Ngb-pt-0384-vol-04-text
Front
Body
རྒྱ་གར་སྐད་དུ། མནྟྲ་ཨསྣ་ཀ་ཧ་ཛ་ཏནྟྲ། བོད་སྐད་དུ། མན་ངག་བརྩེགས་པ་གྲི་གུག་གི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འ་་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཁོར་གདོན་ཚོགས་ཆེན་པོ་དང་། ཐབས་ཅིག་ཏུ་ལྕང་ལོ་ཅན་གྱི་ཕོ་བྲང་ན་བཞུགས་ཏེ། དེའི་ཚེ་དེའི་དུས་ན་ལྕང་ལོ་ཅན་གྱི་ཕོ་བྲང་དུ་གདོན་ཚོགས་པ་ཆེན་པོ་དང་བཅས་ཏེ། དཔལ་མགོན་པོ་ནག་པོ་དེས་སྐྱེ་བ་མང་དུ་བརྒྱུད་དེ། དེའི་ཚེ་བཅོམ་ལྡན་འདས་ཀྱིས་འཁོར་རྣམ་བཞི་བསྐྱོང་བར་ཐུགས་དམ་དུ་བཞེས་སོ། །དེའི་ཚེ་ཕྱག་ན་རྡོ་རྗེས་རྡོ་རྗེ་སེམས་དཔའ་ལ་ཕྱི་རབས་ཀྱི་དོན་དུ་རྒྱུད་འདི་བཤད་དུ་གསོལ། །ཞེས་ཞུས་པས། །དེས་བཤད་པར་བྱ་ཡིས་ཉོན་ཅིག །ལེའུ་དང་པོས་གླེང་གཞི་བཤད་པར་བྱ། ལེའུ་གཉིས་པས་རྒྱུད་ཇི་ལྟར་འབྱུང་བ་བཤད་པར་བྱ། ལེའུ་གསུམ་པས་མདོས་བསག་པའི་ཐབས་བཤད་པར་བྱ། ལེའུ་བཞི་པས་ལྷ་བསྒོམ་པའི་ཐབས་བསྟན། ལེའུ་ལྔ་པས་སྤྱན་དྲང་བ་བསྟན། ལེའུ་དྲུག་པས་མཆོད་པ་དབུལ་བ་བསྟན། ལེའུ་བདུན་པས་མདོས་བཏང་བ། ལེའུ་བརྒྱད་པས་སྤྱིན་བསྲེག་བྱ་བ། ལེའུ་དགུ་པས་ཟོར་འཕང་བ ལེའུ་བཅུ་པས་སྔགས་བཟླས་པ་བསྟན། ལེའུ་བཅུ་གཅིག་པས་འཁོར་ལོ་བྲི་བ་བསྟན། ལེའུ་བཅུ་གཉིས་པས་གནན་པ་བྱ་བ་བསྟན། ལེའུ་བཅུ་གསུམ་པས་སེར་བ་དབབ་པ་བསྟན་པ། ལེའུ་བཅོ་ལྔ་པས་ཀླུ་ལ་གཏད་པ་བསྟན་པ། ལེའུ་བཅུ་དྲུག་པས་སྲེའུ་གསོ་བ་བསྟན་པ། ལེའུ་བཅུ་བདུན་པས་ཀླུས་ཟིན་པ་གསོ་བ་བསྟན། ལེའུ་བཅོ་བརྒྱད་པས་གཟུངས་བཏོན་ཅིང་སྨོན་ལམ་གདབ་པ་བསྟན་པ། ལེའུ་བཅུ་དགུ་པས་འཁོར་གྱིས་གཙོ་བོ་ལ་བསྟོད་པ། ལེའུ་ཉི་ཤུ་པ་མགོན་པོ་ལ་བསྟོད་པ། ལེའུ་ཉེར་གཅིག་པ་བརྒྱུད་པའི་རིམ་པ་བསྟན་པའོ། །མ་ཧྭ་ཀྭ་ལའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །ཁུད་ཇི་ལྟར་བྱུང་བ་བསྟན་པ་ནི།རིན་པོ་ཆེ་དཔུང་རྒྱན་གྱི་རྒྱུད་དང་། དཔུང་རྣམ་པར་བཀོད་པའི་རྒྱུད་དང་། ཁྲོ་བོ་མེ་འབར་གྱི་རྒྱུད་དང་། རྡོ་རྗེ་རྩོ་མོའི་རྒྱུད་དང་། ཐོད་པ་ནག་པོའི་རྒྱུད། ཆར་སྤྲིན་ནག་པོའི་རྒྱུད། རིན་པོ་ཆེ་དཔུང་བཀོད་པའི་རྒྱུད།འཁོར་ལོ་ནག་པོའི་རྒྱུད། གསང་བ་ནག་པོའི་རྒྱུད་ཀྱང་བཤད་དོ། །མ་ཧྭ་ཀྭ་ལའི་རྒྱུད་ལས། རྒྱུད་ཇི་ལྟར་བྱུང་བའི་ལེའུ་སྟེ་གཉི་པའོ།། །།དེ་ན་ཡང་དག་བཤད་བྱ་བ། །འདི་དག་སྒྲུབ་པའི་རྣལ་འབྱོར་པས། །མདུན་དུ་ལྷ་རྣམས་སྤྱན་དྲངས་ལ། །བདུན་པོ་རྣམ་དག་བྱས་ནས་ནི། །རང་གིས་སྡོམ་པ་དག་ཀྱང་བཟུང་། །གཞུང་དང་ལྡན་པའི་གནས་དག་ཏུ། །རྒྱུད་ལས་བྱུང་བའི་གསང་སྔགས་འདི། །སུམ་འབུམ་དྲུག་འབུམ་དགུ་འབུམ་བཟླས། །བཟླས་པའི་ཚད་དུ་ཕྱིན་པ་དང་། །ལས་འདི་ཐམས་ཅད་བརྩམ་པས་འགྲུབ། །རྣལ་འབྱོར་དམ་ཚིག་ཉམས་པ་དང་། །གཞན་གྱི་རིག་སྔགས་བྱུང་བ་དང་། །རིག་སྔགས་ཕར་ལ་གཏང་འདོད་ན། །གང་དམིགས་གསོ་བར་འདོད་པ་དེས། །འབྲུ་སྣ་བདུན་གྱི་ངར་ཕྱེ་ལ། །གཟུགས་ནི་ཁྲུ་གང་ཚད་དུ་ཕྱིན། །བཅུ་གསུམ་དག་གི་གཟུགས་བྱས་ལ། །རྦབ་ཀྱང་རྣབ་ཟེར་སྐྲ་ལ་ལུང་ཐང་མིག །མགྲོན་བུའི་སོ་ལ་ཞོ་ཤའི་སྙིང་། །གང་དམིགས་གསོ་བར་འདོད་པ་དེའི། །འཕང་བའི་ནོར་ཕོགས་མགུལ་དུ་གདབ། །གཅེས་པའི་གོས་ཕུད་ལུས་ལ་བསྐོན། །དར་མཚོན་སྣ་ལྔའི་རྒྱ་མཚན་དང་། །བལ་ཚོན་སྣ་ལྔའི་རྒྱལ་མཚན་དང་། །མི་བོ་དེ་ལ་གཟུག་པར་བྱ། །ལུག་ནག་ཁྱི་ནག་གཡག་ནག་དང་། །བྱ་ནག་ཤང་ཤང་རྨ་བྱ་དང་། །སྟག་དང་གཟིག་དང་གླང་པོ་ཆེ། །བཅུ་གསུམ་གཟུགས་སུ་བྱས་པ་རྣམས། །རིན་ཆེན་སྣ་ལྔ་སྡེར་དུ་དགྲམ། །བཙོད་དང་ཞུ་མཁན་རྒྱ་སྐྱེགས་དང་། །འབྲང་རྒྱས་ཕྱེད་དཀར་ཕྱེད་ནག་དང་། །འཁོར་གྱི་མཁའ་འགྲོའི་རྫས་སུ་བསགས། །དཀར་གསུམ་མངར་གསུམ་སྨན་སྣ་ཚོགས། །འཁོར་གྱིས་ཆོས་སྐྱོང་རྫས་སུ་བསགས། །གང་དམིགས་བསད་པའི་འདོད་པ་ན། །སྦྲུལ་ནག་གི་ནི་ཆུན་བསྐོར་དང་། །རལ་པ་དམར་ནག་དག་ཏུ་བྱ། །ཚ་བ་གསུམ་ལ་གང་དམིགས་བྲི། །དཔྲལ་བར་རུས་ལ་ཁ་རུ་མིང་། །སྤྱི་བོ་སྙིང་ག་ལྟེ་བ་མྲ །སྤྱི་བོ་སྲོག་གི་སྙིང་པོ་དང་། །ཧ་ན་བཛྲ་ལྟེ་བ་སྲ །གསལ་བའི་མར་མེ་བཏང་ནས་ནི། །སྔགས་ཀྱི་ཕྲེང་བས་བསྐོར་ནས་ཀྱང་། །དུར་ཁྲོད་དག་དུ་བསྲེག་པ་ན། །ཚངས་པའི་ཚེ་དང་ལྡན་པ་ཡང་། །མྱུར་བ་ཉིད་དུ་འཆི་བར་འགྱུར། །མ་ཧྭ་ཀྭ་ལའི་རྒྱུད་ལས། མདོ་བཏང་བའི་ལེའུ་གསུམ་པའོ།། །།དེ་ན་ལྷ་བསྒོམ་བཤད་པར་བྱ། །ཚད་མེད་སྟོང་པའི་རང་བཞིན་ལ། །ཡ༷་བ༷་ར༷་ལ༷་ཧུ༷་ལ་སོགས། །ཨུ་ལི་ཀྭ་ལིའི་འཕྲོ་འདུ་ལས། །ཐིག་ལེ་ཧུ༷་གྱུར་རྡོ་རྗེ་སྟེ། །རྡོ་རྗེ་དང་པོའི་མགོན་པོར་བསྒོམ། །སྟོན་ཀའི་ཟླ་བ་ལྟར་དཀར་ཞིང་། །ཞལ་གསུམ་པ་ལ་ཕྱག་དྲུག་པོ། །ནག་དང་དམར་དང་དཀར་བའི་ཞལ། །རྡོ་རྗེ་འཁོར་ལོ་པདྨ་ནི། གཡས་ཀྱི་ཕྱག་ཏུ་བསམ་བྱ་ཞིང་། །དྲིལ་བུ་རིན་ཆེན་རལ་གྲི་ནི། །གཡོན་གྱི་ཕྱག་ཏུ་བསམ་བྱ་བར། །སྐུ་གསུང་ཐུགས་དང་ལྡན་པར་བསྒོམ། །དབུ་རྒྱན་ཅོད་པན་དེ་བཞིན་ཏེ། །མཚན་དང་དཔེ་བྱད་དང་ཡང་ལྡན། །དེ་ཡི་མདུན་དུ་བསམ་བྱ་བ། །སྐུ་གསུང་ཐུགས་ལས་བྱུང་བ་ཡི། །ཧུ༷་ཡིག་སྔོན་པོ་བསམ་པར་བྱ། །ཧུ༷་ལས་མགོན་པོ་ནག་པོ་བསྐྱེད། །མདོག་ནག་ཤིན་ཏུ་འཇིགས་མཛད་པ། །གསུས་ཁྱིམ་ཆེ་ལ་རྐང་ལག་ཐུང་། །མགྲིན་པ་སྦོམ་ལ་ཞལ་མདོག་ནག །མཆེ་བ་གཙིག་པ་སྨིན་མཚམས་གཉེར། །དབུ་སྐྲ་ཁམ་ནག་གྱེན་དུ་བརྗེས། །གྲི་གུག་ཐོད་པ་ཕྱག་ན་བསྣམས། །སྐུ་ལ་ཐོད་པ་དག་གིས་བརྒྱན། །དེ་ཡི་སྤྲུལ་པས་འཇིག་རྟེན་གང་། །མཁའ་འགྲོ་ཤུགས་འགྲོའི་ཚོགས་དང་བཅས། །འབྱུང་པོ་ཕྱོགས་སྐྱོང་ཚོགས་བཅས་ཀྱིས། །ཐམས་ཅད་བསྐོར་ནས་འདུད་པར་བསྐྱེད། །མ་ཧྭ་ཀྭ་ལའི་རྒྱུད་ལས། ལྷ་བསྒོམ་པའི་ལེའུ་སྟེ་བཞི་པའོ།། །།དེ་ནས་སྤྱན་དྲང་བ་བཤད་པར་བྱ་སྟེ། །ཧུ༷་མགོན་པོའི་ཐུགས་དམ་བསྐང་བ་དང་། །གཞན་གྱི་གནོད་པ་བསལ་བ་དང་། །བདག་གི་ལས་བཅོལ་གྲུབ་པའི་ཕྱིར། །མགོན་པོ་ནག་པོ་སྤྱན་འདྲེན་གྱི། །ཧུ༷་བདེ་ཆེན་འདུ་འབྲལ་མེད་པའི་ཀློང་དཀྱིལ་ནས། །ཡང་དག་སྐུ་གཅིག་གཤེགས་སུ་གསོལ། །ལྷ་ཆེན་དཔལ་འབར་སྦྱན་འདྲེན་གྱི། །ནག་པོ་ཆེན་པོ་གཤེགས་སུ་གསོལ། །ཨོ་དད་པ་དང་ནི་དམ་ཚིག་གིས། །ཚུར་གཤེགས་ཚུར་སྤྱོན་ཆོས་སྐྱོང་མགོན་པོའི་ཚོགས། །དྲི་ཟ་མེ་ལྷ་གཤིན་རྗེ་དང་། །བདེན་བྲལ་ཆུ་ལྷ་རླུད་ལྷ་དང་། །གནོད་སྤྱིན་དབང་ལྡན་ལ་སོགས་པ། །ལྷ་དང་གཤིན་རྗེ་ཆེན་པོ་དང་། །སྲིན་པོ་རོ་ལངས་གསོད་བྱེད་དང་། །ཀླུ་ཡི་བུ་མོ་ཚོགས་བཅས་དང་། །གནོད་སྤྱིན་འབྱུང་པོའི་ཚོགས་དང་བཅས། །ཉི་ཟླ་ས་བདག་ལ་སོགས་པས། །སོ་སོ་རང་རང་གནས་ནས་འདིར་གཤེགས་ཤིག །མ་ཧྭ་ཀྭ་ལའི་རྒྱུད་ལས། སྤྱན་དྲང་བའི་ལེའུ་སྟེ་ལྔ་པའོ།། །།དེ་ནས་ཡང་གཏོར་མ་བཤད་པར་བྱའོ། །འབྲསཆེནཤདངཆངདང་ནི། །མེ་ཏོག་བདུག་པ་བྱུག་པ་དང་། །བདུད་རྩི་ལྔ་དང་ཤ་ལྔ་དང་། །ཁུར་བ་ཤིང་ཐོག་སྣ་ཚོགས་ཀྱིས། །གཏོར་མ་སྦྱིན་པས་མཉེས་པར་བྱ། །མ་ཧྭ་ཀྭ་ལའི་རྒྱུད་ལས། གཏོར་མའི་ལེའུ་སྟེ་དྲུག་པའོ།། །།དེ་ནས་མདོས་ཀྱི་ཆོ་ག་བཤད་པར་བྱ། །ཧུ༷་འབྲུ་སྣ་བདུན་ལས་བྱས་པའི་ངར་གྱི་མི་བོ་ཆེ། །རྦབ་ཟེར་སྐྲ་ལ་ལུང་ཐང་མིག །མགྲོན་བུའི་སོ་ལ་ཞོ་ཤའི་སྙིང་། །གཅེས་པའི་ནོར་ཕོགས་མགུལ་དུ་བཏགས། །ཕོངས་པའི་གོས་ཕུད་ལུས་ལ་བསྐོན། །དར་ཚོན་སྣ་ལྔའི་རྒྱལ་མཚན་བཙུགས། །མཆོད་རྫས་མང་པོ་གྲལ་དུ་བཤམས། །མདོསཀྱིས་བདག་པོས་མདོས་བཞེས་ཤིག །ཧུ༷་བསྐལ་པ་མེ་ལྟར་འབར་བའི་ཀློང་དཀྱིལ་ནས། ཁྲེན་ཏུ་མི་བཟད་མ་ཧྭ་ཀྭ་ལའི་སྐུ། ཁེན་ཏུ་འཇིགས་པའི་སྐུ་མདོག་མཐིང་ནག་ལ། །འཇིགས་པའི་ན་བཟའ་བེར་སྨུག་སྐུ་ལ་གསོལ། །ཐུགས་རྗེ་རྟགས་ཀྱི་ཐོད་པས་སྐུ་ལ་བརྒྱན། །གཡས་ཀྱི་ཕྱག་ན་གཅོད་པའི་གྲི་གུག་བསྣམས། །གཡོན་པ་ཐོད་པ་ཁྲག་གིས་བཀང་བ་འཛིན། །དབུ་སྐྲ་རལ་པའི་ཐོར་ཚུགས་གཅིག་ཏུ་འཁྱིལ། །གདུག་པ་སྒྲུལ་གྱི་ཆུན་པོས་དབུ་སྐྲ་བཅིང་། །སྐུ་མདོག་མཐིང་ནག་འཇིགས་པར་བསྟན་པ་ནི། །དོན་དམ་དབྱིངས་ལས་འགྱུར་བ་མེད་པའི་རྟགས། །སྐུ་ལ་དར་ནག་འཇོལ་བེར་གསོལ་བ་ནི། །ཐུགས་རྗེའི་སྤྲུལ་པས་འགྲོ་དོན་བྱེད་པའི་རྟགས། །ཐོད་པའི་ཕྲེང་བས་སྐུ་ལ་བརྒྱན་པ་ནི། །ཐུགས་རྗེའི་སྤྲུལཔསྣཚོགསའབྱུངབའི་རྟགས། །དབུ་སྐྲ་རལ་པ་གཅིག་ཏུ་འཁྱིལ་བ་ནི། །ཐམས་ཅད་ཆོས་ཀྱི་དབྱིངས་སུ་གཅིག་པའི་རྟགས། །གདུག་པ་སྦྲུལ་ཀྱི་ཆུན་པོས་བརྒྱན་པ་ནི། །ཉོན་མོངས་དུག་ལྔ་མ་ལུས་སྤངས་པའི་རྟགས། །གཡས་ན་གཅོད་བྱེད་གྲི་གུག་བསྣམས་པ་ནི། །རྣམ་རྟོག་བག་ཆགས་མ་ལུས་གཅོད་པའི་རྟགས། །གཡོན་ན་ཐོད་པ་ཁྲག་གིས་བཀང་བ་ནི། །རྣམ་རྟོག་ཉོན་མོངས་ཐམས་ཅད་ཟད་པཁི༨་རྟགས། །ཧུ༷་དཔལ་ལྡན་མགོན་པོ་ནག་པོ་སྟེ། །ཁྱོད་ཀྱི་ཡོན་ཏན་བསམ་མི་ཁྱབ། །སེསྐོ་ལ་ཡི་དུར་ཁྲོད་དུ། །སྲིན་པོ་གནས་པའི་ས་ཕྱོགས་སུ། །ཐུགས་རྗེའི་ཤུགས་ཀྱི་སྤྲུལ་པའི་སྐུ། །གསོད་བྱེད་མ་ཧྭ་ཀྭ་ལ་སྟེ། །དར་ནག་འཇོལ་བེར་སྐུ་ལ་གསོལ། །གསེར་ཀ་རིན་ཆེན་སྐུ་ལ་བཅིངས། །གཡས་ན་ཙསྡོན་བིང་ཆེན་བསྣམས། །གསོར་ཞིང་ཀླད་པའི་དཀྱིལ་དུ་བརྡེག །གཡོན་པའི་ཐོད་པ་ཁྲག་གིས་བཀང་། །འབྱུང་པོའི་སྙིང་ཁྲག་དྲོན་མོ་འཐུང་། །ཕྱོགས་་མཚམས་སྟེང་འོག་ལ་སོགས་པ། །མ་ཧྭ་ཀྭ་ལའི་ཚོགས་སུ་གཏམས། །སྲིན་པོ་དང་ནི་སྲིན་མོ་རྣམས། །འབྱུང་པོ་ཡི་དྭགས་མ་ལུས་ཀུན། །གསོད་དང་གཟིར་བའི་ལས་རྣམས་ཀུན། །མ་མོ་ཐམས་ཅད་འདུལ་བྱེད་པའི། །ཤིན་ཏུ་བརྗིད་པའི་སྐུ་བྱུང་བའི། །ཕྱི་ཡི་དུར་ཁྲོད་ཆེན་པོ་སྟེ། །བསིལ་བའི་ཚལ་གྱི་གནས་མཆོག་ན། །མཁའ་འགྲོ་མ་ལ་ཤུགས་འགྲོ་མ། །གསོད་བྱེད་མ་མོའི་ཚོགས་ཀྱིས་བསྐོར། །ཞལ་གསུམ་ཕྱག་དྲུག་བརྗིད་པའི་སྐུ། །མཐིང་ནག་འཇིགས་པའི་རྒྱན་གྱིས་བརྒྱན། །དུར་ཁྲོད་ཐོད་པའི་ཕྲེང་བ་དང་། །ཞིང་ལྤགས་འཇོལ་བེར་སྐུ་ལ་གསོལ། །སྦྲུལ་ནག་སྐེ་རགས་སྐུ་ལ་བཅིངས། །དབུ་སྐྲ་གྱེན་དུ་འཁྱིལ་པས་ནི། །སྟེང་གི་ལྷ་རྣམས་འདར་ཞིང་དངངས། །སྦྲུལ་ནག་རྒྱན་གྱིས་བརྒྱན་པ་ནི། །འོག་གི་ཀླུ་རྣམས་འདར་ཞིང་དངངས། །འོད་ཟེར་ཕྱོགས་བཅུར་འཕྲོས་པས་ནི། །ལྷ་དམག་ཀུན་གྱི་དབུགས་འབྱིན་ཅིང་། །ལྷ་མ་ཡིན་གྱི་གཡུལ་རྣམས་བཟློག །ཞལ་གསུམ་ཕྱག་དྲུག་བསྟན་པ་ནི། །མཁའ་འགྲོ་མ་མོ་འདར་ཞིང་དངངས། །ཞིང་ཆེན་གདན་ལ་བཞུགས་པ་ནི། །ཡི་དྭགས་ཚོགས་རྣམས་དབང་དུ་སྡུད། །སྤྱན་རྩ་གྱེན་དུ་བཟློག་པས་ནི། །བར་སྣང་ལྷ་རྣམས་དབང་དུ་སྡུད། ་ངས་ཀྱི་སྦུག་ནས་ཚུབ་མ་འཕྲོ། །སྟོང་གསུམ་འཇིག་རྟེན་འདར་ཞིང་དངངས། །ལྗགས་ནི་དྲག་པོའི་གློག་བཞིན་འགྱུ། །སྟོང་གསུམ་འོད་ཀྱིས་འགེངས་པར་མཛད། །མཆེ་བ་ཟང་ཡག་བརྡར་བ་ནི། །ལོག་རྟོག་ཀུན་གྱི་མཚན་མ་འཇོམས། །སྐྲུ་གྲི་སོ་ཡིས་དགྲ་སྙིང་འགེམས། །གྲི་གུག་འབར་བས་དགྲ་སྲོག་གཅོད། །ཐོད་རློན་འབར་བས་དགྲ་ཁྲག་འཐུང་། །ཙསྡོན་བིང་ཆེན་ཕྱར་བ་ཡིས། །དགྲ་བོའི་ཀླད་པའི་རྒྱས་སུ་བརྡེག །ཁྱོད་ཀྱི་ཐུགས་དམ་དུས་ལ་བབ། །དཀོན་མཆོག་དབུ་འཕང་སྨོད་བྱེད་དང། །ཐེགཔཆེནཔོསུནའབྱིན་པ། །བསྟན་པ་འཇིག་པའི་དབྱེན་བྱེད་དང་། །སློབ་དཔོན་སྨད་པར་བྱེད་པ་རྣམས། །མ་ལུས་པ་ནི་བསྒྲལ་དུ་གསོལ། །ཧུ༷་དཔལ་ལྡན་མགོན་པོ་ནག་པོ་ནི། ཁྲར་གྱི་ཕྱོགས་ཀྱི་དུར་ཁྲོད་ན། །དྲི་ཟ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ཤ་དང་ཁྲག་ནི་ཟ་བྱེད་པའི། །གདུག་པའི་དགྲ་བོ་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། ཁྲར་ལྷོ་མཚམས་ཀྱི་དུར་ཁྲོད་དུ། །དཔལ་ལྡན་མགོན་པོ་ནག་པོ་ནི། །མེ་ལྷ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ཁྲ་དང་ཁྲག་ནི་ཟ་བྱེད་པའི། །གདུག་པའི་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །ལྷོ་ཡི་ཕྱོགས་ཀྱི་དུར་ཁྲོད་དུ། །གཤིན་རྗེ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། །ཤ་དང་ཁྲག་ནི་ཟ་བྱེད་ཅིང་། །གདུག་པའི་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །ལྷོ་ནུབ་མཚམས་ཀྱི་དུར་ཁྲོད་དུ། །སྲིན་པོ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ཁྲ་དང་ཁྲག་ནི་ཟ་བྱེད་ཅིང་། །གདུག་པའི་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །ནུབ་ཀྱི་ཕྱོགས་ཀྱི་དུར་ཁྲོད་དུ། །ཀླུ་ཡི་རྒྱལ་པོའི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ཁྲ་དང་ཁྲག་ནི་ཟ་བྱེད་ཅིང་། །གདུག་པ་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །ནུབ་བྱང་མཚམས་ཀྱི་དུར་ཁྲོད་དུ། །རླུད་ལྷ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། །ཤ་དང་ཁྲག་ནི་ཟ་བྱེད་ཅིང་། །གདུག་པ་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །བྱང་གི་ཕྱོགས་ཀྱི་དུར་ཁྲོད་དུ། །གནོད་སྦྱིན་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ་།་དང་ཁྲག་ནི་ཟ་བྱེད་ཅིང་། །གདུག་པ་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་འབབ། །བྱང་ཤར་མཚམས་ཀྱི་དུར་ཁྲོད་དུ། །འབྱུང་པོ་སྟོང་གི་ཚོགས་དང་བཅས། །ལས་སུ་སངས་རྒྱས་བསྟན་པ་སྲུང་། ་།་དང་ཁྲག་ནི་ཟ་བྱེད་ཅིང་། །གདུག་པ་དགྲ་བོའི་སྲོག་གཅོད་པའི། །ཁྱོད་ཀྱི་ཐུགས་དམ་དུས་ལ་བབ། །དགོན་པའི་ནགས་འདབས་དུར་ཁྲོད་དུ། །འཇིགས་བྱེད་མ་མོའི་ཚོགས་དང་བཅས། །དུར་ཁྲོད་མ་མའི་གཙོ་བོ་མཛད། །ཁྱེད་ཀྱི་ཐུགས་དམ་དུས་ལ་བབ། །སྐུ་ནི་མཐིང་ནག་འཇིགས་པ་ལ། །རལ་པ་བསིགས་པས་