Ngb-pt-0359-vol-04-text
Front
Body
བསྲུང་བར་བགྱིའོ། །བསྐྱང་བར་བགྱིའོ། །ཞེས་གསུངས་ནས་མངོན་པར་བསྟོད་དོ། །རེ་མ་ཏི་མཆེད་བཞི་ཕྲིན་ལས་ཀྱི་རྒྱུད་རྫོགས་སོཧ། །།ཨི་ཏི།། །། རྒྱ་གར་སྐད་དུ། ཌའ་ཀི་མ་ཧྭ་ཀརྨ་ཏ་ཏྭ་ཏྲི་ས་མྱ་ཛ་ནཱ་མ་ཏནྟྲ། བོད་སྐད་དུ། ལས་ཀྱི་མཁའ་འགྲོ་མ་དེ་ཁོ་ན་ཉིད་གསུམ་དུ་འདུས་པ་ཞེས་བྱ་བའི་རྒྱུད། བཅོམ་ལྡན་འདས་ངག་གི་དཔལ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། རི་རབ་རིའི་རྩེ་མོ་བྱང་ཤར་གྱི་མཚམས་ཤིང་ཡོངས་འདུའི་ཚལ་ཆེན་པོ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་བཅོམ་ལྡན་འདས་ཕྱག་ན་རྡོ་རྗེ་ལ། འཁོར་ལྷ་མ་སྲིན་སྡེ་བརྒྱད་ལ་སོགས་པ། མཁའ་འགྲོ་མའི་ཆོགས་བྱེ་བ་དུང་ཕྱུར་ཀྱིས་བསྐོར་ཏེ་བཞུགས་སོ། །དེའི་ཚེ་བཅོམ་ལྡན་འདས་དཔལ་ཕྱག་ན་རྡོ་རྗེ་ལ་འཁོར་འདུས་པ་རྣམས་ཀྱིས་ཕྱི་ནང་གསང་བའི་མཆོད་པ་ཕུལ་ནས། ཀརྨ་ཌའ་ཀིས་འདི་སྐད་ཞུས་སོ། །སྟོབསཆེནདྲགཔོའཇོམས་མཛད་རྡོ་རྗེ་ཅན། །བཅུད་ཀྱིས་བསྡུས་པའི་འགྲོ་བ་བདག་ལ་སོགས། །བསྟན་པ་འདི་ལ་སྐྱེ་བ་ཅི་ལྟར་སྨིན། །ཡེ་ཤེས་སྤྲུལ་པས་རང་རྒྱུད་གྲུབ་པ་མོ། །དེ་བཞིན་རིགས་དང་ངེས་ཚིག་ཅི་ལྟར་ལགས། ཁྱེད་ཀྱིས་བཀའ་སྩོལ་བདག་ཅག་ཉན་པར་འཚལ། །དེའི་ཚེ་བཅོམ་ལྡན་འདས་དཔལ་ཕྱག་ན་རྡོ་རྗེས་པདྨའི་གདན་ལས་བཞེངས་ཏེ་བཀའ་སྩལ་པ། འདས་པའི་དུས་མ་བྱུང་བའི་སྔོན་རོལ་དུ། བཅུད་ནི་བསྐལ་པའི་རྣམ་པའི་གྲངས་ཀྱིས་འགྲུབ། །ལུས་མེད་ཤེས་པ་ཆང་སྦྲང་བཞིན་དུ་གནས། །འཇིག་ཆགས་གཉིས་ཀྱིས་སྟོངས་ནས་བསྐལ་པ་ལས། །དུས་གཅིག་ཚ་གྲང་རླུད་འཐབས་འབྲས་བུར་སྨིན། དེ་མིན་སྤྱི་མཐུན་ལས་ཀྱི་མཁའ་འགྲོ་མ། །ལུས་ལ་བལྟ་བས་མི་ངོམས་སྤྱན་གསུམ་མ། །མཆེ་གཙིགས་གཅོང་རོང་ཆགས་པའི་གདུང་བ་གཡོས། །ཕྱག་གིས་བྷ་ག་བསྒྲད་པ་རླུད་གིས་བསྐྱོད། །འབྱུང་བཞི་འདུས་པ་རྒྱུ་དང་རྐྱེན་དུ་འཔྲད། །འགྲོ་དྲུག་མ་བུ་ཏིལ་གང་བཞིན་དུ་སྨིན། །དེ་མིན་འབྱུང་བ་འདུས་པའི་མཁའ་འགྲོ་མ། །ཡུམ་ཆེན་མོ་ལས་བརྫུས་ཏེ་སྐྱེས་པ་ལྔ། །དབུགས་དང་དྲོད་དང་ཁྲག་དང་ཤ་རུས་ལས། །རླུད་གི་རྒྱལ་མོ་འཇིག་རྟེན་འདེགས་བྱེད་མ། །དྲོད་ཀྱི་རྒྱལ་མོ་འཇིག་རྟེན་སྲེག་བྱེད་མ། །རླན་གྱི་རྒྱལ་མོ་འཇིག་རྟེན་སྡུད་བྱེད་མ། །ས་ཡི་རྒྱལ་མོས་འཇིག་རྟེན་རྟེན་པར་བྱེད། །འཇིག་རྟེན་ཀུན་ཁྱབ་རྒྱུ་བའི་རང་བཞིན་ལས། །སྤྱི་མཐུན་སྲིད་པ་ཆགས་པའི་མཁའ་འགྲོ་མ། །མཁའ་འགྲོ་དེ་རྣམས་ནུས་པའི་མཐུ་སྐྱེས་པས། །འོད་ཀྱིས་སོ་སོའི་འཇིག་རྟེན་གང་བར་གྱུར། །སོ་སོའི་ནུས་མཐུས་འཇིག་རྟེན་དབང་དུ་འདོད། །འབྱུང་བ་མི་མཐུན་རིགས་ལྔའི་ངོ་བོ་ལས། །སྤྲུལ་པའི་ཡུམ་གྱིས་འབྱུང་བ་ཆ་སྙོམས་ཏེ། །འཇིག་རྟེན་རྒྱུ་བའི་རང་བཞིན་ལས། །སྲིད་པ་ཆ་སྙོམས་བྱེད་མཁན་མཁའ་འགྲོ་མ། །གཞན་ཡང་འབྱུང་བ་ཆེན་པོ་ལྔ་རྣམས་ཀྱིས། །སོ་སོ་རང་གི་ལུས་ལས་མཁའ་འགྲོ་མ། །རང་ལུས་འཛིན་པ་རྩི་ཐོག་བཞིན་དུ་སྐྱེས། །འདོད་ཁམས་གཟུགས་ཁམས་གཟུགས་མེད་མཁའ་འགྲོ་མ། །ཞལ་དང་མིག་དང་རྣ་བ་ལས་ནི་སྐྱེས། །མ་རྒྱུད་ཐམས་ཅད་མངལ་ནས་རབ་ཏུ་སྐྱེས། །བདུད་དང་གཤིན་རྗེ་སྲིན་པོ་དབུགས་ལས་སྐྱེས། །བགེགས་རིགས་སྟོང་ཕྲག་དྲུག་ཅུ་བརྫུས་ལས་སྐྱེས། །མཁའ་འགྲོ་མ་དེ་རྣམས་ཀྱི་ལུས་ལ་ཡང་། །སྐྱེས་པ་མང་ཞིང་སྲིད་པ་འདི་ལྟ་སྟེ། །ལྷ་དང་ལྷ་མིན་ཀླུ་དང་གནོད་སྤྱིན་མཁའ་འགྲོ་མ། །སྲིན་པོ་ཤ་ཟ་གཤིན་རྗེ་མཁའ་འགྲོ་མ། །དྲི་ཟ་མཁའ་ལྡིང་མིའམ་ཅི་མཁའ་འགྲོ་མ། །ལྷོ་འཕྱེ་དྲང་སྲོང་སྲོག་གི་མཁའ་འགྲོ་མ། །བདུད་དང་དུར་ཁྲོད་མི་ཡི་མཁའ་འགྲོ་མ། །བྱོལ་སོང་ཡི་དྭགས་དམྱལ་བའི་མཁའ་འགྲོ་མ། །ལས་དང་རབ་ཏུ་དམྱལ་བ་ལ་སོགས་ཏེ། །མཁའ་འགྲོ་མ་རིགས་ཐམས་ཅད་གཅིག་ལ་གཅིག །ཡིད་དུ་མི་འོང་ཁྲོ་ཞིང་ཞབྲུག་པ་ནི། །སྤྱི་མཐུན་སོ་སོའི་ལས་ཀྱི་དབང་ཉིད་ཀྱིས། །ཉིང་ཤ་ཉིང་ཁྲག་པགས་པ་སྲོག་ལ་སྤྱོད། །འཇིགས་སྐྲག་འདོད་པ་ལ་སོགས་ཐ་དད་པས། །ལ་ལ་འབྲོས་ལ་འདེག་ཅིང་འཚོལ་བ་དང་། །གབ་གསོད་ཤ་ཟ་ཁྲག་འཐུང་འོ་དོད་འབོད། །མི་བཟོད་ངུ་བ་མགོ་ལུས་ཐང་ལ་རྡེབ། །རྩལ་དང་ལྡན་པ་རྒོད་ཅིང་ཐལ་མོ་རྡེབ། །མི་མཐུན་མགོ་བརྙན་ལུས་ནི་སྣ་ཚོགས་ཏེ། །མི་ལུས་བྱ་གཤོག་མིག་གསུམ་སྡེར་མོ་ཅན། །མཆེ་བ་རྭ་ཅན་ལུས་གཅིག་མགོ་མང་དང་། །མཛེས་འོད་འབར་བ་མི་སྡུག་སྣ་ཚོགས་རྣམས། །སྡུག་བསྔལ་མང་པོའི་ཚོགས་ཀྱིས་གདུངས་པ་ལ ཐབས་ལས་སྤྲུལ་པའི་མཁའ་འགྲོ་མ་ཆེན་གཅིག །གཞན་ལས་འཕགས་ཤིང་མཐུ་རྩལ་ཆེ་བ་ཡིས། །མི་བཟོད་སྡུག་བསྔལ་སྐད་ཅིག་བདེར་མཛད་པས། །སྣ་ཚོགས་མཁའ་འགྲོ་འདུས་ཏེ་ཕྱོགས་གཅིག་ནས། །སྤྱི་མཐུན་ལས་ཀྱི་མཁའ་འགྲོ་མ་ཉིད་ལ། །ཞུ་བའི་ཚིག་ནི་འདི་སྐད་ཅེས་གསོལ་ཏོ། ཁ་དོག་དབྱིབས་ཀྱི་མཁའ་འགྲོ་མ། །བདག་ཅག་ལས་དང་རྒྱུ་འབྲས་ནི། །གང་ཡིན་རིགས་དང་རིགས་ཀྱི་གཙོ་མོ་གང་། །ཡུལ་དང་ལས་དང་ཟས་དང་སྐལ་བ་གང་། །ཞེས་གསོལ་ཏོ། །ཡུམ་ཆེན་མོ་དེ་ཤིན་ཏུ་ཆགས་པས་གདུང་བའི་སེམས་གཡོས་པར་གྱུར་ཏེ། སེམས་རྩེ་གཅིག་ཏུ་སྦྱོར་བའི་གྲོགས་གཅིག་བསྒོམས་པའི་འབྲས་བུ་སྟག་གི་ལོའི་དཔྱིད་ཟླ་ར་བ་ལ། འཇིག་རྟེན་ཡུམ་གཅིག་མིང་དགུའི་རྨི་ལམ་དུ། མི་ནག་ལུས་བོངས་རི་རབ་ཙམ། །དབུ་གསུམ་མཛེས་པའི་ཕྱག་དྲུག་གཤོག་པར་ལྡན། །འཇིགས་པའི་ང་རོས་ལག་པ་སར་བརྡབས་པས། །མཁའ་འགྲོའི་ཚོགས་རྣམས་བརྒྱལ་ཞིང་སྙིང་ཁྲག་སྒྱུགས། །སངས་རྒྱས་མགོ་བཅད་འཇིགས་པའི་རྒྱན་མངའ་བས། །བདེ་བའི་ཆགས་པ་མངོན་གསུམ་སྤྱད་པ་རྨིས། །ལྷུམས་པ་དེར་གནས་དེ་ཕྱི་དེ་ལོ་དུས་སུ། །སྲིན་པོ་ལྕམ་དྲལ་གཉིས་སྐྱེས་པར་གྱུར་ཏེ། དྲལ་པོ་རྨིལམ་དང་ནི་མཐུན་པར་སྐྱེས། །དེ་ནས་ར་ལ་ར་ལ་རུ་ལུ་རུ་ལུ་སྨྱོ་སྦྱོའི་སྒྲ་བྱུང་བས། མཁའ་འགྲོ་མ་ཐམས་ཅད་ཤིང་ལོ།་རླུད་གིས་བདས་པ་བཞིན་དུ་འདུས་ཏེ་དབང་ཕྱུག་ཆེན་པོ་ལྕམ་དྲལ་བདག་ཅག་གི་གཙོ་བོ་གཙོ་མོ་མཛོད་ཅིག་ཅེས་གསོལ་བ་བཏབ་བོ། །དེ་ནས་མཁའ་འགྲོ་མའི་རིགས་ཐམས་ཅད་ཀྱིས། དགུང་དང་ནམ་པྱེད་ཐོ་རངས་སྔ་དྲོ་མྲ །ཉི་ཁྲི་ཆིག་སྟོང་རེས་མཆོད་པ་བྱེད་དོ། །བདུདཀྱི་རྒྱལ་པོ་དེས། །ཏྲང་མ་སྒ་་རུ་སྒ་་། སརྦ་ཌའསྐི་ཨུ་ཀརྙ་ཡ་ཨུ་ཀསྟོ་ཡ། ནིརྨ་ཎ་ཨ་བྲ་མེ་ཡ། ཨ་ཛི་ཏེ་ན་ཀརྨ་ས་སྲ ས་བཱ་ཛ་ས་བཱ་ཛ། ཞེས་བརྗོད་པས། མཁའ་འགྲོ་མ་ཐམས་ཅད་སྲོག་རང་དབང་མེད་པར་འདུས་ཏེ། མཆོད་ནས་སྲོག་གི་སྙིང་པོ་ཕུལ་བ། མ་རག་ཤ་ཁ་མུན་ཛ། ་ག་རསྒ་སྙིང་ཁ་རག་མ་བཛྲ་དུན་ཏིང་། རག་མོ་ཡག་མོ་མ་ར་ཎ་སྨྱོ། །ཌའསྐི་ནི་དེ་ཝ་ཨ་སུ་ར་ནཱ་ག་ཡག་ཤ་རག་ཤ བྲི་ཙ་ཤ དྷིཁྱི་རཛི་ག་རུ་ཌ་ཀིསྣོ་ར་མ་ཧོ་ར་ག་ཨག་ནི་བ་རུ་ཎ། རུ་ཏྲ་བ་ཏི། གརྙསྟོ་ཏིརུ་ཀ་པྲེ་ཏ་ཀ་ན་རཀ་ཀརྨ་ན་ར་ཀ སརྦ་ཌའསྐི་བཱ་ཏ་ལ་བཱ་ལ་བ་སི། སརྦ་ཌའསྐི་ཨ་ནན་ཏ་རི་བ་ཙ་ར། སརྦ་ཌའསྐི་ནི་སྨྱོ་བྱུ་མ་ཏ་སྨྱོ་སྨྱོ་རུ་སྲ ཞེས་ཕུལ་བས། ཧེ་རུ་ཀ་ཆེ་བའི་ང་རྒྱལ་སྐྱེས་ཏེ། འཇིག་རྟེན་དུ་ཧ་ཧ་ཧི་ཧི་ཞེས་བརྗོད་པས། སྣོད་བཅུད་ཐམས་ཅད་གཡོ་ཞིང་འཁྲུགས་ཏེ། འོག་མིན་གྱི་གནས་ན་དེ་བཞིན་གཤེགས་པ་ལོངས་སྤྱོད་རྫོགས་པའི་སྐུ་ཡང་ལྡེག་ལྡེག་འགུལ་ལོ། །བདེ་གཤེགས་ཐུགས་ཁྲོས་བརྡས་མཚོན་བཀའ་བགྲོས་མཛད། །གདུལ་ཐབས་རྣམ་གཉིས་བཀའ་མཐུན་སྟངས་གཅོད་པས། །སྲིད་མའི་རྒྱལ་མོ་ཀྲོ་ཏི་ཤཱ་རྡིས་གཟིགས། །ཏྲང་མ་ཏྲང་རུ་་་ཨུ་གརྙ་ཡ་ཨུ་གདྷ་ཡ།ཏ་ཐུ་ཡ་ཏ་ཐུ་ཡ། ར་ལ་ར་ལ་སྨྱོ་རུ་ལུ་རུ་ལུ་སྨྱོ། །སརྦ་ཌའསྙི་རུ་་། །ཀྲོ་ཏ་ཀྲོ་ཏི་རུ་ཏི། ས་མ་བན་ད༷་ཀུ་རུ་ཞེས་བརྗོད་པས། བདུད་དང་ཁྲོ་བོ་ཁྲོ་མོ་ཡབ་ཡུམ་གྱི་ཚོགས་ཐམས་ཅད་སིལ་གྱིས་ལྷགས་པ་ར་གྱུར་ཏོ། །ཡུམ་ཆེན་མོ་དེའི་ཞལ་ནས་འཇིག་རྟེན་དབང་ཕྱུག་ཆེན་པོ། འོག་མིན་གྱི་གནས་ན་དཔལ་ཆེན་པོ་རྫུ་འཕྲུལ་ཆེན་པོ་ཡེ་ཤེས་ཀྱི་རྩལ་དང་ལྡན་པ་ཞིག་ཡོད། འཁོར་མཁའ་འགྲོ་མ་དང་ཁྲོ་བོ་ཐམས་ཅད་ཀྱིས་ཕྱོགས་མཚམས་ཆོད་ཅིག་པར་བསྒོའོ། །འཇིག་རྟེན་དབང་ཕྱུག་རབ་ཏུ་བྲེད་པར་གྱུར། ཤིན་ཏུ་སྔངས་པས་རང་གི་གནས་སུ་ཕྱིན་ནས། ཀེང་རུས་ཐོད་མཁར་གསུམ་ཐོག་བརྩིགས་པའི་སྟེང་། །བྷརྙའི་གཞལ་ཡས་དུར་ཁྲོད་འཇིགས་པས་བརྒྱན། །རྟ་བབས་མུ་ཁྱུད་ལྕགས་རི་མེ་འོབས་བྱས། །རྣག་ཁྲག་བཤང་གཅི་ཀླད་པ་དྲི་ཆེན་དང་། །བམ་རུལ་ཟག་པ་མནམ་ཞིང་དཀུ་བ་དང་། །མི་གཙང་རྣམ་པ་སྣ་ཚོགས་པས་བསྐོར་རོ། །ཕྱི་རིམ་དུར་ཁྲོད་མ་བརྒྱད་བཀའ་ཉན་དང་། །རིམ་པས་འཇིགས་བྱེད་ཁྲོ་བོ་བཅུ་ཡིས་བསྐོར། །སྲིད་པའི་ཕུར་བུ་དཔག་ཆེན་མདའ་བཞིན་འཕེན། །དེ་ཡི་ཕྱི་རིམ་དབང་ཕྱུག་མ་ཡིས་བསྐོར། །གཞན་ཡང་རལ་པ་ཅན་གྱི་ཚོགས་རྣམས་དང་། །མཆེ་བ་གཤོག་པ་ནུ་མ་སྡེར་མོ་ཅན། །མགོ་བརྙན་མ་ཚོགས་སྣ་ཚོགས་པས་བསྐོར་རོ། །དཔལ་ཆེན་པོ་དང་ནོར་གྱིས་དོགས་པས་ནི། །བརྡའ་ནི་རྣམ་དྲུག་བྱེད་ཅིང་འབོད་པ་སྟེ། །སྤྱུགས་ལ་གཡབ་མོ་ཐལ་མོ་སེ་གོལ་དང་། །རྐུན་པོ་གླུ་སྟེ་སོ་སོས་གོ་བར་བྱས། །འཇའ་དང་འབྲུག་གློག་སྟོང་གི་སྒྲ་འབྱིན་ཞིང་། །འབྲུ་དང་རིན་ཆེན་སྣ་ཚོགས་སྨན་དང་ཆུ། །འགྲོ་དྲུག་མཁའ་འགྲོ་ཤ་རུས་ཟ་བ་རྣམས། ཁ་ནས་ནད་ཀྱི་རྣམ་པ་སྣ་ཚོགས་སྒྱུགས། །ཀུན་ནས་བསྐོར་ཏེ་བཙན་པར་བྱས་པ་ཡིས། །བདུད་ཀྱི་སེམས་དེ་རབ་ཏུ་དེར་གནས་པས། །མ་ཏྲང་རུ་ཏྲས་དཔལ་ལ་སྐུར་པ་བཏབ། །དཔལ་ཆེན་བྱ་བ་མེད་པར་ངེས་པ་ལས། །སྲིད་པའི་རྒྱལ་མོས་བཙེས་པ་འདྲ་ཟེར་རོ། །འོག་མིན་གནས་ནས་དཔལ་གྱིས་དགོངས་པ་མཛད། །ཅི་ཕྱིར་ཉོན་མོངས་དེ་དང་སེམས་ཅན་རྣམས། །ཐུགས་རྗེའི་ཞིང་དུ་གྱུར་པས་སྒྲོལ་དུ་གཤེགས། །མཐོང་བའི་ལོགས་སུ་ལྷ་ཡི་གཞལ་ཡས་སྤྲུལ། །སྲིན་པོའི་རྣམ་ཤེས་མཛེས་ཤིང་འཛིན་པར་བྱས། །སྲིན་པོ་ཆགས་སྐྱས་འཁོར་ལ་གདམས་ངག་བྱས། །དཔལ་གྱི་སྲིན་པོའི་ལུས་ཀྱིས་གནས་སུ་ཕྱིན། །སྣ་ཚོགས་གཟུགས་སུ་འདུག་པའི་འཁོར་རྣམས་ནི། །རྭ་གཟེངས་མིག་བགྲད་མཆེ་གཙིགས་སྡེར་མོ་གདེངས། །འཇིགས་པའི་སྐད་ཀྱིས་ཅོ་ལོང་ཆེན་པོ་འབྱིན། ཁ་ནས་ཁྲག་དང་ནད་སྒྱུགས་འདི་སྐད་ཟེར། །གཙོ་བོ་རྗེ་བོ་ལགས་སམ་གསང་བརྡའ་སྟོན། །དཔལ་གྱིས་སོ་སོའི་བརྡའ་རྣམས་ངེས་བསྟན་པས། །དངོས་ཉིད་ཡིན་པར་མཐོང་སྟེ་མཆོད་པ་ཕུལ། །གཞལ་ཡས་ནང་དུ་བྱོན་ཏེ་ཁ་ཊ༷་གདེངས། །སྲིན་མོ་ཀྲོ་ཏི་ཤཱ་རྡི་ཅིར་གྱིས་བཟུང་། །བསྒྲལ་བར་བྱས་ནས་རང་རྟགས་སྙིང་པོ་ཕུལ། །བཀའ་ལ་བཏགས་ཏེ་ཁ་ཊ༷་སྐྲུ་གྲི་བྱིན། །མ་མོའི་གཙོ་མོ་སྦྱོར་བའི་ཡུམ་དུ་བྱས། །དཔལ་གྱི་སྐུ་གསུང་ཐུགས་ཀྱི་གནས་ཡུལ་ལས། །སྤྲུལ་པ་ཀོ་རྡི་སེང་ཧ་ཁྲོ་མོ་དྲག་པོའི་ཚོགས། །དུར་ཁྲོད་ཕོ་ཉ་ཕྱོགས་སྐྱོང་ལ་སོགས་ཀུན། །རང་རང་འདྲ་བའི་སྤྲུལ་པ་མང་པོས་བཏུལ། །ཀུན་གྱིས་མགྲིན་གཅིག་དཔལ་ལ་འདི་སྐད་ཞུས། །བདུད་ཀྱི་བདུད་རྗེ་ཐུགས་རྗེའི་བདག་པོ་ཁྱོད། །བདག་ཅག་འཁོར་དང་བཅས་པ་འབངས་སུ་མཆི། །ཞེས་སྲོག་གི་སྙིང་པོ་ཕུལ་ནས། ཐ་ཚིག་བླངས་ཏེ་དཀྱིལ་འཁོར་བྲན་ལ་གནས་པར་བྱས་སོ། །དེ་ཡི་འཁོར་རྣམས་སྔར་འདུས་གཞལ་ཡས་མེད། །སྲིན་པོ་གཞལ་ཡས་མེད་པས་སྡངས་པར་གྱུར། །སངས་རྒྱས་ཆོ་འཕྲུལ་ཡིན་པར་རབ་ཏུ་ཤེས། །རང་གི་གནས་སུ་རྒྱུག་པས་དཔལ་དང་འཕྲད། །མཐོང་ཐོས་འཇིགས་པ་ཆེན་པོ་རབ་ཏུ་སྐྱེས། །དཔལ་གྱི་ཚམ་རྔམས་བརྟུལ་ཞུགས་སྤྱོད་པ་མཛད། །ཛ༷༷ཧུ༷་བ༷་ཧོ༷༷འི་ཕྱག་རྒྱ་བཞི་ཡིས་བཟུང་། །སྒྲོལ་སྔགས་ཁ་ཊ༷་སྲིན་པོའི་སྙིང་གར་བརྒྱབ། །མགོ་བོ་ལྷོ་ནུབ་རྐང་པ་བྱང་ཤར་བསྟན། ཁྲ་རུས་ཁྲག་ལ་རོལ་པ་ཆེན་པོར་མཛད། །མ་མོ་མཁའ་འགྲོའི་ཚོགས་ཀྱང་རོལ་དུ་བཅུག །དབང་པོ་རྣམ་ལྔ་ཡེ་ཤེས་ཁྲག་འཐུང་རྫས། ཁོག་པར་ཞུགས་ནས་རྒྱལ་བའི་དཀྱིལ་འཁོར་བསྐྱེད། །དུར་ཁྲོད་གཞལ་ཡས་འབར་བར་བྱིན་གྱིས་བརླབས། །བདུད་སྡེ་ལྡང་བ་མད་པར་བྱ་བའི་ཕྱིར། །གནས་ཆེན་བརྒྱད་དུ་མཆོད་རྟེན་རེ་རེ་བརྩིག །དུར་ཁྲོད་མ་བརྒྱད་བཀའ་ཉན་བཅས་པས་བསྲུང་། །རིགས་ལྔ་ཡེ་ཤེས་ཆོས་དང་རང་བཞིན་ལས་ལས་སྐྱེས། །རྡོ་རྗེ་མཁའ་འགྲོ་ཤུགས་ཀྱི་མཁའ་འགྲོ་ཡང་། །ཆགས་པའི་མཁའ་འགྲོ་ལས་ཀྱི་མཁའ་འགྲོ་མ། །རེ་རེ་ལའང་བཞི་བཞི་བཅུ་དྲུག་ཡེ་ཤེས་མངའ། །དུར་ཁྲོད་ཀོ་རྡི་སེང་ཧ་བཅུ་དྲུག་གྲུབ་པའི་རིགས། །ཨ་ཕྱི་ཤམ་ཤམ་མན་ཆད་སྨན་མོའི་རིགས། །ངེས་པའི་ཚིག་ནི་རྒྱུ་ལས་མ་བྱུང་རང་བཞིན་ལྷུན་གྱིས་གྲུབ། །ཐུགས་རྗེ་ཉི་མ་ལྟ་བུར་ཡོངས་ལ་ཁྱབ། །དོན་དམ་སྐྱེ་མེད་འཁོར་བའི་བདུད་ལས་རྒྱལ། །རང་བཞིན་མཁའ་འགྲོ་ཡེ་ཤེས་མ་རུ་བསྟན། །སྲིད་པ་ཉོན་མོངས་རྒྱུ་མཐུན་སྲིན་པོའི་འཁོར། །ཆགས་པའི་དབང་གིས་སྡུག་བསྔལ་སྣ་ཚོགས་སྤྱད། །སྔོན་སྤྱད་ཉོན་མོངས་ཟད་པསདཔལཆེནགཞལཡངམཐོང་། །དགོས་དོན་ཅི་འདོད་སྒྲུབས་པས་གྲུབ་པ་མོ། །དམན་པའི་སེམས་ཀྱས་ཆས་ཉད་དན་ ་རྟག །ཉན་མངས་སྟུག་པས་བདེ་གཤེགས་ཞལ་མ་ཐོང་། །བདག་ཏུ་རྟོག་པས་འཁོར་བ་དུག་གསུམ་རྒྱས། །རང་བཞིན་མཐུ་བལྟས་སྲིད་པའི་སྨན་མོར་གྲགས། །ལས་ཀྱི་མཁའ་འགྲོ་མ་ཆེན་མོའི་རྒྱུད་ལས། སྐྱེ་རྒྱུད་གྱི་གླེང་གཞི་རིགས་དང་ངེས་ཚིག་བསྟན་པ་ཞེས་བྱ་བ་སྟེ་ལེའུ་དང་པོའོ།། །།དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་དཔལ་ཕྱག་ན་རྡོ་རྗེ་ལ་མཆོད་པ་རྒྱ་ཆེན་པོ་མཆོད་ནས། འདི་སྐད་ཅེས་གསོལ་ཏོ། །མཐུ་ཆེན་རྫུ་འཕྲུལ་འགྲོ་སྐྱབས་ཐུགས་རྗེ་ཅན། །འཇིག་རྟེན་དབང་ཆེན་མཁའ་འགྲོ་འདི་དག་རྣམས། །སྒྲུབ་ཐབས་གནས་དང་དམ་རྫས་བཀོལ་ཐབས་རྣམས། །འགྲོ་རྣམས་གཉིས་པོ་དོན་ཕྱིར་བདག་གིས་ཞུ། །ཀུན་མཁྱེན་རིག་པའི་རྩལ་ཆེན་ཁྱོད་ཀྱིས་གསུང་། །ཞེ་གསོལ་པས། བཀའ་སྩལ་པ། ལྷའི་དབང་པོ་འདི་ལྟ་སྟེ། གཙོ་མོ་བསྒྲུབ་པའི་རིམ་པ་བསྡུས་པའི་དོན། །གཞན་གསལ་མེད་པས་བདག་གིས་འདིར་བཤད་བྱ། །སྐྱེ་མེད་ཆོས་རྣམས་ནམ་མཁའ་ལྟ་བུ་ལས། །དབང་ཆེན་འབྱུང་བ་ཡུམ་གྱི་ངོ་བོར་བརྩེགས། །ཀེང་རུས་རི་རབ་བྷན་དྷའི་གཞལ་ཡས་ཁང་། །ནང་དུ་ཙཀྲ་རྩིབས་བཞི་རོ་ཡི་སྟེང་། །མན་ངག་རིམ་པས་མཁའ་འགྲོ་ལྔ་རུ་བསྐྱེད། ཁ་དོག་དབྱིབས་ནི་རིགས་དང་མཐུན་པ་ལས། །ཞལ་གཅིག་ཕྱག་གཉིས་སྤྱན་གསུམ་དུར་ཁྲོད་རྒྱན། །དབུས་ཤར་ལྷོ་ཕྱོགས་ཕྱག་གཡས་ཀ་བཱ་ལ། །ནུབ་བྱང་གཉིས་གཡས་ཙིསྟ་ཐོད་པ་བསྣམས། །གཡང་གཞི་སྐྲུལ་ཞགས་དགྲ་སྟུ་ཞགས་པ་ཐོད། །གཡོན་པའི་ཕྱག་ནི་ལྔ་སྟེ་ཐེགས་པར་བསམ། །རྩེ་གཅིག་དབང་པོ་གང་དང་གང་སྤྱོད་ཡུལ། །བསྒོམ་ན་དེ་དང་དེ་ཡི་རང་བཞིན་འགྲོ། །མཉམ་པར་མ་བཞག་རྣལ་འབྱོར་པས་མི་བྱ། །ཆོས་ཅན་མེད་ཕྱིར་ཆོས་ཉིད་ཡོད་མ་ཡིན། །བྲག་ཆའི་སྒྲ་དང་མཚུངས་པའི་ཆོས་འདི་བསྟན། །བསམ་པ་པོ་མེད་བསམ་པའི་ཆོས་ཀྱང་མེད། །སྔགས་དང་ལྷ་མེད་སྤྲོས་མེད་རང་བཞིན་ལས། །འཁྲུལ་རྟོག་སྤྲོས་པའི་རང་བཞིན་ཅི་ཡང་སྣང་། །སྟོན་པའི་ཞལ་ནས་གསུངས་པའི་ལུང་གསུམ་ལས། །གནས་དང་རྒྱུ་རྩིས་དུས་ཚོད་གཙུག་ལག་རྒྱུད། །མཐུ་འཕྲོག་ལས་བཅོལ་དངོས་གྲུབ་མངོན་བཀོལ་རྒྱུད། །སྒྲུབ་རྫས་གསང་ཚིག་ཐུགས་ཀྱི་སྒྲོམ་བུའི་རྒྱུད། །དེ་གསུམ་འདུས་པའི་དོན་ནི་འདི་ལྟ་སྟེ། །རིགས་དང་གྲངས་དང་དོན་ཀྱི་ངོ་བོ་སྟེ། །ལས་ཡུལ་རྒྱུ་སྲང་འདུན་པ་གར་རྒྱུའི་ཕྱོགས། །དམ་རྫས་སྔགས་ལས་དུས་ཚོད་མྱུར་འགྲུབ་ཐབས། །རྫུ་འཕྲུལ་སྒྲིབ་ཤིང་འཁྲུགས་ཉམས་ཆད་ལ་སོགས། །དོན་སྔགས་ལན་ཅིག་ཕྱིར་ནི་རྩིས་རྒྱུད་ཡིན། །ཞེས་བཀའ་སྩལ་པ་དང་། ལྷའི་དབང་པོས་ཡང་འདི་སྐད་ཅེས་གསོལ་ཏོ། །ཀུན་མཁྱེན་དོན་རྣམས་འབྱེད་པ་ཤེས་རབ་བདག །འགྲོ་དྲུག་བདག་ཅག་རྨོངས་པའི་དོན་སླད་དུ། །བསྡུས་དོན་རེ་རེ་ནས་ནི་བཤད་པར་ཞུ། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསྡུས་དོན་རེ་རེ་ལ་ཡང་གཉིས་གཉིས་ཏེ། །བཀའ་དང་རང་བཞིན་གཉིས་སུ་ཤེས་པར་བྱ། །ཡེ་ཤེས་ཆོས་ལས་སྐྱེ་བའི་མཁའ་འགྲོ་མ། །རྡོ་རྗེ་མཁའ་འགྲོ་ཤུགས་ཀྱི་མཁའ་འགྲོ་མ། །ཆགས་པའི་མཁའ་འགྲོ་ལས་ཀྱི་མཁའ་འགྲོ་མ། །རང་བཞིན་རིགས་ལས་ཐ་དད་གཅིག་གནས་པ། །སྤྱིར་ནི་མཁའ་འགྲོ་ཤུགས་འགྲོ་ལས་ཀྱི་འགྲོ། །དེ་གསུམ་དག་ཏུ་ཐམས་ཅད་འདུས་པ་ཡིན། །དེ་ལས་ལས་ཀྱི་མཁའ་འགྲོ་བཞི་ཡོད་དེ། །གྲལ་རྒྱུག་དགོན་པ་གནས་འཁྱར་ཆད་པས་ཕོག །གྲལ་རྒྱུག་བཅུ་དྲུག་དགོན་པ་དུར་ཁྲོད་གནས། །གནས་འཁྱར་ཆད་པས་ཕོག་པ་འདི་འདྲ་སྟེ། །གནས་འཁྱར་འགྲོ་བ་རིགས་དྲུག་ཡོད་པ་ལས། །མི་དང་བྱོལ་སོང་གཉིས་ལ་བརྟག་པ་ནི། །སྐྲ་དང་དཔྲལ་བ་མིག་གཉིས་དང་། །སེན་མོ་ལུས་ཀྱི་དྲི་མ་མོ་མཚན་རྟགས། །རྨེན་སྒྲུབ་འཁྱིལ་པ་ཁ་བྲག་ཆེ། །མགོ་མཇུག་ལོག་དང་ལྕགས་ཀྱུ་བཤུལ་བ་རྣམས། །འདི་དག་མི་ལ་ཡོད་དེ་ནུས་མཐུ་ཆེ། །མཁའ་ལྡིང་འཁོར་བ་བྱ་ཡི་མཁའ་འགྲོ་མ། །སྨྲ་ཉན་ཁ་དོག་སྟོན་པ་ཁྱི་ཡི་མཁའ་འགྲོ་མ། །མཐོང་མང་སྒྲ་སྙན་འབྱིན་པ་སྤྲུལ་པའི་མཁའ་འགྲོ་མ། །བྱིང་རྨུགས་མི་དགའ་འཕྱོ་ཞིང་འགྲོ་སྙིང་འདོད། །འདི་དག་ཉམས་ལེན་བར་ཆོད་མཁའ་འགྲོ་མ། །ཆད་པས་ཕོག་པའི་མཚན་ཉིད་འདི་ལྟ་སྟེ། །སྤྱང་གདོང་མིག་རྩ་དམར་ལ་མཆི་རིས་ཡོད། །སྐད་ཆུང་ཅོ་ལོང་གཞན་རྣམས་སྔངས་པར་ནུས། །དྲེད་འདྲ་ལུས་པོ་ཁམ་ནག་ཡན་ལག་རིང་། །སྤྲེའུ་གཟུགས་ཁ་དམར་ལྕེ་རིང་བྱ་བྱེད་མང་། །སྟག་འདྲ་ངོ་དམར་ཤ་ཁྲག་དམར་ལ་དགའ། །གཟུགས་ཆུང་ཕ་ཝང་མཚན་ངན་མིག་རྩ་དམར། །སེན་མོ་ཁུ་འདྲ་སོར་མོ་རིང་ལ་ཕྲ། །ཆད་སྐོད་རྡུ་དུ་ཡང་ཚུལ་མཐུན་འཇུག་སྤྱོད་པ་བྱེད། །དུས་མ་ཡིན་པས་སྤེལ་ཞིང་བདེ་བ་ཡོད། །ངོ་བོ་ཕྲོག་གིས་བསྡུས་པའི་སེམས་ཅན་རྣམས། །ལུས་བོར་ཤེས་པ་ནམ་མཁར་ལས་ཀྱིས་འགྲོ། །ལས་ནི་ཕྱི་ནང་གཉིས་སུ་ཤེས་པར་བྱ། །བྱི་ལི་ལས་ལ་གཡེལ་བ་བཞི་ཡོད་དེ། །སྲིད་པ་ཆགས་འཇིག་བསྐལ་པ་དང་པོའི་ལས། །ནམ་ཟླ་དུས་བཞི་འབྱུང་བ་བཞི་ཡི་ལས། །དགུན་འཁྱགས་དཔྱིད་འཇུ་དབྱར་སྐྱེ་སྟོན་སྨིན་ནོ། །འབྱུང་བ་ཆེན་པོ་བཞི་ཡི་ལས་རྣམས་ལ། །སྲ་བྱེད་ས་སྟེ་རླན་བྱེད་ཆུ། །ཚ་བྱེད་མེ་ལ་གཡོ་བྱེད་རླུ་་། །ནང་གི་ལས་ལ་དབྱེ་བ་གཉིས་ཡོད་དེ། །སྐྱེ་བར་བྱེད་དང་འཆི་བར་བྱེད། །སྐྱེར་མི་སྟེར་དང་མོད་ལ་སྐྱེ། །མོད་ལ་འཆི་དང་མཆིར་མི་སྟེར། །ས་གཡོས་འགུལ་དང་ས་རྡོལ་ཐོག་སེར་དང་། །སྐར་མདའ་ཀོ་རྡུང་ལ་སོགས་རང་བཞིན་ལས། །ཡུལ་ནི་རྡོ་རྗེ་མཁའ་འགྲོ་ཤ་སར་གནས། ཁུགས་ཀྱི་མཁའ་འགྲོ་ཁྲག་དང་ཆུ་ལ་གནས། །ཆགས་པའི་མཁའ་འགྲོ་དྲོད་དང་མེ་ལ་གནས། །ལས་ཀྱི་མཁའ་འགྲོ་དབུགས་དང་རླུད་ལ་གནས། །ཡུམ ཆེན བརྒྱད ན་འབུམ་སྡེ་རེ་རེ་གནས། །ཕོ་ཉ་ནག་མོ་བྱང་ཤར་མཚམས་ན་གནས། །འཛམ་བུ་གླིང་ན་ཉི་ཁྲི་ཆིག་སྟོང་གནས། །རི་ནག་ཕོག་ཆད་མཚེའུ་བདུན་ན་ཡོད། །བདུད་ཀྱི་རིགས་རྣམས་དེ་ལྟ་བུ་ལ་གནས། །རི་མདོག་དམར་པོ་ཤ་ཤོ་བཞིན་མི་སྡུག །སྲིན་པོའི་རིགས་ཀྱི་མཁའ་འགྲོ་གནས་པའི་ས། །ས་གཞི་ཚ་སྒོར་དམྱལ་བའི་ཆུ་ཁོལ་བ། །ལས་ཀྱི་གཤིན་རྗེ་ལ་སོགས་གནས་པའི་ས། །ཆུ་སྲིན་ཁ་འདྲ་ཤིང་གཅིག་ཆུ་སྣ་འཐབ། །དེར་ནི་གནོད་སྤྱིན་དྲག་པོ་གནས་པའི་ས། ཁེང་རིགས་ཆུ་མིག་མང་པོ་ཡོད་པ་ནི། །ཀླུ་རིགས་མང་པོ་དེ་ལ་གནས་པའི་ས། །རི་རྩེ་ཐང་དམར་ཤིང་རིགས་འགའ་སྐྱེས་པ། །གདུག་པ་ཀླུ་རིགས་གདོལ་པ་གནས་པའི་ས། །དེའུ་མཁར་རྙིང་རྒྱལ་པོ་གནས་པའི་ས རི་བྲག་ས་ནི་མི་འདྲ་མཚན་མ་ཅན། །བཙན་བཙུན་དམུ་བདུད་སྐྱ་རེངས་གནས་པའི་ས། །དབེན་ས་རེའུ་རུལ་དགོན་ཤུལ་དང་། །ས་ཕུག་རི་ཕུག་རྙིང་པ་དང་། །ལམ་མདོ་ཆུ་གླིང་ཚུགས་པ་དང་། །གྲོག་པོ་གཏིང་ཟབ་དུར་ཁྲོད་དག །སྨན་མོ་ནག་མོ་གནས་པའི་སའོ། །རྡོ་རྗེ་མཁའ་འགྲོ་མ་ཡི་རྒྱུ་སྲང་ས། ཁུགས་ཀྱི་མཁའ་འགྲོ་མ་ཡི་རྒྱུ་སྲང་ཆུ། །ཆགས་པའི་མཁའ་འགྲོ་མ་ཡི་རྒྱུ་སྲང་མེ། །ལས་ཀྱི་མཁའ་འགྲོ་མ་ཡི་རྒྱུ་སྲང་རླུད་། །དགུན་ཟླ་གསུམ་ལ་རྡོ་རྗེ་མཁའ་འགྲོ་རྒྱུ། །དཔྱིད་ཟླ་གསུམ་ལ་ཤུགས་ཀྱི་མཁའ་འགྲོ་རྒྱུ། །དབྱར་ཟླ་གསུམ་ལ་ཆགས་པའི་མཁའ་འགྲོ་རྒྱུ། །སྟོན་ཟླ་གསུམ་ལ་ལས་ཀྱི་མཁའ་འགྲོ་རྒྱུ། །རེ་རེ་ལ་ཡང་རྒྱུ་རྩིས་བཞི་བཞི་སྟེ། །གཅིག་ནས་བདུན་དུ་རྡོ་རྗེ་མཁའ་འགྲོ་རྒྱུ། །དགུ་ནས་བཅུ་བཞི་ཤུགས་ཀྱི་མཁའ་འགྲོ་རྒྱུ། །བཅུ་དྲུག་ཉི་ཤུ་གཉིས་སུ་ཆགས་པའི་མཁའ་འགྲོ་རྒྱུ། །ཉེར་གསུམ་དགུ་ལ་ཐུབ་པ་ལས་ཀྱི་མཁའ་འགྲོ་རྒྱུ། །དེ་བཞིན་ཀུན་ལ་སོ་སོར་སྦྱར་བར་བྱ། །སྲོད་དང་སྔ་དྲོ་རྡོ་རྗེ་མཁའ་འགྲོ་རྒྱུ། །དྲོས་ཆེན་དྲོས་ཡོལ་ཤུགས་ཀྱི་མཁའ་འགྲོ་རྒྱུ། །ཉིན་མཚན་ཕྱེད་ཡོལ་ཆགས་པའི་མཁའ་འགྲོ་རྒྱུ། །དགོངས་དང་ཐོ་རངས་ལས་ཀྱི་མཁའ་འགྲོ་རྒྱུ། །ཉ་སྟོང་བརྒྱད་ལ་ཀུན་ཀ་ཁྲུགས་རེ་རྒྱུ། །ཏིང་འཛིན་དྲོད་ཉུལ་ཉི་ཤུ་དགུ་ལ་རྒྱུ། །དེ་ཉིད་རྣལ་འབྱོར་ཡུམ་ནི་མཚན་མོ་རྒྱུ། །ཚོགས་ཀྱི་ཕུད་ཉུལ་ཉིན་མོ་རྒྱུ། །དགོན་པའི་མཁའ་འགྲོ་ཀུན་ཏུ་རྒྱུ། །ནམ་ལངས་ཉི་ནུབ་ཉི་མ་རྒྱུ། །རྩེ་སྲོད་བདུན་སྲོས་ཟླ་བ་རྒྱུ། །སྔོ་དྲོ་སྲོད་ལ་དམག་དཔོན་རྒྱུ། །ཉིང་དགུང་ནམ་དགུང་ལྷག་པ་རྒྱུ། །གུང་གཉིས་ཡོལ་བ་ཕུར་བུ་རྒྱུ། །སྣུར་དང་ནམ་ཆུང་པ་སངས་རྒྱུ། །ནུབ་ཀ་ཐོ་རངས་སྤེན་པ་རྒྱུ། ཁྱབ་འཇུག་རྒྱུ་བ་འདི་ལྟ་སྟེ། །ལོ་འཇུག་ཟླ་འཇུག་ཡང་འཇུག་ཟུང་འཇུག་བཞི། །གླང་ལུག་འབྲུག་ཁྱི་བཞི་ཡི་དབྱར་དགུན་འབྲིང་། །བཅོ་བརྒྱད་ཉི་ཤུ་དགུ་ལ་ནམ་ཕྱེད་རྒྱུ། །བྱི་ཕག་གཉིས་ཀྱི་དཔྱིད་དབྱར་འབྲིང་པོ་ལ། །བཅུ་བཞི་ཉི་ཤུ་དྲུག་གི་ཉི་རྩེ་ལ། །རྟ་སྦྲུལ་གཉིས་ཀྱི་སྟོན་དཔྱིད་ར་བ་ཡི། །ཡར་ངོ་བཅུ་གསུམ་ཉི་མ་སྨྱུར་ན་རྒྱུ། །བྱ་སྤྲེལ་གཉིས་ཀྱི་དགུན་དཔྱིད་ར་བ་ལ། །མར་ངོ་ཉི་ཤུ་དགུ་ཡི་ཉིན་ཕྱེད་ན། །སྟག་ཡོས་གཉིས་ཀྱི་དབྱར་དགུན་ཐ་ཆུང་ལ། །མར་ངོ་བཅོ་བརྒྱད་ཉི་མ་ཕྱེད་ན་རྒྱུ། །བཅུ་གཉིས་རེ་རེའི་ངོས་ལ་བརྒྱད་རྒྱུ་སྟེ། །བཞི་བརྒྱད་བཅུ་གཅིག་བཅོ་ལྔ་བཅོ་བརྒྱད་དང་། །ཉི་ཤུ་གཉིས་ཏེ་ལྔ་དང་དགུ་རྣམས་ཀྱི། །སྲོད་དང་ཉི་དྲོས་ནམ་འཇིང་ཉིན་ཕྱེད་དང་། །ནམ་ཕྱེད་ཉིན་ཕྱེད་ཐོ་རངས་ཉི་མ་མྱུར། །རིམ་གྱི་ནུབ་ནས་ཤར་རྒྱུ་ལྷོ་ནས་བྱང་། །སྐོར་ཐབས་དེ་བཞིན་ཕྱོགས་མཚམས་ཁྱབ་པར་རྒྱུ། །དཔྱིད་ར་དབྱར་འབྲིང་སྟོན་ཟླ་ཐ་ཆུང་གི །ཚེས་གཅིག་བཅོ་བརྒྱད་བཅུ་བདུན་གསུམ་ལ་རྒྱུ། །དབྱར་ར་སྟོན་འབྲིང་དགུན་ཟླ་ཐ་ཆུང་གི །ཚེས་ལྔ་བཅུ་བདུན་ཉི་ཤུ་གསུམ་ལ་རྒྱུ། །དགོངས་དང་ཐོ་རངས་བྱ་ཟེར་ཙམ་ན་རྒྱུ། །ནམ་གུང་ཉིན་གུང་གཉིས་ཀྱི་ཡོལ་ནས་རྒྱུ། །ནམ་གྱི་སྲོད་དང་ཉི་མ་དྲོས་ནས་རྒྱུ། །ཉི་མ་རྩེ་ཤར་མུན་ཕྲོས་ཙམ་ནས་རྒྱུ། །གྲིབ་ཆུང་སྲོད་ཀྱི་བར་དུ་ཐམས་ཅད་རྒྱུ། །སྐྱ་རེངས་ཤར་ནས་ཐུན་གྱི་ཀླུ་རིགས་རྒྱུ། །ལས་ཀྱི་མཁའ་འགྲོ་ནམ་ལངས་ཡོས་བུ་རྒྱུ། །རྩེ་ཤར་འབྲུག་རྒྱུ་ཤ་ར་ད་སབ་སྦྲུལ། །དྲོས་ན་རྟ་རྒྱུ་ཕྱེད་ན་ལུག །མྱུར་ན་སྤྲེའུ་དགོང་མོ་བྱ། །སྲོད་ལ་ཁྱི་རྒྱུ་འཇིང་ལ་ཕག །གུང་ལ་བྱི་བ་ནམ་ཆུང་གླང་། །ཐོ་རངས་གཤེདཔོསྟགགི་དུས། །མཁའ་འགྲོ་རྣམས་ཀྱི་འདུན་ས་ནི། །དུར་ཁྲོད་བརྒྱད་དང་སྟོན་པའི་ཞབས་ཀྱིས་བཅགས། །བྱ་རྒོད་རི་དང་གྲུབ་པ་ཐོབ་པའི་ས། །དུར་ཁྲོད་ལ་སོགས་མཁའ་འགྲོ་འདུན་ས་ནི། །དབྱར་གསུམ་གངས་དཀར་རྩེ་ལ་འདུ། །སྟོན་གསུམ་སྤང་སྣར་གོང་དུ་འདུ། །དགུན་གསུམ་དགོན་དམར་ཐང་ལ་འདུ། །དཔྱིད་གསུམ་ཆུ་ཆུ་བོའི་གཞུང་ཡང་འདུས་སླེ་ལ་འདུ། །ཐ་ཆུང་བཞི་ལ་འདུན་ཐག་གཅོད། །དབྱར་ཟླ་ཐ་ཆུང་སྟངས་ཁ་ཀླུ་ཡིས་གཅོད། །སྟོན་ཟླ་ཐ་ཆུང་སྟངས་ཁ་ས་བདག་གཅོད། །དགུན་ཟླ་ཐ་ཆུང་སྟངས་ཁ་མ་མོས་གཅོད། །སྟོན་ཟླ་ཐ་ཆུང་སྟངས་ཁ་བཙན་ལ་འདོར། །མཁའ་འགྲོའི་རིགས་ཀྱི་རྒྱུ་ཕྱོགས་ནི། །རྡོ་རྗེ་མཁའ་འགྲོ་ཤར་ནས་ནུབ་ཏུ་རྒྱུ། ཁུགས་ཀྱི་མཁའ་འགྲོ་ལྷོ་ནས་བྱང་དུ་རྒྱུ། །ཆགས་པའི་མཁའ་འགྲོ་ནུབ་ནས་ཤར་དུ་རྒྱུ། །ལས་ཀྱི་མཁའ་འགྲོ་བྱང་ནས་ལྷོ་རུ་རྒྱུ། །མཁའ་འགྲོ་མགོ་བརྙན་བཅུ་གཉིས་རྒྱུ་ཕྱོགས་ནི། །དགུན་ར་ཕག་གི་མགོ་ཅན་ལྷོ་རུ་རྒྱུ། །འབྲིང་པོ་བྱི་བའི་མགོ་ཅན་ནུབ་ཏུ་རྒྱུ། །ཐ་ཆུང་གླང་གི་མགོ་ཅན་བྱང་དུ་རྒྱུ། །དཔྱིད་ར་སྟག་གི་མགོ་ཅན་ཤར་དུ་རྒྱུ། །འབྲིང་པོ་ཡོས་བུའི་མགོ་ཅན་ལྷོ་རུ་རྒྱུ། །ཐ་ཆུང་འབྲུག་གི་མགོ་ཅན་ནུབ་ཏུ་རྒྱུ། །དབྱར་ར་སྦྲུལ་གྱི་མགོ་ཅན་བྱང་དུ་རྒྱུ། །འབྲིང་པོ་རྟ་ཡི་མགོ་ཅན་ཤར་དུ་རྒྱུ། །ཐ་ཆུང་ལུག་གི་མགོ་ཅན་ལྷོ་རུ་རྒྱུ། །སྟོན་ར་སྤྲེའུའི་མགོ་ཅན་ནུབ་ཏུ་རྒྱུ། །འབྲིང་པོ་བྱ་ཡི་མགོ་ཅན་གོང་བཞིན་རྒྱུ། །ཐ་ཆུང་ཁྱི་ཡི་མགོ་ཅན་ཤར་དུ་རྒྱུ། །བཙན་བཙུན་དམུ་བདུད་གངས་གསུམ་རྩིབས་ལ་རྒྱུ། །མ་ཡམས་སྨན་གསུམ་ཐ་ཆུང་རྩིབས་ལ་རྒྱུ། །ས་བདག་ཀླུ་སྲིན་ས་ཡི་སྐྲུག་ལ་རྒྱུ། །ཐམས་ཅད་དུས་གཅིག་རྒྱུ་བ་འདི་ལྟ་སྟེ། །བྱི་རྟ་དཔྱིད་འབྲིང་པོའི་བཅོ་ལྔ་ལས། །གླང་ལུག་དཔྱིད་སྟོན་ཐ་ཆུང་ཉི་ཤུ་གཉིས། །སྟག་སྤྲེལ་དབྱར་དགུན་ར་བའི་ཚེས་བརྒྱད་ལ། །བྱ་ཡོས་དབྱར་དགུན་འབྲིང་པོའི་བཅོ་ལྔ་ལ། ཁྱི་འབྲུག་དབྱར་དགུན་ཐ་ཡི་ཉི་ཤུ་གཉིས། །ཕག་སྦྲུལ་སྟོན་དཔྱིད་ར་བའི་ ཚེས་བརྒྱད་ལ། །དུས་བཞི་ཟླ་བ་རབ་འབྲིང་ཐ་ཆུང་ལ། །ར་བའི་ཚེས་དྲུག་འབྲིང་པོའི་ཉ། །ཐ་ཆུང་བཞི་ཡི་ཉི་ཤུ་དྲུག །བར་སྣང་རི་རྩེ་ས་ཡི་མཚམས། །རིས་མེད་ཐམས་ཅད་རྒྱུ་བ་ཡིན། །རྫས་ནི་བསྒྲུབ་རྫས་བསྐྲད་རྫས་ཏེ། །ཨ་མྲི་ཏ་སྟེ་ཤ་ལྔ་ཆེན་པོ་ལྔ། །བདུག་སྤོས་རིན་ཆེན་མེ་ཏོག་སྣ་ཚོགས་དང་། །འབྲུ་དང་ཤིང་ཐོག་གཅན་ཟན་གདུག་པའི་ཤ །སྒྱུར་དང་འོ་མ་མཁྲིས་པ་ཚ་སྨན་དང་། །གཡུ་རྒོད་གསེར་ཤ་སླུབ་བུ་ཤ་ཡི་རིགས། །བསྐྲད་པ་བཙན་བཙུན་དམུ་བདུད་མ་ཡམས་སྨན། །ས་བདག་ཀླུ་སྲིན་བགེགས་ཆེན་ཕལ་པ་རྣམས། །གསུར་ཆེན་འགར་སྟའི་ཁུ་བས་ཐབས་ཀྱིས་བསྐྲད། །ར་དང་ཀུ་ཀུ་ར་ཡི་ཁུ་བས་བསྐྲད། །མ་གི་རྩི་དང་བསེ་ཡི་ཤིང་གིས་བསྐྲད། །གང་བསྲུང་བ་ལ་སྦྱར་བའི་གུ་གུལ་བྱུགས། །ལས་དང་དུས་སུ་འཛོམ་པ་ནི། །ལས་ཀྱི་དབང་གིས་དུས་སུ་འཛོམ་པ་དང་། །ཐབས་དང་མན་ངག་ཤེས་པས་འཛོམ་པའོ། །མྱུར་དུ་འགྲུབ་པ་འདི་ལྟ་སྟེ། །མན་ངག་ཐབས་ཀྱིས་མྱུར་དུ་འགྲུབ་པ་དང་། །ཏིང་འཛིན་སྔགས་དང་ཕྱག་རྒྱས་འགྲུབ་པའོ། །དུས་ཚོད་རྣམས་ནི་གོང་དུ་བསྟན་པའོ། །རྫུའཕྲུལ་ལ་ཡང་རྣམ་པ་གསུམ་ཡོད་དེ། ། རང་བཞིན་བྱིན་རླབ་ཐབས་ཀྱི་རྫུ་འཕྲུལ་ཏེ། །རང་བཞིན་གཅིག་ལ་སྣ་ཚོགས་སྤྲུལ་པའོ། །བྱིན་རླབས་མེ་འབར་དུད་པ་འཐུལ་བའོ། །ཐབས་ཀྱི་་རྫུ་འཕྲུལ་ཐུན་མོང་དངོས་གྲུབ་རྣམས། །སྒྲིབ་ཤིང་ཉིད་དང་རྫུ་བ་དང་། །རྫུ་བ་ལྷ་ཡི་ང་རྒྱལ་ལོ། །མ་མོའི་སྒྲིབ་ཤིང་དུར་ཁྲོད་རྫས། །ཀྱུང་ཀ་ཁུ་བྱུག་དང་རུ་བདུད་ཀྱི་ཤིང་། །ཝ་ཁྲག་བྱང་ཆུབ་སེམས་ནི་བཙན་རིགས་ཤིང་། ཁུ་སྒྲོམ་མ་གིའི་རྩི་ནི་ཀླུ་ཡི་ཤིང་། །འུག་པ་སྲིན་བྱའི་དང་རུ་ཐེའུ་རང་ཤིང་། །དེ་རྣམས་གཅིག་ཏུ་སྦྱར་ན་མི་ལ་སྒྲིབས། །འཁྲུགས་པའི་རྟགས་ནི་དྲུག་ཡོད་དེ། །ཉི་མ་ཟླ་བ་འཆི་བ་དང་། །དུས་མིན་པ་ཡི་རླུད་བྱུང་དང་། །སྒྲ་དང་འོད་དང་ས་འགུལ་དྲུག །འདི་རྣམས་མཁའ་འགྲོ་འཁྲུགས་ན་འབྱུང་། །མི་འདོད་འབྲས་བུ་བྱུང་ན་ཉམས་པའི་རྟགས། །བཅོལ་བ་དུས་སུ་མེད་ན་ཆད་པའི་རྟགས། །དེ་བྱུང་འཁྲུགས་ན་ཞིང་གིས་བཅོས། །ཉམས་པ་རྣམས་ནི་ཚོགས་ཀྱིས་བསྐང་། །ཆད་པ་ཐམས་ཅད་མདོས་ཀྱིས་བཟློག །ལས་ཀྱི་མཁའ་འགྲོ་མའི་རྒྱུད་ཆེན་པོ་ལས་སྒྲུབ་པའི་ཐབས་དོན་གྱི་རིམ་པ་སྟེ་གཉིས་པའོ།། །།དེ་ནས་དཔལ་ཆེན་བཀའ་ཡི་བསྡུས་དོན་ནི། །ཡུལ་དང་རྒྱུ་སྲང་རིགས་དང་དུས་ཚོད་སྔགས། །བརྡའ་དང་ལས་ཚོགས་བལྟ་བ་བསྟན་པའོ། །རྣལ་འབྱོར་གཉིས་མེད་དཔལ་དང་མཉམ་པ་ཡི། །ཕྱག་རྒྱ་ཆེན་པོ་བསྒོམ་པ་ཡུལ་ཞེས་བྱའོ། །བྱང་ཆུབ་སེམས་ལ་རྡོ་རྗེ་མཁའ་འགྲོ་རྒྱུ། །རྩ་ལ་ཤུགས་ཀྱི་མཁའ་འགྲོ་རྒྱུ། །དྲོད་ལ་ཆགས་པའི་མཁའ་འགྲོ་རྒྱུ། །དབུགས་ལ་ལས་ཀྱི་མཁའ་འགྲོ་རྒྱུ། །རྫས་དང་དཀྱིལ་འཁོར་འདུན་ས་ཡིན། །རིགས་ནི་མཁའ་འགྲོ་ཤུགས་འགྲོ་ལས་ཀྱི་མཁའ་འགྲོ་མ་གསུམ། །དཔལ་ཆེན་བཀའ་ཡི་དུས་ཚོད་ནི། །གང་ལ་མོས་པའི་རྒྱུ་དུས་གང་དུ་བསྟན། །དཔལ་ཆེན་བཀའ་ཡི་སྔགས་ནི་འདི་ལྟ་སྟེ། །ཨོ་ཤི་བཛྲ་ཤི་ཧེ་རུ་ཀ་ཧུ༷་ཕཊ། སརྦ་མ་ཧྭ་ཌའསྐི་ནི། ཛ་ལ་ས་མ་བ་ར་ཧུ༷། ཡོ་གི་ནི། མ་ཧྭ་ཀྲོ་དྷ་ཀྲོ་དྷི་སནྟྲ་དུསྐོན། ཛ་ཡ་ནི་བྱ་ཨ་མྱུ་ཀ་ཕྱེ། སརྦུ་བཱ་པམ་ཀརྨ་ཨུ་བ་ར་ཎའ་ནཱན་ཤིརྙ༷་ཀུ་སྲ ཀྭ་ཡ་ཙིསྟན་ཏ་བྱི་པ་ཙ་ལེ་བ་པ་ཙ་ལེ་བ པེ་ལེ་བ་པེ་ལེ་བ། ཨུ་ཀར་ཤ་ཡ་ཨུ་ཀར་ཤ་ཡ། དུཛི་བིསྣན། སརྦུ་གྲ་ཧ་བིསྣན། སརྦ་ཛྲ་རྭ་ནན། བྱ་དྷི་པི་ཤ་དུར་ནི་མིརྟི་སརྦ་ཨ་མ༷་ག་ལྭ་ནཱན། ཨ་ར་མ་རགི་གསྣྲོ་ལྒ གསྣྲོ་པི་རྭ་ཡན་ཏི། སརྦ་གྲ་ཧ་སྤྱི་ག ཙིསྟ་རཀྟ་ཨུ་ཀར་ཤ་ཡ་ཨུ་ཀར་ཤ་ཡ། དྭ་ར་ཡ་དྭ་ར་ཡ། ཨུ་གད་ཏ་ཡ་ཨུ་གད་ཏ་ཡ། བརྙ་བརྙ། བཛྲ་སྲོ་ཁ་ལེ་ན་བ་ན་བད་ཡ། མོ་ཧ་ཡ་མོ་ཧ་ཡ། ཀུ་རུ་པ་ཤང་ཀུ་སྲ བཛྲ་མུད་ཀ་རེ་ཎ་དན་ཏེ། ནཱདྷ་ཡ་ནཱདྷ་ཡ། ཧ་ན་ཧ་ན་སྒྱི་རྩི།རསྤྲ་ ཧ་རེ། དྷ་ར་དྷ་ར། ཁྭ་ད་ཁུ་ད། ཕ་དྷ་ཡ་ཕ་དྷ་ཡ། སྣྲོ་ད་ཡ་སྣྲོ་ད་ཡ། ད་ཧ་ན་མུ་ར་ཡམྱརཡ། སྣྲིནྟྲཡསྦྱིནྟྲཡ། སྙིམི༷ཀུརུ་པ་ར་བིད་དྷན་ཚེ་དྷ་ཡ་མྱན་ཏ་ཀྲིཏུ་ནི་ཀ་ཁོ་ར་ནི་ན། པྲ་ཡོ་ག་ད་ཤ་པ་ལྭ་ནཱན། བ་ལ་མེ་ལ་ཀ་སརྦ་བི་སྤྲོ་ཊ་ཡ། སརྦུ་དེ་ཙ་ནན་བྱ་པ་ཏ་ཡ། ཨུ་སྣྲོ་ཊ་ཏ་ཡ། བཛྲ་ཧེ་ཧེ་རུ་རུ་ཀ་སརྦུ་ཌའསྐི་ཡོ་གི། ཨ་མུ་ཀ་པྱ། པུརྨྱི་པྱ། ཙྭ་ན་པྱ། ཤི་བཱ་ན་ཏེ་ཛ་པྱ། ཨུ་ཡུ་ཁེ་བ་ལ་པྱ། སརྦ་སམ་སྟོ་ག་བྲེརྨྱི་ཀུ་སྲ ཡོ་གི་མ་ཧྭ་སྭ་དྷ་ཀ་རཀྟ་རཀྟ་གྲྭ་ཧྭ། བརྡའ་ནི་ལུས་ངག་ཡིད་དེ་དཀྲུག་པའོ། །ལས་ཀྱི་ཚོགས་ནི་གཉིས་འབྱུང་སྟེ། །བུད་མེད་གསད་དང་དུས་ལས་ཟློག་པར་བྱེད། །དབང་དང་དགུག་པ་བསད་པ་བསྐྲད། །ཚེ་སྲུང་བ་དང་བགེགས་བཟློག་པའོ། །རྣལ་འབྱོར་ལྷ་དང་གཉིས་མེད་པས། །གནས་དང་འདུན་སར་བསྙེན་པ་ལ་སོགས་བྱ། །དྲོད་ཚད་ཡོད་པས་རྒྱུ་སྲང་ས་རུ་གསད། །རྡོ་རྗེ་མཁའ་འགྲོ་རྒྱུ་ན་དབང་དུ་བྱ། །ལས་ཀྱི་མཁའ་འགྲོ་རྒྱུ་ན་དགུག་པར་བྱ། །ཆགས་པའི་མཁའ་འགྲོ་རྒྱུ་ན་གསད་པར་བྱ། ཁུགས་ཀྱི་མཁའ་འགྲོ་རྒྱུ་ན་བསྐྲད་པར་བྱ། །དེ་བཞིན་དུས་རྣམས་གང་ལ་བབ་པའི་ཚེ། །རང་རང་སྔགས་ཀྱིས་མཇུག་ལ་གདགས་པ་ནི། །དབང་ལ། བ་ཤ༷་ཀུ་རུ་ཕྲོད་ཁ་ལེ་ན་བརྙ་ཡ། དགུག་པ་ལ། །ཨུ་ཀར་ཤ་ཡ། ཨུ་ཀར་ཤ་ཡ། དྷ་ར་དྷ་ར། བསད་པ་ལ། བཱ་ར་ཡ་བཱ་ར་ཡ། ཁྭ་ད་ཁུ་ད། བསྐྲད་པ་ལ། ཨུ་སྣྲོ་ན་ཡ་ཨ་ཏྲ་མ་ཏི་དི་ཤ་གསྣྲོ་གསྒོ །སྔགས་རྣམས་མགོ་འཇུག་ཨཱོཾ་ཕཊ་གདགས་པར་བྱ། །ཚེ་སྲུང་བགེགས་བཟློག་འདོད་པས་གཏོར་མ་བཏང་། །གང་ལ་སྟེར་བ་དེ་ཡི་སྔགས་མཇུག་ལ། །ཨ་མུ་ཀ་པྱེ་ཀ་ཡ་ཙིསྟ། པུ་རྒྱ་པྱ་ཙྭ་ན་པྱ། ཕྲི་བཱན་ཏེ་ཛ་པྱ། ཨུ་ཡུ་ཁེ་བ་ལ་པྱ། རསྒ་རསྒ།ཀ་རེ་ཎ་ཀརྨ་ཀུ་རུ་ཞེས་བརྗོད་པའོ། །ལྷ་ཡི་དབང་པོ་འདི་ལྟ་སྟེ། རྡོ་རྗེ་སེམས་དཔའ་མཁའ་འགྲོ་ཉིད་འགྱུར་ཏེ། །བུད་མེད་བདེ་བའི་སྟོབས་ཀྱིས་སྡིག་པ་འཇོམས། །ཕྱོགས་བཅུའི་མཁའ་ལ་གཤེགས་པའི་མཁའ་འགྲོ་མ། །མཚན་ཉིད་ནམ་མཁའ་འདྲ་བ་ལས། །སྒྱུ་མ་ལྷ་བུར་འཕྲུལ་བ་མཛད། །ཀུན་རྫོབ་ཙམ་དུ་བསྟན་པ་འདི། །མྱ་ངན་འདས་ལ་མི་གནས་པ། །འཇིག་རྟེན་འཁྲུལ་པ་ཟློག་བར་སྣང་། །སྣང་བ་དེ་ལ་རང་བཞིན་མེད། །སེམས་ཀྱི་རང་བཞིན་དངོས་མ་གྲུབ། །དངོས་པོའི་རོ་ནི་ཀུན་དང་བྲལ། །བློ་དང་ལྡན་པས་མཁའ་ལྷར་བསྒོམ། །སྨིག་སྒྱུ་རྨི་ལམ་ལྟ་བུར་ནི། །མཁས་པས་རང་རིག་རྩལ་གྱིས་ནི། །སྦྱོར་བའི་མཐའ་དྲུག་བསམ་གཏན་བྱའོ། །དང་པོ་གླེང་གཞིའི་གནས་རྒྱུ་དང་། །ཕྱག་རྒྱ་སྔགས་དང་བསམ་གཏན་དང་། །དེ་བཞིན་ལ་སོགས་ཆོ་གའི་ཐབས། །དེ་བཞིན་འདོད་པའི་བསྟན་བྱ་རྣམས། །ལྷ་ཁྱོད་ལ་ནི་ངས་བསྟན་ཏོ། །གང་འདི་འཆང་ངམ་འཛིན་པ་ལ། །འཇིག་རྟེན་པས་ཀྱང་ཉེ་བྱེད་དེ། །མཁའ་འགྲོའི་ཚོགས་ཀྱིས་སྲུང་བར་བྱེད། །ཅེས་བཀའ་སྩལ་ཏོ། །དེ་ནས་ལྷའི་དབང་པོ་བརྒྱ་བྱིན་གྱི་སྟན་ལས་ལངས་ཏེ། ལྷ་མ་སྲིན་སྡེ་བརྒྱད་དང་མཁའ་འགྲོ་མའི་ཚོགས་ཐམས་ཅད་རབ་ཏུ་འགུ་སྟེ། ཐམས་ཅད་ཀྱིས་མཆོད་པ་ཆེན་པོས་མཆོད་དེ། དཔལ་ཕྱག་ན་རྡོ་རྗེ་ལ་འདི་སྐད་དུ་བསྟོད་དོ། །ཨེ་མ་ཧོ། །མཐུ་ཆེན་ཀུན་ལས་ཁྱད་དུ་སྔ་་ཨུར་སྒྱུ།ད་འབུམ་རིན་ཇོ།་ཆེ་སྦྱུ།གས་བསྒྲིགས་ལས་མིའི་མ་གི་ལྷུགྱོ།སྤྱི་ཁྱབ་བསྡུ་སྒྲིག་འགན་ཁུར་བ་གཙོ་བོ་གཟན་དཀར་ཐུབ་བསྟན་ཉི་མ་དང་། མཁན་པོ་འགྲོ་འདུལ་རྡོ་རྗེ། བསྡུསྒྲིག་འགན་ཁུར་བ་གཤོན་པ་དང་། གཙོ་སྒྲིག་པ། ཀརྨ་བདེ་ལེགས།གཙོ་སྒྲིག་གནན་པ། ཐུབ་བསྟན་ཉི་མ། བསྟན་འཛིན་བློ་གྲོས། ཟླ་བ་བསྟན་འཛིན། ཐུབ་བསྟན་འོད་ཟེར། དཔྱིད་ས་དཔལ་བཟང་། བློ་བཟང་ཆོ་འཕེལ། དཀོན་མཆོག་བསམ་གཏན། ཕུར་པ་ཕྲིན་ལས། ཞུ་དག་པ། པདྨ་རྡོ་རྗེ། འངམ་དབྱངས། ཚེ་རྡོར། རིག་འཛིན་མགོན་པོ། འངམ་དབྱངས་ཕྱག་རྡོར་སོགས་བླ་རུང་ནང་བསྟན་སློབ་གླིང་གི་མཁན་པོ་དང་གྲྭ་བཙུན་རྣམས་དང་།བསྟན་འཛིན་རབ་རྒྱས། གྲག་པ་མཐར་ཕྱིན། རྡོ་རྗེ་ཚེ་དབང་། འངམ་དབྱང་ཚེ་འཕེལ་སོགས་དཔལ་ཡུལ་བཤད་གྲྭའི་སློབ་དཔོན་དང་སྐྱོར་དཔོན་གྲྭ་བཙུན་རྣམས།་ གློག་ཀླད་ལག་རྩལ་པ། སྐལ་བཟང་ལྷ་མོ། ཞེ་སྐྱིད། བྱམ་པ་ཆོ་སྒྲོན། པད་དབྱངས། ཡེ་ཤེས། ཆོ་འཛོམ། བསྟན་འཛིན། བསོད་ནམས་ཚེ་སྒྲོན་སོགས།