Ngb-pt-0298-vol-03-text
Front[edit]
Body[edit]
རྒྱུད་རྫོགས་སོ།། །། རྒྱ་གར་སྐད་དུ། སརྦ་པརྩི་ཨ་མྲི་ཏ། ས་ར་སིརྙི་མ་ཧྭ་དུ་ཀ །ཧྲོ་ད་ལྭ་ན་པ་ར་བིད་ཏྭ་ན་ཨགི །བོད་སྐད་དུ། །ཐམས་ཅད་བདུད་རྩི་ལྔའི་རང་བཞིན། དངོས་གྲུབ་ཆེན་པོ་ཉེ་བའི་སྙིང་པོ་མཆོག་བམ་པོ་ཆེན་པོ་བརྒྱད་པ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །བཅོམ་ལྡན་གསང་བ་མཆོག་གི་དཀྱིལ་འཁོར་ན། ་གོན་ཏུ་རྣལ་འབྱོར་དབང་ཕྱུག་ཚོགས། །རྒྱལ་བ་རྒྱ་མཚོ་འཁོར་དང་བཅས། །སྐལ་ལྡན་རྣམས་དང་ཐབས་ཅིག་བཞུགས། །གནས་མཆོག་ཡུམ་གྱི་དཀྱིལ་འཁོར་ན། །གཉིས་མེད་ལྷུན་གྱིས་གནས་པའི་ཚེ། །དེ་ཚེ་ཉན་ཐོས་དགེ་འདུན་དང་། །རང་རྒྱལ་ཐེག་ཆེན་མདོ་སྡེ་དང་། །བྱང་ཆུབ་སེམས་དཔའི་དགེ་འདུན་དང་། །ཉན་ཐོས་དགེ་འདུན་ཆེན་པོ་དང་། །དགྲ་བཅོམ་མིང་ཡང་མེད་ནང་དུ། །ཀུན་བཟང་ཐུགས་ཀྱི་དཀྱིལ་འཁོར་ནས། །དགོངས་ཏེ་འདི་སྐད་བསྟན་པའི་ལུང་། །བཤད་ཅིང་འགྲེལ་བའི་དུས་གཅིག་དང་། །འདི་སྐད་བསྟན་པའི་དུས་གཅིག་ན། །སྲིད་གསུམ་ཡེ་ནས་བདུད་རྩི་ལྔ། །མ་བཅོས་ཡེ་ནས་རྫོགས་སངས་རྒྱས། །ཀུན་ཏུ་བཟང་པོའི་ཐུགས་དཀྱིལ་ནས། །དུས་གསུམ་སྲིད་གསུམ་སྐུ་གསུང་ཐུགས། །ཡེ་ནས་བདུད་རྩི་ཡིན་པའི་ཕྱིར། །ངེས་པའི་ཀློང་ནས་བཀའ་སྩལ་པ། །ཟབ་མོའི་ཀློང་ནས་ཕྱུང་སྟེ་བསྟན། །དེ་ནས་བདེར་གཤེགས་ཐམས་ཅད་དང་། །ཐབས་ཅིག་བཞུགས་ཏེ་དགོངས་པ་ནི། །བླ་ན་མེད་པའི་བྱང་ཆུབ་ཏུ། །ཡེ་ཤེས་མཉམ་ཉིད་ཉམས་རྙེད་ནས། །རྡོ་རྗེ་གསང་བའི་གྲལ་བཀོད་དེ། །ཀུན་གྱི་དམ་པར་འདི་གསུངས་སོ། །བཀའ་ཡི་དམ་པ་མཆོག་གི་ལུང་། །ངེས་པར་བྱུང་སྟེ་གསུངས་པ་འདིའོ། །སྒྲུབ་དང་བསྒྲུབ་པར་བྱ་བ་དང་། །འབྲས་བུ་ཐོབ་པར་བྱ་བའི་ཕྱིར། །གསང་སྔགས་གསང་བའི་མན་ངག་འདི། །བདུད་རྩི་དམ་པ་མཆོག་གི་ལུང་། །སྙིང་པོར་བསྡུས་པའི་ངེས་པར་འདི། །བྱང་ཆུབ་འབྱུང་བ་སྙིང་པོ་མཆོག །ལྟ་བ་དང་ནི་སྤྱོད་པ་དང་། །དམ་ཚིག་བསྒྲུབ་པའི་ཕྲིན་ལས་དང་། །ངེས་པར་སྒྲུབ་དང་བསྒྲུབ་བྱའི་ཕྱིར། །ཟབ་མོ་བསྡུས་པའི་ལུང་འདི་གསུངས། །བསམ་གྱིས་མི་ཁྱབ་བསྟན་པ་དང་། །བརྒྱད་ཁྲི་བཞི་སྟོང་རྣམ་གྲངས་ཀྱང་། །ཐེག་པའི་སྒོ་ནི་གསུམ་དུ་གསུངས། །གསང་ཉིད་ཐེག་པར་བསྡུས་དང་བཞི། །ལྡེམ་པོར་དགོངས་དང་དོན་དམ་ཡང་། །བཀྲི་བའི་དོན་དེ་སངས་རྒྱས་ཡིན། །རྣ་བརྒྱུད་བསྟན་པས་ཐུགས་བརྟོལ་ཏེ། །ཐིག་ལེ་ཆོས་སྐུས་ཁྱབ་པའི་ཕྱིར། །ངེས་པའི་ལུང་ཡང་སངས་རྒྱས་སོ། །སངས་རྒྱས་མཉམ་དང་དབྱིངས་སུ་འགྲོ། །ངེས་པའི་ལུང་ཡང་རྣམ་གཅིག་ཏུ། །གསང་སྔགས་གསང་བས་སངས་རྒྱས་ཏེ། །བྱང་ཆུབ་སེམས་འདི་ཀུན་ཏུ་དག །རྫོགས་པའི་ཡེ་ཤེས་བདེ་ཆེན་ཉིད། །མ་ལུས་མཐའ་དག་ཉིད་ཀྱི་བརྒྱ། །ཡེ་ནས་བྱ་མེད་བྱ་མི་དགོས། ཁུ་དང་འབྲས་བུ་འཁྲུལ་པའི་སྒྲ། །མི་རྟོག་སྦྱོང་བའི་ཡུལ་མིན་ནོ། །དེ་ལྟའི་ཡུལ་དུ་རྟོག་འཛིན་གྱིས། །འཁོར་བའི་རྒྱ་མཚོར་གྱུར་པ་ཡིན། །ངེས་འབྱུང་ཆོས་སྐུ་ཆེན་པོ་ལ། །བྷ་གར་ཇི་བཞིན་བཞག་པས་ན། །བྱང་ཆུབ་ཉིད་དེ་ལྟུང་གནས་མེད། །བུ་གཅིག་མ་རྩོལ་བདེ་བར་གནོས། ཁུད་དང་ལུང་དང་མན་ངག་ཀྱང་། །དམངས་དང་རྗེའུ་དང་རྒྱལ་པོའི་ཚུལ། ཁྱད་པར་རྩལ་འཕང་ཐགརིངཡང། །གཅིགལགཅིག་རྟེན་གཅིག་གི་ངང་། །དབྱེརམེདཚུལགཅིགརངབཞིན་པས། །ཅིག་ཏེ་རྣམ་གྲངས་ཡོངས་ཀྱིས་མེད། །དབྱེར་མེད་ངང་དུ་རྟོགས་པ་ལ། །བདུད་རྩི་ཞེས་ནི་དེ་ལ་བྱའོ། །དེ་བས་སྐུ་གསུང་ཐུགས་ཀྱི་བདག །སྐུ་དང་རྒྱན་དང་འཁོར་ལོ་ཡང་། ལུང་ཆེན་ཟབ་མོའི་ནང་ན་གསལ། །ལྔ་བཞིན་ནང་དུ་འཁོར་བ་ཡང་། །ཡེ་ཤེས་སངས་རྒྱས་དེ་ལས་མེད། །དབྱིངས་སུ་གྱུར་པས་མཉམ་གནས་པས། །ཡེ་ནས་སངས་རྒྱས་བདེ་ཆེན་ཉིད། །བདུད་རྩི་ཞེས་ནི་དེ་ལ་བརྗོད། །སྐྱེ་ཤི་མེད་པའི་དབྱིངས་སུ་གྱུར། །དབྱིངས་འགྱུར་དག་མཉམ་ལྷུན་གྲུབ་པས། །ལྟ་བ་འདི་ལ་གནས་པ་ཡི། །རྣལ་འབྱོར་འདི་ནི་སྐལ་བ་བཟང་། །ཅི་སྤྱད་ཅི་བསྒོམས་ཅི་བསྒྲུབ་ཀྱང་། །བདུད་རྩི་ཉིད་དེ་སྨན་གྱི་མཆོག །བདེར་གཤེགས་ཉིད་ཀྱི་ཐུགས་དམ་ཉིད། །བྱིན་རླབས་ངོ་མཚར་རྒྱ་ཆེར་འབྱུང་། །རྒྱལ་བ་རྒྱ་མཚོ་རྣམས་ཀྱིས་གསོས། །སངས་རྒྱས་བདེ་ཆེན་ཉིད་ལས་བྱུང་། །ཐམས་ཅད་མ་ལུས་བདུད་རྩི་འདི། །སྤྲོས་མེད་ཐིག་ལེར་གནས་པ་ལས། །མཐའ་ཡས་སེམས་ཅན་དོན་གྱི་ཕྱིར། །རང་ལ་མཆོད་ཅིང་རང་གིས་བཟའ། །སྒྲུབ་པ་པོས་ནི་ནན་ཏན་བྱོས། །ཞེས་བཅོམ་ལྡན་འདས་དཔལ་ཀུན་ཏུ་བཟང་པོས།ཡེ་ཤེས་ཆེན་པོའི་ཐུགས་ནས་དགོངས་ཏེ་བཀའ་སྩལ་པའོ། །བདུད་རྩི་ཆེན་པོ་མཆོག་གི་ལུང་ལས་བྱང་ཆུབ་སེམས་དེ་ཁོ་ན་ཉིད་ལྟ་བར་བསྟན་པའི་མན་ངག་ཆེན་པོ་གསང་བའི་དོན་དང་པོ་སྟེ། ཐུགས་ཀྱི་རྒྱལ་མཚོའི་ནང་ནས་གསང་བའི་མཛོད་ཆེན་པོ་ལས་བམ་པོ་ཆེན་པོ་བརྒྱད་པའི་དང་པོའོ།། ་། རྒྱ་གར་སྐད་དུ། །ཨ་མྲི་ཏ་ར་ས་ཡ་ན། ཏ་ན་རྙོ་ཡ། པྲ་ཤསྟ་པྲ་མ་ན་ཐྲེ་ཀྲན་པྲ་ཤསྟ་ཡ་ན་མོ། བོད་སྐད་དུ།ཚངས་པ་ལ་སོགས་པ་དྲང་སྲོང་དང་། ལྷ་དང་ཀླུ་དང་མིའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །དེ་ནས་ཚངས་པའི་གཙོ་བོ་མཆོག །དུང་གི་ཐོར་ཚུགས་ཁོང་སེང་ཅན། །ཚངས་པ་ཀུན་གྱི་གྲོལ་ཆེན་པོ་དང་། །དྲང་སྲོང་ཆེན་པོ་ལྗང་སྔོན་དང་། །ཙ་ར་ཀ་དང་ནབ་སོ་སྐྱེས། །ཐ་སྐར་བུ་དང་ལྷ་སྐབས་དང་། །རྒྱུན་ཤེས་པ་དང་གཡོན་ཕྱོགས་ལྷ། །ཐང་ལ་གནས་དང་མེ་བཞིན་འཇུག །དཀའ་གཉིས་སྤྱོད་དང་ཀ་ལ་ཡན། ཁེང་ཁྱེར་དང་ནི་ལྗང་སྔོན་བུ། །ཉི་མ་ཟླ་བ་ཀླུ་རུ་བཅས། ཁེང་གི་ལྷ་མོ་འོད་འཆང་མ། །སྨན་གྱི་ལྷ་མོ་ནོར་གྱི་རྒྱུན། །འདི་ཀུན་འཁོར་དང་བཅས་པ་ཡིས། །ཀུན་བཟང་ལྷ་ལ་ཕྱག་འཚལ་ནས། །སྨན་གྱི་དབང་དང་དམ་ཚིག་མནོས། །དྲང་སྲོང་རྣམས་ལ་རྗེས་སུ་གནང་། །དེ་ནས་ཀུན་བཟང་བདེར་གཤེགས་ཀྱིས། །སྨན་གྱི་རྒྱལ་པོ་བདུད་རྩི་མཆོག །ངེས་པའི་ལུང་འདི་བཀའ་སྩལ་ཏོ། །དེ་ནས་ཐུགས་རྗེའི་ཆོ་འཕྲུལ་གྱིས། །ས་རྣམས་རབ་ཏུ་གཡོས་ནས་ནི། །སྟོང་གསུམ་འཇིག་རྟེན་ས་སྟེངས་སུ། །ཐམས་ཅད་སྨན་ཆེན་ར་ས་ཡན། །སྐྱེ་བ་མེད་ལས་ཐམས་ཅད་སྐྱེས། །དེ་ལྟར་སྨིན་པར་བྱེད་པ་ཡང་། །ཐུགས་རྗེ་རྒྱ་མཚོ་ཆེན་པོ་ལས། །ཐུགས་རྗེ་སྤྲིན་ནི་ཁྱབ་པ་ཡིས། །སྤྲིན་ཆེན་གློག་གི་ཕྲེང་བ་ཅན། །ཡུད་ཙམ་སྒྲ་དང་བཅས་པ་ཡིས། །ས་སྟེངས་ཁེངས་པར་ཆར་ཕབ་ནས། །དེ་ཉིད་ཐུགས་རྗེ་སྙོམས་པའི་མགོན། །ཆུ་ཡི་ཕུང་པོ་བདུད་རྩི་ཡིས། །མ་ལུས་པར་ནི་ངོམས་པར་བྱས། །བདུད་རྩིའི་རྒྱ་མཚོ་ཐིགས་ཆེན་གྱིས། །ས་དང་སྨན་རྣམས་ཀུན་གྱི་གསོས། །རི་རབ་རྩེ་དང་རི་སུལ་དང་། །སྨན་ལྗོངས་དང་ནི་ནགས་ཚལ་དང་། །ལྕང་ལོ་ཅན་གྱི་འཁོར་ཀུན་དུ། །སྤྲིན་ཆེན་བདུད་རྩི་ཆར་གྱིས་བརླན། །ཆུ་དེ་ཐམས་ཅད་རོ་གཅིག་སྟེ། །ཆུ་ཡི་བཅུད་ལས་སྐྱེས་པ་ནི། །དཔག་བསམ་ཤིང་དང་གེལ་པའི་ཤིང་། །ལྗོན་ཤིང་དང་ནི་ཙུའི་ཏའི་ཤིང་། །ས་སྟེངས་ཁེབས་པར་སྐྱེས་པ་སྟེ། །བདུད་རྩིར་གྱུར་ཏེ་ཐམས་ཅད་རྒྱས། །སྡོང་པོ་དང་ནི་སྡོང་ཆེན་དང་། །རྩ་བ་སྡོང་པོ་ཤུན་ལྤགས་དང་། །སྙིང་པོ་ཡལ་ག་ལོ་མ་དང་། །འདབ་མ་མེ་ཏོག་འབྲས་བུར་བཅས། །དེ་བཞིན་འབྲུ་ཡི་རྣམས་གྲངས་ཀུན། །ཐམས་ཅད་བསྡུས་ཤིང་སྨིན་པར་མཛད། །འཐུངས་ན་ངོམས་ཏེ་རྒྱས་པར་གྱུར། །སོ་སོའི་ཡུལ་དང་གནས་དག་དང་། །མདོག་དང་རོ་དང་དྲི་དང་མཐུ། །གང་གིས་ས་བོན་དེ་ཉིད་ལས། །དེ་དག་རང་རང་འབྱིན་པར་བྱེད། །དེ་བཞིན་སྲོག་ཆགས་ཐམས་ཅད་ཀུན། །ར་ས་ཡ་ནའི་རྫས་ལ་སྤྱོད། །འགྲོ་བ་དྲུག་གི་གསོས་སུ་འགྱུར། །བདུད་རྩི་སྒོ་ནས་རྣམ་པར་ཕྱེ། །འཇིག་རྟེན་མགོན་པོས་བཀའ་སྩལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་རྣོན་པོས་བསྡུས་ཏེ་བཀའ་སྩལ་པ། ལྷ་དང་ཀླུ་དང་དྲང་སྲོང་དང་། མིའི་བྱང་ཆུབ་སེམས་དཔའི་དགེ་བསྙེན་ཆེན་པོ་དྲི་མ་མེད་པར་གྲགས་པ་ལིསྣྲོ་བྲི་ལ་སོགས་པ་ལ་བདུད་རྩི་ར་ས་ཡ་ན་ཏ་ནན་རྙོ་ཡ་འདི་དག་བསྟན་ནོ། །དང་པོར་བསྒྲུབ་པའི་ཡུལ་དང་གནས་ནི། ཨུ་ཧུ་སི་ཏི་པ་ཙ་ཞེས་བྱ་སྟེ། བ་ཏྲི་ས་ཞེས་ཀྱང་བྱ་བ། རིའི་རྒྱལ་པོ་གསེར་མདོག་ཅན་གྱི་རྩེ་མོ་རྟ་རྣ་རི་ཞེས་བྱ་བ་དེར། ར་ས་ཡ་ན་ཞེས་བྱ་བ་དྲང་སྲོང་རྣམས་ཀྱིས་བསྒྲུབས་སོ། །དེ་ཡང་ཐང་ཅིག་ཡུད་ཀྱིས་འགྲུབ། །ལ་ལ་ཉིན་ཞག་གཅིག་གིས་འགྲུབ། །ལ་ལ་ཉིན་ཞག་བདུན་གྱིས་འགྲུབ། །མཐའ་མ་ཉི་ཤུ་གཅིག་གིས་འགྲུབ། །དེ་ལ་ཐེ་ཚོམ་མེད་པས་འགྲུབ། །དེ་དག་ཀུན་གྱི་མཚན་ཉིད་ནི། །རྩ་བ་སྡོང་བུ་ཡལ་ག་དང་། །ལོ་མ་འདབ་མ་མེ་ཏོག་དང་། ཁུན་ལྤགས་འབྲས་བུ་སྙིང་པོར་བཅས། །རོ་དང་མཐུ་དང་མདོག་དང་ལས། །རྩ་བ་གཅིག་ལ་ཡན་ལག་བརྒྱད། །ཡན་ལག་བརྒྱད་ལས་ཡོན་ཏན་སྟོང་། །འདི་དག་ཀུན་གྱི་ཡོན་ཏན་ཡང་། །བཞི་བརྒྱ་རྩ་བཞིའི་ནད་སེལ་ཞིང་། །བདུད་བཞི་ངེས་པར་འཇོམས་པར་བྱེད། །སྨན་གྱི་རྒྱལ་པོ་བདུད་རྩིའི་མཆོག །བཅོམ་ལྡན་འདས་ཀྱིས་བཀའ་སྩལ་ཏོ། །དྲང་སྲོང་ཆེན་པོ་འདི་ཀུན་ཀྱང་། །མངོན་ཤེས་ལྔ་དང་ལྡན་འགྱུར་ཞིང་། །རིག་པའི་གནས་མཆོག་བཅྭ་བརྒྱད་ཤེས། །དེ་ནས་སྨན་ནི་བསྒྲུབ་པར་བྱ། །སྟེགས་བུ་ཁྲུ་གང་བ་གཅིག་ལ། །མཎྜལ་གཙང་མའི་དྲིས་བྱུགས་ལ། །དེ་ཡི་དབུས་སུ་སྨན་གྱི་མཆོག །བདུད་རྩི་ཅོང་ཟི་རྣམ་གསུམ་དང་། །སེར་སྐྱ་བ་ལས་བྱུང་བ་ཡི། །འོ་མ་བྲེ་གང་བཙགས་ནང་དུ། །ཨ་་་་ཀན་དའི་ཕྱེ་མ་དང་། །བསྲེས་ནས་བསྐོལ་བའི་ནང་དུ་གདབ། །ལྕགས་ལས་བྱས་པའི་སྣོད་དུ་བླུགས། །སྟེགས་བུའི་དབུས་སུ་བཞག་ནས་ནི། །བྱིན་གྱིས་བརླབས་པའི་སྔགས་འདི་དག །སྟོང་ངམ་བརྒྱ་ནི་རྩ་བརྒྱད་བཟླས། །ཨོ་བཛྲ་ཨ་མྲི་ཏ། པ་ལ་ལིག །པེ་ལ་ལིག་ཙན་ད་ལིག་སྲུ་ཧྭ། །དངོས་གྲུབ་བླང་བའི་སྔགས་འདིའོ། །ཨ་མྲི་ཏ་སིརྙི་བྱི་ཙུརྣ་ཡ་སྲུ་ཧྭ། པུ་ཙ་ལྷ་ཧ་ཀན། བྱིན་གྱིས་བརླབ་ཅིང་བཟའ་བ་ཡང་ ཉི་མའི་གུང་ལ་བཟའ་བར་བྱ། །དོན་དམ་ཐིག་ལེ་བདེན་པ་ལས། །སྙིང་པོ་མེད་ལས་སྙིང་པོ་བླང་། །རྣམ་སྨིན་འབྲས་བུ་རིག་འཛིན་འགྲུབ། །ནད་མེད་ལོ་བརྒྱ་འཚོ་བར་བྱེད། །དེ་ནས་དྲང་སྲོང་ཉི་ཤུ་གཅིག །གྲུབ་པའི་རིག་འཛིན་མཆོག་ཏུ་གྱུར། །དེ་ཡི་འོག་ཏུ་དྲང་སྲོང་མཆོག །བཅྭ་ལྔ་ཡིས་ནི་བདུད་རྩི་སྨན། །ར་ས་ཡ་ན་དམ་པ་འདི། །ཚེ་ཡི་རིག་འཛིན་འདོད་པའི་ཕྱིར། །གཤོན་ནུ་སྲེད་ཅེས་བྱ་བ་དང་། །འདྲོབ་སྐྱོབ་ཅེས་ནི་བྱ་བ་དང་། །རྩིབས་ཀྱི་མུ་ཁྱུད་ལ་སོགས་པས། །ཆུ་བོ་གང་གྭའི་འགྲམ་དུ་བསྒྲུབས། །ལྷ་རྫས་དགེ་བ་ཨ་རུ་ར། །རིགས་བདུན་ས་ལ་ལྷུང་བ་ནི། །བརྒྱ་བྱིན་བདུད་རྩི་འཐུང་བའི་ཚེ། །ཐིགས་པ་བདུན་ནི་ཁ་ནས་ལྟུང་། །རླུད་གིས་ཁྱེར་ཏེ་ས་ལས་སྐྱེས། །བདུད་རྩིའི་གཙོ་བོར་རབ་ཏུ་གྲགས། །རླུད་དང་མཁྲིས་པ་བད་ཀན་དང་། །འདུས་པའི་ནད་དང་དུས་ཀྱི་ནད། །དུས་མིན་འཆི་ལས་ཐར་བར་བྱེད། །རླུད་མཁྲིས་བད་ཀན་འདི་ཀུན་ཡང་། །གཅིག་ལའང་ལྔ་ལྔ་ཡོད་པར་བཤད། །དེ་ཀུན་རབ་ཏུ་བསལ་བའི་ཕྱིར། །ཕུང་པོའི་བདུད་དང་ཉོན་མོངས་བདུད། །ལྷ་བུ་བདུད་དང་འཆི་བདག་བཅོམ། །བདུད་རྩི་འདི་ཡིས་སེལ་བར་བྱེད། ཁྲར་ལྷོ་ནུབ་བྱང་གང་ཡང་རུང་། །བྲག་ཕུག་སྟོང་པ་ཡོད་པ་ལས། །བདུད་རྩི་འཛག་པའི་ཁུ་བ་ནི། །རིན་ཆེན་སྣ་ལྔ་འབྱུང་བའོ། །མིང་ནི་ཤི་ལ་མཛའ་དུ་ཞེས། །ར་ས་ཡ་ན་བདུད་རྩིའི་མཆོག །ཨ་རུ་ར་བརྒྱ་རྩ་བརྒྱད་དམ། །ཡང་ན་ཉི་ཤུ་རྩ་གཅིག་གམ། །སུལ་བུ་ཟླུམ་པོར་གྱུར་བཅོས་ཏེ། །དེ་དག་རབ་ཏུ་བཙོས་པ་དང་། །ལྕགས་ཟངས་འཁར་བའི་སྣོད་ནང་དུ། །བཀང་སྟེ་སྟེགས་བུ་གོང་མ་ཡི། །དབུས་སུ་བདུད་རྩི་སྨན་དེ་གཞག །བྱིན་གྱིས་བརླབ་པ་སྔ་མ་བཞིན། །འོད་དང་དྲི་དང་བྲོ་བའང་མེད། །རྟགས་འདི་རྣམས་གསུམ་གང་བྱུང་ཡང་། །ལག་པ་གཡོན་པ་བཀན་ཏེ་ཕྱར། །མཐེ་བོང་སྲིན་ལག་མཐིལ་དུ་དགུག །བླངས་ཏེ་བཏུང་བའི་སྔགས་འདིའོ། །ཨོ་ཨ་མྲི་ཏ་སི་ཏི་བི་ཙུརྣ་ཡ། །ལྷ་ཧ་ཀན་ཞེས་བརྗོད་དོ། །དེ་ཡི་ཡོན་ཏན་བརྗོད་མི་ལང་། །རྡོ་རྗེ་བྲག་དང་འདྲར་འགྱུར་ཏེ། །ནད་མེད་རྟག་ཏུ་དར་ལ་བབ། །གྲུབ་པའི་རིག་འཛིན་དམ་པར་འགྱུར། །སྲིད་པ་ཆགས་ནས་སྲུབས་ཤིང་གིས། །བསྲུབས་པའི་འབྲས་བུ་རིན་པོ་ཆེ། །མེ་ཤེལ་ཆུ་ཤེལ་གཉིས་བྱུང་བ། །དེ་ཡང་ཐབས་དང་ཤེས་རབ་སྟེ། །ཉིན་མཚན་གཉིས་ལ་དབང་བྱེད་པའོ། །དེ་ཉིད་ཟུང་ཡང་འཁོར་དུ་བཅས། །དེ་ནས་བདུད་རྩི་ཟགས་པ་ནི། །ས་དམན་དག་ཏུ་མི་སྐྱེ་སྟེ། །ཨ་ལ་བེ་ཏས་སར་གལ་བ། །ལྷ་དང་དྲི་ཟ་གནོད་སྤྱིན་དང་། །རིན་ཆེན་སྣ་ཚོགས་འབྱུང་ཁུངས་གནས། །ལེགས་ལྡན་གངས་རི་གཉན་གྱི་ཤོད། །རི་བྲག་ཆུ་ཀླུང་བགེགས་གནས་སུ། །ལྷུང་ནས་བབས་ཏེ་སྐྱེས་པ་ནི། །ཨོ་ལི་ཀ་དང་བྲིས་རྩི་ཀ །ཉི་མ་གཟི་བརྗིད་ལྡན་པའི་ཆུ། །ཨ་ལ་པེ་ཏ་སར་སྲ་ཀལ་པ་བྲིཀྟ་འབྲུ། །དེ་བཞིན་ཟླ་བ་གཟི་ལྡན་ཆུ། །དེ་ཡི་ས་བོན་ལྷུང་བ་ནི། །གསེར་མདོག་བདུད་རྩི་འདྲ་བར་གསལ། །དམར་བ་མེར་བླུགས་པུས་བུས་ཟེར། །གཟུགས་བཟང་མཛེས་པ་ཕུན་སུམ་ཚོགས། །ཚེར་མ་རྣོ་བ་དཔལ་དང་ལྡན། །བདུད་རྩི་ཤིང་དང་འབྲས་བུར་ལྡན། །དུག་རྣམས་འཇོམས་ཤིང་སླར་ཡང་ཟློག །སྣ་ཚོགས་ནད་རྣམས་སེལ་བར་བྱེད། །ཉི་མའི་འོད་དང་ཟླ་བའི་མདོག །རོ་ཡང་རྣམ་པ་སྣ་ཚོགས་ལྡན། །རཀྟའི་གཙོ་བོར་འདི་སྦྱོར་ཅིག །ཚངས་པ་ཚེ་དང་ལྡན་པར་འགྱུར། །ཉི་མ་ཟླ་བའི་དངོས་གྲུབ་ཐོབ། །ར་ས་ཡ་ནའི་གཙོ་བོ་ཡིན། །དེ་ནས་དྲངསསྲོངགཤོནནུསྲིད། ཁྱབ་འཇུག་སྤང་གཉིས་བྱ་བ་ཡིས། །རྭ་ཡི་གཞུ་ཐོགས་མི་སྲུན་པ། །ལག་ན་མཚོའི་ཆ་སྣ་ལྔ་ཐོགས། །དེ་ཡིས་སྲིད་པ་ཆགས་པའི་བཅུད། །བདུད་རྩི་རྣམ་ལྔ་བསྐུས་པ་ལས། ཁ་ནས་ཐིགས་གཉིས་ས་ལ་ལྷུང་། །དེ་ནས་བདུད་རྩི་དམ་པའི་མཆོག །ར་ས་ཡ་ན་ཕྱི་མའི་རྒྱུ། །བུ་མོ་བཟང་པོ་གཅིག་ཏུ་གྱུར། །ཆུ་རླུད་གང་གྭའི་བྱེ་མ་ལ། །ཡོང་དེ་སྐྱེ་བ་བསྟན་པ་ནི། །ཉིའུ་ཤིང་རམ་ཉེའུ་ཞེས་བྱའོ། །འགན་ཏ་ཀུ་ལེ་པར་པ་ཏ། །གནད་པྲི་ཡ་ཀུ་མ་ཧ་གོ་ན་སིག་ཧ་མ་ཁ། །ཚེར་མ་ཡར་ལྟ་མར་ལྟ་བའོ། །དེ་ལ་ལྷ་བྲན་ཚོགས་ཀུན་གྱིས། །བསྐོར་ཞིང་མཆོད་པ་བྱེད་པ་ཡིན། །སྟོན་ཟླ་ཐ་ཆུང་དཔྱིད་ཟླ་འབྲིང་། །ཉ་ཡི་ཚེ་ན་བཙལ་བར་བྱའོ། །བཙལ་བའི་ཐབས་ནི་འདི་ལྟར་རོ། །བྱིས་པ་ལོ་དྲུག་ལོ་བདུན་པ། །ཁྲུས་བྱས་དར་ལྡན་གོས་བསྐོན་ནས། ཁྲར་ཕྱོགས་ངོས་སུ་ཁ་བལྟས་ཏེ། །ལྷ་ཕྱག་ལན་གསུམ་བྱས་ནས་ནི། །དེ་དག་རྩ་ནས་དབྱུང་བའི་སྔགས། །ཏ་བྱ་ཐུ་ཤོ་ཧོད་ག་ཏེ་ད་རེ་གྲྭ་ཧྭ། །ཕྱག་འཚལ་བདུད་རྩི་མཆོག་ཁྱོད་ལ། །ཕྱག་འཚལ་བདུད་རྩི་ལས་འབྱུང་བ། །སྟོབས་དང་གཟི་བརྗིད་འཕེལ་མཛད་མ། །རང་འབྱུང་སྟོན་པའི་བཀའ་བཞིན་དུ། །ལྷ་མོ་ཁྱོད་ནི་དབང་གྱུར་ཅིག ཁུ་བ་ར་ས་ཡ་ནའི་མཆོག །དངོས་གྲུབ་མཆོག་ཏུ་ཉེ་བ་ཁྱོད། །ཚེ་དང་སྟོབས་ནི་བདག་སྩོལ་ཅིག །ཡེ་ཤེས་ཐམས་ཅད་གསལ་བར་མཛོད ཁུན་ལྤགས་དང་ནི་རྒྱུས་པ་བསལ། །ཐོ་ཏོ་བསྙིལ་ཏེ་སླར་ལ་སྦའོ། །སྙིང་པོ་བརྡུངས་ལ་ཁུ་བ་ཡང་། །རས་ནི་སར་པའི་ནང་དུ་བཙིར། །བདག་ཉིད་ལུས་ཀྱང་ཁྲུས་བྱས་ཏེ། །དར་ལྡན་གོས་བཟངས་རྒྱན་ནས་ནི། །སྨན་དུ་བསྒྲུབ་པའི་འཛབ་ལ་འཇུག །བསྙེན་དང་འཛབ་སྒོམ་བྱས་ནས་ནི། །སྟོང་ངམ་འབུམ་མམ་ཅི་ནུས་བཟླས། །བཟའ་བའམ་ཡང་ན་འཐུང་བའི་ཚེ། ་་་ཆུ་བ་ཡི་འོ་མ་བ་་། །ཡང་ན་ཕྱེ་མ་མཆོག་ཏུ་བགམ། །བཟའ་ཞིང་བཏུང་བའི་སྔགས་འདིའོ། །ན་མ་ཛ་ར་ཨ་ག་ཛ་ཏུ་སྲུ་ཧྭ། །ཞག་གམ་ཟ་མ་རེ་རེ་ཡང་། །སྲང་རེའི་ཆ་ནས་བསྐྱེད་དེ་བཟའ ཟོས་པའི་ཡོན་ཏན་འདི་རྣམས་སོ། །ལུས་ངག་ཡིད་གསུམ་དབང་པོ་གསལ། །བདུད་རྩི་འདི་དག་སུ་འཐུང་བ། །ཇི་ལྟར་ལྷ་རྣམས་འཆི་མེད་ལྟར། །ཀླུ་རྣམས་ལ་ནི་སྨནབཞིན་ནོ། ཁྲེང་རྣམས་ལ་ནི་ཆུ་བཞིན་ནོ། །མེ་ཏོག་ལ་ནི་ཟླ་བ་བཞིན། །ལོ་ནི་ལྔ་བརྒྱ་ལོན་བར་དུ། །བཅུ་དྲུག་མདོག་ནི་གཤོན་ནུ་འདྲ། །ནད་མེད་རྟག་ཏུ་དར་ལ་བབ། །སྟོབས་ཀྱང་གླང་པོ་ཆེ་དང་འདྲ། །མངོན་ཤེས་ལྔ་དང་ལྡན་པར་འགྱུར། །འོ་མ་དག་དང་བཏུང་བ་འམ། །མར་ཁུ་འམ་སྦྲང་རྩི་དག་དང་བཏུང་། །ཞག་གཅིག་ཟོས་ན་ཡོན་ཏན་བཅུ། །ཞག་བདུན་ཟོས་ན་ཡོན་ཏན་བརྒྱ། །ཉི་ཤུ་རྩ་གཅིག་ཟོས་ན་ནི། །བརྒྱ་རྩ་བརྒྱད་འདིས་ཐོབ་པར་འགྱུར། །བུད་མེད་སྟོང་ལ་ཁྱད་པར་སྦྱོར། །ས་བོན་མི་ཟད་འབྲས་བུ་ཡང་། །བུ་པོར་འཕེལ་ཞིང་དཔལ་དང་ལྡན། །མི་རྣམས་ཀྱིས་ནི་མི་སོད་དོ། །ཟླ་གཅིག་ཟོས་ན་ཡོན་ཏན་ནི། །ངོ་ཡང་ཟླ་བ་ཉ་བ་བཞིན། །གནོད་སྤྱིན་སྲིན་པོས་མི་སོད་དེ། །ལྷ་རྣམས་ཀུན་དང་མཉམ་པར་འགྱུར། །ཟག་པ་ཟད་ནས་ནམ་མཁར་འཕུར། །རྡོ་རྗེ་འགྲོས་ཀྱིས་ནམ་མཁར་འགྲོ། །རིགས་འཛིན་གོ་འཕང་འདིར་ཐོབ་བོ། །འདྲེས་པ་གང་ཟག་མི་ཡི་ཟས། །ཟོས་ན་དངོས་གྲུབ་མི་ཐོབ་ངེས། ཞེས་ལུང་དུ་བཀའ་སྩལ་ཏོ། །དེ་ནས་དྲང་སྲོང་ཏྲ་ཤ་ན། །དེ་ནས་དྲང་ཕྲོང་ཏྲག་ཤ་ན། །རྒྱལ་པོ་ཤེས་ཉེན་ཅན་ཞེས་བྱ། །ལྷ་དང་དྲང་སྲོང་ཐམས་ཅད་ལ། །མཆོད་སྤྱིན་རྒྱ་ཆེན་བྱས་པ་ལས། །མ་ཧྭ་དེ་བ་ལྷ་ཆེན་པོ། །ཀུན་གྱི་འཇུག་ཏུ་སྤྱན་དྲངས་པས། །ལྷ་ཆེན་དྲག་པོ་དེ་ཁྲོས་ཏེ། །ལྷ་ཆེན་དེ་ཡི་དཔྲལ་བ་ལས། །མིག་གཅིག་ལྷག་པར་བྱུང་བ་སྟེ། །ལྷ་དང་དྲང་སྲོང་ཐམས་ཅད་ལ། །རླུད་མཁྲིས་བད་ཀན་སྣ་ཚོགས་དང་། །དེ་བཞིན་མི་ལ་རིམས་ནད་དག །རླུ་་ལྷའི་ལག་པར་བསྐུར་ནས་གཏོར། །ལྷ་དང་དྲང་སྲོང་མང་པོས་ཀྱང་། །མ་ཤེས་མ་ཚོར་མྱོས་པར་འགྱུར། །ཕྱེ་མའི་རྒྱལ་པོ་འདབ་མ་འདི། །ས་སྟེངས་ཁྱབ་པར་སྐྱེས་པ་ལ། །དྲང་སྲོང་རྣམས་ཀྱང་མཆོད་པ་བྱེད། །ལུག་མིག་མེ་ཏོག་ཆེན་པོ་འདི། །ར་ས་ཡ་ནའི་རྒྱལ་མོ་སྟེ། །བ་ཡི་འོ་མ་དག་དང་བསྐོལ། །རྔུབས་གཅིག་འཐུངས་པས་བ་སྐྲུ་ལངས། །རྔུབས་གཉིས་འཐུངས་པའི་ཡོན་ཏན་ནི། །རིམས་ནད་ཐམས་ཅད་བྱང་བར་བྱེད། །རྔུབས་གསུམ་འཐུངས་པའི་ཡོན་ཏན་ནི། །མིག་རྩ་དམར་ཞིང་མདོག་ཀྱང་གཞོན། །ཕྱི་མ་གྲིབ་མར་བསྐམས་པ་དང་། །མ་ཏོ་ལ་ཡི་ཁུ་བར་སྦྱར། །བླུད་ན་དགྲ་རྣམས་མྱོས་པར་འགྱུར། །ལྷ་ཡིས་བསྲུངས་ཀྱང་འཆི་བར་འགྱུར། །བྱིན་གྱིས་བརླབས་པའི་སྔགས་འདིའོ། །སྟོང་ངམ་བརྒྱ་ནི་རྩ་བརྒྱད་བཟླས། །ཨོ་སོའུ་གྲི་བཱ་ཧ་ན་ཧ་ན་ཧཱུཾ༷། མ་ར་ཡ་མ་ར་ཡ། ཙེ་ཏ་ཡ་ཙེ་ཏ་ཡ་སུ་གྲི་བ་ཕཊ། བདུད་རྩི་ར་ས་ཡ་ནའི་གཙོ། ཁུ་དག་དང་ནི་རུ་རྟ་དང་། །ཕྱེ་མར་བྱས་ཏེ་སུ་བླུད་པ། །རྒྱལ་པོ་བུད་མེད་དབང་དུ་འགྱུར། །འགྲི་ཧ་འགྲོ་ལོ་ཀི་དང་སྦྱར། །དགྲ་ལ་བླུད་ན་རྣ་བ་འོན། །ལུག་མིག་གྲིབ་མར་བསྐམས་པ་དང་། །སུ་ཏིའི་འོ་མར་སྦྱར་བ་ནི། །དགྲ་ལ་བླུད་ན་འཆི་བར་འགྱུར། །ལྷ་ཆེན་དྲག་པོས་བསྐྱེད་པ་འདི། །འཇམ་དཔལ་གཞོན་ནུས་མཁྱེན་པ་ལས། །ལྷ་དང་དྲང་སྲོང་གཞན་མི་ཤེས། །དེ་སྐད་ཅེས་བཅོམ་ལྡན་འདས་འཇམ་དཔལ་གཤོན་ནུས་། མི་མཇེད་ཀྱི་བདག་པོ་ལྷ་ཚངས་པ་དང་། དྲང་སྲོང་དང་། ཀླུའི་རྒྱལ་པོ་འཇོག་པོ་དང་། སྐལ་པ་བཟང་པོའི་མིའི་བྱང་ཆུབ་སེམས་དཔའ་ལིསྣྲོ་བྲི་ལ་སོགས་པ་རྣམས་ལ་བཀའ་སྩལ་ཏོ། །དེ་ཡང་ཚེ་ཕྱི་མ་འམ་དུས་ཕྱི་མར་མི་སྡོད་པར། སྐལ་པ་བཟང་པོའི་འབྲས་བུ་མངོན་དུ་ཐོབ་པ་དང་། འབྲས་བུ་ཚེ་འདིར་ཉིད་ལ་སྨིན་ཏོ། །དེ་ནས་རྩི་ཡི་ལྷ་མོ་མཆོག །མིང་ནི་གྲུབ་པའི་བློ་གྲོས་མ། །བུ་མོ་མུ་ལ་ཞེས་བྱ་བ། །དེ་ཡི་ ས་བོན་ལྷུང་བ་ནི་། །འཛམ་གླིང་ཤིང་གི་ནགས་ལས་སྐྱེས། །རཀྟ་ཞེས་ནི་འདིར་གྲགས་པ། །ར་ས་ཡ་ནའི་གཙོ་མོ་སྟེ། །རྩ་བ་རཀྟ་མུ་ལ་ཁ། །རྩ་བ་མེ་ཏོག་འབྲས་བུ་རྣམས། །མཐུན་པར་ཟད་པར་དམར་བ་སྟེ། །འབྲས་བུ་སྲན་མ་མ་ཤ་ཙམ། །གྱེན་དུ་ཟུག་པ་དེ་བརྐོ་བ། །སྟོན་ཟླ་ར་བའི་ཉ་ལ་བརྐེའོ། །སྲིད་པའི་ན་དང་ནགས་ལས་སྐྱེས། །ཁྲག་གི་ཉུངས་མ་ཞེས་ནི་གྲགས། །རློན་པའི་ཁུ་བ་བཙིར་བ་དང་། །པདྨའི་རཀྟ་ཆ་མཉམ་བསྲེས། །དེ་དག་བསྒྲུབ་པའི་སྔགས་འདིའོ། །ཨོ་ན་མོ་ར་ག་རཀྟ། མུ་ལ་བུ་ནེ་གྲྭ་ཧྭ། འགྲོ་བ་དབང་བྱེད་དམ་པ་ཡིན། །རྩི་ཡི་ལྷ་མོས་བཀའ་སྩལ་ཏོ། །མིང་གིས་མེད་དུ་མི་རུང་ངོ་། །རྒྱལ་བུ་དོན་གྲུབ་བྱ་བ་དེ། །མྱ་ངན་འདས་པའི་སྐུ་གདུང་ནི། ཁྲ་རི་རམ་ཞེས་གྲགས་པ་ཡིན། །དེ་ཡི་ས་བོན་འཕེལ་བ་ནི། །འཛམ་གླིང་ས་སྟེངས་ཁྱབ་པར་སྐྱེས། །མ་ཧྭ་ནི་ལེ་ཞེས་བྱ་བ། །མིང་ནི་ཐ་སྐར་རྡོ་རྗེ་ཡིན། །མེ་ཏོག་ཐ་སྐར་གཤོན་ནི་སྟེ། །སྙེ་མ་ཟུར་གསུམ་ཏིལ་གང་འདྲ། །རྡོ་རྗེ་བྲག་ཀྱང་འཇོམས་པར་ནུས། ཁྲ་རི་རམ་དང་རུས་པ་ཡི། །སྦྱར་བའི་འཕྲད་ཀྱི་དམ་པར་རུང་། །མིང་གིས་མེད་དུ་མི་རུང་ངོ་། །དེ་ཡི་ཡོན་ཏན་ཐམས་ཅད་ཀྱང་། །རུས་པ་སྲ་མཁྲེགས་རྡོ་རྗེར་འགྱུར། །ཕྱག་ན་རྡོ་རྗེའི་མཐུ་ཡང་མཉམ། །ར་ས་ཡ་ནའི་མཆོག་ཏུ་གསུངས། །དེ་ནས་ལྷ་ཡི་དབང་པོ་མཆོག །བརྒྱ་བྱིན་བུ་ཡི་ལག་པ་སྲ །གནོད་སྤྱིན་རྒྱལ་པོས་མདའ་བརྒྱབ་པ། །དེ་ཡི་དུམ་བུ་ལག་སོར་ཡང་། །ས་སྟེངས་ཁྱབ་པར་སྐྱེས་པ་ནི། །ལི་བྱི་ཅེ་ལག་དབང་པོ་ལག །སྡོང་བུ་ཡལ་ག་མཛེར་པ་མེད། །མེ་ཏོག་ཟུར་གསུམ་མདའ་སྒྲོ་འདྲ། །རྩ་བ་ལག་སོར་ལྔ་པ་སྟེ། །དབྱར་ཟླ་ཐ་ཆུངས་ཉ་ལ་བརྐོ། །བསྒྲུབ་པའི་ལག་མཐིལ་གཡོན་དུ་བཞག །ར་ས་ཡ་ན་ཐམས་ཅད་ཀྱི། །དངོས་གྲུབ་བླང་བའི་ཕྱག་རྒྱ་ཡིན། །དེ་ཚེ་མེད་དུ་མི་རུང་ངོ་། །མང་དུ་འཕེལ་འགྱུར་བསྒྲུབ་རྫས་ཡིན། །ལུས་ལ་འབྱུང་བའི་དྲི་ཆེན་དང་། །བསྒྲལ་བའི་དྲི་ཆེན་ཡུངས་དཀར་གསུམ། །ཆ་མཉམ་འཐུངས་ན་དུག་རྣམས་ཐུབ། །འཆི་བྱེད་དུག་ནི་སེལ་བའི་ཕྱིར། །བདུད་རྩི་ཞེས་ནི་དེ་ལ་བྱའོ། །མིང་གིས་མེད་དུ་མི་རུང་ངོ་། །འཆི་བདག་བདུད་ཀྱང་དེས་བཅོམ་མོ། །བུ་རྣ་ཞེས་བྱའི་རྣ་བ་ཡང་། །སྲིན་པོ་པུ་རྣའི་རྣ་བ་སྟེ། །བསྒྲལ་བའི་རྣ་བ་དག་དང་སྦྱར། །རྣ་བའི་མངོན་ཤེས་ཐོབ་པར་བྱེད། །མིང་གིས་མེད་དུ་མི་རུང་ངོ་། །བྷ་ཧུ་ལུ་མིག་མེ་ཏོག་དང་། །མཁའ་ལྡིང་བྱ་ཡི་མིག་དང་སྦྱར། །ཨུ་ལ་བིག་ཤང་ཤང་དེལྭ །རྨ་བྱ་ངང་པ་ཀོ་ཀི་ལ། །འདི་རྣམས་བསྒྲལ་བའི་མིག་དང་སྦྱར། །མིག་གི་མངོན་ཤེས་དེར་ཐོབ་སྟེ། །སྟོབས་ལྡན་གྱི་ནི་མིག་ཡིན་ནོ། །མིང་གིས་མེད་དུ་མི་རུང་རོ། །ཙིཏྲ་ཀ་དང་སྙིང་ཞོ་ཤ །ཐམས་ཅད་གནོད་སྤྱིན་སྙིང་གི་བརླ། །བསྒྲལ་བའི་ཙིཏི་དག་དང་སྦྱར། །མངོན་ཤེས་ལྔ་ཡི་དངོས་གྲུབ་ཐོབ། །མིང་གིས་མེད་དུ་མི་རུང་ངོ་། །བུད་མེད་གོང་བཤད་འདྲ་བ་ཡི། །ཀླད་པ་གོ་རོ་ཙ་ན་འབྱུང་། །དེ་ནི་བན་གླང་རིགས་ཅན་ཡིན། །བསྒྲལ་བའི་ཀླད་པ་ཐམས་ཅད་དང་། །ཐང་བལ་ཧྭ་ཡི་རྩ་བར་སྦྱར། །མདངས་ཀྱི་དངོས་གྲུབ་དེས་ཐོབ་འགྱུར། །ཧ་ལྕེ་ཀི་ཡ་ཁ་འབར་མའི། །ལྕེ་ཡིན་པས་ན་ལྕེ་དང་སྦྱར། །དབང་པོ་ལྕགས་ཀྱི་དངོས་གྲུབ་དང་། །སྤྱན་རས་གཟིགས་ཀྱི་དངོས་གྲུབ་ཐོབ། །མིང་གིས་མེདདུ་མི་རུང་ངོ་། །སྲིད་པའི་བདག་པོ་ཚངས་པའི་གཙོ། །མིང་ནི་མགོན་བཙུན་ཕྱུ་ཞེས་བྱའོ། །ནལ་གྱི་བུ་ནི་ཛི་ཧྭ་ཞེས། །སྐད་མ་ཕྱུང་གི་ལྕེ་ཞེས་བྱའོ། །སྐད་ཕྱུང་བ་ནི་ཚངས་པ་སྟེ། །སྐད་མ་ཕྱུང་གི་གྲུབས་པར་གཅད། །དེ་དང་སྦྱར་བའི་འཕྲད་དུ་ནི། །མེ་ཏོག་རྨ་ལོ་ཀྲིལ་ཀྲིལ་ཏེ། །མིང་ནི་བ་ཡ་ས་ཡའོ། །རྩ་བ་མ་ཧྭ་གོ་ན་སིག །མེ་ཏོག་གསེར་གྱི་མདུན་ཞུ་ཅན། ཁྲར་ཕྱོགས་སུ་ནི་ཁ་ལྟ་བ། །འདིའི་ཀུན་ཧ་ལྕེ་ཀི་ཡ་སྟེ། །ཆ་མཉམ་བཏགས་ཏེ་ཕྱེ་མར་བྱ། །ཟླ་བ་གཟའ་ཡིས་ཟིན་པའི་ཚེ། །ཡི་དམ་ལྷ་ལ་མཆོད་བྱ་ཞིང་། །ཕྱེ་མ་རྒྱ་ཆད་ནང་དུ་གདབ། །ཐང་གཅིག་ཡུད་ཀྱིས་འགྲུབ་པ་སྟེ། །རྟ་མགྲིན་དབང་གི་དངོས་གྲུབ་ཐོབ། །བསྒྲལ་བའི་ལྕེ་ནི་ཐམས་ཅད་དང་། །སྦྱར་བ་འཔྲད་ཀྱི་དམ་པར་རུང་། །མིང་གིས་མེད་དུ་མི་རུང་ངོ་། །སྣ་དང་སྣ་མའི་འབྲས་བུར་སྦྱར། །ཚངས་པའི་གསུང་དབྱངས་སྒྲོགས་ནུས་འགྱུར། །བསྒྲལ་བའི་སྣ་ནི་ཐམས་ཅད་སྦྱར། །མིང་གིས་མེད་དུ་མི་རུང་ངོ་། །དུང་དང་འབྲུག་རུས་གདུང་དང་ནི། །བསྒྲལ་བའི་རུས་པ་ཐམས་ཅད་སྦྱར། །ལུས་ཀྱི་རྡོ་རྗེ་མངོན་ཤེས་ཐོབ། །མིང་གིས་མེད་དུ་རུང་ངོ་། །རྒྱ་མཚོ་དབུ་བ་འདུས་པའི་ཆུ། །སྣ་ཚོགས་ཆུ་དང་གངས་ཀྱི་ཆུ། །ལན་ཚྭ་སྣ་ཚོགས་དྲི་ཆུ་རྣམས། །བསྒྲལ་བའི་ཆུ་ནི་ཐམས་ཅད་སྦྱར། །རྡོ་རྗེ་ཆུ་ཡི་བདུད་རྩི་སྟེ། །རྟག་ཏུ་འགྲོ་བའི་དོན་བྱེད་ནུས། །མིང་གིས་མེད་དུ་མི་རུང་ངོ་། །དགོངས་པའི་དོན་དུ་སེམས་ཅན་མཐའ་དག་ལ་སྣང་བ་དང་། ནུས་མཐུའི་ཡོན་ཏན་གྱིས་སེམས་ཅན་ཀུན་ལ་ཕན་འདོགས་པར་ནུས་སོ། །འགྲོ་བ་ཡོངས་ཀྱི་གསོས་མཛད་པར་དགོངས་ནས། བཅོམ་ལྡན་འདས་དཔལ་ཀུན་ཏུ་བཟང་པོས་ཡེ་ཤེས་ཀྱི་ཐུགས་ནས་དགོངས་ནས་མགུར་གྱི་བུམ་པར་དྲིལ་ཏེ། ལྗགས་ཀྱི་དབང་པོ་ལ་བཀྲམ་སྟེ། ཞལ་འཛུམ་པ་མཛད་ནས། མཁྱེན་རབ་ཀྱི་དང་པོ་འཇམ་དཔལ་རྣོན་པོ་དང་། རྡོ་རྗེ་ཆོས་ལ་བཀའ་སྩལ་ཏོ། །འཇམ་དཔལ་གྱིས་དཀྱིལ་འཁོར་གྱི་སྲས་མཆོག་ཉེ་བ་དང་། ཚངས་པ་དང་དྲང་སྲོང་དང་། ལྷ་དང་ཀླུ་དང་། མིའི་བྱང་ཆུབ་སེམས་དཔའ་བ་མ་ལ་ལྷིར་ཏི་རྣམས་ལ་བཀའ་སྩལ་ཏོ། །བདུད་རྩི་ཆེན་པོ་མཆོག་གི་ལུང་གི་སྡེ་ལས། སྨན་ར་ས་ཡ་ན་བསྒྲུབ་པའི་ལུང་འབུམ་སྡེ་ལས་བཏུས་པ། བམ་པོ་ཆེན་པོ་གཉིས་པ།། །། ་། རྒྱ་གར་སྐད་དུ། པྲཙྭ་བྷ་ག་བན་མ་ཧྭ་རྭ་ཛུ། བོད་སྐད་དུ། བཅོམ་ལྡན་འདས་གཉིས་མེད་ཀྱི་རྒྱལ་པོ་ཆེན་པོ་ལ་ཕྱག་འཚལ་ལོ། །དེ་ནས་སྤྱོད་པ་བསྟན་ཏེ། ལུང་ཨ་ནུ་ཡོ་ག་བ་རྫོགས་པའི་རྣལ་འབྱོར་དུ་བསྟན་ཏེ། ལྟ་བ་དང་ནི་སྤྱོད་པ་དང་། །གཟུངས་ཀྱི་མཚན་ཉིད་འདི་གསུངས་སོ། །དེ་བཞིན་དམ་ཚིག་ཆེན་པོའང་བསྟན། །ལས་འདི་ལུང་གིས་བསྒྲུབ་བྱ་ན། །མི་སྤོང་བ་ནི་དང་དུ་བླང་། །སྤྱོད་པ་དམ་ཚིག་བཅོ་ལྔ་བསྲུང་། ཁྲེས་པ་ལྔ་དང་བསྲུང་བ་གསུམ། །སྟོང་རྩ་བརྒྱད་དུ་བསྲུངས་པས་ནི། །རྩ་བརྒྱད་སྟོང་ཞེས་དེ་ལ་བྱའོ། །དེ་ཡང་མ་ཧྭ་ས་མ་ཡ། །བཞི་པོ་རྫོགས་ན་ཀུན་ཏུ་བཟང་། །ཞི་རྒྱས་དབང་དང་མངོན་སྤྱོད་དང་། །མནན་བཟློག་དྲུག་ནི་གཅིག་ཏུའོ། །དང་ལ་ག་ནི་ལུང་བཤད་དེ། །ཁྲུ་ཚད་བཞི་དང་ལྡན་པ་ནི། །ཡོན་ཏན་བཅུ་གཅིག་དང་ཡང་ལྡན། །བཞིན་བཟངས་མིག་གི་དཀྱུས་རིང་བ། །སྟོད་སྨད་ཕྱེད་ལ་རྐེད་པ་ཕྲ། །ཚིགས་པ་ཟླུམ་ལ་སོར་མོ་རིང་། །ཡོན་ཏན་འོད་ཅན་བཅུ་གཅིག་ལོ། །ཡེ་ཤེས་རིགས་ཅན་ཡིན་པར་བཤད། །བཅུ་གསུམ་རྡོ་རྗེ་རིགས་སུ་འགྲུབ། །བཅུ་དྲུག་སྔགས་པས་འགྲུབ་ངེས་པའོ། །རིན་ཆེན་རིགས་མཆོག་ཡིན་པར་བསྟན། །ཉི་ཤུ་གཅིག་པ་པདྨའི་རིགས། །སྤྱན་རས་གཟིགས་དབང་རྟ་མཆོག་འགྲུབ། །ཉི་ཤུ་རྩ་ལྔ་ལོན་པས་ནི། །ཐོགས་མེད་བྱང་ཆུབ་སེམས་ཀྱང་འདྲེན། །ཐམས་ཅད་ལས་ཀྱི་རིགས་མཆོག་འགྲུབ། །སུམ་ཅུ་རྩ་གཅིག་ཕན་ཆད་ཀྱིས། །སེམས་ཕེབས་ཚུན་ཆད་ཀུན་དུ་དགེའོ། །ཡིད་དུ་འོང་བ་དམ་པ་ཡིན། །བདེརགཤེགསརིགས་སུ་འགྲུབ་པར་གཤད། །བདེཆེནའདུའབྲལམེད་པའི་གཟུངས། །དེ་དག་མ་ལུས་གང་རྙེད་པ། །ལུས་ཀྱང་ཁྲུས་བྱས་གཙང་མར་བྱའོ། །དྲི་ཞིམ་ཙསྡོན་གོ་པན་དང་། །ཛུ་ཏི་ཕ་ལ་ཀུ་རུ་ཚེ། །ཀ་ཀོ་ལ་དང་ག་བུར་དང་། །ཨ་ཀ་རུ་དང་དུ་རུ་སྐ། །གི་བང་གླང་པོའི་སྤོས་རྣམས་ཀྱིས། །བྱུགས་ནས་རྒྱན་དང་ཕྲེང་བ་གདགས། །དར་དང་རས་བལ་འཇམ་པོ་དང་། །གོས་རྒྱན་ཆས་བཀླུབས་བསྐོན་ནས་ནི། །གསེར་གྱི་རྣ་ཆ་གདུབ་ཀོར་དང་། །དོ་ཤལ་དཔུང་རྒྱན་སེ་མོ་དོ། །རིན་ཆེན་སྣ་ཚོགས་རྒྱན་དུ་གདགས། །ཇི་བཞིན་བདེ་བའི་སྟན་དག་ལ། །གཡོན་ཕྱོགས་སུ་ནི་གཞག་པར་བྱ། །བསྙེན་པ་དང་ནི་ཉེ་བསྙེན་དང་། །བསྒྲུབ་དང་བསྒྲུབ་ཆེན་བྱ་བ་ནི། །དཀྱིལ་འཁོར་འདོམ་གང་གྲུ་བཞི་པ། །འཕང་དུ་སོར་བཞིའི་ཚད་དུ་བྱ། །རྡོ་རྗེ་དྲི་ཆུས་མཎྜལ་བྱུགས། ་་ཆེན་གུ་གུལ་པོག་གིས་བདུག །དཀྱིལ་འཁོར་དེ་ལ་བསྐོར་ཏེ་འདུག །གཡོན་དུ་དེ་ཕྱི་བཞག་ནས་ནི། །བྷ་ག་དེ་ཉིད་བྱིན་གྱིས་བརླབ། །སྤྱི་བོར་ཨོ་དཀར་འོད་ལྡན་པ། །ལྕེ་ལ་ཨོ་དམར་དམ་པ་བསམ། །སྙིང་གར་ཟླ་དཀྱིལ་ཧཱུཾ༷་མཐིང་ག །ལྟེ་བར་སྭ་སྔོན་འོད་ལྡན་པ། །རྐང་པར་ཧ་ལྗང་འོད་ལྡན་པ། །བ་ལས་པདྨའི་དབྱིངས་སུ་ཡང་། །གྲུ་གསུམ་མེ་འོད་འབར་བ་བསམ། །ཉོན་མོངས་ལྔ་རྣམས་སྦྱང་བ་དང་། །སྡུག་བསྔལ་ལྔ་ནི་ཚར་གཅད་ཕྱིར། །ལག་གཡས་གཞན་གྱིས་མི་ཐུབ་མ། །གཡོན་པ་རོལངས་ཆེན་མོ་སྟེ། །དེ་ཡི་ཁ་ལ་ཁྲོ་གཉེར་མ། །རལ་པ་གཅིག་མ་པདྨ་ལའོ། །གསང་ཡུམ་ལྔ་དང་ཁྲོ་མོ་བཞི། །བྱིན་གྱིས་བརླབས་ཏེ་སྔགས་བཟླས་པ། །ཨོ་ཨོ༷༷༷ཧཱུཾ༷་གྲྭ་ཧྭ། བྷ་ག་བན་ནི་ཉིད་ཀྱི་བཀའ། །ཕྱག་རྒྱ་བཞི་རུ་བདག་གྱུར་པས། །གཉིས་སུ་མེད་པར་མཉམ་སྦྱར་ནས། །ལྷ་ཡི་བདུད་དམ་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཕྱག་རྒྱ་ཆེན་པོ་བཞི་དང་ལྡན། །མཁའ་ལ་སེམས་ཕེབས་འཕྲོས་པའི་ཚེ། །བྱང་ཆུབ་འཁོར་བ་མྱ་ངན་འདས། །གཉིས་སུ་མེད་པའི་སར་ཕྱིན་ནོ། །བཅོམ་ལྡན་འདས་ཀྱིས་བཀའ་སྩལ་ཏོ། །སངས་རྒྱས་སེམས་ཅན་ཐམས་ཅད་དང་། །མཚན་མར་བཏགས་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །བདེ་ཆེན་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་མཁྱེན་ཏོ། །ཕྱི་ནང་མ་ལུས་སྣོད་བཅུད་ཀྱང་། །བྱང་ཆུབ་སེམས་སུ་རྣམ་དག་པས། །སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོ་སྟེ། །ཡབ་ཡུམ་བདེ་བའི་ངང་དུ་གསལ། །འདི་ནི་སྙིང་པོ་བྱང་ཆུབ་སེམས། །བདེར་གཤེགས་ཀུན་གྱིས་བཀའ་སྩལ་ཏོ། །ལུས་ཀུན་ཡོངས་སུ་འཁྱུད་པ་ཡིས། །རྡོ་རྗེ་པདྨར་ལྡན་བྱས་ནས། །རང་འབྱུང་རྣམས་ནི་བདེ་མཆོག་སེམས། །ཕུལ་བས་མྱུར་དུ་གྲུབ་པ་ནི། །ཨོ་།ར་ག་པྲུ་ཛ་ཧོ། །དངོས་གྲུབ་བླང་ཞིང་འདི་བརྗོད་དོ། །བྱང་ཆུབ་སེམས་ཀྱིས་དབང་བསྐུར་ཏེ། །དངོས་གྲུབ་བསྒྲུབ་པ་ལ་གཟུད་དོ། །བདུད་རྩི་ཆེན་པོ་མཆོག་གི་ལུང་གི་ནང་ནས། བསྒྲུབ་པ་ཆེན་པོའི་ལུང་དང་། གཟུངས་ཀྱི་མཚན་ཉིད་དང་། སྦྱོར་བའི་མན་ངག་དང་། གྭན་བསྒྲུབ་པའི་ལུང་དང་། བྱང་ཆུབ་ཀྱི་སེམས་ཀྱི་ཡོན་ཏན་དང་། ཨ་མྲི་ཏ་གྲུབ་པའི་ལུང་སྟེ། བམ་པོ་ཆེན་པོ་གསུམ་པ།། །། ་། རྒྱ་གར་སྐད་དུ། སྟ་ན་མ་ཧྭ་ད་ར་པལྒ བོད་སྐད་དུ། འབྲས་བུ་ཆེན་པོ་ལྔ་བསྒྲལ་བའོ། །དཔལ་ཆེན་ཁྲོ་རྒྱལ་འཁོར་དང་བཅས་པ་ལ་ཕྱག་འཚལ་ལོ། །མི་ཕྱེད་དང་བས་ཕྱག་འཚལ་ན། །དེ་ནས་སྟ་ནའི་ལུང་བཤད་དེ། །ཡེ་ནས་རྒྱུ་ཉིད་དག་པ་ལས། །ང་དང་བདག་ཏུ་འཛིན་པ་ཡིས། ཁམས་གསུམ་འཁོར་བའི་རྒྱུ་རུ་ཀྱུར། ཁམས་གསུམ་དེ་དག་བསྒྲལ་བའི་ཞིང་། ཨུ་ས་མ་ཙ་ལ་དྷརྨ་ཧི་ཏུ། སྭ་བྷ་བ་ཨུཏྣ་ཀོ྅་ཧེ༷། རོ༷་ཡོ༷་ཁོ༷་ཏ་ཐ་ཕཊ། བཅོམ་ལྡན་འདས་ཀྱིས་བཀའ་སྩལ་ཏོ། །མི་གཡོ་ཕྱག་རྒྱ་ཆེན་པོའི་ངང་། །དབང་ཕྱུག་ཆེན་པོའི་བསྒྲལ་ཐབས་ནི། །འཚོ་བའི་བདག་པོའི་ཚེ་དང་སྲོག །ཐུགས་རྗེའི་ངང་དང་ཤེས་རབ་དང་། །ཐབས་ལ་མཁས་པའི་བྱིན་བརླབས་ཀྱིས། །འགྲོ་བ་ཐམས་ཅད་སྦྱོང་བར་མཛད། །བདུད་དང་གཤིན་རྗེ་འཁོར་བཅས་ཀུན། །གཉིས་མེད་ཕྱག་རྒྱར་རོལ་པ་ཡིས། །དུས་ལ་བབ་པོ་ས་མ་ཡ། །ཨོ་སརྦ་བཱ་པ་ཀར་ཧེ་ཧ་ས་སི་སྟམ། ཏྲེ༷་ཀ་རུ་ནི་ཧཱུཾ༷་ཛ་ཛ། མ་ཏང་གི་ནི་རྣམ་ཤེས་དེ། །ངེས་པར་གཟུགས་ལ་ཕབ་ནས་ནི། །ཊ་ཀི་ཞལ་ནས་ནུབ་ཏུ་བསྟན། །དབང་དུ་བསྡུ་བའི་ལས་མཛད་ཀྱིས། །སངས་རྒྱས་ཀུན་གྱི་བྱིན་གྱིས་རློབས། ཁམས་གསུམ་མ་ལུས་བསྒྲལ་བའི་ཞིང་། །སྟ་ན་ཆེན་པོ་བྱ་བའི་ཕྱིར། །བདེརགཤེགསམངཔོ་ཀུན་འདུས་ཤིང་། །བྱམས་དང་སྙིང་རྗེ་ལྡན་པ་ཡིས། །ཉོན་མོངས་འཁོར་བའི་རྒྱ་དྲལ་ཏོ། །གནས་ཀྱི་སྒོ་འདི་སུ་ཡི་བཅད། །སེམས་ཀྱི་བདག་པོ་བཅད་དམ་ཅི། །གཟུང་འཛིན་རྐང་པ་བསྣོལ་བ་ཡིས། །ཡུལ་ལས་འདས་པའི་སྒོ་ཕྱེ་ཤིག་ཞེས་བརྗོད་དེ། སྒོ་དབྱེའོ། །ཀ་ཏ་རི་ཀ་ན་པྲ་བེ་ཤ །གཡོན་པའི་ཞབས་ཀྱིས་རུ་ཏྲེརེ་གཟུགས། །གནས་ཀྱི་སྒོ་འདི་བཅད་བཞིན་དུ། །བདེ་བར་གཤེགས་པའི་སྐྱབས་སུ་གསོལ། ཁེ་བའི་སྡུག་བསྔལ་འདིར་བྱུང་ངོ་། །ཞེས་ལྷ་ཆེན་པོ་བརྒྱད་ཀྱིས་དུས་གཅིག་ཏུ་ཚིག་དེ་སྨྲས་སོ། །ཊ་ཀི་བརྒྱད་ཀྱིས་བཀའ་སྩལ་པ། །དྲེགས་པ་མ་རུངས་ལྷ་ཆེན་ཁྱོད། །སེམས་ཀྱི་སྒོ་ཀུན་ད་དབྱེ་ཡིས། །རྡོ་རྗེ་འབར་བའི་སྤུ་གྲི་ཡིས། །གནས་ཀྱི་སྒོ་ཀུན་དེས་ཕྱེ་ནས། །སེམས་ཀྱི་བདག་པོས་གཟུང་བར་བྱ། །སྟོན་པས་གསུངས་པ། སྐྱེ་བའི་རྐྱེན་གྱིས་འཆི་བ་ཡིན། །སྡིག་པའི་རྐྱེན་གྱི་བཅོམས་པས་འཆི། །བདག་ཀྱང་དངོས་པོར་ལྟ་བས་འཇིག །ང་ཡི་བསྟན་པ་འདི་ལ་གཟུད། །འོན་ཀྱང་འཆི་བའི་སྡུག་བསྔལ་བྲལ། །གཟུགས་འཛིན་རྐང་ལག་ཡུལ་ལས་བཟླས། །ཕོ་མོ་བསྣོལ་ཏེ་མནན་པ་ཡང་། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བརྐྱང་། །ཊ་ཀའི་ཞབས་ནི་གཡས་པ་ཡིས། །རུ་ཏྲ་ལིང་ཀའི་སྟེང་དུ་མནན། །དེ་ལྟར་ལིང་ག་མནན་བྱས་ནས། །ཐར་བྱེད་ཆེན་པོའི་འགྱིང་སྟབས་ཀྱིས། །རྗོམསབརྗིད ཆེན་པོས་འདི་སྐད་དོ། །ས་མ་ཡ་ཀེ་ཤ་ཙི་ཏ་ཛ་ལ་ཧཱུཾ༷་ཕཊ། ཞེས་མནན་ནོ། །མ་ཧྭ་དེ་བ་རུ་ཏྲ་ཛ་ཞེས་པ་དང་། ཁམས་གསུམ་ནས་འབྱུང་སེམས་ཅན་རྣམས། །རྡོ་རྗེ་སྐུ་ཡི་ཁྱད་པར་གྱིས། །འོད་ཟེར་ཚུལ་དུ་བསྡུས་ནས་ནི། །དེ་དག་བདག་གིས་གཟུགས་ལ་གཟུང་། །སྤྲོ་བ་རྡོ་རྗེ་ཐམས་ཅད་ཀྱིས། །སྐུ་དང་ཡེ་ཤེས་མཆོག་གིས་བྱའོ། །ཐར་པའི་ལམ་འབྱེད་དཀྱིལ་འཁོར་འདིར། །བྲོད་པ་ཅན་རྣམས་འོང་བ་ལྷར། །སྐལ་དང་ལྡན་པ་རིགས་ཀྱི་བུ། །བདེ་བར་འོངས་པ་ལེགས་ཏེ་འོངས། །རྣལ་འབྱོར་དབང་ཕྱུག་ཆེན་པོ་ཡིས། །རྩེ་རྒྱལ་བསྟན་པའི་གནས་ཆེན་འདིར། །བོ་དྷི་ཙིསྟའི་དབྱིངས་ཉིད་དུ། ཁམས་གསུམ་འཁོར་བ་ཀུན་བསྡུའོ། །ཆོས་ཉིད་སྐྱེ་འགག་མེད་པ་ལ། །བདེ་བར་གཤེགས་དང་འགྲོ་བ་ཞེས། །དབྱིངས་སུ་གཅིག་པས་གཉིས་སུ་མེད། །ཀུན་ཀྱང་ངོ་བོ་མཉམ་ཉིད་དེ། །ཐམས་ཅད་སྙིང་པོ་བྱང་ཆུབ་སེམས། །མ་སྐྱེས་པས་ན་འགག་པ་འཇིག །བདག་ཉིད་མེད་ན་མཉམ་པའི་སྐུ། །ཐུགས་རྗེ་ཆེན་པོ་ཅིར་མི་མཛད། །ཡེ་ནས་དེ་ལྟར་གནས་བཞིན་དུ། །སེམས་ཅན་མ་རིག་རྨོངས་པའི་བློས། །བདག་དང་བདག་གིར་སོ་སོར་འཛིན། །རྟག་ཆད་མཐའ་གཉིས་མ་སྤངས་ཏེ། །ནོར་པས་བཏགས་པའི་ཕུང་པོ་ལྔ། །ལོག་རྟོག་ཕྱིན་ཅི་ལོག་བཞིས་བཅིངས། །ཉོན་མོངས་སྡུག་བསྔལ་རྒྱུ་བསགས་ཏེ། །འཁོར་བའི་རྒྱུད་ལྔ་ཁ་བྲིམས་པས། །མྱ་ངན་མི་འདའ་ཡུན་རིངས་ཏེ། །ཕུང་པོ་ཁམས་དང་སྐྱེ་མཆེད་ལ། །འཁྲུལ་པའི་བག་ཆགས་བག་ལ་ཉལ། །བདེ་འགྲོའི་ལམ་ལ་བསྒྲིབས་པའི་རྣམས། །འཁོར་བའི་ལམ་ལྔ་རྒྱུན་གཅད་ཕྱིར། །ངན་སོང་རྣམ་པར་སྦྱོང་བའོ། །མ་ཐ་མ་ཐ་སརྦ་པྲེ་ཏ་ག་ཏི་ཧེ་རྟུ༷་ཉུ༷་ཕཊ། །པ་ཙ་པ་ཙ་སརྦ་ཏིར་ཡ་ག་ཏེ་ཧེ་རྟུ༷་རྟུ༷་ཕཊ། ད་ཧ་ད་ཧ་སརྦ་ན་ར་ག་ཏེ་ཧེ་རྟུ༷་ཉུ༷་ཕཊ། དེ་ལྟར་ངན་སོང་རྣམ་སྦྱངས་ཏེ། །སྡུག་བསྔལ་གསུམ་གྱི་སྒོ་བཅད་ཕྱིར། །རོ༷་ཡོ༷་ཁོ༷་ཞེས་བརྗོད་ལ། ཡེ་ཤེས་འབར་བའི་མེས་བསྲེགས་ཏེ། །མཚན་ཉིད་མེད་པར་སྟོང་པར་འགྱུར། །དུས་ལ་བབ་པའི་སེམས་ཅན་དེ། །ལས་ལ་བབ་པའི་རྣལ་འབྱོར་པས། །རྡོ་རྗེ་དབྱིངས་ཀྱི་དཀྱིལ་འཁོར་འདིར། །ཐུགས་རྗེ་ལྕགས་ཀྱུས་བཀུག་ནས་ནི། །སྐལ་དང་ལྡན་པའི་རྣམ་ཤེས་དེ། །ཐུགས་རྗེ་ཆེན་པོའི་བྱིན་བརླབས་ཀྱིས། །སྐུ་ཡི་སྤྲུལ་པ་ཕྱོགས་བཅུར་བཀྱེ། །གསུང་གིས་སེམས་ཅན་མཐའ་དག་གྲོལ། །ཐུགས་ནི་ཚད་མེད་བཞི་དང་ལྡན། །ཉི་ཟླ་གསལ་བའི་དཀྱིལ་འཁོར་དུ། །ཚེ་དཔག་མེད་པར་དབང་བསྐུར་ནས། །ཡང་དག་ཉིད་ལ་ཡང་དག་སྒྲོལ། །ཡང་དག་བསྒྲལ་ན་བདེ་ཆེན་ཐོབ། །མི་ལྡོག་ས་ལ་ངེས་པར་ཕྱིན། །ཕྱིན་པ་ཙམ་གྱིས་དབང་ཐོབ་ནས། །རྒྱལ་བའི་ཞིང་ཁམས་དབྱིངས་ཉིད་མཐོང་། །རྒྱུ་དྲུག་གནས་སུ་མི་སྐྱེ་ཕྱིར། །དཔའ་བོ་འབྲུ་ལྔས་ལམ་ལྔ་དགག །ཨོ་ཨི་ཧཱུཾ༷་གྲྭ་ཧྭ། འོག་མིན་དགའ་ལྡན་ལྷ་ཡུལ་དུ། །ཡེ་ཤེས་རླུད་གིས་བཏེགས་ནས་ནི། །སྦྱོར་བའི་ལྷུམས་སུ་ཕཊ་ཀྱིས་་་་་་་་༄༅། འཕང་། །ཨ་དྲི་སུ་ཏྲི་པྲེ་དུ། གང་ཡང་རུང་བའི་རྣམ་ཤེས་དེ། །གསང་བའི་དབྱིངས་སུ་ཧཱུཾ༷་གིས་བསྡུ། །སྐུར་བསྐྱེད་ཡེ་ཤེས་སྐུར་སྤྲོས་ཏེ། །དབྱིངས་དང་ཡེ་ཤེས་ལྷུན་གྲུབ་པས། །སངས་རྒྱས་ཞིང་ས་རབ་འབྱམས་དང་། །བདེར་གཤེགས་ཕོ་བྲང་དཀྱིལ་འཁོར་དུ། །རྫུ་འཕྲུལ་ཞབས་དང་ལྡན་པ་ཡིས། །འཕགས་པའི་ལམ་དུ་རླུད་ཞུགས་ནས། །ཆོས་ཀྱི་འཁོར་ལོ་སྐོར་ཞིང་གཤེགས། །འཇིག་རྟེན་ལྷ་ཡི་གཙོ་བོ་དང་། །ཉན་ཐོས་དགྲ་བཅོམ་རང་རྒྱལ་དང་། །ས་བཅུའི་བྱང་ཆུབ་སེམས་དཔའ་ཡིས། །འཇིག་རྟེན་འདས་པའི་མཆོད་པས་མཆོད། །སྟུག་པོས་བརྒྱན་པའི་ས་འདས་ནས། །པདྨ་སྦྱན་གྱི་ས་ལ་བཞག །འཆི་བ་མེད་པའི་ཆོས་སྐུ་ཐོབ། །སྟོང་གསུམ་མ་ལུས་བཏོན་པ་བས། །འབུམ་གྱི་ཆར་ཡང་མི་ཕོད་དེ། །རང་སེམས་མ་བཅོས་ཡེ་ནས་ཆུབ། །སྐྱེས་བུ་ཆེན་པོ་རྣལ་འབྱོར་གྱིས། །བསྒྲལ་བ་འབའ་ཞིང་སྙིང་རྗེའི་མཆོག །དེ་ནས་མ་ཏྲ་རུ་་་དེ་བསྒྲལ་ཏེ། །སྔོན་འབྱུང་བ་ཡི་གླེང་གཞི་དང་། །གཏན་ཚིགས་སུ་དགོངས་ནས། ཕྱི་རབས་ཀྱི་སྔགས་འཆང་རྣམས་ཡིད་ཆེས་པར་བྱ་བ་དང་། དད་པ་ཅན་གྱི་རྣལ་འབྱོར་པ་རྣམས་དྲང་བའི་ཕྱིར། དུར་ཁྲོད་ཆེན་པོའི་གནས་བརྒྱད་དང་། མ་མོ་ཆེན་མོ་བརྒྱད་དང་། རང་འབྱུང་གི་མཆོད་རྟེན་ཆེན་པོ་བརྒྱད། འདི་མན་ཆད་གཏན་ཚིགས་དང་བཅས་ཏེ་བསྟན་ཏོ། །གོང་དུ་བསྒྲལ་བའི་བསམ་རྒྱུད་ནི་འོག་ནས་ཞིབ་ཏུ་བསྟན་ནོ། །འདི་ ཡང་ བསྣོར་ ཏེ་ ལུང་ དཀྱུས་ ནས་བསྟན་ནོ། །བདུད་ དང་ དབང་ཕྱུག་ གཤིན་རྗེ་དེ། །ཐུགས་ རྗེ་ཚད་མེད་བཞིས་བསྒྲལ་ནས། །རོ་ཡི་ ཉལ་ ཐབས་ གན་རྐྱལ་ ཏེ། །འཛམ་བུའི་གླིང་ ལོའི་ གླིང་ཁམས་སུ། །བོར་ནས་ས་གཞི་གྱུར་པ་ནི། །དུར་ཁྲོད་ཆེན་པོ་བརྒྱད་དུ་གྱུར། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཉིས་ནི་གཡས་གཡོན་བརྐྱང་། །མགོ་དང་ལུས་སྙིང་ཡན་ལག་ཀུན། །གནས་ཀྱི་དུར་ཁྲོད་ཆེན་པོ་བརྒྱད། །དེ་ནི་དཔལ་ཆེན་བཞུགས་གནས་ཡིན། །ཐུགས་རྗེ་ཆེན་པོའི་བྱིན་བརླབས་ཀྱིས། །རོ་ཡི་སྲུང་མ་ཆེན་མོ་ནི། །མ་མོ་ཆེན་མོ་བརྒྱད་བཞག་གོ །དེ་ཡི་གནས་རྟེན་ཆེན་པོར་ཡང་། །མཆོད་རྟེན་ཆེན་པོ་གཟི་བྱིན་ཅན། །རང་འབྱུང་རེ་རེ་བཞག་པ་ཡིན། །དེ་ལྟར་ས་གཞི་འདི་ཀུན་ཡང་། །བཀྲ་ཤིས་ཡ་མཚན་ཐུགས་རྗེ་ཅན། །ཆོས་དང་དངོས་གྲུབ་འབྱུང་བའི་གནས། །ཆོ་འཕྲུལ་འབྱུང་བར་བཀའ་སྩལ་ཏོ། །དེ་ཡི་ལུས་སྙིང་མ་ག་ཏ། །དུར་ཁྲོད་ཆེན་པོ་བསིལ་བའི་ཚལ། །མ་མོ་ཆེན་མོ་ཀེའུ་རི་གནས། །མཁས་ཤིང་སྙིང་སྟོབས་ཆེ་བའི་སའོ། །མཆོད་རྟེན་མིང་ནི་བདེ་བྱེད་རྟེན། །དེ་ཡི་མགོ་བོ་ལྷོ་ཕྱོགས་ཀྱི། །དུར་ཁྲོད་ཆེན་པོ་བཞག་པ་ནི། །སིང་ག་ཡུལ་གྱི་གླིང་ཕྲན་ཡིན། །མ་མོ་ཆེན་མོ་ཙོའུ་རི་གནས། །མཐོང་ཐོས་རྣམ་པའི་འབྲུལ་བགཅན། །མཆོདརྟེན་རི་བོ་ཏ་ལ་ལ། །ལག་པ་གཡས་པ་ཤརལྷོའི་མཚམས། །དུར་ཁྲོད་ཆེན་པོ་བལ་ཡུལ་ཡིན། །མ་མོ་ཆེན་མོ་པུསྐ་སི། །ལྷག་པར་ཟས་ཀྱི་ལོངས་སྤྱོད་ཆེ། །མཆོད་རྟེན་ཁ་ཤོ་བྱུ་ལྟི་ཁའོ། །ལག་པ་གཡོན་ནི་ལྷོ་ནུབ་མཚམས། །དུར་ཁྲོད་ཆེན་པོ་ས་ལའི་ཡུལ། །མ་མོ་ཆེན་མོ་བེ་ཏ་ལི། །ཕྱག་ན་རྡོ་རྗེ་དབང་གི་གནས། །དེ་ན་མཐུ་དང་དབང་ཡང་ཆེ། །གྱད་ཡུལ་ཆེན་པོའི་ས་ལས་ནི། །མཆོད་རྟེན་མ་ལ་ས་གན་ད། །རྐང་པ་གཡས་པ་བྱང་ཤར་མཚམས། །དུར་ཁྲོད་ཆེན་པོ་ལི་ཡི་ཡུལ། །མ་མོ་ཆེན་མོ་ཙཎྜལི། །ལྷ་མོ་ཤང་ཀི་ནི་ཞེས་གྲགས། །ཆུ་དང་མེ་གྲུབ་རྫུལ་འཕྲུལ་ཅན། །མཆོད་རྟེན་མིང་ནི་གེའུ་ཏོ་ཤན། །རྐང་པ་གཡོན་པ་ནུབ་བྱང་མཚམས། །དུར་ཁྲོད་ཆེན་པོ་ཁ་ཆེའི་ཡུལ། །མ་མོ་ཆེན་མོ་པྲ་མོ་ཧ། །བདེ་སྐྱིད་ལྡན་པ་ཕུན་གསུམ་ཚོགས། །མཆོད་རྟེན་མིང་ནི་སྐེ་ནི་སྐ། །ཕོ་མཚན་སྟེང་གི་བྱང་ཕྱོགས་ན། །དུར་ཁྲོད་ཆེན་པོ་ཨུ་རྒྱན་ཡུལ། །མ་མོ་ཆེན་མོ་ཀས་སྨ་རི། །འབྱོར་པའི་ལོངས་སྤྱོད་ལྔ་དང་ལྡན། །དངོས་གྲུབ་ཅན་ཡང་དེ་ན་མང་། །གཟི་ཡི་མཆོད་རྟེན་ཆེན་པོ་སྟེ། །མིང་ཡང་དྷ་རྨ་ཙ་ཀྲའོ། །དེ་ཡི་ནང་གྲོལ་ཐམས་ཅད་ཀུན། །དུར་ཁྲོད་ཆེན་པོ་ཟ་ཧོར་ཡུལ། །རྒྱ་མཚོའི་སྒོ་གླིང་མ་ཧ་དོ། །ལང་ཀ་པུ་རངས་སྲིན་པོའི་གནས། །མམོཆེན མོསྨཤ ནི། །མངོན་ཤེས་རྫུ་འཕྲུལ་བསམ་མི་ཁྱབ། །སྲིན་པོ་སྲིན་མོ་ཤ་ཟ་རྣམས། །དེ་དག་ཀུན་ལ་དབང་སྒྱུར་ཞིང། །རིན