Ngb-pt-0371-vol-04-text
Front
Body
འོང་། །འགལ་བ་ཆམ་ལ་འབེབས་པའི་སྔགས་འདི་ནི། །བདག་ལ་འཇམ་དཔལ་སྟོན་པས་ལུང་བསྟན་ཏེ། །རྡོ་རྗེ་གདན་གྱི་འོག་ནས་བརྐོས་ནས་འོང་། །ཡང་དག་རུས་པ་སྙིང་རུས་བསྐྱེས་ནས་ནི། །གསེར་ནི་རྫོངས་པར་ནོར་གྱི་བླ་བྱས་ཏེ། །ཚེ་འདི་མ་འཕོས་སྲོག་སྐྱབས་གསེར་ལ་གྱིས། །དེའི་ཤི་དེའུ་ཆད་བྱས་ཏེ་སྤྱན་སྔར་མཆིས། །མངའ་བདག་རྒྱལ་པོ་ཁྲི་སྲོང་ལྡེའུ་བཙན་དང་། །སྔོན་ཆད་མོལ་བའི་དོན་བཞིན་བདག་གིས་བགྱིས། །མཁས་པའི་དུག་སྔགས་བཅད་ནས་སེམས་ཕྱོགས་དང་། །རྡོ་རྗེ་གདན་དུ་སྦས་པའི་སྔགས་རྒྱུད་འདི། །དཀའ་བླ་བྱས་ཏེ་དགེ་སློང་བདག་གི་མཆིས། །འདི་ལྟར་དཀའ་བླ་སྤྱད་པ་གྲངས་མེད་ལ། །སྙིང་པོར་བྱུང་བ་ལྷ་མོ་སྔགས་རྒྱུད་འདི། །བསྟན་པ་བསྲུང་བའི་དྲག་སྔགས་མང་བ་ཞིག །སྟོན་པའི་ཞལ་ནས་མང་པོ་ཀུན་གསུངས་ཀྱང་། །བབ་དུ་བྱུང་བ་ལྷ་མོ་སྔགས་རྒྱུད་འདི། །ཉིད་དང་སྲས་དང་ཉིད་དང་འདྲ་བ་ལས། །གཞན་ལ་སྤྱིན་པ་མིན་གྱིས་གཟིགས་མཛོད་ལ། །བདུད་འདུལ་པེ་ཀར་གླིང་གི་མཛོད་དུ་སྦས། །གཞན་ལ་བྱིན་ན་རྒྱལ་པོ་དམ་ཚིག་ཉམས། །གཞན་ལ་ཡོད་པར་འགྱུར་རེ་སྐན།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་དང་། །འཁོར་མང་པོ་ལ་སོགས་པ་རྣམས་ཀྱིས། ཚིག་མཐུན་པར་བཅོམ་ལྡན་འདས་མངོན་རྫོགས་ཀྱི་རྒྱལ་པོ་ལ་འདི་སྐད་གསོལ་ཏོ། །ཨེ་མ་ཧོ། བཅོམ་ལྡན་འདས་མངོན་རྫོགས་ཡབ། །ནག་མོ་སྔགས་ཀྱི་རྒྱུད་འདི་ལ། །ངོ་མཚར་རྨད་བྱུང་བསྟན་པ་རྣམས། །བདག་ཅག་ཐེ་ཚོམ་འཚལ་བ་མཆིས། བཅོམ་ལྡན་གསུང་གི་ངོ་བོ་ཡིས། །ཞུ་བའི་དམིགས་རྣམས་བསྟན་དུ་གསོལ། །འཕགས་པ་ཞེས་ནི་ཇི་ལྟར་ལགས། །ནག་མོ་ཞེས་བགྱི་ཇི་ལྟར་ལགས། །རྒྱུད་ཅེས་བགྱི་བ་ཇི་ལྟར་ལགས། །ཆོས་ཉིད་ངང་ལས་བཞེངས་ནས་ནི། །ཞུ་བའི་དམིགས་རྣམས་བསྟན་མཛོད་ལ། །དེ་ནས་བཅོམ་ལྡན་འདས་མངོན་རྫོགས་ཡབ། །གཞན་ལ་ཕན་པ་མཛད་པའི་ཕྱིར། །ཚངས་པའི་གསུང་ནི་བྱུང་ནས་སུ། །འདུས་པའི་འཁོར་རྣམས་ཞུ་བ་ཡི། །ཐེ་ཚོམ་མཆིས་པའི་དམིགས་རྣམས་ཀུན། །མ་ལུས་ཞུ་བ་རབ་ཏུ་ལེགས། །འཕགས་པ་ཞེས་ནི་བྱ་བ་ཡང་། །ཉོན་མོངས་མ་ལུས་ཀུན་ལས་འཕགས། །ཡེ་ཤེས་ཐམས་ཅད་རྫོགས་པར་བྱུང་། །ཀུན་གྱིས་དེ་ལ་སྙེག་ཏུ་མེད། །དེ་ཕྱིར་འཕགས་པ་ཞེས་བྱའོ། །ལྷ་མོ་ཞེས་ནི་བྱ་བ་ཡང་། །ལྷ་རྣམས་ཀུན་གྱི་འོད་ལས་ནི། །ལྷ་མོ་གཅིག་ཏུ་བྱིན་གྱིས་བརླབས། །ལྷ་མ་ཡིན་གྱི་གཡུལ་ངོ་བཟློག །དེ་ལ་ལྷ་མོ་ཞེས་ནི་བྱ། །ནག་མོ་ཞེས་ནི་བྱ་བ་ཡང་། །མདངས་ལས་སྤྲུལ་པའི་ལྷ་མོ་དེ། །ལོག་ལྟ་ཐམས་ཅད་གདུལ་བའི་ཕྱིར། །ཕྱོགས་གཅིག་དག་ལ་ཞེ་གནག་ལས། །དེ་ལ་ནག་མོ་ཞེས་བྱའོ། །སྔགས་ཞེས་བྱ་བ་བསྟན་པ་ཡང་། །དེ་ལ་སྔགས་ནི་རྣམ་པ་གཉིས། །བོད་ཅིང་བསྙེན་པའི་སྔགས་དང་ནི། །རྦད་ཅིང་གསད་པའི་སྔགས་དག་གོ །སྔགས་ཞེས་ཀྱང་ནི་དེ་ལ་བྱའོ། །དེ་ལ་རྒྱུད་ཅེས་བྱ་བ་ཡང་། །དོན་རྣམས་ཚང་ཞིང་འབྲེལ་བ་དང་། །དགོས་པ་ཐམས་ཅད་བསྒྲུབ་པའི་ཕྱིར། །དེ་ཕྱིར་རྒྱུད་ཅེས་བྱ་བ་ཤད། །ནག་མོ་སྔགས་ཀྱི་རྒྱུད་ཕྱི་མ་ལས། རྒྱུད་ཀྱི་མཚན་དྲིས་པའི་ལེའུ་སྟེ་དང་པོའོ།། །།དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས། ཡབ་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ། །འདི་ཡི་གནས་རྣམས་ཇི་ལྟ་བུ། །ཟུར་དུ་ཐོད་ཚལ་ཇི་ལྟར་མནན། །དམ་ཚིག་བསག་གཞག་ཇི་ལྟར་ལགས། །མ་མོ་མཆོད་དུས་ཇི་ལྟར་བྱ། །སྔགས་ཀྱི་བཟླས་བརྗོད་ཇི་ལྟར་ལགས། །མངོན་རྫོགས་རྒྱལ་པོས་བཀའ་སྩལ་པ། །དབང་རྣམས་རྫོགས་ཤིང་དད་པ་ཆེ། །ཐེ་ཚོམ་ཡིད་གཉིས་ཟས་པ་ཡིས། །ཐོག་མར་གནས་རྣམས་བཙལ་བ་ནི། །རི་ལུང་ལ་སོགས་གནས་རྣམས་ཀྱང་། །རྩ་བའི་རྒྱུད་ལས་གསུངས་པ་ཡིས། །བདག་དབང་གཞུང་མཐུན་གནས་ཀྱང་བཙལ། །དེ་ནས་གནས་ཆེན་དེ་ལྟ་བུར། །མ་མོ་རྣམས་ཀྱི་དཀྱིལ་འཁོར་ནི། །ཟླ་གམ་གསུམ་པ་ཚུལ་བཞིན་དུ། །རྩ་བའི་རྒྱུད་ལས་འབྱུང་བ་བྲི། །དེ་ནས་གནན་པ་སྦྱོར་བ་ཡང་། །གདུག་པ་ཅན་གྱི་མ་མོ་ཡི། ཁ་རླངས་སྣ་རླངས་ལ་སོགས་པའི། །གདུག་པའི་གཟི་བྱིན་གདོན་པའི་ཕྱིར། །ཟུར་དུ་ཁུང་བུ་བྲུས་ནས་ནི། །ཐོད་ཚལ་དྲུག་གམ་བརྒྱད་དག་ལ། །ཐོད་པ་སྟེང་མ་རྣམས་ལ་དབུས་སུ་ཡ་བྲིས། །དེ་ལ་ཡ་མ་རྭ་ཙའི་སྔགས་ཀྱིས་བསྐོར། །འོག་མ་རྣམས་ལ་དབུས་སུ་མ་བྲིས། །དེ་ལ་མ་མོའི་སྔགས་ཀྱིས་བསྐོར། །བར་དུ་བསྒྲུབ་བྱའི་གཟུགས་དང་མིང་རུས་གཞུག །ཕུར་པའི་སྔགས་དང་མ་མོའི་སྔགས། །གཤིན་རྗེའི་སྔགས་ཁྲོ་བཅུའི་སྔགས་དང་། ཛ་ཏིའི་སྔགས་དང་། ཕུར་པ་རེ་རེ་ལ་བསྔགས་ལ་མནན། དེ་ལྟར་ལས་རྣམས་བྱས་གྱུར་ན། །དགྲ་ནམས་ཀུན་ལ་གནོད་པར་འགྱུར། །ནག་མོའི་སྔགས་རྒྱུད་ཕྱི་མ་ལས། གནས་དང་དཀྱིལ་འཁོར་ཐོད་ཚལ་གྱི་ལེའུ་སྟེ་གཉིས་པའོ།། །།དེ་ནས་དམ་རྫས་བསྟན་པ་ལ། ཁྲ་ཆེན་དང་ནི་ཚིལ་ཆེན་དང་། །བོང་བུ་རླིག་པ་ནལ་བུའི་ཤ །བུད་མེད་མངལ་ཁྲག་ཤི་ཀའི་ཁྲག །གཞན་ཡང་ཁྲག་སྣ་ཐམས་ཅད་དང་། །ལུག་ནག་སྤྱི་དཀར་བྱ་ནག་དང་། །འབྲང་རྒྱས་ཕྱེད་དཀར་ཕྱེད་ནག་དང་། །ཐལ་ཆེན་དག་ནི་མིང་རུས་རྒྱུད། །རེ་མ་ཏི་ཡི་རྫས་སུ་བསག །ལྷོ་ཡི་གླིང་ནས་ཕྱུང་བ་ཡིས། །ར་སྐྱགས་ལ་སོགས་རྫས་རྣམས་ཀུན། །སྟར་ག་ལ་སོགས་རྫས་རྣམས་ཀྱང་། །དྲེའུ་སྣ་མ་ཡི་རྫས་སུ་བསག །མཆིན་མཁྲིས་ལ་སོགས་རྫས་རྣམས་ཀྱང་། །སྨྱུག་མའི་སྦུ་གུ་བལ་ཚོན་་ །་སྣ་ཁྲག་ལ་སོགས་རྫས་རྣམས་ཀྱང་། ཁྲི་གཉན་ལ་སེའི་རྫས་སུ་བསག །གཞན་ཡང་ཤུན་ཆེན་སླག་པ་དང་། སྤྱི་བླུགས་ཞྭ་ལ་སོགས་པ་ཡང་། །རྩ་བའི་རྒྱུད་བཞིན་བསག་པར་བྱ། །ད་ནི་དམ་རྫས་གཞག་པ་ནི། །དབུས་སུ་དཔལ་གྱི་གཏོར་མ་ཡང་ མ་མཐོང་བར་དུ་གཞག་པར་བྱ། །བྱང་དུ་མ་མོའི་གཏོར་མ་ནི། །འབྲུ་ནག་ལ་སོགས་དམ་རྫས་ལ། །རྟག་པར་བཞུགས་པའི་ཞུགས་མར་གཞག །ཤིག་ཤུན་མིང་བྲིས་ནང་དུ་གཞུག །རྒྱུན་གཏོར་དག་ཀྱང་བྱད་དུ་གཞག ཁྲར་དུ་དྲག་པོའི་གཏོར་མ་གཞག །ལྷོ་རུ་མ་མོའི་སྨན་ཕུད་གཞག །དངོས་གྲུབ་རྫས་ནི་ནུབ་ཏུ་གཞག །དཔལ་ཆེན་ཕུད་ནི་བྱང་དུ་གཞག །བྱང་ཤར་ཤར་ནུབ་ཁྲག་ཀྱང་གཞག །ཚེ་ནི་ནུབ་ཏུ་གཞག་པར་བྱ། །རེ་མ་ཏི་ལ་སོགས་པ་ཡི མ་མོ་སོ་སོའི་དམ་ཚིག་ཀུན། །རེ་རེ་ཟླ་གམ་རེ་ལ་གཞག །གཞན་ཡང་ཤ་སྣ་ཁྲག་སྣ་དང་། །སྙིང་སྣ་ལ་སོགས་རྫས་རྣམས་ཀུན། །དཀྱིལ་འཁོར་འགྲམ་དུ་གཞག་པར་བྱ། །དེ་ནས་མ་མོའི་མཆོད་པ་ཡང་། །ཏིང་འཛིན་རྣམ་གསུམ་འཕྲོ་འདུ་ལས། །འབྱུང་བ་རིམ་བརྩེགས་གཞལ་ཡས་ཁང་། །དེ་ནས་རྒྱུད་ལས་ཤེས་ཕྱོགས་ལྷ། །བསྒོམས་ཏེ་སྤྱན་དྲངས་མཆོད་བསྟོད་བྱ། །མ་མོ་མཆོད་པའི་དུས་དག་ཀྱང་། །ཉི་མ་གུང་དང་མཚན་གུང་དང་། །སྐྱ་རེངས་ཤར་དང་བྱད་རིས་ཆད། །སྨུག་ནག་འཇིགས་པའི་རྒྱལ་མོ་སོགས། །བོད་མཆོད་བསྟོད་དང་གཏོར་མ་སྦྱིན། །ནག་མོ་སྔགས་ཀྱི་རྒྱུད་ཕྱི་མ་ལས། དམ་རྫས་བསགས་པ་དང་མ་མོ་མཆོད་པའི་ལེའུ་སྟེ་གསུམ་པའོ།། །།དེ་ནས་སྔགས་རྣམས་བཟླས་པ་ནི། །བྱ་སྟག་ལོ་དང་ཟླ་བ་དང་། རྣལ་འབྱོར་དབངཕྱུགཆེནཔོདེས། ཁོས་པའི་ལྷ་བསྒོམ་རྒྱུན་སྔགས་བཟླས། ། སྒོང་ཐུན་ཁྲག་ཐུན་རྒྱུན་སྔགས་ཀྱང་། །་ག་རསྒ་ཁ་མུན་ཏྲ་ཟླ། །སྒོང་དྲུག་བཟླས་པ་དག་ཀྱང་དེའོ། །ཐོད་ཟོར་ལ་སོགས་རྒྱུན་སྔགས་ཏེ། ཁམ་བུའི་རྒྱུད་སྔགས་བཟླས་པ་ཡང་། །ཉིན་མཚན་གསུམ་གྱི་སྔགས་དག་དགོད །དམོད་མོའི་རྒྱུན་སྔགས་བཅུ་དྲུག་བཟླས། །ནག་མོ་སྔགས་ཀྱི་རྒྱུད་ཕྱི་མ་ལས། རྩ་བའི་སྔགས་རྣམས་བཟླས་པའི་ལེའུ་སྟེ་བཞི་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། ཡབ་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ། །ཕྲིན་ལས་སྒྲུབ་པ་ཇི་ལྟར་ལགས། །དེ་ཡི་གནས་ནི་ཇི་ལྟ་བུ། །ཕྲིན་ལས་དཀྱིལ་འཁོར་ཇི་ལྟར་བྲི། །རྦད་པའི་སྔགས་རྣམས་ཇི་ལྟར་བཟླ། །ཐུན་སྔགས་བཟླས་པ་ཇི་ལྟར་ལགས། །མངོན་རྫོགས་རྒྱལ་པོས་བཀའ་སྩལ་པ། །མཆོད་དང་ལེགས་པ་རྫོགས་པ་དང་། རྣལ་འབྱོར་གདེང་དང་ལྡན་པ་ཡིས། །ཕྲིན་ལས་དག་ནི་བརྩམ་པར་བྱ། །ཀུན་གྱི་བརྩམས་ན་རླག་པར་འགྱུར། །ཡང་ན་རྣལ་འབྱོར་ལས་མ་གྲུབ་པའམ། ཁེན་ཏུ་བསོད་ནམས་ཆུང་བ་ཡིས། །མ་མོ་ལས་བྱེད་མ་འདོད་ན། །གཉེན་པོ་གདུལ་སྐལ་ལྷ་བསྒོམ་ལ། ཁེ་ས་བསྟན་ཞིང་སྔགས་ཀྱང་བཟླས། །ཛ་ཛ་ཨེ་ཏི་མ་མ་ཡ་སྙིང་ཁ་རག་མ་མ་ཀི་ལི་ཀི་ལ་ཡ་ས་མ་ཡ་སྟུ༷། སྔགས་དེ་བཟླས་ལ་གཟུགས་བརྡེག་གོ། །དེ་ནས་མ་མོའི་གཏོར་མ་ནི། །གདན་འོག་དག་གམ་ཕུང་ས་ལ། ཏྲག་རསྒ་ཁ་མུན་ཏྲས་སྔགས་ལ་གཏོར། དེ་ལྟར་བྱས་ན་ལས་རྣམས་འགྲུབ། །ནག་མོ་སྔགས་ཀྱི་རྒྱུད་ཕྱི་མ་ལས། དེ་ནས་བསྟན་ཅིང་ལས་ལ་གཏོང་བའི་ལེའུ་སྟེ་ལྔ་པའོ།། །།དེ་ནས་དྲག་པོའི་གནས་བཙལ་བ། །རྣལ་འབྱོར་གདེང་དང་ལྡན་པ་ཡིས། །དམ་རྫས་གོང་དུ་ཚོགས་པར་བྱ། །ལྷ་འདྲེ་དག་ཀྱང་ཡོད་པའི་གནས། །ནག་མོ་གནས་པའི་ས་དག་ཏུ། །དངོས་གྲུབ་མྱུར་བས་དེ་རུ་བྱ། །ཆུ་བོ་ཆེན་པོའི་འགྲམ་དག་ཏུ། །མ་མོ་རྒྱུ་བས་དེ་རུ་བྱ། །དུར་ཁྲོད་ཆེན་པོ་སྐྱི་གཡའ་བར། །ལྷ་འདྲེ་ཚོགས་པས་དེ་རུ་བྱ། །དེ་ནས་ནམ་གུང་ཉིང་གུང་ལ། །དྲག་པོའི་དཀྱིལ་འཁོར་གང་བྱེད་ནི། །རྩ་བའི་རྒྱུད་ལས་འབྱུང་བ་བྲི། །གཟུགས་དང་ཐུན་དང་ནལ་ཐོད་དང་། །ལས་ཀྱི་བྱ་བ་ཐམས་ཅད་ཀུན། །མཁས་པས་བྱང་ཤར་མཚམས་སུ་བརྩམ། །དེ་ལྟར་རྫུས་རྣམས་ཚོགས་པ་དང་། །སྣང་སྲིད་ལྷ་འདྲེ་ཐམས་ཅད་ལ། །མཆོད་སྦྱིན་བྱས་ལ་དཔང་ཡང་གཟུག །མངོན་རྫོགས་ལྷ་མཆོད་བསྙེན་བསྒྲུབ་བྱ། །རང་གིས་མ་ཉེས་ཤོ་རྡེའུ་དགྲམ། ཁྲམ་ལ་དག་ཀྱང་གདབ་པར་བྱ། །ནག་མོ་སྔགས་ཀྱི་རྒྱུད་ཕྱི་མ་ལས་དྲག་པོའི་གནས་དང་། དཀྱིལ་འཁོར་བྲི་བ་དང་། ལས་ཀྱི་བྱ་ཐབས་ཀྱི་ལེའུ་སྟེ་དྲུག་པའོ།། །།དེ་ནས་རྦད་སྔགས་བཟླས་པ་ནི། །བྷན་དྷའི་ཆ་ལང་དག་ཀྱང་བརྡབ། །ཐུགས་དམ་དག་ཀྱང་དྲག་ཏུ་བསྐུལ། །རག་མོ་ནི་ཤ་ཀུ་རུ་ལ་སོགས་ནི། །སྒོ་ང་ལ་སོགས་ཐུན་རྣམས་དང་། །དམོད་མོ་ཀུན་གྱི་རྦད་སྔགས་ཡིན། །སྙིང་ཁྲག་རྩ་ལ་བྲེང་བྲེང་ལ་སོགས་ཀྱང་། །སྒོང་དྲུག་ཐུན་གྱི་རྦད་སྔགས་ཡིན། །སྐུ་གསུང་ཐུགས་དང་ཕྲིན་ལས་ཀྱང་། ཁམ་བུ་སྒྲུབ་པའི་རྦད་སྔགས་ཡིན། །བོད་དུ་རྦད་དུ་ཡག་མོ་ལ་སོགས་ཀྱང་། །སྤྱི་རྣམས་ཀུན་གྱི་རྦད་སྔགས་དང་། །མྱུར་དུ་ཡང་ནི་སྒྲོལ་བ་ཡིན། །ནག་མོ་སྔགས་ཀྱི་རྒྱུད་ཕྱི་མ་ལས། རྦད་སྔགས་ཀྱི་ལེའུ་སྟེ་བདུན་པའོ།། །།དེ་ནས་ཐུན་སྔགས་བཟླས་པ་ཡང་། ཁྲག་ཐུན་སྤྱི་ཡི་སྔགས་ཀྱང་འདི། །མ་མ་སྒག་རག་ཤ་ཁ་ཐུན་ཁ་མུན་ཏྲ་རུ་ལུ་རུ་ལུ་ཧུ༷་སྨྱོ་ཧུ༷། དེ་དག་སྤྱི་རུ་བཟླས་པ་བྱ། །ཉིན་རྣམས་ལྔ་ཡི་བཟླས་པ་ཡང་། ཁྲག་སྒྱུག་དག་ཀྱང་གཏང་འདོད་ན། །སྒག་རག་ཤ་ལ་སོགས་པ་བཟླས། །མཚོན་ཞབྲུག་དག་ནི་གཏང་འདོད་ན། །མ་མ་ཧུ་ར་ལ་སོགས་པ་བཟླས། །རིམས་ནད་དག་ཀྱང་གཏང་འདོད་ན། །ཨིཨུ་ཨ་ལ་སོགས་པ་བཟླས། །སྨྱོ་རིམས་འདོད་ན་ཐིག་ནིག་བཟླས། །མཛེ་ནད་དག་ཀྱང་གཏོང་འདོད་ན། །བཛྲ་ནི་ཕཊ་ལ་སོགས་པ་དང་། །ན་ག་ལི་ལ་སོགས་པ་བཟླས། །རྦོད་ནད་མཚོན་འཁྲུགས་གཏོང་འདོད་ན། །དམོད་མོ་དག་ཀྱང་བཟླས་པར་བྱ། ཁེན་ཏུ་མྱུར་བར་གསོད་འདོད་ན། །ཁུག་པ་དགུ་དྲིལ་དག་ཏུ་བཟླས། །བལ་ནད་འདོད་ན་ཁྲག་ཐུན་བཟླས། ཁྲག་སྒྱུག་འདོད་ན་ཁམ་བུ་བཟླས། ཁུ་གཟེར་འདོད་ན་སྒོང་ཐུན་བཟླས། །གཉན་ནད་འདོད་ན་ཐུན་དྲུག་བཟླས། །ལས་མ་འགྲུབ་ན་ཤི་ ས་གཟིར། །མཁྲིས་ནད་དག་ཀྱང་འོང་བར་ངེས །ཐོད་ཟོར་ནག་པོའི་བཟླས་པ་ཡང་། །དུམ་བུ་དུམ་བུ་ཚལ་པ་ཚལ་པ། །ཧ་ན་ཧ་ན་མྱ་ར་ཡ་ཐུན་ཡ། དེ་དག་བཟླས་པས་མཚོན་གྲི་དང་། །རིམས་ནད་དག་ཀྱང་འོང་བར་ངེས། །མཛེ་ནད་དག་ཀྱང་གཏང་འདོད་ན། །མཛེ་ཅན་ཐོད་པ་དག་དང་ནི། །དགྲ་བོའི་ཕ་མེས་ཐོད་པ་རྗེས། །ཕ་མེས་ཐོད་པ་ཀླུའམ་ས་བདག་ལ། །གཏད་དེ་ཐེབས་པ་དག་ཏུ་བྱའོ། །དམོད་པ་གྲུབ་པར་འདོད་པ་ན། །མ་མོར་བསྒོམས་ཏེ་ཤ་ཁྲག་བཟའ། །ཐང་སྔགས་མཐའ་ནི་འཕང་དང་གནན། ཁམ་བུ་དག་གི་མཐའ་ཡང་ནི། །སྐུལ་ཏོག་དག་གིས་འཕང་བ་ཡིན། །སྒོ་ངའི་མཐའ་ཡང་འཕང་དང་གནན། །གཟུངས་སུ་དག་ཀྱང་གཟུང་བའོ། །ཐུན་དྲུག་མཐའ་ཡང་མནན་དང་འཕང་། །གཟུངས་སུ་དག་ཀྱང་གཟུང་བར་བྱ། །གཞན་ཡང་ཐུན་རྣམས་ཐམས་ཅད་ཀུན། །འཕང་དང་བསྒྱུར་བར་བྱ་བ་ཡིན། །ནག་མོ་སྔགས་ཀྱི་རྒྱུད་ཕྱི་མ་ལས། ཐུན་གྱི་སྔགས་བཟླས་པ་དང་། འཕང་ཐབས་ཀྱི་ལེའུ་སྟེ་བརྒྱད་པའོ།། །།དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས། ཡབ་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ། །བསྒྲུབ་པའི་མཚན་མ་ཇི་ལྟར་ལགས། །ཐུན་རྣམས་བསྐུལ་བ་ཇི་ལྟར་བུ། །ཐུན་གྱི་གཏུབ་ཐབས་ཇི་ལྟར་གཏུབ། །ཐུན་རྣམས་འཕང་བ་ཇི་ལྟར་འཕང་། །སྲེག་པའི་སྦྱོར་བ་ཇི་ལྟར་བྱ། །གནན་པ་བྱ་ན་ཇི་ལྟར་གནན། །ཐ་མ་ཇི་ལྟར་འཆི་བར་འགྱུར། །མངོན་རྫོགས་ཡབ་ཀྱིས་བཀའ་སྩལ་པ། ཁྲག་ཐུན་གྲུབ་པའི་མཚན་མ་ནི། །གནག་ན་དྲག་པོའི་མཚན་མའོ། །དམར་ལ་གདངས་ན་གྲུབ་པ་ཡིན། ཁོལ་ལམ་རླངས་པ་འབྱུང་བར་འགྲུབ། །དེའི་ཚེ་མྱུར་དུ་འཕང་བར་བྱ། །འགྲིབས་ན་བག་ཆགས་ཡོད་པ་ཡིན། །ཆད་ན་ལས་མ་གྲུབ་པ་སྟེ། །སྦོས་ན་ཐུན་ཁྲག་རུལ་བ་ཡིན། །དེ་ལྟར་བྱུང་ན་བསྐྱར་ལ་བྱ། །གཞལ་ཡས་ཁང་དུ་སྒྲུབ་པ་ནི། །ལྡེག་འཕར་སྣུམས་ན་གྲུབ་པ་ཡིན། །སེར་ཀ་དང་ནི་སྐམས་ན་ངན།ཁམ་བུའི་རྒྱུ་དང་ཚད་དག་ནི། །ནལ་བུའི་མཛུབ་མོའི་ཚད་དུ་བྱས། །རམ་བུ་སྐེ་ཚེ་ནས་ནག་དང་། །སྲན་མ་བྲ་བོ་ལ་སོགས་པ། །དམེ་ཁྲག་དུག་ཚོགས་ཀུན་གྱིས་བསྐུ། །དམོད་མོ་གྲུབ་པའི་མཚན་མ་ནི། ཁྲག་ཐུན་ཁོལ་ན་གྲུབ་པ་ཡིན། །སྒོ་ང་གྲུབ་ན་སྒོ་ང་འཆོག ཁ་ལ་འབྲུམ་པ་མང་དུ་འབྱུང་། །རྫས་ལ་འོད་ཀྱང་འབར་བ་འབྱུང་། །ནག་མོ་སྔགས་ཀྱི་རྒྱུད་ཕྱི་མ་ལས། གྲུབ་པའི་མཚན་མ་བསྟན་པའི་ལེའུ་སྟེ་དགུ་པའོ།། །།ཐུན་གྱི་མ་མོ་བསྐུལ་བ་ནི། ཞིང་ཆེན་ཕྱག་ན་ལུས་ལ་གྱོན། །ཐུན་ལ་ཞིང་གྲའི་ཐག་པ་ཐེན། །དུས་ཚོད་ཉིད་གུང་མཚན་གུང་ན། །རྐང་གི་གླིང་བུ་དག་ཀྱང་འབུད། །ཐུན་གྱི་མ་མོ་དྲག་ཏུ་བསྐུལ། །དེ་ནས་ཐུན་གྱིས་ག་་ཐབས་ནི། །མཐའ་ནས་དབུས་སུ་གཏུབ་པར་བྱ། །ནག་མོ་སྔགས་ཀྱི་རྒྱུད་ཕྱི་མ་ལས། །ཐུན་བསྐུལ་ཐུན་གཏུབ་པའི་ལེའུ་སྟེ་བཅུ་པའོ།། །།དེ་ནས་ཐོད་པ་འཕང་བ་ནི། །བདུད་ཆས་ཞུགས་ནས་མ་མོ་བསྒོམ། །རླུད་ཕྱོགས་ལངས་དང་ཀིང་ཀང་