Ngb-pt-0195-vol-02-text
Front[edit]
Body[edit]
བིམམིཏྲདང། རྙོནཀུཐུརསའཕནཡུལདུབསྒྱུརཅིངག་ལཕབཔའོ། ། རྒྱ་གར་སྐད་དུ། གུ་རྒྱ་གསྙེ་ཏ་ཏྭ་བི་ནི་༔་ཡ་མ་ཧྭ་ཀྲོ་དྷ་བ་ལ་ཡོ་གི་ཤྭ་ར་སིརྙ་བཱ་ལྭ་ཛུ་ལ་ཏནྟྲ། བོད་སྐད་དུ། གསང་བའི་སྙིང་པོ་དེ་ཁོ་ཉིད་ངེས་པའི་ཁྲོ་བོ་ཆེན་པོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད། དཔལ་འཇམ་དཔལ་རྣོན་པོ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་ཚེ། འཇིག་རྟེན་གྱི་བདག་པོ་བཅོམ་ལྡན་འདས་འདོདཆགསཆེནཔོ། ཞེསྡངཆེནཔོ། །གཏིམུག་ཆེན་པོ་དེའི་གཞལ་ཡས་ཁང་ན། དབྱེར་མེད་པའི་བདེ་བ་དང་ལྡན་པ། དེའི་ཚེ་དེའི་དུས་ན་བྱང་ཆུབ་སེམས་དཔའ་ཆེན་པོ་སའི་སྙིང་པོ་ལ་སོགས་པ་དུ་མ་དང་ཐབས་ཅིག་ཏུ་བཞུགས་ཏེ། དེ་ལྟར་ཏིལ་གྱི་གང་བུ་བཞིན་གང་ནས་ཁྱབ་པར་བཞུགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་འདི་སྐད་གསུངས་སོ། །བསྒྲུབ་པའི་དོན་ཆེན་གང་བསྒྲུབ་པ། །ཀྲོ་དྷ་ཉེ་བའི་ལྷ་བསམ་སྟེ། །རྣལ་འབྱོར་སྲོག་དང་རྩོལ་བ་ལ། །ཞི་གནས་ལྷག་མཐོང་བསྒྲུབ་པར་བྱ། དེ་ནས་བཅོམ་ལྡན་འདས་དེ་དག་དང་། བྱང་སེམས་དེ་དག་ཐམས་ཅད་ཀྱིས། གསུངས་པའི་དོན་ཡང་དག་པར་ཞུ་བའི་ཕྱིར་གསོལ་པ། ཀྱེ་ཀྱེ་བཅོམ་ལྡན་འདས་ལེགས་ཆེན་པོ། །རྣལ་འབྱོར་ལམ་ལ་ལེགས་བརྟེན་ཚེ། །ཇི་ལྟར་ཁྲོ་བོས་ཕྱོགས་དགང་སྲུང་། །སྲོག་རྩོལ་བདེན་གཉིས་ཇི་ལྟར་བསྐྱེད། །དེ་ནས་བཅོམ་ལྡན་འདས་དེས་བཀའ་སྩལ་པ། །ཡིད་འོང་བདེ་བའི་ཕྱོགས་དག་ཏུ། །ལས་དང་དགོས་པ་ལྡན་པ་ཡིས། །རྣལ་འབྱོར་བར་ཆད་བཟློག་པའི་ཕྱིར། །སྲུང་བའི་འཁོར་ལོས་བསྲུང་བར་བྱ། །ཞེ་སྡང་རྡོ་རྗེ་སེམས་དཔའ་ཆེ། །རང་གི་གནས་ལ་དགའ་བའི་ཕྱིར། །བཀའ་སྡོད་གནོད་མཛེས་བདུན་དུ་བསྐྱེད། །གནོད་མཛེས་ཁྲོ་བོའི་ཧཱུཾ༷་གི་སྒྲས། །ལས་རྣམས་བསྒྲུབ་པར་བྱ་བའི་ཕྱིར། །བདག་ཉིད་འཁྱིལ་བ་ཁྲོ་བོ་ཆེ། །རང་ལས་ཕྱུང་བ་གནས་སུ་བཞག །སྤྲུལ་པ་ཆེན་པོའི་བྱིན་རླབས་ནི། །ཞལ་ནས་འགུགས་པའི་ཁྲོ་བོའི་རྒྱལ། །ལས་དག་མྱུར་བར་བྱ་བའི་ཕྱིར། །ལས་ལས་ལས་བྱུང་ཧཱུཾ་གི་སྒྲས། །གང་དག་འགུགས་པའི་ལས་བྱས་ནས། །གསུམ་གྱི་མཐར་ནི་གནས་བྱེད་པའོ། །ཆོས་སྐུ་བདེ་བའི་ལོངས་སྤྱོད་དང་། །སྤྲུལ་པའི་བྱིན་རླབས་སྐུར་སྤྲུལ་པ། །གནས་པས་གནས་ནི་དགའ་བར་བྱེད། །དེ་ལ་བགེགས་འགུགས་པའི་ཁྲོ་བོ་ཧཱུཾ༷་གི་སྔགས་ནི།ཨོ་སུ༷་བྷ་ནི་སུ༷་བྷ་ཧུ༷། གྲིཎྜ་གྲིཎྜ་ཧཱུཾ༷། གྲི་སྦྱི་པ་ཡ་གྲི་སྦྱི་པ་ཡ་ཧཱུཾ༷། ཨུ་ན་ཡ་ཧོ། །བྷ་ག་ལྭན། བིབྱུ་ཀྲོ་དྷ་ཧཱུཾ༷་ཕཊ། དེ་ནས་བསྲུང་བར་བྱ་བའི་ཕྱིར། །འདོད་ལས་གནོད་པ་བཀུག་མ་ཐག །རིམ་པར་གནས་སུ་བསྡུ་བར་བྱ། །དེ་ལ་བསྡུ་བའི་སྙིང་པོ་ནི། །སང་ཧ་ར་ཎ་ཧཱུཾ༷། དེ་ནས་བསྡུས་པའི་ཆོས་ཀུན་ལས། །ཧཱུཾ་གི་སྒྲས་བསྐྱེད་ཧཱུཾ༷་ལས་ནི། །ཧཱུཾ༷་ལས་བསྐྱེད་པའི་ཁྲོ་བོ་ཆེ། །རྣམ་རྒྱལ་གཤིན་རྗེ་རྟ་མགྲིན་དང་། །བདུད་རྩི་འཁྱིལ་བ་དབྱུག་སྔོན་ཅན། །མི་གཡོ་མགོན་པོ་འདོད་པའི་རྒྱལ། །ཁམས་གསུམ་རྣམ་རྒྱལ་ཀརྨུ་ཀུཎྜ་ལི། །གནོད་མཛེས་རྒྱལ་པོས་སྟེང་འོག་ཕྱོགས་མཚམས་བསྲུངས། །གནོད་སྤྱིན་སྔགས་ཀྱི་རྒྱལ་པོ་ལ། །མི་གཡོ་མི་འགྱུར་བརྟན་པར་བྱོས། །ཞེས་བསྒོའོ། །དེའི་ཚེ་གནོད་སྦྱིན་འདུལ་མཛད་བདུད་རྩི་ཁྲོ་བོ་ཆེ། །ཕུར་པ་བླངས་ནས་བྱིན་བརླབས་སྡེར་མོའི་ཚིག །རྟ་མགྲིན་རིམ་བཞིན་འདོད་པའི་རྒྱལ་པོ་གདབ། །འདོད་པའི་རྒྱལ་པོ་ཨ་མྲི་ཀུཎྜ་ལི། །གནོད་མཛེས་རྒྱལ་པོས་སྟེང་འོག་རང་བྱིན་བརླབ། །དེ་ལ་བྱིན་གྱིས་བརླབ་པའི་སྔགས་ནི། །ཨོ་བྷ་བྷ་ལྷུཏ་ཡ་བྷ་ཏ་ཡ་སརྦ་དུསྒྲོན་ཕཊ་ཕཊ། ཀི་ལི་ཀི་ལ་ཡ། སརྦ་བཱ་པ༷། ཕཊ་ཕཊ་ཕཊ། ཧཱུཾ༷་ཧཱུཾ༷་ཧཱུཾ༷། བཛྲ་ཀི་ལ་ཡ།བཛྲ་དྷ་རོ་ཨུརྙོ་བཱ་ཡ་ཏི་ཀྭ་ཡ་ལྭ་ཀ་ཙིཀྟ་ནན། ཧཱུཾ༷་ཕཊ་ཕཊ། གཞན་དུ་བགེགས་བསྐྲད་པ་ནི། ལས་ཐམས་ཅད་པའི་སྔགས་འདིའོ། །ཨཱོཾ༷་སྤྱིནྟྲ་སྦྱིསྡེ། ཧ་ན་ཧ་ན། ད་ཧ་ད་ཧ། དིསྟ་བཛྲ་ཙཀྲ་ཧཱུཾ༷་ཕཊ། དེ་ནས་གཞན་དུ་བགེགས་བསྐྲད་པ་ནི། བདུད་རྩི་འཁྱིལ་བའི་ལས་ཀྱི་སྔགས་འདིའོ། །ན་མ༷༷ས་མརྙ་ཀྭ་ཡ་ལྷུ་ཀ་ཙིསྟ་བཛུ་ཎའ༷། ན་མོ་བཛྲ་ཀྲོ་དྷ་ཡ། མ་ཧྭ་ད༣ཉོ་ལྐོ་ཊ་སྟེ་ར་ནཱ་ཡ། ཨ་སི་མུ་ས་ལ། པརྙུ་བཱ་ཤ་ཧསྟུ་ཡ། ཨོ་ཨ་མྲི་ཏ་ཀུཎྜལི། །ཁ་ཁ་ཁ་ཁུ་ཧི་ཁུ་ཧི། ཧུ་ལུ་ཧུ་ལུ། ཏིཁྱི་ཏིམོ བྷརྙ་བྷནྟྲ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གསྣོགསྣོ། བི་སྤྲོ་ཊ་ཡ་བི་སྨོ་ཊ་ཡ། སརྦ་བི་༷། བི་ནཱ་ཡ་ཀྭན། མ་ཧྭ་ག་ཎ་པ་ཏི། དོ་བི་ཏྭརྙ་ཀ་རྭ་ཡ་ཧཱུཾ༷་ཕཊ་གྲྭ་ཧྭ། དེ་ནས་གནོད་བྲལ་རྣལ་འབྱོར་པས། །གང་དུ་རྣལ་འབྱོར་བསྒོམ་པར་བྱ། །རྣལ་འབྱོར་ཞེས་བྱའི་རིམ་པ་ནི། ཁུད་འདིར་རྣལ་འབྱོར་རྣམ་པ་གཉིས། །དེ་རྒྱུ་སྲོག་དང་རྩོལ་བ་སྟེ། །གཉིད་དང་བྱ་བ་སྤངས་ནས་བསྒོམ། །སྲོག་གི་རྒྱུ་ནི་རྣམ་བཞི་སྟེ། །ས་དང་ཆུ་དང་མེ་དང་རླུད་། །ལྟེ་བ་གསང་གནས་སྙིང་ག་མགྲིན། །གནས་བཞི་དག་ན་གང་གནས་པར། །དཔྱིད་དང་དབྱར་དང་སྟོན་དང་དགུན། །ནམ་ཟླ་དུས་བཞི་འཁོར་བའི་རྒྱུན། །ས་དང་རླུད་དང་ཆུ་དང་མེ། །རླུང་དང་རིམ་བཞིན་འབྱུང་བྱེད་པ། །འཇུག་པ་བག་ལ་ཞ་བར་བྱེད། །གྱེན་དང་མཐུར་དང་འབྱུང་བར་བྱེད། །གྱེན་དུ་གཡས་གཡོན་གཉིས་ཀ་ནས། །དཀྱིལ་འཁོར་དྲག་རིམ་རྒྱུ་བ་ནི། །ཁྲི་ཕྲག་གཉིས་དང་སྟོང་ཕྲག་དང་། །དྲུག་བརྒྱ་ཉིན་མཚན་འབྱུང་བྱེད་པ། །འཇུག་པ་བག་ལ་ཞ་བར་བྱ། །ཐུན་བརྒྱད་ཐུན་ཕྲན་ཉི་ཤུ་བཞི། །སྔ་དྲོ་དང་པོ་ཕྱི་མ་གཉིས། །སྲོད་ཀྱི་དང་པོ་ཐ་མ་གཉིས། །ཐོ་རངས་དང་པོ་ཐ་མ་གཉིས། །ས་ཆུ་མེ་རླུང་རིམ་བཞིན་དུ། །དུས་ཀྱི་ལྷ་མོ་རེ་རེ་འབྱུང་། །ལྷ་མོ་དེ་དག་བརྒྱ་ལ་ཡང་། །སྲོག་གི་རྒྱུ་བ་ཉིས་སྟོང་དང་། །བརྒྱ་ཕྲག་བདུན་དུ་འབྱུང་བར་བྱེད། །ལྷ་མོ་རེ་རེར་ལྷ་མོ་གསུམ། །ལྷ་མོ་ཉི་ཤུ་རྩ་བཞིར་འགྱུར། །ཉི་ཤུ་རྩ་བཞི་དག་ལ་ཡང་། །ལྷ་མོ་བཞི་བཞིར་འབྱུང་འགྱུར་ཏེ། །ལྷ་མོ་བཅུ་ཕྲག་དགུ་དང་དྲུག །དབུགས་ནི་ཉིས་བརྒྱ་བཅུ་ཕྲག་གཉིས། །རྩ་ལྔ་དག་སྟེ་རྒྱུ་བའི་གྲངས། །ཐུན་གཅིག་ཐུན་གཉིས་ཐུན་ཕྲག་གང་། །དབྱིག་གུ་ལྷ་མོའི་ནུས་པ་གང་། །ནུས་པས་དབུགས་བགྲང་གྲངས་བཟུང་ནས། །ངལ་བ་མེད་པ་དབུགས་ལ་བརྟེན། །ཡང་ན་དབུགས་ཀྱི་རྒྱུ་བ་ལ། །ངལ་བ་མེད་པར་དབུགས་བགྲངས་པ། །བགྲང་ཕྲེང་དག་ཀྱང་མི་དགོས་ཏེ། །གཡས་པར་མེ་འབྱུང་དམར་ཞིང་འཚེར། །གཡོན་པར་རླུང་འབྱུང་གནག་ལ་དྭངས། །གཉིས་ཀར་ངལ་རྒྱུ་ཆུ་རླུད་དཀར། །གཉིས་ཀར་ཐུབ་རྔུབས་ས་རླུང་སེར། །ལྷ་མོ་བདག་མོ་དང་ལྡན་པའི། །ཡེ་ཤེས་བཞི་ཉིད་འབྱུང་བར་བྱེད། །གཅིག་མིན་དུ་མར་མ་གྲུབ་ཕྱིར། །གཡས་དང་གཡོན་དུ་གཉིས་ཀར་ཡང་། །གཡས་དང་གཡོན་དུ་བརྟག་པར་བྱའོ། །སྐྱ་རེངས་དང་པོ་ཤར་བ་ནས། །དྲོས་ཀྱི་བར་ནི་དུས་དང་པོ། །དྲོས་ཀྱི་མཚམས་ནས་ཕྱེད་ཀྱི་བར། །གཉིས་ཀ་ཡིན་ཏེ་ས་དང་ཆུ། །ཉི་མ་ཕྱེད་ནས་མྱུར་སྨད་མཚམས། །ཕྱི་དྲོ་དང་པོར་ཤེས་པར་བྱ། །མྱུར་སྨད་མཚམས་ནས་ཆལ ཆིལ་མཚམས། །ཉིན་དུས་བཞི་པར་ཤེས་པར་བྱ། །ཆལ་ཆིལ་སྲོད་མཚམས་དུས་དང་པོ། །སྲོད་ནས་ཕྱེད་བར་དུས་གཉིས་པར། །ཕྱེད་ནས་ཐོར་ཆུང་དུས་དང་པོ། །ཐོ་རངས་སྐྱ་རེངས་དུས་གཉིས་པར། །དབུགས་ཀྱི་གྲངས་ཀྱིས་དུས་ཕྱེས་ནས། །གཞན་དུ་གཞན་དག་རིམ་པ་བཞིན། །དབྱར་དང་སྟོན་དང་དགུན་དག་དང་། །དུས་དང་དུས་ཕྲན་གང་བྱུང་བ། །དེ་དག་དང་པོ་གཙོར་འབྱུང་ངོ་། །གྲངས་དང་དུས་ཚད་སྔ་མ་བཞིན། །མི་འཕྲོ་རླུད་ཉིད་འབྱུང་རྔུབ་རང་དབང་ཐོབ། །སེམས་འདུལ་དེ་གསལ་དེ་ཚེ་ཤེས་རབ་བསྐྱེད། །གཞན་ནས་མ་ཡིན་འབྱུང་བ་ཉིད་དག་དང་། །རྩོལ་བ་དབྱེར་མེད་རང་དོན་ཅི་བཞིན་སྤྱད། །ཡུན་རིང་ཚེ་ན་ཞི་གནས་བརྟན་བྱ་ཞིང་། །དབྱེར་མེད་ཆ་མཉམ་འདོད་པའི་གོ་འཕང་ཐོབ། །ནུས་པ་དྲག་པོ་བསྐྱེད་པའི་ཐབས་ཡིན་ནོ། །ཐམས་ཅད་ཐིག་ལེ་མ་བཅོས་འབྱུང་འཇུག་མེད། །ཅེས་གསུངས་སོ། །དེ་ནས་བྱང་ཆུབ་སེམས་དཔའ་དེ་དག་གིས། །རང་གི་དོན་རྫོགས་རིག་ནས་བསྟོད་པ། ཨེ་མ་ཧོ། ལེགས་སོ་ལེགས་སོ་ཡང་དག་ལེགས། །ཐམས་ཅད་བདག་པོ་ཁྱོད་རེ་མཚར། །སྣང་སྟོང་ནམ་མཁའི་དབྱིངས་ལ་ཕྱག་འཚལ་ལོ། །གཟུང་འཛིན་བརྟན་པའི་ས་ལ་ཕྱག་འཚལ་ལོ། །རིན་ཆེན་འབར་བའི་མེ་ལ་ཕྱག་འཚལ་ལོ མཐའ་ཡས་ཆོས་ཀྱི་ཆུ་ལ་ཕྱག་འཚལ་ལོ། །དོན་ཡོད་བསྐྱེད་པའི་རླུད་ལ་ཕྱག་འཚལ་ལོ། །རླུད་ལྔ་བདེ་བར་གཤེགས་ལ་ཕྱག་འཚལ་ལོ། །གསང་བའི་སྙིང་པོ་དེ་ཁོ་ན་ཉིད་ངེས་པ། ཁྲོ་བོ་སྟོབས་ཀྱི་རྣལ་འབྱོར་དབང་ཕྱུག་གྲུབ་པའི་སྒྱུ་འཕྲུལ་དྲ་བའི་རྒྱུད་རྫོགས་སོ།། །།རྒྱ་གར་མཁན་པོ་བི་མ་ལ་མི་ཏྲ་དང་། ལོ་སྣྲོ་བ་སློབ་དཔོན་བི་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། སྟུ་རྒྱ་གསྟོ་ཏ་ཏྭ་བི་ནི་༔་ཡ་མ་ཧྭ་ཀྲོ་དྷ་བ་ལ་རྭ་ཛ་ཏནྟྲ། བོད་སྐད་དུ། གསང་བའི་སྙིང་པོ་དེ་ཁོ་ན་ཉིད་