Ngb-pt-0238-vol-03-text
Front
Body
རྒྱ་གར་སྐད་དུ། ལོ་ཀ་སྟོ་ཏྲ་པུ་ཛ་ནོ་བི་ཀ་སྨུ་ལ་ཏནྟྲ་ནཱ་མ། བོད་སྐད་དུ། འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོ་རྡོ་རྗེ་འཛིན་པ། དུས་གསུམ་གྱི་སངས་རྒྱས་མ་ལུས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་ཕྲིན་ལས་མ་ལུས་པ་ཡང་དག་པར་བསྒྲུབ་པར་མཛད་པ། མཐུ་དང་སྟོབས་དང་མི་འཇིགས་པ་དང་། དབང་ཕྱུག་དང་གཟུགས་ཀྱིས་འཇིགས་པར་བྱེད་པ། གཏུམ་པོ་དང་དྲག་ཤུལ་ཅན་དང་། དྲེགས་པ་ཅན་དང་། སྟོབས་ཅན་དང་། བཟོད་པར་དཀའ་བ་དག་མྱུར་དུ་འདུལ་བར་བྱེད་པ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ། །དེ་ཁོ་ན་ཉིད་ལས་ཕྱུང་བ། བྱང་ཆུབ་སེམས་དཔའ་ཆེན་པོ་གཙོ་བོ་ཆེན་པོ་མཐར་ཕྱིན་པ་ལ་རབ་ཏུ་ཞུགས་པ། འདོད་པའི་ཁམས་དང་གཟུགས་ཀྱི་ཁམས་སུ་གཏོགས་པའི་དབང་ཕྱུག་ལྷའི་རིགས་རྣམས་ཀྱི་བདག་པོ་ཆེན་པོ། ལྕང་ལོ་ཅན་གྱི་གནས་དང་། རི་རབ་ཀྱི་གནས་ཀྱི་གནོད་སྤྱིན་རྣམས་ཀྱི། སྡེ་དཔོན་ཆེན་པོ་དེ། འོག་མིན་གྱི་གནས་ལྷའི་རྒྱལ་པོའི་ཁང་བཟངས་ན་བཞུགས་ཏེ། དུས་གསུམ་དུ་རྣམ་པར་བཞུགས་པའི་སངས་རྒྱས་རྣམས་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འོད་ཟེར་སྣ་ཚོགས་བཀྱེ་ནས། ཚིག་འདི་སྐད་ཅེས་བསྐུལ་ཏོ། །ཀྱེ་ཀྱེ་གསང་བདག་རྡོ་རྗེ་འཛིན། །ཁྱོད་ནི་སངས་རྒྱས་ཐམས་ཅད་ཀྱི། །བསྟན་པ་དམ་པ་སྲུང་བ་ཡི། །མཐུ་སྟོབས་བདག་པོར་དབང་བསྐུར་ཏེ །དམ་ཚིག་ཆེན་པོ་དེ་གཟིགས་ལ། །སྐུ་གསུང་ཐུགས་ཀྱི་གསང་བ་ལས། །འཇིག་ཆེན་འཇིགས་པར་བྱེད་པ་ཡི། །སྐུ་མཆོག་དྲག་པོའི་གསུང་དང་བཅས། །ག་་པའི་ཐུགས་ཀྱི་ཤུགས་ཕྱུང་ལ། །གདུལ་དཀའ་མ་ལུས་འདུལ་བའི་ཕྱིར། །སྤྲུལ་པ་འཕྲུལ་པའི་ཕྲིན་ལས་ཀྱིས། །སྔོན་གྱི་ཐུགས་དམ་རོལ་པར་མཛོད། །ཅེས་པ་སྐུལ་མ་ཐག་ཏུ། །བཅོམ་ལྡན་འདས་དེས་སངས་རྒྱས་ཀྱི་ཕྲིན་ལས་ཆེན་པོ་མཛད་པའི་དུས་ལ་བབ་པར་མཁྱེན་ནས། ཉིད་ཀྱི་སྐུ་གསུང་ཐུགས་ཞི་བ་ཆོས་ཉིད་དེ་བཞིན་ཉིད་ལས་མ་གཡོས་ཀྱང་། གདུལ་བར་བྱ་བའི་ཡུལ་དྲག་ཤུལ་ཅན་རྣམས་ལ་གཟིགས་ནས། ཕྱོགས་བཅུ་ནམ་མཁའི་མཐའ་དང་མཉམ་པའི་འཇིག་རྟེན་གྱི་ཁམས་མ་ལུས་པ་ཐམས་ཅད་དུ། སྐུའི་རྣམ་པར་འཕྲུལ་པ་བསམ་གྱིས་མི་ཁྱབ་པ་ཁྲོ་བོ་ཆེན་པོའི་གཟུགས་འདི་ལྟ་སྟེ། སྐུ་མདོག་མཐིང་ནག་ཞལ་དགུ་པ་ལ། གཡས་ཀྱི་ཞལ་ནི་ཁམ་ནག་གཙིགས་པ།གཡོན་གྱི་ཞལ་ནི་སྨུག་ནག་བསྡུས་པ། དབུས་ཀྱི་ཞལ་ནི་མཐིང་ནག་ཁྲོ་ཞིང་རྔམས་པ། ཕྱག་གཡས་དང་པོ་ན་རྡོ་རྗེ་འབར་བས་གཡོན་གྱི་དུང་དམར་དཀྲུགས་ཤིང་གསོལ་བ། །གཡས་འོག་མ་བརྒྱད་ན་ལྷ་ཆེན་པོ་བརྒྱད་བསྒྲལ་བའི་མགོ་བོ་བསྣམས་པ། གཡོན་གྱི་འོག་མ་བརྒྱད་ན་ཀླུ་ཆེན་པོ་བརྒྱད་གྱི་མགོ་བོ་བསྣམས་པ། དེ་དག་ཀྱང་གཡང་གཞི་དང་བཅས་པ། གཡས་ཀྱི་སྤྱན་དགུ་གྱེན་ལ་བཟློག་པ། གཡོན་གྱི་སྤྱན་དགུ་འཕྲེད་ལ་གཟིགས་པ། དབུས་ཀྱི་སྤྱན་དགུ་ཐུར་ལ་སྡང་མིག་མཛད་པ། ཁྲོ་གཉེར་དྲག་པོ་དཔྲལ་བར་བསྡུས་པ། ཤངས་ནས་སྲིད་པའི་རླུད་དྲག་པོ་འཅོས་པ། ཞལ་ནས་བསྐལ་པའི་མེ་འབར་བ མཆེ་བ་དམར་པོ་བར་སྣང་ཁམས་སུ་གཙིགས་པ། སྨ་ར་ཨག་ཚོམ་སྤྲིན་བཞིན་དུ་གཏིབས་པ། །དབུ་སྐྲ་རལ་པ་ཁམ་ནག་སྲིད་པའི་རྩེ་མོར་འབར་ཞིང་འཁྱིལ་བ། སྙན་ནས་གདུག་པའི་སྒྲ་ཆེན་པོ་འབྱིན་པ། སྦྲུལ་གྱི་ཆུན་པོས་ཡན་ལག་དཀྲིས་པ། བདུད་དང་རྭ་ཏྲ་བསྒྲལ་བ་དང་། གླང་པོ་ཆེའི་པགས་པ་ན་བཟར་གསོལ་པ། སྟག་གི་པགས་པས་སྐུ་སྨད་དཀྲིས་པ། ཁྲག་དང་ཞག་གི་ཐིག་ལེ་དང་རི་མོས་བརྒྱན་པ། ཐལ་ཆེན་གྱིས་ལུས་བྱུགས་པ། ཐོད་པ་སྐམ་པོ་དང་རློན་པ་དང་། ཤ་ཁྲག་ར་རི་ཅན་གྱི་ཕྲེང་བ་བྱས་ནས་བརྒྱན་པ། ཞབས་བརྒྱད་ཀྱིས་ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། བརྒྱ་བྱིན་ཆུང་མ་དང་བཅས་པ་དག༷་མནན་པ། ཡུམ་ཆེན་མོ་རབ་ཏུ་ག་་མོ་འཇིགས་བྱེད་མ་རང་གི་སྐུ་དང་མཚུངས་པ་ཞིག་མཉམ་པར་སྦྱོར་བ། གྲངས་མེད་ཅིང་བརྗོད་ཀྱིས་མི་ལང་བ། བྱེ་བ་ཏིལ་གྱི་གང་བུ་བཞིན་དུ་གྱུར་པ་ཐམས་ཅད་ཀྱང་། ཨཱོཾ་བཛྲ་ཙཎྜ་སརྦ་དུ་་ཏ་ག་ཧ་ན་ད་ཧ་པ་ཙ་ཧུ༷་ཕཊ། ཅེས་བྱ་བའི་གསུང་སྒྲ་དྲག་པོ་འབྱིན་པ། དེ་དག་རེ་རེ་ལས་ཀྱང་སྤྲུལ་པ་དང་སྤྲུལ་པའི་ཡང་སྤྲུལ་བསམ་གྱིས་མི་ཁྱབ་པ་རབ་ཏུ་སྣང་བར་མཛད་པས། འཇིག་རྟེན་གྱི་ཁམས་ཀྱི་དྲེགས་པ་ཅན། ལྷའི་ཚོགས་དང་། བདུད་དང་། གཤིན་རྗེ་དང་། སྲིན་པོ་དང་། གནོད་སྤྱིན་དང་། གཟའ་བདུད་དང་། ཀླུ་དང་། རྒྱལ་པོ་་དང་། གིང་དང་། མ་མོ་ཆེན་མོ་རྣམས་དང་། མཁའ་འགྲོའི་ཚོགས་དང་། རྭ་ཏྲ་དང་། མུ་སྟེགས་དང་། སྲོག་གི་བདག་པོ་དང་། ནོར་གྱི་བདག་པོ་དང་། ཚེའི་བདག་པོ་དང་། སྔགས་ཀྱི་བདག་པོ་དང་། སྲིད་པའི་བདག་པོ་དང་། གཞན་ཡང་འཇིག་རྟེན་གྱི་ཁམས་ཐམས་ཅད་དང་། དུར་ཁྲོད་ཆེན་པོ་དང་། ཡུལ་ཆེན་པོ་དང་། འཛམ་བུའི་གླིང་གི་མཐའ་ཁོབ་ཀྱི་ས་དང་། རི་ཡི་རྒྱལ་པོ་དང་། རི་ཕྲ་མོ་དང་། རྒྱ་མཚོ་དང་། ཆུ་བྲན་དང་། ཡོངས་སུ་འདུ་བའི་ཤིང་དང་། ནགས་ཚལ་ཆེན་པོ་དང་།གནས་ཕྲ་མོ་བསམ་གྱིས་མི་ཁྱབ་པ་དག་ན་གནས་པའི་འཇིག་རྟེན་གྱི་དྲེགས་པ་ཅན་ཕོ་དང་མོའི་རྣམ་པར་འདུག་པ་དང་། གཙོ་བོ་དང་འཁོར་གྱི་ཁྱད་པར་དུ་རྒྱུ་བ་དང་། བྲན་དང་གཡོག་གི་ཚོགས་དང་བཅས་པ་དག་གིས་རང་རང་གི་གནས་ནས་མྱུར་དུ་སྔངས་ཤིང་སྐྲག་ལ་འཇིགས་པ་དང་། ཡ་ང་བའི་སེམས་དང་། དུབ་པའི་སེམས་ཀྱིས་ཐོན་ཏེ། བཅོམ་ལྡན་འདས་དེའི་སྤྱན་སྔར་རླུད་དྲག་པོའི་ཤུགས་ཀྱིས་རབ་ཏུ་བསྐྱོད་པའི་ཤིང་བལ་གྱི་འདབ་མ་བཞིན་དུ་རང་ལ་དབང་མེད་པར་ལྷགས་པར་གྱུར་ཏོ། །ཕྱོགས་བཅུའི་འཇིག་རྟེན་གྱི་ཁམས་མ་ལུས་པ་དང་། ཁྱད་པར་དུ་མི་མཇེད་ཀྱི་འཇིག་རྟེན་གྱི་ཁམས་ན། གླིང་བཞི་དང་། རྒྱ་མཚོ་ཆེན་པོ་དང་། རོལ་པའི་ཆུ་ཀླུང་གི་གནས་དང་བཅས་པ་དང་། རི་རབ་ཆེན་པོ་དང་། རི་བདུན་གནོད་སྦྱིན་གྱི་ཚོགས་དང་། ལྷའི་གནས་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་དང་བཅས་པ་དང་། དམྱལ་བ་དང་། ཡི་དྭགས་དང་བྱོལ་སོང་གི་སྐྱེ་གནས་ན་གནས་པ་དང་། འཛམ་བུའི་གླིང་གི་སའི་ཆ་ན་གནས་པའི་དྲེགས་པ་ཅན་རྣམས་སོ་སོ་ནས་རང་རང་གི་མདུན་ན་དྲག་པོ་ཆེན་པོའི་སྐུ་གཟི་བྱིན་དཔག་ཏུ་མེད་པ། གཞན་དག་གི་ཉེ་བའི་ཐུག་མི་ཐུབ་པ། རེ་རེ་འདུག་པར་མཐོང་སྟེ། དེ་དག་ཐམས་ཅད་ཐ་དད་དུ་རང་རང་གི་སྡེ་དཔོན་ཆེན་པོ་རྣམས་ལ་སྐྱབས་སུ་འགྲོ་བར་བྱེད་དོ། །སྡེ་དཔོན་ཆེན་པོ་རྣམས་ནི་འཇིགས་བྱེད་ཆེན་པོའི་སྐུ་གསང་བ་པའི་བདག་པོ་དེ་ལ་རང་རང་གི་འཁོར་དང་བཅས་ནས་སྐྱབས་སུ་འགྲོ་བར་བྱེད་དེ། ཐམས་ཅད་ཀྱིས་རང་རང་གི་གཟུགས་དང་། ལོང་སྤྱོད་དང་འཁོར་དང་། རྒྱན་དང་།བཤོན་པ་དང་། གནས་དང་། ཉེ་བར་སྤྱོད་པ་ཕྲིན་ལས་ཀྱི་ཁྱད་པར་མ་ལུས་པར་བསྟན་ཅིང་། མིང་གི་སྙིང་པོ་རྣམས་མངོན་དུ་ཕྱུང་སྟེ་སྨྲས་སོ། །མ་ཧྭ་དེ་བ་ཨེ་ཛ། ཨུ་མ་དེ་བ་ཨེ་ཛ། དུ་པྲ་མ་དུ་ཕྲག་དུ་ཛ། དུན་ཏིང་མ་དུ་ཛ། འཇིག་རྟེན་གྱི་དབང་ཕྱུག་ཆེན་པོ་ཡབ་ཡུམ་བདུད་ཕོ་མོ་དང་བཅས་པ་རྣམས་ཀྱིས་རང་གི་མིང་ཕུལ་བའོ། །དེ་ནས་གཤིན་རྗེའི་སྡེ་དཔོན་རང་གི་ཚོགས་དང་བཅས་པས། རང་གི་མིང་དང་སྲོག་ཏུ་བཅས་པ་ཕུལ་བ། །སྙི༷༷སྐྱི༷༷བི་ཀྲི་ཏྭ་ན་ན་ཡ་མ་པྲེ་ཏ་ཛ། མ་མ་ཡ་མུན་ཏི་བྷ་ཏྲི་ཛ། ཞེས་ཕུལ་ལོ། །དེ་ནས་སྲིན་པོའི་སྡེ་དཔོན་རང་གི་འཁོར་དང་བཅས་པས་མིང་གི་སྙིང་པོ་ཕུལ་བ། རཀྟ་ཧི་ཤ༷་མ་ཏི་རཀྟ་མ་ཤུ་ཏྲི་ཛ། ཞེས་ཕུལ་ལོ། །དེ་ནས་གནོད་སྦྱིན་གྱི་སྡེ་དཔོན་རང་གི་འཁོར་དང་བཅས་པས་རང་གི་སྙིང་པོ་ཕུལ་བ། ཡཀྟ་ཀུ་བེ་རཀྟ་ཏི་མ་ཡཁྱི་མ་ཛ། ཞེས་ཕུལ་ལོ། དེ་ནས་འཇིག་རྟེན་གྱི་གནོད་སྤྱིན་ལྷའི་སྡེ་དཔོན་ཁ་བ་ཅན་གྱི་དབང་པོས་རང་གི་མིང་ཕུལ་བ། ག༷་བ་བྷ་ར་དྷི་བ་ཏ་དུ་ཏི་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་རྒྱལ་ཕྲན་གྱི་སྡེ་དཔོན་ལྷའི་སྡེ་སུམ་ཅུ་གསུམ་གྱི་བདག་པོས་རང་གི་མིང་ཕུལ་བ། ག༷་ཏྲི་པ་ཤ་ལི་བ་ར་ཏྲི་ལ༷་ཀ་ར་ཤ་ཛ། ཞེས་ཕུལ་ལོ། །དེ་ནས་སྤྱི་བདུད་ཀྱི་སྡེ་དཔོན་རང་གི་འཁོར་དང་བཅས་པས་མིང་གི་སྙིང་པོ་སྨྲས་ཏེ། དུ་ཕྲ་ཤ༷་ཛ༷༷ཨ་ཀ་རུ་ཀ༷་ཙ་ཛ། ཞེས་ཕུལ་ལོ། །དེ་ནས་ཡེ་ཤེས་ལས་ལ་གྲུབ་པ་དང་། དམ་ཚིག་གི་ཚོགས་ཀྱི་བདག་མོ་སྲིད་པ་དབང་སྡུད་མ་དང་། རལ་པ་གཅིག་མ་དང་། མཁའ་འགྲོ་མའི་ཚོགས་ཀུན་གྱིས་རང་གི་སྙིང་པོ་ཕུལ་བ། བ༷་མ་མ་ཏྲག་མུ་ཏྲ་རྭ་ཛ། ཨེ་ཀ་ཛ་ཏི་རུ་རུ་རོ་ཏི་ཏ་བྷད་ཏོ། །རེ་མ་ཏི། ཁ་མུནྟྲ་ཙ་པ་ལི་མ་ཤ་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་ལྷ་བཙན་པོ་དང་དུ་ཏྲའི་རིགས་ཀྱི་སྡེ་དཔོན་ཆེན་པོ་རྣམས་ཀྱིས་རང་གི་མིང་གི་སྙིང་པོ་ཕུལ་བ། དྷི་བ་ཨ་སྟི་ཤུ་ཏྲི་རུ་ཏྲ་ནི་ཛི་ཧ༷་ཤ༷་ཏྲི་ཏྲི་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་བགེགས་ཀྱི་རྒྱལ་པོ་དང་། མུ་སྟེགས་བྱེད་དང་། བདུད་དང་། དམུའི་ཚོགས་ཀྱིས་རང་གི་མིང་གི་སྙིང་པོ་ཕུལ་བ། བི་ནཱ་ཡ་ཀ་ཏི་ཐི་ཀ་དུ་མུན་མུན་པ་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་སྲོག་གི་བདག་པོ་དང་། གནོད་སྦྱིན་གླུའི་བདག་པོ་རྡོ་རྗེ་ཅན་དང་། དགྲ་བླའི་རྒྱལ་པོ་ཆེན་པོ་དང་། ལྷའི་དབང་ཕྱུག་ནག་པོ་ཆེན་པོའི་ཚོགས་ཀྱི་སྡེ་དཔོན་ཆེན་པོ་རྣམས་ཀྱིས་རང་རང་གི་མིང་གི་སྙིང་པོ་ཕུལ་བ། གིང་ཀ་ར་ཏྲི་པ་ལེ་ར་ཙ་བཛྲ་བུ་རུ་ཛ། བཛྲ་སྭ་རྙུ་ཏྲི་ཛ། མ་ཧྭ་ཀྭ་ལ་ཡཀྟ་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་ཀླུ་དང་། གཟའ་སྐར་གྱི་སྡེ་དཔོན་ཆེན་པོ་རྣམས་ཀྱིས་རང་རང་གི་མིང་གི་སྙིང་པོ་ཕུལ་བ། ནཱ་ག་ཙིསྟ་ཧུ་ཡ་ན་གི་མ་ན་ཀྟ་ཏྲ་རྭ་ཧུ་ལ་བྷ་ཧེ་པ་ཤ་མི་གི་ཧུ༷་ཛ། ཞེས་ཕུལ་ལོ། །གཞན་ཡང་འཇིག་རྟེན་གྱི་ཁམས་ཀྱི་དྲེགས་པའི་དབང་ཕྱུག་མ་རུངས་པ་འཁོར་དང་བཅས་པ་དག་གིས་རང་རང་གི་ལུས་དང་སྲོག་ཏུ་བཅས་པ་ཕུལ་བ ཨེ་ཨསྒྲོ་ཛ་ས་མ་ཡ་སྲོག་བྲེང་བྲེང་ཛ་ཛ། ཞེས་ཕུལ་ལོ། །དེ་ནས་བཅོམ་ལྡན་འདས་ཀྱིས་དྲེགས་པ་ཅན་འཁོར་དང་བཅས་པ་དེ་དག་དབུགས་ཕྱུང་ནས། མི་འཇིགས་པ་བྱིན་ཏེ་འདི་སྐད་དུ། ཀྱེ་མ་འཇིག་རྟེན་དྲེགས་པའི་ཚོགས། །ཁྱེད་རྣམས་ང་ལ་མ་འཇིགས་ཤིག །ང་ནི་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་ཕྲིན་ལས་བདག །ཆོས་ཉིད་ཞི་བ་ཆེན་པོ་ཡི། །ཐུགས་རྗེ་དང་ནི་ཡེ་ཤེས་ཀྱི། །དུས་གསུམ་འདུས་བྱས་འདུས་མ་བྱས། །སྐད་ཅིག་ཉིད་ལ་མངོན་དུ་གསལ། །མ་འོང་སེམས་ཅན་དོན་གྱི་ཕྱིར། །སྣ་ཚོགས་ལུས་ཀྱི་གསང་བ་སྟོན། །དྲེགས་པའི་སྡེ་དཔོན་ཁྱེད་རྣམས་ཀྱང་། །ཐོག་མ་མེད་ནས་ད་ལྟའི་བར། །ཉོན་མོངས་འཁྲུལ་པའི་དབང་གྱུར་ཏེ། །གནས་ངན་ལན་གྱི་བག་ཆགས་ཀྱིས། །ལུས་ངག་ཡིད་ཀྱིས་མི་དགེར་སྤྱོད། །འཁོར་བའི་སྡུག་བསྔལ་རྒྱུན་མི་འཆད། །ན་རག་ཆེན་པོར་ལྷུང་ནས་ནི། །ཐར་པའི་དུས་མེད་འབྱུང་སྲིད་ཀྱི། །དེ་བས་ད་ལྟའི་དུས་མཆོག་འདིར། །ང་དང་སངས་རྒྱས་ཐམས་ཅད་ཀྱི། །སྐུ་གསུང་ཐུགས་དང་ཡོན་ཏན་དང་། །མཛད་པའི་ཕྲིན་ལས་རབ་སོན་པ། །བསྒོ་བའི་གསུང་བཞིན་ཉན་པར་གྱིས། །ལས་དང་སྲིད་པ་དོན་ཡོད་པ། །མི་དགེའི་བག་ཆགས་དོར་བར་གྱིས། བསླབ་པའི་གཞི་ཟུང་སེམས་བསྐྱེད་ལ། །མཐུ་སྟོབས་ནུས་པ་དྲག་ཤུལ་དག །སངས་རྒྱས་བསྟན་པའི་རྗེས་སུ་སྤྱོད། །རིག་འཛིན་རྣམས་ཀྱི་བཀའ་བཞིན་སྐྱོངས། །ཁྱེད་ཅག་རྒྱལ་པོ་རྗེ་དཔོན་དང་། །བྲན་གཡོག་ཚུལ་དུ་སུས་བསྙེན་པ། །དངོས་གྲུབ་གསོལ་ཞིང་ཕྲིན་ལས་སྒྲུབས། །གལ་ཏེ་དེ་ལྟར་མི་བྱེད་ཅིང་། །གསང་བའི་ཚིག་ལས་འགལ་བྱེད་ན། །ཁྱོད་ཀྱི་ལུས་སེམས་སྲོག་གི་རྒྱུད། །ད་ལྟ་ཉིད་དུ་མ་རུངས་འགྱུར། །ཞེས་བཀའ་སྩལ་ནས། །དམ་པའི་ཐ་ཚིག་ལ་བཀོད་ནས་བཞག་གོ །འཇིག་རྟེན་པའི་སྡེ་དཔོན་གྱི་ཚོགས་རབ་ཏུ་འདུས་པ་གླེང་གཞིའི་ལེའུ་སྟེ་དང་པོའོ།། །།དེ་ནས་འདོད་པའི་ཁམས་ཀྱི་ལྷའི་དབང་ཕྱུག་ཆེན་པོ་ཡབ་ཡུམ་ལ་སོགས་པའི་དྲེགས་པ་ཅན་གྱི་འཁོར་རབ་ཏུ་འདུས་པ་དེ་དག་གིས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བའི་བདག་པོ་ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་གསང་བའི་བདག །འཇིག་རྟེན་གནས་པའི་དྲག་ཤུལ་ཅན། །འདོད་ཆགས་ཞེ་སྡང་སྲེད་ལེན་གྱིས། །གང་གིས་མཆོད་ཅིང་བསྟེན་བྱས་ན། །བདག་ཅག་རྣམས་ནི་དགའ་མགུ་རང་། །ཁྱོད་ཀྱི་བཀའ་ལུང་རྗེས་བཞིན་དུ། །བརྟུལ་ཞུགས་འཛིན་པ་དེ་དག་ལ། །ཕྲིན་ལས་སྤྱོད་པའི་གྲོགས་བྱའི་ཕྱིར། །བདག་ཅག་སོ་སོའི་གནས་དང་དུས། །རང་གི་སྡེ་དང་འཁོར་གཡོག་དཔུང་། །མཐུན་པའི་ལས་དང་ལོངས་སྤྱོད་དང་། །ཆ་ལུགས་རིགས་དང་བསམ་པ་དང་། །ཁམས་དང་བྱེད་པའི་ཚུལ་དག་དང་། །དམ་ཚིག་སྦྱོར་བའི་ཁྱད་པར་དག །བདག་ཅག་རྣམས་དང་མ་འོངས་པའི། །རིག་པའི་ཚུལ་འཛིན་དོན་ཕྱིར་དུ། །མ་ལུས་རྒྱས་པར་བཤད་དུ་གསོལ། །ཞེས་གསོལ་པས། དེ་ནས་བཅོམ་ལྡན་འདས་ཀྱིས་འཇིག་རྟེན་གྱི་ཁམས་གྱི་དྲེགས་པ་ཅན་དག་གི་གཙོ་བོ་དབང་ཕྱུག་ཆེན་པོ་ལ་ས་གས་པ་རྣམས་ལ་སོ་སོའི་ས་དང་གཅིག་ཏུ་སྦམ་པ་དང་། ཐ་དད་དུ་སྦྱར་བ་དང་། ངེས་པ་དང་། མ་ངེས་པ་དང་། རིམ་པ་དང་། འཆོལ་བ་དང་། ཕྱི་དང་། ནང་དང་། གསང་བ་དང་། སྦས་པ་དང་། ཚོགས་པ་དང་།འཐོར་བ་དང་། མཐུན་པའི་རྫས་དང་། སྙིང་པོ་དང་། མངག་པ་དང་། གཉེར་གཏད་པ་དང་། བསྐུལ་བ་དང་། རྦད་པ་དང་། བཟློག་པ་དང་། ཚར་གཅད་པ་དང་། གཟིར་བ་དང་། སྤོག་པ་དང་། ལས་སྣ་ཚོགས་དག་གི་སྒོ་ནས། རོལ་པ་ཆེན་པོའི་གསང་བ་སྐུ་གསུང་ཐུགས་ཀྱི་རྡོ་རྗེ། དམ་ཚིག་ཆེན་པོ་ལས་ཕྱུང་སྟེ་བཀའ་སྩལ་ཏོ། །ཉོན་ཅིག་འཇིག་རྟེན་དྲེག་པའི་ཚོགས། །ཕྱི་མའི་ཚེ་ན་སྙིགས་མའི་དུས། །དགེ་སྦྱོང་ཆེན་པོའི་བསྟན་པ་འདི། །སོ་སོ་སྐྱེ་བོ་རྣམས་ལ་སྣང་། །ཉན་ཐོས་རང་རྒྱལ་རྣམས་ཀྱི་ཚུལ། །རྡོ་རྗེ་འཆང་བ་རྣམས་ཀྱི་སྐུ། ཁུད་དག་པ་ལ་ལམ་རྫོགས་གསལ། །སྤྲོས་མེད་ཆོས་སྐུ་འདུལ་བྲལ་མེད། །ཏིང་ངེ་འཛིན་ལ་སྦྱངས་པས་འགྲུབ། །བསམ་པ་ཆེ་ལ་སྨོན་པ་ཡིས། །རིགས་དྲུག་སོ་སོའི་བདག་པོར་སྣང་། །ལས་ཀྱི་དྲེགས་པ་ཁྱེད་རྣམས་ནི། །འཇིགས་རྟེན་འཇིགས་པར་བྱེད་པ་ཡི། །གཏུམ་ཞིང་དཔའ་ལ་ཆེས་དཔའ་བས། །གདུལ་ཞིང་དྲང་བར་ནུས་པ་ལས། །ཞི་བས་འདུལ་བར་མི་ནུས་ཏེ། །རིག་པ་འཛིན་པའི་སྐྱེས་བུ་ནི། །སྟོབས་ལྡན་དྲེགས་ཚོགས་ཀུན་འདུལ་བ། །ཁམས་གསུམ་སྤྱི་ལ་དབང་བསྒྱུར་བྱེད། །ང་དང་གཉིས་མེད་སྦྱོར་བ་ཡིས ལས་ཀྱི་བྱ་བ་རབ་རྫོགས་པས། །དུར་ཁྲོད་ཆེན་པོ་རབ་འཇིགས་པར། །བྱིན་གྱིས་བརླབས་པའི་དབེན་ས་སྲ །སྒྲིབ་སྦྱངས་བསོད་ནམས་བསགས་པ་དང་། །བར་ཆད་བདུད་བཟློག་ལས་ལ་འབད། །མཐུན་རྫས་ས་ལ་ཕོ་བྲང་བཞེངས། །དམ་ཚིག་དྲག་པོའི་རྫས་ཀྱིས་བྲན། །ཐོད་མཁར་བམ་མཛོད་ལྡན་པའམ། །ཨེ་ཏྲ༷་གྲངས་དང་སྦྱར་བར་བྱ། །དྲེགས་པའི་ལུས་ངག་ཡིད་གནས་རྟེན། །ངས་བཤད་ཚུལ་དང་མཐུན་པར་དགོད། །ཕྱི་རོལ་སྒོ་སོགས་རྒྱན་འཇིགས་ལྡན། །དུར་ཁྲོད་ཆེན་པོ་མངོན་དུ་དབྱུང་། །ཙ་ར་མ་ཧེ་ཆུ་གླང་དང་། །སེང་གེ་གླང་ཆེན་རྟ་ནག་དང་། །བྱ་ཁྱི་ལུག་ནག་རྔ་བོང་དང་། །སྟག་དང་བྱ་རྒོད་ཁྱི་ཕག་གནག །བདུད་བྱ་ཆུ་སྲིན་ཉ་རུས་སྦལ། །རྒོད་དཀར་རྒོད་གནག་རྟ་དཀར་དམར། །སོ་བྱ་དྲེའུ་བན་གླང་རྣམས། །རྒྱལ་མཚན་ཤ་ཁྲག་སྙིང་དང་བཅས། །སོ་སོའི་མཐུན་པའི་གནས་སུ་བཤམས། །འབྲུ་བཟང་བཤོས་དང་དམ་ཚིག་རྫས། །བདུད་རྩི་ཤ་ཁྲག་སྙིང་སྦྱར་བ། །རིན་ཆེན་བབ་ཀྱིས་སྦྲེང་ནས་ནི། །གྲངས་མཉམ་ཡང་ན་ཕྱོགས་བཞིར་གཞག །གདུགས་དང་བ་དན་བླ་རེ་དང་། །ལྡ་ལྡི་དྲ་བ་ཟ་ར་ཚགས། །འདི་ལ་ཤིས་ཤིང་མཐུན་པ་སྟེ། །སྟག་གཟིག་དོམ་དྲེད་འཕར་སྦྱང་དང་། །ཀང་ཀ་དུར་བྱ་བྱ་རྒོད་ཁྲ། མི་རྟ་བན་གླང་ནེ་ལེ་ཡི། ཁྲ་རུས་ལྤགས་དང་མགོ་ཡིས་བྱ། །མདའ་གཞུ་མདུང་དང་ཁ་ཊ༷་ག །རལ་གྲི་ཆུ་གྲི་སྐྲུ་གྲི་དང་། །ཏྲི་ཤཱལ་ཕུར་པ་སོ་མངས་དང་། །མཚོན་ཆ་དྲག་པོས་བསྐོར་ཞིང་གཏམས། །མཛེས་དང་མི་མཛེས་སྙན་མི་སྙན། །དྲི་ང་བ་དང་བསུང་བ་དང་། །ཁ་མངར་ཚ་སྒྱུར་རྩུབ་པ་དང་། །ཚ་གྲང་འཇམ་རྩུབ་དྲོ་དང་བསིལ། །གཟུགས་སྒྲ་དྲི་རོ་རེག་རྣམས་ཀྱིས། །ཇི་ལྟར་འདོད་པ་བཞིན་དུ་བསྟར། །དེ་ནས་རྡོ་རྗེ་འཛིན་པ་དེས། །ཕྱི་ནང་གསང་བའི་བསྲུང་བ་ཡིས། །གནོད་ཅིང་འཚེ་བ་ཚར་བཅད་དེ། །བསོད་ནམས་ཚོགས་ཀྱིས་རང་རྒྱུད་སྦྱངས། །གཞན་ཕན་བྱང་ཆུབ་སེམས་ཀྱིས་བསྒྲུབ། །ཆོས་རྣམས་གནས་ལུགས་བཞིན་དུ་བསྒོམ། །མ་མཐོང་བ་ལ་སྙིང་རྗེ་བསྐྱེད། །ངོ་བོ་བསྐྱེད་རྒྱུ་ཧུ༷་དུ་བསྒོམ། །དེ་ནས་སྣོད་ཀྱི་གཞི་མོ་ལྔ། །ཡེ་ཤེས་འབྱུང་བ་ལྔ་རུ་བསམ། །སྟེང་དུ་རིན་ཆེན་རི་རབ་ཀྱི། །དབུས་སུ་དུར་ཁྲོད་གཞལ་ཡས་ཁང་། །ཐོད་མཁར་ཨེ་ཏྲ༷་སུམ་ཅུ་ལ། །གཟུགས་བརྙན་བཞིན་དུ་ཏིང་འཛིན་བསྐྱེད། །དབུས་སུ་ཉི་ཟླ་པདྨ་དང་། །རོ་བཞི་བསྣོལ་བའི་སྟེང་ཉིད་དུ། །རྡོ་རྗེ་འཆང་བའི་སྐུ་གསུང་ཐུགས། །ང་ཉིད་ཀུན་ལ་སྣང་བཞིན་བསམ། །ཡུམ་ཆེན་ཁམས་གསུམ་སྤྱི་འདུལ་མ། །གཙོ་དང་གཉིས་མེད་སྦྱོར་བ་ལས། །ཐབས་དང་ཤེས་རབ་འོད་ཟེར་ལས། །ཨེ་ཨུའི་རྣམ་པ་ས་བོན་ཚུལ། །འཕྲོ་འདུས་གྲི་གུག་ཁུ་ ༷་གསལ། །དེ་ཉིད་གསལ་བའི་རྒྱུད་སྦྱངས་པས། །འདོད་ཁམས་དབང་ཕྱུག་གཙོ་བོ་ཆེ། །ལྷ་མོ་ཡུམ་དང་བཅས་པར་གྱུར། །སེངགེ གླངཆེན ཞབས ཀྱིསགནན། །ཞལ་གཅིག་ཕྱག་གཉིས་མཐིང་ནག་རྔམས། །ན་བཟའ་ལྗང་ནག་བཀླུབས་བེར་གསོལ། །གཙོ་ཆེན་གྲི་གུག་ཙིཀྟ་བསྣམས། །ཡུམ་གྱིས་ཁ་ཊ༷་ཐོད་ཁྲག་བཟུང་། །ཡབ་ཡུམ་གཉིས་མེད་ཐུགས་ཀ་ནས། །ཡ་མ་དུན་ཏིང་རསྒ་ཡསྒ། །ཕྱོགས་བཞིར་བདུད་དང་གཤིན་རྗེ་དང་། །སྲིན་པོ་གནོད་སྤྱིན་སྡེ་དཔོན་དག །ཡབ་ཡུམ་བཅས་པ་གསལ་བར་སྤྲོ། །གྲ་ཧེ་ནཱ་ག །སྟེང་འོག་དུ་ནི་གཟའ་དང་ཀླུའི། །སྡེ་དཔོན་ཡབ་ཡུམ་སྤྲོ་ཞིང་བསྐྱེད། །རྙེ་བ་ཏྲི་ཛ་དུ་ཏྲི། །གངས་བཟང་ལྷ་དང་གནམ་རྒྱལ་དང་། །སྤྱི་བདུད་སྡེ་དཔོན་ཤར་དུ་བསྐྱེད། །མ་མ་ཛ་རྟི་ཌའ་ཀི་མ༷། །མ་ཆེན་སྲིད་པའི་རྒྱལ་མོ་དང་། །རལ་གཅིག་མ་དང་མགྱོགས་བྱེད་མ། །མ་ཚོགས་སྡེ་དཔོན་ལྷོ་རུའོ། །རུ་་་ཨ་སྟི་བཡང་ཧ༷་ཤ༷ །གནོད་སྤྱིན་བཙན་དམར་རོལ་བཙན་གྱི། །སྡེ་དཔོན་ནུབ་ཀྱི་ཕྱོགས་སུ་བསྐྱེད། །བི་ཏྲི་ཏིར་ཐི་རྨུ་དུ། །བགེགས་དང་མུ་སྟེགས་དམུ་བདུད་ཀྱི། །སྡེ་དཔོན་བྱང་གི་ཕྱོགས་སུའོ། །ཏྲི་ཡ༷་ར་ཏྲི་ས་ཏྲི་ན་ཏྲི། །སྲིད་པའི་སྲོག་གི་བདག་པོ་དང་། །གནོད་སྤྱིན་ཀླུ་ཚ་བདུད་རྒྱལ་པོ། །སྐུ་ལྷ་གསང་བ་རྡོ་རྗེ་ལེགས། །ནག་པོ་ཆེན་པོ་ཆོས་སྲུང་རྗེ། ཁྲར་ལྷོ་ནུབ་བྱང་སྒོ་བཞི་བསྐྱེད། །ཕྱི་རོལ་ཁྱམས་ལ་དྲེགས་པ་ཅན། །སོ་སོའི་འཁོར་གཡོག་མང་པོ་དག །བཀའ་ཉན་གསུང་སྡོད་ཚུལ་དུ་བསྐྱེད། །རང་རང་སྔགས་ཀྱིས་བརྟན་པར་བྱ། །དབང་པོའི་ཡུལ་དུ་གསལ་བ་དང་། །འཇིག་རྟེན་རང་རྒྱུད་སོ་སོ་ཡི། །གནས་ནས་འོད་ཀྱི་ཀྱོ་བ་དང་། །གསང་བའི་སྙིང་པོས་མྱུར་དུ་བོད། །ཏིང་ངེ་འཛིན་གྱིས་ཚུལ་འདྲ་བ། །རང་གི་གཟུགས་བརྙན་ལུས་ལ་བསྟིམ། །རང་རྒྱུད་པ་དང་གཟུགས་བརྙན་བསྲེ། །ཨོ་ཨུ༷༷ཧུ༷་ཨཱོཾ༷་བཛྲ་ཙཎྜསརྦ་དུ་་ཏ་ཀ་ཧ་ན་ད་ཧ་པ་ཙ་ཧུ༷་ཕཊ། །སྐུ་གསུང་ཐུགས་ལྡན་བྱིན་བརླབས་ཤིང་། །རྡོ་རྗེ་འཆང་བས་དབང་བསྐུར་བྱ། །དུར་ཁྲོད་གནས་ཀྱི་སྒོ་བཞིན་ནས། །བཀའ་ཉན་ལས་བྱེད་སྡེ་བརྒྱད་ཀྱིས། །ལུས་ངག་གུས་པས་ཕྱག་འཚལ་ཞིང་། །ཕྱི་ནང་གསང་བའི་འདོད་ཡོན་ཚོགས། །འཚེ་ཞིང་གདུག་པའི་བསམ་པ་ཅན། །གཟུགས་ཅན་གཟུགས་མེད་བཅས་པ་རྣམས། །དྲེགས་པའི་ཚོགས་ལ་མཉེས་པར་འབུལ། །སྐུ་ཡི་ཆ་ལུགས་སོ་སོ་ཡི། །དོན་རྟགས་མཐུན་པའི་ཚིག་གིས་བསྟོད། །སྐུ་གསུང་ཐུགས་ཀྱི་ཡོན་ཏན་དང་། །ཕྲིན་ལས་སྨོས་ཏེ་ཐུགས་དམ་བསྐུལ། །རྡོ་རྗེ་འཛིན་པའི་སྐུ་གསུང་ཐུགས། །གསལ་བརྟན་ཆད་དང་ལྡན་པ་ཡིས། །ནམ་མཁའི་ཁམས་ཀྱི་མཐའ་ཁྱབ་ཀུན། །རང་གི་ཡུལ་གསུམ་གསལ་བར་དམིགས། །དྲེགས་པའི་སྡེ་དཔོན་རེ་རེའི་དྲུང་། །རྡུལ་སྙེད་འདུལ་བྱེད་གཉེན་པོར་གནས། །ཕལ་པ་རེ་རེའི་གནས་དྲུང་དུ། །སྡེ་དཔོན་ཆེན་པོ་དེ་བཞིནབསམ། །བཀའ་ཉན་གསུང་སྡོད་གཡོ་མི་ནུས། །ཅུང་ཙམ་འདའ་བར་མི་སྤྱོད་ཅིང་། །རང་གི་འདོད་པ་མི་སྤོབ་ལ། །སྐད་ཅིག་ཙམ་ལ་དོན་བསྒྲུབ་དམིགས། །དེ་ཉིད་ཀྱིས་ནི་གཙོ་ཆེན་གྱི། །བསྙེན་ཅིང་བསྒྲུབ་པ་ཚད་རྟགས་ལྡན། །ཡོངས་སུ་རྫོགས་པར་གྱུར་ནས་ནི། །དྲེགས་པའི་སྡེ་དཔོན་ཚོགས་རྣམས་ཀྱི། །སོ་སོའི་གཟུགས་བརྙན་གསལ་བཏབ་སྟེ། །རང་གི་མིང་གི་སྙིང་པོ་དང་། །གཅོད་འཕྲོག་ཡི་གེ་སྤེལ་ཏེ་བཟླ། །དུས་ཚོད་གྲངས་དང་མཚན་མ་ཡིས། །ཚད་བཟུང་མ་ནོར་གྲུབ་པ་ཡི། །རྟགས་ལ་བབ་སྟེ་ལས་ལ་སྦྱར། །ང་ཉིད་རྗེས་སུ་སྒྲུབ་བྱེད་པས། །དྲེགས་པ་མྱུར་དུ་དབང་དུ་སྡུད། །ཅེས་བཀའ་སྩལ་ཏོ། །འཇིག་རྟེན་པའི་སྡེ་དཔོན་གྱི་ཚོགས་ཉེ་བར་བསྒྲུབ་པའི་རྩ་བའི་ལས་ཀྱི་གཉེར་གཏད་པའི་ལེའུ་སྟེ་གཉིས་པའོ།། །།དེ་ནས་རབ་ཏུ་བཤད་བྱ་བ། །དེ་དག་ཀུན་ཏུ་ངས་བཤད་པའི། །སྡེ་དཔོན་ཆེན་པོ་རང་གནས་ནས། །འབོད་དང་གཞུག་དང་མཉེས་པ་དང་། །བསྟོད་དང་ཐུགས་དམ་བསྐུལ་བ་དག །ཚིག་བརྗོད་འདི་ཡིས་བསྟན་པར་བྱ། །ཧུ༷་ཐུགས་རྗེ་རྣམ་དག་དབྱིངས་ཀྱི་དཀྱིལ་འཁོར་ནས། །ཆོས་སྐུ་སྟོང་ཉིད་དབྱིངས་ལས་མ་གཡོས་ཀྱང་། །འཇིག་རྟེན་དྲེགས་པའི་ཚོགས་རྣམས་གདུལ་བྱའི་ཕྱིར། །ཁྲོ་ཆེན་དཔའ་གཏུམ་འཇིགས་བྱེད་སྐུར་བསྟན་པ། །ཐུགས་དམ་དགྱེས་བསྐུལ་གསང་བའི་ཡུམ་དང་བཅས། །མ་རྟོགས་ཤུགས་ཀྱིས་འདུལ་ཕྱིར་གཤེགས་སུ་གསོལ། །དྲེགས་པའི་དབང་ཕྱུག་འཇིག་རྟེན་ལྟ་ཡི་གཙོ། །འདོད་པའི་ལྷ་མོ་བདེ་ཆེན་འབྱུང་གནས་མ། །འཁོར་ཚོགས་དྲག་ཤུལ་མཐུ་སྟོབས་དཔུང་གི་བདག །ཁྲོ་གཏུམ་གདུག་པའི་རྩལ་འཆང་དཔལ་དང་ལྡན། །རྡོ་རྗེ་འཆང་བའི་བཀའ་བཞིན་རྗེས་སུ་སྒྲུབ། །དམ་ཚིག་ཆེར་དགོངས་གནས་འདིར་གཤེགས་སུ་གསོལ། །ཨཱོཾ་བཛྲ་སརྦ་དུཁུ་ཨགི་ན་ཡ་ཨེ་ཛ༷༷སྨྱོ། །ཨུ་གསྣྲོ་ཡ་ས་མ་ཡ་ཧྲི་ཧྲི། །དུར་ཁྲོད་གསང་བ་མཆོག་གི་དཀྱིལ་འཁོར་འདིར། །ལྷ་ཆེན་ཉི་ཟླ་པདྨའི་གདན་སྟེངས་སུ། །བཅོམ་ལྡན་ཁྲོ་རྒྱལ་རྔོམ་བརྗིད་འབར་བའི་སྐུ། །ཡབ་ཡུམ་དགྱེས་པར་རོལ་ཅིང་བཞུགས་སུ་གསོལ། །སྣང་སྲིད་དྲེགས་པ་མ་ལུས་སྡེ་དཔོན་གཙོ། །འདོད་ཁམས་བདག་པོ་དགྱེས་མཛད་ཡུམ་དང་བཅས། །ལྷ་སྲིན་ཚོགས་ཀྱི་གཙོ་ཆེན་འཁོར་དང་བཅས། །ཕྲིན་ལས་མཐུན་པའི་གདན་ལ་བཞུགས་སུ་གསོལ། །བཛྲ་སརྦ་དུ་་ཨསྒྲོ་ན་ཡ་ཨེ་ཛ༷༷སྨྱོ། །ས་མ་ཡ་ཏིགི་བཛྲ་ཛ༷༷ཧྭ༷་བ༷་ཧོ༷༷། །དུས་གསུམ་སངས་རྒྱས་ཐུགས་ཀྱི་སྙིང་པོ་མཆོག །ཆོས་ཀྱི་སྐུ་ལས་གཟུགས་སྐུ་འགྲོ་དོན་སྤྲུལ། །ཆེ་བཙན་འགྲན་ཟླ་མེད་པ་ཁྲོ་བོ་རྗེ། །དབང་སྡུད་ཡུམ་དང་བཅས་ལ་ཕྱག་འཚལ་ལོ། །ཕྱོགས་བཅུའི་རྒྱལ་བ་མ་ལུས་སྲས་དང་བཅས། །དམ་ཆོས་བསྟན་པའི་ཚུལ་སྲུང་འཇིན་རྟེན་མགོན། །ཞིང་བཅུ་སྒྲོལ་མཛད་ཕྲིན་ལས་དྲག་ཤུལ་ཅན། །སྡེ་དཔོན་སུམ་ཅུའི་ཚོགས་ལ་ཕྱག་འཚལ་ལོ། །བཛྲ་སརྦ་དུགིན་ཨགི་ན་ཡ་ཨེ་ཛ༷༷སྨྱོ། །ན་མ་ཨུ་རསྨི་ཧོ། །དཔལ་ཆེན་དྲེགས་པ་ཀུན་འདུལ་ཡབ་ཡུམ་ལ། །སྐུ་གསུང་ཐུགས་མཉེས་མཆོད་པ་འབུལ་བ་ནི། །གདུགས་དང་རྒྱལ་མཚན་བ་དན་བླ་རེ་དང་། །ཕྲེང་བ་ཕྱེ་མ་ལྡ་ལྡི་ཟ་ར་ཚགས། །བདུག་སྤོས་མེ་ཏོག་མར་མེ་ཆབ་བསིལ་དང་། །གཟུགས་མཛེས་སྒྲ་སྙན་དྲི་ཞིམ་རོ་བྲོ་དང་། །རེག་འཇམ་འདོད་ཡོན་མ་ལུས་ཇི་སྙེད་པ། །འཕགས་པའི་ཐུན་མོང་མཆོད་ཚོགས་བཞེས་སུ་གསོལ། །ཁྱད་པར་གསང་བའི་མཆོད་པ་འབུལ་བ་ནི། །དུག་གསུམ་གནས་སུ་སྦྱངས་པའི་ཤ་རུས་ཁྲག །དུག་ལྔ་སྨན་དུ་སྒྲུབ་པའི་དམ་ཚིག་རྫས། །སྟོབས་མཆོག་ནུས་པ་བ་ལི་མཆོད་པའི་དངོས། །ཐུགས་རྗེ་མཐུན་པའི་ངང་གིས་བཞེས་སུ་གསོལ། །དཔལ་ཆེན་ཡབ་ཡུམ་བཀའ་བཞིན་རྗེས་བསྒྲུབ་པའི། །དབང་ཕྱུག་ཆེན་པོ་ཡབ་ཡུམ་མངའ་བདག་རྗེ། །འཇིག་རྟེན་འདས་ཀྱང་འཁོར་བའི་ཆ་ལུགས་འཛིན། །བཀའ་ཡི་བསྟན་སྲུང་སྡེ་དཔོན་སུམ་ཅུ་ལ། །འདོད་པའི་ཡོན་ཏན་མཆོད་ཅིང་སྦྱིན་པ་ནི། །དཀར་དམར་སེར་ལྗང་ལ་སོགས་མདོག །ཟླུམ་པོ་གྲུ་བཞི་ལ་སོགས་དབྱིབས། །ཆེ་ཆུང་སྦོམ་ཕྲ་རིང་ཐུང་ཚད། །མཛེས་དང་མི་མཛེས་སྡུག་མི་སྡུག །འབྱུང་བ་རྟེན་འབྲེལ་རོལ་མོའི་སྒྲ། །གླུ་ཚིག་བསྟོད་དབྱངས་སྙན་པའི་ཚིག །སྤོས་སྨན་བདུད་རྩི་མེ་ཏོག་དྲི། །བསྲེག་གསུར་བམ་སུངས་དྲི་དང་ངད། །ཁ་མངར་ཚ་སྒྱུར་བསྐ་བ་དང་། །ལན་ཚྭ་སྤོ་དང་བྱིང་ཀུ་དང་། །འཇམ་རྩུབ་བསིལ་ཡང་ཚ་དང་དྲོ། །སོ་སོའི་ཡོན་ཏན་ཚོགས་དང་བཅས། །འདོད་དགུར་འབུལ་གྱིས་བཞེས་སུ་གསོལ། །བདུད་རྩི་ལྔ་དང་ཤ་ལྔ་དང་། །དོན་སྙིང་ལྔ་དང་འབྱུང་བ་ལྔ། །དབང་པོ་ལྔ་དང་ཡུལ་ལྔ་དང་། །ཕུང་པོ་ལྔ་དང་ནང་རོལ་ལྔ། །འཚེ་ཞིང་གནོད་དང་བར་དུ་གཅོད། །གདུག་པར་སེམས་ཤིང་ལོག་པར་བལྟ། །མི་མཐུན་ཕྱོགས་སྔར་བཅས་པ་རྣམས། །སོ་སོར་འབུལ་གྱིས་བཞེས་སུ་གསོལ། །བཛྲ་སརྦ་དུཁུ་ཨགི་ན་ཡ་ཨེ་ཛ༷༷སྨྱོ། །མ་ཧྭ་བ་ལི་ཏ། །ཨ་སྲི་ཏ། སུ་ཀ་ཏ་མུ༷་ས། རཀྟ་པི་བ་ཐ་བ་སུ་ཏ་ས་མ་ཐ། ཨི་ད༷་གྲོཎྜསྐྱི་ས་མ་དུ་ཁ་ཁ་ཁུ་ཧི་ཁུ་ཧི། །བཅོམ་ལྡན་དཔལ་ཆེན་དྲེགས་པ་ཀུན་འདུལ་དང་། །ཡུམ་ཆེན་ཁམས་གསུམ་སྤྱི་འདུལ་འཁོར་བཅས་ཀྱི། །སྐུ་མཆོག་འགྱུར་མེད་མེ་ལོང་གཟུགས་བརྙན་བཞིན། །གསལ་ཞིང་རྟོག་མེད་སྣང་ལ་མ་འགགས་པ། །སྐུ་ལྔ་ལྷུན་གྲུབ་རྫོགས་པའི་དངོས་གྲུབ་སྩོལ། །གསུང་མཆོག་འགག་མེད་བྲག་ཆ་སྒྲ་བརྙན་བཞིན། །སྙན་དང་མི་སྙན་གྲགས་སྟོང་ཚངས་པའི་གསུང་། །གསུང་དབྱངས་ནམ་མཁའི་མཐའ་ཁྱབ་དངོས་གྲུབ་སྩོལ། །ཐུགས་མཆོག་སྤྲོས་བྲལ་བསམ་འདས་ཆོས་ཀྱི་དབྱིངས། །མི་རྟོག་བདེ་ཆེན་ཐབས་དང་ཤེས་རབ་དང་། །རྩོལ་མེད་མི་གཡོ་མཆོག་གི་དངོས་གྲུབ་སྩོལ། །ཡོན་ཏན་བརྗོད་ཀྱིས་མི་ལང་སྣ་ཚོགས་ཏེ། །འདས་དང་མ་འདས་མཆོག་དང་ཐུན་མོང་གི །གྲུབ་པ་བརྒྱད་དང་མཐར་ཐུག་དངོས་གྲུབ་སྩོལ། །འཇིགས་པ་བརྒྱད་སོགས་ཞི་དང་འབྱོར་པ་རྒྱས། །ལོག་ལྟ་མོས་པའི་ཚུལ་གྱིས་དབང་སྡུད་ཅིང་། །མངོན་སྤྱོད་དགྲ་བགེགས་འདུལ་བའི་དངོས་གྲུབ་སྩོལ། །བཛྲ་སརྦ་དུ་་ཨགི་ནཱ་ཡ་ཨེ་ཛ་ཀྭ་ཡ་སིརྙི་ལྷ་ཀ་སིརྙི་ཙིརྟི་སིརྙི་གུ་ཎ་སིརྙི་དྷི་ཀརྨ་སིརྙི་ཧུ༷་ཧུ༷་ཧུ༷། །བཅོམ་ལྡན་དྲེགས་པ་ཀུན་འདུལ་ནི། །དབུ་དགུ་ཕྱག་ནི་བཅོ་བརྒྱད་དེ། །སྐུ་མདོག་མཐིང་ནག་ཁྲོ་ཞིང་རྔམས། །གཡས་ཀྱི་ཞལ་གསུམ་སྨུག་ནག་བགྲད། །གཡོན་གྱི་ཞལ་གསུམ་ཁམ་ནག་གཙིགས། །དབུ་སྐྲ་རལ་པ་མེ་དཔུང་འབར། །སྤྱན་དགུ་སྡང་མིག་བཟློག་ཅིང་བགྲད། ཁྲངས་ནས་སྲིད་པའི་རླུད་ནག་འཐོར། །སྙན་ནས་སྟོང་གསུམ་འབྲུག་སྒྲ་ལྡིར། །སྨ་ར་ཨག་ཚོམ་མེ་ལྟར་འབར། །མཆེ་གཙིགས་སྲིད་གསུམ་རྩ་བ་གཅོད། །ཕྱག་དགུ་གཡས་གཡོན་དང་པོ་ཡི། །རྡོ་རྗེ་ཐོད་ཁྲག་དཀྲུག་ཅིང་གསོལ། །གཡས་ཀྱི་འོག་མའི་ཕྱག་བརྒྱད་ན། །དྲེགས་པ་ལྷ་ཆེན་བརྒྱད་བསྒྲལ་བའི། །གཡང་གཞི་མགོ་བོར་བཅས་ཏེ་བསྣམས། །གཡོན་གྱི་འོག་མའི་ཕྱག་བརྒྱད་ན། །ཀླུ་ཆེན་བརྒྱད་ཀྱི་བྷརྙ་མྲ །དྲེགས་པའི་སྙིང་ཁྲག་བཀང་ནས་གསོལ། །དཔའ་བའི་ཆས་བརྒྱད་སྐུ་ལ་གསོལ། །ཞབས་བརྒྱད་བརྐྱངས་བསྐུམས་དོར་ཐབས་ཀྱིས། །ཁམས་གསུམ་བདག་པོ་སྡེ་བཞི་མནན། །ཡུམ་ཆེན་ཁམས་གསུམ་སྤྱི་འདུལ་མ། །ཞལ་གཅིག་ཕྱག་གཉིས་མཐིང་ནག་སྐུ། །རྡོ་རྗེ་ཕྱར་ཞིང་ཐོད་ཁྲག་སྟོབ། །གཉིས་མེད་ཐུགས་ཀྱི་ཕྲིན་ལས་ཀྱི། །འཇིག་རྟེན་དྲེགས་པ་བྲན་དུ་འཁོལ། །ལྷ་སྲིན་སྡེ་བརྒྱད་ལས་ལ་འགྱེད། །དགྲ་བགེགས་གདུག་པ་རྩད་ནས་གཅོད། །ཁྲོ་རྒྱལ་གཙོ་ལ་ཕྱག་འཚལ་བསྟོད། །དཔལ་གྱི་བཀའབཞིན་ལས་མཛད་པའི། །ལྷ་ཆེན་དབང་ཕྱུག་ཆེན་པོ་ནི། །ཞལ་གཅིག་ཕྱག་གཉིས་སྐུ་མདོག་མཐིང་། །ཕྱག་གཡས་གྲི་གུག་ཙིསྟ་གཡོན། །ལྷ་མོ་ཨུ་མ་དེ་བྲི་ནི། །སྐུ་མདོག་མཐིང་ནག་གཙོ་ལ་འདུད། །ཕྱག་གཡས་རྩེ་གསུམ་ཐོད་ཁྲག་གཡོན། །སེང་གེ་གླང་ཆེན་གདན་ལ་བཞུགས། །སྡེ་དཔོན་དྲེགས་པ་ཀུན་གྱི་གཙོ། །ཡབ་ཡུམ་སྐུ་ལ་ཕྱག་འཚལ་བསྟོད། །བདུད་ཀྱི་རྒྱལ་པོའི་སྡེ་དཔོན་ནི། །ཁྲམ་ཤིང་གཡས་ལ་དགྲ་སྟ་གཡོན། །བདུད་རྟ་ནག་པོའི་ཁྲི་ལ་བཞུགས། །སྦྱོར་ཡུམ་བདུད་མོ་རེ་མ་ཏི། །ཁྲམ་བམ་གཡས་ལ་ནད་རྐྱལ་གཡོན། །བོང་བུ་གྭ་དམར་གདན་ལ་བཞུགས། །གཤིན་རྗེའི་སྡེ་དཔོན་ཆེན་པོ་ནི། །བེ་ཅོན་གཡས་ལ་ཐོད་དབྱུག་གཡོན། །སྦྱོར་ཡུམ་གཤིན་རྗེ་ཟ་བྱེད་མོ། །ཕྱག་གཉིས་སྲིད་པའི་འཁོར་ལོ་བསྐོར། །ཡབ་ཡུམ་མ་ཧེ་ཆུ་གླང་གནོན། །སྲིན་པོའི་སྡེ་དཔོན་གློག་ཕྲེང་ཅན། །ཕྱག་གཉིས་ཐོག་སེར་འདྲིལ་ཞིང་འཕེན། །སྲིན་པོ་སྦལ་མགོ་ཁྲག་མིག་མ། །ཕྱག་གཡས་ཕུར་པ་ཁྲག་པོར་གཡོན། །ཡབ་ཡུམ་འབྲུག་དང་རྔ་བོང་ཞོན། །གནོད་སྦྱིན་སྡེ་དཔོན་མེ་དབལ་ཅན། །ཕྱག་གཡས་རིན་ཆེན་གཡོན་རལ་གྲི། །སྦྱོར་ཡུམ་གནོད་སྦྱིན་ནག་མོ་ནི། །ཕྱག་གཡས་སྐྲུ་གྲི་གཡོན་སྦྱང་མོ། །སྟག་སེང་ཕག་མོ་ཞབས་ཀྱི་གནོན། །གཟའ་བདུད་སྡེ་དཔོན་ཆེན་པོ་ནི། །ཕྱག་གཡས་མདའ་གཞུ་གཡོན་སྦྲུལ་ཞགས། །སྐུ་སྨད་སྤྲུལ་འཁྱིལ་འབྲུག་ཆེན་གནོན། །སྦྱོར་ཡུམ་ཐོག་གི་བུ་ཡུག་ཅན། །གཡས་གཡོན་ཕྱག་གིས་ཐོག་སེར་འབེབས། །ཞབས་གཉིས་འབྲུག་མོ་ཁ་གདོང་གནོན། །ཀླུ་རྒྱལ་སྡེ་དཔོན་ཆེན་པོ་ནི། །ཕྱག་གཡས་སྦྲུལ་ཞགས་གཡོན་ནད་རྐྱལ། །སྦྱོར་ཡུམ་ཀླུ་མོ་ནག་མོ་ནི། །སྦྲུལ་མགོ་ཕྱག་མཚན་ཡབ་ཀྱི་ཚུལ། །ཡབ་ཡུམ་ཆུ་སྲིན་རུས་སྦལ་གནོན། །ཕྱོགས་བཞི་སྟེང་འོག་གནས་བཞུགས་པའི། །དྲེགས་པའི་སྡེ་དཔོན་འདི་དག་ནི། །ཀུན་ཀྱང་སྐུ་མདོག་མཐིང་ནག་ལ། །ཁྲོས་པའི་ཆ་བྱད་འཇིགས་ཚུལ་ཅན། །དུར་ཁྲོད་གཡང་གཞིའི་ཆས་ཀྱིས་བརྒྱན། །རང་གི་ཚོགས་འདུལ་ཕྲིན་ལས་མཛད། །ཡབ་ཡུམ་བཅས་ལ་ཕྱག་འཚལ་བསྟོད། །གནོད་སྤྱིན་ལྷ་ཡི་སྡེ་དཔོན་ནི། །ཤེལ་གྲི་བ་དན་དཀར་པོ་འཛིན། །རྒོད་དཀར་རུ་བཟང་ཞབས་ཀྱིས་གནོན། །གནམ་རྒྱལ་ཆེན་པོའི་སྡེ་དཔོན་ནི། །ཕྱག་གཡས་དར་དཀར་གཡོན་ཤེལ་གྲི། །རྟ་དཀར་རྗོག་དམར་ཞབས་ཀྱིས་གནོན། །སྤྱི་བདུད་རྒྱལ་པོ་གུ་རུམ་ཙེ། །ཕྱག་གཡས་བ་དན་གཡོན་ཤེལ་གྲི། །ཞབས་གཉིས་རྡོ་རྟ་གྲོ་བོ་གནོན། །དཀར་པོའི་སྡེ་དཔོན་ཆེན་པོ་གསུམ། ཁྲར་ཕྱོགས་གནས་ལ་ཕྱག་འཚལ་བསྟོད། །སྲིད་པའི་མ་མོ་སྡེ་དཔོན་མོ། །འཁོར་ལོ་གཡས་ལ་མེ་ལོང་གཡོན། །ཞབས་གཉིས་འབྲུག་མོ་མགོ་དགུ་གནོན། །སྔགས་ཀྱི་སྲུང་མ་ཆེན་མོ་ནི། །ཙིཏི་གཡས་ལ་གཡུ་སྤྱང་གཡོན། །དྲེའུ་རྟ་ནག་པོ་ཞབས་ཀྱིས་གནོན། །མཁའ་འགྲོ་ནག་མོ་མགྱོགས་བྱེད་མ། །ནད་རྐྱལ་རྒྱུཞགསཀྱང་གཡོན་ལ་ཚོན་དྲུབ་གཡས། །སོ་བྱ་ནག་པོ་ཆིབས་སུ་ཆིབས། །ནག་མོའི་སྡེ་དཔོན་མ་མོ་གསུམ། །ལྷོ་ཕྱོགས་གནས་ལ་ཕྱག་འཚལ་བསྟོད། །རྡོ་རྗེ་བདུད་འདུལ་ཆེན་པོ་ནི། །གཡས་གཡོན་ཕྱག་གིས་ཐུན་ཁྲག་འཕེན། །བྲག་བཙན་སྲོག་ཟན་དམར་པོ་ནི། །མདའ་གཞུ་འཕེན་ཞིང་དར་དམར་འཕྱར། །ཆེ་བཙན་གིང་གི་རྒྱལ་པོ་ནི། ཁྲང་ལང་དང་ནི་ཞགས་པ་འཛིན། །དམར་པོའི་སྡེ་དཔོན་ཆེན་པོ་གསུམ། །ཀུན་ཀྱང་རྟ་དམར་ཞབས་ཀྱིས་གནོན། །ནུབ་ཕྱོགས་སྦྱོང་ལ་ཕྱག་འཚལ་བསྟོད། །བི་ནཱ་ཡ་ག་བགེགས་ཀྱི་རྒྱལ། །ཕྱག་གཡས་ཁ་ཧཱུཾ་གཡོན་ཐོད་ཁྲག །ཕྱི་རོལ་སྐྱོང་བའི་མུ་སྟེགས་གཙོ། །ཏྲི་ཤཱལ་གཡས་ལ་ཐོད་ཁྲག་གཡོན། །དམུ་བདུད་ཆེན་པོ་བཀྲག་མེད་ནི། །མདའ་གཞུ་དང་ནི་ཤང་ལང་འཛིན། །ནག་པོའི་ཚོགས་ཀྱི་སྡེ་དཔོན་གསུམ། །བདུད་རྟ་ནག་པོ་ཞབས་ཀྱིས་གནོན། །བྱང་ཕྱོགས་གནས་ལ་ཕྱག་འཚལ་བསྟོད། །ཚངས་པའི་རྒྱལ་པོ་སྲོག་གི་བདག །སྣུ་གྲི་གཡས་ལ་ཉི་ཞགས་གཡོན། །སེང་གེ་དཀར་མོ་ཞབས་ཀྱིས་གནོན། །བདུད་ཀྱི་རྒྱལ་པོ་ནོར་གྱི་བདག །བདུད་ཞགས་གཡས་ལ་སྤུ་གྲི་གཡོན། །བན་གླང་སྣ་རིང་ཞབས་ཀྱིས་གནན། །སྐུ་ལྷའི་རྒྱལ་པོ་ཡུལ་གྱི་བདག །ཕྱག་གཡས་རྡོ་རྗེ་གཡོན་བ་དན། །ར་དཀར་གནམ་རུ་ཞབས་ཀྱིས་གནོན། །ནག་པོ་ཆེན་པོ་ཚོགས་ཀྱི་བདག །ཕྱག་གཡས་བིང་ཆེན་གཡོན་གྲི་གུག །རྟ་ནག་མགྱོགས་པ་ཞབས་ཀྱིས་གནོན། །ཕྱོགས་ཀྱི་སྡེ་དཔོན་ཆེན་པོ་བཞི། །སྐུ་མདོག་དཀར་སེར་དམར་ནག་མཛེས། །སྒོ་བཞིར་གནས་ལ་ཕྱག་འཚལ་བསྟོད། །སྡེ་དཔོན་དྲེགས་པ་འདི་དག་ནི། །ཁྲོས་ཤིང་གདུག་པའི་ཚུལ་འཆང་ཞིང་། །ན་བཟའ་གཡང་གཞི་འཇིགས་པའི་ཆས། །སྣ་ཚོགས་མཛེས་པའི་རྒྱན་དང་ལྡན། །རང་གི་འཁོར་གཡོག་ཚོགས་ཀྱིས་བསྐོར། །སྤྲུལ་པའི་ཆོ་འཕྲུལ་བསམ་མི་ཁྱབ། །མཆོད་བསྟོད་ཆེན་པོས་ཁྱེད་བསྒྲུབ་ན། །སོ་སོའི་ཚོགས་འདུལ་ཕྲིན་ལས་མཛོད། །ཅེས་བརྗོད་ཅིང་། །ཏིང་ངེ་འཛིན་དང་ལྡན་པ་ཡིས། །དྲེགས་པའི་སྡེ་དཔོན་མཆོད་ཅིང་བསྟོད། །འདི་ལྟར་སྤྱོད་པའི་རྣལ་འབྱོར་གྱིས། །འཇིག་རྟེན་གཙོ་བདག་མྱུར་དུ་འགྲུབ། །རྡོ་རྗེ་འཛིན་དང་གཉིས་སུ་མེད། །ཅེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཉེ་བར་གྲུབ་པ་རྡོ་རྗེའི་དམ་ཚིག་མཆོད་བསྟོད་ཀྱི་ལེའུ་སྟེ་གསུམ་པའོ།། །།དེ་ནས་རབ་ཏུ་བཤད་བྱ་བ། །འཇིག་རྟེན་དྲེགས་པ་དབང་སྡུད་ཅིང་། །ཚར་གཅོད་ལས་ལ་བཀོལ་བའི་ཕྱིར། །བྱིན་རླབས་གནས་པའི་དབང་བསྐུར་བཤད། །གསང་ཞིང་དབེན་པའི་གནས་དག་ཏུ། །སྔར་བཤད་ལས་ཀྱི་ཕོ་བྲང་བཤམས། །ཡོ་བྱད་རྫས་ཀྱི་ཁྱད་པར་ཚོགས། །མ་ལུས་པ་ནི་གཟུང་བར་བྱ། །རྡོ་རྗེ་འཆང་བ་རྗེས་འབྲངས་བཅས། །མཚན་ཉིད་ལྡན་པ་མངོན་སུམ་སྦྱར། །དུས་ཀྱི་གྲངས་དང་མཚན་མའི་རྟགས། །བསྙེན་པ་ལུང་བཞིན་བརྩོན་པར་འབར། །གཟུགས་བརྙན་བདག་པོ་སློབ་མ་རྣམས། །ཁྱད་པར་གནས་པའི་སྟ་གོན་བྱ། །བྲིས་དང་བརྐོས་ལ་སོགས་པ་ཡི། །སྡེ་དཔོན་རྣམས་ཀྱི་གཟུགས་བརྙན་དག །ཕུར་པ་གྲངས་དང་མཉམ་པར་དགྲམ། །གཞན་ཡང་བུམ་པ་མཆོད་གཏོར་དང་། །དུག་གཏོར་ཐུན་གཏོར་ཐུན་རྫས་དང་། ཁྲ་ཁྲག་བཤོས་དང་བཟའ་བཏུང་ཚོགས། །རྒྱལ་མཚན་བ་དན་མདའ་དང་གཞུ། །དཔའ་བའི་ཆས་དང་རོལ་མོའི་སྒྲ། །རབ་ཏུ་བསྟར་ཞིང་མཛེས་པར་བཤམས། །རྡོ་རྗེ་འཛིན་པ་ཏིང་འཛིན་བསར། །ལས་ཀྱི་རྒྱལ་པོས་མཆོད་བསྟོད་བྱ། །རྒྱུ་དང་མདངས་ཀྱིས་ཐུགས་དམ་བསྐང་། །བཤགས་དྲལ་གཅུགས་སྦྱང་དབབ་པར་བྱ། །མོས་ཤིང་སྤྲོ་དགའ་དྭངས་པ་ཡིས། །བདུད་འདུལ་གཙོ་ལ་སྐྱབས་སུ་འགྲོ། །བསྟན་པ་བསྲུང་བར་སེམས་བསྐྱེད་དེ། །བླ་མ་སངས་རྒྱས་རྡོ་རྗེ་འཛིན། །ཧེ་རུ་ཀ་དང་གཉིས་མེད་ལ། །གདུག་བྱེད་ལོག་ལྟ་འདུལ་ནུས་པའི། །མཐུ་དབང་ཆེན་པོ་ཞུ་འཚལ་གྱིས། །བརྩེ་བའི་ཐུགས་ཀྱིས་དགོངས་ནས་ནི། །དཀྱིལ་འཁོར་དམ་པར་གཞུག་ཏུ་གསོལ། །ཉོན་ཅིག་སྐལ་ལྡན་རིགས་ཀྱི་བུ། །དུས་གསུམ་སངས་རྒྱས་སྐུ་གསུང་ཐུགས། །གནས་པའི་བསྟན་པ་བསྲུང་བའི་ཕྱིར། །སྤྲོ་བས་འཇུག་པ་ཁྱོད་ལེགས་ཀྱིས། །མངོན་སྤྱོད་བརྟུལ་ཞུགས་དམ་པ་ཡིས། །དམ་ཚིག་ཆེན་པོའི་སར་འདུག་ཅིག །མགོན་པོ་ཧེ་རུ་ཀ་དཔལ་རྗེ། །འདུས་པའི་འཁོར་ཚོགས་བཅས་པ་ཡི། །དྲག་ཤུལ་སྤྱོད་པའི་ཕོ་བྲང་དུ། །མཛེས་པའི་མེ་ཏོག་བདག་འབུལ་གྱིས། །རྡོ་རྗེའི་དམ་ཚིག་འདི་བཞེས་ལ། །དྲེགས་པ་འདུལ་ནུས་དངོས་གྲུབ་སྩོལ། །པྲ་ཏི་གྲོཎྜ་པྲཛི་ཧུ༷། །དཔལ་ལྡན་རྡོ་རྗེ་འཆང་བ་ཡི། །རྗེས་འཇུག་རིགས་ཀྱི་བུ་ཁྱོད་ནི། །ཐོག་མ་མེད་ནས་ད་ལྟའི་བར། །བསྟན་པ་བསྲུང་བའི་སྐལ་ལྡན་ཏེ། །སྡེ་དཔོན་དབང་ཆེན་དཀྱིལ་འཁོར་འདིར། །བསྟན་ལ་རབ་དགའི་སེམས་ཀྱིས་ལྟོས། །བཛྲ་ས་མ་ཡ་མཎྜ་ལ་ཙཀླུ་པྲ་བེ་ཤ་ཕཊ། །རྡོ་རྗེ་བདུད་རྩི་དམ་ཚིག་ཆུ། །འདི་ལས་དུས་གསུམ་འདའ་མི་བྱ། །གྲུབ་པའི་འབྲས་བུ་གཉིས་ཡིན་ཏེ། །ཚུལ་བཞིན་མི་འདའ་བྲོ་དོར་ཅིག །མ་ཧྭ་ས་མ་ཡ་ཨི་དན་ཏི་ན་ར་ཀན་ཥ་བ་མི་ལ༷། །རྡོ་རྗེ་འཛིན་པ་བཀའ་དྲིན་ཅན། །ཐུགས་རྗེས་རྟག་ཏུ་བྱིན་བརླབ་ཅིང་། །འདི་ནས་རྫོགས་སངས་རྒྱས་ཀྱི་བར། །མཐུ་སྟོབས་དངོས་གྲུབ་སྩལ་དུ་གསོལ། །བཛྲ་ས་མ་ཡ་ཙིསྟ་སིརྙི་སིརྙི་ཧུ༷། །ཐོག་མའི་སངས་རྒྱས་སྲས་བཅས་ཀྱི། །རྗེས་སུ་བསྒྲུབ་པ་བདག་ཡིན་གྱིས། །འཇིག་རྟེན་འདས་དང་མ་འདས་པའི། །ལྷ་དང་དྲེགས་པ་མཐུ་སྟོབས་ཅན། །གཙོ་དང་འཁོར་དུ་བཅས་རྣམས་ཀྱི། །སྐུ་གསུང་ཐུགས་ཀྱི་དམ་ཚིག་དགོངས། །རྡོ་རྗེ་སློབ་མ་རིག་འཛིན་ལ། །དབང་བསྐུར་དངོས་གྲུབ་སྩོལ་མཛད་ཅིང་། །ནུས་ཆེན་རྟགས་མཚན་བསྟན་དུ་གསོལ། །རྡོ་རྗེ་འཛིན་པ་དཔལ་ལྡན་གྱིས། །ཁྲི་སྟན་ཆེན་པོའི་སྟེང་འདུག་ལ། །སྣོད་ལྡན་སློབ་མ་མདུན་བཞག་སྟེ། །དཀྱིལ་འཁོར་གནས་པའི་བུམ་པ་ཡིས། །སྐུ་གསུང་ཐུགས་སུ་དབང་བསྐུར་བྱ། །གཉེན་པོ་གཙོ་དང་གདུལ་བྱའི་ཡུལ། །དྲེགས་ཅན་ཡབ་ཡུམ་འཁོར་བཅས་ཀྱི། །མཛེས་པའི་སྐུ་གཟུགས་སྐུ་ཡི་དབང་། །སོ་སོའི་བསྟོད་ཚིག་སྙིང་པོ་དང་། །སྨོན་ལམ་བཅས་པ་གསུང་གིའོ། །རང་རྒྱུད་གནས་དག་དོན་རྟགས་ཀྱི། །ཆེས་སྐུར་དབང་བསྐུར་ཐུགས་ཀྱི་སྟེ། །རིགས་སྦྱངས་སྟོབས་ལ་ངང་གིས་གསལ། །ཕུར་པ་དྲག་ཤུལ་རྫས་ཀྱི་དབང་། །མཆོད་གཏོར་བཤོས་ཆ་སྐུ་གསུང་ཐུགས། །མ་ལུས་མཉེས་པར་བྱེད་པ་སྟེ། །ཡོ་བྱད་ཚོགས་ཀྱིས་ལོངས་སྤྱོད་སྤེལ། །རྒྱལ་མཚན་བ་དན་སྒྲ་དང་བཅས། །དུས་རྣམས་ཀུན་ཏུ་མངའ་ཐང་རྒྱས། ཁྲ་ཁྲག་དུག་གཏོར་ཐུན་རྫས་རྣམས། །དྲེགས་པའི་སྡེ་དཔོན་དབང་སྡུད་ཅིང་། །ཕོ་ཉ་ཕྲིན་ལས་བསྐུལ་མཛད་དེ། །མངོན་སྤྱོད་གདུག་པ་ཚར་བཅད་དབང་། །འདི་དག་ཀྱང་ནི་གཟུགས་བརྙན་སྒྲཡངའདྲ། །དོན་ངོ་ཤེས་པས་དབང་བསྐུར་ཏེ། །ཆོས་ཀུན་སྤྱི་དང་དྲེགས་པ་ཡི། །སྡེ་དཔོན་སོ་སོའི་དམ་ཚིག་སྩལ། །ཐུགས་རྗེ་དང་ནི་རྟོགས་པ་ཡིས། །རང་གཞན་དོན་གྱིས་སྒྲོལ་བྱེད་པའི། །དཔག་མེད་དོན་ཆེན་འདིར་འདུས་ཏེ། །ཐ་དདམིགནསགཅིགཡིནནོ། །གཟུང་དང་འཛིན་པའི་བདག་ཉིད་ཀྱིས། །ཕྱི་ནང་འཁོར་འདས་སོ་སོར་སྣང་། །མ་ལུས་དབང་སྡུད་ཟིལ་གནན་ཕྱིར། །སོ་སོའི་སྙིངཔོ་ཚད་ཀྱིས་བསྟིམ། །ང་རྒྱལ་བརྟན་པོས་མདུན་དུ་བསྒྱེལ། །དོན་སྙིང་ཤ་རུས་ཁྲག་སོགས་བཟའ། །དུག་གསུམ་ཚར་གཅད་དབྱིངས་ནས་དབྱུང་། །གཟུགས་བརྙན་བསྟིམ་ལ་རབ་ཏུ་གསལ། །དབང་བསྡུ་ལས་བཅོལ་གདུལ་བྱའི་ཕྱིར། །ཞབས་འོག་བཅུག་སྟེ་བྲན་བཞིན་སྒོ། །དམ་ཚིག་རྫས་མཆོད་སྔར་བཞིན་གསོ། །དམ་ཚིག་དབབ་ཅིང་བསྟོད་བསྐུལ་བཅོལ། །འཇིག་རྟེན་ལྷ་སྲིན་ཁྱེད་རྣམས་ཀྱང་། །ང་དངསངས་རྒྱས་ཐམས་ཅད་ཀྱི། །ཞལ་མཐོང་ལུང་བསྟན་མཆོག་སྩལ་ཀྱང་། །སྲིད་པའི་ས་བོན་ཕྲ་མོ་ཡིས། །ད་རུང་འཇིག་རྟེན་ལས་ལ་སྤྱོད། །རང་རྒྱུད་རྩུབ་མོས་ཕན་གནོད་བྱེད། །ད་ནི་བཀའ་ཡི་དམ་ཚིག་ཟུང་། །མ་འོངས་དུས་ན་བསྒྲུབ་བྱ་དང་། །སྒྲུབ་པར་བྱེད་པ་དེ་དག་ལ། །མཉམ་པར་ཀུན་ལ་དབང་བསྒྱུར་ཏེ། །ཆོས་ཉིད་རིག་པའི་རྒྱལ་པོ་རྫོགས། །ཐེག་མཆོག་མ་འདྲེས་ཅིར་ཡང་སྟོན། །མ་ལུས་མྱུར་དུ་རྫོགས་བྱའི་ཕྱིར། །རྒྱལ་ཚབ་སྤྱི་བོར་བཞག་གནས་པ། །ཀུན་ཏུ་བཟང་པོ་ཉིད་འཐོབ་འགྱུར། །ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་ཉེ་བར་བསྒྲུབ་པའི་རྡོ་རྗེ་དམ་ཚིག་ཆེན་པོའི་དཀྱིལ་འཁོར་དུ་དབང་བསྐུར་བའི་ལེའུ་སྟེ་བཞི་པའོ།། །།དེ་ནས་རབ་ཏུ་བཤད་བྱ་བ། །དྲེགས་པའི་འཁོར་ཚོགས་མཉེས་བྱའི་ཕྱིར། །མཐུན་རྫས་གཟུགས་ཀྱིས་བསྐང་བ་ནི། །རི་བོའི་རྩེའམ་ཆུ་ཡི་མདོ། །འཇིག་རྟེན་དབང་ཆེན་འདུ་གནས་སུ། །སྐལ་མེད་ཡུལ་ལ་མཆོད་སྦྱིན་གཏང་། །ཐོད་མཁར་རེ་མིག་དགུ་བརྩེགས་སམ། །ཡང་ན་གླིང་བཞི་རི་རབ་བརྩིག །འབྲུ་དང་ཤ་ཁྲག་སྣ་ཚོགས་ལ། །རིན་ཆེན་སྤོས་སྨན་མེ་ཏོག་གསལ། །དྲེགས་པའི་བདག་པོ་སོ་སོ་ཡི། །གཟུགས་བརྙན་རང་གི་འཁོར་དང་བཅས། །སྐུ་མདོག་ཕྱག་མཚན་ཡོངས་རྫོགས་ཤིང་། །རང་གི་གདན་ཁྲི་བཤོན་པར་བཅིབས། །རི་རབ་ཐོད་མཁར་ཡང་སྟེང་དུ། །ལྷ་ཆེན་ཡབ་ཡུམ་འཁོརབཅས་བཞུགས། །བང་རིམ་རེ་མིག་དང་པོ་མྲ །བདུད་དང་གཤིན་རྗེ་སྲིན་པོ་དང་། །གནོད་སྒྱིན་གཟའ་དང་ཀླུ་རྣམས་ཀྱི། །སྡེ་དཔོན་ཡབ་ཡུམ་འཁོར་བཅས་དགོད། །གཉིས་པ་ལ་ནི་དཀར་པོ་དང་། །ནག་མོ་དམར་པོ་ནག་པོ་ཡི། །སྡེ་དཔོན་བཅུ་གཉིས་གནས་སུ་བྱ། །གསུམ་པའི་ཕྱོགས་བཞིར་སྒོ་སྲུང་བཞི། །འཁོར་བཅས་རང་གི་གནས་སུ་དགོད། །ཐ་མ་གསུམ་མམ་བཞི་པ་ལ། །ཕྱི་ནང་གསང་བ་སྦས་པ་དང་། །གབ་པ་གཏེར་དང་དྲག་པོ་སྔགས། །ལས་བྱེད་བཏགས་ཆགས་ལྷ་མ་སྲིན། །སྡེ་བརྒྱད་གཟུགས་བརྙན་གནས་སུ་དགོད། །གཙོ་ཆེན་སོ་སོའི་མཐུན་རྫས་ནི། །རང་གི་གདན་ནམ་བཤོན་པ་ཡི། །སྲོག་ཆགས་གཟུགས་ནི་སྔའམ་བཅུ། །བརྒྱའམ་སྟོང་ངམ་ནུས་ཚད་བྱ། །སྐྱེས་པ་བུད་མེད་གླང་ཆེན་རྟ། །བ་གླང་ར་ལུག་བྱ་དང་ཁྱི། །ལོངས་སྤྱོད་དཀོར་རྫས་སྔར་བཞིན་ནོ། །སྡེ་བརྒྱད་ཕལ་པ་ཀུན་ལ་ནི། །ཤེས་ལྡན་མི་དང་བྱོལ་སོང་སྟེའདབ་ཆགས་གཅད་གཟན་རི་དྭགས་དང་། །ས་ཆུ་གནས་དང་ཕྱུགས་དུད་ཚོགས། །མཐོང་ཐོས་དྲན་པ་རྣམས་ཀྱི་གཟུགས། །ཇི་ལྟར་ནུས་པའི་གྲངས་ཀྱིས་བསྐོར། །འདི་དག་སྐོང་བའི་ཡོ་བྱད་དེ། །འགྲོ་བའི་གླུད་དུ་དབུལ་བ་ནི། །རིན་ཆེན་ངར་མི་རྒྱན་ལྡན་དང་། །ནམ་མཁའ་སེམས་ཀྱི་གཟུགས་བརྙན་དང་། །སྐུ་གསུང་ཐུགས་ལྡན་ལྗང་བུ་དང་། ཁེང་གླུད་ཡུལ་མཁར་མཚོན་པ་དང་། །སྐྱེས་པ་བུད་མེད་ཕྱག་ཆ་དང་། །རྒྱལ་མཚན་བ་དན་རུ་མཚོན་རྣམས། །དྲེགས་པ་སོ་སོའི་སྐུ་མདོག་དང་། །མཐུན་པར་གྲངས་མཉམ་གནས་སུ་དགོད། །མཆོད་གཏོར་བཤོས་ཆ་མར་མེ་དང་། །གླིང་ཚད་ཆུང་ངུ་དེ་བཞིན་ནོ། །བཟློག་བསད་དྲག་པོ་ཟོར་གྱི་རྫས། །སྨིན་པའི་ས་ལ་ཟོར་ཕོར་དུ། །གྲུ་གསུམ་མཉམ་བྱས་དུག་ཁྲག་དང་། །ཐུན་རྫས་སྣ་ཚོགས་སྩལ་བ་དང་། །གདུག་པའི་ཤིང་གི་རྩང་ཕུར་དང་། །བྷསྙོ་དུག་ཐུན་གཏོར་མར་བཅས། །བཞི་བརྒྱ་དྲུག་ཅུ་སུམ་ཅུ་གཉིས། །ཅི་རིགས་སྦྱར་ཏེ་མཛེས་པར་དགོད། །སྟེང་དུ་ཞིང་ལྤགས་གཡང་གཞིའམ། །དར་ནག་ཚོན་སྐུད་གདུགས་ཀྱིས་དབུབ། །ཐ་མར་རས་བཟང་ཡོལ་བ་བྲེ། །དེ་ནས་རྡོ་རྗེ་འཛིན་པ་ཡིས། །གཙོ་ཆེན་བསྐྱེད་ཅིང་རྫོགས་པ་དང་། །དྲེགས་པ་མཆོད་བསྟོད་མཉེས་བྱས་ནས། །གཟུགས་བརྙན་མཐུན་རྫས་བསྔོ་བ་ནི། །རྣལ་འབྱོར་ཏིང་འཛིན་ང་རྒྱལ་བསར། །བདུད་རྩི་མཆོད་སྐྱེམས་རཀྟས་སྦྲེང་། །ཤ་ཆེན་སྤོས་ཀྱི་དྲི་གསུར་དབུལ། །རྔ་གླིང་རོལ་མོའི་སྒྲ་ཆེན་བསྒྲག །མདའ་ཆེན་བ་དན་ནག་པོས་གཡབ། །ཧུ༷་ང་ནི་དཔལ་ཆེན་ཧེ་རུ་ཀ །གདུལ་དཀའ་མ་ལུས་འདུལ་བར་བྱེད། །འཇིག་རྟེན་དྲེགས་པ་ཟས་སུ་ཟ། །ཁམས་གསུམ་སྲིད་གསུམ་ང་ཡི་དབང་། །སྣང་སྲིད་འཁོར་འདས་ང་ཡི་བྲན། །ང་ཡི་བཀའ་བཞིན་འདིར་འདུས་ཤིག །ཉོན་མོངས་དབང་གིས་དྲེགས་པ་ཡི། །ལྷ་བདུད་གཤིན་རྗེ་སྲིན་པོ་དང་། །གནོད་སྤྱིན་གཟའ་ཀླུ་རྒྱལ་པོ་དང་། །གིང་དང་མ་མོ་ལྷ་བཙན་དང་། །རང་གི་སྡེ་དང་གཡོག་ཏུ་བཅས། །དམ་ཚིག་དབང་གིས་གནས་འདིར་བཞུགས། །མཐུན་པའི་རྫས་ཀྱིས་ཐུགས་དམ་བསྐང་། །རི་རབ་ཆེན་པོའི་ཡང་སྟེང་ན། །ལྷ་ཆེན་དབང་ཕྱུག་ཆེན་པོ་བཞེངས། །བཙུན་མོ་ཨུ་མ་དེ་བྲི་བཞེངས། །ན་བཟའ་དར་ནག་བེར་ཆེན་གསོལ། །ཆིབས་སུ་སེང་གེ་གླང་ཆེན་བཅིབས། །ཁྱོད་ཀྱིས་ཆོ་འཕྲུལ་སྟོན་པ་ནི། །གཡས་ན་ཕོ་རྒྱུད་ཕོ་ཉར་འགྱེད། །གཡོན་ན་རྨོ་རྒྱུད་ལས་ལ་གོབོལ། །གོབོར་དུ་འཇིག་རྟེན་དྲེགས་པས་བསྐོར། །དམ་ཚིག་དབང་གིས་གནས་འདིར་བཞུགས། །མཐུན་པའི་རྫས་ཀྱིས་ཐུགས་དམ་བསྐང་། །རྩལ་གྱི་རྒྱལ་པོ་སེང་གེ་དང་། །སྟོབས་ཀྱི་རྒྱལ་པོ་གླང་ཆེན་དང་། ཁྲེས་ལྡན་མི་དང་ཅང་ཤེས་རྟ། །ཐེག་ཆེན་གླང་དང་འདོད་འཇོའི་བ། །རིན་ཆེན་ལུག་དང་གཙང་ལྡན་ར། །ཐོས་གསང་ཁྱི་དང་མཁའ་ལྡིང་བྱ། །ཁྱེད་ཀྱིས་བཞེད་པའི་དཀོར་དུ་འབུལ།རིན་ཆེན་རྒྱན་ལྡན་ངར་མི་དང་། །སེམས་གྱི་གཟུགས་བརྙན་ནམ་མཁའ་དང་། །སྐུ་གསུང་ཐུགས་ལྡན་ལྗང་བུ་དང་། ཤེང་གླུད་ཡུལ་མཁར་མཚོན་པ་དང་། །ཕོ་གླུད་མདའ་དང་མོ་གླུད་འཕང་། །རྒྱལ་མཚན་བ་དན་རུ་མཚོན་རྣམས། །ཉིད་ཀྱི་སྐུ་མདོག་དང་མཐུན་པ། །རྣལ་འབྱོར་རྣམས་ཀྱི་གླུད་དུ་འབུལ། །དམ་རྫས་སྦྱར་བའི་མཆོད་གཏོར་དང་། །མཐུན་རྫས་ལྡན་པའི་བཤོས་ཆ་དང་། །སྣང་གསལ་འོད་ལྡན་མར་མེ་དང་། །རྒྱན་ལྡན་མཛེས་པའི་གླིང་ཚད་དང་། །མཛེས་པའི་གཟུགས་དང་སྙན་པའི་སྒྲ། །ཞིམ་པའི་དྲི་དང་བདའ་བའི་རོ། །ཁྱེད་ཀྱི་ཐུགས་དམ་བསྐང་ཕྱིར་འབུལ། །ལྷ་ཆེན་ཡབ་ཡུམ་འཁོར་དང་བཅས། །སྔོན་གྱི་དམ་ཚིག་རྗེས་དགོངས་ཏེ། །མདོས་གླུད་མཐུན་རྫས་བཞེད་པའི་དགོར། །སྣ་ཚོགས་སྦྱར་བ་འདི་བཞེས་ལ། །སངས་རྒྱས་བསྟན་པ་ཁྱེད་ཀྱིས་སྲུངས། །དཀོན་མཆོག་དབུ་འཕང་ཁྱོད་ཀྱིས་བསྟོད། །རྣལ་འབྱོར་སྐུ་དགྲ་ཁྱོད་ཀྱིས་སྒྲོལ། །སྒྲུབ་པ་པོ་ལ་བར་གཅོད་པའི། །སྟོང་ཕྲག་བརྒྱ་ཅུའི་བགེགས་རིགས་དང་། །བཞི་བརྒྱ་རྩ་བཞིའི་ནད་རྣམས་དང་། །གློ་བུར་གནོད་པ་བརྒྱད་ཅུ་གཅིག །ཡེ་འདྲོག་སུམ་བརྒྱ་དྲུག་ཅུའིཚོགས། །དུས་མིན་འཆི་བ་རྣམ་བརྒྱདདང། །གཤིསངནགུམ་པ་བཅོ་ལྔ་དང་། །གཟུགས་ཅན་དགྲ་དང་གཟུགས་མེད་བགེགས། །རྨི་ལམ་མཚན་ལྷས་ངན་པ་རྣམས། །ཞི་དང་བསལ་དང་བཟློག་པ་དང་། །གདུལ་དང་ཚར་གཅོད་ལས་མཛོད་ཅིག །རི་རབ་ཆེན་པོའི་ཤར་ཕྱོགས་ནས། །སྲིད་པའི་རྒྱལ་པོ་སྐོས་རྗེ་ནི། །བདུད་རྣམས་ཀུན་གྱི་སྡེ་དཔོན་བཞེངས། །ན་བཟའ་མཐིང་ནག་བེར་ཆེན་གསོལ། །རལ་པ་ནག་པོ་མུན་ལྟར་གཏིབ། །སྤྱན་མིག་ཉི་ཟླ་འཁྱིལ་པ་འདྲ། །རྣོ་དཔལ་མཆེ་བ་ཟླ་ཚེས་གཙིགས། །སྨ་ར་ཁམ་ནག་སྲིད་རྩེར་འབར། །ཆིབས་སུ་བདུད་རྟ་ནག་པོ་བཅིབས། །ཁྱོད་ཀྱིས་ཆོ་འཕྲུལ་སྟོན་པ་ནི། །ཁྲམ་ཐོགས་བདུད་སྡེ་གཡས་ནས་རོལ། ་༑་ཐོགས་རྩིས་པ་གཡོན་ནས་འགྱེད། །སྣང་སྲིད་ཕོ་བདུད་ཁྱོད་ཀྱི་འཁོར། །དམ་ཚིག་དབང་གིས་གནས་འདིར་བཞུགས། །མཐུན་པའི་རྫས་ཀྱིས་ཐུགས་དམ་བསྐང་། ཁུགས་ལྡན་རྟ་ནག་ལ་སོགས་པ། །ཁྱོད་ཀྱི་བཞེད་པའི་དཀོར་དུ་འབུལ། །རིན་ཆེན་ངར་མི་ལ་སོགས་པ། །རྣལ་འབྱོར་རྣམས་ཀྱི་གླུད་དུ་འབུལ། །དམ་རྫས་མཆོད་གཏོར་ལ་སོགས་རྣམས། །ཁྱེད་ཀྱི་ཐུགས་དམ་བསྐང་ཕྱིར་འབུལ། །སྲིད་པའི་བདུད་རྗེ་འཁོར་བཅས་ཀྱི། །སྔོན་གྱི་དམ་ཚིག་རྗེས་དགོངས་ལ། །ཇི་ལྟར་བཅོལ་བའི་ལས་མཛོད་ཅིག །བདུད་མོ་ཆེན་མོ་རེ་མ་ཏི། །མ་བདུད་ཀུན་གྱི་སྡེ་དཔོན་བཞེངས། །དཔལ་ལྡན་ལྷ་མོ་འཇིགས་གཟུགས་ཅན། །ནག་མོ་ཤ་བཟློག་བདུད་ ཀྱི་མ། །སྐུ་ལ་མཐིང་ནག་བེར་ཆེན་གསོལ། །ཆིབས་སུ་བོང་བུ་གྭ་དམར་བཅིབས། །ཁྱོད་ ཀྱི་ཆོ་ འཕྲུལ་བསྟན་པ་ནི། །མ་བདུད་འབུམ་ཕྲག་ཕོ་ཉར་འགྱེད།ནག་མོ་སྟོང་སྡེ་ལས་ལ་འཛུད། །སྣང་སྲིད་བདུད་མོ་ཁྱོད་ཀྱི་འཁོར། །དམ་ཚིག་དབང་གིས་གནས་འདིར་བྱོན། །ཅང་ཤེས་བོང་བུ་ལ་སོགས་པ། །མཐུན་པའི་རྫས་ཀྱིས་ཐུགས་དམ་བསྐང་། །སྲིད་པའི་མ་མོ་འཁོར་བཅས་ཀྱིས། །ཇི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོའི་ལྷོ་ཕྱོགས་ནས། །གཤིན་རྗེ་ཡ་མ་རྭ་ཛ་སྟེ། །གཤིན་རྗེའི་ཚོགས་ཀྱི་སྡེ་དཔོན་བཞེངས། །སྐུ་མདོག་ནག་པོ་རལ་པ་ཅན། །གདུག་པའི་ཐོད་སྦྲུལ་གཡང་གཞིའི་བརྒྱན། །གཅན་གཟན་གདུག་པའི་པགས་པས་དཀྲིས། ཁྲ་ཟའི་མགོ་བཅད་ཐོད་དུ་བཅིངས། །ཞལ་བགྲད་མཆེ་བ་རབ་ཏུ་གཙིགས། །མ་ཧེ་ནག་པོ་ཆིབས་སུ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །གཤིན་རྗེ་ཕོ་མོ་ཕོ་ཉར་འགྱེད། །འཆི་བདག་གཤིན་རྗེའི་བཙུན་མོ་ནི། །གསོད་བྱེད་མོན་མོའི་ཚུལ་འཛིན་ཅིང་། །གཤིན་རྗེ་མོ་ཡི་སྡེ་དཔོན་བཞེངས། །ཟ་བྱེད་དུར་ཁྲོད་ཆས་ཀྱིས་བརྒྱན། །གཡང་གཞི་ནག་པོ་སྐུ་ལ་གསོལ། །ཆུ་གླང་ནག་པོ་ཆིབས་སུ་བཅིབས། །ཁྱོད་ཀྱི་ཆོ་འཕྲུལ་བསྟན་པ་ནི། །ཡི་དྭགས་ཕོ་མོ་ལས་ལ་འཛུད། །སྣང་སྲིད་གཤིན་རྗེ་ཁྱོད་ཀྱི་འཁོར། །དམ་ཚིག་དབང་གིས་གནས་འདིར་བཞུགས། །མ་ཧེ་ཆུ་གླང་ལ་སོགས་པ། །མཐུན་པའི་རྫས་ཀྱིས་ཐུགས་དམབསྐང། །གཤིནརྗེཕོམོའཁོར་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོའི་ནུབ་ཕྱོགས་ནས། །སྲིན་པོ་ནག་པོ་གློག་ཕྲེང་ཅན། །སྲིན་པོའི་ཚོགས་ཀྱི་སྡེ་དཔོན་བཞེངས། །སྐུ་མདོག་མཐིང་ནག་འབར་བ་ལ། །གློག་དང་འོད་ཀྱི་ཕྲེང་བས་བརྒྱན། །འབྲུག་ཆེན་འུར་བ་ཆིབས་སུ་བཅིབས། །ཁྱོད་ཀྱི་ཆོ་འཕྲུལ་བསྟན་པ་ནི། །སྲིན་པོ་འབུམ་ཕྲག་ཕོ་ཉར་འགྱེད། །སྲིན་མོ་གསོད་བྱེད་ལས་ལ་འཛུད། །གཅན་གཟན་གདུག་པ་ཕྱི་ནས་རོལ། །འཁོར་དུ་སྣང་སྲིད་སྲིན་པོས་བསྐོར། །སྲིན་མོ་སྦལ་མགོ་ཁྲག་མིག་མ། །སྲིན་མོ་རྣམས་ཀྱི་སྡེ་དཔོན་བཞེངས། །སྐུ་མདོག་དམར་ནག་འསྡིགས་སུ་རུང་། །ལུས་ལ་ཁྲག་གི་ལབ་ནག་གསོལ། །རུས་སྦལ་དཀར་པོའི་ཐོར་ཚུགས་ཅན། །ཆིབས་སུ་རྔ་བོང་གདོང་དྲུག་བཅིབས། །ཁོད་ཀྱིས་ཆོ་འཕྲུལ་བསྟན་པ་ནི། །སྲིན་མོ་ཁ་འབར་ཕོ་ཉར་འགྱེད། །གདོང་སྲིན་ནག་མོ་ལས་ལ་འཛུད། །སྣང་སྲིད་སྲིན་མོའི་འཁོར་དང་བཅས། །སྲོག་གཅོད་སྲིན་པོ་ཡབ་ཡུམ་འཁོར། །དམ་ཚིག་དབང་གིས་གནས་འདིར་བཞུགས། །འབྲུག་སྔོན་རྔ་མོ་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །སྲིན་པོ་ཕོ་མོ་འཁོར་དང་བཅའི་ཕྲིན་ལས་མཛོད། །རི་རབ་ཆེན་པོའི་བྱང་ཕྱོགས་ནས། །གནོད་སྦྱིན་ཡཀྟ་མེ་དབལ་ཅན། །གནོད་སྦྱིན་ཀུན་གྱི་སྡེ་དཔོན་བཞེངས། །སྐུ་མདོག་མཐིང་སྔོན་འབར་བ་ལ། །མེ་དཔུང་འཚུབས་མ་ན་བཟར་གསོལ། །སྟག་སེང་རྔམ་པ་ཆིབས་སུ་བཅིབས། །ཁྱོད་ཀྱི་ཆོ་འཕྲུལ་སྟོན་པ་ནི། །གཡས་ནས་མེ་འབར་ཡ་ལ་ལ། །གཡོན་ནས་དུད་འཐུལ་ཕྱུ་རུ་སྲ །གནོད་སྦྱིན་སྟོང་སྡེ་ཕོ་ཉར་འགྱེད། །ཞུབ་ཅན་འབུམ་སྡེ་ལས་ལ་འཛུད། །འཇིག་རྟེན་གནོད་སྦྱིན་འཁོར་གྱིས་བསྐོར། །གནོད་སྦྱིན་ཆེན་མོ་གློག་ལེན་མ། །གནོད་སྦྱིན་བུ་མོ་གདུག་པ་ཅན། །ནག་མོ་རྡོ་རྗེ་ལྕགས་མཆུ་ཀྱུཡངམ། །སྙན་ཆ་རིན་ཆེན་ནེ་ལེས་མཚན། །སྐུ་ལ་ཝསྟ་ནག་པོ་གསོལ། །ཆིབས་སུ་ལྕགས་ཀྱི་ཕག་མོ་བཅིབས། །ཁྱོད་ཀྱི་ཆོ་འཕྲུལ་སྟོན་པ་ནི། །ནོར་འཛིན་མོ་ནི་ཕོ་ཉར་འགྱེད། །གློ་མིན་ནག་མོ་ལས་ལ་འཛུད། །གནོད་སྤྱིན་མོ་ནི་འབུམ་སྡེས་བསྐོར། ཁྲན་པ་གནོད་སྦྱིན་ཡབ་ཡུམ་འཁོར། །དམ་ཚིག་དབང་གིས་གནས་འདིར་བཞུགས། །སྟག་སེང་ཕག་མོ་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །གནོད་སྤྱིན་ཕོ་མོ་འཁོར་དང་བཅས། །ཅི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོའི་སྟེང་ཕྱོགས་ནས། །གཟའ་བདུད་ཆེན་པོ་མི་བཟད་པ། །མིང་ནི་ཁྱབ་འཇུག་རྭ་ཧུ་ལ། །གཟའ་བདུད་ཆེན་པོའི་སྡེ་དཔོན་བཞེངས། །མགོ་དགུ་སྨད་སྦྲུལ་མིག་མང་ལུས། །ཆིབས་སུ་འབྲུག་ཆེན་གློག་འགྱུ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །འབྲུག་སྒྲ་སྟོང་གསུམ་ལྡི་རི་རི། །ནམ་མཁར་གློག་འོད་ཁྱུགས་སེ་ཁྱུག །གཟའ་ཕྲན་རྒྱུ་སྐར་ཕོ་ཉར་འགྱེད། །ཐོག་སེར་ཀི་ཀང་དྲག་ཏུ་འབེབས། །གཟའ་བདུད་སྟོང་གི་འཁོར་གྱིས་བསྐོར། །གནམ་སྨན་ཐོག་གི་ཐུ་ཡུག་མ། །གདོང་མོ་རྣམས་ཀྱི་སྡེ་དཔོན་བཞེངས། །སྐུ་མདོག་དམར་སྐྱ་མཛེས་པ་ལ། །ན་བཟའ་གོ་ཟུ་མཛེས་པ་གསོལ། །འབྲུག་སྒྲ་གློག་གི་འོད་ལ་ཞོན། །ཁྱོད་ཀྱིས་ཆོ་འཕྲུལ་བསྟན་པ་ནི། །གཟའ་ཆེན་ཉི་ཟླ་ཀླད་ལ་འཁོར། ཁུ་སྐར་ཚོགས་ནི་ཞལ་ལ་འཆར། །ལྷ་སྨན་འབུམ་ནི་ཕོ་ཉར་འགྱེད། །གདོང་ཟོར་མ་མོ་ལས་ལ་འཛུད། །ཟོར་གདོང་སྲིན་མོའི་འཁོར་གྱིས་བསྐོར། །གཟའ་གདོང་གནམ་སྨན་ཡབ་ཡུམ་འཁོར། །དམ་ཚིག་དབང་གིས་གནས་འདིར་བཞུགས། །འབྲུག་ཆེན་འུར་བ་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །གཟའ་བདུད་གདོང་མོ་སྨན་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོའི་འོག་ཕྱོགས་ནས། །ཀླུ་བདུད་ནག་པོ་མགོ་དགུ་པ། །ཀླུ་རྣམས་ཀུན་གྱིས་སྡེ་དཔོན་བཞེངས། །སྐུ་སྟོད་དུད་ཀ་ནག་པོ་ལ། །ཚ་བའི་འབུ་སྲིན་ཉི་ལི་ལི། །སྐུ་སྨད་དུག་སྦྲུལ་ནག་པོ་ལས། །གྲང་བའི་སྦལ་ལྕོང་ཁྲལ་ལ་ལ། །ཆིབས་སུ་ཆུ་སྲིན་མགོ་དགུ་བཅིབས། །ཁྱོད་ཀྱི་ཆོ་འཕྲུལ་བསྟན་པ་ནི། །ཀླུ་རྒྱལ་སྟོང་ནི་ཕོ་ཉར་འགྱེད། །ཀླུ་བྲན་འབུམ་ནི་ལས་ལ་འཛུད། །ཀླུ་བདུད་གདུག་པའི་འཁོར་གྱིས་བསྐོར། །ཀླུ་མོ་ཡསྒ་ནག་མོ་ནི། །ཀླུ་བདུད་མོ་ཡི་སྡེ་དཔོན་བཞེངས། །སྐུ་མདོག་དུད་ཁ་འསྔིགས་བག་ཅན། །སྦྲུལནགགཤིབསཔའིརལ་པ་ལས། །མཛེ་དང་ཤུ་བའི་ཚ་ཚ་འཕྲོ། །སྦྲུལ་གྱི་ཐུལ་བ་ན་བཟར་གསོལ། །སྦལ་སྦྲུལ་ཉེའུ་ཐར་ར་ར། །རུས་སྦལ་ནག་པོ་ཆིབས་སུ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །ཀླུ་རིགས་ལྔ་ཡི་སྤྲུལ་པ་འགྱེད། །ས་བདག་གདུག་པའི་ཕོ་ཉ་གཏོང་། །སྣང་སྲིད་ཀླུ་མོའི་འཁོར་དང་བཅས། །གདུག་པ་ཀླུ་བདུད་ཡབ་ཡུམ་འཁོར། །དམ་ཚིག་དབང་གིས་གནས་འདིར་བཞུགས། །ཆུ་སྲིན་རུས་སྦལ་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །ཀླུ་བདུད་ཕོ་མོ་ཡབ་ཡུམ་འཁོར། །ཇི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོ་མཛེས་པ་ཡི བང་རིམ་གཉིས་པའི་ཤར་ཕྱོགས་ལ། །གནོད་སྤྱིན་རྒྱལ་པོ་གང་བ་བཟང་། །སྲིད་པ་ལྷ་ཡི་སྡེ་དཔོན་བཞེངས། །མདོག་དཀར་རལ་ཀ་འབར་བ་གསོལ། །ལྷ་གཡག་དཀར་པོ་ཆིབས་སུ་བཅིབས། །ཁྱོད་ཀྱི་ཆོ་འཕྲུལ་བསྟན་པ་ནི། །གནོད་སྦྱིན་སྟོང་ནི་ཕོ་ཉར་འགྱེད། །ལྷ་དམག་འབུམ་ནི་ལས་ལ་འཛུད། །བ་དན་ཅན་ནི་གཡས་ནས་རོལ། །གོ་མཚོན་ཅན་ནི་གཡོན་ནས་རོལ། །གནོད་སྦྱིན་ལྷ་ཡི་འཁོར་དང་བཅས། །སྐྱེས་བུ་རྣམ་རྒྱལ་ཆེན་པོ་ནི། །རྒྱལ་ཕྲན་ཀུན་གྱི་སྡེ་དཔོན་བཞེངས། །ན་བཟའ་དར་ཟབ་བེར་ཆེན་གསོལ། །རྟ་དཀར་རྗོག་དམར་ཅིབས་སུ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །རྒྱལ་ཕྲན་སྟོང་སྡེ་ཕོ་ཉར་འགྱེད། །གྲོང་རྒྱུ་ཕྲ་མོ་ལས་ལ་འཛུད། །ཐེ་རྒྱལ་ཕྲ་མོའི་འཁོར་དང་བཅས། །སྤྱི་བདུད་རྒྱལ་པོ་གུ་རུམ་ཙེ། །མི་མ་ལྷ་ཡི་རྗེ་དཔོན་བཞེངས། །སྐུ་སྟོད་རྒྱ་བྱའི་སླག་པ་གསོལ། །འབུམ་བྱེ་སྨད་ཀྱི་ཤམ་ཐམས་ཅན། །དབུ་ལ་ཤེལ་རྨོག་དཀར་པོ་གསོལ། །ཆིབས་སུ་རྡོ་རྟ་གྲོ་བོ་བཅིབས། །ཁྱེད་ཀྱིས་ཆོ་འཕྲུལ་བསྟན་པ་ནི། །སྲིད་པའི་ཁྱུང་ཆེན་ཀླད་ན་ལྡིང་། །སྟག་སེང་དར་མ་ཕྱི་ནས་རོལ། །སྟོང་དཔོན་མཆེད་ལྔ་ཕོ་ཉར་འགྱེད། །མ་སང་སྐྲུན་དགུ་ལས་ལ་འཛུད། །ལྷ་མ་སྲིན་གྱི་འཁོར་དང་བཅས། །སྐྱེས་བུ་དཀར་པོ་སྡེ་གསུམ་ཡང་། །དམ་ཚིག་དབང་གིས་གནས་འདིར་བཞུགས། །གནམ་རུ་རྟ་དཀར་གྲོ་བོ་སོགས། །མཐུན་པའི་རྫས་ཀྱིས་ཐུགས་དམ་བསྐང་། །དཀར་པོ་སྡེ་གསུམ་འཁོར་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །བང་རིམ་གཉིས་པའི་ལྷོ་ཕྱོགས་སུ། །མ་ཆེན་སྲིད་པའི་རྒྱལ་མོ་ནི། །སྣང་སྲིད་མ་མོའི་སྡེ་དཔོན་བཞེངས། །ན་བཟའ་དར་ནག་གོ་ཟུ་གསོལ། །ཆིབས་སུ་འབྲུག་མོ་ཡིད་མགྱོགས་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །ཚོགས་ཀྱི་རྗེ་མོ་ཕོ་ཉར་འགྱེད། །སྨན་མོ་ལྔ་བཅུ་རྩ་བརྒྱད་འཁོལ། །སྣང་སྲིད་མ་མོའི་ཚོགས་ཀྱིས་བསྐོར། །ཨེ་ཀ་ཛ་ཏི་རལ་གཅིག་མ། །བཀའ་ཡི་སྲུང་མའི་སྡེ་དཔོན་ཏེ། །ན་བཟའ་མཐིང་ནག་བེར་ཆེན་གསོལ། །ཆིབས་སུ་དྲིལ་རྟ་ནག་པོ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །སྲིན་མོ་ནག་མོ་ཕོ་ཉར་འགྱེད། །པལ་མོ་ནག་མོ་ལས་ལ་འཁོལ། །མོན་མོ་ནག་མོ་སྣ་ཚོགས་སྤྲུལ། །ནག་སྨུག་འབུམ་གྱི་འཁོར་གྱིས་བསྐོར། །དཔལ་ལྡན་ལྷ་མོ་མགྱོགས་བྱེད་མ། །མཁའ་འགྲོའི་ཚོགས་ཀྱི་སྡེ་དཔོན་བཞེངས། །ན་༄༅ བཟའམཐིང་ནག་གོ་ཟུ་གསོལ། །ཆིབས་སུ་སོ་བྱ་རོག་པོ་བཅིབས། །ཁྱོད་ཀྱི་ཆོ་འཕྲུལ་སྟོན་པ་ནི། །རིགས་ཀྱི་མཁའ་འགྲོ་ཕོ་ཉར་འགྱེད། །སྣ་ཚོགས་མཁའ་འགྲོ་ལས་ལ་འཛུད། །སྣང་སྲིད་མཁའ་འགྲོའི་འཁོར་གྱིས་བསྐོར། །དཔལ་ལྡན་ནག་མོ་སྡེ་གསུམ་ཡང་། །དམ་ཚིག་དབང་གིས་གནས་འདིར་བཞུགས། །འབྲུག་དང་དྲེའུ་རྟ་སོ་བྱ་སོགས། །མཐུན་པའི་རྫས་ཀྱིས་ཐུགས་དམ་བསྐང་། །ནག་མོ་སྡེ་གསུམ་འཁོར་དང་བཅས། །ཇི་ལྷར་བཅོལ་བའི་ཕྲིན་ལས་མཛོད། །བང་རིམ་གཉིས་པའི་ནུབ་ཕྱོགས་ནས། །སྐྱེས་བུ་རྡོ་རྗེ་བདུད་འདུལ་ནི། །གནོད་སྤྱིན་རུ་དྲའི་སྡེ་དཔོན་བཞེངས། །ན་བཟའ་མཐིང་ནག་བེར་ཆེན་གསོལ། །རལ་པ་ནག་པོ་མུན་ལྟར་གཏིབས། །ཆིབས་སུ་དྲེའུ་རྟ་ནག་པོ་བཅིབས། །ཁྱེད་ཀྱིས་ཆོ་འཕྲུལ་བསྟན་པ་ནི། །ཞིང་ལྤགས་བགོས་པ་ཕོ་ཉར་འགྱེད། །རལ་ཆས་བགོས་པ་ལས་ལ་འཛུད། །སྣང་སྲིད་རུ་དྲའི་འཁོར་གྱིས་བསྐོར། །བཙན་རྒྱལ་སྲོག་ཟན་དམར་པོ་ནི། །སྲིད་པ་བཙན་གྱི་སྡེ་དཔོན་བཞེངས། །སྐུ་ལ་དར་དམར་རལ་ག་གསོལ། །ཆིབས་སུ་རྟ་དམར་གློག་འགྱུ་བཅིབས། །དབུ་ལ་བསེ་རྨོག་དམར་པོ་གསོལ། །ཁྱོད་ཀྱིས་ཆོ་འཕྲུལ་སྟོན་པ་ནི། །བཙན་པོ་ཁ་བཞི་ཕོ་ཉར་འགྱེད། །མགྱོགས་པའི་སྡེ་བརྒྱད་ལས་ལ་འཛུད། །སྣང་སྲིད་དྲེགས་པ་བཙན་གྱིས་བསྐོར། །སྐྱེས་བུ་ཡབ་ཤུད་དམར་པོ་ནི། །རྒྱལ་འགོང་རྣམས་ཀྱི་སྡེ་དཔོན་བཞེངས། །སྐུ་ལ་ཟབ་དམར་བེར་ཆེན་གསོལ། །ཆིབས་སུ་རྟ་དམར་ཡིད་མགྱོགས་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །གཡས་ན་བྲོ་བརྡུང་ཆི་ལི་ལི། །གཡོན་ན་བཤུད་གླུ་ཀྱུ་རུ་སྲ །རྟ་ཞོན་སྟོང་ནི་ཕྱི་ནས་འབྲང་། །སྲིད་པའི་བཙན་འགོང་འཁོར་དང་བཅས། །སྐྱེས་བུ་དམར་པོ་སྡེ་གསུམ་ནི། །དམ་ཚིག་དབང་གིས་གནས་འདིར་བཞུགས། །དྲེའུ་ནག་རྟ་དམར་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །དམར་པོ་སྡེ་གསུམ་འཁོར་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །བང་རིམ་གཉིས་པའི་བྱང་ཕྱོགས་ན། །བི་ནཱ་ཡ་ཀ་བགེགས་ཀྱི་རྒྱལ། །ལོག་འདྲེན་ཀུན་གྱི་སྡེ་དཔོན་བཞེངས། །ན་བཟའ་མཐིང་ནག་བེར་ཆེན་གསོལ། །ཆིབས་སུ་རྟ་ནག་མགྱོགས་པ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །རྒྱལ་ཆེན་བཞི་ནི་ཕོ་ཉར་འགྱེད། །ཕྱོགས་སྐྱོང་ཚོགས་ནི་ལས་ལ་འཛུད། །སྣང་སྲིད་བགེགས་ཀྱི་ཚོགས་ཀྱིས་བསྐོར། །དབང་ཕྱུག་གུ་ལང་ནག་པོ་ནི། །མུ་སྟེགས་ཚོགས་ཀྱི་སྡེ་དཔོན་བཞེངས། །ན་བཟའ་མཐིང་ནག་བེར་ཆེན་གསོལ། །ཆིབས་སུ་སྟག་སེང་མ་ཧེ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །ས་བཞི་ཀུན་ནི་དམག་གིས་འགེངས། །བར་སྣང་མཚོན་དང་དར་གྱིས་བཀང་། །ནམ་མཁའ་གློག་དང་འོད་ཀྱིས་འགེངས། །གཅན་གཟན་འདབ་ཆགས་རྒྱུགས་ཤིང་ལྡིང་། །མུ་སྟེགས་ནག་པོའི་འཁོར་གྱིས་བསྐོར། །དམུ་བདུད་ནག་པོ་བཀྲག་མེད་ནི། །དམུ་བདུད་ནག་པོའི་སྡེ་དཔོན་བཞེངས། །ན་བཟའ་མཐིང་ནག་བེར་ཆེན་གསོལ། །ཆིབས་སུ་དམུ་རྟ་ནག་པོ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །དམུ་བདུད་འབུམ་ཕྲག་ཕོ་ཉར་འགྱེད། །དམུ་བྲན་སྟོང་སྡེ་ལས་ལ་འཛུད། །སྣང་སྲིད་དམུ་ཡི་འཁོར་གྱིས་བསྐོར། །སྐྱེས་མཆོག་ནག་པོ་སྡེ་གསུམ་ཡང་། །དམ་ཚིག་དབང་གིས་གནས་འདིར་བཞུགས། །སྟག་སེང་མ་ཧེ་ལ་སོགས་པ། །མཐུན་པའི་རྫས་ཀྱིས་ཐུགས་དམ་བསྐང་། ཕྱི་རོལ་ནག་པོའི་ཚོགས་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །རི་རབ་ཆེན་པོ་མཛེས་པ་ཡི། །བང་རིམ་གསུམ་པའི་ཤར་ཕྱོགས་ནས། །ཚངས་པ་དཀར་པོ་སྲོག་གི་བདག །ལྷ་ཆེན་གིང་གི་སྡེ་དཔོན་བཞེངས། །སྲིད་པ་གསུམ་དུ་མྱུར་མགྱོགས་ཅན། །སྐུ་ལ་བྱ་རྒོད་ཐུལ་པ་གསོལ། །ཆིབས་སུ་སེང་གེ་དཀར་མོ་བཅིབས། །ཁྱོད་ཀྱིས་ཆོ་འཕྲུལ་སྟོན་པ་ནི། །གིང་ཆེན་བཅོ་བརྒྱད་ཕོ་ཉར་འགྱེད། །གིང་བདུད་ཕོ་མོ་ལས་ལ་འཁོར། །མི་རྟ་ར་ལུག་བྱ་དང་ཁྱི། །སྟག་དང་བྱ་རྒོད་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །བང་རིམ་གསུམ་པའི་ལྷོ་ཕྱོགས་ནས། །གནོད་སྦྱིན་རྒྱལ་པོ་ནོར་ཀྱི་བདག །སྐུ་ལ་དོམ་གྱི་སླག་པ་གསོལ། །ཆིབས་སུ་བན་གླང་སྣ་རིང་བཅིབས། །ཁྱོད་ཀྱིས་ཆོ་འཕྲུལ་སྟོན་པ་ནི། །སྐྱེས་པ་བརྒྱ་དང་བུད་མེད་བརྒྱ། །ཉན་ཐོས་རྡོ་རྗེ་སྔགས་པས་བསྐོར། །འབག་སེང་མོན་བུ་བསམ་མི་ཁྱབ། །སྟག་སེང་བན་གླང་སྤྲ་དང་སྤྲེལྭ །མཐུན་པའི་རྫས་ཀྱིས་ཐུགས་དམ་བསྐང་། །བང་རིམ་གསུམ་པའི་ནུབ་ཕྱོགས་ནས། །རྡོ་རྗེ་མཛེས་པ་ཞེས་བྱ་བ། །འཇིག་རྟེན་ལྷ་ཡི་སྡེ་དཔོན་བཞེངས། །སྐྱིན་ཐང་ཤེལ་གྱི་ན་བཟའ་གསོལ། །ར་དཀར་གནམ་རུ་ཆིབས་སུ་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །འཛིན་ཤིང་བཞི་བཅུ་ཕོ་ཉར་འགྱེད། །ཐེ་བྲང་སྟོང་སྡེ་ལས་ལ་འཛུད། །ཙ་ར་རྒྱ་པོ་ལ་སོགས་པའི། །མཐུན་པའི་རྫས་ཀྱིས་ཐུགས་དམ་བསྐང་། །བང་རིམ་གསུམ་པའི་བྱང་ཕྱོགས་ནས། །ལྷ་ཆེན་ནག་པོ་ཆེན་པོ་ནི། །བསྟན་པ་བསྲུང་བའི་སྡེ་དཔོན་བཞེངས། །ན་བཟའ་ལྗང་ནག་བེར་ཆེན་གསོལ། །ཆིབས་སུ་བདུད་རྟ་བྲ་ནག་བཅིབས། །ཁྱོད་ཀྱིས་ཆོ་འཕྲུལ་བསྟན་པ་ནི། །ལྷ་དམག་ཚོགས་ཀྱི་དབུགས་འབྱིན་ཅིང་། །ལྷ་མིན་གཡུལ་ངོ་རབ་ཏུ་བཟློག །ཕྱོགས་སྐྱོང་དཔལ་མགོན་ལས་ལ་འཛུད། །མི་རྟ་ར་ལུག་བྱདང་ཁྱི། །ནག་པོའི་ཚོགས་ཀྱིས་ཐུགས་དམ་བསྐང་། །དྲེགས་པའི་བཀའ་ཉན་སྒོ་གྲུང་བཞི། །རང་གི་བཀའ་ཉན་གོབོར་དང་བཅས། །དམ་ཚིག་དབང་གིས་གནས་འདིར་བཞུགས། །མཐུན་པའི་རྫས་ཀྱིས་ཐུགས་དམ་བསྐང་། །དབང་ཆེན་སྡེ་བཞི་འཁོར་དང་བཅས། །ཇི་ལྟར་བཅོལ་བའི་ཕྲིན་ལས་མཛོད། །བང་རིམ་ཐ་མའི་ཕྱོགས་བཞི་ནས། །ཕྱི་ཡི་ལྷ་སྲིན་སྡེ་བརྒྱད་དང་། །ནང་གི་ལྷ་སྲིན་སྡེ་བརྒྱད་དང་། །གསང་བའི་ལྷ་སྲིན་སྡེ་བརྒྱད་དང་། །སྦས་པའི་ལྷ་སྲིན་སྡེ་བརྒྱད་དང་། །ཡང་གསང་གཏེར་གྱི་ལྷ་སྲིན་དང་། །དྲག་པོ་སྔགས་ཀྱི་ལྷ་སྲིན་དང་། །ལས་བྱེད་མྱུར་མགྱོགས་ལྷ་སྲིན་དང་། །བཏགས་ཤིང་ཆགས་པའི་ལྷ་སྲིན་དང་། །སྡེ་བརྒྱད་འཁོར་དང་བཅས་པ་རྣམས། །ཁྱེད་ཀྱི་ཐུགས་དམ་བསྐང་བ་ནི། ཁྲེས་ལྡན་མི་དང་ཅང་ཤེས་རྟ། །ཐེག་ཆེན་གླང་དང་འདོད་འཇོའི་བ། །རིན་ཆེན་ལུག་དང་གཙང་ལྡན་ར། །ཐོས་གསང་ཁྱི་དང་མཁའ་ལྡིང་བྱ། །ཁྱེད་ཀྱི་བཞེད་པའི་དཀོར་དུ་འབུལ། །རིན་ཆེན་རྒྱན་ལྡན་ངར་མི་དང་། །སེམས་ཀྱི་གཟུགས་བརྙན་ནམ་མཁའ་དང་། །སྐུ་གསུང་ཐུགས་ལྡན་ལྗང་བུ་དང་། ཁྲེང་གླུད་ཡུལ་མཁར་མཚོན་པ་དང་། །ཕོ་གླུད་མདའ་དང་མོ་གླུད་འཕང་། །རྒྱལ་མཚན་བ་དན་རུ་མཚོན་རྣམས། །ཉིད་ཀྱི་སྐུ་མདོག་དང་མཐུན་པ། །རྣལ་འབྱོར་རྣམས་ཀྱི་གླུད་དུ་འབུལ། །དམ་རྫས་སྦྱར་བའི་མཆོད་གཏོར་དང་། །མཐུན་རྫས་ལྡན་པའི་བཤོས་ཆ་དང་། །སྣང་གསལ་འོད་ལྡན་མར་མེ་དང་། །རྒྱན་ལྡན་མཛེས་པའི་གླིང་ཚད་དང་། །མཛེས་པའི་གཟུགས་དང་སྙན་པའི་སྒྲ། །ཞིམ་པའི་དྲི་དང་བདའ་བའི་རོ། །ཁྱེད་ཀྱི་ཐུགས་དམ་བསྐང་ཕྱིར་འབུལ། །འཇིག་རྟེན་དྲེགས་པ་འཁོར་དང་བཅས། །སྔོན་གྱི་དམ་ཚིག་རྗེས་དགོངས་ཏེ། །མདོས་ཟླུད་མཐུན་རྫས་བཞེད་པའི་དཀོར། །སྣ་ཚོགས་སྦྱར་བ་འདི་བཞེས་ལ། །སངས་རྒྱས་བསྟན་པ་ཁྱོད་ཀྱིས་གྲུངས། །དཀོན་མཆོག་དབུ་འཕང་ཁྱེད་ཀྱིས་བསྟོད། །རྣལ་འབྱོར་སྐུ་དགྲ་ཁྱེད་ཀྱིས་སྒྲོལ། །སྒྲུབ་པ་པོ་ལ་བར་གཅོད་པའི། །སྟོང་ཕྲག་བརྒྱད་ཅུའི་བགེགས་རིགས་དང་། །བཞི་བརྒྱ་རྩ་བཞིའི་ནད་རྣམས་དང་། །གློ་བུར་གནོད་པ་བརྒྱད་ཅུ་གཅིག །ཡེ་འབྲོག་གསུམ་བརྒྱ་དྲུག་ཅུའི་ཚོགས། །དུས་མིན་འཆི་བ་རྣམ་བརྒྱད་དང་། །གཤིས་ངན་འགུམ་པ་བརྒྱད་ཅུ་གཅིག །གཟུགས་ཅན་དགྲ་དང་གཟུགས་མེད་བགེགས། །རྨི་ལམ་མཚན་ལྟས་ངན་པ་རྣམས། །ཞི་དང་བསལ་ཞིང་བཟློག་པ་དང་། །གདུལ་དང་ཚར་གཅོད་ལས་མཛོད་ཅིག །ཅེས་བརྗོད་རང་གི་མཐུན་རྫས་བསྟབ། །བསྐང་བཟློག་བསད་དང་གསོ་ལ་སོགས། །ཇི་ལྟར་འདོད་པའི་ཕྲིན་ལས་བཅོལ། །གང་ལ་དམིགས་པ་དེ་བཞིན་འགྲུབ། །ཅེས་བཀའ་སྩལ་ཏོ། །འཇིག་རྟེན་གྱི་དྲེགས་པ་ཅན་གྱི་སྡེ་དཔོན་འཁོར་དང་བཅས་པ་རྣམས་མཆོད་བསྟོད་རྒྱ་ཆེན་པོའི་སྒོ་ནས་ཉེ་བར་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་རབ་ཏུ་བཤད་བྱ་བ། །དྲེགས་པའི་འཁོར་ཚོགས་འདི་རྣམས་ཀུན། །ངོ་བོ་རང་རིག་བྱང་ཆུབ་སེམས། །མ་སྐྱེས་དབྱིངས་ལས་གཡོ་བ་མེད། །འཇིག་རྟེན་གནས་དང་མཐུན་འཇུག་སྟེ། །མཆོད་དང་བསྟོད་པས་མཉེས་འགྱུར་བས། །འཇིག་རྟེན་མཆོད་བསྟོད་ཅེས་སུ་གྲགས། །ཕྱི་ནང་གསང་བའི་བྱེ་བྲག་ནི། །སྣང་དང་སྲིད་པའི་དཀྱིལ་འཁོར་བའི་རྫས། །འདོད་ཆགས་གཞི་དང་འབྲུ་བཅུད་རྩི། །གཉིས་མེད་ཕ་རོལ་སྣང་བྱེད་པ། །ངང་གི་ངང་དུ་མཉེས་བྱེད་ཅིང་། །སོ་སོའི་མཚན་དང་དཔེ་བྱད་དག །ངེས་པར་བསྟན་པ་ནང་གིའོ། །ཀུན་གསང་བའི་བདག་པོའི་དེ་ ཉིད་དང་། །གནས་སྐབས་མཆོད་བསྟོད་ཕྱི་ཡིན་ནོ། །དབང་པོའི་ཡུལ་གྱི་ལོངས་སྤྱོད་དང་། །གཙང་སྨེའི་རྟོག་པ་སྦྱང་བའི་རྫས། །འདོད་ཆགས་གཞི་དང་འབྲུ་བཅུད་རྩི། །གཉིས་མེད་ཕ་རོལ་སྣང་བྱེད་པ། །ངང་གི་ངང་དུ་མཉེས་བྱེད་ཅིང་། །སོ་སོའི་མཚན་དང་དཔེ་བྱད་དག །ངེས་པར་བསྟན་པ་ནང་གིའོ། །སེམས་དང་སེམས་ལ་སྣང་བའི་ཚོགས། །ཐམས་ཅད་ཡེ་ནས་དཀྱིལ་འཁོར་ཆེ། །མ་བཅོས་རང་བཞིན་ལྷུན་གྱིས་གྲུབ། །འོང་ནས་མ་ལུས་འདུས་པ་ལས། །ཆོས་གཞན་མེད་དེ་ཡུལ་ཉིད་དང་། །ཡུལ་དུ་འཛིན་པ་སྣང་བའི་བདག །གཉིས་མེད་རྟོགས་ཤིང་ཁོང་དུ་ཆུད། །མཆོད་བསྟོད་རབ་ཏུ་གསང་བའོ། །ལུས་ལས་སྤྲུལ་ཞིང་བསྒྲུབ་པའི་སྐུ། །འབྲུ་བཅུ་སྒྲ་ཡི་འཁོར་ལོ་གསུང་། །རང་གྲོལ་སྙིང་པོ་མ་བཅོས་ཐུགས། །ལྷ་ཀླུ་གནོད་སྤྱིན་བཙན་དང་བདུད། །སྲིན་པོ་གཟའ་དང་མོ་རིགས་རྣམས། །དྲེགས་ཤིང་གདུག་དང་ཁྲོ་ཞིང་གཏུམ། །མྱུར་མགྱོགས་རྨུགས་དང་འཐིབ་པ་དང་། །དྲག་དང་བཅིངས་པ་སོ་སོའི་སྡེ། །རི་རབ་བཤོས་གཙང་རྒྱན་དང་བཅས། །འབྲས་ལུག་སྙིང་རྩེ་ཙ་རུའི་དབྱིབས། །དཀར་དམར་བཅུད་ལྡན་དམིགས་ཀྱིས་མཆོད། །ཕ་དང་རྒྱལ་པོ་གྲོགས་དང་ལྷ། །མ་དང་རྗེ་ཁོལ་བྲན་དང་བུ། །བསྟེན་པ་རང་གི་ཚུལ་ཡིན་ནོ། །ཆེ་བཙན་དབང་གི་དངོས་གྲུབ་དང་། །ལོངས་སྤྱོད་འཕེལ་ཞིང་མངག་པར་སླ། །རྒྱུད་འཇམ་སྐྱབས་ཆེ་བཀའ་ཉན་ཅིང་། །དྲག་རྩལ་ལྡན་ཞིང་སླར་མི་ལྡོག ཁེན་ཏུ་ཉེ་བའི་ཡོན་ཏན་ཏེ། །རང་ལ་རྩུབ་ཅིང་འཆའ་བ་དང་། །ལོངས་སྤྱོད་མི་འབྱོར་མི་འཕྲོད་དང་། །གློ་བུར་ནད་ཀྱིས་གཟིར་བྱེད་ཅིང་། །སླར་ལྡོག་བཀྲ་ཤིསཉམས་པ་དང་། །བསྒོ་བ་མི་ཉན་དོན་མེད་ཅིང་། །རང་རྒྱུད་རྩུབ་ཅིང་ཁེངས་པ་དང་། །རིགས་བརྒྱུད་མི་འཕེལ་ཀུན་གྱིས་བརྙས། །བསམ་དོན་མི་འགྲུབ་མངའ་ཐང་ཉམས། །རྒྱུད་དོན་སྦས་པ་མ་ཤེས་སྐྱོན། །ཁྲིམས་ཀྱི་བདག་པོ་ལྟ་བུའི་ལྷ། །གནད་ཀྱིས་བཅིངས་ཤིང་བསྒྲུབ་པར་བྱ། །དབང་ཆེན་ཕ་དང་མཚུངས་པའི་བདུད། །མཚུངས་མེད་གྲོགས་དང་འདྲ་བའི་བཙན། །གནོད་སྤྱིན་ཁྲིམས་ཀྱི་གཙོ་ལྟ་བུ། །སྲིན་པོ་སྲོག་ལ་རྒོལ་བའི་གཤེད། །གཟའ་རྒོད་ལག་ཡན་བཞིན་ལྟ་བུ། །སྡོང་བའི་དུག་སྦྲུལ་ལྟ་བུའི་ཀླུ། །མོ་རྒྱུད་དབང་ཆེན་རྗེ་དཔོན་ལ། །མཚུངས་ལྡན་དེ་ཡི་གཉེན་པོས་བསྒྲུབ། །ཁུགས་སུ་མ་བཅུག་བསྒོ་མི་ཉན། །སོ་སོར་གནད་མེད་བདུད་ཏུ་འགྱུར། །གཅུད་ཕུར་མ་ཐེབས་སླར་ལ་ལྡོག །རང་གི་ང་རོས་མ་བསྟེན་གཡེལ། །ལྟོ་བ་མ་དཀྲུགས་ལས་མི་མྱུར། །ལོག་གནོན་མ་བསྟེན་བདག་ཉིད་སྟོབས། །དབང་དུ་མ་འདུས་བསྒོ་མི་ཉན། །གནད་ཀྱི་ཡན་ལག་བརྒྱད་ཀྱིས་ནི། །མཆོད་བསྟོད་བསྒྲུབ་སྟེ་ཕྲིན་ལས་བཅོལ། །ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ཟབ་པའི་མཆོད་བསྟོད་གནད་ཀྱི་ལེའུ་སྟེ་དྲུག་པའོ།།དེ་ནས་གཞན་ཡང་བཤད་བྱ་བ། །འཇིག་རྟེན་དྲེགས་པའི་སྡེ་དཔོན་རྣམས། །དྲག་པོའི་ལས་ལ་སྦྱར་བ་ནི། །དུར་ཁྲོད་གདུག་པའི་གནས་དག་ཏུ། །རྩ་བའི་བསྙེན་པ་སྔོན་སོང་ནས། །སོ་སོའི་མཐུན་པའི་རྫས་བསགས་ཏེ། །དྲག་པོའི་ལས་ཀྱི་ཁང་པ་ནི། །ཨེ་དབྱིབས་སུམ་ཅུ་ལྡན་པར་བཤམ། །ཕྱི་ནང་གསང་བ་སྐུ་གསུང་ཐུགས། །གནས་དང་བྱིན་བརླབ་བསྐང་དང་མཆོད། །སྤྱི་དང་སོ་སོར་བསྔགས་པ་དག །རབ་ཏུ་བདེ་བ་འདོད་པས་དམིགས། །གཟུགས་སྒྲ་བསམ་པའི་ནུས་པ་ཡི། །ལུས་དང་ལུས་ཀྱི་འཁྲུལ་འཁོར་དང་། །སྲོག་དང་སྲོག་གི་སྙིང་པོ་ཡིས། །སེམས་དང་སེམས་ཀྱི་ངོ་བོ་ལས། །ཕྱི་ནང་ཀུན་ཏུ་བསྔགས་པ་དེ། །འཕྲོ་འདུ་འོད་ཀྱི་དྲང་ཞིང་དགུག །རང་གཞན་དམིགས་པ་དེ་ལ་བསྟིམ། ཁྲ་རུས་ཁྲག་སོགས་མ་ལུས་བཟས། །དྲེགས་པའི་སྡེ་དཔོན་སྐུ་གསུང་ཐུགས། །མ་ལུས་མཉེས་པ་འདི་ཡིས་བྱ། །གང་ལ་དམིགས་པ་ཚད་ཀྱིས་སྒྲོལ། །ཏིང་ངེ་འཛིན་གྱི་བརྟུལ་ཞུགས་ཀྱིས། །བུལ་དང་མྱུར་བ་བློ་ཡི་སྟོབས། །འདི་ལ་ཐེ་ཚོམ་མི་བྱ་སྟེ། །རྡོ་རྗེ་འཆང་ཆེན་གསང་བའི་བཀའ། །གལ་ཏེ་འབར་བས་མངོན་སྤྱོད་ཅིང་། །མྱུར་དུ་འཕོ་བར་བྱ་བ་ནི། །རྣོ་དབལ་ཚ་རྩུབ་དྲི་ང་བའི། །ཡམ་ཤིང་གདུག་པའི་དབྱིབས་ལྡན་བརྩེག །གདོལ་པ་རིགས་ངན་ཤན་པ་དང་། གཡུང་མོ་གྲོགས་བྲལ་ཁྱིམ་གྱི་མེས། །སྤར་ཞིང་དུག་ཁྲག་དངར་བ་ལ། །གཟུགས་བརྙན་རྫོགས་པར་ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོའི་ཕྲིན་ལས་དྲག་པོའི་ལས་ལ་སྦྱར་བའི་ལེའུ་སྟེ་བདུན་པའོ།། །།དེ་ནས་གཞན་ཡང་བཤད་པ་ནི། །འཇིག་རྟེན་དྲེགས་པ་རང་གི་གནད། །གསང་བའི་སྙིང་པོ་དྲག་ཤུལ་གཟུངས། །ཀུན་བསྡུས་དྲིལ་དང་ཕྱེ་བར་བསྟན། །བཛྲ་སརྦ་དུསྒྲོན། ལོ་ཀ་བཱ་རམ་ཨགི་ན་ཡ། །མ་ལྷ་ཧེ་ཤྭ་ར་དེ་བ་དེ་བྲི། དུ་བདུདཕྲག་སྔགས་སོརབཞགབྱས་དུན་ཏིང་། ཡ་མ་གཤནརྗེབྲེ་ཏ་ཝི་ཀྲི་ཏྭ་ན་ན། རསྒསྲིན་པརསྒ། ཡསྒ་གནོདསྤྱིནཀྟ་ཏེ་བྱི་ཏྲི་གཟའཔ་ཏྲ། ཨ་བེ་སྨནལ་ཛ། ནཱ་ག་ཀླུ་གུ་ལི་ཤ་ཛ། ཙ་ལྷབགེགསཌཀིགསུམ་དུ་ཏྲི་ཙ་ར་ས་མ་དུ་ཏྲི། མ་མ་མམོརུ་ལུ། མན་སྔགསསྲུངཏྲ་ར་ཙ་དུ་མ་ཏི། །མ་མགོན་པོཧྭ་ཀྭ་ལ་དུ་ཏྲ་དུཏྲཏིག་མསངསྣ་ཏིར་མུསྟེགསཐིག་ཀ་ཐ་ཨ་བཙནསྟི་ཤུ་ཏྲི་པ་ཐེའུརངཤ་ལི་ཧ༷་འགོང་པོ་ཤ༷་ཏྲི་ཛ། རྭ་ཛ་རྒྱཔ་པོགིང་ཀ་སྲོགབདགར། སྭ་དུ་ཏྲི་དགྲལྷ། ནཱ་ཐ་ཀདམུ་ལ། ཨུ་གསྣྲོ་སྣྲི་སྣྲི་ཛ་ཛ། བོད་པའི་སྔགས་སོ། །ཨོ་བཛྲ་སརྦ་དུསྒྲོན་ཨེ་ཀ་པ་ར་སརྦ་པརྩི་ཨ་མྲི་ཏ་ཨུ་གསྣྲོ་བ་ལི་ཏ་གྲིཎྜ་ས་མན་ཏ་གྲོཎྜ་ཏུ་མ་ཧྭ་ག་ཎ་པྲུ་ཛ་ཁ་ཁ་ཁུ་ཧི་ཁུ་ཧི། འདི་དག་སྦྱར་བས་མཆོད་པར་འགྱུར། སརྦ་ཨུ་ཡུརྨི་ཏྲ་སིརྙི་བུ་ཏྲ་བརྟ་ན་སིརྙི་པུ་ཏྲ་བ་ཧུ་བྷ་དྲ་བ་སུ་དྷ་ར་རཏྣ་པྲརྨྱི་སིརྙི། མ་ཧྭ་ཙྭ་ན་སརྦ་དྷརྨ་གསྟོ་ཀྭ་ཡ་ལྷུ་ཀ་ཙིསྟ་སིརྙི་སིརྙི། ཕ་ལ་སིརྙི་མ་ཧྭ་སིརྙི་ཨུ་བེ་ཤ་ཡ་ཨུ། ཧ་ཧ་ཧོ་ཧོ། རབ་ཏུ་སྦྱར་བས་དངོས་གྲུབ་བླངས། སརྦ་ཤ་ཏྲུ༷་ཡསྒ་རྦད་རྦད་སྨྱོ་སྨྱོ། །འདི་ཡིས་རབཏུ་རྦད་པར་བྱ། །ཐྲོ་ཧུར་ཐུམ་ཛ༷མ།་ཏྭ༷་ཙིསྟ་མྱ་ར་ཡ་རྦད། རྭ་པ་ཡ་གན་དྷ་རྦུད་རྦུད་ཕཊ་ཕཊ། མ་ར་མ་ར། ཐུམ་ཐུམ། ཧ་ན་ཧ་ན། ད་ཧ་ད་ཧ། པ་ཙ་པ་ཙ ཚལ་པ་ཚལ་པ། ཏིཛི་ཏིཛི་ཐུན་ཐུན་རྦད། འདི་ཡིས་དམིགས་པ་རབ་ཏུ་གསད། མྱ་ར་ཡ་མྱ་ར་ཡི་ཨ་ཕྲི་པྲེ་ཏ་ཀ་ཧྲིང་ཧྲིང་ཏྲི་ཤ་པ་ལི་རུ་པ་ཡ་བིན་ཏ་བིན་ཏ་ཧུ་ལུ་ཧུ་ལུ་རྦད་ནན། ལ༷་ནན། ཨ་ནན་ཧུ༷་ནན་སྟུ༷་བྷ་ཡ་སྟུ༷་བྷ་ཡ་ནན། ཞེས་པ་ཡིས་ནི་གནན་པར་བྱ། སརྦ་མ་ར་ཏ་ཀ་ར༷་རཏ་ཛ་ལ་རཏ་ཛ་ལ་རཏ་སྤྲོ་ཊ་ཡ་སྤྲོ་ཊ་ཡ། ཧོ་ཧ་ཡ་ཧོ་ཧ་ཡ། རཏ་ཙ་ཡ་རཏ་ཙ་ཡ། ཞེས་པས་མ་ལུས་བསྲེག་པར་བྱ། མྱ་ར་ཡ་ཤ་ཏྭཏ་ཐུན་སྨྱོ་ཐུམ་རིལ་སྨྱོ་ན་ཧེ་ཐུན་ཨུ་བེ་ཤ་ཡ་སྨྱོ། །དམིགས་པ་འདི་ཡིས་འཕང་བར་་བྱ། །བརྫོ་ཨུ་ཙ་ཏ་རྨི་ཕཊ། ཨ་༷ཕྲི་ས༷ རྦ་སྦྱོ་བཟློག །ས་མ་ཡ་རྦད་་སུ་མྱག་བསྒྲོག །སྲིས་ཡ་སརྦ་པ་རྨི་དུར་ནསྦྱོབཟློག །ཕ་རོལ་ནུས་པ་འརྡོ་་ཡིས་བཟློག །མཧྭ་བྷརི་ཤ་ཡ། ཨ་བེ་ཤ་ཡ་པྲ་ཙཡབེ་ཙཡ་བེ་ཙ་ཡེ། ཞི་བས་ལུགསའབྱུངཆུདབབཔོ། །ན་ག་གྲ་ཧེ་བི་ཙ་ཡ། ཕྲོ་ཕྲོ་ཧྲིལ་ཧྲིལ་ཤར་ཤར་ར་མ་ན་ཙ་ག་ན་ཕྲོ་ཧྲིལ་ཤར་ཤར་པ་ཕོབ། །དྲག་པོས་བཟློག་ཅིང་བསྡམ་པའོ། །མ་ཧྭ་ཤིརྙ༷་སྤྲུཁོ་བ་ཤཏ་ཀུ་རུ་མ་ར་མ་ར་ཛ་ཡ་ཀརྨ་མ་ལེ་ཨ་མྱུ་ཀ་སིརྙིསུ་སིརྙི་ཀ་ར་སྭ་སྟི་གྲྭ་ཧྭ། ཕྲིན་ལས་ཐམས་ཅད་རབ་བསྒྲུབ་པའོ། །མཐུན་པའི་རྫས་དང་ཏིང་འཛིན་གྱིས། །ལས་ཀྱི་ཁྱད་པར་སོ་སོར་དབྱེ། །གནས་བསྒྱུར་དརྔེ་ནི་གྲུཐེ་པའི་མཐའ། །སྙིང་རྗེ་བྱམས་པས་རབ་བསྐུལ་ཞིང་། །ཀུན་དུ་ཁྱབ་པའི་མཆོད་སྦྱིན་བྱ། །ཞི་དང་རྒྱས་དང་དབང་དུ་བྱ། །དྲག་པོས་བསྒྲལ་ཞིང་ཚར་བཅད་པའི། །ལས་ཀུན་རང་གཞན་དོན་དུ་སྤྱད། །འཇིག་རྟེན་གནས་པའི་སྙིང་དང་སྲོག །ཡི་གེ་གསང་བ་རང་འབྱུང་གནས། །མངོན་དུ་རྒྱུ་བ་ཐུགས་ཀ་ཏེ། །རིང་ཐུང་ཕོ་མོ་ཁྲག་དང་དུང་། །ཆགས་སྡང་སྙིང་སྲོག་སྙིང་རྗེ་བརྩེ། །རྡོ་རྗེ་པདྨ་རླུད་དང་གནས། །ཐབས་དང་ཤེས་རབ་ཆོས་ཅན་དང་། །ཆོས་ཉིད་ལས་ཀྱི་འབྲས་བུ་ཡིས། །མིང་མཚན་གནད་མཚང་བོད་དང་དྲང་། །གྲོགས་དང་ལྡན་པས་ལས་ལ་སྦྱར། །ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོ་རྣམས་ཀྱི་ལས་སྣ་ཚོགས་ཀྱི་རྩ་བའི་སྙིང་པོ་གནད་ཀྱི་ལེའུ་སྟེ་བརྒྱད་པའོ།། །།དེ་ནས་གཞན་ཡང་བཤད་པ་ནི། །འཇིག་རྟེན་དྲེགས་པའི་གཙོ་ཆེན་རྣམས། །ཚུལ་བཞིན་རབ་ཏུ་བསྒྲུབ་པ་ཡིས། །གྲུབ་ཅིང་ཉེ་བའི་རྟགས་རྣམས་ནི། །དངོས་དང་ཉམས་དང་རྨི་ལམ་བརྟག །འདི་ལས་སོ་སོར་འབྱུང་འགྱུར་ཏེ། །དགའ་ཞིང་མདངས་ལྡན་སྟོབས་རྙེད་དང་། །བདེ་དང་རྟོགས་པ་སྤྲོ་སྐྱེ་ཞིང་། །མངོན་རྒྱུ་ཡིད་ཀྱི་གདེང་ཐོབ་ཅིང་། །ཉམ་ང་བག་ཚ་དོགས་མེད་ལྡན། །ནུས་ལྡན་ཕྲིན་ལས་མཐར་ཕྱིན་རྟོགས། །འདི་དག་ལ་སོགས་རིགས་པར་འབྱུང་། །ལུས་འཇམ་དབུགས་ཀྱིས་མི་གནོད་ཅིང་། །ཡངས་ཤིང་བསྟན་ལ་སྤྱོད་པར་དགའ། །ནད་དང་གདོན་གྱིས་བརྫི་མི་ནུས། །འབྱུང་བའི་ནུས་པསམིབསྐྱོད་ཅིང་། །ཁ་དོག་མདངས་ལྡན་སྡུག་ཅིང་མཛེས། །འདི་ལ་སོགས་པ་ལུས་འབྱུང་བརྡ། །ཇི་ལྟར་བསྒོ་བ་གཞན་གྱིས་འཛིན། །ང་དང་སངས་རྒྱས་རྣམས་ཀྱི་གསུང་། །མཐུན་པའི་ཚུལ་གྱིས་ཡོངས་མི་འདོར། །སྙན་དང་མི་སྙན་ཅི་བརྗོད་རྣམས། །ཚངས་པའི་དབྱངས་བཞིན་ཡིད་དུ་འོང་། །གྲགས་ཐོས་ཙམ་གྱིས་དབང་དུ་བྱེད། །ཚུལ་རྗེས་འསྔུག་པ་ངག་གི་བརྡ། །གང་ལ་བརྩམ་པ་དེ་འགྲུབ་ཅིང་། །མ་ཞུམ་མི་སྤང་མི་འདོར་བས། །དབང་དང་ལྡན་ཞིང་མི་གཡོ་ལ། །གསང་བའི་མཐུ་སྟོབས་རབ་ཏུ་ཐོབ། །ཡིད་ཀྱི་ཡུལ་དུ་བརྡ་འབྱུང་བའོ། །སྔ་ཕྱི་དེ་མ་ཐག་པ་ཡི། །བག་ཆགས་མ་ཡིན་རྨི་ལམ་ནི། །རྒྱལ་པོ་མཁན་པོ་སློབ་དཔོན་དང་། །ཆེ་བཙན་རིགས་ལྡན་རྒྱན་བཅས་ལྡན། །གཅན་གཟན་འདབ་ཆགས་དུད་འགྲོ་དང་། །སྐྱེས་པ་བུད་མེད་བུས་པ་སོགས། །ཉེ་བར་གྲུབ་པའི་རྟགས་ཡིན་ནོ། །བྲན་འབངས་མངག་པའི་ཚུལ་འཆངས་ཤིང་། །བཀའ་བསྒོ་ཉན་པ་ལས་བྱེད་རྟགས། །རང་གི་གནས་ནས་གླུ་ལེན་ཞིང་། །རྒྱང་མིག་བལྟ་བ་གཡེལ་བའི་རྟགས། །རང་ལ་ཆད་པའི་ལས་བརྩམས་ཤིང་། །ཉེས་ལན་འདོད་པ་ལྡོག་པའི་རྟགས། །ཟས་སྐོམ་འདོད་ཅིང་ཁྲེ་ལེན་སྙོགས། །རང་ཉིད་གནོང་འགྱོད་མ་བསྐངས་རྟགས། །འཚམས་ཤིང་ངུད་མོས་འདེབས་བྱེད་པ། །མ་དག་ལུས་སྣང་ཉམས་པའི་རྟགས། །ངག་གི་བསྒོ་བ་མི་ཉན་ཅིང་། །སླར་ཞིང་ཚུར་ལ་འཁོལ་འདོད་པ། །གཉེན་པོས་དབང་དུ་མ་གྱུར་རྟགས། །མཚོན་ཆ་རྟུལ་ཞིང་ཚད་མ་ལྡན། །ནུས་མེད་བྱ་བ་མི་འགྲུབ་པ། །སྔགས་ཀྱི་ནུས་པ་མ་གྲུབ་རྟགས། །གཞན་འདོད་རང་ལ་མེད་པ་དང་། །རང་གི་ཡིད་ལ་འདོད་མེད་རྣམས། །མཆོད་བསྐང་མཐུན་རྫས་མ་ཚང་རྟགས། ཁྲ་རུས་ཁྲག་སོགས་ལོངས་སྤྱོད་ཅིང་། །ངོ་མཐོན་རབ་ཏུ་ཆེ་བ་ནི། །ལས་བྱས་འགྲུབ་པའི་རྟགས་ཡིན་ནོ། །ཕ་རོལ་དམག་ཚོགས་མང་བྱུང་ཞིང་། །སྒོ་མེད་ཁང་པར་བདག་ཞུགས་པ། །ངན་སྔགས་གཞན་གྱིས་བཟློག་པའི་རྟགས། །བྱེ་བྲག་སྡེ་བརྒྱད་སོ་སོ་ནས། །མི་དང་དུད་འགྲོ་འདབ་ཆགས་སོགས། །ཕོ་ཚོགས་ནག་པོ་བདུད་ཀྱི་རྟགས། །མོ་ཚོགས་རྒྱན་བཟང་མ་མོ་སྟེ། །རྗེ་བཙན་འབག་སེང་གཙུག་ལག་ཁང་། །བུས་པ་སྦྲ་སྤྲེ་རྒྱལ་པོ་རྟགས། །མི་རྟ་ཁྲ་སྤྱང་རི་དྭགས་ནི། །བྲག་བཙན་རི་བཙན་རྟགས་ཡིན་ནོ། །ཆུ་གནས་དུད་འགྲོ་ཀླུ་ཡི་རྟགས། །མ་ཧེ་ར་ལུག་མིག་མང་དང་། །མུན་པ་བུ་ཡུག་གཟའ་ཡི་རྟགས། །སྐྱེས་པ་ཆས་བཟང་འབྱོར་པ་ཅན། །རི་མཚོ་ལ་གནས་གནོད་སྦྱིན་རྟགས། །ཉ་དང་ཤན་པ་བྱ་བ་དང་། །དམག་མི་གོ་མཚོན་སྲིན་པོའི་རྟགས། །འདི་དག་སྔར་བཤད་བཟང་ངན་སྦྱར། །བྱེ་བྲག་བསྒྲུབས་པའི་རྟགས་སུ་འགྱུར། །ཞེས་བཀའ་སྤྲལ་ཏོ། །འཇིག་རྟེན་གྱི་སྡེ་དཔོན་ཆེན་པོ་སྒྲུབ་པ་རྟགས་ཀྱི་ལེའུ་སྟེ་དགུ་པའོ།། །།དེ་ནས་གཞན་ཡང་རབ་བཤད་པ། །དྲེགས་པ་ཅན་གྱི་ཁྱད་པར་རྫས། །མཛེས་པའི་གཟུགས་བརྙན་སྐུ་ཡི་རྟེན། །མིང་ནས་བོད་པ་གསུང་གི་རྟེན། །ཕྱག་མཚན་དམ་པ་ཐུགས་ཀྱི་རྟེན། །ལུག་གཡག་དཀར་པོ་སྦལ་སྦྲུལ་ཉ། །གླང་རྟ་སྔོན་པོ་རིན་པོ་ཆེ། །གཡུལ་གཤོམས་མྱུར་བསྒྲལ་བྱ་གཅན་དང་། །སྣེལ་བུ་ཤེལ་ནག་བྱ་ནག་དང་། །རྟ་ལྕགས་ཁྱི་དང་རྒོད་ནག་དང་། །ར་ཕག་བྱ་ཁྱི་དཀར་པོ་དང་། །ཀླ་ཀློ་ར་རོག་དོམ་ཁྱི་གནག །སྤྲུལ་ནག་བྱ་རྒོད་ར་སྐྱེས་དང་། །རྟ་ར་བྱ་ཁྱི་དམར་པོའོ། །སྙིང་ཁྲག་མགོ་དང་རྒྱལ་མཚན་ནི། །ལྷ་ཀླུ་གནོད་སྤྱིན་སྲིན་པོ་དང་། །མ་མོ་བདུད་དང་རྒྱལ་པོ་གིང་། །གཤིན་རྗེ་གཟའ་དང་བཙན་རྣམས་ཀྱི། །རིམ་བཞིན་སོ་སོའི་བརྟེན་པའི་རྫས། །རབ་ཏུ་གསང་བ་ཉིད་ཡིན་ནོ། །ཨེ་ལྡན་གདུགས་བཅས་རྒྱུད་མེད་ཀྱི། །ཐོད་པ་མཚོན་ཆ་ཕུར་པ་དག །དུག་ཁྲག་རིན་ཆེན་དྲག་པོའི་འབྲུ། །ཀུན་ཚོགས་རབ་ཏུ་གསད་པའི་རྫས། །ཀླུས་བཟུང་སྣོད་ནི་ཤ་ཁྲག་བཅས། །རུས་བཟང་རིགས་མེད་མྱུར་སོང་ཆུ། །མྱུ་གུ་སྣ་ཚོགས་དྲི་ལྡན་རྫས། ཅུ་དྲག་དབབ་པའི་རྫས་ཡིན་ནོ། །མཆོད་རྟེན་རི་རབ་རྒྱ་གྲམ་བཅས། །སྨེ་རྫས་རིགས་ངན་མགོ་བོ་གསུམ། །དམིགས་པའི་འབབ་རྫས་སྟོག་མ་ཡང་པདྨ་ནི། །སླར་ལ་བཟློག་པའི་རྫས་ཡིན་ནོ། །རབ་ཏུ་མནན་པའི་རྫས་ཡིན་ནོ། །དུག་ཁྲག་ཚོགས་དང་མཚན་ངན་སྣོད། །དམིགས་པའི་རྟེན་ལ་འཕངས་པའི་རྫས། །ངན་པའི་ས་ཡི་རྟེན་མཁར་དང་། །གདུག་ཅིང་རབ་ཏུ་ཚ་བའི་ཤིང་། །འབྲུ་ནག་དུག་ཁྲག་བསྲེག་པའི་རྫས། །གཞན་ཡང་དབང་ཆེན་དྲེགས་པའི་འཁོར། །སོ་སོའི་རིགས་དང་སྡེར་བཅས་པའི། །མཐུན་དང་མ་མཐུན་གཙང་དང་སྨེ། །སྔགས་པའི་རྫས་ཀུན་ཤེས་པར་འགྱུར། །མ་འོངས་དུས་ན་རྡོ་རྗེ་འཆང་། །རང་གི་རིག་འཛིན་བྱང་ཆུབ་སེམས། །བརྟུལ་ཞུགས་ཅན་གྱི་གྲུབ་པ་ཡིས། །དབུས་དང་མཐའ་འཁོབ་ཡུལ་རྣམས་དང་། །སངས་རྒྱས་ཞིང་གི་འཇིག་རྟེན་ཁམས། །ཀུན་ནས་སྡེ་དཔོན་གཡོག་བཅས་པའི། །ཡིད་དང་དངོས་པོའི་ཡུལ་ཅན་རྣམས། །ཁམས་དང་རིགས་དང་བསམ་པ་དང་། །བྱེད་པ་རྟེན་གནས་ཡོ་བྱད་དང་། མ་ལུས་རྫོགས་པར་རབ་ཏུ་རྟོགས། །ཤེས་ལྡན་མིག་ཅན་རྣམས་ལ་སྟོན། །དེ་ཚེ་དྲེགས་པའི་ཚོགས་ཆེན་རྣམས། །ད་ལྟ་ང་ཡིས་གདམས་པ་བཞིན། །ཡང་དག་དོན་ལས་མ་འདའ་ཞིག །ཁྱེད་རྣམས་ཀྱང་ནི་དུས་ནམ་ཞིག །ལས་ཀྱི་གནས་ངན་ལེན་སྤང་སྟེ། །བྱང་ཆུབ་ས་ལ་མྱུར་འགྲོ་ཡིས། །དེ་བས་བཀའ་ཡི་དམ་མནོས་ལ། །ཇི་ལྟར་དམིགས་པ་བཞིན་སྒྲུབས་ཤིག །གསང་ཆེན་ང་ཡི་བསྟན་པའི་ཚུལ། །ཕྱི་རོལ་ཕྱོགས་ལ་སོགས་པ་ཡིས། །ཉམས་ཤིང་དམས་པར་མི་འགྱུར་བར། །རྒྱས་ཤིང་བརྟན་པར་ཁྱོད་ཀྱིས་བྱོས། །ཞེས་བཀའ་སྩལ་ཏོ། །འཇིག་རྟེན་གྱི་སྡེ་དཔོན་ཆེན་པོའི་རྟེན་རྫས་དང་ལས་ཀྱི་གཉེར་བསྒོ་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོའི་སྐུའི་རྣམ་པར་རོལ་པ་ཆེན་པོ་དེ་དག་ཉིད་ཀྱི་སྐུ་ལ་རབ་ཏུ་བསྡུ་བར་མཛད་དེ། དགྱེས་པའི་གསུང་གིས་འདི་སྐད་ཅེས་བཀའ་སྩལ་ཏོ། །ཀྱེ་མ་འདུས་པའི་འཁོར་གྱི་ཚོགས། །བདུད་དང་གཤིན་རྗེ་ལ་སོགས་པའི། །འཇིག་རྟེན་དབང་ཆེན་གཙོ་ཆེན་རྣམས། །མཐར་ཐུག་མྱ་ངན་འདས་ནས་ཀྱང་། །དུས་གསུམ་སངས་རྒྱས་ཐམས་ཅད་ཀྱིས། །བསྟན་པའི་ཐ་ཚིག་སྒྲུབ་པ་དང་། །རྣལ་འབྱོར་ལས་ཀྱི་གྲོགས་མཛད་ཅིང་། །དྲེགས་པའི་སྐུ་གསུང་ཐུགས་ཉིད་དང་། །ཡོན་ཏན་ཕྲིན་ལས་སྣ་ཚོགས་སྟོན། །ཕྱི་མའི་དུས་ན་རིག་པ་འཛིན། །སྐྱེས་བུ་བརྩོན་ལྡན་རྣམས་ཀྱིས་ནི། །གཉིས་སུ་འཛིན་པར་ཡོངས་མི་བྱ། །ཡུལ་སྣང་ཕྱི་ནང་མ་ལུས་ཀུན། །རང་རིག་སེམས་ཀྱི་རྒྱལ་པོར་བསྒྲུབ། །དེ་ནི་མ་བཅོས་ཡུལ་མི་བྲལ། །མ་ཆད་མ་ལྷུང་བདག་པོ་མེད། །གཉིས་མེད་མཉམ་ཉིད་ལྷུན་གྱིས་གྲུབ། །ངེས་འགྱུར་སྤང་བླང་སྩོལ་སེམས་བྲལ། །མ་ལུས་རྩ་བ་སྙིང་གི་སྲོག །དེ་ཉིད་ཤེས་བྱ་རབ་ཏུ་བླང་། །དབང་གི་རྒྱལ་པོ་འཆང་བར་འགྱུར། །གལ་ཏེ་ང་དང་དྲེགས་པ་ཅན། །སོ་སོ་རང་རྒྱུད་ལྡན་པ་ཡི། །གཉིས་འཛིན་ཡིད་ཀྱིས་རྟོག་དཔྱོད་ཅིང་། །མཚན་མ་རབ་ཏུ་སྒོམ་བྱེད་པ། །རྐང་མེད་ཁམས་གསུམ་བགྲོད་འདོད་ཅིང་། །མིག་མེད་སྟོང་གསུམ་བལྟ་དང་མཚུངས། །བདུད་བཞི་དགའ་བ་སྐྱེད་པར་བྱེད། །དེ་བས་རིགས་མཆོག་ཆེ་རྣམས་ཀྱིས། །གསང་བདག་ང་ཉིད་ཤེས་པར་གྱིས། །ཞེ་ངངངང་ཆེ་་ངདེཞིང་ངངང་ཇིརྟེངསྡེ་ཆེ་་ ས་བཀའ་སྩལ་ཏ་ཉད་ཀྱ་སྐུ་གསུང་ཐུགས་ཀྱ་དཀྱལ་འཁར་ ན་པ་ཆས་ཉད་ ་བ ན་ཉད་སྤྲས་པ་དང་བྲལ་བའ་དབྱངས་སུ་ཐམ་པར་མཛད་ད། །འ ག་ ན་གྱ་ ་དཔན་ ན་པ་འཁར་དང་བཅས་པ་་ངལེསྟེང་དྲེངསྡེ་ཇིརྟེ་་ངཅེ་་ང་ཆས་སྐུ་མཐར་ཐུག་ཏུ་བསྒྲུབ་པར་གདམས་པའ་ འུ་ ་བཅུ་གཅག་པའ།། །། གས་པ་ཅན་གྱ་ ་དཔན་འ ག་ ན་མཆད་བསྟད་བསྒྲུབ་པ་རྩ་བའ་རྒྱུད་ ས་བྱ་བ་རྫགས་ས།། །།རྒྱ་གར་གྱ་མཁན་པ་ཆེ་་ང་སྣྲོར་ཙངང་་་འིཔེ་་ན་པ་པདྨ་འབྱུང་གནས་དང་། བད་ཀྱ་ལ་ ་བ་བ་ར་ ་ན་བདག་གས་བསྒྱུར་ཞང་ཞུས་ཏ་གཏན་ལ་ཕབ་པའ། །རྒྱལ་པ ་བླ་ད འ། །གཏར་རྒྱ། སྦས་རྒྱ། རྒྱ་རྒྱ་རྒྱ།།