Ngb-pt-0346-vol-04-text
Front
Body
རྒྱ་གར་སྐད་དུ། །བཛྲ་ཀི་ལ་ཡ་གུ་རྒྱ་མནྟྲ་ཏནྟྲ་སརྦ་སྣུ་ཏ་སྟི་ན། བོད་སྐད་དུ། རྡོ་རྗེ་ཕུར་པ་གསང་བའི་སྔགས་རྒྱུད་འབྱུང་པོ་ཀུན་འདུལ། བཅོམ་ལྡན་འདས་དཔལ་རྡོ་རྗེ་གཤོན་ནུ་ལ་ཕྱག་འཚལ་ལོ འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཞེ་སྡང་རྡོ་རྗེ་ཟག་པ་མེད་པའི་ཏིང་ངེ་འཛིན་ལས་བཞེངས་ནས། འཇིག་རྟེན་གྱི་ཁམས་ཀྱི་འོག་མིན་སུམ་ཅུ་རྩ་གསུམ་དུ་འབར་བའི་གཏུན་ཁུང་རྡོ་རྗེ་ཐོ་བ་རོལ་པའི་གཞལ་ཡས་ཁང་མངོན་པར་སྤྲུལ་ཏེ། །འབྱུང་པོ་ཐམས་ཅད་ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །ཞལ་གསུམ་ལས། ཨོ་བཛྲ་ཀི་ལི་ཀི་ཡ་སརྦ་བི་༷་བ༷་ཧུ༷་ཕཊ།ཞེས་བྱ་བ་བསྒྲགས་པ་ལས། འཇིག་རྟེན་གྱི་ཁམས་འདོད་པ་ཁམས་གསུམ་གྱི་གནས་རིས་སུ། འུར་འུར་དང་། །མེར་མེར་དང་། ཤིག་ཤིག་དང་། །ཐོར་ཐོར་དུ་གྱུར་ཏོ། ཐུགས་ཀ་ནས་ཧུ༷་ཧུ༷་ཧུ༷། ཞེས་སྤྲོས་ཤིང་ཞལ་ནས་དྲག་པོའི་སྔགས་བརྗོད་པས། ཕྱོགསབཅུ་ཕྱོགས་སྐྱོང་གི་གདན་ལ། འབར་བ་རོལ་པའི་ཁྲོ་བོ་ཆེན་པོ་བཅུ་གཤེགས་ཏེ་རྣམ་པར་གཏམས་སོ། །ཉིད་ཀྱི་སྙིང་པོ་བརྗོད་པས་སྤྲུལ་པ་དང་ཡང་སྤྲུལ་དང། སུམསྤྲུལ་བསམ་གྱིས་མི་ཁྱབ་པ་འཇིག་རྟེན་གྱི་ཁམས་ཁེངས་པར་སྤྲུལ་ཏེ། འཇིག་རྟེན་གྱི་ཁམས་ཐམས་ཅད་ཀྱང་ཁྲོ་མོ་འབར་བའི་གཏུན་ཁུང་སྲིད་པའི་ཁྱམས་ཁང་བང་རིམ་གསུམ་དང་ལྡན་པར་སྤྲུལ་ཏེ། །འདི་ལྟར་གྱི་སྣང་བ་འདི་ཆགས་ས། །དེའི་ཚེ་དེམ་ཐག་དུ་ཏྲའི་སྡེ་དང་དམ་ལོག་དང་། དམ་སྲི་ལ་སོགས་པ་ཁྱམས་ཁང་དུ་ཚུདདེ། འབྲོས་བཞིན་དུ་ཐར་པའི་གནས་མེད་པར་ཐམས་ཅད་ཀྱང་ངུ་འབོད་ཆེན་པོའི་གནས་སུ་ལྷུང་སྟེ་གནས་སོ། །རྡོ་རྗེ་ཁྲོ་བོ་ཆེན་པོ་རྣམས་ཀྱང་སྤྲུལ་པ་དང་ཡང་སྤྲུལ་སུམ་སྤྲུལ་དུ་བཅས་ཏེ། ཀུན་ནས་འཁྲིགས་པ་ལས་ཤིན་ཏུ་ཤའི་ཕུང་པོ་ལ་སྦྲང་བུ་ལྡིང་ཞིང་འདུ་བ་ལྟར་གནས་པར་བྱས་སོ། །དེལྟར་ཆོ་འཕྲུལ་ཆེན་པོཀུན་ནས་འཁྲུགས་པ་ལས་དེ་མ་ཐག་པར་ཀརྨ་ཧེ་རུ་ཀ་རྡོ་རྗེ་ལས་ཞེས་བྱ་བ། རངགི་གནས་འཁོར་གྱི་ནང་། ཕོ་བྲང་ནས་བཞེངས་ཏེ། ཞེ་སྡང་རྡོ་རྗེའི་དྲུང་དུ་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིགས་བྱེད་ཆེན་པོ། འདོད་པའི་ཁམས་འདི་ལྟ་བུའི་ཆོ་འཕྲུལ་སྟོན་པ་ཅིའི་རྒྱུ། ཅིའི་རྐྱེན་ལགས། ཞེ་སྡང་གི་བདག་པོས་བཀའ་སྩལ་ཅིག ཅེས་གསོལ་ཏོ། བཅོམ་ལྡན་འདས་འཇིགས་བྱེད་ཆེན་པོས་བཀའ་སྩལ་པ། སེམས་དཔའ་ཆེན་པོ་རྡོ་རྗེ་ལས། མ་འོངས་པ་རྣམས་ལ་དོན་ཡོད་པར་བྱ་བའི་ཕྱིར། འདི་ལྟར་ཆོ་འབྲུལ་སྣང་བར་བྱས་ཏེ། འདྲི་བའི་དུས་ལ་བབ་པས་དྲིས་ཤིག །དྲིས་པ་ལེགས་སོ། །འཇིག་རྟེན་གྱི་ཁམས་འདིར་གང་དགེ་བ་སྲོག་དང་འདྲ་བ་ལ་བར་དུ་གཅོད་ཅིང་། དཀར་པོའི་ལས་རྣམ་པར་འགེགས་པར་བྱེད་པ་ཚར་གཅད་པའི་ཕྱིར། འཇིག་རྟེན་དུ་ཆོ་འཕྲུལ་བསྟན་པའོ། །སེམས་དཔའ་ཆེན་པོ་དམ་ལོག་དང་། དམ་སྲི་དང་། དུ་ཏྲོརེ་སྡེ་ཚར་གཅད་པའི་ཕྱིར་ཕུར་པ་གཏུན་ཁུང་རྡོ་རྗེ་ཐོ་བོའི་རྒྱུད་ཅེས་བྱ་བ། འབར་བའི་ཁྲོ་བོའི་རོལ་པའི་ལས་འདི་བཤད་པར་བྱ་སྟེ། དོན་ཡོད་པར་འགྱུར་བའི་ཕྱིར་གུས་པར་གྱིས་ལ་ཡིད་ལ་ཟུང་ཞིག །ཅེས་བཀའ་སྩལ་ཏོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་སེམས་དཔའ་ཆེན་པོ་རྡོ་རྗེ་ལས་ཀྱིས་གསོལ་པ། ཀྱེ་བཅོམ་ལྡན་འདས། དམ་ལོག་དམ་སྲི་རྭ་ཏྲེཛེ་སྡེ། །ཁུངས་ཀྱི་རྩད་ནི་ཇི་ལྟར་གཅད། །སྒྲུབ་ལ་བར་ཆོད་ཇི་ལྟར་བསྒྲལ། །ཁྲོ་བོའི་སྔགས་དང་དཀྱིལ་འཁོར་གང་། །གདུག་པ་བསྒྲལ་ཞིང་མནན་པའི་ལས། །འཇིགས་བྱེད་རོལ་པས་བསྟན་དུ་གསོལ། །ཅེས་གསོལ་ཏེ་གུས་པས་འདུན་ནོ། །དེ་ནས་འཇིགས་བྱེད་ཆེན་པོ་ཞེ་སྡང་རྡོ་རྗེས་བཀའ་སྩལ་པ། །ང་སྔོན་དྲན་པ་ཐོག་མའི་ཚེ། །བསྐལ་པ་འབུམ་ཕྲག་འབུམ་སྔོན་དུ། །སངས་རྒྱས་འཇིག་རྟེན་སྒྲོན་མའི་དུས། །དགེ་སློང་ཐུབ་པར་དཀའ་བ་ལ། །ནག་པོ་ཐར་བས་གསང་དོན་ཞུས། །དེ་ཚེ་རྐུན་པོ་རྐུན་མོ་ནི། །མིང་སྲིང་གཉིས་ཀྱིས་ཕ་གཉན་བྱས། །རང་གི་སྒྲར་ཞུགས་ལོག་པར་བསྒྲུབས། །གཞན་ལ་ཚུལ་བརྗོད་ལོག་པར་སྨྲས། །དེ་ནས་ནག་པོ་རང་བག་པ། །དམ་ཚིག་ཉམས་པའི་སྒོར་ཞུགས་ནས། །གངས་ཀྱི་ཞུན་ཆུ་ཁོལ་མ་འཐུངས། །སྐྱེ་བ་དེ་འཕོས་སྡུག་བསྔལ་མྱོང་། །ཐུབ་པ་ཆེན་པོའི་ཞིང་ཁམས་སུ། །ལས་ཀྱི་དབང་གིས་འདོད་ཁམས་སྐྱེས། །རང་ཐག་རུ་དྲར་ནར་སོན་ཚེ། །མོས་པ་བྱས་ཤིང་འཁོར་དུ་འདུན། །རྭ་ཏྲེརེ་སྐལ་པ་མ་མཆིས་ཏེ། །སྐལ་ངན་ཞིང་པས་སས་ཀྱང་དཔྱང་ཐག་ཆད། །འདི་དག་དྲང་བའི་སྐལ་བ་མེད། །རྟག་ཏུ་འཁོར་འགྱུར་རྟག་ཏུ་གཞོམ། །འདི་དག་ལང་ཀའི་གྲོང་གདལ་དུ། །སྲིན་པོ་ལང་ཀ་མགྲིན་བཅུའི་བུ། །དུང་བུ་མགྲིན་དང་ཁ་འབར་མ། །ཞེ་སྡང་མ་རུངས་རགས་པ་ཅན། །སྔོན་གྱི་ལས་ཀྱིས་མཚམས་སྦྱར་སྐྱེས། །བོང་བུ་ལྟ་བུའི་རྣ་བ་ཅན། །མི་ཡི་ཐོད་ཕོར་ལག་ན་ཐོགས། །སྤྲེའུ་པགས་པ་གོས་སུ་གྱོན། །ཁ་ནས་དུད་པ་སྔོ་དམར་ཕྱུང་། །བུ་ཆུང་རྐུན་བུར་རྐུ་ཞིང་ཟ། །དུད་འགྲོ་ར་བརྐུས་ར་ཤ་ཟ། །ར་ལྤགས་ར་མགོ་བྲུངས་སུ་འཚེར། །སྦྱོར་ཏེ་སྲིན་མོ་བྲག་ཕུག་སྡོད། །ལུས་དང་མཉམ་པའི་རལ་པ་ལ། །མགོ་གསུམ་སྤྲུལ་ཞིང་རོ་དག་སྤེད། །བུ་ཆུང་ཕྱི་བ་ཉ་ཡི་མགོ །ཕྲེང་བ་གྲང་ཞིང་རླུད་ནག་དང་། །ཁ་ནས་མེ་འཕྲོ་ཆུ་གཞུང་ཤོན། །སྲོག་ཆགས་ཕྲ་མོ་ཀུན་གསོད་ཅིང་། །སྲོག་དང་དབུགས་ཀྱིས་འཚོ་བ་བྱེད། །སྔགས་ཀྱི་ནུས་པ་ལོག་པའི་མཐུས། །ལས་ཀྱི་སྲིན་པོའི་རིགས་སུ་གྲུབ། །གཤོག་པར་ལྡན་ཞིང་སོ་རྣོ་བ། །སྡེར་མོར་ལྡན་ཞིང་མི་ཕྱུགས་རྐུ། །གསང་སྔགས་དམ་ལས་གཏན་ལོག་པ། །དམ་པའི་སྲི་ཅན་བྱེད་པའི་དགྲར། །སྨོ་ལམ་ལྡན་ཞིང་སྔགས་ཚུལ་སྤྱོད། །མིང་ཡང་འབྲོག་ཏེའུ་ནག་པོ་དང་། །ནག་མོ་བྱ་ཡི་མགོ་ཅན་གྲགས། །དེ་དག་བུ་ཚ་མིང་སྲིང་དྲུག །མི་ཕྱུགས་ཕྲ་མོ་ཀུན་ཡང་རྐུ། །དགེ་བའི་རྣ་ཉན་བར་ཆད་བྱེད། །སྲོག་ཆགས་ཟ་བྱེད་དགེ་སྦྱོང་བརྫུ། །མིང་ཡང་ སྐོར་བེར་འབལ་ཏེའུ་འདྲེ་བྱུང་ དཀར་པོ་བེག་འབའ་ཏེའུ་འདྲེ། །ས་སྲིན་ཀླུ་སྲིན་དམ་སྲིར་གྲགས། ་༑་གམ་ཡམས་ཀྱང་སྲིན་པོའི་ཡུལ་ཁམས་གནས། །འདོད་ཁམས་སྲིད་པ་ཐམས་ཅད་ཉུལ། །འཇིག་རྟེན་ཁམས་ཀུན་ཁྱབ་པར་འཚེ། །ཐོད་ཕྲེང་ཅན་དང་བཞིན་མི་སྡུག །བདུད་ཕོ་བདུད་མོའི་བུ་ཚ་ནི། །མིང་སྲིང་བཅུ་གཅིག་སྡེ་ཆེན་བཅས། །དེ་དག་སྤྲུལ་པ་བསམ་ཡས་པ། །འགོང་པོ་སྲོག་བདག་མངགས་པའི་ཕྱོགས། །སྤུན་དགུ་འགོང་པོའི་ཕྱོགས་སུ་བསྡུ། །འགོང་པོ་འགོང་མོ་དཔག་མེད་པས། །དགེ་བའི་བར་ཆོད་བདུད་དུ་གྱུར། །སྲིད་པའི་བདེ་བ་ཕུང་བར་བསྒྱུར། །ཐར་ལམ་བགྲོད་པ་ལོག་པར་འདྲེན། །འདི་དག་ལོག་པ་རྣམ་གསུམ་སྟེ། །རྣལ་འབྱོར་བར་ལམ་གང་འདོད་པས། །འདི་དག་རྟག་ཏུ་གྲུབ་པར་བྱ། །ངན་པའི་ལུས་ངག་ལས་གྲུབ་པས། །ཡང་འབྱུང་འབྱུང་པོ་སྡུག་བསྔལ་མྱོང་། །ཐར་ལམ་གཏན་བྲལ་སྲིད་པར་དམྱལ། །རབ་ཏུ་སྙིང་རྗེ་དཔྱང་ཐག་ཆད། །བརླག་པར་བྱས་ན་ཡུད་ཙམ་བདེ། །དེ་ལྟར་ཤེས་པས་གནན་པར་བྱ། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་ལོག་པའི་ཁུངས་རྩད་བཅད་པའི་ལེའུ་སྟེ་གཉིས་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཤོན་ནུས་བཀའ་སྩལ་པ། །རུ་དྲ་དམ་ལོག་དམ་སྲིའི་སྡེ། །རིམ་པས་དབང་བསྡུ་བསྒྲལ་གནན་བྱ། །སྟེང་ནས་ཁྲོ་བོ་ཧུ༷་ཀྭ་ར། །སྒྲ་འབྱིན་ཕག་དང་སྨིག་བུར་བཅས། །སྟེང་གི་ཚངས་པ་ཕོ་མོ་ཡང་། །གདན་དུ་བྱས་ནས་སྤྲུལ་པ་རྣམས། །དབང་དུ་འདུ་ཞིང་ཟིལ་གྱིས་གནོན། །ཨོ་བཛྲ་ཀྲོ་དྷ་ཧུ༷་ཀ་ར་ཧུ༷་གརྫ་གརྫ་ཧུ༷་ཕཊ། ཁྲར་ནས་ཁྲོ་བོ་རྣམ་པར་རྒྱལ། །རྣམ་སྙེམས་སྟག་དང་བྱ་རྒོད་བཅས། ཁྲར་གྱི་དྲི་ཟ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་ཏ་བི་ཛ་ཡ་ཧུ༷་ཧ་ན་ཧ་ན་ཧུ༷་ཕཊ། ཤར་ལྷོར་ཁྲོ་བོ་དབྱུག་སྔོན་པོ། །སྡེར་མོ་གཡག་དང་བྱ་རོག་བཅས། ཁྲར་ལྷོར་མེ་ལྷ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་ཏ་ནི་ལ་དཎྜ་ཧུ༷་ད་ཧ་ད་ཧ་ཧུ༷་ཕཊ། ལྷོནསཁྲོབོགཤིནརྗེའིགཤེད། །དུརཁྲོད་ཤ་བ་འུག་པར་བཅས། །ལྷོ་ཕྱོགས་གཤིན་རྗེའི་ཕོ་མོ་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་དྷ་ཡ་མྱན་ཏ་ཀ་ཧུ༷་པ་ཙ་པ་ཧུ༷་ཕཊ། །ལྷོ་ནུབ་ཁྲོ་བོ་མི་གཡོ་མགོན། །ག་་ཁུང་གཟིག་དང་ཁུ་ཏར་བཅས། །ལྷོ་ནུབ་སྲིན་པོ་ཕོ་མོའི་བདག །གདན་དུ་གཟིར་བས་སྤྲུལ་པ་རྔམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་དྷ་ཨུརུ་ཨ་ཙ་ལ་ཧུ༷་བན་དྷ་བན་དྷ་ཧུ༷་ཕཊ། །ནུབ་ནས་ཁྲོ་བོ་རྟ་མཆོག་དཔལ། །ག་་མོ་བྱི་ལ་པུ་ཤུད་བཅས། །ནུབ་ཕྱོགས་ཀླུ་རྒྱལ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་དྷ་ཧ་ཡ་རྒི་བ་ཧུ༷་ཧུ་ལུ་ཧུ༷་ལུ་ཧུ༷་ཕཊ། །ནུབ་བྱང་ཁྲོ་བོ་འདོད་པའི་རྒྱལ། །མདའ་སྙེམས་སྤྱང་མོ་ཁྲ་དང་བཅས། །ནུབ་བྱང་རླུད་ལྷ་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་ཏ་ཨ་པ་ར་ཙི་ཏ་ཧུ༷་ཏིཁྱི་ཏིཁྱི་ཧུ༷་ཕཊ། བྱང་ནས་ཁྲོ་བོ་བདུད་རྩི་འཁྱིལ། །རླུད་འབྱིན་སེང་གེ་ཕ་ཝང་བཅས། །བྱང་ཕྱོགས་གནོད་ཅིང་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་དྷ་ཨ་སྐྲོ་ཏ་ཀུཎྜལིཧུ༷སྣྲིནདྷསྦྱིནདྷཧུ༷ཕཊ། །བྱང་ཤར་ཁྲོ་བོ་ཁམས་གསུམ་རྒྱལ། །གསོད་བྱེད་དྲོད་དང་སྲེ་མོར་བཅས། བྱང་ཤར་དབང་ལྡན་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་ཏ་ཏྲེ་ལོ་ཀྱ་བི་ཛ་ཡ་ཧུ༷་སྟིན་དྷ་སྟིན་དྷ་ཧུ༷་ཕཊ། འོག་ནས་ཁྲོ་བོ་སྟོབས་པོ་ཆེ། །བསྐྱོད་ཆེན་དོམ་དང་བྱི་བར་བཅས། །འོག་གི་ས་བདག་ཕོ་མོའི་བདག །གདན་དུ་གཟིར་བས་སྤྲུལ་པ་རྣམས། །དབང་དུ་འདུས་ཤིང་ཟིལ་གྱིས་གནོན། །ཨོ་བཛྲ་ཀྲོ་དྷ་མ་ཧྭ་པ་ལ་ཧུ༷་སྒྲོ་ཊ་སྐྲོ་ཊ་རྒྱུ༷་ཕཊ། །ཕྱོགས་བཞི་མཚམས་བཞི་སྟེང་འོག་བཅུ། །རྡོ་རྗེ་ཁྲོ་བོས་རྣམ་པར་གཏམས། །དབུས་སུ་མ་ཧྭ་དེ་བ་དང་། །རུ་དྲ་ཆེན་པོ་ཁྱོ་ཤུག་བསྣོལ། །བདག་ཉིད་རྡོ་རྗེ་གཤོན་ནུ་དང་། །འཁོར་ལོ་རྒྱས་འདེབས་དག་ཏུ་བྱ། །ཁྲོ་བོ་བཅུ་གཅིག་དཀྱིལ་འཁོར་དུ། །ཀུན་ཀྱང་མཐིང་ནག་རྔམ་པའི་སྐུ། །རྡོ་རྗེ་ཕུར་པ་ཐོད་ཁྲག་བསྣམས། །སྤྲུལ་པ་ལྕགས་ཀྱུ་ཕུར་པ་འདེབས། །རུ་དྲ་ཆེན་པོའི་སྡེ་དཔོན་རྣམས། །དབང་སྡུད་བྲན་དུ་གཟིར་ནས་ཀྱང་། །དཔའ་རྟགས་དཔའ་བོའི་ཆས་བརྒྱད་ལྡན། །ས་གནོན་ཉི་ཟླ་པདྨ་ཚོགས། །ཉོན་མོངས་སྲེག་པའི་མེ་དཔུང་འབར། །ཐབས་དང་ཤེས་རབ་ལྡན་པ་ལ། །མཚོན་ཆ་སྲས་མཆོག་ཕུར་པ་བསྐྱེད། །སྐུ་སྟོད་ཁྲོ་བོ་ཆེན་པོ་ལ། །སྐུ་སྨད་ཕུར་པ་ཟུར་གསུམ་མོ། །གཟས་པའི་སྙིང་དཀྱིལ་ཐེབས་པར་བསྐྱེད། །ཅེས་གསུངས་སོ། །རྡོ་རྗེ་ཕུར་པའི་གསང་བའི་སྔགས་རྒྱུད་ལས་ལྷ་རྣམས་ཀྱི་རང་བཞིན་དང་རྩ་བའི་སྔགས་ཀྱི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཁྲག་འཐུང་ཆེན་པོ་བཛྲ་ཀི་ལ་ཡས་བཀའ་སྩལ་པ། །ཡིད་འོང་དབེན་པའི་གནས་བཙལ་ཏེ། །རྫས་དང་ཡོ་བྱད་འཁོར་ལྡན་པས། །ཕྱི་དང་ནང་གི་མཚམས་ཀྱང་གཅད། །མཚན་དང་ལྡན་པའི་བྷན་དྷ་སྲ །ནས་ནག་སྔོན་མོ་བླུག་པར་བྱ། །ཕུར་བུ་བཅོ་ལྔ་དར་གྱིས་གྲིལ། །རྒྱུ་རྐྱེན་དབང་བསྐུར་བྱིན་བརླབ་བྱ། །ཐོག་མར་དངོས་གྲུབ་ཀུན་གྱི་གཞི། །བཞི་བཅུ་གཉིས་དང་ལྔ་བཅུ་བརྒྱད། །ཞི་དང་ཁྲོས་པ་རིགས་བརྒྱ་མཆོད། །འཛབ་དང་བསྟོད་པ་བསྐང་བཤགས་བྱ། །ཛ་གད་བདུད་རྩི་ལྷག་མ་ཡིས། །རྡོ་རྗེ་སྲིན་པོའི་དཀྱིལ་འཁོར་བརྩམ། །སྒྲུབ་པའི་དཀྱིལ་འཁོར་རྣམ་པ་གཉིས། །གང་ལ་མོས་དང་ཤིས་པ་བྲིས། །ཡེ་ཤེས་ཁྲོས་པ་བཅོ་ལྔ་དང་། །ཕོ་ཉ་དཔུང་ཚོགས་བཅས་པ་ཡི། །ཕུར་པ་དཀྱིལ་འཁོར་གནས་ལ་དགོད། །གདུག་ཅིང་རྩུབ་པ་གཟས་པའི་གཟུགས། །འདྲ་འབག་རྩ་དང་གཟུགས་སུ་བཅའ། །ཟག་པའི་རྫས་དང་དམེ་ཁྲག་བྱུག །ཡང་ན་ཆུ་སྣའི་འཇིམ་པས་བྱ། །མིང་དང་རུས་དང་སྲོག་ཡིག་གཞུག །སྨུག་ནག་དང་ནི་ཐལ་དཀར་བྱ། །ལྕགས་ཐག་བཏགས་ལ་ཨེ་ལ་གཏོད། །རྟ་མགྲིན་སྐུར་གནས་དཔང་བཙུགས་ཏེ། །སྲིད་པའི་བགེགས་ལ་ཞལ་ལྕེ་བཅད། །མཐིང་ནག་མེ་འབར་དཀྱིལ་འཁོར་དུ། །སྨུག་ནག་སྔོ་ནག་དམར་ནག་འབར། །འཇིགས་བྱེད་ཁྲོ་བོའི་སྤྲུལ་པས་དྲངས། །དཔལ་གྱི་ཕོ་ཉས་གནས་ནས་དགུག །སྒྲུབ་པའི་རྫསདངམཆོདཔདགོད། །བཅོ་ལྔ་ཁྲོ་བོ་མ་མོ་གསུམ། །བསྙེན་དང་བསྒྲུབ་པ་ཚུལ་བཞིན་བྱ། །མཚན་མ་མཐོང་ངམ་དུས་བབ་ན། །ཕྲིན་ལས་དྲག་པོ་བརྩམ་པར་བྱ། །དྲག་པོའི་རྫས་དང་ཕུར་པ་དང་། །ལྷ་དང་སྔགས་ཀྱི་དགོངས་མཚོ་སྡེབ། །རྟ་མཆོག་སྐུལ་གསལ་གནས་ནས་དགུག །དབང་དྲག་ཆས་སུ་ཞུགས་ནས་ཀྱང་། །གསུར་ཆེན་དུད་པ་སྒྲ་བཅས་ནས། །མ་མོ་འབོད་ཅིང་དམ་ལ་བསྡུ། །བཀྲག་མདངས་དབྲོག་ཅིང་ཚེ་ལུང་བྱ། །གནད་སྒོར་གདབ་ཅིང་ཁྲག་ཐུན་དབབ། །བྱང་གི་ཕོ་ཉས་ཤ་ཁྲག་བསྟབ། །བྱད་ཀྱི་མ་མོས་བྱད་དུ་གཞུག །ནུབ་ཀྱི་ཁྲོ་བོས་གནས་སྦར་ཏེ། །ལྷོ་སྒོ་སྲས་ཀྱི་སེམས་ལུང་བསྟན། །ཉོན་མོངས་བསད་ནས་གསོ་བ་ཤར། །རྟག་པ་རྒྱུན་གྱི་ཡེ་ཤེས་བསྒོམ། །དེ་ལྟར་ཕྲིན་ལས་མཐར་ཕྱུང་ན། །ཚངས་པའི་ཚེ་ཡང་འཇིག་པར་འགྱུར། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་ཁྲོ་བོ་གསང་བའི་ལས་ཉེ་བར་བསྒྲུབ་པའི་ལེའུ་སྟེ་བཞི་པའོ།། །།དེ་ནས་ཡང་ཞེ་སྡང་གི་བདག་པོ་དཔལ་རྡོ་རྗེ་གཞོན་ནུས་བཀའ་སྩལ་པ། །ཨོ་བཛྲ་ཀི་ལི་ཀི་ལ་ཡ། ཛ་ལ་ཛ་ལ པྲ་ཛ་ལ་པྲ་ཛ་ལ་སྐྲུ་ཊ་སྐྲུ་ཊ་ན་ས་པ་ན་ཡེ་ཧུ༷་ཕཊ། །སརྦ་དུ་༷ ་ཧྲི་ད་ཡ་ཧུ༷་ཕཊ། སྦྱིཇི་སྨྲིཇི་ཧུ༷་ཕཊ། མྱ་ར་ཡ་མྱ་ར་ཡ་ཧུ༷་ཕཊ། སུ་རུ་སུ་རུ་ཟ་སུ་རུ་ཧུ༷་ཕཊ། བ་ད་ཡ་བིད་བིད་ཧུ༷་ཕཊ། ན་མ༷༷ས་མན་ཏ་བིང་བིང་ཧུ༷་ཕཊ། ཨུ་ཙུཛི་ཀྲོ་དྷ་ཧུ༷་ཕཊ། ན་མ༷༷ས་མན་ཏ་བི་ཤཱ་དྷ་ཡ་བེ་ར་བེ་ར་ཧུ༷་ཕཊ། ཨ༷ཀུཤསྒྲིསྡོསྨྲིསྡོཧུ༷ཕཊ། །བྱུ་སྒྲིཔ་ལ་ཤོ་དཙྭ་ད་ཡ་ཧུ༷་ཕཊ། ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་སྲས་མཆོག་རྩ་བའི་སྙིང་པོའི་ལེའུ་སྟེ་ལྔ་པའོ།། །།དེ་ནས་ཞེ་སྡང་གི་རྒྱལ་པོས་བཀའ་སྩལ་པ། མཚམས་མེད་པ་ལ་མཚམས་ཀྱང་གཅད། །ཁྲོ་བཅུས་ཕྱོགས་བཅུར་ཕུར་པས་གཏམས། །ཁྲོ་བོ་འབར་བའི་ཐུགས་ཀ་ནས། །འཁོར་ལོ་རྩིབས་བརྒྱད་རེ་མིག་ལ། །ཉི་ཟླ་པདྨའི་གདན་སྟེང་ན། །ཡེ་ཤེས་སེམས་དཔའི་ཐུགས་ཀ་ནས། །ཀི་ལ་ཡ་ཡི་འོད་ཟེར་གྱིས། །ལྕགས་ཀྱི་ཚ་ཚ་བརྡབ་པ་ལྟར། །གང་ལ་བབ་པ་རྡུལ་དུ་རླག །སྐོར་མཚམས་བཞི་དང་སྐོར་ཚོམས་གསུམ། །སྨད་ཀྱི་དཀྱུས་ཚིག་དྲག་པོ་ལས། །རཀྟ་ཚར་གསུམ་ཚར་ལྔ་སྦྲེང་། །རྔམ་པ་གློག་གི་དཀྱིལ་འཁོར་ནས། །རྡོ་རྗེ་རྫུ་འཕྲུལ་རྣམ་པར་འཕྲུལ། །དཔའ་བོ་ཁྲོ་བོ་འཇིགས་པར་བཅས། །རིགས་སྔགས་དོན་ལ་ཡང་དག་སྦྱོར། །རཀྟའི་མཚོ་དང་ཀེང་རུས་རི། །ཤཱ༷་སའི་ཉོར་ཚོགས་ཞིང་ཆེན་གསུར། །རྔམ་པའི་མཁའ་འགྲོ་ཚོགས་ལ་བསྟབ། །རྡོ་རྗེ་ཁྲོ་རྒྱལ་ཧེ་རུ་ཀས། །གཏུམ་ཁྲོ་གདུག་པ་ཐབས་ཀྱིས་འདུལ། །འབར་བའི་དཀྱིལ་འཁོར་ཀུན་ལ་མཆོད། །ཧུ༷་མཛད་ཧུ༷་ལ་ཧོ་སྟེ་རོལ། །ཧུ༷་མཛད་ཧུ༷་གིས་ཐུགས་དམ་བསྐང་། །གར་དགུ་ཁྲོས་པའི་ཞལ་དུ་བསྟབ། །སྟོང་གསུམ་ཐམས་ཅད་ཕུར་པའི་ལྷ། །བདུད་འདུལ་ཁྲོ་བོའི་སྐུར་བསྟན་པ། །ཕྱོགས་བཅུ་དགྲ་བགེགས་ཐམས་ཅད་ཀུན། །དེངས་པར་མི་བྱེད་འདུག་གྱུར་ན། །ཐམས་ཅད་མ་ལུས་ཐེབས་པར་གདབ། །དམ་ལོག་དམ་སྲི་རྭ་་སྡེ། །འདི་དག་ཚར་ནི་མ་བཅད་ན། །སྒྲུབ་ལ་བར་ཆོད་མ་རུངས་བྱེད། །ཉམས་པ་བདུད་ནི་འདི་རྣམས་ཏེ། །དགྲ་དང་བགེགས་དང་བདུད་ཚོགས་ཀྱང་། །འདི་གསུམ་མ་ཐུལ་སྐུ་དགྲར་ལྡང་། །དེ་ཕྱིར་སྒྲུབ་པའི་རྣལ་འབྱོར་པས། །དམ་སྲི་གནན་ཅིང་དམ་ལོག་གསད། །རྭ་ཏྲེརེ་སྡེ་རྣམས་གདུལ་བར་བྱ། །བཅུ་གཅིག་དཔལ་དང་ཕྱག་རྒྱ་བཞི། །ཡེ་ཤེས་ཁྲོ་བོ་བཅོ་ལྔའི་ཐུགས། །སྲོག་དང་ལྡན་པའི་ཡེ་ཤེས་སེམས། །འཁོར་དང་བཅས་པའི་བདག་པོ་བསྐྱེད། །རང་བཞིན་དཀྱིལ་འཁོར་དབྱེར་མེད་བསྟིམ། །གཟིར་གནོན་སྒྲོལ་བའི་སྐུ་རུ་བསྒོམ། །སྐུ་དང་གསུང་ཐུགས་སྲོག་དབང་བསྐུར། །ཞི་བ་བསྙེན་ཅིང་ཁྲོས་པ་བསྒྲུབ། །དངོས་གྲུབ་ཀུན་གྱི་གཞི་མ་ཡིན། །སྨན་རག་གཏོར་མ་ལ་སོགས་པ། །ཕྱི་ནང་གསང་བའི་མཆོད་པ་ཡིས། །ལོ་ཟླའི་དུས་སུ་བརྩོན་པར་འབད། །བསྙེན་པའི་བདུད་རྩིས་ཆག་ཆག་གདབ། །དཀྱིལ་འཁོར་བྱིན་གྱིས་རློབ་པར་འགྱུར། །རྣལ་འབྱོར་གང་ལ་མོས་པ་ནི། །འཇིགས་བྱེད་ཨེ་ཡ་དཀྱིལ་འཁོར་བསྐྱེད། །རང་བཞིན་སྒྲུབ་ཕྱིར་བསྟོད་ཅིང་བསྐུལ། །ཞེས་གསུངས་སོ། །ཀི་ལ་ཡ་གསང་བའི་སྔགས་རྒྱུད་ལས་བསྙེན་པའི་ལེའུ་དྲུག་པའོ།། །།དེ་ནས་ཞེ་སྡང་གི་བདག་པོ་རྡོ་རྗེ་གཞོན་ནུས་བཀའ་སྩལ་པ། །གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི། །དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་བགྲད། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །བདུད་བཞི་གཏན་དུ་བཅོམ་པས་དཔའ་དཔའ་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་དཀར་ལ་བཞད་པས་རྒོད་རྒོད་འདྲ། །གཡོན་པ་དམར་ལ་གདངས་པས་གཤེ་གཤེ་འདྲ། །ཞལ་དབུས་མཐིང་ལ་རྔམས་པས་ཁྲོ་ཁྲོ་འདྲ། ཁུ་དྲུག་སྤྱན་གྱིས་གཟིགས་པས་སྙིང་རྗེ་ཆེ་ཆེ་འདྲ། །དུག་གསུམ་ཞལ་དུ་རྡུབས་པས་རྔམ་རྔམ་འདྲ། །དེ་འདྲའི་ཁྲོ་བོ་འཇིགས་པའི་སྐུར་བསྟན་པས། །ཆོས་སྐུ་མཚན་མ་མེད་པས་ཞི་ཞི་འདྲ། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེལྔས་རྒྱུད་ལྔ་གནས་སུ་སྒྲོལ། །མེ་དཔུང་འབར་བས་ཁམས་གསུམ་ཉེས་པ་སྲེག །ཁ་ཊ༷་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་བུས་ཁམས་གསུམ་རྡུལ་དུ་རློག །འཁོར་ལོ་རྒྱས་འདེབས་དཔལ་གྱི་སྐུ་ལ་འཁྲིལ། །ཁྲོ་བོ་ཁྲོ་མོ་རབ་འཇིགས་འབར་བའི་སྐུ། །སྐུ་ནི་མེ་དཔུང་འབར་བའི་ཀློང་ན་བཞུགས། །གསུང་ནི་དྲག་པོའི་སྒྲ་སྐད་འབྲུག་སྟོང་ལྡིར། །ཐུགས་ནི་མི་རྟོག་རྣམ་རྟོག་ཐམས་ཅད་འཇོམས། །དཔལ་ཆེན་རྡོ་རྗེ་གཞོནནུཡབཡུམལ། །ཁྲོ་བོ་ཁྲོ་མོའི་ཚོགས་ཀྱིས་བསྐོར་བནི། །ཧུ༷ ཆེནམཐིངགརྡོརྗེ་ཐོད་ཁྲག་དང་། །མདའ་གཞུ་རྡོ་རྗེ་རི་རབ་ཕུར་པ་འདྲིལ། །སྐུ་མདོག་མཐིང་ག་དཀར་དང་དམར་བའི་ཞལ། །ཞབས་བཞི་བྲག་སྟེང་ཉི་ཟླ་ཕོ་མོ་མནན། །སྒྲ་འབྱིན་ཕག་དང་སྨིག་བུ་འཁོར་གྱིས་བསྐོར། །རྣམ་རྒྱལ་དཀར་པོ་རྡོ་རྗེ་ཐོད་ཁྲག་དང་། །ཏྲི་ཤཱལ་འཁོར་ལོ་རི་རབ་ཕུར་བུ་འདྲིལ། །ཞལ་མདོག་དཀར་དང་སྔོ་དང་དམར་བའི་ཞལ། །ཞབས་བཞི་བྲག་སྟེང་བརྒྱ་བྱིན་ཕོ་མོ་མནན། །སྙེམས་མ་སྟག་དང་བྱ་རྒོད་འཁོར་གྱིས་བསྐོར། །གཤིན་རྗེ་སྔོན་པོ་རྡོ་རྗེ་ཐོད་ཁྲག་འཐུང་། །སྤོ་མགོ་དགྲ་སྟུ་རི་རབ་ཕུར་བུ་འདྲིལ། །སྐུ་མདོག་སྔོན་པོ་དཀར་དང་དམར་བའི་ཞལ། །ཞབས་བཞི་བྲག་སྟེང་གཤིན་རྗེ་ཕོ་མོ་གནོན། །དུར་ཁྲོད་ཤ་བ་འུག་པའི་འཁོར་གྱིས་བསྐོར། །རྟ་མགྲིན་དམར་པོ་རྡོ་རྗེ་ཐོད་ཁྲག་དང་། །ཞགས་པ་སྐྲུ་གྲི་རི་རབ་ཕུར་བུ་འདྲིལ། །སྐུ་མདོག་དམར་པོ་སྔོ་དང་དཀར་བའི་ཞལ། །ཞབས་བཞི་བྲག་སྟེང་ཀླུ་དབང་ཕོ་མོ་མནན། །ག་་མོ་བྱི་ལ་པུ་ཤུད་འཁོར་གྱིས་བསྐོར། །བདུད་རྩི་ལྗང་ནག་རྒྱ་གྲམ་དབྱུག་ཐོ་ཐོགས། །སྐུ་མདོག་ལྗང་ནག་དཀར་དང་དམར་བའི་ཞལ། །ཞབས་བཞི་བྲག་སྟེང་གནོད་སྤྱིན་ཕོ་མོ་མནན། །རླུད་འབྱིན་སེང་གེ་ཕ་ཝང་འཁོར་གྱིས་བསྐོར། །དབྱུག་པ་སྔོན་པོ་དཀར་དམར་སྔོ་བའི་ཞལ། །རྡོར་ཐོད་དབྱུག་པ་མེ་ཐབ་ཕུར་པ་འདྲིལ། །ཞབས་བཞི་བྲག་སྟེང་མེ་ལྷ་ཕོ་མོ་མནན། །སྡེར་མོ་གཡག་དང་བྱ་རོག་འཁོར་གྱིས་བསྐོར། །མི་གཡོ་ལྗང་སྔོན་རྡོ་རྗེ་ཐོད་ཁྲག་དང་། །རལ་གྲི་ཞགས་པ་རི་རབ་ཕུར་བུ་འདྲིལ། །སྐུ་མདོག་ལྗང་སྔོན་དཀར་དང་དམར་བའི་ཞིང་། །ཞབས་བཞི་བྲག་སྟེང་བདེན་བྲལ་ཕོ་མོ་མནན། །ག་་ཁུང་གཟིགས་དང་ཁུ་ཏ་འཁོར་གྱིས་བསྐོར། །གཞན་གྱིས་མི་ཐུབ་དམར་སྐྱ་རྡོ་རྗེ་ཐོགས། །རྔ་ཡབ་བྷན་དྷ་རི་རབ་ཕུར་པ་འདྲིལ། །སྐུ་མདོག་དམར་སྐྱ་དཀར་དང་དམར་བའི་ཞལ། །ཞབས་བཞི་བྲག་སྟེང་རླུད་ལྷ་ཕོ་མོ་མནན། །མདའ་སྟེམས་སྤྱང་ཀི་ཁྲ་ཡི་འཁོར་གྱིས་བསྐོར། །ཁམས་གསུམ་རྣམ་རྒྱལ་ཏྲི་ཤཱལ་མདའ་དང་ཞུ། །སྐུ་མདོག་ལྗང་སེར་དཀར་དང་དམར་བའི་ཞལ། །ཞབས་བཞི་བྲག་སྟེང་དབང་ལྡན་ཕོ་མོ་མནན། །གསོད་བྱེད་དྲེད་དང་སྲེ་མོ་འཁོར་གྱིས་བསྐོར། །སྟོབས་ཆེན་དུད་ཁ་རྡོ་རྗེ་ཐོད་ཁྲག་འཐུང་། །ཞགས་པ་ཐོ་བ་རི་རབ་ཕུར་བུ་འདྲིལ། །སྐུ་མདོག་དུད་ཁ་དཀར་དང་དམར་བའི་ཞལ། །ཞབས་བཞི་བྲག་སྟེང་ས་བདག་ཕོ་མོ་མནན། །སྐྱོད་བྱེད་དོམ་དང་བྱི་ལའི་འཁོར་གྱིས་བསྐོར། །ཁྲོ་རྒྱལ་ཀུན་ཀྱང་དུར་ཁྲོད་ཆས་ཀྱིས་བརྒྱན། །བསྐལ་པའི་མེ་ལྟར་འབར་བའི་ཀློང་ནཱ་བཞུགས། ཁྲར་གྱི་སྒོ་བ་དཀར་མོ་ལྷོ་སྒོ་སེར། །ནུབ་གྱི་སྒོ་བ་དམར་མོ་བྱང་སྒོ་ལྗང་། །བྱ་ཕུར་སྐྱེར་ཕུར་མཆོག་ཕུར་ལྕགས་ཕུར་བསྣམས། །ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་གཡོན། །རང་བྱུང་ཁྲོ་བོ་རྣམས་ཀྱི་མཐུ་དང་རྩལ། །བཛྲ་ཀི་ལ་ཡ་ཡི་དུས་ལ་བབ། །ལྷ་རྣམས་བསྟོད་ཅིང་ཐུགས་དམ་བསྐུལ། །སྲས་མཆོག་ཁྲོ་བོ་བཅོ་ལྔ་ཡིས། །བཏབ་ན་ལྷ་ཡང་རླག་པར་བྱེད། །སྲི་ཅན་རྡུལ་དུ་རློག་པའོ། །མི་བཟད་དྲུག་གི་འཁོར་དང་བཅས། །སྤྲུལ་པས་སྲིད་གསུམ་གཏམས་པར་བསྒོམ། །དེ་ནས་ཤེས་པ་འདུ་སར་གདབ། །བཏབ་ནས་བདེ་བའི་ས་ལ་དགོད། །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་ཁྲོ་བོ་ལ་བསྟོད་པའི་ལེའུ་སྟེ་བདུན་པའོ།། །།དེ་ནས་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། །དེ་ནས་དཀྱིལ་འཁོར་ཡང་དག་བཤད། །ལུས་ནི་ལྷ་ཡི་དཀྱིལ་འཁོར་བསྒོམ། །ངག་ནི་གསང་སྔགས་དཀྱིལ་འཁོར་བསྒོམ། །སེམས་ནི་ཆོས་ཉིད་དཀྱིལ་འཁོར་བསྒོམ། །དབེན་པར་ས་སྦྱངས་མཎྜལ་བཅའ། །འཁོར་གནས་ཡོ་བྱད་བློ་ལྡན་པས། །ཁྲོ་མོ་ཡུམ་གྱི་ག་་ཁུང་བྲི། ཁུ་གསུམ་རྩ་གཅིག་འབར་བ་ཙམ། །ཡང་ན་བཅུ་གཅིག་བདུན་ཡང་བྲི། །ལས་ཀྱི་དཀྱིལ་འཁོར་གྲུ་གསུམ་ཨེ། །རྡོ་བ་དག་གམ་ས་ལ་བྱ། །ལྕགས་སྣ་ལྗང་དང་དུག་ཤིང་དང་། །མི་དང་བྱ་ཡི་རུས་པ་ལ། །སྲས་མཆོག་ཕུར་པ་གཟི་ལྡན་བྱ། །གུ་གུལ་རཀྟ་ཡུངས་ཀར་གྱིས། །སྐུ་གསུང་ཐུགས་ཀྱི་གཟི་བྱིན་བསྐྱེད། །ཀ་བཱ་ལ་ཡི་གནས་བཞུགས་ནས། །རྡོ་རྗེ་ངག་གི་བཟླས་པ་རྩམ། །སྐུ་དང་ཆོས་ཉིད་གསལ་ལྡན་པས། །བསྙེན་པ་གདེང་དང་ལྡན་པར་བྱ། །རྡོ་རྗེ་དཀྱིལ་འཁོརམཆོདབསྟོདཅིང། །རང་རྒྱུད་དག་པར་བཤགས་སྦྱང་བྱ། །འཕྲོ་འདུས་ཉེ་བར་བསྙེན་བྱ་སྟེ། །བདུན་འབུམ་ཉི་ཁྲིའི་གྲངས་རྫོགས་ནས། །རྡོ་རྗེ་ཁྲོ་བོ་རོལ་པ་སྒྲུབ། །འཕང་དང་ལྡེག་འཁྲབ་བྲོ་བརྡུང་དང་། །ཉམས་དང་རྨི་ལྟས་བཟང་མཐོང་ནས། །སྐུ་གསུང་ཐུགས་ཀྱི་དངོས་གྲུབ་བླང་། །རང་རྒྱུད་བྱིན་དང་ལྡན་གྱུར་པས། །ཡེ་ཤེས་ལྔ་ཡི་དབང་བསྐུར་ཡང་། །རང་དང་གཞན་ལ་རྒྱས་བཏབ་སྟེ། །དབང་དང་བྱིན་བརླབ་ཚུལ་བཞིན་བྱ། །དེ་ནས་བདུད་དང་དགྲ་བགེགས་ལ་། །རྡོ་རྗེ་ཁ་ཊ༷་རོལ་པ་རྩམ། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་དཀྱིལ་འཁོར་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་ཡང་ཞེ་་ང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། །གང་གིས་བར་གཅོད་ཚར་གཅད་ཕྱིར། །དམིགས་པའི་ཏིང་འཛིན་གསུམ་གསལ་བྱ། །དྲི་སྲོག་ཅན་དང་ནཱ་སྲོག་ཅན། །ཏྲི་སྲོག་ལྡན་པ་བསྟན་པའི་དགྲ། །ཡིད་གཟུགས་ཅན་དང་གདོས་བཅས་གཟུགས། །དེ་ལ་དེ་བརྟེན་སྲོག་ཅེས་པས། །ཨ་དྲི་སུ་ཏྲི་པྲེ་དུ་ལྡན། །རིགས་དྲུག་ས་བོན་གཟུང་བར་བྱ། །གང་ལ་བྱ་བའི་དམིགས་རྟེན་ནི། །འབྱུང་བའི་སྙིགས་མ་ཟགས་ལ་བྱ། །ཡང་ན་བླ་སྲོག་གནས་པ་དབབ། །གཙོ་བོ་འཇག་མ་དམེ་ཁྲག་སོགས། །སྲིན་མོའི་ཁང་ས་ལ་སོགས་དང་། །ཤིང་ཤུན་ཞིང་རས་གང་ལྡན་ལ། །གང་ལ་བྱ་བའི་མིང་གཟུགས་བྲི། །སྲོག་གི་ཡི་གེ་གནད་སྔགས་བསྐོར། །དབྱེ་དགུག་བསྟིམ་དང་བྱད་དུ་གཞུག །སྨྲ་སྨྱོ་རྡུལ་དུ་བརླག་པར་བྱ། །འབར་བའི་ཨེ་དང་ཞལ་དུ་བསྟབ། །དེ་ལྷར་བྱས་ན་དུ་ཏྲའི་སྡེ། །བསྟན་པའི་དགྲ་གསུམ་དྲུངས་ནས་འབྱིན། །ཨོ་བཛྲ་ཀིལི་ཀི་ལ་ཡ་ཆེ་གེ་མོ་ཏ་ཐུ་ཡ་ཏ་ཐུ་ཡ་ཧུ༷་ཕཊ། ཧས་ཡ་ར་ཧ་ཏ་ན་ཧྭ༷་ཕཊ། ཕྲི་ཀྲིན་ཨུ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། བི་ཏ་ཡ་བི་ཏ་ཡ་ཧུ༷་ཕཊ། ཅེས་གསུངསསོ། །ཕུརཔ་གསང་བའི་སྔགས་རྒྱུད་ལས་སྒྲུབ་པའི་བར་ཆོད་རྭ་ཏྲ་བསྒྲལ་བའེ་ལེའུ་སྟེ་དགུ་པའོ།། །།དེ་ནས་ཞེསྡང་གི་རྒྱལ་པོ་རྡོ་རྗེ་གཞོན་ནུས་དམ་ལོག་བསྒྲལ་བ་འདི་སྐད་ཅེས་བཀའ་སྩལ་ཏོ། །ཨོ་སུམ་ཏྲིརསྒམྱར་ཡནནསདུ་རསྒནན། །བི་བི་ཏྲི་དམ་སྲི་ནན། འགོང་པོ་ཡ་ནམཤོ་ནན། འབྱུང་པོ་ཡ་ན་མ་ཤོ་ནན། ཛ་དགྲ་ནན། ཤོ་དགྲ་ནན། ཤོ་ནན། ཛ་ཛ་དེ་བ་བཛྲ་ཡསྒོ་ནན། འབྱུང་པོ་དུཁུ་ནཱ་ར་ཡ་ཧ་ན་ཧ་ན་ཧུ༷་ཕཊ། པ་ར་བི་ཏ་ན་སྦྱིན་དྷ་སྦྱིནདྷ་ཧུ༷་ཕཊ། བིན་དྷ་བིན་དྷཧུ༷་ཕཊ། གྲོཎྜ་གྲིཎྜ་ཧུ༷་ཕཊ། ཧ་ན་ཧ་ན་ཧུ༷་ཕཊ། བན་དྷ་བན་དྷ་ཧུ༷་ཕཊ། ཨོ་བཛྲརགྲུ་རྭ་ཙ་ཙིསྟ་ཟུང་ཟུང་། ཁ་ལ་རསྒ་ཙད་ཙད། །ཁ་རསྣ་རྨ་ཤ་ན་བོད་སྟོ། ལུབུ་ནདུམབུཤིག་ཤིག འདའན་རག་ཤཙིསྟ་ཕྱུང་རྦད། ལྡོག་ན་རག་ཤ་རྦད། སྡོམས་ཏིང་ཏིང་སྡོམས་ཟུང་ཟུང་། ག་ས་ག་ས་སྡོམས། རག་ཤ་ཙིསྟ་ག་ས། རྭ་ཙ་ཤག་ཐུམ་ཁ་ཏྲི་རྦད། །ཙ་པུ་ཏྲི་ཏྲི་ཏྲེ་ནན་སོད། བཛྲ་ཀྲོ་དྷ་རྭ་ཛསིརྙི་ཨ་མྲི་ཏ་ཧུ༷་ཕཊ། ཨོ་བཛྲཀི་ལི་ཀི་ལ་ཡ་སརྦ་བིསྣན་བ༷་ཧུ༷་ཕཊ། བདུད་ཏྲི་མ་ཏྲི་ཐ་ཏྲི། ཤུ་ལ་ཏྲི་བ༷་ཏྲི་ཡ་མ་ཏྲི། ནཱ་ག་ཏྲི་ས་མ་ཏྲི་སུམ་ཏྲི་པུ་ཏྲི་ཨ་ཤ་ཏྲི། ཨ་ཤ་ཏྲིརྭཙཏྲི། ཏྲིགནནཧུར་ཐུམས་ཛ། བཛྲ་ཨབླུ་ཤ་ཡ་ཛ་ཛ། བཛྲ་ཨུ་བེ་ཤ་ཡ་ཨ། ཨ་པསྟ་ཡ་དྷ་རོ་ཨ་ཙྭ་པ་ཡ་ཏི་ཨ། ཧུ༷་སྙིང་ཁྲག་ཙིརྟི་གུ་ལུ་ནན། །བ༷་སྦྱིན་ད་སྣྲིན་ད་སྲོག་རྦད། བཱ་ར་ཡ་སྙིང་རྩ་ཕྱུང་ཕྱུང་། སོ་ཤིག་སྲོག་རྦད། ཁ་ཁ་ཧ་ཧ་མྱ་ར་ཡ་ཧུ༷་ཧུ༷་ཕཊ་ཕཊ་རྦད་རྦད། ཧ་ན་ཧ་ན་བཛྲ་རུ་ཏྲི། སྲོག་ལ་བྲེང་བྲེང་ཛ་ཛ་ཐུམས་རིལ་ཤག ད་ཧ་ད་ཧ་བཛྲ་སྲོག་ལ་དུན་དུན་ཐུམས་རིལ་ཤག པ་ཙ་པ་ཙ་བཛྲ། ཙིསྟ་རྦད་ཐུམས་རིལ་ཤག །མ་ཏ་མ་ཏ་བཛྲ། རྩ་ལ་རྦདཐུམ་རིལཤག ཛ་ལ་ཛ་ལ་བཛྲ། སྲོག་ལ་ཧུར་ཐུམ་རིལ་ཤག སུ་རུ་སུ་རུ་བཛྲ། ཁམ་ནན་ཐུམ་རིལ་ཤག །མུ་རུ་མུ་རུ་བཛྲ། མུ་རུ་མུ་རུ་བཛྲ། དུམ་ལིང་ཁས་ཐུམ་རིལ་ཤག །ཀ་ཏང་ཀ་ཡེ་བཛྲ་སྙིང་གཟིར་སྦུར་ནན་ཐུམ་རིལ་ཤག ཛ་ཡི་བི་ཛ་ཡེ་བཛྲ་རྭ་ཛཏྲི་ཤུ་ལ་གཟིར་ནན་ཐུམ་རིལ་ཤག ཨ་ཙི་ཏི་ཨ་པ་ར་ཙི་ཏེ་བཛྲ་ཙ་ཏྲི་དུ་མེ་རུ་སྙིང་ལ་གཟིར། རྩ་སྐྲུར་ནན་སྲོག་ལ་བྲེང་བྲེང་། རྩ་ལ་དུན་དུན་ཁམ་ཤག་རྦད། མྱ་ར་སེ་ན་པྲམརྡ་ནཱ་ཡབཛྲསརྦ་དུ་་ཏྲིག་ནན་རྭ་ཛ་ཡ་མ་ཛ་ཧ་མ་ཤ་མ་ཏྲི་ཧུར་ཐུམ་ཛ། དུ་མེ་མ་མ་སྲོག་ལ་གཟེར་ཐུམས་རིལ་ཤག ཨོ་རྣི་དུ་རྣི་དུ་ཧུ༷་ཧུ༷་ཕཊཕཊ། རྭ་ཛ་ནི་ཧུ༷་ཧུ༷་ཕཊ་ཕཊ། །ཏྲི་ལིང་ཤམ། རོལིངཤམ། ཁ་ཐུན་ཏྲེ་ཐུན། བུར་ཏྲི་ཛ་རག་ཤ་ནི་ཛ་ཛ། ཧུ༷་མ་མ་པཤ༷་ཀུ་རུམ་ཏ༷་ཉ་ཀ་ར་ཨི་དནདྷ་ཏི་མ་མ་ཤི་སྨྲ༷་ཀརྨ་ཀྭ་ར་ཡ། ཏྲིའུ་ཏྲིའུ་ཡ་ན་མོ་ཤ་ཛ། །བཛྲ་མ་ད་ནི་ཏྲི་ཛ། ཏྲི་མྱ་ར་ཡ་ཛ། དམ་སྲི་ཏྲི་མུ་ར་ཡ་ཛ། ནཱ་ག་རྭ་ཛ་སྟག་ཤ་ཛ།མ་ཉ་ཧི་ཀོ་ཤ་གཐོ་མ་ནི། མྱ་ར་ཡ་ཧུ༷་ཕཊ། ཤ་ལུང་ནི་ཏི་སྟ་པ་ལ་ཨ་་།་མ་སྨྱོ་སྨྱོ་ཧུ༷་ཧྭ༷་ཕཊ་ཕཊ་རྭ་ཛ་ཐུམ་ཨ་ཏི་རྦད། རྭ་ཛ་ཟུང་ཨ་ཏི་རྦད། རྭ་ཛ་ཁ་ཚིངས་ལུས་སྟོམས་དུན་ཏྲི་པ་རི་པ་རི་སྟོམས། ཙིསྟ་ཀར་པ་ཤ་ཕག་པ་རྭ་ཛ་སྟོམས། རྭ་ཛ་ཤག་ཐུམ་ཁྲམ་ཁྲ་ནན། རྭ་ཛ་ཨ་ཀྲི་པ་ཀྲི་ ན་སོད། ཐུམ་ཐུམ་རིལ་རིལ། པ་ཙང་ཤིག་པ་ཚང་ཤིག ཆིངས་སྙོམས་ས་མ་ཡ། རིག་རུ་ཐུམ་རིལ། བུ་རུ་ལུ་རུ་ལུ་རུ་ལུ་ཧུ༷་ཕཊ། རྭ་ཛ་སི་ཏི་ས་མ་ཡ་བྱིང་ཧུ༷་ཕཊ། རྭ་ཛ་ཨ་ཧོ་ཧུ༷་ཕཊ། ཤ་མ་རུ་ཏྲི་མ་ཧོ་ཛ། ཐུམ་རི་ལི་ལི། རུ་ལུ་རུ་ལུ་ས་མ་ཡ་སྟུ༷། རྭ་ཛ་ས་མ་ཡ་གིང་ག་རག་པྲ་མ་ཤང་ཀ་དུ་རི་སྟོམས། ཙཀྲ་མྱ་ར་ཡ་ཆིངས་སྟོམས། ཨོ་བཛྲ་རག་ཤ་རྭ་ཙའི་ཙིསྟ་ཟུང་ཟུང་། ཁམ་རག་ཤ་རྩད་རྩད། ཁ་རག་སྨ་ཤ་རྨད་སྟོམས། འཁུ་ན་དུམ་བུ་ཤིག་ཤིག་ཤིག་སྟོམས། འདའ་ན་རག་ཤ་ཙིསྟ་ཕྱུང་རྦད། སྟོམས་ཟུང་སྣུ༷་སི་རག་ཤ་མ་ར་ཎ་སྨྱོ། །ཏྲི་རྭ་ཛ་ཨོ་ཨ༷་ཧུ༷་མྱ་ར་ཡ་སྟམ་བྷ་ནན་ནན། །སྤྱི་ཏི་སྤྱི་ཏི་མ་སྙིང་ཁ་རག་ཛ་ཛ། །ཨོ་ལ༷་ཧུ༷་ལ༷་སྟ༷་བྷ་ནན། མོ་ཧ་བྷ་ཡ་བྷ་གྭ་ཤཱན། །ཤི་ཀྲི་བི་ཀྲི་བཛྲ་ཧུ༷་ཀྭ་ར་ཧུ༷་ཕཊ། བཛྲ་སུམ་ཏྲི་རག་ཤ་གཏུབས། ཙི་ཏྲི་བཱ་ར་ཡ་ཧུ༷་ཕཊ། ཁྱོད་དམ་ལས་ལྡོག་ན། སུ་ཏྲི་མྱ་ར་ཡ་ཧུ༷་ཕཊ། ས་རུ་ཀེ་པ་ཡ། སུ་ཏ་མྱ་ར་ཡ་ཧུ༷་ཕཊ། །བཛྲ་སིག་ནན་སིག་ནན། མྱ་ར་ཡཧུ༷ཕཊ། ཏྲིགནནཧུ༷ཕཊ། །བཛྲ་དུག་ནན་ཧུ༷་ཕཊ། བཛྲ་ཙག་དུ་ཙག་དུ་སོད། ཙག་ཙག་ཡེར་ཡེར་སོད། ཐུམ་མྱོགས་སོད། །ར༷་ཡ༷་ཏིང་བུསོད། །བཛྲ་ཀི་ལི་ཀི་ལ་ཡ། །ཛ༷༷ཧུ༷་བ༷་ཧོ༷། རྭ་ཛ་ཙིཏི་ཟུང་ཟུང་ཁུག་ནན། དུམ་བུ་ཤིག ལྡོག་ན་རྦད། སྟུ༷་པ་ནན། ཧེ་ལིང་ནན། ཙ་ཏྲི་རྦད། ཨ་ཏྲི་རྦད། མ་ཏྲི་རྦད། མ་ཧེ་ལ་རྦད། རྭ་ཛ་ཏྲིག་ནན་རྭ་ཛ་ཧུརཐུམས། པ་ཙང་འདྲི་མ་ཐིབ་ར་རྭ་ཛ་རྦ་སྦུར་སྲོག་ནན། སྙིང་གཟིར་བྲིང་ཤག་ཡ་མ་རྦད། སརྦ་བིསྣན། བ༷་ཧུ༷་ཕཊ། །བཛྲ་ཀི་ལི་ཀི་ལ་ཡ་ཧུ༷་ཕཊ། བཛྲ་ཧུ༷་ཀྭ་ར་ཨ། དུ་མེ་ནཱ་ག་མོ་ཏྲིག་ནན་མེ་ཧུར་ཐུམས་ཛ། རུ་ཏྲེ་ཏྲིགནནརུཧུར་ཐུམས་ཛ། དུན་ཏྲི་པ་རི་པ་རི་ཙིཏི་གརྦ་ཤ་ཡག་པ་སོད། ཏྲི་ཙིསྟ་གརྦ་ཤ་ཡག་པ་སོད། སྙན་ཙིསྟ་གརྦ་ཤ་ཡག་ཤ་སོད། །དུང་སྐྱོང་པ་ཏ་བཱ་ར་ཡ་ཧུ༷་ཕཊ། ཏིག་ཏིག་ཞོ་འཐུང་སྒྱུགས་སོད། ཚ་བང་མཛོད་བསྲེན་མྱར་ཡ་ཧུ༷་ཕཊ། །ཆུ་ཧ་ན་ཏྲིཛ་ཡ་མར་ན་བྱི་ཛ་ཡ་ཧུ༷་ཕཊ། ཤ་མ་ས་རུ་ཏྲི་རྭ་ཛ་ཨ་ཧོ་བྲུ་རྦད། རྭ་ཛ་ཆིངས་ཆིངས་ག་ས་ག་ས། །་བུ་ན་དུ་ཙིསྟ་ཤིག རག་ཤ་ཙིསྟ་ཟུང་། རྨ་ན་རྦད། ཐུབ་རྦད། རྦད་ཏི་དུམ་རྦད། ཡ་རྦད་ཡ་ཁྲ་རི་བྷ་ཤ་ཡ་ཛ། །བཛྲཤོ་ན་ས་མ་ཡ། ཡ་མ་ཤོ་ན་ས་མ་ཡ། ནཱ་ག་ཤོ་ན་ས་མ་ཡ། ཁ་རག་ཤོ་ན་ས་མ་ཡ། རྒྱལ་འགོང་རྒྱལ་ཚེ་ལ་མ་ཤ །དོམ་རོལ་ཁྲག་འཐུང་། སྙིང་ཁྲག་འབྱུང་པོ་ས་མ་ཡ་ཛ། །བཛྲཛརཏྲིགརོགཏའབྱུང་པོམྱ་ར་ཡ་སྙིང་ཁྲག་ཛ༷༷ཧུ༷་བ༷་ཧོ། བཛྲ་ཨ༷་ཀུ་ཤ་ཛ། འབྱུང་པོ་ཚེ་ལ་མ་ཤ་དོམ་རོལ་ཁྲག་འཐུང་། །སྙིང་ཁྲག་འབྱུང་པོ་འབྱུང་པོ་པྲ་ཏི་པྲི་མོ་མ་ཤ་དོམ་ལ་ཁྲག་འཐུང་། རོ་ལ་ཁྲག་འཐུང་། སྙིང་ཁྲག་མ་ལ་མ་ལ་ཡེས་ཡེས་སྨྱོ་སྨྱོ་ཧྲོ༷་ཧྲོ༷་གྲྭ་ཧྭ། ཨོ་སརྦ་དུ་་ཏི་ར་ཏི་ནན། རྭ་ཛ་ནན། རྦད་ནན། ཏྲི་ཧུར་ཐུམ་ཛ། མུ་ར་ཡ་རྦད། །ཏབྱ་ཐུ་ཏབྱ་ཐུ་ཧུ༷་ཕཊ། །སརྦ་ཨུ་ན་ཡ་ཧུ༷་ཕཊ། ནི་ཤ་ཀུ་རུ་ཡ༷། ཁ་སོད་དབང་རོལ་ཡ་མ། །ཐོད་ཁྲག་སྤྱོས་ཤིག་ཙིསྟ་ཀུ་ལུ་ནན། སྙིང་ཁྲག་སྦྱོས་ཤིག་ཙཀྲ་ར༷། རྣམ་ཤེས་སྤྱོས་ཤིག་ཤོ་ན་ར༷། །འདོད་ཆགས་སྤྱོས་ཤིག་སུ་ཏྲི་ཁ་རམ། །གཟུགས་ཕུང་ཤིག་ཤིག །སུ་ནི་ཏྲི་ནི་ཡན་ལག་ཆིངས་ཤིག །ཨོ་སརྦ་ཛ་ནི་ཧུ༷་ཛ། དྲི་ཏྲི་སུ་ཏྲི་དྲི་ཧུ༷་ཛ། ཤན་ཏྲི་ནི་ཧུ༷་ཛ། ཀ་ཏྲི་ནི་ཧུ༷་ཛ། གན་ཏྲི་ནི་ཧུ༷་ཛ། གུ༷་གུ༷་གུ༷་སྲི་ཅན་ཛ་ཛ་ཧུ༷་ཕཊ། །ཨོ་རྩ་ཧུ༷་ཀ་ཏེ་པུ་ར་ཙ་ཏེ་གྲྭ་ཧྭ། སྲི་ཅན་ནན་ར་ཛ་ནན། ཧེ་དུ་མ་སྨྱོ་ཀུ་ཀ་ཀ་རེ་ཛ་ཛ། ཧེ་དུ་པྲིད་པུ་ཀ་སྐྱེ་མི་སྐྱེ་སྣ་ཧྭ། ཨེ་ར་ལིག་ཤི་ན་ཤིག་ཧེ་རི་ཧ་ཏི་པྲ་མ་ལེ་ཤག་ཧེ་རི་ལིག་ཤ་ལི་ཤ་ལི་བྱི། ཐུ༷་ལེང་སྣ་ཧྭ། ཤ་ལི་སྨྱོ་ཐུ༷། ན་ག་ཚེ་ན་གུ་ཙེ་རྒུ་རུ་ཤད་ཏི་རྦད་རྦད། །བཛྲ་བཛྲ་བཛྲ་བཛྲ བཛྲ་བཛྲ་བཛྲ་བཛྲ་བཛྲ་བཛྲ་བཛྲ། ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ་ཁ་ཐམ། བཛྲ་ཡག་ཤ་རག་ཤ་ཀྲོ་ཏ་ཁ་ཁ་ཁ། ཁུ་ཧི་ཁུ་ཧི་ཁུ་ཧི། ཧ་ཧ་ཧ། ཧི་ཧི་ཧི། ཧུ༷་ཧུ༷་ཧུ༷། ཕཊ་ཕཊ་ཕཊ།ཅེས་གསུངས་སོ། །ཕུར་པ་གསང་བའི་སྔགས་རྒྱུད་ལས་དམ་ལོག་དམ་སྲི་དུ་ཏྲའི་སྡེ་བསྒྲལ་བའི་དྲག་སྔགས་ཀྱི་ལེའུ་སྟེ་བཅུ་པའོ།། །།དེ་ནས་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་ལས་ཀྱི་སྦྱོར་ཐབས་བཀའ་སྩལ་པ། རྣལ་འབྱོར་དོན་དང་ལྡན་པ་ལ། །དམ་ལོག་དམ་སྲི་རྭ་ཏྲེརེ་སྡེ། །གནས་དང་འཁོར་དང་ལོངས་སྤྱོད་དང་། །ཆགས་ནས་དབང་བྱེད་ཤུལ་འབྲེང་དང་། །འཁོར་དང་ལོངས་སྤྱོད་དབང་ཐང་དཔལ། །རྒྱས་སུ་མི་སྟེར་འཕེལ་བ་འགྲིབ། །དཀར་སྒྱུར་སྲ་རྩི་བྲེ་སྲེ་སྙབ་བྱེད་པ། །དེ་དག་དྲག་པོའི་ལས་འདིས་འདུལ། །འཇིག་རྟེན་གཞན་དུ་འཕང་ལ་བཏང་། །རྡོ་འམ་ས་ལ་འབྲུབ་ཁུང་བཅའ། །རྣོན་པོ་རྩང་གིས་བསྐོར་ནས་ཀྱང་། །ནང་དུ་འབྱུང་པོའི་གཟུགས་རྟེན་གཞག །ཁྱི་ཕག་སྤྲེའུ་དང་བྱི་ལའི་མགོ །བགེགས་དང་འགོང་པའི་རྭ་པ་གཞུག །འབྲོག་ཏེ་ནག་པོ་མགོ་དགུ་དང་། །དམ་སྲི་ནག་མོ་བྱ་མཆུ་མ། །བར་དུ་རྒྱལ་འགོང་སྤྲུལ་པ་བྲུབ། །བྱི་ཆིངས་ཚུལ་དུ་ལྟོ་སྦྱར་ནས། །བླ་ཤིང་ཤོ་མང་ཁུད་དུ་དྲིལ། །བློ་རྡོ་ཕ་བོང་ལོང་བུ་ལ། །མཚལ་གྱིས་ཕྱོགས་བཞིར་སྲོག་ཡིག་བྲིས། །སེ་བ་ཉ་ཐོད་སྡིག་པའི་རྭ། །བྱི་བའི་སྙིང་དང་སྤྱང་ཀིའི་བྲུན། །ལམ་ཆེན་རྒྱ་གྲམ་ས་དག་ནི། །ཞང་པོ་མ་དང་སྤྲུལ་པ་བུ། །འོག་གི་རྟ་དང་རྩེ་སའི་གནས། །བླ་གནས་ཡིན་ཏེ་བླ་ལ་དབབ། །རྒྱ་གྲོག་སྐེད་དམར་ཁང་ས་དང་། །ཆུ་སྣའི་འདག་ལ་ན་ཚྭ་དང་། །སྲུབ་ཀ་ཙྭ་ཡི་ལོ་མ་དང་། །གོང་གསུམ་ལུང་གནས་རྩི་འཇགས་ལ། །གཟུག་བཅས་ཤིང་ཤུན་མིང་རུས་གཞུག །ཐལ་དཀར་བྱས་ཏེ་བྱད་ཐག་གདགས། །གདབ་དང་སྲེག་དང་མནན་པ་ཡི། །རྭ་པ་བྱེ་བྲག་སོ་སོར་སྦྱར། །འབྲུབ་ཁུང་ཐོད་པ་ཧོམ་ལ་གདགས། །རེ་བ་ཤུག་ཤིང་ཚེར་མས་དགབ། །དུས་གསུམ་དང་ནི་དུས་བཞི་དྲུག །གཤེད་མར་གྱུར་པའི་མཚོན་ཆ་ནི། །ལྕགས་སྣ་ལྔ་ཡི་ཕུར་བུ་དང་། །སྟག་པའི་བེང་དབྱུག་ཐོ་བ་དང་། །གོར་མ་ཤིང་ཕུར་རྡོ་རྗེ་དང་། །རལ་གྲི་འཁོར་ལོ་ལ་སོགས་པས། །དྲག་ཏུ་བརྡུང་ཞིང་བརྣག་པ་བྱ། །མོ་ལ་མདའ་ཐུན་ཟོར་གྱིས་བརྡེག །ཕོ་ལ་ཁྲག་ཐུན་གྲི་མཚོན་གདབ། །བདུན་དང་བདུན་གསུམ་གང་ནུས་པར། །མ་ཡེངས་བརྩོན་པས་བྲབ་པར་བྱ། །སྔགས་དྲུག་རྒྱལ་པོའི་ལས་སྦྱར་ཏེ། །གདབ་དང་མནན་བསྲེག་བཀར་བར་བྱེད། །ཅེས་གསུངས་སོ། །ཕུར་པ་གསང་བའི་སྔགས་རྒྱུད་ལས། ལས་སྦྱོར་ཐབས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་གདོན་ངོས་བཟུང་བའི་དོན་དུ་བཀའ་སྩལ་པ། །སྲིད་པ་ཀུན་ལ་གནོད་པ་ཡི། །འགོང་པོ་ཕོ་མོ་འདི་དག་ནི། །རྣལ་འབྱོར་ཅན་ལ་ལྷ་སླུབས་འཇུག །ཕལ་པ་རྣམས་ལ་མི་སླུབ་འཇུག །བགེགས་དང་འབྲས་ལ་བགེགས་སླུབས་འཇུག །ཡུལ་བརྒྱུད་གང་ཟག་བརྒྱུད་པར་བྱེད། །སྐྱེ་བ་བརྒྱུད་དང་སྤྲུལ་པ་བརྒྱུད། །དངོས་པོ་བརྒྱུད་ནས་གནོད་པར་བྱེད། །རྐུ་ཞིང་ངོ་སྦེད་སྣ་ཚོགས་སྟོན། །འདི་དག་དྲག་ཏུ་གདོན་གྱུར་ན། །ཀླུ་བདུད་ཀླུ་བཙན་མེས་པོ་དང་། །མ་མོ་མཚོ་སྨན་མ་སྲུ་དང་། །དཀར་ནག་རྒྱལ་འགོང་བཅོས་པ་ཤིས། །རྒྱབ་རྟེན་ཕྲལ་ནས་སྣ་འདྲེན་བསད། །མི་དཀར་རྟ་དཀར་འབག་སེང་དང་། །ལྷ་ཁང་བྱུང་ན་དཀར་པོ་བཅོས། །མི་ནག་རྟ་ནག་དར་ནག་དང་། །ལྷ་ཁང་ནག་མཐོང་ནག་པོ་བཅོས། །རླན་དང་ན་ཀླུང་ཆུ་མིག་ཚན། །ཀོ་མོག་རྒྱ་མཚོ་ཀླུ་གཉན་བཅོས། །དྲག་རི་གཟར་པོ་རི་རྩེ་ཟང་། །བྲག་དམར་བཙན་བདུད་ཀླུ་ཡང་བཅོས། །གད་ཕུག་ཁང་སྟོང་ཐིགས་པ་ཅན། །ཁང་རུལ་དམ་ཅན་བསད་པ་རྩོམ། །སྦྲང་བུ་སྦུར་བ་བ་ལང་མཛོ། །གནག་མཐོང་ས་བདག་ས་སྲིན་བཅོས། །བྱ་དང་བུད་མེད་རལ་པ་ཅན། །ཁྱི་མོ་ནག་མོ་དམ་ཅན་བསད། །རྟ་དང་བུ་ཆུང་སྤྲེའུ་དང་། །བྱི་ལ་བཙུན་པ་རྒྱལ་འགོང་བསད། །མ་སྨད་མིང་སྲིང་བུ་ཆུང་ཅན། །ཕོ་མོའི་གྲོགས་དང་རོག་ས་འགྲས། །རྒྱལ་འགོང་ཕོ་མོ་སྲོག་རྩ་གཅད། །བཙུན་པ་སྤྲང་པོ་ངན་པའི་བཙོས། །བེག་ཏེ་ལྟོག་འགོང་དྲུང་ནས་གདོན། །དེ་ལ་སོགས་པ་དུད་འགྲོའི་ཚོགས། །འབྱུང་པོ་ལ་སོགས་ཐ་དད་རྫུ། །ངེས་པར་བརྟག་ལ་གནད་སྲོག་གཏེམ། །བེ་ཕུར་ཧོར་སྨུག་བྱ་ཡི་མཆུ། །སྤྲུལ་པར་བཅས་པ་རྡུལ་དུ་བརླག །སྐྲུན་གསུམ་སྤྲུལ་པར་བཅས་པ་ཡང་། །རྒྱབ་དང་ཕྲལ་ནས་བརླག་པར་བྱ། །ཀླུ་གདོན་གཉན་སོགས་བྲིད་ཅིང་བསྡིག །དཀོར་དུ་མངའ་གསོལ་འགོང་པོ་རྣམས། །དཀོར་འབོག་རྒྱལ་ཁྲིམས་ལ་ལ་བཀར། །བསྒྲུབ་པས་འཁོར་བྱུང་དམ་ལོག་བསླུས། ཁྲེ་སའི་འཁོར་ལོ་བསྐོར་ཞིང་མནན། །གསོ་བ་ཆུ་བོའི་གཞུད་ལ་བཏང་། །རྦད་པ་ཕྱིར་བསད་ལོག་འཁོར་བསྐོར། །སྨྱོ་འབོག་སྐར་ཆུ་ཡུངས་ཀར་དང་། །གུ་གུལ་བདུག་ཅིང་བྲབ་པར་བྱ། །སྡེ་གནོད་ནང་ནུབ་དུས་གསུམ་བརྡུང་། །དུས་དུས་གནད་ལ་ཕུར་བུ་གདབ། །ཕུང་པོ་བསྲེག་ཅིང་ཤ་ཁྲག་བསྟབ། །ཞབྲུལ་པའི་རྟོག་གཞི་གནན་པར་བྱ། །མཆོད་རྟེན་ལྷ་ཁང་རྒྱ་གྲམ་ལམ། །རྣལ་འབྱོར་མལ་འོག་ཐེམ་སྒོ་དང་། །ཕྱུགས་ར་བྲེས་དང་མ་སྒྱེད་སོགས། །གང་ལ་གནོད་པའི་ལམ་གནས་སུ། །གནན་པ་བྱས་ན་ནུས་པ་འཇིག །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་རྟགས་ཀྱིས་ངོས་བཟུང་ཞིང་ལས་ཀྱི་གནད་བཅད་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས་བཀའ་སྩལ་པ། རས་སམ་གྲོ་ག་ཤོག་ཤོག་གམ། །ཞིང་རས་ལ་སོགས་འཁོར་ལོ་ཡི། །རྫས་ལ་སྲིད་པའི་ལྟོ་བ་བྲི། །གཅོད་པའི་འཁོར་ལོ་རྩིབས་བཞི་པ། །བསད་དང་མནན་དང་བཟློག་དང་བསྐྲད། །གསོ་དང་སྲུང་དང་ཤི་ས་དང་། །ཇི་ལྟར་དམིགས་པ་དེ་བཞིན་བྲི། །ཕོ་དང་མོ་ཡི་འཁོར་ལོ་བརྩམ། །སྔགས་དང་སྲོག་དང་མིང་ཡིག་དགོད། །བསྲུང་བ་རྡོ་རྗེ་ཁོང་པར་བྲི། །བུ་སྨད་ནོར་ཕྱུག་གང་དམིགས་གདགས། །གུ་གུལ་མུ་ཟི་སྒོག་པ་སོགས། །སྨེ་རྫས་གདགས་ཤིང་དུད་པས་བསྐོར། །འབྱུང་པོ་ལྷ་ཡི་ཕྲ་མེན་བཅས། །སྲིད་གསུམ་ཁྱབ་ཅིང་ཉུལ་བྱེད་པ། །འདི་དག་མ་བཅོས་མ་བཀར་ན། །བྱས་པའི་ལས་རྣམས་དོན་མེད་འགྱུར། །འདི་དག་བཅོས་བཀར་སྤྲུལ་པ་བསྒྲལ། །འཇིག་རྟེན་ཁྱབ་ཅིང་དབང་བྱེད་པ། །དམ་ལོག་སྡེ་གསུམ་དངོས་པོའི་སྲོག ཁེ་ནས་རང་སྲོག་རང་གིས་བཅད། །སྲོག་དང་མིང་དང་ཤེས་པའི་རྟེན། །སྙིང་གི་དཀྱིལ་འཁོར་གནས་པ་དེ། །ཕོ་གཡས་མོ་གཡོན་བསྐོར་བར་བསྒོམ། །འགུགས་པར་བྱེད་པ་ཧུར་ཐུམས་ཛ། །ཡ་མ་ཏྲིག་ནན་འབྲུ་བཞིས་གཟིར། །མུ་ར་ཡ་རྦད་གཅོད་པའི་མཚོན། །དགུག་དང་བཅིང་དང་བསྟིམ་དང་གཞུག །བྲུལ་དང་རྩེག་དང་གཏོར་དང་བསྐྲད། །བསད་དང་བསྲེག་དང་གནན་དང་བཀར། །སྔགས་ཀྱིས་སོ་སོར་གང་དམིགས་པ། །སྐྱེས་བུ་ཤེས་རབ་རིག་པས་ཟུང་། །ཞེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་སྲོག་གི་འཁོར་ལོ་བསྐོར་བའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། ལྷ་རྣམས་ལས་ལ་གཞུག་པ་འདི་གསུངས་སོ། །དང་པོ་དབྱིངས་ལས་ཡེ་ཤེས་བསྐྱེད། །སྟོང་བདག་མེད་པའི་སྙིང་རྗེ་བསྒོམ། །རིག་པ་གནས་པའི་སྒྱུ་འཕྲུལ་ཧུ༷། །རྟོག་པ་གཞིལ་ཅིང་ཞལ་ཡས་བསྐྱེད། །འབྲུབ་ཁུང་བྷ་ག་ཁྲོ་མོའི་གཏུན། །གསང་བ་ཡུམ་གྱི་དཀྱིལ་འཁོར་དུ། །འདི་ལྟར་སྣང་བ་རྣམ་པར་བསྒྱུར། །རྡོ་རྗེ་ཁྲོ་བོའི་གཏུན་ཚོགས་ཀྱང་། །གསང་བ་ཡབ་ཀྱི་ཕུར་པ་བསྐྱེད། །རྡོ་རྗེ་འཁོར་ལོའི་མཁའ་གསང་ནས། །འབར་བའི་ཁྲོ་བོ་ཕྱུང་ནས་ཀྱང་། །ཕྱོགས་བཅུར་དྲེགས་པའི་གདན་ལ་གདབ། །ཁྲོ་བོ་ཁྲོ་མོའི་མཁའ་ཀློང་ནས། །ཟ་བྱེད་འགུག་པའི་ཕོ་ཉ་འགྱེད། །དཔའ་བོ་དཔའ་མོའི་སྦྱོར་མཚམས་ནས། །སྲས་མཆོག་རྡོ་རྗེ་ཁྲོ་བོ་བསྐྱེད། །དབང་བསྐུར་བྱིན་བརླབ་གཟི་བྱིན་བསྐྱེད། །དཀྱིལ་འཁོར་རྣམ་གསུམ་ལྷ་ཚོགས་ལ། །སྤྱན་དྲང་བཞུགས་བསྟིམ་མཆོད་བསྟོད་བྱ། །སོ་སོའི་སྙིང་པོས་བསྙེན་བྱས་ཏེ། །ཐུགས་དམ་བསྐུལ་ཞིང་ཕོ་ཉ་འགྱེད། །ཡེ་ཤེས་སྤྲུལ་པ་ཕོ་ཉ་རྣམས། །མགྱོགས་བྱེད་ཐུགས་རྗེས་མངགས་པའི་གིང་། །སྲིད་གསུམ་ཐམས་ཅད་གང་བྱས་ཏེ། །སྲིད་པའི་ཁྱམས་ཁང་བཙོན་དོང་དུ། །རྡོ་རྗེ་ཕུར་པའི་གྲུ་ཆར་དབབ། །སྔགས་ཀྱི་འཁོར་ལོ་མེ་ལྟར་འབར། །ལྕགས་ཀྱི་ཚ་ཚ་བརྡབ་པ་བཞིན། །དྲུག་གི་ཕོ་ཉས་ལས་ལ་སྦྱར། །ཕྱག་རྒྱ་རྣམ་བཞིས་ཀུན་ཏུ་ཁྱབ། །དྲག་པོའི་རྩལ་ལྡན་ཀུན་གྱིས་གྲུབ། །བསོད་ནམས་ཚོགས་ཆེན་རྫོགས་པ་དང་། །སྔགས་གྲུབ་དབང་དང་ལྡན་པ་ལ། །འདུལ་སྡོམ་རྣམ་པར་དག་པས་ཀྱང་། །འདི་དག་ཚར་བཅད་དངོས་གྲུབ་ཐོབ། །དེ་དག་ལྡན་པར་མ་གྱུར་ཀྱང་། །འདི་དག་བསྒྲལ་ལས་མ་བྱས་ན། །དངོས་གྲུབ་བདུད་ཀྱི་ལག་ཏུ་ཤོར། ཁེན་ཏུ་བརྩོན་པས་བསྒྲལ་བར་བྱ། །དུས་གསུམ་རྒྱུན་དུ་གསད་ཅིང་གནན། །དེ་ལྟར་བྱས་ན་འབྲས་བུ་ཐོབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་ཕོ་ཉས་ཚར་བཅད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་ཞེ་སྡང་གི་རྒྱལ་པོ་རྡོ་རྗེ་གཞོན་ནུས། །སྲི་ཅན་དྲུངས་ནས་འབྱིན་པའི་ལས་བཀའ་སྩལ་ཏོ། །མི་ཡི་སྲིད་པ་དང་པོ་ལ། །དབུས་ཀྱི་རི་བོ་མཆོག་རབ་སྲིད། །རི་རབ་ཀྱི་ནི་དབུས་ནས་ཡར། །དཔག་བསམ་ཤིང་གི་ལྗོན་ཤིང་སྲིད། །དཔག་བསམ་ཤིང་གི་རྩེ་མོ་ལ། །བདུད་ཕོ་ཐོད་པའི་ཕྲེང་བ་དང་། །བདུད་མོ་ནག་མོ་བཞིན་མི་སྡུག །ཚོགས་པའི་མིང་སྲིང་བཅུ་གཅིག་ནི། །གང་ན་དཀར་པོའི་ལས་དར་ལ། །དེ་ན་ཕུང་བའི་སྲི་ཅན་ཏེ། །འདི་དག་རྣལ་འབྱོར་ཅན་གྱིས་གདུལ། །རྒྱལ་དང་བློན་དང་དམངས་དང་གསུམ། །དགྲ་སྲི་དམེ་སྲི་སྒོ་སྲི་དང་། །ཆུང་སྲི་དུར་སྲི་གོད་སྲི་དང་། །དམ་སྲི་དབྱལ་མོའི་གོང་སྲི་མནན། །རྒྱལ་པོ་ཕུང་བྱེད་ཕུང་སྲི་ནི། །རིགས་ངན་ཧོར་མོ་སྤྱི་རིངས་མགོར། །ཆོས་འཁོར་དབུས་སུ་གནན་པར་བྱ། །བློན་པོ་ཕུང་བའི་ཕུང་སྲི་ནི། །ཕ་ཝང་ནེ་ཙོ་སྤྲེ་ཐོད་དུ། །མདུན་ས་ཆེན་པོར་གནན་པར་བྱ། །དམངས་རྣམས་ཕུང་བའི་ཕུང་སྲི་ནི། །སྤྲེའུ་མཛོ་རྟོལ་ཐོད་པ་སྲ །ཡུལ་གྱི་དབུས་དང་ཡུལ་མདོར་མནན། །དགྲ་བོས་ཕུང་བའི་ཕུང་སྲི་ནི། །རྟ་དང་གཡག་དང་ར་ཐོད་ལ། །སོ་མཚམས་ལམ་གྱི་རྒྱ་གྲམ་གནན། །དམེ་ཡིས་ཕུང་བའི་ཕུང་སྲི་ནི། །གཡི་དང་གསའ་དང་སྤྱང་ཐོད་དུ། །གྲོངབརྡལཆེནཔོའིདབུསསུ་མནན། །སྒོ་སྒོ་སྲི་ཅན་ལངས་པ་ནི། །ཁྱི་དང་ཕག་པའི་ཐོད་པ་སྲ །གནས་པའི་སྒོམ་པའི་ཐེམ་པར་མནན། །སྐྱེ་རྒྱུད་གཅོད་པའི་ཆུང་སྲི་ནི། །ཁྱི་ཕག་ཕྲུ་གུ་སྲེ་བྱའི་མགོར། །མ་གནས་མལ་གྱི་འོག་ཏུ་མནན། །རིགས་ཚན་གནས་པའི་དུར་སྲི་ནི། །སེ་བྱ་གྲུན་པ་ཝ་ཐོད་དུ། །དུར་གྱི་འདབས་སུ་གནན་པར་བྱ། །རྣལ་འབྱོར་ཕོ་མོའི་དམ་སྲི་ནི། །མི་ཕག་ར་ཁྱིའི་སོག་པ་ལ། །མཆོད་རྟེན་དཀྱིལ་འཁོར་འོག་ཏུ་མནན། །དབྱལ་མོ་གོང་གི་སྲི་ཅན་ནི། །ཁྱི་དཀར་ཤ་བའི་ཐོད་པ་སྲ །ལམ་དང་ལ་བཙས་ཆེན་པོར་མནན། །ནོར་ཕྱུགས་གོད་འགྲམས་གོད་སྲི་ནི། །ལུ་གུ་བེའུ་རིའུ་ཐོད་དུ། །ནོར་ཕྱུགས་གནས་པའི་ར་བར་གནན། །ཕུང་བར་བྱེད་པའི་སྲི་ཅན་ནི། །ཚེ་རབས་སྔོན་གྱི་ལན་ཆགས་འདེད། །དུས་འདི་ཉིད་དུ་འབབ་པར་འགྱུར། །རྣལ་འབྱོར་རྣམས་ཀྱི་སྐུ་དགྲར་འགྱུར། །སྲི་ཅན་བསྒྲལ་བའི་ཞིང་ཡིན་པས། །གསང་བའི་གནས་སུ་འདུས་ཚོགས་ནས། །སློབ་དཔོན་སྐུ་ལ་ཕྱག་འཚལ་ཏེ། །གནོད་པར་བྱེད་པའི་ཕུང་སྲི་དང་། །སྡང་བར་བྱེད་པའི་དགྲ་བོ་གཉིས། །སྦྲགས་ཏེ་རྒྱ་གད་དྲག་པོས་བརྒལ། །སངས་རྒྱས་བསྟན་པ་ཁྱོད་ཀྱིས་བཤིག །དཀོན་མཆོག་དབུ་འཕང་ཁྱོད་ཀྱིས་སྨད། །དགེ་ལ་རྒྱབ་ཀྱིས་ཁྱོད་ཀྱིས་ཕྱོགས། །ཡོན་བདག་རྣམས་ལ་གནོད་པ་བྱས། །སྔགས་འཆང་རྣམས་ཀྱི་སྐུ་ལ་བསྡོས། །ཚེ་རབས་སྔ་མའི་ལན་ཆགས་པ། །སྡང་བར་བྱེད་དང་གནོད་པའི་བགེགས། །སྐད་ཅིག་ཙམ་གྱིས་ཕུང་བར་བྱ། ཁུ་གསུམ་འབར་བ་འདིར་སྩོལ་བས། །ནོར་གྱིས་དོགས་པའི་མིང་རུས་འདི། །རྡོ་རྗེ་ཁྲོ་བོ་འཁོར་བཅས་ཀྱིས། །ཁྱེད་ཀྱིས་བྱིན་གྱིས་བརླབ་ཏུ་གསོལ། །སྲི་ཅན་འདི་ལས་འདྲེ་ཆེ་མེད། །སྲི་ཅན་འདི་ལས་ཚེ་རིང་མེད། །ཚ་བའི་དབལ་དང་གསོན་གྱི་བདུད། །གཤིན་གྱི་ལྕགས་སུ་ཆེ་བའི་སྲི། །ཆུང་སྲི་རྒྱལ་བློན་དམངས་ཀྱི་སྲི། །རྗེ་ཁོལ་ཞང་པོ་ཚ་ཡི་སྲི། །ཕ་སྲི་བུ་སྲི་ཕུ་ནུའི་སྲི། །དགྲ་སྲེ་དམེ་སྲི་ཡོད་མེད་སྲི། །དུར་སྲི་གོད་སྲི་སྒོ་སྲི་རྣམས། །སྲི་ཅན་མ་ལུས་གདུལ་བའི་ཕྱིར། །དཔལ་ཆེན་ཁྲོ་བོ་སྐུར་བསྒོམས་ནས། །ཐམས་ཅད་རྡུལ་དུ་བརླག་པར་བྱ། །རྡོ་རྗེ་གཞོན་ནུས་ཕུར་གདབ་བྱ། །གཤིན་རྗེ་ནག་པོའི་ལྷོ་བར་གཞུག །ཡ་མ་རྭ་རྫའི་ཟས་སུ་སྤྱིན། །མ་མོ་རྣམས་ལ་མཆོད་པར་འབུལ། །ཕོ་ཉ་རྣམས་ཀྱིས་དགུག་འདྲེན་བྱ། །རི་རབ་ཆེན་པོའི་རྨང་དུ་སྦ། །གཤིན་བུ་རྗེ་ཡི་ལག་ཏུ་གཏད། །རྒྱ་མཚོ་ཆེན་པོའི་གཏིང་དུ་སྒྱུར། །མཚོན་ཆེན་འབར་བའི་རྩེ་མོས་བཅད། །རྡོ་རྗེ་ཕུར་པའི་དཔལ་གྱིས་གདབ། །ཡེ་ཤེས་རྣོན་པོའི་རྩེ་ལ་གཏོང་། །རག་ཏ་འབར་བའི་རྦ་ལ་གཡེངས། །ཡུངས་ཀར་གསེར་མདེའུ་བེ་མདུ་གཟུག །གུ་གུལ་སྦྱར་བའི་དུད་པས་བདུག །དུག་གི་གཏོར་མས་མྱོས་སུ་གཞུག །ལྕགས་ཕྱེ་ཟངས་ཕྱེའི་དབལ་གྱིས་བཅད། །ག་་ཁུང་རྡོ་རྗེ་ཐོ་བས་བརྡུང་། །ཁྲོ་བོ་རོལ་པའི་ཚོགས་སུ་དབུལ། །ཕོ་མོའི་སྙིང་ལ་སྙིང་གཟིར་གདབ། །དེ་ལྟར་བྱས་ན་གདོན་མི་ཟ། །ལས་རྣམས་བརྩམ་པ་ཐམས་ཅད་འགྲུབ། །ཅེས་གསུངས་སོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་སྲི་གདོན་མནན་ཅིང་བྲུབ་པ་ལས་ཀྱི་ལེའུ་སྟེ་བཅོ་ལྔ་པའོ།། །།དེ་ནས་ཞེ་སྡང་གི་རྒྱལ་པོ་དཔལ་རྡོ་རྗེ་གཞོན་ནུས། སེམས་དཔའ་ཆེན་པོ་ལ། བསྟན་པ་བཟུང་བ་གཏད་པ་འདི་གསུངས་སོ། །ཀྱེ་ཀྱེ་གསང་བའི་བདག་པོ་དཔལ། །སེམས་དཔའ་ཆེན་པོའི་རིག་འཛིན་རྣམས། །བསྟན་པ་དུས་ཀྱི་ཐ་མའི་ཚེ། །ལྔ་བརྒྱ་དུས་ཀྱི་སྙིགས་མ་ལ། །སེམས་ཅན་ཉོན་མོངས་སྙིགས་མ་རྒྱས། །དེ་རུ་ལོག་པ་རྣམ་གསུམ་གྱི། །བསྟན་པ་དར་ཞིང་ཐར་ལམ་བགེགས། །རྣལ་འབྱོར་ཅན་རྣམས་སླུ་བར་བྱེད། །དངོས་གྲུབ་ཐོབ་པའི་བར་དུ་གཅོད། སེམས་ཅན་ཁ་ལོ་ལོག་པར་སྒྱུར། །ཀུན་ཀྱང་མ་རུངས་ཕུང་བར་བྱེད། །དེ་རུ་སྐལ་ལྡན་དོན་ཡོད་ཅིང་། །དངོས་གྲུབ་ཐོད་དང་རྟགས་ཕྱིན་དང་། །དཔལ་འཕེལ་དབང་ཐང་དར་བ་དང་། །འབྲུ་དང་བང་མཛོད་ལྡན་པ་དང་། །བདེ་སྐྱིད་བསམ་པ་འགྲུབ་འདོད་པས། །རྡོ་རྗེ་ཕུར་པ་སྔགས་ཀྱི་རྒྱུད། །ཕྲིན་ལས་གསང་བ་རྫོགས་པའི་ལུང་། །འབར་བའི་ཁྲོ་བོ་རོལ་པ་འདི། །སྤྱད་ཅིང་ཟུང་དུ་གཟུང་བར་གྱིས། །ཞེས་གསུངས་ཏེ་ཅང་མི་གསུང་བར་བཞུགས་སོ། །སེམས་དཔའ་ཆེན་པོས་གསོལ་པ། བཅོམ་ལྡན་འདས་ཞེ་སྡང་གི་བདག་པོ་ཆེན་པོ། མ་འོངས་པ་དོན་ཡོད་པར་བྱ་བའི་ཕྱིར། །ཁྲོ་མོ་འབར་བའི་ག་་ཁུང་དང་། །ཁྲོ་བོ་འབར་བའི་གཏུན་ཚོགས། །ག་་ཁུང་རྡོ་རྗེ་ཐོ་བ་བཀའ་སྩལ་པ་ངོ་མཚར་རོ། །ཨ་ལ་ལ་ཧོ། །རྗེས་སུ་ཡི་རང་ངོ་། །དོན་ཐམས་ཅད་ལྷུན་གྱིས་གྲུབ་པར་བྱའོ། །ཞེས་གསོལ་ཏེ་འཁོར་དང་བཅས་པ་རྗེས་སུ་ཡི་རངས་ཏེ་མངོན་པར་བསྟོད་དོ། །བཅོམ་ལྡན་འདས་ཟག་པ་མེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོ་འཕྲུལ་སླར་བཏུལ་ཏེ་གནས་པར་གྱུར་ཏོ། །རྡོ་རྗེ་ཕུར་པ་གསང་བའི་སྔགས་རྒྱུད་ལས་གཏད་ཅིང་བཟུང་བའི་ལེའུ་སྟེ་བཅུ་དྲུག་པའོ།། །།ཨུ་རྒྱན་གྱི་མཁན་པོ་པདྨ་ཐོད་ཕྲེང་གིས། །བི་དྲོརྟི་མ་འབུམ་སྡེའི་ཏནྟྲ་ལས་ཕྱུང་བ། བོད་ཡུལ་དབུས་ཀྱི་བསམ་ཡས་བདུད་འདུལ་སྔགས་པའི་གླིང་དུ། ལྕེ་རྙོ་ཀུ་ཀུ་ར་དང་། བྲང་ཏི་ཛ་ཡ་རསྤྱི་ཏས་བསྒྱུར་ཏེ། མཁར་ཆེན་བཟའ་འཚོ་རྒྱལ་ལ་གཏད་ཅིང་གདམས་པ། རྡོ་རྗེ་ཕུར་པ་གསང་བའི་སྔགས་རྒྱུད་ལས་གསང་བའི་ཕྲིན་ལས་རྫོགས་པ་འབྱུང་པོ་ཀུན་འདུལ་ཞེས་བྱ་བའི་རྒྱུད་རྫོགས་སོ།། །། རྒྱ་གར་སྐད་དུ། བཛྲ་ཀི་ལ་ཡ་གུ་རྒྱ་ཏནྟྲ་ཨུ་པ་དེ་ཤ །བོད་སྐད་དུ། རྡོ་རྗེ་