Ngb-pt-0382-vol-04-text
Front
Body
རྒྱ་གར་སྐད་དུ། ཤི་མ་ཧྭ་ཀྭ་ལ་ཨག་ནི་ཛི་ཧོ་ནཱ་མ་ཏནྟྲ། བོད་སྐད་དུ། དཔལ་ནག་པོ་ཆེན་པོ་མེ་ལྕེ་ཕྲེང་བ་ཞེས་བྱ་བའི་རྒྱུད། བཅོམ་ལྡན་འདས་དང་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག །ནག་པོ་ཆེན་པོ་དང་ཐབས་ཅིག་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་བདག་གི་རྡོ་རྗེ་འཛིན་པའི་རྒྱལ་པོ་ནི། དུར་ཁྲོད་ཆེན་པོ་བསིལ་བའི་ཚལ་རིའི་ཚོགས་དབུས་ན། འཁོར་བྱང་ཆུབ་སེམས་དཔའ་མང་པོ་དང་། མཁའ་འགྲོ་དང་། ཤ་ཟ་དང་། ལྷ་དང་། ཀླུ་དང་། གནོད་སྤྱིན་དང་། དྲི་ཟ་དང་། གཤིན་རྗེ་དང་། སྲིན་པོའི་ཚོགས་དང་ཐབས་ཅིག་ཏུ་བཞུགས་ཏེ།དེའི་ཚེ་བཅོམ་ལྡན་འདས་ལ་དཔལ་ནག་པོ་ཆེན་པོས་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་ཁྲོ་རྒྱལ་གཙོ། །བདག་གི་ལོ་རྒྱུས་ཇི་ལྟར་ལགས། །བསྟན་པ་བསྲུང་ཚུལ་ཇི་ལྟར་ལགས། །ཕྱི་རབས་རྣལ་འབྱོར་བདུན་གྱིས་སུ། །རྗེས་སུ་ཞུགས་ནས་བསྒྲུབ་ན་ཇི་ལྟར་ལགས་ཞེས་པས། །བཅོམ་ལྡན་འདས་ཀྱི་བཀའ་སྩལ་པ། །ལེགས་སོ་ལེགས་སོ་ལེགས་ལྡན་ནག་པོ་ཁྱོད། །ཁྱོད་ཀྱི་དོན་ནི་ངས་བཤད་ཀྱིས། །ལེགས་ཤིང་གུས་པའི་ཡིད་ཀྱིས་ཉོན། །ཞེས་པས། གླེང་གཞི་གླེང་བསླངས་དང་བཅས་པའི་ལེའུ་སྟེ་དང་པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱོད་སྔོན་དུར་ཁྲོད་གཏུམས་པར་གྲགས་པ་ཞེས་བྱ་བ་ན། ཨ་སུ་རའི་ཤིང་གི་བདག་པོ་དང་། དུར་ཁྲོད་ཀྱི་བདག་པོ་དང་། རོ་ལངས་དང་། མཁའ་འགྲོ་མ་དང་། འབྱུང་པོ་དང་། ཡི་དྭགས་དང་། ཤ་ཟ་དང་། འདྲེ་ལ་སོགས་ལ་གནས་པའི་ཕྱོགས་དེ་ན། སྲིན་པོའི་རྒྱལ་པོ་ཡག་ཤ་ཧ་རི་ཞེས་པ། རྫུ་འཕྲུལ་གྱི་མཐུ་དང་ལྡན་ཅིང་བཞུགས་སོ། །སྲིན་པོའི་རྒྱལ་པོ་དེས། རྒྱལ་ཆེན་རིས་བཞིའི་ལྷའི་རྒྱལ་པོའི་བུ་མོ་གཅིག་བརྐུས་ནས། དུར་ཁྲོད་དེར་ཁྲིད་ནས་རང་དབང་མེད་པར་ཆུང་མ་བྱས་སོ། །དུས་དེ་ནས་ཟླ་བ་བདུན་ལོན་ནས་སྲིན་པོའི་རྒྱལ་པོ་དེ་ཚེའི་དུས་བྱས་ནས་འདས་སོ། །དེར་ལྷའི་བུ་མོ་དེ་ལ་སྲོན་པོའི་བུ་ཞུགས་ཏེ། དེར་ལྷའི་བུ་མོ་དེ་སྲིན་པོའི་ཆུང་མར་གྱུར་པས་སུས་ཀྱང་མ་འདོད་དོ། །དེར་མོ་གཅིག་པུར་ལུས་པ་ལས་སྲིན་པོའི་ཕྲུ་གུ་སྐྱེས་པར་གྱུར་ཏོ། །དེར་མོའི་བུ་དེ་སྙིང་རྗེ་བར་ཚོར་ནས། རང་གི་ལུས་དེའི་ལྷའི་རྒྱན་ཕོག་ཝེཏ། ནོར་བུ་རིན་པོ་ཆེ་གཅིག་དང་། གླིང་བར་གྱི་ཉ་པ་ལ་ཉ་ཚོང་བྱས་ནས་གསོས་སོ། །གླིང་བར་གྱི་རྒུན་འབྲུའི་ས་ནས་རྒུན་ཆང་བྱས་སོ། །གླིང་བར་གྱི་སྒོག་བཙོང་བསྙབས་ནས་དེ་རྣམས་ཀྱིས་བུ་གསོས་སོ། །དེ་ལྟར་གསོས་པ་ས་བུ་དེ་ཡང་སྐྱེ་དྲག་ལ་གཟུགས་བཟང་བ་གཅིག་བྱུང་སྟེ། རིང་པོར་མ་ཐོགས་པར་ཚར་བར་གྱུར་རོ། །བུ་དེས་མ་དེ་ལ་སྨྲས་པ། མ་གཅིག་བདག་ལ་ཕ་མེད་དམ་ཞེས་དྲིས་པ་དང་། མས་སྨྲས་པ། ཕ་སྲིན་པོ་ཡིན་ཏེ་འདས་སོ། །བུས་སྨྲས་པ། དེ་ལྟར་ཡིན་ན་ང་ཅག་མ་སྨད་སྡུག་པས་རྟེན་མེད་པའི་གནས་འདིར་མི་སྡོད། །རོ་ལངས་ཀྱིས་བསད་པར་འོངས་པས། དུར་ཁྲོད་འདིའི་ལྷོ་ཕྱོགས་ན་རི་མ་ལ་ཡ་མངོན་པར་འཕགས་པ་ཞེས་བྱ་བ་ལ། དགེ་སློང་བདེ་ལྡན་དཔའ་བོ་ཞེས་བྱ་བ། འཕགས་པ་འཇམ་དཔལ་གྱི་སྤྲུལ་པ་ཡིན་ཏེ། ཤིན་ཏུ་ཉིན་མོ་ཞི་ཞིང་ཉན་ཐོས་ཀྱི་ཆ་ལུགས་སུ་ཞུགས་ནས། ཆོས་ཉིད་རྣམ་པར་དག་པའི་མི་རྟོག་པའི་དོན་སྒོམ་མཚན་མོ་ནི་ལུས་གཅེར་བུར་བྱས་ནས། རུས་པའི་རྒྱན་གྱིས་བརྒྱན་ནས། །དུར་ཁྲོད་ཁྲག་གི་མཆོད་པ་བཤམས་ནས། འཁོར་མཁའ་འགྲོ་མའི་ཚོགས་བསྡུས་ནས་གླུ་དང་གར་དུ་བཅས་ནས། དཔལ་བདེ་བ་ཆེན་པོའི་མདུན་གྱི་ནམ་མཁར་མཆོད་པ་མངོན་སུམ་དུ་མཛད་ནས། དེའི་དངོས་གྲུབ་རྣམ་པ་སྣ་ཚོགས་ལ་དབང་ཐོབ། རྫུ་འབྲུལ་གྱི་མཐུ་རྣམ་པ་སྣ་ཚོགས་ལ་མངའ་བརྙེས་པ་ཞིག་བཞུགས་སོ། །ང་ཅག་མ་སྨད་དེའི་དྲུང་དུ་འདོང་། དེ་ལ་སྐྱབས་སུ་གསོལ་ལ་དངོས་གྲུབ་ཀྱིས་བཀའ་དོན་ཅིག་ཀྱང་ནོད། དེ་སྐད་ཅེས་སྨྲས་པ་དང་། མས་ཀྱང་བུ་ལ་མཉན་ཏེ། དེའི་དྲུང་དུ་བྱོན་ནོ། །དེར་སློབ་དཔོན་ཆེན་པོ་དེའི་སྤྱན་སྔར་འཁོད་དོ། །ལྷའི་བུ་མོ་དེས་རང་གི་ནོར་བུ་སེ་མོ་དོ་ཕོག་ནས་སློབ་དཔོན་དེ་ལ་ཕུལ་ཏེ་ཕྱག་འཚལ་ཞབས་ལ་སྤྱི་བོས་གལས་ནས་འདི་སྐད་ཅེས་སྨྲས་སོ། །བདག་ལྷའི་བུ་མོ་ལགས་པས། ལས་ཀྱི་དབང་གིས་སྲིན་པོ་ཆུང་མར་གྱུར་ཏེ། སྲིན་པོ་འདས་པར་གྱུར་ནས། བདག་ལ་སྲིན་པོའི་བུ་སྦྲུམ་པར་གྱུར་ཏེ། སྡུག་བསྔལ་མ་ཟད་པར་སྦྱད་ནས། ད་ལྟར་གྱི་བུ་འདི་ལགས་སོ། །ད་བདག་ཅག་མ་སྨད་ལ་མགོན་མ་མཆིས་པས། སློབ་དཔོན་ཆེན་པོ་ཁྱེད་ལ་མགོན་དང་སྐྱབས་ཞུ་ན། །དངོས་གྲུབ་ཀྱི་ཐུགས་རྗེ་གཅིག་ཀྱང་གནང་བར་ཞུ། སློབ་དཔོན་གྱི་ཐུགས་ཀྱིས་གཟུང་བར་ཞུ་ཞེས་གསོལ་བ་དང་། སློབ་དཔོན་གྱི་ཐུགས་རྗེས་དགོངས་ཏེ། རྫུ་འཕྲུལ་གྱི་མཐུ་སྣ་ཚོགས་ཀྱི་ཕྱག་ཅེས་པ་མ་སྨད་གཉིས་ཀྱི་སྤྱི་བོར་བཞག་སྟེ། རྫུ་འཕྲུལ་གྱི་མཐུའི་དབང་བསྐུར་ནས། ཆོས་ཉིད་སྐྱེ་བ་མེད་པའི་དོན་བཤད། དེའི་ཚེ་མས་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་རྟོགས། བུས་ནི་སྤྲུལ་པའི་སྐུའི་རྫུ་འཕྲུལ་སྣ་ཚོགས་ལ་དབང་བསྒྱུང་བས། གདུག་པ་ཅན་འདུལ་བའི་ལས་ཀྱི་མངའ་བརྙེས། ཕྱག་མང་པོ་དང་ཞབས་དཔག་ཏུ་མེད་པར་སྤྲུལ་ནས། ཕྱག་འགྱུར་ཞིང་ཞབས་བརྡབས་པས་ས་གཞི་དང་རི་རབ་ལྡེག་པར་ནུས་སོ། །དེ་ནས་སློབ་འབངས་་་་་་འཁོར་དང་བཅས་པ་ལ་དུར་ཁྲོད་ཀྱི་མཁའ་འགྲོ་མ་རྣམས་ཀྱིས་ཉིན་དང་མཚན་དུ་བསྐོར་བ་དང་མཆོད་པ་རྒྱུན་མ་འཆད་པར་མཛད་པ་ལས། སྲིན་པོའི་ཕྲུ་གུ་དེ་ལ་སློབ་དཔོན་གྱིས་གསང་བའི་དབང་ལས་ཀྱི་གཉེར་གཏད་དོ། །སློབ་དཔོན་བདེ་ལྡན་དཔའ་བོའི་རྒྱལ་ཚབ་ཏུ་བཞག་གོ །སློབ་དཔོན་བདེ་ལྡན་དཔའ་བོ་དང་། ལྷའི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་མ་གཉིས་རྡོ་རྗེ་དང་དྲིལ་བུར་འགྱུར་ཏེ། ཆོས་ཀྱི་དབྱིངས་ཀྱི་ཡེ་ཤེས་དང་། མེ་ལོང་ལྟ་བུའི་ཡེ་ཤེས་སུ་སངས་རྒྱས་ནས་བཅུ་གསུམ་རྡོ་རྗེ་འཛིན་པའི་ས་ལ་གཤེགས་སུ་གསོལ། བདེ་ལྡན་དཔའ་བོས་ཕྲིན་ལས་ཀྱི་མཛད་སྤྱོད་མཐར་ཕྱིར་ནས་དབྱིངས་ཀྱི་ཡེ་ཤེས་གཉིས་སུ་མེད་པར་སངས་རྒྱས་པའི་ལེའུ་སྟེ་གཉིས་པའོ།། །།དེ་ནས་ཡང་སློབ་དཔོན་ཆེན་པོ་སྐལ་ལྡན་དཔའ་བོའི་དུར་ཁྲོད་ཆེན་པོའི་གནས་ན། སྔོན་གྱི་སློབ་དཔོན་གྱིས་མཛད་པའི་ཕྲིན་ལས་སྣ་ཚོགས་ཐམས་ཅད་ནི་མཛད། འདུལ་བའི་ཕྲིན་ལས་སྣ་ཚོགས་ནི་འདུལ། མཁའ་འགྲོ་མ་རྣམས་ལ་སྔོན་གྱི་གདམས་ངག་རྗེས་སུ་དྲན་པའི་སྒོ་ནས་ཆོས་སྟོན་ཅིང་། ཕྲིན་ལས་སྣ་ཚོགས་ཀྱིས་གདུག་པ་འདུལ་བའི་དོརྣེ་མཛད་པ་ལས། མཁའ་འགྲོ་མ་རྣམས་ཀྱིས་ཉིན་དང་མཚན་དུ་བསྐོར་བ་བྱེད་ཅིང་། མཆོད་པ་བྱེད་དེ་བཞུགས་སོ། །དེའི་ཚེ་མཁའ་འགྲོ་རྣམས་དུར་ཁྲོད་དུ་ཟསཚོལདུགཤེགས་སོ། །སློབ་དཔོན་སྐལ་ལྡན་དཔའ་བོ་གཅིག་པུ་ཉིད་དུར་ཁྲོད་ན་བཞུགས་པ་ལས། རྫུ་འཕྲུལ་གྱི་མཐུ་མངོན་པར་བྱུང་བ་ཞེས་བྱ་བ་སྤྲུལ་པའི་སྐུའི་བརྟུལ་ཞུགས་མཛད་སྟེ། ཕྱག་མང་པོ་དང་ཞབས་མང་པོར་སྤྲུལ་ཏེ། །རྫུ་འཕྲུལ་གྱིས་གར་མཛད་ནས་རི་རབ་གླིང་བཞི་ཐམས་ཅད་ལྡེག་པར་མཛད་དོ། །དེའི་ཚེ་ལྷའི་བུ་དབང་པོ་བརྒྱ་བྱིན་གྱིས་རི་རབ་ཀྱི་རྩེ་ནས་གཟིགས་སོ། །ལྷའི་དབང་པོ་ཉིད་སྐྱེས་བུ་དེའི་རྫུ་འཕྲུལ་དེ་ལ་ཡ་མཚན་དུ་གྱུར་ཏེ་འདི་སྙམ་དུ་སེམས་སོ། །མ་གི་ནི་ངས་རི་རབ་ཀྱི་ཁ་ལ་སྤྱན་དྲང་ལྷ་རྣམས་ཀྱི་དམག་དཔོན་བྱས་ལ། ལྷ་མ་ཡིན་དང་འཐབ་པའི་གཡུལ་བཟློག་ན་སྙམ་སྟེ། སྐྱེས་བུ་ཆེན་པོ་དེ་མཁའ་འགྲོ་མ་རྣམས་ཀྱིས་འདུལ་བར་གཟིགས་ནས། མཁའ་འགྲོ་མ་རྣམས་ནི་མི་སྡུག་པའི་གཟུགས་ཅན་ཡིན། ལྷའི་བུ་མོ་ནི་མཛེས་ལ་ཡིད་དུ་འོང་བ་ཡིན། ལྷའི་བུ་མོ་གཅིག་གིས་བྲིད་ལ་དགུག་གོ་སྙམ་ནས། ལྷ་དཔལ་འཆང་གར་ཀིརྟི་ཀ་ཏི་གའི་བུ་མོ་ཨུ་མ་ཡང་། དབུ་མ་དེ་བ་ཞེས་བྱ་བ་གཟུགས་མཛེས་ཤིང་ལྟ་ན་སྡུག་པ་གཅིག་ཡོད་དེ། དེ་ལ་ལྷ་མོ་ནི་རྒྱན་སྣ་ཚོགས་པས་བརྒྱན་ནས། ལྷའི་དབང་པོ་བརྒྱ་བྱིན་གྱིས་དེ་ལ་འདི་སྐད་ཅེས་བཀའ་བསྒོའོ། །ཁྱོད་སོང་ལ་མ་གི་ན་སྐྱེ་བུ་དཔའ་བོ་རྫུ་འཕྲུལ་ཅན་ཅིག་ཡོད་དེཁུག ལ་།གཅིག །ལྷའིདམག་དཔོན་བྱས་ལ་ལྷ་མ་ཡིན་གྱི་གཡུལ་ཕམ་པར་བྱའོ། །མ་ཁུགས་བར་དུ་ཁྱོད་རང་མ་འོང་བར་སྡོད་ལ་གསོལ་བ་ཐོབ་ཅིག་ཅེས་བཀའ་བསྒོ་ནས་བཏང་ངོ་། །དེ་སྐད་བྱས་ནས་ལྷའི་བུ་མོ་དེ་དུར་ཁྲོད་ཀྱི་གནས་སུ་དོང་ངོ་། །ལྷའི་བུ་མོ་དེས་སྐྱེས་བུ་དེ་ལ་ཕྱག་བྱས་ནས་ཞུས་པ་དང་། མཁའ་འགྲོ་མ་བདག་ལྷའི་དབང་པོ་བརྒྱ་བྱིན་གྱིས་མངགས་ནས།སྐྱེས་བུ་ཁྱེད་ལྷའི་མཆོད་གནས་སུ་སྤྱན་འདྲེན་ལགས་ཀྱིས། རི་རབ་ཀྱི་རྩེ་ལ་ལྷ་རྣམས་ཀྱི་དཔོན་པོར་གཤེགས་སུ་གསོལ་ཞེས་ཞུས་པ་དང་། མཁའ་འགྲོ་མ་རྣམས་ཀྱིས་མ་གནང་སྟེ། དཔོན་སློབ་བདེ་ལྡན་དཔའ་བོའི་རྒྱལ་ཚབ་ཏུ་བཞུགས་པ་ཡིན། ང་ཡང་མཁའ་འགྲོ་མ་རྣམས་ཀྱི་དཔོན་དུ་གྱུར་པ་ཡིན། དུར་ཁྲོད་ཀྱི་ཚོགས་བདག་ཡིན་པས་རི་རབ་ཀྱི་རྩེ་ལ་གཤེགས་པ་མིན་ཞེས་ཟེར་ནས་མཁའ་འགྲོ་མ་རྣམས་ཀྱིས་མ་གནང་ངོ་། །དེར་ལྷའི་བུ་མོ་དེ་ལྷའི་དབང་པོ་བརྒྱ་བྱིན་གྱིས་མ་ཁུགས་ཀྱི་བར་དུ་མ་འོང་ཞེག་བྱས་པས་མོ་སྐྱེས་བུ་ཆེན་པོ་དེ་ཡི་རྩར་ཆགས་སོ། །དེར་མཁའ་འགྲོ་མ་རྣམས་དུར་ཁྲོད་དུ་སོང་ནས་ཟས་ཚོལ་བའི་བར་དུ། རྟག་ཏུ་བྲིད་ཅིང་མཆོད་པར་བྱས་སོ། །སློབ་དཔོན་དེའི་ཐུགས་ལ་གཅགས་པར་གྱུར་ཏེ། ལྷའི་བུ་མོ་དེ་ཆུང་མ་བྱས་སོ། །དེ་ཡང་བུ་བུ་མོ་འདི་གཉིས་སྐྱེས་སོ། །བུ་ལ་ནི་རུས་པའི་རྒྱན་ཐོད་པའི་ཕྲེང་བ་བྱས་ཏེ་བརྒྱན་ནོ། །མཚན་ནི་ལེགས་ལྡན་ཐོད་ཕྲེང་ཅན་དུ་གདགས་སོ། །བུ་མོ་དེ་ལ་དུར་ཁྲོད་ཀྱི་དུང་གི་ཁོག་མ་གཅིག་བཏགས་ཏེ། མིང་ནི་དཔལ་ལྡན་དུང་སྐྱོང་མར་བཏགས་སོ། །བུ་ཚ་མིང་སྲིང་གཉིས་ལ་གླིང་བར་གྱི་ཉ་ཤ་དང་། སྒོག་བཙོང་དང་། རྒུན་ཆང་དང་། ཤ་ཁྲག་རུས་པས་རྐན་ཕབ་སྟེ་གསོས་སོ། །མོས་ཀྱང་ལྷའི་དཀའ་ཐུབ་ཉམས་ཏེ་དུར་ཁྲོད་ཀྱི་ཟས་ཅི་ཟ་བ་ཟོས་སོ། །དེར་མོས་ཡུན་རིང་པོར་ལོན་པ་དང་། དེའི་དུས་ན་ལྷ་མ་ཡིན་གྱིས་ལྷའི་ཡུལ་ཕྲོགས་ནས། རིན་ཆེན་སྣ་ལྔའི་གྲོང་ཁྱེར་སུམ་བརྩེགས་སུ་ཡོད་པ་དཔངས་ཅིས་ཀྱང་གཤོག་ཐབས་མེད་པར་སྒོ་ལ་སོགས་པ་དམ་པ་དེས་ལྷའི་ཁང་བཟང་བས་དཔག་ཚད་གཅིག་གིས་མཐོ་བ་བརྩིགས་ཏེ། ལྷའི་ཡུལ་གཏན་ཤོར་ལ་ཁད་པ་ལས། ལྷའི་དབང་པོ་བརྒྱ་བྱིན་གྱིས་རི་རབ་ཀྱི་ཁ་ནས་པི་ཝང་གི་བརྡས་བསྐུལ་ཏེ། ལྷ་དང་ལྷ་མ་ཡིན་འཐབས་པའི་དམག་དཔོན་འགུགས་སུ་བཏང་ན་ཇི་སྲིད་འཁོར་རམ་ཡུལ་ནི་གཏན་ཤོར་ལ་ཁད་ན། བྱ་བས་བསྐུལ་བའི་བརྡའ་བྱུང་བས། མོས་ཐོས་ཏེ་སྐལ་ལྡན་དཔའ་བོ་ལ་བསྐུལ་བ། ཤདྷར་བདེ་བྱེད་སྟོབས་པོ་ཆེ། སྐྱེས་བུ་དཔའ་བོ་ཁྱོད་ལ་ངས། ཇི་སྲིད་དུ་ཞབས་ཏོག་བྱས་ནས་ད་ངའི་ཚིག་ཉན་དགོས་བྱས་ནས། ཤ༷་ཀར་བདེ་བྱེད་ན་རེ། ཇི་ལྟར་བྱ་ཟེར་ཏེ། ང་ལྷའི་དབང་པོས་ཁྱོད་འགུགས་སུ་བཏང་བ་ཡིན་པ་ལ་ཇི་སྲིད་དུ་མ་ཁུགས་ན། ད་ནི་ལྷའི་གནས་སུ་གཤེགས་པ་འཚལ་ཞེས་ཞུས་པ་ལ། དེར་གནང་སྟེ་མཁའ་འགྲོ་མ་རྣམས་ལ་གསང་སྟེ། ཁྱོ་ཤུག་གཉིས་གྲོས་བྱས་ཏེ་ཞག་བདུན་ན་འབྲོས་པར་བྱ་སྟེ། ལྷའི་དབང་པོ་བརྒྱ་བྱིན་ལ་པི་ཝང་གི་བརྡ་མར་བཏང་ནས། ཞག་བདུན་ན་ཤིང་རྟའི་འཁོར་ལོས་སྤྱན་དྲངས་པར་བྱས་སོ། །དེ་ནས་ལྷའི་དབང་པོས་འཁོར་ལྷ་ཚོགས་མང་པོ་དང་བཅས་ནས་ཤིང་རྟའི་འཁོར་ལོ་མང་པོ་ཁྱེར་ཏེ་དུར་ཁྲོད་དུ་ཕྱིན་ནས། །མཁའ་འགྲོ་མ་རྣམས་དུར་ཁྲོད་དུ་ཟས་འཚོལ་དུ་སོང་བའི་ཤུལ་དུ། སྐལ་ལྡན་དཔའ་བོ་ཞེས་བྱ་བ་དེ་རི་རབ་ཀྱི་རྩེ་ལ་སྦྱན་དྲངས་སོ། །དེར་ལྷ་ཐམས་ཅད་ཀྱིས་ཆོས་བཟང་ལྷའི་མདུན་སར་ཕྱག་བྱས་སོ། །དེ་ནས་ལྷའི་དབང་པོ་བརྒྱ་བྱིན་གྱིས་རྣམ་པར་རྒྱལ་བའི་ཁང་བཟང་དུ་མཆོད་པ་བྱས་སོ། །དེ་ནས་ལྷའི་དེད་དཔོན་ཉི་ཤུ་རྩ་བརྒྱད་ཀྱིས་ཚལ་ཆེན་པོ་བཞིར་མཆོད་པ་བྱས་སོ། །དེ་ནས་བྱང་ཤར་དུ་ཤིང་ཡོངས་འདུ་ས་བརྟོལ་གྱི་རྩར་ལྷའི་བུ་མོ་བྱེ་བ་ཁྲག་ཁྲིག་གིས་མཆོད་པ་བྱས་སོ། །དེ་ནས་ལྷོ་ནུབ་ཏུ་རྡོ་ཨ་མོ་ལིའི་སྟེང་དུ་ལྷའི་བུ་བྱེ་བ་ཁྲག་ཁྲིག་གིས་མཆོད་པ་བྱས་སོ། །དེ་ཡང་དང་པོ་དུར་ཁྲོད་ཀྱི་གནས་ནས་ཡབ་ཡུམ་སྲས་དང་བཅས་པ་སྤྱན་དྲངས་པ་ནི། དུར་ཁྲོད་གནས་ན་ལེགས་ལྡན་ཐོད་པའི་ཕྲེང་བ་ཅན། པད་མའི་སྟེང་དུ་ཧུ༷་ལས་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། དར་མཐིང་ནག་གི་འཇོལ་བེར་སྐུ་ལ་གསོལ་བ། གསེར་སྐེད་རིན་ཆེན་སྐུ་ལ་བཅིངས་པ། དབུ་སྐྲ་ཁམ་ནག་རལ་པའི་ཐོར་གཙུག་གཅིག་ཏུ་འཁྱིལ་བ། ཁྲོ་གཉེར་སྨིན་མཚམས་སུ་བརྗིད་པ། སྤྱན་གསུམ་སྡང་མིག་ཏུ་གཟིགས་པ། ཞལ་བགྲད་པ། མཆེ་བ་གཙིགས་པ། སྨ་ར་མུན་ལྟར་གཏིབས་པ། ཕྱག་ན་པར་བུ་ནག་པོ་བསྣམས་པ། ཞབས་གཉིས་བརྐྱང་བསྐུམ་ཚུལ་དུ་བཞུགས་པ། འཇིགས་འཇིགས་རྔམ་རྔམ་འདྲ་བ་ལ། རང་གི་གཙོ་བོ་རྒྱན་དུ་འཛིན། ཕེང་ཕེང་གི་སྒྲ་སྒྲོགས་པ། ཨོ་མ་ཧྭ་ཀྭ་ལ་རསྒ་དུ་བོ་ནི་ཛ༷༷ དེ་སྐད་ཧུ༷་ཕཊ་སྒྲ་སྒྲོགས་ཤིང་། །འཇིགས་བྱེད་ལྕམ་དྲང་དུང་སྐྱོང་མ། །སྐུ་མདོག་ནག་མོ་ཆར་སྤྲིན་ལ། །རེ་ལྡེག་གོས་གོན་སྟག་ཤམ་གླང་ལྤགས་གོན། ཁྲན་ཏི་མཚོན་ཆ་འཛིན་པ་འཇིགས་ཚུལ་ཅན། །སྐལ་ལྡན་དཔའ་བོ་རུ་མཚོན་དཔའ་རྟགས་ལྔ་དང་ཆས། །ཨུ་མ་དེ་བ་འཇིགས་སུ་གཟི་མདངས་བྱམས། །དེ་འདྲ་དུར་ཁྲོད་གནས་ན་བཞུགས་པ་ལས། །ལྟ་དབང་བརྒྱ་བྱིན་ལ་སོགས་ལྷ་རྣམས་མདུན་གྱིས་གསོལ་བ་ནི། ཧུ༷། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་མ་ཧྭ་ཀྭ་ལ་ཆེ། །ཚུར་གཤེགས་ཚུལ་བྱོན་དཔལ་ལྡན་མགོན་པོ་ཆེ། །འདིར་གཤེགས་ལྷ་མིན་གཡུལ་རྣམས་བཟློག་ཕྱིར་བྱོན། །དབྱིངས་ནས་བཞེངས་པ་མི་མཁས་ཡང་། །སངས་རྒྱས་བསྟན་པ་བསྲུང་སླད་དུ། །འབར་བའི་སྐུར་སྟོན་འདིར་གཤེགས་མཆོད་པ་བཞེས། །འདིར་གཤེགས་བདག་གི་ལོངས་སྤྱོད་མཆོད་པར་བཞེས། །ནག་པོ་མི་བཟད་འདིར་གཤེགས་མཆོད་པ་བཞེས། །ཕ་རོལ་ཕྱིན་སྤྱོདའདིརགཤེགསམཆོད་པ་བཞེས། །འབར་བའི་སྐུར་སྟོནའདིརགཤེགསམཆོད་པ་བཞེས། །ལྷ་མིན་གཡུལ་བཟློགའདིརགཤེགསམཆོད་པ་བཞེས། །ལྷ་དམག་དབུགས་འབྱིན་འདིར་གཤེགས་མཆོད་པ་བཞེས། །དད་པ་དང་ནི་དམ་ཚིག་གིས། །ཚུར་གཤེགས་མ་ཧྭ་ཀྭ་ལ་ཆེ། །གནས་རི་རབ་རྩེར་གཤེགས་བཞུགས་སུ་གསོལ། །བདག་ཅག་གསོལ་འདེབས་འདིར་གཤེགས་མཆོད་པ་བཞེས། །ཨོ་ཤི་མ་ཧྭ་ཀྭ་ལ་ཛ༷༷ཧུ༷་བ༷་ཧོ༷ཧུ༷་ཕཊ། ཅེས་པས་ལྷ་རྣམས་ཀྱིས་གདུང་བའི་དབྱངས་བླངས་པས། རང་དབང་མེད་པར་འཁོར་བཅས་བསྐྱོད་དེ་བྱོན་ནོ། །དེ་ནས་རྣམ་པར་རྒྱལ་བའི་ཁང་བཟང་དུ་ལྷའི་དབང་པོ་བརྒྱ་བྱིན་གྱིས། གདན་རིན་པོ་ཆེ་ཉི་ཟླ་པདྨ་དང་ལྡན་པ་ཕུལ་ནས། དར་མཐིང་ནག་གི་གུར་ཕུབ་ནས། འདི་སྐད་ཅེས་གསོལ་ཏོ། །ཧུ༷། ཡེ་ཤེས་མཁའ་འགྲོ་སྔོན་པོའི་མདོག་ཏུ་གྱུར། །སྐུ་མདོག་སྔོ་ནག་དབྱར་གྱི་སྤྲིན་ལྟ་བུ། །དུག་གསུམ་མ་ལུས་མུན་ཁམས་འཇོམས་མཛད་པའི། །མ་ཧྭ་ཀྭ་ལ་ཁྱེད་ཉིད་དགྱེས་ཤིང་བརྟན་པར་བཞུགས། །འདིར་གཤེགས་གདན་ལ་བཞུགས་ནས་ཀྱང་། །འཇིག་རྟེན་པ་དང་མཐུན་འཇུག་ཕྱིར། །ཕྱག་དང་ཞབས་གཉིས་བསིལ་བར་མཛོད། །ཨོ་ཤི་མ་ཧྭ་ཀྭ་ལ་དུ་པ་ཧུ༷། ས་མ་ཡ་ཏིཛི་ལྷན། ཨུ་པེ་ཤ་ཡ་ཨ། ཞེས་བཞུགས་སུ་གསོལ་ནས། ལྷ་རྣམས་ཀྱིས་ཕྱག་བྱས་པ། ཧུ༷། མཉམ་ཉིད་མཐུ་མངའ་གཏུམ་ཆེན་མེ་ལྟར་འབར། །མ་རུངས་འཇོམ་མཛད་ལྷ་མིན་དབང་དུ་སྡུད། །མཐར་བྱེད་གཞོན་ནུ་འཇིགས་པའི་གད་རྒྱངས་ཅན། །སྐལ་ལྡན་དཔའ་བོ་ཁྱོད་ལ་ཕྱག་འཚལ་ལོ། །ལྷ་མིན་དམག་ཚོགས་གཡུལ་བཟློག་གཙོ། །ལྷ་དམག་དཀར་པོ་དབུགས་འབྱིན་པ། །རྡོ་རྗེ་དུར་ཁྲོད་འཁོར་བཅས་ལ། །དང་བའི་སེམས་ཀྱི་ཕྱག་འཚལ་ལོ། །བསོད་ནམས་གཟི་བྱིན་ཁྱོད་ལ་ཕྱག་འཚལ་ལོ། །དྲག་ཤུལ་མཐུ་ཆེན་འཕགས་ལ་ཕྱག་འཚལ་ལོ། །ཡེ་ཤེས་ཚོགས་རྫོགས་ཁྱེད་ལ་ཕྱག་འཚལ་ལོ། །སྒྲིབ་གཉིས་སྤངས་པ་ཁྱོད་ལ་ཕྱག་འཚལ་ལོ། །ལུང་བསྟན་ཐོབ་རྫོགས་ཁྱོད་ལ་ཕྱག་འཚལ་ལོ། །འཇིག་རྟེན་འདི་ན་གང་ཞིག་གིས། །ཁྱོད་ཀྱིས་མཚན་ནས་བརྗོད་བསྒྲུབས་ན། །དངོས་གྲུབ་མྱུར་དུ་སྟེར་མཛད་པ། །མི་བསྙེམས་བྱམས་པ་ཁྱེད་ལ་ཕྱག་འཚལ་ལོ། །མ་ཧྭ་ཀྭ་ལ་ཁྱེད་ལ་ཕྱག་འཚལ་ལོ། །ལེགས་ལྡན་ནག་པོ་ཁྱེད་ལ་ཕྱག་འཚལ་ལོ། །ཨོ་ཤི་མ་ཧྭ་ཀྭ་ལ་དུ་པ་ཧུ༷་ཕཊ། ཨ་ཏི་པུ་ཧོ། ན་མོ་ཡ། ཞེས་ལྷ་རྣམས་ཀྱིས་ཕྱག་བྱས་པའོ། །དེ་ནས་ལྷའི་དབང་པོ་དང་ལྷའི་དེད་དཔོན་ཆེན་པོ་ཉི་ཤུ་རྩ་བརྒྱད་ཀྱིས་དགའ་བའི་ཚུལ་དུ་ཕྱིའི་མཆོད་པ་ཕུལ་བ། མེ་ཏོག་ཕྲེང་བ་ལ་སོགས་རིན་ཆེན་དབྱིག །མར་མེ་མུན་སེལ་དྲི་ཞིམ་སྤོས་ཀྱི་མཆོག །བདུད་རྩི་ཡོན་ཆབ་འོ་མ་ཀུན་གྱི་གསོས། །སྒྲིབ་སེལ་བཤོས་གཙང་དམ་པ་བདུད་རྩི་སྦྱར། །དྲང་སྲོང་ཤ༷་ཀར་སྐུ་ལ་མཆོད་པ་འབུལ། །ལྷ་མོ་ཨུ་མའི་སྐུ་ལ་མཆོད་པ་འབུམ། །ལེགས་ལྡན་ནག་པོའི་སྐུ་ལ་མཆོད་པ་འབུལ། །མ་ཧྭ་ཀྭ་ལའི་སྐུ་ལ་མཆོད་པ་འབུལ། །ལྷ་མོ་དུང་སྐྱོང་སྐུ་ལ་མཆོད་པ་འབུལ། །ཨོ་མ་ཧྭ་ཀྭ་ལ་རསྒ་དུ་བོ་བེ་ནི་ཛ་པུ་ཛ་མེ་ཀྟ་ས་མུ་དྲ་སྤ་ར་ཎ། ཨ་ ་པེ། པྲསྤྲོ ཨུ་ལོ་ཀེ། ཀྟརྙེ། ནི་བིབྱ། ཤསྟ་རཏྣ་བྱུ་ཛ་མེ་ཀྟ་ས་མུ་དྲ་སྤ་ར་ཎ་ས་མ་ཡེ་ཨུ་ཧུ༷། ཞེས་བརྗོད་པས་མཆོད་དོ། །ཉ་ཤ་ལ་སོགས་པའི་ཚུལ་དུ་དམ་རྫས་ཀྱི་མཆོད་པ་ཕུལ་བ་ནི། ལྕགས་བར་གྱི་ནང་དུ་དཀར་གསུམ་དང་། མངར་གསུམ་དང་། ལ་དུ་དང་། ལ་ཕུག་དང་། སྒོག་བཙོང་དང་། རྒུན་འབྲུམ་དང་། འབྲུ་ཐུག་དང་། འབྲས་ཆན་དང་། ཁུར་བ་དང་། ཤིང་ཐོག་སྣ་ཚོགས་དང་། དེ་རྣམས་ལྕགས་བར་གྱི་ནང་དུ་བསགས་ནས། དར་མཐིང་ནག་གིས་ཁ་བཅད་དེ། འདི་སྐད་ཅེས་ལྷ་རྣམས་ཀྱིས་བསྐུལ། མེ་ཏོག་ཕྲེང་བ་ལ་སོགས་རིན་ཆེན་དབྱིག །ལ་དུ་ལ་ཕུག་ལ་སོགས་ཡོད་པ་ནི། །རང་སྤྱིན་འབྲས་བུའི་ཟས་ལ་སོགས། །ཕྱོགས་བཅུའི་ཆུ་སྐྱེས་ཐང་སྐྱེས་མེ་ཏོག་ལོངས་སྤྱོད་རྒྱན། །རིས་སུ་མ་བཅད་ལོངས་སྤྱོད་རྒྱས་པར་འབུལ། །དཀྱིལ་འཁོར་དམ་པ་མཛེས་པ་དང་། །བཤོས་གཙང་མར་མེ་སྤོས་སྣ་ཚོགས། །རྒུན་ཆང་ལ་སོགས་བ་་བའི་མཆོག །སྦྲང་རྩི་ལ་སོགས་མངར་བའི་དབྱིག །སྣ་ཚོགས་མཆོད་པ་འདི་དག་བཞེས། །དངོས་སུ་འབྱོར་དང་ཡིད་ཀྱིས་སྤྲུལ། །གཟུགས་དང་སྒྲ་དང་དྲི་རོ་རེག །ཆོས་ལ་སོགས་པའི་མཆོད་པ་ཀུན། །མགོན་པོ་འཁོར་བཅས་སྐུ་ལ་འབུལ། །ཞེས་པས་ཕུལ་ལོ། །རྩུབ་འགྱུར་ཚལ་དུ་ཆང་གི་མཆོད་པ་དང་། །ནང་གི་མཆོད་པ་ཕུལ་བ་ནི། །གཡུ་དྲི་མྱོས་བྱེད་ཆང་། སྐྱེ་འགྲོའི་འབྲུ་བཅུད། བདུད་རྩི་བཅུད་ཀྱི་ཟས།སྐྱེམས་འཕངས་ཕུད་ཀྱི་མཆོག །སྐལ་ལྡན་དཔའ་བོ་གསོལ། དྲང་སྲོང་ཤ༷་ཀར་གསོལ། ལེགས་ལྡན་ནག་པོ་གསོལ། ལྷའི་གནོད་སྦྱིན་གསོལ། སྐལ་ལྡན་རིན་ཆེན་གསོལ། དར་ནག་རལ་ག་ཅན་གསོལ། རིག་འཛིན་སྲོག་ཤིང་གསོལ། དུས་གསུམ་སྨན་པ་གསོལ། སྐྱེས་བུ་ཆེན་པོ་གསོལ། ལྷ་མོ་ནག་མོ་གསོལ། འདོད་ཁམས་དབང་སྡུད་གསོལ། ཞེས་མཆོད་པས་མཉེས་པར་གྱུར་ཏོ། །འདིའི་ཚལ་དུ་མཚོན་པས་དགེ་བའི་མཆོད་པ་ཕུལ་ལོ། །ཡོངས་འདུས་ཀྱི་རྩར་ལྷའི་བུ་མོ་རྣམས་ཀྱིས་མཆོད་པ། ཧུ༷་གཤེགས་ཤིག་གཤེགས་ཤིག་གནས་འདིར་གཤེགས། །བུ་ཡི་གནས་མཆོག་དམ་པ་ན། །ཁྱོད་ཀྱི་མཐུན་པའི་དམ་རྫས་ནི། །འབྱོར་པར་ཚོགས་སོ་ཐུགས་དམ་ཅན། །རྒྱུ་ཤུག་ལ་སོགས་སྤོས་ལྔ་ཐུ་ལུ་ལུ། །ག་པུར་ལ་སོགས་སྨན་ལྔ་སི་ལི་ལི། །འབྲུ་བཅུད་ཆང་གི་ཕུད་ནི་བྲེངས་སེ་བྲེང་། །རཀྟ་དམར་གྱི་ཨསྙེ་ཀྱི་ལི་ལི། །བྷསྒྲོ་རུས་པའི་ཚོགས་ནི་ཁྲ་ལ་ལ། །བདུད་རྩི་རྣམ་ལྔའི་ཚོགས་ནི་ཆི་ལི་ལི། ཁྲ་ཆེན་མུ༷་སའི་ཚོགས་ནི་ཚངས་སེ་ཚང་། །མཐུན་པའི་དམ་རྫས་ཚོགས་སོ་གནས་འདིར་བྱོན། །དམ་རྫས་གཏོར་མ་འདི་ལོང་ལ། །ལྷ་མིན་དམག་སྣ་བཟློག་ཏུ་གསོལ། །བདག་ཅག་རྣམས་ལ་སྐྱབས་ཆེན་མཛོད། །ཨོ་མ་ཧྭ་ཀྭ་ལ་རསྒ་དུ་བོ་ནི་ཛ། མ་ཧྭ་ཀྭ་ལ་དུ་པ་མ་ཧྭ་སྨྱུར་ས་ཁུ་ཧི་ཧོ། །མུ་ཧྭ་རཀྟ། མ་ཧྭ་ཙིསྟ། མུ་ཧྭ་དུ་ཏྲི་ཁུ་ཧི། ཞེས་མཆོད་དོ། །དེ་ནས་ཨ་མོ་ལི་ཀའི་རྡོ་སྟེང་དུ་ལྷའི་བུ་རྣམས་ཀྱིས་མཆོད་པ་དམ་རྫས་བདུད་རྩི་གཏོར་མ་དམ་རྫས་ཚང་བ་ལ། འདོད་པའི་ཡོན་ཏན་ལྔ་ཡིས་རབ་བརྒྱན་ཅིང་། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །དབང་པོ་དྲུག་གི་སྤྱོད་ཡུལ་འགྱེད། །དྲི་ཆེན་དྲི་ཆུའི་ཚོགས་ནི་རྦ་རླབས་འཁྲུགས། །རཀྟ་དམར་གྱི་རང་བཞིན་རྒྱ་མཚོར་འཁྱིལ། །མ་ཧྭ་ཤ་ཡི་རང་བཞིན་སྤྱིན་ལྟར་སྐྲུངས། །ཀེ་རུས་རུས་པའི་རང་བཞིན་རི་ལྟར་སྐྲུངས། །དཔལ་ལྡན་ལེགས་ལྡན་ཡབ་སྲས་ཡུམ་དང་བཅས། །གཙོ་དང་འཁོར་དང་བཅས་པའི་ཐུགས་དམ་བསྐང་། །ཞེས་ལྷའི་བུ་ཅོ།མས་ཀྱིས་མཆོད་དོ། །དེ་ནས་ཆོས་བཟང་ལྷའི་མདུན་སར་ལྷ་རྣམས་ཀྱིས་དམག་དཔོན་དུ་མངའ་གསོལ་ཏེ། ལེགས་ལྡན་ནག་པོ་ལྷའི་བུ་རྣམས་ཀྱིས་དམག་དཔོན་དུ་མངའ་གསོལ་བའི་ཕྱིར། དར་ནག་གི་འཇོལ་བེར་ཆེན་པོ་བཀོན། ཨ་ཀ་རུ་ནག་པོའི་དུད་པས་བདུག །ཕྱག་མང་པོར་སྦྲུལ་གྱིས་གདུབ་བུར་བྱས། ཙསྡོན་གྱི་བིང་ཆེན་ཕྱག་ཏུ་བསྐུར། མཚོན་ཆ་དང་རུ་མཚོན་མང་པོ་ཐོགས་ཏེ། ལྷ་རྣམས་ཀྱི་དམག་དཔོན་བྱས་སོ། །བུ་མོས་ནི་ལྷའི་བུ་མོ་རྣམས་ཀྱི་དམག་དཔོན་བྱས་སོ། །མ་མོས་ནི་ལྷ་མོ་རྣམས་ཀྱི་དམག་དཔོན་བྱས་སོ། །སྐར་མ་རྒྱལ་གྱི་ཉིན་པར་རྩུབ་འགྱུར་ཚལ་དུ་འདུས་ནས། ལྷ་རྣམས་ཀྱི་དམག་དཔོན་སྐལ་ལྡན་དཔའ་བོ་རྫུ་འཕྲུལ་གྲུབ་པའི་སྲས། མགོན་པོ་ལེགས་ལྡན་ནག་པོ་ཐོད་ཕྲེང་ཅན་ལ་དམག་དཔོན་དུ་མངའ་གསོལ་བ། །ཧུ༷།དུས་གསུམ་བདེར་གཤེགས་ཐམས་ཅད་ཀྱིས། །མ་ཧྭ་ཀྭ་ལར་མངའ་གསོལ་བས། །དཔྲལ་བའི་ཁྲོ་གཉེར་གསུམ་དང་ལྡན། །དཀོན་མཆོག་གསུམ་གྱི་མངའ་གསོལ་བས། །ཁྲིམས་ཀྱི་ཆ་ལུགས་གསུམ་དང་ལྡན། །རིགས་གསུམ་མགོན་པོས་མངའ་གསོལ་བས། །ཞལ་གྱི་ཆ་ལུགས་གསུམ་དང་ལྡན། །རིགས་གསུམ་ཁྲོ་བོས་མངའ་གསོལ་བས། །ཞལ་གྱི་ཁྲོ་གཉེར་གསུམ་དང་ལྡན། །ལྷ་སྲིན་རྣམས་ཀྱིས་མངའ་གསོལ་བས། །དབུ་སྐྲ་ཁམ་ནག་རལ་པ་ཅན། །རྒྱུ་སྐར་རྣམས་ཀྱིས་མངའ་གསོལ་བས། །སྐུ་སྨད་མེ་ལྕེའི་ལྕགས་ཀྱུས་རྒྱན། །སྲིད་པ་གསུམ་ལ་དབང་བསྒྱུར་བས། །སྐུ་ཡི་ལྟེ་བ་ཟུར་གསུམ་ཟབ། །ཀླུ་ཆེན་བརྒྱད་ཀྱིས་མངའ་གསོལ་བས། །ཡན་ལག་སྦྲུལ་གྱི་ཆུན་པོས་བརྒྱན། །ས་བདག་རྣམས་ཀྱིས་མངའ་གསོལ་བས། །ན་བཟའ་ཟབ་བེར་མཐིང་ནག་གསོལ། །འཆི་བདག་བདུད་ཀྱིས་མངའ་གསོལ་བས། །ཕྱག་ན་ཙན་དན་བིང་ཆེན་བསྣམས། །ལྷ་རྣམས་ཀུན་གྱི་མངའ་གསོལ་བས། །བསོ་སྒྲ་ཆེན་པོ་གསུམ་དང་ལྡན། །ལྷ་མིན་གཡུལ་ལས་རྒྱལ་མཛད་ཕྱིར། །ཆ་སྒྲ་ཆེན་པོ་གསུམ་དང་ལྡན། །བྱོལ་སོང་ཀུན་གྱི་མངའ་གསོལ་བས། །མུན་པའི་གཡུ་རུང་སྐུ་ལ་གསོལ། །ཡི་དྭགས་རྣམས་ཀྱིས་མངའ་གསོལ་བས། །རིན་ཆེན་འབར་བའི་དོ་ཤལ་ཅན། །དམྱལ་བ་རྣམས་ཀྱིས་མངའ་གསོལ་བས། །སྤྱན་ནས་བསྐལ་པའི་མེ་ཆེན་འབར། ་།ངས་ནས་བསྐལ་བའི་རླུད་ནག་འ་ས། །ཞལ་ནས་བསྐལ་པའི་ཆུ་ཆེན་འཁྲུགས། །ལྷ་ཡི་དམག་དཔོན་མངའ་གསོལ་ལོ། །ཆོས་སྐྱོང་ཆེན་པོར་མངའ་གསོལ་ལོ། །མགོན་པོ་ཆེན་པོར་མངའ་གསོལ་ལོ། །དཀར་པོའི་དབུགས་འབྱིན་མངའ་གསོལ་ལོ། །ཞེས་མངའ་གསོལ་ལོ། །དེར་རྒྱལ་བའི་བཀའ་བདེན་པར་བརྗོད་དོ། །དཀོན་མཆོག་གསུམ་ལ་མཉེས་པའི་དཔང་གཟུག་སྟེ། །འདི་སྐད་བརྗོད་དོ། །ཧུ༷། མ་ཉེས་མ་མོ་གཟུ་དང་དཔང་། །དཀོན་མཆོག་གསུམ་པོ་གཟུ་དང་དཔང་། །དུས་གསུམ་སངས་རྒྱས་གཟུ་དང་དཔང་། །དམ་ཆོས་བདུད་རྩི་གཟུ་དང་དཔང་། །ཕྱོགས་བཅུའི་དགེ་འདུན་གཟུ་དང་དཔང་། །དཀྱིལ་འཁོར་ལྷ་ཚོགས་གཟུ་དང་དཔང་། །ཆོས་སྐྱོང་ལྕམ་དྲལ་གཟུ་དང་དཔང་། །ཕྱོགས་སྐྱོང་བཅུ་པོ་གཟུ་དང་དཔང་། །ལྷ་སྲིན་སྡེ་བརྒྱད་གཟུ་དང་དཔང་། །ཀླུ་ཆེན་བརྒྱད་པོ་གཟུ་དང་དཔང་། །རིགས་གཞིའི་ཀླུ་རྒྱལ་གཟུ་དཔང་། །ཀླུ་བྲན་འབུམ་སྡེ་གཟུ་དང་དཔང་། །གཉན་ཆེན་འཁོར་བཅས་གཟུ་དང་དཔང་། །རིགས་བཞིའི་ས་བདག་གཟུ་དང་དཔང་། །སྣང་སྲིད་ལྷ་འདྲེ་གཟུ་དང་དཔང་། །བགེགས་རིགས་སྟོང་ཕྲག་བརྒྱད་ཅུ་གཟུ་དང་དཔང་། །རྒྱལ་པོ་བཙན་དང་བདུད་དུ་བཅས། །གཟུ་དང་དཔང་པོར་ཁྱོད་རྣམས་བཞུགས། །ངེད་ཀྱིས་མ་ལན་ཁོང་གིས་ལན། །ངེད་ཀྱིས་མ་ཉེས་ཁོང་གིས་ཉེས། །ལེགས་ཉེས་གཉིས་ཀྱིས་སྟངས་ཆོད་ལ། །ཡོ་གལ་གཉིས་ཀྱི་ཐིག་ཐོབ་ཅིག །ལྷ་མིན་འདི་ལ་ལས་མཛོད་ཅིག །ཅེས་ལྷ་རྣམས་ཀྱིས་བྲོ་བརྡུངས། མཆི་མ་བཏོན་འོ་དོད་བོས་སོ། །ཞེས་པ་མེ་ལྕེ་ཕྲེང་བའི་རྒྱུད་ལས། ལྷ་མིན་འདུས་པའི་མདུན་དུ་ལྷ་རྣམས་ཀྱིས་ལེགས་ལྡན་ནག་པོ་སྤྱན་དྲངས་མཉེས་པར་བྱས་ནས། དམག་དཔོན་དུ་མངའ་གསོལ་བའི་ལེའུ་སྟེ་གསུམ་པའོ།། །།དེ་ནས་ཨོ་མ་ཧྭ་ཀྭ་ལ་རསྒ་དུ་བི༷་ནི་ཛ། ཨོ་ཤི་མ་ཧྭ་ཀྭ་དུ་པ་ཧུ༷་ཕཊ། ཅེས་ལྷ་རྣམས་ཀྱིས་གནད་ནས་བསྐུལ་བས། ལེགས་ལྡན་ནག་པོ་ཐོད་ཕྲེང་ཅན་ནི་བྱང་ཕྱོགས་ཀྱི་གནོད་སྤྱིན་ཆེན་པོ་བརྒྱད་ནི་ལྕགས་ཀྱི་བྱ་ཁྲ་བརྒྱད་དུ་སྤྲུལ་ནས་སྔོན་དུ་འགྲོ་ཞིང་། །དམ་ཚིག་ཉམས་པའི་ཀླད་པ་རྟོལ་ཅིང་ལྷ་མིན་རྣམས་ཀྱི་གཉེན་པོ་མཛད་པ། ལྷོ་ཕྱོགས་གཤིན་རྗེའི་གཤེད་པོ་བརྒྱད་ནི། སྟག་གཟིག་དོམ་དྲེད་སྤྱང་ཀི་བརྒྱད་དུ་སྤྲུལ་ནས་ཕྱིར་འབྲང་ཞིང་ལྷ་མིན་བརླག་པར་མཛད་དོ། །དེ་ལྟ་བུའི་དཔའ་བོ་དེ་ལྷ་རྣམས་ཀྱིས་བསྐུལ་བ།དང་པོ་ལྷའི་དབང་པོ་བརྒྱ་བྱིན་གྱིས་བསྐུལ་བ་ནི། ཧུ༷། བཅོམ་ལྡན་ཕྱག་ན་རྡོ་རྗེས་ནི། །ཁྱོད་ཀྱི་གསང་བའི་མཚན་བཏགས་པ། །རྡོ་རྗེ་རོ་ལངས་དུར་ཁྲོད་བདག །དུར་ཁྲོད་གནས་པར་རབ་ཏུ་མོས། །གསང་བའི་མཚན་ནས་འབོད་དོ་ལྷ་མིན་གཡུལ་རྣམས་བཟློག །འཇམ་དཔལ་དབྱངས་ཀྱིས་མཚན་བཏགས་པ། །ནག་པོ་མནའ་ཟནརྣམསཀྱིགཤེད། ཁྲཁྲག་ཟ་ལ་རབ་ཏུ་མོས། །གསང་བའི་མཚན་ནས་འབོད་དོ་ལྷ་མིན་གཡུལ་རྣམས་བཟློག །བཅོལ་ལོ་བཅོལ་ལོ་ལས་བཅོལ་ལོ། །རྡོ་རྗེ་སེམས་དཔས་མཚན་བཏགས་པ། །མཐུ་ཆེན་ལོག་གནོན་རྣམས་ཀྱི་གཤེད། །ལོག་པའི་གང་ཟག་འདུལ་ལ་བརྩོན། །གསང་བའི་མཚན་ནས་འབོད་དོ་ལྷ་མིན་གཡུལ་རྣམས་བཟློག །བཅོལ་ལོ་བཅོལ་བའི་ལས་རྣམས་བཅོལ། །དགེ་བསྙེན་སྲུང་མ་ལས་མཛོད་ཅིག །ལྷ་རྣམས་གནོད་པ་བཟློག་པའི་ལས་མརྫོད་ཅིག །ལྷ་དམག་མ་ཧྭ་ཀྭ་ལའི་ཚོགས་ནི་སྤྲིན་ལྟར་གཏིབས་ལ་གཤེགས། །ལས་ནི་ལྷ་མིན་གནོན་པའི་དུས་ལ་བབ། །སྡིག་ཅན་ལྷ་མིན་སྒྲོལ་བའི་དུས་ལ་བབ། །དཀོན་མཆོག་དབུ་འཕང་སྨོད་པ་འདི། །སངས་རྒྱས་བསྟན་པ་ལྷ་མིན་ཁོང་གི་བཤིགས། །དགེ་འདུན་འདུ་བའི་སྒོ་ཡང་ཁོང་གི་ཕྲོག །དབང་པོའི་སྐུ་ལ་བསྡོ་བ་འདི། །སྡིག་ཅན་འདིའི་སུ་ཅི་མ་བྱས། །ལས་ངན་སྡིག་ཅན་འདིས་སུ་ཅི་མ་བྱས། །ལས་ངན་སྡིག་ཅན་འཁོར་བའི་སེམས་ཅན་འདི། །ལྷ་མིན་དམག་དཔུང་བསྒྲལ་བའི་ཞིང་བཅུ་ཡིན་པས་ན། ཁྲཀྱ་ཐུབ་པའི་བསྟན་པ་ལ། །ལས་ངན་བསྒྲལ་བར་དམ་བཅས་པའི། །སྡིག་ཅན་བསྒྲལ་བར་དམ་བཅས་པ། །ནག་པོ་ཆེན་པོ་མཐུ་བོ་ཆེ། །སྐོམ་དུ་མི་ཁྲག་མངར་མོ་འཐུང་། །ཟས་སུ་མི་ཤ་བཤུལ་མོ་ཟ། །གོས་སུ་མི་ལྤགས་རློན་པ་གོན། །འཁོར་དུ་དུར་ཁྲོད་མ་མོས་བསྐོར། །ལས་ངན་ལྷ་མིན་ད་སྒྲོལ་ཅིག །རྣམ་ཤེས་གཞན་དུ་སྒྱུར་ལ་ཐོང་། །སྲོག་དམར་ཧུབ་ཀྱིས་ཐོབ་ལ་ཐོང་། །ལྕགས་ཀྱི་བྱ་ཁྲ་ཆེན་པོར་སྐུ་སྤྲུལ་ལ། །སྡིག་ཅན་འདི་ཡི་ཀླད་པའི་སྤྱི་རྟོལ་ལ། །ཀླད་ཁྲག་དྲོན་མོ་གཞིབ་པའི་དུས་ལ་བབ། །ལྕགས་ཀྱི་ཤ་སྤྱང་ཆེན་པོར་སྐུ་སྤྲུལ་ལ། །ལས་ངན་ལྷ་མིན་སྲོག་པའི་རྩར་ཞུགས་ལ། །སྲོག་རྩ་དྲོད་མོ་གཞིབ་པའི་དུས་ལ་བབ། །ནག་པོ་ཆེན་པོར་སྐུ་སྤྲུལ་ནས། །སྡིག་ཅན་གསོད་པའི་དུས་ལ་བབ། །ཚེ་མཆོག་གསོལ་བའི་རུས་ལ་བབ། །དཀོན་མཆོག་གསུམ་ལ་སྐྱབས་འགྲོ་བས། །གཏོར་མ་ཕུལ་ནས་འདི་ཞུས་པས། །སེམས་ཅན་རྣམས་ལ་གནོད་བྱེད་པ། །མགོན་པོ་ནག་པོ་ཁྱོད་ཀྱིས་གསོལ། །ལྷ་མིན་ཤ་ནི་གཅོད་པར་གྱིས། །ཁྲག་ནི་བཅུས་ཏེ་བ་་བར་གྱིས། །ཡང་ན་དེ་ཡི་ཕྱི་ནང་གི །ཏིལ་ཙམ་དག་ཏུ་ཤ་ཆོད་ཅིག །དཀར་པོའི་སྲུང་མ་ལས་མཛོད་ཅིག །བཟློག་ཅིག་ལྷ་མིན་གཡུལ་བཟློག་ཅིག །ལྷ་མིན་གདུག་པ་གསད་པའི་ལས་མཇོད་ཅིག །ད་ནས་བཟུང་ནས་སྐྱེས་བུ་ཡིས། །ལྷ་རྣམས་སྲུངས་ཤིང་བསྐྱབ་ཏུ་གསོལ། །ལྷ་རྒྱལ་གདན་ནས་བསྐྱོད་ད་རེ། །ལྷ་བྲན་མཐའ་ནས་བྲགས་པ་རེ། །ཕོ་བྲང་ངོ་མངས་འགྱུར་ར་རེ། །བསྒྲུབ་ལ་བར་ཆད་ཤོ་ར་རེ། །ལོག་འདྲེན་ལྷ་མིན་དབང་དུ་སོང་ར་རེ། །ལེགས་ལྡན་ནག་པོ་མཐུ་བོ་ཆེ། །མགོན་པོ་ནག་པོ་ཐུགས་དམ་ཅན། །ལྔ་བརྒྱ་དུས་ཀྱི་ཐ་མ་ལ། ཁྲཀྱ་ཐུབ་པའི་བསྟན་པ་ལ། །བསྟན་པ་བསྲུང་བར་ཞལ་བཞེས་པ། །དགེ་ལ་སྦྱོར་བའི་གྲོགས་བྱ་ཞེས། །ཉིད་ཀྱིས་ཁས་བླངས་དམ་བཅས་པ། །བདག་ཅག་ལྷ་ཡི་རིགས་རྣམས་ལ། །མཐུ་དཔུང་འབྱིན་པའི་དུས་ལ་བབ། །ཧུ༷། བདེ་ཆེན་འདུ་འབྲལ་མེད་པའི་ཀློང་དཀྱིལ་ནས། །ཡང་དག་སྐུ་གཅིག་བྱུང་བ་ནི། །མཐིང་ནག་མི་སྲུན་འཇིགས་པའི་སྐུ། །ཉིད་ཀྱི་སྐུ་མདོག་འཇིག་ཤིང་མཐིང་ནག་ཆེན་པོ་ལས། །དབུ་སྐྲ་ཁམ་ནག་ཐོར་ཚུགས་གཅིག་ཏུ་འཁྱིལ། །སྨིན་མ་ནག་པོ་ཁྲོ་གཉེར་བརྗིད་པའི་ཞལ། །སྤྱན་བཟློག་ཞལ་གདངས་མཆེ་བ་རྣོ་གཙིགས་ནས། །དམ་ཉམས་དགྲ་བགེགས་རྣམས་ཀྱི་སྙིང་རྩ་གཅོད། ཁྲངས་ནས་མེ་དང་དུག་གི་ཚུབས་མ་གཏོང་། །ཕྱག་གཉིས་ཐབས་དང་ཤེས་རབ་ཟུང་དུ་འབྲེལ། །གཡས་ཀྱི་ཕྱག་ན་ཙསྡོན་བིང་ཆེན་བསྣམས། །གསོར་ཞིང་གསོར་ཞིང་ཀླད་པའི་རྒྱས་སུ་རྒྱོབ། །ཙསྡོན་བིང་གི་སྟོད་ཤེད་ནས། །སྤྲུལ་པའིཕོ་ཉ་འབུམ་བཀྱེ་བས། །སྟེང་གི་ལྷ་བདུད་དབང་དུ་སྡུད། །ཙན་དན་བིང་གི་ཞབས་ཤེད་ནས། །སྤྲུལ་པའི་ཕོ་ཉ་འབུམ་བཀྱེ་བས། །འོག་གི་སྲིན་ཚན་དྲུང་ནས་འབྱིན། །ཙན་དན་བིང་གི་བར་ཤེད་ནས། །སྤྲུལ་པའི་ཕོ་ཉ་འབུམ་བཀྱེ་བས། །བར་གྱི་གྲ་བགེགས་རྡུལ་དུ་རློགས། །སྡིག་ཅན་ལྷ་མིན་རྡུལ་དུ་རློགས། །གཡོན་ནི་ལྕགས་པར་སྐུ་ལ་བརྟེན། །དར་སེར་སྔོ་བཀྲ་སྐུ་ལ་གསོལ། །གསེར་ཀ་རིན་ཆེན་སྐུ་ལ་བཅིངས། །སྤྱན་གསུམ་སྡང་མིག་གྱེན་དུ་བགྲད་པ་ཡིས། །སྟེང་གི་ལྷ་ཡང་འདར་ཤ་ཤ །སྤྱན་གསུམ་སྡང་མིག་ཐུར་དུ་བགྲད་པ་ཡིས། །འོག་གི་ཀླུ་ཡང་ཟིལ་གྱིས་གནོན། །སྤྱན་གསུམ་ཕྲེད་ལ་ཕར་བགྲད་པས། །ཕྱོགས་བཞི་མཚམས་བརྒྱད་ཀུན་ནས་ནི། །གནས་པ་ཐམས་ཅད་ཕོ་ཉ་འགྱེད། །ཞབས་གཉིས་བརྐྱང་བསྐུམ་ཚུལ་གྱིས་འབྱུང་པོ་གནོན། །ཀྱེ། མགོན་པོ་ནག་པོའི་བསྟན་པ་ལ། །འཁྲུགས་པ་ཅན་ལ་འདི་ཡིན་པས། །གལ་ཏེ་རིངས་པར་དྲང་བས་ན། །གདུག་པའི་དགྲ་བོ་འདི་ཉིད་ནི། །ཟུང་ཟུང་སོད་སོད་ཁྱེར་ཁྱེར་ཆིངས། །སྲེགས་སྲེགས་གཏོར་གཏོར་སྒྲོལ་སྒྲོལ་ཆིངས། །སྐད་ཅིག་གཅིག་གིས་མེད་པར་གྱིས། །ལྷ་མིན་དམག་གི་དཔུང་ཤིག་ཅིག །ཨོ་མ་ཧྭ་ཀྭ་ལ་རསྒ་ས་དུ་བེང་དྲི་ཛ། ཨོ་ཤི་མ་ཧྭ་ཀྭ་ལ་དུ་པ་ཧུ༷་ཕཊ། སྦྱོ་སྨྱོ་སྨྱོ། ཞེས་མངགས་ཏེ་རྦད་པས། །ལྷ་མིན་དང་འདྲེས་པའི་ཚལ་དུ་འཐབས་པས། ལྷ་མ་ཡིན་རྣམས་ཀྱི་གཡུལ་བཟློག་ནས། གྲོང་ཁྱེར་སུམ་བརྩེགས་ཀྱི་ནང་གི་རྩེར་བྲོས་སོ། །དེར་གྲོང་ཁྱེར་སུམ་བརྩེགས་དེ་ནི་ཤིན་ཏུ་བརྟན་ལ་ཁྱབ་འཇུག་ཁོའི་མཐུ་བརྟན་པས་ཐབས་མ་རྙེད་དེ། ཡབ་སྐལ་ལྡན་དཔའ་བོ་ཞེས་བྱ་བ་དང་། ཤ༷་ཀ་ར་བདེ་བྱེད་ཅེས་བྱ་བ་དེ་ལ། ཅི་ཙུག་བྱས་ན་ཤིག་དྲིས་པས། ཡབ་ན་རེ། ཕྱིའི་རྒྱ་མཚོ་ནས་ཕར་འདས་པའི་ལྕགས་རི་ལ་རྡོ་རྗེ་ཕ་ལམ་ཡོད། དེ་དང་རྒྱ་མཚོའི་ལྦུ་བ་དང་རྡོ་སོལ་ཚོས་བརྒྱབ་ན་ཤིག་སྟེ་འོང་ཟེར་ནས། དེར་ལེགས་ལྡན་གྱིས་ད་སྟེ་ཞག་བདུན་ན་ངས་ཁྱོད་ཀྱི་གྲོང་ཁྱེར་སུམ་བརྩེགས་འཇིག་གོ་ཁྱོད་རང་ཟོན་གྱིས་ཤིག་ཅེས་ཁྱབ་འཇུག་ལ་འཕྲིན་བསྐུར། །དེར་ལྷ་མིན་རྣམས་ནི་སྡུག་བསྔལ་དཔག་ཏུ་མེད་པས་འཇིགས་ནས་ཡོད་ཙ་ན། ལེགས་ལྡན་གྱིས་རྫས་དེ་རྣམས་རྫུའཕྲུལ་གྱིས་བླངས་ནས། །ཁ་ཊ༷་གའི་རྩེ་མོ་ལ་ཕྱར་ནས་ཁང་པ་ལ་བརྒྱབ་པས་རིལ་ལེ་མ་ཞིག་པས། ཁ་ཊ༷་ག་བརྒྱབ་པས་ཐམས་ཅད་རྡོལ་ཞིང་སོང་ངོ་། །དེར་ཡང་དེ་ནི་དེ་འདྲ་བ་མིན་པའི་རིལ་ལེ་འཇིག་པའི་མཚོན་ཡོད་དེ། ད་དུང་ངས་བཟའ་ལྟས་པ་ཙམ་ཡིན་བྱས་ནས། ད་ནི་ཞག་བདུན་ན་འཇིག་གོ་བྱས་པས། དེར་ཞག་བདུན་གྱི་ནང་པར་ཁྱབ་འཇུག་ན་རེ་ཁོའི་མཚོན་ཆ་དེ་ཡ་ཆ་བ་གཅིག་འདུག་པས། ཁོ་ཡིནཡང་དོ་ཤི །ད་དེ་བས་ཀྱང་དྲག་པ་ཡོད་ཟེར་བས་མ་བྱུང་བ་ལ་ངས་སྔུན་བསུ་ལ་ཁོ་དང་འཐབས་ཀྱིས། འོན་ཏང་ཁོས་ང་ནི་མི་ཐུབ། ང་ལ་རལ་གྲི་བས་མ་ཆོད་ཡོད། འཁོར་ལོ་ཕོག་འཆི་ཡོད། དུང་སྲིད་པ་གསུམ་དུ་ཐོས་པ་ཡོད། །མདའ་གོ་ཆ་ཅིས་ཀྱང་མི་ཐུབ་པ་རི་བོ་མཆོག་རབ་ཀྱང་ཕིགས་པ་ཡོད། མདུང་ཤུགས་དང་ལྡན་པ་ཡོད་དེ། ལག་ཆ་འདི་ཙམ་པ་ཁོ་ལ་མེད་པས་ཕམ་མི་སྲིད་ཅིང་། བརྒྱ་ལ་འཕམ་ན་དུང་ལེན་གསུམ་འབུད་ཀྱིས་དེ་ཙམ་ན་གྲོང་ཁྱེར་སུམ་བརྩེགས་འུ་ཅག་གིས་ཤིག་ཅིག །ཁོང་གིས་བཤིག་ན་དེ་རང་སྙིང་མི་དགའ་འོ་ཟེར་ནས། དཔའ་རྟགས་ལྔ་དང་གཡས་སུ་འཁོར་ལོ་ཁྱེར། གཡོན་དུ་དུང་ཐོག་ཕྱིན་ཙམ་ན། ཁྱབ་འཇུག་གིས་ཕྱིན་པའི་ལམ་དུ་ལེགས་ལྡན་གྱིས། །བྲག་ཤིན་ཏུ་སྲ་བ་རྒྱ་ཆེ་བ་འཕང་མཐོ་བ་སུལ་དང་སེར་ག་མེད་པ་སྐོར་ཐེབས་མེད་པ་གཅིག་གི་རྩར། ཆུ་ཤིན་ཏུ་ཆེ་བ་རབ་མེད་པ་རྦ་དོག་པ་སྐོར་ས་མེད་པ་སྟེ་རྒྱུན་རིང་བ་གཅིག་གི་བར་དུ་ལམ་ཕྲ་མོ་བྲེད་དེ་གཅིག་ལས་མེད་པ་ཞིག་ཏུ་སྤྲུལ་ནས། དེའི་བར་དུ་རྒན་མོ་རྣ་བས་མི་ཐོས་མིག་གིས་མི་གསལ་བ་གཅིག་ཏུ་སྤྲུལ་ནས་བསྡད་ཙམ་ན། ཁྱབ་འཇུག་བྱུང་ནས་རྒན་མོ་ཕར་ཟུར་ཟེར་བ་ལ། རྒན་མོས་ཁྱོད་སུ་ཡིན་བྱས་པས། ང་ཁྱབ་འཇུག་ཡིན་འཇིག་རྟེན་གྱི་ཁམས་ན་ང་མ་ཐོས་པ་ཡང་ཡོད་དམ་ཟེར། ཁྱབ་འཇུག་ཡིན་ན་ཁོ་ལ་དཔའ་རྟགས་ཀྱི་ཕྱག་རྒྱ་རྣམ་པ་ལྔ་ཡོད་དེ། ང་ལ་ཆ་ཡོད་པ་ཡིན་ཏེ། ཁྱོད་ལ་ཅང་ཡོད་དམ་ཁྱོད་ཁྱབ་འཇུག་ཅང་ཡིན་ནམ་བྱས་པས། ཁྱབ་འཇུག་ན་རེ། དཔའ་རྟགས་ཀྱི་ཕྱག་རྒྱ་ལྔ་ང་ལ་ཡོད་ཟེར། ཡོད་ན་དུང་བུས་དང་བྱས་པས། ཁྱབ་འཇུག་གིས་དུང་བུས་པས། རྒན་མོས་ངས་མ་ཐོས་བྱས་པས། དེར་ཁྱབ་འཇུག་ཁོ་ཁྲོས་ནས་དྲག་པོ་གཅིག་པུས་པས། ལེགས་ལྡན་རྒན་མོར་སྤྲུལ་པ་ན་རེ། ཁྱོད་ལ་འདུག་སྟེ་འདུག་སྟེ་ཁྱབ་འཇུག་གི་དུང་མིན་ནམ། ཁྱབ་འཇུག་གི་དུང་ཡིན་ན་ཁོའི་དུང་ཤིན་ཏུ་སྐད་ཆེ་བ་ཡིན། འཇིག་རྟེན་སྲིད་པ་གསུམ་དུ་ཐོས་པ་ཡིན་བྱས་པས། ཁྱབ་འཇུག་ཁོ་ཆུས་མཆུ་སྡོག་གྱིན་ཡིན་ནམ། སྡོག་སྐྱེས་དད་པ་ལོག་ནས་རྣ་ལ་གཏད་ནས་དྲག་པོ་གཅིག་བུས་པས། དེར་དུང་སྐད་ལན་གསུམ་སོང་ནས། དེར་ཁོས་ཕྱིན་ཙ་ན་ལེགས་ལྡན་ཡབ་སྲས་མི་འདུག་ནས་ལོག་ཕྱིན་ཙམ་ན། ལྷ་མིན་གཞན་ཆོས་དུང་ལན་གསུམ་བྱུང་བས་འཕམ་སྙམ་ནས། གྲོང་ཁྱེར་སུམ་བརྩེགས་བཤིག་ནས་དུད་པ་ལོང་དེ་བྱས་འདུག །ཐལ་བ་ཕུང་ངེ་ལ་སོང་བཤིག་ནས་འདུག་སྟེ། དེར་ལྷ་མིན་རྣམས་ལ་བརྟེན་་མེད་ན་བྲོས་ཏེ།རི་རབ་ཀྱི་ཁོང་གསེང་ལ་ཐོན་ནས་རྒྱ་མཚོའི་ནང་དུ་ཀླུ་ལ་སྐྱབས་ཚོལ་ཏེ། དེར་ལྷ་མིན་ཕུང་ཞིང་བརླག་པར་མཛད་དོ། །དེར་ལྷ་ཐམས་ཅད་དགའ་སྟེ། རྣམ་པར་རྒྱལ་བའི་ཁང་བཟང་དུ་ཚོགས་ནས། །སྐྱེས་བུ་ཆེན་པོ་སྐལ་ལྡན་དཔའ་བོ་ཞེས་ཀྱང་བྱ། ཤ༷་ཀ་ར་བདེ་བྱེད་ཅེས་བྱ་བ་དེ་དང་། མགོན་པོ་ནག་པོ་མ་ཧྭ་ཀྭ་ལྭ་ཞེས་ཀྱང་བྱ། ལེགས་ལྡན་ནག་པོ་ཐོད་ཕྲེང་ཅན་ཞེས་བྱ་བ་དེ་ཡབ་སྲས་འཁོར་བཅས་ལ། ལྷ་རྣམས་ཀྱི་ལྷ་མ་ཡིན་གྱི་གཡུལ་བཟློག་པའི་གཏང་རག་ནི་མཆོད་པ་ཆེན་པོ་བྱས་ཏེ། སྲས་ལེགས་ལྡན་ལ་ཡབ་སྐལ་ལྡན་དཔའ་བོ་མགུ་སྟེ་བསྟོད་པ། གྲོང་ཁྱེར་སུམ་བརྩེགས་ཐབས་ཀྱི་འཇོམ་པ་ཡི། །མགོན་པོ་ཁྱོད་ལ་བདག་བསྟོད་དོ། །ལྷ་མིན་གཡུལ་ཚོགས་འཕམ་པར་བྱེད། ལྷ་དམག་དཀར་པོ་དབུགས་འབྱིན་པ། །རྫུ་འཕྲུལ་སྣ་ཚོགས་བསམ་མི་ཁྱབ། །མགོན་པོ་ཁྱོད་ལ་བདག་བསྟོད་དོ། །ལྷ་མ་ཡིན་གྱི་གཡུལ་ཆེན་བཅོམ། །ལྷ་ཡི་བརྟུལ་ཞུགས་ལ་གནས་ཏེ། །བགེགས་རིགས་སྟོང་ཕྲག་བརྒྱད་བཅུ་བ་། །བི་ནཱ་ཡ་ཀའི་ཀླད་ཁྲག་འཐུང་། །ལྷ་མིན་གཡུལ་ལས་རབ་རྒྱལ་བ། །མགོན་པོ་ཁྱོད་ལ་བདག་བསྟོད་དོ། །ཞེས་ཡབ་ཀྱིས་བསྟོད་དོ། །ལྷ་རྣམས་ཀྱིས་བསྟོད་པ་ཡང་ཡོད་དོ། །དེ་སྐད་བསྟོད་པ་མགུ་བར་བྱ་སོ། །གུ་པར་བྱས་སོ། །འདུན་པར་བྱས་སོ། །ཕུ་དུད་དུ་བྱས་སོ། །ཞེས་མེ་ལྕེ་ཕྲེང་བའི་རྒྱུད་ལས། ལྷ་མིན་དཔུང་བཟློག་པའི་ལེའུ་སྟེ་བཞི་པའོ།། །།རྒྱ་གར་སྐད་དུ། མ་ཧྭ་དེ་བ་ག་ན་པ་ཏི། བོད་སྐད་དུ། ལྷ་ཆེན་པོ་ཚོགས་ཀྱི་བདག་པོ། ལྷའི་དེད་དཔོན་ཞེས་བྱ་བར་ལྷ་རྣམས་ཀྱིས་བསྒྲགས་སོ། །དེ་ཡང་ལྷ་རྣམས་ཀྱི་ཡབ་ལྷ་ཆེན་པོར་གྱུར་ནས། ལྷའི་དཀའ་ཐུབ་ལ་གནས་པར་གྱུར་ཏེ། དུར་ཁྲོད་ཀྱི་སྐལ་ལྡན་རི་རབ་ཀྱི་རྩེ་ལ་སྤྱན་དྲངས་ནས། །ལྷ་མ་ཡིན་ཐམས་ཅད་བ་་ཏེ། ལྷའི་དེད་དཔོན་ཆེན་པོ་མངའ་གསོལ་བའི་དུམ་བུ་སྟེ་དང་པོའོ།། །།དེའི་ཚེ་ལྷའི་བུ་ལེགས་ལྡན་ནག་པོ་དེས།སྲིང་མོ་དཔལ་ལྡན་དུང་སྐྱོང་མ་དང་གཉིས། ལྷའི་དཀའ་ཐུབ་ཀྱི་ཟས་དཀར་གསུམ་ཟ་བ་ལ་མི་དགའ་ཞིང་། སྔོན་གྱིས་ཕ་མས་རྐན་ཕབ་པའི་དུར་ཁྲོད་ཀྱི་ཤ་ཁྲག་དང་། རྒུན་ཆང་དང་། སྒོག་བཙོང་ལ་ཡིད་ཆག་ནས་མིང་སྲིང་གཉིས་གྲོས་བྱས་ནས་དུར་ཁྲོད་དུ་བྲོས་སོ། །དེར་ལྷ་རྣམས་ཀྱིས་པི་ཝང་གི་བརྡའ་སྙན་པོ་དང་། རོལ་མོ་དང་དབྱངས་སྙན་པོསསྤྱན་དྲངས་ཤིང་མཆོད་པ་ལས། ཉ་སྟོང་དུས་དྲུག་ལ་སོགས་ཕོག་རེ་འབྱོན་པར་ཞལ་གྱིས་བཞེས་ཏེ་བཞུགས་སུ་མ་གནང་ངོ་། །སྔོན་གྱི་ཡབ་ལ་མཆོད་པ་ཅི་བྱེད་པ་དེ་བཞིན་དུ་བཀུར་སྟི་དང་རིམ་གྲོ་བྱེད་དོ། །དེའི་ཚེ་སྲིང་མོ་ལྷ་མོ་དུང་སྐྱོང་མ་ཁྲག་རུལ་འདོད་ནས། ཁྲལ་རུལ་གྱི་དྲི་བསྣམས་པས་དེའི་ཕྱོགས་ཐམས་ཅད་དུ་ཕྱིན་པས་སྲིན་པོ་ལང་ཀ་པུ་རངས་ཀྱི་ཕུག་ཏུ་ཕྱིནནོ། །དེར་སྲིནཔོལང་ཀ་མགྲིན་བཅུ་ཁྲག་རུལ་བ་ཟངས་གངབསྐོལབ་དང་འཕྲད་པས། མོས་ཁྲག་བསླངས་པས་ཁྲག་ཕོར་གངབྱིན་ནོ། །དེ་འཐུངས་པས་མོས་ཁྲག་གིས་མྱོས་ཏེ་མིག་དམར་པོར་གྱུར་ཏོ། །མོ་མྱོས་ཏི་གཉིད་ལོག་པ་ལསསྲིན་པོས་རྐང་པ་ལྕགས་སྒྲོག་ཏུ་བ་་སྟེ་ཆགས་པ་སྤྱད་དོ། །དེརམོ་གཉིད་སད་ཙམ་ན་ངའི་ཆུང་མ་བྱའི་འདིར་འདུག་ཟེར་ནས། ཁོ་ཤ་ཁྲག་གི་ཟས་འཚོལ་དུ་སོང་ངོ་། །དེར་མོ་ཁོ་ལ་སྙིང་ན་ནས་རྐང་པ་ལྕགས་སྒྲོག་ཏུབཅུགས་པས་བྲོས་པའི་ཐབས་ནིམེད་ནས། གདོསའགྲོསབྱེད་ཀྱིན་ཁོའི་ཁྱིམདུ་ཕྱིན་པས། ཁོའི་བུ་སྲིནཕྲུག་ལྔ་བརྒྱ་ཉིན་མོ་ཞིང་ཤིན་ཏུ་རྩེ་བརྒྱར་བསྙལ་ནསའདུག །ནུབ་མོ་སྲིན་ཕྲུག་ལྔ་བརྒྱ་མིའིགཟུགས་སུ་འཇུག་པ་མཐོང་། སྲིན་ཟངས་ཁལ་བརྒྱ་ཆུས་འགེངས་པ་ཡང་མཐོང་། སྲིན་གྱི་ཟངས་མ་བསྒྲོ་ནས་འདུགཔ་ཡང་མཐོང། སྲིན་གྱི་བོང་བུ་དམར་པོཙྭ་ཟ་བ་ཡང་མཐོང་། དེར་མོས་སྲིན་གྱི་རལ་གྲི་བླངས་ཏེ། རྐང་པའི་ལྕགས་སྒྲོགགི་བརདུ་བརྒྱབ་ནས་བཅད། སྲིན་ཟངས་ཀྱིཆུ་བསྐོལཏེ་སྲིན་ཕྲུག་རྣམས་དེར་བླུགས་ནས་བསད།བོང་བུ་གྭ་དམརལཞོནརལགྲིཁྱེརནས་བྲིས་པས། སྲིན་པོ་བྱུང་ངམ་མ་བྱུང་ཕྱི་མིག་བལྟས་པས་བྱུང་སྟེ་མྱུར་དུ་བྲོས་པསམོས་མིང་པོའི་གམ་དུ་རྡོལབ་དང་། སྲིན་པོ་སྲིན་གླངདམར་པོར་བརྫུས་ཏེ་རྡོལ་བ་དང་། སྲིན་པོས་མིང་པོ་ལ་ནེའུ་ལེ་བརྒྱབ་པས། ལེགས་ལྡན་ནག་པོས་ནེའུ་ལེའི་་རྟོག་པ་བཅག །སྲིང་མོ་ལྷ་མོ་དུང་སྐྱོང་མའི་རལ་གྲི་མིང་པོས་བླངས་ནས་སྲིན་གླང་གི་མགོ་བོ་བཅད་དོ། །སྲིན་པོ་ལང་ཀ་པུ་རངས་ཀྱི་གྲོང་ཁྱེར་གཏན་ནས་བརླག་པར་བྱས། །དེར་སྲིང་མོ་ལྷ་མོ་དུང་སྐྱོང་མས། མིང་པོ་ལེགས་ལྡན་ཐོད་ཕྲེང་ཅན་ལ་བསྟོད་པ། ཧུ༷། སྲིན་ཡུལ་ལང་ཀ་པུར་རངས་དག་ཏུ་བྱོན། །སྲིན་གྱི་གྲོང་ཁྱེར་བརླག་པར་མཛད། ལང་ཀ་མགྲིན་བཆི་མགོ་བཅད་ནས། དཔའ་བོ་ཉིད་ཀྱི་རྒྱན་དུ་བྱས། མགོན་པོ་ཁྱོད་ཀྱི་སྐུ་ལ་ཕྱག་འཚལ་ལོ། །ཞེས་བསྟོད་ནས་སྲིན་པོའི་ཡ་གལ་སྔ་རུ་བྱས། སྲིན་པོའི་མ་གལ་ཕྱི་རུ་བྱས། པགས་པས་སྒ་གཡོགས་བྱས། རྒྱུ་མས་གང་ཐག་གོང་རྨད་བྱས། ནེའུ་ལེ་ནོར་གྱི་རྐྱལ་བུ་བྱས། །རལ་གྲི་སྲིང་མོའི་ཕྱག་མཚན་དུ་བྱས་སོ། །མེ་ལྕེ་ཕྲེང་བའི་རྒྱུད་ལས། ནག་པོ་ཆེན་པོ་ལྕམ་དྲལ་གྱིས་སྲིན་པོ་ཀང་ཀ་མགྲིན་བཅུ་བ་་བའི་ལེའུ་སྟེ་ལྔ་པའོ།། །།ཡང་དེའི་ཚེ་ཚོག་ཀྱི་བདག་པོ་ལྕམ་དྲལ་གཉིས། དུར་ཁྲོད་ཀྱི་མཁའ་འགྲོ་མ་རྣམ་ཀྱི་དུར་ཁྲོད་ཀྱི་ཤ་ཁྲག་གི་ཉིན་མཚན་དུ་མཆོད་པ་དུར་ཁྲོད་ཀྱི་རོ་ཐམ་ཅད་ཟད་པར་འགྱུར་པ་དང་།རྒྱ་གར་གྱི་ཡུལ་གྲོང་ཁྱེར་སུམ་བརྩེགས་པའི་མི་རྣམས་ལ་མཁའ་འགྲོ་མ་རྣམས་ཀྱིས་ཁ་རླངས་ཀྱི་དུག་བཏང་བས། མི་ཐམས་ཅད་རིམས་ནད་ཀྱིས་ཤི་བར་གྱུར་ནས་དེ་དག་གི་རོ་ཐམས་ཅད་ཀྱིས་ནག་པོ་ཆེན་པོ་ལྕམ་༄༅ །དྲལལམཆོད་པ་བྱས་སོ། །དེའི་ཚེ་གྲོང་ཁྱེར་སུམ་བརྩེགས་ཀྱི་རྒྱལ་པོ་ཚངས་པས་བྱིན་གྱིས་གནས་ནས་ཕོ་བྲང་གི་སྒོ་གར་ཕྱིར་གཤེགས་ཏེ། བྱ་རྒོད་ཕུང་པོའི་རི་ལ་གཤེག་ཏེ། བཅོམ་ལྡན་འདས་ཤཱཀྱ་ཐུབ་པ་ལ། གྲོང་ཁྱེར་དུ་ནམ་མཁའི་ནད་དབབ་པ་དེ་བཅད་པར་ཞུ་བ་ཕུལ་བས། བཅོམ་ལྡན་འདས་ཀྱི་དབུའི་གཙུག་ནས། གཙུག་ཏོར་གདུགས་དཀར་མོ་ཅན་བཏོན་ཏེ། དབུ་དང་ཕྱག་ཞབས་ནམ་མཁའི་འོད་ཟེར་དཀར་མོ་དང་བཅས་པས། ཨོ་ཏ་ཐུ་ག་ཏོསྐྱི་ཥ་སི་ཏྭ་ཏ་པ་དྲེ་ཧུ༷་ཧུ༷། ཞེས་བྱ་བའི་སྒྲ་དང་བཅས་པས་ནག་པོ་ཆེན་པོའི་ཐད་དུ་རྡོ་རྗེ་འཆང་ཆེན་པོ་མངོན་པར་སྤྲུལ་ཏོ། །དེའི་ཚེ་ནག་པོ་ཆེན་པོས་གཟི་བྱིན་མ་བཟོད་དེ། བཅོམ་ལྡན་འདས་ཀྱི་ཐད་དུ་འོང་ནས་ཞབས་ལ་ཕྱག་འཚལ་ཏེ། འཁོར་མང་པོ་དང་བཅས་པ་ཕྱོགས་གཅིག་ཏུ་འཁོད་ནས། བཅོམ་ལྡན་འདས་ལ་གསོལ་པ། བཅོམ་ལྡན་འདས་བདག་ཅག་རྣམས་ལ་བསྐྱབ་ཏུ་གསོལ་ལོ། །བདག་ལ་མགོན་པོ་མཆིས་པས་ན། དེ་བཞིན་གཤེགས་པས་ཐུགས་རྗེས་གཟུང་དུ་གསོལ། བདག་ཀྱང་ལྷ་དང་མིའི་འཇིག་རྟེན་བདེ་བར་བགྱི་བ་དང་། བཅོམ་ལྡན་འདས་ཀྱི་བསྟན་པ་ཡུན་རིང་དུ་གནས་པར་བགྱིད་པའི་སླད་དུ་བདག་གི་རིག་པ་འདི་འབུལ་ན་བཞེས་སུ་གསོལ། ཨོ་ཤི་མ་ཧྭ་ཀྭ་ལ་ག་ན་པ་ཏི་བཛྲ་ཡསྒ་དེ་བ་ཧུ༷་ཛ་ཞེས་ཕུལ་ནས་བསྟན་པ་བསྲུང་བར་དམ་བཅས་སོ། །གཙུག་ཏོར་གདུགས་དཀར་མོ་ཅན་ཡང་དེ་བཞིན་གཤེགས་པའི་སྤྱི་བོར་ནུབ་པར་གྱུར་ཏོ། །གྲོང་ཁྱེར་སུམ་བརྩེགས་པའི་མི་ཐམས་ཅད་ཀྱང་རིམས་ནད་ཆད་པར་གྱུར་ཏོ། །དཔལ་ནག་པོ་ཆེན་པོ་ལ། བཅོམ་ལྡན་འདས་ཀྱིས་བསྟན་པ་བསྲུང་བའི་གནང་བ་བྱིན་པའོ། །མེ་ལྕེ་ཕྲེང་བའི་རྒྱུད་ལས་བཅོམ་ལྡན་འད་ཀྱི་དཔའ་མགོན་པོ་ནག་པོ་བ་་ཞིང་དམ་ལ་བཏག་པའི་ལེའུ་སྟེ་དྲུག་པའོ།། །།མེ་ལྕེ་ཕྲེང་བའི་རྒྱུད་ལས། དཔལ་མགོན་པོ་ནག་པོ་ལྕམ་དྲལ་གྱི་སྲིན་པོ་བ་་ཞིང་སངས་རྒྱས་ཀྱི་བསྟན་པ་བསྲུང་བར་ཁས་བླངས་པའི་དུམ་བུ་སྟེ་གཉིས་པའོ། །ནག་པོ་ཆེན་པོའི་རྒྱུད་ཀྱིས་གནས་ཏེ་དང་པོའོ། །གཞན་ཡང་ཡང་དག་བཤད་བྱ་བ། །ཁྱོད་ཀྱི་ལོ་རྒྱུས་དེ་ལྟར་དེ། །བསྟན་པ་བསྲུང་ཚུལ་འདི་ལྟར་ལགས། །སངས་རྒྱས་ཆོས་དང་དགེ་འདུན་གསུམ། །སྨོད་པར་བྱེད་པ་རླག་པར་བྱེད། །ས་དང་ལམ་ལ་གནས་པ་ཡི། །བྱང་ཆུབ་སེམས་དཔའ་སྲུང་སྐྱབས་ཤིང་། །དམ་ཚིག་ལྡན་པ་ཅན་དེ་སྲུང་། །གཞན་ཡང་དབེན་པའི་སྒོ་འཕྲོག་ཆོས་སྒོར་སྨོད། །བསྟན་པ་སྤྱི་དགྲ་གྱུར་པ་དང་། །དམ་ཚིག་ཅན་གྱི་རྣལ་འབྱོར་ལ། །སྒོས་ཀྱི་དགྲ་བོ་བྱེད་པ་དང་། །ལོག་ལམ་ཞུགས་པ་ཀུན་ཀྱང་སྒྲོལ། །ལེགས་ཉེས་སྟང་གཟུངདམཚིག རྗེསགཅོདཅིང། །སྲིད་པའི་རྩེནསསོཚུག་བྱརགྱིས། །ཞེས་པ་ལེགས་ལྡན་ནག་པོ་མེ་ལྕེ་ཕྲེང་བའི་རྒྱུད་ལས། བསྟན་པ་བསྲུང་ཚུཔ་གྱི་ལེའུ་སྟེ་བདུན་པའོ།། །།དུམ་བུ་གསུམ་པ་གཉི་པའོ། །དེ་ནས་ཡང་དག་བཤད་བྱ་བ། །ཕྱི་རབ་རྣལ་འབྱོར་རྗེ་ཞུགས་ནས། །བསྒྲུབ་ན་དོན་ནི་གསུམ་དུ་བཤད། །སྤྱི་གཞུང་ཕྲིན་ལ་མན་ངག་དང་། །ལོག་ནོན་མན་ངག་རིམ་པ་དང་། །ལ་ཚོག་ཁོལ་བུ་རིམ་པ་གསུམ། །ཕྱི་རབ་མགོན་པོ་བཀོལ་བར་བྱ། །ཕྲིན་ལ་སྤྱི་གཞུང་དོན་བཅུ་སྟེ། །ཞེ་པ་མེ་ལྕེ་ཕྲེང་བའི་རྒྱུད་ལས། སྤྱི་ལྡོམ་ཚིག་གི་ལེའུ་སྟེ་བརྒྱད་པའོ།། །།དེ་ན་ཡང་དག་བཤད་བྱ་བ། །དང་པོ་ཁོ་ནར་གནས་བཙལ་པ། །དུར་ཁྲོད་རི་བོ་ཙན་དན་ཚལ། །བྲག་དམར་ཟླ་གམ་དམར་ནག་གམ། །ལྷ་ཁང་ལ་སོགས་ས་ཕྱོགས་སུ། །ས་ནི་བརྟག་ཅིང་བསླང་བ་དང་། །གཟུང་དང་སྤང་དང་ཕུར་གདབ་སོགས། །ས་ཡི་ལས་རྣམས་ཚང་བར་བྱ། །དེ་ནས་གཞན་ཡང་དཀྱིལ་འཁོར་ནི། །མདའ་གང་གྲུ་བཞི་བཅས་པ་ལ། །དབུས་སུ་པདྨ་འདབ་མ་བཞི། །ནག་པོར་བྱས་པ་དེ་ལ་ཡང་། །མུ་ཁྱུད་སེར་པོ་གྲུ་ཆད་དམར། །སྒོ་བཞི་དག་དང་ལྡན་པར་བྱ། །དབུས་སུ་མགོན་པོའི་སྐུ་མཚན་དགོན། ཁྲར་དུ་བིང་ཆེན་དབང་བསྐུར་བཞག །ལྷོ་རུ་རྒྱ་སྤོས་དུད་པ་བཏང་། །ནུབ་ཏུ་ལྕགས་པར་གཏོར་བླུགས་བཞག །བྱང་དུ་རབས་ཆད་ཐོད་པ་མྲ །ཐུན་སྣ་ཚང་བར་བླུག་ལ་བཞག །དཀྱིལ་འཁོར་དབུས་མ་ནག་པོ་ལ། །ཟླ་གམ་དཀྱུས་སུ་ཁྲུ་གང་ལ། །དཔངས་སུ་ཁྲུ་གང་ཡོད་པ་ལ། །ཡར་ཕྱེ་མར་ཕྱེད་བར་དག་ཏུ། །མགོན་པོ་ནག་པོའི་དམ་རྫས་ནི། །མིས་མ་ཚོར་བ་སྦས་ལ་བཞག །རབས་ཆད་གྲི་བོའི་ཐོད་པ་ནི། །དུམ་བུ་གཅིག་གམ་ཡང་ན་བཞི། །གང་རྙེད་པ་ཡི་ཐོད་པ་སྲ །འགྲོ་མཆོག་ཙིསྟ་རྩ་ལག་ཚང་། །སྲོག་རྩ་གསུམ་དུ་གཏད་གསུམ་བྱ། །ཆང་ཕུད་ཨ་མྲི་ཏ་དང་ཁྲག །ཉ་ཤ་སྒོག་བཙོང་ལ་ཕུག་དང་། །དཀར་གསུམ་མངར་གསུམ་བླུག་པ་ནི། །མཐིང་ནག་སྲོག་འཁོར་ཅན་གྱིས་བཅད། །མི་མཐོང་སྦ་བ་མཆོག་ཏུ་བསྔགས། །དཀྱིལ་འཁོར་མདའ་གང་གྲུ་བཞི་ལ། །འཕང་དུ་སོར་བརྒྱད་བྱས་ནས་ནི། །དབུས་སུ་ཁྲུ་གང་ཟླུམ་པོར་བསྐོར། །དེ་ལ་ཐོད་པའི་ཕྲེང་བ་བཏང་། །དབུས་སུ་གྲུ་གསུམ་བྱས་ནས་ནི། །ནང་ནི་རྒྱ་སོལ་ནག་པོས་བྱུག །ཟླ་གམ་དབུས་ནི་དཀར་པོ་བྱ། །ཐ་མར་ཚོན་རྩི་ནག་པོར་བཏང་། །དེ་ཡི་ཐ་མར་རྩང་གིས་བསྐོར། །གདུག་པའི་ཤིང་གི་ཕུར་བུ་ལ། །ཚོན་རྩི་ནག་པོ་བྱུག་བྱས་ལ། །གཟུངས་ཐག་ཐབས་ཀྱི་སྲིན་ལག་ལ། །བཏགས་ཏེ་བཞག་པ་མཆོག་ཏུ་གསུངས། །ཡིད་གཞུངས་ལ་ནི་ཞེ་གནག་པ། །ཁྲིམས་གཙང་མ་ཡི་ལག་ཏུ་འཇུག །ཕྱི་མ་རྣམས་ཀྱང་འདྲེན་མེད་བཟླས། །ཆུ་རྒྱུན་ལྟ་བུ་བཟླས་པ་བྱ། །ལིསྐོ་ཕ་རོལ་ཚུ་རོལ་ས། །མདོ་གསུམ་ཕུང་ས་རླུད་ཁྱེར་ས། །ཚ་བ་གསུམ་དང་དུག་སྐེ་ཚེ། །བསྲེགས་ཏེ་དེ་ལ་གཟུགས་བྱས་ལ། །སྙིང་གར་བསགས་ལ་གན་རྐྱལ་བཞག །ཅེས་པས་དཀྱིལ་འཁོར་བཅོས་ཤིང་རྫས་བསགས་པའི་ལེའུ་སྟེ་དགུ་པའོ།། །།དེ་ནས་མཚམས་བཅད་པའི་རིམ་པ་ནི། བདེན་པ་བདར་ཏེ་ང་རོ་ཡིས། །བགེགས་རྣམས་འདི་ན་མི་གནས་བྱ། །བདག་ཉིད་རྡོ་རྗེ་འཛིན་རྒྱལ་བསྐྱེད། །བདག་ཉིད་འོད་ཟེར་གནས་ནས་སུ། །སྤྱན་དྲང་རང་ལ་བསྟིམ་པར་བྱ། །དེ་ནས་གསང་ན་སྔགས་བརྗོད་པས། །སྔགས་ལས་འོད་ཟེར་འཕྲོས་པ་ལས། །བདུད་རྩི་འཁྱིལ་པ་དཔག་མེད་ཀྱིས། །བགེགས་རྣམས་མ་ལུས་བསྐྲད་པར་བྱ། །ཨོ་བཛྲ་བཱ་ཁེ་ཧུ༷། །ཞེས་པའི་སྔགས་ཀྱིས་བསྡིགས་པ་ནི། །སྡིགས་མཛུབ་བྱས་ཏེ་ཉུང་དཀར་གཏོར། །དེ་ན་བདེན་པའི་བཀའ་བསྒོ་བྱ། །ཞེ་པ་མེ་ལྕེ་ཕྲེང་བའི་རྒྱུད་ལས། མཚམ་བཅད་པའི་ལེའུ་སྟེ་བཅུ་པའོ།། །།དེ་ནས་ཏིང་ངེ་འཛིན་ལ་ཞུགས། །སྟོང་པ་ཉིད་ལ་ཡུན་རིང་བསྒོམ། །ཡེ་སྟོང་ཐོག་མ་མེད་ནས་སྟོང་། །དེ་མ་རྟོགས་ལ་སྙིང་རྗེ་བསྐྱེད། །དེ་ལས་སྐད་ཅིག་ཏིང་འཛིན་གྱིས། །བཛྲ་བཱ་ཁིར་ལངས་པ་ལས། །པདྨ་མཎྜལ་ཞེས་བརྗོད། །པདྨའི་གདན་དུ་གྱུར་ཏེ་ཧུ༷། །སྐར་མདའ་བཞིན་དུ་བབ་པར་བསམ། །ཧུ༷་སྤ་ར་ཎ་ཕཊ། །ཅེས་བརྗོད་པས། ཧུ༷་ལས་འོད་འཕྲོས་དོན་གཉིས་བྱས། །ཚུར་འདུས་ཙན་དན་པིང་དུ་གྱུར། །ཛ༷༷ཧྲུ༷་བ༷་ཧོ། །མ་ཧྭ་ཀྭ་ལ་རསྒ་དུ་བིང་ནི་ཛ་ཧོ། ཧུ༷་ཞེས་མགོན་པོའི་སྐུ་བསྐྱེད་པ། །ཉི་ཤུ་རྩ་གཅིགབརྗོདཔ་ཡི། །མ་ཧྭ་ཀྭ་ལ་ཉིད་ཀྱི་སྐུ། །ལྷག་གིས་བྱུང་བ་ཁོ་ན་སྟེ། །སྐུ་མདོག་མཐིང་ནག་ཞལ་གཅིག་པ། །ཕྱག་གཉིས་གསེར་ཀའི་སྐུ་རགས་ཅན། །དབུ་སྐྲ་ཁམ་ནག་རལ་པ་ཐོར་གཙུག་གྱེན་དུ་འཁྱིལ། །ཁྲོ་གཉར་སྨིན་མམོས་བར་དུ་བ ད། །སྤྱན་ནི་སྡང་མིག་ཞལ་བགྲད་པ། །མཆེ་གཙིགས་སྨ་རས་ག་ས་པ་ལ། །ཕྱག་གཡས་ཙན་དན་བིང་གོ་བསྣམས། །གཡས་པ་བར་བུ་སྐུ་ལ་བ ན། །ཝས་གཉས་བརྐྱང་བསྐུམ་་་གྱང་བ་ས།།འཇིག་་ག་རྔམ་རྔམ་འདྲ་བ་ཡ།།མགན་པ་ནག་པ་ ་བསྒམ་བྱ།།ཞེ་པ་ང་་ངེ་འཛིན་གྱང་ལེའུ་སྟེ་་་ག་པའ།། །།དེ་ན་སྤྱན་དྲང་བ་འ་སྐད་ད།།ཧུ༷།དད་པ་དང་ནི་དམ་གོ་གིས། །་་་གས་་་་གས་མ་ཧྭ་ཀྭ་ལ་ཆེ། །་་་གས་་་སྤྱན་དཔལ་ལྡན་མགན་པ་ཆེ། །འངདར་་གས་གདུགས་པའ་དགྲ་བགེགས་རྭལ་ཕྱར་བྱན། །དབྱངས་ནས་བ་ས་པ་མི་མངའ་ཡང་། །སངས་རྒྱས་བསྟན་པ་སྲུང་སླད་དུ། །འབར་བའ་སྐུར་སྟན་འངདར་་གས་མབ་པ་བགོ། །འདིར་་གས་བདག་གི་ལངས་སྤྱད་མཆད་པ་བགོ། །ནག་པ་མི་ཟན་འདིར་་གས་མབ་པ་བགོ། །ཕ་རལ་ཕྱིན་སྤྱད་འངདར་་གས་མབ་པ་བཞེས། །རིག་འ ན་གྲུང་མ་འངདར་་གས་མཆད་པ་བཞེས། །དེད་དཔན་གོ་པ་འངདར་་གས་མབ་པ་བགོ། །ལྷ་མིན་གཡུལ་བཟླག་འངདར་་གས་མབ་པ་བ་། །ལྷ་དམག་དབུགས་ཁུངན་འངདར་་གས་མཆད་པ་བཞེས། །དད་པ་དང་ན་དམ་ཚིག་གིས། །ཚུར་་གས་མ་ཧྭ་ཀྭ་ལ་ཆེ། །དཀྱངལ་་་་གསང་བའ་གནས་འངདར་་གས་སུ་གསལ། །བདག་ཅག་གསལ་འདེབ་གདུག་པའི་དགྲ་བགེག་སྒྲོལ། །ཨོ་ཤི་མ་ཧྭ་ཀྭ་ལ་ཛ༷༷ཧུ༷་བ༷་ཧོ་ཧུ༷་ཕཊ། ཅེ་པས་སྤྱན་དྲང་པའི་ལེའུ་བཅུ་སྟེ་བཅུ་གཉིས་པའོ།། །།དེ་ན་ཉམས་མྱོང་བརྟག་བྱ་ལ། །རང་དབང་མེད་པར་སྐྱི་ཟིང་ཞིང་། །འཇིགས་དང་ཡ་ང་ཡོང་བར་བྱེད། །དེ་ཚེ་དར་གྱི་གུར་ཁང་ཕུབ། །སྤོས་དང་གུ་གུལ་བསྲེགས་བྱས་པས། །བགེགས་རྣམས་ཡིན་ན་བྲོས་ནས་འགྲོ། །མགོན་པོ་ཡིན་ན་དམ་ཚིག་ལ། །ཉེ་བར་དགོངས་ནས་བྱོན་པར་བྱེད། །ཕྱག་རྒྱ་བསྟན་ཅིང་དམ་ཚིག་བསྲེ། །ཆོ་འཕྲུལ་ཅིར་ཡང་སྟོན་ནུས་སོ། །ཉམས་རྟགས་བརྟགས་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་བཤད་བྱ་བ། །ཕྱག་གི་རིམ་པ་འདི་གསུང་པ། །ཧུ༷། མཉམ་མེད་མཐུ་མངའ་ག་་ཆེན་མེ་ལྟར་འབར། །མ་རུངས་འཇོམ་མཛད་དགྲ་བཤེགས་ཐལ་བར་རློག །མཐའ་བྱེད་གཤོན་ནུ་འཇིགས་པའི་གད་རྒྱངས་ཅན། །སྐལ་ལྡན་དཔའ་བོ་ཁྱོད་ལ་ཕྱག་འཚལ་ལོ། །ལྷ་མིན་དམག་ཚོགས་གཡུལ་བཟློག་ཅིང་། །ལྷ་དམག་དཀར་པོ་དབུགས་འབྱིན་པ། །རྡོ་རྗེ་དུར་ཁྲོད་འཁོར་བཅས་ལ། །དད་པས་སེམས་ཀྱིས་ཕྱག་འཚལ་ལོ། །བསོད་ནམས་གཟི་བྱིན་ཁྱོད་ལ་ཕྱག་འཚལ་ལོ། །དྲག་ཤུལ་མཐུ་ཆེན་འཕགས་ལ་ཕྱག་འཚལ་ལོ། །ཡེཤེསཚོགསརྫོགསཁྱོད་ལ་ཕྱག་འཚལ་ལོ། །སྒྲིབ་གཉིས་སྤངས་པ་ཁྱོད་ལ་ཕྱག་འཚལ་ལོ། །ལུང་བསྟན་ཐོབ་རྫོགས་ཁྱོད་ལ་ཕྱག་འཚལ་ལོ། །འཇིག་རྟེན་འདི་ན་གང་ཞིག་གིས། །ཁྱོད་ཀྱི་མཚན་ནས་བརྗོད་བསྒྲུབ་ན། །དངོས་གྲུབ་མྱུར་དུ་སྟེར་མཛད་པའི། ། མི་བསྙེམས་བྱམས་ལ་ཕྱག་འཚལ་ལོ། །ལེགས་ལྡན་ནག་པོ་ཁྱེད་ལ་ཕྱག་འཚལ་ལོ། །ཨོ་མ་ཧྭ་ཀྭ་ལ་ཧུ༷་བ༷་ཧྲུ༷་ཕཊ། ཨ་ཏི་པུ་ཧོ། པྲ་ཏི་ཛ་ཧོ། །ས་མ་ཡ་ཧོ། ན་མོ་ཤ་ཡ། ཞེས་པ་མེ་ལྕེ་ཕྲེང་བའི་རྒྱུད་ལས། ཕྱག་འཚལ་བའི་ལེའུ་སྟེ་བཅུ་བཞི་པའོ།། །།དེ་ནས་བཞུགས་སུ་གསོལ་བ་འདི་གསུངས་སོ། །ཧུ༷། ཡེ་ཤེས་མཁའ་འགྲོ་སྔོན་པོའི་མདོག་ཏུ་གྱུར། །སྐུ་མདོག་སྔོ་ནག་དབྱར་གྱི་སྤྲིན་ལྟ་བུ། །དུག་གསུམ་མུན་ཁམས་མ་ལུས་འཇོམས་མཛད་པའི། །མ་ཧྭ་ཀྭ་ལ་ཁྱོད་ཉིད་དགྱེས་ཤིང་བརྟན་པར་བཞུགས། །འདིར་གཤེགས་གདན་ལ་བཞུགས་ནས་ཀྱང་། །འཇིག་རྟེན་པ་དང་མཐུན་འཇུག་ཕྱིར། །ཕྱག་དང་ཞབས་གཉིས་བསིལ་བར་མཛོད། །ཨོ་ཤི་མ་ཧྭ་ཀྭ་ལ་དུ་པ་ཧུ༷། ས་མ་ཡ་ཏིཁྱི་ལྷན་ཨུ་བེ་ཤ་ཡ་ཨ། ཞེས་པ་མེ་ལྕེ་ཕྲེང་བའི་རྒྱུད་ལས། བརྟན་པར་བཞུགས་སུ་གསོལ་བའི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་བཤད་བྱ་བ། །གཤེགས་ཤིག་གཤེགས་ཤིག་གནས་འདིར་གཤེགས། །བུ་ཡི་གནས་མཆོག་དམ་པ་ན། །ཁྱོད་ཀྱི་མཐུན་པའི་དམ་རྫས་ནི། །འབྱོར་པ་ཚོགས་སོ་ཐུགས་དམ་རྫས། །རྒྱ་ཤུག་ལ་སོགས་སྤོས་ལྔ་ཐུ་ལུ་ལུ། །ག་པུར་ལ་སོགས་སྨན་ལྔ་ཅི་ལི་ལི། །འབྲུ་བབ་ཆང་གི་ཕུད་ནི་བྲེངས་སེ་བྲེང་། །རཀྟ་དམར་གྱི་རྒྱ་མཚོ་ཀྱི་ལི་ལི། བྷརྙ་རུསཔའིཚོགསནིཁྲལལ། ཁྲ་གོ་བདུད་རྩིའི་ཚོགས་ནི་ཚངས་སེ་ཚང་། །མཐུན་པའི་དམ་རྫས་ཚོགས་སོ་གནས་འདིར་བྱོན། །རྒྱན་གྱི་གཏོར་མ་འདི་ལོང་ལ། །བཅོལ་བའི་ལས་རྣམས་གྲུབ་པ་མཛོད། །དེ་ནས་མཆོད་པ་དང་གཏོར་མ་བཤད་པར་བྱའོ། །ཕྱི་ཡི་མཆོད་པ་འབུལ་བ་ནི། །མེ་ཏོག་ཕྲེང་བ་ལ་སོགས་རིན་གོ་དབྱིག །མར་མེ་མུན་སེལ་དྲི་ཞིམ་སྤོས་ཀྱི་མཆོག །བདུད་རྩི་ཡོན་ཆབ་འོ་མ་ཀུན་གྱི་གསོས། །སྒྲིབ་སེལ་བཤོས་གཙང་དམ་པ་བདུད་རྩི་བཅས། །དྲང་སྲོང་ཤ༷་ཀར་སྐུ་ལ་མཆོད་པ་འབུལ། །ཨུ་མའི་སྐུ་ལ་མཆོད་པ་འབུལ། །ལེགས་ལྡན་ནག་པོའི་སྐུ་ལ་མཆོད་པ་འབུལ། །མ་ཧྭ་ཀྭ་ལའི་སྐུ་ལ་མཆོད་པ་འབུལ། །ལྷ་མོ་དུང་སྐྱོང་སྐུ་ལ་མཆོད་པ་འབུལ། །ཨོ་མ་ཧྭ་ཀྭ་ལ་རསྒ་དུ་བེ་ཐྲི་ཛ། པུ་ཛ་མེ་བྷ་སྤ་ར་ཎ་ཨསྙེ༷། དྷཔེ། པྲསྤྲོ ཨུ་ལོ་ཀེ སྙརྙེ། ནེ་ཝི་བྱ། ཤསྟ་རཏྣ་པྲུ་ཛ་མེ་བྷ་ས་མུ་དྲ་སྤ་ར་ཎ་ས་མ་ཡེ། ཨོ་ཨུ༷༷ཧུ༷། ཞེས་མཆོད་དོ། །དམ་རྫ་ཀྱི་མཆོད་པ་འབུལ་བ་ནིལྕགས་བར་གྱི་ནང་དུ་དཀར་གསུམ་དང་། མངར་གསུམ་དང་། ལ་ཛུ་དང་། སྒོག་བཙོང་དང་། རྒུན་འབྲུམ་དང་། འབྲུ་ཐུག་དང་། འབྲས་བ་དང་། ཁུར་བ་དང་། ཤིང་ཐོགས་སྣ་ཚོགས་རྣམས་བླུགས་པ། དར་མཐིང་ནག་གིས་ཁ་བཅད། དེ་སྐད་བསྐུལ་ལོ། །ཧུ༷། མེ་ཏོག་ཕྲེང་བ་ལ་སོགས་རིན་གོ་དབྱིག །ལ་དུ་ལ་ཕུག་ལ་སོགས་ཡིད་བཞིན་འབྲས་བུའི་ཟས། །ཕྱོགས་བརྩི་ཆུ་སྐྱེས་མེ་ཏོག་ལོངས་སྤྱོད་རྒྱན། །རིས་སུ་མ་བ་ལོངས་སྤྱོད་རྒྱས་པར་འབུལ། །དཀྱིལ་འཁོར་མཛེས་པ་དམ་པ་དང་། །བཤོས་གཙང་མེ་ཏོག་མར་མེ་སྤོས་སྣ་ཚོགས། །རྒུན་ཆང་ལ་སོགས་བ་་བའི་མཆོག །སྦྲང་རྩི་ལ་སོགས་མངར་བའི་དབྱིག །སྣ་ཚོགས་མཆོད་པ་འདི་དག་བཞེས། །དངོས་འབྱོར་དང་ནི་ཡིད་ཀྱིས་སྤྲུལ། །གཟུགས་དང་སྒྲ་དང་དྲི་རོ་རེག །ཆོས་ལ་སོགས་པའི་མཆོད་པ་ཀུན། །མགོན་པོ་འཁོར་བཅས་སྐུ་ལ་འབུལ། །ཞེས་པས་དབུལ་ལོ། །ནང་གི་མཆོད་པ་དབུལ་བ་ནི། །གཡུ་དྲི་མྱོས་བྱེད་ཆང་། སྐྱེ་འགྲོ་འབྲུའི་བབ། བདུད་རྩི་བབ་ཀྱི་ཟས། སྐྱེམས་འཕང་ཕུད་ཀྱིས་མཆོད། སྐལ་ལྡན་དཔའ་བོ་གསོལ། དྲང་སྲོང་ཤ༷་ཀར་གསོལ། ལེགས་ལྡན་དཔའ་བོ་གསོལ། ལྷའི་གནོད་སྤྱིན་གསོལ། གསེར་ཀ་རིན་ཞོ་གསོལ། དར་ནག་རལ་ཅན་གསོལ། རིག་འཛིན་སྲོག་ཤིང་གསོལ། དུག་གསུམ་སྨན་པ་གསོལ། སྐྱེས་བུ་གོ་པོ་གསོལ། ལྷ་མོ་དུང་སྐྱོང་གསོལ། འདོད་ཁམས་དབང་དུ་གསོལ། ཞེས་མཆོད་པས་མཉེས་པར་འགྱུར་རོ། །དེ་ནས་བདུད་རྩིའི་མཆོད་པ་འབུལ་བ་ནི། ཧུ༷། གཤེགས་ཤིག་གཤེགས་ཤིག་གནས་འདིར་གཤེགས། །བུ་ཡི་གནས་མཆོག་དམ་པ་ནས། །ཁྱོད་ཀྱི་མཐུན་པའི་དམ་རྫས་ནི། །འབྱོར་པ་ཚོགས་སོ་ཐུགས་དམ་ཅན། །རྒྱ་ཤུག་ལ་སོགས་སྤོས་ལྔ་ཐུ་ལུ་ལུ། །ག་པུར་ལ་སོགས་སྨན་ལྔ་སི་ལི་ལི། །འབྲུ་བཅུད་ཆང་གི་ཕུད་ནི་བྲེངས་སེ་བྲེང་། །རཀྟ་དམར་གྱི་ཨསྙེ༷་ཀྱི་ལི་ལི། །བྷནྟྲ་རུས་པའི་ཚོགས་ནི་ཁྲ་ལ་ལ། །བདུད་རྩི་རྣམ་ལྔའི་ཚོགས་ནི་ཚངས་སེ་ཚང་། ཁྲ་ཆེན་མུང་སའི་ཚོགས་ནི་སྐྲུངས་སེ་སྐྲུང་། །མཐུན་པའི་དམ་རྫས་ཚོགས་སོ་གནས་འདིར་བྱོན། །དམ་རྫ་གཏོར་མ་འདི་བཞེ་ལ། །སྡིག་ཅན་དགྲ་བོ་འདུལ་དུ་གསོལ། །བདག་ཅག་རྣམས་ལ་སྐྱབས་ཆེན་མཛོད། །ཨོ་མ་ཧྭ་ཀྭ་ལ་རསྒ་དུ་བེད་དྲི་ཛ། །མ་ཧྭ་ནཱ༷་ས་ཁུ་ཧི། མ་ཧྭ་རཀྟ་ཁུ་ཧི། མ་ཧྭ་རུ་ཏི་ཁུ་ཧི། མ་ཧྭ་ཙིསྟ་ཁུ་ཧི། ཞེས་མཆོད་དོ། །དམ་རྫས་བདུད་རྩི་དམ་རྫས་ཚང་བ་ལ། །འདོད་པའི་ཡོན་ཏན་ལྔ་ཡིས་རབ་བརྒྱན་ཅིང་། །ཡེ་ཤེས་ལྔ་ཡིས་འོད་ཟེར་རྣམ་པར་འཕྲོ། །དབང་པོ་དྲུག་གི་སྤྱོད་ཡུལ་འགྱེད། །དྲི་ཆེན་དྲི་ཆུའི་ཚོགས་ནི་རྦ་རླབས་ཞབྲུག །རཀྟ་དམར་གྱི་རང་བཞིན་རྒྱ་མཚོ་འཁྱིལ། །མུ༷་ས་ཤ་ཡི་རང་བཞིན་རི་ལྟར་སྐྲུངས། །ཀེང་རུས་རུས་པའི་རང་བཞིན་རི་ལྟར་སྐྲུངས། །དཔལ་ལྡན་ལེགས་ལྡན་ཡབ་སྲས་ཡུམ་དང་བཅས། །གཙོ་དང་འཁོར་དུ་བཅས་པའི་ཐུགས་དམ་བསྐང་། །ཞེས་མཆོད་དོ། །དེ་ནས་ལས་ལ་མངའ་གསོལ་བ་ནི། ཧུ༷། དུས་གསུམ་སངས་རྒྱས་ཐམས་ཅད་ཀྱིས། །མ་ཧྭ་ཀྭ་ལར་མངའ་གསོལ་བས། །དཔྲལ་བ་ཁྲོ་གཉེར་གསུམ་དང་ལྡན། །དཀོན་མཆོག་གསུམ་གྱིས་མངའ་གསོལ་བས། །ཁྲིམས་ཀྱི་ཆ་ལུགས་གསུམ་དང་ལྡན། །རིགས་གསུམ་མགོན་པོས་མངའ་གསོལ་བས། །ཞལ་གྱི་ཆ་ལུགས་གསུམ་དང་ལྡན། །རིགས་གསུམ་ཁྲོ་བོས་མངའ་གསོལ་བས། །ཞལ་གྱི་ཁྲོ་གཉེར་གསུམ་དང་ལྡན། །ལྷ་སྲིན་རྣམས་ཀྱིས་མངའ་གསོལ་བས། །དབུ་སྐྲ་ཁམ་ནག་རལ་པ་ཅན། ཁུ།་སྐར་རྣམས་ཀྱིས་མངའ་གསོལ་བས། །སྐུ་སྨད་མེ་ཡི་ལྕགས་ཀྱུས་བརྒྱན། །སྲིད་པ་གསུམ་ལ་དབང་བསྐུར་བས། །སྐུ་ཡི་ལྟེ་བ་ཟུར་གསུམ་ཟབ། །ཀླུ་ཆེན་བརྒྱད་ཀྱིས་མངའ་གསོལ་བས། །ཡན་ལག་སྦྲུལ་གྱི་ཆུན་པོས་བརྒྱན། །ས་བདག་རྣམས་གྱིས་མངའ་གསོལ་བས། །ན་བཟའ་ཟ་བེར་མཐིང་ནག་གསོལ། །འཆི་བདག་བདུད་ཀྱིས་མངའ་གསོལ་བས། །ཕྱག་ན་ཙན་དན་བིང་ཆེན་བསྣམས། །ལྷ་རྣམས་ཀུན་གྱིས་མངའ་གསོལ་བས། །བསྲོ་སྒྲ་ཆེན་པོ་གསུམ་དང་ལྡན། །ལྷ་མིན་གཡུལ་ལས་རྒྱལ་མཛད་ཕྱིར། །ཆ་སྒྲ་ཆེན་པོ་གསུམ་དང་ལྡན། །བྱོལ་སོང་ཀུན་གྱིས་མངའ་གསོལ་བས། །མུན་པའི་གཡུང་དྲུང་སྐུ་ལ་གསོལ། །ཡི་དྭགས་རྣམས་ཀྱིས་མངའ་གསོལ་བས། །རིན་ཆེན་འབར་བའི་དོ་ཤལ་ཅན། །དམྱལ་བ་རྣམས་ཀྱིས་མངའ་གསོལ་བས། །སྐུ་ལ་བསྐལ་པའི་མེ་ཆེན་འབར། །ཞལ་ནས་བསྐལ་པའི་ཆུ་ཆེན་འབྲུབ། །ལྷ་ཡི་དམག་དཔོན་མངའ་གསོལ་ལོ། །ཆོས་སྐྱོང་ཆེན་པོར་མངའ་གསོལ་ལོ། །མགོན་པོ་ཆེན་པོར་མངའ་གསོལ་ལོ། །དཀར་པོའི་བསྟན་པ་སྲུང་བར་མངའ་གསོལ་ལོ། །ཞེས་ པས་ མངའ་ གསོལ་ ལོ། །དེང་རྒྱལ་བའི་ བཀའ་བདེན་པ་ བརྗོད་དོ། །དཀོན་ མཆོག་ གསུམ་ ལ་ མ་ ཉེས་ པའི་ དཔང་ གཟུག་སྟེ་ འདི་ སྐད་བརྗོད་དོ། །ཧུ༷། མ་ ཉེས་ མ་ གཡོ་ གཟུ་ དང་དཔང་། །དཀོན་མཆོག་གསུམ་པོ་གཟུ་དང་དཔང་། །དུས་གསུམ་སངས་རྒྱས་གཟུ་དང་དཔང་། །ཕྱོགས་བ་་དགེ་འདུན་གཟུ་དང་དཔང་། །དམ་ཆོས་བདུད་རྩི་གཟུ་དང་དཔང་། །དཀྱིལ་འཁོར་ལྷ་ཚོགས་གཟུ་དང་དཔང་། །ཆོས་སྐྱོང་ལྕམ་དྲལ་གཟུ་དང་དཔང་། །ཕྱོགས་སྐྱོང་བཅུ་པོ་གཟུ་དང་དཔང་། །ལྷ་སྲིན་སྡེ་བརྒྱད་གཟུ་དང་དཔང་། །ཀླུ་ཆེན་བརྒྱད་པོ་གཟུ་དང་དཔང་། །རིགས་བཞིའི་ཀླུ་རྒྱལ་གཟུ་དང་དཔང་། །ཀླུ་བྲན་འབུམ་སྡེ་གཟུ་དང་དཔང་། །གཉན་ཆེན་འཁོར་བཅས་གཟུ་དང་དཔང་། །རིགས་བཞིའི་ས་བདག་གཟུ་དང་དཔང་། །སྣང་སྲིད་ལྷ་འདྲེ་གཟུ་དང་དཔང་། བགེགས་རིགས་སྟོང་ཕྲག་བརྒྱད་ཅུ་གཟུ་དང་དཔང་། །རྭ་ཛ་བཙན་དང་བདུད་དུ་བཅས། །གཟུ་དང་དཔང་པོར་ཁྱེད་རྣམས་བཞུགས། །ང་ཡིས་མ་ལེན་ཁོ་ཡིས་ལེན། །ང་ཡིས་མ་ཉེས་ཁོ་ཡིས་ཉེས། །ལེགས་ཉེས་གཉིས་ཀྱིས་ཐིག་ཐོབ་ཅིག །དགྲ་བོ་གསོད་པའི་ལས་མཛོད་ཅིག །ཅེས་མེ་ལྕེ་ཕྲེང་བའི་རྒྱུད་ལས། གཏོར་མ་དང་མཆོད་པ་ལ་སོགས་པའི་ལེའུ་སྟེ་བཅུ་དྲུག་པའོ།། །།དེ་ནས་བསྐུལ་བ་བསྟན་པར་བྱ་སྟེ། །འདི་སྐད་བསྐུལ་ལོ། །ཧུ༷། བཅོམ་ལྡན་ཕྱག་ན་རྡོ་རྗེ་ཡིས། །ཁྱོད་ཀྱི་གསང་བའི་མཚན་བཏགས་པ། །རྡོ་རྗེ་རོ་ལངས་དུར་ཁྲོད་བདག །དུར་ཁྲོད་གནས་པར་རབ་ཏུ་མོས། །གསང་བའི་མཚན་ནས་འབོད་དོ་དགྲ་བོ་ད་སྒྲོལ་ཅིག །འཇམ་པའི་དབྱངས་ཀྱིས་མཚན་བཏགས་པ། །ནག་པོ་མནལ་ཟན་རྣམས་ཀྱི་གཤེད། ཁྲ་ཁྲག་ཟ་ལ་རབ་ཏུ་མོས། །གསང་བའི་མཚན་ནས་འབོད་དོ་དགྲ་བོ་ད་སྒྲོལ་ཅིག །རྡོ་རྗེ་སེམས་དཔས་མཚན་བཏགས་པ། །མཐུ་ཆེན་ལོག་འདྲེན་རྣམས་ཀྱིས་གཤེད། །ལོག་པའི་གང་ཟག་འདུལ་ལ་བརྩོན། །གསང་བའི་མཚན་ནས་འབོད་དོ་ད་ཚུར་བྱོན། །བཅོལ་ལོ་བཅོལ་ལོ་ལས་བཅོལ་ལོ། །དགེ་བསྙེན་སྲུང་མ་ལས་མཛོད་ཅིག །སྡིག་ཅན་དགྲ་བོ་སྒྲོལ་བའི་ལས་མཛོད་ཅིག །མ་ཧྭ་ཀ་ལའི་ཚོགས་ནི་སྤྲིན་ལྟར་གཏིབས་ལ་གཤེགས། །ལས་ངན་དགྲ་བོ་མནན་པའི་དུས་ལ་བབ། །སྡིག་ཅན་དགྲ་བོ་བསྒྲལ་བའི་དུས་ལ་བབ། །དཀོན་མཆོག་དབུ་འཕང་དམ་ཉམས་འདི་ཡི་སྨད། །སངས་རྒྱས་བསྟན་པ་དམ་ཉམས་འདི་ཡིས་བཤིག །དགེ་འདུན་དཀོར་ཡང་དམ་ཉམས་འདི་ཡིས་ཕྲོགས། །སློབ་དཔོན་སྐུ་ལ་འདི་ཡིས་བསྡོས། །སྡིག་ཅན་འདི་ཡིས་ཅི་མ་བྱས། །ལས་ངན་སྡིག་ཅན་འཁོར་བའི་སེམས་ཅན་འདི། །བསྒྲལ་བའི་ཞིང་བཅུ་ཡིན་པས་ན། ཁྲཀྱ་ཐུབ་པའི་བསྟན་པ་ལ། །ལས་ངན་བསྒྲལ་བར་དམ་བཅས་པ། །སྡིག་ཅན་བསྒྲལ་བར་དམ་བཅས་པ། །ནག་པོ་ཆེན་པོ་མཐུ་བོ་ཆེ། །སྐོམ་དུ་མི་ཁྲག་མངར་མོ་འཐུང་། །ཟས་སུ་མི་ཤ་བཤུལ་མོ་ཟ། །གོས་སུ་མིལྤགསརློནཔགོན། །འཁོར་དུ་དུར་ཁྲོད་མ་མོས་བསྐོར། །ལས་ངན་དགྲ་བོ་ད་སྒྲོལ་ཅིག །རྣམ་ཤེས་གཞན་དུ་སྒྱུར་ལ་ཐོང་། །སྲོག་ལ་ཧུབ་ཀྱིས་ཐོབ་ལ་ཤོག །ལྕགསཀྱིབྱཁྲཆེནཔོརསྐུསྤྲུལལ། །སྡིག་ཅན་འདི་ཡི་ཀླད་པའི་སྤྱི་རྟོལ་ལ། །ཀླད་ཁྲག་དྲོན་མོ་གཞིབ་པའི་དུས་ལ་བབ། །ལྕགས་ཀྱི་ཤ་སྤྱང་ཆེན་པོར་སྐུ་སྤྲུལ་ལ། །ལས་ངན་དགྲ་བོའི་སྲོག་པ་རྩར་ཞུགས་ལ། །སྲོག་རྩ་དྲོན་མོ་གཞིབ་པའི་དུས་ལ་བབ། །ནག་པོ་ཆེན་པོར་སྐུ་སྤྲུལ་ལ། །ལས་ངན་གསོད་པའི་དུས་ལ་བབ། །སྡིག་ཅན་གསོལ་བའི་དུས་ལ་བབ། །དཀོན་མཆོག་གསུམ་ལ་སྐྱབས་འགྲོ་རྣམས། །གཏོར་མ་ཕུལ་ནས་འདི་ཞུས་པས། །སེམས་ཅན་རྣམས་ལ་གནོད་བྱེད་པ། །མགོན་པོ་ནག་པོ་ཁྱོད་ཀྱི་གསོལ། །དགྲ་བོའི་ཤ་ནི་མ་ནོངས་པར་གྱིས། །ཁྲག་ནི་བ་་ཏེ་བ་་བར་གྱིས། །ཡང་ན་དེ་ཡི་ཕྱི་ནང་གི །ཏིལ་ཙམ་དག་ཏུ་ཤ་ཆོད་ཅིག །དཀར་པོའི་སྲུང་མ་ལས་མཛོད་ཅིག །གདུག་པའི་དགྲ་བོ་འདུལ་བའི་ལས་མཛོད་ཅིག །བཟློག་ཅིག་དགྲ་བོ་ད་བཟློག་ཅིག །དེང་ནས་བཟུང་ནས་སྐྱེས་བུ་ཡིས། །བདག་ཅག་བསྲུང་ཞིང་བསྐྱབ་ཏུ་གསོལ། །སློབ་དཔོན་གདན་ནས་བསྐྱོད་ད་རེ། །སློབ་མ་མཐའ་ནས་ཟགས་པ་རེ། །ཕོ་བྲང་ངོ་མངས་འཀྱུར་ར་རེ། །སྒྲུབ་ལ་བར་ཆོད་ཤོར་ར་རེ། །ལེགས་ལྡན་ནག་པོ་མཐུ་བོ་ཆེ། །མགོན་པོ་ནག་པོ་ཐུགས་དམ་ཅན། །ལྔ་བརྒྱ་དུས་ཀྱི་ཐ་མ་ལ། །བདག་ཅག་རྣལ་འབྱོར་ཚོགས་རྣམས་ལ། །མཐུ་ནུས་འབྱིན་པའི་དུས་ལ་བབ། །ཧུ༷། བདེ་ཆེན་འདུ་འབྲལ་མེད་པའི་ཀློང་དཀྱིལ་ནས། །ཡང་དག་སྐུ་གཅིག་བྱུང་བ་ནི། །མཐིང་ནག་མི་སྲུན་འཇིགས་པའི་སྐུ། །ཉིད་ཀྱི་སྐུ་ལ་དར་ནག་བེར་ཆེན་གསོལ། །དབུ་སྐྲ་ཁམ་ནག་ཐོར་ཚུགས་གཅིག་ཏུ་འཁྱིལ། །སྨིན་མ་ནག་པོ་ཁྲོ་གཉེར་བརྗིད་པའི་ཞལ། །སྤྱན་བཟློག་ཞལ་གདངས་མཆེ་བ་རྣོ་གཙིགས་ནས། །དམ་ཉམས་དགྲ་བགེགས་རྣམས་ཀྱི་སྙིང་རྩ་གཅོད། །ཤངས་ནས་མེ་དང་དུག་གི་འ་་མ་གཏོང་། །ཕྱག་གཉིས་ཐབས་དང་ཤེས་རབ་ཟུང་དུ་འབྲེལ། །གཡས་ཀྱི་ཕྱག་ན་ཙན་དན་བིང་ཆེན་བསྣམས། །གསོར་ཞིང་ཀླད་པའི་རྒྱས་སུ་རྡེག །ཙན་དན་བེང་གི་སྟོད་ཤེད་ནས། །སྤྲུལ་པའི་ཕོ་ཉ་འབུམ་བཀྱེ་བས། །སྟེང་གི་ལྷ་བདུད་དབང་དུ་སྡུད། །ཙན་དན་བིང་གི་ཞབས་ཤེད་ནས། །སྤྲུལ་པའི་ཕོ་ཉ་འབུམ་བཀྱེ་བས། །འོག་གི་སྲི་བཙན་དྲུངས་ནས་འབྱིན། །ཙན་དན་བེང་གི་བར་ཤེད་ནས། །སྤྲུལ་པའི་ཕོ་ཉ་འབུམ་བཀྱེ་བས། །བར་གྱི་དགྲ་བགེགས་རྡུལ་དུ་རློགས། །གཡོན་ན་ལྕགས་པར་སྐུ་ལ་བརྟེན། །དར་སེར་སྔོ་ཁྲ་སྐུ་ལ་གསོལ། །གསེར་ཀ་རིན་ཆེན་སྐུ་ལ་བཅིངས། །སྤྱན་གསུམ་སྡང་མིག་གྱེད་དུ་བགྲད་པ་ཡིས། །སྟེང་གི་ལྷ་ཡང་འདར་ཤ་ཤ །སྤྱན་གསུམ་སྡང་མིག་ཟུར་དུ་བགྲད་པ་ཡིས། །འོག་གི་ཀླུ་ཡང་ཟིལ་གྱིས་གནོན། །སྤྱན་གསུམ་ཕྲེང་ལ་ཕར་བགྲད་པས། །ཕྱོགས་བཞི་མཚམས་བརྒྱད་མདུན་ན་ནི། །གནས་པ་ཐམས་ཅད་ཕོ་ཉར་འགྱེད། །ཞབས་གཉིས་བརྐྱང་བསྐུམ་ཚུལ་གྱིས་འབྱུང་པོ་གནན། །ཀྱེ། མགོན་པོ་ནག་པོའི་བསྟན་པ་ལ། །འཁྲུགས་པ་ཅན་ནི་འདི་ཡིན་པས། །གལ་ཏེ་རིང་བར་དྲང་བས་ན། །གདུག་པའི་དགྲ་བོ་འདི་ཉིད་ནི། །བཟུང་བཟུང་སོད་སོད་ཁྱེར་ཁྱེར་ཆིངས། །སྲེག་སྲེག་གཏོར་གཏོར་སྒྲོལ་སྒྲོལ་ཆིངས། །སྐད་ཅིག་གཅིག་གིས་མེད་པར་གྱིས། །གདུག་པའི་དམག་གི་དཔུང་ཤིག་ཅིང་། །ཨོ་མ་ཧྭ་ཀྭ་ལ་རསྒ་དུ་བེང་དྲི་ཛ། །ཨོ་ཤི་མ་ཧྭ་ཀྭ་ལ་རྭ་པ་ཕཊ། ཧུ༷་སྨྱོ་སྦྱོ་སྨྱོ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ལྷ་ཆེན་པོ། །སྲོག་བདུད་ཆེན་པོ་མ་རུངས་པ། །མངོན་ཤེས་རྫུ་འཕྲུལ་སྣ་ཚོགས་སྟོན། །མངོན་ཤེས་རྫུའཕྲུལ་ཐབས་གཙོ་བས། །རྔམ་པའི་ཞལ་གདངས་ག་་པའི་སྐུ། །མཐིང་ནག་མུན་པའི་གཡུང་དྲུང་ན་བཟའ་གསོལ། །ཞལ་གདངས་དུག་གི་ངན་སྒྱུགས་ཆར་དུ་འབེབས། །སྲོག་བདུད་དབུགས་ལ་མངའ་མཛད་པས། །བདག་ལ་སྡང་བའི་དགྲ་བགེགས་ཀྱི། །སྲོག་དང་དབུགས་ལ་ཁ་ར༷་ཁུ་ཧི། །སྲོག་བདུད་ཆེན་པོའི་ཐུགས་དམ་དུས་ལ་བབ། །མཚན་ནི་མ་ཧྭ་ཀྭ་ལ་སྟེ། །ལྷ་ཆེན་དཔའ་འབར་བདུད་ཀྱི་གཙོ། །སྲོག་གི་སྙིང་པོས་གནས་ནས་སྤྱན་འདྲེན་གྱིས། །བཅོལ་བའི་ཕྲིན་ལས་འདི་ལ་རྟགས་ཕྱུང་ཅིག །ཧུ༷། །ལྷ་ཆེན་མགོན་པོ་ནག་པོ་ནི། །མངོན་ཤེས་རྫུ་འཕྲུལ་ཐབས་དང་ལྡན། །རིག་པའི་རྒྱལ་པོ་ཐབས་ཀྱི་གཙོ། །ཕྱག་ན་བདུད་ཀྱི་ཁྲམ་བམ་བསྣམས། །བདུད་སྡེ་སྟོང་གི་གཙོ་བོ་སྟེ། །ཁྲམ་ཐོགསརྒྱལཔོགཤེགསསུགསོལ། །དྲེད་མོ་དག་གི་སླག་པ་ལ། །སེང་གེ་སྔོན་མོའི་གོང་ལག་ཅན། །ལག་ན་སྙིང་དང་ཁྲམ་ཐོགས་ཤིང་། །རྟག་ཏུ་སྲོག་དང་དབུགས་ལ་རྔམས། །བདུད་མོ་མ་རུང་པ་ཡིས་ནི། །དགྲ་བོའི་སྲོག་དབུགས་སོ་སོར་འབྲལ། །ལྷ་ཆེན་མགོན་པོ་ནག་པོ་ནི། །གནས་འདིར་མ་ལུས་གཤེགས་སུ་གསོལ། །ཧུ༷། ལྷ་ཆེན་བཞུགས་པའི་སྐུ་མཁར་ནི། །ཐོད་པ་འབར་བའི་སྐུ་མཁར་ལ། །རིན་ཆེན་གསེར་གྱི་སྒོ་མོ་གསལ། །མཐིང་ནག་གཡུ་ཡི་སྐས་བཙུགས་ཤིང་། །ལྷ་ཆེན་མགོན་པོ་གཤེགས་པ་ཡི། །དམ་ཚིག་ཅན་གྱི་གྲོགས་ལ་བྱོན། །དམ་ཉམས་དགྲ་བོ་རབ་རྒྱུད་ཆོད། །མགོ་ལ་རྔམས་ཤིང་ད་ཚུར་བྱོན། །བདུད་མོ་ཡུམ་དང་གཉིས་སུ་མེད། །མ་ཆགས་ཐབས་ཀྱིས་རོལ་པ་མཛད། །ལྷ་ཆེན་ལ་སོགས་འཁོར་བཅས་ཀྱིས། །བཅོལ་བའི་ལས་རྣམས་དུས་ལ་བབ། །ལྷ་ཆེན་མགོན་པོ་ད་ཚུར་བྱོན། །བདུད་པོ་བདུད་མོ་མ་རུངས་པ། །འཁོར་དང་བཅས་པ་ད་ཚུར་བྱོན། །རིན་ཆེན་གསེར་གྱི་ཁྲི་སྟེང་ན། །མི་རོ་རྟ་རོའི་ཁྲི་སྟེང་ན། །ལྷ་ཆེན་བདུད་པོ་འཁོར་དང་བཅས། །ཞལ་ནས་མི་ཤ་རྟ་ཤ་ཙ་ར་ར། །ཆིབས་སུ་དཔའ་བའི་སྟག་མོ་བཅིབས། །བདུད་ཀྱི་ཞགས་པ་ནག་པོ་དགྲ་ལ་འཕེན། །དགྲ་བོའི་གཡུལ་སོ་རུ་འཇོམས་པ། །དཔའ་བོ་ཁྱོད་ལ་ཕྲིན་ལས་བཅོལ བཅོལ་བའི་ཕྲིན་ལས་འགྲུབ་པར་མཛོད། །ཅེས་མེ་ལྕེ་ཕྲེང་བའི་རྒྱུད་ལས། ཕྲིན་ལས་བཅོལ་བསྐུལ་གྱི་ལེའུ་སྟེ་བཅུ་བདུན་པའོ།། །།ཕྲིན་ལས་ཀྱི་དུམ་བུ་སྟེ་བཞི་པའོ། །གནས་གསུམ་པའོ། །དེ་ནས་བསད་པའི་རིམ་པ་ནི། །བེང་ངམ་ཕུར་བས་བསད་པ་དང་། །ཐུན་གྱིས་བསད་དང་སྤྱིན་སྲེག་བསད། །ཟོར་གྱིས་བསད་དང་མནན་པས་བསད། །དྲག་པོའི་སྦྱོར་བ་ལྔ་རུ་བཤད། །དེ་ལ་གདབ་ཀས་བསད་པ་ནི། །དཀྱིལ་འཁོར་བསད་ཁང་ནག་པོ་མྲ །ཕུར་པ་དུག་ཤིང་སེང་ལྡེང་ངམ། །གླ་བ་སྐྱེར་པ་ཚེར་མ་ཅན། །ཁ་དོག་ནག་པོ་སོར་བརྒྱད་བདུན། །བེང་དང་བཅས་པ་གསོར་ཞིང་གདབ། །ཐོག་ལྕགས་མི་བསད་ལྕགས་དག་ལ། །མགར་བ་མོན་ནམ་ཡུགས་སས་བརྡུངས། །རྣལ་འབྱོར་ཁྲིམས་ལྡན་གཙང་མས་སུ། །གཟུངས་དང་བཅས་པ་དེ་བཞིན་བྱ། །དམ་ཚིག་གཙང་མ་ཆོས་སྤྱོད་བརྩོན། །སྒོམ་རྒྱུད་ལྡན་པས་བཅང་བྱས་ལ། །ཤ་ཐོད་ནད་ནས་ལིདྨ་ག་དོན། །དགུག་པ་གཞུག་པ་དྲག་པོ་བྱ། །གུ་གུལ་དུད་པས་བདུག་བྱས་ལ། །བདག་ཉིད་མགོན་པོའི་སྐུར་བསྒོམས་ཏེ། །བེར་ནག་གོན་ལ་སྐྲ་བརྫེས་ལ། །ངོ་ལ་ཁྲག་གིས་སྲེ་མོག་བྱུག །ཞིང་ལྤགས་གོན་ལ་ཕྲེང་ཆེན་བགྲང་། །ཐོད་པ་ནག་པོ་རྒྱན་དུ་གོན། །དྲག་པོའི་བརྟུལ་ཞུགས་སྤྱོད་པ་ཡིས། །བདག་གི་སྙིང་ག་དག་ནས་འོད། །འཕྲོས་པའི་ཁོ་ལ་ཕོག་ནས་སུ། །ཁོ་ཡི་ཡེ་ཤེས་འཁོར་ལོ་ཕྱུང་། །བདག་ལ་བསྟིམ་སྟེ་འོད་དུ་ཞུ། །བདག་ནི་གཟི་མདངས་ལྡན་པར་བསམ། །ཡང་ནི་འོད་འཕྲོས་ཁོང་དུ་གནས། །ལིསྐོ་དག་ལ་བསྟིམ་བྱས་ལ། །བདག་གིས་འབོད་རྦད་བསད་གསུམ་སྦྲེལ། །རྒྱུན་མ་ཆད་པར་དྲག་པར་བཟླས། །ཡང་སོང་ཁོ་ཡི་ཁོང་དུ་སོང་། །རྡོ་རྗེ་བྱུང་ནས་ཁར་སོང་མྱོས་པར་བསམ། །ཡང་བརྗོད་ཁྲོ་བོ་དཔག་མེད་ཀྱིས། །ཕུར་པའི་ཆར་ཕབ་བསད་པར་བསམ། །དེ་ནས་བེང་དང་ཕུར་པ་དྲིལ། །དྲག་པོའི་སྤྱོད་པས་གནས་བདུན་གདབ། །ཨོ་མ་ཧྭ་ཀྭ་ལ་རསྒ་དུ་བེང་ན་ཛ། །ཨོ་ཤི་མ་ཧྭ་ཀྭ་ལ་རྭ་པ་ཧུ༷་ཕཊ། །ཆེ་གེ་མོ་འདི་ཡ་སོད་སོད། ནག་པོ་ཆེན་པོ་ཤ་རྒྱུད་སྙིང་འདི་ཐོན་ཐོན། །བདུད་པོ་དགྲའི་སྲོག་ལ་ཛ་ཛ༷༷ ནག་པོ་དགྲའི་བླ་རྩ་ལ་ཡ་ཡ། ནག་པོ་དགྲའི་ཀླད་པའི་རྩ་ལ་ཡ་ཡ། །ནག་པོ་དགྲའི་སྙིང་རྒྱུད་དབུགས་ལ་ཡ་ཡ། ཞེས་ཕུར་པས་གདབ་བོ། །ཕུར་ཁུར་གྲུ་བཞི་རྨས་ས་མྲ ་་་དཀར་ལ་སོགས་དུག་ཁྲག་གིས། །རྫས་རྣམས་ཕུར་པའི་ཤུལ་དུ་གདབ། །དེ་ལྟར་ཕུར་པ་གདབ་པ་ཡང་། །མགོན་པོས་དངོས་སུ་གདབ་པར་དམིགས། །ངེས་པར་འཁོར་ལ་འཚེ་བར་ཐེ་ཚོམ་མེད། །ཡང་ན་ཕུར་པའི་ལས་ཁ་ཡང་། །ཕུར་དཔལ་བྱ་ཕོ་འཚའ་ལུ་ཡི། །ཁྲག་གིས་ཞུ་ལུག་བྱུག་བྱས་ལ། །རུས་སྦལ་མགོ་ལ་དགྲ་གཟུགས་བྲི། །ཕུར་གསང་དམིགས་ཏེ་བཏབ་པས་ན། །མགོ་ལ་ཐོག་འབབ་ཐེ་ཚོམ་མེད། །ཡང་ན་ཕག་པའི་མཚུལ་པ་ལ། །དགྲ་བོའི་གཟུགས་བྲིས་ཕུར་བཏབ་ན། །བརྒྱལ་དང་རེངས་ཏེ་འཆི་བར་འགྱུར། །ཕུར་པ་གདབ་པའི་ལེའུ་སྟེ་བཅོ་བརྒྱད་པའོ།། །།ཐུན་གྱི་བསད་པ་འདི་ལྟ་སྟེ། །ཐོད་པ་དུམ་བུ་གསུམ་པ་སྲ །ཁྲགསྣཚོག་ཚདབསག་བྱས་ལ། །མི་རྟ་ཁྱི་གསུམ་མེད་མི་རྔ་། །དུགསྣ ཚོགསཚདདེབཞིནདུ། །མཚེདང་སྐྱེ་ཚེ་གྲི་ཁྲག་དང་། ། ར་ལྕགས་དང་རྡོ་ཕྱེ་དང་། །ཚ་བ་གསུམ་བསག་སྔག་འད་བཟླས། ། ་ཤཱ་མ་ཧྭ་ཀྭ་ལ་དབུགས་དྲ་ཧུ༷་ཛ། ན་དྷ་བཛྲ་པ་ན་ཏ་རུ་པ་ན། ཁུག་ལ་ཧུ༷་པ་གཅིག །སྲོག་ཀུ་རུ་ཙམ་མྱ་རུ་ཡ་ཛ། །དེ་སྐད་ལིསྐོ་དག་ལ་བྲབ། །ཁང་པའི་རྩ་རུ་གྲུ་གསུམ་བྲུ། །དེ་རུ་ཐོད་པ་སྦ་བར་བྱ། །ཁ་རུ་དུར་ཁྲོད་གཡམ་པ་ལ། །རྡོ་རྗེ་རྒྱ་གྲམ་བྲིས་པས་མནན། །བདག་ཉིད་མགོན་པོའི་ཏིང་འཛིན་གྱིས། །སྙིང་གའི་ཧུ༷་ལས་འོད་འཕྲོས་ནས། །ཁོ་ཡི་ལྷ་བཀུག་བདག་ལ་བསྟིམ། །དཔལ་གཟི་ལྡན་པས་འོད་ཟེར་འཕྲོས། །ཁོ་རང་བཀུག་སྟེ་ཐུན་བྲབ་པས། །མཚོན་ཆའི་ཆར་གྱིས་བསད་པར་བསམ། །ཞེས་མེ་ལྕེ་ཕྲེང་བའི་རྒྱུད་ལས། ཐུན་གྱི་བསད་པའི་ལེའུ་སྟེ་བཅུ་དགུ་པའོ།། །།དེ་ནས་གཞན་ཡང་ཟོར་གྱིས་བསད། །དཀྱིལ་འཁོར་མདའ་གང་གྲུ་བཞི་ལ། །གྲུ་གསུམ་མཐིང་ནག་གཉིས་བརྩེགས་ལ། །ཕྱི་རིམ་ཟླ་གམ་དམར་པོ་སྟེ། །མུ་ཁྱུད་ཐོད་ཕྲེང་དཀར་པོར་ལྡན། །ཕྱི་མ་ལྕགས་རི་ནག་པོས་བསྐོར། །དེ་དབུས་ལུག་དང་མི་སྙིང་སྦྱང་། །སྦྲུལ་ནག་སྙིང་སོགས་དེར་བླུགས་ལ། །ཟུར་གསུམ་དབུས་སུ་གཞག་པར་བྱ། །ཤ་བའི་མགོ་ལ་ལྟས་ངན་གྱི། །སྒྲོ་སྤུ་སྣ་ཚོགས་བརྒྱན་པ་དང་། །བལ་མཚོན་སྣ་ཚོགས་བརྒྱན་པ་དང་། །དེ་ཡི་ནང་དུ་ལིདྷ་གཞུག །དགྲ་ཡི་རྒྱུ་ལས་ཕྱེར་བཏགས་ཏེ། །ཡུགས་ས་མོ་ཡི་དྲི་ཆུས་སྦྲུས། །གཟུགས་བྱས་སྙིང་གར་མིང་རུས་གཞུག །མང་དུ་བྱས་ཏེ་ཐོད་པར་སྩལ། །དཀྱིལ་འཁོར་དབུས་ཀྱི་ཟུར་ལ་བཞག ཁྲུ་གསུམ་ནང་མ་ཕུར་པ་དྲུག །དབུས་སུ་ཕུར་པ་གཟུགས་པར་བྱ། །ཟླུམ་པོ་རྩང་གིས་བསྐོར་བྱ་བ། །ཉི་ཤུ་རྩ་གཅིག་བསྣོལ་མར་གཟུག ཁྲ་ཐོད་ལིསྐོ་གཅིག་ཕྱུང་ལ། །དབུས་སུ་རབས་ཆད་ཐོད་པར་བསྩལ། །གུ་གུལ་དུད་པ་བཏང་ལ་བཞག །བདག་ཉིད་མགོན་པོའི་སྐུར་བསྒོམ་ལ། །དབྱེ་དང་དགུག་པ་གོང་བཞིན་བྱ། །མཚོན་ཆའི་ཆར་གྱིས་བསད་པར་བསམ། །ཐུགས་དམ་དྲག་ཏུ་བསྐུལ་བར་བྱ། །ཟོར་གྱི་དྲག་སྔགས་འདིས་བྱའོ། །ཨོ་མ་ཧྭ་ཀྭ་ལ་ཡ༷། །ལག་ནི་ཚལ་པ་ཏྲི་བ་ལ༷་ཛ་ཛ༷༷། མ་ཧྭ་ཀྭ་ལ་ཐུ༷་ལ༷་ཐུ༷་ལ༷་ཐུ༷་རིལ་རྦད་ཕུང་སྙིང་ལ་་ག་རསྒ་ལ་ཐུ༷་རྦད་ཛ་ཛ༷༷། ཅེས་པས་ཟོར་ནི་ཕང་བར་བྱ། །དེ་ལ་བརྒྱ་རྩ་བརྒྱད་བཟླས་པས། །དེ་ནས་དཔང་གཟུགས་ཟོར་འཕང་ངོ་། །དྲག་པོའི་གདངས་སྐད་པ་བཏོན་ཏེ་བསྐུལ། །དེ་ནས་གོང་བཞིན་ཁྲག་སྣ་ལ། །དྲག་སྔགས་དེ་དག་བཟླས་བྱས་ནས། །བརྒྱ་རྩ་བརྒྱད་ཀྱིས་གདབ་ལས་བྱ། །ཞེས་པས་མེ་ལྕེ་ཕྲེང་བའི་རྒྱུད་ལས། ཟོར་གྱི་ལས་ཏེ་ལེའུ་ཉི་ཤུ་པའོ།། །།དེ་ནས་ཡང་དག་བཤད་བྱ་བ། །སྤྱིན་སྲེག་བསད་པ་འདི་ལྟ་སྟེ། །དང་པོ་ཐབ་ཀྱི་བྱ་ཐབས་ནི། ཁུ་གསུམ་སུམ་བརྩེགས་བྱས་ནས་སུ། །ནང་དུ་ར༷་ནི་དམར་སེར་ཏེ། །མེ་ཡི་ས་བོན་བྲི་བར་བྱ། །ཁ་ཁྱེར་འོད་མ་རྡོ་རྗེ་བྲི། །བར་མ་ཐོད་པའི་ཕྲེང་བ་བྲི། །སྟེང་མ་དག་ལ་མེ་རི་བྲི། །དེ་ཡི་ལིསྐོ་བྲི་བ་ནི། །གྲོ་ག་རས་སམ་ཤིང་༄༅། ཁུན་ལ། །རབ་ནི་ཁྲི་ལ་འབྲིང་ནི་སྟོང་། །ཐ་མ་བརྒྱ་རུ་དགོད་པར་བྱ། །དེ་ཡི་རྫས་ནི་སྲན་མ་དང་། །བྲ་ཡོས་ནས་དང་ཉུང་ནག་དང་། །ཏིལ་ནག་མུ་ཟི་མི་ཁྲག་ཁྱི་ཁྲག་དང་། །གདུག་པ་ཅན་གྱི་ཤིང་གི་འབྲས་བུ་དང་། །ཚ་བ་གསུམ་དང་བཅས་པ་ནི། །ཕྱེ་མར་བཏགས་ཏེ་ཡུགས་ས་ཡི། །དྲི་ཆུས་སྦྲུས་ཏེ་རིལ་བུ་བྱ། །ལིདྷའི་གྲངས་དང་མཉམ་པར་བསག །དེ་ནས་ཐབ་ཁུང་དག་ཏུ་ནི། །སྐྱེར་པ་གླ་བ་ཤིར་ཤིང་དང་། །སེ་བ་ལ་སོགས་གདུག་ཤིང་བརྩིག །མི་རོ་བསྲེགས་པའི་མགལ་དུམ་དང་། །དུག་ཤིང་ཚོགས་རྣམས་བསྲེག་པར་བྱ། །དབུས་སུ་ཧོམ་སྦུགས་ཐ་མར་བཙིར། །དེ་ནས་མེ་ཆེན་སྤར་བ་ནི། །རིགས་ངན་ཤན་པས་མེ་བུས་ཏེ། །དབུས་སུ་མེ་ལྷ་མགོན་པོ་བསྐྱེད། །ཞལ་གཅིག་ཕྱག་གཉིས་བིང་དང་པར་བུ་འཛིན། །འགྱིང་དང་ཁྲོས་དང་རྔམ་པར་བཞུགས། །མེ་ལྷ་དམར་སེར་ཞལ་གཅིག་པ། །ཕྱག་གཉིས་མེ་དང་དབྱུག་པ་འཛིན། །ར་སྐྱེས་གདན་ལ་བརྗིད་པ་དང་། །དམར་ནག་དེ་ལྟར་འཛིན་པ་དང་། །དཀར་ནག་དེ་ལྟར་འཛིན་པ་གསུམ། །ཟུར་གསུམ་དུ་ནི་བསྒོམ་པར་བྱ། །སྔོན་གྱི་ཐུགས་དམ་གནད་ནས་བསྐུལ། །སྤྱན་དྲང་བ་དང་ཕྱག་འཚལ་བ། །བཞུགས་སུ་གསོལདངམཆོདཔདང། །བསྟོད་དང་ཕྲིན་ལས་རྫོགས་པར་བྱ། །དེ་ནས་རྫས་རྣམས་འབུལ་བ་ནི། །དགྲ་ཡི་ལིསྐོ་རེ་རེ་དང་། །རི་ལུ་རེ་རེ་དབུལ་བར་བྱ། །མི་རྐང་ཐོད་ཚོལ་གཟར་བུ་ཡིས། །ཏིལ་མར་ཉུང་དཀར་ཉུང་ནག་དང་། །མི་ཚིལ་དེ་བཞིན་དབུལ་བར་བྱ། །དེ་ཚེ་དྲག་སྔགས་འདི་བཟླས་སོ། །ཨོ་མ་ཧྭ་ཀྭ་ལ་རསྒ་དུ་བིར་དྲི་ཛ། བ༷་ཤི་ཀྭ་ལ་དུ་པ་ཧུ༷། མ་ཧྭ་ཀྭ་ལ་རྦད་ཤཱ་ཧུ༷་རུ་པ་ཧུ༷། ད་ཧ་ད་ཧ་པ་ཙ་པ་ཙ་དི་ན་མེ་ཀེ་ན་ཧུ༷་ཕཊ། ཆེ་གེ་མོའི་མུ༷་ས་ལ་ཁུ་ཧི། །ཆེ་གེ་མོའི་གཟུགས་ཕུང་ལྔ་རབ་ཏུ་ལུབས་ཁུ་ཧི་ཁྭ་ཧི། །ཞེས་པས་འབུལ་ལོ། །དེ་ནས་མེ་ལྷ་བསྟོད་པ་དང་། །མགོན་པོ་བསྟོད་དང་ཕྲིན་ལས་བཅོལ། །ཏིང་ངེ་འཛིན་དང་དགུག་གཞུག་གོང་བཞིན་བྱ། །དམིགས་བྱ་མེ་ཡིས་ཐུལ་བསྲེགས་པས། །རྡུལ་ཕྲན་ཙམ་ཡང་མེད་པར་བསམ། །དེ་ནས་ལྷག་ཆད་བསྐང་བའི་ཕྱིར། །མགོན་པོ་ལ་སོགས་དམ་ཅན་དང་། །མགོན་པོ་བདུན་ཅུ་གཉིས་ལ་འབུལ། །དེ་ནས་ཐལ་བ་ཆ་གསུམ་བགོ །ཆ་གཅིག་དུར་ཁྲོད་ལམ་དུ་མནན། །ཆ་གཅིག་རླུད་ལ་ཕྱར་བར་བྱ། །ཆ་གཅིག་ཆུ་ཆེན་ག༷་ལ་བསྐུར། །ཞེས་པ་མགོན་པོ་མེ་ལྕེ་ཕྲེང་བའི་རྒྱུད་ལས། སྤྱིན་སྲེག་གི་ལེའུ་སྟེ་ཉེར་གཅིག་པའོ།། །།དེ་ནས་ཡང་དག་བཤད་བྱ་བ། ཁེང་གཅིག་དྲུང་ངམ་རྒྱ་གྲམ་ལམ། །ལྷ་ཁང་ཐེམ་རྩ་ལ་སོགས་དང་། །མགོན་པོ་ཉད་ཀྱི་ཞབས་འོག་གམ། །མཆོད་རྟེན་ནག་པོ་ལ་སོགས་པ། །ཀླུ་གནས་ངེས་པའི་ཆུ་མིག་གམ། །མཁརཆེནརླདལསོགས་པ་སྲ ཁུ་གསུམ་ཀྲི་དོ་བྲུས་པ་ལ། །དུར་ཁྲོད་སོལ་བས་ནག་པོར་བྱུག །དེ་ནང་དོམ་ནག་མགོ་བོ་དང་། །སྤྱང་ཀིའི་མགོ་དང་སྲེ་མོའི་མགོ །ཕག་པ་ནག་པོའི་མགོ་བོ་རྣམས། །དེ་རྣམས་དག་གི་མཆེ་བས་ནི། །ལིདྷ་དེ་ལ་བཏབ་བྱ་ལ། །རབ་ཆད་གྲི་ཐོད་ནང་དུ་གཞུག །མཛེ་པོའི་ཐོད་པས་ཁ་བཅད་ལ། །ཕྱོགས་བཞིར་ལྕགས་ཀྱི་གཟེར་བཞི་གདབ། །སྐུད་པ་སྔོ་དམར་ཤི་སྐྲ་བཀྱིགས། །གྲུ་གསུམ་དབུས་སུ་ཏྲེ་བྲིས་ལ། །དེ་རུ་བཔ་ལ་བསྟིམ་སྟེ་བཞག །དེ་སྟེང་དུར་ཁྲོད་གཡམ་པ་ལ། །དེ་དཀྱིལ་རྡོ་རྗེ་རྒྱ་གྲམ་བྲི། །རྗེས་སུ་མནལ་གཞག་པར་བྱ། །དེའི་སྟེང་དུར་ཁྲོད་རོ་རས་ལ། །འཁོར་ལོ་རྩིབས་བརྒྱད་བྲིས་བྱས་ལ། །ལྟེ་བ་མགོན་པོའི་གཞལ་ཡས་ཁང་། །ལེགས་པར་བསམ་སྟེ་རྩིབས་བརྒྱད་ལ། །མཁའ་འགྲོ་གཤིན་རྗེ་མ་བརྒྱད་བསྐྱེད། །ཕྱི་རིམ་རྩིབས་བཞི་ཕྱོགས་སྐྱོང་བཅུ། །དེ་ཡི་འཁོར་དུ་དཔལ་མགོན་ནི། །བདུན་ཅུ་རྩ་གཉིས་བསྐྱེད་པར་བྱ། །འཁོར་ལོ་དེ་ཡི་ཕྱོགས་བཞི་དང་། །མཚམས་བཞིར་ལ༷་ལས་རི་རབ་བསྐྱེད། །དེས་རྐྱང་མངོན་དུ་མནན་པར་བསམ། །ཆོས་སྐྱོང་བདུན་ཅུར་ཆང་ཕུད་གཏོར། །གཏོར་མ་བཏང་ཞིང་འོ་དོད་འབོད། །བྲང་བརྡུང་གཡབ་མོས་གདབ་པར་བྱ། །དེ་ནས་ཁྲོ་བོའི་སྟངས་སྟབས་ཀྱིས། །བཅགས་ཤིང་གནན་པར་བྱ་བའོ། །དེ་ནས་དྲག་སྔགས་དེ་དག་བཟླས། །ཨོ་སྟུ་བྷ་རསྒ་ནན། བཱ་ཤ༷་ཀུ་རུ་ནན།ཚུསྤྱོ་ ཀུ་ རུ་ ནན། ཤཱན་ ཏིང་ ཀུ་ རུ་ ནན། ཆེ་ གེ་མོ་ ནན་ཨུ་ བེ་ ཤ་ ནཱ་ར་ ཡ་ ཕཊ། ཨོ་ ཤི་ སྟི་ སྣྲི༔སྐྱི༔ ནན། ཀྭ་ ལ་ དུ་ པ། ཤི་ རསྒ་ ཡེ་ ཙཀྲ་ཏྲི་ ནན། རུ་ རུ་ པས་ ནན། དེ་ སྐད་ མནན་ གཏད་བཅོལ་གཏམ་བྱ། །ཞེས་པས་མགོན་པོ་མེ་ལྕེ་ཕྲེང་བའི་རྒྱུད་ལས། མནན་ པས་ བསད་ པའི་ ལེའུ་ སྟེ་ ཉེར་ གཉིས་ པའོ།། །།བསད་ ལས་ ལྔའི་ ལེའུ་ དུམ་ བུ་ དེ་ ལྔ་ པའོ།། །།གནས་ བཞི་པའོ།། །།དེ་ནས་ཡང་དག་བཤད་བྱ་བ། །ལོག་གནོན་མན་ངག་རིམ་པ་ནི། །ལོག་དང་རྡུགས་དང་སྐྱངས་པ་དང་། །འབྱམས་དང་ལས་མ་བ་་པ་དང་། །མགོན་པོ་རྦད་པ་ནང་འདོམ་ན། །དེ་ཚེ་མན་ངག་འདི་ལྟར་བྱ། །མགོན་པོ་ལོག་པར་འགྱུར་བ་ན། །རོ་རས་དག་ལ་མགོན་པོ་བྲི། །སྙིང་གར་ཙ་ཀྲ་རྩིབས་བརྒྱད་ལ། །ཡིག་འབྲུ་དགུ་པ་བྲི་བར་བྱ། །གྲི་ཁྲག་དམེ་པོའི་ཁྲག་དང་ནི། །དུག་དང་རོ་སོལ་སྣགས་ཚས་བྲི། །མུ་ཁྱུད་ནད་མའི་ཡིག་འབྲུ་བཅུ། །ཐ་མ་ཡིག་གེ་བཅུ་པ་བྲི། །མ་ཡོ་མ་འཁྱོག་མ་ནོར་ཟི། །དེའི་མཐར་མེའི་རྡོ་རྗེས་བསྐོར། །རབ་གནས་བྱས་ཏེ་མདུན་དུ་བཞག །དབུས་ནས་གཟུངས་ཐག་སྣ་ལྔས་གདགས། །རང་གིས་གཟུང་ནས་ཏིང་འཛིན་ནི། །བདག་ཉིད་ཆོ་གས་ཕྱག་རྡོར་ཏེ། ཁེན་ཏུ་གཟི་བརྗིད་ལྡན་པར་བསྐྱེད། །མདུན་དུ་གདན་སྟེང་ཧུ༷་ནག་ལས། །ལས་ཀྱི་མགོན་པོ་ཚུལ་བཞིན་བསྐྱེད། །དེ་ཡི་སྤྱི་གཙུག་ཡེ་ཤེས་ཀྱི། །མགོན་པོ་གྲི་གུག་བསྣམས་པ་བསྐྱེད། །འོད་འཕྲོས་གནས་ནས་སྤྱན་དྲངས་ནས། །བསྐྱེད་པ་དེ་ ལ་བསྟིམ་པར་བྱ། །དེ་ནས་བདག་ལས་འོད་འཕྲོས་ནས། །དོན་གཉིས་བྱས་ཏེ་སླར་འདུས་པས། །རྡོ་རྗེའི་གུར་དང་ར་བ་དང་། །རྡོ་རྗེ་མིག་༄༅ མང་རིས་སུ་གྱུར། །དེ་ཡི་ཕྱི་རིམ་མཚོན་ཆ་ནི། །དཔལ་ཡང་ཕྱིར་བསྟན་མཚོན་ཆ་འཕྲོ། །དེ་ཡི་ཕྱི་རིམ་མེ་ལྕེ་འཕྲོ། །འབར་དང་འཅོ་པས་གདོན་བཟློག་བསམ། །མདུན་དུ་མགོན་པོའི་སྙིང་ག་ན། །ཧུ༷་ནག་གནས་པ་ལྕགས་ཀྱུ་ནི། །བདག་གི་སྙིང་ག་ནས་འཕྲོས་བཟུང་། །དེ་ནས་མཚོན་ཆས་མུ་ཁྱུད་བསྐོར། །དེ་ནས་བར་མ་དེ་ནས་དབུས། །རིམ་པས་དྲག་མིན་བུལ་མིན་བསྐོར། །དམིགས་པ་གཏད་པ་ཉིན་གཅིག་བྱ། །དེ་ནས་བཅུ་པ་ཟློག་གཤམ་ལ། །དགུ་པ་བཅུ་པ་བཟློག་པ་དྲུག །དག་པར་བྱས་ལ་ཆུ་རྒྱུན་བཞིན། །བར་མ་ཆད་པར་རབ་དམིགས་ལ། །མགོན་པོ་དྲག་ཏུ་འཁོར་བར་བསམ། །བར་སྣང་མཁའ་ཉི་ཤར་བཞིན། །མགོན་པོ་ཆེན་དང་བདག་ཉིད་ནི། །ཕྱག་ན་རྡོ་རྗེ་འོད་ཟེར་བསྐྱིལ་ཏེ་བཀྱིགས། །དེ་ནས་ཡུན་མི་རུང་བར་བསྐོར། །དེ་ནས་མཆོད་པ་ལས་ལ་བཏང་། །ཞེས་པ་མེ་ལྕེ་ཕྲེང་བའི་རྒྱུད་ལས། །ལོག་གནོན་ཡང་བཟློག་ཏུ་བཏང་བའི་ལེའུ་སྟེ་ཉེར་གསུམ་པའོ།། །།དེ་ནས་མགོན་པོ་རྡུགས་ནས་སུ། །ཇི་ལྟར་བྱས་ཀྱང་ཅང་མེད་ན། །དཀྲུག་པའི་རིམ་པ་དེ་ལྟར་བྱ། །བདག་ཉིད་ཕྱག་ན་རྡོ་རྗེ་ཡིས། །བསད་པ་སྔོན་དྲང་རྦད་པར་བྱ། ། འབོད་པ་ཐ་མར་བཟླས་ཤིང་དྲང་། །གོས་རྣམས་མགོ་མཇུག་བཟློག་ལ་གོན། །བེང་བཟློག་ཁྱེར་ལ་འཁོར་ལོ་ནི། །གོང་ལྟར་བྲིས་ལ་རབ་གནས་ཅན། །སྔོ་དམར་ཅིང་སྐེད་ཀླད་ལ་བསྐོར། །དགྲ་གཟུགས་དགུ་བྱས་དང་མས་དབུགས། །ཙཀྲའི་སྟེང་དུ་གཞག་པར་བྱ། །དགྲ་བོས་མགོན་ལ་སྔོ་བར་བསམ། །དེ་ནས་བསྐུལ་བ་ཆེ་གེ་མོ། །ཁྱོད་ལ་བསྔོས་སོ་འདི་སོར་བྱ། །ཅེས་པས་མགོན་པོ་རྔུགས་ན་བསད་པའི་ལེའུ་སྟེ་ཉེར་བཞི་པའོ།། །།མགོན་པོ་ཁོངས་སུ་སྲུང་བ་བྱས། །དེ་ཚེ་སྐྱེང་པར་གྱུར་པ་ན། །རང་གིས་གོ་ནག་གོན་ནས་སུ། །སྐྲ་རྣམས་ཐོར་ཚུགས་བཅིང་ན་སུ། །གདོང་ལ་ཁྲག་གི་བྱུག་ན་སུ། །དགྲ་བོའི་ཡུལ་ཕྱོགས་ཁ་བལྟས་ནས། །ཆང་ཕུད་རཀྟ་གཏོར་བཞིན་དུ། །དྲག་སྔགས་འདི་དག་བཟླས་པར་བྱ། །ཨོ་ཤི་མ་ཧྭ་ཀྭ་ལ་ཡསྒ་ཀ་ཁ་ཁའ་ཧི་ཁའ་ཧི། །ཕུད་དེ་ཙ་ཧོ། བཛྲ་ཡསྒ། མ་ལྭ་བེ་ཏྭ་སྙི། ཁ་ཁ་ཁུ་ཧི་ཁུ་ཧི། ཨོ་མ་ཧྭ་ཀྭ་ལ་ཤི་ཕུར་ཤན་ཏིང་ཕུར་ཕུར་ཏི་ཕུར། མ་ཧྭ་ཀྭ་ལ་བཛྲ་ནི་ཕུར། ད་ཧ་ད་ཧ་ཕུར་སྲུ་ཧྭ། དེ་སྐད་ཅེས་པས་གཏོར་མ་བཏང་། །དེ་ནས་གསོལ་བ་གདབ་པར་བྱ། །ཞེས་པས་མེ་ལྕེ་ཕྲེང་བའི་རྒྱུད་ལས། མགོན་པོ་སྐྱེངས་ན་ངར་གདགས་པའི་ལེའུ་སྟེ་ཉེར་ལྔ་པའོ།། །།དེ་ནས་མགོན་པོ་འབྱམས་པར་གྱུར་པ་ན། །ཁྲོ་ཆུའམ་ནི་ཟེ་ཧི་མ། །བླ་རྡོ་བྱས་པ་དེ་དག་ནི། །བེང་ལ་བཏགས་ཏེ་འབོད་པ་བཟླས། །ཏིང་འཛིན་བསམ་པར་བྱས་ནས་སུ། །གདུང་བའི་དབྱངས་ཀྱིས་འབོད་པར་བྱ། །སྲོག་གི་འཁོར་ལོ་ལུས་ལ་བཅངས། །ཡང་ན་བིང་དང་བཅས་ནས་སུ། །རང་གི་མལ་སར་གཟུག་པར་བྱ། །མགོན་པོའི་ཟ་ལམ་བསྟན་པར་བྱ། །ཨོ་ཤི་མ་ཧྭ་ཀྭ་ལ་རསྒ་དུ་བེང་དྲ་ཛ། ཛ༷༷ཧུ༷་བ༷་ཧོ༷། ཆེ་གེ་མོ་ལ་དམིག་པ་གཏད། ཁེ་པའི་མེ་ལྕེ་ཕྲེང་བའི་རྒྱུད་ལས། འབྱམ་ན་བརྟོད་པའི་ལེའུ་སྟེ་ཉེར་དྲུག་པའོ།། །།ལ་མ་བ་་ན་ཤི་་བསྟན། །དཀྱིལ་གོབོར་ཁྲུ་དོ་སོར་བཞི་བྱ། །དབུས་སུ་ཟླུམ་པོར་བསྐོར་བྱས་ལ། །ཕྱི་རོལ་སྒོ་བཞི་དགོད་པར་བྱ། །དབུས་སུ་པདྨ་འདབ་བཞི་ལ། །ཡིག་འབྲུ་བཅུ་པ་དགོད་པར་བྱ། །དེ་ལ་མགོན་པོའི་སྐུ་བཞི་དགོད། །རྫས་རྣམས་ཀུན་ཡང་ཚང་བར་དགོད། །དེ་ནས་ཏིང་འཛིན་གསལ་བ་ཡིས། །སྤྱན་དྲང་ཕྱག་བྱ་མཆོད་པ་དབུལ། །དེ་ནས་བསྟོད་པ་ཚར་བྱས་ནས། །དབུས་ཀྱི་གྲུ་གསུམ་དག་ལ་ནི། །མགོན་པོ་ནག་པོ་རབ་དམིགས་ལ། །ཨེ་གྱེ་ཧི་ཛ༷༷ཧུ༷་བ༷་ཧོ༷༷། །དེ་ནས་བསྐུལ་བ་འདི་བཏང་ངོ་། །ཧུ༷་ལས་ཀྱི་རིགས་མཆོག་དཔའ་ལྡན་གོས་སྔོན་ཅན། །མགོན་པོ་འདུལ་ཕྱིར་སྐུ་མདོག་འཇིགས་ཚུལ་ཅན། །དེ་ཡི་སྟོབས་ཀྱིས་མགོན་པོ་འདུལ་མཛད་པ། །ལས་ཀྱི་རིགས་མཆོག་ཐུགས་དམ་དུས་ལ་བབ ཅེས་པས་ལག་གཡོན་རྟ་མགྲིན་ལ། །གཡས་པས་ཕྱག་ན་རྡོ་རྗེ་བསྒོམ། །ཐལ་མོའི་བར་དུ་སྲོག་འཁོར་ནི། །མག་བཟློག་བཅུག་སྟེ་བསྡམས་བཞིན་དུ། །དྲག་སྔགས་འདི་དག་སྲོག་སྔགས་ནི། །གོ་བཟློག་པ་ལ་གདགས་པར་བྱ། །ཨོ་ནི་ཡ༷་ས་ར༷་ང༷་ར༷་བཛྲ་པྲ་མརྟ་ཡ་མ་ཧྭ་ཀྭ་ལ་ཤི་ཡོ་ཡོ་ནི་ན། ཏབྱ་ཐུ་ལྦེ་གི་སྟུ༷་བྷ་ནི་ནན་གྲྭ་ཧྭ། ཞེས་པས་རྟ་མགྲིན་དང་ཕྱག་ན་རྡོ་རྗེས་གཟེར་བར་བསམ། དེ་ལྟར་སྦྱོར་བ་སྤོགས་བྱས་པས། །མགོན་པོ་དཀྱིལ་འཁོར་འཇུག་པར་མཁྱེན། །འཁོར་རྣམས་ཤི་ས་བསྟན་མཐོང་སྟེ། །རང་རང་ནུས་པས་ལས་བྱེད་དོ། །མེ་ལྕེ་ཕྲེང་བའི་རྒྱུད་ལས། མགོན་པོ་ཤི་ས་བསྟན་པའི་ལེའུ་སྟེ་ཉེར་བདུན་པའོ།། །།དེ་ན་གཞན་ཡང་ནང་འགྲ་ནས། །མགོན་པོ་ཐམ་སོ་ཐམ་ཀྱང་ ཅད་བྱུང་ན་སུ། །མགོན་པོ་ནང་རྦད་ཁ་འདོམ་ན། །ཁྱི་ཐོད་ར་ཐོད་ཝ་ཐོད་སྤྱང་ཐོད་བཞིར། །ཁྱི་ཐོད་ཕོ་ལྷའི་དབྲལ་སྔགས་དང་། །ཁོ་ཡི་མིང་རུས་གྲོ་གར་བྲིས། །ནང་དུ་བསྩལ་ཧེ་གུ་གུལ་བདུག །དྲག་པོའི་སྔགས་འདི་བཟླ་བར་བྱ། །ཨོ་མ་ཧྭ་ཤིརྙ༷། ཤ་རའི་ཏི་གུ་ས་ར་ན། མ་ཧྭ་ཀྭ་ལ། ཆེ་གེ་མོ་དང་ཕོ་ལྷར་ཕྱེ། སྙིང་དང་གློ་བའི་རྟགས་ཐོང་། རུས་པའི་ཁབ་ཀྱིས་གློ་སྙིང་རྩ་བ་མར་ཁུག །ཅེས་རུས་པའི་ཁབ་ཀྱིས་དཀྲུག་ཅིང་། །ཕོ་ལྷ་དགྲ་ལྷ་དང་བྲལ་བར་བསྒོམ། ཝ་ཐོད་དུ་ཁོའི་ཡུལ་ལྷ་དང་དབྲལ་བའི་སྔགས། ཁོའི་མིང་བྱང་དག་སྤྲེལ་ཏེ་གཞུག །དྲག་སྔགས་འདི་ཡིས་བྲབ་པར་བྱ། དེའི་ཁུ་ལས་ཀྲ་སྙིད་ཙི་ན་ཀ༷་ནག་པོ་ནང་མི་དང་ཡུལ་ལྷར་ཕྱེ། དེ་སྐད་གུ་གུལ་དུད་པས་བདུག །ཡུལ་ལྷ་དག་དང་བྲལ་བར་བསམ། །ར་ཐོད་ནང་དུ་རྒྱ་ཤོག་ལ། །ཆེ་གེ་མོ་ཡི་གཟུགས་བྲིས་ལ། མ་ཧྭ་ཀྭ་ལ་དག་དང་བྲལ་བར་བསམ་ལ་སྔགས། ལྷམཆོགནགཔོཐམསྔགས་ཀྱིས་བསྐོར་བར། ར་ཐོད་ནང་དུ་བིང་གཟུགས་བཅས་ཏེ་གཞུག །དྲག་སྔགས་འདི་དག་བཟླས་བ་བྱ། ཨོ་ཤི་མ་ཧྭ་ཀྭ་ལ་རསྒ་དུ་པེ་ཙ་ལེ་ལེ་མུ་ལེ་ཀརྒ་གི་ཀརྨ་མ་ཧྭ་ཀྭ་ལ་ཧུ༷་ཕཊ། དེ་སྐད་མ་ཧྭ་ཀྭ་ལ་དང་དབྱེ། ཆེ་གེ་མོ་མྱ་ར་ཡ་རྦད། ཐུ༷་རི་ལི་ལི། སརྦ་ཀརྨ་ཙ་ར་མ་ཡ་རྦད། དུམ་ནི་སྙིང་རྩ་རྦུད། དུ་མ་ནེ་ཙིསྟ་མྱ་ར་ཡ།སྲོག་སྲོག་ཤ༷་ཤ༷ །ཁྱེར་ཁྱེར་མ་ཧྭ་ཀྭ་ལ་ག་ཏ་བི་ཏི་རྦད། ཆེ་གེ་མོ་དང་ལྷ་སྲུངས་སུ་འབྱེད། དུན་ཏིང་པ་ཏྲ་མ་ཧྭ་ཀྭ་ལ་ཧུ༷་ཕཊ། །དེ་སྐད་མ་ཧྭ་ཀྭ་ལ་དང་དབྱེ། །སྤྱང་ཐོད་དུ་ནི་རང་གི་ལྷ། །ཀུན་གྱི་སྙིང་པོ་བྲིས་ཏེ་གཞུག །དྲིལ་བ་འདི་དག་གཞུག་པར་བྱ། །ཨོ་བྷསྡོ་བ་སུ་ད། དེ་བ་ཨ༷་ཀ་བུམ་པ་པྲ་ཏྲ་མུ་ཁི་ར༷་ཛ་ཏི་ཙིལྟི་མ་རྒྱུད། མ་ཧྭ་ཀྭ་ལ་རསྒ། ཤ་སྐྲུ༷་ནི་མྱ་ར་ཡ་རྦད། །དེ་སྐད་ཐོད་པ་དང་དུ་གྲིལ། །རང་གི་སྒྲུབ་ཁང་ནང་དུ་བཟུང་། །རང་གི་ལུས་ལ་བླ་རྡོར་བཟུང་། །སྔགས་ནི་ཐམས་ཅད་བཟླས་པར་བྱ། །བསྲུངས་པ་དེ་བཞིན་གདགས་པར་བྱ། །མིག་སྔར་ལྷ་འདྲེ་བྱུང་ན་བདེན་པ་བདར། །ཕུད་གཏོར་གཏོར་མ་སྤྱིན་པར་བྱ། །དེས་ཀྱང་ཐུབ་པར་མ་བྱུང་ན། །ཏིང་འཛིན་གསལ་ལ་སྔགས་འདི་བཟླས། །ཨོ་མ་ཧྭ་ཀྭ་ལ་སརྦ་དུ་་སརྦ་ག་ས་དྲ་ཏ་ན་ཕཊ། རྒྱ་རྒྱ་རྒྱ། བཛྲ་བཱ་ཁི་ཧུ༷་ཕཊ། ཨ་ཀྲོ་ཤ་རྦུད། རོ་ཏ་རྟག་ཐུམ་རིལ། བདག་ལ་གནོད་པར་བྱེད་པ་མྱ་ར་ལ་རྦུད་ཧུ༷་ཕཊ། དེ་སྐད་བཟླས་ལ་ལམ་རྒྱ་གྲམ་དུ་སོང་ལ། གྲུ་གསུམ་དོང་དུ་བྲུས་བྱས་ལ། །དབུས་སུ་རྡོ་རྗེ་རྒྱ་གྲམ་བྲི། །དེ་ནས་ཐོད་པ་རིམ་གྱིས་གཞུག །དེ་ནས་སྔགས་རྣམས་བཟླས་ཤིང་མནན། །དེ་ཡི་སྟེང་དུ་ཐུན་ཡང་བརྡེག །དུག་གསུམ་དག་གིས་ཁ་བཅད་དོ། །དེ་ནས་དུག་གསུམ་རོ་གཡམ་ལ། །རི་རབ་རྡོ་རྗེ་རྒྱ་གྲམ་བྲིས་ལ་མནན། །དེའི་སྟེང་རྡོ་རྗེའི་བྲོས་རྒྱས་གདབ། །ཅེས་པས་མགོན་པོ་མེ་ལྕེ་ཕྲེང་བའི་རྒྱུད་ལས། མགོན་པོ་ལོག་ན་མནན་པའི་ལེའུ་སྟེ་ཉེར་བརྒྱད་པའོ།། །།ལོག་ནོན་གྱི་དུམ་བུ་སྟེ་དྲུག་པའོ། །གན་ལྔ་པའོ།། །།དེ་ན་ལ་ཚོག་རིམ་པ་བཞིན། །གཏོར་མའི་མན་ངག་དམ་པ་ནི། །བྷསྟོའམ་ནི་རིན་ཆེན་སྣོད། །བརྒྱའམ་ལྔ་བ་་བར་དུ་ནི། །ཞི་རྒྱས་དབང་དྲག་གཏོར་མ་བྱ། །ཟླུམ་དང་ཟླ་གམ་གྲུ་བཞི་དང་། ཁུ་གསུམ་ནང་དུ་བཤོས་བུ་བྱ། །དེ་མཐར་ལེབ་བུ་དེ་འདྲས་བསྐོར། ་་ཆེན་ལྔ་དང་ལ་ཕུག་ཆང་། །ཁྲག་དང་སྒོག་པ་ཉ་ཤ་དང་། །དཀར་གསུམ་དང་ནི་མངར་གསུམ་དང་། །གཏོར་མ་བྱས་ཏེ་དབུལ་བའི་ཕྱིར། །མདུན་དུ་བཞག་ལ་བྱིན་བརླབ་བྱ། །བསྐྱེད་རིམ་གཞུང་དུ་བྱ་བ་ནི། །མདུན་དུ་ཡ༷་ལས་རླུད་གི་དབུས། །ཡ༷་ཡིག་མཚན་ཏེ་དར་གྱིས་སྦར། །དེ་སྟེང་ར༷་ལས་མེ་དཔུང་སྟེ། །ར༷་ཡ༷་ཁ༷་གིས་བསྲེག་སྦྱང་གཏོར། །དེ་ནས་ཨ་ལས་ཐོད་ནང་དུ། །བདུད་རྩིའི་ལྔ་དང་ཤ་ལྔ་བསམ། །རླུད་གཡོས་མེ་སྤར་ཐོད་པ་ཁོལ། །བེང་གིས་དཀྲུགས་ཏེ་སྦྱངས་པ་ལས། །ཨོ་ཨུ༷༷ཧུ༷་གིས་བྱིན་གྱིས་བརླབས། །སྐུ་གསུང་ཐུགས་ཀྱིརངབཞིནལ། །ཀུནཀྱང་ཚིམ་པར་བྱེད་པ་དང་། །ཨོ་ཙཎྜ་མ་ཧྭ་ཀྭ་ལ་བཛྲ་ཤི་ནི། །ཨི་དམ་བ་ལིང་གྲིཎྜ་གྲིཎྜ་གྲྭ་ཧྭ། ཡང་ཡང་འབུམ་སྔགས་བཟླས་ཀྱིས་བར། །པདྨའི་ལག་པར་གྱེན་དུ་བསྟབ། །ཚིམ་སྟེ་དགྲ་ཡི་གནས་སུ་མངག །ཅེས་པས་མགོན་པོ་མེ་ལྕེ་ཕྲེང་བའི་རྒྱུད་ལས། གཏོར་མའི་ལས་ཚོགས་བསྟན་པའི་ལེའུ་སྟེ་ཉེར་དགུ་པའོ།། །།དེ་ན་ཡང་དག་བཤད་བྱ་བ། །ལ་ཀྱི་བསད་པའི་མན་ངག་ནི། །དུར་ཁྲོད་ལ་སོག་གན་དག་ཏུ། །བདག་ཉིད་ཡི་དམ་ཏིང་འཛིན་གྱིས། །དུར་ཁྲོད་ར་ནི་དྲང་བ་ལ། །ཨོམ་ཧྭ་ཀྭ་ལ་ཆེ་གེ་མོ་མ་ཡ། གྲིཎྜ་གྲིཎྜ། བྷསྡོ་བྷསྡོ་ཧུ༷་ཧུ༷་ཕཊ་ཕཊ། དེ་སྐད་ཅེས་ནི་དུག་ཆུས་བྲི། །གཟུགས་སོར་བཅུ་དྲུག་བྱས་ནས་སུ། །དེ་ཡི་སྙིང་གར་གཞུག་པར་བྱ། །དེ་ཉིད་མི་གྲིར་ཤི་བ་ཡི། །ཐོད་པ་གཉིས་ཀྱི་བར་དུ་གཞུག །སྐུད་པ་ནག་པོས་རྒྱ་གྲམ་དཀྲི། ཁུ་གསུམ་དོང་ནང་རོ་སོལ་བྱུག །དེ་རུ་སེ་ཕུར་གསུམ་བཙུག་ལ། །དེ་ནས་ཐོད་པ་བཙུག་བྱས་ནས། །རིགས་ངན་ཁྱིམ་མམ་བཤན་པའི་ཁྱིམ་ནས་མེ་བླངས་ལ། །དྲི་ཡི་ཚེར་ཅན་མེ་བུས་ལ། །རླངས་ཕྱིན་པར་ནི་ལན་གསུམ་བསྲོ། །དེ་རང་ཉིད་དུ་དམ་དུ་སྦ། །ཚངས་པའི་ཚེ་དང་ལྡན་ཡང་འཆི། །ཞེས་མགོན་པོ་མེ་ལྕེ་ཕྲེང་བའི་རྒྱུད་ལས། ལས་ཚོགས་ལས་ཀྱིས་བསད་པའི་ལེའུ་སྟེ་སུམ་ཅུ་པའོ།། །།དེ་ནས་ཡང་དག་བཤད་བྱ་བ། །གནོད་བྱེད་དགྲ་བོ་ལྷ་དང་དབྱེ། །ལྷ་ལ་རྣམ་པ་ལྔ་བཤད་དེ། །འཚོ་བར་བྱེད་པ་ཡུལ་ལྷ་ལ། །གུ་གུལ་ནག་པོས་བསྲེག་པར་བྱ། །སྐྱོབ་པར་བྱེད་པ་དགྲ་ལྷ་སྟེ། །རྟ་བོན་ས་ཡི་དུད་པས་བདུག །གྲོགས་བྱེད་པ་ནི་མ་ལྷ་སྟེ། །ཁྱི་ལུད་དག་གིས་བསྐྲད་པར་བྱ། །བསྲུང་བའི་ལྷ་ནི་སྲོག་ལྷ་སྟེ། ཁྲ་ཆེན་དག་གིས་སྐྲོད་པར་བྱེད། །འགོ་བར་བྱེད་པ་ཞང་ལྷ་སྟེ། །བུད་མེད་དོར་རྟས་བསྐྲད་པར་བྱ། །ཅེས་པས་མེ་ལྕེ་ཕྲེང་བའི་རྒྱུད་ལས། ལྷ་དང་དབྱེ་བའི་ལེའུ་སྟེ་སོ་གཅིག་པའོ།། །།གཞན་ཡང་དབྱེ་བའི་ཆོ་ག་ནི། །མི་དང་ལྷ་རུ་དབྱེ་བ་ཡང་། ཕོ་དང་མོ་རུ་དབྱེ་ཡང་རུང་། །བྱ་རོག་དག་གི་པགས་པ་ལ། །སྨན་གྱིས་ལྷ་ཡི་མིང་བྱང་བྲི། །འུག་པའི་པགས་པ་དག་ལ་ཡང་། །དུག་ཆུས་མི་གཟུགས་མིང་བྱང་བྲི། །བྱ་རོག་ཕོ་རོག་རྐང་གིས་ཏེ། །འུག་པ་འུག་པའི་རྐང་གིས་སྒྲོས། །དེ་བཞིན་སྨྱུག་གུ་བྱས་ནས་ནི། །རྗེས་དང་ས་གཙང་དག་ལ་ཡང་། །བྱ་རོག་འུག་པ་བྱས་ནས་སུ། །གོང་གི་དེ་དག་དེ་རུ་གཞུག །བྱ་རོག་སྤྱང་ཀི་དག་ལ་བསྐྱོན། །འུག་པ་ལུག་ལ་བསྐྱོན་བྱས་ལ། །མགོ་ལ་ཕོ་རོག་འུག་སྒྲོ་གཟུགས། །དབྱེ་བའི་དྲག་སྔགས་ཐུན་བྱ་བ། །ཁྲོ་བོ་གཉིས་ནི་བསྐུལ་བྱས་ནས། །རི་དྭགས་རྒྱབ་སྤྲད་དག་ལ་ཡང་། །དྲག་པོའི་ཁང་པ་ཁྲུ་རེའི་ཚད། །ནང་དུ་དུག་ཁྲག་རོ་སོལ་བྱུག །དེ་རུ་གཉིས་པོ་སོ་སོར་ཕྲལ། །ཁ་སྦུབ་དག་ཏུ་རྒྱ་གྲམ་མནན། །གང་ཡིན་མིང་རུས་ངན་མཚང་ཅན། །ཕྱིར་ཕྱོགས་པས་ཡིད་འཁྲུག་པར་འགྱུར། །འཐབས་ཏེ་དབྱེ་བར་འགྱུར་བ་ཡིན། །རྟ་ལྤགས་དག་ལ་རྩིབས་བརྒྱད་པ། །དབྱེ་བ་སོལ་བས་མིང་སྤེལ་བྲི། །རྟ་ལྤགས་དག་དང་སྐྱེ་ཤ་དང་། །ཁམ་ས་དག་ལ་རྟག་གཟུགས་བྲི། །སྙིང་གར་འཁོར་ལོ་བམ་བྱས་ལ། །མ་ཧེའི་པགས་པར་མ་ཧེའི་གཟུགས། །ལྟ་བར་དབྱེ་སྔགས་ཕྱོགས་ཕྱོགས་བསྐོར། །མ་ཧེའི་ལྕི་བ་ཁམ་ས་ལ། །མ་ཧེ་ཟལ་པོའི་གཟུག་བྱས་ཏེ། །འཁོར་ལོ་སྙིང་གར་བཅུག་བྱས་ཏེ། །ཏིང་འཛིན་མི་དང་དབྱེ་བའམ། །ལྷ་དང་དབྱེ་བ་བསམ་ནས་སུ། །དབྱེ་སྔགས་ཐུན་གྱིས་དྲག་པོ་ཡིས། །ཁང་པར་བཅུག་སྟེ་བྲབ་པར་བྱ། །སེང་ལྡེང་ཕུར་བུ་དག་ལ་དབྱེ་སྔགས་ནི། །ནང་དུ་བསྐོར་ཏེ་ཕྱི་རུ་རྟ་ཡི་ཡང་། །སོག་པའི་ཕྲག་ཏུ་གདབ་པར་བྱ། །ལྕགས་ཕུར་དབྱེ་སྔགས་ཕྱིན་ཕྱོགས་བསྐོར། །མ་ཧེ་དག་གི་སོག་ཕྲག་གདབ། །གཡས་པས་བཅད་ཅིང་ཕྱི་ལ་བོར། །གཡོན་པས་དབྱེ་ཞིང་ཕྱི་ལ་བསྒྱུར། །མི་འཔྲད་དབྱེ་འགྱུར་ཐེ་ཙོམ་མེད། །ཅེ་པ་མགོན་པོ་མེ་ལྕེ་ཕྲེང་བའི་རྒྱུད་ལས། དབྱེ་ལ་ཀྱི་རིམ་པའི་ལེའུ་སྟེ་སོ་གཉི་པའོ།། །།གཞན་ཡང་བསྐྲད་པར་བྱ་བ་ནི། །གནོད་བྱེད་བསྐྲད་དང་གཞན་ཡང་བསྐྲད། །རྔ་མོ་དག་གི་པགས་པ་ལ། །དམ་ཚིག་ལྡན་ལ་བརྣག་ཐུབ་བཟོ། །ངང་རིང་བརྟན་པའི་དད་པ་ཡིས། །ལྡོང་རོས་དག་གིས་རྩིབས་བཅུ་གཉིས། །བསྐྲད་པའི་སྔགས་ཀྱིས་བརྒྱན་པ་ལ། །དབུས་སུ་ཁོ་ཉིད་སྒྲོད་ཕྲེང་མཛད། །རྔ་མོའི་སྟེངདུདེབཞིནབསྐྱོན། །དེབཞིནལེགསཔརབྲིས་ནས་སུ། །བདག་གིས་གྲོགས་བྱེད་མགོན་པོ་ནི། །ཁྲོ་བོརྡོརྗེབཞིནདུབསྒོམ། །ཀུན་གྱི་མཆོག་དང་རབ་གྱུར་པ། །རྔ་མོའི་སྟེང་དུ་བཙན་དཀྱིལ་དུ། །བརྗིད་པའི་འགྱིང་བར་རབ་བཞུགས་ཏེ། །འདོགས་པར་བྱེད་པ་དབྱུག་ཏོར་བཅས། །ཐོགས་ཏེ་བསྐྲད་པའི་སྦྱོར་བ་བྱས། །ཕྱི་རོལ་ཕྱོགས་ཤིང་བལྟས་པ་ལ། །མྱུར་དུ་བསྐྲད་པའི་དྲག་སྔགས་བཟླས། །དེས་ནི་མྱུར་དུ་གཞན་དུ་འགྲོ། །གང་གནོད་པའམ་གང་གནས་ཀྱི། །ཡུལ་དུ་མནན་པས་འགྲུབ་པར་འགྱུར། །ཞེས་པས་མེ་ལྕེ་ཕྲེང་བའི་རྒྱུད་ལས། བསྐྲད་པ་ལས་ཚོགས་ཀྱི་ལེའུ་སྟེ་སོ་གསུམ་པའོ།། །།དེ་ནས་དབབ་པའི་རིམ་པ་ནི། །བུས་པ་གཙང་མ་ཁྲུས་བྱས་ལ། །དར་དམར་གུར་ཁང་ཐོག་ཏུ་བ༷ ཞག །མར་མེའི་ཕྲེང་བས་མཐའ་བསྐོར་ལ། །མགོན་པོའི་ཏིང་འཛིན་གསལ་བ་ཡིས། །སྟོང་པའི་ཀློང་དུ་གཞུ་རྒྱུད་གང་། །རྐང་བཙུགས་ཤེས་པ་བསྒྲིམས་བྱས་ལ། །ཨོ་མ་ཧྭ་ཀྭ་ལ་རསྒ་དུ་བེར་ནི་ཛ༷༷ཧུ༷་བ༷་ཧོ༷༷། །ཧོ་མ༷་ཏིཛི་ལྷན་ལྷན། ཅེས་ལྕགས་ཀྱུའི་ཕྱག་རྒྱས་དགུག་ཅིང་བསྟིམ། །འདར་དང་སྔངས་དང་རྒོད་པ་འབྱུང་། །རི་དྭགས་ཚོ་ནག་ཨུ་ཙ་ར། །མཐོང་ན་ངེས་པར་ཕེབས་པར་འགྱུར། །ཨ་ཀ་རུ་ཡི་དུད་པ་བཏང་། །གཏོར་མ་ཆང་དང་ཟས་ཕུད་དེ་བཞིན་བྱ། །ཞེས་པས་མགོན་པོ་མེ་ལྕེ་ཕྲེང་བའི་རྒྱུད་ལས། དབབ་པ་ལས་ཚོགས་ཀྱི་ལེའུ་སྟེ་སོ་བཞི་པའོ།། །།དེ་ནས་བེང་གི་བཅས་དག་ནི། །ཙསྡོན་སེང་ལྡིང་ཤིར་ཤིང་དང་། །སེང་ལྡིང་མཛོ་མོ་གླ་བ་དང་། །རྒྱ་ཤུག་དག་ལ་འདོམ་གང་ངམ། །མདའ་གང་ཚད་དུ་བྱས་པ་ལ། །ལོགས་བརྒྱད་ཆང་ཟུང་རྒྱ་མདུད་གཉིས་ལྡན་པ། །མགོ་བོར་ནོར་བུ་མེ་འབར་བ། །རྡོ་རྗེ་རྩེ་མོ་ཕུར་པའི་དཔལ། །ཁ་དོག་སྨུག་པོ་ཡང་ན་གནག །ཕྱོགས་བརྒྱད་ལྷ་སྲིན་སྡེ་བརྒྱད་ཀྱི། །སྲོག་སྙིང་དྲག་སྔགས་བཅས་པ་གཞུག །དར་དམར་ཅོད་པན་རྟ་མགྲིན་དང་། །ཕྱག་ན་རྡོ་རྗེའི་སྔགས་དང་བཅས་པ་གདགས། །རྒྱ་མདུད་གོང་མར་འབོད་པ་བྲིས། །འོག་མ་རྦད་པ་དེ་བཞིན་ཏེ། །རྩེ་མོ་དབལ་ལ་བསད་པའོ། །ནང་དུ་ལོང་སྟོང་བྲུས་པ་སྲ །ཁྲོ་ཆུ་ཟེ་ཧི་དག་ལ་ཡང་། །ཧུ༷་བྲིས་ཧ་དང་བཅས་པ་ཡང་། །སྲོག་ཅན་དར་དུ་གྲིལ་བར་བྱ། །ཁོང་སེང་ནང་ན་དེ་བཞིན་གཞུག །ལྕགས་ཕུར་དག་ཀྱང་དེ་བཞིན་ཏེ། །དབང་བསྐུར་བྱིན་བརླབ་ལྡན་པར་བྱ། །ཡང་ན་མི་འབྲལ་ལུས་ལ་བཅང་། །ཡང་ན་བེང་གི་ཁོང་སེང་ནང་། །ལེ་བརྒན་སྲོག་འཁོར་ཅན་དུ་བྲི། །དེ་ནང་སྔ་རྡོར་བཅས་པ་བྱ། །བསྒྲུབ་དུས་བཙུགས་ཏེ་གཟུངས་ཐག་གདགས། །རྦད་དུས་དགྲ་ལ་དབལ་བསྟན་དྲེལ། །བསད་དུས་དྲིལ་ཞིང་གསོར་ཞིང་གདབ། །འགྱང་ནག་ཟིར་ཅིང་མནན་ཅིང་བསྒྲིལ། །ལོག་ན་ཟློག་ཅིང་བསྐོར་ཞིང་ཟློག །འབྱམས་ན་བསྐོར་ཅིང་གཡབ་བཅིང་འབོད། །རྡུགས་ན་བདུད་རྩིས་བཀྲུ་ཞིང་གདབ། །འཛིན་ཚུལ་བསྐོར་ཚུལ་ཕྱག་རྒྱ་ཡང། །དེབཞིནམཁསཔསཤེས་པར་བྱ། །གསོར་ཚུལདེབཞིནརྟོགསཔརབྱ། །ཞེས་པས་མེ་ལྕེ་ཕྲེང་བའི་རྒྱུད་ལས། རྫས་ཀྱི་གཙོ་བོ་བེང་གི་བཅའ་གཞིའི་ལེའུ་སྟེ་སོ་ལྔ་པའོ།། །།དེ་ན་ལྕག་པར་རིམ་པ་ནི། །བཀྲ་མི་ཤིས་པའི་རྫ་ལྕགས་སམ། །མི་བསད་མཚོན་གྱི་ལྕགས་དག་ལ། ཁྲུ་གསུམ་བྲེ་ཕྱེད་བྲེ་གང་བ། །གང་གྲུབ་ཚད་དུ་བྱསནས་སུ། །ནང་དུ་འབོད་རྦད་བསད་གསུམ་པོ། །གཟོང་རིས་དག་ཏུ་བྱས་པའམ། །ཡང་ན་རྟ་ཡི་ཁྲག་གིས་བྲི། །དབང་དང་བྱིན་གྱིས་བརླབས་པ་དང་། །སྒྲུབ་པའི་དུས་སུ་སྔ་དང་བཅད། །དམ་རྫས་བླུག་པ་དེ་བཞིན་བྱ། །འབོད་པའི་དུས་སུ་སྟོབས་དང་བསྐང་། །དབུལ་བའི་སྣོད་དུ་མ་ཆགས་མ་གས་པ། །དེ་བཞིན་བསད་ཚེ་གསད་པར་བྱ། ལོག་ཚེ་འཕྱར་ཏེ་བསྐོར་ཞིང་བཟློག །རྡུགས་ན་སྦུབ་ཅིང་དུ་བས་གཟིར། །འབྱམས་ན་ཙཛིན་ལ་སོགས་དང་། །གདུག་པ་ཅན་གྱི་མེ་བུས་ལ། །ནང་དུ་མི་ཁྲག་མི་ཤ་དང་། །ལིསྐོ་བླུག་སྟེ་བསྐོལ་ཞིང་གདུ། །མི་རྐང་དག་གིས་འཕྱར་ཞིང་དཀྲུག །བེང་ཡང་དེ་བཞིན་འཕྱར་བྱས་ཏེ། །ཡུན་རིང་བར་ནི་སྔགས་བཟློག་བཟླས། །དེས་ཀྱང་འགྲུབ་པར་མ་གྱུར་ན། །གོང་གི་རླངས་པས་སྐུ་གཟུགས་དང་། །སྲོག་གི་འཁོར་ལོ་བདུག་པར་བྱ། །སྔགས་བཟློག་འཆོལ་བས་ལྡོག་བྱུང་ན། །བདག་ཉིད་ཡི་དམ་ཏིང་འཛིན་གྱིས། །མགོན་པོ་མདུན་དུ་བཀུགས་བྱས་ནས། །དཔག་མེད་དམ ཚིག བསྒྲགསནས་སུ། །ཅི་བགྱི་བཀའ་ཉན་ལས་བྱེད་བསམ། །དེས་དུས་ཏིང་འཛིན་དྲག་པོར་བསར ཅེས་པས། མགོན་པོ་མེ་ལྕེ་ཕྲེང་བའི་རྒྱུད་ལས། ལྕགས་པར་ནག་པོ་བཅའ་བཞིའི་ལེའུ་སྟེ་སོ་དྲུག་པའོ།། །།དེ་ན་རྟག་ཀྱི་རིམ་པ་ནི། །ཉམ་དགའ་བ་དང་སྤྲོ་བ་དང་། །གླུ་ལེན་པ་དང་གར་བྱེད་དང་། །དར་འཕྱར་བ་དང་འཕན་འཕྱར་དང་། །མེ་ལྕེ་ཆེན་པོ་ལྷོབ་པ་དང་། །གྲོག་པོ་དང་ནི་རྡོ་མོན་ཨ་ཙར་དང་། །དོམ་སྟག་སྤྱང་ཀི་འཕར་བ་དང་། །བྱ་ཁྲ་འཇུམས་ཤིང་སྐད་འདོན་དང་། །འཁོར་ལོ་བསྐོར་དང་སྒྲ་གྲག་དང་། །འཐིབ་དང་ཟིལ་དང་སྐྱི་ཟིང་བྱེད། །མེ་འབར་བ་དང་འུར་སྒྲ་དང་། །དུ་བ་འཐུལ་དང་དམག་ཚོགས་ལྷགས། །བུད་མེད་མང་པོ་ལྷགས་པས་ནི། །ཧ་ཧ་ཧི་ཧི་གད་མོ་རྒོད། །བསྦོ་སྒྲ་ཆ་སྒྲ་ཀུར་སྒྲ་སྒྲོགས། །འདི་དག་བོད་པ་གྲུབ་པའི་རྟགས། །བཙད་པོ་མཁན་པོ་ཕ་ཁུ་མེས། །གཙོ་བོ་ཞང་བློན་སློབ་དཔོན་དང་། །ཐོག་དང་སེར་བ་འབྲུག་སྒྲ་དང་། །པརྙི་ཏ་དང་བདག་ལ་ཡང་། །བཀའ་ནན་གསོལ་དང་བྱ་ཆེན་ལྡིང་། །འདི་དག་དབང་དུ་མ་འདུས་པའོ། །བོད་པའི་དུས་སུ་ཅང་མེད་ཅིང་། །དགྲ་ཡིས་གནས་སུ་སྣ་ཚོགས་སྟོན། །དམག་ཆེན་ཕར་ལ་ཆས་པ་དང་། །དོམ་སྟག་ཕང་ལ་འཕྱོ་བ་དང་། །དུར་བྱ་ཕ་རོལ་འུག་པ་རྒོད། །གོ་བོ་ཁུ་དང་ཀང་ཀ་དང་། །སྒྱུང་ཀ་ལ་སོགས་ཤ་ཟན་བྱ། །འཕུར་ལྡིང་ཁོ་ཡི་ཡུལ་དུ་བྱེད། །བཤན་པ་ག་་པོ་འཇིགས་ཚུལ་ཅན། །གིང་ཕོ་དགྲ་ལ་འགྲོ་བ་དང་། །འཕར་སྤྱང་དགྲ་ལ་འཇབ་ཅིང་ངུ་བ་དང་། །དཔའ་དར་སྒོ་ཁར་བཙུག་པ་དང་། །འོད་ལམ་ཕར་ལ་སོད་པ་དང་། །ཁང་རྨང་བཤིག་ཅིང་དམག་སྣ་བཙུགས། །གཡབ་མོ་འདེབས་དང་གཡུལ་བསྐོར་བྱེད། །འདི་དག་རྦད་པ་གྲུབ་པའི་རྟགས། །མུན་པ་འཐིབས་དང་དར་ཤིང་ཆག །རི་དང་ཕ་བོང་ནག་པོ་དང་། །བྲག་ལ་སོགས་པ་དག་ལ་རྡུགས། །དམག་བྲངས་དཀའ་དང་ལོག་པ་དང་། །མཚོན་ཆ་ཆག་དང་ཐུན་རྣམས་འཐོར། །ཐུན་ཁྲག་རུལ་དང་སྦྱིན་སྲེག་མེ། །གསོ་དཀའ་འཆི་བར་སླ་བ་དང་། །རང་ལ་འཁོར་ཅིང་ཕ་རོལ་ཏུ། །ཅི་ཡང་མེད་ཅིང་ཚུབས་ཚོགས་ཆེ། །དེ་དག་རྡུགས་པའི་རྟགས་སུ་བསྟན། །དམག་སྣ་ཚུར་ཟུར་དག་ལ་བརྡེག །ཐོག་སེར་ཚུར་ལ་དབབ་པ་དང་། །བྱ་གཅན་ཚུར་ལ་ལྡེག་པ་དང་། །མེ་ལྕེ་མཚོན་རྩེ་ཚུར་ལ་ལོག་པ་དང་། །བཀའ་ཆད་བདག་ལ་གསོལ་བ་དག །མགོན་པོ་ལོག་པར་ཤེས་པར་བྱ། །ཅི་ཡང་མེད་པར་ཕྱ་སངས་ཁྱེར། །སྙིང་མི་དགའ་ཞིང་ངུ་སྙིང་འདོད། །སྔར་མ་མཐོང་བའི་ཡུལ་དུ་ཕྱིན། །དགྲ་ཡི་བླ་རྟགས་ཅི་ཡང་མེད། །ཚུབས་མ་ནག་པོ་གཞན་ལ་འཅོས། །ཆུ་བོ་ཆེན་པོ་གཞན་ན་འཕྲུག །གཉིད་ཀྱིས་འཐིབས་ཤིང་བྱིང་རྨུགས་ཆེ། །དེ་དག་འ་ས་པའི་རྟགས་སུ་བསྟན། །བསད་པའི་དུས་ཀྱི་རྟགས་དག་ནི། །དངོས་སུ་བཀུག་ཅིང་ཁྲིད་པ་དང་། །མདའ་དང་མཚོན་ཆ་བརྒྱབ་པ་དང་། །སྙིང་ཕྱུང་བ་དང་དུམ་བུར་བྱས། །ལིངས་བྱེད་ར་ལུག་ལ་སོགས་པ། །བླ་ཡི་རྣམ་པ་དངོས་སུ་ཁུགས། །༣བུན་དང་རེང་དང་རྗེས་དག་དང་། །བཟུང་དང་བཅོམ་དང་བརྒྱལ་བ་དང་། །མགོན་མེད་བཀུག་པ་སྒྲུབ་པའི་རྟགས། །ཏིང་འཛིན་མི་གསལ་བྱིང་རྨུག་འགྲོ། །སྲོག་ལྷ་དག་གིས་བསྲུང་པ་ཡིན། །གཡག་དཀར་བྱ་རྒོད་བསྲུངས་པ་ནི། །ཡུལ་ལྷ་དག་གིས་བསྲུངས་པ་ཡིན། །ཞང་བློན་དག་གིས་སྐྱོབ་བྱེད་ན། །ཕོ་ལྷ་དག་གི་བསྲུངས་པ་ཡིན། །ཁྲ་དང་སྤྱང་ཀིས་འགེགས་པ་དེ། །དགྲ་ལྷ་དག་གིས་བསྲུངས་པ་ཡིན། །བུད་མེད་ཤ་བས་འགེགས་པ་ན། །མོ་ལྷ་མ་སྨན་བསྲུངས་པ་ཡིན། །ཅི་ཡང་མེད་ན་མགོན་པོ་ཡིན། །གནོད་པ་བྱ་བ་མ་འགྲུབ་ན། །ཁྱད་སྦྱོར་ཡེ་ཤེས་སེམས་དཔས་བསྲུངས། །དེ་དག་ལྷ་བསྲུངས་རྟགས་སུ་བསྟན། །སྤྱིར་ན་འབོད་རྦད་བསད་གསུམ་ལ། །རྟགས་ཀྱང་རབ་འབྲིང་ཐ་མ་གསུམ། །རབ་ནི་མངོན་སུམ་དག་ཏུ་སྟོན། །འབྲིང་ནི་སྒྲ་རུ་འོང་བར་བྱེད། །ཐ་མ་རྨི་ལམ་དག་ཏུ་འོང་། །འདི་དག་ངེས་པར་འབྱུང་བར་འགྱུར། །སྤྲོ་བ་བསྐྱེད་ཅིང་གཟེངས་བསྟོད་ལ། །ཏིང་འཛིན་གསལ་ཞིང་སྔགས་ཀུན་བགྲང་། །འགྲུབ་འགྱུར་འདི་ལ་ཐེ་ཚོམ་མེད། །ཅེས་མགོན་པོ་མེ་ལྕེ་ཕྲེང་བའི་རྒྱུད་ལས། རྟགས་སུ་བསྟན་པའི་ལེའུ་སྟེ་སོ་བདུན་སྟེ་བདུན་པའོ།། །།དེ་ནས་ཡང་དག་བཤད་བྱ་བ། ཁྲུབ་སྟེ་དབང་དུ་མ་འདུས་ན། །བཙན་པོ་བྱུང་ན་ལྟག་གནོན་བཏང་། །མཁན་པོ་བྱུང་ནསྤྱིམཆོདའབུལ། །ཕ་ཁུ་མེས་པོ་ཨར་ལ་གཏད། །གཙོ་བོ་དང་བློན་གཟིར་བར་བྱ། །སློབ་དཔོན་བྱུང་ན་གསོལ་བ་གདབ། །ཐོག་སེར་བྱུང་ན་སྲོག་འཁོར་བསྐོར། །མི་འཇིགས་ཆོ་གའི་ཏིང་འཛིན་བྱ། །པརྙིཏ་ལ་བསྐང་བ་བྱ། །བྱ་གོ་ལྡིང་ན་སྲོག་འཁོར་བསྐོར། །རྦོད་དུས་མུན་པ་འཐིབས་པ་ན། །མགོན་པོ་ནག་པོ་འཁྲུགས་པ་ཡིན། །འཁྲུགས་ཆེན་མདོས་ཆེན་གཏང་བར་བྱ། །དར་ཤིང་ཆག་ན་དངོས་གྲུབ་ཉམས། །རི་ནག་བསྟན་ན་བཅོལ་བསྐུལ་བྱ། །བྲག་ལ་རྡུགས་ན་ཟོར་ཡང་བརྡེག །དམག་དྲང་དཀའ་ན་བསྐང་གསོ་བྱ། །ལོག་ན་རྦད་མནན་ཏེ་རྦད། །མཚོན་ཆ་ཆག་ན་དམ་ཚིག་ཉམས། །བསྐང་ཞིང་བཤགས་པ་དྲག་པོ་བྱ། །ཐུན་རྣམས་འཐོར་ན་ཏིང་འཛིན་ཉམས། །དམིགས་པ་དྲག་པོ་གསལ་བར་བསྐྱེད། །ཐུན་ཁྲག་རུལ་ན་དེ་བཞིན་དུ། །དམ་ཚིག་དག་ལ་སེལ་བྱུང་ངོ་། །བསྐང་བཤགས་དྲག་པོ་བྱ་བར་བཤད། །མ་དག་གང་ལ་དཀའ་བ་ན། །ད་རུང་བཟླས་པ་བསྐྱར་བར་བྱ། །ཚུར་ལ་འ་་ནི་ཆེ་བ་ན། །རྡུགས་པ་སྣ་སེལ་མདོས་བཏང་ཞིང་། །བསྐང་བཤགས་དྲག་པོ་རྒྱ་ཆེར་བྱ། །བདག་ལ་བརྡེག་ན་བཟློག་བསྲུང་བྱ། །ཐོག་སེར་འཁྲུགས་ན་འཁྲུགས་སེལ་བྱ། །བྱ་གཅན་ལོག་ན་རྫས་མ་ཚོགས། །ད་རུང་རྫས་རྣམས་ཚང་བར་བྱ། །མེ་ལྕེ་མཚོན་རྩེ་ཚུར་བྱུང་ན། །སྲུང་བཟློག་དྲག་པོ་བྱ་བར་གཅེས། །བཀའ་ཆད་བདག་ལ་གསོལ་བ་ན། །ཡང་བཟློག་གནས་དག་བདག་ལ་བྱ། །ཕྱ་སངས་ཁྱེར་ན་བྱིན་ཞོ་དབབ། །སྙིང་མི་དགའ་ན་བཟླས་འོད་དང་། །སྔ་མར་མ་མཐོང་ཡུལ་ཕྱིན་ན། །སྙིང་རྗེ་ཆེན་པོ་ཁོང་ནས་བསྐྱེད། །བླ་རྟགས་མེད་ན་བམོ་གསུམ་བྱ། །ཚུབ་ནག་འ་་ན་དམ་པ་བོད། །ཆུ་ཆེན་འཁྲུགས་ན་ཟ་ལམ་བསྟན། །གཉིད་ཀྱིས་འཐིབས་པར་གྱུར་པ་ན། །རྡོ་རྗེ་སྒྱུགས་གླུ་བླང་ཞིང་གཟེངས་བསྟོད་ལ། །མགོན་པོ་བེང་ཆེན་གང་ཡང་བྱ། །བསང་བ་དག་གི་དུས་དག་ཏུ། །སྲོག་ལྷས་བསྲུངས་ན་གུ་གུལ་སྦྱར་མས་བདུག །ཡུལ་ལྷ་བུད་མེད་དོར་རྟས་བདུག །དགྲ་ལྷ་གླང་རོག་རྭ་བསྲེག་འབྲོས། །དགྲ་ལྷ་གསུར་ཆེན་དུད་པས་འབྲོས། །མ་ལྷ་རྟ་བོན་བསྲེགས་པས་འབྲོས། །ཁ་སྦྱོར་མཁས་པས་དབྱེ་བར་བྱ། །ལྕགས་ཀྱུས་བླངས་པ་བདག་ལ་བསྟིམ། །ཅི་ཡང་མེད་ན་གདམས་ངག་འཆུག །ཡང་ན་རང་གི་དམ་ཚིག་ཉམས། །ཡང་ན་སྲོག་གི་སྙིང་པོ་ཆད། །གཏིང་ནས་བསྒྲུབ་པ་བསྒྲལ་བར་བྱ། །ཞེས་མགོན་པོ་མེ་ལྕེ་ཕྲེང་བའི་རྒྱུད་ལས། ལོག་གནོན་སྤོག་པ་བསྟན་པའི་ལེའུ་སྟེ་སུམ་བཅུ་སོ་བརྒྱད་པའོ།། །།གཞན་ཡང་ལྟ་བའི་རིམ་པ་ནི། །ཕྱི་ནང་ཆོས་ཀུན་ངོས་གཟུང་བྲལ། །ཡོད་དང་མེད་པའི་ཕྱོགས་བྲལ་ཅིང་། །གཉིས་ཀ་གཉིས་མེད་མཐའ་དང་བྲལ། །དབུས་ཆེན་བྱ་བར་མི་རྟོག་བྱེད། །ཀུན་ཀྱང་བླ་དགས་དངོས་མེད་པ། །མཚན་མ་མེད་པ་གདོད་ནས་སྟོང་། །སྤང་མེད་ཀུན་ཆུབ་ཡི་དག་པ། །སྤྲོས་པ་མེད་པ་འདུས་མ་བྱས། །ཕྱོགས་ཆ་ཀུན་དང་ཡེ་ནས་བྲལ། །དེ་ལྟར་ཡེ་ནས་ལྟ་བ་ཡིན། །ཡེ་ནས་དེ་ལྟར་གནསབཞིན