Ngb-pt-0356-vol-04-text
Front
Body
གྱིས་བྲབ་བོ། །སྦས་པ་ནག་མོའི་རྒྱུད་ལས་ལས་སྦྱོར་རྟགས་ཀྱི་ལེའུ་སྟེ་བཞི་པའོ།། །།དེ་ནས་མ་མོའི་ཚོགས་རྣམས་ཀྱི། །བྲུབ་ཁུང་ལས་ཀྱི་ཧོམ་བྱས་ཏེ། །གྲུ་གསུམ་ཁྲུ་ཕྱེད་ཐུར་དུ་བྲུ། ཁྲུ་ཕྱེད་འདག་་་ས་གྱེན་དུ་བརྩིགས། །མཐའ་མ་རྡོ་རྗེའི་ར་བས་བསྐོར། །དེ་ཡི་མཐའ་མ་མེ་རིས་བསྐོར། །གདུག་པ་ཚེར་མ་ཅན་གྱི་ཤིང་རྣམས་ལ། །སྐྱེ་ཚེར་བྲ་མ་བང་རུང་གིས། །ཆག་གང་བ་ཡི་ཧོམ་བྱས་ལ། །ཧོམ་ཁུང་ནང་དུ་ལྷ་མོ་བསྐྱེད། །ཛ་ལ་ར༷་གྱིས་མེ་འབར་གྱིས། །ཀྲི་ན་མུ་ཀའི་སྔགས་རྣམས་དང་། །བི་ཏ་ཡ་ཡི་སྔགས་སྤེལ་ལ། །སྦྱིན་བསྲེག་བྱ་ཞིང་ལིསྐོ་དབུལ། །ཐལ་བ་བསྡུས་ལ་རྒྱ་གྲམ་སར། །གནན་པ་བྱ་ཞིང་དམོད་སྔགསབཟླས། །ཕྱིན་མ་ཐག་ཏུ་འཆི་བར་འགྱུར། །སྦས་པ་ནག་མོའི་རྒྱུད་ལས་སྦྱིན་བསྲེག་གི་ལེའུ་སྟེ་ལྔ་པའོ།། །།རྫོགས་སོ། ། རྒྱ་གར་སྐད་དུ། ཤྭ་ན་པྲ་མ་རྭ་ཛ་ཀྭ་སྙི་ཏནྟྲ་ནཱ་མ། བོད་སྐད་དུ། མ་མོ་ཨེ་ཀ་ཛ་ཏི་ཟ་བྱེད་སྤྱང་རྒྱལ་ནག་མོའི་རྒྱུད་ཅེས་བྱ་བ། དཔལ་རང་བྱུང་གི་རྒྱལ་མོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དཔལ་རང་བྱུང་གི་རྒྱལ་མོའི་གནས། །རང་བཞིན་ལྷུན་གྱིས་རྫོགས་པ་ཡི། །བྷརྙ་འབར་བའི་གཞལ་ཡས་ཁང་། །དཀར་དང་དམར་དང་སེར་དང་ནག་པ་ཡི། །ཕྲིན་ལས་རྣམ་བཞིར་ལྷུན་གྱིས་གྲུབ་པ་ཡི། །ཞི་བས་སྤ་བཀོང་རྒྱས་པས་་ཟིལ་གནོན་པ། །དབང་གིས་དབང་སྡུད་དྲག་པོས་སྒྲོལ་བར་བྱེད། ཁམས་གསུམ་དབང་སྡུད་བྷརྙའི་གཞལ་ཡས་ནི། །དྲི་ཟ་ལ་སོགས་ཕྱོགས་སྐྱོང་བཅུ་ཡི་མགོས། ཁྲར་ལ་སོགས་པ་དེ་བཞིན་རབ་ཏུ་མཛེས། །བྷརྙའི་གཞལ་ཡས་ལྷུན་གྱིས་གྲུབ་པ་ལ། །གནམ་ལྕགས་འབར་བའི་གཟེར་ཆེན་རབ་ཏུ་བཏབ། །ཡེ་ཤེས་ལྔ་ལྡན་ཁ་དོག་རབ་ཏུ་འཕྲོ། །ལྷ་བརྒྱད་ཀ་བ་ཀླུ་བརྒྱད་གདུང་དུ་བྲེས། །གཟའ་བརྒྱད་ཕྱམ་བྲེས་རྒྱུ་སྐར་དྲལ་དྲབ་བགྱིས། །རུ་ཏྲ་དཀར་པོ་སེར་པོ་དམར་པོ་དང་། །ལྗང་གུ་ལ་སོགས་པགས་པས་ཐོག་ཀྱང་ཕུབ། །ཡེ་ཤེས་བཞི་ལྡན་སྒོ་བཞིར་གནས་པ་ནི། །སྒོ་སྐྱེས་གཡས་གཡོན་ཆུ་སྲིན་འགྲམ་པ་ལ། །གཟས་པ་ཕོ་མོས་ཡ་ཐེམ་མ་ཐེམ་བྱས། །ཆུ་སྲིན་ཐོད་པའི་རྟ་བབས་རབ་ཏུ་མཛེས། །བ་དན་སུམ་ཅུ་རྩ་གཉིས་རབ་ཏུ་གཏིབས། །ཆོས་ཀྱི་འཁོར་ལོ་རབ་ཏུ་ཉམས་སུ་དགའ། །འོད་ཟེར་དམར་ནག་འཕྲོ་འདུ་རྒྱུན་མི་འཆད། །ཆོས་ཀྱི་འཁོར་ལོ་སྨུག་ནག་གདུགས་ཕུབ་པའི། །གཡས་གཡོན་ཆུ་སྲིན་ཕྲུ་གུ་ཁ་ལྟ་ཞིང་ཕྱོགས། །སེང་གེ་སྟག་དང་ཆུ་སྲིན་དོམ་གྱི་མགོས། །བྷརྙ་འབར་བའི་གཞལ་ཡས་བད་བགྱིས་ཏེ། །ཐོད་པའི་དྲ་བ་ཚལ་བུའི་དྲ་པྱེད་པ། །ཞེ་སྡང་སྦྲུལ་ནག་ཆེན་པོའི་ཐག་པས་བརྒྱུས། །གསེར་གྱི་དྲིལ་འཁྲོལ་རིན་ཆེན་འོད་ཟེར་འབར། །སྦྲུལ་ནག་གདུག་པའི་ཆུན་པོ་ཉི་ལི་ལི། །ཐབས་དང་ཤེས་རབ་འོད་ཟེར་གསལ་རྒྱས་ཏེ། །གཞན་ཡས་ཕྱི་ནང་མེད་པར་འོད་གསལ་འབར། །ཐོད་པ་ཁྲག་འཛག་ཟར་བུ་བད་དུ་ལྡན། །སྤྲུལ་པའི་ལྷ་མོས་འདོད་ཡོན་མཆོད་པ་སྟོབ། །རྒྱལ་མཚན་ཆེན་པོ་བཞི་ཡང་གནས་པ་ནི། །བྱང་ཤར་སྤྲུལ་པ་རྡོ་རྗེའི་རྒྱལ་མཚན་དང་། །ཤར་ལྷོ་འདུལ་བྱེད་ལྕགས་ཀྱི་རྒྱལ་མཚན་དང་། །ལྷོ་ནུབ་ལྡ་ལྡི་དར་གྱི་རྒྱལ་མཚན་དང་། །ནུབ་བྱང་དམར་ནག་ཁྲག་གི་རྒྱལ་མཚན་ཏེ། །རྒྱལ་མཚན་ཆེན་པོ་བཞི་ཡང་དེ་བཞིན་གནས། །དེ་ལྟར་གནས་པའི་གཞལ་ཡས་ཆེན་པོ་དེ། །དཔལ་ལྡན་རང་བྱུང་རྒྱལ་མོ་བཞུགས་པའི་གནས། །གཞལ་ཡས་ཕྱི་རིམ་ཁྲག་གི་རྒྱ་མཚོར་ནི། །སྤྲུལ་པའི་མ་མོ་མཁའ་འགྲོ་བཞུགས་པའི་གནས། །ཕྱི་རིམ་ཐོད་པའམ་ལྕགས་ཀྱི་གྲོང་ཁྱེར་ནི། །བདུད་དང་སྲིན་པོ་གཤིན་རྗེ་བཞུགས་པའི་གནས། །མཐའ་མ་ལྕགས་རི་ནག་པོས་བསྐོར་བའི་ནང་། །དུརཁྲོདཆེནཔོབརྒྱདཀྱིས་གཏམས་པ་ནི། །དུར་ཁྲོད་བདག་པོ་ཕྱོགས་སྐྱོང་ཡི་དྭགས་དང་། །རོ་ནི་སྣ་ཚོགས་རྣམ་པར་བམས་པ་དང་།རུལ་དང་མྱགས་དང་རྣམ་པར་སྔོ་བ་དང་། །སྟག་དང་གཟིག་དང་གཅན་གཟན་སྣ་ཚོགས་དང་། །ཀང་ཀ་དུར་བྱ་འདབ་ཆགས་སྣ་ཚོགས་དང་། ཁེང་ལ་སོགས་པ་སྣ་ཚོགས་དེ་བཞིན་གནས། ཁྲ་ཟ་ཁྲག་འཐུང་ལས་ཀྱི་མཁའ་འགྲོ་དང་། །གིང་དང་ལང་ཀ་གནོད་སྤྱིན་ཕོ་མོའི་གནས། །གཞན་ཡང་དུར་ཁྲོད་གླིང་ན་མ་མོའི་མཁའ་འགྲོའི་ཚོགས། །དཔལ་ཆེན་མཁའ་ལ་གཏོགས་པ་བསམ་མི་ཁྱབ། །དེ་དག་ཐམས་ཅད་འཁོར་དང་ཐབས་ཅིག་བཞུགས། །དུར་ཁྲོད་གཞལ་ཡས་དེ་ཡི་ཕྱི་རིམ་ན། །དུར་ཁྲོད་མེ་དཔུང་འབར་བས་བསྐོར་ཏེ་གནས། །ཆོས་ཉིད་གང་དུ་མི་འགྱུར་མི་ཤིགས་རྟགས། །རྡོ་རྗེའི་ར་བ་ཕྱོགས་སུ་རྒྱ་མ་ཆད། །དེ་ལྟ་བུ་ཡི་གཞལ་ཡས་འབར་བ་དེ། །ཕྲིན་ལས་རྣམ་བཞི་ལྷུན་གྱིས་གྲུབ་པའི་རྟགས། །ཕོ་བྲང་གྲུ་གསུམ་མཁའ་དབྱིངས་བདེ་ཆེན་ན། །དུར་ཁྲོད་རོ་ཡི་གདན་ལ་འགྱིང་བའི་ཚུལ། །བུད་མེད་ནག་མོ་མཛེས་པའི་ཆ་བྱད་ཅན། །དཀར་མོ་སེར་མོ་དམར་མོ་ནག་མོའི་ཚོགས། །ཉིད་ལས་མི་གཞན་འཁོར་གྱིས་བསྐོར་ཏེ་གནས། །ཉིད་ཀྱི་ཐེ་ཚོམ་རྒྱས་པར་བཤད་པའི་ཕྱིར། །ཕྱག་ན་རྡོ་རྗེའི་སྤྲུལ་པ་ལྷ་མོ་བདེ་བྱེད་མ། །ཉིད་ལས་མི་གཞན་དམོད་པའི་མཚོན་ཆ་ཅན། །རང་ལས་བྱུང་བའི་ནག་མོ་འབུམ་དང་ཆས། །རང་བྱུང་རྒྱལ་མོ་ཉིད་ལ་འདི་སྐད་གསོལ། །ཨེ་མ་ཧོ་རང་བྱུང་རྒྱལ་མོ་ཉིད། །བདག་ནི་རྟག་ཏུ་ཁྱོད་ལ་འདུད། ཁྱོད་ཀྱི་བྱིན་རླབས་ཐུགས་རྗེ་གང་། །རྒྱ་ཆེན་བདག་ལ་བཤད་དུ་གསོལ། །ཞེས་གསོལ་པས། དེའི་དུས་དེའི་ཚེ། དཔལ་ལྡན་རང་བྱུང་གི་རྒྱལ་མོ་དེ་ཡང་། སྐུ་མདོག་མཐིང་ནག་འབར་བ། མཆེ་བ་གཙིགས་པ། རལ་བས་ས་གཞི་ཁེབས་པ་ལ་སྤྱི་བོའི་གཙུག་ན་གཡུའི་རལ་པ་མཐིང་ག་འོད་དུ་འབར་བ་གཅིག་གནས་པ། ཞབས་གྱད་ཀྱི་དོར་ཐབས་སུ་བཞུགས་པ། གཡས་ན་བམ་ཆེན་གྱི་ཙིསྟ་སྲོག་པ་རྩ་དང་བཅས་ནས་བཟུང་བ། གཡོན་པ་ན་གཡུའི་སྤྱང་མོ་རྐེ་ནས་བཟུང་ནས་ཕྲ་ཐབས་སུ་བསྣམས་པ། ཏི་ར་རོའི་གདན་ལ་ཏྲག་རསྒ་ཞེས་བྱ་བའི་སྒྲ་བརྗོད་ནས། ཉིད་ཀྱི་ལས་སྤྲུལ་པའི་མ་མོ་བཀྱེ་སྟེ། སྐུའི་སྤྲུལ་པ་ལས་བལ་མོ་ནག་མོ། གསུང་གི་སྤྲུལ་པ་ལས་མ་མོ་སྲིན་མོའི་ཚོགས་དང་། ཐུགས་ཀྱི་སྤྲུལ་པ་ལས་མ་མོ་མོན་མོའི་ཚོགས་དང་། གཞན་ཡང་སྦྱོར་གིང་དང་སྒྲོལ་གིང་ལ་སོགས་པ་ཁྲམ་ཐོགས་ཀྱི་བདུད་དང་། སྲོག་གཅོད་ཀྱི་གིང་ལ་སོགས་པ་དང་བཅས་ཏེསྤྲུལ་པ་མང་པོ་ཉིད་ལས་བཀྱེ་བས། སྣང་སྲིད་ཐམ་ཅད་དུས་གཅིག་ཏུ་གཡོས་པར་གྱུར་ཏེ། ནད་ཀྱི་རླངས་པ་དང་། མཚོན་གྱི་ཆར་པ་དང་། བསྐལ་པ་ཕྲ་མོ་དང་། དུག་དབལ་ཡམས་ནད་དང་། གནམ་ལྕགས་སེར་བ་ལ་སོགས་པ། དུས་གཅིག་དུ་འཁྲུགས་པར་གྱུར་ཏེ། །སླར་ཡང་འཁོར་བདུད་ཕོ་མོ་དེ་དག་རང་ལ་རྫོགས་པར་གྱུར་ཏོ། །སྣང་སྲིད་ཐམས་ཅད་བདེ་བ་ལ་དུས་གཅིག་ཏུ་བཀོད་དོ། །དུག་དབལ་དང་ཡམས་ནད་ལ་སོགས་པ་ཐམས་ཅད་བདུད་རྩི་ཆེན་པོར་གྱུར་ཏེ། ཐམས་ཅད་ཐུགས་རྗེ་ཆེན་པོས་བདེ་བ་ལ་བཀོད་དོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་གླེང་གཞིའི་སྐབས་ཏེ་དང་པོའོ།། །།ལྷ་མོ་བདེ་བྱེད་མས་འདི་སྐད་ཅེས་གསོལ་ཏོ། །དཔལ་ལྡན་རང་བྱུང་རྒྱལ་མོ་ཆེ། །ཐུགས་རྗེའི་བྱིན་རླབས་བདག་མོ་ནི། །ཉིད་ཀྱི་ལྟ་སྤྱོད་ཇི་ལྟར་ལགས། །ཐུགས་རྗེའི་བདག་མོས་བཤད་དུ་གསོལ། །ཅེས་གསོལ་པས་དཔལ་ལྡན་རང་བྱུང་རྒྱལ་མོས་བཀའ་སྩལ་པ། ལྟ་བ་རྣམ་པ་གཉིས་ཡོད་དེ། །གཉིས་པོ་དེ་ཡང་གཅིག་གི་ངང་། །རང་བཞིན་ལྷུན་རྫོགས་ལྟ་བ་དང་། །རྟོགས་པ་མངོན་གྱུར་བལྟ་བའོ། །རང་བཞིན་ལྷུན་རྫོགས་ལྟ་བ་ནི། །སྣང་སྲིད་འདི་ལྟར་སྣང་བའི་ཆོས། །ཕྱི་ནང་སྣོད་བཅ་ཐམས་ཅད་ཀུན། །མ་མོ་ཉིད་ལས་གཞན་མ་ཡིན། །མ་ནི་ཀུན་གཞི་དབྱིངས་ཀྱི་ཀློང་། །མོ་ནི་བྱང་སེམས་ཡེ་ཤེས་དང་། །དབྱིངས་དང་ཡེ་ཤེས་དོན་རྟོགས་པ། །མ་དང་མོ་ཡི་དོན་རྟོགས་ཡིན། །མ་མོ་དེ་ལྟར་རྟོགས་པ་ནི། །རྟོགས་པ་མངོན་གྱུར་ལྟ་བ་ཡིན། །དེ་ལྟར་གཉིས་མེད་དོན་རྟོགས་ན། །བགྲོད་པ་མེད་པའི་ས་ཆེན་ནོན། །ཡང་གཅིག་མ་མོའི་ལྟ་བ་ནི། །མ་མོ་སྙིང་པོ་བྱང་ཆུབ་སེམས། །སྙིང་པོ་ཉིད་ལས་གཞན་མ་ཡིན། །སྙིང་པོ་བྱང་ཆུབ་ཡེ་སངས་རྒྱས། །ཐམས་ཅད་དག་པས་སངས་རྒྱས་ཡིན། །ལྷུན་གྱིས་གྲུབ་པས་མ་མོ་ཡིན། །གཉིས་སུ་མེད་པས་མ་མོ་ཡིན། །རང་ལས་བྱུང་བས་མ་མོ་ཡིན། །ཡོངས་ལ་ཁྱབ་པས་མ་མོ་ཡིན། །ཅིར་ཡང་སྣང་བས་མ་མོ་ཡིན། །གང་ཡང་ཤར་བས་མ་མོ་ཡིན། ཁྱབ་པར་གདལ་བས་མ་མོ་ཡིན། །མི་འགྱུར་མི་ཤིགས་མ་མོ་ཡིན། །གཅིག་ལས་མེད་པས་མ་མོ་ཡིན། །ཐ་དད་མེད་པས་མ་མོ་ཡིན། །མ་མོ་སྒོམ་ཞིང་གྲུབ་ཏུ་མེད། །མ་མོ་བསྒོམས་ཤིང་བསྒྲུབས་ན་འགྲུབ། །བགྲོད་དུ་མེད་པར་གར་ཡང་ཕྱིན། །རྩལ་དུ་མེད་པས་གང་ཡང་འགྲུབ། །གདགས་སུ་མེད་པས་ཐམས་ཅད་ཡིན། །ཐ་དད་སྣང་བས་གཉིས་སུ་མེད། །གཉིས་མེད་དོན་རྟོགས་མ་མོ་ཡིན། །མ་ནི་སྙིང་པོ་བྱང་ཆུབ་སེམས། །མོ་ནི་རང་བྱུང་ཡེ་ཤེས་ཡིན། །སྙིང་པོ་བྱང་ཆུབ་ཉིད་ལ་ནི། །རང་བྱུང་ཡེ་ཤེས་དེ་བཞིན་ཉིད། །ཡེ་ནས་རྣམ་དག་སྙིང་པོ་ཉིད། །ཡེ་ནས་ལྷུན་གྱིས་རྫོགས་པར་གནས། ཁྱུང་ཆེན་ནམ་མཁར་ལྡིང་བ་ཡང་། །སྣང་སྲིད་ཕྱི་རྒྱ་རླབས་ཀྱིས་གཅོད། །སྙིང་པོ་བྱང་ཆུབ་ཉིད་ལས་ནི། །མ་མོ་ཞེས་སུ་གདགས་སུ་མེད། །སྙིང་པོ་བྱང་ཆུབ་སེམས་ལས་ནི། །མ་མོ་གཞན་ནས་བཙལ་མི་རྙེད། །སེམས་ལས་ཀུན་འབྱུང་ཐམས་ཅད་སེམས། །མ་མོ་བྱང་ཆུབ་སེམས་ཀྱི་རྒྱན། །དེ་ལྟར་གཉིས་མེད་དོན་རྟོགས་ན། །མ་མོ་བསྒོམ་ཞིང་བསྒྲུབ་མི་དགོས། །མ་མོ་ལུས་དང་གྲིབ་བཞིན་འགྲོགས། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ལྟ་བ་བསྟན་པའི་སྐབས་ཏེ་གཉིས་པའོ།། །།དེ་ནས་སྤྱོད་པ་བཀའ་སྩལ་པ་ནི། །གཟུགས་སུ་སྣང་བ་ཐམས་ཅད་ཀུན། །མ་མོའི་སྐུ་ཡི་བདག་ཉིད་ཡིན། །སྒྲ་རུ་གྲག་པ་ཐམས་ཅད་ཀུན། །མ་མོའི་གསུང་གི་བདག་ཉིད་ཡིན། །སེམས་ཀྱི་དྲན་རྟོག་ཐམས་ཅད་ཀུན། །མ་མོའི་ཐུགས་ཀྱི་བདག་ཉིད་ཡིན། །རང་བྱུང་ཡེ་ཤེས་ཐམས་ཅད་ཀུན། །མ་མོའི་ཡོན་ཏན་བདག་ཉིད་ཡིན། །ཐམས་ཅད་རང་ལས་བྱུང་བས་ནི། །ཕྲིན་ལས་རྣམ་བཞི་ཅིར་སྤྱད་ཀྱང་། །མ་མོའི་ཕྲིན་ལས་བདག་ཉིད་ཡིན། །དེ་ལྟར་སྤྱད་ལུགས་ཅི་བདེར་སྤྱད། །ཐམས་ཅད་གཉིས་སུ་མེད་པར་སྤྱད། །ཐམས་ཅད་མ་ལུས་མ་མོར་སྤྱད། །མ་མོའི་སྙིང་པོ་སེམས་སུ་སྤྱད། །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོ་འི་རྒྱུད་ལས་སྤྱོད་པ་བསྟན་པའི་སྐབས་ཏེ་གསུམ་པའོ།། །།ལྷ་མོ་བདེ་བྱེད་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །ལྟ་སྤྱོད་གཉིས་ཀྱི་བདག་མོ་ན། །ཉིད་ཀྱི་སྒོམ་སྒྲུབ་ཇི་ལྟར་ལགས། །ལྟ་སྤྱོད་བདག་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །སྣང་སྲིད་ཐམས་ཅད་མ་མོར་བསྒོམ། །མ་མོ་བྱང་ཆུབ་སེམས་སུ་བསྒོམ། །སེམས་ཉིད་ཡེ་སངས་རྒྱས་པར་བསྒོམ། །ཐམས་ཅད་འབྱུང་བ་ལྔ་རུ་བསྒོམ། །འབྱུང་བ་ལྔ་ཉིད་ནམ་མཁར་བསྒོམ། །ཕྱི་ནང་སྣོད་བཅུད་ཆོས་རྣམས་ཀུན། །ཆོས་ཉིད་བྱང་ཆུབ་སེམས་སུ་བསྒོམ། །དབྱིངས་དང་ཡེ་ཤེས་གཉིས་མེད་ན། །དེ་ཡང་མ་མོའི་སྒོམ་པ་ཡིན། །ཐབས་དང་ཤེས་རབ་གཉིས་མེད་ན། །དེ་ཡང་མ་མོའི་སྒོམ་པ་ཡིན། །འཁོར་བ་མྱང་འདས་གཉིས་མེད་ན། །དེ་ཡང་མ་མོའི་སྒོམ་པ་ཡིན། །སངས་རྒྱས་སེམས་ཅན་གཉིས་མེད་ན། །དེ་ཡང་མ་མོའི་སྒོམ་པ་ཡིན། །བདེ་དང་སྡུག་བསྔལ་གཉིས་མེད་ན། །དེ་ཡང་མ་མོའི་སྒོམ་པ་ཡིན། །ཤེས་རབ་ཏིང་འཛིན་གཉིས་མེད་ན། །དེ་ཡང་མ་མོའི་སྒོམ་པ་ཡིན། །ལྟ་བ་སྤྱོད་པ་གཉིས་མེད་ན། །དེ་ཡང་མ་མོའི་སྒོམ་པ་ཡིན། །ཕྱི་ནང་སྣོད་བཅུད་གཉིས་མེད་ན། །དེ་ཡང་མ་མོའི་སྒོམ་པ་ཡིན། །ཡུལ་དང་དབང་པོ་གཉིས་མེད་ན། །དེ་ཡང་མ་མོའི་སྒོམ་པ་ཡིན། །མ་མོ་སེམས་དང་གཉིས་མེད་ན། །བསྒོམ་དུ་མེད་པ་སྒོམ་པའི་མཆོག །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྒོམ་པ་བསྟན་པའི་སྐབས་ཏེ་བཞི་པའོ།། །།དེ་ནས་གྲུབ་པ་བསྟན་པ་ནི། །སྣང་ཞིང་སྲིད་པའི་ཆོས་རྣམས་ཀུན། །ཐམས་ཅད་མ་མོར་བསྒྲུབ་པར་བྱ། །མ་མོ་རང་བྱུང་སེམས་སུ་བསྒྲུབ། །སེམས་ཉིད་ཡེ་བསྒྲུབས་ཆེན་པོ་ཡིན། །སྣང་མེད་ཀུན་ཏུ་སྣང་བའི་གདོས་པ་ཅན། །བྱ་བ་མེད་ཅིང་མཚན་ཉིད་ཅི་དགར་འགྱུར། །ནོར་བུ་རིན་ཆེན་ལྟ་བུའི་སེམས་ཉིད་དེ། །མ་མོ་མཁའ་འགྲོ་སེམས་ཅན་རྣམས་ཀྱི་དངོས། །དེ་ཉིད་མ་ཡེངས་མ་མོའི་སྒྲུབ་པ་ཡིན། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྒྲུབ་པ་བསྟན་པའི་སྐབས་ཏེ་ལྔ་པའོ།། །།ལྷ་མོ་བདེ་བྱེད་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །སྒོམ་སྒྲུབ་གཉིས་ཀྱི་བདག་མོ་ནི། །ཉིད་ཀྱི་སྦྱོར་སྒྲོལ་ཇི་ལྟར་ལགས། །སྒོམ་སྒྲུབ་བདག་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །བདེ་གཤེགས་ཐུགས་ཀྱི་ཡེ་ཤེས་ལ། །རང་གི་ཡེ་ཤེས་བློ་ཡིས་སྦྱོར། །ཐམས་ཅད་ཆོས་ཀྱིས་ཆོས་ཉིད་ལ། །སེམས་ཀྱིས་སེམས་ཉིད་གཉིས་མེད་སྦྱོར། །ཐབས་དང་ཤེས་རབ་གཉིས་མེད་སྦྱོར། །དབྱིངས་དང་ཡེ་ཤེས་གཉིས་མེད་སྦྱོར། །སངས་རྒྱས་སེམས་ཅན་གཉིས་མེད་སྦྱོར། །འཁོར་བ་མྱང་འདས་གཉིས་མེད་སྦྱོར། །ཕྱི་ནང་སྣོད་བཅུད་གཉིས་མེད་སྦྱོར། །ཡུལ་དང་དབང་པོ་གཉིས་མེད་སྦྱོར། །སྣང་སྲིད་ཐམས་ཅད་མ་མོར་སྦྱོར། །མ་མོའི་སྙིང་པོ་སེམས་སུ་སྦྱོར། །སེམས་ཉིད་ཡེ་སྦྱོར་ཆེན་པོ་ཡིན། །དེ་ལྟར་གཉིས་མེད་སྦྱོར་བ་ན། །དེ་ནི་མ་མོའི་སྦྱོར་བ་ཡིན། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྦྱོར་བ་བསྟན་པའི་སྐབས་ཏེ་དྲུག་པའོ།། །།དེ་ནས་སྒྲོལ་བ་བསྟན་པ་ནི། ཁམས་གསུམ་ཐམས་ཅད་རང་གི་སེམས་ཡིན་པས། །སེམས་ཉིད་ཡེ་སངས་རྒྱས་པས་ཁམས་གསུམ་ཡོངས་སྒྲོལ་ལ། །སྲིད་གསུམ་ཐམས་ཅད་རང་གི་སེམས་ཡིན་པས། །སེམས་ཉིད་ཡེ་སངས་རྒྱས་པས་བྱར་མེད་འབད་རྩོལ་བྲལ། །སྲིད་པ་དག་པའི་ཞིང་དུ་ཡེ་སྒྲོལ་ཆེན་པོ་ཡིན། ཁུ།ད་དྲུག་ཕུང་པོར་སྣང་བ་ཡང་། །རང་གི་སེམས་ཉིད་ཡིན་ཏེ་ཡེ་སངས་རྒྱས། ཁུད་དྲུག་འཁོར་བའི་རྩད་བཅད་དག་པའི་ཞིང་དུ་སྒྲོལ། །རྒྱུད་ལྔ་ལམ་གྱི་སྒོ་ཡང་རང་གི་སེམས་ཡིན་པས། །སེམས་ཉིད་ཡེ་ནས་སངས་རྒྱས་པས། །ངན་སོང་ལམ་ཡང་ཡེ་ནས་མེད །ཡེ་ནས་དག་པས་དག་པའི་ཞིང་དུ་སྒྲོལ། །སྣང་སྲིད་ཐམས་ཅད་མ་མོའི་ངང་དུ་བསྒྲལ། །མ་མོ་མཁའ་འགྲོ་བྱང་ཆུབ་སེམས་སུ་བསྒྲལ། །སེམས་ཉིད་ཡེ་སངས་རྒྱས་པས་ཡེ་བསྒྲལ་ཆེན་པོ་ཡིན། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྒྲོལ་བ་བསྟན་པའི་སྐབས་ཏེ་བདུན་པའོ།། །།ལྷ་མོ་བདེ་བྱེད་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །སྦྱོར་སྒྲོལ་གཉིས་ཀྱི་བདག་མོ་ན། །ཉིད་ཀྱི་གསོ་གསད་ཇི་ལྟར་ལགས། །སྦྱོར་སྒྲོལ་བདག་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །འཁོར་བའི་སྡུག་བསྔལ་ཐམས་ཅད་ཀུན། །བདེ་ཆེན་ཆོས་ཀྱི་དབྱིངས་སུ་གསོ། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་བྱང་ཆུབ་སེམས་སུ་གསོ། །ཐུགས་རྗེ་ཆེན་པོའི་བྱིན་རླབས་ཀྱིས། ཁམས་གསུམ་སེམས་ཅན་ཉོན་མོངས་གསོ། །འདུ་བའི་ནད་ཀྱིས་ཟིན་པ་རྣམས། །བདུདརྩི་ཆེན་པོའི་སྨན་གྱིས་གསོ། །ཐུགས་རྗེའི་རྒྱུན་ཐག་ཆད་པ་རྣམས། །རང་བྱུང་ཡེ་ཤེས་ཐུགས་རྗེས་གསོ། །དམ་ཚིག་རྒྱུན་ཐག་ཆད་པ་རྣམས། །མི་བརྗེད་གཟུངས་ཀྱི་ཐུགས་རྗེས་གསོ། ཁེས་རབ་མེ་སྟག་ཤི་བ་རྣམས། །ཏིང་འཛིན་མི་ཡེངས་བརྟན་པོས་གསོ། ཁྲེས་རབ་མེ་ལྕེ་ཆད་པ་རྣམས། །རྟོགས་པའི་ཁྱད་པར་བརྟན་པོས་གསོ། །རང་བྱུང་ཡེ་ཤེས་རྒྱུན་ཆད་པ། །སྙིང་པོ་བྱང་ཆུབ་སེམས་ཀྱིས་གསོ། །སེམས་ཀྱི་དེ་ཉིད་མ་རྟོགས་པས། ཁྲེས་རབ་ཏིང་འཛིན་བརྟན་པོས་གསོ། །མ་མོ་མཁའ་འགྲོ་གདུག་ག་་པ། །སྙིང་པོ་བྱང་ཆུབ་སེམས་ཀྱིས་གསོ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་གསོ་བ་བསྟན་པའི་སྐབས་ཏེ་བརྒྱད་པའོ།། །།གསད་པའི་སྦྱོར་བ་བསྟན་པ་ནི། །དུག་ལྔ་ཡེ་ཤེས་ལྔ་རུ་བསད། །དུག་གསུམ་སྐུ་གསུང་ཐུགས་སུ་བསད། །སྡུག་བསྔལ་བདེ་བ་ཆེན་པོར་བསད། །འཁོར་བ་མྱ་ངན་འདས་པར་བསད། ཁྲེས་རབ་མེ་ལྕེ་འབར་བ་ཡིས། །གཟུང་འཛིན་རླུད་ཚུབ་འཅོས་པ་བསད། ཁྲེས་རབ་མེ་སྟག་ཆེན་པོ་ཡིས། །རྣམ་རྟོག་གྲུ་ཆར་འབབ་པ་བསད། །རྣལ་འབྱོར་རྟོགས་པའི་ཁྱད་པར་གྱིས། །མ་རྟོགས་རྨོངས་པའི་གཏི་མུག་བསད། །ཡེ་ཤེས་ཉི་མ་འོད་གསལ་བས། །གཏི་མུག་མུན་པ་འཐིབས་པ་བསད། །སྣང་སྲིད་ཆོས་རྣམས་སེམས་སུ་བསད། །མ་མོ་མཁའ་འགྲོའི་དབྱིངས་སུ་བསད། ཁེ་བ་མེད་པས་ཡེ་བསད་ཡིན། །སེམས་ཅན་ཐམས་ཅད་སེམས་སུ་བསད། །རྟོགས་པ་མངོན་དུ་གྱུར་པ་ན། །ཏིང་འཛིན་ལས་སུ་རུང་བ་ན། །སྣང་སྲིད་ཐམས་ཅད་གསད་པར་བྱ། །གསད་དུ་མེད་དེ་ཡེ་བསད་ཡིན། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་བསད་པ་བསྟན་པའི་སྐབས་ཏེ་དགུ་པའོ།། །།ལྷ་མོ་བདེ་བྱེད་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །གསོ་གསད་གཉིས་ཀྱི་བདག་མོ་ན། །ཉིད་ཀྱི་དབབ་བཅད་ཇི་ལྟར་ལགས། །གསོ་གསད་བདག་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །འཁོར་བའི་ལུང་རོང་སྐམ་པོ་སྲ །བྱང་ཆུབ་སེམས་ཀྱི་ཆུ་བོ་དབབ། །རྣམ་རྟོག་མེ་ཆེན་འབར་བ་ལ། །ཡེ་ཤེས་ཆེན་པོའི་ཆུ་བོ་དབབ། །དུག་ལྔའི་འབྲས་བུ་སྨིན་པ་ལ། །ཡེ་ཤེས་ལྔ་ཡི་སེར་བ་དབབ། །དུག་གསུམ་ལོ་མ་རྒྱས་པ་ལ། །སྐུ་གསུང་ཐུགས་ཀྱི་ཐོག་ཆེན་དབབ། །གཟུང་འཛིན་རླུང་ཚུབ་ལྡང་བ་ལ། །ཏིང་འཛིན་བརྟན་པོའི་ཐིབས་ཀྱིས་གནོན། །ཡུམ་གྱི་པདྨའི་བྷ་ག་སྲ །བྱང་ཆུབ་སེམས་ཀྱི་ཆུ་བོ་དབབ། །ཆོས་ཀྱི་དབྱིངས་ཉིད་གདལ་བ་སྲ །རིག་པའི་ཡེ་ཤེས་ཆུ་བོ་དབབ། །མཁའ་དབྱིངས་བདེ་ཆེན་ཀློང་ཡངས་སུ། །ཤེས་རབ་ཏིང་འཛིན་ཆུ་བོ་དབབ། །མཁའ་འགྲོ་མ་མོའི་ཕྱོགས་ཆད་དུ། །སྙིང་པོ་བྱང་ཆུབ་ཆུ་བོ་དབབ། །དབབ་ཏུ་མེད་དེ་ཡེ་ཕབ་ཡིན། །དེ་ལྟར་དབབ་པ་བསྟན་པ་ནི། །བྱང་ཆུབ་སེམས་ཀྱི་ཆུ་ཆེན་ཏེ། །མ་མོ་མཁའ་འགྲོའི་དབབ་ལུགས་ཡིན། །ཟ་བྱེད་སྤྱང་རྒྱལ་ནག་མོའི་རྒྱུད་ལས་དབབ་པ་བསྟན་པའི་སྐབས་ཏེ་བཅུ་པའོ།། །།དེ་ནས་བཅད་ལུགས་བཀའ་སྩལ་པ། །བདེ་ཆེན་ཆོས་དབྱིངས་ཀློང་ཡངས་སུ། །ཉོན་མོངས་འཁོར་བའི་རྒྱུན་ཐག་བཅད། །ང་དང་བདག་ཏུ་བལྟ་བ་ལ། །གཉིས་མེད་རལ་གྲི་རྣོན་པོ་ཡིས། །བྱང་ཆུབ་སེམས་སུ་རྒྱུན་ཐག་གཅད། །དུག་ལྔའི་ཁང་བུར་བཅུག་པ་ལ། །ཡེ་ཤེས་ལྔ་རུ་རྒྱུན་ཐག་གཅད། །དུག་གསུམ་དྲ་བར་ཆུད་པ་ལ། །སྐུ་གསུང་ཐུགས་སུ་རྒྱུན་ཐག་གཅད། །ཆགས་སྡང་ལྕགས་སུ་བཙུད་པ་ལ། །ཐབས་དང་ཤེས་རབ་སྤུ་གྲི་ཡིས། །ཆགས་སྡང་གཉིས་ཀྱི་རྒྱུན་ཐག་བཅད། །ཡིད་གཉིས་ཐེ་ཚོམ་ཟ་བ་ལ། ཁྲེས་རབ་ཏིང་འཛིན་བརྟན་པོ་ཡིས། །ཡིད་ཆེས་དད་པར་རྒྱུན་ཐག་གཅད། །སྣང་སྲིད་མ་མོ་ཐམས་ཅད་ཀུན། །རང་གི་སེམས་ལས་བྱུང་བས་ན། །སེམས་ཉིད་ཡིན་པར་རྒྱུན་ཐག་གཅད། །གཅད་དུ་མེད་དེ་རྣམ་རྟོག་རྣམས། །ཡེ་སངས་རྒྱས་པས་ཡེ་རྩད་གཅད། །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་གཅད་ཐབས་བསྟན་པའི་སྐབས་ཏེ་བཅུ་གཅིག་པའོ།། །།བདེ་བྱེད་ལྷ་མོས་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །དབབ་གཅད་གཉིས་ཀྱི་བདག་མོ་ན། །ཉིད་ཀྱི་མངོན་དུ་སྒྲུབ་ཐབས་གང་། །རྫས་དང་བྱ་བ་ཇི་ལྟར་ལགས། །ཕྲིན་ལས་གཞུད་བསྲང་ཇི་ལྟར་ལགས། །སྒྲུབ་ཐབས་རྣམ་པ་དུ་རུ་བསྟན། །དབབ་གཅད་བདག་མོས་བཤད་དུ་གསོལ། །དེ་སྐད་གསོལ་བ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །ལས་སུ་བྱ་བའི་བྱེ་བྲག་རྣམས། །ངེས་པར་བཤད་ཀྱི་ཚུལ་བཞིན་ཉོན། །མངོན་དུ་སྒྲུབ་ཐབས་རྣམ་པ་གསུམ། །རབ་ཀྱིས་ཏིང་འཛིན་བརྟེན་ནས་བསྒྲུབ། །འབྲིང་གིས་སྔགས་ལ་བརྟེན་ཏེ་བསྒྲུབ། །ཐ་མས་རྫས་ལ་བརྟེན་ཏེ་བསྒྲུབ། །རབ་ཀྱིས་ཏིང་འཛིན་སྒྲུབ་ཐབས་ནི། །དཀྱིལ་འཁོར་གཞལ་ཡས་གསལ་བ་ལ། །དམིགས་པ་བསྐྱེད་ལ་ནན་ཏན་བྱ། །དམིགས་པ་གསལ་བར་གྱུར་པ་དང་། །ཏིང་འཛིན་བརྟན་པོར་གྱུར་པ་ཡིས། །མ་མོ་ལས་སུ་རུང་བ་དང་། །རྣལ་འབྱོར་ལུས་དང་གྲིབ་བཞིན་འགྱུར། །དམིགས་པ་གསལ་བར་མ་གྱུར་ཅིང་། །ལྷ་མོ་ལས་སུ་མ་རུང་ན། །ནམ་ཀྱང་བཀོལ་དུ་མི་བཏུབ་སྟེ། །དབེན་པ་ཆེན་པོའི་ས་ཕྱོགས་སམ། །དུར་ཁྲོད་མ་མོ་ཆགས་ས་མྲ །བདག་ལས་མ་ཡིན་གཞན་མི་བསྙེན། །འདུ་འཛི་སྤངས་ལ་བདེ་གནས་བཤམས། །མཎྜལ་ཆག་ཆག་ལེགས་བཏབ་ལ། །དར་དཀར་རས་ལ་མ་མོ་ཉིད། །འབྲི་མཁན་དམ་ཚིག་ཅན་གྱིས་བྲི། །མདོག་ནག་ཞབས་བགྲད་མཆེ་གཙིགས་པ། །སྤྱན་བཟློག་རལ་པ་ཐུར་དུ་བསིག །མཐིང་གའི་རལ་པ་ཆག་གང་བ། །འོད་འབར་གྱེན་དུ་བསྒྲེང་བའོ། །གཡས་པ་བམ་ཆེན་ཙིསྟ་ལ། །གཡོན་པ་སྤྱང་མོ་ཕྲ་ཐབས་ཐོགས། །སྐྲ་དང་རལ་པའི་གསེབ་ནས་ཀྱང་། །སྤྱང་མོ་མང་པོ་འཕྲོ་བ་བྲི། །གཡས་སུ་སྒྲོལ་བའིགིངཆེནབྲི། །གཡོན་དུ་སྦྱོར་བའིགིངཆེནབྲི། །ཁདོག་གཟུགས་མདངས་མཛེས་པར་བྲི། །དེ་ལྟར་བྲིས་པའི་མ་མོ་དེ། །མཎྜལ་དབུས་སུ་དེ་བཞག་ལ། །དམིགས་པ་བསྐྱེད་ལ་ནན་ཏན་བྱ། །རེས་བྱིང་རེས་གསལ་ཅུང་ཟད་ཙམ། །མང་དུ་བྱུང་བས་ནན་ཏན་བྱ། །དེ་ལྟར་བྱུང་སྟེ་མངོན་གསལ་ན། །རང་གི་སེམས་ཉིད་ཡིན་པར་བལྟ། །ལོའམ་ཟླ་བའི་བར་དུ་བྱ། །དེ་ལྟར་ཡིན་པར་ཤེས་རྟོགས་ན། །ཕྲིན་ལས་རྣམ་བཞི་ཅི་དགར་སྤྱད། །ཞི་རྒྱས་གཉིས་ཀྱིས་གསོ་བར་བྱ། །དབང་དྲག་གཉིས་ཀྱིས་གསད་པར་བྱ། །གསལ་བ་མངོན་དུ་གྱུར་པ་ན། །རང་ཉིད་ཅི་བདེ་ཅི་དགར་སྤྱད། །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་རབ་ཏིང་ངེ་འཛིན་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་གཉིས་པའོ།། །།སྔགས་ལ་བརྟེན་ཏེ་བསྒྲུབ་པ་ནི། །དེ་ལྟར་བཀྲམ་པའི་མ་མོ་དེའི། །མདུན་དུ་དམ་རྫས་འཚོགས་བྱས་ལ། །སྔགས་ནི་སེམས་མ་ཞུགས་པར་བཟླས། །ཏྲག་རསྒ་ཁ་མུན་ཏྲ་མུ་རུ་ལུ་རུ་ལུ་ཧུ༷་སྨྱོ་ཧུ༷། རག་མོ་ཏེ་ཀུམ་ཛ་ཛ་ཁ་ལ་སྨྱོ། རུ་ལུ་རུ་ལུ་མ་ཧི་སྨྱོ། དེ་ནི་རྒྱུན་དུ་དྲང་བར་བྱ། །དྲག་མོའི་སྔགས་འདིས་མཆོད་པར་བྱ། ཁྲ་ཁྲག་སྙིང་སོགས་སྤྱན་གཟིགས་དང་། །གཏོར་མ་རྒྱས་པར་གསལ་བཀྲམ་ལ། །སྒག་རསྒ་ཏྲག་རསྒ་ཙིསྟ་ཁུ་ཧི་སྙིང་ཁ་རག །སྒག་རསྒ་གྲམ། མ་ཧྭ་མྱ༷་ས་ལ་ཡ མ་ཧྭ་རཀྟ་གྲམ། ཙིཀྟ་རྦད་ཐུམ་རི་ལི་ལི་རྦད། དྲག་པོའི་སྔགས་འདིས་ལས་ལ་བཏང་། ཏྲག་རསྒ་བཛྲ་ཁ་ཆུམས་རི་ལི་ལི། སྨྱོ་རྦད་སྨྱོ། པྲ་ཏི་ས་ན་མ་ཛ་སྨག་པྲ་ཏི་ས་ནམ་ཛ་ནི་ཁྲི་རྨག་ཁུམ་ཁུམ་མག་མག་ཆོད། ཡུངས་ཀར་ཡུངས་ནག་སྐེ་ཚེ་དང་། །དུག་རྫས་ལ་སོགས་རྫས་ཀྱིས་བརྡེག །རྫས་རྣམས་སྒྲོལ་བའི་གིང་དུ་བསྒོམ། །དེ་བཞིན་སྔགས་རྣམས་རིམ་གྱིས་སོ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྔགས་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་གསུམ་པའོ།། །།རྫས་ལ་བརྟེན་ཏེ་བསྒྲུབ་པ་ནི། །རྫས་ནི་རྣམ་པ་ལྔ་རུ་བཤད། །དབང་རྫས་མཆོད་རྫས་བསྒྲུབ་པའི་རྫས། །བརྟེན་རྫས་བསྐང་རྫས་ལྔ་རུ་བཤད། །དབང་རྫས་བྱང་སེམས་དཀར་དམར་དང་། །ཆང་ཕུད་ཨ་མྲི་ཏ་སྦྱར་བའོ། །རྒྱུས་ཆེན་སྲོག་ཤད་ལ་སོགས་པའོ། །མཆོད་རྫས་སྙིང་ཁྲག་ལ་སོགས་ཤ །དཀར་གསུམ་མངར་གསུམ་སྤྱན་གཟིགས་སོགས། །སྨན་དང་ཕུད་དང་སྙིང་གིས་མཆོད། །འབྲས་བུ་སྣ་ཚོགས་དེ་བཞིན་དུའོ། །སྒྲུབ་རྫས་རྦ་ཀར་ཚིགས་གསུམ་པ། །དུག་ཁྲག་ལ་སོགས་ཐུན་རྣམས་སོ། །རྟེན་རྫས་ཤེས་རབ་མཚལ་ཆེན་དང་། །ཨ་མྲི་ཏ་དང་བྱང་ཆུབ་སེམས། ཁྲ་ཁྲག་སྙིང་སྣ་ཚོགས་པའི་ཕྱེ། །རྟག་ཏུ་ལུས་ལ་བསྲེལ་བར་བྱ། །རུ་དར་དམར་ནག་ལེ་བརྒན་གུར། །རྨ་བྱའི་རྒྱལ་མཚན་མཐིང་ནག་གུར། །སྣེལ་མོའི་གཡང་གཞི་སྣེལ་མོའི་མགོ །ནལ་བུའི་རྒྱལ་མཚན་ཤ་ཁྲག་སྙིང་། །སྤྱི་བླུགས་ཞྭ་དང་རྔ་གླིངདུང། །ཙིསྟའིརྒྱལམཚན་ལུག་ནག་གསེབ། །ལྟག་སྤྲོད་རྔ་དངཕྲེངཆེནརྣམས། །མ་མོ་བརྟེན་པའི་རྫས་སུ་བཤད། །བསྐང་རྫས་འབྲས་བུ་སྣ་ཚོགས་དང་། །བྱ་ནག་ལུག་ནག་ཁྱི་རོག་མོ། །འབྲི་རོག་མོ་ལ་སོགས་པས་བསྐང་། །མི་ཁྱི་རྟ་ཡི་བམ་གྱིས་བསྐོར། །མདོས་ལ་སོགས་པའང་དེ་བཞིན་ནོ། །དེ་ལྟར་རྫས་རྣམས་ཚོགས་པ་དང་། །མ་མོ་གཉིས་སུ་མེད་པར་འགྱུར། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་རྫས་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་བཞི་པའོ།། །།དེ་ནས་ཕྲིན་ལས་གཞུད་བསྲང་བ། །བྲག་དམར་ཆོལ་ཟངས་འདྲ་བའམ། །མཚོ་གླིང་དུར་ཁྲོད་དག་ཏུ་བསྒྲུབ། །ཟླ་བ་མར་གྱི་ཉི་ཤུ་གཉིས། །གཟའ་མཆོག་སྒྲ་གཅན་འཛིན་ལ་གཏད། །བསྒྲུབ་བྱ་ཤེས་ལྡན་དབང་རྫོགས་པས། །དཀྱིལ་འཁོར་ཞི་རྒྱས་དབང་དྲག་བཞི། །དབུས་སུ་མཚལ་གྱིས་ཏྲག་བྲིས་ལ། །རྦ་དཀར་ཚིགས་གསུམ་གཟུགས་པར་བྱ། །སྐྱེར་པ་མགོ་ལིང་ཡལ་ག་ལྔ། །དེ་བཞིན་མཁའ་བའི་རྩ་རུ་གཟུག །སྣེལ་མོའི་ཐོད་པ་དུམ་ལྔའི་ནང་། །རྟེན་རྫས་ཤེས་རབ་མཚལ་ཆེན་དང་། །ཨ་མྲི་ཏ་དང་ཆང་ཕུད་སོགས། །སྤྱན་གཟིགས་གཏོར་མ་དེ་བཞིན་ཏེ། །རྒྱབ་ནི་འཇམ་དཔལ་ཕུར་ལ་བརྟེན། །ཡང་ན་ཆེ་མཆོག་དེ་བཞིན་ནོ། །ཏིང་འཛིན་རྣམ་གསུམ་གསལ་བསྒོམ་ལ། །དབང་ཆེན་གཞལ་ཡས་གདན་བཅས་བསྒོམ། །བསྐྱེད་པ་རྐྱེན་གྱི་སྔགས་བརྗོད་དེ། །དབུས་ཀྱི་ཤིང་དང་ཐ་མི་དད། །སྐུ་ལ་དབང་བསྐུར་དུག་གིས་མཐུ་བྱིན་བསྐྱེད། །ཕྲིན་ལས་རྫོགས་ནས་རྟག་པར་རྒྱུན་སྔགས་བཟླས། །བར་དུ་རྦད་ཅིང་ཐ་མར་བསད་སྔགས་བཟླས། །བརྡེག་པའི་སྔགས་བཟླས་སྙིང་ཐུན་དབབ་པར་བྱ། །གཏོར་མ་གཏང་ཞིང་ལས་ཀྱི་མཐའ་བསྡུ་སྟེ། །ས་ཚོན་མཁར་བ་དགྲ་བོའི་ཕྱོགས་སུ་བསྟན། །བརྣག་པའི་ལིསྐོ་དུག་གིས་གནན་པར་བྱ། །མིང་བྱང་གཏུབ་ཅིང་སྔགས་བཟླས་སྤྱིན་བསྲེག་བྱ། །རྦ་དཀར་མི་ལག་མི་བསྐུར་རྟག་ཏུ་མ་མོར་བསྒོམ། །ཕྲིན་ལས་ཡོངས་སུ་རྫོགས་ནས་ལུས་དང་གྲིབ་བཞིན་འགྱུར། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ཕྲིན་ལས་བསྟན་པའི་སྐབས་ཏེ་བཅོ་ལྔ་པའོ།། །།བདེ་བྱེད་ལྷ་མོས་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །ཕྲིན་ལས་ཐམས་ཅད་བདག་མོ་ན། །སྒྲུབ་ཐབས་རྣམས་དུ་རུ་བསྟན། །ཕྲིན་ལས་བདག་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །སྒྲུབ་ཐབས་རྣམ་པ་གསུམ་དུ་བཤད། །ཕོ་བསྒྲུབ་འཁོར་ལོ་ལ་བརྟེན་བསྒྲུབ། །མོ་བསྒྲུབ་འཁོར་བའི་ཁྲག་ལ་བསྒྲུབ། །དྲག་སྔགས་ཡུངས་ཀར་ལ་བརྟེན་བསྒྲུབ། །ཕོ་བསྒྲུབ་འཁོར་ལོར་བརྟེན་བསྒྲུབ་པ། །ཕོ་དང་འཁོར་ལོ་སྟོབས་ཆེ་སྟེ། །དེ་ཕྱིར་འཁོར་ལོར་བརྟེན་ཏེ་བསྒྲུབ། །ཕོ་ནི་གདུག་ཅིང་གཏུམ་པ་སྟེ། །དེ་ཕྱིར་འཁོར་ལོར་བརྟེན་ལ་བསྒྲུབ། །ཕོ་ཡིས་ཐམས་ཅད་སྒྲོལ་བྱེད་པས། །དེ་ཕྱིར་འཁོར་ལོར་བརྟེན་ལ་བསྒྲུབ། །འཁོར་ལོ་བསྐོར་བས་ཐམས་ཅད་སྒྲོལ། །འཁོར་ལོ་བསྐོར་བས་ཐམས་ཅད་གཅོད། །ཕྲིན་ལས་རྣམ་བཞིས་དངོས་པོ་གཅོད། །དེ་ཕྱིར་འཁོར་ལོར་བརྟེན་ཏེ་བསྒྲུབ། །དུར་ཁྲོད་རས་ལ་སྐྱང་ནུལ་བྱ། །དུག་ཁྲག་མཚོན་ལྕགས་བརྡར་ལ་བྱུག །སྒྲོལ་གིང་སྦྱོར་གིང་ཞལ་བྲིས་ལ། །ལྟོ་བར་སྲིད་པའི་འཁོར་ལོ་བསྐོར། །སྲོག་གི་འཁོར་ལོ་བསྐོར་བའི་ཚེ། །སྲོག་ལས་དྲང་བའི་སྙིང་པོས་བསྐོར། །བསད་པའི་འཁོར་ལོ་བསྐོར་བའི་ཚེ། །ཕུང་ཞིང་བསྒྲལ་བའི་འཁོར་ལོ་བསྐོར། །བར་བར་མིང་རུས་ཤམ་བུར་སྦྱར། །བཱ་ར་ཡ་ཡི་སྨྱོ་བསྒྲགས་གདབ། །སྲོག་གི་འཁོར་ལོ་སྒྲུབ་པ་ན། །བདུད་རྩི་ཆང་ཕུད་སྨན་གྱིས་བཀྲུ། །བསྐང་བའི་ཆོ་ག་རྒྱ་ཆེར་བྱ། །བསད་པའི་འཁོར་ལོ་འགྲུབ་པའི་ཚེ། །རབས་ཆད་ཐོད་བཅུག་གནན་གཏད་བྱ། །སྒྲོལ་བ་སྒྲོལ་གིང་ཉིད་ལ་སྟེ། །གཏད་པ་ཞང་པོ་ཀླུ་ལའོ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ཕོ་འཁོར་ལོ་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་དྲུག་པའོ།། །།མོ་སྒྲུབ་འཁོར་བའི་ཁྲག་ལ་བསྒྲུབ་པ་ནི། །མོ་ཡི་རང་བཞིན་འདོད་ཆགས་ཆེ། ཁྲག་གི་རང་བཞིན་ཆགས་པའི་རྒྱུ། །ཆགས་པའི་འབྲས་བུ་ཁྲག་ཏུ་སྨིན། །དེ་ཕྱིར་ཁྲག་ལ་བརྟེན་ཏེ་བསྒྲུབ། །དང་པོ་བསྒྲུབ་ཚེ་ཁྲག་གིས་མཆོད། །བསདཔའིམཚོན ཆཁྲགགིསབྱ། ཁྲག་ལ་དུག་གི་གྲོགས་དང་སྦྱར། །དུག་ཁྲག་ནད་ཀྱི་རྒྱུ་ཡིན་པས། །གསོད་ཚེ་དུག་ཁྲག་སྤྱོ་བར་བྱ། ཁྲག་ལ་རྣམ་པ་གཉིས་ཡོད་སྟེ། ཁེ་བའི་ཁྲག་དང་གསོན་པོའི་ཁྲག །གསོན་པའི་ཁྲག་གིས་བསྒྲུབ་ཅིང་མཆོད། ཁོ་བའི་ཁྲག་གིས་གསད་པར་བྱ། །དུག་དང་ཁྲག་གཉིས་དྲག་པོའི་རྫས། ཁྲག་འཕང་དུག་ལ་གནན་པ་བྱ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་མོ་འཁོར་བའི་ཁྲག་ལ་བརྟེན་ཏེ་བསྒྲུབ་པའི་སྐབས་ཏེ་བཅུ་བདུན་པའོ།། །།དྲག་སྔགས་ཡུངས་ཀར་ལ་བརྟེན་བསྒྲུབ་བྱ་བ། ཡུངས་ཀར་སྔགས་ཀྱི་མཚོན་ཡིན་ཏེ། །དྲག་པོའི་རྫས་སུ་རབ་ཏུ་བསྔགས། །ཡུངས་ཀར་རྒྱལ་པོ་དག་ལའང་། །གོང་དུ་བསྙེན་པ་རྫོགས་བྱས་ཏེ། །མཚན་མ་དྲོད་ལ་ཕེབས་པ་དང་། །དམིགས་བྱའི་ལིསྐོ་ཉིད་ལའོ། །ཏྲིག་ཏྲིག སེར་སེར། ཀུ་ལུ་ཀུ་ལུ། མོ་ཀུ་མོ་ཀུ། ཙ་ཧ་ཙ་ཧ། མུ་ཏ་ཛ་ལ་ཁ་ཧེ། ཙག་ར་ལྡིང་། མུ་ལུ་མུ་མྲ མྱོགས་ལྡིང་ལྡང་། བུ་ཆག་ཕྱུག མི་ཧ་ཧེ། བཤལ་བཤུལ། མུ་ཧུ་པ་ནི་ཙག་ཙག ཙིག་ཙིག མུ་སྟམ་ཏི། ཧེ་ལེ་ཧེ་ཏེ། སུ་རུ་ཙིས་ཙི། མྱོག་མྱོག །ཐུམ་ཐུམ། དཀར་ལྡན་མེ་ཧེ། ཧ༷་ཀུ་ལུ་ཙེ་ཨེ་ཕཊ་ནི། དགའ་བའི་མཆོག་ཆེན་པོའོ། །ཙིང་ལྡིང་མུ་ཀ་ཡེ་ཀོད་ཀོད་མི་ཧེ། མྱ་མྱ། མི་མི་ཙེ་ཀུ། ཧུ་ཧུ་ཙི་ལྡིང་། མུ་ད་ཡ་ཙིང་ལྡིང་། ཁུ་རྩོག་ནེ། ཙ་ཧ་མེ་མུ་ཀ་ཡེ། ཏིང་མུ་ལོང་རྩ་ཀ་ཡེ། སྐར་མི་ཏིང་ཏིང་པྲག་པྲག པྲིབ་པྲིབ་རྩིང་ལེ་སྟེང་། མི་ལོ་ཀ་ཡང་ཤིང་པི་མྱོངས་སྟ་རི། ཞེས་གོང་དུ་བསྙེན་པ་རྫོགས་བྱས་ཏེ། །ལིསྐོ་ཉིད་ལ་བརྡེག་པར་བྱ། །འདི་ནི་སྔགས་ཀྱི་མཆོག་ཡིན་ཏེ། །ཡང་སྙིང་ཐུགས་ཀྱི་རྒྱལ་པོས་བྱ། །བརྡེག་ན་གང་ཡིན་གསོད་པ་སྟེ། །ཕུང་བྱེད་དྲག་སྔགས་གཟིར་བའི་ཐབས། །དཀྲུགས་ན་སྲིད་པ་གོ་བཟློག་སྟེ། །སྲིད་པ་གསུམ་ཡང་འཁྲུགས་པར་འགྱུར། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་དྲག་སྔགས་ཡུངས་ཀར་ལ་བརྟེན་ནས་བསྒྲུབ་པའི་སྐབས་ཏེ་བཅོ་བརྒྱད་པའོ།། །།ལྷ་མོ་བདེ་བྱེད་ཡང་གསོལ་པ། །ལས་ཀྱི་དཀྱིལ་འཁོར་ཆེན་པོ་དག །ཚུལ་དང་ཐབས་ནི་ཇི་ལྟར་ལགས། །རང་བྱུང་རྒྱལ་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །མན་ངག་ལས་ཀྱི་དཀྱིལ་འཁོར་ནི། །དུར་ཁྲོད་མ་ལ་ཡར་སོང་ལ། །སྣེལ་མོའི་རོའམ་ཡང་ན་ནི། །གྲི་མོར་ཤི་བའི་རོ་བླངས་ལ། །སྟི་ར་རོ་ཚོལ་ཆོ་ག་བྱ། །སྤོས་དང་སྨན་གྱིས་རོ་སྦྱངས་ལ། །རོ་ལ་དཀྱིལ་འཁོར་བྲི་བར་བྱ། །སྙིང་གར་སྲོག་གི་འཁོར་ལོ་བྲི། །མཐིང་ནག་གྲུ་གསུམ་ཟླ་གམ་གསུམ། །མུ་ཁྱུད་ཟླུམ་པོ་གྲུ་ཆད་ལྗང་། །སྒོ་བཞི་རིགས་དང་མཐུན་པར་བྱ། ཁྲེས་རབ་མཚལ་གྱིས་སྔགས་འདི་བྲི། །གྲུ་གསུམ་དབུས་སུ་ཏྲག་བྲིས་ཏེ། །ཐ་མར་དྲག་པོ་འདི་རྣམས་བྲི། །རག་རཀྟ་ཁ་མུན་ཏྲ་ཅེས་པ། །སྲིན་མོ་ནག་མོའི་དྲག་སྔགས་ཏེ། །རང་རྟགས་སྲོག་གི་སྙིང་པོར་བཤད། །སྲིད་པ་གསུམ་ཡང་སྒྲོལ་བར་བྱེད། །ཟླ་གམ་གསུམ་ལ་སྔགས་འདི་བྲི། །མུ་རུ་ལུ་རུ་ལུ་ཧུ༷་སྨྱོ་ཧུ༷། གནོད་སྦྱིན་ནག་མོའི་དྲག་སྔགས་ཏེ། །གྲུབ་པ་རྟགས་ཀྱི་སྙིང་པོར་བཤད། །སྲིད་གསུམ་དབང་དུ་སྡུད་པར་བྱེད། །མུ་ཁྱུད་ཟླུམ་པོར་སྔགས་འདི་བྲི། །རཀ་མོ་ཏེ་ཀེ་མ་ཙ་ཙ་ཁ་ལ་མ་ཏི་སྨྱོ། །མ་མོ་ནག་མོའི་དྲག་སྔགས་ཏེ། ཁམས་གསུམ་ཟ་བྱེད་སྙིང་པོར་བཤད། །ཐམས་ཅད་མ་ལུས་ཞི་བར་བྱེད། །གྲུ་ཆད་བཞི་ལ་སྔགས་འདི་བྲི། །རུ་ལུ་རུ་ལུ་མ་ཧི་སྨྱོ། །བདུད་མོ་ནག་མོའི་དྲག་སྔགས་ཏེ། །གདུག་པ་འདུལ་བྱེད་སྙིང་པོར་བཤད། །ཐམས་ཅད་མ་ལུས་རྒྱས་པར་བྱེད། །སྒོ་བཞིར་ཛ༷༷ཧུ༷་བ༷་ཧོ༷༷བྲི། །སྒོ་བཞི་འབྱེད་པའི་ཕོ་ཉ་མོ། །དེ་ལྟར་དཀྱིལ་འཁོར་བྲི་བ་ཡང་། །བྱང་སེམས་དཀར་དམར་སྦྱར་ལ་བྲི། །དེ་ནི་སྲོག་གི་དཀྱིལ་འཁོར་ཡིན། །ལྟེ་བར་སྲིད་པའི་འཁོར་ལོ་བྲི། །དབུས་སུ་དུག་གསུམ་ཡི་གེ་དགོད། །མཐའ་མ་བསད་པའི་སྔགས་ཀྱིས་བསྐོར། །མྱ་རའི་མཐའ་མ་མིང་རུས་སྦྱར། །དུག་དང་ཁྲག་ཏུ་སྦྱར་ལ་བྲི། །སྲིད་པ་བཤིག་པའི་འཁོར་ལོར་བཤད། །གསང་གནས་བསད་པའི་འཁོར་ལོ་དག །གྲུ་གསུམ་བྷ་གའི་མཎྜལ་དུ། །དབུས་སུ་ལྗང་གུའི་ཐྲོ་གཅིག་བྲི། །མཐའ་མ་མིང་རུས་དག་གིས་བསྐོར། །དེ་ཡི་མཐའ་མ་ཛས་བསྐོར་ཏེ། །ལྷ་མོ་ལྕགས་ཀྱུ་སྤྲོ་ཞིང་བསྡུ། །ཞགས་པ་ལྕགས་སྒྲོག་ཐོ་བ་དང་། །མདའ་གཞུ་མེ་རི་དམར་ནག་བྲི། །དེ་ནི་བསྒྲལ་བའི་དཀྱིལ་འཁོར་ཡིན། །ཞལ་དུ་བསྲེག་པའི་མཎྜལ་ལ། ཁུ་གསུམ་རྩེ་མོ་སྣ་སྒོར་བསྟན། །ནང་དུ་རྡོ་སོལ་ཆང་དུ་སྦྱར། །དབུས་སུ་ར༷་ཞེས་བྲི་བར་བྱ། །མཐའ་མར་ཨག་ནེ་མ་བརྒྱད་བྲི། །ཛ་ལ་ར༷་བརྒྱད་བྲི་བར་བྱ། །གྲུ་གསུམ་ཁ་ཁྱེར་མེ་རིས་བསྐོར། །དཔལ་ལྡན་རང་བྱུང་རྒྱལ་མོ་ཡང་། །སྤྱིན་སྲེག་མེ་ཡི་ལྷ་མོར་བསྐྱེད། །དུག་ཤིང་སྣ་ཚོགས་ཧོམ་བྱས་ཏེ། །ཚེར་མ་ཅན་གྱི་ཤིང་ལ་སྤར། །སྤྱིན་སྲེག་འབོད་རྦད་སྦྲེལ་ལ་བྱ། །མགོ་བོ་བྱང་ཤར་མཚམས་སུ་བསྟན། །སྙིང་གར་རྦ་དཀར་ཚིགས་གསུམ་གཟུག །དབང་བསྐུར་སྐུ་བསྐྱེད་ཕྲིན་ལས་བཅོལ། །ལྟེ་བར་འཁོར་ལོར་མིང་རུས་བྲི། །གོས་དང་རྐང་རྗེས་ངར་སྣབས་དང་། །དྲི་ཆེན་དྲི་ཆུ་དག་ལས་བྱ། །སྔོན་དམར་བཏགས་ལ་བྱད་དུ་གཞུག །སྣེ་གཅིག་འཁར་བའི་རྩེ་མོར་གདགས། །ཉམས་པ་ཆོ་ཡི་རྒྱུན་ཐག་ཀྱང་། །མ་མོའི་ཞལ་དུ་རྔུབས་པར་བསམ། །གསང་གནས་བྷ་གའི་འབྲུབ་ཁུང་ཉིད། །ལྕགས་ཀྱི་ཁང་སྒྲོམ་འབར་བར་བསམ། །རབས་ཆད་ཐོད་པར་མིང་རུས་གཞུག །ལྕགས་ཀྱི་ཕུར་བུ་སོར་བརྒྱད་པ། །གདུག་བྱེད་ནག་མོའི་སྐུར་བསྒོམ་སྟེ། །སྔོན་དམར་སྣེ་གཅིག་ཕུར་བུ་ལའོ། །གདུག་བྱེད་ཕུར་བུ་བྷ་གར་གདབ། །བསད་པ་ལས་ཀྱི་སྦྱོར་བ་བྱ། །རོ་དེ་མ་མོ་ཉིད་ཡིན་ཏེ། །ནང་ནུབ་ཉིན་གུང་མཚན་གུང་དུ། །མཆོད་པ་སྤྱིན་སྲེག་ཞལ་དུ་འབུལ། །སྙིང་གར་དར་ནག་གུར་གཅིག་དབུབ། །གལ་ཏེ་རོ་ནི་མེད་གྱུར་ན། །སྦྱིན་པོའི་ས་ལ་རོ་གཟུགས་བྱ། །གོངབཞིནདཀྱིལའཁོར་རྒྱས་པར་བྲི། །རོ་དེ་མི་ཡིས་མཐོང་མི་རུང་། །མཐོང་ན་དམ་ཚིག་ཉམས་པ་སྟེ། །རྣལ་འབྱོར་བདག་ལ་བར་ཆད་འབྱུང་། །མིས་མ་མཐོང་ན་དངོས་གྲུབ་སྟེར། །ཕྲིན་ལས་རྣམ་བཞིའི་དངོས་གྲུབ་ཐོབ། །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་མན་ངག་གསང་བའི་དཀྱིལ་འཁོར་སྲོག་གི་བསྒྲུབ་པའི་སྐབས་ཏེ་བཅུ་དགུ་པའོ།། །།བདེ་བྱེད་ལྷ་མོས་ཡང་གསོལ་པ། །དཔལ་ལྡན་རང་བྱུང་རྒྱལ་མོ་ཆེ། །དེ་ཡི་གསང་སྔགས་ཇི་ལྟར་ལགས། །བདག་འདུད་ཁྱོད་ཀྱིས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །གསང་སྔགས་དགོས་པའི་རྩ་བ་རྣམས། །ངེས་པར་བཤད་ཀྱི་ཡང་དག་ཉོན། །་ག་རསྒ་ཁ་མུན་ཏྲ། མུ་རུ་ལུ་རུ་ལུ་ཧུ༷་སྨྱོ་ཧུ༷། རག་མོ་ཏེ་ཀུམ་ཛུ་ཛུ་ཁ་ལ་སྨྱོ། རུ་ལུ་རུ་ལུ་མ་ཧིང་སྨྱོ། རྩ་བ་རྒྱུན་གྱི་སྙིང་པོ་ཡིན། །སྒག་སྒག་གུར་ལན་གུར་ལན། སེར་སེར་དུག་དུག་ཆ་རུ་ན་ཤག བལ་མོ་ཤམ། མུ་ཀ་ཡེ་ཨ་པ་ཡེ། ཀ་པ་ཡེ། ནམ་མཁའ་ཁམས་ཀྱི་སྒྲ་དྲག་པོའི། །ནུས་པའི་མཐུ་ལྡན་དབང་བསྐུར་སྔགས། །ཛ༷༷ཧུ༷་བ༷་ཧོ༷༷ མ་མ་ཁ་དག་ཤ་མ་མ་ཁ་དག་ཤ་ཛ་ཧུ༷་ཧུ༷་ཧྲིང་ཧྲིང་། དེ་ནི་མ་མོ་སྦྱན་དྲང་སྔགས། །མ་མ་་ག་རསྒ་ས་མ་ཡ་ཏིཇི་ལྷན། དེ་ནི་བཞུགས་སུ་གསོལ་བའི་སྔགས། སྒག་རསྒ་ཨེ་ཀ་ཛུ་ཏི་པ་ཏྲི་ན་མོ། །སྒག་རསྒ་ཙ་པ་ལ་ན་མོ། །དེ་ནི་ཕྱག་བཙལ་བའི་སྔགས་སོ། །མ་མ་སྒག་རསྒ་ཨེ་ཀ་ཛ་ཏི། ཨི་དམ་བ་ལི་པྲུ་ཙ་ཧོ་ཁ་ར༷་ཁུ་ཧི། དེ་ནི་གཏོར་མ་དབུལ་བའི་སྔགས་སོ། །་ག་རསྒ་མ་མ་ཏིཁྱི་ས་མ་ཡ། དམ་བདར་བའི་སྔགས་སོ། །ལས་ལ་དྲག་པོའི་སྔགས་འདིས་བཏང་། །སྒག་རསྒ་མུ་ཏྲ་སྙིང་ཁ་རག་སྲོག་རྩ་རྦད། ཙིསྟ་ལོང་རཀྟ་ཐུན་སྨྱོ། ཐུམས་རི་ལི་ལི་རྦད། དྲག་པོའི་སྔགས་འདིས་གསད་པར་བྱ། །་ག་རསྒ་བཛྲ་ཁ་ཆུམས་རི་ལི་ལི་སྨྱོ་རྦད་སྨྱོ། པྲ་ཏི་ས་མ་ཛ། སྨག་ཕྲ་ཏི་ས་ན་མ་ཛ། སྤོ་ཁ༷་ཁ༷་ཁུ༷་ཁུ༷་མག་མག་ཆོད། མིང་རུས་གཟུགས་ལ་སྔགས་འདིས་བརྡེག ཨོ་མེ་ད་ར་ཧྲི་ཐུམ་རིལ་རྦད། ཨོ་མེ་ད་ར་ལིག་སྙིང་ཁ་རག་རྦད། ཨོ་ཙ་མ་ར་སྙིང་ཁ་རག་ཏི་བཛྲ་དུན་སྨྱོ། བསད་པ་ཕོ་མོའི་སྔགས་འདིས་བརྡེག ཏྲིག་ཏྲིག སེར་སེར། ཀུ་ལུ་ཀུ་ལུ། མོ་ཀུ་མོ་ཀུ། ཙ་ཧ་ཙ་ཧ། མ་ཏི་ཛ་ལ། ཁ་ཧེ་ཙག་ར་ལྡིང་། མུ་ཧུ་མུ་རུ་མྱོགས་ལྡིང་ལྡང་བུ། ཕྱག་ཕྱུག མི་ཧེ་ཧ་བཤལ་བཤུལ། མ་ཧུ་ས་ནེ། ཙག་ཙག་ཙིག་ཙིག་མུ་ཏ༷་མ་ཏི། ཕུ་རུ་ཙིས་ཙི། མྱོགས་མྱོགས། ཐུ༷་ཐུ༷། དཀར་ལྡན་མེ་ཧེ་ཧི། ཀུ་མ་ལུ་ཙེ། ཨེ་ཕཊ་དྲི། དགའ་བའི་མཆོག་ཆེན་པོ།ཙིང་ལྡིང་མུ་ཀ་ཡེ་ཀོད་ཀོད་མི་ཧེ། མྱགས་མྱགས་མི་ཙ་ཀུ། ཧུ་ཧུ་ཙེ་ཧེ། མུད་ཡེ་ཡེ། སྐར་མི་ཏིང་ཏིང་། པྲབ་པྲབ། པྲིབ་པྲིབ། ཙིང་ལེ་ལྡིང་མིང་ལོ་ཀ ཡ་ཤི་བ༷་མྱོགས་སྟ་རི། ཕོ་མོ་བསད་པ་རུ་བཟློག་དང་། །དཀྲུག་དང་བཅུད་དང་བརྡེག་པའི་སྔགས། །དེ་ལ་རབ་ཏུ་བརྣག་པར་བྱའོ། །མོ་རང་སྙིང་ཐུན་སྔགས་འདིས་བསྒྲུབ། །་ག་རསྒ་ཁ་མུན་ཏྲ་མུ་ཏྲ། མུ་རུ་ལུ་རུ་ལུ་ཁ་ལ་མ་ཧི། རུ་ལུ་སྨྱོ། འདིས་སྙིང་ལ་རྦད་པར་བྱའོ། །ཨེ་ཀ་ཛུ་ཏི་མེ་ད་ར་ལིག སྙིང་ཁ་རག་མ། རག་མོ་སྲོག་རྩ་རྦད། ཁ་འདར་རུ་ནི་ས་མ་ཡ་སྨྱོ། འདིས་ནི་གསད་པར་བྱའོ། །ཨེ་ཀ་ཛུ་ཏི་མེ་སེན་མེ་སེན། ་ག་རསྒ། སྙིང་ཁ་རག་ས་མ་ཡ་ཛ་ཛ། དྲག་སྔགས་གསུམ་པའི་བསྒྲུབ་ལུགས་སུ། །ཕུར་བུའི་སྔགས་འདིས་གཟིར་བར་བྱའོ། །ཧུ༷་ཧུ༷་ཚིརྙ་ཚིསྟོ་མྱ་ར་ཡ། མ་ག་ཤ་ཏྲུ༷་པྲ་བེ་ཤ་ཕཊ། ཕུང་པོ་བཤིག་པའི་སྔགས་འདིས་བརྡེག པྲ་བེ་ཤག་ཕཊ། ཙི་བེ་ཤག་ཏེ། མྱོགས་ཤུ་གུ་ཨ༷་ཀུ་ཤ་ཛ། ཙིཀྟ་གུ་ལུ་སྨྲ་ར་མ་ཤག་ཏི་ཛུ། ཡིད་ཀྱི་རྣམ་པར་ཤེས་པ་དྲངས་ཤིག་པའོ། །བམ་རྨུགས་རྦད་ཐིབས། །ལིང་ཤར་ངེས་སོད། །ཙིཏི་རྩད་ནས་དྲོངས་ཤིག་པའོ། །དེ་ནི་སྙིང་ཐུན་སྔགས་གཟེར་ཏེ། །ཕུང་པོ་བཤིག་པའི་དྲག་སྔགས་ཡིན། །ཕྲིན་ལས་བདག་མོ་ཡིན་པའི་ཕྱིར། །ཐམས་ཅད་ཞི་བར་བྱ་བ་ནི། །སྒག་རསྒ་ཨེ་ཀ་ཛུ་ཏི་སརྦ་ཤཱན་ཏིང་ཀུ་རུ་གྲྭ་ཧྭ། ཐམས་ཅད་རྒྱས་པར་བྱ་བའི་ཕྱིར། །སྒག་རསྒ་ཨེ་ཀ་ཛུ་ཏི། སརྦ་པྲཁོ་ཀུ་རུ་གྲྭ་ཧྭ། ཐམས་ཅད་དབང་དུ་བསྡུ་བའི་ཕྱིར། སྒག་རསྒ་ཨེ་ཀ་ཛུ་ཏི། སརྦ་བ་ཤང་ཀུ་རུ་སྲུ་ཧྭ། དྲག་པོས་བསྒྲལ་བ༷འི༷་བསད་སྔགས་ནི། །ཏྲིག་ཏྲིག་སེར་སེར་སྔགས་ཀྱིས་སོ། །སེར་བ་དབབ་ན་འདིའོ། །ཏྲག་རག་ཤ་མ་མ། རག་མོ་ཨེ་ཀ་ཛུ་ཏི། དུད་ཕྲོམ། དཀར་ཕྲོམ། ཤུ་ཏི་ཕྲོམ། ཡུག་ཏི་སྨིན། དྲག་ཏུ་ཚར། ཤར་ཤལ་ཏ་ཕོབ།ཏོ་ཏོ་ཕོབ་དྲག་ཏུ་ཕོབ། ཆོ་འཕྲུལ་ལྷས་ངན་དབབ་པ་ནི། །མ་མ་རག་མོ་ཨེ་ཀ་ཛུ་ཏི། ཡོམ་ལིམ་ཤག་ལིམ་མ་ཤ་ཛུ། མི་ཤ་དུན་ཛ་ཕོབ་ཡ། ཏྲག་ཏག་ཧེ་ཧེ། མ་དུན་ཙ་ཡ། ཀྲམ་ཀེམ། སི་ལ་དུན་ཙེ་ཡ། ཀྱང་ཀྱང་ཕོབ་ཡ། འུར་འུར། ཏྲབ་ཏྲབ་ཐིབ་ཐིབ། ཀྱིང་ཀྱིང་དུན་དུན་ཕོབ་ཡ། ཙི་ཕོ་ལིང་། དུ་ར་ཡག་ཤི།དུ་དུ་བྲི་ལ་དུན་ཙེ་ཕོབ་ཡ། རྒྱ་རྒྱ་ཡ་ཕོབ་ཡ། དེ་ནས་སྔགས་ཀྱི་དགོས་པ་སྟེ། །ཡང་དག་བཤད་ཀྱི་ངེས་པར་བྱོས། །ཟ་བྱེད་སྤྱང་རྒྱལ་ནག་མོའི་རྒྱུད་ལས་དགོས་པ་མ་ལུས་པའི་གསང་སྔགས་ཀྱི་སྐབས་ཏེ་ཉི་ཤུ་པའོ།། །།བདེ་བྱེད་ལྷ་མོས་ཡག་གསོལ་པ། །དཔལ་ལྡན་རང་བྱུང་རྒྱལ་མོ་ཡི། །ཐུན་གྱི་ཁ་ཚར་བདག་ཉན་འཚལ། །གདུག་བྱེད་ལྷ་མོས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །ཐུན་ལ་རྣམ་པ་བཞི་རུ་བཤད། །བསྒྲུབ་པར་བྱ་བའི་ཐུན་བཞི་ནི། །སྙིང་ཐུན་ཁྲག་ཐུན་དུག་ཐུན་ཕུར་ཐུན་ནོ། ཁྲག་ཐུན་སྙིང་དུ་བསྒྲུབ་པར་བྱ། །དཀྱིལ་འཁོར་མཐིང་ནག་གྲུ་གསུམ་དུ། །སྒྱེད་བུ་གསུམ་ཁར་ཐོད་ཁྲག་བཞག །རྒྱས་གདབ་སོལ་རིས་ལེ་བརྒན་གུར། །བྱ་རྒོད་སྒྲོ་རྩ་དག་ནས་བསྔགས། །སྒོ་བཞི་འབྱེད་པའི་ཕོ་ཉ་བཏང་། །སྔོན་དམར་གཟུངས་ཐག་ལྕགས་ཕུར་བརྟོད། །འབྱུང་བཞིའི་མ་མོ་བསྒོམ་ལ་གདབ། །དྲག་སྔགས་འདིས་ནི་མངོན་དུ་བསྒྲུབ། །་ག་རསྒ་ཁ་མུན་ཏྲ། མུ་ཏྲ་ཨེ་ཀ་ཛུ་ཏི་སྙིང་ཁ་རག་མ་སྨྱོ། ་ག་རསྒ་ས་མ་ཡ་དགྲ་བོའི་སྙིང་ལིང་རྦུད། མ་མ་སྙིང་ཁ་རག་སྙིང་ཁ་རག མ་མ་རག་ཤ་མ་མ་རག་ཤ རག་མོ་སྙིང་ཁྲག་ལ་མ་དུན་དུན། ཏྲག་རསྒ་མ། སྙིང་ལེ་ཧེ་ཀེ་མ། མ་མ་རུ་ལུ་རུ་ལུ་སྨྱོ། ཁོག་སྦུབ་དྲོངས་ཤིག །སྙིང་ཁྲག་ལ་ས་མ་ཡ་དྷ༷་ཛ་ཛ། སྙིང་རྩ་ཕྱུང་ཞིག མ་མ་སྙིང་ཙིརྟི་ལ་ཐུན།སྙིང་ཁྲག་མ་མ་ཐུན། ཤི་སྟི་ཏ་མ་སྙིང་ལ་ཡ་མ་སྨྱོ། མ་མ་ཤ་ཤ་མ་མ་ཧྲིང་ཧྲིང་། མུ་མུ་ས་མ་ཡ་དགྲ་བོ་ནི་སྨྱུ་ར་ཡ་སོད་སོད། མ་མ་ཙིརྟི་ཛ་ལ་ར༷། སྙིང་རྩ་ལ་རོལ། ཆུམ་ཐུམ་རི་ལི་ལི། མ་ལས་མྱུར་དུ་མཛོད་ཅིག ཁྲག་ལས་སྙིང་དུ་གྲུབ་པ་དང་། །དེ་ནས་སྔགས་འདི་བཟླས་པར་བྱ། ཨོ་བཛྲ་སྙིང་ལིག ཨོ་བཛྲ་སྙིང་མགོ་ཆོད་ཅིག