Ngb-pt-0307-vol-04-text
Front
Body
རྒྱ་གར་སྐད་དུ། མ་ཧྭ་ཨ་མྲི་ཏ་དྷརྨ་ཏྭ་གུ་རྒྱ་ཏནྟྲ་ནཱ་མ། བོད་སྐད་དུ། བདུད་རྩི་ཆེན་པོ་ཆོས་ཉིད་གསང་བའི་རྒྱུད་ཅེས་བྱ་བ། བཅོམ་ལྡན་འདས་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་སངས་རྒྱས་ཐམས་ཅད་ཀྱི་ངོ་བོ་ཉིད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མ་ལུས་པའི་བདག་པོ་དེ་ནི། རྣལ་འབྱོར་གྱི་དབང་ཕྱུག་ཆེན་པོ་རྣམས་དང་། རྡོ་རྗེ་ཡིད་བཞིན་ནོར་བུའི་བཙུན་མོའི་བྷ་ག་ལ་སྙོམས་པར་ཞུགས་ནས། ཁམས་གསུམ་པའི་སེམས་ཅན་མ་ལུས་པའི་ཕུང་ཁམས་བདུད་རྩི་ཆེན་པོར་རང་བྱུང་བའི་ཏིང་ངེ་འཛིན་ལ་སྙོམས་པར་བཞུགས་སོ། །དེ་ནས་རྡོ་རྗེ་ཆོས་རང་གི་གདན་ལས་བཞེངས་ནས། འདི་སྐད་ཅེས་གསོལ་བ་གདབ་བོ། །གཙང་མའི་ཟས་ལ་སྤྱོད་པ་ཡི། །ལྷ་དང་བྲམ་ཟེ་ཀླུ་དང་བཅས། །རང་སྐལ་འབྲུ་སོགས་ཟ་བ་ཡི། །གླིང་བཞི་སེམས་ཅན་མི་དང་བཅས། །ལས་ངན་སྒྱུགས་པ་སྤྱོད་པ་ཡི། །དུད་འགྲོ་ཡི་དྭགས་དམྱལ་བར་བཅས། །རང་བྱུང་བདུད་རྩི་མ་རྟོགས་པའི། །མཚན་ཉིད་སྡེ་གསུམ་ཀྲི་ཡོག་གསུམ། །ལས་ངན་འགྲོ་བ་འདུལ་བ་དང་། །སྐལ་ངན་ཐེག་པ་དྲང་བའི་ཕྱིར། །རང་བྱུང་བདུད་རྩི་ཆེན་པོའི་དོན། །ཆོས་ཀྱི་འཁོར་ལོ་བསྐོར་དུ་གསོལ། །ཞེས་ཞུས་པས་རང་གི་གདན་ལ་བཞུགས་སོ། །དེནས་བཅོམ་ལྡན་འདས་ཀྱིས་སེང་གེ་རྣམ་པར་བསྤྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་དཀྱིལ་འཁོར་ལ་སྤྱན་གྱི་ལྟ་སྟངས་ཀྱིས་གཟིགས་ནས། འདི་སྐད་ཅེས་གསུངས་སོ། །སེམས་ཅན་ཉོན་མོངས་སྣང་བ་ལ། །རྩ་བ་དུག་གསུམ་ལས་བྱུང་བའི། །ཉོན་མོངས་རྣམ་པར་ཤར་བ་ལྔ། །བརྒྱད་ཁྲི་བཞི་སྟོང་རྣམ་གྲངས་སྣང་། །རྣལ་འབྱོར་ཉམས་ཀྱི་སྣང་བ་ལ། །མཚན་ཉིད་ཕྱི་པས་མ་རྟོགས་ཀྱང་། །བདུད་རྩི་རྣམ་པ་ལྔ་པོ་ལས། །ཁམས་ཀྱི་འདུ་ལུགས་གསུམ་དུ་སྣང་། །བདེ་བར་གཤེགས་པ་དུས་གསུམ་གྱི། །སངས་རྒྱས་རྣམས་ལ་སྐུ་གསུང་ཐུགས། །མི་ཟད་རྒྱན་གྱི་འཁོར་ལོར་སྣང་། །སྣང་བ་གསུམ་ལས་བྱུང་བ་ཡི། །རང་བྱུང་བདུད་རྩི་སྒྲུབ་པའི་ཐབས། །ཁྱེད་ལ་བཤད་ཀྱི་ལེགས་པར་ཉོན། །སེམས་ཅན་ཉོན་མོངས་སྣང་བ་ལ། །རྡུལ་ཚོན་དཀྱིལ་འཁོར་ཆེན་པོ་མྲ །རིག་འཛིན་སྨན་བསྒྲུབ་བཤད་པར་བྱ། །རྣལ་འབྱོར་ཉམས་ཀྱི་སྣང་བ་ལ། །ཕུང་པོ་དག་ལ་བརྟེན་བྱས་པའི། །རང་བྱུང་འདུད་རྩི་བསྒྲུབ་པར་བཤད། །བདེ་བར་གཤེགས་པའི་སྣང་བ་ལ། །རིགས་བརྒྱ་རིགས་ལྔ་རིགས་གཅིག་དང་། །བདུད་རྩི་གོང་བུ་ཆེ་མཆོག་གི །ཡེ་ཤེས་ལྷ་ཡི་དཀྱིལ་འཁོར་བཤད། །ལྟ་བ་ཐམས་ཅད་གདེང་དུ་བྱ། །སྤྱོད་པའི་ལ་ཡང་རབ་དོར་ནས། །བསྒྲུབ་པས་ཉམས་སུ་བླངས་ནས་ནི། །དམ་ཚིགཞིངསགཤིནཔོལ། །བསྙེན་བསྒྲུབ་ས་བོན་རབ་བཏབ་ནས། །རིམ་པ་དབང་གིས་བགྲོད་བྱས་པས། །འབྲས་བུ་ལོ་ཐོག་སྨིན་པར་བྱས། །རབ་འབྲིང་ཐ་མའི་རྣལ་འབྱོར་པ། །ལས་དང་སྐལ་པར་རབ་ལྡན་པས། །བསྒྲུབས་ན་ཀུན་གྱིས་འགྲུབ་པར་འགྱུར། །བདུད་རྩི་ཡོན་ཏན་བསྒྲུབ་པ་འདི། །མ་འོངས་རྣལ་འབྱོར་གྲོལ་ཕྱིར་བཤད། །ཅེས་གསུངས་སོ། །བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས། གླེང་གཞི་དང་གླེང་བསླང་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བསྒྲུབ་པ་ཐམས་ཅད་ཀྱི་གཞི་ཕུན་སུམ་ཚོགས་པ་འདི་གསུངས་སོ། །སྟོན་པ་བློ་ཡངས་ཁུ་འཕྲིག་ཆུང་། །ཕྱི་ནང་རྒྱུད་ལ་མཁས་པར་སྦྱངས། །བདེ་གཤེགས་ཐུགས་ཀྱི་ཉིང་ཁུ་རྟོགས། །མི་འགྱུར་སྤྱོད་ལམ་མཁའ་ལྟར་ཡངས། །དགྱེས་པ་སྐོང་པ་ཡུམ་གྱི་རིགས། །མཆོད་སྟོབས་གསང་བའི་ཕྱག་ཚངས་པ། །བླ་མའི་ཐུགས་དང་འཐད་པ་དང་། །རྡུལ་ཕྱག་ཕྱི་ནང་མཚམས་མཁན་དང་། ་་་ཡང་ལྔ་ལ་སོགས་པ་ཡི། །ཡབ་ཡུམ་ཐབས་དང་ཤེས་རབ་ལྡན། །མཆེད་ལྕམ་རྡོ་རྗེ་ལུ་གུ་རྒྱུད། །གདུང་བཞི་རང་གི་མིག་ལྟར་འཕངས། །སྐྱེ་བོ་ཡ་ག་ཅན་དག་དང་། །མི་ནག་ཉན་ཐོས་སྐལ་མེད་སྤང་། །དབེན་ཞིང་ཉམས་དགའ་སྤགས་པའི་གནས། །རྩི་སྨན་ཤིང་དང་ནགས་ཚལ་དག །བཙལ་ནས་བསྒྲུབ་པ་རྩམ་པར་བྱ། །ས་བདག་འཁོར་དང་བཅས་པ་ལ། །རྒྱན་དང་བཅས་པའི་གཏོར་མ་གཏང། །བསླང་དང་སྦྱང་དང་བྱིན་གྱིས་བརླབ། །ཟླ་བ་སྟོན་ཟླ་འབྲིང་པོ་དང་། །དཔྱིད་ཟླ་འབྲིང་པོ་དག་ལ་བྱ། །ཚེས་གྲངས་ཡར་གྱི་བརྒྱད་ལ་བརྩམ། །བསོད་ནམས་ཚོགས་ཀྱང་རྫོགས་པར་འཀྱུར། །བཅོ་ལྔའི་དུས་ལ་དངོས་གྲུབ་བླང་། །ཟླ་རྒྱས་ཡེ་ཤེས་ཚོགས་ཆེན་རྫོགས། །འཚོ་བ་ཟས་དང་དུག་འཇོམས་སྨན། །མཆོད་པའི་རྫས་དང་སྒྲུབ་པའི་རྫས། །འཕགས་པ་མཆོད་ཅིང་གཏོར་མ་གཏང་། །མགྲོན་བཞི་མཉེས་པར་བྱ་ཕྱིར་རོ། །སྤྱིན་སྲེག་ཚ་ཚས་སྒྲིབ་པ་སྦྱོང་། །བསོད་ནམས་བསྐྱེད་ཅིང་བསྲུང་བའི་ཕྱིར། །བགེགས་རིགས་སྟོང་ཕྲག་བརྒྱད་ཅུ་ལ། །གཏོར་མ་གསེར་སྐྱེམས་གཏང་བར་བྱ། །ཕྱོགས་བཞིར་ཐོ་བཞི་བཙུགས་ནས་ཀྱང་། །རྒྱལ་པོ་ཆེན་པོ་སྡེ་བཞི་ལ། །ཕྱི་མཚམས་བཅད་པའི་ཕྲིན་ལས་བཅོལ། །སྤྱན་དྲང་ཕྱག་འཚལ་མཆོད་པ་འབུལ། །ཕྲིན་ལས་བཅོལ་ལ་གསོལ་བྱང་གདགས། །ཕུར་པ་དར་ཀྱི་ཅོད་པན་ཅན། །ཁྲོ་བོ་བཅུ་རུ་བྱིན་བརླབས་ནས། །ཕྱོགས་བཞི་མཚམས་དང་སྟེང་འོག་བཅུར། །རིམ་པ་བཞིན་དུ་གནས་པར་བྱ། །དུར་ཁྲོད་གནས་རྣམས་རང་བསྲུང་བར། །དམ་སྲི་མི་གཡོ་མགོན་པོས་མནན། །བར་ཆད་དངོས་གྲུབ་བསྲུང་དོན་དུ། །སྒོ་བྱང་བདུད་རྩི་གཤིན་རྗེའི་གཤེད། །མ་ཏྲ༷་ལྟ་དཔྱོད་གནན་པའི་ཕྱིར། །དཔལ་ཆེན་ཁྲག་འཐུང་འབར་བས་བསྒྲལ། །ལྷ་དང་དཀྱིལ་འཁོར་སློབ་མ་རྣམས། །སྟ་གོན་ལ་ནི་གནས་པའི་ཕྱིར། །མ་འདྲེས་པ་ཡི་མཆོད་ཕྱེ་ལ། །ཞི་ཁྲོ་དཀྱིལ་འཁོརམཆོདབྱསནས། །མཉེན་ནས་མཁའ་འགྲོ་དཔང་པོར་གཞག །དེ་ནས་སྨན་གྱི་རྫས་མཆོག་གིས། །དམ་ཚིག་བསྣན་ཞིང་བསྐྱར་བར་བྱ། །དེ་ནས་སྔགས་པས་ཐོད་པའི་ནང་། །དམ་ཆུ་བྱིན་གྱིས་བརླབ་པར་བྱ། །ར་བ་དྲ་བ་གུར་བཅས་པས། །དེ་ལུས་བར་ཆད་བསྐྲད་པར་བྱེད། །ཡོལ་ནང་རྡོ་རྗེ་ཟམ་པ་ལ། །སློབ་མ་དག་ཀྱང་དྲང་བར་བྱ། །མཐའ་ཡས་སེམས་ནི་རབ་རྨོངས་པས། །ཐེག་པ་ཆེན་པོར་དེས་སེམས་བསྐྱེད། །རྡོ་རྗེ་སློབ་དཔོན་བླ་མ་ལ། །བྱིན་གྱིས་རློབ་པར་ཞུས་ནས་ནི། །བླ་མས་བུ་རྣམས་ལུས་ངག་ཡིད། །སྐུ་གསུང་ཐུགས་སུ་བྱིན་གྱིས་བརླབ། །ཡི་དམ་ལྷ་མཆོག་མི་སྤང་ཕྱིར། །ལུས་ངག་དང་བས་ཕྱག་འཚལ་ནས། །ཚེ་རབས་ཐོག་མ་མེད་པ་ནས། །བསགས་པའི་ཉེས་པ་བཤགས་པར་བྱ། །མ་རིག་མུན་པ་མདོངས་པ་ཡི། །སྤྱན་ཡང་དབྱེ་བར་ཞུ་བ་ཞུས། །སློབ་དཔོན་གྱིས་ནི་གནང་ནས་ནི། །དེ་ནས་སྤྱན་དྲང་དབྱེ་བར་བྱ། །མཐོང་བའི་ཡི་དམ་པྲ་བརྟག་པ། །ལྷ་ལ་མེ་ཏོག་རབ་གཏོར་འབུལ། །བླ་མས་མེ་ཏོག་ལྷར་བཅས་པ། །སློབ་མ་དག་ལ་བསྟིམ་པར་བྱ། །ལྷ་ལ་བདུད་རྩི་ལ་སོགས་པ། །མཆོད་པས་ཀྱང་ནི་རབ་ཏུ་མཆོད། །རྩ་བ་ཡན་ལག་བཅས་པ་ཡི། །དམ་ཚིག་སྡོམ་པ་དཔོག་པར་བྱ། །འདྲེས་པའི་ཆོས་དང་མ་འདྲེས་པ། །དམ་ཚིག་གཉིས་སུ་མེད་པར་བསྲེ། །བསྐལ་པར་སྲོག་ལ་བབ་གྱུར་ཀྱང་། །མི་གཏོང་བསྲུང་བར་དམ་ཡང་བདར། །རང་གི་ཡི་དམ་གང་ཡིན་ལྷ། །བླ་མ་ལ་ཡང་འབོག་པར་ཞུས། །གནང་བྱས་སྐུ་མདོག་ཕྱག་མཚན་བཅས། །ཕྱག་རྒྱ་ཆེན་པོར་འབོག་པར་བྱ། །སློབ་མ་ལས་དང་སྐལ་ལྡན་རྣམས། །སྐུ་གསུང་ཐུགས་ཀྱི་དངོས་གྲུབ་སྤྱིན། །དེ་ལ་ཕྲེང་བ་རབ་གཏད་ནས། །འཛབ་ཀྱི་སྙིང་པོ་འདྲེན་དུ་གཞུག །སྔགས་ཀྱི་རྡོ་རྗེའི་གྲལ་ཆེན་ལས། །རིམ་པ་ཡང་དག་གནས་པར་བྱ། །སློབ་མ་དམ་པར་གྱུར་པ་རྣམས། །བླ་མ་རིན་ཆེན་ལྟ་བུ་ལ། །ཛ་གད་གཏང་རག་རབ་ཏུ་གཏང་། །དཀྱིལ་འཁོར་འདོམ་གང་གྲུ་བཞི་པ། །འཕང་དུ་ཆག་གང་ཡོད་པར་བྱ། །དང་པོ་དག་པར་བྱ་བའི་ཕྱིར། །བདུད་རྩི་ལྔ་ཡི་ཆག་ཆག་གདབ། །ཨོ་སརྦ་པརྩི་ཨ་མྲི་ཏ་མ་དྷ་ལ་ཧཱུཾ༷། དེ་ནས་བྱིན་དང་ལྡན་པའི་ཕྱིར། །ནང་གི་དམ་རྫས་ཆག་ཆག་གདབ། །ཨོ་གུ་རྒྱ་ཨ་ཀྲ་མ་མ་དྷ་ལ་ཧཱུཾ༷། མཁས་པ་རྡོ་རྗེ་སློབ་དཔོན་གྱིས། །བ་སུ་ཏ་ཡི་རྒྱུ་ཞགས་ལ། །གཟུང་མའི་ལག་ཏུ་བྱིན་བརླབས་ནས། །གསང་བའི་དཀྱིལ་འཁོར་ཐིག་གདབ་པ། །ལྷག་པ་བྱང་ཆུབ་སེམས་ཀྱི་ཐིག །ཡུམ་གྱི་མཁའ་ལ་བདེ་སྟོང་འཁྱིལ། །རིག་པ་ཡེ་ཤེས་ལྔ་ཡི་ཐིག །སྲད་བུ་ཡེ་ཤེས་ལྔ་དང་ལྡན། །མཚོན་པ་གཟུགས་བརྙན་རྡུལ་ཚོན་ཐིག །ཆ་ཆེན་ཆ་ཕྲན་རྣམ་པར་དབྱེ། །ཨོ་མ་ཧྭ་སྒྲོ་ཏུ་ཙྭ་ན་གུ་རྒྱ་ཨ་ཀྲ་མ་མ་དྷ་ལ་ཧཱུཾ༷། མཐའ་གཉིས་མ་སྤྲོས་ཀུན་ནས་ཟླུམ། །ཆོས་དབྱིངས་སྐྱེ་མེད་གྲུ་བཞིར་རྒྱས། །ཚད་མེད་སྒོ་དང་རབ་ལྡན་པའོ། །ལིང་ཚེ་དགུ་ཡི་དཀྱིལ་འཁོར་དེར། །སྣོད་ནི་བཞི་འམ་བརྒྱད་གཞག་ལ། །ཆ་ཡི་གྲངས་དང་མཉམ་སྟེ་བགོ །ཞེས་གསུངས་སོ། །བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས། སྟ་གོན་དུ་བྱ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས། སྨན་ར་སྭ་ཡ་ནའི་སྒྲུབ་ཐབས་འདི་གསུངས་སོ། ་།་ཏི་ཡ་བཀྟ་ར་དང་། །རུ་ཏ་ཤིང་མངར་པི་པི་ལིང་། །ཀྱི་ལྕེ་བ་དང་ཆ་བསྙམས་སྟེ། །ཕྱེ་མ་གའུ་ཁ་སྦྱར་ནང་། །བཅུག་ནས་གཟུངས་ཐག་བཏག་བྱས་ནས། །སྔགས་འདི་བརྒྱ་རྩ་བརྒྱད་བཟླས་སོ། །ཨོ་ཀ་ལི་ཀ་ལི་མ་ཧྭ་ཀ་ལི། མན་པ་ཤོ་ནི་དྷ་སྙོ་ཛ་ནི། ཧ་ན་ཤུ་ལ་ཏྲི་ཤུ་ལེ་ན། བདག་གི་ནད་ཞི་ནས་ཚེ་རིང་བར་གྱུར་ཅིག་སྲུ་ཧྭ། ཕྱེ་མ་ཆུ་དྲོད་སྦྱར་འཐུངས་ན། །རླུད་ལས་གྱུར་པའི་ཟུག་གཟེར་དང་། །སྐྲན་དང་ཁྲག་འཁྲུ་ན་བ་དང་། །དབུགས་མི་བདེ་དང་སྙིང་ན་དང་། །མྱོས་དང་དྲོན་ཆུང་ལྟོ་སྤོས་པ། ཁ་ཟས་མི་འཇུ་ཁོང་མི་བདེ། །སྲིན་བུའི་ནད་དང་ཆམ་པ་དང་། ་།་བ་ཐོར་བུ་གཡེན་པ་དང་། །དྲེགས་ནད་མི་སེར་ཁྲག་རྒྱས་དང་། །ལྐོག་མ་སྐྲངས་དང་ཆུ་སོའི་ནད། །མཆིན་པ་དང་ནི་མཚེར་པ་དང་། །ཀླད་པ་གཞོགས་ཕྱེད་ན་བ་དང་། །མིག་གི་ནད་དོ་ཅོག་རྣམས་སེལ། །སྐབས་སུ་བསྟན་པས་དེ་ལྟར་འགྲུབ། །རྟག་ཏུ་གཏང་བར་གྱུར་པ་ན། །སྤྱི་ཐེར་སྐྲ་ཡང་སྐྱེ་བར་བྱེད། །སྐྲ་ནག་གྱུར་ཅིང་བཞིན་ཡང་མཛེས། །སྐྲ་དཀར་གཉེར་མ་མེད་པ་སྟེ། །རྒས་སྲ་ཚེ་ཡང་རིང་བར་འགྱུར། །བཅུད་ལེན་ར་སྭ་ཡ་ནར་འགྱུར། །བཅོམ་ལྡན་བདུད་་་དང་། །སྒྱུ་རུ་ར་དང་ཨ་རུ་ར། །འབྲས་བུ་གསུམ་ལ་སྲང་རེ་སྟེ། །དུར་བྱིད་སྲང་གསུམ་ཕྱེ་མ་ནི། །བུར་སྲང་བཅུ་གཉིས་བསྐོལ་ནང་དུ། །རིལ་བུ་གྲངས་ནི་སུམ་ཅུ་བྱ། །སུམ་ཅུ་ཟླ་བ་རེ་རེ་བཟའ མཛེ་ནད་ཤ་བཀྲ་དབུགས་མི་བདེ། །ལུད་པ་དམུ་རྫིངས་གཞོང་འབྲུམ་དང་། །གཅིན་ནད་མཚེར་ནད་འཐོར་བུའི་ནད། །སྐྲན་ནད་རྣམས་ལ་བཤལ་གྱིས་འཇོམས། །ཨ་རུ་ར་དང་བུ་རམ་དང་། །ཆ་བསྙམ་སྦྲང་རྩི་སྦྱར་བ་ཡིས། །འཁྲུ་བར་བྱེད་དེ་བཅུད་ལེན་བསྔགས། །ཨོ་མོ་ཙ་ནི་བི་མ་ཀྟ་ནི་སིརྙི་ཀ་ར་ཀ་ར། ཕུ་རུ་ཕུ་རུ་ཕུ་རུ་སྲུ་ཧྭ། བཅོམ་ལྡན་འདས་ཀྱིས་བཀྲུ་བའི་སྨན། །དྲང་སྲོང་གཞོན་ནུ་སྲེད་ལ་བཤད། །རི་ལུ་སྨན་གྱི་སྒྲུབ་པའོ། །ཚྭ་བ་གསུམ་དང་སེར་པོ་གཉིས། །ནས་ཚིག་སྤྲུས་པའི་ཐལ་པ་དང་། །བ་རུ་ར་ཡི་ཤིང་རྩ་དང་། །གྱིཤ་ལ་དང་ཙི་ཏྲ་ཀ །ཀ་ར་བྲི་ར་རྒྱམ་ཚྭ་དང་། །ཁྱིམ་གྱི་དུད་པ་ཡུངས་ཀར་དང་། །ཨརྒའི་ལོ་མ་བཅའ་སྒ་དང་། །ཕ་ལ་ཏ་ཀ་མུ་ཟི་དང་། །ལྡོང་རོས་དང་ནི་ཤི་ཁཎྜ། །བ་ལ་སོ་མ་ར་ཛ་རྣམས། །ཆ་བསྙམ་ཕྱེ་མ་ཞིབ་བར་བཏགས། །བ་ཡི་གཅིན་དང་སྦྱར་བསྐུས་ནས། །སྲོག་ཆགས་ལུ་གུར་རག་རིའི་དུག །སྲིན་བུའི་དུག་དག་མ་རུངས་རྨ། །ཟ་ཁུའི་ནད་དང་མེ་དབལ་དང་། །མཚན་པར་རྡོལ་དང་འབྲས་ཀྱི་ནད། །མཛེད་ནད་བཅོ་བརྒྱད་དག་ལ་ཡང་། །བསྐུས་པ་ཙམ་གྱིས་ནུས་པ་ནི། ཁེང་ལ་ཐོག་གིས་བརྒྱབ་པ་འདྲ། །ཨོ་ཨ་མྲི་ཏ་རོ་ག་པྲ་ཤཱ་མ་ན་ཡེ་གྲྭ་ཧྭ། བཅོམ་ལྡན་འདས་ཀྱིས་དྲང་སྲོང་མཆོག །འགྲོ་སྐྱབས་ལ་ནི་བྱུག་པ་བཤད། །བ་གླང་རྭ་དང་ཤིང་ཀུན་དང་། །སྦྲུལ་གྱི་པགས་པ་པོ་སོ་ཆ རས་བལ་ས་བོན་མི་ཡི་སྐྲ། །ནས་ཀྱི་ཕུབ་མ་བྲི་ཧ་ཏི། །སེར་པོ་རྣམ་གཉིས་ན་ལེ་ཤམ། །རྨ་བྱའི་སྒྲོ་དང་ཤུན་པ་དང་། །ལྷ་ལ་ཕུལ་བའི་མེ་ཏོག་དང་། །བ་ལ་སེར་མོ་ལྷན་ཅིག་སྦྱར། །ཡན་ལག་དྲུག་ཅུ་དུད་པ་འདི། །གང་ལ་བདུད་པར་གྱུར་པ་ལ། །རིམས་ནད་ཐམས་ཅད་མེད་པ་དང་། །ཡི་དྭགས་གྲུལ་བུམ་ལུས་སྲུལ་པོ། ཁྲ་ཟ་གནོད་སྤྱིན་སྲིན་པོ་རྣམས། །གདོན་གྱིས་ཟིན་པ་གྲོལ་བར་བྱེད། །ཨོ་ན་མ༷༷ཙརྟོ་ཀྲོདྷ་ཡ་ཀུན་དྷ་ཀུན་དྷ། མུ་ཀུན་དྷ་ཀུན་དྷ། ཙརྙ་བུ་ཏ་ས་མ་ཡེ་སྭ་ཧྭ།བཅོམ་ལྡན་འདས་ཀྱིས་དྲང་སྲོང་ནི། །རྩིབས་ཀྱི་མུ་ཁྱུད་འཛིན་པ་ལ། །དུད་པས་སྲུང་བའི་ཆོ་གའོ། །དངུལ་རྡོ་ལྕགས་རྡོ་བྲགས་ཞུན་རྣམས། །མར་དང་སྦྱར་ནས་བྱིན་གྱུར་ན། །བུད་མེད་པདྨ་རཀྟ་ནི། །དུས་མིན་འབྱུང་བ་སེལ་བར་བྱེད། །ཨོ་ན་མོ་ལོ་ཧི་ཧ་ར་སིང་ག་ལ་ཡ། མ་ཏི་ག་ར་ཛ༷༷། ཡ་རི་ཡ་རི་ན༷། རུ་ཏི་བི། པྲ༷་བ༷། པྲ་བ་ག་ཀྟ་མི། ཏུ་རུ་ཏུ་སྲ ལ་ལྷུ་ལ་སྟུ། ཏི་ལི་ཏི་ལི། ཙི་ལི་ཙི་ལི མི་ལི་མི་ལི་གྲྭ་ཧྭ། སྔགས་འདི་སྐུད་པ་དམར་པོ་ལ། །བཟླས་ཏེ་མདུད་པ་གསུམ་བོར་ལ། །རྐང་པ་གཡས་པའི་མཐེ་བོང་བཅིང་། །ཟླ་མཚན་དུས་མིན་འབྱུང་ལ་ཕན། ་རྒོང་གི་ལྷ་མོ་འོད་འཆང་མས། །སེམས་ཅན་རྣམ་པའི་དོན་དུ་གསུངས། །བཅོམ་ལྡན་འདས་ལ་རིག་པ་ཕུལ། །རྒྱ་སྐྱེགས་ཤིང་གི་ས་བོན་དང་། ་ལ་མ་ལི་ཡི་མེ་ཏོག་གཉིས། །ལྷན་ཅིག་འཐུང་ན་བུ་འགགས་སེལ། །རི་བོང་ཁྲག་དང་རྟ་ཁྲག་བླུད། །བུ་ཡང་བདེ་བར་འབྱུང་བར་འགྱུར། །ཨོ་ན་མོ་རུ་ཏྲ་ཨ་པ་ན་ན་མ་ཏྲི་ན་ཏོ་པ་ཏི་རྔམ་པ་རྔམ་པ་བ་ནི་མུ་ཙ། ཨིན་ཏྲི་ཡ་ག་ཏྲ་ནི། བི་ཤ་བ་ལྷ་བྷ་པ་སྲ གར་པོ་ནི་འདི་ཞེས་བྱ་བ་ལ་གྲྭ་ཧྭ། སྔགས་འདི་སྐུད་པ་དཀར་པོ་ལ། །ཉི་ཤུ་རྩ་གཅིག་བཟླས་བྱས་ནས། །མདུད་པ་ཉི་ཤུ་རྩ་གཅིག་བོར། །བུད་མེད་བུ་འགགས་མགུལ་དུ་གདགས། །བུ་ཡང་བདེ་བར་འབྱུང་བར་འཀྱུར། །སྨན་གྱི་ལྷ་མོ་ནོར་རྒྱུན་མས། །རང་གི་རིག་པ་བཅོམ་ལྡན་ལ། །སེམས་ཅན་དོན་དུ་ཕུལ་བ་ནི། །སྦྲུལ་གྱི་པགས་པ་རྒྱ་རུ་དང་། །ཁྱི་ཡི་མཚན་མ་ཁོང་དུ་གཏང་། །སྐྱེས་པའི་ལིདྷའི་ཚོད་མ་གཏང། །སྔགས་འདི་གྲོ་ག་དག་ལ་བྲི། །གང་གི་སྤྱི་བོར་བཏགས་པ་ཡིས། །བུ་ཡང་མྱུར་དུ་འབྱུང་བར་འགྱུར། །བུ་རོག་ཀྱང་ནི་དེ་བཞིན་འབྱུང་། །ཨོ་ཀ་ས་བི་ཀ་ས་མ་ཧྭ་ཀ་ས་གྲྭ་ཧྭ། རྩི་ཡི་ལྷ་མོ་གྲུབ་པ་ཡི། བློ་གྲོས་མས་ནི་བཅོམ་ལྡན་ལ། །རང་གི་རིག་པ་འགྲོ་དོན་ཕུལ། །བུད་མེད་ཟླ་མཚན་དང་ལྡན་ཞིང་། །ཁྲུས་བྱེད་པ་ཡི་དུས་སུ་ནི། །གླང་གཅིན་སྲང་ནི་སུམ་ཅུ་གཉིས། །ཏིལ་མར་སྲང་བརྒྱད་བསྐོལ་བྱས་པའི། །མར་ལུས་པ་དེ་བྱིན་པ་ན། །མོ་གཤམ་བུ་ཡང་བཙའ་བར་འགྱུར། །མ་ཧེའི་མར་གསར་སྲང་གསུམ་དང་། །ར་ཆུ་སྦྱར་ནས་བུད་མེད་བླུད། །བུ་མེད་པ་ཡང་སྐྱེ་བར་འགྱུར། །ཨ་ཤྭ་ཀརྙ་བསྐོལ་བ་ཡི། །ཁུ་བ་དར་བ་མར་ཡང་བསྐོལ། །མ་ལུས་པ་དེ་བུད་མེད་ནི། །ཟླ་མཚན་ལྡན་པའི་དུས་འཐུང་ནས། །དེ་ཡི་འོག་ཏུ་སྦྱོར་བ་བྱ། །དེ་ཀྱང་བུ་ཡང་འཛིན་པར་འགྱུར། །རྒྱ་སྐྱེགས་ལོ་མ་བསྡུས་པ་དང་། །རྟ་ཁྲག་སྦྱར་ཏེ་བླུད་པ་ན། །ལེན་སྟོང་བར་དུ་མངལ་འཛིན་འགྱུར། །ཨོ་ཤ༷་ཁ༷་ནི་ཤུརྙེ་ཕུ་གྲྭ་ཧྭ། ནགས་ཀྱི་ལྷ་མོ་རྨ་བྱའི་མགྲིན། །རང་གི་རིག་པ་དམ་པ་འདི། །བཅོམ་ལྡན་འདས་ལ་ཕུལ་བའོ། །ཞེས་གསུངས་སོ། །བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས། སེམས་ཅན་ཉོན་མོངས་པའི་སྣང་བ་ལ། སྨན་ར་སྭ་ཡ་ན་བརྒྱུད་པའི་བསྒྲུབ་པ་སྟེ་ལེའུ་གསུམ་པའོ།། །།དེ་ནས་བཅོམ་ལྡན་འདས་ཀྱིས་རང་བྱུང་བདུད་རྩི་ཆེན་པོ་སྒྲུབ་པ་ལས། རྣལ་འབྱོར་དབང་ཕྱུག་ཆེན་པོ་རྣམས་ལ། རྣལ་འབྱོར་པ་ཉམས་ཀྱི་སྣང་བ་སྟོན་པ་ཞེས་བྱ་བ་འདི་དག་ཆེད་དུ་བརྗོད་དེ་གསུངས་སོ། །དཀྱིལ་འཁོར་ལེའུ་ཚེ་དགུ་པ་ལ། །རྩིབས་ནི་བཅུ་དྲུག་བཀོད་བྱས་ནས། །བར་ཁྱམས་སྒོ་བཞི་བཅས་པ་ལ། །རྟ་བབས་རྡོ་རྗེ་མེ་རི་བཅས། །རྩ་བ་འབྲས་བུ་སྡོང་པོ་དང་། །ཡུ་བ་ཤུན་ལྤགས་ལོ་མ་དང། །མེཏོགསྙིངཔོརབཅས་པ་ནི། །ཕྱི་ཡི་རྩ་བ་བརྒྱད་དུ་སྐྱེས། །ལུས་པོར་པགས་པ་ཡན་ལག་དང་། །རྩབམེཏོགའབྲསབུདང་། །སྙིང་པོ་ལོ་མ་རྣམ་པ་བརྒྱད། །མཆོག་ཆེནམིལུསགཅིགལཚང། །འབྲས་བུ་རྣམ་ལྔ་བསྒྲལ་བ་ཡི། །དབང་པོ་རྣམ་ལྔའི་བབ་ལྔ་དང་། །སེམས་བཅུད་གོ་རོ་ཙ་ན་ལྔ། །ནཱ༷་སའི་བབ་ནི་ཚིལ་བུ་ལྔ། །ཆུ་བཅུད་དྲི་ཆུ་རྣམ་པ་ལྔ། །རུས་པའི་བཅུད་ཀྱང་རྐང་མར་ལྔ། །ལུས་པོ་སྙིང་དང་ཁྲག་གི་ཁྲག །གསང་བའི་རྩ་བ་རྣམ་པ་བརྒྱད། །ཡབ་ཀྱི་རྒྱུ་བཞི་གནས་པ་དག །ཡུམ་གྱི་གནས་བཞི་གསང་བའོ། །ཀུན་གཞི་བྱང་ཆུབ་སེམས་ལས་ནི། །མ་གཡོས་བཞིན་དུ་འབྲས་བུ་ནི། །རྣམ་པར་ཤེས་པའི་ཚོགས་བརྒྱད་གསལ། །དེ་ནི་དོན་དམ་རྩ་བ་ཡིན། །དཀྱིལ་འཁོར་དབུས་སུ་གཞག་པའི་རྫས། །ཡེ་ཤེས་ལྔ་ལྡན་ཀ་བཱ་ལར། །ཡབ་ཡུམ་དྲང་སྲོང་རྒྱུ་བསྒྲལ་ཞིང་། །རང་ཤི་ཕག་ཉ་ཕུག་རོན་བརྒྱད། །ཨ་བར་ཛི་ཏ་དུ་རུ་ཀ །དཀར་ནག་དབུས་སུ་གཞག་པའི་རྫས། །དེ་ཡི་ཤར་དུ་གཞག་པ་ཡང་། །སྐུ་གསུང་ཐུགས་ལྡན་ཀ་བཱ་ལར། །ཀླད་གཞུང་བེ་ར་ཤ་རྟ་རིལ། །མཆིན་སྣོད་བྷ་ག་རྒྱུད་ཀྱི་ལམ། །ག་པུར་ཅུ་གང་ཐལ་ཀར་གདུང་། །དཀྱིལ་འཁོར་དེ་ཡི་ལྷོ་ཕྱོགས་སུ། །ཡིད་བཞིན་གཏེར་ལྡན་ཀ་བཱ་ལར། །ལྕེ་སྙིང་མཁའ་མ་གཞང་དང་བཞི། །ཀ་བཞི་ཕྱི་ནང་གསང་བ་བརྒྱད། །ཙ་ཏྲི་ཀ་ཀོ་གླ་གོང་སྙིང་། །རྩ་བ་སྐྱོབས་དང་བཅས་པར་གནས། །ནུབ་དུ་དམ་རྫས་དགོད་པ་ནི། ཁམས་གསུམ་ཡོངས་སྒྲོལ་ཀ་བཱ་ལར། ཁུ་ལྔ་ཡབ་ཡུམ་བྱ་བར་རིགས། །ཙཎྜན་ལི་ཤི་རྒུན་འབྲུམ་ལྔར། །བྱང་གི་ཕྱོགས་སུ་དགོད་པ་ནི། །ཆོ་འཕྲུལ་རྟགས་འབྱིན་ཀ་བཱ་ལར། །རྒྱུད་ལྔའི་མཁྲིས་པ་ཡབ་ཡུམ་ཆུ། །འོ་ག་བྲག་ཅོང་གུར་གུམ་ལྕེ། །རྒྱུ་ནི་རང་ལས་བྱུང་བ་ལྔ། །རྣམ་གྲངས་ཆ་ཡང་མཐུན་པ་ལྔ། །རིགས་ནི་རྣམ་པར་ངེས་པ་ལྔ། །འབྲས་བུ་གཞན་དུ་མི་འགྱུར་ལྔ། །གཞི་ལས་རྩ་བ་ལྔ་གྱུར་པས། །བྷརྙ་ལྔ་ཡི་ནང་དུ་སྩལ། །འབྲས་བུ་ཆེན་པོ་ལྔ་བསྒྲལ་བ། །ཨ་ཀ་རུ་ནི་དབུས་སུ་སྟེ། །པ་ན་སེ་ནི་ཤར་ཉིད་ལ། །ལྷོ་རུ་ཨ་འབྲས་ཞེས་བྱ་སྟེ། །ནུབ་ཏུ་རྒུན་འབྲུ་གཞག་པར་བྱ། །བྱང་དུ་ན་ལེ་དགེ་རྒྱས་སོ། །དེ་ལ་སོགས་པ་ཚོགས་ཚད་དེ། །ཡན་ལག་སྟོང་དུ་བསག་པར་བྱ། །དབུས་སུ་མི་འགྱུར་གཡུང་དྲུང་ལྷ། ཁྲར་ལྷོ་མི་ཤིགས་མཛོད་ལྡན་ཏེ། །ལྷོ་ནུབ་སྲིད་པ་ཡོངས་སྒྲོལ་ལ། །ནུབ་བྱང་དུག་གསུམ་གཏན་སྤྲུག་སྟེ། །བྱང་ཤར་མཚན་མ་སྤྲོས་བྲལ་མ། །དེ་ལྔའི་ནང་དུ་བླུགས་པའི་སྨན། །རྒྱུ་ལྔ་བྱ་ཀ་བམ་དང་བཅས། །ཅུ་གང་འདམ་བུ་གི་ཧང་དབུས། །ལུག་མིན་ལེའུ་མིག་གདུང་བཞི་ཤར། །རྣ་ལྕེ་ཤ་སྣ་ལྷོ་རུ་བསོག །ས་རྩི་ཤིང་དང་མེ་ཏོག་ནུབ། །དེ་བཞིན་སྲོག་དང་གནམ་ཆུ་སོགས། །བྱང་དུ་ཆུ་རྣམས་ཐམས་ཅད་དོ། ཁྲར་ལྷོ་མཚམས་ཀྱི་གྲུ་ཆད་ལ། །ཡོན་ཏན་ཚོགས་རྫོགས་ཀ་བཱ་ལར། །ཛ་གད་གར་ཆད་སྣ་ཚོགས་ཉིད། །ལྷོ་ནུབ་མཚམས་ཀྱི་གྲུ་ཆད་ལ། །འོ་མ་སྣ་ཚོགས་སྦྱར་བ་ཡང་། །བཀྲ་ཤིས་མཚན་ལྡན་ཀ་བཱ་ལར། །ནུབ་བྱང་མཚམས་ཀྱི་གྲུ་ཆད་ལ། །མི་འགྱུར་སྲ་མཁྲེགས་ཀ་བཱ་ལར། །རིནཆེནསྣཚོགསབདར་བ་དང་། །བྱང་ཤར་མཚམས་ཀྱི་གྲུ་ཆད་ལ། །ཨུ་ཡུ་དཔལ་ལྡན་ཀ་བཱ་ལར། །སྣ་ཚོགས་ཆུ་རྣམས་གཞག་པར་བྱ། །སྒོ་བཞིར་ཡུམ་ཆེན་དུང་ཆེན་ནི། ཁྲར་དུ་དུང་ཅན་རྡོ་རྗེའི་རིགས། །ལྷོ་རུ་བན་གླང་རིན་པོ་ཆེ། །ནུབ་ཏུ་པད་ཅན་པདྨའི་རིགས། །ལས་རིགས་བྱང་དུ་རི་མོ་ཅན། །བྲག་ཞུན་བདུན་དག་ལུག་མིག་གསུམ། །ཨ་རུ་ར་ནི་རིགས་ཀྱང་བདུན། །དབང་པོ་ལག་པ་རྣམ་པ་གསུམ། །ཤིང་ཐོག་ཐམས་ཅད་ཚང་བར་བྱ། །སྨན་གྱི་རིག་འཛིན་ཚངས་པ་སོགས། །དྲང་སྲོང་རྣམས་ནི་སྤྱན་དྲངས་ལ། །གཙང་མ་ཟ་བའི་སེམས་ཅན་རྣམས། །རྟོག་བཟློག་ཡང་དག་ལྟ་ལ་གཟུང་། །རིགས་རྣམས་སོ་སོར་བཀོད་བྱས་ནས། །ལྷ་མོ་བཞི་ཡི་བྱིན་གྱིས་བརླབ། །རིགས་ལྔའི་སྔགས་ཀྱིས་བརྟན་པར་བྱས། །ཕྱོགས་བཞི་དབུས་དང་ལྔར་གཞག་གོ །སྨན་རྣམས་མ་ལུས་ཐམས་ཅད་ཀྱང་། །རང་བཞིན་གཉིས་སུ་མེད་པས་ན། །རིགས་རྣམས་ཐ་དད་མ་ཡིན་པས། །དབྱེ་བ་མེད་པར་དགོད་པར་བྱ། །དཀྱིལ་འཁོར་རྒྱན་རྣམས་དགོད་པ་ནི། །དར་གྱི་ཡོལ་བ་རིགས་ལྔའི་རྒྱན། །ཚོན་སྐུད་རིགས་ཀྱི་ཡུམ་ལྔ་ལ། །ནང་གི་སེམས་དཔའ་མདའ་དང་ནི། །མེ་ལོང་ནང་གི་སེམས་མ་སྟེ། །རལ་གྲི་ཕྱི་ཡི་སེམས་དཔའ་ལ། །དར་སྣ་ཕྱི་ཡི་སེམས་མ་ཉིད། །ཕུར་པ་བསྒོ་བ་ཡབ་ཡུམ་བརྒྱད། །བཟེད་ཕོར་ལ་སོགས་བྷནྟྲ་དང་། །མཆོད་རྫས་རྣམས་ཀྱིས་རབ་མཛེས་ཤིང་། །བརྡ་སྒོ་དབྱེ་ལ་བརྡ་ཕྱག་འཚལ། །མཆོད་པ་བྱིན་དབབ་གུ་གུལ་བདུག །དེ་ནས་རྡོ་རྗེ་སློབ་དཔོན་གྱིས། །ཛ་གད་བྷརྙ་འབར་བ་དེ། །དཔའ་བོ་འབྲུ་ལྔ་ལུས་ཁམས་ཀྱི། །བདུད་རྩི་ལྔ་རུ་བྱིན་གྱིས་བརླབ། །ལས་རྣམས་བསྐོས་ལ་གདབ་པ་ཡང་། །སློབ་དཔོན་སྟོན་པའི་སྒྲོན་མར་གདབ། །ཡུམ་ནི་ཀུན་ཏུ་བཟང་མོ་ལ། །རྒྱལ་པོ་རྡོ་རྗེ་རིན་ཆེན་དང་། །པདྨ་ལས་ཀྱི་རིགས་སུ་བྱ། །ཡུམ་བཞི་ཡངས་པའི་སྤྱན་ཆེན་དང་། །རིན་ཆེན་པདྨ་ལས་སུ་བྱ། །རྒྱལ་ཐེབས་བཞི་ཡང་རིགས་བཞིར་གནས། །ཡེ་ཤེས་སྤྱན་དང་དུས་ཚོད་དྲོ། །ཕྱི་དང་ནང་གི་མཚམས་མཁན་དང་། །འཛིན་གིང་སྟོབ་གིང་སྒྲོལ་གིང་དང་། །གསང་བའི་ཕྱག་ཚངས་ཕུད་ཟས་རྒྱན། །མཆེད་ལྕམ་བྱ་རོག་མངའ་གསོལ་བྱ། །རྣལ་འབྱོར་དབང་ཕྱུག་ཆེན་པོ་ལ། །དཔལ་གྱི་ཆས་བརྒྱད་མངའ་གསོལ་ནས། །འཁོར་གྱི་མཆེད་དང་ལྕམ་དྲལ་ལ། །ཁྲག་ཞག་ཐལ་བའི་རྟགས་བཏབ་པས། །དཔའ་བོ་དཔའ་མོར་འགྱུར་བ་ཡིན། །ཆས་དང་མི་ལྡན་རྟགས་མེད་ན། །མ་མོ་མཁའ་འགྲོ་དམ་ཅན་གྱིས། །བསྒྲུབ་མཆོག་ཡིན་པར་ངོ་མི་ཤེས། །དེ་ནས་བཅོམ་ལྡན་འདས་ཀྱིས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །བདུད་རྩི་ཕྱེ་མ་བསྒྲུབ་པ་ཡི། །རྣལ་འབྱོར་དཀྱིལ་འཁོར་རྣམ་པ་གསུམ། །ཁྲོལ་བུའི་བསྙེན་པས་དག་པར་སྤྱད། །བཏག་བཙག་གཞལ་བ་ལུགསབཞིནབྱེད། །གོང་བུར་བྱས་ཏེ་དབུས་སུ་གཞག །དཀྱིལ་འཁོར་ཆེན་པོར་མངའ་གསོལ་ལོ། །དམ་པ་རིག་བརྒྱས་སྦྱངས་བྱས་ནས། །རྣམ་སྣང་མི་བསྐྱོད་མཐའ་ཡས་དང་། །རིན་འབྱུང་ལས་དང་ཡུམ་དུ་བཅས། །སེམས་དཔའ་རྒྱལ་པོ་ཆགས་པ་ལེགས། །རིན་བརྗིད་རྒྱལ་མཚན་བཞད་པ་དང་། །ཆོས་དང་རྣོན་པོ་འཁོར་ལོ་སྤྲ། །ལས་སྲུང་གནོད་སྤྱིན་ཁུ་ཚུར་དང་། །དབྱངས་ཅན་མུ་མ་གོས་དཀར་སྒྲོལ། །སྒེག་མོ་སྤོས་དང་ལྕགས་ཀྱུ་ཐུབ། །ཕྲེང་བ་མེ་ཏོག་ཞགས་པ་ཁྲོ། །གླུ་དང་མར་མེ་ལྕགས་སྒྲོག་རོ། །གར་དང་དྲི་ཆབ་དྲིལ་བུ་ཟ། །སྟོབས་དང་གཤིན་རྗེ་རྟ་མགྲིན་བདུད། །འགུགས་འཆིང་སྡོམ་དང་དགྱེས་པ་བསྐྱེད། །སྤྱན་དྲངས་མཆོད་བསྟོད་བདུད་རྩིར་བཞུ། །ལྷ་ཚོགས་མང་པོས་བྱིན་གྱིས་བརླབས། །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་ར་སྭ་ཡ་ན་ཏ་ན་ཛ་ཡ་གུ་རྒྱ་སིརྙི་ཧཱུཾ༷་སྣྲི༷༷ཐ། ཡེ་ཤེས་ལྔ་དང་སྐུ་གསུང་ཐུགས། །ཐམས་ཅད་བདུད་རྩི་ཆེན་པོར་གནས། །དེ་ཉིད་རིགས་ནི་རྣམ་པ་ལྔ། །བདུད་རྩི་རྣམ་པ་ལྔ་ཡི་ནང་། །དཔའ་བོ་འབྲུ་ལྔ་བསམ་པརབྱ། །ཙིཀྟའིདཀྱིལ་འཁོར་སྣོད་དུ་གསལ། །ཁམས་ཀྱི་བདུད་རྩི་ལྷ་ཡི་སྐུ། །ཨོ་ཧཱུཾ༷་ཨུ༷་གྲྭ་ཧྭ་རྣམས་སྔགས། རླུད་གིས་སྤྲོ་ཞིང་བསྡུ་བ་དང་། །ལུས་ཁམས་བདུད་རྩི་སྲོག་རྩོལ་བསྐྱོན། ཨོ་ཨུ༔ཧཱུཾ༷་གྲྭ་ཧྭ། དཀར་དམར་སེར་དང་མཐིང་ག་ལྗང་། །བདུད་རྩི་རྣམ་པ་ལྔ་པོ་ལས། །གསུང་གི་ཡིག་འབྲུ་སྦྱངས་ནས་ནི། །ཕྱག་མཚན་སྐུ་དང་ཡེ་ཤེས་ལྔ། །སྤྲོས་པས་སྒྲིབ་སྦྱངས་ཐུགས་དམ་བསྐུལ། །འདུད་པས་དུག་བཅོམ་བདུད་རྩིར་གསལ། །རིགས་ལྔ་སངས་རྒྱས་འཁོར་དང་བཅས། །བསྟོད་ནས་མཉེས་པར་རབ་སྦྱང་ངོ་། །ཨོ་ཨུ༷༷་ཧཱུཾ༷་སརྦ་པརྩི་ཨ་མྲི་ཏ་བཛྲ་ཨ་ཀློ་བྷ༷༷། མུ༷་དྷ་ཧི་ཤཱ་རྡི་ཏིཁྱི་ས་མ་ཡ་ཧཱུཾ༷་ཧི༷༷ཐ། ཞེས་བྱང་ཆུབ་སེམས་སུ་སྦྱང་ངོ་། །ཨོ༷་ཨུ༷༷ཧཱུཾ༷་སརྦ་པ྅་ཨ་མྲི་ཏ་བྷདྷ་བི་རོ་ཙ་ན་ཨོ༷་ལ༷་དེ་ཥ་ར་ཏི་ས་མ་ཡ་སྟུ༷་ཧཱུཾ༷་སྙི༷༷ཐ། ཞེས་བདུད་རྩི་དྲི་ཆེན་སྦྱང་བའོ། །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་རཏྣ་ས༷་བྷ་བ་ཏྲུ༷། །མ༷་མོ་ཧ་ར་ཏི་ས་མ་ཡ་སྟ༷། ཧཱུཾ༷་སྣྲི༷༷ཐ་ཞེས་མ་ཧྭ་མྱ༷་ས་སྦྱང་ངོ་། །ཨོ་ཨུ༷༷ཧཱུཾ༷་སརྦ་པ྅་ཨེ་མྲི་ཏ་ཨ་མི་དྷི་ཝ་སྙི༷༷། པྱ༷་རྭ་ག་ར་ཏི་ས་མ་ཡ་སྟུ༷། ཧཱུཾ༷་སྙི༷༷ཐ་ཞེས་པདྨ་རཀྟ་སྦྱང་ངོ་། །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་ཨ་མོ་ཀྟ་སིདྷི་ཨ། ཏྭ༷་བཛྲ་ར་ཏི་ས་མ་ཡ་སྟུ༷་ཧཱུཾ་ཧི༷༷ཐ། ཞེས་དྲི་ཆུ་སྦྱང་བར་བྱའོ། །རྣམ་སྣང་ཆོས་ཀྱི་དབྱིངས་ཉིད་དེ། །རྡོ་རྗེ་ཡེ་ཤེས་མེ་ལོང་ལས། །རིན་ཆེན་མཉམ་པ་ཉིད་ཡིན་ཏེ། །པདྨ་སོ་སོར་ཀུན་ཏུ་རྟོགས། །ལས་རབ་བྱ་བ་གྲུབ་པ་ཉིད། །ཡེ་ཤེས་ལྔ་ཡི་འཛབ་དབྱངས་བསྟོད། །དེ་ནས་གསང་ཆེན་རིགས་གཅིག་ནི། །ཆོས་རྣམས་ཐུགས་སུ་འདུས་པས་ནས། །སྣང་སྲིད་འཁོར་འདས་བྱང་ཆུབ་སེམས། །ལྷ་རྣམས་ཐུགས་སུ་འདུས་པས་ནས། །རྡོ་རྗེ་སེམས་དཔའ་ཉིད་དུ་བརྟགས། །རིགས་རྣམས་ཐམས་ཅད་དབྱེར་མེད་པས། །རྡོ་རྗེ་སེམས་དཔའི་ཏིང་འཛིན་གྱིས། །གསང་སྔགས་དགུ་པ་འཛབ་ཏུ་བཟླས། །ཉམས་ནི་སེམས་ལ་འཆར་བ་ཡིན། །གར་ནི་ལུས་ལ་འཆར་བ་སྟེ། །སྔགས་ཀྱང་ངག་ཏུ་འཆར་བ་ལ། །མཐོང་སྣང་ཡུལ་ལ་རབ་ཏུ་འཆར། །བག་ཆགས་དག་ནི་རྨི་ལམ་རྨི། །ཨོ་བཛྲ་ཙིརྟི་ས་མ་ཡ་ཧཱུཾ༷་སྙི༷༷ཐ། །སྙིང་པོ་འབུམ་དུ་བཟླས་པར་བྱ། །ཡང་ན་བརྒྱ་རྩ་བརྒྱད་དུ་བཟླས། །དེ་ནས་སྨན་རྣམས་མ་ལུས་པ། །རྟགས་ལྡན་ཆེ་བའི་ཡོན་ཏན་ཡང་། །རྣལ་འབྱོར་ཀུན་གྱིས་ངོས་ངོས་ནས། །དབྱངས་དང་བཅས་པར་བརྗོད་པར་བྱ། །རྩ་བའི་དཀྱིལ་འཁོར་ཐམས་ཅད་ཀུན། ། མ་ལུས་དབུས་སུ་རབ་བསྡུས་ནས། །གཡང་གཞི་ཆེ་ཆུང་བསྣོལ་མའི་ཁར། །རྩིབས་བརྒྱད་ཟླ་གམ་དམར་པོ་ལ། །གཏན་གཏུན་ཐབས་དང་ཤེས་རབ་ཀྱི། །རྣམ་རྟོག་མཚན་མ་ཐམས་ཅད་ཀུན། །སྨན་དང་རྫས་སུ་འཐག་པར་བྱའོ། །ཉོན་མོངས་པ་ཡི་རྟོག་པ་དང་། །སྡང་དགྲ་གནོད་བགེགས་བཏག་པར་བྱ། །དར་འཛིན་རྣམ་པར་རྟོག་པ་རྣམས། །མཚན་མ་མེད་པའི་ངང་དུ་བཏགས། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་ཏ་ན་ཧ་ན་ཧཱུཾ༷། ད་ཧ་ད་ཧ་ཧཱུཾ༷། པ་ཙ་པ་ཙ་ཧཱུཾ༷། བནྟྲ་བརྙ་ཧཱུཾ༷། ཧུ་ལུ་ཧུ་ལུ་ཧཱུཾ༷། ཏིཁྱི་ཏིཁྱི་ཧོ༷། སྣྲིནྟྲ་སྣྲིནྟྲ་ཧཱུཾ་སྙི༷༷ཐ། འཁར་གཞོང་རིན་ཆེན་གཞོང་པ་སྲ །ཐབས་ཀྱིས་སྙིང་རྗེ་ཆེན་པོ་བླུགས། །ཤེས་རབ་སྟོང་པའི་ཚགས་མ་ལ། །ཐབས་ཤེས་སྤྱོད་པ་ཞིང་མོས་བཙག །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་ཀ་མ་ལ་ཀུནྟྲ་ལི་། བྷནྟྲ་སིརྙི་ཧཱུཾ༷་དྷི༷༷ཐ། བསྒོམ་པའི་དོན་ལྡན་བསྲེ་བ་ཡང་། །ཆང་དང་འོ་མ་རིན་ཆེན་ཆུ། །སྤྲེངས་ནས་ཤ་རྟ་རིལ་གྱིས་དཀྲུག །ཡབ་ཀྱིས་བླུགས་ལ་ཡུམ་གྱིས་བསྲེས། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་ཀྲེདྷི་ཤཱ་རྡི་ས༷་ཤོདྷ་ཡ་ཧཱུཾ༷་སྙི༷༷། ཞེས་ཆང་སྣ་ཚོགས་པས་སྦྱང་ངོ་། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་བ༷་ད༷་ས༷་ཤོདྷ་ཡཧཱུཾ༷་ཧི༷༷ཐ། ཞེས་འོ་མ་སྣ་ཚོགས་སྤྲེངས་ཤིང་གོན་བན་དུ་བསྲེ་བའོ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་རཏྣ་ཙིཏེ་ཧཱུཾ༷་སྣྲི༷༷ཐ། ཞེས་རིན་པོ་ཆེ་སྣ་ཚོགས་བདར་ལ་བླུག་གོ །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་བི་ཤུདྷ་ཀུནྟྲ་ལི་ཧཱུཾ༷་སྣྲི༷༷ཐ། ཞེས་ཆུ་སྣ་ཚོགས་པས་སྤྲེང་ངོ་། །འབྲས་བུ་སྐུ་དང་ཡེ་ཤེས་སུ། །ཐམས་ཅད་རོ་གཅིག་གྱུར་པས་ནས། །ཡབ་ཡུམ་པདྨ་རྡོ་རྗེའི་མཁར། །གཉིས་མེད་གཅིག་ཏུ་སྦྲེལ་བར་བྱ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་མུ་ས་ལ་མུ་ས་ལ་ཨོ་ཧུ༷་ཐ། ཞེས་གཉིས་སུ་མེད་པར་སྦྱང་བར་བྱའོ། །དེ་ནས་གོང་བུར་རབ་བྱས་ནས། །དར་རས་གཙང་མའི་ནད་དུ་དྲིལ། །ཕྱོགས་བཞི་མཚམས་ནི་བརྒྱད་དུ་ཡང་། །རྟ་མགྲིན་ཕྱག་རྒྱ་རྒྱ་གྲམ་གདབ་། །ཨོ་ཨུཿཧཱུཾ༷་སརྦ་པརྩི་ཨ་མྲི་ཏ་ཧ་ཡ་རྒི་ཝ་ལུ་ཧུ་ལུ་ཧཱུཾ༷་ཧི༷༷ཐ། དེ་ལྟར་རྒྱས་བཏབ་ཚད་གཞག་ཕྱིར། །ལེགས་པར་སྲང་ལ་གཞལ་བར་བྱ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་ཧོ་པ་ཡ་བི་ཤུསྟེ་ཧཱུཾ༷ཧི༷༷ཐ། ཐབས་དང་ཤེས་རབ་ཕོ་མོ་ཡི། །ཐོད་པ་ཁ་སྦྱར་བར་དུ་སྩལ། །རིགས་ལྔ་རྫོགས་པའི་སངས་རྒྱས་བཞུགས། །སྤོས་ཀྱི་རྒྱལ་པོའི་དུད་པ་བདུག །ཞི་བ་ལས་ནི་ཁྲོ་བོར་གྱུར། །དུར་ཁྲོད་ཆེན་པོའི་གནས་སུ་བྱ། །ལོངས་སྤྱོད་ཤ་ཁྲག་ཚོགས་སུ་རོལ། །ཁྲོ་བོ་དུར་ཁྲོད་གནས་ལ་དགྱེས། །དུར་ཁྲོད་ཚོན་གྱིས་རབ་བྲིས་པ། །དབུས་ནས་ལེའུ་ཚེ་དགུ་པ་ལ། །གདན་ལ་པདྨ་འདབ་མ་བརྒྱད། །འཁོར་ལོ་རྩིབས་བརྒྱད་རྩི་མོ་ལ། །ནོར་བུ་རིན་ཆེན་ཟུར་བརྒྱད་བྲི། །མུ་ཁྱུད་བར་ཁྱམས་སྒོ་བཞི་པ། །རྟ་བབས་མཆོད་རྟེན་བརྒྱད་དང་ལྡན། །འདེགས་པའི་སྟོངས་ལྡན་ཀ་བ་བརྒྱད། །ཡུལ་ལ་མ་རྨོངས་རྩིབས་བརྒྱད་དང་། །གདན་ལ་སྐྱོན་མེད་པདྨ་བརྒྱད། །ཡོན་ཏན་མི་ཟད་རིན་ཆེན་བརྒྱད། །མཐའ་གཉིས་མ་སྤྲོས་མུ་ཁྱུད་ཟླུམ། །ཡེ་ཤེས་གྲུ་ཆད་བརྡལ་ཁྱབ་ཁྱམས། །མཆོད་རྣམས་རྟེན་གྱུར་མཆོད་རྟེན་བརྒྱད། །དུར་ཁྲོད་བརྒྱད་ཀྱིས་མཐའ་བསྐོར་བས། །གསང་བ་མཆོག་གི་དཀྱིལ་འཁོར་ཡིན། །བདུད་རྩི་བུམ་པ་ཡུམ་དང་ནི། །བླ་མས་ཕྱག་ཏུ་བཞེས་ནས་ནི། །མཚམས་བཅད་ཁྲོ་བོར་བ་གུ་ར། །སྲུང་བའི་འཁོར་ལོ་རབ་ཏུ་བསྒོམ། །དབུས་ཀྱི་གཙོ་བོ་མངའ་གསོལ་ཏེ། །དུར་ཁྲོད་གནས་ན་བཞུགས་ནས་ནི། །འགྲོ་བའི་དོན་ཡང་རབ་མཛད་པར། །དགྱེས་པར་བཞུགས་སུ་གསོལ་བྱའོ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་མ་ཧྭ་ཤི་ཧེ་རུ་ཀ །མ་ཧྭ་ཀྲེརྙི་ཤྭ་རྡི་སྟུ༷། ས་མ་ཡ་ཏིཛི་ལྷན། སྐོར་བ་ལན་གསུམ་བསྐོར་བྱས་ནས། །རྡོ་རྗེའི་བྲོ་ནི་ཤར་དུ་བརྡུང་། །རིན་ཆེན་ལྷོ་ལ་པདྨ་ནུབ། །ལས་ཀྱི་བྲོ་ནི་བྱང་ཉིད་དོ། །དེ་ནས་མཚམས་བཅད་བསྲུང་བ་དང་། །མཆོད་པ་བྱིན་གྱིས་བརླབ་པར་བྱ། །ལུས་ངག་ཡིད་ཀྱི་ཉེས་བྱས་སྦྱངས། །བརྡ་སྒོ་བརྡ་ཕྱགབྱིནཆེནདབབ། །གདོད་ནས་མ་སྐྱེས་རྣམ་དག་ཆོས་ཉིད་ནི། །ཅིར་ཡང་མི་དམིགས་སྟོང་པའི་རང་བཞིན་ཏེ། །བླང་དོར་མེད་པའི་དོན་ལ་མ་གཡོས་པར། །མཉམ་པ་ཆེན་པོའི་ངང་དུ་བསྒོམ་པར་བྱ། །ཨོ་མ་ཧྭ་ཤཱ་རྒྱ་ཏྭ་ཙྭ་ན་སྭ་བྷ་ཝ་ཨུཏྣ་ཀོ྅་ཧ༷། ཆོས་རྣམས་ཐམས་ཅད་གདོད་ནས་དག་པ་ལ། །སེམས་ཀྱི་རང་བཞིན་ཀུན་ལ་ཁྱབ་པར་བརྡལ། །ཐམས་ཅད་འབྱུང་བའི་ཡེ་ཤེས་ཆེན་པོ་སྟེ། །སེམས་དང་ཡེ་ཤེས་ཀུན་ལ་ཅིར་ཡང་སྣང་། །ཨོ་དྷརྨ་དྷ་ཏུ་སྭ་བྷ་ཝ་ཨུཏྣ་ཀོ྅ཧ༷། །བྱང་ཆུབ་སེམས་ནི་ཧཱུཾ༷་གི་རང་བཞིན་ཏེ། །ཧཱུཾ༷་ཉིད་གདོད་ནས་དག་པའི་སྐུ་རུ་གསལ། །མངོན་གསུམ་གྱུར་པ་ཐམས་ཅད་འབྱུང་བའི་རྒྱུ། །གསང་ཆེན་ཡུམ་ལྔ་གསང་མཆོག་དཀྱིལ་འཁོར་གསལ། །ཨེ་ཡ༷་ར༷་ར་བ༷་ཀེ་བྷ༷། ཨེ་ལས་ཡེ་ཤེས་ནམ་མཁའི་དཀྱིལ་འཁོར་ནི། །དངོས་དང་མཚན་ཉིད་ཐམས་ཅད་མི་དམིགས་པ། །ཆོས་ཀུན་ཡེ་ནས་དག་པའི་ངང་ཉིད་ནི། །མཐའ་དང་དབུས་མེད་ནམ་མཁའི་མཐའ་དང་མཉམ། །ཨེ་ཨུ་ཀ་ཤི་མཎྜལ་ཧཱུཾ༷། ཡ༷་ལས་ཡེ་ཤེང་་འཐོར་རླུད་ཆེན་པོ་ནི། །བག་ཆགས་སྡུག་བསྔལ་ཡེ་ཤེས་རླུད་གིས་བསྐྱོད། །དེ་ལས་དབྱིངས་ཕྱུག་དབྱིངས་སུ་མཉམ་སྦྱར་ནས། །ཡ༷་ལས་རླུད་གི་དཀྱིལ་འཁོར་བསྐྱེད་པར་བྱ། །ཡ༷་ཀརྨ་རསྒ་ཧཱུཾ༷། ར༷་ལས་མེ་ཡི་དཀྱིལ་འཁོར་ཆེན་པོ་ནི། །དངོས་པོ་སྣང་བའི་བག་ཆགས་སྡུག་བསྔལ་བསྲེག །རིན་ཆེན་དབྱིངས་ཕྱུག་མཁའ་དང་མཉམ་སྦྱར་ནས། །ར༷་ལས་མེ་ཡི་དཀྱིལ་འཁོར་བསྐྱེད་པར་བྱ། །ར༷་ཛ་ལ་མཎྜལ་ཧཱུཾ༷། ར་ལས་ཡེ་༄༅། ཁེས་ཁྲག་གི་དཀྱིལ་འཁོར་ནི། །འདོད་ཆགས་འཁོར་བའི་སྡུག་བསྔལ་གཏན་སྦྱངས་ཏེ། །པདྨ་དབྱིངས་ཕྱུག་མཁའ་དག་མཉམ་སྦྱར་ནས། །ར་ལས་རཀྟའི་དཀྱིལ་འཁོར་བསྐྱེད་པར་བྱ། །ར་རཀྟ་མཎྜལ་ཧཱུཾ༷། བ༷་ལས་ཞིང་ཆེན་གཏམས་པའི་ས་གཞི་ནི། །ཟད་མེད་གཏེར་ཆེན་རྡོ་རྗེ་རྒྱ་གྲམ་གཏམས། །སངས་རྒྱས་དབྱིངས་ཕྱུག་མཁའ་དང་མཉམ་སྦྱར་ནས། །བ༷་ལས་ཞིང་ཆེན་ས་གཞི་བསྐྱེད་པར་བྱ། །བ༷་ཏི་ར་མཎྜལ་ཧཱུཾ༷། ཀུན་ཏུ་བཟང་མོ་ཡུམ་གྱི་མཁའ་ཀློང་ནས། །མི་འགྱུར་མི་ཤིགས་རྡོ་རྗེ་བརྟན་པའི་སྐུ། །སྲིད་གསུམ་འདེགས་བྱེད་བྱ་ར་ནན་ཏན་ཏེ། །ཡེ་ཤེས་བཞིར་གྱུར་རང་བཞིན་ཀུན་ལ་ཁྱབ། །རཀྟའི་རྒྱ་མཚོ་ཡུམ་གྱི་མཁའ་ཀློང་ནས། །ཐམས་ཅད་སྐྱེད་བྱེད་ཡུམ་གྱི་བྱང་ཆུབ་སེམས། །དུས་གསུམ་འདུ་འབྲལ་མེད་པར་ཆགས་པའི་ཀློང་། །རང་བཞིན་རྣམ་དག་པདྨ་རྭ་གའི་ཀློང་། །ཀེ་རུས་རི་རབ་རྡོ་རྗེ་བྲག་སྟེངས་ན། །དྲེགས་པ་བསྒྲལ་ནས་ཞེ་སྡང་ཕུང་པོ་བཤིག །ཆགས་མེད་རཀྟའི་དཀྱིལ་འཁོར་རང་བྱུང་བ། །བཅོམ་ལྡན་དཔལ་ཆེན་ཡབ་ཡུམ་བཞུགས་པའི་གནས། །སྡུ༷་ལས་བསྐྱེད་པ་འབར་བའི་གཞལ་ཡས་ཁང་། །ཕྱོགས་བཅུ་ཀུན་ཏུ་རྒྱ་ཡོངས་མ་ཆད་པའི། །ཕྱི་དང་ནང་མེད་ཡེ་ཤེས་གསལ་བའི་ངང་། །རང་བཞིན་ལྷུན་གྱིས་གྲུབ་པའི་བཞུགས་གནས་སོ། །ཨོ་གུ་ཡ་ཨ་ཀྲ་མ་དྷ་ལི་ཧཱུཾ༷། གུ་ཡ་གསང་ཆེན་བྱང་ཆུབ་སེམས་ཀྱི་ཐིག །རངབཞིནརྣམཔརདག་པའི་དཀྱིལ་འཁོར་ལ། །གཉིས་མེད་བྱང་ཆུབ་སེམས་ཀྱི་ཐིག་བཏབ་པས། །མཎྜལ་བརྒྱད་པ་མཐའ་དབུས་མེད་པར་གསལ། །མཐའ་གཉིས་མ་སྤྲོས་ལྟེ་བ་ཟླུམ་པོ་ལ། །ལྟེ་དབུས་ཐིག་བཞི་བཏབ་པས་ལེའུ་ཚེ་དགུ། །དབུས་སུ་དབང་ཆེན་ཟླ་གམ་དམར་པོ་ལ། །འཇིགས་བྱེད་མཐིང་ནག་གྲུ་གསུམ་འབར་བས་བརྒྱན། །ཆགས་མེད་པདྨ་འདབ་བརྒྱད་བརྡལ་བ་ལ། །ཡེ་ཤེས་བརྒྱད་སྤྲོས་འཁོར་ལོ་རྩིབས་བརྒྱད་པ། །རིན་ཆེན་ཟུར་བརྒྱད་ཡོན་ཏན་སྣ་ཚོགས་འཕྲོ། །མི་འགྱུར་མི་ཤིགས་རྡོ་རྗེའི་ར་བས་བསྐོར། ། འབར་འཕྲོ་ཐུགས་རྗེའི་འོད་ཟེར་མང་པོ་འཁྲུགས། །ཡེཤེས་བཞི་ལྡན་གྲུ་ཆད་བཞི་ཡིས་བརྒྱན། །འབར་བ་ཆེན་པོའི་བར་ཁྱམས་རབ་ཏུ་མཛེས། །ཡེ་ཤེས་སྒོ་བཞི་རྟ་བབས་བརྒྱད་དང་ལྡན། །བྷརྙ་སྐམ་རློན་མང་པོའི་རྩིགས་པ་ལ། །གནམ་ལྕགས་ངུར་མོ་འབར་བའི་གཟེར་གྱིས་བཏབ། །ཞིང་ཆེན་ཕོ་མོ་བསྣོལ་བའི་ཀ་གདུང་ལ། །ཞིང་ཕྲན་མང་པོ་གཏམས་པའི་གྲལ་ཕྱམ་བཏང་། །ཞིང་ཆེན་གཡང་གཞི་བླ་རེ་འཕན་གདུག་དང་། །བྷནྟྲའི་ཕོ་ལོང་སྦྲུལ་ནག་ཆུན་པོ་དང་། །ཉི་ཟླ་གཟའ་སྐར་མང་པོའི་ཚོགས་ཀྱིས་བརྒྱན། །ཁམས་གསུམ་ཀུན་ཏུ་གསང་བའི་དཀྱིལ་འཁོར་ཁྱབ། །སྣྲུ༷་གུ་ཡ་མཎྜ་ལ་སྒྱུ༷། ནོརབུམུཏིགགཅལདུལེགས་པར་བཀྲམ། །ཨསྨ་གར་བྷའི་འོད་ཀྱིས་ཕྱོགས་བཅུར་འཕྲིགས། །ནོར་བུ་རིན་པོ་ཆེ་ཡི་བྲག་ཏུ་གཏམས། །རྡོརྗེརྩེགཅིགརྩེགསུམ་རྩེ་ལྔ་དང་། །མ་ནི་ཤེས་རབ་འདུ་བྲལ་མེད་པའི་ངང་། །དབྱིངས་ཀྱི་ཐུགས་རྗེས་མཐའ་དབུས་མེད་པར་ཁྱབ། །ཉི་མའི་མཎྜལ་གདན་གྱི་ཁྱད་པར་ནི། །སྣང་བ་མ་འགགས་ཡོངས་ལ་ཁྱབ་པར་བསྒོམ། །མ་སྲུརུ་མཎྜ་ལ་ཧཱུཾ༷། ཨ་ནི་མ་སྐྱེས་ཐབས་ཀྱི་རངབཞིན་ཏེ། །རིག་པ་བྱང་ཆུབ་སེམས་ཀྱི་ཐིག་ལེ་ཆེ། །ཟླ་བའི་དཀྱིལ་འཁོར་མཉམ་པར་རབ་སྣང་བ། །མཐའ་དབུས་མེད་པར་གདོད་ནས་དག་པར་བསྒོམ། །ཨ་ཙཎྜ་མཎྜ་ལ་ཧཱུཾ༷། བ༷་ནི་ཆགས་མེད་པདྨ་དམར་པོའི་མདོག །འདོད་ཆགས་ཐམས་ཅད་དབང་བསྡུས་ཡུམ་གྱི་མཁའ། །པདྨའི་གེ་སར་ཆོས་ཀྱི་དབུ་འཕང་ནས། །ཇི་ལྟར་འབྱུང་བར་འགྱུར་བའི་མཎྜལ་བསྒོམ། །པ༷་པདྨ་མཎྜ་ལ་ཧཱུཾ༷།ཧཱུཾ༷་སྤ་ར་ན་ཕཊ། ས༷་ཧ་ར་ཎ་ཧཱུཾ༷། བཛྲ་ཤི་ཧེ་རུ་ཀ་བཛྲ་ཀྭ་ཡ། བཛྲ་ཀྲོདྷི་ཤྭ་རྡི་སྟ༷། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ །སྐུ་མདོག་མཐིང་ག་འཇིགས་བྱེད་རྒྱན་གྱིས་བརྒྱན། །ཞལ་གཅིག་ཕྱག་གཉིས་རྡོ་རྗེ་བྷན་དྷར་དཀྲུག །ཞབས་གཉིས་བརྐྱང་བསྐུམ་ཉི་ཟླའི་གདན་ལ་བཞུགས། །ཨོ་ཨུ༷༷ཧཱུཾ་སརྦ་ཏ་ཐུ་ག་ཏ་ཀྭ་ཡ་བཛྲ་སྭ་བྷ་ཝ་ཨུཏྣ་ཀོ྅ཧ༷། སརྦ་ཏ་ཐུ་ག་ཏ་ལྷུཀ་བཛྲ་སྭ་བྷ་ཝ་ཨུཏྣ་ཀོ྅ཧ༷། སརྦ་ཏ་ཐུ་ག་ཏྭ་ཙིསྟ་བཛྲ་སྭ་བྷ་ཝ་ཨུཏྣ་ཀོ྅ཧ༷། སརྦ་ཏ་ཐ་ག་རཏྣ་གུ་ཡ་བཛྲ་སྭ་བྷ་ཝ་ཨུཏྣ་ཀོ྅ཧ༷། སབོ་ཏ་ཐ་ག་ཏ་ཀྭ་ཡ་བཛྲ་སྭ་བྷ་ཝ་ཨུཏྣ་ཀོཉཧ༷། བྱོལ་སོང་གཙོ་བོ་བརྒྱད་ཀྱི་གདན་སྟེང་ན། །འཇིགས་བྱེད་ཆེན་པོ་ཁྲོ་བོ་ཆེན་པོ་བཅུ། །ཧཱུཾ༷་ཆེན་སྔོ་སྐྱ་རྡོ་རྗེ་ཉི་ཟླ་བསྣམས། །རྣམ་པར་རྒྱལ་བ་རྡོ་རྗེ་སྟི་ར་དཀར། །དབྱུག་པ་ལྗང་སྔོན་དབྱུག་ཏོ་མེ་ལྷ་འཛིན། །གཤིན་རྗེ་མཐིང་ནག་རིན་ཆེན་གྲུལ་བུམ་བསྣམས། །མི་གཡོ་སྨུག་ནག་རལ་གྲི་སྲིན་པོ་ཐོགས། །རྟ་མགྲིན་དམར་པོ་སྦྲུལ་ཞགས་ཁྱུང་ཆེན་གཤོག །མི་ཐུབ་དམར་སྐྱ་བ་དན་རླུང་ལྷ་འཛིན་། །བདུད་རྩི་ལྗང་ནག་རྒྱ་གྲམ་གནོད་སྤྱིན་བསྣམས། །ཁམས་གསུམ་སེར་ལྗང་ནེའུ་ལེ་བགེགས་ཆེན་བཟུང། །སྟོབས་ཆེན་དུད་ཀ་ཐོང་གཤོལ་གཏུན་ཤིང་བསྣམས། །བཛྲ་མ་ཧྭ་ཀྲོ་དྷ་ཧཱུཾ༷་ཀྭ་ར་ཧཱུཾ༷། བཛྲ་མ་ཧྭ་ཀྲོ་དྷ་བི་ཛ་ཡ་ཧཱུཾ༷། བཛྲ་མ་ཧྭ་ཀྲོ་དྷ་ནི་ལ་དཎྜ་ཧཱུཾ༷། བཛྲ་མ་ཧྭ་ཀྲོ་དྷ་ཡ་མུརྙ་ཀ་ཧཱུཾ༷། བཛྲ་ཀྲོདྷ་ཨུརུ་ཨ་ཙ་ལ་ཧཱུཾ༷། བཛྲ་མ་ཧྭ་ཀྲོ་དྷ་ཧ་ཡ་རྒི་བ་ཧཱུཾ༷། བཛྲ་མ་ཧྭ་ཀྲོ་དྷ་ཨ་པ་རྭ་ཛི་ཏ་ཧཱུཾ༷། བཛྲ་མ་ཧྭ་ཀྲོ་དྷ་ཨ་མྲི་ཏ་ཀུཎྜ་ལི་ཧཱུཾ༷། བཛྲ་མ་ཧྭ་ཀྲོ་དྷཏྲེ་ ་ལོ་ཀྱ་བི་ཛ་ཡ་ཧཱུཾ༷། བཛྲ་མ་ཧྭ་ཀྲོ་དྷ་མ་ཧྭ་བ་ལ་ཧཱུཾ༷། ཨོ་བུདྷ་ཤི་ཧེ་རུ་ཀ །བཛྲ་ཤི་ཧེ་རུ་ཀ །རཏྣ་ཤི་ཧེ་རུ་ཀ །པདྨ་ཤི་ཧེ་རུ་ཀ །ཀརྨ་ཤི་ཧེ་རུ་ཀ །བི་ཤྭ་ས་ནུ་ཤིཧེ་རུ་ཀ །གུ་ཧུ་ས་མ་ཡ་ཤི་ཧེ་རུ་ཀ །ཡསྒ་ཤི་ཧེ་རུ་ཀ རསྒཤི་ཧེ་རུ་ཀ །རང་བྱུང་ཁྲོ་རྒྱལ་བཅུ་ཡི་དབུ་སྟེངས་སུ། །ཁྲག་འཐུང་ཆེན་པོ་ཀློང་དགུ་ཧེ་རུ་ཀ །ཡེ་ཤེས་ཆེན་པོ་དགུ་རྣམས་ལྷུན་གྲུབ་པ། །བཅོམ་ལྡན་ཁྲག་འཐུང་བུརྙ་ཆེན་པོ་ནི། །དབུ་གསུམ་གཡས་སེར་གཡོན་དམར་དབུས་མ་སྨུག །ཕྱག་དྲུག་འཁོར་ལོ་དགྲ་སྟུ་ཞགས་པ་གཡས། །བྷརྙ་རྔེའུ་ཆུང་ཁ་ཊ༷་གཡོན་ན་བསྣམས། །བཅོམ་ལྡན་ཁྲག་འཐུང་རྡོ་རྗེ་ཆེན་པོ་ནི། །དབུ་གསུམ་གཡས་དཀར་གཡོན་དམར་མཐིང་ནག་སྐུ། །ཕྱག་དྲུག་རྡོ་རྗེ་ཁ་ཅྭ༷་སྟི་ར་གཡས། །དུང་དམར་རྒྱུ་ཞགས་ཞིང་ཆེན་ཁྱུང་གི་ཁྲ། །བཅོམ་ལྡན་ཁྲག་འཐུང་རིན་ཆེན་ཆེན་པོ་ནི། །དབུ་གསུམ་སྔོ་ནག་སེར་དང་དམར་བའི་ཞལ། །རིན་ཆེན་གཤོལ་དང་གཏུན་ཤིང་དབྱུག་ཐོག་གཡས། །བྷསྟོ་དགྲ་སྟུ་གཏུན་ཤིང་རྔེའུ་ཆུང་གཡོན། །བཅོམ་ལྡན་པདྨ་ཁྲགའཐུང་ཆེན་པོ་ནི། །དབུ་གསུམ་དམར་ནག་སྔོ་དང་ལྗང་དཀར་ཞལ། །གཡས་པ་པདྨ་རྔེའུ་ཆུང་སྐྲུ་གྲི་བསྣམས། །བྷརྙ་ཁ་ཊ༷་ཐོད་ཕྲེང་གཡོན་པ་ན། །བཅོམ་ལྡན་ལས་རབ་ཁྲག་འཐུང་ཆེན་པོ་ནི། །དབུ་གསུམ་ལྗང་ནག་དམར་སེར་དཀར་བའི་ཞལ། །རྒྱ་གྲམ་རལ་གྲི་ཞགས་པ་རྔེའུ་ཆུང་གཡས། །བྷནྟྲ་རྔེའུ་ཆུང་དྲིལ་བུ་ཁ་ཊ༷་དབྱུག །བཅོམ་ལྡན་ཁྲག་འཐུང་སྣ་ཚོགས་ཆེན་པོ་ནི། །ཞལ་གསུམ་དཀར་པོ་གཡས་མཐིང་གཡོན་པ་དཀར། །ཕྱག་དྲུག་གྲི་གུག་རྡོ་རྗེ་ཁ་ཊ༷་གཡས། །ཐོད་པ་དྲིལ་བུ་རྔེའུ་ཆུང་གཡོན་ན་བསྣམས། །བཅོམ་ལྡན་ཁྲག་འཐུང་གསང་བ་ཆེན་པོ་ནི། །ཞལ་གསུམ་གཡས་དཀར་གཡོན་དམར་དབུས་མ་སེར། །གྲི་གུག་རིན་ཆེན་བེ་ཅོན་གཡས་པ་ན། །ཐོད་པ་དྲིལ་བུ་ཅང་ཏེའུ་གཡོན་ན་བསྣམས། །བཅོམ་ལྡན་ཁྲག་འཐུང་གནོད་སྦྱིན་ཆེན་པོ་ནི། །ཞལ་གསུམ་དམར་པོ་གཡས་མཐིང་གཡོན་པ་སྔོ། །གྲི་གུག་པདྨ་དགྲ་སྟུ་གཡས་པ་ན། །ཐོད་པ་དྲིལ་བུ་ཌའ་མ་རུ་ནི་གཡོན། །བཅོམ་ལྡན་ཁྲག་འཐུང་སྲིན་པོ་ཆེན་པོ་ནི། །ཞལ་གསུམ་ལྗང་གུ་གཡས་དཀར་གཡོན་དམར་བ། །གྲི་གུག་རྒྱ་གྲམ་རལ་གྲི་གཡས་པ་ན། །ཐོད་པ་དྲིལ་བུ་རྔེའུ་ཆུང་གཡོན་པ་ན། །མི་གནས་ཡེ་ཤེས་ཆེན་པོའི་ཀློང་དཀྱིལ་དུ། །སྐུ་གདུང་འབར་བའི་དཀྱིལ་འཁོར་ལྷུན་གྱིས་གྲུབ། །མུ༷་ཕཊ་ཀྲོདྷི་ཤྭ་རྡི་ས་མ་ཡ་སྟ༷། །ཡེ་ཤེས་ཁྲག་འཐུང་དགུ་ཡི་དབུ་སྟེང་དུ། །མཁའ་མཉམ་ཀློང་གི་དཀྱིལ་འཁོར་གནམ་ཞལ་མ། །དབུ་དགུ་ཕྱག་ཀྱང་བཅོ་བརྒྱད་ཞབས་ཀྱང་བརྒྱད། །གཡས་གཡོན་དང་པོ་རྡོ་རྗེ་དུང་དམར་དགུག་ཅིང་གསོལ། །གཡས་བརྒྱད་ཀོ་རི་ཆོས་ཉིད་བདུད་རྩིར་སྦྱོར། །གཡོན་བརྒྱད་ཕྲ་མེན་འཁོར་བ་བདུད་རྩིར་སྦྱོར། །བྷ་གའི་ཀློང་དུ་རྡོ་རྗེའི་སྨིན་མཚམས་ནུབ། །ཡེ་ཤེས་དགུ་རྣམས་དབྱིངས་ཀྱི་བྷ་གར་ཐིམ། །ཧཱུཾ༷་བཛྲ་མ་ཧྭ་ཤི་ཧེ་རུ་ཀ་ཧཱུཾ༷་མ་ཧྭ་ཛ་ལ་ར༷། །གསང་བ་ཡུམ་གྱི་དབུ་སྟེང་གནས་བཞུགས་པ། །འཆི་མེད་རྡོ་རྗེ་ཆེ་མཆོག་ཧེ་རུ་ཀ །དབུ་ནི་ཉི་ཤུ་རྩ་གཅིག་འབར། །མར་མེའི་རྒྱལ་པོ་རིན་ཆེན་གཙུག་ཕུད་དང་། །ཚེ་དཔག་མེད་དང་རྣམ་པར་གཟིགས་པ་དང་། །རིན་ཆེན་མང་དང་གཙུག་ཏོར་ཤཱཀྱ་ཐུབ། །གསེར་ཕྱེ་དྲི་བྲལ་སྣང་བ་དཔག་མེད་དང་། །ཉི་མའི་དཀྱིལ་འཁོར་སྤོབས་པ་བརྩེགས་པ་དང་། །སེང་གེ་འབུམ་གཟིགས་སེང་གེ་རྣམ་པར་རོལ། །ཡོན་ཏན་ཀུན་འོད་རི་ཡི་རྒྱལ་པོ་དང་། །བྱམས་པ་ཀུན་གཟིགས་ཀུན་ནས་འོད་ཟེར་དང་། །དཔལ་བརྩེགས་རྒྱལ་པོ་རྡོ་རྗེ་རྣམ་པར་གནོན། །རྣམ་དག་སྐུ་དང་སྭ་ལའི་རྒྱལ་པོ་བཞུགས། །འཁོར་ལ་མཆོད་རྟེན་རིན་ཆེན་རྒྱལ་མཚན་བཅུ། །བཞི་བཅུ་རྩ་གཉིས་ཕྱག་མཚན་བསྣམས་པ་ནི། །སངས་རྒྱས་བཞི་བཅུ་རྩ་གཉིས་བདུད་རྩི་མཆོད། །ཞབས་བརྒྱད་རྡོ་རྗེ་ཡུམ་གྱི་བྷ་གར་འཇིབ། །གནམ་ཞལ་བདུད་རྩི་འོ་མ་བཅུད་ཀྱིས་འབེབས། །དཀྱིལ་འཁོར་བར་ཁྱམས་དྲང་སྲོང་ཉི་ཤུ་གཅིག །སྒོ་བཞི་ལྷ་མོ་སྨན་གྱི་སྲུང་མ་བཞི། །ཀླུ་བདག་རྟ་མགྲིན་མེ་རླུད་ཐོད་པ་སྟེ། །མི་ཐུབ་རོ་ལངས་ཟ་བྱེད་རྒྱས་འདེབས་མ། །སྟེང་འོག་ཧཱུཾ༷་དང་སྟོབས་ཆེན་ཁྲོ་བོ་བསྲུངས། །བདུད་རྩི་སྨན་གྱི་ཕོ་བྲང་སྲུང་མར་བཞུགས། །ཡེ་ཤེས་དཀྱིལ་འཁོར་སྤྱན་དྲངས་བཞུགས་སུ་གསོལ། །ཕྱག་མཚན་བདུད་རྩི་རཀྟ་གཏོར་མ་འབུལ། །ཐུགས་དམ་བསྐུལ་བསྟོད་གསང་བའི་གླུ་དབྱངས་བླངས། །རོལ་མོའི་སྒྲ་དང་དྲི་སྟབས་གར་གྱིས་བརྗིད། །འོག་མིན་ཆོས་ཀྱི་དབྱིངས་ཀྱི་ཕོ་བྲང་ནས། །ཆོས་སྐུ་སྐྱེ་བ་མེད་པའི་དབྱིངས་ཉིད་ལས། །ལོངས་སྐུ་ཡེ་ཤེས་སྒྱུ་མའི་སྐུར་སྣང་བ། །བདུད་རྩི་ཡོན་ཏན་ལྷ་ཚོགས་སྤྱན་འདྲེན་པ། །དུས་གསུམ་སངས་རྒྱས་སྐུ་ཡི་རྒྱན་དུ་བཞུགས། །མ་མོ་མཁའ་འགྲོ་ཕྱག་མཚན་སྤྲུལ་པ་འགྱེད། །འབར་བའི་གར་དགུས་གདུལ་བྱ་སོ་སོར་འདུལ། །ཆེ་མཆོག་ཧེ་རུ་སྤྱནའདྲེནགཤེགསསུགསོལ། །སྤྱན་གྱི་ལྟ་སྟངས་མཁའ་འགྲོ་དབང་དུ་སྡུད། །གནས་ཡུལ་མ་མོ་ཕྱག་མཚན་ཕོ་ཉ་མཛད། །བྷ་ག་བདེ་སྟོང་ཀློང་ནས་ཁྲག་འཐུང་འཆང་། །ཁྲོ་མོ་དབྱིངས་ཕྱུག་སྤྱན་འདྲེན་གཤེགས་སུ་གསོལ། །སྐུ་ནི་ཀློང་དགུ་ཁྲག་འཐུང་འབར་བའི་སྐུ། །གསུང་གི་སྒྲ་དབྱངས་རྨད་བྱུང་གསང་སྔགས་འཆང་། །ཐུགས་ནི་ཡེ་ཤེས་ཆེན་པོ་གསལ་བའི་ངང་། །དགུ་ཀློང་ཧེ་རུ་ཀ་རྣམས་གཤེགས་སུ་གསོལ། །བདུད་རྩི་སྨན་གྱི་ཕོ་བྲང་རྟ་མགྲིན་སྐུ། །གསང་བའི་ཡུམ་བཞིའི་མཁའ་ལ་སྦྱོར་བ་མཛད། །ཧཱུཾ༷་མཛད་སྟོབས་ཆེན་མེ་རླུད་ལས་ཀྱིས་སྦྱོར། །རྟ་མགྲིན་དབང་གི་དཀྱིལ་འཁོར་གཤེགས་སུ་གསོལ། །མི་དགེ་བཅུ་སྨིན་ཕྱོགས་སྐྱོང་རྣམ་པར་འདུལ། །དགེ་བཅུ་མཐོ་རིས་ཐར་པའི་ལམ་ཡང་སྟོན། །རང་བྱུང་དཀྱིལ་འཁོར་མ་ལུས་སྲུང་མཛད་པའི། །མཐར་ཕྱིན་ཁྲོ་རྒྱལ་རྣམས་ཀྱང་གཤེགས་སུ་གསོལ། །ཨོ་ཨེ་གྱེ་ཧི་བྷ་ག་ལྷུན། མ་ཧྭ་ཀ་རུ་ཀ་ཁི་ཀྭ་ཛ༷༷ཧཱུཾ༷་བ༷་ཧོ༷༷། བྱོལ་སོང་གཙོ་བོ་བརྒྱད་ཀྱི་ཁྲི་སྟེང་དུ། །སྟོང་གསུམ་ཁྲོ་བོའི་དཀྱིལ་འཁོར་བཞུགས་སུ་གསོལ། །ཏ་ཀྲིཏ་ཁྲོ་བོ་བརྒྱད་ཀྱི་དབུ་སྟེང་དུ། །སྐུ་གདུང་འབར་བའི་དཀྱིལ་འཁོར་བཞུགས་སུ་གསོལ། །ཀློང་དགུ་ཧེ་རུ་ཀ་ཡི་དབུ་སྟེང་དུ། །མཁའ་མཉམ་ཀློང་གི་དཀྱིལ་འཁོར་བཞུགས་སུ་གསོལ། །ཁྲོ་མོ་དབྱིངས་ཕྱུག་མ་ཡི་དབུ་སྟེང་དུ། །འཆི་མེད་རྡོ་རྗེ་དཀྱིལ་འཁོར་བཞུགས་སུ་གསོལ། །ཨོ་མ་ཧྭ་མཎྜ་ལ་ཀྭ་ཡ་བཱ་ཀ་ཙིཏི་ཏིཁྱི་ལྷན། དུར་ཁྲོད་གསང་བ་མཆོག་གི་དཀྱིལ་འཁོར་དུ། །བདུད་རྩི་སྨན་གྱི་དཀྱིལ་འཁོར་འཁོར་ལོའི་ལྷ། །ཁྲོ་རྒྱལ་བགེགས་དཔུང་༄༅ འཇོམས་ལ་ཕྱག་འཚལ་ལོ། །ཁྲག་འཐུང་ཡེ་ཤེས་ཀློང་དགུ་ཕྱག་འཚལ་ལོ། །མཁའ་སྦྱོད་དབང་སྡུད་ཡུམ་ལ་ཕྱག་འཚལ་ལོ། །འཆི་མེད་རྡོ་རྗེའི་སྐུ་ལ་ཕྱག་འཚལ་ལོ། །ཨ་ཏིཔུ་ཧོ། །པྲ་ཏིསྣྲོ་ཧོ། །ཨ་ལ་ལ་ཧོ། ཁྲག་འཐུང་རྒྱལ་པོ་གར་ལ་དགྱེས། །གཡས་སུ་ཐབས་གསུམ་བསྐྱོད་བྱས་པས། །ཞེ་སྡང་རྩད་བཅད་ཐུགས་མཆོག་སྒྲོལ། །གཡོན་དུ་ཐབས་གསུམ་བསྐྱོད་བྱས་པས། །འདོད་ཆགས་རྩ་བཅད་གསུང་མཆོག་སྒྲོལ། །དབུས་སུ་ཐབས་གསུམ་བསྐྱོད་བྱས་པས། །གཏི་མུག་རྩད་བཅད་སྐུ་མཆོག་སྒྲོལ། །གཡས་གཡོན་ཐབས་དང་ཤེས་རབ་སྟེ། །སྦྱར་བས་ཕྱག་རྒྱ་འབྱུང་བའི་རྒྱུ། །ཁྲོ་བདག་ཆེན་པོའི་ཕྱག་རྒྱ་ནི། །སྨུག་ནག་ཅིར་ཡང་འགྱུར་བའི་སྐུ། །ཉི་ཤུ་རྩ་གཅིག་དབུ་དང་ལྡན། །བཞི་བཅུ་རྩ་གཉིས་ཕྱག་མཚན་ནི། །གཡས་གཡོན་དང་པོའི་ཕྱག་གཉིས་ནི། །ཀུན་བཟང་ཐབས་དང་ཤེས་རབ་བསྣམས། །དེ་འོག་གཡས་གཡོན་བཅུ་པོ་ནི། །རིགས་ལྔ་ཐབས་དང་ཤེས་རབ་བསྣམས། །དེ་འོག་གཡས་གཡོན་བཅུ་པོ་ནི། །ནང་གི་སེམས་དཔའ་ཡབ་ཡུམ་བསྣམས། །དེ་འོག་གཡས་གཡོན་བརྒྱད་པོ་ནི། །ནང་གི་སེམས་དཔའ་ཡབ་ཡུམ་བསྣམས། །དེ་འོག་གཡས་གཡོན་བརྒྱད་པོ་ནི། །ཕྱི་ཡི་སེམས་དཔའ་ཡབ་ཡུམ་བསྣམས། །དེ་འོག་གཡས་གཡོན་བརྒྱད་པོ་ན། །རྣམ་ཐར་སྒོ་བ་ཡབ་ཡུམ་བསྣམས། །དེ་འོག་གཡས་གཡོན་དྲུག་པོ་ན། །རིགས་དྲུག་འདུལ་བྱེད་ཐུབ་དྲུག་བསྣམས། །ཞབས་བརྒྱད་ཁྲོ་མོའི་དབུ་བརྒྱད་མནན། །གསང་ཡུམ་ཐབས་དང་ཤེས་རབ་སྦྱོར། །གནམ་ཞལ་ཁྲོ་མོའི་ཕྱག་རྒྱ་ནི། །སྐུ་མདོག་སྨུག་ནག་དབུ་དགུ་ལ། །བཅོ་བརྒྱད་ཕྱག་ནི་དང་པོ་ན། །རྡོ་རྗེ་དུང་དམར་དཀྲུག་ཅིང་གསོལ། །གཡས་བརྒྱད་ཀོ་རྡི་མ་བརྒྱད་བསྣམས། །གཡོན་བརྒྱད་ཕྲ་མེན་མ་བརྒྱད་བསྣམས། །ཞབས་བརྒྱད་ཁྲག་འཐུང་དཔུང་སྟེང་བརྫིས། །ཕྱག་རྒྱའི་མཆོད་པ་བཞེས་སུ་གསོལ། །བཛྲ་ཧེ་རུ་ཀ་ཡི་ཕྱག་རྒྱ་ནི། །གཡས་དཀར་གཡོན་དམར་དབུས་མཐིང་ཞལ། །རྡོ་རྗེ་ཞིང་དབྱུག་ཁ་ཊ༷་གཡས། །བྷརྙ་ཞིང་ཆེན་རྒྱུ་ཞགས་ཁྲ། །སྟུརྙ་ཧེ་རུ་ཀ་ཡི་ཕྱག་རྒྱ་ནི། །དཀར་སེར་དམར་སྔོ་དབུས་སྨུག་ཞལ། །འཁོར་ལོ་དགྲ་སྟ་ཞགས་པ་གཡས། །བྷརྙ་རྔེའུ་ཆུང་ཁ་ཊ༷་གཡོན། །རཏྣ་ཧེ་རུ་ཀ་ཡི་ཕྱག་རྒྱ་ནི། །གཡས་སེར་གཡོན་དམར་དབུས་མ་སེར་། །རིན་ཆེན་གཤོལ་དབྱུག་ག་་ཤིང་གཡས། །བྷརྙ་དགྲ་སྟུ་ག་་ཤིང་གཡོན། །པདྨ་ཧེ་རུའེ་ཕྱག་རྒྱ་ནི། །དཀར་སྔོ་སྔོ་ལྗང་དབུས་མ་དམར། །པདྨ་རྔེའུ་ཆུང་རལ་གྲི་གཡས། །བྷརྙ་ཁ་ཊ༷་གསེར་ཐོད་ཕྲེང་། །ཀརྨ་ཧེ་རུ་ཀ་ཡི་ཕྱག་རྒྱ་ནི། །དཀར་དམར་སེར་དཀར་ལྗང་ནག་དབུས། །རྒྱ་གྲམ་རལ་གྲི་ཞགས་པ་རྔ། །བྷརྙ་ཐོད་རྔ་ཁ་ཊ༷་དྲིལ། །བི་ཤྭ་ས་ནུ་ཧེ་རུ་ཀ །གཡས་མཐིང་དབུས་དཀར་གཡོན་པ་དམར། །གྲི་ཁུག་རྡོ་རྗེ་ཁ་ཊ༷་གཡས། །ཐོད་པ་དྲིལ་བུ་རྔེའུ་ཆུང་གཡོན། །དམཚིགབསྲུངབའིཧེ་རུ་ཀ །གཡས་དཀར་གཡོན་དམར་དབུས་མ་སེར། །གྲི་གུག་རིན་ཆེན་བེ་ཅོན་གཡས། །ཐོད་པ་དྲིལ་བུ་ཅང་ཏེའུ་གཡོན། །གནོད་སྦྱིན་ཁྲག་འཐུང་ཕྱག་རྒྱ་ནི། །གཡས་མཐིང་གཡོན་སྔོ་དབུས་མ་དམར། །གྲི་གུག་པདྨ་དགྲ་སྟུ་གཡས། །ཐོད་པ་འདྲིལ་བུ་ཌའ་མ་མྲ །སྲིན་པོ་ཁྲག་འཐུང་ཕྱག་རྒྱ་ནི། །གཡས་སེར་གཡོན་དམར་དབུས་མ་ལྗང་། །གྲི་གུག་རྒྱ་གྲམ་རལ་གྲི་གཡས། །ཐོད་པ་དྲིལ་བུ་རྔེའུ་ཆུང་གཡོན། །འབར་བའི་གདན་ལ་བཞེངས་ནས་ཀྱང་། །ཕྱག་རྒྱ་གར་གྱི་མཆོད་པ་བཞེས། །ཧཱུཾ༷་མཛད་སྔོ་སྐྱ་འབར་བ་ལ། །རྡོ་རྗེ་རྩེ་མོ་འཁོར་ལོའི་མཚོན། །གཡོན་པ་ཉི་ཟླའི་རྐང་པ་གཟུང་། །རྣམ་པར་རྒྱལ་བ་སྐུ་མདོག་དཀར། །རྡོ་རྗེ་གཡས་ལ་ཏི་ར་གཡོན། །དབྱུག་པ་སྔོན་པོ་ལྗང་སྔོན་སྐུ། །གཡས་ཀྱི་དབྱུག་ཏོ་མེ་དཔུང་འབར། །གཡོན་པ་མེ་ལྷའི་རྐང་པ་བཟུང་། །གཤིན་རྗེ་མཐིང་ནག་རིན་ཆེན་དབྱུག །གཡོན་པ་གྲུལ་བུམ་རྐང་པ་བཟུང་། །མི་གཡོ་སྨུག་ནག་རལ་གྲི་གཡས། །གཡོན་པ་སྲིན་པོ་དབྱུག་པ་འཆང་། །རྟ་མགྲིན་དམར་པོ་བྱི་རུའི་མདངས། །གཡས་པ་རི་རབ་ཏི་ར་སྦྲུལ་གྱིས་དཀྲིས། །གཡོན་པ་ཁྱུང་ཆེན་གཤོག་པ་རྡེབ། །གཞན་གྱིས་མི་ཐུབ་དམར་སྐྱའི་མདོག །གཡས་པ་རླུང་གཡབ་མི་མགོས་བརྒྱན། །གཡོན་པ་རླུང་ལྷའི་ཞབས་ནས་བཟུང་། །བདུད་རྩི་ལྗང་ནག་རྒྱ་གྲམ་གཡས། །གཡོན་པ་གནོད་སྤྱིན་དབྱུག་ཏོ་འཕྱར། །ཁམས་གསུམ་རྣམ་རྒྱལ་སེར་ལྗང་གུ། །ནེའུ་ལེ་གཡས་པ་བགེགས་ཆེན་གཡོན། །འབར་བའི་གདན་ལ་བཞེངས་ནས་ཀྱང་། །ཕྱག་རྒྱ་གར་གྱི་མཆོད་པ་བཞེས། །རང་བྱུང་གདོད་ནས་རྣམ་པར་དག །དམ་རྫས་བདུད་རྩི་ཆེན་པོ་ནི། །འཆི་མེད་དཀྱིལ་འབོར་ཆེ་མཆོག་དང་། །མཁའ་མཉམ་དཀྱིལ་འཁོར་གནམ་ཞལ་མ། །སྐུ་གདུང་དཀྱིལ་འཁོར་དགུ་ཀློང་ནས། །མཐར་བྱེད་དཀྱིལ་འཁོར་ཁྲོ་རྒྱལ་བཅུ། །བདུད་རྩིའི་དཀྱིལ་འཁོར་རྟ་མགྲིན་དབང་། །མཆོད་པར་འབུལ་ལོ་ཁ་ར༷་ཁུ་ཧི། དམ་རྫས་བདུད་རྩི་ལྔ་སྦྱར་བའི། །ཡིད་བཞིན་རིན་ཆེན་ཀ་བཱ་ལ། །འབྲུ་གསུམ་འཐུང་བས་སྐུ་གསུང་ཐུགས། །མི་ཟད་རྒྱན་གྱི་དངོས་གྲུབ་ཐོབ། །ཨོ་ཨུ༷༷ཧཱུཾ༷་ཀྭ་ཡ་བཱ་ཀ་ཙིསྟ་སིདྷི་ཧཱུཾ༷། ཨ་ཧོ་སུ་ཁ་དྷརྨ་ཀྭ་ཡ་སིརྙི་ཧཱུཾ༷། དེ་ནས་བཅོམ་ལྡན་ཆེ་མཆོག་ཧེ་རུ་ཀ་ལ། རིགས་འཛིན་རྣམས་ཀྱིས་བསྟོད་པ། དུར་ཁྲོད་འབར་བ་ཀློང་གི་དཀྱིལ་འཁོར་ནས། ཁེན་ཏུ་མི་བཟད་འབར་བའི་སྐུར་སྟོན་ཅིང་། །ཡང་སངས་རྒྱས་པའི་ཆེ་མཆོག་ཧེ་རུ་ཀ །སྐུ་མདོག་མཐིང་ནག་ཆོས་ཉིད་མི་འགྱུར་རྟགས། །ཉི་ཤུ་རྩ་གཅིག་ས་རྣམས་ལྷུན་གྱིས་གྲུབ། །ཁྲོ་རྒྱལ་ཡེ་ཤེས་དབུ་ནི་སྟོབས་པོ་ཆེ། །དང་པོ་རབ་ཏུ་དགའ་བའི་ས་དང་སྦྱོར། །བདུད་འདུལ་ཡེ་ཤེས་དབུ་ནི་ཁམས་གསུམ་རྒྱལ། །གཉིས་པ་དྲི་མ་མེད་པའི་ས་དང་སྦྱོར། །རྟོག་འཇོམས་ཡེ་ཤེས་དབུ་ནི་བདུད་རྩི་འཁྱིལ། །གསུམ་པ་འོད་དུ་འཕྲོ་བའི་ས་དང་སྦྱོར། །སྤྲུལ་སྐུ་ཡེ་ཤེས་དབུ་ནི་གཞན་མི་ཐུབ། །བཞི་པ་འོད་བྱེད་པ་ཡི་ས་དང་སྦྱོར། །ཟིལ་གནོན་ཡེ་ཤེས་དབུ་ནི་རྟ་མགྲིན་དཔལ། །ལྔ་པ་སྦྱང་བར་དཀའ་བའི་ས་དང་སྦྱོར། །རྣམ་དག་ཡེ་ཤེས་དབུ་ནི་མི་གཡོ་མགོན། །དྲུག་པ་ཀློང་དུ་གྱུར་པའི་ས་དང་སྦྱོར། །ཐབས་མཁས་ཐུགས་རྗེའི་དབུ་ནི་གཤིན་རྗེའི་གཤེད། །བདུན་པ་རིང་དུ་སོང་བའི་ས་དང་སྦྱོར། །རྟོགས་ལྡན་ཡེ་ཤེས་དབུ་ནི་དབྱུག་སྔོན་ཅན། །བརྒྱད་པ་མི་གཡོ་བ་ཡི་ས་དང་སྦྱོར། །མཁྱེན་གསལ་ཡེ་ཤེསདབུ་ནི་རྣམ་པར་རྒྱལ། །དགུ་པ་ལེགས་པའི་བློ་གྲོས་ས་དང་སྦྱོར། །བརྗིད་གནོན་ཡེ་ཤེས་དབུ་ནི་ཧཱུཾ་ཀ་ར། །བཅུ་པ་ཆོས་ཀྱི་སྤྲིན་གྱི་ས་དང་སྦྱོར། །མངོན་སངས་ཡེ་ཤེས་ཡསྒ་ཧེ་རུ་ཀ །བཅུ་གཅིག་ཀུན་ཏུ་འོད་ཀྱི་ས་དང་སྦྱོར། །ཀུན་མཁྱེན་ཡེ་ཤེས་བི་ཤྭ་ཧེ་རུ་ཀ །མ་ཆགས་པདྨ་ཅན་གྱི་ས་དང་སྦྱོར། །བྱམས་མགོན་ཡེ་ཤེས་ས་ནུ་ཧེ་རུ་ཀ །ཡི་གེ་འཁོར་ལོ་ཚོགས་ཆེན་ས་དང་སྦྱོར། །རྔམ་བརྗིད་ཡེ་ཤེས་རསྒ་ཧེ་རུ་ཀ །སྐྱེ་མེད་རྡོ་རྗེ་འཛིན་གྱི་ས་དང་སྦྱོར། །དཔའ་བརྗིད་ཡེ་ཤེས་ཀརྨ་ཧེ་རུ་ཀ །རྣམ་དག་སྟུག་པོ་བཀོད་པའི་ས་དང་སྦྱོར། །སྐྱོན་སེལ་ཡེ་ཤེས་པདྨ་ཧེ་རུ་ཀ །ཆགས་མེད་འཐུག་པོ་བཀོད་པའི་ས་དང་སྦྱོང་། །སྒྲིབ་སེལ་ཡེ་ཤེས་རཏྣ་ཧེ་རུ་ཀ །མཚན་རྫོགས་རྡོ་རྗེ་འཆང་གི་ས་དང་སྦྱོར། །འབར་འཕྲོ་ཡེ་ཤེས་སྟུདྷ་ཧེ་རུ་ཀ །ཆོས་ཉིད་བདེ་བ་ཆེན་པོའི་ས་དང་སྦྱོར། །རྟོགས་ལྡན་ཡེ་ཤེས་བཛྲ་ཧེ་རུ་ཀ །མ་སྤངས་ཡེ་ཤེས་བླ་མའི་ས་དང་སྦྱོར། །ལྷུན་རྫོགས་ཡེ་ཤེས་དཔལ་ཆེན་ཧེ་རུ་ཀ །ཀུན་བཟང་དབྱེ་བ་མེད་པའི་ས་དང་སྦྱོར། །ཟ་བྱེད་ཆོས་ནི་ཆོས་མཆོག་ཧེ་རུ་ཀ །ལྷུན་གྲུབ་ཡོངས་སུ་རྫོགས་པའི་ས་དང་སྦྱོར། །ཡེ་ཤེས་ཚོགས་ཆེན་རྫོགས་ལ་ཕྱག་འཚལ་བསྟོད། །ཡང་གསང་རྒྱས་པའི་ཆེ་མཆོག་ཧེ་རུ་ཀ །བཞི་བཅུ་རྩ་གཉིས་ཕྱག་མཚན་མངོན་སངས་རྒྱས། །བཞི་བཅུ་རྩ་གཉིས་གཡས་ཀྱི་དང་པོ་ན། །བྱེད་པ་ཡིད་བཞིན་ཀུན་བཟང་རྡོ་རྗེ་བསྣམས། །བཞི་བཅུ་རྩ་གཉིས་གཡོན་གྱི་དང་པོ་ནི། །ཀུན་བཟང་བྱ་བ་མཉམ་གཞག་པདྨ་འཕྲོ། །བཞི་བཅུ་རྩ་གཉིས་གཡས་ཀྱི་དང་འོག་ན། །རྣམ་པར་སྣང་མཛད་ཆོས་ཀྱི་འཁོར་ལོ་བསྣམས། །བཞི་བཅུ་རྩ་གཉིས་གཡོན་གྱི་འོག་མ་ན། །སྐྱེད་མཛད་སངས་རྒྱས་སྤྱན་ནི་ཐོར་ཚུགས་བསྣམས། །བཞི་བཅུ་རྩ་གཉིས་གཡས་ཀྱི་གསུམ་པ་ན། །རྡོ་རྗེ་སེམས་དཔའ་མི་བསྐྱོད་རྡོ་རྗེ་བསྣམས། །བཞི་བཅུ་རྩ་གཉིས་གཡོན་གྱི་གསུམ་པ་ན། །ཀུན་ཏུ་བཟང་པོ་མཐར་སྟོང་དྲིལ་བུ་བསྣམས། །བཞི་བཅུ་རྩ་གཉིས་གཡས་ཀྱི་བཞི་པ་ན། །རིན་ཆེན་འབྱུང་ལྡན་མཆོད་སྤྱིན་རེ་སྐོང་བསྣམས། །བཞི་བཅུ་རྩ་གཉིས་གཡོན་གྱི་བཞི་པ་ན། །ནཱ་མ་ཀི་ནི་སྡུད་བྱེད་རྡོ་རྗེ་བསྣམས། །བཞི་བཅུ་རྩ་གཉིས་གཡས་ཀྱི་ལྔ་པ་ན། །སྣང་བ་མཐའ་ཡས་དབང་སྡུས་པདྨ་བསྣམས། །བཞི་བཅུ་རྩ་གཉིས་གཡོན་གྱི་ལྔ་པ་ན། །གོས་དཀར་མོ་ནི་སྲེག་བྱེད་ཞུན་མར་བསྣམས། །བཞི་བཅུ་རྩ་གཉིས་གཡས་ཀྱི་དྲུག་པ་ན། །དོན་ཡོད་གྲུབ་པ་རྡོ་རྗེ་རྒྱ་གྲམ་བསྣམས། །བཞི་བཅུ་རྩ་གཉིས་གཡོན་གྱི་དྲུག་པ་ན། །དམ་ཚིག་སྒྲོལ་མ་སྐྱོང་མཛད་ཨུཏུལ་བསྣམས། །བཞི་བཅུ་རྩ་གཉིས་གཡས་ཀྱི་བདུན་པ་ན། །ས་ཡི་སྙིང་པོ་རིན་ཆེན་མྱུ་གུ་བསྣམས། །བཞི་བཅུ་རྩ་གཉིས་གཡོན་གྱི་བདུན་པ་ན། །ལྭ་པྱ་དཀར་མོ་མེ་ལོང་རྒྱ་གྲམ་བསྣམས། །བཞི་བཅུ་རྩ་གཉིས་གཡས་ཀྱི་བརྒྱད་པ་ན། །ནམ་མཁའི་སྙིང་པོ་གཅོད་བྱེད་རལ་གྲི་བསྣམས། །བཞི་བཅུ་རྩ་གཉིས་གཡོན་གྱི་བརྒྱད་པ་ན། །མྱ་ལེ་སྔོན་མོ་རིན་ཆེན་ཕྲེང་བ་བསྣམས། །བཞི་བཅུ་རྩ་གཉིས་གཡས་ཀྱི་དགུ་པ་ན། །སྤྱན་རས་གཟིགས་དབང་མ་ཆགས་པདྨ་བསྣམས། །བཞི་བཅུ་རྩ་གཉིས་གཡོན་གྱི་དགུ་པ་ན། །གིརྟི་དམར་པོ་པི་ཝང་རྒྱུད་མངས་བསྣམས། །བཞི་བཅུ་རྩ་གཉིས་གཡས་ཀྱི་བཅུ་པ་ན། །ཕྱག་ན་རྡོ་རྗེ་འཇོམས་བྱེད་རྡོ་རྗེ་བསྣམས། །བཞི་བཅུ་རྩ་གཉིས་གཡོན་གྱི་བཅུ་པ་ན། །ནིརྟི་ལྗང་གུ་གར་གྱི་ཅོད་པན་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གཅིག་ན། །བྱམས་པ་ཆེན་པོ་བདུད་རྩི་གུསྟེ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གཅིག་ན། །བདུག་པའི་སྤྲིན་འཕྲོ་མས་ནི་སྤོས་མེ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གཉིས་ན། །སྒྲིབ་པ་རྣམ་སེལ་ཀླུ་ཤིང་ལོ་མ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གཉིས་ན། །དགའ་བའི་མདངས་ལྡན་མས་ནི་མེ་ཏོག་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གསུམ་ན། །ཀུན་ཏུ་བཟང་པོ་རིན་ཆེན་སྙེ་མ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གསུམ་ན། །གསལ་བའི་འོད་ལྡན་མས་ནི་ཞུ་མར་བསྣམས། །བཞི་བཅུ་རྩ་གཉིས་གཡས་ཀྱི་བཅུ་བཞི་ན། །འཇམ་དཔལ་གཞོན་ནུ་ཨུཏུལ་མཐིང་ག་བསྣམས། །བཞི་བཅུ་རྩ་གཉིས་གཡོན་གྱི་བཅུ་བཞི་ན། །རྟོག་བྲལ་དགྱེས་མཛད་མས་ནི་དྲི་ཆབ་བསྣམས། །བཞི་བཅུ་རྩ་གཉིས་གཡས་ཀྱི་བཅོ་ལྔ་ན། །བགེགས་ཆེན་མཐར་བྱེད་རྡུང་བྱེད་ཐོ་བ་བསྣམས། །བཞི་བཅུ་རྩ་གཉིས་གཡོན་གྱི་བཅོ་ལྔ་ན། །ཐུགས་དམ་སྐུལ་བྱེད་མ་ནི་ལྕགས་ཀྱུ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་དྲུག་ན། །གཤིན་རྗེ་མཐར་བྱེད་ཚོགས་ཀྱི་དབྱུག་ཏོ་བསྣམས། །བཞི་བཅུ་རྩ་གཉིས་གཡོན་ཀྱི་བཅུ་དྲུག་ན། །གནས་ནས་སྐྱོད་མཛད་མ་ནི་ཞགས་པ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་བདུན་ན། །པདྨ་མཐར་བྱེད་དགུག་པའི་སྦྲུལ་ཞགས་བསྣམས། །བཞི་བཅུ་རྩ་གཉིས་གཡོན་གྱི་བཅུ་བདུན་ན། །རྟོག་བྲལ་ཞུགས་མཛད་མ་ནི་ལྕགས་སྒྲོག་བསྣམས། །བཞི་བཅུ་རྩ་གཉིས་གཡས་ཀྱི་བཅོ་བརྒྱད་ན། ཁྲེས་རབ་མཐར་བྱེད་གཅོད་མཛད་རལ་གྲི་བསྣམས། །བཞི་བཅུ་རྩ་གཉིས་གཡོན་གྱི་བཅོ་བརྒྱད་ན། །ཚངས་པའི་གསུང་སྒྲོག་མ་ནི་དྲིལ་བུ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་དགུ་ན། །ལྷ་ཡི་ཐུབ་པ་པི་ཝང་རྒྱུད་འདྲེན་བསྣམས། །བཞི་བཅུ་རྩ་གཉིས་གཡོན་གྱི་བཅུ་དགུ་ན། །བྱོལ་སོང་ཐུབ་པ་འཆད་པའི་པོ་ཏི་བསྣམས། །བཞི་བཅུ་རྩ་གཉིས་གཡས་ཀྱི་ཉི་ཤུ་ན། །ལྷ་མིན་ཐུབ་པ་ཐགས་བཟང་གོ་ཆ་བསྣམས། །བཞི་བཅུ་རྩ་གཉིས་གཡོན་གྱི་ཉི་ཤུ་ན། །ཡི་དྭགས་ཐུབ་པ་རིན་ཆེན་སྒྲོམ་བུ་བསྣམས། །བཞི་བཅུ་རྩ་གཉིས་གཡས་ཀྱི་ཐ་མ་ན། །མི་ཡི་ཐུབ་པ་གསེལ་བྱེད་པར་བུ་བསྣམས། །བཞི་བཅུ་རྩ་གཉིས་གཡོན་གྱི་ཐ་མ་ན། །དམྱལ་བའི་ཐུབ་པ་མེ་ཆུ་བསིལ་དྲོད་བསྣམས། །ཐབས་དང་ཤེས་རབ་གཉིས་སུ་མེད་པ་ལས། །དབྱིངས་ལ་ཡེ་ཤེས་ཚེ་ལ་མངའ་བརྙེས་པའི། །བདུད་རྩི་འཁྱིལ་བའི་སྐུ་ལ་ཕྱག་འཚལ་སྟོད། །ཧཱུཾ༷། ཡང་སངས་རྒྱས་པའི་ཆེ་མཆོག་ཧེ་རུ་ཀ །ཏིང་འཛིན་ཞབས་བརྒྱད་ཁྲོ་མོའི་དབུ་བརྒྱད་མནན། །རིག་པ་ཡུམ་ལ་སྦྱར་བའི་དབྱིངས་ལ་སྦྱོར། །ཞབས་བརྒྱད་གཡས་ཀྱི་དང་པོ་བགྲད་པ་ནི། །ཐིག་ལེ་ཆེན་པོའི་ཏིང་འཛིན་ཆེན་པོ་དང་། །ཆགས་པ་མེད་པས་མཆོག་གི་དབྱིངས་དང་སྦྱོར། །ཞབས་བརྒྱད་གཡས་ཀྱི་གཉིས་པ་བགྲད་པས་ནི། །བདེ་བ་ཆེན་པོའི་ཏིང་འཛིན་ཆེན་པོ་དང་། །ཀློང་དུ་གྱུར་པ་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡས་ཀྱི་གསུམ་པ་བགྲད་པས་ནི། །རྡོ་རྗེ་ལྟ་བའི་ཏིང་འཛིན་ཆེན་པོ་དང་། །འགྱུར་བ་མེད་པ་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡས་ཀྱི་ཐ་མ་བགྲད་པས་ནི། །ཐམས་ཅད་འབྱུང་བའི་ཏིང་འཛིན་ཆེན་པོ་དང་། །ཟག་པ་མེད་པའི་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡོན་གྱི་དང་པོ་བགྲད་པས་ནི། །ཆགས་པ་མེད་པའི་ཏིང་འཛིན་ཆེན་པོ་དང་། །ཡེ་ནས་དག་པའི་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡོན་གྱི་གཉིས་པ་བགྲད་པས་ནི། །འདའ་བར་དཀའ་བའི་ཏིང་འཛིན་ཆེན་པོ་ནི། །གཏོང་བ་མེད་པའི་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡོན་གྱི་གསུམ་པ་བགྲད་པས་ནི། །དམིགས་པ་མེད་པའི་ཏིང་འཛིན་ཆེན་པོ་ནི། །རང་བཞིན་མེད་པའི་ཆོས་ཀྱི་དབྱིངས་དང་སྦྱོར། །ཞབས་བརྒྱད་གཡོན་གྱི་ཐ་མས་བགྲད་པས་ནི། །སྐྱེ་ཤི་མེད་པའི་ཏིང་འཛིན་ཆེན་པོ་དང་། །འདུ་འབྲལ་མེད་པའི་ཆོས་ཀྱི་དབྱིངས་དང་སྦྱོར། །གསང་བའི་ཞལ་དུ་རྡོ་རྗེ་ཕྱེད་ནུབ་པས། །ཀུན་ཏུ་བཟང་མོའི་ཏིང་འཛིན་ཆེན་པོ་དང་། །ཁྱབ་གདལ་ཆེན་པོའི་ཆོས་ཀྱི་དབྱིངས་དང་སྦྱོར། །ཀུན་ཏུ་བཟང་མོའི་བྱང་སེམས་ཐིག་ལེར་ཞུ། །འཆི་མེད་རྡོ་རྗེའི་དཀྱིལ་འཁོར་དེ་མིན་ནམ། །ཆེ་མཆོག་ཧེ་རུ་ཀ་ལ་ཕྱག་འཚལ་སྟོད། །འཇིགས་བྱེད་ཆེན་པོ་འི་འབར་བའི་ཞབས་འོག་ནས། ཁེན་ཏུ་རྔམ་པའི་ཁྲོ་མོ་གནམ་ཞལ་མ། །སྐུ་མདོག་དུད་ཁ་སྣ་ཚོགས་ཅིར་ཡང་བསྟོན། །དབུ་དགུ་ཆོས་དབྱིངས་ཡེ་ཤེས་དགུ་དང་སྦྱོར། །སྟོང་པ་བཅོ་བརྒྱད་ཕྱག་ནི་རྟག་ཆད་སྒྲོལ། །ཀློང་དགུའི་ཞབས་ནི་ཁྲག་འཐུང་དགུ་དང་རོལ། །ཞབས