དུ། །དེལྟར་མ་རྟོགས་ལོག་བརྟགས་པས། །གཉིས་བཟུང་མཐར་རྟག་ལོག་ཤེས་ལ། །བསྟན་པ་རྣམས་གསུམ་རྒྱས་མཛད་ནས། །འགྲོ་བ་འདུལ་ཅིང་དོན་བྱེད་ལ། །བསྟན་པ་འཇིག་པར་བྱེད་པ་ཡི། །བགེགས་དང་འབྱུང་པོ་དགྲ་ཡི་རིགས། །འདུལ་ཕྱིར་སྤྲུལ་པ་ཁྲོ་ཚུལ་ཅན། །སངས་རྒྱས་བསྟན་པའི་མགོན་མཛད་ཅིང་། །བདུད་ཀྱི་རིགས་ལ་སྡང་བས་ནག །དེ་ཕྱིར་བསྟན་པ་བསྲུངས་པས་ལེགས། །བསྲུངས་ཚུལ་ལེགས་པར་ལྡན་པས་ལྡན། །ཉོན་མོངས་རིས་ལ་གནོད་པས་ནག །དེ་ཕྱིར་མགོན་ནག་ལེག་ལྡན་ནག །ནག་པོར་སྤྲུལ་ནས་དོན་རྫོག་སྤྱོད། ཁེ་མགོན་པོ་མེ་ལྕེ་ཕྲེང་བའི་རྒྱུད་ལས། ལྟ་སྒོམ་སྤྱོད་པ་གཅིག་ཏུ་དྲིལ་བའི་ལེའུ་སྟེ་སོདགུ་པའོ།། །།དེ་ན་ཡང་དག་བཤད་བྱ་བ། །ཀུན་གྱི་དོན་རྣམ་འགྲུབ་བྱེད་པའི། །སྙིང་པོ་སྔག་རྣམས་བསྟན་པར་བྱ། །བསྐྱེད་པ་རྐྱེན་གྱི་སྔགས་རྣམས་དང་། །མ་ནོར་རྩ་བ་རྒྱུ་ཡི་སྔགས། །བཟླས་པ་ལས་ཀྱི་སྔགས་སུ་བཤད། །བསྐྱེད་པ་རྐྱེན་སྔགས་ཡི་གེ་ཧུ༷། །ཐུགས་སྲོག་མ་ནོར་གནས་པ་ཡིན། །མ་ནོར་རྩ་བ་རྒྱུའི་སྔགས་ནི། །ཨོ་མ་ཧྭ་ཀྭ་ལ་རསྒ་དུ་བིད་ནི་ཛ། ཨོ་ཤི་མ་ཧྭ་ཀྭ་ལ་དུ་པ་ཛ། ཛ༷༷ཧུ༷་བ༷་ཧོ༷༠ཧུ༷་ཕཊ། མ་ནོར་རྩ་བ་རྒྱུ་ཡི་སྔགས་སོ། །བཟླས་པ་ལས་ཀྱི་སྔགས་ལ་ནི། །སྤྱན་དྲང་ཕྱག་དག་གདན་འབུལ་བ། །བཞུགས་གསོལ་བསྟིམ་དང་དབང་བསྐུར་དང་། །མཆོད་དང་གཏོར་མ་བཏང་བ་དང་། །རྦད་དང་བསད་པ་རྣམས་སུ་བསྟན། །ཛ༷༷ཧུ༷་བ༷་ཧོ༷༷སྤྱན་དྲངས་པ། །ཏིཁྱི་ལྷན་དང་ཨུ་བེ་ཤཱ །གཞུག་དང་བསྟིམ་པར་ཤེས་པར་བྱ། །ཨ་ཏི་པུ་ཧོ། པྲ་ཏི་པུ་ཧོ། ་མ་ཡ་པུ་ཧོ། ཕྱག་བྱ་བའི་སྔག་སུ་བསྟན། །ཨོ་མ་ཧྭ་ཀྭ་ལ་རསྒ་དུ་བེང་ནི་ཛ། པུ་ཛ་མེ་བྷ་ས་མ་ཡེ་སྤ་ར་ཎ་ཨ་ཏ་རྙུ་པེ། པྲསྤྲོ་ཨུ་ལོ་ཀེ བྷརྙེ་ནི་བིབྱ། ཤསྟ་པྱུ་ཛ་མེ་བྷ་ས་མུ་དྲ་སྤ་ར་ཎ་ས་མ་ཡེ། ཨོཨུ༷༷ཧུ༷། མ་ཧྭ་མུ༷་ས་ཁུ་ཧི། མ་ཧྭ་རཀྟ་ཁུ་ཧི། མ་ཧྭ་ཙིསྟ་ཁུ་ཧི། མ་ཧྭ་རུ་དྷི་ཁུ་ཧི། ཤ་ལྔ་བདུད་རྩི་ལྔ་དང་བཅས་པའི་མཆོད་པ་སྣ་ཚོགས་དེ་ཡིས་དབུལ། །ཨོ་མ་ཧྭ་ཀྭ་ལ་ཨེ་ཨ་ར་ལི་ཧོ། །ཛ༷༷ཧུ༷་བ༷་ཏོ༷། བཛྲ་བྷ་གི་ནི་བརྡ་མ།ཡོ་གི་ནི་ཤཱ་རྡི་ས་མ་ཡ་སྟུ༷། དྲི་ཤུ་ཧོ། ཨོ་ཁ་ཁ་ཁུ་ཧི། ཨ་ཀྭ་རོ་མུ་ཁ༷། སརྦ་བྷརྨ་ཎ༷་ཨུབྱ་ནུཏ་པན་ན་ཏཏ་གྲྭ་ཧྭ། གཏོར་མ་འབུལ་བའི་སྔགས་སུ་བསྟན། །ཨོ་ཏ་ཐུ་ག་ཏོཉི་ཥ་སི་ཏ་པ་ཏྲེ་ཤི་ཧཱུཾ། མགོན་པོ་གནད་ལ་དབབ་པར་བྱ། །ཆེ་གེ་མོ་འདི་མུ་ར་ཡ་སོད་སོད། ནག་པོ་དགྲ་བོའི་ཤ་རུས་སྙིང་འགོ་ཐོན་ཐོན། བདུད་ཕོ་དགྲ་བོའི་སྲོག་ལ་ཛ་ཛ། ནག་པོ་དགྲ་བོའི་གློ་བ་ལ་ཛ་ཛ། ནག་པོ་དགྲ་བོའི་ཀླད་པ་ལ་ཛ་ཛ། ནག་པོ་དགྲ་བོའི་སྙིང་དབུགས་ལ་ཛ་ཛ། ཕུར་པས་བསད་པའི་སྔགས་སུ་བཤད། །ཨོ་མ་ཧྭ་ཀྭ་ལ་སྦུགས་དྷི་ཧུ༷་ཛ། བི་ན་ད་མ་བཛྲ་བཱ་ཁི། ཤི་ཧུ༷་ཡན་ཁུགས་ལ་ག་ས། སྲོག་ཀུ་རུ་སྟུམ་མྱ་ར་ཡ་ཛ། །ཐུན་གྱིས་བསད་པའི་སྔགས་སུ་བསྟན། ཨོ༷་མ་ཧྭ་ཀ་ལ་ཡ༷། ལག་ནི་ཚལ་པ་ཏྲ༷་ཡང་ཛ་ཛ། མ་ཧྭ་ཀུ་ལ་ཐུ༷་ལེ། ཐུ༷་རིལ་རྦད་པུ་སྙི་ཛ་ཛ། སྙིང་ལ་ཡ་་ག་སྒ་ལ་ཐུ༷་རྦད་ཛ་ཛ། ཟོར་གྱིས་བསད་པའི་སྔགས་སུ་བཤད། མ་ཧྭ་ཀྭ་ལ་ཡ་ཤད་ཧྲུ༷་དུ་པ་ཧུ༷། ད་ཧ་ད་ཧ། པ་ཙ་པ་ཙ། དི་ན་མི་ཀེ་ན་ཧུ༷་ཕཊ། ཆེ་གེ་མོ་བཱ༷་ས་ལ་ཁུ་ཧི་ཁ་ཧི། ཆེ་གོ་མོའི་གཟུགས་ཕུང་ལྔ་ལ་རིམ་འབུས། །རམ་འུབས་ཁུ་ཧི་ཁུ་ཧི། དེ་ནི་སྤྱིན་སྲེག་གི་སྔགས་སུ་བཤད། ཨོ་སྟུ༷་བྷ་ཡ་རསྒ་ནན། ཝ་ཤང་ཀུ་རུ་ནན། ཚུརྨྱེ་ཀུ་རུ་ནན། ཤཱརྙིང་ཀུ་རུ་ནན། ཆེ་གེ་མོ་བཱ་ར་ཡ་ནན། ཨ་བི་ཤི་མ་ཧྭ་ར་ཡ་ནན། ཕཊ་ཕཊ། ཀྭ་ལ་དུ་པ་ཤི་རུ་པ་རསྒ་ཡེ་ནན། ཙཀྲ་ཀྲི་ནན། །ད་རུ་བས་ནན། གནན་པ་བྱ་བའི་སྔགས་སུ་བསྟན། ཨོ་ཤི་མ་ཧྭ་ཀྭ་ལ་རསྒ་ཁ་ཁ་ཁུ་ཧི་ཁུ་ཧི། བཛྲ་ཡསྒ་དེ་བ། མ་ཧྭ་བེདྷ་ཁུ་ཧི་ཁུ་ཧི་ཁ་ཁ་ཁ། ཨོ་མ་ཧྭ་ཀྭ་ལ་ཤི་ཕུང་ཤན་ཏིང་། སྐྲུར་སྐྲུར་ཏིང་ཕུར། མ་ཧྭ་ཀྭ་ལ་བཛྲ་ནི་ཕུར། ད་ཧ་ད་ཧ་ཕུར་སྭ་ཧྭ། དེ་སྐད་དྲག་ཏུ་བསྟབ་པའི་སྟགས་སུ་བསྟན། ཨོ་མ་ཧྭ་ཀྭ་ལ་རསྒ་དུ་པེས་དྷི་ཛ༷༷ཧུ༷་བ༷་ཧོ༷་། འབྱམས་ན་སྟོན་པའི་སྔགས་སུ་བསྟན། ཨོ་ནི་ལ༷་བྷ་ར། བཛྲ་ཡསྒ་མ་ཧྭ་ཀྭ་ལ་ཤི་ཡོ་ན། ཡོ་ཡོ་ནི་དན་ཏབྱ་ཐུ། ཨོ་ཧི་ལི་ཧི་ལི་ཀི་སྟུ༷་བྷ་ནན་སྲུ་ཧྭ། མགོན་པོ་གཟིར་བའི་སྔགས་སུ་བཤད། ཨོ་མ་ཧྭ་ཀྭ་ལ་ཤཱསྟི།ཤར་ཏི་ཀུ་ར་ས་ན་མ་ཧྭ་ཀྭ་ལ། མི་ཆེ་གེ་མོ་དང་ཐང་ལྷར་ཕྱེ། གློ་དང་གློ་བའི་རྟགས་ཐོན། རུས་པའི་ཁབ་ཀྱིས་གློ་སྙིང་ཟང་མར་ཕུག །ལྟ་དང་ཕྱེ་བའི་སྔགས་སུ་བཤད། རྒི་རྒི་ཤེ་ཡསྒ་དེ་བ༷་ཀྭ་ལ་བ་ཀྲ། གྲིབ་བིན་ཙན་ཀ་མ་བག་སི་ན་མི་དང་ཡུལ་ལྷར་ཕྱི། ཨོ་ཤི་མ་ཧྭ་ཀྭ་ལྭ་རཀ་བེ་ཙ་ལེ་མུ་ལ་རྐ་རྐ་གིང་ཀ་ར་མ་ཧྭ་ཀྭ་ལ་ཧུ༷་ཕཊ། ཆེ་གེ་མོ་མུ་ར་ཡ་ཧུ༷་ཕཊ། ཐུ༷་རི་ལི་ལི་སརྦ་ཀྭ་མ་ར་ཙ་ཡ་མྱ་ར་ཡ་རྦད། དུ་མི་ཙ་ལ་མྱ་ར་ཡ་སྲེག་སྲེག་ཤིག་ཤིག་ཁྱེར་ཁྱེར། མ་ཧྭ་ཀྭ་ལ་སིཏི་རྦད། ཆེ་གེ་མོ་དང་སུ་ཕྱེ། དུན་། །སྒྲི་པྲ་དྲ་མ་ཧྭ་ཀྭ་ལ་ཧུ༷་ཕཊ། ཨོ་བྷན་དྷ་བ་སུ་དང་། དེ་བས་ཡི་ག་རྦུད། སརྦ་བྲད་ཏྲ་མུ་ཏྲི་ར༷་ཛ་ཏ་ལ་རྦུད། མ་ཧྭ་ཀྭ་ལི་རསྒ་ཤ་ཀུ་རུ་པ་ནི་བཱ་ར་ཡ་རྦད། ཨོ་མ་ཧྭ་ཀྭ་ལ་སརྦ་དུཁུ། སརྦ་གས་ཧྲོ་ཏྲ་ན་ཕཊ། རྒྱ་རྒྱ་རྒྱ་བཛྲ་བཱ་ཁི་ཧུ༷་ཕཊ། ཨོ་ཏྲི་ཤ་དྲུ་རོ་ཏྲ་ཏི། ཐུ༷་རིལ་བདག་ལ་གནོན་པ༷ར་བྱེད་པ་མུ་ར་ཡ་ཧཱུཾ་ཧུ༷་ཕཊ། དེ་ནི་མགོན་པོ་ནང་འགྲས་ན་ཕ་རོལ་དང་དབྱེ་བས་སྔགས་སོ། །ཨོ་མ་ཧྭ་ཀྭ་ལ་ཡ། ཆེ་གེ་མོ་མུ་ར་ཡ་གྲིཎྜ་གྲིཎྜ། བྷནྟྲ་བྷནྟྲ་ཧུ༷་ཧུ༷་ཕཊ་ཕཊ། ལས་ཀྱིས་གསོད་པའི་སྔགས་སུ་བསྟན་པའོ། །ཨོ་ཙཎྜམ་ཧྭ་ཀྭ་ལ་ཤི་སྙིང་ཨི་ད༷་གྲིཎྜ་སྭ་ཧྭ། ཞི་ཚུལ་གཏོར་མ་དབུལ་བའོ། །དེ་ལྟར་གསང་སྔགས་རིམ་པ་ཀུན། །གྲངས་སུ་བཟླས་དང་དུས་སུ་བཟླས། །རྟགས་དང་སྦྱར་ཞིང་བཟླས་པར་བྱ། །དྲག་དང་ཤིན་ཏུ་དྲག་པ་དང་། །རིང་དང་ཐུང་བར་བཟླས་པར་བྱ། །བོར་དང་གདགས་དང་གཞུག་པ་དང་། །སྔགས་ཀྱི་མཐའ་བསྒྱུར་མཁས་པར་སྤྱོད། །བཞག་དང་བླང་དོར་གདགས་པ་དང་། །དྲིལ་དང་གཏོར་དང་དགབ་པ་དང་། །ཟློག་དང་ངར་རྣམས་གདགས་པ་དང་། །དེ་བཞིན་མཁས་པས་ཆེད་མར་དབང་། །འགྲོ་འོང་སྔགས་ཀྱི་ཚད་མ་ཡིས། །སྔགས་རྣམས་མ་ནོར་གཏན་ལ་དབབ། །བཟློག་དང་དཀྲུག་དང་འཁོར་ལོ་བསྐོར། །འབྲུ་མི་གཞལ་ཅིང་ཐེ་ཚོམ་བསྒྲལ། །ཅེས་པས་མེ་ལྕེ་ཕྲེང་བའི་རྒྱུད་ལས། མགོན་པོ་སྔག་ཀྱི་ལེའུ་སྟེ་བཞི་བཅུ་ཐམ་པའོ།། །།དེ་ནས་ཡང་དག་བཤད་བྱ་བ། །དམ་མི་བཀྲལ་ཅིང་དཔོན་སློབ་བཀུར། །མཆེད་ལ་བརྩེ་བྱ་བདེ་གཤེག་བཀའ། །ཁྱད་དུ་མིག་སད་འདའ་མི་བྱ། །སེམས་ཅན་ཀུན་ལ་བྱམས་སེམས་བསྐྱེད། །བྱང་ཆུབ་སེམས་ནི་མི་སྤང་ཞིང་། །ཆོས་རྣམས་ཀུན་ལ་སྨད་མི་བྱ། །མ་སྨིན་པ་ཡི་གང་ཟག་ལ། །མགོན་པོའི་གསང་བ་མི་བསྒྲག་ཅིང་། །ཕུང་པོ་ལྷ་ལ་བརྙས་མི་བྱེད། །ཆོས་ཉིད་སོམ་ཉི་མི་ཟ་ཞིང་། །གདུག་པ་ཅན་ལ་བྱམས་མི་བྱ། །མིང་མེད་ཆོས་ལ་མི་བརྟག་ཅིང་། །སེམས་ཅན་དད་དང་ལྡན་པ་ཡི། །སེམས་ཀྱི་སུན་ནི་མི་དབྱུང་ཞིང་། །མདོར་ན་སེམས་ཆོས་རྣམས་ཀྱིས་ལང་། །དམ་ཚིག་རིམ་པ་གང་ཡིན་པ། །མ་ཉམས་བསྲུང་བ་མཆོག་ཏུ་བསྔགས། ཁྲེས་རབ་མི་སྨད་དེ་བཞིན་དུ། །དྲང་དང་ཤེས་པར་བསྒྲུབ་བྱ་ཞིང་། །མི་གཡེལ་མི་བཤུག་དམིགས་པ་མིན། །འཁོར་བར་བསྔགས་བསམ་མི་བྱ་ཞིང་། །རྟག་པའི་བསམ་པ་ཀུན་ཏུ་སྤང་། །ཞེ་སྡང་མི་བསྐྱེད་སེམས་མི་དཀྲུག །འཁོར་བར་སྒྱུ་མར་རབ་དམིགས་པས། །ཆགས་པ་མེད་པས་གདུག་པ་བསྒྲལ། །སྙིང་རྗེ་ཆེན་པོས་ཀུན་བླང་ཞིང་། །སྡང་བ་མེད་པས་གདུག་པ་བསྒྲལ། །སྣང་སྲིད་ལྷ་རུ་རབ་དམིགས་ཏེ། །ཡེངས་པ་མེད་པས་གདུག་པ་བསྒྲལ། །བསྟན་པ་བསྲུང་བར་རབ་དམིགས་ཏེ། །རང་འདོད་མེད་པས་གདུག་པ་བསྒྲལ། །འོདགསལཆེནཔོརརབདམིགས་ཏེ། །གཏི་མུག་མེད་བས་གདུག་པ་བསྒྲལ། །ཁམས་གསུམ་སྐྱོན་དུ་རབ་དམིགས་ཏེ། །ང་རྒྱལ་མེད་པས་གདུག་པ་བསྒྲལ། །འགྲོ་བ་ཞབྲུལ་བར་རབ་དམིགས་ཏེ། །ཕྲག་དོག་མེད་པར་གདུག་པ་བསྒྲལ། །ཐིག་ལེ་ཆེན་པོར་རབ་དམིག་ཏེ། །སྤྲོས་པ་མེད་མེད་པར་གདུག་པ་བསྒྲལ། །རྫས་རྣམས་ཚང་མར་ཚོགས་བྱ་ཞིང་། །སྔགས་རྣམས་ནོར་དུ་མི་རུང་ངོ་། །འཁོར་ལོ་འཁྲུགས་པར་མི་བྱ་ཞིང་། །ལས་རྣམས་ནོར་དུ་མི་རུང་སྟེ། །རང་རེ་གཞན་ལ་མངོན་མི་བྱ། །དམ་ཚིག་གཅིག་ལ་སྔག་མི་བཟླས། །ཁེ་དྲག་འཕྱར་ཀ་སྤངས་བྱས་ལ། །གསང་སྤྱོད་བརྟེན་ཏེ་བསྒྲུབ་པར་བྱ། །ཅེས་པས་མེ་ལྕེ་ཕྲེང་བའི་རྒྱུད་ལས། བསྲུང་བ་མན་ངག་གི་ལེའུ་སྟེ་ཞེ་གཅིག་པའོ།། །།དེ་ནས་ཡང་དག་བཤད་བྱ་བ། །མགོན་པོ་སྒྲུབ་པའི་མི་རྣམས་ཀྱི། །དམ་ཚིག་ཐུབ་པར་མ་བསྲུངས་ན། །གདོན་དང་ལོག་འདྲེན་སྣ་ཚོགས་བྱུང་། །ཚེ་ཐུང་ནད་མང་ནོར་ཡལ་ནས། །ཕྱི་མ་ངན་འགྲོ་དམྱལ་བར་འགྲོ། །ཚེ་འདིར་མི་མཐུན་འབྱུང་པོ་ནི། །མཚོན་འཁྲུག་ནང་དམེ་ཚ་བའི་ནད། །དུག་དང་ཐོག་དང་ལྕེ་འབབ་དང་། །རིམས་དང་མཛེ་དང་ཤ་ཡ་དང་། །འབྲུམ་བུ་ཤུ་བ་བལ་ནད་དང་། །སེར་བ་མཚོ་ཉམས་གཟི་ཆུང་ཞིང་། །ལོངས་སྤྱོད་ལ་སོགས་ཉམས་པ་དང་། །དགྲ་དང་བགེགས་རྣམས་ལངས་པ་དང་། །མི་མཐུནབརཆོདསྣཚོགསའབྱུང། །གཞན་ཡང་འཁོར་བ་ཡུན་རིང་གནས། །མི་བདེ་སྡུག་བསྔལ་རབ་ཏུ་འཕེལ། །དེ་ཕྱིར་དམ་ལ་གན་པར་བྱ། །ཞེ་པས་མེ་ལྕེ་ཕྲེང་བའི་རྒྱུད་ལས། དམ་ཚིག་དང་མི་ལྡན་པའི་རྒྱུད་བཅངས་ན་བསྒྲུབ་ན། ཉེ་མིག་བསྟན་པའི་ལེའུ་སྟེ་ཞེ་གཉི་པའོ།། །།དེ་ན་ཡང་དག་བཤད་བྱ་བ། །རྒྱུད་འདི་བཅངས་པའི་ཡོན་ཏན་གྱིས། །ཚེ་རིང་དགྲ་རྣམས་རྒྱུན་ཆོད་དེ། །ཟོར་གྱི་ལས་ཀྱིས་དགྲ་རྣམས་ནི། །གཟེར་ནང་གླང་ཐབས་སྨྱོ་འབོག་དང་། །རོ་རྒྱབ་འགས་ཤིང་འཆི་བར་འགྱུར། །ཕུར་པ་དག་གིས་བཏབ་པས་ནི། །ཐོག་འཐབ་ཀླད་གཟེར་མགོ་འགས་དང་། །རོ་རྒྱབ་འགས་ཤིང་འཆི་བར་འགྱུར། །གཟེར་དང་རེངས་པས་རླག་པར་བྱེད། །བརྒྱབ་པས་ནད་ཀྱང་དེ་བཞིན་ནོ། །བསྲེགས་པས་བསད་དང་ཐབ་ཀྱིས་ནི། །རིམས་ནད་ཚ་བའི་ནད་ཀྱིས་འཆི། །མནན་པས་བསད་པའི་ལས་ཀྱིས་ནི། །བྱིང་དང་རྨུགས་པས་མྱོས་ཏེ་འཆི། །དེ་བཞིན་བརྒྱལ་དང་ལྐུགས་པར་བྱེད། །ཐུན་གྱིས་ཚེ་དབང་སྲོག་དང་བྲལ། །དེ་བཞིན་མི་མཐུན་སྦྱོར་བ་ཡིས། །བགེགས་དང་དགྲ་རྣམས་ཚར་གཅོད་ནས། །བདེ་སྤྱོད་དགེ་སྦྱོར་སྤེལ་བར་བྱེད། །ཕྱི་མར་རིག་འཛིན་གྲལ་དུ་འགྲོ། །ཚེ་དང་བཀྲ་ཤིས་གཟི་བརྗིད་ལྡན། །ནུས་དང་ལྡན་ཞིང་བདེ་བ་ཐོབ། །ཐལ་བའི་དབང་དང་མཐུ་མཉམ་ཞིང་། །བརྟུལ་ཞུགས་དྲག་པོས་བསྟན་པ་སྐྱོང་། །འགྲོ་བ་དཀར་པོའི་མགོན་དུ་ཡོད། །ཅེས་པས་མགོན་པོ་མེ་ལྕེ་ཕྲེང་བའི་རྒྱུད་ལས། དམ་ཚིག་ལྡན་པའི་རྒྱུད་འདི་བཅངས་པའི་ཡོན་ཏན་བརྗོད་པའི་ལེའུ་སྟེ་ཞེ་གསུམ་པའོ།། །།དེ་ན་དཔལ་མགོན་པོ་ནག་པོ་བཅོམ་ལྡན་འད་ལ་འདི་སྐད་ཅེ་གསོལ་ཏོ། །ཀྱེ་ཀྱེ་བཅོམ་ལྡན་སང་རྒྱ་གཙོ། །ལེག་སོལེག་སོབཅོམ་ལྡནའདས། །བདེན་པ་ཉིད་ལ་དགོངས་ནས་ནི། །ཀུན་རྫོབ་བསྟན་པ་སྲུང་དོན་དུ། །ཕྱི་རབས་དོན་དུ་ང་ཡི་རྒྱུད། །བཤད་པ་བཅོམ་ལྡན་ཁྱོད་ལེགས་སོ། །ངས་ཀྱང་དམ་ལ་གནས་ནས་ནི། །རྣལ་འབྱོར་དམ་ལྡན་གྲོགས་བྱའོ། །ཁྱེད་ཀྱི་བཀའ་ལས་མི་འདའ་བར། །བདག་གིས་བཅོལ་བའི་ལས་སྒྲུབ་བོ། །གལ་ཏེ་དམ་ལ་འདས་པ་ན། །སྒྲུབ་བོ་ཉིད་ཀྱང་རླག་པར་བྱེད། །དེ་ཕྱིར་དམ་ལས་མ་འདའ་ཞིག །ཅེས་པས་མེ་ལྕེ་ཕྲེང་བའི་རྒྱུད་ལས།ཕྱི་རབ་ལ་གཏད་པ་དང་། །ཡི་རང་བའི་ལེའུ་སྟེ་ཞེ་བཞི་པའོ།། །།བཅོམ་ལྡན་གཙོ་བོ་བཀའ་སྩལ་པ། ཁུད་འདི་མཚན་ནི་སྨོ་ཏེ་སྦྱད། །སྐྱེ་བུ་ཁྱོད་ཀྱི་མཐུ་རྩལ་དང་། ཁུ་པ་རྒྱུད་ལ་ཡོད་པ་ལྡན། །སྐྱེས་བུ་ཁྱོད་ཀྱི་མཐུ་རྩལ་ནི། །སྲིད་པ་གསུམ་ལ་སྦྱོས་འདེབས་ཤིང་། །ཁམས་གསུམ་དབང་དུ་སྡུད་པར་བྱེད། །འདོད་ཁམས་ཞབྲུག་ཅིང་ཟིལ་གྱིས་གནོན། །སྟོང་གསུམ་གཞན་དུ་འཕེན་པར་བྱེད། །འབྱུང་པོ་ཀུན་གྱི་རྒྱུན་ལམ་གཅོད། །རྒྱ་མཚོ་ཆེན་པོ་ཧུབ་ཀྱི་འདེབས། །རི་བོ་ལྟོ་རུ་ཟ་བར་བྱེད། །དགྲ་བགེགས་འབྱུང་པོ་ཚར་གཅོད་ཅིང་། །ཁྱོད་ཀྱིས་གད་མོ་བདག་པ་ནི། །གཤེ་བའི་གད་མོས་ལྷ་རྣམས་བརྒྱལ། །བདུད་དང་མུ་སྟེགས་དངངས་པར་བྱེད། ཁེ་ལ་ཐུག་པར་བརྒྱལ་བར་འགྱུར། །ངོ་མཚར་གད་མོས་དབང་དུ་སྡུད། །མ་མོའི་ཚོགས་རྣམས་ཡིད་ཀྱང་འཕྲོག །ཧུ༷་སྒྲས་ཁམས་གསུམ་དབང་དུ་སྡུད། །ཕཊ་ཀྱིས་སྟོང་གསུམ་དུས་གཅིག་སྒྲོལ། །ཕོ་ཕེ་ཕེ་གྱིས་འཇིག་རྟེན་གཡོ། །གཡོ་བ་ཐམས་ཅད་དབང་དུ་སྡུད། །བེང་གི་སྟོབས་ནི་གློག་དང་འདྲ། །སྟོང་གསུམ་དུས་གཅིག་ཁྱབ་པར་འགྲོ། །མངོན་ཤེས་ལྔ་དང་རབ་ལྡན་ཞིང་། །རྫུ་འཕྲུལ་སྣ་ཚོགས་རབ་བསྟན་ནས། །འགྲོ་བ་ལོག་རྟོག་སྒྲོལ་བར་བྱེད། །མཁའ་འགྲོ་བདུན་གྱི་གཙོ་བོ་སྟེ། །དུར་ཁྲོད་བདུན་གྱི་བདག་པོ་ཡིན། །ལྷ་ཆེན་ཚོགས་ཀྱི་བདག་པོ་སྟེ། །ཞིང་སྐྱོང་དཔའ་བོའི་དམག་དཔོན་བྱེད། །གཤིན་རྗེ་ཀུན་གྱི་རྗེ་བོ་མཛད། །གནོད་སྤྱིན་ཀུན་ཀྱང་བྲན་དུ་འཁོལ། །དེ་ལྟར་ལྡན་པའི་སདེད་དཔོན་ཁྱེད། །འཁོལ་ཞིང་སྒྲུབ་པར་བྱེད་པ་ཡི། ཁུད་ཀྱི་དོན་ནི་མེ་ལྕེ་ཕྲེང་། །མེ་ལྕེ་འདྲ་ཕྱིར་ཀུན་སྲེག་ཅིང་། །དམ་ཉམས་སྲོག་རྣམས་ཚིག་པར་བྱེད། །སྲིད་གསུམ་ཉོན་མོངས་སྲེག་བྱེད་ཅིང་། །དེ་དོན་དེ་འདྲ་དུག་དང་འདྲ། །མཚོན་འདྲ་ཕྱིར་ན་ཁྲོ་བོ་སྟེ། །འཇིགས་བྱེད་མེ་འབར་ནག་པོ་ནི། །གསང་ཞིང་བརྗོད་དང་མི་བསྟན་ནོ། །སྤ་ཞིང་བཅངས་ཤིང་སྤྱད་པར་བྱ། །རང་ཉིད་དམ་ལ་གནས་པར་བྱ། །རང་གི་སྲོག་ལྷར་བྱ་བ་སྟེ། །རང་ཉིད་ཆོས་དང་མི་ལྡན་ན། །སླར་ལ་སྦྲང་བུ་མེར་མཆོང་འདྲ། །རང་སྲོག་འཆད་པར་ཐེ་ཚོམ་མེད། །སློབ་དཔོན་སྐུ་དགྲ་ཆོས་འཁོར་འཇིག །དེ་འདྲའི་ཡུལ་ལ་མ་གཏོགས་པ། །གཞན་སྲོག་འཆད་པར་ཐེ་ཚོམ་མེད། །སློབ་དཔོན་སྐུ་དགྲ་ཆོས་འཁོར་འཇིག །དེ་འདྲའི་ཡུལ་ལ་མ་གཏོགས་པ། །གཞན་དུ་བྱས་ན་དམ་ཚིག་ཉམས། །ཞེས་པས་མེ་ལྕེ་ཕྲེང་བའི་རྒྱུད་ལས། རྒྱུད་ཡོང་སུ་གཏད་པའི་ལེའུ་སྟེ་ཞེ་ལྔ་པའོ།། །།དེ་སྐད་ཅེ་བཀའ་སྩལ་པ་དང་། འཁོར་རྣམས་རྗེ་སུ་ཡི་རངས་ཏེ་བསྟོད་པ་ཕུལ་ནས། གུ་པ་གཞན་དུ་དེངས་སོ། །མགོན་པོ་མེ་ལྕེ་ཕྲེང་བ་ཞེས་བྱ་བ་ནག་པོ་ཆེན་པོ་དུར་ཁྲོད་བདག་པོའི་རྒྱུད་རྫོགས་སོ།། །།རྒྱ་གར་གྱི་མཁན་པོ་དྷ་ན་ས༷་སྒྲོ་ཏ་དང་། ལོསྣྲོ་བ་གོར་བི་རོ་ཙ་ནས་བསྒྱུར་བའོ།། །།རྒྱ་གར་སྐད་དུ། མ་ཧྭ་ཀྭ་ལ་ཏནྟྲ་མ་ག་ལ་ཀྭ་ལ་ནཱ་མ། བོད་སྐད་དུ། དཔལ་ནག་པོ་ཆེན་པོའི་རྒྱུད་དུར་ཁྲོད་ནག་པོ་ཞེས་བྱ་བ། དཔལ་ཀུན་བཟང་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་