Ngb-pt-0369-vol-04-text
Front
Body
བྱ་སྟེ། །ཁྱོད་ཀྱིས་སྦོས་ཤིག །སངས་རྒྱས་ཀྱི་དམ་པའི་ཆོས་གཞུང་བཞིན་དུ་བྱེད་པ་རྣམས་ནི། ཆོས་བྱེད་དུ་མི་སྟེར་ཞིང་། བསྟན་པ་འཇིག་ན་ཆ་རྐྱེན་དུ་བཤད་པ་ལས་མ་རྟོགས་པར་ཐམས་ཅད་དུ་བྱས་ན་ལྗོན་ཤིང་རྩ་བ་བཅད་པ་དང་འདྲ་སྟེ། བྱང་ཆུབ་ཀྱི་འབྲས་བུ་ནམ་ཡང་མི་ཐོབ་ཅིང་ལས་ཀྱང་འགྲུབ་པར་མི་འགྱུར་རོ། །དེ་སྐད་ཅེས་བཀའ་སྩལ་པ་དང་། ཕྱག་ན་རྡོ་རྗེ་དང་བཅས་པའི་འཁོར་ཐམས་ཅད་རྗེས་སུ་ཡི་རངས་ནས་མངོན་པར་བསྟོད་དོ། །འཕགས་པ་རྡོ་རྗེ་ནག་མོ་དབང་ཕྱུག་མའི་རྒྱུད་ཕྱི་མ་ལས། མངོན་པར་གཏད་པའི་ལེའུ་སྟེ་བཅུ་གཉིས་པའོ།། །།རྩ་བའི་རྒྱུད་དང་བཅས་པ་རྫོགས་སོ།། །། ་།དེ་ནས་བཅོམ་ལྡན་འདས་མངོན་རྫོགས་ཀྱི་རྒྱལ་པོ། ཐིག་ལེའི་ངང་ལས་སྙོམས་པར་ཞུགས་ནས་ཅང་མི་གསུང་བར་གྱུར་ཏོ། །ཡང་བྱང་ཆུབ་སེམས་དཔའ་ཕྱག་ན་རྡོ་རྗེ་དང་། འཁོར་འདུས་པའི་ཚོགས་རྣམས་ཀྱིས། །ཐིག་ལེའི་ངང་ལས་བསྐུལ་བའི་གླུ་འདི་བླངས་སོ། །ཨ་ཀྱེ་ཆོས་ཉིད་ཐིག་ལེ་ངང་ལ་ཅི་བདེར་སྙོམས་པར་ཞུགས་སོ། །དོན་ཉིད་དྲན་པར་མཛོད་ཅིག་ཆོས་ཉིད་སྟོང་ལས་བཞེངས། །འཁོར་བར་བཅིངས་པ་མ་ལུས་སོལ་ཅིག་འགྲོ་དོན་མཛོད། །ཐེ་ཚོམ་རྣམ་པར་མཆིས་ཀྱིས་དོན་རྣམས་བཤད་དུ་གསོལ། །ཞེས་གསོལ་པ་དང་། མངོན་རྫོགས་རྒྱལ་པོ་ཐིག་ལེའི་ངང་ལ་སྙོམས་པར་ཞུགས་པ་ལས་བཞེངས་ཏེ་འདི་སྐད་གསུངས་སོ། །ཨེ་མ་དོན་རྣམས་ཐམས་ཅད་བདག་གིས་དགྲོལ་བར་བྱ། །མཐུ་རྩལ་འདུས་པ་ཁྱོད་ཀྱིས་དོན་མ་འདུས་པ་ཀུན། །ཐེ་ཚོམ་ཡོད་པ་ཐམས་ཅད་དྲིས་ཤིག་ངས་བཤད་ཀྱིས། །འགྲོ་དོན་བསམ་པ་ཐམས་ཅད་བསྐང་བར་བྱ་ཡི་ཉོན། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ལས་ཐམས་ཅད་ཁ་སྐོང་བའི་ཕྱིར། འདི་སྐད་གསུངས་སོ། །ཨེ་མ་བསྙེན་པ་ཉེ་བསྙེན་སྒྲུབ་པ་དང་། །ཕྲིན་ལས་རྣམ་པ་ཇི་ལྟར་ལགས། །སྔགས་རྣམས་བཟླས་པ་གང་ལ་ཅི། །གྲུབ་པའི་མཚན་མ་ཇི་ལྟ་བུ། །མངོན་རྫོགས་རྒྱལ་པོས་བཀའ་སྩལ་པ། །དང་པོ་བསྙེན་པ་བྱ་བ་ནི། །ལྷ་རྣམས་ཉེ་བར་བསྙེན་པ་དང་། །དམན་པའི་ཉེ་བར་བསྙེན་པ་གཉིས། །ལྷ་རྣམས་དངོས་གྲུབ་སྩོལ་འདོད་ན། །བསམ་པ་ཐམས་ཅད་ཀུན་སྤངས་ལ། །ཐེ་ཚོམ་ཕྲ་མོ་མེད་པ་ཡིས། །རྡོ་རྗེ་ལྟ་བུར་མཁྲེགས་པ་དང་། །བྲག་ཆེན་ལྟ་བུར་བརྟན་པ་ཡིས། །བླ་མ་དམ་པ་སྙིང་རྗེ་ཅན། །གདམས་ངག་ཀུན་འདུས་དབང་རྣམས་རྫོགས། །ཆོས་ཉིད་བློ་ལ་གསལ་བ་ལ། །མཉེས་པ་གཉིས་ཀྱིས་མཉེས་བྱས་ཏེ། །དང་བས་དང་པོ་ཐོག་མ་ཉིད་དུ་མཉེས་བྱས་ལ། གཉིས་པ་རྒྱུད་ཀྱིས་མཉེས་བྱས་ལ། །བླ་མས་གནང་བ་གཉིས་རྣམས་ནི། །དབང་རྣམས་གནང་བ་དང་པོར་གཅེས། །མན་ངག་གནང་བ་གཉིས་པའོ། །དེ་ནས་རྣལ་འབྱོར་ཆེན་པོ་དེས། །ཐོག་མར་རང་གནས་བཙལ་བ་ནི། ཁེན་ཏུ་བར་ཆད་མེད་པའི་གནས། །འདུ་འཛིའི་རྣམ་པ་མེད་པ་དང་། །དངོས་གྲུབ་ཉེ་བའི་ཆུ་མིག་སྟེ། །ནད་དགྲ་མེད་པའི་གནས་ཆེན་དེར། །བསམ་པ་ཐམས་ཅད་སྤང་བའི་ཕྱིར། །བྱ་བའི་ལས་རྣམས་ཐམས་ཅད་ཀུན། །མ་ལུས་པ་རྣམས་རྫོགས་པར་བྱ། །ས་རྣམས་བདག་པོ་ལས་བསླང་སྟེ། །དཀྱིལ་འཁོར་མཎྜལ་མདའ་གང་ལ། །བ་ཡི་རྣམ་ལྔས་ལེགས་བྱས་ཏེ། །དང་པོར་བསོད་ནམས་ཚོགས་བསག་ཕྱིར། །ཡན་ལག་བདུན་པའི་སྨོན་ལམ་དང་། །ཕྱི་བཤགས་ནང་བཤགས་རྒྱ་ཆེར་བྱ། །མངོན་པར་རྫོགས་ཀྱི་འཁོར་ཚོགས་ལ། །རྣལ་འབྱོར་བྱ་ཞིང་མཆོད་དང་བསྟོད། །དེ་ནས་མ་མོའི་དཀྱིལ་འཁོར་ནི། །ཟླ་གམ་གསུམ་པ་ཚུལ་བཞིན་བྲི། །རྩ་བའི་རྒྱུད་ལས་གྲགས་པ་ཡི། །དམ་རྫས་མ་ལུས་ཚང་བར་བྱ། ཁེན་ཏུ་དམ་པའི་མཚམས་བཅད་དེ། །རྒྱུ་འགྲུལ་ཤོར་ན་དངོས་གྲུབ་མེད། །བྱ་རྣམས་གནང་བའི་ཚུལ་དུ་བྱ། །མ་འགྲུབ་བར་དུ་དམ་དུ་བཅའ། །དུས་ཀུན་དུ་ནི་བསྒྲུབ་བྱ་སྟེ། །ཏིང་ངེ་འཛིན་ནི་རྣམ་པ་གསུམ། །དེ་བཞིན་ཉིད་དང་ཀུན་ཏུ་སྣང་། །རྒྱུ་ཞེས་བྱ་བ་བསྒོམ་པར་བྱ། །དེ་ནས་དབང་ཆེན་གཞལ་ཡས་ཁང་། །དེ་ནས་དཔལ་ཆེན་ཧེ་རུ་ཀ །ཞེས་པའི་ལྷ་ནི་བསྒོམ་པར་བྱ། །ཐུགས་ཀར་ཁྲག་གི་ཉི་མ་ལས། །མ་གསུམ་ཟླ་གམ་སྟེང་དུ་གསལ། །དེ་ནས་དཔལ་ལྡན་དཔོན་གཡོག་གསུམ། ཚུལབཞིནབསྒོམསྟེསྤྱན་ཡང་དྲང་། །མཆོད་པ་བྱ་སྟེ་བསྟོད་པ་བྱ། །དེ་ནས་བསྙེན་པའི་སྔགས་བཟླས་པ། །རྣལ་འབྱོར་མན་ངག་ཅན་གྱིས་ནི། །དང་པོར་དམ་བཅའ་གང་ཡིན་པ། །དམོད་པའི་རྒྱུན་སྔགས་བཅུ་བདུན་ཏེ། །ཁམ་བུའི་རྒྱུན་སྔགས་ཉིན་མཚན་གསུམ། །སྔགས་ཀྱི་སྒྲུབ་པ་ཙ་པ་ལ། །ཐོད་དགུ་ཨ་ཤུག་མེ་ཡིན་ནོ། །ཟླ་གམ་ཕག་ཐོད་རུ་རུ་ཡི། །སྔགས་དག་ཡིན་ཏེ་དེ་ནས་ཡང་། །བཛྲ་ཁ་རག་གདོན་པར་བྱ། ཁྲག་ཐུན་ཁ་མུན་དྲང་བ་སྟེ། །དམོད་མོ་ཉེ་བར་བསྙེན་བྱེད་ལ། །མ་མོར་བསྒོམ་སྟེ་ཤ་ཁྲག་བཟའ། །དམོད་མོ་ཇི་ལྟར་གསུངས་པ་ལ། །ཟླ་དྲུག་བརྩོན་པར་བཏོན་ན་ནི། །མ་མོ་ཉིད་དང་འདྲ་བར་འགྱུར། །སྐུ་གསུང་ཐུགས་དང་ཕྲིན་ལས་ནི། །དེ་དང་དེ་ལ་གདོན་པར་བྱ། །སྲོག་སྒྲུབ་སྲོག་གི་སྔགས་ཡིན་ནོ། །ལས་རྣམས་ཕྲ་མོ་ཐམས་ཅད་ནི། །རུ་རུ་རོ་རུའི་སྔགས་ཡིན་ནོ། །རག་མོ་ནི་ཤ་རུ་ཀུ་རུ་ནི། །ཐང་སྔགས་ཀུན་གྱི་རྦད་པ་སྟེ། །ཐུ༷་ལིས་སྙིང་རྩ་འདུ་འདུ་བ། ཁམ་བུ་རྣམས་ཀྱི་རྦད་སྔགས་སོ། །དེ་དང་ཀུན་འདྲ་ཤེས་པར་བྱ། །ཐང་སྔགས་མཐའ་ནི་གནན་པ་སྟེ། །ལམ་བུའི་མཐའ་ནི་འཕང་བའོ། །སྒོ་ངའི་མཐའ་ནི་སྲེག་པར་སྟེ། ཁྲག་ཐུན་མཐའ་ནི་བརྡེག་པའོ། །སྲོག་བསྒྲུབ་མཐའ་ནི་གདབ་པའོ། །སྔགས་བསྒྲུབ་ཐོད་པ་དགུ་བརྩེགས་དང་། །སྐུ་གསུང་ཐུགས་དང་ཕྲིན་ལས་ནི། །གནན་ཅིང་འཕང་བར་བཤད་པའོ། །བསྙེན་པ་ཉེ་བསྙེན་གཉིས་དག་ལ། བར་མ་ཆད་པའི་འཛབ་གྲངས་དང་། །བྱེ་བ་དག་ནི་མ་སྐྱོལ་བར། ཕྲིན་ལས་བྱས་ན་རང་རེ་བརླག །དེ་དག་བར་དུ་གདོན་པ་ནི། ཤ་ཁྲག་དམར་ལ་བཞི་བླངས་ལ། །ཞག་རེ་དག་ལ་གསུམ་གསུམ་གཏོར། །གཏོར་མ་བཟང་ན་དངོས་གྲུབ་ཆེ། །གཏོར་མ་ཆུང་ན་དངོས་གྲུབ་ཆུང་། །བཟླས་བརྗོད་ཀྱང་ནི་དེ་དང་འདྲ། གཏོར་མ་བཟླས་བརྗོད་རྫོགས་པ་ན། ལྷ་མོ་དེ་ཉིད་སྐུ་སྟོན་འགྱུར། །འོད་དང་སྒྲ་དང་རླུད་འ་་འབྱུང་། །བུད་མེད་མཛེས་པ་སྟེག་པ་དང་། །དངོས་གྲུབ་ཚུལ་བཞིན་སྟེར་བར་འགྱུར། །དེ་ཚེ་དངོས་གྲུབ་བླང་བར་བཤད། །གྲུབ་པ་བདག་ཀྱང་ཡིན་པར་བཤད། །ནག་མོ་སྔགས་ཀྱི་རྒྱུད་ཕྱི་མའི་ཕྱི་མ་ལས། །བསྙེན་བསྒྲུབ་ཀྱི་ལེའུ་སྟེ་དང་པོའོ།། །།དེ་ནས་གཞན་ཡང་བཤད་བྱ་བ། །ཕྲིན་ལས་སྒྲུབ་པའི་སྔགས་པ་ཡིས། ཁེན་ཏུ་བཟླས་པ་རྫོགས་པ་དང་། །ལས་འཕྲོ་ཡོད་པའི་རྣལ་འབྱོར་པས། །བཟླས་པ་མ་རྫོགས་གོང་དུ་ཡང་། །ལྷ་མོ་དེ་ཉིད་སྐུ་སྟོན་འགྱུར། །གདེང་དང་ལྡན་པས་སྒྲུབ་པ་ལས། །ཀུན་གྱིས་བྱས་ན་བརླག་པར་འགྱུར། །དང་པོར་བསྒྲུབ་པའི་གནས་བཙལ་བ། ཁེན་ཏུ་ཡི་དྭགས་ཆེ་བའི་གནས། །རྣལ་འབྱོར་ལྡན་ན་དེ་རུ་བསྒྲུབ། །དང་པོའི་གནས་པའི་གནས་ཆེན་དུ། །དངོས་གྲུབ་ཐོབ་པ་དེ་རུ་བྱ། །ཆུ་བོ་ཆེན་པོའི་འགྲམ་དག་ཏུ། །མ་མོ་ཉེ་བས་དེར་འདུག་སྟེ། །རྫས་རྣམས་གོང་དུ་ཚོགས་པར་བྱ། །དེ་ནས་མཆོད་སྦྱིན་ཅིག་སྦྱིན་ཏེ། །ནམ་གྱི་གུང་ངམ་ཉི་མའི་གུང་། །དྲག་པོའི་དཀྱིལ་འཁོར་གང་བྱེད་བྲི། །ཐུན་དང་གཟུགས་དང་དཀྱིལ་འཁོར་དང་། །ལས་ཀྱི་བྱ་བ་ཐམས་ཅད་ཀུན། །མཁས་པས་བྱང་ཤར་མཚམས་སུ་བྱ། །རྫས་རྣམས་ཐམས་ཅད་ཚོགས་པ་དང་། །མངོན་རྫོགས་ལྷ་ལ་མཆོད་པ་བྱ། །ལྷ་སྲིན་ཀུན་ལ་དཔང་བཙུགས་ཏེ། །མཆོད་ཅིང་དག་གིས་མཉེས་པར་བྱ། ཁྲ་རྡེའུ་དཀར་ནག་བརྩི་བྱས་ཏེ། །དེའི་ཚེ་ཁྲམ་ལ་གདབ་པར་བྱ། །དེ་ལ་བསྙེན་བསྒྲུབ་གང་ཡིན་པ། ཚུལ་དུ་བྱས་པའི་ཕྲིན་ལས་ཀྱིས། །བཟླས་བརྗོད་རྫོགས་པར་བྱ་བར་བཤད། །དེ་ནས་གསད་པར་ལས་བྱེད་ན། །དྲི་ཡི་མཆོད་པ་ལྷ་ལ་འབུལ། ཁ་ཡི་རོ་དང་ཁྲོ་བོའི་བཞིན། །ང་རོ་དྲག་པོས་གཟེར་སྔགས་བཟླས། །བྱང་ཤར་མཚམས་སུ་ཆས་བྱས་ལ། །མེ་ལྷའི་ཕྱོགས་ནས་དགུག་བྱས་ཏེ། །ཏིང་ངེ་འཛིན་དང་ཕོ་ཉ་དང་། ་་་དཀར་མདའ་དང་ཞབས་མས་གྲིལ། །གཟས་པ་བཀུག་ལ་སྒོ་བཞིར་བསྟིམ། །དྲག་པོའི་སྔགས་འདིས་དགུག་པར་བྱ། །ཀང་པ་རྭ་པ་དྲི་ཤ་ཀུ་སྲ ཨུ་ཀཁེ་ཡ་ཨུ་ཀཁོ་ཡ་རྦད་རྨ་ཐོད་མ་ཏིགི་མུ་ཀ་ཡེ་སྲུ་ཧྭ། ཨུ་ནི་ཨུ་ནི་ལ་མུ་ར་ཡ་ཛ་ཛ། དུ་བའི་སྒྲ་དང་སྤུག་ཅིང་གདབ། །ཐོད་པ་ཅང་ཏེའུ་དྲག་ཏུ་བརྡུང་། ཁ་ཏི་རི་སྙིའི་མེ་འདག་ལ། །དེ་གཟུགས་དྲོ་བར་བསྲོ་བར་བྱ། །ལྷ་སྲིན་སྡེ་བརྒྱད་དཔང་དུ་གཟུག །སྲུང་མ་དག་ལ་དམ་ཡང་བདར། །གཤིནརྗེའིཕྱོགས་སུ་བྱ་བར་བཤད། །རླུད་ལྷའི་ཕྱོགས་སུ་དབྱེ་བར་བཤད། །ཏིང་ངེ་འཛིན་དང་བདུག་པའི་རྫས། །མི་མཐུན་སྒྲོ་དང་སྔགས་འདི་ཡིས། །དེ་ཡི་ལུས་བསྲུང་དག་དང་དབྱེ། །དྲི་དེ་བ་ཀ་བ་ཨེ་ཛ་ལ་ར་ཙ་ཕྱེ་ཙ་ཕྱེ། ཨ་ཤག་ཨ་ཤག ས་མ་ཡུ་ཕྱེ་ཡ། བུ་ཏ་བུ་ཏ། ཕུས་ཕུས་ལ། སེན་མ་ཕུས་ཕུས། སྲིན་པོའི་ཕྱོགས་སུ་གསད་བྱ་སྟེ། །ཐུན་དང་ཏིང་འཛིན་ཕུར་པ་དང་། །ཉུང་དཀར་ཐུན་སྔགས་ཀུན་གྱིས་བྲབ། །བྲི་ཡིས་གཏུབས་ལ་གཏོར་མར་བསྟབ། །ཟོར་རྣམས་ཕོག་པ་དག་ཏུ་འཕང་། །མ་ཧྭ་དེ་ཝའང་འཇིག་པར་འགྱུར། །རྒྱུད་ཕྱི་མའི་ཕྱི་མ་ལས། ལས་ཀྱི་རིམ་པར་བྱ་བའི་ལེའུ་སྟེ་གཉིས་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ཐུན་གྱི་བསྐུལ་བ་ཇི་ལྟར་ལགས། །གྲུབ་པའི་རྟགས་ནི་གང་ལ་བགྱི། །སོ་སོའི་ནད་རིམས་ཇི་ལྟ་བུ། །འཆི་བར་འགྱུར་བའི་མཚན་མ་ཅི། །མངོན་རྫོགས་ཡབ་ཀྱིས་བཀའ་སྩལ་པ། །ལྷ་མོའི་ཐུགས་དམ་བསྐུལ་བ་ནི། །རྫས་ཀྱི་གཏོར་མ་ཕུན་སུམ་ཚོགས། །དེ་ལ་དམ་ནི་བཅའ་བར་བྱ། །མཆོད་པ་དམར་གྱི་ཨསྙེ༷་སྒྲེང་། །བསྐོང་བ་མཁའ་ལྡིང་ཟངས་མཆུ་ཅན། །གཡབ་པ་མཆོག་གི་ལག་པས་བྱ། །བརྡུང་བ་ཅང་ཏེའུ་རྟག་ཏུ་བརྡུང་། །འབུད་པ་མི་རྐང་གླིང་བུ་འབུད། །བརྡབ་པ་བྷརྙའི་ཆ་ལང་བརྡབ། །རྟེན་ནི་བྲིས་སྐུ་དག་ལ་བྱ། །སྣང་བ་ཚིལ་ཆེན་མར་མེ་བཏང་། །དྲི་མཆོག་ཚིལ་གྱི་དུད་པ་བཏང་། །ཕྲེང་བ་སོར་ཚིགས་མགོ་ལ་བཅིངས། །མཆི་མ་ཕྱུང་ལ་འདི་སྐད་བོད། །དཔལ་ལྡན་ལྷ་མོ་འགྲོ་ཀུན་བྱམས་མ་ཁྱོད། །སེམས་ཅན་ཀུན་ལ་བྱམས་ཀུན་མ་དང་འདྲ། །མི་བསླུ་དམ་ཚིག་དབང་གིས་འདི་རུ་བག་ཙམ་སྤྱོན། །ལྔ་བརྒྱ་དུས་ཀྱིས་མནར་བའི་མཐའ་མ་ལ། །བཀའ་དང་གཞུང་བཞིན་བསྒྲུབ་པའི་དམ་ཚིག་བག་ཙམ་དཀོན། །སྐུ་མདོག་རྒྱན་དང་མ་ཡི་ཆ་ལུགས་ནི། །ཏིལ་མར་སྔོན་པོས་ལུས་བསྐུས་ཐིག་ལེས་བརྒྱན། །རལ་པའི་ལན་བུ་གཅིག་ཏུ་བྱས་པ་ནི། །སྤྱི་བོའི་གཙུག་ཏུ་ལེའུ་བརྒན་ཐོར་ཚུགས་ཅན། །རོ་ཉེ་རྣ་ཆས་ལུས་ལ་བརྒྱན་བྱས་ཤིང་། །ཚིག་མདོ་དྲུག་ཏུ་ཁྲག་གི་ཐིག་ལེས་བརྒྱན། །སེང་གེ་མཚུངས་མེད་གསོན་མས་ཕྲག་གོང་བརྒྱན། །སྦྲུལ་གྱི་སྐེ་རགས་འཆིང་ཞིང་ལག་ན་དར་མདུང་ཐོགས། །མེ་རི་འབར་བའི་ནང་ན་སྐུ་བཞུགས་པས། །རྐང་སྒྲོག་ལྕགས་ལ་བྱས་པ་གཅིག་གིས་ཞབས་ཀྱི་མཁྲིས་མ་གཉིས་ལ་བརྒྱན། །སྤྱན་གསུམ་ཁྲག་འབབ་སྦྲུལ་མགོ་བཅུ་བདུན་དབུ། །ཆིབས་སུ་དྲེའུ་ཕ་ལ་བཅིབས་ནས་དུར་ཁྲོད་གསུམ་ཚིག་རྒྱུ། །དགྲ་སྙིང་ཚལ་བར་འགེམས་ཤིང་མ་གཅིག་བྱམས་མ་ཁྱེད། །ཙིཏི་མ་ཉམས་སྙིང་གི་རྩེ་མོ་ཡང་། །མ་གཅིག་སྒྲིབ་ལ་དྲང་ཕྱིར་རྣལ་འབྱོར་བདག་ལ་མཆིས། ཁེང་ལོ་རླུད་ཁྱེར་ས་ལ་མ་རེག་ཀྱང་། །མ་གཅིག་གདན་དུ་གདིང་ཕྱིར་རྣལ་འབྱོར་བདག་ལ་མཆིས། ཁེ་ཀ་མཚལ་ཐིག་སྣ་ཚོགས་སྐམས་པའི་རཀྟ་ཡང་། །མ་གཅིག་ཞལ་དུ་རུང་ཕྱིར་རྣལ་འབྱོར་བདག་ལ་མཆིས། །ཏིལ་གྱི་ཞུན་མར་ཀོང་དུ་མ་ཉམས་ཀྱང་། །མ་གཅིག་སྐུ་ཕྱིར་བུ་གཅིག་བདག་ལ་མཆིས། །མི་དབང་འབྲས་བུ་སྨིན་པ་སྐམས་པོ་ཡང་། །མ་གཅིག་སྒྲིབ་ལ་དྲང་ཕྱིར་བུ་གཅིག་བདག་ལ་མཆིས། །མ་གཅིག་མ་གཅིག་ཅེས་སུ་བོད་པ་ཡང་། །དགྲ་དང་གདུག་པ་བསྒྲལ་ཕྱིར་མ་གཅིག་མྱུར་དུ་བྱོན། །ཛ་ཛ་རེ་མ་ཏི་ཛ། ཤ་བརྒྱུད་སྙིང་ལ་ཛ། སྙིང་རྒྱུད་ཙ་ལ་ཛ་ཤ་རྒྱུད་དབུགས་ལ་ཛ། ཀེ་ཀེ་ཤ་ལ་ཀེ འཇིབ་འཇིབ་ཁྲག་ལ་འཇིབ ཆེམ་ཆེམ་རུས་ལ་ཆེམ། ཐིག་ལེ་མ་མ་ལ་སྨྱོ་སྨྱོ། ཐུན་གྱི་མ་མོ་བསྐུལ་བ་ནི། ཕྱར་བ་ཞིང་ཤུན་ལུས་ལ་གོན། ཁྲ་ཆེན་མུར་ཞིང་ཁྲག་ཆེན་བ་་། །ཞིང་སྒྲའི་ཐག་པས་འཐེན་ནས་ནི། །ཐུགས་དམ་དྲག་ཏུ་འདི་སྐད་བསྐུལ། །སྦྱོ་ཐུན་གྱི་མ་མོ་འབྲིང་མ་ནི། །ནམ་གྱི་སྲོད་ལ་འཕོས་པའི་ཚེ། །ཆིབས་སུ་བོང་བུ་གྭ་པ་ཆིབས། །དེ་ལ་གསང་བའི་མཚན་གསོལ་བ། །མ་ཆེན་བལ་མ་དྲེའུ་སྣ་མ། །ཉིད་ཀྱི་སྐུ་ནི་གཅེར་བུ་ལ། །གཡས་ན་མདུང་རྩེ་གསུམ་པ་བསྣམས། །གཡོན་གྱིས་ཐུན་གྱི་ཁྲག་སྤྱོ་མ། །སྔགས་འཆང་ཀུན་གྱི་མཆོད་ལེན་ཅིང་། །རྣལ་འབྱོར་ཀུན་གྱི་སྐུ་སྲུང་མ། །བདག་གི་གདུང་ནས་བོས་པའི་ཚེ། །དེ་ཚེ་ཁྱེད་ཀྱིས་ཐུན་ཕོབ་ལ། ཁྲག་ཐུན་རིམས་སུ་བསྒྱུར་དུ་གསོལ། །རིམས་ནད་དགྲ་ལ་དབབ་ཏུ་གསོལ། །སྨྱོ་ཐུན་གྱི་མ་མོ་ཆེན་མོ་ནི། །ནམ་གྱི་གུང་ལ་བསྐུལ་བའི་ཚེ། །ཆིབས་སུ་དྲེའུ་རྟ་རྐང་གསུམ་ཆིབས། །སྐུ་ནི་མཐིངནག ཆེན མོལ། །གཡས་ན་ནད་ཀྱི་རྐྱལ་པ་བསྣམས། །གཡོན་ན་ཐུན་གྱི་ཁྲག་གྱི་ཁྲག་སྤྱོ་མ། །མ་ཆེན་གསང་བའི་མཚན་བཏགས་པ། །མ་གཅིག་དཔལ་ལྡན་རེ་མ་ཏི། །བདག་གིས་གདུང་སྟེ་བོས་པའི་ཚེ། །དེ་ཚེ་རིམས་ཀྱི་ཆར་ཕོབ་ལ། ཁྲག་ཐུན་རིམས་སུ་བསྒྱུར་དུ་གསོལ། །རིམས་ནད་དགྲ་ལ་དབབ་ཏུ་གསོལ། །སྨྱོ་ཐུན་གྱི་མ་མོ་ཐ་ཆུང་ནི། །ནམ་གྱི་ཆ་སྨད་བོས་པའི་ཚེ། །ཆིབས་སུ་བྱ་ཆེན་ནག་མོ་ཆིབས། །དེ་ལ་གསང་བའི་མཚན་གསོལ་བ། ཁྲི་སྨན་དེ་ནི་ལྡེམ་དྲུག་མ། །སྐུ་མདོག་མཐིང་ནག་ཆེན་མོ་ལ། །གོས་སུ་རེ་ལྡེ་ནག་པོ་གསོལ། ཁྲག་ཞག་འདྲེས་པའི་ཐིག་ལེ་ཅན། །གཡས་ན་དབུགས་ནང་རྐྱལ་པ་བསྣམས། །གཡོན་ན་ཐུན་གྱི་ཁྲག་སྤྱོ་མ། ཁྱོད་ལ་བདག་གིས་བོས་ཙམ་ན། །དེ་ཚེ་རིམས་ཀྱི་ཆར་ཕོབ་ལ། །ཐུན་ཁྲག་རིམས་སུ་སྒྱུར་དུ་གསོལ། །རིམས་ནད་དགྲ་ལ་དབབ་དུ་གསོལ། །ཏྲཀླུ་རསྒ་མུ་ཏྲ་མ་ཐུན་སྨྱོ། མ་མོའི་སྤྱན་དགྲ་ལ་སྨྱོ། སྙན་དགྲ་ལ་སྨྱོ། དབུགས་དགྲ་ལ་སྨྱོ། ཐུགས་དགྲ་ལ་སྨྱོ། །འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་རྒྱུད་ཕྱི་མ་ལས། ཐུན་གྱི་མ་མོ་བསྐུལ་བའི་ལེའུ་སྟེ་གསུམ་པའོ།། །།གྲུབ་པའི་རྟགས་ནི་བཤད་བྱ་བ། ཁྲག་ཐུན་གྲུབ་པའི་མན་ངག་ནི། །བཟང་རྟགས་ངན་རྟགས་གཉིས་སུ་བཤད། །གནག་ན་དྲག་པོའི་མཚན་མའོ། །དམར་ལ་དྭངས་ན་བཟང་བ་སྟེ། ཁོལ་ན་མྱུར་དུ་འཕང་བར་བྱ། །རླངས་པ་བྱུང་ན་གྲུབ་པ་ཡིན། །འགྲིབ་ན་སྒྲིབ་པ་ཡོད་པ་ཡིན། །ཆད་ན་ལས་མི་འགྲུབ་པར་བཤད། །སྦོས་ན་ཁྲག་ཐུན་རུལ་པའོ། །དེ་ཚེ་ཐོད་པ་འཕེན་པའི་ཚེ། །རླུད་ཕྱོགས་ལོག་ན་ལས་མི་འགྲུབ། །བ་མོ་བྱུང་ན་ལས་མི་འགྲུབ། །དེ་ཚེ་ཐོད་པ་ཁ་གདངས་ན། །དེ་ཡང་ལས་མི་འགྲུབ་པ་ཡིན། །རང་ལ་བལྟས་ན་འཁོར་དུ་ལྡོག །ཐུན་ཁྲག་ཁོལ་ན་སྔགས་པ་འཆི། །ཐོད་པ་སྒྲུབ་ན་ངན་པ་ཡིན། །དགྲ་ལ་ཁ་བལྟས་དེ་ཡང་བཟང་། །གཟང་རྐོད་རྒྱུ་ན་དེ་ཡང་བཟང་། །གཅན་གཟན་འགྲོལ་ན་དེ་ཡང་བཟང་། །མི་རྒོད་རྒྱུ་ན་དེ་ཡང་བཟང་། །སྒྲ་ཆེན་བྱུང་ན་དེ་ཡང་བཟང་། །གཞལ་ཡས་ཁང་བུ་གྲུབ་པ་ནི། ཁམ་བུ་ལྡེག་གམ་འཕར་བ་དང་། །སྣུམ་གྱིས་བྱུགས་པར་འདྲ་ན་བཟང་། །སྐམ་ལ་སེར་ག་ཆེ་ན་ངན། །དམོད་མོ་གྲུབ་ན་ཁྲག་ཐུན་ཁོལ། །ཞེ་སྡང་མེ་ཆེན་བཞིན་དུ་འབར། ཁ་ལ་འགྲུམ་བུ་མང་དུ་འབྱུང་། །སྒོང་ཐུན་འགྲུབ་ན་སྒོ་ང་འཚེགས། །སྲོག་སྒྲུབ་གྲུབ་ན་ཕུར་བུ་འཕར། །སྐུ་གསུང་ཐུགས་ལ་སོགས་པ་ཀུན། །རྫས་ལ་འོད་ཀྱང་འབྱུང་བ་འགྱུར། །དེ་ལ་སོགས་པའི་རྟགས་རྣམས་ནི། །གཞན་ཡང་མང་དུ་འབྱུང་བར་འགྱུར། །འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས་གྲུབ་པའི་རྟགས་ཀྱི་ལེའུ་སྟེ་བཞི་པའོ།། །།གཞན་ཡང་ནད་རྣམས་བཤད་བྱ་བ། །དམོད་པ་གྲུབ་ན་སྨྱོ་ནས་འཆི། ཁྲག་ཐུན་གྲུབ་ན་བལ་ནད་འོང་། ཁམ་བུ་གྲུབ་ན་ཁྲག་ཏུ་སྒྱུག །སྒོ་ང་གྲུབ་ན་རྒྱུ་གཟེར་འོང་། །ཕག་ཐོད་གྲུབ་ན་གཉན་ནད་འོང་། ཁེ་ས་གྲུབ་ན་མཁྲིས་ནད་འོང་། །སྐུ་གསུང་ཐུགས་ལ་སོགས་པ་ནི། ཁྲག་ཐུན་ཁོ་ནར་བཤད་པ་ཡིན། །ཐོད་པ་དགུ་དང་སྔགས་གྲུབ་ཀྱང་། ཁྲག་ཐུན་ཁོ་ནར་བཤད་པ་ཡིན། །གནན་པ་གྲུབ་ན་མཛེ་ནད་འོང་། །དེ་ལ་སོགས་པའི་ནད་རྣམས་ནི། །རྣམ་པ་མང་དུ་འབྱུང་བར་འགྱུར། །འཆི་བར་འགྱུར་བའི་མཚན་མ་ནི། །རྨི་ལམ་དང་ནི་མངོན་རྟགས་གཉིས། །རིགས་དྭགས་གསད་ན་ཐེ་ཚོམ་མེད། ་༑ར་བ་རྨིས་ན་ལན་ཅིག་གཉིས། །བསྐྱར་ནས་ཀྱང་ནི་བྱ་བར་བཤད། །ར་དང་བ་ལང་གཡག་བསད་ན། །ཐེ་ཚོམ་མེད་པར་འཆི་བར་འགྱུར། །ལུག་གསད་གཉེན་ནི་དགྲ་གྱུར་པ། །མདོར་ན་སྲོག་ཆགས་གསད་པ་ནི། །འཆི་སྟེ་ཐུན་ནི་གྲུབ་པ་ཡིན། །བྱ་ནག་བབ་ན་རིམས་ནད་ཕེབས། །ཚུབ་ནག་བྱུང་ན་མཚན་མ་ཟབ། །བ་མོ་སྐྱ་ན་འཆི་རྟགས་ཡིན། ཁྲོ་ཞིང་འཚིག་ན་གྲུབ་རྟགས་ཡིན། །སྒོ་ཁྱི་ངུ་ན་བཟང་བ་སྟེ། །ལྟས་ངན་འཕེབས་ན་རབ་ཏུ་བཤད། །འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས་ལས་གྲུབ་རྟགས་ཀྱི་ལེའུ་སྟེ་ལྔ་པའོ།། །།དེ་ནས་གནན་པ་བཤད་བྱ་བ། །ཀླུ་གདུག་གནས་པའི་ས་དག་ནི། །སྐྱོན་ཡོན་རྣམ་པ་གཉིས་དང་ལྡན། །གནོད་སྤྱིན་དྲག་པོའི་གནས་དག་ནི། །རབ་མཆོག་དམ་པ་ཡིན་པར་བཤད། །མ་མོ་ཚོགས་པའི་གནས་དག་ཀྱང་། །དེ་ཡང་གནན་པའི་ས་རུ་བཤད། །སྟག་གི་ཁ་དང་སྐུ་གདུང་འོག །རྒྱ་གྲམ་ལམ་དང་ས་དོག་པ། །དུར་ཁྲོད་དག་དང་ཕུག་རྡུགས་གནས། །གནན་པའི་ས་རུ་བཤད་པའོ། །དེ་ལ་གནན་པའི་ལས་དག་ནི། །ཟུར་གསུམ་པ་ཡི་རས་དག་ལ། །མཐོ་གང་དབུས་སུ་བྲི་བ་ན། །དུག་དང་ར་ཁྲག་དག་གིས་ཀྱང་། །མ་མོ་ནག་མོ་རལ་པ་ཅན། །མདུང་དང་རལ་གྲི་ཐོགས་པ་སྟེ། །བོང་བུ་གྭ་ཤོན་བྲི་བར་བྱ། །མཐའ་རུ་སྙིང་པོ་དག་གིས་བསྐོར། །རྒྱབ་ན་ཨེ་ཀ་ཙ་ཏི་དང་། །མ་བདུན་དག་ཀྱང་ཤ་ཟ་སྟེ། །ཡན་ལག་ཉི་ཤུ་རྩ་གཅིག་ལ། །དབང་ཕྱུག་མ་མི་ཚོགས་དང་ནི། །མ་མོ་ནག་མོའི་ཚོགས་ཀྱིས་བསྐོར། །བར་དུ་གཟས་པའི་མིང་དང་རུས། །རྒྱབ་ཏུ་རི་རབ་རང་སྙིང་ཅན། །དེ་དག་ལ་ཆའི་སྦལ་པར་གཞུག །དེ་ནས་ཞིང་ཤུན་དཀྲི་བ་སྟེ། །མཁར་ནག་ལྔ་ཡིས་རྒྱ་གྲམ་བགྱིད། །ནག་མོའི་ཐོད་པ་མཆོད་རྟེན་ནམ། །གླང་རུ་དག་གི་ནང་དུ་གཞུག །ཐུན་སྔགས་ལ་སོགས་ཀུན་གྱི་བསྣུན། །དེ་ནས་རེ་བ་དག་ཏུ་གྲིལ། །མ་མོའི་ཚོགས་དང་ས་བདག་ལ། །མཆོད་པ་ཚུལ་བཞིན་བྱས་ནས་ནི། །ཕོ་ཉ་བཏང་ལ་གཟས་པ་དགུག །ཕྱག་རྒྱ་བཞི་ཡི་མ་ནོར་བསྟིམ། །ཀླུ་གདུག་གནས་པའི་གཡོན་ནས་འཛུག །ཆུ་མིག་ཀླུ་ཡི་ཁ་ཡང་རུང་། །གཡས་གཡོན་རྐང་འདོམ་བཅུ་བཅུ་པ། །ཀླུ་ཡི་རྭ་སྟེ་དེ་ཡང་རུང་། །ཆུ་མིག་དེ་ནས་འདོམ་གང་གཞལ། །ཀླུ་ཡི་སྙིང་སྟེ་བཟང་བར་བཤད། །ཐེབས་པར་མྱུར་དུ་གཞུག་པར་བྱ། །གཡས་སུ་བསྐོར་ཏེ་ཞབས་མས་བརྡབ། །རྨ་བྱའི་སྒྲོ་ཡིས་དེ་མཚམས་བཅད། །འཕགས་པ་རྡོ་རྗེ་ནག་མོའི་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས། གནན་པའི་ལེའུ་སྟེ་དྲུག་པའོ།། །།དངོས་གྲུབ་རྒྱུ་བའི་མཚན་ཉིད་ནི། །དང་ལ་དང་པོར་སྔགས་པ་ཡིས། །ཚུལ་དང་ལྡན་པའི་ལས་འདི་བརྩམ། །ཚུལ་ནི་འདི་དག་ཡིན་པར་བཤད། །སངས་རྒྱས་དངོས་གྲུབ་སྒྲུབ་པ་ཡི། །བར་དུ་གཅོད་ལ་ལས་འདི་བརྩམ། །དགེ་འདུན་དག་དང་ཆོས་བྱེད་ལ། །ངན་སེམས་པ་ལ་ལས་འདི་བརྩམ། །ཐེག་པ་སྤྱི་ལ་སྨོད་པ་ལ། །ལས་འདི་བརྩམ་པར་བྱ་བ་ཡིན། །རྣལ་འབྱོར་སྲོག་དང་འབྲལ་བྱེད་ན། །ལས་འདི་དེ་ལ་བརྩམ་པར་བྱ། །ཆོས་འཁོར་གཉེན་པོ་འཇིག་བྱེད་ན། །དེ་ལ་ལས་འདི་བརྩམ་པ་གཅེས། །དེ་ལ་དང་པོ་ཞི་བ་སྟེ། །ཐམས་ཅད་དྲག་པོས་མི་འདུལ་བས། །དང་ལ་དྲག་པོས་འདུལ་མི་བྱ། །ཅི་སྲིད་དྲག་པོ་བརྩམ་སྲིད་ན། །རང་སེམས་རྒྱུད་ཀྱང་བརླག་པར་འགྱུར། །ཕྱི་མའི་འབྲས་བུ་ག་ལ་སྲིད། །དེ་ལ་སངས་རྒྱས་ཐུགས་ཀྱང་ཆད། །དཀོན་མཆོག་གསུམ་གྱི་བཀའ་ཡང་བཅགས། །མཁའ་འགྲོ་ཀུན་གྱི་ཡིད་ཀྱིས་ཁྲེལ། །འཇིག་རྟེན་དྲེགས་པས་ཞལ་ལྕེ་གཅོད། །རང་ལ་བར་ཆད་འབྱུང་བར་འགྱུར། །སྒྲུབ་ཐབས་འབྲས་བུ་མི་འབྱུང་སྟེ། །སྙིང་རྗེ་བྲལ་བས་དམྱལ་བར་ལྟུང་། །གལ་ཏེ་རྣལ་འབྱོར་ཆེན་པོ་དེས། །ཅིས་ཀྱང་ཐུལ་བར་མ་གྱུར་ན། །དྲག་པོའི་ལས་འདི་བྱ་བར་བཤད། །ཞེ་སྡང་ཆེན་པོ་བསྐྱེད་བྱད་ཀྱང་། །འབྲས་བུ་བརླག་པར་མི་འགྱུར་ཏེ། །ཐབས་ཀྱི་ཕ་རོལ་ཕྱིན་པར་འགྱུར། །དེ་ལ་དྲག་པོ་མ་བརྩམས་ན་། །དཀོན་མཆོག་སྤྱི་ཡི་ཆད་པ་འོང་། །ཞེ་སྡང་འདི་ནི་བསྒྲུབས་བྱས་ན། །འབྲས་བུ་ཐོབ་པར་ཐེ་ཚོམ་མེད། །དེ་ལ་སངས་རྒྱས་ཐུགས་ཀྱིས་དགོངས། །དཀོན་མཆོག་གསུམ་པོའི་བཀའ་བྱུང་བས། །མཁའ་འགྲོ་ཐམས་ཅད་གྲོགས་བྱེད་དོ། །ལྷ་སྲིད་སྡེ་བརྒྱད་སྟོངས་བྱེད་དེ། །རང་ལ་བར་ཆད་མི་འབྱུང་འགྱུར། །ཐོག་མའི་སྙིང་རྗེས་འབྲས་བུ་ཐོབ། །དཔའ་བོ་ཆེན་པོ་ངས་བཤད་ཀྱིས། །ཕྱག་ན་རྡོ་རྗེ་ཁྱོད་ཀྱིས་ཀྱང་། །འགྲོ་བའི་དོན་དུ་བཤད་པར་གྱིས། །མངོན་རྫོགས་རྒྱལ་པོས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་ཕྱག་ན་རྡོ་རྗེ་ལ་སོགས་པའི་འཁོར་ཐམས་ཅད་ཀྱིས་ཞལ་ནས་གསུངས་པ་ལ་ཡི་རངས་ཏེ་མངོན་པར་བསྟོད་དོ། །འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས། དངོས་གྲུབ་ཀྱི་ལེའུ་སྟེ་བདུན་པའོ།། །།རྒྱུད་ཀྱི་ཕྱི་མ་རྫོགས་སོ།། །།རྡོ་རྗེ་གདན་དུ་སྦས་པའི་ཕྱི་མ་འདི། །རྡོ་རྗེ་གདན་གྱི་འོག་ནས་བརྐོས། །སྙིང་པོར་ཕྱུང་བའི་མན་ངག་ཕྱི་མ་འདི། །བསྟན་པ་བསྲུང་བའི་རྒྱུད་རྣམས་མང་པོ་ཞིག །སྟོན་པའི་ཞལ་ནས་མང་པོ་ཀུན་གསུངས་ཀྱང་། །བཅུད་ཕྱུང་བ་ཡི་གསང་བ་ཕྱི་མ་འདི། །འགལ་བ་ཆོམས་ལ་འབེབས་པའི་མན་ངག་དམ་པ་ཡིན། །རྩ་བའི་རྒྱུད་ཉིད་གསལ་བར་བྱེད་པ་སྟེ། །ལྡེ་མིག་ལྟ་བུའི་ཁ་བསྐང་རྒྱུད་མཆོག་གོ །རྩ་བའི་རྒྱུད་ནི་མུན་པ་ལྟ་བུར་གནས། །ཕྱི་མ་འདི་ནི་མར་མེ་ལྟ་བུར་སྣང་། །མར་མེ་བསྒྱུར་བའི་བསོད་ནམས་དམ་པ་འདིས། །མུན་པ་སེལ་བའི་རྒྱུད་མཆོག་རྟོགས་པར་ཤོག །བདུད་འདུལ་ལྷ་ཡི་ཕྱི་རྒྱུད་འདི། །གཞན་ལ་ཡོད་པར་འགྱུར་རེ་སྐན།། །།རྒྱ་གར་སྐད་དུ། ཨུརུ་དེ་བཱ་ཀུ་སྙི་མན་ཏྲ་ཏན་ཏྲ། བོད་སྐད་དུ། འཕགས་པ་ལྷ་མོ་ནག་མོའི་སྔགས་རྒྱུད། །བཅོམ་ལྡན་འདས་ཡབ་མངོན་རྫོགས་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་