ཁ་ལ་ཟ་མུན་ཏ་ལོ་དུན་ཏི་ད་ར་ཡ་རྦད། ཨོ་བཛྲ་ཁྲག་ཏི་སྣར་བ་རྦད། ཨོ་བཛྲ་ཙ་ཏུ་ཀྲི་ད་ར་རྦད། ཨོ་ག་ཤུ་ཀྲི་ད་ར་ཏི་ཏི་ཡ་བཛྲ་ཧུ༷་ཕཊ། རྦད་དུ་རྦད་དུ། རྦད་བུ་རྦད་བུ་ད་ར་ཀ་ཡ། སྟིམ་བམ་ཤིསྟ་ས་མ་ཡ། དེ་ནས་སྙིང་དེ་ག་་ཅིང་བསྲེག །དངོས་གྲུབ་མཆོག་ཏུ་ཐོབ་པར་བཤད། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ཁྲག་ཐུན་གྱི་སྐབས་ཏེ་ཉི་ཤུ་གཅིག་པའོ།། །།དེ་ནས་སྙིང་ཐུན་འདི་གསུངས་སོ། ཁུ།་གསུམ་མཐིང་ནག་ཁ་ཁྱེར་ཛ། །དབུས་སུ་བྷནྟྲ་ཁ་སྦྱར་ལ། །ཕྱི་རོལ་དུག་ཁྲག་དམར་ནག་བྱུག །གྲི་མོར་ཤི་བའི་སྙིང་ཆེན་ལ། །ནང་དུ་སྙིང་ཕྱེ་སྣ་ཚོགས་བླུགས། །རྒྱུས་ཆེན་དག་གིས་བཅོམ་པར་བྱ། །མིང་རུས་སྙིང་གར་སྔོན་དམར་བཏགས། །དེ་ཡང་སྙིང་གའི་ནང་དུ་གཞུག །སྐུད་པ་སྲོག་རྩའི་ནང་ནས་ཕྱུང་། །ལྕགས་ཕུར་བརྟོད་ལ་གདུག་བྱེད་བསྒོམ། །ཐོད་པའི་སྟེང་དུ་བུ་གུ་དབུག །གྲི་ལྕགས་སྐྲུ་གུར་ཡུངས་ཀར་བསྔགས། །མཐིང་ནག་དར་རམ་ལེ་བརྒན་གུར། །རྒྱ་དང་བཅས་ཏེ་སྔོན་དམར་བཅིང་། །སྲོག་གི་སྙིང་པོས་མངོན་དུ་བསྒྲུབ། །མ་མ་སྒག་རསྒ་ཁ་མུན་ཏྲ། མུ་རུ་ལུ་རུ་ལུ་ཧུ༷་སྨྱོ་ཧུ༷། རག་མོ་ཏེ་ཀུ་མ་ཛུ་ཁ་ལ་སྨྱོ། འབོད་ཅིང་མ་མོ་མངོན་དུ་བསྒྲུབ། །མ་མ་སྒག་རསྒ་ཁ་མུན་ཏྲ། སྙིང་ཁ་རསྒ་སྲོག་བོད། ཙིསྟ་ལོངས། རཀྟ་ཐུན་སྨྱོ། ཆུམ་ཐུམ་རི་ལི་ལི་རྦད། ཙིསྟ་ཀུ་ལུ་སྨ་ར་མ་ཤག་ཏི་ཛ་ཛ། རྟགས་དང་སྦྱར་ལ་ལས་ལ་རྦད། །དེ་ནས་སྲོག་སྙིང་འདི་ཡིས་བསྒྲུབ། །སྙིང་བམ་རིལ། སྙིང་ཁ་རག་ཚལ་པ། རྦད་འུད་རྦད་ཕཊ། ཙག་ལེ་མུ་རུ་བམ། ཨེ་སྟེ་ཕཊ། ནེ་ཚག་སོད་སོད། འུད་མྱོགས་ཐུམ་རིལ། ཨ་ལོ་ཤ་འུད། ཁ་ཐུན་སྙིང་དུམ་བུ་རྦད། དུག་སྲོག་ཁྱེར་ཡག་ཤ་བམ་རིལ་རྦད། ཡུངས་ཀར་རྒྱལ་པོར་བསྔགས་ཤིང་བརྡེག །དེ་ནས་ཕུར་བུ་དྲིལ་བྱ་ཞིང་། །སྙིང་ལ་མགོ་མཇུག་མེད་པར་བརྡེག །ཨོ་བཛྲ་ཀི་ལ་ཡ་སརྦ་བི་ན་བ༷་ཧུ༷་ཕཊ། ཙིསྟ་རྦུད་ཁུག་ཡང་ཕྱུག་མྱོགས་ཐུམ་བམ་རིལ། ཞུང་ཞུང་ཆུམ་ཆུམ་རྦ་ན་རྦ་ན་ཀི་ལ་ཡ་ཀི་ལ་ཡ། རསྒ་རསྒ། ཁྲུམ་ཁྲུམ། ཀྲོ་དྷ་བམ་རིལ། ཞེས་བརྡེག་གོ །དེ་ནས་སྙིང་དང་ལིསྐོར་བཅས། །གཏུབ་ཅིང་སྔགས་བཟླས་གཏོར་མར་དབུལ། །གཏོར་མ་བདུད་ཀྱི་ཉི་མ་ལ། །རླུ་་ལ་འཕྱར་ན་ཕུང་བར་བཤད། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྙིང་ཐུན་གྱི་སྒྲུབ་པ་བརྣག་པའི་སྐབས་ཏེ་ཉི་ཤུ་གཉིས་པའོ།། །།དེ་ནས་མྱོས་པའི་དུག་ཐུན་དག །ཤིན་ཏུ་དྲག་པོའི་མཛེ་ཐོད་ནང་། །ཕྱི་རོལ་དུག་བྱུག་རེ་བར་གྲིལ། །སྣ་ཚོགས་ཁྲག་དང་དུག་སྦྱར་ལ། །བུད་མེད་ཞབས་མས་ཁ་ཡང་གཅད། །དྲག་པོའི་སྔགས་འདིས་དུག་ཐུན་བསྐྲུབ། །མ་མ་སྒག་རསྒ། ཐུམ་རི་ལི་ལི། བལ་དུག་ཀུན་དུག་ཨེ་ཀ་ཛུ་ཏི་ཏིསྟ་ཙཀྲ་ཀྲོ་དྷ་མྱ་ར་ཡ་སྨྱོ་སྤྱོ། ཁོལ་ལམ་རླངས་བྱུང་སྦོས་པ་ན། །མིང་རུས་དུག་གི་རླངས་པས་བདུག །གྲུ་གསུམ་བཅུག་ལ་དུག་གིས་བརྡེག །ཨོ་ཨུ་བེ་ཤ་ཁ་བེ་ཤ་བེ་ཤ་མ། རུ་བེ་ཤ་ཀ་ཐུན་ཁ་ཐུན། ཤོག་ཐམ་ཤོག་ཐམ། ས་ཐམ་ས་ཐམ། བ༷་མུགས་བ༷་མུགས། མྱོས་རྒལ་མྱོས་རྒལ། ན་ཏི་སྟུ༷་བྷ་ནན། ཞེས་བཟླས་ལ་ལིསྐོ་ལ་གཏིག་ཅིང་། ཀླུ་ནག་པོ་གནས་པའི་སར་མནན་ནོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་མྱོས་པ་དུག་ཐུན་གྱི་སྐབས་ཏེ་ཉི་ཤུ་གསུམ་པའོ།། །།དེ་ནས་གདུག་བྱེད་ཕུར་ཐུན་དག ཁུ།་གསུམ་མཐིང་ནག་ཐུར་དུ་བརྐོ། ཁ་ཁྱེར་ཐོད་ཕྲེང་མེ་རིས་བསྐོར། །ལྕགས་ཀྱི་ཕུར་པ་སོར་བརྒྱད་པ། །གདུག་བྱེད་ནག་མོར་བསྒོམ་པར་བྱ། །སོ་བ་ཚིག་ཕྱེ་གུ་གུལ་དང་། ཁྲ་ཆེན་རཀྟ་ཞིང་གི་རས། གོ་རོ་ཙ་ན་ལ་སོགས་པས། །ཆག་གང་གཟུགས་དང་དབངཔོབཏོད། །མིངརུས་བྲིས་ལ་མདུན་རྒྱབ་བསླན། །རྐང་རྗེས་ལུད་པ་ངར་སྣབས་ཀྱང་། །ལིསྐོ་དེ་ཡིརྒྱུརུབྱ། །ཚོནསྐུདསྣལྔསགཟུགས་བཀྱིགས་ལ། །ཕུར་པ་དེ་ལ་བཏགས་ལ་བཞག །གུ་གུལ་དུད་པས་ལྷ་དང་དབྱེ། །ཡུངས་ཀར་རྒྱལ་པོ་དག་དང་ནི། །ཕུར་པ་དབང་བསྐུར་བྱིན་གྱིས་བརླབ། །ཕུར་པ་དྲག་པོའི་སྔགས་འདིས་བསྒྲུབ། །ཨོ་མེ་ད་ར་ཧྲིང་ཐུམ་རིལ་རྦད། ཨོ་ཙ་ར་མ་སྙིང་ཁྲག་རག་ར་ཏི་བཛྲ་དུན་སྨྱོ། ཨོ་མེ་ད་ར་ལིག་སྙིང་ཁ་རག་རྦད། གྲུབ་རྟགས་འོད་དང་དུ་བ་དང་། །མེ་འབར་སྒྲ་དང་དྲི་ཞིམ་ན། །འབར་བའི་སྔགས་བཟླས་གཟུགས་ལ་བརྡེག །ད་ར་ཧྲིང་གིས་མིང་ལ་བརྡེག །ད་ར་ལིང་གིས་རུས་ལ་བརྡེག །དེ་ནས་ལུས་སྤྱིར་སྔགས་འདིས་བརྡེག །ཧུ༷་ཧུ༷་ཚིརྙ་ཚིརྙ་མྱ་ར་ཡ། །མ་ག་ཤ་ཏྲུ༷་པྲ་བེ་ཤ་ཕཊ། དེ་ནས་ལུས་སྤྱིར་བསྟུད་ཅིང་བརྡེག །སྙིང་ཁྲག་སྲོག་པ་རྩ་ཡི་ཁྲག །པདྨ་རཀྟའི་གཏོར་མ་ཡང་། །གདུག་བྱེད་མ་མོ་ཉིད་ལ་དབུལ། །གཟུགས་དེ་ཀླུ་གནས་ས་རུ་སྦ། །ཡང་ན་བྱང་ཤར་སྤྱིན་སྲེག་ཧོམ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ཡང་སྙིང་ཕུར་ཐུན་གྱི་སྐབས་ཏེ་ཉི་ཤུ་བཞི་པའོ།། །།ལྷ་མོ་བདེ་བྱེད་ཡང་གསོལ་བ། །དཔལ་ལྡན་རང་བྱུང་རྒྱལ་མོ་ཆེ། །དབབ་པའི་ལས་དག་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །དབབ་པ་རྣམ་པ་གཉིས་ཡིན་ཏེ། །སེར་བ་དབབ་དང་ལྟས་ངན་དབབ། །སེར་བ་དབབ་པར་འདོད་པ་ན། །མཛེ་ཅན་དག་གི་མགོ་ཐོད་དམ། །རབས་ཆད་ཡུགས་སའི་ཐོད་ནང་དུ། ཁྱི་རྒྱ་ར་རོག་བ་དམར་ཁྲག །སྔོན་སྣ་སྣ་ཚོགས་བརྡུངས་ཏེ་སྦྱར། །གུ་གུལ་དུད་པ་ཐོད་པར་འདུག །རྒྱ་ཚིལ་གསུར་ཆེན་གུ་གུལ་གྱི། །དུད་པས་ཡུལ་ལྷ་བདུག་པར་བྱ། །རྟ་མགྲིན་སྐུར་བསྒོམ་མ་མོ་གཟིར། །མ་མོའི་བསྙེན་པ་རྫོགས་པ་དང་། །སྔགས་འདིས་བསྙེན་པ་འབུམ་དུ་བསྐྱལ། །དུར་ཕྲོམ་དཀར་ཕྲོམ། ཤུད་ཏི་ཕྲོམ་ཡུག་ཏི་སྨིན། ་ག་དུར་ཙར་ཧྲིལ་སྨྱོ། ཤ་ར་ཤ་ལ་ཏ་ཧྲིལ་སྨྱོ། ཏྲ༷་ཏྲ༷་མུར་སྨྱོ། ཕོབ་རབ་ཏུ་ཕོབ་ཡ། ཡུལ་ལྷའི་ཐོག་ཏུ་ཐོད་པ་ནན།ཁྲག་དང་སྔོན་ཁུས་ཡུལ་ལྷ་བསྐུ། །དེ་དུས་སྔགས་འདིས་ཡུལ་ལྷ་གཟིར། །ཨོ་ཡ་མུརྙ་ཀ །པདྷརྙ་ཀྲི་ཏ། ཧ་ཡ་རྒི་བ། ཨ་ཙ་མེ་ད་ར་ཀུ་རུ་མེ་ཙེ་ས་བྲག་གྲྭ་ཧྭ། དྲག་ཏུ་ཁྲོས་ཏེ་བཟླས་པར་བྱ། །ཡུལ་ལྷ་རྟེན་བདག་གཟིར་ནས་ཀྱང་། །ཡུལ་ཁམས་སེར་བས་འཇོམས་པར་བཤད། །ཡང་ན་ཀླུ་གནས་ཆུ་མིག་དང་། །བདག་ཉིད་ནུབ་ཕྱོགས་ཕྱིར་བསྐྱེད་ལ། །བག་ཕྱེའི་སྦལ་པ་བཞི་བྱས་ཏེ། ཁྲག་ལ་སྔགས་བཟླས་སྤྱིར་བོར་བླུགས། །མགོ་མཇུག་ཁྲག་དང་སྔོ་ཁུས་བསྐུ། །ཀླུ་ཡང་མི་བཟོད་འཇོམས་པར་བཤད། །ཐང་པོ་ཆེ་ལ་ལས་བྱས་ན། །ཕུག་པ་གཅིག་ཏུ་མེ་བཏང་ལ། །དགྲ་གཟུགས་བག་ཕྱེ་དག་ལ་བྱ། །མིང་རུས་ཁྲག་དང་སྔོ་ཁུ་དག །གཅིག་ཏུ་བསྲེས་ལ་སྦྱིན་བསྲེག་བྱ། །སྲིད་པ་ཞབྲུག་པར་མ་གྱུར་ན། །སེར་བ་ཕེབས་པར་མི་འགྱུར་ཏེ། །མ་མོ་ཆུ་འཁྱགས་བདག་མོར་བསྒོམ། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སེར་བ་དབབ་པའི་སྐབས་ཏེ་ཉི་ཤུ་ལྔ་པའོ།། །།དེ་ནས་ལྟས་ངན་དབབ་པའི་ཕྱིར། །དཀྱིལ་འཁོར་ཕྲིན་ལས་རྣམ་བཞིར་བྲི། །དབུས་སུ་མཐིང་ནག་གྲུ་གསུམ་དུ། །ལྟས་ངན་བདག་མོ་ཞལ་ཕྱུང་སྟེ། །འབྲུ་ནག་གཟན་ལ་ཇི་བཞིན་པའི། །མཐིང་ནག་རལ་པས་ས་གཞི་ཁྱབ། །མཆེ་གཙིགས་སྤྱན་དམར་རྣ་བ་ཀྲོག །ཕྱག་གཡས་ཙིསྟ་གཡོན་སྤྱང་མོ། །ཐུགས་ཀར་གྲུ་གསུམ་ཁ་ཕྱེ་ལ། །དགྲ་བགེགས་གང་རུང་མིང་རུས་དང་། །མ་མོའི་སྙིང་པོ་གཞུག་པར་བྱ། །སླར་ཡང་མཐིང་ནག་དར་གྱིས་གཅད། །སྤྱི་བོར་ལེ་བརྒན་གུར་གཅིག་དབུབ། །འབྲུ་ནག་ཟན་ལ་ལྟས་ངན་ནི། །རང་ཉིད་གང་འབེབས་ཤ་ཁྲག་དང་། །བསྲེས་ཏེ་ལྟས་ངན་གཟུགས་བྱས་ཏེ། །མ་མོ་ཉིད་ལ་བསྐོར་ལ་བཞག །ཡང་སྤྲུལ་སྣ་ཚོགས་དབབ་པའི་ཕྱིར། །རེ་རེ་ལ་ཡང་བཞི་བཞིས་བསྐོར། །རང་རང་སྙིང་ཁྲག་ཤ་རུས་ལ། །གཏོར་མ་བྱས་ཏེ་བཞག་པར་བྱ། །གསོ་བ་ལ་སོགས་པའང་དེ་བཞིན་ཏེ། །སུམ་སྤྲུལ་འོད་དང་དབབ་པའི་ཕྱིར། །མེ་ལོང་གཡབ་ཅིང་སྔགས་ཀྱང་བཟླས། །རུ་དར་ནག་པོ་རྟེན་དུ་བཅའ། །མ་མོ་ཉིད་ཀྱི་རྒྱབ་ཏུ་ཡང་། །སྔོན་དམར་དྲ་བ་བསྐུར་བར་བྱ། །རྐེ་རུ་གསེར་གྱི་དྲ་བ་གདགས། །མདུན་དུ་རྒྱ་ཤོག་དག་ལ་ཡང་། །མ་ཉེས་ཡུས་ཁ་བྲིས་ལ་བཞག །རྣལ་འབྱོར་རང་གི་སྤྱོད་ཡུལ་ལས། །རྒྱལ་བའི་སྲས་པོ་ཉིད་མི་བསྙེན། །བྱང་སེམས་དཀར་དམར་ཨ་མྲི་ཏ། །ཆང་ཕུད་སོགས་པས་དབང་ཡང་བསྐུར། །ལྟས་ངན་བདག་མོར་དབང་ཡང་བསྐུར། །ལྟས་ངན་སྣ་ཚོགས་འབེབས་པར་བསྒོམ། །སྙིང་ཁྲག་སྙིང་དང་སྲོག་རྩའི་ཁྲག །སྣ་ཚོགས་ལྟས་ངན་ཤ་ཁྲག་སྦྱར། །ནང་ནུབ་གཏོར་མ་རྒྱུན་མི་འཆད། །ཉམས་དང་རྨི་ལམ་མངོན་སུམ་དུ། །རྣལ་འབྱོར་རང་གི་གནས་སུ་འོང་། །དེ་ནས་དགྲ་ལ་རྦད་པར་བྱ། །བདག་ཉིད་ཆེ་མཆོག་ཧེ་རུ་ཀ །མ་མོ་སྒག་ལས་མངོན་དུ་བསྐྱེད། །ལྟས་ངན་སྣ་ཚོགས་འགྱེད་པར་བསྒོམ། །སྔགས་འདི་རྒྱུན་དུ་བཟླས་པར་བྱ། །སྒག་རསྒ་ཁ་མུན་ཏྲ་མུ་རུ་ལུ་རུ་ལུ་ཧྭ༷་སྨྱོ་སྨྱོ། རག་མོ་ཏེ་ཀེ་མ་ཛ་ཛ་ཁ་ལ་སྨྱོ། རུ་ལུ་རུ་ལུ་མ་ཧི་སྨྱོ། ཡ༷་ལིམ་ཤ༷་ལིམ་མ་ཤ་ཛ། མ་ཤ་དུན་ཛ་ཕོབ་ཡ། སྒག་ཧེ་ཧེ་ཡ་དུན་ཙེ་ཡ། ཀྲ༷་ཀྲ༷་སྲི་ལ་དུན་ཙེ་ཡ། ཀྱང་ཀྱིང་ཕོབ་ཡ། འུར་འུར་ཏྲབ་ཏྲབ་ཐིབ་ཐིབ་ཀྱིང་ཀྱིང་། དུན་དུན་ཕོབ་ཡ། ཙི་པི་ལི་དུར་ཡག་ཤི དུ་དུ་པྲི་ལ་དུན་ཙེ་ཕོབ་ཡ། རྒྱ་རྒྱ་ཕོབ་ཡ། རང་གི་གནས་དང་ཐོ་ཕྱི་མྲ །ཐིབ་ཐིབ་མ་བྱུང་བར་དུ་བཟླས། །ཏིང་ངེ་འཛིན་གྱིས་མ་ཟིན་ན། །ཡང་ཡང་འོང་ཡང་ཐེབས་པར་དཀའ། །དེ་ནས་འོ་དོད་དཔང་གཟུག་སྟེ། །རྫས་རྣམས་དགྲ་ཕྱོགས་ཁ་ཡང་བསྟན། །འོད་དང་སྒྲ་དང་ཐུག་ཆོམ་དང་། །སྣ་ཚོགས་ལྟས་ངན་གདོན་མི་ཟ། །དེ་ནས་རྫས་རྣམས་དྲིལ་བྱས་ཏེ། །རང་གི་ལུས་ལ་བསྲེལ་བར་བྱ། །ཕྱིས་ནི་རྫས་ཀུན་གཏོརབསཆོག །ཡིདལགང་བསམ་གང་འདོད་འོང་། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་ཆོ་འཕྲུལ་ལྟས་ངན་དབབ་པའི་སྐབས་ཏེ་ཉི་ཤུ་དྲུག་པའོ།། །།ལྷ་མོ་བདེ་བྱེད་ཡང་གསོལ་པ། །རང་བྱུང་རྒྱལ་མོའི་བསྐང་རྫས་གང་། །བསྐང་ལུགས་གང་ལགས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །རྣལ་འབྱོར་མ་མོ་སྤྱོད་པའི་ཚེ། །བསྐང་ལུགས་བཅོས་ཐབས་འདི་ལྟར་བྱ། །དུར་ཁྲོད་དབེན་པའི་གནས་མལ་ལམ། །ཆུ་འགྲམ་མཚོ་གླིང་རི་རབ་ཁར། །སྦྲ་བུབ་མི་དང་མ་འཕྲད་པར། །འབྲུ་སྣ་ཚོགས་པའི་ངར་ཕྱེ་ལ། ཁྲ་ཁྲག་སྙིང་ཕྱེ་གསེར་གཡུ་བརྡར། །ཞི་རྒྱས་ལས་བཞིའི་གློ་འབུར་བརྩེགས། །རྒྱས་པ་གསེར་གཞིའི་སྟེང་དག་ཏུ། །སྣང་སྲིད་གཟུགས་ཀྱིས་བསྐོར་ལ་གཞག །དེ་སྟེང་ཞི་བ་དཀར་ཟླུམ་དུ། །སྤྱན་གཟིགས་སྣ་ཚོགས་བཀྲམ་ལ་གཞག །ཟུར་གསུམ་བརྩེགས་པར་ཟླ་གམ་གསུམ། །ཟླ་གམ་གསུམ་ལ་གཏོར་མ་གསུམ། །མི་ཁྱི་རྟ་ཡི་ཤ་ཁྲག་སྙིང་། །གཞན་ཡང་སྣ་ཚོགས་འབྱོར་པ་དགྲམ། ཁུ་གསུམ་རྩེ་མོ་ལྷོ་རུ་བསྟན། །སོར་གཉིས་གྱེན་དུ་སློང་བ་ལ། ཁྲུ་གང་ཐུར་དུ་བྲུ་བར་བྱ། །སོལ་ཆེན་དག་གིས་ནག་པོར་བྱ། །ཟུར་གསུམ་རྩེ་ལ་རུ་དར་གསུམ། །རྨ་བྱའི་རྒྱལ་མཚན་གསུམ་ཡང་དགོད། །མི་ཁྱི་རྟ་ཡི་སྙིང་གསུམ་ཡང་། །ཕྲོག་པ་རྩ་དང་བཅས་ཏེ་གཞག ཁུ་གསུམ་དབུས་སུ་སྣེལ་མོའི་མགོ །དུམ་བུ་ལྔ་པ་གཞག་པར་བྱ། །དེ་ཡི་ནང་དུ་མ་མོའི་སྐུ། ལུགས་མ་དག་གམ་རྭ་ཤིང་ལ། །འབུར་དུ་བྲུས་པ་བཞུགས་སུ་གསོལ། །ཡང་ན་འབྲུ་ཟན་ལས་བྱས་པའི། །མཐིང་ནག་འཇིགས་པའི་ཆ་བྱད་ཅན། །ཞལ་གདངས་སྤྱན་བགྲད་མཆེ་གཙིགས་པའི། །རལ་པས་ས་གཞི་ཁྱབ་པ་ལ། །སྤྱི་གཙུག་མཐིང་གའི་རལ་པ་འོད་དུ་འབར། །གཡས་པ་བམ་ཆེན་ཙིཀྟ་ལ། །གཡོན་པ་གཡུ་ཡི་སྤྱང་མོ་ཕྲ་ཐབས་ཐོགས། །སྤྱང་མོ་འབུམ་གྱིས་བསྐོར་བར་བྱ། །ཐུགས་ཀར་མཚལ་གྱིས་སྒག་གཅིག་བྲི། །ཞལ་དུ་བརྣག་པའི་མིང་རུས་གཞུག །སྔོན་དུ་རྣལ་འབྱོར་བྱོལ་ཟོར་བྲི། །ལེ་བརྒན་གུར་དབུབ་ཞིང་ཡོལ་བྲི། །དེ་ལྟར་བཞེངས་པའི་མ་མོ་དེ། །ཚེ་སྲོག་བདག་མོ་ཡིན་པར་བཤད། །ཚེ་ཡི་དཀྱིལ་འཁོར་བཞེངས་གསོལ་ལ། །སྐབས་སུ་ཚེ་ཡི་སྙིང་པོ་དྲང་། །དང་པོར་ཏིང་འཛིན་རྣམ་གསུམ་གྱིས། །རང་གི་སེམས་ཉིད་རྟོགས་པར་བྱ། །རྟོགས་པ་མ་ཡེངས་བརྟན་པོ་ཡིས། །ཕྲིན་ལས་རྣམ་བཞིའི་མཎྜལ་ལ། །བྷརྙ་འབར་བའི་གཞལ་ཡས་སུ། །རང་བྱུང་ཡེ་ཤེས་ཆེན་པོ་ལས། །ཡི་གེ་་ག་ཏུ་འཕྲོས་པ་ཡིས། །ཏྲག་ལས་མ་མོ་གསལ་བསྒོམ་སྟེ། །འཁོར་ནི་ནག་མོ་འབུམ་དང་བཅས། །ཏིང་འཛིན་བརྟན་པོ་མ་ཡེངས་བསྒོམ། །དེ་ཡི་མདུན་དུ་མཆོད་པ་ཀུན། །འདོད་ཡོན་སྣ་ཚོགས་ལྡན་པ་བསྒོམ། །བྱ་ནག་ལུག་ནག་བསྐང་བའི་རྫས། །བདུད་དང་གིང་ལའངདེབཞིན དུ། །རངརང་མཉེས་པའི་རྫས་ཀྱང་བཤམ། །ཞག་གསུམ་བར་དུ་དཔལ་བསྙེན་བྱ། །དྲུག་གི་བར་དུ་ཚེ་བསྒྲུབ་བྱ། །དགུ་ཡི་བར་དུ་མ་མོ་བསྙེན། །བཅུ་གཉིས་བར་དུ་མ་མོ་བསྐང་། །བཅོ་ལྔའི་ནུབ་མོ་ཐུན་ཟོར་འཕང་། །རྒྱ་མཚོ་ཆུ་བོའི་གཞུང་ལ་བསྐྱོན། །དེ་ཡིས་དགོས་འདོད་ཐམས་ཅད་འགྲུབ། །ཅེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་གུ་རྒྱ་ཙིསྟ་མདོས་ཀྱི་ལེའུ་ཞེས་བྱ་སྟེ་ཉི་ཤུ་བདུན་པའོ།། །།བདེ་བྱེད་ལྷ་མོས་ཡང་གསོལ་པ། །བདག་མ་ཡིན་པ་ཡིད་ཆེས་ཕྱིར། །སྐྱེ་རྒྱུད་ལུང་བསྟན་བདག་ཉན་འཚལ། །དེ་སྐད་གསོལ་པ་གསན་ནས་ཀྱང་། །རང་བྱུང་རྒྱལ་མོས་བཀའ་སྩལ་པ། །ཉོན་ཅིག་ལྷ་མོ་བདེ་བྱེད་མ། །སུམ་ཅུ་རྩ་གསུམ་ལྷ་གནས་ན། །ལྷ་ཆེན་མ་ཧྭ་དེ་བ་དང་། །ལྷ་མོ་ཨུ་མ་དེ་སྙི་གཉིས། །མ་མཇལ་ཡིད་ཀྱིས་སྦྱོར་བ་མཛད་པ་ལས། །ཡབ་ཡུམ་གཉིས་སུ་མེད་པའི་མདངས་ལས་ལྷ་མོ་ཨུ་མའི་དཔྲལ་བར་ལྕགས་ཀྱི་མཛེར་པ་གཅིག་སྐྱེས་པ་ལས། ཡབ་ཀྱིས་ཁྱེའུར་སྨོན་ལམ་བཏབ། ཡུམ་གྱི་བུ་མོར་སྨོན་ལམ་བཏབ་སྟེ། ཡུམ་གྱི་སྨོན་ལམ་མཐུ་བཙན་ནས། བུ་མོ་བཟང་སྡུག་ལ་འོད་ཆགས་པ་གཅིག་སྐྱེས་སོ། །མིང་ཡང་ལྷ་མོ་མདངས་ལྡན་མར་བཏགས་སོ། །བུ་མོ་དེ་ཟས་སུ་ནི་ལྷའི་ཞལ་ཟས་རོ་མཆོག་བརྒྱ་དང་ལྡན་པར་ཟ། གོས་སུ་ནི་ལྷ་ཡི་ན་བཟའ་པ༑་ལི་ཀ་གོན་པ་ལ། བདུད་ཐོད་པའི་ཕྲེང་བ་ཅན་དང་བདུད་མོ་བརྒྱ་བྱིན་ཀུན་དགའ་མོའི་བུ་བདུད་བྲང་རྐུན་ནག་པོ་བྱ་བའི་ཆུང་མར་ཕྱིན་ཏེ། ཕ་མ་གཉིས་ཀྱིས་དམོད་༄༅ པ་བོར་རོ། ཁྱོད་ལྷ་འིག་ལ་བག་མ་སོང་ན་ཡང་གལ་མེད་པ་ལ། ཁྱོད་ལྷའི་བུ་མོ་གསོས་པས་བདུད་ལ་སོང་བ་ལས། ཁྱོད་ལུས་མཐིང་ལས་གནག་པར་སོང་ཞིག ཟས་སུ་མི་ཤ་རྟ་ཤ་ཟ་བ་གཅིག་ཏུ་སོང་ཞིག སྐོམ་དུ་མི་ཁྲག་རྟ་ཁྲག་་་་་ང་བ་གཅིག་ཏུ་སོང་ཞིག གོས་སུ་མི་ལྤགས་གོན་པ་གཅིག་ཏུ་སོང་ཞིག ཅེས་དམོད་པ་བོར་བས། ཡུམ་གྱི་དམོད་པ་བཙན་པར་འགྱུར་ཏེ། མོད་དེ་ཉིད་ལ་དེ་བཞིན་ཉིན་དུ་གྱུར་ཏེ། དམེ་ཤ་གསུམ་ལ་རྐན་ཕབ་པ་ ་འི་ཞལ་ཟས་ཟོས་པ་ཤིན་ཏུ་རོ་རྒྱས་པ། གོས་སུ་མི་ལྤགས་གོན་པས་ཤིན་ཏུ་བརྗིད་ཆེ། རལ་པ་ནག་པོ་ས་གཞི་ཁྱབ་པ་གཅིག་ཏུ་གྱུར་ཏེ། ཡབ་ཡུམ་ལྷ་ཡིན་པའི་རྟགས་སུ། སྤྱི་བོའི་གཙུག་ཏུ་མཐིང་གི་རལ་་ ་་ད་དུ་འཕྲོ་བ་གཅིག་མ་འགྱུར་བར་གནས་པ་ལས། མཚན་ཡང་་རལ་པ་གཅིག་མར་མངའ་གསོལ་ལོ། །དེ་ནས་རྒྱ་མཚོའི་གཏིང་དུ་ཡུམ་མཚོ་སྨན་རྒྱལ་མོའི་དངོས་གྲུབ་བརྙེས་ཏེ། བྲག་དམར་ཆོལ་ཟངས་འདྲཔ་ལ་ཉིན་གྱི་གནས་བཅས། །མཚན་ཡང་མེ་ཟ་བྲག་རྒྱན་མར་གསོལ་ལོ། །དེ་ནས་དུར་ཁྲོད་གནས་ཀུན་ཉུལ་བས། མཚན་ཡང་དུར་ཁྲོད་ཀློང་དགུ་མ། །གྲུ་གསུམ་དཔལ་གྱི་ཕོ་བྲང་དུ། །དཔལ་ཆེན་ཁྲག་འཐུང་དབང་ཐོབ་པས། །མཚན་ཡང་དཔལ་གྱི་གཟུངས་གཅིག་མ། །ལྷོཕྱོགསགཤིནརྗེའིཕོབྲང་དུ། །ཡ་མྱན་ཏ་ཀའི་ཡུམ་མཛད་པས། །མཚན་ཡང་སྒེག་མོ་རལ་གཅིག་མ། ཁུ་གསུམ་ཤེལ་གྱི་དཀྱིལ་འཁོར་དུ། །རྡོ་རྗེ་གཤོན་ནུའི་ཡུམ་མཛད་པས། །མཚན་ཡང་འཁོར་ལོ་རྒྱས་འདེབས་མ། །རི་བོ་མ་ལ་ཡ་ཡི་རྩེར། །ཕྱག་ན་རྡོ་རྗེའི་ཞབས་དྲུང་དུ། །གསང་སྔགས་བསྲུང་མར་དབང་བསྐུར་བས། །མཚན་ཡང་སྔགས་སྲུང་ནག་མོ་བྱ། །ཐམས་ཅད་གསོད་པའི་ལས་བྱེད་པས། །སྲིན་མོ་རལ་གཅིག་ཤ་ཟ་མ། །རྣལ་འབྱོར་ཡོངས་ཀྱི་གྲོགས་བྱེད་པས། །མཚན་ཡང་དགྲ་འདུལ་ནད་ཚོད་མ། །དེ་ཡང་ཚ་བའི་ནད་གཏོང་བས། །མཚན་ཡང་བལ་མོ་ཀུན་སྡུག་མ། ཁྲག་རིམས་ཡམས་ནད་གཏོང་བྱེད་པས། །མཚན་ཡང་ནག་མོ་ཁྲག་འཛག་མ། །ལྟས་ངན་ཆོ་འཕྲུལ་གཏོང་བས་ན། །མཚན་ཡང་མོན་མོ་ནག་མོ་བྱ། །དེ་བཞིན་མཚན་གྱི་རྣམ་གྲངས་ཡང་། །བརྗོད་ཀྱིས་མི་ལང་བསམ་ཡས་ཏེ། །ཕྱག་ན་རྡོ་རྗེ་སྤྲུལ་པའི་སྐུ། །དེ་ཉིད་སྤྲུལ་པ་བསྟན་པ་བས། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་སྐྱེ་རྒྱུད་ལུང་བསྟན་པའི་སྐབས་ཏེ་ཉི་ཤུ་བརྒྱད་པའོ།། །།དེ་ནས་འདུས་པའི་ཕལ་མོ་ཆེ། ཤེན་ཏུ་ངོ་མཚར་ཡི་རངས་ནས། །མ་མོ་ཉིད་ལ་མངོན་པར་བསྟོད། །ཧུ༷། གསང་སྔགས་གཉན་གྱི་སྲུང་མ་མཐུ་མོ་ཆེ། །སྔགས་སྲུང་ནག་མོ་རལ་གཅིག་མ། །མངོན་པར་བསྟོད་ཀྱིས་དམ་མ་འདའ། །གྲུ་གསུམ་ཡུམ་གྱི་མཁའ་དབྱིངས་ནས། །ཏྲག་ལས་སྐུར་བསྐྱེད་རྫོགས་པ་ནི། །ཐུགས་ཉིད་མྱ་ངན་ལས་འདས་ཀྱང་། །སྦྱོར་བ་ཁམས་གསུམ་མཛད་པའི་རྟགས། །རལ་པ་མཐིང་ནག་འབར་བ་ནི། །ཆོས་ཉིད་འགྱུར་བ་མེད་པ་ཡི། །དོན་དམ་ཐུགས་སུ་ཆུད་པའི་རྟགས། །རལ་པ་ཐོར་ཚུགས་གཅིག་བཅིངས་པ། ཁམས་གསུམ་དབང་དུ་སྡུད་པའི་།རྟགས། །ཕྱག་གཡས་ཞིང་ཆེན་ཙིསྟ་ནི། །འགྲོ་དྲུག་རྩད་ནས་གཅོད་པའི་རྟགས། །ཕྱག་གཡོན་གཡུ་ཡི་སྤྱང་མོ་ཕྲ་ཐབས་གཏོང་བ་ནི། །གདུག་པའི་དགྲ་བགེགས་མྱུར་དུ་འདྲེན་པའི་རྟགས། །ཐུགས་ལས་སྤྱང་མོ་དགུ་འབུ་་་༢ཕྲོ་བ་ནི། །སྟོང་ཁམས་དགྲ་བོ་མ་ལུས་སྒྲོལ་བའི་རྟགས། །ཞབས་གཉིས་གྱད་ཀྱི་དོར་ཐབས་བཞུགས་པ་ནི། །ཐབས་དང་ཤེས་རབ་གཉིས་མེད་སྦྱོར་བའི་རྟགས། །མ་མོ་ནག་མོ་གདུག་པའི་སྲོག་སྒྲོལ་མ། །མ་ངོན་པར་བསྟོད་ཀྱི་མཐུ་མ་ཆུང་། །ཞེས་བརྗོད་དོ། །དེ་ནས་ཕྲིན་ལས་ཀྱིས་མ་མོ་འདི་སྐད་བསྐུལ་བར་བྱའོ། །ཕྲིན་ལས་རྣམ་བཞི་ལྷུན་གྱིས་གྲུབ། །གྲུ་གསུམ་མཐིང་ནག་ཀློང་དཀྱིལ་ནས། །སྔགས་ཀྱི་སྲུང་མ་མཐུ་མོ་ཆེ། །སྐུ་མདོག་མཐིང་ནག་འབར་བ་ལ རལ་པའི་ཟར་བུས་ས་གཞི་ཁེབས། །གཡས་ཀྱི་ཕྱག་ན་ཞིང་ཆེན་ཙིསྟ་བསྣམས། །གཡོན་ནག་གཡུ་ཡི་སྤྱང་མོ་བསྣམས། །གཡུ་ཡི་སྤྱང་མོ་དགུ་འབུམ་ཐུགས་ཀྱི་ཕོ་ཉར་འགྱེད། །འཛིན་བྱེད་འབར་བའི་ལྕགས་ཀྱུ་ཡིས། །མིག་གི་དབང་པོ་མངོན་དུ་ཕྱུང་། །ལྕགས་ཀྱི་སྡེར་ཆེན་གདེངས་པ་ཡིས། །ལུས་ཀྱི་ཁོང་ཁྲོལ་སྙིང་ཕྱུང་ཞིག །སྤྱང་མོ་སྤྲུལ་པའི་འཕྲོ་འདུ་ཡིས། །སྲོག་རྩ་སྙིང་རྩ་ཕྱུང་ལ་ཤོག །མགོ་དང་ལུས་སུ་ཕྲོལ་ལ་ཤོག ཁྲ་དང་རུས་པ་ཕྲོལ་ལ་ཤོག །ནང་ཁྲོལ་དབང་པོ་སྤྱོས་ལ་ཤོག །དགྲ་བོའི་ལྷ་ལྔ་དབང་དུ་སྡུས། །མངོན་སྤྱོད་དྲག་པོས་རྡུལ་དུ་རློགས། །ཞེ་སྡང་སྐྱེད་ཅིང་སྲིད་པ་དཀྲུགས། །མི་མངོན་མཁའ་འབྱིངས་བདེ་ཆེན་ནས། །ཨེ་ཀ་ཛུ་ཏི་རལ་གཅིག་མ། །དབུ་དགུ་ཐོར་ཚུགས་གཅིག་བཅིངས་ཤིང་། ཁམས་གསུམ་སྲིད་གསུམ་དབང་དུ་སྡུད། །དེང་འདིར་ལས་རྣམས་ཐམས་ཅད་བྱེད། །མཁའ་ལ་དེ་བཞི་གཤོག་གཅིག་མ། །དཔལ་གྱི་གཙུགས་འབྱམས་ཨ་ལ་ལ། །ཟངས་ཀྱི་ཁ་ལ་ལྕགས་ཀྱི་སོ། །སྣ་ཚོགས་ཞལ་ལ་ཞིང་སྒྲོལ་མ། །མཐིང་ནག་གཅེར་བུ་དབུ་དགུ་མ། །སྙིང་ཡང་དགུ་སྟེ་རྐང་གཅིག་མ། །སྟོང་ཁམས་འཔྱོ་ཞིང་མཁའ་ལ་འགྲོ། །བལྟས་པས་བདུད་རྣམས་སྒྲོལ་བར་བྱེད། །ལག་ན་ལྕགས་ཀྱུ་རྩེ་དགུ་བསྣམས། །གདུག་བྱེད་རྣམས་ཀྱི་སྙིང་འབྱིན་མ། །རྡོ་རྗེ་བ་སྐྲུ་རེ་རེ་ལས། །རྡོ་རྗེ་ལྕགས་ཀྱུ་རེ་རེ་འཕྲོ། །གནོད་བྱེད་མ་ལུས་རྡུལ་དུ་རློགས། །བར་བར་མིག་ནས་ཁྲག་འཛག་མ། །རྐན་སྒྲ་རྡེབས་ཤིང་བདུད་དཔུང་འཇོམས། །རྟག་ཏུ་དབང་ཕྱུག་སྐུ་ལ་རོལ། །དགའ་བའི་དབང་གིས་གྲོགས་མཛད་མ། །འདོད་ཁམས་གཙོ་མོ་དབང་དུ་སྡུད། ཁྱོད་ནི་མ་བརྒྱད་གཙོ་མོ་སྟེ། ཁྲག་གི་བཅུད་ལ་འཐུང་ཞིང་ལྷ་རྣམས་དབང་དུ་སྡུད། །དམ་རྫས་རྒྱན་གྱི་གཏོར་མ་འདི་ལོངས་ལ། ཁྲག་ནད་དུག་མདའ་འཕེན་ཅིང་ཕྲིན་ལས་མཛོད། །དེ་ཕྱིར་ཕྲིན་ལས་བདག་མོ་མཐུ་མ་ཆུང་། །ཞེས་པས་ཕྲིན་ལས་ཀྱི་བདག་མོ་བསྐུལ། ལྟས་ངན་བདག་མོ་འདི་སྐད་བསྐུལ། །རུ་དར་ནག་པོ་རྨ་བྱ་དང་། །མེ་ལོང་གཡབ་མོས་གཡབ་པར་བྱ། །ཧུ༷་གསང་སྔགས་གཉན་གྱི་སྲུང་མ་མཐུ་མོ་ཆེ། །བཞེངས་ཤིག་མི་མངོན་དབྱིངས་ནས་བཞེངས། །བསྐུལ་ལོ་དམ་ཚིག་བདག་མོ་བསྐུལ། །གཤེགས་ཤིག་ཆོ་འཕྲུལ་བདག་མོ་གཤེགས། །སྐུ་མདོག་མཐིང་ནག་ཙེ་རེ་རེ རལ་པ་ནག་པོ་ཤ་ར་ར། །མཐིང་ནག་རལ་གཅིག་རྒྱངས་སེ་རྒྱང་། །གཡུ་ཡི་སྨིན་མ་ཁྱུགས་སེ་ཁྱུག །སྤྱན་མིག་ཉི་ཟླ་འཁྱིལ་བ་ཙམ། ཁྲག་གི་མཆི་མ་ཤ་ར་ར། །ཞལ་གདངས་མཆེ་གཙིགས་ཐམས་སེ་ཐམ། ཁྲག་དང་ཞག་འཛག་ཟུ་ལུ་ལུ། །ལྗགས་འདྲིལ་རྐན་རྡེབ་ཆེམས་སེ་ཆེམ། །མི་ལྤགས་གཡང་གཞི་འཇོལ་ལོ་ལོ། །དར་ནག་བེར་ཆེན་ལྷུབས་སེ་ལྷུབ། །གཡས་ཀྱི་ཕྱག་ན་ཙིསྟ་ཕར་མི་ཆད། །གཡོན་གྱི་ཕྱག་ན་སྤྱང་མོ་ཕྲ་ཐབས་བསྣམས། །དེ་ཕྱིར་ཕྲིན་ལས་བདག་མོ་དམ་ལ་འདུ། །ཞལ་ནས་ནད་ཀྱི་རླངས་པ་ཐུལ། །མིག་ནས་ཁྲག་རིམས་ཡམས་ནད་གཏོང་། །སྣ་ནས་དུད་འཐུལ་མཛེ་ནད་གཏོང་། །སྐུ་ལས་ཟེར་འཕྲོས་འབྲུམ་ནད་གཏོང་།ཁོང་ནས་ནད་སློང་མཁྲིས་པ་གརྟང་། །དེ་ཕྱིར་ནད་ཀྱི་བདག་མོ་དམ་ལ་འདུ། །གཡས་ན་གསེརགྱིབྲགཆེནཟངསསེཟང་། །གཡོན་ན་གཡུ་ཡིམཚོཆེནཁྱིལིལི། །སྔོན་ན་མོན་མོ་མཛེས་མོ་ཤ་ར་ར། །ཀླད་ན་བལ་མོ་མཛེས་མ་ལྡེམས་སེ་ལྡེམ། །ཞབས་གཉིས་དོར་ཐབས་དམ་ཉམས་སྙིང་དང་ལྟེ་བར་གཟིར། །ལྟས་ངན་ཝ་སྤྱང་ཆོ་ངེ་དི་རི་རི། །འདབ་ཆགས་ཕྲ་ཐབས་མང་པོ་ཞ་ལ་ལ། ཁྲ་ཟན་སྡེར་ཆགས་མང་པོ་འཕུར་ལྷབ་ལྷབ། །སྡེར་ཆགས་སྟག་གཟིག་མང་པོ་འཛུམ་མདངས་མུ་ལུ་ལུ། །སྦལ་ནག་སྦྲུལ་ནག་སྡོམ་སྡིག་ཉི་ལི་ལི། །ཅེས་སྤྱང་ཁ་གདངས་མང་པོ་འདུ་རུ་སྲ །མོན་པ་སྤྲེའུ་སྐྱ་ཞོན་ཡེ་རེ་རེ། །གསེར་འོད་གཡུ་འོད་དུང་འོད་ལམས་སེ་ལམ། །བུད་མེད་ནག་མོ་གཡབ་འདོར་ལིངས་སེ་ལིང་། །ལྟས་ངན་ཡང་སྤྲུལ་མང་པོ་ཐིབས་སེ་ཐིབ། །དེ་ཕྱིར་ལྟས་ངན་བདག་མོ་དམ་ལ་འདུ། །ཉིད་ཀྱི་ཆེ་བ་བརྗོད་ཀྱིས་མི་ལང་སྟེ། །ཡོན་ཏན་སྣ་ཚོགས་འབྱུང་བའི་དཔལ་ལྡན་མ། །ལྟས་ངན་ཆོ་འཕྲུལ་དགྲ་ལ་དབབ་ཏུ་གསོལ། །མ་མ་ཨི་ལ་ཏ་ཀ་ཀེང་ཀྱིང་ཀྱིང་མཁའ་ལ་ལྡིང་། དུར་དུ་སྨྱོ་རོག་མ་རྒྱུག་པ་ལ་ཚོར། ཨ་མོ་ཀར་ནོངས་ཞེས་ཡུངས་ཀར་ལ་བཟླས་ལ་གཏོར་རོ། །ལྟས་ངན་སྣ་ཚོགས་སུ་ཤིགས་ཀྱིས་འོང་བར་འགྱུར་རོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་མངོན་དུ་བསྐུལ་བའི་སྐབས་ཏེ་ཉི་ཤུ་དགུ་པའོ།། །།དེ་ནས་ཡང་དག་བཤད་བྱ་བ། །བསྟན་པའི་བསྲུང་མར་དབང་བསྐུར་ཏེ། །མཎྜལ་མདའ་གང་གྲུ་བཞི་ལ། །སྣ་ཚོགས་ཁྲག་གིས་ཆག་ཆག་གདབ། །རྡོ་རྗེ་སྔགས་སྲུང་ནག་མོ་ནི། །ལུགས་སམ་ཡང་ན་དར་དཀར་ལ། །མཁས་པས་ཆ་བྱད་རྫོགས་པར་བྲི། །དེ་ཡི་མཐའ་མར་རྫས་རྣམས་དགོད། །ཏིང་འཛིན་བརྟན་པས་དགུག་ཅིང་བསྟིམ། །ཡང་ནས་ཡང་དུ་དམིགས་པ་བསྐྱེད། །དམིགས་པ་བརྟན་པོར་གྱུར་པ་ན། །བསྟོད་ཅིང་བསྐང་ཞིང་དབང་ཡང་བསྐུར། །བཀའ་རྟགས་ཕྱག་རྒྱའི་དབང་རྟགས་ཡིན། །རུ་དར་ནག་པོ་རྟེན་དུ་བཅའ། །འབར་བ་སྐུ་ཡི་དབང་ཡང་བསྐུར། །དྲག་སྔགས་གསུང་གི་དབང་ཡང་བསྐུར། །གཉིས་མེད་ཐུགས་ཀྱི་དབང་ཡང་བསྐུར། །ཡེ་ཤེས་ཡོན་ཏན་དབང་ཡང་བསྐུར། །ཐུན་རྫས་ཕྲིན་ལས་དབང་ཡང་བསྐུར། །འབྲས་བུ་སྣ་ཚོགས་གཏོར་མས་བསྐུར། །བྱང་སེམས་དཀར་དམར་སྦྱོར་བའི་དབང་། །དེ་ལྟར་དབང་རྣམས་རྫོགས་པར་བསྐུར། །དེ་རྫོགས་ཕྲིན་ལས་ཐོགས་པ་མེད། །དེ་མ་རྫོགས་པའི་རྣལ་འབྱོར་པས། །མ་མོ་བསྒྲུབས་ཀྱང་འགྲུབ་མི་འགྱུར། །ཞེས་གསུངས་སོ། །ཟ་བྱེད་སྤྱང་རྒྱལ་ནག་མོའི་རྒྱུད་ལས་དབང་བསྐུར་བའི་སྐབས་ཏེ་སུམ་ཅུ་པའོ།། །།དེ་ནས་དཔལ་ལྡན་རང་བྱུང་རྒྱལ་མོ་དེས། འདི་སྐད་ཅེས་བཀའ་སྩལ་ཏོ། །ཧེ། ང་ནི་དུས་གསུམ་ཐམས་ཅད་དུ། །ང་ཡི་ཐུགས་རྗེ་རྒྱུན་མི་འཆད། །ང་ནི་བདེ་གཤེགས་སྦྱོར་སྡེ་མོ། །དམ་ཚིག་ཅན་གྱི་དགྲ་འདུལ་མ། །ང་ནི་རྣལ་འབྱོར་སྒྲུབ་སྡེ་མོ། །དམ་ཚིག་ཉམསཔའིསྲོག གཤེདམོ། །ང་ནི་རང་བྱུང་རྒྱལ་མོ་སྟེ། །ང་ནི་ང་ལས་བྱུང་བ་ཡིན། །ཐམས་ཅད་ང་ཡི་སྤྲུལ་པ་ཡིན། །དཀར་མོ་སྐུ་ཡི་སྤྲུལ་པ་ཡིན། །སྨུག་མོ་གསུང་གི་སྤྲུལ་པ་ཡིན། །ནག་མོ་ཐུགས་ཀྱི་སྤྲུལ་པ་ཡིན། །སེར་མོ་ཡོན་ཏན་སྤྲུལ་པ་ཡིན། །དམར་མོ་ཕྲིན་ལས་སྤྲུལ་པ་ཡིན། །དེ་དག་ཐམས་ཅད་ང་ཡིན་པས། །ང་ཡི་སྤྲུལ་པ་བསམ་མི་ཁྱབ། །ང་ཡི་མིང་ནི་ཅིར་ཡང་གྲགས། །ང་ཡི་ཕྲིན་ལས་ཐམས་ཅད་བྱེད། །ཀུན་གྱི་རྩ་བ་གཅོད་འདོད་ན། །ཐམས་ཅད་ང་ཡིན་ང་ཉིད་ལྟོས། །ང་ཉིད་ཡོངས་སུ་གཟུང་བར་གྱིས། །ཞེས་ཟེར་ཏེ་མི་སྣང་བར་གྱུར་ཏོ། །ཡོངས་སུ་གཏད་པའི་སྐབས་ཏེ་སུམ་ཅུ་གཅིག་པའོ།། །།སྙིང་པོར་གྱུར་པའི་རྒྱུད་རྫོགས་སོ། །དེ་བ་ཙནྟྲ་ལ་བི་རོས་ཞུས།། །། རྒྱ་གར་སྐད་དུ། །ཌའ་ཀི་ནི་ཨསྣི་