འཇིག་རྟེན་ཁྱབ། །བ་སྦུའི་བུ་ག་ཐམས་ཅད་ལས། །སྡོམ་དང་སྡིག་པའི་སྤྲུལ་པ་འགྱེད། །ཕྲག་པ་གཡས་ནས་དབུ་བྱུང་བ། །དབུ་ནི་ལྷ་ཆེན་འཇོམས་པའི་དབུ། །དབུ་སྐྲ་རལ་པ་བསིགས་པ་ལས། །སེང་ལྡེང་ཕུར་བུའི་སེར་ཆེན་འབེབས། །ཁྱོད་ཀྱི་ཐུགས་དམ་དུས་ལ་བབ། །ཕྲག་པ་གཡོན་དུ་དབུ་བྱུང་བ། །དབུ་ནི་སྲིན་པོ་འཇོམས་པའི་དབུ། །དབུ་སྐྲ་རལ་པ་བསིགས་པ་ལས། །ཙསྡོན་ཕུར་བུ་སེར་ཆེན་འབེབས། །ཁྱོད་ཀྱི་ཐུགས་དམ་དུས་ལ་བབ། །ཐུགས་ཀྱི་དཀྱིལ་ནས་དབུ་བྱུང་བ། །དབུ་ནི་ཀླུ་ཆེན་འཇོམས་པའི་དབུ། །དབུ་སྐྲ་རལ་པ་བསིགས་པ་ལས། །ཆུ་སྲིན་བྱེ་བའི་སྤྲུལ་པ་འགྱེད། །ཁྱོད་ཀྱི་ཐུགས་དམ་དུས་ལ་བབ། །ལྟེ་བའི་དཀྱིལ་ནས་དབུ་བྱུང་བ། །དབུ་ནི་གནོད་སྤྱིན་འཇོམས་པའི་དབུ། །དབུ་སྐྲ་རལ་པ་བསིགས་པ་ལས། །ལྕགས་ཀྱི་ཕུར་བུ་སེར་ཆེན་འབེབས། །ཁྱོད་ཀྱི་ཐུགས་དམ་དུས་ལ་བབ། །དྲི་ཟ་གཤིན་རྗེ་མེ་ལྷ་དང་། །བདེན་བྲལ་ཆུ་ལྷ་རླུད་གི་ལྷ། །གནོད་སྤྱིན་དབང་ལྡན་ས་བདག་བཅས། །ལྷ་ཡི་ཚོགས་དང་ཀླུ་ཡི་ཚོགས། །སྲིན་པོ་ལ་སོགས་གནོད་སྤྱིན་མ། །ཀླུ་ཡི་བུ་མོའི་ཚོགས་དང་བཅས། །གནོད་སྤྱིན་བུ་མོ་འབྱུང་པོའི་ཚོགས། ཁྲ་དང་ཤ་ཁྲག་ལ་དགའ་བ་དང་། །ཐམས་ཅད་ཀུན་ནས་འདིར་སྤྱོན་ཅིག །མདོས་ཀྱི་བདག་པོས་མདོས་བཞེས་ཤིག །གླུད་ཀྱི་བདག་པོས་གླུད་འདི་ལོང་། །མུ་ཧྭ་ཀྭ་ལའི་རྒྱུད་ལས། མདོས་བཏང་བའི་ལེའུ་སྟེ་བདུན་པའོ།། །།དེ་ནས་སྤྱིན་སྲེག་བཤད་པར་བྱ། །གང་དམིགས་ལིདྨ་བཅས་པ་དེ། །ལྕགས་ཀྱུས་སྙིང་དྲངས་རླུད་གིས་བཏེགས། །རྣམ་པར་ཤེས་པ་དེ་ལ་བསྟིམ། །རྡོ་རྗེ་ཕུར་པ་དེ་ལ་བརྡེག །བསད་ནས་དེ་ལ་སྤྱིན་བསྲེག་བྱ། །ལས་དང་འཚམས་པའི་ཐབ་ཁུང་དུ། །དེ་དང་མཐུན་པའི་མེ་ལྷ་བསམ། །དེ་ལྟར་མགོན་པོ་བསམ་པ་དང་། །ཚ་བའི་མར་དང་ཚེར་མ་ཅན་གྱི་ཤིང་། །ཏིལ་ནག་དུག་ཆུས་སྤྲུས་པ་ཡིས། །སྔགས་དང་སྦྱར་ཏེ་བསྲེགས་བྱས་ན། །ཚངས་པའི་ཚེ་དང་ལྡན་པ་ཡང་། །ཚ་བའི་ནད་ཀྱིས་འཆི་བར་འགྱུར། །མ་ཧྭ་ཀྭ་ལའི་རྒྱུད་ལས། །སྤྱིན་བསྲེག་གི་ལེའུ་སྟེ་བརྒྱད་པའོ།། །།ད་ནི་ཟོར་འཕང་བ་བཤད་པར་བྱ་སྟེ། །ཐོད་པ་བྱ་རོག་རྗེས་ཅན་དུ། །གང་དམིགས་ལིསྐོ་གཞུག་པར་བྱ། །ཁྲག་སྣ་སྟོང་དང་དུག་སྣ་སྟོང་། །ཐོད་པའི་ནད་དུ་བླུག་པར་བྱ། །གཟུངས་ཐག་དག་གིས་གདགས་བྱས་ནས། །མཎྜལ་དབུས་སུ་གཞུག་པར་བྱ། །སྔགས་པ་བདུད་ཆས་དག་ཏུ་ཞུགས། །ངན་སྔགས་དྲག་པོ་བཟླས་བྱས་ལ། །དགྲ་བོའི་གྲོང་ལ་བཏབ་བྱས་ན། །ཚངས་པའི་ཚེ་དང་ལྡན་པ་ཡང་། །སྨྱོ་འབོག་ནད་ཀྱིས་འཆི༷་བར་འགྱུར། །མ་ཧྭ་ཀ་ལའི་རྒྱུད་ལས། ཟོར་འཕང་བའི་ལེའུ་སྟེ་དགུ་པའོ།། །།ད་ནི་སྔགས་བཤད་པར་བྱའོ། །ཛ༷༷ཧུ༷་བ༷་ཧོ༷༷། ཨེ་གྱེ་ཧི་མ་ཧྭ༷་ཀྭ་ལ་རུ་ནི། ཀྭ་ཛ་ཛ་ཧུ༷། ཨོ་མ་ཧྭ་ཀྭ་ལ་ཧ་ན་ཧ་ན་བཛྲ་གྲྭ་ཧྭ། ཨོ་མ་ཧྭ་ཀྭ་ལ་མྱ་ད་རྭ་ཛ་ཧུ༷་ཕཊ། ཨོ་བཛྲ་ཡསྒ་དེ་བ་མ་ཧྭ་ཀྭ་ལ་ཀྲོ་དྷ་ཧུ༷་རྙོ་རྙོ་རྙོ། ཧ་ན་ཧ་ན། མ་ཧྭ་ཀྭ་ལ་ཡ་ཧུ༷་ཕཊ། ད་ཧ་ད་ཧ། མ་ཧྭ་ཀྭ་ལ་མུ་ར་ཡ་ཧུ་ཕཊ། པ་ཙ་པ་ཙ། མྱ་ཀ་ལ་མྱ་ར་ཡ་ཧུ༷་ཕཊ། བྷནྟྲ་བྷནྟྲ། མ་ཧྭ་ཀྭ་ལ་མུ་ར་ཡ་ཧུ༷་ཕཊ། སྦྱིནྟྲ་སྦྱིསྡོ། མ་ཧྭ་ཀྭ་ལ་བཱ་ར་ཡ་ཧུ༷་ཕཊ། སྟིསྡོ་དྷིསྡོ། མ་ཧྭ་ཀྭ་ལ་མུ་ར་ཡ་ཧུ༷་ཕཊ། ཨོ་མ་ཧྭ་ཀྭ་ལ་ཆེ་གེ་མོ་ནཱ་ར་ཡ་ཤ་ཐུན་མྱ་ར་ཡ་ཧུ༷་ཕཊ། ཨོ་མ་ཧྭ་ཀྭ་ལ་རུ་ལུ་རུ་ལུ་སྨྱོ། མྱ་ར་བཱ་ར་གྲོཎྜ་གྲིཎྜ། བྷསྙོ་བྷསྟོ། ད་ཧ་ད་ཧ། པ་ཙ་པ་ཙ། དེ་ན་མེ་ཀེ་ན་ཧུ༷་ཕཊ། མ་ཧྭ་ཀྭ་ལའི་རྒྱུད་ལས། དྲག་པོ་སྔགས་ཀྱི་ལེའུ་སྟེ་བཅུ་པའོ།། །།དེ་ནས་འཁོར་ལོ་བཤད་པར་བྱ། །དུར་ཁྲོད་རས་སམ་ཤོག་ཤོག་ལ། །ཡང་ན་རྡོ་སྔོན་དག་ལ་བྲི། །གཟར་སྐར་འཇོམས་པའི་ཉི་མ་ལ། །དུག་དང་སྐེ་ཚེས་མིང་རུས་བྲི། །འཁོར་ལོ་ཁྲག་ཆེན་དག་གིས་བྲི། །གང་དམིགས་དགྲ་བོའི་ཁང་ས་ལ། །རྩིབས་ལྡན་མུ་ཁྱུད་གསུམ་ལྡན་བྲི། །རྩིབས་བརྒྱད་དག་ལ་དགོད་པ་ནི། །གཉིས་པོ་ལྔ་དང་རེ་ཐ་གསུམ། །གང་རས་དག་ལ་མི་རུས་བྲི། །མྱ་ར་ཤ་ཐུན་ཐ་མ་བསྐོར། །མགྲིན་པར་ཧུ༷་ལ་སྙིང་གར་མིང་། །འདོམས་སུ་ཕཊ་རྣམས་བྲི་བར་བྱ། །སྔགས་པ་ལས་སུ་རུང་བ་དང་། །ལྷ་ཁང་དུར་ཁྲོད་ཀླུ་ཡི་གནས། །གནོད་སྤྱིན་གནས་པའི་སར་མནན་ན། །ཚངས་པའི་ཚེ་དང་ལྡན་པ་ཡང་། །གློ་བུར་ནད་ཀྱིས་མྱུར་དུ་འཆི། མ་ཧྭ་ཀྭ་ཀའི་རྒྱུད་ལས། འཁོར་ལོ་བྲི་བའི་ལེའུ་སྟེ་བཅུ་གཅིག་པའོ།། །།དེ་ནས་གནན་པ་བཤད་པར་བྱ། །ཐོད་པ་མ་གས་མ་ཆག་པ། །མ་ཧྭ་ཀྭ་ལའི་སྙིང་པོ་བྲི། །བཟླས་བྱས་ཉུང་དཀར་དེ་རུ་བླུག །ཡང་ན་ཀླུ་སྦྲུལ་དཀར་ནག་གཉིས་ཀྱི་གཟུགས། །ཁ་རུ་མིང་ལ་རྒྱབ་ཏུ་རུས། །ཚོན་སྐུད་སྣ་ལྔས་གྲིལ་བྱས་ལ། །སྟག་གི་ཁའམ་ཆུ་སྲིན་སྣ། །དགྲ་བོའི་སྒོ་ཁར་མནན་པས་ནི། །སྔགས་འདི་བཟླས་པས་འཆོར་མི་སྲིད། ཨོ་མ་ཧྭ་ཀྭ་ལ་བླད་ཧྲི་སྣ་རམ་ཤིག་སོད། ལེའུར་ཤིག་སོད། སུར་ལེ་ཤིག་སོད། ཐུ༷་རིལ་ཤིག་སོད། ཕུད་ལ་ཚོ་ཤིག་སོད། ཞུང་ཏྲི་ཤིག་སོད། མ་བུ་རུ་ཤིག་སོད། སྦུར་ལ་ཤིག་སོད། ནཱ་ག་རྭ་ཛ་ཙིསྟ་ཛ་ལ་ཡ་ནན་ནན། མ་ཧྭ་ཀྭ་ལའི་རྒྱུད་ལས། མནན་པའི་ལེའུ་སྟེ་བཅུ་གཉིས་པའོ།། །།དེ་ནས་སེར་བ་དབབ་པ་བཤད་པར་བྱའོ། །ཁྱིའམ་རབས་ཆད་ཐོད་པ་སྲ །འཁོར་ལོ་དཔེའུ་ཆུང་ལྟར་བྱས་ཏེ། །བཙན་དུག་ཉུང་དཀར་གུ་གུལ་ཡང་། །ཐོད་པའི་ནང་དུ་བླུག་པར་བྱའོ། །ཟངས་དང་འཁོར་བ་བུད་མེད་མངལ་ཁྲག་གསུམ། ཁྲ་ཟན་སྐྲུ་རུས་སྒྲོ་ཆུ་སེར། ཞབས་མར་གྲོལ་ཏེ་ཐོད་པར་གཞུག །ཡུལ་དང་ཕུ་ཆུ་དགྲ་མིང་རྣམས། །འཁོར་ལོ་དག་ལ་བྲི་བར་བྱ། །ཀླུའམ་ཡུལ་ལྷ་གནས་སར་མནན། །སྔགས་འདི་བཟླས་པས་མྱུར་དུ་འབབ། །ཨོ་མ་ཧྭ་ཀྭ་ལ་གྱི་ལིང་ནི་སད་ནེ་ས་ར་སྨྱོ། དི་རསྒ་སྨྱོ། རསྒ་ཛ་ལ་མི་ཛ་ལ། སྲ་ཀྲིད་སྲ་ཀྲིད་དེ་སེར་དེ་སེར། །བཛྲ་ཙ་ཁྲིད་ཕོབ་ཕོབ། མ་ཧྭ་ཀྭ་ལའི་རྒྱུད་ལས། སེར་བ་དབབ་པའི་ལེའུ་སྟེ་བཅུ་གསུམ་པའོ།། །།དེ་ནས་སེར་བ་བསྲུང་བར་བཤད་པར་བྱ་སྟེ། །སེང་ལྡེང་ཕུར་བུ་བཅུ་དག་ལ། །ཧ་ན་ཧ་ནའི་སྔགས་བཟླས་ལ། །འོང་བའི་མཐའ་མ་བསྐོར་བར་བྱའོ། །རང་ཉིད་མགོན་པོ་ནག་པོ་ཡིས། །ཉུང་དཀར་ཁྲག་སྐམ་ནག་པོ་ལ། །སྔགས་འདི་བཟླས་ཤིང་སྟོང་ཐུན་དག་ཏུ་བཟློག །ཨོ་ཙཎྜ་མ་ཧྭ་ཀྭ་ལ་བཛྲ་ད༷་གྲེ་ནི་ཧུ༷་ཧུ༷་ཧུ༷། ཕཊ་ཕཊ་ཕཊ། ནཱ་ཛ་ཡ་ནཱ་ཤ་ཡ། སྟུ༷་བྷ་ཡ་སྟུ༷་བྷ་ཡ་ཨོ་ཕཊ། མ་ཧྭ་ཀྭ་ལའི་རྒྱུད་ལས། སེར་བ་བསྲུང་བའི་ལེའུ་སྟེ་བཅུ་བཞི་པའོ།། །།དེ་ནས་ཀླུ་ལ་གཏད་པ་བཤད་པར་བྱའོ། །ཐོད་པ་མ་མཁལ་༄༅ མ་བྲལ་བ། །ཚ་བ་གསུམ་ལ་གཟུགས་བྱས་ལ། །མིང་ལ་རུས་སུ་བཅས་པ་ཡང་། །ཐོད་པ་དེ་ཡི་ནང་དུ་གཞུག །དམངས་རིགས་ཀླུ་ལ་སྔགས་འདི་བཟླས། །ཨོ་མ་ཧྭ་ཀྭ་ལ་ནག་གི་ལ་ཡག་ཡ༷། ནཱ་ག་པ་རུ་སྣ་ཙ་ལི། སརྦ་ནི་སརྦ་ནི་རྦད། ནཱ་ག་ཀུ་རུ་ནཱ་ལིང་ཙིསྟ་བཛྲ་བཱ་ར་ཡ་ཛ་ཛ། མ་ཧྭ་ཀྭ་ལའི་རྒྱུད་ལས། །ཀླུ་ལ་གཏད་པའི་ལེའུ་སྟེ་བཅོ་ལྔ་པའོ།། །།དེ་ནས་སྲིའུ་གསོ་བ་བཤད་པར་བྱ་སྟེ། །རིན་ཆེན་ལྔ་ཡི་སྐྲུ་གུ་ལ། །གསང་བའི་སྔགས་ཀྱི་འཁོར་ལོ་གཞུག །གང་བསྲུང་མིང་གང་སྤེལ་ཏེ་བྲི། །གུ་གུལ་གླ་རྩི་ཤུ་དག་ཀྱང་། །འཁོར་ལོ་དེ་ཡི་ནང་དུ་གཞུག །ཚོན་རྩི་ལྔ་ཡི་ཚོན་དང་ནི། །རྫས་སྣ་ལྔ་ཡི་ཐང་ཆུས་བྱུག །མགོན་པོ་ནག་པོས་བྱིན་བརླབས་ཏེ། །གང་བསྲུང་མགུལ་དུ་བཏགས་ན་ནི། །དེས་ནི་གཅོད་པ་ཐམས་ཅད་བསྲུང་། །ཚེ་ཐག་ཕུར་བུས་བསྲུང་བ་ནི། །བལ་ཚོན་སྣ་ལྔའི་སྐུད་པའམ། །ཡང་ན་ནག་པོ་རང་ལ་བྱ། །སེང་ལྡེང་ཕུར་བུ་བདུན་དག་ལ། །གསང་བའི་སྔགས་ཀྱིས་བཏབ་ནས་ནི། །གང་བསྲུང་ལུས་ལ་བཏགས་པ་ན། །དེས་ནི་ཀླུ་ཡི་གནོད་པ་སྲུང་། །གང་བསྲུང་མ་བརྟས་བར་དུ་ནི། །སྦ་ལྕགས་དཀར་པོ་ཚིགས་གསུམ་མོ། །བྱ་རྒོད་སྒྲོ་བསྒྲོན་མདའ་དག་ལ། །བལ་ཚོན་སྣ་ལྔ་གདགས་པར་བྱའོ། །མཚལ་དང་སྤོས་ཀྱི་དུད་པ་བཏང་། །སྔགས་པས་མགོན་པོར་བྱིན་བརླབས་ནས། །གང་བསྲུང་སྔས་སུ་བཙུགས་ནས་ནི། །དེ་ནི་གཏན་གྱི་བསྲུང་བ་ཡིན། །མ་ཧྭ་ཀྭ་ལའི་རྒྱུད་ལས། སྲིའུ་གསོ་བའི་ལེའུ་སྟེ་བཅུ་དྲུག་པའོ།། །།དེ་ནས་ཀླུ་ཡིས་ཟིན་པ་གསོ་བ་བསྟན་ཏེ། །ཕྱ་ཚང་ཀུ་བའི་ནང་དུ་ནི། །ཀླུ་ཡི་ནོར་བརྒྱད་བླུགས་ནས་ནི། །སྔགས་པས་བྱིན་བརླབས་ཆེར་བྱས་ཏེ། །གང་འདོད་གནས་སུ་བཅུག་པས་ནི། །དེ་ནི་གནོད་པར་མི་འགྱུར་རོ། །དྲག་པོས་འདུལ་བའི་ཆོ་ག་ནི། །སེང་ལྡེང་ཕུར་བུ་སོར་བརྒྱད་ལ། །གུ་གུལ་ཚ་བའི་མར་གྱིས་བྱུགས། །གང་གནོད་གནས་སུ་བཏབ་པས་ནི། །ཀླུ་ཡི་གནས་ཁང་འཇོམས་པར་བྱེད། །འདི་ནི་ནག་པོ་ཀླུ་ཡི་གཟིར་སྔགས་ཡིན། །ཨོ་མ་ཧྭ་ཀྭ་ལ་ནཱ་ག་ཞུང་ཐུན། ཛ་ལ་ཛ་ལ། སྣྲིསྟོ་སྣྲིནྟྲ། བྷརྙ་བྷརྙ་ཧུ༷་ཕཊ། ནཱ་ག་ས་ར་ཡ་ནཱ་ག་དུང་དུང་ཛ་ཛ། མ་ཧྭ་ཀྭ་ལའི་རྒྱུད་ལས། ཀླུས་ཟིན་པ་གསོ་བའི་ལེའུ་སྟེ་བཅུ་བདུན་པའོ།། །།དེ་ནས་ཡང་གཟུངས་འདོན་ཅིང་སྨོན་ལམ་གདབ་པར་བཤད་པར་བྱའོ། །ཚེ་རབས་སྔོན་ནས་རྒྱལ་བས་དབང་བསྐུར་ནས། །ཚེ་རབས་བརྒྱུད་ནས་བསྟན་པ་སྲུང་བར་མཛད། །མགོན་པོ་ཐུགས་རྗེ་ཅན་ལ་ཕྱག་འཚལ་ལོ། །ན་མོ་ཡོ་གི་ནི། ན་མོ་ཏ་གི་ནི། ཏབྱ་ཐུ། ཧི་ལི་ཧི་ལི། ཀི་ཏི་ཙི་ཏི། ནི་ཏི་ཡེ་སྲུ་ཧྭ། ཚེ་རབས་སྔོན་ནས་ད་ལྟ་ཡན་ཆད་དུ། །རྒྱལ་བའི་བསྟན་པ་གྲུང་བར་ཞལ་བཞེས་པའི། །དེ་རིང་དུས་འདིར་བསྟན་པ་རྒྱས་པར་མཛོད། །མ་ཧྭ་ཀྭ་ལའི་རྒྱུད་ལས། གཟུངས་འདོན་ཅིང་སྨོན་ལམ་གདབ་པའི་ལེའུ་སྟེ་བཅོ་བརྒྱད་པའོ།། །།དེ་ནས་འཁོར་ལྷ་མ་སྲིན་རྣམས་ཀྱིས་བཅོམ་ལྡན་འདས་ཕྱག་ན་རྡོ་རྗེ་དང་། །རྡོ་རྗེ་སེམས་དཔའ་ལ་བསྟོད་པ། ཧུ༷་རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་ཡེ་ཤེས་ཆེན་པོའི་མཆོག །ཕྱག་ན་རྡོ་རྗེ་མཐུ་སྟོབས་བདག །གསང་བའི་བདག་པོ་རྡོ་རྗེ་ཅན། །ཡ་མཚན་རྨད་བྱུང་ཁྱོད་ལ་ཕྱག་འཚལ་བསྟོད། །གྲི་གུག་གི་རྒྱུད་ལས། འཁོར་གྱིས་གཙོ་བོ་ལ་བསྟོད་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་འཁོར་གྱིས་གཙོ་བོ་ལ་བསྟོད་པ། བསྐལ་པ་མེ་ལྟར་འབར་བ་ཡི། །དུར་ཁྲོད་ཆེན་པོའི་ཀློང་དཀྱིལ་ནས། །གདུག་པར་གྱུར་པ་ཐམས་ཅད་ཀུན། །འདུལ་བྱེད་མགོན་པོ་ནག་པོ་སྟེ། །སྐུ་ནི་མཐིང་ནག་ཆེན་པོ་ལ། །དཔའ་བོ་སྟག་གི་སླག་པ་ཅན། །བདུད་ཀྱི་བེར་ནག་སྐུ་ལ་གསོལ། །ཐལ་བའི་མཚན་མས་ལུས་བྱུགས་པ། །གཡས་ནག་གཅོད་པའི་གྲི་གུག་བསྣམས། །གཡོན་པ་བྷརྙའི་ཁྲག་ཆེན་གསོལ། །ཞལ་ནས་ཁྲག་དང་ཞག་ཀྱང་འཛག །མཆེ་བ་ཟླ་བ་ཆོས་པའི་ཚུལ། །སྤྱན་གསུམ་སྡང་མིག་གློག་ལྟར་འགྱུ། །རལ་པ་ཁམ་ནག་གྱེན་དུ་འཁྱིལ། །ཁྲོ་གཉེར་བསྡུས་པའི་གཟི་བརྗིད་ཅན། །བྷསྟོའི་ཕྲེང་བས་དོ་ཤལ་བྱས། །གསུས་ཁྱིམས་ཆེ་ཞིང་གསུས་པ་འཕྱང་། །མི་ཐུད་ཁྲོ་གཉེར་དྲག་པོ་ཡིས། །མཆུ་དང་སོ་ལ་ཁྲག་ཀྱང་འཛག །མི་རོ་སྐྲ་ཡི་སྐུད་པས་དཀྲིས། །བམཆེནསྟེངནབཙན་དཀྱིལ་གནས། །ཕྱག་རྒྱ་ཆེན་པོའི་བདག་ཉིད་ཅན། །དམ་པའི་གཙུག་ལག་སྲུང་མ་སྟེ། །ཀེང་རུས་བརྩེགས་པའི་སྟེང་ན་བཞུགས། །ལས་སུ་སངས་རྒྱས་བསྟན་པ་བསྲུང་། །ཟས་སུ་ཤ་དང་ཁྲག་ལ་ཟ། །དུར་ཁྲོད་གནོད་སྦྱིན་ཀུན་གྱི་གཙོ་བོ་མཛད། །ནག་པོ་འཇིགས་བྱེད་སྐུ་ལ་ཕྱག་འཚལ་ལོ། །དཔའ་བོ་འཁོར་ལོའི་བདག་ལ་ཕྱག་འཚལ་ལོ། །ལྷ་དམག་དབུགས་འབྱིན་ཁྱེད་ལ་ཕྱག་འཚལ་ལོ། །ལྷ་དང་ཀླུ་ལ་སོགས་པ་ཡིས། །དཔལ་ལྡན་མགོན་པོ་ནག་པོ་ལ། །དམ་པའི་བསྟོད་པས་བསྟོད་ནས་ནི། །སོ་སོར་རང་རང་གནས་སུ་དེངས། །མགོན་པོ་ནག་པོས་འཁོར་གྱི་ལྷ་སྲིན་སྡེ་བརྒྱད་ལ་བཀའ་སྩལ་པ། ཨོ་དྲི་ཟ་མེ་ལྷ་གཤིན་རྗེ་དང་། །བདེན་བྲལ་ཆུ་ལྷ་རླུད་གི་ལྷ། །གནོད་སྤྱིན་དབང་ལྡན་ས་བདག་སོགས། །ལྷ་ཡི་ཚོགས་དང་ཀླུ་ཡི་ཚོགས། །སྲིན་པོ་རོ་ལངས་གསོད་བྱེད་མ། །ཀླུ་ཡི་བུ་མོའི་ཚོགས་བཅས་དང་། །གནོད་སྦྱིན་བདུད་མོ་འབྱུང་པོའི་ཚོགས། ཁྲ་དང་ཁྲག་ལ་དགའ་བ་རྣམས། །ཐམས་ཅད་ཀུན་ནས་འདིར་གཤེགས་ཤིག །འབྱུང་པོའི་ཤ་ནི་བཟའ་བར་ཞིམ། །འབྱུང་པོའི་ཁྲག་ནི་བཏུང་བར་ཞིམ། །འབྱུང་པོའི་བུས་པ་ཞིམ་པ་སྟེ། །གདུག་པ་ཐམས་ཅད་འདུལ་བའི་ཕྱིར། །ཟོ་ཞིག་འཐུངས་ཤིག་མྱུར་དུ་སྒྲོལ། །མགོན་པོ་མན་ངག་གྲི་གུག་བརྩེགས་པའི་རྒྱུད་ལས། འཁོར་གྱིས་གཙོ་བོ་ལ་བསྟོད་པའི་ལེའུ་སྟེ་ཉི་ཤུ་པའོ།། །།གསང་བའི་བདག་པོའི་རྒྱུད་འདི་འཇིག་རྟེན་གྱི་ཁམས་སུ་གྲགས་པར་སྟོན་ཅིག །རྒྱུད་འདི་རྣལ་འབྱོར་པ་རྣམས་ཀྱི་སྲོག་ཡིན་ནོ། རྒྱུད་འདི་ནི་ཡུལ་དྷ་ན་ཀོ་ཤའི་གླིང་མཁའ་འགྲོ་མ་མང་པོ་ཚོགས་པའི་གནས་སུ་བབ་པར་གྱུར་ཅིང་། ཕྱག་ན་རྡོ་རྗེ་རི་རབ་རིའི་རྩེ་མོ་ན་འཁོར་ལྷ་སྲིན་སྡེ་བརྒྱད་ལ་བཤད་པའོ། །དེ་ནས་གྱད་ཀྱི་སྐུ་མཆོག་ཆེན་པོས་མ་ཧྭ་བོ་དྷིའི་མཆོད་རྟེན་གྱི་རྩར་མ་བདུན་ལ་བཤད། དེ་ནས་ལྷའི་གཙོ་བོ་རྣམས་ཀྱིས་རྡོ་རྗེ་གདན་དུ་བདུད་བརྒྱད་ལ་བཤད་དོ། །དེ་ནས་རྒྱ་གར་གྱི་ཡུལ་གསེར་མིག་བྱ་མཆུ་ཅན་དུ་སྦས་སོ། །དེ་ནས་རྒྱ་གར་གྱི་སློན་དཔོན་གྲུབ་པ་ཅན་རྣམས་ཀྱིས་རྙེད་དེ། རིམ་གྱིས་བརྒྱུད་པ་ལགས་སོ། །མགོན་པོ་ནག་པོ་མན་ངག་བརྩེགས་པའི་རྒྱུད་ལས། །བརྒྱུད་པའི་ལེའུ་སྟེ་ཉི་ཤུ་གཅིག་པའོ།། །།སྔོན་གྱི་ལས་དང་སྨོན་ལམ་ད་ལྟའི་སྐལ་བར་ལྡན། །སྐྱེས་མཆོག་དེ་ལྟ་བུ་དང་རྒྱུད་འདི་འཕྲད་པར་ཤོག །མན་ངག་གྲི་གུག་བརྩེགས་པའི་རྒྱུད་རྫོགས་སོ།། །།བླ་མ་དམ་པ་མི་བསྐྱོད་རྡོ་རྗེ་ལ་གནང་བའོ། །རྗེ་བཙུན་ཤཱརྙི་བྷ་དྲས་ཞུས་པ་ལས། དགེ་སློང་ཚུལ་ཁྲིམས་རྒྱལ་བས་བསྒྱུར་བའོ།། །།རྒྱ་གར་སྐད་དུ། ཤི་ཀྭ་ལ་མ་ཧྭ་ཀྭ་ཡ་བཱཀ་ཙིཉི་ཀྲོ་དྷ་ཏན་ཏྲ་ནཱ་མ། བོད་སྐད་དུ། དཔལ་མགོན་པོ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ཅེས་བྱ་བ། ཁྲག་འཐུང་འདུས་པའི་གཙོ་བོ་བུརྙ་ཧེ་རུ་ཀ་ལ་