Front[edit]

Body[edit]

་རྩགསུམཔམབྱུང། །། རྒྱ་གར་སྐད་དུ། མ་ཧྭ་ཨུ་བརྟ་པྲ་སྭ་ར་ཁེ་རྭ་ཛ་ཏནྟྲ་ནཱ་མ། བོད་སྐད་དུ། །ཀློང་ཆེན་རབ་འབྱམས་རྒྱལ་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་ཉིད་ཀྱིས་བདག་ཉིད་ལ་ཐོས་པའི་དུས་གཅིག་ན། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ཐམས་ཅད་དབྱེར་མེད་དེ། ཐིག་ལེ་གཅིག་ལས་མ་གཡོས་པའི་བདག་ཉིད་དུ་བཞུགས་པ་ལས ཐམས་ཅད་མཉམ་པ་ཉིད་ཀྱི་ཀློང་དུ་གཅིག་ཀྱང་དེའི་དོན་མངོན་དུ་གྱུར་པར་གཏན་ལ་དབབ་པར་བྱ་བའི་ཕྱིར།འོག་མིན་གྱི་གནས་ཁམས་གསུམ་གྱི་གཞི་རྟེན་དང་དབྱེར་མེད་པའི་ཞིང་དེར། དབྱེར་མེད་རང་ལས་སྣང་བའི་འཁོར་དུས་གསུམ་གྱི་སངས་རྒྱས་དང་ཁམས་གསུམ་གྱི་སེམས་ཅན་ཐ་མི་དད་པ་དང་། འཇིག་རྟེན་པ་དང་འཇིག་རྟེན་ལས་འདས་པའི་འཁོར་དང་ཐབས་གཅིག་པ་དང་། ཉིད་དང་ཉིད་ཀྱི་རང་བཞིན་དབྱེར་མེད་པ་དང་། ཉིད་ཀྱི་ངོ་བོ་དང་རང་བཞིན་ལས་སྤྲུལ་པ་རྒྱུན་མི་འཆད་པར་འགྲོ་བའི་དོན་མཛད་པ་རྣམས་ལ་སེང་གེའི་ང་རོ་དོན་གྱི་གསུང་དབྱངས་ཀྱིས་བརྗོད་པར་བྱས་ཏེ། སེམས་ཉིད་ཀློང་ཆེན་རབ་འབྱམས་རྒྱལ་པོའི་དོན་འདི་རབ་ཏུ་བཤད་དོ། །ཇི་སྙེད་ཆོས་རྣམས་མིང་གི་རྣམ་གྲངས་ཀུན། །ཡེ་ནས་གདག་གཞི་མེད་པའི་ཀློང་དུ་གཅིག །ཀློང་ཆེན་གཅིག་ལ་འཁོར་དང་མྱ་ངན་འདས། །རྐྱེན་གྱིས་ཅིར་ཡང་འཆར་ཕྱིར་གློ་བུར་ཆོས། །ནམ་མཁའ་སྤྲིན་དང་འཇའ་ཚོན་མཁའ་སྣང་བཞིན། །རིག་པ་རང་ལ་འཆར་པས་དབྱིངས་ཀྱི་ངང་། །རང་རིག་སྒྲིབ་མེད་སྐྱོན་བྲལ་མུ་མཐའ་མེད། །རྟོག་པ་མི་མངའ་ཡེ་ཤེས་རིན་པོ་ཆེ། །རང་བཞིན་མེད་ལས་ཅིར་ཡང་སྣང་། །ཐམས་ཅད་བྱང་ཆུབ་སེམས་ཀྱི་ཀློང་། །བདེ་གཤེགས་རྒྱལ་བའི་དཀྱིལ་འཁོར་དང་། །མ་རིག་འཁྲུལ་པས་དབང་བསྒྱུར་བའི། །ལོག་རྟོག་ཆེར་རྒྱས་འཁོར་བའི་ཆོས། །ཇི་