ཆེནནོརདངདཔག་བསམ་ཤིང་། །འབྱོར་པའི་ཡོ་བྱད་ཀུན་དང་ལྡན། །མཆོད་རྟེན་བདེ་བྱེད་གཞོན་ནུའོ། །འཇིག་རྟེན་ཀུན་དུ་བསྟན་པ་ཡི། །དུར་ཁྲོད་ཆེན་པོའི་གནས་བརྒྱད་དོ། །དེ་ལྟར་སྟ་ནའི་དཀྱིལ་འཁོར་འདིར། །འདས་པའི་དུས་ན་སྔོན་འབྱུང་བའི། །སངས་རྒྱས་ཀུན་གྱིས་བྱིན་གྱིས་བརླབས། །དེ་ལྟར་གྱུར་པའི་འཛམ་གླིང་དུ། །སྐྱེ་ཤི་གནས་པའི་ཡུལ་ཡིན་པས། །ཕྱི་རབས་སྔགས་ཀྱི་སྒྲུབ་པ་པོས། །འཇིགས་བྱེད་ཆེན་པོ་ཁྲག་འཐུང་གི །དུས་གསུམ་རྒྱལ་བའི་བཀའ་བཞིན་དུ། །བསྐྱེད་ནས་བྱིན་གྱིས་བརླབས་པ་ནི། །སྔགས་མཆོག་བདུད་རྩིར་བསྒྲུབ་པའི་ཕྱིར། །རྒྱུ་དང་དམ་རྫས་ཐམས་ཅད་ནི། །སངས་རྒྱས་སྒྲུབ་པའི་རྒྱུ་དང་བཞི། །དམ་ཚིག་དམ་པར་བསྲུང་བའི་རྫས། །བྱིན་གྱིས་བརླབ་པར་བྱ་བའོ། །དེ་ནས་འཇིགས་བྱེད་ཆེན་པོའི་དཀྱིལ་འཁོར་བསྐྱེད་དེ། ངེས་དོན་གཅིག་ཏུ་ལམ་རྒྱུད་ལྔ་ནི་འབྲས་བུ་ཆེན་པོ་ལྔ་ཡིན་ཏེ། དེ་དག་ཐམས་ཅད་འཇིགས་བྱེད་ཆེན་པོའི་དཀྱིལ་འཁོར་གྱིས་དུས་གཅིག་ཏུ་བསྒྲལ་བའི་ཕྱིར། བདུད་ཡསྒ་མ་ཧྭ་རུ་ཏྲ་ཞེས་བྱ་བ་ཞིག །དུས་དེར་བསྒྲལ་ཞིང་གནས་སྤར་རོ། །དེ་ལ་བདག་ཉིད་སྐུ་ནི་སྨུག་ནག་འབར། །ཕྱག་ན་མཚོན་ཆ་སྣ་ཚོགས་བསྣམས། །པྲརྙོ་ཀེ་ཤ་ཙི་ཏ་ཛ་ལ་ཧཱུཾ༷་ཕཊ། མ་ནུ་ད་ར༷་ཏོ་ཤ་ཕྱུང་། ཨུ་མ་ད་ར་མ་བཛྲ་མ་ཧྭ་མ༷་ས། ཏྲ་མ་ཁའི་ཞེས་བསྒྲལ་ཏེ། ཨེ་གྱེ་ཧི་མ་ཧྭ་རུ་ཏྲ། ཤ་ཏུ་མ་ཀ་ར། བཛྲ་ནི་ཧཱུཾ༷་ཕཊ། མ་ཧྭ་དེ་བ༷་རུ་ཏྲ་ཧཱུཾ༷་ཛ་ཛུ་ཞེས་བརྗོད་དེ། སྟ་ན་དང་བྷ་ན་ཆེན་པོར་བྱས། རྣམ་པར་ཤེས་པ་བྱང་ཆུབ་སེམས་སུ་དབང་བསྐུར་རོ། །དེ་ན་སྟ་ནའི་དཀྱིལ་འཁོར་འདིར། །དུར་ཁྲོད་བདག་པོ་བཏུལ་ནས་ནི། །འཁོར་བཅས་མ་ལུས་དབང་དུ་བསྡུས། །འཇིག་རྟེན་གཙོ་བོ་ལྷ་བརྒྱད་དང་། །སྲིན་མོ་བརྒྱད་དང་བུ་མོ་བརྒྱད། །དབང་ཕྱུག་ཉི་ཤུ་རྩ་བརྒྱད་ཀྱིས། །འདི་སྐད་ཅེས་ནི་ཁས་བླངས་ཏེ། །མགྲིན་གཅིག་ཏུ་ནི་རབ་སྨྲས་པ། །ཧོ་རྡོ་རྗེ་འབར་བའི་མེ་དཔུང་གིས། །བསྐལ་པ་བས་ཀྱང་སྲེག་མཛད་པ། །འཇིགས་ཚུལ་རྔམ་པའི་ཁྱད་པར་ཅན། །དབུ་མང་རྩུབ་པའི་ཚིག་སྒྲོགས་ཤིང་། །ཕྱག་མ་འཇིགས་པའི་མཚོན་ཆ་བསྣམས། །ཞི་བའི་ཕྱག་སྟོང་སྤྱན་སྟོང་ཡང་། །འཇིག་རྟེན་ཁམས་ཀུན་སྤ་གོང་ན། །ཁྲོ་གཉེར་ཕྱག་སྟོང་སྤྱན་སྟོང་གིས། །དཔའ་བོ་སྒེག་དང་འཇིགས་སུ་རུང་། །རྒོད་དང་གཤེ་དང་འཇིགས་པར་བྱེད། །སྙིང་རྗེ་རྔམ་དང་ཞི་བར་སྟོན། །འབར་བའི་ཚོགས་ཆེན་སྣ་ཚོགས་ཅན། ཁམས་གསུམ་ལྷ་ཆེན་ཐམས་ཅད་དང་། །འཇིག་རྟེན་ཐལ་བར་རློག་མཛད་པ། །ཨེ་མ་ཧོ་ཆེ་མཆོག་ཧེ་རུ་ཀ །ཁྲོ་རྒྱལ་ཁྱོད་ལ་སྐྱབས་སུ་མཆིའོ། །ཐུགས་རྗེ་ནན་ཏན་བདག་ཅག་གཟུང་། །གལ་ཏེ་བཀའ་བཞིན་མ་བགྱིས་ན། །བདག་ཅག་རྣམས་ཀྱི་མགོ་ལུས་སྙིང་། །དུམ་བུ་བརྒྱར་ནི་གཏུབས་འགྱུར་བགྱིད། །དེ་ཕྱིར་འབར་བས་བདག་མ་གཏང་། །ཞེས་མཐུན་པར་སྨྲས་སོ། ཁམས་གསུམ་ཐམས་ཅད་བསྒྲལ་བའི་ཞིང་། །རྒྱུ་དྲུག་གནས་པའི་སེམས་ཅན་རྣམས། །བསྡུ་བའི་སྦྱོར་བས་ཀུན་བསྡུས་ནས། །མི་ལྡོག་དབྱིངས་སུ་ཡང་དག་ཉིད། །ཐིག་ལེ་ཆེན་པོས་དབང་བསྐུར་ཏེ། །ཟླ་གསང་དབུས་ན་བྱང་ཆུབ་སེམས། །རྫོགས་སངས་རྒྱས་ལ་སོམ་ཉིད་མེད། ཁྲ་ཆེན་བཤང་གཅི་ཁུ་བ་ཁྲག །བདེ་བཤེགས་ལྔ་ཡི་ས་བོན་ཏེ། །རྣམ་པར་དྲི་ཆེན་སྣང་བར་མཛད། །ཕྱི་རོལ་ཆེན་པོ་ལྔ་དག་ལ། །ནང་གི་རྒྱུ་འབྲས་ཡེ་ནས་དག །མི་བསྐྱོད་བྱང་ཆུབ་སེམས་ཉིད་དེ། །དམིགས་སུ་མེད་པས་དག་པ་ཡིན། །མ༷་ས་རིན་ཆེན་འབྱུང་ལྡན་པོ། །མཉམ་དང་མི་མཉམ་དབྱེར་མེད་དོ། །སྣག་པ་རཀྟ་མཐའ་ཡས་ཐུགས། །སྐྱེ་འགག་མེད་དེ་ཡེ་ནས་དག །དོན་ཡོད་དྲི་ཆུ་ལས་གྲུབ་པ། །དྲི་མེད་རྒྱུ་ནས་རྣམ་པར་དག །ཀུན་ཀྱང་གཙང་ཞིང་དྲི་མེད་པས། །ཐམས་ཅད་མ་ལུས་སངས་རྒྱས་ལྔ། །ལུས་པ་མེད་པས་ཡེ་ཤེས་དང་། །མ་བཅོས་ཡེ་ནས་དེ་ཉིད་དོ། །དེ་ཕྱིར་སྨན་ཆེན་བབ་ཀྱི་མཆོག །བདུད་རྩི་ཞེས་ནི་དེ་ལ་བྱའོ། །རྟོགས་པའི་ཀློང་དུ་སུ་འདྲིས་པ། །མི་ཞེས་བྱ་བ་སངས་རྒྱས་ཡིན། །བཅོམ་ལྡན་འདས་ནི་གུད་ན་མེད། །འབྱུང་བ་ལྔ་ལས་གྱུར་པའི་རྒྱུ། །སྤྲུལ་པས་རིགས་ལྔའི་སངས་རྒྱས་ཡིན། །རང་གི་ལུས་ལ་བསྡུ་བའི་ཕྱིར། །སྐུ་གསུམ་རྡོ་རྗེ་དབང་ཐོབ་འགྱུར། །དེ་ཕྱིར་བསྒྲུབ་པའི་རྫས་སུ་གསུངས། །དེ་སྐད་ཅེས་སྨན་སྤྱོད་པའི་ལུང་དུ་བཀའ་སྩལ་ཏོ། །བདུདརྩིཆེནཔོམཆོགགིལུང་འབུམ་སྡེར་བཞུགས་པའི་ནང་ནས། ལུང་ཨ་ནུ་ཡོ་གའི་སྤྱོད་པ་བླ་ན་མེད་པ་བསྟན་པ་སྟེ། བམ་པོ་ཆེན་པོ་བཞི་པ།། །། ༑ རྒྱ་གར་སྐད་དུ། ཀུ་ལ་པརྩི་བུརྙ་ན་མ༷༷། བོད་སྐད་དུ། རིགས་ལྔ་བདེ་བར་གཤེགས་པ་ལ་ཕྱག་འཚལ་ལོ། །མ་ཧྭ་ཡོ་གའི་དོན་དུ་བསྒྲུབ་པའི་ཐབས་འདི་བསྟན་ཏོ། །རི་ནི་ཉམས་དགའ་མདངས་བཟང་བའི། །ཡིད་འོང་གནས་སུ་འདུག་ནས་ནི། བྱིན་བརླབས་མཚམས་བཅད་བརྟན་བྱས་ནས། །དཀྱིལ་འཁོར་འདོམ་གང་གྲུ་བཞི་པ། །དྲི་སྣ་ལྔ་ཡིས་མཎྜལ་བྱའོ། །ཐིག་བཞི་བཏབ་པས་དཀྱིལ་འཁོར་བརྒྱད། །མཎྜལ་བརྒྱད་པའི་གཞུང་བཞིན་བྲི། །དེ་ཡི་རྩེ་མོ་བརྒྱད་ལ་ཡང་། །ཡིད་བཞིན་ནོར་བུ་འབར་བ་བྲི། །དེ་ཡི་དབུས་སུ་བསམ་པ་ཡང་། །སྲིད་གསུམ་བྷརྙ་བཟང་ཀོང་ཡུག །ཡེ་ནས་མ་བཅོས་རང་འབྱུང་སྣོད། །དཔལ་དང་ལྡན་པའི་སྣོད་བཞག་ལ། །དེ་ཡི་ནང་དུ་སྔུགས་པའི་སྨན། །ཡེ་ནས་རང་འབྱུང་བདུད་རྩི་ལྔ། ཁྲ་ཆེན་བཤང་གཅིག་ཁུ་བ་ཁྲག །དག་པའི་རྒྱུ་སྟེ་བདུད་རྩིའི་དངོས། །སྟོང་ལས་སྦྱར་བས་ཡེ་ནས་དག །བཏག་དང་བཙག་དང་གཞལ་བ་ཡི། །ཉི་ཟླ་གསལ་བའི་དཀྱིལ་འཁོར་དུ། །འབྲུ་ལྔ་ཡེ་ཤེས་འཕྲོ་འདུ་ལས། །སྟོང་ཁམས་ཁྱབ་པར་དོན་བྱས་ཏེ། །བཅུད་ཀྱི་དམ་པ་ཀུན་བསྡུས་ནས། །དུས་གསུམ་སངས་རྒྱས་མཆོད་པའི་ཕྱིར། །བཀའབཞིནབསྟནཔའིདངོས་གྲུབ བླང། །མུཏིགདཀརཔོདྲིམེད་ལྟར། །སྒྲུབ་པ་པོས་ནི་ནན་ཏན་བྱའོ། །འགུ་ཡ་ལག་པའི་ཕྱག་རྒྱ་ཡིས། །གཞུད་བཞིན་བརྟན་ནས་འཕྲོ་འདུ་བྱ། །དེ་དབུས་ཀླུ་བདག་ས་བོན་གྱིས། །དངོས་གྲུབ་དམ་པ་བླང་བར་བྱ། །དགུ་པའི་སྔགས་ཀྱིས་བཏབ་ནས་ནི། །ལེ་ལོ་མེད་པའི་བརྩོན་འགྲུས་ཀྱིས། །བར་ཆད་མེད་པའི་འཕྲོ་འདུ་བྱའོ། །ཨོ་གྱིས་ཡེ་ཤེས་འོད་ཕྱུང་ཞིང་། །ཨུ༷༷ཡིས་མེས་བསྲེགས་ཐལ་བར་འགྱུར། །ཧཱུཾ༷་གིས་བདུད་རྩི་རྣམ་པར་དག །གསལ་ལ་འབྱུང་འཇུག་ལྷན་ནེ་བོས། །རྟགས་དང་མཚན་མ་བདུན་གྱིས་འབྱུང་། །འོད་དང་དུ་བ་དྲི་དང་སྒྲ། །ལྷ་མོའི་གཟུགས་ཀྱང་སྟོན་པར་འགྱུར། །མང་དུ་འཕེལ་ན་བསྒྲུབ་རྫས་ཡིན། །དེ་ལ་ཡ་མཚན་བསྐྱེད་མི་བྱ། །མཚན་མའི་རྟགས་དག་མ་བྱུང་ན། །བསྐང་གསོའི་ཆོ་ག་རྒྱ་བསྐྱེད་ཅིག །སྤོགས་ཐགས་བསྐྱར་ལ་རྩལ་ཤུགས་དབྱུང་། །དམ་ཚིག་ཆེན་པོ་བསྐང་བའི་ཕྱིར། །བསྒྲུབ་རྫས་རྣམས་ཀྱང་བསྟར་ནས་གཞག །དེ་ནས་མཆོད་ཅིང་དངོས་གྲུབ་བླང་། །སློབ་མ་ལ་ཡང་དབང་བསྐུར་རོ། །བླ་མ་ལུང་ལྡན་དེས་ཀྱང་ནི། །ཚིགས་སུ་བཅད་པ་འདི་དག་བརྗོད་དོ། །གདོད་ནས་མ་སྐྱེས་རྣམ་དག་ཆོས་ཀྱི་དབྱིངས། །དག་དང་མ་དག་མི་རྟོག་རྟོག་ལས་འདས། །སྔ་མ་འདས་དང་ད་ལྟར་ཕྱིས་འབྱུང་བ། །དུསགསུམགཅིགལསྐུབསྟན་ཕྱི་བཤོལ་མེད། །དངོས་གྲུབ་སྣ་ཚོགས་རླབས་ཆེན་འབར་བ་ཅན། །སུ་འདོད་སྦྱིན་གྱིས་ད་ལྟ་འདི་ལ་ལོང་། །སྐལ་པར་སྦྲེབས་དང་གཏི་མུག་མུན་ནག་ལ། །སྤྲིན་མཐོངས་ཉི་ཤར་ཁུད་པར་དྲོ་བ་བཞིན། །བདུད་རྩི་རྒྱལ་པོ་དབང་ཆེན་འདི་བྱིན་པས། །རིག་འཛིན་རྒྱལ་པོ་གཙོ་བོའི་གོ་འཕང་ཐོབ། །ཚེ་དང་སྐོངས་དང་ཡིད་དུ་འོང་། །བགེགས་རྣམས་ཞི་བ་ལ་སོགས་ཏེ། །ནད་དང་བྲལ་ནས་ཅི་འདོད་པའི། །ཡོན་ཏན་རྩ་བརྒྱད་འདི་ཡིས་ཐོབ། །ཞེས་བཀའ་སྩལ་ནས། །དེ་ནས་ཡང་བཅོམ་ལྡན་འདས་རིགས་ལྔ་བདེ་བར་གཤེགས་པས་བཀའ་སྩལ་ཏོ། །བཅོམ་ལྡན་འདས་ཀྱིས་ལུང་འདི་ལས། །དབང་བསྐུར་གནང་བ་གང་ཡིན་པ། །འཁོར་རྣམས་ཀུན་གྱིས་ཐོབ་པར་ཤོག །ཞེས་བཀའ་སྩལ་ཏོ། །ཡང་འཁོར་ཉེ་བའི་སྲས་མཆོག་དམ་པ་འཇམ་དཔལ་ལ་སོགས་པས་དབང་མནོས་ནས། ཡང་རིགས་ལྔ་དང་རིགས་རྒྱ་མཚོའི་གཙོ་བོ་ལ་ལུང་གི་དོན་ཞུས་པ། རྟོག་པ་དང་མི་རྟོག་པའི་དོན་ཇི་ལྟར་བལྟ། དོན་གྱི་འབྲས་བུ་གང་ལགས་ཞེས་གསོལ་པ་ལས། །ཀུན་ཏུ་བཟང་པོ་དང་རིགས་ལྔ་བདེ་བར་གཤེགས་པས་བཀའ་སྩལ་པ། ཚངས་དང་དྲང་སྲོང་གཙང་མ་ཟ། །དེ་དག་གྲོལ་བར་ངས་མ་བཤད། །ཀླུ་དང་བྲམ་ཟེ་གཙང་མ་ཟ། །དེ་དག་གྲོལ་བར་ངས་མ་བཤད། །བྱོལ་སོང་རྩ་མཆོག་ཟ་བ་ཡང་། །ཇི་སྲིད་འཚོ་བའི་བར་དུ་ཟ། །དེ་དག་གྲོལ་བར་ངས་མ་བཤད། །ཡང་དག་དོན་གྱི་ལུང་འདི་ཉོན། །རྣལ་འབྱོར་ཐབས་དང་ལྡན་པས་ནི། །ཆོས་སྐུ་གཅིག་ལས་ཐ་དད་པའི། །རིགས་ལྔའི་ཁ་དོག་འདི་བཤད་དོ། །འདི་ལྟར་རྟོགས་པོ་ལྔ་པ།། །། ༑ རྒྱ་གར་སྐད་དུ། ཨ་མྲི་ཏ་ཀུཎྜལི་ན་མ༷༷ བོད་སྐད་དུ། བདུད་རྩི་འཁྱིལ་པ་ལ་ཕྱག་འཚལ་ལོ། །བདུད་རྩི་རྒྱལ་ལ་ཕྱག་འཚལ་ནས། །བདུད་རྩི་སྦྱོར་བའི་ཐབས་བསྟན་ཏེ།དེ་བཞིན་གཤེགས་པ་ཀུན་གྱིས་བདུད་རྩི་བསྒྲུབ་པའི་དགོངས་པ་ལ་ཞུགས་ཏེ། དེ་ནས་བདུད་རྩི་རྒྱལ་པོ་ཡིས། བདུད་རྩི་སྦྱོར་བའི་ཐབས་འདི་བསྟན་ཏེ་བཀའ་སྩལ་ཏོ། །དང་པོར་ཕུན་སུམ་ཚོགས་པའི་ཡུལ། དགའ་ཞིང་བར་ཆད་མེད་པའི་གནས། །བཙལ་ནས་ཉིད་ཀྱི་དབང་དུ་བྱའོ། །དེ་ནས་རང་ལུས་བགྲུང་བའི་ཕྱིར། །ལག་ཆ་ཕུན་སུམ་ཚོགས་པ་ཡིས། །བར་ཆད་བྱེད་པའི་དགྲ་བགེགས་བཟློག །དེ་ནས་བསྒྲུབ་པའི་ཡོ་བྱད་རྣམས། །འཚེ་བ་ཟས་ཀྱི་ཡོ་བྱད་དང་། བསྒྲུབ་པ་དམ་རྫས་ཡོ་བྱད་དང་། །རྐྱེན་ཟློག་སྨན་གྱི་ཡོ་བྱད་དང་། །དེ་ལྟར་ཕུན་སུམ་ཚོགས་ལྡན་ནས། །ཇི་བཞིན་བདེ་བར་འདུག་ནས་ནི། །ས་གཞི་རབ་ཏུ་སྦྱངས་བྱས་ཏེ། །ཚེས་གྲངས་ཡར་གྱི་བརྒྱད་ལ་བརྩམ། །སྔ་དྲོའི་དུས་ནས་དཀྱིལ་འཁོར་བྱ། །མཎྜལ་འདོམ་གང་བ་ལྔ་བྲི། །བསྒྲུབ་པ་ཆེན་པོ་བྱ་བའི་ཕྱིར། །དྲི་ཆེན་དྲི་ཆུའི་སྐྱོང་ནུལ་བྱའོ། །དུར་ཁྲོད་ཐོད་པ་ལྔ་ནང་དུ། །ཚིལ་ཆེན་མེ་མར་རེ་རེ་ཡང་། །མེ་མར་སྡོང་བུ་ལྔ་བརྒྱ་བྱའོ། །མེ་མར་ལྔ་བརྒྱ་གཏམས་ནས་ནི། །དེ་ནས་བསྒྲུབ་པ་བརྩམ་བྱ་ཞིང་། །རྫོགས་པའི་ལས་ནི་རྣམ་བཞི་བྱ། །ཞི་བའི་ཚེ་ན་བྱང་དུ་བལྟའོ། །གྭ་ནའི་ཚེ་ན་ནུབ་ཏུ་བལྟའོ། །སྟ་ན་ཆེན་པོ་ལྷོ་རུ་བལྟའོ། །རྒྱས་པའི་ཚེ་ན་ཤར་དུ་བལྟའོ། །ཡང་ན་ཕྲིན་ལས་རྣམ་པ་བཞི། །སོ་སོའི་ཕྱོགས་ཕྱོགས་དག་ནས་བལྟའོ། །དེ་ལྟར་འདུག་སྟངས་བསྟན་ནས་ནི། ཁྲར་གྱི་དཀྱིལ་འཁོར་སྟེང་དུ་ནི། །བསྒྲུབ་རྫས་ཐམས་ཅད་གཞག་པར་བྱའོ། །ལྷོ་ཡི་དཀྱིལ་འཁོར་སྟེང་དུ་ནི། །མེ་མར་ལྔ་བརྒྱ་སྨོས་པ་བཞག །ནུབ་གྱི་དཀྱིལ་འཁོར་སྟེང་དུ་ནི། །སྒྲུབ་པ་ཡབ་ཡུམ་གནས་པར་བྱ། །བྱང་གི་དཀྱིལ་འཁོར་སྟེང་དུ་ནི། ཁུ་མཆོག་ཆེན་པོ་གཞག་པར་བྱ། །དབུས་ཀྱི་དཀྱིལ་འཁོར་སྟེང་དུ་ནི། །བྲམ་ཟེ་བཀྲ་ཤིས་གཙང་མའི་རིགས། །བཀྲ་ཤིས་ཐོད་པ་གཞག་པར་བྱའོ། །ཡང་ན་བྷརྙ་དཔལ་ལྡན་རྫོགས། །ཟླུམ་ཞིང་འཁྱིལ་པ་པདྨ་འདྲ། །དབུས་ན་བུ་ག་གཅིག་ཡོད་པ། །དེ་ཡི་ནང་དུ་དྷི་ཞེས་བྲིའོ། །དེའི་ནང་དུ་བླུགས་པ་ནི། །སྙིང་པོ་ཚིམ་བྱེད་བཅུད་ཀྱི་མཆོག །གཙོ་བོ་ལྔ་དང་འབྲས་བུ་ལྔ། །དྲི་ཞིམ་བཅུད་ལྡན་ཐམས་ཅད་ཀུན། །འདི་དག་རབ་ཏུ་བསྐྱབ་པའི་ཕྱིར། །མང་པོ་འདུས་པ་མཐུ་བྱིན་ཚེ། །ཡང་ན་རྩ་བ་བརྒྱད་དང་སྦྱར། །གོ་ཙི་ཧྭ་དང་ལེང་ལེང་ཧྭ། །གིའུ་ཝང་ཙིའུ་ཏང་ར་ས་ཡན། །ག་པུར་མུ་ཏིག་ལན་ཚྭ་རྣམས། །འདི་རྣམས་རྩ་བ་རྒྱད་དང་སྦྱར། །ཡང་ན་གཙོ་བོ་ལྔར་སྦྱར་བ། །ཨ་འབྲས་རྒུན་འབྲུམ་པ་ན་སེ། །གེར་རྒྱ་ཨ་རུ་ར་དང་ལྔ། །འདི་ནི་ནང་གི་འབྲས་བུ་ལྔའོ། ཁྲ་ལྔ་དག་དང་སྦྱར་བ་ཡང་། །དབང་པོ་ལྔ་ཡི་གཟུགས་དང་སྦྱར། །དེ་ཡི་ཕྲང་དུ་དགོས་པ་ཡང་། །མིག་དང་རྣ་བ་སྣ་དང་ལྕེ། །གཙོ་བོ་ཙིསྟ་ཉིད་དང་ལྔའོ། ཁེང་ཏོག་རྒུན་འབྲུམ་ཀ་ཀོ་ལ། །ཨ་འབྲས་པ་ན་བུམ་ཤ་ལྔའོ། །དྲི་ནི་ཆེན་པོ་སྣ་ལྔ་དང་། །ཆ་ཡི་གྲངས་དང་མཉམ་སྟེ་སྦྱར། །ནཱ་ཀ་གེ་སར་ཤིང་ཚ་དང་། །སུག་སྨེལ་གརྙ་པ་ཏྲ་དང་། །ཀུན་དུ་རུ་དང་དྲི་སྣ་ལྔའོ། །ཡང་ན་དྲི་ཡི་རྒྱལ་པོ་ལྔ། །རྒྱ་སྤོས་ཛུ་ཏི་ཕ་ལ་དང་། །ག་བུར་ཙསྡོ་ལི་ཤི་ལྔའོ། །དེ་བཞིན་སྤོས་ལྔའི་དམ་པ་ཡང་། །ཨ་ཀ་རུ་དང་དུ་རུ་སྐ། །པོག་དང་སྦྲང་རྩི་ལྕེ་པོག་དང་། །གསེར་དངུལ་ཟངས་ལྕགས་གཡུ་དང་ལྔ། །བདར་རམ་ཞིབ་ཏུ་བཏགས་ཏེ་བླུགས། །འདི་དག་རབ་ཏུ་མཉམ་ཞིང་སོགས། །འདི་དག་སྦྱར་ཞིང་བཏག་པའི་སྔགས། །ཨོ་ཨ་མྲི་ཏ་མུ་ས་ལ། གྲ་ཧེ་ཧ་ན་ཧ་ན་ཧཱུཾ༷་ཕཊ། འདི་རྣམས་སྦྱར་བའི་བདུད་རྩི་མཆོག །དངོས་གྲུབ་འབྲས་བུ་ངེས་ཐོབ་བོ། །འབྲས་བུ་རྣམ་ལྔ་བསྒྲལ་བའི་ཕྱིར། །བྱང་གི་ཕྱོགས་ཀྱི་དཀྱིལ་འཁོར་དུ། །མེ་ལྕེ་གླ་གླི་སྙིང་ལ་སོགས། །གསང་བའི་བརྡ་ཚིག་དག་གིས་ནི། །དེ་དག་རབ་ཏུ་སྦ་ཞིང་བསྒྲུབ། །ཕྱོགས་བཞི་དབུས་དང་ལྔ་རུ་གཞག །རྒྱུ་མཆོག་ཆེན་པོ་ཁྲུས་བྱས་ནས། །མངོན་སྤྱོད་མངོན་སྤྱོད་ཡ་མཚན་གྱི། །འཇིག་བྱེད་འཇིགས་བྱེད་ཆེན་པོ་ཡི། །ཨེ་ཡི་དཀྱིལ་འཁོར་སུམ་བརྩེགས་ཀྱི། །སྟེང་དུ་བཞག་ནས་དབང་བསྐུར་རོ། །དེ་ནས་དཔལ་ཆེན་ཧེ་རུ་ཀ །དུར་ཁྲོད་བདགཔོཆེནཔོནི། །ཆེམཆོག་ཤིན་ཏུ་མི་བཟད་པ། །དབུ་མང་ཕྱག་ཆ་རྩུབ་པ་བསྣམས། །སྨུག་ནག་སྐུ་ནི་འབར་བ་ཅན། །ཞལ་ནི་ཉི་ཤུ་རྩ་གཅིག་སྟེ། །ཕྱག་ཀྱང་བཞི་བཅུ་རྩ་གཉིས་སོ། །ཨོ་བཛྲ་མ་ཧྭ་ཕྲོ་ཧེ་རུ་ཀ །རོ༷་ཛ་ལ་ཧཱུཾ༷། གསང་བའི་ཡུམ་ཡང་ཡབ་དང་མཐུན། །མ་ཧྭ་ཀྲོ་དྷི་ཤྭ་རི། ཨོ་སརྦ་ཐུ་ག་ཏ་མུ་དྲུ་ཨ་སྟི་ཤི྅་ཧཱུཾ༷། ཞེས་ཡུམ་དབང་བསྐུར་ནས། གཞན་ཡང་རིགས་དང་མཐུན་པ་སྲ །ཕྱོགས་བཞི་དག་ཏུ་དགོད་པར་བྱའོ། །དེ་ཡང་ཚུལ་བཞིན་བྱིན་གྱིས་བརླབ། །ཨེ་གྱེ་ཧི་མ་ཧྭ་རུ་ཏྲ་ཧཱུཾ༷་ཕཊ། སརྦེ་ད་ཨ་ཨ་ཞེས་བརྗོད་པས། ཙིསྟ་དྲང་ངོ་། །ཡང་ནས་ཡང་དུ་སྤར་བྱས་ཏེ། །དུག་གསུམ་རྩ་བ་དེར་གཅད་དོ། ཁུ་འབྲས་མཐུན་ཞིང་སྦྱར་བ་ཡང་། །ཡངས་ཤིང་རྒྱུད་ལ་གོམས་པ་དང་། །ཆོས་སྐུ་ཞི་བའི་ཏིང་འཛིན་ཡོད། །ཡོན་ཏན་བརྒྱད་དང་ལྡན་པ་ལ། །ངེས་པའི་དོན་དབང་ཐོས་པར་བྱའོ། །འབྱུང་བ་བཞི་ལས་སྐྱེད་པའི་ཡུམ། །ཚུལ་བཞི་དག་དང་ལྡན་པའམ། །ཡང་ན་མཚན་བཟང་སུམ་ཅུ་ནི། །ལུས་ལ་རྫོགས་པར་ཡོད་པ་ལ། །ཟླ་གསང་དཀར་དམར་རླུད་དཀར་ལྕི། །དེ་བཞིན་སྲིང་མོ་རྣལ་འབྱོར་མ། །བཙལ་ནས་བསྒྲུབ་པ་ཆེན་པོ་བྱའོ། །འོ་མ་སྤོས་ཆུས་མགོ་ལུས་བཀྲུ། །དཀྱིལ་འཁོར་ནང་དུ་གཞག་པར་བྱ། །འཛགས་པའི་དུས་སུ་སྦྱར་བ་ཡི། ཁྲག་ཆེན་པོ་ནི་སེམས་དང་བཅས། །ར་ས་ཡ་ནའི་གཙོ་བོར་བྱའོ། །བདུད་རྩི་དམ་པའི་སྣོད་བསྟན་པ། །ཀུན་བྱེད་ཐམས་ཅད་ཟ་བ་ཡིས། །སློབ་མ་དཔའ་བརྟུལ་གཙང་སྦྲ་ཅན། །སྐྱོན་དྲུག་རྣམ་པར་སྤངས་པ་ཡི། །མི་ཕྱེད་པ་ནི་དགུ་དང་ལྡན། །དམ་ཚིག་ཐམས་ཅད་མ་མཉམས་ཤིང་། །སྲོག་ལུས་བུ་དང་ཆུང་མ་དང་། །རིན་ཆེན་སྣ་ཚོགས་འབུལ་བྱེད་པ། །སྲིང་མོ་ཤིན་ཏུ་བརྒྱན་པ་ཡང་། །སློབ་དཔོན་བླ་མ་དེ་ལ་དབུལ། །དེ་ལྟར་འབུལ་བའི་སློབ་མའི་མཆོག །ཡུད་ཡང་པ྅་ཡན་ཆད་ཀྱིས། །རབ་ཏུ་འབྲུ་རྣི་གདམས་པས་བྱའོ། །ཐུགས་ཀྱི་དངོས་གྲུབ་དམ་པ་འདི། །རང་བྱུང་ང་ཡིས་བསྟན་པའི་ཕྱིར། །རེ་བ་མེད་པས་བླང་བར་བྱ། །མ་དག་པ་ནི་མཚམས་གཅད་དོ། །ལས་ཀྱི་གཙོར་ནི་བསྐང་བ་དང་། །སྦྱང་དང་མཚམས་དང་གསལ་བར་བྱའོ། །ཉི་ཟླ་པདྨ་ཡང་དག་གནས། །བདག་ཉིད་དཔའ་བོ་འབྲུ་ལྔ་ཡིས། །གནས་ལྔ་དག་ཏུ་བསམ་པར་བྱའོ། །དངོས་གྲུབ་རབ་འབྲིང་ཐ་མ་གསུམ། །མ་ཐོབ་བར་དུ་མི་གཏང་ཞིང་། །གཏང་ན་བར་ཆད་ཆེན་པོ་འགྱུར། །གསང་སྔགས་བདུད་རྩི་ཡོན་ཏན་འདི། །སད་པའི་ཕྱིར་ཡང་བསྒྲུབ་དགོས་ན། །མཁས་པས་བདེན་པའི་དོན་ཤེས་ནས། །དོན་ལ་ཐེ་ཚོམ་ཅི་སྟེ་ཟ། །ཞེས་ཐེ་ཚོམ་བཅད་ལ། དངོས་གྲུབ་བླང་པའི་སྔགས་འདིའོ། །ཨ་ཧོ༷སུ་ཁ་དྷརྨ་ཀྭ་ཡ་ནི། ཨ་མྲི་ཏ་སིདྷ་སྙི༷༷ ཞེས་དངོས་གྲུབ་བླང་ངོ་། །གནས་ལྔ་དག་ཏུ་བསམ་པ་ཡང་། །སྤྱི་གཙུག་དབུས་སུ་ཟླ་བ་སྟེ། །དེར་ནི་ཨོ་དཀར་འོད་ལྡན་པ། །འོད་ཟེར་ལྔ་ནི་འཕྲོས་པ་ལས། །སླར་འདུས་སྣང་མཛད་གཙོ་བོ་སྟེ། །རྟག་པའི་ཕྱག་རྒྱ་བཅིངས་པའོ། །ལྕེ་ལ་ཧྲི་དམར་འོད་འཕྲོས་པས། །སླར་འདུས་མཐའ་ཡས་ཆོས་ཀྱི་གསུང་། །མཉམ་པའི་ཕྱག་རྒྱར་གནས་པའོ། །སྙིང་གར་ཡི་གེ་ཧཱུཾ༷་མཐིང་ག །འོད་ཟེར་ལྔ་ནི་འཕྲོ་བའོ། །སླར་འདུས་མི་འཁྲུགས་སེམས་དཔའ་སྟེ། །ཕྱག་གཉིས་རྡོ་རྗེ་དྲིལ་བུ་བསྣམས། །ཡང་ན་བདུད་འདུལ་ས་གནོན་ནོ། །ལྟེ་བར་ཡི་གེ་གྲྭ་སེར་པོ། །འོད་ཟེར་ལྔ་ནི་འཕྲོ་བ་ལས། །སླར་འདུས་རིན་ཆེན་དམ་པའི་གཙོ། །ཕྱག་རྒྱ་ཡིད་བཞིན་སྤྱིན་པའོ། །གསང་བར་ཡི་གེ་ཧ་ལྗང་གུ། །འོད་ཟེར་སྣ་ལྔ་འཕྲོ་བ་ལས། །སླར་འདུས་དོན་ཡོད་གྲུབ་པ་སྟེ། །ཞི་བའི་ཕྱག་རྒྱར་མཉམ་རྫོགས་པའོ། །རིགས་ལྔ་གཏོགས་པ་འདི་ཀུན་ཡང་། །རང་འབྱུང་གི་ནི་དཀྱིལ་འཁོར་ཡིན། །དེ་ལྟར་འོད་ཟེར་ལྔ་ལྔ་ཡིས། །ཉི་ཤུ་རྩ་ལྔའི་འཕྲོ་འདུ་ལས། ཁམས་གསུམ་འགྲོ་བའི་དོན་བྱས་ནས། །སླར་འདུས་སྨན་ལྔ་ཉིད་ལ་བསྡུ། །སྨན་ཉིད་ཕྱག་རྒྱར་གསལ་འབར་ནས། །འོད་ཟེར་སྣ་ལྔ་སླར་འདུས་ནས། །ཕྱག་མཚན་སོ་སོར་གསལ་འགྱུར་ཏེ། །གསེར་གྱི་འཁོར་ལོ་ཟུར་བརྒྱད་ལས། །དྲི་ཆེན་བདུད་རྩི་ཞུ་བའོ། །ཧཱུཾ༷་ལས་རྡོ་རྗེ་རྩེ་ལྔ་པ། །འབར་ནས་བྱང་ཆུབ་སེམས་སུ་ཞུ། །གྲྭ་ལས་རིན་ཆེན་འོད་འབར་ཏེ། །མ་ཧྭ་མ༷་ས་བདུད་རྩིར་ཞུའོ། །ཧྲི༷༷ལས་འོད་ཟེར་སྣ་ཚོགས་པའོ། །པདྨ་རཀྟ་ཐིག་ལེར་ཞུའོ། །ཧ་ལྗང་འོད་འཕྲོ་སྣ་ཚོགས་པས། །དག་པའི་དྲི་ཆུ་བདུད་རྩིར་ཞུའོ། །དེ་ལྟར་འཕྲོ་འདུ་བྱ་བ་ཡང། །གོམས་པས་ཡང་ནས་ཡང་དུ་བྱའོ། །དེ་ནས་བདུད་རྩི་རྣམ་ལྔ་ལ། །བསམ་པའི་ཡི་གེ་དམ་པ་ལྔ། །ཨོ་ཧཱུཾ༷་གྲྭ་ཧི་ཨུ། རྩ་བའི་ཡི་གེ་ལྔ་པོ་ཡང་། །འོད་ཟེར་འཕྲོ་བ་སྔ་མ་བཞིན། །དེ་ནས་འཛབ་བསྒོམ་བཟླས་པའི་སྔགས། །དགུ་པ་འདི་ནི་འཛབ་དུ་དྲང་། །ཨོ་བཛྲ་ཙིསྟ་ས་མ་ཡ་ཧཱུཾ༷་ཐུ། དེ་ལ་བདུད་རྩིའི་ཕྱག་རྒྱ་ནི། །ལག་པ་གཡོན་པའི་དཔུང་པ་བརྐྱང་། །མཐེ་བོང་སྲིན་ལག་མཐིལ་དུ་དགུག །རྡོ་རྗེ་མཚོན་གང་བཅས་པ་དང་། །འཛུབ་མོ་གུང་མོ་མཐེའུ་ཆུང་བརྐྱང་། །སྦྱར་ཏེ་ལག་པའི་མཐིལ་གྱིས་ནི། །བདུད་རྩི་སྣོད་ཀྱི་སྟེང་དུ་གནོན། །དེ་ནས་བདུད་རྩི་བྱིན་གྱིས་བརླབ། །ཏིང་འཛིན་མེ་དང་འདྲ་བ་ལས། །བཟླས་བརྗོད་རླུད་དང་འདྲ་བ་ཡིས། །གླལ་དང་ལུད་པས་བར་མི་གཅད། །དེ་ནས་བདུད་རྩི་བྱིན་གྱིས་བརླབ། །བཛྲ་ཨ་མྲི་ཏ་ཨོ་ཨུ༷༷ཧཱུཾ༷་ཧྲི་ཐུ། །འདི་ནི་རྩ་བའི་དཀྱིལ་འཁོར་ལྔའོ། །ཛ༷༷ཧཱུཾ༷་བི་ཧོ་༷། །མ་ཧྭ་ཨ་མྲི་ར་ཨུ་བེ་ཤ་ཧོ༷༷། ཞེས་བཅོམ་ལྡན་འདས་བདུད་རྩི་རྒྱལ་པོས་བཀའ་སྩལ་ཏོ། །བདུད་རྩི་དམ་པ་མཆོག་གི་ལུང་ལས་འབྲས་བུ་ཆེན་པོ་ལྔ་བསྒྲལ་བའི་ལུང་ངེས་པ་དང་། དེ་བསྒྲལ་ནས་དེ་སྨན་དུ་སྦྱར་བའི་ཐབས་བསྟན་པའི་བདུད་རྩི་ཆེན་པོ་ས་མ་ཡ་འབུམ་སྡེ་ལས། བམ་པོ་ཆེན་པོ་དྲུག་པ།། ་། རྒྱ་གར་སྐད་དུ། ཨ་མྲི་ཏ་ཀ་ལ་ཤི་སིརྙི། བོད་སྐད་དུ། བདུད་རྩི་བུམ་པའི་ལུང་། དཔལ་བདུད་རྩི་བདེ་བ་ཆེན་པོ་ལ་ཕྱག་འཚལ་ལོ། ། །ཕན་བྱེད་མགོན་ལ་ཕྱག་འཚལ་ནས། །བསྒྲུབ་པའི་ཡུལ་དང་གནས་བསྟན་ཏེ། ཁྲར་ལྷོ་ནུབ་བྱང་ཕྱོགས་བཞིའི་རི། །དྲང་སྲོང་ཆེན་པོའི་བསྒྲུབ་ལུགས་དང་། །ཕྲ་མེན་མ་ཡི་སྦྱར་ལུགས་དང་། །རྩི་སྨན་འཁྲུངས་པའི་ཡུལ་ཁམས་དང་། ཁེང་དང་ནགས་ཀྱི་ལྷ་མོའི་གནས། །རི་བོར་སྨན་ལྗོངས་ཙསྡོན་གནས། །བཞུགས་པའི་གནས་སུ་བསྒྲུབ་པར་བྱའོ། ། དུག་རྣམས་བདུད་རྩིར་སྦྱར་བའི་ཐབས། །རྩ་བ་དང་ནི་ཡན་ལག་བཅས། །ར་ས་ཡ་ན་ལ་སོགས་རྫས། །ཚང་བར་བསོགས་ནས་བསྒྲུབ་པར་བྱའོ། །རི་བོར་ནགས་འདབ་ཆུ་ངོགས་སམ། །བྲག་ཕུག་སྟོང་པ་ཐིབས་པོའམ། །བསྒྲུབ་པའི་གནས་མཆོག་དེར་བྱའི་ཕྱིར། །ས་གཞི་རབ་ཏུ་བརྟག་པར་བྱ། །མཉམ་ཞིང་སྣུམ་པའི་ས་སྣག་ཅན། །ཟུག་རྡོ་སྲིན་བྲག་མེད་པ་དང་། །ཚྭ་སྒོ་ས་དང་བ་ཚ་མེད། །མ་གྲུགས་མ་གས་མཉམ་པོ་ལ། །བསྒྲུབ་པའི་གནས་མཆོག་དེར་བྱའོ། །རང་འབྱུང་ཁྲོ་བོ་ཆེན་པོ་བཅུས། །ཕྱོགས་མཚམས་ཕུར་པས་བཏབ་ནས་ནི། །གནས་དང་ས་གཞི་དག་པར་སྦྱང་། །ཨོ་བཛྲ་ཀི་ལ་ཡ་མ་ཧྭ་ཀྲོ་དྷ་ཧཱུཾ་ཧཱུཾ་ཕཊ་ཕཊ། གརྫ་གརྫ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། བྷརྙ་བྷརྙ་ཧཱུཾ་ཕཊ། ཧུ་ལུ་ཧུ་ལུ་ཧཱུཾ་ཕཊ། ཏིཁྱི་ཏིཛི་ཧཱུཾ་ཕཊ། ཚིརྙ་ཚིརྙ་ཧཱུཾ་ཕཊ། སྟིརྙ་སྟི་་ཧཱུཾ་ཕཊ། སྤྲོ་ཊ་ཡ་སྤྲོ་ཊ་ཡ་྅་ཕཊ། ཕྱོགས་བཅུ་དག་ཏུ་མཚམས་བཅད་དོ། །ས་བཞི་རབ་ཏུ་སྦྱངས་ནས་ནི། །དཀྱིལ་འཁོར་འདོམ་གང་གྲུ་བཞི་བྱ། །དྲི་སྣ་ལྔ་དང་རཀྟ་ཡིས། །བྱུགས་པའི་མཎྜལ་བཟང་དུ་བྱའོ། །བ་སུ་ཏ་ཡི་རྒྱུ་ཕྲེང་གིས། །ཐེག་ནི་བཅུ་དྲུག་ཆར་ཡང་གདབ། །དེ་ལ་ཐིག་ལེ་བཅུ་དྲུག་གམ། །ཡང་ན་ཕྱག་མཚན་བཅུ་དྲུག་དགོད། །དེའི་དབུས་སུ་བཞག་པའི་སྣོད་ནི། །ཐོད་པ་མ་གས་མ་ཆག་པ། །ཡང་ན་རུས་སྦལ་མགོ་ཡང་རུང་། །དཀྱིལ་འཁོར་དེ་ཡི་དབུས་སུ་བཞག །བདུད་རྩི་སྣ་གྲངས་བརྒྱ་རྩ་བརྒྱད། །བཏགས་ཏེ་ཐོད་པའི་ནང་དུ་དགང་། །འཁོར་ལོ་ལྟེ་བའི་དབུས་སུ་གཞག །ཕྱོགས་བཞི་མཚམས་བརྒྱད་རྣམས་སུ་ཡང་། །སྣོད་ནི་བཞི་འམ་བརྒྱད་བཞག་ལ། །རིགས་དང་ཁ་དོག་མཐུན་པའི་དར། །བྷརྙ་ལྔ་ཡི་ཁ་ནས་དགབ། །ཡང་ན་བུམ་པའི་མགུལ་ཆིངས་བྱའོ། །ར་ས་ཡ་ན་ལ་སོགས་རྫས། །ཇི་སྙེད་འབྱོར་པས་མ་ལུས་ཀུན། །དཀྱིལ་འཁོར་དེ་ལ་བསྐོར་ཏེ་བཞག །དེ་བཞིན་དར་དཀར་མཐིང་ཡོལ་གྱིས། །དཀྱིལ་འཁོར་འཁོར་བར་རབ་བསྐོར་ནས། །དཀྱིལ་འཁོར་གྲྭ་བཞིར་མདའ་བཞི་གཟུགས། །མེ་ལོང་བཞི་དང་རཏྣ་བཞི། །རལ་གྲི་བཞི་དང་ཕུར་པ་བརྒྱད། །དཀྱིལ་འཁོར་འཁོར་བར་བསྐོར་ཏེ་བཞག །ཏིང་ངེ་འཛིན་རྣམ་གསུམ་རིམ་བཞིན་བསྒོམ། །རྒྱུ་ཡི་ཏིང་འཛིན་འབྲས་བུ་ལས། །དེ་ཉིད་བྱང་ཆུབ་སེམས་སུ་འགྱུར། །འབྱུང་ལྔ་ཡུམ་གྱི་དཀྱིལ་འཁོར་དག །བྱང་ཆུབ་སེམས་ལས་རིམ་བཞིན་སྐྱེད། །རོ༷་ཡོ༷ཁོ༷་སུ་ཧཱུཾ། ནམ་མཁའི་དབྱིངས་དང་མཉམ་པ་ཡི། །གཞལ་ཡས་གསལ་བར་གྱུར་པར་བསྒོམ། །དབུས་སུ་བྱང་ཆུབ་སེམས་ཆེན་པོ། ཁྲར་དུ་རྡོ་རྗེ་དྲི་ཆེན་ཆེ། །ལྷོ་རུ་མ༷་ས་ཤ་སྣ་ཚོགས། །ནུབ་ཏུ་པདྨ་རཀྟའི་ཚོགས། །བྱང་དུ་དྲི་ཆུ་སྣ་ཚོགས་ཏེ། །འདི་རྣམས་རིམ་བཞིན་བཀོད་པ་ལ། །གཙོ་བོས་སྦྱོར་བ་ཚུལ་བཞིན་བགྱིས་ནས། མེ་ལོང་ཡུ་བ་ཅན་གྱི་སྟེང་དུ། བྱང་ཆུབ་ཀྱི་སེམས་བླངས་ཏེ། དབུས་ཀྱི་སྣོད་བླངས་ལ། ཁ་ཤར་ཕྱོགས་སུ་བལྟས་ཏེ། བྱང་ཆུབ་སེམས་ཀྱིས་གཡབ་ཅིང་དབྱངས་འདི་བརྗོད་དོ། །བྱང་ཆུབ་སེམས་འདིའི་ཡེ་ཤེས་རང་བཞིན་ཏེ། །དྲི་མེད་རྣམ་དག་ཆར་བཞིན་བབ་པ་ལས། །འགྲོ་བ་ཀུན་སྐྱེད་ཡིད་བཞིན་ནོར་བུའི་ཚུལ། །གདོད་ནས་དག་པས་བདུད་རྩིའི་རང་བཞིན་ལ། །གཉིས་མེད་སྦྱོར་བས་རྡོ་རྗེའི་རིགས་ཆེན་འགྲུབ། །མེ་ལོང་ཡེ་ཤེས་དེ་ཉིད་ཡིན་པར་བཤད་ཅེས་བརྗོད་དེ། དབུས་ཀྱི་བྷནྟྲའི་ནང་དུ། ཤེལ་ཕོར་བཞག་ལ། བྱང་ཆུབ་སེམས་ཐམས་ཅད་དང་། གདུང་དང་གོ་རོ་ཙ་ན་ལ་སོགས་པ་ཀུན་བསྡུས་ལ་བླུགས་སོ། །འགུལ་ཡང་ལག་གི་ཕྱག་རྒྱ་ཡིས། །དེ་ཡི་སྟེང་དུ་བཞག་ནས་ནི། །སྒྲུབ་པ་པོ་ཀུན་ཁ་ཤར་ཕྱོགས་སུ་བལྟས་ཏེ། བྱང་ཆུབ་ཀྱི་སེམས་ཀྱིས་གཡབ་ཅིང་། སྔགས་འདི་བརྒྱད་རྩ་བརྒྱད་བཟླས་སོ། །ཨོ་ཨུ༷༷ཧཱུཾ༷་བཛྲ་ས་ཏྭཧཱུཾ༷། སརྦཨེཤུསྟེ། ཨམྲིཏསུ་ཁ་མ་ཧྭ་ཡོ་ག་ཧཱུཾ༷། ཙིསྟ་ཧཱུཾ༷་ཨོ་ཨུ༷༷ཧཱུཾ༷། ཨསྨྱོ་བྷ༷༷དྷི་ཥ་ར་ཏི་ས་མ་ཡ་ཙྭ༷་ཞེས་བརྗོད་ནས། དབུས་སུ་བླུགས་ལ་གཞག་གོ །ལྷོ་ཕྱོགས་སུ་ཁ་བལྟས་ཏེ། མ་ཧྭ་མ༷་སའི་སྣོད་བླངས་ལ་འདི་སྐད་བརྗོད་དོ། །སེམས་ཅན་རྣམས་ནི་གནས་ལ་ཆགས། །ནོར་བས་བདག་ཉིད་གཙང་མར་འཛིན། །དོན་གྱིས་སུན་ནི་མ་ཕྱུང་ན། །བསོད་ནམས་ཐམས་ཅད་དང་བྲལ་བའི། །ཡི་དྭགས་སྐམ་ཐག་ཆད་པ་ཡང་། །བདག་ལུས་གཏོར་བར་མི་ཕོད་ན། །ལྷ་ལ་སོགས་པའི་བསོད་ནམས་ཀྱིས། །ལུས་ཅན་རྣམས་ལ་སྨོས་ཅི་དགོས། །དེ་བས་འདི་ཀུན་སུན་འབྱུང་ཞིང་། །རང་འབྱུང་བདུད་རྩི་བསྟན་པའི་ཕྱིར། །ལྷས་ཀྱང་ལྷ་ཡི་བདག་ཉིད་བཟའ། །མི་ལ་སོགས་པ་དེ་བཞིན་དུ། །རྣལ་འབྱོར་པས་ཀྱང་སྤྱད་ཅིང་བཟའ། །འདི་ལྟར་བདག་གཞན་མི་འབྱེད་པས། །བླང་དོར་མེད་པར་གྲོལ་བ་ཡིས། །མཉམ་པ་ཉིད་ཀྱི་དོན་མཐོང་ན། །ཐམས་ཅད་མཉམ་ཉིད་ཡེ་ཤེས་སྐུ། །བདེར་གཤེགས་རིན་ཆེན་རིགས་མཆོག་འགྲུབ། །ཨོ་ཨུ༷༷ཧཱུཾ༷་མ་ཧྭ་མ༷་ས། ས་མ་ཡ་ར་ཧོ་ཉེ༷། རཏྣ་ར་ཏི་ས་མ་ཡསྟོ༷་ཞེས་བརྗོད་དེ། རིན་པོ་ཆེའི་རིགས་ཡབ་ཡུམ་སྤྱན་དྲང་ཞིང་བརྒྱ་རྩ་བརྒྱད་བརྗོད་དེ། མ་ཧྭ་མ༷་ས་དང་། ཤ་སྣ་ཚོགས་བསྟབས་ཤིང་ལྷོར་བཞག་གོ །ཁ་ནུབ་ཕྱོགས་སུ་བལྟས་ཏེ། རཀྟ་སྣ་ཚོགས་ཀྱི་སྣོད་བླངས་ལ་འདི་སྐད་བརྗོད་དོ། །རྭ་ག་རཀྟ་པདྨ་འབྱུང་། །སྨད་པ་མི་གཙང་རྫས་འདི་དག །ཆགས་ཡུལ་བདེ་བའི་གནས་ཡིན་ཏེ། པདྨ་རིགས་ཀྱི་དམ་ཚིག་འགྲུབ། །སོ་སོར་རྟོགས་པའི་ཡེ་ཤེས་ཡིན་ཞེས་བརྗོད་ཅིང་། ནུབ་ཕྱོགས་ཀྱི་སྣོད་ཀྱི་ནང་དུ་བླུགས་ལ་བཞག །ཨོ་ཨུ༷༷ཧཱུཾ༷་མ་ཧྭ་པདྨ་རཀྟ་མུ་ལ། ཨ་ཕྲི་ཏྭ་བྷ་རྭ་ག་ར་ཏི། ས་མ་ཡ་ཧུ༷་སུ་ཁ་ཧྲི༷༷ ཞེས་བརྗོད་དེ་ནུབ་ཕྱོགས་སུ་བཞག་གོ །ཁ་བྱང་ཕྱོགས་སུ་བལྟས་ཏེ་དྲི་ཆུའི་སྣོད་བླངས་ནས་འདི་སྐད་བརྗོད་དོ། །ཀུན་འབྱུང་ཟག་པ་གུར་གུམ་ཆུ། །རྡོ་རྗེ་དྲི་ཡི་ཆུ་ཡིན་ཏེ། །ཆུ་ལས་མ་བྱུང་གང་ཡང་མེད། །ལས་ཀྱི་རིགས་ཀྱི་དམ་ཚིག་དང་། །ནན་ཏན་ཡེ་ཤེས་མཆོག་ཀྱང་འགྲུབ། ཨོ་ཨུ༷༷ཧཱུཾ༷་ཨ་མོ་བྷ་སིརྙི། བཛྲ་ར་ཏི་ས་མ་ཡ་སྟུ༷་ཞེས་བརྗོད་དེ་བྱང་ཕྱོགས་སུ་གཞག་གོ ཁྲར་གྱི་སྣོད་དང་དྲི་ཆེན་བླངས་ཏེ་འདི་སྐད་བརྗོད་དོ། །སྨད་པ་མི་གཙང་སྙིགས་མ་འདི། །རྟོག་པ་དེ་ཉིད་སྙིགས་མ་ཡིན། །ཚེ་མཆོག་འཛིན་པའི་བདུད་རྩི་སྟེ། །གདོད་ནས་དག་ང་འི་རང་བཞིན་པས། །བདེ་བཤེགས་ཀུན་གྱི་ཐུགས་དམ་ཉིད། །གཉིས་མེད་སྐུ་རུ་སྦྱོར་བས་ན། །ཆོས་དབྱིངས་ཡེ་ཤེས་དམ་ཚིག་འགྲུབ། །ཨོ་བི་རོ་ཙ་ན་མོ་ཧ་ར་ཏི་ས་མ་ཡ་སྟུ༷། མ་ཧྭ་ཡོ་ག་ཨ་ཏི་སྤ་ར་ཎ་བ་ལིརྙ། ཨ་མྲི་ཏ་ཨུ་ཙི་ཐ་ཨ་དྷི་ཏིཛི་ཨོ་ཞེས་བརྗོད་དོ། །དེ་ནས་སྒྲུབས་པ་པོ་ཀུན་གྱིས་ཐལ་མོ་སྦྱར་ཏེ། དབུས་ཀྱི་སྣོད་ཡུམ་གྱིས་བླངས་ཏེ་འདི་སྐད་བརྗོད་དོ། །ཡེ་ཤེས་སྙིང་པོ་ཅན་རྣམས་ཀྱི། །སངས་རྒྱས་ཀུན་གྱི་ཆོས་ཉིད་འདི། །སྙིང་པོ་ཆོས་ཀྱི་དོན་ལས་འབྱུང་། །བྱང་ཆུབ་སྤྱོད་པའི་གནས་འདིར་ཡིན། །སྨད་པར་བྱའི་རྫས་ལྔ་པོ། །གཅིག་ལ་ཡོན་ཏན་ལྔ་ལྔ་འམ། །གཅིག་ལ་འང་ཡོན་ཏན་གསུམ་དུ་དབྱེ། །དམ་ཚིག་རྩ་བ་བཅོ་ལྔ་ཡིན། །ཡན་ལག་ཉི་༄༅། ཁུ་རྩ་བརྒྱད་དོ། །སྣོད་བཅུད་དབུས་སུ་འདུས་ནས་ནི། །བཅུ་དྲུག་པོར་ཡང་བསྟན་པར་བྱའོ། །ཐབས་དང་ཤེས་རབ་ལྡན་པ་ལས། །སེམས་དཔའ་སེམས་མའི་ཚོགས་སུ་བལྟའོ། །རྩ་བ་བརྒྱད་དང་ཡན་ལག་བརྒྱད། །རྫས་ནི་སེམས་དཔའ་བཅུ་དྲུག་སྟེ། །སྣོད་དབྱིངས་སེམས་མ་བཅུ་དྲུག་ཡིན། །འཁོར་ལོ་རྩིབས་ནི་བཅུ་དྲུག་ཀྱང་། །རང་བཞིན་མི་གཉིས་དབྱིངས་གཅིག་པས། །ཕྱག་རྒྱ་ཐིག་ལེ་ལྡན་པར་བསྒོམ། །སུམ་ཅུ་རྩ་གཉིས་མཚན་ལྡན་པ། །དཔེ་བྱད་བཟང་པོ་བརྒྱད་ཅུས་བརྒྱན། །རྡོ་རྗེ་དབྱིངས་ཀྱི་དཀྱིལ་འཁོར་རྫོགས། ཁུ་ཡང་གསང་ལ་འབྲས་བུའང་གསང་། །རྡོ་རྗེ་དབྱིངས་ཀྱི་དཀྱིལ་འཁོར་ལ། །མཛོད་ལྡན་དཔལ་གྱི་ཕྱག་རྒྱ་དང་། ཁ་འབྱེད་རྡོ་རྗེའི་ཕྱག་རྒྱ་ནི། །འཁོར་ལོ་རྩིབས་ཀྱི་དབུས་སུ་གཞག །བདུད་རྩི་ལྔ་དང་རྩ་བ་བརྒྱད། །མིག་དང་རྣ་བ་སྣ་དང་ལྕེ། །མཚན་དང་རྣམ་ཤེས་ཡུལ་དང་བཅས། །འདུས་ལ་མ་བྱས་རྡོ་རྗེ་སྟེ། །དགོངས་པ་འདུས་པས་རྡོ་རྗེར་བཤད། །རྡོ་རྗེ་སེམས་དཔར་རབ་སྦྱར་ནས། །རྡོ་རྗེ་སེམས་དཔའ་ཉིད་དུ་འགྱུར། །ཨོ་ཨུ༷༷ཧཱུཾ༷་སརྦ་པརྩི་ཨ་མྲི་ཏ་བཛྲ་ས་ཏྭ་ཧཱུཾ༷་ཞེས་བརྗོད་དེ། བདུད་རྩི་རྣམ་ལྔ་བྱིན་གྱིས་བརླབ་ཅིང་བསྐུལ་ལོ། །དེ་ནས་ཡང་རྩ་བ་བརྒྱད་དང་ཡན་ལག་སྟོང་དུ་འདུས་ཤིང་སྦྱར་བ་དང་སྐུལ་བའི་ཚིག་འདི་བརྗོད་དོ། །དེ་ནས་ཡང་སྣོད་སྟོང་པར་རྒུན་ཆང་དང་། སྦྲང་ཆང་དང་། རྒྱ་ཆང་དང་། བུ་རམ་ཆང་དང་། འབྲས་ཆང་དང་། ཆང་སྣུ་ཚོགས་སྦྲེང་ཞིང་འདི་སྐད་བརྗོད་དོ། འབྲུ་རྣམས་ལ་ཡང་ཆང་མེད་དེ། ཆུ་ལ་ཆང་གི་རང་བཞིན་མེད། །མཁས་པས་འབྲུ་དང་ཆུར་སྦྱར་ན། །མཉམ་པ་ཉིད་ཀྱི་ཆང་དུ་འགྱུར། །ཆང་བྱིན་གྱིས་བརླབ་པའི་སྔགས། ཨོ་ཨ་མྲི་ཏ་ཛ་གད་པྲ་བ་གྲྭ་ཧྭ། ཨོ་ཛི་བ་གྲྭ་ཧྭ། སྨན་ཆང་དུ་བླུགས་ལ། དཀྲུགས་པའི་སྔགས། མུ་ས་ལ་མུ་ས་ལ། རོ་མཆོག་གོ་འཕང་ཐོབ་པར་འགྱུར། །མི་གཙང་བ་ལའང་གཙང་བ་མེད། །མན་ངག་ཅན་གྱི་གྲུབ་པ་པོས། །མཁས་པས་གཉིས་མེད་སྦྱར་བས་ན། །མཉམ་པ་ཉིད་ཀྱི་དོན་ཐོབ་འགྱུར། །ཀྲོ་རྙི་ཤྭ་རི་ཤོ་དྷ་ཡ་སོ༷་ཤོ་དྷ་ཡ། ཡང་འོ་མ་སྣ་ཚོགས་སྦྲེང་ཞིང་འདི་སྐད་བརྗོད་དོ། །རྟ་དང་མི་ལ་སོགས་པ་ཡི། །ཇི་ལྟར་འོ་མར་གྱུར་པ་ལ། །མཁས་ལྡན་ཆེན་པོས་རབ་སྦྱར་ན། །ཡོན་ཏན་ཞོ་དང་མར་ལྟར་སྣང་། །དེ་བཞིན་རྫས་རྣམས་བསྒྱུར་བས་ན། །མཉམ་ཉིད་ཡོན་ཏན་མར་ལྟར་འགྲུབ། ཅེས་བརྗོད་དེ།བྱང་ཆུབ་སེམས་ཀྱི་སྣོད་དུ་སྦྲེང་དུ་སྦྲེང་ངོ་། །དེ་ནས་རིན་པོ་ཆེ་སྣ་ཚོགས་བདར་ཞིང་འདི་སྐད་བརྗོད་དོ། །དཔེར་ན་གསེར་དང་རིན་ཆེན་ལྟར། །གཅིག་ཏུ་བསྲེག་དང་སོ་སོར་གནས། །སོ་སོར་གནས་ཀྱང་རང་རང་གིཁ་དོག་མཚན་ཉིད་སོ་སོར་གསལ། །རིན་ཆེན་ཡོན་ཏན་དེ་འདྲ་ཡང་། །བསྡུས་ནས་ཡོན་ཏན་རྨད་དུ་འགྱུར། །དེ་བས་གཉིས་སྤྲས་མཛེས་པར་སྣང་། །དེ་བཞིན་རྫས་ཀྱི་ཡོན་ཏན་ཡང་། །རང་གི་ཡོན་ཏན་རིན་ཆེན་སྣང་། །གཉིས་མེད་མཉམ་པར་སྦྱར་བས་ན། །བླ་མེད་ཡོན་ཏན་རྨད་དུ་འགྱུར། །ཐམས་ཅད་གཅིག་ཏུ་བསྡུས་བའོ། །དེ་ནས་བདུད་རྩི་ར་ས་ཡ་ན་སྣ་ཚོགས་བསྡུས་ཏེ། སྣོད་སྟོང་པར་ཆུ་སྣ་ཚོགས་སྦྲེང་ཞིང་འདི་བརྗོད་དོ། །ཆུ་རྣམས་སྣ་ཚོགས་ཐ་དད་པ། །རྒྱ་མཚོར་ཕྱིན་ན་ལན་ཚྭའི་རོ། །དེ་དག་ཐམས་ཅད་བསྡུས་པའི་དཔལ། །རྒྱ་མཚོ་ཙམ་དུ་རླབས་ཆེ་ལ། །ཆོས་ཀྱི་དབྱིངས་སུ་རོ་གཅིག་གོ །འབྱུང་བ་ལྔ་ཡི་ཐུགས་རྗེ་ལས། །སྨན་དང་བདུད་རྩི་རྣམ་ལྔ་པོ། །འགྲོ་བ་ཡོངས་ཀྱི་གསོས་མཛད་པ། །ཐུགས་རྗེ་བྱིན་གྱིས་བརླབ་པའོ། །དངོས་པོ་མེད་ལས་དངོས་གྲུབ་བླང་། །བྱང་ཆུབ་སེམས་ཀྱི་སྤྲིན་ཡིན་པས། །ཇི་ལྟར་དམིགས་པ་བཞིན་དུ་འགྲུབ་པར་འགྱུར། དེ་སྐད་ཅེས་བརྗོད་དེ། སྨན་ལག་ཏུ་བླངས་ནས། ངོས་ངོས་ནས་སྨན་ཆེ་བའི་ཡོན་ཏན་བརྗོད་དོ། །རང་བྱུང་གདོད་ནས་དག་པ་ཡི། །རྩ་བརྒྱད་སྟོང་ལས་སྦྱར་བའི་སྨན། །ར་ས་ཡ་ན་ལ་སོགས་རྫས། །རྩ་བ་འབུམ་ཕྲག་ཡངས་པའི་བཅུད། །གཉིས་མེད་བདེ་ཆེན་ལས་འབྱུང་བའི། །བྱང་ཆུབ་སེམས་ནི་རྡོ་རྗེ་སྟེ། ཁྲ་ཆེན་མཆོད་པ་རིན་པོ་ཆེ། །ཟས་མཆོག་ཚེ་ཡི་དྲི་ཆེན་པོ། །པདྨ་མེ་ཏོག་ཡང་དག་ལྡན། །རྡོ་རྗེ་ཆུ་སྟེ་བདུད་རྩི་མཆོག །ག་པུར་ཤེལ་གྱི་སྤོས་ཕོར་བྲི། །རིནཆེནམེལྟརའབར་བའི་ཚོགས། །ཡོན་ཏན་འབུམ་ཕྲག་ཡངས་པའི་བཅུད། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རེའི་སྟེང་དུ་ཏ་ཀྲིད་བརྒྱད་གཞག་གོ །བྱུ་ཀྟ་ཚར་མའི་གཡང་གཞི་ཏ་ཀིས་རྒྱན་ལ། མདུང་ལ་བ་དན་ཕྱར་ནས་ཐོགས་ཏེ། དཀྱིལ་འཁོར་ཡང་འཁོར་ལོ་རྩིབས་བརྒྱད། དབུས་སུ་ཟླ་གམ་དམར་པོ་གཅིག་བྲིས་ནས། དེའི་སྟེང་དུ་སྨན་སྐྲུངས་ལ། སྒྲུབ་པ་པོ་ཡབ་ཡུམ་ཡང་སྦྱོར་བ་ཚུལ་བཞིན་དུ་བགྱི། ལྷ་མོ་བཅུ་དྲུག་གི་བསྙེན་པ་བརྒྱ་རྩ་བརྒྱད་ཡན་ཆད་གདོན་ནོ། །དེ་ནས་བྱིན་དབབ་ཅིང་། དབབ་པའི་ཕྱག་རྒྱ་ཡང་བྱའོ། །གཡབ་མོའི་བརྡ་ལ་སོགས་ཏེ་བརྡ་སྣ་ཚོགས་དང་། ཐབས་ཀྱི་རྡོ་རྗེ་བཛྲ་ཤ་རྡི་རོ༷་ལ་སོགས་པ་དང་། ཡང་ན་མཆོག་གི་ལག་པ་གཡོན་གྱིས། སྨན་དགུག་ཅིང་གཡབ་ཅིང་། འཁར་གཞོང་གི་ནང་དུ་བསྲེས་ཏེ་བཙགས་ལ་སྨན་བྷརྙའི་ནང་དུ་བླུགས་ལ། རྡོ་རྗེས་དཀྲུག་ཅིང་གླུ་དང་གར་དང་རྔ་དང་། དམ་པའི་ཚིག་གིས་བསྟོད་དོ། །སྤོས་ཀྱིས་བདུག་ཅིང་གར་གྱི་བྲོ་ཐགས་དང་། རྡོ་རྗེ་འགྲོས་ཀྱིས་དཀྱིལ་འཁོར་དུ། བདུད་རྩི་དབུས་སུ་བཞག་ལ་བསྐོར་རོ། །དེ་ནས་ངོས་ངོས་ནས་ཀྱང་ཆེ་བའི་ཡོན་ཏན་བརྗོད་དོ། །ཡང་ཞི་བའི་ལྷའི་དཀྱིལ་འཁོར་ཡང་། །རིགས་སོ་སོའི་ཡིག་འབྲུ་ཀུན་སྨན་ལ་བསྟིམ་ཞིང་འདི་བརྗོད་དོ། །ཨོ་ཨ་མྲི་ཏ་སརྦ་མ་ཧྭ་ཡོ་ག་ཧཱུཾ༷། ཨོ་བཛྲ་སརྦ་ས་མ་ཡ་ཧཱུཾ༷། ཨོ་མ་ཧྭ་སརྦ་ཨ་མྲི་ཏ་མ་ཧྭ་སུ་ཁ་ཧི༷༷། ཨོསརྦཨེཤུདྷི། ཀྲོདྷིཤྭརི། སརྦ་ཤོདྷ་ཡ། ཨོ་ཨུ༷༷ཧཱུཾ༷་བཛྲ་ཨ་མྲི་ཏ་ཧཱུཾ༷་རྙི༷༷ཐ་ཞེས་རབ་ཏུ་ཡང་བཟླས་སོ། །དེ་ནས་ཧོམ་དང་སྤྱིན་སྲེག་དང་། མེའི་ཕུད་ཀྱང་ནང་དུ་བླུགས་སོ། །དེ་ནས་སེམས་སྦྱང་བའི་སྨན། ལེང་ལེང་ཧྭ་དང་ཤེལ་ག་བུར་དང་། སྙིང་ཞོ་ཤ་དང་། མཁལ་མ་ཞོ་ཤ་དང་། གླ་གོར་ཞོ་ཤ་དང་། ཤུ་དག་ཀུ་བེ་ར་དང་། ཤུ་དག་པྲ་མེ་དང་། ཤུ་དག་ནབ་སེ་དང་། ར་ས་ཡ་ན་དང་། ར་ས་ཡ་ན་ཏ་ན་ཛ་ཡ་དང་། ཁྲུས་མཁན་ཨུཏྲུ་ལའི་ཐིག་ལེས་བརྒྱན་ལ། གདོད་སྨན་བསྲེ་ཞིང་སྦྱར་ནས། དཀྲུགས་ལ་བྷན་དྷ་ར་སྩལ་ཏེ། བྷན་དྷ་གཉིས་ཁ་སྦྱར་ལ། དར་གྱིས་བཅིངས་ལ། མཚམས་སུ་རྒྱས་བཏབ་ལ། གཟོད་དཀྱིལ་འཁོར་ཟླ་གམ་གྱི་དབུས་སུ་གཞག་གོ །སྔགས་དགུ་པ་འཛབ་དུ་དྲང་ངོ་། །འདི་མགོ་མཇུག་ཏུ་ཚོགས་ཀྱི་མཆོད་པ་བར་མི་བཅད། མཛད་པ་བཅུ་གཉིས་ཀྱི་འཕྲོ་འདུ་ཡང་བྱ། སྨན་པ་སྒྲུབ་པའི་དོན་དང་། སྦྱར་ཐབས་བསྟན་པའི་ལུང་དང་།ལས་ཀྱི་རིམ་པའི་སྐུལ་ཚིག་དང་། ཡོ་བྱད་དུ་བྱས་པའི་རྣམས་བདུད་རྩི་ཆེན་པོ་མཆོག་གི་ལུང་ལས་བདུད་རྩི་བུམ་པའི་ལུང་གི་བམ་པོ་བདུད་རྩི་འབུམ་སྡེ་ལས་འབྱུང་བའི་དོན། །བམ་པོ་ཆེན་པོ་བདུན་པ།། ༑ རྒྱ་གར་སྐད་དུ། བྷ་ག་བཱན་མསྣྲུ་ཤི་ཏིསྐོནམ༷༷སིརྙོ༷། བོད་སྐད་དུ། བཅོམ་ལྡན་འདས་འཇམ་དཔལ་རྣོན་པོ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་དཔལ་ཉིད་སྐུ་རྡོ་རྗེ་ལྟ་བུ་བྱང་ཆུབ་ཀྱི་དགོངས་པ་ཉིད་ལ་བཞུགས་པ་ལ། བཅོམ་ལྡན་འདས་བྱང་ཆུབ་ཀྱི་སེམས་རྡོ་རྗེ་ཀུན་ཏུ་བཟང་པོ་ནི། དུས་གསུམ་འདུ་འབྲལ་མེད་པའི། ཡུམ་གྱི་ཚལ་ཆེན་པོ་ན་དགོངས་པ་ཆོས་ཀྱི་དབྱིངས་ཞི་བ་ཆེན་པོ་ལ་བཞུགས་སོ། །རིགས་ལྔ་བདེ་བར་གཤེགས་པ་རྣམས་ཀྱང་། གསང་བའི་ཡུམ་བཞི་དང་། འཁོར་བྱང་ཆུབ་སེམས་དཔའི་ཚོགས་དང་། སེམས་མའི་ཚོགས། རྡོ་རྗེ་དབྱིངས་ཀྱི་དཀྱིལ་འཁོར་ན། སྲས་མཆོག་དམ་པ་ཉེ་བའི་འཁོར། རིགས་ཀྱི་རྒྱལ་པོ་མ་ལུས་པ་རྣམས་དང་། ཚངས་པ་ཆེན་པོ་རྣམས་དང་། དྲང་སྲོང་ཆེན་པོ་དང་། ལྷ་དང་ཀླུ་དང་། ལིསྣྲོ་བྲི་ལ་སོགས་པའི་མི་རྣམས་ཀུན་ལ་དཔལ་ཀུན་ཏུ་བཟང་པོས་བཀའ་སྩལ་པ། ནན་ཏན་གྱིས་ནི་བརྩོན་འགྲུས་བསྐྱེད། ཐེ་ཚོམ་མེད་ན་ངེས་པར་འགྲུབ། །བདུད་རྩི་ཆེན་པོ་རྣམ་ལྔ་འདི། །སྤྱད་ཅིང་བཅངས་པའི་ཡོན་ཏན་དང་། །རང་བཞིན་དང་ནི་ངོ་བོ་དང་། །མཐུ་དང་བྱིན་གྱིས་བརླབས་ཀྱིས་འགྲུབ། །མི་བརྗེད་རྒྱུན་གྱི་ཏིང་ངེ་འཛིན། །ངེས་པར་བསྒྲུབ་པའི་ཡོན་ཏན་ནི། །ངེས་པའི་མན་ངག་གསུམ་དུ་བསྟན་ཞེས་བཀའ་སྩལ་ནས།སྡུད་པ་པོ་ཆོས་ཀྱི་དོན། འཇམ་དཔལ་རྣོན་པོ་ལ་གཏད་དོ། །དེ་ནས་འཕགས་པ་འཇམ་དཔལ་གྱིས། རྡོ་རྗེ་དབྱིངས་ཀྱི་དཀྱིལ་འཁོར་གྱི་ལྷ་འཁོར་ཚོགས་རྒྱ་མཚོ་དང་བཅས་པ་རྣམས་ལ་འདི་སྐད་བརྗོད་དོ། །ཨེ་མ་ཧོ༷༷སངས་རྒྱས་ཀུན་ཏུ་བཟང་། །གསང་ཆེན་ཐིག་ལེ་ཉིད་ལ་རྫོགས། །མ་རིག་མུན་སེལ་ཡེ་ཤེས་སྒྲོན། །དཔའ་བོ་ཁྱོད་ལ་སྐྱབས་སུ་མཆིའོ། །རང་འབྱུང་དྲི་མེད་བདུད་རྩི་འདི། །སངས་རྒྱས་ཀུན་གྱིས་བསྔགས་པའི་མཆོག །མི་ཤེས་དྲི་མ་ཀུན་བཅོམ་ནས། །ངེས་པའི་དབྱིངས་ལ་འགོད་མཛད་པ། །གཉིས་མེད་གུས་པས་ཕྱག་འཚལ་ལོ། །སྣང་མཛད་རྡོ་རྗེ་རྒྱལ་སྤྱན་དང་། །མི་བསྐྱོད་ཉི་མ་སྣང་མཐའ་ཡས། །དོན་ཡོད་བདུད་རྩི་འཁྱིལ་པ་ལ། །དགྱེས་ཤིང་གུས་པས་ཕྱག་འཚལ་ལོ། །དབྱིངས་ཕྱུག་ཡུམ་གྱི་ཚོགས་རྣམས་ལ། །དགའ་བའི་ཡིད་ཀྱིས་འདུད་ཕྱག་འཚལ། །ལག་ན་རྡོ་རྗེ་རྒྱལ་པོ་དང་། །ཀུན་བཟང་བློ་གློས་ཆེན་པོ་དང་། །དོན་རབ་ས་སྙིང་ལ་སོགས་ལ། །རབ་ཏུ་གུས་པས་ཕྱག་འཚལ་ལོ། །ནམ་མཁའི་འཇིག་རྟེན་དབང་པོ་དང་། །འགྲོ་བ་འཛིན་མཆོག་དམ་པ་ལ། །གཉིས་མེད་གུས་པས་ཕྱག་འཚལ་ལོ། །དག་ལ་རང་བཞིན་དྲི་མེད་སྐུ། །ཚུལ་བཞིན་ཕྲེང་བ་དབྱངས་དང་གར། །སྤྱོད་མཆོག་དགའ་སྡུག་ཕྱག་འཚལ་ལོ། །བདུག་པ་མེ་ཏོག་མར་མེ་ཧོ། །གཟུགས་མཆོག་མཉེས་མཛད་ལྷ་མོ་ལ། །མོས་པས་འདུད་ཅིང་ཕྱག་འཚལ་ལོ། །རིག་བྱེད་ཚོགས་ཀྱི་བདག་པོ་མཆོག །རྡོ་རྗེ་སྲིན་པོ་འདུལ་མཛད་པ། ཁྲོ་རྒྱལ་ཡབ་ཡུམ་འཁོར་བཅས་ལ། །གུས་པས་བསྟོད་དེ་ཕྱག་འཚལ་ལོ། །དེ་ནས་འཁོར་རྒྱལ་བ་རྒྱ་མཚོ་དང་བཅས་པ་རྣམས་ཀྱིས་ལེགས་སོ་ལེགས་སོ། །ཨ་ལ་ལ་ཧོ༷༷ཞེས་བརྗོད་ནས་གནང་ངོ་། །དེ་ནས་དབང་བྱིན་ཏེ། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས། ཐམས་ཅད་བདུད་རྩིའི་རང་བཞིན་ལ། མཁྱེན་རབ་དང་པོས་ཀུན་གྱི་མཆོད་པ་ཆེན་པོ་་་་་་་མཛད་དོ། །དེ་ཡང་ཉིད་ཀྱིས་ཉིད་ལ་མཆོད་དེ། འདི་མན་ཆད་ཡེ་ཤེས་ཀྱི་ལྷ་རྣམས་ཀྱིས་ཏིང་ངེ་འཛིན་བྱང་ཆུབ་ཀྱི་སེམས་བདུད་རྩི་ཆེན་པོར་ཐིམ་ནས། མཉམ་པ་ཉིད་ཀྱི་དབྱིངས་ལ་མི་སྣང་བར་བྱས་ནས། མ་ཧྭ་སུ་ཁ་ལ་སྦས་ཏེ་བཞུགས་པ་ལས། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དང་། རིགས་ལྔ་བདེ་བར་གཤེགས་པ་རྣམས་ཀྱིས་འཕགས་པ་འཇམ་དཔལ་ལ་བཀའ་སྩལ་པ། བྱང་ཆུབ་སེམས་དཔའི་མཁྱེན་རབ་ཀྱི་དང་པོ་ཁྱོད་ལ། ད་ངེད་ཀྱི་ཆོས་འདི་བསྡུང་་ཏེ་བཤད་དོ། །འཇམ་དཔལ་རྡོ་རྗེ་ཆོས་འདི་ལྟ་སྟེ། །ཨེ་མ་ཧོ༷༷གསང་བ་ལས་བྱུང་བའི། །མ་རིག་མུན་སེལ་སྒྲོན་མའི་མཆོག །དཔའ་བོ་ཁྱོད་ལ་སྐྱབས་སུ་མཆིའོ། །ནན་ཏན་གྱི་ནི་བརྩོན་འགྲུས་བྱོས། །ཞེས་པ་དང་། འཇམ་དཔལ་བདུད་རྩི་འདིའི་ཆོས་ཀྱི་དོན་ནི། དཔེར་ན་མེ་དང་འདྲ་སྟེ། ཆུང་སྟེ་རྡུལ་ཙམ་ནས་ཆེ་སྟེ་སྲིད་པའི་རི་བོ་ཡང་སྲེག་གོ །དེ་བཞིན་དུ་བདུད་རྩི་འདི་ནི་དཔེར་ན་ཉི་མ་དང་འདྲ་སྟེ། ཉི་མའི་འོད་ཟེར་ཆེན་པོ་ནི་འཛམ་བུ་གླིང་དུ་ཐོག་མ་ཉིད་དུ་རིའི་རྒྱལ་པོ་ཆེན་པོ་བརྒྱད་ལ་སྣང་བར་བྱེད་དོ། །དེའི་འོག་ཏུ་ཁོ་ར་ཁོར་ཡུག་ཏུ་སྣང་བར་བྱེད་དོ། །དེའི་འོག་ཏུ་རི་བོ་ཆེ་རྣམས་ལ་སྣང་བར་བྱེད་དོ། །དེའི་འོག་ཏུ་རི་ནག་པོ་རྣམས་ལ་སྣང་བར་བྱེད་དོ། །དེའི་འོག་ཏུ་གངས་རི་མཐོན་པོ་རྣམས་ལ་སྣང་བར་བྱེད་དོ། །དེའི་འོག་ཏུ་འཛམ་བུ་གླིང་འདིར་ས་ཕྱོགས་དམའ་བ་རྣམས་ལ་ཆུབ་སེམས་དཔའ་རྣམས་དང་རིམ་པས་ནམ་མཁའི་ཉི་མ་བཞིན་ཁྱབ་ཅིང་ཤར་བ་སྟེ། ཐུགས་རྗེའི་བདུད་རྩི་འདི་ཡང་སྲིད་པ་གསུམ་དུ་ཉི་མ་བཞིན་དུ་ཤར་བར་བྱ་སྟེ། འཇམ་དཔལ་སྟོང་གསུམ་གྱིས་སྟོང་ཆེན་པོའི་འཇིགས་རྟེན་གྱི་ཁམས་ན། སངས་རྒྱས་ཀྱི་ཞིང་ཕྲ་རབ་སྙེད་ལ་བསམ་གྱིས་མི་ཁྱབ་པའི་ལུས་ཕུལ་བས་ནི། བདུད་རྩི་ཆེན་པོ་འདི་ལུས་ལ་བཅངས་པ་བསོད་ནམས་ཆེའོ། །འཇམ་དཔལ་དུས་གསུམ་གྱི་སངས་རྒྱས་ཀྱི་ཞིང་ཡོངས་སུ་སྦྱང་བ་བས་ནི། བདུད་རྩི་འདི་ལུས་ཀྱི་མགུལ་དུ་བཏགས་པ་འབུམ་གྱི་ཆར་ཡང་མི་ཕོད་དོ། །འཇམ་དཔལ་བསྐལ་པ་གདྷའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ལ་སྤྱི་བོས་བཀུར་ཞིང་ཕྱག་བྱ་བའི་དོན་ནི། བདུད་རྩི་ཆེན་པོ་འདི་སྤྱི་བོ་ལ་བཀུར་བའི་ཡོན་ཏན་ནི། སངས་རྒྱས་ཐམས་ཅད་བཀུར་བ་ཡིན་ནོ། །འཇམ་དཔལ་བསྐལ་པ་སྟོང་གི་བར་དུ་སེམས་ཅན་གྱི་དོན་བྱ་བ་བས་ནི། བདུད་རྩི་ཆེན་པོ་འདིས་ལན་ཅིག་གིས་འགྲོ་་བའི་དོན་བྱས་པས། དམྱལ་ཁམས་བརྒྱད་ཀྱི་འཇིག་རྟེན་ཡང་ཐར་པའི་ལམ་དུ་འདྲེན་པ་ཡིན་ནོ། །ཞེས་གསུངས་པ་དང་། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། བདུད་རྩི་ཆེན་པོའི་རང་བཞིན་ནི། ཁ་དོག་དབྱིབས་དང་མཚན་མ་མེད། །འགོག་པ་མེད་ཅིང་དབྱེ་བའང་མེད། །རྩ་བ་མེད་ཅིང་རྟེན་པའང་མེད། །བདུད་རྩི་ཆེ་ལ་བརྗོད་པ་འང་པོ་བརྒྱད་པ་རྫོགས་སོ།། །།སྤྱིར་བདུད་རྩི་འབུམ་སྡེ་ལས་མྱུར་ཤས་ཙམ་ཅིག་བི་མ་ལ་མི་ཏྲས་བཤད་ཅིང་། ལོསྣྲོ་བ་ཙྭ་ན་ཀུ་མ་རས་བསྒྱུར་བའོ། །རྡོ་རྗེ་ཡང་དབང་གཏེར་གྱི་ལགས་རྫོགས་སོ།། །། རྒྱ་གར་སྐད་དུ། སརྦ་པ྅་ཨ་སྐྲོ་ཏ་སྭ་བྷ་བ། བོད་སྐད་དུ། ཐམས་ཅད་བདུད་རྩི་ལྔའི་རང་བཞིན། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ འདི་