Ngb-pt-0161-vol-02-text
Front
Body
ཞིངའངསྙིངང་་་་་་་་་་ར་། །ད་བ ན་གུརྐགས་པ་ཐམས་ཅད་ཀྱ་ཐུགས་གསང་བའ་ཡ་ཤས་དནཱ་གྱ་ ང་པ་རྡ་རྗ་བཀད་པའ་རྒྱུན་རྣལ་འབྱར་གྲུབ་པའ་ལུང་ཀུན་་ང་་ཆེ་་་་་ཞེའི་འདུས་རག་པའ་མད་ཐག་པ་ ན་པ་མངན་པར་རྟགས་པ་ཆས་ཀྱ་རྣམ་གྲངས་རྣམ་པར་བཀད་པར་ ས་བྱ་བ ་མད།རྒྱ་གར་སྐད་དུ། སརྦ་ཏ་ཐུ་ག་ཏ་ཙིསྟ་རྙོ་ན་གུ་རྒྱ་ཨནྟྲ་གསྙེ་སྣུ་ཧ་ན་ཏནྟྲ། སིརྙི་ཡོ་ག་ཨུ་ག་མ་ས་བཱ་ཛ་སརྦ་བིབྱུ་སྲུ་ཏྲ་མ་ཧྭ་ཡུ་ན་ཨ་སྟི་ས་མ་ཡ་དྷརྨུ་པརུ་ཡ་བི་ཤཱ་ཧ་ནཱ་མ་སྲུ་ཏྲི། བྲུ་ཞའི་སྐད་དུ། །ཧོ་ན་པ་ན་རིལ་ཏིལ་པི་པུ་པི་ཏིལ་ཏི་ཏ་སིད་ལུན་བུབྲ་ཧང་པང་རིལ་འུབ་བི་སུ་བད་རི་ཞེ་ཧ་ལ་བའི་མ་ཀྱང་ཀུའི་ངང་རོང་ཏི། །བོད་སྐད་དུ། །དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་རྡོ་རྗེ་བཀོད་པའི་རྒྱུན་རྣལ་འབྱོར་གྲུབ་པའི་ལུང་ཀུན་འདུས་རིག་པའི་མདོ་ཐེག་པ་ཆེན་པོ་མངོན་པར་རྟོགས་པ་ཆོས་ཀྱི་རྣམ་གྲངས་རྣམ་པར་བཀོད་པར་ཞེས་བྱ་བའི་མདོ། །བམ་པོ་དང་པོ་སྟེ་ཐོག་མར་བྱུག་པ། །བཅོམ་ལྡན་འདས་དཔལ་བྱེད་ཐུགས་རྗེའི་རྒྱལ་པོ་ཤིན་ཏུ་རྣམ་པར་གྲོལ་བ་ཉིད་ལ་ཕྱག་འཚལ་ལོ འདི་སྐད་བགྲོ་བ་བདག་གིས་ཐོས་པ་དུས་གཅིག་ན། །དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་གསང་བའི་བདག་པོ་རྡོ་རྗེ་འཛིན་ཆེན་པོ་ཇི་སྐད་དུ་རྣམ་པར་འགྲོ་བའི་སྐྱེ་བུ་སྨྲ་བའི་སེང་གེ་དེ་འདི་ལྟར་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་ན་འཁོད་ཅིང་སེམས་ཅན་གྱི་རིས་ཐ་དད་པ་ན་བཞུགས་ཏེ་བསམ་གྱི་མི་ཁྱབ་བསམ་དུ་མེད་པའི་ཆོས་དཔག་དུ་མེད་པའི་རྒྱལ་བ་ཀུན་གྱི་བསྔགས་པའི་འདུ་འབྲལ་མེད་པའི་གཟུངས། །ཐམས་ཅད་རིག་པ་གསང་སྔགས་ཀྱི་ངོ་བོ་ཇི་སྙེད་པའི་ཇི་བཞིན་པ། །ཆོས་ཐམས་ཅད་ཀྱི་མེ་ལོང་དེ་ཉིད་མི་འགལ་བར་ཉན་ཅིང་མ་ནོར་བར་སྟོན་ཏེ་རྣམ་པར་འགྲོ་བ་ནི་འདི་ལྟ་སྟེ། །སངས་རྒྱས་བསྐྱོད་པའི་ཞིང་ཁམས་མངོན་པར་དགའ་བ་ཞེས་བྱ་བ་རྡོ་རྗེའི་འོད་ཟེར་གྱི་རྣམ་པར་རྒྱན་པ་ན། །རྡོ་རྗེ་ཕུང་པོའི་རི་བོ་ལ་སྐྱེས་བུ་ཆེན་པོ་སེམས་དཔའི་རྡོ་རྗེ་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ཀྱང་དེ་བཞིན་ཉིད་དུ་བསྙད་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་རིན་ཆེན་འབྱུང་བའི་ཞིང་ཁམས་པལ་དང་ལྡན་པ་ཞེས་བྱ་བ་རིན་པོ་ཆེའི་ཕུང་པོ་རྣམ་པར་བཀོད་པ་ན་བིཌརུ་འོད་མཐོ་བ་ཞེས་བྱ་བའི་རི་བོ་ལ་སྐྱེས་བུ་ཆེན་པོ་རྡོ་རྗེ་རིན་ཆེན་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་། སེམས་ཀྱི་དཀྱིལ་འཁོར་འོད་གསལ་བ་གསང་སྔགས་གྱི་ངོ་བོ་དེ་ཉིད་རང་གི་སྟོན་པ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། །ཡོངས་སུ་འདས་ནས་ཀྱང་ཇི་བཞིན་པར་བསྙད་པའི་སྒོ་ནས་དེ་རྣམ་པར་གྲོ་བར་བྱེད་དོ། །སངས་རྒྱས་འོད་དཔག་མེད་ཀྱི་ཞིང་ཁམས་པདྨ་ཅན་ཞེས་བྱ་བ་པཟློ་མཛེས་པར་བཀོད་པ་ན། །པདྨའི་ཕུང་པོའི་རི་བོ་ལ་སྐྱེ་བུ་ཆེན་པོ་ཆོས་ཀྱི་སྤྲིན་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་་ཡའི་འཁོར་དང་བཅས་ཏེ། །སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་བ་དེ་བཞིན་སྟོན་ཏེ། །ཡོངས་སུ་འདས་ནས་ཀྱང་ཇི་ལྟ་བར་བསྙད་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་གདོན་མི་ཟ་བར་གྲུབ་པའི་ཞིང་ཁམས་རྣམ་པར་དག་པ་ཞེས་བྱ་བ་ཨིན་དྲ་ནི་ལའི་དྲུ་བའི་བརྒྱན་པ་ན་རིན་པོ་ཆེ་སྣ་ཚོགས་བཀོད་པའི་སྤོ་ཞེས་བྱ་བའི་རི་བོ་ལ་སྐྱེས་བུ་ཆེན་པོ་རྡོ་རྗེ་ལས་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ། །སེམས་ཀྱི་དཀྱིལ་འཁོར་འོདགསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་མ་ནོར་བར་བརྟགས་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་རྣམ་པར་སྣང་མཛད་ཀྱི་ཞིང་ཁམས་བྱང་ཆུབ་ཀྱི་སྙིང་པོ་ཅན་ཞེས་བྱ་བ་སེམས་སྣ་ཚོགས་ཀྱིས་བརྒྱན་པ་ན་ཆོས་ཀྱིས་མཐོ་བ་ཞེས་བྱ་བའི་རི་བོ་ལ་སྐྱེས་བུ་ཆེན་པོ་རྡོ་རྗེ་འཛིན་པ་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡའི་འཁོར་དང་བཅས་ཏེ ། སེམས་ཀྱི་རང་བཞིན་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་དེ་ཁོ་ན་ཉིད་དུ་ངེས་པའི་སྒོ་ནས་དེ་རྣམ་པར་བགྲོ་བར་བྱེད་དོ། །སངས་རྒྱས་ཐུབ་པའི་དབང་པོའི་ཞིང་ཁམས་མོས་པ་ཅན་མི་མདེད་ཀྱི་འཇིག་རྟེན་དྲུག་གི་ཕྱོགས་བཅུ་ཞེས་བྱ་བ་རྡོ་རྗེ་གདན་གྱིས་རྣམ་པར་བརྒྱན་པ་། གནོད་སྦྱིན་གྱི་གནས་ལྕང་ལོ་ཅན་གྱི་ཕོ་བྲང་ན་སྐྱེས་བུ་ཆེན་པོ་གསང་བའི་དབང་པོ་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡ་གནོད་སྤྱིན་གྱི་རིགས་ཅན་མང་པོའི་འཁོད་དང་བཅས་ཏེ། སེམས་ཀྱི་རང་བཞིན་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེ་འཁོར་ལ་དེ་བཞིན་སྟོན་ཏོ། །དེ་བཞིན་དུ་སངས་རྒྱས་བསམ་གྱིས་མི་ཁྱབ་པའི་ཞིང་ཁམས་དཔག་ཏུ་མེད་པ་ན་གྲངས་མེད་པའི་སྐྱེས་བུ་ཆེན་པོ་ཞེས་བྱ་བར་བྱང་ཆུབ་སེམས་དཔའ་བྱེ་བ་ཕྲག་ས་ཡ་བརྗོད་ཀྱིས་མི་ལང་བའི་འཁོར་དང་བཅས་ཏེ། སེམས་ཀྱི་རང་བཞིན་འོད་གསལ་བ་གསང་སྔགས་ཀྱི་ངོ་བོ་མཐའ་ཡས་དེ་ཉིད་རང་རང་གི་སྟོན་པ་དག་ལ་ཉན་ཅིང་རང་རང་གི་ཉེ་འཁོར་དག་ལ་དེ་བཞིན་སྟོན་ཏེ། ཡོངས་སུ་འདས་ནས་ཀྱང་ངེས་པར་བརྟགས་པའི་སྒོ་ནས་དེ་རྣམ་པར་བགྲོ་བར་བྱེད་དོ། །དེ་བཞིན་དུ་ཆོས་ཀྱི་སྐུའི་ཞིང་ཁམས་སྙིང་པོར་བྱང་ཆུབ་ཅེས་བྱ་བ་ན། །རྒྱལ་ཚབ་སྐྱེས་བུ་ཞེས་བྱ་བར། །རྒྱལ་ཚབ་སྐྱེས་བུ་བསམ་གྱིས་མི་ཁྱབ་པའི་འཁོར་དང་བཅས་ཏེ། །སེམས་ཀྱི་རང་བཞིན་ཡེ་ནས་སངས་རྒྱས་པར་གྱུར་པ་གསང་སྔགས་ཀྱི་ངོ་བོ་དེ་ཉིད་དལ་དགོངས་པར་ངེས་པར་འགྲེལ་ཏོ། །དེ་བཞིན་དུ་སེམས་ཅན་སྐྱེས་བུ་བསམ་གྱིས་མི་ཁྱབ་པ་ལྷའི་རིས་དང་། །ལྷ་མ་ཡིན་གྱི་རིས་དང་། །ཀླུའི་རིས་དང་། མིའི་རིས་དང་། གནོད་སྦྱིན་གྱི་རིས་དང་། སྲིན་པོའིརིས་དང་། བྱོལ་སོང་གི་རིས་དང་། ཡི་དགས་ཀྱི་རིས་དང་། དམྱལ་བའི་རི་ལ་སོགས་པ་འཇིག་རྟེན་དག་གི་ཕྱོགས་བཅུ་ཐ་དད་པ་ན་དེད་དཔོན་ཐ་དད་པའི་སྐྱེས་བུར་གཟུགས་ཐ་དད་པར་རྣམ་པར་སྣང་བ་དག་རང་རང་གི་ལུས་ཀྱི་འཁོར་ཐ་དད་པ་དང་བཅས་ཏེ། སེམས་ཀྱི་མེ་ལོང་འོད་གསལ་བ་གསང་སྔགས་ཀྱི་ངོ་བོ་ཉིད་རང་རང་གི་ཐུབ་པའི་དབང་པོ་ལ་རང་རང་གི་སྐད་དང་བརྡ་དང་མོས་པ་སྣ་ཚོགས་ཀྱིས་ཉན་ཅིང་མིང་དང་མཚན་མར་བརྟགས་པའི་སྒོ་ནས་རང་རང་གི་ཉེ་འཁོར་ལ་དེ་བཞིན་སྟོན་ཏོ། །དེ་ལྟ་བུའི་བྱང་ཆུབ་སེམས་དཔའ་དེ་དག་ཀྱང་ལ་ལ་ནི་བྱང་ཆུབ་ཀྱི་རིགས་ཅན་དག་གོ །ལ་ལ་ནི་བྱང་ཆུབ་པ་དག་གོ །ལ་ལ་ནི་བྱང་ཆུབ་སེམས་དཔའ་དག་གོ །ལ་ལ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དག་གོ །ལ་ལ་ནི་བྱང་ཆུབ་ཆེན་པོ་དག་གོ །དེ་བཞིན་དུ་གཞི་ལྔ་ལས་བཏགས་པ་ཐ་དད་དུ་གྲགས་པ་ནི་འདི་ལྟ་སྟེ། །རྗེས་སུ་ཡི་རང་བ་དག་དང་། མ་སྐྱེས་པའི་ཆོས་ལ་བཟོད་པ་ཐོབ་པ་དག་དང་ཆོས་ལ་ཆོས་ཀྱི་མིག་རྒུལ་མེད་ཅིང་དྲི་མ་དང་བྲལ་བ་རྣམ་པར་དག་པ་དང་། །ཕྱིར་མི་ལྡོག་པའི་ས་ལ་གནས་པ་དག་དང་། འདུན་པས་་ཕྱོགས་པ་དག་དང་། དད་པས་མོས་པ་དག་དང་། ཡོངས་སུ་བསྟི་གནས་པ་དག་དང་། སྐྱེ་བ་གཅིགགིསཐོགས་པ་དག་དང་། སྲིད་པ་ཐ་མ་པ་དག་དང་། ལམ་དུ་འཇུག་པ་དག་དང་། འགྲོ་བ་དག་དང་། ཕྱིན་པ་དག་དང་། ཕྱིར་འོང་བ་དག་དང་། གནས་པ་དག་དང་། སྨོན་པ་དང་། ལྡང་བ་པ་དང་།ག་པ་པ་དང་། གནས་པ་པ་དང་། རྫོགས་བ་པ་དང་། རྩོལ་བ་པ་དང་། སློབ་བ་པ་དང་། མི་སློབ་པ་བ་དང་། གོམས་པ་པ་དང་། མངོན་དུ་གྱུར་བ་པ་དང་། རྒྱུད་དུ་བྱུང་བ་ས་དང་། རིགས་སུ་ངེས་པ་དང་། ཆོས་་ཤེས་པ་དང་། ཆོས་ལུགས་པ་དང་། རྒྱལ་ཚབ་པ་དང་། རིགས་ཐམས་ཅད་པ་དང་། གཟུངས་སྔགས་པ་དང་། རིག་སྔགས་པ་དང་། གསང་སྔགས་པ་དང་། རིག་གསུམ་པ་བཞི་པ་ལྔ་པ་དང་། ཆོགས་བ་པ་དང་།ར་བ་པ་དང་། མཐོང་བ་པ་དང་། སྒོམ་པ་པ་དང་། མཐར་ཕྱིན་པ་པ་དང་། འདུན་པའི་རྣལ་འབྱོར་པ་དང་། རིགས་ཆེན་འབྱེད་པའི་རྣལ་འབྱོར་པ་དང་། དབུགས་ཆེན་འབྱིན་པའི་རྣལ་འབྱོར་པ་དང་། ལུང་་ཐོབ་པའི་རྣལ་འབྱོར་པ་དང་། རྩལ་ཆེན་རྫོགས་པའི་རྣལ་འབྱོར་པ་དང་། ཚིག་གི་ཚོགས་པ་དང་། ཡི་གེའི་ཚོགས་པ་དང་། མིང་གི་ཚོགས་པ་དང་། བརྡའི་ཚོགས་པ་དང་། ཐ་སྙད་ཀྱི་ཚོགས་པ་ལ་སོགས་པ་ཤ་ག་གོ །དེ་དག་ལས་གཞི་གསུམ་པ་ནི་གསང་སྔགས་ཀྱི་ངོ་བོ་ཉིད་ལ་འཇུག་གོ །སྤྱོད་པ་དང་གནས་པ་དང་། ཐོབ་པ་དང་། ཕྱིར་ལྟ་བ་དང་། ཡོངས་སུ་རྫོགས་པའོ། །དེ་ཀུན་ཏུ་སྒྲ་ལ་གནས་པ་དང་། ས་ལ་གནས་་དང་། ཚེ་ལ་གནས་པ་དང་། ཕྱག་རྒྱ་ཆེན་པོ་དང་། ལྷུན་གྱིས་གྲུབ་པར་གྱུར་པ་འབའ་ཞིག་གོ །དེ་ལྟར་ན་འཇིག་རྟེན་གྱི་ཁམས་ཐ་དད་པ་བསམ་གྱིས་མི་ཁྱབ་པའི་འཛམ་བུའི་གླིང་ཐ་དད་པ་བྱེ་བ་བསམ་གྱི་མི་ཁྱབ་པའི་འཇིག་རྟེན་དྲུག་གི་ཕྱོགས་བཅུ་དང་བཅས་པ་མཐའ་ཡས་པར་འཇིག་རྟེན་སྒྲོན་མ་བྱེ་བ་མཐའ་ཡས་པར་ཤར་བ་དེ་དག་ཀྱང་འཁོར་བ་ཐོག་མ་ཐ་མ་མེད་པ་ནས་བརྗོད་ཀྱིམི་ལངབའིཁམས་བསྐལ་པ་ཐོག་མ་ཐ་མ་མེད་པབརྗོད་ཀྱིསམིལང་པའི་སྐབས་ལ་རྟག་པར་རྒྱུན་གྱི་ཁོར་མོརའབྱུང་ཞིང་སྒྲོན་མའི་བྱ་བས་ལྷ་མིའི་འཇིག་རྟེན་གྱིམུན་པ་བསལ་ནས་སེམས་ཀྱིས་དཀྱིལའཁོརགསལ་བརབྱས་ཏེ།ཉི་ཟླའི་དཀྱིལ་འཁོར་མུན་པ་ལྟར་ཡོངས་སུ་མྱ་ངན་འདའཞེསཐམས་ཅད་ནས་ཐམས་ཅད་དུ་ཡོངས་སུ་གྲགས་ཤིང་རྣམ་པར་སྣང་ངོ་། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐུན་མོང་བཅའ་གཞིའི་ལེའུ་སྟེ་དང་པོ།། །།དེནས་ཇི་ལྟར་དེ་ལྟར་འདི་ལྟར་མི་མཇེད་ཅེས་བྱ་བའི་འཇིག་རྟེན་ཁམས་ན་བཞུགས་པའི་སྟོན་པ་རྡོ་རྗེ་ཐུབ་པའི་དབང་པོ་སྐྱེད་དགུའི་ཚེ་ལོ་བརྒྱ་པ་ལ་བྱུང་སྟེ། །ཡུན་ཧ་ཅངམི་རིང་བཞིག་བཞུགསཏེ་ཡོངས་སུ་མྱ་ངན་ལས་འདས་པར་དགོངསནསཡུལཡངས་པ་ཅན་ཞེས་བྱ་བར་འཁོར་མངཔོ་དང་ཐབས་ཅིག་ཏུ་བཞུགས་པརདབྱར་གྱི་ངོ་བོ་གསུམ་འདས་ནས་འཇིག་རྟེན་གྱི་སློབ་མ་ལ་གདམསངགགསུམ་གཞག་པའི་སླདདུ་འཁོར་འདུས་པ་རྣམས་ཀྱིནངན་རྫུའཕྲུལ་ཆེརསྦྱོངལ་བཀའ་སྩལ་པ། རྫུ་འཕྲུལ་ཅན་ཁྱེདདེང་ལ་འཇིག་རྟེན་དྲུག་གི་ཕྱོགས་བཅུ་ནངའིསློབམ་གངདག་འཁོད་པ་འདི་ར་ཕྱོགས་པ་དག་གང་ཇི་སྙེད་པ་རྣམས་སྡུས་ཤིག ངེས་པར་གཞག་པར་བྱ་བ་དག་ཡོད་དོ་ཞེས་གསུངས་པ་དང་། རྫུ་འཕྲུལ་ཅན་དེས་ཆོས་ཀྱི་སྐད་ཅིག་གིས་གོ་བར་བསྒྲགས་ནས་ཐམས་ཅད་བསྡུས་པ་ནི་འདི་ལྟ་། རྒྱལ་བའི་ཞིང་འགྱུར་རིས་དྲུག་གང་སུ་དག །འདི་བར་ངེས་ཤིང་ཕྱོགས་པ་ཀུན་ཉོན་ཅིག །དེང་འདིར་རྒྱལ་བ་བདུད་རྩི་གསུམ་འཇོག་གིས། དུག་གསུམ་འཇོམས་པར་འདོད་པ་ཀུན་འདུས་ཤིག །དེ་སྐད་ཅེས་སྒྲགས་པས་དམ་པའི་རིག་ཅན་ལྔ་མ་གཏོགས་འདི་ལྟ་སྟེ། སྔགས་ཀྱི་བསམ་གཏན་ཆེན་པོའི་ནང་དུ་ཡང་དག་འཇོག་པ་བསྐུལ་བ་ཆེན་པོ་ལང་ཀའི་མངའ་བདག་བློ་གྲོས་ཐབས་ལྡན་ལ་སོགས་པ་ལས་ཞན་ཐམས་ཅད་འདུས་པར་གྱུར་ཏོ། །དེ་ནས་འདུས་པ་དེ་དག་ལ་བཀའ་སྩལ་པ། ཀྱེ་གྲོགས་པོ་དག་ཤེས་པར་གྱིས་ཤིག །ཆོས་ཐམས་ཅད་ནི་མི་རྟག་པའོ། །འབྱོར་པ་ཐམས་ཅད་ནི་མཐར་རྒུད་པའོ། །དངོས་་ཐམས་ཅད་ནི་ངེས་པར་འཇིག་པའོ། །གང་ཟག་གི་ཕྲོག་གི་དབང་པོ་ལ་སྐྱེ་ཤི་ཡོད་པའི་ཕྱིར་ང་ཡོངས་སུ་མྱ་ངན་ལས་འདའ་བས་སུ་དག་ཐེ་ཚོམ་མ་ཆོད་པ་རྣམས་དྲི་བ་གྱིས་ཤིག །དེ་སྐད་ཅེས་བཀའ་སྩལ་པ་དང་།་ར་དེ་འདུས་པར་གྱུར་པའི་རིག་འཛིན་གྱི་རྒྱལ་པོ་ཀུན་ཛ་ར་ཞེས་བྱ་བ་དེ་རང་གི་སྟན་ལས་ལངས་ཏེ། །སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གསོལ་ཏོ། །ཁྱོད་ནི་ནམ་མཁའི་རང་་་། །བཞིན་ཏེ། །འདའ་དང་མི་འདའ་ཡོང་མི་མངའ། །འཇིག་རྟེན་པ་ལ་མཐུན་འཇུག་ཏུ། །འདའ་བས་ཡོངས་སུ་འདུལ་བར་དགོངས། ཁྱོད་ནི་འཇིག་རྟེན་སྒྲོན་མར་ཤར། །ལྷ་མིའི་འཇིག་རྟེན་ཐམས་ཅད་ང། །མུན་པའི་དཀྱིལ་འཁོར་ཀུན་བསལ་ནས། །སེམས་ཀྱི་དཀྱིལ་འཁོར་གསལ་མཛད་དེ། །ས་དང་རྣམ་ཐར་ལ་སྤྱད་པས། །བྱང་ཆུབ་ཐོབ་པར་འགྱུར་བ་ཡི། འདྲེན་པའི་ཐེག་པ་རྣམ་གསུམ་ལ། །གང་དག་རིམ་པ་ཀོད་ལགས་ན། །མཉམ་པས་བླང་དོར་མེད་སྤྱོད་ཅིང་། །བྱང་ཆུབ་གཞན་ནས་མི་འཚོལ་བའི ཐབས་མཆོག་དཔག་གིས་མི་ལང་པའི ངེས་པའི་ཐེག་ཆེན་ཡོང་མ་གསུངས། །རྒྱལ་བའི་དགོངས་པ་ཚིགས་གསུམ་། །གདམས་ངག་ལུས་དུ་མ་བཞག་ན། །བློ་ཆུང་མུན་པས་རྨོངས་པ་རྣམས། །ངེས་པའི་བློ་གྲོས་གང་ལ་གཞག །རྣམ་པར་ཐར་པའི་ཐེག་པ་གསུམ། །གང་བསྡུས་གང་ལ་གང་གིས་བསྡུ། །འཇིག་རྟེན་གསལ་བའི་ཉི་བ་ན། །སྒྲོན་མ་གང་གི་མཛད་པར་འགྱུར། །བཏན་པ་འཇིག་པའི་ལོག་སྡེ་པ། །རྒོལ་བ་གང་གིས་ཚད་གཅོད་འགྱུར། །དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱི་བཀའ་སྩལ་པ། །རིག་པ་འཛིན་པ་ཆེན་པོ་གས་སོ། །ཁྱོད་ཀྱིས་དྲི་བ་ལྔ་དྲིས་པ་ནི་ཤིན་ཏུ་ལེགས་སོ། །འདི་ལྟ་སྟེ། དེ་ཁོ་ན་ཉིད་དུ་ངེས་པའི་ཐེག་པ་ཆེན་པོ་སྟེ། གནས་སྐབས་གཉིས་ངང་བཅུར་འབྱུང་བ་སྟེ། གང་རྨོངས་པ་གདུང་བ་སེལ་ན་ཡང་འབྱུང་། །གང་འཇིག་རྟེན་སྒྲོན་མ་ཡོངས་སུ་བཀོད་ཡང་འབྱུང་། །གང་གིས་ངེས་པ་རྙེདཔ་ནཡང་འབྱུང་། སྙིང་པོ་བྱང་ཆུབ་ཉིད་དུ་ངེས་པ་ན་ཡངའབྱུང་། །དགོངས་པ་ངེསཔར་འགྲེལ་པ་མ་ཡང་འབྱུང་། །གདུལ་བྱའི་སྐབས་ལ་བབ་པའི་ཆེད་ན་ཡང་འབྱུང་། །བྱིན་གྱིས་བརླབས་ལས་སྣང་བ་ན་ཡང་འབྱུང་། །བརྒྱུད་པ་ཐབས་ཀྱིས་གྲགས་པ་ན་ཡང་འབྱུང་། གང་གི་ཆེད་དུ་མཛད་པ་ན་ཡང་འབྱུང་། །ལུང་ཆེན་ངེས་པར་བསྟན་པ་ན་ཡང་འབྱུང་། །ལས་རྒྱུད་ཡོངས་སུ་གཅོད་པ་ན་ཡང་འབྱུང་། །དགོངས་པ་རྣམ་པར་བགྲོ་བ་ན་ཡང་འབྱུང་། །དེདག་ནི་ཐམས་ཅད་ཀྱི་ཐམས་ཅད་ནས་ཐམས་ཅད་དུ་ཀུན་དུ་ཡོངས་སུ་རྣམ་པར་སྣང་ངོ་། །སྣང་བ་གྱུར་ཏོ་སྣང་བར་འགྱུར་རོ་ཞེས་བཀའ་སྩལ་པས་དྲི་བ་དང་པོའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་གཉིས་པ་བཀའ་སྩལ་པ། །རིག་པ་འཛིན་པ་ཆེན་པོ་བློ་དང་ལྡན་པར་བྱའོ། །གྲོས་ཀྱི་ཆོད་པར་བྱའོ། །ཐབས་ཀྱིས་ཟིན་པར་བྱའོ། །བསམ་པ་དག་པརབྱའོ། །བརྗོད་པར་དྲང་པོར་བྱའོ། །སྤྱོད་པ་ལེགས་པར་བྱའོ། །དོན་བཙལ་བར་བྱའོ། །དགོས་ཆེད་བརྟག་པར་བྱའོ། །ངེས་པ་རྙེད་པར་བྱའོ། །བདེན་པར་སྨྲ་བརབྱའོ། །ཚིག་མི་འགྱུར་བར་བྱའོ། །ཇི་སྐད་སྨྲས་པ་བཞིནདུ་བྱའོ། །སྒོ་གསུམ་ལ་མཁས་པར་བྱའོ། །སྔགས་གསུམལ་བསླབ་པར་བྱའོ། །གྲོང་ཁྱེར་གསུམ་བཤིག་པར་བྱའོ་ཞེས་བཀའ་སྩལ་པས། དྲི་བ་་་། །གཉིས་པའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་གསུམ་པ་བཀའ་སྩལ་པ། །རིག་པ་འཛིན་པ་འདི་ལྟ་སྟེ། ང་ཡིས་སྒྲོན་མ་གང་བཞག་པ། །སྣོད་གསུམ་དག་ཏུ་སྣང་བ་སྟེ། །ཞི་གནས་ག་མཐོང་ལས་མཐའ་གསུམ། །དང་པོར་ཤེས་པའི་རྒྱུད་གསུམ་ལ། །དེ་ནས་ཡི་གེའི་ཚོགས་ཉིད་ལའོ། ཆེ་ཆུང་རིམ་པའི་བློ་ཡོད་ཕྱིར། །ཐེག་པའི་རིམ་པ་དེ་བཞིན་ཏེ། །བསྡུ་བའི་ཆེ་ཆུང་གཉིས་ཀྱིས་སོ། །རྣམ་པ་ཉིས་ཀྱི་ཁྱད་པར་ལས། །འཇུག་པའི་ཡུལ་ཡང་དེ་ཁོ་ནའོ། །གང་ལ་མོས་པ་དེ་ཉིད་དུའོ། །ཞེས་བཀའ་སྩལ་པས་དྲི་བ་གསུམ་པའི་ཡོངས་སུ་རྟོགས་པ་ཆད་དོ། །དེ་ན་ཡང་སྟོན་པས་དྲི་བ་བཞི་པ་དང་། ལྔ་པ་ཚིག་འུ་གཅིག་པ་བཀའ་སྩལ་པ། གཞན་ཡང་དྲི་བ་་ཐ་མ་གཉིས། །གཅིག་གིས་ཡོངས་སུ་ཆོད་པར་བྱས། །ཆོས་ཀྱི་སྤུན་དུ་བྱས་པ་ཡི། །རིག་པ་འཛིན་པ་ཁྱོན་ཉོན་ཅིག །སྒྲོན་མ་བྱེད་པའི་བྱ་བ་ཡང་། །སྔོན་དུ་བྱུང་བའི་ང་བསྟན་པའི། །འགྲོ་བའི་ལུས་ཀྱི་སེམས་དཔའ་དག །བྱུང་ནས་གསལ་བྱེད་ལོག་སུན་འབྱིན། །དེ་སྐད་ཅེས་བཀའ་སྩལ་པས་དྲི་བ་བཞི་པ་དང་ལྔ་པའི་ཡོངས་སུ་རྟོག་པ་ཆད་དེ་ཡོངས་སུ་མྱ་ངན་ལས་འདས་པར་ར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གདམས་ངག་ངེས་པར་བཞག་པའི་ལེའུ་སྟེ་གཉིས་པའོ།། །།དེའི་ཚེ་དེའི་དུས་ན་གང་དག་མི་ཆེན་པོ་རྣམས་ནི་ཡོངས་སུ་གདུང་བ་མེད་པར་ནང་དུ་ཡག་དག་འཇོག་གོ །བྱིས་པ་རྣམས་ནི་ཡོངས་སུ་གདུང་བར་གྱུར་ཏེ་བློ་ཡ་ཡ་པོར་གྱུར་ཅིང་ཤིན་ཏུ་བློང་ནས་རྟག་པར་རབ་ཏུ་ངུའོ། །འཇིག་རྟེན་པ་ལ་ལ་ནི་ཤི་ལ་ཐུག་པར་གྱུར། ལ་ལ་ནི་བརྒྱལ་ཅིང་འབོག་པར་གྱུར། །ལ་ལ་ནི་ཁམས་ནས་རོ་བམ་པ་བཞིན་དུ་གྱུར་ཏོ། །དེ་བཞིན་དུ་ཐམས་ཅད་ཀུ་ཅོ་མང་པོ་ཕ་ཤི་བ་བཞིན་དུ་ཀྱི་ཧུད་ཀྱི་ཧུད་ཞེས་གདུང་བའི་སྒྲ་སྒྲོགས་སོ། །ལྷ་དང་བཅས་པའི་འཇིག་རྟེན་ཡང་སྣོད་ནི་ཡིད་དུ་མི་འོང་བར་གྱུར་ཏོ། །བཅུད་ཀྱང་སེམས་ཀྱི་དཀྱིལ་འཁོར་མོག་མོག་པོར་གྱུར་ཏོ། །ཆོས་འདི་པར་ཕྱོགས་པ་རྣམས་ནི་མདངས་ནག་པོར་གྱུར་རོ། །བདུད་ཀྱི་ཆ་འཛིན་ཅིང་གཞན་གྱི་སྡེ་པ་རྣམས་ནི་བཞིན་གྱི་དཀྱིལ་འཁོར་དཀར་པོར་ཡུར་ཏེ་ཀུན་ཀྱང་ཀྱལ་ཚིག་སྒྲོགས་པ་གྱུར་ཏོ། །དེ་ནས་ལོ་བརྒྱད་དང་བཅུ་གཉིས་འདས་པ་ན་དམ་པའི་རིགས་ཅན་སེམས་དཔའ་ཆེན་པོ་དག་ནང་དུ་ཡང་དག་འཇོག་ལས་ལངས་པ་དང་།འཇིག་རྟེན་གྱི་སྟོན་པ་ནུབ་པར་གྱུར་པས་རྨ་ག་ཆད་པར་དུས་ནས་ཀུན་ཀྱང་རང་རང་གི་མངོན་པར་ཤེས་པས་ལང་ཀའི་ཡུལ་གྱི་གྲོང་རྡལ་གྱི་མཚོ་གླིང་རི་མ་ལ་ཡ་གནམ་ལྕགས་ཡོད་པའི་རྩེ་ལ་རྫུ་འཕྲུལ་གྱི་བྱ་བས་མངོན་པར་རབ་ཏུ་འདུས་སོ། །ཡོངས་སུ་འདུས་ན་འདུས་པ་དེ་ཀུན་ཀྱང་མགྲིན་གཅིག་ཏུ་ཤིན་ཏུ་ཉམ་ཐག་པའི་ང་རོས་སྨྲེ་སྔགས་ཀྱིས་གདུངབབཏོནཔནིའདིལྟསྟེ། ཨེ་མའོ་ཀྱི་ཧུད་ཨེ་མའོ་བློང་། སྟོན་པའི་སྒྲོན་མའི་འོད་ནུབ་ན། །འཇིག་རྟེན་མུན་པ་གང་གིས་སེལ། །ཚད་མའི་ཞལ་དེ་མི་བཞུགས་པས། །ཚད་མས་གསུངས་པའི་བསྟན་པ་ལ། །འཇུག་པར་འཚལ་བའི་འགྲོ་བ་རྣམས། །ལོག་པར་འཇུག་པར་མི་འགྱུར་རམ། །ཚད་མར་དམ་བཅས་གང་ཟག་གིས། །དེས་མ་རྙེད་པ་གང་ཟག་ལ། །ཕན་པར་བྱ་ཕྱིར་བཀའ་བཀྲོལ་བས། །གཏན་ལ་ཕེབས་པར་འགྱུར་ཞིག་གུ །ལེགས་ཉེས་འབྱེད་པའི་སྤྱན་ཟུམ་པས། །བཀའ་ཉིད་ཁྱད་དུ་གསོད་པ་ཡི། །སྐྱོན་གྱི་སྤྱི་གཙུག་མཐར་ཕྱིན་པས། །ལོག་སྟོབས་འཕེལ་བར་མི་འགྱུར་རམ། ལོག་པའི་བསྟན་པའི་སྤྲིན་འཁྲིགས་པས། །བདེ་ན་པ་གཉིས་ཀྱི་ཉི་ཟླ་ནུབ། །འགྲོ་བ་གང་ཞིག་ལ་་མ་ཚོལ་བ། །མུན་པར་འཁྱམས་པར་མི་འགྱུར་རམ། །སྟོན་པ་མྱ་ངན་འདས་འོག་ཏུ། །བདུད་དང་སྲིན་པོ་མི་སྟེགས་དང་། །གནོད་སྤྱིན་འབྱུང་པོ་མི་མ་ཡིན། །མ་རུངས་གདུག་པ་སུས་འདུལ་འགྱུར། །དྲི་མེད་བསྟན་པའི་བདུད་རྩི་འདི། །ནུབ་ན་ཤིན་ཏུ་མ་རུང་ན། །རྩལ་དང་ལྡན་པ་སུ་ཞིག་གིས། །འབར་ཞིང་སྣང་བར་བྱེད་པར་འགྱུར། །བསླབ་པ་དམ་པའི་རིན་པོ་ཆེ། །བྲལ་ན་ཤིན་ཏུ་མ་རུང་ན། །སྐྱེས་བུ་དམ་པ་གང་ཞིག་གིས། །ཚུལ་རྣམས་འཛིན་པར་བྱེད་པར་འགྱུར། །སྟོན་པ་མི་བཞུགས་དེ་རྗེས་ན། །སྟོན་པའི་སློབ་མ་ཇི་སྙེད་པ། །འཕགས་དང་གང་ཟག་ཐ་དད་པ། །ལུང་བསྟན་འབྱུང་བ་གང་སུ་ཞིག །བསྟན་པ་ནམ་མཁའ་དྲ་་ལ། །མོས་པ་ཐ་དད་བར་བཟུང་ནས། །ཡིན་དང་མ་ཡིན་ཆ་འཛིན་ཅིང་། །རྩོད་པ་འཕེལ་བར་མི་འགྱུར་རམ། །དེ་ཉིད་ངེས་པར་རིགས་གཅིག་ལ། །རིགས་མི་མཐུན་པར་ཐ་དད་སྤྱོད། །རིགས་གཅིག་ཐ་དད་གས་རྣམས་སུམ། །བསླད་ཅིང་བཅོས་པར་མི་འགྱུར་རམ། །རིན་་ཐང་མེད་པའི་རིན་པོ་ཆེ། །མི་མཁས་གང་ཟག་ཐ་དད་པས། །ཉོན་མོངས་འདོད་པས་ཁྲིད་དབང་གིས། །དུག་དང་བརྗེ་བར་མི་འགྱུར་རམ། །ཆོས་་རྒྱལ་པོ་སྟོན་པ་སྟེ། །འདི་སྔོན་ཕན་ཆད་ཞལ་བཞུགས་ཚེ། །མ་རུང་པ་རྣམས་འཚེ་བགྱིད་ན། །གདུག་པ་དར་བར་མི་འགྱུར་རམ། །གང་འདིར་བསྟན་པ་གནས་པའི་ཡུན། །ཇི་སྲིད་གཅིག་ཏུ་གནས་པར་ར། །གང་འདིར་སྔར་འབྱུང་གང་སྔར་འབྱུང་། །ཕྱིས་འབྱུང་དུས་འདི་ཇི་ལྟར་འགྱུར། །སྟོན་པའི་བསྟན་པ་ཐ་མའི་ཚེ ངེས་པར་ཇི་ལྟར་འཀྱུར་ཞིག་གུ། །བསླབ་པ་འཛིན་པའི་ལོབ་མ་རྣམས། །།ཐ་མ་ཇི་ལྟར་ར་ཞིག་གུ། །འདི་ནས་མྱ་ངན་འདས་འོག་ཏུ། །གང་ལྟར་སུ་ཡི་སྟོན་པར་གཤེགས། །ཞིང་ཁམས་ཕྱོགས་ནི་གང་ན་བཞུགས། །དེ་ན་བསྟན་པ་ཅི་ཞིག་སྒྲོགས། །ང་ཡོད་འཇིག་རྟེན་མགོན་མེད་རྣམས། །མགོན་ང་སྐྱབས་སུ་གང་ཞིག་འགྱུར། །འཕྲུལ་གྱི་བློ་དང་གྲོས་སྟོང་ན། །བློ་དང་གྲོས་ནི་གང་ནས་བཙལ། །ངེས་པའི་དོན་འདི་མ་རྙེད་ན། །ང་ཡོད་ངེས་དོན་གང་ལས་གཟུང་། །མཆོད་གནས་ཡིད་རྟེན་མི་བཞུགས་ན། །སྐུ་་་། །གསུང་ཇི་ལྟར་འགྱུར་ཞིག་གུ། །སླད་ཀྱིས་མཆོད་གནས་ཅི་ལ་བགྱི། །ད་ལྟར་སྟོན་པ་འདས་འོག་ཏུ། །གདུང་འཚོབ་སྐྱེས་བུ་འབྱུང་འབྱུང་རམ། །ཨེ་མའོ་ཀྱི་ཧུད་ཨེ་མའོ་བློང་ཞེས་ཡོངས་སུ་གདུང་བ་ཏོན་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐོག་མར་དམ་པས་གདུང་བ་བཏོན་པའི་ལེའུ་སྟེ་གསུམ་པའོ།། །།དེ་སྐད་སྨྲས་ཏེ་གདུངས་པ་ལས། །སྲིད་གསུམ་འགྲོ་བའི་གཉེན་ཅིག་པ། །རྒྱལ་བ་རྒྱ་མཚོ་རྣམས་ཀྱིས་གསན། །སྙིང་རྗེའི་བདག་པོ་དེ་དག་ཀུན། །ལྕང་ལོ་ཅན་གྱི་ཕོ་བྲང་དུ། །གསང་བའི་བདག་པོ་གནས་སུ་འདུས། །བསྐུལ་བ་ཆེན་པོ་འདི་སྐད་གསུངས། །གསང་བ་པ་ཡི་དག་པོ་ཁྱོད། །སྔོན་གྱི་གོ་ཞ་ཡལ་ལམ་ཅི། །འཇིག་རྟེན་སྡུག་བསྔལ་མི་ཤེས་སམ། །སྙིང་རྗེའི་ས་ལ་བབས་ནས་ཀྱང་། །འཇིག་རྟེན་གདུང་བ་གསལ་བའི་རིགས། །སོ་སོའི་རིགས་ཀྱི་ཆ་བཟུང་བས། །མ་རུངས་པ་ག་ཀུན་བཏུལ་ཏེ། །འདོད་ཁྲིད་ཐབས་སུ་ཚིག་རྣམས་ཀྱིས། །ལས་ཀྱི་ཆ་དང་སྤྱོད་མཐུན་པར། །འདུ་ཤེས་བསྒུར་བ་བྱས་ནས་ནི། །བཀའ་ཡི་འགྲོ་བ་བཤད་སྦྱར་ནས། །ཡང་དག་དོན་ལ་དགོད་པའི་རིགས། །དེ་ད་རྣམ་པར་བསྐུལ་བ་ལས། །དབང་པོ་རྡོ་རྗེ་འཛིན་རྒྱལ་པོས། །གདུལ་དཀའ་འདུལ་ལ་མཁས་པའོ། །འཇིག་རྟེན་ཀུན་ལ་རྒྱལ་བའི་མཆོག །གསང་བའི་རྟགས་འཛིན་རྡོ་རྗེ་ཅན། །དགྱེས་ཤིང་གདན་ལས་བཞེངས་ནས་ནི། །ཆོ་འཕྲུལ་ཆེན་པོ་ཀུན་བསྟན་ནས། །འཇིག་རྟེན་ལོག་པའི་གཙོ་བོ་རྣམས། །སྐལ་དང་ལྡན་པར་ལུང་བསྟན་པ། །ལས་དང་སྐལ་བར་རབ་ལྡན་ཞིང་། །རྒྱལ་བས་འབྱུང་བར་ལུང་བསྟན་པའི། །བསོད་ནམས་ཆེན་པོའི་སྐལ་ཅན་རྣམས། །སྤྲུལ་པས་ཇི་ལྟར་ལུང་བསྟན་བཞིན། །ད་ལྟར་དུས་ལ་འདིར་བབས་ཀྱིས། །འཁོར་བའི་སྙིང་པོར་ལུང་བསྟན་ཕྱིར། །ཆོ་འཕྲུལ་རྣམས་ཀྱི་བྱིན་རླབས་ཀྱིས། །བསྟན་པའི་སྙིང་པོ་དམ་པ་ཞིག །ཇི་ལྟར་བཤད་ཅིང་ལུང་བསྟན་བཞིན། །སྐལ་ལྡན་ཅན་ལ་བགྲོ་བར་བྱའོ། །དྲག་ཤུན་ཅན་ཞེས་བྱ་བའི་རི། །དགོན་པ་ཆེན་པོའི་གནས་འདི་ནི། །ཡེ་ཤེས་སྙིང་པོ་ཅན་རྣམས་ཀྱི། །ཐེག་ཆེན་གསང་བ་འབྱུང་བའི་གནས། །ཐོག་མ་ཐ་མའི་དུས་མེད་པར། །དམ་པ་རྣམས་ཀྱིས་བསྔགས་པ་ཡིན། །ཐོག་མ་ཐ་མ་མེད་པ་ཡི། །རྒྱལ་བ་དཔག་ཏུ་མེད་པ་ཡིས། །དམ་པའི་དགོན་གནས་ཆེན་པོ་དེར། །སེམས་ཀྱི་དཀྱིལ་འཁོར་མེ་ལོང་བཞིན། །བསྟན་པ་དེ་ལྟར་བདག་གིས་ཀྱང་། །ཐོག་མ་ཐ་མ་མེད་པ་མྲ །བསྐུལ་བའི་དུས་ནི་གར་བྱུང་བར། །བདག་ཀྱང་དེ་བཞིན་ཆོ་འཕྲུལ་སྣང་། །ཞེས་བགྲོས་སོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་གི་གདུང་བ་སེལ་བར་བགྲོས་པའི་ལེའུ་སྟེ་བཞི་པའོ།། །།དེ་ནས་དེའི་ཚེ་དེ་ཉིད་དུ། །གནོད་དུལ་རྒྱལ་པོས་དེ་གསུངས་ནས། །མི་ཡི་གནས་ཀྱི་འཇིག་རྟེན་ཁམས། །གླིང་བཞི་པ་ལས་འཛམ་གླིང་གི། །དྲག་ཤུལ་ཅན་ཞེས་བྱ་བའི་རི། །གནོད་སྤྱིན་འདུ་བའི་ས་ཡིན་ཏེ། །ཆོས་འཛིན་རིགས་ཀྱི་གྲུབ་གནས་སུ། །ཐུགས་རྗེའི་ས་ལ་མངོན་སྤྲུལ་གཤེགས། །ས་རྣམས་ཡོངས་སུ་གཡོས་འགྱུར་ཏེ། །རྨད་དུ་བྱུང་བའི་ཆོ་འཕྲུལ་གྱིས། །ཐམས་ཅད་སྦྱངས་ཏེ་བདེ་བར་སྣང་། །སྔོན་དུ་སྣང་བའི་སྐལ་ལྡན་ཅན། །དམན་པའི་ལུས་འཛིན་དམ་པའི་རིགས། །མི་ལས་རྒྱལ་རིགས་དྲ་མ་ཆེ། །རྒྱལ་བུ་རྒྱལ་བྱིན་ལྟས་སུ་ཤར། །དེ་ཚེ་དམ་པའི་རིགས་ཅན་རྣམས། །དགའ་བ་དང་བཅས་ཐེ་ཚོམ་སྐྱེས། །སྤོབས་པ་ཆེན་པོའི་དྲི་བ་དྲིས། །ཨེ་མའོ་ངོ་མཚར་རྨད་རེ་ཆེ། །སྐྱེས་བུ་ཆེན་པོ་ཁྱོད་སུ་ཞིག །གང་ནསབྱོན་ཏེ་གང་ལྟར་བྱུང་། །གང་ལ་བརྟེན་ནས་གང་དུ་བྱོན། །དོན་གྱི་ཆེད་ཀ་ཅི་ཞེས་དྲིས། །ཆོ་འཕྲུལ་ཆེན་པོས་འདི་སྐད་དུ། །ང་ནི་ཅིས་ཀྱང་མི་བསྐྱོད་དེ། །མི་འཁྲུགས་རྡོ་རྗེ་སེམས་དཔའ་ཡིན། །སྙིང་རྗེས་གཡོ་ཞིང་བསྐྱོད་པས་ན། །སྲིད་པ་གསུམ་གྱི་གཉེན་གཅིག་པོ། །སྟོང་པ་ཆེན་པོ་ང་ཡི་ཡུལ། །རྡོ་རྗེ་རིགས་ཆེན་ང་ཡི་གདུང་། །ཕ་ནི་ཐབས་མཆོག་དཔག་ཏུ་མེད། །མ་ནི་ཤེས་རབ་བརྗོད་ལས་འདས། །ཐོག་མ་མེད་པའི་དུས་ཀྱི་ཚེ། །ང་ཡི་ཡིད་བཞིན་ནོར་བུ་སྟོར། །ནོརབུརིན ཆེན བདུདརྩི དེ། །ཡོད་པར་མ་ཤེས་སྟོར་བར་ཚོར། །དེ་ཚེ་ཀུན་ནས་དབུ་བ་དང་། །ཐར་མེད་ནད་ཀྱིས་གཟིར་འགྱུར་ཞིང་། །མུན་པ་མུན་ནག་སྨག་ཏུ་མས། །བགྲོད་པར་བྱ་བའི་ལམ་ཡང་སྟོར། །གདུངས་པར་གྱུར་ཀྱང་དེར་མ་ཤེས། །དེ་ཚེ་ང་ཡི་བཤེས་གཉེན་མཆོག །བྱམས་མགོན་དམ་པ་ཞིག་གིས་བསྟན། །ཨེ་མའོ་ཁྱོད་ཅི་མི་ཤེས་བསམ། །མཐོང་ཡུལ་ཀུན་་བདེ་བ་ཡི། །དོན་སྲིད་ཆེན་པོ་འབྱུང་འགྱུར་བ། །ནོར་བུ་རིན་ཆེན་མ་བརླག་གམ། །འོན་ཏེ་ཡོད་པར་མི་ཤེས་སམ། །འདི་ཅི་ཆད་པར་འདུག་གམ་ཅི། །དེ་སྐད་བཤེས་གཉེན་མཆོག་དེས་སྦྲན། །དེ་ཚེ་ང་ཡིས་སླར་ན་པ། །དོན་སྲིད་ཆེན་པོ་འབྱུང་བ་དེ། །ཡོད་པར་མ་ཤེས་སྟོར་བར་ཚོར །འདི་དང་ཕྲད་པར་བྱ་ཡི་ཐབས། །བཤེས་གཉེན་ཁྱོད་ཀྱིས་ལུང་སྟོན་ཅིག །དམ་པ་དེ་ཡིས་དམིགས་བསྟན་པ། །དེ་དང་མྱུར་དུ་ཕྲད་འདོད་བཙལ་བའི་ཐབས་ལ་བརྩོན་བྱ་དགོས། །ས་མཁན་དམ་པས་དམིགས་མཚོན་ཏེ། །མུན་སྣག་ཁམས་དང་ས་ཁམས་དང་། །སྣ་ཚོགས་ལམ་རྣམས་བགྲོད་བྱས་ནས བཙལ་ཀྱང་གཞན་ནས་མི་རྙེད་དེ། །རང་གི་ས་མས་ཉིད་ནས་འབྱུང་། །དེ་ནི་རིན་ཆེན་སྔར་རྙེད་པའི། །དམ་པ་རྣམས་ཀྱི་ཁྱིམ་ཡིན་ཏེ། །དེ་ནི་སྔར་རྙེད་གྱུར་པ་ཡི། །རྙེད་པ་རྣསམས་ཀྱི་རྙེད་གནས་ཡིན། །དེ་སྐད་ཐོས་ནས་དེ་ཚེ་ངས། །གང་ཚེ་བཙལ་བའི་ཆེད་ར་དུ། །དམ་པ་དེ་ལ་ལམ་ལྟོས་ཏེ། །བློ་གྲོས་དམ་པས་ངེས་བཅད་ནས། །ཐེག་ཆེན་གང་ཤེས་དེ་ཞོན་ཏེ། །མུན་སྣང་གཉིས་ཀྱི་ཁམས་ནས་འོངས། །བཅན་འཕྲང་ཆུ་བོ་བཞི་རྒལ་ཏེ། །སྣ་ཚོགས་ལམ་བགྲོད་ཀུན་བཙལ་ནས། །དམ་པ་རྣམས་ཀྱི་ལམ་དུ་ཞུགས། །ས་དང་རྣམ་ངར་ལམ་བགྲོད་དེ། །མྱང་ངན་འདས་པའི་གྲོང་ཁྱེར་བསྙགས། །ནོར་བུ་རིན་ཆེན་རྩད་བཅད་ན། །མ་བྱུང་མ་རྙེད་རང་ཉིད་ཀྱི། །ཆོས་ཉིད་དབྱིངས་ཀྱི་ཁྱིམ་ནས་རྙེད། །རྙེད་པ་ཉིད་ན་རྙེད་མེད་དེ། །སྟོར་བ་ཉིད་ནའང་སྟོར་བྲལ་མེད། །ཡོད་མིན་མེད་མིན་སྟོར་རྙེད་མེད། །གཞན་ནས་མ་བྱུང་རང་འབྱུང་བར། ཁོ།ས་པ་རྙེད་བཏགས་མ་ཤེས་ལ། །སྟོར་ཞེས་ཐ་སྙད་བཏགས་པར་ཟད། །ཡོད་དང་སྟོར་དང་རྙེད་པའི་དུས། །ཐོག་མ་མེད་པའི་དུས་ནས་སོ། །དེ་ལྟར་ཆོས་ཉིད་མེད་པ་ལས། །སྤྲུལ་པ་སྣང་བའི་དུས་འདིར་ནི། །མུན་སྣང་གཉིས་ཀྱི་ཁམས་འདིར་འོངས། །ང་ནི་ཐབས་ཀྱི་མཉན་པ་མཁན། །འཁོར་བའི་ཆུ་བོ་མཐའ་མེད་ལས། །སྲིད་གསུམ་བསྒྲལ་བར་དམ་བཅས་ཀྱིས། །ཐར་པ་འདོད་པ་ལམ་འདིར་་།ག །ང་ནི་ཐབས་ཀྱིས་མིག་མཁན་ཏེ། །འཇིག་རྟེན་ལོང་བ་དཔག་མེད་རྣམས། །ལིང་ཐོག་བསལ་བར་དམ་བཅས་ཀྱིས། །གང་ཞིག་མཐོང་འདོད་ལམ་འདིར་་།ག །ང་ནི་ཐབས་ཀྱི་སྨན་པ་སྟེ། །གྲོང་ཁྱེར་གསུམ་གྱི་ནད་པ་རྣམས། །གཅོང་རྙིང་སྦྱང་བར་དམ་བཅས་ཀྱིས། །གང་ཞིག་བདེ་འདོད་ལམ་འདིར་་།ག །ང་ནི་ཐབས་ཀྱི་ས་མཁན་ཏེ། །འགྲོ་བ་ལམ་ལོག་ལམ་སྟོར་རྣམས། །མ་ནོར་ཀྲིད་པར་དམ་བཅས་ཀྱིས། །ཡང་དག་ལམ་འདོད་ལམ འདིར་།ག །ངནིཐུགས་་ས་སྤྱན་རས་མཁན། །འཁོར་བའི་དགྲ་དཔུང་འཇིགས་པ་ལས ཐམས་ཅད་བསྒྲུབ་པར་དམ་བཅས་ཀྱིས། །འཇིགས་དང་བྲལ་འདོད་ལམ་འདིར་་།ག །ང་ནི་རྡོ་རྗེ་རྫོང་ཆེན་ཏེ། །འཁོར་བའི་གཡུལ་ཆེན་དམག་པུང་ལས། །འགྲོ་བའི་འཁྲས་སར་དམ་བཅས་ཀྱིས། །གང་ཞིག་མཁར་འདོད་ལམ་འདིར་་༑ག །ང་ནི་ཐབས་ཀྱི་ཚོང་དཔོན་ཏེ། །འདོད་པ་རྒྱ་མཚོས་མི་ངོམས་རྣམས། །གཏེར་ཆེན་སྒྱིན་པར་དམ་བཅས་ངས། །གང་ཞིག་གཏེར་འདོད་ལམ་འདིར་་།ག །ང་ནི་ཐབས་ཀྱི་སྒྲོན་མ་སྟེ། །མུན་ནག་སྨག་ཏུ་འཁྱམས་པ་རྣམས། །མུན་ནག་བསལ་བར་དམ་བཅས་ཀྱིས། །གང་ཞིག་སྣང་འདོད་ལམ་འདིར་་།ག །ང་ནི་ཡིད་ཞིན་ནོར་བུ་སྟེ། །ཡང་དག་ཡིད་བཞིན་འདོད་པ་རྣམས། །ཡིད་བཞིན་བསྐང་བར་དམ་བཅས་ཀྱིས། །ལྷུན་གྱིས་གྲུབ་འདོད་ལམ་འདིར་་།ག །ང་ནི་བཀའ་ཡི་ལྡེ་མིག་སྟེ། །བཀའ་སྒྲོམ་ཐ་རམ་གསང་བ་མས། །རྣམ་པར་འབྱེད་པར་དམ་བཅས་ཀྱིས། །གང་ཞིག་གྲོལ་འདོད་ལམ་འདིར་་།ག །ང་ནི་བཀའ་ཡི་འགྲེལ་པ་སྟེ། །གསུང་གི་གླེགས་བམ་ཟབ་མོ་རྣམས། །ངེས་པར་དགྲོལ་བར་དམ་བཅས་ཀྱིས། །གང་དག་ས་འདོད་ལམ འདིར་།ག །རྣམ དག་ལམ་ཆེན་ཀུན་སྒྲོལ་འདིར། །སྐལ་ལྡན་གང་ཞིག་སུ་བཞུགས་པ། །ནོར་བུ་རིན་ཆེན་འོད་འབར་བ ངེས་པར་འཆར་གྱིས་རྩོན་པར་གྱིས། །དེ་ཉིད་སེམས་ཀྱི་མེ་ལོང་སྟེ། །མངོན་སུམ་གསལ་བར་རྟོགས་མ་ཐག །འགྲོ་བའི་ལུས་ལ་སངས་རྒྱས་ཡིན། །རྡོ་རྗེ་གསང་ཆེན་གསང་བ་ཡི། །ངེས་དོན་དམ་པའི་མཛོད་མཆོག་རྣམས། །འདིར་བགྲོས་གསལ་བར་བཤད་སྦྱར་བས། །ལྷ་དང་མི་ཡི་རིག་འཛིན་ལས། །རིམ་པ་བརྒྱུད་དེ་གྲགས་པར་འགྱུར། །ལྷ་མི་འཇིག་རྟེན་ཐམས་ཅད་ཀྱི། །མུན་པའི་གདུང་བ་ཀུན་བསལ་ནས། །སེམས་ཀྱི་དཀྱིལ་འཁོར་གསལ་བར་འགྱུར། །ཅི་ཕྱིར་མིན་པའི་གདུང་བར་ཞུགས། །ཐུབ་པ་མྱ་ངན་འདས་གདུང་བ། །དེ་ནི་ནམ་མཁའི་སྐུ་མངའ་བ། །འདའ་དང་མི་འདའ་མི་མངའ་སྟེ། །འཕོ་འགྱུར་མེད་པས་ནམ་མཁའ་བཞིན། །དེ་སྐད་སྤྲུལ་པའི་སྒྲ་འབྱུང་བས། །སྔོན་དུ་བྱུང་བའི་རིགས་ཅན་རྣམས། །མཆོག་ཏུ་དགའ་བ་ཆེར་སྐྱེས་ཏེ། །དགའ་མགུ་རངས་པའི་བསམ་པ་ཡིས། །ལུས་བ་་ཤིན་ཏུ་གུས་སྦྱར་ནས། །སྤྱན་སྔར་འདུག་སྟེ་འདི་སྐད་གསོལ། །མཚན་མོའི་མུན་ནག་སྤྲིན་རུམ་ནས། །གློག་འགྱུར་བར་སྣང་སྟོན་ལྟ་བུར། །ཐོག་མ་ཐ་མ་མེད་པ་ཡི། །དེ་བཞིན་ཉིད་ཀྱི་དབྱིངས་སྐྱེས་ཏེ། །རྣམ་དག་ལམ་ཆེན་དེ་ཉིད་དུ། །བྱུང་བའི་སྐྱེས་བུ་དོན་གྲུབ་ཁྱོད། །དམ་པ་རྣམས་ཀྱི་གསང་འཛིན་ཅིང་། །གསང་བ་པ་ཡི་བདག་པོར་གྲགས། །བཀའ་རྣམས་བགྲོ་བར་ཁྱོད་བསྔགས་པས། །ཁྱོད་ནི་བཀའའགྲེལཆེནཔོརགྲགས། །སེམས་ཀྱི་དཀྱིལ་འཁོར་ཐམས་ཅད་ལ། །མཛོད་གསུམ་གསང་བའི་ཉི་ཤར་བས། ཁྲེས་བྱའི་མུན་པ་ཀུན་བསལ་ཕྱིར། །ཁྱོད་ནི་གསལ་བའི་ཉི་མར་གྲགས། །གདུལ་དཀའ་མ་ལུས་ཀུན་འདུལ་ཞིང་། །བདུད་ཀྱི་བདུད་སྡེ་བདུད་རྣམས་འཇོམས། །འཇིགས་པའི་ཚོགས་ཀྱང་འཇོམས་བྱེད་པས། །ཁྱོད་ནི་བདུད་ཀྱི་བདུད་དུ་གྲགས། །དེ་བཞིན་ཉིད་ཀྱི་ངོ་བོ་ཉིད། །སེམས་ཉིད་རང་བཞིན་འོད་གསལ་བ། །ཆོས་ཀུན་གཟུགས་བརྙན་སྣང་བས་ན། །ཆོས་ཀྱི་མེ་ལོང་ཞེས་ཀྱང་གྲགས། །དུག་འཇོམས་སྨན་གྱི་དཀྱིལ་འཁོར་གྱིས། །ཟུག་རྔུ་འབྱིན་པ་བླ་ན་མེད། །ནད་དོ་ཅོག་གི་དགྲར་གྱུར་པས། །ཁྱོད་ནི་སྨན་པའི་རྒྱལ་པོར་གྲགས། །དགའ་མགུ་རངས་པར་མཛད་པས་ན། ཁྱོད་ནི་གདུང་བ་སེལ་བར་གྲགས། །འདོད་པ་ཡིད་བཞིན་སྐོང་བས་ན། ཁྱོད་ནི་ཡིད་བཞིན་ནོར་བུར་གྲགས། །དམ་པ་རྣམས་དང་མཐུན་མཛོད་ལ། །བདག་ཅག་རིག་པ་འཛིན་རྣམས་ལ། །དམ་པའི་སྤྲུལ་པ་གང་ལྟར་ནུབ། །དམ་པའི་སྒྲོན་མ་ཇི་ལྟར་བཀོད། །དམ་པའི་གསང་ལུང་ཇི་ལྟར་འབྱུང་། །གསང་བ་རྒྱུད་ཀྱི་བགྲོ་བ་མཛོད། །དགོངས་པའི་ཚིག་གསུམ་བགྲོ་བ་མཛོད། །ནམ་མཁའི་རྡོ་རྗེ་བགྲོ་བ་མཛོད། །ཅེས་གསོལ་བ་བཏབ་བོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ལུང་དམ་པ་བགྲོ་བར་གསོལ་བ་བཏབ་པའི་ལེའུ་སྟེ་ལྔ་པའོ།། །།དེ་སྐད་ཅེས་གསོལ་བ་བཏབ་པ་ལས། །གསང་བའི་བདག་པོས་བཀའ་སྩལ་པ། །སྔོན་དུ་བྱུང་བར་ལུང་བསྟན་པའི། །འགྲོ་བ་ལུས་ཀྱི་སེམས་དཔའ་རྣམས། །གདུང་སྔགས་དྲི་བ་དང་བཅས་པའི། །སྒྱུ་མའི་རྟོག་པ་དགྲོལ་གྱིས་ཉོན། །སེམས་ཀྱི་དཀྱིལ་འཁོར་དེ་བཞིན་ཉིད། །ནམ་མཁའ་བཞིན་དུ་ནུབ་པ་མེད། །རང་བཞིན་ཡེ་ནས་འོད་གསལ་བས། །དེ་ལ་གང་སྒྲིབ་དེ་ཉིད་སེལ། །ཚད་མ་གཉིས་ཀྱིས་གང་གཞལ་བ། ཁྲེས་བྱ་དེ་ཡང་ཚད་མར་འགྱུར། །ལེགས་ཉེས་རྩ་བའང་དེ་ཉིད་པས། །དེ་ཉིད་དེ་ལ་འགྱུར་བ་མེད། །སེམས་ཀྱི་རང་བཞིན་འོད་གསལ་བས། །དཀར་བས་དཀར་བའི་ཉི་ཟླ་མེད། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །ལེ་ལོ་ཅན་ལ་ཕན་གདགས་ཕྱིར། །སྤྲུལ་པ་རྣམས་ནི་འདའ་ཚུལ་སྟོན། །ཇི་ལྟར་ནམ་མཁའ་ཞིག་འགྱུར་ན། །དེ་ཚེ་མྱ་ངན་འདས་བར་འགྱུར། །གང་ཟག་གདུག་པ་མ་རུངས་པ། །བདག་མེད་སྟོང་པའི་སྟོབས་ཀྱིས་འདུལ། །རང་བཞིན་འོད་གསལ་སྤྲོས་བྲལ་བའི། །བསྟན་པ་རྒྱ་མཚོའང་དེ་ཉིད་པས། །རང་འབྱུང་སེང་གེ་རྩན་ཅན་གྱིས། །ཀུན་དུ་འབར་ཞིང་སྣང་བར་བྱེད། །བསླབ་པ་ལྷག་པའི་སེམས་ཉིད་པས། །བསྒྲུབ་པ་ཀུན་གྱི་མཆོག་འདི་ནི། །ས་རབ་སྣང་བ་ཕྱིས་འབྱུང་བའི། །འགྲོ་བ་ལུས་ཀྱི་སེམས་དཔའ་འཛིན། །མཐའ་ཐུག་མེད་པའི་སེམས་ཅན་རྣམས། །བྱང་ཆུབ་སྙིང་པོར་ཡེ་གནས་པས། །དེབཞིནཉིདདུརྒྱུདདེས་ཕྱིར། །ཀུན་ཀྱང་མི་སློབ་དེ་ལུང་སྟོན། །སེམས་ཉིད་ཡོད་དང་མེད་དོ་ཞེས། །བྱིས་པ་རྣམས་ནི་རྩོད་པར་བྱེད། །མཁས་པ་ཡེ་ནས་རྩོད་དང་བྲལ། །ཡོད་མེད་རྟོགས་པའི་ཚིག་མི་བརྗོད། །ང་ཡི་གསང་སྔགས་གསང་བ་འདི། །སངས་རྒྱས་ཀུན་གྱི་གསང་ཡིན་ཕྱིར། །གང་མི་དཔོགས་པར་གཞན་དཔགས་པས། །གསང་བར་སྒྲ་གཅིག་ཐ་དད་འབྱུང་། །དམ་པ་རྣམས་ཀྱི་གསང་ལུང་འདི། །གང་དག་མི་ཤེས་རྨོངས་འཕྱར་བས། །དུག་དང་བདུད་རྩིར་རྗེ་བས་ནི། །ཕུང་བྱེད་གཉིས་ལ་སྲེག་པར་འགྱུར། །ཀུན་གསལ་མེ་ལོང་འོད་པོ་ཆེ། །མ་འདྲེས་ཡོངས་རྫོགས་སྟོན་པ་དེ། །མཁའ་ལྟར་འཕོ་འགྱུར་མེད་པས་ན། །འཚེ་བའང་གློག་འགྱུ་སྤྱིན་བཞིན་མེད། །བྱང་ཆུབ་སྙིང་པོ་ཡོད་ཀྱི་བར། །དེ་སྲིད་བསྟན་པ་གནས་པ་ཡིན། །ཐོག་མ་ཐ་མ་མེད་པ་ནས། །བྱུང་བས་སྔ་ཕྱི་ཡོད་མ་ཡིན། །དང་པོ་མེད་ལས་བྱུང་བརྗོད་པས། །ཐ་མའང་བརྗོད་བྲལ་མེད་པར་འགྱུར། །གདུང་འཛིན་ཐོག་མའང་དེ་བཞིན་ཉིད། །ཐ་མའང་དེ་ལས་གཞན་མི་འགྱུར། །འདི་ནས་དེ་བཞིན་ཉིད་འདིར་གཤེགས། །བདལ་ཁྱབ་ཆེན་པོའི་ཞིང་ན་བཞུགས། །སེམས་ཀྱི་དཀྱིལ་འཁོར་འོད་གསལ་བ། །དེ་བཞིན་ཉིད་དུ་རྣམ་པར་སྣང་། །བྱིས་པའི་ཆེད་ཀུད་ཆོ་འཕྲུལ་ཞིག །མེཏོགབཀོདཔའིའཇིག་རྟེན་ན། །མ་གྲགས་པ་ཞེས་བྱ་བར་སྣང་། །སྣང་བའང་ཉིད་ན་སྣང་བ་མེད། །དེབཞིནཞིངཁམསགང་དག་ཏུ། །སྤྲུལ་པའི་སངས་རྒྱས་སྣང་མཛད་པ། །སྒྱུ་མའི་འཕྲུལ་པ་ཇི་བཞིན་དུ། །མི་སྣང་འོད་ཀྱང་གཞན་དུ་སྣང་། །མི་བསྐྱོད་རྡོ་རྗེ་ཐུགས་མཆོག་ཀྱང་། །ཐུགས་རྗེ་སྤྲུལ་པའི་བྱིན་བརླབས་ཀྱིས། །འཇིག་རྟེན་ཁམས་ནི་དཔག་ཏུ་མེད། །མུན་སྣང་རབ་འབྱུང་རང་བཞིན་ཡིན། །སྐྱེ་མེད་ཡེ་ཤེས་ཉིད་ཀྱི་དབྱིངས། །གདོད་ནས་བདེར་གཤེགས་སྙིང་པོ་ལས། །རྣམ་རྟོག་གློ་བུར་ལས་ཀྱི་བསྒྲིབས། །དེ་ཉིད་འགྲོ་མགོན་སྐྱབས་ཆེན་ཡིན། །རྒྱལ་པོ་དགོངས་པ་ཚིག་གསུམ་པོ། །འཕྲུལ་གྱི་བློ་དང་གྲོས་མཆོག་སྟེ། །ཡུན་གྱི་དོན་སྲིད་པ་ཆེན་པོ་ལས། །བློ་གྲོས་དམ་པའི་ཡུལ་དུ་སྣང་། །རྒྱལ་བ་ཀུན་གྱི་ཐུགས་འཇུག་པ། །ཇི་བཞིན་པ་ཡི་དེ་ཁོ་ན། །ཉིད་དུ་ངེས་པའི་ངོ་བོ་ལ། །བློ་བཞག་དེ་ཉིད་ངེས་པ་ཡིན། །ཆོས་ཀུན་ནམ་མཁའི་མཚན་ཉིད་དེ། །ཡེ་ཤེས་སྐུ་ཅན་རྒྱལ་བ་རྣམས། །སྐུ་ལ་དངོས་ཅན་དངོས་མེད་པར། །སྐུ་གདུང་རིང་བསྲེལ་ཇི་ལྟར་འབྱུང་། །སེམས་ཅན་རྣམས་ལ་ཕན་དོན་དུ། །མེད་པ་ཉིད་ལས་སྤྲུལ་པ་ཡི། །སྒྱུ་མ་རིང་བསྲེལ་ཡུངས་འབྲུ་ཙམ། །ཐུགས་རྗེ་ཐམས་ཀྱིས་གཞག་ཚུལ་བསྟན། །ངེས་པར་རིང་བསྲེལ་གང་འདེད་པ། །བྱེ་མ་དག་ལས་མར་འདོད་འདྲ། །གང་ཚེ་འབྲས་བཏབ་ཏིལ་འབྲུ་སྨིན། །དེ་ཚེ་རིང་བསྲེལ་ཡོད་པར་འགྱུར། །གཟུགས་སྣང་བྲབ་སྒྲོགས་སྙིང་པོ་ཅན། །སྐུ་དང་གསུང་ཐུགས་སྙིང་པོ་ཅན། །མཆོད་གནས་ཡིད་རྟེན་དམ་པ་ཞེས། །འགྲོ་མགོན་རྡོ་རྗེ་སེམས་དཔས་བཤད། །དཔག་ཏུ་མེད་པའི་རྒྱལ་བ་རྣམས། །འཁོར་བའི་སེམས་ཅན་རྒྱུད་ལས་བྱུང་། །འཁོར་བའི་སེམས་ཅན་རྒྱུན་བཅད་ན། །སངས་རྒྱས་རྒྱུན་ཡང་ཆད་པ་ཡིན། །དཔེར་ན་ནམ་མཁའི་གཞའ་ཚོན་ནི། །དང་པོ་གཞན་ནས་འོངས་པ་དང་། །ཐ་མ་གཞན་དུ་སོང་བ་མེད། །དེ་ཉིད་རང་འབྱུང་རང་ཞི་ལྷར། །སྤྲུལ་པ་རང་འབྱུང་རང་ཞི་བས། །དེ་ཉིད་དེ་ལ་ནུབ་པ་མེད། །འདས་ཀྱང་མ་བྲལ་ཐ་དད་མིན། །མ་འདས་པ་ནའང་གཅིག་མིན་ཏེ། །འདའ་དང་མི་འདའ་ལས་འདས་པས། །བྲལ་དང་མ་བྲལ་ག་ལ་ཡོད། །དེས་ན་གང་ལ་ཅི་ཕྱིར་གདུང་། །གདུང་བ་རྨོངས་པ་འཁྲུལ་པ་ཡིན། །ཨེ་མའོ་ངོ་མཚར་ཇི་ལྟ་བུ། །འདི་གོ་ཇི་ལྟར་འཁྲུལ་ཞིག་གུ། །ཞེས་གསང་བའི་བདག་པོ་དེས་སེང་གེ་རྣམ་པར་ལྟ་བའི་ཚུལ་གྱིས་གཞལ་བཏབ་ས་རྨོངས་པས་གདུངས་པ་རྣམས་དགའ་མགུར་རང་ནས་གདུང་བ་ཡོངས་སུ་སངས་ཏེ་སེམས་མ་བཅོས་པར་གནས་ཏེ་དེ་བཞིན་གྱི་དཀྱིལ་འཁོར་ཐམས་ཅད་འོད་གསལ་བར་གྱུར་ཏོ། །དེ་ནས་ལང་ཀའི་བདག་པོས་གསང་བ་བའི་དབང་པོ་ལ་གསོལ་པ། །གསང་བའི་བདག་པོ་ཆེན་པོ་གདུང་བ་ཐམས་ཅད་སེལ་ཏམ། །འོན་ཏེ་མི་མཇེད་ཀྱི་འཇིག་རྟེན་གྱི་གདུང་བ་འབའ་ཞིག་སེལ། །གསང་བ་པའི་བདག་པོས་སྨྲས་པ། །ལང་ཀའི་བདག་པོ་ཁོ་མོ་ནི་གདུང་བ་ཐམས་ཅད་སེལ་བ་སྟེ། །འདས་པའི་དུས་ཀྱི་དུས་ཀྱི་གདུང་བ་ཇི་སྙེད་པ་ཡང་བསལ་ཏོ། །ད་ལྟ་མི་མཇེད་ཀྱི་འཇིག་རྟེན་གྱི་ཁམས་་་། །འདི་ཡི་གདུང་བ་ཡང་བསལ། །འཇིག་རྟེན་གྱི་ཁམས་གཞན་རྡུལ་སྙེད་ཀྱི་གདུང་བ་ཡང་བསལ མ་འོངས་པའི་གདུང་བ་ཇི་སྙེད་པ་ཡང་སེལ་བར་འགྱུར་རོ།། །དེ་བས་ན་གང་དག་ཡོངས་སུ་གདུང་བ་མས་ནི་མི་ཤེས་པ། །རྨོངས་པ། །ཤེད་མ་བྱེ་བ་ཁོ་ན་ཡིན་གྱི་ཤེས་པ། །མ་རྨོངས་པ་མཁས་པ་ཤེད་བྱེ་བ་རྣམས་ནི་གང་དུ་ཡང་གདུང་བ་མེད་པ་གདུང་བ་དང་བྲལ་བ་ཡིན་ནོ། །ཞེས་ཐོས་པས་ལང་ཀའི་བདག་པོ་ལ་སོགས་པ་འགྲོ་བ་ལུས་ཀྱི་སེམས་རྣམས་ཡོངསསུ་གདུང་བ་ལས་སངས་སོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་རྨོངས་པ་གདུང་བ་སེལ་བ་ཞེས་བྱ་བའི་ལེའུ་སྟེ་དྲུག་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་རྨོངས་པའི་གདུང་བ་སེལ་་བའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དང་པོ། །དེ་ནས་ལང་ཀའི་བདག་པོས་སྔོན་དུ་གནང་བའི་ཚིག་བཅུ་གཉིས་པའི་གཉིས་པ་གང་དུ་སྒྲོན་མ་ཡོངས་སུ་བཀོད་པ་ན་ཡང་འབྱུང་ཞེས་ལུང་བསྟན་པ་ཡོངས་སུ་དྲི་བའི་ཕྱིར་གསང་བ་པའི་བདག་པོ་ལ་གསོལ་པ། གསང་བ་པའི་བདག་པོ་སྔོན་བདག་གིས་ཕྱིན་ཅི་མ་ལོགས་པར་ཐོས་པ། །གང་རྨོངས་པ་རྣམས་ཀྱི་གདུང་བ་སེལ་ཅིང་སེམས་ཅན་རྣམས་ཀྱི་སེམས་ཀྱི་དཀྱིལ་འཁོར་གསལ་བར་བྱེད་པ་བྱང་ཆུབ་སེམས་དཔའ་ཆེན་པོ་རྣམས་ཀྱི་བློ་གྲོས་དམ་པའི་མཛོད། །དེ་བཞིན་གཤེགས་པ་རྣམས་ཀྱི་དགོངས་པ་དེ་ཁོ་ན་ཉིད་གསང་བ་དམ་པ་ཕྱིན་ཅི་མ་ལོག་པ་ཡང་དགཔའི་ལྟ་བ། །སངས་རྒྱས་ཀུན་གྱི་བསྔགས་པ། ཐེག་པཆེན་པོ་དེ་འདེགས་པའི་ཡུལ་ཚད་མ་ནུབ་པར་གྱུར་ཕནཆད་དུ་འགྱུང་བར་འཀྱུར་ཞིག་གུ་ཞེས་དྲིས་པ་ལས། །གསང་བ་པའིབདག་པོ་སྨྲས་པ། །ལང་ཀའི་བདག་པོ་ཅི་ག་འདི་ཇི་སྙམ་དུ་སེམས། །ཁྱོད་མི་ཤེས་སམ། །ཡུལ་དུ་མ་ཉིད་ཀྱིས་བཀའ་སྩལ་གྱིས་ཀུན་ཛ་ར་ཆོས་ཀྱི་སྐྲུན་ལ་བཀའ་སྩལ་པ་འདི་ལྟ་སྟེ། །རིག་པ་འཛིན་པ་ཁྱོད་ཀྱི་དྲོ་བ་འདི་ལྟ་སྟེ། །དེ་ཁོ་ན་ཉིད་གསངབ་དམ་པ་དེ་ནི་གནས་སྐབས་གཉིས་དང་བཅུར་འབྱུང་བ་སྟེ། གང་རྨོངས་པ་གདུང་བ་སེལ་བ་ན་ཡང་འབྱུང་། །གང་འཇིག་རྟེན་གྱི་སྒྲོན་མ་ཡོངས་སུ་བཀོད་པ་ན་ཡང་འབྱུང་། །གང་གིས་ངེས་པ་རྙེད་པ་ན་ཡང་འབྱུང་། །སྙིང་པོ་བྱང་ཆུབ་ཉིད་དུ་ངེས་པ་ན་ཡང་འབྱུང་། །དགོངས་པ་ངེས་པར་འགྲེལ་པ་ན་ཡང་འབྱུང་། །གདུལ་བྱ་སྐབས་ལ་བབ་པའི་ཆེད་ན་ཡང་འབྱུང་། །བྱིན་གྱིས་བརླབས་ལས་སྣང་བ་ན་ཡང་འབྱུང་། །བརྒྱུད་པ་ཐམས་ཅད་ཀྱིས་གྲགས་པ་ན་ཡང་འབྱུང་། །གང་གི་ཆེད་དུ་མཛད་པན་ཡང་འབྱུང་། །ལུང་ཆེན་ངེས་པར་བསྟན་པ་ཡང་འབྱུང་། །ལས་རྒྱུད་ཡོངས་སུ་གཅོད་པ་ན་ཡངའབྱུང་། །དགོངས་པ་རྣམཔར་བགྲོ་ན་ཡང་འབྱུང་སྟེ། །དེདག་ནི་ཐམས་ཅད་དང་ཐམས་ཅད་ནས་ཐམས་ཅད་དུ་ཡོངས་སུ་རྣམ་པར་སྣང་ངོ་། །སྣང་བར་གྱུར་ཏོ། །སྣང་བར་འགྱུར་རོ་ཞེས་ལུང་བསྟན་པ་གང་དུ་གྲགས་པ་མི་ཤེས་སམ་ཞེས་སྨྲས་པ་ལས། །ལང་ཀའི་བདག་པོས་སྨྲས་པ། །ཨེ་མའོ་གསང་བ་པའི་བདག་པོ་དེ་ནི་བདག་གིས་ཐོས་པ་དམ་པ་ཐོས་སོ ཐོས་པའི་མཆོག་ཐོས་སོ། །གསང་བའི་བདག་པོ་ཡོངས་སུ་སྨོངས་པ་གདུངས་པ་ནི་སངས་པ་བལྟ་ན། །སྒྲོན་མ་ཡོངས་སུ་བཀོད་པ་ཡང་འབྱུང་ཞེས་པ་ཇི་ལྟར་པ་བཞིན་དུ་གྲགས་པ་ལགས།མི་མཇེད་ཀྱི་འཇིག་རྟེན་གྱི་ཁམས་འདིར་ད་ལྟར་ཡོངས་སུ་འདས་པ་འདི་སྒྲོན་མ་བཀོད་པ་ཞེས་བྱ་བར་་གྱུར་རམ། །འདས་པ་འདི་ཡང་མི་མཇེད་ཀྱི་འཇིག་རྟེན་གྱི་ཞིང་ཁམས་འདི་འབའ་ཞིག་གི་སྒྲོན་མ་སངས་རྒྱས་མྱ་ངན་ལས་འདས་སམ། །འོན་ཏེ་འཇིག་རྟེན་གྱི་ཁམས་མཐའ་དག་ན་ཞིང་ཁམས་ཇི་སྙེད་པའི་སྒྲོན་མ་བཀོད་པའི་སངས་རྒྱས་མྱ་ངན་ལས་འདའ་བར་་གྱུར་ཞེས་དྲིས་པ་ལས། །གསང་བའི་བདག་པོས་སྨྲས་པ། །ལང་ཀའི་བདག་པོ་དེ་ཇི་སྙམ་དུ་སེམས། །འདི་ཡང་སྒྲོན་མ་ཞེས་བྱ་སྟེ། དེ་ལྟར་འདས་པ་ནི་ཞིང་ཁམས་མཐའ་དག་གི་སངས་རྒྱས་ལྟ་ཞོག་འཛམ་བུའི་གླིང་བྱེ་བ་ཕྲག་ས་ཡའི་སངས་རྒྱས་ལྟ་ཡང་ཞོག འཛམ་བུའི་གླིང་གཅིག་གི་སངས་རྒྱས་གཅིག་ཡོངས་སུ་མྱ་ངན་ལས་འདས་པར་ཟུང་ཤིག དེ་ཅིའི་ཕྱིར་ཞེ་ན། ཞིང་ཁམས་འདི་ནི་སྤྲུལ་པའི་སངས་རྒྱས་ཉག་གཅིག་གི་ཞིང་ཁམས་ཡིན་པའི་ཕྱར་རོ། །དེ་བཞིན་དུ་བསམ་གྱིས་མི་ཁྱབ་པའི་སངས་རྒྱས་ཇི་སྙེད་པ་འཇིག་རྟེན་གྱི་ཁམས་གཞལ་དུ་མེད་པ་ན་སྒྲོན་མའི་བྱ་བ་མཛད་དོ། །དེ་དག་ཇི་ལྟ་བ་དེ་ལྟར་སྤྲུལ་པའི་སངས་རྒྱས་རྡུལ་སྙེད་ཀྱང་དེ་བཞིན་དུ་བལྟའོ། །དེ་ནས་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོས་དྲིས་པ། །གསང་བ་པའི་བདག་པོ་མི་མཇེད་ཀྱི་ཞིང་ཁམས་འཛམ་བུའི་གླིང་གཅིག་གི་སྤྲུལ་པའི་སངས་རྒྱས་ཉག་གཅིག་མྱང་ངན་ལས་འདས་པ་འདི་སངས་རྒྱས་གང་གི་སྤྲུལ་པར་ཡོངས་སུ་གཟུང་བར་བགྱི། །གསང་བ་པའི་བདག་པོས་སྨྲས་པ། །ལང་ཀའི་བདག་པོ་འདི་ནི་རྡོ་རྗེ་སེམས་དཔའི་སྤྲུལ་པ་བསམ་གྱིས་མི་ཁྱབ་པ་ལས་སྤྲུལ་པ་ཆ་གཅིག་འབའ་ཞིག་ཁོ་ནར་ཟུང་ཤིག སྨྲས་པ། གསང་བ་པའི་བདག་པོ་ཞིང་ཁམས་འདིར་ཤཱཀྱ་ཐུབ་པ་ཞེས་བྱ་བར་གྲགས་ན་འདི་ཇི་ལྟར་ཡོངས་སུ་ཤེས་པར་བགྱི། སྨས་པ། ལང་ཀའི་བདག་པོ་དེ་ནི་རྡོ་རྗེ་སེམས་དཔའི་སྤྲུལ་པའི་བླ་དགས་འབའ་ཞིག་གོ །ལང་ཀའི་བདག་པོ་དེ་ཅིའི་ཕྱིར་ཞེ་ན། །རྡོ་རྗེ་སེམས་དཔའི་སྤྲུལ་པ་བསམ་གྱིས་མི་ཁྱབ་པར་འཁོར་བསམ་གྱིས་མི་ཁྱབ་པའི་དཔུང་གཏན་བཅོམ་པའི་ཕྱིར་ཐུབ་པ་ཆེན་པོ་ཞེས་ཡོངས་སུ་གྲགས་སོ། །ཇི་ལྟར་འཇིག་རྟེན་དྲུག་གི་ཕྱོགས་བཅུར་ཡང་ཐུབ་པ་ཆེན་པོ་ཞེས་བྱ་བར་ཡང་གྲགས་པ་ནི་འདི་ལྟ་སྟེ། ལྷའི་གནས་སུ་ཐུབ་པ་ཆེན་པོ་སྲིད་ཐུབ་འཛིན་ཞེས་བྱ་བར་གྲགས་སོ། །ལྷ་མ་ཡིན་གྱི་གནས་སུ་ཐུབ་པ་ཆེན་པོ་རྣམ་པར་རྒྱལ་བ་ཞེས་བྱ་བར་གྲགས་སོ། །མིའི་གནས་སུ་ཐུབ་པ་ཆེན་པོ་ཤཱཀྱ་སེང་གེ་ཞེས་བྱ་བར་གྲགས་སོ། །བྱོལ་སོང་གི་གནས་སུ་ཐུབ་པ་ཆེན་པོ་རྣམ་པར་གནོན་པ་ཞེས་བྱ་བར་གྲགས་སོ། །ཡི་དགས་ཀྱི་གནས་སུ་ཐུབ་པ་ཆེན་པོ་རྣམ་པར་སྣང་བྱེད་ཅེས་བྱ་བར་གྲགས་སོ། །དམྱལ་བའི་གནས་སུ་ཐུབ་པ་ཆེན་པོ་ཆོས་ཀྱི་རྒྱལ་པོ་ཞེ་བྱ་བར་གྲགས་སོ། །ཀྱེ་ལང་ཀའི་བདག་པོ་དེར་ཡང་མ་ཟད་དེ། དེ་ཇི་ལྟ་བ་དེ་ལྷར་དེ་བཞིན་དུ་མི་མཇེད་ཀྱི་འཇིག་རྟེན་དྲུག་གི་ཕྱོགས་བཅུ་ན་ཐུབ་པ་དྲུག་གི་སྒྲོན་མ་ཡོངས་སུ་སྣང་བ་དེ་ལྟ་དེ་ལྟར་རྡུལ་སྙེད་ཀྱི་འཇིག་རྟེན་གྱི་བསམ་གྱིས་མི་ཁྱབ་པའི་འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ན་རྡུལ་སྙེད་ཀྱི་ཐུབ་པ་དྲུག་གི་སྒྲོན་མ་མཐའ་ཡས་པར་སྣང་བ་ཡང་འདི་ལྟ་སྟེ། ཤར་ཕྱོགས་ཀྱི་འཇིག་རྟེན་གྱི་ཁམས་གླིང་བཞི་པ་སྟོང་ཕྲག་བཅུ་གཉིས་འདས་པ་ན་འཇིག་རྟེན་གྱི་ཁམས་དྲི་མ་མེད་པ་ཞེས་བྱ་བ་ཞིང་ཁམས་དེ་ཐམས་ཅད་རིན་པོ་ཆེ་སྣ་ཚོགས་ལས་གྲུབ་པ། དེ་ན་གནས་པའི་འགྲོ་བ་རྣམས་ཚེ་དང་ལོངས་སྤྱོད་ཐམས་ཅད་སུམ་ཅུ་རྩ་གསུམ་དང་མཉམ་པ། །བར་མ་དོར་འཆི་བ་མེད་ཅིང་བརྫུན་ནས་སྐྱེ་བ་ཤ་དག་ཀྱང་འདོད་པ་ཐམས་ཅད་བསམས་པས་འགྲུབ་པ་སྟེ། དེ་ན་སྤྱིན་པ་ཡང་མེད། གཏོང་བ་ཡང་མེད། ལེན་པ་དང་སློང་བ་པོ་ཡང་མེད་དེ། འཇིག་རྟེན་གྱི་ཁམས་གཞན་དག་ན་གཏོང་སློང་ཡོད་པ་དག་གི་གཏམ་ཐོས་པ་ན་དེ་ལ་ཡོངས་སུ་སྨོན་པ་ཡིན་ཏེ། དེ་ན་རྡོ་རྗེ་སེམས་པའི་སྤྲུལ་པ་ཐུབ་པའི་དབང་པོ་དེ་དེ་བཞིན་གཤེགས་པ་ཤཱཀྱ་ཐུབ་པ་དྲི་མེད་སྒྲ་ཞེས་བྱ་བར་བསྟན་ནས་ཐེག་པ་ཆེན་པོའི་ཆོས་སེམས་ཀྱི་དཀྱིལ་འཁོར་འོད་གསལ་བ། གསང་སྔགས་ཀྱི་ངོ་བོ་ཉིད་སྒྲོན་མ་ཆེན་པོ་ཡོངས་སུ་སྣང་ངོ་། །དེ་ཉིད་ཀྱི་འཇིག་རྟེན་དྲུག་གི་ཕྱོགས་བཅུ་ན་ཡང་ཐུབ་པ་དྲུག་གི་སྒྲོན་མ་སྣང་བས་འགྲོ་བ་དྲུག་གི་སེམས་ཀྱི་དཀྱིལ་འཁོར་ཡོངས་སུ་གསལ་བར་བྱེད་དོ། །ཡང་ཐུབ་པའི་དབང་པོ་དེ་ལྷོ་ཕྱོགས་ཀྱི་འཇིག་རྟེན་གྱི་ཁམས་སྟོང་ཕྲག་བརྒྱ་འདས་པ་ན་འཇིག་རྟེན་གྱི་ཁམས་ཡོན་ཏན་འབྱུང་བ་ཞེས་བྱ་བ་ན་དེ་བཞིན་གཤེགས་པ་ཤཱཀྱ་ཐུབ་པ་དཀོན་མཆོག་སྤྲིན་ཞེས་བྱ་བར་སྤྲུལ་ནས་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་ཡོངས་སུ་སྣང་བ་བྱེད་དོ། །དེ་ཉིད་ཀྱི་འཇིག་རྟེན་དྲུག་གི་ཕྱོགས་བཅུ་ན་ཡང་ཐུབ་པ་ཆེན་པོ་དྲུག་གི་སྒྲོན་མ་སྣང་བས་འགྲོ་བ་དྲུག་གི་སེམས་ཀྱི་དཀྱིལ་འཁོར་གསལ་བར་བྱེད་དོ། །ཡང་ཐུབ་པའི་དབང་པོ་དེ་ནུབ་ཕྱོགས་ཀྱི་འཇིག་རྟེན་གྱི་ཁམས་སྟོང་ཕྱག་ཉི་ཤུ་འདས་པ་ན་འཇིག་རྟེན་གྱི་ཁམས་རྒྱན་ཤིན་དུ་བཀྲམ་པ་ཞེས་བྱ་བ་ན་གང་ཟག་བརྫུས་ནས་སྐྱེས་པ་ཤ་དག་སྟེ། ཚེ་ལོ་བརྒྱད་ཁྲི་བཞི་སྟོང་གནས་པའི་ཞིང་ཁམས་དེ་ནདེབཞིནགཤེགསཔཤཱཀྱ་ཐུབ་པ་ཡོན་ཏན་འབྱུང་གནས་ཞེས་བྱ་བར་བསྟན་ནས་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་སྟོན་ཏོ། །དེ་ཉིད་ཀྱིའཇིག་རྟེན་དྲུག་གི་ཕྱོགས་བཅུནཡང་ཐུབ་པ་དྲུག་གི་སྒྲོནམ་སྣང་བས་སེམས་ཀྱིདཀྱིལ་འཁོར་གསལ་བར་བྱེད་དོ། །ཡང་ཐུབཔའི་དབང་པོ་དེབྱང་ཕྱོགས་ཀྱི་འཇིག་རྟེན་གྱི་ཁམས་སྟོང་ཕྲག་སུམ་ཅུ་འདསཔ་ན་འཇིག་རྟེན་གྱི་ཁམས་བགཚབམེད་པ་ཞེས་བྱ་བ་ན་དེ་བཞིན་གཤེགས་པ་ཤཱཀྱ་ཐུབ་པ་སེང་གེ་སྒྲ་ཞེས་བྱ་བར་བསྟན་ནསསེམས་ཀྱིདཀྱིལ་འཁོར་འོད་གསལབ་གསང་སྔགས་ཀྱི་ངོབོ་དེ་ཉིད་སྟོན་ཏོ། །དེ་ཉིད་ཀྱིའཇིག་རྟེན་དྲུག་གི་ཕྱོགསབཅུ་ན་ཡང་ཐུབ་པ་དྲུག་གི་སྒྲོན་མ་སྣང་བས་འགྲོ་བདྲུག་གི་སེམས་ཀྱི་དཀྱིལ་འཁོར་འོད་གསལ་བར་བྱེད་དོ། །དེ་བཞིན་དུ་ཐུབ་པའི་དབང་པོ་དེ་ཤར་ལྷོའི་འཇིག་རྟེན་གྱི་ཁམས་སྟོང་ཕྲག་བརྒྱད་ཅུ་རྩ་བཞི་འདས་པ་ན་འཇིག་རྟེན་གྱིཁམས་རྣམ་པར་མཛེས་པ་ཞེས་བྱབ་ན་དེ་བཞིན་གཤེགས་པ་ཤཱཀྱཐུབ་པ་མཛེསཔའིཏོག་ཅེས་བྱ་བར་སྤྲུལནས་གོང་མ་བཞིན་དུ་ཆོས་སྟོན་ཏོ། །ལྷོ་ནུབ་མཚམས་ཀྱི་འཇིགརྟེན་གྱི་ཁམས་སྟོང་ཕྲག་བདུན་ཅུ་འདསཔ་ན་འཇིག་རྟེན་གྱིཁམས་རབ་ཏུསྣང་བ་ཞེས་བྱ་བ་དེ་བཞིན་གཤེགས་པ་ཤཱཀྱ་ཐུབཔ་དེ་གཟི་བརྗིད་རྒྱན་ཞེས་བྱ་བརབསྟན་ནས་གོང་མ་བཞིན་དུ་ཆོས་སྟོན་ཏོ། །ནུབ་བྱང་མཚམས་ཀྱིའཇིགརྟེན་གྱི་ཁམས་སྟོངཕྲག་བཅུ་འདསཔ་ནའཇིག་རྟེན་གྱི་ཁམས་རབ་ཏུ་དང་བ་ཞེས་བྱ་བ་ན་དེ་བཞིན་གཤེགས་པ་ཤཱཀྱ་ཐུབ་པ་དེ་ཙནདན་དྲི་མཆོག་དཔལ་ཞེས་བྱ་བར་བསྟན་ནས་གོང་མ་བཞིན་དུ་ཆོས་སྟོན་ཏོ། །བྱང་ཤར་མཚམས་ཀྱི་འཇིག་རྟེན་གྱི་ཁམས་སྟོང་ཕྲག་བཞི་བཅུ་རྩ་བཞི་འདས་པ་ན་འཇིག་རྟེན་གྱིཁམས་གདུང་བ་སེལ་བ་ཞེས་བྱ་བ་ན་དེ་བཞིན་གཤེགས་པ་ཤཱཀྱ་ཐུབ་པ་དེ་སྙིང་རྗེའི་རྒྱལ་པོ་ཞེས་བྱ་བར་བསྟན་པ་ནས་གོང་མ་བཞིན་དུ་སྟོན་ཏོ། །དེ་བཞིན་དུ་རྣམ་པར་སྣང་བའི་འཇིག་རྟེན་གྱི་ཁམས་ཞེས་བྱ་བ་ན་སངས་རྒྱས་མྱུར་དུ་འཛིན་པ་ཞེས་བྱ་བར་བསྟན་ནས་ཆོས་སྟོན་ཏོ། །ཡང་རིན་ཆེན་བཀོད་པའི་འཇིག་རྟེན་གྱི་ཁམས་ན་སངས་རྒྱས་དགའ་བའི་སྤྱན་སྤྲིན་ཞེས་བྱ་བར་བསྟན་ནས་ཇི་ལྟ་བ་དེ་བཞིན་ཆོས་སྟོན་ཏོ། །ཡང་རྣམ་པར་བཀྲམ་པ་ཞེས་བྱ་བའི་འཇིག་རྟེན་གྱི་ཁམས་ན་དེ་བཞིན་གཤེགས་པ་ཡོངས་སུ་དགོངས་པའི་རྒྱལ་པོ་ཞེས་བྱ་བར་བསྟན་ནས་ཇི་ལྟ་བ་དེ་བཞིན་དུ་སྟོན་ཏོ། །ཡང་བི་ཌརུའི་སྙིང་པོ་ཞེས་བྱ་བའི་འཇིག་རྟེན་གྱི་ཁམས་ན་སངས་རྒྱས་གསེར་གྱི་འོད་ཟེར་ཞེས་བྱ་བར་བསྟན་ནས་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་འོད་དམ་པ་ཞེས་བྱ་བའི་འཇིག་རྟེན་གྱི་ཁམས་ན་དེ་བཞིན་གཤེགས་པ་འོད་གྱི་དཔལ་ཞེས་བྱ་བར་བསྟན་ནས་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་རྣམ་པར་ཞི་བ་ཞེས་བྱ་བའི་འཇིག་རྟེན་གྱི་ཁམས་ནདེབཞིནགཤེགསཔཞིབའི་དབང་པོ་ཞེས་བྱ་བར་བསྟན་ནས་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་སྤྲིན་རྣམ་པར་བཀོད་པ་ཞེས་བྱ་བའི་འཇིག་རྟེན་གྱི་ཁམས་ན་དེ་བཞིན་གཤེགས་པ་སྤྲིན་གྱི་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་ཡིད་མངོན་པར་དགའ་བ་ཞེས་བྱ་བའི་ཞིང་ཁམས་ན་སངས་རྒྱས་ཡིད་དུ་འོང་བའི་དབྱངས་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་མེ་ལོང་གི་དཀྱིལ་འཁོར་ཤིན་ཏུ་སྦྱངས་པ་ཞེས་བྱ་བ་ན་སངས་རྒྱས་མེ་ལོང་གི་འོད་སྣང་བ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་ཟླ་བས་བརྒྱན་པ་ཞེས་བྱ་བའི་ཞིང་ཁམས་ན་སངས་རྒྱས་ཟླ་འོད་དཔལ་ཞེས་བྱ་བར་བསྟ་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་ཉི་མའི་འོད་ཟེར་བརྒྱན་པ་ཞེ་བྱ་བའི་ཞིང་ཁམས་ན་དེ་བཞིན་གཤེགས་པ་ཉི་མའི་སྙིང་པོའི་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་སྤོས་དྲི་ངན་ལྡན་ཞེས་བྱ་བའི་ཞིང་ཁམས་ན་སངས་རྒྱས་སྤོས་ཀྱི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་རྣམ་པར་སྤྲོས་པའི་རྒྱན་ཞེས་བྱ་བའི་ཞིང་ཁམས་ན་སངས་རྒྱས་མངོན་པར་སྤྲོ་བའི་རྒྱལ་པོ་ཞེས་བྱ་བར་བསྟན་ནས་ཡང་དག་པའི་ཇི་ལྷ་བ་དེ་བཞིན་དུ་ཆོས་སྟོན་ཏོ། །ཡང་རིན་པོ་ཆེ་སྤྲོས་པ་ཞེས་བྱ་བའི་ཞིང་ཁམས་ན་སངས་རྒྱས་རིན་ཆེན་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་འོད་ཟེར་འབྱུང་བ་ཞེས་བྱ་བའི་ཞིང་ཁམས་ན་སངས་རྒྱས་འོད་ཟེར་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡ་ ང་དཀའ་བ་རྣམ་པར་སྤྱོད་པ་ཞེས་བྱ་བའི་ཞིང་ཁམས་ན་སངས་རྒྱས་དཀའ་ཐུབ་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་གཙུག་ཏོར་བཀོད་པ་ཞེས་བྱ་བའི་ཞིང་ཁམས་ན་སངས་རྒྱས་གཙུག་ཏོར་སྙིང་པོ་ཞེས་བྱར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་ངེས་པ་ཅན་ཞེས་བྱ་བའི་ཞིང་ཁམས་ན་སངས་རྒྱས་ངེས་པར་གཤེགས་པ་ཞེས་བྱ་བསྟན་ནས་ཡང་དག་ལ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་ངེས་པ་འཕགས་པ་ཞེས་བྱ་བའི་ཞིང་ཁམས་ན་སངས་རྒྱས་ངེས་པ་གསུངས་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་བདེ་སྤྱོད་ཅེས་བྱ་བའི་ཞིང་ཁམས་ན་སངས་རྒྱས་བདེ་བ་ཆེན་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་མེ་ཏོག་བཀྲམ་པ་ཞེས་བྱ་བའི་ཞིང་ཁམས་ན་སངས་རྒྱས་མེ་ཏོག་དབང་པོའི་དབྱངས་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་ཡོངས་སུ་གྲགས་པ་ཞེས་བྱ་བའི་ཞིང་ཁམས་ན་སངས་རྒྱས་གྲགས་པའི་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། ཡང་རྣམ་པ་འཕྲུལ་པ་ཞེས་བྱ་བའི་ཞིང་ཁམས་ན་སངས་རྒྱས་སྤྲུལ་པའི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་རྣམ་པར་སྦྱངས་པ་ཞེས་བྱ་བའི་ཞིང་ཁམས་ན་སངས་རྒྱས་སྒྲ་དབྱངས་མི་ཟད་པ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་སྨན་གྱིས་བརྒྱན་པ་ཞེས་བྱ་བའི་ཞིང་ཁམས་ན་སངས་རྒྱས་སྨན་གྱི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་གསེར་གྱི་འོད་སྣང་བ་ཞེས་བྱ་བའི་ཞིང་ཁམས་ནས་སངས་རྒྱས་གསེར་གྱི་འོད་འཕྲོ་ཞེས་བྱ་བར་བསྟ་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་འོད་ཟེར་བཀོད་པ་ཞེས་བྱ་བའི་ཞིང་ཁམས་ན་སངས་རྒྱས་བཀོད་པའི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་བཞིན་དུ་ཆོས་སྟོན་ཏོ། །ཡང་གསེར་གྱི་འབྱུང་གནས་ཞེས་བྱ་བའི་ཞིང་ཁམས་ན་སངས་རྒྱས་གསེར་གྱི་བཟུང་བ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་དཔལ་གྱི་འབྱུང་གནས་ཞེས་བྱ་བའི་ཞིང་ཁམས་ན་སངས་རྒྱས་དཔལ་གྱི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟར་བ་དེ་བཞིན་དུ་ཆོས་སྟོན་ཏོ། །ཡང་སྣང་བ་དམ་པ་ཞེས་བྱ་བའི་ཞིང་ཁམས་ན་སངས་རྒྱས་སྣང་བ་བརྩེགས་པའི་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་མྱ་ངན་མེད་པ་ཞེས་བྱ་བའི་ཞིང་ཁམས་ན་སངས་རྒྱས་མྱ་ངན་མེད་པའི་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་དགའ་བའི་མདངས་ཞེས་བྱ་བའི་ཞིང་ཁམས་ན་སངས་རྒྱས་དགའ་མཆོག་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་གཟི་བརྗིད་འབྱུང་བ་ཞེས་བྱ་བའི་ཞིང་ཁམས་ན་སངས་རྒྱས་གཟི་བརྗིད་དཔལ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་སངས་རྒྱས་མང་པོ་འདུ་བ་ཞེས་བྱ་བའི་ཞིང་ཁམས་ན་སངས་རྒྱས་ཀུན་གྱི་དགེ་བའི་བཤེས་གཉེན་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་ཡོངས་སུ་སྦྱོང་བ་ཞེས་བྱ་བའི་ཞིང་ཁམས་ན་སངས་རྒྱས་ངན་སོང་ཐམས་ཅད་སྦྱོང་བ་ཞེས་བྱ་བར་བསྟན་ནས་ཡང་དག་པ་ཇི་ལྷར་བ་དེ་བཞིན་དུ་ཆོས་སྟོན་ཏོ། །ཡང་ཐ་དད་སྤྱོད་པ་ཞེས་བྱ་བའི་ཞིང་ཁམས་ན་སངས་རྒྱས་་འཇིག་རྟེན་ཀུན་གྱི་སློབ་དཔོན་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་རྒྱལ་མཚན་གྱི་རྩེ་མོའི་དཔུང་རྒྱན་ཞེས་བྱ་བའི་ཞིང་ཁམས་ན་སངས་རྒྱས་རྣམ་པར་རྒྱལ་བ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་མེ་ཏོག་མཛེས་པའི་རྒྱན་ཞེས་བྱ་བའི་ཞིང་ཁམས་ན་སངས་རྒྱས་མེ་ཏོག་བཀོད་པའི་རྒྱལ་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་མཛེས་པར་སྣང་བ་ཞེས་བྱ་བའི་ཞིང་ཁམས་ན་སངས་རྒྱས་ཐམས་ཅད་སྣང་བ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་ཙནདན་བཀོད་པ་ཞེས་བྱ་བའི་ཞིང་ཁམས་ན་སངས་རྒྱས་ཙསྡོན་དྲི་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་སེང་གེ་འབྱུང་གནས་ཞེས་བྱ་བའི་ཞིང་ཁམས་ན་སངས་རྒྱས་སེང་གེ་འབུམ་གཟུགས་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །ཡང་སྟོང་གསུམ་གྱི་སྟོང་ཆེན་པོའི་མི་མཇེད་ཅེས་བྱ་བ་འདི་ན་སངས་རྒྱས་ཐུབ་པ་ཆེན་པོ་ཞེས་བྱ་བར་བསྟན་ནས་ཡང་དག་པ་ཇི་ལྟ་བ་དེ་བཞིན་དུ་ཆོས་སྟོན་ཏོ། །དེ་བཞིན་དུ་འཇིག་རྟེན་གྱི་ཁམས་བྱེ་བ་ས་ཡར་རྡོ་རྗེ་སེམས་དཔའི་མཚན་བྱེ་བ་ས་ཡར་བསྟན་ནས་ཆོས་ཡང་དག་པ་ཇི་ལྟ་བ་བཞིན་དུ་སྣང་བར་མཛད་དེ། ལ་ལར་ནི་མངོན་པར་རྫོགས་པར་སངས་རྒྱས།ལ་ལར་ནི་ད་དུང་ཡུམ་གྱི་ལྷུམས་ན་བཞུགས། ལ་ལར་ནི་དགའ་ལྡན་གྱི་གནས་ན་བཞུགས། ལ་ལར་ནི་ཡོངས་སུ་མྱ་ངན་ལས་འདས་སོ། །ལ་ལར་ནི་འདའ་བའི་ཚུལ་བསྟན་ནས་འཇིག་རྟེན་གྱི་ཁམས་གཞན་ནས་གཞན་གྱི་སྒྲོན་མར་སྣང་། ལ་ལར་ནི་འཁོར་འོ་ས་སྒྱུར་བའི་རྒྱལ་པོའི་ཆ་ལུགས་ཀྱི་ཐེག་པ་ཆེན་པོའི་ཆོས་སྟོན། ལ་ལར་ནི་ཉན་ཐོས་ཀྱི་ཆ་བྱད་ཀྱིས་ཏེག་པ་ཆུང་ངུའི་ཆོས་སྟོན། ལ་ལར་ནི་རང་སངས་རྒྱས་ཀྱི་ཆ་བྱད་ཀྱི་རྫུ་འཕྲུལ་གྱིས་ཆོས་སྟོན། ལ་ལར་ནི་སྙིང་པོ་བྱང་ཆུབ་ན་བཞུགས། ལ་ལར་ནི་སྐུལ་བའི་ས་ལ་གཞེས། ལ་ལར་ནི་ཐར་པའི་ཆ་ལུགས་ཀྱིས་སོ། །ལ་ལར་ནི་ཁྱིམ་པའི་ཆ་ལུགས་ཀྱིས་སོ། །ལ་ལར་ནི་ལྷའི་ཆ་བྱད་ཀྱིས་སོ། །ལ་ལར་ནི་ཀླུའི་ཆ་བྱད་ཀྱིས་སོ། །ལ་ལར་ནི་ལྷ་མ་ཡིན་གྱི་ཆ་བྱད་ཀྱིས་སོ། །ལ་ལར་ནི་བདུད་ཀྱི་ཆ་བྱད་ཀྱིས་སོ། །ལ་ལར་ནི་གནོད་སྤྱིན་གྱི་ཆ་བྱད་ཀྱིས་སོ། །ལ་ལར་ནི་སྲིན་པོའི་ཆ་བྱད་ཀྱིས་སོ། ལ་ལར་ནི་འབྱུང་པོའི་ཆ་བྱད་ཀྱིས་སོ། །ལ་ལར་ནི་ནམ་མཁའི་ལྡིང་གི་ཆ་བྱད་ཀྱིས་སོ། །ལ་ལར་ནི་ཡ་མཚན་ཅན་གྱི་ཆ་བྱད་ཀྱིས་སོ། །ལ་ལར་ནི་བྱོང་སོང་གི་ཆ་བྱད་ཀྱིས་སོ། །ལ་ལར་ནི་ཡི་དགས་ཀྱིས་ཆ་བྱད་ཀྱིས་སོ། །ལ་ལར་ནི་བཟོད་ལྡན་གྱི་ཆ་བྱས་ཀྱིས་སོ། །ལ་ལར་ནི་ཤེན་པའི་ཆ་བྱས་ཀྱིས་སོ། །ལ་ལར་ནི་སྨན་འཚོང་མའི་ཆ་བྱད་ཀྱིས་སོ། །ལ་ལར་ནི་ན་ཆུང་གི་ཆ་བྱས་ཀྱིས་སོ། །ལ་ལར་ནི་སྐུ་གདུང་ལྟ་བུར་སྣང་ངོ་། ལ་ལར་ནི་རིང་བསྲེལ་ལྟ་བུར་སྣང་ངོ་། །ལ་ལར་ནི་རྡོ་རྗེ་སེམས་དཔའ་ཉི་ལྟ་བུར་སྣང་ངོ་། །ལ་ལར་ནི་དྲམ་པར་སྣང་མཛད་ལྟ་བུར་སྣང་ངོ་། །ལ་ལར་ནི་རིན་ཆེན་འབྱུང་ལྡན་ལྷ་བུར་སྣང་ངོ་། །ལ་ལར་ནི་སྣང་བ་མཐའ་ཡས་ལྟ་བུར་སྣང་ངོ་། །ལ་ལར་ནི་དོན་ཡོད་གྲུབ་པ་ལྟ་བུར་སྣང་སྟེ། དེ་དག་ཀྱང་ཡང་དག་པ་ཇི་ལྟ་བ་བཞིན་དུ་ཆོས་སྟོན་ཏོ། །གཞན་ཡང་གཏི་མུག་གི་རྒྱལ་པོ་དགྲོལ་བར་བྱ་བའི་ཕྱིར་ཚང་པའི་གཟུགས་ལྟ་བུར་སྣང་ངོ་། །ཞེ་སྡང་གི་རྒྱལ་པོ་དགྲོལ་བར་བྱ་བའི་ཕྱིར་ཁྱབ་འཇུག་གི་གཟུགས་ལྟ་བུར་སྣང་ངོ་། །འདོད་ཆགས་ཀྱི་རྒྱལ་པོ་དགྲོལ་བར་བྱ་བའི་ཕྱིར་དྲག་པོའི་གཟུགས་ལྟ་བུར་སྣང་ངོ་། །ང་རྒྱལ་གྱི་བདག་པོ་དགྲོལ་བར་བྱ་བའི་ཕྱིར་ཚོགས་བདག་ལྟ་བུར་སྣང་ངོ་། །ཕྲག་དོག་གི་བདག་པོ་དགྲོལ་བར་བྱ་བའི་ཕྱིར་དབང་པོ་ལྟ་བུར་སྣང་ངོ་། །དེ་བཞིན་དུ་སྐྱེ་བ་ཐས་ཅད་ཀྱི་གཟུགས་སུ་སྣང་བ་ནི་འཇུག་སྲེད་དང་།སྲེད་མེད་དང་། དབང་ཕྱུག་དང་། །སྟོབས་ལྡན་དང་། ནོར་འཛིན་དང་། སྤྲེའུ་དང་། ར་དང་། ལུ་འདེ་དང་། ཁྱི་དང་། སྦྲང་མ་དང་། བྱ་རོག་དང་། མེ་ཁྱེར་དང་། སྲོག་ཆགས་དང་། གང་ཟིན་པ་དེ་དག་དེའི་གཟུགས་སུ་སྣང་བར་མཛད་ཅིང་དེའི་ཆ་བྱད་ཀྱིས་གང་དག་ཇི་ལྟར་མོས་པ་རྣམས་ལ་དེ་བཞིན་དུ་སྣང་སྟེ། ཇི་ལྟར་ཉི་ཟླའི་དཀྱིལ་འཁོར་གྱི་གཟུགས་བརྙན་གཞལ་མེད་ཁང་ལས་མ་གཡོས་པར་ཆུ་ཐ་དད་པའི་ནང་དུ་གཟུགས་བརྙན་ཐ་དད་པར་སྣང་བ་བཞིན་དུ་སངས་རྒྱས་རྡོ་རྗེ་སེམས་དཔའ་ཉིད་ལས་མ་གཡོས་བཞིན་དུ་ཞིང་ཁམས་དཔག་ཏུ་མེད་པར་སངས་རྒྱས་མཐའ་ཡས་པར་སྣང་ངོ་། །དེ་ལྟར་ན་གང་མིང་སྣ་ཚོགས་སུ་བཏགས་པའི་སངས་རྒྱས་ཀྱི་ཞིང་ཁམས་མཐའ་ཡས་པ་ན་འཁོད་པའི་སེམས་ཅན་རྣམས་ཀྱིས་སངས་རྒྱས་རྡོ་རྗེ་སེམས་དཔའི་མཚན་སྣ་ཚོགས་པར་ཤེས་པ་ནི་བརྗོད་ཀྱི་མི་ལང་པའི་བསྐལ་པར་སྨྲས་ཀྱང་ཤར་ཕྱོགས་གཅིག་པུའི་སངས་རྒྱས་ཀྱི་ཞིང་ན་བཞུགས་པའི་མཚན་ཉིད་ཀྱི་མཐའ་ཡང་མི་དམིགས་སོ། །དེ་བཞིན་དུ་ཕྱོགས་བཅུ་ཐམས་ཅད་ཀྱི་སངས་རྒྱས་ཀྱི་ཞིང་ན་འཁོད་པའི་སེམས་ཅན་རྣམས་བརྗོད་ཀྱིས་མི་ལང་པའི་བསྐལ་པར་སྨྲས་ཀྱང་མཚན་གྱི་མཐའ་ནི་མ་རྫོགས་སོ། །ཇི་ལྟར་སེམས་ཅན་མོས་པ་ཆུང་ངུ་རྣམས་ཀྱིས་རྡོ་རྗེ་སེམས་དཔའི་ཞིང་ཁམས་ཚད་མེད་པ་དེ་མཚན་མཐའ་ཡས་པ་ཐོས་ན་བློ་ག་ཆད་པ་དང་མྱོས་པར་འགྱུར་རོ་།་ ་།་ཇི་ལྟར་རྡོ་རྗེ་སེམས་དཔའི་ཞིང་ཁམས་དེ་དག་ཐམས་ཅད་ན་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་འབའ་ཞིག་ཡང་དག་པ་ཇི་ལྟ་བ་བཞིན་དུ་བར་ཏུ་ཕྱིན་ཅི་མ་ལོག་པར་རིམ་གྱིས་དང་། ཅིག་ཅར་བར་སྟོན་ཏོ། །དེ་ཅིའི་ཕྱིར་ཞེ་ན། །རྡོ་རྗེ་སེམས་དཔའི་ཞིང་ཁམས་ན་འཁོད་པའི་སེམས་ཅན་ཆེན་པོ་དེ་དག་ནི་སེམས་ཀྱི་རང་བཞིན་སྣ་ཚོགས་པའི་ཕྱིར། །བློ་ཤིན་ཏུ་ཟབ་པ་དང་། མི་ཟབ་པ་དང་། ཡངས་པ་དང་། དོག་པ་དང་། བརྟན་པ་དང་། འགྱུར་བ་དང་། རྣོ་བ་དང་། རྟུལ་བ་དང་། མྱུར་བ་དང་། བུལ་བ་དང་། ཤས་སྟག་པས་སྔགས་ཀྱི་ངོ་བོ་ཉིད་ཀྱི་གཏམ་རིམ་གྱིས་པ་དང་ཅིག་ཅར་བར་ཐོས་ནས་དེ་དག་ལ་ཡང་མི་སྐྲ་མི་དངང་གི་དགའ་ཞིང་མགུ་བ་དང་། རངས་པར་འགྱུར་བའི་ཕྱིན་སྣ་ཚོགས་སུ་སྣང་བའོ། །དེ་ན་གནས་པའི་ཚེའི་ཚད་ཀྱང་ཐུང་དང་། རིང་བ་དང་། དཔག་ཏུ་མེད་པ་དང་། བརྒྱ་པ་དང་བརྒྱད་ཁྲི་བཞི་སྟོང་ཐུབ་པ་ཡིན་ནོ། །ལོངས་སྤྱོདནི་ཇི་ལྟར་བསམས་པ་བཞིན་དུ་འབྱུངབ་ཡང་ཡོད། དཀའ་བས་འབྱོངས་པ་མི་འབྱོངས་པ་་ཡངཡོད། །ཀུན་ཀྱང་ལུང་བསྟན་པ་ཐོབ་པ་ཤ་སྟག་གོ །སངས་རྒྱསརྡོ་རྗེ་སེམས་དཔའི་མཚན་གངགིས་ཐོས་པ་དེས་རྒྱལ་བ་མང་པོ་ལ་སྔོན་དུ་བྱ་བ་བྱས་པ་ཡིན་ནོ། །རྡོ་རྗེ་སེམས་དཔའི་ཞིང་ཁམས་ཉིད་དུ་ངེས་པར་འབྱུང་བ་ཡིན་ནོ། །རྒྱལ་བ་རྣམས་ཀྱིས་བྱིན་གྱིས་བརླབས་པ་ཡིན་ནོ། །ཐེག་པཆེནཔོར་ངེས་པརའབྱུང་བ་དག་ཡིན་ནོ། །མངོན་པར་ཤེས་པ་དག་དང་ལྡན་པ་ཡིན་ནོ། །སངས་རྒྱས་ཀྱི་སྲས་སུ་ངེས་པ་དག་ཡིན་ནོ། །ལྷག་མཐོང་གི་མིག་དང་ལྡན་པ་དག་ཡིན་ནོ། །ཀྱེ་ལང་ཀའི་བདག་པོ་དེའི་ཕྱིར་འཛམ་བུའི་གླིང་གཅིག་གི་སངས་རྒྱས་ཉག་གཅིག་འདི་མྱ་ངན་ལས་འདས་པ་ཡིན་ནོ། །དེ་བཞིན་དུ་རྡོ་རྗེ་སེམས་དཔའི་སྤྲུལ་པའི་སངས་རྒྱས་མཐའ་དག་ལ་མྱ་ངན་ལས་འདས་པ་ཡང་ཡོད་མ་འདས་པ་ཡང་ཡོད་དོ་ཅེས་སྨྲསཔ་ལུས་ཀྱི་སེམས་དཔའ་དེ་ཡིདཡོངས་སུརང་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྡོ་རྗེ་སེམས་དཔའི་ཆོ་འཕྲུལ་ཡོངས་སུ་བཀོད་པའི་ལེའུ་སྟེ་བདུནཔའོ།། །།དེ་ནས་ལང་ཀའི་བདག་པོས་དྲིསཔ། གསང་བཔའི་བདགཔོ་རྡོ་རྗེསེམས་དཔའ་ཞེས་དངོས་གང་ལ་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་རྡོ་རྗེ་སེམས་དཔའ་ནི་སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་ཇི་བཞིན་པའི་དེ་ཁོ་ན་ལ་བྱའོ། །ལང་ཀའི་བདག་པོས་དྲིས་པ། ཀྱེ་གསང་བ་པའི་བདག་པོ་སེམས་ཀྱི་དཀྱིལ་འཁོར་ཞེས་བགྱི་བ་ནི་གང་། དེ་བཞིན་དུ་འོད་གསལ་བ་ཞེས་བྱ་བ་དང་། གསང་སྔགས་ཀྱི་ངོ་བོ་ཞེས་བྱ་བ་དང་། ཇི་བཞིན་པའི་དེ་དེ་བཞིན་པ་དེ་ཁོ་ན་ཉིད་ཅེས་གང་ལ་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་སེམས་ཞེས་བྱ་བ་ནི་མ་བཅོས་སྣ་ཚོགས་སུ་འབྱུང་བའོ། །དཀྱིལ་འཁོར་ཞེས་བྱ་བ་ནི་ཐིག་ལེ་གང་ཡིན་པ་ཉིད་དོ། །འོད་ཅེས་བྱ་བ་ནི་སྣང་བའོ། །གསལ་བ་ཞེས་བྱ་བ་ནི་གང་མི་ཤེས་པ་ལ་གཞན་གང་གིས་ཀྱང་མ་བསྒྲིབས་པའོ།གསང་བ་ཞེས་བྱ་བ་ནི་སྨྲར་བྱེད་པ་སྤྱོད་ཡུལ་དུ་མ་གྱུར་པ་ལ་བྱའོ། །སྔགས་ཞེས་བྱ་བ་ནི་ཡོན་ཏན་གྱི་འབྱུང་གནས་སུ་བརྗོད་པ་ལ་བྱའོ། །ངོ་བོ་ཉིད་ཅེས་བྱ་བ་ནི་དངོས་པོ་མེད་པ་མི་དམིགས་པ་ཀུན་འབྱུང་བའི་གཞི་ལ་བྱའོ། །ཇི་བཞིན་པ་ཞེས་བྱ་བ་ནི་མ་བཅོས་མ་བསླད་པ་བྱའོ། །དེ་བཞིན་པ་ཞེས་བྱ་བ་ནི་མ་བྱས་མ་བཏགས་པ་ལ་བྱའོ། །དེ་ཁོ་ན་ཉིད་ཅེས་བྱ་བ་ནི་མ་ནོར་མི་འགྱུར་བ་ལ་བྱའོ། །ཡང་ལང་ཀའི་བདག་པོས་དྲིས་པ་་ ་་གསང་བ་པའི་བདག་པོ་མ་བྱས་མ་བཅོས་པ་ཞེས་བྱ་བ་ནི་གང་། སྣ་ཚོགས་འབྱུང་བ་ཞེས་བྱ་བ་ནི་ཇི་ལྟར་བུ་གསང་བ་པའི་བདག་པོས་སྨྲས་པ། ལང་ཀའི་བདག་པོ་བྱེད་པ་པོ་མེད་ལ་བྱས་བས་བཙལ་དུ་མེད་པའི་ཕྱིར་མ་བྱས་པའོ། །གཞི་ཇི་བཟིན་པའི་ཕྱིར་མ་བཅོས་པའོ། །གང་མེ་པ་ལས་རྒྱུན་དུ་འབྱུང་ཞིང་ཡུལ་ཐ་དད་ལ་འགྲོ་བ་ལེགས་པ་དང་། ཉེས་པ་དང་། གཉིས་ཀ་མ་ཡིན་པ་སྣ་ཚོགས་འབྱུང་བ་སྟེ་གང་དེ་ཉིད་ནི་ནམ་མཁའ་ལྟ་བུའོ། །དེ་རྒྱུན་ནི་འབྱུང་བ་སྟེ། སྤྲིན་དང་ཁུག་རླངས་དང་འཇའ་ལན་ལ་སོགས་པ་ལྟ་བུའོ། །ཡང་དྲིས་པ་གསང་བ་པའི་བདག་པོ་དེ་ལ་ཅིའི་ཕྱིར་རྡོ་རྗེ་སེམས་དཔའ་ཞེས་བགྱི།སྨྲས་པ་ལང་ཀའི་བདག་པོ་དེ་ཁོ་ལ་ཉིད་ཇི་བཞིན་པ་དེ་ནི་ཐམས་ཅད་ནས་ཐམས་ཅད་དུ་གཉེན་པོ་མེད་པ། འཕོ་འགྱུར་མེད་པ། སྐྱེ་འགག་མེད་པ། དེ་ཁོ་ན་ཉིད་སེམས་རང་རིག་པ། དགོངས་པ་ངེས་པར་འགྲེལ་པ་ལས་ཆོ་འཕྲུལ་སྣ་ཚོགས་འབྱུང་བའི་དངོས་པོ་མེད་པ་ཉིད་དུ་བཅོམ་པའི་ཕྱིར་རྡོ་རྗེ་སེམས་དཔའ་ཞེས་བྱའོ། །ལང་ཀའི་བདག་པོ་དེ་ལ་ནི་བླ་ན་མེད་པའི་བྱང་ཆུབ་གྱི་སེམས་ཞེས་ཀྱང་བྱའོ། །ཆོས་རྣམས་ཀྱི་ཆོས་ཉིད་དེ་བཞིན་ཉིད་ཅེས་ཀྱང་བྱའོ། །སེམས་ཀྱི་སྟོང་པ་ཉིད་ཅེས་ཀྱང་བྱའོ། །མཐའ་ལས་འདས་པ་ཞེས་ཀྱང་བྱའོ། །དབུ་མར་མི་དམིགས་པ་ཞེས་ཀྱང་བྱའོ། །སངས་རྒྱས་ཀུན་གྱི་དངོས་གཞི་ཞེས་ཀྱང་བྱའོ། །སྤྲུལ་པ་ཀུན་གྱི་འབྱུང་གནས་ཞེས་ཀྱང་བྱའོ། །སངས་རྒྱས་ཀུན་གྱི་དགེ་བའི་བཤེས་གཉེན་ཞེས་ཀྱང་བྱའོ། །ཞིང་ཁམས་ཀུན་གྱི་སྒྲོན་མ་ཞེས་ཀྱང་བྱའོ། །ཐུགས་རྗེ་ཐབས་ཀྱི་འ་་གནས་ཞེས་ཀྱང་བྱའོ། །ཆོས་ཐམས་ཅད་ཀྱི་གཟུགས་བརྙན་སྣང་བ་ཞེས་ཀྱང་བྱའོ། །ལང་ཀའི་བདག་པོ་དེ་དགཀྱང་གང་གུ་དོན་དུ་དེ་ལྟར་བཏགས་ཀྱི་དེ་ཁོ་ན་ཉིད་ལ་ནི་མིང་དུ་བཏགས་པ་མེད་དེ། དེ་དག་ནི་བླ་དགས་ཉིད་དུ་རིགས་པར་བྱའོ། །ལང་ཀའི་བདག་པོ་དེའི་ཕྱིར་ན་སངས་རྒྱས་ནི་བླ་དགས་སོ། །ཆོས་ཀྱང་བླ་དགས་སོ། །བྱང་ཆུབ་ཀྱང་བླ་དགས་སོ། །དེ་བཞིནདུ་དབྱིངས་དང་ཡེ་ཤེས་དང་ཆོས་ཀྱི་སྐུ་དང་། སྐུ་ཐ་དད་པ་དང་། སེམས་ཅན་དང་། འཇིག་རྟེན་ལ་སོགས་པ་ཐམས་ཅད་དུ་བཏགས་ཤིང་ཆགསཔ་ཇི་སྙེད་པ་དག་བླ་དགས་འབའ་ཞིག་ཏུ་རིག་པར་བྱའོ། །ལང་ཀའི་བདག་པོ་བླ་དགས་གང་ཡིན་པ་ནི་གློ་བུར་དུ་བཏགས་པ་སྟེ་ཡེ་ནས་ལྡན་པ་ནི་མ་ཡིན་ནོ། །ལང་ཀའི་བདག་པོ་གལ་ཏེ་ཡེ་ནས་ལྡན་པ་ཞིག་ཡིན་ན་ནི། གང་གློ་བུར་པ་ཐམས་ཅད་མི་འབྱུང་བར་འགྱུར་རོ། །ལང་ཀའི་བདག་པོ་གློབུར་ནི་སྤྲིན་བཞིན་ཏེ་ཐེར་ཟུག་པ་མ་ཡིན། ཡེ་ནས་ལྡན་པ་མ་ཡིན། བརྟགས་བཟོད་པ་མ་ཡིན་ནོ། །ལང་ཀའི་བདག་པོ་དེའི་ཕྱིར་མིངདང་། བརྡ་དང་ཐ་སྙད་དང་མཚན་མ་དང་། བཏགས་པ་དང་། ལས་དངལས་ཀྱི་རྣམ་པར་སྨིན་པ་ཐམས་ཅད་ནི་གློ་བུར་བ་སྟེ་འབྱུང་བ་དང་། སངས་པ་དང་།སྒྲིབ་པ་དང་། དང་བར་རིག་པར་བྱའོ། །ལང་ཀའི་བདག་པོ་གལ་ཏེ་ལས་དང་ལས་ཀྱི་རྣམ་པ་སྨིན་པ་ལ་སོགས་པ་གློ་བུར་དུ་མ་བཏགས་ན་ནི་དེ་བཞིན་ཉིད་ཅེས་བྱ་བ་དེ་ལྟར་མི་རུང་བ་ཞིག་ན་ལང་ཀའི་བདག་པོ་དེ་བཞིན་ཉིད་དེ་ནི་གང་གི་དབང་དུ་མི་འཀྱུར་བའི་བླ་དགས་སུ་རིག་པར་བྱའོ། །ལང་ཀའི་བདག་པོ་དེའི་ཕྱིར་ཆོས་ཐམས་ཅད་མིང་མེད། ཚིག་མེད། བརྗོད་དུ་མེད། ཚིག་གི་ལམ་ཆད་པའོ། །སྨྲས་པ།གསང་བ་པའི་བདག་པོ་གང་མིང་དུ་བཏགས་པའི་གཞི་ལ་གཞིའི་དོན་ཙམ་དུ་ཡང་མི་རྟོག་གམ། སྨྲས་པ། ལང་ཀའི་བདག་པོ་གཞིའི་དོན་ཙམ་དུ་ཡང་མི་རྟོག རྣམ་པར་མི་རྟོག་གོ །དེ་ཅིའི་ཕྱིར་ཞེ་ན། གཞིའི་དོན་ཙམ་ཞིག་ནི་འདི་ཞེས་སངས་རྒྱས་ཉིད་ཀྱིས་བཙལ་ཀྱང་མི་བརྙེས་སོ། །དེ་བས་ན་གློ་བུར་གྱི་རྟོག་པ་དང་། མི་རྟོག་པ་ལ་སངས་རྒྱས་དང་། སེམས་ཅན་ཞེས་བཏགས་པར་ཟད་ཀྱི་དེ་བཞིན་ཉིད་དེ་ལ་ནི་སངས་རྒྱས་སེམས་ཅན་དུ་ཅུང་ཟད་ཀྱང་མེད་དེ། །འོན་ཀྱང་བྱིས་པ་རྣམས་ནི་གློ་བུར་དག་གི་སྤྲིན་གྱིས་བསྒྲིབས་པས་གློ་བུར་གྱི་ཆོས་དག་ཆེད་དུ་བྱེད་ཅིང་འཁོར་བ་དང་བྱང་ཆུབ་གཉིས་སུ་རྟོག་པར་བྱེད་དོ། །སེམས་ཅན་དང་སངས་རྒྱས་གཉིས་སུ་རྟོག་པར་བྱེད་དོ། །སྨྲས་པ། གསང་བ་པའི་བདག་པོ་འོ་ན་སེམས་ཅན་དང་སངས་རྒྱས་འདི་གཉིས་ཇི་ལྟར་ཤེས་པར་བྱ། སྨྲས་པ། ལང་ཀའི་བདག་པོ་སྟོང་པ་ཉིད་དུ་ཤེས་པར་བྱའོ། །སྨྲས་པ།གསང་བའི་བདག་པོ་སྟོང་པ་ཉིད་ཅི་ལ་གནས། །སྨྲས་པ། ལང་ཀའི་བདག་པོ་སྟོང་པ་ཉིད་ནི་ཆོས་ཐམས་ཅད་ལ་གནས་སོ། །སྨྲས་པ་གསང་བ་པའི་བདག་པོ་ཆོས་ཐམས་ཅད་ཅི་ལ་གནས། །སྨྲས་པ། ལང་ཀའི་བདག་པོ་ཆོས་ཐས་ཅད་སྟོང་པ་ཉིད་ཁོ་ནའི་ཕྱིར་ཅི་ལ་ཡང་མི་གནས་སོ། །སྨྲས་པ། གསང་བ་པའི་བདག་པོ་སྟོང་པ་ཉིད་ལ་གནས་པ་ཅི་ལ་གནས་པ་ལགས། སྨྲས་པ། ལང་ཀའི་བདག་པོ་་སྟོང་པ་ཉིད་ལ་གནས་པ་ནི་བྱམས་པ་ཆེན་པོ་ལ་གནས་པ་སྟེ་གང་སྟོང་པ་ཉིད་དེས་སེམས་ཅན་གྱི་དོན་ཡོངས་སུ་རྫོགས་པར་གནས་པའོ། །དེ་ཅིའི་ཕྱིར་ཞེ་ན། སངས་རྒྱས་དང་སེམས་ཅན་ལ་སྟོང་པ་ཉིད་ལས་དོན་ཅི་ཡང་མེད་པའི་ཕྱིར་རོ། །སྨྲས་པ། གསང་བ་པའི་བདག་པོ་སངས་རྒྱས་དང་སེམས་ཅན་ཀུན་སྟོང་ན་གང་གི་ཐུགས་རྗེ་ཆེན་པོས་གང་ལ་ཇི་ལྟར་མཛད། ཐུགས་རྗེ་ཆེན་པོ་དེ་གང་གི་ཚིག་བླ་དྭགས་ལགས། སྨྲས་པ། ལང་ཀའི་བདག་པོ་ཆོས་ཐམས་ཅད་སྟོང་པ་ཉིད་ལ་རང་བཞིན་གྱིས་གནས་པས་ན་གཉིས་སུ་མ་མཐོང་བས་སྙིང་རྗེའི་ཡུལ་མེད་པ་ནི་ཐམས་ཅད་ཀྱི་སྙིང་པོ་བྱང་ཆུབ་ཏུ་ཡོ་བསྒྲལ་བའི་ཕྱིར་སྙིང་རྗེ་ཆེན་པོ་ཡིན་ལ། བྱིས་པའི་སྙིང་རྗེ་དག་གིས་སྟོང་གསུམ་གྱི་སྟོང་ཆེན་པོའི་སེམས་ཅན་སྲོག་སྟོན་པ་དང་གང་ཐར་པར་བཏོན་པ་དེ་ནི་སྙིང་རྗེ་ཆུང་ངུར་རིག་པར་བྱའོ། །ལང་ཀའི་བདག་པོ་དེ་བས་ན་སྙིང་རྗེ་ཆེན་པོ་ལ་རྒྱུན་དུ་གནས་པས་གནས་པར་བྱའོ། །ལང་ཀའི་བདག་པོ་གང་སྙིང་རྗེ་ཆེན་པོ་ལ་གནས་པ་དག་ནི་སེམས་ཅན་འགའ་ཡང་གྲོལ་བར་མི་བྱེད་འཆིང་བར་ཡང་མི་བྱེད་དེ། རྡོ་རྗེ་མཚོན་གྱིས་དངོས་སུ་བསད་པ་མེད་པར་བསད་པ་ཁོ་ནའོ། །དེ་ཅིའི་ཕྱིར་ཞེ་ན།སེམས་ཅན་མེད་པ་ལས་སེམས་ཅན་དུ་བཏགས་པའི་ཕྱིར་རོལ། སྙིང་རྗེ་ཆེན་པོ་དེ་ནི་དེ་བཞིན་ཉིད་དང་གློ་བུར་གཉིས་ཀྱི་ཁྱད་པར་གྱི་ཚིག་བླ་དགས་སུ་རིག་པར་བྱའོ། །ལང་ཀའི་བདག་པོ་དེ་ལྟ་བས་ན་འདི་ལྟ་སྟེ། མཐའ་ཡས་མིང་དུ་བཏགས་པ་ཡི། །ཡོད་མཐོང་སྣང་གྲགས་ཆོས་རྣམས་ཀུན། །བླ་དགས་ཙམ་དུ་བཏགས་པར་ཟད། །དེ་ལ་འངོས་གཞི་ལ་ག་ཡོད། །གང་ལ་མིང་དུ་བཏགས་པའི་གཞི། མེད་རྒྱུ་བཏགས་ཆགས་བསྒྲུབ་འགྲུབ་ཅིང་གང་དུ་བལྟས་པར་སྣང་བ་ཡིན། །དེས་ན་བྱ་མེད་བྱས་པ་ཟིན། །མི་སྣང་བ་ལས་ཀུན་སྣང་བ། །ཐམས་ཅད་ཐམས་ཅད་གློ་བུར་སྣང་། །སྣང་ཉིད་མེད་པའི་སྙིང་པོ་སྟེ། ཡོད་མེད་གཉིས་སུའང་དམིགས་པ་མེད། །སངས་རྒྱས་མེད་ལས་སངས་རྒྱས་དང་། །བྱང་ཆུབ་ཆོས་ཉིད་ལ་སོགས་པའི། །ཐ་དད་མིང་གི་བླ་དགས་རྣམས། །མི་ཤེས་རྨོངས་ལ་བསྟན་ཕྱིར་བཏགས། །དེ་ཉིད་ལ་ནི་སངས་རྒྱས་དང་། བྱང་ཆུབ་ཆོས་ཉིད་ལ་སོགས་པའི། །ཐ་སྙད་མིང་གི་བླ་དགས་རྣམས། །མིང་མེད་ཚིག་ཏུ་བརྗོདཔ་མེད། །ཆོས་ཉིད་ནམ་མཁའི་དཀྱིལ་ཡངས་ནས། །ཡེ་ཤེས་ཉི་མའི་སྐུ་གསལ་བས། །ཐུགས་རྗེ་སྒྲོན་མའི་འོད་ཟེར་གྱིས། །གཏི་མུག་མུན་བསལ་རྣམ་པར་སྣང་། །ཞེས་སྨྲས་པས། ལང་ཀའི་བདག་པོ་ལ་སོགས་པ་འགྲོ་བ་ལུས་ཀྱི་སེམས་དཔའ་རྣམས་གཞན་ལ་རེ་རྩོལ་མེད་པར་དབུགས་ཕྱིན་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསང་སྔགས་རང་གི་ངོ་བོ་བསྟན་པའི་ལེའུ་སྟེ་བརྒྱད་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་སྒྲོན་མ་ཡོངས་སུ་བཀོད་པའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོ་ས་པ་སྟེ་བྱུང་ཚུལ་བསྟན་པ་གཉིས་པའོ།། །།བམ་པོ་གཉིས་པར་ཟུག་པ། དེ་ནས་ལང་ཀའི་བདག་པོས་ཡང་གསང་བ་པའི་བདག་པོ་ལ་སྔོན་བྱུང་པའི་ཚིག་བཅུ་གཉིས་པའི་གསུམ་པའི་གང་གིས་ངེས་པ་རྙེད་པ་ན་ཡང་བྱུང་ཞེས་བསྟན་པ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་དུ་བརྗོད་པའི་སྐབས་སུ་གང་གིས་ངེས་པ་རྙེད་པ་ན་ཡང་བྱུང་ཞེས་བཀོད་པ་དེ་ཇི་ལྟ་བ་བཞིན་ཏུ་རྙེད་དེ་གྲགས་པ་ལགས། །སྨྲས་པ། ལང་ཀའི་བདག་པོ་གང་གིས་གསང་སྔགས་གྱི་ངོ་བོ་རྡོ་རྗེ་སེམས་དཔའ་དེ་ཁོ་ན་ཉིད་ཀྱི་ངེས་པ་ཕྱིན་ཅི་མ་འོ་ག་པ་དེ་ཁོ་ན་ཉིད་ལ་བྱའོ། །སྨྲས་པ། གསང་བ་པའི་བདག་པོ་གསང་སྔགས་ཀྱི་ངོ་བོ་རྡོ་རྗེ་སེམས་དཔའ་དེ་གང་ནས་བྱུང་། གང་ན་གནས། གང་དུ་སྣང་། ཇི་ལྟར་བྱུང་དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་གསང་སྔགས་ཀྱི་ངོ་བོ་ཉིད་རྡོ་རྗེ་སེམས་དཔའ་དེ་ནི་འཁོར་བ་དང་བཅས་མྱ་ངན་ལས་འདས་པ་གཉིས་ཀྱི་ཁམས་ནས་བྱུང་ངོ་། །སངས་རྒྱས་ཀུན་གྱི་ཐུགས་དང་སེམས་ཅན་ཀུན་གྱི་སེམས་ལ་གནས་སོ། །ཞིང་ཁམས་མཐའ་ཡས་པར་སྣང་ངོ་། །ཡེ་ཇི་བཞིན་པ་དང་། རྒྱུད་དག་པར་རང་བྱུང་ངོ་། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྡོ་རྗེ་སེམས་དཔའ་ཉིད་དུ་ངེས་པ་གང་ལ་གཞག་པར་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་རྡོ་རྗེ་སེམས་དཔའ་ནི་གཅིག་དང་ཐ་དད་པའི་ངོ་བོ་ཉིད་ལས་གྲོལ་ཏེ་ཆོས་རྣམས་གྱི་ཆོ་ཉིད་མ་བཅོས་མ་བསླད་པ། སྙིང་པོ་བྱང་ཆུབ་ཏུ་ཡེ་ནས་གནས་པ་དེ་ལ་ཡེ་ཇི་བཞིན་པའི་རྡོ་རྗེ་སེམས་པའི་ཞེས་གདགས་སོ། །སེམས་ཅན་ཀུན་གྱི་སེམས་ཀྱི་ཆོས་ཉིད་གང་མཐོང་བའི་གནས་སྐབས་ལ་ནི་རྒྱུད་དག་པའི་རྡོ་རྗེ་སེམས་དཔའ་ཞེས་གདགས་སོ། །དེ་བཞིན་དུ་སངས་རྒྱས་ཐམསཅད་ཀྱང་ཡེ་ཇི་བཞིན་པ་དང་། རྒྱུད་དག་པའི་སངས་རྒྱས་སུ་རྣམ་པར་སྣང་ངོ་། །དེ་བས་ན་རྡོ་རྗེ་སེམས་དཔའི་ངེས་པ་ནི་ཐམས་ཅད་ཀྱི་ཡེ་ཇི་བཞིན་པའི་དེ་ཁོ་ན་ཉིད་ལ་གཞག་པར་བྱའོ། །ཡང་ལང་ཀའི་བདག་པོས་དྲིས་པ། གསང་བའི་བདག་པོ་སེམས་ཅན་ཀུན་གྱི་སེམས་ཀྱི་ཆོས་ཉིད་དེ་གང་ལགས། །གང་ཞིང་མཐོང་ན་དེ་མཐོང་བ་ལགས། དེ་སྐད་ཅེས་དྲིས་པ་ལས།གསང་བ་པའི་བདག་པོས་སྨྲས་པ། ལང་ཀའི་བདག་པོ་སེམས་ཅན་ཀུན་གྱི་ཇི་ལྟ་བ་དེ་མཐོང་བ་མཐོང་བ་ཡིན་ནོ། །སེམས་ཅན་ཀུན་གྱི་ཇི་ལྟ་བ་དེ་ནི་བླ་ན་མེད་པའི་བྱང་ཆུབ་ཡིན་ནོ། །དེ་ལ་ནི་ཆོས་རྡུལ་ཙམ་ཡང་མི་དམིགས་སོ། །དེ་ནི་ནམ་མཁའི་མཚན་ཉིད་དེ། དེ་ལ་ནི་བྱང་ཆུབ་པ་ཡང་མེད་ལ་བྱང་ཆུབ་བྱ་བའང་མེད་དོ། །དེ་ལ་ནི་སེམས་ཅན་ཡང་མེད་ལ། སེམས་དུ་གདགས་པ་ཡང་མེད་དོ། །ཆོས་ཅན་ཡང་མེད་ལ་ཆོས་ཅན་དུ་གདགས་པར་ཡང་མེད་དོ། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བྱང་ཆུབ་གྱི་མཚན་ཉིད་ཡིན་ལ་བྱང་ཆུབ་ནི་ནམ་མཁའི་མཚན་ཉིད་དེ། ནམ་མཁའི་ནི་མཚན་ཉིད་ཐམས་ཅད་དང་བྲལ་བའོ། །དེའི་ཕྱིར་བྱང་ཆུབ་ནི་སེམས་ལས་བཙལ་བར་བྱའོ། །སེམས་དེ་ནི་རང་བཞིན་གྱིས་ཡོངས་སུ་དག་པའི་ཕྱིར་ནང་ན་ཡང་མེད། ཕྱི་རོལ་ན་ཡང་མེད་གཉིས་ཀར་ཡང་མི་དམིགས་སོ། །སེམས་དེ་ནི་སངས་རྒྱས་ཀྱིས་ཀྱང་མ་གཟིགས།མི་གཟིགས། གཟིགས་པར་མི་འགྱུར་རོ། །དེ་ཇི་ལྟར་མ་གཟིགས་ན་ཁ་དོག་ཏུ་མ་གཟིགས་སོ། །དབྱིབས་སུ་མ་གཟིགས་སོ། །མུན་པར་མ་གཟིགས་སོ། །སྣང་བར་མ་གཟིགས་སོ། །ཕོ་མོར་མ་གཟིགས་སོ། །མ་ནིང་དུ་མ་གཟིགས་སོ། །ཁམས་གསུམ་གྱི་རང་བཚིན་དུ་མ་གཟིགས་སོ། །ལྷའི་སེམས་སུ་མ་གཟིགས་སོ། ཀླུའི་སེམས་སུ་མ་གཟིགས་སོ། །དེ་བཞིན་དུ་གནོད་སྤྱིན་སེམས་དང་། །དྲི་ཟའི་སེམས་དང་ལྷ་མ་ཡིན་དང་ནམ་མཁའི་ལྡིང་དང་མིའམ་ཅི་དང་། ལྟོ་འཕྱེ་ཆེན་པོ་དང་། །མི་དང་མི་མ་ཡིན་པ་དང་། བྱོལ་སོང་དང་། ཡི་དགས་དང་། དམྱལ་བ་ལ་སོགས་པ་འགྲོ་བ་རིས་ཐ་དད་པའི་སེམས་སུ་མ་གཟིགས་སོ། །རྟོག་པ་དང་རྣམ་པར་རྟོགས་པ་ཐམས་ཅད་དང་བྲལ་བའོ། །དེ་ཅིའི་ཕྱིར་ཞེ་ན། །སེམས་ཀྱི་རང་བཞིན་གང་ཡིན་པ་དེ་ནི་རྡོ་རྗེ་སེམས་དཔའི་རང་འབྱུང་གི་ཡེ་ཤེས་ཡིན་ལ་ཡེ་ཤེས་དེ་མི་ནམ་མཁའི་རང་བཞིན་ཏེ་རང་བཞིན་མེད་པའི་ཕྱིར་རོ། །ཡང་ལང་ཀའི་བདག་པོས་དྲིས་པ། ཀྱེ་གསང་བ་པའི་བདག་པོ་སེམས་ཅན་གྱི་སེམས་དེ་ཅིའི་ཕྱིར་རྡོ་རྗེ་སེམས་དཔའི་རང་འབྱུང་གི་ཡེ་ཤེས་ཡིན། གསང་བ་པའི་བདག་པོས་སྨྲས་པ། ལང་ཀའི་བདག་པོ་སེམས་ཅན་གྱི་དེ་བཞིན་ཉིད་གང་ཡིན་པ་དང་། རྡོ་རྗེ་སེམས་དཔའི་དེ་བཞིན་ཉིད་གང་ཡིན་པ་འདི་ལ་གཉིས་མེད་ཅིང་གཉིས་སུ་བྱར་མེད་དོ། །དེ་ཇི་ལྟ་ཞེ་ན་འདི་ལྟ་སྟེ། གང་ཆགས་པའི་སེམས་ཀྱི་དེ་བཞིན་ཉིད་གང་ཡིན་པ་དེ་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་གང་ཡིན་པ་དེ་ནི་དེ་ཁོ་ན་ཉིད་དོ། །གང་ཆགས་པ་མེད་པའི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་ཞེ་སྡང་གི་སེམས་ཀྱི་དེ་ཁོ་ན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་བྱམས་པའི་སེམས་གྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་གཏི་མུག་གི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ།རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་ཤེས་རབ་ཆེན་པོའི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་ཐེ་ཚོམ་གྱི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་ངེས་པའི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་དེ་ཁོ་ཉིད་དོ། །གང་མུན་པའི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་དེ་ཁོ་ན་ཉིད་དོ། །གང་སྣང་བའི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་ང་རྒྱལ་གྱི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་དེ་ཁོ་ན་ཉིད་དོ། །གང་ཕྲག་དོག་གིས་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །གང་བསྡུ་བའི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ། །དེ་བཞིན་དྭ་སྤོ་བའི་སེམས་ཀྱི་དེ་ཁོ་ན་ཉིད་དང་། །འབྱེད་པའི་སེམས་ཀྱི་དེ་ཁོ་ན་ཉིད་དང་། འཁྱག་པའི་སེམས་ཀྱི་དེ་ཁོ་ན་ཉིད་དང་། ཞི་༄༅ བའི་སེམས་ཀྱི་དེ་ཁོ་ན་ཉིད་དང་། འཐབ་པའི་སེམས་ཀྱི་དེ་ཁོ་ན་ཉིད་དང་། །འཇར་བའི་སེམས་་ཀྱི་དེ་ཁོ་ན་ཉིད་དང་། རྩོད་པའི་སེམས་ཀྱི་དེ་ཁོ་ན་ཉིད་དང་། མཐུན་པའི་སེམས་ཀྱི་དེ་ཁོ་ན་ཉིད་དང་།བརྗོད་པའི་སེམས་ཀྱི་དེ་ཁོ་ན་ཉིད་དང་། བརྗོད་པ་མེད་པའི་སེམས་ཀྱི་དེ་ཁོ་ན་ཉིད་དང་། ལྷའི་སེམས་ཀྱི་དེ་ཁོ་ན་ཉིད་དང་། ཀླུ་སེམས་ཀྱི་དེ་ཁོ་ན་ཉིད་དང་། བདུད་ཀྱི་སེམས་ཀྱི་དེ་ཁོ་ན་ཉིད་དང་། ལྷ་མ་ཡིན་གྱི་སེམས་ཀྱི་དེ་ཁོ་ན་ཉིད་དང་། གནོད་སྤྱིན་གྱི་སེམས་ཀྱི་དེ་ཁོ་ན་ཉིད་དང་། མིའི་སེམས་ཀྱི་དེ་ཁོ་ན་ཉིད་དང་། ལྟོ་འཕྱེའི་སེམས་ཀྱི་དེ་ཁོ་ན་ཉིད་དང་། འབྱུང་པོའི་སེམས་ཀྱི་དེ་ཁོ་ན་ཉིད་དང་། ནམ་མཁའི་ལྡིང་གི་སེམས་ཀྱི་དེ་ཁོ་ན་ཉིད་དང་། དྲི་ཟའི་སེམས་ཀྱི་དེ་ཁོ་ན་ཉིད་དང་། །གྲུལ་བུམ་གྱི་སེམས་ཀྱི་དེ་ཁོ་ན་ཉིད་དང་། སྐྱེས་པའི་སེམས་ཀྱི་དེ་ཁོ་ན་ཉིད་དང་། བུད་མེད་ཀྱི་སེམས་ཀྱི་དེ་ཁོ་ན་ཉིད་དང་། མ་ནིང་གི་སེམས་ཀྱི་དེ་ཁོ་ན་ཉིད་དང་། བདག་གི་སེམས་ཀྱི་དེ་ཁོ་ན་ཉིད་དང་། གཞན་གྱི་སེམས་ཀྱི་དེ་ཁོ་ན་ཉིད་དང་། ཕའི་སེམས་ཀྱི་དེ་ཁོ་ན་ཉིད་དང་། མའི་སེམས་ཀྱི་དེ་ཁྲོ་ན་ཉིད་དང་། བུའི་སེམས་ཀྱི་དེ་ཁོ་ན་ཉིད་དང་། ཕུ་ནུའི་སེམས་ཀྱི་དེ་ཁོ་ན་ཉིད་དང་། དགྲ་བོའི་སེམས་ཀྱི་དེ་ཁོ་ན་ཉིད་དང་། དབང་ཕྱུག་གི་སེམས་ཀྱི་དེ་ཁོ་ན་ཉིད་དང་། ཚགས་པའི་སེམས་ཀྱི་དེ་ཁོ་ན་ཉིད་དང་། གཏོགས་འདོད་ཀྱི་སེམས་ཀྱི་དེ་ཁོ་ན་ཉིད་དང་། དབང་པོའི་སེམས་ཀྱི་དེ་ཁོ་ན་ཉིད་དང་། །ཚོགས་བདག་གི་སེམས་ཀྱི་དེ་ཁོ་ན་ཉིད་དང་། ཀུན་ཏུ་རྒྱུ་བའི་སེམས་ཀྱི་དེ་ཁོ་ན་ཉིད་དང་། །ཚོང་པའི་སེམས་ཀྱི་དེ་ཁོ་ན་ཉིད་དང་། ཞིང་པའི་སེམས་ཀྱི་དེ་ཁོ་ན་ཉིད་དང་། ཆུ་བོ་ལྟ་བུའི་སེམས་ཀྱི་དེ་ཁོ་ན་ཉིད་དང་། ལྟེང་ལ་ལྟ་བུའི་སེམས་ཀྱི་དེ་ཁོ་ན་ཉིད་དང་། ཁྲོན་པ་ལྟ་བུའི་སེམས་ཀྱི་དེ་ཁོ་ན་ཉིད་དང་། བཀོད་པ་ལྟ་བུའི་སེམས་ཀྱི་དེ་ཁོ་ན་ཉིད་དང་། འཁོར་ལོ་ལྷ་བུའི་སེམས་ཀྱི་དེ་ཁོ་ན་ཉིད་དང་། ཟོ་ཆུ་ལྟ་བུའི་སེམས་ཀྱི་དེ་ཁོ་ན་ཉིད་དང་། བསྐོལ་ཆུ་ལྟ་བུའི་སེམས་ཀྱི་དེ་ཁོ་ན་ཉིད་དང་། གསེར་ཆུ་ལྟ་བུའི་སེམས་ཀྱི་དེ་ཁོ་ན་ཉིད་དང་། ཀུན་ཏུ་བསྲུང་པའི་སེམས་ཀྱི་དེ་ཁོ་ན་ཉིད་དང་། སེར་སྣ་ལྟ་བུའི་སེམས་ཀྱི་དེ་ཁོ་ན་ཉིད་དང་། གཏོང་བ་ལྟ་བུའི་སེམས་ཀྱི་དེ་ཁོ་ན་ཉིད་དང་། བྱི་ལ་ལྟ་བུའི་སེམས་ཀྱི་དེ་ཁོ་ན་ཉིད་དང་། ལྕེ་འབབ་པ་ལྟ་བུའི་སེམས་ཀྱི་དེ་ཁོ་ན་ཉིད་དང་། གློག་ལྟ་བུའི་སེམས་ཀྱི་དེ་ཁོ་ན་ཉིད་དང་།སྤྲིན་ལྟ་བུའི་སེམས་ཀྱི་དེ་ཁོ་ན་ཉིད་དང་། བྱི་བ་ལྟ་བུའི་སེམས་ཀྱི་དེ་ཁོ་ན་ཉིད་དང་། ཁྱི་ལྟ་བུའི་སེམས་ཀྱི་དེ་ཁོ་ན་ཉིད་དང་། གླུ་ལྟ་བུའི་སེམས་ཀྱི་དེ་ཁོ་ན་ཉིད་དང་།གང་ལྟ་བུའི་སེམས་ཀྱི་དེ་ཁོ་ན་ཉིད་དང་། སིལ་སྙན་ལྟ་བུའི་སེམས་ཀྱི་དེ་ཁོ་ན་ཉིད་དང་། རྨ་བྱ་ལྟ་བུའི་སེམས་ཀྱི་དེ་ཁོ་ན་ཉིད་དང་།རྔ་སྒྲ་ལྟ་བུའི་སེམས་ཀྱི་དེ་ཁོ་ན་ཉིད་དང་།དུས་ཀྱི་འབྲུག་སྒྲ་ལྟ་བུའི་སེམས་དང་། སེང་གེ་ལྟ་བུའི་སེམས་དང་། བུང་བ་ལྟ་བུའི་སེམས་དང་།སྦྲང་མ་ལྟ་བུའི་སེམས་དང་། ཆུ་སྲིན་ལྟ་བུའི་སེམས་དང་།རུས་སྦལ་ལྟ་བུའི་སེམས་དང་།སྤྲུལ་པ་ལྟ་བུའི་སེམས་དང་།མ་ཧེ་ལྟ་བུའི་སེམས་དང་། འུག་པ་ལྟ་བུའི་སེམས་དང་། སྤྲེའུ་ལྟ་བུ་སེམས་དང་།བྱ་རོག་ལྟ་བུའི་སེམས་དང་། རྟ་ལྟ་བུའི་སེམས་དང་། བཞད་ལྟ་བུའི་སེམས་དང་། ཀང་ཀ་ལྟ་བུའི་སེམས་དང་། སྤྱང་ཀིའི་སེམས་དང་། ཝའི་སེམས་དང་། གླག་པོ་ལྟ་བུ་སེམས་དང་། ལུག་ལྟ་བུའི་སེམས་དང་།ཁྲ་ལྟ་བུའི་སེམས་དང་། ཁྱིམ་གྱི་སེམས་དང་། ཁྱིམ་མེད་པའི་སེམས་དང་། ཐར་པའི་སེམས་དང་། །མ་ཐར་པའི་སེམས་དང་། །སྲིན་པོ་སེམས་དང་། མི་རྒོད་ཀྱི་སེམས་དང་། ན་ཆུང་གི་སེམས་དང་།རྒྱལ་པོའི་སེམས་དང་སྨན་འཚོང་མའི་སེམས་དང་། འཕྱོན་མའི་སེམས་དང་། བྲམ་ཟེའི་སེམས་དང་། ཤེན་པའི་སེམས་དང་། ཡི་དགས་ཀྱི་སེམས་དང་། དམྱལ་བའི་སེམས་དང་། ཚེ་མའི་སེམས་དང་། ཤིང་བལ་གྱི་སེམས་དང་། ས་འོག་གི་སེམས་དང་། ནམ་མཁའི་སེམས་དང་། དྲ་བའི་སེམས་དང་རྒྱའི་སེམས་དང་ཞགས་པའི་སེམས་དང་། ལིག་རིའི་སེམས་དང་། ལྕགས་ཀྱུའི་སེམས་དང་། ཐོ་བའི་སེམས་དང་། ཇུ་ཐུར་གྱི་སེམས་དང་། སྨོད་ཀྱི་སེམས་དང་།ཁྲི་མོན་གྱི་སེམས་དང་།མེ་ལྕེའི་སེམས་དང་། ཐུ་ལུམ་གྱི་སེམས་དང་།མར་མེའི་སེམས་དང་།ཉི་མའི་སེམས་དང་། ཟླ་བའི་སེམས་དང་། དངུལ་གྱི་སེམས་དང་། གསེར་གྱི་སེམས་དང་།མེ་སྟག་གི་སེམས་དང་། རླུད་གི་སེམས་དང་། ཆུའི་སེམས་དང་། མདུད་ཤིང་གི་སེམས་དང་། ག་་ཤིང་གི་སེམས་དང་།སྒོའི་སེམས་དང་། ཤིང་ལེབ་ཀྱི་སེམས་དང་།མེའི་སེམས་དང་། སའི་སེམས་དང་།འདམ་གྱི་སེམས་དང་། རྙོག་ཆུའི་སེམས་དང་། ཚོན་རྩིའི་སེམས་དང་། ནོར་བུའི་སེམས་དང་། དུགགེ་སེམས་དང་། སྨན་གྱི་སེམས་དང་། ཁ་ཟས་ཀྱི་སེམས་དང་། ཆུ་དོང་གི་སེམས་དང་། མདའི་སེམས་དང་།རལ་གྲིའི་སེམས་དང་།འཁོར་ལོའི་སེམས་དང་། གཞུའི་སེམས་དང་། སྒྲོག་གི་སེམས་དང་། ཤིང་གི་སེམས་དང་། ལན་ཚྭའི་སེམས་དང་སྤུའི་གྲིའི་སེམས་དང་། ཐིག་གི་སེམས་དང་། རྡོ་རྗེའི་སེམས་དང་། རི་རབ་ཀྱི་སེམས་དང་།རྒྱ་མཚོའི་སེམས་དང་། ཕ་བོང་གི་སེམས་དང་། ཞང་གི་སེམས་དང་། ཕུག་གི་སེམས་དང་།སྐྱེ་བའི་སེམས་དང་། མེ་ཏོག་གི་སེམས་དང་། འབྲས་བུའི་སེམས་དང་། རྩ་བའི་སེམས་དང་། ཡལ་གའི་སེམས་དང་།སྡོང་བུའི་སེམས་དང་། མངའ་བའི་སེམས་དང་།ཁ་བའི་སེམས་དང་། སྒྱུར་བའི་སེམས་དང་། ཚ་བའི་སེམས་དང་།སླ་བའི་སེམས་དང་། བསྐ་བའི་སེམས་དང་། ཡི་གེའི་སེམས་དང་། ཚ་ཚའི་སེམས་དང་། ལྡེ་མག་གི་སེམས་དང་།བྱགགལྟབུའི་སེམས་དང་།ཀུནདགའ་རབ་ལྟབུསེ་ང་། དབྱར་སྤྲིན་ལྟ་བུའི་སེམས་དང་།མིལོང་ལྟབུའི་སེ་ང་། ཏིལ་གྱི་མར་ཁུ་ལྟ་བུའི་སེམས་དང་། དགུན་ཆར་ལྟ་བུའི་སེམས་ལ་སོགས་པ་མཐའ་ཡས་པའི་སེམས་ཀྱི་དེ་བཞིན་ཉིད་གང་ཡིན་པ་དེ་ནི་རྡོ་རྗེ་སེམས་དཔའི་དེ་བཞིན་ཉིད་དོ། །རྡོ་རྗེ་སེམས་དཔའི་དེ་བཞིན་ཉིད་གང་ཡིན་པ་དེ་ནི་ཇི་བཞིན་པའི་དེ་ཁོ་ན་ཉིད་དོ། །ཀྱེ་ལང་ཀའི་བདག་པོ་དེ་ཅིའི་ཕྱིར་ཞེ་ན། རྡོ་རྗེ་སེམས་དཔའི་དེ་བཞིན་ཉིད་ནི་མ་བཅོས་མ་བསླད། མ་བྱས་མ་བརྟགས་ཇི་བཞིན་པ་ཡིན་ལ། སེམས་ཅན་ཀུན་གྱི་སེམས་ཀྱི་དེ་བཞིན་ཉིད་གང་ཡིན་པ་དེ་ཡང་མ་བཅོས མ་བསླད་མ་བྱས། མ་བརྟགས་ཇི་བཞིན་པ་དེ་ཁོ་ན་ཉིད་ཡིན་པའི་ཕྱིར་རོ། །གང་ཐམས་ཅད་མཁྱེན་པའི་སྤྱན་གྱིས་ཀྱང་དེ་གཉིས་ཀྱི་རང་བཞིན་སོ་སོར་མ་གཟིགས་མི་གཟིགས་གཟིགས་པར་མི་་གྱུར་རོ། །གང་རྒྱལ་ཚབ་སྐྱེས་བུ་རྣམས་ཀྱི་སོ་སོར་རྟོག་པའི་ཤེས་རབ་ཀྱིས་ཀྱང་སོ་སོར་མ་པྱེད་མི་ཕྱེད་པར་མི་་གྱུར་རོ། །ཀྱེ་ལང་ཀའི་བདག་པོ་གང་གསང་སྔགས་ཀྱི་ངེས་པ་རྙེད་པ་འདོད་པ་རྣམས་ཀྱིས་སེམས་ཀྱི་དེ་ཁོ་ན་ཉིད་ངོ་ཤེས་པར་བྱའོ། །དེ་ཅིའི་ཕྱིར་ཞེ་ན། བྱ་བའི་རྣལ་འེབྱོར་པ་ལྟར་སེམས་ཐ་དད་པས་སྣང་བ་རྣམས་བྱ་བ་མེད་པའི་རྣལ་འེབྱོར་པ་ལྟར་སེམས་དེ་ཁོ་ན་ཉིད་གཅིག་ཏུ་སྣང་ལ་དེ་ཁོ་ན་ཉིད་གཅིག་ནི་དེ་ཁོ་ན་ཉིད་གསང་བ་དམ་པ་ཡིན་པའི་ཕྱིར་སངས་རྒྱས་ཐམས་ཅད་ཀྱི་ཐུགས་རྡོ་རྗེ་སེམས་དཔས་ཀྱང་སེམས་ཀྱི་དེ་ཁོ་ཉིད་ཐུགས་སུ་ཆུད་པས་གསང་སྔགས་ཀྱི་ངེས་པར་བརྙེས་སོ། །དེ་ཇི་ལྟ་ཞེ་ན་སེམས་ཀྱི་དེ་ཁོ་ན་ཉིད་ནི་རྣམ་པར་དག་པའི་སྒོ་ཡིན་ནོ། །ཆོས་སྣང་བའི་སྒོ་ཡིན་ནོ། །ཆོས་ཀྱི་དབྱིངས་ཡིན་ནོ། །ཆོས་ཀྱི་གླེགས་བམ་ཆེན་པོ་ཡིན་ནོ། །ཆོས་ཀྱི་རྒྱུན་གྱི་ཏིང་ངེ་འཛིན་ཆེན་པོ་ཡིན་ནོ། །ཀྱེ་ལང་ཀའི་བདག་པོ་དེ་ཡང་འདི་ལྟ་སྟེ། གང་གིས་སེམས་ཀྱི་དེ་ཁོ་ན། གསང་བའི་སྙིང་པོ་དེས་རྙེད་ན། །འདྲེན་པའི་ཚིག་གིས་མ་བཀྲོལ་ཡང་། །སེམས་ལ་ཆོས་འབྱུང་འབུམ་ཕྲག་ཡས། །སྨྲ་བའི་སྒོ་མོར་ཐམས་ཅད་གསལ། དོན་ལ་ངེས་པའི་གཏན་ཚིགས་ནི། །ཚིག་ཏུ་མཚོན་ཏེ་འབྱིན་པར་ནུས། །ཆོས་རྒྱུན་ཏིང་འཛིན་ཐོབ་པ་ཡིན། །ཀྱེ་ལང་ཀའི་བདག་པོ་དེ་ལྟར་ན་སེམས་ཀྱི་དེ་ཁོ་ན་ཉིད་ནི་བྱང་ཆུབ་ཆེན་པོ་ཡིན་ལ། །བྱང་ཆུབ་ཆེན་པོ་ནི་རྡོ་རྗེ་སེམས་དཔའི་སྟེ། དེ་ཡང་སངས་རྒྱས་ཀུན་གྱི་བདུད་རྩིར་གྱུར་པ་འདི་ལྟ་སྟེ། བྱང་ཆུབ་སེམས་ཀྱི་ཆུ་མེད་ན། །རྒྱལ་བ་རྣམས་ཀྱང་སྐམས་པར་འགྱུར། །བྱང་ཆུབ་སེམས་ཀྱི་ཆུ་བོ་འདིས། །སྔོན་ཞེན་མཐ་དང་རྗོས་སྐམས་རླན། །སེམས་ཀྱི་རང་བཞིན་སྟོང་ཉིད་པས། དེ་ལས་བྱུང་བ་ཐམས་ཅད་སྟོང་། །དེ་སྟོང་པས་ན་བྱང་ཆུབ་ཀྱང་། །སྟོང་ཉིད་སྙིང་པོ་དེ་ཁོ་ན། །རང་འབྱུང་ཡེ་ཤེས་ཆུ་ཆེན་པོ། །རྨད་འབྱུང་རྒྱ་མཚོའི་ཀློང་དཀྱིལ་ནས། །བྱང་ཆུབ་བདུད་རྩིའི་ཆུ་བྱུང་པས། རྒྱལ་བ་ཐམས་ཅད་བསིལ་བར་མཛད། །འདི་ནི་གསང་བའི་སྙིང་པོ་སྟེ། །རྡོ་རྗེ་སེམས་དཔའི་དེ་ཁོ་ན། །ཉིད་དུ་ངེས་པའི་ངོ་བོ་ཡིན། །རྒྱལ་བ་ཀུན་གྱིས་དམ་པར་བསྔགས། །དེ་བས་དེའི་ཕྱིར་ལང་ཀའི་བདག་པོ་སེམས་ཀྱི་དེ་ཁོ་ན་ཉིད་ངོ་ཤེས་པར་བྱ་བ་ནི་ཡུལ་གྱི་དོན་སྲིད་ཆེན་པོའོ། །ཞེས་གསང་བ་པའི་བདག་པོ་དེས་དེ་སྐད་སྨྲས་པས་ཐམས་ཅད་རྡོ་རྗེ་སེམས་དཔའི་དེ་ཁོ་ན་ཉིད་དུ་རྣམ་པར་གྲོལ་བའི་ལམ་དུ་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྡོ་རྗེ་སེམས་དཔའི་དེ་ཁོ་ན་ཉིད་སྟོན་པའི་ལེའི་སྟེ་དགུ་པའོ།། །།དེ་ནས་ཡང་ལང་ཀའི་བདག་པོས་གསང་བ་པའི་བདག་པོ་ལ་དྲིས་པ།གསང་བ་པའི་བདག་པོ་གསང་སྔགས་ཀྱི་ངོ་བོ་དེ་སེམས་ཀྱི་དེ་ཁོ་ན་ཉིད་དེ་གང་གི་སྤྱོད་ཡུལ་དུ་གྱུར། སྨྲས་པ། ལང་ཀའི་བདག་པོ་དེ་ནི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་དུ་གྱུར་གྱི་ས་དང་ས་ལ་གནས་པ་རྣམས་ཀྱི་ནི་མ་ཡིན་ནོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བརྟགས་པ་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ་བའི་ཕྱིར་རོ། །ཡང་ལང་ཀའི་བདག་པོས་དྲིས་པ། ཀྱེ་གསང་བ་པའི་བདག་པོ་སེམས་ཀྱི་དེ་ཁོ་ན་ཉིད་གསང་སྔགས་ཀྱི་ངོ་བོ་དེ་གང་དམ་པ་རྣམས་ཀྱི་སྤྱོད་ཡུལ་ལས་མ་གཏོགས་པ་གཞན་དང་ཐུན་མོང་མ་ལགས་ན་ནི་འོ་ན་གང་བྱ་བའི་རྣལ་འབྱོར་པ་རྣམས་ཀྱང་སེམས་ཀྱི་དེ་ཁོ་ན་ཉིད་ལ་ལྟ་ཞིང་སེམས་ཀྱི་རྒྱུད་ཀུན་དུ་བཙལ་ན་གང་དེའི་ཚེ་ནང་གི་སེམས་ཀྱང་མ་མཐོང་། ཕྱིའི་སེམས་ཀྱང་མ་མཐོང་། ནང་དང་ཕྱིའི་སེམས་ཀྱང་མ་མཐོང་། གང་ཕུང་པོ་ལ་སེམས་མ་མཐོང་། ཁམས་ལ་མ་མཐོང་སྐྱེ་མཆེད་ལ་མ་མཐོང་། དེས་སེམས་མ་མཐོང་བ་དང་། སེམས་འདི་ག་ལས་བྱུང་ཞེས་བལྟས་ན་དེ་འདི་ལྟར་སེམས་སོ། །གང་དམིག་པ་ཡོད་པས་ན་སེམས་འབྱུང་ངོ་། དེ་ཡང་འདི་ལྟར་སེམས་སོ། །དམིགས་པ་དེ་ཡང་གཞན་ནམ་ཅི། སེམས་དཔའ་དེ་ཡང་གཞན་ནམ་གང་། དམིགས་པ་དེ་ཉིད་སེམས་ཡིན་ནམ། །སེམས་དཔའ་དེ་ཉིད་དམིགས་པའམ། །གལ་ཏེ་དམིགས་པ་དེ་ཡང་གཞན། །སེམས་དཔའ་དེའང་གཞན་ན་ནི་དེ་ཁོ་ན་ཉིད་མི་གཅིག་སྟེ་གཉིས་སུ་འགྱུར་རོ། །འོན་ཏེ་གཅིག་པ་ཞིག་ཡིན་ནི་སེམས་ལ་སེམས་ཀྱི་རྗེས་སུ་ལྟ་ཞིག་སེམས་ཀྱིས་སེམས་མཐོང་བ་མི་རིགས་སོ། །འདི་ལྷ་སྟེ་དཔེར་ན་རལ་གྲི་དེས་དེ་ཉིད་གཅོད་མི་ནུས་པ་དང་། སོར་མོའི་རྩེ་མོ་དེས་དེ་ཉིད་ལ་རེག་པར་མི་ནུས་པ་བཞིན་སེམས་དེ་ལ་སེམས་དེས་དམིགས་མི་ནུས་སོ་ཞེས་བལྟས་ན་འདི་ལྟར་མཐོང་སྟེ། གང་རག་མ་ལས་པ། སེམས་ལ་གནས་མེད་པ། རྟེན་མེད་པ། ཆད་པར་མ་ཡིན། རྟག་པར་མ་ཡིན། སྐྲུངས་པར་མ་ཡིན། རྒྱུ་ལས་མ་བྱུང་། རྐྱེན་གྱིས་མ་བསྐྱེད། དེ་ལས་མ་ཡིན། གཟན་ལས་མ་ཡིན། དེ་ཉིད་མ་ཡིན། གཞན་མ་ཡིན། རིགས་མེད་པ། རྒྱུ་མེད་པ། མི་འཕྲོ་བ། མི་སྣང་བ་།་ ངོ་བོ་ཉིད་མེད་པ་ཇི་ལྟ་བ་དེ་བཞིན་དུ་མཐོང་ངོ་། ཡང་དག་པ། མི་གཡོ་པ། དབེན་པ། ཅུང་ཟད་ཀྱང་མ་མཐོང་། རྣམ་པར་མ་མཐོང་། མི་རྟོག རྣམ་པར་མི་རྟོག མོ་བསྐྱོད། མི་སེམས། མི་སྤྲོ། སེམས་གཟུགས་མེད་པ། གང་བྱུང་པ་ཡང་ན་གཟུགས་མེད་པ། གང་ལ་གཟུགས་མེད་པས་བྱང་ཆུབ་ལ་ཡང་གཟུགས་མེད་དོ། །སེམས་ཀྱི་རང་བཞིན་ནི་བྱང་ཆུབ་བོ། །བྱང་ཆུབ་ཀྱི་རང་བཞིན་ནི་ཆོས་ཐམས་ཅད་དོ། །ཆོས་ཐམས་ཅད་ཀྱི་རང་བཞིན་ནི་དེ་ཁོ་ན་ཉིད་དོ། །སེམས་དི་ནི་འདི་ལྷར་མྱུར་བ། རབ་ཏུ་མྱུར་བ། མི་གནས་པ། རྒྱུ་བ། སྤྲེའུ་ལྟ་བུ། རླུད་ལྟ་བུ། སྨིག་རྒྱུ་ལྟ་བུ། ཆུའི་རྒྱུན་ལྟ་བུ། མར་མེ་ལྟ་བུ། ལུས་གཟུགས་ལྟ་བུ།རིང་དུ་འགྲོ་བ། གར་ཡང་མི་གཡོ་བ། སླར་ལོག་པ། ཡུལ་ལ་གནས་པ་དྲུག་གི་སྤྱོད་ཡུལ་བ། ཀུན་ཤེས་པ། གཅིག་ཏུ་ཐུབ་པ། མི་འབྱུང་བ། ཐམས་ཅད་འབྱུང་བ། ཞི་གནས་པ། ཐ་དད་པ་གཅིག་པ་མི་གཡེང་བ།ཀུན་ཏུ་གཡེང་བ་སེམས་དུག་གསུམ་དུ་མཉམ་པར་ཤེས་པ། སེམས་དེ་ཁོ་ན་བར་ཤེས་པ། ཇི་ལྟར་རང་གི་སེམས་ཤེས་པ་དེ་ལྟར་གཞན་གྱི་སེམས་ཀྱང་རབ་ཏུ་ཤེས་སོ། །རང་གི་སེམས་ཇི་ལྟར་སྟོང་པ་དེ་ལྟར་ཐམས་ཅད་ཀྱི་སེམས་སྟོང་པར་རབ་ཏུ་ཤེས་སོ། །རང་གི་སེམས་མཉམ་པ་ཤེས་པ་དེ་བཞིན་དུ་ཐམས་ཅད་ཀྱི་སེམས་མཉམ་པར་རབ་ཏུ་ཤེས་སོ། །དེས་ཆོས་ཐམས་ཅད་མཉམ་པར་རབ་ཏུ་ཤེས་སོ། །ཆོས་ཐམས་ཅད་མཉམ་པས་བྱང་ཆུབ་མཉམ་པར་རབ་ཏུ་ཤེས་སོ། །དེས་སེམས་ཆོས་ཐམས་ཅད་ཀྱི་དབྱིངས་སུ་རབ་ཏུ་ཤེས་སོ། །ཐམས་ཅད་ཀྱི་དབྱིངས་དེ་ནི་ཀུན་གྱི་ཐུན་མོངས་མ་ཡིན་ནོ་ཞེས་སེམས་ལ་གནས་པས་སེལས་ལ་སྤྱོད་པ། སེམས་ལ་དབང་བ་སེམས་ལ་ལྟ་བ། སེམས་མཐོང་བ་སེམས་ངོ་ཤེས་པ་ལགས་ན་གསང་བ་པའི་བདག་པོ་ཅིའི་ཕྱིར་དམ་པ་འབའ་ཞིག་གི་སྤྱོད་ཡུལ་ཡིན་གྱི་ས་པ་རྣམས་ཀྱི་སྤྱོད་ཡུལ་མ་ཡིན་ཞེས་སྨྲ།གསང་བ་པའི་བདག་པོས་སྨྲས་པ། ལང་ཀའི་བདག་པོ་དེ་དེ་ལྟར་ཡིན་མོད་ཀྱི། དེ་དག་ཐམས་ཅད་ནས་ཐམས་ཅད་དུ་སེམས་ཀྱི་དེ་ཁོ་ན་ཉིད་ལ་རྒྱུའི་མཚན་ཉིད་འབའ་ཞིག་ཏུ་ངེས་པར་ཟད་ཀྱི་འབྲས་བུ་ཉིད་དུ་ཡོངས་སུ་མི་ཤེས་སོ། །དེ་ཅིའི་ཕྱིར་ཞེ་ན་འདི་ལྟ་སྟེ། གང་ས་དང་ས་པ་རྣམས་ནི་དྲ་བ་བཞིའི་རྒྱར་ཡོངས་སུ་ཆུད་པར་སྟེ། བཞི་གང་ཞེ་ན། གང་དྲ་བ་ཆེན་པོ་དང་དྲ་དྲ་བ་དང་བྲ་བ་ཕྱེད་པ་དང་། དྲ་བ་གཅིག་པའོ། །དེ་ཡང་བྱིས་པ་རྣམས་དང་། སྦྱོན་པ་རྣམས་དང་། འདུ་ཤེས་ཆུང་བ་རྣམས་དང་། འདུ་ཤེས་གཅིག་པ་རྣམས་ཁོ་ན་སྟེ། གང་ས་པ་རྣམས་ནི་སེམས་རྒྱུ་འབའ་ཞིག་ལས་མི་ཤེས་པའི་ཕྱིར་འདུ་ཤེས་གཅིག་པ་སྟེ། དེ་དག་ནི་དྲ་བར་ཆུད་པ། དྲ་བས་བཅིངས་པ་ཤ་དག་པས་འབྲས་བུ་ངེས་པར་རྙེད་པར་ཤིན་ཏུ་དཀའ་བ་ཡིན་ནོ། །དེ་ཅིའི་ཕྱིར་ཞེ་ན། ལང་ཀའི་བདག་པོ་འདི་ལྟར་སེམས་འབྲས་བུའི་དེ་ཁོ་ན་གང་ཡིན་པ་དེ་ནི་སངས་རྒྱས་རྣམས་ཀྱིས་ཀྱང་གསུང་དུ་མེད་པ། རྡོ་རྗེ་སེམས་དཔསཀྱངམཚནདུམེདཔཡིན་ན་བྱང་ཆུབ་སེམས་དཔའ་རྣམས་ཀྱིས་ལྟ་ཅི་སྨོས། ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་ཅི་ཉིད་ཀྱིས་ཀྱང་སེམས་འབྲས་བུའི་དེ་ཁོ་ན་ཉིད་དུ་ངེས་པ་དེ་མ་རྙེད་དམ་དེ་སླད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་ཁོ་བོས་ད་དུང་ངེས་པ་མ་རྙེད་པའི་ཕྱིར་གཞན་ལ་བསྟན་པར་རབ་ཏུ་དཀའོ། །དེ་ཅིའི་ཕྱིར་ཞེ་ན། དེ་ནི་བཅོམ་ལྡན་འདས་རྡོ་རྗེ་སེམས་དཔའ་ཉག་གཅིག་གི་དགོངས་པའི་སྤྱོད་ཡུལ་དུ་གྱུར་པའོ། །ཞེས་གསང་བ་པའི་བདག་པོ་དེས་དེ་སྐས་ཅེས་སྨྲས་པས། ཐམས་ཅད་བྱང་ཆུབ་ལ་འཁྲུལ་པའི་ཡེ་རྔམ་ཡོངས་སུ་ཆད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཁྱད་པར་དམ་པའི་ལེའུ་སྟེ་བཅུ་པའོ།། །།དེ་ནས་ལང་ཀའི་བདག་པོ་ལ་སོགས་འགྲོ་བ་ལུས་ཀྱི་སེམས་དཔའ་རྣམས་ངོ་མཚར་དུ་གྱུར། རྨད་དུ་གྱུར་ཏེ་འདི་སྐད་ཅེས་སྨྲས་སོ། །ཀྱེ་གསང་བ་པའི་བདག་པོ་སངས་རྒྱས་བཅོམ་ལྡན་འདས་ཐམས་ཅད་ཀྱིས་བཀའ་སྩལ་པ་ལྟར་ན། གསང་བ་པའི་བདག་པོ་ན་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་སེམས་དཔའི་གསང་བ་དམ་པ་མ་ནོར་བ་དེ་ཁོ་ན་ཉིད་ཐེ་ཚོམ་ཐམས་ཅད་གཅོད་པ་ལགས་ན། འབྲས་བུ་དེ་ཁོ་ན་ཉིད་གསང་བ་སྟོན་མི་སྤྱོད་པ་དེ་ཤིན་ཏུ་ངོ་མཚར་ཆེ་བ་ལྟར་ན་བདག་ཅག་གིས་ནམ་ངེས་པ་རྙེད་པར་འགྱུར་ཞིག་གུ་ཞེས་སྨྲས་པ་ལས། གསང་བ་པའི་བདག་པོས་སྨྲས་པ། ཀྱེ་དམན་པའི་ལུས་ཀྱི་སེམས་དཔའ་རྣམསདེབཞིནགཤེགསཔཐམས་ཅད་ཀྱི་མངའ་བདག་རྡོ་རྗེ་དཔའ་ཉིད་ཀྱིས་ཀྱང་གསང་སྔགས་ཀྱི་དེ་ཁོ་ན་ཉིད་མ་རྙེད་ཀྱི་བར་དུ་བསྐལ་པ་གྲངས་མེད་གསུམ་སྙེད་དུ་དཔག་དུ་མེད་པའི་དཀའ་བ་སྤྱད་ཀྱང་རྣམ་པ་ཐམས་ཅད་མཁྱེན་ནོ། །དེ་ཇི་ལྟར་ཞེ་ན།ཇི་ལྟ་ཇི་ལྟར་རྒྱུད་ཡོངས་སུ་དག་པའི་སངས་རྒྱས་དཔག་ཏུ་མེད་པ་བྱུང་བ་དང་འབྱུང་བ་ཡང་དེ་ཁོ་ན་ཉིད་ཀྱི་ངེས་པ་མ་རྙེད་ཀྱི་བར་དུ་དཀའ་བ་སྤྱོད་པ་སྟེ། འདི་ལྟར་བསྐལ་པ་བཟང་པོ་འདིའི་འོག་ཏུ་མཐའ་འཁོབ་ཀྱི་བསྐལ་པའི་རིགས་ངན་དྲུག་ཅུ་འབྱུང་ངོ་། །དེའི་འོག་ཏུ་བསྐལ་པ་གྲགས་ལྡན་ཞེས་བྱ་བ་ལ་སངས་རྒྱས་སྟོང་ཕྲག་བཅུ་འབྱུང་ངོ་། །དེའི་འོག་དུ་རིགས་ངན་གྱི་བསྐལ་པ་སྟོང་ཕྲག་བརྒྱད་ཅུ་འབྱུང་ངོ་། །དེའི་འོག་ཏུ་བསྐལ་པ་སྐར་མ་བཀྲམ་པ་ལྟ་བུ་ལ་སངས་རྒྱས་སྟོང་ཕྲག་བརྒྱད་ཅུ་འབྱུང་ངོ་། །དེའི་འོག་ཏུ་མུན་པའི་བསྐལ་པ་སུམ་བརྒྱ་འབྱུང་ངོ་། །དེའི་འོག་ཏུ་བསྐལ་པ་མཛེས་ལྡན་རྒྱན་བྱ་བ་ལ་སངས་རྒྱས་སྟོང་ཕྲག་བརྒྱད་དུ་རྩ་ལྔ་འབྱུང་ངོ་། །དེ་བཞིན་དུ་མཐའ་ཐུག་པ་མེད་པར་སྒྲོན་མའི་བསྐལ་པ་དང་མུན་པའི་བསྐལ་པ་རྟག་པར་རྒྱུན་གྱི་འཁོར་མོར་འདྲེན་མར་འབྱུང་ངོ་། །དེ་ལྟར་ན་བསྐལ་པ་བཟང་པོ་འདི་ཉིད་ལ་སངས་རྒྱས་སྟོང་རྩ་གཉིས་འབྱུང་ངོ་། །བསྐལ་པ་བཟང་པོ་འདིའི་སྔོན་རོལ་དུ་མུན་པའི་བསྐལ་པ་བརྒྱ་བྱུང་ངོ་། །དེའི་སྔོན་དུ་བསྐལ་པ་རྫོགས་ལྡན་ཞེས་བྱ་བ་ལ་སངས་རྒྱས་བྱེ་བ་ཕྲག་བརྒྱ་བྱུང་ངོ་། །དེ་འདས་པའི་སྔོན་དུ་མཐའ་འཁོབ་ཀྱི་བསྐལ་པ་བརྒྱ་བྱུང་ངོ་། །དེ་འདས་པའི་སྔོན་དུ་བསྐལ་པ་བཟང་རྒྱན་ཞེས་བྱ་བ་ལ་སངས་རྒྱས་བྱེ་བ་ཕྲག་བརྒྱད་ཅུ་རྩ་བཞི་བྱུང་ངོ་། །དེ་འདས་པའི་སྔོན་དུ་མུན་པའི་བསྐལ་པ་ལྔ་བརྒྱ་བྱུང་ངོ་།དེ་འདས་པའི་སྔོན་དུ་བསྐལ་པ་མཐོང་དགའ་ཞེས་བྱ་བ་ལ་སངས་རྒྱས་བྱེ་བ་ཕྲག་བཅུ་འབྱུང་ངོ་། །དེ་འདས་པའི་སྔོན་དུ་མུན་པའི་བསྐལ་པ་བདུན་བརྒྱ་བྱུང་ངོ་། །དེ་འདས་པའི་སྔོན་དུ་བསྐལ་པ་དགའ་བ་ཞེས་བྱ་བ་ལ་སངས་རྒྱས་སྟོང་ཕྲག་དྲུག་ཅུ་བྱུང་ངོ་། །དེ་ལ་སོགས་པ་མཐའ་ཡས་པར་མུན་པ་དང་སྒྲོན་མའི་བསྐལ་པ་འདྲེན་མར་ཐོག་མ་དང་ཐ་མ་མེད་པར་བྱུང་ཞིང་འབྱུང་སྟེ། གང་སྒྲོན་མ་ཇི་སྙེད་པ་བྱུང་ཞིང་འབྱུང་བ་རྣམས་ཀྱང་གསང་སྔགས་ཀྱི་ངེས་པ་དེ་ཁོ་ན་ཉིད་མ་རྙེད་ཀྱི་བར་དུ་དཔག་ཏུ་མེད་པའི་དཀའ་བ་སྤྱད་ཀྱང་རྣམ་པ་ཐམས་ཅད་མ་མཁྱེན་མི་མཁྱེན་མཁྱེན་པར་མི་འགྱུར་རོ། །གང་གསང་སྔགས་ཀྱི་ངེས་པ་དེ་ཁོ་ན་ཉིད་རྙེད་མ་ཐག་པར་རྣམ་པ་ཐམས་ཅད་མཁྱེན་ཏོ། །མཁྱེན་ནོ་མཁྱེན་པར་འགྱུར་རོ། །དེ་བཞིན་དུ་སྔོན་གྱི་བསྐལ་པ་བགྲངས་པ་ལས་ཀྱང་གྲགས་མེད་པར་འདས་པ་མང་པོ་ཚད་མེད་པ་བསམ་གྱིས་མི་ཁྱབ་པ་ན་བསྐལ་པ་ཆེན་པོ་མངོན་པར་དགའ་བ་ཞེས་བྱ་བ་ལ་སངས་རྒྱས་སུམ་ཁྲི་སུམ་སྟོང་བྱུང་བའི་དུས་ན་ཐ་མའི་སངས་རྒྱས་ཀུན་དུ་བཟང་པོ་ཞེས་བྱ་བའི་བསྟན་པ་ལ་རྒྱལ་རིགས་དང་། དམངས་རིགས་དང་། རྗེ་རིགས་དང་། བྲམ་ཟེའི་རིགས་དང་། གདོལ་བའི་རིགས་དང་ལྔ་ལས་མཆོག་ཆེན་པོ་ལྔ་འབྱུང་བ་ནི་འདི་ལྟར་སྟེ། ཁྱེའི་བདེ་སྐྱོབ་ཞེས་བྱ་བ་དང་། ཁྱེའུ་བདེ་སྐྱོབ་ཞེས་བྱ་བ་དང་། ཁྱེའུ་ཏྲ་ལི་ཏ་ཞེས་བྱ་བ་དང་། ཁྱེའུ་དཔའ་སྤྱིན་ཞེས་བྱ་བ་དང་ཁྱེའུ་ལས་བྱིན་དང་། ཁྱེའུ་དུམ་བུར་ཞེས་བྱབ་བྱུང་ངོ་། །དེའི་ཚེ་དེའི་དུས་ན་སངས་རྒྱས་རྡོ་རྗེ་སེམས་དཔལ་ནི་ཁྱེའུ་བདེ་སྐྱོབ་ཞེས་བྱའོ། །དེའི་ཚེ་དེའི་དུས་ན་སངས་རྒྱས་ཚེ་མཐའ་ཡས་ནི་ཁྱེའུ་ཏྲལི་ཏ་ཞེས་བྱའོ། །དེའི་ཚེ་དེའི་དུས་ན་སངས་རྒྱསརིན་ཆེན་འབྱུང་བ་ནི་ཁྱེའུ་དཔའ་སྒྱིན་ཞེས་བྱའོ། །དེའི་ཚེ་དེའི་དུས་ན་སངས་རྒྱས་རྣམས་པར་སྣང་མཛད་ནི་ཁྱེའུ་ལས་བྱིན་ཞེས་བྱའོ། །དེའི་ཚེ་དེའི་དུས་ན་སངས་རྒྱས་དོནཡོད་གྲུབ་པ་ནི་ཁྱེའུ་དུམ་བུར་ཞེས་བྱའོ། །དེའི་ཚེ་དེའི་དུས་ན་ཁྱེའུ་དེ་རྣམས་ཀྱིས་སངས་རྒྱས་ཀུནཏུ་བཟང་པོ་དེ་ལ་རྣལ་འབྱོར་མཆོག་ཏུ་སེམས་བསྐྱེད་པའི་དུས་སུ་འཇིག་རྟེན་གྱིསྐབས་ན་སེམས་བརྒྱད་བསྐྱེད་ཅིང་འཇིག་རྟེན་པའི་ལམ་བརྒྱད་ནས་བགྲོད་དེ་འགྱུར་བ་མ་ངེས་པའི་ས་པར་གནས་སོ། །དེའི་ཚེ་སངས་རྒྱས་སུམ་ཁྲི་སུམ་སྟོང་ལ་ཐེ་ཚོམ་་བཅད་ཀྱང་ངེས་པ་མ་རྙེད་དོ། །ལས་དང་པོ་པའི་སྐབས་ན་སེམས་གསུམ་བསྐྱེད་ཅིང་མཐའ་བཅུ་ཆུབ་ནས་རྟེན་པས་གཞིའི་སར་གནས་སོ། །དེའི་ཚེ་དེའི་དུས་ན་སངས་རྒྱསབཞི་ཁྲི་བཞི་སྟོང་ལ་ཐེ་ཚོམ་བཅད་ཀྱང་ངེས་པ་མ་རྙེད་དོ། །རིགས་ཆེན་འབྱེད་པའི་སྐབས་སུ་སེམས་བཞི་རྫོགས་ཏེ། མཐའ་བཅུ་ནས་བསོན་ནམས་སྟེར་བར་གྱུར་ཏོ། །དེའི་སངས་རྒྱས་ལྔ་ཁྲི་ལྔ་སྟོང་ལ་ཐེ་ཚོམ་བཅད་ཀྱང་མ་རྙེད་དོ། །ཡང་དབུགས་ཆེན་ཕྱིན་པའི་སྐབས་སུ་སེམས་གཅིག་རྫོགས་ཏེ། མཐའ་བཅུ་ཆུབ་ནས་འཇིགས་པ་ལྔ་ལས་འདས་ཏེ་བརྟེན་ནས་ཁྱད་པར་འགྲོ་བའི་ས་པར་གནས་སོ། །དེའི་ཚེ་སངས་རྒྱས་དྲུག་ཁྲི་དྲུག་སྟོང་ལ་ཐེ་ཚོམ་བཅད་པས་ཕྱོགས་ཙམ་ཤེས་ཏེ་དབུགས་ཕྱིན་པར་གྱུར་ཏོ། །དེ་ཡང་འདི་ལྟ་སྒྱུ་མ་སྦྱོང་བའི་སྐྱེས་བུ་དེ། །འཁོར་ལོས་སྒྱུར་བའི་ཆ་བྱད་དེ། །རིན་ཆེན་བདུན་དང་དཔུང་ཚོགས་ཀྱིས། །དབང་སྒྱུར་ཐབས་ཀྱི་ཐེག་པ་སྟོན། །ཡང་ལུང་ཆེན་ཐོབ་པའི་སྐབས་སུ་སེམས་བདུན་རྫོགས་ཏེ་ལྷན་ཅིག་གནས་པའི་དྲི་མ་དག་པས་རི་བོ་ལས་རྒལ་ཏེ་དམིགས་པས་འབྲས་བུ་སྐྱེ་བུ་ས་པར་གནས་སོ། །དེའི་ཚེ་སངས་རྒྱས་བདུན་ཁྲི་བདུན་སྟོང་ལས་ལུང་ཐོས་པས་རྟོག་ཆེན་ལ་གནས་སོ། །དེ་ལ་ཡང་ལྟ་སྟེ། དེའི་ཚེ་སྐྱེས་བུ་དམ་པ་དེ།འབྲས་བུ་ཉིད་ལ་ལམ་ཞེས་པས། ལམ་གྱི་ཡན་ལག་བདེ་རྫོགས་ཏེ། །གནས་དག་སྨིན་པར་བྱ་བའི་ཕྱིར། །ཇི་ལྟར་འདོད་ལྟར་ཐབས་མཆོག་སྦྱོར། །ཡང་རྩ་ཆེན་རྫོགས་པའི་སྐྱབས་སུ་སེམས་གསུམ་བསྐྱེད་ཅིང་མཐའ་དྲུག་ཆུབ་ནས་གནས་པར་མི་འགྱུར་བའི་ས་པར་གནས་སོ། །དེའི་ཚེ་སངས་རྒྱས་བརྒྱད་ཁྲི་བརྒྱད་སྟོང་ལས་ལུང་བསྟན་པ་ཐོབ་ནས་གདེང་དུ་གྱུར་ཏོ། །དེ་ཡང་འདི་ལྟར། དེ་ནས་རྒྱལ་ཆེ་བ་སྐྱེས་བུ་དེ། ཆོས་ཀྱི་རྒྱལ་པོ་གང་དེ་ཡི། །གདུང་འཚོབ་དགའ་ལྡན་ཐེག་ཆེན་སྟོན། །མི་གནས་བཅུ་དུས་ཆོ་འཕྲུལ་སྣང་། ལང་ཀའི་བདག་པོ་དེ་ལྟར་ན་ལས་དང་པོ་པའི་རིགས་ཀྱི་བུ་དེ་དག་ནི་རིགས་ལྔར་སྐྱེ་བ་བླངས་པ་དེ་ནས་ཀྱུང་བསྐལ་པ་དཔག་ཏུ་མེད་པ་བྲོད་པ་ལས་འདས་པའི་ཐོག་མ་དང་ཐ་མ་མེད་པའི་དུས་ན་སངས་རྒྱས་ལྔ་ལ་བྱང་ཆུབ་མཆོག་ཏུ་སེམས་བསྐྱེད་ནས་འཁོར་ལོས་སྒྱུར་བའི་རྒྱལ་པོ་རྣམ་པར་སྣང་བྱེད་བུ་ལྔར་སྐྱེས་པ་ནི་འདི་ལྟ་སྟེ། མཛེས་པའི་མེ་ཏོག་དང་། བསམ་གྱིས་མི་ཁྱབ་པའི་དཔལ་དང་། ནོར་སྤྱིན་འཛིན་དང་། ཟླ་ཚེས་དཔལ་དང་། ཀུན་ལ་མཛེས་པའི་འོད་ཅེས་བྱ་བ་ལྔར་གྱུར་ཏེ། དེ་དག་ལས་ཀྱི་དང་པོ་འདུན་པའི་རྣལ་འབྱོར་པར་གྱུར་པ་ཉིད་ལ་ཡིད་ལ་བྱེད་པ་ཞེས་བྱ་བ་ཐོབ་བོ། །དེས་ནམ་མཁའ་ལ་འགྲོ་བའི་ལྟས་མཐོང་བར་གྱུར་ཏོ། །དེ་ནས་རིགས་ཆེན་འབྱེད་པའི་རྣལ་འབྱོར་པར་གྱུར་པ་ཉིད་ལ་འཕྲོ་འདུ་གཅིག་པའི་ཏིང་ངེ་འཛིན་ཐོབ་བོ། །དེས་བདག་ཉིད་ཡི་གེའི་ཕྲེང་བར་སྣང་བའི་ལྟས་མཐོང་བར་གྱུར་ཏོ། །དེ་ནས་དབུགས་ཆེན་ཕྱིན་པའི་རྣལ་འབྱོར་པར་སྣང་བ་ཉིད་ལ་ཡོངས་སུ་མི་ལྡོག་པའི་ཏིང་ངེ་འཛིན་ཐོབ་བོ། །དེས་འཇིག་རྟེན་གྱི་ཁམས་ནོར་བུ་རིན་པོ་ཆེས་གང་བར་སྤྱོད་པའི་ལྟས་མཐོང་བར་གྱུར་ཏོ། །དེ་ནས་ལུང་ཆེན་ཐོབ་པའི་རྣལ་འབྱོར་དུ་སྣང་བ་ཉིད་ལ་དེ་བཞིན་ཉིད་ཀྱི་ཏིང་ངེ་འཛིན་ཐོབ་བོ། །དེས་སེང་གེ་དག་ལ་ཞོན་ཏེ་ཐམས་ཅད་ཟིལ་གྱིས་གནོན་པའི་ལྟས་མཐོང་བར་གྱུར་རོ། །དེས་ན་རྩལ་ཆེན་རྫོགས་པའི་རྣལ་འབྱོར་དུ་སྣང་པ་ཉིད་ལ་ཀུན་ཏུ་སྣང་གི་ཏིང་ངེ་འཛིན་ཐོབ་སྟེ། དེས་ཉི་ཟླའི་འཁོར་ལོ་བསྐོར་བས་ཐམས་ཅད་འོད་ཀྱིས་གསལ་བར་བྱེད་པའི་ལྟས་མཐོང་བར་གྱུར་ཏོ། །ལང་ཀའི་བདག་པོ་དེ་ལྟར་གྱུར་དུ་ཟིན་ཀྱང་གསང་སྔགས་ཀྱི་ངོ་བོ་དེ་ཁོ་ན་ཉིད་ཀྱི་ངེས་པ་རྙེད་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ལང་ཀའི་བདག་པོ་གང་ལས་དང་པོ་པའི་རིགས་ཀྱི་བུ་དེ་དག་རྒྱལ་ཚབ་སྐྱེས་བུར་གྱུར་པ་ན་སྐྱེས་བུ་དམ་པ་རྡོ་རྗེ་སེམས་དཔའ་དང་། སྐྱེས་བུ་དམ་པ་རྡོ་རྗེ་རིན་ཆེན་དང་། སྐྱེས་བུ་དམ་པ་རྡོ་རྗེ་ཆོས་དང་། སྐྱེས་བུ་དམ་པ་ལས་ཀྱི་རྡོ་རྗེ་དང་།སྐྱེས་བུ་དམ་པ་རྡོ་རྗེ་དབྱིངས་ཞེས་བྱ་བར་ཞིང་ཁམས་ཐམས་ཅད་དུ་གྲགས་སོ། །དེ་ལ་ལ་ལར་ནི། རྒྱལ་ཚབ་སྐྱེས་བུ་ཞེས་བྱ་བར་བརྗོད་ཅིང་དེ་ལྟར་གྲགས་སོ། །ལ་ལར་ནི་སྲིད་པ་ཐ་མ་པ་ཞེས་བྱ་བར་བརྗོད་ཅིང་གྲགས་སོ། །ལ་ལར་ནི་ས་ཆེན་པོའི་སངས་རྒྱས་ཞེས་བྱ་བར་བརྗོད་ཅིང་གྲགས་ཀྱང་། སངས་རྒྱས་ཀྱི་དགོངས་པ་གསང་བ་དམ་པ་ད་དུང་ཉམས་སུ་མ་མྱོང་སྟེ་མཉམ་པ་ལ་འཇོག་དགོས་པའི་ཕྱིར་རོ། །དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་གིས་ནམ་མཉམ་པ་ལ་མ་བཞག་གི་བར་དུ་སངས་རྒྱས་ཀྱི་དགོངས་པ་ཉམས་སུ་མ་མྱོང་ནས་ཡང་དག་པའི་རྟོགས་པས་དང་པོའི་སངས་རྒྱས་རྡོ་རྗེ་སེམས་དཔའ་ལ་གསོལ་པ། བཅོམ་ལྡནའདས་སངས་རྒྱས་བཅོམ་ལྡན་འདས་རྣམས་ནི་མཉམ་པར་བཞག་པ་དང་མ་བཞག་པ་མི་མངའ་བར་རྣམ་པ་ཐམས་ཅད་མཁྱེན་ན་བདག་ཅག་གིས་བསྐལ་པ་དཔག་ཏུ་མེད་པར་དཀའ་བ་པདག་ཏུ་མེད་པར་བགྱི་བ་ཐམས་ཅད་རྫོགས་པར་བགྱིས་ཀྱང་མཉམ་པ་ལ་མ་བཞག་གི་བར་དུ་སངས་རྒྱས་ཀྱི་དགོངས་པ་མྱོང་བར་མ་གྱུར་པ་འདི་ངོ་མཚར་ལགས་སོ། །བདེ་བར་གཤེགས་པའི་འདི་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་སེམས་དཔའ་རྡོ་རྗེ་སྙིང་པོ་དེས་བཀའ་སྩལ་པ། ཀྱེ་སྐྱེས་བུ་དམ་པ་རྣམས་གང་དེ་བཞིན་གཤེགས་པ་ཉིད་དུ་ལྷུན་གྱིས་གྲུབ་པར་འདོད་པ་རྣམས་ཀྱིས་ནི་སངས་རྒྱས་ཀྱི་ཆོས་ཐམས་ཅད་ནས་ཐམས་ཅད་དུ་ཡོངས་སུ་རྫོགས་པར་བྱ་བ་གསུམ་ལས་ཁྱེད་རྣམས་ཀྱིས་གང་བྱ་བ་ཡོངས་སུ་རྫོགས་པར་བྱས། བསྲུང་བ་ཡོངས་སུ་དག་པར་བྱས་སུ་ཟིན་ཀྱང་ད་དུང་བློ་གྲོས་ཀུན་ཏུ་ཆུབ་པར་མ་བྱས་སོ། །དེ་བས་ན་གདོད་མ་ནས་དམ་པ་རྣམས་ཀྱི་དེ་ཁོ་ན་ཉིད་ལ་བློ་གྲོས་ཀུན་ཏུ་ཆུབ་པར་གྱིས་ཤིག་དང་། དེ་ཡོངས་སུ་ཆུབ་པ་བཞིན་དམ་པ་རྣམས་ཀྱི་དགོངས་པ་མྱོང་བར་འགྱུར་རོ། །དེ་སྐད་ཅེས་བཀའ་སྩལ་པལས། སྐྱེས་བུ་དམ་པ་རྣམས་ཀྱིས་གསོལ་པ། ཨེ་མའོ་བཅོམ་ལྡན་འདས། བཅོམ་ལྡནའདས་ཀྱིས་ནི་བདག་ཅག་རྣམས་ལ་ཤིན་ཏུ་ངོ་མཚར་ཞིང་རྨད་དུ་གྱུར་པ། དཔག་པར་དཀའ་པ་ཐེ་ཚོམ་སྐྱེ་བ། སོམ་ཉི་འཚལ་བར་བཀའ་སྩལ་ན། བློ་གྲོས་ཀུན་དུ་ཆུབ་པར་བགྱིད་པའི་དམ་པ་རྣམས་ཀྱི་དེ་ཁོ་ན་ཉིད། ཅེས་བགྱི་བ་གང་ལགས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། ཞེས་གསོལ་བ་ལས།སངས་རྒྱས་ཀུན་གྱི་བཅོམ་ལྡན་འདས་གསང་སྔགས་ཀྱི་ངོ་བོ་དེ་ཁོ་ན་ཉིད་དེས་བཀའ་སྩལ་པ། ཀྱེ་སྐྱེས་བུ་དམ་པ་རྣམས་ཀྱི་དེ་ཁོ་ན་ཉིད་འདི་ནི་ཐབས་ཆེ་ལ་སྒོ་ཡངས། ཚེགས་ཆུང་ལ་དོན་ཆེ། ཐག་ཉེ་ལ་བརྟག་དཀའ། ཉེན་ཆེ་ལ་བསྲུང་དཀའ་བའི་ཕྱིར་ངས་ཁྱེད་ལ་ཕྱིན་ཅི་མ་ལོག་པར་བསྟན་པར་རབ་ཏུ་དཀའོ། །དེ་སྐད་ཅེས་བཀའ་སྩལ་པ་ལས། སྐྱེས་བུ་དམ་པ་དེ་རྣམས་རྨ་ག་ཆད་པར་རབ་ཏུ་ངུས་སོ། ཁེན་ཏུ་རབ་ཏུ་ངུས་ནས་གསང་བའི་སྒོ་བྱེ་བར་གྱུར་ཏེ་གསང་སྔགས་ཀྱི་དངོས་པོ་བརྒྱད་དུ་ཡོངས་སུ་ཤེས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྒྱུད་དག་པའི་སྐྱེ་རྒྱུད་བསྟན་པའི་ལེའུ་བཅུ་གཅིག་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་དམ་པ་རྣམས་ཀྱི་དེ་ཁོ་ན་ཉིད་རྡོ་རྗེ་སེམས་དཔའ་དེས་སྐྱེས་བུདམ་པ་དེ་དག་ལ་འདི་སྐད་ཅེས་བཀའ་སྩལ་ཏོ། །ཀྱེ་སྐྱེས་བུ་དམ་པ་རྣམས་མ་ངུ་ཤིག