Ngb-pt-0304-vol-04-text
Front
Body
རྩི་བདེ་བ་ཆེབ་པོའི་རྒྱུད་རྫོགས་སོ།། །།རྒྱ་གར་གྱི་པརྙི་ཏ་བི་མ་ལ་མི་ཏྲ་དང་། བོད་ཀྱི་ལོསྣྲོ་བ་གཉགས་ཙྭ་ནས་བསྒྱུར་བའོ།། །། རྒྱ་གར་སྐད་དུ། སརྦ་ཨ་མྲི་ཏ་པ྅་བྷ་བ་ཛུ་ཏི་ཛ་ན་ནི་ཕ་ལ་རཏྣ་པྲ་སྙོ་ཏ་མ་ཛ་ལ་ཏནྟྲ། བོད་སྐད་དུ། ཐམས་ཅད་བདུད་རྩི་ལྔའི་རང་བཞིན་དུ་འཁྲུངས་ཤིང་སྐྱེ་བར་བྱེད་པའི་འབྲས་བུ་རིན་པོ་ཆེ་འོད་ལྟར་འབར་བའི་རྒྱུད། བཅོམ་ལྡན་འདས་གསང་བ་མཆོག་གི་བདག་པོ། རྡོ་རྗེ་་ཁྲོས་པའི་སྐུ་གསུང་ཐུགས་བདུད་རྩི་བླང་དོར་མེད་པའི་མཛད་སྤྱོད་དེ་ཉིད་དགོངས་པ་ལ་ཕྱག་འཚལ་ལོ། །འདི་སྐད་ཐམས་ཅད་བདུད་རྩི་སྨན་དུ་ཤེས་པའི་དུས་གཅིག་ན། བཅོམ་ལྡན་འདས་དཔལ་རྡོ་རྗེ་གཞོན་ནུ། རིགས་དང་ཡེ་ཤེས་ཀུན་གྱི་བདག་པོ། ཕྱི་དང་ནང་དང་མཐར་ཐུག་ཀུན་གྱིས་ཀྱང་། །བདུད་རྩི་སྨན་གྱི་རང་བཞིན་དངོས་མཛད་པ། གདུལ་བྱ་གདུག་པ་ཅན་དུག་ལྡ་དང་ནད་བཞི་བརྒྱ་རྩ་བཞིས་གཟིར་བ་རྣམས་ལ་སྨན་གྱི་མཆོག་ཏུ་བཞུགས་པ། མཐའ་དང་དབུས་མེད་པ་ཕྱོགས་དང་རིས་མེད་པ། ཐམས་ཅད་བདུད་རྩིའི་ཕོ་བྲང་ཆེན་པོའི་གཞལ་ཡས་ཁང་ན། ཞི་བའི་ལྷ་ཚོགས་བདུད་རྩི་མཆོག་ཉིད་བདུད་རྩིའི་བདག་ཉིད་ཡུམ་བདུད་རྩི་འབེབས་མ། རིགས་ལྔ་ནི་བདུད་རྩི་སྐྱིལ་བ། ཁྲོ་བོ་བཅུ་ནི་བདུད་རྩི་སྲུང་བ། ལྷ་དང་ཀླུ་དང་ཚངས་པ་རྣམས་ནི་བདུད་རྩི་འཐུང་བའི་འཁོར་གྲངས་མེད་པ་བསམ་གྱི་མི་ཁྱབ་བརྗོད་ཀྱི་མི་ལང་བ་ཞིང་གི་རྡུལ་ཙམ་གྱིས་བསྐོར་སྟེ་བཞུགས་སོ། །དེ་ལྟ་བུའི་འཁོར་གྱི་ནང་ནས་དཔལ་ཕྱག་ན་རྡོ་རྗེ་རང་གི་སྟན་ལས་ལངས་ནས་ཞུ་བའི་སྤོབས་ང་དང་ལྡན་པར་བཞུགས་སོ། །བདུད་རྩི་རིན་པོ་ཆེ་ཇི་ལྟར་འཁྲུངས་པའི་རྒྱུད་ཅེས་བྱ་བ་ལས་གླིང་གཞིའི་ལེའུ་སྟེ་དང་པོའོ།། །།དེ་ནས་ཡང་རྡོ་རྗེ་ཁྲོས་པ་དེས་ས་ལ་གནས་པ་དང་། ས་ལ་སྤྱོད་པ་དང་། ལམ་རིམ་པར་བསྒྲུབ་པ་དང་། ཚངས་པ་དང་། ལྷ་དང་། ཀླུ་དང་། གཟའ་དང་སྐར་མ་དང་། གནོད་སྦྱིན་དང་། ལྷ་དང་ལྷ་མ་སྲིན་སྡེ་བརྒྱད་དང་། ནམ་གྲུ་དང་། རོ་ལངས་དང་། མཁའ་འགྲོ་མ་དང་། མི་དང་དུད་འགྲོ་དང་། དམྱལ་བ་དང་། ཡི་དྭགས་དང་། འབྱུང་བ་ལྔ་དང་།རྩི་ཤིང་དང་། ནགས་ཚལ་ཐམས་ཅད་རྫུ་འཕྲུལ་སྤྱན་གྱིས་གཟིགས་ནས། ཐམས་ཅད་བདུད་རྩིའི་རང་བཞིན་དུ་མཁྱེན་ཏོ། །དེ་ནས་ཕྱག་ན་རྡོ་རྗེ་རང་གི་སྟན་ལས་ལངས་ནས། བཅོམ་ལྡན་འདས་ལ་ལན་གསུམ་དུ་བསྐོར་ཞིང་བརྐྱང་ཕྱག་འཚལ་ནས་བསྐོར་བ་མཛད་དེ། རྡོ་རྗེ་ཁྲོས་པ་ལ་ཞུས་པ། ཐམས་ཅད་བདུད་རྩིའི་རང་བཞིན་ལ། །དུག་ཅེས་འབྱུང་བ་ཅི་ཡི་ཕྱིར། །སྐྱེ་ཤི་འབྱུང་བ་ཅི་ཡི་རྒྱུ། །འདི་དག་གསོ་ན་ཇི་ལྟར་ལགས། །གདུལ་བའི་ཐབས་ནི་ཇི་ལྟར་བགྱི། །ཞེས་ཞུས་པས། རྡོ་རྗེ་ཁྲོས་པས་བཀའ་སྩལ་པ། ཐམས་ཅད་ཡེ་ནས་བདུད་རྩི་ལ། །དུག་ཅེས་བྱ་བ་ག་ལ་ཡོད། །རང་གི་སྦྱོར་བ་ལོག་མོད་ཀྱི། །ཧ་ལ་ནག་པོ་རྨ་བྱའི་གསོས། །ཆུ་དང་མར་སྦྱར་སྙིང་རླུད་སྨན། །དུག་ཏུ་འཛིན་པ་སྦྱོར་བའི་སྐྱོན། །གྲང་བ་ཅན་ལ་ག་པུར་རྣམས། །སྦྱོར་བ་ལོག་ན་འཆི་བར་ནུས། །ཆུ་ཡིས་གསོས་ན་སྨན་མར་དུག །དེ་བཞིན་བདུད་རྩི་ཐམས་ཅད་དང་། །སྦྱོར་བ་ལོག་ན་ཀུན་ཀྱང་དུག །མཁས་པས་སྨན་དུ་ཤེས་གྱུར་ན། །འཇིག་རྟེན་གསུམ་དུ་གྲག་པ་ལ། །དུག་ཅེས་བྱ་བའི་མིང་ཡང་མེད། །ཐམས་ཅད་སྨན་དུ་གྱུར་པ་ལ། །མཁས་པས་སྦྱོར་བ་རིག་པར་བྱ། །སྐྱེ་རྒ་ན་འཆིའི་ཆུ་བོ་ལ། །འཁོར་བའི་ས་བོན་རྩུབ་མོ་རྣམས། །སྡུག་བསྔལ་ལམ་གྱི་རྒྱུན་དུ་ཆགས། །རྩ་བ་བདུད་བཞི་མ་ཆོད་ན། །སྐྱེ་འཆི་འདི་ལས་ཐར་དུས་མེད། །དེ་དག་གསོ་བ་རྣམ་བཞི་སྟེ། །སྐྱེ་བ་གསོ་ན་བསོད་ནམས་ཚོགས། །སྐྱེ་བ་རྣམ་བཞི་ཀུན་དཀའ་ཡིན། །ན་བ་གསོ་བ་སྨན་གྱིས་གསོ། །དེ་ལ་བཞི་བརྒྱ་རྩ་བཞི་ཡིན། །རྒས་པ་གསོ་ན་ཟས་ཀྱིས་གསོ། །ཡང་ན་རླུད་རྣམས་ཟད་པ་ཡིན། །འཆི་བ་གསོ་ན་བདུད་རྩི་བསྒྲུབ། །ཚེ་ཡི་རིག་འཛིན་ཐོབ་པ་ཡིན། །གདུལ་བའི་ཐབས་ནི་སྐུ་གསུང་ཐུགས། །ཆོ་འཕྲུལ་ཟད་མི་ཤེས་པས་འདུལ། །ཞེས་བཀའ་སྩལ་པས། ཡང་ཕྱག་ན་རྡོ་རྗེས་ཞུས་པ། འཇིག་རྟེན་ཁམས་ནི་རབ་འབྱམས་ན། ཁེན་ཏུ་ལོག་པའི་སེམས་ཅན་རྣམས། །སྨན་ཞེས་བྱ་བའི་མིང་མེད་པས། །བདུད་རྩི་རྣམས་ཀྱང་སྒྲིབ་པས་བསྒྲིབས། །ལུས་ཀྱང་བཞི་བརྒྱ་རྩ་བཞིས་ཉེན། །ངག་ཀྱང་དེ་ཡི་རྗེས་སུ་འབྲེལ། །འདུ་བའི་དབང་པོ་དེ་ཡིས་སུ། །སེམས་ཀྱི་སྐྱེ་ཤི་ཐག་མ་ཆོད། ཁེན་ཏུ་རྨུགས་པའི་སེམས་ཅན་ལ། །གདུལ་ཐབས་སྤྲུལ་པ་མཛད་པར་རིགས། །ཞེས་ཞུས་པས། རྡོ་རྗེ་ཁྲོས་པས་དཀའ་སྩལ་པ། ཐམས་ཅད་བདུད་རྩིའི་ཏིང་ངེ་འཛིན་ལ་སྙོམས་པར་ཞུགས་ཏེ་སྤྲུལ་པ་མཛད་པ། ས་བཅུའི་བྱང་ཆུབ་སེམས་དཔའ་ལ། །སྐུ་ནི་རྣམ་པར་སྣང་མཛད་ཚུལ། །བརྒྱད་པའི་ས་ལ་རིགས་གསུམ་མགོན། །ཚངས་རིག་རྣམས་ལ་ལྷ་ཆེན་གཟུགས། །ལྷ་རྣམས་ཀུན་ལ་བརྒྱ་བྱིན་ཏེ། །ལྷ་མིན་རྣམས་ལ་ཐགས་བཟང་རིས། །གཟའ་སྐར་རྣམས་ལ་ཁྱབ་འཇུག་གཟུགས། །ཀླུ་རྣམས་ཀུན་ལ་འཇོག་པོ་སྟེ། །དམྱལ་བ་རྣམས་ལ་གཤེད་པོ་སྟེ། །སྒྲིབ་པ་རྣམས་ལ་ཁ་འབར་མ། །དུད་འགྲོ་རྣམས་ལ་སེང་གེའི་ཚུལ། །མི་རྣམས་ཀུན་གྱི་འཇིག་རྟེན་དུ། ཁྲཀྱ་ཐུབ་པའི་ཚུལ་བསྟན་ནས། །ལ་ལ་ཁྱིམ་པ་ལྟ་བུའི་ཚུལ། །ལ་ལར་ཁབ་ནས་རབ་ཏུ་འབྱུང་། །ལ་ལར་དཀའ་ཐུབ་དཀའ་བ་སྤྱོད། །ལ་ལར་བྱང་ཆུབ་ཤིང་དབང་དྲུང་། །ལ་ལར་བདུད་བཞི་འདུལ་བར་སྟོན། །ལ་ལར་མྱ་ངན་འདས་ཚུལ་སྟོན། །ལ་ལར་སྐུ་གདུང་རིང་བསྲེལ་སྟོན། །ལ་ལར་ཆོས་ཀྱི་གླེགས་བམ་སྟོན། །ཞེས་ཐམས་ཅད་་་་་་་བདུད་རྩི་སྨན་གྱི་རང་བཞིན་དུ་བཏུལ་ལོ། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བ་ལས། གླེང་སློང་བའི་ལེའུ་སྟེ་གཉིས་པའོ།། །།དེ་ནས་ཡང་ཕྱག་ན་རྡོ་རྗེ་སྟན་ལས་ལངས་ཏེ། རྡོ་རྗེ་ཁྲོས་པ་ལ་ཞུས་པ། དེ་ཚེ་འགྲོ་དྲུག་སེམས་ཅན་རྣམས། །བདུད་རྩིའི་དོན་གྱི་ཐུལ་ལགས་ཏེ། །འཇིག་རྟེན་བཀོད་པའི་ས་ཤེད་ན། །དུ་ཏྲ་ནག་པོ་མ་ཐུལ་བ། །ཐུགས་རྗེའི་བདག་པོས་གདུལ་བར་རིགས། །ཐུགས་རྗེའི་བདག་པོ་བདེ་གཤེགས་ཏེ། །རྩ་བ་སྡོང་པོ་ཡལ་ག་ཤུན་ལྤགས་དང་། །ངར་བ་ལོ་མ་མེ་ཏོག་འབྲས་བུར་བཅས། །སེམས་ཅན་རྣམས་ཀྱི་གསོས་སུ་བྱིན་བརླབས་པས། །ཁྱེད་ཀྱི་བསྟེན་པ་འདི་ལ་གཟུད། །བཞི་བརྒྱ་རྩ་བཞིའི་ནད་དང་བྲལ། །སྐྱེ་འཆི་བྱ་བའི་མིང་ཡང་མེད། །ཅེས་བཀའ་སྩལ་པས། དུ་ཏྲ་ནག་པོ་དེས་སེ་གོལ་ལན་གཅིག་བརྡབས་ནས། ཁམས་གསུམ་སྲིད་གསུམ་ང་ཡི་ཡུལ། །འགྲོ་དྲུག་སེམས་ཅན་ང་ཡི་ཟས རྩི་ཤིང་ནགས་ཚལ་ང་ཡི་གསོས། །ས་ཕྱོགས་འདིར་ནི་ཁྱོད་ཅི་གཏོགས། །ཟེར་ནས་ཁོ་མ་ཉན་ནོ། །བདུད་རྩི་རིན་པོ་ཆེ་ཇི་ལྟར་འཁྲུངས་པའི་རྒྱན་ཞེས་བྱ་བ་ལས་མ་དད་པ་གདུལ་བའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་འཛིན་པས་ཞུས་པ། །ལོག་པའི་དུ་ཏྲ་ཆེན་པོ་དེ། །རྒྱུ་དང་རྐྱེན་ནི་ཅི་ལས་བྱུང་། །རིགས་དང་སྡེ་ནི་གང་དུ་གཏོགས། །འབྲས་བུ་སྨིན་པ་ཅི་ཞིག་ལགས། །བ་་ན་ཡོན་ཏན་ཇི་ཙམ་ཐོབ། །མ་བཏུལ་བ་ཡི་སྐྱོན་ནི་ཅི། །བཀའ་སྩལ་པ། རྒྱུ་ནི་གཟུང་འཛིན་སྨོན་ལམ་རྒྱུ། །རྐྱེན་ནི་ཆགས་སྡང་སྤྱོད་ལ་ཞེན། །རིགས་ནི་འཁོར་བའི་རིགས་ཅན་ཏེ། །སྡེ་ནི་འབྱུང་པོ་གདོལ་པར་གཏོགས། །སེམས་ལ་དུག་གསུམ་རྒྱུན་བཅངས་ནས། །འཁོར་བའི་ལོ་འདབ་རྒྱས་པ་ཡིས སེམས་ཅན་སྨན་དུ་མ་ཤེས་པར། །འཇིག་རྟེན་ཁམས་ཀུན་དུག་ཏུ་སྤྱད། །འབྲས་བུ་དུ་ཏྲ་ཆེན་པོར་སྨིན། །བ་་བའི་ཡོན་ཏན་དཔག་ལས་འདས། །དུག་གསུམ་རྩད་གཅོད་འཁོར་དོང་སྤྲུགས། །འཁོར་བ་ཆོས་ཉིད་ཆེན་པོར་འགྱུར། །སེམས་དང་རྡོ་རྗེ་སེམས་དཔར་གནས། །ཁོག་པ་དུར་ཁྲོད་བརྒྱད་དུ་གྱུར། །ཕུང་པོ་བདུད་རྩི་སྨན་དུ་འཁྲུངས། །དུག་ཅེས་བྱ་བའི་མིང་ཡང་མེད། །སྲིད་པ་གསུམ་གྱི་འཇིག་རྟེན་ཡང་། །རྭ་ས་ཡ་ན་སྨན་དུ་འགྱུར། །ཐམས་ཅད་བདུད་རྩི་བྱང་ཆུབ་སེམས། །མ་ག་་བ་ཡི་སྐྱོན་བསྟན་པ། །ལྷ་དང་མི་ཡི་སྲིད་བརླག་ནས། །ཁ་ལོ་ལོག་པར་བསྒྱུར་ནས་ནི། །ལུས་ལ་འཁོར་བའི་གཏེར་ཆགས་པས། །སྨན་ཞེས་བྱ་བ་མིང་ཡང་མེད། །འཇིག་རྟེན་གསུམ་ཡང་དུག་ཏུ་སྤྱོད། །དེ་བས་མངོན་པར་འདུ་མཛད་ནས། །ཐུགས་རྗེ་ཆེན་པོས་གཟིགས་པར་རིགས། །ཞེས་གསུངས་སོ། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བ་ལས་འབྲས་བུ་གཏན་ལ་ཕབ་པའི་ལེའུ་སྟེ་བཞི་པའོ།། །།དེ་ནས་ཡང་བཀའ་བགྲོས་པ་ནི། རྡོ་རྗེ་འཛིན་པས་བཀའ་བགྲོས་༄༅ པ རང་སེམས་བདུད་རྩིའི་རང་བཞིན་ལ། །དུག་ཅེས་བྱ་བའི་མིང་མེད་དེ། ཤེན་ཏུ་འཁྲུལ་པའི་དུག་ཏུ་བཟུང་། །དེ་བས་མངོན་པར་འདུ་མཛད་རིགས། །ཞེས་བགྲོས་སོ། །དེ་བཞིན་གཤེགས་པའི་རིགས་ཀྱིས་བགྲོས་པ། ཕུང་པོ་ཡེ་ནས་བདུད་རྩི་ལ། །དུག་ཏུ་གཟུང་བས་སྐྱེ་ཤི་བྱུང་། །དེ་བས་མངོན་པར་འདུ་མཛད་རིགས། །ཞེས་བགྲོས་སོ། །རིན་ཆེན་རིགས་ཀྱིས་བགྲོས་པ། འདུ་ཤེས་བདུད་རྩིའི་རང་བཞིན་ལ། །སྦྱོར་བ་འཁྲུགས་པས་དུག་ཏུ་འགྱུར། །དེ་ལ་མངོན་པར་འདུ་མཛད་རིགས། །ཞེས་བགྲོས་སོ། །པདྨ་རིགས་ཀྱིས་བགྲོས་པ། འདུ་ཤེས་བདུད་རྩིའི་རང་བཞིན་ལ། །འཛིན་པ་ལོག་པས་དུག་ཏུ་འཁྲུལ། ། དེ་ལ་མངོན་པར་འདུ་མཛད་རིགས། །ཞེས་བགྲོས་སོ། །ལས་ཀྱིས་རིགས་ཀྱིས་བགྲོས་པ། །འཇིག་རྟེན་གསུམ་གྱི་དུ་ཏྲ་འདི། །ལས་ཀྱིས་འཇིག་རྟེན་ཁམས་འདིར་བྱུང་། །དྲག་པོ་རང་དག་འཐུབ་ཚོད་ཀྱིས། །སྲིད་པ་གསུམ་གྱི་བདག་པོར་སྨིན། །འཇིག་རྟེན་ཁམས་ཀུན་འཇིག་པར་བྱེད། །ཚངས་པ་ལྷ་དང་ཀླུ་དང་མི། །གནོད་སྤྱིན་གཟའ་དང་རྒྱུ་སྐར་དང་། །སྨན་གྱི་དྲང་སྲོང་ཡིན་མོད་ཀྱང་། །ཁོ་ཡི་འཁོར་དུ་བསྡུས་ནས་ནི། །སྲིད་པ་འཇིག་རྟེན་སྣང་སྲིད་ཀུན། །དུག་ཏུ་སྤྱོད་པའི་རྭ་ཏྲར་གྱུར། །ལྷ་མོ་ཀླུ་མོ་མཁའ་འགྲོ་མ། །རྩི་དང་ནགས་ཚལ་སྨན་རྣམས་ཀྱི། །ཡེ་ནས་ལྷ་མོ་ཡིན་པ་ལ། །སླས་དང་བྱི་མོ་བྲན་མོར་བསྡུས། །ནད་དང་རིམས་ཀྱི་རྐྱལ་པ་བསྐུར། །བཞི་བརྒྱ་རྩ་བཞི་ཤིན་ཏུ་འཁྲུགས། །ནད་ཀྱི་བདག་མོར་མངའ་ཡང་བསྐུར། །གཙང་རིགས་མགོན་པོ་བདུན་ཅུ་དང་། །བི་གྲ་བ་དང་རྫ་བྷ་ལ། །བདུད་དང་གཤིན་རྗེ་མུ་སྟེགས་དང་། །རྒྱལ་པོ་བཙན་དང་འབྱུང་པོའི་ཚོགས། །ཁ་རླངས་བསམ་སྦྱོར་དུག་ཏུ་བསྒྱུར། །བཞི་བརྒྱ་རྩ་བཞིའི་ནད་ཀྱིས་འགེངས། །ཐམས་ཅད་བདུད་རྩི་སྨན་ཆེན་ལ། །དྲང་སྲོང་ཙམ་དུ་བཞག་པ་ཡི། །གདུག་པའི་དུ་ཏྲ་དྲག་པོས་སྒྲོལ། །ཞེས་བགྲོས་སོ། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བ་ལས་བདེ་བར་གཤེགས་པ་བཀའ་བགྲོས་པའི་ལེའུ་སྟེ་ལྔ་པའོ།། །།དེ་ལྟར་བགྲོས་ནས་བདེ་བར་གཤེགས་པ་ཐམས་ཅད་དགོངས་པ་གཅིབ་ཏུ་བསྡུས་ནས། རྭ་ཏྲ་ཆེན་པོ་དེའི་ཚུལ་དང་བསྟུན་པའི་ཕྱིར་ན། དེ་བཞིན་ཉིད་ཀྱི་ཏིང་ངེ་འཛིན་ཆོས་ཐམས་ཅད་སྤྲོས་པ་དང་བྲལ་བས་མཐའ་དང་དབུས་མེད་པར་ཁྱབ་པོ། །ཀུན་ཏུ་སྣང་བའི་ཏིང་ངེ་འཛིན་ཉོན་མོངས་པ་དུག་གསུམ་དང་དུག་ལྔ་དང་། བཞི་བརྒྱ་རྩ་བཞིའི་ཉེན་པ་རྣམས་ལ། ཐུགས་རྗེ་ནམ་མཁའ་ལྟ་བུ་གཅིག་གིས་ཁྱབ་པར་མཛད་དོ། །ཐམས་ཅད་སེམས་ཀྱི་རང་བཞིན་དུག་ལྔ་འཇོམས་པའི་རང་བཞིན་ཡི་གེ་ཧུ༷་དུ་གནས་སོ། །དེ་ལྟ་བུའི་ཡི་གེ་ལས་འོད་འཕྲོས་ཏེ། །ཨེ་ཞེས་པའི་སྒྲ་ལས་ནམ་མཁའི་རང་བཞིན་གོ་འབྱེད་པའི་བདུད་རྩིར་ཤར་རོ། །ཡ༷་ཞེས་པ་ལས་བསྒུལ་བསྐྱོད་ཐོགས་མེད་རླུད་གི་བདུད་རྩིར་ཤར་རོ་། །ར༷་ཞེས་༄༅ པ་ལས་སྲེག་པར་བྱེད་པ་མེའི་བདུད་རྩིར་ཤར་རོ། །འཇུ་བ་དང་སྨིན་པར་བྱེད་པའི་རྐྱེན་བྱས་སོ། །ཁ༷་ཞེས་པ་ལས་ཆུའི་བདུད་རྩི་ཆེན་པོ་རླན་ཅིང་གཤེར་བ་གཅིག་ཏུ་གྱུར་ཏོ། །ཀུན་མཁའ་བསྐྱེད་ཅིང་སྒེག་པའི་ལས་བྱེད་དོ། །སུ་ཞེས་པས་ཐམས་ཅད་པའི་བདུད་རྩིར་གྱུར་ཏེ། ཐམས་ཅད་བསྐྱེད་པ་དང་སྐྱེ་བའི་གཞི་བྱེད་དོ། །ལ༷་ཞེས་པས་སྤྱིར་སྡུད་པའི་བདུད་རྩི་ཤར་རོ། །དེ་ལྟར་འབྱུང་བ་ལྔ་ཤར་བའི་བདུད་རྩིའི་རང་བཞིན་གྱིས་ཤར་བ་དེ་ནམ་མཁའི་བདུད་རྩིས་གོ་འབྱེད། ས་ཡིས་གཞི་སྩལ། བྱང་ཆུབ་སེམས་ཀྱི་བྱིན་གྱི་བརླབས་ཀྱི་ས་བོན་བཏབ། ཆུ་ཡིས་རླན་སྩལ། མེ་ཡིས་དྲོད་སྩལ། རླུང་གིས་བསྐྱོད་པར་བྱས། དེ་བཞིན་དུ་རྩ་བ་བརྒྱད་ལོ་མ་དང་བཅས་པར་སྨིན་ནོ། །རྟེན་འབྲེལ་བཅུ་གཉིས་ལ་བརྟེན་ཏེ་འཇིག་རྟེན་གྱི། ཁམས་ཐམས་ཅད་བདུད་རྩི་ཆེན་པོའི་གཞལ་ཡས་ལས་དུག་གི་སྣང་བ་མིང་ཡང་མེད་པར་འགྱུར་རོ། །དེའི་ཚེ་དེའི་དུས་ན་བདུད་རྩི་བླང་དོར་མེད་པ་ལ་དགོངས་ནས་ཁྲོས་པས་ཆོ་འཕྲུལ་མཛད་དེ། འཇིག་རྟེན་གྱི་ཁམས་ཐམས་ཅད་ཁྲོ་བོ་འཆོལ་པས་མེར་གྱིས་བཀང་ངོ། །ཚམ་རྔམས་དྲག་པོས་འདིར་ཞིང་བརྫི་བའི་ཚུལ་མཛད།ཁྲོ་མོ་བཅུས་བདུད་རྩི་འཕྲོ་བའི་ཕྲིན་ལས་མཛད། ཁྲོ་བོ་བཅུས་ནི་ཡེ་ཤེས་ཀྱི་བདུད་རྩི་བསྲུངས། རིགས་ཀྱི་ཡུམ་ལྔས་ནི། ཡེ་ཤེས་ཀྱི་བདུད་རྩི་བསྐྱིལ། རིགས་ཀྱི་སྲས་ལྔས་བདུད་རྩི་འབེབསསོ། །མཆེགཤོགཉིགཙང་བའི་འདམ་རྫབས་སྣ་ཚོགས་ཡོད་པ་དེ་དག་ནི། དྲི་ཆེན་ལས་བདུད་རྩི་སྣ་ཚོགས་སུ་སྤྲུལ་ཏེ་ཞལ་དུ་རོལ་ལོ། །གནས་འཁོར་དེ་ན་རྣག་དང་ཆུ་སེར་གྱི་ཞམ་ཆུ་བསམ་གྱི་མི་ཁྱབ་པ་གཅིག་གནས་པ་དེ་རྣམས་དྲི་ཆུ་ལས་བདུད་རྩི་སྣ་ཚོགས་སུ་སྤྲུལ་ཏེ་རོལ་ལོ། །གནས་འཁོར་དེ་ན་རཀྟའི་རྒྱ་མཚོ་འཁྱིལ་པ་རྣམས་པདྨ་རཀྟ་ལས་བདུད་རྩིར་ཞལ་དུ་རོལ་ལོ། །དེར་རྭ་ཏྲ་གཟི་བརྗིད་ཉམས་སོ། །ཉམས་པ་དེ་ལ་གདབ་པའི་སྔགས་དྲུག་གི་འཁོར་ལོ་དྲུག་རྫོགས་པར་བསྐོར་ནས། མིག་གཉིས་བར་སྣང་ལ་ཁམས་སུ་བསྒྱུར་བས། ཉི་ཟླ་གསལ་བ་ཐོབ་བོ། །ཁོའི་ལོངས་སྤྱོད་ཀྱི་རྒྱན་དུ་དུར་ཁྲོད་ཆས་བརྒྱད་ལ་སོགས་པ་ཕྱོགས་དེར་གནས། དེ་ཡང་ཡེ་ཤེས་ཀྱི་ཕུར་པས་བཏབ་ནས་བསྒྲལ་ལོ། །ག་གོ་ཐད་ཐེད་ནི་ཞལ་དུ་གསོལ། བདེ་བའི་ལྟོ་རུ་མིང་དེ་གནས་སོ། །ཡན་ལག་དང་བ་སྤུ་ཁ་ཅིག་ནི་ཡེ་ཤེས་ཀྱི་མེ་དཔུང་གིས་བསྲེགས་ནས་སྐུ་དང་གསུང་དུ་གནས་སོ། །ལུས་ཀྱི་ཡན་ལག་རྣམས་བཤིགས་ཏེ་འཇིག་རྟེན་གྱི་ཁམས་ཁྱབ་པར་གཏོར་རོ། །ལམ་ཕྱིན་ཅི་མ་ལོག་པར་གནས་སོ། །སྙིང་བརྒྱ་རྩ་བརྒྱད་ཚངས་པའི་གནས་སུ་བརྒྱུད་པས་ཚངས་པའི་ཚེ་དང་ལྡན་པར་གྱུར་ཏོ། །གློ་བ་ལྷའི་ཡུལ་དུ་བསྒྱུར་བས་ལྷ་ལོངས་སྤྱོད་དང་བློ་ཚད་དུ་ལྡན་ནོ། །ལྕེ་གནོད་སྤྱིན་ཡུལ་དུ་བསྒྱུར་བས་གནོད་སྤྱིན་མཐུ་སྟོབས་ཆེ་བར་གྱུར་ཏོ། །མིག་གཉིས་བར་སྣང་ཁམས་སུ་བསྒྱུར་བས་ཉི་ཟླ་གཉིས་ཀྱི་གསལ་བ་ཐོབ་བོ། །རྐང་པ་འབྱུང་པོའི་ཡུལ་དུ་བསྒྱུར་བས་འབྱུང་པོ་ཁྱབ་ཆེའོ། །མགོ་སྲིན་པོའི་ཡུལ་དུ་བསྐྱུར་བས། སྲིན་པོ་གདོན་ཆེ་ཞིང་ཤ་ཟ་བའི་ལས་བྱེད་དོ། །ལག་པ་གཡས་པ་ཤར་ལྷོའིགླིང་དུ་བསྒྱུར་བས་བཟོ་མཁས་ཤིང་སྒྱུ་མའི་གླིང་དུ་གནས་སོ། །ལག་པ་གཡོན་པ་བདུད་ཀྱི་གླིང་དུ་བསྒྱུར་བས། བདུད་སྟོབས་དང་ལྡན་ནོ། །ཕོ་མཚན་སྒྲ་མི་སྙན་དུ་བསྒྱུར་བས། ཚེ་ལོ་སྟོང་ལས་མི་འགྱུར་རོ། །སྙིང་འཛམ་བུ་གླིང་གི་ཡུལ་མ་ག་དྷར་བསྒྱུར་བས། སྤྲུལ་སྐུའི་ཞབས་ཀྱིས་བཅག་པ་དང་། སླད་ནས་བྱོན་པའི་སྙིང་སྟོབས་ཆེ། ལྟེ་བ་ཀླུ་ཡི་ཡུལ་དུ་བསྒྱུར་བས། སྲིད་པའི་མ་ཐ་ཙམ་བྱེད་པའི་གཏན་ཚིགས་བྱུང་། སླད་མ་ལུས་ཀྱི་བྱེ་བྲག་རྣམས། །འཇིག་རྟེན་ཁམས་ཀུན་ཁྱབ་པ་མྲ །ཐམས་ཅད་བདུད་རྩི་སྨན་དུ་སྤྲུལ། །ཕྱག་གིས་དྲངས་ནས་བཙིར་ནས་ནི། །རྭ་ཏྲ་ཆེན་པོ་སྣམ་དུ་བཏོན། ཁེན་ཏུ་རྭ་ཏྲ་འགྱོད་པ་སྐྱེས། །ངུ་ཞིང་འགྱོད་པས་བཤགས་པར་བྱས། །བདུད་རྩི་ཆེན་པོའི་དོན་གཉིས་བྱས། །ལྷག་མའི་ལུས་ཀྱང་གདན་དུ་ཕུལ། །སེམས་ནི་རྡོ་རྗེ་སེམས་དཔར་བརྟགས། །འཇིག་རྟེན་ཁམས་འདི་ཁྱབ་པ་མྲ །བདག་གི་རྣམ་ཤེས་སྨན་དུ་ཤོག །ཅེས་དམོད་བོར་བས་ལུས་བཤིག་ཚད་སྨན་དུ་གྱུར་ནས། དཔྱིད་རྩ་བའི་སྨན། དབྱར་སྡོང་པོའི་སྨན། སྟོན་མེ་ཏོག་དང་འབྲས་བུ་སྙིང་པོའི་སྨན་དགུན་ཤུན་ལྤགས་དང་ཐང་ཆུ་ཉིལ་བའི་སྨན། རང་རང་གི་རྩ་བ་བརྒྱད་ལ་ཡོན་ཏན་སྟོང་དང་ལྡན་ཞིང་འཇིག་རྟེན་ཁམས་སུ་ས་ལས་གནས་སོ། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བ་ལས། རྭ་ཏྲ་བསྒྲལ་ནས་ལུས་འཇིག་རྟེན་དུ་གྱུར་པའི་ལེའུ་སྟེ་དྲུག་པའོ།། །།དེ་ནས་ཡང་རྡོ་རྗེ་འཛིན་པས་རང་གི་སྟན་ལངས་ནས་རྡོ་རྗེ་ཁྲོས་པ་ལ། ཨེ་མ་ཧོ་རྡོ་རྗེ་ཁྲོས་པའི་གཙོ། །སངས་རྒྱས་ཡབ་གྱུར་དམ་པའི་བདག །བདུད་རྩི་ཉིད་ལ་ཕྱག་འཚལ་བསྟོད། །དབུ་ལ་སངས་རྒྱས་བཞི་བཅུས་བརྒྱན། །བདུད་རྩི་མཆོག་ལ་ཕྱག་འཚལ་བསྟོད། །ཆེ་མཆོག་དབུ་རུ་བརྩེགས་ནས་བཞུགས། །བདུད་རྩི་འབེབས་ལ་ཕྱག་འཚལ་བསྟོད། །གདུག་པ་སླད་ཀྱིས་ཚར་བཅད་ནས། །འཇིག་རྟེན་ཁམས་ཀུན་བདུད་རྩིར་འཁྲུངས། །སྨན་པའི་མཆོག་ལ་ཕྱག་འཚལ་བསྟོད། །ཐམས་ཅད་སྨན་དུ་བསྒྱུར་བ་དེ། །བདག་ཅག་འཁོར་བཅས་ངོ་མཚར་ཆེ། །ཐུགས་རྗེ་ཆོས་ཀྱི་ཆར་སྤྲིན་གྱིས། །སྟེང་དང་འོག་མེད་འཇིག་རྟེན་གསུམ། །རི་རབ་རྩེ་དང་རི་སུལ་དང་། །ཐམས་ཅད་ཁྱབ་པའི་ཐུགས་རྗེ་ཡིས། །བདུད་རྩིའི་ཆར་ཆེན་དབབ་ཏུ་གསོལ། །ཞེས་ཞུས་པས། རྡོ་རྗེ་ཁྲོས་པའི་རྒྱལ་པོས་བདུད་རྩིའི་དྲོད་ནམ་མཁའི་རླན་བཞིན་དུ་གཡོས། །བདུད་རྩི་སྦེད་པར་བྱེད་པའི་སྤྱིན་མགོ་ནི་ཕྱོགས་རིས་མེད་པར་གཏིབས། །བདུད་རྩིའི་སྐྱེ་གནས་ས་དང་་གངས་དང་རི་བྲག་ཀླུང་་ཤོང་དང་། །བྲག་སུལ་ནམ་མཁའ་ཆུ་དང་རི་ཁྱུད་དང་། །རྩི་ཐོག་རང་བུ་སུམ་ཅུ་རྩ་གསུམ་ཀྱི། །ལྷ་ཡི་ཡུལ་ཀུན་ཁྱབ་པར་འཁྲུངས། །དེ་ཡི་སྙིང་པོར་གྱུར་པ་ནི། །འབྲས་བུ་སྨན་མཆོག་ཨ་རུ་ར། །ལྷ་ཡི་དབང་པོ་བརྒྱ་བྱིན་དང་། །ཉེ་དབང་སུམ་ཅུ་རྩ་གཉིས་ནི། །སྨན་མཆོག་དེ་ལ་སྐྱོད་པ་ཡིན། །སྨན་དེ་ཟོས་པའི་ནུས་པ་ཡིས། །འཆི་བ་མེད་པའི་གཡུང་དྲུང་ཐོབ། །ལྷ་རྣམས་བསོད་ནམས་ཆེ་ཞེས་བྱ། །ལྷ་རྣམས་ཀུན་ཀྱང་ངོ་མཚར་ནས། ཁེང་ལ་བསྐོར་བ་ལན་གསུམ་བྱས། །ངོས་ངོས་དག་ནས་མིང་ཡང་བཏགས། ཁྲར་གྱི་ལྷ་ཡིས་མིང་བཏགས་ལ། །རྩ་བ་རྩེ་མོ་ཚུན་ཆད་ལ། །དཔག་ཚད་ཁྲི་ཚོ་བཅུ་བདུན་བཅས། །སེམས་ཅན་ཀུན་ལ་བཤོན་པར་འདུག །མིང་ཡང་དཔག་ཚད་བཤོན་ཤིང་ཞེས། ཁྲར་གྱི་ལྷ་རྣམས་ཀུན་གྱིས་བཏགས། །རྩ་བ་སྡོང་པོ་ཡོན་ཏན་སྟོང་། །ཡོན་ཏན་དེ་བཞིན་འབྱུང་བས་ན། །བྱང་ན་གནས་པའི་ལྷ་རྣམས་ཀྱི། །ཁ་ལེ་སྟོང་འབྱམས་ཞེས་སུ་བཏགས། །རི་རབ་ཆེན་པོའི་དཀྱིལ་བརྟོལ་ནས། །ནུབ་ན་གནས་པའི་ལྷ་རྣམས་ཀྱི། །ཡོངས་འདུ་ས་བརྟོལ་ཞེས་སུ་འདོགས། །འཛམ་བུ་གླིང་གི་དབུས་ཤེད་ན། །ལྷ་རྣམས་ཀུན་གྱིས་བཀྲ་ཤིས་གསོལ། །ཚེ་རིང་ལོངས་སྤྱོད་འཕེལ་འགྱུར་བས། །འདི་ནི་ལྷ་ཡི་བསོད་ནམས་ཡིན། ཁེང་ཆེན་བྱམས་ལྡན་ཞེས་སུ་བཏགས། ཁེང་གི་ཡལ་ག་དུམ་བུ་ཀུན། །བྱིས་པ་ཀུན་གྱི་རྩེ་རྒྱུར་པས། །སྐད་ཅིག་ཡུད་ལ་ལུས་བོང་རྫོགས། ཁེང་བུ་བིལ་བ་ཞེས་སུ་གྲགས། །བཀྲ་ཤིས་ཆོས་རྣམས་འབྱུང་བའི་རྒྱུ། །འབྲས་བུ་སྨན་ཆེན་ཨ་རུ་ར། །འཆི་བ་མེད་པ་ཨ་རུར་བཏགས། །མེད་ཀྱང་ཆགས་པས་ར་རུ་བཏགས། །རིགས་ནི་རྣམ་པ་བཅུ་རུ་གྱེས། །ངོ་མཚར་ལྡན་པའི་ཨ་རུ་ར། །སྙིང་གི་དཀྱིལ་དང་འདྲ་བ་གཅིག །ཚངས་པའི་ཡུལ་དུ་གྱེས་ཏེ་སོང་། །ཚངས་པ་ཀུན་གྲོལ་ཆེན་པོས་ཟོས། །ཚེ་ཡི་རིག་འཛིན་ཆེན་པོ་ཐོབ། །ཚངས་པའི་དྲང་སྲོང་བརྒྱད་རྣམས་དང་། །བུ་དང་ཚ་བོ་ཡང་ཚར་བཅས ཚངས་པའི་དྲང་སྲོང་བུ་རྣམས་ཀྱིས། །འཆི་བ་མེད་པའི་དངོས་གྲུབ་ཐོབ། །སྨན་དེ་ཟོས་པའི་ནུས་པ་ཡིས། །ཚེ་ལོ་འབུམ་དང་ཁྲི་རུ་འགྱུར། །གཅིག་ནི་དགའ་ལྡན་གནས་ན་སྤྱོད། །དགའ་བར་ལྡན་པའི་ཨ་རུ་ར། །དབྱིབས་ནི་རིན་པོ་ཆེ་རུ་འདུག །རྒྱལ་བ་བྱམས་པའི་བྱིན་གྱི་བརླབས། །སྦྱར་ན་འཆི་བའི་ནད་ཀུན་སེལ། །བློ་རྣམས་རྣོ་བའི་ཡོན་ཏན་ཐོབ། །གཅིག་ནི་ལྷ་ཡི་ཡུལ་དུ་སྤྱོད། །དཔག་ཏུ་མེད་པའི་ཨ་རུ་ར། །ཆེ་ཆུང་ཚད་ནི་པི་ནི་ཁ། །སྟོད་དང་སྨན་དག་ཕྲ་བར་འདུག །སུལ་བུ་དག་ཀྱང་མེད་པ་ལ། །དཀར་སེར་མདོག་ཀྱང་གཏིང་ན་འཚེར། །འཇམ་དཔལ་རྣོན་པོས་བྱིན་གྱིས་བརླབས། །བཞག་པ་ཙམ་གྱིས་ནད་རྣམས་སེལ། །ལྷ་རིགས་ལྟ་བུའི་མི་རྣམས་སམ། །བསོད་ནམས་ཅན་ལ་སྦྱར་བ་ལས། །གཞན་གྱིས་དེ་ནི་ཐུབ་པ་མེད། །གཅིག་ནི་གནོད་སྦྱིན་ཡུལ་དུ་འཁྲུངས། །སྟོབས་དང་ལྡན་ཞིང་གཅུ་ཐབས་ཅན། །ཁ་དོག་དག་ཀྱང་ནག་པོར་གནས། །ཆེ་ཆུང་ཚད་ནི་བཅའ་ཅའི་སྟོད། །རྩེ་མོ་རྡོ་རྗེའི་དབྱིབས་སུ་འདུག །ཕྱག་ན་རྡོ་རྗེས་དབང་བསྐུར་བས། །མཐུ་དང་སྟོབས་སུ་ལྡན་པ་ཡིན། །བགེགས་ཀྱིས་སྤྱོད་པའི་ནད་ལ་གཏང་། །གཅིག་ནི་གཟའ་ཡི་ཡུལ་དུ་ཡར། །དབྱིབས་ནི་རྭ་ཡི་དབྱིབས་སུ་འདུག །ཆེ་ཆུང་ཚད་ནི་སྦྱངས་དང་མཉམ། །བིཌརུ་ཡིས་བྱིན་གྱིས་བརླབས། །དྲག་ཤུལ་སྤྱོད་པའི་ནད་ལ་གཏང་། །གཟའ་ཡི་དྲང་སྲོང་བརྒྱད་རྣམས་སྤྱོད། །གཅིག་ནི་རི་བདུན་ཁ་ལ་བབས། །སྲིད་པ་གཞོམ་པའི་ཨ་རུ་ར། །དབྱིབས་ནི་ཟླ་བའི་དབྱིབས་སུ་འདུག །སེར་ལ་དམར་བ་ཉི་མའི་མདོག །སུལ་བུ་ཕྱོགས་གཅིག་དག་ནས་སྐྱེ། །ཕྲ་ཞིང་མང་བས་ཉི་ཟེར་འདྲ། །འོད་ཀྱི་རྒྱལ་པོས་བྱིན་གྱིས་བརླབས། །ཆེ་ཆུང་ཚད་ནི་ལྡབ་དྲི་ཙམ། །གྲང་བས་ཉན་པ་རྣམས་ལ་སྦྱར། །གཅིག་ནི་ཀླུ་ཡི་ཡུལ་དུ་བབས། །འཇོམས་པརབྱེད་པའི་ཨ་རུ་ར། །སུལ་བུ་ཤིན་ཏུ་ཕྲ་ལ་ཞིབ། །སུལ་བུ་དམར་ཞིང་ལོགས་རྣམས་དཀར། །གྱེན་དུ་གས་པའི་སེར་ག་ཅན། །ཆེ་ཆུང་ཚད་ནི་ནག་པི་ཙམ། །སྤྱན་རས་གཟིགས་ཀྱིས་བྱིན་གྱིས་བརླབས། །རྨ་མི་གྲང་བདུན་ཁ་རུ་བབས། །རླུད་དང་བད་ཀན་དཀར་པོའི་སྤྲན། །གཅིག་ནི་གཙུག་འཛིན་ཡུལ་དུ་བབས། །ཤིན་ཏུ་ཆེ་ཞིང་པགས་པ་མཐུག །ཡ་ཡོ་མེད་ཅིང་ཟླུམ་ལ་འདྲིལ། །ཆེ་ཆུང་ཚད་ནི་དི་འབི་ཏ། །གྲུབ་པའི་བློ་གྲོས་བྱིན་གྱིས་བརླབས། །ཤ་རྣམས་རབ་ཏུ་སྐམ་པ་དང་། །རླུང་དང་རྒས་པར་གྱུར་པ་ཡི། ཁྲ་ཚིལ་མེ་ལྟར་འབར་བར་བྱེད། །གཞོན་ནུར་འགྲོ་ལ་ཐེ་ཚོམ་མེད། །གཅིག་ནི་གཙང་མའི་གནས་སུ་བབས། །དབྱིབས་ནི་སྒོ་ངའི་དབྱིབས་སུ་གནས། །སུལ་བུ་མེད་ཅིང་ཡུ་བ་ཅན། །ཆེ་ཆུང་ལུག་ཕོའི་ལོང་ག་ཙམ། །ལྷ་མོ་སྒྲོལ་མས་བྱིན་གྱིས་བརླབས། །འཇམ་ཆོས་ཀུན་ལ་རབ་ཏུ་བསྔགས། །དེ་ལྟར་འཇིག་རྟེན་དགུ་པོ་སྲ །ཟོས་པས་ཚེ་ལོ་ཁྲི་འབུམ་ཐུབ། །བསྒྲུབས་པས་རྐྱེན་མེད་དངོས་གྲུབ་ཐོབ། །བཞི་བརྒྱ་རྩ་བཞིའི་ནད་རྣམས་ཀུན། །འཇིག་རྟེན་དགུ་རུ་ལྡང་མ་ནུས། ཁྲེན་ཏུ་ངོ་མཚར་གྱུར་ནས་ནི། །འདི་ནི་ཚད་མེད་ཤིང་གི་སྨན། །རྩ་བ་དམྱལ་བའི་ཡུལ་ན་ཡོད། །རྩ་བ་བཅད་པས་སྡོང་མ་འགྱེལ། །ཀླུ་ཡི་བསོད་ནམས་ཡིན་པར་ངེས། །སྡོང་པོ་བཅད་པས་ངར་མ་ཆགས། །ལྷ་མིན་གཟའ་སྐར་བསོད་ནམས་ཡིན། །ངར་པ་བཅད་པས་ཡལ་མ་བསྐམས། །དྲང་སྲོང་བརྒྱད་ཀྱི་བསོད་ནམས་ཡིན། །ཡལ་ག་བཅད་པས་འདབ་མ་ཡོངས་མ་ཉིལ། །གཞོང་ཐོགས་ལྷ་ཡིས་བསོད་ནམས་ཡིན། །ལྷ་མ་ཡིན་གྱི་རལ་གྲི་ཡིས། །ལྷ་རྣམས་ཀུན་ལ་ཞེ་སྡང་ལངས། །འབྲས་བུ་འདབ་མའི་མཚམས་སུ་བཅད། །ལྷ་ཡི་བསོད་ནམས་མ་བྲི་བས། །འབྲས་བུ་བར་སྣང་ཁམས་སུསྨིན། །མེཏོགཨུདུམཝརཡང་། །བདུན་གྱི་མཐའ་མ་བསྐོར་ནས་གནས། །སྔ་མ་བས་ཀྱང་མདངས་དང་ལྡན། །མེ་ཏོག་ཨུ་དུམ་ཝ་ར་ལ། །ལྷ་རྣམས་ཀུན་གྱིས་བལྟས་གྱུར་པས། །སྤྱན་གྱི་དངོས་གྲུབ་ཆེན་པོ་ཐོབ། །རིག་པས་ལུས་ཀྱི་ནད་རྣམས་བྱང་། །ཟོས་པས་ཚེ་ཡི་རིག་འཛིན་ཐོབ། །ལྷ་རྣམས་ཀུན་གྱི་ངོ་མཚར་ཐོབ། །ལྷུང་བའི་དཔག་བསམ་ལྗོན་ཤིང་འདི། །ལྷ་ཡི་བསོད་ནམས་ལས་ལས་གྲུབ། །ཀླུ་དང་དམྱལ་བ་གཟའ་སྐར་གྱིས། །བཅད་དེ་ཐུང་བར་མི་འགྱུར་ལ། །བཞོག་སྟེ་ཕྲ་བར་མ་གྱུར་ལ། །ལྷ་མ་ཡིན་ནི་ཞེ་སྡང་གིས། །ལོ་མ་ཕྲལ་ཡང་འབྲས་བུ་སྨིན། །ཡ་མཚན་མེ་ཏོག་གཏིང་ནས་སྐྱེས། །འདི་ཡི་ངོ་མཚར་ཆེ་ཚོད་ལ། ཁེང་ལ་ལྷ་གཅིག་མི་བདོག་གམ། །སྨན་ལ་སྲུང་མ་མི་བདོག་གམ། །ཞེས་ནམ་མཁའ་ལ་བལྟས་ཏེ་ནམ་མཁའ་ལ་དམོད་པ་བོར་རོ། །དེ་ནས་ཅུང་ཞིག་ལོན་པ་དང་། །ལྷ་རྣམས་བསོད་ནམས་ཆེ་བ་དང་། །མདུན་གྱི་ནམ་མཁའ་དག་ལས་ནི། །འདི་ལྟ་བུ་ཡི་སྒྲ་རྣམས་བྱུང་། །ཨེ་མ་ཧོ། །ངོ་མཚར་ཆེ་བའི་ཤིང་དང་སྨན། །སྐྱེས་པ་རྭ་ཏྲོརེ་སྲོག་རྩ་ཡིན། །མ་ཆོད་པ་ནི་རྭ་ཏྲེཛེ་མཐུ། །མེ་ཏོག་ལྷ་ཡི་བསོད་ནམས་ཡིན། །འབྲས་བུ་སྨིན་པ་ཀུན་གྱི་གསོས། །འདིས་ནི་ལྷ་མོ་རིམ་པར་འབྱུང་། །ཞེས་བྱ་བའི་སྒྲ་བྱུང་ནས། མདུན་གྱི་ནམ་མཁའ་ན་སྲིན་པོ་ཀྲོ་དྷི་ཤྭ་རྡི་ཞེས་བྱ་བ་བདུད་དང་རྭ་ཏྲེཛེ་ཆུང་མ་དེ་བྱུང་ནས། བདག་གི་གཙོ་བོ་དཔག་བསམ་གྱི་ཤིང་དུ་སྐྱེས་ནས་འདུག་གོ ཁེན་ཏུ་གདུང་བའི་སེམས་ཀྱིས་ནི། ཤེང་ལ་ཧྲིལ་གྱི་འཁྲིལ་ནས་འདུག །འོད་ནི་དཔག་ཚད་གཅིག་དང་ཆས། ཁེང་གི་ལྷ་མོ་འོད་འཆང་མར། །ལྷ་རྣམས་ཀུན་གྱིས་མིང་ཡང་བཏགས། ་རྐོན་ཏུ་དུང་བའི་མཆི་མ་ནི། །ཐང་ལ་ཐིགས་གཅིག་ལྷུང་བ་ལས། །ག་བུར་དམར་རྩ་ཅན་གཅིག་ཞབྲུངས། །བྱང་ཆུབ་སེམས་ཀྱི་སྐྱོབས་ཡིན་ཏེ། །དཀར་ལ་དམར་རྩ་ཆགས་པ་ཞིག །བལྟས་ན་གཏིང་རྣམས་ཤིན་ཏུ་འཚེར། །དྲི་ཡང་བྲོ་མོ་དག་ཏུ་མནམ། །ཁྲག་གིས་མིག་རྣམས་ལོང་ལ་ཕན། །ཤིན་ཏུ་ཆགས་པ་སྐྱེས་པ་ལས། །མངལ་གྱི་གཡའ་ཆུ་ཐིགས་གཅིག་འཐིགས། །ལྷ་རྣམས་ཀུན་ལ་ངོ་ཚ་ནས། །ཙསྡོན་ཤིང་གི་སྡོང་བུ་ཡིས། །གཡའ་ཆུ་བླངས་ཏེ་ས་ལ་བསྒྱུར། །འཛམ་བུའི་གླིང་གི་དབུས་སུ་སྐྱེས། །བདུད་རྩི་ག་པུར་ཞེས་སུ་གྲགས། །དེ་ཡང་ཤེལ་གྱི་པོག་ཕོར་དྲི། །མཁྲེགས་ཤིང་དཀར་ལ་མདངས་ལྡན། །དྲི་ཡང་ལྷ་མོའི་མངལ་དུ་མནམས། །ཚ་བའི་ནད་རྣམས་ཕྱོགས་མེད་ལ། ་རྒོན་ཏུ་བསིལ་བའི་བདུད་རྩི་ཡིན། །ཡབ་ཀྱི་བྱང་སེམས་ལྷག་མ་གཅིག ་གོན་ཏུ་ཆགས་པས་གཡོས་པའི་རྩད། །ལྷ་མོས་ཆུ་གཅིག་གཏང་བ་ལས། །དྲི་ཆུ་སྣ་ལ་ལུག་སྟེ་བྱུང་། །ལྷ་རྣམས་ཀུན་ལ་ངོ་ཚ་ནས། །དུང་ཆེན་སྐྱོགས་ཀྱི་ལྷུམས་ཀྱིས་བཅུས། །རྒྱ་མཚོའི་ནང་དུ་སིབ་ཀྱིས་ཕོ། །བདུད་རྩི་མུ་ཏིག་དག་ཏུ་སྨིན། །རྒྱ་མཚོའི་མཐའ་ཀུན་ཁྱབ་པར་སྨིན། །ཆུ་ལས་ཆུ་ཐིགས་སྔོན་པོ་འཁྲུངས། །མུ་ཏིག་དཀར་པོ་དྲི་མ་མེད། །ཉི་མའི་འོད་བས་ཤིན་ཏུ་འཚེར། །ཟླ་བའི་བཀྲག་པས་ཤིན་ཏུ་དཀར། །རུས་པ་ཆགས་པ་ཀུན་གྱི་གསོས། །སྟོབས་ཀྱང་ཟླ་བ་ཉ་བ་བཞིན། །སེམས་རྣམས་གསོ་བར་ཤིན་ཏུ་ཤིས། །བྱང་ཆུབ་སེམས་ཀྱི་གཙོ་བོ་ཡིན། །ཆུ་ལས་ཆུ་ཐིགས་བྱུང་བ་ནི། །ཉི་མའི་ཟེར་གྱིས་ཕོགས་པ་ནི། །ནམ་མཁའི་ཐིགས་པ་འཐིགས་པ་འདྲ། །ཁ་དོག་འོད་ནི་ཨུཏུ་ལ། །དྲི་མ་མེད་ཅིང་བཀྲག་མདངས་ལྡན། །སྐྱོབས་ཆེན་བདུན་གྱིས་རབ་བརྒྱན་ནས། །ཆུ་རྣམས་སླགས་ས་ཀུན་ལ་ཕབ། །ས་དང་ཆུ་རུ་འདྲེས་པ་ལས། །མུ་མན་ཐེག་རྒྱུའི་རྡོ་རུ་སྨིན། ཁ་སྔོ་ས་ཡི་མདོག་ཏུ་གནས། །སྣུམ་གྱིས་ཕོག་ན་བཀྲག་ཀྱང་གསལ། །སྐྱོབས་ཆེན་དྲུག་གིས་ཁྲིད་གྱུར་ན། །གླང་རྣམས་ན་བའི་སྨན་དུ་འགྲོ། །དེ་ནས་ལྷ་རྣམས་མདུན་མར་འདུས། །འུ་ཅག་བདུད་རྩིའི་རྒྱལ་པོ་འདུས། །རྨ་རྣམས་བྱུང་ཡང་སོས་གྱུར་བས། །ལྷ་མ་ཡིན་ལ་དམག་དྲངས་ཟེར། །ལྷ་ཡི་གཡུལ་ངོ་ཆེན་པོ་བཟློག །ལྷ་མིན་རྣམས་ལ་དམག་དྲངས་བས། །ལྷ་ཡི་གཡུལ་ངོ་རབ་ཏུ་རྒྱལ། ཁེང་གི་ལྷ་མོ་འོད་འཆང་མ། །ཞལ་ནས་སྨན་མཆོག་ཨ་བར་གསོལ། །ལྷོ་རུ་བལྟས་ཏེ་འཛུམ་གཅིག་ཤོར། །སྨན་མཆོག་ཨ་རུ་ར་གཅིག་ནི། །ལྷོ་ཡི་འཛམ་བུའི་གླིང་དུ་ཡར། །དེར་སྐྱེས་རྒྱལ་པོ་བསོད་ནམས་ཅན། །ཛ་ཞེས་བྱ་བའི་ཁང་སྟེང་དུ། །དྲོ་ཁ་གཅིག་ལ་བབས་ཏེ་བྱུང་། །ཙིཀྟ་པི་ཏ་བྱ་བའི་ཤིང་། །ཡ་མཚན་ཅན་ལ་ཞབྲུངས་ཏེ་བྱུང་། །མིང་ཡང་རྣམ་པར་རྒྱལ་བར་བྱ། །ཆེ་ཆུང་སྙོ་རའི་བྷརྙ་ཙམ། །དབྱིབས་ནི་བུམ་པའི་དབྱིབས་སུ་འདུག །དཀར་དང་སེར་དང་དམར་བའི་བཀྲག །སྤྲི་ཡི་བར་ན་ནག་པོ་ཡོད། །བདས་པའི་ཤུན་ནི་སྔོན་པོ་ལྡང་། །ཟུར་གྱིས་ཚ་བའི་ནད་རྣམས་སེལ། །སྐྱིབས་ཀྱི་གྲང་བའི་ནད་རྣམས་སེལ། ཁྲ་ཡིས་རླུད་གི་ནད་རྣམས་སེལ། །པགས་པས་རྨ་རྣམས་དག་ཀྱང་འཚོ། །དྲི་ཡིས་འདུས་པ་ཀུན་ཀྱང་སེལ། །བཞི་བརྒྱ་རྩ་བཞིའི་ནད་རྣམས་ལ། །བཏང་ན་མི་ཕན་གཅིག་ཀྱང་མེད། །སྦྱོར་བ་ཀུན་ཀྱང་འཇིལ་བའི་སྨན། །རྒྱལ་པོ་ཛ་ཞེས་བྱ་བ་དེས། །གསོལ་པས་ཚེ་ལོ་ཁྲི་ཁྲག་ཐུབ། །སུལ་བུ་བརྒྱ་དང་བཅོ་ལྔ་གནས། །རོ་རེས་ན་བ་བཞི་བཞི་སེལ། །བཞི་བརྒྱ་རྩ་བཞིའི་གཉེན་པོ་ལ། །བཅུ་གཅིག་རྒས་པ་གསོ་བའི་སྨན། །ལྷ་མོ་རྣམས་ཀྱིས་བསྐོར་བ་བགྱིས། །ཆོས་སྐྱོང་མགོན་པོས་སྲུང་མ་བགྱིས། ཁྲཀྱ་ཐུབ་པས་བྱིན་གྱིས་བརླབས། །བྱང་ཆུབ་སེམས་དཔའ་བཀྲ་ཤིས་གསོལ། །མི་རྣམས་ཀུན་གྱིས་ངོ་མཚར་བརྗོད། །བཅོམ་ལྡན་ཤཱཀྱ་ཐུབ་པ་ཡིས། །བསམ་གཏན་མཛད་པའི་ཤར་ཕྱོགས་སུ། །ཁ་ནི་ཤར་དུ་བལྟས་ནས་སྐྱེས། །ལྷ་རྫས་དགེ་བ་ཨ་རུ་ར། །ལྷ་སྲིད་སྡེ་བརྒྱད་ཀུན་གྱིས་ནི། །བཀྲ་ཤིས་ངོ་མཚར་ཀུན་གྱིས་གསོལ།།གཟའ་ཆེན་ཁྱབ་འཇུག་སྒྱུག་པ་བདུན།།ལྷ་རྫས་དེ་ཡི་མགུལ་དུ་ལུག །རིགས་བདུན་ས་ལ་ལྷུང་སྟེ་སྨིན། །ལྷ་རྫས་དགེ་བ་ཨ་རུ་ར། །རིགས་བདུན་ས་ལ་ལྷུང་བ་ནི། །བརྒྱ་བྱིན་བདུད་རྩི་འཐུང་བའི་ཚེ། །ཐིགས་པ་བདུན་ནི་ས་ལ་ལྷུང་། །རླུཎྜ་གིས་ཁྱེར་ཏེ་ས་ལ་སྐྱེས། །བདུད་རྩིའི་གཙོ་བོར་རབ་ཏུ་གྲགས། །དངོས་སུ་ཨ་རུའི་འབྲས་བུ་སྟེ། །རིགས་ནི་རྣམ་པ་བདུན་ཡོད་དེ། །རྣམ་པར་རྒྱལ་བ་དང་། གསུམ་བསྒྲིབས་དང་། གསོད་བྱེད་དང་། འཇིགས་བྱེད་དང་། རྩི་བྱེད་དང་། སྐྱེས་བྱེད་དང་།གསེར་འདྲ་དང་བདུན་ཏེ། དེ་དག་གི་ཡོན་ཏན་ནི། རླུད་དང་མཁྲིས་པ་བད་ཀན་དང་། །དུས་ཀྱི་ནད་དང་འདུས་པའི་ནད་། །དུས་མིན་འཆི་ལས་ཐར་བར་བྱེད། །ཅེས་སྨོས་ཏེ། ཨ་རུ་ར་ལ་ཡང་རོ་རྣམ་པ་ལྔས་སེལ་བར་བྱེད་པ་ནི། ཤུན་ལྤགས་བསྐ་བས་རླུ་་ནད་སེལ། །རུས་པ་མངར་བས་མཁྲིས་པ་སེལ། ནང་ཚ་བས་བད་ཀན་སེལ། དབུས་སྒྱུར་བས་ཆུ་སེར་སེལ། དེ་ཀུན་སྤྱིར་འདུས་པས་འདུས་ནད་སེལ། རང་བཞིན་ནུས་མཐུ་དེ་འདྲ་ན། །མན་ངག་ཅན་གྱིས་བསྒྲུབ་གྱུར་ན། །བྱིན་རླབས་ཡ་མཚན་ཆེན་པོར་འགྱུར། །ཚོང་དཔོན་བུ་མོ་ནོར་བཟང་མ། །ནོར་བུ་རིན་ཆེན་ཡོན་དུ་ཕུལ། །བཀྲ་ཤིས་མཆོག་ཏུ་འདི་བརྗོད་དོ། །འཛམ་གླིང་རྒྱལ་པོ་བསོད་ནམས་ཅན། །མ་བརླན་མཁའ་ལས་བྱུང་བ་ཡི། །བཞི་བརྒྱ་རྩ་བཞིའི་གཉེན་པོ་འདི། །བདག་གི་དང་དུ་བླང་བར་བྱ། །ཞེས་ཕྱག་ཏུ་བཞེས་པས། མི་རྣམས་ཀུན་གྱིས་འཇིག་རྟེན་དུ། སྨན་གྱི་ལྷ་མོ་ནོར་གྱི་རྒྱུན་ཞེས་སུ་གྲགས། །ཨུ་དུམ་འབར་བ་བདུན་པོ་ལ། །ཡ་མཚན་ཆེ་བའི་བྱ་བདུན་ཆགས། །སྙིང་པོ་ཟ་བ་རྨ་བྱ་བྱུང་། །སྨན་གྱི་བྱ་ཡིན་དུག་རྣམས་ཟ། །ལྷ་མོ་ཀུན་ཀྱང་རྨ་བྱའི་མགྲིན། །ནགས་ཀྱི་ལྷ་མོ་ཞེས་སུ་རྒྱས། །ཧ་ཅང་མང་ན་ལྕི་བར་བྱེད། །མཁས་པས་སྨན་གྱི་ཆ་སྙོམས་ནས། །ཨ་རུ་ར་དང་གསུམ་སྦྱར་ནས། །གཙིག་རྐྱང་གཏང་བ་མ་ཡིན་ནོ། །དེ་ཡི་མིང་ཡང་སྒྱུ་རུ་ར་ཞེས་བཏགས། །ཨ་མྲི་ཏ་ནི་ཀུན་ལ་དགོད། །སྨན་རྣམས་ཀུན་གྱི་ནུས་པ་སློང་། །བཏོགས་ནས་ཞག་གསུམ་བར་དུ་ནི། །གཅན་གཟན་སྤུ་ཡིས་བྱིབས་ཏེ་བཞག ། །ཕྱི་ཤུན་རང་གིས་འབྱེད་འདོན་ན། །དྲོད་ཚད་དུས་ལ་བབས་པ་ཡིན། །གྲིབ་མ་སྤངས་ལ་མེ་ཉེར་བསྐམ། །ཧ་ཅང་ཚ་བར་གྱུར་ན་ནི། །ནུས་པ་ཅུང་ཞིག་འཛག་པ་ཡིན། །གྲང་སར་ཕྱིན་ཏེ་བསྐམ་པར་བྱ། །སྦྱོར་བ་གང་དང་གང་རྒྱུག་པ། །སུམ་ཅུ་ཐམ་པའི་ཆ་གཅིག་གཏང་། །བུང་ནི་གཙོ་བོས་མཇལ་བ་ཡིན། །སྨན་ཚད་དག་ཏུ་སྦྱོར་གྱུར་ན། །ཕུལ་གང་ཕན་ཆད་ཆུ་ཡིས་ནི། །ཉེན་པར་བྱས་པ་མ་ཡིན་ནོ། །གམ་ཕྱེ་དག་ལ་གཏོང་འགྱུར་ན། །རན་ལ་མཛེས་པའི་ཆང་དུ་སྦང་། །དྲོད་ཀྱིས་ཞག་གཅིག་འབུག་ལ་གཏང་། །གལ་ཏེ་ཟངས་ཐལ་བྱུང་བ་ན། །མི་ཚ་དེ་ཡི་ཆ་གཅིག་དང་། །ཁ་མོ་ཕབས་ལ་སྦྱར་ཏེ་གཏང་། །དེ་ཡིས་ཁྲག་གི་ཟིལ་བ་རྣམས། །བདུད་རྩིར་བ་མེ་མེན་བུར་སྐྱེས། །སྤང་རྣམས་རྒྱས་པའི་ས་རུ་འཁྲུངས། །ཕལ་ཆེར་ས་ལ་འཁྲུངས་མོད་ཀྱང་། །རྩ་བ་ཕྲ་ལ་སྡོང་པོ་འཁྱོག །འདབ་མ་ར་ཡི་རྣ་བ་འདྲ། །ངར་པ་སྨུག་ལ་མེ་ཏོག་དཀར། །འབྲས་བུ་སྐེ་ཚེ་འདྲ་མོད་ཀྱང་། །ཁ་གཏིང་མེད་པར་མངར་བའི་རོ། །བད་ཀན་སྨུག་པོའི་གཉེན་པོ་ཡིན། །འཁྲུ་དང་སྒྱུགས་པ་གཅོད་བྱེད་ཅིང་། །སྨན་རྣམས་ཀུན་གྱི་ཕབས་སུ་འགྱུར། །ཁ་བསིལ་ཞུ་རྗེས་ཅུང་ཞིག་ཚ། །རིག་པ་ཅན་གྱི་བྱ་རྣམས་ཟ། །མི་རྣམས་ཀུན་གྱིས་ཟོས་གྱུར་ན། །ཁོང་གི་ནད་རྣམས་ཁད་ཀྱིས་འབྱང་། །མནན་ནས་ཟོས་ན་ནུས་པ་འབྱུང་། །ཕབས་སུ་བྱས་ནས་ཀུན་ལ་འཇུག །གཅིག་ནི་ཀི་ནི་པི་ཙེས་བྱ། །མཁའ་ལྡིང་གོང་མོ་ཀུན་གྱིས་ཚོར། །རྩ་བ་ལོ་མ་རམ་པུ་འདྲ། །འབྲས་བུ་འབྱུང་བར་མི་འགྱུར་རོ། །རྩ་བ་བརྐོས་ཏེ་སྨན་བྱས་ན། །ཁོང་ནད་རྣམ་པ་ཀུན་ལ་བྱམས། །སྦྱར་ནས་སྨན་རྣམས་ལངས་པའི་སྨན། །ཁྲག་ཟགས་བ་ལ་རབ་ཏུ་བསྔགས། །རྭ་ཏྲའི་སོ་ནི་ཡར་བ་ལས། ཁྲེང་ཆེན་མ་གི་ཏ་རུ་སྐྱེས། །མུ་ལེ་གྲམ་ཤིང་མགུལ་དུ་སྐྱེས། །དེ་ལས་ས་སྟེང་ཁྱབ་པ་ལ། །དཔྱ་རུ་བདུད་རྩི་ཅུ་གང་བྱུང་། །མདོག་ནི་དཀར་ལ་དྲི་རོ་མེད། །གྲོ་སོགས་འདྲ་སྟེ་ཤིན་ཏུ་སྒྲོན། སྐྱེསཁེན་ཏུ་བསིལ་ཏེ་གློ་ལ་འཇུག །རྭ་ཏྲའི་བ་སྐྲུ་ཡར་བ་ལས། །བདུད་རྩི་ཆེན་པོ་བ་ལེ་ཀ །ཕྲ་མཉེན་སྣ་ལམ་ལག་སྡོགས་འདྲ། །དཀར་སེར་མདོག་དང་མདམ་གྱི་དྲི། །སྟོན་པ་རབ་ཏུ་བྱུང་སར་སྐྱེས། །ཀུན་ལ་རབ་ཏུ་སྙོམས་པའི་སྨན། །དུ་ཏྲའི་ལྟེ་ཁྲག་ཡར་བ་ལས། །ཙན་དན་སྨུག་པོ་དག་ཏུ་འཁྲུངས། ཁེན་ཏུ་སྨུག་ཅིང་དྲི་ཡང་ལྡང་། །ཁ་བསིལ་གཏིང་ཡང་ཚ་བ་བསྐྱེད། །བགེགས་རྣམས་ཀུན་གྱི་གཉེན་པོ་ཡིན། །ཁྲག་གི་ནད་དང་ལྟེ་བ་མགུལ། །ཕོ་བྲང་ཀུན་ལ་ཅུང་ཞིག་ཕན། །རྭ་ཏྲའི་སྐྲ་ཡི་སྐྲ་ཚོམས་གཅིག །ས་ཡི་སྟེང་དུ་ཡར་བ་ལས། །གརྙ་བྷ་དྲའི་སྨན་དུ་འཁྲུངས། །དབྱིབས་དང་གཟུགས་ནི་མ་ངེས་ཏེ། ཤེང་གི་ཡལ་ག་དག་དང་འདྲ། །ནད་རྣམས་རྩ་རུ་ཞུགས་ལ་ཕན། །མཆིན་ཁྲག་དེ་ཡི་སྟེང་དུ་ཡར། །བདུད་རྩི་གུར་གུམ་ཞེས་སུ་གྲགས། །སྨན་མཆོག་དེ་ཡི་མེ་ཏོག་ནི། །ཁ་ཆེའི་རྒྱལ་ཁམས་ཀུན་ཏུ་སྐྱེས། །སྟོན་པས་ཁབ་ནི་བཞེས་པའི་སར། །དམར་རྩ་ལྡུམ་བུ་རྩ་རུ་སྐྱེས། ཁ་བའི་རོ་ལྡན་མཆིན་པའི་སྨན། །མིག་ནི་རྒུད་པ་ཀུན་ལ་ཕན། །དེ་ལས་གྱེས་པའི་ཡལ་ག་ཡང་། །སྨན་མཆོག་བདུད་རྩི་ཨ་བ་བྱ། །རྩུབ་པ་བྲག་རིའི་སྐེད་ལ་འཁྲུངས། །ལྡུམ་བུ་སྨུག་པོ་རྩ་ཡི་དབྱིབས། །རྙི་ཐོག་མར་དང་སྦྱར་གྱུར་ན། །དེ་ཡི་ནུས་པས་མིག་ནད་སེལ། །རྭ་ཏྲའི་རླིག་འབྲས་ཡར་བ་ལས། །བདུད་རྩི་དེ་ཡི་སྟེང་དུ་བབས། །སྔ་སྐྱའི་མདོག་སྟེ་མི་མགོའི་གཟུགས། །མིང་ནི་ཛ་ཏི་ཕ་ལ་བྱ། །དྲི་ཡང་བཟང་ཞིང་སྟོབས་དང་ལྡན། །རླུད་ནད་ཀུན་ལ་རབ་ཏུ་བསྔགས། །གལ་ཏེ་འགྱངས་པར་གྱུར་ན་ཡང་། །དྲི་དང་སྟོབས་ཀྱིས་ནད་འཇིལ་ནུས། །སྦྱོར་བ་དག་ཏུ་གྱུར་པ་ན། །མེ་དང་ཆུ་ཡི་ཉེན་མི་བྱ། །ཀུན་ལ་སྙོམས་པ་བདུད་རྩི་ཡིན། །སྙིང་རླུད་ཀུན་ལ་རབ་ཏུ་བསྔགས། །ཁ་རུ་ཚ་དང་ཆ་སྙོམས་ནས། །རྩི་ཐོག་མར་གྱིས་སྣ་ཁྲིད་ན། །ཟོས་པ་ཙམ་གྱིས་སྙིང་རླུང་རྣམས། །ངེས་པར་མིང་ཡང་མེད་པར་འགྱུར། །དུ་ཏྲའི་མཛུབ་མོ་ཡར་བ་ལས། །ཁ་བྲག་ལམ་གསུམ་མདོ་ཆེན་དང་། །གས་གླེ་བྲག་གི་སྣེ་ལ་ཞབྲུངས། །བདུད་རྩི་ཆེན་པོ་ཀ་ཀོ་ལ། །འདབ་མ་རིན་ཆེན་ཕྱིར་སློག་འདྲ། །སྙིང་པོ་རེའུ་ཐུལ་ཕྱིར་སློག་འདྲ། །མགུ་པ་ཤིན་ཏུ་དྲ་བ་ལ། །ཡན་ལག་ཤིན་ཏུ་མང་བར་གནས། །འབྲས་བུ་རྭ་ཏྲོརེ་མཛུབ་མོ་འདྲ། །ཞུ་རྗེས་གྲང་བ་ཀུན་ལ་སྙོམས། །སྟོན་ཟླ་འབྲིང་པོའི་ཉ་ལ་བརྡ། །གྲིབ་མ་དག་ལ་བསྐམས་ཏེ་གཏང་། །དུ་ཏྲོརེ་མཆན་ཁུང་དྲི་མ་ནི། །རྒྱ་གར་བལ་པོའི་མཚམས་སུ་ཡར་། །ཐང་ག་ས་བྲག་གླེ་དག་དང་། །རུ་རྩུབ་དག་གི་ཤིང་དུ་ལུབྲུངས། །བདུད་རྩི་ཆེན་པོ་སུག་སྨེལ་ཡིན། །རྩ་བ་ངན་ཞིང་ཤིན་ཏུ་ཕྲ། །སྙིང་པོ་ཕྲ་ཞིང་འདབ་མ་ལེབ། །འདབ་རྩེ་ཟུར་གསུམ་རྩེ་མོ་རྣོ། །མེ་ཏོག་དམར་རྩ་འབྲས་བུ་རྩུབ། །དབྱིབས་ཀྱང་གྲུ་གསུམ་དཀྱིལ་དུ་སྦོམ། །སྟོན་ཟླ་ཐ་ཆུང་ཚེས་བརྒྱད་ལ། །བརྔས་ནས་ཞག་གཅིག་རས་ཀྱིས་བྱིབ། །ཉི་མའི་འོད་ལ་བསྐམས་ཏེ་གཏང་། །ཙསྡོན་མེ་ལ་བསྲོས་གྱུར་ན། །གྲང་བ་ཀུན་གྱི་སྨན་དུ་བཤད། །མ་སྨིན་པ་ལ་བརྔས་གྱུར་ན། །ཚ་བ་ཀུན་གྱི་སྨན་ཡིན་ནོ། །དུས་གསུམ་བརྔས་པར་གྱུར་ན་ནི། །ཚ་གྲང་ཀུན་ལ་སྙོམས་པ་ཡིན། །རྩ་རྩེའི་ཁྲ་ཡིས་ཁྲིད་གྱུར་ན། །དྲོད་ནད་ཀུན་གྱི་སྙིང་པོ་ཡིན། །རུ་ཏྲོརེ་མཚེར་ཁྲག་ཡར་བ་ལས། །བདུད་རྩི་ཆེན་པོ་ལི་ཤི་ཞབྲུངས། །ཁྲག་གི་གཟེར་བུ་ཞེས་སུ་གྲགས། །དྲོ་ཞིང་ཞི་རྗེས་རབ་ཏུ་ཚ། །མཚེར་པའི་ནད་ལ་རབ་ཏུ་བསྔགས། །བདུད་རྩི་རིན་པོ་ཆེ་འཁྲུངས་པའི་རྒྱུན་ཞེས་བྱ་བ་ལས། དུ་ཏྲ་ཆེན་པོ་བསྒྲལ་བ་ལས་ཡར་རྗེས་ཁྲག་གི་ལེའུ་སྟེ་དགུ་པའོ།། །།བཅོམ་ལྡན་རྡོ་རྗེ་གཞོན་ནུ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །དེ་ཡིས་མཁྲིས་པ་ཡར་བ་ལས། །ཐིགས་པ་བདུན་དུ་རབ་ཏུ་ཡར། །གཅིག་ནི་ས་ཡི་བདུད་རྩིར་ཡར། ། ཞེས་པའི་མིང་དུ་གྲགས། །ཆུ་བོ་ཆེན་པོའི་མགུལ་དུ་བྱུང་། །ན་བུན་རྨུགས་པའི་དཀྱིལ་དུ་གནས། །ནག་མཚུར་དག་གིས་མདངས་ཕྱུང་ན། །ཉི་མའི་འོད་དང་ལྡན་པར་འགྱུར། །རིན་པོ་ཆེ་ཡི་གཙོ་བོ་སྟེ། །སྐྱེ་རྒྱུད་མི་འཕེལ་འདོད་པ་ན། །ལྷ་རྩ་འཚེར་པའི་བདུད་རྩི་ཡིན། །གཅིག་ནི་བདུད་རྩི་སྐྱེར་པར་ཞབྲུངས། །ས་ཕྱོགས་ངེས་པ་མེད་པར་སྐྱེ། །གདུག་པའི་ཚེར་མ་ཁ་ལྔས་བརྒྱན། །ས་སྨུག་མཆིན་པ་འདྲ་བའི་རི། ་རྐོན་ཏུ་ནག་པའི་དཀྱིལ་ན་བརྐོ། །སྦྱོར་བ་ལེགས་པར་གྱུར་ན་ནི། །མིག་ནད་རིམས་ནད་བལ་ནད་དང་། །དུག་ནད་ཀུན་ལ་རབ་ཏུ་བསྔགས། །སྟེང་དུ་འཐོན་པ་དྲུག་གཅིག་ཚ། །ས་འོག་སྡོང་པོ་བསིལ་བ་སྟེ། །ཕྱི་དང་ནང་ལ་བྱ་བ་མིན། །བར་ཤུན་སོར་མོ་དག་དང་སྦྱར་། །དབྱར་ཟླ་གསུམ་ལ་ནད་རྣམས་སློང་། །སྟོན་ཟླ་གསུམ་ལ་མཁྲིས་པ་ལྡོག །དགུན་ཟླ་འབྲིང་པོ་དག་དང་ནི། །དཔྱིད་ཟླ་འབྲིང་པོ་དག་ལ་བརྐོ། ་།་མཁྲིས་སྨིན་པའི་དུས་མིན་ནོ། །ཐིགས་པ་གཅིག་ནི་ཡར་བ་ལས། །སྐྱེར་ནི་ཁ་འདའ་དག་ཏུ་འཁྲུངས། །ལོ་མ་ཀྱོག་པོར་གནས་པ་ལས ངར་བའི་ཚོགས་ཀྱང་ཀྱོག་པོར་གནས། །མེ་ཏོག་དམར་སྨུག་གཞུ་སྐུའོ།རྒྱུ། །ཕ་རྒན་རྩུབ་མོའི་ས་ལ་འཁྲུངས། །སྟོན་ཟླ་དགུན་ཟླའི་མཚམས་སུ་སྐྱེ། །གྲིབ་མ་དག་ལ་རབ་ཏུ་བསྐམ། ཁེན་ཏུ་བསིལ་བའི་ཐང་དུ་ཤིས། །ཐིགས་པ་གཅིག་ནི་ཡར་བ་ལས། །བདུད་རྩི་ཆེན་པོ་ཏིག་ཏ་བྱུང་། །རྩི་ཤིང་འདྲེས་པའི་གསེབ་དག་དང་། །རྡོ་བྲན་མང་བའི་རི་ལ་འཁྲུངས། །འདབ་མ་ཕ་ཝང་རྣ་བ་འདྲ། །སྡོང་པོ་ཅུང་ཟད་ཕྲ་བ་ལ། །ངར་པ་ལྕག་གུ་དེ་བཞིན་ཕྲ། །མེ་ཏོག་ཟླུམ་ཞིང་བུ་གུ་ཕྲ། །སྟོན་ཟླ་ཐ་ཆུང་མར་ངོ་ལ། །བརྔས་ཏེ་དབྱངས་ལ་གདགས་པར་བྱ། །སྔ་ཕྱི་ཤོར་ན་ནུས་པ་མེད། །ཁ་བའི་རོ་ལ་མྱོང་ན་གདོང་། །ནད་རྣམས་འཁྱོགས་པའི་གོ་འབྱེད་ཡིན། །ཟས་རྣམས་ཀུན་གྱི་ལྡེ་མིག་ཡིན། ཁེན་ཏུ་གདེང་བའི་སྨན་ཞེས་བྱའོ། །ཐིགས་པ་གཅིག་ནི་ཡར་བ་ལས། །ཇི་ལྟ་གསེར་གྱི་ཤིང་དུ་སྐྱེས། །ཁ་དོག་སྐྱེད་པ་འདྲ་མོད་ཀྱང་། །སྲོ་མ་བི་ཀར་ལྟ་བུར་སྐྱེ། །རི་མོ་མགུལ་ཀློག་འདྲ་བ་སྐྱེས། །པྲ་རྩི་གཏང་བའི་མདོག་དང་ལྡན། །ལོ་མ་ཆུང་ཞིང་རྩ་བ་སྡོམ། །ཤིན་ཏུ་དྲོ་བའི་བྲག་ལ་འཁྲུངས། །ཁྲག་གིས་སྦྱར་བར་གྱུར་བ་དང་། །བལ་ནད་དག་གི་བདུད་རྩི་ཡིན། །ཐིགས་པ་གཅིག་ནི་ཡར་བ་ལས། །བདུད་རྩི་ཆེན་པོ་དགའ་རུ་སྐྱེས། །རྩ་བ་ཤིན་ཏུ་ཕྲ་བ་ལས། །ལོམནེ ལེའིགཤོགསཔའདྲ། །ངར་བ་སྦུ་གུ་མེ་ཏོག་ཕྲ། །གཡའ་དང་གངས་ཀྱི་མཚམས་སུ་འཁྲུངས། །སྟོན་ཟླ་ཐ་ཆུང་དུས་སུ་བརྔ། །ལོ་མ་མར་དཀར་ཚྭ་དང་བཅས། །ཆུ་དང་བསྲེས་ཏེ་ཐང་དུ་གཏང་། །བད་ཀན་ཉིད་ཀྱི་བདུད་རྩི་ཡིན། །ཟས་སུ་ཟོས་ན་ཡི་ག་འབྱེད། །གལ་ཏེ་དུལ་བར་གྱུར་བ་ན། །བད་མཁྲིས་བཅས་ཏེ་ལྡོག་པར་འགྱུར། །གདུལ་བའི་ཐབས་ནི་ཆུ་ལུད་དེ། །གླ་བ་ཤ་བའི་རིལ་མས་དགབ། །ལོ་གཉིས་བར་དུ་བརྔས་ཤིང་བསྒྱུར། །ལོ་གསུམ་ལོན་ནས་འདབ་མ་བརྔ། །རྩ་བ་ངར་བ་མ་ཡིན་ནོ། །ལོ་མ་ལེགས་པར་བརྔ་ཏེ་སྐམ། ཁེན་ཏུ་ཞིབ་པར་བཏགས་ནས་ནི། །ཚོས་བར་བཙོ་བ་རབ་ཏུ་གཅེས། །ཟས་རྣམས་འཁྲེམ་པའི་བདུད་རྩི་ཡིན། །འདུ་བ་ཀུན་ལ་རབ་ཏུ་བྱམས། །ཐིགས་པ་གཅིག་ནི་ཡར་བ་ལས། །བདུད་རྩི་ཆེན་པོ་མུལྗིར་འཁྲུངས། །འཁྲུངས་པ་གངས་ཀྱི་ལྟོངས་སུ་འཁྲུངས། །སྙིང་པོ་ནག་ལ་མེ་ཏོག་དཀར། །ལོ་མ་སྤྲེའུའི་གཞུག་མ་འདྲ། །དགུན་ཟླ་ར་བའི་སྟོད་ལ་བརྔ། །ཞག་གསུམ་བར་དུ་སྦལ་ལ་བསུབ། །ངར་བ་རལ་བའི་ཆུ་ཡིས་བྲན། །ལེགས་པར་སྣོད་དུ་བསག་གྱུར་ན། །ཞུ་མཁན་ལྟ་བུའི་དྲི་འབྱུང་སྟེ། །ཆུ་དང་མར་དུ་སྦྱར་གྱུར་ན། །ཚ་བའི་ནད་རྣམས་ཀུན་ལ་ཕན། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བ་ལས། དུ་ཏྲ་ཆེན་པོ་བསྒྲལ་བ་ལས་དྲག་བསིལ་མཁྲིས་པའི་ལེའུ་སྟེ་བཅུ་པའོ།། །།དེ་ནས་དུ་ཏྲ་ཆེན་པོ་དེའི། །བཅུད་ཀྱི་ཆུ་བརྒྱད་བྱུང་བ་ལས། །སེམས་ཀྱི་བཅུད་ནི་ཀླད་པ་དེ། །ཚན་པ་བདུན་དུ་ཡར་ཏེ་སོང་། །ཀླད་པའི་ཕྱི་རྒྱ་ཡར་བ་ལས། །མན་དར་རྒྱ་དར་ལྡིབ་ཤོར་འཁྲུངས། །སྤང་དང་ན་ཐང་མཚམས་སུ་ཡང་། །ཉི་ལྕབས་ཚུལ་དུ་འཁྲུངས་པ་ཡིན། །བཏགས་ཏེ་སྣམ་བུར་བྱས་གྱུར་ན། །རྨ་ཡི་ཆིངས་དང་ཡན་ལག་ཆིངས། །ཐུན་མོང་སྨན་གྱི་སྐྱོབས་སུ་བྱུང་། །ཀླད་ཁྲག་ཐིགས་གཅིག་ཡར་བ་ལས། །སྨུག་པོ་སྦལ་རྒྱབ་ཁྲག་ཤའི་མདོག །བཅག་ན་ཟུར་ཅན་ཞིབ་ན་འབོལ། །གཡའ་སྤང་བྱི་བའི་རྡོ་རུ་འཁྲུངས། །ཁ་མོའི་ཆང་གིས་ཁྲིད་གྱུར་ན། །ཀླད་པ་ཉམས་པའི་བདུད་རྩི་ཡིན། །ཀླ་དཀར་ཐིགས་གཅིག་ཡར་བ་ལས། །གངས་དང་ཆུ་འཐབས་བར་དུ་ཞབྲུངས། །མདོག་དཀར་མཁྲེགས་ཤིང་བཏགས་ན་འཇམ། །ཕྱི་ནས་བི་ཙིས་ཁྲིད་གྱུར་ན། །རུས་པ་དུམ་བུ་སྟོང་སོང་ཡང་། །འབྱར་བར་འདི་ལ་ཐེ་ཚོམ་མེད། །ཀླད་པ་མཐའ་ནས་ཡར་བ་ལས། །དེ་ཡང་རྣམ་པ་གཉིས་སུ་ཡར་། །གཅིག་ནི་མཚོ་འགྲམ་པ་ལ་ཡར་། ཁེན་ཏུ་འབོལ་བའི་ས་ལ་ཡར་། །བདུད་རྩི་ཆེན་པོ་འབྲུག་རུས་ཏེ། །ཆེ་ཆུང་ཕོ་འདོམ་གསུམ་གྱི་ཚད། །ཉ་ཕྱིས་ལྟ་བུའི་ཁ་དོག་ལ། །སྲབ་མོ་ཤུན་ལྤགས་བརྩེགས་མར་གནས། །མ་ཧེའི་ཀོ་བ་ལྟ་བུའི་ཚུལ། །ཞིབ་བཏགས་རྩི་དམར་དག་དང་སྦྱར། །ནུ་ཞོ་འཐུང་བའི་བྱིས་པ་ལ། །རུས་པ་སྲ་མཁྲེགས་ལྕགས་སུ་འགྱུར། །ཇི་ལྟར་རྒས་ཀྱང་ཤེད་མི་འཆོར། །རྒས་པ་རང་ཡང་འོང་བ་དཀའ། །ཀླག་སྟེ་བུད་མེད་གཤོན་ནུ་ལ། །བཙོད་ཀྱི་ཁྲག་དང་སྦྱར་ཏེ་གཏད། །བྱིས་པ་བུ་མོ་སྐྱེ་མི་སྲིད། །རྐྱེན་གྱིས་རུས་པ་ཆག་གྱུར་ན། །བཏང་ན་ལྟ་བ་འཆོར་མི་སྲིད། །ཡང་ན་ན་ཚས་གང་ཟིན་པ། །ཞིབ་ཏུ་བཏགས་ཏེ་སྣུམ་དང་བསྲེས། །བསྐུ་མཉེ་བྱས་པར་གྱུར་ན་ནི། །ལུས་ཟུངས་དག་ཀྱང་འཆོར་མི་སྲིད། །རྭ་ཏྲེརེ་འགྲམ་པའི་རུས་པ་ནི། །གཅིག་ནི་ས་ལ་ཡར་བ་ལས། །རྒྱ་མཚོ་ཆེན་པོའི་སྣེ་ལས་ཞབྲུངས། །ལྟེང་ཆུ་ཕྲ་མོའི་ནང་དུ་འཁྲུངས། །སེམས་ཅན་བྲིསྩི་ཀ་རུ་འཁྲུངས། །བཏགས་ཏེ་ཞིག་དཀར་བརྔོས་གྱུར་ཏེ། །ཀླད་པ་རྒྱ་དང་སྦྱར་གྱུར་ནས། །མར་དཀར་དག་གིས་ཁྲིད་གྱུར་ན། །སྐྲ་རྣམས་ཉལ་གྱིས་བྱི་གྱུར་ལ། ཁེན་ཏུ་འཇམ་ཞིང་ལ་བ་ཡི། །སྐྲ་རྣམས་སྐྱེ་ལ་ཐེ་ཚོམ་མེད། །བ་སྤུ་གསོ་བའི་བདུད་རྩི་ཡིན། །ཀླད་པའི་དཀྱིལ་ནས་ཡར་བ་ལས། །རྒྱ་མཚོའི་གཏིང་གི་དུང་དུ་འཁྲུངས། །དེ་ཡང་རིགས་ནི་གསུམ་དུ་ཞབྲུངས། །གཡས་སུ་འཁྱིལ་བའི་དུས་བྱུང་བ། །ཀོ་ཤི་ཀས་བྱིན་གྱིས་བརླབས། །ཕོ་དུང་མོ་དུང་གཉིས་བྱུང་བ། །ཀླུ་རྒྱལ་འཇོག་པོས་བྱིན་གྱིས་བརླབས། །བཏགས་ཏེ་སེང་གེའི་ཞོ་དང་སྦྱར། །སྒྱུ་རུ་ར་ཡིས་ཕབས་བྱས་ཏེ། །ཞག་གསུམ་བར་དུ་མནན་བྱས་ཏེ། །བརྒྱད་ཅུ་ལོན་པའི་རྒན་པོ་ཡང་། །སོ་ནི་གཏིང་ནས་མེད་གྱུར་བར། །ལོ་བཅུ་ལོན་པའི་བྱིས་པ་བཞིན། །བཀྲག་དང་བཅས་ནས་སོ་རྣམས་སྐྱེ། །གཞོན་པར་འགྲོ་ལ་ཐེ་ཚོམ་མེད། །གལ་ཏེ་སེང་གེའི་ཞོ་མེད་ན། །བཙོད་དང་ཀྱངཡངནམ ཀྱུངས་ལ་སོགས་པ་ཡི། །རི་དྭགས་སུམ་ཅུ་རྩ་གཅིག་ཞོ། །ཙྭ་མ་ཟས་པའི་རྒོད་ཀྱི་བུ། །དེ་ཡི་གློ་དང་འབྲི་མར་དང་། །ཨ་རུ་ར་དང་སྦྱར་གྱུར་ན། །རྒས་པ་གཤོན་ལ་ཐེ་ཚོམ་མེད། །ཀླུ་ཡི་ལུས་དང་ལྡན་པར་འགྱུར། །ཀླད་པའི་ཁྲག་རྩ་ཡར་བ་ལས། །རྒྱ་མཚོ་དངས་པའི་གཏིང་དུ་འཁྲུངས། །ས་ཡི་དངས་མ་མཚལ་དུ་འཁྲུངས། །ཞག་བདུན་བར་དུ་བཏགས་བྱས་ནས། །སྒོ་ངའི་རྩ་དང་ཅོང་ཞི་སྦྱར། །ལྷ་བ་འཚོ་བའི་བདུད་རྩི་ཡིན། །ཀླད་པའི་རྩ་ཆེན་ཡར་བ་ལས། །རྒྱ་ཤུགས་འོད་ཟེར་དག་ཏུ་སྐྱེས། །བྲག་མེད་སྤང་མེད་རྩུབ་པའི་རི། །གཏིང་ན་གྲང་བ་ཡོད་ལ་འཁྲུངས། །ཤུན་ལྤགས་མངར་ཞིང་འབྲས་བུ་སྒྱུར། །ལོ་མ་ཐང་ཆུ་མངར་ལ་འཁྱིལ། །དེ་ཡི་པགས་པ་བཤུས་གྱུར་ནས། །ཆུ་ཡི་ནང་དུ་ཅུང་ཞིག་སྦང་། །སྟོབས་ནི་དུ་བ་བཞིན་དུ་འོང་། ཁེན་ཏུ་བསྒྲུབས་ནས་འཐུང་གྱུར་ན། །ལྷུ་དུམ་རུས་པ་ཆགས་པ་རྣམས། །ཚ་བའི་ནད་རྣམས་ལངས་གྱུར་ན། །བསིལ་བས་རབ་ཏུ་འཇིལ་བར་འགྱུར། །དེ་ལས་གྱེས་པའི་ཡལ་ག་ཡང་། །གཅན་གཟན་སྟག་གིས་ཁྱེར་དེ་སོང་། །ནགས་ཚལ་ཀུན་གྱི་གསེབ་ཏུ་སྐྱེས། །མང་ཡང་སྟག་པ་དཀར་པོ་བྱ། །དེ་ཡི་གྲང་ཐང་བཏང་གྱུར་ན། །བསིལ་བར་ནུས་པའི་བདུད་རྩི་ཡིན། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བའི་རྒྱུད་ལས། དུ་ཏྲ་ཆེན་པོ་བསྒྲལ་བ་ལས་སེམས་་་་་་་བཅུད་ཀླད་པའི་ལེའུ་སྟེ་བཅུ་གཅིག་པའོ།། །།དེ་ནས་རྡོ་རྗེ་གཞོན་ནུ་ཡིས། །རྭ་ཏྲ་སྣམས་ནས་བཏོན་པའི་ཚེ། །མཆི་མ་གསུམ་ནི་ས་ལ་ཤོར། །མིག་འབྲས་ནག་པོའི་མཆི་མ་ལས། །གནོད་སྦྱིན་རྒོད་མ་ཁ་རུ་སྐྱེས། །དཔྱིད་ནས་སྟོན་གྱི་བར་དུ་ནི། །སྙོ་ར་རྟ་རུ་རྫུས་ཏེ་སྡོད། །རྟ་ཡང་རང་རང་གསུམ་ཙམ་ན། །བདུད་ཀྱི་བུད་མེད་རལ་པ་ཅན། །མི་རྣམས་ཟ་བ་དཔལ་གྱི་གཟིས། །ནམ་མཁའི་མཐོང་ནས་ཕྱག་རྒྱ་བསྡམས། །མཆི་མ་ས་ལ་བྲུལ་བ་ཡིས། །ཁ་སེར་སྤང་གི་སྟེང་དུ་སྐྱེས། །སྤང་གི་རྒྱན་དུ་རྣམ་པར་གྲགས། །རྩ་བ་ཕྲ་ཞིང་ལ་་མ་ཕྲ། །ཨུཏུ་ལ་ཡི་མདོག་ཅན་དེ། །རུལ་ལམ་བམ་སུམ་མ་ཁྱེར་བར། །དགུན་ཟླ་ར་བའི་སྟོད་ལ་བརྔ། །མིག་རྣམས་གསོ་བའི་སྨན་དུ་གཏང་། །དུ་ཏྲོརེ་མིག་སྤྲིན་དཀར་པོ་ལས། །མཆི་མ་ཐིགས་གཅིག་ས་ལ་ཡར་། །སྤང་དང་ཤིང་གི་བར་དུ་ཞབྲུངས། །སྤང་རྒྱན་དཀར་པོ་བདུད་རྩི་ཡིན། །ཀ་ར་དཀར་དང་སྦྱར་བྱས་ནས། །གྲངས་བའི་ཐང་དུ་འཐུང་གྱུར་ན། །དཔག་ཚད་གསུམ་དུ་གྲག་པ་ཡི། །མགྲིན་པ་བདེ་བའི་བདུད་རྩི་ཡིན། །མིག་སྤྲིན་དམར་པོའི་མཆི་མ་ལས། །ནགས་ཀྱི་གསེབ་ཏུ་ཡར་བ་ལས རྒྱ་ཤུག་གླང་མའི་མགུལ་དུ་ཞབྲུངས། །རྩ་བ་ཕྲ་ཞིང་ལོ་མ་ཕྲ། འི་ཚད་ནི་མཐོ་གང་སྐྱེས། །ཕྱི་ལྗང་ནང་དག་སྨུག་པོ་ལ། །མིང་ཡང་ཨུ་མུ་ཏ་རུ་གྲགས། །མིག་ལ་རྐྱེན་གྱིས་བསླད་པ་ལ། །གོ་སྙོད་དག་གིས་སྣ་ཁྲིད་ནས། །མར་དཀར་དག་དང་ཅུང་ཞིག་སྦྱར། །ལྷོ་རུ་ཟ་བར་བྱ་བའམ། །རྐང་མཐིལ་ལག་མཐིལ་སྤྱི་བོ་མྲ །ལུམས་ཀྱི་ཐབས་སུ་དུས་བྱས་ན། །མིག་ནི་ཚ་ལ་སོགས་པ་རྣམས། །འབྲས་བུ་ཞར་བར་གྱུར་པ་ནི། །གསལ་བར་འགྱུར་ཏེ་ཐེ་ཚོམ་མེད། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། དུ་ཏྲ་ཆེན་པོ་བསྒྲལ་བ་ལས་མིག་བཅུད་མཆི་མའི་ལེའུ་སྟེ་བཅུ་གཉིས་པའོ།། །།དེ་ནས་རྡོ་རྗེ་གཞོན་ནུ་ཡིས། །ལྷ་ཡི་སྙན་དབང་འཐོབ་བྱའི་ཕྱིར། །རྭ་ཏྲའི་རྣ་བ་ཡར་བ་ལས། །ཆ་ནི་བཅུ་གཅིག་ཡར་ནས་སོང་། །གཅིག་ནི་ཚངས་པའི་ཡུལ་དུ་ཡར། །ཡ་མཚན་འཕྲུལ་གྱི་མེ་ཏོག་སྐྱེས། །སངས་རྒྱས་ཆོས་རྣམས་འཆད་པ་ཐོས། །གཅིག་ནི་དགའ་ལྡན་གནས་སུ་ཡར། །ཨུ་དུམ་ཝ་རའི་མེ་ཏོག་འཁྲུངས། །ཚངས་པའི་གསུང་དབྱངས་དྲུག་ཅུ་ཐོབ། །གཅིག་ནི་ལྷ་ཡི་ཡུལ་དུ་ཡར། །བྱམས་པའི་བསྟན་བཅོས་ཀུན་ཀྱང་ཐོས། །གཅིག་ནི་གནོད་སྦྱིན་ཡུལ་དུ་ཡར། །བི་ཌརླ་ཡི་མེ་ཏོག་འཁྲུངས། །ཕྱག་ན་རྡོ་རྗེའི་རིགས་སྔགས་ཐོས། །གཅིག་ནི་རི་བདུན་ཁ་ལ་ཡར། །མེ་ཏོག་རྒྱ་བྱེ་སྨུག་པོར་འཁྲུངས། །འཁོར་ལོ་མཚོན་ཆའི་སྒྲ་ཡང་ཐོས། །གཅིག་ནི་ཀླུ་ཡི་ཡུལ་དུ་ཡར། །རིན་ཆེན་མེ་ཏོག་ལྟ་བུར་འཁྲུངས། །ལྔ་ནི་འཛམ་བུ་གླིང་དུ་ཡར། །གཅིག་ནི་བྲག་སྤང་བར་དུ་འཁྲུངས། །བདུད་རྩི་ཆེན་པོ་ཚེ་ཡི་བྱ། །ལུས་རྣམས་རེངས་པར་གྱུར་པ་དང་། །རྨ་རྣམས་དེངས་པར་འགྱུར་པ་ཡི། །བདུད་རྩི་ཡིན་ཏེ་ལུམས་གྱི་སྨན། །ཐིགས་གཉིས་ས་ལ་ཡར་བ་ལས། །སྲིན་པོ་ཁྲོས་པའི་རི་ལ་འཁྲུངས། །བདུད་རྩི་ཆེན་པོ་ཧོང་ལེན་ཡིན། །སྡོང་པོ་བྲུལ་བས་རྩ་བ་ཆུང་། །ལོ་མ་སེང་གེའི་རྣ་བ་འདྲ། །རྩ་བའི་སྦུག་ལ་སུལ་བུ་ཡོད། །རོ་མཆོག་ཁ་བར་གྱུར་པ་ལ། །ཀུན་རྒྱུག་བདེན་པའི་བདུད་རྩི་ཡིན། །ཐིགས་གསུམ་ས་ལ་ཡར་བ་ལས། །ས་ཕྱོགས་ངེས་མེད་ཀུན་ཏུ་འཁྲུངས། །རྩ་བ་ཕྲ་བར་གྱུར་པ་ལ། །འདབ་མ་ལུག་གི་རྣ་བ་འདྲ། །སྙིང་པོ་གུངགང་མ་སེམས་ཅན་བཞིན། །མིང་ཡང་རྟག་གུ་ལ་དཀར་སྐྱེས། །དབྱར་ཟླ་ཐ་ཆུང་སྨད་ལ་བརྔས། །མར་དང་སྦྱར་ནས་ཟོས་ན་འཚོ། །ཅུང་ཞིག་ཚ་ས་རྐྱེན་གྱུར་ན། །ཡི་ག་འགགས་པའི་བདུད་རྩི་ཡིན། །བདུངས་ཏེ་ལུམས་སུ་བྱས་གྱུར་ན། །རྨ་རྣམས་རེངས་བ་ཀུནཀྱང་འཚོ། །ཐིགས་བཞི་ས་ལ་ཡར་བ་ལས། །གངས་སྟོངས་བལ་པོའི་མགུལ་དུ་འཁྲུངས། །ལྡུམ་བུ་རེ་རལ་ཞེས་སུ་གྲགས། །ལོ་མ་ཕུ་ལ་ཡལ་ག་མེད། །ཁམས་སེར་སྤང་ནི་མི་མཐོ་སྟེ། །དུག་ནད་གསོ་བའི་བདུད་རྩི་ཡིན། །ཐིགས་ལྔ་ས་ལ་ཡར་བ་ལས། །མཚོ་དང་གཡའ་ཡི་མགུལ་དུ་འཁྲུངས། །བདུད་རྩི་འུག་པ་རེ་རལ་ཡིན། །རྩ་བ་ལོ་མ་ཤིན་ཏུ་ངན། ཁུན་པ་འུག་པའི་ཕོད་དང་མཚུངས། ཁྲ་དུག་གསོ་བའི་བདུད་རྩི་ཡིན། །དྲོད་རྣམས་བྲལ་བར་མ་གྱུར་ན། ཤེ་བ་སོས་པར་ཐེ་ཚོམ་མེད། །བདུད་རྩི་རིན་པོ་ཆེའི་རྒྱན་ཞེས་བྱ་བའི་རྒྱུད་ལས་རྣ་བཅུད་རྣ་སྦབས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་གཞོན་ནུ་ཡིས། །སྣ་ཡི་དངོས་གྲུབ་འཐོབ་བྱའི་ཕྱིར། །སྣབས་ནི་གསུམ་དུ་ཡར་བ་ལས། །ཐང་གཅིག་བྲག་དང་ཆུ་ལ་ཡར། །ཆུ་ལ་ཡར་བས་ཆུ་ཤེལ་ཞབྲུངས། །བཟུང་ན་ཡོད་ལ་བལྟ་ན་མེད། །བྱེ་མ་ཀ་རས་སྣ་ཁྲིད་ན། །གློ་བའི་ནད་ཀྱི་བདུད་རྩི་ཡིན། །བྲག་ལ་ཡར་བས་ཅོང་ཞི་བྱུང་། །སྲམ་གྱི་མཆིན་པ་དག་དང་སྦྱར། །རང་གི་ལུས་ཀྱི་དྲི་མ་རྣམས། །ཟས་ལ་སྦྱར་ཏེ་བཏབ་བྱས་ན། །བུ་མོ་གཤོན་ནུ་ལ་སོགས་པ། །ལྷ་མོ་ཀླུ་མོ་མདངས་ཅན་རྣམས། །སྙིང་སྡུག་ཤིན་ཏུ་དང་ཆགས་ནས། །འགུགས་པར་བྱེད་པའི་བདུད་རྩི་ཡིན། །གཅིག་ནི་ས་ལ་ཡར་བ་ལས། །ལྕེ་པོག་དཀར་པོ་དག་ཏུ་སྐྱེས། །རྩ་བ་ཕྲ་ཞིང་མེ་ཏོག་ཕྲ། །ལོ་མ་དེ་དག་དེ་བཞིན་ཕྲ། །རོ་ཚོར་དྲི་ཡང་མི་ཞིམ་སྟེ། །ནད་ལོག་བྱིང་བའི་བདུད་རྩི་ཡིན། །གཅིག་ནི་མཚོ་གཏིང་མགུལ་དུ་ཡར། །སྟོན་ཟླ་དགུན་ཟླ་མཚམས་སུ་ལུབྲུངས། ཁེལ་ཚ་མེ་ཚ་སྨན་ཚ་དང་། །ལྕེ་མྱང་ཚ་དང་ཟི་རའི་ཚ། །རྒྱམ་ཚ་ཤིང་ཚ་ཐལ་ཚ་དང་། །ར་ཚ་དང་ནིཁ་རུ་ཚ། །ནད་རྣམས་འདྲིལ་བར་གྱུར་པ་དང་། །སྐྲན་རྣམས་རེངས་དང་མ་ཞུ་དང་། །མངར་བའི་ཟས་ཀྱིས་རོ་འདོན་ཞིང་། །གནས་སུ་བསྟིམས་པའི་བདུད་རྩི་ཡིན། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བའི་རྒྱུད་ལས། དུ་ཏྲ་ཆེན་པོ་བསྒྲལ་བ་ལས་སྣ་བཅུད་སྣབས་ཀྱི་ལེའུ་སྟེ་བཅུ་བཞི་པའོ།། །།དཔལ་ཆེན་རྡོ་རྗེ་གཞོན་ནུ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །སྨྲ་བའི་སེང་གེས་དབང་བསྐུར་ཏེ། །ལྕེ་བཅུད་མཆིལ་མའི་བདུད་རྩིར་གྱུར་། །ཐིགས་པ་བཞི་རུ་ཡར་བ་ལས། །ཁྲག་དང་མཆིལ་མར་འདྲེས་པ་ལས། །གནོད་སྤྱིན་ཆེན་པོ་ཁ་འབར་བྱུང་། ཁྲཀྱ་ཐུབ་པའི་གམ་དུ་ཕྱིན། །རང་གི་ལྕེ་བཅད་ཕུལ་བ་ལས། །བདུད་རྩི་ཆེན་པོ་གསེར་བ་བྱུང་། །མི་བདེ་རྩུབ་པའི་ས་རུ་ཞབྲུངས། །རྩ་བ་འདྲིལ་ཞིང་ངར་པ་ཤར། ཁྲེང་མདོག་སྨུག་ལ་མེ་ཏོག་དཀར། །འབྲས་བུ་དམར་བའི་མདོག་ཏུ་ཞབྲུངས། །རྩ་བ་སྒྱུར་ལ་མངར་བའི་སྨན། །བད་ཀན་ལ་སོགས་ནད་རྣམས་ལ། །ཅུང་ཞིག་ཕན་པར་བྱེད་མོད་ཀྱང་། །བསྡུས་ནས་ཁུ་བ་བཏང་གྱུར་ན། །ཆུ་སེར་གཏན་ནང་་འདོད་པའི་སྨན། །ཐིགས་གཉིས་ས་ལ་ཡར་བ་ལས། །དཔལ་འབར་ཆེན་མོ་ཁྲོ་མོ་བྱུང་། །བཅོམ་ལྡན་འདས་ཀྱི་སྤྱན་སྔར་ཕྱིན། །ལྕེ་བཅད་ཡོན་དུ་ཕུལ་བ་ལས། །བདུད་རྩི་ཆེན་པོ་དྲོ་བར་སྐྱེས། །རྩ་བ་འདྲིལ་ལ་ངར་བ་སྦོམ། །འདབ་མ་རྔ་མོའི་རྣ་བ་འདྲ། །མེ་ཏོག་ལྕེ་འདྲ་གསེར་གྱི་མདོག །མི་སྨྲ་བ་ཀུན་སྨྲ་བར་བྱེད། །དིག་པ་གསོ་བའི་བདུད་རྩི་ཡིན། །བད་ཀན་དག་ལ་ཅུང་ཟད་གནོད། །ཐིགས གཅིག སལ ལྷུང་བ་ལས། །ཡི་དྭགས་ཁ་འབར་མ་རུ་བྱུང་། ཁྲཀྱ་ཐུབ་པའི་སྤྱན་སྔར་ཕྱིན། །ལྕེ་བཅད་ཡོན་དུ་ཕུལ་བ་ལས། །བདུད་རྩི་རྨ་ལོ་ཀྲིལ་ཀྲིལ་བྱུང་། ཁེང་ཕྲན་སྐྱེས་པའི་མ་རུ་འཁྲུངས། །རྩ་བ་འདྲིལ་ཞིང་ངར་བ་འཁྲིལ། །མེ་ཏོག་སྔོ་ཞིང་ལྕེ་ཡི་དབྱིབས། ཁེན་ཏུ་བསིལ་བའི་སྨན་ཡིན་ཏེ། །སྦྱར་ལག་གཏང་བ་མ་ཡིན་ཏེ། །ཟོས་པ་ཙམ་གྱིས་ནད་རྣམས་འཚོ། །ཐིགས་གཅིག་ལྷ་ཡི་ཡུལ་དུ་ཡར། །བྱ་ནི་ངང་མོ་གཅིག་ཏུ་སྐྱེས། །མི་ཡི་ཡུལ་དུ་ཆགས་ཏེ་བྱུང་། །བུ་དྲུག་བདུན་ཙམ་སྐྱེས་པ་ལས། །ལྷ་ཡི་བྱ་གཅིག་འདིར་བྱུང་སྟེ། །མི་རྣམས་ཀུན་གྱིས་འཛི་བཏགས། །ངང་མོ་ལྷ་ཡི་ཡུལ་དུ་ཕུར། །བུ་བྲུག་ཀུན་ལ་སྨན་བཞག་པ། །ཧག་ཅེས་གྲེ་བ་དག་ནས་བཏོན། །སྨུ་གནག་ཐལ་བའི་མདོག་འདྲ་ལ། །ཆེ་ཆུང་སྐྱེ་ཚེའི་ཚད་དུ་བྱུང་། །ངང་མོ་དེ་ཡིས་དམོད་བོར་བས། །ང་ཡི་ལྷ་ཟས་འབྲུ་ཆུང་འདི། །བུ་རྣམས་་ཀུན་གྱི་གསོས་སུ་ཤོག །རྗོ་མི་དགོས་ཏེ་བཏགས་མི་དགོས། །ལྡུམ་བུ་ལྗང་བུ་ཟོས་པས་ཆོག །བཙོས་ན་ལྷ་ཡི་ལྡུམ་བུ་ཡིན། །བཙོས་ཏེ་སྐམས་པར་གྱུར་ན་ནི། ། ལ་ཟ་བའི་བདུད་རྩི་ཡིན། །བཏང་ན་དུག་གི་སྦྱོར་བ་རྣམས། །མུ་སྟེགས་བུས་ནི་ཚུགས་མི་འགྱུར། །འབྱུང་བ་ཁ་ཅིག་འཇུ་བར་བྱེད། །རོ་མངར་ཞུ་རྗེས་མེད་པར་བསྟན། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བའི་རྒྱུད་ལས།ལྕེ་བཅུད་མཆིལ་མའི་ལེའུ་སྟེ་བཅོ་ལྔ་པའོ།། །།བཅོམ་ལྡན་རྡོ་རྗེ་གཞོན་བུ་ཡིས། །རྭ་ཏྲ་ཆེན་པོ་བསྒྲལ་བའི་ཚེ། ཁེན་ཏུ་བྲེད་ནས་རྔུལ་གཅིག་བྱུང་། །ཡར་ནི་ཐིགས་པ་གསུམ་དུ་ཡར། །སྐྲ་ཡི་རྩེ་ནས་རྔུལ་བྱུང་བས། །ས་ཕྱོགས་ས་སྤོ་དག་ཏུ་འཁྲུངས། །བདུད་རྩི་ཆེན་པོ་རྔུལ་དངུལལམ།རྡོ་བྱུང་། །ཆུ་མདོག་དཀར་སྔོའི་མདངས་དང་ལྡན། །ཨ་རུ་ར་ཡི་སྣན་སྦྱར་རྣམས། །ཁོང་དུ་བཟའ་བར་བྱེད་པའི་དུས། །ལུས་ཀྱི་དྲི་མ་བཀྲུས་གྱུར་ཏེ། །ཕྱི་ཡི་ཡུལ་དུ་བྱུགས་གྱུར་ན། །ཕུང་པོ་མི་འཇིགས་བདུད་རྩི་ཡིན། ཁེ་བའི་རོ་ལ་བཀྲུས་གྱུར་ན། །སེམས་དེ་ཁུག་པར་མི་འགྱུར་ཀྱང་། །ལུས་ཀྱི་གཟི་བྱིན་མི་འཆོར་བར། །བསྐལ་པ་མ་ཞིག་བར་དུ་ནི། །ཕུང་པོ་བརྟན་པའི་བདུད་རྩི་ཡིན། །མཆན་ཁུང་སྤུ་ཡི་རྔུལ་གཅིག་ནི། ཁེང་ཆེན་ཤུག་པའི་སྟེང་དུ་ཡར། ཁེང་གི་འབྲས་བུར་གྱུར་བ་ལ། །འདབ་མ་དབྱར་སྐྱེས་དགུན་ནི་སྐམས། །འབྲུ་ཡི་ཟན་ལ་མནན་གྱུར་ན། །ཕབས་སུ་གྱུར་པའི་བདུད་རྩི་ཡིན། །ནད་ལ་བདུད་རྩིའི་བཅུད་བཏོན་ན། །སེམས་ཀྱི་རྩལ་ཤུགས་བསྐྱེད་པ་དང་། །རླུང་ནད་ཀུན་གྱི་བདུད་རྩི་ཡིན། །ཤིང་ཆེན་དེ་ཡི་འབྲས་བུ་ཡང་། །ལོ་གཅིག་བ་སྤུའི་ཚུལ་དུ་འཁྲུངས། །ལུམས་སུ་བགྱིས་ན་ནད་རྣམས་འཚོ། །ལོ་གཉིས་མ་སྨིན་སྒོ་རིལ་འདྲ། །གཤེར་དུག་ཀུན་གྱི་སྣ་འདྲེན་ཡིན། །ལོ་གསུམ་ལོན་ནས་སྨིན་པ་ཡང་། །དུ་ཏྲའི་རྔུལ་ནག་འདྲ་བ་གཅིག །རོ་མངར་ཐང་ཆུའི་བག་དང་ལྡན། །བརྡུངས་ཏེ་ཆུ་ལ་སྦྱར་གྱུར་ན། །ཆུ་བ་རེངས་དང་ཡན་ལག་རེངས། །རླུད་དང་ཆུ་སེར་བསྡོངས་ལ་ཕན། །ཕོ་མཚན་སྤུ་ལས་རྔུལ་བྱུང་བ། །བྱེ་མ་མུ་ཏྲེརེ་སྒང་ལ་ཡར་། །བདུད་རྩི་ཀྟ་ན་པ་ཏིར་འཁྲུངས། །རྩ་བ་རྩུབ་རྩིང་འདབ་མ་རྩུབ། །འབྲས་བུ་རྩུབ་སྟེ་ར་མགོ་འདྲ། །ཅུང་ཞིག་མ་སྨིན་པ་ལ་བརྡ། །ཡང་ན་དུས་དེ་ཉིད་དུའམ། །ཉི་མས་ལེགས་པར་བསྐམས་ལ་ནི། །གདུས་པའི་ཁུ་བར་གྱུར་ན་ནི། །རླུད་དང་ཆུ་སེར་ཀུན་གྱི་སྨན། །བདུད་རྩི་རིན་པོ་ཆེ་འཁྲུངས་པའི་རྒྱན་ཞེས་བྱ་བའི་རྒྱུད་ལས། བ་སྐྲུའི་བཅུད་རྔུལ་གྱི་ལེའུ་སྟེ་བཅུ་དྲུག་པའོ།། །།དཔལ་ཆེན་རྡོ་རྗེ་གཞོན་ནུ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །ཁྲག་གི་བཅུད་ནི་མཆིན་པ་ལས། །ཐིགས་པ་བདུན་དུ་ཡར་གནས་སོང་། །གཅིག་ནི་རིན་ཆེན་ཟངས་རྡོར་ཞབྲུངས། ཁེན་ཏུ་བརྡར་བར་གྱུར་ན་ཡང་། །དུད་འགྲོ་ར་ལུག་རྔ་མོ་ཡི། །མིག་ལ་ལིང་ཐོག་བྱུང་བའི་སྨན། །ཐིགས་གཉིས་ས་ལ་ཡར་བ་ལས། །བདུད་རྩི་བྷ་ན་ཨ་མྲི་ཏ། །བྲག་དམར་མོ་མཚན་འདྲ་བའི་ཤོད། །ས་ཕྱོགས་ཤིན་ཏུ་འཇམ་པར་འཁྲུངས། །རྩ་བའི་རིང་ཞིང་དར་བ་ཤར། །གྲངས་མེད་མེ་ཏོག་སེར་ལ་སྨུག །འབྲས་བུ་ཁྲག་གི་ཐིགས་པ་བཞིན། །མོ་ནད་གསོ་བའི་བདུད་རྩི་ཡིན། །ཐིགས་གསུམ་ས་ལ་ཡར་བ་ལས། །ག་རུ་ཊ་ཡི་ཤིང་དུ་འཁྲུངས། །ཐང་ཆུ་དམར་སེར་ཁ་བའི་རོ། །དེ་ཡང་མོ་ནད་གསོ་བའི་སྨན། །ཐིགས་པ་བཞི་རུ་ཡར་བ་ལས། །སྨུག་ལྡེམ་ཨ་གད་བ་རུའི་ཤིང་། །འབྲས་བུ་ཆེ་ཞིང་སྙིང་པོ་བསིལ། །སྨུག་སྐྱ་ཟིལ་བུར་གྱུར་པ་དེ། །ནད་རྣམས་ཀུན་ལ་བྱམས་པར་འཁྲུངས། །མཆིན་པའི་ནད་ལ་རབ་ཏུ་བསྔགས། །ཐིགས་ལྔ་རྡོ་ལ་ཡར་བ་ལས། །བདུད་རྩི་ཆེན་པོ་མུག་ཆེན་བྱུང་། །གཡའ་དང་བྱེ་མ་འདྲེས་སར་འཁྲུངས། །རྨ་རྣམས་ཀུན་གྱི་རྩི་རུ་འཁྲུངས། །མཆིན་པའི་རྩ་གཡས་ཡར་བ་ལས། །བདུད་རྩི་ཆེན་པོ་ལ་རྟོག་ནི། །སྙི་ལ་འབོལ་བའི་ས་རུ་འཁྲུངས། །ལོ་མ་འབད་ཅིང་རྩ་བ་རིང་། །སྒྱུར་ལ་མངར་བའི་རོ་དང་ལྡན། །ཁ་དོག་དམར་ཞིང་ལྕུག་ཕྲན་འདྲ། །རྩ་ནད་ཚ་བས་ཟིན་པ་དང་། །གློ་དང་མཆིན་ལ་ཚད་ཞུགས་ན། །གཏན་ནས་འབྱིན་པའི་བདུད་རྩི་ཡིན། །མཆིན་པའི་རྩ་གཡོན་ཡར་བ་ལས། །བདུད་རྩི་ཆེན་པོ་མ་ནུར་སྐྱེས། །རྩ་བ་དམར་ཞིང་འདབ་མ་ལྟེབ། །རྩེ་ལ་སྐྲུ་ཡི་ཚེར་མ་ཡོད། །མེ་ཏོག་སྨུག་ལ་ཐུར་དུ་གུག །དེ་ཡང་རྩ་ཡི་སྨན་ཡིན་ནོ། །བདུད་རྩི་རིན་པོ་ཆེ་ཆེན་པོ་འཁྲུངས་པའི་རྒྱུད་ལས། ཁྲག་བཅུད་མཆིན་པའི་ལེའུ་སྟེ་བཅུ་བདུན་པའོ།། །།བཅོམ་ལྡན་རྡོ་རྗེ་གཞོན་ནུ་ཡིས། །རྭ་ཏྲ་ཆེན་པོ་བསྒྲལ་བའི་ཚེ། །རྩ་བཅུད་ཆུ་བ་ཡར་བ་ལས། །དེ་ཡང་ཐིགས་པ་བཞི་རུ་ཡར། །གཅིག་ནི་གངས་ཀྱི་སྟོངས་སུ་ཡར། །བདུད་རྩི་ཆེན་པོ་ལ་ཆུ་བ། །མངར་ལ་ཞིམ་པའི་རོ་དང་ལྡན། །རྩ་བ་སེར་ཞིང་རྩ་མཚམས་དཀར། །དར་བ་སྨུག་ཅིང་འདབ་མ་ཤོག །སྙིང་པོ་འབྲས་བུ་མེད་པའི་རྩི། །བཙོས་ཏེ་ཟས་སུ་ཟོས་གྱུར་ན་། །བད་ཀན་གཉིས་ཀ་མིང་ཡང་མེད། །ཐིགས་པ་ལུང་པའི་སྲོལ་དུ་བབས། །བདུད་རྩི་ཆེན་པོ་ཆུ་ཆུང་བ། །རྫ་མོ་ལུང་པའི་དཀྱིལ་དུ་འཁྲུངས། །འདབ་མ་ཆུང་ཞིང་དར་བ་སྨུག །འབྲས་བུ་བྲ་པོའི་ཟན་བཅངས་འདྲ། །རོ་ནི་སྒྱུར་ལ་ཅུང་ཞིག་འཕྲིགས། །བཅོས་སྟེ་ཟོས་པར་གྱུར་ན་ཡང། །བན་ཀན་སྨུག་པོ་གཏན་ནས་ལེན། །ཐིགས་གཅིག་ས་ལ་ཡར་བ་ལས། །སྲ་བརྟན་བྲག་གི་སྐེད་ལ་འཁྲུངས། །འདབ་མ་ངར་བ་གོང་བཞིན་ཏེ། །སྙིང་པོ་པི་ཝང་ལྷ་བུ་སྟེ། །རོ་ནི་སྒྱུར་ལ་གདང་བར་སྟོན། །བཙོས་སྟེ་ཟོས་པར་གྱུར་ན་ཡང། །བད་ཀན་དཀར་པོ་མིང་ཡང་མེད། །སོལ་བུར་ཟོས་པར་གྱུར་ན་ཡང་། །བད་ཀན་དག་ལ་ཅུང་ཞིག་ཕཊ། །གོང་གི་རོ་དང་མི་ལྡན་ཞིང་། །ས་ཕྱོགས་དྲོ་སར་སྐྱེས་གྱུར་ན། །དེ་ལ་བདུད་རྩི་སྨན་མི་འབྱུང་། །ཐིགས་གཅིག་ས་ལ་ཡར་བ་ལས། །རི་ཀླུང་ཆེན་པོའི་འདབས་སུ་སྐྱེས། །བདུད་རྩི་ཆེན་པོ་ལྡུམ་བུ་སྐྱེས། །དབྱིབས་རྣམས་ཆུ་བ་འདྲ་མོད་ཀྱང་། །རོ་ནི་ཅུང་ཞིག་སྦྲེ་ལ་ཁ། །ཕོ་ལ་དགོས་པ་མ་ཡིན་ཏེ། །མོ་རྣམས་ཀུན་ལ་ནལ་བའི་སྨན། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། རྩ་བཅུད་ཆུ་བའི་ལེའུ་སྟེ་བཅོ་བརྒྱད་པའོ།། །།བཅོམ་ལྡན་རྡོ་རྗེ་ཁྲོས་པ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །དེ་ཡི་གློ་བ་བཤེགས་པ་ལས། །ཐིགས་བརྒྱད་ས་ལ་ཡར་བ་ལས། །ཙསྡོན་དཀར་པོའི་བདུད་རྩི་ཡིན། །འཁྲུངས་ནི་ནགས་ཚལ་དབྱིབས་སུ་འཁྲུངས། །རྩ་བ་ཟབ་ཅིང་ངར་བ་བཤན། །འདབ་མ་དག་ཀྱང་སྤྲིན་བཞིན་གྱི། །དཀར་ཞིང་མདོག་སྟེ་ཆུང་ཞིང་སོབ། །དེ་ཡང་རིགས་ནི་གསུམ་དུ་གནས། །གདང་བའི་དྲི་དང་མངར་བའི་དྲི། །ཅུང་ཞིག་ཚ་བའི་དྲི་དང་གསུམ། །གདང་བའི་དྲི་ནི་གཤེར་ལ་འཁྲུངས། །ཚ་བའི་དྲི་ནི་ཤིང་དག་ཟད་པའི་ཟེ་ལ་འཁྲུངས། །རྐྱེན་གྱིས་རལ་དང་ལྗགས་ཀྱིས་ལྟེབ། །ཅི་རིགས་རིམ་པ་དང་སྦྱར་ནས། །གློ་རྣམས་གསོ་བའི་བདུད་རྩི་ཡིན། །མངར་ལ་གྱུར་བའི་ཙསྡོན་ལ། །འདབ་ཆགས་བྱ་ཡི་ཚང་བཅས་ན། །བསིལ་བར་འགྱུར་ཏེ་བྱར་མི་འགྱུར། །གལ་ཏེ་བྱ་ཡིས་མི་འཚལ་ནས། །མཉམ་འདྲ་ཤིང་དང་མཚུངས་པ་ལ བསིལ་བའི་ཆུ་ཡིས་བྲན་ནས་ནི། །གཞན་གྱི་ཟིལ་པ་ཞུ་གྱུར་ཀྱང་། །དེ་ཡི་ཟིལ་པ་ཞུ་མི་སྲིད། །གལ་ཏེ་མི་ཡིས་ཚོལ་གྱུར་ན། །མཉམ་འདྲེའི་ཤིང་གཉིས་བསྲེག་པ་རབ། །འཚིག་དང་མི་འཚིག་ཤིན་ཏུ་གསལ། །ཐིགས་གཅིག་ས་ལ་ཡར་བ་ལས། །མཚན་པ་གསུམ་དུ་གྱེས་ཏེ་སོང་། །ཤིང་ཆུ་གཏོང་དང་ལྟེངས་ཀའི་མཚམས ས་མ་བྲག་གི་གསེབ་ཏུ་ཡར། ཁེང་གི་ཆུ་ལས་བྱུང་བ་ནི། །ཀ་ར་སྨུག་པོའི་རྒྱུ་རུ་འཁྲུངས། །རླུད་གིས་བཏབ་པའི་གློ་ལ་ཕན། །ལྟེངས་ཀའི་བར་ནས་བྱུང་བ་ནི། །ཀ་ར་དཀར་པོའི་རྒྱུ་རུ་བྱུང་། །དུག་གིས་ཟིན་པ་ལ་སོགས་དང་། །ཚ་བའི་ནད་རྣམས་ཀུན་ལ་བཏང་། །ཚ་བའི་གློ་ལ་རབ་ཏུ་ཕན། །ས་མ་བྲག་ལ་ཡར་བ་ནི། །ཤིན་ཏུ་དཀར་ལ་རྩུབ་པར་ཞབྲུངས། །བྱེ་མ་ཀ་ར་ཞེས་སུ་གྲགས། །དེ་ལ་རིགས་ཀྱང་གསུམ་ཡོད་དེ། །བྲག་ཏིང་ས་ཏིང་ཤེལ་ཏིང་གསུམ། །བྲག་ཏིང་ཁ་བ་བཞིན་དུ་སོབ། །ས་ཏིང་མདོག་ཀྱང་ཅུང་ཞིག་སྨུག ཁྲེལ་ཏིང་ཟླ་བ་ཉ་བ་བཞིན། །བྲག་ཏིང་རུས་པ་ཚ་འ།་གཏང་། །ས་ཏིང་ཤ་རྣམས་ཚ་ལ་གཏང་། ཁྲེལ་ཏིང་བྱ་བའི་བསིལ་བ་དེ། །ག་པུར་ལྟ་བུས་ཐོབ་པ་མིན། །སྐྱོབས་ཀྱིས་ཁྲིད་ན་ཚ་མི་ནུས། །སྟོན་ཀའི་ཟླ་བ་ཉ་དང་མཚུངས། ཁྲེལ་ཏིང་བཙལ་བའི་ཐབས་བསྟན་པ། །ཆུ་རྣམས་རབ་ཏུ་བསྐོར་བ་ལ། ཁྲེལ་ཏིང་བཏབ་པར་གྱུར་ན་ནི། །ཁོལ་ཤི་ཆུ་གྲང་ཚད་དུ་འགྱུར། །ཆུ་ཡིས་བཙལ་བའི་མན་ངག་ཡིན། །མེ་ཡི་བལྟ་བར་གྱུར་ན་ནི། །ཇི་ཙམ་བརྗོས་ཀྱང་མདོག་མི་ལྡོག །རླུད་གིས་བལྟ་བར་གྱུར་ན་ནི། །ལྕགས་ཀྱི་རྡོ་དང་བསྲེས་ཏེ་འཕྱར། །སྙིགས་མར་ལས་ན་ཤེལ་ཏིང་ཡིན། །མཉམ་པར་འདུག་ན་བྲག་ཏིང་ཡིན། །སྣ་ལ་ཁྱེར་ན་ས་ཏིང་ཡིན། །ཐིགས་པ་གཅིག་ནི་ཡར་བ་ལས། །གཡའ་དང་གངས་ཀྱི་ལྟོངས་སུ་ཞབྲུངས། །གཡའ་ཡི་བདུད་རྩི་ཟླ་བའི་འོད། །སྲོ་ལོ་ཕུང་པོ་བདུན་གྱིས་བསྐོར། །རི་རྣམས་གཞན་ཡང་མཚན་གྱིས་འགེངས། །ལུང་མདོ་སྲུ་བ་ཡི་ས་བཅད། །ལྷ་ཤིང་སུར་བུའི་ཟུར་དུ་སྐྱེས། །སྐད་འདོན་ཆུ་ཡི་རལ་པ་བཞིན། །བརྟག་ལ་ལ་ཆུ་བ་ཡིས་བསྐོར། །བྲག་དང་ལུབན་པ་སྔོ་ཡང་ཞབྲུངས། །མཐོང་བའི་རི་རྣམས་ཤིན་ཏུ་འཇམ། །རྩ་བ་དག་ཀྱང་བདུན་དུ་གྱེས། །རྩ་བའི་ལྕུགས་པ་ཅུང་ཞིག་དམར། །ལོ་འདབ་སྲོ་ལོ་དཀར་དང་འདྲ། །མེཏོགཏིཔས་དཀར་སེར་འབྱུང་། །ཞག་བདུན་བར་ལ་སྐྱེ་མི་འཁྲུངས། །ཚན་དང་སྲོ་ལོ་གཞན་རྣམས་ཀྱིས། །ཁྲུ་གང་པ་ལ་ཉེ་མི་ནུས། །སྟོན་ཟླ་འབྲིང་པོའི་སྨད་ན་བཙལ། །ཅུང་ཞིག་མེ་ཏོག་མ་རྙེད་ན། །མེ་དང་ཆུ་ཡིས་གོང་བཞིན་བཙལ། །གལ་ཏེ་ཅིས་ཀྱང་མ་རྙེད་ན། །རྐྱང་བུ་ཤ་བའི་གདོས་སུ་གཞུག །གློ་ལ་གྲི་བརྒྱབ་སུ་བར་བཏང་། །སེམས་ཅན་དེ་ཡིས་རྙེད་པར་འགྱུར། །ཡང་ན་འདི་ཡིས་བཙལ་བར་བྱ། །རྒོད་ཀྱི་བྱེ་ཕྲུག་སྙི་ལ་བཟུང་། །གཏོད་དེ་གློ་ལ་ཐུར་མ་བརྡེག །ཕ་དང་མ་ཡིས་བཙལ་བ་བལྷ། །དེ་ཡིས་རྙེད་པར་གྱུར་ནས་ནི། །རྩ་བ་བརྐོ་བ་མ་ཡིན་ཏེ། །ལོ་མ་དག་གིས་ལོ་བརྒྱ་འཚོ། །ཐིགས་གཅིག་ས་ལ་ཡར་བ་ལས། །སྲིབ་རིའི་ལོགས་དང་བྲག་ལ་འཁྲུངས། །བདུད་རྩི་ཆེན་པོ་བལ་བུ་བྱ། །རྩ་བ་འདྲིལ་ཞིང་ངར་བ་ཤར། །འདབ་མ་ཅུང་ཞིག་གཞུང་བུ་ཅན། །དྲི་ཡང་ཞིམ་ཞིང་རོ་ཡང་བསྒྱུར། །འདབ་མ་འདྲིལ་ཞིང་ངར་བ་བསྙོམས། །སྡོང་པོ་རབ་ཏུ་བསིལ་བ་དེ། །ཚན་དང་སྦྱར་བ་གློ་ཡི་སྨན། །འདི་ཡང་ཚན་ཞེས་ཡོངས་སུ་གྲགས། །ཐིགས་གཅིག་ས་ལ་ཡར་བ་ལས། །སྤང་ནགས་གཉིས་ཀྱི་བར་དུ་འཁྲུངས། །རྩ་བ་འདྲིལ་ཞིང་འདབ་མ་ལེབ། །བདུད་རྩི་ཆེན་པོ་སི་ལུ་ཁ། །ཁ་མངར་ཟས་དང་སྦྱར་བྱས་ནས། །དེ་ཡང་ཅུང་ཞིག་གློ་ལ་ཕན། །ཐིགས་གཅིག་ས་ལ་ཡར་བ་ལས། །ཀླུང་ཤོད་ཉེ་བའི་ས་རུ་འཁྲུངས། །བདུད་རྩི་ཆེན་པོ་འབྲི་མོག་ཡིན། །རྩ་བ་འདྲིལ་ལ་འདབ་མ་ཁྲད། །དཔྱིད་ཟླ་ཐ་ཆུང་སྨད་ལ་བརྐོ། །མར་དཀར་ཀ་ར་དག་དང་སྦྱར། །དེ་ཡང་གློ་ཡི་སྨན་དུ་བཤད། །ཐིགས་གཅིག་ས་ལ་ཡར་བ་ལས། །འབྲུ་རྣམས་སྐྱེ་བའི་ས་རུ་འཁྲུངས། །བདུད་རྩི་བ་ཐག་ཅེས་ཀྱང་བྱ། །དེ་ཡང་རིགས་གཉིས་དག་ཏུ་འཁྲུངས། །གཤེར་སར་འཁྲུངས་དང་སྐམ་སར་འཁྲུངས། །གཤེར་སར་འཁྲུངས་དག་ལྡིབས་རྗིབདག་ཡིན། །སྐམ་སར་འཁྲུངས་དག་སྐྱབས་དག་ཡིན། །བཙོས་ཏེ་རྟག་ཏུ་ཟོས་གྱུར་ན། །གློ་ནད་ཕྱིས་ཀྱང་མི་འབྱུང་ལ། །བད་ཀན་དག་གི་གཉེན་པོ་ཡིན། །གློ་ཡིས་ཨོལ་གོང་ཡར་བ་ལས། །སྲ་བརྟན་བྲག་གི་སྐེད་དག་དང་། །ས་ལ་ཡང་ནི་དེ་བཞིན་འཁྲུངས། །ར་སྒོག་གཡའ་སྒོག་དག་ཏུ་འཁྲུངས། །གཡའ་སྒོག་ཅེས་སུ་བསྟན་པ་ལ། ཤེན་ཏུ་རིང་ལ་སྣུམ་པ་གཅིག །རོ་ཡང་ཤིན་ཏུ་མངར་ཞིང་ཞིམ། །གློ་ནད་ཚ་གྲང་ཐམས་ཅད་ཀྱི། །སྔོན་དུ་འགྲོ་བའི་སྨན་ཡིན་ཏེ། །སྟོན་ཟླ་ར་བ་འབྲིང་པོ་གཉིས། །རྟག་ཏུ་ལྷོ་རུ་ཟོས་བྱས་ན། །ལོ་བཅུ་ལོན་པ་ཚུན་ཆད་དུ། །གློ་ནད་བྱ་བ་འབྱུང་མི་སྲིད། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། བདུད་རྩི་གློ་བའི་ལེའུ་སྟེ་བཅུ་དགུ་པའོ།། །།དེ་ནས་ཁྲག་འཐུང་རྒྱལ་པོ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །སྙིང་ལྤགས་ཤུན་པ་བཤུས་ཡར་བས། །མིང་ནི་པ་ཙི་ཤིང་དུ་བྱུང་། །བྲག་ལྡེབས་འདྲ་བའི་ས་ལ་འཁྲུངས། །རྩ་བ་ཁྲད་ཅིག་སྙིང་པོ་རིང་། །འབྲས་བུ་གོང་མོའི་སྙིང་འདྲ་འཁྲུངས། །རོ་ལྕེ་ཅུང་ཞིག་ཡང་བ་ལས། །ཙིསྟ་ཟླ་ཁྲོམ་ཞེས་སུ་གྲགས། །རྩི་མར་དག་དང་སྦྱར་གྱུར་ན། །སེམས་མི་དགའ་བའི་སྨན་དུ་གསུངས། །དུ་ཏྲོརེ་མཁལ་མ་ཡར་བ་ལས རི་མིན་ཐང་མིན་འདབས་སུ་འཁྲུངས། །འཛིན་མེད་ཡེ་ནི་ཤིང་དུ་སྐྱེས། །རྩ་བ་བཟང་ལ་ངར་པ་རགས། །ལོ་མ་རྒྱས་ཤིང་མེ་ཏོག་དམར། །སྙིང་པོ་དག་ཀྱང་ཟླུམ་ཞིང་ཆེ། །མ་ཤ་དམིགས་མི་ཞེས་སུ་གྲགས། །ཁང་གི་ནད་རྣམས་འཁྲུགས་པ་དང་། །མཁལ་མའི་རྩ་རྣམས་ཀུན་ལ་ཕན། །དུ་ཏྲའི་ཆུ་ནི་ཡར་བ་ལས། །བྲག་དང་སྤང་གི་བར་དུ་འཁྲུངས། །ཕལ་ཆེར་བྱེ་མའི་གྲོག་ལས་སྐྱེས། །ཤིང་དང་ཁ་རི་དམར་པོ་འཁྲུངས། །འདབ་མ་ཕྲ་ཞིང་ངར་པ་འཁྱོག །ཁ་ནི་ཤོ་ཤ་ཞེས་སུ་གྲགས། །མཆུ་ནད་ཕལ་པ་དབལཔོཀུན་ལ་ཕན། །དུ་ཏྲོརེ་རྨེན་བུ་ཡར་བ་ལས། །རི་མིན་ཐང་མིན་རྩུབ་པར་འཁྲུངས། །རྩ་བ་ངར་པ་ཤིན་ཏུ་རྒྱས། །ལོ་མ་ཆུ་ཤིང་མེ་ཏོག་སྨུག །གླ་གོར་ཞོ་ཤ་ཞེས་སུ་གྲགས། །སྣོད་རྣམས་འགྱིང་ཞིང་ན་པའི་སྨན། །དུ་ཏྲའི་མཆེར་པ་ཡར་བ་ལས། །ཐིགས་པ་གསུམ་དུ་ཡར་བ་ནི། །རྡོ་ཡི་ཕྱོགས་སུ་འཁྲུངས་པ་ལས། །གཅིག་ནི་ཕ་ལམ་ཆོ་ལོ་རིས། །བགེགས་ཆེན་གཟིར་བའི་སྟོབས་དང་ལྡན། །རྡོ་སྨན་དག་ཏུ་ཅུང་ཞིག་ཁྲོ་འགྲོཡང །གཅིག་ནི་ཁབ་ལེན་ལྗང་གུར་འཁྲུངས། །ལྕགས་འདུ་པ་ཡིས་སྟོབས་དང་ལྡན། །མཆེར་ཁྲག་འཁྲུགས་པའི་བདུད་རྩི་ལས། །གངས་དང་མཚོ་ཡི་མཚམས་སུ་འཁྲུངས། །བདུད་རྩི་ཆེན་པོ་རྒྱམ་ཚས་བྱ། །ཆུ་ནད་གསོ་བའི་བདུད་རྩི་ཡིན། །ཐིགས་དྲུག་ས་ལ་ཡར་བ་ལས། །རྒྱ་མཚོ་རུ་བུས་འགྲམ་དག་ཏུ་འཁྲུངས། །སྡིག་པ་ཀ་ཀ་རི་ཏུ་བྱུང་། །དེ་ཡང་ཆུ་ནད་གསོ་བའི་སྨན། །གཟུགས་ནི་སྡིག་པའི་དབྱིབས་འདྲ་ལ། ཁ་དོག་དཀར་ཞིང་ཤ་སྲུལ་མེད། །རོ་ནི་སྒྲེ་ཞིང་ཅུང་ཞིག་འདམ། ཁེན་ཏུ་ལེགས་པར་སྐམས་གྱུར་ན། །ཡན་ལག་ནད་དང་ཆུ་ཡི་སྨན། །ཐིགས་པ་བདུན་པ་ཡར་བ་ལས། །དབྱར་ཆུ་དགུན་སྐམས་ལྟེང་ཀར་འཁྲུངས། །ས་ཕྱོགས་དྲོ་ཞིང་ས་དྲི་ཅན། །དབྱིབས་ནི་ཞིང་མངའ་འདྲ་མོད་ཀྱང་། །ཁ་དོག་གོང་མ་དེ་དང་མཚུངས། །རོ་ནི་ཁ་ལ་རོ་གཞུག་མངར། །སྲིད་གིས་སྟོད་པ་འདུག་པ་དང་། །ཆུ་ལ་བྲན་པ་གོང་བཞིན་ནོ། །ཐིགས་བརྒྱད་ས་ལ་ཡར་བ་ལས། །བལ་བུ་ཏ་ལའི་མགུལ་དུ་འཁྲུངས། །མིང་ཡང་མ་གི་ཏ་ཞེས་བྱ། །སྤོས་ཀྱི་གླང་པོ་ཞེས་ཀྱང་བྱ། །ཆེ་ཆུང་ཚད་ནི་ལུག་་ཙམ་ལ། །སྐེ་རིང་རྣ་བ་ཤིན་ཏུ་སྲབ། །རྨིག་པ་རྣོ་ཞིང་རྐང་ལག་བཞི། །དུས་གཅིག་མཆོང་ཞིང་འགྲོ་བར་བྱེད། །མོ་ལ་མི་གནས་ཕོ་ལ་འཁྲུངས། །ལྟེ་སྐོར་ཆུ་ཡི་མཚམས་ནས་བྱུང་། །ཕྱི་ནི་འདྲིལ་ཞིང་ནང་ན་སོབ། །ཆེ་ཆུང་སྐྱེས་པ་དར་མའི་ལྕེ། །དྲི་ལེ་འདི་ཞེས་བྱ་བ་ནི། །དཔག་གིས་མི་ལང་ཡོན་ཏན་འབྱུང་། །རོ་གྱང་པ་ཡི་ཐབས་ཀྱི་མེད། ཁེན་ཏུ་འཁྲིས་ནས་མི་ཞིམ་མོ། །རྩི་ཞེས་བྱ་བའི་མིང་ཡང་འདོགས། །དུ་ཏྲའི་སྦྲེ་ནི་མཐར་ཐུག་ལས། །བྱང་ཆུབ་སེམས་དཔའི་སྦྲེ་ཡིན་པས། །དྲི་ཡིས་འཕགས་པ་མཆོད་གྱུར་ན། །ཡི་དམ་ལྷ་ཡི་ལུང་སྟོན་འགྱུར། །མན་ངག་ཅན་གྱི་བསྒྲུབ་གྱུར་ན། །ལྷ་མོའི་གཟུགས་ཀྱང་སྟོན་པར་གྱུར། །འཛམ་གླིང་དྲི་ཡིས་འགེངས་པར་ནི། །ཐེ་ཚོམ་རྡུལ་ཙམ་མི་ཟའོ། །དུ་ཏྲ་ཆེན་པོའི་སྦྲེ་ཡིན་པས། །དྲི་ཆུ་རྣམས་ཀྱི་མཆོག་ཏུ་གསུངས། །ལུས་ལ་བཅངས་པར་གྱུར་ན་ནི། །དུ་ཏྲ་ཆེན་པོའི་དྲི་སྣམས་ནས། །ཀླུ་ཆེན་བརྒྱད་ཀྱི་སྦྱོར་བ་ཡང་། །ཡུད་ཙམ་གཅིག་ཀྱང་རྩོམ་མི་ནུས། །གདུག་པ་ཅན་གྱི་མཐུ་ཡིན་པས། །སྦྲུལ་དང་སྦྲང་བུ་ཏྲེ་མ་དང་། །ཏྲེ་མ་བུ་ག་ལ་སོགས་ཀྱིས། །མི་རྣམས་ཟ་རུ་འོང་མོད་ཀྱང་། །མནམ་པ་ཙམ་གྱིས་མགོ་འགས་ཤིང་། །ཚོར་བ་ཙམ་གྱིས་ལྡན་པར་འགྱུར། །གཞན་ཡང་ལུས་ལ་བཅངས་གྱུར་ན། །དུ་ཏྲ་ཆེན་པོའི་དྲི་མནམ་ནས། །མ་མོ་མཁའ་འགྲོ་རྣམས་ཀྱང་ནི། །བསྒྲུབ་པ་བཞིན་དུ་དྲི་ལ་འཁོར། །བཞི་བརྒྱ་རྩ་བཞིའི་ནད་ལ་ཡང་། །སྟོབས་ཀྱི་མཐུ་རྣམས་ཡོད་མོད་ཀྱང་། །ལྷག་པར་དྲི་ཆུ་བསྡམས་པ་དང་། །ལྒང་པ་རྡོ་ཡིས་འགགས་པ་རྣམས། །ཆུ་སྨན་བཅུ་ཡིས་སྐྱོབས་བྱས་ན། །སོལ་བའི་སྡོང་པོ་དྲི་བ་ལ། །ལྕགས་ཀྱི་ཐོ་བས་བརྒྱབ་པར་བཞིན། །གཞན་ཡང་ཡོན་ཏན་སྣ་ཚོགས་དང་། །འདི་རུ་བརྗོད་པར་མི་ལང་ཀྱང་། །དྲི་ཆེན་བརྒྱད་པའི་ནང་ནས་བཤད། །ཐིགས་པ་དགུ་པ་ཡར་བ་ལས། །ཙསྡོན་ནགས་ཚལ་དབྱིངས་སུ་འཁྲུངས། ཁེང་ནི་པི་ལ་ལ་ཞེས་བྱ། །ཙསྡེན་འོད་དང་འཛོམ་པ་འབྱུང་། །མིང་ཡང་མ་ཏ་ལ་བྱའོ། །དེ་ཡང་དཀར་ནག་གཉིས་སུ་བྱུང་། །དཀར་པོ་ལ་ཡི་ཐང་ཆུ་འདྲ། །ནག་པོ་རྩ་རྩེའི་འདབ་མ་འདྲ། །མནམ་པའི་དྲི་ཡང་ཞིམ་པ་ལ། །བསྲེག་པའི་དྲི་ཡང་ཤིན་ཏུ་གདང་། །དེ་ཡི་ཡོན་ཏན་བརྒྱ་དང་ལྡན། །ཡེ་ཤེས་ལྷ་ཡི་ཐུགས་དམ་རྒྱུད་བསྐུལ་ཞིང་། །སྲས་མཆོག་ཀི་ལ་ཡ་ནི་བརྣག་པའི་ལས་ལ་འཛུད། །དམ་ཅན་མཁའ་འགྲོ་མ་ནི་མངག་པའི་ལས་ལ་འཛུད། །དགྲ་བོ་སྡང་བ་ལྷ་དང་ཉེ་ཐག་བཅད། །བགེགས་ཀྱི་གྲོང་ཁྱེར་ཆོ་ངེས་ཆེན་པོ་འདེབས། །སྤོས་དང་དུ་བ་ཀུན་གྱི་མཆོག་ཆེན་བྱེད། །མ་མོའི་རིམས་ནད་བལ་ཡམས་ཐམས་ཅད་དང་། །བགེགས་ལས་ཕྱུང་བའི་ནད་དང་འབྱུང་པོས་རྐྱེན་པ་ལ། །དུ་བ་གཏང་བ་ཙམ་གྱི་འཇིལ་བར་བྱེད། །བཞི་བརྒྱ་རྩ་བཞི་རྣམས་ཀྱི་ནད་ལ་རྒྱུག་མོད་ཀྱང་། །ལྷག་པར་ཆུ་སེར་ནག་པོ་གཏན་ནས་འདོན། །ལུམས་སུ་བྱས་ན་སྤངས་ཤིང་འབུར་བ་འཇིལ། །ཐིགས་པ་བཅུ་པ་ཡར་བ་ལས། །སྡ་སྡོ་ཀོ་མོའི་ཤིང་དུ་འཁྲུངས། །ཆུ་ཡི་ཕུར་མོ་ལྟ་བུར་གནས། །ཆུ་བུར་ལྟ་བུར་བརྩེགས་པ་སྟེ། །སྟན་གྱི་ཀི་ཞེ་ས་སུ་གྲགས། །ལུམ་པའི་རྩ་དང་སྦྱར་གྱུར་ན། །མིའམ་དུད་གྲོ་གང་རུང་གི །ཆད་ནས་ཧས་པའི་བདུད་རྩི་ཡིན། །གལ་ཏེ་མནམ་ནས་ཟ་མ་ནུས། །བུ་རམ་དཀར་པོ་དག་དང་སྦྱར། །འཕོང་ནས་བཅུག་པའི་འཚོ་བར་འགྱུར། །ཆུ་ནད་ཅན་གྱིས་རྟག་ཏུ་བཟའ། །ཐིགས་པ་བཅུ་གཅིག་ཡར་བ་ལས། །རྒྱ་མཚོ་ཆབ་ཀྱི་ནང་དུ་ཞབྲུངས། །ཆུ་ཡི་ནང་ནས་སྐྱེས་པ་ཡི། །ཙེ་ན་རྩ་མོ་དག་ཏུ་ཞབྲུངས། །རྟག་ཏུ་ཟས་སུ་ཟོས་གྱུར་ན། །ཆུ་རྡོ་བཤིག་པའི་བདུད་རྩི་ཡིན། །གླང་པོའི་རྩ་ལས་གྱུར་པ་ཡིན། །དབྱིབས་ཀྱང་ཕོ་མཚན་ཚུལ་དུ་གནས། །འཇམ་ཞིང་སྙིང་ཡང་མགོ་ལ་ཡོད། །ཉལ་རྡོ་ཆུ་ཡི་ནང་དུ་སྡོད། །དེ་ཟོས་ཆུ་རྡོ་འཇིག་པར་འགྱུར། །བདུད་རྩིའི་རྒྱལ་པོར་ངས་བཤད་དོ། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། ཆུ་སྣོད་ལྒང་བའི་ལེའུ་སྟེ་ཉེར་གཅིག་པའོ།། །།དཔལ་ཆེན་རྡོ་རྗེ་གཞོན་ནུ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །དེ་ཡི་ཕོ་མཚན་ཡར་བ་ལས། །བེ་ཏ་གསང་མཚན་གསང་མཛད་དེ། །བེ་ཏའི་འབྲས་བུ་བཞི་རུ་ཡར་། །གཅིག་ནི་བྱི་ཚེ་ཤིང་གི་མགུལ་དུ་འཁྲུངས། །ལོ་མ་རྩུབ་ཅིང་དར་བ་མཁྲང། ཁྲ་བའི་རླིག་པ་འདྲ་མོད་ཀྱང་། །སྐྲུ་ཅན་ཁོང་སྟོང་སྙིང་པོ་མེད། །བདུད་རྩི་ཆེན་པོ་ཨ་འབྲས་ཡིན། །ཆུ་དང་མཁལ་མ་རླིག་པ་སྐྲང་། །རྩ་རྣམས་ཅུང་ཞིག་ཞབྲུགས་པ་དང་། །འགགས་པ་གསོ་བའི་བདུད་རྩི་ཡིན། །ཐིག་པ་གཉིས་པ་ཡར་བ་ལས། །འཇམ་བྱེད་བྱིས་པའི་ཤིང་དུ་ཞབྲུངས། །པགསཔརློནཞིངའདབམ་རློག །སྙིང་པོ་སྤུ་གུ་ཅན་དུ་ཞབྲུངས། །འབྲས་བུ་གཡུ་སྒོང་ལྟ་བུ་ལ། །ནུས་པ་གོང་དང་འདྲ་བར་བཤད། །བདུད་རྩི་ཆེན་པོ་འཇམ་འབྲས་ཡིན། །གསུམ་པ་ས་ལ་ཡར་བ་ལས། །ནགས་ཚལ་ཐག་ཆེན་གླིང་དུ་འཁྲུངས། །ཙུ་ཏའི་ཤིང་ལས་སྐྱེས་པས་ན། །བདུད་རྩི་ཆེན་པོ་ས་འབྲས་ཡིན། །གནག་ལ་འདྲིལ་ཞིང་ཟེ་མོ་ཀྱོང་། །ནུས་པ་གོང་དང་དེ་བཞིན་འདྲ། །བཞི་པ་ས་ལ་ཡར་བ་ལས། །བྲག་བར་ས་འཇམ་གླིང་ལ་ཞབྲུངས། །རྩ་བ་ལྡེམ་ལ་ངར་བ་ལྡེམ། །སྐྲུ་བུ་ཅན་ལ་འདབ་མ་སྲབ། །བྱིན་པོ་མཁྲེགས་ལ་ཁ་ཚེ་གསུམ། །བདུད་རྩི་པོ་ནི་སོ་འཆའ་ཡིན། །སྒྱུག་པ་འདྲེན་པ་ཀུན་གྱི་སྨན། །དེ་ཡི་གསང་མཚན་ཡར་བ་ལས། །ཚན་པ་ལྔ་རུ་གྱེས་ཏེ་སོང་། །གཉིས་ནི་སྣང་ལྡན་ཤིང་ལ་བབས། །གཅིག་ནི་དོག་མོའི་ས་ལ་བབས། །སྣང་ལྡན་ཤིང་ལ་བབས་པ་ནི། །མཚན་མའི་པགས་པ་ཡར་བ་ཡིན། །པགས་པའི་ཕྱི་ཤུན་ཡར་བ་ལས། །ལྟེ་བ་རྒྱུན་གཅད་ཅེས་སུ་བྱུང་། །ཚར་ཆུང་ཡོད་པའི་ས་རུ་ཞབྲུངས། ཁྲེང་ཚད་གཞན་གྱི་ཐོ་ལུས་སུ། །སྔོ་དང་བཅས་ཏེ་སྐྱེ་མི་ནུས། །རྩེ་མོ་ཁྲད་ཅིང་རྩ་བ་གྱད། །འདབ་མ་དག་ཀྱང་ཅུང་ཞིག་སྒྱུར། །སེམས་ཅན་བྱ་མ་བྱི་ཡང་ཟ། །གཅིག་ནི་སྔོ་མེད་གྲམ་པའི་གླིང་། །སྔོ་རྣམས་སྐྱེ་བའི་མི་འགྱུར་ཞིང་། །ས་ཕྱོགས་རྩུབ་པའི་གནས་སུ་ཞབྲུངས། །དེ་ནི་རབས་ཆད་ནག་པོའི་ཤིང་། །ནག་ལ་ཁྲད་ཅིང་འབྲས་བུ་ནག ཁེང་ནི་དེ་ལྟར་གཉིས་དང་ནི། །བྱ་མ་བྱི་ཡི་སྐྲུ་དང་གསུམ། །རིན་ཆེན་གསེར་དང་བཞི་སྦྱར་ན། །སེམས་ཅན་མོས་པ་མི་མཐུན་པས། །སྐྱེ་བ་མངལ་གྱི་སྒོ་འགེགས་ཡིན། །བདུད་རྩི་ཆེན་པོ་ཡིན་པར་བཤད། །ཕོ་མཚན་ཕྱི་ཤུན་ཡར་བའི་རྟགས། །འབྲས་བུ་མེད་པ་དེ་ལྟར་འབྱུང་། །ཕོ་མཚན་ནང་ཤུན་ཡར་བ་ལས། །མཆི་ལ་པང་བྱིད་དེ་ལ་བབས། །ནམ་མཁའི་བདུད་རྩི་ཟ་བའི་ཕྱིར། །གངས་ཀྱི་ལྟོངས་ན་དེ་བཞིན་གནས། །ནམ་མཁའི་བདུད་རྩི་ཐིགས་གསུམ་བྱུང་། །ད་བྱིད་ཀྱིས་ནི་འཐུངས་པ་ལས། །ཁར་ཚད་འཐུངས་པའི་དེ་རིང་སྦྱར། །བཅུ་དྲུག་ཉིན་མོ་མི་ལ་བསྣུན། །དེ་ནས་རྩི་ཐོག་མ་རྒྱས་པར། །མོ་ཡི་ལུས་ལ་གནས་པར་ངེས། །བདུད་རྩི་ཐིགས་གསུམ་བབས་པ་དེ། །གཞན་གྱིས་ཚོར་བར་མི་འགྱུར་ཏེ། །མཆིལ་པ་དག་དད་དེ་བཞིན་འཐུངས། །ད་བྱིད་མཆིལ་པ་དེ་ཉིད་ཤ །སེམས་ཅན་སྐྱེས་རྒྱུད་འཕེལ་བ་ཡི ཕོ་མཚན་ནང་ཤ་ཡིན་པའི་རྟགས། །ཆུ་བ་འགྲེང་དང་འབྲས་བུའི་གསོས། །སེམས་ཅན་འཁོར་བར་ཆགས་པ་ལ། །སྐྱེ་རྒྱུད་འཕེལ་བའི་བདུད་རྩི་ཡིན། །དོག་མོ་ས་ལ་བབས་པ་དེ། །སྙི་ས་ཀླུང་ཤོད་དག་ཏུ་འཁྲུངས། །རྩ་བ་ཕོ་མཚན་ཤི་བའི་ཚུལ། །ལོ་མ་གཅིན་གྱི་རྗེས་འདྲ་སྟེ། །དྲི་ཡང་མཇེ་ཡི་སྦྲེ་རུ་མནམ། །རོ་ཡང་མངར་ལ་སྦྲེ་རུ་ཁ། །བདུད་རྩི་ཆེན་པོ་ལྕ་བ་བྱ། །རླུང་དང་ཆུ་སེར་འདུལ་བའི་སྨན། །དེ་ཡི་གསང་མཛོད་ཡར་བ་ལས དེ་ཡང་ཐིགས་པ་གསུམ་དུ་ཡར། །ཐིགས་གཅིག་ས་ལ་ཡར་བ་ལས བསིལ་ལམ་གླིང་གི་སྟེང་དུ་འཁྲུངས། །མདོག་སྨུག་ཚོར་མ་ཕྲ་བ་ལས། །མེ་ཏོག་དཀར་དང་སེར་པོས་བརྒྱན། །ཀླུ་ཡི་བདུད་རྩི་གྲ་མ་བྱ། །ཀླུ་རྣམས་ཀུན་གྱི་སྨན་གྱི་མཆོག །འདྲེ་ནད་ཀུན་གྱི་སྨན་གྱི་མཆོག །དབང་བསྐུར་བྱེད་ན་སོ་ཤིང་བྱ། །སྦྱིན་སྲེག་བྱེད་ན་ཤིང་བུ་བྱ། །ལུམས་སུ་བྱེད་ན་པགས་པ་བཞར། །སྨན་དུ་བྱེད་ན་མེ་ཏོག་ལ། །གསང་མཛོད་རྐུབ་རླིག་བར་གྱི་ཆུ་བ་ཡར། །བསོད་ནམས་ཅན་གྱི་ཁང་རྩར་འཁྲུངས། །རྩ་བ་སྙི་ཞིང་ངར་པ་སྨུག །བཏབ་ན་སྐྱེ་ཞིང་འབྲས་བུ་ངན། །བདུད་རྩི་ཆེན་པོ་གུར་ཤིང་བྱུང་། །དེ་ཡང་ཕོ་མོ་གཉིས་སུ་སྲིད། །ཕོ་སྐྱེས་སེར་ལ་མོ་སྐྱེས་སྨུག །དུས་སུ་བཞུ་བར་གྱུར་ན་ཡང་། །ཕོ་སྐྱེས་སྟེང་ལ་མོ་སྐྱེས་འོག །ཕོ་ནི་ལུ་གུའི་ཚན་བུ་འདྲ། །མོ་ནི་གྲང་ཆང་སྐྱོ་མ་བཞིན། །སྦྱིན་སྲེག་བྱེད་ན་མཆོད་པའི་རྫས། །བཞི་བརྒྱ་རྩ་བཞིའི་ནད་ལ་ཡང་། །ཕོ་སྐྱེས་ཕྱོགས་དག་ཀུན་དུ་རྒྱུག །མོ་སྐྱེས་ཅུང་ཞིག་ཚ་བར་གནས། །ནད་རྣམས་ཀུན་ལ་ཅུང་ཞིག་འགྱེངས། །ཕོ་སྐྱེས་འཇུ་བའི་བདུད་རྩི་ཡིན། །གཙོ་བོ་ཡིན་པར་ངས་མ་བཤད། །སྣམ་ལོག་གཡས་གཡོན་ཡར་བ་ལས། །རྒྱལ་པོའི་ཁང་བཟང་ལྟ་བུ་འཁྲུངས། །བདུད་རྩི་ཆེན་པོ་ཤིང་ཀུན་ཡིན། །ཤིང་ཡང་ཚན་ཆེ་ལུ་མ་བཞིར། །ལྟེ་ལྟ་ནུ་ཡི་སྒྱུགས་པ་བཞག །དྲི་ཡང་འཚུབ་ཅིང་དྲི་གཞུག་ཁ། །ཕོ་སྐྱེས་དཀར་ལ་མོ་སྐྱེས་ནག །རི་བོང་གླ་བའི་རིལ་མ་འདྲ། །ཡ་མ་དཀར་ནག་གཉིས་དང་ནི། །ཚ་རླུང་གྲང་རླུང་གཉིས་ཀྱི་བསྐལ་པ་ལས། །ཕོ་མཚན་ཡར་བས་དེ་ལྟར་བྱུང་། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། གསང་མཛོད་ཕོ་མཚན་གྱི་ལེའུ་སྟེ་རྩ་གཉིས་པའོ།། །།བཅོམ་ལྡན་རྡོ་རྗེ་གཞོན་ནུ་ཡིས། །རྭ་ཏྲ་ཆེན་པོ་བསྒྲལ་བ་ལས། །དེ་ཡི་ལྕེ་ཆུང་ཡར་བ་ལས། །འཛམ་བུ་གླིང་གི་བྱང་དུ་འཁྲུངས། །མུ་ལེ་དྲུང་ཤིང་ཞེས་པ་བྱུང་། །ཡན་ལག་ཉིང་ལག་ཤིན་ཏུ་རྒྱས། །དེ་ལ་འབྲས་བུ་ལྔ་བྱུང་སྟེ། །གཅིག་ནི་མཁའ་ལྡིང་བྱ་རྒོད་ཟ། །གྲང་ནད་འཇུ་བའི་བདུད་རྩི་ཡོད། །གཅིག་ནི་གཤོག་རྒྱས་ནེ་ལེས་ཟ། །སློ་ཡིས་དུག་རྣམས་བྱས་གྱུར་ན། ཤེང་གིས་ཕོག་པའི་རྨ་རྣམས་འཚོ། ཁྲེང་གི་ཉེས་པ་འཚོ་བར་འགྱུར། །གཅིག་ནི་མཁའ་ལྡིང་བགེགས་ལ་བབས། །སྤུན་རྣམས་འཇུ་བའི་བདུད་རྩི་ཡོད། །གཅིག་ནི་རྩལ་ཆེན་གླག་ལ་བབས། །ཁྲག་སྐྲན་འཇུ་བའི་བདུད་རྩི་ཡོད། །ཀུན་ལ་འཇུ་སྨན་ཡོད་མོད་ཀྱང་། །ཀླད་པ་གྲེ་བ་གློ་བ་དང་། །མཁལ་མ་མཆིན་པ་དག་ལ་བཤད། །ལག་པའི་རྩ་ཆེན་ཡར་བ་ལས། །དེ་ཡང་གཡས་གཡོན་གཉིས་སུ་ཡར། །བདུད་རྩི་ཆེན་པོ་སེང་ལྡིང་ཤིང་། །སྨུག་པོ་རྩ་སྨུག་ཕྱི་ནས་ཡར། །དེ་ཡང་ཕོ་མོ་གཉིས་སུ་གནས། །ཕོ་སྐྱེས་སྲོ་མ་ཀ་རུ་ལ། །སྲོ་མ་ཐུར་ལ་བསྟན་ཏེ་བྱུང་། །མདངས་དང་གཏིང་ནས་དུམ་གཅིག་ནག །མོ་སྐྱེས་སྲོ་མ་སྦུ་གུ་ལ། །ཁ་དོག་མདངས་ཀྱང་ཅུང་ཞིག་གསེར། །ཁ་ཡང་གྱེན་ལ་བསྟན་ནས་བྱུང་། །ཕོ་སྐྱེས་སྙིང་ལུང་སྙིང་པོ་ཡིན། །མོ་སྐྱེས་ཆུ་སེར་ཚོས་མཛེའི་སྨན། །བླ་རྩ་གཡས་གཡོན་ཡར་བ་ལས། །སྟག་པ་དཀར་པོའི་སླགས་སུ་འཁྲུངས། །སྟག་པ་ཤུན་ལྤགས་བསིལ་བའི་སྨན། །སླག་ནི་ཁྲག་ཟགས་པ་ལ་གཏང་། །ཀླད་པའི་རྩ་གཉིས་ཡར་བ་ལས། ཁུག་པ་གླང་མ་ཕོ་མོར་འཁྲུངས། ཁུག་པ་དག་གི་འདབ་མ་ཡང་། །དུག་དང་བདུད་རྩི་ཀུན་ལ་རྒྱུག །གླང་མ་ལྕང་མ་ངར་བ་ཡང་། །སྐྱོབས་དང་བྱང་བུ་འཇམ་པའི་རྩི། །ཆག་དང་ཚིགས་བྱུང་འཇམ་པའི་རྩི། །བཟོ་དབྱིབས་ལེགས་པར་ཐོན་ན་ནི། །རྐྱེན་གྱིས་ཆགས་པའི་བདུད་རྩི་ཡིན། །མཆན་རྩ་གཡས་གཡོན་ཡར་བ་ལས། །ཕུ་དང་མདའ་ཡི་ཕྱོགས་སུ་འཁྲུངས། །ཕུ་སྐྱེས་ཕོ་ཡི་གྱ་རྟ་བྱ། །མདའ་སྐྱེས་མོ་ཡི་འོམ་བུ་བྱ། །ཡུན་གཅིག་ནུས་གཅིག་རོ་ཡང་གཅིག །དམར་ཤལ་འབྲུམ་པ་ཅན་གྱི་ཤིང་། །རོ་མགོ་ཁ་ལ་རོ་རྩ་མངར། །ཆུ་སེར་བད་ཀན་སྨུག་པོའི་སྨན། །མཁལ་མའི་རྩ་གཉིས་ཡར་བ་ལས། །བྲག་དང་རི་སུལ་ཁྱབ་པར་འཁྲུངས། །བདུད་རྩི་ཆེན་པོ་སྨྱུག་མ་འཁྲུངས། །དེ་ཡང་ཕོ་མོ་གཉིས་བྱུང་སྟེ། །ཕོ་ནི་སྦོམ་ཞིང་ཚིགས་ཐག་རིང་། །མོ་ནི་ཕྲལ་ཟེག་ཚིགས་ཐག་ཉེ། །འདབ་མ་ཟོ་བའི་ཚུལ་དུ་གནས། །ཕོ་ནང་ཕོ་ཡི་མཁལ་གྱི་སྨན། །མོ་ནི་མོ་ནད་ཀུན་ལ་གཏང་། །ཨོལ་གོང་རྩ་ཆེན་ཡར་བ་ལས། །བྱིན་གྱི་བརླབས་པའི་ས་རུ་བབས། །རྩ་བ་ཅུང་ཞིག་སྤོག་པ་དང་། །འདབ་མའི་སྐྲུ་ཡང་ཅུང་ཞིག་སྐྲུན། །མོ་ཡི་ར་གཉེར་འདྲ་མོད་ཀྱང་། །བུངས་དང་ཆས་ཏེ་སྐྱེ་མོད་ཀྱང་། ཁྲ་རྣམས་ལྕི་བར་གྱུར་པ་ལ། །ཡར་བར་གྱུར་ཏེ་གདོན་མི་ཟ། །སྨན་རྣམས་ནད་ལ་འདྲེད་གྱུར་ཀྱང་། །འདི་ཡིས་ཁྲིད་ན་ཕིགས་པར་འགྱུར། །ཁ་རུ་ཚྭ་དང་སྦྱར་གྱུར་ན། །རླུང་རྣམས་མིང་ཡང་མེད་པར་འགྱུར། །འོ་མ་དག་དང་སྦྱར་གྱུར་ན། །རླུད་གིས་གཏོགས་པའི་ནད་ལ་ཕན། །རེ་ཚ་མུར་ན་གདང་ཞིང་ཚ། །ཞུ་རྗེས་སྐྱོབས་པའི་ཕྱོགས་སུ་འགྲབ། །དུ་ཏྲ་ཨོལ་གོང་པ་ཡི་ཤིང་། །རླིག་རྩ་གཡས་གཡོན་ཡར་བ་ལས། །རྩ་གཅིག་ཆུ་ཡིས་མགུལ་དུ་འཁྲུངས། །བདུད་རྩི་ཤིང་རྩ་ཕོ་མོར་བྱུང་། །ཆུང་ཞིང་ཁྲད་དེ་སྤ་མའི་ཚུལ། །ཕོ་སྐྱེས་ས་ཁ་མོ་སྐྱེས་སྨུག །ཀུན་ལ་འཇུག་པའི་བདུད་རྩི་བཤད། །རྣ་རྩ་གཡས་གཡོན་ཡར་བ་ལས། །རྣ་རྩ་ཕོ་མོ་གཉིས་སུ་སྐྱེས། །རྣ་བ་ལྟ་བུའི་རི་ལ་འཁྲུངས། །སྐུ་མ་ཕོ་ཡི་ཤིང་དུ་ཞབྲུངས། །ལོ་མ་ངར་པའི་མཚམས་ན་ནི། །རྙིང་པའི་ལྡུམ་བུ་དམར་རྩ་གཅིག ཁེན་ཏུ་བསིལ་བར་གྱུར་པ་ཡིན། །སྨིན་མའི་རྩ་གཉིས་ཡར་བ་ལས། །རྩ་མེད་བྲག་མེད་བྱེ་སར་འཁྲུངས། །འདབ་མ་གྲོག་མའི་སྐེད་འདྲ་ལ། མེ་ཏོག་སེར་པོ་བཀྲག་མེད་འབྱུང་། །སྙིང་པོ་ཨུག་ཆོས་གཡག་གི་ཚུལ། །ལུག་གི་རྭ་བཞིན་སྐྱེས་པ་དེ། །འགྱང་ན་རོ་ནི་ཚ་རུ་བྲོ་། །ར་ཚ་ཞེས་སུ་གྲགས་པ་ཡིན་། །ཆུ་བ་འཇུ་བའི་བདུད་རྩི་ཡིན། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། རྩ་བ་ཤིང་གི་ལེའུ་སྟེ་ཉི་ཤུ་གསུམ་པའོ།། །།བཅོམ་ལྡན་རྡོ་རྗེ་གཞོན་ནུ་ཡིས། །དུ་ཏྲ་ཆེན་པོ་བསྒྲལ་བའི་ཚེ། །དུ་ཏྲ་རུས་པའི་མཆི་མ་དང་། ཁ་ཆུ་སྣ་ཆུ་ཕོ་མཚན་ཆུ། །བཞི་ཆར་དུས་གཅིག་བྲུབས་པ་ལས། །གཅིག་ནི་བདུད་རྩི་སྨན་ཆུར་འཁྲུངས། །ས་རྩུབ་བྲག་གི་མགུལ་དུ་འཁྲུངས། །དྲི་ཡང་ཆུང་ཞིང་འདབ་པ་ལས། །མཉམ་གཉིས་གཞན་ལས་ཅུང་ཞིག་ལྕི། །འཐུངས་ན་བད་ཀན་འཇོམས་པའི་སྨན། །ཕོ་མཚན་ཆུ་ཆེན་ཡར་བ་ལས། །གཏིང་འཁྱིལ་མ་དྲོས་མཚོ་རུ་འཁྱིལ། །དེ་ཡི་དཀྱིལ་དུ་དུག་པའི་རི། །ཕོ་མཚན་ལྟ་བུའི་དབྱིབས་འདྲ་ལ། །ཛམ་བུ་བྲི་ཀྟའི་ཤིང་དུ་འཁྲུངས། །རྭ་ཏྲ་དྲེགས་པས་ངར་ཆུ་ལུག །བར་དུ་བྱ་ཡི་ཆུ་རུ་ལུག །སྒོང་ང་དགུ་ཡི་ཐང་དུ་ལུག །ཀྱི་ནི་ཐང་ཆུང་གསང་བ་དང་། །མོ་ནི་ཐང་ཆུང་རྣོ་བ་ཡིས། །གཏན་ཚིགས་དང་པོ་དེ་ནས་བྱུང་། །རྭ་གཉིས་གྱེན་དུ་བཏེགས་པ་ནི། །ལྷ་ཡི་བདུད་རྩི་ཆེན་པོ་ཡིན། །ས་ལ་འབྱུང་བས་ལུག་་རུར་འཁྲུངས། །ལུམས་སུ་བྱས་ན་ལྕི་བའི་ནད། །ཞག་གསུམ་ལོན་ནས་སེལ་བར་བྱེད། །མོ་རུ་བྱས་ན་རྨུག་པ་བབས། །ནད་པ་སྨན་པ་བཞི་བདག་ལ། །ལྷ་ཡིས་འག་་བ་སྤྱོད་མི་སྤྱོད། །རིག་པ་དེ་རུ་ཤར་དུ་བྱུང་། །རྭ་དེ་ཅུང་ཞིག་བསྲེགས་བྱས་ནས། །ཧ་ཅང་ཚིག་མིན་གྲང་བ་མིན། །ཁ་རུ་ཚ་དང་སྦྱར་གྱུར་ན། །ཕོ་ལོག་ན་བར་གྱུར་ན་ཡང་། །སྐད་ཅིག་མ་ཡིས་འཚོ་བར་འགྱུར། །དེ་ཡི་བལ་དགུན་ཐ་ཆུང་བརྔ། །དེ་ཡང་གསུམ་དུ་གསུངས་པ་ལས། །གཅིག་ལ་ཇུ་ཐིག་ཐི་གུའི་མོ། །དགྲ་དང་གྲོགས་དང་གཉེན་སྟོབས་རྣམས། །རིག་པ་དེ་ལས་འབྱུང་ཞིང་བབས། །གཅིག་ནི་གོས་སུ་བྱས་གྱུར་རམ། །སྟན་དུ་བཏིང་ནས་མལ་གཡོགས་ན། །བལ་སྐྲུས་ཆེན་པོ་ཞེས་བྱ་སྟེ། །གྲང་བའི་ནད་མེད་ཉམས་བདེར་འགྱུར། ཤེང་བལ་བེའུ་འཕྲུག་དར་ཟབ་རྣམས། །དྲོ་བར་གྱུར་ཡང་ནད་སྐྱེད་དུག །དེ་ཡི་སྐྱོབས་སུ་འགྲོ་བར་ཡང་། །འདབ་ཆགས་སྒྲོ་དང་གཅན་གཟན་སྐྲུ། །སྟག་སྐྲུ་དོམ་སྐྲུ་མ་གཏོགས་པ། །ཐམས་ཅད་དེ་ཡི་སྐྱོབས་སུ་བཤད། །དོམ་སྐྲུ་མིག་གི་སྨན་ཡིན་ཏེ། །སྟག་སྐྲུ་དེ་བཞིན་ཆུ་སེར་སྨན། །གྲང་བས་ན་བ་མ་གཏོགས་ནི། །གཞན་དག་རྣམས་ལ་བཀག་པ་མེད། །གཅིག་ནི་བར་ཕྱིང་དཀར་པོར་བསླིང་། །དེ་ཡང་གསུམ་དུ་གནས་པ་ལས། །ཞྭ་རུ་བྱས་ཏེ་གྱོན་གྱུར་ན། །ཚ་བ་ཅན་རྣམས་གྲང་བར་ནུས། །གྲང་བ་ཅན་ལ་ཕྱི་དྲོད་བསྐྱེད། །དེ་ཡང་སྙོམས་པའི་བདུད་རྩི་ཡིན། །ཆུ་སེར་ལུག་པའི་རྣ་རྣམས་ལ། །ཆུར་བཅུག་དེ་ཡིས་དཀྲི་བར་བྱ། །ཆུ་སེར་ནག་པོ་འཇིལ་བ་དང་། །དུམ་བུ་ཕྱེད་དེ་སྣུམ་དུ་བཙོ། །རླུད་ནད་རྣམས་ཀྱི་རྩ་སྒོ་བསྲུང་། །དེས་ན་ལུས་ཀྱི་བདུད་རྩི་ཡིན། །དབྱིབས་ལ་ངེས་པ་མེད་པར་ག་། །སྒོ་ང་བག་ཕྱེ་དག་དང་སྤྲད། །གོང་དུ་སྐྲངས་ལ་བཅིངས་གྱུར་ན། །འབུར་བའི་ནད་རྣམས་འཕགས་མི་ནུས། །དེ་ཡང་བལ་གྱི་བདུད་རྩི་ཡིན། །མགོ་ཡི་ལྕེ་དང་ཀླད་པ་དང་། །འབྲི་མར་དག་དང་སྦྱར་གྱུར་ན། །བརྒྱུངས་པ་དག་ཀྱངདེབཞིནགཏད། །ཁ་རུ་ཚྭ་ཡིས་ཁ་ཚར་གདབ། །ཀླད་པ་ལེགས་པར་ཆོས་ནས་ནི། །ཆུ་སྐམས་འོ་མས་བསླད་ཅིང་བཙོ། །སྲོག་པ་རྩ་ལ་ནད་ཞུགས་དང་། །མགོ་འཁོར་ལུས་ཀྱི་ཆ་འཁྱོམ་ན། །ཞག་བདུན་ཟོས་ན་འཚོ་བའི་སྨན། །ཆུ་འཐུང་ར་ཤ་ཟོས་གྱུར་ན། །དེ་ལ་ནུས་པ་མི་འབྱུང་ངོ་། །དེ་ཡི་གློ་དང་རྩ་ཡི་ཁྲག །རྨ་གསར་དག་པ་གླན་འགྱུར་ཞིང་། །དེ་ཡི་པགས་རློན་དག་གིས་དཀྲིས། །རེ་འཇམ་བདུད་རྩི་ཞེས་ཀྱང་བྱ། །བདུད་རྩི་ལྔ་ཡི་སྐྱོབས་བཏང་ན། །རེག་པ་ཀུན་ཀྱང་འཚོ་བར་འགྱུར། །དེ་ཡི་ཀླད་པ་ཅུང་ཟད་དང་། །རྒྱ་དར་བསྲེགས་པའི་ཐལ་བ་རྣམས། །ཁྲག་མེད་ཁྲག་ཏུ་འགུགས་པ་ཡིན། །དེ་ཡི་སོགས་པ་གཡས་གཡོན་ནི། །དུ་ཏྲོརེ་འཁོར་གྱིས་བྱིན་གྱིས་བརླབས། །ནད་པའི་ཁང་ས་དུར་ས་དང་། །འཚོ་དང་མི་འཚོའི་མངོན་ཤེས་འབྱུང་། །དུང་སྐྱོང་མ་ཡི་བྱིན་རླབས་ཀྱིས། །མེ་སྨན་སྤྲ་བས་བསྲེགས་གྱུར་ན། །ནད་པ་བགེགས་ཀྱིས་བསྐྱོད་མ་བསྐྱོད། །ཉི་མའི་འོད་བས་གསལ་བར་འགྱུར། །སོག་པ་ལྟས་ཀྱིས་ཤ་ཡིན་པས། །སྨན་པ་བཟང་བར་བཤད་པ་ལས། །དེ་ཡི་ལག་འོག་རྩིབས་མ་ཡང་། །ནད་པས་ཟོས་ན་ནད་རྣམས་ཀྱང་། །གཅན་གཟན་ཟོས་པའི་ཤ་བྱུང་ན། །རྩིབས་མ་བདུད་ཀྱི་ཐག་པ་ཡིན། །གཅིག་ཀྱང་ཟ་བར་མི་བྱའོ། །མཆིན་སོག་ལྷ་ཡི་མཆིན་པ་ཡིན། །བཟང་ངན་ལྟས་ཀུན་དེ་ལ་བལྟ། །ཤ་བཅུད་སྙིང་དང་རུས་བཅུད་རྐང་། །ཁྲག་བཅུད་མཆིན་དང་རྒྱུ་བཅུད་ཞག །ལྷ་མོའི་འཕྲིན་བྱེད་དབང་ཐུན་བསྐྱེལ། །རིག་པའི་ལྟས་ཀུན་བབས་པ་ལས། །བདུད་གསུམ། །སྙིང་རྗེ་ལྡན་པའི་རྟགས་ཡིན་ཏེ། །བསད་པའི་ཤ་རྣམས་མི་ཟ་བར། །སེར་བུ་ཤིན་ཏུ་རྫུད་པར་ཡོད། །དེ་ཡི་སྙིང་དང་མཛའ་བའི་སྨན། །བསིལ་བའི་སྐྱོབས་ནི་བདུན་ཡོད་ན། །ཤིན་ཏུ་བརྗོད་པ་མི་ཡོང་ཞིང་། །སྙིང་རླུད་དག་གི་གཉེན་པོ་ཡིན། །ཚེ་གསུམ་དྲན་བྱེད་ཐེ་ཚོམ་མེད། །ཕོ་རོག་སྲོག་གཅོད་ཤིན་ཏུ་ཚོ། །སྲོག་པ་རྩ་ཡི་ཁྲག་དང་ནི། །འབྲུ་གསུམ་ཨ་རུ་ར་དང་སྦྱར། །རྩི་མར་དག་གིས་སྣ་ཁྲིད་ན། །བར་གཅོད་ཅིས་ཀྱང་མི་ཚུགས་སོ། །ལོ་སྟོང་ཐུབ་ལ་ཐེ་ཚོམ་མེད། །ཁྭ་ཏ་ནག་རུང་སྐད་ཀྱང་ཆེ། ཁྲ་དང་རུས་པ་ཨ་བར་སྦྱར། །མིག་འབྲས་ཀླད་པས་ཚོ་བྱས་ཏེ། །མར་དཀར་དག་གིས་སྣ་ཁྲིད་ན། །མིག་སྨན་ཀུན་གྱི་གཙོ་བོ་ཡིན། །ས་ཡི་འོག་ཏུ་སྦས་པ་ཡི། །གཏེར་མཐོང་བ་ལ་ཐེ་ཚོམ་མེད། །སྒོང་གསུམ་བར་དུ་ཡར་བ་ལས། །ཁྲ་དང་འུག་པ་ཧོར་པ་གསུམ། །འུག་པའི་ཤ་ཡིས་ཀུན་ཀྱང་འཇིགས། །ཧོར་པའི་ཤ་ཡིས་ཀུན་ཀྱང་འས ཁྲ་ཡིས་དྲོད་རྣམས་ཀུན་ཀྱང་སྙོམས། །འུག་པའི་ཀླད་པ་ཧོར་པའི་བྲང་། ཁྲ་ཡི་བཤུལ་ཤ་དག་ལ་ཡོད། །སྒོང་གསུམ་ས་ལ་ཡར་བ་ལས། །གཅིག་ནི་ཁ་རུ་མ་རྡོལ་ཞབས་སུ་ལུག །ལུག་པས་ཤིན་ཏུ་སླེབ་པར་ལུག །ལུག་ཅེས་བྱ་བའི་སེམས་ཅན་འབྱུང་། །སྒོ་ང་དྲོད་ནི་མ་ཡལ་བར། །དྲོ་ལ་ལུག་པས་དྲོད་ཀྱི་སྨན། །དེ་ཡང་ཕྱི་ཡི་མངོན་པ་དྲུག ཁྲ་ཡི་གདེང་ཡིབ་ཤིན་ཏུ་དྲོ། །ཐོང་ཚེར་གྲང་བའི་སྒོ་རྣམས་སེལ། །ཚེ་སུག་ཀུན་ཀྱང་དེ་དང་མཚུངས། །ཁྲག་དང་ནང་ཁྲོལ་དག་ལ་ཡང་། །འཚོ་བར་བྱེད་པའི་སྨན་མེད་དོ། །ཅུང་ཞིག་འབྲས་ཀྱི་ཕུབ་མ་སྲ །ཟླ་བ་གཉིས་སུ་བཅུད་བླངས་ན། །ཁ་གཏིང་མེད་པར་དྲོད་ཏུ་འགྱུར། །རླུད་ནད་ཅན་གྱི་གཉེན་པོ་སྟེ། །རྨ་ཅན་དག་གིས་ཅུང་མི་ཐུབ། ཤེང་གི་སྒྲོམ་བུར་བཞག་གྱུར་ན། །དུག་རོ་ཅན་གྱི་དེ་མེད་པ། །རྨ་ཅན་རྣམས་ལ་སོལ་བུ་བརྫངས། །དེ་ཡང་གང་ཞིག་རློན་གྱུར་ན། །ཆུ་སེར་སྐྱེ་བའི་རྒྱུ་ཡིན་ནོ། །ཧ་ཅང་ཚོས་པར་མི་བྱ་ཞིང་། །ཞག་པོ་བགྲངས་ཏེ་བཏང་བར་འབྱུང་། །ཕྱི་སྐམས་ནང་མ་གཡོས་ལ་གཏང་། །བཙོས་བསྒྲལ་གཉིས་པོ་དེ་བཞིན་ནོ། །བསྒྲལ་བའི་དུས་དང་དགུན་ཟླ་གསུམ། །སྟོན་ཟླ་བསྒྲལ་ན་ཁྲག་ནད་སྐྱེད། །དཔྱིད་ཟླ་གསུམ་ལ་བད་ཀན་སློང། །དབྱར་ཟླ་མཁྲིས་པ་དེ་བཞིན་ཏེ། །ཚིལ་བུ་རྒྱས་པའི་དུས་སུ་ནི། །ནད་རྣམས་གཞན་གྱི་རོ་མི་ལྡང་། །དེ་ཕྱིན་ཚོ་ན་ནམ་ཡང་བཟང་། །སྒོ་ང་གཅིག་ནི་ཟུར་ལ་ཡར། །ར་ཞེས་བྱ་བའི་སེམས་ཅན་བྱུང་། །ངད་པས་སྤུ་ཡང་ཅུང་ཞིག་རྩུབ། །ཁེངས་པས་རྭ་ཡི་གཉེར་མ་མང་། །ཟུར་དང་བྲག་ལ་འཛེགས་པ་དགའ། །རྩ་རྩེ་འཐོག་ཅིང་རྩེ་ཡང་གཡབ། ཁེན་ཏུ་བསིལ་བའི་བདུད་རྩི་ཡང། །གློ་བ་ཀླདཔམཆིནཔརཡོད། །འོམ་ཀརསམཆིནབརྒྱངསན། །མེ་ཡི་རྩེ་ཡང་འཆི་བར་བཤད། །ཆུ་གྲང་དགལམཆིནབགྲངན། །མི་ཚངས་མངལ་བ་བཀུབ་ནས་ནི། །གབ་པ་ལ་སོགས་ཚ་བའི་ནད། །དུས་དེར་མོད་ལ་འཇིལ་བར་ནུས། །ཀླད་པ་དག་ནི་བཙོས་གྱུར་ནས། །མར་དཀར་དག་དང་སྦྱར་གྱུར་ན། །ཚ་བའི་རླུང་རྣམས་རབ་ཏུ་འཇིལ། །མར་རྙིང་དག་ལ་རླུད་ལྡང་ན། །དུས་དེར་མིག་རྩ་འདེབས་པར་བྱེད། །སྒོང་གཅིག་ས་ཡི་ཕག་ཏུ་ཡིབ། །ཞག་གཅིག་ལོན་ནས་གཟོད་གཅིག་རྙེད། །མིང་ཡང་ཕག་པ་ཞེས་སུ་བཏགས། །ས་དང་འདྲེས་པའི་མཚན་ཉིད་ཀྱིས། །ཞེས་ཁ་གཙང་སྨེ་རབ་ཏུ་ཆུང་། །ཕག་ན་འདུག་པའི་གཏན་ཚིགས་ཀྱིས། །ས་ཡི་ཁྲོན་དག་སྣ་ཡིས་རོག ཁེན་ཏུ་གྲང་བའི་སྐྲུ་ཡང་རྩུབ། །མཆེ་བ་ཅན་ཏེ་རྨ་ཡང་འཇིག ཁྲ་རྣམས་གཞུན་ཏེ་རླུད་མི་ཐུབ། །མགོ་དང་སྣ་ཡང་ལྷོག་པའི་སྨན། །ཀླད་པ་སྐྲངས་ནད་ཀུན་གྱི་ལུམས། །སྐྲུ་ཡི་གཤོབ་དང་སློ་ཡི་ལུམས། །ཉ་དང་སྦྲུལ་དང་སྦལ་པ་དང་། །ས་བདག་གཟུགས་སུ་སྟོན་པ་ཡང་། །ཁོ་ཡི་ཟས་སུ་བྱེད་པའི་ཕྱིར། །སྣ་ཡིས་སྐྲངས་ནད་ཀུན་ཀྱང་ཐུབ། །མཆེ་བས་ལྷོག་པའི་གཉེན་པོ་འོང་། །འབུ་དང་གྲོགས་མ་སྦུར་བ་ཟ། །ལྷོག་པ་དེ་འདྲ་བརྫུས་ཏེ་འབྱུང་། །དེ་ཕྱིར་མགོ་བཅུ་ཀླད་པ་ཡང་། ཁྲ་རུས་ཚིལ་དང་བཅས་ཏེ་གཏང་། །རུ་ལུ་ཟ་ཟའི་སྐད་འདོན་ནས། །མ་མོ་གཉེན་གྱི་ལྷོག་པ་ཐུབ། །ཁོ་རང་སྔགས་པ་ཡིན་པའི་ཕྱིར། །སྐྲུ་ཡི་ལྕགས་ཀྱི་ཐུར་མ་ཡིས། །བདུདདངགཤིན རྗེའིལྷོག་པ་ཐུབ། །མིག་ནི་དཔྲལ་བའི་འཛིན་ས་ལྟེ། །འབྱུང་པོ་བགེགས་ཀྱི་ལྷོག་པ་ཐུབ། །དེ་ཕྱིར་ཤ་རྒོད་སྨན་གྱི་མཆོག །ཤིན་ཏུ་སྐྲངས་ནས་བྱུང་བའི་འཇིབས། །ཕྱི་ཤ་བད་ཀན་གཏན་ནས་འདོན། །ནང་ཁྲོལ་ཀུན་དང་ཁྲག་ཚིལ་གྱིས། །མཁྲིས་པ་ཁྲག་གི་མིང་ཡང་མེད། །རྣམ་རྟོག་འཇོམས་པའི་བདུད་རྩི་པ། །གང་གིས་སྐྱོབས་པ་མ་ཡིན་ཏེ། །གཅིག་པུས་ཐུབ་པའི་སྨན་ཡིན་ནོ། །ཁྲག་ཟགས་པ་དང་རྒས་པ་དང་། །རིམས་ནད་དྲག་ལ་གཏང་མི་བྱ། །དར་ལ་བབས་པའི་མི་རྣམས་ལ། །གང་ལ་གཏང་ཡང་ཉེས་པ་མེད། །ལུས་ཞེས་བྱ་བའི་མིང་ཡང་བཏགས། །དེ་ཡང་རྣམ་པ་གསུམ་ཡིན་ཏེ། །རླུད་ནད་ཀུན་ལ་མཆོག་ཏུ་བསྔགས། །རྙིང་པར་གཏང་བའི་མཚན་ཉིད་ནི། །ཤ་དང་རུས་པ་མགོ་བོ་རྣམས། །བཅུད་བླངས་ཤིང་གི་སྒྲོམ་དུ་གཞུག །ལོ་གཅིག་ལོན་ནས་ཤ་གཏང་ན། །ཤ་རླུག་རློག་པའི་རླུང་ལ་ཕན། །ལོ་གཉིས་ལོན་ནས་རུས་པ་གཏང་། །ལྟག་མིག་ལྷོག་པའི་རླུང་ལ་གཏང་། །རླུང་དང་སྲིན་བུ་བསྡོངས་ལ་ཕན། །ལོ་བཞི་ལོན་ནས་མགོ་གཏང་ན། །ཡ་མ་དཀར་ནག་འཇོམས་པར་ནུས། །ལོ་ལྔ་ལོན་པར་གྱུར་ནས་ནི། །སྨྱོ་བའི་རླུད་ནད་ཀུན་ལ་ཕན། །ལོ་དྲུག་ལོན་ནས་འཐིབས་པ་སེལ། །ལོ་བདུན་ལོན་ནས་ཤེད་ཆུང་བ། །ཆེ་བར་འགྱུར་ཏེ་ཐེ་ཚོམ་མེད། །བརྒྱད་ནས་ནུས་པ་ཟད་ཅེས་བྱ། ཁྲ་ཡི་སྦྱོར་བར་འཀྱུར་ན་ནི། །བུད་མེད་ཤ་དང་བསྲེས་ཏེ་བཙོ། །མཛེ་ནད་དག་ལ་རབ་ཏུ་བསྔགས། །ལོ་བརྒྱད་འདས་ཀྱི་མར་ནི་རྙིང་པ་དང་། །མ་ཕྲད་གཞོན་གྱི་ཤ་དང་རུས་པར་བཅས། །ལུག་གི་མཇུག་རུས་མེད་པ་དེ་བཞིན་བརྡུང་། །ལུག་གི་པགས་པས་གྲོལ་ཏེ་ཟླ་གཅིག་བསྙལ་དུ་གཞུག ་རྐོན་ཏུ་ཚོས་པར་བྱས་ཏེ་ཁུ་བ་དེ་ལ་བསྟིམ། །ཆང་གསར་ཐིགས་གཅིག་བླུགས་ཏེ་བཙོས་གྱུར་ན། །སྤོད་དེ་ཁ་རུ་ཚྭ་ཡིས་རབ་བརྒྱན་ན། །སྙིང་རླུད་བརྗེད་བྱེད་སྨྱོ་བྱེད་རྩ་བ་གཏིང་ནས་འདོན། །ཕག་པའི་ཤ་ཚིལ་དག་དང་སྦྱར་གྱུར་ཞིང་། །དོང་གྲ་དག་གི་སྤོད་བྱས་གསར་པར་གྱུར་ན་བད་ཀན་སྨན། །རྔ་བྲན་ཤ་དང་གཉིས་སུ་མེད་པར་བརྡུང་། །ཀ་ར་དཀར་པོའི་སྤོད་ཀྱིས་བརྒྱན་པར་གྱུར། ་རྐོན་ཏུ་བཙོས་དང་མརྗོ་ཞོ་མངལ་དང་སྤྲད། །རྨ་རྣམས་ཚད་སྐྱེས་རྣག་རྣམས་གཅོད་པའི་སྨན། །ལོ་གསུམ་ལོན་པའི་ལུག་རུ་དང་། །རྒོད་གཡག་སར་གྱི་ཤ་ཚིལ་ཤིན་ཏུ་ཚོ། །ལུག་གི་ཁོག་པར་བླུགས་ཏེ་བཀབ་བྱས་ཏེ། །ཚ་བ་གསུམ་གྱི་སྤོད་དང་ཁ་རུ་ཚྭ། །འབྲི་མར་ཅུང་ཞིག་དག་དང་སྦྱར། ཁ་ཆེས་ལུམས་སུ་བྱས་ཏེ་ཆང་གིས་བཙོ། །ནར་ཕྱིན་ཆང་གིས་བཏུང་ཆུ་བྱས་གྱུར་ན། །ལྕགས་ཀྱི་རྡོ་རྣམས་ཁོང་ན་ཡོད་ཀྱང་འཇུ། །གལ་ཏེ་སྨན་མར་དག་གི་གསོས་བྱེད་ན། །གྲང་བ་དག་ལ་སྦྱར་ན་ཤ་རྙིང་གཏང་། །དཔྱིད་དང་དབྱར་སྟོན་ཤ་དེ་གཏང་བ་མིན། །སྙོམས་པར་འདོད་ན་འཕྲལ་ཤ་གཏང་། །དཔྱིད་དང་དབྱར་གྱི་ཤ་ཡང་གསར་མི་གཏང་། །དཔྱིད་དང་དབྱར་ནི་རྔ་བྲན་ཤ་ཡིས་གསོ། །ལུག་གི་ཤ་ནི་ཟླ་དྲུག་ཡིན་ཏེ་ཟླ་དྲུག་བཟང་པོ་མིན། །མིག་ཆུ་སྣ་ཆུ་གཉིས་པོ་ཡང་། །གོང་དུ་འཁྲུངས་པ་དེ་དང་མཚུངས། །བདུད་རྩི་རིན་པོ་ཆེ་འཁྲུངས་པའི་རྒྱུད་ལས། རྭ་ཏྲ་ཆེན་པོ་བསྒྲལ་བའང་ཆུ་བཞི་འདྲུབ་པ་ལས། ཕོ་མཚན་དྲི་ཆུའི་ལེའུ་སྟེ་ཉི་ཤུ་རྩ་བཞི་པའོ།། །།བཅོམ་ལྡན་རྡོ་རྗེ་གཞོན་ནུའི་ས། །དུ་ཏྲ་ཆེན་པོ་བསྒྲལ་བའི་ཚེ། །དེ་ཡིས་དྲེག་པ་ཡར་བ་ལས། །བྱང་གི་རྩ་མར་འཁྲུངས་སོ། །རྭ་ལ་གཞུ་བྱུང་དྲང་སྲོང་ཐོགས། །མི་རྣམས་འཇིག་རྟེན་མདའ་ཡིས་སུ། ཁྲ་ལས་དྲོད་བྱུང་གྲང་བ་འཇོམས། །སྟོན་ཟླ་ཐ་ཆུང་དཔྱིད་ཟླ་ཆུང་། །དུས་ནི་ཕོ་ལ་ཡོད་མོད་ཀྱང་། །བརྒལ་ནས་མོ་ལ་བདུད་རྩི་འབྱུང་། །ཕོ་མོ་འཁོར་བར་གནས་མོད་ཀྱང་། །དེད་ཤ་དག་ལ་སྨན་མི་འབྱུང་། །འདྲིལ་ན་ནམས་ཀྱང་ལེགས་པར་བཤད། །རུ་ཏྲ་ཆེན་པོའི་དྲེགས་ཡིན་པས། །དེ་ནས་རྡུལ་གྱིས་ཕྱིས་གྱུར་ན། །དྲེག་པ་ཞུ་བཞིན་རྟུལ་བས་ཡལ། །འདྲིལ་བས་དྲེག་པ་ཞུ་འགྱུར་ཏེ། །རྐང་དཔྱི་གཉིས་ཀྱི་བར་ནས་ནི། །གྲང་བ་འཇོམས་པའི་སྨན་ཡོད་དེ། །དཔྲལ་བའི་ཀ་བ་དག་ལ་ཡང་། །མེ་རོ་རྙིང་དང་འདའ་སྨན་དང་། །ཚིག་པ་བྱེད་པའི་སྨན་ཡོད་དོ། །རྭ་ཏྲེརེ་བ་སྐྲུ་ཡར་བ་ལས། །རྐྱང་དང་རྔས་དང་གཙོས་སུ་འཁྲུངས། །རྐྱང་ཞེས་བྱ་བའི་སྨན་རྣམས་ནི། །ཞོ་ལ་རྩལ་རྫོགས་ས་ལ་བྲོ། །བྱ་ཡི་ཟོས་པས་དུས་ཚོད་མཁས། །གཙོས་ཞེས་བྱ་བའི་སྙིང་ཁྲག་ལ། །སྲིད་ཚོལ་བ་ཡི་བདུད་རྩི་བབས། །བུ་མོར་སྐྱེ་བའི་བུད་མེད་དང་། ཁྲ་མ་མ་བྱིན་པ་ལ་གཏང་། །རྔས་ཞེས་བྱ་བའི་སྐྲུན་མོ་དེ། །ཀླད་པ་འགྱུར་བའི་ཚིལ་བུ་ལ། །མགོ་སྲིན་སེལ་པའི་སྨན་ཡོད་དོ། །དུ་ཏྲོརེ་རྐང་སོར་ཡར་བ་ལས། །རྟ་རྐྱང་རྔ་མོ་བ་མེན་ཤ །མཛོ་དང་བོང་བུ་གཉན་དང་ནི། །གནའ་དགོ་གཉིས་ཏེ་བཅུ་བྱུང་ངོ་། །རྟ་ནི་ཆུ་སེར་ཚབས་རེའི་སྨན། །མཆིན་པ་དག་ལ་ཡོད་པ་ཡིན། །ཚོ་ན་བྲང་གི་ལྡེབས་ལ་གནས། །རྐྱང་ནི་ཆུ་སེར་སྐྲངས་པའི་སྨན། །རྔ་མོ་དྲེག་ལ་སྨན་པའི་ཤ །བ་མེན་ཤ་འུ་གསོ་བའི་སྨན། །རྨེ་ཤ་ལ་དུག་གསོ་བའི་སྨན། །མཛོ་ནི་ཤིན་ཏུ་སྙོམས་པ་སྟེ། །བོང་བུ་ཚབས་རོ་དག་ལ་ཕན། །རྔ་མོ་ཀུན་ལ་སྙོམས་པའི་སྨན། །གཉན་ཤ་གནའ་དགོ་སྙོམས་པར་གསུངས། །དུ་ཏྲོརེ་རྐང་སོར་ཡིན་པའི་ཕྱིར། །རྟ་མགྱོགས་རྐྱང་གྲིམས་རྔ་མོ་སྐེ། །བ་མེན་རྭ་དང་རྨེ་ཤའི་གཟུགས། །མཛོ་ཡི་རྩལ་དང་བོང་བུའི་སྐད། །གཉན་གྱི་བང་དང་གནའ་བའི་འཛེགས། །ཁྱད་པར་སྤྱོད་པའི་ཡོན་ཏན་རི། །དུ་ཏྲོཛེ་རྐང་པ་ཡིན་པས་བྱུང་། །དུ་ཏྲོཛེ་ལྕེ་ལས་གྱེས་པ་ནི། །ཀོམ་པའི་ཀོ་བ་རྒྱ་ཡི་ཤ ཁེན་ཏུ་འཇམ་ཞིང་སྙོམས་པའི་སྨན། །དུ་ཏྲ་དེ་ཡི་མཐུ་ལས་ནི། །ལྷག་པའི་ཡོན་ཏན་རེ་རེ་ཡོད། །རྒྱ་ཡི་དར་ནི་རིན་པོ་ཆེ། །དགོ་བའི་ཐུལ་བ་ཆུ་བས་མཉེན། །ཀོམ་པའི་གཉའ་བས་ས་གཞི་རློག །དེ་ལྟར་མི་རྣམས་དོན་དུ་བྱུང་། །རུ་ཏྲེརེ་མཆེ་བ་བཅུ་བཞི་ལ། །མཆེ་བརེརེབཏོནཔལས། །སྨད་དང་ངན་སྒྱུགས་བཅས་ནས་བྱུང་། །འོ་མ་བསིལ་ལ་ཚིལ་བུ་དྲོད། ཁྲ་རུས་སྲིས་རྣམས་ཆ་སྙོམས་ཕན། །དེ་ཡི་ངན་སྒྱུག་ཆུ་སྲིན་ཡིན། །མི་དྲེག་ཕྱུགས་དྲེག་དོམ་དང་གསུམ། ཁྲ་ཚིལ་གྲང་བའི་གཉེན་པོ་ལ། །སྐྲངས་དང་རེངས་པ་ཐམས་ཅད་འམུ །མཁྲིས་པ་དེ་བཞིན་རྨ་ཡི་སྨན། །དོམ་གྱི་བྲང་ཟེ་སྙིང་ལ་ཡོད། །དེ་རྟགས་སྤུ་ནི་ཀ་རུར་འབྱུང་། །མི་དྲེག་ནུ་མའི་དཀྱིལ་ན་ཡོད། །དེ་རྟགས་ནུ་མ་སྐྲུས་མི་འགེགས། །ཕྱུགས་དྲེག་བརླ་ཡི་སུལ་ན་ཡོད། །དེ་ཕྱིར་བརླ་ལ་སྲོ་མི་ཆགས། །སྤྲ་དང་སྤྲེ་དང་བྱི་ལ་གསུམ། །དེ་ལྟར་གསུམ་ནི་ངན་སྒྱུགས་ཡིན། །སྟག་དང་གཟིག་དང་གུང་དང་གསུམ། །བད་ཀན་འཇོམས་པའི་སྨན་ཡིན་ནོ། །ལྷོག་རྒལ་སྐྲན་དང་མེས་ཚིག་དང་། །གཞན་མ་ཅིས་ཀྱང་མི་འཚོ་བའི། །མ་རྙིང་དག་ལ་མཁྲིས་པས་ཕན། །སྲམ་དང་གྱི་སྲམ་ཆུ་བྱི་གསུམ། །དེ་ལྟར་གསུམ་ནི་ངན་སྒྱུགས་ཡིན། །སྟག་གི་འགྲམ་པ་དག་ལ་ཡོད། །དེ་རྟགས་འཇུམ་ཕྲན་དག་ཏུ་བྱུང་། །གཟིག་གི་སྐྲུ་སུལ་དག་ན་ཡོད། །དེ་རྟགས་སྐྲུ་ཡང་ཐིག་ལེར་བྱུང་། །གུང་གི་བཤུལ་ཤ་དག་ལ་ཡོད། །དེ་རྟགས་མཇུག་མའི་སྤུ་ཡང་འཚེར། །སྤྱང་ཀི་འཕར་བ་ཝ་དང་ཁྱི། །སྤྱང་ཀི་བཤུལ་ཤ་དྲོ་བའི་སྨན། །འཕར་བ་སྔ་དྲོ་གསོད་ན་རྐང་པ་གཡས། །དགོངས་མོ་གསོད་ན་དམིགས་ལ་བབས། །ནུབ་མོ་སྙིང་ལ་དེ་བཞིན་ཏེ། །བདུད་རྩི་འཕར་བས་འཕར་མ་ཡིན། །རྨ་རྣམས་དྲོས་པར་གྱུར་པ་དང། །མོ་ཚད་ལངས་པར་གྱུར་པའི་སྨན། །ཁྱི་ཡི་ལྕེ་ཡང་རྨ་ཡི་སྨན། །ཝ་ཡང་གློ་ལ་ཕན་པའི་སྨན། །ས་བྱས་སྤོ་དཀར་བྲ་བ་བྱི། །དེ་ལྷར་བཞི་ནི་ངན་སྒྱུགས་ཡིན། །སྤྲ་དང་སྤྲེ་དང་བྱི་ལ་གསུམ། །གྲང་བ་འཇོམས་པའི་བདུད་རྩི་ཡིན། །གཡི་ཡི་རྣ་བ་གསའ་ཡི་མཇུག །སྤྲེ་ཡི་ནུ་མ་གསུམ་ལ་ནི། །མ་དགུག་པ་ཡི་སྨན་ཡང་ཡོད། །ཆུ་ལུག་ཆུ་རྟ་ར་རྒོད་གསུམ། །དེ་ལྟར་གསུམ་ནི་ངན་སྐྱུགས་ཡིན། །ར་རྒོད་བསིལ་ཏེ་རྨ་རྣམས་འཇོམས། །སོག་བྲག་དག་ལ་ཅེ་སྤྱང་བྱུང་། །ཁྲག་རེངས་ཀུན་ཀྱང་འཇུ་བར་བཤད། །དེ་ཡི་ངན་སྒྱུགས་ཁ་ཤ་ཡིན། །དུ་ཏྲོརེ་ལག་སོར་གྱེས་པ་ལས། །གཅིག་ནི་མོ་རྣམས་ཀུན་ལ་བབས། །མ་ཕྲད་ཞོན་གྱི་ཤ་རུས་རྣམས། །རླུད་གི་བདུད་རྩི་ཡིན་པར་བཤད། །འཕྱི་བའི་ཚིལ་བུ་དགུན་ཟླ་གསུམ། །རླུད་དང་མིག་གི་བདུད་རྩི་ཡིན། །རྩངས་པའི་ཤ་ཡང་དྲེག་ལ་ཕན། །སྦལ་པ་དེ་བཞིན་ལྐོག་མའི་སྨན། །དེ་རྣམས་ལག་པ་གཡོན་པ་ཡིན། །གཡས་པ་འཇིག་རྟེན་མཁའ་ལ་སྒྱུར། །གཅིག་ལ་བབས་པ་ཡོད་མ་ཡིན། །གཞན་ཡང་སེམས་ཅན་ཐ་དད་པའི། །མཐུན་པའི་བདུད་རྩི་ཡོད་མོད་ཀྱང་། །དུ་ཏྲོརེ་བདུད་རྩི་བབས་པ་མེད། ཁྲར་རེ་སྨན་རེ་སྨོས་པ་ཡང་། །རང་རེའི་ཤ་དང་སྟོབས་ཀྱི་ཤ །བསིལ་བའི་སྐྱབས་ཀྱང་བསིལ་བས་བྱ། །ཚ་བའི་སྐྱབས་ཀྱང་དེབཞིན་བྱ། །སྙོམས་པ་ཅི་རིགས་པ་ཡིས་བྱ། །གལ་ཏེ་འཁྲུགས་པར་གྱུར་ན་ནི། །དུ་ཏྲའི་བབས་ལུགས་ནོར་བ་ཡིས། །ཁོ་ཡི་མཐུ་དཔལ་བྱིན་རླབས་ཀྱིས། །ནད་རྣམས་རེངས་ནས་འཁྲུགས་པར་འགྱུར། །དཔོན་མེད་ཐོ་ཆོ་སྒྲ་ལ་བརྟེན། ཁྲེས་རྒྱུད་མེད་པའི་ཁོང་དྲེགས་མཁན། །ནད་རྣམས་འཁྲུགས་པའི་དཀའ་བ་མེད། །གདམས་མེད་དུག་ཏུ་སྦྱོར་བ་དེ། །རྒྱུས་མེད་མཐོང་བའི་སྐྱོན་ཡིན་པས། །རྡོ་རྗེ་དམྱལ་བར་དེ་འགྲོ་སྟེ། །ནད་རྣམས་འཁྲུགས་པས་མི་ཆོག་སྟེ། །དུ་ཏྲ་ཆེན་པོའི་བཀའ་ཆད་འབྱུང་། །ཤ་སྨན་དེ་དག་ཀུན་ཀྱང་ནི། །རྭ་ཏྲའི་སྤྲུལ་པ་མ་ཡིན་ཏེ། །ཁོ་ཡི་བདུད་རྩི་བབས་པ་ཡིན། །ནོར་བས་ལོག་པའི་ལམ་དུ་འགྲོ། །རྡོ་རྗེ་ཕུར་པ་བདུད་རྩི་ཇི་ལྟར་འཁྲུངས་པའི་རྒྱུད་ལས། དུ་ཏྲའི་ལུས་བཤིག་ཤ་སྨན་གྱི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་རྭ་ཏྲོརེ་དཔག་བསམ་ཤིང་། ཁེང་གི་དཀྱིལ་དུ་སྲིན་གཅིག་བྱུང་། །སྲིན་བུ་དེ་ཡི་ཁ་ཆུ་ལས། །སྲིན་དེ་ཞག་ཏུ་ཁྱིལ་གྱིས་ཆགས། །དེ་ཡང་དངུལ་སྒོར་དཀར་པོ་སྨིན། །དེ་ལས་དངུལ་ཤ་རུ་བཅུ་བྱུང་། །སྐྱོ་ནས་ཤིང་གི་ཁ་ལ་རྩེ། །བདུད་ཀྱི་བྱོལ་ཁ་ལོག་པ་ཡིན། །སྐྱོ་ནས་བདུད་རྩི་ཐིགས་པ་འཐུངས། །མཐོ་རིས་གནས་བཅུའི་བདུད་རྩིའི་རྟགས། །རྭ་བཅུ་གནམ་ལ་འགེངས་པ་ཡང་། །མི་ཡི་ཚེ་སྲོག་གཅོད་པ་འཛིན། །ལྟོགས་ན་ཤིང་གི་འབྲས་བུ་ཟ། །མི་ཡི་ཡུལ་དུ་འཁོར་བའི་རྟགས། །རྭ་བཅུ་དུང་གི་ཀ་ར་ཡོད། །ལྷ་ཡི་སྤྲུལ་པས་དོན་བྱེད་རྟགས། །དབྱར་ཟླ་འགོ་པ་རྭ་བཅུ་སྒྱུར། །ལྷ་ཡིས་བྱིན་གྱིས་བརླབས་པའི་རྟགས། །པགས་པ་གཉེན་ལ་མཚོན་རྩེ་དྲུག །བདུད་ཀྱིས་དབང་བསྒྱུར་བྱས་པའི་རྟགས། །ས་ལ་རྡུང་ན་ཕྱི་བ་འགུམ། ཁྲ་ལ་བདུད་རྩི་བབས་པའི་རྟགས། །རླུབས་སུ་རུལ་དང་དུག་ཏུ་ཡོད། །མོ་ལ་བྱིན་གྱིས་མ་བརླབས་པས། །རྭ་མེད་ཡུལ་མོ་སྨན་མེད་དོ། །སྲིན་གྱི་བུ་ལས་སྐྱེས་པའི་ཕྱིར། །མཇུག་མའི་སྟེང་ན་སྲིན་སྨན་ཡོད། །སྟོན་ཟླ་ཐ་ཆུང་ཉི་ཤུ་བདུན། །ལྷག་པའི་བདུད་རྩི་གསུམ་ཡོད་དོ། །དགུན་ཟླ་བྱུང་ནས་མོ་ལ་འཇུག །མོ་ཡི་མངལ་དུ་ཞག་བདུན་གནས། །དཔྱིད་ཟླ་ཐ་ཆུང་ཉི་ཤུ་བདུན། །འཛི་ཀླད་གཉིས་ཀྱི་བར་ན་གནས། །དེ་ནས་གཞུང་པ་དག་ལ་ཞེན། །ཞག་གྲངས་རྩི་ཡིན་ནུ་བར་ཞེས། །དང་པོ་ཤིང་གི་སྲིན་རྒོད་ཡིན། །དེ་ལྟར་རང་མིག་ཡིན་པ་ལ། །སྲིན་ལ་མ་ཕན་ཅི་ཡང་མེད། །བྱུང་བའི་དུས་ན་ཕྱིར་ལ་ལོག །རྭ་ནི་ལྷ་ཡི་སྲིན་སྨན་བྱེད། །ལྷ་ཡིས་གཟུང་བས་གཟུང་རྟགས་སུ། །རུ་བཅུ་ཡོད་དེ་བརྡུང་མི་ཤེས། །རྭ་གསུམ་གདུས་པའི་ཁུ་བ་དེ། །རྒྱལ་བ་དགེ་འདུན་དགེ་བཤེས་སྨན། །རྨིག་པ་ལྕེ་ནི་བདུད་ཀྱི་སྨན། །བདུད་ཀྱིས་ཁྱེར་བའི་ཁྱེར་རྟགས་སུ། །ཚིལ་བུ་རྒྱས་པའི་དུས་ན་དུ། །དྲག་ཤུལ་སྲིན་ལོག་ཀུན་ལ་གཏང་། །མཁྲིས་པ་ཀླུ་ཡི་སྨན་དུ་ཁྱེར། །ཀླུ་ཡི་ཁྱེར་བའི་རྟགས་སུ་ནི། །མཁྲིས་པ་གཟུགས་མེད་རྒྱུ་མར་ཟུག །མཁྲིས་རྟེན་ཁྲགགིམཆིནཔནི། །སྟོན་ཟླ་ཐ་ཆུང་དགུན་ཟླ་ལ། །ཟས་ཀྱི་སྲིན་ལོག་རྣམས་ལ་གཏད། །དེ་ནས་ལྷ་མོ་ཕྲིན་ལས་མཛད། །ཆར་ནི་ཟིམ་ཟིམ་དུས་སུ་བབས། །གངས་ཀྱི་ལྷོངས་སུ་བབས་པ་ལས། །ལྷོག་པས་གཡའ་སྨན་ཟླ་ཚེར་ཟིས། །གཡའ་སྨན་སྒྱུགས་སྡང་ཁ་ཆུ་ལས། །སྲོ་ལོ་ཕུང་པོ་བདུན་དུ་བྱུང་། །སྐྱེས་པའི་འདབ་མ་ལ་སོགས་པ། །གངས་སྨན་དེ་དང་འདྲ་མོད་ཀྱང་། །ཅུང་ཞིག་ཀླད་པ་མེ་ཏོག་མེད། །ཡོན་ཏན་གངས་སྨན་སུམ་གཉིས་དང་། །བསིལ་བའི་སྒོ་ནས་འདྲ་བར་བཤད །བལ་བུ་སུར་བུའི་ཚ་རུ་གཤེགས། །ཁ་ཆུ་བཅད་དང་ཐིགས་པ་ཡར ཚ་བསིལ་བདུད་རྩིའི་སྨན་བྱུང་སྟེ། །དེ་ཡང་ཡོན་ཏན་བཞི་རུ་ཤེས། །ཅོ་དོ་ཚ་ལ་སྡོང་པོ་བསིལ། །རུ་བས་ལྷ་མིན་ཕྲིན་ལས་སྐྱོང་། །ངར་བས་དགྲ་ལྷའི་བླ་ཤིང་བྱེད། །སུར་བུ་ཤིན་ཏུ་ཚ་གྱུར་ཏེ། །ལྷ་དང་ཀླུ་ཡི་བདུད་རྩི་ཡིན། །རྩ་བ་ལོ་མ་མེད་པར་ཚ། །དེ་ནས་བྲག་གི་སྐེད་ལ་གཤེགས། །བྲག་སྨན་མཁན་བུ་ནེ་ལེ་ཆུ། །དེ་ཡང་བསིལ་ཏེ་གློ་ཡི་སྨན། །དེ་ནས་ལུང་གི་མདོ་རུ་གཤེགས། །ཆུ་ངན་ཐིགས་གཅིག་ཡར་བ་ལས། །སྲུ་སྲུ་སྲུ་འདྲ་མཁན་དམར་གསུམ། །གྲང་བ་ཚ་བ་སྐྱེད་པའི་སྨན། །དེ་ཡང་མི་ཡུལ་སྐྱི་ཏིང་བྱོན། །ཁ་ཆུ་གནམ་ལ་ཡར་བ་ལས། །ལུམས་ཀྱི་བདུད་རྩི་ཆེན་པོར་བབས། ཁྲེའུ་ཕོ་ལ་སྨན་མི་ཞབྲུངས། །སྒེའུའི་དུས་ན་བད་ཀན་སྐྱེ། །སྐོམ་བུ་སྔ་རེས་སྙོམས་པའི་སྨན། ཁ་རུ་གཉིས་ལ་སྨན་ཡོད་དེ། །ཕོངས་ནས་ཤ་བྲུན་བདུན་དུ་ཡར། །གཉིས་ནི་ཨ་བ་དུ་རུ་ཀ །གཉིས་ནི་སྤང་སྤོས་གཡའ་སྤོས་གཉིས། །གཉིས་ནི་བྲག་སྤོས་རྒོད་སྤོས་གཉིས། །བླུག་ལ་རྒྱ་སྤོས་བྲེ་གང་བྱུང་། །དེ་དང་ལྟ་མི་ཕྲིན་ལམ་འབྱོར། །དེ་ཡི་རྗེས་ནི་བདུན་དུ་བོར། །མི་ཡུལ་རྗེས་ལས་ས་གྲོ་བྱུང་། །ནགས་ཀྱི་རྗེས་ལས་སྤ་མ་བྱུང་། །ན་ཡི་རྗེས་ལས་ཐུལ་པ་བྱུང་། །གཡའ་ཡིས་རྗེས་ལས་རོ་ཐང་བྱུང་། །བྲག་གི་རྗེས་ལས་གླང་པོ་བྱུང་། །སྤང་གི་རྗེས་ལས་བྱང་བ་བྱུང་། །ཆུ་རུ་ཉལ་བས་ཤ་བལ་བྱུང་། ཁེང་སྲིན་ཤ་བའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ལྟར་དུ་ཏྲ་ཆེན་པོ་དེའི་ལུས་སྨན་དུ་བཤིགས་ནས་འཇིག་རྟེན་གྱི་ཁམས་སུ་ཁེངས་པ་དེ་ཉིད། སེམས་རྡོ་རྗེ་སེམས་དཔར་གནས་ཐོབ་ཅིང་སངས་རྒྱས། འཁོར་རྣམས་ཕྱི་རབས་ཀྱི་ཚོགས་ཀྱང་ངོ་། །ཡང་འཁོར་རྣམས་སངས་རྒྱས་ཀྱི་བསྟན་པ་བསྲུང་ངོ་། །འཇིག་རྟེན་གྱི་ཁམས་ན་སྨན་མིན་པའི་མིང་ཡང་མི་གྲག་གོ །དེ་ནས་འཇམ་དཔལ་རྣོན་པོས་རང་གི་སྟན་ལས་ལངས་ཏེ། བསྐོར་བ་ལན་སྟོང་བྱས་ནས་ཀྱང་། ཕྱག་ལན་སྟོང་འཚལ་ནས་མཆོད་པ་དུ་མས་མཆོད་ནས་འདི་སྐད་ཅེས་བསྟོད་དོ། །ཨེ་མ་བདེ་གཤེགས་ཀུན་གྱི་སྐུ། །གྲགས་ཚད་རྨད་བྱུང་ངོ་མཚར་ཆེ། །ཨེ་མ་བདེ་གཤེགས་ཀུན་གྱི་གསུང་། །སྨན་གྱི་སྦྱོར་བ་ངོ་མཚར་ཆེ། །ཨེ་མ་བདེ་གཤེགས་ཀུན་གྱི་ཐུགས། །སྒྲུབ་པའི་ལྟ་སྤྱོད་ངོ་མཚར་ཆེ། །ཨེམབདེགཤེགསཡོནཏན་ཆེ། །དྲང་སྲོང་རིག་པ་བཅོ་བརྒྱད་མཁྱེན། །ཨེམབདེགཤེགསཕྲིནལས་ཆེ། །རྭ་ཏྲེརེ་མཐུ་དཔལ་སྨན་དུ་ཆེ། །རྭ་ཏྲ་སྨན་དུ་གྱུར་པ་བཞིན། །བདག་ཅག་རྣམས་ཀྱང་སྨན་དུ་གྱུར། །རྭ་ཏྲ་སངས་རྒྱས་ས་ཐོབ་བཞིན། །བདག་ཅག་རྣམས་ཀྱང་ས་ལ་ཞོག །ཅེས་འཁོར་ན་གནས་པའི་བྱང་ཆུབ་སེམས་དཔའ་རྣམས་དང་། དྲང་སྲོང་རྣམས་ཀྱིས་གསོལ་བ་བཏབ་པས། དེར་བཅོམ་ལྡན་འདས་ཀྱི་གསོལ་བ་བཏབ་པ་མཁྱེན་ནས། འཇམ་དཔལ་གྱི་ཕྱག་གཡས་སུ་ལོག་རྟོག་ཐམས་ཅད་འཇོམས་པའི་རལ་གྲི་གཅིག་གཏད་དེ། སེམས་སྤར་ཏེ་བདུད་རྩི་སྨན་དུ་གྱུར་པར་དབང་བསྐུར་རོ། །དེ་ནས་བཅོམ་ལྡན་འདས་ཀྱི་དབང་ཐོབ་ནས་འཇམ་དཔལ་གྱིས་རང་ལུས་བཤིགས་ནས་བདུད་རྩི་སྨན་དུ་སྤྲུལ། དེ་ནས་ལྷའི་གནས་ཐམས་ཅད་བདུད་རྩི་སྨན་གྱི་གང་ངོ་། །དེ་ནས་བརྒྱ་བྱིན་ལ་བབས། དེ་ནས་དེད་དཔོན་ལ་བབས། དེ་ནས་གཞོན་ནུ་སྲེད་ལ་བབས། དེ་ནས་ལི་ཙྭ་བི་དྲི་མ་མེད་པ་ལ་བབསསོ། །དེ་ནས་འཇམ་དཔལ་ཀྱི་རལ་གྲི་ཕྱག་ན་རྡོ་རྗེ་ལ་གཏད་དོ། །ཡང་ལུས་གོང་བཞིན་བསྒྲལ་ཏེ། གནོད་སྤྱིན་གྱི་ཡུལ་ཐམས་ཅད་བདུད་རྩིས་བཀང་ངོ་། །དེ་ནས་གནོད་སྤྱིན་ལག་ན་རྡོ་རྗེ་ལ་བབས་སོ། །དེ་ནས་ནབ་སོ་སྐྱེས་ལ་བབས་སོ། །དེ་ལ་སོགས་པ་དྲང་སྲོང་བཅོ་ལྔ་ལ་བབས་སོ། །མིའི་གནས་སུ་ཕ་ཁོལ་ལ་བབས་སོ། །དེ་ནས་འཇམ་དཔལ་གྱི་རལ་གྲི་དེ། སྤྱན་རས་གཟིགས་ལ་གཏད་ནས་ལས་བཤིགས་ནས། ཀླུའི་ཡུལ་དུ་སྨན་དང་བདུད་རྩིས་བཀང་ངོ་། །དེ་ནས་དགའ་བོ་ལ་སོགས་པ། །དྲང་སྲོང་བཅུ་གསུམ་ལ་བབས་སོ། །མིའི་གནས་སུ་ཀླུ་སྒྲུབ་སྙིང་པོ་ལ་བབས་སོ། །དེ་བཞིན་དུ་ལྷ་དང་ཀླུ་དང་། ཚངས་པ་དང་། གཟའ་དང་། སྐར་མ་དང་། གནོད་སྦྱིན་དང་། ལྷ་མ་སྲིན་སྡེ་བརྒྱད་དང་། ནམ་གྲུ་དང་། མཁའ་འགྲོ་དང་། རོ་ལངས་དང་། མི་དང་དུད་འགྲོ་དང་། དམྱལ་བ་དང་། ཡི་དྭགས་ལ་སོགས་པ་ཀུན་ལ་རལ་གྲི་དེ་གཏད་དེ། ལུས་བཤིགས་ནས། འཚོ་བ་རྣམས་མཆོད་པར་ཕུལ་ཏེ་སྨན་དུ་མཛད་དེ་འདི་སྐད་ཅེས་དམོད་བོར་རོ། །བདག་ཅག་རྣམས་ནི་བདུད་རྩིའི་མཆོག་མ་ནོར་པ་ཡིས་བསྒྲུབས་ལགས་ན། གལ་ཏེ་དམ་ལོག་བལྟ་ནོར་ན། རྭ་ཏྲ་གཅིག་ཏུ་སྐྱེས་བར་ཤོག །དཔལ་གྱི་ཐུགས་རྗེ་འབྱུང་བར་ཤོག །བདག་ཅག་རྣམས་ནི་བསྒྲལ་བར་ཤོག །བསྒྲལ་ནས་དཔལ་ཆེན་གསོལ་བར་ཤོག །ཡན་ལག་སྨན་དུ་འཁྲུངས་བར་ཤོག ཁོག་པ་གདན་དུ་འདིང་བར་ཤོག །སེམས་ནི་རྡོ་རྗེ་སེམས་དཔར་ཤོག་ཅེས་དམོད་བོར་ཞིང་ལྷན་ནེ་ལྷང་ངེར་ཀུན་ཀྱང་བསྒྲུབ་ཅིང་གནས་སོ། །དྲང་སྲོང་རྣམས་ཀྱི་ཡུལ་ན། ཙ་ར་ཀ་བམ་པོ་འབུམ་སྡེ་གཅིག་བཞུགས་པ་ལས། དུ་ཏྲ་སྨན་གྱི་ལེའུ་བརྟུལ་ཞུགས་དྲག་པོའི་བམ་པོ་དྲུག་པ་ལས། དྲང་སྲོང་ཕྱིས་འབྱུང་གི་ལེའུ་སྟེ་ཉི་ཤུ་རྩ་བདུན་པའོ།། །།དེ་ལྟར་འོག་མིན་ཆོས་དབྱིངས་ཀྱི་ཕོ་བྲང་ནས། དོན་ཕྱིན་ཅི་མ་ལོག་པར་གྲགས་སོ། །མཛད་སྤྱོད་སྤ་བཀོད་པའི་བམ་པོ་དང་། ཁྱད་པར་སྲོག་རྩའི་བམ་པོ་དང་། སྣང་བཅུད་བརྒྱད་ཀྱི་བམ་པོ་དང་།དངས་པ་རྩའི་བམ་པོ་དང་། དངས་མ་སྣོད་ཀྱི་བམ་པོ་དང་། ཡན་ལག་ཤའི་བམ་པོ་དང་། ལམ་རིང་དྲང་སྲོང་གི་བམ་པོ་དང་བདུན་ནོ། །འོག་མིན་ཆོས་ཀྱི་དབྱིངས་ཀྱི་ཕོ་བྲང་དུ། དཔལ་ཆེན་རྡོ་རྗེ་གཤོན་ནུས་མཛད་སྤྱོད་བརྒྱད་ལས། ཞི་བའི་མཛད་སྤྱོད་སེམས་ཅན་འདུལ། །ཁྲོ་བོའི་མཛད་སྤྱོད་དུ་ཏྲ་འདུལ། །ཏ་ན་སྐྱེ་ཤི་མེད་པས་གནས་ལུང་སྟོན། །ག་ཎ་བཅིང་གྲོལ་མེད་པས་མོ་རྣམས་སྦྱོར། །མཐུན་འཇུག་ཆོས་ཀྱི་སྒོ་་ཁྲིཞི་་མི་ང་ང་རྗེང་ང་མིརྗེང་ངངང་ཆེམ་བརྒྱད་ ་བ ་སྟང་སྟན། ། ་འགྱུར་ཆས་ཉད་རལ་པའ་ལྟ་བ་སྟན། །ཐུགས་ འ་གསས་ཀྱ་ཐམས་ཅད་སྨན་དུ་འཁྲུངས་པ་ལས། །འག་ ན་ཐུགས་ འ་གསས་ཀྱས་མཛད་པ་ལས། བདུད་རྩ་རན་པ་ ་འཁྲུངས་པའི་རྒྱན་ཞེས་བྱ་བ་འོག་མིན་དུ་གྲགས་པ་རྫོགས་སོ།། །།ལྷ་ཡུལ་དུ་གྲགས་པར་ཡང་འགྲོའོ། །མི་ཡུལ་དུ་གྲགས་པར་ཡང་རྒྱུད་ཁ་ཅིག་བཞུགས་སོ། །རྒྱ་གར་གྱི་མཁན་པོ་བི་མ་ལ་མི་ཏྲ་དང་། གཉགས་ཙྭ་ནས་བསྒྱུར་བའོ།། །།