Ngb-pt-0358-vol-04-text
Front
Body
དཔལ་གྱི་སེང་གེ་ལ་དེ་སྐད་ཅེས་བཀའ་སྩལ་ཞིང་གདམས་སོ།། །།རྒྱ་གར་སྐད་དུ། ཨུབྱ་རེ་མ་ཏི་མ་ཧྭ་ཨ་ནན་ཏནྟྲ། བོད་སྐད་དུ། འཕགས་མ་ཧེ་སྡུད་འབར་བའི་རྒྱུད་ཅེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་སོགས་པ། དེ་བཞིན་གཤེགས་པ་སྲས་དང་འཁོར་དུ་བཅས་པ་རྣམས་ཤེས་རབ་མའི་དབྱིངས་བྷ་ག་རྣམ་པར་དག་པའི་མཁའ་ལ་བཞུགས་སོ། །གཞན་ཡང་རྣལ་འབྱོར་དང་རྣལ་འབྱོར་མའི་ཚོགས་རབ་ཏུ་མང་པོ་དང་། རྣམ་པར་རོལ་ཅིང་བཞུགས་པ་འདི་ལྟ་སྟེ། རྣལ་འབྱོར་མ་ཧེ་སྡུད་ཆེན་མོ་དང་། རྣལ་འབྱོར་མ་དྲི་ཟའི་རྗེ་མོ་དང་། རྣལ་འབྱོར་མ་གཤིན་རྗེའི་རྗེ་མོ་དང་། རྣལ་འབྱོར་མ་ཀླུའི་རྗེ་མོ་དང་། རྣལ་འབྱོར་མ་གནོད་སྦྱིན་གྱི་རྗེ་མོ་དང་། རྣལ་འབྱོར་མ་དྲང་སྲོང་གི་རྗེ་མོ་དང་། རྣལ་འབྱོར་མ་སྲིན་མོའི་རྗེ་མོ་དང་། རླུད་ལྷའི་རྗེ་མོ་དང་། དབང་ལྡན་གྱི་རྗེ་མོ་དང་། ཉི་ཟླའི་རྗེ་མོ་དང་། ས་བདག་གི་རྗེ་མོ་དང་། ཐམས་ཅད་ཀྱི་རྗེ་མོ་དང་། རྣལ་འབྱོར་མ་དུར་ཁྲོད་ཀྱི་བདག་མོ་ལ་སོགས་པ་དང་ཐབས་ཅིག་གོ །གཞན་ཡང་རྣལ་འབྱོར་མའི་བདག་མེད་དཔལ་ནག་མོ་ཆེན་པོ་ལ་སོགས་པ་རྣལ་འབྱོར་མའི་ཚོགས་དུ་མ་དང་ཡང་ཐབས་ཅིག་ཏུ་བཞུགས་ཏེ། དེ་དག་འཁོར་གཡོག་སོ་སོ་སྡེ་ཚན་མང་པོས་གཅིག་ཏུ་བསྐོར་ཏེ། རྔམ་པར་རོལ་ཅིང་ཡོངས་སུ་བསྟིམ་ནས་བཞུགས་སོ། །དེའི་ཚེ་དེའི་དུས་ན་དཔལ་རྡོ་རྗེ་འཛིན་པ་ཆེན་པོས་ནག་པོའི་གདོང་གི་དཀྱིལ་འཁོར་ལ་རྣམ་པར་གཟིགས་སོ། །དེ་ནས་སངས་རྒྱས་ཀྱི་མཐུས་དཔལ་ནག་པོ་ཆེན་པོ་རང་གི་སྟན་ལས་ལངས་ནས། བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོ་ལ་གཡས་ཕྱོགས་ནས་ལན་བརྒྱ་སྟོང་དུ་མར་བསྐོར་བ་བྱས་ནས། དམ་པའི་ཆོས་ཞུ་བའི་ཆོ་ག་བྱས་ནས་བཅོམ་ལྡན་འདས་་ཀྱི་སྤྱན་སྔར་འདུག་སྟེ། འདི་སྐད་ཅེས་གསུངས་ཏོ། །བཅོམ་ལྡན་འདས་མ་འོངས་པའི་དུས་ནཧེསྡུདཆེནམོའིམཐུས། ཀུན་ཏུ་ཁྱབ་པ་ཞེས་བྱ་བའི་དུས་མཆིས་ཏེ། དེའི་ཚེ་སངས་རྒྱས་དང་བྱང་ཆུབ་སེམས་དཔའ་གཞན་ཞིག་གིས་ནི་འདུལ་བ་ཉུང་། འཕགས་པ་ཧེ་སྡུད་ཆེན་མོའི་རྣམ་པར་སྤྲུལ་ནས་འདུལ་བ་ནི་ཤིན་ཏུ་ཡང་མང་བར་མཆིས་ཏེ། དེའི་དུས་ན་སེམས་ཅན་དག་ཧེ་སྡུད་ཆེན་མོ་ལ་ལ་ལ་ནི་བལྟ། ལ་ལས་ནི་མཐོང་། ལ་ལས་ནི་མི་མཐོང་། ལ་ལས་ནི་དག་པར་མཐོང་། ལ་ལས་ནི་མ་དག་པར་མཐོང་། ལ་ལས་ནི་མཆོད། ལ་ལས་ནི་ཚུལ་དང་མ་ཡིན་པར་མཆོད། ཐམས་ཅད་ཚུལ་དང་མཐུན་པ་མ་ཡིན་པའི་ལས་ཀྱིས། ཧེ་སྡུད་ཀྱི་འཁོར་གཏུམ་པ་རྣམས་ཤིན་ཏུ་མི་དགའ་ཞིང་ཁྲོས་ཚེ་འཇིག་རྟེན་དུ་ཡང་དུས་མ་ཡིན་པའི་བར་ཆོད་མང་དུ་བཏང་བས་སེམས་ཅན་རྣམས་ཉམས་དམན་པར་འཆི་བའི་དུས་མཆིས་པས། དེ་དག་ལ་ཕན་གདགས་པའི་སླད་དུ།དེ་བཞིན་གཤེགས་པ་ཐམས་ཅད་མཁྱེན་པས། ཧེ་སྡུད་ཆེན་མོ་འཁོར་དང་བཅས་པ་དགའ་བར་གྱུར་ན་གྲུབ་པ་ཆེན་པོ་ལགས་པས། ཧེ་སྡུད་ཆེན་མོ་འཁོར་དང་བཅས་པ་དགའ་བར་བགྱི་བའི་དོན་བསྟན་དུ་གསོལ།ཞེས་གསོལ་བ་བཏབ་བོ། །དེ་ནས་དཔལ་རྡོ་རྗེ་འཛིན་པ་ཆེན་པོས་འདི་སྐད་ཅེས་གསུངས་སོ། །ནག་པོ་ཆེན་པོ་དེ་དེ་བཞིན་ནོ། །དེ་དེ་བཞིན་ཏེ། མ་འོངས་པའི་དུས་ན་ཧེ་སྡུད་ཆེན་མོ་དགའ་བ་མ་ཡིན་པ་ལས།སེམས་ཅན་རྣམས་བྱང་ཆུབ་ཀྱི་དམིགས་པའི་ལམ་དང་བྲལ་བར། མུན་སྤྲུལ་དང་བསླུ་བའི་ལས་ལ་འགྲན་དོར་གྱིས་སྟོན་པར་འགྱུར་ཏེ། དེའི་རྐྱེན་གྱིས་ཧེ་སྡུད་ཀྱི་འཁོར་རབ་ཏུ་མི་བསྒྲུངས་པ་རྣམས་ཆེར་འཁྲུག་པར་རྔམ་པར་གྱུར། དྲག་པོའི་མཐུ་ཆེ་བར་གྱུར། ཐོགས་པ་མེད་པའི་རྫུ་འཕྲུལ་གྱིས་འཇིག་རྟེན་དུ་དུས་མ་ཡིན་པའི་གནོད་པ་དུས་མ་ཡིན་པའི་རྐྱེན་གྱིས་འགྲོ་བ་ཉམ་ཐག་པར་འགྱུར་བས། སེམས་ཅན་ལ་སྙིང་བརྩེ་བའི་དོན་གྱིས་ཁྱོད་དེ་ལྟ་བུ་ཞུས་པ་ལེགས་སོ་ལེགས་སོ། །དེའི་ཕྱིར་ངས་ཁྱོད་ལ་ལེགས་པར་བསྟན་ཉོན་ལ་ཡིད་ལ་ཟུང་ཞིག་ཅེས་གསུངས་སོ། །འཕགས་པ་ཧེ་སྡུད་ཆེན་མོ་དགའ་བར་བྱེད་པའི་རྒྱུད་ལས་གླེང་གཞིའི་ལེའུ་སྟེ་དང་པོའི།། །།དེ་ནས་བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོས་ཧེ་སྡུད་ཆེན་མོ་དགའ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །ཆོས་རྣམས་ཀུན་གྱི་རང་བཞིན་ནི། །ཅི་ཡང་མེད་པའི་ཐིག་ལེ་ལས། །འགྲོ་བ་མཐའ་དག་རྟོག་པ་ཡིས། །བརྟགས་པའི་ཆོས་ནི་ཅིར་ཡང་སྣང་། །བདེ་བར་གཤེགས་པའི་ཆོས་རྣམས་ནི། །བྱིས་པ་རྣམས་ཀྱི་སྤྱོད་ཡུལ་མིན། །སོ་སོ་རང་རིག་ཏིང་འཛིན་གྱིས། །རྣམ་དག་ཆོས་སྐུ་ཐོབ་པའི་ཚེ། །འཁྲུལ་པ་ཞེས་པ་ཇི་བཞིན་དུ། །བྱང་ཆུབ་སེམས་དཔའི་ཆོ་འཕྲུལ་ནི། །ཆུ་ཀླུང་ནམ་མཁའ་སོགས་དང་མཚུངས། །འགྲོ་བ་རྣམས་ཀྱི་མཚན་ཉིད་ནི། །མོ་གཤམ་བུ་བཞིན་ཀུན་ཏུ་བརྟགས། །ཐ་མ་ཐ་མའི་དུས་རྣམས་ལ། །ཐ་མ་ཐ་མའི་སེམས་ཅན་རྣམས། །ཐ་མ་ཐ་མའི་སྤྱོད་ལམ་གྱིས། །ཐ་མ་ཐ་མའི་འབྲས་བུར་བཤད། །སྲིད་པ་དགག་པའི་ཚད་མ་ཡང་། །ཧེ་རུ་ཀ་ཡིས་མི་སྤྱོད་དེ། །ཨུ་དུམ་བ་རའི་མེ་ཏོག་བཞིན། །ལོ་དང་ཟླ་བ་ཞག་དང་དུས། །མི་ཤེས་ལས་རྣམས་རྩོམ་པ་ནི། །ཧེ་སྡུད་མ་འོངས་དུས་རྣམས་སུ། །མིག་གིས་ཐོང་བའི་སྤྱོད་ལམ་དང་། །དེ་བཞིན་ཤེས་རབ་དབང་པོས་ཀྱང་། །གསལ་ཞིང་མཐོང་བའི་མན་ངག་བྲལ། །བརྟགས་པའི་སྒོ་གསུམ་མཛེས་པས་ཀྱང་། །ཇི་བཞིན་མྱང་བའི་སྟོབས་མེད་པར། །ཐོ་འཚམས་ལ་ནི་སྟོན་པ་དང་། །ཕྱོགས་གཅིག་པ་ལ་མོས་པ་ཡིས། །ཧེ་སྡུད་དགའ་བ་མ་ཡིན་པས། །འཁོར་རྣམས་ཀྱིས་ཀྱང་གནོད་པ་སྟོན། །ལོ་ཏོག་རྣམས་ལ་དུས་མེད་པར། །བཅུད་དང་ཁ་དོག་བསད་པ་ལྟར། །ཐམས་ཅད་ཉམས་པར་གྱུར་པ་སྟེ། །དེ་དག་དུས་ལ་ཁུངས་འབྱིན་ནོ། །དཔེར་ན་ཁ་ཟས་རོ་མཆོག་ནི། །དུ་མའི་ནང་དུ་བབ་ཟད་དག །ཆུང་ཡང་ཐམས་ཅད་ཕུང་བ་ལྟར། །སྦྱོར་བ་ཉམས་པ་གཅིག་གིས་ཀྱང་། །དངོས་པོ་མང་པོ་རླག་པར་འགྱུར། །ལས་མཐུན་མང་པོས་དཔག་ཏུ་མེད། །མཚན་རྣམས་རྫོགས་པའི་ཏིང་འཛིན་ནི། །གང་གིས་མཚན་གྱིས་བསྡུས་པའི་ལས། །དེ་དག་རྣམ་པ་འདིར་བཤད་བྱ། །ལྷ་མོ་ཞེས་བྱའི་མཚན་ཉིད་ནི། །དུས་གསུམ་ཀུན་ཏུ་ཞི་བའི་མཚན། །དཔལ་ཆེན་མོ་ཞེས་བྱ་བ་ནི། །དུས་གསུམ་ཀུན་ཏུ་རྒྱལ་བའིམཚན། །ཆེནམོརགྲགསཔའི་མཚན་གྲགས་པ། །ཡོན་ཏན་སྤྲུལ་པ་གསང་བའི་མིང་། །བྱིན་བརླབ་དབང་བསྐུར་སྨོན་ལམ་མོ། །དགའ་བར་བྱེད་པའི་སྦྱོར་བས་ནི། །གང་གི་ཕུན་སུམ་ཚོགས་པ་རྣམས། །བུམ་པ་ནང་གི་ལག་པ་དང་། །དཔག་བསམ་ཤིང་ལ་ཕྲེང་བའམ། །ལག་ན་རིན་ཆེན་ལྟ་བུ་སྟེ། །ཉི་མ་སྤྲིན་ལས་བྱུང་བ་བཞིན། །གང་གིས་ཧེ་སྡུད་དགའ་མི་བྱེད། །ཅུད་ཟད་ཡོན་ཏན་སྲིད་པ་ཡང་། །དུས་ཀྱི་སེམས་ཅན་ཇི་བཞིན་དུ། །སྲོག་དང་འབྱོར་བ་དེ་བཞིན་ནོ། །འཕགས་མ་ཧེ་སྡུད་དགའ་བར་བྱེད་པའི་རྒྱུད་ལས་དགའ་བར་བྱེད་པའི་ཚུལ་ཕུན་སུམ་ཚོགས་པ་ཞེས་བྱ་བའི་ལེའུ་སྟེ་གཉིས་པའོ།། །།དམར་ནག་ས་དང་དུར་ཁྲོད་དང་། །ཉམས་དགའ་དབེན་པའི་སྒྲུབ་གནས་དེར། །སོང་ནས་བསོད་ནམས་ཚོགས་བསགས་ཏེ། །ཕྱི་ནང་བཤགས་པ་གཞུང་དུ་སྙོགས། །མཎྜལ་བྱི་དོར་ལེགས་བྱས་ལ། །ཐིག་དང་ཆག་ཆག་ལ་སོགས་པ། །སྤྱི་ཡི་ལས་ཀུན་འདྲ་བར་བྱའོ། །མཐིང་ནག་གྲུ་གསུམ་བྱ་བ་ཡི། །ཟུར་ལ་ལོགས་བསྟས་ཐོད་པའི་ར། །ཕྱི་མཐར་མེ་རི་བཅས་པར་བྲི། །དབུས་སུ་ནག་པོ་རེ་མ་ཏི། །དེ་མཐའ་གསུམ་དུ་རེ་མ་ཏྲིའི། །སྤྲུལ་པ་སྐུ་གསུང་ཐུགས་ཀྱིའོ། །དེ་མཐའ་ནག་མོ་འབུམ་གྱི་འཁོར། །ཕུར་པ་གསུམ་དང་དབུས་དང་བཞི། །དེ་མཐར་འཁོར་གྱི་མ་མོ་དགོད། །སྙིང་པོ་བྲིས་ཤིང་གདགས་པར་བྱའོ། །བྱ་ལུག་ཐུགས་དམ་བསྐང་རྟེན་གཞག །གཏོར་མ་ཤ་ཁྲག་སྤྱི་གཞུང་སྙེགས། །ར་ཁྱི་མི་རྟ་བཞི་སྙིང་གཞག །དཔལ་གཏོར་རྟེན་ནི་བཅས་ལ་གཞག །ནང་ནུབ་ཉིན་མཚན་བཞི་ལ་གཞག །འཛབ་དང་སྙིང་པོ་རྒྱུན་དུ་གཏང་། །བསྟོད་བསྐུལ་ལ་སོགས་ཐང་རེ་བྱ། །དེ་ལྟར་རྟག་ཏུ་བྱས་པ་དང་། །རྣལ་འབྱོར་པ་དེ་གཙང་ས་དང་། །ལྷ་མོ་ཉིད་ཀྱང་དཀར་མོར་བྱོན། །འབྲིང་ན་དམར་ལ་ཐ་མ་ནག །གང་ལྟར་བྱས་ཀྱང་བྱོན་པར་ངེས། །འབྲིང་དང་ཐ་མ་བཤགས་ཤིང་བསྐང་། །ཏིང་འཛིན་གང་མོས་ལྷ་གསལ་བྱ་བ་གཅེས། །གང་གསལ་བསྒོམ་པའི་ཐུགས་ཀ་ནས། །ཉི་མའི་གདན་ནས་སྒི་འཕྲོ་འདུས། །ལྷ་མོ་ཉིད་ཀྱི་སྐུ་བསྐྱེད་པའོ།ཏབྱ་ཐུ་་ག་ཤག་གྲ་རུ་ནན། མུག་སྟེ་བ༷་བཱ་མྱ་རུ་རུ་ཛ་ཛ་རུ་ལུ་རུ་ལུ་སྨྱོ། ཞེས་བསྐྱེད། མཐིང་ནག་གཅེར་བུ་དྲེའུ་རྟ་རྐང་གསུམ་ཤོན། །ཞིང་ལྤགས་ལ་སོགས་རྒྱན་དང་ལྡན། །གསོད་བྱེད་ཕྱག་ན་ཁ་མེ་འབར མིག་ནས་ཁྲག་འཛག་སྣ་ནས་དུད་པ་འཐུལ། །སྙན་ནས་འབྲུག་སྒྲོགས་ལྗགས་ནས་གློག་འགྱུ་མ། །ལུས་ལས་འོད་འཕྲོ་ཁ་རླངས་ནད་གཏོང་བའོ། །སྤྲུལ་པ་ཁྲག་གི་རལ་ཅན་སྟོང་གསུམ་ཁེངས་པར་འ༷གྱེད། །དེ་ལྟའི་སྤྱི་བོ་ནས་བསྐྱེད་པ། །པདྨ་ར་ཏི་རུ་ཏི་རེ་མ་ཏ་ཙིསྟ་སྙིང་ལ་སྨྱོ། ཞེས་པས་སྐུ་དེ་དམར་ནག་རེའུ་ལྡེ་ནག་པོ་གསོལ། ཆུ་གླང་ཞོན་ནས་གོང་བཞིན་བསམ་པར་བྱའོ། །གསུང་ལས་སྤྲུལ་པ་འདི་ལྟའོ། །ཨཱོཾ་རུ་ལུ་ཀོའུ་འཛུ་སེན་མྱེ་ནན་ཛ་ཛ་ལས་བྱེད་དུན་ཏིང་སྨྱོ། །ཞེས་པས་སེར་ནག་རྨ་བྱའི་ལའུ་གསོལ། །ཡུ་ཆུང་ཤ་བ་བཅིབས་པ་གོང་དང་འདྲའོ། །ཐུགས་ལས་བསྐྱེད་པ་འདི་ཉིད་དོ། །ཨོ་ཨུ་ཏི་དུ་རུ་དུ་རུ་ཚལ་པ་མེ་ཛ་ཛ་ལས་ལ་སྨྱོ། །ལྗང་ནག་དར་ནག་ཐུལ་པ་གསོལ། །རྔ་མོ་ཞོན་པ་དེ་དེ་འདྲའོ། །སྙིང་པོས་སྦྱན་དྲང་བའོ། །མ་མ་ནག་མོ་སྨྱོ། །ནག་མོ་དུན་ཏིང་ཧེད་མ་ལ་ས་ལ་དུན་དུན་ཛ་ཛ། ནག་མོ་ཧར་ཧོར་སྨྱོ། །ནག་མོ་ཧར་ཧུར་སྨྱོ། །ནག་མོ་དུན་ཏིང་ཧེད་སྨྱོ། །ནག་མོ་པ་ཤ་དགྲ་བོའི་ཤ་ལ་ཛ་ཛ། ནག་མོ་དགྲ་བོའི་སྙིང་ལ་ཛ་ཛ། ནག་མོ་དགྲ་བོའི་རྩ་ལ་ཛ་ཛ། །ནག་མོ་དགྲ་བོའི་སྲོག་ལ་ཛ་ཛ། ནག་མོ་དགྲ་བོའི་དབུགས་ལ་ཛ་ཛ། ནག་མོ་དགྲ་བོའི་སྙིང་ལ་ཧུར་ཧུར་ཛ་ཛ། རྦད་པ་འདི་ཁོ་ནའོ། །མུ་སྨྱོ་ཛ་མྱ་སྨྱོ་ཛ། ནག་མོ་བ༷་རི་ལི་ལི། ནག་མོ་ཤ་ལ་རི་ལི་ལི། ནག་མོ་ཁྲག་ལ་རི་ལི་ལི། ནག་མོ་རྩ་ལ་རི་ལི་ལི། ནག་མོ་སྙིང་ལ་རི་ལི་ལི། ནག་མོ་སྲོག་ལ་རི་ལི་ལི བམ་རི་ལི་ལི་ཛ་སྨྱོ། ཨོ་ཛ་ཛ་རེ་མ་ཏི་པ་ཤ་ཙ་ལ་ཛ་ཛ། སྙིང་རྒྱུད་ཙ་ལ་ཛ་ཛ། རྩ་རྒྱུད་སྲོག་ལ་ཛ་ཛ། ཤ་རྒྱུད་སྙིང་ལ་ཛ་ཛ། སྙིང་རྒྱུད་དབུགས་ལ་ཛ་ཛ ཛ་ཛ་རེ་མ་ཏི་པ་ཤ་ཙ་པ་ལ་ཛ་ཛ། དགྲ་བོའི་སྙིང་ལ་རྙོ་སྐོ།བསྟོད་བསྐུལ་མཚང་འབྲུ་གཞུང་ལྟར་རོ། །སྲོག་ལ་གཅོད་པའི་སྙིང་པོའོ། །མཆེད་བཞི་ཟེར་ཡང་མ་ཡིན་ཏེ། །མ་མོ་ཀུན་གྱི་ལས་མཁན་མ། །རེ་མ་ཏི་ཞེས་བྱ་བར་གྲགས། །དེ་ཡི་ལས་མཁན་མ་མོ་གསུམ། །སྐུ་གསུང་ཐུགས་ལས་སྤྲུལ་པར་ཕྱུང་། །མ་ཉིད་སྒ་ལས་བསྐྱེད་པ་ཡིན། །གསུམ་པོ་རུ་ལས་བསྐྱེད་པ་སྟེ། །སྲིན་མོ་ཡིན་ཕྱིར་རུ་ལས་བསྐྱེད། །མིང་ཡང་དེ་ལས་ཟུར་བཏགས་པའོ། །གསོད་པ་མོ་དང་འགུགས་པ་མོ། །སྟོབ་བྱེད་མ་དང་གསུམ་དུ་བསྟན། །འཛུགས་བྱེད་མ་ནི་རྡེག་པ་ཡིན། །འཛུམ་མེད་མ་ནི་འགུགས་པ་ཡིན། །བསྲེལ་བྱེད་མ་ནི་ལྷ་མོ་ཡིན། །གཅོད་བྱེད་མ་ནི་གསོད་པ་ཡིན། །གནོད་སྦྱིན་སྲིང་མོ་བཙན་གསུམ་ལ། །ད་ནི་སྨྲེ་སྔགས་འདི་ལྟར་འཐོན་ཏེ། ཧཱུཾ༷། མ་སྲིང་གཉེན་གྱི་མཐུ་མོ་ཆེ། །དབྱིངས་ལས་བསྐྱེད་པའི་མ་མོ་ནི། །མ་མོ་ཀུན་གྱི་གཙོ་མོ་སྟེ། །དམ་ལ་གནས་པའི་སྲིང་མོ་ཡིན། །ཡིད་ལ་གཞུངས་པའི་གྲོགས་མོ་ཡིན། །ལུས་ལ་བསྐྱེད་པའི་བུ་མོ་ཡིན། །བདུད་རྩི་བསྒྲུབ་པའི་རྒྱལ་མོ་ཡིན། །ཕུར་བུ་བསྒྲུབ་པའི་བློན་མོ་ཡིན། །ལས་ལ་གཤིན་པའི་བྲན་མོ་ཡིན། །མ་མོ་ཀུན་གྱི་བདག་མོ་ཡིན། །དམ་ཚིག་ཅན་གྱིས་བསྐུལ་བའི་ཚེ། །འགྲོ་བའི་ཚེ་སྲོག་སྲིད་གསུམ་འ་ས། །ད་ནི་ནམ་མཁའི་གུང་ལ་བབ། །ད་ནི་ཆུ་བོའི་གཞུང་ལ་བབ། །དགྲ་སྲོག་ཁོག་ནས་ཕྱུང་ལ་ཤོག །མ་སྲིང་ཆེན་མོ་མཐུ་མོ་ཆེ། །དམག་དཔུང་བསྐྱེད་ལ་བདུད་དཔུང་ཆོམས། །རུ་མཚོན་ཕྱོར་ལ་བགེགས་དཔུང་ཆོམས། །དམ་ལ་གནས་པའི་མ་སྲིང་ཚོགས། །མིང་པོ་རྡོ་རྗེ་བདག་འབོད་ཚེ། །བདུད་རྩི་སྨན་གྱིས་གཡབ་འདོར་ན། །མིང་པོའི་ལྟངས་མ་འཛིན་དུ་སྤྱོན། །བདུད་སྲིང་གཏིང་ནས་གཡོས་པའི་ཚེ། །ཅི་ལ་ཡང་ནི་རྟགས་ཕྱིན་ཡང་། །རྣལ་འབྱོར་དགྲ་ལ་རྟགས་མ་ཕྱིན། །མ་སྲིང་ཆེན་མོ་དགྲ་ལ་ཆེམ། །མ་སྲིང་ཁྲོལ་ཁྲོལ་དགྲ་ལ་ཁྲོལ། །ཅེས་བསྐུལ་ལོ། །དེ་ལྟར་གདུང་ཞིང་གཏོར་མ་གཏང་། །རང་ཉིད་ལྷ་ཡི་ང་རྒྱལ་བྱ། །གཏོར་མ་རྟག་པར་སྤྱིན་པར་བྱ། །ཡ༷་ལས་རླུང་གི་དཀྱིལ་འཁོར་བྱ། །གཞུ་བདུངས་འདྲ་བའི་བ་དན་ཕྱར། །ར༷་ལས་མེ་ཡིས་མཎྜལ་བྱ། །གྲུ་གསུམ་མེ་རིས་མཚན་པའོ པ༷་ལས་པདྨའི་བྷན་དྷ་མྲ །རྫས་ལྔའི་སྟེང་དུ་ལྕགས་ཀྱུ་ལྔ་བསམ་སྟེ། །དེ་སྟེང་ཨོ༷་ཨུ༷༷ཧཱུཾ་གྲྭ་ཧྭ་བསམ། །ལྕགས་ཀྱུས་བཀུག་ནས་རྫས་ལྔ་འོད་ཞུ་ནས། །འབྲུ་ལྔས་འཕྲོ་འདུས་རྫས་ལྔ་འོད་ཞུ་ནས། །བདུད་རྩིའི་གོང་བུ་གཅིག་ཏུ་གྱུར་པར་བསམ། །མདུན་དུ་ལྷ་མོ་ལྕགས་ཀྱུས་དགུག །མདུན་དུ་གནས་བསམ་བ་ལི་དབུལ། །ཨོ༷་རུ་རུ་རག་མོ་མ་ཤ་མ་ནི་ཙ་པ་ལ་ལྷ་མོ་ཡང་མ་མ་དུང་ཧྲིང་ཡག་དུམ་ཛ་ཛ། མ་མ་ཤ་ཏྲུ་མེ་མེ་དྷ་ཛི་བ༷་རུ་ཏི་ར་སྙི་ཡ་བྷཀྟ་ནི་ཨི་དམ་བ་ལི་གྲི་ཎྜ་གྲོ་ཎྜ་ཁུ་ཧི་ཁུ་ཧི། ཕུལྤ་ཧོ་བྱུརྫི་ཧོ་ཕི་བ་ཧོ་ཧྲི་ད་མ་ཨ་མྲི་ཏ་མ་ཧྭ་གྲྭ་ཧྭ། ཧུ༷་ས་མ་ཡ་ཁུ་ཧི། ཞེས་གཏོར་མ་དབུལ། དུས་དྲུག་ཏུ་ནི་གཏང་བར་བྱའོ། །གསྭར་་གསོར་ཀུཞག །འཕགས་མ་ཧེ་སྡུད་དགའ་བར་བྱེད་པའི་རྒྱུད་ལས་དཀྱིལ་འཁོར་རྫས་དང་སྔགས་ཀྱི་ལེའུ་སྟེ་གསུམ་པའོ།། །།དེ་ལྟར་བསྒྲུབས་ཤིང་བྲུབ་ཁུང་ཐུན་བྱ་སྟེ། །ལིདྨ་མཚན་ཉིད་གཞུང་དང་མཐུན་པར་བྱ་སྟེ།བསྐུལ་ཞིང་བརྡེག་པ་དང་གསད་པའི་ལས་བྱའོ། །རང་ཉིད་བདུད་ཀྱི་བུ་མོར་བསམ། །སྤྱི་བོར་སྐྲ་བཅིངས་གདོང་མ་ ་ལ་ཀུཁྲག་གིས་བསྐུས། །བདུད་ཀྱི་བུ་མོ་ཉིད་བསྐུལ་བ་འདི་སྐད་དོ། །སྨྱོ་སྨྱོ། མ་བདུད་ཀུན་གྱི་གཙོ་མོ་སྟེ། །ནག་མོ་ཆེན་མོ་དྲེའུ་ཞོན་མ། ཁྱོད་ནི་མ་བདུད་རྒྱལ་མོ་སྟེ། ཁམས་གསུམ་སྲིད་གསུམ་ཟས་སུ་ཟ། ཁམས་གསུམ་སྲིད་གསུམ་སྐོམ་དུ་འཐུང་། །དམ་ཉམས་ཤ་ཁྲག་ཟས་སྐོམ་ཡིན། །དཔལ་གྱི་བཀའ་ལས་མ་འདའ་བར། །དམ་ཉམས་སྙིང་ནས་དྲོངས་ཤིག་ཁུག །ཨ༷་ཀུ་ཤ་ཛ༷༷ བཱ་ཤ་ཧཱུཾ༷། སྒྲོ་ཊ་བ༷། བྷརྟེ་ཧོ༷༷ སྒག་ཤ་དགྲ་བོ་ནི་ཛ༷༷ ནག་མོ་ཧར་ཧུར་ནི་ཆེ་གེ་མོ་ནི་འུས་འུས་ཆེ་གེ་མོ་ནི་ཛ་ཛ༷༷ སྨྱོ། དཔལ་ལྡན་ནག་མོ་རེ་མ་ཏི། །སྐྱེ་འགྲོ་ཀུན་གྱི་སྲོག་གཅོད་མ། །གནས་ནི་ཁྲག་གི་མཚོ་ལ་གནས། །མི་ཐོད་སྐྲུངས་པའི་མཁར་ན་བཞུགས། །སྐུ་ལ་རེ་ལྡེ་ནག་པོ་གསོལ། ཁྲག་གི་རལ་པ་ཉི་ལི་ལི། །རལ་པ་དམར་པོའི་སྐྲ་གསེབ་ན། །ཞེ་སྡང་མེ་སྟག་ཐ་ར་ར། །དཔྲལ་བའི་དབྱིངས་ན་མིག་གཅིག་གིས། ཁམས་གསུམ་མི་མཐོང་གཅིག་ཀྱང་མེད། །དགྲ་བོ་གང་ཡིན་རྟགས་ལ་ཕོབ། །སྤྱན་མིག་བཟློག་པའི་རྫི་མ་ལ། །ལྕགས་ཀྱི་ཚ་ཚ་སྐར་ལྟར་ནབྲུག །དམ་ཉམས་སྙིང་ནས་དྲོངས་ཤིང་ཁུག །སྣ་ནི་དྲི་རྣམས་སྣོམ་བྱད་སྟེ། །དམ་ཉམས་དྲི་དག་ཚོར་བ་ན། །དཔག་ཚད་བརྒྱད་ཁྲི་བཞི་སྟོང་ཡང་། །ཡུན་ཙམ་གྱིས་ནི་འཁོར་བར་རྒྱུག །ཞལ་ནས་ཚེམས་ཆེན་གཙིགས་པ་ཡིས། །དམ་ཉམས་ཆེམ་ཆེམ་གསོལ་བར་མཛད། །མཆེ་བ་ཟུར་གསུམ་ཕུར་པ་འདྲ། །དམ་ཉམས་སྲོག་རྩ་སྙིང་རྩ་ཆོད། །བྲང་ནས་ནུ་མ་གཅིག་གིས་ཀྱང་། །རྣལ་འབྱོར་ཡོངས་ཀྱི་གསོས་མཛད་མ། །གཡས་ན་ཤང་ལམ་ནག་པོ་ཡིས། །དམ་ཉམས་རྩད་ནས་གཅོད་པར་མཛད། །གཡོན་ན་ཏྲི་ཤཱལ་རྩེ་གསུམ་གྱིས། །སྲིད་གསུམ་དགྲ་བོ་ཐལ་བར་རློགས། ཁྲག་གི་ལྕགས་ཀྱུ་འབར་བ་ཡིས། །དཀར་ནག་མཚམས་ནས་དྲོངས་ཤིག་ཁུག །དམ་ཉམས་རྩད་ནས་གཅོད་པར་མཛད། །ནད་ཀྱི་རྐྱལ་པ་སྔོན་དམར་གྱིས། །དམ་ཉམས་དགྲ་ལ་ནད་ཀ་ཐོང་། །སྐུ་ལ་བུས་པའི་ཐོད་པས་བརྒྱན། །ལྕགས་ཀྱི་དྲེའུ་རྟ་རྐང་གསུམ་བཅིབས། །ཚོན་གྱི་གྲུ་གུ་སྔ་ཤད་བཏགས། །ཁྲམ་བམ་མང་པོ་ཕྱི་ཤད་བཏགས། །མཚན་ན་རྒྱུ་ཞགས་དམར་པོ་བསྡོག །རྒྱུ་ནི་ནམ་གྱི་གུང་ལ་རྒྱུ། །འཁོར་ནི་བདུད་མོ་འབུམ་གྱིས་བསྐོར། །བདུད་ནི་མི་ཕྱུགས་ཀུན་གྱི་བདུད། །མཚན་ནས་བུ་སྡུག་ཕྲོལ་ལ་ཤོག །མ་མ་ཏྲག་རསྒ་ཕཊ། ཆེ་གེ་མོ་ནི་ཛ་མུ་ར་ཡ་ནི་ཛ། སྙིང་ཁ་རག་མ་སྨྱོ་ཛ་ཛ། ཆེ་གེ་མོ་ནི་ཛ་མྱ་ར་ཡ་ནི་ཛ། སྙིང་ཁ་རག་མོ་སྨྱོ་ཛ་ཛ། སྨྱོ། དཔལ་ལྡན་ནག་མོ་རེ་མ་ཏི། ཁྱོད་ཀྱི་ཁ་རླངས་སེར་པོ་བཏང་བའི་ཚེ། །བུད་མེད་སེར་མོའི་སྤྲུལ་པ་བསམ་མི་ཁྱབ། ནད་དང་མཁྲིས་པ་སྣ་ཚོགས་གཏོང་། སྨྱོ། དཔལ་ལྡན་ནག་མོ་རེ་མ་ཏི། ཁྱོད་ཀྱི་ཁ་རླངས་དམར་པོ་བཏང་བའི་ཚེ། །བུད་མེད་དམར་མོའི་སྤྲུལ་པ་བསམ་མི་ཁྱབ། ཁྲད་ནད་རྒྱུ་གཟེར་སྣ་ཚོགས་གཏོང་། སྨྱོ། དཔལ་ལྡན་ནག་མོ་རེ་མ་ཏི། ཁྱོད་ཀྱི་ཁ་རླངས་སྔོན་པོ་བཏང་བའི་ཚེ། །བུད་མེད་སྔོན་མོའི་སྤྲུལ་པ་བསམ་མི་ཁྱབ། །དབྱིག་དུག་མིག་སྔོན་སྣ་ཚོགས་གཏོང་། །སྨྱོ། དཔལ་ལྡན་ནག་མོ་རེ་མ་ཏི། ཁྱོད་ཀྱི་ཁ་རླངས་སྨུག་པོ་བཏང་བའི་ཚེ། །བུད་མེད་སྨུག་མོའི་སྤྲུལ་པ་བསམ་མི་ཁྱབ །འབྲུམ་ནད་ཤར་པོ་སྣ་ཚོགས་གཏོང་། །སྨྱོ།དཔལ་ལྡན་ནག་མོ་རེ་མ་ཏི། །ཁྱོད་ཀྱི་ཁ་རླངས་ནག་པོ་བཏང་བའི་ཚེ། །བུད་མེད་ནག་མོའི་སྤྲུལ་པ་བསམ་མི་ཁྱབ། །བལ་ནད་སྨོར་བུག་ར་ཐོར་ལྷོག་པ་སྣ་ཚོགས་གཏོང་། །སྨྱོ། སྐུ་ཡི་སྤྲུལ་པ་རེ་མ་ཏི། །འཇིག་རྟེན་ཁམས་ཀྱི་དཔལ་མོ་བཙན། །བཞུགས་ནི་ནམ་མཁའི་དཀྱིལ་ན་བཞུགས། །རྒྱུ་བ་ཕྱོགས་བཅུར་རྒྱུ་མཛད་མ། །རལ་པ་སེར་པོས་སྟོང་གསུམ་ཁེངས། །སྲིན་མོ་རེ་བཤལ་ཆེན་མོའི་གཟུགས། །ཆུ་རིས་ཨག་ཚོམ་སེར་ནག་ལ། །མི་རུས་ཕྲེང་བ་གླད་ལ་བསྐོར། །གླང་ཆེན་ཀོ་རློན་སྐུ་ལ་གསོལ། །གཅན་གཟན་སྟག་གི་ཤམ་ཐབས་ཅན། །གཡས་ཀྱི་ལྕགས་མདུང་དམར་པོ་འབར་བ་ཡིས། །ཉམས་པའི་དགྲ་ལ་གདབ་པར་བྱའོ། །སྨྱོ།གསུང་ལས་སྤྲུལ་པའི་རེ་མ་ཛ། །བར་སྣང་ཁམས་ཀྱི་བོ་དེ་མ། །དམར་ནག་མི་སྲུན་མཆེ་བ་ཅན། །རལ་པ་གཡས་ནས་གཡོན་དུ་འཁྱིལ། །སྡང་མིག་དགྲ་ལ་འབྲུ་ཚུགས་བལྟ། །མཆེ་བ་ཟླ་ཚེས་གཙིགས་པ་ཡིས། །ནག་པོ་ཤ་ལ་ཆེམ་ཆེམ་ཟ། །སྡང་མིག་དམར་ཟློག་དགྲ་བོ་འདུལ། །མི ལྤགསརློནཔ སྐུལ གསོལ། །སྨྱུག་མའི་རེ་ལྡེས་སྐུ་སྨད་དཀྲིས། །བུས་པའི་ཐོད་པ་སྙན་ཆ་བྱས། །སྦྲུལ་ནག་སྟོང་གི་སྐེ་རགས་ཅན། །མདུང་ཐུང་ཟླ་མེད་རུ་མཚོན་གྱིས། །དགྲ་བོའི་སྙིང་ལ་གཟེར་བར་བྱེད། །ནད་ཀྱི་རྐྱལ་པ་ཁ་ཐོང་ལ། །དགྲ་ལ་ནད་ཀ་དལ་ཀ་ཕོབ། །གློག་དམར་ཤོན་ལ་ལྕགས་བརྡབས་ཏེ། །དམ་ཉམས་ཁུག་ལ་སྙིང་ནས་དྲོངས། །སྨྱོ། ཐུགས་ལས་སྤྲུལ་པའི་རེ་མ་ཛ། །འཇིག་རྟེན་ཁམས་ཀྱི་གློག་མ་སྲིན། །སྔོ་སྐྱ་མི་སྲུན་མཆེ་བ་ཅན། །རལ་པ་ཁམ་ནག་གྱེན་དུ་འཁྱིལ། །གཏི་མུག་མུན་ནག་ཚུབས་མར་འ་ས། །རལ་གསེབ་མེ་སྟག་ཚ་ཚ་འཕྲོ། །རྣོ་དབལ་མཆེ་བ་གཙིགས་པ་ཡིས། །དམ་ཉམས་སྙིང་རྩ་གཅོད་མཛད་མ། །ཆུ་དར་ཁྲ་བོ་སྐུ་ལ་གསོལ། །རིན་ཆེན་སྣ་ལྔའི་དབུ་རྒྱན་ཅན། །ཐོད་སྐམ་ཕྲེང་བ་དབུ་ཡི་ཐོད། །རྡོ་རྗེ་འབར་བ་རྩེ་དགུ་བསྣམས། །དམ་ཉམས་དགྲ་བོ་རྡུལ་དུ་རློགས། ཁྲག་སྐམ་ལྕགས་ཀྱུ་མང་པོ་ཡིས། །དམ་ཉམས་དགྲ་བོའི་སྙིང་ནས་དྲོངས། །བོང་བུ་གྭ་བ་བསྐྱོན་ནས་ཀྱང་། །དམ་ཉམས་དགྲ་བོ་འདིར་ཁུག་ཅིག །སྙིང་ནས་དྲོངས་ཤིག་ཨ༷་ཀུ་ཤ །མགུལ་ནས་ཆིངས་ཤིག་བཱ་ཤ་ཧཱུཾ༷། །དབང་དུ་སྡུས་ཤིག་སྤྲོ་ཊ་བ༷། །ཐལ་བར་རློག་ཅིག་བྷན་ཎྜ་ཧོ༷༷ །ཏྲག་རསྒ་དགྲ་བོ་ནི་ཛ། ནག་མོ་ཧར་ཧུར་ནི། །ཆེ་གེ་མོ་ནི་འུབ་འུབ་ཛ་ཛ། འཕགས་མ་ཧེ་སྡུད་དགའ་བར་བྱེད་པའི་རྒྱུད་ལས་སྐུ་གསུང་ཐུགས་ཀྱི་ཕོ་ཉའི་ལེའུ་སྟེ་བཞི་པའོ།། །།གསང་བ་ལས་ཀྱི་ཧོམ་ལས། མ་ཏང་མགོ་བྱང་ཤར་དུ་བསྟན། སྙིང་གར་ཧོམ་ཁུང་ཟུར་གསུམ་བྲུ། །སེ་བ་དབུས་ལ་སྐྱེར་བ་དང་། །མཇོ་མོ་བྲ་མས་མཐའ་མ་བསྐོར། །བྲ་མེས་རླུད་བུས་མེ་བུས་ལ། །ར༷་ཡ༷་ཁ༷་གསུམ་བསྐྱེད་པར་བྱ། །ཡ༷་གིས་བུས་ལ་ར༷་གྱིས་བསྲེག །དང་པོ་འབར་བའི་སྔགས་འདིས་བསྲེག །ར༷་ར༷་བཛྲ་ཛ་ལ་ར༷་ར༷། མེ་སྦར་དེར་ནི་མིང་བྱང་དང་། ་་་དཀར་ཤ་སྣ་དབུལ་ཞིང་བཟླས། །ཧཱུཾ༷་དྲི་སྤོ་མ་མ་ཡ་ཕྲ་ཤ་བུ་ཤ་ཀུ་རུ་རག་ཏ་ཁམ། ཏྲི་རུ་རྩ་ཤིང་ར༷་ཞེས་བསྲེག གསང་སྔགས་མཐའ་དག་དང་། ཐུན་སྔགས་མཐའ་དག་བཟླས་པར་བྱབར་བར་ཕོ་ཉ་གཏོང་བ་ནི། སྲིན་མོ་ནད་གཏོང་བསྐྱེད་བསྐུལ་བྱའོ། ། ་་་་་་་ སྦྱིན་སྲེག་ལེའུ་སྟེ་ལྔ་པའོ།། །།ལྷ་མོ་ཤ་རི་སྒྲུབ་ཐབས། གནས་དང་དུས་ལ་སོགས་པ་ཡང་། །འོག་ནས་ཟུར་གྱིས་སྟོན་པའོ། །བསྒྲུབ་པའི་རྟགས་རྣམས་རིམ་པ་ལས། །ལྷ་མོ་དངོས་སུ་སྟོན་པ་དང་། །མོན་པ་ནག་པོར་སྟོན་པ་དང་། །གཏོར་མའི་རྫས་རྣམས་ལུད་པའོ། ཁུབ་རྟགས་གསུམ་པོ་བྱུང་བ་དང་། །བསྟོད་ཅིང་མཆོད་ལ་དངོས་གྲུབ་བླང་བའོ། །འོད་དཀར་མེ་ཡི་ཐུམ་པོ་དང་། །གྲང་ཞིང་འཇིགས་ལ་འགྲོ་སྙིང་འདོད། །གཉིད་རྡིབ་སྐྱོ་བ་ངན་པ་གསུམ། །བྱ་ལུག་ཐུགས་དམ་བསྐང་བཤགས་བྱ། །མ་དང་སྲིད་མོ་འོང་བ་དང་། ཁོལ་མོ་འོང་ཞིང་ཕྱག་བགྱིད་དང་། །བོང་བུ་དྲེའུ་དམ་བཅའ་འདོད། །གྲུབ་ནས་དབང་འདུས་བཟང་པོ་ཡིན། །ནག་མོ་རལ་བསྙིལ་མདོག་མི་སྡུག །བཙན་མོ་ཇོ་མོ་ཆུང་མར་འོང་། །གཅན་གཟན་རྫུས་དང་ཕྱག་འདོད་པ། །གྲུབ་ཀྱང་དབང་དུ་མ་འདུས་ཏེ། ལྟ་བའི་གྱབས་བསྐྱེད། ནང་འཐབ་མཚོན་ཆ་མང་བ་དང་། མེ་ཏོག་མང་པོ་བྱ་ནག་འཐབ་པ་དང་། ཁྲག་གི་ན་བུན་སྨུག་པོ་འཐུལ། །མ་མོ་འཁྲུགས་ཏེ་ཁྲག་བསྐང་དགོས། །ལྟོ་བཀྲེས་གཡལ་དང་ངུ་སྙིང་འདོད། །སྟུ་རྐུབ་སྟོན་ཅིང་དབང་རྟགས་སྟོན་པ་དང་། །དུད་པ་མང་པོ་ལྟག་པ་དང་། །རྔན་པ་དུས་ལས་ཡོལ་བས་བསྐང་བ་མང་པོ་བྱ། །ལེགས་ཉེས་ཇི་ཡིན། །དེ་ཡི་ཕྱིར་ན་གཟབས་ལ་བྱའོ། །ལས་བྱེད་དུ་མི་འདོད་ཅིང་དྲག་པའི་ལས་བྱ་ན། ཧེ་སྡུད་ཀྱི་ནང་གི་མཆོད་མཁན་སྐབས་སུ་ཐོང་། །གདུཀྱཐུརྒྱཁྭ། རྟགས་ཀྱི་ལེའུ་སྟེ་དྲུག་པའོ།། །།ཐོག་མདའ་ནག་པོའི་ལས་འཇུག་འཕང་བ་ལ། །གང་མོས་བསམ་པ་འདིར་མ་སྨོས། །ཐོད་པ་ནག་པོ་ཚེག་ཚེར་བྱུག