Ngb-pt-0286-vol-03-text
Front[edit]
Body[edit]
རྒྱ་གར་སྐད་དུ། ཤི་ཧ་ཡ་གི་བ་ཀརྨ་ཏནྟྲ། བོད་སྐད་དུ། དཔལ་རྟ་མགྲིན་ལས་རྒྱུད། བཅོམ་ལྡན་འདས་རྟ་མགྲིན་དབང་གི་སྐུ་ལ་ཕྱག་འཚལ་ལོ། །འདི་སྐད་དག་གིས་ཐོས་པའི་དུས་གཅིག་ན། བཅོམ་ལྡན་འདས་པདྨ་རིགས་ཀྱི་སངས་རྒྱས། ཤིན་ཏུ་རྣམ་པར་དག་པའི་ཁམས་ན། བྱང་ཆུབ་སེམས་དཔའི་ཚོགས་དང་། ཁྲོ་བོ་དང་ཁྲོ་མོ་དང་། སྤྲུལ་པ་དང་ཡང་སྤྲུལ་དང་། ནམ་མཁའ་ལྡིང་གི་ཚོགས་ལ་སོགས་པ་རྣམས་དང་ལྷན་ཅིག་ཏུ་བཞུགས་སོ། །དེའི་ཚེ་ནམ་མཁའ་ལྡིང་གི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གར་གྱི་དབང་ཕྱུག་བཅོམ་ལྡན་འདས། །བདེ་གཤེགས་ཁྲོ་རྒྱལ་མཐུ་སྟོབས་ཅན། །པདྨ་དབང་གི་རྒྱུད་ཆེན་པོ། །བདག་ཅག་རྣམས་ལ་བཤད་དུ་གསོལ། །ཞེས་ཞུསླ་སོ། །དེ་ནས་ཁྲོ་རྒྱལ་གར་དབང་གིས། །མི་རྟོག་ཏིང་འཛིན་སྙོམས་ཞུགས་ཏེ། །འཁོར་རྣམས་མ་ལུས་བྱིན་བརླབས་ཤིང་། །རྟ་མགྲིན་དབང་གི་སྐུར་བཞེངས་ཏེ། །དབང་གི་རྟ་སྐད་ཐེངས་གསུམ་གྱིས། །ཁམས་གསུམ་ཐམས་ཅད་དབང་བསྡུས་ཤིང་། །སྲིད་གསུམ་ཐམས་ཅད་ཟིལ་གྱིས་མནན། །བགེགས་རྣམས་མ་ལུས་བ་་ནས་ཀྱང་། །ཀླུ་རྣམས་མ་ལུས་ཚར་བཅད་དེ། །ནམ་མཁའ་ལྡིང་ལ་བཀའ་སྩལ་པ། །མཁའ་ལྡིང་རྒྱལ་པོགརུཎ། །རྩེགཅིགཡིདཀྱིས་ཁྱོད་ཉོན་ཅིག །དབང་གི་རྒྱུད་ཆེན་བསྟན་པར་བྱ། །ཞེས་བཀའ་སྩལ་ཏོ། །དཔལ་རྟ་མགྲིན་གྱི་རྒྱུད་ལས།གླེང་གཞིའི་ལེའུ་སྟེ་དང་པོའོ།། །།དེ་ནས་མཁའ་ལྡིང་རྒྱལ་པོ་ཡིས། །བཅོམ་ལྡན་འདས་ལ་འདི་སྐད་ཞུས། །ཨེ་མ་ཧོ་བཅོམ་ལྡན་གར་གྱི་བདག །པདྨ་དབང་གི་རྒྱུད་ཆེན་པོ། །བདག་གཞན་རྣམས་ཀྱི་དོན་གྱི་ཕྱིར། །བསྙེན་དང་བསྒྲུབ་དང་ལས་སྦྱོར་དང་། །རྟགས་དང་དམ་ཚིག་ལས་ཚོགས་དང་། །དབང་དང་སྤྱིན་སྲེག་མནན་པ་དང་། །བསྲུང་དབབ་བཅད་ཞབྲུལ་བྲི་བ་བསྟོད། །མཐར་ཐུག་བལྟ་བའི་དོན་རྣམས་ཀུན། །ངེས་པ༷ར་མགོན་པོས་བཤད་དུ་གསོལ། །ཞེས་ཆེད་དུ་གླེང་ངོ་། །དེ་ནས་བཅོམ་ལྡན་འདས་ཁྲོ་བོའི་རྒྱལ། །འབྱུང་པོ་མ་ཐུལ་འདུལ་བྱེད་པའི། །གསང་སྔགས་རྒྱལ་པོ་འདི་ཡིས་ནི། །བར་ཆོད་བསྲུང་དང་སྐྲོད་པར་བྱེད། །ཨཱོཾ་པདྷརྙ་ཀྲིཏ་ཧ་ཡ་རྒི་བ་བཛྲ་མ་ཧྭ་ཀྲོ་དྷ་ཧཱུཾ༷། སརྦ་ནཱ་ག་ཨུ་ཙ་ཏ་ཡ་ཕཊ་ཕཊ། བཛྲ་ཁདེ་ཏིསྨོ་ཀི་ལ་ཡ། བཛྲ་ཛྲ་ལ་ར༷་ཕཊ་ཕཊ་ཕཊ། དེ་སྐད་གསུངས་པས་འཇིག་རྟེན་ཁམས། །ཐམས་ཅད་མ་ལུས་དབང་བསྡུས་ཤིང་། །ཀླུ་ལ་སྩོགས་པ་བརྒྱལ་ཞིང་བོགས། །འབྱུང་པོ་མ་ལུས་སྐྲོད་པར་བྱེད། །བསྲུང་དང་མཚམས་ཀྱི་ལས་ཡིན་ནོ། །ཞེས་གསུངས་སོ། །གླེང་སློང་བའི་དོན་ཞུས་པའི་ལེའུ་སྟེ་གཉིས་པའོ།། །།དེ་ནས་མཁའ་ལྡིང་རྒྱལ་པོ་ཡིས། །བསྙེན་བསྒྲུབ་གསང་བའི་ལས་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །དབང་ཐོབདམཚིགདངལྡནཔས། །ཐོག་མར་ཡིད་འཐད་གཞུང་མཐུན་གནས། །མཆོད་སྦྱིན་གཏོར་མ་སྩོགས་བྱས་ཏེ། །མཎྜལ་སྟེང་དུ་མཆོད་པའི་རྫས། །དུར་ཁྲོད་མེ་ཁྲག་མཚམས་བཅད་དོ། །མ་སྐྱེས་དབྱིངས་ལས་ཐུགས་རྗེར་བསྒོམ། །ཧི༷༷ལས་དབང་ཆེན་ཡུམ་ལྔ་རྫོགས། །བྷ༷་ལས་དུར་ཁྲོད་གཞལ་ཡས་ཁང་། །ཉི་ཟླ་པདྨ་ཆུ་བདག་སྟེང་། །ཁྲོ་རྒྱལ་ཀུན་ལས་བརྗིད་པའི་སྐུ། །དམར་ནག་ཞལ་གསུམ་ཕྱག་དྲུག་སྟེ། །གཡས་དཀར་གཡོན་དམར་རྟ་མགོ་ལྗང་། །ལྕགས་སྒྲོག་རལ་གྲི་དགྲ་་སྟ་བྱར། །པདྨ་གཤོལ་དང་ཐོ་བ་བསྣམས། །ཞབས་བཞི་དོར་སྟབས་བརྐྱང་བསྐུམ་བགྲད། །ཨེ་ཀ་དམར་ནག་ཆས་ཀྱིས་བརྒྱན། །ཁ་ཊ༷་ཐོད་རློན་ཡབ་ལ་སྟོབ། །ཡབ་ཡུམ་གཉིས་མེད་བྱིན་རླབས་ལས། །ཕོ་ཉ་བྱི་ལ་ཕུ་ཤུད་མགོ །དམར་ནག་ལྕགས་ཀྱུ་ཕུར་པ་འཛིན། །དབྱིངས་ནས་སྤྱན་དྲང་བཞུགས་བརྟན་ཕྱག །སྨན་རཀ་གཏོར་མ་ལ་སོགས་མཆོད། །ཐུགས་ཀའི་ཏིང་འཛིན་གསལ་བྱས་ཏེ། །བསྙེན་སྔགས་བཟླས་ཏེ་བཅོལ་སྔགས་གདགས། །དུས་དང་གྲངས་དང་མཚན་མ་རྟགས། །བསྒྲུབ་པ་བྱ་བའི་རིམ་པ་ནི། །དུར་ཁྲོད་དབེན་པའི་གནས་དག་ཏུ། །སྔོན་དུ་འགྲོ་བའི་ལས་རྫོགས་ནས། །དཀྱིལ་འཁོར་ཟླ་གམ་ཁྱམས་སྒོར་བཅས། །སྨན་རག་གཏོར་མ་རྫས་རྣམས་བསགས། །སྔོནབཞིནདཀྱིལའཁོར་བསྐྱེད་སྤྱན་དྲངས། །མཆོད་བསྟོད་བསྒྲུབ་པའི་བཟླས་པ་བྱ། །དམར་ནག་གྲུ་གསུམ་པར་ཁྱམས་བཅས། །དབུས་སུ་ཕུར་བསྒོ་ལ་ཡང་དགོད། །རོ་རས་དག་ལ་འཁོར་ལོ་ནི། །མཁས་པས་རེའུ་མིག་མཚན་མར་བཅས། །ཐུན་དང་རྫས་ལ་སོགས་བྱས་ཏེ། །ཆོ་ག་གཞུད་བསྲང་བསད་སྔགས་བཟླ་ས། །ཐུན་གྱི་ས་བྲབ་ཅིང་གཟིར་བྱས་ནས། །ཐ་མར་མནན་བསྲེག་ལས་ཀྱིས་བསྐུལ། །ཡང་ན་ལིསྐོ་དག་ལའོ། །དཔལ་རྟ་མགྲིན་གྱི་རྒྱུད་ལས། །བསྙེན་བསྒྲུབ་ལས་སྦྱོར་བསྟན་པའི་ལེའུ་སྟེ་གསུམ་པའོ།། ་ །།དེ་ནས་དབང་གི་རྒྱལ་པོ་ཡིས། །དཀྱིལ་འཁོར་དབང་གི་རིམ་པ་ཞུས། །བཅོམ་ལྡན་དབང་གིས་བཀའ་སྩལ་པ། །བསྙེན་བསྒྲུབ་མཐར་ཕྱིན་སློབ་དཔོན་གྱིས། །གང་ཡང་རུང་བའི་གནས་སུ་ནི། །མཚམས་བཅ་ད་ས་ཡི་ཆོ་ག་བྱ། །སྟེགས་བུ་གྲུ་བཞིའི་སྟེང་དུ་ནི། །བུམ་པ་ལ་སོགས་མཆོད་རྫས་དགྲམ། །སྔོན་དུ་འགྲོ་བའི་ལས་རྣམས་བྱ། །ཏིང་འཛིན་རྣམ་གསུམ་གཞལ་ཡས་ཁང་། །པདྨ་དབང་གི་ལྷར་བསྐྱེད་ཅིང་། །སྤྱན་དྲང་ལ་སོགས་རྫོགས་བྱས་ནས། །བསྙེན་དང་ཕྲིན་ལས་རྫོགས་པར་བྱ། །དཀྱིལ་འཁོར་བསྐུ་ཞིང་ཆག་ཆག་གདབ། །རྟ་མཆོག་དྲི་ཡི་ཐིག་ལེ་བྱ། །བསྐྱེད་དང་སྤྱན་འདྲེན་མཆོད་རྫོགས་ནས། །སློབ་མ་ཁྲུས་བྱས་ག༷༷སོལ་གདབ་བཀྲུ། །སོ་ཤིང་ཆོས་བཤད་སྲུང་སྐུད་གདགས། །ཀུ་ཤ་གཏད་ལ་རྨི་ལམ་བརྟག །དེ་ནས་ཐིག་གདབ་ཚོན་བྲིས་ཏེ། །རྒྱན་དང་མཆོད་རྫས་སྒྲུབ་རྫས་དགོད། །ཏིང་འཛིན་དཀྱིལ་འཁོར་ལས་གཞུད་བསྲ༷ང་། །གནས་སུ་ལྷ་རྣམས་བསྐྱེད་བྱས་ནས། །སློབ་མ་འཇུག་པའི་རིམ་པ་བྱ། །དབང་བཞི་པོ་ཡང་བསྐུར་བར་བྱ། །མ་སྨིན་པ་རྣམས་སྨིན་པར་བྱེད། །ཕྱིན་ཆད་འཁོར་བར་ལྡོག་མི་འགྱུར། །དཔལ་རྟ་མགྲིན་གྱི་རྒྱུད་ལས། དབང་བསྐུར་བའི་ལེའུ་སྟེ་བཞི་པའོ།། །།དེ་ནས་མཁའ་ལྡིང་རྒྱལ་པོ་ཡིས། །གསང་སྔགས་གསང་བའི་དོན་རྣམས་ཞུས། །པདྨ་དབང་གིས་བཀའ་སྩལ་པ། །དྷི་པསྙིརྙ་ཀྲི་ཏ་ཧ་ཡ་རྒི་བ་ཨེ་ཀ་ཛ་ཏི་ཧུ་ལུ་ཧུ་ལུ། སྙི༷༷པདྷརྙ་ཀྲི་ཏ་ཧཱུཾ༷་ཧཱུཾ༷་ཕཊ།ཧེ༷༷པདྨརྙ་ཀྲི་ཏ་དེ་མ་དྷ་རི་ཧ་ཡ་སྙི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཛ་ཛ། ཨོ་བཛྲ་ཀྲོ་དྷ་ཧ་ཡ་གི་བ་ཨེ། ཛ་ཏི་ཧུ་ལུ་ཧུ་ལུ་ཧཱུཾ༷་ཕཊ། ཨོ་པདྷརྙ་ཀྲི་ཏ་ཏ་ཡ་རྒི་བ་ཆེ་གེ་མོ་ཀི་ལ་ཡ་ཀི་ལ་ཡ། ནཱ་ར་ཡ་མྱ་ར་ཡ། ག་ས་གཏུབས་སོད་སྒོད། ཧ་ན་ཧ་ན། ད་ཧ་ད་ཧ། པ་ཙ་པ་ཙ་ཧཱུཾ༷་ཕཊ། སྙི༷༷པདྷརྙ་ཀྲི་ཏ་དེ་མ་ཧ་ཡ་རྒི་བ་ཨེ་ཀ་ཙ་ཏི་ཧུ་ལུ་ཧུ་ལུ་ཧཱུཾ༷་ཛ་ཛ། ནཱ་ག་ལི་བཛྲ་ཀི་ལ་ཡ་བཱ་ར་ཡ་སྨྱུ་ར་ཡ་ཧཱུཾ༷་ཕཊ། སྙི༷༷ནཱ་ག་ཙཀྲ་མུ་ར་ལ་ཧཱུཾ༷་ཕཊ། སྙི༷༷པདྷརྙ་ཀྲི་ཏ་ཧ་ཡ་རྒི་བ་ཆེ་གེ་མོའི་ཙིསྟ་ཛ་ལ་ར༷་མྱ་ར་ཡ་ཕཊ། རྙི༷༷པདྷརྙ་ཀྲི་ཏ་ཧ་ཡ་རྒི་བ་ཆེ་གེ་མོ་ཤིརྙ༷་ཀུ་རུ་གྲྭ་ཧྭ། དྷི༷༷ནི་ག་སྟམ་བྷ་ཡ་ནན། ཧི༷༷པདྨརྙ་ཀྲིཏ་ཧ་ཡ་རྒི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཆེ་གེ་མོ་ཀི་ལི་ཀི་ལ་ཡ། མྱ་ར་ཡ་མྱ་ར་ཡ་ཧཱུཾ༷་ཕཊ། ཤག་ཏི་ཚལ་པ་ཚལ་པ་ཧཱུཾ༷་ཕཊ། ཧ་ཧ་ན་ར་ཐུ་ཡི་ཧཱུཾ༷་ཕཊ། བཱ་ར་ཡ་མུ་ར་ཡ། ནཱ་ཤ་ཡ་ནཱ་ཤ་ཡ། ཚལ་པ་ཚལ་པ། སྨྲིནྟྲ་སྨྲིརྙ་ཧཱུཾ་ཕཊ། ཨུ་ཙ་ཏ་ཡ་ཨུ་ཙ་ཏ་ཡ་ཧཱུཾ༷་ཕཊ། རཀྟ་རཀྟ་ཧཱུཾ༷་ཕཊ། ནཱ་ག་མ་ལ་ནི་ཏྲི་ཕྲ་དུ་ནཱ་ག་མ་ལ་ཤིག་གྲྭ་ཧྭ། ཨ་ནི་ལ་དུ་ནི་གྲྭ་ཧྭ། ཕྲི་ཏྲི་ཨ་ཏྲི་ནན། ཨ་ནུ་ཏྲི་སུ་ནན། ཨ་ཏྲི་སུ་ཏྲི་ནན། ནཱ་ག་ཨ་ལི་ཀི་ལི་ནན། ཤུ་ལི་གུ་ལི་ནན། ཤུ་ལི་བྱི་དུ་ནན། ཧོ་ལུ་མ་ནཱ་ག་ཏ་ལི་ནན། ཧོ་ལུ་མ་ཧཱུཾ༷་ཧཱུཾ༷་ཧཱུཾ༷། ཨ་ཨ་ཨ། ཏྲི་མི་པ་ནུ་ཁི་ཧཱུཾ༷། ཨོ་ཏྲི་དུ་ཏྲི་ནན། ཨེ་ནཱ་ག་སོ་ཧྲི་ཧཱུཾ༷། ཨོ་ཏ་ཐུ་ཨོ། ཏ་ཐུ་བཛྲ་ཧཱུཾ༷་ཕཊ། ཨོ་ག་རུ་ཎ་ཧ༷་ས་ཧེ་ཙ་ལེ་ཙ་ལེ་གྲྭ་ཧྭ། སྣྲི༷༷པདྷརྙ་ཀྲི་ཏ་ཤཱརྙི་ཚུརྙུ་བ་ཤང་མྱ་ར་ཡ་སརྦ་བིསྣ༷་ཤ་ཏྲུ༷་ཧཱུཾ༷་ཧཱུཾ༷་ཕཊ། ཨོ་ག་རུ་ཙ་ལེ་ཙ་ལེ་ཧཱུཾ༷་ཕཊ།ཨོད་ཀང་ཨོད་ཀང་། ཁྱུང་ག་རུ་ཎ་ཁྱུང་ག་རུ་ཎ། ཤ་མ་ར་བྱིད་ཐུམ་བཛྲ་མ་ཧྭ་ཀྲོ་ཏ་ཧཱུཾ༷་ཕཊ། དཔལ་རྟ་མགྲིན་གྱི་རྒྱུད་ལས། གསང་སྔགས་བསྟན་པའི་ལེའུ་སྟེ་ལྔ་པའོ།། །།དེ་ནས་མཁའ་ལྡིང་རྒྱལ་པོ་ཡིས། །བསྙེན་བསྒྲུབ་ལས་སྦྱོར་ལ་སོགས་པའི། །རྟགས་དང་མཚན་མའི་རིམ་པ་ཞུས། །བཅོམ་ལྡན་འདས་ཀྱིས་བཀའ་སྩལ་པ། ཁུབ་པའི་རྟགས་དང་མཚན་མ་ནི། །སྐུ་གསུང་ཐུགས་ཀྱི་རྟེན་སོགས་དང་། །མཆོད་དང་བསྐོར་བ་བྱེད་ལ་སོགས། །སྔོན་ཆད་མ་མཐོང་ཡུལ་ཁམས་ན། །ཉི་ཤར་མཆོད་རྟེན་གྲོང་ཁྱེར་རྣམས། །ཉམས་དགའི་གནས་སོགས་དུ་མ་མཐོང། ཁྲུབ་རྟགས་རི་བོའི་རྩེར་ཕྱིན་དང་། །མཁའ་ལ་འཕུར་དང་མཁའ་ལྡིང་བྱ། །རྒྱ་མཚོའི་གཏིང་ནས་ལྟོ་འགྲོ་ལེན། །སྦལ་ལྕོང་སྡིག་པ་རྩངས་པ་སོགས། །གསོད་དང་སྐམས་དང་ཤི་གྱུར་བ། །གདུག་པའི་གཟུགས་རྣམས་མ་ལུས་ཀུན། །བདག་གི་འཁོལ་ཞིང་འདུས་པར་བྱེད། །བསད་པའི་ལས་ལ་སྦྱོར་བའི་ཚེ། །གང་ལ་དམིགས་པ་ཁུགས་ནས་ཀྱང་། །གསོད་གཅོད་ལས་རྣམས་བྱེད་པ་དང་། །ཀླུ་གཉན་ས་གདག་གདོན་ཚོགས་རྣམས། །ངེས་པར་དབང་དུ་འདུས་པ་དང་། །མངོན་སྤྱོད་དྲག་པོས་ཚར་གཅོད་དང་། །བཟང་རྟགས་མཚན་མ་ཀུན་ཀྱང་འབྱུང་། །འཇུག་པའི་རྟགས་ནི་རྨི་ལམ་དུ། །ཆོ་འཕྲུལ་སྣ་ཚོགས་ཅིར་ཡང་སྟོན། །སྐྱེས་པ་བུད་མེད་བཙུན་ཆེན་དང་། །ལྷ་ཁང་ཆུ་དང་སྤྲུལ་ལ་སོགས། །སེམས་ཅན་སྣ་ཚོགས་བདག་ལ་འཚེ། །སྙིང་མི་དགའ་ལ་ཉམས་དམའ་དང་། །རྫུ་འཕྲུལ་སྣ་ཚོགས་སྟོན་པར་བྱེད། །ཞུགས་པའི་རྟགས་ནི་ལུས་ལ་ཡང་། ཁྲ་འཕྲིག་ལ་སོགས་མཛེ་ཡི་ནད། །མཚན་རྟགས་གསལ་ཞིང་རྨི་ལམ་ངན། །གནོད་པའི་ས་རུ་འདུག་པ་དང་། །སེམས་ཅན་ཀུན་གྱི་སྙིང་བརྩེ་བ། །གང་གནོད་ཆོ་འཕྲུལ་དངོས་སུ་འབྱུང་། །ཡི་དྭགས་འབྱུང་པོ་ཞུགས་པ་དང་། །རྟགས་དང་མཚན་མ་རྫུ་འཕྲུལ་རྣམས། །རྨི་ལམ་ལ་སོགས་ངན་པ་འབྱུང་། །ཞུགས་ནས་ཐོན་པའི་མཚན་ཉིད་ནི། །རྣག་ཁྲག་ཕྱི་རུ་ཐོན་པ་དང་། །གཞན་དུ་འཚོང་དང་བཙོན་ལས་ཐར། །ཡིད་དགའ་ཏིང་འཛིན་གསལ་བ་དང་། །སྐུ་གསུང་ཐུགས་ཀྱི་མཚན་མ་རྣམས། །རྙེད་དང་མཁའ་ལས་མེ་ཏོག་འབབ། །འོད་དང་འཇའ་ཚོན་འཇམ་པའི་སྒྲ། །བཟང་པའི་རྟགས་རྣམས་སྟོན་པར་བྱེད། །དཔལ་རྟ་མགྲིན་གྱི་ལས་རྒྱུད་ལས། རྟགས་དང་མཚན་མ་བསྟན་པའི་ལེའུ་སྟེ་དྲུག་པའོ།། །།དེ་ནས་མཁའ་ལྡིང་རྒྱལ་པོ་ཡིས། །མནན་དང་སྦྱིན་སྲེག་བསྐྲད་པ་ཡིས། །ཚར་གཅོད་པ་ཡི་དོན་རྣམས་ཞུས། །རྟ་མགྲིན་དཔལ་གྱིས་བཀའ་སྩལ་པ། །རྒྱས་པའི་སྤྱིན་སྲེག་ཆེན་པོ་ནི། །དཀྱིལ་འཁོར་འདོམ་གང་གྲུ་བཞི་པ། །ཨེ་སྟེ་གྲུ་གསུམ་ཉི་ཤུ་གཅིག །ཁྲག་དང་དུག་གིས་ཞལ་བ་བྱ། །གདུག་པ་ཧོམ་གྱི་ཤིང་བརྩིགས་ཏེ། །མཆོད་རྫས་བསྲེག་རྫས་འབྲུ་དང་དྲུག ་་དང་ཁྲག་དང་མར་ནག་སོགས། །ཐམས་ཅད་ཚོགས་པར་བྱས་ནས་ཀྱང་། །ཕྲིན་ལས་གཞུང་བསྲང་ཐབ་ཁུང་ནང་། །མེ་ལྷ་ཨག་ནེ་རྭ་ཛ་ལ། །མཆོད་བསྟོད་རྫོགས་པར་བྱས་ནས་ཀྱང་། །ལྟོ་བར་ལྷ་བསྐྱེད་སྤྱིན་སྲེག་དབུལ། །ཕྲིན་ལས་བྱ་བ་རྣམས་སྐབས་སྦྱར། །ཐུན་ལ་སོགས་པ་ཅི་རིགས་བྱ། །བསྡུས་པ་ཐབ་ཁུང་བུད་ཤིང་བརྩིག །བསྲེག་རྫས་ལ་སོགས་འབྱོར་ཚོགས་བྱ། །ཐབ་བསྐྱེད་མེ་དམར་ལྷར་བསྐྱེད་ནས། །ཆོ་ག་གཞུད་བསྲང་མཆོད་བསྟོད་ནས། །མཇུག་ཏུ་ཐུན་དང་བྲོ་བརྡུངས་ཏེ། །ཐལ་བ་རྒྱ་གྲམ་ལམ་དུ་འཕྱར། །མནན་པ་དགྲ་བགེགས་རྣམ་གསུམ་ལས། །དགྲ་བོ་ཀླུ་ལ་གཏད་པ་དང་། །བགེགས་ལ་ཐོད་པར་གཟུགས་བཅུག་སྟེ། །མནན་ནས་རྟ་གདོང་བྲོ་ཡིས་བརྡུང་། །ཡང་ན་གང་གནོད་གཟུགས་བྲིས་མནན། །བསྐྲད་པའི་འཁྲུལ་འཁོར་བསྐོར་ནས་ཀྱང་། །རི་རྩེ་ཆུ་གཞུང་རླུད་ལ་བསྐུར། །འབྱུང་པོ་རེངས་བའི་འཁོར་ལོ་ནི། །རྩང་ལ་བརྒྱངས་ལ་སྦད་པར་བྱ། །དཔལ་རྟ་མགྲིན་གྱི་ལས་རྒྱུད་ལས། །མནན་སྲེག་སྐྲོད་ཅིང་རེངས་པར་བྱེད་པའི་ལེའུ་སྟེ་བདུན་པའོ།། །།དེ་ནས་མཁའ་ལྡིང་རྒྱལ་པོ་ཡིས། །ལས་རྣམས་རབ་ཏུ་བྱེད་པའི་དོན། །གར་དབང་ཉིད་ལ་རབ་ཏུ་ཞུས། །དབང་ཕྱུག་གར་གྱིས་བཀའ་སྩལ་པ། །རྗེས་འཇུག་རྣལ་འབྱོར་སྒྲུབ་པ་པོས། །བསྙེན་པ་བསྒྲུབ་པ་མཐར་ཕྱིན་ནས། །ལས་ནི་གང་བྱས་འགྲུབ་པར་བྱེད། །དབབ་བཅད་གཉིས་ཀྱི་ལས་རྣམས་ནི། །གང་ཡང་རུང་བའི་ཡུལ་ཁམས་སུ། །མཆོད་དང་སྤྱིན་གཏོང་རྒྱ་ཆེར་བྱ། །ཕུར་བུ་བཅུ་སྔགས་བྲིས་ལ་གདགས། །རབ་གནས་བྱིན་བརླབ་མཆོད་བྱས་ཏེ། ་་་དཀར་རྫས་ལྔ་དག་ལ་བསྔགས། །ཕྱོགས་བཅུར་གསེར་སྐྱེམས་གཏོར་མ་གཏང་། །ཕུར་བུ་བཅུ་དང་ཐོ་ཡིས་བསྐོར། །རང་ཉིད་ལྷར་བསྒོམ་སྡིགས་མཛུབ་བསྒྲེང་། །སྔགས་བཟླས་རྫས་ཀྱིས་གཏོར་བར་བྱ། །གཞན་ཡང་གཏོར་མ་ཐུན་རྫས་བསག །ལྷ་བསྐྱེད་ཡུལ་གྱི་ལྷ་ཀླུ་མཆོད། །བསྙེན་དང་བསྒྲུབ་སྔགས་མཇུག་ལ་ཡང་། །ནཱ་ག་རྭ་ཛ་ཆེ་ཕོབ་ཅེས། །ཞི་དྲག་གཉིས་ཀྱིས་དབབ་པར་བྱ། །དམ་ཚིག་ལྡན་པའི་རྣལ་འབྱོར་པས། །རས་སམ་གྲོ་གའི་ཤུན་པ་ལ། །སྲུང་བའི་འཁོར་ལོ་སྔགས་དང་བཅས། །མཎྜལ་སྟེང་གཞག་བྱིན་གྱིས་བརླབ། །མཆོད་བསྟོད་བྱས་ལ་ལུས་ལ་གདགས། །ཡང་ན་ཚོན་སྐུད་སྣ་ལྔ་ལ། །སྔགས་བཟླས་མདུད་པ་བྱས་ནས་ཀྱང་། །བྱིན་བརླབ་སྐྱབས་འགྲོ་བྱ་ཞིང་གདགས། །རས་སམ་འཁར་གཤོང་ནང་དག་ཏུ། །ཀླུ་གཟུགས་སྣ་ཚོགས་བཅུག་ནས་ནི། །སྨན་དང་གཏོར་མ་བྱིན་བརླབ་དབུལ། །བཀའ་བསྒོ་བྱས་ཏེ་སྦས་གྱུར་ན། །ཀླུ་ནད་ཀུན་ལས་ཐར་པར་བྱེད། །གང་ཡང་རུང་བའི་མཐུན་རྫས་དང་། །གཏོར་མ་དག་གིས་མཆོད་བྱས་ཏེ། །གནས་སྐབས་གང་བྱེད་ལས་བཅོལ་ཞིང་། །དབང་བསྐུར་ཟིལ་མནན་བསྟོད་བྱས་ནས། །ཐ་མ་ལས་ལ་གཟུད་པར་བྱ། །ཏིང་འཛིན་གཞལ་ཡས་ལྷ་བསྐྱེད་ནས། །སྤྱན་དྲང་མཆོད་བསྟོད་རྫོགས་བྱས་ནས། །མེ་ཡི་རྣལ་འབྱོར་རྫོགས་བྱས་ནས། །སྔགས་བཟླས་གང་འདོད་བསྲེག་པར་བྱེད། །རིན་པོ་ཆེ་ཡི་བུམ་པའི་ནང་། །ཚེ་ཆང་རྫས་དང་སྨན་བླུག་སྟེ། །མཎྜལ་སྟེང་གཞག་བྱིན་གྱིས་བརླབ། །འཇིག་རྟེན་ཁམས་གྱི་ཚེ་བཀུག་ནས། །སྔགས་བཟླས་བསྟོད་ཅིང་བསྟིམ་པར་བྱ། །ལས་རྣམས་དབང་དུ་བསྡུ་བ་ལ། །རང་ཉིད་སྔགས་བཟླས་ལྷ་བསྒོམས་ཏེ། །གཏོར་མ་སྔགས་བཟླས་རྫས་རྣམས་བསག །སེང་ལྡེང་ཕུར་བ་བྱིན་བརླབས་ལ། །ཐ་མ་ལས་ལ་སྦྱར་བྱས་ན། །གང་ལ་བྱ་བ་དབང་དུ་འགྱུར། །དཔལ་རྟ་མགྲིན་གྱི་ལས་རྒྱུད་ལས། ལས་སྣ་ཚོགས་བསྟན་པའི་ལེའུ་སྟེ་བརྒྱད་པའོ།། །།དེ་ནས་མཁའ་ལྡིང་རྒྱལ་པོ་ཡིས། །དམ་ཚིག་བལྟ་བའི་དོན་རྣམས་ཞུས། །བཅོམ་ལྡན་འདས་ཀྱིས་བཀའ་སྩལ་པ། །སྤྱིར་ན་ལས་རྣམས་ཐམས་ཅད་ལ། །བསྙེན་བསྒྲུབ་ལས་རྣམས་ཐམས་ཅད་ཀུན། །དམ་ཚིག་སྡོམ་པ་མེད་ན་མི་འགྲུབ་པས། །དེ་བས་དམ་ཚིག་ཚུལ་བཞིན་བསྲུང་། །དངོས་གྲུབ་གཉིས་དང་བྱིན་རླབས་ཀྱང་། །རྩ་བ་ཡན་ལག་བསྲུངས་ལས་འབྱུང་། །བླ་མ་བཀུར་དང་ལུས་ངག་ཡིད། །སྒོ་གསུམ་རྒྱུན་དུ་ཉམས་མི་བྱ། ཁེས་བཞིན་ལྡན་པས་མཉེས་པའི་ཐབ། །བག་ཡོད་གནས་པས་འགལ་མི་བྱ། །ལྷ་དང་སྔགས་ལ་སོགས་པ་དང་། །སྤྱི་དང་བྱེ་བྲག་དམ་ཚིག་དང་། །ཐུན་བཞིའི་རྣལ་འབྱོར་ཉམས་མི་བྱ། །སེམས་ཅན་རྣམས་ལ་བྱམས་པ་བསྐྱེད། །སྙིང་རྗེའི་བསམ་པ་རྒྱུད་དུ་བསྐྱེད། །བླ་མ་མཆོད་ལ་ཉམས་མི་བྱ། །རྫས་དང་མཆོད་པ་ཆག་ཉམས་མེད། །ཡིད་གཉིས་ཐེ་ཚོམ་རྣམ་པར་སྤང་། །ང་རྒྱལ་རློམ་སེམས་ཕྲག་དོག་དང་། །དུག་གསུམ་ཉོན་མོངས་འཇོམས་པར་བྱེད། །ལེ་ལོ་སྙོམས་ལས་དོར་བྱས་ཏེ། །བརྩོན་འགྲུས་ཕ་རོལ་ཕྱིན་རྫོགས་ཤིང་། །མདོར་ན་དགེ་བཅུ་དང་དུ་བླངས། །གསང་སྔགས་ལྟ་སྤྱོད་ཟུང་དུ་འབྲེལ། །བསྙེན་བསྒྲུབ་གཞུང་བསྲང་ལས་ངན་དོར། །གསང་སྔགས་དམ་ཚིག་གཞུང་བཞིན་བསྲུང་། །ལྟ་བས་ཐག་བཅད་གདེང་དུ་བཅའ། །འཁོར་བ་མྱ་ངན་འདས་པའི་ཆོས། །མ་ལུས་རིག་པ་བྱང་ཆུབ་སེམས། །སྐྱེ་འགག་མེད་པའི་མཐའ་ལས་གྲོལ། །རྣམ་རྟོག་ཆོས་དབྱིངས་ངང་དུ་གཞིལ། །མ་སྤངས་ཆོས་ཉིད་གཟུང་འཛིན་མེད། །ཡེ་ནས་རང་བྱུང་ཆོས་ཉིད་སྐུ། །མཚན་མའི་སྤྲོས་པ་ཡེ་སངས་རྒྱས། །མཁའ་ལྟར་ཁྱབ་པའི་ཐུགས་རྗེ་ཡིས། །འཁོར་བའི་སྡུག་བསྔལ་ཉོན་མོངས་རྣམས། །ཐམས་ཅད་མ་ལུས་འཇོམས་མཛད་མ། །བདེ་ཆེན་ཟུང་དུ་གཤོམ་མཛད་མ། །ཕྱོགས་རིས་མེད་པ་སྙོམས་མཛད་མ། །དཔལ་རྟ་མགྲིན་གྱི་ལས་རྒྱུད་ལས། དམ་ཚིག་དང་བལྟ་བའི་ལེའུ་སྟེ་དགུ་པའོ།། །།དེ་ནས་མཁའ་ལྡིང་རྒྱལ་པོ་ཡིས། །བསྡུས་པའི་ཚིགས་རྣམས་ཀུན་གྱིས་ཀྱང་། །ཁྲོ་རྒྱལ་དབང་ལ་འདི་སྐད་བསྟོད། །ཧཱུཾ༷། །བཅོམ་ལྡན་དཔལ་ཆེན་པདྨ་ཧེ་རུ་ཀ །ནུབ་ཕྱོགས་སྣང་བ་མཐའ་ཡས་ཞིང་ཁམས་ནས། །དབང་གི་རྒྱལ་པོ་ཟླ་གམ་གདེངས་པ་ལ། །དཔལ་མཆོག་ཧ་ཡ་རྒི་བ་དབང་གི་ལྷ། །དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་བཞུགས། །དབུ་གཙུག་རྟ་མགོ་ལྗང་གུ་ཙེ་རེ་རེ། །སྤྱན་དགུ་གཟིགས་ནས་སྡང་མིག་འོད་ལམ་ལམ། །སྨིན་མཚམས་ཤངས་དབྲག་ཁྲོ་གཏེར་གློག་ལྟར་འགྱུ། །རྗོག་མ་ལེ་བརྒན་དབང་གི་མེ་དཔུང་འབར། །དཔྲལ་བ་ཞུར་པོ་བྱམས་པའི་ཉི་མ་ཤར། ཁྲངས་ནས་རླུ་་འབྱུང་རྡོ་རྗེའི་ཚུབས་ནག་འཁྱིལ། །ལྗགས་འདྲིལ་མཆེ་གཙིགས་མེ་སྟག་འོད་སྟོང་འཕྲོ། །བསྐལ་བའི་མེ་སྟོང་འབར་བའི་ཀློང་ན་བཞུགས། །སྤྲུལ་པའི་དབུ་རྒྱན་མང་པོ་སྐར་ལྟར་ཞབྲུགས། །རྡོ་རྗེ་གནམ་ལྕགས་འབར་བའི་ཐོག་ཐོག་འཕེན། །དབུགས་ཀྱིས་རྔུབས་པས་ཁམས་གསུམ་དབང་དུ་སྡུད། །ཨེ་ཀ་ཛ་ཏི་གསང་བའི་ཡུམ་དང་འཁྲིལ། །ཡོན་ཏན་བརྗོད་མི་ལང་ལ་ཕྱག་