སྡུག་བསྔལ་གྱི་གདུང་བ་མ་བསྐྱེད་ཅིག ཁྱེད་ཅིའི་ཕྱིར་ག དེ་ནསདེབཞིནགཤེགསཔཐམས་ཅད་ཀྱི་བཅོམལྡན་འདས་རྡོ་རྗེ་སེམས་དཔའ་དེ་ཁོ་ན་ཉིད་ལ་སྐྱེས་བུ་དམ་པ་དེ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཡོང་ཇི་ལྟར་མི་ངུ་བར་བགྱི། བདག་ཅག་གིས་བཙལ་བ་ཚི་ཆད་པར་མ་གྱུར་ཏམ། བཅོམ་ལྡན་འདས་བདག་ཅག་གི་བློ་གྲོས་ཇི་ལྟར་བགྱི། བདག་ཅག་རྣམས་ཀྱི་བཤེས་གཉེན་དམ་པ་མཛད་དུ་གསོལ། བདག་ཅག་གིས་དཔག་ཏུ་མེད་པ་ཇི་སྙེད་གཅིག་ཏུ་དཀའ་བ་དཔག་ཏུ་མེད་པ་སྐྱད་ཀྱང་ཡོངས་སུ་ཆུབ་པར་འདོད་ན་ད་དུང་གསང་སྔགས་ཀྱི་ངོ་བོ་དེ་ཁོ་ན་ཉིད་མིང་ཙམ་ཡང་ཐོས་པའི་སྐལ་པ་མ་མཆིས་ན་ཡོང་ཇི་ལྟར་ལགས། དེ་སྐད་ཅེས་གསོལ་པ་ལས། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་རྡོ་རྗེ་སེམས་དཔའ་དེ་ཁོ་ན་ཉི་དེ་བཀའ་སྩལ་པ། སྐྱེས་བུ་དམ་པ་རྣམས་དེ་སྐད་ཅེས་མ་ཟེར་ཅིག གསང་སྔགས་ནི་ཀུན་གྱི་ཐུན་མོང་མ་ཡིན་ཏེ། དོན་དེ་ཁོ་ན་ཉིད་ནི་སངས་རྒྱས་ཉག་གཅིག་གི་དགོངས་པ་དམ་པ་སྨྲར་མེད་པ། རྟོག་དཔྱོད་ཐམས་ཅད་དང་བྲལ་བ་འདི་ཞེས་མཚོན་དུ་མེད་པ། བརྟག་པ་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྣད་རྣམས་དང་བྲལ་བ། དཔེ་དང་བྲལ་བ་ནམ་མཁས་ཀྱང་བསྒྲུན་དུ་ཡོད་པ་མ་ཡིན་པ། ཚད་མེད་པ་ཚད་དང་བྲལ་བ། ཚད་མའམ། གཏན་ཚིགས་སམ། དཔག་པས་མི་དཔོགས་ཏེ། ཁྱོད་ཀྱིས་ཇི་ལྟར་མ་ཤེས་མ་ཐོས་པ་དེ་ལྟར་གང་རྒྱུད་ཡོངས་སུ་དག་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང་ད་དུང་གསང་སྔགས་ཀྱི་ངོ་བོ་དེ་ཁོ་ན་ཉིད་མངོན་པར་མ་ཐོབམངོན་པར་མ་རྟོགས། མངོན་པར་རྫོགས་པར་སངས་མ་རྒྱས་སོ། །དེ་ཅིའི་ཕྱིར་ཞེ་ན། གསང་སྔགས་ཀྱི་ངོ་བོ་དེ་ཁོ་ན་ཉིད་རྣམ་པར་ཡོངས་སུ་དག་པའི་ཕྱིར་སངས་རྒྱས་དང་བྱང་ཆུབ་སེམས་དཔའ་ཞེས་མི་དམིགས་ཤིང་བཙལ་དུ་མེད་པ་ལ་ས་བཅུ་ལ་གནས་པའི་སྐྱེས་བུ་དམ་པ་རྣམས་ཀྱིས་ནི་དེ་བཞིན་གཤེགས་པའི་སྙིང་པོ་གསང་སྔགས་ཀྱི་ངོ་བོ་དེ་ཁོ་ན་ཉིད་དམ་པ་དེ་རང་ལ་ཡོད་པར་མ་ཤེས་ཏེ་ཆོས་ཉིད་དུ་འཇོག་ཅིང་དཔྱོད་པ་དང་མ་བྲལ། སངས་རྒྱས་རྣམས་ནི་སྙིང་པོ་བྱང་ཆུབ་ལ་མི་རྟོག་པའི་ངང་དུ་མི་གཡོ་བ་གནས་ཏེ་མངོན་པར་འཚང་མི་རྒྱ་བར་གནས་ན་ཁྱེད་ཅིའི་ཕྱིར་ངུ་བར་བྱེད། དེ་སྐད་ཅེས་བཀའ་སྩལ་པས།སྐྱེས་བུ་དམ་པ་དེ་རྣམས་དགའ་མགུ་རངས་ཏེ་དབུགས་ཕྱིན་ནས་འདི་སྙམ་དུ་སེམས་སོ། །ཇི་ལྷར་སྔོན་དུ་གཤེགས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་ད་དུང་གསང་སྔགས་ཀྱི་ངོ་བོ་དེ་ཁོ་ན་ཉིད་།མངོན་དུ་མ་གྱུར་ན་བདག་ཅག་ལ་སོགས་པ་ལྟ་ཅི་སྨོས། ཡོང་སྟོན་པ་རྡོ་རྗེ་སེམས་དཔའ་དེ་ཁོ་ན་ཉིད་འདི་ནི་སངས་རྒྱས་ཀུན་གྱི་དགེ་བའི་བཤེས་གཉེན་དམ་པ་ཉིད་ཁོ་ན་པས་བདག་ཅག་གི་བློ་གྲོས་འདི་ལ་ཆུབ་པར་གོར་མ་ཆག་སྙམ་མོ། །དེ་ནས་སྐྱེས་བུ་དམ་པ་དེ་རྣམས་ཀྱིས་བཅོམ་ལྡན་འདས་དེ་ཁོ་ན་ཉིད་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་སྔགས་དམ་པ་དེ་ཁོ་ན་ཉིད་དེ་ནི་གང་ཡོངས་སུ་བརྗོད་པ་ལས་འདས་ཏེ་གསུང་བར་མི་མངའ་བས་བསྟན་ཅིང་བརྟག་པར་རབ་ཏུ་དཀའ་བ་ལགས་ཞེ་ན། འོན་ཀྱང་བཅོམ་ལྡན་འདས་ཉིད་ནི་བློ་གྲོ་ས་ཆེན་པོ་རྣམས་ཀྱི་ཡུལ་དུ་ངེས་ཤིག་ཐེ་ཚོམ་ཐམས་ཅད་གཅོད་པ། དམ་པ་རྣམས་ཀྱི་དམ་པ་ཉིད་ལགས་པས་ན་བདག་ཅག་གིས་བློ་གྲོ་ས་ངེས་པར་ཆུབ་པར་དམ་པའི་ཕྱོགས་དགོངས་པ་དམ་པའི་མཉམ་པ་ཉིད་དུ་བསྟན་དུ་གསོལ་ཞེས་གསོལ་པ་ལས། བཅོམ་ལྡན་འདས་དེ་ཁོ་ན་ཉིད་དེས་བཀའ་སྩལ་པ། སྐྱེས་བུ་དམ་པ་རྣམས་ལེགས་སོ། །ངེས་སོ། །འདི་ལྟ་སྟེ། གསང་སྔགས་དམ་པ་དེ་ཁོ་ན་ཉིད་དེ་ནི་དཔྱོད་པ་ཐམས་ཅད་དང་བྲལ་བ། མཐའ་དང་དབུས་མི་དམིགས་པ། སྒྲོ་སྐུར་མེད་པ། བླང་དོར་མེད་པ། རྒྱུ་འབྲས་ལས་འདས། ཡེ་ནས་དག་པ། ཡེ་ནས་ཟིན་པ། བྱ་བ་མེད་པ། བཙལ་བ་མེད་པ། བསྒྲུབ་ཏུ་མེད་པ། བརྩམ་དུ་མེད་པ། གཞན་ནས་མི་འབྱུང་བ། གཉེན་པོ་མེད་པ། བྱེད་པ་པོ་མེད་པ། མ་བྱས་པ།མ་བརྟགས་པ། བདག་མེད་པ། མ་བཅོས་པ་། མ་བསླད་པ། དེ་ཡིན་པར་ངེས་པ། མ་ནོར་བ། ཇི་བཞིན་པ། མ་འགགས་པ། མ་སྐྱེས་པ། མི་ནུབ་པ། མི་རླག་པ། མི་སྣང་བ། མ་བྱུང་པ། མི་འགྲོ་་བ། ཡེ་ནས་གནས་པ། ཀུན་ལ་ཁྱབ་པ། མིང་མེད་པ། གཟུགས་མེད་པ། མཚམ་མ་མེད་པ་། ཐ་ ད་མེད་པ། བ ར་མེད་པ། གཟུང་དུ་མེད་པ། མཚོན་དུ་མེད་པ། དཔེ་མེད་པ། ཚད་མེད་པ། བ ག་ཏུ་མེད་པ། ་ག་གེ་ལས་འདས་པ།དཔག་ཏུ་མེད་པ། བསམ་དུ་མེད་། བསམ་གྱིས་མི་ཁྱབ་པ། ཀུན་གྱི་འབྱུང་གནས། ཐམས་ཅད་ནས་ཐམས་ཅད་དུ་བཏང་སྙོམས་ཆེན་པོ་སྟོང་པ་ཉིད་རང་གི་རིགས་པ་རང་བྱུང་བ་ཁོ་ནའོ། །དེ་་སྐད་ཅེས་བཀའ་སྩལ་པས། སྐྱེས་བུ་དམ་པ་རྣམས་ཆོས་ཐམས་ཅད་བླང་དོར་མེད་པར་ཆུད་དུ་ངོ་མཚར་སྐྱེས་ནས་ཐེ་ཚོམ་དུ་གྱུར་ཏོ། །ཨེ་མའོ་བདག་ཅག་གིས་དམ་པ་རྣམས་ལས། སྔོན་དུ་ཐོས་པ་ལྟར་ན་སྔོན་གྱི་དམ་པ་རྣམས་ནི་བྱང་ཆུབ་བླང་ངོ་། །ཉོན་མོངས་པ་དོར་རོ། །དེ་ནི་བློ་གྲོས་ཡོངས་སུ་ཆུབ་པའོ་ཞེས་ཐོས་ནས་སྐྱེས་བུ་ཆེན་པོའི་འདི་ནི་ཉོན་མོངས་པ་དང་བྱང་ཆུབ་གཉིས་སུ་མེད་པས་བླང་དོར་མེད་དོ། །ཞེས་གསུངས་པ་ངོ་མཚར་ཏོ། །སྙམ་དུ་མི་སྨྲ་བར་གནས་སོ། །དེ་ནས་རྡོ་རྗེ་སེམས་དཔའ་དེ་ཁོ་ན་ཉིད་དེས་སྐྱེས་བུ་དམ་པ་དེ་རྣམས་ཀྱི་ཡོངས་སུ་རྟོག་པ་བསལ་བའི་ཆེད་དུ་ཡང་གསུང་པ། ཀྱེ་སྐྱེས་བུ་དམ་པ་རྣམས་གང་ཁྱེད་ཐེ་ཚོམ་ཡོངས་སུ་ཟ་བ་ན་ཉོན་མོངས་པའི་རང་བཞིན་གང་ཡིན། གང་ལས་བྱུང་། བྱང་ཆུབ་ཀྱི་རང་བཞིན་གང་ཡིན། གང་ལས་བྱུང་། ངེས་པར་རྟོགས་ཤིག་དང། གང་ཡོངས་སུ་མཐོ་བ་ཉིད་ན་་ཐེ་ཚོམ་ཆད་པར་འགྱུར་རོ། །དེ་སྐད་ཅེས་གསུང་པས། སྐྱེས་བུ་དམ་པ་དེ་རྣམས་གྱི་ཉོན་མོངས་པ་དང་། བྱང་ཆུབ་དེའིརངབཞིནགངཡིན། གང་ལས་བྱུང་བ་བརྟགས་ནརངབཞིན་ངཔམཐོང་། རྩ་བ་སེམས་ལས་བྱུང་བ་མཐོང་ སེམས་ཉིད་ལ་བྱུང་། མ་སྐྱེས་སྐྱེ་བ་མེད་། ཡེ་ཇི་བཞིན་པ། རང་བཞིན་ལྷུན་གྱིས་གྲུབ་པ། རྩ་བ་བྱང་ཆུབ་ཀྱི་སེམས་དམ་པ་ཁོ་ན་ཉིད་དུ་ངེས་པར་ཆུད་དེ་སངས་རྒྱས་ཀྱི་དགོངས་པ་ཉམས་སུ་མྱོང་བ་ནི་འདི་ལྟ་སྟེ། སེམས་དང་སེམས་ལས་བྱུང་བ་ཐམས་ཅད་ནམ་མཁའ་ལྟ་བུར་གྱུར་ཏོ། །མཉམ་པར་བཞག་པ་དང་མ་བཞག་པ་ལས་འདས་ཏེ་ཐ་མའི་དབུགས་ཕྱིན་ནས་ཡང་དག་པའི་ངེས་པ་ཡོངས་སུ་རྙེད་དོ། །རྙེད་པར་གྱུར་ཏོ། །ཀུན་འདུས་རབ་ཏུ་རྙེད་ནས་ཡང་སྐྱེས་བུ་དམ་པ་དེ་རྣམས་སྨ་ག་ཆད་པར་དུས་སོ། །ཡང་རྡོ་རྗེ་སེམས་དཔའ་དེ་ཁོ་ན་ཉིད་དེས་མཁྱེན་བཞིན་དུ་སྐྱེས་བུ་དམ་པ་དེ་རྣམས་ལ་བཀའ་སྩལ་པ། ཀྱེ་སྐྱེས་བུ་དམ་པ་ཁྱེད་ཅག་ཅིའི་ཕྱིར་དུ། དེ་དག་གིས་གསོལ་པ། བཤེས་གཉེན་དམ་པ་འདི་ལྟ་སྟེ། ལམ་གྱི་ནང་ན་ཉེ་ལམ་པ། ཐབས་ཀྱི་ནང་ན་དམ་པ་འདི། སྔོན་དུ་མ་ཐོས་སྐལ་བ་ཆུང་། ཨེ་མའོ་ངོ་མཚར་རྨད་ཀྱི་ཆོས། །ཡུན་གྱི་དོན་སྲིད་འདི་ལྟ་བུ་།་ ་།་དོན་རག་གཞན་ལ་མ་ལུས་པར། །གཞན་ལ་རེ་སྩོལ་ཨེ་མའོ་འཁྲུག །བྱ་བའི་ལས་ལ་ཤ་ཐང་བར། །མཚན་མའི་རྗེས་སུ་གཡེང་སྒྲོས་ཏེ། །ངལ་ཆད་དོན་མེད་ཚིག་མཐའ་ཡས། །བསྡུ་བས་མ་འདུས་དོན་རེ་ཆུང་བཤེས་གཉེན་དམ་པ་དེ་གཉིས་ལས། །ངེས་པར་རྙེད་པས་དབུགས་ཆེན་འབྱིན། །སངས་རྒྱས་མཉམ་པ་དང་དབྱིངས་སུ་གྲོལ། །དེཉིདཆེནཔོརལྷུནགྱིས་གྲུབ། །ཅེས་གསོལ་ཏོ། །ངོ་མཚར་གྱི་དགའ་བ་ཆེནཔོལས་ཡེ་ཤེས་ཀྱི་འོད་ཉི་མ་འབུམ་ལྷ་བུར་བྱུང་བས་གང་པ་རྣམས་ནི་རིགས་པའི་རྩལ་སྦྱངས། །དོན་གྱི་ཆེ་བ་བྱུང་། ས་རྣམས་ཀུན་ཏུ་གཡོས་པས་སྤྱོད་པའི་རྣལ་འབྱོར་པ་དག་ངོ་མཚར་བར་གྱུར་ཏེ་རང་རང་གི་སྟོན་པ་ལ་གསོལ་བ། འདི་ལྟ་བུའི་ལྟས་ཡ་མཚན་ཅན་འདི་ཇི་ལྟར་བུ་ཞིག་ལགས་ཞེས་ཞུས་པ་ལས་སོ་སོའི་སྟོན་པ་དཔག་ཏུ་མེད་པས་སོ་སོའི་འཁོར་དཔག་ཏུ་མེད་པ་ལ་བཀའ་སྩལ་པ། རིགས་ཀྱི་བུ་དག་ལྟས་ཆེན་པོ་འདི་ནི་གདལ་ཁྱབ་ཆེན་པོ་ཞེས་བྱ་བའི་ཞིང་ཁམས་ན་སངས་རྒྱས་ཀུན་གྱི་དགེ་བའི་བཤེས་གཉེན་རྡོ་རྗེ་སེམས་དཔའ་དེ་ཁོ་ན་ཉིད་ཅེས་བྱ་བ་ཐེག་པ་ཆེན་པོ་གསང་སྔགས་ཀྱི་དེ་ཁོ་ན་ཉིད་ངེས་པ་ཞེས་བྱ་བའི་ཆོས་སྟོན་ཏེ། སངས་རྒྱས་དེ་ནི་ཐེ་ཚོམ་ཐམས་ཅད་གཅོད་ཅིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ངེས་པར་སངས་རྒྱས་པར་ལུང་སྟོན་པའི་དགེ་བའི་བཤེས་གཉེན་དམ་པར་གྱུར་པས་སྐྱེས་བུར་དམ་པ་ལྔ་གང་གསང་སྔགས་གྱི་ངེས་པ་མ་རྙེད་པས་ཡོངས་སུ་མངོན་པར་རྫོགས་པའི་སངས་རྒྱས་པས་དེ་དག་ངེས་པའི་ཐེ་ཚོམ་བཅད་ཏེ་ལུང་སྟོན་པ་དེ་དག་གི་ལྟས་ཡིན་ནོ། །ཞེས་སྟོན་པ་གྱུར་ཏོ། །ལང་ཀའི་བདག་པོ་དེ་ལྟར་ན་སྐྱེས་བུ་དམ་པ་དེ་དག་ནི་དེ་ཁོ་ན་ཉིད་ཀྱི་ཉམས་རྙེད་མ་ཐག་ཆོས་ཀྱི་རྒྱལ་པོ་རྒྱལ་ཚད་སྐྱེས་བུ་དམ་པ་ཞེས་བྱ་བར་ངེས་པར་གྱུར་རོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དབུགས་ཆེན་པོ་ཡོངས་སུ་ཕྱིན་པའི་ལེའུ་ཞེས་བྱ་སྟེ་བཅུ་གཉིས་པའོ།། །།དེ་ནས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་འདི་སྐད་ཅེས་དྲི་བ་ཡོངས་སུ་དྲིས་པ། གསང་བ་པའི་བདག་པོ་སྐྱེས་བུ་དམ་པ་དེ་དག་དམ་པ་རྣམས་ཀྱི་ཞིང་དུ་ཇི་ལྟར་གྲགས་པ་ལགས་གསང་བ་པའི་བདག་པོས་སྨྲས་པ། ལང་ཀའི་བདག་པོ་སྐྱེས་བུ་དམ་པ་དེ་དག་ནི་དམ་པ་རྣམས་ཀྱི་ཞིང་དུ་གང་ཆོས་ཀྱི་རྒྱལ་པོའི་རྒྱལ་ཚབ་ཏུ་གྱུར་པའི་ཕྱིར། རྒྱལ་ཚབ་སྐྱེས་བུ་ཞེས་བྱ་བར་ཡོངས་སུ་གྲགས་པརགྱུར་ཏོ། །དེ་ཅིའི་ཕྱིར་ཞེས་ན། ལང་ཀའི་བདག་པོ་འདི་ལྟ་སྟེ། དཔེར་ན་གང་དྲ་མ་ཆེན་པོ་ཀུན་གྱི་སྤྱིར་བོར་གྱུར་པ་དག་རྒྱལ་པོ་རྒྱལ་རིགས་ཀྱི་རྒྱུད་དུ་བྱུང་བ་དང་། མཚན་མ་དང་ལྡན་པ་དང་། ཆོས་ཤེས་པ་དང་། འཁོར་དང་ལྡན་པ་དང་དབང་ཐོབ་པ་ལྡན་ན་མང་པོས་བཀུར་བ་ཐོབ་པ་དེ་བཞིན་དུ་སྐྱེས་བུ་དམ་པ་དེ་དག་ཀྱང་རྒྱལ་བ་ཀུན་གྱི་རྒྱུད་དུ་བྱུང་བ་དང་། མཚན་དང་དཔེ་བྱད་ཀུན་གྱི་རྟགས་དང་ལྡན་པ་དང་། ཆོས་ཤེས་པ་དང་། བསྡུ་བའི་འཁོར་དང་ལྡན་པ་དང་། དབང་བཅུ་ཐོབ་པ་དེ་ཆོས་དེ་དག་དང་ལྡན་པས་ན་དེའི་ཕྱིར་རྒྱལ་ཚབ་སྐྱེས་བུ་ཞེས་བྱ་བར་གྲགས་སོ། །ལང་ཀའི་བདག་པོ་དེ་ཡང་འདི་ལྟར། །རྒྱལ་རིགས་རྒྱུད་དུ་གང་བྱུང་ན། རྒྱལ་སྲིད་དམངས་ཀྱིས་གང་བསྟབས་པས། །ཚིག་བཙན་ཡུལ་ལ་དབང་སྒྱུར་བའི། །ཀུན་གྱི་སྤྱི་བོར་གྱུར་པ་བཞིན། །རྒྱལ་རྣམས་ཡོངས་སུ་རྫོགས་པ་ན། ལྷ་དང་བཅས་པའི་འཇིག་རྟེན་པས། ཆོས་ཀྱི་རྒྱལ་པོར་མངའ་བསྟབས་པས། །དེ་ནས་བྱང་ཆུབ་མངོན་སངས་རྒྱས། །ལང་ཀའི་བདག་པོ་དེ་ལྟར་ཆོས་ལྔ་དང་ལྡན་པའི་སྐྱེས་བུ་དམ་པ་དེ་དག་དབུགས་ཆེན་པོ་ཡོངས་སུ་ཕྱིན་པའི་གནས་ག་ན་བ་དེར་དམ་པ་རྣམས་ཀྱི་ཞིང་ཁམས་མཐའ་ཐུག་པ་མེད་པ་ནས་རྒྱལ་བ་དཔག་ཏུ་མེད་པ་དག་ཇི་ལྟར་མཁའ་ལ་དབྱར་གྱི་སྤྲིན་ཕུང་བཞིན་ཡོངས་སུ་འདུ་བར་འདུས་ནས་ཀུན་ཀྱང་གསུང་པ་གཅིག་ཏུ་རྒྱལ་ཚབ་སྐྱེས་བུ་དམ་པ་ཆོས་ཀྱི་རྒྱལ་པོ་ཞེས་བྱ་བའི་མིང་གི་གྲགས་པའི་དབང་གིས་དབང་བསྐུར་རོ། །དེ་ལྟར་་ལ་ལས་ནི་རྡོ་རྗེས་གདུང་དང་སྡེའི་རྒྱུད་དུ་དབང་གིས་དབང་བྱིན་ནོ། །ལ་ལས་ནི་རིན་པོ་ཆེའི་གདུང་དང་སྡེའི་རྒྱུད་དུ་དབང་གིས་དབང་བྱིན་ནོ། །ལ་ལས་ནི་པརློའི་གདུང་དང་སྡེའི་རྒྱུད་དུ་དབང་གིས་དབང་བྱིན་ནོ། །ལ་ལས་ནི་གཞོན་ནུའི་གདུང་དང་སྔོནའི་རྒྱུད་དུ་དབང་གིས་དབང་བྱིན་ནོ། །ལ་ལས་ནི་གླང་པོའི་གདུང་དང་སྡེའི་རྒྱུད་དུ་དབང་གིས་དབང་བྱིན་ནོ། ལ་ལས་ནི་མཚན་གྱི་འོད་ཟེར་གྱི་དབང་གིས་དབང་བྱིན་ནོ། །ལ་ལས་ནི་དཔེ་བྱད་ཀྱི་འོད་ཟེར་གྱི་དབང་གིས་དབང་བྱིན་ནོ། །ལ་ལས་ནི་རྒྱན་གྱི་འོད་ཟེར་གྱི་དབང་གིས་དབང་བྱིན་ནོ། །ལ་ལས་ནི་ཁ་དོག་དྲུག་གི་འོད་ཟེར་གྱི་དབང་གིས་དབང་བྱིན་ནོ། །ལ་ལས་ནི་ཆོས་མ་འདྲེས་པའི་དབང་གིས་དབང་བྱིན་ནོ། །ལ་ལས་ནི་སྟོབས་བཅུའི་བདང་གིས་དབང་བྱིན་ནོ། །ལ་ལས་ནི་མི་འཇིགས་པ་བཞིའི་བདག་གིས་དབང་བྱིན་ནོ། །ལ་ལས་ནི་སོ་སོ་ཡང་དག་པར་རིག་པའི་དབང་གིས་དབང་བྱིན་ནོ། །ལ་ལས་ནི་མཐུན་པའི་མདུན་པའི་དབང་གིས་དབང་བྱིན་ནོ། །ལ་ལས་ནི་ཕྱོགས་མེད་པས་བསྡུ་བའི་དབང་གིས་དབང་བྱིན་ནོ། །ལ་ལས་ནི་གཏོང་བས་བསྡུ་བའི་དབང་གིས་དབང་བྱིན་ནོ། །ལ་ལས་ནི་སྤྱོད་པས་བསྡུ་བའི་དབང་གིས་དབང་བྱིན་ནོ། །ལ་ལས་ནི་སྤྱོད་པ་མཐུན་པའི་དབང་གིས་དབང་བྱིན་ནོ། །ལ་ལས་ནི་འདྲེན་པས་བསྡུ་བའི་དབང་གིས་དབང་བྱིན་ནོ། །ལ་ལས་ནི་དབང་གིས་བདུ་པའི་དབང་གིས་དབང་བྱིན་ནོ། །ལ་ལས་ནི་མཉམ་པས་བསྡུར་བའི་དབང་གོས་དབང་བྱིན་ནོ། །ལ་ལས་ནི་རག་ལས་པས་བསྡུ་བའི་དབང་གིས་དབང་བྱིན་ནོ། །ལ་ལས་ནི་རྒྱུས་བསྡུ་བའི་དབང་གིས་དབང་བྱིན་ནོ། །ལ་ལས་ནི་འབྲས་བུས་བསྡུ་བའི་དབང་གིས་དབང་བྱིན་ནོ། །ལ་ལས་ནི་གང་དུ་བདག་བའི་དབང་གིས་དབང་བྱིན་ནོ། །ལ་ལས་ནི་རྣམ་པར་རིག་པའི་དབང་གིས་དབང་བྱིན་ནོ། །ལ་ལས་ནི་དགའ་བ་དབང་དུ་འགྱུར་བའི་དབང་གིས་དབང་བྱིན་ནོ། །ལ་ལས་ནི་ཡོངས་སུ་བཀོད་པའི་དབང་གིས་དབང་བྱིན་ནོ། །ལ་ལས་ནི་ཀུན་ལ་འཇུག་པའི་དབང་གིས་དབང་བྱིན་ནོ། །ལ་ལས་ནི་ཀུན་ཏུ་མྱུར་བའི་དབང་གིས་དབང་བྱིན་ནོ། །ལ་ལས་ནི་ཇི་ལྟར་གནས་པའི་དབང་གིས་དབང་བྱིན་ནོ། །ལ་ལས་ནི་ཇི་ལྟ་བ་བཞིན་སྤྱོད་པའི་དབང་གིས་དབང་བྱིན་ནོ། །ལ་ལས་ནི་སྐྱེ་འགག་མེད་པར་མཐོང་བའི་དབང་གིས་དབང་བྱིན་ནོ། །ལ་ལས་ནི་ཅིར་ཡང་སྣང་བའི་དབང་གིས་དབང་བྱིན་ནོ། །ལ་ལས་ནི་རྒྱལ་ཚབ་སྐྱེས་བུའི་དབང་གིས་དབང་བྱིན་ནོ། །ལ་ལས་ནི་བྱིན་གྱི་བརླབས་གིས་དབང་བྱིན་ནོ། །ལ་ལས་ནི་ལུང་སྟོན་པའི་དབང་གིས་དབང་བྱིན་ནོ། །ལ་ལས་ནི་རྩལ་ཆེན་ནུས་པའི་དབང་གིས་དབང་བྱིན་ནོ། །ལ་ལས་ནི་རྒྱུད་ཀྱི་ཆུ་བོའི་དབང་གིས་དབང་བྱིན་ནོ། །ལ་ལས་ནི་འབྱུང་བའི་ཆུ་བོའི་དབང་གིས་དབང་བྱིན་ནོ། །ལ་ལས་ནི་གྲགས་པའི་ཆུ་བོའི་དབང་གིས་དབང་བྱིན་ནོ། །ལ་ལས་ནི་རྫོགས་པའི་ཆུ་བོའི་དབང་གིས་དབང་བྱིན་ནོ། །ལང་ཀའི་བདག་པོ་སྐྱེས་བུ་དམ་པ་དེ་དག་ཀྱང་ལས་ལས་ནི་ཆོས་ཀྱི་རྒྱལ་པོར་དབང་བྱིན་ནོ། །ལ་ལས་ནི་བྱིན་གྱི་བརླབས་ཀྱི་དབང་ཕྱུག་དུ་དབང་བྱིན་ནོ། །ལ་ལས་ནི་སྒྲོན་མ་བྱེད་པའི་བྱ་བར་དབང་བྱིན་ནོ། །ལ་ལས་ནི་གསང་བ་འཛིན་པར་དབང་བསྐུར་རོ། །ལ་ལས་ནི་ཆོས་ཀྱི་རྒྱལ་པོ་ཉིད་ལྟ་བུར་བསྟན་ནས་དབང་བསྐུར་རོ། །ལ་ལས་ནི་རིགས་ཀྱི་སངས་རྒྱས་ལྟ་བུར་བསྟན་ནས་དབང་བསྐུར་རོ། །ལ་ལས་ནི་རྒྱལ་བ་དཔག་ཏུ་མེད་པ་སྙེད་དུ་བསྟན་ནས་དབང་བསྐུར་རོ། །ལ་ལས་ནི་གཟུགས་སྐུ་རྣམ་གཉིས་ལྟ་བུར་བསྟན་ནས་དབང་བསྐུར་རོ། །ལ་ལས་ནི་རྒྱལ་སར་གྱུར་བའི་དུས་ལ་བབ་པའི་ཕྱིར་དབང་བསྐུར་རོ། །ལ་ལས་ནི་གཟུགས་སུ་སངས་རྒྱས་པའི་དུས་ལ་བབ་པའི་ཕྱིར་དབང་བསྐུར་རོ། །ལ་ལས་ནི་ལུང་ངེས་པར་ཐོབ་པའི་དུས་ལ་བབ་པའི་ཕྱིར་དབང་བསྐུར་རོ། །ལ་ལས་ནི་གསང་བའི་སྙིང་པོར་ངེས་པའི་དུས་ལ་བབ་པའི་ཕྱིར་དབང་བསྐུར་རོ། །ལ་ལས་ནི་རིན་པོ་ཆེ་ཏོག་ལྟ་བུའི་དབང་གིས་དབང་བྱིན། ལ་ལས་ནི་ཉི་ཟླ་རྡོ་རྗེ་འབར་བའི་དབང་གིས་དབང་བྱིན། ལ་ལས་ནི་རིགས་ཀྱི་ཕྱག་རྒྱ་ལྟ་བུའི་དབང་གིས་དབང་བྱིན་ལ་ལས་ནི་རྡོ་རྗེ་ཕ་ལམ་ལྟ་བུའི་དབང་གིས་དབང་བྱིན། ལ་ལས་ནི་དགའ་ལྡན་ལྟ་བུ་ཤ་དག་དུ་དབང་བྱིན། ལ་ལས་ནི་འོག་མིན་ལྟ་བུ་ཤ་དག་ཏུ་དབང་བྱིན། ལ་ལས་ནི་སྙིང་པོ་བྱང་ཆུབ་ཀྱི་གནས་ག་ན་བར་དབང་བྱིན། ལ་ལས་ནི་དབང་སྒྱུར་གྱི་ཁང་བཟངས་ལ་སོགས་ལ་ལྟ་བུ་དབང་བྱིན། ལ་ལས་ནི་ཆོས་ཀྱི་རྒྱལ་ཚབ་ལྟ་བུ་བྱིན། ལ་ལས་ནི་རྫོགས་པའི་ལོངས་སྤྱོད་ལྟ་བུ་བྱིན། ལ་ལས་ནི་ཆོས་ཀྱི་མངའ་བདག་ཉིད་ལྟ་བུ་བྱིན། ལ་ལས་ནི་གསང་བའི་བདག་པོ་ལྟ་བུ་བྱིན། ལང་ཀའི་བདག་པོ་དབང་གི་དོན། །རྒྱུ་དག་འཐོབ་དག་མི་འཐོབ་དང་། །ཡུལ་དང་སྣོད་དང་ཁྱད་པར་རྟགས། །བདུན་གྱིས་འདིའི་དོན་བསྡས་པའོ། །ལང་ཀའི་བདག་པོ་དེ་ལ་རྒྱ་ནི་རྣལ་འབྱོར་ཆེན་པ་ལྔ་སྟེ། འདྭན་པའི་རྣམ་འབྱོར་དང་། རིགས་ཆེན་འབྱེད་པའི་རྣལ་འབྱོར་དང་། དབུགས་ཆེན་འབྱིན་པའི་རྣལ་འབྱོར་དང་། ལུང་ཆེན་ཐོབ་པའི་རྣལ་འབྱོར་དག །རྩལ་ཆེན་རྫོགས་པའི་རྣལ་འབྱོར་རྣམས་སུ་རིག་པར་བྱའོ། །ལང་ཀའི་བདག་པོ་ཐོབ་པའི་ཚད་ནི་འདི་ལྟ་སྟེ། བསླབ་པ་ཡོངས་སུ་ཆུབ་པ་དང་། དེ་ཁོ་ན་ཉིད་མཐོང་བ་དང། ཤེས་བྱ་གང་ལ་ཉམ་མི་ང་བ་དང་། གང་གི་འཇིགས་པ་དང་བྲལ་བའོ། །གང་མི་འཐབ་པ་ནི་གང་སྩོ་་པ་དང་། གང་དག་མ་ངེས་པ་དང་། གང་ལ་དམ་པར་དམིགས་པ་དང་། གང་དུ་མི་འབྱུང་བའོ། །ལང་ཀའི་བདག་་པོ་ཡུལ་ནི་མཆོད་རྟེན་དང་། སྒྲ་བརྙན་དང་། ཚད་མ་དང་། ངེས་པའོ། །ལང་ཀའི་བདག་པོ་གང་སྣོད་དུ་གྱུར་པ་ནི་རྒྱུད་དུ་བྱུང་བ་དང་། རྩལ་ཆེན་རྫོགས་པ་དང་། ཐུགས་རྗེ་བྱུང་བ་དང་། གཞན་པ་དབང་དུ་གྱུར་པའོ། །ལང་ཀའི་བདག་པོ་ཁྱད་པར་ནི་འདི་ལྟ་སྟེ། རྩལ་གྱིས་ཐོབ་པ་དང་། བསྐུར་བས་ཐོབ་པའོ། །ལང་ཀའི་བདག་པོ་རྩལ་གྱིས་ཐོབ་པ་ནི་འདི་ལྟ་སྟེ། རྒྱལ་བ་རྣམས་ཀྱི་གསང་བའི་ཐུགས། །རྟོགས་ནས་གང་ལ་གསལ་བྱེད་པ། དབང་རྣམས་ཀུན་གྱི་མཆོག་ཡིན་ཏེ། སྲིད་པ་གསུམ་གྱིས་དེ་དབང་བསྐུར། ལང་ཀའི་བདག་པོ་གང་བསྐུར་བས་ཐོབ་པ་ནི་གང་ལ་ཕན་པ་དང་གང་གིས་ནུས་པ་ཙམ་དུ་ཤེས་པར་བྱའོ། །ལང་ཀའི་བདག་པོ་རྟག་ནི་འདི་ལྟ་སྟེ། །གཙུག་ཏོག་དམ་པ་འབྱུང་བ་དང་། །གང་ལ་མ་བཞག་ལྷན་ནེ་དང་། །ལྷུན་གྱིས་ཡོངས་སུ་གྲུབ་པ་དང་། འོད་ཟེར་མཐའ་ཡས་རྒྱས་པའོ། །ལང་ཀའི་བདག་པོ་དེ་ལྟར་ན་དེའི་ཕྱིར་སྐྱེས་བུ་དམ་པ་དེ་དག་ནི་ཆོས་ཀྱི་རྒྱལ་པོ་དམ་པ་ཞེས་བྱ་བར་དམ་པ་རྣམས་ཀྱི་ཞིང་དུ་ཡོངས་སུ་གྲགས་སོ། །ལང་ཀའི་བདག་པོ་དབང་གི་ཡང་། ཡིད་གཅིག་བསྡུས་ཏེ་ཤེས་པར་གྱིས། །ཁུངས་དང་གྲགས་པའི་ཆུ་བོ་དང་། །ཡུལ་དང་བདག་པོ་དགོས་པ་དང་། །ཐབས་དང་གནས་དང་རྟགས་དང་དོན། །བསྡུས་པ་འདི་ཡིས་རྫོགས་པ་ཡིན། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐྱེས་བུ་དམ་པ་དབང་ཐོབ་པའི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་སེམས་དཔའི་དེ་ཁོ་ན་ཉིད་དེས་སྐྱེས་བུ་དམ་པ་དེ་དག་ཡོངས་སུ་རྫོགས་པར་ལུང་བསྟན་པ་ནི་འདི་ལྟ་སྟེ། སྐྱེས་བུ་དམ་པ་དེ་དང་ཁྱེད་ནི་ཐོག་མ་དང་ཐ་མ་མེད་པའི་དུས་ནས་མངོན་པར་རྫོགས་པར་སངས་རྒྱས་པ་འབའ་ཞིག་ཏུ་གྱུར་ཏེ། །སྐྱེས་བུ་དམ་པ་སེམས་དཔའ་རྡོ་རྗེ་ཞེས་བྱ་བ་དེ་ནི་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བར་སངས་རྒྱས་མི་འཁྲུགས་པ་བྱ་བར་འགྱུར་རོ། །སྐྱེས་བུ་དམ་པ་རྡོ་རྗེ་རིན་ཆེན་ཞེས་བྱ་བ་དེ་ནི་འཇིག་རྟེན་གྱི་ཁམས་དཔལ་དང་ལྡན་པ་ཞེས་བྱ་བར་སངས་རྒྱས་རིན་ཆེན་འབྱུང་བ་ཞེས་བྱ་བར་འབྱུང་བར་འགྱུར་རོ། །སྐྱེས་བུ་དམ་པ་རྡོ་རྗེ་ཆོས་ཞེས་བྱ་བ་དེ་ནི་འཇིག་རྟེན་གྱི་ཁམས་བདེ་བ་ཅན་ཞེས་བྱ་བར་སངས་རྒྱས་འོད་མཐའ་ཡས་ཞེས་བྱ་བར་འབྱུང་བར་འགྱུར་རོ། །སྐྱེས་བུ་དམ་པ་རྡོ་རྗེ་དབྱིངས་ཞེས་བྱ་བ་དེ་ནི་འཇིག་རྟེན་གྱི་ཁམས་བྱང་ཆུབ་སེམས་ཀྱིས་བརྒྱན་པ་ཞེས་བྱ་བར་སངས་རྒྱས་རྣམ་པརསྣངམཛད་ཅེས་བྱ་བར་འབྱུང་བར་འགྱུར་རོ། །སྐྱེསབུ་དམ་པ་རྡོ་རྗེ་སྣ་ཚོགས་ཞེས་བྱ་དེ་ནི་འཇིག་རྟེན་གྱི་ཁམས་རྣམ་པར་དག་པ་ཞེ་བྱ་བར་སངསརྒྱས་གདོན་མི་ཟ་བར་གྲུབ་་།ཞེས་བྱབར་འབྱུང་བར་འགྱུར་རོ། །ཞིང་ཁམས་དེ་དག་ཀུན་གྱི་ཡོན་ཏན་ནི་ཡོངས་སུབརྗོད་པར་བྱ་བའི་དཔེ་ལས་འདས་ཏེ་དཔེ་མེད་པའི་ཕྱིར་བརྗོད་ཀྱི་མིལང་ངོ་། །སྐུ་ཚེའིཚད་ནི་དཔག་ཏུ་མེད་པ་འབའ་ཞིག་གོ །ཞིང་ཁམས་དེར་འཁོད་པའིསེམས་ཅན་ཆེན་པོ་རྣམས་ནིརིག་འཛིན་ཆེན་པོ་འབའ་ཞིག་གོ །ཚེའི་ཚད་ཀྱང་དེ་ཉིད་ཀྱི་རིག་པ་འཛིན་པའི་ཚེ་ཚད་ཉིད་དོ། །འཇིག་རྟེན་གྱི་ཁམས་གཞན་ནས་སྨིན་པའི་རིག་འཛིན་མཐའ་ཐུག་པ་མེད་པ་རྣམས་ཀྱང་ཞིང་ཁམས་དེ་དགཏུརྣམ་པར་སྣང་ངོ་། །དེ་དག་ན་ཆོས་ཉན་པ་དང་། སྨྲ་བ་དང་། རྣམ་པར་འགྲོ་བ་ནི་ཏིང་ངེ་འཛིན་འབའ་ཞིག་གོ །ཆོས་ཀྱང་བྱ་བ་མེད་པའི་ཆོས་ཉིད་དེ་ཁོ་ན་ཉིད་གསང་བ་དམ་པའི་འབའ་ཞིག་གོ །ལོངས་སྤྱོད་སྐྱང་ཆོས་ཉིདཟབམོ་འབའ་ཞིག་ལ་ལོངས་སྤྱོད་དོ། །རིག་འཛིན་དེ་དག་ཀུན་ཀྱང་རིགས་ལྔ་འབའ་ཞིག་སྟེ། དེ་ཅིའི་ཕྱིར་ཞེ་ན། ཐམས་ཅད་ཀྱང་རིགསལྔ་ལས་བྱུང་ཞིགང་ལྔར་སྣང་ལ་ལྔར་སྨིན་པ་སྟེ། ལྔ་ལས་གྱུར་པས་ལྔར་ངེས་པནི་འདི་ལྟ་སྟེ། གང་ཞེ་སྔང་གི་རིགས་དང་། ང་རྒྱལ་གྱི་རིགས་དང་། འདོད་ཆགས་གྱི་རིགསདང་། ཕྲག་དོག་གི་རིགས་དང་། གཏི་མུག་གི་རིགས་དང་། བཟོད་ལྡན་གྱི་རིགས་དང་། ཀུན་གདུང་གི་རིགས་དང་། དྲུག་འབྱུང་གི་རིགས་དང་། འབྱུང་ལྡན་གྱི་རིགས་དང་། གནས་ལྡན་གྱི་རིགས་དང་། དམངས་རིགས་དང་། རྒྱལ་རིགས་དང་། རྗེའུ་རིགས་དང་། བྲམ་ཟེའི་རིགས་དང་། གདོལ་བའི་རིགས་དང་། ཀུན་སྣང་གི་རིགས་དང་། རིགས་གཅིག་པའི་རིགས་དང་། ཐ་དད་པའི་རིགས་དང་། བྱ་བ་བྱེད་པའི་རིགས་དང་། ཐམས་ཅད་འབྱུང་བའི་རིགས་དང་། རྡོ་རྗེའི་གདུང་དང་། སྡེའི་རིགས་དང་། ནོར་བུའི་གདུང་དང་། སྡེའི་རིགས་དང་། པདྨའི་གདུང་དང་། སྡེའི་རིགས་དང་། གཞོན་ནུའི་གདུང་དང་། སྡེའི་རིགས་དང་། གླང་པོའི་གདུང་དང་། སྡེའི་རིགས་འབའ་ཞིག་གོདེ་བཞིན་དུ་ཐམས་ཅད་ནས་ཐམས་ཅད་དུ་སྣང་བའི་སངས་རྒྱས་དང་བྱང་ཆུབ་སེམས་དཔའ་མཐའ་ཐུག་པ་མེད་པ་རྣམས་ཀྱང་ལས་དག་འཇུག་པའི་དབང་གིས་རིགས་ལྔ་འབའ་ཞིག་གོ །ཇི་བཞིན་པའི་དབང་གིས་ན་ཐམས་ཅད་ནས་ཐམས་ཅད་དུ་རིགས་ཀྱི་མཚན་མ་མེད་དོ། །ཐ་སྙད་མེད་དོ། །རྣམ་པར་མེད་དོ། །ཡུལ་མེད་དོ། །འཇུག་པ་མེད་དོ། །སངས་རྒྱས་པ་མེད་དོ། །ལུང་བསྟན་པ་མེད་དོ། །དེས་པ་རྙེད་པ་མེད་དོ། །ཐམས་ཅད་ནས་ཐམས་ཅད་དུ་བྱང་ཆུབ་ཉིད་དོ། །སྟོང་པ་ཉིད་དོ། །སྙིང་པོ་ཉིད་དོ། །དེ་ཁོ་ན་ཉིད་དོ། །ཡང་དག་པ་ཉིད་དོ། །ངེས་པ་དམ་པ་ཉིད་དོ། །གཞན་མ་ཡིན་པ་ཉིད་དོ། །སྐྱེ་བ་མེད་པ་ཉིད་དོ། །འགག་པ་མེད་པ་ཉིད་དོ། །དེ་བཞིན་ཉིད་དོ། །མ་ནོར་བ་ཉིད་དོ། །ཆོས་ཉིད་དོ། །ཆོས་ཀྱི་དབྱིངས་ཉིད་དོ། །བསམ་གྱིས་མི་ཁྱབ་པས་བསམ་དུ་མེད་པ་ཉིད་དོ། ཡང་དག་པའི་མཐའ་མཉམ་པ་ཉིད་དོ་ཞེས་ལུང་བསྟན་པ་དང་། །དེ་ཁོ་ན་ཉིད་གསང་བ་དམ་པའི་སྒྲ་དཔལ་རྡོ་རྗེ་སེམས་དཔའི་དེ་ཁོ་ན་ཉིད་སྟོང་པ་ཉིད་ལས་གྲགས་པས་སྐྱེས་བུ་དམ་པ་རྣམས་ཐམས་ཅད་ནས་ཐམས་ཅད་དུ་བྱང་ཆུབ་ཀྱི་སྙིང་པོ་ཉིད་དུ་ངེས་པ་རྙེད་དོ། །ཀྱེ་ལང་ཀའི་བདག་པོ་བྱང་ཆུབ་ཀྱི་སེམས་དེ་ཁོ་ན་ཉིད་གསང་བ་དམ་པ་དེ་འདི་ལྟར་དཀའ་བ། འདི་ལྟར་ཟབ་པ། འདི་ལྟར་རྒྱ་ཆེ་བ། འདི་ལྟར་བསམ་དུ་མེད་པ། བསམ་གྱིས་མི་ཁྱབ་པའི་ཕྱིར་གང་གི་ངེས་པ་རྙེད་པར་དཀའ་བ་ནི་དེ་ལྟ་བུའོ། །དེ་ནས་ཡང་ལང་ཀའི་བདག་པོས་དྲིས་པ། ཀྱེ་གསང་བ་པའི་བདག་པོ་བྱང་ཆུབ་གྱི་སེམས་དེ་ཁོ་ན་ཉིད་གསང་བ་དམ་པ་འདི་རྒྱུན་དང་བཅས་པ་ཞིག་གམ། འོན་ཏེ་རྒྱུན་ཆད་པ་ཞིག གལ་ཏེ་རྒྱུན་དང་བཅས་པ་ཞིག་ན་ནི་ཡེ་ཤེས་ཆེན་པོ་སྐྱེ་འགག་དང་བཅས་པ་ཡིན་ནོ། །འོན་ཏེ་རྒྱུན་ཆད་པ་ཞིག་ན་ནི་ཡེ་ཤེས་ཡེ་ཤེས་ཀྱི་ཁྱབ་པར་དངས་དགོངས་པ་དགོངས་པའི་གོ་འཕང་མེད་པར་འགྱུར་རོ། །དེ་སྐད་ཅེས་དྲིས་པ་དང་། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་བྱང་ཆུབ་ཀྱི་སེམས་དེ་ཁོ་ན་ཉིད་གསང་བ་དམ་པ་དེ་ནི་སྐྱེ་འགག་མེད་པར་རྒྱུན་དང་བཅས་པའོ། །དྲིས་པ་དང་།གསང་བ་པའི་བདག་པོ་གང་གི་རྒྱུན་དང་བཅས་པ་ལགས། སྨྲས་པ། ལང་ཀའི་བདག་པོ་ཡེ་ཤེས་རྒྱུན་དང་བཅས་པའོ། །སྙིང་རྙེད་རྒྱུན་དག་བཅས་པའོ། །ཕྲིན་ལས་རྒྱུན་དང་བཅས་པའོ། །ཡོན་ཏན་རྒྱུན་དང་བཅས་པའོ། །བྱིན་བརླབས་རྒྱུན་དང་བཅས་པའོ། །སྨོན་ལམ་རྒྱུན་དང་བཅས་པའི་ཕྱིར་རྒྱུན་མ་ཆད་པའོ། །དྲིས་པ། གསང་བ་པའི་བདག་པོ་དེ་དག་ལ་ཅིའི་ཕྱིར་རྒྱུན་ཞེས་བྱ། །སྨྲས་པ། ལང་ཀའི་བདག་པོ་རྒྱུན་གྱི་རང་བཞིན་དུ་འབྱུང་བའི་ཕྱིར་རོ། །དྲིས་པ། རྒྱུན་གྱི་རང་བཞིན་གང་། སྨྲས་པ། ལང་ཀའི་བདག་པོ་གང་མེད་པ་ཉིད་རྒྱུན་གྱི་རང་བཞིན་ཏེ། འདི་ལྟ་སྟེ། རྒྱུན་དང་བཅས་པའི་བྱང་ཆུབ་སེམས། །མེད་རྒྱུ་བཏགས་ཆགས་བལྟས་པར་སྣང་། །སྣང་འདོད་སྡུག་བསྔལ་ཆེན་པོའི་ནང་། །དེ་ཉིད་ཆེ་ཡོན་རྒྱུན་མི་འཆད་། །ཀུན་ཏུ་རྒྱུན་དང་བཅས་པ་ཡི། །གསང་བ་དམ་པ་དེ་ཁོ་ན། །སྒྲོན་མ་དམ་པ་གང་དག་གིས། །སྐྱེས་བུ་དམ་པ་གང་དག་ལ་།་ ་།་དེ་ཉིད་ཆེན་པོར་དེ་ཉིད་རྒྱུད། །དགོངས་པ་སྣང་བ་མ་གཏོགས་པ། །བརྗོད་པས་བསྟན་ཡོད་མ་ཡིན་ཏེ། །མེད་རྒྱུ་སྣང་མེད་གང་མཐོང་བ། ཡེ་གཏང་མ་བཅོས་ཇི་བཞིན་ཏེ། །དེ་ཉིད་ངེས་པ་དེ་ཁོ་ན། །ཅིར་ཡང་མི་སྣང་དཔྱོད་དང་བྲལ། །བསམ་མེད་ཡུལ་ལས་འདས་པའོ། །ཀྱེ་ལང་ཀའི་བདག་པོ། སངས་རྒྱས་ཀུན་གྱི་དམ་པ་གསང་བའི་སྙིང་པོ་འདི་ལ་ཐས་ཅད་ནས་ཐམས་ཅད་དུ་གནས་པར་བྱའོ། །དེ་ཅིའི་ཕྱིར་ཞེ་ན། གང་ལས་ཀྱི་ཆོས་ཀྱིས་བསྤྱིངས་པ་རྣམས་ཀྱིས་བྱེ་བ་སྙེད་ཀྱི་བསྐལ་བར་ལས་དཀའ་བ་དཔག་ཏུ་མེད་པས་འབད་བཙལ་ཀྱང་། དམ་པ་མ་ཐོབ་པ་གང་དག་གིས་བྱ་བ་མེད་པའི་དོན་གྱི་ཐང་ཅིག་ཡུད་ཙམ་པ་གསང་བ་འདི་ལ་མོས་པ་ཙམ་གྱིས་གདོན་མི་ཟ་བར་དམ་པ་གསང་བ་ཐོབ་པར་འགྱུར་རོ། །དེའི་ཕྱིར་ལང་ཀའི་བདག་པོ་འདི་ལ་གནས་པར་བྱའོ། །འདི་ལས་མི་འདའ་བར་བྱའོ། །དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་རྣམས་བློ་གྲོས་དམ་པའི་ངེས་པ་རྙེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐྱེ་བུ་དམ་པ་ལུང་བསྟན་པའི་ལེའུ་སྟེ་བཅུ་བཞི་པའོ།། །།ཐེག་པ་ཆེན་པོ་ངེས་པར་འབྱུང་བ་ཚུལ་ལས་གང་གིས་ངེས་པ་རྙེད་པའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་གསུམ་པའོ།། །།དེ་ནས་ཡང་ལང་ཀའི་བདག་པོས་གསང་བ་པའི་བདག་པོ་ལ་སྔོན་དུ་བྱུང་བའི་ཚིག་བཅུ་གཉིས་པའི་བཞི་པ་སྙིང་པོ་བྱང་ཆུབ་ཉིད་དུ་ངེས་པ་ན་ཡང་འབྱུང་ཞེས་ལུང་བསྟན་པ་ཡོངས་སུ་དྲི་བ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་གཏམ་དུ་བརྗོད་པའི་སྐབས་སུ་སྙིང་པོ་བྱང་ཆུབ་ཉིད་དུ་ངེས་པ་ན་ཡང་འབྱུང་ཞེས་བཀོད་པ་དེ་ཇི་ལྟར་བ་ཞིག་ཏུ་ངེས་ཏེ་བྱུང་བ་ལགས། སྨྲས་པ། ལང་ཀའི་བདག་པོ་གང་དམ་པ་དང་ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་དུ་སྣང་བོ། སྨྲས་པ། གསང་བ་པའི་བདག་པོ་སྐྱེ་བུ་དམ་པ་གང་དག་ཡོངས་སུ་ངེས་པ་རྙེད་དེ་སྙིང་པོ་བྱང་ཆུབ་ཏུ་གནས་པ་ན་ཐམས་ཅད་ནས་ཐམས་ཅད་དུ་ཇི་ལྟར་སྣང་གང་སྣང་བ་ཞིག་ན་ནིམ་བྱུང་མ་སྐྱེས་པར་མི་རུང་བ་ཞིག མི་སྣང་བ་ཞིག་ན་ནི་རྒྱུན་གྱི་ཡེ་ཤེས་དངརྒྱུན་གྱི་སྙིང་རྗེ་འབྱུང་བར་མི་རུང་བ་ཞིགན་འདི་ལྟར་ཡོངས་སུ་ཤེས་པར་བགྱི། དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་དེ་ནི་འདི་ལྟ་སྟེ། སྙིང་པོ་བྱང་ཆུབ་ཇི་ལྟ་བ་ལ་སྐྱེས་བུ་དམ་དམ་པ་དེ་བཞིན་པ་ཉིད་དེ། སྙིང་པོ་བྱང་ཆུབ་གང་ཡིན་པ་དེ་ནི་སྐྱེས་བུ་དམ་པ་དེ་ཉིད་ལ་སྐྱེས་བུའི་དམ་པ་གང་ཡིན་པ་དེ་ནི་སྙིང་པོ་བྱང་ཆུབ་ཉིད་དེ་སྐྱེས་བུ་དམ་པ་ཞེས་ནི་མ་མཐོང་བ་སྙིང་པོ་བྱང་ཆུབ་ཅེས་ནི་མ་དམིགས་སོ། །དྲིས་པ། གང་མ་མཐོང་མ་དམིགས་ན་ནི་དམ་པ་རྣམས་ཀྱིས་གསུངས་པ་ལྟ་ན་གང་དེ་ཉིད་མཐོང་བ་དེས་ཆོས་ཐམས་ཅད་མཐོང་ངོ་ ཆོས་ཐམས་ཅད་མཐོང་བ་དེས་སྙིང་ཕོ་བྱང་ཆུབ་མཐོང་ངོ་ཞེས་གསུང་པ་དང་། གང་དེ་ཁོ་ན་ཉིད་ངེས་པ་རྙེད་པ་དེས་ངེས་པ་རྙེད་དོ་ཞེས་གསུངས་པ་ལས་འགལ་བར་གྱུར་ན་འདི་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་དྲིས་པལས། སྨྲས་པ། ཀྱེ་ལངཀའི་བདག་པོ་འདི་ལྟ་སྟེ། གཟུགས་སྣང་གང་མཐོང་རྫས་རྙེད་མིན། མ་མཐོང་དེ་མཐོང་ཉིད་ངེས་པ། །བརྗོད་མེད་གང་རིག་ཉམས་རྙེད་ལ། །མཐོང་རྙེད་ཐ་སྙད་ཙམ་དུ་བརྗོད། །རྣམ་དག་ལམ་ཆེན་དེ་ཉིད་དུ། །བྱུང་བའི་སྐྱེས་བུ་དམ་པ་དག །དོན་ཆེན་རབ་ཏུ་གེས་རྙེད་དེ། །མི་དམིགས་པ་ཡི་ངང་ཉིད་ལ། །མི་གཡོ་མི་རྟོག་པ་ཡི་ཚེ། །མི་གནས་ཆོས་སྐུའི་ངོ་བོ་ཉིད། །རང་བྱུང་ཡེ་ཤེས་ནམ་མཁའ་ཆེ། །མ་འདྲེས་ཡོངས་སུ་རྫོགས་པའི་ངང་། །མི་སྐྱེ་མི་འགག་དེ་བཞིན་ཉིད། །སྨྲ་བསམ་བརྗོད་མེད་རྟོགས་ལས་འདས། །སོ་སོ་རང་གི་སྒོད་ཡུལ་ཏེ་།་ ་།་དབུས་མཐའ་མི་དམིགས་ཇི་བཞིན་ཉིད། །སྙིང་པོ་བྱང་ཆུབ་ཀུན་ཡུམ་ལ། །མ་སྤྲོས་བདེ་བཞིན་ལྷན་ནེ་བའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་བྱང་ཆུབ་ཀྱི་སྙིང་པོ་དེ་ཁོ་ན་ཉོད་དེ་ཇི་ཙམ་ཞིག་ན་གནས་པར་འགྱུར། མཚན་དང་རང་བཞིན་ཅི་ལགས། སྨྲས་པ། ལང་ཀའི་བདག་པོ་ཀུན་དུ་མ་ངེས་ཏེ། དུས་ཚིགས་དང་། ཟླ་བ་དང་། ཟླ་བ་ཕྱེད་དང་། ཞག་དང་། ཉི་མ་དང་། ཐུན་དང་། ཐུན་ཕྱེད་དང་སྐད་ཅིག་དང་། ཐང་ཅིག་དང་། ཡུད་ཙམ་དང་། དེ་མ་ཐག་པ་དང་། དེ་ཁོ་ན་ཉིད་པ་དང་། བསྐལ་པ་དང་། བསྐལ་པ་ཚད་མེད་པས་སོ། །མཚན་ཉིད་དང་རང་བཞིན་མེད་པས་སོ། །མི་དམིགས་པའོ། །གོམས་པར་བྱས་པའོ། །ངེས་པར་བརྟགས་པའོ། །ཡོངས་སུ་སྤྱད་པའོ། །ཅིར་ཡང་སྣང་བའོ། །ཡིན་པར་ངེས་པའོ། །ཀུན་ནས་འབྱུང་བའོ། །ཐམས་ཅད་འདུས་པའོ། །ཡོངས་ལ་ཁྱབ་པའོ། །ཡོང་གིས་སྐྱེ་བའོ། །རྣམ་པར་དག་པའོ། །གར་ཡང་མ་གྲུབ་པའོ། །ཁྱབ་པ་མེད་པ། མ་ཁྱབ་པ་མེད་པ། མཐོ་དམན་མེད་པ། ཆེ་ཆུང་མེད་པ། བཟང་ངན་མེད་པ། ཡངས་དོག་མེད་པ། རྒྱུ་འབྲས་མེད་པ། ཕོ་མོ་མེད་པ། རིགས་རྒྱུད་མེད་པ། གཟུགས་མེད་པ། ལས་དང་རྣམ་སྨིན་མེད་པ། ཕྱི་ནང་མེད་པ། སྐྱེ་བ་མེད་པ། འཕོ་འགྱུར་མེད་པ། མུན་སྣང་མེད་པ། སྔ་ཕྱི་མེད་པ། མཐའ་དབུས་མེད་པ། བདག་གཞན་མེད་པ། རྩོལ་སྒྲུབ་མེད་པ། བླང་དོར་མེད་པ། ངང་གིས་མ་བཅོས་པ། ཡོང་གིས་འོད་གསལ་བ། མ་བསླད་པ། མ་བྱུང་བ། མ་སྐྱེས་པ་ཡིན་ན། ལང་ཀའི་བདག་པོ་ཅི་མཚན་ཉིད་དང་རང་བཞིན་ཅེ་ཞེས་འདྲི། བྱང་ཆུབ་ཀྱི་སྙིང་པོ་ནི་སྣང་བ་དང་མི་སྣང་བ་ལས་འདས་ཏེ་མཚན་ཉིད་དང་རང་བཞིན་མི་དམིགས་སོ། །དེ་ལྟར་ན་ལང་ཀའི་བདག་པོ་གང་སྐྱེས་བུ་དམ་པ་དག་སྙིང་པོ་བྱང་ཆུབ་ཏུ་གནས་ཏེ་མི་དམིགས་པ་དེ་རྡོ་རྗེ་སེམས་དཔའ་སྟོང་པ་ཉིད་དེ་ཁོ་ན་ཉིད་དམ་པ་དེ་ལས་དེ་དག་བགམ་པའི་ཕྱིར་འདི་སྐད་ཅེས་འབྱུང་ངོ་། །ཀྱེ་སྐྱེ་བུ་དམ་པ་དག་གང་སྙིང་པོ་བྱང་ཆུབ་མཐོང་ངམ། སྐྱེས་བུ་དམ་པ་རྣམས་སྙིང་པོ་བྱང་ཆུབ་དེ་ཁོ་ན་ཉིད་དེ་ལས་འདི་སྐད་ཅེས་འབྱུང་ངོ་། །ཀྱེ་བཤེས་གཉེན་དམ་པ་བྱང་ཆུབ་ཀྱི་སྙིང་པོ་ནི་བདག་ཅག་གིས་མ་མཐོང་བར་མཐོང་ལགས་སོ། །བཀའ་སྩལ་པ། ཇི་ལྟར་མ་མཐོང་བར་མཐོང་། གསོལ་པ། བྱང་ཆུབ་ཀྱི་སྙིང་པོར་མ་མཐོང་བར་ཐམས་ཅད་བྱང་ཆུབ་ཀྱི་སྙིང་པོ་མཐོང་ལགས་སོ། །བཀའ་སྩལ་པ། བྱང་ཆུབ་ཀྱི་སྙིང་པོ་ཞེས་གང་ལ་བྱ། །གསོལ་པ། བཤེས་གཉེན་དམ་པ་བྱང་ཆུབ་ཀྱི་སྙིང་པོ་ནི་སངས་རྒྱས་ཀུན་གྱི་གསང་བ་དགོངས་པ་དམ་པ་ལ་བགྱིའོ། །བཀའ་སྩལ་པ་།་ སྐྱེས་བུ་དམ་པ་དགོངས་པ་དམ་པ་ཞེས་གང་བྱ། གསོལ་པ། ཐམས་ཅད་ཀྱི་རང་བཞིན་གང་ལགས་པ་དེ་ཁོ་ན་ཉིད་དོ། བཀའ་སྩལ་པ། ཅིའི་ཕྱི་ཐམས་ཅད་ཀྱི་རང་བཞིན་ལ་གསང་སྔགས་ཞེས་བྱ། གསོལ་པ།ཐམས་ཅད་ཀྱི་རང་བཞིན་གང་ལགས་པ་དེ་ནི་གང་གིས་ཀྱང་མི་མཐོང་། མི་རྟོགས། སྤྱོད་ཡུལ་དུ་མ་གྱུར། སྨྲར་མེད་པ། བརྗོད་པ་ལས་འདས་པ། བསམ་དུ་མེད་པ། བསམ་གྱིས་མི་ཁྱབ་པ། བརྟག་པར་དཀའ་ཞིང་བསྟན་པར་དཀའ་བའི་ཕྱིར་ལགས་སོ། །བཀའ་སྩལ་པ། སྐྱེས་བུ་དམ་པ་ཐམས་ཅད་ཀྱི་རང་བཞིན་མཐོང་ངམ། གསོལ་པ། བཤེས་གཉེན་དམ་པ་ཐམས་ཅད་ཀྱི་རང་བཞིན་ནི་བདག་ཅག་གི་མ་མཐོང་ལགས་སོ། །བཀའ་སྩལ་པ། ཅིའི་ཕྱིར་མ་མཐོང་། གསོལ་པ། མི་དམིགས་པའི་སླད་དུའོ། །བཀའ་སྩལ་པ། སྐྱེས་བུ་དམ་པ་ཁྱེད་ཀྱིས་ཐམས་ཅད་ཀྱི་རང་བཞིན་མ་མཐོང་ངམ། གསོལ་པ། བཤེས་གཉེན་དམ་པ་བདག་ཅག་གིས་མཐོང་ལགས་སོ། །བཀའ་སྩལ་པ། སྐྱེས་བུ་དམ་པ་ཇི་ལྟ་བུར་མཐོང་། གསོལ་པ་ཐམས་ཅད་ཀྱི་རང་བཞིན་གང་ལགས་པ་དེ་མ་བཅོས། མ་བསླད། མ་བྱུང་། མ་སྐྱེས། ཇི་བཞིན་པ་དེ་ཁོ་ན་ཉིདཡེཇིབཞིནཔའིདཀྱིལ་འཁོར་དུ་མཐོང་ལགས་སོ། །བཀའ་སྩལ་པ། སངས་རྒྱས་མཐོང་ངམ། གསོལ་པ། མ་མཐོང་ལགས་སོ། །བཀའ་སྩལ་པ། ཅིའི་ཕྱིར་མ་མཐོང་། གསོལ་པ། མི་དམིགས་པའི་སླད་དུའོ། །བཀའ་སྩལ་པ། མམཐོང་ངམ། གསོལ་པ། མཐོང་ལགས་སོ། །བཀའ་སྩལ་པ། ཇི་ལྟ་བུར་མཐོང་། གསོལ་པ། ཐམས་ཅད་དེ་བཞིན་ཉིད་དུ་སངས་རྒྱས་ཏེ་ཀུན་ལ་ཁྱབ་པའི་སྐད་དུ་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ་མཐོངས་ལགས་སོ། །བཀའ་སྩལ་པ། སེམས་ཐམས་ཅད་མཐོང་ངམ། གསོལ་པ། མ་མཐོང་ལགས་སོ། །བཀའ་སྩལ་པ། ཅིའི་ཕྱིར་མ་མཐོང་། གསོལ་པ། མི་དམིགས་པའི་སླད་དུའོ། །བཀའ་སྩལ་པ། མ་མཐོང་ངམ། གསོལ་པ། མཐོང་ལགས་སོ། །བཀའ་སྩལ་པ། ཇི་ལྟར་མཐོང་། གསོལ་པ། ཐམས་ཅད་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་མཐོང་ལགས་སོ། །བཀའ་སྩལ་པ། སྐྱེས་བུ་དམ་པ་ཁྱེད་བྱང་ཆུབ་ཀྱི་སྙིང་པོར་འདོད་དམ། གསོལ་པ། བཤེས་གཉེན་དམ་པ་ཡོངས་སུ་སྨིན་ཏོ། །བཀའ་སྩལ་པ། ཅིའི་ཕྱིར་མི་འདོད། གསོལ་པ། གང་སྐྱེས་བུ་དམ་པ་ཞེས་བགྱི་བ་ཉིད་དང་སེམས་ཅན་སེམས་ཅན་ཞེས་བགྱི་བ་ཉིད་བྱང་ཆུབ་ཀྱི་སྙིང་པོ་ལས་མ་གཡོས་པའོ། །ཐམས་ཅད་ཀྱངདེབཞིནཉིདལསམགཡོས་པའོ། །བཀའ་སྩལ་པ། སྐྱེས་བུ་དམ་པ་བྱང་ཆུབ་གྱི་སྙིང་པོ་གང་ནས་བཙལ། གསོལ་པ། གང་ནས་ཀྱང་མོ་ཚོལ་ལོ། །བཀའ་སྩལ།ཅིའི་ཕྱིར་མི་ཚོལ། གསོལ་པ། ཐམས་ཅད་བྱང་ཆུབ་གྱི་སྙིང་པོ་ཉིད་དེ་གང་ན་ཡང་མི་གནས་སོ། །བཀའ་སྩལ་པ། སྐྱེས་བུ་དམ་པ་རྣམས་སངས་རྒྱས་ཀྱི་ཞིང་ཁམས་ཡོངས་སུ་བགྲོད་པར་འདོད་དམ།གསོལ་པ། ཡོངས་སུ་བགྲོད་པར་མི་འདོད་དོ། །བཀའ་སྩལ་པ། ཅིའི་ཕྱིར་བགྲོད་པར་མི་བྱེད། གསོལ་པ། སེམས་ཅན་གྱི་རིས་མཐའ་དག་སངས་རྒྱས་ཀྱི་ཞིང་རྣམ་པར་དག་པ་ཉིད་ཀྱི་སླད་དུའོ། །བཀའ་སྩལ་པ།སྐྱེས་བུ་དམ་པ་མི་གཡོ་བ་ལ་མི་རྟོག་པ་ཉིད་དུ་གནས་སམ། གསོལ་པ། མི་རྟོག་པ་ལ་མི་འཇུག་པ་ལགས་སོ། །བཀའ་སྩལ་པ། ཅིའི་ཕྱིར་ཕྱིར་མི་འཇུག གསོལ་པ། བདག་ཉིད་མི་རྟོག་པས་ད་གདོད་མི་རྟོག་་ལ་འཇུག་མི་འཚལ་བའི་སླད་དུའོ། །གལ་ཏེ་བདག་ཡེ་ནས་རྣམ་པར་མི་རྟོག་པ་མ་ལག་ན་ནི་རྣམ་པར་མི་རྟོག་པ་ལ་བདག་འཇུག་པ་ཞིག་ན་ཐམས་ཅད་ཡེ་ནས་རྣམ་པར་མི་རྟོག་པའི་སླད་དུའོ། །བཀའ་སྩལ་པ། སྐྱེ་བུ་དམ་པ་སྙིང་རྗེ་ཆེན་པོ་འབྱུང་བར་འདོད་དམ། གསོལ་པ། འབྱུང་བར་མི་འདོད་ལགས་སོ། །བཀའ་སྩལ་པ། ཅིའི་ཕྱིར་མི་འདོད་། གསོལ་པ། ཀུན་དུ་མི་གཡོ་ལགས་སོ། བཀའ་སྩལ་པ། ཅིའི་ཕྱིར་མི་གཡོ། གསོལ་པ་་ ཐམས་ཅད་སངས་རྒྱས་པ་ཉིད་ཁོ་ན་བས་སྙིང་རྗེའི་ཡུལ་མི་དམིགས་པའི་ཕྱིར་རོ། །བཀའ་སྩལ་པ། སྐྱེས་བུ་དམ་པ་སེམས་ཅན་རྣམས་ཀྱི་དོན་ཆེད་དུ་སྤྱོད་དམ། གསོལ་པ། མི་སྤྱོད་ལགས་སོ། །བཀའ་སྩལ་པ།ཅིའིཕྱིར་མི་སྤྱོད། གསོལ་པ། ཐམས་ཅད་ཡེ་ནས་དེ་བཞིན་ཉིད་ཁོ་ནའི་སླད་དུའོ། །བཀའ་སྩལ་པ། སྐྱེ་བུ་དམ་པ་ཆོས་ཀྱི་སྐུ་ལྷུན་གྱིས་གྲུབ་པར་འདོད་དམ། གསོལ་པ། གྲུབ་པར་མི་འཚལ་ལགས་སོ། །བཀའ་སྩལ་པ། ཅིའི་ཕྱིར་གྲུབ་པར་མི་འདོད། གསོལ་པ། འདུས་པ་ལས་བྱུང་་བའི་སླད་དུའོ། །བཀའ་སྩལ་པ། སྐྱེས་བུ་དམ་པ་རྣམས་ཡོངས་སུ་བགྲོ་པར་འདོད་དམ། གསོལ་པ། ཡོངས་སུ་བགྲོད་པར་མི་བགྱིད་ལགས་སོ་།་ ་།་བཀའ་སྩལ་པ། ཅིའི་ཕྱིར་མི་བགྲོད། གསོལ་པ། ཐམས་ཅད་སངས་རྒྱས་ཀྱིས་ལམ་བགྲོད་པར་ཕྱིན་པའི་ཕྱིར་རོ། །བཀའ་སྩལ་པ། སྐྱེས་བུ་དམ་པ་སྙིང་པོ་བྱང་ཆུབ་དེ་དཔེ་གང་གིས་བསྟན། གསོལ་པ།བཤེས་གཉེན་དམ་པ་མཐུན་པའི་དཔེ་ནི་གང་ཡང་མ་མཆིས་ཏེ། དཔེ་གང་གིས་ཀྱང་བསྒྲུན་དུ་མ་མཆིས་པ་ལགས་སོ། །བཀའ་སྩལ་པ། དཔེ་མཚོན་དུ་མེད་དམ། གསོལ་པ། ཆུང་ཟད་དུ་མཐུན་པའི་དཔེ་གཟུང་ན་འདི་ལྟ་སྟེ། ནམ་མཁའ་དང་། ཉི་མ་དང་། ནོར་བུ་རིན་པོ་ཆེ་དང་། རིན་པོ་ཆེ་གསེར་དང་། སྒྲོན་མ་དང་། དུག་འགྱུར་རྩི་དང་། གསེར་འགྱུར་རྩི་དང་། བིཌརུ་དང་། རྒྱ་མཚོ་ཆེན་པོ་དང་། རྡོའི་སྙིང་པོ་དང་། རྩལ་གྱིས་ནོན་པ་དང་། ཡུལ་ལ་འཇུག་པ་དང་། གསེར་རྡོ་རིན་པོ་ཆེ་དང་། མངོན་པར་སྤྲོ་བ་བསྐྱེད་པ་ལྟ་བུ་ལགས་སོ། །བཀའ་སྩལ་པ། སྐྱེས་བུ་དམ་པའི་སྙིང་པོ་བྱང་ཆུབ་དེ་མཚོན་པའི་མིང་ཇི་ལྟར་གྲགས། གསོལ་པ།བཤེས་གཉེན་དམ་པ་མིང་ནི་བླ་དགས་ཏེ། མིང་ལ་ངེས་པ་གང་ཡང་མ་མཆིས་ལགས་སོ། །བཀའ་སྩལ་པ། མིང་གིས་མཚོན་དུ་མེད་དམ། གསོལ་པ། གང་ཡོངས་སུ་མི་དམིགས་པ་ལས་བརྗོད་པའི་དབང་དུ་མཚོན་ན་མིག་གི་རྣམ་གྲངས་སུ་བརྟགས་པ་ནི་ཐ་དད་པ་ཇི་ལྟར་བཏགས་པ་དེ་ལྟར་ཆགས་པར་གྲགས་ཏེ་སྙིང་པོ་བྱང་ཆུབ་ཉིད་དང་། དེ་ཉིད་དང་། དེ་ཁོ་ན་ཉིད་དང་། དེ་བཞིན་ཉིད་དང་། ཇི་བཞིན་པ་དང་། མ་ནོར་བ་དང་། མ་བཅོས་པ་དང་། གཞན་མ་ཡིན་པ་དང་། ཆོས་ཉིད་དང་། ཆོས་ཀྱི་དབྱིངས་དང་། བསམ་གྱིས་མི་ཁྱབ་པ་དང་། ཡང་དག་པའི་མཐའ་དང་། གསང་སྔགས་དང་། གཟུངས་སྔགས་དང་། རིག་སྔགས་དང་། ཐེག་པ་ཆེན་པོ་ཞེས་ཡོངས་སུ་གྲགས་པ་ལགས་སོ། །བཀའ་སྩལ་པ། སྐྱེས་བུ་དམ་པ་དག་སྙིང་པོ་བྱང་ཆུབ་དེ་ཇི་ལྟར་སྣང་། གསོལ་པ། སྙིང་པོ་བྱང་ཆུབ་དེ་སྐད་ཅིག་ཀྱང་སྣང་བ་མི་སྲིད་ལགས་སོ། །བཀའ་སྩལ་པ། ཅི་གང་དུ་ཡང་མི་སྣང་ངམ་། གསོལ་པ། ཇི་ལྟར་བལྟས་པ་དེ་ལྟར་སྣང་ལགས་སོ། །བཀའ་སྩལ་པ། ཇི་ལྟར་ཡོངས་སུ་སྣང་། གསོལ་པ། འདི་ལྟ་སྟེ། ཀུན་ཏུ་ཁྱབ་པས་སྣང་བ་མེད་པ་ཉིད་དོ། །གང་ཡང་མ་སྦས་མཐོང་བ་མེད་པ་ཉིད་དོ། །ཡེ་ནས་མ་བྲལ་ངོ་མ་ཤེས་པ་ཉིད་དོ། །བརྟགས་ན་མ་མཐོང་ཅིང་ཡང་སྣང་བ་ཉིད་དོ། །སྣ་ཚོགས་སྣང་ཡང་དངོས་པོ་མེད་པ་ཉིད་དོ། །བསྐལ་པར་འཁྱམས་ཀྱང་སྟོང་བྲལ་མེད་པ་ཉིད་དོ། །སྣ་ཚོས་སྒོ་ཡང་འགྱུར་བ་མེད་པ་ཉིད་དོ། །རྡུལ་ཆ་མེད་པར་སྣང་སྲིད་ཁྱབ་པ་ཉིད་དོ། །སྟོང་པ་ཉིད་ལས་སྣ་ཚོགས་འབྱུང་བ་ཉིད་དོ། །དངོས་གཞི་མེད་པར་ཅིར་ཡང་བཏགས་ཆགས་པ་ཉིད་དོ། །བརྩལ་གནས་མེད་པར་ཅི་བསྒྲུབ་འགྲུབ་པ་ཉིད་དོ། །གཟུགས་མཚན་མེད་པར་ཅིར་བལྷས་སྣང་བ་ཉིད་དོ། །ཅི་ཡང་མེད་པར་ཅིར་ཡང་རིག་པ་ཉིད་དོ། ཁྱབ་བདལ་འུབ་ཆུབ་གཅིག་མཐའ་ཡས་པ་ཉིད་དོ། །ཀུན་བྲལ་ཉག་གཅིག་ཅི་མ་སྤངས་པ་ཉིད་དོ། །ཕྱི་དང་ནང་མེད་ཀུན་དུ་ནང་ཉིད་དོ། །མཐའ་ཡས་བྱུང་ཡང་ཟད་པ་མེད་པ་ཉིད་དོ། །མ་བཟུང་མ་བརྟགས་གང་དུ་ཆགས་པ་ཉིད་དོ། །དོས་པ་མེད་པར་རྟག་པར་ལྟུང་བ་ཉིད་དོ། །འདེགས་པ་མེད་པར་ནམ་མཁའ་ལ་འགྲོ་བ་ཉིད་དོ། །ཡན་ལག་མེད་པར་ས་རྣམས་བགྲོད་པ་ཉིད་དོ། །གར་ཡང་མ་གཡོས་ཀུན་དུ་ཕྱིན་པ་ཉིད་དོ། །བསྐྱོད་པ་མེད་པར་ཐོགས་མེད་མྱུར་བ་ཉིད་དོ། །ཐ་དད་སྤྲོས་ཀྱང་གཅིག་ལས་མ་གཡོས་པ་ཉིད་དོ། །གཅིག་ལས་མ་གཡོས་སྣ་ཚོགས་སྣང་བ་ཉིད་དོ། །ཐམས་ཅད་འཇུག་པས་ལམ་ཉིད་དོ། །གང་ཡང་མ་སྤང་པས་འཁོར་བ་ཉིད་དོ། །མ་ཤེས་འཁྲུལ་པས་སེམས་ཅན་ཉིད་དོ། ཆུ་བོ་བཞི་སྒྲོལ་བས་གྲུ་ཉིད་དོ། །རྣམ་པར་བསྐྱོད་པ་བགྲོད་པའོ། །དམིགས་པ་མེད་པས་བྱང་ཆུབ་བོ། །རྣམ་པ་ ་ཚོགས་པས་སེམས་ཉིད་དོ། །ཀུན་ལ་མཁས་པས་ཤེས་རབ་བོ། །ཐམས་ཅད་གསལ་བས་ཏིང་ངེ་འཛིན་ནོ་།་ །མ་བགྲོད་པར་ཕྱིན་པས་གནས་ཉིད་དོ། །ཟླ་མེད་པས་རབ་ཉིད་དོ། །ངོ་མཚར་བས་མཆོག་ཉིད་དོ། །རྣམ་པར་འཕགས་པས་ཕུལ་ཉིད་དོ། །དབང་དང་གཉེན་པོ་མེད་པས་བླ་ན་མེད་པ་ཉིད་དོ།གཏིང་མི་རྙེད་པས་ཟབ་པ་ཉིད་དོ། །དཔག་ཏུ་མེད་པས་ན་གསང་བ་ཉིད་དོ། །ཕྲ་བས་ན་མི་གསལ་བ་ཉིད་དོ། །ཐམས་ཅད་འབྱུང་བས་ཆོས་སོ། །མི་འཀྱུར་བས་དེ་ཁོ་ན་ཉིད་དོ། །གོ་འཕང་ཉིད་པས་བྱང་ཆུབ་སེམས་དཔའོ། །རྒྱུན་སངས་ཁྱབ་པས་སངས་རྒྱས་ཉིད་དོ། །གཞིར་གྱུར་པས་རྩ་བ་ཉིད་དོ། །ཐམས་ཅད་བསྐྱེད་པས་ཡུམ་ཉིད་དོ། །དེ་ལས་བྱུང་བས་ཡབ་ཉིད་དོ། །གདུང་རྒྱུད་འཛིན་པས་སྲས་ཉིད་དོ། །རང་བྱུང་བ་ཉིད་པས་དབང་བདག་ཉིད་དོ། །དེ་བཞིན་ཉིད་པས་གདུང་ཆེན་པོ་ཉིད་དོ། །འདའ་བར་དཀའ་བས་ཐུགས་དམ་ཆེན་པོ་ཉིད་དོ། །རྣམ་པར་འཚོ་བས་སྲོག་ཉིད་དོ། །ཟད་མི་ཤེས་པས་གཏེར་ཆེན་པོ་ཉིད་དོ། །འདོད་པ་བསྒྲུབ་པས་ནོར་ཉིད་དོ། །རྒྱུན་གྱི་སྙིང་རྗེས་ཀུན་གྱི་བྱ་བ་བྱེད་པས་བྲན་ཉིད་དོ། །རྣམ་པར་བརྗིད་པས་སྐུ་ཉིད་དོ། །སྨྲ་བརྗོད་བྱུང་བས་གསུང་ཉིད་དོ། །ཐམས་ཅད་མཁྱེན་པ་ཐུགས་ཉིད་དོ། །འདོད་དགུའི་འབྱུང་བས་ཡོན་ཏན་ཉིད་དོ། །བྱ་བ་བྱེད་པས་ཕྲིན་ལས་ཉིད་དོ། །ཡུལ་ལ་བགྲོས་པས་འདོད་པ་ཉིད་དོ། །དེ་ཉིད་ལ་་ད་པས་ལོངས་དཆེནཔོཉིདདོ། ཁུར་གྱུར་པསཡོབྱདཆེནཔོའོ། །དགོངས་པ་ཚངབསཚོགསཆེན་པོའོ། །བྱ་བརྩལ་མེད་པས་དོན་ཐམས་ཅད་གྲུབ་པའོ། །སྣ་ཚོགས་འཕྲུལ་པས་ཆོ་འཕྲུལ་ཉིད་དོ། །མཚན་མར་བྱུང་བས་ཕྱག་རྒྱ་ཉིད་དོ། །གཞན་ནས་མི་ཚོལ་བས་བསྙེན་པ་ཉིད་དོ། །རང་ལས་བྱུང་བས་ཉེས་བའི་བསྙེན་པ་ཉིད་དོ། །སྙིང་པོ་ཉིད་པས་བསྒྲུབ་པའོ། །འབྲས་བུ་ཉིད་པས་སྒྲུབ་པ་ཆེནཔོའོ། །བཀའ་སྩལཔ། སྐྱེས་བུ་དམ་པ་དག་བྱང་ཆུབ་ཀྱི་སྙིང་པོ་དེ་ཇི་ལྟར་སྒྲུབ། གསོལ་པ། སྒྲུབ་ཏུ་མ་མཆིས་ལགས་སོ། །བཀའ་སྩལ་པ། ཇི་ལྟར་སྒྲུབ་ཏུ་མེད། གསོལ་པ། ཡེ་ནས་གྲུབ་པ་ཉིད་ཀྱི་སླད་དུའོ། །བཀའ་སྩལ་པ། ཡེ་ནས་ཇི་ལྟར་གྲུབ། གསོལ་པ། གཞན་ནས་མེ་འབྱུང་བ་དང་རང་ལས་འབྱུང་བ་དང་། བྱ་བརྩལ་མེད་པདང་།རང་བྱུང་བའི་ཕྱིར་ཡེ་ཉམས་སུ་ལོན་པ་ཉིད་དུ་ངེས་པའོ་ཞེས་དེ་ལྟ་དེ་ལྟར་སྟོང་པ་ཉིད་ལས་སྒྲ་བྱུང་བས་དེ་ཁོ་ན་ཉིད་དེ་ཁོ་ན་ཉིད་དུ་ངེས་པ་ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་ལས་མ་གཏོགས་པ་གང་དུཡང་མེད་དོ། །ལང་ཀའི་བདག་པོ་དེ་ལྟར་སྐྱེས་བུ་དམ་པས་སྙིང་པོ་བྱང་ཆུབ་ཉིད་དུ་ངེས་པ་དག་མི་གཡོ་བའི་ངང་ལ་མི་རྟོག་པ་ཉིད་དུ་ཞི་བར་ལྷན་པར་གནས་པ་དེའི་ཚེ་དེའི་དུས་ན་དགོངས་པ་ཉིད་ཀྱི་ནམམཁའ་ལ་འགྲེལ་པ་ཡེ་ཤེས་ཀྱི་ཉི་མ་བདལ་ཏེ་ཐམས་ཅད་དེ་ཁོ་ན་ཉིད་དུ་འགྲེལ་ཏོ། །དེའིཚེ་དེའིདུས་ན་གསང་སྔགས་འབྱུང་བའི་རྒྱུ་གདུལ་བྱ་ཁྱད་པར་དུ་བྱུང་བ་འཇིག་རྟེན་གསུམ་སྲེག་པར་བྱེད་པ། ཁྲོ་བོའི་ཚུན་ཅན་གདུལ་བྱའི་དུས་ལ་ངེས་པར་བབ་པའི་ཚེ་ཕྱོགས་དུས་ཀུན་གྱི་སངས་རྒྱས་ཐམས་ཅད་སྙིང་པོ་བྱང་ཆུབ་གང་ན་བར་འདུས་ན་སྐྱེས་བུ་དམ་པ་དག་ལ་ལ་ནི་བྱང་ཆུབ་ཆེན་པོར་རྣམ་པར་བསྐུལ། ལ་ལ་ནི་ཆོ་འཕྲུལ་ཆེན་པོར་རྣམ་པར་བསྐུལ། ལ་ལ་ནི་ཆོ་ག་རྫོགས་པར་བསྐུལ། ལ་ལ་ནི་ཏིང་ངེ་འཛིན་གྱིས་བསྐུལ། ལ་ལ་ནི་རྣམ་པར་གྲོལ་བའི་རིག་པར་བསྐུལ་ཏེ། དེས་གང་སྟོང་པ་ཉིད་གང་ན་བ་ལས་ལངས་ཏེ་རྫོགས་ལོགས་སྤྱོད་པ་དང་། རྣམ་པར་སྤྲུལ་པ་རྣམ་པར་བཀོད་པ་ནི་ཇི་ལྟ་ཇི་ལྟར་རྡོ་རྗེ་སེམས་དཔའ་དེ་ཁོ་ན་ཉིད་ངེས་པའི་རྣམ་པར་འཕྲུལ་པ་སྒྲོན་མ་ཡོངས་སུ་བཀོད་པ་ལྟར་སྣང་ངོ་། །འདི་ལྟར་ཡོངས་སུ་དག་པ་བརྟགས་པའི་སངས་རྒྱས་བརྗོད་པ་ལས་འདས་པ་ཐ་དད་པ་དང་ཞིང་ཁམས་ཐ་དད་པར་འཁོར་ལོས་སྒྱུར་བའི་རྒྱལ་པོ་ཐ་དད་པ་དག་ལྷ་གནས་གསུམ་ཐ་དད་པར་རྫོགས་ལོངས་སྤྱོད་པ་དང་། རྒྱལ་ཚབ་ཆོས་ཀྱི་རྒྱལ་པོ་དང་། སྤྲུལ་པ་བརྒྱ་བྱིན་ལྷའི་བླ་མ་ཐ་དད་པ་དང་། ཐ་མའི་དུས་ཐ་དད་པར་ཆོ་འཕྲུལ་ཐ་དད་པར་སྣང་བ་དང་། ཡུམ་གཙུག་ཏོག་འཁོར་ལོས་སྒྱུར་བའི་ལྷུམས་ཐ་དད་པ་ན་གསང་བའི་སྐུ་ཐ་དད་པར་སྣང་བ་དང་། ཞིང་ཁམས་ཐ་དད་ན་སྤྲུལ་པའི་སྒྲོན་མ་ཐ་དད་པར་སྣང་བ་དང་། ཐུགས་སྙིང་པོ་བྱང་ཆུབ་ན་མི་གཡོ་བ་དང་། སྐུ་ཐ་དད་འཇིག་རྟེན་ཐ་དད་ན་བསམ་ག་་ལ་སྙོམས་པར་ཞུགས་ཏེ་མཛད་པ་མཐར་ཕྱིན་པ་དང་། རྡོ་རྗེ་གདན་ཐ་དད་པ་ལ་གཤེགས་ཏེ་ཐ་དད་པའི་བདུད་བཏུལ་ཏེ་འཁོར་ལོ་ཡོངས་སུ་བསྐོར་ནས་མངོན་པར་རྫོགས་པར་བྱང་ཆུབ་པ་འབའཞིག་གོ །དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་སྙིང་པོ་བྱང་ཆུབ་གསང་བ་དམ་པ་དེ་ཁོ་ན་ཉིད་དུ་ངེས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསང་བ་དམ་པ་དེ་ཁོ་ན་ཉིད་དུ་ངེས་པའི་ལེའུ་སྟེ་བཅོ་ལྔ་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་སྙིང་པོ་བྱང་ཆུབ་ཉིད་དུ་ངེས་པའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བཞི་པའོ།། །།བམ་པོ་གསུམ་པ་ཟུག་པ། དེ་ན་ལང་ཀའི་བདག་པོས་གསང་བ་པའི་བདག་པོ་ལ་སྔོན་དུ་བྱུང་བའི་ཚིག་བཅུ་གཉིས་པའི་ལྔ་པ་དགོངས་པ་ངེས་པར་འགྲེལ་པ་ན་ཡང་བྱུང་ཞེས་འབྱུང་བ་དྲི་བ་ཡོངས་སུ་དྲེས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པ་བས་ལུང་བསྟན་པ་གཏམ་དུ་བརྗོད་པའི་སྐབས་སུ་དགོངས་པ་ངེས་པར་འགྲེལ་པ་ན་ཡང་བྱུང་ཞེས་བཀོད་པ་དེ་ཇི་ལྟ་བ་བཞིན་དུ་དགོངས་པ་ངེས་པར་འགྲེལ་པ་ཞིག་གྲགས་པ་ལགས།སྨྲས་པ། ལང་ཀའི་བདག་པོ་གང་སྐྱེས་བུ་དམ་པ་ཉིད་དུ་ངེས་པ་དེ་དག་སྙིང་པོ་བྱང་ཆུབ་ལ་དགོངས་་པ་དེའི་ཚེ་དེའི་དུས་ཉིད་ལ་བྱའོ། སྨྲས་པ་།་ གསང་བ་པའི་བདག་པོ་གང་སྐྱེས་བུ་དམ་པ་དམ་པ་ཉིད་དུ་ངེས་པ་དེ་དག་སྙིང་པོ་བྱང་ཆུབ་ལ་ཇི་ལྟ་དགོངས། དེ་གང་གི་ཚིག་བླ་དགས་ལགས། སྨྲས་པ། ལང་ཀའི་བདག་པོ་སྙིང་པོ་ནི་རྩ་བ་ལ་བྱའོ། བྱང་ཆུབ་ནི་རང་བཞིན་ལ་བྱའོ། །དགོངས་པ་ནི་ཆོས་ཉིད་ལ་བྱའོ། །ངེས་པ་ནི་མ་ནོར་བ་ལ་བྱའོ། །འགྲེལ་པ་ནི་ཡེ་ཤེས་ལ་བྱའོ། །དེ་ནི་ཇི་བཞིན་པ་དང་དེ་བཞིན་པའི་ཚིག་བླ་དགས་སོ། །གསོལ་པ། གསང་པ་པའི་བདག་པོ་དེས་ཡེ་ཤེས་དེ་ཇི་ལྟར་འགྲེལ་པ་ལགས། སྨྲས་པ། ལང་ཀའི་བདག་པོ་མ་འདྲེས་པ་དང་ཡོངས་སུ་རྫོགས་པར་འགྲེལ་ཏོ། །དྲིས་པ་གསང་བ་པའི་བདག་པོ་དེ་ཇི་ལྟར་ཡོངས་སུ་ཤེས་པར་བགྱི། སྨྲས་པ་།་ ལང་ཀའི་བདག་པོ་ཞི་གནས་དང་ལྷག་མཐོང་དེ་ཉིད་དེ་ཐམས་ཅད་སྐྱེ་བ་བཞིར་འདུས་ཤིང་སྐྱེ་བ་བཞིར་འགྲེལ་པ་ནི་འདི་ལྟར་སྟེ། དེ་བཞིན་གཤེགས་པ་ནི་གང་ཅི་ཡང་རུང་། དགོངས་པ་དང་། གསུང་པ་དང་།མཛད་པ་ཐམས་ཅད་གང་ལ་ཡང་དགོངས་པ་ཅན་ཏེ་དེ་ནི་འདི་ལྟར་ཆོས་ཐམས་ཅད་ཆོ་འཕྲུལ་བཞིར་འདུས་པར་དགོངས་སོ། །ལང་ཀའི་བདག་པོ་བཞི་གང་ཞེ་ན་འདི་ལྟ་སྟེ། ཆོས་གང་སྐྱེ་བ་མེད་པ་ལ་སྐྱེ་བའི་ཆོ་འཕྲུལ་དབྱུང་བ་ནི་ལས་ཀྱི་རྫུ་འཕྲུལ་འབྱུང་བ་ལས་སྐྱེ་བའི་ཆོ་འཕྲུལ་དང་། བསམ་གཏན་གྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་དང་། ཆོས་ཉིད་ཀྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་དང་། ཐུགས་རྗེའི་རྫུ་འཕྲུལ་ལས་སྐྱེ་བའི་ཆོ་འཕྲུལ་ལོ། །ལང་ཀའི་བདག་པོ་དེ་ལ་ལས་ཀྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་ནི་འདི་ལྟ་སྟེ། གང་སྐྱེ་བ་རྣམ་བཞིར་སྣང་བ་ཐམས་ཅད་དོ། །ལང་ཀའི་བདག་པོ་བསམ་ག་་གྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་གང་ཞེ་ན་འདི་ལྟ་སྟེ། གང་བསམ་གཏན་གྱི་མི་བཞི་ལས་སྐྱེ་བ་ཐམས་ཅད་དོ། །ལང་ཀའི་བདག་པོ་ཆོས་ཉིད་ཀྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་གང་ཞེ་ན་འདི་ལྟ་སྟེ། གང་རང་བཞིན་གྱི་ཆོ་འཕྲུལ་བཞིར་སྣང་བ་ཐམས་ཅད་དོ། །ལང་ཀའི་བདག་པོ་སྙིང་རྗེའི་རྫུ་འཕྲུལ་ལས་སྐྱེས་བའི་ཆོ་འཕྲུལ་གང་ཞེ་ན། འདི་ལྟ་སྟེ། གང་ཆོ་འཕྲུལ་བཞིར་སྣང་བ་སྟེ། རྫུ་འཁྲུལ་གྱི་ཆོ་འཕྲུལ་དང་། ཆོས་སྣང་བའི་ཆོ་འཕྲུལ་དང་།ཀུན་བརྗོད་པའི་ཆོ་འཕྲུལ་དང་རྗེས་སུ་བསྟན་པའི་ཆོ་འཕྲུལ་བཞིར་སྣང་བ་ཐམས་ཅད་དོ། །ལང་ཀའོ་བདག་པོ་དེ་ལ་རྫུ་འཕྲུལ་གྱི་ཆོ་འཕྲུལ་ནི་འདི་ལྟ་སྟེ། གང་སྣང་བར་མཛད་པའི་ཆོ་འཕྲུལ་དང་། གང་དུ་རྣམ་པར་སྒྱུར་བའི་ཆོ་འཕྲུལ་ལོ། །ལང་ཀའི་བདག་པོ་གང་སྣང་བ་མཛད་པའི་ཆོ་འཕྲུལ་ནི་འདི་ལྟ་སྟེ། གང་ལ་མཚོན་པས་འདུལ་བ་ལ་དགོངས་པའི་ཆོ་འཕྲུལ་དང་། གང་གི་མཚོན་པས་འདུལ་བ་ལ་དགོངས་པའི་ཆོ་འཕྲུལ་དང་། གང་གི་གྱུར་པས་འདུལ་པ་ལ་དགོངས་པའི་ཆོ་འཕྲུལ་དང་། གང་ཐེག་པས་འདུལ་བ་ལ་དགོངས་པའི་ཆོ་འཕྲུལ་དང་། གང་ ར་མཛེས་པས་འདུལ་བ་ལ་དགོངས་པའི་ཆོ་འཕྲུལ་ལོ། །ལང་ཀའི་བདག་པོ་དེ་ལ་གང་ལ་མཚོན་པས་འདུལ་བ་ལ་དགོངས་པའི་ཆོ་འཕྲུལ་ནི་འདི་ལྟ་སྟེ། མ་བཅོས་པས་འདུལ་བ་ལ་དགོངས་པ་དང་། བསྒྱུར་བས་འདུལ་བ་ལ་དགོངས་པའོ། །ལང་ཀའི་བདག་པོ་དེ་ལ་མ་བཅོས་པས་འདུལ་བ་ལ་དགོངས་པ་ནི་དུང་ལྟ་བུ་དང་། ཀུ་མུད་ལྟ་བུ་དང་། ཟླ་བ་ལྟ་བུ་དང་། ཉི་མ་ལྟ་བུའོ། །ལང་ཀའི་བདག་པོ་བསྒྱུར་བས་འདུལ་བ་ལ་དགོངས་པ་ནི་འདི་ལྟ་སྟེ། བི་ཌརུ་ལྟ་བུ་དང་། ཀང་ཀ་རི་ལྟ་བུ་དང་།ལེ་བརྒན་ལྟ་བུ་དང་གསེར་སྦྱངས་ལྷ་བུ་དང་། སྣ་ཚོགས་ལྟ་བུའོ། །ལང་ཀའི་བདག་པོ་གང་གི་མཚོན་པས་འདུལ་བ་ལ་དགོངས་པའི་ཆོ་འཕྲུལ་ནི་འདི་ལྟ་སྟེ། གང་བྱུང་བ་དང་། གང་སྣང་བ་དང་། གང་ལྟར་འགྱུར་བའོ། །ལང་ཀའི་བདག་པོ་དེ་ལ་གང་བྱུང་བ་ནི་གཉིས་སམ་དྲུག་ལ་དགོངས་པའོ། །དེ་བཞིན་དུ་གང་སྣང་བ་ཡང་དེ་ལ་དགོངས་པའོ། །ལང་ཀའི་བདག་པོ་གང་ལྟར་འགྱུར་བ་ནི་འདི་ལྟ་སྟེ། མ་བཅོས་པ་དང་། མི་འདའ་བ་དང་། མ་ངེས་པ་དང་། འབྲེལ་པ་དག་གོ །ལང་ཀའི་བདག་པོ་མ་བཅོས་པ་ནི་འདི་ལྟ་སྟེ། མ་སྐྱེས་པ་དང་། མ་འགགས་པའོ། །དེ་ལམ་འགགས་པ་ནི་གང་ཞེ་ན་འདི་ལྟ་སྟེ། ཡུལ་དང་། མཚོན་པ་དང་།མཚནམདང། ཉེབར་བ གས་པའོ། །ལང་ཀའི་བདག་པོ་མི་འདའ་བ་ནི་འདི་ལྟ་སྟེ། ཟིན་པ་དང་། མཛད་པ་དང་། མི་སྐྱོང་བའོ། །ལང་ཀའི་བདག་པོ་མ་ངེས་པ་གང་ཞེ་ན་འདི་ལྟ་ ། འདུལ་བའི་དབང་གི་ཕྱིར་མཐའ་ཡས་ཐ་དད་པར་སྣང་བའོ། །ལང་ཀའི་བདག་པོ་འབྲེལ་པ་གང་ཞེ་ན་འདི་ལྟ་སྟེ། དམ་པར་འབྲེལ་བར་དགོངས་པ་དང་། ལས་སུ་འབྲེལ་པར་དགོངས་པའོ། །ལང་ཀའི་བདག་པོ་གང་གི་གྱུར་པས་འདུལ་བར་དགོངས་པའི་ཆོ་འཕྲུལ་གང་ཞེ་ན་འདི་ལྟ་སྟེ། ཐབས་དང་། གནས་དང་། ཚུལ་ཉིད་དོ། ལང་ཀའི་བདག་པོ་ཐབས་གང་ཞེ་ན་འདི་ལྟ་སྟེ། རང་བཞིན་ལ་དགོངས་པ་དང་། ཁྱད་པར་ལ་དགོངས་པའོ། །ལང་ཀའི་བདག་པོ་གནས་གང་ཞེ་ན་འདི་ལྟ་སྟེ། ཕྱི་དང་ནང་མེད་ཀུན་ཏུ་ཡང་ནང་དུ་གྱུར་པའོ། །ལང་ཀའི་བདག་པོ་ཚུལ་གང་ཞེ་ན་འདི་ལྟ་སྟེ། བཞུགས་པའི་ཚུལ་དང་། བཞེངས་པའི་ཚུལ་དང་། གཤེགས་པའི་ཚུལ་དང་།གཟིགས་པའི་ཚུལ་དང་། མཉེན་པའི་ཚུལ་དང་། ལྕུག་པའི་ཚུལ་དང་། འཁྲིལ་བའི་ཚུལ་དང་། ལྡེམ་པའི་ཚུལ་དང་། གཤོན་ནུའི་ཚུལ་དང་། གསལ་བའི་ཚུལ་དང་། འཚེར་བའི་ཚུལ་དང་། ལྷུན་སྡུག་པའི་ཚུལ་དང་།གཟི་བྱིན་འབར་བའི་ཚུལ་དང་། འཁྱུག་པའི་ཚུལ་དང་། དགོང་པའི་ཚུལ་དང་། བརྟན་པའི་ཚུལ་དང་། རྟེན་པའི་ཚུལ་དང་། འབྱོ་བའི་ཚུལ་དང་། བདུད་པའི་ཚུལ་དང་། ཅམ་མེ་པའི་ཚུལ་དང་། མ་ལེ་པའི་ཚུལ་དང་།ལྷན་ནེ་པའི་ཚུལ་དང་། སལ་ལེ་བའི་ཚུལ་ལོ། །ལང་ཀའི་བདག་པོ་གང་ཐེག་པས་འདུལ་བར་དགོངས་པའི་ཆོ་འཕྲུལ་ནི་འདི་ལྟ་སྟེ། ཆོས་ཀྱི་འཁོར་ལོ་བསྐོར་བ་དང་། སའི་ཁྱད་པར་བགྲོད་པ་དང་། ཡོན་ཏན་གྱི་༄༅ ཆེ་བ་བཅོམ་པའོ། །ལང་ཀའི་བདག་པོ་གང་ལྟར་མཛེས་པས་འདུལ་བར་དགོངས་པའི་ཆོ་འཕྲུལ་ནི་འདི་ལྟ་སྟེ། ཆོས་རྣམས་པར་འབྱེད་པ་དང་། དགའ་བ་དག་ཤིན་ཏུ་སྦྱངས་པ་དང་། ཏིང་ངེ་འཛིན་དང་། དྲན་པ་དང་། བཏང་སྙོམས་དང་། བརྩོན་འགྲུས་ཀྱིས་མཛེས་པའི་ཕྱིར་རྒྱན་ཆེན་པོས་རྣམ་པར་བཀོད་པར་དགོངས་པའོ། །ལང་ཀའི་བདག་པོ་གཞན་ཡང་སྐུ་དང་། གསུང་དང་། ཐུགས་དང་། ཡོན་ཏན་དང་།ཕྲིན་ལས་ཀྱིས་བསྤྱིངས་པའི་ཕྱིར་ཆ་ལུགས་ཆེན་པོས་བརྗིད་པར་དགོངས་པའོ། །ལང་ཀའི་བདག་པོ་གཞན་ཡང་མཚན་གྱི་མེ་ཏོག་གིས་མཛེས་ཤིང་དཔེ་བྱད་ཀྱི་འབྲུས་སྤྲས་པའི་ཕྱིར་སྲས་ཀྱི་ཚོགས་ཀྱིས་ཀུན་ནས་བརྒྱན་པའོ། །ལང་ཀའི་བདག་པོ་གཞན་ཡང་ཏིང་ངེ་འཛིན་དང་། རྩོལ་བ་དང་། ངག་དང་། རྟོག་པ་དང་། ལས་ཀྱི་མཐའ་དང་། ལྷ་བ་དང་། འཚོ་བ་དང་དྲན་པས་འཁྱིལ་བའི་ཕྱིར་བཀྲ་ཤིས་འཁྱིལ་བས་འབར་བས་དགོངས་པའོ། །ལང་ཀའི་བདག་པོ་དེ་དག་ནི་གང་སྣང་བར་མཛད་པའི་ཆོ་འཕྲུལ་ཞེས་བྱ་སྟེ། དེ་དག་ནི་དེ་ཁོ་ན་ཉིད་སོ་སོར་མ་འདྲེས་པར་གཅིག་ཏུ་ཡོངས་སུ་འགྲེལ་ཏོ། །གསང་བ་པའི་བདག་པོས་དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ཆོ་འཕྲུལ་གྱི་རྣམ་པར་སྣང་བ་ཙམ་དུ་མཐོང་བར་གྱུར་ཏོ། །དེ་ནས་ཡང་གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་དུ་རྣམ་པར་བསྒྱུར་བའི་ཆོ་འཕྲུལ་ནི་འདི་ལྷ་སྟེ། རྣམ་པར་རྟོག་པའི་རི་བོ་བཅུའོ། །བཅུ་གང་ཞེ་ན། འདི་ལྟ་སྟེ། སྦྱོར་བའི་རྟོག་པ་དང་། ཞེན་པའི་རྟོག་པ་དང་། དངོས་གཞིའི་རྟོག་པ་དང་། སྐྱེད་པའི་རྟོག་པ་དང་། རྐྱེན་གྱི་རྟོག་པ་དང་། ལས་ཀྱི་རྟོག་པ་དང་། མཚན་མའི་རྟོག་པ་དང་། མངོན་པའི་རྟོག་པ་དང་། སྤྱོད་པའི་རྟོག་པ་དང་། རྟགས་ཀྱི་རྟོག་པའོ། །ལང་ཀའི་བདག་པོ་རྩ་བའི་རྟོག་པ་འདི་བཅུ་ལས་རྟོག་པའི་རོ་བོ་དགུ་བཅུའམ། བརྒྱད་ཅུ་རྩ་གཅིག་གིས་རྣལ་འབྱོར་གྱི་ལམ་དམ་པ་རྣམ་པར་བཅད་པས་བགྲོད་པར་དཀའི་བའི་ཕྱིར་ཡོངས་སུ་སྦྱང་བ་ལ་བརྩོན་པར་བྱའོ། །ལང་ཀའི་བདག་པོ་དགུ་གང་ཞེ་ན། འདི་ལྟ་སྟེ། མིང་གི་རྟོག་པ་དང་། མཚན་མའི་རྟོག་པ་དང་། བརྡའི་རྟོག་པ་དང་། ཐ་སྙད་ཀྱི་རྟོག་པ་དང་། ཡོད་པའི་རྟོག་པ་དང་། མེད་པའི་རྟོག་པ་དང་། ཐེ་ཚོམ་གྱི་རྟོག་པ་དང་། ངེས་པ་འཇིག་པའི་རྟོག་པ་དང་། དཔྱོད་པའི་རྟོག་པ་སྟེ། འདི་དག་ནི་རྣམ་པ་བཅུར་འགྱུར་བའི་རྒྱུར་གྱུར་པས་རི་བོ་བཅུ་དགུ་པའོ། །ལང་ཀའི་བདག་པོ་བཅོ་བརྒྱད་པ་དང་གཅིག་པ་གང་ཞེ་ན། འདི་ལྟ་སྟེ། གསུམ་གསུམ་དུ་གསུམ། ལྔ་གསུམ་དུ་བཞི།བཞི་གཅིག་ཏུ་ལྔ། དྲུག་གཅིག་ཏུ་དྲུག །གསུམ་གཅིག་ཏུ་བདུན། ལྔ་གཉིས་དང་དྲུག་གཅིག་ཏུ་བརྒྱད། བཅུགཉིསགཅིགཏུདགུ །བདུན་གཅིག་ཏུ་བཅུ་སྟེ། དེ་ལྟ་སྤྱིར་བཅོ་བརྒྱད་དེ། བརྟགས་པ་ནི་རྟོག་པ་གཅིག་པའོ། །ལང་ཀའི་བདག་པོ་དེ་ལ་སྦྱོར་བའི་རྟོག་པ་གང་ཞེ་ན། འདི་ལྟ་སྟེ། མི་རྟོག་པ་དང་། མ་རྨོང་པ་དང་། མི་འགོག་པའོ། །ལང་ཀའི་བདག་པོ་ཞེན་པའི་རྟོག་པ་གང་ཞེ་ན། འདི་ལྟ་སྟེ། མི་དམིགས་པ་དང་། མ་གྲུབ་པ་དང་། མ་སྐྱེས་པའོ། །ལང་ཀའི་བདག་པོ་དངོས་གཞིའི་རྟོག་པ་གང་ཞེ་ན། འདི་ལྟ་སྟེ། རྒྱུ་གཅིག་པ་དང་། སྤྱོད་པ་གཅིག་པ་དང་། རང་བཞིན་གཅིག་པ་དང་། ལང་ཀའི་བདག་པོ་སྐྱེད་པའི་རྟོག་པ་གང་ཞེ་ན། འདི་ལྟ་སྟེ། གང་གྱུར་པ་དང་། གང་ལ་གྱུར་པ་དང་། གང་གི་ཕྱིར་གྱུར་པ་དང་། གང་གུས་གྱུར་པའོ། །ལང་ཀའི་བདག་པོ་གང་གྱུར་པ་ནི་འདི་ལྟ་སྟེ། ངང་གིས་གྱུར་པ་དང་། ཤུགས་ཀྱིས་གྱུར་པ་དང་། གྱུར་པ་དང་བཅས་པ་དང་། གྱུར་པར་བཅོས་པའོ། །ལང་ཀའི་བདག་པོ་གང་ལ་གྱུར་པ་ནི་འདི་ལྷ་སྟེ། ཡུལ་ལ་གྱུར་པ་དང་། གནས་ལ་གྱུར་པ་དང་། གྱུར་པའི་ལས་དང་། གྱུར་པའི་འབྲས་བུའོ། །ལང་ཀའི་བདག་པོ་གང་གི་ཕྱིར་གྱུར་པ་ནི་འདི་ལྟ་སྟེ། རྒྱུའི་ཕྱིར་གྱུར་པ་དང་། འབྲས་བུའི་ཕྱིར་གྱུར་པའོ། །ལང་ཀའི་བདག་པོ་གང་གིས་གྱུར་པ་ནི་འདི་ལྟ་སྟེ། རྒྱུ་ཡིས་གྱུར་པ་དང་། གནས་ཀྱིས་གྱུར་པ་དང་། ཐབས་ཀྱིས་གྱུར་པ་དང་། ལས་ཀྱིས་གྱུར་པ་དང་། འབྲས་བུས་གྱུར་པའོ། །ལང་ཀའི་བདག་པོ་རྐྱེན་གྱི་རྟོག་པ་གང་ཞེ་ན། འདི་ལྟ་སྟེ། བརྫིས་པ་དང་། བཤིག་པ་དང་། ཟ་བ་དང་། སྟོབས་པའོ། །ལང་ཀའི་བདག་པོ་ལས་ཀྱི་རྟོག་པ་གང་ཞེ་ན། འདི་ལྟ་སྟེ། སྡུས་པའི་ལས་དང་། བདེ་བའི་ལས་དང་། སྣང་བའི་ལས་དང་། མཐའ་ཡས་པའི་ལས་དང་། ཐོགས་པ་མེད་པའི་ལས་དང་། མི་སྐྱོར་བའི་ལས་སོ། །ལང་ཀའི་བདག་པོ་མཚན་མའི་རྟོག་པ་གང་ཞེ་ན། འདི་ལྟ་སྟེ། མེ་འདའ་བ་དང་། རོལ་པ་དང་། ཆེ་བའོ། །ལང་ཀའི་བདག་པོ་དེ་ལ་མི་འདའ་བ་གང་ཞེ་ན། འདི་ལྟ་སྟེ། གདུལ་བྱ་ལས་མི་འདའ་བ་དང་། རང་བཞིན་ལས་མི་འདའ་བ་དང་། ཤེས་རབ་ལས་མི་འདའ་བ་དང་། ཐབས་ལས་མི་འདའ་བ་དང་། ཐུགས་དམ་ལས་མི་འདའ་བ་དང་། ཐུགས་རྗེ་ལས་མི་འདའ་བ་དང་། དམ་པ་ལས་མི་འདའ་བ་དང་། ཕྲིན་ལས་ལས་མི་འདའ་བ་དང་། ཡེ་ཤེས་ལས་མི་འདའ་བ་དང་། ཆོས་ཉིད་ལས་མི་འདའ་བ་དང་། དགོངས་པ་ལ་མི་འདའ་བའོ། །ལང་ཀའི་བདག་པོ་རོལ་པ་གང་ཞེ་ན། འདི་ལྟ་སྟེ། གྲུབ་པ་དང་། མཛད་པའོ། །གྲུབ་པ་གང་ཞེ་ན། འདི་ལྟ་སྟེ། མ་སྐྱེས་པ་དང་། མ་རྨོངས་པ་དང་། མི་གཡོ་བ་དང་། མ་འགགས་པ་དང་། མ་ཆགས་པ་དང་། མ་བཅིངས་པ་དང་། མི་སྐྱོར་བ་དང་། མི་ཐོགས་པ་དང་། མ་ལུས་པ་དང་། མི་འགྲོད་པའོ། །ལང་ཀའི་བདག་པོ་མཛད་པ་གང་ཞེ་ན། འདི་ལྟ་སྟེ། གདུལ་བྱའི་གཟིགས་པར་མཛད་པ་དང་། །སྤྲུལ་པ་འགྱེད་པར་མཛད་པ་དང་། །ཅི་གསོལ་གསན་པར་མཛད་པ་དང་། །མགོན་སྐྱབས་དམ་པར་མཛད་པ་དང། །དུགཆེནཟདཔརམཛད་པ་དང་། །ཐེག་མཆོག་སྟོན་པར་མཛད་པ་དང་། །སྐྱེ་བཞི་གཅོད་པར་མཛད་པ་དང་། །རྒྱུ་དྲུག་འདོན་པར་མཛད་པ་དང་། །མཐའ་དྲུག་རྫོགས་པར་མཛད་པ་དང་། །ལས་བཞིས་སྒྲོལ་བར་མཛད་པའོ། །ལང་ཀའི་བདག་པོ་ཆེ་བ་གང་ཞེ་ན། འདི་ལྷ་སྟེ་གཉེན་པོ་མེད་པའི་ཆེ་བ་དང་། །འགྲན་ཟླ་མེད་པའི་ཆེ་བ་དང་། །ཁྱད་པར་དུ་འཕགས་པའི་ཆེ་བ་དང་། །ཆེ་བཙན་གཅིག་པུའི་ཆེ་བ་དང་། །ཚམ་ངམ་རླབས་ཀྱི་ཆེ་བ་དང་།རྨད་དུ་བྱུང་བའི་ཆེ་བ་དང་། ཐམས་ཅད་དུ་མ་ཕམ་པའི་ཆེ་བ་དང་། མངའ་དབང་རྫོགས་པའི་ཆེ་བ་དང་། ཀུན་ལས་རྒྱལ་བའི་ཆེ་བ་དང་། ཡོངས་སུ་མི་ནུབ་པའི་ཆེ་བའོ། ལང་ཀའི་བདག་པོ་མངོན་པའི་རྟོག་པ་གང་ཞེ་ན། འདི་ལྟ་སྟེ། སྐུའི་རྗོམ་སྤྱོམ་གྱིས་བྱེ་བ་ས་ཡར་མངོན་པ་དང་། གསུང་གི་རྗོམ་སྤྱོམ་བསྟན་པ་རྒྱ་མཚོར་མངོན་པ་དང་། ཐུགས་ཀྱི་རྗོམ་སྤྱོམ་ཆོས་ཉིད་ནམ་མཁའ་མངོན་པ་དང་། མཐུའི་རྗོན་སྤྱོམ་ནམ་མཁའི་དབྱིངས་ལྟར་མངོན་པའོ། །ལང་ཀའི་བདག་པོ་དེ་དག་ཀྱང་ཚུལ་བཅུ་དག་དྲུག་གིས་རྫོགས་པར་འགྱུར་ཏེ། དེ་ཡང་གང་ཞེ་ན། འདི་ལྟ་སྟེ། ཇི་ལྟར་སྣང་བའི་རི་བོ་ལྟ་བུའི་ཚུལ་དང་། ཅིར་ཡང་འགྱུར་བ་གར་ཐབས་ལྟ་བུའི་ཚུལ་དང་། ཟིལ་གྱིས་ནོན་པ་ཁྱད་པར་དུ་བྱུང་བའི་ཚུལ་དང་། ཚམངམཆེནཔོའིསྟོབསརྔམས་སུ་འགྱིང་བའི་ཚུལ་དང་། གང་དུ་རྔུབ་པ་ཞལ་གྱི་ཚུལ་དང་། ཅིར་ཡང་འགྱུར་བ་ལྗགས་ཀྱི་ཚུལ་དང་། ཡོངས་སུ་གཅོད་པ་ཚེམས་ཀྱི་ཚུལ་དང། གོ་བར་གྲོགས་པ་འབྲུག་སྒྲ་སྒྲོགས་པའི་ཚུལ་དང་། དགོངས་པ་ནམ་མཁའི་སྐར་ཚོགས་ལྟ་བུའི་ཚུལ་དང་། ཕྲིན་ལས་རྒྱ་མཚོ་དབའ་རླབས་ལྟ་བུའི་ཚུལ་དང་། ཡོན་ཏན་ས་གཞི་རྩི་ཤིང་ལྟ་བུའི་ཚུལ་དང་། ཐུགས་རྗེ་གར་གྱི་ཕྲེང་བ་ལྟ་བུའི་ཚུལ་དང་། གནས་ཀྱི་ཁྱད་པར་འབྱུང་ཞིང་སྡུད་པ་དུར་ཁྲོད་ཀྱི་ཚུལ་དང་། གནོན་པའི་ཁྱད་པར་སྐ་བཀོད་པའི་ཚུལ་དང་། ཞིང་གི་ཁྱད་པར་བླ་ན་མེད་པའི་ཚུལ་དང་། སྤྱོད་པའི་ཁྱད་པར་ཅི་ཅར་གྲུབ་ལ་མི་སྐྱོར་བའི་ཚུལ་ལོ། །ལང་ཀའི་བདག་པོ་སྤྱོད་པའི་རྟོག་པ་གང་ཞེ་ན། འདི་ལྟ་སྟེ། སྐུའི་གཟི་བརྗིད་སེང་གེའི་འབུམ་གཟུགས་ལྟ་བུ་དང་། གསུང་གི་གཟི་བརྗིད་འབྲུག་སྟོང་ལྡིར་བ་ལྟ་བུ་དང་། ཐུགས་ཀྱི་གཟི་བརྗིད་མ་མཁའི་གཏོས་ཆེན་ལྟ་བུ་དང་། ཡོན་ཏན་གྱི་གཟི་བརྗིད་ནོར་བུ་རིན་པོ་ཆེ་ལྟ་བུ་དང་། ཕྲིན་ལས་ཀྱི་གཟི་བརྗིད་ཆེན་པོའི་དཀྱིལ་འཁོར་ལྟ་བུ་སྟེ། ལས་ཀའི་བདག་པོ་དེ་དག་ནི་གཟི་བརྗིད་བཅུ་གཉིས་ཀྱིས་རྫོགས་པ་ཡིན་ཏེ། དེ་ཡང་གང་ཞེ་ན། འདི་ལྟ་སྟེ། སྐུ་ཆེ་ཡན་ལག་རགས་པའི་གཟི་བརྗིད་དང་། །གྲངས་མང་རྐྱེན་དང་འཚམ་པའི་གཟི་བརྗིད་དང་། །བཀུར་འོས་གཙོ་བོར་མཐོང་བའི་གཟི་བརྗིད་དང་། །ཁྱད་ཞུགས་ཡིད་དང་འཐད་པའི་གཟི་བརྗིད་དང་། །གདངས་ཆེན་སྟོང་གསུམ་གང་བའི་གཟི་བརྗིད་དང་། །ཚིག་མྱུར་ཐེ་ཚོམ་གཅོད་པའི་གཟི་བརྗིད་དང་། །བདག་ལ་ཉི་ཚེར་སྟོན་པའི་གཟི་བརྗིད་དང་། །ཁྱད་པར་ཡོན་ཏན་མཐོང་བའི་གཟི་བརྗིད་དང་། །ཡངས་པས་རེ་དོགས་མེད་པའི་གཟི་བརྗིད་དང་། །གསལ་བས་མཐའ་གཉིས་སྤངས་པའི་གཟི་བརྗིད་དང་། །ཐུགས་རྗེ་ཐུགས་དམ་རྫོགས་པའི་གཟི་བརྗིད་དང་། །མ་རྨོངས་ཐབས་ཀྱིས་འདུལ་བའི་གཟང་བརྗིད་དང་། །མེད་ལ་ཟད་མི་ཤེས་པའི་གཟི་བརྗིད་དང་།། གཅིག་ལ་འདོད་དགུར་སྟོན་པའི་གཟི་བརྗིད་དང་། །གནོད་སྦྱོར་ཕན་པར་མཛད་པའི་གཟི་བརྗིད་དང་། །ཐམས་མཁས་སྐྱོན་གྱིས་མ་གོས་པའི་གཟི་བརྗངད་དང་། །མི་བསྙེངས་ཉམ་བག་རོལ་པའི་གཟི་བརྗིད་དང་། །འཁོར་བར་ཡུན་རིངས་མི་བསྙེལ་བའི་གཟི་བརྗིད་དང་། །མགོན་སྐྱབས་རྒྱུན་དུ་མཛད་པའི་གཟི་བརྗིད་དང་། །དགོངས་དོན་ལྷུན་གྱིས་གྲུབ་པའི་གཟང་བརྗིད་དང་། །ལང་ཀའི་བདག་པོ་རྟགས་ཀྱི་རྟོག་པ་གང་ཞེ་ན། འདི་ལྟ་སྟེ། ཆོས་ཀྱི་རྒྱལ་པོ་བསྙེངས་པ་མི་མངའ་བའི་དབང་ཆེན་པོ་བརྙེས་པའི་རྟགས་དང་། ཉག་བག་ཆེན་པོ་རོལ་པའི་རྟགས་དང་། གང་གི་དཔུང་གངས་མང་བསྙེངས་པའི་རྟགས་དང་། ཡུན་གྱི་དན་སྲིད་བརྙེས་པའི་རྟགས་དང་། སྟོབས་ཀྱིས་གཞན་གང་གནོན་པའི་རྟགས་དང་། རྫུ་འཕྲུལ་གྱིས་མི་གནས་པར་སྐྱོད་པའི་རྟགས་དང་། མི་ཟད་པའི་མཛོད་མངའ་བའི་རྟགས་ཏེ། ལང་ཀའི་བདག་པོ་དེ་ལ་མངའ་དབང་ཆེན་པོ་བརེཉས་པའི་རྟགས་ནི་འདི་ལྟ་སྟེ། གང་དབང་བཅུ་ཡོངས་སུ་རྫོགས་པའོ། །བཅུ་གང་ཞེ་ན། སྐྱེ་བ་དང་། ཡོ་བྱད་དང་། མོས་པ་དང་། རྫུ་འཕྲུལ་དང་། ཆོས་དང་། ཡེ་ཤེས་དང་། སེམས་དང་། ཚེ་དང་། ལས་དང་། སྨོན་ལམ་ལ་དབང་བའོ། །ལང་ཀའི་བདག་པོ་ཉམ་བག་ཆེན་པོར་རོལ་པའི་རྟགས་གང་ཞེ་ན། འདི་ལྟ་སྟེ། ཕྱག་རྒྱ་བཞི་ལ་རོལ་པ་སྟེ། སྐུའི་མཉམ་པ་ཉིད་དང་། ཐུགས་ཀྱི་ཐིགས་པ་དང་། གསུང་གི་འགྲེལ་པ་དང་། ཕྲིན་ལས་ཀྱི་རླབས་ལ་རོལ་པའོ། །ལང་ཀའི་བདག་པོ་གང་གི་དཔུང་གིས་མི་བསྙེངས་པའི་རྟགས་ནི་འདི་ལྟ་སྟེ། སྒེག་པའི་ཚུལ་དང་། དཔའ་བོའི་ཚུལ་དང་། འཇིགས་པའི་ཚུལ་དང་། གཤེ་བའི་ཚུལ་དང་། བཞད་པའི་ཚུལ་དང་། སྙིང་རྗེའི་ཚུལ་དང་། རྔམ་པའི་ཚུལ་དང་། ངོ་མཚར་བའི་ཚུལ་དང་། ཞི་བའི་ཚུལ་དང་། ལང་ཀའི་བདག་པོ་ཡུན་གྱི་དོན་སྲིད་བརྙེས་པའི་རྟགས་ནི་འདི་ལྟ་སྟེ། བྱམས་པའི་བློ་དང་། སྙིང་རྗེའི་གྲོས་དང་། དགའ་བའི་ཐབས་དང་། བཏང་སྙོམས་ཀྱི་མདོའོ། །ལང་ཀའི་བདག་པོ་སྟོབས་ཀྱིས་གཞན་གང་གནོན་པའི་རྟགས་ནི་འདི་ལྟ་སྟེ། སྙིང་རྗེའི་སྟོབས་དང་། ཆོས་ཉིད་ཀྱི་སྟོབས་དང་། མི་འབྱེད་པའི་སྟོབས་དང་། གྲུབ་པའི་སྟོབས་དང་། མ་སྤངས་པའི་སྟོབས་དང་། མ་གཡོས་པའི་སྟོབས་དང་། སྨོན་ལམ་གྱི་སྟོབས་དང་། སྤྲུལ་པའི་སྟོབས་དང་། མི་གཏོང་བའི་སྟོབས་དང་། ཆགས་པའི་སྟོབས་སོ། །ལང་ཀའི་བདག་པོ་རྫུ་འཕྲུལ་གྱིས་མི་གནས་པར་སྐྱོད་པའི་རྟགས་གང་ཞེ་ན། འདི་ལྟ་སྟེ། ཆོས་ཉིད་ཀྱི་རྫུ་འཔྲུལ་དང་། ཡེ་ཤེས་ཀྱི་རྫུ་འཕྲུལ་དང་། ཐུགས་རྗེའི་རྫུ་འཕྲུལ་དང་། སྤྲུལ་པའི་རྫུ་འཕྲུལ་ལོ། །ལང་ཀའི་བདག་པོ་མི་ཟད་པའི་མཛོད་མངའ་བའི་རྟགས་གང་ཞེ་ན། འདི་ལྟ་སྟེ། འདོད་པ་སྐོང་པ་དང་། མི་ཟད་པར་འབྱུང་བ་དང་། མུན་བ་སེལ་བ་དང་། རྒྱུན་མི་འཆད་པའོ། །ལང་ཀའི་བདག་པོ་དེ་དག་ནི་རྫུ་འཕྲུལ་གྱི་ཆོ་འཕྲུལ་ཞེས་བྱ་སྟེ། ལང་ཀའི་བདག་པོ་རྫུ་འཕྲུལ་གྱི་ཆོ་འཕྲུལ་གྱིས་བསྡུས་པའི་རྟོག་པ་མཐའ་ཡས་ཇི་སྙེད་པ་ཀུན་སོ་སོར་མ་འདྲེས་པ་གཅིག་ཏུ་ཡོངས་སུ་འགྲེལ་ཏོ། །དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་་ལུས་ཀྱི་སེམས་དཔའ་རྣམས་ཆོས་ཐམས་ཅད་རྫུ་འཕྲུལ་གྱི་ཆོ་འཕྲུལ་ཙམ་དུ་སྣང་བར་མཐོང་ངོ་། སངས་རྒྱས་ཀུན་གྱི་དགོངས་པ་འདུས་པ་མདོ་ཆེན་པོ་ལས་རྫུ་འཕྲུལ་གྱི་ཆོ་འཕྲུལ་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་གསང་བ་པའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ཀྱེ་ལང་ཀའི་བདག་པོ་ཆོས་སྣང་བའི་ཆོ་འཕྲུལ་གང་ཞེ་ན། འདི་ལྟ་སྟེ། གང་གི་གང་དུ་ཆོས་སྣང་བར་ངེས་པའི་ཆོས་འཕྲུལ་བསྟན་པས་ད་དང་དེར་འཇིག་རྟེན་ཀྱི་ཁམས་དེ་དག་དེ་དག་ཐམས་ཅད་གཡོས་། །རབ་ཏུ་གཡོས། ཀུན་ཏུ་རབ་ཏུ་གཡོས། འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག རབ་ཏུ་ལྡེག །ཀུན་ཏུ་རབ་ཏུ་ལྡེག འུར། རབ་ཏུ་འུར། ཀུན་ཏུ་རབ་ཏུ་འུར། ཆེམ། རབ་ཏུ་ཆེམ། ཀུན་དུ་རབ་ཏུ་ཆེམ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ། ཤར་མཐོ་ན་ནུབ་དམའ། ནུབ་མཐོ་ན་ཤར་དམའ། ལྷོ་མཐོ་ན་བྱང་དམའ། བྱང་མཐོ་ན་ལྷོ་དམའ་བར་གྱུར་ཏེ། ཕྱི་ནང་གི་མུན་པ་ཐམས་ཅད་སྦྱངས་ནས་འགྲོ་བ་མཐའ་ཐུག་པ་མེད་པ་དག་སྤྲོ་བའི་ངོ་མཚར་བསྐྱེད། སེམས་ཀྱི་དཀྱིལ་འཁོར་འོད་གསལ། ཐེག་པ་ཆེན་པོའི་ཆོས་ཉིད་ཀྱི་དགའ་བའི་རོ་ཚོར། །ཐམས་ཅད་རེ་ཞིང་དམ་པའི་ཆོས་ཉིད་དུ་སྣང་བ་ནི་འདི་ལྟ་ཏེ། འཇིག་རྟེན་མཐའ་ཡས་རྡུལ་སྙེད་དུ། སྤྲུལ་པ་མཐའ་ཡས་རྡུལ་སྙེད་སྤྲོས། །མུན་བསལ་དངོས་པོ་ཀུན་སྒུངས་ཏེ། ཐམས་ཅད་མ་བཅོས་ཏེ་བཞིན་སྣང་། སྤྲུལ་པའི་དོན་ནི་རྡུལ་སྙེད་ལས།ཆོས་ཉིད་ངེས་པར་སྣང་བའི་སྒོ། གཉིས་ལས་བཅུ་བཞིར་སྣང་བ་ནི། ཡི་གེའི་འབྲུ་ཚོགས་གསལ་བར་སྣང་། ལང་ཀའི་བདག་པོ་འདི་ལྟ་སྟེ། ཨ་ཆོས་ཀྱི་དབྱིངས་ཉིད་རྣམ་པར་སྣང་བའི་སྒོའོ། །ཧཱུཾ༷་ཡེ་ཤེས་ཀྱི་ཆོས་ཉིད་རྣམ་པར་སྣང་བའི་སྒོའོ། །ཧཱུཾ༷་མི་གཡོ་བའི་ཆོས་ཉིད་ཡོངས་སུ་སྣང་བའི་སྒོའོ། །ཨོ་ཅིར་ཡང་སྣང་བའི་ཆོས་ཉིད་རྣམ་པར་སྣང་བའི་སྒོའོ། །གྲྭ་སྣ་ཚོགས་འབྱུང་བའི་ཆོས་ཉིད་རྣམ་པར་སྣང་བའི་སྒོའོ། །ཨེ༷༷༷མཐའ་ཡས་ཆོས་ཉིད་རྣམ་པར ངབའིསྒོའོ། །ཧྭདོནཡོད་གྲུབ་པའི་ཆོས་ཉིད་རྣམ་པར ངབའིསྒོའོ། །ཧཱུཾབརྗོད་པ་ལས་འདས་པའི་ཆོས་ཉིད་རྣམ་པར ངབའིསྒོའོ། །ལྭ༷སྐྱེའགག་མེད་པའི་ཆོས་ཉིད་རྣམ་པར་ ང་༄། །བངའ་སྒོ་འ། །མུ༷་མ་ཟད་པའ་ཆས་ཉད་རྣམ་པར་སྣང་བངའ་སྒོའ་། །པྱུ༷་སྐྱན་མེད་པངའ་ཆས་འཉད་རྣམ་པར་སྣང་བངའ་སྒོའ་། །ཏྭ༷་ཐགས་པ་མེད་པངའ་ཆས་ངཉད་རྣམ་པར་སྣང་བངའ་སྒོ་འ། །ངཧྲུ༷༷༷གསུང་འ ན་པའ་ཆས་ཉད་རྣམ་པར་སྣང་བངའ་སྒོ་འ། །ཧྲུ༷་ག་ཁུད་པའ་ཆས་ཉད་རྣམ་པར་སྣང་བངའ་སྒོ་འ། །ཀྟ་མཐང་བའ་ཆ༷ས་ཉད་རྣམ་པར་སྣང་བངའ་སྒོ་འ། །ཏྣ་འཇམས་པའ་ཆས་ཉད་རྣམ་པར་སྣང་བངའ་སྒོའ་། །ཧཱུཾ༷་རྩ་བ་བྱང་ཆུབ་མས་ཀྱ་ཆས་ཉད་རྣམ་པར་སྣང་བངའ་སྒོ་འ། །ཊ༷ཅངར་ཡང་ལུང་བའ་ཆས་ཉད་རྣམ་པར་སྣང་བངའ་སྒོའ་། །རྙི་སྒྲ་སྒྲགས་པའ་ཆས་ཉད་རྣམ་པར་སྣང་བངའ་སྒོ་འ། །ཨ་ཅར་ཡང་མ་ ས་པའ་ཆས་ཉད་རྣམ་པར་སྣང་བའ་་འ། །མི་བྱམས་པ་ཆེན་པའི་ཆས་ཉངད་རྣམ་པར་སྣང་བངའ་སྒོ་འ། །སྙི༷་སྙངང་རྗེ་གོ་པའི་ཆས་ཉངད་རྣམ་པར་སྣང་བངའ་སྒོ་འ། །ཧཱུཾ༷་དགའ་བ་གོ་པའི་ཆས་ཉངད་རྣམ་པར་སྣང་བངའ་སྒོ་འ། །ཧཱུཾ་བཏང་སྙམས་ཆེན་པའི་ཆས་ཉད་རྣམ་པར་སྣང་བངའ་སྒོའ་། །དུ་ངཏང་ངེ་འཛིན་གྱང་ཆ་ཝལ་གྱ་ཆས་ཉད་རྣམ་པར་སྣང་བངའ་སྒོ་འ། །པུ་དབང་བསྐུར་བའ་ཆ་ཝུལ་གྱ་ཆས་ཉད་རྣམ་པར་སྣང་བངའ་་འ། །བ༷་བྱན་གྱས་བ་ས་ཀྱ་ཆ་ཝལ་གྱ་ཆས་ཉད་རྣམ་པར་སྣང་བངའ་སྒོ་འ། །ཧ༷༷མཆད་པའ་ཆ་ཝལ་གྱ་ཆས་ཉད་རྣམ་པར་སྣང་བངའ་སྒོ་འ། །ཡ་སྟང་པ་ཉད་ཀྱ་རྣམ་པར་ཐར་པའ་ཆས་ཉད་རྣམ་པར་སྣང་བངའ་་འ། །ཐ་མགོ་མ་མེད་པངའ་རྣམ་པར་ཐར་པའ་ཆས་ཉད་རྣམ་པར་སྣང་བངའ་སྒོའ་། །ངཧྲུ༷༷སྨན་པ་མེད་པངའ་རྣམ་པར་ཐར་པའ་ཆས་ཉད་རྣམ་པར་སྣང་བངའ་སྒོ་འ། །ཧཱུཾ༷་ཐབས་ལ་མཁས་པའ་རྣམ་པར་ཐར་པའ་ཆས་ཉད་རྣམ་པར་སྣང་བངའ་སྒོ་འ། །ཛ༷༷དན་འདྲེན་པངའ་ཆས་ཉད་རྣམ་པར་སྣང་བངའ་སྒོ་འ། །ཧཱུཾ༷་དན་བརྗད་པའ་ཆས་ཉད་རྣམ་པར་སྣང་བངའ་སྒོ་འ། །བ་་དན་སྤྱད་པའ་ཆས་ཉད་རྣམ་པར་སྣང་བངའ་སྒོ་འ། །ཧ༷༷དན་མཐུན་པའ་ཆས་ཉད་རྣམ་པར་སྣང་བངའ་སྒོ་འ། །ཀྲོ་བྱང་ཆུབ་ཀྱ་ཆས་ཉད་རྣམ་པར་སྣང་བངའ་སྒོ་འ། ཁུ་་སྟབས་ཀྱ་ཡོ་ཉད་རྣམ་པར་སྣང་བངའ་སྒོའ་། སྒྱུ༷་དབང་པ ་ཆས་ཉད་རྣམ་པར་སྣང་བངའ་སྒོ་འ། །པྲ་་རྫུ་ལུལ་གྱ་ཆས་ཉད་རྣམ་པར་སྣང་བངའ་སྒོ་འ། །ལྟོ་སྤང་པངའ་མགོ་ཉངད་རྣམ་པར་སྣང་བའ་སྒའ། །ཡ་དྲན་པའ་ཆས་ཉད་རྣམ་པར་སྣང་བངའ་སྒོའ་། །ཧཱུཾ་སྟང་པའ་ཆས་ཉད་རྣམ་པར་སྣང་བངའ་སྒོ་འ། །ཨེ་ཁྲ་བའི་ཆས་ངཉད་རྣམ་པར་སྣང་བངའ་སྒོ་འ། །བ་་ཞང་བངའ་ཆས་ཉད་རྣམ་པར་སྣང་བའ་སྒོང་འ། །མ་མཐའ་རྒྱས་པའ་ཆས་ཉད་རྣམ་པར་སྣང་བངའ་སྒོ་འ། །ཡ་སྡུད་པའ་ཆས་ཉད་རྣམ་པར་སྣང་བངའ་སྒོའ་། ཁྲ་ཕྱང་ནང་ལུང་བའ་ཆས་ཉད་རྣམ་པར་སྣང་བངའ་སྒོ་འ། །དྷ་ཆས་ལུང་བའ་ཆས་ཉད་རྣམ་པར་སྣང་བའ་སྒོའ་། །མ་དྲན་པའ་ཆས་ཉད་རྣམ་པར་སྣང་བངའ་སྒོའ་། །ཧྭ་བད་པའ་མོ་ཉད་རྣམ་པར་སྣང་བངའ་སྒོའ་། །པྲ་སྤྲ་བའ་ཆས་ཉད་རྣམ་པར་སྣང་བངའ་སྒོའ་། །ཀྟ༷༷་ངན་མཐར་ཟད་པའ་ཆས་ཉད་རྣམ་པར་སྣང་བངའ་སྒོའ་།ཙྭ་ཤེས་པའི་ཆོས་ཉིད་རྣམ་པར་སྣང་བའི་སྒོའོ། །ཧེ་རྒྱུའི་ཆོས་ཉིད་རྣམ་པར་སྣང་བའི་སྒོའོ། །སེ་འབྲས་བུའི་ཆོས་ཉིད་རྣམ་པར་སྣང་བའི་སྒོའོ། །ཐི་རྐྱེན་གྱི་ཆོས་ཉིད་རྣམ་པར་སྣང་བའི་སྒོའོ། །སྐ་ཕུང་པོའི་ཆོས་ཉིད་རྣམ་པར་སྣང་བའི་སྒོའོ། །ཀྲ་ལས་ཀྱི་ཆོས་ཉིད་རྣམ་པར་སྣང་བའི་སྒོའོ། །པེ་ནག་པོའི་ཆོས་ཉིད་རྣམ་པར་སྣང་བའི་སྒོའོ། །ཏྲ་དཀར་པོའི་ཆོས་ཉིད་རྣམ་པར་སྣང་བའི་སྒོའོ། །ཨོ་རང་གྲུབ་པའི་ཆོས་ཉིད་རྣམ་པར་སྣང་བའི་སྒོའོ། །ཧཱུཾ༷་རྩ་བའི་ཆོས་ཉིད་རྣམ་པར་སྣང་བའི་སྒོའོ། །མྱུ༷་ཇི་བཞིན་པའི་ཆོས་ཉིད་རྣམ་པར་སྣང་བའི་སྒོའོ། །ལང་ཀའི་བདག་པོ་དེ་དག་ནི་ཡི་གེའི་ཆོ་འཕྲུལ་ལས་ཆོས་རྣམ་པར་སྣང་པའོ། །དེ་ཅིའི་ཕྱིར་ཞེ་ན། ལང་ཀའི་བདག་པོ་ཡི་གེའི་སྒོ་ནས་ཆོས་ཐམས་ཅད་ནམ་མཁའ་དང་འདྲ་བར་ཁོང་དུ་ཆུད་པར་འགྱུར་རོ། །གཟུངས་དང་། སྒྲ་དང་། དྲན་པ་དང་། བློ་གྲོས་དང་། རྟོགས་པ་དང་། གསལ་བ་ཐོབ་པར་འགྱུར་རོ། །དེ་བཞིན་དུ་ཡི་གེ་ནི་ཆོས་ཐམས་ཅད་ཀྱི་སྒོ་ཡང་འབྱེད་པར་འགྱུར་རོ། །དོན་ཡང་མཚོན་པར་བྱེད་དོ། །རང་བཞིན་ཡང་རྟོགས་པར་བྱེད་དོ། །ལང་ཀའི་བདག་པོ་དེ་དག་ནི་ཡི་གེའི་ཆོ་འཕྲུལ་གྱི་སྒོ་ནས་ཆོས་ཉིད་དུ་རྣམ་པར་སྣང་བའོ། །ལང་ཀའི་བདག་པོ་གང་མ་བཅོས་པར་ཆོས་སྣང་བའི་ཆོ་འཕྲུལ་གང་ཞེ་ན། འདི་ལྟ་སྟེ། ཆོས་ཅན་མཚན་མར་སྣང་བའི་རང་བཞིན་རྣམས། །ཆོས་ཉིད་མཚན་མ་མེད་པའི་ངང་དུ་སྣང་། །སེམས་ཅན་དངོས་པོར་སྣང་བའི་རང་བཞིན་རྣམས། །སེམས་ཉིད་དངོས་པོ་མེད་པའི་ངང་དུ་སྣང་། །ཇི་སྙེད་རྣམ་པར་སྣང་བའི་རང་བཞིན་རྣམས། །ཇི་བཞིན་དེ་བཞིན་ཉིད་ཀྱི་ངང་དུ་སྣང་། །ཉོན་མོངས་དུག་ལྔར་སྣང་བའི་རང་བཞིན་རྣམས། །རྣ་གྲོལ་ཡེ་ཤེས་ལྔ་ཡི་ངང་དུ་སྣང་། །དུག་གསུམ་རྩ་བར་སྣང་བའི་རང་བཞིན་རྣམས། །སྐུ་གསུམ་ལྷུན་གྱིས་གྲུབ་པའི་ངང་དུ་སྣང་། །གཟུང་འཛིན་རྟོག་པར་སྣང་བའི་རང་བཞིན་རྣམས། །དབྱིངས་དང་ཡེ་ཤེས་གཉིས་མེད་ངང་དུ་སྣང་། །བྱ་དང་བྱེད་པར་སྣང་བའི་རང་བཞིན་རྣམས། །ཐབས་དང་ཤེས་རབ་འབྲེལ་བའི་ངང་དུ་སྣང་། །འཇིག་ཚོགས་ཕུང་པོར་སྣང་བའི་རང་བཞིན་རྣམས། །རྣམ་གྲོལ་ཟག་མེད་ཕུང་པོའི་ངང་དུ་སྣང་། །ཀུན་ནས་ཉོན་མོངས་འཁོར་བའི་རང་བཞིན་རྣམས། རྣམ་བྱང་མྱ་ངན་འདས་པའི་ངང་དུ་སྣང་། །འཇིག་རྟེན་གཡོ་རྡུལ་མི་གཡོའི་རང་བཞིན་རྣམས། །རྒྱལ་བ་བཞི་བཅུ་གཉིས་ཀྱི་ངང་དུ་སྣང་། །མྱ་ངན་འདས་དང་འཁོར་བའི་རང་བཞིན་རྣམས། །བཙལ་མེད་མ་བཅོས་དེ་ཉིད་ངང་དུ་སྣང་། །ཞེས་ཡོངས་སུ་གྲག་ཅིང་གྲགས་པར་འགྱུར་རོ། །ལང་ཀའི་བདག་པོ་དེ་ནི་ཆོས་སྣང་བའི་ཆོ་འཕྲུལ་ཏེ་། དེ་དག་ཀྱང་སོ་སོར་མ་འདྲེས་པར་གཅིག་ཏུ་ཡོངས་སུ་འགྲེལ་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་སྣང་བའི་ཆོ་འཕྲུལ་བསྟན་པའི་ལེའུ་སྟེ་བཅུ་བདུན་པའོ།། །།ལང་ཀའི་བདག་པོ་ཀུན་བརྗོད་པའི་ཆོ་འཕྲུལ་གང་ཞེ་ན། འདི་ལྟ་སྟེ། ཆོས་ཀུན་མ་འདྲེས་ཡོངས་རྫོགས་པ། །ངེས་པ་ཇི་ལྟར་ཡིན་པའི་དོན། །ཕྱིན་ཅི་མ་ལོག་ཉིད་བརྗོད་པ། །དེ་ཉིད་རྣམ་དག་ལམ་ཆེན་ཡིན། །སྐུ་དང་གསུང་ཐུགས་རང་བཞིན་ཡང་། །གང་ན་མེད་དེ་དེ་ཁོ་ན། །དཔག་མེད་རྒྱལ་བ་མཐའ་ཡས་ཀྱང་། །གཞན་ན་མེད་དེ་དེ་ཉིད་ཡིན། །གཏི་མུག་མ་འདྲེས་ཀུན་ནས་རྨོངས། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཞེ་སྡང་མ་འདྲེས་མནར་སེམས་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ང་རྒྱལ་མ་འདྲེས་རི་བོ་ཆེ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉིད་ཁོ་ན། །འདོད་ཆགས་མ་འདྲེས་ཀུན་དུ་ཞེན། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་དྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཕྲག་དོག་མ་འདྲེས་ཀུན་ནས་འཁྲུགས། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོསདེབཞིནཉིདཁོན། །གཟུགས་ནི་མ་འདྲེས་འཇིགས་པ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོསདེབཞིནཉིདཁོན། འདུ་བྱེད་མ་འདྲེས་མངོན་དུ་བྱེད།ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །རྣམ་རིག་མ་འདྲེས་ཐ་དད་ཤེས། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །སྡུག་བསྔལ་མ་འདྲེས་ཀུན་གདུང་བ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། ཁམས་ནི་མ་འདྲེས་ས་བོན་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །སྐྱེ་མཆེད་མ་འདྲེས་སྐྱེ་བའི་སྒོ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །་མ་བཅོས་དེ་བཞིན་ཉིད་ཁོ་ན། །རྒྱུ་རྐྱེན་མ་འདྲེས་འདུ་འཕྲོ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །མ་ཆགས་མ་འདྲེས་གཏོང་བ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེ་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །དག་པ་མ་འདྲེས་གདུང་བ་མེད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོསདེབཞིནཉིདཁོན། །མི་གཡོ་མ་འདྲེས་མི་ཞབྲུག་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོསདེབཞིནཉིདཁོན། །བརྩོན་འགྲུས་མ་འདྲེས་ཐུབ་པ་མེད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །བསམ་པ་མ་འདྲེས་སྡུད་པ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ནས། །མ་བཅོས་དེ་བཞིན་ཉིད་ཁོ་ན། །གཅོད་པ་མ་འདྲེས་ཆགས་པ་མད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན་་ ་།་མ་བཅོས་དེ་བཞིན་ཉིད་ཁོ་ན། །བསམ་པ་ཚད་མེད་སྙོམས་འཇུག་བཞི། །མ་འདྲེས་མི་འཁྲུག་ཡོངས་རྫོགས་པས། །སྟོང་པ་བདག་མེད་ཆོས་ཉིད་དེ། །མ་བཅོས་དེ་བཞིན་ཉི་ཁོ་ན། །ཀུན་ཀྱང་མ་འདྲེས་འབྱུང་བ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །སྟོང་ཉིད་རྣམ་ཐར་མ་འདྲེས་དབེན། །མཚན་མེད་མ་འདྲེས་ཞི་བ་ཉིད། །སྨོན་མེད་མ་འདྲེས་སྡུག་བསྔལ་སེལ། །ཡོངས་སུ་རྫོགས་པས་སྟོང་བདག་མེད། །མ་བཅོས་དེ་བཞིན་ཉིད་ཁོ་ན། །རྣམ་ཐར་མ་འདྲེས་རྣམ་པར་འགྲེལ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། ། མ་བཅོསདེབཞིནཉིདཁོན། །སྟོབས་ནི་མ་འདྲེས་གདོན་མི་ཟ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོསདེབཞིནཉིདཁོན། །མི་འཇུགས་མ་འདྲེས་ཤིན་ཏུ་བརྟན།ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉིད་ཁོ་ན། །སྙིང་རྗེ་མ་འདྲེས་སྐྱོབ་པ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉི་ཁོ་ན། །བྱམས་པ་མ་འདྲེས་ཕན་འདོགས་པ། ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །དགའ་བ་མ་འདྲེས་འགྱོད་པ་མེད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉིད་ཁོ་ན། །བཏང་སྙོམས་མ་འདྲེས་ཡངས་པ་ཉིད། །ཡོངས་སུ་རྫོགས་པས་སྟོང་བདག་མེད།དེ་ཉིད་མ་འདྲེ་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །གཟུགས་ནི་མ་འདྲེས་འབྲེལ་བ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉི་ཁོ་ན།ཏིང་འཛིན་མ་འདྲེས་མི་གཡེང་བ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །མ་འདྲེས་པ་ཉིད་མི་འཕྲོགས་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོསདེབཞིནཉིདཁོན། །ཀུན་གྲོལ་མ་འདྲེས་མངོན་སུམ་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉིད་ཁོ་ན། །ཆོས་ཅན་མ་འདྲེས་སྣ་ཚོགས་པ། ཡོངས་སུ་རྫོགས་པས་སྲོང་བདག་མེད། །དེ་ཉིད་མ་འདྲེས་དེ་བཞིན་ཉིད་ཁོ་ན། །ཡེ་ཤེས་ཀུན་མཁྱེན་སྐྱེ་འགག་མེད། ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན༧། ་།མ་བཅོས་དེ་བཞིན་ཉིད་ཁོ་ན། །དབྱིངས་ཉིད་མེད་ལ་མི་ཟད་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །སྤྲུལ་པ་མེད་འབྱུང་རྒྱུན་མི་འཆད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །རྫོགས་སྐུ་མ་འདྲེས་ཕུན་སུམ་ཚོགས། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཆོས་སྐུ་རྣམ་པར་དག་པ་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཐམས་ཅད་མ་འདྲེས་ཐ་དད་པ། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། མ་བཅོས་དེ་བཞིན་ཉིད་ཁོ་ན། །ཆོས་ཀུན་བརྗོད་པའི་ཆོ་འཕྲུལ་ལས།མ་བཅོསདེབཞིནཉིདསྣངབ། །དབུ་མར་མི་དམིགས་གསང་བ་ཉིད། །སྐྱེས་བུ་དམ་པའི་སྤྱོད་ཡུལ་ཡིན། །གསང་སྔགས་རྡོ་རྗེ་ཐེག་ཆེན་འདི། །དེབཞིནགཤེགསཔཉིད་དུ་གསལ། །ཅི་ཕྱིར་རྡོ་རྗེ་གསང་སྔགས་དང་། །སེམས་ཅན་སངས་རྒྱས་ཐ་དད་མིན། །གསང་སྔགས་རྡོ་རྗེ་རྣལ་འབྱོར་པ། སྐྱེས་བུ་ཐབས་ཀྱི་ཕ་རོལ་ཕྱིན། །རྡོ་རྗེ་རྣལ་འབྱོར་མི་ལྡན་ན། །དེ་ཉིད་ཐབས་དང་ཤེས་རབ་བྲལ། །དེ་བས་རྣལ་འབྱོར་ཆེན་པོ་ཡིས། །རྡོ་རྗེ་གསང་སྔགས་དམ་པ་ཡི། །ཆོས་འཕྲུལ་བཞི་ཡི་རང་བཞིན་ལས། །ནམ་ཡང་འགའ་བར་བྱ་བ་མིན། །ཞེས་སྨྲས་པས། །མ་འདྲེས་པ་ཡོངས་སུ་རྫོགས་པ་ནི་ཆོས་ཐམས་ཅད་ཀུན་ཏུ་བཟང་པོ་ཉིད་དོ་ཞེས་ཡོངས་སུ་གྲག་ཅིང་གྲགས་པར་གྱུར་ཏོ། ལང་ཀའི་བདག་པོ་དེ་དག་ནི་ཀུན་བརྗོད་པའི་ཆོ་འཕྲུལ་ཏེ། དེ་དག་ཀྱང་སོ་སོར་མ་འདྲེས་པར་དེ་ཁོ་ན་ཉིད་གཅིག་ཏུ་ཡོངས་སུ་འགྲེལ་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཀུན་བརྗོད་པའི་ཆོ་འཕྲུལ་བསྟན་པ་ཞེས་བྱ་བའི་ལེའུ་སྟེ་བཅོ་བརྒྱད་པའོ།། །།ལང་ཀའི་བདག་པོ་དེ་ལ་རྗེས་སུ་བསྟན་པའི་ཆོ་འཕྲུལ་གང་ཞེ་ན། ཞི་གནས་ཡོངས་སུ་རྫོགས་པར་འགྲེལ་བ་ནི་འདི་ལྟ་སྟེ། ཇི་སྙེད་པ་ཐམས་ཅད་ཇི་བཞིན་པ་ཉིད་དུ་ཡོངས་སུ་རྫོགས་པ་འབའ་ཞིག་གོ །དེ་ཇི་ལྟ་ཞེ་ན། འདི་ལྷ་སྟེ། དེ་ཉིད་མི་གཡོ་ནམ་མཁའ་ལ། །གཡོ་རྡུལ་ཐ་དད་ཇི་སྙེད་པ། །མི་རྟོག་ཡེ་ཤེས་རྒྱ་མཚོ་ཆེ། །གཅིག་ལས་རྣམ་པ་ཡོངས་ཀྱིས་མེད། །རང་བཞིན་ལྷུན་གྲུབ་དཀྱིལ་འཁོར་ཆེ། །དེ་ན་དམན་དང་སེམས་དཔའ་དང་། །སྤྱོད་པའི་རྣལ་འབྱོར་མིང་ཡང་མེད། །ལྷུན་མཉམ་བྱང་ཆུབ་སྙིང་པོ་ལས ངེས་པའི་དགོངས་པའི་མཉམ་རྙེད་ནས། །ཇི་བཞིན་མ་བཅོས་དེ་ཁོ་ན། །ཟབ་མོ་དམ་པ་ངེས་པའི་དོན། །ངོ་མཚར་དམ་པ་ཆེན་པོ་ཡིས། །རྡོ་རྗེ་སྙིང་པོ་ཉིད་ལ་ཉིད། །དགོངས་པའི་དོན་ལ་འདི་སྐད་འགྲེལ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཨེ་མའི་ངོ་མཚེ་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ན་འགག་པ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཨེ་མའོ་ངོ་མཚར་རྨད་ཀྱིས་ཆོས། །རྫོགས་པའི་སངས་རྒྱས་ཀུན་གྱི་གསང་། །མི་གནས་པ་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཨེ་མའོ་ངོ་མཚར་སྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། འགྲོ་འོང་མེད་ལས་འགྲོ་འོང་ཉིད། །འགྲོ་འོང་ཉིད་ན་འགྲོ་འོང་མེད། །ཨེ་མའི་ངོ་མཚར་རྨད་གྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །མ་བཅོས་མ་བསླད་བྱས་པ་མེད། །ཇི་བཞིན་རང་བཞིན་རྣམ་པར་དག །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱུ་ཀུན་གྱི་གསང། །རངབཞིནམེདཔའིརངབཞིནལས། །བདེབཆེནཔོལྷུན་གྱིས་གྲུབ། ཨེ་མའི་ངོ་མཚར་རྨདཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། ། གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྟོང་པ་མ་ཡིན་མི་སྟོང་མིན། །དབུ་མ་དམིགས་སུ་ཡོད་མ་ཡིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ངེས་པར་བརྟགས་ན་རྟག་པ་ཉིད། །རྟག་ཆད་དེ་ཉིད་གཉེན་པོ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ངེས་པར་ཆད་ན་ཆད་པ་མེད། །བྱང་ཆུབ་ཉིད་དེ་ལོག་རྒྱུན་ཆད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཆོས་སོ་ཅོག་གོ་རང་བཞིན་ནི། །སངས་རྒྱས་ཉིད་ལས་གཞན་མ་ཡིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་བརྙེས་སོ། །ཨེ་མའོ་ངོ་མཚེ་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །རབ་འབྱམ་མཐའ་ཡས་གང་ནས་ཀྱང་། །རྫོགས་པའི་སངས་རྒྱས་ཡོང་མི་ཚོལ ཨེ་མའོ་ངོ་མཚར་རྨད་གྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སེམས་ཉིད་རྟོག་པ་སངས་རྒྱས་ཏེ། དེ་ལས་གཞན་དུ་ཡོང་མ་ཡིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྲིད་གསུམ་ཡེ་ནས་སྙིང་པོ་ཉིད། །མ་ནོར་མ་བཅོས་ལྷུན་གྱིས་གྲུབ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །རང་བཞིན་ལྷུན་གྱིས་གྲུབ་པའི་དབྱིངས། །བཙལ་བ་མེད་པར་རྫོགས་སངས་རྒྱས། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཀུན་ནས་ཀུན་ཏུ་ངང་བཟང་པོ ཐམས་ཅད་ཡེ་འབྱམ་རྨད་དུ་གྲགས། ཨེ་མའོ་ང་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྙིང་པོ་བྱང་ཆུབ་དེ་ཉིད་ལས། །མ་གཏོགས་གང་ཡང་ཡོད་མ་ཡིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཐམས་ཅད་སངས་རྒྱས་ཡིན་པ་ལ། །རྟོག་པས་བསྒྲིབས་པས་དེ་མ་ཤེས། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །རྟོག་པ་ཉིད་ན་རྟོག་མེད་ཕྱིར། །བདེ་གཤེགས་སྙིང་པོ་གཞན་ནས་མིན། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཀུན་གྱི་སྙིང་པོ་བྱང་ཆུབ་ལ། །ཡེ་ནས་དགོངས་པ་ལྷུན་གྱིས་གྲུབ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། རྡོ་རྗེ་གསང་བའི་སྙིང་པོ་ལ། །སྒྲུབ་པ་དང་བསྒྲུབ་པར་བྱ་བ་མེད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཡེ་ཉིད་འབྲས་བུ་དམ་པ་ལ། །ཐོབ་པར་བྱ་བ་གང་ལ་ཡོད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་་སངས་རྒྱས་ཀུན་གྱི་གསང་། །གསང་སྔགས་གསང་བའི་སྙིང་པོ་འདི། །སངས་རྒྱས་སེམས་ཅན་ཀུན་གྱི་གསང་། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འདུས་པ་གསང་བ་རྨད་འབྱུང་བ། །རྡོ་རྗེ་སྙིང་པོ་འདུས་པ་ཉིད། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གསང་བ་དམ་པའི་སྙིང་པོ་འདི། །སངས་རྒྱས་ཀུན་གྱི་ངེས་པའོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཟླ་བ་གསང་བ་ལས་བྱུང་བའི། །གསུང་གི་ཐིག་ལེ་ཟམ་མོ་བྱུང་། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སངས་རྒྱས་ཀུན་དང་མཉམ་སྦྱོར་བས། །གཟུགས་སྣང་མཁའ་ལ་འཇའ་ལྟར་གསལ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྣང་སྲིད་སྒྱུ་མའི་ཡེ་ཤེས་ལས། །སྤྲུལ་པའི་དྲ་བ་སྤྲིན་ཕུང་བྱུང་། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྤྲུལ་པ་ཐབས་ཀྱི་དྲ་བ་ལས། །མཐའ་གཉིས་འཛིན་པའི་ཞགས་པ་བྱུང་། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །བྱ་བྲལ་རྣལ་འབྱོར་མཐུན་འཇུག་སྤྱོད། །སྦྱོར་ཐབས་བྱ་བ་ལས་རྒྱུད་བྱུང། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ལྷག་པར་མཐོང་དང་ཞི་བར་གནས། །དག་པའི་མཐའ་གཉིས་ངེས་པར་འབྱུང་། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྡེ་མཛོད་དམ་པའི་བཀའ་ལུང་རྣམས། འབྱུང་གནས་གཏན་ལ་ངེས་པར་འབེབས ཨེ་མའོ་ངོ་མཚེ་རྨད་ཀྱི་ཆོས།རྫོགས་པའི་སངས་རྒྱས་ཀུན་གྱི་གསང་། །གདུལ་བྱའི་ཡུལ་ནི་ཇི་སྙེད་པའི། །གསུང་གི་སྐོ་ཡང་དེ་སྙེད་འབྱུང་། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །རབ་འབྱམས་རྨད་དུ་གྲགས་པ་འདི། །བཀའ་ཡི་རབ་རྒྱུད་མད་པ་ཉིད། ཨེ་མའོ་ངོ་མཚར་རྨད་གྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཇི་བཞིན་པ་ཡི་དེ་ཁོ་ན། །བསྟན་པ་འབྱུང་བའི་སྙིང་པོ་མཆོག །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཟབ་མོ་འདུས་པའི་གཏན་ཚིགས་འདི། །སངས་རྒྱས་འབྱུང་བའི་སྙིང་པོའི་ཡུམ། །རྣམ་པར་སྣ་ཚོགས་སྣང་བར་མཛད། །མི་འགྱུར་མི་འཇུག་རྡོ་རྗེ་སེམས། །དཔག་ཏུ་མེད་པ་གསུང་མཐའ་ཡས། །ཡོན་ཏན་རིན་ཆེན་སྣ་ཚོགས་འབྱུང་། །མཐའ་དག་ལྷུན་གྲུབ་གདོན་མི་ཟ། །རྡོ་རྗེ་སྙིང་པོ་ཉིད་ལ་ཉིད། །ཉི་མ་ཐུགས་ཀྱི་དཀྱིལ་འཁོར་ཤར། །བསམ་མེད་བསམ་གྱིས་མི་ཁྱབ་པའི། །དཔག་མེད་བརྒྱད་ཁྲི་བཞི་སྟོང་སྒོ། །གྲགས་པའི་རྣམ་གྲགས་བསམ་ཡས་ཀྱང་། །ངེས་པའི་ཐེག་པ་གཅིག་ལས་མེད། །གསང་་ཉིད་མ་ངེས་འཇུག་པར་དུ། །ཐེག་པའི་སྒོ་ཡང་བསམ་མི་ཁྱབ། །གསང་ཉིད་ངེས་པར་སྣང་མ་ཐག །ཐེག་པའི་སྒོ་ཡང་དེ་ལས་མེད། །བརྗོད་དང་བསྟན་པའི་རྣམ་གྲགས་ཀུན། །བཀྲི་བའི་དོན་དེ་དེ་ཉིད་མིན། །ཚི་བརྡ་བརྗོད་པས་དོན་རྙེད་པ། །སྒྲོན་མེ་མུན་ཁུང་གསེར་ཚོལ་ལྟར། །གསང་བའི་སྙིང་པོའི་མཛོད་བརྟོལ་ཏེ། དམ་པ་རྣམས་ཀྱི་གཏེར་ཆེན་འབྱིན། །ཐེག་ལེ་གཅིག་གིས་ཀུན་ལ་ཁྱབ། །ཐམས་ཅད་ལུང་ཆེན་ངེས་པར་བསྟན། །དེ་དག་དེ་ཉིད་ངང་གྲོལ་ན། །གསང་སྔགས་མཐོང་བ་སངས་རྒྱས་ཏེ། ཀུན་ཀྱང་བདེ་ཆེན་བྱང་ཆུབ་སེམས། །རྟོག་བྲལ་དྲི་མེད་རྣམ་པར་དག །བདེ་ཆེན་ཉིད་ལ་བདེ་ཆེན་རྫོགས། །ཡེ་ཤེས་ཉི་མའི་སྙིང་པོ་ཤར། །མ་ལུས་མཐའ་དག་ཐིག་ལེའི་རྒྱ། །ཡེ་ནས་བཙལ་མེད་བཙལ་མི་དགོས། །རྒྱུ་འབྲས་དབྱེར་མེད་དེ་ཉིད་དེ། །མི་གཡོ་མི་རྟོག་ཡུལ་འདས་ལ། །རྒྱུ་དང་འབྲས་བུར་རྟོག་འཛིན་གྱིས། །ཐམས་ཅད་སྒྱུ་མ་འཁྲུལ་པས་བཅིངས། །རང་བྱུང་ཡེ་ཤེས་ཉིད་མ་ཉིད། །མ་བཅོས་ཇི་བཞིན་གནས་པ་ན།སྙིང་པོ་ཉིད་དུ་གོལ་ས་མེད། །ཐམས་ཅད་བྱང་ཆུབ་སྙིང་པོ་བས། །ཀུན་ཀྱང་མ་བཙལ་བདེ་བར་གནོས། །སྣང་སྲིད་འཁོར་བའི་ཁ་བརྒྱུད་ཀྱང་། །སྙིང་པོ་དབྱིངས་ལས་གར་མི་ཕྱིན། །མཐའ་ཐུག་མེད་པའི་གཞི་བགྲོད་ཀྱང་། །སྙིང་པོ་དེ་ལས་གཡོས་པ་མེད། །དཔག་མེད་རྒྱལ་བ་ཀུན་བསྒྲུན་ཀྱང་། །སྙིང་པོ་ཡོངས་སུ་འཕེལ་བ་མེད། །སེམས་ཅན་མཐའ་ཐུག་མེད་འབྱུང་ཡང་། །དེ་ཉིད་དེ་ལས་འགྲིབ་པ་མེད། །སྐྱེ་བཞི་རྒྱུད་ལྡར་གང་སྣང་བ། སངས་རྒྱས་ཉིད་དེ་ཡེ་ཤེས་སྐུ། །ཐམས་ཅད་དེ་ཉིད་དེ་གཅིག་པས། །ཡེ་ནས་སངས་རྒྱས་བདེ་ཆེན་ཉིད། །སྐྱེ་འགག་མེད་པའི་སྙིང་པོ་ཡིན། །བྱ་བྱེད་མེད་པའི་དཀྱིལ་འཁོར་གསུམ།ཡེ་ནས་བསྒྲིབས་ཟིན་ལྷུན་གྱིས་གྲུབ། །སྒྲུབ་པའི་འདི་ལ་གང་གནས་པ། །རྣལ་འབྱོར་དེ་ཉིད་སྐལ་པ་བཟང་། །ཇི་ལྟར་བསྒོམས་བསྒྲུབས་ཅི་སྤྱད་ཀྱང་། །དེ་ཉིད་ཡིན་ཏེ་དོན་གྱིས་མཆོག །རྒྱལ་བ་ཀུན་གྱི་སྙིང་པོ་ཉིད། །བྱིན་བརླབས་ངོ་མཚར་རྒྱ་ཆེར་འབྱུང་། །རྒྱལ་བ་རྒྱ་མཚོ་རྣམས་ཀྱིས་ཡུམ། །སངས་རྒྱས་བདེ་ཆེན་དེ་ལས་བྱུང་། །མ་ལུས་ཀུན་གྱི་སྙིང་པོ་འདི། །སྤྲོས་མེད་ཐིག་ལེར་གནས་པ་ལས། །རྒྱལ་སྲས་སེམས་ཅན་ཀུན་གྱི་ཕྱིར། །ཉི་ལ་འཆད་ཅིང་ཉིད་ལ་འགྲེལ། །ཞི་གནས་མི་རྟོག་མཁའ་ཁྱབ་ལ། །ལྷ་མཐོང་མ་རྨོངས་འཇའ་ཚོན་གསལ། །མ་འདྲེས་ཡོངས་སུ་རྫོགས་པ་ལས། །དགོངས་པ་ངེས་པར་འགྲེལ་པ་བཤད། །ལང་ཀའི་བདག་པོ་སྟོང་པཉིད་ལས་དེ་སྐད་དུ་སྒྲ་བརྙན་བྱུང་བ་ཐམས་ཅད་མ་འདྲེས་པ་དང་། ཡོངས་སུ་རྫོགས་པར་འགྲེལ་པ་ནི་ཀུན་དུ་བཟང་པོ་ཉིད་དོ། །ལང་ཀའི་བདག་པོ་དེ་ལྟར་ན་གང་གི་དགོངས་པ་ངེས་པར་འགྲེལ་པ་དེ་དག་ཀྱང་གཞི་དང་། འཇུག་པ་དང་། སྦྱོར་བ་དང་། རྩ་བ་དང་། ངེས་པ་འབའ་ཞིག་ལས་གྱུར་པ་དང་། སྣང་བ་དང་། བརྗོད་པ་དང་། བསྟན་པར་རིག་པར་བྱའོ། །དེ་སྐད་ཅེས་སྨྲས་པས། ལང་ཀའི་བདག་པོ་་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཡི་རངས་ཏེ། ཐམས་ཅད་མ་འདྲེས་པ་དང་། ཡོངས་སུ་རྫོགས་པར་ཐུགས་སུ་ཆུད་ནས་མཐའ་དབུས་མེད་པར་གྲོལ་ཏེ་དབུགས་ཕྱིན་པར་གྱུར་རོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་ཡོངས་སུ་རྫོགས་པར་འགྲེལ་པའི་ལེའུ་སྟེ་བཅུ་དགུ་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་སངས་རྒྱས་ཀུན་གྱི་དགོས་པ་ངེས་པར་འགྲེལ་པའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་འགྲོས་པ་སྟེ་བྱུང་ཚུལ་བསྟན་པ་ལྔ་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་ལ་སྔོན་དུ་བྱུང་བའི་ཚིག་བཅུ་གཉིས་པའི་དྲུག་པ་གདུལ་བྱའི་སྐབས་ལ་བབ་པའི་ཆེད་ན་བྱུང་ཞེས་འབྱུང་བའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོའི་གསང་བ་དམ་པ་འབྱུང་བའི་ཚུལ་སྟོན་པས་ལུང་བསྟན་པ་གཏམ་དུ་བརྗོད་པའི་སྐབས་སུ། གདུལ་བྱའི་སྐབས་ལ་བབ་པའི་ཚེ་ན་ཡང་བྱུང་ཞེས་བཀོད་པ་དེ་འཇིག་རྟེན་པ་གང་ཞིག་གདུལ་བྱའི་སྐབས་ལ་བབ་ནས་ཡོངས་སུ་བཏུལ་བ་གྲགས་པ་ལགས། །སྨྲས་པ། ལང་ཀའི་བདག་པ་གསང་སྔགས་འབྱུང་བའི་རྒྱུ་གདུལ་བྱ་ཁྱད་པར་ཅན་འཇིག་རྟེན་སྲེག་པར་བྱེད་པ་ཁྲོ་བོ་ཚུལ་རྔམ་པ་གདུལ་བྱའི་དུས་ལ་ངེས་པར་བབ་པའི་ཚེ་ཡོངས་སུ་བཏུལ་བན་ཕྱོགས་དུས་ཀུན་གྱི་སངས་རྒྱས་ཐམས་ཅད་སྙིང་པོ་བྱང་ཆུབ་གང་ན་བ་དེར་འདུས་ནས་སྐྱེས་བུ་དམཔ་དག་ལ་རྣམ་པར་བསྐུལ་བས་ཇི་ལྟ་ཇི་ལྟར་རྡོ་རྗེ་སེམས་དཔའི་སྤྲུལ་པའི་སྒྲོན་མ་ཡོངས་སུ་བཀོད་པ་ལྟ་བུའི་ཁྲོ་བོའི་སྤྲིན་རྣམ་པར་འཇིགས་པ་རྡུལ་སྙེདཀྱིས་བཏུལ་བ་དེཁོ་ནའི་ཚེ་དེ་ཁོ་ནའི་དུས་ཉིད་དུ་འབྱུང་ཞིང་གྲགས་སོ། །སྨྲས་པ། གསངབ་པའི་བདག་པོ་གདུལ་བྱ་དེ་གང་ལས་བྱུང་། །དེ་ལས་དངསྐྱེ་བ་ཇི་ལྟར་ལགས། །གསང་སྔགས་འབྱུང་བའི་རྒྱུར་ཇི་ལྟར་འགྱུར། །དེ་སྐད་ཅེས་གསོལ་པ་ལས། གསང་བ་པའི་བདགཔོས་སྨྲས་པ། ཀྱེ་ལངཀའི་བདག་པོ་དེ་ནིའདི་ལྟ་སྟེ། དྲན་དཔག་རུ་མེད་པ་འདསཔའི་དུས་ན་སྔོན་བྱུང་བནི་སངས་རྒྱས་མི་བསྐྱོད་པ་ཞེས་བྱ་བ་བསྐལ་པ་ཀུན་དགའ་ཞེས་བྱ་བ་ལ་ཞིང་ཁམས་མངོན་པརདགའ་བ་ཞེསབྱ་བརབྱུང་བའིབསྟན་པ་ལ་རབ་ཏུབྱུང་བའི་དགེ་སློང་ཐུབ་དཀའ་གཞོན་ནུ་ཞེས་བྱ་བ་གངཇི་ལྟ་བ་བཞིན་ཐེག་པ་ཆེན་པོའི་ཆོས་ཀྱི་འཁོར་ལོ་བསྐོར་བ། ཐམས་ཅད་ནས་ཐམས་ཅད་དུ་མབཅོས་མ་བསླད་པའི་རྣལ་འབྱོར་དུ་གནས་པ། སྐྱེ་བུ་དམཔར་ཆུད་པ་ཞིག་བྱུང་བ་དེས་སེམསཅན་ཐམསཅད་རྒྱལ་བའི་སྲས་སུ་མཐོང་ཞིང་དེ་དག་ཡོངས་སུ་བསྐུལ་བ་ལ་བརྩོན་པ་འབའ་ཞིག་བྱེད་དོ། །དེའི་ཚེདེའི་དུས་ན་འཁོར་བ་ཐོག་མདང་ཐ་མ་མེད་པར་སྐྱེབ་ཐོག་མ་དང་ཐ་མ་མེད་པའི་ལས་དང་སྐྱེ་བ་དཔག་ཏུ་མེད་པའི་བརྗོད་ཀྱིས་མི་རྫོགས་ཏེ། ལས་སྐབས་གཅིག་གིས་སྐྱེ་བ་ཆ་གཅིག་ལ་གཟུང་ན་འདི་ལྟ་སྟེ། ཉེ་འཁོར་དུ་ཁྱིམ་བདག་ཀེའུ་ཀ་ཡ་ཞེས་བྱ་བ་ལ་བུ་ཐར་པ་ནག་པོ་ཞེས་བྱ་བ་ཞིག་ཡོད་དེ། བུ་དེ་ལ་གཡོག་དན་བག་ཞེས་བྱ་བ་ཞིག་ཡོད་དོ། །དེའི་ཚེ་དེའི་དུས་ན་མི་གང་དག་དགེ་སློང་ཐུབ་དཀའ་གཞོན་ནུ་ལ་རྣལ་འབྱོར་གྱི་ལམ་བསླབས་ཏེ། ཀུན་ཀྱང་རྣལ་འབྱོར་གྱི་ལམ་ལ་གནས་ཤིང་རྣལ་འབྱོར་ལ་སྤྱོད་པར་གྱུར་ཏོ། །དེའི་ཚེ་དེའི་དུས་ན་ཐར་པནག་པོ་དེ་འདི་ལྟར་རྟོག་གོ །དགེ་སློང་ཐུབ་དཀའ་གཞོན་ནུ་འདིས། །ཐམས་ཅད་ཇི་ལྟ་བ་བཞིན་སྟོན་པར་ཐོས་ནས་ཐམས་ཅད་ནི་དགའ་བར་སྤྱོད་པ་བཞིན་དུ་ལམ་ཡོད་པའི་ཆོས་དག་འབྱུང་ངམ་ཞེས་རྟོག་ལ། གང་དག་ལ་ཡང་དྲིས་པ་ལས་ཐམས་ཅད་ཀྱིས་དེ་ལྟར་འབྱུང་བར་སྨྲས་སོ། །དེ་ནས་གཡོག་དང་བཅས་པས་དགེ་སློང་གལ་བ་དེར་ཞུགས་ཏེ་གནས་སུ་ཕྱིན་ནས་དེར་འདུན་པ་ལེགས་པར་འདུན་ལས་གསོལ་པ། དགེ་སློང་ཆེན་པོ་ཐམས་ཅད་ཇི་ལྟ་བར་སྤྱོད་པ་བཞིན་དུ་ལམ་སྟོན་པའི་ཐབས་ལ་མཁས་པར་ཐོས་ན་དེ་དེ་ལྟ་ཉིད་དུ་ངེས་སམ། དེ་སྐད་ཅེས་གསོལ་པ་ལས་སྨྲས་པ། རིགས་ཀྱི་བུ་དེ་དེ་ལྟ་ཉིད་དུ་འབྱུང་བ་དག་ཡོད་པར་རུང་ངོ་། །དེ་སྐད་ཅེས་སྨྲས་པས། ཐར་པ་གཡོག་དང་བཅས་པ་དགའ་མགུ་ཡི་རངས་ཏེ། བདག་གཡོག་དང་བཅས་པ་འདི་ཁྱོད་ཉིད་ཀྱི་བཀའ་བར་གཟུང་དུ་གསོལ། བདག་ཀྱང་ཁྱོད་ལ་ཐམས་ཅད་མི་འགག་པའི་ལམ་བླངས་ཏེ་རྣལ་འབྱོར་དུ་གནས་པར་འཚལ་བས་དམ་པ་ཉིད་དུ་ངེས་པར་གཟུང་དུ་གསོལ་ཞེས་འདུན་པ་ལས། དགེ་སློང་དེས་སྨྲས་པ། ཡིན་ནོ་ལེགས་སོ། །དེ་ལྟར་བྱའོ་ཞེས་ལེགས་པ་བྱིན་ནས་ཐར་པ་ནག་པོ་རབ་ཏུ་བྱུང་ན་དམ་པར་བཟུང་། དན་བག་ནི་དུས་འཛིན་དུ་བཟུང་སྟེ་དགེ་སློང་ཐར་པའི་གཡོག་ཏུ་བྱས་སོ། །དེ་ནས་ཐར་པ་དགེ་སློང་གིས་གསོལ་པ། དགེ་སློང་ཆེན་པོ་ཐམས་ཅད་ཇི་ལྟ་བའི་ལམ་དམ་པ་དེ་གང་ལགས། །སྨྲས་པ། ཇི་བཞིན་ཉིད་དེ་མ་བཅོས་ན། །དངོས་པོ་གཞུ་ལ་གནས་སྤྱད་ཀྱང་། །ནམ་མཁའ་ལ་ནི་སྤྲིན་བཞིན་ཏེ། །འདི་ནི་རྣལ་འབྱོར་དམ་པའི་ལམ། །དེ་སྐད་ཅེས་སྨྲས་པས། ཐར་པ་གཡོག་དང་བཅས་པ་ཡི་རངས་ཏེ། ཨེ་མའོ་ཐབས་ལ་མཁས་སོ། །ངེས་སོ། །ཡིན་ནོ། །གཏད་དོ། །བདག་ཐམས་ཅད་དུ་དེ་ལ་ཡོངས་སུ་གནས་སོ་ཞེས་གསོལ་ཏེ། སྒྲ་ཇི་ལྟ་བ་དེ་བཞིན་དུ་སྤྱད་པ་ལས་ཐར་པ་དགེ་སློང་ནི་བློ་གྲོས་ཀྱི་ངེས་པ་མ་རྙེད་དེ། །སྒྲ་འབའ་ཞིག་ལ་ཕྱོགས་པས་དངོས་པོ་བཞི་ཁོ་ནས་སྤྱད་དེ་ཞེ་ནས་ལུས་དམ་པའི་ཆ་བྱད་བཅུག་ནས་སེམས་ངན་འགྲོ་བའི་ལམ་དུ་ཞུགས་སོ། །གཡོག་དན་བག་ནི་སྒྲ་གཞིའི་དོན་གྱི་ངེས་པ་རྙེད་ནས་བློ་གྲོས་དམ་པར་འབྲེལ་ཏེ། དོན་འབའ་ཞིག་ལ་ཕྱོགས་པས་ཇི་བཞིན་པ་ཁོར་ནར་སྤྱད་དེ་ཞེན་ནས་ཡོངས་སུ་རྣལ་འབྱོར་པས་ལུས་མ་རབས་ཀྱི་ཆ་བྱད་དུ་བཅུག་ནས་སེམས་དམ་པར་ངེས་པའི་ལམ་དུ་ཞུགས་སོ། །དེ་ནས་ཐར་པ་གཡོག་དང་ལྷ་བ་མ་མཐུན་ཏེ། སྨྲས་པ། བདག་ཅག་གཉིས་ནི་དཔོན་ཅིག་ལ་སྒྲ་གཅིག་ཏུ་བྱུང་བ་འདི་ལ་སོ་སོར་མ་མཐུན་པའི་འདི་ཇི་ལྟ་ཞིག་དན་བག་གིས་སྨྲས་པ། བདག་གིས་ནི་ད་ལྟར་ངེས་བར་འཇོག་པ་འདི་ཁོ་ན་ལས་གཞན་མ་ཐོས་ལགས་སོ། །སྨྲས་པ། བདག་གིས་ཀྱང་དེ་ལྟ་ངེས་པ་རྙེད་པ་དེ་སྤྱོད་པ་འདི་ཁོ་ན་ལས་གཞན་མ་ཐོས་སོ་ཞེས་སྨྲས་པས། དེ་ལ་རྩོད་པ་ཆེན་པོར་གྱུར་ཏེ། ལྟ་བ་མ་མཐུན་པས་གཡོག་དང་སོ་སོར་བཀལ་ཏེ་མ་མཐོང་མ་ཕྲད་པར་དམ་བཅས་ནས་གཡོག་ཁམས་རིང་པོར་བཤུགས་ཏེ་སྤངས་སོ། །དེ་ནས་ཐར་པ་དགེ་སློང་དེ་མངོན་པའི་ང་རྒྱལ་ལོག་པའི་རི་བོར་སྐྱེས་ཏེ་དཔོན་ལ་སོ་སོའི་ངེས་པ་རྙེད་པ་གསོལ་བ་ལས། དགེ་སློང་ཐུབ་དཀའ་གཞོན་ནུ་མ་བཅོས་མ་བསླད་པའི་རྣལ་མར་སྤྱོད་པས་ཁ་གསག་མེད་དེ་རང་བཞིན་གསོང་པོར་སྨྲ་བས་ན་དན་བག་ལྟར་ངེས་སོ་ཞེས་བསྒོ་བས་ཐར་པ་ཀུན་ནས་འཁྲུགས་ཏེ་སྨྲས་པ། དཔོན་པར་འདྲ་ན་གཉི་ག་ལྟར་རོ་ཞེས་ཀྱང་མ་མཉམ་པར་ངེས་པར་བདག་བཀར་བཅག་པ་དང་སུན་ཕྱུང་བ་འདིས་བྱས་པས་དཔོན་འདི་ཡང་ཁམས་འདིར་མ་ཆམས་པར་བྱས་ལ། འདི་དག་བདག་གི་ཁམས་སུ་བྱའོ་ཞེས་དམ་བཅས་ནས་ཆེ་བའི་ང་རྒྱལ་སྐྱེས་ཏེ་དཔོན་ཡང་ཁམས་རིང་པོར་བཤུགས་ཏེ་ཡོངས་སུ་སྤངས་སོ། །དེ་ནས་ཐར་པ་དེ་དེ་བཞིན་གཤེགས་པའི་གསུང་སྒོ་གྲངས་མང་ཞིང་རྒྱ་ཆེ་བར་གྱུར་པས་ཐམས་ཅད་དུ་སྟོན་པ་དཔག་པར་དཀའ་བའི་ཕྱིར་ཡོགས་སུ་མ་ཆུད་དེ་གཞལ་བ་གཉིས་ཀྱིས་གཞལ་བ་བྱ་བྱས་པར་ཐར་པ་རང་གི་ཚད་མ་ལ་ཞེན་ཕྱོགས་སུ་དྲངས་ནས་ཐམས་ཅད་ཀྱང་ལོག་པར་བསྒྱུར། །ཉིད་ཀྱང་ལོག་པའི་རྒྱ་མཚོར་ཞུགས་ཏེ། ལོག་པའི་དཀའ་ཐུབ་དྲག་པོ་དང་། ལོག་པའི་བརྟུལ་ཞུགས་ཆེན་པོ་ལ་ཞུགས་པ་ནི་དུར་ཁྲོད་ཀྱི་མི་རོ་དག་བླངས་ཏེ་ཁ་ཟས་སུ་བྱེད་ཅིང་པགས་པ་དག་བཤུས་ཏེ་གཡང་གཞིར་གྱོན་ཏེ་ལོངས་སྤྱོད་པ་ཅེ་སྤྱང་ནག་པོ་དང་། འཕར་བ་རྐང་རྡེབས་དང་། དྲེད་མོ་ལག་རྡེབས་དང་། བྱ་གཅན་གསོད་བྱེད་དང་། དུར་བྱ་ཀང་ཀ་དང་།ཟ་བྱེད་དུར་ཕག་ལ་སོགས་པའི་གསོན་མ་མང་པོ་བརྟེན་ཏེ་ཐམས་ཅད་ཀྱི་སྲོག་གཅོད་ཅིང་ཤ་ཁྲག་ལ་ལོངས་སྤྱོད་པར་བྱེད་པ། སྨན་འཚོང་མའི་ཚོགས་མང་པོར་བསྡུས་ཏེ་ཆགས་པ་ཆེན་པོར་སྤྱོད་པ། དངོས་པོ་བཞི་ལས་མི་འདའ་བར་དངོས་པོ་བཞིའི་རང་བཞིན་ཇི་བཞིན་པ་དེ་ཁོ་ན་ཉིད་ལས་ཡོངས་སུ་འདས་པར་གྱུར་ཏོ། །དེ་ནས་སྐྱེ་བ་དེ་འཕོས་པར་གྱུར་ཏེ། དེ་སྐྱེ་བ་དེའི་ཕྱིར་མ་ལ་ཅེ་སྤྱང་ནག་པོའི་ལུས་སུ་སྐྱེ་བ་ལྔ་བརྒྱ་བླངས་ཏེ་སྲོག་ཆགས་འབའ་ཞིག་གསོད་པའི་ལས་སྤྱོད་ཅིང་ཤ་དང་ཁྲག་དྲོན་མོ་ཟ་བར་གྱུར་ཏོ། །སྐྱེ་བ་དེའི་ཕྱི་མ་དག་ལ་ཁྱི་ལུ་འདི་ལ་སོགས་པ་གདུག་པས་གསོད་པའི་ལས་ཅན་ཤ་ཁྲག་ཟས་སུ་བྱེད་པ་ཐ་དད་པའི་ལུས་སུ་སྐྱེས་བ་ལྔ་བརྒྱ་བླངས་ཤིང་གཞན་གྱིས་བསད་ཅིང་སྐྱེ་བ་འཕོ་བ་ཤ་དག་ཏུ་གྱུར་ཏོ། །སྐྱེ་བ་དེའི་ཕྱི་མ་དག་ལ་བྱ་ནེ་ལེ་ཤ་ཟན་དང་། ཁྲག་འཐུང་མཆུ་དམར་དང་། དུར་བྱ་ཀང་ཀ་དང་། རུ་རྩེ་རྐང་ལྡན་ལ་སོགས་པ་ཐ་དད་པའི་ལུས་བླངས་ཤིང་གཞན་གྱིས་བསད་ཅིང་སྐྱེ་བ་འཕོ་བ་ཤ་དག་ཏུ་གྱུར་ཏོ། །སྐྱེ་བ་དེ་དག་གི་ཕྱི་མ་དག་ལ་སྦྲང་བུ་ཏྲེ་མ་དང་། སྲིན་བུ་པུ་ཀ་དང་། རོ་ཟ་རྐང་འཇིབ་ལ་སོགས་པ་འབུ་དང་ཤིན་ཏུ་འབུ་ཆེན་ཐ་དད་པའི་ལུས་སུ་སྐྱེ་བ་བླངས་ཤིང་དེ་དག་ཀྱང་གཉེན་པོས་གསད་ཅིང་སྐྱེ་བ་འཕོ་བ་ཤ་དག་གྱུར་ཏོ། །སྐྱེ་བ་དེའི་ཕྱི་མ་དག་ལ་ངན་སྒྱུགས་ཀྱི་འདམ་ན་གནས་པའི་སྐྱེ་ནོར་སྐྱེས་པ་སྐྱེ་བ་ལྔ་བརྒྱ་བླངས་ཏེ་གཉེན་པོས་གསད་ཅིང་སྐྱེ་བ་འཕོ་བ་ཤ་དག་ཏུ་གྱུར་ཏོ། །སྐྱེ་བ་དེ་དག་གི་ཕྱི་མ་ལ་སྲོ་ག་ཆགས་དག་གི་ལུས་ལ་གནས་ཤིང་ཟས་ཀྱང་དེ་དག་ལ་བྱེད་པའི་སྐྱེ་བ་ལྔ་བརྒྱ་བླངས་ཏེ་གཉེན་པོས་གསད་ཅིང་སྐྱེ་བ་འཕོ་བ་ཤ་དག་ཏུ་གྱུར་ཏོ། །ཡང་སྐྱེ་བ་དེའི་ཕྱི་མ་དག་ལ་གསད་པའི་ཤ་དང་། ཤི་བའི་རོ་དང་། རྣམ་པར་རུས་པ་དང་། ལུང་པ་ཐ་དད་རྡོ་དང་། གམ་བྲག་དང་། སྡོང་ཆེན་ལ་སོགས་པའི་ནང་དུ་གནས་པའི་སྐྱེ་བོར་གྱུར་ཏེ་དེ་གནས་ཤིང་ཟས་ཀྱང་དེས་འཚོ་བ་གཉེན་པོས་གསད་ཅིང་སྐྱེ་བ་ཕོ་བ་འབའ་ཞིག་ཏུ་གྱུར་ཏོ། །སྐྱེ་བ་དེའི་ཕྱི་མ་དག་ལ་མངལ་གྱི་གྲོང་ཁྱེར་ན་གནས་པའི་སྐྱེ་བོར་སྐྱེ་བ་ལྔ་བརྒྱ་གནས་ཏེ་གནས་དག་འཚོ་བ་ཡང་དེ་ལས་བྱེད་པར་གྱུར་ཏོ། །ཡང་སྐྱེ་བ་དེའི་ཕྱི་མ་ལ་མནར་མེད་པའི་གནས་རྡོ་རྗེ་དམྱལ་བ་ཞེས་བྱ་བར་དེ་ཉིད་ཀྱི་ཚེའི་ཚད་བརྒྱད་ཁྲིའི་བར་དུ་གནས་ཏེ། དམྱལ་བ་དེའི་སྡུག་བསྔལ་གྱི་ཚད་ནི་བརྗོད་དུ་མི་རུང་ངོ་། །དེ་ཅིའི་ཕྱིར་ཞེ་ན། གང་གི་མདུན་དུ་སྡུག་བསྔལ་གྱི་ཚད་དེ་བརྗོད་ན་གང་གིས་ཐོས་པ་དེ་བརྒྱལ་བར་འགྱུར་རོ། །དེའི་ཚེ་དེའི་དུས་ན་དམྱལ་བ་དེས་ཨེ་མའོ་འདི་ཅི་ཉེས་སྨྲས་པའི་སྐད་ཅིག་གཅིག་གིས་ཕྱིན་པར་གྱུར་ཏོ། །རྡོ་རྗེ་སེམས་དཔའ་ཐུབ་པའི་དབང་པོ་ཆོས་ཀྱི་རྒྱལ་པོ་དེས་ཁོ་ན་ཉིད་ཀྱི་ལས་ཡིན་ཞེས་ཆོས་བསྟན་པས་ལས་དེ་ཡིད་ལ་བྱས་པས་ཡོངས་སུ་ཤེས་ཏེ་འགྱོད་པར་གྱུར་ཏོ། །འཀྱོད་པ་ཙམ་གྱིས་གནས་དེ་ནས་འཕོས་ནས་རབ་ཏུ་ཚ་བའི་དམྱལ་བའི་གནས་སུ་ཡང་དེ་ཉིད་ཀྱི་ཚེ་ཚད་བརྒྱད་ཁྲིར་གནས་ཏེ་མནར་མེད་པ་ཇི་ལྟ་བ་བཞིན་ནོ། །དེ་ནས་ཡང་འཕོས་ནས་ཚ་བ་ཆུང་ངུ་དང་། ངུ་འབོད་ཆེན་པོ་དང་། ངུ་འབོད་དང་། བསྡུས་འཇོམས་དང་། ཐེང་གནག་དང་། འབར་བ་དང་། ཡང་སོས་་ལ་སོགས་པའི་དམྱལ་བའི་གནས་སུ་ཡང་དེ་དག་གི་ཚེ་ཚད་བརྒྱད་ཁྲི་གནས་ཏེ་མནར་མེད་པ་དང་རབ་ཏུ་ཚ་བ་ཇི་ལྟ་བ་བཞིན་ནོ། །དེ་དག་ནམ་ཞིག་པ་ན་ཡང་འཇིག་རྟེན་གྱི་ཁམས་གཞན་གྱི་དམྱལ་བ་རྣམས་སུ་དེ་ལྟར་འཕེན་ནོ། །དེ་དག་ལས་འཕོས་ནས་ཀྱང་གང་འཇིག་པའི་བསྐལ་བ་མུ་གེ་དང་ནད་དང་མཚོན་གང་དུ་བྱུང་བ་དེ་དང་དེར་སྐྱེ་བར་བྱེད་དོ། །འཇིག་པ་དེ་དག་གིས་དེ་དག་གང་སྟོངས་པ་ཡང་གཞན་དག་གང་འཇིག་པའི་དུས་སུ་ཡང་དེར་སྐྱེ་བ་ལེན་པར་འགྱུར་རོ། །དེ་དག་ལས་ཐར་ནས་ཀྱང་ཤ་དང་རུས་པའི་ཆེད་དུ་གསོད་པའི་སྐྱེ་བའི་རིགས་སུ་བསྐལ་པ་བརྒྱད་ཁྲིར་སྐྱེ་བ་ལེན་ཅིང་འཕོ་བར་འགྱུར་རོ། །དེ་ལས་ཐར་ནས་གཤིན་རྗེའི་འཇིག་རྟེན་གྱི་ཁམས་སུ་སྐྱེ་བ་ལྔ་བརྒྱར་གདུང་བར་གྱུར་ཏོ། །དེ་ལས་འཕོས་ནས་ལུས་སྲུལ་པོའི་རིགས་སུ་སྐྱེ་བ་བླངས་སོ། །སྐྱེ་བ་དེའི་ཕྱི་མ་ལ་ཤ་ཟའི་རིགས་སུ་སྐྱེ་བ་བླངས་སོ། །སྐྱེ་བ་དེའི་ཕྱིར་མ་ལ་སྲུལ་པོའི་རིགས་སུ་སྐྱེ་བ་བླངས་ཏེ། །སྲུལ་པོ་གཉའ་དྲེག་ཅན་ཞེས་བྱ་བའི་བུ་སྲུལ་པོ་གཏོགས་འདོད་ཅན་ཞེས་བྱ་བར་སྐྱེ་བ་བླངས་སོ། །སྐྱེ་བ་དེའི་ཕྱི་མ་ལ་ཡུལ་ལང་ག་པུ་ར་ཞེས་བྱ་བའི་སྨད་འཚོང་མ་ཞིག་གི་མངལ་དུ་ཆགས་ཏེ་སྐྱེ་བར་སྨིན་ཏོ། །དེ་དེར་སྐྱེ་བ་བླངས་ཏེ་ཟླ་བ་དགུ་ན་མ་ཤི་བར་གྱུར་པ་དང་། མི་གང་དག་གིས་དྭ་བུ་རྐོག་བུ་འདི་གསོ་བ་བྱར་ཡུལ་གང་སྨེ་བ་འགྱུར་བས་མའི་མཚན་དུ་གཞག་པར་རིགས་སོ་ཞེས་གླེབས་ནས་དུག་ཤིང་ནལ་བྱི་ཞེས་བྱ་བའི་རྩ་ན་དུར་ཕག་གཏི་མུག་གི་ཚང་འཆས་པའི་བར་ན་དུག་སྦྲུལ་ཞེ་སྡང་གི་འཁྲས་སར་བྱེད་པ་ཁ་ལ་འདོད་ཆགས་དུག་བྱའི་ཚང་འཆས་པའི་རྩར་ཀུན་གྱིས་མའི་རོ་ཁང་བརྩིགས་ཏེ། རོ་ཁྱོགས་ལ་བླངས་ཏེ་དེར་བཅུག་ནས་བུ་ཡང་མའི་རོ་མཆན་གཞག་གོ །དྭ་བུ་དེས་མའོ་རོ་ལ་འཇུས་ནས་ནུ་མ་ལ་འཇིབས་པས་ཆུ་སེར་དུ་དྲངས་ཏེ་ཞག་བདུན་གྱི་འཚོ་བ་བྱས་སོ། །དེ་ནས་ཁྲག་ཏུ་འཇིབས་པས་ས་ཞག་བདུན་གྱི་འཚོ་བས་འཚོའོ། །དེ་ནས་ནུ་མ་ཟོས་པས་ཞག་བཅུའི་འཚོ་བས་འཚོའོ། །དེ་ནས་མའི་ནང་གྲོལ་ཟད་པས་ཟོས་པས་འཚོ་བའི་བྱ་བར་གྱུར་ཏོ། དེ་ནས་ཤ་ཟད་པར་ཟོས་པ་ཟླ་བ་བདུན་གྱི་འཚོ་བའི་བྱ་བ་བྱས་སོ། །དེ་ནས་གཞོན་ནུ་དེ་རྟས་པར་གྱུར་ནས་དུར་ཁྲོད་ཀྱི་རོ་རྣམས་ཀྱི་འཚོ་བའི་བྱ་བ་བྱས་སོ། །དེ་ནས་ཤིན་ཏུ་རྟས་པར་གྱུར་པ་དང་། རོ་རྣམས་ཟས་སུ་ཟ་ཞིང་རོ་གོས་དང་པགས་པ་རྣམས་གྱོན་ཏེ། དུར་ཁྲོད་ཀྱི་མ་མོ་དང་། ཤ་ཟ་དང་། ཡི་དགས་ཀྱི་ཚོགས་དང་། མི་མ་ལགས་པའི་ཚོགས་མང་པོ་ཡང་མི་རོ་རྣམས་ཀྱི་ཤ་རྗེན་ཟོས་པའི་རང་བཞིན་གྱི་མཐུས་དབང་དུ་འདུས་ཏེ། དུར་ཁྲོད་ཀྱི་གདུག་པ་ཅན་ཀུན་གྱི་བདག་པོར་གྱུར་ཏེ། གཞན་གྱི་གཟི་བྱིན་འཕྲོག་པ། མི་གང་དང་གང་དག་གསོན་པོར་ཟ་ཞིང་མདངས་འཕྲོག་པ། ཤིན་ཏུ་འཇིགས་པའི་གཟུགས་ཅན་མ་རུངས་པར་གྱུར་ཏོ། །མའི་ཤ་རྗེན་ཟོས་པས་ན་མ་ཟན་མ་ཏང་ཀ་ཞེས་མིང་གང་དག་གིས་ཡོངས་སུ་གྲགས་སོ། །ཡི་དྭགས་ཆེན་པོ་དེའི་ཁ་རླངས་ལས་ནི་ཚ་བའི་ནད་བྱུང་བས་འབྱུང་བས་ཁྱབ་སྟེ་འགྲོ་བ་གང་ལུས་ཅན་རྣམས་ཟུག་རྔུ་དྲག་པོས་གཟིར་བ། སྣ་ནས་གྲང་བའི་ནད་བྱུང་བས་འབྱུང་བ་ཁྱབ་སྟེ་ཀུན་ཏུ་གདུང་བར་བྱེད་དོ། །མིག་དུག་གིས་ཕོག་པས་༢ཆི་བར་ངེས་པ། དྲག་པོའི་སྔགས་གཟེར་བཟླས་པ་བྱས་པས་ཐམས་ཅད་དབང་དུ་འདུ་བར་གྱུར་པ། ལུས་ཆེན་པོ་ལ་མདོག་ཐལ་ཀ་སྔོ་སྐྱར་འདུག་པ། ཁྲག་དང་ཞག་གི་ཐིག་ལེས་བརྒྱན་པ། ཐོད་པའི་ཕྲེང་བ་སེ་རལ་དུ་ཐོགས་པ། དམར་པོ་ཁྲག་གིས་བསྐུས་པའི་བགས་པ་བགོས་པ། ཐོད་སྐྱོགས་ཁྲག་གི་བཀང་བ་རྟགཔ་འཐུང་བ། སྐྲ་རལ་པཁམ་ནག་འབན་ཅིང་གཉིགས་པ། འབྲུ་མར་ཐོད་རུས་ཟས་སུ་ཟ་བ། ཐལབ་དང་སྲོ་ཙ་ཨརྫི་ནསལུས་བརྒྱན་པ། བྱའི་གཤོག་པ་ལུས་ལས་བྱུང་བས་ནམ་མཁའ་ལ་བྱ་བཞིན་བྱ་བ་བྱེད་པ། གཅེར་བུཔ་ཏོགསམེད་ཐོགས་པ་མེད་པས་ཆུ་ལ་ཉ་བཞིན་བྱ་བ་བྱེད་པ། གང་གིས་མཐོང་བ་མིག་རྩ་རིག་རིག་སྡང་ཞིང་བརྒྱལ་བར་བྱེད་པ།ལུས་ཕག་གི་སྐྲུ་ཅན་རྩུབ་ལ་ཡན་ལག་སྤྲུལ་དུ་བྱུང་ཞིང་སྦྲུལ་གྱིས་བརྒྱན་པ། སེནམོ་ཀང་ཀའི་མཆུ་སྡེར་དུ་བྱུང་བས་གང་ཟིན་པའི་ལུས་ཅན་ཤ་རུས་མྱགས་པར་བྱེད་པ། སྔོན་གོམས་པའི་མཐུས་ལུས་ཅན་ཐ་དད་གསད་པར་དམིགས་པ། གང་མོའི་དབང་པོ་ཐམས་ཅད་སྡུད་པར་ཆགས་པ། །ལུས་ཅན་མཐའ་དག་ཧག་སྔགས་ཏེཟིལ་གྱི་མནན་ནས་འདར་ཡེད་ཡེད་འཇོགས་པ། འཇིག་རྟེན་གྱི་མམོ་དང་། འབྱུངཔོ་དང་། གནོད་སྦྱིན་མཐུ་ཅན་གྱི་ཕྱག་བྱས་ཏེ་གཙོ་བོར་མཐོང་བ། གདུག་ཅན་མཐའ་དག་མངག་གཞུག་པ་དང་། ཕོ་ཉ་དང་། གཡོག་དང་། ཡང་གཡོག་དང་། བྲན་དང་། ཡང་བྲན་དུ་འཁོལ་ཞིང་། ཀུན་ལ་དབང་སྒྱུར་བའི་དབང་ཕྱུག་ཆེན་པོར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་ཡོངས་སུ་མ་དག་པའི་སྐྱེ་རྒྱུད་བསྟན་པའི་ལེའུ་ཉི་ཤུ་པའོ།། །།དེ་ནས་ཡི་དྭགས་དྲག་པོ་དེ་ང་རྒྱལ་གྱི་གཏུམ་སྐད་འབྱིན་ཏེ། ཨེ་མའོ་ཐམས་ཅད་ཀྱི་དབང་ཕྱུག་ཆེན་པོ་ནི་བདག་ཡིན་ན། བདག་ལས་གཞན་པའི་དབང་ཕྱུག་དང་བྲུ་མ་ཡོད་ན་དེ་ཡང་བདག་གིར་འགྱུར་ན། བདག་ནི་འགྲན་གྱི་ཟླ་མེད་ཆེ་བཙན་གཅིག་པུར་བྱུང་ངོ་ཞེས་ང་རྒྱལ་གྱི་གདངས་ངར་སྒྲོག་སོ། །དེའི་ཚེ་འགྲོ་བ་རྣམས་ཀྱི་ཚུལ་འདི་ལྟ་བྱུང་སྟེ། ཤེས་བློ་ཐམས་ཅད་རྨུངས་ཤིང་བདུད་གྱིས་བྱིན་གྱིས་བརླབས་པས་ཐམས་ཅད་ཀྱང་ཤིན་ཏུ་སྟོང་པ་རྒྱུན་ཅད་དུ་གྱུར་ཏེ་མཐའ་ཟད་པ་ཤ་དག་གོ །བདག་ཏུ་ཞེན་པར་གྱུར་ཏེ་ཐེར་ཟུག་པ་ཤ་དག་གོ །འགོག་པ་འཇུག་པར་གྱུར་ཏེ་འགགས་ཤིང་འདས་པ་ཤ་དག་གོ །གདུག་ཅིང་ག་་པར་གྱུར་ཏེ་འོ་དོད་འབོད་པར་ལྟུང་བ་ཤ་དག་གོལོག་པར་ལྟ་བུར་གྱུར་ཏེ་མནར་མེད་པར་ལྟུང་བ་ཤ་དག་གོ །བརྐམ་ཞིང་འཇུངས་པར་གྱུར་ཏེ་གཤིན་རྗེའི་འཇིག་རྟེན་དུ་ལྟུང་བ་ཤ་དག་གོ ཁེན་ཏུ་གཡེང་བ་ཆེན་པོར་གྱུར་ཏེ་མི་ཁོམ་པའི་གནས་སུ་ལྟུང་བ་ཤ་དག་གོ་། །ཤིན་ཏུ་གཏི་མུག་གིས་རྨོངས་པར་གྱུར་ཏེ་བྱོལ་སོང་གི་གནས་སུ་ལྟུང་བ་ཤ་དག་གོ ཤེན་ཏུ་ཆགས་པས་མྱོས་པ་གྱུར་ཏེ་མངལ་གྱི་འགྲོ་བ་ཤ་དག་གོ །བྱང་ཆུབ་ཀྱི་ཤིང་སྐམས་པས་སེམས་ཀྱི་རྩ་བ་ཚིག་པ་ཤ་དག་གོ །ལང་ཀའི་བདག་པོ་བདག་པོ་དེ་ཡང་འདི་ལྟར་གགས་ཤིང་གྲགས་ཏེ་གྲགས་པར་གྱུར་ཏོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཁེན་ཏུ་སྟོང་པ་ཉིད་ལ་བརྩོན། །སྟོང་པ་ཉིད་དུ་མ་ཆད་པས། ཆད་པའི་ཁམས་ཆེན་ཉིད་དུ་གྱུར། །དེ་ནས་སླར་ཡང་འཕོས་པ་ཡིས། །གྲོལ་ཐར་ལམ་ནི་ཆད་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་པ། །དེ་ཚེ་སེམས་ཅན་ཐམས་ཅད་ནི། ཤེན་ཏུ་བདག་ཏུ་ལྟ་ལ་བརྩོན། །ཐེར་ཐུག་རྟག་པ་བདག་ཆེན་གྱིས། །ཐམས་ཅད་རྟག་པ་ཉིད་དུ་འགྱུར། །དེ་ནས་དེ་ཉིད་བླར་བྱུང་བས། །དམ་པ་དག་ལ་རྨོངས་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི༑ ༑དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཁེན་ཏུ་འགོག་ལ་བརྩོན་པར་འགྱུར། ཁེན་ཏུ་འགོག་པའི་སྦྱོར་བ་ཡིས། །འགགས་ཤིང་ཡོངསསུ་འདས་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེབཞིནགཤེགསཔའིགསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་ཁྲོ་ག་་གདུག་པར་འགྱུར། ཁེན་ཏུ་ཁྲོ་ག་་གདུག་པ་ཡིས། འོ་དོད་འབོད་པར་ལྟུང་བར་འགྱུར། །དེ་ནས་འཕོས་པའི་སེམས་ཅན་དེ། །བག་ཆགས་ལས་ཀྱིས་མཚམས་སྦྱར་ནས། ཁེན་ཏུ་གདུག་པ་ཆེན་པོར་འགྱུར། །བློ་ཡང་བདུད་ཀྱིས་བྱིན་བརླབས་ནས། དུག་ནད་རིམས་དང་ཕྲ་མེན་མ། །གནོད་པའི་ཟུག་རྔུ་གཟེར་མདའ་འཕྲོ། །བདུད་དང་ལོག་འདྲེན་རྣམ་ཐར་འཚེ། ཁེན་ཏུ་ག་་རྔམ་མ་རུངས་པས།འཇིག་རྟེན་གསུམ་དག་འཇིག་རྟེན་ཅིང་། དམ་ཚིག་དག་ལ་ཟ་བ་དང་། །དམ་པའི་ཆུ་བོ་རྐ་བཟློག་སྟེ། ལྷ་མི་འཇིག་རྟེན་འཕོ་བ་བྱེད། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུངས་རབ་ལ། འགྲོ་བའི་ཚུལ་གྱི་སྔོན་བྱུང་བ། དེ་ཚེ་སེམས་ཅན་ཐམས་ཅད་ནི། །ལོག་པར་ལྟ་ལ་གནས་པར་འགྱུར། །ལྟ་བ་ཤིན་ཏུ་ལོག་པ་ཡིས། །མནར་མེད་དམྱལ་བ་ཆེན་པོར་ལྟུང་། །དེ་ནས་གལ་ཏེ་སླར་བྱུང་ན། དམ་པའི་ལན་ཉིད་ཆད་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཁེན་ཏུ་བརྐམ་ཞིང་འཇུངས་པར་འགྱུར། ཁེན་ཏུ་གདུངས་འཇུངས་བརྐམ་པ་ཡིས། །ཡིདགསགཤིནརྗེའིཁམས་སུ་ལྷུང་། །དེ་ནས་དེ་ཉིད་སླར་བྱུང་བ། ཤེམ་ཏུ་སྐེམ་པོ་དབུལ་པོར་གྱུར། །བཀྲེས་སྐོམ་ཤིན་ཏུ་གདུངས་པ་ཡིས། །ཕན་ཚུན་གསོད་ཅེས་འཇོམས་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཤེན་ཏུ་ལེ་ལོས་གཡེང་བར་འགྱུར། ཁེན་ཏུ་གཡེང་བའི་ལེ་ལོ་ཡིས། །མི་ཁོམ་གནས་སུ་ལྟུང་བར་འགྱུར། །དེ་ནས་དེ་ཉིད་སླར་བྱུང་བས། །བསྐལ་པ་གསུམ་གྱི་བསྐལ་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཁེན་ཏུ་གཏི་མུག་རྨོངས་པར་འགྱུར། ཁྲེན་ཏུ་གཏི་མུག་རྨོངས་པ་ཡིས། །གཏི་མུག་བྱོལ་སོངས་ཉིད་དུ་ལྟུང་། །དེ་ནས་དེ་ཉིད་སླར་བྱུང་བས། །མཐོང་སྣང་ལམ་ཡང་ཆད་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། དེ་ཚེ་སེམས་ཅན་ཐམས་ཅད་ནི། ཁེན་ཏུ་ཆགས་པས་མྱོས་པར་གྱུར། ཤེན་ཏུ་ཆགས་པས་མྱོས་པ་ཡིས མངལ་གྱི་གྲོང་ཁྱེར་ཉིད་དུ་ལྷུང་། །དེ་ནས་དེ་ཉིད་སླར་བྱུང་བས། །འདོད་པའི་མེ་ཡིས་གདུང་བར་འགྱུར། །ཞེས་ཐམས་ཅད་དུ་གྲགས་སོ། །སངས་རྒྱས་ཀུན་གྱི་དགོངས་པ་འདུས་པའིམདོཆེནཔོལསའདས་་པ་སྔོན་བྱུང་བའི་ལེའུ་ཞེས་བྱ་སྟེ་ཉི་ཤུ་གཅིག་པའོ།། །།དེ་ནས་གསང་བ་པའི་བདག་པོས་སྨྲས་པ། ལང་ཀའི་བདག་པོ་དེ་ལྟར་ཡི་དགས་དྲག་པོ་དེས་མི་གང་ཇི་སྙེད་པ་དབང་དུ་གྱུར་པའི་ཆེ་བ་བཅོམ་ཞིང་། །ཨེ་མའོ་དབང་ཕྱུགས་བདག་ལས་སུ་དག་ཆེ་སུ་དག་ཡོད་ཅེས་ཉིད་ལ་དམ་པ་དང་། ལང་ཀའི་ཡུལ་གྱི་གྲོང་རྡལ་མཚོ་རྐོ་རྐ་ཐང་མར་གྱི་གླིང་བྱན་ལག་མཆོགས་ཀྱི་རི་མ་ལ་ཡ་གནམ་ལྕགས་ཡོད་པའི་རྩེ་ཞེས་བྱ་བ་ན་ལང་ཀའི་མངའ་བདག་སྲིན་པོའི་རྒྱལ་པོ་ཞེས་བྱ་བ། སངས་རྒྱས་ཐུབ་པའི་བདག་པོ་ཞེས་བྱ་བའི་སློབ་མར་གྱུར་པ། མཐུ་དང་རྩལ་རྨད་དུ་བྱུང་ཞིང་ངོ་མཚར་ཆེ་བ། བློ་གྲོས་ཡོངས་སུ་ཆུབ་པ། ཐབས་རྒྱ་མཚོ་འདྲ་བ་སྤྱིན་ལྟ་བུ་འབྱུང་བ་ཞིག་འཇིག་རྟེན་ན་ཆེའོ་ཞེས་གྲགས་པ་ལས། ཡི་དྭགས་བྱའོ་གཤོག་པ་ཅན་དེ་རབ་ཏུ་འཁྲུགས་འཁམས་ནས་རུ་ཏྲའི་མེ་དཔུང་དུ་འབར་ནས་རང་གི་རྫུ་འཕྲུལ་དང་འཕུར་རྩལ་ཅན་གྱིས་བྱན་ལག་མཆོངས་པའི་རིའི་རྩེ་མོ་ལ་བབས་ནས་ང་རྒྱལ་གྱི་གཏུམ་སྐད་དུ་རུ་ཏྲ་མ་ཏྲ་མ་ར་ཏྲ་ཞེས་བསྒྲགས་པས། ལང་ཀའི་ཡུལ་གྱི་གྲོང་རྡལ་ཤིག་ཤིག་རབ་ཏུ་ཤིག་ཤིག །ཡམ་ཡོམ་དུ་གྱུར་པས་ལང་ཀའི་བདག་པོ་ཀུན་དང་སྲིན་མོ་ཀུན་ཀྱང་སྐྲག་ཅིག་དངངས་ནས། ཨེ་མའོ་འདི་ཇི་ལྟར་ཞིག་མིག་རྩ་རིག་རིག་དངངས་ཡེད་ཡེད་གནས་པ་དང་། གནོདསྤྱིནབྱའིགཤོགཔཅནགཏུམ་རྔམ་འཁྲུགས་པ་ཞིག་བདག་ཅག་གི་འཁྲས་ས་ན་གནས་པ་མཐོང་ཞིང་ཐོས་པར་གྱུར་ཏོ། །དེ་ནས་ལང་ཀའི་མངའ་བདག་ཆེན་པོ་ལ་སོགས་པ་སྲིན་པོའི་ཚོགས་ཀྱིས་དམག་གི་ཚོགས་ཀྱི་བསྡུ་བ་བྱས་ཏེ་གཞོམ་པར་འབད་ཅིང་འབད་པ་ལས། ཡང་སྲིན་པོ་བྱའི་གཤོག་པ་ཅན་དེས་སྲིན་པོའི་ཚོགས་བག་འཁུམ་པ་ཞེས་བྱ་བའི་རྫུ་འབྲུལ་གྱི་བྱ་བ་མངོན་དུ་བྱས་ནས། ང་ནི་དབང་ཕྱུག་ཆེན་པོ་སྟེ། །རྒྱལ་ཆེན་རིས་བཞི་ང་ཡི་གཡོག །ལྷ་སྲིན་སྡེ་བརྒྱད་ང་ཡི་བྲན། །གསང་བ་མཆོག་གི་བདག་ཡིན་པས། སུ་ཞིག་ང་ལ་འགྲན་ཟླ་ཡོད། །རུ་ཏྲ་མ་ཏྲ་མ་ཏ་ཏྲ་ཞེས་ང་རྒྱལ་གྱི་གཏུམ་སྐད་བསྒྲགས་པ་ལས་སྲིན་པོ་ཟིལ་གྱིས་ནོན་ཞིང་བག་འཁུམས་ནས། ལ་ལ་ནི་འདི་ནི་སྲིན་པོའི་ཁམས་རྒྱལ་བར་བྱེད་པ་ཞིག་སྟེ་བདག་ཅག་གི་གཙོ་བོའི་འོས་སོ་ཞེས་སྒྲོགས་ལ་ལ་ནི་འདི་ནི་འཇིག་རྟེན་འཇིག་པར་བྱེད་པ་ཞིག་སྟེ་བདག་ཅག་གི་གཉེན་པོར་འགྱུར་བ་ཞིག་གོ་ཞེས་སྒྲོགས། ལ་ལ་དག་འདི་ནི་འཇིག་རྟེན་པའི་དབང་ཕྱུག་ཆེན་པོ་ཞིག་གོ་ཞེས་སྒྲོགས། །ལ་ལ་དག་འདི་ནི་མཁའ་འགྲོ་ཚོགས་ཀྱི་ཚོགས་བདག་གོ་ཞེས་སྒྲོགས་སྲིན་པོའི་རྒྱལ་པོ་ལང་ཀའི་མངའ་བདག་ནི་འདི་ནི་འབྱུང་པོའི་བུ་གཏོགས་འདོད་ཅན་ཞེས་བྱ་བ་ཡིན་ཏེ།འཇིག་རྟེན་གསུམ་སྐྲག་པ་དེ་ཁོ་ཉིད་མ་གཏོགས་པ། ཐམས་ཅད་རླག་ཅིང་དབང་དུ་བྱེད་པ་ལོག་པའི་ཚོགས་བདག་སྟེ། །འདི་གཞན་གྱིས་མི་ཐུལ་ཏེ། འདིའི་གཉེན་པོ་སངས་རྒྱས་བཅོམ་ལྡན་འདས་རྣམས་ཀྱིས་མཛད་དེ་སྤྲུལ་པ་རྡོ་རྗེ་ཅན་གྱིས་བཏུལ་ནས་ངེས་པ་དམ་པ་བཀོད་དེ། ཡང་དག་པར་ལུང་སྟོན་པ་ཞིག་པསའདིའི་རྒྱུས་གསང་སྔགས་དམ་པའི་ངེས་པ་ཐེག་པ་ཆེན་པོ་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བརའགྱུར་ངེས་ཏེ། བདགཅག་ཀྱང་འདིའི་གཡོག་ཏུ་བྱས་ནས་སངས་རྒྱས་རྡོ་རྗེ་སྙིང་པོའི་ཞལ་མཐོངཞིང་གསང་སྔགས་དམ་པའི་ངེསཔ་རྙེད་པར་འགྱུར་བས་འདི་ལ་ངེས་པར་འདུན་པ་འདུན་ཅིག་ཅེས་བསྒོ་བས། སྲིན་པོའི་ཚོགས་རྣམས་ཡི་རངས་ཏེ་རང་གི་སྡེ་དཔོན་ཅི་སྨྲ་བ་མི་འདོརབར་དེ་ལྟར་འདུན་པས་ན་ཀུན་སྲིན་པོ་བྱའི་གཞོག་པ་ཅན་དེའི་གཡོག་ཏུ་དོང་སྟེ་ཀུན་གྱིས་སྨྲས་པ། བདག་ཅག་ཀྱང་དབང་ཕྱུག་ཆེན་པོ་ཁོན་ཉིད་ལྟར་འདུན་ནོ། །ཞེས་གྲགས་ཏེ་གཙོ་བོ་དམ་པར་འཛིན་ཏོ། །དེས་དེ་དག་འཁོར་དུ་འཛིན་པརབྱསསོ། །དེ་ནས་ཡང་སྲིན་པོ་བྱའི་གཤོགཔཅནདེ་སྲིན་པོ་དེའིདེད་དཔོན་མ་ཏང་ཀ་རུཟ་ཞེས་བྱ་བར་གྲགས་པ་དེ་ང་གྱལ་གྱི་ཆེ་བ་བཅོམ་སྟེ་བདག་ལས་ཆེ་བ་གངཞིག་ཡོད་ཡང་སུ་ཞིག་ཡིན་རུ་ཏྲ་མ་ཏྲ་མ་ར་ཏྲ་ཞེསསྒྲསྒྲོགས་པལས་ལྷའི་དེད་དཔོན་མ་ཏང་ཀ་རུ་ན་ཞེསབྱ་བམཐུ་དང་རྫུ་འཕྲུལ་ཐབས་དང་ཆེབ་ཁྱད་པར་དུ་བྱུང་བ་དེ་དཔགས་སོ་ཞེས་གྲགས་པ་ལས། བདུད་རུ་ཏྲ་ནག་པོ་དེ་ཤིན་ཏུ་འཁམས་འཁྲུགས་ནས་ང་རྒྱལ་གྱི་གཏུམ་སྐདབསྒྲགས། རང་གི་རྫུའཕྲུལ་དང་འཕུར་རྩལ་གྱིས་མཏང་ཀ་དུ་ནའི་གནས་སུ་བབས་ཏེ་ཡང་སད་པར་ཛམས་ན། ཇ་ཞ་མར་སད་པ་མི་འདྲ་ནས་ལུས་ཅན་ཡིན་པས་འུད་ནས་འཐབས་འཐབས་སུ་བྱུང་བའི་ངད་ལ་ཚ་གྲང་དབུགས་ཧམས་ནས་ནད་ཀྱི་མཚོན་ཆ་སྤྲོས་ནས་ཁོ་ན་དེའི་ལུས་ལ་ཁྱབ་སྟེ། ལུས་མེ་དབལ་ནག་པོའི་འབྲུམ་པས་གང་ནས་མི་བཟོས་པའི་ཞུག་རྔུས་གདུངས་ཏེ་ཁོ་ན་ངོ་བོ་དེ་འུད་ཐབས་སུ་བསད་དོ། །ཁོ་ནའི་དེའི་བམ་འཛམ་བུའི་གླིང་ཏུ་ཧན་པ་ལས་དགེ་གནས་ཀྱི་ཡུལ་བརྒྱད་དུ་སྣང་ངོ་། །འུད་ནས་ཁོ་ན་ཉིད་བསད་པའི་ཁྱོ་མོ་དང་བུ་འཁོར་རྣམས་ནི་གནོད་སྤྱིན་བྱའི་གཤོག་པ་ཅན་དེའི་འཁོར་དུ་ཇེན། ལྷ་མ་ཡིན་དང་། ཤ་ཟ་དང་། རོ་ལངས་རིལ་བདུད་དེའི་སར་ཇེ་ན། རྒྱལ་པོ་བཞི་གང་གི་སྐྱབས་སུ་བརྒྱུགས་ཀྱང་ཡོངས་སུ་མ་ཐར་པར་དེའི་བྲན་དུ་ཇེན། བརྒྱ་བྱིན་དང་། ཚངས་པ་དང་། ཁྱབ་འཇུག་དང་། དྲག་པོ་ལ་སོགས་པ་ཀུན་ཀྱང་གང་གི་སྐྱབས་སུ་བརྒྱུགས་ཀྱང་མ་ཐར་བདེ་དེའི་བྲན་དུ་ཇེན། དེ་དག་གི་ཁྱོ་མོ་རིལ་ཡང་ཕྲོགས་ནས་ལ་ལ་ནི་ཁྱོ་མོར་བྱས། ལ་ལ་ནི་སླས་སུ་བྱས། ལ་ལ་ནི་བྱི་མོར་བྱས། །ལ་ལ་ནི་མཛའ་མོར་བྱས། ལ་ལ་ནི་བྲན་མོར་བྱས། །ལ་ལ་ནི་ཕོ་ཉ་མངག་པར་བྱས། ལྷ་མི་ཡོངས་སུ་སྲིད་བརླག་ནས་ཐམས་ཅད་ནག་པོ་བཀྲག་མེད་ཀྱི་ཁམས་སུ་གྱུར་ཏོ། །དེ་ཡང་འདི་ལྟར་གྲགས་ཤིང་གྲགས་ཏེ་གྲགས་པར་གྱུར་ཏོ། །ནགཔོཁྱུངགཤོགའཕུརརྩལ་ཅན་། གཏུམ་རྔམ་ཤིན་དུ་མ་རུང་པ། མི་སྡུག་གདོང་མི་སྡུག་གཟུགས་དང་། །མི་སྙན་སྒྲ་ཡི་ཚམ་ངམ་དང་། ཁྲ་སྐྲུངས་རུས་སྐྲུངས་འབུ་དང་རྣག ཁྲག་དང་བཤང་གཅིའི་ཁུ་བ་ལ། །ལོངས་སྤྱོད་བྱེ་ཅིང་རྟག་ཏུ་འཚོ། །ལོག་པའི་སྡེ་དཔོན་དྲག་པོ་དེས། །འདི་ན་ལྷ་མིའི་སྲིད་བརླག་ནས། །ལྷ་ཡི་སྡེ་དཔོན་ཀ་རུ་ན། །ཁོ་ན་ངོ་བོ་ཉིད་བསད་ནས། །འཁོར་ཡང་རང་གི་ཕྲུ་མར་བྱས། །གདུག་པའི་ཟུག་རྔུ་མེར་འབར་བས། །ཀུན་ཀྱང་སྡེ་དཔོན་བཞི་ལ་དོང་། །དེ་དག་སྤུ་ཟིང་རབ་འཇིགས་པར། །དབང་པོ་དག་ལ་སྐྱབས་སུ་དོང་། །དེ་ནས་དབང་པོར་བཅས་པའི་ལྷ། །ཚངས་པའི་སྐྱབས་སུ་ཉེ་བར་དོང་། །ཚངས་པའང་ལྷ་དང་དབང་པོར་བཅས། །གཏོགས་འདོད་ལ་ནི་སྐྱབས་སུ་དོང་། །ཚངས་པ་གཏོགས་འདོད་ལྷ་དབང་བཅས། །དྲག་པོའི་སྐབས་སུ་ཉེ་བར་དོང་། །ཚངས་དང་གཏོགས་འདོད་དབང་པོ་དག ཁེན་ཏུ་སྐྲག་ཅིང་འཇིགས་འགྱུར་ཏེ། །རྡོ་རྗེ་ཅན་ལ་སྐྱབས་སུ་དོང་། །དེ་བཞིན་གང་ལ་སྐྱབས་ཡོད་པར། །ཉེ་བར་བརྒྱུགས་ཀྱང་མ་ཐར་བས། །འཇིགས་བྱེད་དེ་ཡི་བྲན་དུ་ཇེན། །ཞེས་ཐམས་ཅད་དུ་གྲགས་པར་གྱུར་ཏོ། །འུད་ནས་བདུད་རུ་ཏྲ་ནག་པོ་ལྟ་ཞིག །ལྷ་མི་གཡོ་འགུལ་ཐམས་ཅད་དབང་དུ་མཛད་དེ། །ལང་ཀའི་ཡུལ་གྱི་གྲོང་རྡལ་མཚོ་རྐོ་རྐ་ཐང་མར་བྱན་ལག་མཆོངས་ཀྱི་རི་བམ་རི་ཐོད་པར་མཁར་ཞེས་བྱ་འཁྲས་ཏེ། བདུད་ཀྱི་རྒྱལ་མཚན་ནི་ཕུག་ཏུ་གཟུགས། །བདུད་ཀྱི་རུ་མཚོན་ནི་སྒོར་ཕྱར་ཏེ་རང་གི་ཕྲུ་མས་ཡོངས་སུ་བསྐོར། །དྲག་པོ་རང་གི་རྫུ་འཕྲུལ་པ་སྐྱེད་ནས་རྫུ་འཕྲུལ་གྱ་རི་རབ་མཛུབ་མོའི་རྩེ་ལ་བཞག་སྟེ། སྤྱི་བོར་ལ་འགྱིང་བག་ཏུ་སྐོར་ཞིང་ང་རྒྱལ་གྱི་གཏུམ་སྐད་སྒྲོགས་པ་ནི་འདི་ལྟ་སྟེ། རུ་ཏྲ་མ་ཏྲ་མ་ར་ཏྲ་ས་ཁམས་ནབདག་ལས་སུ་ཞིག་ཅེ་གང་ཞིག་ཡོད། །ཨེ་མའི་སྔོན་དཔལ་ཤཱཀྱ་ཐུབ་པ་ཞེས་བྱ་བས་འཆི་བདག་གུབདུད་བཏུལ་བའི་ཚེ་དེའི་བསྟན་པ་ལ་བྱུང་བའི་མཆོག་ཆེན་པོ་ཉན་ཐོས་རྣམས་ཀྱིས་ཐམས་ཅད་ཞི་བར་ལྷན་པའི་སྨྲ་བས་སྨྲས་ཏེ། ངའི་བཀའ་ཉོནཅིག་ཅེས་ཟེར་བ་ལས་ཀྱངབུ་ཆུང་གོ་ཟུ་འཕྲག་པ་ལཁོ་ལ་རང་གི་དཀའ་ཐུབ་ལ་བདེ་བར་མོས་ཤིག་ཅེས་བྱས་ནས་མཉན་ནས་དེས་ཀྱང་བདག་དབང་དུ་བྱེད་མ་ནུས་སོ། །དེའི་དྲུང་ན་དཔལ་རྡོ་རྗེ་སྙིང་པོ་ངག་གི་དབང་ཕྱུག་ལྷ་ཞིག་སྣ་ཚོགས་ཀྱི་གཟུས་སུ་སྤྲུལ་ནས་ཧྲི་ཞེས་དབང་རྒྱུད་དུ་ཉན་ན། ཁོ་ན་ཉིད་ཀྱིས་ཐ་ཁ་བརྡབ་པ་བྱས་ནས་འགྲུན་བུ་ཁྱོད་ཀྱང་བདེ་བར་ནོས་ཤིག་ཅེས་བསྒོ་བས་དེ་ཡང་ཐལ་ཁོས་ཏེ་སླར་ཇེན་ནོ། །གནས་རིམ་པ་བཅུ་བཞི་ན་དཔལ་རྡོ་རྗེ་སྙིངཔོ་ལྷ་ཞིག་འགྲན་གྱི་ཟླ་མེད་པས་ཐོས་ནས་དེ་ཡང་བདག་དབང་དུ་བྱས་ལ་ཐམས་ཅད་འུབ་ལ་རྗེན་རྦན་ཞེས་སྒྲོགས་ཤིང་འགྲན་གྱི་ཟླ་མེད་རྗེ་བཙན་གཅིག་པུ་ཉིད་དུ་ལྟའོ། །ཇི་ལྟ་ཇི་ལྟར་ཐར་པ་ནག་པོ་གང་ཡིན་པ་རུ་ཏྲ་ནག་པོར་སྨིན་པརགྱུར་པ་དེའི་ཚེ་དེའི་དུས་ན་གང་ཐུབ་དཀའ་གཞོན་ནུ་དེ་ནི་སྙིང་པོ་བྱང་ཆུབ་གངན་བར་རྡོ་རྗེ་སེམས་དཔའི་དེ་བཞིན་ཉིད་དུ་གྱུར་ཏོ། །གང་དན་བག་དེ་ནི་དེའི་ཚེ་དེའི་དུས་ན་རྩལ་ཆེན་རྫོགས་པའི་སྐྱེ་བུ་དམ་པ་རྡོ་རྗེ་འཛིན་པ་ཞེས་བྱ་བ་ཉིད་དུ་གྱུར་ཏོ། །སངས་རྒྱས་ཀུན་གྱི་དགོངས་པའི་འདུས་པའི་མདོ་ཆེན་པོ་ལས་རུ་ཏྲ་ནག་པོའི་སྤྱོད་ཡུལ་བསྟན་པའི་ལེའུ་ཞེས་བྱ་སྟེ་ཉི་ཤུ་གཉིས་པའོ།། །།བམ་པོ་བཞི་པ་ཟུག་པ། དེ་ནས་དེ་བཞིན་གཤེགས་པ་ཐམས་ཅད་སྙིང་པོ་བྱང་ཆུབ་གང་ན་བར་འདུས་མས་སྟོང་པ་ཉིད་དུ་བཤིག་ནས་སྐྱེས་བུ་དམ་པ་སྟོང་པ་ཉིད་ལ་སྣང་བར་མཛད་དེ། དེ་ཉིད་ཀྱི་སྒྲ་དེ་ཉིད་ལ་གྲག་པ། སྐྱེས་བུ་དམ་པ་ཁྱོད་ཀྱི་ཞིང་ཁམས་ཀྱི་བྱ་བ་ཡོངས་རྫོགས་པར་ཅིའི་ཕྱིར་མངོན་པར་རྫོགས་པར་བྱང་ཆུབ་པར་བྱ་སྙམ། སངས་རྒྱས་ཀྱི་མཛད་པ་མ་རྫོགས་པར་ཅིའི་ཕྱིར་བྱང་ཆུབ་པར་བྱ་སྙམ། །ཐ་དད་དུ་རྣམ་པར་སྣང་བར་མཛད་པར་ཅིའི་ཕྱིར་མངོན་པར་རྫོགས་པར་བྱང་ཆུབ་པར་བྱ་སྙམ། དེ་སྐད་ཅེ་གྲག་པ་ལས་སྟོང་པ་ཉིད་དེ་ལས་འདི་སྐད་དུ་གྲག་གོ །ཀྱེ་དེ་བཞིན་གཤེགས་པ་ཐམས་ཅད་དོན་གང་གི་དབང་གིས་ཞིང་ཁམས་ཀྱི་བྱ་བ་ཡོངས་སུ་རྫོགས་པར་འགྱུར། །དེ་བཞིན་་དུ་སངས་རྒྱས་མཛད་པ་དང་ཐ་དད་དུ་རྣམ་པར་སྣང་བ་མཛད་པ་འགྱུར། །དེ་སྐད་དུ་གྲས་པ་ལས ཡང་ཐམས་ཅད་ཀྱི་དེ་ཁོ་ན་ཉིད་ལས་བསྐུལ་བ་གསུམ་གྱིས་བསྐུལ་བའི་དང་པོ་འདི་སྐད་དུ་གྲག་གོ །སྟོང་ཉིད་མི་གཡོ་ནམ་མཁའ་ལ། མི་བསྐྱོད་བདེ་བར་གཤེགས་མཛད་པ། །མི་དམིགས་མི་རྟོག་དེ་བཞིན་ཉིད། །རྟོག་པ་སྣ་ཚོགས་སྐྱེད་པར་མཛོད། །ཅེས་གྲག་གོ །དེ་ལ་ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ །མི་རྟོག་ངང་ལས་རྟག་ཉིད་དུ། །བརྟགས་པས་སྟོང་པ་གང་བྱུང་བ། །དེ་ཉིད་རྟོག་པ་ཆེན་པོ་སྟེ། །གག་མི་རྟོག་པ་རྟོག་པའི་རྒྱུ་ཞེས་གྲག་གོ །ཡང་ཐམས་ཅད་ཀྱི་དེ་ཉིད་ལས་འདི་སྐད་དུ་གྲག་གོ །ནམ་མཁའི་དབྱིངས་ཀྱི་སྙིང་པོ་ལས། །རང་བཞིན་ཀུན་དུ་སྣང་བའི་འོད། །ཡོངས་ལ་ཁྱབ་པ་སྙིང་རྗེའི་ཡུལ། །མཐའ་ཡས་རྒྱལ་སྲིད་སྐྱེད་པར་མཛོད། །ཅེས་གྲགས་སོ །ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ །ཀུན་འབྱུང་ཀུན་གཞི་ཆོས་ཀྱི་དབྱིངས། །མ་སྐྱེ་མི་འགག་ཀུན་དུ་སྣང་། །སྨྲ་བསམ་རྗོད་མེད་ཡུལ་ལས་འདས། །མཐའ་ཡས་མཐའ་ཡས་བསྐྱེད་པའི་ཡུམ། །ཞེས་གྲག་གོ །ཡང་ཐམས་ཅད་ཀྱི་དེ་ཉིད་ལས་འདི་སྐད་དུ་གྲག་གོ །ཐ་དད་རྣམ་པར་སྣང་མཛད་ན། །གསུང་གི་ཕྱག་རྒྱའི་ཡེ་ཤེས་ལས། །རྒྱལ་བ་རྣམས་ནི་ཡི་གེར་སྣང་། །ཡི་གེའི་ཡེ་ཤེས་སྐྱེད་པར་མཛོད། །ཅེས་གྲག་གོ །ཡང་སྐྱེས་བུ་དམ་པ་དེ་ཉིད་ལས་འདི་སྐད་དུ་གྲག་གོ །དེ་ཉིད་ཡི་གེའི་རང་བཞིན་ཏེ། །རང་བྱུང་ཡེ་ཤེས་ཧཱུཾ་དུ་གསལ། སེམས་ཉིད་ཡི་གེའིརངབཞིནཏེ། ། ཚོགསཡིགེ་ཧཱུཾ༷་དུ་ ང་། །རྒྱལ་བའི་ཡི་གེའིརངབཞིནཏེ། །ཕྱགརྒྱ་ཡི་གེ་ཨོ་ལ་སོགས། །ཐམས་ཅད་ཡི་གེའིརངབཞིནཏེ། །མསྐྱེས་གསང་བའི་ཡི་གེ་ཨ། །ཞེས་གྲགས་སོ། །ཡང་ཐམས་ཅད་ཀྱི་དེ་བཞིན་ཉིད་ལས་འདི་སྐད་དུ་གྲག་གོ །ཡེ་ཤེས་ཕ་རོལ་ཕྱིན་རྫོགས་པས། །རྣལ་འབྱོར་རིག་པའི་སྒོ་མཚོན་པ། ཐུགས་ཀྱི་རྟགས་སྣང་སྣང་བར་མཛད། །རྣམ་གྲོལ་ཡེ་ཤེས་བསྐྱེད་པར་མཛོད། །ཅེས་གྲག་གོ །ཡང་སྐྱེ་བུ་དམ་པ་དེ་ཉིད་ལས་འདི་སྐད་ཅེས་གྲག་གོ །སངས་རྒྱས་ཀུན་གྱི་ཡེ་ཤེས་ནི། །རྟག་ཏུ་རྣམ་རྟོག་མེད་ལས་འབྱུང་། །མི་རྟོག་རྣམ་གྲོལ་ཡེ་ཤེས་ཐུགས། །རྟོག་ལ་རྣམ་རྟོག་མཚན་མར་སྣང་། །ཞེས་གྲག་གོ །ཡང་ཐམས་ཅད་ཀྱི་དེ་བཞིན་ཉིད་ལས་འདི་སྐད་ཅེས་གྲག་གོ །སྟོང་ཉིད་མི་རྟོག་མེ་ལོང་ལས། །མ་སྐྱེས་མི་འགག་གཟུགས་སྣང་བ། །མཁའ་ལ་འཇའ་སྣང་ཇི་བཞིན་དུ། །དབྱིངས་ལས་ཕྱག་རྒྱར་བཞེངས་སུ་གསོལ། །ཞེས་གྲག་གོ །ཡང་སྐྱེ་བུ་དམ་པ་དེ་ཉིད་ལས་འདི་སྐད་དུ་གྲག་གོ །དེ་བཞིན་ཉིད་དུ་མི་དམིགས་ཀྱང་། །རང་བཞིན་ཀུན་ཏུ་སྣང་བའི་དབྱིངས། །མ་འདྲེས་ཡོངས་སུ་རྫོགས་པས་ན། །ཕྱག་རྒྱའི་གཟུགས་མཆོད་རྣམས་པར་སྣང་། །ཞེས་གྲག་གོ །དེ་ལྟར་བསྐུལ་བ་དང་པོ་དེས་ཡོངས་སུ་རྫོགས་པར་བསྐུལ་བས་སྐྱེས་བུ་དམ་པ་དེ་ཁོ་ན་ཉིད་དེ་སྟོང་པ་ཉིད་ཀྱི་དབྱིངས་དེ་ལས་སྟོང་ཉིད་ཀྱི་སྐུ་རྣམ་པར་སྣང་བ་ནི་ཇི་ལྟ་ཇི་ལྟར་ཆུ་ཟླའི་དཀྱིལ་འཁོར་སྣང་བའམ། །ནམ་མཁའ་ལ་འཇའ་སྣང་བའི་ཚུལ་དུ་བྱུང་ནས་གང་མ་ངེས་པའི་ཡེ་ཤེས་ཀྱི་གནས་པས་གནས་པ་ལདེབཞིནགཤེགསཔ་ཐམས་ཅད་ཀྱིས་བསྐུལ་པ་གཉིས་པ་འདིས་ངེས་པར་བསྐུལ་བ་ནི་འདི་ལྟ་སྟེ། རང་བཞིན་མ་བྱུང་མ་བཅོས་དེ་བཞིན་ཉིད། །ཡེ་ནས་མི་གཡོ་བདེ་བ་ཆེན་པོའི་ངང་། །བཙལ་ཞིག་གཡོ་བ་འདི་ལ་ཅི་ཡང་མེད། །ཡེ་ཤེས་དབྱིངས་ཉིད་ཚིག་གི་ཐ་སྙད་དེ། །དེ་ཉིད་དངོས་དང་དངོས་མིན་འབྱུང་གནས་ཉིད། །ཅིས་ཀྱང་མི་ཚུགས་མི་ཆོས་མི་ཤིགས་པའི། །ཡེ་ཉིད་ཇི་བཞིན་བདེ་མཆོག་མི་གཡོ་བ། །རྡོ་རྗེ་སེམས་མཆོག་ནམ་མཁའི་སྙིང་པོ་ཆེ། །དུས་གསུམ་བདེ་བར་གཤེགས་པའི་བཤེས་གཉེན་པོ། །འཕགས་རྗེ་སྤྲུལ་པ་མང་པོ་འབྱུང་བའི་གནས། །ཀུནགྱི་རང་བཞིན་མེ་ལོང་འོད་པོ་ཆེ། །རྒྱལ་བ་མཐའ་ཡས་སྐྱེས་པའི་ཡབ་ཡུམ་མཛོད། །གང་དག་བྱང་ཆུབ་སྙིང་པོར་མཚུངས་པ་ཡི། རང་དག་དབྱིངས་ལས་མ་གཡོས་བྱང་ཆུབ་སེམས། གང་དུ་དང་པོ་རྣམ་དག་སངས་རྒྱས་ཀུན། ཁམས་གསུམ་ནས་བྱུང་རྡོ་རྗེ་སྙིང་པོའི་ལུས། །མཐའ་ཡས་རྟོག་ལས་ཡི་གེ་སྣ་ཚོགས་སྤྲུལ། །སྲས་ཀྱི་ཚོགས་ཀྱིས་མཛེས་པས་བསྐོར་བའི་དཀྱིལ། །གཟུགས་སྐུར་བསྟན་ན་ཉོན་མོངས་སྦྱང་དུ་གསོལ། །གང་དུ་དང་པོ་རྡོ་རྗེ་སྙིང་པོ་ནི། ཁམས་གསུམ་ནས་བྱུང་བདེ་ཆེན་ལྷུན་གྱིས་གྲུབ། །གཏུམ་ཐུང་གདུག་པ་ཐབས་ཀྱིས་གྲོལ་མཛད་ཕྱིར། །དྲི་མེད་སྣ་ཚོགས་བློས་ནི་ཧཱུཾ༷་དུ་སྤྲུལ། །འོད་ཟེར་ཚུལ་གྱི་ཕྲེང་བས་བསྐོར་བའི་དཀྱིལ། །སྔོན་གྱི་ཐུགས་དམ་སྨོན་ལམ་དབང་གིས་ན། །ཅིས་ཀྱང་མི་བསྐྱོད་གཟུགས་སྐུ་བསྟན་དུ་གསོལ། །གང་དུ་དང་པོ་རྣམ་པར་སྣང་མཛད་ནི། ཁམས་གསུམ་ནས་བྱུང་ཅིར་ཡང་སྣང་བར་མཛད། །རྨོངས་བྱེད་མུན་པ་ཐབས་ཀྱི་གྲོལ་མཛད་ཕྱིར། །རྣམ་དག་བྱང་ཆུབ་བློས་ནི་ཨོ་དུ་སྤྲུལ།གཟུགས་མང་ཚུལ་གྱིས་ཕྲེང་བས་བསྐོར་བའི་དཀྱིལ། །སྔོན་གྱི་སྨོན་ལམ་ཐུགས་དམ་དབང་གིས་ན། །ཅིར་ཡང་སྣང་བའི་གཟུགས་སྐུ་བསྟན་དུ་གསོལ། །གང་དུ་དང་པོ་ཡོན་ཏན་འབྱུང་གནས་ནི། ཁམས་གསུམ་ནས་བྱུང་ཡིད་བཞིན་རིན་པོ་ཆེ། །འདོད་པས་རྨོངས་པ་ཐབས་ཀྱིས་གྲོལ་མཛད་ཕྱིར། །རྣམ་དག་འབྱུང་གནས་བློས་ནི་སྲི་དུ་སྤྲུལ། །རིན་ཆེན་ཕྲེང་བས་མཛེས་པར་བསྐོར་བའི་དཀྱིལ། །སྔོན་གྱི་སློན་ལམ་ཐུགས་དམ་དབང་གིས་ན། །འདོད་པ་ཀུན་འབྱུང་གཟུགས་སྐུ་བསྟན་དུ་གསོལ། །གང་དུ་དང་པོ་འོད་དཔག་མེད་པ་ནི། །ཁམས་གསུམ་ནས་བྱུང་གསུང་རབ་སྣང་མཐའ་ཡས། །ཆགས་པས་རྨོངས་པ་ཐབས་ཀྱིས་གྲོལ་མཛད་ཕྱིར། །རྣམ་དག་དྲི་མེད་བློས་ནི་ཨི་དུ་སྤྲུལ། །གསུང་སྙན་ཡེ་གེ་ཕྲེང་བས་བསྐོར་བའི་དཀྱིལ། །སྔོན་གྱི་སྨོན་ལམ་ཐུགས་དམ་དབང་གིས་ན། །སྣ་ཚོགས་སྟོན་པའི་གཟུགས་སྐུ་བསྟན་དུ་གསོལ། །གང་དུ་དང་པོ་གདོན་མི་ཟ་བ་ནི། །ཁམས་གསུམ་ནས་བྱུང་སྣ་ཚོགས་ཅིར་ཡང་མཛད། །བྱ་བ་རྨོངས་པ་ཐབས་ཀྱིས་གྲོས་མཛད་ཕྱིར། །རྣམ་དག་ནན་ཏན་བློས་ནི་ཧ༷་དུ་སྤྲུལ། །མཛད་པ་གར་གྱི་ཕྲེང་བ་བསྐོར་བའི་དཀྱིལ། །སྔོན་གྱི་སྨོན་ལམ་ཐུགས་དམ་དབང་གིས་ན། །ཐམས་ཅད་མཛད་པའི་གཟུགས་སྐུ་བསྟན་དུ་གསོལ། །ཞེས་བསྐུལ་བ་གཉིས་པ་དེས་ཡོངས་སུ་རྫོགས་པར་བསྐུལ་བས་ཆོས་ཉིད་སྒྱུ་མ་ལས་ཡེ་ཤེས་སྒྱུ་མའི་སྐུ་སྣང་ནི་ཇི་ལྟ་ཇི་ལྟར་མེ་ལོང་གི་དབྱིངས་སུ་བཞིན་གྱི་དཀྱིལ་འཁོར་སྣང་བ་བཞིན་དུ་ཡེ་ཤེས་རང་སྣང་བར་གནས་པ་ལས། དེ་བཞིན་གཤེགས་པ་ཐམས་ཅད་ཀྱིས་བསྐུལ་པ་གསུམ་པ་འདིས་མངོན་དུ་རྫོགས་པ་ལོངས་སྤྱོད་རྫོགས་པར་བསྐུལ་བ་ནི་འདི་ལྟ་སྟེ། དེ་བཞིན་ཉིད་དུ་གཤེགས་པ་ཁྱོད། །འཇིག་རྟེན་མངོན་རྫོགས་རྒྱས་མཛོད་ལ། །སྙིང་པོ་བྱང་ཆུབ་ཇི་བཞིན་པ། །སེམས་ཅན་དོན་དུ་སྣང་བར་མཛོད། །འཇིག་རྟེན་ཁམས་ནི་དཔག་མེད་དུ། །ཇི་སྙེད་བདེ་བར་གཤེགས་པ་ཡི། །སྤྲུལ་པའི་སངས་རྒྱས་ཀུན་གྱིས་ཀྱང་། །མཐའ་དག་དོན་དུ་རྣམ་སྣང་མཛད། །ཁམས་གསུམ་འཁོར་བའི་ནད་པ་ལ། །གཞན་གྱི་ཕན་པ་སྨན་མ་མཆིས། །ཡང་དག་བདུད་རྩིའི་སྨན་སྦྱར་བས། །འཁོར་བའི་གཅོད་རྙིང་སྦྱང་མཛད་པ། །སྡུག་བསྔལ་ཟུག་རྔུའི་ནད་སེལ་བའི། །སྨན་པ་ཆེན་མཆོག་གཙོ་བོར་གཤེགས། །ནད་དོ་ཅོག་གི་དགྲར་གྱུར་པ། །བདུད་རྩི་སྨན་གྱི་རྒྱ་མཚོ་ཡིསལོག་པའི་ནད་དགྲས་གཟིར་བ་ཡི། །ནད་པའི་ཚོགས་ཀུན་བསླང་བར་མཛོད། །རྩལ་ཆེན་རྫོགས་པའི་སྐྱེ་བུ་ཉིད། །སྙིང་པོར་བྱང་ཆུབ་ལ་དགོངས་ལ། །འོད་ཟེར་སྣང་བ་རྒྱས་བཀྱེ་སྟེ། །མུན་པ་བསལ་བའི་དགོངས་པ་མཛོད། །ཀྱེ་མ་སྐྱེས་བུ་དོན་གྲུབ་པ། །བྱ་བ་བྱས་ཤིང་བྱེད་པ་བྱས། ཁུར་བོར་བདག་དོན་རྗེས་ཐོབ་པ། །གང་འདིར་འདུལ་བའི་དུས་ལ་བབ། །གཅང་མའི་གནས་མཆོག་འོག་མིན་གྱི། །ཆོས་ཀྱིས་མཐོང་བའི་གཞན་ཡས་སུ། །རྫས་ལོངསསྤྱོད་པའི་སྐུར་གཤེགས་ཏེ། །སྙིང་པོ་བསྐུལ་བའི་བྱ་བ་མཛོད། །ཅེས་རྣམ་པར་བསྐུལ་བས། །ཇི་ལྟར་ཇི་ལྟར་སྤྲིན་མཐོངས་ནས། ཉི་མའི་དཀྱིལ་འཁོར་ཤར་བ་ལྟར། །མི་གཡོ་བ་ཡི་དབྱིངས་ཉིད་ལས། །གཟུགས་སྐུ་ཉི་མ་ཤར་བ་སྟེ། །ཆོས་ཀྱི་མཐོ་བ་ཞེས་བྱ་བའི་གཞལ་ཡས་སུ་རྣམ་པར་སྣང་བ་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་གི་ཆོ་འཕྲུལ་བསྐུལ་བའི་ལེའི་སྟེ་ཉི་ཤུ་གསུམ་པའོ།། །།དེ་ནས་ཆོས་ཀྱི་རྒྱལ་པོ་རྫོགས་ལོངས་སྤྱོད་པ་དེ་རྡོ་རྗེ་གོ་འབྱེད་ཡོངས་སུ་བསྡུ་བའི་མཚན་མ་མཛད་པས་མཐའ་ཐུག་པ་མེད་པའི་ཞིང་ཁམས་སྟུག་པོ་བཀོད་པ་ནས་དཔག་ཏུ་མེད་པའི་རྒྱལ་བ་ཀུན་ནས་ཡོངས་སུ་འདུས་པར་གྱུར་ཏོ། །དེའི་ཚེ་དེའི་དུས་ན་སངས་རྒྱས་སྙིང་རྗེ་ཡོངས་སུ་རོལ་པའི་ཚོགས་ཀྱིས་གཅིག་ཏུ་མཐུན་པར་བགྲོས་པ། ཀྱེ་ཀྱེ་སངས་རྒྱས་རྣམ་པར་མང་པོ་འབྱུང་བའི་ཚོགས། །སྣང་ངོ་ཀུན་དུ་རབ་ཏུ་འདྲིར་འབྱུང་བ། །སྲིད་པ་ལོག་པའི་གདུག་པ་ཅན། །འཁོར་བའི་ས་བོན་རྩུབ་མོར་འཕངས། །སྡུག་བསྔལ་ཆེན་པོའི་ཡི་དྭགས་རྣམས། །ལས་ཀྱི་འཇིག་རྟེན་ཁམས་འདིར་བྱུང་། །དྲག་པོ་ལོག་པའི་དཀའ་ཐུབ་ཀྱིས། །སྲིད་པ་གསུམ་གྱི་བདག་པོར་སྨན། །དྲེགས་པ་རུ་ཏྲོརེ་གདུག་དཔལ་གྱིས། །འགྲོ་རྣམས་མཐར་རློག་འཇོམས་བྱེད་འདི། །གདུལ་བའི་ཞིང་མཆོག་རྨད་དུ་བྱུང་། །སྙིང་རྗེའི་བདག་པོ་ཀུན་འདུས་ནས། །ལས་ངན་ལས་ཀྱི་རྒྱུན་བཅད་དེ། བདེ་ཆེན་ས་ལ་གཞག་པར་རིགས། །ཞེས་བགྲོས་སོ། །སངས་རྒྱས་རྡོ་རྗེའི་གདུང་དང་སྡེའི་ཚོགས་ཀྱི་གཅིག་པར་བགྲོས་པ། །ཀྱེ་མའོ་འདུས་པའི་སངས་རྒྱས་རྣམས། །འདས་པའི་དུས་ན་སྔོན་བྱུང་ལྟར། །ད་ལྟར་དུས་འདི་ཉིད་དུ་བྱུང་། །ལུང་ལོག་མངོན་པའི་རོ་བོར་བསྲེགས། །རང་རྒྱུད་བསྲེགས་པའི་བསླད་པ་ཅན། །བདུད་ཀྱིས་བྱིན་གྱིས་བརླབས་པ་ཡི། །གླང་ཆེན་མྱོས་པ་དྲག་པོ་ཆེ། །ཤིན་ཏུ་མི་བཟད་དུག་ཆེན་གྱིས། །འོ་དོད་འབོད་པར་བསད་བརླག་པས། །རོ་གླང་དུར་ཁྲོད་མཐར་ཞེན་པ། ཇི་ལྟའི་ཐབས་ཀྱིས་ཕན་པར་འགྱུར། །ཞེས་བགྲོས་སོ། །སངས་རྒྱས་ནོར་བུའི་གདུང་དང་སྡེའི་ཚོགས་ཀྱིས་གཅིག་ཏུ་མཐུན་པར་བགྲོས་པ། ནག་པོའི་གདུག་པ་སྨྱོན་པ་འདི། །ཇི་ལྟར་དེ་དགར་བཞག་འགྱུར་ན། །མི་བཟད་དུག་མཚོ་ཆུ་རླབས་ཀྱིས། །ནག་པོའི་ཁམས་སུ་རྒྱས་འགྱུར་བས། །དམ་པ་རྣམས་ཀྱི་རྒྱུན་གཅོད་ཅིང་། །ཉི་མ་སྒྲོན་མ་འཇིག་པར་འགྱུར། །དེ་ཚེ་ལས་ཀྱི་མུན་པ་ཡིས། །ཐམས་ཅད་མུན་ནག་སྨག་ཏུ་འ་ས། །ཞེས་བགྲོས་སོ། །སངས་རྒྱས་པརློའི་གདུང་དང་སྡེའི་ཚོགས་ཀྱིས་མགྲིན་གཅིག་ཏུ་མཐུན་པར་བགྲོས་པ། །གང་འདས་པའི་དུས་ན་སྔོན་བྱུང་བ། །ལས་ཀྱི་འཁོར་ལོས་འཕགས་པ་ཡི། །བློ་གྲོས་ལོག་པའི་རུ་ཏྲ་དེ། །སྙིང་པོ་དབྱིངས་ནས་བྱུང་བ་ནི། །སྐྱེས་བུ་དམ་པའི་སྦྱོར་བ་ཡིས། །བདུད་ཀྱིས་བདུད་བ་་གཉེར་བཀོད་ལྟར། །ད་ལྟར་འདི་ཆེ་བྱུང་བ་ནི། །དུག་འགྱུར་བརྩེགས་པའི་རི་བོ་འདི། །རྡོ་རྗེ་ཁྲོས་པའི་ཐོ་ཆེན་གྱིས། །བརླག་ཅིང་གཤོམ་པའི་དུས་ལ་བབ། ཅེས་བགྲོས་སོ། །སངས་རྒྱས་གཤོན་ནུའི་གདུང་དང་སྡེའི་ཚོགས་ཀྱི་མགྲིན་གཅིག་ཏུ་མཐུན་པར་བགྲོས་པ། ཁོ་ནས་འཁྱིལ་བའི་དུག་ཆེན་པོ། ཐར་མེད་མི་བཟད་ནད་ཀྱིས་ཟིན། །རྟག་ཆད་ཁམས་སུ་ཤི་བའི་རོ། །ལམ་ལོག་ལམ་སྟོར་དམུས་ལོང་འདི། ཡེ་ཤེས་ཁྲོས་པའི་ཆོ་འཕྲུལ་ལས། འབར་བའི་འཕྲོ་འཁྲུགས་པའི་གཟེར་ཆེན་གྱིས། །སྨག་ཆེན་མུག་ནག་གཤོམ་པའི་ཕྱིར། །ཡེ་ཤེས་ཅན་གྱི་སྤྱོད་ཡུལ་ནས། རྒྱལ་བ་རྒྱ་མཚོ་ཀུན་འདུས་ཏེ། ཡེ་ཤེས་རྡོ་རྗེས་ཁྲོས་པ་ཡི། །ཆོ་འཕྲུལ་སྤྲིན་ཕུང་གཏིབས་པའི་ས། །མཐུན་འཇུག་བྱིས་པའི་ཆ་བྱས་ཀྱིས། །རྣམ་པར་རོལ་པའི་མངོན་སྤྱོད་ཀྱིས། །དུག་ཆེན་རྒྱ་མཚོ་མ་བསྐམས་ན། །འདིར་ནི་སྙིང་རྗེ་རྐྱེན་འཚམ་མམ། །ཆོས་ཉིད་སྙིང་རྗེ་ཆེན་པོ་ཡི། །གང་འདིར་དམ་ཚིག་དམ་པའི་ཕྱིར། །དངོས་པོ་བཞི་ཡི་བསྟན་པ་མཛོད། །ཅེས་བགྲོས་སོ། །སངས་རྒྱས་ཀུན་གྱི་དགོངས་པ་འདུས་པའིམདོཆེནཔོལསའདུསཔཆེནཔོསརྣམཔར་བགྲོས་པའི་ལེའུ་སྟེ་ཉི་ཤུ་བཞི་པའོ།། །།དེ་ལྟར་འདུས་པ་ཆེན་པོའི་བཀའ་བགྲོས་ཡོངས་སུ་ཆད་ནས་ལས་རྣམ་བཞི་གང་གིས་གདུལ་བའི་སྐབས་ལ་བབ་པར་དགོངས་པ་ཡིས་གང་དེ་རྣམ་པར་བརྟག་པའི་ཕྱིར་ཐུབ་དཀའ་གཞོན་ནུ་རྡོ་རྗེ་སྙིང་པོར་གནས་གྱུར་པའི་འོད་ཟེར་ལས་སྤྲུལ་པའི་ཐུབ་པའི་དབང་པོར་བྱུང་ནས་དེ་བཞིན་གཤེགས་པ་ཀུན་གྱིས་སྤྲུལ་པ་དེ་ལ་བསྒོ་བ། ཐུབ་པའི་དབང་པོ་དུས་འདི་ལགས། །ཇི་བཞིན་བདེན་པའི་བྱིན་བརླབས་ཀྱིས། །དངོས་པོ་བཞི་ཡི་མེ་དཔུང་བཟློག །བྱང་ཆུབ་སྙིང་པོ་བསྐུལ་བར་མཛོད། །ཅེས་ཡོངས་སུ་བསྐུལ་ནས་ཐུབ་པའི་དབང་པོ་དེས་དུར་ཁྲོད་གྱི་བདག་པོ་དེའི་ཕྲུ་མར་སྣང་བར་མཛད་ནས་ཐམས་ཅད་ཞི་བའི་སྨྲ་བར་སྨྲས་པ་ལས། དུར་ཁྲོད་ཀྱི་བདག་པོ་དེས་ཐའི་ཁ་བདབ་ནས་འདི་སྐད་དུ་སྨྲས་སོ། །བུ་ཆུང་ཁྱོད་ཀྱིས་བདག་ཐུལ་བ་མ་ཡིན་ཏེ། སྔོན་ང་གནོད་སྤྱིན་གྱི་སྡེ་དཔོན་དྲག་པོ་ཞེས་བྱ་བར་གྱུར་པ་ན་ཁོ་ན་ཉིད་ལྟ་བུ་མང་པོ་བྱུང་ནས་ངའི་བསྟན་པ་ལ་ཞུགས་ཤིག ངའི་བཀའ་ཉོན་ཅིག་ཟེར་བ་ལས་ཀྱང་མ་མཉན་ན་ད་ཁྱོད་ཀྱི་དབང་དུ་བདག་ག་ལ་ཇེན་གོ་ཟུ་སེ་མོ་དོར་གཟོད་ལ་རང་གི་དཀའ་ཐུབ་ལ་དེབ་བར་མནོས་ཤིག་ཅེས་བསྒོ་ནས་བདུད་ཀྱི་དངོས་པོ་བཞིས་ཡོངསསུ་ཞམས་པས་གཙང་མ་རིས་ཀྱི་འཕགས་པ་རྟོག་པ་ལ་ཞུགས་ནས་ཕྱིར་ལོག་གོ །དེ་ནསདེབཞིནགཤེགསཔཐམས་ཅད་ཀྱིས་ཡང་སངས་རྒྱས་པདྨའི་གདུང་དང་སྡེའི་སྤྲུལ་པ་ཀུན་དུ་སྤྱན་རས་གཟིགས་དབང་ཕྱུག་ལ་ཡོངས་སུ་བསྒོ་བ། རྒྱལ་བ་ཀུན་གྱི་ཆོས་སྐུ་པདྨའི་གདུང་། ཆོས་རྗེ་འོད་དཔག་མེད་པ་རྡོ་རྗེ་ཆོས། །སྤྱན་རས་གཟིགས་སྦྲུལ་ཧྲི་ལས་རྔམ་ཆེན་སྟོན། །ངག་གི་དབང་ཕྱུག་རྟ་གདོང་ཞལ་གྱིས་གནོན། ཞེས་ཡོངས་སུ་བསྐུལ་བས་སྤྲུལ་པ་རྡོ་རྗེ་རྟ་གདོང་ཆེན་པོས་དུར་ཁྲོད་ཀྱི་བདག་པོ་ཆེན་པོའི་གནས་སུ་སྣང་བར་མཛད་ནས་ཧ་ཧ་ཧི་ཧི་ཧྲི་ཧུ་ལུ་ཧུ་ལུཞེས་ལྷང་ལྷང་ཚེར་ཚེར་རྟ་སྐད་དྲག་པོའི་དབྱངས་ཕྱུང་པ་ལས། སྲིན་པོའི་ཕྲུ་མ་ཡོངས་སུ་སྤ་ཞུམ་ཞིང་བག་འཁུམས་པ་ཙམ་དུ་གྱུར་ཡང་དུར་ཁྲོད་གྱི་བདག་པོ་ཁོ་ན་ངོ་བོ་དེས་རང་གི་ང་རྒྱལ་གཏུམ་སྐད་དུ་རུ་ཏྲ་མ་ཏྲ་མ་ར་ཏྲ་ཞེས་བསྒྲགས་ནས་རྣམ་པར་བརྗིད་ཕྱུང་སྟེ་འགྱིངས་པ་ལས་ཟིལ་གྱིས་མ་ནོན་ཏེ་སླར་ཁོ་ན་ངོ་བོ་དེས་སླར་བསྒོ་བ་མགྲིན་བུ་སྔོན་ཡང་ཁྱོད་ལྟ་བུས་བདག་མ་ནོན་པས་ཁྱོད་ཀྱིས་བདག་རྗེན་པ་མ་ཡིན་ཏེ་ཉིད་ཀྱི་གནས་གང་ཡིན་པར་བདེ་བར་ནོས་ཤིག་ཅེས་ཐའི་ཁ་བརྡབ་པ་བྱས་ཏེ། ཡང་བདུད་གྱི་དངོས་པོ་བཞིས་ཡོངས་སུ་ཞམས་པས་གཙང་མ་རིས་ཀྱི་འཕས་པ་རྟོག་པ་སྐྱེས་ནས་ཕྱིར་ལོག་སྙམ་པ་ལས། དེ་བཞིན་གཤེགསཔནམ་མཁའ་ལྟ་བུ་ལ་གཟང་སྨེ་མི་མངའ་བས་མ་ལོག་པར་སླར་ཧན་པ་ཁོ་ན་ངོ་བོ་དེས་ཐིམ་པར་ཛམས་ནསདེབཞིནགཤེགསཔངག་གི་དབང་ཕྱུག་དེས་མཐུན་འཇུག་ཏུ་ཁོ་ན་དགའ་ལྷར་ཐིམ་དུ་ཧན་ནོ།དེ་ནས་དེ་བཞིན་གཤེགས་པ་དེ་དབུ་ཁོ་ནའི་གཙུག་ཏུ་ཕྱུང་ཞབས་ཁོ་ནའི་མཐིལ་དུ་བྱུང་ནས་རྡོ་རྗེ་ཧཱུཾ༷་ཞེས་རྒྱས་པས་ལུས་ཀུན་དུ་རྒྱས་ཏེ་ཁོ་ན་དེས་མ་བཟོད་པའི་ང་རོ་འོད་ཀྱི་སྒྲ་མཐར་བཏོན་པ་ནི་ཨ་ཙ་མའོ ཅི་མཛད་མྱུར་བ་མཛད་ཅེས་བཏོན་ནོ། །དེ་ནས་དེ་བཞིན་གཤེགས་པ་དེས་ཁོ་ན་དེའི་སྒྲིབ་པ་སྦྱང་བ་མཛད་ནས་བདེ་བ་ཁོ་ནར་ཁོ་ནའི་གཙུག་ཏུ་ཕྱུང་སྟེ་ནམ་མཁའ་ལ་རྟའི་དབྱངས་ཕྱུང་བས་སྲིན་པོའི་ཚོགས་བུར་མེར་ཐོར་ཤུག་ཏུ་གྱུར་ཏེ་ཟིལ་གྱིས་ནོན་ཅིང་བག་འཁུམས་ནས་གསོལ་པ། དཔའ་བོ་ཆེན་པོའི་འབངས་སུ་མཆི། །ཇི་ལྟར་བགྱི་བ་བཀའ་སྩོལ་ཅིག་ཅེས་ཞུས་པས། དེ་བཞིན་གཤེགས་པ་དེས་གསུང་པ། ངན་ནི་ཁྱོད་མ་བཏུལ་གྱིས་ཁྱོད་ཀྱི་གཉེན་པོ་རྡོ་རྗེ་ཧཱུཾ༷་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱིས་དབང་གིས་དབང་བསྐུར་བ་ཤིན་ཏུ་གཏུམ་རྔམ་འཁྲུག་པ་མ་རུངས་ཤིང་མི་བཟད་པ་བདུད་ཀྱི་བདུད་ཆེན་པོ་འཇིགས་བྱེད་འབར་བ་ཞིག་འབྱུང་གིས་དེ་ལ་སྐྱབས་སུ་དོང་ཅིག་ཅེས་གསུངས་ཏེ། །ཆོས་ཀྱི་དབྱིངས་ཀྱི་ཕོ་བྲང་དུ་མི་དམིགས་པར་གཤེགས་སོ། །དེ་ནས་གསང་བ་འདུས་པའི་དེ་བཞིན་གཤེགས་པ་ཐམས་ཅད་ཀྱིས་འདུས་པ་ཆེན་པོ་རྣམ་པར་བགྲོས་ནས་ཕྲིན་ལས་བཞི་ཡི་སྒོ་གང་གིས་གདུལ་བའི་སྐབས་ལ་བབ་པ་བརྟགས་ན། གང་ཞི་རས་ཀྱི་འདུལ་བ་མི་འདྲ་ནས་དབང་དྲག་གིས་འདུལ་བར་བཀའ་བགྲོས་དམ་པར་ངེས་པར་བཅད་པའི་མདོ་ཡོངས་སུ་གསུང་བ་ནི་འདི་ལྟ་སྟེ། དེ་བཞིན་གཤེགས་པ་རྣམ་གྲོལ་སྤྱོད་པའི་ཚོགས་ཀྱིས་བཀའ་བཅད་པའི་མདོ་གསུང་པ། ཤིན་ཏུ་འགོག་པས་ཞི་བ་ལ། ཁྲོས་པས་ཕན་པར་མི་འགྱུར་ཏེ། རྣལ་འབྱོར་མ་བཅོས་དེ་ཉིད་ལས། ཞི་བར་དེ་བཞིན་གཤེགས་པ་ཀུན་མཛད། །རྣལ་འབྱོར་ཚུལ་ཅན་ཞི་བས་ཀྱང་། །སྲིད་པའི་མྱུ་གུ་འགག་ནུས་ན། རྣལ་འབྱོར་ཡོད་མེད་སྟོང་པའི་མཐུས། །འགོག་པར་བསླང་བ་སྨོས་ཅི་དགོས། ཁེན་ཏུ་རྡོ་སྐམས་རླན་པ་ལ། །གང་དུ་འགོག་རྣམས་བསླད་པའི་ཕྱིར། །འགག་མེད་སྟོང་པའི་ཆོས་ཉིད་ལས། །སྣ་ཚོགས་མི་འགོག་ཇི་བཞིན་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་ངོ་བོ་ཉིད་མེད་པའི་ཚོགས་ཀྱིས་བཀའ་བཅས་པའི་མདོ་གསུངས་པ། ཤིན་ཏུ་སྟོང་པ་རྒྱུན་ཆད་ལ། །དངོས་པོ་ཕན་པར་མི་འགྱུར་ཏེ། རྒྱུན་གྱི་བྱང་ཆུབ་སྟོང་ཉིད་ལས། །མེད་འགྱུར་དེ་བཞིན་གཤེགས་ཀུན་མཛོད། །སྟོང་ཉིད་ཚུལ་ཅན་སྟོང་པས་ཀྱང་། །ཅི་ཡང་མེད་པར་གནས་འགྱུར་ན། །མེད་པ་ལས་བྱུང་རྣལ་འབྱོར་མཐུས། །མཐར་ཟད་མུ་ཟློག་སྨོས་ཅི་དགོས། ཁེན་ཏུ་རྒྱུན་ཆད་བཟློག་པ་དང་། །གང་དུ་མེད་ལས་སྐྱེས་པའི་ཕྱིར། །རྒྱུན་དང་བཅས་པའི་སྟོང་ཉིད་ལ། །ཆེ་ཡོན་རྒྱུན་གྱི་འཆད་པར་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པའི་ངོ་བོ་ཉིད་མི་འགྱུར་བའི་ཚོགས་ཀྱིས་བཀའ་བཅད་པའི་མདོ་གསུངས་པ། ཤིན་ཏུ་ཐེང་ཟུག་རྟག་པ་ལ། །མེད་པས་ཕན་པར་མི་འགྱུར་ཏེ། །སྙིང་པོ་བྱང་ཆུབ་དེ་ཉིད་ལས། བདག་ཉིད་ཆེན་་པོར་ཐམས་ཅད་མཛོད། །མི་འགྱུར་ཚུལ་ཅན་རྟག་པས་ཀྱང་། །དངོས་པོ་བརྟན་གཡོར་བྱེད་ནུས་ན། །བདག་ཉིད་ཆེན་པོར་ལྷུན་གྲུབ་མཐུས། །ཐེར་ཟུག་ཟློག་པ་སྨོད་ཅི་དགོས། །བདག་དུ་ཞེན་པ་ཟློག་པ་དང་། དངོས་འཛིན་རྐ་མགོ་བསྒྱུར་བའི་ཕྱིར། །བདག་མེད་རྟག་པ་ཆོས་ཉིད་ལས། །བྱེད་མེད་རང་བཞིན་ཉིད་དུ་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་རྡོ་རྗེའི་གདུང་དང་སྡེའི་ཚོགས་ཀྱིས་བཀའ་བཅས་པའི་མདོ་གསུང་པ། །ཤིན་ཏུ་གདུག་ཅིང་གཏུམ་པ་ལ། ཞི་བས་ཕན་པར་མི་འགྱུར་ཏེ། ཁྲེས་རབ་ཐབས་ཀྱི་ངོ་བོ་ལས། ཁྲོ་བོར་དེ་བཞིན་གཤེགས་ཀུན་མཛོད། ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྐྲག་ནུས་ན། །སངས་རྒྱས་ཐུགས་རྗེ་ཁྲོས་པ་ཡིསཁམས་གསུམ་མ་ལུས་སྨོས་ཅི་དགོས། །གདུལ་དཀའ་མ་ལུས་གདུལ་བ་དང་། །དམ་ཚིག་ལ་སྡང་རྣམ་སྦྱང་ཕྱིར། །འབར་བ་ཆེན་པོ་གར་དགུ་ལས། །དུར་ཁྲོད་གར་གྱི་ཕྱག་རྒྱར་མཛོད། །ཅེས་ངེས་པ་དམ་པར་བཅད་དོ་།་ ་།་དེ་ནསདེབཞིནགཤེགསཔརྡོརྗེ་སྙིང་པོ་དེ་ཁོ་ན་ཉིད་ངེས་པ་ཞེས་བྱ་བའི་ཚོགས་ཀྱིས་བཀའ་བཅད་པའི་མདོ་གསུང་པ། ཤིན་ཏུ་ལོག་པར་ཞེན་པ་ལ། །བདེན་པས་ཕན་པར་མི་འགྱུར་ཏེ། །གསང་ཆེན་སྦྱོར་བའི་ལྡེམ་དགོངས་ལས། ཐམས་ཅད་མཐུན་འཇུག་ཉིད་དུ་མཛོད། །མཛད་སྤྱོད་ཚུལ་ཅན་སྤྱོད་པས་ཀྱང་། །ཐམས་ཅད་བཀའ་ཟློག་བྱེད་ནུས་ན། །ཐུགས་རྗེ་མཐུན་འཇུག་མཛད་སྤྱོད་ཀྱིས། །ལམ་ལོག་དྲང་སྲོང་སྨོད་ཅི་དགོས། །དངོས་པོས་དངོས་པོ་དགྲོལ་བ་དང་། །དུག་གིས་དུག་གནད་གསལ་བའི་ཕྱིར། །ཐབས་མཆོག་དཔག་གིས་མི་ལང་བའི། །མཛད་པ་གར་གྱི་ཕྱག་རྒྱར་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་ནོར་བུའི་གདུང་དང་སྡེའི་ཚོགས་གྱིས་བཀའ་བཅད་པའི་མདོ་གསུངས་པ། ཁེན་ཏུ་འཇུངས་ཤིང་བརྐམ་་པ་ལ། བཏང་བས་ཕན་པར་མི་འགྱུར་ཏེ། །མེད་ལ་མི་ཟད་ཀུན་འབྱུང་ལས། ཐམས་ཅད་མི་ཟད་ནོར་བུ་མཛོད། །དཀའ་ཐུབ་ཚུལ་ཅན་འགགས་པས་ཀྱང་། །ཚེ་གཅིག་འཚོ་བར་བྱེད་ནུས་ན། །མེད་ལ་འདོད་དགུར་འབྱུང་བ་ཡིས། །ཁམས་གསུམ་གདུང་བ་སྨོས་ཅི་དགོས། །འཇུངས་པ་ཚིམ་པར་བྱ་བ་དང་། །ཡོངས་སུ་གདུང་བ་གསལ་བའི་ཕྱིར། །ཐེག་ཆེན་གསང་བའི་ལོངས་སྤྱོད་ལས། །ནམ་མཁའ་མཛོད་ཀྱི་ཕྱག་རྒྱར་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགསཔགཞོན་ནུའི་གདུང་དང་སྡེའི་ཚོགས་ཀྱིས་བཀའ་བཅད་པའི་མདོ་གསུངས་པ། ཤིན་ཏུ་ལེ་ལོ་གཡེང་བ་ལ། །བསྐུལ་བས་བརྩོན་པར་མི་འགྱུར་ཏེ། །བྱ་བཙལ་མེད་པའི་ཆོས་ཉིད་ལས། །ཐམས་ཅད་བྱ་བ་མེད་པར་མཛོད། །མི་གཡོ་ཚུལ་ཅན་གནས་པས་ཀྱང་། །དམ་པའི་ལས་ལམ་གཅོད་བྱེད་ན། །བྱ་བྲལ་མི་གཡོ་བདེ་ཆེན་པོས། །འཇིག་རྟེན་གཡེང་བ་སྨོད་ཅི་དགོས། །མི་ཁོམ་ལམ་རྒྱུད་བཅད་པ་དང་། ལེ་ལོ་གཡེང་བའི་དགྲ་གཞོམ་ཕྱིར། །བཏང་སྙོམས་རྣལ་འབྱོར་ཆེན་པོ་ལས། །བྱ་མེད་གནས་པར་ཕྱག་རྒྱར་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་གླང་པོའི་གདུང་དང་སྡེའི་ཚོགས་ཀྱིས་བཀའ་བཅད་པའི་མདོ་གསུང་པ། ཁེན་ཏུ་གཏི་མུག་རྨོངས་པ་ལ། །བསྟན་པས་གོ་བར་མི་འགྱུར་ཏེ། ཁྱད་པར་ཅན་ཡང་མཚུངས་པ་ལས། །ཐམས་ཅད་གཏི་མུག་ཆེན་པོར་མཛོད། །གཏི་མུག་ཚུལ་ཅན་རྨོངས་པས་ཀྱང་ཐམས་ཅད་མུན་པར་བྱེད་ནུས་ན། །མི་འབྱེད་བླང་དོར་མེད་པ་ཡིས། ཁམས་གསུམ་རྨོངས་པ་སྨོས་ཅི་དགོས། །མུན་པའི་སྐྱེ་མཆེད་གཞེམ་པ་དང་། །རྨོངས་པ་ནམ་མཁར་བྱ་བའི་ཕྱིར། །གཏི་མུག་རྣམ་དག་ཡེ་ཤེས་ལས།།མ་འདྲེས་ཡོངས་རྫོགས་ཕྱག་རྒྱར་མཛོད།།ཅེས་ངེས་པ་དམ་པར་བཅད་དོ། །དེ་ནས་དེ་བཞིན་གཤེགས་པ་པརློའི་གདུང་དང་སྡེའི་ཚོགས་ཀྱིས་བཀས་བཅད་པའི་མདོ་གསུངས་པ། ཁེན་ཏུ་ཆགས་ཤིང་ཞེན་པ་ལ།།གཉེན་པོས་ཕན་པར་མི་འགྱུར་ཏེ།།ཆགས་པ་ཆེན་པོའི་ཡེ་ཤེས་ལས། །ཐམས་ཅད་ཆགས་པ་ཆེན་པོར་མཛོད།།ཆགས་པའི་ཚུལ་ཅན་སྤྱད་པས་ཀྱང་། ཁམས་གསུམ་ཁྲག་ཏུ་བྱེད་ནུས་ན། །འདོད་ཆགས་རྣམ་དག་ཆགས་སྤྱད་པས། །ཁམས་གསུམ་ཞེན་ཆགས་སྨོས་ཅི་དགོས། །འདོད་ཆགས་ཁྲ་མཚོ་བསྐམ་པ་དང་། །ཆགས་པས་ཆགས་པ་གཅད་པའི་ཕྱིར། །འདོད་ཆགས་རྣམ་དག་ཡེ་ཤེས་ལས། །འདོད་ཆགས་གར་གྱི་ཕྱག་རྒྱར་མཛོད། །ཅེས་ངེས་པ་དམ་པར་བཅད་དོ། །དེ་ནས་དེ་བཞིནག་ཤེགས་པ་ཐམས་ཅད་ཀྱིས་བཀས་བཅད་པའི་མདོ་གསུངས་པ། ཤིན་ཏུ་དངོས་པོར་ཞེན་པ་ལ། །བཀག་པས་ཕན་པར་མི་འགྱུར་ཏེ། །ཤེས་རབ་ཐབས་ཀྱི་ངོ་བོ་ལས། །ཐམས་ཅད་མཐུན་འཇུག་སྤྱོད་པར་མཛོད། །མཐུན་འཇུག་ཚུལ་ཅན་མཐུན་པས་ཀྱང་། །ཁམས་གསུམ་ལོག་པར་བྱེད་ནུས་ན། །ཐུགས་རྗེ་གར་གྱི་མཛད་སྤྱོད་ཀྱིས། །འཇིག་རྟེན་བློ་ལོག་སྨོས་ཅི་དགོས། །དེ་ལ་སོགས་པ་་མཐའ་ཡས་སྙེད། །འཇིག་རྟེན་འཇིག་རྟེན་མཐའ་ཡས་ཀུན། །གདུལ་བའི་ཐབས་ནི་སྣ་ཚོགས་ཀྱིས། །དྲངས་ཏེ་ཡང་དག་གསང་བར་སྦྱོར། །ཁྲོ་ལ་བྱམས་དང་ཁྲོ་ཚུལ་མཛོད།ཞི་ལ་ཞི་བ་སློང་སྤྱོད་ཉིད། །དྲག་ཤུལ་ཅན་ལ་དྲག་པོ་ཉིད། །གཡེམ་ལ་གཡེམ་དང་གཉེན་པོར་མཛོད། །ཆགས་ལ་ཆགས་དང་རྣམ་སྤོང་ཉིད། །གཡེང་ལ་སེམས་སྡུད་གཡེང་བ་ཉིད། །རྨོངས་ལ་ཁྱབ་པར་མཉམ་པ་ཉིད། །རི་ལ་ཏིང་འཛིན་རི་བོ་ཉིད། །ཕྲག་དོག་ཅན་ལ་ཕྲག་དོག་ཚུལ། །དེ་ལ་སོགས་པ་མཐའ་ཡས་སྙེད། །ཀུན་གཞི་མཉམ་དང་མི་མཉམ་པའི། །ནམ་མཁའ་དབྱིངས་ཀྱི་མཐའ་ཀླས་པར། །ཁྱད་པར་འདོད་པའི་ལུས་ཅན་གྱི། །ཀུན་གཞི་ཀུན་གྱི་དབྱིངས་ན་དཔའ། །རྡོ་རྗེ་སྙིང་པོ་རབ་ཏུ་གོ་ནས། །སེམས་ཅན་སངས་རྒྱས་ཀུན་གྱི་དབྱིངས། །རྡོ་རྗེ་སེམས་དཔའ་དེ་བཞིན་ཉིད། །ཡེ་ནས་ཡིན་པར་ངེས་པ་ན། །མཐའ་ཐུག་མེད་པའི་སེམས་ཅན་རྣམས། །ཇི་ལྟར་དགའ་བ་འདོད་པ་བཞིན། །མ་བཀའ་མ་བཅོས་ཇི་བཞིན་པར། །ངེས་པ་ཉིད་དུ་གྱུར་པ་ཡི། །ཐབས་མཆོག་དཔག་གིས་མི་ལང་བའི། །མཛད་སྤྱོད་གར་ཐབས་སྤྲིན་ཕུང་གིས། །ཇི་ལྟར་སྤྱད་ཀྱང་དེ་ཉིད་ལ། །མ་གཡོས་མི་གོས་དབྱིངས་ན་དཔའ། །ཉིད་དུ་ངེས་པའི་ངོ་བོ་ལས མཐའ་ཡས་དཔག་ཏུ་མེད་པ་ཡི། །སྒོ་ནས་ཐམས་ཅད་མ་བཀའ་པར། །ཅི་དགའ་ཉིད་དུ་བདེ་དྲངས་ཏེ། །དམ་པ་རྣམས་ཀྱི་ངེས་པར་མརྫོད། །འདིར་ནི་ནན་ཏན་དྲག་ཤུལ་གྱིས། །མི་ཟད་འབར་བའི་ཡེ་ཤེ་ལས། །དུར་ཁྲོད་བདག་པོར་རབ་འཇིགས་པའི། །ཆེ་མཆོག་འབར་བའི་ཕྱག་རྒྱར་མཛོད། །ཅེས་ངེས་པར་དམ་པར་བཅད་དོ་།་ ་།་སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བཀའ་བགྲོས་ངམ་པ་བཅད་པའི་ལེའུ་ཞེས་བྱ་སྟེ་ཉི་ཤུ་ལྔ་པའོ།། །།ལང་ཀའི་བདག་པོ་དེའི་ཚེ་དེའི་དུས་ན་ཁོ་བོ་འཁོར་དེ་ཉིད་དུ་འདུས་པར་གྱུར་པ་ཞིག་གིས་ཤེས་བཞིན་དུ་གང་ཡོངས་སུ་སད་པའི་ཕྱིར་ཡང་འཁོར་དེ་འཁོད་པར་གྱུར་པའི་བྱང་ཆུབ་སེམས་དཔའ་བསྐུལ་བའི་གོ་ཆ་བློ་གྲོས་ཐབས་ལྡན་ཞེས་བྱ་བ་ཞིག་ལ་ཡོངས་སུ་དྲིས་པ། ཀྱེ་སེམས་དཔའ་ཆེན་པོ་ཡི་དྭགས་ཆེན་པོ་འདི་རྒྱུ་ནི་གངལས་བྱུང། རྐྱེནནི་ཅི་ལསབྱུང་། འབྲསབུ་ནི་ཅིར་སྨིན། རིགས་ནིགར་གཏོགས་ལས་སྐལ་གྱི་སྤྱོད་པ་ཅི་སྤྱོད། མ་བཏུལ་ན་ཅི་གནོད། བ་་ན་ཅི་ཞིག་དགོས། དེ་སྐད་དྲིས་པལས། བསྐུལ་བའི་གོ་ཆ་ཆེན་པོར་དེ་སྨྲས་པ། སེམས་དཔའ་ཆེན་པོ་གསང་བ་པའི་བདག་པོ་ཡི་དྭགས་ཆེན་པོ་འདི་གངལགས་པའི་རྒྱུ་རྐྱེན་ལསནི་མ་བྱུང་ཉེས་པ་འབའ་ཞིག་གི་རྒྱུ་རྐྱེན་ལས་བྱུང་སྟེ། རྒྱུ་ནི་མུན་པའི་རི་བོ་ལས་བྱུང་ངོ་། །རྐྱེན་ནི་བཀའ་བསྒོ་ལོག་པའི་དཀའ་ཐུབ་དྲག་པོ་ལསབྱུང་ངོ། །འབྲས་བུ་ནི་སྡུག་བསྔལ་གྱི་རི་བོར་སྨིན་ནོ། །རིགས་ནི་དམངས་རིགས་འཁོརབ་གདོལ་བ་འབྱུང་པོ་ཡི་དྭགས་སུགཏོགས་སོ། །ལས་སྐལགྱི་སྤྱོད་པ་ནིའཁོར་བའི་དངོས་པོབཞི་ལ་འཇོལ་ཉོགཏུ་སྤྱོད་དོ། །འདི་མགཏུལ་ན་ལུས་ཅན་གྱི་བྱང་ཆུབ་སྙིང་པོ་རིང་དུ་ནུབ་པའི་སྐྱོན་དུ་འགྱུརརོ། །བཏུལ་ན་ནི་ཀུནགྱི་སྙིང་པོ་འོད་ཀྱིདཀྱིལའཁོར་མངོནདུ་ཉེ་བརའཆརབར་འགྱུར་རོ་ཞེསསྨྲས་པ་དང་། ཁོ་བོས་དེ་ལའདི་སྐད་ཅེས་སྨྲས་སོ། །ཨེམའོ་སེམས་དཔའ་ཆེན་པོ་འོ་ན་དུས་འདི་ནི་དུས་ལ་་བབཔའོ། །ལས་འདི་ལས་ཀྱི་མཆོག་གོགསང་བ་འདི་ནི་གསང་བའིཡང་གསང་བདམ་པའོ། །ཐུལ་ཀུན་དུ་རབ་ཏུ་ཐུལ། །དུས་ལ་བབ་པའི་སྐབས་ཆེནའདིར། །ལས་ལ་བབ་པའི་སེམས་ཅན་འདི། །སྟོངས་ལབབ་པའི་ཐུགས་རྗེཡིས། །འདུ་ཤེས་བསྒྱུར་པ་ཐུགས་རྗེའི་མཆོག །སྟོང་གསུམ་མ་ལུས་སྟོན་པ་བས། །འབུམ་གྱི་ཅར་ཡང་མོ་ཕོད་དོ། །ཞེ་ཉེར་བར་བསྐུལ་ལོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་དན་བག་གནས་གྱུར་པ་སྐྱེས་བུ་དམ་པ་རྡོ་རྗེ་འཛིན་དུ་སྣང་བ་ཉིད་ལ་ཡོངས་སུ་བསྒོ་བ་མཛད་པ། རྒྱལ་བ་ཀུན་གྱི་གསང་མཛོད་པ། །ཐུགས་ཀྱི་བདག་པོ་རྡོ་རྗེ་འཛིན། །དྲག་པ་བརྟུལ་ཞུགས་ཆེན་པོ་ཅན། །དཔའ་བོ་འཇིག་རྟེན་གསུམ་ལས་རྒྱལ། །སྔོན་གྱི་གོ་ཆ་ཆེན་པོའི་མཐུས། །སངས་རྒྱས་སངས་རྒྱས་ཐམས་ཅད་ཀྱིས། །གདུལ་དཀའ་དྲག་པོ་འདུལ་མཛད་པ། །བདུད་ཀྱི་བདུད་དེ་བདུད་རྣམས་འཇོམས། །སེམས་དཔའ་སྔོན་པོ་འབར་བའི་སྐུ། འཇིགས་སུ་རུང་པའི་དཔའ་བྱད་ཅན། །ག་་རྔམ་འཁྲུགས་པའི་ངོ་བོ་ཡིས། །དུར་ཁྲོད་བདག་པོ་རབ་ཏུ་ཆོམ་ཞེས་ཡོངས་སུ་བསྐུལ་བས། །སྐྱེས་བུ་རྡོ་རྗེ་འཛིན་པ་དེ། །ལྷ་དང་བཅས་པའི་འཇིག་རྟེན་འདི། །འབྱུང་པོའི་རྒྱལ་པོས་དབང་དུ་བྱས། ཁེན་ཏུ་ག་་རྔམ་འཁྲུག་པ་དེས། །ལྷ་མི་འཇིག་རྟེན་བརླག་ལ་ཁད། །བཞིན་དང་མདངས་ཀྱང་མི་གསལ་བར། །ཀུན་དུ་མོག་མོག་པོར་གྱུར་ནས། །དུས་མ་ཡིན་པའི་མུན་པ་ཡང་། །མུན་ནག་སྨག་ཏུ་གྱུར་པས་འཐིབས། །ཚ་དང་གྲངས་དང་ནད་དང་རིམས། །མི་ངན་སྣ་ཚོགས་ཀུན་ཏུ་རྒྱས། །རླུད་དམར་འབྲུག་དང་སེར་བ་དང་། །རྣག་ཁྲག་རྗོ་དང་མཚོན་ཆའི་ཆར། །དུས་མ་ཡིན་པར་ཀུན་དུ་འབྱུང་། །སྐྱེ་དམན་༄༅ འཚོ་བའང་ལོག་པར་གྱུར། །གདུག་པ་སྣ་ཚོགས་སེམས་ཅན་གྱིས། ཁེན་ཏུ་ཉམ་ཐག་གདུངས་འགྱུར་བའི། །མགོན་མེད་པ་ཡི་འཇིག་རྟེན་ཏེ། །མཁྱེན་ཏེ་ཐུགས་རྗེས་གདུང་བ་ནི། །རབ་ཏུ་རྔམ་པའི་བརྟུལ་ཞུགས་ཀྱིས། །རྡོ་རྗེ་ཆོས་ཀྱི་རྟ་གདོང་ལ། །རྡོ་རྗེ་ཚིག་ཏུ་འདི་སྐད་དུ། །ངག་གི་དབང་ཕྱུག་རྡོ་རྗེའི་གདོང་། །ལང་ཀའི་ཡུལ་གྱི་གྲོང་རྡལ་གྱི། །དབུས་ཀྱི་རི་བོ་མ་ལ་ཡ། །རྐོ་རྐང་ཐང་མར་རྒྱ་མཚོའི་དོང་། །དྲག་ཤུལ་ཡོད་པའི་རྩེ་ལ་དོང་། །རྡོ་རྗེ་ཐབས་ཀྱིས་བལྟ་བའི་ཡུལ། །དུར་ཁྲོད་བདག་པོ་ཚོངས་དང་བཅས། །མི་ངལ་སྐྱབས་ལིངས་ཆེན་པོ་ལ། །ཁམས་གསུམ་རྡོ་རྗེ་བྱ་སྤྲིན་ཐོང་། །ཅིས་ཀྱང་མི་བསྐྱོད་མི་ཞབྲུགས་པའི།སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་དེ་བཞིན་ཉིད། །རྡོ་རྗེ་སྙིང་པོ་སྲིད་གསུམ་མགོན། །སྟོང་པ་ཆེན་པོའི་ནམ་མཁའ་ལ། །འབར་བ་ཆེན་པོ་གར་དགུར་མཛོད། །ཐུགས་རྗེ་ས་ལ་གཤེགས་ནས་ཀྱང་། །མཐུན་འཇུག་བྱིས་པའི་སྤྱོད་པ་མཛོད། མེད་ལ་ཀུན་འབྱུང་སྟོང་ཉིད་ལས། །ཇི་བཞིན་པ་ཡི་རྒྱལ་བ་དང་། །སྟུག་པོ་བཀོད་པའི་ཞིང་ཁམས་ན། །རྣམ་དག་ལམ་གཤེགས་རྒྱལ་བ་རྣམས་། །བདག་གི་བཀའ་ཡི་ལས་མཁན་ཏེ། བཀའ་ཡི་ལས་ཀྱི་དུས་བྱུང་བས། སངས་རྒྱས་ཀུན་གྱིས་གདུལ་དཀའ་བ། །དེ་དག་མ་ལུས་བདག་གིས་བཏུལ། །མ་གྲོལ་བ་ཡང་དག་གི་དགྲོལ། །གང་མ་བསྒྲ་བ་བདག་གི་བསྒྲལ། །དབུགས་མ་ཕྱུང་བ་དབུགས་ཕྱུང་སྟེ། །ཡང་དག་ཉིད་ལ་དགོད་པར་བགྱི། །དགོངས་པ་གསང་བ་ཀུན་འདུས་ལ། །རྨད་འབྱུང་གསང་བའི་དཀྱིལ་འཁོར་གྱིས། །མཐའ་ཐུག་མེད་པའི་སེམས་ཅན་རྣམས། །སྙིང་པོ་བསྐུལ་བའི་དབྱིན་བརླབས་མཛོད། །ཅེས་རྡོ་རྗེ་འཛིན་པ་དེས་དྲག་ཏུ་བསྐུལ་བ་ལས། ཆོས་ཀྱི་དབྱིངས་ཀྱི་ཕོ་བྲང་ནས་དེ་བཞིན་གཤེགས་པ་ཐམས་ཅད་ཡེ་ཤེས་ཆེན་པོའི་མེ་དུས་མཐའི་བསྐལ་པའི་མེ་ལྟར་འབར་བའི་ཐུགས་རྗེའི་སྤྲིན་ཕུང་ནམ་མཁའི་མཐའ་ཀླས་པར་འཐིབས་ནས་འབར་བ་ཆེན་པོའི་གར་དགུར་མངོན་སྤྱོད་དུ་མཛད་ནས་རྡོ་རྗེ་རྟའི་ཚོགས་ལ་བཀས་བསྒོ་བ། །སོད་ཀུན་ཏུ་རབ་ཏུ་སོད། །རྟ་ཡི་རྡོ་རྗེ་སྟབས་དགུ་ཡིས། །འཇིག་རྟེན་བློ་དགུའི་འདོད་པ་སྟོན། །འཇིག་རྟེན་ནག་པོ་གཏུམ་པའི་ཚོགས། །དུར་ཁྲོད་སྐྱབས་ལིངས་སྤྱོད་པ་ལ། །རྡོ་རྗེ་རྟོག་པའི་བྱ་སྒྲོན་གྱིས། །འཁོར་བ་མ་བསྒྲལ་བར་དུ་འདི། །དམ་བཅས་གོ་ཆ་གྱོན་པ་ཡི་།་ ་།་སྙིང་རྗེ་ཆེན་པོའི་རྟོག་འཇུག་གི །འཁོར་བའི་སོ་མཐའ་ཆོད་པར་གྱིས། །ཞེས་དྲག་ཏུ་བསྒོ་བས། རྡོ་རྗེ་ཆོས་རབ་དགའ་འཁོར་ལོ། །གཟིགས་དབང་རྡོ་རྗེ་སྤྱན་རབ་སྟེ། རྡོ་རྗེ་པརློ་རབ་དགའ་བ། །སྣང་མཛད་ངག་གི་དབང་ཕྱུག་ཚོགས། །བྱང་ཆུབ་ཆེན་པོར་ཅང་ཤེས་གཙོ། །ཐབས་ཆེད་དགུ་ཡི་རྫུ་འཕྲུལ་གྱིས། །རྡོ་རྗེ་རྟ་གདོང་སྤྲུལ་པའི་ཚོགས། །ནམ་མཁའི་ཁམས་ཀུན་ཡོངས་བཀང་ནས། །མ་ལ་ཡ་ཡི་རྩེ་ལ་ལྷགས། །འཁོར་བ་མ་སྟོངས་བར་དུ་ནི། །ཐུགས་རྗེ་དབང་གིས་སྤྱན་རས་གཟིགས། །སྟུག་པོ་བཀོད་པའི་རྒྱལ་བ་ཡང་། །དགོངས་པ་གསང་བ་གཅིག་ཏུ་འདུས། ཁམས་གསུམ་ཡོ་སྒྲོལ་སྙིང་པོར་དགོངས། །དུས་གསུམ་གཏན་སྤྲུགས་བྱིན་བརླབས་མཛོད། །འཁོར་བ་ཆོས་ཉིད་སྤྱན་རས་གཟིགས། །སྡུག་བསྔལ་བྱང་ཆུབ་ལམ་དུ་མཛད། །ལས་ཉིད་རང་བྱུང་ཡེ་ཤེས་འགྲེལ། །རྣམ་སྨིན་སུན་ཕྱུང་རྡོ་རྗེ་ཉིད། །ཡེ་ནས་ཇི་བཞིན་མ་བཅོས་པའི། །རང་བྱུང་དཀྱིལ་འཁོར་ཆེན་པོར་དགོངས། །གསང་བདག་རྡོ་རྗེ་འཛིན་པ་ཡང་། །སྐུ་དང་གསུང་ཐུགས་རྡོ་རྗེ་ལས། །སྤྲུལ་པའི་སྲས་མཆོག་རྡོ་རྗེ་འཛིན། །གཞོན་ནུ་བྱ་བ་ས་ཡར་མཛདཐམས་ཅད་དབྱར་གྱི་སྤྲིན་ཕུང་བཞིན། །ནམ་མཁའ་དབྱིངས་ཀྱི་མཐའ་ཀླས་པར། །མ་ལ་ཡ་ཡི་རྩེ་ལ་ལྷག །མཐུན་འཇུག་ཐབས་ཀྱི་ཆ་བྱད་དུ། །གང་འདིར་བྱིས་པའི་སྤྱོད་པ་ཡིས། བདུད་ཀྱི་སྤྱོད་ཡུལ་ཀུན་མཛད་དེ།འཇིག་རྟེན་ཁམས་སུ་བྱིས་པར་བསྟན། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ལས་བཞི་རྡོ་རྗེ་སྐོས་ཀྱི་ལེའུ་ཞེས་བྱ་སྟེ་ཉི་ཤུ་དྲུག་པའོ།། །།དེ་ནས་མཐུན་འཇུག་སྐྱེས་བུ་དེས། །མཐུན་པའི་ན་གྱིས་གང་གཟིགས་ན། ལས་ཀྱི་ཡི་དྭགས་དྲག་པོ་དེ། །དངོས་པོ་བཞིས་ནི་དབང་བྱས་པ། །རྣམ་པར་སྨིན་པའི་དངོས་པོ་ནི། །བམ་རི་ཐོད་པ་མཁར་གྱིས་རྩར། ཁྲག་དང་བཤང་གཅི་ཤ་ཆེན་དང་། རྐང་དང་ཀླད་པ་ཀླད་རྒྱས་དང་། །རྣག་དང་ཆུ་སེར་ལ་སོགས་པའི། །འདམ་གྱིས་ཕྲུ་མ་ཡོངས་སུ་བསྐོར། །འབུ་དང་ཤིན་ཏུ་འབུ་ཆེན་པོ། །སྦྲང་མ་སྦྲང་རྒོད་བུང་བ་དང་། །སྦྲུལ་དང་སྡིག་པ་སྡོམ་་ལ་སོགས། །ཀང་ཀ་ཁྭ་སྐེག་འུག་པའི་ཚོགས། ཅེས་སྤྱང་སྟག་སེང་ལ་སོགས་པའི། །གདུག་པ་ཅན་གྱི་འཁོར་གྱིས་བསྐོར། །ལྷ་ཡི་སྡེ་དཔོན་ཀ་རུ་ནི། །བུ་མོ་ཆུང་མ་མ་སྲིང་དང་། །འཇིག་རྟེན་དབང་ཕྱུག་ལྷ་ཆེན་གྱི། །མ་སྲིང་ཆུང་མ་བུ་མོ་རྣམས། །ཕྲོགས་ནས་དབང་དུ་བྱས་པ་ཡི། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ལ་སོགས། །མ་མོ་ཕྲ་མེན་གནོད་སྤྱིན་མོ། །སྲིན་མོ་ཤ་ཟ་ཁྲག་འཕྲོག་མ། །བདུད་ཀྱི་མིང་འཛིན་བླ་རྐུན་མ། །བློན་མོ་དམག་དཔོན་སྡེ་དཔོན་མ། །རུ་དཔོན་ཕོ་ཉ་མངག་པར་བཅས། །རང་རང་རྟེན་དང་ལག་ཆར་བཅས། །ཅི་བྱི་བཀའ་ཉན་བཀའ་སྡོད་འཁོར། །སྦོད་གཏོང་རྔམ་པའི་ཚུལ་དུ་འཁོད། །སྲིན་པོའི་བུ་མོ་དྲི་ཟ་བརྒྱད། །སྟགས་སེང་ཝ་སྤྱང་བཞད་ཚོགས་དང་། །དུར་བྱ་བྱ་རོག་འུག་པའི་ཚོགས། །བསྟོད་ཅིང་རྔམ་པའི་ཚུལ་དུ་འཁོད། །སྲིན་པོའི་ཉེས་གནས་ཆེན་མོ་བརྒྱད། །ཀོ་རོ་ཙོ་རི་པྲ་མོ་ཧ། །བེལྟི་ལི་དང་པུསྐ་སི། །བྷསྨ་རི་དང་སྨ་ཤ་ནི། །ཙཎྜ་ལི་ལ་སོགས་པ་ཡི། །ག་་ཞིང་རྔམ་པའི་མ་ཚོགས་མ། ཁེན་ཏུ་འཇིགས་པའི་གཟུགས་སུ་འཁོད། །དུར་ཁྲོད་ས་ཡི་སྒོ་སྲུང་བཞི། །བརྩོན་མོ་གདོང་མོ་གར་ལོགམོ། །དེབཞིནའཇུགམོཆེན་མོ་བཞི།གསང་སྒོ་འཛིན་ཅིང་བཀའ་སྒོ་སྲུང་། །དུར་ཁྲོད་བདག་མོ་གྲུ་འདེབས་མ། །བརྐམ་པ་ཤིན་ཏུ་བརྐམ་མ་དང་། །ར་རོ་མོ་དང་ཁྲག་འཐུང་མ། །ཆགས་པས་མྱོས་པའི་མདངས་ཀྱིས་འཁོད། །བམ་རོ་ཐོད་པ་བརྩེགས་པའི་དབུས། །གནམ་ལྕགས་འབར་བའི་གཟེར་ཆེན་གྱིས། །བརྟན་པར་བཏབ་པའི་ནང་བདག་མོ། །ཉེ་གནས་ཀྲོ་དྷི་ཤྭ་རི་མ། །ཐོད་སྐྱོགས་ཁྲག་གི་བཀང་བ་དང་། འབྲུ་མར་རྫས་ལྔ་ཆང་སྦྱར་བ། །རྟག་པར་རང་གི་ལོངས་སྤྱོད་འཛིན། །ཆགས་པས་མྱོས་ཤིང་བརྐམ་པས་ན། འདོད་པའི་དབང་མོ་བརྐམ་པར་གྲགས། །རུ་ཏྲེཛེ་ཕྲུ་མ་གྲོང་རྡལ་དེ། །འབར་བ་ཆེན་པོའི་གར་དགུ་ཡིས། །བཅོམ་ལྡན་དབང་དུ་མཛད་པའི་ཕྱིར། །སྡེ་དཔོན་བ་་བའི་འཁོར་འདུས་པ། །འཇིག་རྟེན་དབང་ཕྱུག་མཐུ་ཆེན་རྣམས། །ཕལ་ཆེར་ལས་ལ་གྲམ་སྐབས་སུ། །དཔལ་ཆེན་རྡོ་རྗེ་འཛིན་པ་དེའི། །དེ་ཉིད་ཡང་དག་དངོས་མིན་པའི། །གཞོན་ནུ་སྣམ་ནས་བཏོན་པའི་སྲས། །རྡོ་རྗེ་གཞོན་ནུ་སྨེ་བ་བརྩེགས། །མཐིང་ནག་ཁྲོ་གཉེར་རལ་པ་ཅན། །བར་བ་ཆེན་པོའི་གར་དགུར་མཛད། །དུར་ཁྲོད་བདག་པོ་ཇི་བཞིན་དུ། །དབུ་དང་ཕྱག་ཞབས་དེར་མཛད་དེ། །བདུད་རྩི་ལྔ་ཡི་སྦྱོར་བ་ཡིས། །བཤུང་བ་ལྔ་ནི་བདུད་རྩིར་བསྒྱུར། །ཐམས་ཅད་སྟོང་ཉིད་བདུད་རྩིར་སྦྱངས། །ཉེ་གནས་ལ་སོགས་འཁོར་ལོ་རྣམས། །སྤྱོད་ལ་མ་ཆགས་ཡེ་ཤེས་དང་། །བྱས་ལ་མི་སོགས་ཕྲིན་ལས་ཀྱིས། །མཐུན་མཇུག་ཁྲིད་པའི་སྦྱོར་ཐབས་ཀྱིས། །དབང་བསྡུས་ངད་སྦྱངས་སྤྲུལ་པ་ནི། །སེམས་དཔའ་ཡེ་ཤེས་སྤྲུལ་པའི་ཚོགས། །ཀོ་ཙོ་ལ་སོགས་མ་ཚོགས་དང་། །སེང་སྟག་ལ་སོགས་ཡུལ་དུ་སྣང་། །འདོད་པའི་དབང་མོ་བརྐམ་པ་དེས། ཆགས་པའི་དབང་གིས་གང་མཐོང་བ། །སྤྱིར་ནི་རང་གི་ཁྱོད་བདག་ལྟ། །ལྷག་པའི་གཟི་ཆེན་འབར་བར་མཐོང་། སྙམ་པའི་དབང་གི་ཐེ་ཚོམ་སྐྱེས། །ཨེ་མའོ་བདག་གི་བདག་པོ་བས། ཤེན་ཏུ་འོད་འབར་གཟི་བྱིན་ཆེ། །འདི་ཇི་ལྟ་བར་སྤྲུལ་པ་ཞིག །སྙམ་དུ་ཡིད་གཉིས་རྟོག་པ་ལས། །ཐབས་མཆོག་རྡོ་རྗེ་གཤོན་ནུ་དེས། །སྲིན་སྐད་ཐང་གསུམ་ཕྱུང་བ་ལས། །ཐེ་ཚོམ་རྟོག་པ་ཆད་པར་གྱུར། །ཆགས་པའི་དབང་གིས་སངས་རྒྱས་ཀྱི། །སྐུ་ལ་ངེས་པར་འཁྲིལ་བ་ནི། །ཙན་དན་སྦྲུལ་གྱི་སྡོང་པོ་ལ། །ཚད་པས་བདས་པའི་སྦྲུལ་འཁྲིལ་བས། །མི་རྟོག་ཚད་པའི་གདུང་སེལ་ལྷར། །གང་ལ་ཆགས་པ་མི་མངའ༷་བར། །གང་གི་གདུང་བ་རྣམ་པར་སེལ། །དེ་ན་སྨྲ་བ་བརྩེགས་པ་དེས། །ཐམས་ཅད་ཅི་དགའ་འབྱུང་བ་ཡི། །ཡིད་བཞིན་ནོར་བུའི་སྙིང་པོ་དེ། །ཉེ་བའི་རིག་པ་འདི་བརྗོད་པས། །བྱ་བ་ཐམས་ཅད་བྱེད་པའི་མཆོག །ཨོ་སྟུར་ཀུ༷་ཨི་ཙི།ཀི་པི། ཨུ་སྣོསྨ། ཀྲོ་དྷ་ཧཱུཾ༷་ཕཊ། ཡང་དག་དངོས་མིན་ཆོ་འཕྲུལ་འདིས། །སྣངམཛདཆེནཔོའིཆོའཕྲུལ་བསྡུས། །གང་དུ་དང་པོར་སྤྲུལ་པ་ཡི། །ཨོ་གྱི་འོད་ཟེར་མངོན་ཕབ་ནས། །དབང་མོ་བརྐམ་པའི་ལྷུམས་སུ་བཞག །གསང་སྔགས་མངོན་པའི་མཐུ་ཅན་འདིས། །སྲིན་པོའི་ཆ་ལུག་ཅི་འདྲ་བར་། །ཡི་གེ་དེ་ཡང་དེར་བསྒྱུར་ཏེ། །གང་དེ་མངོན་སུམ་ལྷུམས་སུ་བཞག །རྡོ་རྗེ་ལྕགས་ཀྱི་འོད་ཟེར་ལས། །རཀྟ་ཤི་ཧེ་རུ་ཀ །རུ་ཏྲ་མ་ཏྲ་ཧ་ཧ་ཧ་མ། བསྐྱེད་རྫོགས་འཇོམས་བྱེད་ཡི་གེ་ཡི། །མཐུ་ཡིས་བྱིན་བརླབས་བརྟན་པར་བྱས། །དངོས་མིན་རིག་པའི་སྐྱེས་བུ་དེ། །རྡོ་རྗེ་ཡབ་གྱི་སྐུ་ལ་བསྡུས། །དྲག་ཤུལ་སྟོབས་ལྡན་སྐྱེས་བུ་དེ། །སྒྱུ་མ་རྡོ་རྗེ་ཆོ་འཕྲུལ་གྱིས། སངས་རྒྱས་གདུལ་དཀའ་རྣམས་བཏུལ་ནས། །བདུད་དང་འཇིག་རྟེན་ལོག་པའི་ཆ། །བྱིས་པའི་སྤྱོད་པ་དེ་བོར་ནས། །ཐུགས་ནི་སྙིང་པོ་བྱང་ཆུབ་ལ། །དགོངས་པ་ངེས་པར་འགྲེལ་ཏེ་བཞུགས། །སྤྲུལ་པ་རྡོ་རྗེ་འཛིན་རྒྱལ་པོ། །སྔར་བྱུང་རྒྱལ་ཚབ་སྐྱེས་བུ་ཡིས། །ལྷ་གནས་གསུམ་དུ་གྲགས་པ་ཡི། །གསང་མརྫོད་ཆེན་པོ་དམ་པའི་ལུང་། །གསང་བ་འཛིན་པའི་བདག་པོ་མཛད། །དེ་ནས་ཡི་དྭགས་དྲག་པོ་དེ། །རང་གི་གནས་སུ་འུན་པ་ལས། །རང་གི་གནས་དང་ལོངས་སྤྱོད་དང་། །འཁོར་རྣམས་མི་སྣང་མི་འདྲ་བ། སྔོན་མ་མཐོང་བ་ཕལ་ཆེར་སྣང་། །མཁོ་ན་ཤིན་ཏུ་མ་རངས་ཏེ། །ཨེ་མའོ་བདག་གི་ཕྲུ་མ་འདི། །ཇི་ལྟར་འགྱུར་ཞེས་རྣམ་པར་རྟོག །དེ་ཚེ་ཉེ་གནས་དབང་མོ་ཡིས། །རང་གི་ཁྱོད་བདག་ལོན་འུན་ཏེ། །ཨེ་མའོ་སྒེག་པོ་དཔའ་བོ་ཁྱོད། །གང་འདར་ངན་དུ་རྟོག་པའི་ཚིག །འཁོར་གྱི་ནང་དིར་གསུང་ངམ་ཅི། །དཔའ་བོ་ཁྱོད་ཀྱི་དགོངས་པ་གང་། །དེང་ཧུན་ཧན་ཕན་ཉོ་པ་ཏི། ཁོ་ནའམ་ཙ་སྨ་ར་ཙ། །དཔའ་བོ་སྒེག་མོ་ཞེའམ་ཉིད། །ཀུན་ལན་ཏྲ་ཙ་པུ་ཐྲ་ཐ། །གང་དུ་དེ་ཅི་ཇི་ལྟར་འཁྲུལ། །དེ་སྐད་ཚིག་ཏུ་ཧོན་པ་ལས།མདངས་ལ་ཆགས་པས་འདུན་པ་དང་། ཁོ་ནའི་རིགས་ཉིད་ངེས་འཛིན་པའི། །སྙམ་ནས་དགའ་བའི་ཐབས་སུ་བཟུང་། །དེ་ནས་དབང་མོ་བརྐམ་པ་ལས། །པུ་ཏྲ་མྱུ་གུ་འཐོན་འབྱུང་བའི། །ཐབས་གསུམ་གྲག་པའི་སྒྲ་ཕྱུང་བས། །དཔལ་གྱི་རྔམ་སྐད་དྲག་པོ་ཡིས། །དྲག་པོ་དྲག་མོ་ལ་སོགས་བརྒྱལ། །དེ་ལས་སླར་ལོག་མཐོང་སྣང་བ། །འཇིགས་བྱེད་ཆེན་པོ་འབར་བ་ལ། །སྔོ་གནག་རྔམ་པའི་རལ་པ་ཅན། །དབུ་དགུ་ཕྱག་ནི་བཅོ་བརྒྱད་པ། །རྡོ་རྡོ་གཤོག་པས་བར་སྣང་ཁེབས། །བ་སྤུ་ལྕགས་ཀྱུ་བསྲེགས་འདྲ་བའི། །སྡོམ་དང་སྡིག་དང་སྨིགས་དང་སྦྲུལ། །འཇིགས་པའི་གཟུགས་ཀྱིས་ས་གཞི་ཁེབས། །ཐོད་སྐྱོགས་སྟི་ར་རྒྱུ་ཞགས་དང་། ཉི་ཟླ་ཁྱུང་དང་འུག་པ་ཁྲ། །རྡོ་རྗེ་མདུང་རྩེ་གསུམ་པོ་དང་། །ཟ་མ་ཏོག་དང་རྡུལ་ཡང་རྔ་། །རི་རབ་སྤྱི་སྐོར་སྟོང་གསུམ་འཕེན། །ཀླུ་དབང་འབུམ་གྱིས་བརྒྱན་ཅིང་བཀླུབས། །དུས་མཐའི་བསྐལ་པ་མེ་ལྟར་འབར། ཁྲོ་གཉེར་སྡང་མིག་འབར་བ་ཡི། །ཉི་ཤུ་རྩ་བདུན་སྤྱན་རས་གཟིགས། །ཞབས་བརྒྱད་འབར་བས་ལྷ་བརྒྱད་གནོན། །རྡོ་རྗེ་སྲིན་པོ་ཁྲོ་བོར་གྱུར། །ལྷ་དང་བདུན་ལས་རྣམ་པར་གྲགས། །དེ་ནས་ཡི་དྭགས་དྲག་པོ་དེ། ཁོ་ནའི་སེམས་རྟོག་རྟས་ནས་ཀྱང་། །ང་རྒྱལ་དྲག་པོའི་ག་་སྐད་ཀྱིས། །འཁོར་གྱི་དབང་ཕྱུག་རྣམ་པར་བསྐུལ། །རུ་ཏྲ་མ་ཏྲ་མ་ར་ཏྲ། །འདུ་འདི་དབང་ཕྱུག་ཆེན་པོའི་ཚོགས། །ཀུན་དུ་རབ་ཏུ་དམ་ལ་འདུ། །གྲམ་གྲམ་དབང་ཕྱུག་ཆེན་པོའི་ཚོགས། །ཀུན་ཏུ་རབ་ཏུ་ལས་ལ་གྲམ། །ཐུད་ཐུད་དབང་ཕྱུག་ཆེན་པོའི་ཚོགས། །ཀུན་དུ་རབ་ཏུ་འདི་ལ་ཐུད། །དབང་ཕྱུག་ང་ཡི་ཕྲུ་མ་ལ། །གང་འདིར་གདུག་པ་ཆེན་པོ་འདི།ཁྱེད་ཀྱིས་བརླག་པའི་དུས་ལ་བབ། །གག་འདིར་བྱ་མི་བྱ་རྟོག་ན། །ཁྱེ་ནི་ཤིན་ཏུ་བརླག་མ་ཁད། །མཛའ་བོ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་མཛའ་བོ་སྒྱུ་མ་ཡིན་པས་ན། །དེ་ལ་འཛའ་ཞེས་སུ་ཞེས་ཟེར། །རྒོལ་བ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་རྒོལ་བ་སྒྱུ་མ་ཡིན་པས་ན། དེ་ལ་དཔའ་ཞེས་སུ་ཞིག་ཟེར། །དམ་ཚིག་གང་སྲུང་མི་སྲུང་པའི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་དམ་ཚིག་སྒྱུ་མ་ཡིན་པས་ན། །དེ་ལ་དམ་པར་སུ་ཞིག་འདོགས། །ཐམས་ཅད་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་སྤྱོད་པ་སྒྱུ་མ་ཡིན་པས་ན།དེ་ལ་བྱེད་ཅེས་སུ་ཞིག་ཟེར། །གང་ལ་གང་འདིར་གང་གི་ལས་རྣམས་དུས་ལ་བབ་ཅེས་དབང་ཕྱུག་ཆེན་པོ་རྣམས་བསྐུལ་བས། བདུད་ཀྱི་གཟི་བྱིན་མ་བཟོད་དེ་བདུད་ཀྱི་ཆ་འཛིན་པའི་ལྷའི་བུ་བྱེ་བ་དུང་ཕྱུར་གྱི་དམག་ཚོགས་དག་དབང་ཕྱུག་ཆེན་པོ་རྣམས་ཤིན་ཏུ་དངངས་འཁྲུངས་རྔམ་ནས་རོད་རོད་པོར་གྱུར་ཏེ། མྱ་ངན་གྱི་དུག་ལོ་འཚུབས་པ་བཞིན་བདུད་གྱི་ཕྲུ་མར་འདུས་ཏེ་བདུད་ཀྱི་རུ་མཚོན་ཕྱར། མཚོན་ཆའི་སྤྲིན་གཏིབས། བདུད་ཀྱི་སྒྱུ་འཕྲུལ་གྱི་དྲ་བ་བཀྲམ་སྟེ་བསོ་དག་ཆའི་སྒྲ་བསྒྲགས་ནས་སྤགས་པ་ལས། དོ་རྗེ་རྟའི་ཚོགས་ཀྱིས་རྡོ་རྗེ་སྟམ་པ་ནའི་སྟོབས་ཀྱིས་རྫུ་འཕྲུལ་མྱུར་བའི་འདུར་ཤུགས་དྲག་པོས་ཁྲོ་བོ་ཐེག་ཆེན་ཀུན་ཀྱང་འདུར་ཐག་གཅོད་པའི་རྟའི་འདུར་གླུ་འདིས་རྣམ་པར་བསྐུལ་བ། ཧྲི་སྒེག་པོ་དཔའ་བོ་འཇིགས་སུ་རུང་བ་དང་། །དགོད་དང་གཤེ་དང་འཇིགས་པར་བྱེད་པ་དང་། སྙིང་རྗེ་རྔམ་དང་ཞི་བ་ལ་སོགས་པའི། །སྐུ་ཡི་དངོས་པོ་ཤིན་ཏུ་བསྒྱུར་བ་ཡི། །གར་གྱི་ཕྱག་རྒྱ་འབར་བས་དབང་ཕྱུག་གནོན། །ཧྲི་མྱོས་བྱེད་སྟོང་པས་ལྷག་པར་འདོད་པའི་གཟུགས་སྟོན་ལ། །འདུལ་བའི་དབང་གིས་གཤིན་རྗེ་སྟོང་པས་ལྷག་པར་འཇིགས་གཟུགས་སྟོན། །ཞི་བའི་སྐུར་ཡང་ཚངས་པ་སྟོང་པས་ལྷག་པར་རབ་ཏུ་སྟོན། །ཐམས་ཅད་དཀྱིལ་འཁོར་གསུམ་དུ་སྣང་བར་མཛོད། །ཧྲི་རྣམ་པར་འདུལ་བའི་དོ་མཐོན་ཐབས་ཀྱིས་གནོན་པར་གནོན། །ཧོ་ཧོ་ཧ་ཧ་ཧེ་ཧེ་ཧི་ཧི་དགྱེས་པའི་བཞད་མོས་ཁོང་། །དབང་ཕྱུག་ཐམས་ཅད་རབ་ཞིག་རབ་ཏུ་ཤིག །རབ་གྱི་རྩལ་གྱི་སྟོབས་གྱིས་ངོ་མཐོང་དབང་ཕྱུག་གནོན། །ཧྲི་རྩལ་ཆེན་ཧུ་ལུ་ཧུ་ལུ་མིག་གསུམ་པ་ལས་གསུམ་གྲུབ་དྲོངས། །ཧྲི་རབ་ཀྱི་རྩལ་གྱི་སྟོབས་ཀྱིས་ངོ་མཐོན་མཐུ་ཆེན་གནོན། །རུ་ཏྲ་མ་ཏྲོརེ་སྙིང་པོ་ལས་དཔལ་མོས་རབ་དྲོངས་ཤིག །རབ་གྱི་རྩལ་གྱི་སྟོབས་གྱིས་ངོ་མཐོན་ཚངས་པ་ནོན། །ཚངས་ལས་སྒྲོལ་མ་དྲིངས་ཤིག་སྨ་ར་ཐ། །ཧྲི་རབ་ཀྱི་རྩལ་གྱི་སྟོབས་ཀྱིས་ངོ་མཐོན་དགའ་དབང་ནོན། །སྦྱོར་ཆེན་ཀུན་གྱི་བདག་ལ་དགའ་དྲོངས་ཤིག །ཧྲི་རབ་གྱི་རྩལ་གྱི་སྟོབས་ཀྱིས་ངོ་མཐོན་རུ་ཏྲ་ནོན། །སྦྱོར་ཆེན་ཀྲོ་དྷི་ཤྭ་རི་དབང་མོ་དྲོངས་ཤིག་རབ་དྲོངས་ཤིག །སྙིང་རྗེ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མད་ཀྱང་བླ། །དེ་འདྲའི་སྙིང་རྗེ་སྒྱུ་མ་ཡིན་པས་ན། །དེ་ལ་སུ་ཞིག་སྙིང་རྗེ་ཟེར། །གདུལ་བྱ་གདུལ་བ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་གདུལ་བྱ་སྒྱུ་མ་ཡིན་པས་ན། །དེ་ལ་གདུལ་བར་སུ་ཞིག་ཟེར། །ཧྲི་ཧ་ཧ་ཧོ་ཧོ་སྤྲུལ་རབ་ཏུ་སྤྲུལ། །ཀུན་ཏུ་རབ་སྤྲུལ་སྣང་བར་མཛོད། །ག་་ཐུང་རྔམ་ཞབྲུག་འབར་བར་མཛོད། །རྣམ་པར་མང་པོ་སྣ་ཚོགས་ཁོར་བོར་ལོག་པར་ལྟ་བ་ཡི། །ཁྲོ་བོ་སྣང་བའི་འགྲོ་རྣམས་རྣམ་མང་པོ། །ཁྲོ་བོ་རྒྱུད་ཀྱི་མ་ལུས་ལུས་པ་མེད་པར་འདུལ་མཁས་པར། །རྒྱལ་བ་ཀུན་གྱི་ཐབས་མཆོག་སྒྱུ་མ་རབ་སྤྲུལ་རྣམ་པར་སྤྲུལ། །སྤྱོད་ལ་མ་ཆགས་ཡེ་ཤེས་བདེ་མཆོག་ཀུན་ཏུ་མྱོང་མཛད་བཞེངས་ཤིང་རོལ། །རྣམ་པ་མང་པོ་སྣ་ཚོགས་རྨོངས་པར་སྣང་བའི་འགྲོ་བ་རྣམས། །རྣམ་པ་མང་པོ་གཏི་མུག་རྒྱུད་ཀྱིས་མ་ལུས་ལུས་པར་འདུལ་མཁས་པ། །རྒྱལ་བ་ཀུན་གྱི་ཐབས་མཆོག་སྒ་མས་རབ་སྦྲལ་རྣམ་པར་སྦྲལ། མཉམ་ལ་མ་རྨོངས་ཡེ་ཤེས་མ་འདྲེས་ཡོངས་རྫོགས་བཞེངས་ཤིང་དགོངས་ཞེས་ཁྲོ་མོ་མ་རངས་མི་བསྙེངས་དྲག་པོ་དགྱེས་པའི་སྒྲ་འབྲུག་སྟོང་དིར་བ་བྱུང་བས་སྦྲདུད་ཀྱི་ཆ་འཛིན་པསྨྱུ་བདུད་བྱེ་ཝེ་དུཇེ་ཕྱུར་རྣརྨོས་བག་བཞི་བསྐུམས་ཏེ་ཟིལ་གྱིས་ནོན། རུ་མཚོན་ལ་སོགས་པ་མཚོན་ཆའི་སྤྲིན་ཕུང་ནི་སྟོང་པ་ཉིད་དུ་སངས་པར་གྱུར། མི་སྙན་པའི་ངག་རྣམས་ནི་མངོན་དུ་གྱུར་ཏེ་ཐེག་པ་ཆེན་པོ་གསང་སྔགས་ཀྱི་སྒྲ་ནི་དི་རི་རི་སྒྲོགས་པར་གྱུར་ཏོ། །དུར་ཁྲོད་ཀྱི་བདག་པོ་རུ་ཏྲ་ནག་པོ་ལྟ་ཞིག་རང་གི་འཁོར་གྱིས་ཡོངས་སུ་བོར་ཏེ་རྗེ་བཙན་དམ་པ་དེ་ལ་སྐྱབས་སུ་དོང་།བློ་གྲོས་ཀུན་གྱི་ཡུལ་དང་བྲལ། །ཡི་ཁོས་བསམ་པ་ཆད་ཅིག་ཐབས་བརླག་ནས་ཀུན་ནས་འཁྲུགས་ཏེ་རྣམ་པར་འཁམས་ནས་རང་གི་རུ་ཏྲ་ལྔ་ཡི་ས་བོན་མངོན་དུ་ཕྱུང་བས། །རུ་ལུ་རུ་ལུ་སྨྱོ་ཞེས་བརྗོད། མགོ་གསུམ་ལག་དྲུག་རྐང་བཞི་པ། །ཁྲོས་པའི་ཚུལ་དུ་གྱུར་པ་ལས། རྗེ་བཙུན་རྡོ་རྗེ་སྲིན་པོ་དེས། ཁོ་ན་ཉིད་དུ་དེར་མཛད་དེ། །བྱིན་བརླབས་ཡི་གེ་མི་ཕྱེད་པའི། །དབང་དུ་འཁོར་བའི་ས་བོན་ལྔ། །བྱས་ནས་ངག་གི་སྤྲུལ་པ་ཕྲོགས། །ཁོ་ན་ངག་གི་དབང་པོ་ཉམས། །དེ་ནས་དུར་ཁྲོད་བདག་པོ་དེས། །ར་ལ་ར་ལ་སྨྱོ་བརྗོད་པས། །མགོ་དགུ་བཅོ་བརྒྱད་ལག་ཏུ་གྱུར། །གང་དེར་རྗེ་བཙན་དམ་པ་དེས། །ངག་གི་སྤྲུལ་པ་ངེས་པར་གཅད།ཡང་དེར་དུར་ཁྲོད་བདག་པོ་དེས། ཁུ་ལུ་ཧུ་ལུ་སྨྱོ་བརྗོད་པས། །མགོ་བརྒྱད་བཅུ་དྲུག་ལག་ཏུ་གྱུར། །དཔལ་ཆེན་རྗེ་བཙན་སྲིན་པོ་དེས། །ཁོ་ན་ཅི་འདྲ་དེར་མཛད་དེ། །དེར་ཡང་ངག་གི་བརྗོད་པ་བཅད། །གང་དེར་དུར་ཁྲོད་བདག་པོ་དེས། །ཧ་ལ་ཧ་ལ་སྨྱོ་བརྗོད་པས། །ཉི་ཤུ་རྩ་གཅིག་མགོ་བོ་ལ། །བཞི་བཅུ་རྩ་གཉིས་ལག་ཏུ་གྱུར། །ཡང་དུ་རྡོ་རྗེ་སྲིན་པོ་དེས། དེ་ཅི་ཁོ་ན་དེར་མཛད་ནས། །གང་འདིར་སྨྲ་བའི་དབང་པོ་བཅད། ཡང་དེར་ཁོ་ནར་དེ་ཉིད་ཀྱིས། །ར་ལི་ར་ལི་སྨྱོ་བརྗོད་པས། ལུས་ནི་ཚད་མེད་ཆེན་པོ་ལ། །ནད་ཀྱི་བསྐལ་བ་ཚུབ་མར་གཏོང་། །གདུག་པའི་མཚོན་ཆ་ལུས་ལས་འགྱེད། །རྗེ་བཙན་རྡོ་རྗེ་སྲིན་པོ་དེས། ཁོ་ན་དེར་འདྲ་ཉིད་མཛད་དེ། །ངག་ཕྲོགས་ངག་གི་སྤྲུལ་པ་ཆད། །དཔེར་ན་སྐྱེས་བུ་གང་ལ་ཞིག །ལྕེ་བཅད་ཁྲག་གིས་བོར་བ་བཞིན། ཁེན་ཏུ་མྱོས་ཏེ་འགྱེལ་བར་གྱུར། །ཀུན་གྱི་མངའ་བདག་ཆེན་པོ་དེས། །ས་མ་ཡ་ཧཱུཾ༷་གསུང་བསྒྲགས་པས། །སྔོན་བྱུང་དུས་ན་འབྲེལ་པ་ཡིས། །སྲོག་གི་དབང་པོས་མ་བཟོད་དེ། །གང་དེར་མདུན་གྱིས་ཕྱོགས་པ་དང་། རྩེ་གསུམ་ཁ་ཊ༷་འབར་བ་ཡིས། །རུ་ཏྲེརེ་རི་བོ་བཅོམ་དབང་གི །ཕྱག་རྒྱས་རོལ་ཏེ་ཕྱལ་དུ་སྦྱངས། །ཉེ་གནས་དབང་གིས་མཚམས་སྦྱར་བའི། །རང་གི་དམ་པ་ལ་སོགས་པའི། །མཐའ་ཐུག་མེད་པའི་སངས་རྒྱས་དང་། །དཔག་ཏུ་མེད་པའི་བྱང་ཆུབ་སེམས། །སྟུག་པོ་བཀོད་པའི་མཐོང་བའི་མཐུས། །ཐོག་མ་མེད་པའི་དུས་མཐའ་ནས། །ཞེན་པའི་མུན་ནག་སངས་གྱུར་ཏེ། །སྐྱེ་བ་དུས་མཐའ་མེད་རྙེད་དུ། །ལུས་བླངས་ལས་ནི་ཅི་སྤྱད་དྲན། །སྣམ་དུ་བཏོན་ཏེ་ཞབས་དྲུང་འཁོད། །རབ་དགའ་བཏུད་ནས་གནོད་ཚུལ་དུ། །གང་དེར་ཤིན་ཏུ་ངུས་ནས་སྨྲེས། །ཨེ་མ་ཨེ་མའོ་ཨེ་མ་ཡང་། །དཔའ་བོ་ལྷ་རྗེ་ཐུགས་རྗེ་ཆུང་། ཁེན་ཏུ་བདེ་བའི་གནས་གཅིག་ནས། །སྣམ་དུ་བཏོན་པ་ཐུགས་རྗེ་ཆུང་། །ད་ཡང་ཅི་མཛད་མྱུར་དུ་མཛོད། །མྱུར་དུ་བསྒྲལ་ན་ཡུན་བདེའོ། །འབངས་སུ་མཆིའོ་བདག་ལུས་འབུལ། །འབངས་ན་ནན་ཏན་མ་ཆུད་ཅིག །དེང་ནས་སླན་ཆང་བཀའ་བཞིན་དུ། །བཀའ་ཡི་ལུང་བཞིན་རྗེས་སུ་སྒྲུབ། །གལ་ཏེ་བཀའ་བཞིན་མ་བགྱིས་སམ། །དམ་པའི་ལུང་ལས་འགའ་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །རུལ་མྱགས་སྐམས་ནས་ཚིག་པར་འགྱུར། །མ་སྲིད་བུ་མོ་ཆུང་མ་རྣམས། །འབངས་སུ་འབུལ་ལོ་ཚིས་མ་ཆུང་། །དབུས་སུ་མཆི་སྐལ་མི་ལྡན་གྱིས། །འབར་བའི་དཀྱིལ་འཁོར་མཐའ་ལ་ཞོག །ཕུད་ལ་འཚལ་སྐལ་མི་ལྡན་གྱིས། །ལྷག་མ་ཞལ་ཆབ་བྲོན་ལ་སྩོལ། །ཉེ་གནས་གདུང་བའི་མ་སྲིང་རྣམས། །ད་ནས་རྒྱལ་བའི་འབངས་ཡིན་གྱིས། ཁྱེ་ནི་ཅི་བགྱི་བཀའ་ཡི་ལས་མཁན་ཏེ། །བཀའ་ཡི་ལས་བྱུང་རྟག་པ་མྱུར་དུ་སྒྲུབས། །བདག་ཀྱང་དེང་སྔོན་ལམ་ལོག་ལས་སྤྱད་པས། །དཔག་ཏུ་མེད་པའི་འཁོར་བའི་སྡུག་བསྔལ་བརྒྱུད། །ང་ནི་ཐུགས་རྗེ་ལས་འཕྲོ་གཉིས་ཕྲད་པས། །བདེ་བ་ཅན་གྱི་ཞིང་དུ་མྱུར་འགྲོ་ཡིས། །རྗེས་སུ་བསྟན་པའི་བཀའ་ལ་ཉམས་ས་རེ། །ཇི་ལྟར་མ་བྱམས་བུ་ལ་གདུང་བ་བཞིན། །དམ་ཚིག་ཅན་ལ་དུང་དུང་གདུང་བར་གྱིས། །གང་དུ་སྲིང་བྱམས་མིང་ལ་གདུང་བ་བཞིན། །ཡལ་གལ་ཅན་ལ་ལྷང་ལྷང་བརྩེ་བར་གྱིས། །མཛའ་མོ་གྲོགས་ལ་ཇི་ལྟར་གདུང་ཚུལ་བཞིན། །རྣལ་འབྱོར་ཅན་ལ་ཀྲིལ་ཀྲིལ་བརྩེ་བར་གྱིས། །ཇི་ལྟར་གཡོག་བྱམས་དཔོན་ལ་སྙིང་བརྩེ་བཞིན། །དམ་པ་རྣམས་ལ་ངེས་པར་ཉེ་བར་གྱིས། ཞེས་འཁོར་ཉེ་གནས་རྣམས་ལ་གདམས་ངག་བོར་ནས་དཔའ་བོ་ཆེན་པོ་ལ་སྐྱབས་སུ་དོང་སྟེ་བཀའ་ཆེ་བ་ཡོངས་སུ་བསྲུང་བའི་ཕྱིར་རང་རྟགས་སྲོག་གི་སྙིང་པོ་ཕུལ་ཏེ་མནའ་དོར་རོ། རུ་ལུ་རུ་ལུ་སྨྱོ་ཞེས་རང་གི་སྲོག་ལ་ཚད་བཞག་གོ །དེ་ནས་བཅོམ་ལྡན་འདས་ཀྱིས་ཡོངས་སུ་གནང་བ་ནི་འདི་ལྟ་སྟེ། ཨོ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷་ཞེས་བྱིན་གྱིས་བརླབས་ཏེ་བསྲེགས་སྦྱངས་བཏུལ་ནས་དགོངས་ཁྲལ་ཆུང་བར་བཞུགས་སོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བདུད་ཡོངས་སུ་བཏུལ་བའི་ལེའུ་སྟེ་ཉི་ཤུ་བདུན་པའོ།། །།དེ་ནས་དེའི་ཚེ་དེའི་དུས་ན་དབངཕྱུགཆེནཔོའིཚོགསརྣམས་འདི་ལྟར་རྟོག་སྟེ། ཨེ་མའོདྲགཆེནཔོའདི། འདི་ལྟར་མཐུ་ཆེ་བ། འདི་ལྟར་དྲེགས་པ། འདི་ལྟར་གཏི་མུག་པ། འདི་ལྟར་ཆ་པ། འདི་ལྟར་ང་རྒྱལ་བ། འདི་ལྟར་གཏུམ་པ་འདི་དཔའ་བོ་ཆེན་པོ་འདིས་རྣམ་པར་ནོན། ངེས་པ་ཡང་དག་པར་ནོན། ཀུན་ཏུ་རབ་ཏུ་ནོན་ཏོ་སྙམ་དུ་རྟོག་པོ། །དེའི་ཚེ་དེའི་དུས་ན་དེ་དག་གི་སེམས་ཀྱི་རྟོག་པས་རྟོག་པ་དྲག་པོ་རུ་ཏྲ་དེའི་སེམས་ཀྱིས་ཡོངས་སུ་ཤེས་ནས་སྨྲས་པ། ཀྱེ་ཉེ་གནས་དམ་པ་རྣམས་གང་དེ་ལྟ་མ་རྟོག་ཤིག །སྔོན་ཁོ་བོའི་ལས་ཀྱི་འཕྲོ་དང་འབྲེལ་བ་ཉེ་གནས་དམ་པ་ཀུན་གྱིས་བཤེས་གཉེན་དེ་དག་ཕྲད་པས་་ལས་ཤེས་སོ། །སྐྱེ་བ་ཤེས་སོ། །ལས་མཐོང་ངོ་། །སྐྱེ་བ་མཐོང་ངོ་། །ལས་མངོན་དུ་གྱུར་ཏོ། །སྐྱེ་བ་མངོན་དུ་གྱུར་ནས་རང་གི་ལས་ལ་རང་ཐག་ཁོས་པར་གྱུར། གང་སྐད་ཅིག་མར་བདེ་བ་ཆེན་པོའི་གཡུང་དྲུང་གི་ཕོ་བྲང་མཐོང་བས་གང་འདི་ལྟར་བུད་མེད་དག་སྦྲུམ་པའི་སྡུག་བསྔལ་གྱིས་ཉེན་པ་གྱུར་པ་ན་འདི་སྙམ་དུ་སྡུག་བསྔལ་འདི་ནི་སྔོན་དུ་སྐྱེས་པ་བསྟེན་ཅིང་མང་དུ་སྤྱད་པའི་ལས་འབའ་ཞིག་ཁོ་ནའི་སྙམ་དུ་ཡིད་ལ་བྱེད་པ་བཞིན་ཁོ་བོ་ཡང་ལས་འབའ་ཞིག་ལ་ཁོ་ཐག་ཆད་ནས་ཇི་ལྟར་རི་གཟར་རྩེ་ནས་རྦབ་འདྲིལ་བ་གང་གིས་མི་ཟློགས་པ་བཞིན་གདུག་བ་ཆེན་པོའི་ཤུགས་ཀྱིས་འཐོན་པས་ཤིན་ཏུ་གདུང་བ་ཡིན་ཏེ། ཉེ་གནས་ཁྱེད་ཀྱང་རང་གི་ལས་ཡིད་ལ་གྱིས་ཤིག་དང་། གདུང་བའི་ཤུགས་རྦབ་ལྟར་འདྲིལ་བར་འགྱུར་རོ་ཞེས་སྨྲས་ནས་རྨ་ག་ཆད་པར་ངུས་ནས་ཤིན་ཏུ་སྨྲེས་ཏེ་ཡོངས་སུ་གདུང་བའིདོནབཏོནཔའདིལྟསྟེ། ཐུགསརྗེཆེནཔོབཅོམལྡན་རྡོ་རྗེ་སེམས། །དྲི་མེད་དུང་མདོག་མཆོག་ཏུ་གཟུགས་བཟང་བ། །རྣམ་དག་འོད་གསལ་ཉི་ཟླ་འབུམ་བདལ་ཞིང་། །དཔའ་བོ་འོད་ཟེར་སྟོང་འབར་ལྷམ་མེ་པ། །འཇིག་རྟེན་གསུམ་གྱིས་ས་མཁན་སྟོན་པར་གྲགས། ཁམས་གསུམ་འགྲོ་བ་ཀུན་གྱི་གཉེན་གཅིག་པོ། །བྱམས་མགོན་ཐུགས་རྗེའི་ལྷ་ཁྱོད་དགོངས་སུ་གསོལ། །བདག་ནི་ཐོག་མ་མེད་པའི་དུས་མཐའ་ནས། །ལམ་ལོག་ལམ་སྟོར་སྲིད་པའི་འཁོར་ལོར་འཁྱམས། །སྔོན་ཚ་ལས་ལོག་སྲིད་པ་སྤྱད་པས་ནོངས། །སྡིག་པའི་ལས་རྣམས་ཅི་སྤྱད་རབ་གནོང་འགྱོད། །དར་ཅིང་དྲེགས་པའི་ལས་དབང་དེ་བཙན་ནས། འཁོར་བའི་སྡུག་བསྔལ་རྒྱ་མཚོར་བྱིང་འགྱུར་ཏེ། །ཞེ་སྡང་འབར་བའི་མེས་ནི་རང་རྒྱུད་བསྲེགས། །གཏི་མུག་མུན་པ་འཐིབས་པོས་ཤེས་རབ་ལྡོངས། །འདོད་ཆགས་རྒྱ་མཚོའི་འདམ་དུ་རྣམ་ཤེས་བྱིང་། ང་རྒྱལ་དྲག་པོའི་རི་བོས་ངན་འགྲོར་མནན། །ཕྲག་དོག་རླུད་དམར་ཚུབ་མས་འཁོར་བར་གཡེངས། །བདག་ཏུ་ལྟ་བའི་མདུད་པ་དམ་པོས་བཅིངས། །འདོད་པ་མེ་མདག་དོད་འདྲིའི་འོབས་སུ་ལྷུང་། །སྡུག་བསྔལ་དྲག་པོ་མི་ཟད་ཆར་དུ་འབབ། །འདི་འདྲའི་སྡུག་བསྔལ་ཤིན་ཏུ་བཟོད་དཀའ་ཞིང་། །སྡིག་པའི་ལས་དབང་དྲག་པོ་མེ་འབར་བས། །རྣམ་ཤེས་དབང་པོ་མྱུ་གུ་གདུངས་འགྱུར་ཏེ། །ཕུང་པོ་སྒྱུ་མའི་ལུས་ཀྱིས་མི་བཟོད་ན། །བྱམས་མགོན་ཐུགས་རྗེ་ཅན་གྱིས་བཟོད་ལགས་སམ། །བདག་ནི་བླུན་རྨོངས་ལས་ངན་སྡིག་པོ་ཆེ། །ལས་ཀྱི་དབང་གིས་འདོད་ཁམས་རུ་ཏྲར་སྐྱེས། །སྐྱེས་པས་འགྱོད་དོ་ལས་ལ་ཡི་རེ་ཆད། །ཡི་ཆད་འགྱོད་ཀྱང་ལས་དབང་བཅོས་སུ་མེད། ལས་གྱི་ཤུགས་ནི་ཆུ་བོའི་གཞུང་དང་འདྲ། །ལས་དབང་ཆུ་ཀླུང་འཕྲལ་དུ་ལ་ག་བཟློགས། །རྣམ་སྨིན་ཐམས་ཅད་རང་གི་ལས་ལས་བྱུང་། །ལས་ཀྱི་རླུད་དམར་དྲག་པོ་དེས་བསད་པས། བག་ནི་དེང་སྔོན་བསྐལ་པ་གྲངས་མེད་དུ། །འཁོར་བའི་བཙོན་ར་མུན་པར་འབྱམས་པ་ལ་།་ ཉེ་གནས་ཁྱེད་ཀྱི་ཐུགས་རྗེའི་བྱིན་བརླབས་ཀྱིས། །ལས་དང་ཉོན་མོངས་སྒྲིབ་པ་གཏན་སྦྱངས་ནས། མ་ལྟར་བྱམས་པའི་ཞམས་དྲུང་ད་ལྟར་འཁོད། །ཉི་ལྟར་འོད་འབར་ཟླ་ལྟར་མདངས་གསལ་བའི། །ཐུགས་རྗེའི་ཞལ་ཉིད་བལྟ་བས་མི་ངོམས་པའི། །ཐོག་མ་མེད་ནས་མ་རིག་ལིང་ཐོག་གིས། །ལྡོངས་པའི་ཆུ་བུར་མི་གིས་མ་མཐོང་ན། །འགྲོ་བའི་མགོན་ཁྱོད་དེང་སྔ་གང་ན་བཞུགས། །ལས་དབང་དྲག་པོ་ཤིན་ཏུ་མི་བཟད་པས། ཁེན་ཏུ་སྐྲག་ཅིང་སྐྱི་གཡའ་རབ་འཇིགས་ནས། །དུང་དུང་གདུངས་པའི་སྨྲེ་སྔགས་འདི་འདོན་ཅིང་། །ཉམ་ཐག་ཕོགས་པའི་ང་རོ་འདོན་ལགས་ན། །བྱམས་མགོན་ཐུགས་རྗེས་སུ་འདིར་མ་དགོངས་ན། །ནམ་ཞིག་འཆི་འཕོ་ལུས་དང་བྲལ་བའི་ཚེ། །གཉེན་བཤེས་གྲོགས་དངབྲལནསགཤིནརྗེསཁྲིད། །དེ་ཚེ་འཇིག་རྟེན་ཉེ་དུས་མི་སྟོངས་ཏེ། ལས་ཀྱི་དབང་གིས་བདག་འདྲ་གཅིག་པུ་ཁྲིད། །དུས་དེར་བདག་ལ་མགོན་སྐྱབས་མ་མཆིས་ཀྱིས། །གང་གི་ཕྱི་རོལ་དུས་ལ་མ་བཞེས་པ། །ད་ལྟ་ཉིད་དུ་བསྟན་ཏེ་མངོན་སྤྱོད་མཛོད། །ལས་ཀྱི་མནར་བའི་སྐྱེ་བོ་བདག་འདྲ་ལ། །ཐོག་མ་མེད་པའི་དུས་ལ་ལོག་བརྟགས་པས།ཁམས་གསུམ་འཁོར་བའི་གནས་ནས་མ་ཐར་ཏེ། །བསྐལ་པ་གྲངས་མེད་སྐྱེ་བ་དེ་སྙེད་དུ། གདོས་བཅས་ལུས་བླངས་གྲངས་མེད་ཞིག་འགྱུར་ཏེ། ཁྲ་རུས་བསགས་ནས་འཇིག་རྟེན་གཏོས་དང་མཉམ། །རྣག་ཁྲག་བསགས་ན་རྒྱ་མཚོ་ཆེན་པོ་ཙམ། །ལས་འཕྲོ་བསགས་ན་བསམ་འདས་བརྗོད་མི་ལང་། ཁམས་གསུམ་བགྲངས་ཤིང་སྐྱེ་ཤི་ཁ་བརྒྱུད་ཀྱང་། །བྱས་པའི་ལས་རྣམས་དོན་མེད་ཅུད་རེ་ཟོས། །སྐྱེ་བ་གྲངས་མེད་ཇི་སྙེད་དེ་ཙམ་ལ། །སྐྱེ་བ་གཅིག་གཅིག་ཁོ་ན་ཙམ་གྱི་ལས། །བླ་མེད་བྱང་ཆུབ་དོན་དུ་རབ་སྤྱད་ན། །དེ་ཙམ་བྱས་པའི་ལས་ལ་དོན་ཡོད་པས། །དོན་གྱི་ཡང་ཡེ་མྱ་ངན་འདས་ཟིན་ན། །ལས་ཀྱི་དབང་བཙན་ཉོན་མོངས་སྟོབས་ཆེ་བས། ཁྲ་ཁྲག་དྲ་བའི་ལུས་བླངས་འཁོར་བར་འཁྱམས། །སྡུག་བསྔལ་བཟོད་དཀའསྲིད་པའི་གཙོར་རར་ཚུད། །མི་ཟད་སྡུག་བསྔལ་དྲག་པོ་འདི་ལྟ་བུ། །ཉེས་བྱས་ཐམས་ཅད་རང་གིས་ལས་ལས་བྱུང་། ཐུགས་རྗེ་ཆེན་པོས་ལས་ངན་རྒྱུད་བཅད་དེ། །ཉོན་མོངས་ལས་ཀྱི་རླུད་འདི་བཟློག་ཏུ་གསོལ། །མ་རིག་ལོག་པ་ལས་ཀྱི་དབང་བཙན་པས། །མི་ཤེས་མུན་པའིནང་དུ་གཏན་འ་ས་ན། །ཡེ་ཤེས་སྒྲོན་མའི་ཟེར་གྱིས་མི་སྟོངས་སམ། །ཉེས་བྱས་ལས་ཀྱི་འབྲས་བུ་མི་བཟོད་ན། །ཐུགས་རྗེ་ཆེན་པོའི་ཕྲིན་ལས་མི་མཛད་དམ། །ཕྱིན་ཅི་ལོག་གི་གཡང་སར་ལྷུང་ལགས་ན། །ཐུགས་རྗེ་མྱུར་མགྱོགས་ཕྱག་གིས་མི་འཛིན་ནམ། །དུག་གསུམ་བཟོད་དཀའི་ནད་ཀྱིས་གདུངས་ལགས་ན། །ཐབས་མཁས་ཐུགས་རྗེའི་སྨན་གྱི་མི་གསོ་འམ། །ལས་ཀྱི་རྣམ་སྨིན་སྡུག་བསྔལ་མེ་འབར་ན། །ཐུགས་རྗེ་བསིལ་བའི་ཆར་རྒྱུན་མི་འབེབས་སམ། །སྡུག་བསྔལ་འཁོར་བའི་འདམ་དུ་བྱིང་འཀྱུར་ན། །ཐམས་མཁས་ཐུགས་རྗེའི་ལྕགས་ཀྱུས་མི་འདྲེན་ནམ། ཁམས་གསུམ་འཁོར་བའི་གནས་སུ་སྦྱང་སྦྱང་ནས། །ནམ་ཞིག་རང་གི་འབྲས་བུ་ཐོབ་པའི་ཚེ། །འཕགས་པའི་ཐུགས་རྗེ་ཅི་འཚལ་དོན་མ་མཆིས། བདག་ཉིད་ལས་འཕྲོ་བཙན་པས་བཞག་ན་ལྟ། །ཐུགས་རྗེ་ཞེས་ན་སུ་ལ་ཅི་ཞིག་བགྱི། །དཔའ་བོ་ཁྱོད་ལ་ཐུགས་རྗེ་སྟོབས་མངའ་ཞིང་། །སྔོན་བྱུང་འབྲེལ་པ་ལས་ཀྱི་འཕྲོ་བཙན་ན། །ཡལ་ཡོལ་བཏང་སྙོམས་ལེ་ལོ་མ་མཛད་པར། །སྙིང་ནས་ད་གཟིགས་ཐུགས་རྗེ་རྒྱལ་བའི་ལྷ། །ཞེས་རང་གི་ང་རྒྱལ་གྱི་རི་བོ་བཅག་ནས་ལུས་སེང་གེར་མངོན་པར་སྤྲུལ་ནས་ཞབས་ཀྱི་གདན་ཁྲིར་ཕུལ་ལོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐ་མ་དམན་པའི་གདུང་བ་བཏོན་པའི་ལེའུ་སྟེ་ཉི་ཤུ་བརྒྱད་པའོ།། །།དེ་ནས་རྡོ་རྗེ་སྲིན་པོ་དེས་ལས་ཀྱི་སྲིན་པོ་དེ་ལོག་པར་ལྟ་བ་སུན་ཕྱུང་བས་ལས་ཀྱི་སྒྲིབ་ལ་རྒྱུན་གཅད་པའི་ཕྱིར་སྤྱོ་བའི་བརྒྱད་ཆེན་པོས་རྣམ་པར་སྤྱོས་པ་ནི་འདི་ལྟ་སྟེ། སྡིག་ཅན་ལོག་པའི་སྟོབས་ལྡན་འདི། །ཐོག་མ་མེད་པའི་དུས་མཐའ་ནས། །སྲིད་པའི་འཁོར་ལོར་འ་ས་པར་ངེས །ཉེས་བྱས་རྩ་བ་རང་ཉིད་ལས། །ཐམས་ཅད་འབྱུང་བར་ཉེས་པར་ངེས། །བསྐལ་པ་གྲངས་མེད་དེ་སྙེད་དུ། །སྐྱེ་བ་མང་པོ་ལུས་བླངས་ནས། །གཟུགས་ཕུང་གྲངས་མེད་ཞིག་འགྱུར་ཞིང་། ཁྲ་རུས་སྟོང་གསུམ་འཇིག་རྟེན་ཙམ། །རྣག་ཁྲག་རྒྱ་མཚོར་འཁྱིལ་འགྱུར་ཡང་། །དོན་མེད་པར་ནི་ཆུད་ཟོས་པ། །སུས་ཀྱང་མ་བྱས་རང་གི་ལས། །དེ་ཙམ་ཆ་གཅིག་དོན་སྤྱད་ན། །ད་ཙམ་དོན་གྱི་སངས་རྒྱས་ཟིན། །ལུས་རྣམས་ཡོངས་སུ་གཏོང་བ་ཡི། །མ་ཆགས་སྟོབས་ལྡན་ཆེན་པོ་རྣམས། །བཀྲེས་པས་ཉེན་པའི་འགྲོ་ལ་བ། ་་རུས་ཁྲག་ཙམ་བཏང་བས་ཀྱང་། །ཟག་མེད་རྣམ་ཐར་བདེ་ཐོབ་ན། །ཟབ་མོའི་དོན་ལྟར་སྨོས་ཅི་དགོས། །རང་ལུས་གཏོང་བར་མ་ཕོད་ཅིང་། །ཆགས་པའི་མཐ་ལ་མངོན་ཞེན་པས། །ཁམས་གསུམ་འཁོར་བའི་ཁ་བརྒྱུད་ཅིང་། །ཟུག་རྔུའི་ནད་ཀྱིས་གཟིར་བ་ཡིན། །སྲིད་པའི་གཙོན་རར་ཆུད་པ་འདི། །མཁའ་ལ་མདུད་པས་ཉེས་པར་ངེས། མུན་པའི་གློང་དུ་འཁྱམས་པ་འདི། །ཁྱད་པར་རྨོངས་པས་ཉེས་པར་ངེས། །ཐར་མེད་འདམ་དུ་བྱིང་བ་འདི། །འདོད་སྲེད་འདུན་པ་ཉེས་པར་ངེས། །བློ་ངན་ཚ་བས་གདུང་བ་འདི། །ཚ་བའི་ལས་ཀྱིས་ཉེས་པར་ངེས། །སྡུག་བསྔལ་རི་བོས་ནོན་པ་འདི། །ང་རྒྱལ་བརྩེགས་པས་ཉེས་པར་ངེས། །འཁོར་བའི་རླུད་སྒོར་ལྷུང་བ་འདི། །ལས་ཀྱི་རླུད་གིས་ཉེས་པར་ངེས། །རང་གིས་མནར་བའི་རུ་ཏྲ་ཁྱོད། །ཡེ་ནས་རྒྱལ་བའི་སྲས་ཡིན་ན། །སྲིད་པའི་འཁོར་ལོར་ཅི་སྟེ་འཁོར། །དེས་ན་རང་གི་ལས་ཡིན་ཏེ། །སེམས་ཉིད་ནམ་མཁའ་ལྟ་བུ་ལ། །གཟུགས་སྣང་གློ་བུར་སྤྲིན་གྱིས་བསྒྲིབས། །གཟུགས་སྣང་རྟོག་པ་རྣམ་སྦྱང་ཕྱིར། ཁྲེས་རབ་བསྐལ་པའི་རླུད་གིས་གཏོར། །དག་པོ་བཀའ་བསྒོ་ལོག་པས་ཉེས། །དེ་ནས་མངོན་པའི་རི་བོ་བརྩེགས། །དེ་ནས་ཡིད་བཞིན་ནོར་བུ་བསྲེགས། །ཐ་མར་དངོས་པོ་བཞི་སྤྱད་པས། །རྣལ་འབྱོར་ཐེག་པ་ཆེན་པོའི་དོན། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །ཇི་བཞིན་མ་སྤྱད་ཕྲ་མེན་གྱིས། །ངན་འགྲོའི་ལས་ལམ་རྒྱུན་བཏགས་པས། །སྲིད་པ་ལོག་པའི་འབྲས་བུར་སྨིན། །ཨེ་མའོ་ལས་ངན་སྙིང་རེ་རྗེ། །ང་ནི་བཀའ་ཡི་ལས་མཁན་ཏེ། །བཀའ་ཡི་ལས་གྱི་དུས་བྱུང་བས། །ངན་འགྲོ་གནས་སུ་འ་ས་པ་འདི། །འཁོར་བའི་གནས་ནས་འདོན་པའི་ཕྱིར། །ལས་ངན་ལས་རྒྱུན་གཅད་པར་བྱ། །དངོས་པོར་སྨིན་པའི་སྡིག་པ་འདི། །རྡོ་རྗེ་ནམ་མཁའི་མཚོན་གྱིས་བསང་། ཁྲར་ཕྱོགས་ལམ་སྒོའི་འཇིག་རྟེན་ན། །ཡང་དག་ཐར་ལམ་གཅོད་བྱེད་པ། །འབྱུང་པོ་གཏུམ་པོ་གདོལ་པ་ཅན། ཁྱོད་ནི་དེ་བཞིན་ཉིད་ལ་སྒྲིབ། །ཡང་དག་ངེས་པའི་བློ་གྲོས་ཀྱིས། ཁུངས་བཅད་རྩད་བཅད་བདག་ལས་བྱུང་། །བདག་འཛིན་བདག་གི་རྟོག་པ་ཡི། །ཕྱིན་ཅི་ལོགས་སྟོབས་བརྩོན་འགྲུས་གྱིས། །གནས་ངན་ལེན་པའི་དེད་དཔོན་བྱེད། །དེ་ཉིད་བདག་རྟོག་ཡིན་པས་ན། །བདག་མེད་ནམ་མཁའི་སྟོབས་ཀྱིས་གཞོམ། །དབང་སྒྱུར་གནོན་པའི་ཐབས་ཆེན་དང་། །གཅོད་པ་མངོན་པའི་མཐུ་ཅན་དང་། །གཟིར་བའི་བྱིན་གྱིས་བརླབས་ཅན་གྱིས། །དུས་གསུམ་བགེགས་ཀྱི་བདག་པོ་ནོན། །ཨ་ན་ཡ། མ་ཧྭ་ཤཱ་རུ་ཏྭ། ཨ་ཀོ་ཏ་ཡ་ནཱ༷། སརྦ་བཱ་པ༷་མ་ཏང་ཁ་རུ་ཏྲ་ན༷། སརྦ་བཱ་པ༷་ཁ་ཊ༷་ཀ་རུ་ཏྲ་ན༷། ཐམས་ཅད་སྟོང་ཉིད་མ་སྐྱེས་པས། བསད་་པས་བསད་པ་མེད་པའི་ཕྱིར། །སྒྱུ་མ་སྦྱོང་བའི་ཆོས་འཕྲུལ་འདི། །སྙིང་རྗེ་ཆེན་པོའི་དམ་ཚིག་གོ །ངེས་པར་བསད་པོའི་དམ་ཚིག་འདི། །དོན་སྟོན་བསད་པ་མ་ཡིན་ཏེ། རྣམ་ཤེས་གཟུགས་བྲལ་རྡོ་རྗེར་བྱ། །དེ་ཉིད་སླར་ཕབ་དམ་ཚིག་མཆོག །རྣམ་ཤེས་ཧཱུཾ༷་གིས་བསྡུས་ནས་ནི། །ཁོ་ན་དེ་ཉིད་གཟུགས་ལ་དབབ། །སྔོན་དུ་གནས་པའི་ཚུལ་བཞིན་དུ་། །མ་ཉམས་བདེ་བ་ཆེན་པོར་སྦྱངས། །རོ་ལངས་རྡོ་རྗེ་དམ་ཚིག་འདི། །རྒྱལ་བ་ཀུན་གྱི་ཐུགས་དམ་སྟེ། །རྡོ་རྗེ་མཚོན་གྱིས་གང་བསད་པ། །སྲོག་ནི་ལོག་རྟོག་རྡོ་རྗེར་ཤི། ནམས་ཀྱང་ལྡང་བའི་དུས་མེད་པས། །སླར་སྐྱེས་བ་དག་ག་ལ་ཡོད། །རྣམ་ཤེས་གཟུགས་དག་མ་བྲལ་ན། །འཁོར་བའི་གནས་ལས་རྣམས་ཐར་འཕགས། །འཆི་མེད་རྡོ་རྗེ་བྱང་ཆུབ་སེམས། །སྟོང་ཉིད་ཡེ་ཤེས་བདུད་རྩིའི་ཆུ། །དུག་ཅེན་འཐུངས་པ་ཀུན་གྱི་གསོས། ཁྲེ་ན་ཀུན་སློང་སྨན་པའི་མཆོག །ལང་ཀའི་བདག་པོ་དེ་སྐད་ཅེས་བཀའ་སྩལ་པས། རི་ཏྲ་ནག་པོ་རྒྱུད་ཡོངས་སུ་བྱང་སྟེ་ལྷག་པའི་དོན་ངེས་པར་མཐོང་ངོ་། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྒྱུད་ཡོངས་སུས་སྦྱངས་པའི་ལེའུ་སྟེ་ཉི་ཤུ་དགུ་པའོ།། །།དེ་ནས་དེ་ཉིད་དུ་ངེས་པར་ཕྱོགས་ཕྱིར་ཞབས་ཀྱི་འཁོར་ལོ་སྤྱིར་བོས་བཏེགས་པའི་འདུན་པས་འདུན་ནས། འདི་སྐད་དུ་ཐམས་ཅད་དུ་བརྒྱུད་པ་རྣམ་པར་གྲགས་པ་སངས་རྒྱས་ཀུན་གྱི་དགོངས་པ་བསྐུལ་བ་ཞེས་བྱ་བའི་གླུ་འདིས་རྣམ་པར་བསྐུལ་ལོ། །ཨོ་ཆོས་ཀུན་རང་བཞིན་དག་པས་ན། །བདག་ཀྱང་རང་བཞིན་རྣམ་པར་དག །དེ་བཞིན་གཤེགས་པ་ཐམས་ཅད་ཀྱི། །ཐུགས་དམ་དབྱིག་མཆོག་བདག་ཉིད་ནི། །སེམས་ཅན་འབྱམ་ཀླས་མ་ལུས་ཀུན། །མཆོད་ཉིད་སྒྲུབ་པར་སྦྱོར་བས་ན། །རྒྱལ་བ་རྒྱ་མཚོ་ཀུན་འདུས་པས། སྐུ་ཡི་དབྱིག་ཏུ་བདག་སྐྱེད་ཅིག །ཡེ་ཤེས་རིན་ཆེན་དབུ་རྒྱན་མཆོག །གཟི་བརྗིད་ཕུང་པོ་བླ་ན་མེད། །སངས་རྒྱས་རིན་ཆེན་ཀུན་འདུས་པའི། །རྣམ་པར་རྒྱལ་ལ་ཕྱག་འཚལ་ལོ། །དབྱིག་གི་ཡེ་ཤེས་གཙོ་མཆོག་ཉིད། །རྡོ་རྗེ་དམ་པ་མཆོག་འཛིན་པ། །ཁྱོད་ནི་དམ་ཚིག་གཙོ་ལགས་ཀྱིས།།དབང་ཕྱུག་རྒྱལ་པོར་བདག་སྐུར་ཅིག །བདག་ནི་རྡོ་རྗེས་མངོན་དུ་དབང་བསྐུར་བས། །སངས་རྒྱས་ཀུན་གྱིས་དེང་ཉིད་བདག་དབང་བསྐུར། །བཅོམ་ལྡན་ཐམས་ཅད་མཆོག་ནི་བདག་ལགས་ཏེ། །མཆོག་ཉིད་སྒྲུབ་ཕྱིར་རྡོ་རྗེ་བླང་བར་བགྱི། །རྡོ་རྗེ་རྒྱལ་པོར་ཁྱོད་བཞུགས་པས། །སྐུ་གསུང་ཐུགས་ཀྱི་རྡོ་རྗེ་སྟེ། །རྡོ་རྗེ་དམ་ཚིག་མཆོག་ཉིད་ཀྱིས། །གྲུབ་པ་ཕུན་སུམ་དབང་བསྐུར་ཅིག །ཆོས་ཀུན་རྡོ་རྗེའི་མཚན་ཉིད་དེ། །རྡོ་རྗེ་ལ་ཡང་མཚན་ཉིད་མེད།།རྡོ་རྗེ་ལྟ་བུའི་རྣལ་འབྱོར་པས། དོན་ཀུན་རྡོ་རྗེ་ཉིད་དུ་གསལ། །འདི་ནི་སངས་རྒྱས་གསུང་དབྱངས་ཉིད། །ཡེ་ཤེས་སེམས་དཔའི་དམ་ཚིག་བསྣམས། །རྡོ་རྗེ་སེམས་དཔའི་དཀའ་ཐུབ་དམ། །རྟག་ཏུ་བདག་གིས་བཅང་བར་བགྱི། །ཨོ་རྡོ་རྗེ་སེམས་དཔའི་དམ་ཚིག་དམ་པ་སྲུང་། །ཡེ་ཤེས་སེམས་དཔའ་ཉེ་བ་ཉིད་དུ་སྤྱོན། །རིག་པའི་རྒྱལ་པོ་བདག་ལ་བརྟན་པར་དགོངས། །གསང་བའི་དབང་ཕྱུག་བདག་ཉིད་གསོ་བར་གསོལ། །རྟོགས་པ་མཆོག་སྤྱིན་བདག་ལ་དགྱེས་པ་སྐྱེད། །འདོད་པ་ཀུན་ཞེན་བདག་ལ་ཆགས་པར་མཇོད། །དང་པོ་སངས་རྒྱས་མཉན་ཉིད་ཐུགས་རྗེ་ཅན། །ལས་རྣམས་ཀུན་ལ་བདག་སེམས་དགེ་བར་སྒྱུར། །དུས་གསུམ་བདེར་གཤེགས་བདག་གནས་ཐམས་ཅད་དུ། །རྡོ་རྗེ་ཅན་དང་དམ་ཚིག་སེམས་དཔར་བསྒྲུབས། །དེབཞིན གཤེགསཔདགྱེས་པ་དགྱེས་པ་ཀྱེ། །རྡོ་རྗེ་བདག་ཡང་གཏན་དུ་མ་བཏང་ཞིག །སྐྱེ་རྡོ་རྗེ་ཆོས་དབྱིངས་ཀུན་གྱིས་གཙོ། །མི་གནས་ཆགསཔཆེནམོསྟེ། །མལུས་ཀུན་གྱི་འབྱུང་གནས་མཆོག །བདེ་བ་མཆོག་གི་དམ་པ་ལགས། །ཁྱོད་ནི་དམ་ཚིག་ཀུན་གྱི་གཙོ། །རྡོ་རྗེ་སེམས་དཔའ་སྐྱེད་མཛད་མ། །སེམས་ཅན་དོན་བསྒྲུབས་ཕྲིན་ལས་ལ། །ཐུགས་རྗེ་༷མཉམ་སྦྱོར་གྲུབ་པར་མཛོདསངས་རྒྱས་ཡོན་ཏན་ཀུན་འབྱུང་ཕྱིར། །རིན་ཆེན་རྡོ་རྗེ་བླ་ན་མེད། །རྡོ་རྗེ་ཆོས་ཀྱི་གླུ་བླངས་པོས། །ལས་ཀྱི་རྡོ་རྗེ་བྱེད་གྱུར་ཅིག །ས་མ་ཡ་ཧོ་ཞེས་དམ་ཚིགཉེ་བར་བླངས་སོ། ས་མ་ཡ་སྙོ། ཞེས་དམ་ཀུན༷་དུ་བཅས་སོདེ་ནས་ཡང་དག་དངོས་མིན་པའི། །རྡོ་རྗེ་སྨེ་བ་བརྩེགས་པའི་སྲས། །བདུད་འདུལ་རྡོ་རྗེ་སྲིན་པོ་དེས། རྡོ་རྗེ་ཤུགས་ཀྱི་དམ་པ་བྱིན། ཧཱུཾ༷་ཧཱུཾ༷་ཧཱུཾ༷་བུ་ཤྭ་བཛྲ་ཀྲོ་དྷ་ཛ་ལ་མཎ་ཌ་ལ་ཕཊ་ཕཊ་ཧ་ལ་ཧ་ལ་ཧལ་རོ་ཞེས་གདུལ་སྦྱོང་དྲག་པོའི་དཀྱིལ་འཁོར་དུ་སྦྱངས་སོ། །ཏ་ཀེ་ཏ་ཀེ་ཕཊ། ཧ་ལ་ཧ་ལ་ར༷། ཏིཀྟ་ཏི་སྟོ་ཁ༷་ཀྲོ་དྷཀྲོ་དྷ་ཡ༷་ཞེས་དངོས་པོ་ཐམས་ཅད་སྟོང་པར་བྱངས་སོ། །ཨོ་ཞེས་རང་བཞིན་ལྷུན་གྱིས་གྲུ༷ བ་པའི་དཀྱིལ་འཁོར་དུ་བཅུག་གོ་།་ །མུ༷་ཞེས་ཡེ་ཇི་བཞིན་པའི་དཀྱིལ་འཁོར་དུ་བཞུགས་སོ། །ཧཱུཾ༷་ཞེས་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་གནས་སོ། །ཨ་དན་ཏི། ན་ར་གན་ཏེ། བ་རི་ཧྲིད་ཡེ། ནཱ་མ་བསྟི་ནཱ། ས་མ་ཡ་རཀྟ་སི། སི་ཏི་པི་ན་བཛྲ། ཨ་མྲི་ཏོ་ཏ་ཀ༷་ཞེས་དམ་ཚིག་དམ་པ་བྱིན་ནོ། །ཨོ་ཨུ༷༷ཧཱུཾ༷་ཞེས་སྐུ་གསུང་ཐུགས་ཀྱི་བྱིན་རླབས་དམ་པར་བྱིན་ནོ། །ཨོ་བཛྲ་ཨ་མྲི་ཏ། ཨེ་རྒྱེ་ཧི་སརྦ་མ་ན་ཧཱུཾ༷་སྙི་ཐ་ཞེས་དབང་དམ་པ་བྱིན་ནོ། །དེ་ནས་ཡང་ལས་ཀྱི་སྲིན་པོ་དེས་རང་གི་རིས་ཀྱི་ལྷ་ལ་གསོལ་པ་བཏབ་པ། སྔོན་ཚེ་གོང་ནས་འབྲེལ་བ་ཡི། བདག་གི་ཉེ་གནས་གང་ལགས་པ། ལས་འཕྲོ་དང་ནི་ཐུགས་རྗེ་ཡིས། ད་ལྟ་ཉིད་དུ་འབབ་པར་ཤོག ཅེས་བསྐུལ་བས། དཔལ་རྡོ་རྗེ་སེམས་དཔའ་ནམ་མཁའི་དབྱིངས་ནས་ཉི་མའི་དཀྱིལ་འཁོར་ཧཱུཾ༷་གི་སྙིང་པོ་འོད་ཟེར་དང་བཅས་པས་ཁོ་ན་ཉིད་ཀྱི་སྙིང་གར་ཐིམ་པས་རང་གི་རིས་དམ་པ་ཉིད་དུ་ངེས་པར་གྱུར་ཏོ། །ཧ༷་ཞེས་མཐོང་ན་ཡོངས་སུ་དག་སྟེ་ཐམས་ཅད་མ་འདྲེས་པ་དང་ཡོངས་སུ་རྫོགས་པར་མཐོང་ངོ་། །རྡོ་རྗེ་ཞེས་མིང་བཏགས་ནས། རྡོ་རྗེ་ཐེག་པའི་གསང་སྒོར་བཞག་གོ །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སངས་རྒྱས་ཀུན་གྱི་དགོངས་པ་བསྐུལ་བའི་ལེའུ་སྟེ་སུམ་ཅུ་པའོ།། །།དེ་ནས་ལས་ཀྱི་སྲིན་པོ་དེའི་ཉེ་གནས་འདུས་པའི་ཚོགས་ཕལ་པོ་ཆེ་རྣམས་རང་རང་གི་ལས་དག་པ་དང་། སངས་རྒྱས་མང་པོར་མཐོང་བ་དང་། བྱིན་རླབས་ཀྱི་འོད་ཟེར་གྱིས་རྒྱུད་སྦྱངས་པས་ལས་དང་ལས་ཀྱི་རྣམ་པར་སྨིན་པའི་རྒྱུད་དང་། སྐྱེ་བ་སྔ་ཕྱི་མཐའ་ཡས་པ་དུས་གཅིག་ཏུ་གཤེགས་པར་འགྱུར་ཏེ། ཐེ་ཚོམ་ཆད་པའི་སྒོ་ནས་དབང་ཕྱུག་ཆེན་པོ་ལ་སོགས་པ་ལྷ་ཆེན་པོ་རྣམས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། གར་གྱི་དབང་ཕྱུག་གསན་ཅིང་དགོངས་སུ་གསོལ། བདགཅགརུཏྲའིམཐའལཞེནཔརྣམས། །ལུས་དང་ལས་ཀྱི་འཁོར་བའི་དྲ་བ་འདི། །བཀའ་ཡི་གཏན་ཚིགས་ཞི་མོས་མ་བཀྲོལ་ཞིང་། ཁྲེས་རབ་ཟབ་མོ་དམིགས་བུས་མ་ཕྱེ་བས། །རང་རིག་ཡེ་ཤེས་བློ་དང་མི་ལྡན་ཞིང་། ངེས་པར་ལེགས་པའི་གྲོས་ཀྱིས་མ་ཆོད་དེ། །གར་ཐབས་གློག་གི་ཞགས་པས་མ་ཟིན་པས། །རྣམ་ཤེས་ལས་ཀྱི་རྒྱ་མཚོའི་དབས་བསྒྲིབས་ཏེ། །དེ་ཉིད་དེ་བཞིན་ཉིད་དུ་ངོ་མ་འཚལ། །གཏི་མུག་རང་སེམས་བདག་ཏུ་བཟུང་བས་ནོངས། ཁེན་ཏུ་འཀྱོད་པས་གནོང་བའི་ཙུལ་བཟུང་བས། །དཔའ་བོ་ཆེན་པོ་ཁྱོད་ལ་སྐྱབས་སུ་མཆི། །དངོས་པོ་སྦྱང་ཕྱིར་བདག་ལུས་གདན་དུ་དབུལ། །ཐམས་མཁས་ཐུགས་རྗེས་ལུས་འདི་བཞེས་སུ་གསོལ། །ཞེས་རང་གི་ལུས་ཞབས་ཀྱིས་གདན་ཁྲིར་ཕུལ་ལོ། དེ་ནས་འགྲི་ན་ནག་པོ་ལ་སོགས་པ་ཀླུ་ཆེན་པོ་རྣམས་ཀྱིས་ངུས་སྨྲེས་ཏེ་གསོལ་པ། གཟི་བརྗིད་རྒྱལ་པོ་མངའ་བདག་དགོངས་སུ་གསོལ། །སྲིད་པའི་དྲ་བར་འ་ས་པ་བདག་ཅག་རྣམས། །བཅིང་པ་ལྔ་ཡིས་ཀུན་ཏུ་བཅིངས་གྱུར་པ། །སུས་ཀྱང་མ་བཅིངས་བཅིང་བར་བྱེད་མེད་དེ། །བདག་ཏུ་འཛིན་པའི་རྣམ་རྟོག་ལས་ཀྱིས་བཅིངས། །སྣ་ཚོགས་ལུས་དང་འདུ་ཤེས་གནས་ལ་སོགས། །བདག་འཛིན་གྲོང་ཁྱེར་གསུམ་གྱི་བཙོན་ར་འདིར། །འཁོར་བའི་བཙོན་ཆས་རྣམ་ཤེས་བཅིངས་པ་ལ། །བདག་ཏུ་འཛིན་པའི་མདུད་པ་མ་བཀྲོལ་བས། །ཀུན་དུ་བཅིངས་པའི་མདུད་པ་རྒྱུན་མི་ཆད། །མི་ཤིགས་དགྲོལ་བར་དཀའ་ཡི་སྡུག་བསྔལ་ལས། །ཐུགས་རྗེའི་མདུད་གྲོལ་ཐབས་ཀྱིས་དགྲོལ་དུ་གསོལ། །ཞེས་ལུས་སྐུའི་རྒྱན་དུ་ཕུལ་ལོ། །དེ་ནས་སྟིན་པོའི་རྒྱལ་པོ་ཤ་ཏྲང་གསེང་བུ་ལ་སོགས་པ་རྣམས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། དཔལ་པོ་སྒེག་པོ་ཆེན་པོ་དགོངས་སུ་གསོལ། །མྱ་ངན་གླིང་དུ་འཁྱམས་པའི་བདག་ཅག་རྣམས། །མེ་ཆེན་འབས་བས་གདུངས་ཤིག་སྲེག་འགྱུར་བ། སུས་ཀྱང་མ་བསྲེགས་སྲེག་པར་བྱེད་མེད་དེ། །མི་ཟད་རྣམ་སྨིན་དྲག་པོ་ཉིད་ལས་བྱུང་། །ཞེས་སྡང་འབར་བས་རང་རྒྱུད་བསྲེགས་པ་ལ། བདག་འཛིན་ཁོང་ནས་འབར་པ་མ་སད་པས། །ཀུན་ཏུ་སྲེག་ཅིང་གདུང་པ་རྒྱུན་མི་འཆད། །མི་ཟློགས་ཞི་བར་དཀའ་བའི་སྡུག་བསྔལ་ལས། །ཐུགས་རྗེ་བསིལ་བའི་ཆར་རྒྱུན་དབབ་དུ་གསོལ། །ཇི་ལྟར་ཁབ་ལེན་རྡོ་ལ་ལྕགས་འདུ་ལྟར། །དེང་བས་བཟུང་སྟེ་དཔའ་བོའི་འབངས་སུ་མཆི། །ཞེས་སོ་སོའི་ཐོད་པ་ཁྲག་གིས་བཀང་བ་བསྟབས་སོ། །དེ་ནས་ལོ་སྲེད་ཅན་གྱི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། ཀུན་སྣང་མུན་ཟེར་སྒྲོན་མ་དགོངས་སུ་གསོལ། །མུན་ནག་སྨག་ཏུ་འཁྱམས་པ་བདག་ཅག་རྣམས། །ལམ་ནོར་ལམ་སྟོར་ཀུན་དུ་འཐོམས་འགྱུར་ཏེ། །སུས་ཀྱང་མ་བཀག་འགོག་པར་བྱེད་མེད་དེ། །བདག་ཏུ་རྨོངས་པའི་མ་རིག་མུན་པས་བསྒྲིབས། །རྣམ་ཤེས་གཏི་མུག་མུན་པས་འཐིབས་པ་ལ། །བདག་ཏུ་རྨོངས་པས་མུན་པ་མ་བསལ་བས། །ཀུན་ནས་བསྒྲིབས་པའི་མུན་ནག་རྒྱུན་མི་འཆད། །སྨག་ཆེན་སངས་པར་དཀའ་བའི་སྡུག་བསྔལ་ལས། །མཁྱེན་རབ་གསལ་བའི་སྒྲོན་མ་བསྟན་དུ་གསོལ། །ཞེ་སྐྱབས་དམ་པར་དོང་ངོ་། །དེ་ནས་མི་དང་མི་མ་ཡིན་པའི་ཚོགས་ཀྱང་ཤིན་ཏུ་་ངུས་ནས་སྨྲེས་ཏེ་གསོལ་པ། ཐབས་མཁས་ཐུགས་རྗེ་སྨྲན་པ་དགོངས་སུ་གསོལ། །གྲོང་ཁྱེར་གསུམ་དུ་འཁྱམས་པ་བདག་ཅག་རྣམས། །འཁོར་བའི་གཅོང་རྙིང་ནད་ཀྱིས་ཟིན་གྱུར་པ། སུས་ཀྱང་མ་བཟུང་འཛིན་པར་བྱེད་མེད་ད་།་ ་།་བདག་འཛིན་ཉོན་མོངས་མ་རིག་ནད་ཀྱིས་བཟུང་། །ཟུག་རྔུ་བཟོད་དཀའ་རྣམ་ཤེས་གཟིར་བ་ལ། དངོས་པོར་འཛིན་པའི་གཅོང་རྙིང་མ་སྦྱངས་པས། །ཀུན་ནས་གདུང་བའི་ཟུག་རྔུ་་ན་མི་འཆད། །་ཐར་མེད་འཆོ་བར་དཀའ་བའི་སྡུག་བསྔལ་ལས། །ཐབས་མཁས་ཐུགས་རྗེའི་སྨན་གྱིས་སྦྱང་དུ་གསོལ། །ཞེས་ལུས་འབངས་སུ་ཕུལ་ལོ། །དེ་ནས་གནོད་སྤྱིན་གྱི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། ཐབས་མཁས་ཐུགས་རྗེ་གྲུ་གཟིངས་དགོངས་སུ་གསོལ། །འཁོར་བའི་རྒྱ་མཚོར་འཁྱམས་པ་བདག་ཅག་རྣམས། །སྡུག་བསྔལ་དབའ་རླབས་འཇིངས་སུ་བྱིང་གྱུར་པ། སུས་ཀྱང་མ་མནན་གནོན་པར་བྱེད་མེད་དེ། །རྣམ་རྟོག་དངོས་པོར་འཛིན་པའི་རི་བོས་མནན། ལས་ཀྱི་ཆུ་བོས་འཁོར་བར་གཡེངས་པ་ལ། །དངོས་པོར་འཛིན་པའི་རྐ་མགོ་མ་བསྒྱུས་བས། །ལས་དབང་དྲག་པོ་ཆུ་བོ་རྒྱུན་མི་འཆད། །མི་ཐར་འབོག་པར་དཀའ་བའི་སྡུག་བསྔལ་༄༅ ལས། །ཐབས་མཁས་ཐུགས་རྗེའི་གྲུ་ཡིས་བསྒྲལ་དུ་གསོལ། ཞེས་སྐྱབས་དམ་པར་དོང་། དེ་ནས་འབྱུང་པོའི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། རང་འབྱུང་བདུད་རྩིའི་རྒྱལ་པོ་དགོངས་སུ་གསོལ། །དུག་ཆེན་གླིང་དུ་འ་ས་པར་བདག་ཅག་རྣམས། ཀུན་ནས་སྨྱོས་པ་མྱོས་ཤིང་ཉམས་གྱུར་པ། སུས་ཀྱང་མ་སྦྱར་སྦྱོར་བར་བྱེད་མེད་དེ། །ཕྱིན་ཅི་ལོག་ཏུ་ལྟ་བའི་དུག་གིས་མྱོས། །དུག་ཆེན་ནད་ཀྱིས་རྣམ་ཤེས་གཟིར་བ་ལ། །ཁོང་ནས་འཁྱིལ་བའི་དུག་རྩ་མ་བཅད་པས། །དུག་ནད་འབར་བའི་སྡུག་བསྔལ་རྒྱུན་མི་འཆད། །མི་ཟད་བཟོད་པར་དཀའ་བའི་སྡུག་བསྔལ་ལ། །རང་འབྱུང་དག་པའི་བདུད་རྩིས་བྱུག་ཏུ་གསོལ། །ཞེས་སྐྱབས་དམ་པར་དོང་ངོ་། །དེ་ནས་ཡང་རྡོ་རྗེ་སྲིན་པོ་དེས་བཀའ་སྩལ་པ། ཡིན་ནོ་ལེགས་སོ་རིགས་ཀྱི་བུ། །རུ་ཏྲ་དག་གི་ཁྱོད་རེ་འཁོར། །རུ་ཏྲ་དག་གིས་ཁྱོད་རེ་འཚོག །བདག་ཏུ་འཛིན་པས་ཁྱོད་རེ་འཁོར། །བདག་ཏུ་འཛིན་པས་ཁྱོད་རེ་འཚོག །ཞེས་སྡང་དག་གིས་ཁྱོད་རེ་འཁོར། །ཞེ་སྡང་དག་གིས་ཁྱོད་རེ་འཚོག །གཏི་མུག་དག་གིས་ཀྱོད་རེ་འཁོར། །གཏི་མུག་དག་གི་ཁྱོད་རེ་འཚོག །འདོད་ཆགས་དག་གིས་ཁྱོད་ཏེ་འཁོར། །འདོད་ཆགས་དག་གིས་ཁྱོད་རེ་འཚོག །ཆུ་བོ་བཞི་ཡིས་ཁྱོད་རེ་འཚོག །ཆུ་བོ་བཞི་ཡིས་ཁྱོད་རེ་འཚོག །ལོག་པའི་ལྟ་བས་ཁྱོད་རེ་འཁོར། །ལོག་པའི་ལྟ་བས་ཁྱོད་རེ་འཚོག །ཇི་ལྟར་ཁྱོད་ནི་ཐམས་ཅད་དུ། །ཡེ་ནས་རྒྱལ་བའི་སྲས་ཡིན་ན། །གྲོང་ཁྱེད་གསུམ་དུ་ཅི་སྟེ་འཁོར། །རང་རང་རྣམ་རྟོག་ལས་ཁོ་ནའོ། །ལས་ཀྱི་རྒྱ་མཚོ་དཔའ་རླབས་དང་། བདག་ཏུ་འཛིན་པའི་མདུད་པ་དང་། ཁོང་ནས་འབར་བའི་མེ་ཆེན་དང་། །ཀུན་ནས་འཐིབས་པའི་མུན་ནག་དང་། །དངོས་པོར་རྟོག་པའི་གཅོང་རྙིང་དང་། །རྣམ་པར་གཡེང་བའི་ཆུ་བོ་དང་། །ཁོ་ནས་འཁྱིལ་བའི་དུག་རྩ་རྣམས། །རང་བྱུང་རྡོ་རྗེ་མ་བྱས་ན། །གཞན་ལ་རེ་གསོལ་གདུང་སྨྲེས་པ། ཆུ་འདོད་སྨིག་རྒྱུ་སྙེགས་པ་འདྲ། །གང་འདིར་ཉིད་བདེར་མ་སྦྱར་ན། །གཞན་གྱིས་བདེ་བར་ག་ལ་འགྱུར། ཡེ་ནས་བདེ་བར་གནས་བཞིན་དུ། །ད་གདོད་གང་དུ་བདེ་ཚོལ་བ། །བཙའ་བབས་རྙེད་པར་ཡོང་མི་འགྱུར། །སྡུག་བསྔལ་ཉིད་ལ་མངོན་པར་རྒྱུ། །འོ་མ་དག་ལས་མར་བྱུང་བ། །དེ་ཉིད་ཡེ་ནས་མར་མེད་པ། །ཐབས་མཆོག་དཔག་མེད་རྒྱལ་བས་ཀྱང་། །བསྲུབས་པ་མ་གཏོགས་དེ་མི་རྙེད། །དེ་བཞིན་རང་གི་དེ་ཉིད་ལས། །བཙལ་ཀྱང་རྒྱལ་བས་མི་བརྙེས་ན། །ཁྱེད་ཅི་གཞན་ལས་བདེ་འདོད་དམ། །མི་ཤེས་བློ་ཆུང་སྙིང་རེ་རྗེ། །ཞེས་བཀའ་སྩལ་པ་དང་། །ལང་ཀའི་བདག་པོ་དབང་ཕྱུག་ཆེན་པོ་ལ་སོགས་པ་འདུས་པ་ཕལ་པོ་ཆེའི་ཚོགས་ཀྱིས་གསོལ་པ། ཀྱེ་སྐྱེས་བུ་ཆེན་པོ་བདག་ཅག་རྣམས་རང་རང་གི་དེ་ཁོ་ན་ཉིད་བལྟ་བར་འཚལ་ན། །དེ་ཇི་ལྟར་ཡོངས་སུ་བལྟ་བར་བགྱི་ཞེས་གསོལ་པ་ལས་སྐྱེས་བུ་་ཆེན་པོ་དེས་བཀའ་སྩལ་པ་།་ ཀྱེ་འདུས་པའི་ཚོགས་རྒྱལ་བའི་སྲས་རྣམས་རང་རང་གི་དེ་ཁོ་ན་ཉིད་མཐོང་བར་འདོད་ན་དཀྱིལ་འཁོར་ཆེན་པོ་གསུམ་གྱི་སྒོ་འབའ་ཞིག་ཏུ་འཇུག་པར་བྱའོ། །དེ་ཡང་རྩ་བ་བྱང་ཆུབ་སེམས་ཀྱི་སེམས་ཀྱི་དཀྱིལ་འཁོར་འབའ་ཞིག་གི་སྒོར་འཇུག་པར་བྱའོ། །དེ་ཅིའི་ཕྱིར་ཞེ་ན། དཀྱིལ་འཁོར་ཆེན་པོ་གསུམ་ངང་རང་རང་གི་དེ་ཁོ་ན་ཉིད་སོ་སོ་མ་ཡིན་ཐ་མི་དད་དོ། །དེ་ཡང་རྩ་བ་བྱང་ཆུབ་སེམས་ཀྱི་དཀྱིལ་འཁོར་དུ་འདུས་པའི་ཕྱིར་རོ། །དེ་སྐད་ཅེས་བཀའ་སྩལ་པ་ལས། འདུས་པ་ཆེན་པོའི་ཚིགས་ཀྱིས་གསོལ་པ། དཔའ་བོ་ཆེན་པོ་བདག་ཅག་དཀྱིལ་འཁོར་གསུམ་དུ་གཞུག་ཏུ་གསོལ། །སྐྱེས་བུ་ཆེན་པོ་ཡང་དག་པར་གཞུག་ཏུ་གསོལ་པ། དེ་སྐད་ཅེས་གསོལ་པ་ལས། སྐྱེས་བུ་ཆེན་པོ་དེས་བཀའ་སྩལ་པ། རྣལ་འབྱོར་འཇུག་པའི་བྱིས་པ་ཁྱེད། །འཇིག་རྟེན་དྲུག་ལས་དྲངས་ནས་ཀྱང་། །འདས་དང་མ་འདས་ས་མཚམས་ཀྱི། །འགྱུར་དབང་མ་ངེས་ས་ལ་གཞག །ཅེས་གསུངས་སོ། །དེ་ནས་འདུས་པའི་ཚོགས་ཀྱིས་འདི་སྐད་གསོལ་ཏོ། །དཔའ་བོ་ཆེན་པོ་དགོངས་སུ་གསོལ། །བདག་ཅག་སྐལ་ལྡན་འདུས་པའི་ཚོགས། །སྒོ་འདིར་འཇུག་པར་འཚལ་ལགས་ན། །རྒྱལ་བའི་སྲས་སུ་གཟུང་དུ་གསོལ། །ཞེས་གསོལ་པ་ལས། །སྐྱེས་བུ་ཆེན་པོས་བཀའ་སྩལ་པ། །སྐལ་ལྡན་འདུས་པའི་ཚོགས་ཆེན་ཁྱེད། །བདེ་བར་འོངས་སོ་ལེགས་པར་འོངས། །གྲུབ་པ་ལུང་གི་གསང་སྒོ་འདིར། །སུ་དག་འོངས་པར་སླར་མི་ལྡོག །ཅེས་གསུངས་སོ། །དེ་ནས་འདུས་པའི་ཚོགས་དེ་དག་བྱང་ཆུབ་ཏུ་འགྱུར་བའི་ལྟར་བའི་སེམས་་འདི་ལྟ་སྐྱེས་སོ། །བདག་ཅག་མཐའ་ཡས་སེམས་ཅན་རྣམས། །དོན་གྱི་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལ། །བྱང་ཆུབ་མཆོག་ཏུ་སེམས་བསྐྱེད་དོ། །སེམས་ཉིད་སངས་རྒྱས་ཡིན་པ་ལས། །མུན་པས་བསྒྲིབས་པས་དེ་མ་ཤེས། །བྱང་ཆུབ་སེམས་ཀྱི་ལམ་འདི་ནས། །སངས་རྒྱས་ས་ལ་འཇུག་པར་བགྱི། །ཞེས་གསོལ་ཏོ། །དེ་ནས་ཡང་འདུས་པའི་ཚོགས་རྣམས་ཀྱིས་གསོལ་པ། །བདེ་ཆེན་ལྷུན་གྲུབ་གཞལ་ཡས་འདིར། །རྣམ་པར་ཐར་པའི་སྒོ་བཞིན་ནས། །ཚད་མེད་ཐུགས་རྗེའི་སྒོ་ཕྱེ་ནས། །བྱམས་པའི་ཞལ་བསངས་བསྟན་ཏུ་གསོལ། །ཞེས་གསོལ་ཏོ། །དེ་ནས་སྐྱེ་བུ་ཆེན་པོ་དེས་འདི་སྐད་ཅེས་བཀའ་སྩལ་ཏོ། །ཨེ་མའོ་སྐལ་ལྡན་འདུས་པའི་ཚོགས། །འཁོར་བའི་ལམ་སྒོ་ཀུན་བཅད་དེ།བྱང་ཆུབ་ལམ་ལ་གཟུང་བའི་ཕྱིར། རྡོ་རྗེ་གསང་སྒོ་དབྱེ་བར་བྱ། །ཞེས་གསུངས་ཏེ་ཞལ་འཛུམ་པའི་མདངས་ལས་འོད་ཟེར་ཕྱུང་བས་དོན་ལ་ངེས་པར་འཇུག་པའི་སྒོ་བྱེ་བར་གྱུར་ཏོ། །དེ་ནས་འདུས་པའི་ཚོགས་རྣམས་མགུ་ཞིང་རངས་པའི་སྒོ་ནས་རྣལ་འབྱོར་དུ་རྣམ་པར་འདུན་ནས་འདི་སྐད་ཅེས་གསོལ་ཏོ། །ཕོ་བྲང་རྨད་འབྱུང་གཞན་ཡས་ནས། །རྒྱལ་བ་རྒྱ་མཚོ་ཀུན་བཞུགས་ལ། །རྣལ་འབྱོར་ངེས་པར་ལྷག་པར་མོས རྡོ་རྗེ་གདུང་ལ་སྐྱབས་སུ་མཆི། །ཞེས་གསོལ་ལོ། །དེ་ནས་ཡང་འདུས་པའི་ཚོགས་ཀྱིས་འདི་སྐད་ཅེས་གསོལ་ཏོ། །ཐོག་མ་མེད་པའི་དུས་མཐའ་ནས། །མ་རིག་ལོག་རྟོག་དབང་གིས་ན ། །སྡིག་པ་བགྱིས་པ་ཅི་མཆིས་པ། དེ་དག་ཐམས་ཅད་སོ་སོར་བཤགས། ཞེས་གསོལ་ཏོ། །ཡང་འདུས་པའི་ཚོགས་དེ་དག་གིས་འདི་སྐད་ཅེས་གསོལ་ཏོ། །རིག་འཛིན་རྡོ་རྗེ་རྒྱལ་བ་ཡིས། །འཁོར་བ་ཇི་ལྟར་བསྒྲལ་བར་ལྟར། །བདག་ཅག་རབ་ཏུ་བསྒྲལ་བའི་ཕྱིར། རྡོ་རྗེ་ཉི་མ་སྩལ་དུ་གསོལ། །ཞེས་གསོལ་ཏོ། །དེ་ནས་སྐྱེས་བུ་ཆེན་པོས་བཀའ་སྩལ་པ། ཁྱེ་ནི་དགའ་བ་ཅི་ལ་དགའ། ཁྱེད་ནི་དད་པ་ཅི་ལ་དད། །ཁྱེད་ནི་མོས་པ་ཅི་ལ་མོསཁྱེད་ནི་འདོད་པ་ཇི་ལྟ་བ། །དེ་སྐད་ཅེས་བཀ་སྩལ་པ་དང་། འདུས་པའི་ཚོགས་ཀྱིས་གསོལ་པ། བདག་ཅག་སྐལ་ལྡན་བདེ་ཆེན་པོ། །རབ་དགྱེས་སེམས་ལ་བདག་ཅག་དགའ། །མཆོག་ཉིད་དོན་ལ་བདག་ཅག་དང་།ཨེ་མའོ་བདེ་མཆོག་དགའ་ཚལ་འདིར། །སངས་རྒྱས་མཛད་དཀའ་སྤྱད་ནས་ནི། །འགྲོ་བ་ཐམས་ཅད་བསྒྲལ་བར་མོས། །ཞེས་གསོལ་ཏོ། །ཡང་འདུས་པའི་ཚོགས་ཀྱིས་གསོལ་པ། རྒྱལ་མཆོག་སྐྱེས་བུ་ཁྱེད་ཅི་འདྲ།དེ་འདྲ་ཁོ་ནར་སྤྱད་པར་བགྱི། །སྤྱོད་པས་བསམ་རྒྱས་རྨད་འབྱུང་བ། །འགྲོ་ལ་ཕན་པའི་དོན་དུ་སྤྱད། །འཁོར་བའི་མཐའ་རིངས་འཇིག་རྟེན་པ། །མ་བསྒྲ་བ་ནི་བསྒྲལ་བར་བགྱི། །མ་གྲོལ་བ་ནི་གྲོལ་བར་བགྱི། །དབུགས་མ་ཕྱུང་བ་དབུགས་ཕྱུང་སྟེ། །མྱང་ངན་འདས་པའི་ཞིང་ཁམས་སུ། །སྙིང་པོར་བྱང་ཆུབ་ཉིད་དུ་སྦྱར། །ཞེས་གསོལ་ཏོ། །དེ་ནས་ཡང་འདུས་པའི་ཚོགས་ཀྱིས་དམ་ཚིག་བསྐུལ་བར་གསོལ་པ། མི་ཕྱེད་གསང་བའི་རྣལ་འབྱོར་པ། །གཉིས་མེད་དོན་གྱི་དབྱིངས་ལས་བྱུང་། །དབྱིངས་ནི་མི་འཇིག་རྡོ་རྗེ་སྟེ། །འདུ་འབྲལ་མེད་པ་གཅིག་པས་ན། །གསང་བ་གསུམ་གྱི་དབྱིངས་ཉིད་དུ། །གཉིས་སུ་མེད་པར་ནན་ཏན་མཛོད། །ཅེས་གསོལ་ཏོ། །དེ་ནས་སྐྱེ་བུ་ཆེན་པོ་དེས་བཀའ་སྩལ་པ། རྡོ་རྗེ་ཅན་གྱི་རྣལ་འབྱོར་ཁྱེད། །རྡོ་རྗེ་ཅན་དུ་གཅིག་ངེས་ན། །གསང་བ་གསུམ་དུ་མཉམ་པའི་ཕྱིར། །མ་ཕྱེད་རྡོ་རྗེ་དམ་ཚིག་སྤྱིན། །མི་ཕྱེད་རྡོ་རྗེ་དམ་ཚིག་ནི་།་ ་།་གསང་བ་གསུམ་གྱི་དབྱིངས་ནས་ཕྱུང་། །དཀྱིལ་འཁོར་གསུམ་གྱི་དམ་ཚིག་ནི། ཁྲུབ་ན་འཇིགས་པའི་དུས་མེད་དོ། །ཞེས་བཀའ་སྩལ་ཏོ། །ཡང་འདུས་པའི་ཚོགས་གྱིས་གསོལ་པ། །འདུ་འབྲལ་མེད་པའི་ཆོས་ཀྱི་སྐྲུན། །རིག་མི་མཐུན་ཡང་དམ་ཚིག་གཅིག །འདའ་བར་བཀའ་བས་བསྡུས་པས་ན། །དམ་ཚིག་ཅན་དུ་ནན་ཏན་མཛོད། །ཅེས་གསོལ་ཏོ། །དེ་ནས་ཡང་སྐྱེས་བུ་ཆེན་པོ་དེས་ཡང་འདི་སྐད་ཅེས་བཀའ་སྩལ་ཏོ།གསང་བ་གསུམ་གྱི་དམ་པ་རྣམས། །ཁྱེད་ཀྱིས་རབ་ཏུ་བསླུས་གྱུར་ན། །དེ་ཀུན་ཁྲེས་ནསཁྲགཆེནཔོ། །ཉམསཔའི་སྙིང་ནས་དྲངས་ཏེ་འཐུང་། །ཞེས་དམ་ཚིག་དམ་པ་བྱིན་ནོ། །དེ་ནས་ཡང་སྐྱེས་བུ་དམ་པ་དེས་བཀའ་སྩལ་པ། །མ་འོངས་སངས་རྒྱས་བློ་གྲོས་ཁྱོད། །བླ་མེད་ཡེ་ཤེས་བསྐྱེད་པའི་ཕྱིར། །རྒྱུད་སྦྱོང་གསང་བ་གསུམ་དུ་བཞུགས། །རང་གི་མེ་ལོང་ཉིད་ལ་ལྟོས། །གནས་གསུམ་ཉིད་དུ་བཀོད་པ་ཡི། །གསང་ཆེན་གསང་བ་རབ་གསང་བ། །མཐོང་བས་དེ་བཞིན་ཉིད་དུ་འགྱུར། །གཞན་མིན་རང་བྱུང་དེ་ཁོ་ན། །བློ་ཆུང་རྣམས་ལ་མ་སྨྲ་ཤིག །གལ་ཏེ་སྨྲས་པར་གྱུར་ན་ནི། །ཐ་ཚིག་དྲག་པོས་ཉམས་གྱུར་ནས། །མེ་ཆེན་འབར་བའི་གནས་སུ་སྲེག །ཅེས་དམ་ཚིག་དམ་པ་བསྒྲགས་སོ། །ལང་ཀའི་བདག་པོ་འདུས་པའི་ཚོགས་དེ་དག་འདི་ལྟར་གསང་བ་གསུམ་གྱི་དམ་པར་བཞུགས་པ་དེའི་ཚེ་དེའི་དུས་ན་ལ་ལ་ནི་འདུན་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ། །ལ་ལ་ནི་རིགས་ཆེན་འབྱེད་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ། །ལ་ལ་ནི་དབུགས་ཆེན་འབྱིན་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ། །ལ་ལ་ནི་ལུང་ཆེན་པོ་ཐོབ་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ། །ལ་ལ་ནི་གྲལ་ཆེན་རྫོགས་པའི་རྣལ་འབྱོར་ལ་གནས་པ་ཤ་དག་ཏུ་གྱུར་ཏོ། །དེ་ལྟར་ན་དེའི་ཚེ་དེའི་དུས་ཉིད་ན་འདུས་པའི་ཚོགས་ཕལ་མོ་ཆེ་དེ་དག་ནི་རྡོ་རྗེ་མིང་གིས་དབང་བསྐུར་བས་དབང་བསྐུར་ཏེ། །ལ་ལ་ནི་རྡོ་རྗེ་མྱུ་གུ་ཞེས་བྱ་བར་གྲགས་པར་གྱུར་ཏོ། །དེ་བཞིན་དུ་ལ་ལ་ནི་ཆོས་ཀྱི་མྱུ་གུ་ཞེས་བྱ་བར་གྲགས་སོ། །ལ་ལ་ནི་རིན་ཆེན་མྱུ་གུ་ཞེས་བྱ་བར་གྲགས་སོ། །ལ་ལ་ནི་ཟླ་བའི་རྩ་བ་ཞེས་བྱ་བར་གྲགས་སོ། །ལ་ལ་ནི་ཉི་མའི་མདངས་ཞེས་བྱ་བར་གྲགས་སོ། །ལ་ལ་མི་སེང་གེའི་རྩལ་ཞེས་བྱ་བར་གྲགས་སོ། །ལ་ལ་ནི་ནམ་མཁའི་རྡོ་རྗེ་ཞེས་བྱ་བར་གྲགས་སོ། །དེ་དག་ལས་མ་རུངས་པ་ཁ་ཅིག་ནི་ལ་ལ་ནི་རྡོ་རྗེ་སྤྱང་ཀི་ཞེས་བྱ་བར་གྲགས་སོ། །ལ་ལ་ནི་རྡོ་རྗེ་དུས་མཚམས་ཞེས་བྱ་བར་གྲགས་སོ། །ལ་ལ་ནི་རྡོ་རྗེ་ཕྱོགས་འདུལ་ཞེས་བྱ་བར་གྲགས་སོ། །ལ་ལ་ནི་རྡོ་རྗེ་དུར་ཁྲོད་ཞེས་བྱ་བར་གྲགས་སོ། །རུ་ཏྲ་ནག་པོ་དེ་ཁོ་ན་ཉིད་ནི་རྡོ་རྗེ་རོ་ལངས་དུར་ཁྲོད་ཀྱི་བདག་པོ་ཞེས་བྱ་བར་གྲགས་ཏེ། །བསྐལ་པ་ཆེན་པོ་བཟང་པོའི་ཡུན་དུ་གནས་ནས་རྣལ་འབྱོར་ཡོངས་གྱི་མགོན་པོ་དགེ་བསྙེན་ལེགས་ལྡན་ནག་པོ་ཞེས་བྱ་བར་གྱུར་ནས་གང་དག་ཆོས་སྲུངས་པ་རྣམས་གྱི་སྲུང་མའི་བྱ་བ་བྱེད་དོ། །བསྐལ་པ་དེའི་ཕྱི་མ་ལ་འོག་གི་ཕྱོགས་ཀྱི་འཇིག་རྟེན་གྱི་ཁམས་ཐལ་བས་ཁེབས་པ་ཞེས་བྱ་བར་དེ་བཞིན་གཤེགས་པ་ཐལ་བའི་དབང་་པོའི་དབྱངས་ཞེས་བྱ་བར་མངོན་པར་རྫོགས་པར་སངས་རྒྱས་པར་འགྱུར་རོ་ཞེས་ལུང་བསྟན་པར་ཐོབ་པར་གྱུར་ཏོ། །ལང་ཀའི་བདག་པོ་དེའི་ཚེ་དེའི་དུས་ན་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །རབ་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ། །འགུལ་ལོ། རབ་ཏུ་འགུལ། ཀུན་དུ་རབ་ཏུ་འགུལ་ཏོ། །ལྡེག་རབ་ཏུ་ལྡེག ཀུན་ཏུ་རབ་ལྡེག་གོ །འུར་རབ་ཏུ་འུར། ཀུན་དུ་རབ་ཏུ་འུར་རོ། །ཆེམ་རབ་ཏུ་ཆེམ།ཀུན་ཏུ་རབ་ཏུ་ཆེམ་མོ། །མཐའ་མཐོ་ན་དབུས་དམའོ། །དབུས་མཐོ་ན་མཐའ་དམའོ། །ཤར་མཐོ་ན་ནུབ་དམའ། ནུབ་མཐོ་ན་ཤར་དམའ། བྱང་མཐོ་ན་ལྷོ་དམའ། ལྷོ་མཐོ་ན་བྱང་དམའ་བར་གྱུར་ཏོ། །འཇིག་རྟེན་པ་ཀུན་ཀྱང་ངོ་མཚར་དུ་གྱུར་ཏེ་མངོན་པར་བསྟོད་དོ། ལྷ་དང་བཅས་པའི་འཇིག་རྟེན་པ་ཁ་ཅིག་ནི་དེ་ཁོ་ན་ཉིད་གསང་བ་དམ་པ་ལ་རྗེས་སུ་ཡི་རང་པར་གྱུར་ཏོ། ཁ་ཅིག་མ་ནི་མ་སྐྱེས་པའི་ཆོས་ལ་བཟོད་པ་ཐོབ་པོར་གྱུར་ཏོ། ཁ་ཅིག་ནི་ཆོས་ཀྱི་མིག་རྡུལ་མེད་ཅིང་དྲི་མ་དག་བྲལ་བ་རྣམས་པར་དག་གོ ཁ་ཅིག་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏོ། །ཁ་ཅིག་ནི་ལུང་བསྟན་པ་ཐོབ་པ་ཤ་དག་ཏུ་གྱུར་ཏོ། །དེའི་ཚེ་དེའི་དུས་ན་རུ་ཏྲ་ཐར་པ་ནག་པོ་ལ་སོགས་པ་མིའི་ཐོད་པ་ཅན་མ་རུངས་པ་རྣམས་སྐྱེས་བུ་ཆེན་པོ་རྡོ་རྗེ་མ་རུངས་པ་དེ་ལ་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་ཐལ་མོ་སྦྱར་སྤྱོ་བོས་བཏུད་ནས་འདི་སྐད་ཅེས་གསོལ་ཏོ། །དེའི་ཚེ་དེའི་དུས་ན་རུ་ཏྲ་ཐར་པ་ནག་པོ་ལ་སོགས་པ་མིའི་ཐོད་པ་ཅན་མ་རུངས་པ་རྣམས་སྐྱེས་བུ་ཆེན་པོ་རྡོ་རྗེ་མ་རུངས་པ་དེ་ལ་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་ཐལ་མོ་སྦྱར་སྤྱི་བོས་བཏུས་ནས་འདི་སྐད་ཅེས་གསོལ་ཏོ། །ཨ་ཧོ་སུ་ཁ་ཀྟ༷་བརླ་དེ་བ་ཤི་ཤ ཨེ་མའོ་སྐྱེས་བོ་ཆེན་པོ་གཡོ་བ་ཕུན་སུམ་ཚོགས་པ་བྱུང་ངོ་། །ཆོས་ཉིད་ཀྱི་བྱིན་གྱིས་བརླབས་ལགས་སམ། གཟུགས་ཕུན་སུམ་ཚོགས་པ་བྱུང་ངོ་། །གཟུགས་གནས་སུ་དག་གམ། སྙིང་རྗེའི་གཟུགས་ལགས་སམ། སྒྲ་ཕུན་སུམ་ཚོགས་པར་བྱུང་ངོ་། །སྒྲ་གནས་སུ་དག་གམ། ཤེས་རབ་གྱི་སྒྲ་ལགས་སམ། དྲི་ཕུན་སུམ་ཚོགས་པ་བྱུང་ངོ་། །དྲི་གནས་སུ་དག་གམ། །བྱང་ཆུབ་སེམས་ཀྱི་དྲི་ལགས་སམ། རོ་ཕུན་སུམ་ཚོགས་པ་བྱུང་ངོ་། །རོ་གནས་སུ་་དག་གམ། ཏིང་ངེ་འཛིན་གྱི་རོ་ལགས་སམ། རེག་ཕུན་སུམ་ཚོགས་པ་བྱུང་ངོ་་།་ ་།་རེག་གནས་སུ་དག་གམ། དམ་ཚིག་གི་རེག་ལགས་སམ། ཚོ་བ་ཕུན་སུམ་ཚོགས་པ་བྱུང་ངོ་། །ཚོ་བ་གནས་སུ་དག་གམ། ཚོར་བ་བཏང་སྙོམས་ལགས་སམ། བདག་ཅག་ནི་སྔོན་བས་མཐུ་རྩལ་སྐྱེས་པ་སྙམ་བགྱིད་དོ། །རྫུ་འཕྲུལ་སྐྱེས་པ་སྙམ་བགྱིད་དོ། །དབང་ཐོབ་པ་སྙམ་མོ། །རིག་པ་ཤར་བ་སྙམ་མོ། །དེ་ལྟ་བུའི་འབྱུང་གནས་སངས་རྒྱས་ཀུན་གྱི་གསང་བ་དམ་པ་འདི་ནི་འདི་ལྟར་ཟབ་པ། འདི་ལྟར་རྒྱ་ཆེ་བ་མཆོག་དམ་པ་གྱ་ནོམ་པ། ཕུལ་དུ་གྱུར་པའི་འདི་མཐོང་བར་མཛད་པའི་སྐྱེས་བུ་ཆེན་པོ་ཁྱོད་བདག་ཅག་རྣམས་ཀྱི་ཕ་ལགས་སོ། །བདག་ཅག་རྣམས་ཀྱི་མ་ལགས་སོ། །སྐྱེས་བུ་ཆེན་པོ་ཉིད་ལྟ་མ་ལགས་ཀྱི་དམ་པ་འདི་ལ་གནས་པའི་གང་ཟག་གང་ཞིག་ཀྱང་བདག་ཅག་རྣམས་ཀྱི་ཕ་ལགས་སོ། །བདག་ཅག་རྣམས་ཀྱི་མ་ལགས་སོ། །སྲིད་པ་འགྲེ་བཟློག་ཀྱང་བཀའ་འགྲེ་མི་བཟློག །ཀྱེ་མའོསྐྱེབུཆེནཔོཁྱེདལྟཅིསྨོས། ཁྱོད་ཀྱི་དམ་པ་འདི་ལ་གནས་པའི་གང་ཟག་ཀྱང་འདི་ལྷར་ལྷའི་དབང་པོ་གཙུག་གི་ནོར་བུ་བཞིན་སྤྱི་བོས་བསྐུར་བར་བགྱིའོ། །དེའི་ཁྱོ་མོ་དང་། བུ་དང་། བུ་མོ་དང་། ནོར་དང་། གཡོག་དང་། ཡང་གཡོག་དང་།འཁོར་དང་། ཉེ་དུ་དང་། སྣག་གི་གཉེན་མཚམས་དང་། ཕྲུ་མ་དང་། ཡུལ་འཁོར་དང་། ཡུལ་ཁམས་ཀྱི་སྐྱེ་བོ་གང་ཆོས་ཡོངས་སུ་སྲུང་བ་རྣམས་ཀྱང་བསྲུང་བ་དང་། བསྐྱབ་པ་དང་། སླ་བར་བགྱིའོ། །ཆོས་སྲུང་བ་དེ་དག་ལ་འཚེ་བའི་མི་དག་མི་མ་ལགས་པ་གང་ལགས་པ་དེ་དག་ཀྱང་ཡོངས་སུ་གཞོམ་ཞིང་བརླག་པར་བགྱིའོ། །མཚམས་གཅད་ཅིང་བཅིང་བར་བགྱིའོ། །དེ་དག་གི་གང་བསམ་པ་དང་ཅི་བཅོལ་བ་རིལ་ཡང་བྲན་གྱི་བྱ་བས་ཡོངས་སུ་རྫོགས་པར་བགྱིའོ། །དེ་དག་གིས་ཀྱང་ཆོས་སྲུང་ཞིང་ཆོས་བཞིན་དུ་གནས་ནས་བདག་ཅག་རྣམས་ཀྱི་ཅི་ཡང་ཡིད་བཞིན་དུ་གྲུབ་པ། ལྷ་ཆེན་རྣམས་ཀྱི་གསང་སྔགས་འཇིག་རྟེན་མངོན་རྟགས་ཀྱི་འབྱུང་གནས་རྡོ་རྗེ་མཐུ་བོ་ཆེས་མངོན་པའི་མཐུ་ཅན་བརྗོད་པ་དང་། དམ་རྫས་དང་། དགེ་མཚན་དང་། རྟགས་རྟེན་རྣམས་ཀྱང་བདག་ཅག་དང་འབྲེལ་བའི་ཆེད་དུ་བཅང་བར་བགྱི་བ་ལགས་སོ། །དེ་ཅིའི་སླད་དུ་ཞེ་ན་དེ་དག་ནི་བདག་ཅག་གི་དམ་པ་ལགས་པའི་སླད་དུའོ། །ཀྱེ་མའོསྐྱེབུཆེནཔོའདིལྟསྟེ། བདག་ཅག་རྣམས་ཀྱི་གསང་སྔགས་མངོན་པའི་མཐུ་ཅན་འདི་ནི། །བསྙེན་སྲུབ་ཡན་ལག་བཞི་དང་བཅས་པ་སྟེ། དེ་ཡང་གང་ཞེ་ན་འདི་ལྟ་སྟེ། ཨོ་བྱུར་ཁུང་མ་ཧྭ་པྲ་ཎའ་ཡ། སྟུ་རྩི་བྱུརྐི། བྱིག་གེ བི་མ་ན་སེ། ཨེ་ཧོ་ཤི་མོ། ཨུརྩོ་ཀྲོ་དྷ་ཧཱུཾ༷་ཧཱུཾ༷་ཕཊ་ཕཊ་གྲྭ་ཧྭ། སྐྱེས་བུ་ཆེན་པོ་དེ་ནི་བསྙེན་པའི་ཡན་ལག་ལགས་སོ། །ཨོ་སྟུ་དུ་གུརྨ། ཨ་པྲ་ཎ།བྱུརྩི་ཙིཀྱི་ཕྱི། མ་ན་ཕྱེ། ཁ་ཤོ་མོ་ག་རྐོ་དྷ། ཧཱུཾ༷་ཧཱུཾ༷་ཕཊ་ཕཊ་སྲུ་ཧྭ། སྐྱེས་བུ་ཆེན་པོ་དེ་ནི་ཉེ་བའི་བསྙེན་པར་རིག་པར་བྱའོ། །ཧཱུཾ༷་སྒུ་དུ་ཀུ་སྲ ཨི་ཙི་ཀི་ཕྱི་ཨུསྣོསྨ་ཀྲོ་དྷ་ཧཱུཾ༷་ཕཊ། སྐྱེས་བུ་ཆེན་པོ་འདི་ནི་སྒྲུབ་པར་རིག་པར་བྱའོ། །ཨོ་སྟུརྐུ་ཏི་ཕཊ། སྐྱེ་བུ་ཆེན་པོ་འདི་ནི་སྒྲུབ་པ་ཆེན་པོར་རིག་པར་བྱའོ། །སྐྱེ་བུ་ཆེན་པོ་འདི་དག་ཀྱང་རེ་རེ་ཞིང་འབུམ་འབུམ་རྫོགས་ནས་གདོད་ཅིག་གང་བྱ་བའི་ལས་ལས་འཇུག་ན་ཐེ་ཚོམ་མ་མཆིས་པར་འགྲུབ་པར་ལགས་སོ། །དེ་ཅིའི་སླད་དུ་ཞེ་ན། དུས་གསུམ་གྱི་སངས་རྒྱས་རྣམས་ཀྱིས་ཀྱང་མངོན་པའི་མཐུ་ཅན་དུ་བསྔགས་པ་བརྗོད་པ་ལགས་སོ། །རྡོ་རྗེ་མཐུ་བོ་ཆེས་ཀྱང་འཇིག་རྟེན་གྱི་མངོན་རྟགས་འདིས་མཛད་པ་ལགས་སོ། །བདག་ཅག་རྣམས་ཀྱིས་ཀྱང་ཆོས་འཕྲུལ་གྱི་མངོན་རྟགས་འདིས་བགྱིད་པ་ལགས་ཏེ། སྐྱེས་བུ་ཆེན་པོ་གསང་སྔགས་འདི་གང་གིས་ཆེད་དུ་གཉེར་བར་མངོན་རྟགས་མ་མཆིས་ན་བདེ་བ་ཡོང་མ་མཆིས་པ་ལགས་སོ། །བཀའ་ཚད་མ་རྣམས་ཀྱང་ངེས་པར་མ་མཆིས་པ་ལགས་སོ། །བདག་ཅག་རྣམས་ཀྱང་རང་རང་གི་ངག་བདེན་པ་དམ་པ་ལས་ཉམས་པའི་སླད་དུ་དམྱགས་མ་མཆིས་པར་མགོ་འགས་ཤིང་ཁྲག་ཏུ་སྒྱུག་པ་ལགས་སོ། །སྐྱེས་བུ་ཆེན་པོ་དེ་བས་ན་གསང་སྔགས་འདི་ལ་ནི་ཐེ་ཚོམ་མ་མཆིས་ཏེ་གང་ཞིག་གང་ལ་ཕན་པ་བསྒྲུབ་ཅིང་ངོ་མཚར་བསྐྱེད་པ་དང་། བླུན་པོ་དག་སངས་རྒྱས་ཀྱི་བཀའ་ལ་ཡིད་ཆེས་པར་བགྱི་བའི་ཐབས་དམ་པ་རྣམས་ཀྱིས་བཤད་པ་ལགས་ཏེ། དེ་དག་གིས་ཡན་ལག་བཞི་པ་འདི་རྟག་ཏུ་བསྟེན་ན་ལེགས་སོ་ཞེས་གསོལ་པ་ལས། སྐྱེས་བུ་དམ་པ་དེས་བཀའ་སྩལ་པ། ཨ་ཧོ་༷། རིགས་སོ། །སྟད་དོ།ཡིན་ནོ། །ངེས་སོ། །བདེན་ནོ། །ལེགས་སོ། །མ་རུངས་པ་ཁྱེད་མ་དང་བཅས། ཆུང་མ་དང་བཅས། བུ་དང་བུ་མོ་དང་བཅས། །གཡོག་དང་ཡང་གཡོག་དང་བཅས་པ་ཁྱེད་རྣམས་བརྩེ་བ་དང་མ་བྲལ་ན་མར་བྱའོ། །གདུང་བ་དང་མ་བྲལ་ན་སྲིང་མོར་བྱའོ། །བརྩོན་པ་དང་མ་བྲལ་ན་བྲན་དུ་བྱའོ། །བྱང་ཆུབ་ཀྱི་སེམས་དང་མ་བྲལ་ན་བུར་བྱའོ། །འདུ་འབྲལ་མེད་ན་སློབ་མར་བྱའོ། །བསྐུལ་བ་ལ་མགྱོགས་ན་ཕོ་ཉར་བྱའོ། །བཀའ་བཞིན་བྱེད་ན་བཀའ་ལ་གདགས་སོ་ཞེས་རྣལ་འབྱོར་ཆེན་པོའི་གྲལ་དུ་བཞག་སྟེ། ཆོས་དང་གང་ཆོས་སྲུངས་པ་རྣམས་ཀྱི་སྲུང་མར་དབང་བྱིན་ནོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐར་པ་ནག་པོ་གོལ་པ་ལམ་གོལ་བར་ལུང་བསྟན་པའི་ལེའུ་སྟེ་སུམ་ཅུ་གཅིག་པའོ།། །།ཐེག་པ་ཆེན་པོ་ངེས་པའི་འབྱུང་བའི་ཚུལ་ལས་གདུལ་བྱའི་སྐབས་ལ་བབ་པའི་ཚེ་ན་རུ་ཏྲ་ཡོངས་སུ་བཏུལ་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དྲུག་པའོ།། །།བམ་པོ་ལྔ་པ་ཟུག་པ། དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་དེ་ལ་སྔོན་དུ་བྱུང་བའི་ཚིག་བཅུ་གཉིས་པའི་བདུན་པ་བྱིན་གྱི་བརླབས་ལས་སྣང་བ་ན་ཡང་བྱུང་ཞེས་འབྱུང་བ་འདི་སྐད་ཅེས་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བདམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་དུ་བརྗོད་པའི་སྐབས་སུ་བྱིན་གྱི་བརླབས་ལས་སྣང་བ་ན་ཡང་བྱུང་ཞེས་བརྗོད་པ་དེ་ཇི་ལྟ་བུ་ཞིག་ཏུ་སྣང་ཞིང་གྲགས་པ་ལགས། སྨྲས་པ། ལང་ཀ་ འི་བདག་པོ་གང་གདུལ་བྱའི་སྐབས་ལ་བབ་པར་གདུལ་བྱ་ཡོངས་སུ་རྫོགས་པའི་སྐྱེས་བུ་དེ་དག་ཡོངས་སུ་སྣང་བ་དེ་ཁོ་ན་ཉིད་ལ་བྱའོ། །སྨྲས་པ། གསང་བ་པའི་བདག་པོ་གང་གདུལ་བྱ་སྐབས་ལ་བབ་པར་གདུལ་བྱ་ཡོངས་སུ་རྫོགས་པའི་སྐྱེས་བུ་དམ་པ་དེ་དག་གང་དི་ཇི་ལྟར་སྣང་བར་འགྱུར། །དེ་སྐད་ཅེས་དྲི་པ་ལས། གསང་བ་པའི་བདག་པོས་འདི་སྐད་ཅེས་སྨྲས་སོ། །ཀྱེ་ལང་ཀའི་བདག་པོ་གདུལ་བྱ་ཡོངས་སུ་རྫོགས་པའི་སྐྱེ་བུ་དམ་པ་དེ་དག་ནི་ཐམས་ཅད་ཡོངས་སུ་སྣང་བར་འགྱུར་རོ། །དྲིས་པ། དེ་ཇི་ལྟར་ཡོངས་སུ་སྣང་བར་འགྱུར། སྨྲས་པ། ལང་ཀའི་བདག་པོ་སྐྱེས་བུ་དམ་པ་དེ་དག་ནི་ཆོས་རྣམས་ཀྱི་ཆོས་ཉིད་དེ་ཁོ་ན་ཉིད་ལས་མི་གཞན་ལ། དེ་ལས་ནི་རྣམས་ཤེས་དང་ཡེ་ཤེས་དང་། སྐུ་དང་། སྤྲུལ་པ་དང་། ཡི་གེ་དང་། ཚིག་དང་། ཆོས་དང་། སྐུ་གདུང་དང་རིང་བསྲེལ་ལ་སོགས་པ་ཆོས་ཐམས་ཅད་དུ་སྣང་ངོ་། །ལང་ཀའི་བདག་པོ་དེ་ཁོ་ན་ཉིད་ཀྱི་བྱིན་གྱི་བརླབས་འབའ་ཞིག་ལས་སྣང་བར་འགྱུར་ཏེ། ལང་ཀའི་བདག་པོ་ཇི་ལྟ་ཇི་ལྟར་ནམ་མཁའི་དབྱིངས་ན་ཉི་ཟླ་སྐར་ཚོགས་ལས་མ་གཡོས་པའི་གཟུགས་བརྙན་ཆུ་དྭངས་པ་ཐ་དད་པར་སྣང་བ་བཞིན། ཆོས་རྣམས་ཀྱི་ཆོས་ཉིད་གསང་བའི་དབྱིངས་རྣམ་པར་དག་པ་ལས་ཆོས་ཐམས་ཅད་སྣང་བ་ཡིན་ལ། ཆོས་ཐམས་ཅད་ནི་སྐུ་གསུང་ཐུགས་ཡོན་ཏན་ཕྲིན་ལས་ལྔ་ཁོ་ནར་ཟད་དེ། དེ་ནི་གང་ཐེག་པ་ཆེན་པོའི་གསང་སྔགས་མཚོན་པར་བྱེད་པའི་སྒོར་སྣང་བ་ཡིན་ནོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ཀྱི་རང་བཞིན་གསང་བའི་དབྱིངས་གང་ཡིན་པ་དེ་ནི་ཐེག་པ་ཆེན་པོའི་གསང་སྔགས་དེ་ཁོ་ན་ཉིད་ཡིན་པར་ཕྱིན་ཅི་མ་ལོག་པར་ངེས་པའི་ཕྱིར་རོ། །དེ་ལ་ནི་ངོ་བོ་ཉིད་ཀྱི་སྐུ་ཞེས་བྱ་བར་གྲགས་ཤིང་གྲགས་པ་གྱུར་ཏོ། །ལང་ཀའི་བདག་པོ་གང་སེམས་ཀྱི་ཆོས་ཉིད་ལས་ནི་རྣམ་པར་ཤེས་པ་བཞིར་སྣང་ལ། རྣམ་པར་ཤེས་པ་བཞི་ནི་རྩ་བའི་རྣམ་པར་ཤེས་པ་དང་། དམིགས་པའི་རྣམ་པར་ཤེས་པ་དང་། ཀུན་ཏུ་སྣང་བའི་རྣམ་པར་ཤེས་པ་དང་། འཇུག་པའི་རྣམ་པར་ཤེས་པའོ། །རྣམ་པར་ཤེས་པ་བཞི་ལསཡེཤེསཆེནཔོལྔརསྣངསྟེ། སེམས་ཀྱི་ཆོས་ཉིད་དེ་ཁོ་ན་ཉིད་ལས་ཆོས་ཉིད་ཀྱི་དབྱིངས་ཀྱི་ཡེ་ཤེས་སུ་སྣང་ངོ་། །རྩ་བའི་རྣམ་པར་ཤེས་པ་ལས་མེ་ལོང་ལྟ་བུའི་ཡེ་ཤེས་སུ་སྣང་ངོ་། །དམིགས་པའི་རྣམ་པར་ཤེས་པ་ལས་མཉམ་པ་ཉིད་ཀྱི་ཡེ་ཤེས་སུ་སྣང་ངོ་་།་ ་།་ཀུན་དུ་སྣང་གི་རྣམ་པར་ཤེས་པ་ལས་སོ་སོར་རྟོག་པའི་ཡེ་ཤེས་སུ་སྣང་ངོ་། །འཇུག་པའི་རྣམ་པར་ཤེས་པ་ལས་བྱ་བ་སྒྲུབ་པའི་ཡེ་ཤེས་སུ་སྣང་ངོ་། །ལང་ཀའི་བདག་པོ་དེ་ཡང་མིན་པ་ཞིག་ཡིན་པར་བསྒྲུབས་པའམ། མི་འདྲ་བ་ཞིག་འདྲ་བར་བཅོས་པ་ནི་མ་ཡིན་གྱི། མ་བཅོས། མ་བསླད། མ་བྱས་པ། མ་བརྩམས་པར་ཡེ་ནས་རང་བཞིན་གྱིས་དེ་ལྟར་སྣང་བ་ཉིད་དུ་ཟད་དོ། །དེ་ནས་ལང་ཀའི་བདག་པོས་དྲིས་པ།གསང་བ་པའི་བདག་པོ་གང་གི་ཡེ་ཤེས་འདི་ལྟར་ལྔ་ཁོ་ནར་ཟད་དམ། འོན་ཏེ་གཞན་ཐ་དད་པར་ཡང་སྣང་། སྨྲས་པ། ལང་ཀའི་བདག་པོ་ཡེ་ཤེས་ནི་གང་གི་དབང་གིས་ལྔར་ཡང་སྣང་ལ། བསམ་གྱིས་མི་ཁྱབ་པ་དང་། སྐད་ཅིག་བཅུ་དྲུག་དང་། རིགས་གཅིག་པ་དང་། རྣམ་པ་གསུམ་དང་། དེ་ཁོ་ན་ཉིད་གསུམ་དང་། རྣལ་འབྱོར་བཞི་དང་། རང་འབྱུང་བ་གཅིག་གོ །ལང་ཀའི་བདག་པོ་དེ་ལ་ཡེ་ཤེས་ལྔ་སོ་སོར་མ་འདྲེས་པ་ལས་ནི་རིགས་ལྔར་སྣང་ལ། ཡོངས་སུ་རྫོགས་པ་ལས་ནི་སྐུར་བཞིར་སྣང་ངོ་། །འདི་ལྟ་སྟེ། རྩ་བའི་རྣམ་པར་ཤེས་པ་ལེ་མོང་ལྟ་བུའི་ཡེ་ཤེས་ལས་ནི་རྡོ་རྗེའི་གདུང་དང་སྡེའི་སངས་རྒྱས་ཤ་དག་ཏུ་སྣང་ངོ་། །སེམས་ཀྱི་ཆོས་ཉིད་ཀྱི་དབྱིངས་ཀྱི་ཡེ་ཤེས་དེ་ཁོན་ཉིད་ལས་གླང་པོའི་གདུངདང་སྡེའིསངས་རྒྱས་ཤ་དག་ཏུ་སྣང་ངོ་། །དེ་ཉིད་ལ་ནིངོ་བོ་ཉིད་ཀྱི་སྐུ་ཞེས་སྣང་ལ། ཡེ་ཤེས་དེ་ཉིས་འདུས་པ་ལས་ནི་ཆོས་ཀྱི་སྐུརསྣངངོ་། །དམིགས་པའི་རྣམ་པར་ཤེས་པ་མཉམ་པ་ཉིད་ཀྱི་ཡེ་ཤེས་ལས་ནི་ནོར་བུའི་གདུང་དང་སྡེའིསངས་རྒྱས་ཤདག་ཏུ་སྣངངོ་། །ཀུན་ཏུ་སྣང་བའི་རྣམ་པར་ཤེས་པ་སོ་སོར་རྟོགཔའི་ཡེ་ཤེས་ལས་པརློའི་གདུང་དངསྡེ་སངས་རྒྱས་ཤ་དག་ཏུ་སྣང་ངོ་། །ཡེ་ཤེས་དེ་གཉིས་འདུས་པ་ལས་ནི་རྫོགས་ལོངས་སྤྱོད་པའི་སྐུར་སྣང་ངོ་། །འཇུག་པའི་རྣམ་པར་ཞེས་པབྱ་བ་གྲུབ་པའི་ཡེཤེས་ལས་གཞོན་ནུའི་གདུང་དང་སྡེའི་སངས་རྒྱས་ཤ་དག་ཏུ་སྣང་ངོ་། །དེ་ཉིད་ལས་ནི་གསང་བའི་སྐུ་དང་སྤྲུལ་པའི་སྐུ་ཐདད་པརསྣང་ངོ་། །སྤྲུལ་པའི་སྐུ་ཐ་དད་པ་ལས་ནི་ཡི་གེ་ཐ་དད་པ་དང་། ཚིག་ཐ་དད་པ་དང་། ཆོས་ཀྱི་སྒོ་དཔག་ཏུ་མེད་པ་དང། སྐུ་གདུང་དང་རིང་བསྲེལ་ཐ་དད་པར་སྣང་སྟེ། དེ་དག་ནི་ཐེག་པ་ཆེན་པོ་གསང་སྔགས་ཀྱི་སྒོ་མཚོནཔར་སྣང་བ་ཡིན་ནོ། །ལང་ཀའི་བདག་པོདེ་བས་གསང་སྔགས་ནི་ཆོས་ཐམས་ཅད་ལ་ཐམསཅད་དུ་རངབཞིན་གྱིས་སྣང་བ་ཡིན་ལ། སྐྱེས་བུ་དམ་པ་རྣམས་ནིགསང་སྔགས་ཀྱི་བྱིན་གྱི་བརླབས་ཀྱི་སྣངབར་སྟོན་པར་མངོན་པ་ཡིན་ནོ། །ལང་ཀའི་བདག་པོ་དེ་ཅིའི་ཕྱིར་ཞེ་ན། གསང་སྔགས་ཀྱིས་མ་ཁྱབ་པདང་། མིགནས་པ་དང་།གསང་སྔགས་སུ་མ་གྱུར་པའི་ཆོས་ནི་གང་ཡང་མེད་དེ། གསང་སྔགས་གྱི་ངེས་པ་ཕྱིན་ཅི་ལོག་པ་རྙེད་པའི་སྐྱེ་བུ་དམ་པ་ལ་ལ་དག་གསང་སྔགས་མཐོང་བར་འདོད་པའི་མེ་ལོང་དུ་ནི་ཐམས་ཅད་འགྱུར་ཏེ། ཇི་ལྟ་ཇི་ལྟར་སངས་རྒྱས་ནས་སྲོག་ཆགས་ལྡེམ་བུ་དང་ནམ་མཁའ་ནས་ཕྲ་རྡུལ་ཡན་ཆད་ཀྱིས་ལྷན་ནེ། ལྷང་ངེ། ལྷག་གེར་གསལ་པར་བྱེད་པའོ། །ཐེ་ཚོམ་གཅོད་པར་བྱེད་པའོ། །མཛོད་དམ་པ་གྱུར་པའོ། །གླེགས་བམ་ཆེན་པོར་གྱུར་པའོ། །རྒྱ་ཆེན་པོར་བཤད་པའོ། །ཡོངས་སུ་གོ་བར་སྒྲོགས་པའོ། །ལང་ཀའི་བདག་པོ་དེ་བས་ན་གསང་སྔགས་ནི་རང་བཞིན་གྱིས་སྣང་བ་ཟད་ལ། སྐྱེ་བུ་དམ་པ་རྣམས་ཀྱིས་ནི་བྱིན་གྱི་བརླབས་ཀྱིས་སྟོན་པར་ཟད་དོ། །ལང་ཀའི་བདག་པོས་སྨྲས་པ། གསང་བ་པའི་བདག་པོ་ཅིག་ཐམས་ཅད་སྣང་བ་དེ་གསང་སྔགས་སམ། །འོན་ཏེ་ཐམས་ཅད་ཀྱི་རང་བཞིན་མི་སྣང་བ་དེ་གསང་སྔགས་སམ། ཅི་གཉིག་མ་ཡིན་པ་ཞིག་གསང་སྔགས་ཡིན། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་ཐམས་ཅད་སྣང་བ་དེ་ཡང་གསང་སྔགས་མ་ཡིན། གལ་ཏེ་གསངས་སྔགས་ཡིན་ན་ནི་གསང་སྔགས་ཞེས་བརྗོད་པ་ཉིད་འགལ་ལ།གང་སེམས་ཅན་གྱི་འདུ་ཤེས་དང་སངས་རྒྱས་ཀྱི་དགོངས་པ་ལ་ཡང་ཁྱད་པར་མེད་པར་འགྱུར་རོ། །དེ་ལས་གཞན་ན་ཡང་གསང་སྔགས་ཡོད་པ་མ་ཡིན། གལ་ཏེ་དེ་ལས་གཞན་པ་འབའ་ཞིག་གསངས་སྔགས་ཡིན་ན་ནི་ཐམས་ཅད་ཆོས་ཉིད་དུ་མ་འདུས་པར་འགྱུར་རོ། །ཐམས་ཅད་ཀྱི་རང་བཞིན་མ་སྣང་བ་དེ་ཡང་གསང་སྔགས་ཡིན་ན་ནི། །གཞན་དུ་མུ་ཆད་པ་དག་ཡང་དག་པར་རྫོགས་པའི་ཉིད་དུ་གྱུར་ཏེ། གང་གཉིག་མ་ཡིན་པ་དེ་ཡང་གསང་སྔགས་མ་ཡིན། གལ་ཏེ་གཉིས་ལ་མ་ཡིན་པ་ཞིག་གསང་སྔགས་ཡིན་ན་ནི་གསང་སྔགས་ཞེས་བྱ་བ་ཞིག་བཙལ་བས་རྙེད་པའི་གནས་གཞན་མེད་དོ། །ལང་ཀའི་བདག་པོས་སྨྲས་པ།གསང་བ་པའི་བདག་པོ་འོ་ན་ཅི་གསངས་སྔགས་ཞེས་བགྱི་བ་གང་ལགས། གསང་བ་པའི་བདག་པོས་སྨྲས་པ། ལང་ཀའི་བདག་པོ་གསང་སྔགས་ཞེས་བྱ་བ་ནི་སྣང་བ་དང་མི་སྣང་བ་གཉིས་སུ་མེད་པ། གཉིས་ཀྱི་ངོ་བོ་ཉིད་ལས་གྲོལ་བ། དབུ་མར་མི་དམིགས་པ་གང་ཡིན་པ་དེ་ཁོ་ན་ཉིད་དོ། །ལང་ཀའི་བདག་པོས་སྨྲས་པ། གསང་བ་པའི་བདག་པོ་འོ་ན་གསང་སྔགས་གྱི་ངོ་བོ་དེར་རབ་ཏུ་དཔག་པར་དཀའ་ཞིང་བལྟ་བར་བཀའ་ན་དེ་གང་གིས་བལྟ་བར་བྱ། གསང་བ་པའི་བདག་པོས་སྨྲས་པ། ལང་ཀའི་བདག་པོ་གསང་སྔགས་ཀྱི་ངོ་བོ་དེ་ནི་གང་གི་བློ་ཤིན་ཏུ་ཞིབ་པ། ཆེས་ཞིབ་པ། ཤིན་ཏུ་ཟབ་པ། ཞེས་ཟབ་པས་བལྟ་བར་བྱའོ། །སྨྲས་པ།གསང་བ་པའི་བདག་པོ་བློ་ཞིབ་པ། ཤིན་ཏུ་ཞིབ་པ། ཆེས་ཞིབ་པ་ནི་གང་ལགས། ཤིན་ཏུ་ཟབ་པ། ཆེས་ཟབ་པ་ནི་གང་ལགས། སྨྲས་པ། ལང་ཀའི་བདག་པོ་བློ་ཤིན་ཏུ་ཞིབ་པ། ཆེས་ཞིབ་པ་ནི་འདི་ལྟ་སྟེ། གང་ལ་ལ་དག་སའི་ཁམསའདི་ལ་དཔག་ཚད་གཅིག་ལ་རྡུལ་ཕྲ་རབ་མིའཁྲུགསཁྲག་ཁྲིག་གཅིག་དང། བྱེ་བ་ཁྲག་ཁྲིག་འབུམ་ཕྲག་སུམ་ཅུ་དང་། བྱེ་བ་དྲུག་ཅུ་ཕྱག་བརྒྱ་དང་བྱེ་བ་ཕྲག་སུམ་ཅུ་རྩ་གཉིས་དང་། འབུམཕྲག་ལྔདང་ཁྲི་ཉིས་སྟོང་ཡོད་ལ། དེ་དགལ་ཡང་མེད་དང་། ཆུ་དང་། རླུང་གི་རྡུལ་ཕྲ་རབ་ཏུ་ཕྱེ་ནས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཆེནཔོ་གཅིག་ལ་རྡུལ་ཕྲ་རབ་ཡོད་པའི་རྩིས་ཀྱིསགཅོདཔ་དང་།གཞན་ཡང་ཕྱིའི་ས་ཆེན་པོ་འདི་ལ་དབྱིབས་ཐ་དད་པ་མཐའ་ཡས་པ་དག་བརྟགས་ཏེ་འདི་དག་ནི་འབྱུང་བ་འཁྱུགས་པ་དང་། འཁྱུལ་བ་དང། འཕྲིས་པ་དང་། འཁྱོགས་པ་དང་། འཁྲིལ་བ་དང་། འཁིལབདང།ལྗར་བ་དང་། གཤར་བ་དང་། ཞ་བ་དང་ལྡེམས་པ་དང་། འབུས་པ་དང་། འཁྲིས་པ་དང། འཆུས་པ་ལ་སོགས་པ་ཐ་དད་པའིདབང་གིས་སོ་སོར་རྟོག་པ་དང་། གཞན་ཡང་མི་དང་། བརྡ་དང་། མཚན་མ་དང་། ཐ་སྙད་དང་། བཏགས་པ་སྣ་ཚོགས་ཀྱི་རྗེས་སུ་འཇུག་ཅིང་སོ་སོའི་མཚན་ཉིད་མཐའ་ཡས་པའི་རྗེས་སུ་རྟོང་མཐའ་མངས་པ་དང་། དཔྱོད་མཐའ་ཆེར་འགྲོ་བ་དག་གི་རྒྱུས་ཐམས་ཅད་མཁྱེན་པ་དག་གི་རྒྱུར་འགྲོ་ཞེས་ཟེར་བ་དག་ཡོད་དེ། ལང་ཀའི་བདག་པོ་དེ་དག་ལ་ནི་ཤིན་ཏུ་ཞིབ་པ། ཆེས་ཞེབ་པ་ཞེས་མི་བྱའོ། །དེ་དག་ནི་རྩིང་པ། ཆེས་རྩིང་པ་ཞེས་བྱའོ། །དེ་ཅིའི་ཕྱིར་ཞེ་ན། བླུནཔོ་གང་དག་བྱེ་མ་ལ་གསེར་ཕྱེ་བཙག་པར་འདོད་ན་ལྷང་ཚེར་ལ་གསེར་ཕྱེར་འདུ་ཤེས་ཏེ་ཚོལ་བ་བཞིན། རྣམ་པ་ཐམས་ཅད་མཐོང་ཞིང་རྙེད་པར་མི་འགྱུར་རོ། །དེ་ཅིའི་ཕྱིར་ཞེ་ན། དེ་ལ་ནི་རྣམ་པ་ཐམས་ཅད་ཡོད་དེ་ཡེ་ཤེས་མེད་པའི་ཕྱིར་རོ།ལང་ཀའི་བདག་པོ་གང་བློ་ཞིབ་པ། ཆེས་ཞིབ་པ་ནི་འདི་ལྟ་སྟེ། ཆོས་གཅིག་གི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་ཆོས་ཐམས་ཅད་ཀྱི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་སོ་གང་རྡུལ་ཕྲ་རབ་དང་། དབྱིབས་སྣ་ཚོགས་དང་། མིང་དང་། བརྡ་དང་། མཚན་དང་། ཐ་སྙད་དང་། བཏགས་པ་ཐམས་ཅད་ངང་གིས་ཤེས་པར་འགྱུར་ཏེ། དེ་ལ་ནི་རྣམ་པ་ཐམས་ཅད་དང་། ཡེ་ཤེས་གཉིས་སུ་མེད་པ།གཉིས་ཀྱི་ངོ་བོ་ལས་གྲོལ་བར་ཡོད་པའི་ཕྱིར་མ་མཐོང་མི་ཤེས་པའི་ཆོས་གཅིག་ཀྱང་མེད་དོ། །ལང་ཀའི་བདག་པོ་བློ་ཟབ་པ། ཆེས་ཟབ་པ་ནི་གང་ཞེ་ན། གང་ལ་ལ་དག་ཆོས་ཐམས་ཅད་ལ་མུ་དང་། གཏིང་དང་།མཐའ་དང་། དབུས་ཚོལ་ཞིང་འབྱེད་པ་དག་ཡོད་དེ། དེ་དག་ནི་བློ་ཟབ་པ་ཆེས་ཟབ་པ་ཞེས་མི་བྱའོ། །ཐུག་པ་ཉིད་དུ་ཐུག་པ་ཞེས་བྱའོ། །དེ་ཅིའི་ཕྱིར་ཞེ་ན། གང་འཁྲུལ་པ་དག་སྨིག་རྒྱུ་ལ་ཆུར་འདུ་ཤེས་ཏེ་སྙེག་པའམ། ལྡོངས་པ་དག་ནམ་མཁའི་ཚོལ་བ་བཞིན། །ཆོས་ཐམས་ཅད་ཀྱི་མི་དང་གཏིང་དང་། མཐའ་དང་། དབུས་བཙལ་བས་ཀྱང་མི་ ད་ལ་དབྱེ་བར་ཡང་མེད་དོ། །ལང་ཀའི་བདག་པོ་འོན་ཏང་ནི་ཆོས་ཐམས་ཅད་ལ་མི་དང་གཏིང་མེད་པ། མཐའ་དང་དབུས་མེད་པར་ཆུབ་པ་གང་ཡིན་པ་དེ་ནི་བློ་ཟབ་པ། ཞེས་ཟབ་པ་ཞེས་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཀུན་གྱི་དགོངས་པ་ཐམས་ཅད་ནི་རྟོག་དཔྱོད་དང་བྲལ་བའོ། །ལང་ཀའི་བདག་པོ་དེའི་ཕྱིར་གསང་སྔགས་ཀྱི་ངོ་བོ་ལ་ནི་རབ་ཏུ་དཔག་པར་དཀའ་བའི་ཕྱིར་བློ་ཞིབ་པ། ཆེས་ཞིབ་པ། ཟབ་པ་ཆེས་ཟབ་པས་བལྟ་བར་བྱའོ། །སྨྲ་པ་གསང་བ་པའི་བདག་པོ་གསང་བའི་དབྱིངས་དེ་དཔེ་གང་ལས་ལྟོས་ཏེ་ཤེས་པར་བྱ། སྨྲས་པ། ལང་ཀའི་བདག་པོ་གསང་བའི་དབྱིངས་དེར་དཔེར་བྱ་བ་ནི་འཇིག་རྟེན་ན་མེད་དོ། །རེ་ཞིག་དཔེར་ཉེ་བར་མངོན་སུམ་པར་བྱ་བ་ནམ་མཁའ་ལ་གཟུང་བར་བྱ་སྟེ། ནམ་མཁས་ཀྱང་བསྒྲུན་དུ་ཡོད་པ་མ་ཡིན་ཏེ། འཇིག་རྟེན་ན་མངོན་སུམ་པའི་དཔེར་དེ་ལས་མེད་པའི་ཕྱིར་དཔེར་ནམ་མཁལ་ལས་ལྟོས་ཏེ་དེ་ལས་ཤེས་པར་བྱའོ་ཞེས་དམ་པ་རྣམས་ཀྱིས་བཤད་དོ། །སྨྲས་པ། གསང་བ་པའི་བདག་པོ་གསང་བ་པའི་དབྱིངས་དང་ནམ་མཁའ་གཉིས་ཆོས་ཇི་ལྟར་མཐུན་པར་སྦྱར་བར་བྱས། སྨྲས་པ། ལང་ཀའི་བདག་པོ་གསང་བའི་དབྱིངས་དང་ནམ་མཁའ་ཉིད་ཀུན་ཏུ་ཆོས་མཐུན་པ་ནི་མ་ཡིན་ཏེ། རང་རིག་སྟོང་པ་ཉིད་དང་། རིག་མེད་སྟོང་པ་ཉིད་ཀྱི་ཕྱིར་རོ། །སྨྲས་པ། གསང་བ་པའི་བདག་པོ་འོ་ན་ཅིག་གསང་པའི་དབྱིངས་དེར་ནམ་མཁའ་མ་འདུས་པ་ཞིག་གམ། སྨྲས་པ། ལང་ཀའི་བདག་པོ་དེ་ཇི་སྙམ་དུ་སེམས།གསང་བའི་དབྱིངས་དེར་ནི་ནམ་མཁའ་འདུས་ལ། ནམ་མཁའི་ཁོངས་སུ་ནི་གསང་བའི་དབྱིངས་མ་འདུས་སོ། །སྨྲས་པ། གསང་བ་པའི་བདག་པོ་ནམ་མཁའ་གང་ལགས། སྨྲས་པ། ལང་ཀའི་བདག་པོ་ནམ་མཁའ་ནི་གང་གོ་སྐབས་ཡོད་པ་ཁོ་ནའོ། །སྨྲས་པ། གསང་བ་པའི་བདག་པོ་འོ་ན་ཅིག་གསང་བའི་དབྱིངས་དེ་ནམ་མཁས་ཇི་ལྟར་མཚོན་ཏེ་ཤེས་པར་འགྱུར། སྨྲས་པ། ལང་ཀའི་བདག་པོ་བདག་པོ་ཆོས་མཐུན་པའི་དཔེར་ཉེ་བར་བཟུང་བ་སྟེ། གང་གི་གོ་སྐབས་ཡོད་པ་དང་མེད་པ་ལ་ཟད་མི་ཤེས་པ་དང་། སྟོང་པ་ལ་ཐམས་ཅད་འབྱུང་བ་སྟེ། ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པའི་དཔེར་ནི་ཕྱོགས་མེད་དོ་།་ ་།་གསངབའི་དབྱིངས་དེ་ནི་ཐམས་ཅད་རང་རིག་པའི་ཕྱིར་རང་འབྱུང་གི་ཡེ་ཤེས་ཞེས་བྱ་སྟེ། ཡེ་ཤེས་དེ་ལ་ནི་སྐབས་ཁ་ཅིག་ཏུ་ནི་རྣམ་པར་མི་རྟོག་པའི་ཡེ་ཤེས་ཞེས་བྱའོ། །ཁ་ཅིག་ཏུ་ནི་སྟོང་པ་ཉིད་ཀྱི་ཡེ་ཤེས་ཞེས་བྱའོ། ཁ་ཅིག་ཏུ་ནི་ཆོས་ཀྱི་དབྱིངས་ཀྱི་ཡེ་ཤེས་ཞེས་བྱའོ། ཁ་ཅིག་ཏུ་ནི་རྣམ་དག་གསལ་བའི་ཡེ་ཤེས་བྱའོ། །ཁ་ཅིག་ཏུ་ནི་མཉམ་པ་ཉིད་ཀྱི་ཡེ་ཤེས་ཞེས་བྱའོ། ཁ་ཅིག་ཏུ་ནི་སོ་སོར་རྟོག་པའི་ཡེ་ཤེས་ཞེས་བྱའོ།ཁ་ཅིག་ཏུ་ནི་བྱ་བ་གྲུབ་པའི་ཡེ་ཤེས་ཞེས་བྱའོ། །ལང་ཀའི་བདག་པོ་དེ་དག་ལ་ནི་ནམ་མཁའ་ལྟ་བུའི་ཡེ་ཤེས་དང་། །མེ་ལོང་ལྟ་བུའི་ཡེ་ཤེས་དང་། ཆེན་པོ་ལྟ་བུའི་ཡེ་ཤེས་དང་། སྣ་ཚོགས་བཀོད་པའི་ཡེ་ཤེས་དང་།ཡིད་བཞིན་ནོར་བུའི་ཡེ་ཤེས་ཞེས་ཀྱང་བྱའོ། །ལང་ཀའི་བདག་པོ་མེ་ལོང་ནི་ཆོས་མཐུན་པའི་དཔེ་ཉེ་བར་བཟུང་བ་སྟེ། སྐྱོན་སེལ་བ་དང་། ལེགས་པ་སྐྱེད་པ་དང་། གསལ་བར་བྱེད་པ་དང་། གཟུགས་བརྙན་འབྱུང་བ་དང་། རྩོལ་བ་མེད་པ་དང་། མངོན་པར་འདུ་བྱད་པ་མེད་པ་དང་། ལྡན་པ་མ་ཡིན་པ་དང་། མི་ལྡན་པ་མ་ཡིན་པ་དང་། མི་ཉེ་བ་དང་། མི་རིང་བ་དང་། ཀུན་ནས་འབྱུང་བ་དང་། ཚད་ཡོངས་སུ་མ་ཆད་པ་དང་།གཞན་མ་ཡིན་པ་དང་། བསྒྲིབས་པ་མ་ཡིན་པ་དང་། མུན་པ་མ་ཡིན་པ་དང་། བསྐལ་པ་མ་ཡིན་པ་སྟེ། ལང་ཀའི་བདག་པོ་ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པ་ཉིད་ཀྱི་དཔེ་ནི་ཕྱོགས་མེད་དོ། །ལང་ཀའི་བདག་པོ་ཆེན་པོ་ནི་ཆོས་མཐུན་པའི་དཔེ་ཉེ་བར་བཟུང་བ་སྟེ། ཡོངས་སུ་རྫོགས་པར་རིག་པ་ཉིད་དེ། ཆེ་ཆུང་མེད་པར་ཡོངས་སུ་རྫོགས་པ་དང་། རིང་ཐུང་མེད་པ་དང་། །བཟང་ངན་མེད་པ་དང་། སྐྱོན་ཡོན་མེད་པ་དང་། བླང་དོར་མེད་པ་དང་། ལེགས་ཉེས་མེད་པ་དང་། གཙང་སྨེ་མེད་པ་དང་། བདེ་སྡུག་མེད་པ་དང་། མཐོ་དམན་མེད་པ་དང་། ཡངས་དོགས་མེད་པ་དང་། སྒྲོ་སྐུར་མེད་པ་དང་། འདྲེས་པ་མེད་པ་དང་། མི་ཕྱེད་པར་ཡོངས་སུ་རྫོགས་པ་སྟེ། ལང་ཀའི་བདག་པོ་ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །ལང་ཀའི་བདག་པོ་སྣ་ཚོགས་བཀོད་པ་ནི། ཆོས་མཐུན་པའི་དཔེར་ཉེ་བར་བཟུང་བ་སྟེ། གནས་པ་དང་། འཇུག་པ་དང་། མ་འདྲེས་པ་དང་། གསལ་བ་ངང་། རྣམ་པར་ཕྱེ་བ་དང་། ལོངས་སྤྱོད་སྣ་ཚོགས་དང་། སྣང་བ་དང་། ཀུན་ཏུ་མ་རྨོངས་པ་སྟེ། ལང་ཀའི་བདག་པོ་ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །ལང་ཀའི་བདག་པོ་ནོར་བུ་རིན་པོ་ཆེ་ནི་ཆོས་མཐུན་པའི་དཔེ་ཉེ་བར་བཟུང་བ་སྟེ་རྣམ་པར་མི་རྟོག་པ་དང་། བྱ་བ་བྱེད་པ་དང་། འདོད་པ་འབྱུང་བ་དང་། དགོས་པ་ཚག་བ་དང་། རེ་བ་སྐོང་བ་དང་། རྒྱུན་མི་འཆད་པ་དང་། དགའ་བ་སྐྱེད་པ་དང་། མི་ཟད་པ་དང་། བདེ་བ་ལ་འགོད་པ་དང་། ཐམས་ཅད་དུ་གྲུབ་པ་དང་། ཐོགས་པ་མེད་པ་དང་། མི་སྐྱོར་བ་དང་། རབ་ཏུ་སྤྱིན་པ་དང་། དགོས་པ་གྲུབ་པ་སྟེ། ལང་ཀའི་བདག་པོ་ཆོས་དེ་དག་ཕྱོགས་ཙམ་དུ་མཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །སྨྲས་པ། གསང་བ་པའི་བདག་པོ་ཡེ་ཤེས་ཞེས་བྱ་བ་དེ་གང་དོན་གྱི་དབང་གང་གི་ཚིག་བླ་དགས་ལགས། སྨྲས་པ། ལང་ཀའི་བདག་པོ་ཆོས་ཐམས་ཅད་ཡེ་ཇི་བཞིན་པའི་དོན་ཕྱིན་ཅི་མ་ལོག་པའི་སྐྱེ་འགག་མེད་པར་མཁྱེན་པ་ལས་བཏགས་པས་ན་དེ་ན་དོན་གྱི་དབང་དེ་ཁོ་ནའི་ཚིག་བླ་དགས་སུ་ཤེས་པར་བྱའོ། །ལང་ཀའི་བདག་པོ་ཡང་འདི་ལྟར་ནམ་མཁའ་ལྟ་བུར་གྱུར་པ་དང་། མེ་ལོང་ལྟ་བུར་གྱུར་པ་དང་། འཇའ་ཚོན་ལྟ་བུར་གྱུར་པ་དང་། དབྱིབས་དང་། ཁ་དོག་ལྟ་བུར་གྱུར་པ་དང་། སྤྲིན་རླངས་ལྟ་བུར་གྱུར་པ་དང་། མ་བཅོས་པར་སྣང་བ་དེ་ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །ལང་ཀའི་བདག་པོ་ཐམས་ཅད་གསལ་བ་དང་། སྒོ་མི་འགག་པ་དང་། ཆོ་འཕྲུལ་འབྱུང་བ་དང་། གཅིག་ཏུ་སྡུད་པ་དང་། ཕུན་སུམ་ཚོགས་པ་སྟེ་དེ་དག་ནི་བྱ་བ་བྱེད་པར་རིག་པར་བྱའོ། །ལང་ཀའི་བདག་པོ་མ་འདྲེས་པ་དང་། ཡོངས་སུ་རྫོགས་པ་དང་། མ་འདྲེས་པ་ཡོངས་སུ་རྫོགས་པའི་རིལ་དང་། རྒྱུན་དང་། དམིགས་པ་མེད་པ་སྟེ། དེ་ད་ནི་བལྟ་བར་སྣང་བར་རིག་པར་བྱའོ། །ལང་ཀའི་བདག་པོ་མ་འགགས་པ་དང་། མ་འཕྲོས་པ་དང་། མ་འཚོལ་བ་དང་། མ་ལུས་པ་དང་།རྒྱུར་གྱུར་པ་སྟེ་དེ་དག་ནི་རྩལ་གྱི་ནུས་པར་རིག་པར་བྱའོ། །ལང་ཀའི་བདག་པོ་དེ་ལྟར་ན་སེམས་ལས་ནི་སེམས་སྣང་བ་ཡིན་ལ། སྣང་བ་ནི་ཡེ་ཤེས་ངོས་ཟིན་པར་བྱ་སྟེ། དེ་དག་ཀྱང་གསང་བ་དམ་པ་དེ་ཁོ་ན་ཉིད་ཀྱི་བྱིན་གྱི་བརླབས་སྣང་བར་རིག་པར་བྱའོ་ཞེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཐུགས་ཡོངས་སུ་རྟོག་པའི་ཐེ་ཚོམ་ཆད་དོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐུགས་ཡེ་ཤེས་ ང་བ་དམ་པའི་རྒྱན་བཀོད་པའི་ལེའི་སྟེ་སུམ་ཅུ་གཉིས་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་ཆེན་པོ་དེས་གསང་བ་པའི་བདག་པོ་ལ་དྲིས་པ། གསང་བ་པའི་བདག་པོ་སེམས་ཀྱི་དེ་ཁོ་ན་ཉིད་ནི་གང་ལགས། རྣམ་པར་ཤེས་པ་ནི་གང་ལགས། ཡེཤེས་ནི་གང་ལགས། །སྐུ་ཞེས་གང་ལ་བགྱི། གསང་བ་པའི་བདག་པོས་སྨྲས་པ། ཀང་ལའི་བདག་པོ་དྲིས་པ་དེ་བཞིན་ནི་འདི་སྐད་དུ་ཐོས་སོ། །སེམས་ནི་སེམས་དང་སེམས་སྣང་བ་དང་། སེམས་ལས་བྱུང་བ་སྟེ། དེ་ཉིད་དང་། དེ་འཇུག་པ་དང་། དེ་རྒྱུན་ནོ། །རྣམ་པར་ཤེས་པ་ནི་ཀུན་གཞི་དང་། འཇུག་པར་བྱེད་པའི་ཡིད་དང་རྒྱུན་དུ་འབྱུང་བའི་སྒྲོ་ལྔའོ། །ཡེ་ཤེས་ནི་གང་དེ་ཉིད་དུ་ངོས་ཟིན་པའོ། །སྐུ་ནི་གང་གི་འབྱུངའཇུག་སྣང་བའི་གཞིའོ། །ཡངལང་ཀའི་བདག་པོས་དྲིས་པ། གསང་བ་པའི་བདག་པོ་ངོས་ཟིན་པ་ནི་གང་། འབྱུང་བ་ནི་གང་། འཇུག་པ་ནི་གང་། སྣང་བ་ནི་གང་། གཞི་ནི་གང་། གསང་བ་པའི་བདག་པོས་སྨྲས་པ། ལང་ཀའིབདག་པོ་གང་དྲི་བ་དེ་ལྔནི་འདི་སྐདདུ་ཐོས་སོ། །གང་ངོས་ཟིན་པ་ནི་གཞན་ནས་མ་བྱུང་བར་ཟིན་པ་ཉིད་དོ། །དེ་ཅིའི་ཕྱིར་ཞེ་ན། ལང་ཀའི་བདག་པོ་གལ་ཏེ་གཞན་ནས་འབྱུང་བ་ཞིག་ན་ནི་གློ་བུར་བསྟེ་ཡེ་ཤེས་ཞེས་བྱ་བ་དེ་ཉིད་དེ་ལྟརམི་རུངངོ་། །བྱུང་བ་ནི་སྤལ་བལ་བྱའོ། །དེ་ཅིའི་ཕྱིར་ཞེ་།སྤྲུལ་པ་ནིམ་བྱུངམ་མྱོང་གང་དུ་རྒྱུན་དུ་འབྱུང་བའོ། །འཇུགཔ་ནི་རྫོགས་ལོངས་སྤྱོད་པ་སྟེ། དེཅིའི་ཕྱིར་ཞེ་ན། དེནི་ནང་དུ་ཡང་དག་གནས་པ་ཉིདདུ་གང་གིརྣལ་འབྱོར་འཇུག་པསྐྱུབྱེད་པ་ཉིད་དོ། སྣང་བ་ནི་ཆོས་ཀྱི་སྐུ་སྟེ། དེ་ཅིའི་ཕྱིར་ཞེ་ན། གཉིས་འདུས་པ་ལས་གཉིས་འབྱུང་བའི་རང་བཞན་དུ་སྣང་བའོ། །གཞི་ནི་ངོ་བོ་ཉིད་ཀྱི་སྐུ་སྟེ། དེ་ཅིའི་ཕྱིར་ཞེ་ན། ཆོས་ཐམས་ཅད་འབྱུང་བའི་གཞི་དངོས་པོ་མེད་པའི་ངོ་བོ་ཉིད་ཀྱི་ཕྱིར་རོ་།་ ་།་ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་སྤྲུལ་པ་ནི་གང་། རྫོགས་ལོངས་སྤྱོད་པ་ནི་གང་། ཆོས་ཀྱི་སྐུ་ནི་གང་། ངོ་བོ་ཉིད་ནི་གང་། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་འདིར་ལྟར་དྲི་བ་འདི་བཞི་ནི་འདི་སྐད་དུ་ཐོས་སོ། །སྤྲུལ་པ་ནི་གང་མེད་པ་ལས་རྒྱུན་གྱིས་འབྱུང་བ་ལ་བྱའོ། །རྫོགས་ལོངས་སྤྱོད་པ་ནི་སྨིན་པ་ཕུན་སུམ་ཚོགས་པ་ལ་བྱའོ། །ཆོས་ཀྱི་སྐུ་ནི་ཡོངས་སུ་རྣམ་པར་དག་པ་ལ་བྱའོ། །ངོ་བོ་ཉིད་ནི་ཇི་བཞིན་པ་དེ་ཉི་ལ་བྱའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྒྱུན་གྱི་འབྱུང་བ་ནི་གང་། སྨིན་པ་ཕུན་སུམ་ཚོགས་པ་ནི་གང་། ཡོངས་སུ་རྣམ་པར་དག་པ་ནི་གང་། ཇི་བཞིན་པ་དེ་ཉིད་ནི་གང་། གསང་བ་པའི་བདག་པོས་སྨྲས་པ། ལང་ཀའི་བདག་པོ་འདི་ལྟར་དྲི་བ་བཞི་ནི་འདི་ལྟེ་སྟེ། རྒྱུན་གྱི་འབྱུང་བ་ནི་སེམས་ལས་གྱུར་པ་རྒྱུན་མི་འཆད་པའོ། །སྨིན་པ་ཕུན་སུམ་ཚོགས་པ་ནི་སེམས་ལས་བྱུང་བའོ། །ཡོངས་སུ་རྣམ་པར་དག་པ་ནི་སེམས་སྣང་བའོ། །ཇི་བཞིན་པ་དེ་ཉིད་ནི་སེམས་ཉིད་དོ། །ལང་ཀའི་བདག་པོ་དེ་ཅིའི་ཕྱིར་ཞེ་ན། གང་གྱུར་པ་མུན་པ་སངས་ན་སྤྲུལ་པ་མངོན་དུ་སྣང་ངོ་།གང་འབྱུང་བ་མུན་པ་སངས་ན་རྫོགས་ལོངས་སྤྱོད་པ་མངོན་དུ་སྣང་ངོ་། །གང་སྣང་བ་མུན་པ་སངས་ན་ཆོས་ཀྱི་སྐུ་མངོན་དུ་སྣང་ངོ་། །ངོ་བོ་ཉིད་ལ་ནི་མུན་པ་དང་། སྣང་བ་དང་། སངས་པ་དང་།འཐིབས་པ་ལས་འདས་པའི་ཕྱིར་ཚིག་གི་ལམ་དང་ཡོངས་སུ་བྲལ་བ་ཉིད་དོ། །ལང་ཀའི་བདག་པོ་དེ་དག་ཉིད་ལ་ནི་སྙིང་པོ་གསང་བའི་ཁྱད་པར་གྱིས་དག་པ་དང་མ་དག་པ་ཡོད་པར་རིག་པར་བྱའོ། སྨྲས་པ།གསང་བ་པའི་བདག་པོ་དག་པ་ནི་གང་ལགས། །མ་དག་པ་ནི་གང་ལགས། སྨྲས་པ། ལང་ཀའི་བདག་པོ་འདི་ལྟ་སྟེ། གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་དང། ཐམས་ཅད་ནས་ཐམས་ཅད་དུ་དག་པ་ཆེན་པོའོ། །ལང་ཀའི་བདག་པོ་དེ་ལ་གང་དུ་དག་པ་ནི་འདི་ལྟ་སྟེ། གང་གསུམ་དུ་སྣང་བ་ཞི་བ་ནི་རྣམ་པར་དག་པའོ། །ཆོས་ཀྱི་དབང་ཕྱུག་ནི་སྨིན་པའོ། །ཆོས་ཀྱི་རྒྱལ་ཚབ་ནི་རྒྱུན་ནོ། །ཕྱོགས་སུ་དག་པ་ནི་འདི་ལྟ་སྟེ། གང་ལ་མ་རིག་པར་རང་རིག་པ་ནི་རྣམ་པར་དག་པའོ། །བདེ་བར་ཞུགས་པ་ནི་སྨིན་པའོ། །གང་དུ་སྣང་བ་ནི་རྒྱུན་ནོ། །ཡོངས་སུ་རྣམ་པར་དག་ནི་འདི་ལྟ་སྟེ། གང་ནམ་མཁའ་ཉིད་ནི་རྣམ་པར་དག་པའོ། །བདེ་བ་ལ་ལོངས་སྤྱོད་པ་ནི་སྨིན་པའོ། །ཡོངས་སུ་བསྒྱུར་བ་ནི་རྒྱུན་ནོ། །ཐམས་ཅད་ནས་ཐམས་ཅད་དུ་དག་པ་ཆེན་པོ་ནི་འདི་ལྟ་སྟེ། གང་གཞིར་སྣང་བ། གང་མ་བསླད་པ་ནི་དེ་ཉིད་དོ། །གང་སྐུ་མེད་པ་ནི་རྣམ་པར་དག་པའོ། ཡོངས་སུ་རྫོགས་པ་ནི་སྨིན་པའོ། །ཅིར་ཡང་འབྱུང་བ་ནི་རྒྱུན་ནོ། །ལང་ཀའི་བདག་པོ་དེ་ལ་གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་ནི་མ་དག་པ་ཞེས་བྱའོ། །དེ་ཅིའི་ཕྱིར་ཞེ་ན། ཐམས་ཅད་དུ་དག་པར་བྱར་མེད་པ་ལ་དག་པར་འདོད་ཅིང་དག་པར་བྱེད་པའི་ཕྱིར་རོ། །སྨྲས་པ། གསང་བ་པའི་བདག་པོ་ཅི་ག་དེ་ལ་གང་དུ་དག་པ་དང་། ཕྱོགས་སུ་དག་་པ་དང་།ཡོངས་སུ་རྣམ་པར་དག་པ་དེ་ལ་དག་པ་ཞེས་ཅིའི་ཕྱིར་བརྗོད། །སྨྲས་པ། ལང་ཀའི་བདག་པོ་དེ་དག་ནི་གང་ཡོངས་སུ་བསྒྲིབས་པ་ལས་གང་དུ་སངས་པ་དང་། ཕྱོགས་སུ་སངས་པ་དང་། ཡོངས་སུ་རྣམ་པར་སངས་པའི་ཕྱིར་རོ། །ལང་ཀའི་བདག་པོ་ཐམས་ཅད་དུ་དག་པར་བྱར་མེད་པ་ལ་ནི་དག་པ་ཞེས་བྱའོ། །དེ་ཅིའི་ཕྱིར་ཞེ་ན། དེ་ལ་ནི་དག་པར་བྱ་བའི་རྒྱུ་ཅི་ཡང་མེད་པའི་ཕྱིར་རོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྒྱུན་ཡིན་ལ་སྨིན་པ་མ་ཡིན་པ་ནི་གང་། སྨོན་པ་ཡིན་ལ་རྒྱུན་མ་ཡིན་པ་ནི་གང་། གཉིས་ཀ་ཡིན་པ་ནི་གང་། གཉིས་ཀ་མ་ཡིན་པ་ནི་གང་ཞེས་དྲིས་པ་ལས། སྨྲས་པ། ལང་ཀའི་བདག་པོ་ཇི་སྐད་དུ་དྲེ་བ་བཞི་ནི་འདི་ལྟ་སྟེ། རྒྱུན་ཡིན་ལ་སྨིན་པ་མ་ཡིན་པ་ནི་གང་འདས་ཀྱང་པརློའི་དབང་གིས་འཁོར་བ་དཔག་ཏུ་མེད་པ་ལ་ཕན་འདོགས་པའོ། །སྨིན་པ་ཡིན་ལ་རྒྱུན་མ་ཡིན་པ་ནི་སའི་སྔ་རོལ་ཉིད་དོ། །གཉིས་ཀ་ཡིན་པ་ནི་གང་ལྷག་མ་དང་བཅས་པས་འདས་པའོ། །གཉིས་ཀ་མ་ཡིན་པ་ནི་རྣམ་པར་དག་པའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་གི་མཛད་པ་ནི་གང་ལགས། །སྐུ་ནི་གང་ལགས། དགོངས་པ་ནི་གང་ལགས། །གཞི་ནི་གང་ལགས། །སྨྲས་པ། ལང་ཀའི་བདག་པོ་དེ་དག་གི་མཛད་པ་ནི་སངས་རྒྱས་ཀུན་གྱི་མཛད་པ་སྟེ་རྒྱུན་གྱི་བྱ་བ་ཅིར་ཡང་སྣང་བའོ། །སྐུ་ནི་སངས་རྒྱས་ཀུན་གྱི་སྐུ་སྟེ་ཡོངས་སུ་སྨིན་པའོ། །དགོངས་པ་ནི་སངས་རྒྱས་ཀུན་གྱི་དགོངས་པ་སྟེ་རྣམ་པར་དག་པའོ། །གཞི་ནི་སངས་རྒྱས་ཀུན་གྱི་འབྱུང་གནས་ཏེ་དེ་ཉིད་དོ། ལང་ཀའི་བདག་པོ་དེ་དག་ནི་མང་པོ་དང་། །གཅིག་དང་།གཅིག་མང་པོ་དང་། དེ་དག་ལས་འདས་པ་ཞེས་ཀྱང་བྱའོ། །དེ་ཅིའི་ཕྱིར་ཞེ་ན། རྒྱུན་ནི་སྣ་ཚོགས་དཔག་གིས་མི་ལང་བའི་ཕྱིར་མང་པོ་ཞེས་བྱའོ། །སྨིན་པ་ནི་གང་ཐམས་ཅད་གཅིག་པའི་ཕྱིར་གཅིག་ཅེས་བྱའོ། །རྣམ་པར་དག་པ་ནི་རྒྱུན་དང་སྨིན་པའི་གཞིར་གྱུར་པའི་ཕྱིར་གཅིག་མང་པོ་ཞེ་བྱའོ། །དེ་ཉིད་ནི་དེ་དག་གི་འབྱུང་འཇུག་གིས་ཟས་འཕེལ་མེད་པའི་ཕྱིར་དེ་དག་ལས་འདས་པ་ཞེས་བྱའོ། །ཡང་ལང་ཀའི་བདག་པོས་དྲེས་པ། གསང་བ་པའི་བདག་པོ་དེ་དག་རྟག་པ་བཞི་གམ། འོན་ཏེ་མི་རྟག་པ་ཞིག ཡོད་པ་ཞིག་གམ། འོན་ཏེ་མེད་པ་ཞིག གཅིག་པ་ཞིག་གམ། ཐ་དད་པ་ཞིག་ཅེས་དྲིས་པ་ལས། གསང་བ་པའི་བདག་པོས་སྨྲས་པ།ལང་ཀའི་བདག་པོ་ཇི་སྐད་དུ་དྲི་བ་དྲུག་ནི་འདི་ལྟ་སྟེ། དེ་དག་ནི་རྟག་པ་ཡང་མ་ཡིན་ནོ། །མི་རྟག་པ་ཡང་མ་ཡིན་ནོ། །རྟག་ཀྱང་རྟག་ལ་མི་རྟག་ཀྱང་མི་རྟག་པ་ཡང་མ་ཡིན་ནོ། །རྟག་པ་ཡང་མ་ཡིན། །མི་རྟག་པ་ཡང་མ་ཡིན་པ་ཡང་མ་ཡིན་ནོ། །དེ་དག་ནི་ཡོད་པ་ཡང་མ་ཡིན་ནོ། །མེད་པ་ཡང་ཡིན་ནོ། །ཡོད་ཀྱང་ཡོད་ལ་མེད་ཀྱང་མེད་པ་ཡང་ཡིན་ནོ། །ཡོད་པ་ཡང་མ་ཡིན། མེད་པ་ཡང་མ་ཡིན་པ་ཡང་ཡིན་ནོ། །གཅིག་པ་ཡང་ཡིན་ནོ། །ཐ་དད་པ་ཡང་ཡིན་ནོ། །གཅིག་པ་ཡང་མ་ཡིན། ཐ་དད་པ་ཡང་མ་ཡིན་པ་ཡང་ཡིན་ནོ། །གཅིག་པ་དང་ཐ་དད་པའི་ངོ་བོ་ལས་གྲོལ་བ་ཡང་ཡིན་ནོ། །ལང་ཀའི་བདག་པོ་དེ་ཅིའི་ཕྱིར་ཞེ་ན། འདི་ལྟ་ཏེ། མི་འགྱུར་ཞིང་གཉེན་པོ་མེད་པ་དང་། གང་འབྱུང་བ་མི་དམིགས་པ་དག་ཀུན་གྱི་གཞིར་གྱུར་པ་དང་། མཐའ་ཡོངས་སུ་མི་དམིགས་པ་དང་། ཐེར་ཟུ་མ་ཡིན་པ་དང་། རྒྱུནདུ་འབྱུང་བ་དང་། དགོངས་པ་དམ་པ་དང་།དངོས་པོ་མེད་པ་དང་། རྒྱུད་དག་པའི་ཡུལ་དུ་གྱུར་པ་དང་། མཐའ་དབུས་ལས་འདས་པ་དང་། ཐ་སྙད་ལས་འདས་པ་དང་། ཡེ་ཇི་བཞིན་པ་དང་། བསམ་དུ་མེད་པ་དང་། བསམ་གྱིས་མི་ཁྱབ་པ་དང་། སོ་སོའི་སྤྱོད་ཡུལ་དང་། ཁྱད་པར་ཅིར་ཡང་མཚུངས་པའི་ཕྱིར་རྟག་པར་ཡང་ཟུང་ཤིག མི་རྟག་པར་ཡང་ཟུང་ཤིག ཡོད་པར་ཡང་ཟུང་ཤིག མེད་པར་ཡང་ཟུང་ཤིག གཅིག་པར་ཡང་ཟུང་ཤིག ཐ་དད་པར་ཡང་ཟུང་ཤིག གཅིག་དག་ཐ་དད་པའི་ངོ་བོ་ལས་གྲོལ་བར་ཡང་ཟུང་ཤིག ལང་ཀའི་བདག་པོ་དེ་ལྟར་ན་གདུལ་བྱའི་དབང་གི་ཕྱིར་སྐུ་ལ་ནི་ངེས་པ་མེད་དེ་བསམ་གྱིས་མི་ཁྱབ་པར་ཟུང་ཤིག ལྔར་ཡང་ཟུང་ཤིག བཞིར་ཡང་ཟུང་ཤིག གསུམ་དུ་ཡང་ཟུང་ཤིག གཉིས་སུ་ཡང་ཟུང་ཤིག གཅིག་ཏུ་ཡང་ཟུང་ཤིག ངེས་པ་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་ཞེས་ཐ་སྙད་དུ་བཏགས་པར་ཟད་ཀྱི། །སྐུ་ནི་ནམ་མཁའོ། །གསུང་ནི་སྒྲ་བརྙན་ནོ། །ཐུགས་ནི་ཆོས་ཉིད་དོ། །ཡོན་ཏན་ནི་སྒྱུ་མའོ། །ཕྲིན་ལས་ནི་སྤྲུལ་པ་སྟེ། དེ་དག་ནི་གང་ལ་འདུལ་བའི་དབང་དུ་བྱིན་གྱི་བརླབས་ལ་སྣང་བར་ཟད་ཀྱི་ཡང་དག་པར་ན་སྣང་བ་ནི་ཅུང་ཟད་ཀྱང་མེད་དོ། །ལང་ཀའི་བདག་པོ་དེ་དག་གི་ངོ་བོ་ནི་རྣམ་པར་ཤེས་པའོ། །ངོས་ཟིན་པ་ནི་ཡེ་ཤེས་སོ། །མངོན་སུམ་པ་ནི་སངས་རྒྱས་སོ། །ལང་ཀའི་བདག་པོ་དེ་ལྟར་ན་གསང་གསང་སྔགས་ཀྱི་ངོ་བོ་དེ་ནི་ཡོངས་སུ་དཔག་པར་དཀའ་བའི་ཕྱིར་གང་མུན་པའི་ཁམས་པས་ནི་རྣམ་པར་ཤེས་པ་ཞེས་བྱ་བར་བཏགས་སོ། །སྣང་བའི་ཁམས་པ་དག་གིས་ནི་ཡེ་ཤེས་ཞེས་བྱ་བར་བཏགས་སོ། །མིག་དང་བ་རྣམས་ཀྱིས་ནི་སངས་རྒྱས་སུ་བཏགས་སོ། །དམ་པའི་མིག་ཅན་རྣམས་ཀྱིས་ནི་གསང་སྔགས་སུ་ངོས་ཟིན་པ་ཡིན་ནོ། །དེ་ནས་ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་གི་ཞིང་ཁམས་ནི་གང་། འཁོར་ནི་གང་།བསྟན་པ་ནི་ཅི་ཞིག་སྒྲོགས། དུས་ནི་གང་། མཛད་པ་ནི་གང་ཞེས་དྲིས་སོ། །གསང་བ་པའི་བདག་པོསསྨྲས་པ། ལང་ཀའི་བདག་པོ་ཇི་སྐད་དུ་དྲི་བ་ལྔ་ནི་འདི་ལྟ་སྟེ། གང་ངོ་བོ་ཉིད་མེདཔ་དེའི་ཞིང་ཁམས་ནི་བསྐྱེད་དུ་མེད་པའོ། །འཁོར་ནི་སངས་རྒྱས་པ་མེད་པའོ། །བསྟན་པ་ནི་བསམ་དུ་མེད་པའོ། །དུས་ནི་ཚད་ལས་འདས་པའོ། །མཛད་པ་ནི་ཅིར་ཡང་མཛད་པའོ། །གང་རྣམ་པར་དག་པ་དེའི་ཞིང་ཁམས་ནི་བདལ་ཁྱབ་ཆེན་པོའོ།འཁོར་ནི་ཡེ་ཤེས་རྒྱ་མཚོའི་ཚོགས་སོ། །བསྟན་པ་ནི་བྱ་བ་མེད་པའི་ཆོས་སོ། །དུས་ནི་ཐམས་ཅད་ནས་ཐམས་ཅད་དུའོ། །མཛད་པ་ནི་ཆོས་ཐམས་ཅད་སྣང་བར་མཛད་པའོ། །གང་སྨིན་པ་དེའི་ཞིང་ཁམས་ནི་བདེ་བ་ཅན་ནོ། །འཁོར་ནི་ཡོངས་སུ་སྨིན་པ་རྒྱ་མཚོའི་ཚོགས་སོ། །བསྟན་པ་ནི་བརྗོད་དུ་མེད་པའོ། །དུས་ནི་གང་ན་གནས་གཙང་མ་ནའོ། །མཛད་པ་ནི་རྣལ་འབྱོར་དམ་པ་ཉིད་དོ། །གང་གསང་བ་དེའི་ཞིང་ཁམས་ནི་པཟློ་ཅན་ནོ། །འཁོར་ནི་རྒྱལ་བ་རྒྱ་མཚོའི་ཚོགས་སོ། །བསྟན་པ་ནི་གསང་སྔགས་རྒྱ་མཚོ་ཉིད་དོ། །དུས་ནི་གཙུག་ཏོར་འཁོས་ལོས་སྒྱུར་བ་འདོད་པ་ན་རྒྱལ་བ་ཀུན་གྱི་སྐུ་སྒྲུན་པར་འབྱོར་བའི་དུས་ཉིད་ནའོ། །མཛད་པ་ནི་སྒྱེས་བུ་དམ་པ་རྣམས་དགོངས་པ་དམ་པའི་ཐེ་ཚོམ་གཅོད་པར་མཛད་པའོ། །གང་རྒྱན་གྱི་ཞིང་ཁམས་ནི་མོས་པ་ཅན་ནོ། །འཁོར་ནི་མོས་པ་ཐ་དད་པའི་ཚོགས་སོ། །བསྟན་པ་ནི་བསམ་གྱིས་མི་ཁྱབ་པའོ། །དྭས་ནི་སྒྲོན་མ་ཡོངས་སུ་བཀོད་པ་ནའོ། །མཛད་པ་ནི་གང་གི་མུན་པ་སེལ་བར་མཛད་པའོ། །ལང་ཀའི་བདག་པོ་དེ་དག་ཀྱང་སོ་སོར་བལྟ་བར་ནི་མི་བྱའོ། དེ་ཅིའི་ཕྱིར་ཞེ་ན། གང་ངོ་བོ་ཉིད་མེད་པ་ལས་དེ་ལྟར་སྣང་བ་ཟད་དེ། །དེ་ནི་དེ་ཁོ་ན་ཉིད་གསང་བ་དམ་པའི་བྱིན་གྱི་བརླབས་འབའ་ཞིག་སྣང་བའོ། །ལང་ཀའི་བདག་པོ་དེ་བས་ན་གསང་བ་དམ་པ་ངོ་བོ་ཉིད་མེད་པ་དེ་ནི་ཉི་མའི་སྙིང་པོ་ལྟ་བུའོ། །བྱིན་གྱི་བརླབས་ལས་སྣང་བ་ནི་ཟེར་དང་འོད་ལྟ་བུར་རིག་པར་བྱའོ་ཞེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་སྐུ་ཡོངས་སུ་རྟོག་པའི་ཐེ་ཚོམ་ཆད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐུ་ཡོངས་སུ་སྣང་བ་དམ་པའི་རྒྱན་བཀོད་པའི་ལེའུ་སྟེ་སུམ་ཅུ་གསུམ་པའོ།། །།དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། དེ་བཞིན་གཤེགས་པའི་གསུང་གི་བྱིན་གྱི་བརླབས་ཇི་ལྟར་སྣང་བ་དཔག་པར་བྱ་བའི་ཕྱིར་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་གང་གི་ཐུགས་དང་སྐུའི་བྱིན་གྱི་བརླབས་ལས་སྣང་བ་ཡོངས་སུ་བཀོད་པ་དེ་དག་གི་གསུང་གི་བྱིན་གྱི་བརླབས་ལས་སྣང་བ་ཇི་ལྟར་དཔག་པར་བགྱི། དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་ཇི་སྐད་དུ་དྲི་བ་དེ་ནི་འདི་ལྟ་སྟེ། ངོ་བོ་ཉིད་མེད་པ་གསང་བ་དམ་པ་གསང་བ་དེ་ལ་ནི་ཚིག་དང་སྒྲའི་ཐ་སྙད་མེད་དེ་ཐམས་ཅད་ནས་ཐམས་ཅད་དུ་གསུང་བ་མེད་པ་ཁོ་ནའོ། །གལ་ཏེ་གསང་བ་དེ་དག་དཔག་པར་ནི་གང་ཡོངས་སུ་དག་པའི་སྐྱེས་བུ་དམ་པས་ཀྱང་མི་དཔོགས་ཏེ། གང་གི་ཕྱིར་དེ་དཔོགས་པ་ཉིད་ན་ངོ་བོ་ཉིད་མེད་པ་གསང་བ་དམ་པ་ཉིད་དུ་ངེས་པའི་ཕྱིར་དཔག་པར་རབ་ཏུ་དཀའོ། །ལང་ཀའི་བདག་པོ་འོན་ཀྱང་འདི་ལྟར་རིག་པར་བྱ་སྟེ། གང་ངོ་བོ་ཉིད་མེད་པའི་གསུང་ནི་ནམ་མཁའ་ལྟ་བུའོ། །རྣམ་པར་དག་པའི་གསུང་ནི་ཉི་མའི་སྙིང་པོ་ལྟ་བུའོ། །ཡོངས་སུ་སྨིན་པའི་གསུང་ནི་མེ་ལོང་ལྟ་བུའོ། །གསང་བ་དམ་པའི་གསུང་ནི་སེང་གེ་ལྟ་བུའོ། །རྒྱུན་དུ་འབྱུང་བའི་གསུང་ནི་གསུང་གཅིག་ཡན་ལག་བསམ་གྱིས་མི་ཁྱབ་པར་འབྱུང་བའི་ཕྱིར་བསམ་གྱིས་མི་ཁྱབ་པ་ཞེས་བྱའོ། །ལང་ཀའི་བདག་པོ་གང་བསམ་གྱིས་མི་ཁྱབ་པ་དེ་དག་ཀྱང་བཞིར་འབྱུང་ཞིང་བཞིར་སྣང་བ། བཞི་ལས་རྒྱས་པར་ཤེས་པར་བྱའོ། །བཞི་གང་ཞེ་ན་འདི་ལྟ་སྟེ། གསུང་གི་རང་བཞིན་དང་། རྣམ་གྲངས་དང་། ཡན་ལག་དང་། གཟུགས་བརྙན་རྣམས་སུ་ཤེས་པར་བྱའོ། །ལང་ཀའི་བདག་པོ་དེ་ལ་རང་བཞིན་གང་ཞེ་ན་འདི་ལྟ་སྟེ།གདངས་སུ་ཆེ་བ་དང་། ཡོངས་སུ་ཁྱབ་པ་དང་། གོ་བར་མྱུར་བ་དང་། ཐེ་ཚོམ་གཅོད་པ་དང་། གཅིག་ལ་གཟིགས་སྙམ་པ་དང་། ཉི་ཙེར་སྟོན་པ་དང་། ཀུན་ནས་འཇུག་པ་དང་། འདུན་པ་བསྐྱེད་པ་དང་། ཁྱད་དུ་ཞུགས་པ་དང། །ཐམས་ཅད་འདུལ་བའོ། །ལང་ཀའི་བདག་པོ་རྣམ་གྲངས་གང་ཞེ་ན། འདི་ལྟ་སྟེ། ཚངས་པ་ལྟ་བུ་དང། སིལ་སྙན་ལྟ་བུ་དང་། གླུ་གར་ལྷ་བུ་དང་། ཀ་ལ་པིང་ཀ་ལྟ་བུ་དང་། འབྲུག་དབྱངས་ལྟབུདང་། སྒྲ་བརྙན་ལྟབུའོ། །ལང་ཀའི་བདག་པོ་ཡནལབ།ནིའདི་ལྟསྟེ། འདུ་ཤེས་བསྐྱེད་པ་དང་། རྣམ་པར་རིག་པ་དང་། མཉནཔར་འོས་པ་དང་། མི་མཐུན་པ་མེད་པ་དང་། ཤིན་ཏུ་ཟབ་པ་དང་།རྗེས་སུ་འབྱུང་བ་དང་། གངགིས་མི་ཚུགས་པདང་། རྣར་སྙན་པ་དང། རྣམ་པར་མ་འཁྲུགས་པདང་། ཤིན་ཏུ་གསལ་བ་སྟེ། རྣམ་གྲངསཀྱི་སྒོ་རེ་རེར་གང་དུ་བྱུང་བ་དེདང་དེརྭ་ཡནལག་ཀུན་རྫོགས་པར་འབྱུང་ངོ་།ལངཀའི་བདག་པོ་དེ་ལ་གཟུགས་བརྙནགང་ཞེ་ན། གཟུགས་བརྙནནིཡི་གེའི་ཚོགས་སུ་སྣང་བ། ཡི་གེ་ནི་གསང་བདམ་པའི་བྱིན་གྱིས་བརླབས་ལས་འབྱུངབར་རིགཔར་བྱའོ། །ལག་ཀའི་བདག་པོ་གསང་བ་དམ་པའི་བྱིན་གྱི་བརླབས་ནི་ཡི་གེར་ཡངམ་ཟད་དེ་ཡི་གེ་ལ་སོགས་པའི་ཆོས་ཐམསཅདམེད་པ་ལས་འབྱུང་ཞིངབཏགས་པ་ལྟར་ཆགས། གང་ལྟར་བསྒྲུབས་པ་ལྟར་འགྲུབ། གང་དུམཐོང་བ་དེ་ལྟར་བལྟསཔར་སྣང་བའི་ཕྱིར་ཡེ་གེ་ཡང་མི་དམིགས་པའིདབྱིངསཀྱིབྱིན་གྱི་བརླབས་ལསགསུང་གི་གཟུགསབརྙན་དུ་འབྱུང་བ་ཟད་དོ། །ལངཀའི་བདགཔོ་འོན་ཏངན་ཐམསཅད་རང་བཞིན་གྱིས་སྟོངསྟེ་ངང་གིས་མ་བཅོས་ཡང་གིས་འོད་གསལ་བས་བཙལ་དུ་མེད་ཅིང་ཡེ་ནས་བྱང་ཆུབ་པ་ལས་གང་བྱང་ཆུབ་དོན་དུ་གཉེར་ཞིང་འབད་པ་ནི་དཀའ་བ་བྱེད་པའོ། །སྨྲས་པ། གསང་བའི་བདག་པོ་འོ་ན་སེམས་ཅན་དང་སངས་རྒྱས་གཉིས་ཅིའི་ཕྱིར་ཐ་དད། སྨྲས་པ། ལང་ཀའི་བདག་པོ་དེ་ནི་རྐྱེན་ཇི་བཞིན་པའི་ཕྱིར་རོ། །ལང་ཀའི་བདག་པོ་དེ་བས་ན་འདི་ལྟ་སྟེ། གཟུགས་བརྙན་གྱི་རྒྱུད་དང་། གཟུགས་བརྙན་འབྱུང་བའི་སྒོ་དང་། གཟུགས་བརྙན་གྱི་གཟུངས་དང་། གཟུགས་བརྙན་གྱི་དམ་ཚིག་དང་། གཟུགས་བརྙན་གྱི་སྤྲུལ་པའོ། །ལང་ཀའི་བདག་པོ་དེ་ལ་དེ་གཟུགས་བརྙན་གྱི་རྒྱུ་ནི་དང་བ་མི་དམིགས་པ་ཏེ་ཅི་ཡང་མེད་པ་ལས་ཅི་ཡང་འབྱུང་བའོ། །ལང་ཀའི་བདག་པོ་གཟུགས་བརྙན་འབྱུང་བའི་སྒོ་ནི་གང་དུ་གཉིས་འདུས་པ་སྟེ་ཅི་ཡང་མིན་པ་ལས་ཅིར་ཡང་རིག་པར་བྱེད་པའོ། །ལང་ཀའི་བདག་པོ་གཟུགས་བརྙན་གྱིས་གང་མཚོན་པར་བྱས་མོད་ཀྱི་གཟུགས་བརྙན་ལས་དངོས་གཞི་འབྱུང་བ་ཡང་མ་ཡིན། །མི་འབྱུང་བ་ཡང་མ་ཡིན། །སྣང་བ་ཡང་མ་ཡིན། མི་སྣང་བ་ཡང་མ་ཡིན། མ་ཁྱབ་པ་ཡང་མ་ཡིན། ཁྱབ་པ་ཡང་མ་ཡིན། དཔེར་ན་ནམ་མཁའི་སྒྲ་བསྒྲགས་པར་ནི་ཀུན་གྱིས་ནུས་མོད་ཀྱི་ནམ་མཁའ་གང་ཞེ་ན། འདི་ཁོ་ནའོ་ཞེས་ནི་གང་གིས་ཀྱང་བསྟན་པར་མི་ནུས་སོ། །ལང་ཀའི་བདག་པོ་དེ་བཞིན་དུ་གཟུགས་བརྙན་གྱིས་ཀྱང་དངོས་གཞི་མཚོན་པར་ནུས་ཀྱི་འདི་ཁོ་ནའོ་ཞེས་བསྟན་པར་ནི་མི་ནུས་སོ། དེ་ཅིའི་ཕྱིར་ཞེ་ན། གཟུགས་བརྙན་ནི་དངོས་གཞི་ལས་བྱུང་བས་མཚོན་པར་ཡང་ནུས་ལ། གཟུགསབརྙན་ཡིན་པའི་ཕྱིར་གང་གི་སྤྱོད་ཡུལ་དུ་ཡང་གྱུར་པ་ཡིན་ལ། དངོས་གཞི་ནི་གང་གིས་ཀྱང་སྤྱོད་ཡུལ་དུ་མ་གྱུར་པས་འདིའོ་ཞེས་བསྟན་པར་མི་ནུས་སོ། །དེ་བས་སངས་རྒྱས་ཀུན་གྱི་དགོངས་པ་གསང་བ་དེ་ནི་སངས་རྒྱས་འཇིག་རྟེན་དུ་བྱུང་ཡང་རུང་མ་བྱུང་ཡང་རུང་། སེམས་ཅན་རྣམས་སངས་རྒྱས་ཀྱང་རུང་མ་རྒྱས་ཀྱང་རུང་། །ཐམས་ཅད་ཀྱི་རང་བཞིན་དུ་ཡེ་ནས་གནས་ཤིང་ཐམས་ཅད་ལ་ཁྱབ་ཀྱང་ཐམས་ཅད་ཀྱིས་མཐོང་བ་ནི་མ་ཡིན་ནོ། །དེ་ལས་བྱུང་བ་ཐམས་ཅད་ནི་ཤེས་པར་ཡང་རུང་ལ། དེས་ནི་དེ་ཉིད་མཚོན་པར་ཡང་རུང་ན། དེ་ལས་བྱུང་བས་དེ་ཉིད་དེ་ནི་འདི་ཁོ་ནའོ་ཞེས་བསྟན་པར་ནི་མི་ནུས་སོ། །ལང་ཀའི་བདག་པོ་གཟུགས་བརྙན་གྱི་གཟུངས་ནི་ཅི་ཡང་མེད་ཅིང་མ་མཐོང་བ་དེ་ཉིད་ཅི་ཡང་འབྱུང་ཞིང་ཅི་གང་དང་ཡང་མ་བྲལ་བ་སྟེ། འདི་ལྟ་སྟེ། གཟུགས་བརྙན་གང་ཡིན་པ་དེ་ནི་དངོས་གཞིའོ། །དངོས་གཞི་གང་ཡིན་པ་དེ་ནི་གཟུགས་བརྙན་ནོ། །དངོས་གཞི་དང་གཟུགས་བརྙན་གང་ཡིན་པ་དེ་ནི་གསང་བ་དམ་པའི་དབྱིངས་སོ། །གསང་བ་དམ་པ་གང་ཡིན་པ་དེ་ནི་དངོས་གཞི་དང་གཟུགས་བརྙན་ནོ། །འོན་ཏང་ན་གསང་བ་དམ་པ་ནི་རྒྱ་མཚོ་དང་འདྲ་ལ། བྱིན་གྱིས་བརླབས་ལས་བྱུང་བ་ཐམས་ཅད་ནི་རླབས་དང་འདྲ་བ་སྟེ། འདི་གཉིས་ལ་གཉིས་སུ་མེད་པ་། གཉིས་ཀྱི་མཐའ་ལས་གྲོལ་བ། དབུ་མར་ཡང་མི་དམིགས་པ། གཉིས་སུ་མི་འགྱུར་བར་གཟིགས་པ་སྟེ་དེ་ཁོ་ན་ཉིད་དེ་ནི་གཟུངས་སོ། །དེ་བཞིན་དུ་ཅིས་ཀྱང་མི་ཕྱེད་མི་ཤིགས་པ་དང་།གང་དུ་ཡང་མི་དམིགས་པ་དང་། མཉམ་པ་ཉིད་དང་། མི་འགྱུར་བ་ཉིད་དང་། ནམ་མཁའི་རང་བཞིན་དང་། མིང་དང་། ཚིག་དང་། དོན་དང་། གསང་སྔགས་གྱི་གཟུངས་སོ། །འོན་ཏང་ན་གཟུགས་བརྙན་གྱི་རང་བཞིན་ཡང་མི་དམིགས་པའི་དབྱིངས་ལ་དངོས་གཞིའི་རང་བཞིན་ཡང་མི་དམིགས་པའི་དབྱིངས་ཁོ་ན་བས་དེ་ནི་དེ་གཉིས་ཀྱི་གཟུགས་སོ། །མི་དམིགས་པའི་དབྱིངས་དེ་ནི་ཐམས་ཅད་དུ་སེམས་ཅན་དག་སངས་རྒྱས་ལ་སོགས་པ་ཐམས་ཅད་སྐྱེད་ཅིང་དེའི་རང་བཞིན་དེ་ཡིན་པའི་ཕྱིར་གཅིག་པས་ན་སོ་སོ་མ་ཡིན་པའི་གཟུངས་སོ། །ལང་ཀའི་བདག་པོ་གཟུགས་བརྙན་གྱི་དམ་ཚིག་ནི་གང་གི་གཟུགས་བརྙན་གང་དེ་ལས་མི་འདའ་བ་སྟེ། ཇི་ལྟར་སྣང་ཡང་དངོས་གཞི་དེ་ལས་མི་འགྱུར་མི་འདའ་བ་སྟེ། དེ་ལྟར་འབྱུང་འཇུག་མེད་པ། ཕྱི་ནང་མེད་པ། སྒོ་ཕུགས་མེད་པ། འདུ་འབྲལ་མེད་པས་ན་དམ་ཚིག་གོ །ཐམས་ཅད་དེའི་ངང་ལས་མི་འདའ་བའི་ཕྱིར་དམ་ཚིག་ཅེས་བྱའོ། །ལང་ཀའི་བདག་པོ་དཔེར་ན་རྡོ་རྗེ་སེམས་དཔའ་ནི་གང་སངས་རྒྱས་རྣམས་ཀྱི་སྤྱོད་ཡུལ་དགོངས་པ་དམ་པ་ཡིན་ན་དེའི་གཟུགས་བརྙན་ཞིག་བླུན་པོ་གང་ཞིག་གི་མདུན་དུ་བཞག་ན་བླུན་པོ་དེ་ཇི་སྙམ་དུ་སེམས། སྨྲས་པ། གསང་བ་པའི་བདག་པོ་དེ་ནི་འདི་ལྟར་འདི་ནི་རྡོ་རྗེ་སེམས་དཔའ་ཉིད་མ་ཡིན་ཏེ། དེའི་འདྲ་བ་འབའ་ཞིག་གོ་སྙམ་དུ་རྟོག་པའོ། །སྨྲས་པ་ལང་ཀའི་བདག་པོ་དེ་བས་ན་གང་དམ་པ་དག་གིས་བལྟས་ན་མི་དམིགས་པའི་དབྱིངས་ན་རྡོ་རྗེ་སེམས་དཔའ་དང་དེའི་གཟུགས་བརྙན་གཉིས་གཞན་དང་གཞན་ན་སོ་སོ་ན་གནས་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་གཉིས་ཀྱི་རང་བཞིན་དེ་ཁོ་ན་ཉིད་དེ་དེ་བཞིན་ཡིན་པའི་ཕྱིར་རོ། །དེ་སོ་སོ་བ་ཞིག་ཡིན་ན་ནི་དམིགས་པས་འབྲས་བུ་སྐྱེ་བར་མི་རིགས་སོ། །ལང་ཀའི་བདག་པོས་སྨྲས་པ། གསང་བ་པའི་བདག་པོ་དེ་དག་ལ་ཁྱད་པར་མ་མཆིས་སམ། །སྨྲས་པ་ལང་ཀའི་བདག་པོ་མི་ཤེས་པའི་དབང་དུ་གཟུགས་བརྙན་དང་དེས་མཚོན་པའི་དོན་ཞེས་བརྗོད་ཅིང་སྣང་བར་ཟད་ཀྱི། །དམ་པ་རྣམས་ཀྱི་དེ་ཁོ་ན་ཉིད་བརྩོན་པར་བྱས་ན་དེ་ལ་ནི་ཁྱད་པར་ཅུང་ཟད་ཀྱང་མེད་དོ། །སྨྲས་པ། གསང་བ་པའི་བདག་པོ་འོ་ན་ཆོས་རྣམས་བརྗོད་པ་དང་། མཚོན་པ་དང་ཐ་སྙད་ཀྱིས་ཅི་ཞིག་བགྱི། སྨྲས་པ། ལང་ཀའི་བདག་པོ་དེ་ནི་ཁོ་བོས་གང་གི་དོགས་པ་བསལ་ཟིན་ཏོ། །སྨས་པ།གསང་བ་པའི་བདག་པོ་འོ་ན་གང་བློ་ཆེན་པོ་དག་བྱ་དཀའ་བ་ཆེན་པོས་འབད་ཅིང་ལེགས་པར་བསྒྲུན་ཏེ་ཅི་ཞིག་བྱ། སྨྲས་པ་ལང་ཀའི་བདག་པོ་དེ་དེ་ལྟར་མོད་ཀྱི་གང་མཚན་མ་ལ་ཞེན་པ་དག་ཁྲིད་པའི་ཕྱིར་དང་།གང་བློ་ཆེ་ཡང་ད་དུང་ཚེགས་ཆུང་ངུའི་ཐབས་རླབས་པོ་ཆེས་དོན་ཆེན་པོར་རེད་ཟིན་པའི་ཉམས་མ་རྙེད་པའི་ཕྱིར་རོ། །ལང་ཀའི་བདག་པོ་དེ་ཁོ་ན་ཉིད་ལས་ནི་རྒྱུན་དུ་་ཆོ་འཕྲུལ་རྣམས་སྣང་བ་ཡིན་ཏེ། རིན་པོ་ཆེ་འམ་སྤྲིན་ལྟ་བུར་ཅི་ཡང་མེད་པ་ལས་ཅི་ཡང་སྣང་ཞིང་གང་ཆུང་ངུ་ལས་མང་པོར་མཆེད་པའི་ཕྱིར་སྲིད་པ་དང་མྱ་ངན་ལས་འདས་པའི་ཆོས་ཐམས་ཅད་སྣང་བ་འདི་ཅི་ཡང་མེད་པ་ལས་སྣང་ངོ་། །དེ་བས་ན་གསུང་གི་གཟུགས་བརྙན་འདི་དག་ཀྱང་ཅི་ཡང་མེད་པ་ཁོ་ན་ལས་སྣང་བའི་ཆོས་ཉིད་དུ་རིགས་པར་བྱའོ། ལང་ཀའི་བདག་པོ་གཟུགས་བརྙན་གྱི་སྤྲུལ་པ་ནི་ཐ་དད་དེ་གསུང་གི་གཟུགས་བརྙན་ནི་ཡི་གེར་སྣང་བ་ཡིན་ལ། ཡི་གེའི་སྤྲུལ་པ་ནི་འདི་ལྟ་སྟེ། །མིང་དང་། བྱུང་ཚུལ་དང་གཟུགས་དང་། རང་བཞིན་དང་། སྒྲ་དང་། ལས་དང་། སྒོ་དང་། རྣམ་གྲངས་དང་། ཡི་གེའི་གཞི་རྣམས་ཀྱི་དེ་ཁོ་ན་ཉིད་གསང་བ་དམ་པ་དེ་མཐོང་ཞིང་ཤེས་པར་འགྱུར་རོ། །དེ་ཆོས་ཐམས་ཅད་ལ་མཁས་ཞིང་གྲོལ་བར་འགྱུར་རོ། །དེ་ལ་ལང་ཀའི་བདག་པོ་ཡི་གེ་དེའི་མིང་ནི་འདི་ལྟ་སྟེ། གང་ལ་ཡང་མེད་ལ་གང་མཚོན་པའི་བླ་དགས་ཏེ། གང་སྐྱེ་བ་མེད་པ་མཚོན་པར་བྱེད་པའི་ཡི་གེ་ལ་ནི་མིང་ཨ་ཞེས་བླ་དགས་སུ་བཏགས་སོ། །བྱ་བ་མཚོན་པར་བྱེད་པའི་ཡི་གེ་ལ་ནི་མིང་ཀ་ཞེས་ཚིག་བླ་དགས་སུ་བཏགས་སོ། ཁྱབ་པར་མཚོན་པར་བྱེད་པའི་ཡི་གེ་ལ་ནི་མིང་ཁ་ཞེས་ཚིག་བླ་དགས་སུ་བཏགས་སོ། །སྐྱེ་བ་མཚོན་པར་བྱེད་པའི་ཡི་གེ་ལ་ནི་མིང་ག་ཞེས་ཚིག་བླ་དགས་སུ་བཏགས་སོ། །གྲོལ་བ་མཚོན་པར་བྱེད་པའི་ཡི་གེ་ལ་ནི་མིང་བྷ་ཞེས་ཚིག་བླ་དགས་སུ་བཏགས་སོ། །འཛིན་པ་མཚོན་པར་བྱེད་པའི་ཡི་གེ་ལ་ནི་མིང་ང་ཞེས་ཚིགས་བླ་དགས་སུ་བཏགས་སོ། །སྤྱོད་པ་མཚོན་པར་བྱེད་པའི་ཡི་གེ་ལ་ནི་མིང་ཙ་ཞེས་ཚིགས་བླ་དགས་སུ་བཏགས་སོ། །འདུ་འབྲལ་མཚོན་པར་བྱེད་པའི་ཡི་གེ་ལ་ནི་མིང་ཚ་ཞེས་ཚིག་བླ་དགས་སུ་བཏགས་སོ། །མི་གནས་པ་མཚོན་པར་བྱེད་པའི་ཡི་གེ་ལ་ནི་མིང་ཛ་ཞེས་བླ་དགས་སུ་བཏགས་སོ། །དྲི་མ་མཚོན་པར་བྱེད་པའི་ཡི་གེ་ལ་ནི་མིང་རྟོ་ཞེས་ཚིག་བླ་དགས་སུ་བཏགས་སོ། །ཤེས་པ་མཚོན་པར་བྱེད་པའི་ཡི་གེ་ལ་ནི་མིང་ཉ་ཞེས། བླ་དགས་སུ་བཏགས་སོ། །དེ་ཉིད་མཚོན་པར་བྱེད་པའི་ཡི་གེ་ལ་ནི་མིང་ཏ་ཞེས། བླ་དགས་སུ་བཏགས་སོ། །བྱེད་པ་མཚོན་པར་བྱེད་པའི་ཡི་གེ་ལ་ནི་མིང་ཐ་ཞེས་བླ་དགས་སུ་བཏགས་སོ། །ཉེར་ཞི་མཚོན་པར་བྱེད་པའི་ཡི་གེ་ལ་ནི་མིང་ད་ཞེས་བླ་དགས་སུ་བཏགས་སོ། །ཆོས་མཚོན་པར་བྱེད་པའི་ཡི་གེ་ལ་ནི་མིང་དྷ་ཞེས་བྱ་དགས་སུ་བཏགས་སོ། །མིང་མཚོན་པར་བྱེད་པའི་ཡི་གེ་ལ་ནི་མིང་ན་ཞེས་བླ་དགས་སུ་བཏགས་སོ། །ལམ་མཚོན་པར་བྱེད་པའི་ཡི་གེ་ལ་ནི་མིང་ཊ་ཞེས་བླ་དགས་སུ་བཏགས་སོ། །གནས་མཚོན་པར་བྱེད་པའི་ཡི་གེ་ལ་ནི་མིང་ཋ་ཞེས་བླ་དགས་སུ་བཏགས་སོ།ཀུན་ནས་འཁྲུལ་པ་མཚོན་པར་བྱེད་པའི་ཡི་གེ་ལ་ནི་མིང་ཌ་ཞེས་བླ་དགས་སུ་བཏགས་སོ། །རང་བཞིན་མཚོན་པར་བྱེད་པའི་ཡི་གེ་ལ་ནི་མིང་རྟེ་ཞེས་བླ་དགས་སུ་བཏགས་སོ། །ཡུལ་མཚོན་པར་བྱེད་པའི་ཡི་གེ་ལ་ནི་མིང་ཎ་ཞེས་བླ་དགས་སུ་བཏགས་སོ། །དོན་དམ་པ་མཚོན་པར་བྱེད་པའི་ཡི་གེ་ལ་ནི་མིང་པ་ཞེས་བླ་དགས་སུ་བཏགས་སོ། །འབྲས་བུ་མཚོན་པར་བྱེད་པའི་ཡི་གེ་ལ་ནི་མིང་ཕ་ཞེས་བླ་དགས་སུ་བཏགས་སོ། །འཆིང་གྲོལ་མཚོན་པར་བྱེད་པའི་ཡི་གེ་ལ་ནི་མིང་བ་ཞེས་བླ་དགས་སུ་བཏགས་སོ། །སྲིད་པ་མཚོན་པར་བྱེད་པའི་ཡི་གེ་ལ་ནི་མིང་བྷ་ཞེས་བླ་དགས་སུ་བཏགས་སོ། །དྲན་པ་མཚོན་པར་བྱེད་པའི་ཡི་གེ་ལ་ནི་མིང་མ་ཞེས་བླ་དགས་སུ་བཏགས་སོ། །མི་འགྱུར་བ་མཚོན་པར་བྱེད་པའི་ཡི་གེ་ལ་ནི་མིང་ཡ་ཞེས་བླ་དགས་སུ་བཏགས་སོ། །རྒྱུ་རྐྱེན་མཚོན་པར་བྱེད་པའི་ཡི་གེ་ལ་ནི་མིང་ཝ་ཞེས་བླ་དགས་སུ་བཏགས་སོ། །རྡུལ་མཚོན་པར་བྱེད་པའི་ཡི་གེ་ལ་ནི་མིང་ར་ཞེས་བླ་དགས་སུ་བཏགས་སོ། །བཅོམ་པ་མཚོན་པར་བྱེད་པའི་ཡི་ཀེ་ལ་ནི་མིང་ལ་ཞེས་བླ་དགས་སུ་བཏགས་སོ། །ཞི་བ་མཚོན་པར་བྱེད་པའི་ཡི་གེ་ལ་ནི་མིང་ཤ་ཞེས་བླ་དགས་སུ་བཏགས་སོ། ཁོ།ས་པ་སྐྱེ་བར་བྱེད་པ་མཚོན་པར་བྱེད་པའི་ཡི་གེ་ལ་ནི་མིང་ཥ་ཞེས་བླ་དགས་སུ་བཏགས་སོ། །རྣམ་པར་ཐམས་ཅད་ཤེས་པར་མཚོན་པར་བྱེད་པའི་ཡི་གེ་ལ་ནི་མིང་ས་ཞེས་བླ་དགས་སུ་བཏགས་སོ།རྒྱུ་མཚོན་པར་བྱེད་པའི་ཡི་གེ་ལ་ནི་མིང་ཧ་ཞེས་བླ་དགས་སུ་བཏགས་སོ། །མཐར་ཟད་པ་མཚོན་པར་བྱེད་པའི་ཡི་གེ་ལ་ནི་མིང་ཀྟ་ཞེས་བླ་དགས་སུ་བཏགས་སོ། །བདག་མཚོན་པར་བྱེད་པའི་ཡི་གེ་ལ་ནི་མིང་ཨ་ཞེས་བླ་དགས་སུ་བཏགས་སོ། །གཡེང་བ་མཚོན་པར་བྱེད་པའི་ཡི་གེ་ལ་ནི་མིང་ཨི་ཞེས་བླ་དགས་སུ་བཏགས་སོ། །རི་མཚོན་པར་བྱེད་པའི་ཡི་གེ་ལ་ནི་མིང་སྙི་ཞེས་བླ་དགས་སུ་བཏགས་སོ། །ཞེན་པ་མཚོན་པར་བྱེད་པའི་ཡི་གེ་ལ་ནི་མིང་ཨུ་ཞེས་བླ་དགས་སུ་བཏགས་སོ། །མུན་པར་མཚོན་པར་བྱེད་པའི་ཡི་གེ་ལ་ནི་མིང་ཨུ་ཞེས་བླ་དགས་སུ་བཏགས་སོ། །གདུང་མཚོན་པར་བྱེད་པའི་ཡི་གེ་ལ་ནི་མིང་ཨེ་ཞེས་བླ་དགས་སུ་བཏགས་སོ། །མནར་སེམས་མཚོན་པར་བྱེད་པའི་ཡི་གེ་ལ་ནི་མིང་ཨེ་ཞེས་བླ་དགས་སུ་བཏགས་སོ། །འཇིག་པ་མཚོན་པར་བྱེད་པའི་ཡི་གེ་ལ་ནི་མིང་ཡོ།་ཞེས་བླ་དགས་སུ་བཏགས་སོ། །སྟོང་པ་མཚོན་པར་བྱེད་པའི་ཡི་གེ་ལ་ནི་མིང་་་་ཞེས་བླ་དགས་སུ་བཏགས་སོ། །ནུབ་པར་མཚོན་པར་བྱེད་པའི་ཡི་གེ་ལ་ནི་མིང་ཨ་ཞེས་བླ་དགས་སུ་བཏགས་སོ། །སྐུ་མཚོན་པར་བྱེད་པའི་ཡི་གེ་ལ་ནི་མིང་ཨེ་ཞེས་བླ་དགས་སུ་བཏགས་སོ། །ངག་མཚོན་པར་བྱེད་པའི་ཡི་གེ་ལ་ནི་མིང་ཨུ༷༷ཞེས་བླ་དགས་སུ་བཏགས་སོ། །ཐུགས་མཚོན་པར་བྱེད་པའི་ཡི་གེ་ལ་ནི་མིང་ཧཱུཾ༷་ཞེས་བླ་དགས་སུ་བཏགས་སོ། །ཡོནཏནམཚོནཔརབྱེདཔའི་ཡི་གེ་ལ་ནི་མིང་གྲྭ་ཞེས་བླ་དགས་སུ་བཏགས་སོ། །ཕྲིན་ལས་མཚོན་པར་བྱེད་པའི་ཡི་གེ་ལ་ནི་མིང་ཧྭ་ཞེས་བླ་དགས་སུ་བཏགས་སོ། །དགུག་པ་མཚོན་པར་བྱེད་པའི་ཡི་གེ་ལ་ནི་མིང་ལྕགས་ཀྱུ་ཞེས་བླ་དགས་སུ་བཏགས་སོ།སྡུད་པ་མཚོན་པར་བྱེད་པའི་ཡི་གེ་ལ་ནི་མིང་འོད་དཔག་ཞེས་བླ་དགས་སུ་བཏགས་སོ། །འདྲེན་པ་མཚོན་པར་བྱེད་པའི་ཡི་གེ་ལ་ནི་མིང་རེ་བ་ཞེས་བླ་དགས་སུ་བཏགས་སོ། །སྦྱོར་བ་མཚོན་པར་བྱེད་པའི་ཡི་གེ་ལ་ནི་མིང་ཟླ་ཚེས་ཞེས་བླ་དགས་སུ་བཏགས་སོ། །མིང་མཚོན་པར་བྱེད་པའི་ཡི་གེ་ལ་ནི་མིང་ཐིག་ཅེས་བླ་དགས་སུ་བཏགས་སོ། །གཅོད་པར་མཚོན་པར་བྱེད་པའི་ཡི་གེ་ལ་ནི་མིང་དབྱུག་པ་ཞེས་བླ་དགས་སུ་བཏགས་སོ།ལང་ཀའི་བདག་པོ་དེ་དག་ནི་ཡི་གེའི་མིང་དུ་རིག་པར་བྱའོ། །ལང་ཀའི་བདག་པོ་དེ་ལ་ཡི་གེའི་བྱུང་ཚུལ་གང་ཞེ་ན། འདི་ལྟ་སྟེ། སྟོན་པ་གསང་བ་མཆོག་ཉིད་ཀྱིས། །འདུས་པ་དག་ལ་བོས་ཏེ་གསུངས། །གཞན་ཡང་འདུས་པའི་རྣལ་འེབྱོར་རྣམས། །ཡི་གེ་རྗེས་སུ་དོན་དཔགས་ན། །ཡི་གེ་དོན་ནི་གསལ་བར་སྟོན། །ཅི་ཕྱིར་དོན་ཉིད་ཡི་གེར་སྣང་། །དབྱིངས་ནས་ཨ་བྱུང་ཨ་ལས་ནི། །ཡི་གེ་ཡིད་བཞིན་སྤྲིན་ཚོགས་འཕྲོ། །ཨ་ནི་རང་བཞིན་ཡི་གེ་སྟེ། །རྟེན་དང་བྲལ་བས་རྒྱུ་རྐྱེན་མེད། ཁོང་ནས་ཀུན་ཁྱབ་ནམ་མཁའ་འདྲ། །ཆོས་ཉིད་སྐྱེ་མེད་ཟབ་མོ་ཡིས། །ཆོས་ཀུན་ཁྱབ་གནས་ཟིན་པར་ལྟར།ཨུ༷༷ཁྱབ་གནས་ཨ་ཡི་རང་བཞིན་གྱིས། །ཡི་གེ་ཀུན་ཁྱབ་ཀུན་ཟིན་ཏེ། །མིང་དང་ཚིག་ཚོགས་སྣ་ཚོགས་བསྒྱུར། །སྐྱེས་བུ་ཐུགས་ཀྱི་དཔལ་བེའུ་ནས། །ཐམས་ཅད་འབྱུང་བ་ཀུན་གྱི་གཞི། །མགུར་གྱི་གསང་བའི་དབྱིངས་སུ་ཤར། །ཆོ་འཕྲུལ་ཡི་གེ་ལྔར་སྣང་བ། མགུར་གྱི་སྒྲ་བྱུང་མགུར་ལས་གྲགས། ཨ་ཀ་ཁ་ག་སྙ་ང་། །ཨ་ལས་ཡིག་འབྲུ་ཟེར་འཕྲོས་པས། ལྗགས་ཀྱི་དབང་པོ་ཟླ་གམ་འཕྲོས། །ཆོ་འཕྲུལ་ཡི་གེ་ལྔར་སྣང་བ། །ལྗགས་ཀྱི་སྒྲ་བྱུང་ལྗགས་ལས་གྲགས། ཙ་ཚ་ཛ་རྙོ་ཉ། ཨ་ཡི་འོད་ཟེར་རྩེ་མོ་ལས། ལྗགས་ཀྱི་ཟླ་གམ་རྩེ་མོ་འཕྲོས། །ཆོ་འཕྲུལ་ལྔ་གཉིས་ཡི་གེར་སྣང་། །རྩེ་མོར་སྒྲ་བྱུང་ཐོར་ཏོར་གྲགས། །ཏ་ཐ་ད་དྷ་ན། ཊ་ཋ་ཌ་རྟེ་ན། དེ་བཞིན་དེ་ལས་དེ་བྱུང་བ།ཞལ་གྱི་སྒྲོས་ལས་འཁྱིལ་འབར་བས། །དེ་བཞིན་ཡིག་འབྲུ་ལྔར་སྣང་བ། ཞལ་གྱི་སྒོར་བྱུང་ཞལ་ལས་གྲགས། པ་ཕ་བ་བྷ་མ། ཡིག་འབྲུ་ཀུན་གྱི་མཆོག་དེ་ཉིད། གསུང་གི་རྒྱུན་ལམ་དེར་བྱུང་བ། ཡུལ་ལ་རིག་པའི་འབྲུར་ཤར་པ། །ཆོ་འཕྲུལ་ཡི་གེ་སྣ་ཚོགས་སྣང་། །ཡ་ཝ་ར་ལ། ཤ་ཥ་ས་ཧ་ཀྟ། ཨ་ཨུ་ཨི་ཞི་ཨུ་ཨུ་ཨེ་ཞི་ཨོ་ཨཱོཾ་ཨ༷་ཨ། རིཤཱ་ལི་སྙི་ཨ་ཧོ། རང་བྱུང་གནས་ཁྱབ་དབྱིངས་ལས་ནི། སྨྲ་བའི་ཕྲེང་བའི་འོད་ཟེར་ཤར། །སྨྲབའི་ཡེ་ཤེས་ལས་བསྐྲན་ན། འདྲེན་པའི་སྤྲུལ་པའི་ས་བོན་འབྱུང་། །དཔག་མེད་རྒྱལ་བའི་སྐུ་གསུང་ཐུགས། །ཡི་གེ་སྤྲུལ་པ་དེ་ཉིད་ཡིན། མ་སྐྱེས་པ་ཡི་ཐུགས་ཉིད་དུ། །དང་པོ་མགུར་གྱི་གཟུགས་བརྙན་ཏེ། གཉིས་པ་ལྗགས་ཀྱི་གཟུགས་བརྙན་ཡིན། །གསུམ་པ་རྩེ་མོ་ལས་བྱུང་བ།།བཞི་པ་འབྱུང་བའི་སྒྲོས་ལ་ཤར།།ལྔ་པ་གསུང་གི་རྒྱུན་ལམ་ཡིན། །ཐམས་ཅད་སྡུད་པའི་ཡེ་གེ་ཡ། །སྲེག་པ་འབྱུང་བའི་ཡི་གེ་ར། །འཇོམས་པ་ཆེན་པོ་ཡི་གེ་ལ། །མུན་པ་ཟེཇེ་བའི་ཡི་གེ་ཝ། །མཚན་མ་དག་པའི་ཡི་གེ་ཤ །སྟོང་པ་ཆེན་པོའི་ཡི་གེ་ཁྲ །ཆོ་འཕྲུལ་འབྱུང་བའི་ཡི་གེ་ཀྟ། །རྣམ་པ་ཀུན་གྱི་ཡི་གེ་ས། །འཁོར་བ་གནོན་པའི་ཡི་གེ་ཧ། །འབྱུང་བ་ཀུན་གྱི་ཡི་གེ་ཨ། །།བརྗོད་པ་ཀུན་གྱི་ཡི་གེ་ཨུ། །ཚད་མེད་པ་དང་ལམ་རྣམས་ཀྱི། །ཡི་གེ་བཅུ་དྲུག་རྫོགས་པ་ཉིད། །སྐུ་དང་གསུང་ཐུགས་ཡོན་ཏན་གྱི། །ཚིག་འབྱུང་སྨྲ་བའི་གཡི་གེ་བཞི། །བདུན་དང་བཅུ་གཉིས་གསུང་གི་རྒྱུན།ཇོརྒྱང་བ་ཉིད་དུ་མརྒོན་པོས་བཤད། ལང་ཀའི་བདག་པོ་དེ་དག་ནི་ཡི་གེའི་བྱུང་ཚུལ་དུ་རིག་པར་བྱའོ། །ལང་ཀའི་བདག་པོ་འདི་ལ་ཡི་གེའི་གཟུགས་གང་ཞེ་ན། འདི་ལྟ་སྟེ། གང་ཁ་དོག་དང་དབྱིབས་འབའ་ཞིག་གོལརྗོ་ཀའི་བདག་པོ་དེ་ལ་ཁ་དོག་གང་ཞེ་ན། །རང་བཞིན་དང་། རིགས་དང་། སྣ་ཚོགས་དང་། མ་ངེས་པའོ། །ལང་ཀའི་བདག་པོ་དབྱིབས་ནི་ཐ་དད་པ་སྟེ། འདི་ལྟར་ཨ་འབའ་ཞིག་ལ་ཡུང་ཨ་སེང་གེ་གཡལ་བ་ལྷ་བུ་དང་ཨོ་སེང་གེ་བསྤྱིངས་པ་ལྟ་བུ་དང་། ཨ་སེང་གེ་སྒྲ་འབྱིན་པ་ལྟ་བུ་དང་། ཨ་བུན་དུ་ཕུན་སུམ་ཚོགས་པ་ལྟ་བུ་དང་། ཨ་ཨ་མོ་ཀ་རི་ཁ་འདྲ་བ་དང་། ཨ་འོད་དཔག་ཐིག་ལྷ་བུ་ལ་སོགས་པ་ཐ་དད་དོ། །དེ་བཞིན་དུ་ཀ་ལ་ཡང་ཀ་པི་ཝང་ལྟ་བུ་དང་། ཀ་ཏྲི་ཤཱ་ལ་ལྟ་བུ་དང་། ཀ་སྤྱང་ཀི་ལྟ་བུ་དང་། ཀ་རུ་སྦལ་ལྟ་བུ་དང་། ཀ་བ་དན་རྩེ་གསུམ་པ་ལྟ་བུ་ལ་སོགས་པ་ཐ་དད་དོ། །གཞན་ཡང་ཁ་ནི་བོང་བུ་ལྟ་བུའོ། །ག་ནི་བསེ་ལྟ་བུའོ། །བྷ་ནི་བུམ་པ་ལྟ་བུའོ། །ང་ནི་ཀང་ཀ་ལྟ་བུའོ། །ཙ་ནི་ཙ་ཤའི་ཁ་ལྟ་བུའོ། །ཚ་ནི་གདུགས་ལྟ་བུའོ། །ཛ་ནི་དྲ་བ་ལྟ་བུའོ། །རྟོ་ནི་དྲ་བ་ཆེན་པོ་ལྟ་བུའོ། །ཉ་ནི་བ་དན་གྱི་ཁ་ལྟ་བུའོ། །ཏ་ནི་འཛམ་བུ་དྷི་པ་ལྟ་བུའོ།ཐ་ནི་ཐ་གུ་རའི་ཁ་ལྟ་བུའོ། །ད་ནི་མཁའ་འགྲོ་མའི་ཁ་ལྟ་བུའོ། དྷ་ནི་ངང་པའི་ཁ་ལྟ་བུའོ། །ན་ནི་ཏོ་ལ་ཁ་ལྟ་བུའོ། །ཊ་ནི་དང་བ་ཟ་བ་ལྟ་བུའོ། །ཋ་ནི་ཕ་བང་ལྟ་བུའོ། །ཌ་ནི་མཆེ་བ་ལྟ་བུའོ། རྟེ་ནི་གཞུ་ལྟ་བུའོ། །ཎ་ནི་མ་ཧེའི་ཁ་ལྟ་བུའོ། །པ་ནི་རི་རབ་ལྟ་བུའོ། །ཕ་ནི་ཁྱུང་ལྟ་བུའོ། །བ་ནི་འདམ་བྱ་ལྟ་བུའོ། །བྷ་ནི་ཁ་ལག་ཚེ་ལྟ་བུའོ། །མ་ནི་སྤྲེའུ་སློང་བ་ལྟ་བུའོ། །ཡ་ནི་ཟླ་བ་ཚེས་པ་ལྟ་བུའོ། །ཝ་ནི་རྐ་ཏི་ཀའི་ཁ་ལྟ་བུའོ། །ར་ནི་ཀུན་ཅི་ཏའི་ཁ་ལྟ་བུའོ། །ལ་ནི་བྱ་རོག་ཤ་ཐོན་ལྟ་བུའོ། ་།་ནི་རི་བོང་ལྟ་བུའོ། ཥ་ནི་ཤན་ཏ་ཁ་ལྟ་བུའོ། །ས་ནི་བྲམ་ཟེ་སློང་བ་ལྟ་བུའོ། །ཧ་ནི་ཧ་ར་ཀ་ལྟ་བུའོ། །ཀྟ་ནི་སྟིན་པོའི་ཁ་ལྟ་བུའོ། ། ཨི་ནི་ལྕགས་ཀྱུ་བསྣོལ་བས་རེ་བས་བརྟེན་པ་ལྟ་བུའོ། ཨུ་ནི་འོད་དཔག་བརྩེགས་པ་རེ་བས་དྲངས་པ་ལྟ་བུའོ། །ཨེ་ནི་རེ་པ་བརྩེགས་པ་འོད་དཔག་གིས་དྲངས་པ་ལྟ་བུའོ། །ཡོ།་ནི་གཞུ་བདུངས་པ་ལྟ་བུའོ། །ཨོ་ནི་གདུག་ཕུབ་པ་ལྟ་བུའོ། །ཨེ་ནི་དྲང་སྲོང་ཚུལ་བརྟན་པ་ལྟ་བུའོ། །རི་ནི་ལྕགས་སྒྲོགས་ཀྱོ་གས་དྲངས་པ་ལྟ་བུའོ། །ལི་ནི་བྱ་གག་ཀྱོ་གས་དྲངས་པ་ལ་སོགས་པ་སྟེ། ཡི་གེ་རེ་རེ་ལ་ཡང་དབྱིབས་ཐ་དད་ཡོད་དེ། དེ་ལྟར་ན་འདྲེན་པ་ནི་གུ་གུ་ལྕགས་ཀྱུ་ལྟ་བུའོ། །འོད་དཔག་ནི་ཞབས་ཀྱུད་དཀྲིས་པ་ལྟ་བུའོ། །རེ་པ་ནི་བ་སེའི་རྭ་བསྒྲེང་བ་ལྟ་བུའོ། །ཟླ་ཚེས་ནི་ན་རོའི་རྭ་ལྟ་བུའོ། །ཐིག་ལེ་ནི་ལི་ཚག་ཚིག་གི་མིག་ལྟ་བུའོ། །དབྱུག་པ་ནི་འཕང་མདུང་ལྟ་བུ་སྟེ།སོ་སོའི་དབྱིབས་ཐ་དད་པ་དེ་ལྟ་བུ་ཡོད་དོ། ལང་ཀའི་བདག་པོ་དེ་དག་ནི་ཡི་གེའི་དབྱིབས་ཏེ་ཡི་གེའི་གཟུགས་སུ་ཤེས་པར་བྱའོ། །ལང་ཀའི་བདག་པོ་དེ་ལ་ཡི་གེའི་རང་བཞིང་གང་ཞེ་ན། ། འདི་ལྟ་སྟེ་ཡི་གེའི་རང་བཞིན་གང་ཡིན་པ་དེ་ཡི་གེ་གཞན་གྱི་རང་བཞིན་དུ་མི་འགྱུར་ལ། ཡི་གེ་གང་གིས་ཡི་གེ་གང་དག་གི་རང་བཞིན་རྣམ་གྲངས་སུ་མཚོན་པར་མི་ནུས་སོ། །ལང་ཀའི་བདག་པོ་དེ་ལ་གང་གི་རང་བཞིན་གང་དུ་མི་འགྱུར་བ་ནི་འདི་ལྟ་སྟེ། ཨའི་རང་བཞིན་སྐྱེ་བ་མེད་པ་ཡིན་ལ། །དེ་ནི་ཨ་འབའ་ཞིག་ལས་མ་གཏོགས་པ་ཡི་གེ་གཞན་གང་གིས་ཀྱང་སྐྱེ་བ་མེད་པའི་རང་བཞིན་ཤེས་པར་འགྱུར་བ་མ་ཡིན་ནོ། །དེ་བཞིན་དུ་ཀའི་རང་བཞིན་བྱེད་པ་ཡིན་ལ་བྱེད་པ་ནི་ཀ་འབའ་ཞིག་ལས་མ་གཏོགས་པ་ཡི་གེ་གཞན་གང་གིས་ཀྱང་བྱེད་པ་ཤེས་པར་འགྱུར་བ་མ་ཡིན་ནོ། །ལང་ཀའི་བདག་པོ་དེ་ལྟར་ན་མིང་དུ་བཏགས་པ་གང་ཞིག་ལ་དངོས་གཞི་གང་ཡིན་པ་དེ་མིང་གི་རྣམ་གྲངས་གཞན་བརྗོད་པས་ཀྱང་ཤེས་པར་རུང་བ་ནི་ཡོད་མོད་ཀྱི། །ཡི་གེ་ནི་ཤེས་པར་མིརུང་བའི་ཕྱིར་ཡི་གེའི་རང་བཞིན་ནི་མི་འགྱུར་བ་ཁོ་ནར་ཤེས་པར་བྱའོ། །ལང་ཀའི་བདག་པོ་དེ་ལ་ཡི་གེའི་སྒྲ་གང་ཞེ་ན། འདི་ལྟ་སྟེ། རང་བཞིན་གྱི་སྒྲ་དང་། བསྒྱུར་བའི་སྒྲ་དང་། སྦྱར་བའི་སྒྲ་དང་། དྲངས་པའི་སྒྲའོ། །དེ་ལརང་བཞིན་གྱི་སྒྲ་གངཞེ་ན། འདི་ལྟ་སྟེ། ཡི་གེ་གང་ལ་དབྱིབས་དང་། ཁ་དོག་དང་།སྐད་དང་། བརྡ་ཐ་དད་ཀྱང་ཨ་དང་ཀ་ལ་སོགས་པའི་མིང་དུ་བཏགས་པའི་སྒྲ་ཇི་ལྟ་བ་དེ་ཁོ་ན་ཉིད་ལྟར་གྲགས་པའོ། །བསྒྱུར་བའི་སྒྲ་གང་ཞེ་ན། འདིལྟ་སྟེ། ཡི་གེ་གང་དངགང་དུ་བསྒྱུར་བའི་སྒྲ་དེས་དོན་དང་ཚིག་ཐ་དདཔར་འགྱུར་བའོ། །སྦྱར་བའི་སྒྲ་གང་ཞེ་ན། འདི་ལྟ་སྟེ། དབྱིབས་གང་དང་གང་ལ་ཡི་གེ་གང་དང་གང་གི་གཟུགས་སུསྦྱར་བས་དེ་དང་དེའི་དོནའབྱུང་བ་གང་ཡིནཔའོ། །དྲངས་པའི་སྒྲ་གང་ཞེ་ན། འདི་ལྟ་སྟེ།ཡི་གེ་གང་དང་གང་ལས་ཚིག་གང་ལྟར་དྲངས་པའི་སྒྲ་དེ་དགདེ་ལས་དོན་གང་འབྱུང་བ་གང་ཡིན་པའོ། ལངཀའི་བདག་པོ་འདི་ལ་ཡི་གེའི་ལས་གང་ཞེ་ན། འདི་ལྟ་སྟེ། གངདུ་སྤེལ་བ་དང་། གང་ཤེས་པར་བྱེད་པ་ཉིད་དོ། །གང་དུ་སྤེལ་བ་ནི་འདི་ལྟ་སྟེ། གང་མེད་པ་ལས་གཅིག་ཏུ་བྱུང་བ་དང་། གཅིག་ལས་གསུམ་དང་། ལྔ་དང་། གཞི་བཅུ་དང། འབུམ་སྡེ་དང་། བྱེ་བ་དང་ས་ཡར་འཕེལ་བས་ཐམས་ཅད་ཤེས་པར་བྱེད་པའོ། །གང་ཤེས་པར་བྱེད་པ་ནི་འདི་ལྟ་སྟེ། མིང་བཀླགས་པ་དང་། ཚིག་བཀླགས་པ་དང་། གཟུགས་བཀླག་པ་དང་། དོན་བཀླག་པ་དང་། སྒྲ་བཀླག་པ་དང་། གཅིག་བཀླག་པ་དང་། མང་པོ་བཀླག་པ་དང་། གཅིག་མང་པོར་བཀླགས་པ་དང་། མང་པོ་གཅིག་ཏུ་བཀླག་པ་དང་། གཅིག་དང་མང་པོ་ཐ་དད་པར་བཀླག་པའོ། །ཡང་ལང་ཀའི་བདག་པོ་འདི་ལ་ཡི་གེའི་སྒོ་གང་ཞེ་ན། འདི་ལྟ་སྟེ། ཡི་གེའི་སྒོ་དང་། ཚིག་གི་སྒོ་དང་། དོན་གྱི་སྒོ་དང་། དབྱངས་ཀྱི་སྒོ་དང་། གཟུངས་ཀྱི་སྒོ་རྣམས་སུ་རིག་པར་བྱའོ། །ལང་ཀའི་བདག་པོ་དེ་ལ་ཡི་གེའི་སྒོ་གང་ཞེ་ན། གང་གིས་གང་ལ་བྲིས་པའོ། །ཚིག་གི་སྒོ་གང་ཞེ་ན། གང་ཡི་གེའོ། །དོན་གྱི་སྒོ་གང་ཞེ་ན།གང་ཚིག་གི་ཚོགས་སོ། །དབྱངས་ཀྱི་སྒོ་གང་ཞེ་ན། གང་ཡི་གེ་བཅུ་དྲུག་གོ །ལང་ཀའི་བདག་པོ་ཡི་གེ་བཅུ་དྲུག་ཀྱང་གང་ཞེ་ན། འགྭར་དང་ཅང་འབའ་ཞིག་ཏུ་ཤེས་པར་བྱའོ། །དེ་ནི་རིང་པོར་དང་ཐུང་ངུ་ཉིད་དུ་རིག་པར་བྱའོ། །གང་ཐུང་ངུ་དང་རིང་པོ་དེ་གཉིས་ལས་དབྱངས་ཀྱི་ཡན་ལག་དྲུག་བྱུང་བར་རིག་པར་བྱའོ། །ཐུང་ངུ་ལས་གཉིས་དང་། རིང་པོ་ལས་གཉིས་དང་། གང་དེ་གཉིས་ལས་གཉིས་འབྱུང་བར་རིག་པར་བྱའོ། །ཐུང་ངུ་ལས་ཡན་ལག་གཉིས་འབྱུང་བ་ནི་འདི་ལྟ་སྟེ། ཤ་ཏ་བ་དང་གར་དྷ་བ་གཉིས་སོ། །རིང་པོ་ལས་ཡན་ལག་གཉིས་འབྱུང་བ་ནི་འདི་ལྟ་སྟེ། བྲེང་ངེ་བ་དང་ཐུང་ངེ་བ་གཉིས་སོ། །གང་དེ་གཉིས་ལས་ཡན་ལག་གཉིས་བྱུང་བ་ནི་འདི་ལྟ་སྟེ། ཅྭང་ཀ་དེའུ་དང་པང་ཀ་དེའུ་དང་གཉིས་སོ། །ལང་ཀའི་བདག་པོ་ཡན་ལག་འདི་དྲུག་ཀྱང་གང་འགྲོ་བ་དྲུག་གི་ཁམས་སུ་གསུང་བའི་སྒོ་དྲུག་ལས་དྲུག་དྲུག་ཏུ་བསྒྱུར་བ་བྱསཔ་ལས་དྲུག་དང་བཅུ་གསུམ་དུ་བསྒྱུར་བར་རིག་པར་བྱའོ། །དྲུག་ཅུར་བསྒྱུར་བས་ཡན་ལག་དྲུག་ཅུར་འབྱུང་བར་རིག་པར་བྱའོ། །དྲུག་དྲུག་བཅུར་བསྒྱུར་བ་བྱས་པས་ཡན་ལག་གསུམ་བརྒྱ་དྲུག་ཅུར་འབྱུང་བར་རིག་པར་བྱའོ། །ལང་ཀའི་བདག་པོ་གཟུངས་ཀྱི་སྒོ་གང་ཞེ་ན། འདི་ལྟ་སྟེ། དོན་གྱི་གཟུངས་དང་། ཚིག་གི་གཟུངས་དང་། ཆོས་ཀྱི་གཟུངས་དང་། སྔགས་ཀྱི་གཟུངས་སུ་རིག་པར་བྱའོ། །ལང་ཀའི་བདག་པོ་དོན་གྱི་གཟུངས་གང་ཞེ་ན། ཡེ་གེ་གང་སྣང་བའི་དོན་དེ་ཉིད་དེ་དང་མ་བྲལ་བར་བྱའོ། །ཚིག་གི་གཟུངས་གང་ཞེ་ན། ཡི་གེ་གང་ལས་ཚིག་གང་བྱུང་བའོ། །ཆོས་ཀྱི་གཟུངས་གང་ཞེ་ན། གང་ཡི་གེ་ནི་ཆོས་ཐས་ཅད་དང་འབྲེལ་ཅིང་ཆོས་ཐམས་ཅད་མི་དམིགས་པའི་སྒོར་རིག་པར་བྱའོ། །སྔགས་ཀྱི་གཟུངས་གང་ཞེ་ན། ཡི་གེའི་སྒོ་ནས་ཚིག་བཙན་པར་རེད་པ་གང་ཡིན་པའོ། ལང་ཀའི་བདག་པོ་དེ་དག་ནི་ཡེ་གེའི་སྒོར་རིག་པར་བྱའོ། །ལང་ཀའི་བདག་པོ་འདི་ལ་ཡི་གེའི་རྣམ་གྲངས་གང་ཞེ་ན། རང་བཞིན་གྱི་ཡི་གེ་དང་། ཆོ་འཕྲུལ་གྱི་ཡི་གེའོ། །དེ་ལ་རང་བཞིན་གྱི་ཡི་གེ་གང་ཞེ་ན། གང་ཐམས་ཅད་ཀྱང་ཡི་གེ་འབའ་ཞིག་པའོ། །ཆོ་འཕྲུལ་གྱི་ཡི་གེ་གང་ཞེ་ན། འཇིག་རྟེན་དང་འཇིག་རྟེན་ལས་འདས་པ་དང་ཐུན་མོངས་པའོ། །འཇིག་རྟེན་ལས་འདས་པའི་ཡི་གེ་གང་ཞེ་ན། ཨོ་དང་། ཧཱུཾ༷་དང་། །ཧཱུཾ་དང་། སྲི་དང་། ཨི་དང་། ཧ༷་དང་། ཨ་རྣམས་སོ། །ལང་ཀའི་བདག་པོ་འདི་ལ་འཇིག་རྟེན་པའི་ཡི་གེ་གང་ཞེ་ན། འདི་ལྟ་སྟེ། རྩ་བ་དང་། ཟིན་པ་དང་། གྲགས་པའོ། །རྩ་བ་གང་ཞེ་ན། ས་བོན་དྲུག་གང་ཡིན་པའོ། །ཟིན་པ་གང་ཞེ་ན། གང་འགྲོ་བ་རྣམས་ཀྱི་སྒྲ་སྐད་ཀུན་ཡི་གེས་ཟིན་པ་ཁོ་ནའོ། །གྲགས་པ་གང་ཞེ་ན། ལྷའི་ཡི་གེ་དང་། ཀླུསླུ་ཡི་གེ་དང་། ལྷ་མ་ཡིན་གྱི་ཡི་གེ་དང་། མིའི་ཡི་གེ་དང་། གནོད་སྤྱིན་གྱི་ཡི་གེ་ལ་སོགས་པ་འཇིག་རྟེན་ཐ་དད་གྱི་ཡེ་གེར་གྲགས་པ་གང་ཡིན་པའོ། །ཐུན་མོང་གི་ཡི་གེ་གང་ཞེ་ན། ཨ་དང་ཀ་ལ་སོགས་པའོ། །ལང་ཀའི་བདག་པོ་འདི་ལ་ཡི་གེའི་གཞི་གང་ཞེ་ན། ཨ་དང་། ཨོ་དང་ཧཱུཾ༷་དང་། ཧཱུཾ་ཞེས་ཐམས་ཅད་འབྱུང་བའི་གཞིར་གྱུར་པའོ། །གསང་པའི་བདག་པོས་དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཅན་གྱི་སེམས་དཔའ་རྣམས་ཐམས་ཅད་གསུང་གི་མི་ཟད་པ་རྒྱན་གྱི་འཁོར་ལོར་རིག་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསུང་མི་ཟད་པ་རྒྱན་གྱི་འཁོར་ལོ་བཀོད་པའི་ལེའུ་ཞེས་བྱ་སྟེ་སུམ་ཅུ་བཞི་པའོ།། །།དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་ལ་འདི་སྐད་ཅེས་སྨྲས་ཏེ་དྲིས་པ། གསང་བ་པའི་བདག་པོ་གསང་སྔགས་ཀྱི་བྱིན་གྱི་རླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་ཕྲིན་ལས་ཇི་ལྟར་སྣང་བ་ལགས། གསང་བ་པའི་བདག་པོས་སྨྲས་པ། ལང་ཀའི་བདག་པོས་གསང་སྔགས་ཀྱི་བྱིན་གྱི་རླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་། ཕྲིན་ལས་ནི་འདི་ལྟར་སྣང་བར་རིག་པར་བྱའོ། །གང་ཞེ་ན། འདི་ལྟ་སྟེ། མི་རྟོག་གང་ལ་རྟག་ཉིད་དུ། །བརྟགས་ལས་རྟོགས་པའི་བྱིན་བརླབས་འབྱུང་། །མི་ཟད་རིན་ཆེན་ནམ་མཁའི་མཛོད། །བྱིན་བརླབས་ཆེན་པོ་རྒྱུན་མི་འཆད། །གསང་ཉིད་སྙིང་པོའི་བྱིན་བརླབས་ནི། །གང་དུ་རྣམ་པར་མི་རྟོག་བཞིན། །འདོད་བྱུང་བྱ་བ་ཐམས་ཅད་བྱེད་། །དེ་ལ་བྱེད་པ་ཅི་ཡང་མེད། །ཀུ་བ་གཅིག་གིས་བྱིན་བརླབས་ཀྱིས། །ལྗགས་ནི་སྟོང་སྙེད་བསྒྱུར་བ་བཞིན། །གསང་བའི་དོན་མཐོང་སྐད་ཅིག་གིས། །ཐམས་ཅད་གསང་བའི་སྙིང་པོར་འགྱུར། །མར་མེ་གཅིག་གི་བྱིན་བརླབས་ཀྱིས། །བསྐལ་པའི་མུན་ནག་སེལ་བ་བཞིན། སྙིང་པོ་དོན་རིག་སྐད་ཅིག་མས། །བསྐལ་པར་གནསཔའི་སྒྲིབ་པ་སེལ། །ནོར་བུ་རིན་ཆེན་གང་སེལ་བ། །དབུལ་པའི་འཇིགས་པ་མེད་པ་ལྟར། །སྙིང་པོ་དོན་སད་གང་སེལ་བ། །ལྷུང་གནས་འཁོར་བའི་འཇིགས་པ་མེད། །ཉི་ཟླའི་འོད་འབརརིནཆེནགྱིས། །རིནཆེན རིནཐངའབུམ་ཆར་མིན། །དཀར་པོར་མཐར་ཐུག་བསོད་ནམས་ཀྱིས། །གསང་ཉིད་སྐད་ཅིག་འབུམ་ཆར་མིན། །འགྲོ་དང་འོ་མའི་རྒྱ་མཚོ་ཇི་སྙེད་དུ། །སེང་གེའི་འོ་མ་གཅིག་བླུགས་རླག་པ་ལྟར། །ལས་དང་ཉོན་མོངས་སྡུག་བསྔལ་རྒྱ་མཚོར་ནི། །གསང་ཉིད་སྐད་ཅིག་སྣང་བས་ཐས་ཅད་མེད། །འཁོར་ལོས་སྒྱུར་རྒྱལ་གང་རྟེན་འཇིགས་མེད་ལྟར། །གསང་ཉིད་ངེས་ལ་ལོག་པའི་དགྲས་མི་འཇིགས། །རྡོ་རྗེ་ཉམས་ཀྱང་རིན་ཆེན་ཟིལ་གནོན་ཅིང་། །རིན་ཆེན་མི་བརླག་དབུལ་བའི་སྡུག་བསྔལ་སེལ། །གསང་ཉིད་རྡོ་རྗེ་སྙིང་པོ་ཉམས་འགྱུར་ཡང་། །ཉན་ཐོས་ལ་སོགས་དབུ་མ་སིལ་གནོན་ཅིང་། །གསང་ཉིད་ངེས་སྣང་ཆོས་ཀྱི་དབུལ་བ་སེལ། །སེང་གེ་ཕྲུག་གུའི་དྲིས་ནི་གར་ཁྱབ་པར། གང་དག་མི་བཟོད་ཐམས་ཅད་འབྲོས་པར་འགྱུར། །སྙིང་པོ་དོན་ལ་རིག་པའི་མཐུ་མེད་ཀྱང་། །སེམས་བསྐྱེད་ཙམ་གྱིས་དབུ་མ་ཟིལ་གྱི་གནོན། །ལོག་པའི་དགྲ་རྣམས་ཟིལ་གོན་སྐྲག་འགྱུང་ཞིང་། །རང་རང་གནས་ནས་ཟུག་རྔུས་གཟིར་བར་འགྱུར། །སྐྱེས་བུ་རྐང་ལག་བཅད་དེ་ཉམས་ཀྱང་འཚོ། །ཇི་ལྟར་སྙིང་ཕྱུང་འཚོ་བའི་གླགས་མེ་ལྟར། །ཡན་ལག་ལྟ་བུའི་དབུ་མ་ཉམས་ཀྱང་འཚོ། །སྙིང་དང་འདྲ་བའི་གསང་ཉིད་མེད་ན་རླག །གང་ཞིག་རྡོ་རྗེ་སྙིང་པོ་གསང་འཛིན་པ། ཤིང་རྟ་ལ་སོགས་རྟ་ལ་འདུག་སྤྱོད་པ། །དེ་ཡི་བྱ་བ་བྱེད་པ་གཞན་མེད་ལྟར། དེ་ཡི་རྟ་སྟེགས་རྒྱལ་བའི་དབུས་བཀུར་མཛད། དབུ་མ་རྣམ་ཐར་གསུམ་སྒོར་བསྐལ་སྤྱད་ཀྱང་། །དེ་ལ་རྒྱལ་བ་མི་དགོངས་བཀུར་མི་མཛད། །སྙིང་པོ་དོན་རིགས་སྐད་ཅིག་ཙམ་གྱིས་ཀྱང་། །བྱིན་བརླབས་ཡོན་ཏན་རྒྱལ་བས་བཤད་མི་རྫོགས། །དཀར་པོ་མཐའ་ཐུག་བསོད་ནམས་ཀུན། །སེན་མོ་ཐོག་གི་ས་རྡུལ་འདྲ། །རྡོ་རྗེ་སྙིང་པོར་གཅིག་སྐྱེད་པ། །ས་ཡི་དཀྱིལ་འཁོར་ཆེན་པོ་ཙམ། །དཀར་པོ་ཕྱོགས་ཀྱི་མཐའ་ཐུག་པ། དེ་ནི་མུན་ཁང་སྒྲོན་མེད་ཙམ། རྡོ་རྗེ་སྙིང་པོར་གཅིག་རིག་པ། །དུས་མཐའི་བསྐལ་པའི་མེ་ཆེན་འདྲ། །དབུར་མར་སྣང་བའི་ནམ་མཁའ་ནི། །གང་གི་སེར་ཁུང་ནམ་མཁའོ། །རྡོ་རྗེ་གསང་བའི་ནམ་མཁའ་ནི། །འབྱུང་ཆེན་གཏོས་ཀྱིས་ནམ་མཁའ་འདྲ། མཛད་པའི་བརླབས་ཀྱི་ཞི་བ་ནི། །སྟོངས་པའི་བསྐལ་པ་ལྟ་བུར་སྣང་། །ཐམས་ཅད་རྒྱས་པར་མཛད་པ་ཡང་། །གནས་པའི་བསྐལ་པ་ལྟ་བུར་སྣང་། །ཐུགས་རྗེའི་དབང་དུ་མཛད་པ་ཡང་། །ཆགས་པའི་བསྐལ་པ་ལྟ་བུར་སྣང་། །མངོན་པར་སྤྱོད་པ་མཛད་པ་ནི། །འཇིག་པའི་བསྐལ་པ་ལྟ་བུའོ། །ལང་ཀའི་བདག་པོ་དེ་དག་ནི་ཡོན་ཏན་མི་ཟད་པ་མཇོད་ཀྱི་བཀོད་པ་དང་། ཕྲིན་ལས་རླབས་ཀྱིས་མཛད་པའི་བྱིན་རླབས་ལས་སྣང་བར་རིག་པར་བྱའོ། །དེ་སྐད་ཅེས་སྨྲས་པས་དམན་པའི་ལུས་ཀྱི་སེམས་དཔའ་རྣམས་གསང་བ་དམ་པ་ཁོ་ན་ཉིད་དེ་བྱིན་གྱིས་བརླབས་ལས་སྣང་བར་རིག་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྤྱོད་པ་མི་ཟད་པ་རྒྱན་གྱི་འཁོར་ལོ་བཀོད་པའི་ལེའུ་སྟེ་སུམ་ཅུ་ལྔ་པའོ།། །།ཐེག་པ་ཆེན་པོ་དངེས་པ་འབྱུང་བའི་ཚུལ་ལས་བྱིན་གྱིས་རླབས་ཀྱི་སྣང་བ་ན་ཡང་འབྱུང་བའི་གཏམ་རྒྱུད་བརྗོད་པའི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བདུན་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའི་ཆེན་པོ་དེས་གསང་བ་པའི་བདག་པོ་དེ་ལ་སྔོན་དུ་བྱུང་བའི་ཚིག་བཅུ་གཉིས་པའི་བརྒྱད་པ་བརྒྱུད་པ་ཐབས་ཀྱིས་གྲགས་པ་ན་ཡང་བྱུང་ཞེས་འབྱུང་བ་ལ་འདི་སྐད་ཅེས་དྲི་བ་ཡོངས་སུ་དྲིས་སོ། །ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་བརྒྱུད་པ་ཐབས་ཀྱིས་གྲགས་པ་ན་ཡང་བྱུང་ཞེས་བཀོད་པ་དེ་ཇི་ལྟར་བརྒྱུད་ཅིང་གང་དུ་གྲགས་པ་ལགས། །སྨྲས་པ། ལང་ཀའི་བདག་པོ་དགོངས་པས་བརྒྱུད་དེ་ཚིག་ཏུ་གྲགས་པས་ལྷ་དང་མིའི་འཇིག་རྟེན་དུ་སྣང་བར་གྱུར་པ་ཡིན་ནོ། །ལང་ཀའི་བདག་པོ་དེ་གང་ཞེ་ན། འདི་ལྟ་སྟེ། གང་གིས་གང་ལ་གང་བརྒྱུད་པ། །དེ་བཞིན་ཉིད་དེ་དེའོ་ཞེས། །ཆོས་ཀྱི་རྒྱལ་པོ་རྒྱལ་ཚབ་ལ། །དགོངས་པ་གསང་བ་ངེས་པ་བརྒྱུད། །ལྷ་གནས་མི་ཡི་འཇིག་རྟེན་དུ། །གསང་བའི་བདག་པོས་གང་བགྲོས་པ། །སྔོན་དུ་གནང་འབྱུང་སྐྱེས་བུ་དག །དམན་པའི་ལུས་འཛིན་སེམས་དཔར་གྲགས། །གྲགས་པ་དེ་ཡང་ཇི་ག་གང་། །འདས་པའི་དུས་ན་སྔོན་བྱུང་བ། །འགྲོ་མགོན་རྡོ་རྗེ་སྙིང་པོ་ཡིས། །ནག་པོ་རང་ཐག་འཁོར་བ་ཅན། །གདུལ་བྱའི་ཞིང་དུ་སྨིན་མཛད་ཚེ། །སྨིན་དང་མ་སྨིན་འདུས་པའི་འཁོར། །ཀུན་ནས་འདུས་པར་གྱུར་པ་ལ། །ཡང་དག་གསང་པའི་དོན་འདི་གསུངས། །ལང་ཀའི་བདག་པོ་དེའི་ཚེ་དེའི་དུས་ན་ཡོངས་སུ་རྫོགས་པར་ངོས་མ་ཟིན་པའི་སྲས་དེ་དག་ཡོངས་སུ་རྫོགས་པར་ངོས་གཟུང་བའི་སླད་དུ་གསང་བ་རྣམ་པར་བསྐུལ་བ། འདུས་པ་ཆེན་པོའི་ཚོགས་ཁྱོད་ཡོངས་སུ་རྫོགས་པར་ངོས་མ་ཟིན་པ་ཡེ་ནས་ཡོངས་སུ་རྫོགས་པར་ངོས་གཟུང་བའི་ཕྱིར་མ་བཅོས་པའི་དམ་ཚིག་ཉེ་བར་ལོང་ཤིག་ཅེས་བཀའ་སྩལ་པ་དང་། འདུས་པའི་ཚོགས་རྣམས་ཀྱིས་གསོལ་པ། བཅོམ་ལྡན་འདས་དེ་ཉིད་ཉེ་བར་གཟུང་བའི་སླད་དུ་མ་བཅོས་པའི་དམ་ཚིག་ཅེས་བགྱི་བ་དེ་ཇི་ལྟ་བུ་ལགས། ཇི་ལྟར་ཉེ་བར་གཟུང་བར་བགྱི། དེ་སྐད་ཅེས་གསོལ་པ་ལས། བཅོམ་ལྡན་འདས་ཀྱི་བཀའ་སྩལ་པ། འདུས་པ་ཆེན་པོའི་ཚོགས་གང་མ་བཅོས་པའི་དམ་ཚིག་ནི་འདི་ལྟ་སྟེ། མ་ནོར་མ་བཅོས་དམ་ཚིག་ནི། དེ་བཞིན་ཉིད་ཀྱི་ཆོས་ཉིད་ལ། །བློ་བཞག་དེ་ལ་མི་འདའ་བ། །རྒྱལ་བ་རྣམས་ཀྱི་དམ་ཚིག་གོ །ཅེས་བཀའ་སྩལ་པ་ལས།འདུས་པའི་ཚོགས་རྣམས་ཤིན་ཏུ་སྐྲག་ཅིང་དངངས་ནས་ཡོངས་སུ་མ་རངས་ཏེ། ཨེ་མའོ་སྒྱུ་མའི་བདག་པོ་ཞིག་གིས་བདག་ཅག་བསླུས་སོ། །བདག་ཅག་སོ་སོའི་མོས་པ་སྣ་ཚོགས་པ་རྣམས་བཀག་ནས་སྟོང་པ་ཆེན་པོ་ལ་བཏད་པ་འདི་ནི་བདག་ཅག་སོ་སོ་རང་རང་གི་དམ་ཚིག་དང་བྲལ་ལོ་ཞེས་ཟེར་ཏེ་ངུས་པ་ལས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་མིའི་ཐོད་པ་ཅན་ལ་སོགས་པའི་ཚོགས་རང་རང་ཇི་ལྟར་དགའ་བའི་དམ་ཚིག་རྣམས་སྤོབས་པ་སྐྱེད་ལ་ཀུན་གྱིས་ཕུལ་ཅིག །གང་མ་བཅོས་པའི་དམ་ཚིག་དེ་ལ་ནི་གང་ཡང་འགག་པ་མེད་པས་ཡོངས་སུ་མི་འགོག་པར་སྣང་ངོ་། །དེ་སྐད་ཅེས་བཀའ་སྩལ་པ་ལསཡོངས་སུ་གཟུང་བའི་སྲས་རྣམས་མགུ་ཞིང་རངས་པར་གྱུར་ཏེ་མདངས་ཕྱུང་ནས་ཀུན་གྱིས་རྣམ་པར་བདུན་ཏེ་སོ་སོ་དགའ་བའི་དམ་ཚིག་ཕུལ་བ། ནག་པོའི་དེད་དཔོན་འཁོར་དང་བཅས་པ་རྣམས་ཀྱིས་གསོལ་པ།དཔའ་བོ་ཆེན་པོ་བདག་ཅག་རྣམས་ཀྱི་དམ་ཚིག་འདི་ལྟ་སྟེ། རང་གི་དཀའ་ཐུབ་ཆེན་པོ་ཡིས། །རང་གི་རྒྱལ་སྲིད་ལ་གནས་ཏེ། །གཞན་གྱི་སྡེ་པ་འཇོམས་པ་ནི། །བདག་ཅག་རྣམས་ཀྱི་དམ་ཚིག་གོ །ཞེས་གསོལ་ཏོ། །དེ་ནས་འདོད་ཆགས་ཅན་རྣམས་ཀྱི་བདག་པོ་རྣམས་ཀྱིས་འདི་སྐད་ཅེས་གསོལ་ཏོ། །དབང་ཕྱུག་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། །མ་དང་བུ་མོ་སྲིང་མོ་དང་། །རྒྱུ་དང་མི་རྒྱུའི་བུད་མེད་ལ། །འདོད་པ་བས་ནི་ཆགས་སྤྱོད་པ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ཞེས་སྡང་ཅན་གྱི་བདག་པོ་རྣམས་ཀྱིས་འདི་སྐད་ཅེས་གསོལ་པ། འཇིག་བྱེད་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། སེམས་ཅན་སེམས་ཅན་ཐམས་ཅད་ཀྱི། །སྲོག་ནི་ཤིན་ཏུ་ཕྲོགས་ནས་ཀྱང་། ཁྲ་དང་ཁྲག་ལ་ལོངས་སྤྱོད་པ། བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་གནོད་སྦྱིན་གྱི་སྡེ་དཔོན་རྣམས་ཀྱིས་འདི་སྐད་ཅེས་གསོལ་ཏོ། །འཇིག་བྱེད་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ནོར་གྱི་བདག་པོ་ཐམས་ཅད་ལ། གསེར་ལ་སོགས་པ་བླངས་ནས་ནི། །རང་གི་འདོད་པར་ལོངས་སྤྱོད་པ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་རྟོག་པ་ཅན་རྣམས་ཀྱིས་འདི་སྐད་ཅེས་གསོལ་ཏོ། །ཡིད་བཞིན་རྟོག་པའི་རྒྱལ་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། གང་གི་མགོ་ཐོད་བཅས་ནས་ནི། །དགེ་མཚན་རྟགས་དེ་སུ་འཆང་བ། །ཡིད་བཞིན་ནོར་བུ་ལྟ་བུར་འགྱུར། །བདག་ཅག་རྣམས་ཀྱི་དམ་ཚིག་དེ་ལགས་སོ། །ཞེས་གསོལ་ཏོ། །དེ་ནས་རིགས་ངན་སྨེ་ཤ་ཅན་རྣམས་ཀྱི་ཚོགས་ཀྱིས་འདི་སྐད་ཅེས་གསོལ་ཏོ། །མངའ་ཐང་རྫོགས་པའི་རྒྱལ་པོ་བདག་ཅག་རྣམས་དམ་ཚིག་ནི་འདི་ལྟ་སྟེ། །བ་ལང་ཁྱི་ཤ་རྟ་ཤ་དང་། །མི་ཤ་གླང་ཆེན་ཤ་ལ་སོགས། །ཟོས་ན་ཡོན་ཏན་ཐམས་ཅད་འགྲུབ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་སྲིན་མོ་ཁྲག་འཕྲོག་མ་རྣམས་ཀྱིས་འདི་སྐད་ཅེས་གསལ་ཏོ། །ཁྲག་འཐུང་རྒྱལ་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། སྲོག་ཆགས་དག་ནི་ཐམས་ཅད་ཀུན། །བསད་པའི་ཁྲག་ནི་དྲོན་མོ་དག །འཐུངས་ནས་གཟིག་བཞིན་འབར་བར་འགྱུར། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ཕྲ་མེན་མ་རྣམས་ཀྱིས་འདི་སྐད་ཅེས་གསོལ་ཏོ། །ཆོ་འཕྲུལ་ཆེན་པོའི་མངའ་བདག་བདག་ཅག་རྣམསཀྱི་དམ་ཚིག་ནི་འདི་ལྟ་སྟེ། ཐོད་རུས་རྐང་དག་འབྲུ་མར་ཁྲག །ཆང་དང་ཨ་མྲི་ཏར་སྦྱར་བ། །རྫུ་འཕྲུལ་གྲུབ་པའི་དམ་རྫས་ཏེ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་རིགས་ངན་ངན་སྒྱུགས་ཅན་རྣམས་ཀྱིས་འདི་སྐད་ཅེས་གསོལ་ཏོ། །ག་་རྔམས་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ཤ་ཆེན་བཤང་གཙི་ཁུ་བ་ཁྲག་བདུད་རྩིའཁྱིལ་བའི་དམ་རྫས་ཏེ། །ནདརྣམས་མ་ལུས་འཇོམས་པར་བྱེད། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་བུད་མེད་རྣམས་ཀྱི་ཚོགས་ཀྱིས་འདི་སྐད་ཅེས་གསོལ་ཏོ།སྒེག་པོ་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། །བྲོ་གར་གླུ་ཚིག་སྙན་དངགས་དང་། །འཇོ་ཚུལ་སྟབས་ཀྱིས་ཡིད་ཕྲོགས་ཏེ། །བསྟེན་པ་ཐབས་ཀྱིས་འཁྲིག་སྤྱོད་པ། །འདི་དག་འདའ་བའི་དམ་ཚིག་སྟེ།བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ཤོ་པར་བའི་ཚོགས་ཀྱིས་འདི་ ད་ཅེས་གསོལ་ཏོ། །ངག་གི་དབང་ ག་བདག་ཅག་ མས་ཀྱི་དམ་ཚིག་ནི་འདི་ ་ ། གཞན་གྱིས་དཔག་པར་དཀའ་བའི་ཕྱིར། །ངག་གི་སྤྲུལ་པ་འཚམ་སྨྲ་བ། །སླུ་བ་ཆེན་པོའི་མཆོག་ཡིན་ཏེ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ལོག་སྲེད་ཅན་གྱི་ཚོགས་ཀྱིས་འདི་སྐད་ཅེས་གསོལ་ཏོ། །སྐྱེས་བུ་ཡང་དག་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ཡང་དག་ངག་དུ་ཀུན་རིག་ན། །ཆེ་ཆུང་ལས་གཉིས་གང་བྱས་ཀྱང་། །གཉིས་ཀྱི་དབང་དུ་མ་འགྱུར་ན། །བདག་ཅག་རྣམསཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་གསང་ཚིག་བསྟེན་པའི་ཚོགས་ཀྱིས་གསོལ་པ། གསང་བའི་རྣལ་འབྱོར་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། བཤང་གཅི་ཁྲག་དང་སོལ་ཁུ་གོས། །བརྒྱའམ་སྟོང་དུ་གྱོན་ནས་ནི། །ལིང་ག་གཅད་ན་སངས་རྒྱས་འཇིགས། །གསང་སྔགས་གསང་བའི་དམ་ཚིག་གོ །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་གང་མ་འདྲེས་པ་ཡོངས་སུ་མི་འགོག་པའི་དམ་ཚིག་བཀའ་སྩལ་པ་།་ ་།་གང་འདིར་འདུས་པའི་སྐལ་ལྡན་ཀུན། །སོ་སོའི་མོས་པ་ཐ་དད་པའི། །ཡིད་བཞིན་ནོར་བུ་དམ་ཚིག་ནི། །ཡོངས་སུ་རྫོགས་པར་བླང་བར་བྱོས། །གཞན་གྱི་སྡེ་པ་འཇོམས་བྱེད་ཅིང་། །མཚམས་མེད་ལྔ་པོ་སྤྱོད་བཞིནདུ། །བདགཉིདཆེནཔོརདམིགས་པ་དེ། སངས་རྒྱས་འགྲུབ་པའི་སྣོད་དུ་གསུངས། །མ་དང་བུ་མོ་སྲིང་མོ་དང་། རྒྱུ་བའི་བུད་མེད་ཐམས་ཅད་ལ། །འདོད་པ་བས་ནི་ཆགས་སྤྱད་ན། དེ་དག་འགྲུབ་བའི་སྣོད་དུ་གསུངས་། །གསོད་ལ་དགའ་བ་གང་དག་གིས། །སྲོག་གི་དབང་པོ་རྒྱུན་བཅད་ནས། ཁྲ་རུས་ཟ་ཞིང་ཁྲག་འཐུང་བ། །ཡང་དག་དམ་ཚིག་ཆེན་པོ་ཡིན། །ནོར་གྱི་བདག་པོའི་གཏེར་ཁུངས་ནས། གསེར་ལ་སོགས་པ་མ་བྱིན་པར། །བླངས་ནས་འདོད་པའི་ལོངས་སྤྱོད་པ། །འདི་ནི་ཡང་དག་དམ་ཚིག་ཡིན། །རྣལ་འབྱོར་རིག་པའི་བློ་ཅན་གྱིས། །གང་གིས་མགོ་ཐོད་བཅད་ནས་ནི། །དུར་ཁྲོད་སྣོད་ལ་ཆོས་ཤེས་པ། །ཡང་དག་ལྷ་བའི་དམ་ཚིག་སྟེ། །འདོད་པའི་དམ་ཚིག་དམ་པའོ། །བ་ལང་ཁྱི་ཤ་རྟ་ཤ་དང་། །ཤ་ཆེན་གླང་པོ་མཆོག་ཡིན་ཏེ། །རྣལ་འབྱོར་ཆེན་པོའི་ཟས་ཡིན་པས། །གཞན་ནི་བཟའ་བར་མི་བྱའོ། །དམར་ཆེན་ཁྲག་གི་རྒྱ་མཚོ་ལ།གང་ཞིག་འཐུང་བར་བྱེད་པ་དེ། །ཁྲག་འཐུང་ཀུན་གྱི་དམ་ཚིག་སྟེ། ཟད་པར་འཐུང་ན་གཟི་བྱིན་ཆེ། །བྲོ་གར་གླུ་ཚིགས་ལ་སོགས་པས། བུད་མེད་ཐམས་ཅད་བསྟེན་ནས་ནི། །འདོད་པས་ལོག་པར་སྤྱོད་འགྱུར་བ། །ཆོས་ཉིད་དམ་ཚིག་ཆེན་པོ་ཡིན། །གང་ཉིད་གཏིང་དཔག་དཀའ་བའི་ཕྱིར། །མེད་ལས་ཡོད་སྨྲ་ཡོད་ལས་མེད། །ཡུལ་ལ་མཐུན་འཇུག་བརྫུན་སྨྲ་བ། །སངས་རྒྱས་བཀའ་ཡི་དམ་ཚིག་ཡིན། །གང་དག་ཐོག་མ་མེད་པ་ནས། །གང་འ་ས་རང་གིས་ཉེས་པའོ་ཞེས། །སྤྱོ་བརྒྱད་དག་ནི་རྫུན་སྨྲ་བ། །སངས་རྒྱས་གསུང་གི་དམ་ཚིག་ཡིན། །བྱེ་བྲག་ཐམས་ཅད་གཅིག་པས་ན། །ལས་ཀྱི་དབང་དུ་མི་འགྱུར་བ། མ་ནོར་མ་བཅོས་དམ་ཚིག་སྟེ། རྣམ་སྨིན་མེད་པའི་མ་ཚིག་ཡིན། །མི་གཡོ་མི་འཀྱུར་མི་བསྐྱོད་པ། །དམིགས་པས་ཡོད་མེད་མ་དམིགས་ཀྱང་། །སྟོར་བ་མེད་པ་གང་ཡིན་པ། མི་གཡོའི་དམ་ཚིག་ཆེན་པོའོ། །དེ་ཉིད་ཆེན་པོར་ཀུན་གཅིག་པས། །བླང་དང་དོར་བ་ཡོད་མེད་དེ། །གཉིས་སུ་སྣང་བའི་ཆོས་རྣམས་ཀུན། །དེ་ཉིད་ཆེན་པོར་ཡོངས་ཀྱིས་གཅིག །དཀར་པོ་ནག་པོ་གང་འདི་ལ། །རྒྱུ་དང་འབྲས་བུ་སོ་སོ་ཡང་། །ནམ་མཁའ་བཞིན་ཏེ་མེད་པས་ན། །མཉམ་པའི་དམ་ཚིག་ཆེན་པོ་ཡིན། །མཉམ་ཉིད་རིག་པའི་རྒྱལ་པོ་ལས། །བྱེ་བྲག་རྣམ་པ་ཡོངས་ཀྱིས་མེད། །རང་གིས་རྙེད་ལ་གཞན་གྱིས་མིན། །རང་འབྱུང་ཆེན་པོའི་དམ་ཚིག་ཡིན། །བཤང་གཅི་ཟག་པའི་གོས་གྱོན་ཏེ། ལིང་ག་སྐྱེ་བ་རྒྱུན་བཅད་ན། །སྐྱེ་བ་རྣམ་གྲངས་བརྒྱ་སྙེད་དུ། །བཟླས་ན་དེ་ཉིད་དེར་སྦྱར་ན། སངས་རྒྱས་གཟུགས་སྐུ་ཇི་སྙེད་པ། །ཆོས་སྐུ་ཉིད་དུ་འཇིག་འགྱུར་ན། །རྡོ་རྗེ་སྔགས་ཀྱི་དམ་ཚིག་ཡིན། །འདོད་པས་སྤྱོད་པའི་ལོངས་སྦྱོད་ལྔ། །འདོད་པ་བས་ནི་ཆགས་སྦྱོད་ན། །ཆོས་ཉིད་རྒྱན་གྱི་དམ་ཚིག་སྟེ། །བདེ་བ་ཆེན་པོ་ཉིད་ཀྱི་དམ་ཞེས་བཀའ་སྩལ་པས། འདུས་པ་ཆེན་པོའི་ཚོགས་རྣམས་རབ་ཏུ་མགུ་ཞིང་རངས་ནས་ཀུན་གྱིས་མགྲིན་གཅིག་ཏུ་གསོལ་པ། ཨེ་མའོ་ཡིད་བཞིན་མཛད་པའི་རྒྱལ་པོ་བདག་ཅག་རྣམས་ཀྱི་བསམ་པར་རངས་སོ། །བདག་ཅག་རྣམས་ཀྱི་གཙོ་བོ་ལགས་སོ། །བདག་ཅག་རྣམས་ཀྱི་རྒྱལ་པོ་ལགས་སོ། །བདག་ཅག་མ་བཅོས་པའི་དམ་ཚིག་ཏུ་གཟུང་དུ་གསོལ་ཞེས་གསོལ་པ་ལས། །ལང་ཀའི་བདག་པ་་བཅོམ་ལྡན་འདས་དེ་བཀའ་སྩལ་པ། ཨ་ཧོ། ཡིན་ནོ། །ལེགས་སོ། །གཏད་དོ། །དམ་ཚིག་དམ་པ་དེ་ཉེ་བར་ཟུང་ཤིག །ཏིཁྱི་བཛྲ་མ་ས་ཡ་ཧཱུཾ་ཞེས་གང་དེ་ཉིད་ལས་མི་འདའ་བར་གཟུང་ངོ་། །ལང་ཀའི་བདག་པོ་དེ་ནས་ཡང་འདུས་པའི་ཚོགས་ཀྱིས་བཅོམ་ལྡན་འདས་དེ་ལ་གསོལ་པ། །བཅོམ་ལྡན་འདས་བཅོམ་ལྡན་འདས་ནི་བདག་ཅག་རྣམས་གྱི་སྒྲོན་མ་ལགས་ན། །བདག་ཅག་རྣམས་རང་རང་གི་དམ་ཚིག་འདི་ལ་གནས་ན་རིགས་ནི་གང་འཛིན་པར་འགྱུར། །གོ་འཕང་ནི་གང་དུ་ཐོབ་པར་འགྱུར་བ་ལགས། །བདག་ཅག་རྣམས་ལ་བསྟན་དུ་གསོལ་ཞེས་གསོལ་པ་ལས། ལང་ཀའི་བདག་པོ་བཅོམ་ལྡན་འདས་དེས་བཀའ་སྩལ་པ། འདུས་པའི་ཚོགས་རང་རང་གི་དམ་ཚིག་ལ་གནས་ན་ཇི་ལྟར་འགྱུར་བ་དག་བཤད་ཀྱིས་ཉོན་ཅིགཨེ་མའོ་ཐོད་པ་ཅན་གྱི་ཚོགས། ཁྱོད་ཀྱིས་སྨྲས་པ་ཚིག་འདི་རྣམས། །མདུད་པས་བཅིངས་པའི་ཚིག་ཡིན་ཏེ། །ནམ་ཡང་གྲོལ་བར་མི་འགྱུར་རོ། །ཡང་དག་ཡང་དག་ཅེས་སྨྲ་བ། ཡང་དག་ཉིད་ཀྱང་མདུད་པ་སྟེ།མདུད་པ་དགྲོལ་བར་མ་བྱས་ན། །ཐ་རམ་ཕྱེད་པར་མི་འགྱུར་རོ། །མཚམས་མེད་ལ་སོགས་བྱེད་པ་དང་། །གཞན་གྱི་སྡེ་པ་འཇོམས་པ་ཡིས། །རྣམ་པར་གྲོལ་བར་མི་འགྱུར་ཏེ། །འདི་ནི་བདུད་ཀྱི་ལས་་ཞེས་བཤད། །ཆགས་པའི་ལས་སམ་སྦྱོར་པ་དག །ཆགས་པའི་དབང་གིས་དེར་རྨོངས་ཏེ། །དེ་དག་དེ་ཡི་གྲོང་ཁྱེར་དུ། །གནས་འགྱུར་དེ་ཡི་སེམས་ཅན་ཡིན། །གང་དུ་སྡང་བས་གསོད་པའི་ལས། ། གང་གི་ལུས་ལ་སྲོག་ཕྲལ་ནས། །ཤན་པ་གསོད་པའི་རིགས་དག་ཏུ། །ལྟུང་འགྱུར་སྡུག་བསྔལ་རྩ་བ་ཡིན། །རྒྱལ་བ་རྣམས་ནི་རྣམ་དག་པས། །གང་ཚེ་བདེར་གཤེགས་རྒྱལ་བའི་ཞལ། །སྨད་པའི་རྫས་ནི་སྣ་ཚོགས་ཀྱིས། །ཡོངས་སུ་བསྟབས་པ་གང་བྱིས་པ། །དེ་ཚེ་ནི་རྣམ་སྨིན་གྱིས། །ཐར་མེད་ནད་ཀྱིས་བཟུང་ནས་ནི། །ངན་སྒྱུགས་འདམ་དུ་བྱིང་བར་འགྱུར། ཁྲ་དང་ཁྲག་ལ་སོགས་པའི་ཟད། །རྐུ་བའི་རྔད་ཟས་ཆེན་པོ་སྟེ། གང་གིས་ཟོས་པའི་ལུས་རྣམས་ལ། །དྲི་ཡིས་འཚོ་བ་ཀུན་འདུས་ནས། །མདངས་དང་བཡོ་རྣམས་འཕྲོག་པར་བྱེད། །དེས་ནི་གཟི་མདངས་ཡལ་བྱེད་འགྱུར། །དེ་ཉིད་རིན་ཆེན་ཡོད་བཞིན་དུ། །གཞན་གྱི་རིན་ཆེན་སྤྱོད་ལེན་པ། །ལོག་པས་ལོག་པར་འཚོ་བའི་ཆོས། །དི་དག་མདུད་པ་དམ་པོ་ཡིན། །དཀར་ནག་ལས་ལ་ཁྱེད་མེད་ཅེས། །ཐམས་ཅད་ཁྲ་བོར་སྤྱོད་པ་ནི། །རིགས་མེད་རིགས་ཆད་ལོག་པའི་རིགས། །འབྲས་བུ་ལོག་པའི་ཁམས་སུ་འགྱུར། །བདེརགཤེགསམཉེས་བྱའི་ལས་རྣམས་ལ། །ཡན་ལག་ཚིག་ཏུ་མ་དག་ན། །ཉེས་བྱས་ལས་ཀྱི་རྒྱུ་དེས་ནི། །གང་གི་དུས་རྣམས་ཐམས་ཅད་དུ། །དབང་པོ་ཡན་ལག་མ་ཚང་ཞིང་། །དྲན་པའི་སྙིང་པོ་ཉམས་པར་འགྱུར། །བདེར་གཤེགས་རྒྱལ་བ་སྒོམ་ཟློས་པ། །ཆ་མཐུན་བཅོས་པའི་ཆོ་འཕྲུལ་ལྟར། །གང་གིས་དེར་བརྟགས་དེར་རེད་ནས། །ལས་ཀྱི་སྲིན་པོ་རིག་འཛིན་ཡིན། །རྒྱན་དང་ཆ་ལུགས་ཐམས་ཅད་ཀུན། །གང་གིས་དེ་དང་དེར་བརྟག་ན། །བྲམ་ཟེ་མི་སྡུག་ལུགས་རིག་འཛིན། །ཆུ་སྲིན་ཉ་སོགས་ཡན་ལག་འབྱུང་། །ཏིང་འཛིན་རྟོག་པ་ཐམས་ཅད་ཀུན། །གང་གིས་དེ་དང་དེར་བརྟགས་ན། །ཅི་ཡང་རྟོག་ཅིང་ཆགས་པ་ཡི།འཛིན་པའི་ཕུར་བ་ཆེན་པོར་འགྱུར། །ཨུ༷༷དང་ཧཱུཾ༷་ལ་སོགས་པ་ཡི། །རྒྱུ་ཡི་གེ་ཐམས་ཅད་ཀུན། །དེ་དག་སོ་སོར་དེར་བརྟགས་ན། །ཙན་དན་སྦྲུལ་གདུག་པ་ལ་སོགས་པ། །ལྟུང་འགྱུར་རྟོག་པའི་གགས་ཆེན་ཡིན།ཁྲག་ལ་སོགས་པའི་རྫས་ཆེན་ལྔ། །དངོས་པོ་ཁོ་ནར་དེར་བརྟགས་ན། འབྱུང་པོ་ཁྲག་གི་དྲི་སྣོམ་པའི། །ལུས་ལེན་རིགས་ནི་འཛིན་པ་ཡིན། །མ་མོ་རྔམ་པའི་ཆ་ལུགས་སུ། །གང་གི་རྟོག་པ་དེར་བཟུང་མ། སྲིན་མོ་མི་སྡུག་ཤ་ཟ་མོར། །ལང་ཀའི་ཡུལ་དུ་དེ་དག་འཁོར། །མཚན་མའི་མགོ་བརྙད་བླ་དགས་ཅན། །དེ་འདྲར་གང་གིས་ངེས་བརྟགས་ན། ཤོ་གམ་གནས་ཀྱི་གཅན་ཆེན་རིགས། །འཛིན་ཅིང་གནས་དེར་རྟོགས་པར་འགྱུར།ལས་ཀྱི་དབང་བཙན་བྲན་མོའི་ཚོགས། །དེ་འདྲ་ཉིད་དུ་ངེས་བརྟགས་ན། །གནོད་སྤྱིན་ནག་མོའི་ཚོགས་སུ་འགྱུར། །གཞན་གྱི་ཚེ་ལ་འཚེ་བ་ཡིན། །དེས་ན་མདུད་པ་དམ་པོ་འདི། །བསྐུར་དུ་ལྕི་བའི་གདོས་ཡིན་ཏེ། །ལོག་པར་ལྟ་བས་མིག་ལོང་བས། །སེམས་ཀྱི་ནོར་བུ་རིན་ཆེན་དེ། །རྟག་ཆད་ཁམས་སུ་སྟོར་བར་འགྱུར། །ཞེས་བཀའ་སྩལ་པ་ལས། འདུས་པའི་ཚོགས་དེ་དག་རྟོག་པའི་ནད་ཀྱིས་ཟིན་ཅིང་རང་རང་གི་དམ་ཚིག་ལས་ལོག་པར་རིག་ནས། ཨེ་མའོ་སྒྱུ་མའི་བདག་པོས་ནི་བདག་ཅག་བསླུས་སོ། །ཞེས་རྨ་ག་ཆད་ནས་ངུས་སོ། །དེའི་ཚེ་དེའི་དུས་ན་བཅོམ་ལྡན་འདས་ཀྱི་བཀའ་སྩལ་པ། ཀྱེ་རིགས་ཀྱི་བུ་དག་རང་རང་གི་རྒྱུད་ལ་རྣམ་པར་ལྟོས་ཤིག་ཅེས་བཀའ་སྩལ་པ་ལས། འདུས་པའི་ཚོགས་དེ་དག་གིས་ལས་ཀྱི་རྒྱུད་བྱ་བ་ཇི་ལྟ་བུ་ཡིན་པ་བལྟས་ན་ཐམས་ཅད་མེ་ལོང་ནང་གི་གཟུགས་བརྙན་བཞིན་སྣང་བར་གྱུར་ཏེ། །ལང་ཀའི་བདག་པོ་དེ་དག་གིས་བཅོམ་ལྡན་འདས་དེ་ལ་གསོལ་པ། ཨེ་མའོ་བཅོམ་ལྡན་འདས་བདག་ཅག་རྣམས་ཀྱི་དམ་ཚིག་ནི་ལོག་པའི་དཀའ་ཐུབ་ཏུ་གྱུར་པར་ངེས་ན་འདི་དག་ཉིད་ཡང་དག་པའི་དཀའ་ཐུབ་ཏུ་མཛད་པར་གསོལ། །ཇི་ལྟར་རང་རང་གི་དམ་ཚིག་རྣམས་མ་བཀག་པར་སྤྱོད་བཞིན་དུ་ཆོས་ཉིད་ཀྱི་བཀའ་ཐུབ་ཏུ་མཛད་ཏུ་གསོལ། །དེ་ཅིའི་སླད་དུ་ཞེ་ན། །བདག་ཅག་ནི་རང་རང་གི་དཀའ་ཐུབ་ལ་ཆགས་ཤིང་ཞེན་པ་ལགས་སོ། །ཆོས་ཐམས་ཅད་ནི་སྒྱུ་མ་ལྟ་བུ་ཅིར་ཡང་འགྱུར་བ་ལགས་སོ། །ཐེག་པ་ཆེན་པོའི་སྒོ་ནི་བསྐལ་པའི་མེ་དཔུང་ལྟ་བུ་ལགས་སོ། །དེ་བཞིན་དུ་ནམ་མཁའ་ལྟ་བུ་དང་། ས་ཆེན་པོ་ལྟ་བུ་དང། རླུད་ཆེན་པོ་ལྟ་བུ་ལགས་སོ། །སངས་རྒྱས་བཅོམ་ལྡན་འདས་ནི་ཐབས་རྒྱ་མཚོའི་མངའ་བདག་ལགས་པས་སོ་སོའི་མོས་པ་ཇི་ལྷ་བ་བཞིན་བཤད་དུ་གསོལ་ཞེས་ཞུས་པ་ལས། ལང་ཀའི་བདག་པོ་བཅོམ་ལྡན་འདས་དེས་དགྱེས་པ་ཆེན་པོའི་བཞད་པ་མཛད་ནས་ཀྱེ་རིགས་ཀྱི་བུ་དག་ཐེག་པ་ཆེན་པོའི་དོན་དེ་ལྟར་ཞུ་བ་ནི་ལེགས་ན། །འདི་ནི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱང་ཐེ་ཚོམ་སྐྱེ་བ་ཡིན་ན་ཁྱེད་རྣམས་ལྟ་ཅི་སྨོས།དེ་སྐད་ཅེས་བཀའ་སྩལ་པ་ལས། འདུས་པའི་ཚོགས་ཀྱིས་གསོལ་པ། བཅོམ་ལྡན་འདས་ཐེ་ཚོམ་སྐྱེ་བར་བགྱིད་པ་ནི་ངེས་པ་མ་མཆིས་པ་ལགས་ན། གང་སངས་རྒྱས་བཅོམ་ལྡན་འདས་རྣམས་ནི་ངེས་པ་ཅན་ལགས་ན་ངེས་པ་མ་མཆིས་པའི་ཆོས་འཁོར་གྱི་ནང་འདིར་གསུང་ངམ་ཞེས་གསོལ་པ་ལས། བཅོམ་ལྡན་འདས་ཀྱི་བཀའ་སྩལ་པ། ཀྱེ་འདུས་པའི་ཚོགས་ཆོས་ཐམས་ཅད་ངེས་པ་མེད་པ་ང་སྨྲའོ། །དེ་ཅིའི་ཕྱིར་ཞེ་ན། ཐེར་ཟུག་ཏུ་རེད་པའི་ཆོས་གང་ཡང་མེད་པའི་ཕྱིར་རོ། །དེ་བས་ན་ཁྱེད་རྣམས་ཀྱི་རང་རང་གི་དམ་ཚིག་ལ་ཡང་ངེས་པ་མེད་དེ། །སྐྱེ་བ་འདི་ལས་གཞན་དཔག་ཏུ་མེད་པ་བླངས་པ་དང་ལེན་པའི་སྐྱབས་སུ་སོ་སོའི་སྐྱེ་བ་ཐ་དདཔདེབཞིནདུམོསཔདང་། ལས་དང་། སྐལ་པ་དང་། གནས་དང་། སྡེ་དང་། ཤ་ཚུག་དང་། རིགས་དང་། ཁ་དོག་དང་། འཚོར་བ་དང་། ལྟ་བ་དང་། སྤྱོད་པ་དང་ཐ་དད་ན། ད་ཁྱོད་ཀྱིས་ངེས་པར་གང་ལ་གཟུང་། དེའི་ཕྱིར་ཆོས་ཐམས་ཅད་ངེས་པ་མེད་པར་ང་སྨྲའོ། །དེ་ནས་འདུས་པའི་ཚོགས་ཀྱིས་གསོལ་པ། འོ་ན་བཅོམ་ལྡན་འདས་བདག་ཅག་གི་དམ་ཚིག་རྣམས་ངེས་པས་བཟུང་ན་ཇི་ལྟར་བུ་ལགས།བཅོམ་ལྡན་འདས་ཀྱི་བཀའ་སྩལ་པ། འདུས་པའི་ཚོགས་འདི་ལྟ་སྟེ། །མཚམས་མེད་ལྔ་ཡི་དམ་ཚིག་ནི། །དམ་ཚིག་ཏིང་འཛིན་ཤེས་རབ་དང་། བྱང་ཆུབ་སེམས་དང་སྙིང་རྗེ་ལྡན། །བར་མཚམས་མེད་པར་རྒྱུན་མི་གཅད། །འདི་ནི་མཚམས་མེད་དམ་ཚིག་ཡིན། །ཆགས་པ་ཆེན་པོའི་དམ་ཚིག་ནི། །འཁོར་བ་དང་ནི་ཆོས་ཉིད་ལས། ཁྲེས་རབ་སྙིང་རྗེའི་མི་གཏོང་བ། །འདི་ནི་ཆགས་པའི་དམ་ཚིག་ཡིན། །མ་དང་བུ་མོ་སྲིང་མོ་ནི།ཆོས་ཉིད་དང་ནི་ཡེ་ཤེས་ལྔ། །རང་ལས་བྱུང་བའི་ཤེས་རབ་ནི། །དེ་བཞིན་ཉིད་ཀྱི་གཟུངས་སུ་བཤད། །གང་ལ་སྐྱེ་བ་མེད་བསྟན་ན། །སྲོག་གི་དབང་པོ་མི་ལེན་པའི། །སྐྱེ་བའི་རྒྱུན་ནི་ཆད་པ་དང་། །ཐམས་ཅད་སྟོང་པར་བཅོམ་པ་ནི། །སྲོག་བཅད་པ་ཞེས་དེ་ལ་བྱ། །དངོས་པོ་མེད་པས་དངོས་པོར་སྟོན། །དངོས་པོར་སྣང་ལ་མེད་སྨྲ་བ། །རྒྱལ་བ་ཀུན་གྱི་བཀའ་ཡིན་ཏེ། །སླུ་བའི་དམ་ཚིག་ཆེན་པོ་ཡིན། །གཞན་གྱི་ཡིད་བཞིན་ནོར་བུ་ལ། །རྗེས་སུ་མོས་པའི་འོད་ཟེར་གྱིས། །བླངས་ནས་བྱང་ཆུབ་འཇོག་པ་དང་། །དེ་ཉིད་ལྕགས་ཀྱིས་ལེན་པ་ནི། །མ་བྱིན་ལེན་པའི་དམ་ཚིག་ཡིན། །དེ་ཉིད་ཆེན་པོ་དེ་འདོད་པས། །མཚན་མར་ཞེན་ལས་ལོག་སྤྱོད་པ་།་ ་།་དོད་པས་ལོག་པར་སྤྱོད་པ་སྟེ། །སྦྱོར་བའི་དམ་ཚིག་ཆེན་པོ་ཡིན། །དམ་ཚིག་ཏིང་འཛིན་ཤེས་རབ་དང་། །སེམས་ཉིད་སྙིང་རྗེ་ཆེན་པོ་ལྔ། ཁྲ་ཆེན་བཤང་གཅི་ཁུ་བ་ཁྲག །རྣམ་པར་ལྔ་པོ་སྦྱར་བ་འདི། །ཆོས་རྣམས་ཀུན་གྱི་ཡོ་བྱད་ཡིན། །ཡོ་བྱད་འདི་དང་མ་ལྡན་ན། །དོན་རྣམས་འགྲུབ་པར་མི་འགྱུར་རོ། །ལོག་པར་འཚོ་བའི་ཡོ་བྱད་ཀྱང་། །ལྟ་དང་ཉོན་མོངས་ལས་ཉོན་མོངས། །འདོད་པ་བདུན་ལྔ་ཉིད་སྦྱར་ཏེ། །དེ་ལའང་དེ་སྐད་བསྒྲགས་པ་སྟེ། །འཁོར་བ་ཉིད་དུ་འགྱུར་བ་ཡིན། །ལོག་པར་སྤྱོད་པའི་ལྟ་བ་ལྔ། །སྨེ་ཤ་ལྔ་ཞེས་གྲགས་པ་སྟེ། །དེ་ནས་ལྟ་བ་མི་གཙང་བས། །ཡང་དག་ལྟ་ལས་ལྟོས་ན་སྨེ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པས། །འདུས་པའི་ཚོགས་དེ་དག་གིས་སྐྱེ་བ་མེད་པའི་དོན་མཐོང་བས་ཤིན་ཏུ་ཡང་ངོ་མཚར་བར་གྱུར་ཏེ་གསོལ་པ། བཅོམ་ལྡན་འདས་འོ་ན་བདག་ཅག་གི་དམ་ཚིག་འདི་རྣམས་ཐེག་པ་ཆེན་པོར་མ་གསོལ་ཏམ། བཀའ་སྩལ་པ། འདུས་པའི་ཚོགས་སོ་སོའི་དམ་ཚིག་རྣམས་ཐེག་པ་ཆེན་པོ་ཡོངས་སུ་རྫོགས་པར་ནི་མ་བཀག་གོ །གསོལ་པ། བཅོམ་ལྡན་འདས་ཅིའི་སླད་དུ་མ་བཀག་པར་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ནམ་མཁའིརངབཞིནདུ། །སྣངསྲིད་མ་བཀག་སྣངབབཞིན། །ཐེགཔཆེནཔོའིནམམཁའ་འདིར། །ལྟ་སྤྱོད་ཐམས་ཅད་མ་བཀག་སྟེ། །དེའི་ཕྱིར་ཐམས་ཅད་ནམ་མཁའ་སྣང་ཞེས་གསུངས་པས། འདུས་པའི་ཚོགས་ཐམས་ཅད་ངོམས་ཤིང་ངོ་མཚར་དུ་གྱུར་ཏེ་ངུས་སོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བཀའ་སྩལ་པ། འདུས་པའི་ཚོགས་ཁྱེད་རྣམས་ཅི་ཞིག་ཐོས་ནས་ངུ་། །གསོལ་པ། བཅོམ་ལྡན་འདས་ཡུན་གྱི་དོན་སྲིད་ཆེན་པོ་འདི་ལྟ་བུ་བདག་ཅག་ལ་སྔར་མ་བསྟན་པ་ཐུགས་རྗེ་རེ་ཆུང་ཞེས་གསོལ་པ་ལས། བཅོམ་ལྡན་འདས་གྱིས་བཀའ་སྩལ་པ།འདུས་པའི་ཚོགས་རང་རང་གི་ནམ་མཁའ་དེ། །རང་རང་གི་མུན་པ་གློ་བུར་བས་བསྒྲིབས་པར་ཟད་ཀྱི། །རང་རང་གི་ནམ་མཁའ་ཉིད་དུ་སྣང་བ་ལ་གང་གིས་གང་ལ་བསྟན་ཅི་དགོས་ཞེས་སྨྲས་པས། གང་གིས་མི་རིག་པ་གང་ཡིན་པ་དེ་ཉིད་རིག་པར་འགྱུར་ཏེ། །བག་བཞི་བསྐུམས། །ཡན་ལག་ས་ལ་བརྡབས་ནས་ལུས་གདན་ཁྲིར་ཕུལ་ཏེ། ཉོན་མོངས་པའི་སྒྲིབ་པ་སྦྱོང་ཞིང་རྣ་བས་ཆོས་ཉན་པས་ཤེས་བྱ་སྒྲིབ་པ་སྦྱོང་སྟེ། །རིག་འཛིན་ལུས་ཀྱི་སེང་གེ་དང་། རྟ་དང་གླང་པོ་ལ་སོགས་པའི་ཞབས་ཀྱི་གདན་ཁྲིའི་བྱ་བ་ཡོངས་སུ་རྫོགས་པར་བྱེད་དོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྨོངས་པའི་སེལ་བ་སྤྱོད་མཐུན་དགྲོལ་བའི་ལེའུ་སྟེ་སུམ་ཅུ་དྲུག་པའོ།། །།བམ་པོ་དྲུག་པར་ཟུག་པ། དེ་ནས་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གསང་བ་པའི་བདག་པོ་ལ་ཡོངས་སུ་དྲི་བ་དྲིས་པ། ཀྱེ་གསང་བ་པའི་བདག་པོ་གང་གིས་གང་ལ་བརྒྱུད་དེ་གྲགས་པའི་གསང་བ་དམ་པ་དེ་སྔོན་དུ་བྱུང་བ་སྤྱད་པ་སྤྱོད་པ་གྲགས་པའི་གཏམ་རྒྱུད་ཇི་སྐད་བརྗོད་པ་རྣམ་པར་བརྗོད་པ་ལགས་ཞེས་སྨྲས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་སྔོན་དུ་བྱུང་བའི་རྒྱུད་གསང་བ་དམ་པ་སྤྱད་པ་སྤྱོད་པར་གྲགས་པ་ནི་འདི་ལྟ་སྟེ། གང་འདུས་པའི་ཚོགས་ཀྱིས་བཅོམ་ལྡན་འདས་གསང་བ་མཆོག་གི་བདག་པོ་དེ་ལ་གསོལ་པ། བཅོམ་ལྡན་འདས་གསང་བ་དམ་པ་གང་གིས་སྤྱད་པས་ལེགས་པ་དང་། ཉེས་པའི་སྤྱོད་པ་ཇི་ལྟ་བུར་འཚལ་བར་བགྱི། དེ་སྐད་ཅེས་གསོལ་པ་དང་། ལང་ཀའི་བདག་པོ་བཅོམ་ལྡན་འདས་དེ་བཀའ་སྩལ་པ་།་ འདུས་པ་ཆེན་པོའི་ཚོགས་གསང་སྔ་དམ་པ་གང་གིས་སྤྱད་པ་སྤྱོད་པ་ནི་རབ་ཏུ་དཀའ་བར་ཤེས་པ་གྱིས་ཤིག །དེ་ཅིའི་ཕྱིར་ཞེ་ན། གསང་བ་དམ་པ་ནི་ཤིན་ཏུ་མེ་དང་འདྲ་སྟེ། ཇི་ལྟར་མེ་ནི་རྒྱུན་དུ་བཅངས་ཤིང་སྤྱད་ལེགས་ན་ཇི་ལྟར་བ་བཞིན་དུ་རྒྱུན་དུ་སྤྱད་པས་འདོད་པ་འབྱུང་ངོ་། །མེ་ཉིད་ཇི་ལྟར་བ་དེ་བཞིན་དུ་སྤྱད་ཉེས་ན་མེ་ཡི་ཕུང་པོ་ཆེན་པོར་གྱུར་ཏོ། །གང་སྤྱོད་པར་བྱེད་པ་དེ་ཡང་བསྲེགས། ཁྱིམ་ནས་ཁྱིམ་ཡང་བསྲེགས། །རྫས་ཀྱི་དངོས་པོ་ཐམས་ཅད་ཀྱང་ཚིག་པར་འགྱུར་རོ། །དེ་བཞིན་དུ་གསང་སྔགས་འདི་ནི་ཆུ་དང་འདྲ་སྟེ། ཆུ་གང་གི་ཐབས་ཀྱིས་ཟིན་ན་ཇི་ལྟར་འདོད་པ་བཞིན་དུ་འབྱུང་ངོ་། །གང་ཆུའི་རང་བཞིན་དང་༄༅ ཐབས་ལ་མི་མཁས་པ་ནི་གང་སྤྱོད་པར་བྱེད་པ་དེ་ཉིད་གཡང་བར་འགྱུར་རོ། །གཞན་ཡང་གསང་བ་དམ་པ་འདི་ནི་གདུག་པའི་གཅན་གཟན་དང་འདྲ་སྟེ། གང་གདུག་པའི་གཅན་གཟན་ནི་གཞན་སྲོག་གཅོད་པར་བྱེད་ཅིང་གཞན་དགའཇོམསཔར་བྱེད་ན་ཡང་། གང་ཐབས་ལ་མཁས་པ་དེ་ཇི་ལྟ་བ་བཞིན་དབང་དུ་འདུའོ། །གང་ཐབས་ཀྱིས་མ་ཟིན་ན་ནི་རང་གི་སྲོག་ལ་འབབ་པར་བྱེད་དོ། །གཞན་ཡང་གསང་སྔ་འདིནི་སྦྲུལ་གྱི་མགོ་ལ་གདུགཔའི་ནོར་བུ་རིན་པོ་ཆེ་དང་འདྲ་སྟེ། གང་ཇི་ལྟར་ཐབས་ཀྱིས་ཟིན་ན་རིན་པོ་ཆེདེ་ལ་དགའ་བདེར་སྤྱད་དུ་ཡོད་ལ། གང་གི་ཐབས་ཀྱིས་མ་ཟིན་ན་ཚེ་དང་བྲལ་བར་བྱེད་དོ། །གཞན་ཡང་ལྡུམ་བུ་ལང་ཏང་ཚེ་དང་འདྲསྟེ། གངགིཐབས་ཀྱིས་ཟིན་ན་ཚདནད་དྲག་པོ་ཡང་གཅོད་པར་བྱེད་ལ། གང་ཐབས་ཀྱིསམ་ཟིན་ན་སྲོག་དང་འབྲལ་བར་ཡང་བྱེད་དེ། དེ་ལྟར་ན་གང་ཐབས་ཀྱིས་ཟིན་པནི་དུགའགྱུར་རྩི་དང་། གསེར་འགྱུར་རྩི་དང་། མུན་གྱུར་གྱིསྒྲོན་མ་བཞིན་དུ་ཆུང་ངུས་ཆེན་པོ་འཇོམས་པར་ནུས་ཏེ། གང་ཕྱི་ཅི་མ་ལོག་པར་ངེས་པ་ཉིད་ཀྱིས་ཐམས་ཅད་དེ་ཁོ་ན་ཉིད་དུ་འགྱུར་རོ། །འདུས་པ་ཆེན་པོ་ཚོགས་དེ་ལྟ་བས་ན་གསང་བ་དམ་པ་འདི་ནི་སྤྱད་པར་དཀའ་བས་སྔོན་དུ་བྱུང་བརསྤྱད་པར་སྤྱོད་པ་དག་གསངབ་དམ་པ་ངོས་མ་ཟིན་པས་ལོག་པའི་ལམ་དུ་བྱུང་བ་ཡང་ཡོད་དོ། །གང་ཐབས་ལ་མཁས་པས་ངོས་ཟིན་པ་མ་ནོར་བའི་ལམ་དུ་བྱུང་བ་ཡང་ཡོད་པས་འདུས་པ་ཆེན་པོའི་ཚོགས་གང་གསང་བ་དམ་པ་ངོས་ཟིན་པའི་ཐབས་ཀྱི་སྤྲིན་ཆེན་པོས་སྤྱད་པ་སྤྱོད་པ་ལ་མཁས་པར་གྱིས་ཤིག དེ་སྐད་ཅེས་བཀའ་སྩལ་པ་དང་། འདུས་པའི་ཚོགས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་དུ་གསང་སྔགས་ལོག་པའི་ལམ་ནི་གང་ལགས། གང་མ་ནོར་བའི་ལམ་པ་ནི་གང་ལགས། བདག་ཅག་རྣམས་ལ་རྒྱ་ཆེར་བཤད་དུ་གསོལ། དེ་སྐད་ཅེས་གསོལ་པ་དང་། ལང་ཀའི་བདག་པོ་བཅོམ་ལྡན་འདས་དེས་འདུས་པ་ཆེན་པོའི་ཚོགས་ལ་བཀའ་སྩལ་པ། འདུས་པ་ཆེན་པོའི་ཚོགས་འདི་ལྟ་སྟེ། བརྒྱུད་དེ་གྲགས་པས་གང་སྤྱོད་པ། གསང་སྔགས་གསང་བའི་སྙིང་པོ་འདི། །ཇི་ལྟ་དེ་ལྟར་གཏན་ལ་དབབ། །འདི་ནི་ཡང་དག་གསང་བའི་ལམ། །གང་དུ་ལོག་པའི་ཆོས་རྣམས་དང་། །གསང་སྔགས་གསང་བའི་སྙིང་པོ་གཉིས། །བཏགས་པ་མིང་གི་སྒྲ་གཅིག་ཕྱིར། །ངེས་པའི་རྟགས་དེ་ཟིན་པར་བྱ། །ཐེག་པ་ཆེན་པོའི་གསང་སྔགས་འདི། །མཐུན་འཇུག་ཐབས་ཀྱིས་སྒྲར་བསྟན་པས། ཕྱི་རོལ་གཞན་དུ་འགྱུར་སྲིད་ཕྱིར། །ཚིག་དང་སྒྲ་ལ་དོན་མི་བཞག །དམ་པ་རྣམས་ཀྱི་དགོངས་པ་འདིདཔེའམ་ཚད་མའམ་གཏན་ཚིགས་སམ། །རྗེས་སུ་དཔག་པའི་ཤེས་རབ་ཀྱིས། །རྟོགས་པར་ནུས་པ་མ་ཡིན་ནོ། །དགོངས་དོན་གསང་བའི་སྙིང་པོ་ལ། གང་གི་བློ་ནི་མ་འབྱོར་པས། །སུ་ཞིག་སྨྲ་བར་བརྩོན་པ་དེ། །མ་སྨྲས་ན་ནི་མི་འཚོའམ་ཅི། །དེ་བཞིན་སྤྱོད་དང་ལྡན་པ་དང་། སྒྲུབ་དང་རྟོག་དཔྱོད་བྱེད་པ་རྣམས། །དོན་ལ་ངེས་བློ་མ་རྙེད་པར། །མ་སྤྱད་ན་ནི་ཅི་ཞིག་ཉེས། །ཅི་ཕྱིར་གསང་སྔགས་རྒྱ་མཚོ་འདི། །དཔེར་ན་གང་གི་སྦྲིད་བསངས་བཞིན། །དམ་པའི་བཀའ་ཚིག་རེ་རེ་ལའང་། །དོན་ནི་ཐ་དད་དུ་མར་འབྱུང་། །དེས་ན་གསང་སྔགས་དམ་པའི་དོན། །མ་རྟོག་བཞིན་དུ་གང་སྨྲ་བ། །གང་གིས་མཚམས་མེད་ལྔ་བྱས་པས། །ལོག་སྨྲའི་སྡིག་དེ་དེ་བས་ལྕི། །གསང་བ་ཉིད་ལ་གོལ་བ་ཡི། །གསང་བར་སྨྲ་བའི་ལོག་སྲེད་ཅན། །གསང་སྔགས་ཆོ་གས་ཟིན་གྱུར་ན། །གང་གིས་འཚོ་བ་སྲོག་བཅད་ཀྱང་། །དེ་ནི་ཉེས་པས་མི་འགྱུར་ཞེས། ལོག་པར་ཁ་ལོ་སྒྱུར་བར་འབྱུང་། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །བྲམ་ཟེ་འཚོ་བའི་ལོག་སྲེད་ཅན། ལོག་སྨྲ་རྒྱུ་སྤྱོད་དབང་སྒྱུར་བའོ། །གང་འདིར་འོག་པར་སྤྱོད་རྒྱས་པས། ཀུན་ཀྱང་ལོག་པ་ཉིད་ལ་འཇུག །དེ་ལ་གསང་བ་སྒྲ་མཚོན་ནས། །གསང་སྔགས་དེ་ལ་མངོན་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །གང་དུ་གཞན་འབྱུང་ལོག་སྲེད་ཅན། །དེ་མིན་འདྲ་གཞན་སྤྱོད་པའོ། །གང་དུ་འདི་ལྟར་ལོག་པའི་ཆོས། །གསང་སྔགས་དམ་པའི་ཚིག་དང་སྒྲ། །གཅིག་ལ་མི་གཅིག་སོ་སོ་ལ། །རྨོངས་པའི་མུན་པར་གང་སྤྱོད་པ། །སྔགས་པ་བདུད་ཀྱི་ལས་བྱེད་དེ། ཁེ་ནས་དམྱལ་བ་ཆེན་པོར་འགྲོ། །ཅི་ཕྱིར་ལྟ་བས་མ་ཟིན་ཕྱིར། །བདུད་དང་སྲིན་པོའི་སྤྱོད་པ་ལ། །དགའ་མགུར་སྤྱོད་ཅིང་འདོད་དགུར་འཇོལ། །དེ་ལ་བག་ཆགས་ཞེན་པའི་མཐུས། །དམྱལ་བར་འབར་བ་བརྒྱད་ཀྱི་ཡང་། རྡོ་རྗེ་དམྱལ་བ་ཆེན་པོར་ལྷུང་། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །ལོག་པའི་སྟོབས་ལྡན་ཡ་མཚན་ཅན། །ལོག་ཞེན་སྡུག་བསྔལ་སྤྱི་གཙུག་པའོ། །ཨེ་མའོ་འགྲོ་བ་རྣམ་མི་གྲོལ། །ཅི་ཕྱིར་འོང་བའི་དུས་རྣམས་སུ། །གཡོ་ཅན་བཅོས་པའི་གསང་ཚིག་གིས། །དྲི་མེད་གསང་བའི་བསྟན་པ་རྣམས། །དཀྲུགས་འགྱུར་བཀའ་བསླད་གཞུང་བོར་ནས། །དོན་མེད་ལོག་ཆོས་རྒྱས་པར་འགྱུར། །གཞན་ནས་བྱུང་བ་མ་ཡིན་ཏ་།་ ་།་རྩ་བ་ཉིད་ལས་གྱུར་པར་ཟད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །འདི་པར་མ་གྱུར་བསླད་པ་ཅན། དེ་རྒྱུ་ངན་པས་དེ་ཉིད་བསླད། །ང་ཡི་ཡིད་བཞིན་ནོར་བུ་འདི། །ཅིར་ཡང་སྟོན་ལ་དཔག་དཀའི་ཕྱིར། །མ་འོངས་དུས་ན་ལོག་སྤྱོད་ཀྱིས། །ལོག་བརྟགས་ལོག་སྡེ་མང་པོ་འབྱུང་། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །ལམ་ལོག་ལམ་སྟོན་ལམ་ཉེས་པ། །ལོག་ཞེན་ལོ་སྡེ་དྲུག་བརྒྱུད་པའོ། །གང་ལ་ལོག་ཞེན་ལོགདབང་གིས། །ལོག་བློས་ལོག་མཐོང་གཙོར་བཟུང་ནས། །ལྟ་སྒོ་ཀུན་ཏུ་མི་འཇུག་ཅིག །རྨོངས་པའི་ལྟ་བས་བརྟན་པར་གནས། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །ལོག་ལྟ་གཅིག་ཏུ་ཞེན་སེམས་པ། ཆར་ཀ་ནག་པོ་ཀུན་རྨོངས་པའོ། །གང་འདིར་བཅིང་བ་གནས་བཅིངས་ནས། །རང་གི་ཆེ་བའི་ཐབས་བཟུང་སྟེ། །རྟོག་དཔྱོད་ཙམ་ཡང་མི་འཇུག་པ། །གླང་ཆེན་མྱོས་པ་རྨོངས་འདྲ་འབྱུང་། །དེ་ཡང་ཇི་ལྷ་བུ་ཞེ་ན། འདས་པའི་དུས་ན་སྔོན་བྱུང་བ། བདག་ཉིད་གཅིག་པུར་ཆོས་སྨྲ་བ། །ལོག་ཕྱོགས་གཅིག་པུར་སྤྱོད་པའོ། །གང་དུ་དམུས་ལོང་ལམ་ཞུགས་པ། །ཡིད་ཀྱིས་གོམས་པའི་ཚད་དཔགས་ནས། །ཉམ་ངའི་ལམ་དུ་རྒྱུག་པ་ལྟར། །ཚོད་དཔགས་ཙམ་ལ་གཙོར་འཛིན་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་མུན་པས་ཟིན་པ་ཡི། །བརྟུལ་ཞུགས་མཆོག་འཛིན་ལྔ་སྡེ་པའོ། །ལུང་མེད་རྣལ་འབྱོར་སྒོམ་པ་དང་། །ཆོས་མེད་ཆོས་སུ་སྨྲ་བ་དང་། །སྡིག་ཅན་སྨྱོན་པའི་བརྟུལ་ཞུགས་ལ། །དཔའ་བརྟུལ་སྤྱོད་པ་ཆེར་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །གང་གི་ཚད་མས་མ་གཞལ་བའི། །མུ་ཅོར་སྨྲ་བ་སྡེ་བཞི་པའོ། །དོན་མེད་འདུག་ལ་བརྩོན་པ་དང་། །ལུགས་མ་ལ་སོགས་གཟུགས་བརྙན་དག །དམིགས་པའི་མཚན་མར་འཛིན་པ་ཡི། །གང་དུ་རིགས་པའི་རི་བོ་འགྱུར། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་རྒྱུ་བ་ཀུན་བཀག་པ། །མཉམ་པར་འཇུག་པ་བདུན་སྡེ་པའོ། །སྦས་པའི་དོན་རྣམས་སྒྲ་བསྒྱུར་ནས། །དབྱོད་ཁོངས་ཙམ་དུ་བྱེད་པ་རྣམས། །སྟེང་དུ་མི་འབབ་གོལ་སར་འགྲོ། །སྐུ་གསུང་ཐུགས་ཀྱི་སླུ་བྱེད་ཡིན། ལང་ཀའི་བདག་པོ་དེ་ལྟར་ན། །དེ་སྐད་གསང་བ་མཆོག་དེས་བཤད། །གཞན་ཡང་ཐབས་ལྡན་འདི་ལྟ་སྟེ། །དེ་ནས་འཁོར་དེར་འདུས་གྱུར་པའི། །རྣལ་འབྱོར་ཐེག་པ་མཆོག་སྤྱོད་པའོ། །ཚངས་པའི་འོད་ཅེས་བྱ་བ་ལ། །གང་དེར་མོས་པ་ཆུང་སྤྱོད་པའི། །རྣལ་འབྱོར་གྲགས་ལྡན་ཞེས་བྱ་བས། །འདི་སྐད་གལ་དུ་དྲི་བ་དྲིས། །དམ་པར་སྤྱོད་པ་ཚངས་པའི་འོད། །གང་འདིར་དམ་པ་སྤྱོད་དོ་ཞེས། ཤེན་ཏུ་དམན་པའི་ལས་སྤྱོད་པ་། །དེ་ཡི་སྨན་པ་ཐ་དད་ཕྱིར། །མུན་པར་སྣང་བར་མི་འགྱུར་ཞིང་། །དམན་པ་དག་པ་ག་ལ་འགྱུར། །དཔེར་ན་མཐོ་སར་བགྲོད་འདོད་པ། །གཞོལ་ཕྱོགས་ལམ་དུ་འབབ་པ་བཞིན། །གོ་འཕང་ཆེན་པོ་མཐོང་འདོད་པ། ངན་འགྲོ་ཡ་ངའི་རྒྱུན་དུ་ཞུགས། །གང་ཞིག་བ་་བའི་ཆུ་འདོད་པ། སྨིག་རྒྱུ་བསྙགས་པའི་ཚིམ་མེད་ལྟར། །དམན་པ་དམ་པར་སྨིན་འདོད་པ། །མཉམ་ལ་དམན་སྤྱོད་འགྱུར་མ་ཡིན། །སྦྲུལ་འབྲས་ཁྱུང་གིས་བརྣོས་འགྱུར་ཡང་། །ཕྱིན་ཅི་ལོག་འགྱུར་མི་སྲིད་པས། །དེ་ཉིད་ཁོ་ན་སྣང་བ་བཞིན། །དམན་པ་དམ་པར་འགྱུར་མི་སྲིད། །གང་གི་གསང་བ་ལས་ལོག་པའི། །གང་འདིར་ལོག་སྤྱོད་དམན་པ་དག །ཐམས་ཅད་རང་བཞིན་མེད་སྟོང་པས། ཉོན་མོངས་བྱང་ཆུབ་སྟོང་མཉམ་ཟེར། །འཚོ་བའི་སྨན་དང་འཆི་བའི་དུག །འབྱུང་བས་བསྐྱེད་པར་རྒྱུ་གཅིག་ཀྱང་། །འཚོ་དང་འཆི་བར་བྱེད་པའི་མཐུ། །དེ་ཉིད་མི་མཐུན་སོ་སོར་སྣང་། །དེས་ན་གང་འདིར་ལ་ལ་ཞིག །འབྱུང་བས་བསྐྱེད་པས་གཅིག་མཉམ་ཞེས། །དུག་ཀྱང་ཟ་ཞིང་བ་་ངམ་ཅི། །དེ་བཞིན་དམ་པ་དམན་པའི་ལས། །རང་བཞིན་མེད་པར་དོན་གཅིག་ཀྱང་། །མཉམ་ཞེས་དམ་པ་ཉིད་བཞག་ཅིང་། །དམན་པ་ཆེད་དུ་སྤྱོད་དམ་ཅི། །དེས་ན་དམ་པ་དམན་པ་དང་། །གཙང་དང་མི་གཙང་ཆེ་ཆུང་གཉིས། །བཟང་ངན་བདེ་སྡུག་ལ་སོགས་དང་། །བསྟི་གནས་སྤྱད་བྱར་སྙོམས་མེད་པ། །མཉམ་སྦྱོར་རྟགས་སྤྱོད་ཡིན་ཞེ་ན། །དུག་དང་ཁ་ཟས་བདེ་སྡུག་རྣམས། །མི་མཉམ་མཉམ་པར་ག་ལ་སྙོམས། །མ་བཅོས་མཉམ་པའི་ཆོས་ཉིད་ལ། །གློ་བུར་ལས་ཀྱིས་མི་མཉམ་སྟེ། །ནམ་མཁའ་དྲི་མེད་ཡེ་ནས་གསལ། །དག་པར་བྱ་ཕྱིར་འཁྲུ་འདོང་འདྲའོ། །གང་དུ་ནད་རྣམས་འཇོམས་པའི་སྨན། །ནད་མེད་རྣམས་ཀྱི་དུག་ཏུ་འགྱུར། །ལྟ་ལོག་འཇིག་རྟེན་དྲང་པའི་ཐབས། །རྣལ་མར་སྤྱོད་ན་ཉེས་པར་ངེས། །མཐུན་འཇུག་སྤྱོད་པ་དྲང་བའི་ཐབས། །གང་གི་དབང་དུ་སྤྱོད་བྱེད་པ། །གང་སྟོབས་རིག་དང་ལྡན་པ་ཡིས། །མི་མཐུན་བཅོས་ནས་མཐུན་འགྱུར་བཞིན། །ཚིགམཐུན་དོན་ལྡན་དམ་པ་ཡིས། །ཇི་ལྟར་རིགས་པ་དེ་ལྟར་ངེས། །ཇི་ལྟར་ཞུཁུ་པས་ཁེ་བརྐམ་གྱི། །གྲགས་པ་འདོད་ཕྱིར་གདེང་མེད་པར། །གཡུལ་ཞུགས་སྟོབས་རིག་འགྲན་བཟླས་ན། །གཞན་དབང་དེ་ཉིད་བརླག་པར་འགྱུར། །དེ་བཞིན་དམ་པར་བཅོས་པ་ཡིས། །ཁེ་དང་གྲགས་པ་རློམ་སེམས་ཕྱིར། །ལོག་སྲེད་དྲང་བའི་མཐུན་སྤྱོད་ལ། །ཡང་དག་དམ་པར་ངེས་བཟུང་ནས། །ཚིག་གི་ལམ་ཉིད་སྒྲང་སྤྱད་ན། །བདག་ཕུང་གཞན་བརླག་དམན་པར་ངེས། །ཐམས་ཅད་གང་གི་ཐེག་ཚད་དང་། གོ་དང་རྟོགས་དང་ནུས་ཚད་དང་། །གང་དུ་འདུལ་ཚད་མ་གཏོགས་པ། །ཚད་ལས་འདས་ན་ཡུལ་མེད་དེ། །འདས་ན་འདས་པ་ཉིད་དུ་འགྱུར། །གང་ཡང་ཚད་ལས་འདས་པ་ནི། །ཟས་ཀྱང་དུག་ཏུ་འགྱུར་བཞིན་དུ། །དུག་ཆེན་ཟ་བའི་སྨྱོན་པ་དེ། །དམ་པས་ཀྱང་ནི་མི་རིགས་སོ། །གང་དག་གང་གིས་བཅིངས་པ་ལས། །དེ་ཉིད་མ་གྲོལ་མ་ཐར་པརཐམས་ཅད་ཐམས་ཅད་སྒྲོལ་བ་ཡི། །སླུ་བ་ཆེན་པོ་དེ་ཅི་ཞིག །དེ་ཉིད་མ་རིག་མ་གྲོལ་ཞིང་། །དེ་ཡི་སེམས་དག་མ་བྱུང་ན། །སངས་རྒྱས་ལ་ས་དེས་བཞག་ཀྱང་། །དེ་ཉིད་མཐོང་བ་དམྱལ་བའི་གནས། །དེ་རིག་དེ་ཡི་དོན་ལྡན་ན། །དམྱལ་ཆེན་དེ་དག་ཞིང་ཁམས་དག །གསང་བའི་སྙིང་པོ་ཀུན་ཁྱབ་ཀྱང་། །དེ་རིག་དེ་དང་མ་ལྡན་ན། །ལོང་བའི་མདུན་དུ་གཟུགས་བསྟན་ལྟར། །གཏི་མུག་འཁོར་བའི་མུན་པ་ཡིན། །དེ་སླད་གལ་དུ་དྲིས་པ་ལས ཚངས་པའི་འོད་ཅེས་བྱ་བ་ཡི། །རྣལ་འབྱོར་དམ་པ་ཐེག་ཆེན་པོས། །རྣལ་འབྱོར་མོས་པ་ཆུང་སྤོད་པ། །གྲགས་པའི་ཚུལ་ལྡན་བྱ་བ་ལ། །དམ་པར་ངེས་པའི་ཚིག་སྨས་པ། གང་འདིར་མོས་པ་ཆུང་འཛིན་གྱི། །གྲགས་པའི་ཚུལ་འཛིན་བྱ་བ་ཁྱོད། །གསང་སྔགས་གསང་བ་སྙིང་པོ་འདི། །སངས་རྒྱས་ཉིད་འདི་མ་གཏོགས་པ། །གང་གི་སྤྱོད་ཡུལ་མ་ཡིན་པས། །ཚུལ་འདྲ་ཙམ་གྱིས་མི་འགྲུབ་བོ། །གང་འདིར་དད་མོས་འདོད་ནུས་ན། །དེ་ཉིད་དེ་ལ་དེར་བལྟས་ན། །དེ་ལ་དེ་སྦྱོར་དེ་ཉིད་དེ། །དེ་དག་ཙམ་ནི་ཐེག་ཚད་ཡིན། །གང་འདིར་ཐེག་པ་མང་བཤད་པ། ཐ་དད་ཡོད་པ་མ་ཡིན་ཏེ། །མོས་པ་ཐ་དད་དྲང་བའི་ཕྱིར། །ཐབས་ཀྱི་སྒོ་ནི་མང་པོར་བཤད། །དེ་ཀུན་མོས་པ་མ་བཀག་པའི། །དྲན་པའི་ཐབས་སུ་སྦྱར་བས་ན། །ཀུན་ལ་ངེས་པའི་བློ་མི་བཞག །གང་དུ་ངེས་པ་གཅིག་ཉིད་ལའོ། །ཀུན་ཤོར་ཀུན་འཇུག་འདི་བདེ་བས།ཐེག་པ་ཆེན་པོ་བརྗོད་པ་ཡིན། །ཐེག་པ་ཆེ་དང་ཐབས་མང་བས། །ཐམས་ཅད་གང་ཡང་འགོག་པ་མེད། །གང་མི་འགོག་པར་འཇུག་ལམ་བདེ། །དེ་བ་ཉིད་ལ་སྤྱད་པར་སླ། །ཐབས་དང་ཐེག་པའི་བྱེ་བྲག་རྣམས། །སོ་སོ་མི་མཐུན་ཐ་དད་ཀྱང་། །ཐབས་ཀྱི་ངེས་པ་སྤྱོད་པས་ན། །ངེས་པ་ཉིད་ན་ཁྱད་པར་མེད། །དམ་ཚིག་བསྒྲུབ་པ་སྤྱོད་པ་དང་། །ལྟ་བ་སྣ་ཚོགས་ཐ་དད་ཀུན། །དུད་འགྲོ་ཡི་དྭགས་མི་མ་ཡིན། །ངན་སྒྱུགས་ཆེད་དུ་བྱེད་ལས་སོགས། །ཕྱིན་ཅི་ལོག་ཏུ་བལྷས་པ་རྣམས། དམ་པའི་དོན་ལ་གཟུད་པའི་ཕྱིར། །རྣམ་པ་སྣ་ཚོགས་ཐ་དད་ཀྱང་། །ཡིད་ཉིད་རྡོ་རྗེར་གཅིག་དགོངས་ནས། །སྣ་ཚོགས་ཀུན་དང་མཐུན་འཇུག་ཕྱིར། །སྦྱར་ནས་བསྟེན་བྲིད་དྲང་བ་དང་། ཁྲིད་པའི་ཐབས་སུ་སྦྱར་བར་ཟད །འཇིག་རྟེན་ཀུན་གྱི་དམན་པ་རྣམས། །སྣ་ཚོགས་དམ་པར་དྲང་བའི་ཕྱིར། །དམན་པའི་ལྟ་སྤྱོད་མཐའ་ཡས་པས། །ཡོངས་སུ་རྫོགས་པར་བྱེད་པར་ཟདསྦྲུལ་སྒོང་ཁྱུང་དུ་མི་འཀྱུར་ཡང་། །འགྱུར་བས་གསེར་འགྱུར་སྨན་བཞིན་དུ། །དམན་པ་ཀུན་གྱི་དེ་བཞིན་ཉིད། །མ་བཅོས་ཤེས་ན་དམ་པར་འགྱུར། །དེ་བཞིན་ཉིད་ཀྱི་དབྱིངས་ཉིད་ལ། །ངན་འགྲོ་གོ་འཕང་མཐོ་དམན་མེད། །སྙོན་སྨོངས་བྱང་ཆུབ་ཐ་དད་ཀྱང་། །སྟོང་པ་ཉིད་ལ་དེ་གཉིས་མེད། །དུག་དང་སྨན་གཉིས་སོ་སོ་ཡང་། །འབྱུང་བ་དག་ལ་དེ་གཉིས་མེད། །མ་འདྲེས་སྣ་ཚོགས་ཐ་དད་ཀྱང་། །ཀུན་གྱི་རང་བཞིན་ཡོངས་སུ་རྫོགས། །གང་འདིར་དམ་པར་འགྱུར་ངེས་ན། །དམན་པའི་ལས་རྣམས་ཆེད་དུ་སྤྱད། །དེ་ཉིད་མ་མཐོང་གང་དག་གིས། །ཚིག་བརྡ་ལམ་གྱི་རྗེས་འབྲངས་པས། །ཡང་དག་ལམ་ལས་གོལ་བ་ཡི། །ལོག་པའི་ལམ་པ་ཤ་དག་འབྱུང་། །ལང་ཀའི་བདག་པོ་དེ་སྐད་དུ། །ཚངས་པའི་འོད་ཅེས་བྱ་བ་དེས། །གྲགས་པའི་ཚུལ་དང་ལྡན་པ་ཡི། །དྲི་བ་ཆུང་ངུ་ཐེ་ཚོམ་བཅད། །ཅེས་གསང་བའི་བདག་པོ་དེས་ལང་ཀའི་མངའ་བདག་ལ་སྨྲས་པས། གང་དུ་མོས་པ་ཆུང་ངུའི་སེམས་ཅན་རྣམས་ཐེག་པ་ཆེན་པོ་ཉིད་དུ་ངེས་པར་གྲོལ་བར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་གི་དྲི་བ་ཐེ་ཚོམ་བཅད་པའི་ལེའུ་སྟེ་སུམ་ཅུ་བདུན་པའོ།། །།དེ་ནས་ཡང་གསང་བ་པའི་བདག་པོ་དེས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་འདི་སྐད་ཅེས་བཀའ་སྩལ་ཏོ། །ཀྱེ་ལང་ཀའི་བདག་པོ་ཁོ་བོ་དྲན་པ་ཐོག་མའི་ཚེ། ཁོ་བོའི་སྟོན་པ་གསང་བ་མཆོག་གི་བདག་པོ་དེས་འཁོར་དམ་པ་དེའི་ནང་དུ་གསང་བ་བརྒྱུད་པའི་གྲགས་པའི་གཏམ་རྒྱུད་བརྗོད་པ་ནི་གསང་བ་པའི་བདག་པོ་འདི་ལྟ་སྟེ། ང་ཡི་དགོངས་པ་སྐབས་གཅིག་ན། །གསང་བའི་བདག་པོ་དོན་འདི་དག །མ་ནོར་བ་ཉིད་ནུབ་པར་གྱུར། །ཚུལ་ལམ་བཅོས་ཙམ་གང་དག་ལ། །ཕལ་ཆེར་དོན་དུ་སྤྱོད་མོད་ཀྱི། །དོན་དུ་ངེས་པ་ངས་མ་མཐོང་། །ཀུན་ཀྱང་ལོག་པའི་ལམ་ལ་སྤྱོད། །གང་དུ་ལོག་པ་ཇི་གང་ན། །དི་ལ་མི་གནས་འདི་ཉམས་དང་། །འདི་ལ་ལོག་ངང་ལོག་ཚུལ་སྤྱོད། །འདི་ཚུལ་མ་ཡིན་འདིར་མ་ངེས། །གཡོ་སྒྱུས་བདེན་འདྲར་བཅོས་ལོག་གམ། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །བསྐལ་པ་ཀུན་བཀོད་བྱ་བ་ལ། །སངས་རྒྱས་མངོན་འབྱུང་རྒྱལ་པོ་དེ། །མྱ་ངན་འདས་པར་གྱུར་འོག་ཏུ། །བྱུང་བའི་རྣལ་འབྱོར་བཟང་ལྡན་དེ། །མི་ཤེས་བྱིས་པའི་འཁོར་རྣས་ལ། །ཚུལ་བཅོས་ལོག་པའི་སྔགས་བསྟན་པས། །ལྔ་བརྒྱའི་འཁོར་དང་བཅས་པ་དེ། །དོན་ལས་གོལ་ཅིང་འཁོར་བར་ལོག །དེ་འདྲའི་ཚུལ་འབྱུང་དེར་མ་སྤྱོད། །གཞན་ཡང་གསང་བའི་བདག་པོ་ཉོན། །རྨད་འབྱུང་གསང་བའི་སྙིང་པོ་འདི། །རྣལ་འབྱོར་དབང་སྒྱུར་ཚད་མ་རྣམས། །ཕལ་ཆེར་མི་གནས་སྐབས་དག་ཏུ། །མི་ཤེས་ངན་རྟོག་ཅན་རྣམས་ཀྱིས། །ལོག་བརྟགས་དོན་བསླད་གཞུང་བོར་ཏེ། །ནོར་བས་བདག་ཉིད་སུན་འབྱིན་ཅིང་།འདི་ཡིན་གཞན་རྟོགས་མ་ཡིན་ཞེས། །བདག་བསྟོད་གཞན་ལ་སྨོད་པ་ལོག །དེ་ཡང་ཇི་ལྟ་བུ་ཞེ་ན། །བསྐལ་པ་དེ་ཡི་དུས་ཉིད་ལ། །རྣལ་འབྱོར་དཔལ་བྱིན་བྱ་བ་ཞིག །དོན་ལ་བློ་ཤེད་མ་བྱེ་ཞིང་། གྲོས་ཀྱི་ཐབས་ལ་མི་མཁས་པས། །བློ་གྲོས་ངེས་པའི་གཞུང་བོར་ནས། ཆོས་མ་ཡིན་པའི་ཆོས་སྤྱོད་ཅིང་། །ངེས་པའི་གྲོས་ལྡན་གཞན་དག་ལ། །དེ་ལྟར་མ་ངེས་བློ་གྲོས་ནི། །བདག་གི་བློ་གྲོས་འདི་ཡིན་ཞེས། །མངོན་པའི་ང་རྒྱལ་ཆེར་སྤྱོད་པ། །འདི་ནི་སྲིད་པ་ལོག་པའི་ལམ། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གནོད་འདུལ་འདི་ལྟ་སྟེ། །སྔར་བྱུང་རྒྱུད་ཀྱི་རྗེས་གནས་པས། །གདེང་མེད་བཞིན་དུ་དཔོན་བསྟབས་ནས། །ཚིག་གཉེར་དྲེགས་པའི་དབང་དེས་ནི། །མི་ཤེས་བཞིན་དུ་རས་སྤྱོད་པ། །ཚུལ་འཆོས་སེམས་ཀྱི་གྱ་གྱུ་ཅན། །སྨྱོན་ཐབས་བླུན་པོའི་སྡིག་ཅན་ཡིན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། ཀུན་བཀོད་གྲགས་པ་དེ་ཉིད་ལ། །ཚུལ་བརྟགས་འཛིན་པའི་རྣལ་འབྱོར་པ། །དྲི་མེད་སྤྱོད་ཅེས་བྱ་བ་ཞིག །སྔར་བྱུང་མཁས་པ་རྗེས་སུ་གནང་། ཁྲི་ཕྲག་བཅུ་ཡི་འཁོར་རྣམས་ཀྱིས། ཁུད་ཀྱི་རྗེས་སུ་བྱུང་བ་ཡི། །དོན་མེད་རྣལ་འབྱོར་དེ་ཉིད་ལ། །ཚིག་གི་ཁུར་ཆེན་ལྗིད་ཕབ་ནས། །རིགས་རྒྱུད་འཛིན་པར་དཔོན་བསྟབས་ཏེ། །ཆེ་བས་ཆེ་བའི་དྲེགས་པ་སྐྱེད། །མི་ཤེས་བཞིན་དུ་ཚུལ་འཆོས་ཏེ། །འདྲ་ཚུལ་ལོག་པའི་ཆོས་སྤྱད་པས། །འཁོར་བཅས་དྲེགས་པའི་རུ་ཏྲར་ལྷུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གནོད་འདུལ་གསང་བའི་བདག །མཛའ་འདྲིན་བསྡང་སྟེར་ཞིང་རྣམས་དང་། །རྙེད་དག་བཀུར་སྟིས་འཚོ་བའི་འཁོར། །གཞན་དབང་ཉིད་དུ་འགྱུར་དོགས་ནས། །རིས་དང་ཚོམ་སྡེ་སོ་སོར་བཅོད། །འདི་དག་བདག་གིས་གདུལ་བྱ་ཡི། །འབྱོར་པས་འཚོ་བའི་ཞིང་ཡིན་གྱིས། །གང་དག་གང་འདིར་མ་འདུ་ཞེས། །ཉོན་མོངས་ཚིག་གིས་སྒོ་བྱེད་ནོར། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་གྲགས་པ་དེ་ཉིད་ལ། །ན་ཞི་ན་ཞེས་བྱ་བ་ཞིག །རྣལ་འབྱོར་ལྔ་བརྒྱའི་འཁོར་དང་བཅས། །ཤིན་ཏུ་གསང་སྔགས་ཆེར་སྤྱོད་ཅེས། །དགོན་པའི་རྒྱུན་དུ་དབེན་གནས་ཏེ། །གང་གི་ལྗོངས་ཆེན་དེ་དག་ན། །གནས་པས་གནས་པ་དེ་དག་ཀུན། ཁ་གསག་ཐབས་རྒྱུད་ཞིང་དུ་སྤྱོད། །གཞན་གྱི་སྡེ་པར་གྱུར་པ་ཡི། རྣལ་འབྱོར་མིག་ལྡན་དོན་མཐོང་ཞིང་། །གང་དེ་ཆེད་དུ་གཉེར་འོངས་ནས། །དོན་དམ་ངེས་ལམ་དེ་ཁོ་ན། །རྒྱས་པར་བསྟན་དུ་བརྩམས་པ་ལས། །དགོན་པའི་རྒྱུད་དུ་དབེན་འཛིན་པས། །ཉོན་མོངས་ལོག་པའི་སྒོ་བ་བྱས། །འདི་ཁམས་བདག་གི་ཞིང་ཡིན་གྱི། ཁོ་ན་ངོ་བོ་ཉིད་དེང་ཞིག །ཚན་དང་གཞན་གྱི་རིས་བཅད་པས། །ཉོན་མོངས་འཁོར་བའི་ལམ་དུ་ལྷུང་། །དེ་འདྲའི་ཚུལ་བྱུང་དེར་མ་སྒྲོད། །གཞན་ཡང་གདུལ་དཀའ་འདུལ་བ་ཡི། །རྣལ་འབྱོར་དམ་པར་བསྔོ་རྒྱུ་ལ། །བདག་གིར་འདོད་ཕྱོད་གསོག་འཇོག་བྱེད། །གཅིག་ཡིད་གཅིག་གིས་འབྱིན་བྱེད་པ། །ནམ་ཞར་ལོག་སྤྱོད་ཐོབ་པ་མིན། །དེ་ཡང་ཇི་ལྟར་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་པ་ཀུན་བཀོད་དེ་ཉིད་ལ། །བདེར་ཤིས་ཞེས་ནི་བྱ་བ་ཡི། །རྣལ་འབྱོར་ཞེན་ཆགས་འཁོར་དང་བཅས། །སྔགས་ཚིག་སྒྲ་ཡི་རྗེས་སྤྱོད་ལས། །དེ་ཡི་ཁོར་དེར་འདུས་གྱུར་པའི། །བུད་མེད་བཟང་རྒྱན་བྱ་བ་ཞིག །འཚོ་བ་འཛིན་པར་སྦྱར་བ་ལསསེར་སྣས་གསོག་འཇོག་བྱས་པ་ཡིས། །ཡི་དྭགས་ཁྱི་ཡི་ལུས་བླངས་ཏེ། །དམན་པའི་ལུས་སུ་གཏན་དུ་འ་ས། །དེ་འདྲི་ཚུལ་བྱུང་དེར་མ་སྤྱོད། །གཞན་ཡང་གསང་བདག་གནོད་འདུལ་ལ། །ལོག་པར་སྤྱོད་པའི་རྣལ་འབྱོར་ནི། །ལོག་ལྟ་སྤྱི་བརྟོལ་གཏུམ་ཁྲོ་ཆེ། །སྡིག་སྤྱོད་དོན་དང་མི་ལྡན་ཡང་། །བདག་འདི་ངེས་པ་ཁོ་ན་ཞེས། །བབ་ཆོལ་བཀའ་རྐུན་སླུ་བྱེད་བསླད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ཆོས་སྐྱོང་བ་ཡི་རྣལ་འབྱོར་པ། །པྲ་མ་ཏ་ཞེས་བྱ་བ་ཞིག །དོན་དག་ལམ་ལ་མ་མཐོང་བར། །བདག་ནི་ལམ་མཁས་ཁོ་ན་ཞེས། །ཀུན་ལ་རྒྱ་ཆེར་གྲགས་པ་ལས། །རྒྱལ་བའི་བཀའ་རྐུན་འགོ་གང་རྣམས། །བསླུས་པར་གྱུར་པའི་སྨིན་པ་ཡིས། །ངན་འགྲོར་བྱིང་གྱུར་གནས་དེ་ནས། །ཐར་ནས་ལོག་པའི་འཇིག་རྟེན་པ། །བདག་འཛིན་སྤྱོད་པའི་གནས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བདག་འདུལ་བ་པོ། །ཐ་ཚིག་ཉམས་ཤིང་དོན་ལ་རྨུགས། །གྲགས་པས་དེ་ལ་ཁས་འཆེ་ཕྱིར། །རྒྱལ་པོའི་རྒྱལ་ས་ཐོབ་འདོད་པ། །ཁྲེལ་མེད་སྤྱི་བརྟོལ་མུན་སྤྲུལ་འཆལ། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་གྲགས་པ་དེ་ཉིད་ལ། །རྣལ་འབྱོར་སྔགས་ཀྱི་ཚུལ་སྤྱོད་པ། །པེ་ན་པ་ཡ་བྱ་བ་ཞིག །རྒྱ་ཡི་སྡེ་དང་བཅས་པ་བྱུང་། །རྩ་བ་ཉམས་ཤིང་དོན་ལ་རྨུགས། །དྲེགས་པ་ཆེན་པོའི་ང་རྒྱལ་གྱིས། །དོན་དང་ལྡན་པར་ཚུལ་འཆོས་ཕྱིར། །རྒྱལ་པོའི་རྒྱལ་ཐམས་ཆེ་བླངས་པས། །རི་བོས་སྲོག་ཆགས་མནན་པ་བཞིན། །ང་རྒྱལ་དྲེགས་པའི་རི་བོ་ཡིས། །འཁོར་བའི་ལས་སྤྱོད་ལས་ངན་པ། །གཏི་མུག་ཕག་གིས་ལུས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བའི་བདག་པོ་ཉོན། །མཉམ་པའི་དོན་ཉིད་མ་ཆུབ་པར། །མཉམ་ཞེས་ཚིག་གི་ལམ་འབྱིན་ཞིང་། །ཆགས་སྡང་གཉིས་ལ་མངོན་འཆེལ་བ། །རྣལ་འབྱོར་ལས་ཀྱི་འཁོར་བའི་ལམ། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་འབྱུང་བསྐལ་པ་དེ་ཉིད་ལ། །བདེ་སྤྱིན་ཞེས་ནི་བྱ་བ་ཞིག །རྣལ་འབྱོར་སྟོང་གི་འཁོར་དང་བཅས། །གསང་བ་དམ་པར་ངེས་སོ་ཞེས། །སྟེན་ཁྲིད་ཆགས་སྡང་གཉིས་ལ་འཆེལ། །དེ་ཉིད་ཡོངས་སུ་སྨིན་པ་ཡིས། །རཀྟ་སྲིན་པོའི་ཁམས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བདག་འདི་ལྟ་སྟེ། །རྣལ་འབྱོར་གང་དག་བློ་ཆུང་རྣམས། །རྣལ་འབྱོར་གང་དག་དོན་གླེངས་ན། །དེ་ལ་འཇིགས་ཤིང་སྐྲག་འགྱུར་ཏེ། །སྤ་ཞུམ་མི་དགའ་འབྱོལ་བྱེད་བླུན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་འབྱུང་བསྐལ་པ་དེ་ཉིད་ལ། །ལྷ་སྤྱིན་དེ་ཞེས་བྱ་བ་ཞིག །རྣལ་འབྱོར་ལས་ཀྱི་དང་པོའི་ཚེ། །རྣལ་འབྱོར་ངེས་དོན་མང་པོ་གཞན། །ངེས་དོན་གསང་བའི་དོན་གླེངས་ན། །ལྷ་སྤྱིན་འཁོར་བཅས་དེ་ལས་བྱོལ། །ནོར་བའི་སེམས་ཀྱིས་ཕྲག་དོག་སྐྱེས། །རང་གི་གནས་དོན་ངན་དུ་བརྗོད། །དེ་ཡིས་བསྐལ་པ་དཔག་མེད་དུ། །ཡང་དག་དོན་གོལ་ལོག་པར་འབྱམས། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བའི་བདག་པོ་ཉོན། །རྣལ་འབྱོར་ཉིད་ཀྱི་རྣལ་འབྱོར་ལ། །རྣོན་པོ་གདུག་པའི་དུག་མདའ་གཏོང་། །ཐ་ཚིག་བཙན་པོ་རྫོང་ལྟ་བུ། །འཇོམས་བྱེད་རྣལ་འབྱོར་རང་བགེ་ས་ཡིན། །དེ་ཡང་ཇི་ལྟ་བུ་ཞེ་ན། །རྣལ་འབྱོར་བློ་གྲོས་བྱ་བ་ཞིགམི་འཇིག་ཞེས་བྱའི་རྣལ་འབྱོར་པ། །དོན་མེད་བཅོས་པར་སྤྱོད་པ་དེར། །བློ་གྲོས་དམ་པ་འདུས་པར་གྱུར། །བཟོད་ལྡན་དེ་ལ་ངན་སེམས་ཀྱིས། །སྐུར་བཏབ་ཁ་ན་མ་ཐོ་བརྗོད། །དེ་ནི་མི་འཇིག་མནར་མེད་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བདག་འཛིན་ཉོན་ཅིག །ལྟ་བའི་དམིགས་བུ་དང་བྲལ་ནས། །ཡང་དག་དབུ་མའི་ལམ་མི་གསལ། །སྤྱི་ཡུལ་ཅན་མ་ལྟོས་སྤྱོད་པ། །དེ་ནི་རྣལ་འབྱོར་ལོང་བའི་ཚོགས། །དེ་ཡང་ཇི་ལྟ་བུ་ཞེ་ན། །རྒྱལ་པོ་རབ་ཏུ་གསལ་འཛིན་པ། །རྣལ་འབྱོར་གསང་བའི་རྗེས་ཞུགས་ཏེ། །ཤེས་རབ་ལྟ་བ་མིག་མེད་པར། །རྣལ་འབྱོར་མིང་ཙམ་ཚུལ་བཟུང་ནས། །སྒྲ་ཐོས་རྗེས་སུ་ཚུལ་སྤྱད་པས། །གཏི་མུག་མུན་པའི་ཁམས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །དེ་ལ་སོགས་ཏེ་མཐའ་ཡས་མཆོག །ཐམས་ཅད་འཁོར་བའི་ལམ་པར་ལྟུང་། །དེས་ན་གསང་བའི་སྙིང་པོ་འདི། །གོལ་ས་ཆེ་བར་རྒྱལ་བས་བཤད། །དེས་ན་ཐབས་ལ་མཁས་པ་དང་། །བློ་གྲོས་དམ་པ་ཤིན་ཏུ་གཅེས། །ཐབས་མཁས་བློ་གྲོས་ལྡན་པ་ཡི། །ངེས་པར་ལེགས་པའི་རྣལ་འབྱོར་པ། །སྔོན་འདས་དུས་ན་བྱུང་བ་ཡི། །རྩལ་ཆེན་རྣམས་ཀྱི་བཅད་རྒྱུད་འདི། །སྐྱེས་བུ་དམ་པའི་སྤྱོད་ཡུལ་ཏེ། །ཡོན་ཏན་སྒྲ་བསྒྲགས་སུས་ཐོས་པ། །མིང་ཙམ་གྱིས་ཀྱང་བདེ་ཐོབ་ཅིང་། །དྲན་པས་ངན་འགྲོ་ལས་སྐྱོབ་ཡིན། །དེ་ཡང་ཇི་ལྟ་བུ་ཞེ་ན། །ཤིན་ཏུ་གསང་བའི་སྙིང་པོ་འདི། །མ་བྱུང་བ་ཡི་སྔོན་དུས་ན། །ལྷ་གནས་གསུམ་དུ་གྲགས་པ་ལས། །ལྷ་ཡི་བུ་ནི་འོད་ལྡན་ཏེ། །མི་རྟག་འཆི་བའི་དུས་བབ་ནས། །སྔོན་བྱུང་སྔ་ལྟས་བྱུང་བ་ན། །མི་བདེ་བར་ནི་འདུ་ཤེས་གྱུར། །མ་འོངས་འདུ་ཤེས་བཞག་པ་ལས། །མི་གཙང་ཟས་ཀྱིས་འཚོ་བ་ཡི། །སྲོག་ཆགས་བླུན་པའི་ལུས་ལེན་པར། །རང་གི་མངོན་པར་ཤེས་པས་མཐོང་། ཁེན་ཏུ་སྐྲག་པའི་འདུ་ཤེས་ཀྱིས། །སྐྱབས་ཀྱི་ཡུལ་ནི་ཡིད་ལ་བྱས། །གང་དེར་གང་དྲན་མ་བྱུང་བར། །ཐེག་ཆེན་གསང་བའི་སྙིང་པོའི་མཚན། །ཚིག་གི་ལམ་དུ་གྲགས་པ་བཞིན། ཐོས་པ་ཡིད་ལ་བྱས་པ་ཡིས། །ངན་འགྲོར་འགྲོ་ལས་སླར་ལོག་ཏེ། །བདེ་བ་ཆེན་པོའི་གནས་སུ་འཁོད། །དེ་འདྲའི་ཚུལ་བྱུང་དེ་བཞིན་སྤྱོད། །གཞན་ཡང་གསང་བའི་བདག་པོ་ཉོན། །ཐེག་ཆེན་གསང་བར་རབ་ངེས་ན། རྣམ་སྨིན་དྲག་པོས་གང་འཕགས་ཀྱང་། །ཇི་ལྟར་ཕོ་ལོང་བརྡབས་པ་བཞིན། །འཕེན་འགྲོ་དོན་གྱིས་དེར་མི་གནས། །ཅི་ཕྱིར་ཐམས་ཅད་སྟོང་ཉིད་པས། །སྡུག་བསྔལ་གནས་སུ་བཅས་དེ་ཡང་། །སེམས་ཅན་བཅས་ཏེ་སྟོང་པའི་ཕྱིར། །རེག་འགྱུར་མྱོང་བར་འགྱུར་མ་ཡིན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །དམིག་པ་ཅན་གྱི་རྣལ་འབྱོར་པ། །ཐེག་ཆེན་ཟབ་མོའི་ཚིག་ཐོས་པས། །ཤིན་ཏུ་སྐྲག་ཅིང་དངང་འགྱུར་ཏེ། །སྐུར་བཏབ་རྒྱབ་ཕྱོགས་སྙིང་རལ་ནས། །ངུ་འབོད་གནས་ལྟུང་མ་མྱོང་བར། །བདེ་འགྲོ་ཐར་བའི་གནས་སུ་ཐོན། །དེ་འདྲའི་ཚུལ་བྱུང་ཤེས་པར་གྱིས། །རྒྱལ་བ་རྣམས་ཀྱི་གསང་འདི་ལ། གང་དགའ་གང་ཞིག་འདུན་སྐྱེད་པ། །གཞན་གྱི་བར་ཆད་མི་འབྱུང་བར། །ཇི་ལྟར་མོས་པ་དེ་མྱུར་ཐོབ། །དེ་ཡང་ཇི་ལྟར་བུ་ཞེ་ན་།་ ་།་འདས་པའི་དུས་ན་སྔོན་བྱུང་བ། །བྲམ་ཟེ་བྱམས་ལྡན་ཞེས་བྱ་བས། །གསང་ཆེན་གསང་བའི་སྙིང་པོར་འདི། མཐོང་བས་མོས་ཏེ་ཀུན་ལ་བལྟས། །དེ་ཡང་རྙེད་པར་མ་གྱུར་ཏེ། །གང་གི་ཕྱོགས་སུ་གནས་ནས་ནི། ་གོན་ཏུ་ངུས་ནས་གདུངས་སྔགས་སྨྲས། །ཨེ་མའོ་བདག་གི་ལས་རེ་ཕམ། །སྐྱེས་ནས་རྒས་པར་གྱུར་བར་དུ། །ཡང་དག་གསང་བའི་དོན་བཙལ་ན། །གང་འདི་མ་མཐོང་ལས་རེ་ངན། །ད་ཡང་ཇི་ལྟར་མཐོང་བར་འགྱུར། །བཙལ་བས་རྙེད་པར་ཡོད་མིན་ཏེ། །བདག་ལ་སྟོན་པ་གང་སུ་ཞིག །སྒྲ་ཆེར་ངུས་ཏེ་སྨྲས་པ་ལས། །ནམ་མཁའི་ཁམས་ནས་སྒྲ་བྱུང་སྟེ། །སྐལ་དང་ལྡན་པའི་རིགས་ཅན་ཁྱོད། །འདི་ལྟར་ངེས་པའི་བློ་བརྟན་པས། ཁྱོད་ནི་དོན་གྱི་བགོ་སྐལ་བ། །དུས་གསུམ་རྒྱལ་བ་ཐམས་ཅད་ཀྱིས། །ཁྱོད་ལ་བྱིན་གྱིས་བརླབ་པ་མཛད། །དེ་བས་མོས་པ་མ་གཡེལ་བར། །དོན་དང་ཕྲད་པའི་ཐབས་དག་ལ། །མཁས་ཤིང་བརྩོན་པར་བྱ་དགོས་ཏེ། །གདོས་པའི་ལུས་ནི་གདོད་པོར་ནས། །སྙིང་པོ་དོན་ལ་ངེས་བལྟས་ན། །དེ་མ་ཐག་ཏུ་མཐོང་བར་འགྱུར། །དེ་སྐད་ལུང་བསྟན་ཐོས་ནས་ནི། །དགའ་བས་མོས་པ་ཆེར་གཡོས་ཏེ། །ཇི་ལྷར་བསྟན་པ་དེར་བལྟས་པས། །རིགས་ཆེན་འཛིན་པའི་སྲས་སུ་གྱུར། །དེ་འདྲའི་ཚུལ་བྱུང་མོས་པར་སྤྱོད། །གསང་བའི་བདག་པོ་འདི་ལྟ་ཏེ། །མཐོང་ལ་སྐལ་ལྡན་འདིར་ཞུགས་ཏེ། །ཐམས་ཅད་དུ་ཡང་དེ་བཞིན་ཏེ།རྟག་གི་རྩེ་མོར་གྱུར་པ་བཞིན། །ཡོངས་ཀྱིས་ནུབ་པ་མ་ཡིན་ནོ། །དེ་ཡང་ཇི་ལྟ་བུ་ཞེ་ན། །དགེ་བའི་རྒྱལ་པོ་ཞེས་བྱ་བ། །ལྷ་བུ་ཁྲི་ཚོ་བཅུ་དང་བཅས། །སྙིང་པོ་གསང་བར་རྣལ་འབྱོར་ལ། །རིན་ཆེན་འོད་ལྡན་གཅུག་འཛིན་དུ། ཤེན་ཏུ་དང་བས་དགེར་གཡོས་ཏེ། །ལྷ་རྫས་ཡོ་བྱད་མང་པོ་དང་། །བཅས་ནས་དམ་པའི་དྲུང་དུ་དོང་། །དགའ་བས་འདུན་པའི་ཚུལ་བཟུང་ནས། །སྙིང་པོ་གསང་བའི་དོན་ལ་ཞུགས། །ཆོ་འཕྲུལ་ཆེན་པོ་བཞི་ཐོབ་སྟེ། །ལྷ་གནས་ཀུན་དུ་བགྲོད་པ་དང་། །འབྱུང་ཆེན་ལུགས་ལས་སྤྲུལ་པ་དང་། །རི་བོ་འདེགས་དང་འཕང་བ་དང་། ཡུལ་གྱི་ཚེ་ལ་གནས་པ་ཐོབ། །རྒྱལ་མཚན་རྩེ་མོའི་ཏོག་བཞིན་དུ། །མཐོང་བ་དག་གི་ཆོས་ཉིད་དེ། །བསྐལ་པར་ནུབ་པར་མ་གྱུར་ཏོ། །དེ་འདྲའི་ཚུལ་བྱུང་འཇུག་པར་གྱིས། །གཞན་ཡང་གསང་བདག་འདི་ལྟ་སྟེ། །མཐོང་བས་ཆོས་འདི་ཡོང་དག་པ། །ཡེ་ཤེས་སྒྲོན་མའི་མིག་རྙེད་ནས། །བླ་མེད་སྙིང་པོ་ཅན་རྣམས་ཀྱི། །ལམ་རྙེད་ལམ་དུ་ཞུགས་པ་ཡིན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ཐེག་ཆེན་གསང་བར་རབ་ངེས་པ། །ལྷུན་གྲུབ་རྩལ་ཆེན་རྫོགས་པ་ཡི། །རིགས་ཆེན་འཛིན་པའི་ས་ཉིད་ཐོབ། །དེ་འདྲ་ཚུལ་བྱུང་མཐོང་བར་གྱིས། །གཞན་ཡངགསངཆེནའཛིནཔཉོན། །གང་དགཐེགཆེནམངོནསྤྱོདལ། །དགའ་བས་རྗེས་སུ་ཡི་རང་བས། །དེ་ནི་དེ་དང་འདྲ་བ་སྟེ། འབྲ་བུ་དག་ལ་མཐོ་དམན་མེད། །དེ་ཡང་ཇི་ལྟ་བུ་ཞེ་ན། འདས་པའི་དུས་ན་སྔོན་བྱུང་བ། །རྒྱལ་པོ་དབང་ཕྱུག་འོད་ལྡན་པ། །རྣལ་འབྱོར་ཅན་གྱི་འཁོར་དང་བཅས། །ཐེག་ཆེན་ཟབ་མོའི་དོན་ལ་ཞུགས། །གསང་སྔགས་གསང་བའི་བྱིན་བརླབས་དག །ངོ་མཚར་ཆོ་འཕྲུལ་མང་པོ་རྣམས། །ཐོག་མ་ཀུན་དུ་གྲགས་པར་གྱུར། །དེ་ལས་གཞན་པའི་རྣལ་འབྱོར་པ། །བྲམ་ཟེ་དགེ་སློང་བྱ་བ་ཞིག །ཤིན་ཏུ་དགའ་བའི་སེམས་བསྐྱེད་ནས། །དམ་པར་ངེས་པའི་བསླབ་པ་ཞུས། །བྱིས་པའི་སྤྱོད་ཡུལ་མ་ཡིན་ཕྱིར། །གསང་ཆེན་གསང་བ་རབ་ཏུ་གསུངས། །བྲམ་ཟེ་མ་ལོག་ཡོ་བྱད་དག །དེ་ལས་དེ་བསྔོས་དག་པར་སྦྱར། །སྐྱེ་བུ་དམ་པ་དེ་ཡུལ་དུ། །ཡིད་ཀྱིས་ཕྱོགས་དེར་སྨོན་པར་བརྗོད། །འདི་ལ་མོས་པའི་བྱིན་བརླབས་ཀྱིས། །སྙིང་པོར་ངེས་པའི་དམ་པ་དང་། རྗེས་སུ་ཡི་རང་དམ་པ་གཉིས། །ཐོབ་པར་མཉམ་པ་ཉིད་དུ་གྱུར། །འདི་ལྟར་ཚེགས་མེད་དོན་པོ་ཆེ། །ཐབས་ལ་མཁས་པའི་རིགས་ཆེན་འཛིན། །དེ་འདྲའི་ཚུལ་བྱུང་མཁས་པར་གྱིས། །གཞན་ཡང་གསང་འཛིན་འདི་ལྟ་སྟེ། བསམ་ཡས་བསམ་གྱིས་ཁྱབ་པ་ཡི། །རྒྱལ་བས་འདི་གཟིགས་འདི་མཁྱེན་པས། །སྲིད་གསུམ་འཁོར་བའི་བཤེས་གཉེན་དུ། །དམ་པ་གསང་བའི་བདག་པོར་གྱུར། །དེ་ཡང་འཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གསལ་བྱིན་བྱ་བའི་ཁྱིམ་བདག་ཞིག །ཐེགཆེནགསང་བ་འདིར་གནས་པས། །རང་གི་གསང་བ་ཉིད་མཐོང་བས། །གསང་ཆེན་གསང་བའི་ངེས་རྙེད་དེ། །ཀུན་གྱི་གསང་བ་ངེས་པར་མཐོང་། །ཆོས་རྣམས་ཀུན་གྱི་བསང་བ་སྟེ། །དེ་ལས་དེ་བྱུང་འབུམ་ཕྲག་ཡས། །ཆོས་ཀྱི་རྒྱལ་པོར་གྱུར་ནས་ནི། །སྨྲ་བ་ཀུན་གྱི་སེང་གེ་ཞེས། །ཞིང་ཁམས་ཀུན་ཏུ་གྲགས་པར་གྱུར། །དེ་འདྲའི་ཚུལ་བྱུང་བསླབ་པར་གྱིས། །གཞན་ཡང་གསང་འཛིན་གནོད་འདུལ་ཉོན། །ཐེག་ཆེན་གསང་བའི་ཚིག་ལམ་གཅིག ཁོང་དུ་ཆུད་པར་གྱུར་པ་ནི་།་ ་།་སྐྱེ་བོ་ཉན་ཐོས་བསམ་ཡས་དང་། །རྒྱལ་བ་མཐའ་ཡས་སྲས་བཅས་ལ། །མཆོད་ཡོན་ཚོགས་ཆེན་སྤེལ་བས་ནི། །འབུམ་གྱི་ཆར་ཡང་མི་ཕོད་དོ། །ཅིའི་ཕྱིར་ཐེག་ཆེན་འདི་ཤེས་པས། །རྒྱལ་བ་མཉེས་པའི་མཆོག་འདི་ཡིན། །ནམ་མཁའ་ཀུན་ཁྱབ་རྒྱལ་བ་དང་། །ཐེག་ཆེན་གསང་བའི་སྙིང་པོ་གཉིས། །སོ་སོ་མ་ཡིན་ཐ་མི་དད། །དེ་ནས་རྒྱལ་བ་གཅིག་མཉེས་པས། །རྒྱལ་བ་ཐམས་ཅད་མཉེས་པ་ཡིན། །སྐུ་དང་གསུང་ཐུགས་གཅིག་ལས་མེད།།འདུལ་བའི་དབང་གི་ཁྱད་པར་ལས།།བསམ་གྱིས་མི་ཁྱབ་བསྟན་པར་ཟད།།དེ་ཡང་ཇི་ལྟ་བུ་ཞེ་ན།།འདས་པའི་དུས་ན་སྔོན་བྱུང་བ། །སྐལ་ལྡན་ཡོངས་སུ་དག་པའི་རིགས། །དགེ་ལྡན་གསལ་ལྡན་བྱ་བ་གཉིས། །གང་དུ་མོས་པས་སོ་སོར་སྐྱེས། །གཅིག་ལ་གཅིག་འདིར་ཐ་ཚིག་བཅས། །གཅིག་གིས་དམན་པའི་ཐེག་པ་ལ། །སྤྱད་ནས་བྱ་བའི་ལས་ཆེན་བྱས། །གཅིག་ནི་ཐེག་ཆེན་གསང་བའི་དོན། །རྒྱ་༄༅ ཆེར་ངེས་པར་ཆུབ་པ་ལས། །ཐེག་ཆེན་ཞོན་པའི་གསལ་ལྡན་ནི། །རིགས་ཆེན་གཅིག་གིས་མངོན་པར་ཆུབ། །བྱ་བ་བྱེད་པའི་དགེ་ལྡན་ནི། །གྲངས་མེད་བསྐལ་པ་གསུམ་གྱིས་ཆུབ། །དེས་ན་ཐེག་ཆེན་གསང་བ་ལ། །དེ་འདྲའི་ཚུལ་བྱུང་ཚུལ་བཞིན་སྦྱོད། །གཞན་ཡང་གསང་འཛིན་བདག་པོ་ཉོན། །གསང་འདི་རྟག་ཏུ་གང་འཆད་པ། །མི་བསྐྱོད་རྒྱལ་པོ་ལ་སོགས་པའི། །ཆེ་ཡོན་རྟག་པའི་ཅི་འདྲ་བ། །དོན་གྱི་གཟུངས་དང་བཅས་པ་ཐོབ། །དེ་ཡང་ཇི་ལྟ་བུ་ཞེ་ན། །ཁྱིམ་བདག་མེས་བྱིན་བྱ་བ་དེ། །བརྒྱ་ཡི་འཁོར་དང་བཅས་པ་ཞིག །རྟག་པར་ཐེག་ཆེན་འདིར་གནས་པས། །སངས་རྒྱས་མི་འཁྲུགས་རྒྱལ་པོ་ཡི། །འཁོར་དང་བཅས་པ་ཅི་འདྲ་བ། །རིགས་ཆེན་འཛིན་པ་གཅིག་གིས་ཐོབ། །དེ་འདྲའི་ཚུལ་བྱུང་དག་པར་སྤྱོད། །གཞན་ཡང་གསང་བདག་འདི་ལྟ་སྟེ། །སྐུ་དང་གསུང་ཐུགས་རྡོ་རྗེ་ཡི། །དོན་དུ་ངེས་པར་བསྒྲུབ་པ་རྣམས། །རྟོགས་ནས་སྨྲ་བར་གང་བྱེད་པ། །གོམས་པས་བརྗོད་དང་སྨོན་པ་ཡིས། །ཆོས་ཀྱི་རྒྱལ་པོར་དེ་འགྱུར་ཞིང་། །ཡོན་ཏན་སྤྱི་གཙུག་ཉིད་དུ་འགྱུར། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །དྲང་སྲོང་རྣལ་འབྱོར་ཀལ་ཡ་ནས། །དྲང་སྲོང་རྣམ་པ་མང་སྡེལ། །ཐེགཆེནགསངབའིབསྔགས་པ་བརྗོད། །དོན་རྣམས་ངེས་པར་བཀོད་པ་ལས། །མང་པོས་རིགས་ཆེན་འཛིན་པ་ཐོབ། །གང་དེར་བསྔགས་པ་རྗོད་བྱེད་པ། །གསང་བདག་ཆོས་ཀྱི་རྒྱལ་པོར་འགྱུར། །དེས་ན་ཐེག་ཆེན་གསང་བ་འདི། །ཀུན་ལ་བསྔགས་པ་བརྗོད་པར་གྱིས། །དེས་ནི་ང་ཡི་དགོངས་པ་ཐོབ། །རྒྱལ་བ་ཀུན་གྱི་ཐུགས་དམ་ཡང་། །ཐེག་ཆེན་གསང་བའི་སྙིང་པོ་ཡིན། །རྣལ་འབྱོར་གང་ཞིག་བློ་ལྡན་པས། །སྐད་ཅིག་ཐང་ཅིག་ཡུད་ཙམ་ལ། །གསང་ཆེན་གསང་བར་ངེས་བཞག་ན། །རྒྱལ་བ་ཀུན་ཀྱང་རིགས་འཛིན་གྱི། །གསང་ཆེན་གསང་བར་རབ་ངེས་པའོ། །གསང་བའི་བདག་པོ་དེ་ལྟར་ན་།་ ་།་གསང་ཆེན་གསང་བའི་སྙིང་པོ་གང་། །ངེས་པར་ལེགས་པའི་བཅད་རྒྱུད་དང་། །ལོག་པར་ངེས་པའི་བཅད་རྒྱུད་རྣམས། །སྔོན་བྱུང་བརྒྱུད་པ་གྲགས་པ་ཡིན། །དེ་སྐད་གསང་བ་མཆོག་ཉིད་གསུང་། །ཞེས་གསང་བའི་བདག་པོས་སྔོན་བྱུང་བའི་གཏམ་རྒྱུད་ཇི་ལྟར་བརྒྱུད་ཅིང་གྲགས་པ་བརྗོད་པའི་བྱ་བ་བྱས་པས་ལང་ཀའི་བདག་པོ་ལ་སོགས་པ་མངོན་དུ་སྣང་བའི་སེམས་དཔའ་དམན་པའི་ལུས་ཅན་རྣམས་གང་དུ་མ་ངེས་པའི་སོམ་ཉི་ཡོངས་སུ་ཆད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྔོན་དུ་བྱུང་བ་གཏམ་རྒྱུད་ཡོངས་སུ་བརྗོད་པའི་ལེའུ་སྟེ་སུམ་ཅུ་བརྒྱད་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་བརྒྱུད་པ་ཐབས་ཀྱིས་གྲགས་པ་ན་ཡང་བྱུང་བྱ་བ་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བརྒྱད་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་དུ་བྱུང་བའི་ཚིག་བཅུ་གཉིས་པའི་དགུ་པ་གང་གི་ཆེད་དུ་མཛད་པ་ན་ཡང་བྱུང་ཞེས་པ་བྱུང་བའི་དྲི་བ་ཡོངས་སུ་དྲིས་པ། ཀྱེ་གསང་བའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་གང་གི་ཆེད་དུ་མཛད་པ་ན་ཡང་བྱུང་ཞེས་བཀོད་པ་དེ་ཇི་ལྟ་ཇི་ལྟར་མཛད་དེ་ཡོངས་སུ་གྲགས་པ་ལགས། སྨྲས་པ། །ལང་ཀའི་བདག་པོ་གང་མ་བཅོས་པ་དེ་ཁོ་ན་བཞིན་མཛད་པ་ལ་བྱའོ། །སྨྲས་པ། གསང་བ་པའི་བདག་པོ་གང་མ་བཅོས་པ་དེ་ཁོ་ན་བཞིན་དུ་མཛད་པ་དེ་གང་ལགས། སྨྲས་པ་།་ ལང་ཀའི་བདག་པོ་ཆོས་རྣམས་ཀྱི་ཆོས་ཉིད་དེ་ཁོ་ན་ཉིད་ལ་བྱའོ། །སྨྲས་པ། གསང་བ་པའི་བདག་པོ་ཆོས་ཐམས་ཅད་ཀྱི་ཆོས་ཉིད་དེ་ཁོ་ན་ཉིད་ལ་ནི་སངས་རྒྱས་ཀྱང་མེད། སེམས་ཅན་ཡང་མེད། ཕོ་མོ་ཡང་མེད། རིགས་རྒྱུད་ཀྱང་མེད། །གཟུགས་མེད། བསྟན་དུ་མེད། མཚོན་དུ་མེད། དཔེ་ཡང་མེད། མཛད་པ་ཡང་མེད་དེ། དཔག་པར་རབ་ཏུ་དཀའ་ལ་གང་གིས་རྟོགས་པར་ནུས་པ་མ་ཡིན་ནོ། །གསང་བ་པའི་བདག་པོ་གང་ཅི་ཡང་མེད་པ་ལས་སངས་རྒྱས་དང་སེམས་ཅན་དང་། །ཕོ་མོ་དང་། རིགས་རྒྱུད་དང་། གཟུགས་སྣ་ཚོགས་དང་། བསྟན་པ་སྣ་ཚོགས་དང་། མཚོན་པ་དང་། དཔེ་ཐ་དད་པ་དང་། མཛད་པ་སྣ་ཚོགས་དང་། རྗེས་སུ་དཔག་པ་ལ་སོགས་པ་ཇི་སྙེད་པ་མང་པོ་འདི་དག་གང་གི་ཆེད་དུ་མཛད་པ་སྣང་བ་ལགས་ཞེས་ཡོངས་སུ་དྲིས་པ་ལས། །གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་ཡོངས་སུ་དྲི་བ་ཆེན་པོ་འདི་ནི་ལེགས་སོ། །རབ་ཏུ་ལེགས་སོ། །གང་ཅི་ཡང་མེད་པ་ལས་ཅིར་ཡང་སྣང་བའི་དོན་འདི་ནི་དེའི་རང་བཞིན་དེ་ཡིན་པའི་ཕྱིར་ཏེ། གྲོང་ཁྱེར་ཆེན་པོ་གསུམ་གྱི་ཆེད་དུ་མཛད་པ་ཐ་དད་པར་སྣང་བ་འབའ་ཞིག་གོ །གྲོང་ཁྱེར་གསུམ་གང་ཞེ་ན། འདི་ལྟ་སྟེ། ཕྱེད་སྣང་གི་གྲོང་ཁྱེར་དང་། ཀུན་སྣང་གི་གྲོང་ཁྱེར་དང་། མི་སྣང་བའི་གྲོང་ཁྱེར་རོ། །ལང་ཀའི་བདག་པོ་གྲོང་ཁྱེར་གསུམ་ཉིད་ཆོས་ཉིད་ཡིན་པས་ན་དེ་ལ་ནི་ཆོས་ཀྱི་དབྱིངས་ཞེས་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་གང་ཡིན་པ་དང་། གྲོང་ཁྱེར་གསུམ་གྱི་རང་བཞིན་གང་ཡིན་པ་འདིར་གཅིག་པའི་ཕྱིར་ཏེ། ཐམས་ཅད་འབྱུང་བའི་སྒོ་དང་། གནས་སུ་གྱུར་པ་ཁོ་ནའོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སྒོ་གསུམ་དུ་སྣང་བ་ནི་འདི་ལྟ་སྟེ། གཟུངས་ཀྱི་སྒོ་དང་། རིག་པའི་སྒོ་དང་། གསང་བའི་སྒོའོ། །ལང་ཀའི་བདག་པོ་གཟུངས་ཀྱི་སྒོ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བ་མཛད་པ་ན་འདི་ལྟ་སྟེ། །དེ་ཉིད་ཀྱི་རྐྱེན་གྱིས་ཞི་གནས་དང་། དེ་འཛིན་གྱི་རྐྱེན་གྱི་ལྷག་མཐོང་དང་། དེ་འཇུག་གི་རྐྱེན་གྱིས་ལས་མཐའོ། །ལང་ཀའི་བདག་པོ་རིག་པའི་སྒོ་ལ་ཡང་གྲོང་ཁྱེར་གསུམ་གྱི་ཆད་དུ་གསུམ་སྣང་བ་མཛད་པ་ནི་འདི་ལྟ་སྟེ། མི་སྣང་བའི་ཆེད་དུ་ཞི་གནས་དང་། སྣང་བའི་ཆེད་དུ་ལྷག་མཐོང་དང་། ཞེན་པའི་ཆེད་དུ་ལས་མཐའོ། །ལང་ཀའི་བདག་པོ་གསང་བའི་སྒོ་ལ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བར་མཛད་པ་སྣང་བ་ནི་འདི་ལྟ་སྟེ། །མི་སྣང་བའི་ཆེད་དུ་ཞི་གནས་དང་། །སྣང་བའི་ཆེད་དུ་ལྷག་མཐོང་དང་། །ཞེས་པའི་ཆེད་དུ་ལས་མཐའོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སངས་རྒྱས་གསུམ་སྣང་བ་མཛད་པ་ནི་འདི་ལྟ་སྟེ། མི་སྣང་བའི་ཆེད་དུ་འདུས་མ་བྱས་པའི་སངས་རྒྱས་དང་། སྣང་བའི་ཆེད་དུ་འདུས་བྱས་ཀྱི་སངས་རྒྱས་དང་། །ཞེན་པའི་ཆེད་དུ་གཟུགས་ཀྱི་སངས་རྒྱས་དང་གསུམ་མོ་།་ ་།་ལང་ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱིས་སེམས་ཅན་གསུམ་སྟེ། དེ་ཉིད་གོལ་བའི་རྐྱེན་གྱིས་གཟུགས་མེད་པའི་སེམས་ཅན་དང་། །དེ་འཛིན་གོལ་བའི་རྐྱེན་གྱིས་གཟུགས་ཀྱི་སེམས་ཅན་དང་། །དེ་འཇུག་ཞེན་པའི་རྐྱེན་གྱིས་འདོད་པའི་སེམས་ཅན་ནོ། །ལང་ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱི། །ལུས་གསུམ་བསྟན་པ་ནི་མེད་པ་དང་། རགས་པ་དང་། ཕོ་མོ་དང་། མ་ནིང་ངོ་། །ལང་ཀའི་བདག་པོ་འདོད་པའི་རྐྱེན་གྱིས་གང་གི་ཡབ་ཡུམ་དང་། སྲས་རྒྱུད་དང་། འདོད་པ་ལྔ་ལ་ལོངས་སྤྱོད་པ་ལྟར་སྣང་ངོ་། །དེ་ཡངདེབཞིནགཤེགསཔའིཡུམ་དུདེབཞིནགཤེགསཔཉིད་མཛད་པ་དང་། དེབཞིནགཤེགསཔའིསྲས་སུ་དེ་བཞུན་གཤེགས་པ་མཛད་དེ། ལྷུམས་སུ་ཞུགས་པ་དང་། དེ་ན་ཡང་དེ་ཁོ་ན་ཉིད་གསང་བ་དམ་པ་ཐེ་ཚོམ་གཅོད་པ་དང་། སླར་ལོག་པ་དང་། ཞུ་བ་དང་། ཞུ་བར་སྔོག་པ་དང་། གནང་བ་དང་། བྱེ་བ་དང་། བྱེ་བ་སྙེད་དུ་འཇུག་པར་མཛད་དོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་བསྟན་པ་གསུམ་སྟེ། དེ་ཉིད་ཀྱི་རྐྱེན་གྱིས་ཐེག་པ་ཆེན་པོ་དང་། དེ་འཛིན་གྱི་རྐྱེན་གྱིས་ཐེག་པ་སྣ་ཚོགས་དང་། དེ་འཇུག་གི་རྐྱེན་གྱིས་ཐེག་པ་ཆུང་ངུ་སྣང་བར་མཛད་དོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་ཏིང་ངེ་འཛིན་གསུམ་སྣང་བ་ནི་འདི་ལྟ་སྟེ། དེ་ཉིད་ཀྱི་ཆེད་དུ་དེ་བཞིན་ཉིད་ཀྱི་ཏིང་ངེ་འཛིན་དང་། དེ་འཛིན་གྱི་ཆེད་དུ་ཀུན་དུ་སྣང་གི་སྣང་གི་ཏིང་ངེ་འཛིན་དང་། དེ་འཇུག་གི་ཆེད་དུ་རྒྱུའི་ཏིང་ངེ་འཛིན་ཏོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་མཆོད་རྟེན་གསུམ་སྣང་བ་ནི་འདི་ལྟ་སྟེ། ཐུགས་ཀྱི་མཆོད་རྟེན་དང་། སྐུའི་མཆོད་རྟེན་དང་།གསུང་གི་མཆོད་རྟེན་ནོ། ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་དཀྱིལ་འཁོར་གསུམ་སྣང་བ་ནི་འདི་ལྟ་སྟེ། རང་བཞིན་གྱི་དཀྱིལ་འཁོར་དང་། ཏིང་ངེ་འཛིན་གྱི་དཀྱིལ་འཁོར་དང་། གཟུགས་བརྙན་གྱི་དཀྱིལ་འཁོར་དང་། ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སྔགས་གསུམ་སྣང་བ་འདི་ལྟ་སྟེ། །གསང་སྔགས་དང་། རིགས་སྔགས་དང་། གཟུངས་སྔགས་སོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་འབྲས་བུ་དང་། རྐྱེན་དང་། རྒྱུའོ། །ལང་ཀའི་བདག་པོ་དེ་དག་ལ་སོགས་པ་གྲོང་ཁྱེར་གསུམ་གྱི་ཆེད་དུ་མཛད་པ་ཡོངས་སུ་སྣང་བར་མཛད་དོ། །དེ་དག་ནི་ཐུགས་ཀྱི་མཛད་པ་ཡོངས་སུ་སྣང་བའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐུགས་ཀྱི་མཛད་་ཡོངས་སུ་རྫོགས་པའི་ལེའུ་སྟེ་སུམ་ཅུ་དགུ་པའོ།། །།དེ་ནས་ཡང་གསང་བ་པའི་བདག་པོས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་སངས་རྒྱས་ཀྱི་ཆེད་དུ་ཡང་དག་པའི་གསང་བ་འདི་ཡོངས་སུ་གསུང་བར་མཛད་དོ། སངས་རྒྱས་རྣམསཀྱི་དམ་པ་ནི། །ཐམས་ཅད་ཉིད་ལས་མི་གཞན་ཕྱིར། །ཅི་ཡང་བླང་དོར་མེད་པ་ན། །རྡོ་རྗེ་ནམ་མཁའ་གདོན་མི་ཟ། །ལང་ཀའི་བདག་པོ་ཡང་རང་སངས་རྒྱས་ཀྱི་ཆེད་དུ་སྣང་བ་རྡོ་རྗེ་བསྟན་པ་འདི་གསུང་བར་མཛད་དོ། །ངག་གི་རྡོ་རྗེ་ཡི་གེ་མེད། །ལུས་ཀྱི་རྡོ་རྗེ་སྣང་སྟོན་པ། གང་གི་ཡིད་ནི་འདིར་བཅུག་སྟེ་།་ ་་གསང་བ་ཉིད་དུ་རབ་ངེས་པའོ། །ལང་ཀའི་བདག་པོ་ཡང་གསང་བ་མཆོག་གི་བདག་པོ་དེས། །ཉན་ཐོས་ཀྱི་ཆེད་དུ་བསླབ་པ་རྡོ་རྗེ་མཛད་པ་འདི་གསུང་བ་མཛད་དོ། །སྒོ་གསུམ་རྡོ་རྗེ་བྱེ་བ་བཅུ། །བསྲུང་བ་ཡོངས་སུ་དག་པའི་མཐའ། །ཞི་བ་ཕྱོགས་ཡིད་འདིར་བཅུག་སྟེ། །དམ་པ་ཉིད་དུ་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་རྣལ་འབྱོར་སེམས་དཔའ་ཆེད་དུ་ལྟ་བ་རྡོ་རྗེ་གསང་བ་འདི་གསུངས་བར་མཛད་དོ། །ཐམས་ཅད་རྣམ་རིག་འཁྲུལ་སྣང་བ། །གཞན་མེད་དེ་ཉིདདམ་པར་ཡོད། །རྣམ་ཤེས་གང་ཡིན་འདུར་བཅུག་སྟེ། །གསང་བ་དམ་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གང་གི་མཐའ་ཡོངས་སུ་སེལ་བ་དག་གི་ཆེད་དུ་ནམ་མཁའ་རྡོ་རྗེ་མཛད་པ་འདི་གསུང་བར་མཛད་དོ། །གང་འདིར་ཡོད་དང་མེད་པ་ཡི། །མཐའ་གཉིས་ངེས་པར་རབ་བསལ་ཏེ། །སེམས་ཉིད་གང་ཡིན་འདིར་བཅུག་སྟེ་།་ ་།་དབུར་མར་མི་དམིགས་རབ་ངེས་པའོ། །ལང་ཀའི་བདག་པོ་ཡང་སྐྱེ་བུ་དམ་པ་དེས་ཚངས་པ་ལ་སོགས་པ་གང་གཏི་མུག་ཅན་གྱི་ཆེད་དུ་གཏི་མུག་རྡོ་རྗེར་མཛད་པ་འདི་གསུང་བར་མཛད་དོ། །འཇིག་རྟེན་ཀུན་གྱི་གཏི་མུག་ལས། །བྱང་ཆུབ་སེམས་ཀྱི་རྡོ་རྗེ་འབྱུང་། །གཏི་མུག་རྡོ་རྗེ་ཡིད་བཅུག་ནས། །གསང་ཆེན་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གུ་ལང་ལ་སོགས་པ་གང་འདོད་ཆགས་ཅན་གྱི་ཆེད་དུ་ཆགས་པ་རྡོ་རྗེ་མཛད་པ་འདི་གསུང་བ་མཛད་དོ། །འཇིག་རྟེན་གཡོ་རྡུལ་ཕོ་མོ་གང་། །ཇི་སྙེད་གུ་ལང་ཨུ་མ་ཉིད། །ཆགས་པ་རྡོ་རྗེ་ཡིད་བཅུག་ནས། །གསང་ཆེན་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་བི་སྣུ་ལ་སོག་པ་གང་ཞེ་སྡང་ཅན་གྱི་ཆེད་དུ་གསོད་པ་རྡོ་རྗེ་མཛད་པ་འདི་གསུངས་བར་མཛད་དོ། །ཇི་སྙེད་གཡོ་རྡུལ་སེམས་ཅན་རྣམས། །རྡོརྗེམཚོནཆེནགཅིགགིསབསད། །ཞེ་སྡང་རྡོ་རྗེ་ཡིད་བཅུག་ནས། །རྡོ་རྗེ་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གནོད་སྤྱིན་ལ་སོགས་པ་གང་ཕྲག་དོག་ཅན་གྱི་ཆེད་དུ་འཁྲུགས་པ་རྡོ་རྗེ་མཛད་པ་འདི་གསུང་བར་མཛད་དོ། །ཤ་ཟ་རྟག་ཏུ་གཞན་འདོད་སྤྱོད། །ཀུན་སྡོམ་རྡོ་རྗེ་གོ་ཆ་བགོས། །ཀུན་འཁྲུགས་རྡོ་རྗེ་ཡིད་བཅུག་ནས། །གསང་ཆེན་སྙིང་པོར་རབ་ངེས་པའོ། །ལང་ཀའི་བདག་པོ་ཡང་སྐྱེ་བུ་དམ་པ་དེས་ཀླུ་ལ་སོགས་པ་གང་ཕྲ་མ་ཅན་གྱི་ཆེད་དུ་ཕྲ་མ་རྡོ་རྗེ་མཛད་པ་འདི་གསུང་བར་མཛད་དོ། །རྡོ་རྗེ་དམ་པ་དབྱེ་བའི་མཆོག །ལོག་ལྟ་ཡང་དག་ལྟ་དབྱེ་བྱས། ། ཕྲ་མ་རྡོ་རྗེ་ཡིད་བཅུག་ནས། །རྡོ་རྗེ་གསང་བར་རབ་ངེས་པའོལང་ཀའི་བདག་པོ་ཡང་སྐྱེས་བུ་དམ་པ་དེས་ལྷ་མ་ཡིན་ལ་སོགས་པ་གང་ང་རྒྱལ་ཅན་གྱི་ཆེད་དུ་གདུལ་དཀའ་རྡོ་རྗེ་མཛད་པ་འདི་གསུང་བར་མཛད་དོ། །རྡོ་རྗེ་གདུལ་དཀའ་མ་ལུས་པ། །གནོན་པ་བརྩེགས་པའི་རི་བོ་ཆེ། །ང་རྒྱལ་རྡོ་རྗེ་ཡིད་བཅུག་ནས། །རྡོ་རྗེ་ཐེག་པ་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་སྲིན་པོ་ལ་སོགས་པ་ཤ་ཟ་རྣམས་ཀྱི་ཆེད་དུ་རྔམ་པ་རྡོ་རྗེ་འཛིན་པ་འདི་གསུང་བར་མཛད་དོ། །རྡོ་རྗེ་ཟབ་བ་མ་ལུས་པ། །ཐམས་ཅད་ཟ་བར་བྱེད་པ་ཉིད། །རྔམ་པ་རྡོ་རྗེ་ཡིད་བཅུག་ནས། །ཐེག་པ་ཆེན་པོར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་མཁའ་འགྲོ་ལ་སོགས་པ་གང་། །ཕྲ་མེན་མ་དག་གི་ཆེད་དུ་རྡོ་རྗེ་ཨ་མྲི་ཏ་མཛད་པ་འདི་གསུང་བར་མཛད་དོ། །རྡོ་རྗེ་བཤང་གཅི་ཨ་མྲི་ཏ། །བ་་བ་མ་ངེས་པ་ཡི་ཐབས། །ཕྲ་མེན་རྡོ་རྗེ་ཡིད་བཅུག་ནས། །རྡོ་རྗེ་གསང་བར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་མཐའ་ཡས་རྡོ་རྗེ་མཛད་པ་འདི་གསུང་བར་མཛད་དོ། །མཐའ་ཡས་འཇིག་རྟེན་རྡུལ་སྙེད་ན། །ལོག་རྟོག་མི་མཐུན་རྡུལ་ཕྲན་སྙེད། །གཉེན་པོ་རྟོག་འདུལ་དེ་སྙེད་ཀྱིས། །རྡོ་རྗེ་ཐེག་ཆེན་དབྱིངས་སུ་སྦྱོར། །མཐའ་ཡས་གཡོ་རྡུལ་སྣ་ཚོགས་པ། །གང་ལ་མོས་པ་དེ་གསུངས་པས། །སེམས་ཅན་རྡོ་རྗེ་ཡིད་བཅུག་ནས། །སེམས་ཉིད་ཐེག་ཅན་རབ་ངེས་པའོ། །ལང་ཀའི་བདག་པོ་དེ་དག་ནི་གསུང་གི་མཛད་པ་གང་གི་ཆེད་དུ་མཛད་དོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསུང་གི་མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་པའོ།། །།དེ་ནས་གསང་བ་པའི་བདག་པོ་དེས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་དོན་དུ་ཐབས་ཇི་ལྟར་ཡང་མཛད་པ་ནི་འདི་ལྟ་སྟེ། །གང་གི་ཡུལ་ཐ་དད་མཐའ་ཡས་པའི་ཕྱིར། །མཛད་པ་ཡང་ཐ་དད་མཐའ་ཡས་པར་སྣང་བ་སྟེ། ཡུལ་ལ་ལ་ནི་དམ་པས་སྨིན་པར་མཛད་དོ། །ལ་ལ་ནི་མ་དག་པས་སྨིན་པར་མཛད་དོ། །ལ་ལ་ནི་དག་པ་སྤངས་པས་སོ། །ལ་ལ་ནི་གདམས་ངག་གིས་སོ། །ལ་ལ་ནི་བླ་འཁྱལ་གྱིས་སོ། །ལ་ལ་ནི་འཇམ་པས་སོ ལ་ལ་ནི་རྩུབ་པས་སོ། །ལ་ལ་ནི་གཉིས་ཀས་སོ། །ལ་ལ་ནི་འཇིགས་པས་སོ། །ལ་ལ་ནི་ཐར་པས་སོ། །ལ་ལ་ནི་འདམ་གྱིས་སོ། །ལ་ལ་ནི་འཁྲུགས་པས་སོ། །ལ་ལ་ནི་འཐིབས་པས་སོ། །ལ་ལ་ནི་འཐབས་པས་སོ། །ལ་ལ་ནི་ནོན་པས་སོ། །ལ་ལ་ནི་བསྲེགས་པས་སོ། །ལ་ལ་ནི་བསླངས་པས་སོ། །ལ་ལ་ནི་མ་བསླངས་པས་སོ། །ལ་ལ་ནི་གནོད་པས་སོ། །ལ་ལ་ནི་མི་གནོད་པས་སོ། །ལ་ལ་ནི་འཚེ་བས་སོ། །ལ་ལ་ནི་མི་འཚེ་བས་སོ། །ལ་ལ་ནི་སྨད་པས་སོ། །ལ་ལ་ནི་བསྟོད་པས་སོ། །ལ་ལ་ནི་འགྱོད་པས་སོ། །ལ་ལ་ནི་མི་འགྱོད་པས་སོ། །ལ་ལ་ནི་འཐིང་སླད་ཀྱིས་སོ། །ལ་ལ་ནི་ཁ་གསག་གིས་སོ། །ལ་ལ་ནི་ནན་ཏུར་གྱིས་སོ། །ལ་ལ་ནི་བཞགས་པས་སོ། །ལ་ལ་ནི་བྱིན་པས་སོ། །ལ་ལ་ནི་བླངས་པས་སོ། །ལ་ལ་ནི་ཅི་ཡང་ཆོག་ཞེས་པས་སོ། །ལ་ལ་ནི་མིང་སྨོས་པས་སོ། །ལ་ལ་ནི་གཟུགས་སྨོས་པས་སོ། །ལ་ལ་ནི་གཟུགས་བསྟན་པས་སོ། །ལ་ལ་ནི་སྨྲས་པས་སོ། །ལ་ལ་ནི་སྤྱོས་པས་སོ། །ལ་ལ་ནི་རྒྱན་གྱིས་སོ། །ལ་ལ་ནི་སྒྲས་སོ། །ལ་ལ་ནི་དྲིས་སོ། །ལ་ལ་ནི་རོས་སོ། །ལ་ལ་ནི་རེག་གིས་སོ། །ལ་ལ་ནི་ཆོས་ཀྱིས་ཡོངས་སུ་སྨིན་པར་མཛད་དོ། །ལ་ལ་ནིགཟུགས་ཡིད་དུ་མི་འོང་བས་སོ། །དེ་བཞིན་དུ་ལ་ལ་ནི་སྒྲ་དང་། དྲི་དང་། རོ་དང་། རེག་ཡིད་དུ་མི་འོང་བས་ཡོངས་སུ་སྨིན་པར་མཛད་དོ། །གང་ལ་ལ་ནི་ཐུབ་པས་སོ། །ལ་ལ་ནི་རྒྱུན་མི་ཆད་པར་སྨྲ་བས་སོ། །ལ་ལ་ནི་སྐད་ཅིག་སྨྲ་བས་སོ། །ལ་ལ་དག་ནི་ཅི་ཡང་མི་བརྗོད་པས་སོ། །ལ་ལ་དག་ནི་དམ་པ་མཐོང་བས་སོ། །ལ་ལ་ནི་དམ་པའི་སྒྲས་སོ། །ལ་ལ་ནི་བཤེས་གཉེན་དམ་པའི་སྒྲས་སོ། །ལ་ལ་ནི་མི་རྟོག་པས་སོ། །ལ་ལ་ནི་རྟོག་པས་སོ། །ལ་ལ་ནི་སྡུག་བསྔལ་བས་སོ། །ལ་ལ་ནི་བདེ་བས་སོ། །ལ་ལ་ནི་བདག་མེད་པས་སོ། །ལ་ལ་ནི་བདག་ཡོད་པས་སོ། །ལ་ལ་ནི་མངོན་སྤྱོད་ཀྱིས་སོ། །ལ་ལ་ནི་ཞི་བས་སོ། །ལ་ལ་ནི་རྒྱས་པས་སོལ་ལ་ནི་དབང་གིས་སོ། །ལ་ལ་ནི་མཐར་ཕྱིན་པས་སོ། །ལ་ལ་ནི་དུག་གསུམ་སྡུག་བསྔལ་མྱོང་བར་འགྱུར་བའི་སྒྲས་སྨིན་པར་མཛད་དོ། །ལ་ལ་ནི་བདེ་བ་མྱོང་བར་འགྱུར་བའི་སྒྲས་སོ། །ལ་ལ་ནི་བདེ་པ་མི་མྱོང་བར་འགྱུར་བའི་སྒྲས་སོ། །ལ་ལ་ནི་སྲིད་པའི་ལོངས་སྤྱོད་སྤངས་ཏེ། །དཀའ་ཐུབ་དྲག་པོས་སོ། །ལ་ལ་ནི་སྲིད་པའི་ལོངས་སྤྱོད་བླངས་ཏེ་འཇོལ་ཉོག་ཏུ་སྤྱོད་པས་སོ། །ལ་ལ་ནི་བཀག་པའི་ཐབས་ཀྱིས་སོ། །ལ་ལ་ནི་གང་ལ་ཡང་མ་རེག་པའི་ཐབས་ཀྱིས་སོ། །ལ་ལ་ནི་བྱ་བ་རྫོགས་པའི་ཐབས་ཀྱིས་སོ། །ལ་ལ་ནི་སྤྱིན་པས་སོ། །ལ་ལ་ནི་སྙན་པས་སོ། །ལ་ལ་ནི་མཐུན་པས་སོ། །་ལ་ལ་ནི་སྤྱོད་པས་སོ། །ལ་ལ་ནི་ནང་ཡོངས་སུ་གཏོང་བས་སོ། །ལ་ལ་ནི་ཕྱི་ཡོངས་སུ་གཏོང་བས་སོ། །ལ་ལ་ནི་ཐམས་ཅད་གཏོང་བས་སོ། །ལ་ལ་ནི་ཐམས་ཅད་ཆགས་པས་ཡོངས་སུ་སྨིན་པར་མཛད་དོ། །ལ་ལ་ནི་རྣམ་པར་གཡེང་བས་སོ། །ལ་ལ་ནི་ནང་དུ་ཡང་དག་འཇོག་གིས་སོ། །ལ་ལ་ནི་འདོད་པ་བཀག་པས་སོ། །ལ་ལ་ནི་འདོད་པ་སྤྱོད་པས་སོ། །གང་དེ་ལྟར་མོས་པ་ཐ་དད་ལ་སྤྱོད་པ་དང་། གཟུགས་དང་། སྒྲ་དང་། ལྟ་བ་དང་། ཐབས་དང་། འདོད་པ་དང་། དོན་ཐ་དད་པར་བསྟན་པས་ཡོངས་སུ་སྨིན་པར་མཛད་དོ། །ལང་ཀའི་བདག་པོ་དེ་དག་ནི་ཐབས་ཀྱིས་མཛད་པར་རིག་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐབས་ཀྱི་མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཅིག་པའོ།། །།དེ་ནས་ཡང་གསང་བ་པའི་བདག་པོ་དེས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་ཆེད་དུ་སྐུའི་མཛད་པ་འདི་ལྟ་སྟེ་།་ ཇི་ལྟར་རྡོ་རྗེ་སེམས་དཔའི་སྦྲུལ་པ་འཇིག་རྟེན་དུ་བཀོད་པས་ཐམས་ཅད་ཀྱི་གཟུགས་སུ་སྣང་བ་དེས་ཐམས་ཅད་སྨིན་པར་མཛད་པ་དེ་ཁོ་ནའོ། །དེ་ལྟར་ན་གང་གི་ཆེད་དུ་མཛད་པའི་དེ་བཞིན་གཤེགས་པའི་དགོངས་པའི་སྒོ་དང་། དེ་བཞིན་གཤེགས་པའི་གསུང་གི་སྒོ་དང་། དེ་བཞིན་གཤེགས་པའི་མཛད་སྤྱོད་ཀྱི་སྒོ་དང་། དེ་བཞིན་གཤེགས་པའི་སྤྲུལ་པ་མཐའ་དང་། དེ་བཞིན་གཤེགས་པའི་ཐབས་རྒྱ་མཚོ་འདྲ་བའི་སྤྲིན་ཕུང་ལ་ནི་འདི་འམ། །གཅིག་ཅེས་གང་ལ་ཡང་གཟུང་དུ་མེད་དོ། །དེ་ཅིའི་ཕྱིར་ཞེ་ན། །ལང་ཀའི་བདག་པོ་འདི་ལྟ་སྟེ། །སེམས་ཅན་མོས་པ་ཐ་དད་པས། །མཐའ་ཡས་སྐྱེ་བོ་མགུ་དཀའ་བ། །རྒྱལ་བས་ཀྱང་ནི་མི་མགུ་བས། །གང་ལའང་མོས་པ་མཐའ་ཡས་གསུངས། །ལང་ཀའི་བདག་པོ་གང་དམ་པ་རྣམས་དེ་ཁོ་ན་ཉིད་ལས་མ་གཡོས་པར་སེམས་ཅན་གྱི་ཁམས་འདུ་ཤེས་མཐའ་ཐུག་པ་མེད་པ་དང་། སྒྲ་དང་། གཟུགས་དང་།སྤྱོད་མ་མཐའ་ཐུག་པ་མེད་པ་རྣམས་མི་མཁྱེན་པ་དང་། མ་གསན་པ་དང་། མ་གཟིགས་པ་དང་། །མི་འགྲེལ་བ་ནི་གང་ཡང་མེད་དོ། །དེ་ཅིའི་ཕྱིར་ཞེ་ན། །ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་དུ་མ་འདྲེས་པར་ཡོངས་སུ་རྫོགས་པའི་ཕྱིར་གང་གི་སྙིང་པོ་བྱང་ཆུབ་ན་མི་གཡོ་བ་ན་མི་རྟོག་པ་ཉིད་དང་། སེམས་ཅན་གང་གཏིལ་འབྲུ་ན་གནས་པ་དེ་ལ་རིང་བ་དང་། ཉེ་བ་དང་། གཅིག་དང་། སོ་སོ་མ་ཡིན་ཏེ། དེ་ཁོ་ན་ཉིད་གཅིག་པའི་ཕྱིར་དབྱིངས་གཅིག་ཏུ་གཉིས་སུ་མེད་པར་གནས་སོ། །ལང་ཀའི་བདག་པོ་དེ་དག་ནི་གང་གི་ཆེད་དུ་དེ་བཞིན་གཤེགས་པའི་སྐུའི་མཛད་པ་ཆེད་དུ་མཛད་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐུའི་མདད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཉིས་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་གི་ཆེད་དུ་མཛད་པ་ན་ཡང་བྱུང་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དགུ་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་དུ་བྱུང་བའི་ཚིག་བཅུ་གཉིས་པའི་བཅུ་པའི་ལུང་ཆེན་ངེས་པ་བསྟན་་པ་ན་ཡང་བྱུང་ཞེས་བྱུང་བའི་དྲི་བ་ཡོངས་སུ་དྲིས་པ། ཀྱེ་གསང་བའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་ལུང་ཆེན་ངེས་པར་བསྟན་པ་ན་ཡང་བྱུང་ཞེས་བཀོད་པ་དེ་ཇི་ལྟ་ཞིག་ཏུ་ལུང་བསྟན་ཏེ་གྲགས་པ་ལགས། །གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་དྲི་བ་དེ་ནི་ལེགས་སོ། །ཤིན་ཏུ་ལེགས་སོ། །རབ་ཏུ་ལེགས་སོ། །དེ་ནི་འདི་ལྟར་འཁོར་བ་ཐོག་མ་མེད་པའི་དབྱིངས་སུ་བསྐལ་པ་ཐོག་མ་དང་ཐ་མ་མེད་པའི་སྐབས་ལ་སངས་རྒྱས་ཐོག་མ་དང་ཐ་མ་མེད་པར་གང་གི་སྒྲོན་མར་སྣང་བ་དག་གི་ཐབས་གཅིག་གི་བྱ་བས་གང་ཕྱོགས་གཅིག་ཏུ་ཕན་པ་ཉིད་དུ་བྱ་བ་ཡོངས་སུ་སྨིན་པར་བྱས་ཏེ། ཐབས་དམ་པས་གར་ཕྱོགས་མེད་པར་ཕན་པ་ཡོངས་སུ་སྨིན་པར་བྱ་བ་དག་གང་གི་རྗེས་སུ་གང་འགྲོ་བ་དམ་བཅས་པ་ཉིད་དེས་བྱུང་ཞིང་སྣང་བར་ལུང་བསྟན་པ་ཡོངས་སུ་གྲགས་པར་འགྱུར་གྱི། སྒྲོན་མ་གང་གིས་ཉིད་ཀྱི་ཡུལ་སྣང་བ་ལས་མ་གཏོགས་པ་ཐམས་ཅད་སྣང་བ་ནི་མ་ཡིན་པའི་ཕྱིར་རོ། །ལང་ཀའི་བདག་པོ་ལུང་བསྟན་པ་དེ་ཡང་ཇི་ལྟ་ཇི་ལྟར་འདི་ལྟ་སྟེ། བསྐལ་པ་ཐོག་མ་མེད་པ་ལ། ཇི་སྙེད་གང་འབྱུང་བ་བརྗོད་མི་ལང་། །སྐབས་ལས་གཅིག་བྱུང་འདིར་བརྗོད་ཀྱིས། །དམ་བཅས་གོ་ཆ་བགོས་ཁྱོད་ཉོན། །བསྐལ་པ་ཀུན་བཀོད་བྱ་བ་ལ་།་ ་།་སངས་རྒྱས་བྱེ་བ་ཕྲག་བརྒྱ་འབྱུང་། །ཀུན་གྱི་ཐ་མར་བྱུང་བ་ཡི། །བདེར་གཤེགས་མངོན་འབྱུང་རྒྱལ་པོ་དེས། །འཁོར་གྱི་ནང་དུ་ལུང་བསྟན་པ། །འཇིག་རྟེན་གཅིག་གམ་གླིང་གཅིག་ཏུ། །བསྐལ་པ་གཅིག་ ་གནས་སྐབས་ལ། །ཡུལ་གཅིག་རྡོ་རྗེ་གདན་གཅིག་ཏུ། །མཛད་པ་མཐར་ཕྱིན་སངས་རྒྱས་གཉིས། །འབྱུང་བར་ཡང་དག་ངས་མ་མཐོང་། །བྱུང་ན་མི་སྲིད་ཆོས་དང་འགལ། །སངས་རྒྱས་མྱ་ངན་འདས་འོག་ཏུ། །རྨད་འབྱུང་གསང་བའི་སྙིང་པོ་ཉིད། །རྒྱ་ཆེར་གྲགས་པར་འགྱུར་རོ་ཞེས། །སངས་རྒྱས་ཀུན་གྱིས་ལུང་ཆེན་སྟོན། །ཇི་ལྟར་འདི་ཡང་དེ་བཞིན་ཏེ ། །ང་ནི་མི་བཞུགས་འདས་འོག་ཏུ། །ཀུན་གྱི་དགོངས་པ་འདུས་པ་ཉིད། །བརྒྱ་མཐར་འདུལ་བ་སྣང་བར་འགྱུར། །དེ་སྐད་དམ་པ་དེ་ལུང་བསྟན། །གཞན་ཡང་བསྐུལ་བ་ཆེན་པོ་ཉིད། །བསྐལ་པ་མཐའ་ཡས་བྱ་བ་ལ། །སངས་རྒྱས་སུམ་ཁྲི་ལྔ་སྟོང་འབྱུང་། །ཀུན་གྱི་ཐ་མར་འབྱུང་བ་ཡི།སངས་རྒྱས་འོད་མཐའ་ཡས་པ་དེས། །འཁོར་གྱི་ནང་དུ་ལུང་བསྟན་པ། ཁྲི་ཕྲག་ཕྱེད་དང་བཞི་འབྱུང་བའི། །སངས་རྒྱས་སྔ་མ་འདས་རྣམས་གྱིས། །སྨིན་བྱས་མ་སྨིན་གང་ཆེད་དུ། །དམ་པ་བྱུང་བར་ལུང་བསྟན་བཞིན། །འདིར་ཡང་ཡོངས་སུ་གཟུང་བར་གྱིས། །ང་འདས་ན་ནི་མི་སྣང་ན། །བརྒྱ་ཕྲག་གཅིག་ན་དོན་སྣང་འགྱུར། །དྲག་ཤུན་ཅན་གྱིས་བྱིན་ལུང་བསྟན། །བསྐུལ་བ་ཆེན་པོ་གཞན་ཡང་ཉོན། །བསྐལ་པ་གྲགས་ལྡན་བྱ་བ་ལ། །སངས་རྒྱས་བཞི་ཁྲི་དྲུག་སྟོང་བྱུང་། །ཀུན་གྱི་ཐ་མར་བྱུང་བ་ཡི། །སངས་རྒྱས་ཀུན་གྱི་བཤེས་གཉེན་དེས། །འཁོར་གྱི་ནང་དུ་ལུང་བསྟན་པ། །སྟོང་ཕྲག་བཞི་བཅུ་དྲུག་བྱུང་བས། །དམ་པ་དེ་བཞིན་གཤེགས་རྣམས་ཀྱིས། །གང་གི་ཆེད་དུ་ལུང་བསྟན་བཞིན། །ང་ནི་བདེ་བར་གཤེགས་ཕྱི་ན། །བརྒྱ་ཕྲག་བཅོ་ལྔར་གྱུར་པ་ན། །འབྲས་བུ་ཆུབ་པར་སྣང་བ་ཡི། རྡུལ་བྲལ་དྲི་མེད་དམ་པ་ཉིད། །མཆོག་གི་ཞིང་ཁམས་དམ་པ་འདིར། །སྣང་བ་ཐོབ་པའི་སྐལ་ལྡན་ཅན། །བྲམ་ཟེ་ཤེས་པ་མོ་ཞིག་ལ། །གནོད་འདུལ་ཉིད་ཀྱིས་གྲགས་པར་འགྱུར། །གཞན་ཡང་བསྐུལ་བ་ཆེན་པོ་ཉོན། །བསྐལ་པ་བཟང་རྒྱན་བྱ་བ་ལ། །སངས་རྒྱས་བྱེ་ཕྲག་བརྒྱད་ཅུ་བྱུང་། །དེ་དག་མཐའ་ཟད་བྱུང་བ་ཡི། །སངས་རྒྱས་བཟང་བརྒྱན་དཔལ་གྱིས་ཀྱང་། །འཁོར་གྱི་ནང་དུ་ལུང་བསྟན་པ། །བྱེ་ཕྲག་བརྒྱད་ཅུ་བྱུང་བ་ཡི། །དེ་བཞིན་གཤེགས་པ་སྔ་མ་ཡིས། །ཐེག་པ་འབྱུང་བར་ལུང་བསྟན་བཞིན། །ང་ཡི་སྣང་བ་འདི་ནུབ་ནས། །བརྒྱ་ཕྲག་ཕྱེད་ཀྱི་དུས་དག་ལ། །འདི་ཚེ་གཅིག་ལ་འགྲུབ་པ་ཡི། །ཆོས་ཀྱིམེ་ལོང་དམ་པ་ཞིག །ང་འདས་གླིང་གི་འཇིག་རྟེན་འདིར། །འབྱུང་བ་དགེ་སློང་སྐལ་ལྡན་ཅན། །ཉི་མའི་སྙིང་པོ་བྱ་བ་ལ། །བསྟན་པའི་ཆེད་ཆེན་ཕབ་ནས་ནི། །ཀུན་ཏུ་མཐུན་པར་གྲགས་པར་གྱུར། །གཞན་ཡང་བསྐུལ་བ་ཆེན་པོ་ཉོན། །བསྐལ་བ་རྫོགས་ལྡན་བྱ་བ་ལ། །སངས་རྒྱས་བྱེ་བ་ཕྲག་བརྒྱ་བྱུང་། །དེ་ཀུན་མཐར་ཟད་བྱུང་བ་ཡི། །སངས་རྒྱས་དཀོན་མཆོག་དཔལ་གྱིས་ཀྱང་། །འཁོར་གྱི་ནང་དུ་ལུང་བསྟན་པ། །བྱེ་བ་ཕྲག་བརྒྱ་བྱུང་བ་ཡི། །དེ་བཞིན་གཤེགས་པ་དེ་རྣམས་ཀྱིས། །ངེས་པ་དམ་པར་ལུང་བསྟན་བཞིན། །ང་སྣང་མི་གནས་དེ་རྗེས་ལ། །ལོ་ནི་བརྒྱད་ཀུ་རྩ་གཉིས་ལ། །གསང་འདུས་ཐེག་ཆེན་སྙིང་པོ་འདི། །བྱང་ཆུབ་སྙིང་པོ་ཅན་ཞེས་པའི། །ས་ལེ་གསེར་གླིང་བྱ་བ་དེར། །རྒྱལ་པོ་བདེ་སྐྱོབ་སྐལ་ཡོད་ལ། །ལས་དང་ཐུགས་རྗེ་མཐུན་པ་ཡི། །ཆོས་ཀྱི་མིག་གཅིག་འབྱེ་འགྱུར་ཏེ། །རིགས་ལྡན་ཀུན་གྱིས་ཐོབ་པར་འགྱུར། །བསྐུལ་བ་ཆེན་པོ་གཞན་ཡང་ཉོན། །བསྐལ་པ་བཟང་པོ་འདི་ཉིད་ལ། །སངས་རྒྱས་བརྒྱ་ཕྲག་བཅུ་འབྱུང་བའི། །བཞི་པར་བྱུང་བའི་སྒྲོན་མ་ཉིད། །ཐུབ་པའི་དབང་པོ་དེ་ཉིད་ཀྱིས། །འཁོར་གྱི་ནང་དུ་ལུང་བསྟན་པ། །བྱེ་ཕྲག་བརྒྱད་ཅུ་རྩ་བཞི་ཡི། །མངོན་རྫོགས་རྒྱལ་པོ་དེ་ཉིད་ཀྱིས། །གང་གི་ཕྱོགས་དག་སྨིན་བྱས་ནས། །ཐེག་ཆེན་རྡོ་རྗེ་སྙིང་པོ་ཉིད། །རྒྱ་ཆེར་གྲགས་པར་འགྱུར་རོ་ཞེས། །ཀུན་གྱི་ལུང་ཆེན་བསྟན་པ་བཞིན། །ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་གྱི་ཕྱོགས་མཚམས་ཀྱི། །མི་ལས་སྐལ་ལྡན་རིགས་ཅན་དེ། །རྒྱལ་པོ་ཛ་ཞེས་བྱ་བ་ལ། །སྔོན་དུ་ལྟས་སྣང་གནང་འགྱུར་བ། །དྲག་ཤུལ་ཅན་ཞེས་བྱ་བའི་རྩེ། །གྲོགས་ཀྱི་སེམས་དཔའ་དམན་པའི་ལུས། །ལང་ཀའི་བདག་པོ་ལ་སོགས་ལ། །ལག་ན་རྡོ་རྗེ་སྣང་བར་འགྱུར། །དམ་པས་དེ་སྐད་ལུང་བསྟན་གནང་། །དེ་ལ་སོགས་པ་མཐའ་ཡས་པར། །ཐོག་མ་ཐ་མ་མེད་པའི་བར། །དེ་ལྟ་དེ་ལྟར་གྲགས་པ་ཡིན། །གསང་བ་པའི་བདག་པོས་དེ་སྐད་ཅེས་གསུངས་པས་ལང་ཀའི་བདག་པོ་ལ་སོགས་པའི་དམན་པའི་ལུས་ཀྱི་སེམས་དཔའ་རྣམས་ངེས་པར་ཡི་རངས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྗེས་སུ་བྱུང་བར་ལུང་བསྟན་པའི་ལེའུ་སྟེ་བཞི་བཅུ་གསུམ་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་ལུང་ཆེན་ངེས་པར་བསྟན་པ་ན་ཡང་བྱུང་ཞེས་བྱ་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བཅུ་པའོ།། །།དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སྔོན་དུ་བྱུང་བའི་ཚིག་བཅུ་གཅིག་པའི་དྲི་བ་ཡོངས་སུ་དྲིས་པ། །ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་འབྱུང་བའི་ཚུལ་སྟོན་པ་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་ལས་རྒྱུད་ཡོངས་སུ་གཅོད་པ་ན་ཡང་བྱུང་ཞེས་བཀོད་པ་དེ་ཇི་ལྟ་བུ་ཞིག་ཏུ་གྲགས་ཤིང་བྱུང་བ་ལགས། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་གི་དྲི་བ་དེ་ནི་འདི་ལྟ་སྟེ། གང་ཞིག་འདེགས་པའི་ཡུལ་རྣམས་ལས། །གསུམ་དུ་ངེས་པར་སྣང་བ་ནི། །འདོད་ལ་ཞེན་དང་ངེས་པ་འབྱུང་། །གདུལ་དཀའ་དྲག་པོ་གདུལ་བྱ་གསུམ། །གང་གིས་འདེགས་པའི་རྩལ་གསུམ་ནི། འཁོར་ལོ་རྒྱུན་དང་དོན་དམ་ངེས། །ཆོ་འཕྲུལ་མངོན་པར་འབྱུང་བ་གསུམ། །རང་བཞིན་ཡེ་ནས་སྣང་བ་ཡིན། །ཇི་ལྟར་འདེགས་པའི་ཐབས་རྣམས་ནི། །བསམ་གྱིས་་མི་ཁྱབ་གསུམ་ཉིད་དུ། །སྣང་བ་དེ་ཉིད་གང་ཡིན་པ། ། རང་བཞིན་ཤུགས་དང་གཉེན་པོའི་ཐབས། །ལས་རྒྱུད་གཅོད་པ་འབའ་ཞིག་གོ །འཁོར་ལོ་རྒྱུན་དུ་སྣང་བ་ཡང་། །ཡེ་ནས་སངས་རྒྱས་གྲགས་པ་ལྔར། །གདུལ་བྱ་འདུལ་བྱེད་ཐམས་ཅད་ཀུན། །ལྔར་བྱུང་ལྔར་སྣང་ལྔས་འདུལ་སྒྲོལ། །སྐྱེད་ངང་འཚོ་དང་བརྟེན་པའོ། །རྒྱུ་དང་རྐྱེན་དང་གནས་པ་ཡི། །མི་རྟོག་ངག་གིས་ཀུན་འབྱུང་བ། །མེད་ལ་མི་ཟད་རྣམ་པ་གསུམ། །གང་གི་དབྱིངས་དང་མངོན་སུམ་པ། །བདག་ཉིད་ཆེན་པོ་དེ་ཉིད་ནི། །ཐམས་ཅད་དུ་ཡང་སངས་རྒྱས་མེད། །ལང་ཀའི་བདག་པོ་འདི་ལྟ་སྟེ། །གང་བདག་དབྱིངས་སུ་སངས་རྒྱས་པ། །ཆེན་པོ་ལྔར་སྣང་གང་འདི་དག །འབྱུང་བ་རྒྱུན་གྱི་བཅོམ་ལྡན་འདས། །ཐུགས་རྗེ་རྟག་པའི་སངས་རྒྱས་ཏེ། །རང་བཞིན་ཀུན་ལ་ཁྱབ་པར་གནས། །ཇི་ལྟར་འདོད་དང་འདོད་པར་སྣང། །སྣང་སྲིད་སྟོན་པའི་སྒྲོན་མར་གྲགས། །འབྱུང་བ་རྒྱུན་གྱི་རྟག་པ་སྟེ། །རང་བཞིན་སྟོངས་པས་མཛད་པར་སྟོན། །ལང་ཀའི་བདག་པོ་གཞན་ཡང་གང་།མངོན་སུམ་པ་ཡི་སངས་རྒྱས་ནི། །མཁའ་དབྱིངས་ཀུན་དུ་མུ་མེད་དབྱིངས། །ཁམས་གསུམ་དངོས་དང་དངོས་མེད་ཀུན། །ཕྱོགས་མཚམས་ཀུན་གྱི་ལུས་དང་གནས། །ཀུན་གྱི་གོ་སྐབས་སྟོང་ཡོད་གནས། །འགྲོ་དང་མི་འགྲོའི་རྟེན་ས་ནི། །དངོས་པོ་ཐམས་ཅད་སྐྱེ་འབྱུང་གནས། །ཀུན་ལ་དགའ་བར་སྤྱོར་བ་ནི། །བསྐལ་པའི་འཁོར་ལོ་གཅིག་ཏུ་གནས། །གཉེན་སྡུད་གཞན་སྐྱེ་རང་བཞིན་གསལ། །གྱེས་འཛིན་མི་ལྡོག་རྒྱུན་མི་འཆད། །དགོན་དུང་ཀུན་རླན་རྣམ་པར་གཡོ། །བསྐལ་པའི་འཁོར་ལོ་གཅིག་ཏུ་གནས། །ཀུན་སྨིན་མུན་སེལ་ཀུན་སྟོན་སྙོམས། །སྲེག་མཉེན་ཁ་དོག་གསལ་བྱིང་བ། །བཅུད་འཛིན་ཡོངས་སུ་རྟས་སྣང་བ། །བསྐལ་པ་གཅིག་གི་འཁོར་ལོ་གནས། །མི་གནས་ཐོགས་མེད་ཤུགས་ཀྱིས་འབྱུང་། །གཟུགས་མེད་གཟུགས་ཀྱི་མཐུ་བས་དྲག །ཡང་གཡོ་ཁྱབ་འཇུག་ཀུན་གྱི་རྟེན། །བསྐལ་པ་འཁོར་ལོ་གཅིག་ཏུ་གནས། །ལང་ཀའི་བདག་པོ་འདི་ལྟ་སྟེ། །བདག་ཉིད་ཆེན་པོའི་སངས་རྒྱས་ནི། །ཀུན་ཤོང་ཡེལ་འཕྱོ་ཀུན་ཏུ་བཟང་། །ཀུན་ཐེག་ལྷུན་སྟུག་ཡེ་ཤེས་གཟུགས། །ཀུན་སྡུད་མཉམ་སྦྱོར་ཏིང་ངེ་འཛིན། །སྒྲིབ་སེལ་ལྷག་མཐོང་ཤེས་རབ་འབར། །ཐོགས་མེད་མ་རྨོངས་ཤེས་བྱ་རྫོགས། །ལང་ཀའི་བདག་པོ་གཞན་ཡང་ནི། །དེ་ཉིད་ཡིན་པའི་སངས་རྒྱས་ནི། །ནམ་མཁའ་རྣམ་པར་སྣང་བ་མཛད། །ས་ནི་མི་གཡོ་རྡོ་རྗེ་འཛིན། །མེ་ཉིད་རིན་ཆེན་འབྱུང་བར་ལྡན། །ཆུ་ནི་མཉེས་གསལ་སྣང་མཐའ་ཡས། །རླུད་ནི་ཀུན་འབྱེད་གདོན་མི་ཟ། །ལང་ཀའི་བདག་པོ་འདི་ལྟ་སྟེ། །གང་འདིར་སངས་རྒྱས་མེད་པ་ནི། །ཐམས་ཅད་སྟོང་པར་ཡེ་སངས་ཏེདེས་ཁྱབ་མ་འདྲེས་སངས་རྒྱས་ཉིད། །མ་བཅོས་ཡེ་ནས་སངས་རྒྱས་པ། །འབྱུང་བ་ཆེན་པོ་བཅོམ་ལྡན་འདས། །ལང་ཀའི་བདག་པོ་དེ་དག་ནི། །འཁོར་ལོ་རྒྱུན་གྱི་ཐེག་པ་སྟེ། །ངང་གིས་རྒྱུན་གྱི་འཁོར་ལོར་འབྱུང་།བརྟན་གཡོ་ཀུན་ལ་རང་བཞིན་གནས། །ལང་ཀའི་བདག་པོ་གཞན་ཡང་གང་། །དོན་དམ་ངེས་པའི་ཐེག་པ་ནི། །གསུམ་དུ་ངེས་པར་སྣང་བ་སྟེ། །ཀུན་འབྱུང་འདྲེན་དང་དཀའ་ཐུབ་རིག །དབང་སྒྱུར་ཐབས་ཀྱི་ཐེག་པའོ། །གང་འདིར་འདྲེས་པ་འདི་ལྟ་སྟེ། །ཡུལ་གསུམ་ངེས་པར་སྣང་བ་ནི། །ཐ་མ་འབྲིང་དང་རབ་ཏུ་སྣང་། །ཐ་མའི་ཡུལ་དུ་གྱུར་པ་ནི། །ཤིན་ཏུ་ཡ་ངའི་ལས་སྤངས་ཏེ། །ཡིད་འོང་འདུལ་བའི་ཚུལ་བཟུང་ནས། །རང་གི་རྩ་བ་དེར་བསྒྲུན་པ། །སོ་སོར་ཐར་པའི་ལམ་དུ་སྣང་། །འབྲིང་གི་ཡུལ་དུ་གྱུར་པ་ནི། །འདི་ཀུན་རྟེན་ཅིང་འབྲེལ་བྱུང་ལ། བདག་མེད་ཆོས་གཅིག་མེད་མཐོང་བས། །བརྗོད་མེད་སྤྲུལ་པའི་ཆོས་རྣམས་སྟོན། །རང་གི་རྩལ་གྱིས་བདེར་གནས་པའོ། །རབ་ཀྱི་ཡུལ་དུ་གྱུར་པ་ནི། །བདག་མེད་བྱམས་སྙོམས་རྟོག་ལས་འདས། །ཡུལ་མེད་མ་སྐྱེས་ཕྱོགས་དང་བྲལ། །ས་དང་རྣམ་ཐར་བདེར་བསྒྲུན་པས། །དངོས་མེད་ངོ་བོ་ཉིད་སྐུ་ཐོབ། །ལང་ཀའི་བདག་པོ་གཞན་ཡང་གང་། །དཀའ་ཐུབ་རིག་བྱེད་ཐེག་པ་ནི། །འདི་ཡི་ཡུལ་གྱས་གསུམ་ཉད་དེ། །ཐ་མ་དག་ལ་སྣང་བ་ནི། །དཀའ་ཐུབ་སྡོམ་དང་བརྟུལ་ཞུགས་དག །མཉམ་ཉིད་མི་གཡོ་སྐྱེ་མེད་ལ། བཀུར་འོས་འདུན་པའི་ཚུལ་བཟུང་ནས། །རིགས་ཀྱི་རྡོ་རྗེ་འཛིན་གནས་པའོ། །འབྲིང་ལ་རྣམ་པར་སྣང་བ་ནི། །བྱ་བ་དག་པའི་ལས་སྤྱད་དེ། །རྣལ་འབྱོར་ཏིང་འཛིན་མར་ལྡན་ན། །མི་གཡོའི་སེམས་པས་མངོན་སུམ་དུ། །རིགས་བཞི་རྡོ་རྗེ་འཆང་གནས་པའོ། །རབ་ལ་ངེས་པར་སྣང་བ་ནི། །སེམས་ཉིད་ཡུལ་ལ་རྩལ་རྫོགས་ཏེ། །ཡུལ་ཉིད་རིག་པས་མངོན་མཐོང་ན། །དེ་ཉིད་དེར་ནི་མངོན་བྱས་ནས། །རྡོ་རྗེ་རིགས་འཆང་གནས་པའོ། །ལང་ཀའི་བདག་པོ་གཞན་ཡང་གང་། །དབང་སྒྱུར་ཐབས་ཀྱི་ཐེག་པ་ཡང་། །ཡུལ་གྱི་རྣམ་པ་གསུམ་སྣང་བ། །བསྐྱེད་དང་རྫོགས་དང་ཡོངས་སུ་རྫོགས། །ཐ་མ་བསྐྱེད་པ་གང་སྣང་པ། །ཐབས་དང་ཤེས་རབ་རྣམ་དག་ལས། །བསྟེན་པ་ལྔ་ལ་སོགས་པའི་ཆོས། །རྒྱལ་བ་ལྔ་ལས་རྫོགས་སངས་རྒྱས། །རྣལ་འབྱོར་རྩལ་ཆེན་རྫོགས་པའི་ས། །འབྲིང་ལ་རྫོགས་པར་གང་སྣང་བ། །མཉམ་པས་མཉམ་པའི་དོན་མཐོང་ན། །མཉམ་རྫོགས་ཡུལ་ཤེས་དབྱིངས་ཡེ་ཤེས། །ཀུན་རིག་ཀུན་རྫོགས་ཀུན་ཏུ་སྣང་། །ཆོས་ཉིད་མི་འགྱུར་བདལ་བའི་ས རབ་ལ་ཡོངས་སུ་རྫོགས་པ་ནི། །ཡེ་ཤེས་དབྱིངས་ཞེས་བྱ་བའི་དོན། །ཐ་སྙད་ཙམ་དུ་རྟོགས་ཆུད་ནས། །རྩལ་མེད་རྫོགས་བྲལ་བསམ་ཡུལ་འདས། །ཐམས་ཅད་རྫོགས་པའི་སྤྱིར་ཆིབ་ས། །ལང་ཀའི་བདག་པོ་གཞན་ཡང་གང་། །ཆོ་འཕྲུལ་མངོན་བྱུང་ཐེག་པ་ཡང་། །ཡུལ་གྱི་རྣམ་པ་གསུམ་སྣང་བ། །ཞེན་དང་རྨོངས་དང་འཁྲུག་པ་ཡི། །ལས་ངན་འདུ་ཤེས་ངན་པ་རྣམས། །རྒྱུན་གཅད་བསྒྱུར་བའི་ཕྲིན་ལས་ནི། །སྲིད་གསུམ་དྲ་བའི་འཁོར་ལོ་དག ལས་ཀྱི་འཁོར་ལོ་རྒྱུན་བཅད་ཕྱིར། །དམ་པའི་འཁོར་ལོ་བསྐོར་བྱས་ནས། །བསྐལ་པའི་འཁོར་ལོ་གཅོད་པར་འགྱུར། །ཅི་ཕྱིར་སེམས་ཅན་ཁ་ཅིག་ནི། །ཆགས་པས་ཞེན་ཅིང་གདུང་བར་འགྱུར། །གང་ཚེ་སེམས་ཅན་ཁ་ཅིག་ནི། ཁེན་ཏུ་རྨོངས་ཤིང་འཐིབས་པར་འགྱུར། །གང་གིས་སེམས་ཅན་ཁ་ཅིག་ནི། །ཤིན་ཏུ་ཁྲོ་གཏུམ་གདུག་པར་འགྱུར། །འདི་ལྟར་དུག་གསུམ་སྨིན་པ་ལ། །གང་གིས་ཕན་པར་མི་འགྱུར་ཏེ། །མི་རྟག་མཚན་ཉིད་བསྟན་ནས་ཀྱང་། །ལས་ངན་ལས་རྒྱུད་གཅད་པའི་ཕྱིར། །རང་བཞིན་ཆོ་འཕྲུལ་མངོན་འབྱུང་བ། །ཁྲོས་ན་ཟ་བྱེད་ལྔ་ཁྲོས་པས། །མ་ལུས་བསྒྲལ་ནས་སྟོངས་མཛད་ཕྱིར། །ནམ་མཁའ་ཁྲོ་བོ་ཟ་བྱེད་ཆེ། །ཐམས་ཅད་ཐིམ་པས་སྟོངས་པར་མཛད། །དེ་བཞིན་ཉིད་དུ་བསྒྲུབ་པའི་མཆོག །སྲིད་ཞི་འཚོ་བྲལ་བསྐལ་པ་ཡིས། །ཞེན་པས་ཆགས་པའི་ལས་རྒྱུན་གཅོད། །བཟོད་ལྡན་རྨོངས་པའི་བསྐལ་པ་ཡིས། །སེམས་དང་ཡིད་ཀྱི་ལས་རྒྱུན་གཅོད། །ཐབས་འཛིན་མཚོན་ཆའི་བསྐལ་པ་ཡིས། །དངོས་པོ་དངོས་པོ་ཐམས་ཅད་གཅོད། །ལྷག་མཐོང་མེ་ཡི་བསྐལ་པ་ཡིས། །ཉོན་མོངས་དངོས་པོ་ཐམས་ཅད་སྲེག །ཞི་གནས་ཆུ་ཡི་བསྐལ་པ་ཡིས། །ཉོན་མོངས་དྲི་མ་ཐམས་ཅད་འཁྲུ། །ཐོགས་མེད་རླུད་གི་བསྐལ་པ་ཡིས། ཁེས་བྱ་ཐམས་ཅད་ཀུན་ཏུ་བསྐྱོད། ཁེས་རབ་ནམ་མཁའི་བསྐལ་པ་ཡིས། །མཚན་མའི་རྒས་རྒུད་ཐམས་ཅད་སྟོངས། །ལས་ངན་མྱུར་དུ་རྒྱུན་བཅད་ན། །གནས་ངན་དག་ལས་མྱུར་དུ་སྒྲོལ། །ཐབས་དང་ཐེག་པ་གང་དག་ལས། །ཐ་མའི་ཐ་མ་ཡིན་པར་བཤད། །སྙིགས་མར་གྱུར་པའི་སྐབས་རྣམས་སུ། །འདུལ་བ་རྣམས་གཉིས་ནུབ་པས་ན། །ཉོན་མོངས་རྣམས་ནི་དངོས་པོར་སྣང་། །འདས་ནས་ནུབ་པོ་ཞེས་པ་ལ། །མ་འདས་མ་ནུབ་དེ་ཉིད་ནི། །དུས་དེར་ཤུགས་ཀྱིས་འདུལ་བ་ཡིན། །ལང་ཀའི་བདག་པོ་དེ་ལྟར་ན། །འདི་ཀུན་གསང་བ་དམ་པ་ཡི། །དབྱིངས་ལས་གར་ཡང་མ་གཡོས་ཤིང་། །སྟོང་པ་ཁོ་ནའི་དབྱིངས་ཉིད་ལས། །སྟོང་པའི་ཆོས་རྣམས་བྱུང་བར་ཟད། །སྟོང་ཉིད་གསང་བ་དེ་ཁོ་ན། །ཐེག་ཆེན་གསང་བ་དེ་ཉིད་དོ། །གསང་བའི་བདག་པོ་དེ་སྐད་ཅེས་བརྗོད་པས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཐམས་ཅད་གསང་བ་དམ་པ་ཉིད་དུ་ངེས་པའི་སོམ་ཉི་མེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོ་འཕྲུལ་སྔོན་བྱུང་གི་ལེའུ་ཞེས་བྱ་བ་སྟེ་བཞི་བཅུ་བཞི་པའོ།། །།ཐེག་པ་ཆེན་པོ་ངེས་པར་བྱུང་བའི་ཚུལ་ལས་ལས་རྒྱུད་ཡོངས་སུ་གཅོད་པ་ན་ཡང་བྱུང་བྱ་བའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོ་ས་པ་སྟེ་བྱུང་ཚུལ་བསྟན་པ་བཅུ་གཅིག་པའོ།། །།བམ་པོ་བདུན་པ་ཟུག་པ། དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་བྱུང་བའི་ཚིག་བཅུ་གཉིས་པའི་ཐ་མ་དགོགས་པ་རྣམ་པར་བགྲོ་་བ་ན་ཡང་བྱུང་ཞེས་སྣང་བའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པ་ལུང་བསྟན་པ་གཏམ་དུ་བརྗོད་པའི་སྐབས་སུ་དགོངས་པ་རྣམ་པར་བགྲོ་་བ་ན་ཡང་བྱུང་ཞེས་བཀོད་པ་དེ་ལྟ་ཞིག་ཏུ་བགྲོ་ས་ཏེ་གྲགས་པ་ལགས། སྨྲས་པ། ལང་ཀའི་བདག་པོ་གང་ཡོངས་སུ་དྲི་བ་དེ་ནི་འདི་ལྟར་ཟབ་པ ཆེས་ཟབ་པ། འདི་ལྟར་དཀའ་བ། ཆེས་དཀའ་བ། རྟོག་གེའི་སྤྱོད་ཡུལ་མ་ཡིན་པ་།་ ་།་བརྟག་པར་རབ་ཏུ་དཀའ་བ། །དཔག་པ་ལས་འདས་པ་སྟེ། གང་རྒྱུད་ཡོངས་སུ་དག་པའི་སངས་རྒྱས་དང་། །གང་ས་ལ་གནས་པ་རྣམས་ཀྱིས་ཀྱང་རབ་ཏུ་བགྲོ་བར་མི་ནུས་པ་ཡིན་ན་བདག་གིས་ཡོངས་སུ་བགྲོ་བར་ལྟ་ཅི་སྨོས་ཏེ། གང་གི་སྤྱོད་ཡུལ་ཡང་མ་ཡིན་ནོ། །དེ་སྐད་ཅེས་སྨྲས་པ། ལང་ཀའི་བདག་པོ་དེས་འདི་སྐད་ཅེས་སྨྲས་སོ། །སྐྱེས་བུ་ཆེན་པོ་གསང་བའི་བདག་པོ་ཉོན་མོངས་པར་སྣང་བའི་བགྲོ་་བ་རྣམས་ལ་ཕན་པ་དང་སྙིང་བརྩེ་བ་ཉིད་དུ་བགྱི་བའི་སླད་དུ་མི་ཆེན་པོ་རྣམས་ཀྱི་སྤྱོད་ཡུལ། ཆོས་ཐམས་ཅད་མངོན་པར་རྫོགས་པར་སངས་རྒྱས་པ། གང་དུ་མ་བཀག་པའི་ཆོས་ཉིད་དུ་ལོངས་སྤྱོད་པ། ཐབས་ཀྱི་ཐེག་པ་ཆེན་པོ་དགོངས་པ་དམ་པ་དེ་ཁོ་ན་ཉིད་དེ་རྣམ་པར་བགྲོ་ཞིང་སྨྲ་བའི་སེང་གེ་ཁྱོད་ཀྱིས་ཕྱིན་ཅི་མ་ལོག་པར་བགྲོ་བའི་དུས་ལ་བབ་བོ། །སྐྱེས་བུ་ཆེན་པོ་ཤིན་ཏུ་རབ་ཏུ་དུས་ལ་བབ་བོ། །ངེས་པ་དམ་པར་བགྲོ་བའི་དུས་ལ་བབ་བོ། །དེ་ཅིའི་སླད་དུ་ཞེ་ན། །སྐྱེས་བུ་ཆེན་པོ་ཁྱོད་ནི་དེ་བཞིན་གཤེགས་པ་ཐམས་ཅད་ཀྱི་བཀའ་གསང་བ་ཆེན་པོའི་བདག་པོར་དབང་གིས་དབང་བསྐུར་བ་ལགས་ཏེ། གང་རྨོངས་པ་རྣམས་གོ་འབྱེད་པ་དང་། གང་འཐོམས་པ་དྲང་པའི་ཐབས་སྤྲིན་ཕུང་གི་དྲ་བ་ཐམས་ཅད་བདེ་བླག་ཏུ་དྲང་བའི་སླད་དུ་དགོངས་པ་དམ་པའི་ལུས་དགྲོལ་དུ་གསོལ་ཞེས་བསྐུལ་བ་ལས། །གསང་བ་པའི་བདག་པོ་དེས་འདི་སྐད་ཅེས་སྨྲས་སོ། །བསྐུལ་བའི་གོ་ཆ་ཆེན་པོ་ཁྱོད། །ཀུན་ལ་རབ་ཏུ་བརྩེ་བའི་ཕྱིར། །གང་ལ་བསྐུལ་བར་ཁྱོད་བརྩོན་ན། །བགྲོ་བ་གླེང་བསླང་ལེགས་སོ་ལེགས། །འདི་ལྟར་འདི་སྐད་བདག་ཉིད་ཀྱི། །ངེས་པའི་དོན་དེ་ཁོ་ན་ཉིད། །ཐོས་པ་སྣང་བའི་དུས་གཅིག་ན། །ཐམས་ཅད་ནམ་མཁའ་ལྟ་བུ་ལས། །རང་བྱུང་རང་སྣང་ཉིད་དུ་ཐོས། །གསང་བའི་ཚིག་ནི་འདི་སྐད་དུ། །ཐོས་པར་གྱུར་པའི་དུས་གཅིག་ན། །མཐུན་འཇུག་ཐབས་ཀྱི་ཆ་མཐུན་དུ། །བསྟན་ནས་དྲང་བའི་ཐབས་སུ་ཐོས། །ལུང་གི་གཏན་ཚིགས་འདི་སྐད་དུ། །བདག་གིས་ཐོས་པའི་དུས་གཅིག་ན། །ལྡེམ་དགོངས་སྦྱོར་བའི་ཚུལ་ཉིད་ཀྱིས། །བསྟན་ནས་བཀྲི་བའི་ཐབས་སུ་ཐོས། །འདོད་རྐྱེན་ཚིག་ནི་འདི་སྐད་དུ། །རྟོགས་པར་གྱུར་པའི་དུས་གཅིག་ན། །འདོད་ཆེན་པ་ལ་འདོད་པ་ནི། །ཐབས་ཀྱིས་དྲང་པ་ཉིད་དུ་ཐོས། །གསང་སྔགས་རྡོ་རྗེ་ནམ་མཁའ་ཆེ། །ཚིག་གི་སྤྱོད་ཡུལ་མ་ཡིན་པས། །བརྗོད་པས་རྟོགས་པར་མི་ནུས་ཏེ། །བདག་གིས་བགྲོ་བར་རབ་ཏུ་དཀའ། །དཔེའམ་ཚད་མའམ་གཏན་ཚིགས་སམ། །རྗེས་སུ་དཔག་པའི་ཤེས་རབ་ཀྱིས། །རྟོགས་པར་ནུས་པ་མ་ཡིན་ཏེ། །དམུས་ལོང་མཁའ་ལ་མཐོས་འཇལ་འདྲ། །འོན་ཀྱང་བཀའ་ཡི་གཉེར་གཏད་ཅིང་། །ལོག་ཞེན་ཐབས་ཀྱིས་དྲང་བ་དང་། །བསྐུལ་བ་ཁྱོད་ཀྱི་དམ་ཚིག་ཀྱང་། །སྔོན་གྱི་གོ་ཆ་གྱོན་པའི་མཐུས། །མ་རྟོགས་པ་རྣམས་ཚིག་ཙམ་གྱིས། །མཚོན་ནས་རྣམ་གྲོལ་ས་དག་ལ། །བརྒྱུད་དེ་དྲང་པའི་ཐབས་ཉིད་དུ། །ཅི་རིགས་ཙམ་དུ་བགྲོ་བར་བྱ། །རང་བཞིན་ཡེ་ནས་སངས་རྒྱས་པ། །མཐོང་དང་མ་མཐོང་རྣམ་གཉིས་ལ། །དམན་པའི་སྐབས་ན་དེ་མཐོང་མིན། །མཐོང་བ་དམ་པའི་སྐབས་ནའོ། །མཐོང་བ་མངོན་ཐོས་རྣམ་གཉིས་ལ། །མཐར་ཕྱིན་དམ་པ་མངོན་སུམ་པ། །བློ་གྲོས་རྣལ་འབྱོར་སྤྱོད་ཡོན་ཅན། །ཐོས་པ་མཐོང་བར་འགྱུར་ཕྱིར་རོ། །སྟུག་པོ་བཀོད་པའི་རྒྱལ་བ་ཡང་། །ཆོས་སྐུའི་སྙིང་པོར་གྱུར་པས་ན། །དེ་ཡི་འགྲོ་བ་མི་སྨིན་ཕྱིར། །གཟུགས་སྐུ་བསྟན་ནས་ཚིག་ལམ་བརྗོད། །འདས་དང་མ་འོངས་ད་ལྟར་གྱི། །དཔག་ཏུ་མེད་པའི་དུས་རྣམས་སུ། །རྒྱལ་བ་རྣམས་ཀྱི་དགོངས་པ་གང་།ཇི་ལྟར་རྣམ་པར་བགྲོས་པ་ཉོན། །ལང་ཀའི་བདག་པོ་འདི་ལྟ་སྟེ། །དམ་པ་རྣམས་ཀྱི་དགོངས་པ་ལ་འཇུག་པར་འདོད་ན་མཛོད་དུ་འཇུག་པར་བྱའོ། །རང་བཞིན་མ་བཅོས་པར་བྱའོ། །ལྗོན་ཤིང་བསྐྱེད་པར་བྱའོ། །དམ་པར་འཇུག་པར་བྱའོ། །སྒྲོན་མ་བསྲེལ་བར་བྱའོ། །ཁྱད་པར་དུ་འགྲོ་བར་བྱའོ། །ཡུལ་ལ་འཇུག་པར་བྱའོ། །མེ་ལོང་བརྟག་པར་བྱའོ། །མཐུན་པར་འཇུག་པར་བྱའོ། །ནད་གསོ་བར་བྱའོ། །སྨྲས་པ། གསང་བ་པའི་བདག་པོ་ཆོས་ཀྱི་རྣམ་གྲངས་བཅུ་པོ་དེ་དག་ཇི་ལྟར་ཡོངས་སུ་ཤེས་པར་བགྱི། །སྨྲས་པ། ལང་ཀའི་བདག་པོ་ཆོས་ཀྱི་རྣམ་གྲངས་བཅུ་པོ་དེ་དག་ལས་དང་པོ་དམ་པ་རྣམས་ཀྱི་མཛོད་དུ་འཇུག་པར་བྱ་ན་སྒོ་གསུམ་ནས་ཞུགས་པས་གང་མེད་ལ་མི་ཟད་པའི་མཛོད་དུ་འཇུག་པ་ཉིད་དོ། །སྨྲས་པ། གསང་བ་པའི་བདག་པོ་སྒོ་གསུམ་གང་ལགས། །སྨྲས་པ། ལང་ཀའི་བདག་པོ་སྒོ་གསུམ་འདི་ལྟ་སྟེ། སྤྱོད་པས་འདྲེན་པའི་སྒོ་དང་།ཐབས་ཀྱི་སྦྱོར་སྒོ་དང་། ངེས་པའི་གསང་སྒོ་དང་གསུམ་མོ། །སྨྲས་པ། གསང་བ་པའི་བདག་པོ་སྒོ་དེ་དག་གང་གིས་འབྱེད་པ་ལགས། །སྨྲས་པ། ལང་ཀའི་བདག་པོ་སྒོ་དེ་དག་ནི་ལྡེ་མིག་གསུམ་གྱིས་འབྱེད་པར་རིག་པར་བྱའོ། །གསུམ་གང་ཞེ་ན། འདི་ལྷ་སྟེ། འབྱེད་པ་དང་། འགྲོལ་བ་དང་། འབྱིན་པའོ། །ལང་ཀའི་བདག་པོ་དེ་ཡང་འདི་ལྟ་སྟེ། ཡན་ལག་དྲུག་དང་། མདོ་བཞི་དང་། རྩ་བ་གསུམ་གྱི་ལྡེ་མིག་གིས། །རྒྱལ་བ་ཀུན་གྱི་དགོངས་པའི་མཛོད། །ངེས་པར་འབྱེད་ཅེས་རྒྱལ་བས་བཤད། །ལང་ཀའི་བདག་པོ་དེ་ལ་སྤྱོད་པའི་འདྲེན་སྒོ་ལྡེ་མིག་གསུམ་གྱིས་འབྱེད་པ་ནི་འདི་ལྟ་སྟེ། ཡན་ལག་དྲུག་དང་། མདོ་བཞི་དང་། རྩ་བ་གསུམ་མོ། །དེ་ལས་ཡན་ལག་དྲུག་གང་ཞེ་ན། རྒྱུའི་ཡན་ལག་དང་། སྦྱོར་བའི་ཡན་ལག་དང་། འབྲས་བུའི་ཡན་ལག་དང་། དངོས་གཞིའི་ཡན་ལག་དང་། གཟུང་བའི་ཡན་ལག་དང་། མཚན་ཉིད་ཀྱི་ཡན་ལག་གོ །དེ་ལ་རྒྱུའི་ཡན་ལག་གང་ཞེ་ན། འདི་ལྟ་སྟེ། འབྱུང་བའི་ཡན་ལག་དང་། །སྨིན་པའི་ཡན་ལག་གོ །ལང་ཀའི་བདག་པོ་དེ་ལ་འབྱུང་བའི་ཡན་ལག་གང་ཞེ་ན། གང་ཡོངས་སུ་ཚོགས་ན་བརྗོད་པ་འབྱུང་བ་ཉིད་ལ་བྱ་སྟེ། ཚད་མ་དང་། བློ་གྲོས་དང་། འཛིན་པ་དང་། མཆོད་རྟེན་དང་། འདུས་པ་དང་། ངེས་པའོ། །སྨིན་པའི་ཡན་ལག་ནི་གང་དམ་པར་སྨིན་པའི་རྒྱུ་སྟེ། གང་ཞེ་ན་འདི་ལྟ་སྟེ། བྱང་ཆུབ་གྱི་ཡན་ལག་དང་། ལམ་གྱི་ཡན་ལག་གོ །ལང་ཀའི་བདག་པོ་སྦྱོར་བའི་ཡན་ལག་ནི་ཡུལ་ལ་སྦྱོར་བ་སྟེ། གང་བློའི་ཡུལ་ལ་སྦྱོར་བ་དང་། སྙིང་རྗེའི་ཡུལ་ལ་སྦྱོར་བའོ། །ལང་ཀའི་བདག་པོ་དེ་ལ་བློ་ཡུལ་ལ་སྦྱོར་བ་ནི་གང་བློ་གྲོས་འབྱུང་བའི་རྩ་བ་གླེང་སློང་བ་ལ་སྦྱོར་བ་དང་། བློ་གྲོས་རྙེད་པའི་རྩ་བ་སའི་ཁྱད་པར་ལ་སྦྱོར་བ་དང་། བློ་གྲོས་ངེས་པའི་རྩ་བ་རྣམ་པ་ཐར་པ་ལ་སྦྱོར་བ་དང་། བློ་གྲོས་གཞག་པའི་རྩ་བ་དེ་ཁོ་ན་ཉིད་ལ་སྦྱོར་བའོ། །ལང་ཀའི་བདག་པོ་སྙིང་རྗེའི་ཡུལ་ལ་སྦྱོར་བ་ཡང་འདི་སྟེ་སྟེ། །གང་གི་རྒྱུ་ལ་སྦྱོར་བ་དང་། འབྲས་བུ་ལ་སྦྱོར་བ་དང་། དེ་དག་རང་བཞིན་ལ་སྦྱོར་བའོ། །ལང་ཀའི་བདག་པོ་དེ་ལ་འབྲས་བུའི་ཡན་ལག་ནི་གང་དང་འབྲེལ་བའི་དགོས་ཆེད་དམ་པ་འབྱུང་བ་སྟེ། ཐོབ་པ་དམ་པ་དེ་ཁོ་ན་ཉིད་དོ། །ལང་ཀའི་བདག་པོ་དེ་ལ་དངོས་གཞིའི་ཡན་ལག་ནི་གང་གི་དགོངས་པ་ངེས་པར་འགྲེལ་བ་སྟེ། གང་ཞེ་ན། འདི་ལྟ་སྟེ། གང་ལ་ཆོས་རྣམས་ཀྱི་དངོས་གཞི་གསུམ་དུ་བསྡུ་བ་སྟེ། གསུམ་གང་ཞེ་ན། རང་བཞིན་གྱི་དངོས་གཞི་དང་། རྩ་བའི་དངོས་གཞི་དང་། ཐམས་ཅད་གྱི་དངོས་གཞིའོ། །ལང་ཀའི་བདག་པོ་དེ་ལ་རང་བཞིན་གྱི་དངོས་གཞི་གང་ཞེ་ན། འདི་ལྟ་སྟེ་།་ ཐོས་པ་དང་། དོང་བ་དང་། གཟུང་བ་དང་། ཆུབ་པའོ། །ལང་ཀའི་བདག་པོ་རྩ་བའི་དངོས་གཞི་གང་ཞེ་ན། འདི་ལྟ་སྟེ། གདགས་པ་དང་། སྤྱོད་པ་དང་། སྐྱེ་བ་དང་། གནས་པ་དང་། བདེ་བ་དང་། ཉོན་མོངས་པ་དང་། ཡོངས་སུ་བྱང་བ་དང་། སྣ་ཚོགས་དང་། བྱེད་པ་དང་། བྱ་བ་དང་། རྒྱན་ནོ། །ལང་ཀའི་བདག་པོ་ཐམས་ཅད་ཀྱི་དངོས་གཞི་གང་ཞེ་ན། །ཀུན་ནས་ཉོན་མོངས་པ་ལ་སྣང་བ་འདི་ལྟ་སྟེ། བསྡུ་བ་དང་། འཇུག་པ་དང་། གང་ཟག་དང་། ཆོས་སོ། །ཡོངས་སུ་དག་པ་ལས་སྣང་བ་ནི་འདི་ལྟར་འདོགས་པ་དང་། རྩོལ་བ་གང་། གནས་དང་། བདེ་བ་དང་། ཐབས་དང་། ཤེས་པ་དང་། ཤེས་པའི་གནས་དང་། ནན་ཏན་དང་། ང་རྒྱལ་མེད་པ་དང་། བག་ཆགས་དང་། མངོན་དུ་བྱ་བ་དང་། བསྒོམ་པ་དང་སྙིང་པོ་དང་། རྣམ་པ་དང་། དམིགས་པ་དང་། སྤྱོད་པ་དང་། གཡེང་བ་དང་། མི་གཡེང་བ་དང་། བཙལ་བ་དང་། ཡོན་ཏན་དང་། བརྟན་པ་དང་། བསྡུ་བ་དང་། ཕྱོགས་བསྡུ་བ་དང་། རྟོག་པ་དང་། ཐོབ་པར་བྱ་བ་དང་། སྤྱིར་ཕྱིན་པ་དང་། ཡོངས་སུ་བྲི་བའོ། །ལང་ཀའི་བདག་པོ་དེ་དག་ནི་དངོས་གཞིའི་ཡན་ལག་ཅེས་བྱའོ། །ལང་ཀའི་བདག་པོ་དེ་ལ་གཟུང་བའི་ཡན་ལག་གང་ཞེ་། འདི་ལྟ་སྟེ། བླང་བ་དང་། ཕམ་པ་དང་། ལྟུང་བ་དང་། རང་བཞིན་དང་། མེད་པའི་རང་བཞིན་དང་། འབྱུང་བ་དང་། ཡོངས་སུ་གཏང་བ་ཁོ་ནར་ཤེས་པར་བྱ་སྟེ། ལང་ཀའི་བདག་པོ་དེ་དག་ནི་གཟུང་བའི་ཡན་ལག་ཅེ་བྱའོ། །ལང་ཀའི་བདག་པོ་དེ་ལ་མཚན་ཉིད་ཀྱི་ཡན་ལག་གང་ཞེ་ན། འདི་ལྟ་སྟེ། ཀུན་རྫོབ་དང་། དམ་པ་དང་། དམིགས་པ་དང་། རྣམ་པ་དང་རང་བཞིན་དང་། འབྲས་བུ་དང་།་བསྙད་པ་དང་། བར་དུ་གཅོད་པ་དང་། མཐུན་པ་དང་། ཉེས་དམིགས་དང་། ཡོན་ཏན་ནོ། །ལང་ཀའི་བདག་པོ་དེ་ལ་ཀུན་རྫོབ་གང་ཞེ་ན། འདི་ལྟ་སྟེ། གང་ཟག་དང་། བརྟགས་པ་དང་། ལས་སུ་བསྟན་པའོ། །ལང་ཀའི་བདག་པོ་དེ་ལ་དམ་པ་གང་ཞེ་ན། འདི་ལྟ་སྟེ། བྲལ་བ་དང་། བརྟན་པ་དང་། རྫོགས་པའོ། །དམིགས་པ་ནི་ཐམས་ཅད་དུ་བསྟན་པའོ། །རྣམ་པ་ནི་ཐམས་ཅད་དུ་བརྟགས་པ་སྟེ། བདེན་པ་དང་། གཞག་པ་དང་། ཉེས་པ་དང་། ཡོན་ཏན་དང་། ཚུལ་དང་། འཇུག་པ་དང་། རིགས་པ་དང་། བསྡུས་པ་དང་། རྣམ་པར་སྒྲོས་པའོ། །ལང་ཀའི་བདག་པོ་དེ་ལ་བདེན་པ་ནི་གང་ཞེ་ན། དེ་ཁོ་ན་ཉིད་གང་ཡིན་པའོ།གཞག་པ་ནི་གང་ཟག་དང་། བརྟགས་པ་དང་། གཅིག་པ་དང་། དབྱེ་བ་དང་། དྲི་བ་དང་། གཞག་པ་དང་། རྣམ་པར་གཞག་པ་དང་། གསང་བ་དང་། བསྙད་པ་དང་། ལུང་བསྟན་པ་གཞག་པའོ། །ལང་ཀའི་བདག་པོ་ཉེས་པ་གང་ཞེ་ན། ཀུན་ནས་ཉོན་མོངས་པའི་རྣམ་གྲངས་སོ། །ཡོན་ཏན་གང་ཞེ་ན། ཡོངས་སུ་བྱང་བའི་རྣམ་གྲངས་སོ། །ལང་ཀའི་བདག་པོ་ཚུལ་གང་ཞེ་ན། དོན་དང་ཐོས་པ་དང་། བཤད་པ་དང་། མཐའ་སྤོང་པ་དང་། བསམ་གྱིས་མི་ཁྱབ་པ་དང་། དགོངས་པའོ། །ལང་ཀའི་བདག་པོ་འཇུག་པ་གང་ཞེ་ན། དུས་དང་། འདུས་པ་དང་། རྐྱེན་རྣམས་སོ། །ལང་ཀའི་བདག་པོ་རིགས་པ། གང་ཞེ་ན། འདི་ལྟ་སྟེ། ལྟོས་པ་དང་།བྱ་བ་བྱེད་པ་དང་། བསྒྲུབ་པ་དང་། ཆོས་ཉིད་དོ། །ལང་ཀའི་བདག་པོ་དེ་ལ་ལྟོས་གང་ཞེ་ན། གང་འདུས་པ་དག་སྐྱེ་བ་དང་། ཐ་སྙད་ཀྱི་ཕྱིར་རྒྱུ་དང་རྐྱེན་དུ་གྱུར་པའོ། །བྱ་བ་བྱེད་པ་གང་ཞེ་ན། དེ་ལ་ཆོས་གང་ཐོབ་པའི་ཕྱིར་རམ། །གྲགས་པ་འམ། སྐྱེས་ནས་ལས་སུ་བྱ་བའི་ཕྱིར་རྒྱུ་དང་རྐྱེན་དུ་གྱུར་པའོ། །བསྒྲུབ་པ་གང་ཞེ་ན། དེ་ལ་གང་གོ་ཆ་བགོས་པ་སྟེ། གང་སྲ་བ་དང་། གང་ངེས་པ་ཤེས་པར་བྱ་བའི་ཕྱིར་རྒྱུ་དང་རྐྱེན་དུ་གྱུར་པ་རྣམས་སོ། །ལང་ཀའི་བདག་པོ་དེ་ཡང་འདི་ལྟར་དག་པ་དང་། མ་དག་པ་ལ་གང་དག་པ་ནི་དམིགས་པ་དང་། གནས་པ་དང་། དཔེ་དང་། གྲགས་པ་དང་། ངེས་པའོ། །ལག་ཀའི་བདག་པོ་དེ་ལ་ཐམས་ཅད་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་ནི་དམིགས་པའོ། །ཐམས་ཅད་དུ་སྐད་ཅིག་མ་དང་། གཞན་ཡོད་པ་དང་། ལས་རྣམས་མི་རྟག་པ་དང་། ལས་ལ་གནས་པ་དང་། དེའི་འབྲས་བུ་ལ་གནས་པ་ནི་གནས་པའོ། །ཐམས་ཅད་ལ་གྲགས་པ་ནི་གྲགས་པ་ཉེ་བར་སྦྱོར་ཞིང་དམིགས་པ་ཉེ་བར་སྦྱར་བ་ནི་དཔེའོ། །དེ་དག་གྲགས་པ་ནི་གྲགས་པའོ། །གང་གི་ཚད་མས་ཚད་མ་ཉིད་དུ་སྣང་བ་ནི་ངེས་པའོལང་ཀའི་བདག་པོ་དེ་ཡང་འདི་ལྟར་བྱུང་བ་དང་། བརྟགསཔ་དང་། གཅོད་པ་དང་། བྲལ་བ་དང་། སྣང་བས་ན་ཚད་མར་ངེས་པའོ། །དེ་ནི་མངོན་སུམ་དང་། དཔག་པ་དང་། ཚད་མས་དག་པའོ། །ལང་ཀའི་བདག་པོ་མ་དག་པ་ནི་འདི་ལྟར་གཞན་དང་མཐུན་པ་དང་། མི་མཐུན་པ་དང་། ཐམས་ཅད་དང་མཐུན་པ་དང་མི་མཐུན་པ་དང་། གཞན་གྱི་དཔེ་ཉེ་བར་སྦར་བ་དང་། མ་གྲགས་པ་དང་། མ་ངེས་པ་དག་གོ །ལང་ཀའི་བདག་པོ་དེ་ལ་ཡོངས་སུ་དག་པའི་མཚན་ཉིད་ལྔ་པ་མ་ཡིན་པའི་ཚད་མ་གཞན་མཐུན་པར་དམིགས་པ་དང་། འདུས་བྱས་ཀྱི་མཚན་ཉིད་མི་རྟག་པ་ལ་སོགས་པ་ཇི་ལྟ་བ་རྟག་པ་དང་། བདག་ལ་སོགས་པ་གཞན་དུ་དམིགས་ཏེ་ཕྱིན་ཅི་ལོག་བཞིར་ལྟ་བས་དུས་མ་བྱས་ཀྱི་མཚན་ཉིད་དང་མཐུན་པར་དམིགས་པ་འདི་ནི་མཐུན་པའོ། །ཚད་མ་གཞན་དང་མི་མཐུན་པ་དང་། ཡུལ་གྱི་མཚན་ཉིད་གཞན་དང་མི་མཐུན་པ་འདི་ནི་གཞན་དང་མི་མཐུན་པའོ། །ཐམས་ཅད་ཡིད་ཀྱི་བྱ་བ་དག་གོ་ཞེས་བྱ་བ་ནི་ཐམས་ཅད་དང་མཐུན་པའོ། །མི་མཐུན་པ་གང་གཅིག་གི་མི་མཐུན་པས་ཕན་ཚུམ་མི་མཐུན་པ་ཞེས་བྱ་བ་འདི་ནི་མི་མཐུན་པའོ། །ལང་ཀའི་བདག་པོ་གཞན་ཡང་མཐུན་པ་དཔེ་དང་སྦྱར་བ་ལ་མི་མཐུན་པ་ཡོད་པས་དེ་ནི་མ་ངེས་པའི་ཞེས་བྱ་བ་ནི་གྲགས་པའོ། །མི་མཐུན་པ་དཔེ་དང་སྦྱར་བ་ལ་མཐུན་པ་ཡོས་པས་དེ་ནི་མ་ངེས་པའོ་ཞེས་བྱ་བ་ནི་དེ་ཡང་མ་གྲགས་པའོ། །གང་མ་གྲགས་པས་གང་གིས་བརྟགས་པ་མ་དག་པའོ། །གང་རང་བཞིན་གྱིས་མ་དག་པ་ནི་མ་ངེས་པའོ། །ལང་ཀའི་བདག་པོ་དེ་དག་ནི་བསྒྲུབ་པའོ། །ལང་ཀའི་བདག་པོ་ཆོས་ཉིད་གང་ཞེ་ན། །གང་དུ་མ་བཅོསཔ་ཉིད་དོ། །ལག་ཀའི་བདག་པོ་གང་དུ་བསྡུས་པ་དང་། རྣམ་པར་སྤྲོས་པས་ནི་ཐམས་ཅད་ཀྱང་བསྡུས་ཏེ། གཅིག་ལ་ཁྱད་པར་གྱིས་ཕྱེ་སྟེ་མཐར་ཕྱིན་པའོ། །ལང་ཀའི་བདག་པོ་དམིགས་པ་ནི་འཛིན་པའོ། །རྣམ་པ་ནི་དབྱེ་བའོ། །བྱང་ཆུབ་ནི་རང་བཞིན་ནོ། །གང་སྤངས་པས་གང་ཐོབ་པ་ནི་འབྲས་བུའོ། །གང་ཆུབ་ཅིང་གང་ལ་བརྗོད་པ་ནི་བསྙད་པའོ། །གང་གི་ཕྱོགས་དང་མི་མཐུན་པ་ནི་བར་དུ་གཅོད་པའོ། །གང་གི་ཕྱོགས་ལ་ནན་ཏན་དུ་བྱེད་པ་ནི་མཐུན་པའོ། །གང་དང་མི་མཐུན་པའི་དབང་དུ་ཇེན་པ་ནི་ཉེས་དམིགས་སོ། །གང་དུ་མཐུན་པར་ཇེན་པ་ནི་ཡོན་ཏན་ནོ། །ལང་ཀའི་བདག་པོ་དེ་དག་ནི་མཚན་ཉིད་ཀྱི་ཡན་ལག་སྣི།ཡན་ལག་དྲུག་པོ་དེ་དག་ནི་འབྱེད་པའི་ལྡེ་མིག་སྟེ། གང་སྤྱོད་པས་འདྲེན་པའི་སྒོ་གང་ཡིན་པ་དེ་ནི་དེས་འབྱེད་ཅིང་གང་དེ་ཉིདདུ་དགོངས་པ་ངེས་པར་འགྲེལ་ཏོ། །ལང་ཀའི་བདག་པོ་དེ་ལ་མདོ་བཞི་གང་ཞེ་ན། འད་ལྷ་སྟེ། དགོངས་པ་གཞན་གྱི་མདོ་དང་། ལྡེམ་པོར་ངག་གི་མདོ་དང་། མཐུན་འཇུག་སྦྱོར་བའོ་མདོ་དང་། དོན་དམ་ངེས་པའི་མདོའོ། །ལང་ཀའི་བདག་པོ་དེ་ལ་དགོངས་པ་གཞན་པའི་མདོ་འདི་ལྟ་སྟེ། རང་བཞིན་དང་། དུས་དང་། དོན་དང་། ཡུལ་ལ་དགོངས་པའི་ལང་ཀའི་བདག་པོ་དེ་ལ་རང་བཞིན་ནི་འདི་ལྟར། ཇི་ག་ཁྱད་པར་དུ་སྣང་བ་ལ་གང་དེ་ལྟར་རྟོག་པ་ཞེན་པ་དག་བསལ་བའི་ཕྱིར་རང་བཞིན་ལ་དགོངས་ཏེ། །དེ་གང་ཡིན་པ་ནི་འདི་ཉིད་དོ་ཞེས་གཅིག་ཏུ་ཞལ་གྱིས་རྩལ་བའོ། །ལང་ཀའི་བདག་པོ་དུས་ནི་འདི་ལྟར་སྒྱིད་ལུག་པ་གང་དག་མངོན་པར་སྤྲོ་བ་བསྐྱེད་པའི་ཕྱིར་གང་གི་རྒྱུ་འབྲས་མི་སླུ་བ་ལ་དགོངས་ཏེ། གྱིན་ད་ཙམ་འདིས། མྱུར་བ་ཉིད་དུ་འགྱུར་རོ་ཞེས་སྟོན་པའོ། །ལང་ཀའི་བདག་པོ་དོན་འདི་ལྟར། །གང་གིས་གང་ལ་རློམ་སེམས་པ། །དེ་ཡི་མུན་པ་བསལ་བའི་ཕྱིར། །གང་གིས་མཐོང་ལམ་མ་ཐོབ་པ། །དེ་ཉིད་མི་མཐོང་ལ་དགོངས་ཏེ། འདི་དག་ནི་དཔག་ཏུ་མེད་པའི་དམ་པས་མ་བསྙད་པར་ཤེས་པར་མི་ནུས་སོ་ཞེས་སྒོའོ། །ལང་ཀའི་བདག་པོ་ཡུལ་ལ་དགོངས་པ་ནི་འདི་ལྟར་གང་ཕྱོགས་གཅིག་ཙམ་གྱིས་ཆོག་པར་འཛིན་པ་དག་བློ་སྐྱེ་བའི་ཕྱིར་གང་གི་ཕྱོགས་ཀུན་བཀོད་དེ་ཡོངས་སུ་བསྔགས་པ་བརྗོད་ཅིང་ཕྱོགས་གཅིག་གིས་མི་ཆོག་པ་ལ་དགོངས་ཏེ། སྔོནདུ་གོམས་པའི་ཕྱོགས་ལ་སྨོད་པའོ། །ལང་ཀའི་བདག་པོ་དེ་ལ་ལྡེམ་པོ་དག་གི་མདོ་ནི་འདི་ལྟ་སྟེ། སྦྱོར་བ་དང་། དབྱེ་བ་དང་། ཟིལ་གྱིས་གནོན་པ་དང་། སླུ་བའོ། །ལང་ཀའི་བདག་པོ་དེ་ལ་སྦྱོར་བ་ནི་གང་འདི་ལྟར་གང་སྐྲག་ཅིག་དངངས་པ་དང་། ཆི་ཆད་པར་རྩོལ་བ་དང་། གང་མངོན་པར་ཞེན་པ་དག་ཅི་ལ་ཡང་མི་འཇུག་པ་དེ་དག་གང་གི་དོན་ལ་ངེས་པར་གཞུག་པའི་ཕྱིར་གང་དང་གང་གི་འབྲས་བུ་ཡོད་པ་དང། ཀུན་ཀྱང་རང་བཞིན་མེད་པ་ལ་དགོངས་ཏེ་ཐམས་ཅད་ཡོད་དོ་ཞེས་བྱ་བ་དང་། སྟོང་པ་ཉིད་དོ་ཞེས་གང་གི་འདུ་ཤེས་གཞུག་པའི་ཕྱིར་རོ། །ལང་ཀའི་བདག་པོ་དབྱེ་བ་ནི་འདི་ལྟར་གང་དང་གང་ལ་མོས་པ་དེ་ལྟར་ཀུན་བཏགས་པ་དངོས་པ་མེད་པར་བཤད་པ་དང་། གཞན་གྱི་དབང་རྟེན་ཅིང་འབྲེལ་བར་འབྱུང་བ་བཤད་པ་དང་། ཡོངས་སུ་གྲུབ་པ་མི་འགྱུར་བ་ཕྱིན་ཅི་ལོགཔར་བཤད་པ་གསུམ་ལ་དགོངས་ཏེ་གསུམ་བསྟན་པའོ། །ལང་ཀའི་བདག་པོ་ཟིལ་གྱིས་གནོན་པ་ནི་འདི་ལྟར་གང་ཕུནསུམ་ཚོགས་པའིགྲགས་པ་དག །རྫོགསལོངས་སྤྱོདཔ་དག་བསྟན་པས་ཟིལ་གྱིས་གནོན་པའི་ཕྱིར་གཉེན་པོར་གྱུར་པས་འདུལ་བར་དགོངས་ཏེ་རྒྱ་ཆེན་པོ་དག་སྟོན་པའོ། །ལང་ཀའི་བདག་པོ་སླུ་བ་ནི་འདི་ལྟར་གང་འདུ་ཤེས་ལོག་པ་དག་སྦས་པའི་ཐབས་ཀྱིས་ངེས་པར་བསྒྱུར་བའི་ཕྱིར་དོན་མི་འགྱུར་བ་ལ་དགོངས་ཏེ་རྒྱུ་གཞན་དུ་སྟོན་པའོ། །ལང་ཀའི་བདག་པོ་དེ་ལ་མཐུན་འཇུག་སྐྱོར་བའི་ལུང་འདི་ལྟ་སྟེ། རང་རྐྱེན་གཉེར་གྱི་ལུང་དང་། ཐབས་འཛུད་བསྲེ་བའི་ལུང་དང་། ཆ་མཐུན་སྦྱོར་བའི་ལུང་དང་། གདམས་ངགནན་ཏན་གྱི་ལུང་ངོ་། །ལང་ཀའི་བདག་པོ་འདི་ལ་རང་རྐྱེན་གཉེར་གྱི་ལུང་ནི་འདི་ལྟར་གང་ལ་གང་ལྟར་རྐྱེན་དུ་འཚམ་པ་དེ་ལ་དེ་ལྟར་ཉིད་སྟོན་པའོ། །ཐབས་འཛུད་བསྲེ་བའི་ལུང་ནི་འདི་ལྟར་གང་བསྡུ་བའི་ཐབས་ཀྱིས་གང་གི་ཆ་དང་འདྲེན་མས་དེ་དག་བསྒྱུར་བའོ། །ཆ་མཐུན་སྦྱོར་བ་ནི་འདི་ལྟར་གང་གི་ཆ་བཞིན་སྤྱོད་པས་འདི་ལྟར་སྦྱོར་བའོ། །གདམས་ངག་ནན་ཏན་གྱི་ལུང་ནི་འདི་ལྟར་གང་ལ་གང་གཅེས་སྤྲས་བྱས་ཏེ་འཇོག་པའོ། །ལང་ཀའི་བདག་པོདེ་ལ་དོན་དམ་ངེས་པའི་ལུང་ནི་འདི་ལྟ་སྟེ། དོགས་པ་དང་། ངེསཔ་དང་། ངོ་བོ་དང་། གལ་པོའོ། །ལང་ཀའི་བདག་པོ་དེ་ལ་དོགས་པ་གང་ཞེ་ན། འདི་ལྟ་སྟེ། གང་བྱུང་བ་དག་གང་གི་ཕྱིར་བརྟགས་ཏེ། དེ་ལྟར་དེའི་ཕྱིར་ངོས་ཟིན་པའོ། །ངེས་པ་ནི་འདི་ལྟར་གང་ལ་གཏན་ལ་ཕབ་པ་དེའི་ངེས་པ་རྙེད་པའོ།རང་གི་ངོ་བོ་ནི་འདི་ལྟར་གང་བརྟགས་པ་བརྗོད་པའི་དངོས་གཞིའོ། །གལ་པོ་ནི་འདི་ལྟར་གང་ལ་གང་གིས་གལ་དུ་གཏོང་བ་ཉིད་དོ། །ལང་ཀའི་བདག་པོ་དེ་དག་ནི་ངེས་པ་དམ་པའི་ལུང་སྟེ། མདོ་བཞི་པོ་དེ་དག་ནི་དགྲོལ་བའི་ལྡེ་མིག་སྟེ། གང་སྤྱོད་པས་འདྲེན་པའི་སྒོ་གང་ཡིན་པ་དེ་ནི་དེས་དགྲོལ་ཞིང་གང་དེ་ཉིད་དུ་གསལ་བར་བྱེད་པའོ། །ལང་ཀའི་བདག་པོ་དེ་ལ་རྩ་བ་གསུམ་གང་ཞེ་ན། འདི་ལྟ་སྟེ། བློའི་རྩ་བ་དང་། གྲོས་ཀྱི་རྩ་བ་དང་། ཐབས་ཀྱི་རྩ་བའོ། །ལང་ཀའི་བདག་པོ་དེ་ལ་བློའི་རྩ་བ་ནི་འདི་ལྟར་ཇི་བཞིན་པའི་དེ་བཞིན་ཉིད་དུ་མི་རྟོག་རྣམ་པར་མི་རྟོག་ལྷན་ནེ་བའོ། །ལང་ཀའི་བདག་པོ་གྲོས་ཀྱི་རྩ་བ་ནི་འདི་ལྟ་གང་ཐམས་ཅད་ནས་ཐམས་ཅད་དུ་མ་འདྲེས་པ་ལ་མ་རྨོངས་པ་ཉིད་ས་ལེ་བའོ། །ལང་ཀའི་བདག་པོ་ཐབས་ཀྱི་རྩ་བ་ནི་འདི་ལྟར་གང་ཡོངས་སུ་རྫོགས་པ་ལ་རྣམ་པར་དག་པ་ཉིད་དོ། །ལང་ཀའི་བདག་པོ་དེ་དག་ནི་རྩ་བ་སྟེ། རྩ་བ་གསུམ་པོ་འདི་དག་ནི་འབྱེད་པའི་ལྡེ་མིག་ཅེས་བྱ་སྟེ། གང་སྤྱོད་པས་འདྲེན་པལི་སྒོ་གང་ཡིན་པ་དེ་ནི་དེས་འབྱེད་ཅིང་དེ་ཉིད་དུ་གསལ་བར་བྱེད་དོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བཀོད་པ་རྣམ་པར་འགྲེལ་པའི་ལེའུ་སྟེ་བཞི་བཅུ་ལྔ་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་ལ་སྒོ་གཉིས་ཀྱི་དྲི་བ་ཡོངས་སུ་དྲིས་པ།ཀྱེ་གསང་བ་པའི་བདག་པོ་གང་སྒོ་གཉིས་འབྱེད་ཅིང་། །རྣམ་པར་འགྲེལ་པ་ཇི་ལྟར་འབྱེད་པ་ལགས། །སྨྲས་པ། ལང་ཀའི་བདག་པོ་སྒོ་གཉིས་ནི་འདི་ལྟར་འདི་ཡང་སྡེ་མིག་གསུམ་གྱིས་རྣམ་པར་འབྱེད་ཅིང་གསལ་བར་བྱེད་པ་སྟེ། ཐུན་མོང་གི་ཡན་ལག་དང་མདོ་དང་རྩ་བའོ། །གང་འདི་ལྟར་ཡན་ལག་དྲུག་ནི་འདི་ལྟ་སྟེ། བྱ་བའི་ཡན་ལག་དང་། ཐབས་ཀྱི་ཡན་ལག་དང་། སྦྱོར་བའི་ཡན་ལག་དང་། སྤྱོད་པའི་ཡན་ལག་དང་།རིག་པའི་ཡན་ལག་དང་། རྫོགས་པའི་ཡན་ལག་གོ །ལང་ཀའི་བདག་པོ་ཡན་ལག་དྲུག་པོ་འདི་དག་ཀྱང་གཅིག་ཏུ་ཡན་ལག་བཅུ་གཉིས་ཀྱི་ཡོངས་སུ་རྫོགས་ཤིག་ཡན་ལག་དྲུག་གིས་གསལ་བར་འགྲེལ་པ་སྟེ། བཅུ་གཉིས་གང་ཞེ་ན། འདི་ལྟ་སྟེ། སྒོའི་ཡན་ལག་དང་། དམ་པའི་ཡན་ལག་དང་། ངེས་པའི་ཡན་ལག་དང་། བསམ་པའི་ཡན་ལན་དང་། དམིགས་པའི་ཡན་ལག་དང་། བཟླས་པའི་ཡན་ལག་དང་། སྦྱོར་བའི་ཡན་ལག་དང་། སྤྱོད་པའི་ཡན་ལག་དང་། ཐོབ་པའི་ཡན་ལག་དང་། འདྲེན་པའི་ཡན་ལག་དང་། གནས་པའི་ཡན་ལག་དང་། སའི་ཡན་ལག་དང་། ལྟ་བའི་ཡན་ལག་གོ །ལང་ཀའི་བདག་པོ་དྲུག་གང་ཞེ་ན། འདི་ལྟ་སྟེ། རྒྱུའི་ཡན་ལག་དང་། རྩ་བའི་ཡན་ལག་དང་། འབྲེལ་བའི་ཡན་ལག་དང་། འདྲེན་པའི་ཡན་ལག་དང་། ངེས་པའི་ཡན་ལག་དང་། སྦྱོར་བའི་ཡན་ལག་གོ །ལང་ཀའི་བདག་པོ་འདི་དག་ནི་གང་ཐམས་ཅད་ནས་ཐམས་ཅད་དུ་ཐུན་མོང་དུ་ཤེས་པར་བྱའོ། །ལང་ཀའི་བདག་པོ་དེ་དག་ནི་ཡན་ལག་སྟེ། གང་སྒོ་དེ་དག་དེ་དག་གིས་འབྱེད་ཅིང་གསལ་བར་འགྲེལ་པར་ཤེས་པར་བྱའོ། །ལང་ལའི་བདག་པོ་དེ་ལ་མདོ་གང་ཞེ་ན་།་ འདི་ལྟ་སྟེ། སྐྱེ་བ་མེད་པ་དང་། །མཉམ་པ་ཉིད་དང་། ཇི་བཞིན་པ་དང་། བཙལ་བ་མེད་པར་ལུང་སྟོན་པའོ། །ལང་ཀའི་བདག་པོ་དེ་དག་ནི་གཞན་གྱི་སྐྱེ་བ་མེད་པ་དང་། མཉམ་པ་ཉིད་དང་། ཇི་བཞིན་པ་དང་།བཙལ་བ་མེད་པ་དང་། མ་འདྲེས་པ་གང་ཡིན་པ་དེ་ཁོ་ན་ཉིད་དོ། །ལང་ཀའི་དག་པོ་དེ་ལ་རྩ་བ་གང་ཞེ་ན། འདི་ལྟ་སྟེ། དེ་ཁོ་ན་ཉིད་གང་ཡིན་པ་དང་། དམ་པར་ངེས་པ་དང་། ཡོངས་སུ་ཟིན་པའོ། །ལང་ཀའི་བདག་པོ་དེ་དག་ནི་རྩ་བ་སྟེ། དེས་སྒོ་དེ་དག་གི་ཇི་ལྟ་བ་ངེས་པར་འབྱིན་པར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བསྡུ་རྣམ་པར་འགྲེལ་པའི་ལེའུ་སྟེ་བཞི་བཅུ་དྲུག་པའོ།། །།དེ་ནས་ཡང་གསང་བ་པའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་དག་ལས་ཁྱད་པར་དུ་ངེས་པའི་གསང་སྒོ་ལྡེ་མིག་གསུམ་གྱིས་འབྱེད་པ་ཡང་འདི་ལྟ་སྟེ། དམ་པ་རྣམས་གྱི་གསང་བའི་སྒོ། །ཡན་ལག་མདོ་དང་རྩ་བ་ཡི། །འབྱེད་འགྲོལ་ངེས་པར་འབྱིན་པ་ཡིས། །དེ་ཉིད་ངེས་པར་མཐོང་བའོ། །འབྱེད་པ་རྒྱུ་དང་རྩ་བ་དང་། །འབྲེལ་པའི་ཚིག་དང་ངེས་པ་དང་། །སྦྱོར་བས་ཡན་ལག་རྫོགས་པ་ཡིན།།བརྗོད་འབྱུང་ཀུན་ལ་ངེས་པར་འགྲོ། ཁུ།་བཞི་གང་བྱུང་ཆེད་ཕྱིར་ན། ་།་ཡི་ངོ་བོ་བྱིན་གྱིས་བརླབས།།ལུང་བསྟན་ཉིད་དུ་ངེས་པར་སྣང་།།རྩ་བའི་ཡན་ལག་གང་དག་གིས། །མདུན་བསུ་གུས་དང་དྲི་བ་དྲིས།སྐབས་ལས་གླེང་དུ་ལངས་པའོ། །འབྲེལ་བ་ཡན་ལག་རྣམ་པ་བཞི། །རྗོད་དང་བརྗོད་བྱ་འབྲེལ་དགོངས་ལས། །ཐ་མ་གཉིས་བཞིར་འདྲེན་པའོ། །འདྲེན་པ་གང་འདིར་རྣམ་པ་བཅུ། །ལྟ་ཉིད་དེ་བཞིན་སྒོ་འབྱེད་དང་།སྤྱིར་སྡུད་པ་དང་འབྱོར་པར་འདྲེན། །རང་རྐྱེན་ལྡེམ་དགོངས་གལ་པོ་ཉིད། །མ་བཅོས་དེ་ཉིད་མཚོན་པའི་དཔེ། །ཆོ་རོལ་སྣྲེལ་ཞི་རྣམ་པ་བཅུ། །མེ་ལོང་བཅུ་དང་རྣམ་སྦྱོར་བས། །སྒྲོན་མས་མུན་པའི་རྫས་ཚོལ་སྦྱར།ངེས་པ་བཞི་བཞི་བཞིར་སྦྱར་བས། །བཅུ་གཉིས་ཡན་ལག་བཞིར་ཀུན་སྣང་། །སྦྱོར་བ་བཞི་པ་ལྔ་གཉིས་བཞི། ཡན་ལག་ལྔར་སྣང་དེ་སྦྱར་ལྔ། །རྟོག་འཇུག་དྲུག་ཅུ་གཅིག་ཐབས་དང་། །ཡན་ལག་དྲུག་ཏུ་རྫོགས་པའོ། །ལང་ཀའི་བདག་པོ་གང་འདིར་ཡན་ལག་དྲུག་ནི་འདི་ལྷ་སྟེ། རྒྱུའི་ཡན་ལག་དང་། རྩ་བའི་ཡན་ལག་དང་། འབྲེལ་པའི་ཡན་ལག་དང་། འདྲེན་བའི་ཡན་ལག་དང་། ངེས་བའི་ཡན་ལག་དང་། སྦྱོར་བའི་ཡན་ལག་གོ །ལང་ཀའི་བདག་པོ་དེ་ལ་རྒྱུའི་ཡན་ལག་ནི་གང་འབྱུང་བའི་རྒྱུར་གྱུར་པ་སྟེ། འདི་ལྟ་སྟེ། ཡོངས་སུ་རྫོགས་པ་དྲུག་གོ །ལང་ཀའི་བདག་པོ་དེ་ཡང་འདི་ལྷར་འདི་སྐད་བདག་གིས་ཐོས་པ་ཁོ་ན་ཉིད་ངེས་པར་སྣང་བའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐུགས་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བ་ཐ་སྙད་དང་བྲལ་བ། །བླ་དྭགས་ཐམས་ཅད་ལས་འདས་པ། ནམ་མཁའ་ཆེན་པོ་ཀུན་ལ་ཁྱབ་པའི་བདག་ཉིད་མངོན་སུམ་མི་གནས་མཚོན་དུ་མེད་པ་ཡོངས་སུ་རྫོགས་པའི་རྒྱལ་པོ་དེས་ཡོངས་སུ་ཁྱབ་པའི་གནས་རྫོགས་པའི་སྤྱིར་ཆིབ་ཅེས་བྱ་བ་ནམ་མཁའི་དབྱིངས་བདེ་བ་ཆེན་པོའི་ངང་། ཐམས་ཅད་སངས་རྒྱས་པ་མཁྱེན་པར་དགོད་པ། ཀུན་གཞི་ཆོས་ཀྱི་ཕོ་བྲང་ཡེ་འབྱམ་རྨད་དུ་གྲགས་པ། རྒྱ་ཕྱོགས་སུ་ཡོངས་སུ་མ་ཆད་པ། ཆོས་ཉིད་ཀྱི་ནམ་མཁའ་བརྗོད་དུ་མེད་པ་ལ་ཡེ་ཤེས་ཀྱི་ཉི་མ་དཔག་ཏུ་མེད་པར་ཤར་བ། མཐའ་དང་དབུས་མེད་ཅིང་ཀུན་དུ་རྒྱ་མཉམ་པ་བདལ་ཁྱབ་ཆེན་པོ་ཞེས་བྱ་བའི་ཞིང་ཁམས་ན། གང་དུ་ཡང་མི་གནས་པ་ཆེན་པོ། །གང་ལ་ཡང་མི་ཆགས་ཆགས་པའི་བདག་ཉིད། ཅི་ལ་ཡང་མི་མཛད་མཛད་པ་ཐམས་ཅད་ལྷུན་གྱིས་གྲུབ། །མི་སྐྱེས་མི་འགག་རྣམ་གྲོལ་རྣམ་དག དངོས་པོར་མ་ཡིན་ནམ་མཁའིརངབཞིན། མབཅོསམབྱས་ཡེ་ནས་ཇི་བཞིན། འཁོར་བ་མི་སྤོང་ཡེ་བདལ་ཁྱབ་པ། དུག་གསུམ་མི་སྤོང་སྨན་པ་ཆེན་པོ། ཅིར་ཡང་མི་དམིགས་དམིགས་པ་ཀུན་འབྱུང་། ཚིག་གི་ལམ་ཆད་བརྗོད་པར་ཀུན་འབྱུང་། གང་དང་མ་འདྲེས་གཅིག་ཏུ་ཡོངས་སུ་རྫོགས་པ། ཀུན་ནས་ཀུན་དུ་ངང་བཟང་པོ་མི་ནུས་པའི་ཏོག་ཆེན་པོར་ཡེ་ཤེས་བརྗོད་ཀྱིས་མི་ལང་བའི་ཡང་མི་ལང་བ་དང་འདུ་འབྲལ་མེད་པར་ཀུན་དུ་འུབ་ཆུབ་སྟེ། དངོས་པོ་མེད་པའི་ངོ་བོ་ཉིད་དུ་བཞུགས་སོ། །གསང་བའི་སྙིང་པོ་དེ་ཁོ་ན་ཉིད་ཀྱི་ཚིག་འདི་སྐད་མཐུན་འཇུག་ཐབས་སུ་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་གསང་བ་མཆོག་གི་བདག་པོ་དེ་བླང་དོར་མི་མངའ་བྱིན་གྱིས་བརླབས་ཀྱི་དབང་ཕྱུག འདོད་པ་ཀུན་འབྱུང་མི་ཟད་མཛོད་ཀྱི་བཀོད་པ། ཆེ་བ་ཀུན་སྤྱོམ་དམ་པར་རོལ་པའི་གཟི་བརྗིད་དང་། བརླབས་སུ་གཅོད་པའི་སྤྱོད་པ་ཆེན་པོས་སྐྱོད་པ་དེ་རྨད་དུ་བྱུང་དོན་འདི་ཉིད་གླེང་བའི་གནས། ཚོགས་ཆེན་རྫོགས་པའི་གཞི། རྩལ་ཆེན་རྫོགས་པའི་ས། བདེ་བ་ཅན་ཞེས་བྱ་བའི་ཞིང་ཁམས་ན་འོག་མིན་ཆོས་ཀྱི་དབྱིངས་ཀྱི་ཕོ་བྲང་རིན་པོ་ཆེ་སྣ་ཚོགས་ཀྱི་གཞལ་ཡས་ཁང་མཐའ་དང་དབུས་མེད་ཅིང་རྩེ་མོ་ཀུན་ཏུ་རྒྱ་མཉམ་པ། རིན་པོ་ཆེའི་རྒྱལ་པོས་རྣམ་པར་བརྒྱན་པ། མུ་ཏིག་གི་ལྕང་ལོ་དང་། ཆུན་འཕྱང་དང་། ལྡ་ལྡིས་མཛེས་པ། རྩིབས་ཀུན་དུ་ཉི་མ་དང་ཟླ་བ་རངས་པ་དང་། མ་རངས་པ་འཕྱོ་བས་གསལ་གཏབ་ཅིང་འཕྲ་བཀོད་པ། སྐར་མ་དང་ཤིན་ཏུ་སྐར་མ་དག་གིས་གཟེར་སྤྲས་པ། རིན་པོ་ཆེའི་ཀ་བ་བརྒྱད་ཟུག་པ། ཉི་མ་དང་ཟླ་བས་བརྒྱན་པ། རིན་པོ་ཆེའི་ཀ་རྒྱན་ལས། རིན་པོ་ཆེའི་གཙར་དང་འོད་ཟེར་ཀུན་དུ་འཕྲོ་བ། གདུང་ཆེན་པོ་བརྒྱད་རེའུ་རེས་བྲེས་པ། ཆོས་ཉིད་ཀྱི་བླ་རེ་ལ་རྡོ་རྗེའི་ཤར་བུ་བྱུང་བ། རྫུ་འཕྲུལ་གྱི་སྤྲིན་ཕུང་གཏིབས་པ། །བྱང་ཆུབ་ཀྱི་ཆར་མངོན་པར་འབབ་པ། ཉོན་མོངས་པའི་གདུང་བ་སངས་པར་གྱུར་པ་།་ ཡེ་ཤེས་ཀྱི་མྱུ་གུ་མངོན་པར་བསྐྱེད་པ་དང་། ཆོས་ཉིད་སྒྲ་མངོན་པར་སྒྲོགས་པ་ལས་ཀུན་གཞི་ཡེ་འབྱམ་རྨད་དུ་གྲགས་པའི་གླེང་སློང་བ། ཚིག་གི་བརྗོད་པ་དང་བྲལ་ཞིང་བཞིན་དང་མེ་ལོང་གི་ཚུལ་ལྟར་སྣང་བ།གཞལ་ཡས་ཀང་རྡོ་རྗེ་མངོན་པར་དགའ་བ། རྡོ་རྗེ་རྣམ་པར་བརྒྱན་པ། རིན་པོ་ཆེ་སྣ་ཚོགས་ལ་གྲུབ་པ། གསེར་གྱི་ས་གཞི་བདལ་བ། མེ་ལོང་ངམ། ཆུ་ཤེལ་ལམ། ཆུ་དངས་པའམ། གསེར་ཤིན་ཏུ་སྦྱངས་པ་ལྟར་མཉམ་ཞིང་སྙོམས་ལ་གསལ་ཞིང་འཚེར་བ་ལས་གཟུགས་བརྙན་བྱུང་བ། ནེམ་པ། འཕར་བ། འཇམ་པ། དག་པ། དང་བ། ལྡེམ་པ། མཉེན་པ། འབར་བ། འཕྲོ་བ། རྟོག་པ་མེད་པ། རིན་པོ་ཆེ་སྣ་ཚོགས་ཀྱི་འོད་རང་བཞིན་གྱིས་བྱུང་ཞིང་ཟེར་ཀུན་ཏུ་འཕྲོ་བས། ཕྱི་ནང་གི་མུན་པ་ཡོངས་སུ་སེལ་བ། དབུ་རྩེ་འཁོར་ལོ་རྩིབས་བཞིར་འབར་བ། །རྡོ་རྗེས་ཀུན་དུ་སྤྲས་པ། སྒོ་གསུམ་ཀུན་ཏུ་གསལ་བ་ལ། །བ་ཏི་འོད་ཀྱི་མུ་ཁྱུད་ཡོངས་སུ་མ་ཅད་པ། །ཉི་ཟླའི་གའུ་སུམ་བརྒྱུད་ཟུང་སྒྲིལ་དུ་འབར། །ཐེམ་སྐས་དག་རྟ་བབས་ཀྱིས་བརྒྱན་པ། གྲུ་ཆད་བཞིས་བརྒྱན་པ། བར་ཁྱམས་ཀྱི་མཛེས་པ། ཧ་ར་དང་། ཧ་ར་ཆེན་པོས་བརྒྱན་པ་། ཏྭ་ར་ན་ཡིས་བཟུང་བ། ཕྲེང་བས་མཛེས་པ། དྲ་བ་དང་དྲ་བ་ཕྱེད་པས་བརྒྱན་པ། ཟ་ར་ཚགས་ཀྱིས་བཀླུབས་པ། རྡོ་རྗེ་རིན་པོ་ཆེ་འབར་བས་ཀུན་དུ་མདངས་ཕྱུང་པ། དྲིལ་བུ་གཡེར་ཀ་ལས་ཐེག་པ་ཆེན་པོ་ཆོས་ཀྱི་སྒྲ་སྒྲོགས་པ་།་ ཆོས་ཀྱི་སྐུའི་གཟུགས་བརྙན་འབྱུང་བ། །གཞི་ཡོངས་སུ་མཛེས་པའི་རྒྱན་རྡོ་རྗེ་མུ་ཁྱུད་མ་ཆད་པས་རྡོ་རྗེ་འགྲེང་བུ་དང་དྲ་བས་བརྒྱན་པ། ཏ་ལའི་ཤིན་ལྗོན་པ་སྐྱེས་པ་ལ་གསེར་གྱི་ཙོང་ཙོང་བྲེས་པ། རིན་པོ་ཆེའི་ཕྲ་མིག་གིས་སྤྲས་པ། བདུད་རྩིའི་ཆུ་རྒྱུན་འབབ་པ། ཕྱི་དང་ནང་མེད་ཀུན་ཡང་ནང་དུ་གྱུར་པ་ན། གར་ཡང་མ་འགགས་སྣང་བ་ཆེན་པོ། ཅི་ཡང་མ་གསུངས་རྒྱ་ཆེར་བཤད་པ། གང་ལ་ཡང་མི་དགོངས་ཏིང་ངེ་འཛིན་ཆེན་པོ་མངའ་ཐང་ཡོངས་སུ་རྫོགས་པའི་རྒྱལ་པོ་དེ་རྫོགས་ལོངས་སྤྱོད་པའི་འཁོར་བརྗོད་ཀྱིས་མི་ལང་བའི་ཡང་མི་ལང་བ་ལ་འདི་ལྟ་སྟེ། དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་མི་བསྐྱོད་པ་ལ་སོགས་པ་རྡོ་རྗེ་གདུང་དང་། སྡེའི་སངས་རྒྱས་ཐམས་ཅད་དང། དེབཞིནགཤེགསཔཚོར་བའི་རྒྱལ་པོ་བཏངསྙོམསཆེནཔོལསོགསཔ་ནོར་བུའི་གདུང་དང་སྡེའི་སངས་རྒྱས་ཐམས་ཅད་དང། དེབཞིནགཤེགསཔའདུས་༄༅། ཁེས་ཀྱི་རྒྱལ་པོ་མཚན་མ་མེད་པ་ལ་སོགས་པ་པདྨའི་གདུང་དང་སྡེའི་སངས་རྒྱས་ཐམས་ཅད་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་སེམས་དཔའ་ཆེན་པོ་ལ་སོགས་པ་གཞོན་ནུའི་གདུང་དང་སྡེའི་སངས་རྒྱས་ཐམས་ཅད་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་རྣམ་མི་རིག་ལ་སོགས་པ་གླང་པོའི་གདུང་དང་སྡེའི་སངས་རྒྱས་ཐམས་ཅད་ཀུན་ཀྱང་ཐབས་སྤྲིན་ཕུང་ལྟ་བུར་དང་ཤེས་རབ་ནམ་མཁའ་ལྟ་བུར་འབྲེལ་བ་ཤ་དག་དང་། གཙོ་བོ་དང་འཁོརགྱི་ཚུལ་དུ་རྫོགས་ལོངས་སྤྱོད་པར་བཞུགས་སོ། །རྒྱ་ཆེར་བརྗོད་པ་ལྡེམ་དགོངས་སྦྱོར་བའི་ཚིག་འདི་སྐད་དུ་བཀྲི་བའི་ཐབས་སུ་ཐོས་པ་དུས་གཅིག་ན། བཅོམ་ལྡན་འདས་ཆོ་འཕྲུལ་ཆེན་པོ་ཅིར་ཡང་སྣང་བའིརྒྱལ་པོ་རྣམས་ནི་བྱ་བ་རྫོགས་པའི་གནས་བསོད་ནམས་གཏེར་ཞེས་བྱ་བ་འཇིག་རྟེན་གྱི་ཁམས་དཔག་ཏུ་མེད་པ་གནས་ཇི་བཞིན་པ་མོས་པ་ཅན་ཞེས་བྱ་བའི་ཞིང་ཁམ་ན། །འཁོར་བ་འདྲེན་པའི་སངས་རྒྱས་དང་། སྣང་སྲིད་སྟོན་པའི་སྒྲོན་མ། གདུང་བ་སེལ་བའི་སེམས་དཔའ། འགྲོ་དོན་མཛད་པའི་འཕགས་པ། ཐབས་མཁས་ཐུགས་རྗེའིསྤྲུལ་པ། འབྱུང་བ་རྒྱུན་གྱི་བཅོམ་ལྡན་འདས་ཐུགས་རྗེ་རྟག་པའི་བདག་ཉིད་ཆེན་པོར་སྤྲུལ་པ་དེ་འཁོར་བརྗོད་ཀྱིས་མི་ལང་བའི་ཡང་མི་ལང་བ་དག་དང་། སྟོན་པ་དང་ཉན་པའི་ཚུལ་དུ་རྣམ་པར་བཤད་པ་ཆེན་པོར་བཞུགས་ཏེ། ཐམས་ཅད་བདེན་པ་གཉིས་ཀྱི་ཚུལ་དུསྣངབར་སྟོནའདོད་པར་རངརྐྱེན་ཕྱིཚིག་འདི་སྐད་དུ་མ་བཀག་ཆོས་ཉིད་དུ་དགོངས་པ་རང་སྣང་ཐོས་པའི་དུས་གཅིག་ན། བཅོམ་ལྡན་འདས་གསང་བའི་སྐུ་བདེ་བ་ཆེན་པོ་དེ་ཆོ་འཕྲུལ་ཡོངས་སུ་རྫོགས་པའི་གནས། གཙུག་ཏོརའཁོརལོས་སྒྱུར་པའི་ཁྱད་པར་ཟབམོ་་གསང་བ་མཆོག་གི་དགྱེས་པ་ཡུམ་གྱི་ལྷུམས་པདྨའི་སྙིང་པོ་རྒྱལ་བ་ཀུན་གྱི་བསྐྲུན་པའི་ཕོ་བྲང་། གང་གི་དོན་ལ་གཤེགས་པའི་ཤུལ་སྲིད་པ་གསུམ་གྱི་སེམས་ཅནསྨིན་པར་བྱེད་པའི་གཞི། ཆགས་པའི་རྟེན་འབྱུང་བའི་གནས། འགྲོ་བའི་ལམ་དུ་གྱུར་པ་དེ་དང་ཆ་མཐུན་དུ་བསྟན་པ་པརློ་ཅན་ཞེས་བྱ་བར་གྲགས་པའི་ཞིང་ཁམས་ན། ཐུན་མོང་མ་གྱུར་གསང་བའི་སྐུ་སྟེ། གསང་བའི་འཁོར་བརྗོད་ཀྱིས་མི་ལང་བའི་ཡང་མི་ལང་བ་འདི་ལྟ་སྟེ། གསང་བའི་སེམས་དཔའ་ཆེན་པོ་རྡོ་རྗེ་མྱུར་བ་དང་། རྡོ་རྗེ་ཆེན་པོ་མགྱོགས་པ་དང་། རྡོ་རྗེ་ཆེན་པོ་རྣོན་པོ་དང་། རྡོ་རྗེ་ཆེན་པོ་འབྱུང་བ་དང་། རྡོ་རྗེ་ཆེནཔོ་འབྱེད་པ་དང། རྡོ་རྗེ་ཆེན་པོ་ཆེ་བ་དང་། རྡོ་རྗེ་ཆེན་པོ་ཡངས་པ་དང་། རྡོ་རྗེ་ཆེན་པོ་ཟབ་པ་དང་། རྡོ་རྗེ་ཆེན་པོ་བརྟན་པ་དང་། རྡོ་རྗེ་ཆེན་པོ་སྣ་ཚོགས་ལ་སོགས་པ་ཤིན་ཏུ་གསང་བའི་འཁོར་འབྱུང་འཇུག་དང་བཅས་ཏེ། གང་ཐེ་ཚོམ་གཅོད་པ་དང་། ཆོད་པ་དང་། ་བར་་ག་པའི་ཚུལ་ ་བ ས་སོ། །དེ་ ར་ནདེབཞིནགཤེགསཔཐམས་ཅད་རེ་རེ་ལ་ཡང་འདི་སྐུའི་བྱེ་བྲག་འདི་ལྟར་སྣང་ཞིང་ཐ་དད་དུ་སྣང་བ་ཡང་མེད་དོ། །གཅིག་དང་ཐ་དད་པའི་ངོ་བོ་ལས་ཀྱང་གྲོལ་ལ། །ལྷན་ནེ་ལྷམ་མེ་ལྷག་གེར་ཀུན་ནས་ཀུན་ཏུ་སྣང་ངོ་། །དེའི་ཚེ་དེའི་དུས་ན་མི་ཆེན་པོ་སྤྱོད་ཡུལ་ཐབས་ཀྱིས་ཐེག་པ་ཆེན་པོ་གསང་བའི་སྙིང་པོ་འདི་སྐུ་བཞི་རྣམ་པར་སྣང་བ་ལ་ཐོས་པ་ཕྱི་ཅི་མ་ལོག་པའི་དོན་རྒྱལ་བའི་སྲས་དག་ལ་དེ་ཁོ་ན་ཉིད་ལྟར་བགྲོ་བ་ནི་འདི་ལྟ་སྟེ། དེ་བཞིན་གཤེགས་པ་ཐམས་ཅད་ཆོས་ཐམས་ཅད་དགོངས་པ་མཉམ་པ་ཉིད་ལ་ཤར་བར་མཁྱེན་ནས་སྐུ་མཉམ་པ་ཉིད་མི་དམིགས་པ་ཞེས་བྱ་བའི་ངག་ལ་རྣམ་པར་བཞུགས་སོ། །གསུང་མཉམ་པ་ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་བཞུགས་སོ། །ཐུགས་མཉམ་པ་ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་བཞུགས་ཏེ། འཇུག་པའམ། ལྡོག་པའམ། རྣམ་པར་ལྡོག་པ་མི་དམིགས་སོ། །ལང་ཀའི་བདག་པོ་གཉིས་ནི་གང་བྱུང་བརྗོད་པ་གཉིས་ཉིད་དོ། །ལང་ཀའི་བདག་པོ་དེ་དག་ནི་རྒྱུའི་ཡན་ལག་ཅེས་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གླེང་གཞི་ཕུན་སུམ་ཚོགས་པ་བསྟན་པའི་ལེའུ་སྟེ་བཞི་བཅུ་བདུན་པའོ།། །།ལང་ཀའི་བདག་པོ་རྩ་བའི་ཡན་ལག་གང་ཞེ་ན། འདི་ལྟ་སྟེ། བརྗོད་པ་འབྱུང་བའི་རྩ་བ་གང་གིས་གང་གླེང་བསླང་བ་གང་ཡིན་པ་ལ་བྱ་སྟེ། འདི་ལྟར་དེ་ནསདེབཞིནགཤེགསཔདེདག་དབྱིངས་ཀྱི་ངང་ལ་མི་གཡོ་བར་མནལ་བཞིན་དུ་སངས་རྒྱས་ཀུན་གྱི་ཡུམ་ཞེས་རབ་ཀྱི་ཕ་རོལ་ཏུ་ཕྱིན་མ་སྟོང་པ་ཉིད་ཀྱི་ངང་ལས་བསྐུལ་བ་ཆེན་པོའི་སྒྲ་འདི་བྱུང་ངོ་། །ཡོད་མེད་སྟོང་པ་ཤིན་ཏུ་རྣལ་འབྱོར་མཐུས། །ནམ་མཁའ་བཞིན་ལས་དམ་ཚིག་ཉེ་བར་གཤེགས། །ཡེ་ཤེས་རྒྱ་མཚོ་རྣམ་པར་གྲོལ་བའི་ཀློང་། །མི་གནས་མི་དམིགས་ནམ་མཁའི་དབྱིངས་ནསབཞེངས། ཞེས་སྒྲ་བྱུང་བ་ལས། བཅོམ་ལྡན་འདས་དེ་དག་གི་ཆོས་ཐམས་ཅད་བྱང་ཆུབ་སྙིང་པོ་ལ་ཤར་བར་མཁྱེན་ནས་སྟོང་པ་ཉིད་ཀྱི་ངང་ལས་ཉི་མ་རྡོ་རྗེ་བྱུང་སྟེ། དཔེར་ན་ནམ་མཁའ་དང་བ་ལས། ཉི་མའི་སྙིང་པོ་ཤར་བ་ལྟ་བུའོ། །དེ་ནས་ཉི་མའི་སྙིང་པོ་དེ་ལས་འོད་ཟེར་བྱེ་བ་མང་པོ་བཀྱེ་བས་དཔེར་ན་ཉི་མ་སྟོང་ལས་འོད་ཟེར་བྱེ་བ་བཀྱེ་བ་ལྟ་བུའོ། །འོད་ཟེར་དེ་དག་ལས་ཐུགས་རྗེ་བྱང་ཆུབ་སེམས་ཀྱི་སྤྱིན་མངོན་པར་འཁྲིགས་ཏེ། རོལ་པའི་ཆར་མངོན་པར་བབ་པས་རོལ་པ་སྣ་ཚོགས་ཀྱི་འབྲུག་དང་། རོལ་པ་སྣ་ཚོགས་ཀྱི་གློག་དང་རོལ་པ་སྣ་ཚོགས་ཀྱི་མཆོད་པ་དང་། རོལ་པ་སྣ་ཚོགས་ཀྱི་གླུ་དང་། རོལ་པ་སྣ་ཚོགསཀྱི་གར་དང་། རོལ་པ་སྣ་ཚོགས་ཀྱི་རྔ་དང་། དུང་དང་། ཀེ་ར་གོ་དང་། གླིང་བུ་དང་། རོལ་པ་སྣ་ཚོགས་ཀྱི་རྒྱན་དང་། རོལ་པ་སྣ་ཚོགས་ཀྱི་མཉེས་པ་དང་། རོལ་པ་སྣ་ཚོགས་ཀྱི་ཤེས་རབ་དང་། རོལ་པ་སྣ་ཚོགས་ཀྱི་ཡེ་ཤེས་དང་། རོལ་པ་སྣ་ཚོགས་ཀྱི་ཏིང་ངེ་འཛིན་དང་། རོལ་པ་སྣ་ཚོགས་ཀྱི་བདེ་བ་དང་། རོལ་པ་སྣ་ཚོགས་ཀྱི་ཚོར་བ་དང་། རོལ་པ་སྣ་ཚོགས་ཀྱི་དགའ་བ་ཆེན་པོ་དང་། རོལ་པ་སྣ་ཚོགས་ཀྱིབཙུན་མོ་སྟོང་པ་ཆེན་པོ་དེ་བཞིན་ཉིད་ལ་རྣམ་པར་འཇུག་པར་མཛད་དོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡུམ་སྟོང་པ་ཉིད་ཀྱི་ངང་དེ་ལས་ཆོས་ཉིད་དེ་བཞིན་ཉིད་ཀྱི་སྒྲ་འདི་བྱུང་ངོ་། །ཚོགས་ཆེན་གཉིས་རྫོགས་ཐུབ་དམ་དབྱིངས་ཀྱི་ལྷ། །ལོངས་སྤྱོད་རྫོགས་མཛད་རོལ་པ་ཆེན་པོའི་སྐུ། །རྡོ་རྗེ་སེམས་དཔའ་སྐལ་བཟང་དཔལ་ཁྱོད་བདག །ཐབས་ཀྱི་རོལ་པས་བདེ་ཆེན་དབྱིངས་ནས་བཞེངས། །ཞེས་སྒྲ་དེས་བསྐུལ་བས་བདེ་བ་ཆེན་པོའི་ངང་དེ་ལས་ཆོ་འཕྲུལ་ཆེན་པོ་རྣམ་པར་བཞེངས་ཏེ། རྣམ་པར་འཕྲུལ་པ་དང་རྣམ་པར་འཁྱིལ་བ་དང་། རྣམ་པར་འགྱིང་བ་དང་། རྣམ་པར་བརྗིད་པ་དང་། གར་གྱི་ཕྱག་རྒྱ་ཆེན་པོ་དང་། རྣམ་པར་བཞད་པ་སྣ་ཚོགས་པ་དང་། ཐུགས་རྗེའི་འཕྲོ་འདུ་དང་། ཡོན་ཏན་གྱི་ཁྱད་པར་དང་། འོདཟེར་གྱི་འབར་འཕྲོ་ལ་སོགས་པ་སྤྲུལ་པ་གློག་གི་ཕྲེང་བས་ནམ་མཁའ་ཐམས་ཅད་ཀུན་ཏུ་ཁྱབ་པར་མཛད་དེ། །ཐམས་ཅད་ནས་ཐམས་ཅད་དུ་མཚན་མ་དང་། རྣམ་པ་དང། ཡོད་པ་དང་། མེད་པལ་གསང་སྔགས་ཀྱི་ངོ་བོ་དེ་ཁོ་ན་ཉིད་ཀྱི་ངང་གིས་ཡོངས་སུ་ཁྱབ་སྟེ། རང་བཞིན་གསང་བ་ཉིད་དོ། །དེ་ནས་ཡངདེབཞིནགཤེགསཔཐམས་ཅདཀྱི་ཡུམསྟོངཔཆེནཔོདེཁོནཉིད་ལས་བསྐུལ་བ་ཐ་མའི་སྒྲའདི་བྱུང་ངོ་། །ཡེ་ཤེས་སྒྱུ་མས་རྣམ་པར་རོལ་པའི་སྐུ། །ཐབས་དང་ཤེསརབ་ཆེ་ལ་མངའ་བརྙེས་པའི། །འཕགས་རྗེ་སྤྲུལ་པ་མང་པོ་འབྱུང་བའི་གནས། །བདེརགཤེགས་བདེ་བར་གཤེགས་པ་བཞེངས་སུ་གསོལ། ཞེས་བསྐུལ་བས། བཅོམ་ལྡན་འདས་གསང་བ་མཆོག་གི་བདག་པོ་དེརྡོ་རྗེ་རོལ་པ་དེ་ཁོ་ན་ཉིད་ཅེསབྱ་བའི་ཏིང་ངེ་འཛིནལ་སྙོམས་པར་ཞུགས་ནས་ཅི་ཡངམི་གསུང་བརབཞུགས་སོ། །དེ་ནས་དེ་བཞིན་གཤེགས་པཀུན་གྱི་ཡུམ་ཤེས་རབ་ཀྱི་ཕ་རོལ་ཏུཕྱིན་པའི་ངང་ལས་རྣམ་པརབསྐུལ་པ་ཆེན་པོའོ་སྒྲབྱུངབདེ་དག་ལསའཁོར་ཤིན་ཏུ་མང་པོ་རྣམས་ངོ་མཚར་དུགྱུར། རྨདདུགྱུརཏེ། དེ་དག་ཐམས་ཅད་མགྲིནགཅིག་ཏུ་རྡོ་རྗེ་རོལ་པ་དེ་ཁོ་ན་ཉིད་ལས་གླུའདིས་གསོལ་བ་བཏབ་བོ། །ཨེ་མའོ་ཡིད་བཞིན་སྐུ་མཆོག་ནམ་མཁའ་ལྷ་བུ་ལས། །ཁྱབཔའི་བྱིན་བརླབས་རྡོ་རྗེགར་མཛདཅིང་། །གཟི་བརྗིདསྤྲིན་ཕུང་རོལ་པས་བསྤྱིངས་པའི་སྐུ། ཐོགས་མེདརྡོ་རྗེ་རོལ་པའིཆོ་འཕྲུལ་སྟོན། །ཨེ་མའོ་ཡིདབཞིན་གསུང་མཆོག་སྒྲ་བརྙན་ལྟ་བུ་ལས། །སྙན་པའི་བྱིན་བརླབསརྡོ་རྗེ་བརྗོད་མཛདཅིང་། །ཡན་ལགརྒྱ་མཚོ་མི་བཟད་བཀོད་པའི་གསུང་། །སེང་གེ་སྒྲ་ཡིསགསང་སྔགས་རྒྱ་མཚོ་སྟོན། །ཨེ་མའོ་ཡེ་ཤེས་སྙིང་པོ་ཉི་མ་ལྟ་བུལས། །འབར་བའིབྱིན་བརླབས་རྡོ་རྗེ་བདེ་མཛད་ཅིང། །ཐིག་ལེའི་སྤྲོས་བྲལ་རྣམ་པར་མི་རྟོག་ཐུགས། །རྣམ་གྲོལ་དེ་ཉིདངེས་པའི་ཆོ་འཕྲུལ་སྟོན། །མི་ཞེས་བླུན་རྨོངས་འདམ་བྱིང་འགྲོ་བ་རྣམས། །སྡུགབསྔལ་དྲ་བས་བཅིངས་པ་ཐབས་ཀྱིས་ཁྲོལ། །མ་རིག་མུན་པས་ལོང་བ་དོན་གྱིས་ཕྱེ། འཁོར་བའི་རྒྱ་མཚོ་རོལ་པའི་གྲུ་ཡིས་སྒྲོལ། དེ་བཞིན་གཤེགས་པ་ཀུན་གྱི་ཐུགས་ཆེན་པོ། ཡེ་ཤེས་དོན་གྱི་སྙིང་པོ་མཆོག་དང་ལྡན། །རྣལ་འབྱོར་ཐེག་ཆེན་རྡོ་རྗེ་ཀུན་འདུས་ལུང་། །འདུས་པའི་ཚོགས་ལ་རྒྱ་ཆེར་བཤད་དུ་གསོལ། །ཨ་ཧོ་ཞེས་ངེས་པར་བདུད་དེ་གསོལ་བ་བཏབ་བོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པས་འཁོར་ཐམས་ཅད་ས་གཟིགས་ཏེ་འཛུམ་པ་མཛད་པས། ཐུགས་རྣམ་པར་དག་པའོ་ཀློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི་ལང་བ་འོད་ཟེར་འབྱམ་ཀླས་པ་ཀུན་ནས་ཀུན་ཏུ་ཁྱབ་པར་མཛད་དོ། །འོད་ཟེར་དེ་དག་རེ་རེ་ལས་རྡོ་རྗེ་གནོད་སྤྱིན་དང་། རྡོ་རྗེ་སྲིན་པོ་ལྟ་བུའི་གཟུགས་སྣ་ཚོགས་འབྱུང་ངོ་། །དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་དཔག་ཏུ་མེད་པ་འཁོར་སོ་སོའི་ཞམ་རིང་དང་བཅས་པ་ཞིང་ཁམས་མཐའ་ཡས་པར་ཁྱབ་ཅིང་སྣང་བར་གྱུར་ཏོ། །དེ་ལས་རིག་པའི་ཉི་མའི་འོད་ནམ་མཁའི་ཁམས་ཁྱབ་པར་བྱུང་བས་མུན་པ་མུན་ནག་སྨག་ཏུ་གྱུར་པ་ཐམས་ཅད་ཡང་དག་པར་བསལ་ལོ། །རིག་པའི་ཆོས་ཀྱི་འབྲུག་སྒྲ་དང་། ཆོས་ཀྱི་ཆར་དང་། ཆོསཀྱི་གླུ་སྣ་ཚོགས་དང་། ཆོས་ཀྱི་གར་སྣ་ཚོགས་དང་། ཆོས་ཀྱི་མཆོད་པ་སྣ་ཚོགས་འབྱུང་སྟེ། འབྱམ་ཀླས་པའི་ནམ་མཁའལ་ལ་ཕན་ཚུན་དང་། ཡན་མན་དང་། སྣྲེལ་ཞི་ལ་སོགས་པ་ཐམས་ཅད་དུ་ཁྱབ་པར་ལིང་ལོང་པྱེད་པར་བྱུང་ངོ་། །རྨད་དུ་བྱུང་བའི་སྐུ་བསམ་གྱིས་མི་ཁྱབ་པའི་འོད་ཟེར་འབར་འཕྲོ་འཁྲུག་ཅིང་ལིང་ལོང་ཕྱེད་དོ། །རྨད་དུ་བྱུང་བའི་ཐུགས་ཀྱང་ལྷང་ངེ་ལ། རྨད་དུ་བྱུང་བའི་གསུང་བསམ་གྱིས་མི་ཁྱབ་པ་ཡང་ཨ་ཧོ་ཞེས་སྒྲོགས་སོ། །སངས་རྒྱས་དཔག་ཏུ་མེད་པ་ཡང་གསུང་བསམ་གྱིས་མི་ཁྱབ་པའི་སྒྲ་གཅིག་ཏུ་ཨེ་མའོ་རྨད་བྱུང་རོལ་བའི་ཆོས་ཀྱི་དོན་བྱུང་ངོ་ཞེས་སྒྲོགས། འཁོར་འབུམ་ཕྲག་དང་གདུལ་བྱ་སྣ་ཚོགས་སྤྲོ་བའི་ངོ་མཚར་བསྐྱེད། རིག་པའི་རྩལ་སྦྱངས། དོན་གྱི་ཆེ་བ་ཕྱུང་། ངམ་ཞིང་ངོ་མཚར་བར་གྱུར་ཏེ། ཐམས་ཅད་ཉེ་བར་གནས་སོ། །ཞི་བར་གནས་སོ། །དགའ་བ་དང་ལྡན་པར་གནས་སོ། །དེ་ནས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོང་བ་རྡོ་རྗེ་རྒྱུན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཤངས་ཀྱི་ཧཱུཾ༷་རིངས་ལས། རྡོ་རྗེ་མངོན་པའི་མཐུ་ཅན་འདི་དག་མངོན་པར་བྱུང་ངོ་། ཧཱུཾ༷་ཧཱུཾ༷་ཧཱུཾ༷་རྡོ་རྗེ་འདུས་པར་འདུས་པ་ཡི། །ཐེག་ཆེན་དམ་པའི་རིགས་ཅན་རྣམས། །བླ་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་བཀོད་དེ། །རིག་མ་ཡིན་པར་རིགས་མེད་འགྱུར། །རིགས་ཅན་རྣམས་ཀྱི་དམ་ཚིག་ནི། །རིགས་མེད་རྣམས་ལ་འབབ་མི་འགྱུར། །དེ་ལས་འདས་ན་དེ་རླག་བྱེད། ཧཱུཾ༷་ཀྲོ་དྷ་ཛ་ས་མ་ཡ། རཀྟ་ཤཀ་ཛ་ལ་ས་མ་ཡཡཀྟ་ཛ་ལ་ས་མ་ཡ། ཙིཉི་ཛ་ལ་ས་མ་ཡ། ཞེས་སྒྲ་ཕྱུང་བས་ཞལ་ལྗགས་ཀྱི་དབང་པོའི་འོད་ཕུང་ལས་ཁྲོ་བོ་འོད་ཀྱི་ཕྲེང་བ་འབར་བ་དང་། སྲིན་པོ་འོད་ཀྱི་ཕྲེང་བ་འཕྲོ་བ་དང་། གནོད་སྤྱིན་འོད་ཀྱི་ཕྲེང་བ་འཁྲུགས་པ་དང་། ཟ་བྱེད་འོད་ཀྱི་ཕྲེང་བ་ཚུབ་མ་བརྒྱུད་མར་འབྱུང་བས་རུ་ཏྲ་དང་། བདུད་དང་།སྲིན་པོ་དང་། གནོད་སྤྱིན་དང་། འཇུག་སྲེད་དང་། སྲིད་མེད་དང་། དབང་ཕྱུག་དང་། སྟོབས་ལྡན་དང་། སྤྲེའུ་དང་།ར་དང་ལུ་འདེ་དང་། སྦྲང་མ་དང་། བྱ་རོག་དང་། མེ་ཁྱེར་དང་། འཁོར་བ་དང་། ཆུ་དང་། ས་དང་། ནམ་མཁའ་དང་། མེ་དང་། སྒྲ་དང་། རྟོག་དཔྱོད་ལ་སོགས་པ་མཚན་མར་མི་གནས་ཆོས་ཉིད་དུ་ཞི་བར་གྱུར་ཏོ། །དེ་ནས་འོད་ཟེར་དེ་དག་མཁའ་ལ་འཁྱིལ་བ་དང་། འཁོར་མང་པོ་དེ་དག་ཤིན་ཏུ་སྐྲག་སྟེ་གསོལ་བ་བཏབ་པ། ཨེ་མའོ་ཨེ་མ་བདག་ཅག་བཅོམ་ལྡན་འདས་ཀྱིས་སྣོད་དུ་རུང་བར་བྱིན་གྱིས་བརླབ་ཏུ་གསོལ་ཐེག་པ་ཆེན་པོའི་རིགས་སུ་གཟུང་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་ཀྱི་ཞལ་གྱི་མདངས་ཕྱུང་བས་འོད་ཟེར་དེ་དག་ཡེ་ཤེས་ཀྱི་འོད་ཞི་ཞིང་འཁྱིལ་བ་དང་། མཛེས་ཤིང་བདེ་བས་ཐམས་ཅད་རངས་པར་བྱས་ནས་སྣོད་རྣམ་པར་སྦྱངས་ཏེ། འོད་ཀྱི་གནས་སུ་ཐིམ་པར་གྱུར་ཏོ། །ལང་ཀའི་བདག་པོ་དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་མི་གནས་པའི་ཡེ་ཤེས་ཆེན་པོའི་ཀློང་ནས་ངེས་པར་བཞེངས་ནས་སེང་གེ་རྣམ་པར་རྒྱལ་བའི་སྒྲ་ལྟ་བུས། དོན་གྱི་བཀོད་པ། རྟག་ཀྱི་རོལ་པ། གསང་བའི་ངེས་པ། བཀའི་འགྲེལ་པ། ཆོས་ཀྱི་མེ་ལོང་། གཏན་ཚིགས་ཀྱི་འབྱུང་གནས། དགོངས་པ་ཀུན་འདུས་རྡོ་རྗེ་རྣམ་པར་བསྤྱིངས་པའི་གཞུང་ཆེན་པོའི་སྒྲ་འདི་བྱུང་ངོ་། །ཨོ་ཧཱུཾ༷་རླུ་ཞེས་གསུངས་ནས་ཅང་མི་གསུང་། རབ་ཏུ་མི་གསུང་། གསུངས་པ་མི་འགོག །འགོག་པ་མ་ཡིན། །མ་གསུངས་པ་ཉིད་ན་རྒྱ་ཆེར་བཤད་པའི་ངོ་བོར་བཞུགས་སོ། །ལང་ཀའི་བདག་པོ་དེ་དག་ནི་རྩ་བ་སྦྱོར་བའི་ཡན་ལག་ཅེས་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྩ་བ་སྦྱོང་བའི་ཡན་ལག་བསྟན་པའི་ལེའུ་སྟེ་བཞི་བཅུ་བརྒྱད་པའོ།། །།ལང་ཀའི་བདག་པོ་དེ་ལ་འབྲེལ་བའི་ཡན་ལག་གང་ཞེ་ན། གང་དང་གང་དག་ཏུ་འབྲེལ་བ་སྟེ། དེ་ནི་འདི་ལྟར་ཆེད་དུ་འགྲོ་བ་ཆེད་དུ་བརྗོད་པར་བྱའོ། །ལང་ཀའི་བདག་པོ་ནས་བདག་དེའི་ཚེ་དེའི་དུས་ན་དམ་ཚིག་ཆེན་པོ་རྡོ་རྗེ་སེམས་དཔར་གྱུར་པ་ལ། བཅོམ་ལྡན་འདས་གསང་བ་མཆོག་གི་བདག་པོ་དེས་ཐེག་པ་ཆེན་པོ་གསང་བའི་དོན་བདག་ཉིད་ཀྱིས་རྒྱ་ཆེར་ཆེད་དུ་བརྗོད་ཅིག་པར་དགོངས་པའི་ཕྱིར་བདག་ལ་ཉི་ཚེར་ཞལ་འདུད་པས་གཟིགས་ཏེ། འཛུམ་པས་བསྐུལ་བ་རྣམ་པར་མཛད་དོ། །དེ་ནས་བདག་དམ་ཚིག་ཆེན་པོའི་རྡོ་རྗེ་སེམས་དཔའ་ཞེས་བྱ་བར་སྣང་བ་དེས་ཡང་དག་པར་བསྐུལ་བར་རྣམ་པར་རིག་ནས་རང་གི་སྟན་ལས་ལངས་ཏེ་རང་གི་མཚན་མ་གནས་ལྔར་རེག་པར་བྱས་ནས་ཐེག་པ་ཆེན་པོ་དེ་ཁོ་ན་ཉིད་རྒྱ་ཆེར་བརྗོད་པར་བྱ་བའི་ཆེད་དུ་ལྕེ་པདྨའི་སྟེང་དུ་བཞག་སྟེ། ཤིན་ཏུ་གུས་པས་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་ལུགས་སུ་བྱས་ནས་སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ཏེ། འདི་སྐད་དུ་གསོལ་ཏོ། །རྡོ་རྗེ་རྒྱལ་པོ་གསང་བདག་དགོངས་སུ་གསོལ། །ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད། །རྒྱལ་མཆོག་བདེ་ཆེན་ས་ལ་རབ་བཞུགས་ཏེ། སྨྲ་བའི་ལས་མཆོག་རྡོ་རྗེ་ལྕི་འབར་བས། །སྒྲ་དབྱངས་རྒྱལ་པོ་རྣམས་ཀྱིས་བདག་བྱིན་རློབས། །གསང་སྔགས་རྒྱལ་པོ་ཆོས་ཀྱི་མེ་ལོང་འདི། །རྒྱལ་མཆོག་ཆོས་ཀྱི་རྒྱལ་པོ་ཉིད་ཀྱི་མཐུས། །འདུས་པའི་ཚོགས་ལ་རྒྱ་ཆེར་བརྗོད་པར་འོས། །ཨ་ཧོ་ཞེས་གསོལ་པ་བཏབ་པ་ལས། གསང་བ་མཆོག་གི་བདག་པོ་དེས་བདག་རྡོ་རྗེ་ལས་ཀྱི་བཀའ་བར་བསྒོ་བ་དེ་རྡོ་རྗེ་བརྗོད་པ་ཆེན་པོར་བྱིན་གྱིས་བརླབ་པའི་ཕྱིར་རྡོ་རྗེ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྗགས་ཀྱི་འོད་ཟེར་ལས། བཛྲ་ཀརྨ་ས་ཏྭ་ཙཀྲ་ཧ་ཧ་ཉེ། རྡོ་རྗེ་རྒྱ་གྲམ་གྱི་འཁོར་ལོ་འབར་བ་སེམས་དཔའ་རྡོ་རྗེ་ཁོ་ན་བདག་དེའི་ལག་ཏུ་བབས་པར་གྱུར་ནས་ལས་ཀྱི་རྡོ་རྗེའི་དབང་ཐོབ་སྟེ། རྣམ་པར་སྨྲ་བ་ཆེན་པོ་ཤིན་ཏུ་བླ་བཀྱལ་བའི་སྤོབས་པ་ཅན་དུ་བྱིན་གྱིས་བརླབས་ནས་ཀུན་དུ་མི་བཟོ་བ་རབ་ཏུ་བག་དང་ལྡན་པ་ཆེན་པོར་གྱུར་ཏོ། །དེ་ནས་བདག་སེམས་དཔའ་རྡོ་རྗེ་དེས་ལས་ཀྱི་མཚན་མ་དེ་ལག་དུ་བླངས་ནས་རྡོ་རྗེ་ཚིག་སྣ་ཚོགས་ཀྱི་ལན་ལྔ་སྟེ། རྣམ་པ་བཅུ་གཉིས་སུ་བསྐོར་ནས། གྲངས་གཉིས་དང་ལྔར་བསྒྱུར་བས་ཞིང་ཁམས་མཐའ་རྣམ་པར་དག་པར་གཡོས་ཏེ། གཡོས་རབ་ཏུ་གཡོས། ཀུན་ཏུ་རབ་ཏུ་གཡོས། འགུལ་རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་རབ་ཏུ་ལྡེག ཀུན་ཏུ་རབ་ཏུ་ལྡེག འཁྲུགས་རབ་ཏུ་འཁྲུགས། ཀུན་དུ་རབ་ཏུ་འཁྲུགས། འུར་རབ་ཏུ་འུར། ཀུན་ཏུ་རབ་ཏུ་འུར། ཆེམ་རབ་ཏུ་ཆེམ། ཀུན་ཏུ་རབ་ཏུ་ཆེམ། མཐའ་མཐོ་ན་ནི་དབུས་དམའ། དབུས་མཐོ་ན་ནི་མཐའ་དམའ། ཤར་མཐོ་ན་ནི་ནུབ་མཐའ། ནུབ་མཐོ་ན་ན་ནི་ཤར་དམའ། ལྷོ་མཐོ་ན་ནི་བྱང་དམའ། བྱང་མཐོ་ན་ནི་ལྷོ་དམའ་བར་གྱུར་ཏེ། ཞིང་ཁམས་ཐམས་ཅད་བདག་རྡོ་རྗེ་སེམས་དཔའ་ཤ་དག་ལྟ་བུར་གྱུར་ནས་གསང་སྔགས་ཀྱི་ངོ་བོ་ཉིད་ཕྱིན་ཅི་མ་ལོག་པའི་ཚུལ་གྱིས་རྒྱ་ཆེར་བརྗོད་པའི་སྒྲ་རྣམ་པར་བརྗོད་དོ། །བདག་སེམས་དཔའ་རྡོ་རྗེ་ཉིད་རྣམ་པར་རྔམ་པའི་ཚུལ་གྱིས་སྟོན་པའི་མདུན་ལོགས་སུ་སེང་གེ་རྡོ་རྗེས་མཚོན་པའི་ཁྲི་ལ་འགྱིང་བག་གི་ཚུལ་གྱི་རྣམ་པར་གནས་སོ། །དེ་ནས་འདུས་པའི་ཚོགས་འཁོར་ཕལ་མོ་ཆེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མའོ་བཅོམ་ལྡན་འདས་སེམས་དཔའ་རྡོ་རྗེ་འདི་ནི་འདི་ལྟར་མཐུ་ཆེ་བ། འདི་ལྟར་བྱིན་གྱིས་བརླབས་ཆེ་བ། འདིར་ལྟར་རྒྱཆེ་བ། འདིལྟར་མཁས་པ། འདི་ལྟར་གསལ་ཞིང་ཟབ་པ་ནི་བཅོམ་ལྡན་འདས་ཀྱི་ཐུགས་དང་འབྲེལ་ཅིང་ཐུགས་ལས་སྐྱེས་པ། དེ་ཁོ་ན་ཉིད་དང་འབྲེལ་ཅིང་དེ་ཁོ་ན་ཉིད་ལས་སྐྱེསཔ་ལགས་སོ་ཞེས་གསོལ་པས་ཁོབོ་བསྟོད་པདང་། ལང་ཀའིབདག་པོ་བཅོམ་ལྡན་འདས་དེསདེ་དག་ལ་བཀའ་སྩལ་པ། འདུསཔ་ཆེན་པོའི་ཚོགས་སེམས་དཔའ་རྡོ་རྗེ་འདི་ནི་བྱང་ཆུབ་ཀྱིསེམས་ཀྱི་ངོ་བོ།སྙིང་རྗེ་ཐམས་ཅད་ཀྱིབདག་པོ། ཐབསཐམསཅད་ཀྱི་མཆོག སངས་རྒྱས་ཐམས་ཅད་ཀྱི་རྗེ་བཙན། བྱང་ཆུབ་སེམས་དཔའ་ཐམས་ཅད་ཀྱི་ཡབ། རྣལ་འབྱོར་ཀུན་གྱི་རྣལ་འབྱོར། མྱ་ངན་ལས་འདས་པ་ཀུན་གྱི་དེད་དཔོན། བདུད་ཐམས་ཅད་ཀྱི་ཡང་བདུད་ཆེན་པོ། སངས་རྒྱསཐམསཅད་ཀྱི་ཡངགདུལ་དཀའ་འདུལ་བ། ཆོས་ཐམས་ཅད་ཀྱི་མཛོད། གསང་བ་ཐམས་ཅད་ཀྱི་བདག་པོ། ཡེ་ཤེས་ཐམས་ཅད་ཀྱི་འབྱུང་གནས་ཆེན་པོར་གྱུརཔ་ཡིན་ནོ། །དེ་ཅིའིཕྱིརཞེན། ཐོགམདང་ཐ་མ་མེདཔར་མཉམ་པའི་དུས་ཕམཐའ་ལས་ཀྱང་ཕ་མཐའ་དཔག་ཏུ་མེད་ཅིང་བསམ་དུ་མེད་པ་འབྱམས་ཀླས་པའི་དུས་ན། བྱ་བ་བྱས་ཤིང་བྱེད་པ་བྱས་པ།མངོན་པར་རྫོགས་པར་སངསརྒྱས་པཡིན་ཏེ། དེ་ནིཆོསཐམས་ཅད་ཀྱི་རང་བཞིན་དུ་སྦྱོར་ཞིང་ཆོས་ཐམས་ཅད་ཀྱི་རང་བཞིན་དུ་འབྲེལ་བས་རྒྱལ་བ་ཐམས་ཅད་ཀྱི་ཐུགས་ལས་སྐྱེས་ཤིང་ཐུགས་དང་འབྲེལ་པ།ཐམས་ཅད་ཀྱི་ཡབ་ཏུ་གྱུར་པ་ཡིན་ཏེ། དེ་འདྲའོ་ཞེས་ཁོ་བོ་ལ་བསྔགས་པ་བརྗོད་པ་བཀའ་སྩལ་པ་ལས། འདུས་པའི་ཚོགས་འཁོར་ཐམས་ཅད་ངོ་མཚར་དུ་གྱུར་ཏེ། གསོལ་པ། བཅོམ་ལྡན་འདས་དེ་ནི་འདི་ལྟར་ངོ་མཚར་ལགས་སོ། །བདེ་བར་གཤེགས་པ་དེ་ནི་འདི་ལྟར་ངོ་མཚར་ལགས་སོ་ཞེས་གསོལ་ཏོ། །སེམས་དཔའ་རྡོ་རྗེ་དམ་པ་དེ་ལ་ལོགས་སུ་བཏུད་ནས་ལུས་ཀྱི་བབ་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་རྨད་དུ་བྱུང་བའི་མེ་ཏོག་དང་། ཏིང་ངེ་འཛིན་གྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད་འབྱུང་ངོ་མཚར་ཁྱོད། །སངས་རྒྱས་ཐུགས་ལས་རྒྱལ་སྐྱེས་པ། །ཇི་ལྟར་ཞིང་འདིར་སྣང་ཞིག་གུ། །རྣལ་འབྱོར་ཡང་གྱུར་རྒྱལ་བའི་སྲས། །རང་བཞིན་ཀུན་དང་གཅིག་འབྲེལ་བའི། །བཀའ་ཡི་འཁོར་ལོ་རབ་བསྐོར་བས། །རྣམ་དག་ལམ་མཆོག་དམ་པ་དག །ཚིག་གི་མཚོན་ཏེ་གསལ་བར་མཛོད། །ཨ་ཧོ་ཞེས་གསོལ་བ་བཏབ་བོ་།་ ་།་ལང་ཀའི་བདག་པོ་དེ་ནས་དམ་པ་རྡོ་རྗེ་བདག་གིས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་རྡོ་རྗེ་ཚིག་ཏུ་སྨྲས་པ།ཨོ་ཧཱུཾ༷་ཧཱུཾ་ཨ་ཧོ།རྒྱལ་བའི་སྲས་པོ་ཅང་མི་གསུང་།།མི་གསུང་བས་ན་རྒྱ་ཅེར་བཤད། །བཤད་དུ་མེད་པའི་ཆོས་ཉིད་འདི།།རྒྱལ་བ་རྣམས་ཀྱིས་མ་བཤད་དེ། །དེ་ལྟར་སྟོན་པ་རྒྱལ་མཆོག་ཀྱང་། །རྣམ་པར་བཤད་པརམིབཞེདདེ།།རྒྱཆེར་བཤད་པ་དགོངས་པའོ། །སྐྱེ་བ་མེད་པའི་ཆོས་ཉིད་ནི། །མ་སྐྱེས་བས་ནི་སྙིང་པོར་བཤད། །སྙིང་པོ་དོན་དེ་གང་ཡིན་པ། ཚིག་ཏུ་སྨྲ་བར་ཡོད་མ་ཡིན། སྤྲོས་པ་ཉིད་ལ་གོལ་བ་ཞེས། རྒྱལ་བ་རྣམས་ཀྱིས་ཡང་དག་བཤད། །དེ་བས་རྡོ་རྗེ་རྒྱལ་པོ་ཉིད། །བཀའ་མ་རྩལ་བའི་དགོངས་པའོ། །དགོངས་པའི་དོན་རྣམས་གང་འབྱིན་པ། ཇི་ལྟར་མེ་ལོང་གཟུགས་བརྙན་ལྟར། །དགོངས་དོན་རིག་ལ་སྣང་གྱུར་པ། །མ་སྐྱེས་སྙིང་པོའི་དོན་གྱིས་ན། །ཚིག་ཏུ་སྤྲོས་པ་མ་ཡིན་ནའང་། མཚན་མ་ཞིག་གི་རྣལ་འབྱོར་པ། །ཚིག་ལ་ཞི་བ་ལ་དོན་ལ་རྩིང་། ཚིག་ཕྱིར་བློ་འབྲེལ་རྩལ་ཞན་རྣམས། །བཀྲི་བས་བསམ་པར་རངས་བྱའི་ཕྱིར། །མི་དམིགས་པ་ལས་དམིགས་པ་ཡི། །ཆོ་འཕྲུལ་ཚིག་གིས་དེ་མཚོན་དགོས། །བདེར་གཤེགས་རྒྱལ་བ་ཀུན་གྱི་ཐུགས། །གསང་བ་དེ་ཉིད་སྙིང་པོའི་དོན། །མཉམ་ཉིད་བྱང་ཆུབ་ཐེག་ཆེན་པོ། །གསལ་བར་ཀུན་ལ་ཁྱབ་སྣང་བའི། །ཀུན་གྱིས་དེ་ཉིད་མཐོང་བྱ་དགོས། །ང་ནི་དུས་གསུམ་བཞུགས་པ་ཡི། །རྒྱལ་བ་ཀུན་གྱི་སྙིང་པོ་སྟེ། སྟོང་པར་སྦས་པའི་དོན་འདི་ལ། བརྡ་དང་དཔེས་མཚོན་ལྡེ་མིག་གིས། །མཉམ་ཉིད་རིགས་པའི་སྒོ་དབྱེའོ། །སྦས་པའི་དོན་མཚོན་འབྱུང་བའི་རིགས། །མ་མཐོང་རྣམས་ལ་བསྟན་པར་བཤད། །དེ་མཐོང་དེ་བཞིན་ཉིད་དུ་འཐད། །ཅེས་གསང་བའི་བདག་པོ་དེ་ཆོས་ཐམས་ཅད་དགོས་འབྲེལ་ཡན་ལག་བཞིར་འདུས་པར་གོ་ཆ་བགོས་སོ། དེ་ནས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་ཀྱང་དགོས་འབྲེལ་ཡན་ལག་བཞིའི་སྒོ་ནས་ཆོས་ཐམས་ཅད་ཡོངས་སུ་ཆུབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འབྲེལ་པ་དགོས་ཆེད་ཀྱི་ཡན་ལག་བསྟན་པའི་ལེའུ་སྟེ་བཞི་བཅུ་དགུ་པའོ།། །།དེ་ནས་ཡང་གསང་བའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་ལ་འདྲེན་པའི་ཡན་ལག་གང་ཞེ་ན། གག་ལས་གང་དུ་ཡོངས་སུ་འདྲེན་པ་སྟེ། དེ་ཡང་འདི་ལྟར་བགྲོ་བ་རྣམ་པར་ཡོངས་སུ་བགྲོ་བར་བྱའོ། །ལང་ཀའི་བདག་པོ་འདི་ལྟ་སྟེ། ཡོངས་སུ་འདྲེན་པའི་ཡན་ལག་ནི། །བཅུ་ཕྲག་གཅིག་གི་འདྲེན་པས་ནི། །སྨྲ་བརྗོད་ཚིག་གི་ཡན་ལག་རྫོགས། །གང་ལ་ལྟ་དང་སྒོ་འབྱེད་དང་། །སྡུད་དང་འབྱོར་པར་འདྲེན་པ་དང་། །རྐྱེན་དང་གཞན་དམིགས་འཛིན་པའི་ཚིག །མ་བཅོས་མེ་ལོང་སྣྲེལ་ཞི་རྣམས། །མེ་ལོང་བཅུ་དང་མཐུན་སྦྱར་བས། །ཚིག་དོན་རྣམ་པར་སྦྱར་བ་ཡིན། །ལང་ཀའི་བདག་པོ་འདི་ལྟ་སྟེ། །གང་ལ་ལྟ་དང་ལྟ་བ་ནི། །གང་འདིར་མཁའ་ལ་འགྲོ་བ་ནི། །རྩལ་གྱིས་ནམ་འཕང་རླབས་སུ་གཅོད། །དེ་བཞིན་དེ་ཉིད་འདིར་འགྲོ་བ། །མ་འདྲེས་ལྟར་འཕངས་རླབས་སུ་གཅོད། །བགྲོད་པར་བྱ་བའི་ས་ཚིག་དག །རྩལ་ཚད་དག་གི་ཚད་དུ་གཅོད། །དེ་བཞིན་དོན་དང་ཚིག་མཚམས་དག །དོན་གྱི་ཚིགས་དང་ཚོམས་སུ་གཅོད། །ཇི་ལྷར་གང་གི་ཁོབས་འོག་ཏུ། །ས་་་་་་་་་ཁམས་མང་པོ་ཆུད་པ་ལྟར། །བརྗོད་པའི་རྣམ་གྲངས་མང་པོ་ཀུན། །གང་གི་ངོ་བོ་གཅིག་ཏུ་སྡུད། །གང་དང་གང་ལྟར་འགྲོ་བ་དག །དྲང་པོར་འབྲེལ་རྗེས་གནོན་པར་སྣང་། །བརྗོད་དང་བརྗོད་པའི་ཚིག་མཚམས་དག །གང་འདིར་མི་ཞབྲུགས་འབྲེལ་བར་སྦྱོང་། །གང་འགྲོ་གནས་སུ་བགྲོད་པ་ནི། །གཡོ་འགུལ་མི་མངོན་ཤུགས་ཀྱིས་འགྲོ། །ཡི་གེ་བརྗོད་དང་རང་གཉེར་གྱིས། །གང་གི་ངོ་བོ་དེ་བཞིན་སྦྱོར། །གང་ཞིག་གང་ལྷར་གང་འགྲོ་བ། །མི་འཚམ་པ་ལ་དེར་འཚམ་སྣང་། །བརླང་པོ་ཞེར་འདེབས་སྐྱོན་ཚིག་རྣམས། །གང་མི་འཚམ་པར་དེར་འཚམ་སྦྱོར། །གང་དག་ཡིད་ལ་བཏགས་པའི་ཟས། །ཁོང་ནས་འདོད་པའི་བཅུད་འབྱིན་བྱེད། །གང་དུ་དམིགས་སུ་འཛིན་པ་ཡིས། །གང་མི་གསལ་བར་མངོན་པར་སྟོན། །ཇི་ལྟར་སྒྲ་བརྙན་རྒྱུན་བྱུང་ན། གང་སྐྱེས་དུས་སུ་ཡིད་ཆེས་འགྱུར། །དེ་བཞིན་ཚད་མའི་ཡུལ་བྱུང་ན། །མ་བཅོས་དེ་ཉིད་ཡིན་པར་ངེས། །གང་འདིར་དག་པའི་མེ་ལོང་གིས། །བཞིན་དང་གཟུགས་བརྙན་སྟོན་པ་ལྟར། །ཉེ་བར་མཚོན་པའི་མེ་ལོང་གིས། །གང་མི་མཐོང་བ་གསལ་བར་བྱེད། །ཇི་ལྟར་སྣྲེལ་ཞི་འཆོལ་ཞབྲུགས་པ། །སྣོལ་མཚམས་འཕེལ་སྡུད་འཆོལ་མཚམས་སྦྱོར། །རྩལ་ཆེན་རོལ་པའི་སྟོབས་ཆེན་ལྟར། །དེ་ཉིད་རིག་པ་ཉིད་དུ་སྦྱོར། །ལང་ཀའི་བདག་པོ་དེ་དག་ནི། །གང་སྨྲ་བརྗོད་དུ་འདྲེན་པ་ཡི། །ཡན་ལག་ཁོ་ནར་ཤེས་པར་གྱིས། །ཞེས་གསང་བ་པའི་བདག་པོས་དེ་སྐད་ཅེས་སྨྲས་པས། །ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ལ་གང་དུ་སྨྲ་བའི་སྒོ་ཡོངས་སུ་འབྱེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཡོངས་སུ་འདྲེན་པའི་ཡན་ལག་རྣམ་པར་བགྲོས་པའི་ལེའུ་སྟེ་ལྔ་བཅུའོ།། །།དེ་ནས་ཡང་གསང་བ་པའི་བདག་པོ་དེས་སེམས་དཔའ་ཆེན་པོ་ལང་ཀའི་བདག་པོ་དེ་ལ་ངེས་པར་བོས་ཏེ་རྣམ་པར་སྨྲས་པ། ལང་ཀའི་བདག་པོ་འདི་ལྟ་སྟེ། །གང་དུ་ངེས་པའི་ཡན་ལག་ནི། །གང་ལ་གང་གིས་གང་བརྗོད་པ། །འབྲེལ་བཞི་བཤད་སྦྱོར་བརྗོད་པའི་སྒོ། །ཡོངས་སུ་དག་པ་ལྷ་ངེ་བའི།གང་ལ་སྤྱན་རས་གཟིགས་དབང་གིས། །མཐའ་ཐུག་མེད་པའི་འགྲོ་གང་དག །འདི་ན་སྣོད་བཞི་ཁོ་ནར་གཟིགས། །ཞེན་ཆགས་ཅན་དང་ལོག་སྲེད་ཅན། །རིགས་རྒྱུན་ཅན་དང་བློ་གྲོས་ཅན། །ཐམས་ཅད་ཆ་བཞིར་སྣང་བ་སྟེ། །འདོད་ཁྲིད་སྦྱོར་དང་ངེས་པར་སྣང་། །དེ་དག་རེས་འགའ་ཆ་བཞི་སྟེ། །གང་དུ་དགོས་པ་གང་ངེས་པ། །ངོ་བོ་དམིགས་དང་བཅས་པ་ལས། །བཀའ་དོན་གཏན་ཚིགས་རིགས་པ་བཞིར། །སྣང་དང་མི་འགལ་རྒྱས་མཐད་སྦྱར། །ཐམས་ཅད་མེད་རྒྱུ་བརྟགས་ཆགས་པ། །བསྒྲུབས་འགྲུབ་ཇི་ལྟར་བལྟས་པར་སྣང་། །གང་དག་གང་ལ་བརྡ་ཕྲད་པས། །གང་གི་དོན་ལེན་ཉིད་དུ་ངེས་། །ཞེས་ངེས་པ་དམ་པ་ཉིད་དུ་བགྲོས་པས་དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་བརྡ་ཙམ་གྱིས་གང་གི་ངེས་པར་རྙེད་པར་གྱུར་ཏོ། །སངས་རྒྱས་ཀུན་གྱི་དགོངས་པའི་འདུས་པའི་མདོ་ཆེན་པོ་ལས་ངེས་པ་དམ་པའི་ཡན་ལག་བགྲོས་པའི་ལེའུ་སྟེ་ལྔ་བཅུ་གཅིག་པའོ།། །།དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་ཆེན་པོ་ལང་ཀའི་བདག་པོ་ལ་ཡིད་ཡོངས་སུ་འཇུག་པའི་ཐབས་ཀྱིས་བོས་ཏེ་སྨྲས་པ།ལང་ཀའི་བདག་པོ་ཡན་ལག་གི །མཐར་ཟད་རྟོགས་འཇུག་ཐབས་ཉིད་ནི། །རང་བཞིན་འབྱུང་སྒོ་དབང་སྦྱོར་དང་། །ངེས་པ་ཁོང་དུ་ཆུད་པ་ཡིས། །ཡང་དག་དོན་ལ་ངེས་གཞག་བྱ། །ཤེས་དང་འུག་དང་འབྲས་བུ་དང་།ལྷུན་གྱིས་གྲུབ་པའི་མཚན་ཉིད་ཡིན། །དེ་འབྲེལ་དེ་དགོས་དེ་མཚོན་དགོས། །དེ་ཡི་རྗེས་སུ་བྱེད་དགོས་ཡིན། །ཐོས་ཆུང་གོམས་དང་ངེས་པར་གྱུར། །ཕྱེ་མཐོང་ཞུགས་དང་ཐོབ་པ་ཡིན། །དེ་ཚོལ་དེ་རྙེད་འཇུག་མངོན་གྱུར། །བསྙེན་པ་ཉེ་བསྙེན་བསྒྲུབ་དང་འགྲུབ། །དེ་བཞིན་མཉམ་འགྱུར་རྣལ་འབྱོར་པར། །ལྷུན་གྲུབ་ལས་སུ་རུང་བའོ། །དེ་ནི་ངེས་པར་འཇུག་རིམ་ཡིན། །གཞན་གྱི་དོན་དུ་འབྱུང་རིམ་བཞི། །གཡོ་དང་ཆོ་འཕྲུལ་སྣང་མཛད་པའོ། །ཇི་ལྟརརིམབཞིནསྦྱརབཡིན། །དེ་ཤེས་དེ་མ་སྐྱེས་པ་ཤེས། །དེ་དུས་དངོས་མེད་ཤེས་པ་དང་། །ཡེ་ནས་ཤེས་པའིརིམབཞིནནོ། །ཐམསཅད་མཉམ་ཉིད་དེ་ཉིད་དང་། །བསྒྲུབ་དང་མི་འདའ་སྤྱོད་མཐུན་རྫས། །རང་བཞིན་རྣམ་པར་ལྔར་སྣང་བའོ། །གང་མཁས་ཆེ་དང་མ་ཡས་ཡངས། །སྒྱུར་དང་རླབས་ཆེན་ཅིར་སྟོན་དང་། །ཀུན་ཤོང་ཀུན་སྦྱོད་བདེར་འཇུག་པའོ། །བཅོམ་དང་ཞི་དང་མཐའ་རྒས་དང་། །ཆུབ་པར་འདུས་པ་ལས་བཞིའོ། གང་དུ་སྦྱོར་བའི་ཡན་ལག་འདིས། །ཡན་ལག་ཐམས་ཅད་རྫོགས་པ་ཡིན། །ལང་ཀའི་བདག་པོ་དེ་དག་ནི་ཡན་ལག་ཡིན་ཏེ། ཡན་ལག་དེས་གང་ལྟར་བརྗོད་པ་ཐམས་ཅད་རྣམ་པར་འབྱེད་པར་ཤེས་པར་བྱའོ། །དེ་སྐད་ཅེས་གསང་བ་པའི་བདག་པོས་སྨྲས་པས། །དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ཁོང་དུ་ཡོངས་སུ་ཆུད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འཇུག་པ་ཐབས་ཀྱི་ཡན་ལག་ལས་ཐབས་རྣམ་པར་འགྲེལ་པའི་ལེའུ་སྟེ་ལྔ་བཅུ་གཉིས་པའོ།། །།དེ་ནས་ཡང་ལང་ཀའི་བདག་པོས་གསང་བ་པའི་བདག་པོ་ལ་དྲིས་པ། ཀྱེ་གསང་བ་པའི་བདག་པོ་མདོ་ཡོངས་སུ་དགྲོལ་བ་ཞེས་བགྱི་བ་ཇི་ལྟར་ལགས། དེ་སྐད་ཅེས་དྲིས་པ་ལས་གསང་བ་པའི་བདག་པོས་སྨྲས་པ། ལང་ཀའི་བདག་པོ་མདོ་འདི་ནི་འདི་ལྟར་གང་དུ་གང་ལྟར་བརྗོད་པ་ཐམས་ཅད་མདོ་བཞི་པོ་འདི་དག་ཁོ་ནར་ཟད་དོ། །ལང་ཀའི་བདག་པོ་བཞི་གང་ཞེ་ན། འདི་ལྟ་སྟེ། གང་ཐོས་པས་ངེས་པར་འབྱུང་བ་དང་། །གང་གིས་མཐོང་བས་ངེས་པར་འབྱུང་བ་དང་། །གང་གིས་མངོན་སུམ་པར་འབྱུང་བ་དང་། །གང་ནས་གང་དུ་ངེས་པར་འབྱུང་བ་མེད་པའོ། །ལང་ཀའི་བདག་པོ་དེ་ལ་གང་ཐོས་པས་ངེས་པར་འབྱུང་བ་ནི། ཀུན་གྱི་རང་བཞིན་དེ་བཞིན་ཉིད། །གང་གིས་ཐོས་པ་དེ་ཉིད་དུ། །དངོས་པོ་མེད་པར་ཀུན་ཁྱབ་རྒྱས། །དེ་ཤེས་དེ་བཞིན་ཉིད་དུ་ཆུབ། །ལང་ཀའི་བདག་པོ་གང་གིས་མཐོང་བ་ངེས་པར་འབྱུང་བ་ནི་འདི་ལྟ་སྟེ། གང་གིས་དེ་བཞིན་དེ་མཐོང་ན། མཐོང་བས་སྣང་སྲིད་ཡོངས་སུ་དག །གང་ལའང་ཉམ་ང་ཡོད་མ་ཡིན། །དེ་བཞིན་ཉིད་དེར་ཀུན་སངས་རྒྱས། །ལང་ཀའི་བདག་པོ་གང་གིས་མངོན་སུམ་པར་ངེས་པར་འབྱུང་བ་ནི་འདི་ལྟ་སྟེ། གང་གིས་སྟོང་ཉིད་དེ་ཤེས་པ། །དེར་ནི་ཐམས་ཅད་མངོན་སུམ་དུ། །སྟོང་པ་ཉིད་དུ་ངེས་པར་ཟད། །དེ་ཉིད་མངོན་སུམ་སངས་རྒྱས་ཡིན། །ལང་ཀའི་བདག་པོ་གང་ནས་གང་དུ་ངེས་པར་འབྱུང་བ་མེད་པ་ནི་འདི་ལྟ་སྟེ། ཐམས་ཅད་དེ་བཞིན་ཉིད་དབྱིངས་སུ། །ཡེ་ནས་རྣམ་རྟོག་མེད་སངས་རྒྱས། །གདོད་སངས་རྒྱས་སུ་ག་ལ་ཡོད། །དེ་བཞིན་དེ་ཉིད་ཁོ་ནའོ། །ལང་ཀའི་བདག་པོ་དེ་དག་ནི་མདོ་སྟེ། གང་གིས་གང་ལ་གང་ལྟར་བརྗོད་པ་མཐའ་ཡས་པ་མདོ་བཞི་པོ་དེ་དག་འབའ་ཞིག་ཁོ་ནར་ཟད་དོ། །དེ་དག་ནི་གང་གི་མདུད་པ་རྣམ་པར་འགྲོལ་བ་སྟེ། ཆོས་ཐམས་ཅད་རྣམ་པར་གྲོལ་ཅིང་རྒྱ་ཆེར་འགྲེལ་པ་ཉིད་དུ་ཞེས་པར་བྱའོ། །གསང་བ་པའི་བདག་པོས་དེ་སྐད་ཅེས་སྨྲས་པས་དམན་པའི་ལུས་ཀྱི་སེམས་དཔའ་རྣམས་ཕྱོགས་ཐམས་ཅད་གསང་བ་ཡོངས་སུ་ཆུབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་མདོ་རྒྱ་ཆེར་འགྲེལ་པའི་ལེའུ་སྟེ་ལྔ་བཅུ་གསུམ་པའོ།། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་དེ་ལ་རྩ་བའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་གང་གི་རྩ་བ་ནི་གང་། ངེས་པར་འབྱིན་པ་ནི་གང་། གསང་བ་པའི་བདག་པོ་གོ་དབྱེ་བར་གསོལ། སྨྲ་བའི་སེང་གེ་ཤིན་ཏུ་གོ་དབྱེ་བ་གསོལ། དེ་སྐད་ཅེས་སྨྲས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་གི་རྩ་བ་དྲི་བ་དེ་ནི་ལེགས་སོ། ་གོན་ཏུ་རབ་ཏུ་ལེགས་སོ། །འདི་ལྟ་སྟེ། རྩ་བ་ནི་མེ་འོ་ང་དང་། མི་མཐུན་པ་དང་། ངེས་པའོ། །ལང་ཀའི་བདག་པོ་དེ་མེ་འོ།ང་ནི་འདི་ལྟར་ནམ་མཁའི་ཆོས་མཐུན་པའི་དཔེ་ཉེ་བར་བཟུང་བ་སྟེ་ནམ་མཁའ་ཇི་ལྟར་བ་དེ་ལྟར་གང་གིས་ངེས་པ་ཡང་དེ་ལྟར་ལྟའོ། །ལང་ཀའི་བདག་པོ་དེ་ལ་ནམ་མཁའ་གང་ཞེ་ན། འདི་ལྟ་སྟེ། རང་བཞིན་གཅིག་པ་དང་། མི་གོས་པ་དང་། གོ་འབྱེད་པ་དང་། སྐྱེ་བ་མེད་པ་དང་། འཇིག་པ་མེད་པ་དང་། དབྱིབས་མེད་པ་དང་། ཁ་དོག་མེད་པ་དང་། འདུས་མ་བྱས་པ་དང་། གཟུང་བ་མེད་པ་དང་། འཛིན་པ་མེད་པ་དང་། མཐའ་མེད་པ་དང་། དབུས་མེད་པ་དང་། འཕེལ་བ་མེད་པ་དང་། འགྲིབ་པ་མེད་པ་དང་། འགྲོ་བ་མེད་པ་དང་།འོང་བ་མེད་པ་དང་། གཡོ་བ་མེད་པ་དང་། འགུལ་བ་མེད་པ་དང་། ཆགས་པ་མེད་པ་དང་། གནས་པ་མེད་པ་དང་། འཇིག་པ་མེད་པ་དང་། སྟོང་པ་མེད་པ་དང་། འགྱུར་བ་མེད་པ་དང་། མ་ཁྱབ་པ་མེད་པ་དང་། མི་འབྱུང་བ་མེད་པ་དང་། མ་ཆུབ་པ་མེད་པ་དང་། སྐྱོ་བ་མེད་པ་དང་། ནུབ་པ་མེད་པ་དང་། མཚན་ཉིད་མེད་པ་དང་། རྒྱུ་མེད་པ་དང་། རྐྱེན་མེད་པ་དང་། འབྲས་བུ་མེད་པ་དང་། རྩོལ་བ་མེད་པ་དང་།མངོན་པར་འདུ་བྱེད་པ་མེད་པ་ཡིན་ནོ། །ལང་ཀའི་བདག་པོ་ནམ་མཁའ་ནི་ཡོད་པ་ལས་མེད་པར་གྱུར་པ་མ་ཡིན། མེད་པ་ལས་ཡོད་པར་གྱུར་པ་མ་ཡིན། དེ་བཞིན་དུ་གསལ་བ་ལས་མི་གསལ་བར་གྱུར་པ་དང་།མི་གསལ་བ་ལས་གསལ་བར་གྱུར་བ་དང་། ཐ་དད་པ་ལས་གཅིག་ཏུ་གྱུར་པ་དང་། གཅིག་ལས་ཐ་དད་དུ་གྱུར་པ་དང་། ཡིན་པ་ལས་མིན་པར་གྱུར་པ་དང་། མིན་པ་ལས་ཡིན་པར་གྱུར་པ་དང་། ཉེ་བ་ལས་རིང་བར་གྱུར་པ་དང་། རིང་བ་ལས་ཉེ་བར་གྱུར་པ་དང་། དེ་བཞིན་དུ་ཆེ་བ་དང་། ཆུང་བ་གྱུར་པ་དང་། བཟང་བ་དང་། ངན་པར་གྱུར་པ་དང་། བདེ་བ་དང་། སྡུག་བསྔལ་བར་གྱུར་པ་དང་། ཁྱབ་པ་དང་། མ་ཁྱབ་པར་གྱུར་པ་དང་། འབྱུང་བ་དང་། མི་འབྱུང་བར་གྱུར་པ་དང་། དག་པ་དང་། མ་དག་པར་གྱུར་པ་དང་། གྲུབ་པ་དང་། མ་གྲུབ་པར་གྱུར་པ་དང་། མཐོ་བ་དང་། དམའ་བར་གྱུར་པ་དང་། ཡངས་པ་དང་། དོག་པར་གྱུར་པ་དང་། དབྱིབས་དང་། དབྱིབས་མེད་པར་གྱུར་པ་དང་། ཁ་དོག་དང་། ཁ་དོག་མེད་པར་གྱུར་པ་དང་། ཕྱི་དང་ནང་དུ་གྱུར་པ་དང་། སྐྱེ་བ་དང་འགག་པར་གྱུར་པ་དང་། འཕོ་བ་དང་། མི་འཕོ་བར་གྱུར་པ་དང་།འགྱུར་བ་དང་། མི་འགྱུར་བར་གྱུར་པ་དང་། མུན་པ་དང་། སྣང་བར་གྱུར་པ་དང་། སྔོན་དང་། ཕྱི་མར་གྱུར་པ་དང་། མཐའ་དང་། དབུས་སུ་གྱུར་པ་དང་། བདག་དང་། གཞན་དུ་གྱུར་པ་དང་། དེ་བཞིན་དུ་བླངས་ནས་དོར་བར་གྱུར་པ་དང་། དོར་བ་ལས་བླངས་པར་གྱུར་པ་མེད་པའི་ཕྱིར་ནམ་མཁའ་ནི་ཐམས་ཅད་ནས་ཐམས་ཅད་དུ་མ་བཅོས་པའོ། །དེ་བཞིན་དུ་འདི་ཉིད་ཀྱང་སྦྱར་ཏེ། དེའི་ཕྱིར་མ་བཅོས་པའོ། །ལང་ཀའི་བདག་པོ་འདི་ལྟ་སྟེ། དཔེར་ན་ནམ་མཁའ་ནི་སུས་ཀྱང་མ་བྱས། བྱེད་པ་པོ་མེད། རྒྱུ་ལས་མ་བྱུང་། རྐྱེན་ལས་མ་བསྐྱེད། དང་པོར་མ་སྐྱེས། ཐ་མར་མི་འཇིག །ཐོག་མ་དང་ཐ་མར་མི་དམིགས། ཐོན་པ་དང་། མ་ཐོབ་པ་མེད། རེ་བ་དང་། བརྩལ་བ་མེད་དོ། །དེའི་ཕྱིར་ནམ་མཁའ་ནི་སུས་ཀྱང་མ་བྱས། བྱས་པ་མེད་པས་གཉེན་པོ་མེད་དོ། །དེ་བཞིན་དུ་དེ་ཉིད་ཀྱང་བྱེད་པ་མེད་པའི་ཕྱིར་མ་བྱས་པས་གཉེན་པོ་མེད་དོ། །ལང་ཀའི་བདག་པོ་འདི་ལྟ་སྟེ། །གང་ཞིག་ནམ་མཁའི་མཐའ་ཚོལ་བ། །ཚོལ་བས་རྙེད་པར་མི་འགྱུར་ཏེ། །གོ་སྐབས་ཡོད་པར་གང་ཤེས་པ། །དེ་ནི་ནམ་མཁའ་རྙེད་པའོ། །སེམས་ཀྱི་སེམས་ཉིད་རྩད་གཅོད་པ། །རྩ་བ་མེད་པས་རྙེད་མ་ཡིན། །གཞི་རྩ་མེད་འབྱུང་གང་ཞེས་པ། །དེ་ནི་སེམས་ཉིད་རྙེད་པའོ། །སེམས་ཀྱིས་སེམས་བཙལ་སེམས་མི་རྙེད། །སུ་ཞིག་སེམས་ཀྱི་གཏིང་རྩ་ཚོལ། །གང་ཞིག་སེམས་ཀྱི་དབུས་མཐའ་འབྱེད། །བཙལ་བས་རྙེད་པ་ག་ལ་ཡིན། །སེམས་ཀྱིས་སེམས་ལ་ཇི་ལྟར་མཚོན། །སེམས་ལ་དངོས་པོ་ཡོད་ཅེའམ། །སེམས་ཀྱི་དངོས་པོ་གང་གིས་བྱ། །དངོས་མེད་དངོས་སྤྲུལ་བྱང་ཆུབ་སེམས། །ཕྱོགས་བྲལ་ཆེན་པོ་གང་སུ་ཞིག །ཕྱོགས་གཅིག་བྲལ་བས་ཕྱོགས་ཀུན་བྲལམ། །བརྟགས་པའི་སྤྱོད་ཡུལ་ལས་འདས་པ། དེ་ཉིད་རྟོགས་ན་དེ་ཁོ་ན། །སེམས་ཀྱིས་སེམས་བཙལ་དྲོད་ཅིག་རྙེད། །དྲོད་དེ་རྙེད་ན་བྱང་ཆུབ་སེམས།ཅི་ཡང་ཡིན་ནོ་གང་ཡང་རུང་། །དེ་ཉིད་ཆོས་ཀྱི་དོན་པོ་མཆོག །དེས་ན་འཁོར་བའི་ཆོས་ཉིད་འདི། །གཉིས་སུ་ཡོད་པ་མ་ཡིན་ཏེ། འཁོར་བའི་དེ་བཞིན་ཉིད་དེ་ནི། །ཆོས་ཉིད་ཡིན་པར་ལུང་དུ་བསྟན། །འཁོར་བར་འཁྲུལ་བའི་སྒྱུ་མ་དང་། རྣམ་དག་རྣམ་བྱང་སྒྱུ་མ་གཉིས། །སེམས་ཅན་སངས་རྒྱས་ཐ་དད་ཀྱང་། །དེ་བཞིན་ཉིད་ལས་ཡོང་ཡེ་མེད། །དཔེར་ན་རས་སྣམ་རྒྱུ་གཅིག་ལས། །ཚོན་གྱི་རྐྱེན་གྱིས་བསྒྱུར་བྱས་ནས། ཁ་དོག་སྣ་ཚོགས་ཐ་དད་ཀྱང་། །རས་སྣམ་ཉིད་ལས་ག་ལ་ཡོད། །ལོག་རྟོག་ཡང་དག་རྟོག་སྨིན་པ། །སེམས་ཅན་ཡེ་ཤེས་ཅན་འདི་དག །རྒྱུ་གཅིག་རྐྱེན་གྱིས་བསྒྱུར་བ་ལས། །རིག་དང་མ་རིག་གཉིས་སུ་སྣང་། །འཁོར་བའི་སྡུག་བསྔལ་རྨི་འདྲ་བ། །དབུགས་ཆེན་ཕྱིན་ནས་རྨི་སངས་ལྟར། །ཐམས་ཅད་བདེ་ཆེན་བྱང་ཆུབ་སེམས། །མཁའ་ལྷར་ཁྱབ་བདལ་ཉིད་དུ་སྣང་། །གློ་བུར་ལས་ཞེས་བརྟགས་པ་ཀུན། །འདུས་བྱས་ཡིན་ཏེ་མ་སྐྱེས་པས། །དེ་བཞིན་ཉིད་དེས་ཁྱབ་གདལ་ཆུབ། །བརྩལ་མེད་ཡེ་ཤེས་རང་འབྱུང་ཆེ།། །།བམ་པོ་བརྒྱད་པ་ཟུག་པ། ལང་ཀའི་བདག་པོ་འདི་ཉིད་ནི། །ཡིན་པར་ངེས་པའི་རྩ་བ་བདུན། །དེ་བརྟག་དེ་ཉིད་དེ་རྟོག་ན།དེ་ཉིད་རྣམ་པར་ངེས་པ་ཡིན། །གླིང་དང་རི་བོ་མི་ཁྱུད་བཅས། །ལྷུན་པོའི་རྩེ་མོ་ཉིད་ནས་གསལ། །དེ་རྙེད་ཐེག་པའི་རྣམ་གྲངས་ཀུན། །དེ་ཉིད་ཆེན་པོ་ཉིད་མཐོང་གསལ། །འཇིག་རྟེན་འོད་ཀྱི་རྒྱལ་པོ་ནི། །གཟི་ལྡན་གསལ་བའི་ཉི་མ་ཡིན། །ཆོས་ཀུན་ཡོངས་སུ་རྫོགས་གསལ་བ། །ཀུན་སྣང་ཆེན་པོ་དེ་ཉིད་དོ། །གོ་སྐབས་ཆེན་པོ་ནམ་མཁའ་ནི། །ཆེན་པོ་བཞི་ཡི་གོ་འབྱེད་ལྟར། །གསང་ཉིད་འདུས་པ་དེ་ཉིད་ཀྱིས། །བརྗོད་པའི་བརྗོད་ཀུན་གསལ་བར་འགྲེལ། །གང་གིས་བཀའ་ཡི་གསང་ཐོབ་ན། །མི་གང་གཞན་ལ་རག་མ་ལུས། །གསང་བའི་སྙིང་པོ་ཀུན་ཆུབ་མ། །སྨྲ་བརྗོད་གང་ལའང་བཙལ་མི་དགོས། །རྒྱུན་དང་བཅས་པའི་འབྱུང་བ་རྣམས། །ནམ་མཁའི་ངང་ལས་འབྱུང་ཞིང་སྣང། །དེབཞིནསྨྲབརྗོདའབྱུང་བ་རྣམས། །དེ་ཉིད་ཟབ་མོའི་དབྱིངས་ནས་འབྱུང་། །དོན་དུ་བྱ་བའི་རྣམ་གྲངས་ཀུན། །མཐར་གྱིས་འབྲས་བུ་གྲུབ་པར་སྡུད། །གྲངས་མང་རྒྱ་ཆེར་བརྗོད་མོད་ཀྱང་། །དེ་ཀུན་དེ་བཞིན་ཉིད་དུ་འདུས། །མེ་ལོང་གསལ་བའི་སྙིང་པོ་ནི། །བཞིན་གྱི་གཟུགས་བརྙན་སྟོན་པ་ལྟར། །དེ་ཉིད་ཆོས་ཀྱི་མེ་ལོང་གིས། །ཀུན་གྱི་རང་བཞིན་གསལ་བར་བྱེད། །ཀུན་གྱི་རྩ་བ་རང་བྱུང་བས། །རང་བཞིན་ཅིས་ཀྱང་མ་བཅོས་པའོ། །ཀུན་ཤེས་རིག་པ་མི་ནུབ་པས། །འོད་གསལ་སྣང་བས་ཕྱོགས་ཀུན་མཐོང་། །ཐམས་ཅད་དེ་ཉིད་དེར་འདུས་པས། །དངོས་མེད་ངོ་བོ་ཉིད་དུ་ཟད། །དེ་བཞིན་ཉིད་དུ་ཀུན་གཅིག་པས། །གཉིས་སུ་བྱ་བའི་ཐ་སྙད་མེད། །རྒྱུ་ཉིད་འབྲས་བུར་ཡེ་རྫོགས་པས། །རེ་དོགས་གཉིས་བྲལ་དེ་ཁོ་ན། །དོར་བར་བྱ་བའི་དངོས་མེད་པས། །བླང་བར་བྱ་བ་ག་ལ་ཡོད། །མཐོང་ཟིན་སྦྱངས་ཟིན་བྱས་པ་ཟིན། །འདོད་པ་གྲུབ་ཟིན་སྦྱོད་པ་ཟིན། །དེ་བཞིན་དངོས་པོར་གྲུབ་ཟིན་པས། །དེ་ཉིད་རྙེད་པ་ཉིད་ལས་བྱུང་། །ཀུན་བརྟགས་ཀུན་ཉིད་དབེན་ན་སྣང་། །ཀུན་ལ་སྦྱོར་བས་དོན་བྱེད་ནུས། །ཐེ་ཚོམ་ཆད་པས་མཐུན་པར་སྣང་། །མདོར་ན་གསུམ་ཉིད་ཁོ་ན་ལ། །ལར་ན་གཉིས་ཉིད་ཁོ་ནར་ཟད། །ངེས་པར་གཅིག་ལས་མེད་པ་ཡིན། །ཐམས་ཅད་འདིར་འདུས་འདི་ལས་བྱུང་། །ཀུན་གྱི་རྩ་བ་འདི་ཤེས་ན། །ཀུན་ཀྱང་མ་བཅོསཇིབཞིནཔ། །དེབཞིནཉིདདེཀུནགྱི་མདོ། སྒྱུ་མར་ཀུན་སྣང་དངོས་གཞི་མེད། །ཆགས་པ་མེད་པས་ཡིད་མི་འཁྲུག །ནམ་མཁའི་ངང་ལ་རང་བཞིན་མེད། །རྟག་ཏུ་མེད་པས་དངོས་དང་བྲལ། །སྙིང་པོ་ཉིད་ལས་གཞན་པ་མེད། །སྣ་ཚོགས་དག་གི་རྒྱུན་དུ་འཆར། །སྒྲོན་མར་སྣང་བས་མུན་པ་སེལ། །ཡིད་བཞིན་ནོར་བུ་ཉིད་ལས་བྱུང་། །སྐྱེ་འགག་མེད་པས་འཇིགས་དང་བྲལ། ཅིར་ཡང་མ་ངེས་ཉམ་མི་ང་། །ཆུབ་ན་བྱ་བརྩལ་ཀུན་དང་བྲལ། །གོ་བའི་ཡུལ་ན་བགྲོད་པ་མེད། །དེ་ཉིད་ཆེན་པོའི་ཚིག་རེ་རེར། །རྒྱལ་བ་ཀུན་གྱི་དགོངས་པ་བརྒྱུད། །གཞན་དུ་རྩ་བ་གསུམ་བཅད་ཀྱང་། །གསང་བའི་དོན་ཉིད་ཉིད་ལས་འབྱུང་། །གང་ཞིག་གཞན་དུ་གང་ཚོལ་བ། །དེ་ནི་གོལ་བའི་ལམ་དུ་ཞུགས། །རྣམ་རྟོག་མུན་པའི་སྒྲིབ་པས་བསྒྲིབས། །གང་མ་རིག་པ་དེ་བསྒྲིབས་ཡིན། །རྣམ་པར་རྟོག་པ་དེ་ཉིད་བགེགས། །བགེགས་ནི་དེ་ཉིད་དེ་ལས་བྱུང་། །གང་ལ་རྣམ་རྟོག་མ་བྱུང་ན། །བདུད་ཅེས་བྱ་བ་ག་ལ་ཡོད། །བདུད་ནི་གོང་ལས་བྱུང་ཞེ་ན། །རྟག་ཏུ་འགྲུས་ལས་བྱུང་བ་ཡིན། །འགྲུས་མེད་ཉིད་ལས་བདུད་མི་འབྱུང་། ཅི་ཕྱིར་མི་འགྲུས་དེ་ཉིད་བདུད། །དེ་བཞིན་སྐྱོན་དང་གོལ་སྒྲིབ་ནི། །ཡོན་ཏན་མཉམ་དུ་མཐོང་ལས་འབྱུང་། །གལ་ཏེ་ཡོན་ཏན་མཉམ་མཐོང་མེད། །སྐྱོན་དང་གོལ་སྒྲིབ་ག་ལ་ཡོད། །དེ་ཉིད་སྐྱོན་དང་གོལ་སྒྲིབ་ཡིན། །གང་ཉིད་མངོན་དུ་མ་གྱུར་ན། །གསང་བའི་དོན་བྱུང་གང་བསྲེལ་ཡང་། །ནད་པ་སྨན་སྲེལ་ཐབསམེདབཞིན། །ངེསཔའི་ཐབས་མེད་གནས་ངན་འ་། །ཡུལ་དང་མཚན་མ་དངོས་པོ་དང་། དྲན་རྟོག་ཐོས་མཐོང་ཇི་སྙེད་ཀུན། །ཡིད་ལ་ཇི་ལྟར་འགྱུས་པ་བཞིན། །དེ་ཉིད་སྐད་ཅིག་དེ་ལྷར་སྣང་། །རྟག་པ་མི་གནས་སྐད་ཅིག་མ། །མི་ནུབ་མ་ཆགས་བདེ་ཆེན་སེམས། །སེམས་ཀྱི་དབྱིངས་ལས་མ་གཏོགས་པ། །གཞན་ཞེས་གང་ཡང་མེད་པས་ན། །གོལ་སྒྲིབ་བྱ་བ་ག་ལ་ཡོད། །སུ་ཞིག་གོལ་སྒྲིབ་དོན་དུ་གཉེར། གང་གིས་གོལ་སྒྲིབ་ཇི་ལྟར་རྙེད། །གོལ་སྒྲིབ་ཉིད་ཀྱང་དེ་ཉིད་དབྱིངས། །བཙལ་བས་དེ་ཡང་དེ་ལ་ཐུག །གཞན་དུ་བཙལ་ཞིང་དེ་ལས་བྱུང་།བལྟས་པས་མཐོང་བ་རྟོག་པ་མེད། །འཇའ་སྣ་མུན་ཁུང་ཇི་བཞིན་ནོ། །དེ་ཉིད་མཐོང་བའི་ཁྱད་པར་ལས། །སྤྱོད་ལམ་དངོས་གཞི་གང་སྤྱད་ཀྱང་། །འཆིང་བར་མི་འགྱུར་འགྲོལ་འགྱུར་ཐལ། །ཐམས་ཅད་དེར་སྦྱངས་ལམ་གནས་མཆོག །གང་ཉིད་དོན་གྱི་རྗེས་ཚོལ་ཞིང་། །གོལ་སྒྲིབ་ཡོངས་སུ་གཅོད་འདོད་པའི། །མཐའ་སེལ་རྣལ་འབྱོར་སེམས་དཔའ་པ། །གང་ལ་ཞེན་པའི་ཕྱོགས་བཟུང་སྟེ། །དབུས་མཐར་ལྟ་བ་དེ་བཟུང་བས །ཆོ་གའི་ངེས་བློ་བརྟན་པ་ཅན། །དེ་ཀུན་རྣལ་འབྱོར་ཡིན་མོད་ཀྱང་། །ཡང་དག་དོན་ལ་རྣལ་མི་འབྱོར། །སྤྱོད་ལམ་རྣལ་དུ་འབྱོར་མོད་ཀྱི། །ཡང་དག་དོན་དུ་ཡང་མ་འབྱོར། །ཕྱོགས་སུ་ལྟ་ལ་ཞེན་མོད་ཀྱི། །དམ་པའི་དོན་དུཡངམཞེན། །གློབུརལས་རོ་ཚོར་མོད་ཀྱི། །ཆོས་ཉིད་ཀྱི་ནི་རོ་མ་ཚོར། །བདག་མེད་ཕྱོགས་བྲལ་ཟེར་མོད་ཀྱི། །ཕྱོགས་སུ་ལྟ་དང་ཡང་མ་བྲལ། །བ ལ་ཞུགས་་ག་པ་ཆོམས་མོད་ཀྱི། །གཟུང་འཛིན་་ག་པ་ཡང་མ་ཆོམས། །དབུས་མཐར་རྟོག་པའི་རྣལ་འབྱོར་པ། །བརྗོད་པ་ཚིམ་ལམ་སྒྲོན་མ་ཡིས། །ཡང་དག་དབུ་མའི་གསེར་ཚོལ་བ། །རྟོག་འདོད་སྤྲེའུ་འདི་གཟུང་བྱས་ནས། །རྐུན་མོ་བྱི་ལ་གདགས་པར་བྱ། །གསེར་ཁུང་སྐར་ཁུང་ཀུན་བཀག་སྟེ། །རེའུ་ཆ་ཕང་ཕུང་བཤིགས་ནས་ནི། །རྒྱལ་པོའི་དཀོར་མཛོད་ཁ་ཕྱེ་ན། །དེ་དག་ལོངས་སྤྱོད་རྫོགས་བདག་པོ། །ཡང་དག་དབུ་མའི་ལམ་ཚོལ་བ། །རྟོག་པའི་སྐྱོན་ལྔ་སྤང་པར་བྱ། །རྟོག་པ་རགས་པའི་ངོ་བོ་དང་། །མཚན་མ་རྒྱུ་བ་ཚོར་བ་དང་། །བྱུང་ཚོར་འབྱུང་བ་རྣམ་པ་ལྔ། །དེ་ཡང་འདི་ལྟར་རྟོག་པར་བྱེད། །རྟོག་པ་ལ་ཡང་གཉིས་ཡོད་དེ། །རགས་པ་དང་ནི་ཕྲ་བའོ། །དེ་བཞིན་མཚན་མ་ཆེ་ཆུང་གཉིས། ཁུ་བ་རིང་པོ་ཐུང་ངུ་གཉིས། །ཚོར་བ་གསལ་བ་མི་གསལ་བ། །བྱུང་ཚོར་མྱུར་བ་བུལ་བའོ། །འདི་ནི་དོན་ལ་སྒྲིབ་པ་ཡི། །རྟོག་པ་ཆེན་པོ་བགེགས་ཆེན་ཡིན། །ཅི་ཕྱིར་དབུས་ཉིད་མི་མཐོང་ཕྱིར། །མུན་པ་དང་ནི་འཁྲིགས་པ་དང་། ཀུན་ཏུ་འཐིབས་དང་སྤྲིན་ཕུང་དང་། །ན་བུན་ལྟ་བུ་སྒྲིབ་པ་ཡིས། །དཔུང་ཉིད་མི་གསལ་མཐོང་མི་འགྱུར། །འདི་ཡང་རྣམ་པ་གཉིས་གཉིས་ཏེ། །མུན་པ་མུན་ནག་ཆེན་པོ་དང་། །ཀུན་ནས་འཐིབས་པ་ལྟ་བུ་སྟེ། །ཡོངས་སུ་འཁྲིགས་དང་བསྒྲིབས་པ་དང་། །འཐིབས་པ་ཆེན་པོ་ཆུང་ངུ་གཉིས། སྤྲིནཆེནའཐིབསདང་འལ་འོལ་དང་། །ན་བུན་བཏམས་དང་བན་བུན་གཉིས། །གནས་ངན་གསུམ་དང་ཕྱེད་སྣང་གནས། །འདོད་པ་བཞི་ཡི་བདེ་གནས་དང་། །བསམ་གཏན་གནས་དང་རྒྱུན་བཞི་གནས། །ཉན་ཐོས་རང་རྒྱལ་སེམས་དཔར་ལྟུང་། །སྒྲིབ་པ་གྱུར་པའི་མུན་ནག་ནི། །མཚན་མའི་གཡེང་བ་དྲུག་ཏུ་སྣང་། །རང་བཞིན་ཕྱི་ནང་མཚན་མ་དང་། །ཡིད་ལ་བྱེད་དང་གནས་ངན་ལེན། །འདི་དག་རབ་ཏུ་གསལ་བར་འདོད། །གང་དུ་དབུ་མ་ཉིད་ལྟ་ཆེ། །དབུ་མའི་ལམ་ལ་སྒྲིབ་པའི་སྐྱོན། །རྣམ་པར་ལྔ་བྱུང་གང་སྒྲིབ་པ། །བྱུང་ཚོར་བྱིང་རྨུགས་འཛིན་ཆགས་དང་། ཐེར་ཟུག་ཕྱལ་བའི་དབང་གིས་ནི། །གཡང་དང་འཐིབས་དང་འགོག་པ་དང་། །རྟག་ཏུ་མེད་པ་ཁོ་ན་ཡིད། །འདི་དག་དབུ་མའི་སྐྱོན་ཡིན་ཞེས། །དབུ་མར་སེམས་དཔའི་རྣལ་འབྱོར་འདོད། །དབུ་མ་ངེས་པའི་ལམ་ཚོལ་བ། །དགོན་པའི་རྒྱུན་དུ་དབེན་བཟུང་སྟེ། །ཚད་མ་གཉིས་ཀྱི་གཞལ་བའི་བློས། །རྣམ་པོར་རྟོག་པའི་རྗེས་གཅོད་པ། །ཡོད་མེད་སྔོན་རྟོག་གང་ལས་བྱུང་། །བརྟགས་པས་རྟོག་པ་རྟས་ལས་འབྱུང་། །རྟོག་པའི་རི་བོ་ཞི་བར་འགྱུར། །དེས་ནི་གནས་ངན་གསུམ་དུ་མིན། །རྟོགས་པ་གང་ལས་བྱུང་ཞེ་ན། །མཚན་མ་ཉིད་ལས་བྱུང་བ་ཡིན། །མཚན་མ་སྒྱུ་མར་རབ་ཤེས་ན། །མཚན་མའི་ཆོས་རྣམས་ཞི་བར་འགྱུར། །དེས་ནི་འདོད་ཁམས་ཐ་མར་མིན། །མཚན་མ་དེ་ཡང་ཇི་ལྟར་ན། །དེ་ཡང་འབྱུང་བ་དག་ལས་བྱུང་། །དྲན་པ་སྐྱོན་དང་ཞིར་ཤེས་ན། །དུ་བའི་སྐྱོན་རྣམས་སེལ་བར་བྱེད། །འདོད་ཁམས་གཉིས་པར་དེ་དག་མིན། །རྒྱུ་བ་དེ་ཡང་གང་དེ་བཞིན། །དེ་ཡང་དེ་ལྟར་བྱུང་བ་ཡིན། །དེ་ཉིད་དེ་ལྟར་ཤེས་གྱུར་ན། །སྐྱོན་གྱི་ཚོར་བ་སེལ་བར་བྱེད། །འདོད་ཁམས་གསུམ་པར་དེ་ཡང་མིན། །དེ་ཉིད་དེ་ལྟར་དེར་བརྩད་ན། །གང་དེ་ཕྱི་དག་ཉིད་ཁོ་ན། །དེ་ཉིད་སྐྱོན་དུ་རབ་ཤེས་ན། །འགག་དང་སྐྱེ་བ་ག་ལ་ཡོད། །དེ་ནི་འདོད་ཁམས་བཞི་པར་མིན། །དེ་ཡང་གང་ལས་སྐྱེ་མཆེད་ན། །སེམས་ཀྱི་ཆོས་ལས་གྱུར་པ་སྟེ། སེམས་ཉིད་སྒྱུར་མ་རབ་ཤེས་ན། །སེམས་ཀྱི་ཆོས་རྣམས་ཞི་བར་འགྱུར། །ཕུང་པོ་གཟུགས་བརྙན་འདྲ་བ་ལ། །སེམས་ནི་སྨིག་རྒྱུ་ལྟ་བུར་འདོད། །ཡོད་མེད་གཉིས་ཀྱི་མཐའ་ལས་གྲོལ། །དེ་ཤེས་འདོད་ཁམས་ལྔ་པར་མིནསེམས་ཉིད་ཡོད་པའི་དངོས་པོའམ། །མེད་ཅེས་བྱ་བར་མི་ལྟ་བས། །ཡ་མཚན་ཅན་དུ་ལྟུང་མི་འགྱུར། །བྱིང་རྨུགས་ཅན་དུ་མ་གྱུར་པས། །བསམ་གཏན་སྐྱོན་དུ་དེ་མི་འགྱུར། །འདི་ཤེས་རྗེས་སུ་མ་འབྲངས་པསསེམས་ཅན་གནས་སུ་དེ་ཡོང་མིན། །ཀུན་འབྱུང་ཀུན་གཞི་ཉིད་མཐོང་བས། །ཞི་བའི་གནས་སུ་ཡང་མ་ཡིན། །ཞི་བས་ཞི་བར་མི་ལྟ་བས། །རང་རྒྱལ་གནས་སུའང་ག་ལ་ཡིན། །རྣམ་རིག་ཙམ་དུང་མིན་པས་ན། །སེམས་དཔའ་དེ་ཡང་དེར་མ་ཡིན། །སྟོང་ཉིད་མཉམ་པའི་དབུ་མ་ལ། སོ་སོ་ཐ་དད་དབྱེར་མེད་པས། །ས་ཡི་རིམ་པ་སྦྱོང་མ་ཡིན། །ཕྱོགས་ལྟ་མཐའ་འདས་དབུ་མ་ཉིད། །རངབཞིནམེདཔདེཉིད་ལ། །སེམས་ཉིད་གྱིན་ད་སྐད་ཅིག་མས། །མི་གཡོ་རྒྱུན་དུ་དྲན་པར་བྱ། །དེ་ལྟར་དེ་ལ་མཉམ་གཞག་ན། །རྟགས་ཀྱི་ཚོར་བ་འདི་ལྟར་འབྱུང་། །དྲོད་དང་རྟགས་དག་ཆོ་འཕྲུལ་དང་། མངོན་པར་དང་ནི་ཡེ་ཤེས་འབྱུང་། །དྲོད་ནི་གཡོ་དང་ཐོབ་པ་དང་། །རྟགས་ནི་འབྱུང་དང་བརྟན་པ་དང་། །ཆོ་འཕྲུལ་འབྱུང་དང་རྫོགས་པ་དང་། །གང་དུ་རིག་པ་ཐམས་ཅད་གསལ། །དེར་ནི་དོན་རྣམས་རྫོགས་པ་ཡིན། །དཔེར་ན་མུན་པ་སངས་པ་དང་། །སྣང་བ་བྱུང་དང་ནམ་མཁའ་དང་། །ཀུན་དུ་མཐོང་དང་ཐམས་ཅད་གསལ། །དེས་ན་དེ་ཡི་ཁྱད་པར་གྱིས། །གང་དུ་ཆགས་པའི་མུན་བསལ་ཏེ། །ཇི་ལྟར་རླུད་གིས་སྤྲིན་ཕྱགས་ལྟར། སྐད་ཅིག་ཙམ་གྱི་རྣལ་འབྱོར་གྱིས། །མུན་པའི་ཁམས་དེ་འཕྱག་པར་འགྱུར། །ཇི་ལྟར་མ་མེས་མུན་བསལ་ན། །དེ་ཉིད་སྣང་བར་གྱུར་པ་བཞིན། །སྐད་ཅིག་མ་ཡི་དེ་རིག་ན། །སྔོན་ནས་ཞེན་པའི་མུན་པ་སེལ། །དེ་གང་རིག་པ་དེ་དག་ནི། །དེ་ཉིད་དེ་ཡི་སྒོ་ཕྱེ་ཞིང་། །དེ་བཞིན་མིག་དང་དེ་ལྡན་པས། །མཐོང་ཐོས་ཚིག་ལམ་ལེའུ་བཞིར་བསྡེབས། །ས་པ་ཡིན་པས་དེ་ལ་ལྟོས། །དེ་ཡི་མིག་དང་མ་ལྡན་ན། །མུ་མཐའ་ཡས་པའི་ཚིག་རྣམས་ཀྱིས། །དེ་ལ་ཐ་སྙད་ཅི་བརྗོད་ཀྱང་། །ངེས་མ་ངེས་ཀྱི་དམིགས་མི་ཕྱེད། །ཚིག་ཕྱིར་བློ་འབྲངས་དམུ་རྒོད་དག །བསླབ་པའི་ས་དང་ལམ་མ་ཡིན། །ཚིག་ལམ་འབུམ་ཕྲག་ཅི་བརྗོད་ཀྱང་། །གཞན་ལ་སྨྲ་བར་བྱ་མ་ཡིན། །གལ་ཏེ་གང་ཞིག་གང་སྨྲ་བ། །ལོག་སྨྲ་རྡོ་རྗེའི་བཀའ་རྐུན་པའོ། །ཐར་མེད་རྡོ་རྗེ་དེ་ལྟུང་འགྱུར། །ངོར་སྒྱུ་ཚུལ་འཆོས་མཁན་དག་གིས། །ངེས་པའི་བློ་ཤེད་མ་བྱེ་བར། །ཚིག་ལམ་ཡི་གེས་ཁྲིད་ནས་ནི། །གང་མ་ངེས་པར་ལམ་བརྗོད་ན། །སྲོག་ཆགས་ཀུན་གྱི་སྲོག་ཕྲོགས་པས། །མ་ངེས་ཆོས་སྨྲ་བདེ་བས་ལྡི། །དེས་ན་མཐའ་དབུས་མཉམ་ཉིད་ལ། །བདུད་དེ་ཅིག་ཅར་གང་འཇུག་པ། །རྣལ་འབྱོར་གནས་ཡུན་རིང་ཐུང་དང་། །གང་འཕྲོ་ཡོད་དང་མེད་པ་དང་། །ནམ་ཚིག་མཉམ་པའི་ཁར་མ་ལུས། །དེ་ལ་དེ་བཞིན་དེར་བཞག་ན། །དེ་མ་ཐག་ཏུ་དེ་ཉིད་སྣང་། །དེ་ལས་དེ་བཞིན་མ་གཡོས་ན། །གྲོང་ཁྱེར་སྣང་བ་དེ་མི་འགྲོ། །དེ་ལ་དེ་ལྟར་མ་ཆགས་ན། །སྣང་བ་མེད་པར་ག་ལ་འགྲོ། །དེ་ཉིད་མངོན་དུ་གྱུར་པས་ན། །ཞི་བའི་གནས་སུ་དེ་དག་མིན། །ཡོད་དང་མེད་པའི་མཐའ་ཆོད་ན། །མཐའ་ལས་འདས་པའི་རྣལ་འབྱོར་ཉིད། །གང་འདིར་ངེས་པ་དམ་པའོ་ཞེས། །གང་དག་འདི་ལྟར་དམ་འཆའ་བ། །གང་ལ་རེ་དོགས་མེད་པ་ཡི། །གོལ་སྒྲིབ་ཉིད་དུ་ངེས་པར་སྣང་། །ཅི་ཕྱིར་དབུས་མཐའ་འབྱེད་པས་ན། །དབུས་ཡོད་མཐའ་ཡང་རང་བཞིན་འབྱུང་། །དབུས་མེད་མཐའ་ཡང་ངང་གིས་མེད། །དབུས་མཐའ་འབྱེད་པ་དེ་ཉིད་ནང་། །མཐའ་དང་དབུས་བྲལ་དེ་ཁོ་ན། །མི་གནས་མི་ལེན་མི་འབྱེད་ཅིང་། །ཅི་ཡང་མ་ཡིན་མཐོང་ཐོས་མེད། །ཅི་ཡང་མི་འབྱེད་བྱ་དང་བྲལ། །སྣང་མེད་སྣང་བའི་ཐ་སྙད་༄༅ བྲལ། །བསམ་དུ་མེད་པའི་ཆོས་ཉིད་ནི། །མི་བསམ་དེ་བཞིན་ཉིད་དུ་གཞག །བསམ་གྱིས་མི་ཁྱབ་ཆོས་རྣམས་ཀུན། །བསམ་མེད་དེ་བཞིན་ཉིས་ལས་མེད། །ས་དང་རྣམ་ཐར་ལ་སོགས་པ། །ཆོས་སྐུ་བྱང་ཆུབ་དཀར་པོའི་ཕྱོགས། །ཀུན་ཀྱང་བསམ་དུ་མེད་པ་ཡི། །གོལ་སྒྲིབ་ཆེན་པོར་གྱུར་པ་ཡིན། །འདའ་དཀའ་ཆེན་པོའི་དཀའ་ཐུབ་ནི། །མ་བཅོས་དེ་བཞིན་ཉིད་ཁོ་ན། །དཔག་མེད་རལ་བ་འདའ་བར་དཀའ། །གང་གཟུགས་མེད་ལས་གང་འཛིན་གོལ། །བདལ་ཁྱབ་ཆེན་པོའི་ས་འདི་ནི། །ཡེ་ནས་མ་བགྲོད་རང་བཞིན་བཀོད། །ས་འདིར་མ་ཆུབ་གང་ཡང་མེད། །གང་འདིར་ས་བཀོད་གང་བགོད་གོལ། །དེ་བཞིན་དེ་རིག་ཡེ་འབྱུང་ལ། །ཁྱད་པོར་རིམ་པར་འབྱུང་འདོད་གང་། །གང་འདིར་རྨོངས་པ་ཁོ་ནའོ། །རང་བྱུང་དེ་ལས་ངེས་པར་གྲོལ། །བསམ་ཡུལ་དམིགས་སུ་མེད་པ་ལ། །བཏང་སྙོམས་ཆེན་པོའི་རྣལ་འབྱོར་པ། །ཇི་བཞིན་པ་ཉིད་ཡིན་བཞིན་དུ། །ལུས་དབེན་སེམས་འཆོས་གོལ་སར་ཞུགས། །ཀུན་གྲོལ་ཆེན་པོ་དེ་ཉིད་ལ། །བཅིང་གྲོལ་མེད་པར་ངེས་བཞིན་སྲ །གང་འདིར་དཀའ་ཐུབ་རྟོགས་པས་བཅིངས། །རྣམ་གྲོལ་ཆེན་པོ་ཉིད་ལས་གྲོལ།ཡེ་ནས་མ་བཅོས་ཉིད་ཁོ་ནར ། ང་ ནས་དེ་ཉིད་དེ་ཁོ་ན དེ་ལ་་ལ་ས་ ་ལ་ཡོད། །་ལ་ངབ་ཉིད་ཀྱང་དེ་ཁོ་ན། །དེ་ ད་ཅེས་བགྲོས་ལས་ལང་ འི་བད ་པོ་ལ་སོ ས་པ་དམན་པའི་ལུས་ཀྱི་སེམས་དཔའ་རྣམས་གང་གི་བཅིང་བ་ལས་ཡོངས་སུ་གྲོལ་ཏེ་རེ་རྩོལ་གྱི་ཐེ་ཚོམ་ཆད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་པས་ཆོས་ཐམས་ཅད་ཀྱི་མེ་ལོང་བསྟན་པའི་ལེའུ་སྟེ་ལྔ་བཅུ་བཞི་པའོ།།དེ་ནས་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། །གསང་བ་པའི་བདག་པོ་ལ་གང་གི་རྩ་བ་དྲིས་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཆོས་ཐམས་ཅད་ཀྱི་རྩ་བ་ཞེས་བགྱི་བ་དེ་གང་ལགས། །དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་གང་དུ་དྲི་བ་དམ་པ་འདི་ནི་ལེགས་སོ། ་རྐོན་ཏུ་རབ་ཏུ་ལེགས་སོ། །གང་ཆོས་ཐམས་ཅད་ཀྱི་རྩ་བ་ཞེས་བྱ་བ་དེ་ནི་རྩ་བ་བྱང་ཆུབ་ཀྱི་སེམས་ལ་བྱའོ། །དེ་ནི་འདི་ལྟར་ཡོངས་སུ་ཤེས་པར་བྱ་སྟེ། །སངས་རྒྱས་ཀུན་གྱི་ཐུགས་ཀྱི་ཆོས་ཉིད་དང་། སེམས་ཅན་ཀུན་གྱི་སེམས་ཀྱི་ཆོས་ཉིད་དུ་ཤེས་པར་བྱའོ། །དེ་ནི་མུན་སྣང་གཉིས་སུ་སྣང་བ་ཡིན་ཏེ། ལང་ཀའི་བདག་པོ་དེ་ཡང་འདི་ལྟར་བཅོམ་ལྡན་འདས་གསང་བ་མཆོག་གི་བདག་པོ་དེས་གསང་བའི་གནས་པརློའི་ཅན་ཞེས་བྱ་བ་གཙུག་ཏོར་འཁོར་ལོས་སྒྱུར་བའི་ལྷུམས་གསང་བ་མཆོག་གི་ཕོ་བྲང་ན་སྐད་ཅིག་བཞུགས་པ་དེའི་ཚེ་དེའི་དུས་ན། །གང་སྐྱེས་བུ་དམ་པ་དཔག་ཏུ་མེད་པ་དག་དེ་ཁོ་ན་ཉིད་གསང་བ་དམ་པའི་ཐེ་ཚོམ་གཅོད་པ་དང་། ཡོངས་སུ་ཞུ་བ་དང་། ཞུ་བར་སྡོག་པ་དང་། ཐེ་ཚོམ་ཆད་ནས་སླར་དོང་བ་དང་། གང་ཁོ་བོ་འཁོར་དེར་འདུས་པར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་བྱང་ཆུབ་ཀྱི་སྙིང་པོ་ཞེས་བགྱི་བ་ཆོས་ཐམས་ཅད་ཀྱི་རྩ་བ་དེ་མ་མཐོང་མ་དམིགས་ལགས་སོ། །ཡང་དག་པར་མ་རྙེད་ངེས་པ་མ་འཚལ་བ་ལགས་སོ། །བགྲོད་པས་མ་ཁྱབ་ལགས་ན་འདི་གང་ན་མཆིས། །གང་དུ་བཙལ། །གང་ཞིག་ལགས། །གང་ལ་བགྱི། །གང་དུ་སྟོར་། བཅོམ་ལྡན་འདས་དུས་ཀྱི་སྐད་ཅི་མ་འདི་ཉིད་དུ་བསྟན་དུ་གསོལ། བདེ་བར་གཤེགས་པ་འདི་བསྟན་དུ་གསོལ། ཞེས་ཞུས་པ་ལས་བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་བྱང་ཆུབ་གྱི་སྙིང་པོ་ཞེས་བྱ་བ་ཆོས་ཐམས་ཅད་ཀྱི་རྩ་བ་དེ་ནི་སྒྲིབ་པས་མ་མཐོང་། མེད་པས་མ་དམིགས། ཟབ་པས་མ་རྙེད། དཀའ་བས་མ་ཤེས། མྱུར་བས་མ་སླེབས། ཡངས་བས་མ་ཁྱབ་པ་ཡིན་ཏེ། འདི་མུན་པའི་ཁམས་ན་ཡོད། །གྲོང་ཁྱེར་གསུམ་དུ་བཙལ། འདི་ཡན་ལག་དང་མདོ་དང་རྩ་བ་ཡིན། ངོ་བོ་དེ་ཁོ་ན་ཉིད་ལ་བྱ། མུན་པའི་ཁམས་སུ་སྟོར། །སེམསདཔའ་ཆེན་པོ་དེ་ལྟ་བས་ན་མུན་པ་འདི་བསལ་བའི་ཕྱིར་འདིའིརངབཞིནལམཁསཔར་བྱའོ། །དེབཞིནདུངོབོདང། མཚན་ཉིད་དང་། ཡན་ལག་དང་། ཇི་སྲིད་པའི་ཡུན་དང་། ལས་དང་། མུན་པའི་རྣམ་གྲངས་དང་། དཔེ་ལ་སོགས་པ་དང་། བསལ་བའི་ཐབས་རྣམས་ལ་མཁས་པར་བྱའོ། འདི་ལ་ནན་ཏན་དུ་བྱའོ། །གང་མུན་པའི་ཁམས་པ་དག་དང་། ཆ་གཅིག་ཏུ་ཤེས་བྱའོ། །དེ་སྐད་ཅེས་བཀལ་སྩལ་པ་དང་། ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་མུན་པ་འདི་ཅི་ལས་བྱུང་། མུན་པ་འདིའི་རང་བཞིན་ཅི། །མུན་པ་འདིའི་ངོ་བོ་གང་། མུན་པ་འདིའི་མཚན་ཉིད་ཅི། མུན་པ་འདིའི་ ཡན་ལག་ཏུ། མུན་པ་འདིའི་རྩ་བ་གང་། མུན་པ་འདི་ཇི་སྲིད་ཅིག་གནས། མུན་པ་འདིས་ཅི་ལ་སྒྲིབ། མུན་པ་འདིའི་བྱེ་བྲག་ཏུ། མུན་པ་འདི་གང་དང་མཐུན། མུན་པ་འདི་གང་དུ་འཐིབས། མུན་པ་འདི་གང་གི་སེལ། མུན་པ་ཞེས་ཅིའི་ཕྱིར་བགྱི། འདི་ཅི་ཕྱིར་འཐིབས། དྲ་བ་གང་དུ་འདུས། འདི་བཤད་དུ་གསོལ། བདེ་བར་གཤེགས་པ་འདི་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་དེས་བཀའ་སྩལ་པ། སེམས་དཔའ་ཆེན་པོ་མུན་པ་དང་སྣང་བས་བསྡུས་པའི་ཆོས་ཐམས་ཅད་ཀྱི་རྩ་བ་ནི་གཞི་དང་རྩ་བ་མེད་པར་འདུས་པར་ཤེས་པར་བྱའོ། །དེ་ལྟར་སྟོན་པའི་མདོ་ནི་འདི་ལྟ་སྟེ། སངས་རྒྱས་བྱང་ཆུབ་འབྱུང་བ་ཡིན། །བསྐྱེད་ཅིང་སྙིང་པོ་དེ་ཉིད་དེ། །པཟློ་ཁ་འབུས་སྙིང་པོ་ལྷར། །རྩ་བ་འཁོར་བའི་འདམ་ན་ཡོད། །རྩ་བ་ཐམས་ཅད་འབྱུང་བ་ཡི། །རྩ་བ་མེད་པའི་རྩ་བ་ནི། །ཆོས་རྣམས་ཀུན་གྱི་རྩ་བ་ཡི། །ཁམས་གསུམ་འདི་དག་ཉིད་དུ་འདུས། །ཆོས་འདི་ཟབ་སྟེ་མཐོང་བར་དཀའ།རྟོགས་པ་ཡང་ནི་མི་ནུས་ཏེ། །མཐར་ཕྱིན་ས་ལ་གནས་པ་ཡིན། །སྐྱེས་བུ་ཀྱང་ནི་མཐོང་མ་ཡིན། །མེད་པས་སྟོང་པའི་ཆོས་ཉིད་འདི། །ཡོད་པའི་དངོས་པོ་ཡང་མི་དམིགས། །དམིགས་དང་མི་དམིགས་ཚིག་ལམ་ཆད། །རྣམ་པར་མི་རྟོག་སྐྱེ་བ་མེད། །གསལ་བས་དུས་མཐའ་མེད་པ་སྲ །མ་ལུས་ཁྱབ་པར་ཀུ་བཙལ་ཡང་། །འདི་ཞེས་བྱ་བའི་དངོས་པོ་ཞིག །མི་རྙེད་རྙེད་པར་མི་འགྱུར་རོ། །མཁས་པས་དུས་མཐའ་མེད་པ་མྲ ཁྲེན་ཏུ་བསྒྲིམས་ཏེ་ཅིར་བརྟགས་ཀྱང་། །གང་འདིར་ཅི་ཡང་མཐོང་བ་མེད། །མགྱོགས་པས་དུས་མཐའ་མེད་པ་མྲ །ཉམ་ཐག་ཆད་པས་བརྒྱུགས་ཀྱང་ནི། །ད་དུང་དེ་ཉིད་དབྱིངས་འདི་ལས། གར་ཡང་མ་ཕྱིན་ཕྱིན་པ་མེད། །སྐྱེ་མེད་ཆོས་ཀྱི་སྡོང་པོ་ལ། །རྣམ་པ་བཞི་ཡི་ཡན་ལག་གོལ། །བྱང་ཆུབ་བླ་མེད་སྙིང་པོར་སྨིན། །དེ་ནི་ཀུན་འབྱུང་བྱང་ཆུབ་ཤིང་། །འཇུག་པ་དོན་ལ་འདོད་པའི་ཁམས། །མངོན་མེད་འཛིན་པ་གཟུགས་ཁམས་སོ། །སྣང་མེད་མ་ཆད་གཟུགས་མེད་ཉིད། །གང་དེ་ཆེད་ལས་བྱེད་ལས་འགྱུར། །ཡུལ་དུ་གང་འགྱུར་འཇུག་པ་ཉིད། །གང་ལ་འཇུག་པ་དེ་རྣམས་ཤེས། །དེ་ཡུལ་མུན་པའི་ཁམས་གྱུར་ཀྱང་། །བྱང་ཆུབ་སེམས་འདི་སྟོང་པར་འགྱུར། །མུན་པའི་ཁམས་སུ་གྱུར་པ་དག །མུན་པའི་འདུ་ཤེས་ཉིད་དུ་འབྱུང་། །མུན་པའི་ཁམས་པས་གང་ཤེས་པ། །ཕྲ་མོའི་ཆ་ཤས་ཙམ་ཡན་ཆད། །གང་འདི་བློ་ཆུང་བྱིས་པ་རྣམས། །ཆེད་དུ་གླེང་ཞིང་གང་བརྗོད་པ། །བློ་ལྡན་ཀུན་ལ་འདི་བརྗོད་ཀྱིས། །བླུན་པོའི་ཆེད་དུ་ཤེས་པར་གྱིས། །འདི་ཡང་འདི་ལྟར་ཡོངས་སུ་སྣང་། །ཡན་ལག་མདོ་དང་རྩ་བ་སྟེ། འབྱེད་དང་འགྲོལ་དང་འབྱིན་པ་ཡིན། །ཡན་ལག་དྲུག་ཏུ་གང་གྲགས་པ། །མཐོང་ཐོས་ཚོར་མྱོང་རེག་ཤེས་དྲུག །འབྱུང་འཇུག་གཅོད་པའི་ཡན་ལག་ཡིན། །ལང་ཀའི་བདག་པོ་མདོ་བཞི་ནི་གང་ཞེ་ན། འདི་ལྟ་སྟེ། གཞིའི་མདོ་དང་། དམིགས་པའི་མདོ་དང་།སྣང་བའི་མདོ་དང་། འཇུག་པའི་མདོའོ། །དེ་ཡང་འདི་ལྟར། མདོ་བཞི་གཞི་དང་དམིགས་པ་དང་། སྣང་དང་འཇུག་པ་ལུང་བཞིན་བཤད། །ལང་ཀའི་བདག་པོ་དེ་ལ་བཞིའི་མདོ་ནི་འདི་ལྟ་སྟེ། བཞི་ནི་བྱིས་པ་འདི་ལྟར་འདོད། །གཟུགས་མེད་མིང་ལ་མངོན་ཞེན་པ། །མེད་པའི་ཁམས་ནི་དེ་ཁོ་ན། །ཤེས་པར་ཀུན་གྱི་ངོ་བོར་འབྱུང་། །ཤེས་བྱ་ཉིད་དེ་ཡུལ་དུ་སྣང་། །ཐམས་ཅད་འབྱུང་བར་བྱེད་པའི་རྒྱུ༑ ་།ཡེ་ནས་ངང་གིས་མ་སྐྱེས་ལ མ་བཅོས་ཡང་གི་འོད་གསལ་བ། །རྒྱུ་རྐྱེན་མེད་པས་འདུས་མ་བྱས། །ཡོངས་སུ་མ་ཆད་ཡུལ་ཀུན་ལ། ཁྲེས་ལ་མི་གསལ་ལྷན་ཅིག་འབྱུང་། ཁྱབ་འཇུག་བཏང་སྙོམས་དངོས་མེད་ཉིད། །རྣམ་པར་མི་རྟོག་དཔྱོད་དང་བྲལ། །མི་རྟོག་དེ་ཡི་དེ་ཉིད་ལ། །སྐད་ཅིག་སྔ་ཕྱིར་ཇི་སྙེད་པ། །རྒྱུན་དང་བཅས་པའི་ཆུ་བོ་བཞིན། །རྒྱུན་འབྱུང་སྐྱེ་འགག་བཅས་པའོ། །གཅིག་ཏུ་ཆད་པ་མེད་པ་ཡི། །སོ་སོ་རིས་ལྟར་མི་སྣང་བ། །བྱེ་བྲག་རྣམ་པར་འབྱེད་པ་ནི། འདི་དང་འདི་ཞེས་ག་ལ་ཡོད། །ཐ་སྙད་གཉིས་ཀྱིས་བསྡུས་པའི་ཆོས། །ཐམས་ཅད་ཐམས་ཅད་པ་ཉིད་དེ། །ཀུན་འགྲོ་ཀུན་འཇུག་ཀུན་ལ་སྦྱོར། །དངོས་རིག་སྣ་ཚོགས་དབྱེར་མི་རིགས། །གཡོ་བ་ཉིད་དང་རྣམ་པར་བཀོད། །ཡོངས་མྱོང་གཅོད་དང་དེ་འཛིན་བྱེད། །ལྔ་ལྡན་མདུན་དུ་ལྡན་པ་ལ། །དེ་ནི་ཀུན་ལ་སྙོམས་པ་ཡིན། །གང་ཞེན་དེ་འཛིན་ཀུན་མི་གཏོང་། །གོ་སྐབས་ཡོད་པའི་ནམ་མཁའ་ལྟར། །ཆོས་ཀུན་གནས་འབྱུང་གོ་ཡོད་པ། །སྐྱེད་མིན་སོགས་དང་ལེན་པ་ཡིན། །རྐྱེད་ནི་གཉིས་དང་མི་ལྡན་ཏེ། །མ་ངེས་དེ་ཉིད་ཁོ་ན་ལ། །ཐམས་ཅད་དུ་ནི་གནས་པ་ཡིན། །རྐྱེན་ནི་གང་ཕྲད་དེ་ཉིད་དུའོ། །ཆོས་རྣམས་རྩ་བར་གཅིག་པ་ལ། །དེ་རྒྱུན་དབང་གི་རྣམ་པ་གཉིས། །གཞི་དང་རྟེན་ཞེས་གྲགས་པ་ལ། །རྨོངས་དང་ཤེས་པའི་ཁྱད་པར་སྣང་། །གཞི་ལ་ཀུན་འགྲོ་ཀུན་ལ་རྨོངས། །རྣམ་པ་ཞེན་པའི་བསྟི་གནས་མེད།རྟེན་ནི་གཞི་སྦྱོར་སྣང་བ་དང་། འགྱུར་མེད་རྣམ་དག་བཙལ་མེད་གནས། །དེ་དག་རེ་ཞིང་རྒྱུ་འབྲས་གཉིས། །སྔ་མ་སྔ་མ་གང་དག་གང་། །ཕྱི་མ་ཕྱི་མ་སྨིན་པའི་རྒྱུ། །དེ་བཞིན་ཀུན་ཏུ་འཁོར་བར་འབྱུང་། །རྟེན་ལྔ་དེ་རྒྱུན་དེ་དབང་གིས །རྣལ་འབྱོར་ལྔར་སྣང་གཉེན་པོ་ལྔ། །སྨིན་པའི་དཔེ་ལྔ་སྦྱོར་དཔེ་བཞིན། །སྐབས་ལྔ་ལམ་ལྔ་དེ་བཞིན་ས། །ལྔ་ལྔ་བསྟི་གནས་དུས་ལྔ་དང་། །གནས་ལྔ་མཐར་ཕྱིན་རྣམ་པ་ལྔ། །འདིར་དབྱེ་བ་ལས་ལྔ་བཅུ་དྲུག །རྫོགས་པར་སྣང་བས་ལྔར་བཤད་དོ། །ཆོས་རྣམས་ཀུན་གྱི་གཞིར་གྱུར་པས། །ནོར་བའི་རྐྱེན་གྱིས་འཁོར་བར་སྣང་། །རང་བཞིན་ཇི་ལྟར་ཡིན་པའི་དོན། །ངེས་པར་མཐོང་ན་མྱ་ངན་འདས། །ཀུན་གྱི་གཞི་དང་གང་དེ་ཤེས། །ཆོས་ཀྱི་ཕུང་པོ་སྲིད་གསུམ་འབྱུང་། །དེ་བྱུང་རྩ་བ་སྣ་ཚོགས་ལེན། །དབྱིབས་དང་འབྱུང་གནས་རྒྱུ་ཞེས་གྲགས། །སྟོང་པ་ཉིད་དང་མཚན་ཉིད་མེད། །དེ་བཞིན་ཉིད་དེ་མ་ནོར་བ། མ་བཅོས་གཞན་མ་ཡིན་པ་ཉིད། །ཏིང་འཛིན་རྟོག་པ་སྟོང་ཉིད་གྲགས། །ལྷག་མཐོང་ཞི་གནས་རྣམ་པར་ཐར། །དབུ་མ་མཐའ་བྲལ་གཟུང་བ་མེད། །འཛིན་མེད་ཆད་མེད་རྟག་པ་མེད། །སྐྱེ་མེད་འགག་མེད་རྟོག་པ་མེད།རྣམ་པར་རྟོག་མེད་མཚན་མ་མེད། །དེ་བཞིན་བདག་མེད་གཞན་མེད་པ། །འགྲོ་བ་མེད་ཅིང་འོང་བ་མེད། །དྲི་མེད་འདུ་བ་འབྲལ་བ་མེད། །ཕུང་མེད་ཁམས་མེད་སྐྱེ་མཆེད་མེད། །ཡུལ་མེད་ལས་མེད་རྒྱུ་འབྲས་མེད།མ་སྐྱེས་སྙིང་པོ་བྱང་ཆུབ་སེམས། །སངས་རྒྱས་ཆོས་དང་བྱང་ཆུབ་སེམས། །དེ་ནི་མི་སྐྱེ་མི་འགག་ལ། །དེ་ནི་ནམ་མཁའ་ལྟ་བུའོ། །ཆོས་ཀྱི་དབྱིངས་ཉིད་ཆོས་ཀྱི་སྐུ། །མི་རྟོག་ཡེ་ཤེས་ཡིན་ཞེས་གྲགས། །མ་བྱུང་ཡེ་ནས་རང་བཞིན་སྣང་། །ཇི་སྲིད་ལེན་པའི་སྲིད་པ་དག །གང་སངས་གང་དག་བྱུང་འགགས་པས། །སྡུག་བསྔལ་དེ་རྒྱུན་ཟད་བསྲེགས་པས། འགྱུར་བའི་སྐབས་ལྔས་ངེས་པར་འབྱུང་། །གཟུགས་མེད་མཐོང་མེད་ཡོད་མ་ཡིན། །ཡོད་པས་མཐོང་བའི་ཡུལ་དུ་གྱུར། །མཐོང་མེད་ཡུལ་དུ་མ་གྱུར་པ། །ཡོད་ཅེས་བྱ་བར་ག་ལ་རིགས། མུ་མཐའ་མེད་པར་འབྱུང་བའི་རྒྱུ། དངོས་མེད་གཞི་རྟེན་ངོ་བོ་ཉིད། །དེ་བས་ཐ་དད་སྣ་ཚོགས་སྣང་། །དབྱིངས་འདི་མེད་ན་ཀུན་དང་འགལ། །གལ་ཏེ་མེད་པ་གཅིག་ཡོད་ན། །འཛིན་པ་ཕྱོགས་ཀྱང་དེ་ལྟར་བས། །ནམས་ཀྱང་གྲོལ་བར་མི་འགྱུར་ཏེ། འཆིང་བའི་མདུད་པ་དེ་ན་ཡོད། གང་ཞིག་མུར་འཛིན་མཐའ་ལྟ་བ། །དེ་ནི་མུ་མེད་དོན་མ་མཐོང་། །མུར་འཛིན་མཁའ་ལ་མཐོས་འཇལ་འདྲ། །མུ་མེད་ཉིད་ལ་གྲོལ་བར་བཤད། །མུར་འཛིན་གྲོལ་འདོད་གྲོལ་མ་ཡིན། །བྱེ་མ་སྐྱེས་ཀྱང་འབྲུར་མི་སྨིན། ཁེལ་སྒོང་བསྒྱུར་ཡང་གཏིང་མི་འགྱུར། །མཆིང་བུ་བསྒྱུར་ཡང་རིན་ཆེན་མིན། །ས་རྡོ་བསྲེས་ཀྱང་འདྲིར་མི་རུང་། །གློག་འགྱུས་གཞི་ལ་མུན་པ་མེད། །མཚལ་ཟི་གསེར་ཞུན་གཅིག་མི་སྲིད། །སྐྱེས་བུའི་ཉིད་ལ་མཆོད་མི་སྲིད། །ཆུ་བོ་སྔ་ཕྱི་རྒྱུན་མི་འཕྲད། །ཆོས་མཐུན་པ་ན་རིགས་མཐའ་ཡས། །དེས་ན་དེ་བཞིན་ཉིད་ཅེས་བསྔགས། །དེ་ཉིད་མེད་ན་ཐམས་ཅད་དུ། །གང་དེ་ལེན་ཡོད་ག་ལ་སྲིད། །དེ་ཉིད་མེད་ན་རྒྱུན་བཀག་ནས། །ཇི་སྲིད་ཅིག་ན་སླར་སྡང་བ། །གང་ལས་བྱུང་དེ་གང་ལས་མིན། །གང་མེད་དེ་མེད་གཉིས་མེད་ན། །གང་ལས་ལྡང་སྟེ་གང་མི་འགྱུར། །དེ་བཞིན་གང་གི་འགགས་འགྱུར་ན། །སྐད་ཅིག་ཇི་སྲིད་དེ་ནས་ལྡང་། །དེས་ན་དེ་ཉིད་ཀུན་གྱི་གཞི། །ལུས་དང་དུག་སྨན་ཇི་བཞིན་ནོ། །འཇུག་པ་ལྔ་ནི་རྨི་ལམ་དང་། །དེ་ལྟ་ན་འདི་གཅིག་པའམ། འོན་ཏེ་ཐ་དད་པ་ཞིག་ཡིན། གཅིག་དང་ཐ་དད་ངོ་བོ་ལས། །གྲོལ་ཏེ་དབྱིབས་སམ་ཁ་དོག་གམ། །རྙོག་ཆུ་འོ་མའི་ཆུ་བཞིན་ནོ། །དེ་ན་དེ་ཉིད་དེ་བཙན་ནམ། །གལ་ཏེ་དེ་ཡི་གཞི་འདི་བཙན། །མི་གཡོ་མི་འཀྱུར་གཡོ་དང་འགྱུར། །མ་བྱུང་བ་དང་དེ་བཞིན་འབྱུང་། །ནམ་མཁའ་འབྱུང་བ་ཇི་བཞིན་ནོ། །ཐོག་མ་ཐ་མ་དུས་མི་དམིགས། །མ་ནོར་མ་བཅོས་དེ་བཞིན་ཉིད། །རང་བཞིན་ཀུན་ཏུ་སྣང་བའི་དབྱིངས། །མ་བྱུང་རང་བཞིན་ཡེ་ནས་གསལ། །གཞིའམ་དེ་རྒྱུན་ཞེས་བྱ་བ། ཁྲེས་རྒྱུན་ཐམས་ཅད་སྐྱེ་འབྱུང་བའི། །རྩ་བ་མཐུན་ཅན་གཞིར་གཞག་པ། །སྣ་ཚོགས་འབྱུང་རྒྱུ་དེ་ཉིད་དོ། །དང་བའི་མཁའ་ལ་རྒྱུ་བའི་སྤྲིན། །གསེར་གྱི་གྲངས་ཙམ་བྱུང་ཚུན་ཆད། །ཁུག་རླངས་སྤྲིན་ཕུང་འཐིབས་ཞེས་བྱ། །འབྱུང་བའི་སྐད་ཅིག་དེ་སྟོན་ཅད། །དང་པའི་མཁའ་ཉིད་སྣང་ཞེས་བྱ། །དེ་བཞིན་དེ་ཉིད་དེ་གཞིར་གཞག །མཚུངས་པ་ཡིན་ཕྱིར་དེར་སྣང་སྟེ། །སོ་སོའི་བྱེ་བྲག་དེ་ཙམ་མོ། །དེ་ཉིད་དེ་ཡི་རྒྱུ་བ་ལས། །འཇུག་པའི་ཚོགས་རྣམས་རྩལ་དུ་སྣང་། །རྩ་བ་མཐུ་ཆེན་འཕེལ་འགྱུར་བས། །གང་དང་གང་དུ་གང་ཉོན་མོངས། །མཚན་མར་སྣང་འཛིན་གཡོ་འགུལ་བསྐྱོད། །རང་སྣང་གང་ལ་དེ་གསལ་རིག །གང་དུ་ལྷ་དང་གང་འཛིན་པའི། །དེ་རྒྱུན་དེ་ལས་དེར་འདི་འབྱུང་། །གང་ཚོར་གང་ཤེས་གང་དེ་ཤེས། །སྐྲག་ཅིང་དངང་འཇིགས་དངོས་པོ་ཉིད། །མེ་ལོང་མེ་ཤེལ་མེ་འབྱུང་གསུམ། །གང་དང་ཕྲད་ན་དེ་བཞིན་འབྱུང་། །མེ་ལོང་མཚོ་རླབས་ས་རླབས་གསུམ། །ཇི་སྲིད་དེ་རྒྱུན་བྱུང་ཚོར་རྣམས། །དེ་ཉིད་རྒྱུ་ཡིས་རང་བཞིན་ལྔ། །མེ་འཛིན་དེ་འཛིན་འདབ་འཛིན་ལྟར། །དེ་ཉིད་དེ་ཡིས་དེ་རྒྱུན་ལ། །གང་ཞེན་དེ་འཛིན་བྱེད་པ་ཡིན། །རས་དཀར་ལ་སོགས་དེ་དག་ནི། །གང་སྒོའི་དབང་དུ་དེ་དག་འདུའོ། །དེ་ཉིད་དེ་ལ་དེ་རྒྱུན་རག །གང་ཉིད་བསྒོས་པ་དེ་ཉིད་དུའོ། །གངས་དྲེགས་ལ་སོགས་དེ་དག་ནི། །སོགས་པས་དེ་དག་ཉིད་དུ་སྣང་། །དེ་རྒྱུན་འབྱུང་གང་དེ་དག་ནི། །དེ་ཡང་དེ་དག་ཉིད་དུའོ། །འོ་མ་ཆུ་དང་ས་བོན་ལས། །དེ་མི་འདྲ་བས་དེ་རྟས་ཡིན། །དེ་ཉིད་དེ་ཡི་རྒྱུན་དེ་ལས། །དེ་ཡང་དེ་ལྟར་སྣང་བ་ཡིན། །གནས་པ་དེ་དག་གང་ཡིན་པ། །དེར་འབྱུང་བ་དེ་ཉིད་དུའོ། །མྱུར་སྨིན་དུས་སྨིན་དུས་གཉིས་མིན། །ས་བོན་ཆེ་ཆུང་འཕེལ་འགྲིབ་དེའོ། །སྤྲིན་དང་ལིང་ཐོག་མུན་པ་ཡིས། །རྫས་གང་མི་མཐོང་སྒྲིབ་པ་ལྟར། །དེ་ཡི་རྒྱུན་འཁྲིགས་མུན་པ་ཡིས། །བལྟ་བྱ་དེ་ཉིད་མཐོང་མ་ཡིན། །དང་པོ་གཉིས་དང་ཕྱི་མ་ལ། །གསལ་དང་འགགས་དང་ཐ་དད་སྣང་། །དེ་ཉིད་ཀུན་ལ་འགྲོ་བའི་ཕྱིར། །གཅིག་གིས་སྣ་ཚོགས་ཐ་དད་ལེན། །དེ་ཉིད་རྩལ་ལས་འཇུག་པ་དྲུག །སླར་འཇུག་པ་ཡང་དེ་ཉིད་ལས། །ཆར་རྒྱུན་སྨིགརྒྱུཇིབཞིནནོ། །མིགནདདབང་གིས་ཡུལ་དག་ལ། །ཐ་དད་མ་ཡིན་ངོ་བོ་ཙམ། །གང་དང་འདི་གཅིག་འདྲེས་པ་ལས། །སྒྱུ་རྩལ་དེ་འབྱེད་དེ་དག་ལེན། །དེ་ཉིད་ལས་བྱུང་དེ་རྣམས་འབྱེད། །གང་འདིར་སྦྱོར་ཞིང་མི་སྣང་ཡང་། །གང་གི་དབང་གིས་ཐ་དད་སྣང་། །དེ་ལས་དེ་འབྱུང་དེ་ཉིད་ལས། །དེ་བཞིན་དེ་དག་འབྱུང་བའོ། །དྲི་ངའི་དྲི་འབྱུང་གང་གི་དྲི། །གང་མེད་གང་ལ་ཞེན་པ་ནི། །མི་འདྲ་མི་གཅིག་དེ་ཉིད་ལས། །དེ་ཉིད་གཞན་ལ་དེ་རྒྱུན་གཞན། །གང་གི་ངོ་བོ་དེ་གཅིག་ལ། །དེ་ཡང་གནས་དང་སྐབས་ཀྱིས་འགྱུར། །གང་ལ་བག་ཆགས་རྣམ་དག་པ། །དང་བས་ཐམས་ཅད་གསལ་བ་བཞིན། །གང་གི་རྒྱུན་སངས་ཀུན་ཁྱབ་རྒྱས། །དབུ་མ་རྣམ་དག་དེ་ཉིད་ཅེས། །མུན་པའི་སྤྱོད་ཡུལ་བ་དག་འཛིན། །མིན་པའང་དེ་ཉིད་དེ་ལ་འབྱུང་། །མུན་པའི་རང་བཞིན་ངོ་བོ་དང་། མཚན་ཉིད་ཡན་ལག་རྩ་བ་དང་། གནས་དང་སྐྲིབ་པ་བྱེ་བྲག་ཆོས། །གང་དུ་གང་གིས་གང་ཕྱིར་གང་། །དེ་དག་ངེས་པར་དབྱེ་བར་བྱའོ། །ལང་ཀའི་བདག་པོ་དེ་དག་ནི་གཞི་ཡི་མདོ་ཞེས་བྱ་སྟེ། གང་མུན་པའི་སྤྱོད་ཡུལ་བ་ལས་ཀྱི་བསྒྱིངས་པ་རྣམས་ལ་དགོངས་ཏེ་མུན་པའི་ཆོས་རྣམས་གསུངས་པའོ། །ལང་ཀའི་བདག་པོ་དེ་ལ་དམིགས་པའི་མདོ་གང་ཞེ་ན། འདི་ལྟ་སྟེ། གཟུགས་ཁམས་དེ་འཛིན་གནས་གཅིག་ཉིད། །དེ་འཛིན་དེ་ཉིད་དེ་ལ་ལྟར། །དེ་འཛིན་དེར་བྱེད་མུན་པ་ཅན། །ཕྱོགས་འཛིན་ཕྱོགས་མེད་རྣམ་དང་གཅིག །མ་ངེས་སྤྱིར་འགྲོ་གཉིས་མི་དམིགས། །སྣ་ཚོགས་མེད་དེ་བདག་ཉིད་འཛིན། །དྲི་མེད་འཛིན་ཞེས་གཞན་འདྲ་མེད། །དེ་འཇུག་རྟེན་མེད་ཁྱད་པར་མེད། །དུས་གསུམ་དུས་སུ་དེ་འཛིན་མེད། །དེ་འཛིན་དེ་ལ་དེར་འཛིན་པས། །གཟུགས་མིང་གཉིསལ་ཆགས་ཁམས་སོ། །ལང་ཀའི་བདག་པོ་དེ་ལ་སྣང་བའི་མདོ་གང་ཞེ་ན། །འདི་ལྟ་སྟེ། འདོད་ཁམས་དེ་འཇུག་དེ་འབྲང་གནས། །གསུམ་པ་ཡིན་ཏེ་དེ་དག་ནི། །དེ་ཉིད་འབྱུང་རྟེན་དེ་མ་ཐག །འདོད་པ་ལྔ་དང་ཆོས་གཉིས་སོ། །བྱེད་པ་ཀུན་དང་རྟག་ཏུ་གཅིག །རིགས་གསུམ་དག་དང་ཕྲད་རིགས་འཛིན། །དེ་འཇུག་ཚོལ་གཅོད་འབེབས་པའོ། །མ་འགགས་གང་དུ་རྒྱུན་ཁྱབ་འཇུག །དུས་གསུམ་སྐབས་གསུམ་འཇུག་མེད་པའོ། །སྣ་ཚོགས་དེ་ཉིད་དེ་ལ་འདེབས། །དེ་ཡང་འཇུག་པ་རྣམ་གཉིས་ཏེ། ལྔ་དང་ཐུན་མོངས་དེ་ཁྱད་པར། །ཡུལ་རིག་པ་དང་མཚན་ཉིད་རིག་པ་དང་། དུས་རིག་པ་དང་། སྐད་ཅིག་མའི་རྒྱུན་རིག་པ་དང་། ལས་ལ་འཇུག་པ་དང་། གང་གི་འབྲས་བུ་ཡོངས་སུ་མྱོང་བའོ། །དྲུག་གཉིས་ལྔ་གསུམ་བཅུ་གཉིས་གཅིག །ཐམས་ཅད་དེ་འཇུག་བྱེད་པ་ཡིན། །ལང་ཀའི་བདག་པོ་འདི་ལྟ་སྟེ། གསང་བ་མཆོག་གི་བདག་པོ་དེ། །གསང་བ་མཆོག་གི་དགྱེས་པ་ན། །དགོངས་ཏེ་ཡུལ་འདི་རྒྱ་ཆེར་བཤད། །དང་པོ་རྣམ་རྟོག་བདུན་རྟོག་པ། །མཚན་མ་ཅན་དང་མཚན་མ་ཡིན། །རང་གི་ངང་གིས་འཇུག་ཚོལ་བ། །སོ་སོར་རྟོག་དང་ཉོན་མོངས་ཅན། །དེ་མིན་རྣམ་པར་རྟོག་པའོ། །གཉིས་པ་ཉེ་བར་སེམས་གསུམ་སྟེ། རིགས་བསྐྱེད་རིགས་མིན་གཉི་ག་མིན། །གསུམ་པ་རྨོངས་བྱེད་དཔའ་བྱེད་རྐྱེན། །གང་འདིར་འབྱུང་འགྱུར་དབང་རྟེན་འགྱུར། །དབང་པོ་འབྱུང་འགྱུར་རྣམ་ཤེས་ཀྱི་། །དེ་དང་ཆ་མཐུན་འབྱུང་ཆ་མཐུན། །ཉམ་ཆུང་བ་དང་མ་གོམས་དང་། རྣོ་དང་ཚད་ལས་འདས་པའོ། །བཞི་པ་བླ་འཁྱམས་སྙིང་ཁྲིན་དང་། གང་མ་སྙོམས་དང་འཇིགས་སྐྲག་དང་།གནད་དུ་གྱུར་དང་གཞན་གྱིས་བརླབས། །ལྔ་པ་ནད་འཇུག་ཉམ་ཆུང་བ། །ངལ་དང་དྲགས་དང་འཐིབས་པ་དང་། གཏད་དང་གོམས་དང་གཞན་རྐྱེན་འགྱུར། །ལྔ་གཉིས་དང་པོ་ཕྱིར་བྱུང་བ། །རྟས་དང་གང་འདིར་སངས་པ་དང་། གང་དེ་བློ་བས་ཀུན་དཀྲིས་ཟད། །གཟའ་གཏད་རྐྱེ་གྱིས་དེ་འཇོམས་དང་། གཞན་གྱི་རྐྱེན་གྱིས་འགྱུར་བའོ། །ཐང་ཅིག་འགགས་དང་དེ་སངས་པ། །དེ་ཡང་དེར་འཇུག་དེ་ཉིད་དོ། །གཉིས་པ་གཉིས་བྱེད་ལ་འཇུག་པ། །འདིའོ་སྙམ་དུ་སྔོན་འགྲོ་དང་། །བདུན་པ་སྐྱེད་དང་འབད་རྩོལ་སྦྱོར། །ཐམས་ཅད་འབྱུང་བ་གཡོ་བར་བྱེད། །གསུམ་པ་ཆགས་དང་བྲལ་བྱེད་པ། །ཆགས་པ་ཡུལ་གནས་ལས་སྐྱོ་ཞིང་། །གཞན་གྱིས་བྲལ་དང་བར་གཅོད་དང་། ཡང་དག་ཡིད་ལ་བྱེད་པས་བྱེད། །བཞི་པ་ཆགས་པས་ཉམས་གྱུར་པ། །རྨོངས་པའི་ལྟ་བས་བརྟན་པར་གནས། །གང་འདིར་གོམས་པ་ཆུང་བ་དང་། །རྣམ་པར་རྟགས་དང་མཚན་མ་དང་། །དེ་བྱེད་ཡིད་ཉམས་སོགས་འགྱུར་བས། །ཡང་དག་བླངས་ཏེ་དེར་འཇུག་དང་། །སྒྲིབས་དང་གཞན་གྱིས་ཟིན་པའོ། །ལྔ་པ་དོན་རྒྱུན་ཆད་བྱེད་པ། །གསལ་དང་ལོག་པའི་སྟོབས་ལྡན་དང་། །ལོངས་སྤྱོད་མཐུན་པའི་གྲོགས་རྙེད་དང་། །དེ་དག་རྒྱུན་མི་འཆད་འགྲོ་དང་། །རྒྱུན་དུ་གཅིད་ལྡོག་མི་བྱེད་པ། །ལོག་རྒྱུན་གནས་བྱེད་དོན་རྒྱུན་བཅད། །ལྔ་གསུམ་དང་པོ་མཚམས་སྦྱོར་བ། །དེལས་ལྡོག་པའི་དོན་རྒྱུན་ལྡན། །གཉིས་པ་ཉིང་མཚམས་སྦྱོར་བ་ཡི། །འཆི་བའི་ཆོས་ལ་གཉིས་ཡོད་དེ། དུས་དང་དུས་མ་ཡིན་དེ་ལ། ཁ་ཅིག་དུས་མིན་འཆི་བ་ཡི། །དེ་རྐྱེན་ཟད་དང་དེ་གཞན་རྐྱེན། །དེ་ཚེ་ཡུན་རིང་རྒྱུ་ཡོད་ཀྱང་། །ཡུན་རིང་གནས་པའི་རྐྱེན་མ་ཚང། །ཡང་མ་སྤངས་ལས་ཀྱི་རྐྱེན། །ཚད་ལས་་འདས་དག་མི་འཕྲོད་དང་། །གང་མ་སངས་པར་གང་ནོན་དང་། སྙིང་འཁྲིགས་འབྱིན་པར་མི་བྱེད་དང་། །གང་དེ་འགགས་པར་རྒྱུན་འགོག་དང་། །སོ་སོའི་གཉེན་པོ་སྟེན་མི་བྱེད། །མ་གོམས་མཐུན་འཕྲོད་མི་ཤེས་དང་། །དུས་མིན་འགྲོ་དང་སྤྱོད་པས་ཉེས། །དེ་ནས་འདུ་ཤེས་གསམ་ལྡན་ཏེ། དོན་དང་ལོག་པ་བཏང་སྙོམས་ལྡན། །དོན་དེ་གང་ལྡན་གར་འགྲོ་བ། །སྔོན་དུ་དེ་བསྟེན་དེ་དྲན་ནས། །གཞན་གྱིས་གསལ་བར་བྱས་ཀྱང་ནི་། །རགས་པས་འབྱུང་བ་དེ་བར་དུའོ། །འདུ་ཞེས་ཕྲ་བར་རྒྱུ་བའི་ཚེ། །དེལས་ལྡོག་ཅིང་བཏང་སྙོམས་ལྡན། །དེ་སྔོན་དེ་བསྟེན་རེ་འབྱུང་ལ་་ ་་བསལ་བར་མི་ནུས་གཞན་དག་གིས། །བསྐུལ་ཡང་དྲན་པར་ཡང་མི་ནུས། །དེ་དང་གང་ལྡན་བདེ་འགྲོ་སྟེ། །མི་བཟད་དྲག་པོའི་ཚོར་བ་ཡང་། །ཉམས་སུ་མྱོང་བར་མི་འགྱུར་རོ། །དེ་ཡི་དུས་ན་གང་མཐོང་བགང་དུ་མ་མཐོ་དེ་ཉིད་མཐོང་། །ཇི་ལྟར་ཉི་མའི་འོད་རྐྱེན་གྱིས། །སྣང་བ་ཁད་ཀྱིས་འབྱུང་བ་བཞིན། །མུན་པའི་ཁམས་ནས་སྣང་བར་འགྱུར། །རྨི་ལམ་ལྟ་བུར་གཟུགས་སྣང་བ། །ཡིད་འོང་སྣ་ཚོགས་མཐོང་བར་འགྱུར། །དེ་ཡི་དེ་ཀུན་ཤེས་པ་དེས། །གང་འདིར་སྨད་ནས་འདོར་བར་བྱེད། །དྲོད་དང་སྟེང་དུ་ཡལ་བར་འགྱུར། །གཙུག་ཏོར་གང་འབྱུང་བདེ་བའོ། །གང་དུ་ལོག་པར་དེ་འགྲོ་བ། །གོང་ལས་བཟློག་པ་ཇི་བཞིན་ཏེ།མི་བཟད་དྲག་པའི་ཚོར་བས་ནི། ཁེན་ཏུ་ཟུག་གཟེར་མི་བཟོད་དོ། །གཡོ་འགུལ་མི་སྙན་ང་རོ་གདོན། །འཁྲུལ་བའི་གང་སྣང་མཐོང་བ་ན། །བྱམས་པ་ལ་སོགས་གང་ཞིག་ནི། །གཤེད་མ་ལ་སོགས་མི་འདོད་པ། །འཇིགས་པའི་གཟུགས་ནི་སྣ་ཚོགས་སུ། །མཐོང་བས་རྡུལ་འབྱུང་བ་སྤུ་གཟིང་། །ཡན་ལག་གཡོབ་ཅིང་མཁའ་ལ་རྙོབ། །བཤང་གཅི་འབྱུང་ཞིང་མིག་ཀྱང་ལྡོག །སྣང་བའི་ཁམས་ནས་མུན་པར་བྱུང་། །དེ་ཡི་དེ་ཀུན་ཤེས་འབྱུང་ལྟུང་། །གང་དེར་མཐར་འབྱུང་མི་བདེའོ། །བཏང་སྙོམས་དེ་ཡིས་མ་གསལ་ལམ། །གཞན་གྱིས་གསལ་བར་མ་བྱས་པའོ། གཉིས་སུ་མི་གནས་བཏང་སྙོམས་སོ། །འདི་དག་གང་ལྡན་གང་འགྲོ་ཡང་། །གང་ལར་གོམས་པ་ཁོ་ནར་ངེས། །གོམས་པ་ལ་གཞོལ་དེ་སྟོབས་ལྡན། །གང་མ་གོམས་པ་གསལ་བྱས་ཀྱང་། །མ་ཞེན་དབང་གིས་འགག་པར་འགྱུར། །གང་དེ་གཉིས་ལ་མཚུངས་གོམས་ན། །དེར་ནི་དང་པོར་གང་གསལ་ལམ། །གཞན་གྱིས་གསལ་བར་བྱས་པ་ལ། །ལོག་པར་མི་འགྱུར་གཞན་མི་འཇུག །བཏང་སྙོམས་ཁ་ཅིག་འབྱུང་བ་ཡིན། ཁ་ཅིག་མི་འགྱུར་རྫོགས་མི་འབྱུང་། །ཐམས་ཅད་ཀྱང་ནི་འཕོ་བའི་ཚེགང་འདིར་རྒྱུ་བ་མི་གསལ་བའི། །སྐབས་སུ་མ་བབ་བར་དག་ཏུ། །ཡུན་རིངས་དུས་ན་གོམས་པ་ཡི། །གང་ལ་གང་ཆགས་དེ་འབྱུང་ངོ་། །དེ་ལས་དེ་ཡི་དེ་དབང་གིས། །འདིར་དེ་མེད་པར་འགྱུར་ཤེས་ནས། །དེ་འདི་ཉིད་ལ་ཞེ་སྡང་སྐྱེ། གང་མ་འོངས་ལ་འཇུག་པར་འགྱུར། །ཞེ་སྡང་མེ་ཡིས་ཟིལ་མནན་པས། །གནས་པ་འདི་ཡི་རྒྱུན་འགགས་ཏེ། གང་མ་བྱུང་ལ་ཆགས་པ་དེ། །སྲིད་པ་གསུམ་གྱི་བར་བདུན་པ། །མངོན་པར་བསྒྲུབ་པའི་རྟེན་ཡིན་ནོ། །དེ་ཡི་དུས་ན་རྣལ་འབྱོར་པ། །དེ་བཞིན་དེ་ལ་གོམས་ཆེད་ཆེ། །དེ་ཚེ་ཆགས་པ་འབྱུང་མོད་ཀྱི། །གོམས་པ་གྱུར་པའི་དོན་སྟོབས་ཀྱིས། །ཆགས་པ་དེ་ཟིལ་གནོན་པ་ནི། །མི་གང་རྩལ་དང་ལྡན་པ་ཡིས། ཁུགས་མེད་གང་དག་གནོན་བཞིན་ནོ། །བྱང་ཆུབ་རིགས་འཛིན་རྣལ་འབྱོར་ལ། །གང་ཆགས་དེ་འབྱུང་མི་འགྱུར་རོ། །གནད་ཀྱི་སྡུག་བསྔལ་མི་བཟོད་པའི། །གང་ལ་མཐོ་དམན་མ་གཏོགས་པ། །གཞན་དག་ཀུན་ལ་འབྱུང་བ་ཡིན། །ཤིན་ཏུ་ཉེན་དགའ་མེད་ཕྱིར་རོ། །སྡུག་བསྔལ་ཆེ་ཆུང་གཉིས་ཁོ་ན། །གང་འགགས་གཅིག་དང་རིམ་གྱིས་འགགས། །དེ་ཉིད་གོམས་ཏེ་གང་མ་འགགས། །གཙོ་བས་དེ་ལ་དེར་ཞེན་གཅེས། །གསུམ་པ་སྲིད་གསུམ་བར་བདུན་པ། །བརྫུས་སྐྱེ་དབང་ལྡན་ལས་ཀྱི་འགྲོ། །གང་མཐུན་མཐོང་ཡིན་གང་མཐོང་མིན། ཁེན་ཏུ་བདེ་དང་བདེ་སྡུག་བསྔལ། །དེ་སོགས་གང་དུ་སྐྱེ་འགྱུར་དེའི། །དེ་དབྱིབས་འཛིན་ཅིང་ཐོགས་པ་མེད། །དེ་ཡི་ལུས་སམ་སྤྱོད་ཡུལ་ནི། །དྲི་མ་ཅན་དུ་གྱུར་པ་རྣམས། །མཚན་མོ་མུན་ནག་རྫས་ནག་ལྟར། །ཐམས་ཅད་ཐམས་ཅད་མཐོང་བར་འགྱུར། གང་དག་དྲི་མེད་པ་དག་རྣམས། །ཟླ་འོད་དཀར་དང་རྫས་དཀར་ལྟར། །དེ་གཉིས་དེ་མིག་དག་པས་མཐོང་། །གང་དེའི་དེ་ཚོད་ཐ་མ་པའི། །སྤྲུལ་པ་འབྱུང་གནས་ལྔ་ཚད་པར། །གང་སྐྱེས་གནས་མ་བླངས་བར་དུ། །དེ་མིག་དེ་ཡི་མིག་ལྟ་བུར། །གང་ལས་ཐོགས་མེད་སྐལ་མཉམ་པའོ། །གང་ལྟར་ཀུན་ལ་མ་ཡིན་ནོ། །གང་སྐལ་མཉམ་པའི་སྐྱེ་གནས་དང་། །དེ་དག་ཉིད་གནས་མཐོངབར་གྱུར། །གང་དག་དྲི་མིག་ཐུར་དུ་གསལ། །སྤྱི་ཚུགས་འགྲོ་ལ་གཞན་མཐོང་མིན། །དྲི་མེད་མཐོར་གསལ་གཞནདེབཞིན། །གངགིཐད་དུ་དེ་ཉིད་སྣང་། །གཞན་ནི་གོང་མཉིདབཞིནནོ། །བརབདུན་པ་ཡི་སྙིང་པོ་ཅན། །སྐྱེ་བ་དེ་མ་རྙེད་བར་དུ། རིང་ལྟར་ཐོགས་ན་བདུན་པའོ། །གང་དེ་ལྡན་ན་ངེས་མེད་དེ་།་ ་།་གཅིག་གམ་གཉིས་སམ་གསུམ་ན་འཕོ། །གང་མ་ལྡན་ན་དེ་རྗེས་ནས། །ཡང་བདུན་བར་དུ་དེ་ན་གནས། །གང་ཡོད་དེ་ཡང་མི་ལྡན་ན། །བདུན་ཕྲག་བདུན་གྱི་བར་དག་ཏུ། །བདུན་ཉིད་རེ་ན་དེ་རྗེ་ཞིང་། །དེ་རྫོགས་སྲིད་དུ་དེ་ན་གནས། །དེས་ནི་གསན་་དེ་ཟད་ནས། །གཞན་དུ་གནས་པ་དེ་འཛིན་པའི། །གང་དེ་ཇི་སྲིད་ཟིལ་གྱིས་གནོན། །བདུན་ཉིད་བདུན་རྫོགས་དེ་ཕྱིན་ཅད། །ངེས་པར་དེ་མེད་ག་ལ་སྲིད། །གང་ནུབ་གང་སྣང་དེ་སྐབས་ན། །སྐད་ཅིག་གནས་པར་བར་མ་དོ། །བདུན་ཞིང་ནུབ་པའི་རང་བཞིན་པས། །ནུབ་པའི་སྲིད་པ་ཞེས་ཀྱང་བཤད། །བདུན་པའི་བར་དུ་གནས་པས་ན། །གང་དེ་བར་བདུན་པ་ཞེས་བྱ། །དྲི་ཡི་ཕྱིར་འབྲང་དྲི་ལྟ་བས། །དྲི་ཟ་ཉེར་འགྲོ་ཞེས་ཀྱང་བྱ། །དེ་ལ་བརྟེན་ནས་དེ་བྱུང་བས། །དེ་ལས་བྱུང་བ་ཞེས་ཀྱང་བྱ། །སྐྱེ་བའི་དབྱིབས་ཚུགས་དེ་འཛིན་པས། །སྔོན་དང་ཕྱི་མའི་ཚུལ་བཞིན་ཅན། །སྐྱེ་བ་སྔོན་དུ་བྱེད་པས་ན། །མངོན་དུ་གྲུབ་པ་ཞེས་ཀྱང་བྱ། །རྟག་ཏུ་ཟས་ལ་ཉེ་འཁོར་བས། །ཉེ་བར་འཁོར་བ་ཞེས་ཀྱང་བྱ། །གཉིས་ཀྱི་བར་སྐབས་ཡིན་པས་ན། །སྲིད་པ་མཚམས་སྦྱོར་བ་ཞེས་བྱ། །དེ་ནི་གཟུགས་ཅན་ཡིན་པས་ན། །གཟུགས་མེད་པ་ཡི་གནས་མེད་དོ། །དེ་ན་གནས་པའི་སྲིད་པ་དེ། །སྔར་འགགས་པ་ཡི་སྲིད་པ་ལ། །དེ་དང་དེ་མིན་བཏང་སྙོམས་པ། །གསུམ་ལ་ཆགསྡངཞེནགོམསཔས། གང་སྔོན་གང་ལ་ཞེན་པ་བཞིན། །དུས་དེར་དེ་ལ་མངོན་པར་དགའ། །སྔོན་ཚེའི་ལེགས་ཉེས་སྤྱད་པའི་ཡུལ། །ཀླུང་དུ་གང་གྱུ་དེ་ཉིད་སྣང་། །དེ་དག་རྨི་ལམ་བཞིན་མཐོང་ནས། །མཐོང་ཉིད་ཡུལ་དུ་མངོན་པར་གྱུར། །དེ་ཚེ་འཁྲུལ་པའི་གཟུགས་མཐོང་ལྟར། །གང་་གིས་སྔ་ལྟས་འབྱུང་བར་འགྱུར། །བདེ་རྐྱེན་མི་ལྡན་པ་ཞིག་ན། །དེ་ན་གནས་དང་དེ་ནུབ་ན། །དམན་པར་འབྱུང་བའི་སྔ་ལྟས་ནི། །སྲོག་ཆགས་ལྡེམ་བུ་ལ་སོགས་པའི། །གང་དུ་འབྱུང་བའི་རིགས་མཐུན་མཐོང་། །ཅ་ཅོའི་སྒྲ་དང་འདམ་བུའི་ཐིབས། །ནགས་ཚལ་ཐིབས་པོ་ལ་སོགས་པ། །ལྡུམ་བུའི་ཚལ་དང་དྲི་སྣ་ཚོགས། །ཁང་བཟང་རྫིང་དང་འཁྲིགས་སྤྲིན་གྱིས། །ནང་དུ་འཇུག་པའི་མཚན་མ་འབྱུང་། །གང་འདིར་དག་པ་པ་ཞིག་ན། །རིགས་མཐོང་གྱུར་པའི་སྔ་ལྟས་ནི། །ཞི་བའི་ཡུལ་དང་སྙན་པའི་སྒྲ། ཡིད་འོང་དབང་པོ་ཚིམ་པ་དང་། ཁང་བཟངས་དང་ནི་གཞལ་མེད་ཁང་། །སྐྱེད་མོས་ཚལ་དང་སྣང་ཡུལ་དུ་།་ ་།་འབྱུང་བའི་མཚན་མ་སྣང་བར་འགྱུར། །འཁོར་ལོས་སྒྱུར་རྒྱལ་ལ་སོགས་པའི། །དག་པས་དག་པ་དེ་རིགས་མཐོང་། །དེ་ན་གནས་པའི་སྙིང་པོ་དེ། །འདོད་ལ་ཞེན་པས་ཞེན་པའི་ཕྱིར། །གང་དི་དྲི་བྱུང་དེར་འབྲངས་པས། །ང་དང་མི་ང་དྲི་འབྱུང་ཡུལ། །དེལཞེནཔསཚིམའགྱུར་ཏེ། །འཁྲིགས་པས་དེ་ལ་ཞེ་སྡང་འབྱུང་། །དེས་ནི་ཟར་བདུན་རྒྱུན་འགགསབྱེད། །དེཞེནབརདུདེཟད་ནས། །དེས་ནི་དེ་ཉིད་དེ་རྟས་ཏེ་།་ ་།་གང་དུ་རྟས་པའི་སྙིང་པོ་ལས། །སོགས་པའི་ལུས་ཅན་ཐ་དད་སྣང་། །དྲོད་རྐྱེན་རླུད་རྣམས་དེ་རིགས་འཛིན། །དེ་མེད་ཁམས་སུ་དེ་མི་འབྱུང་། །དེ་མེད་མ་ཡིན་མཐའ་རྡུལ་འདྲ། །གང་དེ་ལྡན་པའི་ཡུལ་རྣམས་ནི། །དཔག་པར་གང་ནི་རིང་གྱུར་ཀྱང་། །ཐོགས་མེད་མིག་རིས་མཐོང་ཆེར་ཕྱིན། །གང་གི་དབང་གིས་དེ་འགྲོ་བས། །རིག་ལ་ཉིད་ན་ཕྱིན་པ་ཡིན། །དེ་ལ་དེ་རིང་ཐ་སྙད་མེད། །ཅི་ཕྱིར་ཁྱབ་འཇུག་གདོས་མེད་དེ། །ལུས་ཅན་རྣམས་ཀྱི་སྤྱོད་ཡུལ་མིན། །ལ་ལ་གང་ལ་ཞེན་པའི་མཐུས། །མཐུན་པར་སྣང་བའི་རིགས་ཅན་དག །གང་དུ་འཕྲོད་བྱེད་མཐོང་བར་འགྱུར། །དེ་ན་ཉིད་ན་དེར་འཁུས་ནས། །དེ་ལ་དེ་འཁོར་རྟོག་དཔྱོད་འཛིན། །ཞེན་པས་ཞེན་པའི་རང་བཞིན་ལྡང་། །གང་དེའི་དབང་གིས་དེར་རྨོངས་ནས། །ཕྱིན་ཅི་ལོག་ཏུ་མཐོང་གྱུར་ཏེ། །སྒྱུ་མ་ལྟ་བུར་འཁྲུལ་པར་སྣང་། །གང་དུ་གང་ཟག་དེ་འདུ་འཕྲོད། །བྱེད་པར་དེ་ལ་དེ་སྣང་གསལ། །གལ་ཏེ་གནས་པའི་ཆ་ལེན་ན། །འབྱུང་ལ་ཆགས་པའི་འདོད་པ་འབྱུང་། །དེ་ལས་བཟློག་པ་དེ་བཞིན་ཏེ། །གནས་འགྱུར་གནས་དང་བྲལ་བར་འདོད། །འབྱུང་བར་འགྱུར་བ་དེ་བཞིན་ཏེ།གང་དུ་མི་འཕྲོད་དེ་མཐོང་འཀྱུར། །དེ་ལ་དེ་བཞིན་དེ་དབང་གིས། །གནས་འབྱུང་མཚན་མ་འབའ་ཞིག་ལས། །གང་གཞན་སྣང་བར་མི་འགྱུར་རོ། །དེ་ཡིད་དེས་མཐོང་དེ་འ་ས་ནས། །དེ་ལ་དེ་མ་རངས་ལྟར་འབྱུང་། །དེ་ཡིས་དེ་ཡི་རྒྱུན་འགགས་ནས། །གང་གི་གང་ཟིན་ཇི་བཞིན་དུ། །ཞེན་པས་སྲིད་པ་དེ་འཛིན་བྱེད། །གང་དེ་དེ་ཡི་གདོས་ཀྱི་བསྲུང་། །དམན་འགྲོ་གང་དེ་བར་བདུན་པ། །གསོད་ལ་ཞེན་གོམས་དེ་བརྩེགས་པས། །གང་གནས་གང་ཡིན་དེ་གནས་ན། །བསད་ལ་སོགས་པ་དེ་སྣང་འགྱུར། །གང་དེ་དེ་ཡིས་མཐོང་མ་ཐག །སྔོན་དུ་གོམས་པས་དེ་རིག་ནས། །གསད་བྱ་སྙམ་དུ་དེ་རྒྱུག་བྱེད། །གསད་ཡུལ་སྐྱེ་བའི་གནས་མཐོང་ནས། །གསད་ལ་སོགས་པའི་ལས་བརྩམས་པས། དེ་དག་འཁྱིམས་ནས་ཞེ་སྡང་འབྱུང་། །དེ་ཡུས་བར་བདུན་རྒྱུན་འགགས་ནས། །དམན་པའི་ལུས་བླངས་ཉོན་མོངས་མྱོང་། །དེ་ལྟར་གང་དུ་འབྱུང་བ་ཡི་།་ ་།་གནས་རིས་རྣམས་ཀྱི་བར་བདུན་པ། །གང་དུ་འབྱུང་བའི་གནས་དེ་ན། །གང་ཞིག་གོམས་པའི་ཡུལ་སྣང་འགྲོ། །དེ་ལ་ཞེ་སྡང་སྤྱོད་འ་ས་པས། སྡང་པའི་དབང་གིས་དེ་རྒྱུན་འགགས། །དེ་སྣང་བྱུང་བ་མ་བྱུང་ལེན། །བཞི་པའི་སྐྱེ་གནས་འཇུག་ཆོས་བཞི། ཁྲེས་བཞིན་འཇུག་ནས་འབྱུང་བ་དང་། དེ་བཞིན་འཇུག་གནས་མི་ཤེས་འབྱུང་། །ཤེས་འཇུག་མི་ཤེས་གནས་འབྱུང་དང་། །མི་ཤེས་བཞིན་དུ་འཇུག་ནས་འབྱུང་། །འཛིན་དང་འདྲེས་པའི་ཉེས་གནས་པ། །གནས་གསུམ་མཐུན་པས་སྐྱེ་འཛིན་བྱེད། །སྐྱེ་གནས་ས་བོན་ལམ་རྣམས་ཀྱིས། །ཉེས་པའི་བར་ཆད་གསུམ་མེད་ན། །མངལ་དུ་ཐམས་ཅད་སྨིན་པར་འགྱུར། །དེ་ཡང་འབྱུང༄། །གནས་གཅག་ལ་གཅིག །གོ་པ་དྲག་པ་ལུང་སྐབས་སུ། །མཐར་འ ན་པ་ཡ་་ད་ཝང་ལུར། ། ་ནས་དེ་བ་་གཉངས་ཀ་ལས། །གང་བཅ་ཐག་ ་ ་ ་དག །གདན་མི་ཟ་བར་ཝང་བར་ལུར། ། ་ཉད་གང་ ར་འ ས་ཝར་ནས། །གང་དྲད་ཝས་བཝ་འདུ་བ་ཡན། ཐམས་ཅད་པ་ ་ ར་ཝུག་ལུར། །གང་ལ་ང་བ་མེད་པ་དེ། །དངས་པ་ཅ་ཕྱར་འ ན་པར་ལུར། །ད ར་ན་མཁའ་འགྲ་འདད་དབང་གས། །ས་ཁུལ་བྲས་པའ་རྙས་འ ན་བཝ། །གང་མེད་བས་པའ་ ས་འཛིན་ཏ། །ཐམས་ཅད་པ་ཡ་དབང་དེས་ན། མི་ཝལ་དངས་སྨན་རྟ་བ་ཡངན། །དེ་དག་མེད་ནུར་ཕྱགས་གང་དུ། ། ་ཝས་པ་ཉངད་སྙིང་རྟེན་པའ། །གནས་མ་ཐག་པ་བ་་སྙམས་ལྡན། །དེ་མརྨས་དེ་ངན་གཉས་སུ་ལུར། །རྭ་མཇོ་དྲུག་འདད་སྐབས་དག་ཏུ། །གང་གི་དུས་ན་དངས་སླ་བ། ཤན་ཏུ་རྟས་པར་གྱུར་པ་ཡངན། །དེ་བ་་འདྲལ་དུས་རྭལ་བ་ ། །འ ན་པ་ནས་་ག་ ས་རྟ་བའ། །ལྔ་གང་གང་འད་ཝང་བས་བསྐྱེད། །གཅངག་ཏུ་གང་ ན་ལུང་བ་ཉད། ། ་ཉད་ ན་ཞུགས་སྙིང་་པའ། །ཐ་མ་གཉས་ལ་དབང་ཝང་སྐྱེ། ཁམས་བ་་རྒྱས་སྲ་སྡུད་སྨན་འ ན། །ཡན་ལག་རྣམས་་ད་ཁུངན་པ་ཡངན། གང་དང་གང་གིས་བཞོ་མདག་ལུར། །གནས་ཡངན་བགི་ཕྱགས་མཐུན་ལྟར་གཡན། །ལུང་ངཉད་སྣྲེལ་ཞང་ཕན་ཚུལ་གཡས། །གནས་ན་གནས་དུས་བརྒྱད་ཉིད་དེ། །མེར་མུར་ལྟར་མཁྲང་ཡན་ལག་འགྱུར། །དེ་ལ་དེ་ཕྱིར་འབྱུང་བ་དང་། །དབང་པོ་དང་ནི་མཚན་འདོད་པའོ། །ཡོངས་སུ་རྫོགས་པའི་དུས་དེ་ན། །བདུན་ཕྲག་པ་ཡི་རླུད་བྱུང་སྟེ། །གང་གི་ནད་ནི་སྐྱེད་པར་བྱེད། །འབྱུང་བའི་ཆར་གཏོགས་རླུད་འབྱུང་བས། །གཡོ་འགུལ་ཅན་དུ་འགྱུར་བ་སྟེ། སྲིད་འབྱུང་ལུགས་སུ་ཇི་བཞིན་བཟློག །དེ་དག་དེ་ན་གནས་པའི་ཡུན། །བདུན་ཕྲག་སུམ་ཅུ་རྩ་བརྒྱད་ཀྱིས། །ཐམས་ཅད་དེས་ནི་རྫོགས་པ་ཡིན། །གང་གི་རྩ་དྲུག་བཞི་རྫོགས་ནས། །གདོན་མི་ཟ་བར་འབྱུང་བ་ཡིན། །ལྔ་པ་འབྱུང་བའི་ཆོས་བཞི་ལ། །གང་ལས་རྣལ་འབྱོར་འབྱུང་གནས་ཉིད། །གང་འདི་དེ་དག་བཞི་ཕྲག་བཞི།བཅུ་དྲུག་ཆོས་སུ་གྲགས་པ་ལ། །གང་སྐྱེ་བ་དག་ཀུན་འདུས་པའོ། །འདི་དག་ལས་ཀྱི་སྐྱེ་བ་སྟེ། །ཐམས་ཅད་ཐམས་ཅད་བྱེད་པ་ནི། །ངང་རིང་མགྱོགས་པའི་ལས་ཡིན་ཞེས། །མུན་པའི་སྤྱོད་ཡུལ་པ་ཡིས་མཐོང་ལས་ཀྱི་བསྒྱངས་པས་བསྒྲིབས་པ་ལ། །དགོངས་དེ་དེ་ལྟར་མདོར་གསུངས་པའོ། །ལང་ཀའི་བདག་པོ་དེ་དག་ནི་སྣང་བའི་མདོར་ཤེས་པར་བྱའོ། །ལང་ཀའི་བདག་པོ་གཞན་ཡང་ཇུག་པའི་མདོ་གང་ཞེ་ན། འདི་ལྟ་སྟེ། དེ་འདོད་བྱེད་པ་རྣམ་གསུམ་གནས། །གོ་འབྱེད་རྒྱུན་གཅིག་རྒྱུན་གཞན་བྱེད། །སོ་སོ་རིགས་སུ་བཅད་དབང་བྱེད། །དེ་ཉིད་ལྡན་པ་དེ་ཁོ་ན། །གང་གི་ངོ་བོར་བྱུང་ཙམ་ཉིད། །གང་ཡང་མ་ཡིན་དེ་དབུ་མ། །ཀུན་དུ་མི་འཆོས་རང་བཞིན་བླུན། །གསུམ་གསུམ་ཉིད་དང་རྐྱེན་གསུམ་དུས། །འདོད་ཁམས་ཡོངས་སུ་རྫོགས་པ་ཡིན། །ལང་ཀའི་བདག་པོ་དེ་དག་ནི་མདོ་བཞི་ཞེས་བྱ་སྟེ། དེས་དེ་ཡོངས་སུ་དགྲོལ་བར་ཤེས་པར་བྱའོ། །ལང་ཀའི་བདག་པོ་དེ་ལ་རྩ་བ་གསུམ་གང་ཞེ་ན། འདི་ལྟ་སྟེ། དངོས་པོ་རྩ་བ་དང་། བརྗོད་པའི་རྩ་བ་དང་། ཐམས་ཅད་པའི་རྩ་བའོ། །ལང་ཀའི་བདག་པོ་དེ་ལ་དངོས་པོའི་རྩ་བ་ནི་ཅི་ཡང་མེད་པ་ལས་ཅིར་ཡང་སྣང་བའོ། །བརྗོད་པའི་རྩ་བ་ནི་ཅི་ཡང་མེད་པ་ལས་ཅིར་ཡང་འགྱུར་བའོ། །ཐམས་ཅད་པའི་རྩ་བ་ནི་གང་ཅི་ཡང་མེད་པ་ལས་ཅི་ཡང་རིག་པ་ཉིད་དོ། །ལང་ཀའི་བདག་པོ་དེ་དག་ནི་རྩ་བ་སྟེ། དེས་ཐམས་ཅད་ངེས་པར་འབྱིན་པའོ། །ལང་ཀའི་བདག་པོ་དེ་དག་ནི་འདི་ལྟ་སྟེ། ཆོས་ཀྱི་རྒྱལ་པོ་གང་གསུངས་པ། །ཐུགས་དང་ཞལ་དང་ཞུས་ལན་གསུམ། །དོན་དང་ལུང་དང་རྒྱུད་ཅེས་པ། །གང་འདིར་གསུམ་དུ་གྲགས་པ་ལ། །གང་དག་འདི་ལ་རྣམ་རྟོག་པ། །ཆོས་ཀྱི་རྒྱལ་པོའི་གསུང་གཅིག་ལ། །རྒྱུད་དང་ལུང་དང་དོན་དམ་ཞེས། །གསུམ་དུ་སྣང་བ་འདི་ཇི་ལྟ། །སྙམ་དུ་རྟོག་པ་དེ་གང་དྲུག །ཉིད་ཀྱིས་མཁྱེན་ཏེ་དེ་གསལ་བར། །དགོངས་ཏེ་གསུམ་ཉིད་རྣམ་པར་གསུངས། །གང་དེ་སྐབས་དང་སྐབས་འཕྲོས་པའོ། །སྐྱེས་བུའི་ཐུགས་ལ་གང་གནས་པ། །ཞལ་དུ་མ་བྱུང་དོན་དམ་ཉིད། །གསུང་གི་འབྱུང་བསདེམཚོནན། །སྐྱེསབུརྒྱལ་པོའི་བཀའ་ལུང་ཡིན། །ཞུས་ལན་ཕྲ་མེན་འཕེལ་རྒྱས་ན། སྐྱེས་བུ་རྒྱལ་པོའི་བཀའ་རྒྱུན་ཡིན། །ཐབས་ཆེ་ཚེགས་ཆུང་དོན་དཔག་མེད། །བྱ་སླ་དཔག་དཀའ་མན་ངག་དམ། །དེ་ཉིད་ངེས་པ་དེ་ཁོ་ན། །མ་བསླད་ཇི་བཞིན་བཅད་པ་ལུང་། །བཅས་གཞི་གཏམ་རྒྱུད་ལས་རྒྱུད་དང་། རྟོག་ཅེན་ཡན་ལག་འབྲེལ་བཅས་རྒྱུད། །གསུམ་དུ་སྣང་ལ་གཅིག་ཏུ་ཟད། །དབྱེར་མེད་ཚུལ་གཅིག་རང་བཞིན་ལ། །རྩལ་དང་རྣམ་པར་སྣང་བ་དགགཅིག་སྟེ་རྣམ་པ་ཡོངས་ཀྱིས་མེད། །དེ་སྐད་གསང་བ་མཆོག་དེས་བཤད། །ལས་ཀྱིས་བསྒྱངས་པ་གང་དག་ལ། །གང་འདིར་མུན་པའི་ཕྱོགས་བཤད་པ། གོ་ཆ་བགོས་པར་ཤེས་པར་གྱིས། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་རྩ་བ་གང་གི་མུན་པའི་སྤྱོད་ཡུལ་བསྟན་པའི་ལེའུ་ལྔ་བཅུ་ལྔ་པའོ།། །།དེ་ན་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། །གསང་བ་པའི་བདག་པོ་ལ་ཡང་ཡོངས་སུ་དྲི་བ་དྲིས་པ། །ཀྱེ་གསང་བ་པའི་བདག་པོ་རྩ་བ་གང་ལ་གང་གི་སྣང་བ་ཡོངས་སུ་དག་པའི་སྤྱོད་ཡུལ་གང་ལགས། །དེ་སྐད་ཅེས་གསོལ་པ་ལས། །གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་ཡོངས་སུ་དག་པའི་དྲི་བ་དེ་ནི་ལེགས་སོ། ་རྐོན་ཏུ་ལེགས་སོ། །ལང་ཀའི་བདག་པོ་དེ་ཀུན་འདི་ལྟར་བཅོམ་ལྡན་འདས་ངོ་བོ་ཉིད་དག་པ་སྟེ། ཡོངས་སུ་དག་པ་ཞེས་བྱ་བའི་ཞིང་ཁམས་ན་ངང་གིས་བཞུགས་པ་དེའི་ཚེ་དེའི་དུས་ན་གང་དཔག་ཏུ་མེད་པའི་རྒྱལ་བ་དག་དགོངས་པ་ཀུན་ནས་འདུས་པ་དག་ལ་གང་སྣང་བ་ཡོངས་སུ་དག་པའི་སྤྱོད་ཡུལ་དུ་དགོངས་ཏེ། དེ་ཁོ་ན་ཉིད་སྣང་བ་དེ་ཁོ་བོས་ཕྱིན་ཅི་མ་ལོག་པར་ཡོངས་སུ་བགྲོ་བར་བྱའོ། །ལང་ཀའི་བདག་པོ་འདི་ལྟ་སྟེ། མུན་ཁུང་གསེར་སྟོར་སྒྲོན་མས་རང་སྣང་ལྟར། །མ་རིག་མུན་པར་སེམས་སྟོར་རང་སྣང་བ། །དགོངས་པ་ཀུན་ནས་འདུས་པའི་རྩ་བ་འདི། །སྔ་རབས་འདས་པའི་དགོངས་པ་འདུས་ནས་གསུངས། །ཆོས་ཀུན་རྩ་བ་སེམས་འདི་ཉིད་ལ་འདུས། །སེམས་ཉིད་གནས་འགྱུར་ཡེ་ཤེས་ལྔར་སྣང་བ། །དེ་ཉིད་དོན་ལ་ངེས་པར་བཞག་པས་ན། །སེམས་ཉིད་གནས་འགྱུར་བ་ཡང་དེ་ཉིད་ཡིན། ཡེ་ཤེས་ལྔ་ཉིད་དེ་ལ་རྫོགས་པས་ན། །ཡེ་ཤེས་ལྔ་ཡང་གཅིག་ཏུ་འདུས་པ་ཡིན། །སེམས་ཀྱི་ཆོས་ཉིད་ཇི་བཞིན་དེ་རྟོགས་ན། །ཡེ་ནས་སངས་རྒྱས་མ་ནོར་མ་བཅོས་པར། །བདལ་ཁྱབ་ས་ཉིད་ནོན་པས་འདུས་པར་གསུངས། །བནས་སྐབས་དེ་ན་ཡོད་མེད་ལྟ་མཐར་ཐུག །སེམས་ཀྱི་དེ་བཞིན་ཇི་ལྷར་ཡིན་པ་དང་། དེང་རྒྱུན་ཡོད་མེད་ཞེས་པར་བྱ། །དེ་བཞིན་ཉིད་ལ་གང་འདིར་ཇི་ལྟར་བལྟ། །དེ་ཉིད་སྣང་བ་ཡིན་ནམ་མི་སྣང་བ། །འོ་ན་སངས་རྒྱས་ཡིན་ནམ་སངས་རྒྱས་མིན། །དེ་ལས་གཞན་ན་སངས་རྒྱས་ཡོད་དམ་མེད། །འདི་ལྟར་ཅིར་བཞག་གྲོས་ཀྱིས་ཆོད་པར་བྱ། །འདི་ལྟར་ངེས་ནས་དེ་ལྟར་གྱུར་ན་ཡང་། །བློ་བུར་ལས་ལམ་མི་དགག་དེ་བཞིན་སྤྱད། །དེས་ན་ཀུན་གྱི་རང་བཞིན་དེ་ཉིད་འདུས། །དེ་ལ་བསམ་མེད་དམིགས་མེད་དེར་བཞག་ན། ཅིར་སྣང་ཅིར་སྲིད་མཚན་མེད་དེ་གཅིག་པ་།་ ་།་སྐྱེ་འགག་མེད་པའི་དེ་ཉིད་ཡེ་སངས་རྒྱས། །དེ་ཉིད་མ་ཡེངས་པས་ན་མ་བསལ་ཡང་། །རྫོགས་པ་སྤྱིར་ཆིབ་ས་ཉིད་ཡེ་ནས་ནོན། །དེ་ཉིད་ནམ་དྲོད་ཉམས་སུ་གསལ་ན་ཡང་། །ཆོས་ཀུན་སྒོ་དང་མི་འགལ་བསྟན་པའི་ཕྱིར། །ཏིང་འཛིན་གསུམ་ལྡན་གོལ་སའི་སྒོ་བཀག་ནས། །དྲོད་ཆེན་གསུམ་གྱིས་དམ་པའི་དགོངས་པ་མྱོང་། །དེས་ན་ཏིང་འཛིན་རྣམ་གསུམ་ཉམས་རྙེད་པས། །འབྲས་བུ་ཕ་རོལ་ཕྱིན་དྲུག་རང་བཞིན་རྫོགས། །སེམས་ཉིར་མ་བཅོས་ནམ་མཁའ་ངང་ལ་གཞག །དེས་ན་དྲན་ཅིང་རྟོག་པ་ཅི་བྱུང་ཡང་། །དེ་བཞིན་མ་བཅོས་ཉིད་ཀྱིས་ལ་བཅད་པས། །ངང་གིས་མ་བཅོས་ཡང་གིས་འོདགསལ་བ། །གསང་བ་འདུས་པ་རྣམས་ཀྱིས་ཡིན་པར་བསྔགས། །མ་ཡེངས་སྐྱེ་འགག་མེད་ཉིད་ཏིང་འཛིན་ཏེ། །རྣལ་འབྱོར་གསུམ་དོན་དེ་ཡི་སྐབས་ན་རྫོགས། །དེས་ན་ཀུན་གྱི་བཤེས་གཉེན་དགོངས་བརྒྱུད་ནས། །དམ་པའི་དོན་དུ་སེམས་ཉིད་ཤེས་པར་བྱ་།་ ་།་དེ་ཉིད་རྡོ་རྗེ་སེམས་དཔའ་ཡིན་པས་ན། །གང་གིས་འདི་མཐོང་དེ་ཡི་ཞལ་མཐོང་ཡིན། །དེ་མཐོང་ཕན་ཆད་དམ་པ་ཉིད་ཡིན་པས། །དེས་ན་ཀུན་གྱི་བཤེས་གཉེན་ཡིན་པར་གྲགས། །དེ་ལྟའི་དོན་མཐོང་གང་དང་གང་ཞིག་གིས། །ཅི་ལའང་མི་ལྷ་དེ་ལ་ཞེན་པར་བྱ། །དེས་ན་བྱས་ཟིན་བཙལ་མེད་དེར་ངེས་ནས། །རང་བྱུང་ཡེ་ཤེས་ཡོངས་སུ་དག་ཅེས་བྱ། །དེས་ནི་ཟིན་ཆགས་བདེ་སྡུག་ཅི་བྱུང་བ། ཚོགས་གཉིས་མ་བསགས་རྫོགས་པར་དམ་བཅའོ། །མི་རྟོག་ཏིང་འཛིན་མཚན་མ་རྣམ་དག་པ། །ཆོས་ཉིད་མངོན་འགྱུར་ཆེ་ཡོན་རྒྱུན་མི་འཆད། །སྒྲིབ་པ་གཉིས་བྱང་ཚོགས་ཆེན་རྫོགས་པས་ན། །གང་གི་ཕྱོགས་རྣམས་མཐུན་པར་ས་རྣམས་ནོན། །འདི་ནི་ཀུན་འདུས་དགོངས་སྤྱོད་ཟབ་མོ་ཡིན། །གང་དག་ཀུན་གྱི་སྤྱོད་ཡུལ་མ་ཡིན་ནོ། །གང་གིས་གང་ལྟར་དེ་ཡི་དོན་མཐོང་ལྟར། །གང་དག་འཁྲུལ་བ་རྣམས་གྱིས་མ་མཐོང་བསགདོད་ནས་ཞེན་པའི་མུན་པ་སངས་དཀའོ། །ས་དང་ས་ཡི་ཁྱད་པར་ཡོད་ཅེས་པ། །མཐོང་དང་མ་མཐོང་གཉིས་མེད་གསལ་དུས་ན། །དམ་པའི་དགོངས་པ་ལྷུན་གྱིས་གྲུབ་ངེས་པའོ། །སྟོང་དང་མ་སྐྱེས་རང་བཞིན་ཁྱད་པར་ཅི། །ཡོད་མེད་རྟག་ཆད་བྱ་བཙལ་ལ་སོགས་པ། །ཀུན་ནས་ལྷུན་གྱི་གྲུབ་པར་ཡེ་གནས་པའོ། །རྒྱུ་དང་འབྲས་བུ་ཅིར་སྣང་ཅིར་སྲིད་ཀྱང་། །ཆོས་ཉིད་དེ་བཞིན་ཉིད་ཀྱི་རྒྱན་དུ་སྣང་། །དེ་ཉིད་མ་བཀག་ཡོངས་སུ་རྫོགས་པའི་ཚུལ། །གོང་འོག་ལ་སོགས་སྐྱོན་ཡོན་གཉིས་པོ་དག །མཐོང་དང་མ་མཐོང་རེ་རྩོལ་རྐྱེན་ཙམ་གྱིས། །རྒྱུ་འབྲས་སོ་སོར་གསལ་ཞེས་སྨྲ་བ་ཡང་། །ཐམས་ཅད་དེ་བཞིན་ཉིད་དུ་གཅིག་པར་ཟདདེ་ལ་ཡེ་ནས་འདུ་འབྲལ་མེད་བཞིན་དུ། །མི་མཉམ་མཉམ་པའི་སྤྱོད་ཡུལ་ཅིར་སྣང་ཡང་། །ཇི་བཞིན་ཉིད་འདི་མ་ཡིན་གང་ཡང་མེད། །དེ་ཉིད་དེ་ལ་ཚོགས་རྫོགས་ཐབས་ཤེས་འབྲེལ། །དེས་ན་དམ་པ་འདུས་པའི་དགོངས་པ་རྣམས། །དོན་དམ་མ་བཅོས་སེམས་ཉིད་དེ་ལ་འདུས། །སེམས་ཀྱི་རང་བཞིན་མ་བྱས་རང་བྱུང་བས། །ཏིང་ངེ་འཛིན་ཞེས་དམིགས་པ་ཀུན་དང་བྲལ། །འདི་ལྟར་ངེས་པའི་བྱང་ཆུབ་སེམས་དེ་ལ། །བགྲོད་པའི་གནས་དང་ལྟ་བའི་གཟུགས་མེད་པས། །མཚན་མ་ཀུན་མཁྱེན་སྐྱོན་ཡོན་ཡང་ཡེ་མེད། །ཐེག་ཆེན་གཉིས་རྫོགས་ཐེ་ཚོམ་ཀུན་བཅད་ཅིང་། །བླ་མེད་རྫོགས་པ་ཆེན་པོར་ལ་བཟླས་པའོ། །དེ་ན་མཐའ་དཔུང་འབྱེད་པ་ཆ་ཕྲ་བ། །མཐའ་དབུས་འབྱེད་པ་ཉིད་དུ་ཀུན་གཅིག་སྟེ། ཁྱད་པར་འཕགས་པའི་དོན་དུ་ཀུན་འདུས་གསུངས། །རྒྱུར་འདོད་ལས་སོགས་ཕྱི་ནང་ཡུལ་དག་ལ། །དགའ་བའི་མཚན་མ་ཙམ་དུ་གནས་པ་དང་། །གང་དག་སྤྱོད་པས་ཆོས་རྣམས་སེམས་སུ་འདུས། །མཐའ་གཉིས་ངང་གིས་གསལ་ཞེས་སྨྲ་བ་ཡང་། །ལ་བཅད་མཐོང་བས་གུད་ན་ཡོད་མེད་དོ། །གལ་ཏེ་ཡོད་པར་འདོད་ན་སྐྱོན་ཆེན་ཡིན། །དེས་ན་བསམ་གཏན་སོ་སོ་ཅི་སྣང་ཡང་། །བྱིས་པའི་སྤྱོད་ཡུལ་འཁྲུག་པ་ཉིད་སྣང་ཡིན། །དམ་པ་དམན་པ་སྒྱུ་མ་སྨིག་རྒྱུའི་ཚུལ། །རང་བཞིན་སྐྱེ་འགག་མེད་པས་ནམ་མཁའ་བཞིན། །དེར་ནི་ཀུན་འདུས་ཀུན་ལ་མཐོང་བ་མེད། །ཅི་༄༅ ཡང་མི་སྣང་བ་ཉིད་སྐྱོན་མེད་འདོད། །དེ་ནི་འཁྲུལ་པ་ཡིན་པས་བཏུབ་མ་ཡིན། །མཐོང་དང་མ་མཐོང་སྣང་ལ་རང་བཞིན་མེད། །ཀུན་འདུས་གསང་བའི་དགོངས་སྤྱོད་ཟབ་མོ་ནི། །རང་བྱུང་རང་རིག་མངོན་སུམ་སྣང་དུས་ན། །རང་བྱུང་ཡེ་ཤེས་དེ་ཉི་མཐོང་ཞེས་བྱ། །དེ་ལྟར་དགོངས་པ་དམ་པ་མཐོང་བའི་ཚེ། །རྟོག་ཆགས་ཀུན་སངས་མཐོང་ཡུལ་འདས་པ་སྟེ། བྱ་མེད་སྣང་མེད་མི་བཙལ་བཞག་པའོ། །དམིགས་པའི་ཡུམ་མང་ཆོས་ལམ་ཆགས་པ་སྤངས། །མཐོང་ཚོར་བདེ་ལམ་མུ་མེད་བདལ་བའི་དབྱིངས་། །གང་འགྱུར་གང་སྣང་དེ་ལས་གར་མ་གཡོས། །དེ་ཡི་གཏན་ཚིགས་དེ་བཞིན་ཉིད་ཀྱིས་གསལ། །དེ་ཡི་དོན་ལ་ཀུན་འདུས་དཔྱོད་མི་མཛད། །ཆོས་ཀུན་རང་འབྱུང་རང་རིག་ཡེ་ཤེས་སྣང་། །དེ་དོན་མ་སྐྱེས་མ་བྱུང་མ་སྐྱེས་ཏེ། །རྒྱུ་དག་འབྲས་བུར་བཏགས་པ་ཡང་ཡེ་མེད། །དེ་ལྟར་གང་རིག་དེ་ཉིད་ཚོགས་གཉིས་རྫོགས། །དོན་ལ་མཉམ་བཞག་བློ་བཅོས་སྤྱོད་ཉིད་ནི། །དེ་དག་འགལ་ཞིང་དེ་དག་ཕྲད་མི་འགྱུར། །དེ་ལས་ངེས་བློ་ཁྱབ་པར་བཏང་བ་ནི། །དེ་དག་མི་འགལ་དེ་ཉིད་ངེས་པ་སྟེ། །རང་རིག་དུས་ན་དེ་ལ་གཉིས་སུ་མེད། །སྙིང་པོ་དེ་ཉིད་རྒྱུ་འབྲས་ལྷུན་གྱིས་གྲུབ། །དེ་ཡི་དུས་ན་དོན་དམ་མ་ཉམ་དྲོད་རྫོགས། །སྣང་དང་མི་སྣང་རྟག་ཆད་ལ་སོགས་པ། །ཉམ་དྲོད་ངེས་པས་དོན་གྱི་གཏིང་ཕོར་ཏེ། །ཐ་དད་ཕྱོགས་ཀྱི་ཐེ་ཚོམ་འདི་བཅད་པའོ། །དེ་ཉིད་དེ་ལ་ཞེན་ངེས་བློ་བརྟན་ཞིང་། །གང་དང་འབྲེལ་བས་ལྟ་བའི་ཐག་ཆོད་ན། །དམན་པའི་ལུས་ལ་དམ་པའི་གོ་འཕང་ཅན། །དབང་ཕྱུག་ཡིན་པས་དེ་ལ་གུས་ཕྱག་འཚལ། །གཡོ་སྒྱུ་མེད་པའི་ཡོ་བྱད་ཆེན་པོ་ལྔས། །དབང་པོའི་སྤྱི་གཙུག་ནོར་བུ་བཞིན་དུ་ལྟ། །ཀུན་ནས་འདུས་པའི་དགོངས་པ་ཚིག་གསུམ་པོ། །ཡིད་ཆེས་ངེས་པས་བློ་ཡི་གདེང་དུ་བྱ། །ཚིག་གསུམ་དོན་ལ་ངེས་རྙེད་མངོན་དུ་འགྱུར། །ངེས་པའི་དོན་ནི་རང་རིག་ཁོ་ནར་ཟད། །གསང་བའི་བདག་པོས་དེ་སྐད་ཅེས་སྨྲས་པས། །ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་ཆོས་ཐམས་ཅད་ཀྱི་རྩ་བ་གཏན་ལ་ངེས་པར་ཕེབས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་རྩ་བ་གང་སྣང་བ་དག་པའི་སྤྱོད་ཡུལ་བསྟན་པའི་ལེའུ་སྟེ་ལྔ་བཅུ་དྲུག་པའོ།། །།བམ་པོ་དགུ་པ་ཟུག་པ། དེ་ནས་ཡང་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱིས་གསང་བ་པའི་བདག་པོ་ལ་ཡང་གང་གི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་འདིར་ཉིད་ཀྱིས་ཆོས་ཀྱི་རྣམ་གྲངས་བཅུར་བཀོད་པ་ལས་རང་བཞིན་མ་བཅོས་པར་བྱའོ་ཞེས་ཐོས་ན་དེ་ཇི་ལྟར་ཡོངས་སུ་ཤེས་པར་བྱ། རངབཞིནནིགང། །གང་ལྟར་ན་མ་བཅོས་དེ་གང་གིརངབཞིནལགས། །དེ་སྐད་ཅེས་གསོལ་པ་དང་། གསང་བ་པའི་བདག་པོས་སྨྲས་པ། ཀྱེ་དམན་པའི་གྲོགས་པོ་དག་གང་རང་བཞིན་ནི་མི་འགྱུར་བའོ། །མ་བཅོས་པ་ནི་རྣལ་མའོ། །འདི་དག་ནི་གསང་སྔགས་ཀྱི་རང་བཞིན་དང་། དེ་ལ་ལྟ་བའི་རང་བཞིན་དང་། དེ་ལས་མི་འདའ་བའི་རང་བཞིན་དང་། དེ་ལྟར་སྤྱོད་པའི་རང་བཞིན་ནོ། །གྲོགས་པོ་དག་འདི་ལ་གསང་སྔགས་ཀྱི་རང་བཞིན་ནི་འདི་ལྟ་སྟེ། ནམ་མཁའ་ལྟ་བུའི་རང་བཞིན་པས། །རྣམ་པར་རྟོག་བྲལ་གང་མི་རྟོག དེ་བཞིན་ས་ཡི་རང་བཞིན་པས། །ཐམས་ཅད་འབྱུང་བའི་རང་བཞིན་ནོ། །མེ་ཡི་རང་བཞིན་ལྟ་བུས་བས། །དངོས་པོ་ཐམས་ཅད་མེད་པར་བྱེད། །རླུད་གི་རང་བཞིན་ལྟ་བུ་བས། །གཡོ་རྡུལ་མི་གཡོའི་རྡུལ་ཀུན་སེལ། །ཆུ་ཡི་རང་བཞིན་ཁོ་ན་བས། །གཞན་མེད་དེ་བཞིན་ཉིད་དུ་འདུས། །སྨན་གྱི་རང་བཞིན་ཡིན་པས་ན། །འཁོར་བའི་གཅོང་རྙིང་རྣམ་པར་འབྱིན། །འདི་ལྟར་འཚོ་བའི་རང་བཞིན་བས། །འཚོ་བ་དག་པ་ཀུན་གྱི་གསོས། །གཅོད་པའི་རང་བཞིན་ལྟ་བུ་བས། །སྡུག་བསྔལ་རྒྱ་མཚོ་རྣམ་པར་གཅོད། །ཉི་མ་ལྟ་བུའི་རང་བཞིན་པས། །མུན་ཁང་སྣང་སྟོང་གསལ་བ་ཉིད། །རི་རབ་ལྟ་བུའི་རང་བཞིན་པས། །ཅིས་ཀྱང་བསྐྱོད་ཅིང་གཡོ་བ་མེད། །རྒྱ་མཚོ་ལྟ་བུའིརངབཞིནཔས། །མིགཡོ་བ་ལས་བྱིན་བརླབས་འབྱུང་། །དེ་བཞིན་རྩི་ཡིརངབཞིནཔས། །དུག་ལ་སྨན་འགྱུརཇིབཞིནནོ། །དེལསོགས་པ་མཐའ་ཡས་མཆོགརྣམ་པར་རྟོག་བྲལ་ཐམས་ཅད་འབྱུང་། །མ་བཅོས་མ་བསླད་དེ་བཞིན་པའོ། །གྲོགས་པོ་དག་དེ་དག་ནི་གསང་སྔགས་ཀྱི་རང་བཞིན་དུ་ཤེས་པར་བྱའོ་ཞེས་ཐོས་པ་རྣམ་པར་བགྲོས་པའོ། །གྲོགས་པོ་དག་དེ་ལ་ལྟ་བའི་རང་བཞིན་ནི་གང་ཞེ་ན་འདི་ལྟ་སྟེ། མ་ནོར་མི་འགྱུར་ངེས་བཅད་དེ། །མ་ཆགས་མི་རྟོག་ཉམ་མི་ང་། །དཔེར་ན་ནམ་མཁའི་རང་བཞིན་ལས། །སྤྲིན་དང་ན་བུན་ཁུག་རླངས་དང་། ཟླ་བ་ཉི་མ་སྐར་ཚོགས་དག །སྣང་ཡང་ནམ་མཁའ་བཞིན་དུ་གནས། །དེ་བཞིན་ཉིད་ཀྱི་ནམ་མཁའ་ལས། །མཚན་མའི་རྣམ་རྟོག་ཅི་བྱུང་ཡང་། །ཆོས་ཉིད་ནམ་མཁའ་བཞིན་གནས་པར། །རྣལ་འབྱོར་ཅན་གྱིས་བལྟ་བར་བྱ། །ཇི་བཞིན་མ་བཅོས་དེ་བཞིན་ལ། །མཐོང་དང་མ་མཐོང་ཁྱད་པར་གྱིས། །ལྟ་བའི་ཁྱད་པར་སོ་སོར་བལྟར། །རྣམ་པར་རྟོག་ལ་རྣམ་རྟོག་ཉིད། །ལོག་སྲེད་ཅན་ལ་ལོག་རྟོག་ཉིད། །ཕྱོགས་འཛིན་ཙམ་ལ་ཐ་སྙད་རྫས། །ཕྱོགས་ཤེས་དག་ལ་སྒྱུར་མར་སྣང་། །དེ་ཉིད་དེར་ངེས་ནམ་མཁའ་མཐོང་། །ནམ་མཁའ་བཞིན་གནས་ནམ་མཁའ་ལ། །ནམ་མཁའ་ཉིད་དུ་སྣང་བ་ཟད། །གྲོགས་པོ་དག་དེ་དག་ནི་ལྟ་བའི་རང་བཞིན་དུ་ཤེས་པར་བྱའོ། །ཞེས་ཐོས་པ་ངེས་པར་བགྲོས་པའོ། །གྲོགས་པོ་དག་དེ་ལས་མི་འདའ་བའི་རང་བཞིན་གང་ཞེ་ན། །འདི་ལྟ་སྟེ། ཆོས་ཉིད་ནམ་མཁའ་ལྟ་བུ་འདིར། །ཐམས་ཅད་ཡོངས་ཀྱིས་གཅིག་པ་ལ། །བསྲུང་དང་མི་སྲུང་ཕྱོགས་དང་བྲལ།བསྲུང་པའི་ཚད་གཟུང་ག་ལ་ཡོད། །ནམ་མཁའ་ལྟ་བུའི་རྣལ་འབྱོར་པས། །ནམ་མཁའ་ལྟ་བུའི་དམ་ཚིག་བསྲུང་། །གང་འདིར་བསྲུང་མཚམས་མེད་ན་བདེ། །དེས་ནི་ཐམས་ཅད་སྲུངས་པ་ཡིན། །ཅི་ཕྱིར་ཐམས་ཅད་ཐམས་ཅད་ཀུན། །དམ་པར་ངེས་པ་ཡིན་པས་ན། །ཚད་འཛིན་ཚད་ཡོད་བྱེད་ཉིད་ཉམས། །གང་ལ་བསྲུང་དང་མི་སྲུང་བའི། །རྣམ་རྟོག་དེ་དག་མེད་ཀྱང་བླའི། །དེ་འདྲ་བསྲུང་བའི་མཚམས་འཛིན་པ།སྒྱུ་མ་ཡིན་པས་དམ་པ་ཡིན། །དེ་ལ་བསྲུང་ཞེས་ཞུ་ཞིག་ཟེར། །སྲུང་དང་མི་སྲུང་ཚིག་མེད་དེ། །ཆོས་ཉིད་དེ་ལ་བླང་དོར་བྱེད། །དམ་པར་གྱུར་པ་ག་ལ་ཡིན། །བསྲུང་དང་མི་སྲུང་ཆོས་རྣམས་ནི། །སྲུང་དུ་མེད་པས་དེ་བཞིན་གཤགས། །དེ་བཞིན་ཉིད་ཀྱི་དོན་དམ་ལ། །ཇི་བཞིན་པ་ཡི་བློ་བཞག་སྟེ། བརྗོད་པ་མེད་པའི་དམ་ཚིག་གིས། །བསྲུང་མཚམས་མེད་པའི་ངང་དུ་བསྡམ། །བསྲུང་མེད་ནམ་མཁའི་དམ་ཚིག་འདི། །ཇི་ལྟར་གྲགས་པའི་རང་བཞིན་ལ། །སྡོམ་དང་ཚུལ་ཁྲིམས་སོ་སོར་སྣང་། །འཇིག་རྟེན་པ་ལ་ཆད་མདོ་བཙན། །བྱིས་པ་རྣམས་ལ་ཚུལ་ཤེས་པ། །ནར་སོན་པ་ལ་སྡོམ་པར་གྲགས། །བླ་མེད་མཆོག་ལ་དམ་པར་སྣང་། །གཅིག་གི་དོན་ལས་མ་གཡོས་ཀྱང་། །འདུལ་བའི་ངོ་ལ་སོ་སོར་གྲགས། །དེ་བཞིན་ཉིད་ལྡན་དམ་པ་སྟེ། །དེ་ལས་འདས་ན་ཚིག་པར་འགྱུར། །གཅིག་བསྲུངས་པས་ན་ཀུན་བསྲུངས་པའི། །དམ་པའི་དམཚིག་ཆེན་པོ་འདི། །ཀུན་དང་འགལ་བར་མི་བྱ་ཞིང་། །གང་གི་དོན་དུ་འགྱུར་བར་བྱ། །གྲོག་པོ་དག་དེ་དག་ནི་མི་འདའ་བའི་རང་བཞིན་ཤེས་པར་བྱའོ་ཞེས་ཐོས་པ་ཡོངས་སུ་བགྲོས་པའོ། །ཀྱེ་གྲོགས་པོ་དག་དེ་ལྷར་སྤྱོད་པའི་རང་བཞིན་གང་ཞེ་ན། །འདི་ལྟ་སྟེ། ལུས་དང་ངག་དང་ཡིད་གསུམ་གྱི། །མཐའ་གསུམ་ཡོངས་སུ་དག་རྫོགས་ན། །དམ་པའི་སྤྱོད་པ་ཡིན་པས་ན། །དམན་མིན་དམ་པའི་རིགས་ཤེས་བཤད། །རྡོ་རྗེ་ལུས་ཀྱི་སྤྱོད་པ་ནི་།་ ་།་ཕྱིན་པ་མེད་ལས་ལུ་མི་བཅོས། །གཅིག་པུ་ཉིད་པས་གཅིག་ཏུ་གཅས། །གླང་པོའི་ལྟ་སྟངས་ཇི་བཞིན་དང་། །དེ་བཞིན་རྣལ་མས་གནས་པར་བྱ། །གང་དུ་གནས་པས་རྟག་པར་གནས། །གནས་པ་དེ་ལ་ཆགས་མི་བྱ། །སྤྱོད་ལམ་རྣམ་བཞིར་གར་ལྡན་པ། །མ་བཅོས་རྣམ་པར་གནས་པར་བྱ། །གང་གིས་གདུང་བུ་མི་ཉེ་པའི། །གནོད་པ་སྐྱོན་པ་དག་ཙམ་ལས། །བཟང་དང་རྒྱན་ཕྱིར་བཅོས་མི་བྱ། །གང་དུ་ཇི་ལྟར་བདེ་ལྡན་སྦྱར། །རྡོ་རྗེ་སྔགས་ཀྱི་སྤྱོད་ཡུལ་ནི། །བྱ་བ་མེད་པའི་རྣལ་འབྱོར་པས། །མཆོད་རྟེན་དག་གི་ལས་མི་བྱ། །གླེགས་བམ་ཀླག་པར་མི་བྱ་ཞིང་། །གཟུགས་བརྙན་བརྩམ་པའི་ལས་མི་བྱ། །ལག་གི་ཕྱག་རྒྱ་མི་བཅིང་ཞིང་། །ངག་གི་བཟླས་པ་དེ་ལ་སྒྲིབ། །རྣལ་འབྱོར་ལུས་ཀྱི་ཕྱག་མི་བྱ། །རྙེད་དང་བཀུད་སྟི་བལྟ་མ་ཡིན། ཁེ་ཕྱིར་མ་ཡིན་གྲགས་ཕྱིར་མིན། །ཅི་ཕྱིར་ཕྱི་རོལ་གཡེང་བ་དང་། །ཤིན་ཏུ་གཡེང་བ་ཡིན་པའི་ཕྱི། །དེ་ལ་ཉེ་བ་མ་ཡིན་པས། །ལུས་འདི་རྣལ་མས་གནས་པར་བྱའོ། །རྣལ་འབྱོར་ངེས་པའི་བསམ་གཏན་པས། །རྡོ་རྗེ་སྔགས་ཀྱི་ཁ་ཟས་ནི། །ལུས་ཟུངས་འཛིན་པའི་རྟེན་ཙམ་དུ། །གར་ལྡན་འབྱོར་ལྡན་མ་གཏོགས་པ། །ཟས་ཕྱིར་ཆེད་དུ་བསྒྲུབ་མི་བྱ། །མཆོག་དང་ཉམ་ཕྱིར་ག་ལ་ཡིན། །མ་བཅོས་རྣལ་མ་ཇི་བཞིན་བཟའི། །འཚོ་བའི་ཆེད་དུ་བཅོས་མི་བྱ། །ཆགས་དང་མ་ཆགས་སྤང་བླང་མེད། །བླང་བར་བྱ་བ་མ་ཡིན་ཞིང་། སློང་མོས་འཚོ་བར་ཡོང་མི་བྱ། །ཅིའི་ཕྱིར་དེ་ནི་མི་འགྱུར་ཕྱིར། །འཚོ་བ་ཡོངས་སུ་མ་དག་པའོ། །མཚམས་མེད་པ་ལས་མཚམས་གཅོད་པ། །འདི་ནི་རྣལ་འབྱོར་ཅན་གྱི་ལས། ཁྲེས་བྱ་ནང་གི་ཆོས་ཉིད་ལ། །རྣལ་འབྱོར་དོན་དུ་འཇུག་པ་ན། །ཕྱི་ཡི་འདུ་འཛི་གཡེང་བ་ཡིས། །བར་དུ་གཅོད་པ་བསལ་བའི་ཕྱིར། །ཕྱི་དང་ནང་གི་སོ་མཚམས་སུ། །འགྲོ་འོང་འདྲུལ་རྣམས་གཅད་པར་བྱ། །གང་ལ་གནས་གཞི་རྟེན་མེད་པས། །གནས་བདེར་ལུས་བཅོས་ཁ་ན་མེད། །ཞེན་པས་སྤྱོད་ལམ་བཅོས་བྱེད་པ། །དེས་ནི་ལུས་བཅོས་བསླད་པ་ཡིན། བསམ་གཏན་ལུས་དབེན་བཅོས་མི་བྱ། །དེ་ལ་དེ་དབེན་མ་བཅོས་པ། །དེ་ཉིད་ཡེ་ནས་དབེན་པའི་གནས། །འདི་ནི་རྣལ་འབྱོར་མཆོག་གི་ཡུལ། །རི་ཕུག་གཞལ་མེད་བཅོས་མི་བྱ། །དེ་ཉིད་དཔག་མེད་མ་བཅོས་པའི། །འདི་ནི་ཡེ་ནས་རྨད་འབྱུང་གཞལ། །བྱེད་པ་མེད་པར་རང་བྱུང་པའོ། །རྡོ་རྗེ་ངག་གི་སྤྱོད་ཡུལ་ཡང་། །དམ་པའི་ཆེད་དུ་སྙན་སྨྲ་ལས། །གཞན་དུ་ཁ་གསག་ག་ཞ་མིན། །བརྗོད་པ་ཐམས་ཅད་ངེས་པ་ཉིད། །གསོང་པོར་སྨྲ་ཞིང་ཚིག་མི་འགྱུར། །ཇི་ལྟར་བརྗོད་པ་དེ་བཞིན་བྱ། །ཐམས་ཅད་ཀུན་ཏུ་སྨྲ་མ་ཡིན། །གང་བརྗོད་དོན་དང་འབྲེལ་བར་བྱ། །སྐབས་དང་དགོས་ཆེད་མ་གཏོགས་པ། །རྣམ་པར་འཆལ་བར་བྱ་བ་མིན། །ཀུན་ལ་དཔེས་མཚོན་ཐོག་ཏུ་དབབ། །ཐམས་ཅད་ཚད་པས་ཚད་མར་བྱ། །མ་བཅོས་ངང་གི་རྣལ་འབྱོར་པ། །རྡོ་རྗེ་ངག་གི་སྤྱོད་པར་བཤད། །རྡོ་རྗེ་ཡིད་ཀྱི་སྤྱོད་ཡུལ་ནི། །མ་བཅོས་མ་གཡོས་བསམ་དང་བྲལ། མི་གཡེང་མ་རྨུགས་གསལ་ཞིང་གནས། །འདོད་ལ་མ་ཆགས་སྒྲོ་སྐུར་བྲལ། །བླང་མེད་དོར་མེད་ཆགས་སྡང་མེད། །འཆབ་བཅོམ་མེད་དེ་རྙེད་འབྱོར་མིན། །ཕྱོགས་བྲལ་མུ་མེད་ཡོངས་སུ་དག །གོ་བགོས་ལམ་ཉིད་དྲང་པོར་སོང་། །དུག་འགྱུར་སྨན་བསྲེལ་མཚོན་ཆར་ལྡན། །རྡོ་རྗེ་རྫོང་ལ་ཞེན་པ་དང་། །ཡིད་བཞིན་ནོར་བུ་བློ་གྲོས་ལྡན། །གང་དུ་མི་འགྱུར་གང་མི་འགྱུར། །དབྱིངས་འདིར་ཀུན་དང་གཅིག་པ་དང་། གང་གི་བློ་ལ་མངོན་པའི་ཕྱིར། །ཡོངས་སུ་མཛེས་དང་བག་ཡོད་དང་། །དེ་ཉིད་དབང་ལས་ཁྲེལ་ཡོད་དང་།དེ་ལ་ངའམ་ང་མེད་པས། །ཀུན་ལ་ཡོངས་སུ་ལྡན་པ་དང་། །ཐམས་ཅད་བདེ་བས་ངེས་པ་དང་། །གང་འདི་སྟོང་པས་ཅིར་མི་རྟོག །དེ་ཉིད་ཞི་བས་འཁྲུལ་མེད་དང་། གང་ནས་ཅི་ཡང་མི་འབྱུང་བས། །གཞན་དུ་ཚོལ་བ་མེད་པ་དང་། །ཟང་ཟིང་མེད་པ་ཚུལ་མི་འཆོས། །གདུང་བ་མེད་པསའདོད་པ་མེད། །མ་ཆགས་འབྱུང་བས་ཆོག་པར་འཛིན། གང་ལ་མཚན་མར་མི་འཛིན་པས། །གཙང་སྨེ་མེད་ཅིང་དུས་གསུམ་མེད། །དེ་བཞིན་དམ་པ་ཡོད་མ་ཡིན། །སེམས་ཉིད་ནམ་མཁའི་སྙིང་པོ་དེ། །གློ་བུར་སྤྲིན་གྱིས་གཏིབས་སྐྲུངས་པས། ཁྲེས་རབ་རླུད་གིས་མ་གཏོར་བར། །ག་ཞ་མཁན་གྱི་སྤྱོད་འདྲ་ཡིས། །སྒྲིབ་གསལ་ཆོས་ཉིད་གསལ་འདོད་པས། །ཇི་ལྟར་ཆུས་གཤེར་བྱས་པ་དག །ཉི་མ་སྤྲིན་ལྟར་གྲིབ་མ་ཡིས། ཁེན་ཏུ་བསྒྲིབས་པར་གྱུར་པ་ན། །བྱིས་པའི་རང་བཞིན་མི་ཤེས་པས། །སྤྲིན་ཆེན་འདུས་པའི་ཕུང་པོ་ལ། ཁ་ཡི་དབུགས་ཀྱིས་བུས་བྱས་ནས། །སྤྲིན་བསལ་ཉི་འོད་གསལ་འདོད་འདྲའོ། །གྲོགས་པོ་དག་དེ་དག་ནི་དེ་ལྟར་སྤྱོད་པའི་རང་བཞིན་དུ་ཞེས་པར་བྱའོ། །ཞེས་ཐོས་པ་ཕྱིན་ཅི་མ་ལོག་པར་སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་རང་བཞིན་གྱི་ལེའུ་ཞེས་བྱ་སྟེ་ལྔ་བཅུ་བདུན་པའོ།། །།དེ་ནས་ཡང་ལང་ཀའི་བདག་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གསང་བ་པའི་བདག་པོ་ལ་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ལྗོན་ཤིང་བསྐྱེད་པར་བྱའོ་ཞེས་དམ་བཅའ་བར་གསུང་པ་དེ་ཇི་ལྟར་ཡོངས་སུ་ཤེས་པར་བགྱི། དེ་གང་གི་ལྗོན་ཤིང་ལགས་ཞེས་དྲི་པ་ལས། །གསང་བ་པའི་བདགཔོས་སྨྲས་པ། །ཀྱེ་གྲོགས་པོ་དག་ཤིང་ནི་བྱང་ཆུབ་ཀྱི་ལྗོན་ཤིང་སྟེ། བླ་ན་མེད་པའི་འབྲས་བུར་སྨིན་པས་གང་མཐའ་དག་གི་གསོས་སུ་འགྱུར་བའི་ཕྱིར་ལྗོན་ཤིང་དེ་བསྐྱེད་པར་བྱའོ། །གྲོགས་པོ་དག་འདི་ལྟ་སྟེ་།་ དེ་ཉིད་རྡོ་རྗེ་སྙིང་པོ་ལས། །གང་གི་ཟུང་རྔུ་ཀུན་ཀྱང་བྱ་དེར། །མ་ལུས་ཡོངས་སུ་རྫོགས་པ་ལ། །གང་གི་དགོངས་པ་ངེས་འགྲེལ་པ། །སྦྱོར་བའི་སྐབས་སུ་བཤད་པ་དག །དེ་ཉིད་རྣམ་པར་འགྲོ་བར་བྱ། །དེ་ལ་དགོངས་འགྲེལ་སྦྱོར་སྐབས་བཅུ། །འདུན་པ་སྐྱེད་དང་རྩོལ་བ་སྦྱོར། །བསླབ་པར་འཇུག་དང་འདུས་ཤེས་འགྱུར། །སྦྱོར་ནས་རོ་ཚོར་ཡུལ་ལ་འཇུག །རྟོགས་ཆེན་གདེང་འགྱུར་ལས་སུ་རུང་། །རྒྱུན་དང་བཅས་པའི་སེམས་སྐབས་བཅུ། །སྙིང་པོ་དེ་དག་རྒྱུན་བཅས་ཕྱིར། །རྣལ་འབྱོར་ཆེན་པོའི་སྐབས་བཅུ་ཡིས། །རྣལ་འབྱོར་རྣམ་ལྔའི་ཁྱད་པར་ལ། །བཅུ་དྲུག་རྒྱུན་གྱིས་ངེས་པར་རྫོགས། །དེ་བཞིན་ཡེ་ཤེས་ཐམས་ཅད་ལ། །རྣམ་པར་བཅུ་ཡི་ཁྱད་པར་གྱིས། །དང་པོ་ནས་བཟུང་རྫོགས་པར་དུ། །སྦྱར་བ་གང་དེ་སྒྲིབ་པ་ནུབ་པར་འགྱུར། །གང་ཟག་གིས་གང་མཐོང་དེར་ན། །རིག་པ་བྱང་ཆུབ་སེམས་རེ་འབྱུང་། །དེ་ཉིད་དེ་ནུབ་གང་ཞེ་ན། །གཡོ་དང་སྨོན་དང་ལྡང་པདང་། །སྦྱོར་བ་འཇུག་དག་མི་འགྱུར་བ། །རིག་དང་གནས་དང་རྫོགས་པའོ། །གང་གི་གཟུགས་བརྙན་གང་སྣང་བ། །དངོས་མེད་རང་སྣང་མཐུན་པའི་དཔེ། །ཕྲ་མོ་ཐ་མལཆེནཔོཡི། །སྐར་མ་ཟླ་ཚེས་གཉིས་པ་དང་། །གསུམ་དག་བཞི་དང་ལྔ་པ་དང་། བརྒྱད་དང་བཅུ་དྲུག་ལྟ་བུར་སྣང་། །འདུན་པ་སྐྱེ་བའི་སྐབས་དག་ལ། །གཡོ་བ་ལྷག་པའི་སེམས་འབྱུང་སྟེ། །མུན་པའི་སྤྲིན་རུམ་ལྟ་བུ་ཡི། །གསེར་འཕྲོ་སྐར་མར་རབ་རིབ་སྣང་། །རྩོལ་བ་སྦྱོར་བའི་སྐབས་དག་ལ། །སྨོན་པ་ལྷག་པའི་སེམས་འབྱུང་སྟེ། །ཤིན་ཏུ་སྐར་མ་ཕལ་པ་དག །གང་ལ་རབ་རིབ་ལྟ་བུའོ། །བསླབ་པ་འཇུག་པའི་སྐབས་དག་ལ། །ལྡང་བ་བྱང་ཆུབ་སེམས་འབྱུང་སྟེ། །ཇི་ལྟར་མེ་ཡི་གཟེར་ཆེན་དང་། །སྐར་ཆེན་ལྟ་བུ་རབ་རིབ་སྣང་། །འདུ་ཤེས་འགྱུར་བའི་སྐབས་དག་ལ། །སྦྱོར་བ་ལྷག་པའི་སེམས་སྐྱེ་སྟེ། །ཇི་ལྟར་མགལ་མེའི་འཁོར་ལོ་དང་། །གཅིག་པའི་ཟླ་ཚེས་ལྟ་བུར་སྣང་། །སྦྱོར་ཆེན་འཇུག་པའི་སྐབས་དག་ལ། །འཇུག་པ་ལྷག་པའི་སེམས་སྐྱེ་སྟེ། །ཇི་ལྟར་སྒྲོན་མེ་ལྟ་བུ་དང་། །ཟླ་ཚེས་གཉིས་པ་ལྟ་བུར་སྣང་། །རོ་མྱོང་བ་ཡི་སྐབ་དག་ལ། །དགའ་བ་ལྷག་པའི་སེམས་འབྱུང་སྟེ། །སྣོད་ཀྱི་སྒྲོན་མ་ལྟ་བུའམ། །གསུམ་པ་ལྟ་བུར་དེ་སྣང་ངོ་། །ཡུལ་ལ་འཇུག་པའི་སྐབས་དག་ལ། །མི་འགྱུར་ལྷག་པའི་སེམས་འབྱུང་སྟེ། །ཐོབ་དང་བསྟན་ལ་ཉེ་བ་ཡིན། །བཞི་པ་ལྟ་བུའི་རངབཞིནསྣང། །རྟོགཆེནདགགིསྐབས་དག་ལ། །རིག་པ་ལྷག་པའི་སེམས་འབྱུང་སྟེ། །རྟགས་ཆེན་དང་པོ་ཉེ་བར་བསྙེན། ལྔ་པ་ལྟ་བུའིརངབཞིནསྣང། །གདེང་དུ་གྱུར་པའི་སྐབས་དག་ལ། །གནས་པ་ལྷག་པའི་སེམས་འབྱུང་སྟེ། །ཤིན་ཏུ་བརྟན་པའི་སྒྲོན་མ་དང་། །བརྒྱད་པ་ལྟ་བུའི་རང་བཞིན་སྣང་། །རྟགས་ཐོབ་ཉིད་ན་འགྲུབ་ཅེས་བྱ། །ལས་སུ་རུང་བའི་སྐབས་དག་ལ། །རྫོགས་པ་ལྷག་པའི་སེམས་འབྱུང་སྟེ། །གཉེན་པོ་མེད་པའི་སྒྲོན་མ་དང་། །ཆ་ལ་རྫོགས་པ་ལྟ་བུར་སྣང་། །བརྟན་པར་ངེས་པས་གྲུབ་པ་ཡིན་། །སེམས་ཉིད་ཡེ་ནས་སངས་རྒྱས་ལ། །རྟོག་པས་བསྒྲིབས་པས་དེ་མ་ཤེས། །བྱང་ཆུབ་སེམས་ཀྱི་ལྗོན་ཤིང་ལས། །བླ་མེད་འབྲས་བུ་སྨིན་པ་ཡིན། །དེས་ན་གྲོགས་པོ་དམ་པ་དག །དམ་པ་རྣམས་ཀྱི་བྱང་ཆུབ་སེམས། །ཀུན་ཏུ་རྒྱུན་དང་བཅས་པ་སྟེ། ་།ན་མེད་ཆད་པ་དམ་པ་མིན། ་རྗེན་ཉིད་ཀྱིས་ནི་ངེས་སྨིན་པ། །གང་དུ་སྨིན་པའི་སྐྱེད་ཤིང་དེ། །བྱང་ཆུབ་དམ་པ་ལྗོན་པའི་ཤིང་། །འབྲས་བུ་དམ་པ་སྨིན་ངེས་པའོ། །གྲོགས་པོ་དག་དེ་དག་ནི་ལྗོན་ཤིང་དམ་པ་བསྐྱེད་པའི་དགོངས་པ་ངེས་པར་བགྲོས་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དེ་ཁོ་ན་ཉིད་གསང་བའི་དམ་པ་ལྗོན་ཤིང་བསྐྱེད་པའི་ལེའུ་སྟེ་ལྔ་བཅུ་བརྒྱད་པའོ།། །།དེ་ནས་ཡང་ལང་ཀའི་བདག་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་དྲི་བ་ཡོངས་སུ་དྲིས་པ། །ཀྱེ་གསང་བ་པའི་བདག་པོ་དམ་པ་རྣམས་ཀྱི་རྗེས་སུ་འཇུག་པར་བྱའོ་ཞེས་དམ་བཅའ་བར་དགོངས་པ་དེ་དམ་པ་རྣམས་ཀྱི་རྗེས་སུ་ཇི་ལྟར་འཇུག་པར་བགྱི། དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ། །ཀྱེ་གྲོགས་པོ་དག་དེ་ནི་འདི་ལྷར་དམ་པ་རྣམས་ཀྱི་རྗེས་ནི་གང་ངེས་པར་ཤེས་པའི་ལམ་དམ་པ་ལ་བྱའོ། །གྲོགས་པོ་དག་ལམ་དམ་པ་གང་ཞེ་ན། དེ་ལྟར་དེ་ཁོ་བོས་མཐོང་ཐོས་བའི་སྐབས་གཅིག་ན་བཤེས་གཉེན་དམ་པ་ཉིད་ཀྱིས་ངེས་པར་གསུང་པ་ངོ་བོ་ཉིད་ཀྱི་སྐུ་གཉེན་པོ་མེད་པས་རྣམ་པར་རྟོག་པ་ཐམས་ཅད་དང་ལྡན་ཏེ།རྟག་པ་ཉིད་དང་ཆད་པ་ཉིད་དང་། སྐྱེ་བ་དང་། འགག་པ་ཉིད་དང་། དམིགས་པ་དང་། འདོད་ཆགས་པ་ཉིད་དང་། ཞེ་སྡང་བ་ཉི་དང་། གཏི་མུག་པ་ཉིད་དང་། ང་རྒྱལ་བ་ཉིད་དང་། ཕྲག་དོག་པ་ཉིད་དང་། འདོད་པ་ལྔ་དང་། སྲོག་གཅོད་པ་དང་། མ་བྱིན་པ་ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དང་། ཕྲ་མ་དང་། ངག་རྩུམ་མོ་དང་། ཚིག་འཁྱལ་བ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་ཉིད་དོ། །མཚམས་མེད་པ་ལྔ་དང་། དེ་དང་ཉེ་བ་ལྔ་དང་། ལྕི་བ་བཞི་དང་། ལོག་པ་བརྒྱད་དང་། སྨེ་ཤ་དང་། བཤང་བ་དང་། གཅི་བ་དང་། ཁྲག་དང་། ཁུ་བ་ལ་སོགས་པ་དག་ལ་ངེས་པར་སྤྱོད་པ་ནི་དམ་པ་རྣམས་ཀྱི་ལམ་དམ་པ་ཡིན་པར་ཤེས་པར་བྱའོ་ཞེས་ངེས་པ་དམ་པར་གསུངས་པ་ལས། །ཁོ་བོས་དེ་ལ་འདི་སྐད་དུ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་སྨྲ་རྣམས་ཀྱི། །ཡང་དག་ཚད་མའི་གསུང་དག་ལས། །ཕྱིན་ཅི་ལོག་ཀུན་འབྱུང་ཅི་ལགས། །དེ་སྐད་ཞུ་བ་འདུན་པ་ལས། །བཤེས་གཉེན་དམ་པས་བཀའ་སྐལ་པ། །ཕྱིན་ཅི་ལོག་ལ་ཞེན་པ་རྣམས། །ཐབས་མཆོག་དཔག་གིས་མི་ལང་བས ངེས་པའི་དོན་ལ་གཟུད་པའི་ཕྱིར། །ཁྲིད་པའི་ཐབས་སུ་བསྟན་པ་ཡིན། །ལོག་ཞེན་གང་ལ་ངེས་བརྟན་ཡང་། །འཇུག་པར་མི་འཀྱུར་སྤོང་འཀྱུར་རྣམས། །ལོག་སྤྱོད་ཐབས་ཀྱིས་དེ་དྲངས་ན། །་ཐེ་ཚོམ་མེད་པར་འབྱུང་བར་འགྱུར། །སླུ་བའི་ཐབས་ཀྱིས་གཟུད་པའི་ཕྱིར། །སོ་སོ་མོས་པ་སྣ་ཚོགས་ཀྱིས། །ལྟ་སྤྱོད་རྣམས་དང་མཐུན་འཇུག་ཏུ། །སྦྱར་ནས་བསྟེན་འབྲིད་ཐབས་སུ་གསུངས། །དཔེར་ན་ལོག་སྤྱོད་བྱིས་པ་རྣམས། །ཕ་མས་སྡིགས་བྲིད་ཐབས་ཀྱིས་ནི། །བྱ་བའི་ལས་ལ་གཟུད་པ་ལྟར། །བརྩེ་བས་དོན་ལ་འདྲེན་པའོ། །དེ་ཡང་ཇི་ལྟར་ལ་ལ་ཞིག །ཆུ་བོ་ཕ་མཐར་འགྲོ་འདོད་པ། །གྲུ་པ་དག་ལ་བརྟེན་པས་འགྲོ། །མཐར་སོན་པས་ན་འབོར་བ་བཞིན། །ཐབས་སམ་ཐེག་པའི་བྱེ་བྲག་རྣམས། བརྟན་པས་དྲང་བའི་ཐབས་ཡིན་ཡང་། །དོན་གྱི་ངེས་པ་རྙེད་མ་ཐག །ཆུ་བོ་རྒལ་བའི་གྲུ་བཞིན་འདོར། །དེས་ན་དེ་བཞིན་ཉིད་ཤེས་ན། །ཐམས་ཅད་ཐམས་ཅད་གང་ཡང་རུང་། དམ་པའི་ལམ་དུ་ངེས་པས་ན། །ལམ་གྱི་ནང་ན་ཉེ་ལམ་ཡིན། །དེ་སྐད་ཅེས་གསུངས་ནས་ཅང་མི་གསུང་བར་བཞུགས་སོ། །ཀྱེ་གྲོགས་པོ་དག་དེ་བས་ན་དམ་པ་རྣམས་ཀྱི་རྗེས་ལམ་དམ་པ་འདིར་ཞུགས་ན་ཐམས་ཅད་ནས་ཐམས་ཅད་དུ་རྣམ་པར་ཐམས་ཅད་ཀྱི་ཐམས་ཅད་དུ་ཤེས་པ་དང་། གསལ་བ་དང་། མ་འདྲེས་པ་དང་། ཡོངས་སུ་རྫོགས་པར་འགྱུར་ཏེ། འཁོར་བ་ཡོངས་སུ་ཤེས་པར་འདོད་པས་ཀྱང་ལམ་འདི་ཤེས་པར་བྱའོ། །མྱ་ངན་ལས་འདས་པ་ཡོངས་སུ་ཤེས་པར་འདོད་པས་ཀྱང་ལམ་འདི་ཤེས་པར་བྱའོ། །གཞན་ཡང་ཆོ་འཕྲུལ་ཆེན་པོ་ཉི་ཤུ་ཐོབ་པར་འདོད་པས་ཀྱང་ལམ་དམ་པ་འདི་ཡོངས་སུ་ཤེས་པར་བྱའོ། །རྟོག་པའི་རི་བོ་བརྒྱད་ཅུ་གཞིལ་བར་འདོད་ལས་ཀྱང་ལམ་དམ་པ་འདི་ཡོངས་སུ་ཤེས་པར་བྱའོ། །ལྟུང་བའི་སྒོ་དགུ་ཆད་པར་འདོད་པས་ཀྱང་ལམ་དག་པ་འདི་ཡོངས་སུ་ཤེས་པར་བྱའོ། །དེ་ལ་སོགས་པ་མཐའ་ཡས་པའི། །ཐམས་ཅད་ཐམས་ཅད་ཡོངས་རྫོགས་པའོ། ཁེས་པར་འདོད་པ་གང་དག་གིས། །དམ་པའི་ལམ་འདི་ཤེས་པར་བྱ། །སེམས་ཉིད་དམ་པའི་ལམ་ཉིད་དེ། །མཁའ་ལ་བྱ་ལམ་རྗེས་མེད་བཞིན། །ཉམ་ང་ལོག་མེད་དམ་པའི་ལམ། །འདི་ལྟར་ངེས་པའི་ལམ་འདི་ཡང་། །ཀུན་གྱིས་ཤེས་པར་བྱ་བའི་ཕྱིར། །ཚིག་གི་ལམ་གྱིས་གཉེར་མཚོན་ཏེ། །བརྗོད་མེད་ཚིག་གི་ཡུལ་བྲལ་བ། །དེ་ཡི་རང་བཞིན་དེ་ཉིད་ན་།་ ་།རངབཞིནམབཅོསདེབཞིན་ཉིད། །དེ་ལ་མིག་མེད་མིང་བཏགས་རྒྱུས། །མཐོང་དང་མ་མཐོང་ཐ་དད་འགྱུར། །དེ་ལས་སྤྱོད་པའི་གཞིར་གྱུར་ཏེ། །བརྗོད་པས་དེ་ཉིད་མཐོང་བྱའི་ཕྱིར། །ཚིག་གི་ལམ་ནི་རྣམ་གྲངས་ལས། །ཚིག་ལམ་སྒོ་མོ་དཔག་མེད་འགྱུར། །དེ་ལས་དམ་པའི་རྗེས་བཅད་པ། །གང་གི་ཐུགས་ལས་བྱུང་བའི་ལུང་། །སྒྲོན་མས་ཉེ་བར་གཏེར་བཙལ་བ། །ཉེ་ལམ་བྱང་ཆུབ་དམ་པ་ནི། །གང་བྱུང་རྗེས་སུ་དེ་འབྲངས་ན། །འཁོར་བའི་འཁོར་ལོར་འཁོར་བར་འགྱུར། །གང་འབྱུང་གཡོ་བ་གང་བཀག་པ། ཁུན་གྱི་འགོག་པ་ཉིད་དུ་འགྱུར། །གང་འབྱུང་མེད་པའི་བླུན་པོ་པ། །མུར་འཛིན་མུན་པའི་ལམ་དུ་འགྱུར། འདི་ཞེས་གཅིག་ཏུ་གང་བཟུང་བ། །མཚན་མ་རྟོག་པའི་རི་བོ་ཡིན། །སྔ་ཕྱི་མེད་ཅེས་མུ་བཅད་ན། །དེ་མེད་ཆད་པའི་མུ་ཅན་ཡིན། །མ་བཅོས་ཉིད་ལ་ཡུད་ཙམ་ཞིག །ཅིར་གཡོས་སྐྱེ་འགག་འབྱུང་བ་དེ། །དེ་ལས་གང་འབྱུང་གང་འཕེལ་བ། །རྣམ་གྲངས་ལམ་དེ་འཕེལ་འགྱུར་གྱི། །དམ་པའི་ལམ་ཉིད་རྙེད་མ་ཡིན། །དཔེར་ན་འགྲོ་གང་བྱིས་པ་དག །གྲིབ་མ་སྤངས་ནས་རྣམ་དག་ཚོལ། །གང་ལས་བྱུང་བ་དེ་ཉིད་ཀྱིས། །བཙལ་ཡང་འགྲིབ་འཕེལ་དག་མི་རྙེད། །དེ་ཉིད་ཡེ་ནས་དེ་བཞིན་དུ། །གང་འདིར་སྡུག་བསྔལ་སྣ་ཚོགས་ཀྱིས། ཁྲ་ཐང་བར་ནི་ལམ་ཚོལ་ན། །དོན་མེད་བདུད་ཀྱི་ལས་ཡིན་ནོ། །དེ་ལ་ཚིག་ཏུ་གང་བརྗོད་པ། །ནམ་མཁའ་དག་ལ་རྩོད་པ་འདྲ། །ཚིག་ཏུ་སྨན་དང་དཔྱད་བཤད་ཀྱང་། །ནད་པའི་ཚོགས་ལ་མི་སྨན་ནོ། །དེ་ཉིདདེབཞིནམགྱུརན། །ཚིག་ལམ་དེ་བརྗོད་དེ་མ་ཡིན། །གང་འདིར་གང་སྤངས་གང་ཚོལ་བ། །གཟུགས་སྤངས་ནས་ནི་གྲིབ་ཚོལ་འདྲ། །སེམས་ཉིད་དམ་པའི་ལམ་ཉིད་པས། །མ་རིག་ཡེ་ཤེས་ཐ་དད་མིན། །མི་རྟོག་པ་ནི་ལམ་འདིར་གཅིག །སེམས་ཉིད་སྣ་ཚོགས་བར་སྣང་བས། །སྣ་ཚོགས་ལམ་འདིར་གཅིག་པ་ཡིན། །དཔེར་ན་གསེར་གྱི་རྒྱུ་གཅིག་ལས། །དབྱིབས་དག་གཟུགས་ནི་ཐ་དད་པར། །བྱས་པས་དེ་དག་མིང་རེ་གྲགས། །གང་གྲགས་གསེར་གྱི་ངོ་བོ་གཅིག །དེ་ལྟར་སེམས་་ཀྱི་རང་བཞིན་ལ། །མཐོང་དང་མ་མཐོང་ཁྱད་པར་གྱིས། །གང་ལྟར་བལྟས་དགུ་དེ་ལྟར་སྣང་། སྣང་ཡང་དེ་ལས་གཞན་མི་དམིགས། །སྒྲོན་མ་འབར་བའི་རིན་ཆེན་ནི། །ཇི་ལྟར་ངན་ཁུང་སྦས་གྱུར་ཡང་། །དེ་ཡི་རང་བཞིན་རང་སྣང་བས། །འོད་ནི་མཁའ་ལ་གསལ་བར་འགྱུར། །དེ་བཞིན་སེམས་ཉིད་རིན་ཆེན་སྒྲོན། །ལུས་ངན་འདམ་དུ་བྱིང་གྱུར་ཡང་། རང་བྱུང་རང་ཞི་རང་སྣང་བས། །མ་བཅོས་རང་བཞིན་ཡོངས་ཀྱི་གསལ། །སེམས་འདི་ནམ་མཁའ་ཇི་བཞིན་ཏེ། །ཀུན་ཁྱབ་སྟོང་གསལ་སྣ་ཚོགས་འབྱུང་། །བྱུང་ཚོར་གཡོ་འགོག་ཐམས་ཅད་ཀྱང་། །རང་བཞིན་གྱིས་འབྱུང་ངང་གིས་ཞི། །མདོར་ན་ཇི་ལྟར་བརྟགས་བསམས་བཞིན། །འགྱུར་བས་ཐམས་ཅད་ངོ་བོ་སྣང་། །མ་བཅོས་གཡོ་བ་མེད་ཉིད་ལས། །སྣ་ཚོགས་རྒྱུ་འབྱུང་མི་སྐྱོན་ཞིང་། །ཆོ་འཕྲུལ་མི་འགག་ཉམ་ང་མེད། །ཇིབཞིནནམམཁའིརངབཞིནལ། །བློབཞག་མ་ཡེངས་ཁོ་ནར་ཟད། །དེ་ནི་ཚིགས་མེད་དོན་པོ་ཆེ། །དེ་ཉིད་དུས་གསུམ་ཐམས་ཅད་ཀྱི། །སངས་རྒྱས་འབྱུང་བའི་ངོ་བོ་ཡིན། །དེ་ཡི་དོན་ལ་ཇི་སྙེད་གནས། །མཐོང་བས་དེ་ཉིད་དེར་གོམས་ན། །ལམ་རྙེད་ལམ་མཐོང་ཉམ་དྲོད་ནང་། །དོན་གྱི་ངེས་པར་འབྱུང་བ་ཡང་། །གང་མ་ཡིན་ལ་ཟིན་འབྱུང་བ་། །བྱང་ཆུབ་དམ་པ་འབྱུང་བར་འགྱུར། །མཚན་མ་རྟོག་པའི་ཆོས་རྣམས་ལ། །དེས་པའི་བློ་གྲོས་འབྱུང་བ་ཡིན། །ཆོས་ཀུན་འདི་ལྟར་ཡིན་པ་ལ། །དེ་ལྟར་མ་མཐོང་ངོ་མཚར་ཆེ། །དེ་མཐོང་དེ་ཡང་ངོ་མཚར་ཆེ། །ཨེ་མའོ་ཅི་ག་སྙམ་དུ་འབྱུང་། །དེ་ཉིད་མ་མཐོང་གང་དུ་དག །རྩོལ་གྲུབ་དཀའ་བའི་ཚོགས་ཆེན་གྱི། །དམ་པའི་ལམ་ཚོལ་ལམ་རེ་རིང་། །དེ་ཡི་དོན་འབྱུང་དེ་ཡོད་ཀྱང་། །ལམ་དེ་རྙེད་པར་ཡང་མི་འགྱུར།དམ་པ་རྣམས་ཀྱི་ལམ་རྙེད་པ། །དམ་པ་ཉིད་ལས་དམ་པ་ཡིན། །དེ་ནི་རྟེན་བརྙན་མཚུངས་མ་ཡིན་། །ཞི་ལུས་མཐར་འགོག་གཉིས་མཚུངས་མིན། །སློབ་པའི་ས་དང་དེ་མི་མཚུངས། །རྣལ་འབྱོར་སེམས་པ་རྟོགས་མཐའ་དང་། །གང་མཚུངས་དེ་འདྲེ་དེ་མི་མཚུངས། །དེས་ན་རྣམ་དག་ལམ་ཆེན་ནི། །སེམས་ཀྱི་གསང་འདི་ཡིན་པས་ན། །དགོངས་པ་ཀུན་ལས་འདུས་པ་ཡི། །གསང་བའི་ལམ་འདི་ཤེས་བྱས་པས། །བཙལ་བའི་བྱ་བ་རྒྱུ་མེད་དེ། །ལམ་འདི་མཐོང་བ་དེ་ཉིད་ཀྱིས། །དཀའ་བ་རྩོལ་བ་གང་མེད་པར། །ཐམས་ཅད་ཐམས་ཅད་གྲུབ་པ་ཡིན། །སེམས་ཀྱི་གསང་བ་གར་གནས་པ་། །དེ་ནི་དབེན་པ་དམ་པ་སྟེ། །དགོན་པ་ཆེན་པོ་མཆོག་ཉིདདུ། །དགོངས་པ་ཀུན་ནས་འདུས་པ་གསུངས། །དེ་ཉིད་དཔག་མེད་གཞལ་ཡས་མཆོག །རྨད་འབྱུང་ནོར་བུ་ཡིད་བཞིན་ཁང་། །མ་བྱས་རང་བྱུང་ཕྱི་ནང་མེད། །ཀུན་དུ་ནང་དུ་གྱུར་པ་ཡིན། །གང་འདིར་གང་འདུས་ཚོགས་མ་ཡིན། །དེ་ལ་དེ་ཉིད་ཚོགས་འདུས་མཆོག །ཆོས་ཀུན་བསྡུས་པས་འབྱུང་བ་མེད། །དཔག་མེད་རྒྱལ་བ་དགྱེས་པའི་མཆོག །གང་འདིར་འདོད་སྤྱོད་ཡོ་བྱད་ཡིན། །དེ་ཉིད་ཡོ་བྱད་ཆེན་པོ་སྟེ། །ལྷག་པའི་ཡོ་བྱད་འདི་ཤེས་ན། །ཡོ་བྱད་ཀུན་གྱི་རྩ་བ་ཡིན། །སྐོམ་པར་བྱེད་པ་བསྒོམ་པ་མིན། །བསམ་བྱ་དམིགས་སུ་མེད་པ་སྟེ། །དམ་པའི་གསང་ལམ་འདི་ཤེས་ན། །བསྒོམ་ལམ་དམ་པ་འདི་ཉིད་དོ། །བསྲུང་ཞེས་བསྲུང་བར་བྱ་མི་དམིགས། །སྟོང་ཉིད་མེད་བྱུང་གསང་ལམ་འདི། །དབུས་མཐར་ཆེ་བས་ཚིག་ཤེས་ན། །བསྲུང་བའི་གསང་བ་དམ་པའོ། །ཚིག་ལམ་མཉམ་བརྗོད་མཉམ་མི་དམིགས། །གསང་འདི་ཐམས་ཅད་གཅིག་པ་ལ། །མཉམ་ཞེས་ལྷག་པར་ག་ལ་ཡོད། །དགོངས་པ་ཀུན་ནས་འདུས་དང་མཉམ། །གང་གཞན་བརྟུལ་ཞུགས་སྤྱོད་པ་ཡིན། །དེ་ལ་དེ་གཞོལ་རོལ་སྤྱོད་པས། །ཐམས་ཅད་འདིར་བརྟུལ་འདིར་ཞུགས་པས། །བརྟུལ་ཞུགས་མཆོག་ཏུ་ཀུན་འདུས་གསུངས། །ལམ་འདི་དངོས་ཉིད་སེམས་ཀྱི་གསང་། །ཡེ་གྲུབ་ཟིན་པས་གསོལ་ཐོབ་མེད། །དངོས་གྲུབ་རྒྱུན་མི་འཆད་པ་ཞེས། །དགོངས་པ་དམ་་པ་ཀུན་འདུསགསུངས། །དེ་ལྟར་སེམས་ཀྱི་གསང་མཐོང་ན། །སྔོན་མ་མཐོང་བའི་ལམ་མཐོང་བས མཐོང་བ་ཅི་ཡང་མེད་པ་ཉིད། །གང་ལ་སྣང་བ་ལམ་མཐོང་ཡིན། །གྲོགས་པོ་དག་དེ་དག་ནི་དམ་པ་རྣམས་ཀྱི་རྗེས་ལམ་དམ་པ་ཞེས་བྱ་བ་འདི་སྐད་ཐོས་པ་ཡོངས་སུ་བགྲོས་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོལས་རྣལ་འབྱོར་རྗེས་འཇུག་གི་ལེའུ་སྟེ་ལྔ་བཅུ་དགུ་པའོ།། །།དེ་ནས་ཡང་ལང་ཀའི་མངའ་བདག་ལ་སོགས་པགྲོགས་ཀྱི་སེམས་དཔའ་རྣམས་ཀྱིས་གསང་བ་པའི་བདག་པོ་ལ་ཡོངས་སུ་དྲི་བ་དྲིས་པ། །ཀྱེ་གསང་བ་པའི་བདག་པོ་འདིར་རིན་པོ་འབར་བའི་སྒྲོན་མ་བསྲེལ་བར་བྱའོ་ཞེས་དམ་བཅའ་བར་དགོངས་པ་ཇི་ལྟར་ཡོངས་སུ་ཤེས་པར་བགྱི། །དེ་སྐད་ཅེས་དྲི་བ་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་གྲོགས་པོ་དག་རིན་པོ་ཆེན་འབར་བ་ནིའོད་ཀྱི་འབྱུང་གནས་ལགས་ཏེ། །འཐོར་རླུད་ཚོགས་ཀྱིས་ཀྱང་མི་སོད་པས་མུན་པ་སེལ་བར་བྱེད་པ་ཁོ་ན་བས་སྒྲོན་མེ་ཞེས་བྱའོ། །དེ་ནི་འདིར་ལྟར་མི་ཤེས་པ་སེལ་བའི་ཤེས་པ་ཉིད་ཡིན་ཏེ། ཉི་མའི་སྙིང་པོའམ་རིན་པོ་ཆེའི་སྒྲོན་མ་ལ་མུན་པའི་གཞི་མེད་པ་བཞིན་གང་ཤེས་པའི་རང་བཞིན་ལ་མི་ཤེས་པའི་གཞི་མེད་དོ། །དེ་ཡང་འདི་ལྟར་སྒྲོན་མ་དམ་པ་ནུབ་པར་གྱུར་པ་ན་ཀུན་གྱི་དེ་ཉིད་གཅིག་ཁོ་ན་ལ་ཁྱད་པར་གྱི་རྣམ་པར་འབྱུང་བར་འགྱུར་བ་ནི་འདི་ལྟ་སྟེ། མུན་པའི་༄༅། ཁྲེས་པ་དང་། ཡ་མཚན་ཅན་གྱི་ཤེས་པ་དང་། བྱིས་པ་རྣམས་ཀྱི་ཤེས་པ་དང་། ཕྱོགས་སུ་རིགས་པའི་ཤེས་པ་དང་། མཐའ་དབུས་འབྱེད་པའི་ཤེས་པ་དང་། དམ་པ་ཉིད་ཀྱི་ཤེས་པའོ། །ཀྱེ་གྲོགས་པོ་དག་གང་མུན་པའི་ཤེས་པ་ནི་གང་འདི་ལས་ལོག་པར་ཤེས་པའོ། །ལོག་སྲེག་ཅན་གྱི་ཤེས་པ་ནི་ཐ་དད་སྨྲ་ཞིང་གཉིས་སུ་འརྡོད་པའོ། །བྱིས་པ་རྣམས་ནི་འདི་ལྟ་སྟེ། གང་མེད་པར་སྨྲ་ཞིང་ཐམས་ཅད་ཡོད་པར་འདོད་པའོ། །དེ་ཡང་འདི་ལྟར། རྡུལ་ནས་དཔག་ཚད་སྐད་ཅིག་མ། །བསྐལ་པ་སྐར་མ་ཉི་ཟླ་དང་། །རི་བོ་ཁོར་ཡུག་ལུས་ཅན་ལུས། །སེམས་དང་ཚེ་ལ་ལོངས་སྤྱོད་ཚད། །དུས་གནས་འཇིག་ནུབ་མཚན་ཉིད་ལས། །ཐ་དད་བྱེ་བྲག་ཐམས་ཅད་དུ། །བཤིག་ནས་མེད་སྨྲ་ཡོད་ཅེས་འདོད། །མོས་པ་ཆུང་བས་དེ་ལས་མིན། །གང་འདིར་རྣལ་འབྱོར་ཕྱོགས་རིག་པ། །འདི་ཀུན་གང་འདིར་ཁོ་ནར་བས། །དངོས་མེད་རྣམ་ཤེས་ཉིད་དུ་སྣང་། །དེ་ཉིད་མ་བཅོས་དེ་བཞིན་ཉིད། །ཡོད་པས་ཆོས་སྐུ་རྟག་པར་འདོད། །ངེས་པར་འབྱེད་པའི་རྣལ་འབྱོར་པ། །གང་དག་སྒྱུ་མའི་མཚན་ཉིད་དུ། །སྣང་བས་ཀུན་རྫོབ་བྱ་བ་བྱེད། །ངེས་པར་དབྱེ་བ་མེད་པའོ། །ལ་ལ་དེ་ལྟར་དེ་ངེས་ཏེ། །དེ་ལས་མ་གཏོགས་དེ་འོང་མིན། །དེ་ཉིད་དེས་ནི་དངོས་མེད་ཕྱིར། །དམ་པ་ཉིད་དུ་མེད་པའོ། །ལ་ལ་གང་མ་ཟིན་པའི་ཕྱིར། །དེ་སྣང་པ་ནི་གང་ནའང་རུང་། །ཕྲ་རབས་ས་ནི་རྣམ་ཀུན་མཁྱེན། །སླུ་འདྲིད་པ་ལྟར་ཡོད་མ་ཡིན། །དམ་པ་ཉིད་ཀྱི་དམ་པ་གང་། །ཆོས་ཉིད་ཡེ་ནས་སངས་རྒྱས་ལ། །དེ་མིན་ལྟ་བ་བཟློག་པའི་ཕྱིར། ཡེ་ནས་སངས་རྒྱས་ཞེས་བརྗོད་པ། །ཐ་སྙད་ཙམ་དུ་བརྗོད་པར་ཟད། །ཡེ་ནས་བརྗོད་པ་ཚིག་གི་ལམ། །ཐ་སྙད་གཉིས་དག་བྲལ་བ་ལ། །སྒྲོ་སྐུར་ཚིག་གི་སྙད་མི་གདགས། །བརྗོད་པའི་ཐ་སྙད་ཚིག་ལམ་འདས། ནམ་མཁའ་འདི་ནི་ཡོད་མེད་ཅེས། །བླུན་པོ་རྣམས་ནི་རྩོད་པར་འགྱུར། །མཁས་པ་རྣམས་ནི་དེ་ལྟ་མིན། །གང་དེ་རྩོད་ལ་ངོ་མཚར་ཆེ། །དེ་བཞིན་ཉིད་འདི་ཡོད་མེད་ཅེས། །བྱིས་པ་རྣམས་ནི་རྩོད་པར་འགྱུར། །སྐྱེས་བུ་གང་དག་དེ་ལྟར་མིན། །རྩོད་པ་ཤེས་རབ་འཆལ་བར་ཟད། །འདི་ལྟར་སྣང་བའི་ཆོས་ཐམས་ཅད། །ཡེའམ་ངང་གིས་སངས་རྒྱས་ལ། །མིན་ལས་ཡིན་པར་འགྱུར་མ་ཡིན། །ངོ་བོ་ཉིད་ཀྱི་དེ་ཉིད་ལ། །ཡིན་དང་མིན་ཞེས་ཅི་བྱར་ཡོད། །ནམ་མཁའ་འདི་ནི་མེད་དོ་ཞེས་། །མི་ཤེས་གང་གིས་རྟོགས་པར་བྱེད། །གང་ཤེས་ཡེ་ནས་ཡང་མི་རྟོག །མིན་པར་མི་རྟོག་ཚིག་མི་བརྗོད། །རྒྱུ་དང་ལས་དང་རྣམ་གྲངས་ལ། །མཚན་ཉིད་ངེས་པ་ངོ་བོ་དང་། །འབྲས་བུ་དགོས་ཆེད་རེ་རེ་འབྱུང་། །འདི་ལྟར་འདིར་ནི་གང་གི་རྒྱུ། །རང་འབྱུང་དེ་ཉིད་རྟོག་དཔྱོད་བཅས། །གང་དག་གང་ལ་སྐྱེ་མཆེད་པ། །གཉིས་པོ་འདི་དག་ཉིད་ཀྱི་རྒྱུ། གང་ལས་གང་མིན་ཇི་སྙེད་པ། ཁྱད་པར་བྱེ་བྲག་ཐ་དད་པ། །ངེས་འབྱེད་འཇུག་འབྲེལ་སྦྱོར་བཅས་པདེ་འཛིན་ཕྱིན་ཅི་མ་ལོག་པ། །མངོན་འབྱིན་དོན་འདོད་འབྲེལ་བའོ། །རྣམ་གྲངས་རྣམ་གཉིས་དོན་བཞིན་ནོ། །ཀུན་ལ་ངགེས་པར་བྱེད་པ་ཡིན། །དེ་ཉིད་མ་འདྲེས་ཡོངས་རྫོགས་པ། །དངོས་མེད་མི་རྟོག་ཡོངས་སུ་རྫོགས། །སོ་སོ་ཐ་དད་བསམ་མི་ཁྱབ། །མ་འདྲེས་དེ་ལྟར་ཇི་བཞིན་བྱེད། །གང་འདིར་ཕྱིན་ཅི་མ་ལོག་པར། །ཡོངས་སུ་ཆུབ་པར་ཕུལ་ཉིད་དོ། །ཀུན་ནས་མ་རྨོངས་ཐམས་ཅད་གསལ། །གང་ལ་མ་འགགས་ཐོགས་པ་མེད། །ཀུན་འཇུག་གང་མ་རིག་པ་གཅོད། །སྐྱེ་མཆེད་ཀུན་དུ་གྱུར་པ་ཉིད། །གང་མཆེད་གང་གི་རླུང་ཞུགས་པ། །མཁས་པའི་ཡེ་ཤེས་ཚད་མེད་པའོ། །གང་ལ་ལོག་པ་དེ་ཉིད་དག །དེ་ཉིད་ཕུལ་དུ་ཕྱིན་པའི་ཕྱིར། །དམིགས་བུ་གསལ་བའི་སྒྲོན་མ་ཡིས། །དེ་ཉིད་དེ་ལ་བལྟ་བར་བྱ། །སྒྲོན་མའི་སྣང་བ་མི་ཤེས་པ། །མཐོང་བྱ་ཀུན་ལ་མུན་པས་བསྒྲིབས། །ནམས་ཀྱང་སྣང་བར་མི་འགྱུར་ཏེ། །ལོང་པའི་གྲོང་ཁྱེར་ཆེན་པོར་འགྲོ། །སྒྲོན་མ་འབར་བ་གང་བསྲེལ་བ། །ཀུན་ལ་མུན་པ་སངས་གསལ་བའི། །མ་ནོར་མ་བཅོས་དེ་བཞིན་ཉིད། །སྒྲོན་མ་དམིགས་བུས་མཐོང་བར་འགྱུར། །དེ་ལྟར་དམ་པའི་གྲོགས་པོ་དག །རིན་ཆེན་སྒྲོན་མ་འབར་བའི་མེ། །མུན་སྣང་དམིགས་བུར་མ་བསྲེལ་བར། །དེ་ཉིད་གསར་མཐོང་ག་ལ་རིགས། །གྲོགས་པོ་དག་དེ་དག་ནི་སྒྲོན་མ་དམ་པ་བསྲེལ་བར་བྱའོ་ཞེས་དགོངས་པ་དམ་པ་ལེགས་པར་བགྲོས་པར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་མིག་གི་སྒྲོན་མ་བསྟན་པའི་ལེའུ་སྟེ་དྲུག་ཅུ་པའོ།། །།དེ་ནས་ཡང་ལང་ཀའི་མངའ་མདག་ལ་སོགས་པ་དམན་པ་དམ་པའི་སེམས་དཔའ་ཆེན་པོ་རྣམས་ཀྱིས་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཁྱད་པར་དུ་བླ་མར་འགྲོ་བར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི། །དེ་སྐད་ཅེས་གསོལ་པ་ལས། །གསང་བ་པའི་བདག་པོས་སྨྲས་པ། །ཀྱེ་གྲོགས་པོ་དག་ཁྱད་པར་དུ་འགྲོ་བར་བྱ་བ་དེ་ནི་ལེགས་སོ། ་རྐོན་ཏུ་རབ་རུ་ལེགས་སོ། །ས་དེ་ནི་འདི་ལྟར་ས་མཁན་དམ་པ་རྣམས་ཀྱི་རྣལ་འབྱོར་གྱིས་ཡོངས་སུ་སྣང་བ་ཞེས་བྱ་བའི་སྒྲོན་མ་ལེགས་པར་བཀོད་པ་ནི་འདི་ལྟ་སྟེ། ས་དང་ས་ཡི་ཁྱད་པར་ནི། །གང་འདིར་ཡོངས་ཀྱིས་མེད་པ་ལ། ཁོགོས་བྱ་གཅོད་པའི་ཁྱད་པར་གྱིས། །རང་རིག་མཐོ་དམན་རིམ་པ་ཟདདཔེར་ན་རྒྱལ་པོའི་དཀོར་མཛོད་ནས། །ཆེ་ཆུང་ཐབས་འདོད་གང་དུ་དག །དཀའ་ཐུབ་ཕྱི་ནང་ཁྱད་པར་གྱིས། སྤྱོད་སྒོ་འཇུག་པའི་ལས་ཐབས་ལས། །མཐོ་དམན་རྩལ་གྱིས་གང་ལེགས་པ། །རྒྱལ་པོ་གཅིག་ལ་སྤྱོད་ན་ཡང། །རིནཆེནསྣའགའཁྱད་པར་དག ཐབསཆེནསྒོདགུསོསོར་སྤྱོད། །རྒྱལ་པོར་གྱུར་ན་དེ་ནོར་ཀུན། །དབང་བསྐུར་བྱེད་པའི་བདག་པོ་ཡིན། །མི་གནས་མ་བཅོས་དེ་བཞིན་ཉིད། ཁོགོས་བྱ་དེ་ལས་མེད་པ་ལ། །གང་འདི་རྩལ་གྱི་ཁྱེད་པར་གྱིས། །སོ་སོའི་འཇུག་སྒོ་ཀུན་ནས་སྤྱོད། །དེ་ཡི་དེ་ཉིད་དེ་གཅིག་ལ། །རྩལ་འཕང་མཐོ་དམན་ཁྱད་པར་གྱིས། །ས་ཡི་གོ་འཕང་ཁྱད་པར་དུ། །རིག་པ་དེ་ལྟར་སྣང་བ་ཡིན། །གང་འདིར་ཐམས་ཅད་གཅིག་པ་ལ། །དེ་མཐོང་མི་མཐུན་དེ་དབང་གིས། །དཔེར་ན་འབྱུང་གནས་སྒོ་མངས་བཞིན། །ས་དང་རྣམ་ཐར་སོ་སོའི་སྒོ། གཅིག་ལ་སྣ་ཚོགས་དེ་ལྟར་སྣང་། །ས་དང་རྣམ་ཐར་གང་དག་ལ། །འཇུག་པ་ལ་སོགས་ས་སྦྱངས་ཀྱང་། །ཀུན་གྱི་རྩ་བ་འདིར་བཅད་པས། །གཅིག་སྟེ་ཐ་དད་ཡོངས་ཀྱིས་མེད། །དེ་ནི་རི་དང་ལྷུན་པོ་དང་། །ཀུན་ཏུ་རྒྱུ་དག་གཞོན་ནུ་ལྟར། །མཐོང་ཐོས་སྟོན་པའི་ཁྱད་པར་ནི།དོན་གྱིས་དེ་ལྟར་ཡོད་པ་ཡིན། །དེས་ན་ཆོས་རྣམས་ཐམས་ཅད་ཀྱི། །གནས་པའི་ས་ཉིད་སེམས་ཡིན་པས། །ནམ་མཁའ་ལྟ་བུའི་དཔེ་མཚོན་ཏེ། །ཀུན་གྱི་ས་འདིར་ཤེས་་རབྱ། །འདི་ལྟ་གང་ཤེས་རྣལ་འབྱོར་པ། །ལམ་གྱི་ཐབས་ལ་མཁས་པ་ཡི། །ལམ་སྟོར་ལམ་བཙལ་ལམ་རྙེད་པས། །ཉེ་ལམ་བདེར་རྙེད་གྲུབ་པའོ། །གང་རྙེད་དེ་རྙེད་དེར་གནས་པ། །རྣལ་འབྱོར་སྤྱོད་པའི་ས་པ་སྟེ། །ས་ཀུན་གཅིག་ཏུ་ཡོངས་རྫོགས་པ། །རིག་པ་མཆོག་འབྲིང་ཐ་མའི་ཕྱིར། །གཅིག་པའང་ཁྱད་པར་བཅུར་སྣང་བ། །གང་གི་ཆེད་དུ་བགྲང་བར་བྱ། །འདི་དག་གནས་འཛིན་སྤྱོད་པའི་ས། །རྣམ་པ་བཅུ་ཕྲག་གཅིག་གིས་རྫོགས། །འགྱུར་དབང་མ་ངེས་ས་འདི་ལ།བཅོས་མ་ཕྲ་མེན་སྤྱོད་པ་དང་། །ཚུལ་རྟགས་འཛིན་དང་མོས་པ་དང་། །ལེགས་པར་འདུལ་པའི་རྣལ་འབྱོར་ལྔ། །འཇུག་ལྡོག་ལྟུང་དང་བཅས་པ་ཡི། །ཀུན་དུ་འཁོར་ཞིང་མ་ངེས་པའོ། །བདུན་པ་སེམས་པའི་རྣལ་འབྱོར་པ། །གནས་ཤིང་སྦྱོང་བའི་ས་ཞེས་བྱ། །བརྟེན་པས་གཞི་ཡི་ས་འདི་ལ། །དང་པོ་ལས་ཅན་རྣལ་འབྱོར་པ། །བསླབ་པ་སྤྱོད་པ་ངེས་པ་ལ། །དག་དང་མ་དག་གིས་སྤྱོད་པའོ། །བཀའ་སྡོད་ལས་ཀྱི་རྣལ་འབྱོར་པ།གནས་ཤིང་སྦྱོང་བའི་ས་ཞེས་བྱ། །གལ་ཆེན་སྤྱོད་པའི་ས་འདི་ལ། །རིགས་ཆེན་འབྱེད་པའི་རྣལ་འབྱོར་ཉིད། །གནས་ཤིང་སྦྱོང་བའི་ས་ཡིན་ཏེ། ཡང་མི་ང་ཡི་ས་རྣམས་ཀུན། །གཅོད་སྦྱོང་སྦྱོར་བའི་ཚུལ་ཉིད་ཀྱིས། །ལེགས་ཉེས་སྟོབས་ཆེན་འགྱེད་པའོ། །བསླབ་པ་རྒྱུན་གྱི་ས་འདི་ལ། །གཡོ་དང་ཐོབ་དག་བརྟན་པའི་དྲོད། །དེ་བཞིན་རྟགས་ཆེན་གཡོ་བ་དང་། །ཐོབ་པ་ཉིད་དང་བརྟན་པ་ཡི། །རྣལ་འབྱོར་རྣམ་པ་དྲུག་པོ་དག །བསླབ་པའི་མཐའ་བཅུ་མཐར་ཕྱིན་ཅིང་། །ཇི་ལྟར་ཟླ་བ་ཡར་གསལ་བཞིན། །བསླབ་པའི་ཡེ་ཤེས་འཕེལ་འགྱུར་ཏེ། །དོན་ལ་མི་སྐྲག་ངོ་མཚར་སྐྱེ། །སྦྱོངས་སེམས་འཇུག་པའི་སེམས་དཔའ་དེས། །ངན་འགྲོར་མི་ལྡོག་དགོན་པར་འཇུག །བར་ཆད་དག་ཀྱང་དེ་ལ་འབྱུང་། །གསང་སྒོ་ལུང་གི་རྣལ་འབྱོར་དང་། །སྤྱོད་པ་རྒྱུན་གྱི་རྣལ་འབྱོར་དང་། །མཚན་མ་རྟགས་ཀྱི་རྣལ་འབྱོར་གསུམ། །གནས་ཤིང་སྐྱོང་བའི་ས་ཞེས་བྱ། །བསོད་ནམས་གཏེར་གྱི་ས་འདི་ལ། །སྤྱོད་པ་རྒྱུན་གྱི་རྣལ་འབྱོར་ཉིད། ། མོས་པ་དག་ཅིང་འདུན་པའི་གནས། །རྩལ་ཆེན་བློ་ཡི་བསྟི་གནས་ས། །བསླབ་པའི་མཐའ་བཅུ་སྤྱིར་ཆིབ་པའོ། །བརྟེན་པས་ཁྱད་པར་འགྲོ་འདི་ལ། །དབུགས་ཆེན་འབྱིན་པའི་རྣལ་འབྱོར་པ། །རིགས་ཆེན་འཛིན་དང་མཉམ་རྫོགས་ཆེ། །ངེས་པར་སྤྱོད་དང་རྩལ་ཆེན་སྦྱོར། །ཡུལ་ལ་འཇུག་དང་རིག་པ་སྦྱོར། །བདུན་ཉིད་རྫོགས་པར་འགྲོ་བ་སྟེ་།་ ་།་བསླབས་པའི་རྒྱུ་འབྲས་མཐའ་བཅུ་ལ། །གོམས་པར་བྱེད་པའི་ཚུལ་དུ་སྐྱོང་། །ངལ་བསོ་བ་ལས་ཐམས་ཅད་མཐོང་། །མི་ལྡོག་ས་ལ་གོམས་བྱར་མེད། །འདི་དག་སྦྱོར་བའི་གཞི་གཅིག་ཀྱང་། །སོ་སོ་ཐུན་མོང་མ་ཡིན་པའི། །སྒྲིབ་པ་ལས་ཞེས་རྩི་བྱེད་ཅིང་། །ཡེ་ཤེས་རེ་རེ་འཆར་བའོ། །དེས་ན་བསླབ་པའི་མཐར་གཅིག་ལ། །མོ་ལྡོག་ལ་སོགས་རྫོགས་ཆེན་རྣམས། །གང་དེར་བདེན་པ་རེ་རེ་ལ། །རྩལ་འབྱུང་རེ་རེ་འཆར་བ་སྟེ་།་ ་།་ཐ་མ་རང་འབྱུང་ཉིད་ཀྱིས་རྫོགས། །མཐར་ཕྱིན་པ་དང་ཐོབ་པ་དང་། །མི་ལྡོག་རྣམས་ལ་རིན་པ་བཞིན། །རྨི་ལམ་དང་ནི་སྒྲ་བརྙན་དང་། །མངོན་སུམ་ངེས་པ་ཅི་རིགས་པར། །རྣལ་འབྱོར་རྡོ་རྗེ་ལུང་སྟོན་པ། །རྡོ་རྗེ་རྡོ་རྗེ་རྣལ་འབྱོར་པ། །ཞེས་བྱར་ཉིད་དང་ས་ཁམས་དང་། །ཞིང་ཁམས་ཀུན་ཏུ་བསྒྲགས་བྱས་ནས། །རྣལ་འབྱོར་དམ་པར་འབྱིན་པའོ། །དམིགས་པའི་འབྲས་བུ་སྐྱེ་འདི་ལ། ཁུབ་པའི་རྣལ་འབྱོར་རྣལ་འབྱོར་ཆེ་་ ་་ངེས་པར་འབྱུང་བའི་རྣལ་འབྱོར་གསུམ། །རྒྱལ་བའི་ཐུགས་ལམ་རྒྱལ་སྐྱེས་ཤིང་། །རྒྱལ་བའི་སྲས་པོ་གདུང་འཚོབ་པ། ཁྱད་པར་རྩལ་འཕང་ཀུན་རྫོགས་ཤིང་། །གང་ལ་ཏིང་ངེ་འཛིན་སྦྱོར་བའོ། །གནས་པས་མི་འགྱུར་ས་འདི་ལ། །རྨད་འབྱུང་རོལ་པའི་རྣལ་འབྱོར་དང་། །ཚོགས་ཆེན་འདུས་དང་རྩལ་ཆེན་རྫོགས། །གསུམ་དུ་རྫོགས་པར་ཤེས་བྱ་སྟེ། །ཕྱག་རྒྱ་ཆེན་པོ་སྒྱུ་མ་ཡིན། །འཁོར་ལོ་སྒྱུར་བའི་རྒྱལ་ཆེན་པོ། །མཐོང་བའི་གནས་ནས་བཅུ་དྲུག་ས། །རྫོགས་པའི་གནས་ན་ལོངས་སྤྱོད་པའོ། །བདལ་བ་ཆོས་ཉིད་ས་འདི་ལ། །རོལ་པ་རྒྱན་གྱི་རྣལ་འབྱོར་དང་། །བདེ་བ་ཆེན་དང་ཐིག་ལེར་རྫོགས། །གསུམ་ཉིད་དུ་ནི་སྣང་བ་ལ། །ཡུལདོན་ཡེ་ཤེས་དེས་སྦྱར་ན། ཁྲེས་པར་བྱས་པས་ཐམས་ཅད་རྫོགས་། །སྒྱུ་མའི་སྒྱུ་མ་ཡིན་སྦྱོད་པའོ། །རྫོགས་པ་སྤྱི་འཆིང་ས་འདི་ལ། །བཅུ་པ་ཐ་མ་དང་པོ་ལས། །མཐར་རྫོགས་ཀུན་གྱི་རྟོག་ཡིན་ཏེ། །ཀློང་ཡངས་ནམ་མཁའི་སྙིང་པོ་ལ། །སྤྲིན་མེད་ཉི་མ་འབུམ་གྱིས་བདལ། །ཅི་སྣང་ཅི་ཡང་མ་ཡིན་པ། །མི་སྐྱེ་མི་འགག་ངོ་བོ་ལ། །ཇི་ལྟར་བལྟས་དགུ་དེར་སྣང་བ། །བདལ་ཁྱབ་མི་རྒྱ་རླབས་ཀྱིས་བཅད། །དེ་ཡང་དམ་པའི་ཁྱད་པར་གྱིས། །བདག་ཉིད་ཆེན་པོའི་རྣལ་འབྱོར་དང་། །ལྷུན་གྱིས་གྲུབ་དག་ཀློང་ཡངས་ཆུབ། །གསུམ་རྫོགས་རང་འབྱུང་བདལ་བའོ། །འདི་དག་རྣལ་འབྱོར་སྤྱོད་པའི་ས། ཁྱད་པར་གང་ལ་ཁྱད་པར་སྣང་། །གང་ཁྱད་མེད་ལ་དེ་ཁྱད་མེད། །རྩལ་འཕང་མཐོ་དམན་རྣལ་འབྱོར་པས། །མཐོ་དམན་གོ་འཕང་ས་བགྲོད་བྱ། །གང་འདིར་དྲི་བའི་མཆོག་སྣང་བ། །དམ་པར་གྱུར་པའི་ལང་ཀའི་བདག །གང་འདིར་རྣལ་འབྱོར་ཀུན་སྦྱོར་པ། །ངེས་པའི་ས་བཅུ་རྩ་བ་འདིར། །གང་གི་རྩ་བ་ཡན་ལག་ལས། །བཅུ་གཉིས་བདུན་གཉིས་རྫོགས་པའོ། །དེས་ན་ས་ཡི་ཁྱད་པར་ལས། །རྒྱ་ཆེ་བ་དང་གྲངས་མང་ཡང་། །རྣལ་འབྱོར་ས་འདི་སྦྱར་བར་བྱའོ། །ས་དང་ས་ཡི་འབྱུང་གནས་པ། །ཀུན་གཞི་ཀུན་གྱི་ས་ཆེན་ཏེ། །གང་གི་ས་ཆེན་འདི་ནོན་ན། །ས་རྣམས་སྐད་ཅིག་ཙམ་བགྲོད་པའོ། །གྲོགས་པོ་དག་དེ་དག་ནི་ཁྱད་པར་བླ་མར་འགྲོ་བར་བྱའོ། །ཞེས་དམ་བཅའ་བར་དགོངས་པ་ཡོངས་སུ་བགྲོས་པར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་སའི་སྒྲོན་མ་བསྟན་པའི་ལེའུ་སྟེ་དྲུག་ཅུ་གཅིག་པའོ།། །།དེ་ན་ཡང་ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང་བ་པའི་བདག་པོ་ལ་དྲིས་པ། །ཀྱེ་གསང་བ་པའི་བདག་པོ་ཡུལ་ལ་འཇུག་པར་བྱའོ་ཞེས་དམ་བཅའ་བར་དགོངས་པ་ཇི་ལྟད་ཡོངས་སུ་ཤེས་པ་བགྱི། དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་ཡོངས་སུ་སྨྲས་པ། ཀྱེ་གྲོགས་པོ་དག་ཡུལ་ནི་འདི་ལྟར་གང་གི་ཞིང་ཡོངས་སུ་སྦྱོང་བར་འདོད་པ་རྣམས་ཀྱིས་གང་དུ་དགོངས་པའི་ཡུལ་དེ་ཁོ་ན་ཉིད་དང་།གང་ལ་འབྱུང་བའི་ཡུལ་མཐའ་ཡས་པའི་འཁོར་བ་རྣམས་ལ་འཇུག་པར་བྱའོ། །དེ་ནི་དཔེར་ན་བཙོ་བླག་མཁན་དག་གིས། །རས་སྦྱངས་གང་དུ་བྱ་བ་འཇེན་པ་ལྟར། །གང་འདིར་ལས་ཀྱི་དང་པོ་ལས། །གང་དེ་སྦྱར་བ་རབ་ཏུ་གཅེས། །དེ་སྐད་ཅེས་སྨྲས་པས། བྱང་ཆུབ་སེམས་དཔའ་སེམས་དཔའ་ཆེན་པོ་ལང་ཀའི་བདག་པོ་དེས་འདི་སྐད་ཅེས་སྨྲས་སོ། །གསང་བ་བའི་བདག་པོ་གང་ཐམས་ཅད་ནས་ཐམས་ཅད་དུ་ཡེ་ནས་སངས་རྒྱས་པས་ན་ད་འདོད་སངས་རྒྱས་པར་བྱར་མེད་ཕན་ཅད་དགོངས་པའི་ཡུལ་ལ་སྦྱོར་བ་དང་། སྙིང་རྗེའི་ཡུལ་དུ་གྱུར་པ་གང་ཡང་མེད་ལགས་ན། །འདིར་སྙིང་རྗེའི་ཡུལ་དུ་གྱུར་པ་གང་ལགས། །སུ་ཞིག་སྙིང་རྗེའི་ཡུལ་དུ་གྱུར་དེ་སྐད་ཅེས་སྨྲས་པ་དང་། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་དེ་དེ་ལྟར་ཀུན་ཀྱང་ཡེ་སངས་རྒྱས་ཕན་ཆད་དེ་ཁོ་ན་ཉིད་བས་སྙིང་རྗེའི་ཡུལ་དང་དགོངས་པའི་ཡུལ་གང་ཡང་མེད་ན་ཡང་གང་ཇི་ལྷར་ཡང་ཆོས་ཉིད་ལས་མི་འདའ་བའི་ཚུལ་གྱིས་གང་དག་ཡང་འགལ་ཞིང་འགལ་བར་མི་བྱའོ། །ནང་གི་དོན་ཉིད་བྱེད་པ་ནི་དམ་ཚིག་ཆེན་པོ་ཡིན་ལ། །ཡེ་ནས་སངས་རྒྱས་པས་དོན་བྱར་མེད་པ་ནི་སྙིང་རྗེ་ཆེན་པོ་ཡིན་ནོ། །དགོངས་པ་དམ་པ་ལ་འཇུག་མི་དགོས་པར་ཤེས་པ་ནི་དགོངས་པ་དམ་པའི་ཡུལ་དེ་ཁོ་ན་ཉིད་ལ་ཞུགས་པ་ཉིད་དུ་རིག་པར་བྱའོ། །ལང་ཀའི་བདག་པོ་འདི་ལྟ་སྟེ། དགོངས་པ་དམ་པར་གང་བཞུགས་པ། །ཟབ་པ་པས་ཀྱང་ཆེས་ཟབ་པས། །དེ་ཉིད་གཏིང་ནས་ཐག་གཅད་ཕྱིར། །གསང་བའི་ཡུལ་བཞི་སྐྱེ་བོ་དང་། ལྷན་ཅིག་ཅི་ལའང་མི་བརྣལ་ལོ། །དེ་ཡང་ཡོངས་སུ་རྫོགས་པ་གང་། །བྱ་བས་བྱ་བ་མེད་ན་ཡང་། །དེ་ཡི་རང་བཞིན་ཕན་གཞན་པ། །ཡིན་པསགང་འདིར་ཕན་པར་བྱ། །གང་གི་དོན་དང་འགལ་འགྱུར་བ། །དེ་ལས་གྱུར་པའི་ཡོ་བྱད་དག །རུས་སྦས་མགོ་ལ་འོངས་པ་ལྟར། །མི་མཐའ་མེད་པས་བཤུག་པར་བྱ། །ཅི་ཕྱིར་ཀུན་ཏུ་རྣལ་འབྱོར་པས། །རྣལ་འབྱོརདམ་པ་ཉིད་ལས་མིན། །གལ་ཏེ་གང་གི་དབང་གིས་ན། །དམ་པའི་དོན་དང་འགལ་འགྱུར་ཏེ། །དེ་དང་མི་མཐུན་ཉིན་ཆེན་འབྱུང་། །གལ་ཏེ་དེ་ལ་དེ་འབྱུང་ན། །མགོན་བཙུན་དེ་ལ་དེ་ལས་མེད། །དེ་གང་མ་ཟིན་འབན་ཐག་ཆད། །གང་གི་དོན་དུ་གང་འགྱུར་ན། །ཕྲ་མོའི་ཕྲ་མོ་ཡན་ཆད། །ཐམས་ཅད་ཐམས་ཅད་ཇི་ལྟ་བར། །ནན་ཏན་གྱི་ནི་དགའ་མས་བྱ། །སློང་མོ་པ་དང་སློ་བ་དགའ། །སློང་ལ་འཚོ་བའི་ཚེ་སྤྱོད་རྣམས། །སྡེ་དང་ཚན་དང་གྲར་བྱས་ཏེ། །སྙིང་རྗེ་ཁུད་པའི་ཞིང་དུ་བྱ། །སྨན་དང་འབྲུ་དང་རྩི་རྣམས་དང་། །བབ་ཀྱི་མཆོག་དུ་གྱུར་པ་དག །བཏགས་སམ་ཕྱེ་མར་བྱས་ནས་ཀྱང་། །ཀླུང་ངམ་ཆུ་གང་མཚོ་ཆེན་དུ། །དོར་ཏེ་ཆགས་མེད་སྤྱིན་པར་བྱ། །གང་གི་རྟེན་དུ་ཁས་བླངས་ཏེ། །ནད་གསོ་གང་སློབ་སྤྱོད་སྒོམ་གྲ། །བཙུགས་ཏེ་བསྟི་གནས་མཆོག་བྱ་ཞིང་། །དུས་ཀྱི་འཁོར་ལོའི་མཆོད་སྦྱིན་བྱ། །གང་ལ་དམ་པའི་ལུང་བྱུང་བ། །གསུང་གི་མཆོད་རྟེན་ཀུན་རྟེན་ཏེ། །བརྗོད་དང་བསྙེན་བཀུར་བསྟི་གནས་ཀྱིས། །རྒྱ་ཆེ་ཡངས་པའི་ལམ་རྣམས་བྱ། །གང་གི་དམ་པ་ལ་འཕེལ་འགྱུར་བ། །འདི་ལྟར་ངེས་པའི་དམ་པ་དག །སྨྲའམ་སྤྱིན་ནམ་བསྟན་ནམ་ཁྲིད། །དེ་ཡི་ཡེ་ཤེས་ཚད་མེད་འགྱུར། །གོམས་དག་གོམས་པར་བྱེད་པ་ཡིས། །གང་དེ་དག་པར་བྱ་བའི་ཕྱིར། །བསམ་ཡུལ་བྱ་བ་མང་པོ་ལ། །དེ་ཉིད་ཡུལ་གྱི་རྩལ་རྣམས་སྦྱང་། །དམ་པའི་འཁོར་ལོ་རབ་བསྐོར་ཏེ། །རྒྱུད་སྦྱང་ལྷག་པའི་ཤེས་རབ་བལྟ། ་༑་གམ་སྲང་དང་ཤོ་གམ་ལམ། །མི་བདེའི་གནོད་པ་ཀུན་བསལ་ཏེ། །ཚད་མེད་སྙིང་རྗེའི་འཁོར་ལོ་བསྐོར། །སྤྱིན་པའི་འཁོར་ལོ་རྒྱུན་མི་གཅད། །ཆུའམ་སའམ་ནམ་མཁའ་འམ། །མེའམ་དེ་བཞིན་རླུད་རྣམས་ལ། །སྐུ་གདུང་སྤེལ་མཆོད་རིང་བསྲེལ་རྣམས། །བརྩམ་པའི་ལས་ཆེན་འཁོར་ལོར་བྱ། །མཚམས་མེད་ཟློག་པར་བྱེད་པ་ཡི་་ ་་ལས་སེམས་རྒྱུད་ལ་རྡུལ་རླགས་ཏེ། །འཕགས་པའི་སྤྲིན་ཚོགས་ཕོ་བྲང་དུ། །རྡུལ་སྙེད་ལུས་ཀྱིས་མཆོད་སེམས་བཤགས། །རྒྱལ་མཉེས་ལས་ཀྱི་ཤིང་བསྲེགས་པ། །ཐབས་ཆེན་སྦྱོར་བའི་ལམ་ཆེན་ལས། །རྣམ་བཞི་མེ་ཡི་ལས་མཆོག་བྱ། །དེས་ནི་མཚམས་མེད་བཟློག་པ་ཡིན། །སྙིང་རྗེ་འབྱུང་བའི་དཀྱིལ་འཁོར་དག །གང་ལྟར་གོམས་ལྟ་ནན་ཏན་བྱ། །དེ་ལ་སོགས་པའི་རྩ་བ་དག །དོན་དུ་མི་འགྱུར་ཀུན་སྤངས་ཏེ། །ནན་ཏན་ཚོགས་ཀྱིས་དཔུང་ཆེན་བསྐྱེད། །འདི་ལྟར་ལས་ཀྱི་ལྡང་སོགས་པ། །གཞན་དུ་སྤྱོད་པ་མ་ཡིན་ཏེ། །རྩེ་གཅིག་དོན་ལྡན་རྣལ་འབྱོར་པ། ཁུད་སྦྱོང་དོན་ལྡན་བྱ་ཕྱིར་དང་། །གལ་ཏེ་རྩལ་ཞན་མ་ལྡན་ན། །དགེ་བསགས་སྟང་ཆེན་ཀུན་བསྡོངས་ཏེ། །གང་འདིར་བསགས་པའི་དོན་བགྲངས་ཤིང་། །གདུང་བའི་ཤུགས་ཕྱུང་རྩལ་སྤྲུགས་ན། །ཉི་ཤར་ཆུ་ཀླུང་ཟླ་བརྙན་ལྟར། །རང་བཞིན་ཤུགས་ཀྱིས་འབྱུང་བར་གཅེས། །དེ་ཕྱིར་ཆུང་ངུ་ཡན་ཆད་ཀྱང་། །དམ་པའི་དོན་དུ་འགྱུར་བར་བྱ། །གང་འདིར་ཟིན་དང་མ་ཟིན་པའི། །དངོས་པོ་བརྟན་གཡོ་ལ་སོགས་ཀུན། །དེ་བཞིན་ཉིད་དུ་བློ་བཞག་ན། །སྙིང་རྗེ་ཆེན་པོ་དེ་ཉིད་དོ། །ལང་ཀའི་བདག་པོ་དེ་ལྟར་ན། །ཡུལ་གང་མེད་པའི་ཚུལ་གྱིས་ནི། །འཇུག་པ་མེད་ལས་གང་འཇུག་པ། །ཡུལ་ལ་འཇུག་པ་དམ་པའོ། །དེ་སྐད་ཅེས་སྨྲས་པས། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་གང་གི་རྒྱུན་དུ་ཡུལ་ལ་འཇུག་པའི་ངེས་པ་དམ་པ་རྙེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོས་ཡུལ་དམ་པ་ལ་འཇུག་པའི་ལེའུ་སྟེ་དྲུག་ཅུ་གཉིས་པའོ།། །།དེས་ནས་ཡང་ལང་ཀའི་བདག་པོ་ལ་སོགས་པ་དམན་པའི་སེམས་དཔའ་དེ་དག་གིས་གསང་བ་པའི་དག་པོ་ལ་མཚོན་པའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་མེ་ལོང་བརྟག་པར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་བརྟག་པར་བགྱི། དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་གྲོགས་པོ་དག་གང་ལ་གང་གིས་མཚོན་པས་ཤེས་པར་འགྱུར་བའི་མེ་ལོང་ནི་འདི་ལྟར། སྣང་དང་བརྟགས་དང་འབྱུང་བ་དང་། །མི་ཆགས་འབྱུང་སྣང་དག་པ་དང་། གནས་འབྱུང་མཐུན་པ་རྣམ་པ་བཅུ། སྒྱུ་མ་སྨིག་རྒྱུ་ཆུ་ཟླ་དང་། །རྨི་ལམ་སྒྲ་བརྙན་མིག་ཡོར་དང་། །མགལ་མེ་དྲི་ཟའི་གྲོང་ཁྱེར་དང་།སྤྲུལ་པ་གཟུགས་བརྙན་མེ་ལོང་བཅུ། །མཐུན་པའི་དམིགས་བཅུ་མཚོན་པར་གཞག །དངོས་པོ་མེད་ཀྱང་དངོས་པོར་སྣང་། །དངོས་པོར་སྣང་དུ་བ་་པའི་དཔེ། །ཇི་ལྟར་སྒྱུ་མའི་རང་བཞིན་ནི། །སྐྱེས་བུ་གང་གི་རྩོལ་བ་དང་། །སྨན་དང་སྔགས་ཀྱི་སྦྱོར་བ་ལས། །དབང་པོ་ཡིད་འཕྲོག་ཅིང་ཡང་སྣང་། །དེ་ལ་འགྲོ་འོང་དངོས་པོ་མེད། །འདི་ལྟར་གསང་བའི་རང་བཞིན་ཡང་། །མེད་རྒྱུ་འབྱུང་བའི་སྦྱོར་བ་ལས། །ཇི་ལྟར་སྣང་འབྱུང་རང་བཞིན་མེད། །གང་འདིར་སྨིག་རྒྱུའི་རང་བཞིན་ནི། །འཇིག་འབྱུང་གཡོ་བའི་དུས་དག་ལ། །དེ་དག་དེ་ཡི་རང་བཞིན་ལས། །བྱ་པ་གདུང་བའི་འདུ་ཤེས་ཀྱིས། །ཆུ་ཡི་འདུ་ཤེས་ཉེར་བཞག་ཀྱང་། །ཚིམ་པའི་རྒྱུ་དེར་ག་ལ་འགྱུར། །དེ་བཞིན་དེ་ཡི་ཁྱད་པར་ཡང་། །ཀུན་ནས་རང་བཞིན་སྟོང་བ་ལ། །ཐ་སྙད་མཚན་མ་མིང་དུ་བཏགས། །དེ་ཉིད་སྟོང་པ་དེ་མི་དམིགས། །གང་འདིར་ཆུ་ཡི་ཟླ་བ་ནི། །སྒྲིབ་མེད་མཁའ་ལ་ཟླ་༄༅། ཁྲར་བ། །གཟུགས་བརྙན་དང་བའི་ཆུ་ན་སྣང་། །དེ་ལ་བརྟགས་པའི་དངོས་པོ་མེད། །དེ་བཞིན་གང་ཡང་བཀོད་མེད་པར། དེ་ཉི་མཁའ་ལ་གང་གསལ་བ། །གང་འདིར་སྣང་བ་དེ་ཉིད་དེ། །དེ་ཉིད་དངོས་མེད་འཛིན་རྟོག་བྲལ། །ཇི་ལྟར་སྨི་ལམ་རང་བཞིན་ནི། །གང་ཞིག་གཉིས་ཀྱིས་ནོན་པ་ན། །སྐད་ཅིག་ཐང་ཅི་ཡུད་ཙམ་དང་། །ལོ་ལ་སོགས་པ་ཇི་སྙེད་དུ། །བདེ་སྡུག་སྣ་ཚོགས་མྱོང་བར་སྣང་། །དེ་སངས་ཅི་ཡང་མི་དམིགས་ལྟར་། །སྟོང་ཉིད་ཅིར་ཡང་མེད་པ་ལ། །སྤྱོད་པའི་ཁྱད་པར་ཅིར་སྤྱད་ཀྱང་། །སྦྱོད་ལ་མ་ཆགས་ཇི་བཞིན་པས། །བརྟགས་ན་དམིགས་པ་ཀུན་དང་བྲལ་། །སྒྲ་བརྙན་འབྱུང་བའི་རང་བཞིན་ནི་། །རང་གི་གནས་ལ་སྒྲས་རྐྱེན་པས། །དེ་བཞིན་དེ་ལྟར་སྒྲ་བརྙན་འབྱུང་། །དེ་ཉིད་ཅི་ཡང་མེད་འབྱུང་ཡིན། །གསང་སྔགས་གསང་བའི་བྱིན་བརླབས་དག །གང་གི་ཆེད་དུ་མེད་འབྱུང་བ། །ཅི་ཡང་མེད་ལ་ཅི་ཡང་འབྱུང་། །མེད་རྒྱུ་བཏགས་ཆགས་བལྟས་པར་སྣང་། །གང་འདིར་མིག་ཡོར་རང་བཞིན་ནི། །མིག་ནད་ཅན་ལ་རྫས་སྣང་བ། །འཁྲུལ་པའི་ངོ་ན་སྣང་བར་ཟད། །ཇི་ལྟར་སྣང་བ་གང་ཡང་མེད། །སྤྲོས་བྲལ་རང་བཞིན་སྟོང་ཉིད་ལས། །ཆོ་འཕྲུལ་རྣམ་པ་ཅི་སྣང་བ། །ཆོ་འཕྲུལ་ཉིད་དུ་སྣང་བར་ཟད། །སྣང་བ་དེ་དག་གང་ཡང་མེད། །ཆུ་དང་ནམ་མཁའ་དང་བ་ལས། །ཆུ་བུར་སྤྲིན་ཚོགས་ཐ་དད་འབྱུང་། །རང་འབྱུང་རང་བཞིའི་རང་བཞིན་པས།ཆུ་ཉིད་ནམ་མཁའ་ཉིད་དུ་དག །སྣང་དང་མི་སྣང་ཇི་སྙེད་པ། །ཐམས་ཅད་ཐམས་ཅད་དེ་ཉིད་ལས། །རང་འབྱུང་རང་ཞི་ཇི་བཞིན་པར། །དག་པ་ཉིད་དུ་ངེས་པའོ། །དྲི་ཟའི་གནས་དེ་ངེས་མེད་པ། །དེ་ཡི་གཟུགས་ནི་གར་བྱུང་བར། །གྲོང་ཁྱེར་དེ་ཡང་དེ་བཞིན་འབྱུང་། །འབྱུང་བ་ཉིད་ན་དེར་མི་བརྟག །ཇི་བཞིན་པ་ཡི་དེ་བཞིན་ཉིད། །གནས་པ་གནས་པ་གར་གནས་པར་། །དེ་ཉིད་གཞལ་མེད་ཁང་ཆེན་སྣང་། །སྣང་བ་དེ་ལྟར་གནས་མ་ཡིན། །ཇི་ལྟར་སྤྲུལ་པའི་རང་བཞིན་ནི། །མེད་འབྱུང་གཅིག་ལས་དུ་མར་འབྱུང་། །གང་འབྱུང་འཁོར་ལོའི་རྒྱུན་ལྟར་སྣང་། །སྣང་བའི་འབྱུང་རྒྱུན་འཆད་མ་ཡིན། །མི་མཉམ་མཉམ་པི་རང་བཞིན་ལས། །ཇི་ལྟ་བ་ལྟར་དེ་འབྱུང་བ། །གང་འདིར་འབྱུང་བ་རྒྱུན་མི་འཆད། །དེ་ལ་ཟད་མེད་འཕེལ་བ་མེད། །གང་འདིར་གཟུགས་བརྙན་གང་སྣང་བ། །བཞིན་དང་བཞིན་འབྱུང་དང་བ་ལས། །བརྟེན་ནས་དེ་བཞིན་གཟུགས་བརྙན་འབྱུང་། །དེ་ཉིད་དེ་གཉིས་ཐ་དད་མིན། །གང་འདིར་རྒྱུ་འབྲས་སོ་སོ་པས། ཁུ་ཉིད་འབྲས་བུ་དེ་ཉིད་རྒྱུ། །དེ་བས་དེ་ལ་དེ་གཉིས་མེད། །དེ་བཞིན་ཉིད་དོ་དེ་ཁོ་ནའོ། །དེས་ན་ཇི་སྙེད་པ་ཡི་ཆོས། །ཇི་བཞིན་ཉིད་དུ་གཅིག་པས་ན། །གང་ལྟར་ཅི་སྣང་ཅི་བྱུང་ཡང་། །མི་གཡོ་བ་ལས་འབྱུང་སྣང་མེད། །ཟབ་མོ་གསང་བ་དམ་པོ་འདི། །མཁའ་ལ་རྟོག་འདྲ་གཏིང་དཔག་དཀའོ། །རྣལ་འབྱོར་མི་ལྡན་གང་རྟོག་པ། །བརྟགས་པས་རྟོགས་པར་མི་འགྱུར་རོ། །དཔེར་ན་ཉི་མའི་སྙིང་པོ་ནི། །མིག་གི་དབང་པོས་རབ་བརྟགས་ན། །སྙིང་པོ་དེ་གང་མི་རྟོགས་ཀྱི། །འོད་འབར་ཟིལ་གྱིས་མིག་རྫིལ་འགྱུར། །དེ་བཞིན་བྱིས་པ་བློ་ཞན་པས། །སྙིང་པོ་དོན་ལ་ཅིར་བརྟགས་ཀྱང་། །གསང་བའི་སྙིང་པོ་མི་མཐོང་གི །བློ་ཞན་བྱིས་པ་ག་ཆད་རྒྱལ། །དེས་ན་གསང་བ་དམ་པ་འདི། །མཚོན་པས་ཤེས་པར་མི་ནུས་ཀྱང་། །གང་ལ་རྨོངས་པའི་ཚོགས་མཚོན་ཕྱིར། །རྣལ་འབྱོར་ཅན་ལ་ཕྱོགས་ཙམ་མོ། བསམ་དུ་མེད་པའི་ཆོས་ཉིད་འདི། །བསམ་དང་བྲ་བས་དེ་བཞིན་གཞག །མི་བརྟགས་གཞག་པའི་ཆོས་འདི་གང་། །བྱིས་པ་རྣམས་ལ་ངས་མ་བསྟན། །བརྗོད་པས་མཚོན་པ་ལས་འདས་པས། །འདི་ཞེས་བསྟན་དུ་ག་ལ་ཡོད། །མེད་པས་བསྟན་པའི་དམིགས་མི་རྙེད། །མི་དམིགས་ཆོས་ལ་ཚིག་ལམ་མེད། །ཆོས་ཀུན་ནམ་མཁའ་ལྟ་བུ་སྟེ། ནམ་མཁའ་ལ་ཡང་མཚན་ཉིད་མེད། །ནམ་མཁའི་དབུས་མཐའ་མི་དམིགས་བཞིན། །ཆོས་ཀུན་མཐའ་དབུས་མུ་དང་བྲལ། །ནམ་མཁའ་གང་མིང་རྗོད་བྱེད་པ། །བརྗོད་པ་དེ་ཉིད་དངོས་པོ་སྟེ། །དེ་ཡི་ཐ་སྙད་མིང་བརྗོད་ཀྱང་། །ནམ་མཁའ་དེ་ལ་འགག་མིར་འགྱུར། །འདི་ལ་མི་རྟོག་གང་བརྗོད་པ། །བརྗོད་པ་དེ་ཉིད་རྣམ་རྟོག་སྟེ། །རྣམ་རྟོག་རྣམ་རྟོག་ཅི་བརྗོད་ཀྱང་། །དེ་ལ་གཉིས་མེད་འགག་མི་འགྱུར། །གང་འདིར་གཉིས་སུ་འདོད་པ་དང་། །དབུས་མཐ་འབྱེད་པ་ཐམས་ཅད་གོལ། །མཉམ་ཞེས་བྱ་བའི་ཐ་སྙད་ཀྱང་། །གཉིས་དང་དབུང་མཐའ་རྣམ་འབྱེད་ལས། །ཀྱེ་མ་འདི་གཅིག་ཆོས་ཀྱི་སྐྲུན། །ཐམས་ཅད་དེ་ལས་མེད་བཞིན་དུ། །གཉིས་འདི་ཕན་ཆད་རྣམ་རྟོག་ཡིན། །ཀུན་ཀྱང་ངེས་པ་འདི་ལྟར་ཞོག །གྲོགས་པོ་དག་དེ་དག་ནི་མེ་ལོང་བརྟག་པར་བྱའོ་ཞེས་དགོངས་པ་དམ་པ་ངེས་པར་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཡང་དག་པར་ངེས་པར་འཇོག་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཉེ་བར་་མཚོན་པ་ཞེས་བྱ་བའི་ལེའུ་སྟེ་དྲུག་ཅུ་གསུམ་པའོ།། །།དེ་ནས་ཡང་ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་ཀྱིས་གསང་བ་པའི་བདག་པོ་ལ་གང་དུ་འདིར་མདོ་བཅུ་བཀོད་པའི་དགུ་པ་དྲི་བ་ཡོངས་སུ་དྲིས་པ། །ཀྱེ་གསང་བ་པའི་བདག་པོ་ཆ་མཐུན་པར་སྦྱར་བར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི། །དེ་སྐད་ཅེས་དྲིས་པ་ལས། །གསང་བ་པའི་བདག་པོས་སྨྲས་པ། ལང་ཀའི་བདག་པོ་དེ་དག་ནི་འདི་ལྟར་ཡོངས་སུ་ཤེས་པར་བྱ་སྟེ། མུན་པ་ཆེན་པོ་མུན་འཁྲིགས་པའི། བྱིས་པའི་ཁམས་ཀྱི་གྲོང་ཁྱེར་དུ། །རྟག་པ་རྒྱུན་གྱི་འཁོར་མོར་འདིར། །ངེས་པར་འཇུག་པའི་བྱ་བ་དག །དགོངས་པ་དམ་པ་ཀུན་འདུས་པས། །གང་གི་སྤྱོད་ཡུལ་གང་གྱུར་པ། །འདི་ལྟར་གསུངས་པ་ཇི་སྙེད་པ། །འདིར་ནི་གསུམ་དུ་ཤེས་པར་བྱ། །ཆ་མཐུན་མཐུན་འཇུག་ཐབས་འཛུད་པ། །སྦྱོར་དང་སྤྱོད་པ་བསྲེ་བ་ཡིས། །ཐམས་ཅད་ཐམས་ཅད་ཅི་རིགས་པར། །དམ་པའི་དོན་དུ་ངེས་པར་སྦྱོར། །ལང་ཀའི་བདག་པོ་འདི་ལྟ་སྟེ། ཆ་མཐུན་སྦྱོར་བ་གང་འཇུག་པ། །གང་ཞིག་གང་དུ་དེར་ངེས་ལ། །དེ་དག་ཉིད་དང་མཐུན་པར་སྤྱད། །ཡོངས་ཀྱིས་དེ་དང་མཐུན་བསྟན་ན། །དེ་ཉིད་དེ་ལ་འགྱུར་བར་བྱ།དེ་དག་དམ་པར་བྱ་བའི་ཕྱིར། །དེ་དག་མཐུན་པས་གང་སྦྱར་བས། །ཡིད་ཀུན་དྲངས་ཏེ་བཅུག་ཅིང་བྱ། །གང་གི་ཡིད་འཕྲོག་འདྲེན་འཇུག་པ། །ཇི་ལྟར་ཡིད་འོང་དེ་ཁོ་ན། །ནན་ཏན་གྱིས་ནི་དེ་ཉིད་དོ། །དཔེར་ན་མུན་པའི་ཁམས་དག་ན། །གང་གིས་གང་དག་གང་གྱུར་པ་། །དེ་ཡི་ཡིད་ལ་དེ་ཞུགས་ཏེ། །དེ་དག་དེ་གཅིག་མི་གཞན་པས། །དེ་ནས་ད་ཡི་དེ་རིག་ནས། །དེ་ཡི་དབང་སྒྱུར་ཐབས་ཐོབ་སྟེ། དེ་ཉིད་སྒྱུར་བའི་ཚིག་ལམ་འབྱུང་། །དེ་འདས་དམ་པ་ཁོ་ན་ཡི། །ཡིད་ལ་ཞུགས་པས་ཨེ་མའོ་འཁྲུལ། །འདིར་ཉེས་འདིར་ལོག་ལྡང་སོགས་བསྔོ། །དེ་ནང་འདི་ནི་ཁོ་ནས་བྱས། །གང་འདིར་དམ་པར་འཇུག་འདི་ལ། །དམ་པ་ཁོར་ན་འཇུག་པར་འོས། །དེས་ན་དེ་ཡི་དེ་ཉིད་དེ། །འོན་པས་གང་གི་དེ་ཉིད་ཀྱང་། །འོན་ཅིང་དམ་པའི་ཡུལ་ལ་འཇུག །ལང་ཀའི་བདག་པོ་ཇི་ལྟར་ན། །དེ་ཡང་ཇི་ལྟ་བུ་ཞེ་ན། ཁོ་བོས་མཐོང་ཐོས་སྐད་ཅིག་ན། །བདག་གི་བཤེསགཉེན་དམ་པ་དེས། །འདུས་པ་ཕལ་མོ་ཆེ་དག་ལ། །ལམ་འདི་རྒྱ་ཆེར་བསྟན་པའི་ཚེ། །འཁོར་དེར་འདུས་པར་གྱུར་པ་ཡི། །ལྷ་མོ་ཀླུ་མོ་རིགས་ངན་མོ། །བུ་མོ་དྲུག་གི་འཁོར་འདུས་པས། །དགའ་བས་གླུ་བྲོ་གར་གྱིས་བསྟན། །དགྱེས་པ་ཆེན་པོའི་གཉིས་པས་བསྟབས། །དེ་ཚེ་དམ་པའི་ཡུལ་མིན་ཡང་། །དམ་པ་གསང་བ་མཆོག་ཉིད་ཀྱིས། །དེ་ཉིར་སྤྱོད་མཐུན་དགྲོལ་བ་ཡིས། །ཡུལ་གྱི་དམ་པ་ཉིད་དུ་དགོངས། །གང་དེས་སྲས་ཀྱི་ཚོགས་འདུས་ལ། །ཀྱེ་མ་འདུས་པ་ཆེན་པོའི་ཚོགས། །ང་ཡི་གདུང་རྒྱུད་རིག་བྱུང་གང་། །ལྷ་ཡི་རོལ་མོ་གླུ་བྲོ་གར། །སྙན་དང་འཇོ་སྒེག་མཛེས་པའི་སྟབས། །གང་གི་ཡིད་འཕྲོག་འཇུག་འདྲེན་ཐབས། །གླུ་ཡི་ཡན་ལག་སུམ་བརྒྱ་དང་། །སྟབས་དང་གར་ཐབས་མི་ཟད་པས། །ཀུན་སྡུད་ཀུན་མཉེས་ཆ་མཐུན་སྦྱོར། །དམ་པ་དེ་ཡིས་དེ་གསུངས་པ། །དེ་ནས་སྲས་ཀྱི་དེ་ཁོ་ན། །བློ་གྲོས་ཐབས་ལྡན་ཉིད་ཀྱིས་འདིར། །གང་དག་གང་འདུལ་རིག་ནས་ནི། །འཇིག་རྟེན་དྲུག་དང་མཐུན་སྦྱོར་ཕྱིར། །གང་གི་གནས་ནས་མཐུན་གཡོས་ཏེ། །གར་མཆོག་གློག་ལྟར་འགྱུར་བ་ཡི། །དཔལ་ལྡན་ལག་པ་བྱེ་བ་ཡིས། །ནམ་མཁའི་ཁམས་འདི་ཡོངས་བཀང་ནས། །གོམ་པའི་སྟོབས་ཀྱིས་གར་བྱེད་ཅིང་། །གླུ་ཡི་ཡན་ལག་སུམ་བརྒྱའི་སྒྲ། །སྲིད་གསུམ་འབྲུག་སྒྲས་གང་བ་ལྟར། །མཐའ་ཐུག་མེད་པའི་འཇིག་རྟེན་དྲུག །གང་བས་ཡིད་འཕྲོག་འདྲེན་པར་བྱེད། །ཐེག་ཆེན་རྨད་འབྱུང་གསང་བའི་ཚིག །ཚིག་གཅིག་བསྒྱུར་བས་ཚིག་མཐའ་ཡས། །ཚིག་ལམ་རབ་ཏུ་བྲལ་བའི་དོན། །ཟབ་མོ་སངས་རྒྱས་སྤྱོད་ཡུལ་སྟོན། ཨེ་མའོ་ངོ་མཚར་རྨད་ཀྱི་ཆོས། །རྨད་འབྱུང་རོལ་པའི་དོན་འབྱུང་ངོ་། །ཆ་མཐུན་སྦྱོར་བའི་ཁྱད་པར་ལས། །འཇིག་རྟེན་དྲུག་ཏུ་རོལ་པ་འབྱུང་། །འཁོར་བའི་ལམ་རྒྱུད་གཅད་པའི་ཕྱིར། །འཇིག་རྟེན་དྲུག་གི་སྙིང་པོ་ལ། །ཐུགས་རྗེ་ཐབས་ཀྱི་འོད་འཕྲོས་པས། །རྒྱུད་དྲུག་དངོས་པོ་ཐམས་ཅད་བསྲེགས། །སྤྱོད་ལམ་མ་ཆགས་ཡེ་ཤེས་ཀྱིས། །ཆ་མཐུན་ཐབས་སུ་སྦྱར་བའི་ཕྱིར། །འཇིག་རྟེན་བྱིས་པའི་སྤྱོད་པ་བཞིན། །འཇིག་རྟེན་བུ་མོ་དྲུག་ལ་རོལ། །སྟབས་དྲུག་བསྐྱོད་པས་འགྲོ་དྲུག་བསྒྲལ། །གླུ་དྲུག་བླངས་པས་ཡུལ་དྲུག་དྲངས། །ཚིག་དྲུག་བསྒྲགས་པས་དོན་དྲུག་རྫོགས། །ལེ་ལོ་གཡེང་བའི་ས་གཞི་ལ། །བརྩོན་འགྲུས་མྱུར་བ་ཅང་ཤེས་སྟབས། །ཚགས་པའི་དབྱངས་ཀྱི་སྙན་པའི་གླུ། །དོན་གྲུབ་རྡོ་རྗེ་གསང་བའི་ཚིག །ང་རྒྱལ་རི་བོའི་ས་གཞི་ལ། །དཔའ་པོ་ཚམ་ངམ་གྱད་ཀྱི་སྟབས། །སིལ་སྙན་འབུམ་གྱིས་སྙན་པའི་གླུ། །ཞི་གནས་མི་རྟོག་ནམ་མཁའི་ཚིག །ཀུན་ནས་འདུས་པའི་ས་གཞི་ལ། །ཁྱུ་མཆོག་ལྔ་ཡིས་རོལ་པའི་སྟབས། གླུ་གར་ཡིད་འཕྲོག་སྙན་པའི་གླུ། །འཛིན་པའི་རྟོད་ཕུར་འབྱིན་པའི་ཚིག །གཏི་མུག་འདུས་པའི་ས་གཞི་ལ། །སེང་གེ་རྔམ་པས་རོལ་པའི་སྟབས། །ཀ་ལ་པིང་གའི་དབྱངས་སྙན་གླུ།ཡེ་ནས་དོན་གྱིས་གསལ་བའི་ཚིག །ཆགས་པ་འདུས་པའི་ས་གཞི་ལ། །རྡོ་རྗེ་ཁྱུང་ཆེན་ལྡིངས་པའི་སྟབས། །འབྲུག་ཆེན་འདིར་བས་སྙན་པའི་གླུ། ཡིད་བཞིན་ནོར་བུ་འབར་བའི་ཚིག །ཞེ་སྡང་འདུས་པའི་ས་གཞི་ལ།ཁྲོ་བོ་མ་རུངས་ཁྲོས་པའི་སྟབས། །སྲིན་མོ་མ་རུངས་ཁྲོས་པའི་གླུ། །རྡོ་རྗེ་བུ་ཡུག་སྐར་མདའི་ཚིག །རྨད་འབྱུང་གསང་བའི་དཀྱིལ་འཁོར་ནས། །ཡེ་ཤེས་འབར་བའི་མེ་འབྱུང་བས། ཁམས་གསུམ་འཁོར་བའི་བུད་ཤིང་བསྲེགས། །སྲིད་གསུམ་འཁོར་བའི་ཁྲག་མཚོ་བསྐམས། །ང་རྒྱལ་རི་བོ་རྨང་ནས་བཤིག །ཞེ་སྡང་འབར་བའི་མེ་དབལ་གསད། །གཏི་མུག་མུན་པ་གཏན་ནས་བཅོམ། ཁོར་བ་འདུས་པའི་འདམ་རྫབ་བསྐམས།ལང་ཀའི་བདག་པོ་འདི་དག་ནི། །གང་གི་ཆ་དང་མཐུན་སྦྱར་བས། །དམ་པའི་དོན་ལ་སྦྱར་བ་ཡིས། །བྱིས་པ་འདྲིད་པའི་རོལ་པའོ། །ལང་ཀའི་བདག་པོ་གཞན་ཡང་གང་། །ཐབས་འཛུད་བསྲེ་བའི་བརྟུལ་ཞུགས་ནི།འཇིག་རྟེན་ལོག་སྲེད་ཇི་ལྟར་བར། །བརྟུལ་ཞུགས་སྤྱོད་པའི་ཁྱད་པར་སྤྱོད། །ཝ་དང་ཅང་ཤེས་གྱི་ལིང་དང་། ཤེན་ཏུ་གླང་ཆེན་མྱོས་འདྲ་བ་། །དཔའ་བརྟུལ་ཟ་བྱེད་ག་་རྔམ་འཁྲུག །མཁའ་ལྡིང་ཁྱུང་ཆེན་གང་མི་ལྟ་།་ ་།་ག་་ཐུངསྡོངཆེནའཇིགསའདྲིལ་བ། །གང་ཐུབ་མི་ལྡོ་རྒྱ་མཚོའི་གསེར། །མིན་ལྟར་ལྐུགས་པའི་བློ་ཚུལ་ལྡན། །ལྷུན་པོ་མི་འགྱུར་བརྟན་པ་ཆེ། །མཁའ་ལྟར་ཡངས་དོག་ཀུན་དང་བྲལ། །གནམ་ལྕགས་ལྕེ་ཡི་དྲག་ཤུལ་ཅན། །དྲག་ཤུལ་ཆེན་པོ་བརྟུལ་ཞུགས་བདག ཁུ་འཕྲིལ་ལྟ་བུ་ཟིན་ཅན་བློ། །ངེས་པའི་ང་རྒྱལ་གླང་ཆེན་བརྟུན། །ཟླ་མེད་སེང་གེ་གཅིག་བརྗོད་པ། །རེག་འཇམ་བྱ་ལྟར་ཆགས་འགྲོགས་པ་།་ ་།་སྒྱུ་མ་སྒྱུ་མའི་ཚུལ་འདྲིད་པ། །གང་ལ་རྟོགས་མེད་ཀུན་སྤྱོད་ཉིད། ཐོགས་མེད་བྱ་བྱེད་མྱུར་སྤྱོད་ཟ་བྱེད་ཁ། །ཡུད་ལྟར་མྱུར་མགྱོགས་གློག་ལྟར་འགྱུར། །གང་གི་གང་བསྲུང་ནམ་མཁའ་ལྡིང་། །ས་ཐུབ་བག་ལེན་རྒྱལ་འཁོར་སྐྱོད། །རྣལ་འབྱོར་བརྟུལ་ཞུགས་ཆེན་པོ་ནི། །བཅུ་གཉིས་དང་ནི་གསུམ་བློར་ལྡན། །གང་འདིར་ཉམས་སུ་ལེན་བྱེད་པ། །རྣལ་འབྱོར་གསང་བའི་ཐབས་མཆོག་སྟེ། །གང་ལ་འཛུད་པས་བསྲེ་བ་ཡི།ཚུལ་ཁྲིམས་ཐམས་ཅད་གཅིག་སྤྱོད་པའོ། །ལང་ཀའི་བདག་པོ་གཞན་ཡང་གང་། །མཐུན་པས་འཇུག་པར་སྤྱོད་པ་ནི། །དེ་ཉིད་དེ་ལྟར་དེ་བཞིན་ཏེ། །གང་དང་འདྲ་ཚུལ་གང་ཡིན་པའོ། །འདོད་ཆགས་ཕོ་མོར་གྱུར་པ་ལ་།་ ་།་ཕོ་མོར་འདོད་ལས་ཕོ་མོར་སྣང་བ་གང་ཡིན་ལ། །ཕོ་མོ་མེད་ལས་ཕོ་མོ་སྣང་བ་མཐུན་འཇུག་སྤྱོད། །འདོད་ལ་ཆགས་པས་ཁྲོ་འཀྱུར་ལ། །ཁྲོ་བར་འདོད་ལས་ཁྲོ་བར་སྣང་བ་གང་ཡིན་ལ། །ཁྲོ་བ་མེད་ལས་ཁྲོ་བར་སྣང་བ་མཐུན་འཇུག་སྤྱོད། །འདོད་ལ་ཆགས་པས་མུན་སྣང་ལ། །མུན་པར་འདོད་ལས་མུན་པར་གྱུར་པ་གང་ཡིན་ལ། །མུན་པ་མེད་ལས་མུན་པར་སྣང་བ་མཐུན་འཇུག་སྤྱོད། །ཇི་ལྟར་གང་ལྟར་དེ་བཞིན་སུ། །དེ་ལ་སོགས་པ་མཐའ་ཡས་པར། །ཐམས་ཅད་ཐམས་ཅད་དེ་སྣང་བ། །མཐུན་འཇུག་སྤྱོད་པས་དོན་བྱེད་ཡིན། །ལང་ཀའི་བདག་པོ་དེ་དག་ནི་མཐུན་པར་འཇུག་པར་བྱའོ་ཞེས་དེ་སྐད་ཅེས་སྨྲས་པས། །ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་མཐའ་ཐུག་པ་མེད་པའི་ལྟ་སྤྱོད་ལ་ཡོངས་སུ་རྟོག་པ་མེད་པར་གྱུར་ཏོ། །སངས་རྒྱས་ཀུན་གྱི་དགོས་པ་འདུས་པ་མདོ་ཆེན་པོ་ལས་སྒྱུ་མ་རོལ་པས་རྣམ་པར་གྲོལ་བའི་ལེའུ་ཞེས་བྱ་སྟེ་དྲུག་ཅུ་བཞི་པའོ།། །།དེ་ནས་ཡང་ལང་ཀའི་བདག་པོས་གསང་བ་པའི་བདག་པོ་ལ་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ནད་གསོ་བར་བྱའོ་ཞེས་དམ་བཅའ་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་དག་པོ་འདི་ལྟར་གྲོང་ཁྱེར་གསུམ་གྱི་ནད་པ་གསོ་བར་བྱའོ། །ནད་ཀྱི་གཞི་རྩ་ལ་མཁས་པར་བྱའོ། །ནད་སྦྱང་བའི་ཐབས་ལ་བརྩོན་པར་བྱའོ། །སྨན་པ་དམ་པ་རྣམས་བསྟེན་པར་བྱའོ། །གཉེན་པོ་དམ་པའི་སྨན་བསྲེལ་ཞིང་སྤེལ་བར་བྱའོ། །སྨན་སྦྱར་བ་ལ་མཁས་པར་བྱའོ། །སྨན་གྱི་ལམ་བགྲུང་བར་བྱའོ། །ནད་པའི་ཚོགས་དང་མི་འབྲེལ་བར་བྱའོ། །ནད་ཀྱི་རྒྱུན་གཅད་པར་བྱའོ། །ནད་ཀྱི་གཉེན་པོར་འགྱུར་བར་བྱའོ། །ལང་ཀའི་བདག་པོ་དེ་ལ་གྲོང་ཁྱེར་གསུམ་ནི་མི་སྣང་བའི་གྲོང་ཁྱེར་དང་། །ཀུན་སྣང་བའི་གྲོང་ཁྱེར་དང་།ཕྱེད་སྣང་བའི་གྲོང་ཁྱེར་རོ། །ནད་ཀྱི་གཞི་རྩ་ནི་མུན་པ་ཆེན་པོ་ལས་བྱུང་པའི་ཟུག་རྔུའོ། །ནད་སྦྱང་བའི་ཐབས་ནི་སྨན་དང་སྨན་པར་སྦྱོར་བའོ། །སྨན་པ་དམ་པ་ནི་བཤེས་གཉེན་དམ་པའོ། །གཉེན་པོ་དམ་པའི་སྨན་ནི་ཞི་གནས་ལྷང་མཐོང་ངོ་། །སྨན་སྦྱར་བ་ནི་དེ་དག་དེ་ཉིད་དུ་སྦྱོར་བའོ། །སྨན་གྱི་ལམ་གསུང་བ་ནི་དེ་བཞིན་ཉིད་ལས་མི་འདའ་བའོ། །ནད་པའི་ཚོགས་དང་མི་འབྲེལ་བ་ནི་འཁོར་བ་ལ་མི་སྐྱོ་བའོ། །ནད་ཀྱི་རྒྱུན་བཅད་པར་བྱ་བ་ནི་ཐམས་ཅད་དེ་ཉིད་དུ་ངེས་པའོ། །ནད་ཀྱི་གཉེན་པོར་གྱུར་པ་ནི་འཁོར་བ་ཡོངས་སུ་སྒྲོལ་བའོ། །ལང་ཀའི་བདག་པོ་དེ་ཡང་གང་། ཁོ་བོས་མཐོང་ཐོས་སྐབས་ཤིག་ན། །ཀུན་གྱི་བཤེས་གཉེན་དམ་པ་དེས། །དུར་ཁྲོད་བདག་པོ་བ་་བའི་ཚེ། །འཇིག་རྟེན་གཙོ་བོ་ཀུན་འདུས་ནས། །སྲས་ཀྱི་ཚོགས་སུ་བཀོད་པ་ཡི། །འདུས་པ་ཕལ་མོ་ཆེ་དག་ལས། །འཁོར་དེར་འདུས་པར་གྱུར་པ་ཡི། །ཞར་ལས་གྱུར་པའི་ལོག་སྡེ་པ། །སྨན་གྱི་བརྟུལ་ཞུགས་ཆེར་སྦྱོད་པ། །དྲང་སྲོང་ནག་པོ་ཀ་ལ་ཡིས། །གང་དེར་འདུས་ནས་དོན་གསོལ་པ། །ཆེ་མཆོག་སྨན་གྱི་རྒྱལ་པོ་ཁྱོད། །དུག་འཇོམས་སྨནགྱིས་དཀྱིལ་འཁོར་འཛིན། །ནད་དོ་ཅོག་གི་དགྲར་གྱུར་པས། །ཟུག་རྔུའི་ནད་རྣམས་ཞི་བར་མཛོད། །དེ་སྐད་ཞུ་བ་འདུན་པ་ལས། ཆེ་མཆོག་སྨན་གྱི་རྒྱལ་པོ་དེས། །དྲང་སྲོང་དེ་ལ་རྗེས་དགོངས་ནས། །སྔོན་འདུས་གསུངས་པ་གང་གསུང་པ། ཁམས་གསུམ་ཟ་མ་ཏོག་ནང་དུ། །སྲིད་གསུམ་སེམས་ཅན་དུག་ཆེན་རྣམས། །དུས་གསུམ་སངས་རྒྱས་རྩི་སྦྱར་བས། །རང་འབྱུང་བདུད་རྩིའི་དཀྱིལ་འཁོར་རྫོགས། །དེ་སྐད་ངེས་པར་གསུང་པ་ལས། །ནག་པོ་ཀ་ལས་དོན་གསོལ་པ། །རང་བཞིན་སྣང་བའི་ལུས་འདི་ལས། །ཡོ་བྱད་ཆེན་པོ་ལྔ་བྱུང་བ། །དུག་ལྔ་སེལ་བའི་བདུད་རྩི་སྟེ། །དྲང་སྲོང་རྣམས་ཀྱི་སྨན་གྱི་མཆོག །དེ་སྐད་ངེས་པར་འདུན་པ་ལས། །སྨན་པ་དམ་པས་འདི་སྐད་གསུངས། །རང་བྱུང་གདོད་ནས་དག་པ་སྟེ། །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔའི་སེམས་ཅན་ཀུན་སྒྲོན་ཕྱིར། །དུག་ལྔ་སེལ་བའི་བདུད་རྩི་མཆོག །དེ་སྐད་ཅེས་གསུང་ནས་གང་མི་གསུང་བར་བཞུགས་སོ། །དེ་ནས་ལ་ཀ་ལ་ནག་པོས་ཡང་གསོལ་པ། །རང་ལས་བྱུང་བས་གཞན་བྱུང་མིན། །དངས་སྙིངས་ཁོ་ནར་ཟད་པས་དག །རྩ་བ་བརྒྱད་དང་ཡན་ལག་སྟོང་། །ཉིས་སྦྱར་ལྔ་དག་རྫོགས་པར་འགྱུར། །དེ་སྐད་ཞུ་བ་འདུན་པ་ལས། །འཁོར་དེར་འདུས་པར་གྱུར་པའི་སྲས། །བློ་གྲོས་ཐབས་ལྡན་ཁྱོད་ཉིད་ཀྱིས་། །ཞེན་པ་འགྲོལ་བའི་ཐབས་འདི་སྨྲས། །ཟག་པ་ཕྱི་མ་རྫས་ལྔ་པོ། །འབྱུང་བ་དང་ནི་ཟས་ཁམས་ཀྱི། །རྒྱུན་གྱི་རྒྱུ་ལས་བྱུང་བས་ན། །རང་ལས་མ་བྱུང་གཞན་འབྱུང་ཡིན། །གྲོགས་པོ་དམ་པས་དེ་སྨྲས་པས། །ཀ་ལ་ནག་པོས་ཡང་སྨྲས་པ་། །ཇི་ལྟར་གལ་ཏེ་དེ་ལྟར་ན་།་ ་།་འགལ་བ་ཉིད་དུ་ཡིན་ཟིན་ན། །རང་འབྱུང་རང་བྱུང་ཞེས་བྱ་བའི། །ཆོས་དེ་གང་ནས་རྙེད་པར་འགྱུར། །དེ་སྐད་དྲི་བ་དྲིས་པ་ལས། །དམ་པ་ཉིད་ཀྱིས་དེས་བླན་པ། ཁུ་དང་རྐྱེ་ལས་མ་བརྟེན་པར། །གང་ཞིག་འབྱུང་བའི་ཆོས་ཡོད་ན། །གཞན་ལས་མ་བྱུང་བྱེད་མེད་པས། །ཆོས་དེ་རང་འབྱུང་ཉིད་དུ་འདོད། །དེ་སྐད་སྨྲས་པས་དེ་ལན་དུ། །ཀ་ལ་ནག་པོས་འདི་སྐད་དུ། །སྤངས་པས་སྤོང་བར་མི་འགྱུར་ཏེ། །བདག་ལས་རྒྱུན་དུ་འབྱུང་བའི་ཆོས། །གཞན་ལས་མ་བྱུང་རྒྱུ་འབྲས་མེད། །ཆོས་དེ་གང་ཡིན་རང་འབྱུང་ཡིན། །དེ་ལ་དེ་ཡིས་འདི་སྐད་དུ། །མི་སྤང་དང་དུ་བླང་བའི་ཆོས། །དུས་དང་རྣམ་པ་ཐམས་ཅད་དུ། །འདུ་འབྲལ་མེད་པར་གནས་འོས་ན། །འབྱུང་རྒྱུན་འགགས་ན་དེ་རྒྱུན་འགག །དེ་ལ་འདི་ལྟར་འདི་སྐད་དུ། །ནག་པོ་ཀ་ལས་སླར་བླན་པ། །བདུད་རྩི་ཡིན་པས་རང་གཉེར་གྱི། །ལས་རྣམས་སོ་སོར་བྱེད་པར་ནུས། །འཇིག་རྟེན་དག་ན་ཕན་འདོགས་པ། །གང་ནུས་དེས་ལ་རྩི་ཞེས་གྲགས། །དེ་ལ་འདིར་ནི་འདི་སྐད་དུ། །གྲོགས་མཆོག་དམ་པས་དེ་ལོན་པ། །བདུད་རྩི་ཞེས་ནི་བརྗོད་པ་ལས། །བདུད་རྩིའི་ལས་ནི་གཉིས་ཡོད་དེ། །ནད་གསོ་ཤི་བས་སློང་བྱེད་ན། །དེ་གཉིས་མཐུ་དང་ཡང་མི་ལྡན། །དེ་སྨྲས་ལན་དུ་འདི་སྐད་དུ། །ཀ་ལ་ནག་པོས་དེ་བླན་པ། །སྔོན་གྱི་རྒྱལ་བ་གྲངས་མེད་ཀྱིས། །བརྟུལ་ཞུགས་འདི་ལྔ་གཙོར་སྤྱད་ན། །དམ་ཚིག་དམ་པར་བཟུང་བ་ན། །སྔོན་གྱི་དམ་ཚིག་ཡིན་པར་གྲགས། །དེ་ལ་དམ་པས་འདི་སྐད་དུ། །སངས་རྒྱས་དམ་ཚིག་ཡིན་ངེས་ན། །དང་པོ་ནས་བཟུང་རྫོགས་པར་དུ། །དེ་དང་མི་འབྲེལ་ལྡན་དགོས་ན། །ཟག་རྒྱུན་ཆད་ན་འབྲལ་འགྱུར་འགལ། །དེ་ལ་ཀ་ལས་འདི་སྐད་དུ། །བདག་དེ་ལྟར་པར་འགྱུར་བ་ཡིས། །ཟག་པ་དེ་ཡང་རྟག་པ་སྟེ། །ཀུན་ལས་ཀུན་དུ་མི་འབྲལ་ཞིང་། །ཟད་ནས་བྲལ་བ་ལ་ག་ཡོད། །དེ་ལ་དམ་པས་འདི་སྐད་དུ་།་ ་།་ཕྱི་དང་ནང་གི་ཟག་པ་རྣམས། །ཐམས་ཅད་ཐམས་ཅད་ཀུན་ཟད་པས། །ས་དང་རྣམ་ཐར་ལས་རྣམས་ལྟར། །ཅི་སྨོས་ཀུན་སྣང་ཟག་ལམ་ཟད། །དེ་ལ་ཀ་ལས་འདི་སྐད་དུ། །ཇི་ལྟར་གལ་ཏེ་དེ་ལྟར་ན། །འགལ་བ་ཉིད་དུ་ཡིན་ཟིན་ན། །ཐམས་ཅད་མཉམ་པར་འཆེས་པ་རྣམས། །མཉམ་པ་ཉིད་དུ་མི་འགལ་ལམ། །དེ་ལ་དམ་པས་འདི་སྐད་དུ། །ཀུན་དུ་མ་འདྲེས་མི་ཤེས་པར། །བཟང་པོའི་ཚིག་ལ་བློ་གཏོད་ཅིང་། །ཀུན་ཏུ་བཟང་པོར་ཁས་འཆེས་པ། །མུན་པའི་སྐྱེ་མཆེད་ཉིད་དུ་འགྱུར། །ཡོངས་སུ་རྫོགས་པར་ཀུན་མཉམ་ཡང་། མ་འདྲེས་པར་ཡང་ཀུན་ཏུ་སྣང་། །ཡོངས་རྫོགས་དོན་དུ་མ་མཐོང་བར། །རྫོགས་སྤྱོད་ལོག་པའི་ལམ་པ་ཡིན། །གསངཆེནཐེགཔའིཚིག་དང་སྒྲ། །གཅིག་ལ་མི་གཅིག་སོ་སོར་སྣང་། །ངོ་བོ་ཉིད་ཀྱིས་རྣམ་པར་ཕྱེ། །གང་ཉིད་ངེས་པར་གྲོལ་བར་སྣང་། །ངེས་པ་ཟག་འབྱུང་རྩར་འདོད་ན། །དེ་དགདེབཞིནམབཅོསཔར། །ཡེ་ནས་སྟོང་ཉིད་རྟོགས་རྟོག་མེད་པ། །ཡིན་པར་ངེས་པ་དེ་ཁོ་ནའོ། །དེ་དག་ཅི་ཕྱིར་རྩི་ཞེ་ན། །རྣལ་འབྱོར་ནང་ནི་རྣམ་རྟོག་སྟེ། །རྟག་པར་འཁོར་བའི་གཏིང་མཐར་འཆི། །རྟོག་པའི་རྩ་བ་ཕྱི་ནང་གི །ཀུན་ནས་ཟག་པ་རྣམ་ལྔ་ཡིན། །དེ་ཀུན་དེ་བཞིན་ཉིད་སྟོང་དུ། །རྟོག་བྲལ་མུ་མཐའ་མེད་འབྱུང་བས། །ནད་གསོ་ཤི་བ་སློང་བའོ། །དམ་པ་མཆོག་ངེས་དེ་བླན་པས། །མཚན་མར་ཞེས་ལས་དེ་འགྲོལ་ཏེ། །དེ་ཉིད་དེར་ངེས་རྙེད་གཞན་མིན། །དེ་ཉིད་ཆེ་མཆོག་སྨན་པར་འགྱུར། །ལང་ཀའི་བདག་པོ་དེ་དག་ནི་ནད་གསོ་བར་བྱའོ་ཞེས་ངེས་པར་ཐོས་པ་རྣམ་པར་བགྲོས་པ་སྟེ་འདི་ལྟར་ངེས་པར་ཤེས་པར་བྱའོ། །གསང་བ་པའི་བདག་པོས་དེ་སྐད་ཅེས་སྨྲས་པས། །ལང་ཀའི་བདག་པོ་ལ་སོགས་པ་དམན་པ་དམ་པ་རྣམས་མཚན་མའི་རྟོག་པ་ལས་ཡོངས་སུ་གྲོལ་བར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རང་འབྱུང་བདུད་རྩིའི་ལེའུ་སྟེ་དྲུག་ཅུ་ལྔ་པའོ།། །།བམ་པོ་བཅུ་པ་སྟེ་ཐ་མར་ཟུག་པ། དེ་ན་ཡང་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་གསང་བ་པའི་བདག་པོ་ལ་གསོལ་པ།ཀྱེ་གསང་བ་པའི་བདག་པོ་ཉིད་ཀྱི་རྒྱ་ཆེར་བགྲོས་པའི་གསང་བ་དམ་པ་འདི་ཇི་སྐད་དུ་བརྗོད་པར་བགྱི། །མདོ་ནི་གང་དུ་འདུས་པ་ལགས། དེ་སྐད་ཅེས་གསོལ་པ་ལས། གསང་བ་པའི་བདག་པོས་སྨས་པ། །ཀྱེ་ལང་ཀའི་བདག་པོ་ཁོ་བོས་ཇི་ལྟ་བ་བཞིནབགྲོས་པའི་གསང་བ་དམ་པ་འདི་ནི་བརྗོད་པའི་རྣམ་གྲངས་བརྒྱད་དུ་བརྗོད་པར་བྱའོ། །མདོ་ནི་བཅུར་འདུས་པར་ཤེས་པར་བྱའོ། །ལང་ཀའི་བདག་པོ་དེ་ལ་རྣམ་གྲངས་བརྒྱད་གང་ཞེ་ན། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ཞེས་ཀྱང་བྱའོ། །་སྙིང་པོ་ཞེས་ཀྱང་བྱའོ། །རྡོ་རྗེ་དགོད་པའི་རྒྱུད་ཅེས་ཀྱང་བྱའོ། །རྣལ་འབྱོར་རྫོགས་པའི་ལུང་ཞེས་ཀྱང་བྱའོ། །ཀུནའདུས་རིག་པའི་མདོ་ཞེས་ཀྱང་བྱའོ། །ཐེག་པ་ཆེན་པོ་མངོན་པར་རྟོགས་པ་ཞེས་ཀྱང་བྱའོ། །ཆོས་ཀྱི་རྣམ་གྲངས་རྣམ་པར་བཀོཔད་པ་ཞེས་ཀྱང་བྱའོ། །ཐེག་པ་ཆེན་པོ་བྱུང་ཚུལ་བསྟན་པའི་མདོ་ཞེས་ཀྱང་བྱའོ། །དེ་ཅིའི་ཕྱིར་ཞེ་ན་ ལངཀའི་བདགཔོ་གང་ལ་དགོང་པ་དེ་ཉིད་ལས་མི་འདའ་བ་དང་། གང་གི་སྤྱོད་ཡུལ་མ་ཡིན་ཞིང་། མེད་པ་ལས་ཐམས་ཅད་འབྱུང་བ་དང་། གངགི་ཡེ་ཤེས་ཡོངས་སུ་བཀོད་པ་དང་། འདི་ལྟར་གང་ངེས་པ་རྣལ་འབྱོར་དུ་ལུང་སྟོན་པ་དང་། འདིར་ཀུན་ནས་རྔུབ་པ་དང་། དམ་པ་རྣམས་ཀྱིས་མངོན་པར་ཆུད་པ་དང་། གང་ལ་མ་འདྲེས་པར་བཀོད་པ་དང་། གནས་སྐབས་བཅུ་གཉིས་སུ་ངེས་པར་བྱུང་ཞིང་འབྱུང་བའི་ཕྱིར་རོ།ལང་ཀའིབདགཔོ་མདོ་བཅུར་འདུསཔ་གང་ཞེ་ན།གང་མཐའ་བཅུ་ཁོ་ནར་འདུས་པ་སྟེ།དེ་ཡང་འདི་ལྟར་གཞི་གཟུང་བར་བྱའོ། ཁུད་དགྲོལ་བར་བྱའོ། །སྒོ་དབྱེ་བར་བྱའོ། །མཐར་ཕྱིནཔར་བྱའོ། །ཐམས་ཅད་འདུ་བར་བྱའོ། །ལ་དོར་བར་བྱའོ། །ས་གཅད་པར་བྱའོ། །ཉམས་རྙེད་པར་བྱའོ། །ཚེགས་ཆུང་བར་བྱའོ། །མདོ་གཅིག་ཏུ་བྱའོ། །ལང་ཀའི་བདག་པོ་དེ་ལ་ཆོས་ཐམས་ཅད་ཀྱི་གཞི་ནི་དམ་ཚིག་ཡིན་པར་ཤེས་པར་བྱའོ། །དམ་ཚིག་གནས་ནི་འདི་ལྟ་སྟེ། །བསྲུང་བྱ་བསྲུང་དུ་མེད་པ་ནི། །ཆོས་ཉིད་དམ་ཚིག་དམ་པ་ཡིན། །ཀུན་ཀྱང་དམ་པ་ཉིད་ཡིན་པས། །གང་ལའང་འགལ་བར་མི་བྱའོ། །སུ་ལ་དམ་པ་འདི་གནས་པ། །རིག་འཛིན་དམ་པའི་ས་པ་ཡིན། །བསྲུང་བར་བྱ་བའི་ཡུལ་རྣམས་ལ། །སྒྱུར་གསོག་གཡོ་མེད་དམ་པ་ཉིད། །ཟབ་སངས་རྒྱ་ཆེ་དམ་པ་འདིར། །འདི་སྐད་འགྲུགས་པའི་ཚུལ་ཁྲིམས་དང་། །རྟོག་པའི་བྱ་བ་ཇི་སྙེད་པར། །ཀུན་འདིར་དམ་བསྲུངས་རྣམ་པར་དག །དམ་ཚིག་འདི་ནི་རྨད་པོ་ཆེ། །ཀུན་གྱི་ཐུན་མོང་མ་ཡིན་ཕྱིར། །མོས་པ་ཆུང་ངུ་ཐམས་ཅད་ལ། །བསྲུང་བའི་མཚམས་དག་གཟུང་བར་བྱའོ། ཐེག་ཆེན་ཡོངས་སུ་གསང་བ་དག །སྣོད་མ་ཡིན་པར་གྱུར་པ་ལ། །ཕྱི་དང་ནང་དང་གསང་བཡི། །སྦ་བའི་ཐབས་སུ་བསྲུང་བར་བྱ། །བསྟན་པའི་གནས་མིན་སྣོད་གང་དག །རྣམ་པ་བཞིས་བསྡུས་བྱེ་བྲག་རྣམས། །མ་འོངས་རབ་འབྱོར་དམ་པ་ཡིས། །བརྟགས་ནས་གསང་བ་བྱ་ཕྱིར་བཤད། །གསངཆེནཡིདབཞིནནོརབུའདི། །སྐྱོན་ཡོད་ཉེས་པ་མ་ཡིན་ཏེ། །བློ་ཆུང་རྣམས་ལ་ཕན་དོན་དུ། །ཐུགས་རྗེ་ཐབས་ཀྱིས་ཤིན་ཏུ་གསང་། །འཇིག་རྟེན་པ་དང་ཐེག་དམན་དང་། །ལོག་སྲེག་ལོ་ལ་ཕྱོགས་ལ་ཞེན། །དད་མེད་བློ་ཞན་གཡེང་རྨུགས་ཤིང་། །གང་ལ་མི་བརྩོན་མུན་པར་མཚུངས། །འདི་ལོག་དམ་ཉམས་འདི་ལས་ལོག །བྱང་ཆུབ་ཐག་པ་གཏིང་ནས་ཆད། །སེམས་ཀྱི་མྱུ་གུ་རྩ་ཚིག་པ། །ངན་འགྲོའི་འདམ་དུ་ཁ་སྦུབ་ཡིན། །གསང་བའི་དོན་རྣམས་སྒྲར་སྨྲ་ཡང་། །གབ་པའི་གསང་བ་འདི་མི་ཤེས། །གཡོན་ཅན་ཤེས་རློམ་གྲོགས་རྣམས་ལ། །གསང་བར་འོས་པ་ལྷག་པར་སྨྲ།ཡན་ལག་རྣམ་བཞི་དེ་ཉིད་ལ། སྒྲ་ཐོས་དོན་མེད་ཉམས་མི་ལེན། །གང་གིས་གང་གཏད་མི་ཐུབ་པ། །བཅུད་མེད་འཁོར་བར་ཟག་པ་ཡིན། །ལྟ་དང་དམ་ཚིག་སྤྱོད་པ་ཡི། །དམ་པའི་མཛོད་གསུམ་སྒྲར་སྨྲ་ཡང་། །ཞེན་པའི་མཐའ་མེད་གནས་མ་གྱུར། །གཡོ་སྒྱུ་ཕྲག་དོག་སེར་སྣས་གདུངས། །བྱ་མེད་ཆོས་ལ་ངེས་འཛིན་ཅིང་། །དེ་ལ་དེ་ཉིད་དེ་མེད་པར། །རྣལ་འབྱོར་ཅན་ལ་དམན་ཟེར་བ། །དམ་པ་ཕམ་འགྱུར་འཁོར་བར་འབོཚུལ་རྟོགས་ཚོད་ལེན་ཁྱད་ཚིག་འདྲེན། ཁ་གསག་ལྕེ་གཉིས་སྒྱུར་བྱེད་ཅིང་། །གང་ལ་དམོད་རྨོངས་དམ་ཅན་ཏེ། །ཚེ་གཅིག་དྲེགས་པའི་ཆེད་ཕྱིར་རུང་། །རྐུ་གཡོ་སྒྱུ་ལྡན་སླུ་འདྲིད་པ། །ཟང་ཟིང་ཕྱིར་འབྲིང་ཚིག་ལ་དགའ། །རློམ་སེམས་བརྗོད་འདོད་ཚུལ་འཆོས་པ། །ལོག་སྨྲ་དུག་ཅན་ཐ་མར་ལྟུང་། །འདི་ལྟར་ཕམ་འགྱུར་སྣོད་ངན་ལ། །གསང་ཆེན་གསང་བ་དེ་ཁོ་ན། །ཟབ་ཅིང་གཏིང་དཔག་དཀའ་བས་ན། །བསྟན་ཀྱང་ཕམ་ལྟུང་གནས་སུ་འགྱུར། །དེ་བས་བསྟན་པར་བྱ་བ་མིན། །གལ་ཏེ་བསྟན་པར་གྱུར་ན་ནི། །སྟོན་སྨྲ་ཉན་བྱེད་དེ་དག་གང་། །མཐོང་ཡུན་ཕུང་བྱེད་གཉིས་སྲེག་འགྱུར། །རྣལ་འབྱོར་མཁས་གསལ་དོན་ལྡན་ལ། །རྣལ་འབྱོར་མི་ཤེས་གང་དག་གིས། །དྲེགས་པའི་དབང་གིས་ཕྲག་དོག་གིས། །བསམ་པའི་རྣམ་གྲངས་ཅི་བསྐྱེད་པ། །དེ་སྙེད་བསྐལ་པའི་གྲངས་མཉམ་པར། །འབྲས་བུ་མི་བཟད་མྱོང་བར་འགྱུར། །གལ་ཏེ་བདེ་བར་རྗེས་ལེན་པ། །དེ་སྙེད་བསྐལ་པ་གཟོད་འཇུག་དགོས །མཁས་གསལ་དོན་ལྡན་གྱིས་ཀྱང་ནི། །གོང་མ་བཞིན་དུ་ངེས་བསམ་ན། །དེ་ཡང་གནས་ངན་ལེན་པ་སྟེ། །མཁས་པས་དེ་ལ་སྐྱོད་མི་ནུས། །རྣལ་འབྱོར་ཚུལ་བྱུང་དམ་པ་ལ། །མཚོན་ཆའི་ཚིག་གིས་དེ་དཀྲུགས་ཤིང་། །སྒྲོ་སྐུར་གླུ་གླེང་ངན་བརྗོད་ན། །དམྱལ་བའི་རྡོ་རྗེར་དེ་ལྟུང་འགྱུར། །ཞལ་ལས་བྱུང་བའི་རྣམ་སྨིན་ཡང་། །ཇི་ལྟར་བ་ཉིད་དེ་ལྟར་འགྱུར། །སྐལ་པ་དམན་པའི་རྣལ་འབྱོར་པ། རྩ་ཉམས་སྐྱོན་ཅན་རང་བཞིན་ནི། །ངན་རྒྱུ་ཁྲོ་གཏུམ་ལྡན་པ་དང་། །མི་བཟད་ཕྲ་མེན་ལས་སྤྱོད་བྱེད། །གང་དག་མི་ཤེས་ངང་ཚུལ་ཅན། །བྱིས་པའི་རང་བཞིན་བློ་ཞན་པས། །ཤིན་ཏུ་དམན་པའི་ལྟ་བ་ཡིས། །ཚུལ་འཆོས་པ་ལ་ལྟོས་པར་བྱེད། །གང་དག་དམ་པའི་དམ་པར་ལྡན། །བྱམས་ཚུལ་རྟགས་ཏུ་བཟོད་ནས་པ། །ཚུལ་ཤིས་དོན་རྣམས་དེ་བཞིན་སློང་། །དེ་ལ་གང་དག་འདུན་པ་མེད། །དམ་ཚིག་སྤྲེའུ་ལྷར་སྤྱོད་བཞིན་དུ། །བྱང་ཆུབ་སྙིང་པོ་ཐོབ་པ་ཡི། །སངས་རྒྱས་ནམ་ཡང་མི་འབྱུང་ངོ་། །འབྱུང་བར་ཡང་དག་ངས་མ་མཐོང་། །རྒྱལ་བའི་སྲས་གྱུར་རྣལ་འབྱོར་པ། །ལམ་སྟོན་སྐྱོན་སེལ་མཁས་པ་ལ།གང་དག་ཁ་ཅིག་དྲེགས་དབང་གིས། །དེ་སྤོང་ཐབས་ཀྱིས་དེ་དམར་བྱེད། །དེ་ནི་འཁོར་བའི་གཏིང་རྡོ་སྟེ། །ནམས་ཀྱང་ཐར་པའི་ཁར་མི་འབྱུང་། །མི་ཤེས་རྨོངས་པའི་རྣལ་འབྱོར་བ། །ཡང་དག་དམ་པར་ངེས་འགྲོ་བའི། །རྗེས་སུ་འགྲོ་བར་མི་བྱེད་ཅིང་། །ཟང་ཟིང་འདོད་པར་གང་ལྟ་བའི། །རྗེས་སུ་འགྲོ་ཞིང་དེར་འདུན་བྱེད། །དེ་ནི་ལོག་པའི་ལམ་པ་ཡིན། །རྣལ་འབྱོར་ལྟ་དང་བྱང་ཆུབ་ཁེ། །འབན་ཐག་ཆད་པར་བློ་མི་འབྱུང་། །ཟང་ཟིང་འདོད་དང་གཡོ་སྤྲུལ་ཁེ། །ཆུང་ངུའང་ཅི་སྒྲུབ་སྲོག་དང་སྡོ། །རྣལ་འབྱོར་དམ་པའི་རང་བཞིན་ཅན། །བུམ་སྣོད་ནང་གི་སྒྲོན་མ་ལྟར། །རིག་པ་མཛོད་ཀྱི་དོན་ལྡན་ཡང་། །སྲོག་ཆགས་རྐུན་པོའི་སྡེར་མོ་ལྟར།ཁོང་ནས་གང་སྦས་དོན་སྟོན་ལ། །གང་འདིར་བླུལ་པོས་ཅིར་མི་མཐོང་། །དཔེར་ན་འདི་འདྲ་ཚུལ་གཅིག་སྟེ། །གང་གི་ཡུལ་ལ་གཏེར་འཆང་མི། །བླུན་པོར་གྱུར་པའི་མི་དག་གཉིས། །གནས་གཅིག་གཉིས་མཚུངས་ཁྱད་མེད་འདྲ །གསང་འདི་སྔགས་པ་རྗོད་བྱེད་ཅིང་། །གསང་བ་དོན་དུ་གཉེར་བ་མེད། །ཏིང་འཛིན་བསྔགས་པ་རྗོད་བྱེད་ཅིང་། །ཏིང་འཛིན་དོན་དུ་གཉེར་བ་མེད། །ཡང་དག་བསྔགས་པ་རྗོད་བྱེད་ཅིང་། །ཡང་དག་དོན་དུ་གཉེར་བ་མེད། །དམ་ཚིག་བསྔགས་པ་རྗོད་བྱེད་ཅིང་། །དམ་ཚིག་དོན་དུ་གཉེར་བ་མེད། །ཇི་ལྟར་འགྲོ་གང་ལ་ལ་དག །ནོར་བུ་རིན་ཆེན་འདི་འདྲ་སྟེ། འདོད་པའི་ཡོན་ཏན་ཀུན་འབྱུང་ཞེས། །དེ་ཡི་ཡོན་ཏན་རྒྱ་ཆེར་བརྗོད། །དེ་ལ་འགྲོ་གང་གཞན་དག་གིས། །དེ་ལྟར་འདོད་པ་འབྱུང་འགྱུར་བ། །དེ་དག་ཅུང་ཟད་ཡོད་དམ་ཞེས། །དྲིས་ཀྱང་མེད་པས་སླར་སྨྲས་པ། །གང་ཞིག་དགོས་པ་སྐོང་བ་ཡི། །ཡོན་ཏན་ཅུང་ཟས་སྨོས་པར་ཟད། །དེ་ཉིད་བདག་ལ་མེད་ཅེས་སྨྲ། །དེ་བཞིན་རྣལ་འབྱོར་མི་བརྩོན་པས། །བསླབ་པར་བྱ་བའི་ཆོས་བྲལ་བས། །དམ་པའི་བསྔགས་པ་རྗོད་བྱེད་ཀྱང་། དེ་དག་ལ་ནི་དམ་པ་མེད། །དེ་ལ་སོགས་པའི་ལོངས་སྤྱོད་རྣམས། །དམ་པ་ཉིད་དང་ཕྲད་པར་དཀའ། །རྣལ་འབྱོར་ཆོས་འཛིན་གང་དག་གིས། །རྣལ་འབྱོར་ཉམས་འགྱུར་ལོག་སྲེད་ཅན། །གསང་བ་འཇིགས་པའི་སྒྲར་བལྟས་ནས། །དེ་དག་སྡིག་པ་མཐོང་བ་ལྟར། །འཆད་ཅིང་ས་བཅིང་གང་བྱེད་པ། །སྐྱེས་བུ་དེ་ནི་དམ་པའི་སྲས། །དཔེར་ན་གང་དེ་གང་དག་གིས། །གང་གི་རྒྱལ་ཁྲིམས་འདས་འགྱུར་ན། །རང་དགའ་མི་གཏོང་ལུགས་དང་སྦྱོར། །བཀའ་ཡི་ཡོ་སྲོངས་དཀའ་བ་དེ། །རྒྱལ་པོའི་ཐུགས་མཉེས་དམ་པ་ཞེས། །ཀུན་ལ་སྣང་བ་གྲགས་པར་འགྱུར། །ལྡུམ་རལ་དུག་གི་སྡོང་སྐྱེས་ན། །ལྡུམ་པས་དུག་དེ་ཤེས་མ་ཐག །རྩ་ནས་ཕྱུག་སྟེ་མེད་པར་བྱེད། །ཅི་ཕྱིར་ལྡུམ་ཟས་དེ་དག་ལ། །དུག་འཕེལ་གྱུར་ན་འཆི་ཕྱིར་རོ། །གང་དག་ཉམས་འགྱུར་དུག་ཅན་དེ། །བརྟུལ་ཞུགས་ཅན་གྱི་རྣལ་འབྱོར་པས། །གནས་སམ་ལོ་ཡིས་ཞུགས་ཏེ་སྤངས། །གང་དག་མི་སྤོང་མགོན་བྱེད་པ། །དེ་དག་གསང་བའི་དམ་སྲི་ཡིན། །དོན་ལ་རྣལ་འབྱོར་གང་ཞིག་གིས། །ཐ་ཚིག་ཟབ་མོར་བཅས་རྣམས་ལ། །བསྲུང་བའི་བསམ་པ་མི་གཡོ་བཞིན། །རྩ་བ་ཡན་ལག་བཅས་རྣམས་ལ། །གལ་ཏེ་མ་ཚོར་ཞིག་འཀྱུར་ཡང་།རྣམ་སྨིན་ཡོད་ཀྱང་རྩ་མི་ཉམས། །ཇི་ལྟར་གླང་པོ་ཨེ་ན་ཡ། ཁེ་ནས་རོར་ནི་གྱུར་མོད་ཀྱང་། །གི་ཝང་རྩིས་ནི་དོན་བྱེད་ལྟར། །རྣལ་འབྱོར་ཉམས་ཏེ་རོར་གྱུར་ཀྱང་། །གཞན་གྱི་དམ་པར་དེ་འགྱུར་ཞིང་། །དེ་ཡི་དོན་བྱེད་ནུས་པ་ཡིན། །དེ་ལྟར་མོད་ཀྱང་འདི་ཀུན་རྣམས། །རྨི་ལམ་དུ་ཡང་མཐོང་མི་བྱ། །ཅི་ཕྱིར་འོ་མ་ཉུང་ངུ་ཞིག །རུལ་བས་འོ་མ་ཀུན་རུལ་བཞིན། །རྣལ་འབྱོར་ཉམས་འགྱུར་གཅིག་གིས་ནི། །རྣལ་འབྱོར་ཅན་ཀུན་མ་རུངས་འགྱུར། །འཁོར་བའི་གཡུལ་རྒྱལ་བྱེད་པ་ཡི། །ལོག་པའི་རྣལ་འབྱོར་ཐམས་ཅད་ཀུན། །དོན་དམ་ངེས་པའི་རྣལ་འབྱོར་པས། །ཐམས་ཅད་བསྒྲིམས་ཏེ་སྤང་བར་བྱ།།གལ་ཏེ་མ་སྤངས་ལོག་སྤྱོད་ན། །འཁོར་བའི་གཡུལ་ནི་རྒྱལ་འཀྱུར་ཏེ།།བདེན་པའི་བྱིན་བརླབས་མཐུ་ཆུང་འགྱུར། །ཀུན་ཀྱང་དགེ་སྤད་དོན་ཆུང་ཞེས། །ཡང་དག་དོན་ལ་ཡིད་འབྱུང་ཞིང་།།ལོག་པའི་ཆོས་ལ་གཞོལ་བར་འགྱུར། །ཀུན་གྱི་ལོག་པའི་ལས་སྦྱད་པས། ། ཡིད་དུ་མི་འོང་སྣ་ཚོགས་འབྱུང་། །དེས་ན་སྒྲོ་སྐུར་གཉིས་བྱས་པས། བཀའ་ཡི་ཆད་པ་གང་ཡིན་པ། །ཡེ་ཤེས་ཅན་ལྟར་རང་བཞིན་གྱིས། །ནམ་ཡང་གནོད་པ་ཡང་མི་མཛད། །དེ་ཡི་འཁོར་ན་གནས་པ་ཡི། །དེ་དག་མ་རུངས་མཐུ་ཆེན་རྣམས། །རྣལ་འབྱོར་ལོག་པར་སྤྱོད་རྣམས་ཀྱི། །སྐྱོན་མཐོང་ཙམ་ན་ཅད་པས་གཅོད། །ཐམས་ཅད་ངན་འགྲོར་སྤྱིའུ་ཚུགས་ལྷུང་། །སྒྲུབ་པའི་གནོད་མཆོག་གཅིག་ཡོད་དེ། །འདི་དང་མི་མཐུན་ཀུན་རྫོགས་པའི། ཁུན་ལྡན་དོན་ལྡན་དང་ཚུལ་བཟང་ ཅི་ལའང་ཆགས་མེད་སྟོང་ལྡན་སེམས། ཁྲེས་རབ་རྣམ་གྲོལ་ལྡེ་མིག་གིས། །གཏི་མུག་ཐ་རམ་བློ་ཕྱེ་ནས། །ཆོས་ཀྱི་རྒྱལ་པོའི་མིག་ལྡན་པས། །མཐའ་དག་དབུང་བྲལ་དམ་པའི་ཡུལ། །མ་ནོར་ལམ་དུ་འཇུག་ཤེས་པས། །སྡོང་ཆེན་སྡོང་པོར་རབ་ཏུ་དུལ། །ཐ་ཚིག་ལུང་ལས་འབྱུང་བ་བཞིན། །དྲང་སྲོང་དཀའ་ཐུབ་དམ་པ་དེ། །དམ་པའི་དམ་པ་ཉིད་ཡིན་པས། །དེ་ལ་གསང་སྒོ་དབྱེ་བར་བྱ། །ཇི་ལྟར་དཀའ་ཐུབ་ཐུབ་པ་ལྟར། །དེ་ལྟར་ཡིད་བཞིན་ནོ་བུ་སྟེ། །ཡིད་འོང་འདོད་དང་བདེ་བ་འབྱུང་། །རིག་འཛིན་རྒྱལ་བ་ཀུན་ཡུམ་མོ། །དེ་བཞིན་དཀའ་ཐུབ་དམ་པ་འདི། །གནས་པས་རྟེན་པའི་བཞི་ཡིན་ཏེ། །དཀའ་ཐུབ་ཀུན་གྱི་སྲོག་ཀྱང་ཡིན། །དམ་པ་ཀུན་གྱིནོརམཆོགགོ །དམཔའི་འདི་ནི་འཇིགས་པའི་སྐྱབས། །དམ་པའི་བགྲོད་པའི་ལམ་མི་མཆོག །དམ་པ་ཆུ་བོ་སྒྲོལ་བའི་གྲུ། །དེ་བཞིན་དངོས་གྲུབ་དམ་པ་ཡིན། །དམ་ཚིག་གྲོགས་ཀྱི་མཆོག་ཡིན་ཏེ། །དམ་ཚིག་ལོང་བའི་དམིགས་བུ་ཡིན། །གཞན་སྡེ་འཇོམས་པའི་དམག་དཔུང་ཡིན། །འཁོར་བའི་གཡུལ་ལས་རྒྱལ་བར་བྱེད། །དེས་ན་དམ་པའི་གཏན་ཚིགས་ཡིན། །ཅི་ནས་གང་གི་སྒོ་གསུམ་པོ། །དག་པ་གསུམ་གྱི་མཐའ་བཟུང་ནས། །གང་འདིར་དབང་བཞི་སུན་མི་འབྱུང་།།སྒོ་གསུམ་མི་གནོད་དང་བཅས་གཟུང་། །ཡོངས་སུ་མ་ཉམས་མདོ་བཞིའོ།།མཐར་ཕྱིན་རྒྱ་རྟགས་རྣམ་བཞི་བཅས། །མདོ་དྲན་པ་ལ་བགྲང་ཞིང་བསྔོ། །འདུལ་བའི་རྒྱུན་ལྡན་ཐ་ཚིག་ཅན། །མོས་པ་ཆུང་བའི་བུ་རྣམས་ཀྱིས། །ཕྲ་མོའི་ཕྲ་མོ་ཕྲ་ཡན་ཆད། །ནན་ཏན་གྱིས་ནི་བསྲུང་བར་བྱསྐུ་དང་གསུང་ཐུགས་རྡོ་རྗེ་ཡི། །གསུང་དང་སྤྱོད་དང་ཡིད་འོང་དང་། །མི་འདོར་ཤེས་བྱ་གྲུབ་པ་དང་། །མེད་དང་ཕྱལ་བ་གཅིག་པོ་དང་། །ལྷུན་གྱིས་གྲུབ་པ་རྣམ་པ་བཅུ། །ལྟ་བ་འདི་ལས་འབུམ་ཕྲག་འབྱུང་།།རྣལ་འབྱོར་རྣལ་འབྱོར་ཐམས་ཅད་ཀྱི།།སྤྱད་པར་བྱ་ཡི་ནོར་མཆོག་ཡིན། །རྣལ་འབྱོར་དམ་པའི་རིགས་རྒྱུད་ལས། །ངེས་པར་བརྟགས་ཏེ་སྤྱོད་པའི་བུ། །ཟམ་མོར་རྫོགས་མཆོག་བདེ་བ་ཡི། །བློ་ལ་ངེས་པའི་ལུང་འདི་བསྟན། །འདི་ཡི་སྔོན་འགྲོ་དམ་ཚིག་སྟེ། །ཟབ་མོ་ལ་སོགས་ཀུན་སྔོན་དུ། །རྡོ་རྗེ་ཐ་ཚིག་དྲག་པོ་ཡི། །གཅན་འཕྲང་ལམ་རྣམས་བསྲུང་བའི་ཕྱིར། །སྤྱི་དང་ཁྱད་པར་དམ་ཚིག་རྣམས། །ངེས་པའི་དོན་གྱིས་བཙན་རེད་ན་།་ ་།་དེ་ནི་དབྱིག་གི་སྣོད་ཆེན་ཡིན། །དེ་ལྟར་དམ་པའི་སྡོམ་པ་ལ། །གནས་ནས་དུས་ཀྱི་སྐབས་དག་ཏུ། །བསྲུང་བྱ་ཐུབ་པར་བྱ་བ་ནི། །བརྟུལ་ཞུགས་སྤྱོད་པའི་དམ་ཚིག་དག །དམ་ཚིག་ཀུན་གྱི་ཐོག་མར་འགྲོ། །དོན་དུ་མི་འགྱུར་ཀུན་སྤངས་ནས། །ཀུན་དང་མཐུན་ཕྱིར་དེ་ལྟར་སྤྱད། །མི་ཤིག་པ་ནི་སེང་གེ་སྟེ། །གཅན་གཟན་རྒྱལ་པོ་ཡིན་པས་སོ། །ཟ་མ་ཏོག་ནི་རྒྱལ་པོའི་མཛོད། །དུག་སྦྱོར་བ་ནི་དེར་མི་རིགས། །རིན་ཆེན་མྱུ་གུའི་ལྕུག་ཕྲན་དག །བྲེགས་ཏེ་བྱུང་རྒྱུན་གཅད་མ་ཡིན། །གངས་ཀྱི་ཞུན་ཆུ་ཕན་པ་ཡང་། །མཁས་པས་བཏུང་བར་མི་བྱའོ། །པདྨའི་ཟེ་འབྲུ་ཁ་མི་དབྱེ། །ཟླ་ཟེར་མ་ཡིན་དབྱེ་མི་བྱ། །མ་བརྟགས་བུག་རྡོལ་ཅན་སྣོད་དུ། །བདུད་རྩི་སྨན་བླུགས་ཟག་པར་འགྱུར། །དོན་མེད་བཅོས་མའི་ཚུལ་རྟགས་ཅན། །བསྲེལ་ཞིང་སྤྱད་པར་བྱ་བ་མིན། །ཤེལ་དཀར་རིན་ཆེན་སྒོ་ང་དག །འདམ་ཁུང་རྫབ་ཏུ་བསྣུབ་མི་བྱ། །སེང་གེ་དཀར་མོའི་འོ་མ་དག །གསེར་སྣོད་མ་ཡིན་བླུགས་མི་བྱ། །ཡིད་བཞིན་ནོར་བུ་རིན་པོ་ཆེ། །བསྲེག་པར་བྱ་བ་ཡང་མ་ཡིན། ཁྱུང་ཆེན་གཤོག་པ་མཁར་བརྐྱང་བ། །དེ་དག་གཅག་པར་བྱ་བ་མིན། །གནམ་ལྕགས་མེ་ཡི་དུར་མོ་དག །བརྡབ་པར་བྱ་བ་མ་ཡིན་ནོ། །སྟག་སེང་རོལ་པ་ལས་བྱས་པའི། །ལས་ཀྱི་རྗེས་ལ་བཟླས་མི་བྱ། །རྡོ་རྗེ་བྲལ་ཆེན་གཏམས་པའི་གཞི། །གཞིག་པར་བྱ་བ་ག་ལ་ཡིན། །རྡོ་རྗེ་ར་བའི་རེ་ག་དེ། །བསྡམ་བྱ་དྲལ་བར་བྱ་བ་མིན། །བུད་ཤིང་སྲེག་པའི་སྒྲོན་མ་དེ། །འཐོར་རླུ་་དྲག་པོས་བསྐྱོད་མི་བྱ། །རྡོ་རྗེ་ཚིག་གི་ཆུ་རྒྱུན་དག །འོལ་དཀར་གཅད་པར་བྱ་བ་མིན། །རྒྱལ་པོ་བཀའ་རྟགས་ཕྱག་རྒྱ་དག ནམ་ཞར་དབྱེ་བར་མི་བྱའོ།རྡོ་རྗེ་ཕ་ལམ་གཏམས་པའི་མཁར། །རྨང་ནས་བཟློག་པར་མི་བྱའོ། །གཙུག་གི་ཡིད་བཞིན་ནོར་བུ་དེ། །རྒྱལ་མཚན་རྩ་ལས་དབོན་མི་བྱ། །རྣལ་འབྱོར་ཐབས་ཀྱི་ཁྱད་པར་ཅན། །རྩལ་ཅན་རྣམས་ཀྱི་དམ་ཚིག་སྟེ། །སྐལ་ལྡན་དག་གི་ནོར་མཆོག་ཡིན། ཁུན་དུ་སྦྱང་བའི་ནོར་མཆོག་ནི། །རྡོ་རྗེ་ལས་ཀྱི་བསམ་གཏན་དག །རྡོ་རྗེ་གོ་ཕུར་ཀྲོམ་ཆེན་གྱིས། །སྲོག་ལ་བར་ཆད་བྱེད་པའི་དགྲ། ཉོན་མོངས་ཐིབས་པོ་དེ་གཤོམ་བྱ། །སྙོམ་ལས་ལེ་ལོའི་གཞིར་གྱུར་པ། །ཐུགས་ཐུབ་ར་ཅོད་ང་རྒྱལ་རི། །དྲེགས་བྱེད་དང་པོ་ཉམས་པའི་བཅུད། །དཔའ་བྱེད་རྐྱེན་ཡང་བསྡམ་པར་བྱ། །ཐེག་ཆེན་གསང་སྔགས་མ་གཏོགས་པ། །མཚན་མ་གང་དག་བྱིས་པའི་ཚིག །ཟུར་ཡང་བརྗོད་པར་མི་བྱ་ཞིང་། །ཐམས་ཅད་དེ་ཉི་ཁོ་ནར་བྱ། །ཇི་ལྟར་གསད་པའི་མི་གང་དག །གཤེད་མ་མིས་ནི་གསོད་པའི་ཚེ། །ཐར་པའི་ཐབས་ལ་བརྩོན་པ་ལྟར། །ལེ་ལོ་དགྲ་བཅོམ་བརྩོན་པར་འབདརྣལ་འབྱོར་སྒྲིབ་པའི་གགས་བསལ་བ། །དཀའ་ཐུབ་སྡོམ་པའི་མདུད་པ་ཅན། །འདོད་སྤྱོད་ཞེན་དང་མི་མཐུན་དང་། །གཅིག་ལ་གང་འདིར་མི་གཅིག་པ། །ཕྱི་ནང་ཅན་དང་གནོད་སྦྱོར་ཅན། །འདོད་མྱོས་བྱིང་རྨུགས་བརྐམ་པ་དག །དད་མེད་རྩ་ཉམས་འཕྱར་གཡེང་ཅན། །མཁས་པ་ཡོངས་ཀྱིས་སྤང་བར་བྱ། །དེ་ནི་རྣལ་འབྱོར་བགེགས་ཡིན་ཏེ། །རྣལ་འབྱོར་བར་དུ་གཅོད་པར་བྱེད། །རྣལ་འབྱོར་ངེས་པར་ཞུགས་པ་ལ། །རྒྱུན་གྱི་བར་དུ་གཅོད་པའི་བདུད། །རྣམ་རྟོག་འཕྲིག་པ་ཆེན་པོ་དང་། །གང་ལ་བཏང་སྙོམས་ལེ་ལོ་དང་། །ལོངས་སྤྱོད་འདུ་འཛི་གཡེང་བ་དང་། །ཚིག་རྩུབ་མཚོན་ཆ་རྣོན་པོ་དང་། ཁྲོ་ག་་ངང་ཐུང་ཤིན་ཏུ་འཁྲུག །རྣལ་འབྱོར་སྦྱོར་བའི་བདུད་ལྔ་ཡིན། །ཡང་དག་དོན་ལ་སྒྲིབ་པ་སྟེ། །གཉེན་པོ་བྱང་ཆུབ་སེམས་མཆོག་གིས། །ཞི་བ་ཆེན་པོའི་ངང་དུ་བཟློག །རྣལ་འབྱོར་ནོར་ལ་འཕྲོག་པའི་དགྲ །ཐབས་ལ་མཁས་པས་དུལ་བར་བྱ། །གང་གི་རྣལ་འབྱོར་རར་བཞིན་བཅོས། །དྲང་སྲོང་ཉིད་ལས་ཉམས་འགྱུར་ཏེ། ཁ་ན་མ་ཐོ་གྲགས་པ་ཡིས། །དེ་དག་བཅས་དགར་འགྱུར་བའི་དགྲ །ལྟ་དམན་སྤྱོད་རྩིང་འཆོལ་བ་ཡིས། །ལུགས་པོར་འདི་ལས་ལོག་པར་སྤྱོད། །བཀའ་ལོག་ཕྲ་མེན་ལས་སྤྱོད་པས། །དོན་དུ་མི་འགྱུར་འཆལ་བའི་དགྲ། །འདའ་ཀ་རྡོ་རྗེ་དཀའ་ཐུབ་དམ། །ཀློང་དུ་མ་གྱུར་ཕྱལ་བས་འཆལ། །རྩ་བར་རུལ་པའི་ལྗོན་ཤིང་བཞིན། །འཆད་པས་དྲིག་པོར་འབྱུང་བའི་དགྲ། །རྣལ་མ་ཉིད་ལ་སྦྱོར་བ་དེ། །གང་ལ་ངེས་པའི་ཚིག་མེད་ན། །དོན་རྣམས་གྲུབ་པ་མ་ཡིན་ཏེ། །འབྲས་བུར་མི་འགྱུར་གོལ་བའི་དགྲ། །རྣལ་འབྱོར་རྣལ་འབྱོར་སྤྱོད་པ་ལ། །དམ་པའི་ནོར་མཆོག་འཕྲོག་པའི་དགྲ། །ཐབས་ལ་མཁས་པའི་བློ་གྲོས་ཀྱི། །སྐྱོན་གྱི་དགྲ་བཞི་བཟློག་པར་བྱ། །སྲིད་གསུམ་སྣང་བའི་ཞིང་འདི་དག །རྣམ་དག་ཞིང་དུ་ངེས་པ་སྟེ། །ས་རྣམས་ཅིག་ཅར་ངེས་པ་སྟེ། །ཞིང་རྣམས་དམ་པའི་མཆོག་ཡིན་ནོ། །འདོད་སྤྱོད་མཆོད་པའི་ཚོགས་འདི་དག །ཡོ་བྱད་ཆེན་པོའི་མཆོག་ཡིན་ཏེ། །དགོངས་པ་དམ་པ་ཀུན་མཉེས་པའི། །རྨད་དུ་བྱུང་བའི་མཆོད་པའོ། །འཁོར་བ་དུར་ཁྲོད་གནས་འདི་དག །བདེ་བ་ཆེན་པོ་གནས་ཡིན་ཏེ། །མ་ནོར་མ་བཅོས་ཆོས་ཀྱི་དབྱིངས། །རྩོལ་མེད་ལྷུན་གྱིས་གྲུབ་པའི་སའོ། །ཀུན་གྱི་རྩ་བ་དུག་ཆེན་ལྔ། །ཡེ་ཤེས་ཆེན་པོ་ལྔ་ཉིད་དེ། །ཀུན་ཤེས་རང་རིག་རང་བྱུང་བས། །རྣལ་འབྱོར་རང་རིག་མིག་ལྡན་པའོ། །ལང་ཀའི་བདག་པོ་འདི་དག་ནི། །དམ་ཚིག་གསང་བའི་མཆོག་ཡིན་ཏེ། །དམ་པས་གདམས་པའི་ཚིག་འདི་ལ། །གང་དག་ངེས་པའི་རྣལ་འབྱོར་ཡིན། །ཇི་ལྟར་ས་གཞི་གཤིན་པ་ལ། །བརྟེན་ནས་ས་བོན་བཏབ་པ་ལས། །དམ་པ་ཁོ་ན་འཇུག་པར་འོས། །འུན་པས་གང་གི་དེ་ཉིད་ཀྱང་། །འུན་ཅིང་དམ་པའི་ཡུལ་ལ་འཇུག །ལང་ཀའི་བདག་པོ་ཇི་ལྟར་ན། །དེ་ཡང་ཇི་ལྟར་བུ་ཞེ་ན། །ཁོ་བོ་མཐོང་ཐོས་སྐབས་གཅིག་ན། །བདག་གི་བཤེས་གཉེན་དམ་པ་དེས། །འདུས་པ་ཕལ་པོ་ཆེ་དག་ལ། །ལམ་འདི་རྒྱ་ཆེར་བསྟན་པའི་ཚེ། །འཁོར་འདིར་འདུས་པར་གྱུར་པ་ཡི། །ལྷ་མོ་ཀླུ་མོ་རིགས་ངན་མོ། །བུ་མོ་དྲུག་གི་འཁོར་འདུས་པས། །འབྲས་དྲུག་སྨིན་པར་གྱུར་པ་ཡིས། །གང་དག་འཚོ་བའི་སྲོག་འཛིན་ལྟར། །ཆོས་རྣམས་ཀུན་གྱི་གཞིར་གྱུར་པས། །དམ་ཚིག་འདི་ལ་གནས་པ་ནི། །བླ་མེད་བྱང་ཆུབ་རྣམ་སྨིན་པས། །དགེ་བའི་སྲོག་འཛིན་དམ་པའོ། །གལ་ཏེ་ཉམས་པར་གྱུར་པ་ན། །ཆད་པའི་སྐྱེ་གནས་དམྱལ་ཆེན་བརྒྱད། །མི་བཟད་སྡུག་བསྔལ་དྲག་པོ་ཡིས། །འཁོར་ལོ་མཚོན་ཆ་བཞིན་དུ་འཁོར། །ལང་ཀའི་བདག་པོ་གང་འདི་ལས། །ཉམས་པར་གྱུར་པ་གང་ཞེ་ན། །ཀུན་ཏུ་ཉམས་པ་ཆེན་པོ་དང་། །རྩ་བ་ཉམས་དང་ཡན་ལག་ཉམས། །དེ་བཞིན་བཟླས་ཉམས་ཞར་ཉམས་ལྔ། །རྟག་པར་རྒྱུན་གྱི་ཁོར་མོར་འབྱུང་། །གང་དེ་བཀང་བར་བྱ་བའི་ཐབས། །རྣམ་པར་ལྔ་ནི་བཤད་པར་བྱ། །ལས་དང་རྫས་དང་འདུད་པ་དང་། ཏིང་ངེ་འཛིན་དང་དེ་ཉིད་དོ། །ལས་ནི་རྣམ་ལྔས་སྐོང་འགྱུར་ཏེ། །དང་པོ་འབུམ་ཁྲི་གསུམ་པ་སྟེ། །རྩ་ཉམས་ཁྲི་ལྔ་སྟོང་གསུམ་མོ། །ཡན་ལག་ཉམས་པར་གྱུར་པ་ལ། །སྟོང་ལྔ་བརྒྱ་གསུམ་ཐོན་པར་བྱ། །བཟླ་ཉམས་བརྒྱ་ལྔ་བཅུ་གསུམ་མོ། །ཞར་གྱིས་ཉམས་པར་གྱུར་པ་ལ། །བཅོ་ལྔ་གཅིག་གསམ་དག་གིས་སྐོངས། །རྫས་ནི་རིན་ཆེན་སྣ་ལྔ་ཡིས།རིགས་ཀྱི་དམ་ཚིག་གང་ཉམས་ལས། །བླ་མ་རིགས་ལྔ་གང་དག་ལ། །ཐ་ཚིག་གང་རློམ་ནོར་དེས་བསླུ། །འདུན་པ་དད་པ་དང་བ་ཡིས། །གདུང་བའི་ཤུགས་ཀྱི་ང་རོ་ཡིས། །རྟག་པར་རྨ་ག་ཆད་པ་ནི། །དམྱལ་ཆེན་གནས་ན་སྤྱོད་བཞིན་དུ། །གཉེན་པོ་མཆོག་ཏུ་དེ་འགྱུར་ཏེ། །དེ་ནི་སྐོང་བ་དམ་པའོ། །ཏིང་ངེ་འཛིན་གྱི་ཐབས་ཆེན་ཡང་། །འཇིག་རྟེན་སྲེག་ལ་མེ་དགོས་ཀྱང་། །བག་ཆགས་སྲེག་ལ་མེ་མི་དགོས། །རིག་པའི་ཡེ་ཤེསམེ་བྱུང་བས། །སྒྲིབ་པའི་བུད་ཤིང་ཐམས་ཅད་བསྲེགས། །འཇིག་རྟེན་གཏོར་ལ་རླུད་དགོས་ཀྱང་། །མཚན་མ་འབུད་ལ་རླུད་མི་དགོས ། རིག་པའི་ཡེ་ཤེས་རླུད་བྱུང་བས། །མཚན་མའི་རྡུལ་ཀུན་རྣམས་པར་འཕྱག །ལུས་བཀྲུ་བ་ལ་ཆུ་དགོས་ཀྱང་། །སེམས་བཀྲུ་བ་ལ་ཆུ་མི་དགོས། །རིག་པའི་ཡེ་ཤེས་ཆུ་བྱུང་བས། །བག་ཆགས་ལྗན་ལྗིན་ཐམས་ཅད་དག །སྟོང་ཉིད་ཆུ་བོ་ཁྲུས་ཀྱི་རྫིང་། །དེ་བཞིན་ཉིད་ཀྱི་ནམ་མཁའ་ནས། །འཕར་འཕྲོ་མེ་ཡི་བསྐལ་པར་ཚིག །དེ་ནི་སྐམས་པ་དམ་པའི་མཆོག །དེ་ཉིད་དེ་ཡི་ཐབས་མཆོག་ཀྱང་། །རྣལ་འབྱོར་དམ་པ་གང་ཞིག་དག །ཉམས་པའི་ཆད་པ་བྱུང་བ་ལ། །དེ་བཞིན་དེ་ཉིད་མ་གཡོས་ཀྱང་།མགོན་སྐྱབས་དེ་ལས་གཞན་མེད་དེ། ཉམས་དང་མ་ཉམས་ཐ་སྙད་མེད། །བཀང་ངམ་མི་བཀང་ཚིག་ལམ་བྲལ། ལང་ཀའི་བདག་པོ་དེ་དག་ནི་གཞི་ཡོངས་སུ་གཟུང་བ་རྣམ་པར་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས་ལང་ཀའི་བདག་པོ་ལ་སོགས་དམན་པ་རྣམས་དམ་པ་རྣམས་ཀྱི་ནོར་ལ་ཡོངས་སུ་སྤྱོད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དམ་ཚིག་གསང་བའི་མཆོག་གི་ལེའུ་ཞེས་བྱ་སྟེ་དྲུག་ཅུ་དྲུག་པའོ།། །།དེ་ནས་ཡང་གསང་བ་པའི་བདག་པོས་སྨྲས་པ། ཀྱེ་གྲོགས་པོ་དམ་པ་དག་རྒྱུད་ཡོངས་སུ་གྲོལ་བ་ནི་དམ་པ་ལ་རག་ལས་པ་སྟེ། དེ་ཡང་གང་ཞེ་ན། འདི་ལྟ་སྟེ་།་ བླ་མེད་སྙིང་པོ་སྨིན་པའི་རྐྱེན། །བློ་གྲོས་ཆེན་པོ་དྲི་བའི་ཡུལ། །ལམ་སྟོར་ས་མཁན་བཤེས་གཉེན་མགོན། །མུན་སེལ་སྒྲོན་མའི་རིན་པོ་ཆེ། །མཐོང་མིག་དབང་པོ་ཡིད་རྣམ་ཤེས། །ཆུ་བོ་རབ་མེད་སྒྲོལ་བའི་གྲུ།འཇིགས་པའི་རྫོང་ཆེན་རྟེན་པའི་མཁར། །འཁོར་བའི་གཅོང་འབྱིན་སྨན་པའི་མཆོག །མཚོ་གླིང་རིན་ཆེན་ལེན་བྱེད་པའི། །དེད་དཔོན་དམ་པའི་བླ་མ་དེ། །སྔོན་དུ་ངེས་པར་ཤེས་པར་བྱ། །སྡེ་མཛོད་གཏེར་ཁྱིམ་ཁང་ཆེན་དང་། །རྣམ་འགྲེལ་ལྡེ་མིག་བཅུ་གཉིས་དང་། ངེས་མདོ་དམ་པ་དེ་ཉིད་བཅུ། །མཐའ་བཅུ་ཡན་ལག་མདོ་རྩ་བ། །གང་འདིར་སྐབས་བཅུ་རྫོགས་ལྡན་ནམ། །སྐྱོན་གྱི་མཐའ་རྣམས་ཟད་འགྱུར་ཞིང་། །ཡོན་ཏན་རྒྱ་མཚོའི་ཕ་རོལ་ཕྱིན། །དམ་པའི་ཚད་ལ་བབ་མ་བབ། །དེ་ལ་བཤེས་གཉེན་མགོན་བལྷས་ན། །མཐར་ཆུབ་ཡོངས་སུ་རྫོགས་ཞེ་འམ། །གང་རིག་དེ་ཡུལ་མ་ཡིན་པར། །ཐབས་དང་ཡན་ལག་བཅས་པ་ཡིས། །གཞན་གྱི་ཡུལ་ནས་བརྟག་པར་བྱ། །བརྟགས་པས་བསྔོ་བ་ཀུན་ལྡན་ན། །གཞན་གྱི་ཡུལ་ལ་འགྲོ་མི་བྱ། །དམ་པའི་ཡོ་བྱད་ལྔ་རྫོགས་ན། །དམན་པའི་ཡོ་བྱད་མེད་ལ་མིན། །ངེས་པར་ཀུན་ཏུ་བཟང་ཉིད་ན། །གང་གི་བལྟ་ཡུལ་ངན་ལ་མིན། །སྒྲོན་མེ་འཅོ་རླུད་སྤྱོད་ལ་མིན། །འདོད་འཆལ་ཚིག་འཆལ་དམན་ལ་མིན། །བླུན་རྨུགས་རྨོངས་ལ་ག་ལ་སྲིད། །འཇིག་རྟེན་པའི་སྐྱོན་དེ་བཞིན་དུ། །དམ་པ་དེ་དག་ཇི་ལྟར་ཡང་། །ས་མཁན་ལམ་ལ་མཁས་ངེས་ན། །ཇི་ལྟར་བཟོད་པར་བྱ་དཀའ་ཡང་། །ཐམས་ཅད་ཐམས་ཅད་བཟོད་པར་བྱ། །དམ་པ་འདི་ནི་ས་མཁན་ཏེ། །འདི་ནི་བདག་གི་མགོན་ཡིན་པས། །འཇིག་རྟེན་པ་ཡི་ཐ་སྙད་ཀུན། །ངེས་པར་ཐས་ཅད་སྒྱུ་མ་ཡིན། །གང་འདིར་གྱི་ན་ཙམ་འདི་དག །དམ་པར་གང་ལ་འགོག་མ་ཡིན། །སྐད་ཅིག་ཙམ་གྱིས་མཐོང་འདི་ལ། །དེ་ལྟ་ཞིག་ན་འདི་ལྟ་ལ། །དེ་སྲིད་ཙམ་དུ་བཟོད་པར་ཟད། །ཅི་གར་གར་ཅིག་འབྱུང་འཇོམས་སྒྲུབས། །ལོག་པས་གྱིན་ད་གྱིན་ད་འདི། །དམ་པའི་དོན་དུ་མི་སྦྱོར་རམ། སྙམ་དུ་བརྟགས་ཏེ་དམ་པར་བྱ། ཡུན་གྱི་དོན་སྲིད་ཆེན་པོ་ལ། །དམིགས་ནས་བློ་གྲོས་ཕྱིར་བསྐྱེད་དེ། །བདེ་མཆོག་བདེ་བའི་དམ་པ་དང་། སྐད་ཅིག་ཙམ་གྱི་ཐ་སྙད་འདིས། །བཏང་སྙོམས་བྱ་བ་ག་ལ་སྲིད། །གང་འདིར་མགོན་མེད་བདག་འ་ས་ན། །གང་གིས་ཕྱོགས་འདི་དག་ལ་ནི། ཕན་འབྱུང་རིགས་ཅན་སུ་ག་ན། །དམ་པ་མ་གཏོགས་གཅིག་འགའ་མེད། །འདི་ན་ཕན་དང་མགོན་མང་ཞིང་། །དམན་པར་འབྲེལ་བ་གང་ཡོད་ཀྱང་། །ལོག་པར་བསྒྲུབ་པའི་བློ་གྲོས་མཁན། །གཡང་སར་མཆོངས་པའི་སྔ་བགྲོས་མཁན། །དོན་ལ་འགོག་སྙམ་ཡོད་མིན་ཏེ་།་ ་།་བཤེས་གཉེས་སྐྱབས་མེད་ཅི་སླད་དུ། །ཀུན་ཀྱང་དམངས་རིགས་གྲོང་ཁྱེར་འགྲོ། །བྱམས་བློའི་ཡུལ་དུ་ག་ལ་རུང་། །གང་འདིར་མུན་པར་འ་ས་པ་ལ། །བདེ་མཆོག་སྣང་བའི་ལམ་སྟོན་པ། །སྐྱབས་ཆེན་དམ་པ་གང་དེ་ལགས། །གཞན་གྱིས་བསྐྱབ་པར་ནུས་མ་ཡིན། །དེས་ན་དམ་པ་གང་དག་ལ། །བསྙེན་པས་ཤིན་ཏུ་བསྟེན་པར་བྱ། །གང་འདིར་སྣང་བའི་ཚུལ་འབྱུང་ན། །དམ་པ་ཉིད་དུ་འདུན་པར་གསོལ། །དམ་པར་སྣང་བ་ཐོབ་ཕན་ཆད། །དམ་པ་དེ་ལས་འགའ་འགྱུར་ལས། །རྡུལ་གྱི་ཆ་ཡང་མི་བྱའོ། །རྒྱ་མི་བཅག་ཅིང་ལུང་མི་བོར། །འདུན་པ་ནས་བཟུང་ལས་རུང་བའི། །བར་དུ་དེ་ལ་ལྷོས་དགོས་སོ། །གང་འདིར་ངོ་གང་མ་ཟིན་པས། །བཏང་སྙོམས་ཙམ་དུ་ཚུལ་བསད་ན། །དེ་ལ་དམ་པའི་དོན་མེད་དེ། །དེ་རྐྱེན་དེ་དག་མི་ལྡན་པས། །བསླབ་པའི་ཡུལ་བཟླས་ཐེ་ཚོམ་ཟོས། །ལེ་ལོས་ཡུལ་ལ་མི་བརྩོན་ཞིང་། །ཕྱལ་བས་དེ་ལ་མ་གུས་པས། ཁྲེས་བྱ་མུན་པའི་ཚོགས་ཀྱིས་བསྒྲིབས། །གང་གིས་ནམ་མཐོང་ཐིབས་ཀྱིས་འགགས། །གང་ལ་བྱིས་པ་ཤེད་མི་འབྱེ། །མདུད་པའི་བཅིང་བ་དེ་ལས་བྱུང་། ཁྲེས་རྒྱུད་གོལ་བར་ག་ལ་སྲིད། །དམ་པའི་ཡོ་བྱད་ལྔ་དབུལ་བའོ། །ཕོངས་པ་དེ་ཡིས་གཞན་བསྒྲལ་ན། །དེ་ཡང་དབུལ་པོ་ཉིད་དུ་འགྱུར། །འཚོ་བ་དམ་པ་དང་བྲལ་བས། །ལོངསསྤྱོདཆེནཔོསཕོངསཔ་ཡི། །མུ་གེའི་དགོན་པ་ཉིད་དུ་ལྟུང་། །དེ་ལྟའི་གང་ཟག་དམན་པ་དེ། །དམ་པར་གཟུག་བར་གྱུར་ཕན་ཆད། །དམ་པར་ངེས་དང་མ་ངེས་ཀྱང་། །བཀའ་བཅས་ལུགས་པོར་ག་ལ་སྲིད། །གལ་ཏེ་དེ་ཡི་རྒྱ་ཉམས་ན། །དམྱལ་བ་རྡོ་རྗེར་དེ་འགྲོ་སྟེ། །མི་བཟད་སྡུག་བསྔལ་མྱོང་བར་འགྱུར། །དམྱལ་བསྲུང་ཁྱི་ནི་ལུ་དེ་ཞེས། །གྲགས་པ་སེང་གེ་གཟུགས་འདྲ་བ། །མཆེ་བ་གཟངས་རིངས་དབལ་རྣོ་བས། །རྦད་ཅིང་མཚོན་ཆའི་ལམ་བུ་བདས། སྐྲུ་གྲི་རྣོ་དཔལ་རལ་གྲི་ནགས། །ནང་དུ་ག་ཆད་རྒྱུགས་སྐྱབས་མེད། ཁྲོ་ཆུ་ཁོལ་མ་ཐལ་སྐྱོ་ཡི། །ཆུ་བོར་རབ་མེད་ནང་དུ་འབྱིང་། །རྩེ་གསུམ་མདུང་དང་མདའ་བོ་ཆེ། ཁབ་འདྲ་དབལ་རྣོ་གཟངས་རིངས་དང་། །ཆུ་གྲི་རལ་གྲི་རྣོས་གང་པའི། །མུན་དོང་མེ་འབར་ནང་དུ་ལྟུང་། །སྡུག་བསྔལ་རྒྱུད་པ་དེ་དག་ལས། །ཐར་པའི་སྐབས་ནི་མི་སྲིད་དོ། །སློབ་མར་གྱུར་ན་སེམས་ལྡན་པས། །དམ་པ་དེ་ལ་ཉེས་བྱེད་གང་། །སངས་རྒྱས་ཀུན་ལ་ཉེས་བྱས་པས། །དེ་དག་རྟག་ཏུ་སྤྱིའུ་ཚུགས་འགྲོ། །དམ་པ་ཀུན་དང་མཉམ་སྦྱོར་བའི། །དམ་པ་ཉིད་ལས་གང་འདས་པ། །རྣལ་འབྱོར་དམ་པ་དབང་གྱུར་པ། །ཐམས་ཅད་འཁྲུགས་ནས་ཁྲག་ཆེན་འཐུང་། །དམ་པའི་ཡི་གེ་འབྲུ་བཀོད་པ། །དབུགསཆེནནངདུཤརནས་ཀྱང་། །ལྕགས་ཀྱི་སྡིག་པ་མགོ་དགུ་པ། །རག་ཤ་ཡག་ཤར་གྱུར་པ་དེས། །བསད་ནས་དམྱལབཆེནཔོརབརྒྱུད། རྣམ་པར་འཚེ་དང་ནོར་འཕྲོག་དང་། །བགེགས་དང་དུག་པའི་དུག་དབལ་གྱིས། །ཉམས་པ་དེ་ལ་འཚེ་བར་བྱེད། །སྡིག་ཅན་ཡིན་ཏེ་འཆི་བར་འགྱུར། །རྒྱལ་པོའི་ཆད་པ་ལ་སོགས་པ། །འཇིགས་པ་བརྒྱད་རྣམས་དེ་ལ་འབྱུང་། ་༑་གམ་གཅན་ཆེན་ལ་སོགས་པ། །གནོད་སྦྱིན་གྱིས་བསད་མི་བདེར་འགྲོ། །ཅི་ཕྱིར་ལྷ་སྲིན་སྡེ་བརྒྱད་ལས། །གཏུམ་མོ་གཏུམ་མོ་དམ་ཅན་ཀུན། །ཆོས་སྲུང་བཀའ་ཡི་ལས་མཁན་ཡིན། །བཀའ་ཡི་ལས་ལ་དུས་མི་འདོར། །དེས་ན་ཆོས་ལ་སྤྱོད་པ་ཡི། །དམ་པར་འཇུག་པའི་བུ་རྣམས་ཀྱིས། །ནམ་ཡང་ཞབས་ལ་མི་སྨོད་ཅིང་། །བཀའ་ཟུར་གཅག་པར་མི་བྱའོ། །གང་གིས་རྩེ་གཅིག་ཆོས་བསྲུངས་ན། །ཆོས་ལ་བསྲུང་བའི་སྲུང་མ་རྣམས། །ག་་པོ་མཐུ་ཆེན་རྣམས་ཀྱིས་ཀྱང་། །བུ་བཞིན་རྟག་ཏུ་སྲུང་བར་བྱེད། །ཆོས་སྲུང་བ་ཡང་གང་ཞེ་ན། །ཆོས་རྣམས་ཀུན་ལ་མ་རྨོངས་ཤིང་། །ངེས་པར་ཤེས་པ་གང་ཡིན་པ། །ཆོས་སྲུང་བ་ལ་མཁས་པར་འགྱུར། །གང་ཞིག་ཀུན་ལ་མི་མཁས་ཤིང་། །རྨོངས་པའི་ལྟ་བ་བརྟན་པ་ཅན། །བསྒྱུར་བས་ཅིས་ཀྱང་མི་འགྱུར་ཏེ། །ནམས་ཀྱང་ཆོས་ནི་སྲུང་མི་འགྱུར། །གལ་ཏེ་དུས་ནི་ཐམས་ཅད་དུ། །དམ་པ་དེ་དག་དེ་གཅིག་ན། །རྒྱུད་ཞན་སྐྱོ་ངན་སྙོམས་ལས་ཀྱིས།དེ་དག་འགལ་ན་ལྟུང་གྲིབ་རྒྱུ། །ངེས་ན་དམ་པའི་ལུང་མི་གཅག །ཚད་མར་ངེས་པ་དམ་པའི་ལུང་། །ཐམས་ཅད་ལྡེམ་དགོངས་ཅན་ཡིན་ཏེ། །ཡུལ་དང་འཚམས་པར་སྦྱོར་བ་ཡིན། །དེ་ཡང་ཇི་ལྟ་བུ་ཞེས་ན། །ཇི་ལྷར་འོ་ག་སྲེད་ཅན་དག་གིས། །སུ་དག་འཇིག་རྟེན་འདྲེན་གང་ལགས། །ཀྱེ་མ་འཇིག་ཏེན་དགའ་བྱེད་ཁྱོད། །ཐམས་ཅད་དགའ་བར་སྟོན་ཤེས་ན། །བདག་ལྟར་དགའ་བའི་དོན་བསྟན་ནས། ། འབྲས་བུ་གདོན་མི་ཟ་ཤེས་ན། །ཐམས་ཅད་མཁྱེད་ཅེས་དེ་ལ་བྱ། །དེ་ལྟར་མོས་པ་གང་བསྟན་པ། །ཕ་མ་བྲམ་ཟེ་རྒྱལ་པོ་རྣམས། །བསད་བརླག་ཡོངས་སུ་བཅོམ་བྱས་ན། །དེ་དག་རྟག་ཏུ་བདེ་བའི་མཆོག །དེ་བསྟན་དེ་ཡིས་དེ་སྤྱད་ནས།བདེ་མཆོག་བདེ་དང་ལྡན་པ་ཡིན། །དེ་བཞིན་བཀའ་ཡི་ལྡེམ་དགོངས་ལ། །མདོ་དང་དོན་གལ་ཆེ་ཡོད་པས། །སྐྱབས་ཆེན་དམ་པ་བཟུང་བ་དེ། །ཚད་མ་དམ་པར་ཡིད་ཆེས་ན། །དེ་ཡི་ལུགས་ཀྱང་དམ་པར་བྱ། །ལང་ཀའི་བདག་པོ་གང་གི་ཚེ། །གསང་བ་མཆོག་གི་བདག་པོ་དེས། །ཁོར་བོ་ལ་ནི་འདི་སྐད་བསྒོ། །སེམས་དཔའ་རྡོ་རྗེ་འཛིན་པ་ཉོན། །བསྐལ་པ་འབུམ་གྱི་སངས་རྒྱས་པས། །སློབ་དཔོན་གཉན་པར་ཤེས་པར་བྱཅིའི་ཕྱིར་བསྐལ་བའི་སངས་རྒྱས་རྣམས། །སློབ་དཔོན་དག་ལ་བརྟེན་ནས་བྱུང་། །སློབ་དཔོན་དག་ལ་མ་བརྟེན་པར། །སངས་རྒྱས་རྣམས་ཀྱང་མི་འབྱུང་སྟེ། །འབྱུང་བར་ཡང་དག་ངས་མ་མཐོང་། །བྱུང་ན་དམ་པའི་ལུགས་དང་འགལ། །དོན་དང་ལྡན་པའི་དམ་པ་ལ། དུས་གསུམ་དུས་ནི་ཐམས་ཅད་དུ། །ཕྱོགས་བཅུའི་ཞིང་ན་བཞུགསཔཡི། །བདེགཤེགསརྒྱལབ་ཀུན་བྱོན་ན། །སྔགས་དང་འདུན་པས་ཕྱག་མཛད་དོ། །སེམས་དཔའ་ལྷ་དང་མི་དག་དང་། །དེ་བཞིན་ཀླུ་དང་གནོད་སྦྱིན་དང་། །སྲིན་པོ་ལོག་ལྟ་ཅན་དག་གིས། །རིག་པ་འཛིན་པ་ཀུན་འདུས་ནས། །སྤྲུལ་པའི་མེ་ཏོག་ཀུན་འཐོར་ཞིང་། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་ཕ་ལགས་སོ། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་མ་ལགས་སོ། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་མགོན་ལགས་སོ། །མི་ཤེས་རྨོངས་པའི་བློ་གྲོས་མཁན། །ལམ་སྟོར་རྣམས་ཀྱི་ས་མཁན་ལགས། །མུན་ཁུང་འ་ས་པའི་སྒྲོན་མ་ལགས། །གདུང་བ་སེལ་བའི་རིན་པོ་ཆེ། །ཉི་མའི་ཞལ་ལ་ཕྱག་འཚལ་འདུད། །ནམ་མཁའི་ཐུགས་ལ་ཕྱག་འཚལ་འདུད། །ཟླ་བའི་སྐུ་ལ་ཕྱག་འཚལ་འདུད། །པདྨའི་ཞབས་ལ་ཕྱག་འཚལ་འདུད། །འདིར་ལྟར་དགའ་དང་གུས་པ་ཡིས། །སྔགས་དང་འདུན་པས་ཕྱག་མཛད་དོ། །དེའི་ཕྱིར་རྒྱལ་བ་ཐམས་ཅད་དང་། སེམས་དཔའ་རིག་པ་འཛིན་པ་རྣམས། །དམ་པའི་དམ་པ་ལས་བྱུང་བས། །དཔེར་ན་མ་ཡིས་བུ་བསྐྱེད་ལྟར། །དེ་བཞིན་དམ་པ་ཤེས་པར་གྱིས། །དམ་པ་དེ་ཡི་རང་བཞིན་ཡང་། །ཡིད་བརྟེན་སེམས་དང་དུལ་བ་དང་། །ཚད་མེད་ཡངས་པའི་བློ་གྲོས་དང་། །རྐྱེན་ཐུབ་བཟོད་ལྡན་ཀུན་ཏུ་དྲང་། །གསོང་པོར་སྤྱོད་ལ་གྱ་གྱུ་མེད། །སེམས་ཅན་ཉེན་ཅན་ཐམས་ཅད་ལ། །ཐབས་ཀྱིས་མི་འཇིགས་སྣ་ཚོགས་སྦྱིན། །དཔའ་བོ་མཐུར་ལྡན་བརྩོན་འགྲུས་ཆེ། ཁྲེས་བྱའི་ཡུལ་ནི་ཐམས་ཅད་ལ། །ཇི་ལྟར་འདོད་པ་བཞིན་དུ་འབྱུང་། །སྲིད་པ་ཞུས་ཀྱང་ཟད་མི་ཤེས། །བརྟགས་ཤིང་ཡོན་ཏན་ཕྱི་ཕྱིར་འབྱུང་། །བདེན་པར་སྨྲ་ཞིང་ཚིག་མི་འགྱུར། །ཇི་སྐད་སྨྲས་པ་དེ་བཞིན་བྱེད། །ལེགས་དང་ཉེས་པའི་ལས་རྣམས་ལ། །དགའ་དང་མི་དགའ་རྟོག་འཛིན་མེད། །རི་དགས་རྒྱལ་པོ་སེང་གེ་ལྟར། །གཟི་ལྡན་བརྗིད་ཆེ་ཡུལ་མི་འཇུག །འདི་འཛི་དམན་པའི་ལས་རྣམས་སྤངས། །འཔྱོ་དག་གཡེང་བྲལ་གང་ན་རྟག །སེང་གེ་ལྟ་བུར་གཅིག་པུར་གནས། །དགོན་པའི་རྒྱུ་དང་དབེན་ལམ་བསྟེན། །འདི་དང་གང་ལྡན་དམ་པའི་འོས། །དམ་པ་ཐམས་ཅད་བཀུས་གནས་སོ། །རང་བཞིན་དེ་དང་མི་ལྡན་ཡང་། །དམ་པའི་མཛོད་དང་གཉེར་ལྡན་ན། །དམ་པ་གཟུང་ཞིང་དམ་པར་བྱ། །ཆོས་ཀུན་མི་ཤེས་མ་རྟོགས་ཀྱང་། །དམ་པར་གྱུར་པའི་བླ་མ་ལ། །བཀུར་གནས་རིམ་གྲོ་ཆེར་བྱས་པས། །འཁོར་བའི་རྒྱ་མཚོ་ལས་རྒལ་འགྱུར། །ཅི་ཕྱིར་ཞིང་རབ་གཤིན་པ་ལ། །ས་བོན་བཏབ་ན་རྒྱས་འཕེལ་བཞིན། །བསོད་ནམས་དམ་པའི་ཞིང་རབ་ལ། །ཏིལ་འབྲུ་མི་སྟོར་འཕེལ་མི་འཀྱུར། །འཁོར་བའི་མཐའ་ལས་སྐྱོབ་པ་ཡི། །བཤེས་གཉེན་དམ་པ་བཞི་ཡོད་དེ། །ཁུངས་དང་ལུང་དང་དབང་འགྱུར་དང་། །བློ་གྲོས་ངེས་པའི་ཚད་ལྡན་བཞི། །དེ་ལས་གཉེན་པོ་བཞི་འགྱུར་སྟེ། །སེམས་བསྐྱེད་སྟོབས་དང་འགྱོད་སྟོབས་དང་། །ལས་ཀྱི་སྟོབས་དང་དམིགས་པའི་སྟོབས། །ལོག་པའི་སྟོབས་རྣམས་འཇོམས་པར་བྱེད། ཆུ་བོ་བཞི་ལས་རྒལ་བར་འགྱུར། ཁུད་ཀུན་ཡོངས་སུ་གྲོལ་འགྱུར་ཏེ། །དམ་པའི་དམ་པར་དེ་ཉིད་འགྱུར། །དེ་སྐད་གསུངས་ནས་ཅང་མི་གསུང་། །དེ་ན་ལང་ཀའི་བདག་པོ་འདིར། །བློ་ལྡན་དགའ་དང་གུས་པ་ཡིས། །དམ་པར་གྱུར་ཏོ་འཚར་རྣམས་ལ། །འདུན་སར་ལན་གསུམ་གུས་བྱས་ཏེ། །ཞབས་ལ་སྤྱི་བོས་ག་་པར་བྱ། །དམ་པའམ་ཡང་ན་མ་ངེས་རྣམས། །དམ་པའི་ཆོས་སོགས་འདུས་བྱས་ཏེ། །ཁ་ན་མ་ཐོ་གཞོམ་བྱའི་ཕྱིར། །འཇིག་རྟེན་སྲིད་ཞུའི་འདུན་པ་བྱ། །ལུང་འབྱུང་གང་སྨོད་འཕེལ་གཏམ་ལ། །ཡང་དུ་འདུན་པས་འདུན་ཐབས་སྦྱར། །སྲི་ཞུ་སྒྲ་ཡིས་མཚམས་བཟུང་སྟེ། །གང་དེ་རྣམས་ནི་ཅི་བདེར་དྲན། །བདེ་དང་བླང་བ་ལངས་པ་དང་། །དོན་བྱེད་ཞུ་སོགས་སྐབས་རྣམས་སུ། རྒྱུད་གཉེན་སྲི་ཞུ་གུས་ལྡན་པས། །གྱོང་སེམས་མེད་སྔོ་ནན་ཏན་བྱ། །ཀུན་ནས་གཟེམ་མདོག་བག་ལ་གནས། །གསོང་པོར་སྨྲ་ཞིང་གྱ་གྱུ་མེད། །ཅི་ཕྱིར་དམ་པར་གྱུར་པ་ལ། །མ་ངེས་གྱ་གྱུའི་ལས་བྱས་པས། །དམ་པར་གྱུར་པ་ཀུན་བསླུས་ཏེ། །དམྱལ་བ་རྡོ་རྗེར་དེ་ལྟུང་འགྱུར། །བརྩོན་དང་འགྲུས་ལྡན་ངང་ཚུལ་བཟང་། །བརྡེག་ཅིང་གསང་ཐུབ་སྤྱོད་པ་དག །ཡ བགབཞིན བཟངསམཛེས་ཐབས་ལྡན། །སྦོ་གསུམ་བཟང་སྤྱོད་མཐའ་གསུམ་བསྡམ། །དམ་པ་ཉིད་དང་མཐུན་བཞིན་སྤྱོད། །གསལ་ལ་དག་པས་གོ་རྣམས་དབྱེ། །དམ་པའི་ནང་ན་བདེར་འདུག་ཚེ། །ཀུན་གྱི་ཚིག་ལམ་ལ་མི་འབྱུང་། །གང་དག་བཟང་དང་ངན་སྤྱོད་ལ། །འཐིང་སླད་སྨོད་པ་ཡང་མི་བྱ། །བདག་ལ་བཟང་དང་ངན་བརྗོད་ཅིང་། །ཀུན་མཐོང་ཀུན་བརྗོད་སྒྲོ་སྐུར་དང་། །གང་དག་ཚིག་ལམ་འདྲེན་འདོད་མ། །ཚིག་ལམ་བཅད་ན་བདེ་བ་ཐོབ། །དམ་པའི་ཡུལ་ན་གནས་རྣམས་སུ། །ཁོང་ཁྲོ་ཚིག་རྩུབ་ཁྱལ་མི་སྨྲ། །བག་ཡངས་ཚུལ་གྱིས་བྱ་བ་མིན། །ཚུལ་མེད་ཚུལ་དང་མི་ལྡན་པའ། །ཉམ་ང་མེད་པར་སྨྲ་མི་བྱ། །ཕོད་དང་ལྕགས་དང་གང་མཐོང་དང་། །སྟོང་འཔྱོར་རྗོམ་ལ་སོགས་མི་བྱ། །གཞན་ལ་ཁྱད་གྱིས་གསད་པའི་ཚིག །གང་རིས་གཅད་པར་མི་བྱའོ། །དམ་པའི་གནས་སུ་གྱུར་པ་ལ། །རྗེས་སུ་རིགས་དང་འཆར་པའི་ཡོན། །ནོར་གྱི་དབྱིག་དང་ན་བཟའི་མཆོག །རྩི་མཆོག་ཟས་ལ་སོགས་པ་རྣམས། །དབུལ་དང་གསོལ་བས་མཉེས་པར་བྱ། །དེས་ནི་ནད་དང་དབུལ་ལ་སོགས། །བཀྲེས་དང་ཚ་བའི་སྡུག་བསྔལ་གྱིས། །ནམས་ཀྱང་འདེབས་པར་མི་འགྱུར་རོ། །ཞུ་བ་དབུལ་བ་ནད་པ་དང་། །ལུང་བྱང་འདུན་པར་འདུག་པ་དང་། །དམ་པའི་སྤྱོད་པ་མ་རྟོགས་པ། དམ་པ་དག་དང་གནས་གཅིག་ཏུ། །ཞབས་འབྲིང་མ་རྟོགས་ནམས་ཀྱང་མིན། །འདི་ལྟར་མ་བྱས་ཉེས་བྱས་སོ། །སྐུ་ཡི་གྲིབ་མ་མི་འགོམ་ཞིང་། །ཞབས་རྗེས་བརླམ་པར་མི་བྱའོ། །ན་བཟའ་ཆགས་གདན་རྟེན་ལ་སོགས། །ནམས་ཀྱང་འགོམས་པར་བྱ་བ་མིན། །དམ་པའི་ལུང་བྱུང་མིང་གིས་བསྒྲུབ། །མིང་ལྕོགས་མ་ཡིན་མ་ལྕོགས་ནམ། །སྒྱུ་སོགས་མེད་པ་གནས་དོར་རོ། །དམ་པའི་དཀོར་རྣམས་སྲོག་བཞིན་བསྲུང་། །དེ་ཡི་ཉེ་གནས་དམ་པ་བཞིན། །དེ་ཡི་འཁོར་གཡོག་ཉེ་དུ་བཞིན། །རྟག་ཏུ་མཉམ་པའི་སེམས་ཀྱིས་བལྟ། ཁྲི་མལ་སྟན་བདེ་བླ་མའི་ཐབས། །མི་གུས་ལ་སོགས་མི་ཚུལ་རྣམས། །དམ་པའི་ཐད་དུ་ཡོང་མི་མཛེས། །བྱས་ན་སྲི་ཞུ་དམ་ཚིགས་ཉམས།མགོ་ལ་ཟེར་ལྡིར་གདུགས་ཐོགས་དང་། ལག་རྟེན་ལུས་བརྟེན་དེ་བཞིན་སྟོང་། །གང་འདིར་མ་རབ་ཐོར་བུའི་ཐབས། །སྣང་བའི་ཡུལ་ནས་བྱ་མ་ཡིན། །དམངས་རིགས་གདོལ་པ་གཡུང་མོའི་ཚུལ། །དམ་པའི་གཟིགས་ཡུལ་ནམས་ཀྱང་མིན། །ཁུ་ལྗོ་སྨྱོན་པ་ཀུན་ཏུ་རྒྱུའི། སྤྱོད་པ་དམ་པའི་ཡུལ་དུ་མིན། །སྣང་བའི་ལུང་ལ་གང་འབྱུང་སྤྱོད། །ཇི་ལྟར་སྤྱོད་བྱུང་སྤྱོད་པ་བྱུང་། །འཇལ་དལ་ཐོས་འཕྲིགས་དོགས་བཞིན་སྤྱད། །དམ་པའི་སྤྱོད་པའི་སྣང་ཡུལ་ནས། །བག་མེད་ཆེ་བའི་ཐབས་མི་བྱ། །བསྒྲུབས་ནས་མཛེས་པའི་ཚུལ་བཟུང་སྟེ། །བག་དང་ལྡན་པས་གནས་པར་བྱ ། །ལུས་ཀྱི་དོར་བ་གང་དག་ཀུན། །མཐོང་ཚོར་ཡུལ་ནས་ཡོང་མི་བྱ་།་ ་།་སྣང་བ་ལུས་ཀྱི་བྱ་བྱེད་རྣམས། །བློ་གྲོས་ལྡན་པས་བྱ་བ་མིན། །འདུས་ནས་འདུ་གང་བྱེད་སྤྱོད་རྣམས། །དམ་པའི་འདུན་སར་རིགས་མ་ཡིན། །འཕྱོ་གཡེང་བརྐམ་དང་མ་ཞི་བའི། །སྤྱོད་ཚུལ་ཡུལ་ནས་མི་བྱའོ།ཁམས་ལས་བྱུང་བའི་ལུས་སྤྱོད་རྣམས། །བསྒྲིབས་སམ་ཕང་གམ་བསྐྱོར་བཀབ་ནས། །ཐམས་ཅད་བདེ་བསྒྱུང་འཇམ་བྱས་ཏེ། །དམ་པ་དེ་ལ་ཅི་མཛེས་བྱ། །དམ་པ་གདན་བསྐྱོད་གང་ཕྱོགས་ནས། །བདག་ནས་བསྒྲིམས་ཏེ་སྲི་ཞུ་བྱ། །བསྐྱོད་བཅག་བརྫི་སད་གདན་ཐབས་སྦྱར། །མ་ལྡན་ཉིད་ལས་ཅི་བདེར་སྦྱར། །སྔོན་རྩོལ་ལུང་འབྱུང་སྲི་ཞུ་བསྡུ། །དེ་རྫོགས་ནས་ཀྱང་དེ་བཞིན་ནོ། །བློ་ལྡན་སྦྱོད་ལམ་བཞི་སྤྱོད་ན། །སྲི་ཞུ་གུས་པས་དེ་བཞིན་སྦྱར། །གང་མ་གུས་དང་བཏང་སྙོམས་དག །ནམ་ཡང་བྱ་བ་ཡོང་མ་ཡིན། །སྲི་ཞི་བསྟི་གནས་རིམ་གྲོ་རྣམས། །བྱ་བའི་མདུན་དང་དེ་ཟན་དུ། །སྲི་ཞུ་བཅུག་སྟེ་ཅི་བདེར་འགྲོ། །བདེ་ཤེས་ལ་སོགས་སྲི་ཞུས་ཞུས་། །ཡང་དག་དཀའ་ཐུབ་མདུན་ཉིད་དུ། །གར་སྤྱོད་གར་སྐབས་སྲི་ཞུ་དབུལ། །མཚན་ནས་ནམ་ཡང་མི་བརྗོད་ཅིང་། །དམ་པ་བླ་མ་བཤེས་གཉེན་ཞེས། །བརྗོད་པའི་ཐ་མར་ཞུས་སྒྲ་གཞུག །ཁྱད་པར་ཅིར་ཡང་དབྱེ་བར་བྱ། །ལུང་བྱུང་བཀའ་བཞིན་ཞུས་ཞེས་བརྗོད། །ཐལ་སྦྱར་གསུང་པ་གཟུང་བར་བྱ། །དམ་པའི་ལུང་ཡུལ་བྱུང་རྗེས་འབྲང་། །དེ་ཀུན་སྲི་ཞུསླ་མཚོན་པ་ཡིན། །མཛེས་པའི་ཚུལ་བཟུང་གུས་འདུན་ནས། །སྤོབས་པ་ནོད་པ་གསུམ་དུ་ཞུ། །གྱོང་ཁེངས་མེད་པའི་གཉེན་ལྕུག་གིས། །ཞབས་འབྲིང་དགོངས་པ་ཐམས་ཅད་བྱ། །དགེ་སློང་སར་པའི་སྤྱོད་པ་ཡིས། །བསྒེགས་པ་ལ་སོགས་བྱ་བྱེད་འབྲང་། །རྒྱན་དང་མཚོན་ཐོགས་སྤང་པར་བྱ། །བློ་གྲོས་གུས་པ་དེ་ཉིད་ཀྱང་། །ཉིད་ཀྱིས་ཉིད་ལ་དཔྱས་བཅུག་སྟེ། །གཞན་གྱི་དཔྱ་བའི་གཞི་རྣམས་སྤངས། །ཀུན་དུ་མཐུན་པར་བཟང་བརྗོད་པའི། །སྐྱེས་བུ་གང་ཡིན་དེ་ལྟར་བྱ། །ཀུན་གྱིས་མཐུན་པར་མ་བསྔགས་པའི། །ཐ་ཤེལ་གང་ཡིན་དེ་སྤྱོད་སྤང་། །དཀྱིལ་འཁོར་ལ་སོགས་སྦྱིན་སྲེག་དང་། །སློབ་མ་གཟུང་དང་ཆོས་སྨྲ་བ། །ལུང་མ་བྱུང་བར་མི་བརྩམ་སྟེ །དམ་པའི་ཡུལ་ནས་དེ་མི་རིགས། །གལ་ཏེ་གཞན་གྱི་དོན་བྱས་ན། །དེ་ཡི་ཡོ་བྱད་མི་སྤྱད་ཏེ། །དེ་ཀུན་དམ་པ་དེ་ལ་དབུལ། །དམ་པས་ཅི་བླངས་ལྷག་མ་བླང་། །དམ་པའི་སློབ་མ་སློབ་མར་ཡང་། །དམ་པའི་མདུན་དུ་མི་རིགས་སོ།བཀུརང་བསྟི་སྲི་ཞུ་ལ་སོགས་མིན། །གང་ཡིན་དམ་པ་དེ་ཉིད་མངའ། །སྙིང་རྗེས་དམ་པས་ཅི་གནང་བ། །སྲི་ཞུ་མདུན་བསུ་ལམ་གཉིས་ཀྱིས། །བློ་དང་ལྡན་པས་བླང་བར་བྱ། །རྨུགས་མེད་དྲན་གསལ་རབ་བསྒྲིབས་ནས། །རང་གི་སྤྱོད་ལམ་འདའ་མི་བྱ། །བློ་གྲོས་ལྡན་པའི་ཉི་མ་དེས། །དམ་པ་ལྷ་ལྟར་མཆོད་བྱའི་ཕྱིར། །མཉེས་པར་བྱ་བའི་ཡོ་བྱད་བརྒྱད། །དམ་པ་དེ་ལ་རྫོགས་པར་དབུལ། །སྐྱོ་དུབ་མེད་པའི་དད་པ་དང་། །གྱོང་ཁེངས་མེད་པའི་མཉེན་ལྕུག་དང་། །སེར་སྣ་མེད་པའི་ཟང་ཟིང་དང་། །སོམ་ཉི་མེད་པའི་སྲི་ཞུ་དང་། །གཡོ་སྒྱུ་མེད་པའི་དྲང་དཀན་དང་། ཁ་གསག་མེད་པའི་རང་རྒྱུད་དང་། །རྨོངས་པ་མེད་པའི་ཤེས་རབ་དང་། །དྲི་མ་མེད་པའི་ལྷག་སེམས་བརྒྱད། །དམ་པ་དེ་ལ་རྫོགས་པར་དབུལ། །དམ་པས་བསྒོ་བ་བསླབ་པའི་མཐའ། །ཆུབ་པར་རྫོགས་པས་རྒྱུད་དགྲོལ་ཏེ། ཁྲེས་བྱ་ཀུན་ལ་ཐོགས་མེད་འགྲོ། །རང་རྒྱུད་མདུད་པ་བགྲོལ་བ་ཡི་།་ ་།་ཤེས་རབ་མཁའ་ལ་བྱ་བཞིན་རྒྱུ། །མཐར་ཆིབ་རྒྱུད་དགྲོལ་ཡུལ་སྤངས་ཏེ། །རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་པའི། །ནོར་མཆོག་དམ་པ་དེ་ལ་དབུལ། །རང་གི་ལུས་ཀྱང་ཅི་རིགས་པར། །རིན་ཐང་གང་ཡིན་ནོར་གྱིས་བསླུ། །དེ་ནས་ཇི་བཞིན་གར་བདེ་བར། །རྣལ་འབྱོར་ཡང་དག་འཇོག་ལ་ཞུགས། །སྔོན་གྱི་དམ་པ་དམ་པ་རྣམས། །བདེ་བར་གཤེགས་པའི་རྗེས་སུ་འགྲོ། །སྔོན་གྱི་དམ་པ་བདེར་གཤེགས་རྣམས། །དེད་དཔོན་དམ་པ་མཉེས་བྱས་ནས། །ཀུན་སྤངས་དགོན་པའི་མཐར་གཤེགས་པས། །ཉིད་ལས་དམ་པ་མཉེས་པར་འགྱུར། །དེས་ན་དེད་དཔོན་དམ་པ་དང་།ནམ་དུའང་འབྲལ་བ་མ་ཡིན་ཏེ། །ཇི་ལྟར་ལུས་དང་གྲིབ་མ་བཞིན། །བློ་གྲོས་དྲིས་ན་དམ་པར་འགྱུར། །ཇི་ལྟར་ཅང་ཤེས་གྱི་ལིང་དག །སྡོམ་བྱེད་སྒྲོག་གིས་བཅིངས་འགྱུར་བ། །བཀྲོལ་བྱས་བདེ་བླག་བྱུང་འགྱུར་ན།ཅི་ལའང་ཐོགས་མེད་འགྲོ་བ་ལྟར། །སེམས་ཀྱི་ཅང་ཤེས་དབང་པོ་འདི། །མི་ཤེས་བཅིང་བས་བཅིངས་འགྱུར་བ། །དམ་པས་རྣམ་གྲོལ་སྒོ་ཕྱེ་བས། ཁྲེས་རྒྱུད་ཀུན་འགྲོལ་ཐོགས་མེད་འགྲོ། །འདི་ནི་མི་ཤེས་རྒྱུད་འགྲོ་བའི། །མདུད་པའི་བཅིངས་བ་འགྲོལ་བ་སྟེ། །རྒྱུད་རྣམས་གྲོལ་བའི་བསླབ་པ་སྲ །གོམས་པར་བྱ་བ་རབ་ཏུ་གཅེས། །ལང་ཀའི་བདག་པོ་དེ་དག་ནི་རྒྱུད་ཡོངས་སུ་དགྲོལ་བའི་བསླབ་པའི་མཐའ་ཡོངས་སུ་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས་དམན་པའི་ལུས་ཀྱི་སེམས་དཔའ་རྣམས་དཔག་ཏུ་མེད་པའི་སངས་རྒྱས་རྣམས་སློབ་དཔོན་དམ་པ་བསྒྲུན་པར་ཤེས་པར་གྱུར་ཏོ། །སངས་རྒྱས་ཀུན་གི་དགོངས་པ་འགུས་པའི་མདོ་ཆེན་པོ་ལས་བསྙེན་བཀུར་དམ་པ་མཆོག་གི་ལེའུ་སྟེ་དྲུག་ཅུ་བདུན་པའོ།། །།དེ་ནས་ཡང་གསང་བ་པའི་བདག་པོ་དམ་པའི་ལུས་ཀྱི་བྱང་ཆུབ་སེམས་དཔའ་རྣམས་ལ་སྨྲས་པ། ཀྱེ་གྲོགས་པོ་དག་སྒོ་དབྱེ་བར་བྱ་བ་ནི་འདི་ལྟ་སྟེ། ཇི་བཞིན་པ་ཡི་དེ་ཁོ་ན། །ཉིད་དུ་ངེས་པའི་ངོ་བོ་ལ། །རིག་དང་མ་རིག་རྣམ་པ་ཡིས། །ཀུན་ཤེས་སྤྱོད་དང་ཀུན་དུ་རྨོངས། །རྣམ་པ་གཉིས་སུ་སྣང་བ་ལ། །ཐ་དད་དུ་མ་མང་པོར་འགྱུར། །རྨོངས་པ་རྣམ་པ་གཉིས་སྣང་བ། །མི་ཤེས་པ་དང་ལོག་པར་ཤེས། །མི་ཤེས་རྒྱལ་བ་རྒྱང་ཕན་གཉིས། །ལོག་རྟོག་མུར་ཐུགས་མུ་སྟེགས་པ། །དེ་ཡང་ཞེན་ཆགས་ལོག་སྲེད་ཅན། །འཇིག་རྟེན་འཇིག་རྟེན་པ་ཞེས་བྱ། །མུ་སྟེགས་ལོག་དང་གཞན་རྐྱེན་ལོག །ཞར་ལས་འབྱུང་བ་ཞེས་ཀྱང་བཤད། །མི་ཤེས་འདི་གཉིས་གཞིར་སྣང་བ། །དམན་རིགས་དང་ནི་རིགས་མ་ངེས། །རིགས་ཆད་འདུ་ཤེས་ཅན་འདུ་དགཀུན་ནས་བཀྲིས་པའི་མུན་པ་ཡིན། །འདུ་ཤེས་ཅན་བཞི་ཆགས་པ་དང་། །གང་ལ་གཡེང་དང་ཡ་ང་ཅན། །མོས་པ་ཅན་ཞེས་གྲགས་པ་རྣམས། །ས་བོན་འཛིན་པའི་ཞིང་དུ་སྣང་། །ལོག་པར་རྟོག་འདི་ཡ་མཚན་ཅན། །བརྒྱ་ཕྲག་གསུམ་དང་དྲུག་ཅུ་གཉིས་། །ཉིར་ཤུའམ་བཅུ་སྟེ་ལྔ་གཉིས་དང་། །ཐ་དད་རྣམ་པ་དུ་མར་སྣང་། །ཡོ་བྱད་མེད་པའི་ཕྱོགས་འཛིན་ལས། །འཇིག་པའི་ཚོགས་དང་མཐར་འཛིན་དང་། །ལོག་པར་འཛིན་དང་ལྟ་ཁྱད་དང་། །རང་གི་བརྟུལ་ཞུགས་མཆོག་འཛིན་ཏེ། །རིགས་མི་མཐུན་པ་སྡེ་ལྔར་གྲགས། །རང་བཞིན་ལོག་པས་ལོག་པ་ཉིད། །གཞན་རྐྱེན་ལོག་པ་ཕྲ་མེད་སྤྱོད། །ལུང་ལ་བརྟེན་དང་རྟགས་ཙམ་འཛིན། །བཅོས་མར་སྤྱོད་དང་མུ་ཅོར་སྨྲ། །ལུང་གི་ཕྱོགས་ཙམ་བརྟེན་པ་དང་། །ཕྱོགས་ལོག་གོལ་དང་བསླང་བས་འཚལ། །ཕྱོགས་ལྟོས་གཅོས་པ་རྣམ་བཞིར་གྲགས། །བཅོས་མ་གཞན་ལས་གྱུར་པ་དང་། འདི་ལས་གྱུར་པ་གཉིས་ཁོ་ན། །གནས་དང་འཁོར་དང་ཡོ་བྱད་ནོར། །ལོངས་སྦྱོད་ལྔ་ལྡན་གཞན་ལས་གྱུར། །དྲན་པ་རྟག་ལྟ་ལྟོས་འཛིན་རྒྱུ། །མེད་པའི་མཐའ་དང་མཐའ་མེད་ཤེས། །ཀུན་ནས་རྣམ་པར་མི་གཡེང་ལྟ། །གོང་དུ་ཤེས་པ་ཡོད་སྨྲལྟ། །དེབཞིནམེདཔརལྟབ་དང་། །འདི་གང་འདི་ལས་གྱུར་ལྟ་བ་། །གང་དུ་ཡོད་མིན་མེད་མིན་ལྟ། །བདག་ཤི་འདི་ཚེ་མྱ་ངན་འདས། །གང་འདིར་ཕྱོགས་ཙམ་བརྟེན་པ་ནི། །གང་མ་ཡིན་པ་མ་ཡིན་ཉིད། །ཕྱོགས་ལོག་གོལ་བར་གང་གྱུར་པ། །དྲུག་སྟེ་སོ་སོ་ཐ་དད་དང་། སྤྱིར་ལྟ་གང་རིག་སྐྱོན་མེད་པའོ། །རྒྱུར་ལྟ་བྱམས་པས་དག་པར་ལྟ། །འཚོ་བ་བཅོས་པས་དག་ལྟ་དང་། །རྒྱན་ལ་ལྷམ་དང་གོས་བཅོས་པ་།་ ་།་སྐྲ་སྐྲུངས་བཅས་དང་རྒྱན་ཅན་དང་། །དཀའ་ཐུབ་སྟེན་པ་དྲུག་པའོ། །བསླད་པས་འཆལ་པ་གང་འདི་ལ། །བརྟེན་པས་བདག་ལྟ་རྟེན་རྟོག་དང་། །རྟེན་ཆགས་བྱིན་ཆགས་བཀྲ་ཤིས་མཚན། །སྐྱབས་ལོག་ཡོངས་སུ་འཆལ་བའོ། །ཕྱོགས་ལྟོས་གཅོད་རྦ་གང་ཞེ་ན། །ཕྱི་རོལ་པ་དང་ཡང་དག་པ། །གསང་སྔགས་པ་དང་གསང་ཆེན་པའོ། །གང་འདིར་ཕྱི་རོལ་རྣམ་པ་གསུམ། །བྱེ་བྲག་པ་དང་ཐ་སྙད་པ། །རང་སང་གཅིག་ཕྱོགས་གཅོད་པའོ། །ཡང་དག་ཕྲ་དང་ཟབ་པ་དང་། །རྒྱ་ཆེར་ཡངས་པ་དེ་ཁོ་ན། །གསང་སྔགས་རིག་བྱེད་རིག་སྦྱོད་པ། །རིགས་སྦྱོར་དམ་པར་ཕྱོགས་ལྟོས་གཅོད། །གསང་ཆེན་བརྟུལ་ཞུགས་ཆེར་སྤྱོད་དང་། །རྒྱལ་དབོག་པ་དང་རྒྱལ་ཐབས་པའོ། །ཞར་ལས་བྱུང་བ་གང་འདི་དག །མཐའ་ཡས་སྡེ་བཅུར་རྫོགས་པ་སྟེ། །གང་མུ་ཟིན་པ་དེ་རྟགས་འཛིན། །སངས་རྒྱས་ཀུན་གྱི་ཉེ་གནས་སོ། །ལང་ཀའི་བདག་པོ་གཞན་ཡང་གང་། །ཞལ་ནས་བྱུང་བ་ཇི་ལྟ་བ། །འཇིག་རྟེན་སྒྲོན་མ་ནུབ་རྗེས་ན། །གང་དག་མོས་པ་ཐ་དད་པས། །ཞར་ལས་བྱུང་བའངདེབཞིནནོ། །ཀུནཤེས་སྤྱོད་པའང་རྣམ་པ་གཉིས། །རིམ་གྱིས་པ་དང་གཅིག་པའོ། །རིམ་གྱིས་འཇུག་པ་རྣམ་གསུམ་དུ། །ཕྱིན་ཅི་མ་ལོག་པ་ཉིད་དང་། བསྒྲུབ་སྤྱོད་མངོན་རྟོགས་གསུམ་ཉིད་དོ། །འདི་ཡང་ཁྱད་པར་རྣམ་གཉིས་ཀྱིས། །གསུམ་གསུམ་གཉིས་སུ་དམ་པ་ཡིས། །གསུང་བ་ཁྱོད་ཅི་མི་ཤེས་སམ། །དེས་ན་ཆེ་ཆུང་གཉིས་གསུམ་དྲུག །སྒྲུབ་པ་ཟབ་པ་ཕྲ་བ་གཉིས། །བློཆེ་ཟབ་པ་དམན་པ་ཉིད། །སྤྱོད་པ་རླབས་ཆེན་ཆ་ཤས་ཅན །རྒྱ་ཆེ་བ་དང་མཚན་མར་སྤྱོད། །དེ་ནི་གསང་ཆེན་གསང་བར་བཤད། །མངོན་རྟོགས་རྣམ་གཉིས་ཕྱི་ནང་འཇུག །མི་མཐུན་ཕྱོགས་ཀྱི་གལ་བཟུང་ནས། །ཆ་གཉིས་སོ་སོར་འདོད་པ་འབྱུང་། །ཕྱི་རོལ་བྱེ་བྲག་ཐ་སྙད་གཉིས། །ཆ་གཉིས་གཅིག་ལས་རྩོད་པ་འབྱུང་། །ནད་འཇུག་སེམས་སྣང་དབུས་མཐའ་མེད། །ཕྱི་ནང་སྣྲེལ་ཞིང་ཕྱོགས་འཛིན་ཅིང་། །གང་འདིར་ངེས་པར་གཅོད་པ་འབྱུང་། །མཐའ་དབུས་འབྱེད་དང་ངེས་པར་འཇུག །གཏན་ལ་འབེབས་པ་དེ་བཞིན་འབྱུང་། །རང་དང་ལྟ་བའི་ཕྱོགས་འཛིན་ཅིང་། །བརྩོད་པས་ཐེ་ཚོམ་འབྱུང་བ་དང་། །དབུས་མཐའ་འབྱེད་དང་ངེས་པ་འཇུག །གཏན་ལ་འབེབས་པ་དེ་བཞིན་འབྱུང་། །ཅི་ཅར་འཇུག་པའི་རྣལ་འབྱོར་པ། །བྱ་དང་བྱ་ཐབས་བྱ་མེད་པ། །སྐྱེས་དང་མ་སྐྱེས་སྐྱེ་འགག་མེད། །འདི་ཀུན་མ་འདྲེས་ཡོངས་སུ་རྫོགས། །མ་འདྲེས་མཁའ་ལ་གཟའ་སྐར་བཀྲམ། །ཡོངས་སུ་རྫོགས་པ་མཁའ་ཁྱབ་བདལ། །འཇའ་སྣང་མཁའ་ལྟར་མ་འདྲེས་གཅིག །རྨོངས་རིམ་ཅིག་ཅར་འཇུག་སྤྱོད་པ། །འདོད་པའི་ཡུལ་ལ་ཞེན་སྤོང་དང་། །སྒྲོད་སྒྱུར་ཤེས་རྟོགས་སྤྱོད་དབང་བྱེད། ཁྲེས་པ་འཇིག་རྟེན་རྟོག་འཕགས་པ། །སྤྱོད་པ་བློ་ལྡན་དབང་སྒྱུར་ཐབས། །གང་འདིའི་སྣོད་ཀྱང་བཞིར་གཟིགས་ཏེ། །ཞེན་ཆགས་ལོག་སྲེད་རིགས་རྒྱུད་ཅན། །བློ་གྲོས་ཅན་གྱི་སྣོད་རྣམས་ལ། །བསྟན་བྱ་རྣམ་པ་བཞིར་གསུངས་པ། །འདོད་རྐྱེན་བཀྲི་དྲུང་བརྒྱུད་པའི་ཚིག །ལྡེམ་དགོངས་དོན་དམ་ངེས་པ་བཞིན། །སྣོད་ཀྱི་རྐྱེན་དང་སྦྱར་བ་ཡིན། །འདི་ཀུན་ཤེས་བྱའི་གཞི་གཅིག་ལ། །འདོད་པས་མཐོང་བ་ཐ་དད་པའོ། །འདི་ལྟར་མཐོང་སྒོ་ཐ་དད་བཞིན། །རྣམ་པར་སྣང་འབྱུང་བཀོད་པ་ལ། །གང་གིས་ཀུན་ལ་ཞུགས་བལྟས་ནས། །གཅིག་ཏུ་འབེབས་པ་དམ་པའོ། །ཇི་ལྟར་བུང་བ་ཁུང་ཚོལ་བ། །ཀུན་ཏུ་འཇུག་ཅིང་བྱུང་ནས་ནི། །རང་གི་གསེར་ཁུང་གང་ཡིན་པར། །ངེས་པར་འཇུག་ཅིང་གནས་པ་ལྟར། །རྣལ་འབྱོར་དོན་གྱི་རྗེས་ཚོལ་བ། །སྤྱོད་སྒོ་ཅི་ཡོད་བསྟུན་ཏེ་བསྡུ། །ལྟ་སྒྲོར་འཇུག་ཅིང་བརྟགས་བསྡུར་ནས། །དོན་དམ་ངེས་པའི་གསང་ཉིད་ལའོ། །དེ་ཉིད་དོན་གྱི་རྗེས་གཅད་ཕྱིར། །སྒོ་མོ་ཀུན་ནས་བསྡུར་བ་ཡི། །བསླབ་པར་བྱ་བའི་ཐབས་ཡིན་ཏེ། །གོམས་པར་བྱ་བ་རབ་ཏུ་གཅེས། །ལང་ཀའི་བདག་པོ་དེ་དག་ནི་ཕྱིས་འབྱུང་བ་སྣང་བའི་ཡོངས་སུ་དབྱེ་བ་ཡིན་ཏེ། །ཀུན་ནས་བསྡུར་བར་བསླབ་པའི་མཐའ་ཡོངས་སུ་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས། །དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ཀྱི་སྒོ་རང་སྣང་བར་ཤེས་པར་གྱུར་ཏོ། །སངས་རྒྱས་ཀུན་གྱི་དགོས་པ་འདུས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་སྒོ་རབ་ཏུ་དབྱེ་བའི་ལེའུ་ཞེས་བྱ་སྟེ་དྲུག་ཅུ་བརྒྱད་པའོ།། །།དེ་ནས་ཡང་གསང་བ་པའི་བདག་པོས་དམན་པའི་ལུས་ཀྱི་སེམས་དཔའ་རྣམས་ལ་སྨྲས་པ། ཀྱེ་གྲོགས་པོ་དག་མཐར་ཕྱིན་པར་བྱ་བ་ནི་གང་ཞེ་ན། །འདི་ལྟ་སྟེ། བསམ་གྱིས་མི་ཁྱབ་པའི་རྣམ་པ་ནི་བསམ་དུ་མེད་པ་མཐར་ཕྱིན་པར་བྱའོ། །བསམ་དུ་མེད་པ་ནི་སེམས་ཀྱི་དེ་ཁོ་ན་ཉིད་དུ་མཐར་ཕྱིན་པར་བྱའོ། །སེམས་ཀྱི་དེ་ཁོ་ན་ཉིད་ནི་དགོངས་པ་དམ་པ་འདུས་པའི་དེ་ཁོ་ན་ཉིད་དུ་མཐར་ཕྱིན་པར་བྱའོ། །དེ་ཅིའི་ཕྱིར་ཞེ་ན། །དགོངས་པ་དམ་པ་འདུས་པའི་དེ་ཁོ་ན་ཉིད་ལ་མཁས་ན་སེམས་ཀྱི་དེ་ཁོ་ན་ཉིད་ལ་མཁས་པར་འགྱུར་རོ། །སེམས་ཀྱི་དེ་ཁོ་ན་ཉིད་ལ་མཁས་ན་བསམ་དུ་མེད་པའི་མཁས་པར་འགྱུར་རོ། །བསམ་དུ་མེད་པ་ལ་མཁས་ན་བསམ་གྱིས་མི་ཁྱབ་པའི་རྣམ་པ་ལ་མཁས་པར་འགྱུར་རོ། །བསམ་གྱིས་མི་ཁྱབ་པ་ལ་མཁས་ན་རྣམ་པ་ཐམས་ཅད་མཁྱེན་པ་ཡིན་ཏེ། དེ་ནི་དགོངས་པ་ཀུན་ནས་འདུས་པ་ཉིད་དུ་ཤེས་པར་བྱའོ། །གྲོགས་པོ་དག་དེ་བས་ན་བསམ་གྱིས་མི་ཁྱབ་པའི་ཆོས་ཐམས་ཅད་ཀྱི་རྣམ་པ་ནི་རྣལ་འབྱོར་པ་རྣམ་པ་གསུམ་གྱིས་ཡོངས་སུ་འགྲེལ་པ་སྟེ། གསུམ་གང་ཞེ་ན། བྱ་བའི་རྣལ་འབྱོར་དང་། །བྱ་བ་བྱེད་པའི་རྣལ་འབྱོར་དང་། བྱ་བ་མེད་པའི་རྣལ་འབྱོར་རོ། །གྲོགས་པོ་དག་བྱ་བའི་རྣལ་འབྱོར་ཡང་གསུམ་དུ་ཤེས་པར་བྱ་སྟེ། གསུམ་གང་ཞེ་ན། ཕྱིའི་རྣལ་འབྱོར་དང་། ནང་གི་རྣལ་འབྱོར་དང་། ཕྱི་ནང་གི་རྣལ་འབྱོར་རོ། །གྲོགས་པོ་དག་དེ་ལ་ཕྱིའི་རྣལ་འབྱོར་གང་ཞེ་ན། འདི་ལྟ་སྟེ། ས་རྡོ་རྗེས་ཞེས་བྱ་བའི་རྣལ་འབྱོར་ཆེན་པོ་དང་། དེ་བཞིན་དུ་ཆུ་རྡོ་རྗེ་དང་། མེ་རྡོ་རྗེ་དང་། རླུད་རྡོ་རྗེ་དང་། ནམ་མཁའ་རྡོ་རྗེ་དང་། གཟུགས་རྡོ་རྗེ་དང་། སྒྲ་དང་། དྲི་དང་། རོ་དང་། རེག་དང་། ཆོས་རྡོ་རྗེ་ཞེས་བྱ་བའི་རྣལ་འབྱོར་ཆེན་པོ་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་ནང་གི་རྣལ་འབྱོར་ནི་འདི་ལྟ་སྟེ། སེམས་རྡོ་རྗེ་ཞེས་བྱ་བའི་རྣལ་འབྱོར་ཆེན་པོ་དང་། དེ་བཞིན་དུ་རྟོག་པ་དང་། དཔྱོད་པ་ལ་སོགས་པ་གང་ཟིན་པའི་རྡོ་རྗེ་ཞེས་བྱ་བའི་རྣལ་འབྱོར་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་ཕྱི་ནང་གི་རྣལ་འབྱོར་གང་ཞེ་ན། །འདི་ལྟ་སྟེ། ཐམས་ཅད་དང་། དཀར་པོ་དང་། ནག་པོ་དང་། ངེས་པ་དང་། མ་ངེས་པ་དང་། དམན་པ་དང་། དམ་པ་དང་། འབྱུང་བ་དང་། མི་འབྱུང་བ་དང་། བྱས་པ་དང་། མ་བྱས་པ་དང་། བཅས་པ་དང་། མ་བཅས་པ་དང་། སྤྱི་མཐུན་དང་། ཁྱད་པར་གྱི་རྣམ་པ་རྣམས་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་དེ་དག་ནི་བྱ་བའི་རྣལ་འབྱོར་དུ་ཤེས་པར་བྱའོ། །བྱ་བ་བྱེད་པའི་རྣལ་འབྱོར་གང་ཞེ་ན། །འདི་ལྟ་སྟེ། རྟེན་པ་དང་། སྤྱོད་པ་དང་། མིག་དང་། ཁྱད་པར་དང་། མི་འགྱུར་བ་དང་། རྩལ་གྱིས་གནོན་པ་དང་། ཀུན་ནས་རིག་པའོ། །གྲོགས་པོ་དག་དེ་དག་ཀྱང་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་གཞན་ཡང་འདི་ལྟ་སྟེ། སྦྱོར་བ་དང་། མི་གནས་པ་དང་བསྐྱོད་པ་དང་། བསྒྱུར་བ་དང་། རྩལ་བ་དང་། འབྱུང་བ་དང། འཇུག་པ་དང་། སྒོ་དང་། ཤེས་པ་དང་། གནས་དང་། རིག་པ་དང་། ལམ་དང་། འཇུག་པ་དང་། ཡེ་ཤེས་དང་། ཁྱབ་པའི་རྣམ་པ་དེ་དག་ཀྱང་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པ་ཡིན་པའོ། །གཞན་ཡང་མཐོང་བ་དང་། མ་ཡེངས་པ་དང་། དོན་དང་། ཚིག་དང་། སྔགས་དང་། ཡི་གེའི་སྒོ་རྣམ་པ་དེ་དག་ཀྱང་དགོངས་པ་དམ་པ་དེ་ཁོ་ན་ཉིད་དུ་མཐར་ཕྱིན་ཅིང་ཕུལ་དུ་གྱུར་པའོ། །གྲོགས་པོ་དག་དེ་དག་ནི་བྱ་བ་བྱེད་པའི་རྣལ་འབྱོར་དུ་ཤེས་པར་བྱའོ། །ཀྱེ་གྲོགས་པོ་དག་བྱ་བ་མེད་པའི་རྣལ་འབྱོར་གང་ཞེ་ན། འདི་ལྟ་སྟེ། ས་དང་། བསླབ་པ་དང་།སྦྱོར་བ་དང་། རྟོག་པ་དང་། ལྟུང་བ་དང་། མ་ནོར་བ་དང་། ངེས་པ་དང་། དགོངས་པ་དང་། ཡེ་ཤེསདང། ཚོགསདང། བསྒྲུབ་པ་དང་། དངོས་གྲུབ་དང་། ཏིང་ངེ་འཛིན་དང་། ཆེནཔོདང། ཡེཤེས་དང་། བྱུང་ཚུལ་དང་། ཆེ་བ་དང་། རོལ་པ་དང་། རྗོམ་པ་དང་། བརྗིད་པ་དང་། མཐུ་དང་། ཆོ་འཕྲུལ་དང་། ཡོངས་སུ་རྫོགས་པའི་རྣམ་པ་དག་དགོངས་པ་དམ་པ་དེ་ཁོ་ན་ཉིད་མཐར་ཕྱིན་ཅིང་ཕུལ་དུ་གྱུར་པར་བྱའོ། །དེ་ཡང་ཇི་ལྟར་ཞེ་ན། གྲོགས་པོ་དག་འདི་ལྟ་སྟེ། ཇི་ལྟར་མཐོན་རི་རྩེ་དག་ལ། །སྤྱིད་མི་ལུག་པར་བརྩོན་འཛེགས་ན། །མཐོན་སར་སྣང་མཐོང་ཀུན་གསལ་བས། །ཐམས་ཅད་ཀུན་སྣང་ལམ་ལ་མཁས། །དེ་བཞིན་ཤེས་རབ་མཐོན་རི་ལ། །བརྩོན་པ་དམ་པས་ཀུན་བལྟས་ན། །ཀུན་གྱི་ཕུལ་དུ་ཤེས་རབ་ཕྱིན། མཁས་པའི་ཡེ་ཤེས་ཚད་མེད་དོ། །དོན་ལ་མཁས་པར་བྱ་བ་སྟེ། །ཕུལ་དུ་བྱུང་བའི་བསླབ་པ་སྟེ། །དགོངས་པ་དམ་པ་དེ་ཉིད་ལ། །མཁས་པར་བྱ་བར་རབ་ཏུ་གཅེས། །གྲོགས་པོ་དག་དེ་དག་ནི་མཐར་ཕྱིན་པར་བྱ་བ་རབ་ཏུ་ཤེས་པར་བྱའོ། །དེ་སྐད་ཅེས་སྨྲས་པས།།དམན་པའིལུས་སེམས་དཔའ་རྣམས་ཀུན་གྱི་ཕུལ་དུ་གྱུར་པར་དགོངས་པ་དམ་པ་དེ་ཁོ་ན་ཉིད་ལ་བཟོད་པ་ཐོབ་པར་གྱུར་ཏོ།།སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བསམ་གྱིས་མི་ཁྱབ་པར་བསྟན་པའི་ལེའུ་ཞེས་བྱ་སྟེ་དྲུག་ཅུ་དྲུག་པའོ།། །།དེ་ནས་ཡང་གསང་བ་པའི་བདག་པོས་དམ་པ་རྣམས་ལ་སྨྲས་པ། གྲོགས་པོ་དག་ཐམས་ཅད་དུ་འདུ་བར་བྱས་པ་ནི་འདི་ལྟ་སྟེ། བྱ་བ་དང་། རང་བཞིན་དང་། བསྒྱུར་བས་སོ། །གྲོགས་པོ་དག་དེ་ལ་བྱ་བ་ནི་བསྡུ་བའི་བྱ་བས་སོ། །རང་བཞིན་ནི་ཆོས་ཉིད་ཀྱིས་སོ། །བསྒྱུར་བས་འདུལ་བར་བྱ་བ་ནི་འདི་ལྟ་སྟེ། རྒྱུ་དང་། དུས་དང་། ཚད་དང་། གྲགས་པ་དང་། གགས་དང་། རྟགས་དང་ཐོབ་པའོ། །གྲོགས་པོ་དག་དེ་ལ་རྒྱུ་ནི་ཡོ་བྱད་ཆེན་པོ་ལྔ་ཁོ་ནའོ། །དུས་ནི་མཐའ་བཅུ་རྫོགས་པ་དང་། ཉེ་བར་དྲིས་པ་དང་། རིགས་ཅན་འདུ་བ་དང་། གསལ་བ་ཐོབ་པ་དང་། ལས་སུ་རུང་བ་དང་། མཚན་མ་འབྱུང་བ་དང་། མང་པོ་སྔགས་པ་དང་། ཉམས་རྙེད་པ་དང་། བྱ་བ་རྫོགས་པའོ། །གྲོགས་པོ་དག་ཚད་ནི་འདི་ལྟ་སྟེ། དེད་དཔོན་དང་། སྔ་ལྷས་དང་། སྨིན་པའོ། །གྲོག་པོ་དེད་དཔོན་གང་ཞེ་ན། འདི་ལྟ་སྟེ། གོམས་པ་དང་། རིག་པ་དང་། འདུ་བ་དང་། ཐོབ་པ་དང་།རྫོགས་པའོ། །གྲོགས་པོ་དག་སྔ་ལྟས་ནི་འདི་ལྟ་སྟེ། མཐོང་བ་དང་། འབྱོར་བ་དང་། ནུས་པ་དང་ཐོས་པའོ། །གྲོགས་པོ་དག་སྨིན་པ་ནི་འདི་ལྟ་སྟེ། མངོན་སྤྱོད་དང་། མི་བསྐྱོད་པའོ། །གྲོགས་པོ་དག་གྲགས་པ་གང་ཞེ་ན། འདི་ལྟ་སྟེ། གང་ཆུ་བོ་བཞིའི་རྒྱུད་དུ་བྱུང་བ་དང་། གང་དག་ལས་འཕགས་པ་དང་། གང་དང་ལྡན་པ་དང་། གང་ལ་མཁས་པ་དང་། གང་ཐོབ་པ་ཉིད་དོ། །གྲོགས་པོ་དག་གགས་གང་ཞེ་ན། འདི་ལྟ་སྟེ། ཐོབ་པ་དང་། མི་ཆགས་པ་དང་། མི་གོས་པ་དང་། སྲེག་པའོ། །རྟགས་གང་ཞེ་ན་འདི་ལྟ་སྟེ། གྲགས་པ་དང་། འགྱུར་བ་དང་། བཙན་པ་དང་། འབྱུང་བའོ། །གྲོགས་པ་དག་ཐོབ་པ་གང་ཞེ་ན། འདི་ལྷ་སྟེ། བསྐུར་བས་ཐོབ་པ་དང་། རྩལ་གྱིས་ཐོབ་པའོ། །གྲོགས་པོ་དག་དེ་ཡང་འདི་ལྟར་ཐོབ་པར་རིག་པར་བྱ་སྟེ། གང་འདིར་སྙིང་རྗེའི་ཡུལ་རྣམས་ལ། །བྱིན་བརླབས་འབྱུང་བ་གང་ཡང་རུང་། །འདུན་པའི་རྣལ་འབྱོར་པ་དག་ལ། །གླེགས་བམ་བཅུ་གཉིས་སྦྱིན་པར་བྱ། །གང་སྦྱོར་བ་ཡི་རྣལ་འབྱོར་ལ། །ཉི་ཟླ་གཉིས་ནི་སྤྱིན་པར་བྱ། །དབུགས་ཆེན་འབྱིན་པའི་རྣལ་འབྱོར་པས། །རིན་ཆེན་བདུན་ཉིད་ངེས་པར་འཐོབ། །ལུང་ཆེན་ཐོབ་པའི་རྣལ་འབྱོར་པས། །གཡུང་དྲུང་བརྒྱད་དག་ཐོབ་པ་ཡིན། །རྩལ་ཆེན་རྫོགས་པའི་རྣལ་འབྱོར་པས། །རྩལ་བརྩི་ཁྱད་པར་དེ་ཉིད་འཐོབ། །ཀུན་གྱི་བླ་མ་དམ་པས་ནི། རྟོག་སྟོང་འབར་བ་བླ་མེད་འཐོབ། །དགོངས་པ་ཀུན་འདུས་གསང་ཆེན་འདི། །མ་ཐོས་གཟུ་ལུམས་རང་བཤད་པས། །རབ་འབྱམས་བསྟན་པ་ཀུན་བརྩལ་ཡང་། །དམ་པ་མཐོང་བར་མི་འགྱུར་རོ། །ཇི་ལྟར་རྒྱལ་རིགས་རྒྱུད་བྱུང་བ། །མང་པོས་དབང་པོར་དཔོན་བསྟབས་ཏེ། །འཁོར་ལོ་ལ་སོགས་རིན་ཆེན་གྱིས། །ཀུན་ལ་དབང་སྒྱུར་ཐོབ་པ་ལྟར། །དེ་བཞིན་རྣལ་འབྱོར་རྒྱུད་བྱུང་བ། །ཆོས་ཀྱི་རྒྱལ་པོར་དབང་བསྟབས་ཏེ། །རྟོགས་སྟོང་འབར་བ་ལ་སོགས་པས། །ཁྱད་པར་བླ་མ་དམ་པར་འགྲོ། །འདི་ནི་བླ་མའི་ཁྱད་པར་ཏེ། །རྒྱལ་སང་ངེས་པར་འབྱུང་བ་ཡི། །རྩལ་གྱིས་བགྲོད་ཅིང་བསླབ་པའི་ཐབས། །གོམས་པར་བྱ་བ་རབ་ཏུ་གཅེས། །ཀྱེ་གྲོགས་པོ་དག་དེ་དག་ནི་ཐམས་ཅད་འདུ་བར་བྱ་བ་ཡོངས་སུ་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས། དམན་པ་དམ་པ་དག་ལུང་དམ་པ་བསྟན་པའི་དྲོད་ཐོབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའ་མདོ་ཆེན་པོ་ལས་རྣལ་འབྱོར་དམ་པ་ལུང་བསྟན་པའི་ལེའུ་ཞེས་བྱ་སྟེ་བདུན་ཅུ་པའོ།། །།དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་རྣམས་ལ་སྨྲས་པ། ཀྱེ་གྲོགས་པོ་དག་ལ་དོར་བར་བྱ་བ་ནི་འདི་ལྟ་སྟེ། གང་གོ་ཆ་གྱོན་པའི་རྗེས་སུ་མི་ལྡོག་པར་འགྲོ་བ་སྟེ། འདི་ལྟར་ཇི་བཞིན་པའི་རྗེས་སུ་ཇི་སྙེད་པ་འགྲོ་བ། ནམ་མཁའི་རྗེས་སུ་འབྱུང་བ་འགྲོ་བ་བཞིན་སེམས་ཉིད་ཀྱི་རྗེས་སུ་སེམས་ལས་བྱུང་བ་འགྲོ་བ་ཡིན།ཆོས་ཉིད་ཀྱི་རྗེས་སུ་ཆོས་ཐམས་ཅད་འགྲོ་བ་ཡིན། །དེ་བཞིན་དུ་དགོངས་པ་དམ་པའི་རྗེས་སུ་གང་གསུང་བ་དང་། གང་མཛད་པ་ཐམས་ཅད་འགྲོ་བས་ན། དགོངས་པ་ཀུན་ནས་འདུས་པ་ཇི་ལྟར་བཤད་པ་བཞིན་དུ་གང་དུ་སྦྱོད་པ་དེ་ལྟར་རོ། །ཀྱེ་གྲོགས་པོ་དག་དེ་ཡང་འདི་ལྟ་སྟེ། མཉམ་དང་མི་མཉམ་མི་མཉམ་མཉམ། །ཀུན་ནས་མི་མཉམ་ཡོངས་སུ་མཉམ། །གསང་སྔགས་སྤྱོད་པའི་ཁྱད་པ་ཡང་། །གང་དང་དོན་གྱི་མཉམ་པར་སྤྱད། །བྱིན་གྱིས་བརླབས་ཀྱིས་སྤྱོད་པའམ། དབང་སྒྱུར་ཐབས་ཀྱི་སྤྱོད་པ་སྟེ། དཔེར་ན་ནམ་མཁའི་རྒྱལ་པོའམ། །ཇི་ལྟར་མེ་དཔུང་ཆུ་བོ་འདྲ། །དེ་ཡང་དེ་ཡུལ་ཆེ་ཆུང་གིས། །ཁྱད་པར་ཉིད་ཀྱིས་བརླབས་པ་ཡིནརྒྱལ་པོ་དེ་ཡང་ཁྱད་པར་གྱིས། །དབང་སྒྱུར་བྱ་བའི་ཁམས་རྣམས་ལ། །ཆེ་ཆུང་རིམ་པ་ཡོད་པ་བཞིན། །རྣལ་འབྱོར་སྔགས་ཚུལ་དེ་ལྟར་སྣང་། །ཐབས་ཆེན་སྤྱོད་ལ་འཇུག་པ་ཡང་། །བབ་ཚོད་ཐད་དུ་འཇུག་པ་སྟེ། དཔེར་ན་གླང་ཆེན་ཆུར་འཇུག་པ། །རབ་དང་གླང་ཆེན་བབ་མི་ལྟ། །དེ་ཡང་རྩལ་སྤྱིད་དྲག་ཞན་གྱིས། །ལ་ལ་ཐད་དུ་གཅོད་པ་ལ། །ལ་ལ་ཆུ་ཡི་གཞོལ་ཕྱོགས་སོ། །དེ་ལྟར་རྣལ་འབྱོར་སྤྱོད་འཇུག་པ། །འབྲས་བུ་དྲན་ལ་བབ་གཅོད་ཀྱང་། །རྩལ་འཕང་མཐོ་དམན་ཁྱད་པར་གྱིས། །ཇི་ལྷར་ནུས་ཚད་དེ་སྤྱོད་ཕྱིར། །ས་དང་གནས་སྐབས་ཡེ་ཤེས་དང་། །སྒྲིབ་དང་གོལ་ས་རྟོག་པ་དང་། །སྤྱོད་དང་དམ་ཚིག་ཏིང་འཛིན་དང་། །དུས་དང་དངོས་གྲུབ་མཐར་ཕྱིན་དང་། ལྟ་བའི་ཁྱད་པར་གནས་གྱུར་ནས། །ཐམས་ཅད་གཅིག་ལས་མེད་ན་ཡང་། །གྲངས་སམ་དབྱེ་བ་གྲགས་ཕྲག་རྣམས། །སྣོད་ཀྱི་རྩལ་དང་སྦྱངས་ནས་ནི། ཁྱད་པར་ཅི་ཡང་བསྟན་པ་ཡིན། །དེ་ཡང་རྩལ་གྱི་ཁྱད་པར་གྱིས། །དང་པོ་ལས་ཀྱི་ཁྱད་པར་ལས། །སོགས་པའི་རྣལ་འབྱོར་ཆུང་ངུ་རྣམས། །རང་རང་རྩ་བ་བོར་ནས་ནི། །རྩལ་ཆེན་རྫོགས་པའི་རྣལ་འབྱོར་ལ། །སོགས་པའི་རྣལ་འབྱོར་ཆེན་པོའི་ཚུལ། །སྤྱོད་པར་བྱེད་དང་དོན་འདོད་པ། །སྦལ་བུས་མཁའ་ལྡིང་ལས་སྤྱད་ཀྱང་། །བཙལ་བའི་ཡུལ་ནི་ཆད་མ་ཡིན། །ནོར་བུ་ལས་ཀྱི་འཕང་དམས་པ། །རང་སྐལ་འཚོ་བའི་ཚོད་བོར་ནས། །རྒྱལ་པོ་ཐབས་ཀྱིས་འཕང་མཐོ་བའི། །ལོངས་སྤྱོད་ཆེ་ལ་དམིགས་བཅས་ཀྱང་། །དེ་དག་མི་འཐོབ་འཚོ་བྲལ་ཞིང་། །སྐལ་ལྡན་ཅན་གྱི་དོན་འདི་དག །སྐལ་ཞན་དག་གིས་འགྲུབ་པར་དཀའོ། །དེ་ཕྱིར་དགོངས་པ་ཀུན་འདུས་ལ། །གང་འདིར་རྣལ་འབྱོར་དམན་དོན་དུ། །གསོ་དང་སྦྱོང་བའི་སྤྱོད་པ་དག །དམན་པ་དག་དང་མཉམ་པར་གསུངས། །གསོ་དང་བསླང་བའི་རྟོག་པ་འདི། །རྟོག་པ་ཅན་དང་མཐུན་པར་སྤྱད། །གསོ་བ་རྟོག་པ་ཟིན་པའི་ནད། །ལྟ་སྤྱོད་ཉམས་པའི་སྨན་གྱིས་གསོ། །ཤི་བསླང་བ་ཡི་རྟོག་པ་འདི། ཁམས་གསུམ་འཁོར་བའི་ནད་པ་རྣམས། །རྟག་ཆད་མཐར་ཤི་རོ་གླིང་ནས། །གཏི་མུག་བམ་ཆེན་རོ་བླངས་ཏེ། །སྐྱེ་འགག་མེད་པར་བླང་བའི་ཕྱིར། །རོ་ལ་ཡིད་བཞིན་ནོར་བུ་ཡི། །སྔགས་ཀྱིས་བཏབ་སྟེ་གནོན་པར་བྱ། །རོ་ཡི་གཉེན་པོར་བདག་གྱུར་ནས། །རོ་སྔགས་རྒྱུན་མི་འཆད་པར་བཟླས། །རོ་ཡི་གཟི་བྱིན་བྱུང་བ་ན། །བར་ཆད་མེད་པའི་བརྩོན་འགྲུས་བྱ། །རོ་དེ་འགུལ་བར་གྱུར་པ་དང་། གང་གི་འགྱུར་རྩིས་བྱུག་པར་བྱ། །རོ་ཡི་ཡན་ལག་ཀུན་བཅིངས་ནས། །བཟླས་པ་དྲང་པོ་རྒྱུན་མི་གཅད། །གང་དེར་ལངས་པར་གྱུར་པ་དང་། ཆོ་འཕྲུལ་འཇིགས་ཚལ་སྟོན་པར་བྱེད། །བརྟུལ་ཞུགས་ལྡན་པའི་སྐྱེས་བུ་ཡིས། །དེ་ཚེ་རོ་ཡི་ལྕེ་བཅད་བས། །རོ་ལ་བརྡབས་ན་གསེར་དུ་འགྱུར། །དེ་བཞིན་ཇི་ལྟར་འདོད་པ་ཡི། །རྐྱེན་གྱིས་བསྒྱུར་ན་དེ་ལྟར་འགྱུར། །ལྕེ་བཤད་རལ་གྲི་མཚོན་ཆ་དང་། །རོ་ཡི་འགོ་བོ་བཅད་པ་དེས། །ཇི་ལྟར་འདོད་པའི་རྫས་འགྲུབ་སྟེ། །མགོ་ཐོད་གོ་ཆར་བཟུང་ནས་ནི། །ལྕེ་ཡི་རལ་གྲི་མཚོན་ཐོགས་ནས། །ལྷ་མིན་གཡུལ་ཡང་ལྡོག་པར་འགྱུར། །རོ་ལངས་གྲུབ་པའི་རྐང་འགྱོགས་ནི། །དཔག་པའི་ཚད་ལས་འདས་པ་སྟེ། །སྐྱེས་བུ་རྩལ་དང་ལྡན་པ་ཡིས། །ཕྱོགས་བཞིར་བལྟས་ཏེ་དུས་གཅིག་ཏུ། །མདའ་འཕངས་ས་ལ་མ་བབས་པས། །མཐའ་བླངས་སྐད་ཅིག་འཇིག་རྟེན་བསྐོར། །སྐྱེས་བུ་ལག་ཚོད་མ་ཡལ་བར། །དེ་མ་ཐག་ཏུ་གནས་སུ་སླེབས། །ཡུད་ལྟར་ཤིན་ཏུ་མྱུར་བ་འཐོབ། །དེ་ལ་སོགས་པ་མཐའ་ཡས་པ། །རོ་ལ་འདོད་པ་ཐམས་ཅད་འབྱུང་། །རོ་ལ་རོར་བསྒྲུབ་རོ་གྲུབ་ན། །རོ་ཡི་དངོས་པོ་མི་སྣང་བར། །གང་ལྟར་བསྒྲུབས་པ་དེ་སྣང་ཕྱིར། །རོལ་ལ་རྣམ་རྟོག་ག་ལ་ཡོད། རོ་ལ་རོ་ཡི་རང་བཞིན་དག །མེད་པར་ཤེས་པས་ཐག་ཆོད་བཞིན། །སྤྱོད་པས་དེ་ལྟར་མཉམ་སྤྱད་ན། །ལྟ་སྤྱོད་མཉམ་ཞེས་དམ་པས་བཤད། །འདི་ནི་ཤི་བ་སློང་བ་ཡི། །བདུད་རྩི་དམ་པའི་སྤྱོད་པའི་ཞེས། །དགོགས་པ་དམ་པའི་ཀུན་འདུས་གསུངས། །གྲོགས་པོ་དག་དེ་དག་ནི་ཤི་བ་སློང་བའི་རྟོགས་པ་ཡོངས་སུ་སྤྱོད་པར་ཤེས་པར་བྱའོ། །གྲོགས་པོ་དག་དེ་ལ་སྦྱོང་བའི་སྤྱོད་པ་གང་ཞེ་ན། འདི་ལྟ་སྟེ། རྟོགས་པའི་ཟུག་རྔུ་སྦྱང་བ་དང་། རྒྱུད་ཡོངས་སུ་སྦྱང་བའོ། །དེ་ལ་རྟོགས་པའི་ཟུག་རྔུ་སྦྱང་བ་ནི་གང་རྟོགས་པའི་དངོས་པོ་སྦྱོང་བའོ། །གྲོགས་པོ་དག་རྒྱུད་ཡོངས་སུ་སྦྱང་བ་ནི་བཀོད་པ་བྱ་བས་སྦྱང་བ་དང་། མེའི་བྱ་བས་སྦྱང་བའོ། །དེ་ལ་བཀོད་པའི་བྱ་བས་སྦྱང་བ་གང་ཞེ་ན། བརྩམས་པ་ལས་ཀྱི་དང་པོ་དང་། །དམ་པའི་དོན་ལ་འཇུག་པ་ན། །ཐབས་མཆོག་ལྔས་ནི་སྦྱང་བར་བྱ། །རྡོ་རྗེ་དུས་ཚིགས་བསྙེན་པ་དང་། །གང་འདིར་ཉེ་བར་བསྒྲུབ་པ་དང་། སྒྲུབ་པོ་ཆེན་པོས་སྦྱོར་བ་ལ། །གྲགས་དུས་མཚན་མར་བཅས་པར་བྱ། །རྣལ་འབྱོར་བཅད་པའི་བཀའ་སྒོ་འདིར། །གསང་གོ་མི་དབྱེ་སྐྲག་པར་འགྱུར། །ཅི་ཕྱིར་དང་པོ་ཡིན་པས་ན། །བྱིས་པ་བློ་ཤེད་མ་བྱེ་བ། །མ་ངེས་ལྡོག་འཇུག་བཅས་པ་ཡིས། །ཐེག་ཆེན་དོན་ལས་གོ་བར་འགྱུར། །གནས་འདིར་འཇུག་པའི་བྱིས་པ་དག །འཇིག་རྟེན་དྲུག་ལས་དྲངས་ནས་ཀྱང་། །འགྱུར་དབང་མ་ངེས་སར་བཞག་སྟེ། །ཇི་ལྟར་འཚམ་པར་བདེ་ཐབས་སྦྱར། །རྡོ་རྗེ་ཐབས་ཆེན་ཚོམ་བུ་ལྔ། །རྡོ་རྗེ་འཛིན་ཚོགས་བཅུ་དྲུག་ལྡན། །དབྱིངས་ཀྱི་དཀྱིལ་འཁོར་རྡོ་རྗེ་ཅན། །བྲི་བྱ་ཡང་ན་བསམ་པའམ། །བརྗོད་དམ་དངོས་སམ་མཚན་མ་ལ། །འཇིག་རྟེན་དབང་པོ་ཆོས་ལུགས་ཀྱིས། །མོས་པ་ལ་བསྐྱེད་དྲན་བྱས་ཏེ། །རང་བཞིན་ཡུལ་ལས་ཕན་ནས་ནི་།་ ་།་ཕྱག་བྱ་ལ་སོགས་མཆོད་ན་ནི། །རྡོ་རྗེ་དམན་དང་རྩིར་སྦྱར་བ། །ཡོ་བྱད་ཆེན་པོ་ལ་སོགས་པས། །རྡོ་རྗེ་ཐབས་ཀྱི་ཚོགས་ལ་དབུལ། །རྡོ་རྗེ་རྣལ་འབྱོར་གླུ་བླངས་ཏེ། །མཉེས་བྱས་ལས་གྲུབ་གྲངས་རྫོགས་ནས།མཉེས་ནས་རྒྱུད་སྦྱངས་འདོད་པར་བྱ། །སྣོད་དུ་རུང་བའི་སློབ་མ་དག །དཔང་མཁྱེན་ལ་སོགས་བྱ་བ་ཡིས། །འཇུག་ཚུལ་དབང་དང་དངོས་གྲུབ་སྩོལ། །རྡོ་རྗེ་ཐ་ཚིག་རྣམས་ལྔ་ཡིས། །བསླབ་པའི་གཉེན་རྣམས་ཅི་རིགས་པར། །རྩལ་གྱིས་རྣམ་པར་བྱིན་ནས་ཀྱང་། །རྡོ་རྗེ་གལ་ཆེན་མནའ་བོར་རོ། །དེ་ནས་སྒྲུབ་པ་ཆེ་ཆུང་རྣམས། །ཇི་ལྟར་འདོད་པ་ནན་ཏན་གྱིས། །རྡོ་རྗེ་རྣལ་འབྱོར་དཀའ་བྱའོ། །མི་ནུས་ལ་སོགས་མི་སྣང་བའི། །རྡོ་རྗེའི་ཚིག་གིས་ནན་ཆགས་བྱ། །རྨོངས་པ་གང་ཕྱིར་སེམས་བསྐྱེད་དེ། །ངོ་མཚར་ཚིག་གི་འདུ་ཤེས་བསྒྱུར། ཁྲེས་རབ་མིག་ཅན་ཤེས་བྱའི་ཡུལ། །ཐམས་ཅད་རིམ་བཞིན་བསྟན་པར་བྱ། །དྲོད་ཅན་བློ་དཀྱིལ་ཆེ་རྣམས་ལ། །རྣལ་འབྱོར་ནང་པར་གསང་སྒོ་དབྱེ། རྩིང་པོ་འགྲོས་ཀྱི་དམུ་རྒོད་ལ། །གཅན་འཕྲང་འཁོར་བའི་གཡེང་རྣམས་བསྟན། །རྡོ་རྗེ་ལུང་གི་ཚིག་ཅན་ལ། །ཇི་ལྟར་ནུས་པ་དེ་དབང་བསྐུར།རྩལ་མེད་མི་ནུས་གང་དག་ལ། །ཕན་པ་འབའ་ཞིག་བསྔགས་པ་ཡིན། །གནས་འདིར་གསལ་དག་མི་གསལ་དག །འོད་མི་དབབ་ཅིང་ལྗིག་མི་དབབ། །རྡོ་རྗེ་བློ་ཡི་ཡུལ་ཅན་ལ། །རྩལ་ཆེན་སྦྱོང་ཞེས་གདམ་པར་བྱརྡོ་རྗེ་འདུས་པའི་དབང་གྲལ་དུ། །རྡོ་རྗེ་དོན་གྱི་ལྟར་ཆེན་བཤེར། །རྩལ་དང་རིམ་པ་ཁྱད་པར་དབྱེ། །སོ་སོའི་རིགས་ཀྱི་ཕྱག་རྒྱ་དག །སྤྱིའམ་ཡང་ན་རེ་རེའོ། །གཞན་ཡང་ཤེས་རབ་གཟུངས་ཀྱི་ཚོགས། །ཇི་ལྟར་ཐབས་ཀྱི་ཞོགས་སྦྱོར་ལྟར། །གང་དག་རྣལ་འབྱོར་མར་ལྡན་རྣམས། །རྡོ་རྗེ་འཛིན་མ་ལ་སོགས་པ། །ལྷ་མོ་ཚོགས་སུ་བཀོད་ནས་ཀྱང་། །གནས་འདིར་འཇུག་དགའ་ལ་སོགས་པ། །ཐབས་ཀྱི་ཕྱག་རྒྱ་མཚན་མར་སྦས། །རྡོ་རྗེ་མཉམ་པའི་གསུངས་རྣམས་ལ། །མཉམ་པའི་མཚོན་པས་མཉེས་པར་བྱ། །བྲོ་གར་གླུ་ཚིག་ལ་སོགས་པས། །རི་འཛིན་རྣལ་འབྱོར་མ་རྣམས་བསྒྲུབ། །གཞན་ཡང་དུས་བཞི་མཉམ་རིག་ན། །དུས་ཞེས་བྱ་བ་ག་ལ་རིགས། །དུས་བཞི་མཉམ་པར་རབ་ཤེས་ན། །དེ་ཉིད་མཉམ་པའི་རང་བཞིན་ནོ། །རྡོ་རྗེ་ལྷ་མོ་དུས་ཀྱི་ཚོགས། །འདས་དང་ད་ལྟར་བྱུང་བ་དང་། མི་འབྱུང་མ་ངེས་ཆ་རྣམས་ལ། །དབང་གྱུར་མཉམ་པའི་རྒྱལ་མོ་རྣམས། །འཇིག་དང་སྐྱེ་དག་སྨིན་པ་དང་། སྟོངས་པར་གྱུར་པ་དེ་དག་ཏུ། །རྡོ་རྗེ་རྣམ་ཐར་ཚད་མེད་དང་། །སེམས་དང་དེ་བཞིན་མཉམ་པ་ཡི། ཁྲེས་རབ་འཁོར་དང་དམ་པའི་དཀྱིལ། །ཇི་ལྟར་རིམ་པར་རྡོ་རྗེ་ཡིས། །གླུ་གར་ལ་སོགས་ཡོ་བྱད་ཀྱིས། །མཆོད་དང་འཇུག་ཚུལ་ཇི་ལྟ་བར། །ཆ་རྣམས་དུས་ལས་མི་འདའ་བར། །ལྷ་ཡི་ཉི་མ་རྣམས་ལའོ། །བདེ་བ་ཆེན་པོ་ལ་སོགས་པ། །ཚོམ་བུའམ་ཡང་ན་ཕྱག་རྒྱ་རྣམས། །སྤྱིར་རམ་རེ་རེར་སྦྱར་བར་བྱའོ། །འདས་པ་རྣམ་ཐར་ཚོགས་བསྒྲུན་ཏེ། ད་ལྟར་འབྱུང་དང་མི་འབྱུང་ལ། །ཚད་མེད་སེམས་དང་རྣམ་ཐར་བསྒྲུན། །དེ་ནི་མཉམ་པའི་རྒྱལ་པོར་འགྱུར། །གཞན་ཡང་རྣལ་འབྱོར་བྱང་ཆུབ་སེམས། །རྫོགས་པར་བཅུ་དྲུག་ཟླ་རྒྱས་ཚུལ། །སྙིང་རྗེ་ཡེ་ཤེས་ཤར་བ་ན། །མཁའ་ལ་ཉི་ཤར་ཚུལ་བཞིན་དུ། །དམ་པའི་རྫོགས་པའི་རྣལ་འབྱོར་པ། །ཡང་དག་ངེས་པའི་ས་པ་ཡིན། །བཅུ་གསུམ་ལ་ལ་བགྲོད་པ་ནི། །རྡོ་རྗེ་དུས་ཀྱི་རྒྱུན་ཚོགས་སྦྱར། །སྐར་ཚོགས་དབུས་ན་ཟླ་ཉ་བ། །བཅུ་དྲུག་ཞག་གིས་རྫོགས་པ་བཞིན། །བཅུ་གསུམ་རྩལ་ཆེན་རྫོགས་པའི་ས། །བཅུ་དྲུག་ཚོགས་ཀྱི་རྫོགས་པས་ན། །བརྫེས་པའི་ཟླ་བ་བཅུ་དྲུག་གིས། །ཉི་གསལ་འོད་ཀྱི་ཕྱག་རྒྱ་ལ། །མཛེས་པར་སྤྲས་པའི་བདེ་བ་དེ། །བཅུ་དྲུག་ཚོགས་ཀྱི་རྫོགས་པ་བསྐྲུན། །རྫོགས་པ་ཉིད་ན་མི་དམིགས་པ། །དེ་བཞིན་ཉིད་དུ་སྦྱངས་པས་ན། །མཉམ་པས་སྟོང་པར་གྱུར་པ་ལ། །ཐམས་ཅད་ཆོས་སྐུར་རྫོགས་བྱང་ཆུབ་། །སྡུག་བསྔལ་བྱང་ཆུབ་གཉིས་མེད་དེ། །རྨད་བྱུང་སེམས་བསྐྱེད་ལས་ཆེན་སྤྱད། །ཕྲ་མོ་དྲོད་དུ་གྱུར་པ་ན། །དམ་པ་སྤྱད་ན་ཉི་མ་འཆར། །དུས་འདི་རྒྱུན་གྱི་བར་ཆད་ན། །སྙན་པ་དག་གིས་བཟློག་པར་དཀའ། །བར་ཆད་བྱུང་ན་བསྐང་གསོ་བྱ། །མཁའ་ལ་ཟླ་གསལ་གྲྭ་རྒྱས་བཞིན། །ས་ལ་རྣལ་འབྱོར་གྲྭ་རྒྱས་སྤྱད། །གང་འདི་རྒྱས་ན་བསོད་ནམས་དང་། བསྔོ་བ་ཆེན་པོའི་ལས་རྣམས་བྱ། །དེསནིཉིཟླཞོནའགྲོབའི། །རིག་འཛིན་ས་ལ་གནས་ཕན་ཆད། །བདེཆེནབཅུགསུམས་ལ་འགྲུབ། །གཞན་ཡང་རྒྱུན་དུ་བྱ་བ་ནི། །ཆོས་ཀུན་རྒྱལ་བའི་རང་བཞིན་ཏེ། །རྒྱལ་བ་སྐུ་གསུང་ཐུགས་སུ་སྣང་། །སྐུ་དང་གསུང་ཐུགས་ཕྱག་རྒྱ་དག །ཡི་གེ་ཕྲེང་བ་ཉིད་ལ་རྫོགས། །ཡི་གེ་ཕྱག་རྒྱའི་ཡེ་ཤེས་རྣམས། །རྒྱུན་གྱི་རྒྱུན་དུ་བྱ་བ་ཡིན། །དེས་ནི་རྒྱུན་གྱི་ཏིང་འཛིན་ཐོབ། །རྒྱུན་གྱི་རྒྱུན་དུ་མི་གཅད་པ། །རྡོ་རྗེ་ནམ་དང་ཉི་ཚོད་ལ། །ཡི་གེའི་ཚོགས་ནི་བསྐྱེད་སྦྱར་ལ། །མཆོད་བསྙེན་བཅས་སྦྱར་དེ་བཞིན་ནོ། །འདི་ནི་དོན་དམ་ཉེ་བའི་ལམ། །དམ་པ་བསྐྲུན་པར་འགྱུར་ཕྱིར་རོ། །འདིར་ནི་རྒྱུན་གྱི་རྒྱུན་ཚོགས་དེས། །དམ་པའི་དམ་པར་དེ་ཉིད་འགྱུར། །གཞན་ཡང་རྡོ་རྗེ་དྲ་བའི་དབྱིངས། །ཐུགས་ཀྱི་གསང་ཆེན་གསང་བ་འདི། །རྡོ་རྗེ་རྡོ་རྗེ་ཡིན་པས་ན། །རྡོ་རྗེ་དབང་ཡུལ་འདྲེལ་བས་ནི། །ཐམས་ཅད་འབྱུང་བས་དབྱིངས་ཞེས་བྱ། །རྡོ་རྗེ་འཛིན་མ་འཛིན་རྫོགས་བཅས། །འཁྲིལ་མཉམ་པ་ཡང་དེ་བཞིན་ཏེ། །གཟུགས་བརྙན་ཏིང་འཛིན་རང་བཞིན་གནས། །ཇི་ལྟར་རིམ་བཞིན་སྦྱར་བྱས་ན། །ཇི་ལྟར་འདོད་པ་དེ་ལྟར་ནི། །འདོད་པའི་ཁམས་ལྟར་མཉམ་པར་གསུངས། །གཞན་ཡང་གང་དུ་གང་འབྲེལ་བའི། །གསང་ཆེན་དམ་པའི་དཀྱིལ་འཁོར་ནི། །ཆོས་རྣམས་ཀུན་གྱི་རང་བཞིན་འདི། །ཕན་ཚུལ་དྲ་བས་འབྲེལ་བ་ལ། །སྟོང་ཉིད་ནམ་མཁའི་རང་བཞིན་ལས། །སྤྲུལ་པ་བྱ་བ་ཅི་ཡང་སྣང་། །གཉིས་མེད་དྲ་བའི་ཚུལ་དུ་འབྲེལ། །རྣལ་འབྱོར་ཆེན་པོའི་ཡུལ་དེ་ཉིད། །རྩལ་དང་ལྡན་པའི་གསང་སྒོ་བ། །འདི་ལ་གསང་སྒོ་དབྱེ་བར་བྱའོ། །གསང་འདིར་ཆུད་པའི་བུ་རྣམས་ནི། །བློ་གྲོས་ཆེན་པོ་ཐབས་ལྡན་པས། །མི་སྐྲག་དགའ་བའི་ངོ་མཚར་སྐྱེ། །གསང་ཆེན་གསང་བའི་དཀྱིལ་འཁོར་འདི། །རྡོ་རྗེ་རྒྱལ་པོ་རྒྱལ་མོར་བཅས། །ལྔ་གཉིས་ཟུང་དུ་འཁྲིལ་བ་ནི། །གཡས་ནས་གཡོན་དུ་འཁྲིལ་ཚུལ་སྦྱོར། །གཡས་ཉིད་བྱང་ཆུབ་རྡོ་རྗེ་དང་། །རང་རང་མཚན་མ་འབར་བའོ། །གཡོན་ཉིད་སྒྲ་བརྙན་དྲིལ་བུ་དང་། །རྟགས་ཀྱིས་མཛེས་པར་གསལ་བ་ལ། །འཔྱོ་ཞིང་བདུད་པའི་མདངས་ལྡན་པས། །ཆགས་ཤིང་གཡོ་བའི་ཡུལ་གྱིས་ནི། །སེང་ཆེན་གཡོ་བའི་ཚུལ་གྱིས་ནི། སེང་ཆེན་ཁྱུ་མཆོག་ལ་སོགས་པ། །སེམས་པ་དམན་པའི་ལུས་ཁྲི་ལ། །རྫོགས་པའི་ཚུལ་གྱིས་བསྒྱིངས་བཅས་ཏེ། ཁ་དོག་ལྔ་ཡི་འོད་འབར་བ། །བཅུ་གསུམ་ཆ་ལུགས་བསྒེགས་པ་རྣམས། །རིམ་གྱིས་སམ་ནི་ཅིག་ཅར་བསྐྱེད། །གང་འདིར་འདོད་ཁམས་ཆགས་ཞེན་པའི། །དབང་པོ་རིམ་པ་སྦྱར་བར་བྱ། །དེ་མིན་ཡབ་ཡུམ་ཡང་མི་དམིགས། །གསང་ཉིད་ཚོགས་ཀྱི་འཁོར་རྣམས་ཀྱང་། །གནས་གྱུར་བ་ཡི་རང་བཞིན་གྱིས། །ཕྱག་རྒྱ་རྒྱལ་པོ་རྒྱལ་མོར་བཅས། །བརྒྱད་གཉིས་ཟུང་སྒྲིལ་འཁྲིལ་འབྱུང་སྦྱོར། །ས་དང་ནམ་མཁའ་སྤྱན་རྡོ་རྗེ། །བྱམས་དང་རྡོ་རྗེ་ཀུན་བཟང་དཔལ། །ནང་དང་ཕྱི་ཡི་ཡོ་བྱད་ནི། །བཞི་གཉིས་དག་གིས་གཉེར་སྦྱོར་བ། །བསམ་བྱ་ལ་སོགས་དེ་བཞིན་ནོ། །རྡོ་རྗེ་སྒོ་དང་བཅས་པར་ནི། །རྡོ་རྗེ་འཁྲིལ་འཁྱུད་གསང་བའི་ཚོགས། །རྣལ་འབྱོར་ལོངས་སྤྱོད་ཆེར་སྦྱར་བས། །མཉེས་ནས་སྦྱར་ཕྱིར་རིམ་བཞིན་དབུལ། །གསང་བའི་འཇུག་ཚུལ་ལ་སོགས་ཀྱིས། །གསང་བའི་དོན་རྣམས་བསྒྲུབ་པར་བྱ། །འཇུག་སྒོ་སྤྱོད་དང་ལྟ་བ་མཐུན། །ཐམས་ཅད་གཅིག་པར་གྱུར་པ་ཡི། ཁུ་དང་རྐྱེན་ལྡན་ཕུན་སུམ་ཚོགས། །མཛའ་འཕྲོད་རྐྱེན་དང་དགྱེས་སྦྱོར་ལྡན། །ལྷ་དང་རིག་འཛིན་རྣལ་འབྱོར་རིལ། །མ་ལུས་ཚོགས་པས་ཆོས་འདི་སྤྱད། །སྐད་ཅིག་ཡུན་ཙམ་ཐང་ཅིག་གམ། ཡུད་ཙམ་ཉིན་གཅིག་ཟླ་རེའམ། །ལོ་ཡི་ཉི་མ་བཀྲ་ཤིས་ཀྱི། །དུས་ལ་བབ་པའི་དུས་ཆེན་དག །བྱིན་གྱིས་བརླབས་པའི་དུས་ཆེན་ཡིན། །ཇི་ལྟར་འབྱོར་པའི་ཡོད་བྱད་རྣམས། །དག་དང་མ་དག་ཁྱད་པར་གྱིས། །གཙང་མ་ཁ་ཟས་ལ་སོགས་དང་། རྣམ་རྟོག་ནད་འཇོམས་བདུད་རྩི་རྣམས། །རྒྱལ་བའི་ཚོགས་དང་འབྱུང་པོ་ལ། ཇི་ལྟར་འབྱོར་ལྡན་ནན་ཏན་བྱ། །བདག་དང་གཞན་དང་གཉིས་ཀ་དང་། །ཆོས་ཀྱི་དོན་དུ་མི་འགྱུར་བའི། །སྐྱོན་བཞི་སྤངས་ཏེ་བཟློག་ཚུལ་སྦྱར། །རྣལ་འབྱོར་སྙིང་དང་མི་ལྟ་བུར། །གདུང་བའི་འདུ་ཤེས་ཉེར་གཞག་སྟེ། །ཇི་བཞིན་འདོད་ལྟར་བདེ་བར་སྦྱར། །ལྷ་རྣམས་མཉེས་པར་བྱ་བ་དང་། །བགེགས་རྣམས་ཞི་བར་བྱ་བ་དང་། །དོན་གྲུབ་ཤི་བ་གསོ་བའི་ཕྱིར།ལས་འདི་སྤྱད་པར་ཤིན་ཏུ་གཅེས། །འདི་དག་བློ་ཆུང་གསར་ཞུགས་པའི། །མདུན་དུ་བརྗོད་པར་བྱ་བའི་རིགས། །རྫས་དང་ཡོ་བྱད་ཐམས་ཅད་ཀྱང་། །ཅིས་འདུལ་དེ་ལྟར་རྩལ་དང་སྦྱར། །དེས་ན་ལས་འདི་ཁྱད་པར་ཡང་། །ཚོགས་ལ་ཚོགས་བསྐྱེད་སྒྲིབ་སྦྱངས་ཏེ། །བསྙེན་པ་དག་ལ་གོམས་བྱས་ནས། །བསྒྲུབས་པས་འབྲས་བུ་མཐར་ཕྱིན་པའོ། །དེ་སྐད་སེམས་དཔའ་རྡོ་རྗེ་དེས། །འདུས་པ་ཕལ་མོ་ཆེ་ལ་བཤད། །འདུས་པ་ཀུན་གྱི་དོན་མཐོང་བ། །རྡོ་རྗེ་འཛིན་པ་དེ་ལ་གསོལ། །སེམས་དཔའ་ཆེ་པོ་བདག་ཅག་གིས། །ཆོས་རྣམས་ཀུན་གྱི་རང་བཞིན་ནི། །ཐབས་ཉིད་ཤེས་རབ་ཉི་བཀོད་དང་། །ཀུན་ནས་མཉམ་དང་བཅུ་དྲུག་ཆ། །ཡི་གེ་ཚོགས་དང་འབྱུང་བའི་དབྱིངས། །གཉིས་མེད་དྲ་བར་འབྲེལ་ལ་སོགས། །རང་བཞིན་ཏིང་འཛིན་གཟུགས་བརྙན་དུ། །སྣང་བར་ངེས་པར་མཐོང་ལགས་སོ། །དེ་སྐད་གསོལ་བས་དེས་གསུངས་པ་།་ ་།་གང་འདིར་འདུས་པའི་ཚོགས་མེད་ཀུན། །ཇི་ལྟར་མཐོང་བ་དེ་ལྟར་ཡིན། ཡེ་ནས་མ་བཅོས་ཇི་བཞིན་ཉིད། །རང་བཞིན་དཀྱིལ་འཁོར་དེ་ཁོ་ན། །དགོངས་པ་དམ་པ་ལྷུན་གྲུབ་པ། །ཏིང་འཛིན་དཀྱིལ་འཁོར་དམ་པ་ཉིད། །དེ་དག་རྩ་བ་སེམས་ཉིད་པས། །སེམས་ཅན་གཟུགས་བརྙན་དཀྱིལ་འཁོར་གསལ། །རང་བཞིན་ཏིང་འཛིན་དཀྱིལ་འཁོར་དུ། །ཐམས་ཅད་ཡེ་ནས་ཞུགས་བཀོད་རྫོགས། །དེ་ལས་ཁྱད་པར་སྐལ་ལྡན་ནི་།་ ་།་སྤྱོད་ཡུལ་གྱུར་པ་གཟུགས་བརྙན་ཏེ། །རས་འཇལ་ཁོད་སྙོམས་བཟང་ལ་སོགས། ཁ་དོག་ལྔའམ་ཉི་ཤུ་ལྔས། །མ་མཐོང་རྨོངས་ལ་བསྟེནཕྱིརམཚོན། །མཉམས་མཚན་མས་དེ་རངས་འགྱུར། །བསྟེན་ཞིང་དེས་འཇམ་ཁང་བུ་ལ། ཁ་དོག་འབར་བ་གཟུགས་མཚོན་ཏེ། །ཕྱག་རྒྱ་མ་ཉམས་མཛེས་ལྡན་ན། །མཚན་མའི་ཆོ་འཕྲུལ་སྟོན་པར་ནུས། །གསེར་དངུལ་ཟངས་ལྕགས་ལ་སོགས་པ། །གང་བླུགས་རྒྱལ་བའི་སྐུ་བྱས་ཏེ།ཕྱག་རྒྱ་མ་ཉམས་དང་ལྡན་ན། །དེས་ཡང་མཚན་མའི་རྟེན་དུ་འགྱུར། ཤེས་རྡོ་དུང་ལ་སོགས་པ་ལ། །འབུལ་ལས་རྒྱལ་བའི་སྐུ་བྱས་ན། །དེ་བཞིན་མ་ཉམས་རྒྱས་མཛད་ན། །མཚན་མ་འབྱུང་བའི་རྟེན་དུ་འགྱུར། །བླག་ཤ་བྱང་ཆུབ་ཤིང་སོགས་ལ། །མཁས་པས་བཟོར་བཞོགས་གཟུགས་བརྙན་གྱིས། །ཕྱག་རྒྱ་མ་ཉམས་ཀུན་རྫོགས་ན། །འདི་ཡང་མཚན་མའི་རྟེན་དུ་འགྱུར། །ས་ལ་སོགས་ལ་ཕྱག་རྒྱ་བྱས། །ཁ་དོག་མཛེས་དང་ལྡན་བྱས་ལ། །མཚན་མ་འབྱུང་བའི་རྟེན་ཡིན་ཏེ། །མཚན་མས་མཚན་མ་གྲོལ་རིག་པ། །གང་དག་ས་ལས་རྒྱལ་བའི་དབྱིབས། །ཀུན་དུ་ལྷམ་པར་བྱས་པ་ལ། །ཚོན་རྩི་ལྔ་ཡིས་མཛེས་བཀོད་ན། །རྣམ་གྲོལ་རིག་པའི་རྟེན་དུ་འགྱུར། །གང་གི་གཟུགས་བརྙན་གང་ཡིན་དང་། །དེ་ཡི་རང་བཞིན་གཅིག་པས་ན། །འདི་ལ་ཁྱད་པར་ཅུང་ཟད་མེད། །འདི་ཡིས་རྣམ་གྲོལ་རིག་པར་འགྱུར། །བདེར་གཤེགས་ཕོ་བྲང་གང་ཡང་རུང་། །དཀྱིལ་འཁོར་ཚུལ་དུ་གང་བྱེད་པ། །ཡིད་འོང་མཚན་ལྡན་དབེན་ཕྱོགས་སུ། །ཀུན་ནས་ལྷམ་པར་མཛེས་བྱས་ལ། །སྲད་བུ་བརྒྱད་དང་ལྡན་བྱས་ཏེ། །བསྡུ་བའི་བྱ་བས་མཛེས་བྱས་པ། །དེ་ནས་སྲད་བུ་གཅིག་གིས་བསྐོར། །དཀྱིལ་འཁོར་ཚུལ་དུ་གྱུར་པ་དང་། །ནང་དུ་ལྷམ་བུ་སྲད་བུ་བརྒྱད། །ལེའུ་ཚེ་ལྡན་པ་དགུར་འགྱུར་ཏེ། །མཐའ་ཟད་སུམ་ཆར་བྱས་པ་ལ། །ཀུན་གྱི་ནང་དུ་སྲད་བུ་གསུམ། །ཕྲ་མོ་དག་གིས་མཛེས་པར་བརྒྱན། །དགུ་ཡི་ཆར་ནི་བགོས་པ་ལ། །སྒོ་དང་སྒོ་ཁྱུད་སུམ་ཆ་བྱ། །ཀ་བ་བརྒྱད་ཀྱི་མཛེས་བྱས་ལ། །རིན་ཆེན་ཀ་བའི་ནང་ལོགས་སུ། །སངས་རྒྱས་ཕོ་བྲང་དབུ་རྩེ་བྱ། །བསྡུ་བ་ཚད་མེད་རྣམ་ཐར་སྒོ། །རིམ་པ་གསུམ་གྱིས་མཛེས་པ་ལ། །རྟ་བབས་ཐེམ་སྐས་ཀྱིས་ཀྱང་བརྒྱན། །དབུས་ཀྱི་ཕོ་བྲང་ལེའུ་ཚེའམ། །འཁོར་ལོ་དཔའ་བེའུ་པདྨ་དང་། རིན་ཆེན་ཟུར་བརྒྱད་ལ་སོགས་པ། །ཇི་ལྟར་རིགས་པ་དེ་བཞིན་བྲི། །རྒྱན་ནི་རིན་ཆེན་སྣ་ཚོགས་དང་། །པ྅་ར་ཀ་ཏྭ་ར་ན། །ཕྲེང་བ་དང་ནི་དྲ་བས་བརྒྱན། །ཟ་ར་ཚགས་དང་ཆུན་འཕྱང་དང་། །དྲིལ་བུ་གཡེར་ཀ་ཐེའུ་ཆུང་འཕྱང་། །རོལ་མོ་སྒྲ་སྒྲོགས་ལྷ་ཡི་བུ། །མང་པོས་ཕྱི་ནང་ནམ་མཁའ་ལས། །མཆོད་པ་སྣ་ཚོགས་འབུལ་བ་བྲི། །ཐེག་ཆེན་གདུང་བཞིས་རབ་བརྒྱན་ཏེ། །རིན་ཆེན་ཁ་བད་མཆོད་རྟེན་དང་། །རྒྱལ་མཚན་རིན་ཆེན་འོད་འབར་བས། །གཞལ་ཡས་མཛེས་པར་བརྒྱན་པ་ཡི། །ཆོས་ཀྱི་ཕོ་བྲང་ཅི་འདྲ་བར། །དེ་འདྲ་དེཉིདམཚོནཔརབྲི། །གཞལ་ཡས་ཁང་དུ་གང་རྒྱུད་པ། །ཀུན་གྱི་མཛེས་དང་ལེགས་པར་བརྒྱན། །མཆོད་པ་བླ་ན་ཡོད་མེད་ཀུན། །ཇི་ལྟར་འབྱོར་ལྟར་ནན་ཏན་དབུལ། །རྒྱལ་སྲིད་ལོངས་སྤྱོད་བཙས་པ་དང་། །གླུ་བྲོ་གར་དང་རོལ་མོར་བཅས། །དུག་འཇོམས་སྨན་དང་བདུད་རྩི་རྣམས། །རྒྱལ་བ་རྒྱ་མཚོ་སྙེད་ལ་དབུལ། །མཉམ་པ་ཉིད་ཀྱི་མཆོད་སྦྱར་བས། །རྒྱུད་བྱང་ཐམས་ཅད་མཉམ་པར་གྱུར། །དེ་སྐད་སྨྲས་པས་འདུས་པ་ཀུན། །ཐམས་ཅད་རྒྱུད་བྱང་རྣམ་གྲོལ་རིག །གྲོགས་པོ་དག་དེ་དག་ནི་བཀོད་པའི་བྱ་བས་ཡོངས་སུ་སྦྱང་བར་ཤེས་པར་བྱའོ། །གྲོགས་པོ་དག་འདི་ལ་མེའི་བྱ་བས་ཡོགས་སུ་སྦྱང་བ་གང་ཞེ་ན།འདི་ལྟ་སྟེ། ཆོས་ཐམས་ཅད་ཆོས་ཉིད་དུ་སྦྱང་བའི་ཕྱིར་དངོས་པོ་ཐམས་ཅད་མེའི་རང་བཞིན་དུ་བྱིན་གྱིས་བརླབས་པས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མེའི་རང་བཞིན་དུ་སྣང་བ་མཐོང་སྟེཤིན་ཏུ་ངམ་ནས་ངོ་མཚར་དུ་བསྟོད་པ། ཨེ་མའོ་སེམས་དཔའ་སེམས་དཔའ་ཆེ། །ཆེ་བའི་ཆེ་བ་བྱིན་བརླབས་ཆེ། །ཏིང་འཛིན་ཆེན་པོ་སྣང་བ་ཆེ། །ཆོ་འཕྲུལ་ཆེན་པོ་སྣ་ཚོགས་ཆེ། །ཐབས་མཆོག་དཔག་གིས་མི་ལང་སྟེ་།་ ་།་ཆོས་ཀུན་མེ་དཔུང་འབར་བར་སྣང་། །དེ་ཉིད་ཡེ་ཤེས་གསལ་བའི་ཀློང་། །འབར་འཕྲོ་གསལ་བར་གྱུར་པ་ནི། །མུན་གསལ་དངོས་པོ་ཐམས་ཅད་བསྲེགས། །བདེ་ཆེན་དབྱིངས་སུ་ཀུན་རྫོགས་པས། །དཔའ་བོ་ཁྱོད་ཀྱིས་མཛད་པ་ལགས། །འབརབཆེནཔོཨལལ། །གཟི་བརྗིད་ཟེར་འཕྲོ་ཨ་ལ་ལ། །མཐའ་ཡས་ཀུན་སྡུད་ཨ་ལ་ལ། །ཐམས་ཅད་སྲེག་བྱེད་ཨ་ལ་ལ། །ཟ་བྱེདཆེནཔོཨལལ། །མཐའ་དང་བུད་མེད་ཨ་ལ་ལ་།་ ་།་ཐུགས་རྗེ་བདེ་མཆོག་ཨ་ལ་ལ། །དབང་ཕྱུག་འཇིགས་བྱེད་ཨ་ལ་ལ་། །གསང་མཆོག་རྨད་འབྱུང་བྱིན་བརླབས་ཀྱིས། །མེ་ཡི་རང་བཞིན་རིན་པོ་དག །བདག་ཅག་རྣམས་ལ་བཤད་དུ་གསོལ། །དེ་སྐད་འདུས་པས་གསོལ་བ་ལས། །དེ་ཉིད་དགྱེས་པས་འདི་སྐད་དུ། །འདུས་པ་ཆེན་པོའི་རྣལ་འབྱོར་པ། །རྡོ་རྗེ་མེ་ཡི་རང་བཞིན་དག །ངེས་པར་བཤད་ཀྱིས་གུས་པར་ཉོན། །ཁྱད་པར་བླ་མའི་ལམ་མཆོག་འདིས།རྣལ་འབྱོར་ཐབས་སུ་བདེ་སྦྱར་བས། །རྒྱལ་བ་ཀུན་མཉེས་ཀུན་བསྲེགས་སྦྱངས། །དོན་གྲུབ་ལས་ཀྱི་མཆོག་ཏུ་སྦྱངས། །ཇི་བཞིན་པ་ཡི་ཧོམ་ཁུང་དུ། །ཇི་སྙེད་པ་ཡི་ཡམ་ཤིང་ལ། །དེ་བཞིན་ཉིད་ཀྱི་མེ་བྱུང་བས། །ཐམས་ཅད་ཐམས་ཅད་བསྲེགས་སྦྱངས་ཐིམ། །སྐྱེ་མེད་རྣམ་དག་ཧོམ་ཁུང་དུ། །སྐྱེ་བ་རྣམ་བཞིའི་ཡམ་ཤིང་ལ། །མ་སྐྱེས་སྤྲོས་བྲལ་མེད་བྱུང་བས། །མཚན་མའི་བག་ཆགས་བསྲེགས་སྦྱངས་ཐིམ། །བསམ་དུ་མེད་པའི་ཧོམ་ཁུང་དུ། །བསམ་གྱིས་མི་ཁྱབ་ཡམ་ཤིང་ལ། །འོད་དཔག་མེད་པའི་མེ་བྱུང་བས། །མཐའ་ཡས་རྡུལ་སྙེད་བསྲེགས་སྦྱངས་ཐིམ། །ཆོས་ཉིད་རྣམ་དག་ཧོམ་ཁུང་དུ། །ཆོས་ཅན་སྣ་ཚོགས་ཡམ་ཤིང་ལ། །སྟོང་ཉིད་ཡེ་ཤེས་མེ་འབར་བས། །དངོས་པོའབག་ཆགས་བསྲེགས་སྦྱངས་ཐིམ། །སེམས་ཉིད་རྣམ་དག་ཧོམ་ཁུང་དུ། །སེམས་ཅན་སྐྱེ་འགྲོ་ཡམ་ཤིང་ལ། །རང་འབྱུང་ཡེ་ཤེས་མེ་འབར་བས། །འཁོར་བའི་བག་ཆགས་བསྲེགས་སྦྱངས་ཐིམ། །ཀུན་གཞི་བྷ་གའི་ཧོམ་ཁུང་དུ། །ཉོན་མོངས་ལྔ་ཡི་ཡམ་ཤིང་ལ། །ཡེ་ཤེས་ལྔ་ཡི་མེ་བྱུང་བས། །གཟུང་འཛིན་རྟོག་པ་བསྲེགས་སྦྱངས་ཐིམ། །སྣང་སྲད་ནམ་མཁའ་ཧོམ་ཁུང་དུ། །འབྱུང་བ་བཞ་ཡི་ཡམ་ཤིང་ལ། །ཕྱག་རྒྱ་འབར་བའི་མེ་བྱུང་བས། །སྣང་སྲིད་དངོས་པོ་བསྲེགས་སྦྱངས་ཐིམ། །རྣམ་བཞིན་ལས་ཀྱི་ཧོམ་ཁུང་དུ། །བཞིའམ་བཞི་ཡི་ཡམ་ཤིང་ལ། །རིགས་བཞི་འབར་བའི་མེ་བྱུང་བས། ། མཆོད་སྤྱིན་དངོས་པོ་བསྲེགས་སྦྱངས་ཐིམ། །འདི་ཡང་སོ་སོའི་ཁྱད་པར་གྱིས། །ཕྱོགས་དང་ཁ་དོག་དབྱིབས་དང་རྫས། །གང་ལྟར་རིགས་པ་དེ་ལྟར་སྦྱར། ཁྲར་ལྷོ་ནུབ་བྱང་དཀར་སེར་དམར། །མཐིང་ག་ནག་པོ་ཐལ་མཐོག་སྦྱར། ཟླུམ་པོ་པདྨ་ལེའུ་ཚེ་བཞི། །འཁོར་ལོ་གྲུ་བཞི་ཟུར་བརྒྱད་རྒྱས། །ཟླ་གམ་གྲུ་ཆད་གཞུ་དབྱིབས་དབང་། །གྲུ་གསུམ་བྷ་གའི་མཁའ་མངོན་སྤྱོད། །གསུམ་བརྩེགས་མདངས་དང་རི་མོར་མཛེས ལས་ཀྱི་ཡམ་ཤིང་རྫས་གྱིས་བརྒྱན། །ཡེ་ཤེས་རྡོ་རྗེ་ལས་རྒྱུད་ལྡན། །བླ་མ་གསུམ་གྱི་ཐབས་མཆོག་སྦྱར། །དག་པའི་མཐའ་མཉེས་མཆོག་འཛིན་པ། །རྡོ་རྗེ་གསང་བའི་གླུ་བྲོ་གར། །མཆོད་པ་ངེས་པས་འབྱོར་ཚོགས་སྦྱར།རྡོ་རྗེ་ལས་ཀྱི་བྱིན་བརླབས་སྦྱར། །གསང་བ་ལས་ཀྱི་རྒྱུད་ལྡན་པས། །བཤེར་བཏབ་ཞི་བའི་ལྷ་རྒྱུད་དང་། །རྒྱས་དང་དབང་བཤད་རྒྱུད་བཤད་པས། །ལྷ་དང་སྔགས་དང་ཕྱག་རྒྱ་དང་། །དེ་བཞིནགླུཡིརྒྱུདའབྱོར་བྱ། །རིགས་ཀྱི་རིགས་རྒྱུད་ལྔར་རྣམས་ནི། །སོ་སོ་རིགས་སུ་བཤེར་བཏབ་སྟེ། །ཀློང་ཡངས་འཁྱིལ་བའི་ཧོམ་ཁུང་དུ། །དམ་རྫས་བདུད་རྩི་འབར་བ་ཡིས། །སྦྱངས་དང་ཐོབ་ཕྱིར་བསྲེག་བྱར་འོས། །དཔག་མེད་རྒྱལ་བ་རྒྱ་མཚོའི་ཚོགས། །ཆེ་བ་སྔགས་པའི་ཡོན་ཏན་དག །རྡོ་རྗེ་གླུ་ཡིས་བརྗོད་ནས་ཀྱང་། །མཉེས་པར་བྱ་བའི་ཐབས་ཆེན་བརྩམ། །མཉེས་པའི་ལས་རྣམས་རྫོགས་པ་དང་། །གང་ཡང་མ་བྱང་དོན་ཆེན་རྣམས། ཁུབ་དང་མ་གྲུབ་དེ་རྣམས་དག །མི་ལ་མཁས་པས་བརྟག་པར་བྱ། །མེ་སྒྲ་གཉིས་དང་ཁ་དོག་གཉིས། །འབར་ཚུལ་གཉིས་དང་དབྱིབས་རྣམས་དྲུག །དེ་དག་ཡོངས་སུ་ཤེས་པར་བྱ། །གལ་ཏེ་མཚན་ལ་མི་སྡུག་ན། ཡིད་དུ་མི་འོང་རྟགས་ཡིན་པས། །སྲེག་སྦྱངས་ཆེན་པོས་རྒྱས་པར་བྱ། །དེ་ནས་ཡིད་འོང་འདོད་འབྱུང་བ། དེ་ལ་འདོད་པའི་མཚན་མ་རྣམས། །རྣམ་གསུམ་གང་ལྟར་འགྲུབ་པ་བླང་། །འདུས་པ་ཆེན་པོ་གཞན་ཡང་གང་། །རོ་ཡི་རྫས་རྣམས་སྲེག་སྦྱང་ན། །རོ་ལ་སྔགས་ཀྱིས་བཏབ་ནས་ཀྱང་། །ཤིན་ཏུ་དྲི་ཞིམ་སྣ་ཚོགས་ཀྱིས། །རོ་ལ་བྱུག་ཅིང་བཀྲུ་བར་བྱ། །བདུད་རྩི་ཞུན་ཆེན་ཁུ་བ་ཡིས། །རས་ལ་བྱུགས་པས་རོ་དཀྲིས་པས། རོ་ཡི་གནས་རྣམས་གང་ཡིན་པར། །སྔགས་ཀྱི་སྦྱོར་བ་ཀུན་བཀོད་ནས། །ཕྱག་རྒྱའི་མཚན་མས་གདབ་པར་བྱ། །རྒྱལ་བའི་དཀྱིལ་འཁོར་བཀོད་པ་གང་། །དེ་ཡི་མཚན་པའི་ཕྱག་རྒྱ་རྣམས། །གང་དུ་བཀོད་པ་དེ་ཉིད་དུ། །སྙིང་པོ་གྲངས་ཀྱང་དེ་ལྷར་བྱ། །སྙིང་པོ་དག་ལ་སོ་སོ་ཡི། །མ་ནོར་རྩ་བའི་ཡིག་འབྲུ་དག །རས་སམ་ཤིང་ལ་བྲིས་ཏེ་དགོད། །རོ་ཡི་སྦྱོར་བ་རྫོགས་པ་དང་། །རོ་ཡི་ཕྱི་རྒྱལ་ཐམས་ཅད་དུ།ཉོན་མོངས་འཁོར་བ་ཀུན་བཀོད་དེ། །རས་སམ་ཤིང་ཤུན་གང་དག་ལ། །འཁོར་བའི་ས་བོན་ཐམས་ཅད་དགོད། །ཉོན་མོངས་ལྔ་དང་དུག་གསུམ་བཅས། །སྐྱེ་བཞི་ལས་ལྔ་རྒྱུད་དྲུག་རྣམས། །མིང་དང་གཟུགས་སུ་བྱས་ན་ནི། །གནས་གནས་དག་དུ་དགོད་པར་བྱ། །ས་བོན་འདུ་བྱེད་དངོས་པོ་ལྔ། །གཟུང་འཛིན་མིང་དུ་བཅས་པ་པ་རྣམས། །བརྡ་ཡི་ཚུལ་དུ་བཀོད་ནས་ནི། །རོ་རྣམས་ཁྱབ་པར་དགོད་པར་བྱ། །དེ་ནས་རོ་ཡི་ཕུང་པོ་དེ། །རྟེན་ནས་གླེགས་མ་སྟེགས་བུ་ཡི། །སྟེང་དུ་མཁས་པས་གཞག་པར་བྱ། །ཐབ་ཀྱི་ཆོ་ག་བྱ་བ་ཡང་། །མཎ་ཌལ་ཁོར་ཡུག་རིན་ཙམ་ལ། །བརྐོ་དང་ཁ་ཁྱེར་ལུགས་བཞིན་བྱ། །ཕྱག་རྒྱ་བཞུགས་པའི་ཕོ་བྲང་དག །ཐིག་གིས་ཡུལ་བཅད་སོ་སོར་དབྱེ། །དེ་ཡི་སྟེང་དུ་བསྲེགས་ཤིང་བརྩིགས། །དབྱིབས་ནི་རིགས་བཞིར་བཏམས་པ་ལ། །གྲྭ་ཟུར་ཀ་བས་བརྟན་པར་བརྟེན། །སུམ་བརྩེག་ཡང་ཐོ་བར་ཁང་བཅས། །ཐ་མ་ཡམ་ཤིང་བརྫངས་པས་བཏམས། །བར་ཁང་དག་གི་གླེགས་བམ་ལ། །རོ་ཡི་བཞིན་ཕྱོགས་རོ་བཞིར་བསྟན། །རོ་ཡི་སྟེང་ཁང་ཡ་ཐོག་ཏུ། །རས་ལ་སོགས་པ་བྲིས་པ་ཡི། ཕྱག་རྒྱའི་དཀྱིལ་འཁོར་་་་་་་་་་་་་་གསལ་བར་དགོད། །རོ་ཁང་གློ་སྐར་བཞི་ཕྱེ་ལ། །རྡོ་རྗེ་གཟུངས་ཀྱི་རྒྱུད་ཐག་བཞེས །བཏགས་ནས་བླ་མའི་ཕྱག་ཏུ་ཕུལ། ཤེང་གི་བྱ་བ་རྫོགས་པ་དང་། དེ་ཡི་ཕྱི་མཐའ་སྟེགས་བུ་ལ། །རྣམ་བཞི་ལས་ཀྱི་ལྷ་རྣམས་དགོད །སྟེགས་བུ་རྫོགས་པར་གྱུར་པ་དང་། །རྡོ་རྗེ་ལས་ཀྱི་སྒོས་བཏབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་སྲེག་པར་མངའ་གསོལ་ཏེ། །མི་གཡོ་མེ་ཆེན་རྩེ་གཅིག་པས། །མེ་ཡི་འདུ་འཕྲོ་རྒྱུན་དུ་བྱ།རྡོ་རྗེ་སྔགས་ཀྱི་ལས་སྦྱར་ལ། །རྣམ་བཞི་ལས་ཀྱི་མངའ་གསོལ་ཏེ། །ལས་ཀྱི་ཕྲེང་བ་རྫོགས་པར་བྱ། །བླ་མ་རྡོ་རྗེ་དམ་པ་ཞིག །རོ་ཡི་ཉེས་པའི་མཐའ་བཟུང་ནས། །ལས་ཀྱིས་བསགས་པ་བགྲང་ཞིང་གཤེགས། །སྐབས་སྦྱོར་རྡོ་རྗེ་ལ་མ་ཡིས། །བླ་མེད་མཆོད་པ་རྒྱུན་དུ་བྱ། །བྲོ་གར་གླུ་ཚིག་སྟབས་ཆེན་གྱིས། །མཆོད་པར་རོལ་མོ་སྣ་ཚོགས་དབུལ། །རྡོ་རྗེ་ལས་ཀྱི་སྨོན་ལམ་གདབ། །མཆོད་སྐབས་ལས་ཀྱི་འཇུག་དུ་བྱ། །རྡོ་རྗེ་ལས་ཀྱི་ལྷ་འཛིན་པས། །དཀར་བྱང་ལས་ཀྱི་ལྟ་བཟུང་སྟེ། ལེགས་མཐའ་དམ་པ་རྣམས་ལ་དབུལ། །རོ་ཡི་ཉེས་མཐའ་གང་འཛིན་པས། །མཚན་མ་ནག་པོ་བུད་ཤིང་དག །ཡེ་ཤེས་མེ་ཡི་ཀློང་དུ་སྲེག །མེ་སྦྱོར་མེ་ལ་གནས་པའི་ལྷ། །མེ་ཡི་སངས་རྒྱས་འོད་དཔག་མེད། །མེ་ཡི་ལྷ་མོ་གོས་དཀར་མོ། །རྒྱལ་བ་ཀུན་གྱི་འོད་ཡིན་ཏེ། །འབྱུང་བ་མེ་ལ་དབང་བསྒྱུར་ཞིང་། །ཐམས་ཅད་ཀུན་གྱི་དྲོད་བདག་ཡིན། །སྲིད་གསུམ་སྲེག་པར་ཞལ་གྱིས་འཆེས། །དངོས་པོ་སྲེག་པའི་ཕྲིན་ལས་ནི། །ཐུགས་དམ་དབང་གིས་ཡང་མི་འདའ། །གང་གི་སྒྲིབ་སྲེག་དེ་ཉིད་མཁྱེན། །རོ་ཡི་རྣམ་ཤེས་བྱང་མ་བྱང་། །མེ་ལ་མཁས་པས་དེ་བཞིན་བརྟག །མི་སྡུག་ཚུལ་འབྱུང་སྲེག་སྦྱང་བྱ། །གལ་ཏེ་ལགས་ན་མེ་དབང་བསྐུར། །ཐལ་བ་སྐུ་གདུང་རིང་བསྲེལ་དང་། །ཕྱག་རྒྱའི་དཀྱིལ་འཁོར་ལ་སོགས་བྱ། །དམ་པ་ཞིག་ན་གདུང་བཏགས་ཏེ། །བླ་མའི་རྟེན་དུ་དབུལ་བར་བྱ། །འདི་ནི་སྦྱོར་བ་ཀུན་གྱི་མཆོག །དེ་སྐད་སེམས་དཔའ་མཆོག་དེས་སྨྲས། །གྲོགས་པོ་དག་དེ་དག་ནི་མེའི་བྱ་བས་ཡོངས་སུ་ཤེས་པར་བྱའོ། །རྡོ་རྗེ་གསང་བ་ཆོས་ཀྱི་སྤུན། །མེ་ཡི་བྱ་བ་ལས་བྱུང་བ། །གདུང་ཞེས་གྲགས་པའི་ཤ་རི་རམ། །དཔག་མེད་ཇི་སྲིད་དུས་དག་ནས། གྲངས་མེད་སྤྲུལ་པའི་རྒྱལ་བ་དག མྱ་ངན་འདས་པར་གྱུར་ཕྱི་ན། །མེད་པ་ལས་བྱུང་སྐུ་གདུང་ནི། །སྐུ་ཡི་གདུང་དང་རིང་བསྲེལ་ཞེས། །འགྲོ་བའི་བསོད་ནམས་རྟེན་དུ་གྲགས། །རྒྱལ་བ་རྣམས་ནི་དངོས་མེད་པས། །སྐུ་གདུང་རིང་བསྲེལ་མི་སྲིད་ན། །སེམས་ཅན་རྣམས་ལ་ཕན་དོན་དུ། །མེད་ལས་ཐུགས་རྗེའི་ཆོ་འཕྲུལ་བཞག །དེ་བཞིན་གང་དུ་གང་བྱུང་བའི། །གང་འདིར་སྣང་བ་སྒྲོན་མ་དག །མྱ་ངན་འདས་པའི་སྐུ་གདུང་ཡང་། ཁྲ་རི་རམ་ཞེས་གྲགས་པར་འགྱུར། །དེ་ཡི་ལས་ཀྱངདེབཞིནནོ། །དེལསོགས་པའི་རྒྱལ་བ་རྣམས། །རང་འབྱུང་རྗེས་གནས་འབྱུང་བཅས་རྣམས། །ཚུལ་མཐུན་གཅིག་པར་གྱུར་པ་ཡི། །སྐུ་གདུང་ས་བོན་བྱིན་བརླབས་ཀྱི། །ཡོན་ཏན་ཆ་ལས་རྩིར་འཕེལ་བ། །འཛམ་གླིང་ས་ཁམས་ཁྱབ་པར་སྣང་། །གདུང་ལས་བྱུང་ཕྱིར་སྲ་མཁྲེགས་ཟླུམ། །ཐ་སྐད་རྡོ་རྗེ་རབ་ཏུ་གྲགས། །ལྒང་བུ་ཟུར་གསུམ་ཏིལ་ལྒང་འདྲ། །གཞོན་ཚེའི་མར་རམ་འོ་མར་སྣང་། །ནར་སོན་སྨིན་རྟགས་སྲ་ཞིང་མཁྲེགས། །ཙ་ན་ཀ་ཡི་འབྲུ་བཞིན་དུ། །དཀར་ལ་ཙན་དམར་ཁ་དོག་གསལ། །ཟོས་པའི་ཡོན་ཏན་བསམ་མི་ཁྱབ། །བདུད་རྩི་སྨན་གྱི་མཆོག་ཏུ་གྲགས། །དེ་བཞིན་རིག་འཛིན་སེམས་དཔའ་རྣམས། །མི་ཡི་ལུས་སུ་སྤྲུལ་པ་དང་། གང་ཟག་ས་པ་ཆོས་མིག་ལྡན། །བསོད་ནམས་དཔའ་ཞིང་དག་པ་དག །སྡོང་བུ་སྙིང་པོར་སྦྱངས་ཕྱི་ན། །སྐལ་བ་ཅན་ལ་སྣང་བ་ནི། །ལ་ལ་དག་ལ་ཤ་རི་རམ། །ལ་ལ་དག་ལ་རིང་བསྲེལ་སྐུ། །སྐལ་ངན་དག་ལ་སྣང་མི་འགྱུར། །ལ་ལ་སྣང་བར་གྱུར་ན་ཡང་། །སྦྱོར་བ་དག་ལ་ཡུན་དུ་རྟག །མ་དག་ནུབ་ཅིང་འབྲོས་པར་འགྱུར། །ཡིད་དུ་འོང་དང་མི་འོང་བའི། །འབྱུང་བའི་ལྟས་ནི་སྟོན་པར་བྱེད། །ཡོད་པར་རྟག་པ་མ་ཡིན་ལ། །མེད་པ་རླག་པར་ཡང་མི་འགྱུར། །རྣལ་འབྱོར་ལས་དང་འབྱོརཔ་རྣམས། །དག་དང་མ་དག་ཚུལ་ལ་སྦྱོར། །དེ་ཡང་བསོད་ནམས་དག་པ་ཡིས། །གང་ལམ་རྒྱ་ཆེར་མོས་པ་དང་། རྣལ་འབྱོར་རྩེ་གཅིག་རྨོག་བ་་ན། །རྡོ་རྗེས་སྦྲེལ་དང་ལས་མཐུན་ན། རྒྱུན་རྣམས་ཡོངས་སུ་དག་ལ་འབབ། །དེ་ཡང་ཁྱད་པར་རིམ་པས་ནི། །རྒྱལ་བའི་སྐུ་གདུང་ཤ་རི་རམ། །ཞིང་ཁམས་ཀུན་དུ་ཁྱབ་པར་ནི། །མགར་དང་བཟོས་ནི་བཟླུམས་པ་བཞིན། །བྱས་པ་མེད་ལས་སྣང་བ་དག །དཀར་འཚེར་མདོག་གསལ་འཛག་འདྲ་བ། །ཙན་དམར་མདངས་སུ་གསལ་བ་ཡི། །ནམ་མཁའ་གང་བར་ཆར་བཞིན་འབབ། །རིག་འཛིན་སེམས་དཔའ་སྤྲུལ་པའི་གདུང་། །དཀར་གསལ་འགའ་འགའ་ཙམ་དུ་འབྱུང་། །གང་ཟག་ས་པའི་རྟགས་ཆེན་ནི། །མདོག་མཉམ་གཅིག་གསུམ་གཉིས་གསུམ་གཅིག །ལ་ལར་ལྔའམ་བཅུ་འབྱུང་ཞིང་། །ཡོན་ཏན་དེ་ནི་དེ་ལྟར་རོ། །དེ་ཡང་སྲ་མཁྲེགས་རྡོ་རྗེ་འདྲ། །ལྕགས་ཀྱི་ག་་གྱིས་ཡང་མི་ཆོགས། །འདི་དག་ཕེབས་པའི་ཡོན་ཏན་ཡང་། །གང་དང་གང་དུ་བབས་པ་ཡི། །ཡུལ་ཁམས་དེ་དག་ཐམས་ཅད་དུ། །ནད་དང་མི་ངེས་བགེགས་རྣམས་ཞི། །གནོད་སྤྱིན་སྲིན་པོ་མ་རུངས་པ། །དྲག་པོ་ག་་པོའང་ལྷན་ནེར་འགྱུར། །རྒྱལ་པོ་འཁྲུགས་དང་ཁམས་འཁྲུགས་དང་། ཡུལ་ཁམས་འཁྲུགས་པའང་ཞི་བར་འགྱུར། །འབྲས་བུ་ལོ་ཏོག་འཕེལ་སྨིན་ཅིང་། །ཡིད་དུ་འོང་བ་ཐམས་ཅད་འབྱུང་། །ཡུལ་དེ་དམངས་དང་རྒྱལ་པོ་ཡི། ས་བོན་ཐམས་ཅད་བུ་ཕོར་འགྱུར། །བདེར་བཅས་མཚན་ལྡན་རིགས་མཐོན་ནི། །བུ་ཕོ་ཀུན་ཀྱང་འབྱུང་བར་འགྱུར། །འདི་དག་སུ་ལ་འཆང་བ་རྣམས། །རིག་འཛིན་ས་དང་སྐལ་བ་མཉམ། །འཇིག་རྟེན་འདི་ཡི་བསོད་ནམས་ཀྱང་། །འཁོར་ལོས་སྒྱུར་རྒྱལ་དག་དང་མཉམ། །དེ་ཡི་དགོངས་པ་ཀུན་དུ་འགྲུབ། །ཚེ་དང་སྐེངས་དང་ལས་འགྲུབ་འགྱུར། །ཕྱིན་ཅད་བླ་མེད་བྱང་ཆུབ་ནི། །ས་ལ་རེག་པའི་རྟགས་ཆེན་ཡིན། །གཞན་ཡང་ཡོན་ཏན་བསམ་མི་ཁྱབ། །དེ་དག་རང་གི་རང་བཞིན་དུ། །གནས་པའི་ཡོན་ཏན་དེ་དག་གོ །བསྒྲུབས་ན་ཡོན་ཏན་བསམ་མི་ཁྱབ། །སེམས་ཅན་རྣམས་པ་ཐམས་ཅད་ལ། །བྱང་ཆུབ་སྙིང་པོ་ཉིད་ཡོས་པས། །མེ་ཡི་ལས་ཀྱི་བྱ་བ་ཡིས། །ལྔ་ཕུང་སྦྱངས་ན་མེད་མི་སྲིད། །འདི་དག་བསྒྲུབ་པར་བྱ་བ་ཡང་། ཁྲེལ་གྱི་ཟ་མ་ཏོག་ནང་དུ། །བསྡུས་ཏེ་ཕྱག་རྒྱའི་རྒྱས་བཏབ་ནས། ཁྲེལ་གྱི་གའུའི་ནང་དུ་བཅའ། །བསྒྲུབ་པས་དེ་ལ་སྨོན་ལམ་དང་། །སྒྲིབ་སྦྱང་གསོ་ལ་འཕྲོ་འདུ་བྱ། །འཕྲོ་འདུ་བྱ་བའི་ཆོ་ག་ཡང་། །ནམ་མཁའ་གང་བའི་ཤ་རི་རམ། །ཞིང་ཁམས་གང་བའི་རྒྱལ་བ་ལས། །ཆར་གྱི་རྒྱུན་བཞིན་དེ་ལ་འབབ། །རྩེ་གཅིག་བཟླས་པ་གསུང་གི་རྒྱུན། །མ་ཧྭ་ཤ་རི་རམ་གྱི་ལི་ཧཱུཾ༷། གྲངས་མེད་བར་ཆད་མེད་པར་བཟླས། །མཆོག་ཏུ་གསལ་ཞིང་འཚེར་བ་དང་། །འོད་ཀྱི་ཟེར་ཕྲེང་ཉི་ཟེར་བཞིན། །ཟང་ཟིང་བྲང་བྲེང་སྣང་བར་འགྱུར། །ཟ་མ་ཏོག་གི་ཕྱི་རོལ་ན། །གསལ་བ་དེ་ལ་འབྱུང་བར་འགྱུར། །འགུལ་ཞིག་མང་པོར་འཕེལ་བ་དང་། །རྒྱལ་བ་སེམས་དཔའ་རིག་འཛིན་གྱིས། །གཟུགས་བརྙན་ཤེལ་དང་དེ་ལས་ནི། །གསལ་བར་བདག་ལ་སྟོན་པར་འགྱུར། །དང་པོ་སྣོད་དེ་ཁེགས་པ་ཡིན། །གཉིས་པར་ཕྱེད་དམ་བརྒྱ་རྩ་བརྒྱད། །ཐ་མའང་གྲངས་འགས་འཕེལ་བར་འགྱུར། །དེ་དག་གྲུབ་པ་རྟགས་ཆེན་ཏེ། །དེ་ཚེ་དངོས་གྲུབ་བླང་བར་བྱ། །ཐོབ་པའི་ཡོན་ཏན་བསམ་མི་ཁྱབ། །ཚེ་འདིར་རིག་འཛིན་ས་ལ་གནས། །རྒྱལ་བ་དག་དང་མཉམ་པར་འགྱུར། །ཞར་ལས་བྱུང་བའི་ཡོན་ཏན་ཡང་། །འགྲོ་བ་ཀུན་གྱི་དོན་སྤྱོད་པ། །སེམས་དཔའ་ཆེ་ལྟར་འགྲུབ་པར་འགྱུར། ཁུན་དུ་དེ་ལ་མཆོད་དགོས་ཏེ། །མཆོད་ན་ཡོན་ཏན་དམ་པར་འབྱུང་། །མཆོད་པར་བྱ་བའི་ཆོ་ག་ཡང་། །སྒྲིབ་སྦྱངས་བསོད་ནམས་དཔུང་བསྐྱེད་དེ། །རང་རྒྱུད་དག་པར་བྱས་ན་ནི། །ཟླ་བ་དུས་ནི་ཐམས་ཅད་ཀྱི། །བཅུ་དྲུག་ཆ་ལ་རྫོགས་པའི་ཚེ། །བདག་ཉིད་གཅིག་པུ་སེམས་ཡུལ་དུ། །གྱུར་པར་བྱས་ན་མཆོད་པ་ནི། །ཟ་མ་ཏོག་དང་བཅས་པ་དག །རྒྱལ་མཚན་རྩེ་མོར་བཏགས་བྱས་ཏེ། །ཇི་ལྟར་འདོད་པས་སྨོན་ལམ་བཏབ། །དེས་ནི་འདོད་པ་ཐམས་ཅད་སྐོངས། །དེ་ནི་རྣལ་འབྱོར་སྐལ་ལྡན་གྱིས། །ཡིད་བཞིན་ནོར་བུ་རིན་པོ་ཆེ། །རྣལ་འབྱོར་སྒྲུབ་པའི་རྫས་མཆོག་ཏུ། །མིང་གིས་མེད་དུ་མི་རུང་ངོ་། །ཇི་ལྟར་རོ་དག་གསེར་འགྱུར་དང་། །དེ་བཞིན་མེ་ཡིས་བསྲེགས་སྦྱངས་བཞིན། །དངོས་པོར་སྤྱོད་པ་ཇི་སྙེད་པ། །དེ་ཉིད་དམ་པ་ལ་མི་གཡོ། །དེ་ལ་སོགས་པ་མཐའ་ཡས་སྤྱོད། །དངོས་པོ་བཞི་ལ་གནས་སྤྱོད་པ། །རྡོ་རྗེ་སེམས་དཔའི་ཆོས་ཉིད་དེ། །སྤྱོད་པ་རྨད་འབྱུང་དམ་པ་ཡི། །ཇི་ལྟར་གླང་པོ་ཆུར་ཞུགས་པ། །ཐོགས་ཆགས་འཇིགས་པ་ཡོད་མེད་པར། །དགའ་བའི་ལོངས་སྤྱོད་བྲོད་ཚུལ་གྱིས། །མི་ལྡོག་ཕ་རོལ་ཕྱིན་པ་ལྟར། །རྣལ་འབྱོར་ངེས་པར་སྤྱོད་པ་ཡང་། །བརྟུལ་ཞུགས་རྒྱ་མཚོའི་ཆུར་འཇུག་པ། །རྩལ་ཆེན་སྦྱོང་བའི་བྲོད་ཚུལ་གྱིས། །ཐོགས་ཆགས་མེད་པར་ལ་དོར་བའོ། །སྤྱོད་པ་གང་བར་བྱ་བའི་ཐབས། །གོམས་པ་ཀློང་དུ་གྱུར་པ་གཅེས། །གྲོགས་པོ་དག་དེ་དག་ནི་ལ་དོར་བར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་སྤྱོད་འཇུག་གི་ལེའུ་ཞེས་བྱ་སྟེ་བདུན་ཅུ་གཅིག་པའོ།། །།དེ་ནས་གང་གསང་བ་པའི་བདག་པོས་དམན་པ་རྣམས་ལ་སྨྲས་པ། ཀྱེ་གྲོགས་པོ་དག་གང་གིས་བཅད་པར་བྱ་བ་ནི་འདི་ལྟ་སྟེ། དགོངས་པ་དམ་པ་དེ་ཁོ་ན་ཉིད་དོ། །དེ་ཅིའི་ཕྱིར་ཞེ་ན། དགོངས་པ་དེ་ཁོ་ན་ཉིད་གཅིག་བསླབས་པས་བསམ་གྱིས་མི་ཁྱབ་པའི་ཆོས་ལ་བསླབས་པའོ། དེ་ཁོ་ན་ཉིད་གཅིག་ལ་མཁས་ན་བསམ་གྱིས་མི་ཁྱབ་པ་ལ་མཁས་པའོ། །དེ་ཁོ་ན་ཉིད་དེ་ལ་གོམས་ན་བསམ་གྱིས་མི་ཁྱབ་པ་ལ་སྒོམ་པའོ། །དེ་ཁོ་ན་ཉིད་དེ་ལས་མ་འདས་ན་བསམ་གྱིས་མི་ཁྱབ་པའི་དམ་པ་བསྲུངས་བའོ། །དེ་ཁོ་ན་ཉིད་དེ་ལ་ཞུགས་ན་བསམ་གྱིས་མི་ཁྱབ་པའི་སྒོར་ཞུགས་པའོ། །དེ་ཁོ་ན་ཉིད་དེ་ལ་སྤྱོད་ན་བསམ་གྱིས་མི་ཁྱབ་པའི་ཡོ་བྱད་ལ་སྤྱོད་པའོ། །དེ་ཁོ་ན་ཉིད་མངོན་དུ་བྱས་ན་བསམ་གྱི་མི་ཁྱབ་པའི་རྒྱ་མཚོ་སྙེད་བྱས་པའོ། །དེ་ཁོ་ན་ཉིད་དེ་མ་ནོར་བར་བསྟན་ན་ཆོས་ཀྱི་སྒོ་དཔག་ཏུ་མེད་པ་བསྟན་པའོ། །དེ་ཁོ་ན་ཉིད་དེ་ཕྱིན་ཅི་མ་ལོག་པར་ཐོས་ན་བསམ་གྱིས་མི་ཁྱབ་པའི་ཆོས་ཀྱི་སྒོ་ཐོས་པའོ། །དེ་ཁོ་ན་ཉིད་དེ་མངོན་དུ་གྱུར་ན། །དཔག་ཏུ་མེད་པའི་རྒྱལ་བ་མཐོང་བར་འགྱུར་རོ། །དེ་ཅིའི་ཕྱིར་ཞེ་ན། དེ་དག་ཐམས་ཅད་ཀྱི་བཅུད་དུ་བྱ་བའམ་སྙིང་པོར་བྱ་བ་ནི་དེ་ཁོ་ན་ཉིད་དེ་དེ་ལས་མེད་པའི་ཕྱིར་རོ། །གྲོགས་པོ་དག་དེ་བས་ན་འདི་ལྟར། དེ་བཞིན་ཉིད་ཀྱི་དོན་མཐོང་ན། །མཐོང་བས་ཐམས་ཅད་སྒྱུ་མ་ཡིན། །དེ་ཉིད་གོ་འཕང་མཆོག་འཕགས་ན། །བླ་མེད་མཐོ་བཙུན་མཐའ་དག་བརྫུན། །དེ་བཞིན་ཉིད་དུ་ངེས་ཕན་ཆད། །གང་དམན་སྤ་གོང་ཞུམ་པ་མེདདེ་བཞིན་ཉིད་དུ་ཐག་ཆོད་ན། །འཇིག་རྟེན་གནས་ཀྱང་ཆོས་ཀྱི་སྐུ། །དམ་པར་ངེས་ཀྱང་འཇིག་རྟེན་འཇུག །འཁོར་བའི་མཐའ་ལའང་སྐྱོ་བ་མེད། །མུ་མཐའ་ཡས་ཀྱང་གཅིག་ཏུ་རྫོགས། །བདུད་ཀྱི་ཁམས་ལ་ཉམས་མི་ང་། །མི་བཟང་ཁམས་ལ་བག་མི་ཚ། །འདོད་པའི་དངོས་པོ་དབྱིངས་ལ་སྦྱོར། །ཅིག་ཅར་ངེས་པའི་དོན་མཐོང་ན།།རིམ་གྱིས་སྦྱོར་བ་སླུ་་འདྲིད་འདྲ། །དེ་ལ་མོས་པ་ཙམ་གྱིས་ཀྱང་།ཁམས་གསུམ་ཟིལ་གྱི་གནོན་པར་འགྱུར། །ཀློང་དུ་གྱུར་པ་སྨོས་ཅི་དགོས། །དཔེར་ན་སེང་ཕྲུག་ཁྱུང་སྒོང་དག །མིག་མ་བྱེ་ཞིང་མར་བླངས་ཀྱང་།།ཀུན་སྐྲག་སྒོ་ང་འམ་མཁར་འགྲོ་ལྟར།།དེ་ཉིད་ངེས་པར་གང་གྱུར་པ།།དེ་དག་འཇིག་རྟེན་གཞན་འཇུག་ཀྱང་། །གོ་འཕང་དམ་པ་དེ་ཉིད་དུ། །དེས་པ་ཅི་ལའང་བག་མི་ཚ། །རིམ་གྱིས་མཚན་མར་སྤྱོད་པ་དང་། །མེད་དང་དམིགས་དང་མི་དམིགས་དང་། །བསྒྲུབ་དང་བགྲོད་པར་བྱེད་པ་ཡི། །བྱེ་བྲག་མེད་པར་རྟོག་འཇུག་པ། །བླུན་པོ་དེ་དག་སྟོངས་པ་སྟེ། །དམ་པར་ངེས་པ་ག་ལ་ཡིན། །གཅན་གཟན་ཐ་མའི་ཕྲུ་གུ་འདྲ། །སྐྲག་ཅིང་དངང་པའི་རང་བཞིན་ནོ། །མཐའ་ཡས་ཇི་སྙེད་ཆོས་ཀུན་གྱི། །རང་བཞིན་ཇི་ལྟར་གནས་པ་བཞིན། །མ་བཅོས་ཕྱིན་ཅི་མ་ལོག་པ། །དེ་བཞིན་ཉིད་དུ་ཐག་ཆོད་པའོ། །ཇི་ལྷར་ཁྱུང་ཆེན་མཁའ་ལྡིང་བ། །འདབ་གཤོག་རྩལ་གྱིས་ནམ་འཕང་སྤྱོད། །རི་བྲག་ཆུ་ཀླུང་མཐའ་ཡས་ཀྱང་། །འཕུར་རླབས་འོག་ཏུ་ཀུན་ཆུད་ལྟར། །རྣལ་འབྱོར་ཆོས་ཉིད་མཁའ་འགྲོ་བ། །ཐེག་པའི་སྤྱོད་སྒོ་མཐའ་ཡས་ཀྱང་། །ཇི་བཞིན་མ་བཅས་པ་དོན་གྱིས་ན། །གོ་འཕང་རླབས་ཀྱིས་ཐག་བཅད་པ། འདི་ནི་རེ་དང་དོགས་པ་ཡི། །ཐེ་ཚོམ་གཅོད་པའི་ངེས་པ་སྟེ། །དམ་པ་ཉིད་ལ་ལྟ་བ་ཡི། །གོ་འཕང་གཅོད་པ་ངེས་པར་གཅེས། །གྲོགས་པོ་དག་དེ་དག་ནི་ས་ཡོངས་སུ་གཅོད་པར་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས། །དམན་པ་རྣམས་རེ་དོགས་མེད་པར་ཐག་གཅོད་པའི་གོ་འཕང་ཐོབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐེ་ཚོམ་ཡོངས་སུ་གཅོད་པའི་ལེའུ་ཞེས་བྱ་སྟེ་བདུན་ཅུ་གཉིས་པའོ།། །།དེ་ནས་ཡང་གསང་བ་པའི་བདག་པོས་དམན་པ་རྣམས་ལ་སྨྲས་པ། །ཀྱེ་གྲོགས་པོ་དག་གང་ཉམ་རྙེད་པར་བྱ་བ་ནི་འདི་ལྟ་སྟེ། དགོངས་པ་དམ་པ་ཀུན་འདུས་ལ། །འཇུག་པའི་གཙོར་ནི་བསམ་གཏན་ཏེ། །འཁོར་ལོས་དབང་སྒྱུར་ཇི་བཞིན་དུ། །ཆོས་ཀུན་དབང་སྒྱུར་བསམ་གཏན་ཡིན། །རྣལ་འབྱོར་བསམ་གཏན་ཆེན་པོ་འདི། །དུག་དང་མུན་པ་གསེར་འགྱུར་བཞིན། །ཐམས་ཅད་དབང་སྒྱུར་བསམ་གཏན་ཡིན། །དེས་ན་དམ་པའི་བསམ་གཏན་བྱ། །གལ་ཏེ་བསམ་གཏན་འདི་མེད་ན། །རྒྱ་མཚོ་མཇིང་གི་ཕ་བོང་ལྟར། །དཔག་ཏུ་མེད་པའི་སྒོ་བཅད་ཀྱང་། །དོན་མེད་སྙིང་པོ་སྐམས་པ་ཡིན། །རྣལ་འབྱོར་ཆེན་པོའི་བསམ་གཏན་ནི། །ཇི་བཞིན་པ་ཡི་དེ་ཉིད་ལ། །མ་བཅོས་པ་ཡི་བློ་བཞག་སྟེ། །མ་ཡེངས་སྐྱེ་འགག་མེད་པའོ། །རྣལ་འབྱོར་དམ་པ་ཇི་བཞིན་པ། །སེམས་ཀྱི་ཆོས་ཉིད་དེ་ཉིད་དོ། །དེ་བཞིན་ཉིད་ཅེས་མི་དམིགས་པ། །རྩ་བའི་ཀུན་ཤེས་ཀུན་གཞི་ཉིད། །ཅི་ཕྱིར་མ་བྱས་མ་བཅོས་པ། །རང་འབྱུང་དེ་བཞིན་ཉིད་ཅེས་བཤད། །ཐམས་ཅད་ཀུན་དུ་སྣང་བ་ནི། །འཇུག་པའི་རྣམ་ཤེས་ཡུད་ཙམ་ཉིད། །ཅི་ཕྱིར་ཀུན་དུ་སྣང་འཇུག་པས། །ཕྱི་ནང་ཀུན་དུ་སྣང་བར་བཤད། །རྒྱུ་ཡི་རྣམ་པར་བཀོད་པ་ནི། །འཇུག་པའི་རྣམ་ཤེས་སྒོ་ལྔ་ཉིད། །ཐམས་ཅད་གང་གི་རྒྱུར་བཀོད་པས། །ཐམས་ཅད་འབྱུང་བའི་རྒྱུ་ཞེས་བཤད། །གང་གི་དགོངས་པ་དམ་པ་ནི། །སྟོང་པ་མ་ཡིན་ཐེག་ཟུག་མེད། །དབུ་མར་མི་དམིགས་ཀུན་རིགས་གསལ། །ཡོད་མིན་མེད་མིན་ལས་ཀྱང་འདས། །གང་འདིར་ཚོར་འགྲོ་མ་རགས་དང་། །གང་འགོག་བྱིས་པའི་སྤྱོད་ཡུལ་དང་། འདི་གང་ཉམས་པའི་ལོག་སྲེད་ཅན། །ཡན་བལ་ཕྱལ་བ་དམིགས་པ་གཅིག །གང་འདིར་ལྟ་བས་མདོངས་པ་དག །བདག་ལ་བརྟེན་ནས་མཐའ་སྒྲུབ་སྟེ། །མེད་མོས་དེས་འགྲོ་མེད་སྙམ་ནས། །དེ་མ་ཐག་ཏུ་ངན་འགྲོར་འགྲོ། །མོས་པ་ཆུང་ངུ་ཐམས་ཅད་ནི། །གང་ལ་བདག་མེད་རྟེན་བཞིན་མཐོང་། །གང་བཀག་རྟོག་ཡོད་དཔྱོད་མེད་པ། །བསམ་གཏན་དང་པོ་ཁོ་ནའོ། །ཀུན་སྟོང་ཕྲ་བའི་སྟོང་པ་ལས། །གནས་རྟོག་མེད་ལ་དཔྱོད་པ་གཉིས། །སྟོང་པ་ཉིད་ལ་ངེས་བཞག་སྟེ།དགའ་བ་བསྐྱོད་པ་གསུམ་པའོ། །བདག་གམ་གཞན་གྱི་མཐུས་བསྟན་ཏེ། །སྐྱོན་མེད་མི་གཡོ་གནས་བཞི་བ། །གང་ཡོད་མཐར་ཡང་འགྱུར་སྲིད་ཀྱི། །གང་མེད་གནས་མེད་མཐར་མི་འགྱུར། །གང་མེད་མི་མཐོང་མི་ཤེས་བཞིན། །བཙལ་བས་རྙེད་པར་མི་འགྱུར་ཡང་། །དེ་ཉིད་མེད་པར་མི་འགྱུར་བས། །རྒྱུ་འབྲས་མེད་ཀྱང་དོན་མེད་མིན། །དཔེར་ན་ལྕགས་བསྲེགས་དཔལ་མེད་བཞིན། །ཆེན་པོ་བཞི་མེད་སྟོངས་འགྱུར་ཀྱང་། །དེ་དང་ནམ་མཁའ་མེདམིནབཞིན། །དེཉིདམི་རླག་མེད་མིན་འགྱུར། །དྲུག་གི་སྤྱོད་ཡུལ་མཚན་མ་སྟེ། །མཚན་མ་དངོས་པོར་སྣང་བས་ན། །ཅི་དགར་བཞག་པས་དེ་བཟློག་མེད། །དེ་སྟོང་སྤང་ཞིང་བཟློག་ཏུ་མེད། །ཐམས་ཅད་སེམས་ཀྱི་ཆོས་ཉིད་དུ། །ཚིག་མེད་ལྟ་བས་ཐག་ཆོད་ན། །མ་བཅོས་མ་ཡེངས་ཡེངས་ཐུབ་སྙོམས། །རྩོལ་སྒྲུབ་རེ་དོགས་ག་ལ་ཡོད། །མི་མཐུན་གཉེན་པོ་སྒོམ་མི་དགོས། །སྐྱོན་ཡོན་སྤོང་ལེན་བྱིང་རྒོལ་རྣམས། །གང་འདིར་དབྱེར་མེད་ཟུང་འབྲེལ་ན། །ཞི་གནས་ལྷག་མཐོང་སེམས་ལས་བྱུང་། །ཞིག་པས་ནམ་མཁའ་མེད་མི་འགྱུར། །འ་ས་པས་བྱང་ཆུབ་སེམས་མི་སྟོར། །སྤངས་པས་མི་སྤོང་མཐའ་ཡས་ཆོས། །བཀྲུས་པས་མི་འདག་སྟོང་ཉིད་དབྱིངས། གང་སྟོང་ཡོད་པས་ཆད་རྟག་པས། །ཐམས་ཅད་རིག་པས་སྟོང་མ་ཡིན། །དངོས་པོ་མེད་པས་རྟག་མ་ཡིན། །ཅི་ཡང་མེད་པས་སྦྱད་དུ་མེད། །བྱ་བ་ཐམས་ཅད་ཡོངས་བཏད་ན། །ཡེ་ནས་མ་བཅོསཔ་དེར་བཞག་ན། །དེ་མེད་པས་ན་དེ་ཡང་མེད། །དེ་ནི་དམ་པའི་ཉམས་རྙེད་པའི། །འདིར་ནི་ཐེག་ཆེན་དམ་པ་ཡི། །ནད་ནི་རིམ་གྱིས་འཐོབ་མ་ཡིན། །རིམ་གྱིས་པ་ཡི་དུག་རྒོད་ནི། །ཅིག་ཅར་འཆད་བའི་དེ་ཁོ་ནའོ། །དེས་ན་གང་དང་གང་དག་གིས། །ཇི་ལྟར་གོ་དང་མོས་བཞིན་དུ། །བསྟན་པ་གང་དང་གང་དག་ལ། །སོ་སོ་ཡིད་བརྟན་ཡུལ་དུ་བྱ། །དེ་བས་སྒྲོན་མ་དཔག་མེད་ཀྱིས། །དམ་པ་ཇི་སྙེད་གསུངས་པ་རྣམས། །གཅིག་ཏུ་ཆད་དམ་ངེས་མེད་དེ། །ཇི་ལྟར་འབྱུང་བ་དེ་ལྟར་ངེས། །འདི་ལ་གང་འཇུག་པར་གཅོད་པ། །ལེ་ལོ་བྱ་མང་རྒོད་པ་དང་། གཡེང་དང་རྨུགས་དང་འདོད་པ་དང་། །གཉིད་དང་དེ་དོགས་ཐེ་ཙོམ་དང་། །འདུ་འཕྲོ་སྤྱོད་དང་དགའ་བའོ། །དེ་ཡང་རང་བཞིན་དེ་བཞིན་ཉིད། །དུག་ལྔ་ལ་སོགས་ཀུན་འབྱུང་ཉིད། །རང་འབྱུང་རང་ཞི་དེ་བཞིན་ཉིད། །དམ་པའི་དོན་ལ་གང་སྒྲིབས་པ། །མི་གཡོ་གསལ་བདེ་སྡུག་བསྔལ་དང་། སྐྱེ་བ་གསལ་བ་འབྱིན་པ་དང་། དེས་དང་ཁྱད་སྙེམས་འབྱུང་ཞི་ཉིད། །བསམ་གཏན་ཆེན་པོར་དེས་སྣང་བ། །ཀུན་ཏུ་མི་ཉམས་རེ་དོགས་མེད། །དང་བ་མི་སྐྱེ་མི་གཡོ་དང་། །མ་ཆགས་མི་འཆད་ལེན་པ་མེད། །འཁྲུག་པ་མེད་ན་རང་བཞིན་ཉིད། །རྣལ་འབྱོར་བདུད་ཀྱི་སྤྱོད་ཡུལ་ནི། །དམ་པར་འདུན་མཐོང་དམ་པར་སྨྲ། །སྤྲུལ་པ་གྲངས་མེད་འགྱེད་མཐོང་དང་། །དམ་པས་སྨྲས་ཀུན་གསལ་མཐོང་དང་། །དུས་ཀུན་ཤེས་གསལ་མཐོང་བ་དང་། །རྒྱུད་དྲུག་ལམ་ནས་ཀུན་སྣང་དང་། །དེ་ལ་གདུང་བའི་ཤུགས་འབྱུང་དང་། །ཀུན་སྣང་གསལ་བར་མཐོང་བ་དང་། །ཅི་ལའང་ཐོགས་མེད་འགྲོ་བ་དང་། །མཁའ་ལ་བྱ་བཞིན་འགྲོ་འདུག་དང་། དམ་པའི་ཕྱག་རྒྱ་ལུང་སྟོན་དང་། ཀུན་གྱི་སྐད་དུ་ཆོས་སྨྲ་དང་། དངོས་པོ་བསྟན་གཡོ་བསྟི་གནས་མཐོང་ ཐམས་ཅད་མཉམ་པར་བཀོད་པ་དང་། །དེ་ཉིད་རང་བཞིན་གསལ་སྣང་དང་། །ལས་སུ་རུང་བ་ཐོགས་མེད་དང་། །དམ་པའི་དོན་ལ་བསྒོ་བ་དང་། །འཇིག་རྟེན་གཙོ་བོས་མཆོད་པ་དག །རངབཞིནཤེསནདམཔའི་རྟགས། །གང་མི་ཤེས་པ་ལོག་པའི་བདུད། །སྒོ་དྲུག་མཚན་མ་ཅི་སྐྱེས་དང་། རང་འབྱུང་རང་ཞི་ཅི་དགར་གཞག །མ་སྐྱེས་པས་ན་བཟློག་ཏུ་མེད། །དེ་ཡང་དེ་བཞིན་དེ་ཉིད་དོ། །འདས་དང་མ་འོངས་ད་ལྟར་གྱི། །ཉེས་དང་ལེགས་པ་གང་ལ་ཡང་། །དགལ་དང་འགྱོད་པའི་རྟོག་པ་མེད། རང་འབྱུང་རང་ཞི་དེ་ཉིད་དོ། །འདིར་ནི་དམ་པ་གང་ངེས་པ། །རྣལ་འབྱོར་མཚན་མའི་སྔ་ལྟས་ཡིན། །ཆུ་ཀླུང་མེ་གསེར་ག་ན་བར། །འདུ་འཕྲོ་འབྱུང་རྩི་ངེས་པ་བཞིན། །དམ་པར་ངེས་ན་དམ་པར་འབྱུང་། །དམ་པར་མ་ངེས་ཐམས་ཅད་བདུད། །དམ་པར་ངས་ན་ཆུང་ངུ་ཙམ། །གང་འབྱུང་དམ་པའི་སྔ་ལྟས་སོ། །གང་གི་དམ་པ་ཉིད་ཐོས་ན། །མི་སྐྲག་མི་དངང་དགའ་བ་སྐྱེ། །གང་ཞིག་དམ་པ་ཉིད་ལྟ་བ། །ཐམས་ཅད་དམ་པ་ཉིད་དུ་མཐོང་། །དམ་པའི་ཀློང་དུ་གང་གྱུར་པ། །རྣམ་གྲངས་མང་པོར་དམ་པར་སྡུད། །དམ་པ་ངེས་པ་མཐོང་བ་ན། །ཚིག་ལམ་རྗེས་སུ་དེ་མི་འགྲོ། །དེ་མཐོང་ཐམས་ཅད་དམ་པར་གསལ། །སྣང་བ་མེད་པའི་དམ་པ་ནི། །སྣང་བ་མེད་པར་མཐོང་བར་འགྱུར། །དེ་ཉིད་ཀུན་གྱི་རྒྱུ་ཡིན་ཏེ། །ཆོ་འཕྲུལ་རྒྱུ་བ་ཐམས་ཅད་འབྱུང་། །གཡོ་དང་གྲོད་ཐོབ་བརྟན་པ་དང་། །གསལ་དང་རྟགས་ཐོབ་བརྟན་པ་དང་། །ཉི་ཟེར་རྡུལ་ཕྲན་སྨིག་རྒྱུ་དང་། །མཚོ་རླབས་རླུ་་དང་ཆར་གྱི་རྒྱུན། །སྤྲིན་ལྡིང་ཏ་ལ་གང་འཕར་འགྲོ། །ས་གཡོ་འབྱུང་བའི་སྐྱེ་མཆེད་སྣང་། །འབྱུང་རྒྱུན་ཟུག་རྔུ་ལ་སོགས་པ། །གང་གིས་ཡོངས་སུ་ནད་ཞི་བ། །མུན་པའི་སྐྱེམཆེདཆོམསཔདང་། །ལུས་ཀྱི་བཟོད་པ་ཐོབ་པ་དང་། ཀུན་ལ་བདེ་བླག་ཇི་བཞིན་པའོ། །གང་མིན་གང་དུ་སྒྱུར་བ་དང་། །གང་མེས་པ་ལས་གང་འབྱིན་པའོ། །ཡིད་འོང་འདོད་གྲུབ་རྫས་མཆོག་རྙེད། །ཀུན་དགའ་ཀུན་འདུད་ཀུན་ཡིད་དང་། །ཀུན་ལ་དབང་སྒྱུར་མཆོག་འགྲུབ་ལྟས། །ཡུད་ལས་སྔོན་དུ་འབྱུང་བའི་ལྟས། །སྒྲེན་མོར་བྱུང་དང་རྟག་པར་འཁྲུ། །རྣམ་དག་ཆུ་བོར་འབགས་དང་རྐྱལ། །ཆར་རྒྱུན་བུམ་ཆུ་འབྱུང་བ་དང་།གསེག་དང་གཡེང་དང་རྣམ་པར་འཐོར། །འདི་གང་སྦྱོང་བ་དག་པའི་ལྟས། །གང་འདིར་འཇིགས་དང་བྲལ་བ་ཡང་། །གཡུལ་འགྱེད་ཞི་དང་ཟུག་རྔུ་བྱང་། །ཐ་མར་གྲོལ་དང་གཤེད་ལས་ཐར། །གདུག་པའི་ཚོགས་བྲལ་དུག་ནད་ཞི། །གཅིང་གྲོལ་བཙན་ལྟས་བཟང་པོ་ཡིན། ཁྱད་པར་དམ་པའི་སྔོན་བྱུང་བ། ཁྲི་རྐང་ཤིང་དང་ལྗོན་ཤིང་སྐས། །འཛེགས་དང་གྱེན་དུ་འགྲོ་བ་དང་། རི་རྩེའི་མཆོད་རྟེན་ནམ་མཁའི་སྐས། །གོང་ནས་གོང་དུ་འཕར་བའི་ལྟས། །གང་ལ་གནས་དང་ནོན་པ་ཡང་། ཁྲི་མཐོན་ལ་འདུག་གླང་ཆེན་ཞོན། །སེང་ཆེན་ཁྱུང་ལྡིང་འདབ་ཆགས་དང་། །མཆོད་རྟེན་རྩེ་དང་རི་བོའི་སྤོ། །ནམ་མཁའི་དབྱིངས་ན་འདུག་པ་དང་། །ལུས་ལས་སྤྲིན་བྱུང་ཉི་ཟླ་ལ། །འདུག་པ་གང་ལ་གནས་པའི་རྟགས། །དམ་པ་རིགས་ཀྱི་སྔོན་བྱུང་བ། །བཀའ་རྟགས་དབང་པོར་དབང་སྒྱུར་བྱེད། །འཇིག་རྟེན་སྐས་ལ་འབེབས་པ་དང་། དབང་སྡུད་གཡུལ་རྒྱལ་རྒྱལབར་འགྱུར། །མགོ་ལ་མེ་ཏོག་ཐོད་སྐྱེས་པའོ། །ཆོས་གང་དབང་སྒྱུར་སྔོན་བྱུང་བ། །གླེགས་བམ་རྙེད་དང་འདྲི་སྤྱོད་དང་། །གཞན་ལ་སྟོན་དང་གཏན་ལ་འབེབས། །མེ་ལོང་བུམ་གང་ལྟ་རྟོག་འཐུང་། །ནོར་བུ་ཐུ་དང་འཁོར་ལོ་བབ། །ཉི་ཟླ་ཟིན་དང་རི་རབ་སྐོར། །གང་ལ་སྒྲ་བརྒྱས་སྟོང་གསུམ་གང་། །དངོས་པོ་མཐའ་དག་ཡི་གེར་མཐོང་། །ཀླགས་པས་ངོ་མཚར་ཀུན་སྐྱེད་དང་། མཁའ་ལས་མེ་ཏོག་ཆར་འབབ་པའོ། །དམ་པ་མཐོང་བ་སྔོན་བྱུང་བ། །སྔོན་མ་མཐོང་བ་ཡུལ་མཐོང་དང་། །སྟོང་གསུམ་མཐོང་ཞིང་གླིང་རྣམས་བགྲོད། །རི་རབ་རྩེར་ཕྱིན་ཐམས་ཅད་མཐོང་། །ནམ་མཁའ་མཐའ་ཡས་མཐོང་བ་དང་། །རྒྱ་མཚོའི་གཏིང་དུ་ཕྱིན་པ་དང་། སྒྲོན་མེ་ཐོགས་དང་སྣང་སྲིད་དཔྱོད། །ཉི་མའི་སྙིང་པོ་ལྟ་བུའོ། །ལུང་ཆེན་ཐོབ་པ་སྔོན་བྱུང་བ། །རོལ་མོ་འབྲུག་སྒྲ་སེང་གེ་དང་། །ཆོས་ཀྱི་བགྲོ་བ་ཐོས་པ་དང་། །གཟུགས་བརྙན་ཞལ་འཛུམ་འོད་འབྱུང་དང་། །དམ་པའི་གསུང་ཐོས་སྐུ་མི་མཐོང་། །ལྷ་མོ་གླུ་དབྱངས་སྒྲོགས་པ་དང་། །གཞལ་ཡས་དག་ལ་སྒྲ་འབྱུང་དང་། །གྲོགས་པོ་དམ་པ་ཞེས་འབྱུང་ཞིང་། །དེ་ཉིད་འགྲོ་བར་བྱེད་པའོ། །རིག་འཛིན་དམ་པའི་ལྟས་ཤར་ན། །བྱིན་བརླབས་མཐུ་ཡི་ཆོ་འབྲུལ་ཡང་། །ཉི་ཟླ་ཞོན་ནས་འགྲོ་བ་དང་། །རི་རབ་རྐེད་ནས་གསོར་བ་དང་། །འཇིག་རྟེན་རྒྱང་མར་འཕང་བ་དང་། སྲེག་པའི་བསྐལ་བ་བཞིལ་བ་ལ། །སོགས་པའི་ཆོ་འཕྲུལ་ཐམས་ཅད་ཀྱང་། །ཁྱད་པར་རྩལ་གྱིས་སྟོན་པར་ནུས། །འདུལ་བའི་འགྲོ་བ་ཐམས་ཅད་ལ། །སོ་སོའི་སྐད་དུ་ཆོས་མཐུན་པར། །འདུལ་བའི་སྒོ་ནི་སྣ་ཚོགས་སུ། །གང་ལ་དེ་ལྟར་སྟོན་པར་ནུས། །རྣལ་འབྱོར་རྩལ་གྱི་ཁྱད་པར་གྱིས། །འཇིག་རྟེན་ཁམས་ཀུན་གཡོས་ནས་ཀྱང་། །ཐམས་ཅད་ངོ་མཚར་ཆེར་འགྱུར་ཏེ། །དགའ་མགུ་རངས་པའི་རོ་མྱོང་འགྱུར། །གཡེང་བའི་ཡི་གེ་ཕྲེང་བ་ལས། །རྫུ་འཕྲུལ་ཆོས་ཀྱི་སྒྲ་བསྒྲགས་པས། །ཡིད་མཐོང་རྣམ་གྲངས་ཆོས་རྣམས་ཀུན། །སྔགས་སྣང་སྔགས་སུ་མ་གྱུར་མེད། །རྣལ་འབྱོར་ཆེ་ཅུང་རིམ་པ་དག །རྩལ་གྱི་ཁྱད་པར་དག་ལས་བྱུང་། །རིམ་གྱིས་འཇུག་དང་ཅིག་ཅར་བ། །དབུགས་ཀྱི་ཡུལ་དང་ཚོར་བ་དང་། །ཐོས་དང་མཐོང་བ་ལ་སོགས་ཏེ། །སེམས་ཀྱི་ཡུལ་དང་ནམ་མཁའི་དབྱིངས། །ཆོས་ཀྱི་དབྱིངས་ཀྱི་མཐའ་ཀླས་པར། །རང་བཞིན་ཡི་གེ་བསྒྱུར་ཡི་གེ །ཡན་ལག་ཡི་གེ་སོ་སོ་ཡི། །རྩ་བ་ལ་སོགས་གཞི་གཅིག་བཅས། །འཕྲོ་འདུའི་ཚད་དང་ཕྱག་རྒྱའི་ཁྱོན། །ཚོམ་བུའི་གྲངས་ཀྱང་དེ་བཞིན་ནོ། །འདི་ནི་དང་པོའི་འཇུག་རིམས་ཏེ། །མཐར་གྱིས་འདྲིས་ཤིང་གོམས་བྱེད་པའོ། །ཡི་གེ་ཡེ་ཤེས་ལས་བསྐྲུན་ཏེ། །དོན་བྱེད་པའང་ཕྱག་རྒྱར་འབྱུང་། །རྒྱ་མཚོ་གནོན་དང་ནམ་མཁའི་སྐས། །རླུད་འཆིང་བ་དང་རྒྱུན་བཟློག་པ། །སྲེག་པའི་བསྐལ་པ་གཞིལ་བ་དང། །ཉིཟླཤོནནསའཇིགརྟེན་འཕང་། །ས་ལ་འཛུལ་དང་རི་རབ་འདེགས། །སྟོང་གསུམ་ཡུངས་འབྲུར་འཇུག་ཚུལ་དང་། །གཞིག་དང་སྤར་བ་ལ་སོགས་ཏེ། །བསམ་བྱ་བསམ་གྱི་མི་ཁྱབ་པ། །གོམས་པས་ལས་སུ་རུང་བ་ཡི། །རྣལ་འབྱོར་རྩལ་ཆེན་སྦྱོང་བར་ཟད། །བཟླས་པ་མཐར་ཕྱིན་གྲུབ་པ་དང་། །བཅིང་བ་ཡོངས་སུ་རྫོགས་པ་དང་། །བསམ་པ་ལས་སུ་རུང་བ་དང་། །དོན་མཐོང་བ་དང་ཚིག་གྲུབ་པ། །བྱ་བ་ཡོངས་སུ་དག་པ་དག །དོན་གཅིག་ཡུལ་ལ་སོ་སོར་སྣང་། །དེས་ན་ཏིང་འཛིན་ཁྱད་པར་ཡང་དེ་ཉིད་གཅིག་ལ་སྒོམ་མོད་ཀྱི། །རྣལ་འབྱོར་རྩལ་གྱི་ཁྱད་པར་ནི། །བསམ་པའི་ཡུལ་ནི་སྣ་ཚོགས་ཏེ། །དང་པོ་ས་ལ་གནས་པ་ཡི། །བཙལ་བ་ལས་ནི་རྣལ་འབྱོར་པ། །འདུན་པའི་སེམས་པའི་རྣལ་འབྱོར་ལ། །སོགས་པའི་རྣལ་འབྱོར་རྣམ་དྲུག་པོ། ཁྲེས་རབ་རྩལ་གྱི་འཕང་དམས་པས། །ཏིང་འཛིན་རྩལ་ཡང་ཆུང་བ་སྟེ། །དེ་ཉིད་མཐོང་བར་མི་འགྱུར་བས། །རང་གི་མོས་པ་གང་དམིགས་ན། །དེ་ཡི་ས་བོན་གང་ཡིན་པ། ཁ་དོག་དབྱིབས་ཀྱིས་ཕྱེ་ནས་ནི། །སྣ་ཡི་དབུགས་ལ་རྒྱུ་བྱས་ཏེ། །དེ་ཡི་ཡུལ་དུ་གྱུར་ཚད་དུ། །འོད་ཟེར་འབར་འཕྲོ་གསལ་བ་ལས། །འཕྲོ་འདུ་གནས་སུ་བསྐྱེད་པར་བྱ། །རང་གི་ཆག་ཚད་དང་སྦྱར་བའི །སྐུ་ཡི་ཁྱོན་ཡང་དེ་ཙམ་མོ། །གཉིས་པའི་ས་ལ་གནས་པ་ཡི། །བཀའ་སྡོད་ལས་ཀྱི་རྣལ་འབྱོར་ལ། །སོགས་པའི་རྣལ་འབྱོར་རྣམ་བཞི་པོ། །ཏིང་འཛིན་རྩལ་གྱི་ཁྱད་པར་གྱིས། །ས་བོན་རང་བཞིན་ཡི་གེ་ལ། །འོད་ཟེར་འབར་བ་བཅས་པ་དེ། །དྲི་འབྱུང་སྒོ་ནི་ཚུན་ཆད་དུ། །འཕྲོ་འདུ་གསལ་བར་བསྐྱེད་པ་ལས། །རང་གི་ཆག་ཚད་གཉིས་བསྒྱུར་བའི། །སྐུ་ཡི་ཁྱོན་ཡང་དེ་ཙམ་མོ། །གསུམ་པའི་ས་ལ་གནས་པ་ཡི། །རྣལ་འབྱོར་ལུང་གི་བཀའ་སྒོ་ལ། །སོགས་པའི་རྣལ་འབྱོར་རྣམས་གསུམ་པོ། །དམིགས་པའི་ཏིང་འཛིན་འདི་ལྟར་འདོད། །ལྷ་ཡི་ས་བོན་གང་ཡིན་པ། །རང་བཞིན་ཡི་གེར་བསྒྱུར་བྱས་ཏེ། །འོད་ཟེར་འབར་དང་བཅས་པ་ཡིཐོས་པའི་ཡུལ་ནི་ཚུལ་ཆད་དུ། །འཕྲོ་འདུ་གསལ་བར་བྱས་པ་ལས། །རང་གུ་ཆག་ཚད་བཞི་འགྱུར་ཙམ། །སྐུ་ཡི་ཁྱོན་ཡང་དེ་ཙམ་མོ། །དེ་བཞིན་རྣལ་འབྱོར་རིམ་པ་བཞིན། །ལྷ་ཡི་ཁྱད་པར་གང་ཡིན་པ། །ཡི་གེའི་རིམ་པ་བཞིན་སྦྱར་ནས། །འཕྲོ་འདུ་ཆེད་ཀྱང་དེ་བཞིན་ཏེ། །རིམ་པ་ཇི་བཞིན་སྦྱར་ནས་ཀྱང་། །འཕྲོ་འདུ་གསལ་བར་གྱུར་པ་དང་། སེམས་ཀྱི་ཡུལ་ནི་ཇི་ཙམ་དུ། །སྐུ་ཡི་ཁྱོན་གྱི་ཁྱད་པར་ཡང་། །ཆོས་ཀྱི་དབྱིངས་ཀྱི་མཐའ་ཀླས་པས། །སྐུ་ཡི་ཁྱོན་གྱིས་གང་བའོ། །ཇི་ལྟར་གསེར་སྦྱངས་འཚེར་བ་བཞིན། །སེམས་ཉིད་སྦྱངས་པས་དེ་ཉིད་གསལ། །འཕྲོ་འདུ་སྦྱོར་བའི་ཏིང་འཛིན་འདི། །རིམ་གྱིས་སྦྱོང་ལ་ཅིག་ཅར་དྲོད། །ལང་ཀའི་བདག་པོ་འདི་ལྟ་སྟེ། །ཆོསརྒྱུན ཆེནཔོའདིའཛིན་འདི། །སེམས་དཔའ་རྡོ་རྗེ་དམ་པས་བཤད། །འདི་ཀུན་འཕྲོ་འདུའི་རྒྱུན་ཞེས་བྱ། །ནམ་མཁའ་དོན་གྱི་གླེགས་བམ་ལ། །སྣ་ཚོགས་རིག་པའི་ཡི་གེ་བྲིས། །འབྱུང་ཆེན་བཞི་ཡི་སྒྲ་བསྒྲགས་པས། །ཐེག་ཆེན་གསང་སྔགས་རྒྱུན་མི་འཆད། །ཆོས་སོ་ཅོག་གི་རང་ཞིན་ནི། །དེ་བཞིན་ཉིད་ལས་མ་གཡོས་པས། །ཐམས་ཅད་བདུད་རྩིར་རྒྱུན་མི་འཆད། །འཁོར་བ་རྒྱ་མཚོ་ཡོ་བྱད་རྣམས། །མཆོད་པ་རྒྱ་མཚོའི་རང་བཞིན་ཏེ། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་རྒྱུན་མི་འཆད། །ཀུན་གྱི་དེ་བཞིན་ཉིད་དབྱིངས་ལས། །སེམས་ཅན་སངས་རྒྱས་སྙིང་པོར་ཤར། །འགྲོ་གང་བསམ་གྱིས་མི་ཁྱབ་པ། །རང་འབྱུང་སངས་རྒྱས་རྒྱུན་མི་འཆད། །དངོས་པོ་བརྟན་གཡོ་ལ་སོགས་པའི། །སྒྲ་སྐད་བསམ་གྱིས་མི་ཁྱབ་པའི། །ཀུན་ཀྱང་གསང་སྔགས་གསང་བའི་ཚིག །བཟླས་པ་རྒྱ་མཚོ་རྒྱུན་མི་འཆད། །དེ་དང་དེ་ཡི་དབྱིངས་ཉིད་ལ། །གང་དང་གང་གི་ཐབས་སྦྱོར་བ། །ཡེ་ནས་འདུ་འབྲལ་མེད་པས་ན། །སྦྱོར་བ་ཆེན་པོ་རྒྱུན་མི་འཆད། །སྲིད་གསུམ་བསྒྲལ་བའི་ཞིང་འདི་དག །སྟོང་པའི་མཚོན་ཆའི་རྒྱལ་པོ་ཡིས། །དངོས་པོ་མེད་པར་བསད་པས་ན། །ཡེ་སྒྲོལ་ཆེན་པོ་རྒྱུན་མི་འཆད། །སྣང་སྲིད་དག་པའི་གཞལ་ཡས་སུ། །ཀུན་གཞི་དཔལ་གྱི་མཎྜལ་ལ། །རྣམ་ཤེས་ཐིག་ཆེན་སྲད་བུ་བརྒྱད། །ཡེ་བཏབ་དཀྱིལ་འཁོར་རྒྱུན་མི་འཆད། །འདོད་ཁམས་རྨང་གི་རི་རབ་ལ། །གཟུགས་ཁམས་བང་རིམ་ཁྲི་འཕང་བརྟན། །གཟུགས་མེད་བུམ་རྟེན་བུམ་པར་བཅས། །གདུངཆེནཆོསསྐུརྒྱུནམི་འཆད། །ནམ་མཁའ་མེ་ཆུ་ས་རླུད་རྣམས། །རྨང་བཞི་རི་རབ་རྟེན་དུ་སྣང་། །བང་རིམ་རི་བདུན་བཅས་པ་རྣམས། །དེ་ཉིད་བང་རིམ་ཁྲི་འཕང་བརྟེན། །རི་བོ་བུམ་རྟེན་བུམ་པར་བཅས། །འདི་ཡང་གདུང་ཆེན་རྒྱུན་མི་འཆད། །འཛུགས་པའི་ཡན་ལག་གཞི་རྨང་བརྟེན། །འཁོར་ལོ་ཚིགས་ཆེན་ཁྲི་འཕང་བརྟན། །ཡན་ལག་དང་པོ་བུམ་རྟེན་བཅས། །ལྕང་ལོ་ཅོད་པན་ཕྲེང་བས་བཀླུབས། །དེ་བཞིན་ཉིད་ཀྱི་ས་གཞི་ལ། །ཇི་བཞིན་པ་ཡི་གཞལ་ཡས་ཁང་། །མ་ནོར་མ་བཅོས་རྨང་ཆེན་བརྟན། །བྱང་ཆུབ་སེམས་ཀྱི་རྩིག་ཆེན་གཏམས། །ཡེ་ཤེས་ལྔ་ཡི་སྐར་མཐོངས་གསལ། །བསྡུ་བ་ཚད་མེད་རྣམ་ཐར་སྒོ། །དྲན་པ་ཡང་དག་ཐེམ་སྐས་བརྒྱད། །རྫུ་འཕྲུལ་རྟ་བབས་དག་གིས་བརྒྱན། །མི་འཇིགས་རིག་པའི་་གདུང་ཆེན་ལ། །ཡང་དག་བརྒྱད་ཀྱི་ཀ་བས་མཛེས། །རང་འབྱུང་ཡེ་ཤེས་དབུ་རྩེ་འཕགས། །བདེན་གཉིས་ཁྱམས་ཀྱིས་ངེས་པར་མཛེས། །ཡེ་ཤེས་ཐུགས་རྗེ་ཡོན་ཏན་ལས། །བྱིན་བརླབས་རྒྱན་གྱིས་མཛེས་པར་བརྒྱན། །ཆོས་ཉིད་རླབས་ཀྱི་བླ་རེ་བྲེས། །སིལ་སྙན་སྒྲ་སྒྲོགས་ཐེག་ཆེན་སྔགས། །ཇི་བཞིན་ཆོས་ཀྱི་ཕོ་བྲང་འདིར། །རྒྱལ་བ་བཞུགས་པ་འདི་ལྟར་རིམ། །ཀུན་བཟང་སེམས་ཀྱི་ཆོས་ཉིད་ལས།ཀུན་གཞི་མ་འདྲེས་ཡོངས་རྫོགས་ཆོས། །སེམས་དཔའ་ཡུད་ཀྱིས་ངེས་ཐོབ་པས། །བསྟན་པ་རྒྱ་མཚོ་རྒྱུན་མི་འཆད། །རྡོ་རྗེ་ནམ་མཁའི་སྐས་བགྲོད་ནས། །ནམ་མཁའ་དབྱིངས་ཀྱི་དབུས་གནས་པར། །སྣང་སྲིད་མཐའ་ཐུག་མེད་ལ་ལྟར། །དེས་ནི་དེ་ཡུལ་ཡངས་པར་འགྱུར། །རྒྱ་མཚོ་རྡོ་རྗེས་གཏམས་བྱས་ཏེ། །དེ་ལ་གནས་པའི་སེམས་ཅན་ལ། །རྡོ་རྗེ་སེམས་དཔའ་བརྟན་བྱས་ཏེ། །ཐམས་ཅད་དམ་པའི་རྡོ་རྗེར་བྱས། །ནམ་མཁའ་དབྱིངས་ཀྱི་ལིང་ག་ལ། །ཟླ་བའི་དཀྱིལ་འཁོར་དབུས་གནས་པར། །མྱུར་མགྱོགས་ཆུ་ཟླའི་འཕེན་ཤུགས་ཀྱིས། །ཞིང་ཁམས་ཀུན་དུ་བགྲོད་པར་བྱ། །ནམ་མཁའ་དབྱིངས་ཀྱི་ལིང་ག་ལ། །ཉི་མའི་དཀྱིལ་འཁོར་དབུས་གནས་པའི། ཁེན་ཏུ་ངེས་པར་གྱུར་པ་དང་། མུན་པའི་གནས་རྣམས་ཐམས་ཅད་གསལ། །རྣལ་འབྱོར་སྡིགས་མཛུབ་རྩེ་མོ་ལ། །ཟླ་བའི་དཀྱིལ་འཁོར་འོད་གསལ་འབར། ཁེན་ཏུ་བརྟན་པར་རེད་པར་དང་། ཆུ་དེས་སྲེག་པའི་བསྐལ་པ་གཞིལ། །རྣལ་འབྱོར་ལག་གི་དཀྱིལ་འཁོར་དུ། །སྟོང་གསུམ་འཇིག་རྟེན་ཁོར་ཡུག་བཅས། །ནམ་མཁའི་དབྱིངས་སུ་འཕངས་ནས་ནི། །ས་ནས་སར་ནི་སྤར་བར་བྱ། །རྣལ་འབྱོར་སྡིགས་པའི་མཛུན་མོ་ལ། །ཉི་མའི་དཀྱིལ་འཁོར་གསལ་བ་ལས ཟེར་ལས་ཉི་མ་འབུམ་འཕྲོས་པས། །ཕྱི་ནང་མུན་པ་ཐམས་ཅད་བསལ། །རྣལ་འབྱོར་ལག་གི་དཀྱིལ་འཁོར་ལས། །ཆུ་ཟླའི་དཀྱིལ་འཁོར་རབ་གསལ་བས། །བདུད་རྩི་ཆུ་བོའི་རྒྱུན་བྱུང་བས། །སྲེག་པའི་དམྱལ་བའི་མེ་ཆེན་བསད། །གཞན་ཡང་ལང་ཀའི་བདག་པོ་ཏིང་ངེ་འཛིན་གྱི་མདོ་ནི་འདི་ཁོ་ནར་འདུས་པར་གསུངས་པས། །འདི་ཁོ་ན་ལྟར་ཤེས་པར་བྱའོ། །སེམས་ནི་སྒྱུ་མའི་རང་བཞིན་ཏེ། །ཇི་ལྟར་བརྟགས་པ་དེ་ལྟར་སྣང་། །དེ་མ་ཐར་པར་མ་གྱུར་ཀྱང་། །དེ་ཉིད་གང་བརྟགས་དེ་ལྟར་སྣང་། །གདོས་བཅས་ཡུལ་ན་མི་སྣང་ཡང་། །ཡིད་གཟུགས་མངོན་ཤེས་ཀུན་མཁྱེན་སྣང་། །གང་བརྟགས་དེ་ལྟར་དེ་ལྟར་ནས། །མངོན་སུམ་གསལ་པོར་རེད་པར་འགྱུར། །ཡོད་མེད་ལེགས་ཉེས་རང་བཞིན་རྣམས། །ཆུ་ཁམས་རྟས་པ་ལྟ་བུར་ཟད། །ཐམས་ཅད་འདི་ཡིས་བྱེད་པར་འགྱུར། །དེས་ན་ཏིང་འཛིན་སེམས་ཉིད་གཙོ། །དཔེར་ན་རྒྱ་མཚོ་ནོར་ལེན་མི། །སྒྲུབ་དང་ཆུ་སྲིན་སྦྲང་མ་ལ། །སོགས་པ་གདུག་པའི་སྡུག་བསྔལ་ཀུན། །དཀའ་བས་ཉམས་སུ་བླངས་པ་འགྲུབ། །དེ་བཞིན་རྣལ་འབྱོར་རྣལ་ཚོལ་བ། །རྣམ་རྟོག་བྱིང་རྨུགས་འཕྱང་གཡེང་དགྲ། །གཞོམ་པར་དཀའ་བའི་ལས་འདི་དག །ཉམས་སུ་བླངས་ན་བདེ་ཐོབ་རྙེད། །འདི་ནི་ཏིང་འཛིན་དམ་པ་ཡིན། །ཉམས་སུ་བླངས་པའི་བསླབ་པ་སྟེ། །སེམས་ཉིད་གོམས་པར་བྱ་བ་ལས། །འདྲིས་པར་བྱེད་པ་རབ་ཏུ་གཅེས། །གྲོགས་པོ་དག་དེ་དག་ནི་ཉམས་རྙེད་པ་ཉིད་དུ་ཤེས་པར་བྱའོ། །དེ་སྐད་ཅེས་སྨྲས་པས། །དམན་པ་རྣམས་གང་གི་དགོངས་པ་དམ་པའི་ཉམ་དྲོད་རྙེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་དབང་སྒྱུར་གྱི་ལེའུ་ཞེས་བྱ་སྟེ་བདུན་ཅུ་གསུམ་པའོ།། །།དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས་དཔའ་རྣམས་ལ་འདི་སྐད་ཅེས་སྨྲས་སོ། །གྲོགས་པོ་དག་གང་འདི་ལ་ཚེགས་ཆུང་བར་བྱ་བ་གང་ཞེ་ན། འདི་ལྟར་སྟེ། ཅི་ལ་ཡང་བྱ་བ་མེད་པ་ཉིད་དོ། །གང་ལ་བྱ་བ་མེད་པ་དེ་གང་ཞེ་ན། འདི་ལྟ་སྟེ། དེ་བཞིན་ཉིད་དོ། །དེ་ཅིའི་ཕྱིར་ཞེ་ན། །འདི་ལྟ་སྟེ། སྔགས་ཀྱིས་ཡོངས་སུ་ཟིན་པའི་ནད་གང་ལའང་གནོད་པར་བྱེད་མི་ནུས། །དེ་བཞིན་ཉིད་ཀྱིས་ཟིན་པ་ཡི། །དུག་གསུམ་དུག་ལྔས་གནོད་མི་འགྱུར། །དེ་བཞིན་ཉིད་ཀྱིས་མ་ཟིན་ན། །ལམ་གྱི་ཕྱོགས་རྣམས་ཀུན་སྦྱད་ཀྱང་། །བདེ་འགྲོ་ཙམ་དུ་ངེས་འབྱུང་གི །གོ་འཕང་དམ་པར་ག་ལ་འགྱུར། །དེ་བཞིན་ཉིད་ཀྱིས་ཀུན་གནས་པར། །གང་ཤེས་ཉོན་མོངས་རྣམ་པར་གྲོལ།གང་དེ་ཟིན་པར་མ་ཤེས་ན། །དམ་པའི་ལམ་རྣམས་གྲོལ་མི་འགྱུར། །རྣལ་འབྱོར་དེ་ཉིད་བློ་ལྡན་པས། །ཉོན་མོངས་ཟིན་པས་གང་སྤྱད་ཀྱང་། །རྣམ་གྲོལ་རང་འབྱུང་མྱ་ངན་འདས། །ཚེགས་མེད་གྱིན་ད་དོན་པོ་ཆེ། །གང་འདི་བློ་དང་མི་ལྡན་པས། །བློ་ལྡན་ཚུལ་དུ་ང་བྱེད་པ། །དམ་པར་གྲོལ་བར་མི་འགྱུར་གྱི། །འཆིང་བར་ཐར་རམ་འཁོར་བའི་དངོས། །ཐམས་ཅད་སྟོང་པར་ཤེས་པ་ཡི། །བློ་ཅན་མྱ་ངན་འདས་པ་སྟེ། །བྱ་བའི་ལས་ལ་ཤ་ཐང་བའི། །ཚེགསཆེནདཀའབལས་དང་བྲལ། །དམ་པའི་བློ་གྲོས་ཐབས་མེད་དེ། །སྐྱེས་བུ་དམ་པ་རྣམས་དང་ནི། །འདུལ་བའི་དབང་གིས་དམན་པའི་ལུས། །སྟེན་པར་བྱེད་པའང་ལྟུང་བར་འགྱུར། །དམ་པའི་བློ་གྲོས་ཐབས་ཡོད་ན། །འཁོར་བ་དམན་པའི་དངོས་པོ་ཡང་། །སྐྱེས་བུ་དམ་པར་གྲོལ་འགྱུར་ཏེ། །གྲོལ་བ་རང་འབྱུང་གཞན་ལས་མིན། །གྲོལ་དང་མ་གྲོལ་ལ་སོགས་པ། །གཉིས་སུ་རྟོག་པ་ཐམས་ཅད་མཐའ། །ཀུན་མཁྱེན་རྣམས་ནི་དབུས་ལའང་མིན། །དེ་ནི་གྲོལ་མེད་གྲོལ་བའོ། །འདི་ནི་གསང་བ་དམ་པ་སྟེ། །མ་རྟོགས་བློ་ཆུང་ཀུན་ལ་གསང་། །སྐྱོན་ཡོད་ཉེས་པ་མ་ཡིན་ཏེ། །བློ་ཆུང་རྣམས་ལ་ཕན་ཕྱིར་རོ། །དེ་ཕྱིར་བློ་གྲོས་ཐབས་ལྡན་ལ། །རྩོལ་སྒྲུབ་ཡོ་བྱད་གཙོར་མ་གསུངས། །གལ་ཏེ་བྱས་ནའང་འགག་པ་མེད། །མ་བྱས་ན་ཡང་དེ་ལྟར་ངེས། །དེ་ལྟར་བློ་གྲོས་ཐབས་ལྡན་ན། །མཚམས་མེད་ལྔ་ཡི་སེམས་ཅན་ཀུན། །བྱང་ཆུབ་སྙིང་པོ་མཚོན་གྱིས་བསད། །དཔག་མེད་དགེར་འགྱུར་མ་བསད་ན། །ཀུན་གྱིས་དོན་དུ་གཉེར་བ་ནི། །གང་གི་ སེམས་ཀྱི་དབྱིངས་ཉིད་ཀྱི། །གང་གིས་བསྐལ་པ་དཔག་མེད་དུ། །སྲིད་གསུམ་དཀྲུགས་པས་དེ་རིག་མིན། །འདིར་ནི་བློ་གྲོས་ཐབས་ལྡན་པས། །བྱ་མེད་གྱིན་དར་རང་རིག་པས། །དོན་ཆེན་རྣལ་འབྱོར་ཉལ་མོ་བཙུན། །མ་བལ་ལྷུན་གྱིས་གྲུབ་པ་ཡིན། །ཇི་ལྟར་མུན་པ་དུག་དང་རྫས། །སྨན་སྣང་བསེར་དུ་གྱུར་པ་ན། །འགྱུར་རྩི་མན་ངག་མེད་པའི་མིས། །དཀའ་བའིལསཆེནསྣཚོགསཔ། །སྡུག་བསྔལ་སྤྱད་ཀྱང་མི་འགྲུབ་ཏེ། །སུ་ཞིག་མན་ངག་ལྡན་པའིམིས། །ཚེགསམེདགྱིནདའི་ཚུལ་གྱིས་ན། །བསྒྱུར་བས་སྨན་སྣང་གསེར་འགྱུར་ལྟར། །རྣལ་འབྱོར་ཆེན་པོ་དོན་འགྲུབ་པ། །དེ་ཉིད་བློགྲོས་ཐབས་དགདང་་། །གང་དང་མིལྡན་པ་དག་གིས། །དཀའ་བ་སྤྱད་ཀྱང་འགྲུབ་མིན་ཏེ། །སེམས་ཀྱི་གསང་འདི་སུས་མཐོང་བ། །བློ་གྲོས་ཐབས་དང་ལྡན་པ་སྟེ། །འདོད་པའི་དོན་མཆོགགང་ཡིན་པ། །དེདག་ཚེགས་མེད་གྱིན་དས་འགྲུབ། །དོན་རྣམས་གྲུབ་པར་གང་བྱེདཔ། །བློ་གྲོས་ཐབས་ཀྱིས་གྲུབ པའིཕྱིར། །དོན་རྣམས་འགྲུབ་པར་འགྱུར་བ་ཡི། །བསླབ་པ་འདི་དག་རབ་ཏུ་གཅེས། །གྲོགས་པོ་དག་དེ་དག་ནིཚེགས་ཆུང་ལ་དོན་ཆེ་བ་ཉིད་དུ་ཞེས་བྱའོ། །དེ་སྐད་ཅེས་སྨྲས་པས། །དམན་པ་རྣམས་བློ་དང་ལྡན་གྲོས་ཀྱིས་ཆོད་དེ་ཐབས་ཀྱིས་ཟིན་པར་གྱུར་ཏེ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དོན་ངེས་པར་བསྒྲུབ་པ་ཞེསབྱ་བའི་ལེའུ་སྟེ་བདུན་ཅུ་བཞི་པའོ།། །།དེ་ནས་ཡང་གསང་བ་པའི་བདག་པོ་དེས། ལང་ཀའི་བདག་པོ་ལསོགས་པ་དམན་པའི་ལུས་ཀྱིས་སེམས་དཔའ་རྣམས་ལ་ཤིནཏུ་རྡོམབརྗིདཚུལ་དུ་བོས་ཏེ་སྨྲས་པ། ཀྱེ་གྲོགས་པོདག་མདོ་གཅིགཏུབསྡུས་པནིགང་ཞེན་འདི་ལྟ་སྟེ། འདིསྐད་བདག་གིསཐོས་པ་དུས་གཅིག་ན། དེབཞིནགཤེགསཔཐམས་ཅདཀྱི་བཅོམ་ལྡན་དས་ངོ་བོ་ཉིད་དག་པརདེབཞིནགཤེགསཔཐམས་ཅད་གྱུར་པར་འདུས་ནས། དེབཞིནགཤེགསཔཐམས་ཅད་ཀྱིས་དགོངས་པ་གཅིག་ཏུ་འདུས་པར་བཤད་པ། ཆོས་ཉིད་རྣམ་པར་དག་པས་ན། །ཆོས་ཀུན་རང་བཞིན་རྣམ་པར་དག །དེ་བཞིན་གཤེགས་པ་ཐམས་ཅད་ཀྱི། །ཐུགས་དམ་དབྱིང་མཆོག་རབ་ཉིད་དོ། །ཞེས་བཅོམ་ལྡན་འདས་ངོ་བོ་ཉིད་དག་པ་ལས་དེ་སྐད་ཅེས་འབྱུང་བའོ། །དེ་ལྟར་ན་ཡང་འདི་ལྟ་སྟེ། མི་ཕྱེད་རྡོ་རྗེ་དམ་ཚིག་ནི། །རྡོ་རྗེ་དེ་བཞིན་ཉིད་ལས་བྱུང་། །ཆོས་ཉིད་རྡོ་རྗེ་དམ་ཚིག་ནི། །གྲུབ་ན་འཇིག་པའི་དུས་མེད་དོ། །གྲོགས་པོ་དག་བཅོམ་ལྡན་འདས་རྣམ་པར་དག་པའི་ངོ་བོ་ཉིད་ལས་དེ་སྐད་ཅེས་གསུངས་སོ། །གྲོགས་པོ་དག་ཡང་འདི་ལྟ་སྟེ། །རྒྱལ་བ་ཀུན་གྱི་ཐུགས་དམ་ནི། །ཐམས་ཅད་དམ་པ་དེ་ཉིད་ལས། །མི་གཞན་གཞན་མེད་ཡོད་མ་ཡིན། །དེ་ལས་གང་ཡང་འདའ་མི་འགྱུར། །བཅོམ་ལྡན་འདས་རྫོགས་ལོངས་སྤྱོད་པ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྷ་སྟེ། དམ་པ་རྣམས་ཀྱིས་གསུངས་པའི་ཚིག །རྡོ་རྗེ་གོ་ཆ་དམ་བཅས་པ། ཁེན་ཏུ་དམ་པའི་ཐ་ཚིག་འདི། །གལ་ཏེ་འདས་ན་ཚིག་པར་འགྱུར། །བཅོམ་ལྡན་འདས་གསང་བའི་སྐུ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྟ་སྟེ། །རྒྱལ་བ་རྣམས་ཀྱི་དམ་པ་འདི། །གསུངས་པས་དམ་ཚིག་མཐའ་ཡས་ཀུན། །ཐམས་ཅད་ཐམས་ཅད་བསྲུངས་པ་སྟེ། །བསྲུང་བ་འདི་ནི་རྙེད་པར་དཀའོ། །བཅོམ་ལྡན་འདས་རྒྱུན་གྱི་འབྱུང་བ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཀྱེ་གྲོགས་པོ་དག་འདི་ལྷ་སྟེ། །ཞེ་སྡང་ངོ་བོ་ཐ་དད་པ། །བྱང་ཆུབ་སེམས་སུ་མཉམ་པས་ན། །དེ་བཞིན་ཉིད་ལས་གཞན་པ་ཡིན། །མ་སྤངས་མ་དག་རྡོ་རྗེ་དམ། །བཅོམ་ལྡན་འདས་རྡོ་རྗེ་སེམས་དཔའ་ངོ་བོ་ཉིད་དག་པས་དེ་སྐད་ཅེས་གསུངས་སོ། །གྲོགས་པོ་དག་འདི་ལྟ་སྟེ། འདོད་དང་ཆགས་པའི་ཡུལ་ཉིད་ནི། །རང་བཞིན་གང་ཡིན་དེ་བཞིན་ཉིད། །ལོངས་སྤྱོད་མྱོང་ཚོར་རྣམ་པར་དག །སྤྱོད་ལམ་མ་ཆགས་རྡོ་རྗེ་དམ། །བཅོམ་ལྡན་འདས་འོད་མཐའ་ཡས་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་འདི་ལྟ་སྟེ། ཐམས་ཅད་དེ་བཞིན་དེར་མཚུངས་པས། ཁྱད་པར་བྱེ་བྲག་དབྱེར་མེད་པའི། །རྡོ་རྗེ་ནམ་མཁའ་འོད་གསལ་བས། །རྨོངས་པའི་མུན་ནག་རྣམ་དག་གསལ། བཅོམ་ལྡན་འདས་སྣང་མཛད་ངོ་བོ་ཉིད་དག་པས་འདི་སྐད་ཅེས་གསུངས་སོ། །ཡང་འདི་ལྟ་སྟེ། རྣམ་དག་ཐུག་མཐའ་མུ་མེད་པས། །ཡངས་དོག་ཚིག་གི་མཐའ་དང་བྲལ།།ཀུན་བཟང་ཡངས་པའི་ལམ་དུ་གཅིག །བདེ་ཆེན་ཀློང་ཡང་རྡོ་རྗེ་དམ།།བཅོམ་ལྡན་འདས་ཐམས་ཅད་གྲུབ་པས་དེ་སྐད་ཅེས་གསུངས་སོ། །ཡང་འདི་ལྟ་སྟེ། དེ་བཞིན་ཉིད་ལས་མེད་པས་ན། །ཡིན་དང་མ་ཡིན་གཉིས་ལས་འདས། །བདག་མེད་རྡོ་རྗེ་དེ་བཞིན་ཉིད། །ང་མེད་མི་འགྱུར་རྡོ་རྗེ་དམ། །བཅོམ་ལྡན་འདས་ཡོན་ཏན་ཀུན་གྱི་འབྱུང་གནས་ངོ་བོ་ཉད་དག་པས་དེ་སྐད་ཅེས་གསུངས་སོ། །གྲོགས་པོ་དག་གཞན་ཡང་འདི་ལྟ་སྟེ། ཡོད་མཐོང་སྣང་གྲགས་ཆོས་སོ་ཅོག །ཐ་དད་སྣ་ཚོགས་མཐའ་ཡས་ཀྱང་། །རང་བཞིན་མ་བཅོས་དེ་བཞིན་ཉིད། །མ་བསྒྲིབས་འོད་གསལ་རྣམ་དག་ཞིང་། །བཅོམ་ལྡན་འདས་དྲི་མེད་སྒྲ་ངོ་བོ་ཉིད་དག་པས་དེ་སྐད་ཅེས་གསུངས་སོ། །དེ་བཞིན་དུ་འདི་ལྟ་སྟེ། ཀུན་ཏུ་བཟང་པོའི་ཡེ་ཤེས་འདི། །སུས་ཀྱང་མ་བྱས་རང་འབྱུང་སྟེ། །ཐམས་ཅད་འབྱུང་བའི་རྩ་བས་ན། །རང་ལས་བྱུང་བའི་དཀྱིལ་འཁོར་རྫོགས། །བཅོམ་ལྡན་འདས་དཀོན་མཆོག་སྤྲིན་ངོ་བོ་ཉིད་དག་པས་འདི་སྐད་ཅེས་གསུངས་སོ། །གཞན་ཡང་དགོངས་པ་རྣམ་པར་བཤད་པ་ནི་འདི་ལྟ་སྟེ། ཡེ་ནས་མ་བཅོས་ཇི་བཞིན་པ། །ཆོས་སོ་ཅོག་གི་སྙིང་པོ་སྟེ།མེད་པ་ལས་བྱུང་སྣ་ཚོགས་སྣང་། །སྣང་མེད་དེ་བཞིན་དཀྱིལ་འཁོར་རྫོགས། །བཅོམ་ལྡན་འདས་བཀོད་པའི་བརྒྱུད་གནས་ངོ་བོ་ཉིད་དག་པས་དེ་སྐད་ཅེས་གསུངས་སོ། །གཞན་ཡང་འདི་ལྟ་སྟེ། རང་འབྱུང་རིག་པའི་སེམས་ཉིད་ཀྱིས། །མ་བཅོས་ཆོས་ཉིད་དབྱིངས་ཀྱི་དོན། །ལྷུན་གྲུབ་ཐབས་དང་ཤེས་རབ་ལས། །ཡང་དག་རང་བཞིན་དགྱིལ་འཁོར་གསལ། བཅོམ་ལྡན་འདས་སེང་གེ་སྒྲ་ངོ་བོ་ཉིད་དག་པས་དེ་སྐད་ཅེས་གསུངས་སོ། །གཞན་ཡང་བཅོམ་ལྡན་འདས་མཛེས་པའི་ཏོག་ངོ་བོ་ཉིད་དག་པས་གསུང་པ། འཇིག་རྟེན་འཇིག་རྟེན་འདས་པ་ཡི། །བདེ་དང་མི་བདེ་རྣམ་པ་ཀུན། །དེ་བཞིནཉིདདུརོགཅིགཔས། །ཚོར་བ་བདེ་སྡུག་གང་ཡང་མེད། །ཅེས་གསུངས་སོ། །གཞན་ཡང་བཅོམ་ལྡན་འདས་མཛེས་པའི་རྒྱན་ངོ་བོ་ཉིད་གདག་པས་འདི་སྐད་དུ། དེ་བཞིན་ཉིད་དུ་དོན་བསྟན་དུ་། །དེ་བཞིན་ཉིད་དུ་ཀུན་གཅིག་པས། །གང་གིས་གང་ལ་གང་ཞིག་བསྟན། །ཉིད་ལ་ཉིད་གླེང་ཁོ་ནར་ཟད། །ཅེས་གསུངས་སོ། །གཞན་ཡང་བཅོམ་ལྡན་འདས་རྒྱལ་པོ་ངོ་བོ་ཉིད་དག་པས་འདི་སྐད་དུ། དེབཞིནཉིད་ཀྱི་དབྱིངས་ཉིད་ལ། དུས་གསུམ་དུས་གཞིར་མི་རིགས་ཏེ་།་ ་།་ཡེ་ཤེས་རིག་པའི་ཁྱད་པར་ལས། །སྐད་ཅིག་སྐལ་པ་དེ་སྐད་ཅིག །ཅེས་གསུངས་སོ། །གཞན་ཡང་བཅོམ་ལྡན་འདས་སྙིང་རྗེའི་རྒྱལ་པོ་ངོ་བོ་ཉིད་དག་པས་འདི་སྐད་དུ། ཁོར་བ་མྱ་ངན་འདས་རྟག་པ། །དེ་བཞིན་ཉིད་ཀྱི་དབྱིངས་ཉིད་དུ། །ཡེ་ནས་མྱ་ངན་འདས་པས་ན། །རང་བཞིན་ལྷུན་གྲུབ་ཚོགས་གཉིས་རྫོགས། །ཞེས་གསུངས་སོ། །ཡང་བཅོམ་ལྡན་འདས་ངོ་བོ་ཉིད་དག་པས་འདི་སྐད་དུ། ཆོས་སོ་ཅོག་གི་རང་བཞིན་ནི། །མ་སྐྱེས་པ་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །རིགས་མཆོག་རྡོ་རྗེ་སྐྱེས་གནས་དམ། །ཞེས་གསུངས་སོ། །ཡང་བཅོམ་ལྡན་འདས་ཡོངས་སུ་དགོངས་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། །དེ་བཞིན་ཉིད་དུ་ཀུན་རིག་ན། །དེས་ཁྱབ་གར་གནས་སངས་རྒྱས་ཞིང་། །ཡོན་ཏནརིནཆེནསྤྲིནབཀོདཔ། །དགོད་པར་བྱ་བ་ཅི་ཡང་མེད། །ཅེས་གསུངས་སོ། །ཡང་བཅོམ་ལྡན་འདས་གསེར་གྱི་འོད་ཟེར་ངོ་བོ་ཉིད་དག་པས་འདི་སྐད་དུ། །དཔག་ཏུ་མེད་པའི་རྒྱལ་བ་རྣམས། །ཇི་བཞིན་དེ་བཞིན་ཉིད་ལ་བཞུགས། །དེ་བཞིན་ཉིད་དང་ཐམས་ཅད་ཀྱང་། །གཉིས་མེད་དེ་བཞིན་དེ་ཉིད་དོ། །ཞེས་གསུངས་སོ། །ཡང་བཅོམ་ལྡན་འདས་འོད་ཀྱི་དཔལ་ངོ་བོ་ཉིད་དག་པས་འདི་སྐད་དུ། འཁོར་བ་དང་ནི་མྱ་ངན་འདས། །སོ་སོར་སྣང་བ་མ་ཡིན་ཏེ། །ཇི་བཞིན་དེ་བཞིན་ཉིད་དེས་ན། །དེ་ལ་འཁོར་བའི་རང་བཞིན་མེད། །ཅེས་གསུངས་སོ། །ཡང་བཅོམ་ལྡན་འདས་ཞི་བའོ་དབང་པོ་ངོ་བོ་ཉིད་དག་པས་འདི་བཞིན་དུ། །དེ་བཞིན་ཉིད་ཀྱི་དེ་ཉིད་ནི། །དཔག་ཅིང་གཞལ་བར་མཐའ་ཡས་པས། །དཔག་མེད་རྒྱལ་པོའི་ཕོ་བྲང་ཡིན། །དེ་ནས་ཀུན་བཀོད་དེར་གཅིག་ནས། །ཞེས་གསུངས་སོ། །ཡང་བཅོམ་ལྡན་འདས་སྤྲིན་གྱི་དཔལ་ངོ་བོ་ཉིད་དག་པས་འདི་སྐད་དུ། ཐམས་ཅདའབྱུང་བའི་ཆོ་འཕྲུལ་ཡང་། །ཅིར་ཡང་འགྱུར་བའི་ཡེ་ཤེས་ཏེ། །གདོས་པར་གྱུར་པའི་ཆོས་མེད་པས། །ཇི་ལྟར་དམིགས་པ་བཞིན་དུ་འགྱུར། །ཞེས་གསུངས་སོ། །ཡང་བཅོམ་ལྡན་འདས་ཡིད་འོང་དབྱངས་ངོ་བོ་ཉིད་དག་པས་འདི་སྐད་དུ། །འཇིག་རྟེན་འཁོར་བའི་ཁ་བརྒྱུད་པས། །མ་རིག་ངོབོདེབཞིནཔ། །གཞིརྩམེད་པའི་སྐད་ཅིག་མ། །དེ་ཉིད་རིག་ན་བདེ་ཆེན་གནས། །ཞེས་གསུངས་སོ། །ཡང་བཅོམ་ལྡན་འདས་མེ་ལོང་འོད་སྣང་ངོ་བོ་ཉིད་དག་པས་འདི་སྐད་དུ། །ཉོན་མོངས་ཡེ་ཤེས་ལྔར་རྟོག་པ། །ཇི་བཞིན་དེ་ལ་གཉིས་ཀ་སྒྲིབ། །རྟོག་དང་མི་རྟོག་གཉིས་མེད་དེ། །རྟོག་པ་དེ་ཉིད་ཡང་དག་ལམ། ཞེས་གསུངས་སོ། །ཡང་བཅོམ་ལྡན་འདས་ཟླ་འོད་དཔལ་ངོ་བོ་ཉིད་དག་པས་འདི་སྐད་དུ། ཐེག་པ་དཔག་མེད་བསྟན་པ་ཡང་། །ཇི་ལྟར་མོས་པ་ཐ་དད་པ། །ཁྲིད་པ་བྱ་བའི་ཐབས་སུ་ཟད། །རྡོ་རྗེ་ཐེག་པ་ཉིད་ལས་མེད། །ཅེས་གསུངས་སོ། །ཡང་བཅོམ་ལྡན་འདས་ཉི་མའི་སྙིང་པོ་དཔལ་ངོ་བོ་ཉིད་དག་པས་འདི་སྐད་དུ་གང་གིས་དེ་མཐོང་མཐོང་མ་ཐག །མི་ཤེས་ཆོད་པའི་དྲ་བ་ཆོད། །་ང་དང་སེང་གེ་ཇི་བཞིན་དུ། །མངལ་ལྟར་ལུས་ཀྱིམངལ་གྱིས་བསྒྲིབས། །ཞེས་གསུངས་སོ། །ཡང་བཅོམ་ལྡན་འདས་སྤོས་ཀྱི་རྒྱལ་པོ་ངོ་བོ་ཉིད་དག་པས་འདི་སྐད་དུ། །དབང་སྒྱུར་ཐབས་ཀྱིས་ཡེ་ཤེས་ཀྱིས། །སྒྱུ་མའི་ཆེས་ལས་དབང་ཐོབ་པས། །མུན་ལ་སྣང་འབྱུང་ཇི་བཞིན་དུ། །ཐམས་ཅད་དབང་སྒྱུར་རང་རིག་ཡིན། །ཞེས་གསུངས་སོ། །ཡང་བཅོམ་ལྡན་འདས་སྔོན་སྤྲོ་བའི་རྒྱལ་པོ་ངོ་བོ་ཉིད་དག་པས་འདི་སྐད་དུ། །རྣམ་དག་ཡེ་ཤེས་སྒྱུ་མ་དང་། །ལོག་རྟོག་མཚན་མའི་སྒྱུ་མ་གཉིས། །རང་བཞིན་དེ་ཉིད་དག་པས་ན། །གཉིས་སུ་ཤེས་པ་ཉིད་ཚོགས་རྫོགས། །ཞེས་གསུངས་སོ། །ཡང་བཅོམ་ལྡན་འདསརིནཆེནརྒྱལཔོངོབོཉིད་དག་པས་འདི་སྐད་དུ། བསམ་གྱིས་མི་ཁྱབ་ཆོས་འདི་རྣམས། །དེ་བཞིན་ཉིད་དུ་གཅིག་པས་ན། །གངགིདེབཞིནདེཤེསཔ། །ཀུན་ལ་དབང་སྒྱུར་ཐོབ་པ་ཡིན། །ཞེས་གསུངས་སོ། །ཡང་བཅོམ་ལྡན་འདས་འོད་ཟེར་དཔལ་ངོ་བོ་ཉིད་དག་པས་འདི་སྐད་དུ། །སངས་རྒྱས་རྣམས་ཀྱི་དགོངས་པ་འདི། ཁྲེས་ནས་དེ་ལ་གང་གནས་པ། །རང་རིག་ཉིད་ལ་དབང་ཐོབ་པའི། །དེ་བཞིན་རིག་པ་འཛིན་པ་ཉིད། །ཅེས་གསུངས་སོ། །ཡང་བཅོམ་ལྡན་འདས་དཀའ་ཐུབ་རྒྱལ་པོའི་ངོ་བོ་ཉིད་དག་པས་འདི་སྐད་དུ། དེ་ཉིད་ཇི་བཞིན་མངོན་གྱུར་ན། །མེད་ལ་མི་ཟད་འབྱུང་བ་ཡི་།་ ་།་ཆེ་བའི་ཡོན་ཏན་རྒྱུན་མི་འཆད། །ཅིར་སྣང་ཀུན་འབྱུང་རིན་ཆེན་གཏེར། །ཞེས་གསུངས་སོ། །ཡང་བཅོམ་ལྡན་འདས་གཙུག་ཏོར་སྙིང་པོ་ངོ་བོ་ཉིད་དག་པས་འདི་སྐད་དུ། །ཇི་བཞིན་མ་བཅོས་དེ་ཉིད་ལ། །དེ་བཞིན་པ་ཡི་བློ་གནས་པ། །དེ་བཞིན་དེ་ཉིད་མ་ཡིན་པའི། །སྒྲུབ་དང་བསྒྲུབ་པ་ག་ལ་ཡོད། །ཅེས་གསུངས་སོ། །ཡང་བཅོམ་ལྡན་འདས་ངེས་པར་གཤེགས་པའི་ངོ་བོ་ཉིད་དག་པས་འདི་སྐད་དུ། །མཁའ་ལ་གློ་བུར་སྤྱིན་འཐིབས་ལྟར། །དེ་བཞིན་གློ་བུར་རྟོག་པས་བསྒྲིབས། །མཁའ་དག་ནང་དུ་སྤྲིན་སངས་ལྟར། །རྣམ་རྟོག་སངས་པས་ངང་གིས་སངས། །ཞེས་གསུངས་སོ། །ཡང་བཅོམ་ལྡན་འདས་ངེས་པར་གསུངས་པའི་ངོ་བོ་ཉིད་དག་པས་འདི་སྐད་དུ། ཇི་སྙེད་དག་པའི་གསུང་བརྗོད་ཀྱང་། །རྡོ་རྗེ་གསུང་ལ་སྤྲོས་པ་མེད། །སྤྲོས་མེད་གསུང་ཉིད་ཀུན་གསལ་བྱ། །མ་གསུངས་པ་ཉིད་རྒྱ་ཆེར་བཤད། །ཅེས་གསུངས་སོ། །ཡང་བཅོམ་ལྡན་འདས་ངོ་བོ་ཉིད་དག་པས་འདི་སྐད་དུ། །ཐམས་ཅད་ཡུལ་ལ་འཇུག་པ་ཡི། །ཐོགས་མེད་མ་ཆགས་དེ་བཞིན་བློས། །ཇི་སྙེད་ཇི་བཞིན་ཉིད་དུ་བསྒྱུར། །ཟད་མེད་གཏེར་ལྡན་རིན་ཆེན་འབྱུང་། །ཞེས་གསུངས་སོ། །ཡང་བཅོམ་ལྡན་འདས་མེ་ཏོག་དབང་པོ་དབྱངས་ངོ་བོ་ཉིད་དག་པས་འདི་སྐད་དུ། ཇི་བཞིན་ཉིད་ལ་བཞུགས་པས་ན། །འདི་ཞེས་ཚིག་ཏུ་མ་གསུངས་ཀྱང་། ཁྱབ་པས་གཅིག་པའི་བྱིན་བརླབས་ཀྱིས། །ཇི་ལྟར་འདོད་པ་སོ་སོ་མཇལ། །ཞེས་གསུངས་སོ། །ཡང་བཅོམ་ལྡན་འདས་གྲགས་པའི་དཔལ་ངོ་བོ་ཉིད་དག་པས་འདི་སྐད་དུ། །སངས་རྒྱས་སེམས་ཅན་ལ་སོགས་པ། །ཐམས་ཅད་མ་ལུས་ལུས་པ་མེད། །རང་རིག་མ་རིག་ཉོག་པ་ཉིད། །ཀུན་ཀྱང་རང་བྱུང་ཡེ་ཤེས་ཉིད། །ཅེས་གསུངས་སོ། །ཡང་བཅོམ་ལྡན་འདས་སྤྲུལ་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། །ཡི་གེ་ཕྱག་རྒྱ་ཡེ་ཤེས་ཀྱང་། །ཚིག་ལས་འབྱུང་བའི་གཞི་ཡིན་ཏེ། །དེ་ཉད་དག་པས་ཐམས་ཅད་དག །གསུང་ལ་གསུང་ཉིད་མི་གནས་པའོ། །ཞེས་གསུངས་སོ། །ཡང་བཅོམ་ལྡན་འདས་སྒྲ་དབྱངས་མི་ཟད་པ་ཉིད་དག་པས་འདི་སྐད་དུ། །དེ་བཞིན་ཉིད་ཀྱང་རང་བཞིན་དུ། །ལྔ་ཕུང་ཉོན་མོངས་ མ་པར་དག ། མ་་ག་ ལ་བྲལ་སྐྱེ་འགག་མེད། །ཐམས་ཅད་ངོ་བོ་ཉིད་དུ་བཅོམ། །ཞེས་གསུངས་སོ། །ཡང་བཅོམ་ལྡན་འདས་སྨན་གྱི་རྒྱལ་པོ་ངོ་བོ་ཉིད་དག་པས་འདི་སྐད་དུ། །དཔག་མེད་འཇིག་རྟེན་རྡུལ་སྙེད་མ། །འགྲོ་བ་རྡུལ་ཕྲན་བསམ་ཡས་ལ། ཁྱད་པར་དེ་བཞིན་ཉིད་སྣང་བས། །ཏིལ་འབྲུ་མར་གྱིས་ཁྱབ་ལྟར་གནས། །ཞེས་གསུངས་སོ། །ཡང་བཅོམ་ལྡན་འདས་གསེར་གྱི་འོད་འཕྲོ་ངོ་བོ་ཉིད་དག་པས་འདི་སྐད་དུ། །རྡུལ་ཕྲན་གཅིག་ཙམ་གང་ཟག་ལ། །དགོངས་ཏེ་མདུན་དུ་གསུང་བརྗོད་པ། །དཔག་མེད་མཐའ་ཡས་རྡུལ་སྙེད་ཙམ། །དེ་སྙེད་ཀུན་དུ་ཐོས་པར་གྲོལ། །ཞེས་གསུངས་སོ། །ཡང་བཅོམ་ལྡན་འདས་བཀོད་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། །གསུང་གཅིག་མི་ཟད་མཐའ་ཡས་གསུངས། །མཐའ་དང་དབུས་མེད་ཀུན་ཏུ་ཁྱབ། ཁྱབ་དང་ཁྱབ་མེད་རྡོ་རྗེ་གསུང་། །སྣ་ཚོགས་དངོས་མེད་དེ་བཞིན་ཉིད། །ཅེས་གསུངས་སོ། །ཡང་བཅོམ་ལྡན་འདས་གསེར་གྱི་གསུང་ངོ་བོ་ཉིད་དག་པས་འདི་སྐད་དུ། གང་ཡང་མ་བཅོས་དེ་ཉིད་ལ། །ཕྱོགས་དང་སྔ་ཕྱི་དུས་མེད་དེ། །ཐམས་ཅད་དེ་བཞིན་ཉིད་ཀྱི་དབྱིངས། །དེ་ཉིད་རང་རིག་རང་ཉིད་དོ། །ཞེས་གསུངས་སོ། །ཡང་བཅོམ་ལྡན་འདས་དཔལ་གྱི་རྒྱལ་པོ་ངོ་བོ་ཉིད་དག་པས་འདི་སྐད་དུ། །དེ་ཉིད་དེ་སྙེད་རང་བཞིན་ཏེ། །དེ་སྙེད་དེ་ཉིད་ཡིན་པ་ལ། །བྱིས་པ་རྣམས་ཀྱིས་གཉིས་སུ་བཟུང་། །དེ་ལ་གཉིས་སུ་དབྱེ་བྱར་མེད། །ཅེས་གསུངས་སོ། །ཡང་བཅོམ་ལྡན་འདས་སྣང་བ་བརྩེགས་པའི་དཔལ་ངོ་བོ་ཉིད་དག་པས་འདི་སྐད་དུ། །སྟོང་ཉིད་ནམ་མཁའི་རང་བཞིན་དུ། །མི་མཐུན་པ་དང་གཉེན་པོ་གཉིས། །ཡེ་ནས་དབྱེར་མེད་གཅིག་པས་ན། །གནོད་པས་འཇིགས་པ་ག་ལ་ཡོད། །ཅེས་གསུངས་སོ། །ཡང་བཅོམ་ལྡན་ངོ་བོ་ཉིད་དག་པའི་དཔལ་ངོ་བོ་ཉིད་དག་པས་འདི་སྐད་དུ། མི་འགྱུར་ནམ་མཁའི་རང་བཞིན་ཏེ། །དག་པ་དག་ལ་དག་པ་ཉིད། །རྟོག་པ་དག་ལ་རྟོག་པ་སྣང་། །ཅེས་འདུལ་དེར་སྣང་ཅི་ཡང་མེད། །ཅེས་གསུངས་སོ། །ཡང་བཅོམ་ལྡན་འདས་དགའ་མཆོག་དཔལ་ངོ་བོ་ཉིད་དག་པས་འདི་སྐད་དུ། རང་བཞིན་རང་གིས་མ་བཅོས་པ། །ཡང་གིས་འོད་གསལ་དེ་བཞིན་ཉིད། །ཀུན་གྱི་སྙིང་པོ་དེ་ཉིད་པས། །ཅིས་ཀྱང་མ་བསྒྲིབས་ནམ་མཁའ་ཆེ། །ཞེས་གསུངས་སོ། །ཡང་བཅོམ་ལྡན་འདས་གཟི་བརྗིད་དཔལ་ངོ་བོ་ཉིད་དག་པས་འདི་སྐད་དུ། །ཇི་བཞིན་པ་ཉིད་ས་མཆོག་སྟེ། །དེ་རིག་ཡེ་ཤེས་བླ་མ་ཡིས། །ཡེ་ནས་དེ་བཞིན་ཉིད་ལ་གནས། །དེ་གདོད་བགྲོད་དུ་ག་ལ་ཡོད། །ཅེས་གསུངས་སོ། །ཡང་བཅོམ་ལྡན་འདས་སངས་རྒྱས་ཀུན་གྱི་དགེ་བའི་བཤེས་གཉེན་ངོ་བོ་ཉིད་དག་པས་འདི་སྐད་དུ། སྟོང་པ་ཉིད་ཀྱི་སྙིང་པོ་ལ། །སྣ་ཚོགས་སྣང་བའི་འཁོར་གྱིས་བསྐོར། །སུས་ཀྱང་མ་བྱས་རང་འབྱུང་བ། །ཇི་བཞིན་པ་ཡི་དཀྱིལ་འཁོར་ཉིད། །ཅེས་གསང་བའིཚིགཏུའོ། །ཡངབཅོམ་ལྡན་འདས་ངན་སོང་ཐམས་ཅད་སྦྱོང་བའི་ངོ་བོ་ཉིད་དག་པས་གསང་བས་འདི་སྐད་དུ། ཟད་མེད་ཡེ་ཤེས་དངོས་གྲུབ་ནི། །དེ་བཞིན་ཉིད་དུ་དངོས་གྲུབ་པས། །ཟད་པ་མེད་ཅིང་འཕེལ་་མེད། །ད་གདོད་བསྒྲུབ་ཏུ་ག་ལ་ཡོད། །ཅེས་གསང་བའི་ཚིག་ཏུའོ། །ཡང་བཅོམ་ལྡན་འདས་འཇིག་རྟེན་ཀུན་གྱི་ངོ་བོ་ཉིད་དག་པས་འདི་སྐད་དུ། ཆོས་ཀུན་རང་བཞིན་མེད་པ་ཉིད། །མྱ་ངན་འདས་ཞེས་དེ་ལ་བྱ། །སྟོང་ཉིད་རང་བཞིན་རྣམ་དག་ལ། །དེ་ཉིད་མི་གནས་བྱང་ཆུབ་སེམས། །ཞེས་གསང་བའི་ཚིག་ཏུའོ། །ཡང་བཅོམ་ལྡན་འདས་རྣམ་པར་རྒྱ་བ་ཉིད་དག་པས་འདི་སྐད་དུ། །རྣམ་རྟོག་ཆུ་བོའི་རྐ་མགོ་སྟེ།སྟོང་ཉིད་ཞིང་དུ་མ་བསྒྱུར་ན། །འཁོར་བའི་རྒྱལ་མཚོ་གཡེང་འགྱུར་བ། །དེ་མི་ཤེས་ལ་དེ་ལྟར་སྣང་། །ཞེས་གསང་བའི་ཚིག་ཏུའོ། ཡང་བཅོམ་ལྡན་འདས་མེ་ཏོག་བཀོད་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ།ཇི་བཞིན་པ་ཡི་དེ་བཞིན་ཉིད། །ཐམས་ཅད་འབྱུང་བ་མ་ཡིན་པས། །ཀུན་བཟང་ཤེས་རབ་ཕ་རོལ་ཕྱིན། །སེམས་ཅན་སངས་རྒྱས་ཀུན་གྱི་གནས། །ཞེས་གསང་བའི་ཚིག་ཏུའོ། །ཡང་བཅོམ་ལྡན་འདས་ཐམས་ཅད་སྣང་བ་ངོ་བོ་ཉིད་དག་པས་འདི་སྐད་དུ། །སྟུག་པོ་བཀོད་པའི་སངས་རྒྱས་དང་། སེམས་ཅན་རྣམ་པ་ཐམས་ཅད་དག །དངོས་པོ་བརྟན་གཡོ་ལ་སོགས་པ། །དེ་ཉིད་ལས་བྱུང་དངོས་མེད་སྐུ། །ཞེས་གསང་བའི་ཚིག་ཏུའོ། །ཡངབཅོམ་ལྡན་འདས་ཡིད་དང་ངོ་བོ་ཉིད་དག་པ་འདི་སྐད་དུ། རང་འབྱུང་ཡེ་ཤེས་རྩ་བ་ནི། །བྱང་ཆུབ་སེམས་ཉིད་ཡིན་པས་ན། །དེ་ཡི་རྩ་བ་སྙིང་རྗེ་སྟེ། །ཕ་རོལ་ཕྱིན་པར་ཐབས་ཀྱིས་སོ། །ཞེས་གསང་བའི་ཚིག་ཏུའོ། །ཡང་བཅོམ་ལྡན་འདས་སེང་གེ་འབུམ་གཟུགས་ངོ་བོ་ཉིད་དག་པས་འདི་སྐད་དུ། །ཇི་སྙེད་ཇི་བཞིན་ཉིད་ཀྱི་དོན། །ཡི་གེ་མིང་ཚོགས་སྒྲ་མཚོན་པ། །མིང་ཚོགས་སྒྲ་ལ་མ་བརྟེན་པར། །ཉམ་དྲོད་བློ་ཡིས་རིག་པ་མེད། །ཅེས་གསང་བའི་ཚིག་ཏུའོ། །ཡང་བཅོམ་ལྡན་འདས་ཐུབ་པའི་དབང་པོ་ངོ་བོ་་ཉིད་དག་པས་འདི་སྐད་དུ། །ཆོས་ཀུན་ཆོས་ཀྱི་རང་བཞིན་ནི། །དེ་བཞིན་ཉིད་ལས་མི་གཞན་པས། །དེ་ཉིད་བྱང་ཆུབ་ལམ་ཉིད་དེས། །ལམ་དེ་སྟུག་པོ་བཀོད་པའི་གནས། །ཞེས་གསང་བའི་ཚིག་ཏུའོ། །ཀྱེ་གྲོགས་པོ་དག་གཞན་ཡང་དེ་དག་ལ་སོགས་པ། །རྡོ་རྗེ་སེམས་དཔའི་སྤྲུལ་པའི་སྒྲོན་མ་བྱེ་བ་ས་ཡ་སྙེད་ངོ་བོ་ཉིད་དག་པ་དང་།ཆོས་ཀྱི་ཕོ་བྲང་ན་བཞུགས་པ་མཐའ་ཐུག་པ་མེད་པའི་ངོ་བོ་ཉིད་དག་པས་གསང་བའི་ཚིག་འདི་སྐད་དུ། ལ་ལ་ནི་འདི་ལྟར། རྟོག་མེད་རང་རིག་སྐད་ཅིག་མ། །སེམས་ཅན་སངས་རྒྱས་གཉིས་ཀྱི་དབྱིངས། །རིག་དང་མ་རིག་གཉིས་ཁོ་ན། །དག་དང་མ་དག་གཉིས་སུ་སྣང་། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །དེ་ཉིད་སྨྲ་བརྗོད་མེད་པ་ལ། །དེ་མཚོན་ཕྱིར་ན་ཐ་དད་བརྗོད། །གང་བརྗོད་པ་ཉིད་དེ་བཞིན་ཉིད། །དེ་ཉིད་སྤྲོས་མེད་རྡོ་རྗེ་དོན། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །དེ་ཉིད་ཅིར་ཡང་མི་སྣང་ན། །གློ་བུར་རྣམ་རྟོག་ཐ་དད་པའི། །རྣམ་རྟོག་དེ་ཉིད་སྣང་བར་ཟད། །སྣང་བ་ཉིད་་་་ན་སྣང་བ་མེད། །ཅེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །ཇི་བཞིན་པ་ཡི་དེ་ཁོ་ན། །སངས་རྒྱ་ཀྱིས་ཀྱང་བྱར་མེད་ན། །གང་གིས་བཅོས་ཏེ་སུ་ཡིས་བྱས། །བྱས་པ་པོ་ཞིག་ག་ལ་ཡོད། །ཅེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །ཡེ་ཤེས་ཅན་གྱི་སྤྱོད་ཡུལ་ནི། །དེ་བཞིན་དེ་ཉིད་ཡིན་པས་ན། །དེ་ཁྱབ་གང་གི་ཆོས་རྣམས་ཀུན། །རང་བཞིན་དག་པས་བསྒྲིབས་པ་མེད། །ཅེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་མཚན་ཉིད་མེད་པ་ལས། །མཚནཉིད་སྣ་ཚོགས་པར་སྣང་བས། །ཀུན་འབྱུང་དབྱིངས་ཀྱི་རང་བཞིན་པས། །མེད་ལ་ཟད་མི་ཤེས་པར་མཛོད། །ཅེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །སྣ་ཚོགས་ཐེག་པའི་ལྟ་བ་དང་། །སྡོམ་པ་བསྲུང་བའི་བྱ་བ་ཀུན། །སྦྱད་པར་བྱ་བ་མ་ཡིན་ཡང་། །ཀུན་ཀྱང་མ་འདྲེས་ཡོངས་སུ་རྫོགས། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། དེ་ལ་ཕྱོགས་དང་དུས་མེད་པར། །གང་གིས་ཕྱོགས་དང་དུས་བརྟགས་པའི། །དེ་ཉིད་དེ་ལ་རྣམ་པར་སྣང་། །སངས་རྒྱས་ཀྱིས་ནི་དེ་མི་མཁྱེན། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། །བསམ་གྱིས་མི་ཁྱབ་ཀུན་ཤེས་ནས། །བསམ་དུ་མེད་པར་དེ་བཞག་ན། །དཔག་ཏུ་མེད་པའི་ཡོན་ཏན་འབྱུང་། །རྣམ་པར་ཐམས་ཅད་མཁྱེན་པ་ཡིས། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། བསམ་གྱིས་མི་ཁྱབ་མི་ཤེས་པར། །བསམ་མེད་ངང་དུ་གང་འཇོག་པ། བྱིས་པ་དེ་ནི་བླུན་པ་སྟེ། མུན་པའི་སྐྱེ་མཛེས་ཉིད་དུ་འགྱུར། །ཞེས་ཀུན་ནས་རྩེ་བ་དང་དམ་པར་བསྔགས་སོ་། ་།་ལ་ལ་ནི་འདི་སྐད་དུ། བསམ་མེད་བསམ་གྱིས་མི་ཁྱབ་ཆོས། །ལྷག་པར་མཐོང་ནས་ཞི་གནས་པ། །རྣམ་རྟོགས་སྤོང་ལེན་གང་བྱེད་པ། །དེ་དག་སྒྲིབ་པ་མུ་མཐའ་ཡས། །ཞེས་བཤེས་གཉེན་དམ་པ་ཉིད་དུ་གདམས་སོ། །ལ་ལ་ནི་འདི་སྐད་དུ། སྣ་ཚོགས་སོ་སོ་ཀུན་རིགས་ཀྱང་། །ཀུན་གྲོལ་རྣམ་དག་ལམ་མེད་ན། །དམ་པ་ཉིད་ལས་ཤིན་ཏུ་གོལ། །ནམ་ཡང་ངེས་པ་རྙེད་པ་མིན། །ཞེས་བཀའ་དམ་པར་གདམས་སོ། །ལ་ལ་ནི་འདི་སྐད་དུ། སྣ་ཚོགས་རིམ་གྱིས་འཇུག་པ་དང་། །བསམ་སྤྱོད་བློ་ཡི་ནང་དུ་འགྱུར། །བསམ་མེད་ཡོངས་སུ་རྫོགས་པའི་དོན། །རིམ་གྱིས་པ་ཡི་དུག་ཆེན་ཡིན། །ཞེས་ཁྱད་པར་དམ་པར་གདམས་སོ། །ལ་ལ་ནི་འདི་སྐད་དུ། སྣ་ཚོགས་སོ་སོར་མ་རེག་པར། །དེ་བཞིན་ཉིད་དུ་ངེས་མི་རྙེད། །དེ་ཉིད་ངེས་པར་མ་རྙེད་ན། །སྣ་ཚོགས་སྨྲ་བ་རུང་མ་ཡིན། །ཞེས་ནན་ཏན་དམ་པར་གདམས་སོ། །ལ་ལ་ནི་འདི་སྐད་དུ། །མཁའ་ལ་འཇའ་སྣངཇིབཞིནདུ། །བསམ་ཡས་བསམ་སྣངདེབཞིནནོ། །གཅིག་ཏུ་ངེས་པ་མེད་པའི་གསུང་། །ཇི་ལྟར་འབྱུང་བ་དེ་ལྟར་ཡིན། །ཞེས་དཔའ་དཀའ་བ་དམ་པར་གསུངས། །ལ་ལ་ནི་འདི་སྐད་དུ། ཀུན་གྱི་རྩ་བ་འདིར་བཤད་པས། །འདི་དོན་གང་རིག་ཐོས་པའི་མཆོག །ཐམས་ཅད་འདི་ལས་འབྱུང་བ་ན། །འདི་ཤེས་ཀུན་ཤེས་ཤེས་རབ་མཆོག །ཅེས་ཤེས་རབ་མཆོག་དམ་པར་བསྔགས་སོ། །ལ་ལ་ནི་འདི་སྐད་དུ་།་ གསང་བའི་ནང་ན་གསང་ཆེན་འདི། །ཉིད་ཀྱིས་ཉིད་ཀྱང་མི་མཐོང་བར། །གཞན་གྱིས་མཐོང་བར་ག་ལ་འགྱུར། །དེ་ཉིད་དམ་པ་རྣམས་ཀྱིས་བསྔགས། །ཞེས་གསང་བ་དམ་པོར་བསྔགས་སོ། །ལ་ལ་ནི་འདི་སྐད་དུ། ཆོས་རྣམས་ཀུན་གྱི་སྙིང་པོ་འདི། །གསེར་དང་མཁའ་བཞིན་མི་འགྱུར་བས། །མི་ནུབ་སྟོང་བྲལ་མེད་པའི་ཕྱིར། །ཆོས་ཀྱི་དམ་པ་དོན་པོ་མཆོག །ཅེས་དམ་པ་ཆེན་པོར་བསྔགས་སོ། །ལ་ལ་ནི་འདི་སྐད་དུ། །ཐོག་མ་མེད་ནས་བསགས་པ་ཡི། །རྣམ་རྟོགས་སྤྲིན་ཕུང་དཔག་མེད་པ། །སྟོང་ཉིད་ཅི་ཅར་རིག་པ་ཡིས། །དེ་བཞིན་ཉིད་དུ་རྣམ་པར་སྒྲོལ། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། ཇི་སྙེད་བསམ་གྱིས་མི་ཁྱབ་པའི། །ཆོས་ཀུན་སྟོང་པར་རིག་ངེས་ན། །སངས་རྒྱས་ཀུན་དང་མཉམ་སྦྱོར་བས། །རྣལ་འབྱོར་ཆེན་པོའི་བསམ་གཏན་ཡིན། །ཞེས་རྣལ་འབྱོར་དམ་པར་གདམས་སོ། །ལ་ལ་ནི་འདི་སྐད་དུ།འཁོར་བ་ཇི་སྲིད་ཡོད་པར་དུ། །བསྟན་པའི་སྙིང་པོ་ཉི་མ་ཤར། །རང་བཞིན་ཆོས་ཉིད་འཁོར་ལོ་འདི། །མི་ནུབ་རྒྱུན་མི་འཆད་པར་བསྐོར། །ཞེས་གསང་བ་དམ་པའི་ཐེག་པར་བསྔགས་སོ། །ལ་ལ་ནི་འདི་སྐད་དུ། མི་འགྱུར་མི་འཇིག་རྡོ་རྗེ་དོན། །སྣ་ཚོགས་ཀུན་འབྱུང་རིན་པོ་ཆེ། །མ་ཆགས་རྣམས་དག་པཟློ་ཉིད། །ཐམས་ཅད་ལྷུན་གྲུབ་མཛད་པ་ཆེ། །མ་ནོར་མ་བཅོས་དེ་བཞིན་ཉིད། །ཅེས་ཡང་ངེས་པར་དམ་པར་བསྟན་ཏོ། །ལ་ལ་ནི་འདི་སྐད་དུ། སྟོང་ཉིད་གཟུགས་མེད་ཆོས་ཀྱི་སྐུ། །སྨོན་མེད་ཡིད་ལས་འདས་པའི་གསུང་། མཚན་མེད་རྟོག་ལས་འདས་པའི་ཐུགས། །རྟོག་མེད་རེ་སྐོང་ཡོན་ཏན་མཛོད། །ཐབས་ཀྱི་གར་ཐབས་ཕྲིན་ལས་མཛད། །ཅེས་ཆོ་འཕྲུལ་སྣ་ཚོགས་འབྱུང་བར་བསྔགས་སོ། །ལ་ལ་ནི་འདི་སྐད་དུ། །མི་རྟོག་ཆོས་ཀྱི་མེ་ལོང་གསལ། །གཉིས་སུ་མེད་པས་ཐམས་ཅད་མཉམ། །སྣ་ཚོགས་མཚན་ཉིད་མ་འདྲེས་མཁྱེན། །ནན་ཏན་ཆེན་པོར་ཁྱབ་གྲུབ་མཛད།།ཡེ་ཉིད་ཀུན་གྱི་རང་བཞིན་མཁྱེན། །ཞེས་ཡེ་ཤེས་རྒྱུན་དུ་འཆར་བར་བསྔགས་སོ།།ལ་ལ་ནི་འདི་སྐད་དུ།སྣང་སྟོང་གོ་འབྱེད་ཀུན་ཁྱབ་མཁའ། ཐེག་དབྱིངས་ལ་ནི་ཀུན་གནས་ས། །ཞི་གནས་རྣམ་དག་ཆུ་ཆེན་པོ། །ལྷག་མཐོང་ཡེ་ཤེས་འོད་འབར་མེ།ཁྲེས་བྱ་ཐོགས་མེད་འཐོར་བའི་རླུད་། །ཞེས་ཐམས་ཅད་འབྱུང་བར་བསྔགས་སོ། །ལ་ལ་ནི་འདི་སྐད་དུ། མ་འདྲེས་ཡོངས་རྫོགས་གསལ་སྟོང་གཟུགས།ཁྱབ་གསལ་རང་བཞིན་འགྲོ་བའི་སྒྲ། །དང་བས་སིམ་བྱེད་ཆོས་ཀྱི་དྲི། དོན་བཅུ་ཉམས་སུ་མྱོང་བའི་རོ། །བདེ་མཆོག་དོན་ལ་རེག་པ་ཉིད། །ཅེས་ཡོན་ཏན་དམ་པར་བསྔགས་སོ། །ལ་ལ་ནི་འདི་སྐད་དུ། ཅི་ཡང་མི་་་་་་་སེམས་གཏི་མུག་ལ། །དངོས་པོ་ཀུན་བཅོམ་ཞེ་སྡང་ཉིད། །ཡེ་འབྱམ་ང་རྒྱལ་བདག་ཉིད་ཆེ། །བདེ་ཆེན་རང་བཞིན་རྗེས་ཆགས་པ། །གང་དུ་མ་འགྱུར་གཞན་ཕྲག་དོག །ཅེས་བླང་དོར་མེད་པར་བསྔགས་སོ། །ལ་ལ་ནི་འདི་སྐད་དུ། ཀུན་གྱི་རང་བཞིན་གཅིག་ཞེས་པས། །དེ་ཉིད་དབང་དུ་ཐམས་ཅད་འདུས། །ཀུན་ལ་དབང་སྒྱུར་ཐོས་པས་ན། །ཡེ་དབང་ཆེན་པོ་རྫོགས་པའོ། །ཞེ་དབང་དམ་པར་བསྔགས་སོ།ལ་ལ་ནི་འདི་སྐད། ཐམས་ཅད་ཀུན་འདུས་རིག་པའི་མདོ། །ཀུན་ལ་ཁྱབ་གནས་བརྟག་དཀའ་བ། །ཟབ་མོ་སངས་རྒྱས་སྤྱོད་ཡུལ་ཡིན། །རྡོ་རྗེ་ཀུན་བཀོད་རྣལ་འབྱོར་ལུང་། །ཞེས་བཀའ་དམ་པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་དེར་ནི་ཀུན་གཅིག་པས། །བདག་དང་གཞན་དུ་སྣང་བ་མེད། །སྟོང་ཉིད་རྣམ་དག་ནམ་མཁའ་ལ། །གཙང་སྨེར་དབྱེ་བ་རྡུལ་ཡང་མེད། །ཅེས་བདུད་རྩི་དམ་པར་བསྔགས་སོ། །ལ་ལ་ནི་འདི་སྐད་དུ། །བྱང་ཆུབ་སྙིང་པོ་དམ་པ་ལ། །རྣམ་རྟོག་རྡུལ་གྱིས་ག་ལ་འགོ །དེ་ཉིད་ཆེན་པོར་བུབྲ་ཆུ་བས། །ཅིས་ཀྱང་མི་བསྐྱོད་ཉམ་མི་ང། །ཞེས་རེ་དོགས་མེད་པར་བསྔགས་སོ། །ལ་ལ་ནི་འདི་སྐད་དུ། རྣམ་རྟོག་མཚན་མའི་རི་བོ་འདི། །སེང་གེའི་ཁོག་པ་རང་ཞིག་ལྟར། །སྟོང་ཉིད་རང་ཉིད་མ་ཞིག་ན། །གཞན་གྱིས་འཇིག་པར་ག་ལ་འགྱུར། །ཞེས་རང་བཞིན་དམ་པར་བསྔགས་སོ། །ལ་ལ་ནི་འདི་སྐད་དུ། བདེ་ཆེན་རྣམ་དག་རྟོག་བྱེད་པས། །ལེགས་ནེས་གཉིས་ཀ་རྣམ་པར་རྟོག །བདེ་ཆེན་ངེས་པའི་རླུང་ཞུགས་ན། །གང་འདིར་རྣམ་པར་རྟོག་པ་མེད། །ཅེས་ཡོངས་སུ་རྟོགས་པ་ལས་འདས་པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་ཕྱིན་ཅི་མ་འོ་ག་པར། །བསྲུང་བྱ་མི་རྟོག་མི་གནས་པ། །ལེ་འོ་་གཡེང་བའི་དགྲ་བསྲུང་སྟེ། །དེ་བཞིན་དེ་ལས་འདའ་མི་བྱ། །ཞེས་དམ་ཚིག་དམ་པར་བསྔགས་སོ། །ལ་ལ་ནི་འདི་སྐད་དུ། །དཔག་ཏུ་མེད་པའི་འཇིག་རྟེན་དུ། །སྒྲོན་མ་བསམ་གྱིས་མི་ཁྱབ་པས། ཇི་སྙེད་པ་ཡི་ཆོས་བསྟན་པ། །མཐའ་ཡས་དོན་ནི་གཅིག་ཏུ་འདུས། །ཞེས་པར་བསྔགས་སོ། །ལ་ལ་ནི་འདི་སྐད་དུ། །དེ་ཉིད་དེ་ལས་མ་ཉམས་ན། །དྲན་བསམ་སྒྱུ་མ་མེད་པ་ཡི། །ཚུལ་ཁྲིམས་ཏིང་འཛིན་ཤེས་རབ་ཉིད། །བསླབ་པ་རྣམ་གསུམ་ཡོངས་སུ་རྫོ་གས། །ཞེས་བསླབ་པ་དམ་པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་ལས་མཐའ་ཞི་གནས་དང་། ལྷག་པའི་དོན་མཐོང་འདྲེས་པ་ཡི། །སྡེ་གསུམ་ངེས་པར་རྫོགས་པ་ན། །འབུམ་ཕྱག་མཐའ་ཡས་བརྗོད་མི་ལང་། །ཞེས་བཀྲི་དྲང་བརྒྱུད་པ་དམ་པར་བསྔགས་སོ། །ལ་ལ་ནི་འདི་སྐད་དུ། ཚིག་ལ་དབང་བས་ཚིག་བསྒྱུར་ན། །ཚིག་མཐའ་ཡས་པས་བསྡུས་ན་འདུས། །ཚིག་གཅིག་རྣམ་པར་སྤྲོས་གྱུར་ན། །བརྗོད་པས་དེ་ནི་ཟད་མི་འགྱུར། །ཞེས་གསུངས་མི་ཟད་པ་དམ་པར་བསྔགས་སོ། །ལ་ལ་ནི་འདི་སྐད་དུ། སྨྲ་བརྗོད་ཚིག་ལ་གང་དག་་་་་པཔས། །གང་གིས་དགོངས་་དཔོག་མི་ནུས། །ཚིག་ཚོག་རྒྱ་མཚོ་ཐོས་པ་མིན། །ཚིག་གཅིག་ཐོས་པ་ཐོས་པའི་མཆོག །ཅེས་ཐོས་པར་རྒྱ་མཚོའི་དམ་པར་བསྔགས་སོ། །ལ་ལ་ནི་འདི་སྐད་དུ། ཁྱབ་དང་མི་གནས་རྣམ་མི་རྟོག །མ་བྲལ་མི་གཡོ་མ་ཆགས་པ། །དེ་ཉིད་ལས་ནང་གཞན་མེད་དེ། །ཕ་རོལ་ཕྱིན་པ་དེ་ཁོ་ན། ཞེས་འཐར་སོན་པ་དམ་པར་བསྔགས་སོ། །ལ་ལ་ནི་འདི་སྐད་དུ། འདོན་བརྗོད་འདྲི་ཀློག་དོན་བྱེད་པ། །དམུས་ལོང་དམུ་རྒོད་རྒྱུག་པ་འདྲ། །དབྱིངས་ཀྱིས་བྱིངས་ལ་བྲིས་པའི་དོན། །རང་རིག་འདོན་བརྗོད་འདྲི་ཀློག་མཆོག །ཅེས་སྤྱོད་པ་དམ་པར་བསྔགས་སོ། །ལ་ལ་ནི་འདི་སྐད་དུ། །མཚན་མར་བྱས་དང་སྣང་བའི་མཆོག །མ་འདྲེས་ཡོངས་སུ་རྫོགས་པ་ཡི། །མཁའ་དང་འཇའ་ལྟར་རྣམ་རིག་པ། །བསྔོ་བ་བླ་མེད་བྱང་ཆུབ་ཉིད། །ཅེས་བསྔོ་བ་དམ་པར་བསྔགས་སོ། །ལ་ལ་ནི་འདི་སྐད་དུ། ཆོས་གང་སེམས་ཀྱི་དེ་ཉིད་ལ། །གཉིས་དང་མཐའ་རུ་གང་ལྟ་བ། །མ་རིག་འཁྲུལ་པས་ཕྱིན་ཅི་ལོག །ཐེག་ཆེན་གསང་སྔགས་ལམ་ལས་ལོག །ཅེས་གདམས་ངག་དམ་པར་གསུངས་སོ། །ལ་ལ་ནི་འདི་སྐད་དུ། རྒྱུ་རྐྱེན་རྟེན་འབྲེལ་རིམ་གྱིས་པ། །བློ་ཆུང་རྨོངས་པས་ཁྲིད་པའི་ཐབས། །མ་བཅོསདེབཞིནཉིདའདིལ། །རྟེན་འབྲེལ་རྒྱུ་འབྲས་རིམ་གྱིས་མེད། །ཅེས་ངེས་པར་དམ་པར་བསྔགས་སོ། །ལ་ལ་ནི་འདི་སྐད་དུ། མ་བཅོསདེབཞིནཉིདའདིལ། །ཡིད་བཞིན་ཅིར་ཡང་འབྱུང་བ་ཡི། །ཆོ་འཕྲུལ་འབྱུང་བས་སེམས་ཅན་རྣམས། །ཇི་ལྟར་འདུལ་བ་མཐོང་ཐོས་སྣང་། །ཞེས་ཐམས་ཅད་རྒྱུ་མེད་པ་ལ་བསྔགས་སོ། །ལ་ལ་ནི་འདི་སྐད་དུ། །ཟབ་མོ་སངས་རྒྱས་སྤྱོད་ཡུལ་བ།གསང་བའི་དབྱིངས་ན་གནས་པ་ཡི། །ཐམས་ཅད་གསང་བའི་སྙིང་པོ་ཉིད། །མཐོང་བས་འགྲོ་དོན་རྒྱ་མཛོར་རྫོགས། །ཞེས་ཐམས་ཅད་ལྷུན་གྱིས་གྲུབ་པར་བསྔགས་སོ། །ལ་ལ་ནི་འདི་སྐད་དུ། དངོས་པོ་མེད་པའི་ངོ་བོ་ཉིད། །དེ་མཐོང་ངོ་བོ་ཉིད་མི་དམིགས། །དྲན་མེད་བྱ་དང་བྱེད་མེད་པ། །གནས་གསུམ་མཉམ་ཉིད་རྗེས་སུ་དྲན། །ཞེས་ཏིང་ངེ་འཛིན་དམ་པར་བསྔགས་སོ། །ལ་ལ་ནི་འདི་སྐད་དུ། གནས་གསུམ་དམིགས་པའི་འདུ་ཤེས་མེད། །མིང་མེད་ཚིག་གི་ལམ་དང་བྲལ། །བླ་མེད་འདུས་མ་བྱས་པ་ཡི། །མཆོད་པ་ཡང་དག་མཆོག་ཏུ་བཤད། །ཅེས་མཆོད་པ་དམ་པར་བསྔགས་སོ། །ལ་ལ་ནི་འདི་སྐད་དུ། བསྐལ་བ་བྱེད་བ་དཔག་མེད་དུ་།་ ་།་ལོག་ཅིང་ཞེན་པའི་མུན་པ་གསུམ། །དེ་ཉིད་ཚུལ་བཞིན་སྐད་ཅིག་མ། །ཀུན་གསལ་གཅིག་གིས་ཡོངས་སུ་སངས། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། མུན་པས་འཐིབས་པ་དེ་དག་གིས། །མི་གཡོ་མི་རྟོག་དེ་ཉིད་བལྟ། །དེ་མཐོང་མུན་པ་རྣམ་དག་སངས། །འགྱོད་སངས་ཀུན་གྱི་མཆོག་ཏུ་བཤད། །ཅེས་ཚངས་པ་དམ་པར་བསྔགས་སོ།།ལ་ལ་ནི་འདི་སྐད་དུ།།མི་མཐུན་གཉེན་པོ་མི་དམིགས་པ། །སྟོང་པ་ཉིད་ཀྱི་ཆོས་ཉིད་ལ། །གནས་པ་གང་ཡིན་དེ་དག་གིས། །གཉེན་པོ་བསྟན་དུ་ཅི་ཡང་མེད། །ཅེས་ལ་གཅད་པ་དམ་པར་བསྔགས་སོ། །ལ་ལ་ནི་འདི་སྐད་དུ། །ཐམས་ཅད་རང་བཞིན་མ་བཅོས་པ་།་ ་།་ཇི་བཞིན་པ་ཡི་དེ་བཞིན་དུ། །རང་རིག་བླ་ན་མེད་པ་ཡི། བྱང་ཆུབ་མཆོག་ཏུ་སེམས་བསྐྱེད་པའོ། །ཞེས་སེམས་བསྐྱེད་པ་རྣམ་པར་བསྔགས་སོ། །ལ་ལ་ནི་འདི་སྐད་དུ། ཅི་ཡང་མི་སེམས་མི་གཡོ་ཞིང་། །མི་རྟོག་རྣམ་པར་མི་གཡེང་བ། །ཀུན་ལ་ཁྱབ་པར་བདལ་བའི་དབྱིངས། །ཀུན་་༑ང་བྱ་མེད་ཐེག་ཆེན་མཆོག །ཅེས་ཐེག་པ་ཆེན་པོའི་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། ཐེག་ཆེན་གསང་བའི་སྙིང་པོ་འདི། །དབུ་མར་མི་དམིགས་མཐའ་ལས་འདས། །གང་འདིར་དབུ་མར་འདོད་པ་དག །མཐའ་ལས་འདས་པར་ག་ལ་འགྱུར། །ཞེས་དབུས་མཐར་མི་དམིགས་པར་བསྔགས་སོ། །ལ་ལ་ནི་འདི་སྐད་དུ། །ཆོས་ཀུན་མི་མཐོང་ཆོས་ཉིད་ཀྱང་། །མི་མཐོང་སེམས་ཅན་སེམས་མི་མཐོང་། །སངས་རྒྱས་མི་མཐོང་གང་མཐོང་བ། །དེ་ཡི་དོན་དམ་ཡང་དག་མཐོང་། །ཞེས་མཐོང་བ་ཡོངས་སུ་བསྔགས་སོ། །ལ་ལ་ནི་འདི་སྐད་དུ། །ཡེ་ནས་མ་བཅོས་ཇི་བཞིན་པ། །མི་སྐྱེ་མི་འགག་རྣམ་ཀུན་མཁྱེན། །སུས་ཀྱང་མ་བྱས་རང་བྱུང་བ། །རྣམ་པར་རྟོག་པའི་གློ་བུར་ཡིན། །ཞེས་མ་བསླད་པར་དམ་པར་མད་པར་བསྔགས་སོ། །ལ་ལ་ནི་འདི་སྐད་དུ། །དེ་ཉིད་དེ་དག་གང་ལྡན་པ། དམན་པའི་ལུས་ལ་སངས་རྒྱས་ཡིན། །དེ་ལ་མ་གཏོགས་གང་ཞིག་ན། །སངས་རྒྱས་བྱ་བ་ག་ལ་ཡོད། །ཅེས་ཡེ་ནས་སངས་རྒྱས་པར་བསྔགས་སོ། །ལ་ལ་ནི་སྐད་དུ། །བརྟན་གཡོ་དཀྱིལ་འཁོར་ཕྱག་རྒྱ་རྫོགས། །རྟོག་འཛིན་སྒྲ་མཐའ་ཏིང་འཛིན་བསྔགས། །མེད་རྒྱུ་རྟགས་ཆགས་མཚོན་པའི་ཚིག །བསྒྲུབ་འགྲུབ་བལྟས་སྣང་འབྲས་བུའོ། །ཞེས་གསང་སྔགས་དམ་པའི་ཚིག་གོ །གྲོགས་པོ་དག་དེ་ལྟར་ནི་དེ་བཞིན་པ་ཐམས་ཅད་ཀྱི་དགོངས་པ་དམ་པ་དེ་ཁོ་ན་ཉིད་ལས་འདི་སྐད་དུ། །ཐམས་ཅད་ཐམས་ཅད་ཇི་སྙེད་པ། །ཚིག་གི་ཐ་སྙད་ཙམ་དག་ལས། །འདི་ལ་བྱ་བ་ཅི་ཡང་མེད། །རང་བཞིན་དེ་ཉིད་ཡེ་སངས་རྒྱས། ཨ་ཧོ་ཞེས་དེ་བཞིན་གཤེགས་པ་ཐམས་ཅད་ལས་འདས་ཏེ་བདེ་བ་ཆེན་པོ་ལྷུན་དང་བར་གྱུར་ཏོ། །དེ་ནས་གསང་བའི་བདག་པོ་ཉིད་ཀྱིས་ཚིགས་སུ་བཅད་དེ་སྨྲས་པ། དཔེར་ན་ཀུན་དུ་རྒྱུ་བའི་མི། །འདོད་པའི་ཡུལ་དུ་གང་འགྲོ་བ། །ཡུལ་གྱི་རྣམ་པ་མཐའ་ཡས་ཀྱང་། །བགྲོད་ཡུལ་ལམ་གནས་གཅིག་ལས་མེད། །དེ་བཞིན་བསམ་གྱིས་མི་ཁྱབ་པའི། །རྣམ་གྲངས་ཆོས་སྒོ་ཇི་སྙེད་ཀྱང་། །བཀྲིད་པས་དྲང་བའི་ཚིག་ཡིན་ཏེ། །བསམ་པའི་ཡུལ་ནི་གཅིག་པའོ། །དོན་རྣམས་གཅིག་ཏུ་བསྡུས་པ་ཡི། །བསླབ་པར་བྱ་བ་དམ་པ་སྟེ། །ངེས་པར་གཅིག་ལས་མེད་པའི་ཕྱིར། །ཀུན་འདུས་དམ་པའི་བསླབ་པར་གཅེས། །དམ་པ་འདིར་འདུས་ཀུན་ཤེས་ན། །དེ་ཡི་ཡེ་ཤེས་མཐའ་ཡས་ཏེ། །རྣམ་པ་ཐམས་ཅད་མཁྱེན་ཉིད་པས། །མདོ་དོན་གཅིག་ཏུ་བསྡུས་པར་གསུངས། །གྲོགས་པོ་དག་དེ་དག་ནི་དེ་བཞིན་གཤེགས་པ་ཐམས་ཅད་དགོངས་པ་དེ་ཁོ་ན་ཉིད་གཅིག་ཏུ་འདུས་པར་དེ་བཞིན་གཤེགས་པ་ཐམས་ཅད་འདུས་ནས་བཤད་པ་སྟེ། ཐམས་ཅད་ཀྱི་མདོ་དེ་ཁོ་ན་ཉིད་དུ་འདུས་པར་ཤེས་པར་བྱའོ། །དེ་སྐད་ཅེས་སྨྲས་པས། །དམན་པ་རྣམས་གཅིག་ཏུ་ངེས་པ་དམ་པ་རྙེད་པར་གྱུར་ཏོ། །དེ་ནས་གསང་བ་པའི་བདག་པོ་ཉིད་ལ་དམན་པ་རྣམས་ཡི་རངས་ཏེ། མངོན་པར་བསྟོད་པ། ཨེ་མ་ཧོ་སྐྱེས་ཆེན་གསང་བའི་བདག །རྩལ་ཆེན་སྨྲས་བ་སེང་གེའི་སྒྲ། །དེ་བཞིན་གཤེགས་པ་ཀུན་གྱི་ཐུགས། །སངས་རྒྱས་ཀུན་སྔོན་ཡེ་ནས་བྱུང་། ཁྱོད་ནི་སངས་རྒྱས་ཀུན་གྱིས་མེས། །ཆེ་མཆོག་རྗེ་བཙན་དམ་པའི་སྐུ། །བདེ་གཤེགས་ཀུན་གྱི་བཤེས་གཉེན་མཆོག །སེམས་དཔའ་སངས་གྱས་ཀུན་གྱི་དངོས། །ཀུན་གྱི་འབྱུང་གནས་མེ་ལོང་གསལ། ཕྱོགས་ཀུན་གསལ་འགྲེལ་ངེས་པའི་མདོ། །ཐེག་ཆེན་རྨད་གྲགས་ངོ་མཚར་ཆེ། །གསང་ཆེན་བྱུང་ཚུལ་ངོ་མཚར་ཆེ། །ཨ་ཧོ་ཞེས་ངེས་པ་དམ་པར་མངོན་པར་བསྟོད། །དེ་ནས་ཅང་མི་དམིགས་པར་གྱུར་ཏེ། །གང་དུ་ངེས་པར་བགྲོས་པའི་གསང་བ་དམ་པར་དག་ལྷ་དང་མིའི་འཇིག་རྟེན་དུ་རྒྱ་ཆེར་གྲགས་ཤིང་ཡོངས་སུ་གྲགས་པར་གྱུར་རོ། །སངས་རྒྱས་ཀུན་གྱི་དགོངས་འདུས་པའི་མདོ་ཆེན་པོ་ལས་སངས་རྒྱས་ཀུན་གྱི་དགོངས་པ་འདུས་པའི་ལེའུ་ཞེས་བྱ་སྟེ་བདུན་ཅུ་ལྔ་པའོ།། །།ཐེག་པ་ཆེན་པོ་ངེས་པ་འབྱུང་བའི་ཚུལ་ལས་གང་གི་དགོངས་པ་རྣམ་པར་བགྲོས་པ་ན་ཡང་བྱུང་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ། བྱུང་ཚུལ་བསྟན་པའི་བཅུ་གཉིས་པའི་ཐ་མའོ།། །།སངས་རྒྱས་ཀུན་གྱི་དགོངས་པ་འདུས་པའི་མདོ་ཐེག་པ་ཆེན་པོ་མངོན་པར་རྟོགས་པ་ཆོས་ཐམས་ཅད་ཀྱི་མེ་ལོང་། །བཀའ་ཐམས་ཅད་ཀྱི་འགྲེལ་པ། །དེ་བཞིན་གཤེགས་པ་ཀུན་གྱི་དགོངས་པ་དམ་པ་གསང་བ། བཅོམ་ལྡན་འདས་གསང་བ་པའི་བདག་པོ་ཕྱག་ན་རྡོ་རྗེས་དྲག་ཤུལ་ཅན་གྱི་རི་མ་ལ་ཡའི་རྩེར་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ལ་རྒྱ་ཆེར་ཡོངས་སུ་བགྲོས་པ། རྒྱ་གར་གྱི་མཁན་པོ་དྷརྨ་བོ་དྷི་དང་། རིང་ལུགས་ཆེན་པོ་དྭ་ན་རསྤྱི་ཏ་དང་། ཞུ་ཆེན་གྱི་ལོ་ཙྭ་བ་ཆེ་བཙན་སྐྱེས་ཀྱིས་བྲུ་ཤའི་ཡི་གེ་ལས་བྲུ་ཤའི་ཡུལ་གྱི་ཁྲོམ་དུ་བསྒྱུར་ཅིང་གཏན་ལ་ཕབ་པ།། །།བཀའ་འདི་ལ་དབུ་ཞབས་སུ་བྱུང་ཚུལ་བཅུ་གཉིས་པ། །ལེའི་བདུན་ཅུ་རྩ་ལྔ་པ། བམ་པོ་བཅུ་དང་། ཤོ་ལོ་ཀ་ཉིས་བརྒྱ་ལྔ་བཅུ་རྩ་གཉིས་སོ།། །།ཡེ་དྷརྨུ་ཧེ་ཏུ་པྲ་བྷ་བཱ་ཧེ་ཏུན་ཏེ་ཥའན་ཏ་ཐུ་ག་ཏོ་ཧུ་བ་དད། ཏེ་ཥའརྩི་ཡོ་ནི་རོ་དྷ་ཨེ་ཝ༷་བཱ་དི་མ་ཧྭ་བྲ་མ་ཎ༷༷།། །།