ཁྲག་ཆེན་དག་གིས་བྱུག་པར་བྱ། །ནང་བསྐང་སྔགས་བཟླས་ཕོ་ཉ་གཏོང་། །ནེ་ཚོ་ན་བུན་འཛིན་དུ་ཤེད་ཤེད། །སྔགས་དེ་བཟླས་པའི་ཐོད་པ་ལ། །མ་མོ་འཁོར་ལོ་དྲེད་གདོང་མ། །དྲེའུའི་ལུས་ལ་མདོག་ནག་པོ། །སོ་ནི་རལ་གྲི་གཏམས་པ་འདྲ། །སྔགས་བཟླས་བསྐུལ་བ་འདི་དག་གོ །ཧུ༷། སྲིད་པ་གསུམ་གྱི་གཙོ་མོ་ལ། ཁམས་གསུམ་ཁྱབ་པར་གསོད་བྱེད་མོ། །འཁོར་ལོ་ཆེན་མོ་དྲེའུ་གདོང་མ། །མིག་ནི་སྐར་ཆེན་རྡོལ་པ་འདྲ། །བྲང་ནི་ཆུ་སྲིན་གཏམས་པ་འདྲ། །དྲེའུ་སྐད་མཁའ་ལ་བཏང་བས་ཀྱང་། །སྲིད་པའི་རྩེ་མོ་ཚངས་པ་ཡང་། །ཐལ་བ་བཞིན་དུ་གཏོང་བར་བྱེད། །དྲེའུ་སྐད་ས་ལ་བཏང་བས་ཀྱང་། །རྒྱ་མཚོའི་གཏིང་གི་ཀླུ་རྣམས་ཀྱང་། །དྲེའུ་སྡུད་འབྱིན་ཞིང་ཞལ་ལ་བལྟ། །དྲེའུ་མགོ་མཁའ་ལ་བརྡབས་པ་ཡིས། །རི་རབ་རྩེ་ནས་སྙིལ་ཞིང་ལྷ་རྣམས་ཐལ་བར་རློག །དྲེའུ་མགོ་ས་ལ་བརྡབས་པ་ཡིས། །རྒྱ་མཚོ་གཏིང་སྐམ་ཀླུ་རྣམས་ཐང་ལ་བྱིན། །དྲེའུ་གདོང་མ་ཡི་དུས་ལ་བབ། །ཅེས་བསྐུལ་ལོ། །ཐོད་པ་ཀླད་ལ་བསྐོར་ལ་སྔགས་འདི་བཟླས་སོ། ཁ་ལ་ཁ་ལ་རསྒ་ཁ་ལ་རསྒ་ནི་ཏིརྟ་རྦད། ཐུམ་རི་ལི་ལི། སྙིང་ཁ་ལ་རསྒ་ནི་ཏི་རྦད། ཐུམ་རི་ལི་ལི། ཐོད་པ་དེ་ལྟར་འཕར་བ་ཡིན། །མདའ་ཐུན་བརྡག་པ་འདི་ཡིན་ཏེ། །སྐྱེར་པ་མི་བསད་ཁྱི་བསད་ལ། །སྤྱི་བཞུར་རྩེ་མོས་ལྟོང་བྱས་ཏེ། །འུག་པ་བྱ་རྒོད་གོང་རུས་གཉིས། ཁྱི་རྒྱ་པོའི་སྙིང་ཁྲག་སྦྱིན་གྱིས་སྦྱར། །ར་ཁྱིའི་སྤུ་བསྲེས་རྒྱུད་དུ་བྱས། །མིང་རུས་གཟུགས་བཅས་སྙིང་ག་སྲ །མདེའུ་རྩེ་གཏད་ལ་སྔགས་འདི་བཟླས། །ཧུ༷་ཙ་པ་ལ་ཐུན་ཁ། ཁྲག་ལ་ཐུན་ཁ། ཁྲག་ཡམ་ཡམ། ཕོ་ཉ་གཏོང་ངོ་། །ཡུལ་ཕྱོགས་སུ་འཕང་བར་བྱ། །གཟུགས་བྱས་སྙིང་གར་བརྡེག་པར་བྱ། ཧུ༷། ཁམས་གསུམ་སྒྲོལ་བྱེད་ཆེན་མོ་ཡིས། །ལྷོ་ཡི་ཕྱོགས་སུ་ཞབས་བརྐྱང་བས། །ཞབས་ཀྱི་དཀྱིལ་འཁོར་ཉིད་ལས་ཀྱང་། །མི་བཟད་འབར་བའི་སྐུ་ཕྱུང་སྟེ། །སྐུནིསྔོསྐྱཆེནམོལ། །ཞལ་སྔ་མ་ལ་ཕྱག་བཅུ་སྟེ། །དམར་དང་ལྗང་གུ་དུད་ཀ་སྟེ། །སེར་བའི་ཞལ་ལྔར་བསྟན་པ་སྟེ། །གཡས་ཀྱི་ཕྱག་རྒྱ་ལྔ་ཕྱུང་སྟེ། ཁྲོ་བོ་བཅུ་ཡང་གསོད་པ་སྙམ། །གཡོན་གྱི་ཕྱག་རྒྱ་ལྔ་བྱུང་བ། ཁྲོ་མོ་བཅུ་ཡི་སྙིང་ཡང་གཟེར། །རྒོལ་བ་ངན་པ་སྨོས་ཅི་དགོས། །ཞལ་ནས་ཁྲག་གི་རལ་གྲི་འབྱུང་། །སྐུ་ནི་མཐིང་ནག་རལ་པ་ཅན། །རལ་པའི་ཟར་བུ་རེ་རེ་ལ། །མཆོང་གི་སྤྱང་མོ་འབུམ་འབུམ་འབྱུང་། །སྲིད་པའི་ལྷ་འདྲེ་ཀུན། ཐུགས་དམ་དུས་ལ་བབ། ཀེའུ་ར༷་ཀེའུ་ར༷། འབུམ་བཟླས། འགྲོལ། དེ་ནས་གྲོལ་ན་འདི་བཟླས་སོ། །ཏི་མ་ཏི་མ་ཁ། བྱས་ཏེ་བརྡེགབསྐུལ་ལ་བསྙེན་པ་རྫོགས་པར་བྱའོ། །ག་མ་ར་ཐ། ཐུན་གྱི་ལེའུ་སྟེ་བདུན་པའོ།། །།ཁྲག་ཐུན་བརྡེག་པ་འདི་ཡིན་ཏེ། །ཐོད་པ་ནག་པོར་ལིདྷ་གཞུག །ཧུ༷་རྒྱ་མཚོ་མེར་བའི་གཏིང་རུམ་ནས། ཁྲག་གི་བཙུན་མོ་ཆེན་མོ་ནི། །ལག་ན་ཟངས་ཀྱི་གཞུ་བདུངས་ནས། ཁྲག་གི་མདའ་འཕེན་ཏ་ལ་ལ། །དགྲ་བགེགས་གདུག་པའི་སྙིང་རུམ་དུ། ཁྲག་མདའ་དམར་པོ་བྲེངས་སེ་བྲེང་། །ཡ་མ་དམ་སྲི་ངན་པ་ལ། ཁྲག་གི་དབལ་ལ་གདབ་འཚལ་ལོ། ཁྲག་དུག་དཔལ་གྱིས་བསད་འཚལ་ལོ། ཁྲག་དུག་གིས་ལིརྙ་ལ་གདབ་བོ། །མཁར་ཁྱིམ་ལ་བརྡེག་གོ །མ་མ་་ག་སྙིང་ཁ་རག་སྨྱོ། །བྱས་ལ་བརྡེག་གོ །སྔགས་སྤྱིར་ཡང་བཟླས་སོ། ཁྲག་མདའི་ལེའུ་སྟེ་བརྒྱད་པའོ།། །།ཐལ་བ་རྫས་ཀུན་ཀླུ་ལ་གཏད་པ་ནི། །ཆུ་མགོ་བྱང་དུ་བལྟས་པར་གཏད། །ཀླུ་འདུལ་བའི་ཏིང་ངེ་འཛིན་དུ་བྱ། ཀླུ་གཏོར་གཞུངབཞིནདུགཏོངབ གཅེས། །ནཱ་ག་རྭ་ཙའི་སྔགས་་དག་བཟླས། །དགྲ་བོ་མིང་རུས་གཏོར་མར་གསལ། །ཀླུ་གཉན་ཁྱོད་ཀྱིས་སྔོན་ཇི་ལྟར་དམ་བཅས་པ་བཞིན་དུ་དམ་ཉམས་པ་འདི་བཞེས་ཤིག མ་བཞེས་སམ་བཀའ་བཅག་ན། བེ་ཏ་ལི་ཧ་ཡ་རྒི་བ་དང་བྱ་ཁྱུང་ག་རུ་ཊས་ཀླུའི་རྒྱལ་ཁམས་ཕུང་བར་འོང་ངོ་། །ཀླུའི་གཏོར་མ་འདི་ལ་མྱུར་བར་ལས་གྱིས་ཤིག །ཅེས་བྱས་ལ་གཏད་པའི་ལས་བྱའོ། །ག་མ་ཐ་མ། ཀླུ་ལ་གཏད་པའི་ལེའུ་སྟེ་དགུ་པའོ།། །།བཙན་ལ་གཏད་པ་འདི་བཞིན་བྱའོ། །རྙེ་བྷ་ཙ་དྷི་བྷ་ཙ་ཙ་ན་སྤྱན་དྲངས། སྟེ་ཙ་ལ་སྙེ་ཙ་ལ་དབུ་ཛལ་དབུ་ཛལ། ཅེས་ཕྱག་འཚལ་ལོ། །བཙན་ཁྱོད་ལ་དགྲ་བོ་འདི་གཏད་དོ། །ཨ་སྟི་ཤུ་ཛ་ཨ་སྟི་ཤུ་ཛ་ཧུ༷་ས་མ་ཡ་ཧུ༷་ཕཊ། འདི་བཞེས་སུ་གསོལ། ཚོན་སྐུད་ཀྱིས་བཅིངས་ལ་བཙན་ཆེ་སར་མནན་ནོ། །དང་པོ་གྲུབ་རྟགས་ཕེབས་པ་དང་ཐུན་རྣམས་མྱུར་བར་བརྡེག་གོ། །ཕུར་ཐུན་ཁྲག་ཐུན་ཉུང་ཐུན་ཟན་ཐུན་ཐོད་ཐུན་སྦྱིན་བསྲེག་གི་རིམ་པ་བྱ། ཐ་མ་ཀླུ་བཙན་དག་ལ་གཏད། མ་མ་སྒག་རསྒ་རུ་ལུ་རུ་ལུ། རེ་མ་ཏི་ཏྲི་ཏི་རུ་ཏི་སྙིང་ཁ་རག་རག་མོ་ཙ་ཙ་མོ་ཛ། །བཙན་གྱི་ལེའུ་སྟེ་བཅུ་པའོ།། །།སྨྱོ་སྨྱོ་སྨྱོ་སྨྱོ། །ཛུ་ཛུ་ཛུ་ཛུ་། ནག་མོ་བ་མ་ར་ལི་ལི། ནག་མོ་ཁྲག་ལ་རི་ལི་ལི། ནག་མོ་སྙིང་ལ་རི་ལི་ལི། ནག་མོ་སྲོག་ལ་རི་ལི་ལི། ནག་མོ་སྲོག་ལ་ཆོམ་ཆོམ བམ་རི་ལི་ལི་སྨྱོ། །མ་རུ་ལུ་རུ་ལུ་སྨྱོ། །ནམ་ནམ་ཧ་ར་ཧེ་དེ་མ་སྨྱོ་རུ་ལུ་རུ་ལུ། རག་མོ་ཙ་ཙ་མུན་ད་ན། རག་མོ་རག་མོ་བྲི་ལ་ཁ་ཐུན། ཏིང་ཏིང་ཙེམ་ཙེམ། ཀྲོ་ལ་ཀྲོལ་ས་མ་ཡ་བྲེངས། མ་ལས་ལ་སྨྱོ། ཏྲི་མོ་ཤུ་ཤུ་ཡསྣ་ནག་མོ་སྨྱོ་སྨྱོ། ཨཱོཾ༷་ཏབྱ་ཐུ་པདྨ་ར་ཏེ་རུ་ཏི། རུ་ལུ་ཀོ་རུ་ཏི། རུ་ལུ་ཀོ་སྲ ཨུས་སྟི་དུ་རུ་དུ་སྲ ཙལ་པ་ལ་ཨ་ཤུག་མེ། ཨི་དན་རྙུ་པ་བུཛི་པ། ཤི་བཱན་ཁ་ར༷་ཁུ་ཧི། ཤི་དེ་བྲི་མ་ཧྭ་ཀ་སྙི་ཁུ་ཧི། མ་ཧྭ་རག་མོ་ཡསྒ་ནག་མོ་ཁུ་ཧི། མ་རག་མོ་དུན་ཏིང་ཁུ་ཧི། མ་མ་རེ་མ་ཏི་རག་ཏི་ཤ་མ་ལ་ཁུ་ཧི། མ་རི་མ་ཏི་མ་ནུ་རག་མོ་ཁུ་ཧི། མ་རག་མོ་ཁྲག་ལ་མ་ཤམ་ཁུ་ཧི། མ་མ་མུག་སྟི་གྲོ་ཎྜ་ཁུ་ཧི། མ་མ་ནག་མོ་རེའུ་ཏྲི་གྲོ་ཎྜ་ཁུ་ཧི། ཏྲི་མོ་ཤུ་ཤུ་ཤ་ཤ་ནག་མོ་ཁུ་ཧི། ཛ་ཛ་རེ་མ་ཏི་པ་ཤ་ཙ་པ་ལ་ཛ་ཛ་ནག་མོ་དགྲ་བོའི་སྙིང་ལ་ཐུམ་རིལ་རྦད། ནག་མོ་དགྲ་བོའི་སྲོག་ལ་བམ་རིལ་རྦདནག་མོ་དགྲ་བོའི་རྩ་ལ་བམ་རིལ་རྦད། ནག་མོ་དགྲ་བོའི་དབུགས་ལ་བམ་རིལ་རྦད། རེ་མ་ཏི་པ་ཤ་ཙ་པ་ལ་དགྲ་བོ་མྱ་ར་ཡ་ཐུམ་རིལ་རྦད། ནག་མོ་སྦྱོ། རག་མོ་སྨྱོ། ཡག་མོ་སྦྱོ། འདྲིག་མོ་སྨྱོ། མྱའོ་མྱའོ་མྱའོ་མུའོ།རག་མོ་ཏེ་ཀུམ་སྨྱོ་སྦྱོ། ཡབ་མོ་སོད་ཅིག་དྲི་ཛ་ཛ་སྨྱོ། མ་མ་རག་མོ་སྨྱོ་སྨྱོ། ནག་མོ་རེ་མ་ཏི་སྨྱོ། ནག་མོ་རེ་མ་ཏི་སྨྱོ། ནག་མོ་རེ་མ་ཛ་སྦྱོ། ནག་མོ་རེ་མ་འཛུ་སྨྱོ། དགྲ་བོའི་ཤ་ལ་སྨྱོ། དགྲ་བོའི་སྙིང་ལ་སྨྱོ། དགྲ་བོའི་རྩ་ལ་སྨྱོ། དགྲ་བོའི་ཁྲག་ལ་སྨྱོ། བྱས་ལ་ཐོད་པའི་ཁྲག་ཐུན་འཕང་ངོ་། །སྤྱིར་བསྒྲུབ་པ་ཐུན་གྱི་ལེའུ་སྟེ་བཅུ་གཅིག་པའོ།། །།ཡེ་ཤེས་ཀྱི་མ་མོ་བརྒྱད་དང་། ལས་ཀྱི་མ་མོ་བརྒྱད་དང་། །འཁོར་ནག་མོ་ས་མ་ཡ་འབུམ་སྡེ་ལ་སོགས་པ་རྣམས་ལ། རྒྱུད་འདི་ཟུང་ཞིག་ཆོངས་ཤིག ཕྱི་རབས་ཀྱི་བསྟན་པ་སྲུངས་ཤིག འཁོར་རྣམས་ཀྱིས་རྗེས་སུ་ཡི་རངས་ཏེ་མངོན་པར་བསྟོད་པ་འདི་ལྟ་བུའི་དོན་ཡང་དག་པར་བསྟན་པ། བསྟན་པ་བསྲུང་བར་བགྱིའོ། །བསྐྱང་བར་བགྱིའོ། །ཞེས་གསུངས་ནས་མངོན་པར་བསྟོད་དོ། །རེ་མ་ཏི་མཆེད་བཞི་ཕྲིན་ལས་ཀྱི་རྒྱུད་རྫོགས་སོཧ། །།ཨི་ཏི།། །། རྒྱ་གར་སྐད་དུ། ཌའ་ཀི་མ་