་བརྒྱད་གཡས་ཀྱི་དང་པོ་གདེངས་པ་ནི། །སྤང་བ་མེད་པའི་བྷ་ག་ཆེན་པོ་དང་། །ཐིག་ལེ་ཆེན་པོ་བྱང་ཆུབ་སེམས་དང་སྦྱོར། །ཞབས་བརྒྱད་གཡས་ཀྱི་གཉིས་པ་གདེངས་པ་ནི། །ཀློང་ཆེན་དགུ་པའི་གསང་བའི་བྷ་ག་དང་། །བདེ་བ་ཆེན་པོ་བྱང་ཆུབ་སེམས་དང་སྦྱོར། །ཞབས་བརྒྱད་གཡས་ཀྱི་གསུམ་པ་གདེངས་པ་ནི། །འགྱུར་བ་མེད་པའི་གསང་བའི་བྷ་ག་དང་། །རྡོ་རྗེ་ལྟ་བུའི་བྱང་ཆུབ་སེམས་དང་སྦྱོར། །ཞབས་བརྒྱད་གཡས་ཀྱི་ཐ་མ་གདེངས་པ་ནི། །ཟད་པ་མེད་པའི་གསང་བའི་བྷ་ག་དང་། །ཐམས་ཅད་འབྱུང་བའི་བྱང་ཆུབ་སེམས་དང་སྦྱོར། །ཞབས་བརྒྱད་གཡོན་གྱི་དང་པོ་གདེངས་པ་ནི། །གདོད་ནས་དག་པའི་གསང་བའི་བྷ་ག་ལ། །ཆགས་པ་མེད་པའི་བྱང་ཆུབ་སེམས་དང་སྦྱོར། །ཞབས་བརྒྱད་གཡོན་གྱི་གཉིས་པ་གདེངས་པ་ནི། །སྟོང་པ་ཆེན་པོ་གསང་བའི་བྷ་ག་དང་། །འདའ་བར་དཀའ་བའི་བྱང་ཆུབ་སེམས་དང་སྦྱོར། །ཞབས་བརྒྱད་གཡོན་གྱི་གསུམ་པ་གདེངས་པ་ནི། །རང་བཞིན་མེད་པའི་གསང་བའི་བྷ་ག་དང་། །དམིགས་པ་མེད་པའི་བྱང་ཆུབ་སེམས་དང་སྦྱོར། །ཞབས་བརྒྱད་གཡོན་གྱི་ཐ་མ་གདེངས་པ་ནི། །འདུ་འབྲལ་མེད་པ་གསང་བའི་བྷ་ག་དང་། །སྐྱེ་ཤི་མེད་པའི་བྱང་ཆུབ་སེམས་དང་སྦྱོར། །གསང་བ་བྷ་ག་པདྨའི་ཀློང་དཀྱིལ་ན། །གསང་བའི་རྡོ་རྗེ་གསང་བའི་དབྱིངས་སུ་ནུབ། །བརྡལ་ཁྱབ་ཆེན་པོ་གསང་བའི་ཡུམ། ལྷུན་གྱིས་གྲུབ་པའི་བྱང་ཆུབ་སེམས་དང་སྦྱོར། །བདེ་བ་བྱང་ཆུབ་སེམས་ནི་ཐིག་ལེར་ཞུ། །མཁའ་མཉམ་ཀློང་གི་དཀྱིལ་འཁོར་དེ་མིན་ནམ། །ས་ནུ་ཀྲོ་ཏི་རྒྱལ་ལ་ཕྱག་འཚལ་བསྟོད། ཁེན་ཏུ་འབར་བའི་ཁྲོ་མོའི་ཞབས་འོག་ནས། །ཁྲག་འཐུང་ཆེན་པོ་ཀློང་དགུ་ཧེ་རུ་ཀ །དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་མནན། །འཇིག་རྟེན་དྲེགས་པའི་ཁྱོ་ཤུག་དབང་ཕྱུག་དང་། །མྱ་ངན་འདས་པའི་ཁྲོ་བཅུ་ཞབས་ཀྱིས་གནོན། །ཐུགས་ཀྱི་གདུང་འཚོབ་བཛྲ་ཧེ་རུ་ཀ །རྡོ་རྗེ་དབྱིང་ཕྱུག་མཁའ་ཀློང་དག་པ་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །བྱང་ཆུབ་སེམས་ནི་དངུལ་ཞུན་རིན་པོ་ཆེ། །མེ་ལོང་ལྟ་བུའི་ཡེ་ཤེས་དེ་མིན་ནམ། །རྡོ་རྗེ་ལྟ་བུའི་སྐུ་ལ་ཕྱག་འཚལ་བསྟོད། །སྐུ་ཡི་གདུང་འཚོབ་བྲརྙ་ཧེ་རུ་ཀ །མཁའ་ལ་དབྱིངས་ཕྱུག་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །བྱང་ཆུབ་སེམས་ནི་གསེར་མདོག་རིན་པོ་ཆེ། །ཆོས་ཀྱི་དབྱིངས་ཀྱི་ཡེ་ཤེས་དེ་མིན་ནམ། །འབྱུང་གནས་ཆེན་པོའི་སྐུ་ལ་ཕྱག་འཚལ་བསྟོད། །ཡོན་ཏན་གདུང་འཚོབ་རཏྣ་ཧེ་རུ་ཀ །རིན་ཆེན་དབྱིངས་ཕྱུག་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །བྱང་ཆུབ་སེམས་ནི་བི་ཌརླ་ཡི་མདོག །མཉམ་པ་ཉིད་ཀྱི་ཡེ་ཤེས་དེ་མིན་ནམ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་བསྟོད། །གསུང་གི་གདུང་འཚོབ་པདྨ་ཧེ་རུ་ཀ །པདྨ་དབྱིངས་ཕྱུག་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱི་མེད། །བྱང་ཆུབ་སེམས་ནི་པདྨ་རྭ་གའི་མདོག །སོ་སོར་རྟོག་པའི་ཡེ་ཤེས་དེ་མིན་ནམ། །མངོན་པར་བྱང་ཆུབ་སྐུ་ལ་ཕྱག་འཚལ་བསྟོད། །ཕྲིན་ལས་གདུང་འཚོབ་ཀརྨ་ཧེ་རུ་ཀ །ལས་ཀྱི་དབྱིངས་ཕྱུག་མཁའ་ཀློང་དག་པས་ན། །ཐབས་དང་ཤེས་རབ་འདུལ་འབྲལ་ཡོངས་ཀྱིས་མེད། །བྱང་ཆུབ་སེམས་ནི་ཨིནྟྲ་ནི་ལའི་མདོག །བྱ་བ་ནན་ཏན་ཡེ་ཤེས་དེ་མིན་ནམ། །སྤྲུལ་པ་མཐར་ཕྱིན་སྐུ་ལ་ཕྱག་འཚལ་བསྟོད། །རྣམ་ཤེས་མཐར་ཕྱིན་བི་ཤྭ་ཧེ་རུ་ཀ །བདེ་བ་ཟག་བྱེད་མཁའ་ཀློང་དག་པ་ས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །འདའ་དཀའ་ཐུགས་ཀྱི་ཡེ་ཤེས་དེ་མིན་ནམ། །དམིགས་མེད་ཆོས་ཀྱི་སྐུ་ལ་ཕྱག་འཚལ་བསྟོད། །གནོད་སེལ་མཐར་ཕྱིན་དམ་ཚིག་ཧེ་རུ་ཀ །བདེ་བ་ཚེ་འཕེལ་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །དབྱིངས་སུ་འགྲོ་བའི་ཡེ་ཤེས་དེ་མིན་ནམ། །ངོ་བོ་ཉིད་ཀྱི་སྐུ་ལ་ཕྱག་འཚལ་བསྟོད། །སྦྱོར་བ་མཐར་ཕྱིན་ཡསྒ་ཧེ་རུ་ཀ །བདེ་བ་རྒྱས་འདེབས་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །ཀློང་དུ་གྱུར་པའི་ཡེ་ཤེས་དེ་མིན་ནམ། །བདེ་བ་ཆེན་པོའི་སྐུ་ལ་ཕྱག་འཚལ་བསྟོད། སྒྲོལ་བ་མཐར་ཕྱིན་རསྒ་ཧེ་རུ་ཀ །བདེ་བ་རྨོངས་བྱེད་མཁའ་ཀློང་དག་པས་ན། །ཐབས་དང་ཤེས་རབ་འདུ་འབྲལ་ཡོངས་ཀྱིས་མེད། །སྟོང་པ་ཉིད་ཀྱི་ཡེ་ཤེས་དེ་མིན་ནམ། །ལྷུན་གྱིས་གྲུབ་པའི་སྐུ་ལ་ཕྱག་འཚལ་བསྟོད། །སྐུ་གདུང་འབར་བའི་དཀྱིལ་འཁོར་དེ་མིན་ནམ། །ཀློང་དགུ་ཧེ་རུ་ཀ་ལ་ཕྱག་འཚལ་བསྟོད། །སྐུ་གདུང་འབར་བའི་ཁྲོ་བོའི་ཞབས་འོག་ནས། །ཧཱུཾ༷་མཛད་འདོད་ཆགས་རྒྱལ་པོ་ཉི་ཟླ་འདུལ། །རྣམ་རྒྱལ་མ་བྱིན་ལེན་པའི་དྲི་ཟ་འདུལ། །དབྱུག་སྔོན་མེ་ལྷ་ལོག་པར་ལྟ་བ་འདུལ། །གཤིན་རྗེ་སྲོག་གཅོད་གྲུལ་བུམ་འཆི་བདག་འདུལ། །མི་གཡོ་ངག་འཆལ་སྨྲ་བའི་སྲིན་པོ་འདུལ། །རྟ་མགྲིན་ཕྲ་མ་སྐྱེལ་བའི་ཀླུ་རྣམས་འདུལ། །མི་ཐུབ་རྫུན་དུ་སྨྲ་བའི་རླུད་ལྷ་འདུལ། །བདུད་རྩི་ཚིག་རྩུབ་སྨྲ་བའི་གནོད་སྤྱིན་འདུལ། །ཁམས་གསུམ་གནོད་སེམས་ཅན་གྱི་བགེགས་རྣམས་འདུལ། །སྟོབས་ཆེན་བརྣབ་སེམས་ཅན་གྱི་ས་བདག་འདུལ། །མཐར་བྱེད་ཁྲོ་རྒྱལ་བཅུ་པོ་དེ་མིན་ནམ། །སྟོང་གསུམ་ཁྲོ་བོའི་སྐུ་ལ་ཕྱག་འཚལ་བསྟོད། །ཡང་སངས་རྒྱས་པའི་ཆེ་མཆོག་ཧེ་རུ་ཀ །མི་གནས་མྱ་ངན་འདས་པའི་ཀློང་ན་བཞུགས། །འཇིགས་བྱེད་ཆེན་པོ་འབར་བའི་ཆ་ལུགས་ནི། །དབུ་སྐྲ་ཁམ་ནག་གྱེན་དུ་འཁྱིལ་པ་ནི། །སྲིད་པ་གསུམ་ལས་རྣམ་པར་རྒྱལ་བས་ན། །འབྲས་བུ་སྐུ་གསུང་ཐུགས་ནི་ལྷུན་གྱིས་གྲུབ། །སྨིན་མཚམས་ཁྲོ་གཉེར་གློག་སྟོང་འགྱུ་བ་ནི། །མ་རིག་རྨོངས་པའི་འཁོར་བའི་མུན་ཁུང་དུ། །ཐུགས་རྗེ་ཆེན་པོ་ཡེ་ཤེས་གློག་འགྱུ་བའོ། །འབར་བའི་སྤྱན་བགྲད་བྱམས་མགོན་ཡེ་རེ་གཟིགས། །གཡས་ཀྱི་རྩ་གཅིག་སྡང་མིག་ཞེ་ལ་གནན། །འཁོར་བའི་སྡུག་བསྔལ་ཞེ་ལ་མནན་ཏེ་གཟིགས། །གཡོན་གྱི་རྩ་གཅིག་ཟུང་མིག་བཟློག་སྟེ་གཟིགས། །ངན་སོང་གསུམ་གྱི་སྡུག་བསྔལ་ཕྱགས་མས་འདེབས། །དབུས་ཀྱི་རྩ་གཅིག་དབུས་སུ་ཡེ་རེ་གཟིགས། །འགྱུར་མེད་ཆོས་ཀྱི་དབྱིངས་ལས་མ་གཡོས་པའོ། ཁྲངས་ནས་བསྐལ་པའི་རླུད་དམར་ལྡང་བས་ནི། །འཁོར་བའི་གཡུལ་ལས་རྒྱལ་ཏེ་མྱ་ངན་འདས། །གསལ་ལ་མ་ཆགས་ཡེ་ཤེས་ཉི་ཟླའི་སྙན། །ཉོན་མོངས་ཚ་བས་གདུང་བའི་སྡུག་བསྔལ་བསལ། །སྒྲ་ཉིད་རང་བཞིན་མེད་དེ་སྒྲ་མཐར་སྟོང་། །རྔམ་པའི་ཞལ་གདངས་དབྱིངས་ཀྱི་ཞལ་ཧོམ་དུ། །ཁམས་གསུམ་འཁོར་བའི་སྡུག་བསྔལ་རིལ་མིད་མཛད། །ཏིང་འཛིན་རྣོ་དབལ་མཆེ་བ་ཟང་ཡག་གཙིགས། །སྐྱེ་ཤི་རྩད་གཅོད་མྱ་ངན་འདས་པར་སྦྱོར། །ལེ་བརྒན་ལྗགས་ཀྱིས་ཐོག་དག་བུ་ཡུག་འབེབས། ཁུ་དྲུག་འཁོར་བའི་སྐམ་གློག་ཐུགས་རྗེའི་སྦུབས། །བ་སྤུ་ཐུ་ལུམ་རྩེ་ལ་མེ་འབར་ཏེ། །རྩ་ནས་ཁྲག་འབབ་ཁོལ་མར་འཁྲུགས་པ་ལ། །མ་ཚོགས་འབུམ་གྱི་རྒྱལ་མོ་གནས་པའོ། །རྡོ་རྗེ་སྡེར་མོ་ལྕགས་ཀྱུ་འཛིངས་པ་ཡིས། །སྐྱེ་དགུ་རྩད་གཅོད་ཐེག་དགུའི་ས་ལ་བཀོད། །རིན་ཆེན་གཤོག་པ་འཇིག་རྟེན་ཡོགས་པར་བཀབ། །རིགས་འཛིན་མང་པོ་སྐུ་ཡི་དཔུང་གཉེན་མཛད། ཧཱུཾ༷ །ཡང་སངས་རྒྱས་པའི་ཆེ་མཆོག་ཧེ་རུ་ཀ །དུར་ཁྲོད་ཆེན་པོ་འབར་བའི་ཀློང་ན་བཞུགས། །སྐུ་སྟོད་ཚངས་པའི་གཡང་གཞི་གསོལ་བ་ནི། །འཁོར་བ་ཞིང་གི་ལོག་རྟོག་ཚར་བཅད་ནས། །འབྲས་བུ་ལོངས་སྤྱོད་རྫོགས་པའི་སྐུ་ནི་བརྙེས་པའོ། །སྐུ་སྨད་སྟག་གི་ཤམ་ཐབས་གསོལ་བ་ནི། །དཔའ་བོ་ཆེན་པོ་ཆས་སུ་ཞུགས་པའི་རྟགས། །ཕྲིན་ལས་རྣམ་བཞིས་འགྲོ་དོན་མཐར་ཕྱིན་པའི། །འབྲས་བུ་སྤྲུལ་པ་ཆེན་པོའི་སྐུ་བརྙེས་པའོ། །གླང་ཆེན་ཀོ་རློན་ན་བཟའ་གསོལ་བ་ནི། །ཆོས་ཀྱི་དབྱིངས་ཀྱི་ངང་ལས་མ་གཡོས་པར། །འབར་བའི་གར་དགུས་ཅིར་ཡང་ཐོགས་མེད་པས། །འབྲས་བུ་ཆོས་ཀྱི་སྐུ་ཉིད་བརྙེས་པའོ། །ཐོད་པ་མང་པོས་སྐུ་ལ་བརྒྱན་པ་ནི། །དུས་གསུམ་སངས་རྒྱས་བསྙེན་བཀུར་འབུལ་བའི་ཕྱིར། །གཏི་མུག་རྨོངས་པའི་མུན་པ་ཀུན་བསལ་ནས། །འབྲས་བུ་ངོ་བོ་ཉིད་ཀྱི་སྐུ་བརྙེས་པའོ། །སྦྲུལ་ནག་སྟོང་གི་ཆུན་པོས་བརྒྱན་པ་ནི། །གདུག་པའི་ཀླུ་རིགས་དབང་དུ་ཀུན་བསྡུས་ནས། །ཞེ་སྡང་འཁོར་བ་རྩད་ནས་བཅད་ནས་ཀྱང་། །འབྲས་བུ་རྡོ་རྗེ་ལྟ་བུའི་སྐུ་བརྙེས་པའོ། བྲོ་དྷ་ཡང་། ཀྲོ་ཐ་ཨན་ཛ་ཐལ་ཆེན་ཚོམ་བུས་བརྒྱན། །དོན་དམ་གཉིས་མེད་ངེས་པའི་དོན་རྟོགས་པས། །ཕྲག་དོག་ས་ཡི་དྲུངས་ནས་ཕྱུང་ནས་ནི། །འབྲས་བུ་བདེ་བ་ཆེན་པོའི་སྐུ་བརྙེས་པའོ། །ཁྲག་དང་ཞག་གི་ཐིག་ལེས་བརྒྱན་པ་ནི། །མ་མོ་མཁའ་འགྲོ་འབངས་སུ་འཁོལ་བྱས་ནས། །འདོད་ཆགས་ཁྲག་གི་རྒྱ་མཚོ་སྐེམས་ནས་ཀྱང་། །འདོད་ཆགས་འཁྲུགས་པ་དྲུངས་ནས་ཕྱུང་ནས་ནི། །འབྲས་བུ་མངོན་པར་བྱང་ཆུབ་སྐུ་བརྙེས་པའོ། །བསྐལ་པའི་མེ་དཔུང་ཀློང་ན་བཞུགས་པ་ནི། །དོན་དམ་གཉིས་མེད་དབྱིངས་སུ་རྟོགས་པའི་ཕྱིར། །ཡེ་ཤེས་ལྔ་ལྡན་སྐུ་གསུམ་ལྷུན་གྱིས་གྲུབ། །ང་རྒྱལ་དྲག་པོའི་ཕུང་པོ་བཅོམ་ནས་ནི། །འབྲས་བུ་ཡེ་ཤེས་ཆེན་པོའི་སྐུ་བརྙེས་པའོ། །མཛད་པ་སངས་རྒྱས་སྐུ་ལ་ཕྱག་འཚལ་བསྟོད། །བདུད་རྩི་ཉིད་ནི་རིགས་ཡུམ་གྱིས། །ལེགས་པར་ཕྱོགས་ནས་འདུད་བྱས་ནས། །གཙོ་བོ་ལ་ནི་མངའ་གསོལ་བྱ། །རིགས་ལྔ་རྩ་བའི་དཀྱིལ་འཁོར་ཉིད། །བདག་ཉིད་ཆེ་མཆོག་ཐུགས་ཀ་ནས། །རིན་ཆེན་སྨུག་པོའི་གཞལ་ཡས་ཁང་། །ཐུགས་ཀྱི་བསྙེན་པ་རྡོ་རྗེ་སེམས། །གསུང་གི་བསྙེན་པ་སྣང་མཐའ་ཡས། །ཐུགས་བསྙེན་བྱུདྷ་ཧེ་རུ་ཀ །སྐུ་དང་གསུང་དང་ཐུགས་བསྒོམ་པ། །བསྙེན་པ་ཉེ་བསྙེན་བསྙེན་པ་ཆེ། །ཕྱོགས་བཞི་གཟུངས་ཐག་བླ་མས་གཟུང་། །གཡོན་ཀྱང་མཐེབ་སྲིན་རྡོ་རྗེ་གཟུངས། །གཡས་པའི་ཕྲེང་བ་རྒྱ་ལ་གཏད། །གཡོ་འགུལ་མེད་པར་བགྲང་པར་བྱ། །འཛབ་ནི་དབྱངས་ཀྱིས་བསྟོད་བྱས་ནས། །དགུ་པའི་དབྱངས་ལ་བཟླས་པ་བྱ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་ཧཱུཾ༷་ཧི༷༷ཐ། །སྐུ་གསུང་ཐུགས་ཀྱིས་འཕྲོ་འདུ་ཡིས། །ལུས་ངག་ཡིད་གསུམ་སྒྲིབ་དག་ནས། །ཡུམ་གྱི་མཁའ་ལ་བསྒྲུབ་པ་བྱ། །ཡུལ་གྱི་མཁའ་ནས་ཕྱིར་སྤྲོས་པས། །སྣོད་བཅུད་བདུད་རྩི་སླར་འདུས་ནས། །ཉེ་བའི་བསྙེན་པ་བྱས་ནས་ནི། །བདག་རྫས་དག་པ་སྒྲུབ་ཆེན་ཐིམ། །ཞེས་གསུངས་སོ། །བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས། ཆེ་མཆོག་རྩ་བ་སྦྱང་བ་སྟེ་ལེའུ་བཞི་པའོ།། །།དེ་ནས་བཅོམ་ལྡན་འདས་ཀྱིས་འགྲོ་བའི་དོན་དུ་འདི་གསུངས་སོ། །སྦྱོར་སྒྲོལ་གཉིས་ཀྱིས་མཆོད་པ་ཡིས། །རྒྱལ་བ་མཉེས་ཤིང་ཐུགས་དམ་བསྐང་། །བར་གཅོད་བྱེད་པའི་ཉམས་ལེན་ལ། །དུས་ཚོད་ཤེས་ཤིང་བཟློག་པར་བྱ། །རསྒ་དུ་ཏྲ་ཡསྒ་ཚལ་པ་ཧ་ན་ཧ་ན་ཧཱུཾ༷་ཕཊ། བསྒྲུབ་ཀྱང་རྟགས་མེད་སྟོར་བ་ན། །ཨརྣ་སུ་ཏྲི་པྲེ་དུ་ཛ། །རིགས་དྲུག་སྲོག་དྲང་བོ་བརྡུང་བསྐོར། །དུས་ཚོད་གང་ལ་སྟོར་བ་དགུག །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་ཧ་ཡ་རྒི་ཝ་ཧུ་ལུ་ཧུ་ལུ་བྷནྟྲ་བྷརྙ་ཨུ་ཡུ༷༷ཁེ་ཧཱུཾ༷་སྣྲི༷༷ཐ། །སྲོད་གུང་འཇིང་དང་ཐོ་རངས་དྲོས། །དུས་དེར་སྟོར་ན་བཙལ་བྱས་ལ། །དགུག་འདྲེན་དྲག་ཏུ་བྱས་ནས་ནི། །འཛབ་བགྲང་ཆེ་བའི་ཡོན་ཏན་བརྗོད། །སློབ་དཔོན་དགུག་པའི་འཛབ་བགྲང་ཞིང་། །རྒྱལ་པོ་བཞི་ཡིས་ཁྲོ་བོ་བཞི། །དཀྱིལ་འཁོར་ལྔ་ལ་འཛབ་བསྐུལ་བྱ། །བར་བར་དག་ཏུ་བཤགས་པ་བྱ། །དགུ་པའི་འཛབ་ནི་བགྲང་ནས་ནི། །ཆེ་བའི་ཡོན་ཏན་བརྗོད་པར་བྱ། །ཨོ་ལས་ཡེ་ཤེས་འོད་བྱུང་ཞིང་། །ཨུ༷༷ཡིས་མེས་བསེགས་ཐལ་བར་རློག །ཧཱུཾ༷་གིས་བདུད་རྩི་རྣམ་པར་དག །སརྦས་ཐམས་ཅད་དབང་དུ་སྡུད། །པཉུས་རྣམ་ལྔ་མངོན་སངས་རྒྱས། །ཨ་ནི་སྐྱེ་མེད་ཆོས་ཀྱི་དབྱིངས་། །མྲི་ནི་བདུད་རྩི་རྣམ་པར་དག །ཏས་ནི་འཁོར་བ་སྟོངས་པར་བྱེད། །ཧཱུཾ༷་རྣི་ཐུགས་ཀྱི་ས་བོན་ཏེ། །ཧྲི༷༷ནི་བག་ཆགས་དབང་དུ་སྡུད། །ཐ་ནི་སྐྱེ་ཤི་མེད་པའོ། །རྟགས་ཀྱང་འོད་དུད་འཕེལ་སྒྲ་དྲི། །ཡ་མཚན་བྱུང་ཡང་བསྐྱོད་མི་བྱ། །དེ་ནས་བདུད་རྩི་བསྐྱིལ་བར་བྱ། །སོ་སོའི་མཁའ་ལ་བསྐྱིལ་བའི་སྔགས། །ཨོ་ཨུ༔ཧཱུཾ༷་སརྦ་པ྅་ཨ་མྲི་ཏ་ཀུཎྜལི་ཧཱུཾ༷་ཧི༷༷ཐ། ཤིང་དང་སྨན་དང་རྩི་དང་ནགས། །སྨན་གྱི་སྲུང་མ་བསྐུལ་བར་བྱ། །དེ་ནས་བདུད་རྩི་དབབ་པ་ཡང་། །ལྷ་མོ་བརྒྱད་ཀྱི་དུར་ཁྲོད་སྦྱང་། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་མེ་པྲ་བེ་ཤ་ཡ་ཕེ་ཕོ་ཧཱུཾ༷་ཧེ༷༷ཐ། དེ་ནས་བདུད་རྩི་དབང་དུ་བྱ། །ཨོ་ཨུ༷༷ཧཱུཾ༷་སརྦ་པཉུ་ཨ་མྲི་ཏ་ཧ་ཡ་གི་ཝ་སྣྲི༷༷། རུ་ལུ་རུ་ལུ་སྙི༷༷། པདྨ་པདྨ་སྣྲི༷༷། བྷརྙ་བྷནྟྲ་ཧཱུཾ༷་དྷི༷༷ཐ། རྡོ་རྗེ་འཁོར་ལོ་རིན་ཆེན་དང་། །པདྨ་ལས་ཀྱི་དབང་དུ་བྱ། །རྟགས་དང་མཚན་མ་བསྟན་པ་དང་། །དཀྱིལ་འཁོར་ཞུགས་པའི་ལྷ་རྣམས་ལ། །འཛབ་དང་སྙིང་པོ་རྐང་ཐོན་དབུལ། །སྟོང་ཚིགས་མཆོད་པ་འབུལ་ནས་ནི། །དེ་ཚེ་མྱུར་དུ་དངོས་གྲུབ་བླང་། །ཨོ་ཨུ༷༷ཧཱུཾ༷་སརྦ་པཉུ་ཨ་སྐྲོཏམཉུ་ཤི་བྱུ་བ་ལོ་ཀི་ཏེ། སིརྙི་སིརྙི་ཧཱུཾ༷་སྙི༷༷ཐ། རིག་འཛིན་རྟ་མགྲིན་ཆེ་མཆོག་དང་། །མཁའ་མཉམ་སྐུ་གདུང་འབྱུང་ལྔ་ཡུམ། །བདུད་རྩི་དབང་ཆེན་ཀུན་འདུས་ནས། །ཆེ་མཆོག་སྐུ་གསུང་ཐུགས་ཡོན་ལས། །དངོས་གྲུབ་དཀྱིལ་འཁོར་ཞལ་བསྒྱུར་ནས། །མཚན་མ་རྫས་ལ་བླང་བར་བྱའོ། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་ཨུ་ཡུ༷༷ཕ་ལ་གུ་གྱེ་སིརྙི་ཧཱུཾ༷་སྙི༷༷ཐ། །ཨོ་བོ་དྷི་ཙིསྟ་ཀྭ་ཡ་ལྷུཀ་ཙིརྟི་ས་མ་ཡ་སྟུ༷། སློབ་དཔོན་རིག་པའི་མེ་ཏོག་དོར། །སྨན་གྱི་དཀྱིལ་འཁོར་བདག་ལ་བསྟིམ། །རྒྱལ་པོ་བླ་མ་མངའ་གསོལ་ལ། །མཆེད་ཀྱིས་ཕྲེང་བ་དབུལ་བ་དང་། །སློབ་མ་འཇུག་ཅིང་ཞུ་དབང་ནོད། །ཕོ་བྲང་སྤྱིར་བཞག་དབང་བསྐུར་ལ། །ཚེ་ཡི་དབང་ཡང་བསྐུར་བར་བྱ། །ཐོབ་དང་མི་ཐོབ་རྣམ་པར་བརྟག །ཨོ་ཨུ༷༷ཧཱུཾ༷་སརྦ་པ྅་ཨ་མྲི་ཏ་ཨ་སྟི་ཁི྅་ཧཱུཾ༷་སྙི༷༷ཐ། ཨོ་ཨུ༷༷ཧཱུཾ༷་སྲུ་ཧྭ། ཨུ་ཡུ༷༷ཐ་ལ་གུ་རྒྱ་ཨ་སྟི་ཁེ྅་ཧཱུཾ༷། ཕུང་པོ་ཁམས་དང་སྐྱེ་མཆེད་ཀྱང་། །ཡེ་ནས་སངས་རྒྱས་དགོངས་པ་ཡིན། །རང་རིག་སེམས་སུ་རྟོགས་གྱུར་ན། །སྤྱོད་ཡུལ་གང་བལྟས་རང་སེམས་གསལ། །རྟོག་པ་ལྷ་རུ་ཤེས་གྱུར་ན། །ལྷ་དང་འདུ་འབྲལ་ཡེ་ནས་མེད། །རྣམ་རྟོག་ཆོས་ཉིད་གསལ་གྱུར་ན། །དགྲ་བགེགས་ཚར་བཅད་བྱ་མི་དགོས། །ཡེ་འབྱམས་ཀློང་གི་དབང་རྫོགས་ན། །རྟགས་ཀྱི་ཕྱག་རྒྱ་བསྒྲུབ་མི་དགོས། །ཕྲིན་ལས་བྱ་བཙལ་ཡེ་འདས་ན། །བསྒོམ་བསྒྲུབ་འབད་རྩོལ་མིང་ཡང་མེད། །འདི་ལྟར་རྟོགས་པའི་གདེང་གྱུར་ན། །བསྒྲུབས་ཀྱང་སྐྱོན་མེད་འགལ་བ་མེད། །མ་བསྒྲུབས་སྐྱོན་མེད་ལྷུན་གྱིས་གྲུབ། །བསམ་མེད་ཆོས་སྐུ་ནམ་མཁའ་འདྲ། །བསྒོམ་མེད་རང་བྱུང་ཀློང་ནས་ཤར། །ཡེ་ནས་བྱང་ཆུབ་སེམས་རྟོགས་ན། །འདུ་འཛི་བྱིས་རྩེད་ཅི་ཞིག་བྱ། །ཐབས་མཁས་རོལ་པའི་ཏིང་འཛིན་ལ། །ཚི་ཆད་སྒོམ་སྒྲུབ་ཅི་ཞིག་བྱ། །སྣོད་བཅུད་ཐིག་ལེར་སངས་རྒྱས་ན། །གཞན་ནས་བཙལ་ཞིང་སྨོན་པ་མེད། །རྟོགས་པ་ཀློང་དུ་སུས་འདྲིལ་བ། །མི་ཞེས་བྱ་བ་སངས་རྒྱས་ཡིན། །བཅོམ་ལྡན་འདས་ཀྱང་གུད་ན་མེད། །བརྟན་གཡོའི་དཀྱིལ་འཁོར་ཕྱག་རྒྱ་རྫོགས། །རྟོག་འཛིན་སྒྲ་མཐའ་ཏིང་འཛིན་སྔགས། །འདི་ལྟར་སྤྱོད་པའི་རྣལ་འབྱོར་ནི། །འཁོར་འདས་ཡོངས་རྫོགས་བརྡལ་བའི་ས། །སྐུ་ལྔ་དབྱེར་མེད་དགོངས་པ་ཡིན། །ཀུན་བཟང་ཐུགས་ཀྱི་ཉིང་ཁུ་ཡིན། །རྒྱུན་དུ་བསྒོམས་ཤིང་བསྒྲུབ་བྱས་ནས། །སི་གླེ་འབྱོངས་ན་སེམས་དག་ཡུས། །མཐོང་སྣང་རྨི་ལམ་གང་དུ་ཡང་། །སྟོང་གསུམ་ཉི་མས་གངབར་མཐོང་། །ག་པུར་ཟླ་བས་གང་བ་སྟེ། །བཱ༷་ས་དུར་ཁྲོད་གནས་ཆེན་ན། །ཁྲག་འཐུང་བཞུགས་པར་གསལ་བ་དང་། །རཀྟ་ཁྲག་དང་དྲི་ཆུར་བཅས། །བདེ་གཤེགས་རིགས་ལྔར་མཐོང་བར་འགྱུར། །ས་ནི་དྲེ་ཆེན་ཆུ་ལ་ཐིམ། །ཆུ་ནི་དྲི་ཆུ་མེ་ལ་ཐིམ། །མེ་ནི་རཀྟ་རླུང་ལ་ཐིམ། །རླུད་ནི་ཤ་ཆེན་ནམ་མཁར་ཐིམ། །ནམ་མཁའ་བྱང་སེམས་ཆོས་ཀྱི་སྐུ། །བདུད་རྩི་སྣ་ལྔར་སངས་རྒྱས་སོ། །སྐུ་ནི་ཡི་དམ་བླ་མ་མཆེད། །གསུང་ནི་སྙིང་པོ་ཕྱག་རྒྱ་བཞི། །ཐུགས་ནི་གསང་བའི་མན་ངག་ཡིན། །བརྫུན་སྨྲ་ངག་བརླང་སྦྱོར་དང་སྒྲོལ། །བདུད་རྩི་ལྔ་ནི་དང་དུ་བླང་། །ཉོན་མོངས་མི་སྤང་ཡེ་ཤེས་ཡིན། །རིགས་ལྔར་ཤེས་ན་ཀུན་བསྒྲུབ་པས། །རྡོ་རྗེ་རྒྱལ་པོས་རྒྱ་བཅག་ལ། །སློབ་དཔོན་འཛབ་བཟླས་ཁ་ཕྱེ་ནས། །ཡུམ་གྱི་ཡ་མཚན་ཆེ་བར་བརྗོད། །བདུད་རྩི་ཕོ་བྲང་ནས་དབྱུང་ངོ་། །ལྷག་མ་བསྐྱང་ནས་གཏོར་མ་གཏང་། །གཏེར་དུ་སྦ་དང་སྦྱིན་བསྲེག་བྱ། །མཁའ་འགྲོ་སྐྱོང་ལ་ལས་ཟླ་བཟླས། །གཏོར་མ་མཐར་དུ་དབྱུང་བར་བྱ། །ལྷག་ཆད་བཤགས་ཏེ་དག་པར་བྱ། །ཚིག་གིས་མཆེད་ཟླ་ངན་པ་བཤགས། །གཅིག་ལ་གཅིག་ནི་ཚང་བར་བྱ། །དཀྱིལ་འཁོར་བསྡུས་ལ་ཡེ་ཤེས་གཤེགས། །རང་ཡུལ་ཞིག་དག་བཅས་པ་དང་། །བུ་དང་ཆུང་མ་ལ་སོགས་ཏེ། །རང་ལུས་ཕུལ་ལ་ཡོན་གྱིས་བསླུ། །ཅི་འབྱོར་བླ་མ་མཉེས་པར་བྱ། །དེ་ལྟར་བསྒོམས་ཤིང་བསྒྲུབ་པ་ཡིས། །སྐུ་ཡི་གསང་བ་བསམ་མི་ཁྱབ། །ཆོས་སྐུ་དྲི་མ་མེད་པ་ཐོབ། །སྐུ་ནི་ཐམས་ཅད་དེ་ལས་འབྱུང་། །གཟུགས་སྐུ་གཉིས་སུ་སྣང་བའོ། །གསུང་གི་གསང་བ་བསམ་མི་ཁྱབ། །བརྗོད་མེད་དོན་གྱི་གསུང་དང་ལྡན། །གསུང་ནི་ཐམས་ཅད་དེ་ལས་བྱུང་། །གསུང་དབྱངས་ཡན་ལག་དྲུག་ཅུར་སྒྲོགས། །ཐུགས་ཀྱི་གསང་བ་བསམ་མི་ཁྱབ། །སྐྱེ་མེད་དགོངས་པ་དབྱིངས་ན་གསལ། །ཐུགས་ནི་ཐམས་ཅད་དེ་ལས་བྱུང་། །ཡེ་ཤེས་རྣམ་གྲངས་བསམ་ལས་འདས། །སྐུ་དང་གསུང་དང་ཐུགས་དང་གསུམ། །མི་ཟད་རྒྱན་གྱི་འཁོར་ལོ་གསལ། །རྟགས་སུ་དབུ་ཡི་གཙུག་ཏོར་བརྟན། །རིགས་ལྔའི་སངས་རྒྱས་བདུད་རྩི་ཉིད། །རང་ཞལ་རང་གི་ལུས་ལ་མཐོང་། །རྩ་དབྱིངས་དུང་ཆེན་གཡས་སུ་འཁྱིལ། །ལུས་ཁམས་བདུད་རྩི་སྤྱི་གཙུག་འཐོན། །གསང་བའི་རིང་བསྲེལ་ཆེན་པོར་གནས། །རླུད་གི་འོད་ཟེར་ཚངས་བུག་འཕྲོ། །ཞེས་གསུངས་སོ། །བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས། འབྲས་བུ་མཐར་ཕྱིན་པའི་ལེའུ་སྟེ་ལྔ་པའོ།། །།དེ་ནས་འཁོར་རྣམས་ཀྱིས་སྟོན་པ་ལ་མཆོད་པ་མང་པོས་མཆོད་ནས་འདི་སྐད་བརྗོད་ཅིང་བསྟོད་དོ། །ཕུན་སུམ་ཚོགས་པས་གཞི་བཅས་ནས། །ཆོ་ག་ལྔ་ཡི་ལས་གཞུང་བསྲང་། །དཀྱིལ་འཁོར་གསུམ་གྱིས་རྟོག་པ་སྦྱངས། །གཅེས་པ་བཞི་ཡིས་མཐའ་བསྡུས་ནས། །འཁོར་འདས་བདུད་རྩིར་སྦྱོར་མཛད་པ། །སྟོན་པ་ཁྱེད་ལ་ཕྱག་འཚལ་ལོ། །ཕྱི་ཡི་སྨན་བསྒྲུབ་ཆེན་པོ་ཡིས། །སེམས་ཅན་ཉོན་མོངས་སྣང་བ་སྦྱང་། །ནང་གི་བདུད་རྩི་བསྒྲུབ་པ་ཡིས། །རྣལ་འབྱོར་ཉམས་ཀྱི་སྣང་བ་ཤར། །འབྲས་བུ་བདེ་གཤེགས་སྣང་བ་ལ། །མི་ཟད་རྒྱུན་གྱི་འཁོར་ལོར་གྲུབ། །སྣང་བ་གསུམ་གྱི་རྒྱུན་ཆད་པ། །སྟོན་པ་བདེ་གཤེགས་ཁྱོད་ཕྱག་འཚལ། །ཞེས་བསྟོད་ནས་འཁོར་རྣམས་སྟོན་པས་གསུངས་པ་ལ་རྗེས་སུ་ཡི་རངས་པར་གྱུར་ཏོ། །དེ་ནས་སྟོན་འཁོར་རྣམས་ཆོས་ཀྱི་དབྱིངས་སུ་ཐིམ་ནས། གསང་བའི་རྒྱུད་ཆེན་པོ་འདི་ཨུ་རྒྱན་གྱི་ཡུལ་དུ་དཔལ་དུ་བ་ལྟ་བུའི་མཆོད་རྟེན་གྱི་ནང་དུ་བཞུགས་སོ། དེ་ནས་གསང་བའི་བདག་པོ་འགྲོ་བ་ལ་སྤྲོས་ཏེ། བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལས་རྗེས་སུ་ཡི་རང་བའི་ལེའུ་སྟེ་དྲུག་པའོ།། །།བདུད་རྩི་ཆེན་པོ་ཆོས་ཉིད་གསང་བའི་རྒྱུད་རྫོགས་སོ།། །།རྒྱ་གར་གྱི་མཁན་པོ་བི་མ་ལ་མི་ཏྲ་