རྒྱུ། །མ་མོ་རྒྱུ་བའི་དུས་རྣམས་སུ། །དུར་ཁྲོད་དག་གི་ཆད་ཀའང་། །བྱང་རི་མཐོན་པོའི་ཁར་སོང་ལ། །སྔོ་ཕུད་གཏོར་ལ་ལམ་ཡང་བསལ། །མ་ཉེ་དཔང་གཟུག་མཆི་མ་དབྱུང་། །གསུར་དུད་བཏང་ཞིང་མ་མོ་འབོད། །གླིང་བུ་འབུད་ཅིང་ཐུགས་དམ་བསྐུལ། །བདུན་རྒྱུད་རྩད་ལ་ཁྲག་མདའ་འདེབས། །ཐོད་ཁྲག་སྤྱོས་ཤིག་ཙིསྟ་ཀུན་ཏུ་ནན། །སྙིང་ཁྲག་སྤྱོས་ཤིག་ཙཀྲ་རམ། །རྣམ་ཤེས་སྤྱོས་ཤིག་ཤྭ་ར་རམ། །ངག་རྣམས་སྤྱོས་ཤིག་པོ་ཏི་རམ། །གཟུགས་ཕུང་བཤིག་ཅིག་སུ་ཏྲི་ནི། །ཡན་ལག་ཆིངས་ཤིག་ཙི་ན་ཏྲ། ཁྲག་སྣ་སྤྱོ་ཤིག་མ་མོའི་ཚོགས། །རེ་མ་ཏི་རེ་མ་ཏི། དུང་ང་སྨྱོ་དུང་ང་སྨྱོ། རྨུག་ཤག་རྨུག་ཤག་རྨུབ་རྨུ་ཏྲི། སྨྱོས་ཤག་སོད། རྦད་དི་རི། ས་མ་ཡ། གཞུང་པ་རྩད་ནས་ཐོད། སྲོག་རྩ་རྩད་ནས་ཆོད། དེ་ནས་མདའ་དང་ཕག་ཐོད་ལ་སོགས་པ་དང་། ཐོད་ཁྲག་རྡོ་ནག་ལ་སོགས་པ་དང་། ཐུན་རྣམས་མ་ལུས་ཐམས་ཅད་ནི། །ཕོག་པ་དག་ཏུ་འཕང་བར་བྱ། །དེ་ནས་བསྲེག་པའི་སྦྱོར་བ་བཤད། །དྲག་པོ་ཤིང་གི་མེ་དག་ལ། །གདུག་པའི་རྫས་དང་མིང་རུས་དང་། །རྩ་བའི་སྔགས་གཞུག་དག་ལ་ཡང་། །བཱ་ར་ཡ་དང་ཁ་ར༷་ གདགས། །ལྷ་མོའི་ཞལ་གྱིས་ཧོམ་དུ་བསྲེག །དེ་ལྟར་ལས་རྣམས་བྱས་གྱུར་ན། །ལྷ་དབང་ཉིད་ཀྱང་འཆི་བར་འགྱུར། །ནག་མོ་སྔགས་ཀྱི་རྒྱུད་ཕྱི་མ་ལས། ཐུན་རྣམས་འཕང་བ་དང་།བསྲེག་པའི་ལེའུ་སྟེ་བཅུ་གཅིག་པའོ།། །།དེ་ནས་གནན་པའི་ལས་བཤད་པ། །ཀླུ་ཡི་གནན་པ་སྐྱོན་ཡོན་གྱི། ཁེན་ཏུ་ཉེན་ཆེ་རབ་ཏུ་གཟབ། །གནོད་སྦྱིན་དྲག་པོ་གནས་པའི་སར། །དེ་བཟང་དེ་རུ་བྱ་བ་ཡིན། །མ་མོ་ཚོགས་པའི་ས་དག་བཟང་། །གཞན་ཤུལ་དག་ཀྱང་བཟང་བར་བཤད། །སྟག་སྐྱ་ཁ་དང་སྐུ་གཟུགས་འོག ཁེང་གཅིག་རྒྱ་གྲམ་ས་དག་གནན། །དུར་ཁྲོད་ཆུ་མདོ་ཕུག་རྔུགས་དང་། །གནན་པའི་ས་རུ་དེ་རྣམས་བཤད། །དེ་ནས་གནན་པ་བྱ་བ་ཡང་། །གང་གི་ཐོད་ཚལ་གཟུགས་དང་རྗེས། །ལྷོ་ཟུར་ཐོད་ཚལ་ཁ་པྱེ་སྟེ། །ལྷོ་ཕྱོགས་དུར་ཁྲོད་རྒྱ་གྲམ་ལམ། །གཤིན་རྗེ་འཁོར་དང་བཅས་པ་ལ། །ཟས་སྐལ་དག་ཏུ་གཏད་པར་བྱ། །བྱང་ཤར་ཐོད་ཚལ་ཁ་སྦྱར་ཏེ། ཤེང་གཅིག་ཆུ་མདོ་དུར་ཁྲོད་དུ། །མ་མོ་ནག་མོ་འཁོར་བཅས་ལ། །གྲོགས་ཀྱི་སྐལ་དུ་གཏད་པར་བྱ། །ནུབ་བྱང་ཐོད་ཚལ་ཁ་སྦྱར་ཏེ། །དུར་ལེབ་རྫས་དང་སྦྲགས་ནས་ནི། །དུར་སྲི་ཆེན་མོ་འཁོར་བཅས་ལ། །དགྲ་བླ་དག་ཏུ་གཏད་པར་བྱ། ཁར་ནག་དག་གི་སྐུད་པས་བཀྱིག །དེ་ནས་གནན་པའི་ལས་གཞན་ནི། །ལ་ཅ་དག་ལ་སྦས་པ་བྱ། ལྟོ་བར་དགྲ་བོའི་མིང་རུས་གཞུག ཁེང་རུལ་ཤུན་པ་སྦས་པར་དཀྲི། །མཛེ་ཐོད་ཕ་མེས་ཐོད་པས་བརྗེ། །སྦས་པ་ཕ་མེས་ཐོད་པར་གཞུག ཁར་ནག་ལྔ་པོ་དག་ལ་ཡང་། །བཛྲ་ཏི་རི་ལ་སོགས་པ་བཟླས། །སྙིང་ཟ་བ་ཡི་གསང་སྔགས་བཟླས། ཁར་ནག་ལྔ་ཡིས་རྒྱ་གྲམ་བཀྱིགས། །དེ་ནས་རེ་བ་དུག་པོར་གྲིལ། །ཐུགས་དམ་བསྐུལབ་ས་ལ་དགུག །གཡོན་ཞུགས་ཀླུ་ཡི་ཕོ་བྲང་ལ། །རྐང་འདོམ་དག་གིས་བཅལ་བྱས་ནས། །རྭའམ་སྙིང་ངམ་ཁ་དག་ཏུ། །ཐེབས་པར་མྱུར་བར་གཏད་པར་བྱ། །པདྨ་དབང་ཆེན་ཏིང་འཛིན་ནམ། །གཉེན་པོ་བྱ་ཁྱུང་ཏིང་འཛིན་བསྒོམ། །འུར་བརྐམ་མེ་ཡི་གསང་སྔགས་བཟླས། །དེ་བཟླས་ཀླུ་དང་མ་མོ་དཀྲུག་པར་འགྱུར། །དེ་རུ་རྣལ་འབྱོར་ཡུན་མི་རིང་། །རེ་བའི་ལྷམ་གྱོན་གཡས་ཕྱོགས་བྲོས། །རྨ་བྱའི་སྒྲོ་ཡིས་མཚམས་ཀྱང་གཅད། །བུ་མེད་ཞབས་མས་གདབ་པར་བྱ། །དེ་རུ་ཞག་དྲངས་བཅོ་ལྔ་སྦ། །དེ་ནས་བཏོན་ཏེ་གོང་མ་ཡི། །ས་བདག་ལ་སོགས་གནས་པའི་ས་རུ་མནན། །དེ་ནས་འཆི་བར་འགྱུར་བའི་མཚན་མ་ནི། །རྨི་ལམ་དང་ནི་མངོན་རྟགས་སོ། །རི་དྭགས་ཕྱུགས་ལ་སོགས་པ་དང་། ཁྲ་དགོད་བྱས་ན་བཟང་བ་ཡིན། ་༑ར་བ་རྨི་ན་བསྐྱར་བ་བྱ། །མདོར་ན་སྲོག་ཆགས་གསད་པ་རྨི་བ་ནི། །མྱུར་དུ་འཆི་བར་འགྱུར་བ་ཡིན། །ཤིང་ཆེན་བཅད་པ་རྨི་ན་བཟང་། །རྡོ་ཆེན་ཕྱུང་བ་རྨི་ན་བཟང་། །ཆུ་ཆེན་འབབ་པ་རྨི་ན་བཟང་། །མེ་ཆེན་བཏང་བ་བཟང་སྟེ་འཆི་བའོ། །ནམ་མཁའ་སྨུག་ནག་འཐིབས་ན་བཟང་། །སྒྲ་ཆེན་དག་ཀྱང་བྱུང་ན་བཟང་། །འོད་ཆེན་བྱུང་ན་བཟང་བ་ཡིན། །རླུད་ནག་ཀྱང་ནི་བྱུང་ན་བཟང་། །ཐོ་ཕྱིར་སྔོན་པོས་སྲོག་ཆགས་བསད་ན་བཟང་། །གཅན་གཟན་དག་གིས་སེམས་ཅན་བསད་ན་བཟང་སྟེ་འཆིའོ། །དགྲ་བོ་བཀྲག་མདངས་ཕྲལ་ཏེ་ཧོམ་སྐྱ་ན་འཆིའོ། །ནག་མོ་སྔགས་ཀྱི་རྒྱུད་ཕྱི་མ་ལས། གནན་པ་དང་འཆི་བའི་མཚན་མའི་ལེའུ་སྟེ་བཅུ་གཉིས་པའོ།། །།འཕག་པ་ལྷ་མོ་ནག་མོའི་རྒྱུད་ཕྱི་མ་ལས་ཀྱི་རིམ་པ་བྱ་བ་རྫོགས་སོ།། །།རྒྱ་གར་སྐད་དུ། ཤི་དེ་བྲི་ཀི་སྙི་ཙིརྟི་སུ་དྷ་ན་གུ་རྒྱ་ཏནྟྲ། བོད་སྐད་དུ། དཔལ་ལྷ་མོ་ནག་མོའི་ཐུགས་ཀྱི་སྲོག་སྒྲུབ་གསང་བའི་རྒྱུད། བཅོམ་ལྡན་འདས་རྡོ་རྗེ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་