད་གནོད་པ་མ་བྱེད་ཅིག །ཅེས་ནད་པའི་ལུས་ཟན་གྱིས་དྲིལ་ལ། གཟུགས་མགོ་དགུ་པའི་ཁྲ་བོ་གཅིག་བྱས་ལ། འབྲུ་ཡི་གཏོར་མ་བཏང་། སྲན་མ་ལ་ཕྱོགས་བཞིར་བྱ་ཁྱུང་གི་སྙིང་པོ་བཟླས་ལ་གཏོར་རོ། །དེ་ནི་བྱད་འགྲོལ་བའོ། །ནས་དཀར་མོ་ནི་ནད་པའི་གོས་ལ་དྲེལ་ལ་མཆན་དུ་གཞུག །བསྙེན་པའི་སྙིང་པོ་བྲིས་ལ་མགུལ་དུ་གདགས་སོ། །མདོས་ཆུ་མིག་ཏུ་བསྐྱལ་ལོ། །དེ་ནས་བཀྲ་ཤིས་གསོལ། ནད་པ་རུང་ནས་ཟན་བྱ། མི་ལ་བྱིན་མི་རུང་ངོ་། །མ་མོ་སྲིད་པའི་བེམ་ལསཀླུ་མདོས་ཀྱི་སྐབས་སོ།། །།དེ་ནས་སྲིད་པ་ཕོ་རྒྱུད་ལས། མཆོད་པ་འདི་གསུངས་སོ། །ཕུད་མ་ཉམས་པར་རིན་ཆེན་བརྡར་ལ་འདི་སྐད་ཅེས་བརྗོད་དོ། །ཀྱེ་ཕྱོགས་ཕྱོགས་དེ་ནི་ཕ་ཀི་ན། །ཉི་མ་ཤར་ཕྱོགས་ཕ་ཀི་ན། ཁྲར་གྱི་དཀར་པོ་སྤྱན་གཅིག་པ། །ཁྱོད་ཀྱི་ཕ་དང་མ་སྨོས་པ། །གནམ་ཁྱི་དཀར་པོ་སྤྱན་གཅིག་ལགས། །མ་ནི་སྲིད་པའི་བྱན་མོ་སྟེ། །སྐུ་ནི་དཀར་པོ་མུ་ཏིག་ལ། །བཞུགས་ནི་ཉི་མའི་དཀྱིལ་ན་བཞུགས། །སྤྲུལ་པ་ཟླ་བའི་ཟེར་ལ་འགྱེད། །འགྲོ་བ་མི་ལ་གཉའ་ཟུང་བྱེད། །ཆིབས་སུ་དཀར་པོ་འོད་ལ་ཆིབས། །ཆིབས་ཀྱི་སྔ་ཁོང་ལ། ཤེལ་གྱི་སྒྲོ་་བ་བཏགས། །ཆིབས་ཀྱི་ཕྱི་ལོང་ལ། རྩིས་ཀྱི་ཁྲམ་བམ་ན། གསེར་བཀལ། །སྐྱེ་འགྲོ་ཀུན་གྱི་བདག་པོ་སྟེ། །སྲོག་བདག་ཆེན་པོ་ད་ཚུར་བྱོན། །འཁོར་དུ་འགོང་པོ་སྤུན་བརྒྱད་འཁོལ། །མདོས་བདག་མདོས་ལ་བྱོན། །ཁྱོད་ཀྱི་ཐུགས་དམ་དགྱེས་སྡེ་མོ། ཁྲར་གྱི་དཀར་མོ་སྤྱན་གཅིག་མ། །ཆིབས་སུ་ཤྭ་བ་དཀར་མོ་ཆིབས། །སྐུ་ལ་དར་གྱི་ལའུ་གསོལ། །མུ་ཏིག་མཛེས་པའི་ལན་ཕྲན་ཅན། །གཡུ་ཡི་ལན་ཕྲན་ཙེ་རེ་རེ། །ཉི་ཟླ་བརྩེགས་པའི་ཁྲི་ལ་བཞུགས། །མདོས་ཀྱི་ཕུད་ལ་ད་ཚུར་བྱོན། །གཡོན་ནས་སྦྲུལ་སྨད་འཁྱུག་ཅིང་བྱོན། །སྲོད་ལ་བྱོལ་ཞིང་ཐོ་རངས་ཉུལ། །ཤར་གྱི་དཀར་མོ་སྤྱན་གཅིག་མ། །སྔོན་ནི་བདག་དང་ཐུགས་དམ་གཅིག །ད་ལྟ་ཁྱོད་ལ་མཆོད་པ་འབུལ། །ཁྱོད་ཀྱི་ཐུགས་ཀྱི་སྦྲུལ་པ་ནི། །འགོང་པོ་སྤུན་དགུའི་ཕྱག་བརྙན་འགྱེད། །ཆིབས་སུ་ཉི་ཟེར་ཟླ་ཟེར་བཅིབས། །འོད་ཀྱི་ཞགས་པ་རྐྱོང་ཞིང་སྡུད། །བཙན་བདུད་སྡེ་བཞིའི་ཕྱག་བརྙན་འགྱེད། །དེ་རིང་མདོས་བདག་མདོས་ལ་བྱོན། །རྒྱལ་པོ་དཔོན་གཡོག་འཁོར་དང་བཅས། །མདོས་བདག་མདོས་ལ་བྱོན། །སྤོས་དུད་བཏང་ལ་དར་དཀར་གྱི་གཡབ་མོས་གཡབ་ཅིང་། ཧུ༷་གནམ་རིམ་པ་བཅུ་གསུམ་གྱི་ཡར་སྟེང་ན། །གནམ་གྱི་ཡ་ཆོ་དཀར་པོ་ལ། །ཉི་འཕང་སད་ཀྱི་འགྲུལ་པོ་ཆེ། །སྐུ་ལ་ཤེལ་གྱི་སླག་པ་ལ། །མུ་མེན་གསེར་གྱི་ཁ་ཆག་ཅན། །དབུ་ལ་དུང་གི་ཐོད་ཚུགས་བཅིངས། །སྐུ་ནི་ཅིར་ཡང་མ་ངེས་ཏེ། །ཐུགས་ནི་ཅིར་ཡང་སྤྲུལ་པ་འགྱེད། །ཐམས་ཅད་མཁྱེན་པའི་བདག །མི་བརྫུནི་དགུ་རུ་བརྫུ། ནང་གི་དྲོ་ལ་བབས་ཙ་ན། །བུ་ཆུང་ནི་རོལ་པོར་བརྫུ། །ནུབ་ཀྱི་བཞུག་ལ་བབས་ཙ་ན། །རང་ཐོད་རྒྱལ་པོར་བརྫུ། སྤྱིད་དང་ཤ་ར་ར། མི་བརྫུ་དགུ་རུ་བརྫུ། །རྒྱལ་པོའི་རྫུ་འཕྲུལ་དམ་པ་མཛད། །སྨྱོ་འབོག་བརྒྱལ་ནང་ཤོ་ར་རེ། །མདོས་བདག་མདོས་ལོང་ལ། །ཟླུད་བདག་གླུད་བཞེས་ཤིག །དམ་ལས་མ་འདའ་སྡིག་མ་བྱེད། །དུས་ལ་བབ་པོ་ས་མ་ཡ། །ཀྲོ་དྷ་ཀྲོ་དྷ་གིང་ཀ་ར་གིང་ཀ་ར། ཤ་བ་རི་ཤ་བ་རི། གིང་ཀ་ར་སྨྱོ། ཧུ༷་སྲོག་བདག་རྒྱལ་པོ་ཉི་འཕང་སད། །རྒྱལ་པོ་ཆེན་པོ་ལི་བྱིན་ཧར། །ཁྱོད་ཀྱི་ཐུགས་དམ་ཉམས་ཤེད་འགལ་་་ར་རེ། །ཉེས་པར་གྱུར་པ་ཅི་མཆིས་པ། །དཀར་པོ་བཅུ་གསུམ་མདོས་ཀྱིས་བསྐང་། །ཧུ༷་ནམ་མཁའི་དཀྱིལ་ཡངས་ནས། །ས་གཞི་རྒྱ་རེ་ཆེ། །རི་རབ་ལྷུན་རེ་སྡུག །རྩི་ཤིང་གྲངས་རེ་མང་། །ཕྱོགས་ཕྱོགས་ནི་ཕ་ཀི་ན། །ཉི་ཟླ་འོད་རེ་གསལ། དེའི་འོག་ཤེད་ན། མཁར་གཅིག་གནམ་དུ་ཟིངས་སེ་ཟིང་། དུང་མཁར་དཀར་པོ་ལ། ལོགས་བཞི་དུང་ལ་བྱས། དཀར་མདངས་ཆད་དེ་ཆད། འགྲམ་བཞི་ལྕགས་ལ་བྱས། ལྕགས་འགྲམ་ཁྱུགས་སེ་ཁྱུག །ཟུར་བཞི་མཆོང་ལ་བྱས། མཆོད་མཁར་སྨུག་པོ་ལྡེམས་སེ་ལྡེམ། ཀ་བ་གཟི་ལ་བྱས། གདུང་བཞི་གསེར་ལ་བྱས། །ཁ་བད་གཡུ་ལ་བྱས། རིན་ཆེན་གྲལ་ཕྱམ་བཀྲམ། ཉི་ཟླ་གཉིས་ཀྱི་མཐོངས་ཁུང་བཏོང་། དེ་འདྲའི་མཁར་གྱི་མཐོངས་ཁུང་ན། ཤེལ་གྱི་བྱི་ལ་འོད་མདངས་ཡ་ལ་ལ། དེ་ཡི་ནང་ཤེད་ན། ཁྲི་ཁྲི་གཅིག་གནམ་དུ་ཟེངས་སེ་ཟེང་། དུང་ཁྲི་དཀར་པོ་བྱ་བ་ལ། དེའི་སྟེང་ཤེད་ན། སྟག་གདན་ཁྲ་བོ་ནེམས་སེ་ནེམ། དེ་ཡི་ཐོག་ཤེད་ནི། རྟ་དཀར་དཀྱུས་དང་བྲེངས་སེ་བྲེང་། དེའི་སྟེང་ཤེད་ན། མི་ཕོ་དཀར་པོ་ལ། གཡུ་ཡི་སྨིན་མ་ཅན། བསེ་ཡི་སེན་མོ་ཟེངས་སེ་ཟེང་། མཚལ་གྱི་ཐིག་ལེ་ཅན། དུང་གི་སོ་ཐགས་ཅན། སྐུ་ལ་ཅི་གསོལ་ན། དར་དཀར་རས་ཀ་གསོལ། ཕྱེད་ཀ་གསེར་གྱི་སླག་པ་གསོལ། །དབུ་ལ་ཅི་བཅིངས་ན། དར་དཀཇོ་འགྱིང་ཐོད་བཅིངས། མཚལ་གྱི་ཐིག་ལེས་བརྒྱན། སྟག་རལ་གཡས་ན་བཀྲ། །གཟིག་ཤུབས་གཡོན་ན་འཁྱུག །ཕྱག་མཚན་གཡས་པ་ན། །སྦ་ལྕག་དཀར་པོ་ལ། གཡུ་ཡི་ལྕག་འབྲས་བཏགས། གནམ་ལ་བསྐོར་ཞིང་ས་ལ་རྡེབ། །ཕྱག་ནི་གཡོན་པ་ན། ཤེལ་གྱི་ཟངས་གྲི་བསྣམས། རེས་འགའ་དྲག་ཏུ་ཁྲོས་པའི་ཚེ། །ལྕགས་ཀྱི་མི་ཕོ་ཆེན་པོ་ལ། །སྐུ་ལ་ཅི་གསོལ་ན། རྒྱ་བྱི་སྟོད་ཀྱི་སླག་པ་ལ། འབུམ་གྱི་སྨད་ཀྱི་ཤམ་བུ་བཏགས། །སྐུ་མ་རིང་ལ་བསྣམས། །དབུ་ལ་རྨོག་ཞུ་གངས་རི་གསོལ། །ཕྱག་ནི་གཡས་པ་ཟངས་གྲི་བསྣམས། །གཡོན་པ་ལྕགས་ཀྱི་རྔེའུ་ཆུང་བསྣམས། །བཙན་བདུད་འགོང་པོ་ཕོ་ཉར་འགྱེད། །མཆོད་དོ་གསེར་སྐྱེམས་དངས་པ་མཆོད། །རིན་ཆེན་གསེར་གྱིས་མཆོད་བསྐང་ངོ་། །དཀར་པོ་བཅུ་གསུམ་གྱི། །མདོས་ཀྱིས་ཁྱེད་བསྐང་ངོ་། །འཁོར་ན་གནས་པའི་རྒྱལ་པོ་ནི། །ཁུ་ལེ་ཤོད་ཀྱི་ལག་དགུ་དང་། །ཨག་ནི་དང་ནི་ཨུག་གེ་དང་། །དྲང་སེ་དང་ནི་གྱི་བད་བཏགས་པ། དུང་གི་སྒོ་མོ་གསལ། བསེའི་རྒྱན་ལྡན་ཀྲ་ལ་ལ། དེའི་བདག་པོ་དབང་ཕྱུག་ཆེན་པོ་ལགས། མ་ཧེ་ནི་ཤྭ་ར་ཧྭ། ཡ་བདུད་ནི་མིང་ནས་ཕྱུང་། མདོས་བདག་ནི་མདོས་ལོངས་ཤིག །གླུད་བདག་ནི་གླུད་བཞེས་ཤིག །འཛམ་གླིང་ནི་ནུབ་ཕྱོགས་ན། ནོར་གྱི་ནི་བདག་པོ་ལ། ཟངས་མཁར་དམར་པོ་ལ། གཡུ་ཡི་བད་བཏགས་ནས།གསེར་གྱི་སྒོ་གསལ་བས། གཡུ་ཡི་རྒྱན་ལྡན་ཀྲ་ལ་ལ། །མ་ཧྭ་དེ་བ་ལྷ་ཆེན་པོ། །བཙུན་མོ་ཨུ་མ་དེ་བྲི་ལགས། །ནོར་ལྷ་ཆེན་པོའི་མིང་ནས་ཕྱུང་། མདོས་བདག་མདོས་ལོངས་ཤིག བྱང་ཕྱོགས་ཕ་ཀི་ན། གསེར་མཁར་གྲུ་བཞི་ལ། ཁ་བད་གཡུ་ཡིས་བགྱིས། དུང་གི་རྒྱན་ལྡ་ན་ཀྲ་ལ་ལ། དེའི་བདག་པོ་བ། ཚངས་པ་དུང་གི་ཐོར་ཚུགས་ཅན། མདོས་བདག་ནི་མདོས་ལོངས་ཤིག །གུང་གི་ཡར་སྟེང་ན། དུང་མཁར་དཀར་པོ་ལ།གསེར་གྱི་ཁ་བད་ཅན། གཡུའི་རྒྱན་ལྡན་ཀྲ་ལ་ལ། དེའི་བདག་པོ་བ། ཤང་སེ་དང་། །དེ་ཁོད་དང་ནི་ནི་ཁོད་དང་། །ཉི་ཟླ་འཁོར་དང་བཅས་པ་ནི། །བརྒྱད་ཀྱི་བདུན་ན་ཞུངས་སེ་ཞུང་། །ལོགས་ལ་ཤ་རྐྱང་བྲེངས་སེ་བྲེང་། །རྒྱབ་ཏུ་སྦྲ་སྦྲེ་འདུ་རུ་སྲ །སྟེང་ན་ཐང་དཀར་འཕྱོ་ཞིང་ལྡིང་། །མཆོད་ནི་འབྲུ་ཆང་རིན་ཆེན་གསེར་གྱིས་མཆོད། །བསྐང་ནི་དཀར་པོ་བཅུ་གསུམ་མདོས་ཀྱིས་བསྐང་། །རྒྱལ་པོ་དཔོན་གཡོག་འཁོར་བཅས་ཀྱིས། །རྨོངས་པོ་བུ་མེད་བུ་གསོལ་ཅིག །དབུལ་པོ་ནོར་མེད་ནོར་གསོལ་ཅིག །ནོར་དང་སྲིད་རྣམས་འཕེལ་བར་མཛོད། །རྒྱལ་པོའི་སྐུ་ནི་རིན་ཆེན་སྐུ། །རིན་ཆེན་སྐུས་ནི་རེ་འདོད་འབྱུང་། །རྒྱལ་པོའི་ཐུགས་ནི་མར་ཁུའི་ཐུགས། །མར་ཁུའི་ཐུགས་ཀྱིས་བསམ་པ་འགྲུབ། །ལྷ་རུ་མཆོད་དོ་དཔལ་མཛོད་ཅིག །གཡུ་རུ་མཆོད་དོ་དུང་དུ་འབུད། །དར་དུ་འཕེལ་ལོ་མགོན་སྐྱབས་མཛོད། །གནོད་པའི་བསམ་སྦྱོར་མ་མཛད་པར། །བདག་ཅག་བསམ་པ་མཐའ་རུ་ཕྱུང་། །དཀའ་བར་བསོགས་པའི་མདོས་ཆེན་དང་། །གསལ་བར་བལྟམས་པའི་མར་མེ་དང་། །གསེར་སྒོང་གཡུ་སྒོང་ཉི་སྒོང་དང་། །རྒྱལ་པོའི་མངའ་ཐང་སྐྱེམས་ཕུད་དང་། །བདའ་བར་བྱ་བའི་ཞལ་ཟས་རྣམས། །ཁྱོད་ལ་འབུལ་ལགས་བཞེས་སུ་གསོལ། །སྲིའུ་གསོས་ལ་རིགས་རྒྱུད་སྤེལ། །ནོར་ཕྱུགས་སྤེལ་ཅིག་ཉི་འཕང་སད། །ཟླ་བ་སད་ཀྱི་དུས་མཛོད་ཅིག ་༑ས་པ་སད་དང་ཉི་འཕང་སད། །མ་ཧྭ་རྭ་ཛ་ལི་བྱིན་ཧར། མ་ཧྭ་ཤཱན་ཏིང་ཀུ་རུ་སྲུ་ཧྭ། དཀར་པོ་ཤེལ་ལྡན་དཀར་པོ་འདིས། །བསྐང་ངོ་བསྐལ་པའི་ཐུགས་དམ་བསྐང་། །རྒྱུ་མཆོག་ཤེལ་ལྡན་དཀར་པོ་འདིས། །རྒྱལ་པོ་ཤེལ་ལྡན་རུ་ཚོ་ལ། །མ་ནི་སང་སྟེ་རྒྱུ་རུ་ཡང་དཀར་གཉིས། །བཤོས་ཤིང་ཡིད་ཀྱིས་སྤྲུལ་པའི་སྲས། །དུང་གི་སྒོ་ང་གཅིགཏུབྱུང། །ལོགཅིགའཁྱུདསྐོར་ལེན་པ་དང་། །ཁ་རུ་མ་རྡོལ་ཞབས་སུ་ལུག །དེ་ནས་ལུག་ཏུ་བཏགས་པ་ཡིན། །རུ་གཉིས་གྱེན་དུ་འཁྱིལ་བ་ཡིས། །གནམ་ལྷ་དཀར་པོ་གྱེན་དུ་འདེགས། །མིག་གཉིས་འཕྲེད་ལ་ཚིག་ཚིག་བལྟ། །མ་རིག་མུན་པའི་སྐྱོན་ལ་བལྟ། །ཐམས་ཅད་གསལ་བར་གོ་འབྱེད་དོ། །སྒྲ་རྣམས་དག་པར་རབ་ཏུ་ཉན། །རྣ་བའི་དབང་པོ་ཀྲོང་ངེ་ཀྲོང་། །ཁ་མཐར་རོ་ལ་ལྕེ་མྱོང་བས། །རོ་མཆོག་བརྒྱ་ལྡན་གསང་བའི་དབྱིངས། །སྣ་ཡི་དབང་པོས་དྲི་མ་སྣོམ། །ལྕགས་ཀྱི་རྨིག་བཞི་ས་ལ་ལྒབྲབ། །བདུད་བཞི་མ་ལུས་ཟིལ་གྱིས་གནོན། །སྐྲུ་ནི་དུད་ལོ་འཁྱིལ་བ་འདིས། །སེམས་ཅན་ཀུན་གྱི་གསོས་སུ་བྱེད། །དྲོད་དང་དབང་པོ་འཁོར་བཅས་པས། །ལྷ་སྲིན་སྡེ་བརྒྱད་དགྱེས་པར་སྐོངས། །ནང་ཆ་རྒྱུ་མ་གཉེ་མ་ཚིལ། ཁྲ་ཁྲག་ཆུ་རྒྱུས་ཕོ་མཚན་བཅས། །མཁྲིས་པ་གློ་བ་མཆིན་པ་སྙིང་། །མཁལ་ལ་ཕོ་བ་གྲོད་པ་དང་། །སུལ་མངས་ཤན་ཤན་གློ་ཁྲག་བཅས་པ་རྣམས། །སྲོག་བདག་འཁོར་དང་བཅས་པ་ལ། །ལྷག་མ་མེད་པར་འབུལ་ལགས་ཀྱི། །བཟུང་བ་ཐོང་ལ་བརྩམས་པ་ཤོལ། །དཀར་པོ་བྱ་གག་གསུང་སྙན་འདིས། །བསྐང་ངོ་རྒྱལ་པོ་མཆེད་ལ་བསྐང་། །བྱ་གག་འདི་ཡི་རྗེས་ཤུལ་དང་། །ཚེ་ལུག་ནེ་སེག་འཁོར་བཅས་རྣམས། །འཁོར་གྱི་སྲོག་བདག་བརྒྱད་ལ་འབུལ། །ཁྱོད་ཀྱི་ཐུགས་དམ་བསྐང་གྱུར་ཅིག །མཐུ་རྩལ་ལྡན་པའི་སྐྱེས་བུ་ཁྱོད། །ཐུགས་དང་འཐད་པའི་མཁའ་ལྡིང་འདིས། །བསྐང་ངོ་ཁྱེད་ཀྱི་ཐུགས་དམ་བསྐང་། །བྱ་ཡི་ཕོ་སྨོས་པ། གསེར་བྱ་ར་བ་ཐ་ལེ་ལགས། ཨ་མ་གཡུ་ཡི་བྱ་མོ་གུང་མ་རོ་ནེ་ལགས། དེ་གཉིས་བཤོས་པའི་སྲས། སྒོ་ང་གསུམ་དུ་བྱུང་བ་སྟེ། གསེར་སྒོང་ཁྲ་བོ་དེ། དམའ་ཡང་མི་དམའ་སྟེ། བར་སྣང་ཁམས་གསུམ་གསོས། །ཤ་ཟན་མཆུ་གུག་བྱུང་། ཟངས་སྒོང་དམར་པོ་སྟེ། མཐོ་ཡང་མི་མཐོ་སྟེ། རྒྱ་མཚོའི་སྟེང་དུ་རྟོལ། འདམ་ཟན་མཆུ་ལེ་བ་བྱུང་། དུང་སྒོང་དཀར་པོ་དེ། མི་མཐོ་མི་དམའ་སྟེ། །རི་རབ་ཁ་རུ་བརྟོལ། སྒུམ་ཐུན་མཆུ་ལྷུམ་བྱུང་། སྐུམ་ཐུན་བརྒྱ་ནི་མི་དང་ཆད་མ་བྱས། བདུད་དང་བཙན་གྱིས་བསྐོར། །སྨན་དང་གཟེད་ཀྱིས་བསྐོར། བར་སྣང་ཁམས་ལ་འཔྱོས་ཏེ་སོང་། མི་བུ་རིགས་ལ་ཕན། རེས་ཕན་རེས་མི་ཕན། །དེ་ཡི་ནང་ཤེད་ན། ཟེ་བཟཟློ་བྱ་ཡི་རིགས། རིག་པ་གསལ་དངས་པས། ཉིན་མཚན་ཤན་ཡང་འབྱེད། དབྱར་དགུན་དྲོད་ཡང་འཛིན། །དེ་ཡིས་མི་དང་ཆད་བྱས་སོ། །མི་ཡིས་བྱ་གསོས་པས། བྱ་ཡིས་མི་ཡི་གླུད་དུ་ཆད། དེ་ཡི་ནང་ཤེད་ནས། བྱ་དཀར་ཟེ་དམར་འདི། །རིན་ཆེན་དུང་གི་ཁ་དོག་ལྡན། །དང་པོར་རྒྱལ་པོ་ཤེལ་གྱི་བུ། །རྟགས་དང་བཏབ་པ་ཡིན། ཟངས་ཀྱི་གཙུག་ཕུད་དོ་ཤལ་འདིས། །སྲོག་བདག་རྒྱལ་པོ་འཁོར་བཅས་ལ། །བསྐང་ན་དགྱེས་པའི་རྐྱེན་ཆ་ཡིན། །བྱ་མིག་མས་ཡར་བཀབ་པ་འདི། །སྲིད་པ་མས་ཡར་ཆགས་པ་ཡིན། །བྱ་མིག་དམར་ལ་དངས་པ་འདི། །སྲིད་པའི་སྐྱེ་འགྲོ་ཁྲག་གིས་བསྐྱེད་པ་ཡིན། །བྱ་ལུས་བུམ་པར་འདུག་པ་འདི། །རི་རབ་ལུས་ལ་རྫོགས་པ་ཡིན། །མཇུག་མ་རྒྱ་སོར་འདུག་པ་འདི། །དཔག་བསམ་ཤིང་གི་ཡལ་ག་ཡིན། །སྐྲུ་ཉག་དཀར་ལ་འཚེར་བ་འདི། །སྲོག་ཆགས་ཐུགས་ནི་མར་ལྟར་བཞུན། །བྱ་མཆུ་སེར་ལ་གུག་པ་ནི། །བསྐང་ན་གསེར་དུ་འགྱུར་བ་ཡིན། །རྒྱལ་པོ་རྒྱུ་བའི་དུས་ཚོད་དུ། །སྐད་སྙན་ཏང་ཏང་སྒྲོགས་པ་ནི། །ལྷ་དང་སྐད་སྦྱོར་བྱེད་པ་ཡིན། །དེ་ལྟ་བུ་ཡི་མཁའ་ལྡིང་དུ། མདོས་འདིས་ཐུགས་དམ་བསྐང་ངོ་དགྱེས་བར་མཛོད། །མཚན་ལྡན་ཤེལ་མདོག་ར་དཀར་འདིས། །རྒྱལ་པོ་དཔོན་གཡོག་འཁོར་བཅས་ལ། །ཐུགས་དམ་བསྐང་ངོ་གཤེགས་སུ་གསོལ། །ར་ཡི་ཕ་སྨོས་པ། ཕ་ནི་གཤན་ར་རུ་རིང་ཡིན། །མ་ནི་སྐྱི་ར་འགྲམ་རིང་ཡིན། བཤོས་དང་གནམ་གྱི་སྲས། ར་བུ་སྲིན་ར་ཁམ་པ་དང་། །མྱང་ར་ལྡན་དམར་གཉིས་སུ་བྱུང་། །བུ་ནི་དཀར་པོ་གནམ་རུ་སྐྱེས། །མི་ཡི་གླུད་དང་ཁམས་སུ་འབུལ། །ར་རུ་དཀར་ལ་དངས་མ་འདིས། །རྒྱལ་པོའི་ཐུགས་ལ་སྐྱེ་ཤི་མེད། །མི་འགྱུར་བརྟན་པས་སྐྱོན་དང་བྲལ། །རུ་གཉིས་དཀར་ལ་ལྡེམ་པ་ལ། །དར་ཚོན་སྣ་ལྔས་བརྒྱན་པ་འདི། །རྒྱལ་པོའི་རུ་མཚོན་ཡིན་པར་བཤད། །ཁ་ནས་བླ་སྒྲ་སྒྲོགས་པ་ནི། །དོན་རྣམས་འགྲུབ་པར་བྱེད་པ་ཡིན། །ལྕགས་ཀྱི་མི་བོ་སྔོན་པོ་བཞི། །ཕྱོགས་བཞི་རྒྱལ་པོས་མངགས་པའི་རྟགས། །སྤུ་ཉག་རྩུབ་ལ་རིང་བ་ནི། །རྒྱལ་པོའི་བཀའ་འཁོར་ལས་ལ་འགྱེད་ཕྱིར་ལགས། །ཨག་ཙོམ་བུངས་དང་ལྡན་པ་འདི། །ཐབས་ཀྱིས་འགྲོ་བ་འདུལ་བའི་རྟགས། །ཤ་ཚིལ་བམས་སུ་ཆེ་བ་འདི། །འཁོར་རྣམས་བྲན་དུ་འཁོལ་བའི་རྟགས། །གཡས་དང་གཡོན་དུ་སྣོམ་བྱེད་ཅིང་། །ཕྲི་སྒྲ་དྲག་པོ་སྒྲོགས་པ་ནི། །ཆེ་བའི་མཆིལ་ལ་སྒྱུག་པར་སྒྱུགས། །དྲག་ཏུ་ཁ་ནས་བླ་སྒྲ་སྒྲོགས། ཁྲ་ནི་ཁྲག་དང་བསྲེས་ནས་གསོལ། །བསྐང་ངོ་བསྒྲལ་ལོ་སྲོག་བདག་འཁོར་དང་བཅས་པ་མཉེས་པར་མཛོད། །མདོས་བདག་མདོས་ལོང་ལ། །གླུད་བདག་སླུད་བཞེས་ཤིག །དེ་ཡང་དང་པོར་མདོས་ལ་སྤྱན་དྲངས་ཤིང་སྙན་གསན་དབབ་པ་འདི་སྐད་དོ། །གཙང་མར་སྦྱར་བའི་བསྐང་རྫས་མང་པོ་ལ། འདིར་སྤྱན་དྲང་བ་ནི། ཕྱོགས་བཞི་འཚམས་བརྒྱད་སོ་སོའི་མངའ་མཛད་པ་ནི། ཁྲེལ་གིང་ཆེན་པོ་སྲོག་གི་མངའ་མཛད་པ། །ཁུ་ལེ་ལག་དགུ་དང་། ཨག་གེ་དང་། ཨུག་གེ་དང་། དྲང་སེང་དང་། ཤང་སེ་དང་། དེ་ཁོད་དང་ནི་ནི་ཁོད་དང་། །ཉི་ཟླ་ལ་སོགས་སྲོག་བདག་ཆེན་པོ་བརྒྱད། །རང་རང་གི་འཁོར་གཡོག་མང་པོའི་ཚོགས་དང་བཅས་ཏེ། བདག་ཅག་གི་བསམ་པ་འགྲུབ་ཅིང་། ཁྱེད་ཀྱི་ཐུགས་དམ་བསྐང་བའི་ཕྱིར། སྤྱན་འདྲེན་མཆོད་པ་འབུལ་གྱི་གཤེགས་སུ་གསོལ། །འཁོར་ན་གནས་པའི་ཚོགས་བཅས་ཀུན། །སྤྱན་འདྲེན་མཆོད་པ་འབུལ་གྱི་གཤེགས་སུ་གསོལ། །ཨེ་གྱེ་ཧི་མ་ཧྭ་རྭ་ཛ་ར་ཏྲི་ཏྲི་ཤ་ས་མུ་ཡ་སྟུ༷། བཛྲ་ས་མྱ་ཛ། བཛྲ་ཨ༷་ཀུ་ཤ་ཛ༷༷། བཛྲ་བཱ་ཤ་ཧུ༷། བཛྲ་སྤྲོ་ཊ་བ༷། བཛྲ་བྷསྐོཏོ༷། རྒྱལ་པོ་དཔོན་གཡོག་འཁོར་དང་བཅས་པ་རྣམས། མངོན་སུམ་དུ་བྱོན་པར་བསམ་མོ། །དེ་ནས་སློབ་དཔོན་དང་། ཡོན་བདག་འཁོར་བཅས་ཀྱིས་ཕྱག་གུས་པར་འཚལ་བ་ནི། །ན་མོ་སྟོང་ཁམས་ཁྱབ་པར་སེམས་ཅན་དོན་ལ་དགོངས། །ང་དང་བདག་མེད་སྲིད་འཕྲོག་སྲོག་ལ་དགའ། །ན་བཟའ་དར་དཀར་འཇོལ་བེར་གསོལ། །ཁྱོད་ལ་དང་བའི་ཡིད་ཀྱིས་ཕྱག་འཚལ་ལོ། །ཀུན་ལ་ཁྱབ་པས་ང་དང་བདག་ཏུ་མེད། །ཞེ་སྡང་གདུག་པས་སྲོག་ལ་བར་ཆད་བྱེད། །སེམས་ཅན་ཀུན་ཀྱང་ཁྱོད་ལ་རབ་ཏུ་མཆོད། །སྲོག་བདག་སྲི་རྒྱུན་ཁྱོད་ལ་ཕྱག་འཚལ་ལོ། །འཁོར་སྐྱོང་བསྟན་པའི་དོན་ལ་རབ་ཏུ་མོས། །ཁམས་གསུམ་སེམས་ཅན་རྣམས་ལ་སྣ་ཚོགས་གནོད་པ་བྱེད། །སྒྱུར་དང་ཁྲག་གི་དྲི་ཚོར་དཔག་ཚད་བརྒྱ་ཁྲིར་རྒྱུག །ཚོགས་དང་འཁོར་ན་གནས་པ་རྣམས་ལ་ཕྱག་འཚལ་ལོ། །གདན་ལ་གཞུགས་སུ་གསོལ་བ་ནི། །དར་དཀར་བེག་ཚོ་དགུ་རིམ་ལ། ཟ་འོག་བླ་བརྙན་ནེམས་སེ་ནེམ། །དེ་འདྲའི་བརྗིད་ཆེན་གདན་སྟེང་དུ། །རྒྱལ་པོ་བགྱེས་པར་བཞུགས་སུ་གསོལ། །དུང་དང་གསེར་སྤྲས་ཁྲི་ཡི་སྟེང་། །རབ་མཛེས་སྲོག་བདག་འཁོར་བཅས་བཞུགས་སུ་གསོལ། །བཛྲ་ཏིཛི་ལྷན།དེ་ནས་ཞབས་བསིལ་བ་ནི། གཙང་མས་སྦྱར་བའི་ཆབ་གཙང་འདི། །ཕྱག་དང་ཞབས་གཉིས་བསིལ་བར་མཛོད། །སྭབྷཝབིཤུརྙོ྅ཧ༷། དེནས་པུར་གཙང་ཐོགས་ལ་འདི་སྐད་དོ། །ཧུ༷་འབྲུ་བཅུད་དམ་པའི་སྐྱེམས་འཕང་འདི། །ཁ་དང་མདང་དང་སྒྱུར་བའི་རོ། །སྐྱེམས་འཕང་དམ་པ་འདི་དྲངས་པས། །ལྗགས་ཀྱི་དབང་པོ་ཚིམ་པར་བྱེད། །འབྱུང་བའི་བབ་བསྡུས་རིན་ཆེན་སྣ་ལྔའོ། །ལོངས་སྤྱོད་ལྔ་དག་རྐྱེན་དུ་ཆེ། །འདི་འདྲའི་གསེར་སྐྱེམས་དམ་པ་འདི། །བཞེས་ཤིག་སྲོག་བདག་འཁོར་བཅས་བཞེས། །ཨོ་མ་མ་པྱུར་ཁ་ཧྭ་རྭ་ཛ་གྲྭ་ཧྭ། ཁུ་ཧི་ཁུ་ཧི། རྒྱལ་པོ་ཆེན་པོ་བདག་དང་ཡོན་བདག་འཁོར་དང་བཅས་པས། མདོ་དང་ཕུད་དུ་བཅས་པའི་ཚོགས་མ་ལུས་པ་ཕུལ་བ་འདི་བཞེས་ལ། བདག་ཅག་ལ་མཐུ་དང་སྐྱབས་དང་རྒྱུན་མི་འཆད་པའི་རྒྱུད་སྤེལ་དུ་གསོལ། །དེ་ནས་འདི་བསྟོད་དོ། །གནམ་སྔོན་པོ་ཡ་གི་ཆད་དེ་ཆད། །རིན་ཆེན་གསེར་གྱི་ཉི་ཟླ་ཏ་ལ་ལ། །གཟའ་དང་རྒྱུ་སྐར་མང་པོ་སིགས་སེ་སིག །ལྷ་སྲིན་ན་བུན་ཁུ་རླངས་ཐིབས་སེ་ཐིབ། །ཁ་དོག་སྣ་ལྔའི་འཇའ་ཚོན་ཁྱུགས་སེ་ཁྱུག །དུང་དཀར་གྱི་ཁུ་འཕང་ཤ་ར་ར། །ཐམས་ཅད་སྨིན་པའི་ཆར་པ་སི་ལི་ཡི། །ག་་པོ་འབྲུག་གི་སྒྲ་ཆེན་དི་རི་རི། །འབར་བ་གློག་གི་འོད་ཆེན་ཁྱུགས་སེ་ཁྱུག །རབ་ཏུ་མཛེས་པའི་མེ་ཏོག་སྣ་ཚོགས་སྐྱེས། །དྲི་བསུང་སྤོས་མེ་མང་པོ་རྒྱུན་མི་འཆད། །རོ་མཆོག་ལྡན་པའི་ཞལ་ཟས་སྣ་ཚོགས་བཀྲམ། །རྔ་དང་རྔ་ཆེན་དུང་དང་འཁར་བ་ཡི། །སིལ་སྙན་སྒྲ་དང་པི་ཝང་སྒྲ། །གླུ་གར་རྩེ་འཇོ་རོལ་མོ་རྣམས། །བླ་དྲེ་འཕན་གདུགས་ན་བཟའ་མཛེས་པ་དང་། །ནོར་དང་བང་མཆོད་དཀར་པོ་བཅུ་གསུམ་མདོས་ཆེན་དང་། །སྣ་ཚོགས་བསྐང་བའི་རྫས་རྣམས་ཀུན། །དགའ་དང་གུས་པས་འབུལ་ལགས་ཀྱི། །དཔོན་གཡོག་འཁོར་དང་བཅས་པ་བཞེས་སུ་གསོལ། །དྲི་མ་མེད་པས་ཤེལ་ལྟར་དག །ཐུགས་རྗེ་ཆུ་བོ་རྒྱུན་ལྟར་འབབ། །ང་དང་བདག་འདྲའི་གཟུང་འཛིན་སྤངས། །ས་ལ་གནས་པའི་བྱང་ཆུབ་སེམས་དཔའ་སྟེ། །ཐུགས་རྗེ་དབང་གིས་འགྲོ་ཀུན་ཡོངས་ལ་སྐྱོབས། །སྐུ་ལ་དར་དཀར་རལ་ག་གསོལ། །ཕྱག་ན་གདུག་པའི་དབྱུག་པས་འཇོམས། །ཆིབས་སུ་དར་དཀར་མདོག་སེར་བཅིབས། །རིན་ཆེན་ལྟ་བུར་དགོས་འདོད་སྐོངས། །སྨོད་ཅིང་འཕྱ་བར་གང་བྱེད་པ། །དེ་ལ་ནད་རྣམས་སྐུ་འདྲེན་ཅིང་། །དར་གཅིག་ཙམ་ལ་ཕུང་བར་བྱེད། །དེ་འདྲའི་རྒྱལ་པོ་ཁྱོད་ལ་བསྟོད། །རིན་ཆེན་གཤོག་པ་གདེངས་པ་ཡིས། །ཀླུ་རྣམས་འདུལ་ལ་ཕྱག་འཚལ་བསྟོད། །རྨ་བྱ་རབ་ཏུ་མཛེས་པའི་ཐུལ་པས་བརྒྱན། །འགྲོ་བ་མ་ལུས་ཕུང་པོ་ཉིང་མཚམས་སྦྱོར། །དར་དཀར་རབ་ཏུ་མཛེས་པའི་གོ་ཟུ་ལ། །གཡུ་ཕྲན་མཛེས་པའི་ཤམ་ཐབས་ཅན། །བྱ་ཐུལ་ཅན་ལ་ཕྱག་འཚལ་བསྟོད། །འཁོར་ན་གནས་པ་སྲོག་བདག་བརྒྱད། ཁེལ་དང་དུང་ལྷར་རབ་ཏུ་དཀར་བའི་སྐུ། །སྲོག་བདག་དཀར་པོ་བརྒྱད་ལ་བསྟོད། །སྟོང་ཕྲག་བརྒྱད་ཅུའི་བགེགས་རྣམས་མང་པོ་ཡང་། །རང་རང་ནུས་པས་རྒྱལ་པོའི་བྲན་དུ་བྱས། །སྤྲིན་ལྟར་གཏིབས་པ་དེ་རིང་ཡས་དང་སྟགས་ལ་བྱོན། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ཧུ༷་ཉི་མ་ཤར་ཕྱོགས་ཕ་ཀི་ན། །མཁར་གཅིག་རིན་ཆེན་དུང་གི་མཁར། །འགྲམ་ནི་ལྕགས་འགྲམ་སྔོན་པོ་ལེགས། །སྒོ་ནི་རིན་ཆེན་བསེ་ཡི་སྒོ། །བྱེ་རུ་འབར་བའི་གཏན་པ་རྩལ། །བད་ནི་གཡུ་བད་སྔོན་པོ་ལ། །མཐོངས་ནི་ཉི་ཟླ་གཉིས་ཀྱི་མཐོངས། །ཟུར་ནི་མཆོད་ཟུར་སྨུག་པོ་ལ། བིཌརུ་གཡུ་ཡི་ཟིལ་པ་ཆགས། །སྐུ་མཁར་ཕྱོགས་བཞིའི་བླ་འོག་ན། །མཐོ་བར་བྱ་དཀར་རྒོད་མི་ལྡིང་། །དམའ་བར་ས་ཡི་བྱི་མི་འཛུལ། །བར་དུ་མཉེན་པོ་སྦྲུལ་མི་འཁྲིལ། །ལོགས་ལ་གཟར་པོ་སྤྲེལ་མི་འཛེག །དེ་འདྲའི་མཁར་ལ་མཚན་གསོལ་བ། །སྲོག་མཁར་ཤེ་ལེ་རུ་འཛོད་ལགས། །ནང་ན་ཁྲི་གཅིག་ཁྲི་བཟང་པོ། །དུང་ཁྲི་དཀར་པོ་བྱ་བ་ལགས། །བསེ་ཡི་རྐང་བཞི་བར་ཏེ་བར། །དར་དཀར་ཀླང་བསྟེན་ནེམས་སེ་ནེམ། །གཡས་ན་རྟ་སྐད་ལྷང་ལྷང་བ། །ངང་དཀར་གསེར་མདོག་བྱ་བ་ལགས། །སྲབ་ནི་གསེར་ལ་མཐུར་ནི་གཡུ། །སྟན་ནི་ཟ་འོག་དངུལ་སྟན་ཅན། ཁྲ་ཐག་གཡས་ལ་ཚོན་དྲུབ་བཏགས། ་་ཐག་གཡོན་ན་ནད་ཀྱིས་རྐྱལ་པ་བཏགས། །གཡོན་ན་ཁྱི་ཟུག་དར་མ་དིར། །ཉི་མིག་སེང་སྤར་བྱ་བ་ལགས། ཁྲེལ་གྱི་ཁྱི་ལ་གཡུ་རལ་ཅན། །མཆེ་བ་དུང་གི་ཕུར་པ་བཞིས། །སྐྱེ་འགྲོ་ཐམས་ཅད་རྩད་ནས་གཅོད། །སོ་ནི་ལྕགས་ཀྱི་ཕུརཔབཞིན། །ཟངསཀྱིསྤར་ཤད་གདེངས་པ་ཡིས། །སྐད་ཅིག་ཙམ་གྱིས་ཕྱོགས་བཅུར་ཕྱིན། །མཇུག་མ་དུང་གི་ཞགས་པ་ཡིས། །བརྡབས་པས་ལྷ་སྲིན་ཐམས་ཅད་བརྒྱལ། །སྐེ་ལ་གསེར་གྱི་ཨ་ལོང་བཏགས། །གཡུ་ཡི་དྲིལ་བུ་འབུམ་གྱིས་བརྒྱན། །དཀྲོལ་བས་ཕྱོགས་བ་་རྒྱལ་བ་མཉེས། །ཁ་ནས་ངུ་ཟུག་གསུམ་བསྒྲགས་ཏེ། །དང་པོས་ཚངས་པའི་འཇིག་རྟེན་འཇིག །བར་པས་རྒྱལ་ཆེན་རིགས་བཞི་བརླག །ཐ་མས་ས་བདག་གདུང་ཞིང་འབོད། །སྤུ་ནི་ཉག་མ་རེ་རེ་ལ། །སྣ་ཚོགས་འོད་ཆེན་འཕྲོ་བར་བྱེད། །དབུས་ཀྱི་དུང་ཁྲི་དཀར་པོ་ལ། །སྲོག་བདག་ཤེལ་གིང་དཀར་པོ་བཞུགས། །སྐུ་ནི་གངས་རི་ཆགས་པ་འདྲ། །གཡུ་ཡི་སྨིན་མ་ཁྱུགས་སེ་ཁྱུག །བསེ་ཡི་སེན་མོ་ཤད་དེ་ཤད། །དུང་གི་སོ་བདར་ཐེམས་སེ་ཐེམ། །སྐུ་ལ་དར་དཀར་རལ་ག་གསོལ། །དབུ་ལ་བརྗིད་ལྡན་འགྱིང་ཐོད་བཅིངས། །རྩལ་ཆེན་སེང་གེའི་ཁ་ཆག་ཅན། །དཔའ་རྩལ་སྟག་གི་ཐོད་ཀ་ཅན། །རྐང་ལ་གཡུ་རིས་ཆགས་འུ་ལ། །གྱི་མེན་དངུལ་གྱི་སྒྲོག་བུ་ཅན། །གསེར་གྱི་སྒ་ཆེན་མཛེས་པ་ལ། །རིན་ཆེན་གཡུ་ཡི་ཚར་ཚར་ཅན། །སྐུ་ལ་རིང་ལ་ལྕིབས་ཤིང་བཞུགས། །སྟག་རལ་གཡས་ལ་གཟིག་ཤུབས་གཡོན། །སྤ་ལྕག་དཀར་པོ་གཡུ་འབྲས་ཅན། །གནམ་ལ་བསྐོར་ཞིང་ཆིབས་ལ་བསྐྱོད། །ཐུགས་ནི་མེ་རུ་ལམ་མེར་འབར། །སྐུ་ནི་ཁྲོ་ག་་དྲག་རྩལ་ཅན། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །ཚངས་པ་དུང་གི་ཐོར་ཚུགས་ཅན། །སྐུ་ལ་སྤྲིན་དཀར་སླག་པ་གསོལ། །ཕྱག་ན་རྡོ་རྗེ་བེ་ཅོན་བསྣམས། །རྒྱ་གར་ཆོས་ཀྱི་མཚན་གསོལ་བ། །ཚངས་པ་དུང་གི་ཐོར་ཚུགས་ཅན། །ཕྱག་ན་རྡོ་རྗེ་རྩེ་དགུ་བསྣམས། །རྒྱ་ནག་དག་གིས་མཚན་གསོལ་བ། །རྒྱལ་པོ་ཆེན་པོ་ལི་དུན་ཤན་གྱི་བྱ། །ཟ་འོག་འཕར་ཆེན་སླག་པ་གསོལ། །བསེ་ཡི་མདུང་ཆེན་དབལ་རིང་བསྣམས། །སུམ་བྷའི་ཡུལ་དུ་མཚན་གསོལ་བ། །སུམ་རུ་འགྲོ་ཐན་བགྱི་བ་ལགས། །པགས་བུ་དཀར་པོའི་སླག་པ་གསོལ། །ཕྱག་ན་དངུལ་གྱི་བྱི་ལ་བསྣམས། །ཞང་ཞུང་ཡུལ་དུ་མཚན་གསོལ་བ། །དེ་ཡང་སྲོག་བདག་ཤེལ་གིང་ལགས། །སྐུ་ལ་མན་ཏྲི་རལ་ག་གསོལ། །ཕྱག་ན་ཙསྡོན་བེ་ཅོན་བསྣམས། །གཙུག་ལག་བོན་གྱིས་མཚན་དུ་གསོལ། །ཉི་ཕང་སད་ཀྱི་མཚན་གསོལ་བ། །སྐུ་ལ་དངུལ་དཀར་རས་ཀ་གསོལ། །ཕྱག་ན་ཙསྡོན་དབྱུག་པ་བསྣམས། །སྐྱེ་བོ་ཡོངས་ཀྱིས་མཚན་གསོལ་བ། །ཀར་ཏེ་ཡམ་པ་སྤྱན་གཅིག་པ། །སྐུ་ནི་མ་བཅོས་དཀྲུས་མར་བཞུགས། །ཕྱག་ན་རལ་གྲི་སྟོབས་ཆེན་བསྣམས། །ལི་ཡི་ཡུལ་དུ་མཚན་གསོལ་བ། །ཨ་ཀ་དྷ་ར་སྐྱེས་གཅིག་པོ། །སྐུ་ལ་དར་དཀར་ཐུལ་པ་གསོལ། །ཕྱག་ན་གཤོག་པའི་སོག་ལེ་བསྣམས། །ཧོར་གྱི་ཡུལ་དུ་མཚན་གསོལ་བ། །ག་གོན་གསེར་སླག་ཅན་ཞེས་བྱ། །སྐུ་ལ་མ་ཏིང་ཤེལ་གྱི་སླག་པ་གསོལ། །ཕྱག་ན་སྦྲུལ་གྱི་ཞགས་པ་བསྣམས། །མོན་གྱི་ཡུལ་དུ་མཚན་གསོལ་བ། །བདུད་ཀྱི་རྒྱལ་པོ་ས་མུན་རྗེ། དགོང་ཁ་ཉི་མའི་ཟེར་ལ་རྒྱུག །ཕྱག་ན་ཉི་ཟེར་ཞགས་པ་བསྣམས། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག །དེ་ནས་ལྕམ་མོ་བསྐུལ་ཏེ། ཧུ༷། རྒྱལ་པོ་ཐུགས་ཀྱི་དགྱེས་སྡེ་མོ། །གསང་བ་ཐུགས་ཀྱི་ཡུམ་གཅིག་མ། །སྐུ་ལུས་ཤེལ་ལ་སྨིན་མ་གཡུ། །སོ་ཐགས་དུང་ལ་ནོར་བུ་མཆོང་། །ངག་གི་གསུང་སྙན་ཏོངས་སེ་ཏོང་། །གསེར་གྱི་རྣ་ཆ་ཝངས་སེ་ཝང་། །མུ་མེན་གུར་ཆེན་ཆི་ལི་ལི། །ཟངས་ཀྱི་སྒྲོམ་བུ་ཁྱུགས་སེ་ཁྱུག །བསེ་ཡི་སེན་མོ་ཟངས་སེ་ཟང་། སྐུ་ལ་བྱ་རྒོད་ཐུལ་པ་ལ། །རྨ་བྱ་འབུམ་གྱི་མདོངས་ཀྱིས་བརྒྱན། །གསེར་གྱི་སྐར་མདའི་མཐའ་བསྐོར་ཅན། །འཇའ་ཚོན་འབར་བའི་ཁ་ཆག་ཅན། །ན་བཟའ་མཛེས་པ་དེ་གསོལ་ནས། །སེམས་ཅན་ཀུན་གྱི་སྲོག་ལ་དགའ། །ཕྱག་གཡས་ཤེལ་གྱི་བུམ་པ་མྲ །བདུད་རྩི་དམ་པའི་བཅུད་བླུགས་ནས། །གཙོ་བོ་མཉེས་བྱེད་རྣལ་འབྱོར་ཚེ་འཕེལ་མ། །ཕྱག་གཡོན་གསེར་གྱི་ཟངས་གྲི་བསྣམས། །དགྲ་བོའི་བདུན་རྒྱུད་རྩད་ནས་ཆོད། །ཞལ་གྱི་རླངས་པ་དུག་ཏུ་ཐུལ། །མི་ནད་སྣ་ཚོགས་ཆར་དུ་འབེབས། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་ལོངས་ཤིག །ཅེས་གསེར་སྐྱེམས་གཏོང་ངོ་། །དེ་ནས་འཁོར་སྲོག་བདག་བརྒྱད་ཀྱང་ཟེར། འགོང་པོ་སྤུན་དགུ་ལ་འདི་སྐད་བསྐུལ་ལོ། ་ར་གྱི་ཕྱོགས་ནས་གཤེགས་པ་ནི། །རྒྱལ་པོ་ཆེན་པོ་ཁུ་ལེ་ཤོང་། །གསེར་གྱི་མི་ཕོ་ཆེན་པོ་ལ། །ལག་དགུས་རྒྱལ་ཁམས་ཡོངས་ལ་ཁྱབ། །ལ་ལས་སྲིད་དང་མངལ་ལ་རྐུ། །ལ་ལས་ཡུལ་མཁར་རྩེ་ནས་འབེབས། །ལ་ལས་སྲོག་གི་ཤན་པ་བྱེད། །ལ་ལས་དབང་གི་ལྷ་དང་འབྲལ། །ལ་ལས་སྒོ་ཡི་ལྷ་དང་འབྲལ། །ལ་ལས་སྒོ་ཡི་ནོར་དང་འབྲེལ། །ལ་ལས་ཉིན་གྱི་ཧོར་པ་བྱེད། །ལ་ལས་སྲོག་གི་འཇབ་བུ་བྱེད། །ལ་ལས་ན་ཆུང་སྐྱེ་རྒྱུན་གཅོད། །སྐུ་ལ་ཤ་བའི་སླག་པ་གསོལ། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་ཟླུད་ལོངས་ཤིག །ལྷོ་ཡི་ཕྱོགས་ནས་གཤེགས་པ་ནི། །རྒྱལ་པོ་ཆེན་པོ་ཨག་གེ་ཡང་། །སྐུ་ནི་གཡུ་ཡི་འཚེར་བག་ཅན། །ཟ་འོག་སྔོ་ཁྲའི་བེར་ཆེན་གསོལ། །སྔོན་པོ་དར་གྱི་འགྱིང་ཐོད་བཅིངས། །ཕྱག་ན་བརྡེག་པའི་མདའ་གཞུ་བསྣམས། ་་ལ་དགའ་ཞིང་ཁྲག་ལ་མོས། །མདོས་་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་བཞེས་ཤིག །ནུབ་ཀྱི་ཕྱོགས་ནས་གཤེགས་པ་ནི། །རྒྱལ་པོ་ཆེན་པོ་ཨུ་གེ་ནི། །སྐུ་ནི་ཟངས་མདོག་དམར་ཁྲ་ལ། །ཟ་འོག་དམར་ཁྲའི་བེར་ཆེན་གསོལ། །དམར་པོ་ལེ་བརྒན་འགྱིང་ཐོད་བཅིངས། །ཕྱག་ན་ལྕགས་ཀྱུ་མདའ་གཞུ་བསྣམས། ཁྲ་དང་ཁྲག་ལ་དད་རེ་ཆེ། །མདོས་བདག ཆེན མོམདོསལོངས་ཤིག །གླུདབདག ཆེན མོགླུདབཞེས་ཤིག །བྱང་གི་ཕྱོགསནས གཤེགསཔནི། །རྒྱལཔོཆེནཔོབྲང་སེ་ནི། །སྐུ་ནི་མཐིང་ནག་ལྗང་གུ་ལ། །ཟབ་སླག་ཁྲ་བོ་སྐུ་ལ་གསོལ། །ལྗང་གུ་དར་གྱི་འགྱིང་ཐོད་བཅིངས། །མདའ་གཞུ་ཞགས་པ་ཕྱག་ན་བསྣམས། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་བཞེས་ཤིག ་ར་ལྷོའི་རྒྱལ་པོ་ཤང་སེ་ནི། །སྐུ་ནི་ར་གན་འབར་བ་ལ། །སྐུ་ལ་གུ་ལིང་བེར་ཆེན་གསོལ། །ཐང་དཀར་རྒོད་ཀྱི་བྱ་ཐུལ་བརྩེགས། །དཔྲལ་ན་རྒྱ་ལོང་ཏ་ལ་ལ། །མདའ་གཞུ་དྲིལ་ཆུང་ཕྱག་ན་བསྣམས། །དབུ་ལ་རྒོད་ཀྱི་དཔའ་མཚན་ཅན། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་བཞེས་ཤིག །ལྷོ་ནུབ་རྒྱལ་པོ་ད་ཁོད་ནི། །མུ་མེན་ལྒབྲུལ་གྱི་མི་བོ་ལ། །དཔྲལ་བའི་དབྱེས་ན་སྤྱན་གཅིག་གཟིགས། །སྔོན་པོ་གཡུ་ཡི་བེར་ཆེན་གསོལ། །དབུ་ལ་སྟག་གི་རྨོ་གཞུ་གསོལ། །ཕྱག་ན་མདའ་གཞུ་སྟ་གྲི་བསྣམས། ཁྲ་དང་ཁྲག་གི་གྲི་ཚོར་ན། །དར་ཅིག་ཙམ་གྱིས་སྟོང་གསུམ་བགྲོད། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་སྨྱུད་བཞེས་ཤིག །ནུབ་བྱང་རྒྱལ་པོ་ནི་ཁོད་ནི། །བྱེ་རུ་དམར་པོའི་མི་ཕོ་ལ། །མེན་གྲི་དམར་པོའི་རལ་ཀ་གསོལ། །ཟངས་ཀྱི་རྨོ་གཞུ་དབུ་ལ་གསོལ། །རྒོད་ཀྱི་ལྡེམ་སྒྲོ་དབུ་ལ་བཙུགས། །ཕྱག་ན་མདའ་གཞུ་འཚག་པའ་ཁོལ་མ་བསྣམས། །ཧབ་ཀྱིས་སྐྱེ་འགྲོའི་ཤ་ལ་ཟ། ་་་ཀྱིས་སྐྱེ་འགྲོའི་ཁྲག་ལ་འཐུང་། །མདོས་བདག་ཆེན་མོམདོསལོངས་ཤིག །གླུད་བདག་ཆེན་མོགླུདབཞེས་ཤིག །བྱང་ཤར་རྒྱལ་པོ་ཉི་ཟླ་ནི། །དུང་ལ་དཀར་པོའི་ཐོད་ནན་ཅན། །ཕྱག་ན་མདའ་གཞུ་ལྕགས་ཀྱུ་བསྣམས། །དར་ཙམ་ཤ་དང་ཁྲག་མེད་ན། །རང་ལ་རང་ཡང་འཚིག་ཅིང་འཁྲོ། །མདོས་བདག་ཆེན་མོ་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །སྲོག་བདག་བརྒྱད་ཀྱི་བཙུན་མོ་ཡང་། །སྐུ་ནི་དར་ཤམ་མཛེས་པ་ལ། །རིན་ཆེན་དུང་གི་ལན་ཕྲན་ཅན། །འཇའ་ཚོན་འབར་བའི་ཐུལ་པ་གསོལ། །ཕྱག་ན་མདའ་གཞུ་བདུད་རྩིའི་བུམ་པ་བསྣམས། །མདོས་བདག་ཆེན་མོ་མདོས་ལོངས་ཤིག །གླུད་བདག་ཆེན་མོ་གླུད་བཞེས་ཤིག །བཀའ་འཁོར་མངག་པའི་ལས་བྱེད་པ། །ལ་ལ་བློན་པོ་འགྱིང་བག་ཅན། །ལ་ལ་སྐྱེས་པ་མཚོན་གྱིས་འདེབས། །ལ་ལ་བྱིས་པ་ཀྱལ་ཁ་བྱེད། །ལ་ལ་ལོངས་སྤྱོད་ནོར་རྣམས་རྐུ། །ལ་ལ་ཐོབ་ཤོར་དོས་ལ་བྱེད། །ལ་ལ་བདུད་བཙན་དོ་ཟླ་བྱེད། །ལ་ལ་ཕྱོགས་ལོག་སྲོག་ལ་རྒོལ། །ད་ནི་གདུག་པའི་སྐྱེས་བུ་རྣམས། །ཡ་སངས་སྐྱེས་གཅིག་མན་ཆད་ནས། །ཐེའུ་རང་གྲོང་རྒྱུ་ཡན་ཆད་དུ། །མདོས་བདག་མདོས་ལོང་ལ། །གླུད་བདག་གླུད་བཞེས་ཤིག འགྲེང་མིའི་གླུད་དུ་འབུལ། །དུད་ཕྱུགས་ཀྱི་གླུད་འབུལ་ལོ། །ཞེས་ཀུན་གྱི་མགོ་ལ་རྒོད་ཀྱི་ལྡེམ་རུ་འཛུགས་སོ། །མ་མོ་སྲིད་པའི་བེམ་ལས། ཕོ་མདོས་མན་ཆད་ཀྱིས་བསྐང་བའི་སྐབས་ཏེ། དཀར་པོ་བཅུ་གསུམ་གསང་མདོས་ལ་སོགས་པའི་སྐབས་སོ།། །།དེ་ནས་ཡང་སྐོས་བདག་དང་བཅས་ཏེ་གཡུལ་ངོ་བཟློག་པ་འདི་གསུངས་སོ། །ཀྱེ་སྐོས་བདག་ཆེན་པོ་བརྒྱད། །མདོས་ཀྱི་སྐོས་ལ་བྱོན། །ཤར་ཕྱོགས་ལུས་འཕགས་པོ། །དུང་ལྟར་དང་ནི་དཀར་བ་ལ། །ཟླ་གམ་ནི་དབྱིབས་འདྲ་ཞིང་། །ཡུལ་དང་ནི་མི་རུ་འདྲ། །ཆེ་ཡང་ནི་མི་ཆེ་སྟེ། །ཆུང་ཡང་ནི་མི་ཆུང་སྟེ། །གླིང་བཞི་ནི་ཀུན་ལས་འཕགས། །དུང་ལྟར་དང་ནི་དཀར་བ་ལ། །ཤེལ་གྱི་ནི་ཟིལ་པ་ཅན། །རིན་ཆེན་ནི་དུང་ལ་བྱོན། །ཐམས་ཅད་ནི་སྤྱན་གཅིག་པ། །འབྲུ་དང་བང་བ་ནི་རྐང་འགྲོས་རྣམས། །མཛེས་པར་བརྒྱན་པ་ནི་འདི་བཞེས་ལ། ་།ར་གྱི་སྐོས་བདག་ནི་སྐོས་མཛོད་ཅིག ་།ར་ཕྱོགས་རྒྱལ་ཆེན་གྱི་བཀའ་བསྒྱུར་ལ། ཤར་ཕྱོགས་ལྷ་མ་ཡིན་གྱི་གཡུལ་ངོ་བཟློག ་།ར་ཕྱོགས་སྐོས་བདག་གི་མདོས་ལོངས་ཤིག །རྒྱལ་པོའི་བཀའ་ཆད་བཟློག །དེ་ནས་སྲིད་མོ་ཟོར་བདག་མོ་བསྐུལ་ཏེ། ཧུ༷་གླིང་བཞི་གླིང་མཆོག་ཤར་གྱི་ལུས་འཕགས་པོ། །ལྕགས་རི་མུ་ཁྱུད་འདས་པའི་ཕ་རོལ་ན། །མུན་པའི་གཡུང་དྲུང་གླིང་བར་ནང་ཤེད་ན། །བྱོལ་སོང་ཉིང་ཤ་ཉིང་གིས་ཟ་བའི་གཙོ་མོ་ནི། །དགའ་མོ་གཉན་གྱི་ཟོར་འཕེན་མ། །སྐུ་ལ་མི་ལྤགས་རློན་པའི་གཡང་གཞི་གསོལ། །མུ་མེད་སྔོན་ཚར་སི་ལི་ལི། །ལག་པ་གཡས་ན་ཐོད་པ་ཁྲག་གིས་བཀང་བ་བསྣམས། །གཡོན་ན་མཆོག་གི་ཕུར་བུ་འདྲིལ། །ཁྱོད་ནི་ཟོར་གྱི་བདག་མོ་སྟེ། །ཟོར་དང་ཐུན་གྱི་ལས་ལ་བརྩོན། །སྡང་བའི་དགྲ་དང་གནོད་པའི་བགེགས། །ཁྱོད་ཀྱིས་ལྷ་མིན་གཡུལ་ངོ་ཟློག །ཕོག་པར་རྒྱོབ་ཅིག་མྱོས་བྱེད་མ། །མདོས་འདི་ཕར་སོང་དགབ་མ་ངན། །ཚེ་འདི་ཚུར་མཆིས་མནའ་མ་ཟ། །ཤར་ཕྱོགས་རྒྱལ་ཆེན་བཀའ་སྒྱུར་ཅིག །ཅེས་ཕུད་གཏོང་ངོ་། །གླིང་བཞི་གླིང་མཆོག་ལྷོ་ཡི་འཛམ་བུ་གླིང་། །ལྕགས་རི་མུ་ཁྱུད་འདས་པའི་ཕ་རོལ་ན། །མུན་པ་གཡུང་དྲུང་གླིང་བར་ནང་ཤེད་ན། །བྱོལ་སོང་ཉིང་ཤ་ཉིང་གིས་ཟ་བའི་གཙོ་མོ་ནི། །ཨརྒ་གཉན་གྱི་སྨན་གཅིག་མ། །སྐུ་ལ་སྦྲུལ་ནག་གོ་ཟུ་གསོལ། །མུ་ཏིག་ཕྲེང་བའི་ལྗོན་ཚར་ཅན། །ཕྱག་གཡས་བྷརྙ་ལྕང་ལོ་བསྣམས། །གཡོན་པ་རི་རབ་ཕུར་པ་འདྲིལ། །ལྷོ་ཕྱོགས་ལྷ་མ་ཡིན་གྱི་གཡུལ་ངོ་བཟློག །ཕོག་པར་རྒྱོབ་ཅིག་མྱོས་བྱེད་མ། །མདོས་འདི་ཕར་སོང་འགབ་མ་ངན། །ཚེ་འདི་ཚུར་ལོག་མནའ་མ་ཟ། །ལྷོ་ཕྱོགས་རྒྱལ་ཆེན་བཀའ་སྒྱུར་ཅིག །ལྷོ་ཕྱོགས་འཛམ་གླིང་སོག་ཁ་ན། །བི་ཌར་གཡུ་ཡི་ཟིལ་པ་ཆགས། །འཛམ་བུ་གླིང་ན་གནས་པ་ནི། །ཆེ་ཡང་ནི་མི་ཆེ་སྟེ། །ཆུང་ཡང་ནི་མི་ཆུང་སྟེ། སོག་ཁ་ནི་གྲུ་བཞི་པོ། །མཛེས་པའི་ཆས་ཀྱིས་བརྒྱན། གླིང་མཆོག་ནི་རྒྱན་དང་བཅས། ལྷོ་ཡི་སྐོས་བདག་མདོས་ལོངས་ཤིག །ལྷོ་ཕྱོགས་རྒྱལ་ཆེན་བཀའ་སྒྱུར་ཅིག །ཧུ༷་གླིང་བཞི་གླིང་མཆོག་ནུབ་ཀྱི་བ་ལང་སྤྱོད། །ལྕགས་རི་མུ་ཁྱུད་འདས་པའི་ཕ་རོལ་ན། །མུན་པ་གཡུང་དྲུང་གླིང་བར་ནང་ཤེད་ན། །བྱོལ་སོང་ཉིང་ཤ་ཉིང་ཟའི་གཙོ་མོ་ནི། །རཀྟ་གཉན་གྱི་ཙ་མུན་ཏྲི། །སྐུ་ལ་གཡག་ལྤགས་རློན་པ་གསོལ། །བ་གླང་དམར་པོའི་ཡ་བས་བསྐོར། །ཕྱག་གཡས་བྷརྙ་དམར་པོ་ཁྲག་གིས་བཀང་བ་བསྣམས། །ཁྱོད་ནི་ཟོར་གྱི་བདག་མོ་སྟེ། །ནུབ་ཕྱོགས་རྒྱལ་ཆེན་བཀའ་སྒྱུར་ལ། །ནུབ་ཕྱོགས་ལྷ་མ་ཡིན་གྱི་གཡུལ་ངོ་ཟློག །ཕོག་པར་རྒྱོབ་ཅིག་མྱོས་བྱེད་མ། །མདོས་འདི་ཕར་སོང་འགབ་མ་ངན། །ཚེ་འདི་ཚུར་ལོག་མནའ་མ་ཟ། །ནུབ་ཕྱོགས་རྒྱལ་ཆེན་བཀའ་སྒྱུར་ཅིག །ནུབ་ཕྱོགས་གླིང་ནི་ཟླུམ་པོ་སྟེ། །རྭ་ག་དམར་པོའི་ཟིལ་པ་ཆགས། །བན་གླང་ཤོན་པ་འཁོར་དང་བཅས། །བན་གླང་སྦྱོད་ནི་རྒྱབ་དང་བཅས། །ནུབ་ཀྱི་སྐོས་བདག་གཉིས་ལ་འབུལ། །སྐོས་བདག་ནི་མདོས་ལོང་ལ། །ནུབ་ཕྱོགས་རྒྱལ་ཆེན་བཀའ་སྒྱུར་ཅིག །ཧུ༷་གླིང་བཞིའི་གླིང་མཆོག་བྱང་གི་སྒྲ་མི་སྙན། །ལྕགས་རི་མུ་ཁྱུད་འདས་པའི་ཕ་རོལ་ན། །མུན་པའི་གཡུང་དྲུང་གླིང་བར་ནང་ཤེད་ན། །བྱོལ་སོང་ཉིང་ཤ་ཉིང་གིས་ཟ་བའི་གཙོ་མོ་ནི། །དྲེའུ་གདོང་ཆེན་མོ་གཟེར་མགོ་བཅད། །སྐུ་ལ་ཞིང་རས་ཁྲོས་མ་གསོལ། །བྱ་རོག་ལུས་ལ་དྲེད་ཀྱི་མགོ། །བསྐྱོད་ན་ལྷ་མིན་ཀུན་ཀྱང་གཡོ། །རྡོ་རྗེ་སྟངས་སྟབས་བྲོ་བརྡུང་ནས། །ཟོར་དང་ཐུན་གྱི་ལས་ལ་བརྩོན། །ལག་ན་རྩད་དང་ཕུར་བུ་ཐོགས། །ཁྱོད་ནི་ཟོར་གྱི་བདག་མོ་སྟེ། །བྱང་ཕྱོགས་ལྷ་མ་ཡིན་གྱི་གཡུལ་ངོ་བཟློག །བྱང་ཕྱོགརྒྱལཆེནབཀའསྒྱུརཅིག །ཕོག་པར་རྒྱོབ་ཅིག་མྱོས་བྱེད་མ། །མདོས་འདི་ཕར་སོང་འགབ་མ་ངན། །ཚེ་འདི་ཚུར་ལོག་མནའ་མ་ཟ། །བྱང་ཕྱོགས་རྒྱལ་ཆེན་བཀའ་སྒྱུར་ཅིག །བྱང་ཕྱོགས་གླིང་ནི་གྲུ་བཞི་སྟེ། །བརྫུས་ནས་སྐྱེ་ཞིང་སྒྲ་ཡིས་འཆི། །མཛེས་པའི་ཤིང་ལོ་མང་པོས་བརྒྱན། །བྱང་གི་སྐོས་བདག་གཉིས་ལ་འབུལ། །སྐོས་བདག་ནི་མདོས་ལོང་ལ། །བྱང་ཕྱོགས་རྒྱལ་ཆེན་བཀའ་སྒྱུར་ཅིག །བྱང་ཕྱོགས་ལྷ་མིན་གཡུལ་ངོ་ཟློག །མ་མོ་སྲིད་པའི་བེམ་ལས། སྐོས་བདག་བརྒྱད་དང་ཟོར་བདག་མ་བཞིའི་སྐབས་སོ།། །།དེ་ནས་ཡང་ཚལ་བཞི་དར་ཆས་ཅན་བདུན་དང་བཅས་པས། གཡུལ་ངོ་བཟློག་པའི་བསྟོད་པ་འདི་གསུངས་སོ། །ཧུ༷་རི་རབ་ཆེན་པོ་ལྕོག་བཞི་ལ། དེད་དཔོན་ཆེན་པོ་བཞི་བཞུགས་པ། །མི་འགྱུར་ཚལ་དང་དགའ་བའི་ཚལ། །རྩབ་འགྱུར་ཚལ་དང་འདྲེས་པའི་ཚལ། །བྱང་ཤར་མཚམས་འདི་ལྷ་ཡི་ཚལ། །འཁོར་ལོ་ཆེན་པོ་བཅུ་གཉིས་སོ། །སྐུ་ལ་དུང་ཁྲབ་དཀར་པོ་གསོལ། །དབུ་ལ་ཤེལ་རྨོག་དཀར་པོ་གསོལ། །ཆིབས་སུ་བ་ལང་དཀར་་པོ་བཅིབས། །ཕྱག་ན་བ་དན་དཀར་པོ་རྩེ་ལྔ་བསྣམས། །ལྷ་བྲན་དར་ཆས་ཅན་ནི་བདུན་གྱིས་བསྐོར། །ཕྱག་གཉིས་འཁོར་ལོ་རལ་གྲི་བསྣམས། །ཆོས་ཤིག་ལྷ་ཡི་དེད་དཔོན་ཚོགས། །མདོས་བདག་མདོས་ཟློངས་ཤིག །གླུད་བདག་གླུད་བཞེས་ཤིག །ལྷ་མ་ཡིན་གྱི་གཡུལ་ངོ་ཟློག །ལྷ་རྣམས་རྒྱལ་ལ་ལྷ་མིན་ཕམ་གྱུར་ཅིག །དོ་ནུབ་རྣལ་འབྱོར་བདག་རྒྱལ་ལ། །གནོད་སེམས་སྡང་བར་བྱེད་པ་ཕམ་གྱུར་ཅིག །ལྷ་མ་ཡིན་གྱི་དེད་དཔོན་ནི། །སྐུ་ལ་བསེ་ཁྲབ་བསེ་རྨོག་གསོལ། །ཆིབས་སུ་བསེ་རུ་རུ་གཅིག་བཅིབས། །ཕྱག་ན་དར་དམར་བ་དན་བསྣམས། །ལྷ་མིན་མང་པོའི་འཁོར་གྱིས་བསྐོར། །བདུད་དང་གནོད་སྦྱིན་གཡུལ་ངོ་བཟློག །བདུད་དང་གནོད་སྦྱིན་དེར་ཕམ་མོ། །དེ་རིང་རྣལ་འབྱོར་བདག་རྒྱལ་ཏེ། །སྡང་བ་དགྲ་དང་གནོད་པ་བགེགས། །དེ་རྣམས་དེ་རིང་ཕམ་གྱུར་ཅིག །དེ་རིང་རྣལ་འབྱོར་བདག་རྒྱལ་ལོ། །བདུད་དང་གནོད་སྤྱིན་དེད་དཔོན་ནི། །སྐུ་ལ་ཅི་གསོལ་ན། །འབུམ་བྱེད་སྟོད་ཀྱི་ཟངས་ཁྲབ་ལ། །གནམ་ལྕགས་སྨད་ཀྱི་ཤམ་ཐབས་ཅན། །དབུ་ལ་ཟངས་རྨོག་དམར་པོ་གསོལ། །ཆིབས་སུ་ཟངས་ཀྱི་འཕར་བ་ཆིབས། །སྣ་ཚོགས་དར་གྱི་བ་དན་བསྣམས། །བདུད་དང་གནོད་སྤྱིན་མང་པོས་བསྐོར། །མ་མོ་རྣམས་དང་བཀའ་ཟླ་གཅིག །མ་མོ་རྣམས་ཀྱི་གཡུལ་ངོ་ཟློག །དེར་ཡང་མ་མོ་ཕམ་གྱུར་ཅིག །དོ་ནུབ་རྣལ་འབྱོར་བདག་རྒྱལ་ལོ། །གནོད་པའི་བགེགས་དང་སྡང་བའི་དགྲ། །འདི་རྣམས་དོ་ནུབ་ཕམ་གྱུར་ཅིག །དེར་ཡང་རྣལ་འབྱོར་བདག་རྒྱལ་ལོ། །མ་མོ་རྣམས་ཀྱི་དེད་དཔོན་ནི། །སྐུ་ལ་གཡུ་ཁྲབ་སྔོན་པོ་གསོལ། །ཆིབས་སུ་ཟངས་ཀྱི་མི་ཕོ་སྐྱ་རིང་ཆིབས། །བ་དན་ནག་པོ་ཕྱག་ན་བསྣམས། །མ་མོ་དམར་ནག་མང་པོས་བསྐོར། །ཡ་གི་བདུད་དང་གནོད་སྦྱིན་མན་ཆད་ནས། །མ་གི་དམ་སྲི་ཡན་ཆད་ཀྱི། །དེ་རིང་མ་མོའི་ཆད་པ་ཟློག །དེར་ནི་མ་ཚོགས་དབང་ཕྱུག་རྒྱལ། །དོ་ནུབ་རྣལ་འབྱོར་བདག་རྒྱལ་ལོ། །མདོས་བདག་མ་མོ་མདོས་ལོངས་ཤིག །ཅེས་མ་མོ་སྲིད་པའི་བེམ་ལས། དེད་དཔོན་ཆེན་པོ་བཞི་དང་། ཚལ་ཆེན་པོ་བཞི་ནས་གཡུལ་ངོ་འགྱེད་པའི་སྐབས་སོ།། །།དེ་ནས་རྣལ་འབྱོར་པའི་ལས་བྱེད་དུ་མ་བཏུབ་ན། མ་མོ་རྣམས་ལ་ཐུགས་དམ་བསྐང་བ་འདི་གསུངས་སོ། །དེ་ལ་མ་མོ་སྤྱིའི་རྫས་ལ་འདི་རྣམས་སོ། །འཕན་དང་གདུགས་དང་རྒྱལ་མཚན་དང་དུར་ཁྲོད་ཀྱི་ཤ་ཁྲག་དང་། བྷརྙ་ལྕང་ལོའི་ཚོགས་དང་། ཞལ་ཟས་དང་ཆང་ཕུད་དང་། རཀྟའི་རྒྱ་མཚོ་དང་། ཞུན་ཆེན་གྱི་མར་མེ་དང་། སྤ་ར་མ་ཏི་དང་། རྫ་རྔ་དང་ཅང་ཏེའུ་དང་། པི་ཝང་དང་གླིང་བུ་སོགས་འབུད་པ་དང་བརྡུང་བར་བྱ། །གང་བརྟེན་པའི་སྒོ་རྣམས་གཙོར་བྱ། དེ་ནས་འདི་སྐད་ཅེས་སྤྱན་དྲང་། ཧུ༷་སྔོན་གྱི་བསྐལ་པ་དང་པོ་ལ། །རྒྱ་གར་ཡུལ་གྱི་ཨ་ཀྟ་མ་བྷ་ན། །དུར་ཁྲོད་ཆེན་པོ་སོ་ས་གླིང་། །བང་སོ་དམར་པོའི་གཞལ་ཡས་སུ། །ཇི་ལྟར་ཁས་བླངས་དམ་བཅས་པའི། །དཀར་མོ་ཉི་ཁྲི་བདུན་འབུམ་གཅིག །ཆོས་ཀྱི་སྐུ་དང་རབ་ལྡན་ཅིང་། །འགྲོ་བའི་དོན་ལ་གཤེགས་སུ་གསོལ། །ནག་མོ་ཉི་ཁྲི་བདུན་འབུམ་གཅིག །ཆོས་ཀྱི་སྐུ་དང་རབ་ལྡན་ཅིང་། །འགྲོ་བའིདོནལགཤེགསསུགསོལ། །སྨུག་མོ་ཉི་ཁྲི་བདུན་འབུམ་གཅིག །ཆོས་ཀྱི་སྐུ་དང་རབ་ལྡན་ཞིང་། །འགྲོ་བའིདོནལགཤེགསསུགསོལ། །དམ་ཅན་དེ་ཡི་བཀའ་འཁོར་ན། །ལས་ལ་འདུ་བའི་མ་མོ་རྣམས། །ཐུགས་དམ་བསྐང་ཕྱིར་གཤེགས་སུ་གསོལ། །རྫ་རྔ་ཅང་ཏེའུ་སྐད་སྙན་ཁྲོ་ལོ་ལོ། །མི་རྐང་མཆོག་གི་གླིང་བུ་དི་རི་རི། །མེ་དུད་སྤོས་ཆེན་དུ་བ་རྒྱུན་མི་འཆད། །ཞིང་ཆེན་འཕན་གདུགས་མང་པོ་སྤྱིན་ལྟར་གཏིབས། །དུར་ཁྲོད་ཤ་ཁྲག་མང་པོ་རི་ལྟར་སྣུངས། །བྷརྙ་ལྕང་ལོ་མང་པོ་ནགས་ལྟར་གཏིབས། །གསལ་བའི་མར་མེ་མང་པོ་མདངས་ཀྱང་ཕྱུང་། །རཀྟ་དམར་པོ་རྦ་རླབས་ཆི་ལི་ལི། །ཞལ་ཟས་རོ་མཆོག་མང་པོ་མཆོད་པར་བཏགས། །མ་མོ་དབང་ཕྱུག་ཚོགས་ཀྱི་ཐུགས་དམ་བསྐང་། །ཧུ༷་གཙོ་མོ་སྲིད་པའི་རྒྱལ་མོའི་ཐུགས་དམ་བསྐང་། །དབྱིངས་ཀྱི་ཡུམ་དྲུག་ཐུགས་དམ་བསྐང་། །རྟག་པའི་རྒྱལ་མོ་དྲུག་གི་ཐུགས་དམ་བསྐང་། །ཡེ་ཤེས་རྗེ་མོ་བཅུ་བཞིའི་ཐུགས་དམ་བསྐང་། །སྨན་མོ་ལྔ་བཅུ་རྩ་བརྒྱད་ཐུགས་དམ་བསྐང་། །དབྱིངས་ཀྱི་མ་མོའི་ཐུགས་དམ་བསྐང་། །གཙོ་མོ་སྲིད་པའི་རྒྱལ་མོའི་ཐུགས་དམ་བསྐང་། །ཕུང་བྱེད་སྦས་པའི་མ་བཞིའི་ཐུགས་དམ་བསྐང་། །ཐེག་ཆེན་ས་ཡི་དབང་མོ་ཆེའི་ཐུགས་དམ་བསྐང་། །རི་རབ་གླིང་བཞིའི་དབང་མོ་ཆེ་ཡི་ཐུགས་དམ་བསྐང་། །རྒྱ་མཚོ་གླིང་བཞིའི་དབང་མོ་ཆེ་ཡི་ཐུགས་དམ་བསྐང་། །ཁྲམ་ཁ་སྟོང་གི་དབང་མོ་ཆེ་ཡི་ཐུགས་དམ་བསྐང་། །འཁོར་ན་གནས་པའི་མ་མོའི་ཚོགས་ཀྱི་ཐུགས་དམ་བསྐང་། ་་་ལེ་ཉིས་བརྒྱ་ལྔ་བཅུ་གཉིས་ཀྱི་ཐུགས་དམ་བསྐང་། །ཕོ་ཉ་ཉིས་བརྒྱ་ལྔ་བཅུ་གཉིས་ཀྱི་ ཐུགས་དམ་བསྐང་། །སྨན་ཕྲན་ཉིས་བརྒྱ་ལྔ་བཅུ་བཞི་ཡི་ཐུགས་དམ་བསྐང་། །བདུད་མོ་ཉིས་བརྒྱ་ལྔ་བཅུ་གཉིས་ཀྱི་ཐུགས་དམ་བསྐང་། །ཁྱེད་ཀྱི་ཐུགས་དམ་བསྐང་གྱུར་ཅིག །བདག་ཅག་གཡར་དམ་གསོ་རུ་གསོལ། །དབྱིངས་ཀྱི་མ་ཚོགས་ཐུགས་དམ་བསྐང་གྱུར་ཅིག །བསྐང་ངོ་བདུད་མོ་རིགས་ཀྱི་ཐུགས་དམ་བསྐང་། །གཙོ་མོ་ཨེ་ཀ་ཛ་ཞིའི་ཐུགས་དམ་བསྐང་། །བལ་མོ་ཀུན་གྲགས་ཐུགས་དམ་བསྐང་། །རལ་གཅིག་རྒྱལ་མོའི་ཐུགས་དམ་བསྐང་། །མ་མོ་དུང་མགྲིན་མ་ཡི་ཐུགས་དམ་བསྐང་། །གནམ་གྱི་ཡེ་རྡར་མ་ཡི་ཐུགས་དམ་བསྐང་། །ས་ཡི་ཕུང་བྱེད་མ་ཡི་ཐུགས་དམ་བསྐང་། །བར་གྱི་གློག་མ་སྲིན་གྱི་ཐུགས་དམ་བསྐང་། །བདུད་ཀྱི་བུ་མོ་ནག་མོ་ཕུང་གསུམ་དང་། །ནག་མོ་བཀྲག་མེད་མ་ཡི་ཐུགས་དམ་བསྐང་། །ཀུན་ཁྱབ་ནག་མོའི་ཐུགས་དམ་བསྐང་། །བདུད་མོ་ལྷ་མོའི་ཚོགས་ཀྱི་ཐུགས་དམ་བསྐང་། །བདུད་མོ་མ་ཚོགས་དབང་ཕྱུགས་ཚོགས་ཀྱི་ཐུགས་དམ་བསྐང་གྱུར་ཅིག །ནག་མོ་འབུམ་གྱི་ཐུགས་དམ་བསྐངས་ནས་ཀྱང་། །བདག་ཅག་གཡར་དམ་གསོ་རུ་གསོལ། །བསྐང་ངོ་སྤྲུལ་པའི་མ་མོའི་ཐུགས་དམ་བསྐང་། །གཙོ་མོ་སྲིན་མོ་མགོ་དབུ་རལ་གཅིག་མའི་ཐུགས་དམ་བསྐང་། །འདྲ་མི་འདྲ་ཡི་ཐུགས་དམ་བསྐང་། །རོ་ཤལ་ནག་མོའི་ཐུགས་དམ་བསྐང་། །ཡང་གབ་མ་བཞིའི་ཐུགས་དམ་བསྐང་། །དཀར་མོ་དབུ་དགུ་མ་ཡི་ཐུགས་དམ་བསྐང་། །སྨུག་མོ་དབུ་ལྔ་མ་ཡི་ཐུགས་དམ་བསྐང་། །རཀྟ་ཙ་མུན་ཏྲི་ཡི་ཐུགས་དམ་བསྐང་། །མཚོ་སྨན་རྒྱལ་མོའི་ཐུགས་དམ་བསྐང་། །སྤྲུལ་པའི་མ་ཚོགས་ཐུགས་དམ་བསྐང་གྱུར་ཅིག །བདག་ཅག་གཡར་དམ་གསོ་རུ་གསོལ། །བསྐང་ངོ་ལས་བྱེད་མ་ཡི་ཐུགས་དམ་བསྐང་། །གཙོ་མོ་གདུང་བྱེད་ནག་མོའི་ཐུགས་དམ་བསྐང་། །གནམ་གཤགས་ཟོར་བ་གདོང་གི་ཐུགས་དམ་བསྐང་། །གདོང་མོ་བཞི་ཡི་ཐུགས་དམ་བསྐང་། །དམ་ཅན་བསེ་ཡི་ལྷ་མོ་བཞི་ཡི་ཐུགས་དམ་བསྐང་། །ལས་བྱེད་མ་བཞིའི་ཐུགས་དམ་བསྐང་། །མ་མོ་དམར་ནག་མང་པོ་སྤྲིན་ལྟར་གཏིབས། །མ་མོ་གཉེན་གྱི་ཐུགས་དམ་བསྐང་། །བསྐང་བའི་གནས་ལྔ་ཡུམ་གྱི་མཁའ་ལ་བསྐང་། །བསྐང་བའི་གནས་ལྔ་བསྐངས་ནས་ཀྱང་། །བཤགས་པའི་གནས་གསུམ་ཚད་གྱུར་ཅིག །བྱ་བའི་ལས་རྣམས་འགྲུབ་གྱུར་ཅིག །སྐོང་ནི་ཉིད་བཞིའི་མཁའ་ལ་སྐོང་། །དངོས་གྲུབ་མ་མོ་རིགས་བཞིས་སྩོལ། །མ་མོ་སྲིད་པའི་བེམ་ཆེན་པོ་ལས། མ་མོ་རིགས་བཞིའི་བསྐང་བའི་སྐབས་སོ།། །།དེ་ནས་ཡང་མ་མོ་རྣམས་ལས་མི་བྱེད་ཅིང་དམ་ལ་འདུ་རུ་མ་བཏུབ་ན། དམ་རྫས་གསང་བ་ཨ་སྐྲོ་ཏ་བལྟམས་ལ།སྨྲེང་གསོལ་ཞིང་བཤགས་པ་འདི་གསུངས་སོ། །ཧུ༷་ཡེ་ཤེས་ལྷ་ཚོགས་གསན་ཅིང་དགོངས་སུ་གསོལ། །མ་མོ་མཁའ་འགྲོ་གསན་ཅིང་དགོངས་སུ་གསོལ། །བདག་གི་སྲིད་པའི་རི་བོ་ནི། །དེ་ནི་ཉིད་བཞི་བདེ་མཆོག་ལགས། །བདག་གི་དཔག་བསམ་ཤིང་བུ་ནི། །དེ་ནི་མ་མོའི་རྒྱུ་གནས་ལགས། །བདག་གི་སྲིད་པའི་མདོ་སྡུད་ནི། །དེ་ནི་མ་མོའི་འཆགས་ས་ལགས། །བདག་གི་དབང་པོའི་མདོ་སྡུད་ནི། །དེ་ནི་མ་མོའི་སྤྱོད་ཡུལ་ལགས། །བདག་གི་དངས་མ་བཞི་པོ་འདི། །དེ་ནི་མ་མོའི་དམ་རྫས་ལགས། །བདག་གི་དབང་པོ་ལྔ་པོ་ནི། །འབྱུང་བ་ལྔ་དང་གཉིས་མེད་ཡིན། །བསྐང་བའི་གནས་ལྔ་དེ་རུ་བསྐང་། །འཁོར་གྱི་མ་མོ་དམ་ཚིག་ཅན། །སྲིད་པའི་མ་མོ་ལས་མཁན་མ། །འཇིག་རྟེན་མ་མོ་གྲོགས་ཀྱི་མཆོག །སྲིད་པས་བསྡུས་པའི་དམ་ཅན་མ། །གཉིས་སུ་མེད་པའི་ལས་བཅོལ་འཚལ། །དམ་ཚིག་ཚུལ་བཞིན་བསྲུངས་ནས་ཀྱང་། །གཞན་གྱི་དྲིང་ལ་མ་བཞེས་པར། །བདག་གི་ལས་འདི་འགྲུབ་པར་མཛོད། །མ་བཅོས་དབྱིངས་ཀྱི་ཕོ་བྲང་དུ། །མ་མོ་རིགས་བཞིའི་ཐུགས་དམ་བསྐང་དགོངས་པས། །སྡང་བའི་དགྲ་བོས་མ་སྟེར་རོ། །མཉམ་པ་ཉིད་ཀྱི་ཞིང་ཁམས་སུ། །ཁྱོད་ཀྱི་སྤྱོད་ཡུལ་བགྱི་དགོངས་པས། །བར་ཆོད་རྐྱེན་གྱིས་མ་སྟེར་རོ། །འགྱུར་བ་མེད་པའི་ཕོ་བྲང་དུ། །གཉིས་སུ་མེད་པར་བསྐང་དགོངས་ན། །བསྟན་པ་འཇིག་པས་མ་སྟེར་རོ། །བྱང་ཆུབཆེནཔོའིགཤེགསལམདུ། །གཡེལ་བམེདཔརགཤེགསདགོངས་པར། །སྡང་བའི་དགྲ་བོས་མ་སྟེར་རོ། །བཀའ་དང་གཞུདབཞིནརྗོམཐོགས། །ལྷ་ལ་བར་ཆོད་མ་མཆིས་ལ། །དམ་ལ་འཁུ་རྔོག་མ་མཆིས་ན། །དམ་ལ་གནས་པའི་དམ་ཅན་མ། །སྔོན་གྱི་མན་ངག་ཕོག་པ་བཞིན། །ལས་ལ་བབ་པོ་མཐུ་མ་ཆུང་། །དུས་ལ་བབ་བོ་གཡེལ་མ་མཛད། །སྲོག་ལ་བབ་པོ་ཐུགས་མ་རིང་། །བཅོལ་བའི་ལས་འདི་མ་མཛད་ན། །དགུང་ལ་ཤར་བའི་ཉི་མ་ལ། །ལྷོ་སྤྲིན་སྨུག་པོས་སྒྲིབ་ལ་ཁད། །ཀླུང་དུ་འདྲིལ་བའི་ཆུ་བོ་ལ། །ཀླུང་འདོར་སྨྱོགས་ཀྱིས་བཅུས་ལ་ཁང་། ཁུ།ན་དུ་འོང་བའི་ཆུ་བོ་ལ། །མི་གཙང་དུག་གིས་བསླད་ལ་ཁད། །དུས་སུ་སྐྱེས་པའི་ཧ་ལོ་ལ། །རྐྱེན་གྱི་སད་ཀྱིས་བསད་ལ་ཁད། །རྡོ་རྗེ་བརྟན་པའི་རི་བོ་ལ། །གཏི་མུག་གཟོང་གིས་བཏབ་ལ་ཁད། ་ས་རབ་གསལ་བའི་ཉི་མ་ལ། །བག་ཆགས་གྲིབ་མས་སྒྲིབ་ལ་ཁད། །དོན་དང་ལྡན་པའི་སྐྱེས་བུ་ལ། །མ་ནོངས་སྟབས་ལ་བཅད་དེ་མཆི། །ཚེ་རབས་སྔ་མའི་ལས་འཕྲོ་དང་། །འཇིག་རྟེན་འདི་ཡི་དམ་ཚིག་གཉིས། །མཐུན་ན་བདག་གི་ལས་འདི་མཛོད། །མི་མཐུན་ཞེ་སྡང་ཕྱིར་མ་གཡེལ། །བསྟེན་པ་ཐམས་ཅད་བསྒྲུབས་པ་ལགས། །སྨྲེང་བ་ཐམས་ཅད་བོས་པ་ལགས། །མཆོད་སྐྱོན་ཡང་པ་ཐམས་ཅད་བཅོལ་བ་ལགས། །སྲིན་པོ་གདུག་ཀྱང་སྨྲེང་ན་གདུང་། །སྲིན་མོ་གདུག་ཀྱང་བོས་ན་འོང་། །སྐྱེ་ཤིའི་ལམ་ཡང་བཟློག་ན་ཟློག །སྲ་བའི་བྲག་ཀྱང་བརྐོས་ན་ཕེད། །རྦ་དྲག་ཀླུང་ཡང་བཅད་ན་ཆོད། །འཁོར་བའི་ལམ་ཡང་བཀག་ན་ཁེགས། །རྡོ་རྗེའི་སྐུ་ཡང་བཤིག་ན་ཤིག །ཚེགས་ལ་མ་གཟིགས་ལས་འདི་བརྗོད། །བསྐང་་་ཆགས་པ་མེད་པར་བུ་ལོན་གཉེར། བསད་པ་མེད་པར་སྲོག་ལ་རྒོལ། །འཁོར་བའི་ལུགས་ལས་ཁོ་ཡིས་བཟློག །ཕྱག་རྒྱའི་དཀྱིལ་འཁོར་ཁོ་ཡིས་བཤིག །རྒྱལ་བའི་ཕོ་བྲང་ཁོ་ཡིས་བཤིག །བྱང་ཆུབ་རྒྱུན་ལམ་ཁོ་ཡིས་བཅད། །བདག་གི་གཟུགས་ཀྱི་ཕུང་པོ་འདི། །སོལ་བའི་སྡོང་པོ་འགྱེལ་པ་འདྲ། །བདག་གི་རྣམ་པར་རིག་པ་ནི། །མེ་སྟག་བབས་ཏེ་ཤི་ཁ་འདྲ། །བདག་གི་དབང་པོ་ལྔ་པོ་ནི། །སྟོན་ཁའི་མེ་ཏོག་རྙིང་པ་འདྲ། །སྡུག་གི་བུ་གཅིག་འདིར་འབོད་དོ། །འཕོང་གི་བུ་གཅིག་འདིར་སྨྲེང་ངོ་། །ཕམ་འཕང་ཡང་པའི་མིང་པོ་འདིར་སྙེག་གོ །དམངས་ཀྱི་བུ་གཅིག་འདིར་སྒྲོན་ནོ། །ངས་ནི་མ་ཉེས་ཡོགས་ཀ་མྱུར་དུ་ཆོད། །ཕམ་པའི་སྟག་མ་མྱུར་དུ་ཟུང་། །སིང་གེ་བརྗོད་དང་མ་བྲལ་ཅིག །རྒོད་པོ་གཤོག་པ་མ་བཅག་ཅིག །སྟག་གུ་རིས་དང་མ་བྲལ་ཅིག །བདུད་རྩི་རྒྱུན་ལམ་མ་གཅོད་ཅིག །རྡོ་རྗེ་གཟོང་ཁ་མ་སྙིལ་ཅིག །བསྟན་པ་དབུ་འཕང་མ་སྨད་ཅིག །མེ་ཏོག་སད་ཀྱིས་མ་གསོད་ཅིག །གསང་བའི་གནས་ལྔ་མ་སྤངས་ཤིག །རྒྱལ་བའི་བཀའ་རྒྱུད་མ་བཅད་ཅིག །བསྟན་པ་འཛིན་པའི་མ་སྲིང་ཚོ། །ཉིད་ཀྱི་ཆེ་བ་མ་སྨད་པར། །བསྟན་པ་གཉེན་པོ་མྱུར་དུ་སྲུངས། །དོན་དང་ལྡན་པའི་སྐྱེས་བུ་ནི། །བདག་དང་འགའ་ལསམགཏོགསཔ། །རྣལ་འབྱོར་ཀུན་ཀྱང་དམ་མི་བསྲུང་། །ཕྲེད་ཐོགས་ཡོངས་ཀྱང་སྲོག་མི་འཛིན། །སྔོན་གྱི་ཞལ་བཞེས་གང་ལགས་པ། །རང་སྲོག་བགྲུང་ཕྱིར་རང་དམ་སྲུངས། །རྦ་ཀློང་འཁྱིལ་པའི་ཆུ་བོ་ལ། །དོན་མ་མཆིས་པར་མ་འཆོངས་ཤིག །ནམ་མཁའ་ཡེ་ནས་སྟོང་པ་ལ། །དོན་མ་མཆིས་པར་མ་གཤེགས་ཤིག །ཆེད་ལ་མ་བབ་ལས་འཆོལ་ལ། །སྲོག་ལ་བབས་ཀྱང་མ་གཤེགས་ཤིག །གནད་མ་ཤེས་པར་སྟོང་འབོད་ཀྱང་། །ཆེད་མི་ཆ་བར་མ་བཞུད་ཅིག ཁེས་ངན་རྒྱུ་མཚན་མི་ཤེས་ཕྱིར། །གཞུང་ཚུགས་གོ་རིམ་མི་ཤེས་པར། །རང་ཉིད་ཏོམ་ཏོམ་དཀྲུག་པ་ལ། །བརྟུལ་ཞུགས་ཕྲིན་ལས་མ་མཛད་པར། །དོན་དང་ལྡན་པའི་སྐྱེས་བུ་ལ། །སྐོང་ནི་མཁའ་བཞིན་དབྱིངས་ལ་སྐོང་། །འགེགས་ནི་ཤེས་ཤི་སའི་འབྲུབ་ཁུང་ཀྱང་པའི་ལུབྲུལ་ཁུངས་འགེགས། །གཅོད་ནི་འཁོར་བའི་རྒྱུན་ལམ་གཅོད། །སྙིང་སྲོག་བརྟན་པས་ལས་འདི་མཛོད། །མ་མོ་སྲིད་པའི་བེམ་ལས། སྨྲེ་ངག་མདོངས་གསོལ་གྱི་སྐབས་སོ།། །།ཧུ༷་མི་སྐྱེ་མི་འགག་ཆོས་ཀྱི་དབྱིངས། །སྐྱོན་གྱིས་མ་གོས་གཟུགས་ཀྱི་སྐུ། །སྐྱོན་དང་ཉོན་མོངས་མི་མངའ་ཡང་། །རྣ་འབྱོར་དམ་ཚིག་བསྲུང་བའི་ཕྱིར། །སྐུ་ལ་གཤེགས་བཞུགས་མི་མངའ་ཡང་། །སྤྲུལ་པས་འགྲོ་དོན་མཐར་ཕྱུང་ཞིག །ལུས་ངག་བསྐང་དུ་གྱུར་པ་རྣམས། །ཁྱེད་ཀྱི་འདུལ་སྐལ་དེ་ལགས་ཀྱིས། །ཕྲིན་ལས་མྱུར་དུ་མཛད་དུ་གསོལ། །ཆུབོཀློངཆེནའབྱུངབལ། །ལམ་དུརེནསམགཤེགསཤིག །གཤེགསདུསལགས་ཀྱངཕྱགཏུགཤེགསཏེམཆིས། །ནམ་མཁའ་སྟོང་པའི་བར་སྣང་ལ། །ཡུལ་དུ་རེ་ནས་མ་གནས་ཤིག །གནས་ཀྱང་མ་མོའི་གཞལ་ལས་མིན། །གངས་རི་འགྲིམས་པའི་མ་མོ་ཡང་། །གཡའ་ལོ་སྤང་ལ་མ་གཤེགས་ཤིག །གཤེགས་ཀྱང་རྟེན་དུ་མི་འགྱུར་རོ། །དམ་ལ་གནས་པའི་སྐྱེས་བུ་ཡང་། །དམིགས་པ་མེད་པར་མི་སྒྲུབ་ཀྱི། །འཛམ་བུ་གླིང་བཞི་ཡུལ་མིན་གྱི། །ཀུན་གཞི་གནས་མཆོག་མ་སྤངས་ཤིག །སྲིད་པ་ཐམས་ཅད་རྐྱེན་མིན་གྱི། །དབང་པོ་ལྔ་རྐྱེན་མ་སྤངས་ཤིག །སྲིད་པ་གསུམ་པོ་ལས་མིན་གྱི། །སྐྱོ་མེད་བྱང་ཆུབ་མ་སྤངས་ཤིག །ཞབྲུག་གོ་ཅོག་ཀྱང་རྐྱེན་མིན་གྱི། །རཀྟའི་རྦ་ཀློང་མ་སྤངས་ཤིག །འགྲོགས་སོ་ཅོག་ཀྱང་གྲོགས་མིན་གྱི། །མིང་པོ་གྲོགས་མཆོག་མ་སྤངས་ཤིག །འཔྱོ་བའི་ཉ་མོ་མ་བསད་ལ། །ལྡིང་བའི་བྱ་རྒོད་མ་བཟུང་ན། །སྦས་པའི་སེམས་ཉིད་མ་བཙལ་ན། །བརྗིད་པའི་སེང་གེ་མ་བསད་ལ། །མགྱོགས་པའི་ཕོ་ཉ་མ་བཟློག་ན། །རེ་བའི་བུ་གཅིག་སུན་མ་ཕྱུང་། །འཁོར་བའི་མིང་པོ་ཐག་མ་བཅད། །བསྒྲུབ་པའི་མིང་པོ་སྨ་མ་དབབ། །སྟང་མར་འཛིན་ན་བདུད་ཀྱང་རུང་། །བཅོལ་ན་ཉན་ན་དགྲ་ཡང་རུང་། །བསྒྲུབ་པས་འགྲུབ་ན་འདྲེ་ཡང་རུང་། །དམ་ལ་གནས་ན་གཉེན་ཀྱང་རུང་། །དམིགས་ཤིང་བསྔོས་པ་མ་མཆིས་ཀྱི། །སྲིད་པ་གསུམ་ལ་གནས་པ་དང་། །འཇིག་རྟེན་གསུམ་གྱི་སྐོས་བྱེད་རྣམས། །གང་གི་མཛད་ཀྱང་མ་ཚིག་སྟེ། །འདི་དང་ཕྱི་མ་གཉིས་ཆར་གྱི། །གྲོགས་ཀྱི་མཆོག་ཏུ་ཁྱེད་བསྔོ་ཡིས། །དམིགས་པའི་ལས་འདི་འགྲུབ་པར་མཛོད། །བརྣག་པའི་ལས་འདི་མཐར་བྱུང་ཞིག །བདག་གི་གནད་ལ་མ་བབ་ན། །མ་མོ་གནད་ལ་ཅི་སྟེ་བོར། །བདག་གི་སྲོག་ལ་མ་བབ་ན། །སྡིག་པའི་དམོད་མོ་ཅི་སྟེ་བོར། །བདག་གི་ཡིད་ལ་མ་བབ་ན། །ལུས་སེམས་འབེན་དུ་ཅི་ལ་འཛུགས། །བདག་གི་ངག་ལ་མ་བབ་ན། །ཁྲོ་བོའི་ང་རོ་ཅི་སྟེ་སྒྲོགས། །བདག་གི་དམ་ལ་མ་བབ་ན། ཁེ་སྲོག་གནད་ལ་ཅི་སྟེ་བོར། །དེ་ལྟར་ཡིན་ནམ་མིན་པ་ནི། །བདག་གི་ལུས་ལས་ཚུར་ལྟོས་དང་། །ལུས་ནི་ཟླ་ཞིང་རྙིང་པ་འདྲ། །བདག་གི་བཀྲག་ལ་ཚུར་ལྟོས་དང་། །བཀྲག་ནི་མུན་པའི་གྲིབ་མ་འདྲ། །བདག་གི་མདངས་ལ་ཚུར་ལྟོས་དང་། །མདངས་ནི་མེ་ཏོག་རྙིང་པ་འདྲ། །བདག་གི་སེམས་ནི་མེ་སྟག་ཤི་ཁ་འདྲ། །ཀུན་གཞི་རྒྱ་མཚོ་གཏིང་འཁྲུགས་འདྲ། །དབུགས་ནི་མི་རྒན་ཤི་ཁ་འདྲ། །དེ་ལྟར་ལགས་སམ་མ་ལགས་པ། །བདེན་ཚིགས་ལགས་ཀྱི་སྲོག་ལ་ལྟོས། ཁྲར་ན་བཞུགས་པའི་དམ་ཚིག་ཅན། །གཟིགས་སམ་མ་མོ་བདུད་མོའི་ཚོགས། །མ་ཚོགས་བདུད་མོ་སྤྱན་མ་བརྟུལ། །གསན་ནས་སྙིང་སྲན་མ་ཆེ་ཞིག །དམ་སྲོག་གཟུང་ཕྱིར་རྫས་ལ་བྱོན། །ལྟར་མ་གཟུང་ཕྱིར་ཕྲིན་ལས་མཛོད། །ལྷོ་ནས་བཞུགས་པའི་སྤྲུལ་པའི་མ་མོའི་ཚོགས། །རལ་པ་སྔོན་པོ་གསིགས་ཙམ་ན། །ལྷོ་སྤྲིན་སྨུག་པོ་གཏིབསཔབཞིན། །རྩལདང་ལྡན་པར་ལས་ལ་བྱོན། །ནུབ་ན་བཞུགས་པའི་ལས་བྱེད་མ་མོ་ཟངས་མདོག་མ། །ཟངས་ཀྱི་རལ་པ་བསིགས་པ་དང་། །ཐམས་ཅད་འདུས་པས་ཁྲག་ནད་དགྲ་ལ་གཏོང་། །རྩལ་དང་ལྡན་པར་ལས་ལ་བྱོན། །བྱང་ན་བཞུགས་པའི་མ་མོ་ནི། །དབྱིངས་ཀྱི་མ་མོ་སྲིད་པའི་བྱོལ་བཟློག་ལས་ལ་བརྩོན། །ཐམས་ཅད་འདུས་པ་སྟོང་དང་རྩ་བརྒྱད་དེ། །ས་དགུའི་གཏིང་ན་འཁོར་འདུས་ལ། །སྲིད་པ་གཏིང་ནས་ཞིག་ལ་ཁད། །མ་བཙུན་ཐུགས་ཀྱིས་བཟོད་ལགས་སམ། །བདུད་མོ་དང་ནི་ཉུལ་ལེ་མ། །ཕོ་ཉ་དང་ནི་སྨན་ཕྲན་དང་། །ཕུང་བྱེད་ཆེན་མོ་ཁྱེད་རྣམས་ཀྱིས། །བྱང་གི་ལས་མཁན་ལྕགས་སྒྲོག་མ། །རལ་པ་ལྕགས་ལ་ཕུར་བུའི་སོ། །རྩལ་དང་ལྡན་པར་གཤེགས་སུ་གསོལ། །དེ་ལྟར་དམ་ལ་མ་གཤེགས་ན། །གནོད་སྦྱིན་སྟོབས་ལྡན་ནག་པོ་ཡིས། །བསྐལ་པ་གཏིང་ནས་དཀྲུག་པར་མཆི། །རྒྱ་མཚོ་གཏིང་ནས་སྐམ་སྟེ་མཆི། །དེ་ལྟར་མ་མོས་དམ་ཚིག་སྲུངས། །རང་དམ་རང་གིས་མ་བསྲུངས་ན། །ཉི་ཟླ་གཉིས་ཀྱང་ཐང་ལ་ལྷུང་། །སེང་གེ་བརྗིད་དང་མ་བྲལ་ཅིག །དཀོན་མཆོག་དབུ་འཕང་མ་སྨད་ཅིག །སྟག་གུ་རིས་དང་མ་བྲལ་ཅིག །མིང་པོ་བདག་གི་ལྟར་མ་ཟུང་། །བྲག་བར་རུས་སྦལ་བཞིནདུབདགབསྒྲུབ་ཀྱི། །རྡོ་རྗེ་འདམ་བུ་བྱིང་དུ་རེ། །བྱང་ཆུབ་སེམས་དང་བདག་ལྡན་གྱི། །བསྐལ་པ་མགོ་མཇུག་མ་ལྡོག་ཅིག །དགྲ་བོ་དམ་ཉམས་མ་ཐུལ་ན། །བདག་ནི་མཐའ་འཁོབ་ཡུལ་དུ་འ་ས། །ཕྲིན་ལས་བཅོལ་བ་ཆུད་མ་གསན། །ཐུགས་དམ་མ་ཚོགས་དབང་ཕྱུག་བསྐང་། །་ག་རསྒ་མ་སྨྱོ། རུ་ལུ་རུ་ལུ་སྙིང་ཁ་རཀ་མོ་སྨྱོ། སྒཀུ་རསྒ་མུ་ཏྲ་མུ་ར་ཡ། ཕྱེ་ཐུམ་རིལ་ཁ་ཐུ༷། རྨུགས་དགྲ་བོ་ཁམས་རྨུགས། མ་མ་སྙིང་ཁ་རཀ་མ་མ་རསྒ། །མ་མ་རཀ་མོ་དུན་སྨྱོ། མ་མོ་སྲིད་པའི་བེམ་ལས། སྨྲེང་གསོལ་བ་དང་སྨྲེང་བཤགས་པ་དང་སྨྲེང་ག་བཏོན་ཏེ་བསྐང་བའི་ཆོ་གའི་སྐབས་སོ།། །།དེ་ནས་མ་མོ་རྣམས་ལས་ལ་འདུ་རུ་ངེས་ཀྱང་མ་བ་་ན། །མ་མོ་སྲིད་པའི་གཏིང་ནས་དཀྲུག་པ་ནི། ཕྲིན་ལས་ཀུན་གྱི་གཉའ་ནོན་ནོ། །དེ་ཡང་དུར་ཁྲོད་ནས་ཕོ་མོ་གང་ཡང་རུང་བ་ལ། མཚན་དང་ལྡན་པའི་རོ་བཙལ་ལ། རོ་དེའི་སྙིང་གར། གང་བྱེད་པའི་སྙིང་པོ་ཤིང་ཤུན་ལ་བྲིས་ལ་གདགས། དེ་ལྟར་གནོད་སྤྱིན་གྱི་སྐུ་ཡི་དཀྱིལ་འཁོར་རོ་ལ་བྲིས། མ་མོའི་སྙིང་པོ་ལ་གནོད་སྤྱིན་གྱི་སྙིང་པོ་གཞུག་ཏུ་བཏགས་ལ། སྟོང་རྩ་བརྒྱད་བཟླས་ན་ཐུགས་དམ་ལ་འབྱོན་པར་འགྱུར་རོ། །དེ་ནས་དཀྱིལ་འཁོར་མ་སུབ་པར་རོ་བཤས་ལ། རྫས་རྣམས་མཆོད་པར་འབུལ། སྙིང་གི་ནང་དུ་མ་མོའི་སྲོག་སྙིང་བཅུག་ལ། །གནོད་སྦྱིན་གྱི་ཐུགས་ཀར་གདགས། གནོད་སྤྱིན་དང་མ་མོ་གཉིས་ཀ་ལ་མཆོད་པ་དྲག་ཏུ་དབུལ། དེས་བསམ་པ་ཡིད་བཞིན་འགྲུབ་པར་འགྱུར་རོ། །མ་མོ་སྲིད་པའི་བེམ་ལས། གནད་ལ་མ་མོ་གནོད་སྤྱིན་གྱི་སྐུ་ཡི་དཀྱིལ་འཁོར་དུ་དབབ་པའི་སྐབས་སོ།། །།དེ་ནས་མ་མོ་རིགས་བཞི་ལ་བསྟོད་པ་འདི་གསུངས་སོ། །ཧུ༷་དབྱིངས་ཀྱི་མ་མོའི་གཙོ་མོ་ནི། །སྲིད་པ་ཡོངས་ཀྱི་མངའ་བདག་མོ། །སྲིད་པ་ཆམ་ལ་འབེབས་མཛད་མ། །བཞུགས་ནི་ས་དགུའི་སྟེང་ན་བཞུགས། །ས་དགུའི་སྟེང་ན་བཞུགས་ཙམ་ན། །ཀླུ་རྒྱལ་འབུམ་ལ་ཞལ་བསྐོས་མཛད། །སྤྱན་ནི་བར་སྣང་མཁའ་ལ་འཕྱོ། །ཞལ་ནི་རྣལ་འབྱོར་ཡོངས་ལ་གཟིགས། །ཐུགས་ནི་དམ་ཚིག་ཅན་ལ་དགོངས། །དུང་དུང་སྒྱུགས་པའི་བརྡ་གླུ་ལེན། །སྲིད་པ་ཆམ་ལ་འབེབས་མཛད་མ། །སྐུ་ལ་རྨ་བྱའི་ཐུལ་བ་གསོལ། །ཕྱག་ན་མི་སྲང་ཆེན་པོ་བསྣམས། །གྲོགས་སུ་གནོད་སྤྱིན་མང་པོ་བརྟེན། །ལས་སུ་སྲིད་པ་ཁྲམ་ལ་འདེབས། །སྲོག་ཆགས་མང་པོ་སྲང་ལ་འཇལ། །ཀེང་རུས་ཤ་ཁྲག་མང་པོ་ལྟོ་རུ་གསོལ། །ང་དང་བདག་ཏུ་བལྟ་བས་འཇིག་རྟེན་ལས་ལ་འབུལ། །འཁོར་འདུལ་ཆེན་མོ་གཤེགས་སུ་གསོལ། །ཞེས་ཐུགས་དམ་བསྐང་ངོ་། །ཧུ༷་ཁྲམ་ཁ་སྟོང་གི་དབང་མོ་ཆེ། །སྐུ་ནི་མི་བཟད་འབར་བ་ལ །ཕྱག་ན་བདུད་ཀྱི་ཁྲམ་ཤིངས་བསྣམས། །མཐིང་ནག་བེར་ཆེན་སྐུ་ལ་གསོལ། །རཀྟ་ཆགས་བྱེད་ཐིག་ལེ་སྤྱན། །བདུད་མོ་ཉིས་བརྒྱ་ལྔ་བཅུ་གཉིས་ཀྱིས་བསྐོར། །མགྱོགས་བྱེད་བཀའ་ཡི་ཕོ་ཉ་མོ། །མཐུན་པའི་རྫས་ཀྱིས་ཐུགས་དམ་བསྐང་། །རི་རབ་གླིང་བཞིའི་དབང་མོ་ཆེ། །སྐུ་མདོག་མཐིང་ནག་འབར་བ་ལ། །ཞེ་སྡང་རལ་པས་ས་གཞི་ཁེབས། །སེར་ནག་འབར་བའི་ན་བཟའ་ལ། །གཡུ་བྲན་མཛེས་པའི་ཁ་ཆག་ཅན། །ཕྱག་ན་ཞིང་ཆེན་རྒྱལ་མཚན་བསྣམས། །འཁོར་ལོ་མཚོན་ཆས་དགྲ་སྡང་འཇོམས། །བདུད་འདུལ་ཆེན་མོ་འཇིགས་བྱེད་སྐུ། །འཁོར་དུ་ཕོ་ཉ་ཉིས་བརྒྱ་ལྔ་བཅུ་གཉིས་ཀྱིས་བསྐོར། །མཐུན་པའི་རྫས་ཀྱིས་ཐུགས་དམ་བསྐང་། །ཐེག་ཆེན་ས་ཡི་དབང་མོ་ཆེ། །སྐུ་མདོག་སེར་ནག་འབར་བ་ལ། །ན་བཟའ་རིན་ཆེན་བཙོ་མ་གསོལ། །མུ་མེན་མཛེས་པའི་ཁ་ཆག་ཅན། །གཡས་ན་དར་ནག་རུ་མཚོན་བསྣམས། །གཡོན་ན་ཐོད་པ་ཁྲག་གིས་བཀང་བ་བསྣམས། །སྨན་ཕྲན་ཉིས་བརྒྱ་ལྔ་བཅུ་གཉིས་ཀྱི་བསྐོར། །མཐུན་པའི་རྫས་ཀྱིས་ཐུགས་དམ་བསྐང་། །རྒྱ་མཚོ་གླིང་གི་དབང་མོ་ཆེ། །སྐུ་ནི་ལྗང་ནག་འབར་བ་ལ། །གཡུ་ཡི་ལན་ཕྲན་ཐོར་ཚུགས་ཅན། །གཡས་ན་སྦྲུལ་ནག་རུ་མཚོན་འཕྱར། །གཡོན་ན་སྡིག་པ་མགོ་དགུ་བསྣམས། ་་་ལེ་ཉིས་བརྒྱ་ལྔ་བཅུ་གཉིས་ཀྱིས་བསྐོར། །མ་མོ་དམར་ནག་མང་པོས་གཏམས། །གདུག་པ་འདུལ་མཛད་མ་མོ་མང་པོས་བསྐོར། །མཐུན་པའི་རྫས་ཀྱིས་ཐུགས་དམ་བསྐང་། །དབྱིངས་ཀྱི་མ་མོའི་ཐུགས་དམ་བསྐང་། །མ་ཚོགས་དབང་ཕྱུག་ཐུགས་དམ་བསྐང་། །མི་མཐུན་གདུག་པའི་དགྲ་བགེགས་རྡུལ་དུ་རློག །ཧུ༷་བདུད་མོ་ཀུན་གྱི་གཙོ་མོ་ནི། །ཨེ་ཀ་ཛ་ཞི་གུ་ཡ་གསང་བའི་ཡུམ་གཅིག་མ། །མ་ཚོགས་བདུད་ཀྱི་ལྕམ་མོ་སྟེ། །དབུ་ཡི་རལ་པ་ཐོར་ཚུགས་གཅིག་ཏུ་འཁྱིལ། །མི་བཟད་དུག་གིས་ཀུན་བསྐུལ་ཏེ། །མཐིང་ནག་རལ་པས་ས་གཞི་ཡོངས་སུ་ཁེབས། །བསེ་ཡི་སེན་མོ་ཟངས་སེ་ཟང་། །དུང་གི་མཆེ་གཙིགས་ཐམས་སེ་ཐམ། །མཐིང་ནག་གོ་ཟུ་སྐུ་ལ་གསོལ། །ཆིབས་སུ་བདུད་རྟ་ནག་པོ་ཆིབས། །གཡས་ན་ཙིསྟའི་ཕྲེང་བ་བསྣམས། །གཡོན་ན་ལྟས་ངན་སྤྱང་མོ་བསྣམས། །བདུད་མོ་མང་པོ་འོ་དོད་ཆོ་ངེ་རྡུང་། །བསྐལ་པའི་ཁྲག་མཚོ་ཁོལ་མའི་རྦ་ཀློང་ཞབྲུག །དུར་ཁྲོད་གནས་ན་ཤིན་ཏུ་མི་བསྒྲུངས་ཏེ། །མི་ཁྲག་རྟ་ཁྲག་མང་པོའི་མཚོ་རྣམས་ཆི་ལི་ལི། །རྣལ་འབྱོར་དམ་ཚིག་ཅན་གྱིས་གདུང་ནས་བསྐུལ་བའི་ཚེ། །མཆི་མ་ཁྲག་ཏུ་འཛག་ཅིང་སྡང་དགྲ་འདུལ། །མཐུན་པའི་དམ་རྫས་མང་པོས་ཐུགས་དམ་བསྐང་། །སྲིན་པོའི་ཐོད་པ་བམ་རིལ་མཁར་དུ་བརྩིག ་་ཁྲག་དམར་གྱི་ཨསྙེ་མཚོ་ལྟར་འཁྱིལ། །འཁོར་བ་ཆགས་པ་གནས་ནས་སྟོངས་པར་བྱེད། །མ་མོ་ཀུན་གྱི་གཙོ་མོ་བདུད་མོའི་ཚོགས། །བསྐང་ངོ་མཐུན་པའི་རྫས་ཀྱིས་ཐུགས་དམ་བསྐང་། །དཔལ་ལྡན་ནག་མོ་རེ་མ་ཏི། །སྐུ་ནི་སེར་ནག་ཆེན་མོ་ལ། །མཐིང་ནག་རལ་པས་ས་གཞི་ཡོངས་སུ་ཁེབས། །ཆིབས་སུ་ཅང་ཤེས་བོང་བུ་ཆིབས། །སྐུ་ལ་དར་ནག་བེར་ཆེན་གསོལ། །གཡས་ན་བདུད་ཀྱི་ཁྲམ་བམ་བསྣམས། །གཡོན་ན་ཤོ་རྡེའུ་དཀར་ནག་འགྲེམས། །སྔོ་དམར་ནད་ཀྱི་རྐྱལ་པ་གཡོན་ན་བཏགས། །གཡས་ན་སྣ་ཚོགས་ཚོན་གྱི་གྲུ་གུ་བཏགས། །རིས་སུ་བཅད་ཅིང་བདུད་མོ་དམ་ལ་སྡུད། །འཁོར་བའི་རྒྱ་མཚོ་གཏིང་དུ་སྐེམས། །བདུད་འདུལ་ལྷ་མོ་ཁྱོད་ཀྱི་ཐུགས་དམ་བསྐང་། །ཧུ༷་མི་བཟད་ལྷ་མོ་ཚོགས་ཀྱི་གཙོ་མོ་སྟེ། །རལ་གཅིག་རྒྱ་མཚོ་བསྐལ་པའི་མེ་འབར་མ། །ལྷ་ཆེན་ཚངས་པ་བརྒྱད་ཀྱི་མགོ་བཅད་ནས། །ཉི་ཟླར་སྤྲུལ་ནས་དབུ་ཡི་རྒྱན་དུ་བཅིངས། །ཕྲི་ཡང་ཤྭ་རི་མ་ཚོགས་དབང་ཕྱུག་མ། །རྒྱལ་མོ་བརྒྱད་ཅུ་རྩ་ལྔའི་གཙོ་མོ་སྟེ། །སྲིད་པ་ཡོངས་ཀྱི་མངའ་བདག་མོ། །མི་སྲུན་གདུག་པ་འདུལ་བའི་བུད་མེད་ཁྱོད། །ཁྲག་མཚོ་དམར་པོའི་ནང་ན་བཞུགས། ཁྲེ་ཡང་ཤྭ་རི་དཔལ་གྱི་ཡུམ་གཅིག་མ། །ཁ་མིག་དགུ་ནི་རྒྱ་མཚོའི་གཏིང་དུ་བསྟན། །མོན་མོ་གདུག་པའི་ཚོགས་ཀྱི་བཀའ་བློན་མཛད། །སྲིན་པོ་ཕོ་མོ་མང་པོ་གྲོགས་མཛོད་ཅིང་། །བདུད་ཀྱི་ཡུམ་གཅིག་ཁ་འབར་རལ་པ་བསིགས། །ཁྲག་མཚོའི་ཀློང་ནས་མེ་ཟ་བྲག་གྱོན་མ། །རྒྱ་རི་སྐྱེ་སེར་རྡོ་རྗེ་ཁ་འབར་རྐན་སྒྲ་ཅན། །ལེ་བདུད་ཤར་གྱི་མཐུ་མོ་ཆེ། །དཀར་ལེ་ཤགས་ཀྱི་བཤན་པ་མོ། །སྨུག་ནག་ཆེན་མོ་རྡོ་རྗེ་སྨན། །ཚ་བ་ཤོད་ཀྱི་རྒྱལ་ཁམས་རྒྱལ་མོ་སྟེ། །དཔག་ཚད་བརྒྱད་ཁྲི་བཞི་སྟོང་ན། །རཀྟ་དཀར་གྱི་དྲི་སྣོམ་མ། །དཔག་བསམ་ཤིང་ལ་མངའ་མཛད་ལྷ་མོ་ནམ་གྲུ་མ། །སྨུག་ནག་མ་མོ་མང་པོའི་འཁོར་གྱིས་བསྐོར། །མཐུན་པའི་རྫས་ཀྱིས་ཐུགས་དམ་བསྐང་། །བལ་མོ་གདུགཔའིམཚོགསནི། །སྐུནི་མཐིང་ནག་ཆེན་མོ་ལ། །ཐོད་པའི་ཕྲེང་བས་དབུ་ལ་བརྒྱན། །མི་ལྤགས་གཡང་གཞི་གོ་ཟུ་ལ། །སྦྲུལ་ནག་སྟོང་གི་གར་ཤ་ལ། །སྟག་གི་ཤམ་ཐབས་དཀྲིས་པ་ལས། །ཐལ་ཆེན་ཁྲག་དང་ཞག་གི་ཟོ་རིས་ཅན། །སེང་ལྡེང་ཕུར་བུས་སྐྱེ་ཤི་རྩད་ནས་གཅོད། །གནམ་ས་བར་སྣང་གསུམ་ནས་ཕྲིན་ལས་མྱུར་མཛད་མ། །གནམ་གྱི་ཡེ་འདར་ཆེན་མོ་སྟེ། །ཆིབས་སུ་སོལ་བའི་བྱ་ཁྱུང་ཆིབས། །རལ་པ་མུན་ནག་སྤྲིན་ལྟར་གཏིབས། །སོལ་བའི་བུད་མེད་འབུམ་གྱིས་བསྐོར། །ཆེ་ཞེ་བར་མའི་གློག་མ་སྲིན། །སེར་ནག་གདུག་བྱེད་ལས་བརྒྱ་མ། །ཆིབས་སུ་ལྕགས་ཀྱི་ཀང་ཀ་མགོ་དགུ་ཆིབས། །རོལ་དུ་དུག་སྦྲུལ་ནག་པོ་ཁྲིད། །ཁ་ནས་དུག་གི་སྐྱོག་མདའ་འཕེན། །སེར་ནག་མ་མོའི་དབུས་ནས་འགྱིང་། །འདིར་བྱོན་རྣལ་འབྱོར་ལས་མཛོད་ཅིག །ཆེ་ཞེ་ས་ཡི་ཕུང་བྱེད་པ། །ཁྲག་གི་བུད་མེད་རལ་པ་ཅན། །མི་མགོ་རློན་པས་སྐུ་ལ་བརྒྱན། །མི་བཟད་དབུགས་ཀྱི་མངའ་མཛད་མ། །ཆིབས་སུ་ཟངས་ཀྱི་སྐེ་ལེ་ཆིབས། །དམར་ནག་མ་མོ་འབུམ་གྱིས་བསྐོར། །བདུད་མོ་ཚོགས་ཀྱི་ཐུགས་དམ་བསྐང་། །བསྐང་བའི་མཐུན་རྫས་མང་པོ་ནི། །བརྗོད་ཀྱིས་མི་ལང་མཐའ་ཡས་མཆོག །མ་ཚོགས་བདུད་མོའི་ཐུགས་དམ་བསྐང་། །ཧུ༷་སྤྲུལ་པའི་མ་མོའི་གཙོ་མོ་སྟེ། །སྲིན་མོ་ཆེན་མོ་མགོ་འཕྱངས་མ། །སྐུ་ནི་སེར་ནག་ཆེན་མོ་ལ། །ཁྲག་གི་རལ་པས་སྐེད་སོར་སླེབ། །སྤྱན་གཉིས་ཉི་ཟླ་ཤར་བཞིན་ཏ་ལ་ལ། །ཡས་ཀྱི་མཆེ་གཙིགས་བྲང་གི་གླེའུར་ཟུག །མས་ཀྱི་མཆེ་གཙིགས་སྨིན་མའི་དཀྱུས་སུ་ཟུག །གཡས་ཀྱི་ནུ་མ་གཡོན་གྱི་འཕྲག་ལ་གཟེད། །ཞིང་ཆེན་ཙིསྟ་ཞལ་དུ་གསོལ། །དུར་ཁྲོད་རོ་ཤུན་གོས་སུ་གྱོན། །ཆིབས་སུ་དུར་ཁྲོད་ཅེ་སྤྱང་ཆིབས། །རྟག་ཏུ་དུར་ཁྲོད་དཀྱིལ་ན་བཞུགས། །སྲིན་མོ་འབུམ་གྱི་འཁོར་གྱིས་བསྐོར། ཁྲ་དང་ཁྲག་ཏུ་བསྲེས་ནས་སྐོམ་དུ་འཐུང་། །སྲིན་མོ་གདུག་པའི་ཚོགས་ཀྱི་ཐུགས་དམ་བསྐང་། །མ་མོ་ཆེན་མོ་དཀར་མོ་དབུ་དགུ་མ། །སྐུ་ལ་དར་དཀར་ལའུ་གསོལ། །གསེར་གྱི་སྦལ་ལྕོང་མཛེས་པའི་ཁ་ཅག་ཅན། །རིན་ཆེན་ཐོད་གདེངས་ཐོར་ཚུགས་ཅན། །ཕྱག་ན་གསེར་སྦྲུལ་གདུག་པ་བསྣམས། །ཀླུ་སྨན་འབུམ་གྱི་ཚོགས་ཀྱིས་བསྐོར། །མ་མོ་ཆེན་མོ་སྨུག་ནག་དབུ་ལྔ་མ །དབུ་ལྔ་ཕྱོགས་བཞིར་གཟིགས་ཤིང་ཁམས་གསུམ་སྒྲོལ། །ཀླུ་རྒྱལ་ཡུལ་དུ་ནམ་གྱི་གུང་ལ་གཤེགས། །ཀླུ་སྲིན་གདུག་པ་མང་པོ་འཁོར་དུ་འཁོལ། །འདིར་བྱོན་རྣལ་འབྱོར་ལས་མཛོད་ཅིག །མ་མོ་ཆེན་མོ་ཤི་ཙ་མུན་ཏྲི། །དཔལ་ཆེན་ཧེ་རུས་མངག་པའི་ཕོ་ཉ་མ། །གྲུབ་པའི་མ་མོ་དམར་ནག་སྤྱན་གསུམ་ཁྲོ་གཉེར་ཅན། །བཞུགས་ནི་ཁྲག་མཚོ་མང་པོའི་དཀྱིལ་ན་བཞུགས། ་་ཆེན་ཁྲག་ལ་ལོངས་སྤྱོད་ཅིང་། །སྦལ་པ་ནག་པོའི་སྤ་རུ་བསྣམས། །སྔོན་མོ་གྲུ་གུས་དགྲ་བོས་ཡན་ལག་འཆིང་། །ཚེ་སྲོག་སྙིང་འབྱིན་མ་མོ་བྱེ་བ་འབུམ། །དུར་ཁྲོད་ཤ་ཁྲག་གསོལ་ཞིང་རྐང་གི་གླིང་བུ་འབུད། །ཁྲག་གི་རལ་པ་བསིག་པས་གླུ་བྲན་མང་པོ་བྲན་དུ་ཁོལ། །དུར་ཁྲོད་མ་མོ་ཤི་ཙ་མུན་ཏྲི་ལ་བསྐང་། །སྲོག་མེད་མདངས་བཞིས་ཐུགས་དམ་བསྐང་། །མཚོ་སྨན་རྒྱལ་མོ་ཆེན་མོ་ནི། །སྐུ་ནི་མཐིང་ནག་ཆེན་མོ་ལ། །སྐུ་ལ་སྦྲུལ་ནག་ཐུལ་པ་གསོལ། །སྔོན་མོ་ཁྲོ་གཉེར་རལ་པ་ཅན། །ཡང་ན་རྨ་བྱའི་ཐུལ་པ་གསོལ། །གསལ་བྱེད་དངུལ་གྱི་མེ་ལོང་ཏ་ལ་ལ། །གཡས་ན་སྦྲུལ་ཞགས་ཁྲ་བོ་བསྣམས། །གཡོན་ན་གཡུ་ཡི་སྡིག་པ་མགོ་དགུ་བསྣམས །ཀླུ་རྒྱལ་འབུམ་གྱི་ལྕམ་གཅིག་མ། །བསྐལ་པའི་ཁྲག་མཚོ་ཁོལ་མ་ཡིས། །སྡང་བའི་དམ་ཉམས་དགྲ་བོ་ལ། །ཀླུ་ནད་ཞ་གྲུམ་མཛེ་ནད་ཐོང་། །བསྐང་ངོ་སྲོག་མེད་མདངས་བཞིས་ཐུགས་དམ་བསྐང་། །དེ་ནས་གདོང་མོ་བཞི་དང་། བསེ་བ་ཏིའི་བདག་མོ་བཞི་ལ་སོགས། གསང་བའི་མ་མོ་རྣམས་ལ་བསྐང་ངོ་། །མ་མོ་སྲིད་པའི་བེམ་ལས མ་མོ་རིགས་བཞི་བསྐང་བའི་སྐབས་སོ།། །།དེ་ནས་ཡང་བཀའ་སྩལ་པ། མ་མོ་རྣམས་ཀྱི་རང་རང་གི་ལས་དང་། གནས་དང་མཐུན་རྫས་དང་། དེ་རྣམས་ཀྱི་སྲོག་གི་སྙིང་པོ་བསྟན་པ་འདི་གསུངས་སོ། །དབྱིངས་ཀྱི་ཡུམ་དྲུག་གི་གནས་ནི་རི་རབ་ཀྱི་རྩེ་ཤིང་ཡོངས་འདུ་ས་བརྟོལ་བྱ་བའི་ནང་དུ་བཞུགས་སོ། །སྤྲུལ་པ་བྱེད་པ་ནི་ས་བཅུ་པའི་བྱང་ཆུབ་སེམས་དཔའི་སྤྲུལཔབཞིནནོ། །མམོདེ་རྣམས་ཀྱི་བལྷ་བ་ནི། སྣང་བརངབཞིནགྱིསསྟོངཔར་བལྟ། ཀུན་རྫོབ་ཏུ་བེམ་པའི་ཤེས་པར་བལྟ། ཕྲིན་ལས་ནི་སྲིད་པ་མོ་འཁོར་དུ་བསྡུས་ནས་འཁོལ་ཏེ། དེ་བཞིན་མ་མོ་དྲུག་ཀ་སྟེ། དེའི་ཕྱིར་དབུ་གསུམ་གསུམ་དུ་བྱུང་བའོ། །དེའི་མཐུན་རྫས་ནི་དཔེ་ཆུང་དང་མཐུན། དམ་རྫས་ནི་བྷརྙ་ལྕངལོདང། ཙིསྟའིཕྲེངབདང་། ཞིང་གི་འཕན་གདུགས་དང་། ཤ་ཁྲག་གི་གཏོར་མ་མང་པོ་དང་། དར་སྣ་ཚོགས་པ་བརྩེགས་པའི་གུར་རོ། །དེ་རྣམས་ཀྱི་དམ་ཚིག་ནི། །སྔགས་ཀྱི་འཁོན་དང་། དམ་ཚིག་ཉསམ་པ་རྣམས་ལ་བཀའ་ཆད་ཀྱིས་གཅོད་ཅིང་། དམ་ཚིག་པ་རྣམས་ལ་སྲུང་སྐྱོབ་བྱེད་པའོ། །ཁོ་རང་གི་ངོ་བོ་ཉིད་ནི་འཇའ་ཚོན་ལྟ་བུའི་སྐུའོ། །རྟག་པའི་རྒྱལ་མོ་རྣམས་ཀྱང་། སངས་རྒྱས་རིགས་ལྔའམ་འབྱུང་བ་ལྔ་ལས་གྲུབ་པ་སྐད་ཟེར་ཀྱང་། དེ་ལྟར་ནི་མ་ཡིན་ཏེ། འབྱུང་བ་ལྔའི་རྟགས་སུ་སྐུ་མདོག་སྔོན་པོ་སྟེ། དེ་ཅིའི་ཕྱིར་ཞེ་ན། ཕྱི་ནང་སྣོད་བཅུད་འབྱུང་བ་ལྔ་ལས་གྲུབ་པས། །དེའི་རྟགས་སུ་བསྟན་པས་ན་རྟག་པའི་རྒྱལ་མོ་ཞེས་བྱའོ། །དེ་རྣམས་ཀྱི་ངོ་བོ་ནི། སྐུ་མེ་ལོང་ནང་དུ་གཟུགས་བརྙན་བཞིན་གནས་སོ། །ཡེ་ཤེས་ཀྱི་རྗེ་མོ་བཅུ་བཞི་ནི། །དེ་རྣམས་ཀྱི་བལྟ་བ་ནི་རྗེ་ལྟར་གོང་མ་རྣམས་ལ་བལྟ། རང་གི་རིག་པ་ཡེ་ཤེས་ཀྱི་སེམས་ཀུན་གཞིའི་རྒྱུན་དངོས་པོ་རིག་པ་ཙམ་དུ་བརྟགས་ནས། ཞིང་ནི་འབྱུང་བ་ལྔ་ལས་གྲུབ་པའོ། །དེ་རྣམས་ནི་གོང་མ་ལ་རྗེ་མོ་ལྟར་བལྷའོ། །དེ་ཡང་བཅུ་བཞིའི་ནང་ན། ཉི་ཟླ་སྟོང་གི་ཐོད་ཕྲེང་གིས་སྲིད་པ་འཆམ་ལ་འབེབས་པས། འདོད་ཆགས་ཀྱི་རྒྱལ་མོ་དེས་སྲིད་པ་ཕོ་མོ་སྐྱེ་བའི་རྒྱུན་ཆམ་ལ་ཕབ་བོ། །ཕྲ་མེན་རྒྱ་མཚོས་སྐོས་བཏབ་སྟེ། །མ་མོ་བཅུ་བཞི་གཙོ་མོར་དབང་བསྐུར་བས། དེ་ནི་ཇོ་མོའི་ཡང་ཇོ་མོ། དབྱིངས་ཀྱི་ཡུམ་དྲུག་གིས་ཀྱང་དབང་བསྐུར་བས། རྟག་པའི་རྒྱལ་མོ་དང་ཁྱད་མེད་དེ། དབྱིངས་ཀྱི་ཡུམ་དྲུག་ལ་ཇོ་མོར་བལྟའོ། །ལས་སྐལ་དུ་ནི་མ་མོ་ཀུན་འཁོལ་བའོ། །མཐུན་རྫས་ནི་དཔེ་ཆུང་དང་མཐུན་ནོ། །གསང་བའི་དམ་རྫས་ནི་སྣ་ཚོགས་སྙིང་སྣ་དང་། དུར་ཁྲོད་ཀྱི་རེ་རྫས་ཀུན་མཐུན་ནོ། །བལྷ་བའི་མཚན་མ་འདུལ་བའི་གཉེན་པོ་ཀུན། དབུ་གསུམ་ཕྱག་དྲུག་ཁྲོ་བོ་རྡུལ་སྙེད་ཀྱི་བཀའ་ཉན་པར་བལྟའོ། །སྲིད་པ་ཆམ་ལ་འབེབས་པ་བཀའ་བསྒོ་བ་བཞིན་ཉན་པས། མ་མོ་ཉི་ཤུ་ཡོངས་དུས་མཐའ་ནས་ཀྱང་དུས་མཁའ་ནས་བསྲུང་མཚམས་ཀྱིས་བསྐལ་བ་འདི་འདས་ན། དམྱལ་བ་མི་ཡི་དྭགས་སུ་འགྱུར་ཏེ། དེ་ནི་ཚེ་ཚད་མེད་དོ། །དམ་ཚིག་ནི་བསྟན་པ་བསྲུང་བར་དམ་བཅས་པའོ། །སྨན་མོ་རྣམས་ནི་མིའི་རྒྱུ་མ་དང་ནང་ཁྲོལ་རྣམས་ལ་དགའ་སྟེ་དེ་ནི་དམ་རྫས་སོ། མཐུན་པའི་བསྐང་རྫས་ནི། གནམ་ལ་ལྡིང་བ་དང་། ས་ལ་འཛུལ་བའོ། །གནས་ནི་རི་རབ་ཀྱི་རྨང་ན་གནས་སོ། །ལྟ་བ་ནི་དཔལ་ཆེན་པོ་ལྟ་བུ་གཅིག་ལ་དབང་བྱེད་ཀྱི་རྗེ་བོ་ལྟ་བུ་གཅིག་ཏུ་བལྷས་ནས། བཀའ་བསྒོ་བ་ཉན་ནོ། །དམ་ཚིག་ནི་མཆོད་ཅིང་བརྟེན་ལ་དམ་ཚིག་ཚུལ་བཞིན་དུ་བསྲུང་བའི་རྣལ་འབྱོར་གྱི་བཀའ་བྱེད་པའོ། །ལས་སྐལ་ནི་ཉིན་མཚན་མེད་པར་ཤ་ཁྲག་ལ་དགའ་བ་དང་། གནོད་པ་སྣ་ཚོགས་བྱེད་པས་གནོད་སྤྱིན་མོ་ཞེས་བྱའོ། །དེ་ཡང་བྱ་བ་མོ་དང་བྱེད་པ་པོ་གཉིས་ཀྱིས། དེ་རྣམས་གདུག་པ་ཅན་འདུལ་དཀའ་བར་གཟིགས་ནས། ཡེ་ཤེས་ལྷའི་ཚོགས་ལ་གསོལ་བ་བཏབ་པ། རྔམ་ཁྲོ་གཏུམ་པ་དྲུག་ཅུ་རྩ་བརྒྱད་འབར་བའི་དཀྱིལ་འཁོར་ཚོགས། །ཧ་ཧ་ཞེས་སྒྲོགས་གདུག་པ་ཐབས་ཀྱིས་འདུལ་མཛད་པ། །དྲུག་ཅུ་རྩ་བརྒྱད་དཀྱིལ་འཁོར་ཚོགས་ཀྱི་དུས་ལ་བབ་ཀྱི་རྔམ་པའི་སྒྲ་ཕྱུང་ཞིག །འབར་བའི་འཁོར་ལོ་རྔམ་པའི་མཚོན་ཆ་ཡིས། །བཀའ་ལས་འདས་པ་རྣམས་ཀྱི་སྙིང་བསྲེག་མགོ་ལུས་ཕྲོལ། །ཞེས་གསོལ་བ་བཏབ་པས། དེས་འདུལ་བར་དམ་བཅས་སོ། །མ་མོ་སྲིད་པའི་བེམ་ལས མ་མོ་དང་རང་གི་དམ་ཚིག་དང་། ལྟ་བ་སོ་སོར་བསྟན་པའི་སྐབས་སོ།། །།དེ་ནས་མ་མོ་རྣམས་ཀྱི་བསྐང་བའི་ལེའུ་ལས། གསང་བ་ཐུགས་ཀྱི་བསྐང་བ་དང་། སྐུ་ཡི་ཐུགས་དམ་བསྐང་བ་ནི། སྤྱིར་བསྐང་བ་དང་སྒེར་སྒོས་བསྐང་བ་འདི་གསུངས་སོ། །སྤྱིར་བསྐང་བ་ལ་ཡང་རྣམ་པ་བདུན་ཏེ། གསང་བ་མདོས་ཀྱིས་ཐུགས་དམ་བསྐང་བ་དང་། མ་མོ་སྤྱི་བསྒྲུབ་ཆེན་པོས་ཐུགས་དམ་བསྐང་བ་དང་། རྟ་ཆེན་པོ་སྒོ་བཞིས་ཐུགས་དམ་བསྐང་བ་དང་། བམ་མཚན་དང་ལྡན་པ་ལ། སྤོས་ཆུ་དང་གུར་་གུམ་གྱི་ཆུ་གཙང་མས་བཀྲུས་ཏེ། གོས་དང་རྒྱན་གསེར་གཡུ་ལ་སོགས་པས་བརྒྱན་པས་བསྐང་བ་དང་། མདངས་བཞིས་སྐོང་བ་ནི། མེ་ལོང་གི་མདངས་དང་། རྨ་བྱའི་སྒྲོ་མདོངས་དང་། ཆུ་མིག་དངས་མའི་མདངས་དང་། མེ་དམར་གྱི་མདངས་བཞིས་བསྐང་བ་དང་། རྣལ་འབྱོར་པས་ཡུམ་མཚན་དང་ལྡན་པ་ལ་སྦྱར་བའི་བྱང་ཆུབ་སེམས་ཀྱིས་བསྐང་བ་དང་། དངས་མ་ལྔ་ཡིས་བསྐང་བ་ནི། མེ་ཡི་དངས་མ་མེ་ཤེལ་དང་། ཆུའི་དངས་མ་ཆུ་ཤེལ་དང་། ཁྲག་གི་དངས་མ་བུད་མེད་ཀྱི་མཚལ་ཆེན་དང་། སེམས་ཀྱི་དངས་མ་ཁུ་བ་དང་། སྦུ་གུ་སྤུ་སྐྲའི་དངས་མ་དང་། ཟ་འོག་བེར་གྱིས་བསྐང་བའོ། །དེ་ནི་མ་མོ་སྤྱིར་བསྐང་བའོ། །ཀུན་ཀྱང་དེ་བདུན་གྱིས་མི་བསྐང་བ་ནི་མེད་དོ། །མ་མོ་སྲིད་པའི་བེམ་ལས། མ་མོ་སྤྱིར་བསྐང་བའི་སྐབས་སོ།། །།དེ་ནས་ཡང་མ་མོ་རིགས་བཞིའི་སྒོས་བསྐང་ལ། དེར་མ་འདུས་པ་མེད་པས། དེ་ཡི་བསྐང་བའི་རྫས་མདོས་བསྟན་པ་འདི་གསུངས་སོ། །དང་པོར་དབྱིངས་ཀྱི་མ་མོའི་བསྐང་རྫས་བསྟན་པ་ནི། རྨ་བྱའི་རྒྱལ་མཚན་དང་། དར་མཐིང་ནག་གི་འཕན་རིང་དང་། བསེ་ཕོར་མཚན་ལྡན་དུ་ཁྲག་སྣ་ཚང་བ་དང་། སྣ་ཚོགས་སྙིང་སྣའི་ཕྱེ་མ་དང་། རྭ་གའམ་མཐིང་གའི་ལྕང་ལོར་ཕུད་གཙང་མ་དང་། མ་བདུད་ཤ་ཆེན་གྱི་ལང་ལིང་དང་། ལུག་ནག་རྒྱ་སོལ་པོ་དང་། ལུག་སྨུག་རྒྱ་སྲོས་པོས་ཐུགས་དམ་བསྐང་ངོ་། །དར་སྣ་ཚོགས་ཀྱིས་བརྒྱན་པའི་ལྗང་བུ། ལུས་ཚད་བརྒྱ་རྩ་བརྒྱད་ཀྱིས་ཐུགས་དམ་བསྐང་ངོ་། །དེ་ནི་དབྱིངས་ཀྱི་མ་མོའི་བསྐང་རྫས་སོ། །བདུད་མོའི་རིགས་ཀྱི་བསྐང་རྫས་ནི། བྷསྟོ་ལྕང་འོ་་མཚན་ལྡན་དང་། ཙིསྟ་དང་ནི་རཀྟ་དང་། སྣེལ་གྲིའི་སྙིང་དང་ཐོད་པ་དང་། ཀླད་པ་དང་། ཤུན་ཆེན་གདུགས་དང་། ཤ་ཆེན་གཏོར་མ་དང་། ངང་པའི་ཤ་དང་། དུག་སྣ་ཚང་བ་དང་། འུག་པའི་སྙིང་དང་མིག་འབྲས། ཕག་པའི་སྙིང་། སྐྱེས་པ་དར་མ་གྲིར་ཤི་བའི་ཐོད་པ་དང་། བུད་མེད་མཚལ་ཆེན་གཞག་པར་བྱ། །ནལ་བུའི་ཤ་ཁྲག་འབྲས་བུ་དང་། མེ་དུད་སྤོས་ཆེན་དར་ནག་རུ་མཛོན་དང་། ཁྲག་གི་རྒྱ་མཚོ་འཁྲུག་ཅིང་ཀེང་རུས་ཤ་ཁྲག་རི་ལྟར་སྐྲུངས་ནས་ཟས་སུ་ཟ་བས་བསྐང་ངོ་། །མ་མོ་སྲིད་པའི་བེམ་ལས། བདུད་མོ་རིགས་ཀྱི་བསྐང་རྫས་སོ།། །།སྤྲུལ་པའི་མ་མོའི་བསྐང་རྫ་ནི། །སྤང་ཡང་ར་ཤ་སྨུག་གུ་ཤེལ་མིག་དང་། །སྔོན་མོ་ལྟོ་སེར་ཤེལ་མིག་དང་། །དཀར་པོ་ཤེལ་མིག་སྨིན་གཡུ་དང་། །ནག་མོ་ལྟོ་དཀར་ཤེལ་མིག་དང་། །ཨུ་པ་ཏ་ཡང་དེ་དང་མཚུངས། །གསལ་བའི་མེ་ལོང་སྨོས་པའི་སྙིང་སྣ་དང་། །རཀྟ་ཕུད་གཙང་ན་ཆུང་དར་མའི་ཞིང་གཡབ་དང་། །བྱི་ཏྲི་པུ་ཏྲ་འོ་་ལྔ་པ་ཡི་སྙིང་། །བསྐང་བའི་རྫས་དེ་བསོག་པར་བྱ། །མ་མོ་སྲིད་པའི་བེམ་ལས། སྤྲུལ་པའི་མ་མོའི་བསྐང་རྫས་སོ།། །།ལས་བྱེད་མ་མོ་རྣམས་ཀྱི་ཀུན་ཀྱང་མཐུན་ཞིང་འདིའི་ཁོངས་སུ་འགྲོ། །མ་མོ་སྲིད་པའི་བེམ་ཆེན་པོ་ལས་རིགས་བཞིའི་མ་་མོ་བསྐང་རྫས་བསྟན་པའི་སྐབས་སོ།། །།དེ་ནས་མ་མོ་རྣམས་ལ་མཆོད་བསྟོད་བསྐུལ་བ་འདི་གསུངས་སོ། །ཧུ༷་མ་བཅོས་དབྱིངས་ནས་ལྷུན་གྱིས་རྫོགས་པའི་སྐུ། །གསལ་བའི་དབྱིངས་ཕྱུག་གསང་བའི་ཡུམ། །མ་བཅོས་ལྷུན་རྫོགས་གསལ་བའི་སྐུ། །རང་བཞིན་འོད་གསལ་ཡེ་མེད་གསལ། །ཁམས་གསུམ་རྫོགས་པའི་མཁའ་དབྱིངས་ནས། །སྐྱེ་བ་མེད་པར་སྐུ་འཁྲུངས་མ། །རང་བཞིན་གསལ་བའི་དབྱིངས་ཕྱུག་མ། །རྡོ་རྗེ་ཐོགས་འཆང་འཕྲུལ་མོ་ཆེ། །རིམས་ནད་ཀུན་གྱི་མངའ་བདག་མོ། །ས་ལྕམ་སྤེལ་དབྱིངས་ཀྱི་རྒྱལ་མོའི་ཐུགས་དམ་བསྐང་། །ཁྲག་སྒྱུགས་ནད་ཀྱི་མངའ་བདག་མོ། །རིམས་ནད་ཚ་བ་ཁྱོད་ཀྱིས་འཕྲི། །སྐུ་ནི་འཇའ་ཚོན་ལྔ་ཡི་སྐུ། །ཡེ་ཤེས་ལྔ་ལྡན་དབྱིངས་ཕྱུག་མ། །དུར་ཁྲོད་ཚ་ཆེན་སྐར་མའི་ཀློང་ནས་གྲུབ། །གླིང་བཞིའི་རྒྱལ་མོ་རབ་འཕགས་མ། །འཇའ་ཚོན་ལྔ་ཡི་ཁང་པ་ན། །འགྲམ་བཞི་མེ་ལ་ལོགས་བཞི་ཆུ། །ཁང་མིག་གཅིག་ལ་སྐར་ཁུང་བཞི། །ཐབས་ཆེན་ཤེས་རབ་རྫོགས་པའི་རྟགས། །མི་འགྱུར་ས་གཞིའི་སྟེང་དུ་བརྩིགས། །སྤྲིན་གྱི་བྲལ་ལ་ནམ་མཁའི་ཕུབ། །འབྱུང་བ་ལྔ་ཡི་ཁང་ཆེན་ན། །འཇའ་ཚོན་འབར་བའི་སྐུ་ནི་ལྡེམ་བག་འཕྲུལ་གྱི་སྐུ། །ཕྱག་ན་རྡོ་རྗེའི་ཐོག་ཆེན་འབེབས། །ཐོག་ལ་མངའ་མཛད་འཕྲུལ་མོ་ཆེ། །ཡིདབཞིནནོརབུགཙུག་ན་འབར། །གསེར་གྱི་གཙུག་ཕུད་འཕྲག་ལ་བཀལ། །དཔྲལ་བའི་དབྱེས་ན་ཉི་ཟླ་གསལ། །བསྐང་བའི་མཐུན་རྫས་ཁྱོད་ལ་འབུལ། །དཔལ་འབར་ཉི་ཟླ་སྟོང་གིས་གཟིགས་པའི་སྐུ། །མཁའ་ལ་འཔྱོ་ཞིང་དབྱིངས་ན་གསལ། །མཁའ་འཕྱོ་དབྱིངས་གསལ་བདུད་འཇོམས་མ། །ཆིབས་སུ་བདུད་རྟ་ཟངས་ལག་ཆིབས། །གསེར་གྱི་ཞགས་པ་ཕྱག་ན་བསྣམས། །གསེར་མཁར་ཞགས་པ་འདེབ་མངའབེབས་སུ་བྱོན། །ཛ་པ་པེ་མི་ཏ་མྲི་ཏ་མྲི་ཏ་དྷི་ཧུ༷་མ་མ་ཛ། ཆེ་ཞེ་ཆེན་མོ་གཡུ་ཡི་ལན་ཕྲན་ཅན། །མཁའ་དབྱིངས་བདེ་ཆེན་ཡངས་པ་ནས། །རང་བཞིན་མེད་པའི་རང་བཞིན་ཅན། །ཡེ་ཤེས་དབྱིངས་ནས་སྐུ་འཁྲུངས་ཏེ། །རྟོག་དང་བྲལ་བའི་དབྱིངས་ཕྱུག་མ། །ལྷུན་གྲུབ་རྒྱལ་མོ་བདེ་བར་གཤེགས་པའི་སྐུ། །ཐུགས་དམ་དབང་གིས་གཤེགས་སུ་གསོལ། །མ་གཡེལ་འོད་ཕུང་འཁྱིལ་བ་ན། ཁྲེས་རབ་འབར་བའི་དབྱིངས་ཕྱུག་བཞུགས། །སྣང་བ་ཐམས་ཅད་འཁྲུལ་པ་སྟེ། །འཁྲུལ་པ་མེད་པར་ཡེ་ཤེས་གསལ། །འཁྲུལ་པ་ཉིད་ནི་ཡེ་ཤེས་ཏེ། །མི་དམིགས་འཁྲུལ་པར་མི་རྟོག་ན། །འཁྲུལ་པ་ཡེ་མེད་སངས་རྒྱས་ཏེ། །རྣམ་དག་མཁའ་དབྱིངས་གསལ་དཀྱིལ་ན། །འོད་ཕུང་མི་དམིགས་ཡེ་ཤེས་གསལ། །འཁྲུལ་པ་ཡེ་ནས་མི་དམིགས་པས། །མི་དམིགས་པ་ནི་ཆོས་ཀྱི་དབྱིངས། །ཆོས་ཉིད་མི་འགྱུར་སྐྱེ་བ་མེད། །གཡུ་ཡི་ལན་ཕྲན་སྐྱེ་མེད་འཁྲུངས། །སྐྱེ་བ་མེད་པར་སྐུ་འཁྲུངས་ཀྱང་། །སེམས་ཅན་ལས་ཀྱིས་ཐུགས་དམ་བསྐང་། །དམ་ཚིག་མི་མདའ་བརྡ་དང་བཅས། །ཐུགས་དམ་གཉེན་པོ་བརྡ་ཡིས་བསྐང་། །རིམས་ནད་གཏོང་བའི་དབང་མོ་ཆེ། །ཟ་བྱེད་ཀྲི་སྣའི་གླིང་༄༅། ཁེད་ན། །གློ་བློ་ཡང་སུབ་ནད་ཀྱི་མངའ་བདག་མོ། །ནད་ནི་གློ་བློཡངསུབ་ཟ་བྱེད་གཏོང་། །སྐུ་མདོག་དཀར་མོ་སྤྱན་མིག་དམར། །དབུ་ལ་ཐོར་ཚུགས་མང་པོས་བརྒྱན། །སྐུ་ལུས་གཅིག་ལ་སྤྱན་མིག་གསུམ། །སྐུ་གསུམ་ལྷུན་རྫོགས་མི་འགྱུར་རྟགས། །གཡུ་ཡི་ལན་ཕྲན་ཟར་བུར་འཛག །ཟར་བུའི་གསེབ་ནས་ཚ་ཚ་འཁྲུག །མཁའ་ལྡིང་དཀར་མོའི་རྫས་ཀྱིས་ཐུགས་དམ་བསྐང་། །དམིགས་ཀྱིས་ཐུགས་དམ་མི་བསྐང་དུ། །མེ་ཏོག་ཀུན་རྒྱས་གླིང་ཤེད་ནས། །རྒྱལ་པོ་རྡོ་རྗེ་སྟོན་པོ་ལ། །གློ་བློཡངསུབ་ཟད་བྱེད་ནད་ཀྱིས་བཏབ། །དགའ་རབ་དཔལ་གྱི་བརྩིག་པ་ཡིས། །དཀར་མོའི་མིག་བརྒྱའི་ཐུགས་དམ་བསྐང་། །ནད་དང་དལ་ཁ་སྒྱུར་ཅིང་དེངས། །མ་མོ་སྲིད་པའི་བེམ་ལས། ཐུགས་དམ་བསྐང་བ་ནི། དཀར་མོ་གཡུ་ཡི་ལན་ཚར་ཅན་ལ་མཉེས་མཆོད་འབུལ་བའི་སྐབས་སོ།། །།དེ་ནས་ལས་བྱེད་ཐིགས་པ་རབ་ཟགས་ལ་བསྐང་བའོ། །མཁའ་ལ་གསལ་བའི་འོད་དཀྱིལ་ནས། ཉག་གཅིག་མི་ཕམ་སྐུ་བཞུགས་ཏེ་འོད་ཕུང་དཀྱིལ་ན་ཉག་གཅིག་བཞུགས། །ཕྱག་ལ་ལྕགས་ཀྱི་འཁོར་ལོས་གཏམས། ཁྲངས་ལ་ཟླ་བ་བརྒྱ་ཡིས་གཏམས། །སྐུ་ལ་ཁྲག་གི་ན་བུན་འཐུལ། །དཀར་མོ་བརྒྱ་ཡི་ལས་བྱེད་མ། །སྲིད་པ་རྣམས་ཀྱི་ཡང་སྟེང་ན། །ཉི་ཟླ་འབར་བའི་གཞལ་ཡས་ཁང་ན་བཞུགས། །སྐུ་ཡི་བོངས་ལ་དཔག་ཚད་བརྒྱད། །སྤྱན་ནས་ཁྲག་དང་ཞགས་ཆུ་འབབས། །ཞབས་ལ་འཁོར་ལོ་སྟོང་གིས་གཏམས། །འཁོར་ལོའི་སྟེངས་ནས་སྐར་མདའ་གཏང་། །སྤྱན་གྱི་དཀྱིལ་ནས་འབྲུག་ཆེན་འགྱུ། །དར་ནག་གུར་ཆེན་འོག་དཀྱིལ་ན། །དཀར་མོ་བརྒྱ་ཡི་ལས་བྱེད་མཛད། །བདུད་རྩིའི་ཐིགས་པ་ཕྱག་ལས་འཛག །བཞོགས་ཕྱེད་ནད་དང་དྲེག་ནད་གཏོང་། །དྲེག་ནད་གཏོང་བའི་དབང་མོ་ཆེ། །ཁྲ་ཧོར་རྩལ་པོས་ཐུག་དམ་བསྐང་། །ཕ་ཡིས་རྩལ་བྱིན་མཆུ་གུག་ཟླུམ། །མ་ཡིས་རྩལ་བྱིན་བྲང་རུས་རྣོ། །ཞང་པོས་རྩས་བྱིན་གསོད་ལ་དགའ། །སྡེར་མོ་ཟངས་སྡེར་མིག་རྩ་དམར། །མངག་པའི་ལས་ལ་ཐོགས་ཆགས་མེད། །ཐིགས་པ་རབ་ཟགས་ཐུགས་དམ་བསྐང་། །ཐུགས་དམ་སྐུ་ལ་མི་བསྐང་དུ། །རྒྱལ་པོ་འབའ་ལ་བསྙུང་བ་ལ། །འབར་བ་བརྒྱད་ཀྱི་ཐུགས་དམ་བསྐང་། །གཞོགས་ཕྱེད་རིམས་ནད་དལ་ཁ་སྒྱུར། །མུ་ས་ཛ་ཧུ༷་སེ་ཤུ་ཛ། མ་མོ་སྲིད་པའི་བེམ་ལས། ལས་བྱེད་མ་མོ་ཐིགས་པ་རབ་ཟགས་མའི་སྐབས་སོ།། །།མུ་མེན་གཡུའི་གོ་ལྕོག་ཅན་ལ་བསྐང་བ་འདི་གསུངས་སོ། །ཁ་ལ་རབ་འབར་མཐུ་མོ་ཆེ། །མུ་མེན་གཡུ་ཡི་གོ་ལྕོག་ཅན། །ཡེ་ནས་ཁ་རྒྱལ་ཁྱབ་པའི་སྐུ། །གསང་བ་གསུམ་གྱི་དབང་ཕྱུག་མ། །གསེར་གྱི་ཐོད་གདེངས་ཐོར་ཚུགས་ཅན། །གཡུ་མཁར་ལྡེམ་པའི་ནང་ཤེདན། །རིན ཆེན འབར་བའི་སྒོ་མོ་གསལ། །འགྲམ་བཞི་ཆུ་ལས་བགྱིས། །ལོགས་བཞི་རླུད་ལས་བགྱིས། །ཡང་ཐོག་ནི་གཡུ་ཡིས་ཕུབ། །དམར་ནག་མེ་ཡི་གདན་སྟེང་ནས། །རིན་ཆེན་རལ་པ་ཐོར་ཚུགས་བཅིངས། །སྐུ་ནི་འཁྲིལ་ཞིང་ལྡེམ་བག་ཅན། །ཆིབས་སུ་སྦྲུལ་ཆེན་དཀར་ཁྲ་ཆིབས། །ཕྱག་གཉིས་གསེར་གྱི་འཁོར་ལོ་བསྣམས། །ཞབས་གཉིས་རོལ་མཚོའི་གཏིང་དུ་བརྐྱང་། །དབུ་གསུམ་ཞབས་བཞི་གོ་ལྕོག་ཅན། །གཡུ་ཡི་གཙུག་ཕུད་ཕྲག་ལ་བཀལ། །གསེར་གྱི་སྐད་སྒྲོགས་བཟུང་བ་བགྱིས། །བདུད་རྗེ་རྒྱལ་པོའི་མཐའ་མ་ཅན། །མྱ༷་ས་ཟ་ཞིང་རྒྱུད་དྲུག་སྒྲོལ། །མིག་བཟློག་ཁ་ཡལ་སྙིང་འཆུའི་ནད། །གཡུ་ཡི་གོ་ལྕོག་ཅན་གྱིས་གཏོང་། །དཀར་མོ་ལྟོ་རྒྱས་ཐུགས་དམ་བསྐང་། །ཁྱེད་ཉིད་ཐུགས་དམ་མི་བསྐང་དུ། །མཚལ་ཆེན་དཀར་མོའི་གླིང་ཆེན་གྱི། །རྒྱལ་པོ་བྷ་ར་དྷ་ཛ་བསྣུན། །སློབ་དཔོན་ཤི་སེང་ཧ་ཡིས། །སྐུ་ལ་དཀར་མོ་ལྟོ་བརྒྱས་བསྐང་། །མིག་བཟློག་ནད་ཆེན་ཁྱོད་ཀྱིས་བཅད། །ལུས་ནི་རིན་ཆེན་ལྔ་ཡི་ལུས། །རིན་ཆེན་རྐང་བཞི་ནོར་གྱི་མཆོག །དཔག་བསམ་ཤིང་གི་ལུས་པོ་ཅན། །དབང་པོ་བརྒྱད་ནི་རིན་ཆེན་གཏེར། །རིན་ཆེན་སྣ་ལྔས་ཐུགས་དམ་བསྐང་། །རིན་ཆེན་གཟུགས་ཀྱིས་ཁྱོད་ཉིད་བསྐང་། །ནད་རྣམས་གདུག་པ་ཁྱོད་ཀྱིས་བཟློག །མུ་ཏྲེ་མུ་ཏྲེ་ཛ། མ་མོ་སྲིད་པའི་བེམ་ལས། །ཀར་མོ་རྒྱལ་མོ་ལས་བྱེད་མའི་བསྐང་བ་མདོར་བསྟན་པའི་སྐབས་སོ།། །།སྨུག་རྒྱ་སྲོལ་པོའི་མངའ་བདག་མོ། །རྨིག་པ་ཁྲ་བོས་མཆོད་ཅིང་བསྐང་། །བྷ་ག་སྐྱེ་མེད་མཁའ་ཀློང་དག་པ་ནས། །བདེ་ཆེན་འདུ་འབྲལ་མེདཔའི་སྐུ་འཁྲུངས་ཏེ། །ཡེ་མེད་སྟོང་པ་རབ་ཏུ་གསལ་བ་ནས། །བདེ་ཆེན་འདུ་འབྲལ་མེད་པ་སྤྱན་དྲངས་ནས། །བལ་ནད་འདར་བུའི་དལ་ཀ་བཅད་པའི་ཕྱིར། །ལྷ་མོ་ཁྱོད་ལ་ཐུགས་དམ་བསྐང་། །སྲིད་པ་ཧོར་ལྕམ་རྐང་མགྱོགས་མ། །གནས་ནི་རི་རབ་རྩེ་ལ་བཞུགས། །སྐུ་མདོག་ནག་མོ་ལྕགས་ཀྱི་རལ་པ་ཅན། །དབྱིངས་ཀྱི་མ་མོ་རྒན་བྱེད་མ། །སྟག་མཁར་དགུ་ཁྲི་དགུ་ཐོགས་ན། །མ་མོ་ཆེན་མོ་སྐུ་བཞགས་ཏེ། །ཁང་མིག་གཅིག་ལ་སྐར་ཁུང་བརྒྱ། །ལོགས་ལ་མདའ་ཁུང་བརྒྱ་ བཏོད་དེ། །རྣམ་ཤེས་ཚོགས་བརྒྱད་དུས་གཅིག་གཟིགས། །ལྷ་མོ་ཆེན་མོ་དྲི་ཟ་འདུལ། ་ར་གྱི་ཕྱོགས་ཀྱི་ཉི་ཟེར་ལ། །དྲི་ཟ་བདུལ་བའི་གཉན་པོ་མཛད། །དྲི་འདུལ་གསང་བའི་ཡུམ་གཅིག་མ། །ཧོར་ལྕམ་རྐང་མགྱོགས་གསང་བའི་ཡུམ་གཅིག་མ། །ཕུང་བྱེད་སྦས་པའི་མ་བཞི་མ། །ཧོར་ལྕམ་རྐང་མགྱོགས་བྲན་དུ་འཁོལ། །སྐུ་ལུས་གཅིག་ལ་སྦན་མིག་བརྒྱ། །ཁང་མིག་གཅིག་ལ་སྒོ་མོ་བརྒྱ། །སྟེང་དུ་སྦན་མིག་གཟིགས་པ་ཡིས། །སྟེང་གི་ལྷ་བྲན་དུས་གཅིག་འདར། །སྨན་མོའི་ཚོགས་ནི་སྐྲག་པར་བྱེད། །ལྷ་མོ་ཁྱོད་ཀྱི་སྐུ་ཉིད་ནི། །མ་མོ་སྟོང་གི་ཕོ་ཉ་བྱེད། ་།ཕྱོགས་བཞིར་གོམ་པས་ཕྱིན་པའི་རྐཇེ་མགྱོགས་མ་། །ཞང་་པོ་ཡ་བདུད་ཧོར་ལྷ་བག་པས་གདུག་པའི་ལྕམ། །སྐྱེ་ཤི་མེད་པར་རྐག་མགྱོགས་མ། །མ་ནི་སྲིད་པའི་བདེ་འགྲོ་མ། །སྐུ་ནི་ནག་མོ་ལྕགས་ཀྱི་རལ་པ་ཅན། །རལ་པའི་གསེབ་ནས་ཚ་ཚ་འཁྲུགས། །དུང་གི་ཁྲི་ལ་གཡུ་ཡི་གདན་སྟེང་ནས། །ཕྱག་ན་སྐྱེ་འགྲོ་ཁྲམ་ལ་འདེབས་པའི་མེ་ལོང་གཟིགས། །གསེར་གྱི་ཙོང་ཙོང་བྲག་ལ་འཔྱོང་། །ཉི་མ་བྱང་ཕྱོགས་ཕ་ཀི་ན། །གནོད་སྦྱིན་གདུག་པ་འདུལ་མཛད་མ། །སྒྱུགས་པའི་བརྡ་ལ་བཅིངས་མཛད་མ། །དགྲ་ལ་ཕུར་པ་འདེབས་པ་མོ། །སྲིད་པའི་ཧོར་ལྕམ་རྐང་མགྱོགས་མ། །ཕྱག་ན་གསེར་གྱི་འཁོར་ལོ་འདྲིལ། །ལྕགས་ཀྱུ་རྩེ་དགུ་ཕྱག་ན་བསྣམས། །གདུག་བྱེད་རྣམས་ཀྱི་སྙིང་ནས་འདྲེན། །སྐུ་ལས་མེ་ལྕེ་དཔག་ཚད་སྟོང་། །དུས་ཚོད་འཛིན་པའི་དབང་མོ་ཆེ། །མིག་ནས་ཉི་མའི་འོད་ཟེར་འཆར། །ཞལ་ནས་བདུད་རྩིའི་ཐིགས་པ་འཛག །ཕྲ་མེན་གསང་བའི་དབང་ཕྱུག་མ། །དར་དཀར་གུར་ཆེན་ཡོལ་འོག་ནས། །ཉིད་ཀྱི་སྐུ་ནི་འཁྲིལ་ཞིང་ལྡེམ། །ནཱ༷་ས་ཟ་ཞིང་རྒྱུ་དྲུག་སྒྲོལ། །སྟོང་གསུམ་བྱོལ་བཟློག་མཛད་པའོ། །ཆིབས་སུ་སྟོང་པ་སྤྲིན་གྱི་རྟ། །དབུ་ལ་ཐོར་ཚུགས་བཅུ་དྲུག་བཅིངས། །བལ་ཡུལ་ཚ་བ་རོང་དུ་ཧོར་ལྕམ་སྐུ་སྤྲུལ་ཏེ། །བལ་ནད་གཏོང་བའི་དབང་མོ་ཆེ། །ཨུ་རྒྱན་སློབ་དཔོན་འབབ་ལེགས་ཀྱིས། །གསང་བའི་མཚན་བཏགས་ཧོར་ལྕམ་རྐང་མགྱོགས་མ །བསྐང་ངོ་གྲུབ་པའི་ལྕམ་གཅིག་མ། །བསྐང་ངོ་སྨུག་རྒྱ་སྲོལ་པོས་བསྐང་། །ཡེ་མེད་སྟོང་པའི་རྒྱལ་པོ་ནི། །མི་སྐྱེ་དབྱིངས་ནས་སྐུ་ཞབྲུངས་ཏེ། །སྐྱེ་མེད་སྟོང་པས་ཐུགས་དམ་བསྐང་། །དབང་ཕྱུག་གསང་བའི་ཡུམ་གཅིག་མ། །བསྐང་རྫས་སྨུག་རྒྱ་སྲོལ་པོས་བསྐང་། །སྟོང་པས་སྟོང་པ་བསྒྲལ་བ་ལ། །བསྒྲལ་ཞེས་བྱ་བའི་ཐ་སྙད་མེད། །སྙོ་ན་ལ་པ་ཧུ༷་ལེ་ཏྲེ་ཏྲེ་ཤག་ཏྲེ་ཤ་ཧུ༷་སྨྱོ། མ་མོ་སྲིད་པའི་བེམ་ལས། མ་མོ་སྨུག་མོའི་བློན་མོ་བསྐང་བའི་སྐབས་སོ།། །།མངའ་བདག་ཆེན་མོ་གཙུག་ཕུད་ཅན། །གག་པ་དང་ལྷོག་པའི་མངའ་བདག་དེ་བསྐང་བ་ནི། སྔོ་རྒྱ་སྲོལ་པོ་གླ་བ་དང་བྱ་ནག་མོ་ཞོ་ཐིག་ཅན་དེས་བསྐང་ངོ་། །ཧུ༷་མཁའ་དབྱིངས་བདེ་ཆེན་འདུ་འབྲལ་མེད་པ་ན། །ཕ་མེད་མ་མེད་བློན་མོ་སྐྱེ་ཤི་མེད། །ལས་ཀྱི་རྒྱལ་མོ་ཆེན་མོ་ལས་མཁན་མོ། །དབང་ཕྱུག་གསང་བའི་ཡུམ་གཅིག་བདེ་སྤྱོད་མ། །སྐྱེ་མེད་བྷ་གའི་དབྱིངས་ནས་སྐུ་ཞབྲུངས་ནས། །སྐྱེ་ཤི་ཟློག་པར་བྱེད་པའི་མངའ་བདག་མོ། །སྐྱེ་ཤི་ལས་ལ་མངའ་མཛད་མངའ་བདག་མོ། །སྐྱེ་ཤི་ལས་ལ་མངའ་མཛད་མངའ་བདག་གཙུག་ཕུད་ཅན། །བསྐང་བའི་མཐུན་རྫས་འདི་ཡིས་ཐུགས་དམ་བསྐང་། །དབང་ཕྱུག་གསང་བའི་ཡུམ་གཅིག་ལས་མཛད་མ། །གནམ་སའི་བར་ལ་མངའ་མཛད་དབང་མོ་ཆེ། །ཏིར་ཡ་རྒྱ་ཡི་ཡུལ་དུ་གྲུབ། །རྒྱ་ནག་ནང་དུ་སྐུ་བཞུགས་ཚེ། །ལྷོགས་པ་སྐྲངས་པའི་མངའ་བདག་མོ། །བར་སྣང་ནམ་མཁའི་ཕྱི་མཐོངས་ནས། །སྲིད་པ་གནམ་གྱི་ཡ་བ་བསྐོར། །སྨུག ནག ཆེན མོརབ གསལ་འཕགས། །ཁྱོད་ནི་སྐྱེ་མེད་དབྱིངས་ནས་འཁྱུངས། །བྱང་ཆུབ་སེམས་ལ་སྐྱེ་ཤི་མེད། །སེམས་ལ་སྐྱེ་བ་མེད་ལ་འགག་པ་མེད། །མངའ་བདག་ཆེན་མོ་གཙུག་ཕུད་ཅན། །རྒྱ་གར་ཉ་མིག་ཁང་པ་ན། །གསེར་མཁར་གྲུ་གསུམ་གཡུ་བད་ཅན། །ཆོས་ཉིད་སྐྱེ་མེད་དབྱིངས་ཕྱུག་མ། །ཡེ་ཤེས་ཞི་བའི་ངང་ཉིད་ཅན། །རབ་འབར་རྒྱ་མཚོ་ཡེ་ཤེས་གསལ། །མཁའ་དབྱིངས་བདེ་ཆེན་གསལ་བ་ནས། །ཕོ་བྲང་མཚན་མོ་རྒྱུ་བའི་མིག་སྟོང་མ། །དུར་ཁྲོད་བསིལ་བའི་ཚལ་གྱི་མངའ་བདག་མོ། །ལས་སུ་རྣལ་འབྱོར་གྲོགས་མཛད་མ། །འབར་མ་ཉི་མའི་བང་བས་མགྱོགས། །བདག་ཉིད་ཟངས་མའི་སྐྲུ་གུ་ལས། །ས་བོན་ལས་ནི་སྐུར་གྱུར་ནས། །འབྱུང་བ་ལྔ་དང་དབྱེར་མེད་པའི། །མངའ་བདག་ཆེན་མོ་སེམས་ལས་བྱུང་། །སེམས་ཉིད་སྐྱེ་མེད་བྱང་ཆུབ་སེམས། །བྱང་ཆུབ་སེམས་ལས་མ་ཉིད་བྱུང་། །མ་ཞེས་བྱ་བ་དངོས་པོ་མེད། །ཕ་མས་བསྐྱེད་ཀྱང་བདག་ལ་བྱུང་། །བདག་གི་ཀུན་བཟང་བྱང་ཆུབ་སེམས། །བྱང་ཆུབ་སེམས་ལས་མ་མོ་བྱུང་། །མ་ནི་ཆོས་ཉིད་དབྱིངས་ཡིན་ཏེ། །མོ་ནི་རིག་པའི་ཡེ་ཤེས་ཡིན། །ཡེ་ཤེས་རང་རིག་དབང་སྒྱུར་མ། །ལྟ་བ་མྱ་ངན་ཡེ་ནས་འདས། །སྤྱོད་པ་མྱ་ངན་ཡོངས་མ་འདས། །ལས་ལ་དབང་སྒྱུར་སྤྲུལ་པའི་སྐུ། །བདག་ནི་ཡེ་ནས་བྱང་ཆུབ་སེམས། །བྱང་ཆུབ་སེམས་ནི་སྤྲོས་དང་བྲལ། །སྤྲོས་བྲལ་སྐྱེ་མེད་བྷ་ག་ནས། །དབང་ཕྱུག་ལས་མཁན་མངའ་བདག་སྐྱེད། །རིག་པའི་སྤྱོད་ཡུལ་ལས་ཀྱིས་འཁོལ། །དེ་ནས་གནས་སུ་ཤི་ས་བསྟན། །དེ་ལྟར་སེམས་ལས་ཁྱོད་བསྐྱེད་ཀྱང་། །སེམས་ཅན་ལས་ཀྱིས་མཚོན་དུ་ཡང་། །ཁྱོད་ཀྱི་མཚོན་པའི་ཕ་མ་ནི། །ཉི་མ་ཤར་ཕྱོགས་ཕ་ཀི་ན། །དྲི་འདུལ་དྲི་ཟའི་རྒྱལ་མོ་སྟེ། །དུང་གི་ཁོང་སེང་བཅུ་དྲུག་ལ། །མ་ཡི་དུམ་བུ་རུམ་དུ་ཡང་བུ་ལ་བརྒྱན། །གནམ་གྱི་རྒྱལ་པོ་གཙུག་ཕུད་ཅན། །མ་ནི་ལྟེ་མཚོན་རྗེ་སྟེང་སྟེ། །རྡོ་རྗེ་ཁྲོས་པའི་དབང་མོ་ཆེ། །དཔག་བསམ་བུམ་པར་མཚོན་པའི་སྲས། །བཅུད་ཀྱི་རྒྱལ་མོ་ལྷང་འཛིན་མ། །རྒྱ་གར་ནང་ན་སྐུ་བཞུགས་ནས། །ལས་སུ་ལྷོག་པ་དཀར་ནག་གཏོང་། །རྒྱ་ཡི་རྒྱལ་མོ་ཤ་ས་ལེ། །བྷ་ག་ཧྲི་ཏི་རྒན་བྱེད་མ། །གནོད་སྦྱིན་འདུལ་བའི་དབང་མོ་ཆེ། །སྔོ་སྐྱ་སྲོལ་པོས་ཐུགས་དམ་བསྐང་། །བསྐང་ངོ་དམ་ཅན་རྒྱལ་མོ་བསྐང་། །སྲོག་མེད་མདངས་ཀྱིས་ཐུགས་དམ་བསྐང་། །ལྷ་མེད་གཟུགས་ཀྱིས་ཐུགས་དམ་བསྐང་། །བྱོན་པ་ན་ལེ་ཤ་མི་སང་སང་ཧེ་ཧེ་ཀེ་མུ་ཁུ་ལོ་སྨྱོ། མ་མོ་སྲིད་པའི་བེམ་ལས། མངའ་བདག་ཆེན་མོ་གཙུག་ཕུད་ཅན་བསྐང་བའི་ལེའུའི་སྐབས་སོ།། །།དེ་ནས་མཚོ་སྨན་ཆེན་མོ་སྒྲུབ་པ་ལ། །བསྐང་བའི་སྐབས་འདི་གསུངས་སོ། །ལུག་ཆུ་ཁ་དང་ཁྱི་སྔོན་མོ་ཤེལ་མིག་སྦྲུལ་དེ་རྣམས་ཀྱིས་བསྐང་བའོ། །ཧུ༷་སྐྱེ་མེད་བྷ གཀློངཆེན ནས། །སྐྱེདཔར་མེད་པར་སྐུ་ཞབྲུངས་ཏེ། །རིགས་པའི་ལྷ་མོ་དཔལ་གྱི་ལྕམ། །མཚོ་སྨན་ཆེན་མོ་ལྟང་འཛིན་མ། །གསེར་གྱི་ཁྲི་ལ་གཡུ་ཡི་གདན་སྟེང་ནས། །ཕྱག་ན་འབྲུལ་གྱི་མེ་ལོང་བསྣམས། །སྐུ་ནི་མ་བསྐྱེད་བརྟན་པར་བཞུགས། ཁྲེལ་མིག་མདངས་ལ་ཐུགས་རེ་འཐད། །སྐུ་མདོག་སྔོན་མོ་ཞགས་པ་ཅན། །སྐུ་ལ་ཉ་ལྕིབས་གོ་ཟུ་གསོལ། །བཞུགས་ནི་རྒྱ་མཚོའི་གཏིང་ན་བཞུགས། །ཆིབས་སུ་སྦྲུལ་ཆེན་ཁྲ་བོ་ཆིབས། །མཛེ་འབྲས་གཏོང་བའི་དབང་མོ་ཆེ། །སྐུ་ཡི་གོ་ཟུ་ཉ་ལྕིབས་འབར། །གསེར་གྱི་སྒྲོག་ཟུངས་མིག་མང་རིས། །མཚོ་ཡི་གཏིང་ནས་མེ་འབར་ཏེ། །ཁ་འབར་མས་ནི་འབུད་པར་བྱེད། །བྱང་ཤར་མཚམས་ན་སྐུ་བཞུགས་ནས། །གསེར་གྱི་ཉག་ཐག་སྐྱོང་མཛད་མ། །ཐུགས་ཀྱིས་ཁམས་གསུམ་གསལ་བར་གཟིགས། །འབར་མ་མེ་ཡི་ཞགས་པ་ཅན། །འབར་བ་ཉི་མའི་མིག་གཅིག་མ། །འབར་མ་གློག་གི་ལྕེ་འབྱིན་མ། །མཚོ་སྨན་ཆེན་མོ་ཁྱོད་ཀྱི་མ། །མ་དྲོས་ཀླུ་ནི་ཁྱོད་ཀྱི་ཕ། །མཚོ་སྨན་ཆེན་མོ་ལྟང་འཛིན་མ། །གསེར་གྱི་སྐུ་མཁར་ལྡེམ་པ་ན། །ཟ་འོག་ཉ་མིག་གུར་ཕུབ་ནས། །ཀླུ་མོ་ཀུན་གྱི་འཁོར་གྱིས་བསྐོར། །དམ་ཉམས་དགྲ་བོ་ཕུང་བར་བྱེད། །སྦས་པའི་མ་མོ་སྲུ་མོར་བཟུང་། ཁེལ་གྱི་ཐོད་གདེངས་དབུ་ལ་བཅིངས། །གཡུ་ཡི་ཆགས་བུ་ཞབས་ལ་གསོལ། །གསེར་གྱི་ལན་ཕྲན་དབུ་ལ་ཚར། །མཚོ་སྨན་ཆེན་མོམིབཟད་མ། །ཁྱོད་ཀྱི་སྐུ་ནི་འཇིགས་པའི་གཟུགས། །སྦྲུལ་ཕྲན་བརྒྱ་ཡི་ཕྱག་གདུབ་ཅན། །ཆུ་སྲིན་སྟོང་གིས་སྙན་ཆ་བྱས། །སྐུ་ལུས་གཅིག་ལ་ལག་པ་སྟོང་། །མཚོ་ལ་རློབ་ཅིང་རྦ་ལ་ཞབྲུག །སྲིན་མོ་ཟ་བྱེད་ཁོལ་མོར་འཁོལ། །འབར་མ་གཉིས་དང་སྐྲུན་དྲུང་གཉིས། །ཅིར་མི་འོངས་པའི་སྐྲུན་དྲུང་བཞི། །ཕ་མེད་མ་མེད་ཡིད་ཀྱི་བུ། །ཁྱོད་ཉིད་བྱང་ཆུབ་སེམས་ལས་བྱུང་། །ནུ་མའི་དཀྱིལ་ནས་ཉི་མ་འཆར། །སྨུག་མོ་སྟོང་གི་ཁ་བློན་མཛད། །བསྐང་ངོ་མཐུན་པའི་རྫས་ཀྱི་ཐུགས་དམ་བསྐང་། །མ་མོ་སྲིད་པའི་བེམ་ལས། མཚོ་སྨན་བསྐང་བའི་སྐབས་སོ།། །།ཁ་རྒྱ་སྲོལ་པོ་དང་། ཁྱི་རྒྱ་བོ་དང་། བྱ་ནག་མོ་དང་། དར་མཐིང་ནག་ཡུག་གཅིག་གིས་ཐུགས་དམ་བསྐང་བ་ནི། །རྫོང་མོ་དཀའ་བཟློག་མ་སྟེ། ཧུ༷་མཁའ་དབྱིངས་རྣམ་པར་དག་པ་ནས། །དཔལ་གྱི་དབང་ཕྱུག་དཀའ་བཟློག་མ། །འཇིག་རྟེན་ཁམས་ཀྱི་མཐུ་མོ་ཆེ། །ལས་ལ་དབང་བསྒྱུར་གསང་བའི་ཡུམ། །ཐུགས་རྗེ་རྒྱུད་བསྐུལ་ཁྲོ་མོ་འབར་མའི་མངག་གཞུག་མཛད། །ལྟེ་བའི་ཕྱོགས་ནས་དྲང་སྲོང་ཆེན་པོ་གཟའ་བརྒྱད་འཆར། །ཁྱོད་ཀྱི་ཐུགས་ལས་ཉི་ཟླ་འཆར། །ཁྱོད་ཀྱི་ཞབས་ཀྱི་མཐེ་བོང་ནས། །རྒྱུ་སྐར་ཉི་ཤུ་རྩ་བརྒྱད་འཆར། །ཁྲུ་གང་ཙམ་གྱིས་གནམ་མ་སླེབ། །ཆག་གང་ཙམ་གྱི་ས་མ་སླེབ། །བདག་ཉིད་གཟུགས་ཀྱི་ཕུང་པོ་ལས། །རྫོང་མོ་དཔལ་གྱི་དབང་ཕྱུགས་སྐྱེད། །སེམས་ལས་གཟུགས་ཀྱི་ཕུང་པོ་བྱུང་། །སེམས་ཉིད་སྐྱེ་མེད་བྱང་ཆུབ་སེམས། །འདུ་འབྲལ་མེད་པའི་སྐུ་ཞབྲུངས་ཏེ། །དཔལ་གྱི་དབང་ཕྱུག་དཀའ་བཟློག་མ། །སྐེ་རགས་བཅིངས་ཤིང་ལག་ན་མདུང་ཞགས་ཐོགས། །རལ་གྲི་ཐོགས་ནས་ཁྲག་་་་་་གིས་མྱོས། །རིན་ཆེན་རལ་པ་གྱེན་ལ་བསྒྲེང་། །སྲིད་པ་གསུམ་ལ་མངའ་མཛད་མ། །ཁྱོད་ཀྱི་སྐུ་ནི་གཉའ་ཤིང་འཛིན་གྱི་ཁ་ན་བཞུགས། །སྐུ་ལ་མེ་རི་ཕུང་པོ་འབར། །ཞལ་ནས་བདུད་རྩིའི་ཆུ་རྒྱུན་འབེབས། །ཁྱོད་ཀྱི་སྐུ་ལ་སྤྱན་མིག་བཞི། །གཡས་ཀྱི་སྤྱན་གྱིས་དྲི་ཟ་འདུལ། །གཡོན་གྱི་སྤྱན་གྱིས་གཤིན་རྗེ་འཚོ། །གཤིན་རྗེ་འདུལ་ཞིང་མི་སྙིང་ཟ། །གཡས་ཀྱི་སྤྱན་གྱིས་གནོད་སྤྱིན་འདུལ། །གཡོན་གྱི་སྤྱན་གྱིས་དགྲ་བགེགས་འདུལ། །བསྐང་ངོ་དམ་ཅན་རྒྱལ་མོ་བསྐང་། །མ་མོ་སྲིད་པའི་བེམ་ལས། རྫོང་མོ་བསྐང་བའི་ལེའུའི་སྐབས་སོ།། །།མ་མོ་ཁ་འབར་ཀོང་སྒྲ་ཅན་བསྐང་བ་སྟེ། བཙུན་མོ་བཞི་བཅས་ཏེ། །ཧུ༷་མཁའ་དབྱིངས་ཀློང་ནས་སྐུར་བཞེངས་པའི། །སྲིད་པ་གསུམ་ལ་དབང་བྱེད་པའི། །མངའ་བདག་ཆོས་ཀྱི་དབྱིངས་ནས་བཞེངས། །སྲིད་གསུམ་སྨྱོ་བཟློག་མཛད་པའི་དབང་མོ་ཆེ། །རྟོག་པ་མེད་པའི་ཁང་པ་ནས། །རྟོག་པ་མེད་པའི་ཉག་གཅིག་བཞུགས། །ཅིར་མི་འོངས་པའི་སྐྲུན་དྲུང་བཞི། །གསང་བའི་དབྱིངས་ནས་སྐུ་བསྐྱོད་ནས། །ལྕགས་མཁར་གྲུ་བཞི་ཁྱམས་བརྒྱད་ན། །གཡུ་ཡི་བད་ལ་གསེར་སྒོ་བཙལ། །བློན་མོ་ཆེན་མོ་ཁྱོད་བཞུགས་ཏེ། །འགྲན་ཟླ་མེད་པའི་ཁ་བློན་མཛད། །སྐྱེ་བ་མེད་པའི་བྷ་ག་ནས། །སྐྱེ་བ་མེད་པའི་སྐུ་འཁྲུངས་ཏེ། །ལས་ནི་སྣ་ཚོགས་རྣམ་བཞི་མཛད། །བལྟར་མེད་སྐུ་ནི་རི་རབ་ཙམ། །འབྱུང་བ་ལྔ་ནི་སྐུ་བསྐྱེད་དེ། །འབྱུང་བ་ནམ་མཁའ་སྟོང་པ་སྟེ། །ལྕགས་མཁར་གྲུ་བཞི་སྟོང་པའི་ངང་། །སྟོང་པའི་ངང་ལས་སྐུ་འཁྲུངས་པས། །སྟོང་པ་སྟོང་པའི་ཐུགས་དམ་བསྐང་། །ཡེ་མེད་སྟོང་པ་དབྱིངས་ཕྱུག་མ། །དུས་བཞི་ཆ་སྙོམས་རྒྱལ་མོ་བཞི། །སྒྲ་ལིང་བེ་སྣའི་ཀློང་ཆེན་ནས། །བསྐྱེད་པ་མེད་པར་སྐུ་འཁྲུངས་ནས། །ཁ་བློན་ཆེན་མོ་ཁ་འབར་མ། །སྐྲངས་དང་སྒྱུག་པའི་ནད་རྣམས་གཏོང་། །བསྐང་ངོ་བལྟར་མེད་མདངས་ཀྱིས་བསྐང་། །བསྐང་ངོ་བལྷར་མེད་གཟུགས་ཀྱིས་བསྐང་། །སྐྲངས་པ་བྱེ་ཏའི་གླིང་ཆེན་ནས། །ཁ་འབར་ཆེན་མོ་ཀོང་སྒྲ་ཅན། །ལྕགས་མཁར་གྲུ་བཞི་ཁྱམས་བརྒྱད་ནས། །གསེར་སྟན་དར་དཀར་ཡོལ་འོག་ན། །བློན་མོ་ཆེན་མོ་ཀོང་སྒྲ་ཅན། །སྨན་མོ་སྟོང་གི་ཞུས་ཐག་གཅོད། །ཁ་བློན་བརྒྱ་ཡི་དབུས་ན་འགྱིང་། །ཞལ་ནས་ཐོག་དང་སེར་བ་འབེབས། །རླུད་རྟ་སེར་བུ་ཆིབས་མཛད་མ། །རླུད་ཞགས་ཁྲ་བོ་ཕྱག་ན་བསྣམས། །དགྲ་སྡང་རླུང་ལ་སྐུར་དུ་བྱོན། །ཞབས་ཀྱིས་བར་སྣང་ལྷ་ཆེན་གནོན། །སྲིད་གསུམ་སྒྲ་སྒྲོགས་མཐུ་མོ་ཆེ། །སྤྱན་ནས་བདུད་རྩིའི་ཞམ་ཆུ་འབབ། །བདུད་ཀྱི་ཁམས་ཀུན་ཕུང་བར་མཛད། །ཞལ་གྱི་ཚེམས་བར་སོ་གཉིས་ནས། །ཐུལུམཆེནམོ་རབ་འབར་འདོན། །བདུད་ཀྱིབྱརྒོདཆེན་མོ་བརྒྱད། །ལྟག་པའི་དབྱེས་ནས་འཕུར་ཞིང་ལྷག །ཟངས་ཀྱི་ཁྱི་མོ་ཆེནམོབཞི། །དཔྲལ་བའི་དབྱེས་ནས་་བང་ཞིང་ཟུག །སྐྲངསཔབྱེཏའིགླིང༄༅། ཁྲེད་ནས། །སྐྱེ་མེད་རྒྱལ་མོ་ཁྱོད་བཞུགས་ཏེ། །ལེ་བརྒན་རལ་པ་གནམ་ལ་བསྒྲེངས། །དབུ་གསུམ་ཡེ་ཤེས་འབར་བའི་ཀློང་། །ལྕགས་ལས་བྱས་པའི་འཁོར་ལོ་ཡིས། །བདུད་ཀྱི་ཁམས་ཀུན་སྲེག་པར་མཛད། །གསེར་གྱི་འཁོར་ལོ་རྩིབས་བརྒྱད་ཀྱིས། །སྲིད་པའི་གཙོ་མོ་རྡུལ་དུ་རློག །བར་སྣང་ཁམས་ཀྱི་ལྷ་བྲན་བརྒྱལ། །ལྷ་མོ་རྡོ་རྗེ་རྩལ་རབ་རྩལ། །སྐྲངས་ལྐུགས་གཏོང་བའི་དབང་མོ་ཆེ། །ཆིབས་སུ་ལྐུགས་རྟ་སྔ་སྣ་ཆིབས། །རོལ་དུ་བར་སྣང་གློག་ཆེན་ཁྲིད། །འགྲན་ཟླ་མེད་པར་ཤུག་ཐག་གཅོད། །ངག་ལྐུགས་གཏོང་བའི་དབང་མོ་ཆེ། །ཀྲིཁྱི་སྭ་རས་ཐུགས་དམ་བསྐང་། །བློན་མོ་ཆེན་མོ་འབར་བ་མ། །བཙུན་མོ་བ་ལེས་ཐུགས་དམ་བསྐང་། །བསྒྲལ་བ་མེད་པར་ཚིམ་གྱུར་ཅིག །ཏ་ཤ་ན་ཡི་ཐུགས་དམ་བསྐང་། །ཁྱོད་ནི་བཙུན་མོ་གཉིས་ལ་དགྱེས། །བཙུན་མོ་གཉིས་ཀྱི་ཐུགས་དམ་བསྐང་། །ཐུ་ལུམ་རབ་འབར་གསལ་བ་མོ། །གསང་བའི་ཡུམ་གཅིག་སྒྲ་མོ་ཆེ། །བསྐང་ངོ་དམ་ཅན་རྒྱལ་མོ་བསྐང་། །སེམས་འདི་ནི་འབྱུང་བས་སྐྱེད། །འབྱུང་བ་ཡེ་མེད་སྟོང་པ་སྟེ། །འབྱུང་བ་ལྔ་ལ་སྐྱེ་ཤི་མེད། །བྱང་ཆུབ་སེམས་ལ་སྐྱེ་ཤི་མེད། །སྐྱེ་ཤི་མེད་པའི་དབྱིངས་ཕྱུག་མ། །བསྐང་རྫས་ཆེནཔོའདིསབསྐང་གིས། །ཁྱོད་ཀྱི་ཐུགས་དམ་བསྐང་གྱུར་ཅིག །ལྷ་མོ་རྡོ་རྗེ་རྩལ་རབ་འབར་གྱི་ཐུགས་དམ་བསྐང་། །རྒྱལ་མོ་ཁྱོད་ཀྱི་ཐུགས་དམ་བསྐང་གྱུར་ཅིག ཁྲེས་རབ་གསལ་བའི་དབྱིངས་ཆེན་ནས། །རྒན་བྱེད་ཆེན་མོ་རྡོ་རྗེ་ཁ་འབར་ཀོང་སྒྲ་ཅན། །དུས་བཞི་སྙོམས་པའི་རྒྱལ་མོ་ལ། །བསྐང་ངོ་ཤེས་རབ་དབྱིངས་ཀྱིས་བསྐང་། །སྨྱོ་པ་ཙ་དུ་ལ་བ་ཏེ་ཤ་ན་མུ་ས་རུ་ཙ་ཧུ༷་སྨྱོ། །མ་མོ་སྲིད་པའི་བེམ་ལས། མ་མོ་ཁ་འབར་ཀོང་སྒྲ་ཅན་གྱི་ཐུགས་དམ་བསྐང་བའི་སྐབས་སོ།། །།ཧུ༷་གསང་བའི་དབང་ཕྱུག་ལས་ཀྱི་ཕྲ་མེན་མ། །མཁའ་ཀློང་རྣམ་པར་དག་པའི་དཀྱིལ་འཁོར་ནས། །འབར་བ་མི་བཟད་ཁྲག་ཆེན་འཁྲུགས་པ་མོ། །རྣམ་དག་ཞིང་ལ་བསྟོད་པའི་ཚུལ་སྟོན་པས། །བསྐྱེད་པ་མེད་པར་སྐུ་འཁྲུངས་བྷ་ག་གསལ། ་ས་རབ་དབྱིངས་ཆེན་ཡུམ་ཆེན་གསང་བ་མོ རབ་འབར་སྒྲབའི་དམ་ཚིག་བདག་སྐྱོང་གིས། །ཉམས་པའི་ཆད་པ་སྒོས་བསྐོས་པ་ཡང་ན་ཆོད། །དུས་ལ་མ་གཡེལ་མྱུར་ལ་མཇོད། །བདག་གི་གཟུགས་ཀྱི་ཕུང་པོ་ལ། །སྣང་བ་མེད་པའི་གོས་གྱོན་ཅིང་། །མཐོང་བ་མེད་པའི་རྐྱེན་ཡོད་ན། །སྡང་བའི་དགྲ་བོ་ལས་ངན་པོས། །ཉེས་པ་མེད་པར་སྟབས་ལ་བཅད། །ཆེན་མ་མོ་མི་བཟད་མ། །སྲིད་གསུམ་འགྲན་ཟླ་མེད་པའི་རྒྱལ་མོ་ཁྱོད། །ཞབས་གཉིས་འཁོར་ལོས་རབ་བརྒྱན་ཏེ། །གླིང་བཞི་ཀུན་ཏུ་ཁྱབ་པར་ཉུལ། །ཁྱོད་ནི་སྟོང་པའི་ངང་ལས་འཁྲུངས། །སྟོང་པ་བལྟར་མེད་ཡེ་ནས་མཚོནི་དུ་མེད། །ཡེནསམཚོནདུམེདཔའིརྒྱལ་མོ་ཁྱོད། །འཇིག་རྟེན་ཁྱབ་པར་འགྲོ་བའི་དབང་ཕྱུག་མ། །རབ་འབར་སྒྲ་ཅན་དུང་གི་ཐོར་ཚུགས་ཅན། །དོན་དུ་དབྱིངས་ཀྱི་ཡུམ་དྲུག་ཁ་བློན་མཛད། །གསེར་མཁར་ཟོ་བ་རྫོང་གི་ནང་ཤེད་ན། །ཞལ་བསྒོས་རྟག་པའི་རྒྱལ་མོ་ལྔ་ལ་མཛད། །ཉིན་མཚན་མེད་པར་མཁར་གྱི་རྩེ་ལ་བཞགས། །ཁ་བདག་ཆེན་མོ་རབ་འབར་མ། །ནག་མོ་ཚོགས་ཀྱི་ཁ་བློན་མཛད། །ཡེ་ཤེས་འབྱུང་བའི་ངང་ལས་བྱུང་། །སེམས་ཉིད་ཡེ་མེད་མཚོན་དུ་མེད། །མཚོན་དུ་མེད་པའི་ངང་ལས་སྐུ་་བྲུངས་ཏེ། །སེམས་ཅན་ལས་་ཀྱིས་ཁྱོད་ཀྱི་སྐུ་ལ་མཚོན། །སྟོང་གསུམ་དབང་བསྒྱུར་རབ་འབར་མཐུ་མོ་ཆེ། །སེམས་ཅན་ལས་ཀྱིས་ཁྱེད་ཀྱི་སྐུ་མཚོན་ཏེ། །རྟོག་མེད་ཁང་པར་རྟོག་མེད་ཁྱོད་བཞུགས་པ། །སྨྱོ་བ་བེ་ཏའི་ཀློང་བེ་གླིངཆེན་ཡེ་ལུད་ནས། །སྐ་མདོག་སྨུག་གུ་གཡུ་ཡི་ལན་ཕྲན་ཅན། །ཞབས་ལ་གསེར་གྱི་འཁོར་ལོས་བཏེགས། །འཛམ་བུའི་གླིང་བཞི་ཁྱབ་པར་ཉུལ། །ལས་སུ་སྨྱོ་འབོག་ནད་ཆེན་བཏང་། །སྔགས་པ་དམ་ཉམས་འཁོར་དུ་ནད་ཆེན་གཏོང་བསྨྲོ་དབང་མོ་ཆེ། །སྔོན་ཚེ་དུར་ཁྲོད་བསིལ་ཚལ་དུ། །གསང་བའི་མཚན་བཏགས་རྡོ་རྗེ་ཁ་རལ་ཅན། །གསེར་མཁར་ཟོར་བ་གདོང་གི་ནང་ཤེད་ན། །ལས་ཀྱི་རྒྱལ་མོ་སྐུ་བཞུགས་ཏེ། །གསེར་གྱི་ཉག་ཐག་བརྩེགས་པ་ལ། །གཡུ་ཡི་བད་བཏགས་ཡ་ལ་ལ། །མ་མོའི་ནང་ན་ལྒབུ་ལྡོག་ཆེ། །གཉན་མོ་མི་ཕམ་ཁྱོད་ཀྱིས་ཀྱང། །སྨྱོབབེ ཏའིགླིངཆེནནས། །སྔགས་པའི་འཁོར་དུ་སྨྱོ་འབོག་གཏོང་། །ཉམས་པ་རྣམསལཆདཔཆོད། །དམ་ཚིག་ཉམས་པའི་གཉེན་དུ་ཆེ། །སྤྱན་རྫི་བ་སྐྲུ་ཉག་རེ་ལ། །གཟའ་སྐར་རྒྱུག་ཅིང་རྒྱུ་སྐར་འགྱེད། །སྨྱོག་འབོག་གཏོང་བའི་དབང་མོ་ཆེ། །བསྐང་རྫས་ས་པ་ཤ་ནས་བསྐང་། །བསྒྲལ་བ་མེད་པར་ཚིམ་གྱུར་ཅིག །སེམས་ཅན་འདི་ཡི་མདངས་ཆེན་འདིས། །ནམ་མཁའ་སྟོང་པའི་ངང་དང་མཉམ། །བྱ་ཡི་དགེ་བསྙེན་འདི་ཡིས་ཐུགས་དམ་བསྐང་། །སེམས་ཅན་འདི་ལ་དབུགས་ཡོད་དེ། །གཟུང་དུ་མེད་པས་རླུད་དང་མཉམ། །གཟུགས་མེད་དབུགས་ཀྱིས་ཐུགས་དམ་བསྐང་། །སེམས་ཅན་འདི་ལ་གཟུགས་ཡོད་པས། །ཁ་རལ་རྡོ་རྗེ་རྩལ་གྱི་ཐུགས་དམ་བསྐང་། །སྨྱོ་འབོག་གཏོང་བའི་རྒྱལ་མོ་ལ། །མཚོན་དུ་མེད་པའི་གཟུགས་ཀྱིས་བསྐང་། །སྨྱོ་བ་བེ་ཧའི་གླིང་ཆེན་དུ། །དམ་ཚིག་ཉམས་པའི་སྔགས་པ་ལ། །སྨྱོ་འབོག་གཏོང་བ་རྒྱལ་མོ་ཁྱོད་ཀྱིས་གཏོང་། །ཁྱོད་ཀྱི་ཐུགས་དམ་གཡུ་སྐེ་མ་ཡིས་བསྐང་། །བསྐང་བས་ཚིམ་སྟེ་བསྒྲལ་བ་མེད། །སྟོང་པས་སྟོང་པ་བསྒྲལ་བ་ལ། །བསྒྲལ་ཞེས་བྱ་བའི་གདགས་གཞི་མེད། །བསྒྲལ་བ་མེད་པར་ཚིམ་གྱུར་ཅིག །སྨྱོ་བ་ན་ཤེ་ཏྲེ་མ་ཏྲེ་ཏེ་མ་གུ་སེ་ཧུ༷་ཧ་ཧེ་སྨྱོ། མ་མོ་དེ་ནི་ཕུ་རོན་གྱིས་བསྐང་བ་སྟེ། ནག་མོ་ནན་ལྟར་ཁྲོརྨེ་ན། བྱ་ཟླུ་རོན་གཙོར་བྱས་ལ་དབྱིངས་ཀྱི་ཡུམ་དྲུག་ནས་མར་རྫས་ཚོགས་ཚད་ཀྱིས་བསྐང་བའོ། །འདི་མ་མོ་བསྐང་བའི་ལེའུ་ཆེན་མོ་སྟེ། སྒོ་ནས་གནས་ཀྱི་ཆོ་ག་ཉི་ཤུ་རྩ་གཉིས་པོ་དང་། ཡང་སྒོས་སྐོང་ཡོད་དོ། དེ་ཡང་སྒོས་སྐོང་ནི། དཀར་མོ་ནག་མོ་སྨུག་མོ་གསུམ་དུ་ཕྱེ་ན། ཟེ་ཚེ་ཀོལ་ནི་སྒོས་སྐོངས་སོ། །སྲིད་པའི་སྨྱོ་བཟློག་གིས་བསྐང་བ་ནི། མ་མོ་སྤྱིའི་སྐོངས་སོ། །གླིང་བཞི་དང་གུར་ཡང་སྤྱིར་བསྐང་བའོ། །རིགས་བཞི་བསྡུས་ཏེ་བསྐང་ན། སྤྱི་བསྒྲུབ་ཆེན་པོས་བསྐང་སྟེ། །སྔགས་པ་དམ་ཚིག་ཉམས་ནས་འཁོར་དུ་མ་བཏུབ་པ་དང་། རང་ནད་ཀྱིས་གདུང་བ་ལ། སྤྱི་སྒྲུབ་ལ་སྤྱི་བསྐང་གང་འགྲུབ་པ་བཏགས་ནས་དྲག་ཏུ་བསྐང་ཞིང་། སློབ་དཔོན་ལ་དབང་ནོས་ནས་འགྱོད་པ་སྐྱེས་ནས་བཤགས་ན་འདི་དང་ཕྱི་མ་གཉིས་ཀར་མི་སྒྲིབ་པར་འགྱུར་རོ། །མ་མོ་སྲིད་པའི་བེམ་ལས། མ་མོ་བསྡུས་པ་བརྒྱ་རྩ་བརྒྱད་དང་སྟོང་རྩ་བརྒྱད་ཀྱིས་བསྐང་བ་དང་། ཕོ་འདུས་པ་དང་ས་བདག་དང་། ཀླུའི་བསྐང་བ་ལེའུ་ཆེན་པོའི་སྐབས་སོ།། །།མ་མོ་སྲིད་པའི་བེམ་ལས། གུ་རུ་དཔལ་བཞད་པ་རྩལ་གྱིས་མཛད་པ་རྫོགས་སོ།། །།སླད་ཀྱི་གུ་རུ་འཕྲུལ་བག་གི་ཐུགས་ཀྱི་དགོངས་པའི་བེམ་ཞེས་བྱ་བ་འདི། གུ་རུ་འབྲུལ་གྱི་གཤོག་རྒོད་རྩལ་དང་བན་ཆུང་ཡང་དབང་གཏེར་གྱིས་བསྒྱུར་བའོ།། །།བདག་འདྲ་བན་ཆུང་སངས་རྒྱས་ཀྱིས། །འཛམ་གླིང་སེམས་ཅན་རྟོག་ཅན་ལ། །ལུང་ཆེན་བསྐངབལེའུ་ཆེན་པོ་འདི། ་༑ག་རིལ་དཔེ་ཆུང་ཉི་ཤུ་རྩ་བཞིར་སྤེལ། ༩༑ག་བུ་ལྔ་ནི་ལོ་ཡི་བཅོས་ཐབས་ཡིན། །དགོས་པ་དེ་ཡིས་ཚང་བར་འགྱུར། །འཛམ་གླིང་སེམས་ཅན་གྲོལ་གྱུར་ཅིག །ཕ་ཚོགས་མ་ཚོགས་མཁའ་འགྲོ་མ། །ཐུགས་དམ་བསྐང་བ་འདི་བསྒྱུར་བས། །བདག་ལ་རྟག་ཏུ་སྐྱོབ་གྱུར་ཅིག །མ་མོ་སྲིད་པའི་བེམ་ཆེན་འདི། །མཐུ་ཆེན་བྱིན་རླབས་བཀྲ་ཤིས་ཤོག །མ་མོ་རྣམས་ཀྱང་འདུ་བར་ཤོག །དབྱིངས་ཀྱི་མ་མོ་འདི་མཆོད་པས། །ཚོགས་གཉིས་རྫོགས་ཏེ་སྒྲིབ་གཉིས་བྱང་། །ཚེ་འདིར་བར་ཆད་ཐམས་ཅད་བཟློག། །།རྒྱ་གར་སྐད་དུ། ཀརྨ་མ་ཧྭ་ཀྭ་ལ་ཁྲ་དྲ་ཏནྟྲ། བོད་སྐད་དུ། ནག་པོ་ཆེན་པོ་ལས་མགོན་བྱ་རོག་གདོང་གི་རྒྱུད། དཔལ་ཁྲག་འཐུང་ནག་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།

Ngb-pt-0390-vol-04-text

Front[edit]

Body[edit]

Navigation menu

Search