སྙེད་སྣང་བའི་ཆོས་རྣམས་ཀུན། །སངས་རྒྱས་ཉིད་དུ་གཅིག་པ་ལ། །ཡོད་མེད་གཉིས་སུ་རྟོག་པ་དང་། །བཟང་ངན་གཉིས་སུ་བལྟ་བས་ནོར། །མཉམ་ཉིད་གཅིག་ལ་མཐའ་རུ་འཛིན། །བདག་གཞན་རྐྱེན་གྱིས་སོ་སོར་སྣང་། །མེད་ལ་ཡོད་པའི་བློ་ཞུགས་པས། །ཞེན་པ་བརྟས་ཕྱིར་ལུས་སུ་སྣང་། །བདག་ཏུ་འཛིན་པའི་སྡུག་བསྔལ་གྱིས། །རང་ལ་གནས་པའི་དོན་མ་རིག །ཡང་དག་དོན་ལ་བདེ་དང་སྡུག་བསྔལ་མེད། །སྟོང་པའི་བག་ལ་དངོས་པོར་ཆགས། །བརྟགས་ན་དངོས་པོ་ཉིད་མི་གནས། །མེད་པའི་དོན་ལ་གང་ཡང་སྣང་། །རང་རིག་ཀློང་ན་སྟོང་དང་དངོས་པོར་མེད། །མེད་པར་ཤེས་ན་འཁོར་བའི་ལམ་ལས་གྲོལ། །རྟོགས་ལྡན་མཆོག་གི་དགོངས་པའོ། །མཚན་ཉིད་གཅིག་པའི་རང་བཞིན་ཀུན་ཏུ་སྣང་། །མཚན་མ་མེད་པར་ཀུན་ཏུ་ཁྱབ་པའི་སྐུ། །དབྱིངས་ལས་རྒྱལ་བའི་སྐུ་རུ་བཞེངས། །མ་ལུས་འདུས་པ་དབྱིངས་གཅིག་ལ། །བྱེད་པ་མེད་པར་ཀུན་ཏུ་འཆར། །དངོས་པོ་མེད་པར་ཅིར་ཡང་སྣང་། །སྣ་ཚོགས་སྣང་བ་ཆོས་ཀྱི་དབྱིངས། །རང་བཞིན་སྙིང་པོ་མེད་པར་ཡིན། ཁུན་ཆད་མེད་པའི་བྱང་ཆུབ་སེམས། །མཚན་ཉིད་མེད་དེ་ཕྱོགས་དང་བྲལ། །ཐམས་ཅད་རང་བཞིན་དཔེར་མེད་ཆོས། །དེ་ལ་གང་ཞིག་དེར་འཛིན་པ། །ཕྱོགས་སུ་བལྟ་བ་ཞབྲུལ་པའིསེམས། །ཡང་དག་དོན་ལ་སྨད་པའི་བློ། །འཛིན་པའི་ཞགས་པ་འཆིང་བའི་སྒྲོག །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། གླིང་གཞིའི་ལེའུ་སྟེ་དང་པོའོ།། །།དེ་ནས་ཡང་བཅོམ་ལྡན་འདས་ཀྱིས་གསུངས་པ། འཁོར་བའི་རྒྱ་མཚོ་ཆེན་པོ་འདི། །སྐེམ་པར་འདོད་པ་གང་ཞིག་གིས། །ཆོས་ཀྱི་སྙིང་པོ་རང་དུ་བལྟ། །ཕྱི་ནང་མ་ལུས་ཐམས་ཅད་ཀུན། །ཇི་བཞིན་ཉིད་དུ་སོན་པའི་ཕྱིར། །བདག་དང་གཞན་ཡང་གཉིས་སུ་མེད། །སྐུ་གསུང་ཐུགས་ཀྱང་བདག་ཏུ་གཅིག །བདག་ལས་གཞན་པར་བྱ་བའི་ཆོས། །སྤུ་ཡི་ཆ་ཙམ་ཡོད་མ་ཡིན། །མ་ལུས་རྣམ་གྲངས་བསམ་ཡས་ཀྱང་། །ཇི་བཞིན་ཉིད་དེ་དམིགས་སུ་མེད། །སྒྱུ་མ་ལྟ་བུར་རྟོགས་པའི་བློས། །དབང་པོ་ཡུལ་དུ་ཟག་པ་ཡིན། །བདེ་རིགས་གནས་སུ་མ་སྐྱོལ་པས། །མེད་པར་ངེས་པའི་དོན་གཅིག་ལ། །ཡོད་པར་མཐོང་བའི་སྡུག་བསྔལ་འབྱུང་། །ཇི་ལྟར་ཤར་ཡང་ཆོས་ཉིད་ཀློང་། །རང་བྱུང་རང་བཞིན་ནམ་མཁའི་ངང་། །འཇིག་རྟེན་འདས་དང་འཇིག་རྟེན་པའི། །ཐབས་དང་ཐུགས་རྗེའི་སྤྲུལ་པ་ཡང་། །ཡེ་ཤེས་དབྱིངས་ཀྱི་ཆོ་འབྲུལ་ཏེ། །ཆོས་ཀྱི་སྙིང་པོ་རང་གི་མཐུ། །ངན་སོང་གསུམ་དང་སངས་རྒྱས་ཀྱང་། །ཐ་དད་སོ་སོར་ཡོངས་མི་གནས། །བདག་བློས་དེ་བཞིན་བརྟགས་པ་ཡིན། །དེ་བཞིན་ཤེས་ན་དགོངས་པའི་མཆོག །སངས་རྒྱས་གཞན་ནས་བཙལ་དུ་མེད། །ཡེ་སངས་རྒྱས་པའི་ཆོས་ཉིད་ལ། །རང་རྒྱུད་སྦྱངས་པས་ཅི་ཞིག་ཕན། །སྤང་བླང་བྱས་པས་ག་ལ་འགྲུབ། །ཕུང་པོ་ཁམས་དང་སྐྱེ་མཆེད་ཀྱང་། །སངས་རྒྱས་ཞིང་དང་ཡོན་ཏན་ཆོས། །དབྱེར་མེད་ཡེ་ནས་མཉམ་པའི་ཀློང་། །འགྲོ་བ་རིགས་དྲུག་སྐྱེ་གནས་བཞི། །ཡེ་ནས་བྱང་ཆུབ་ལམ་དུ་ཞུགས། །ཆོས་ཀྱི་དབྱིངསལམགཏོགསཔའི། །སེམས་ཅན་བྱ་བ་གུདནམེད། །གཅིགཏུམིགནས་ཀུན་ལ་ཁྱབ། །ཆགས་པའི་ཚུལ་གྱིས་མཉམ་པར་གནས། །ཀུན་ལ་ཉེ་རིང་མེད་པས་ན། །གཉིས་མེད་ཀློང་ན་རྟག་པར་བཞུགས། །འདི་རུ་མ་འདུས་གང་ཡང་མེད། །ཐམས་ཅད་གཅིག་ཏུ་རྫོགས་པས་ན། །ཐེག་པའི་ཡང་ཐོག་སྤྱི་ཡི་རྒྱན། །བདག་ཉིད་ཆེན་པོ་ཀུན་འདུས་དཔལ། །རྒྱལ་བ་རྣམས་ཀྱི་དགོངས་པའི་མཆོག །དེ་ལས་གཞན་པའི་ཆོས་མེད་པས། །གང་ལ་བརྟག་ཅིང་ཅི་ལ་འཇུག །གང་གིས་གང་ལ་ཕན་གདགས་སམ། །སུ་ཡིས་སུ་ལ་གནོད་པ་བསྐྱལ། །འབྱུང་འཇུག་མེད་པའི་ཏིང་འཛིན་ལ། །ཡེ་ནས་སྙོམས་པར་ཞུགས་པའི་ཕྱིར། །དམིགས་སུ་མེད་ཅིང་འདུ་འབྲལ་མེད། །རང་བཞིན་མེད་པའི་བྱང་ཆུབ་སེམས། །རིན་ཆེན་ལྟ་བུར་ཅིར་ཡང་སྣང་། །སུས་ཀྱང་མ་བཅོས་ངང་གིས་དག །མིང་དང་ཐ་སྙད་འཛིན་པའི་ཆོས། །ཐམས་ཅད་རང་བཞིན་དབྱེར་མེད་པས། །རབ་བྱུང་ཡེ་ཤེས་རང་གི་ཀློང་། །བདེ་དང་སྡུག་བསྔལ་བཏང་སྙོམས་ཀྱང་། །རང་བྱུང་རང་ཞི་ཉིད་དུ་གསལ། །རང་རིག་ཀློང་དུ་རྣམ་པར་དག །དེ་བཞིན་ཉིད་དེ་བཅོས་སུ་མེད། །སྐྱེ་བ་མེད་ལས་སྣ་ཚོགས་སྐྱེས། །སྐྱེས་པ་ཉིད་ནས་མ་སྐྱེས་ཏེ། །མཚན་མར་གྱུར་པ་རྡུལ་ཙམ་མེད། །གཡོས་པ་ཉིད་ནས་མ་གཡོས་ཏེ། །ཅིས་ཀྱང་མི་འགྱུར་མི་བསྐྱོད་པས། །རྡོ་རྗེ་སྙིང་པོ་རང་གི་མཐུ། །ཅིས་ཀྱང་མ་གོས་མི་ཤིགས་པས། །པདྨའི་སྙིང་པོ་ཉིད་ཀྱི་སྐུ། །ཕྱི་དང་ནང་མེདདེབཞིནཉིད། །སངས་རྒྱས་ཞིང་ཁམས་མཐའ་ཡས་ཀྱང་། །བཀོད་པ་ཆེན་པོ་རང་གི་རྒྱན། །ཕྱོགས་བཅུ་དུས་བཞི་དུས་གསུམ་ཀྱང་། །མི་འབྱེད་མཉམ་པ་ཉིད་ཀྱི་ཀློང་། ཁུ་དང་འབྲས་བུ་དབྱེར་མེད་པས། །གཞི་རྩ་མེད་ལས་སྣ་ཚོགས་འབྱུང་། །ཇི་ལྟར་སྣང་བ་བྱང་ཆུབ་སེམས། །ལོག་རྟོག་འཁྲུལ་པས་བསླད་པས་ན། །རྒྱུ་དང་འབྲས་བུར་རྣམ་པར་བརྟགས། །དེ་ཡི་དོན་ལ་མི་གནས་པའི། །འཇུག་ལྡོག་མེད་པའི་ཆོས་ཉིད་ལ། །འཁྲུལ་འཁོར་མེད་ཅིང་མ་རིག་མེད། །རྟག་པར་ཡང་དག་བྱང་ཆུབ་ལམ། །ཉོན་མོངས་རང་སར་དག་པའི་ཕྱིར། །ཞི་བ་ཆེན་པོ་མཉམ་ཉིད་སྐུ། །སྟོབས་དང་ལྡན་པ་དགོངས་པའི་མཆོག ཁུད་ལྟར་སྣང་བའི་སེམས་ཅན་ཀྱང་། །ཉིད་ལས་སྣང་བའི་སྤྲུལ་པ་སྟེ། །ཁྲི་མུན་གནས་ཀྱང་སངས་རྒྱས་ཞིང་། །སྦྱང་བགྲོད་རྩོལ་བས་ག་ལ་རྙེད། །རྟོག་དང་མི་རྟོག་གཉིས་ཀ་ཡང་། །གཅིག་སྤངས་གཅིག་ལ་གནས་སུ་མེད། །གཉིས་མེད་ཡང་དག་བདེ་ཆེན་ལམ། །མཚན་བཅས་མཚན་མེད་བསྒོམ་པ་དང་། །ཞི་གནས་ལྷག་མཐོང་གཉིས་སྦྱོར་བ། །འདི་མིན་གང་ཡང་མེད་པའི་ཕྱིར། །ཏིང་འཛིན་ཀུན་གྱི་རྒྱལ་པོ་མཆོག །རྡོ་རྗེའི་ཐེག་པ་བླ་ན་མེད། །གང་ལ་སྤྱད་ཅིང་ཅི་ལ་བསྒོམ། །བར་སྣང་ཁམས་སུ་བཟོ་བྱེད་འདྲ། །དེ་ཕྱིར་འདི་ལས་འདའ་བ་མེད། །ཆོས་ལ་ཆོས་ཀྱིས་ཇི་ལྟར་བསྒོམ་པ་དང་། །ཉིད་ལ་ཉིད་ཀྱིས་ཇི་ལྟར་སྤྱོད། །རངབཞིནཇིལྟརགནས་པའི་དོན། །དེ་ལྟར་གནས་པ་དགོངས་པའི་ཀློང་། །མི་དམིགས་བྱང་ཆུབ་སེམས་འདི་ལ། །བཙལ་དུ་མེད་པ་སྤྱོད་པའི་ཀློང་། །དེ་ལས་སེམས་ཅན་སངས་རྒྱས་དང་། །ཆོས་དང་དགེ་འདུན་བྱེ་བྲག་མེད། །ཐམས་ཅད་མཁྱེན་པའི་ཡེ་ཤེས་དང་། །ཁམས་གསུམ་སྲིད་གསུམ་མ་ལུས་པ། །འཛིན་པའི་ཤེས་པས་བརྟགས་གྱུར་པའི། །གཉིས་སྣང་ཐམས་ཅད་བྱེ་བྲག་མེད། །ཐམས་ཅད་མཁྱེན་པའི་ཡེ་ཤེས་དང་། །དེ་བཞིན་ཉིད་ཀྱི་ཀློང་དུ་གཅིག །མཚན་ཉིད་མེད་པར་དབྱིངས་སུ་ཐིམ། །འདི་ལ་གང་ཡང་དམིགས་པ་མེད། །སྙིང་པོ་མཆོག་གི་རང་བཞིན་ལ། །མ་བཅོས་ཆོས་ཀྱི་སྐུ་རུ་གྲགས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། འབྱུང་འཇུག་མེད་པའི་ལེའུ་སྟེ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་གསུངས་པ། འཇིག་རྟེན་འདས་དང་འཇིག་རྟེན་ཐ་དད་པའི། །རྣམ་གྲངས་མིང་དུ་བཏགས་པ་ཀུན། །རང་བཞིན་གཅིག་ཏུ་མ་ཤེས་པས། །གྲངས་སུ་བརྗོད་པས་དོན་ལས་ཉམས། །མིང་དུ་བཏགས་པས་རྣམ་རྟོག་སྐྱེས། །ཡུལ་དུ་བཟུང་བས་ཞེན་བློ་བྱུང་། །ཞེན་པའི་འབྲས་བུ་བརྟས་པ་ལས། །ཕུང་པོ་ཁམས་དང་སྐྱེ་མཆེད་དང་། །ཡུལ་དང་དུས་དང་ཕྱོགས་དང་ནི། །ཁ་དོག་དབྱིབས་ལ་སོགས་པར་སྣང་། །མཉམ་པའི་དབྱིངས་ལ་གང་ཡང་མེད། །རྟོག་པ་ཕྲ་རགས་ཁྱད་པར་ལས། །ཐེག་པའི་གྲངས་སུ་བརྗོད་པ་ཡང་། །མཉམ་ཉིད་མི་རྟོག་སྐྱོན་དུ་འགྱུར། །ཆོས་ཀྱིརངབཞིནགཉིསམེད་ལ། །འདི་ཞེས་བརྗོད་པ་འཁྲུལ་པའི་བློ། །འདུལ་བ་མདོ་སྡེ་མངོན་པ་དང་། །སྡེ་སྣོད་གསུམ་དུ་བཏགས་པ་ཡང་ མིང་ཙམ་དོན་ལ་མེད་པའི་ཕྱིར། །སྟོན་པས་ཆོས་སུ་བཏགས་པར་ཟད། །ཆོས་ཀྱི་དབྱིངས་ཀྱི་རང་བཞིན་དེ། །ཚིག་གི་སྤྱོད་ཡུལ་མ་ཡིན་པས། །འཁྲུལ་པ་རྣམས་ཀྱིས་ཤེས་མིནུས། །འདས་དང་མ་འདས་སངས་རྒྱས་དང་། །སླད་ཀྱིས་འབྱོན་པའི་རྒྱལ་བ་རྣམས། །ཀུན་བཟང་རྡོ་རྗེ་ལྷ་ཡི་ལྷ།དབྱེར་མེད་གཅིག་ཏུ་གནས་པའི་ཕྱིར། །རང་བཞིན་དོན་ལས་གཡོས་པ་མེད། །སྣ་ཚོགས་ཆོས་སུ་སྣང་བ་ཀུན། །གཅིག་ལས་གྲངས་སུ་པྱེ་བས་ན། །ཆོས་རྣམས་ཐམས་ཅད་བྱེ་བྲག་མེད། །གཅིག་ཤེས་ཀུན་ཀྱང་ཤེས་པ་ཡིན། །གཅིག་རྟོགས་ཀུན་ཀྱང་དུས་གཅིག་རྟོགས། །ཀུན་ཀྱང་དབྱེར་མེད་ནམ་མཁའི་ངང་། །བདག་འཛིན་ཀུན་དང་བྲལ་བའི་ཕྱིར། །རྟོག་དང་རྟག་པ་ཡོངས་མི་དམིགས། །དངོས་མེད་དེ་བཞིན་ཉིད་འདི་ལ། །ཆོས་རྣམས་མ་ལུས་འབྱུང་བའི་ཕྱིར། །འཁོར་འདས་ཀུན་གྱི་གཞི་མ་ཡིན། །དེ་ཡང་དབྱིངས་ཀྱི་རང་བཞིན་ཉིད། །རང་བཞིན་དེ་ལྟར་ཤར་བས་ན། །ནམ་མཁའ་འོད་དུ་འབར་བ་ལྟར། །གཞི་ཤར་རང་གྲོལ་དོན་གྱི་གཏེར། །རངབཞིནགནསཔདགོངས་པའི་ཀློང་། །དོན་དང་ལྡན་པ་རྟོག་པའི་བློ། །དྲང་པོར་འདུག་པས་མ་ནོར་ལམ། །བཅོས་སུ་མེད་པས་རང་ལུགས་གནས། །ལུས་ཀྱིས་སྤྱོད་པ་ཅི་བྱས་ཀྱང་། །ལུས་ལ་མངོན་པར་ཞེན་པ་མེད། །ངག་དང་ཡིད་ཀྱི་སྤྱོད་ལམ་ཀུན། །གར་བདེ་རྒྱ་ཡན་ཡིན་པས་ན། །མངོན་ཞེན་མེད་དེ་ཅི་བདེར་གནས། །མཁའ་ལ་བཅོས་སུ་མེད་པ་བཞིན། །ལུས་ཀྱང་མེད་ལ་འཆོས་མཁན་མེད། །ལུས་ངག་ཡིད་ཀྱི་སྤྱོད་ཡུལ་ཀུན། །སྒྱུ་མ་བཞིན་དུ་རང་བཞིན་མེད། །ལུས་སེམས་མ་སྐྱེས་གཞི་མེད་པས། །གཟུང་དང་འཛིན་པ་གདོད་ནས་མེད། །ཆེ་ཆུང་མི་འབྱེད་གདོས་པ་མེད། །རྟོད་འཛིན་ཕུར་པ་ཡེ་ནས་མེད། །མཚན་མ་མེད་པའི་ནམ་མཁའ་ལ། །དམིགས་སུ་ཡོད་མེད་རྩོལ་བའི་ནད། །སེམས་ཉིད་ནམ་མཁའ་ལྟ་བུ་ལ། །ནམ་མཁའ་ལྟ་བུའི་བློ་བཞག་ན། །རང་བཞིན་དབྱིངས་སུ་གཅིག་པའི་ཕྱིར། །ལུས་ངག་སེམས་ཀྱི་འཛིན་པ་དག །འདི་ལ་བྱ་བ་མེད་པའི་ཕྱིར། །གང་ལྟར་ཤར་ཡང་དམིགས་གཏད་མེད། །དེ་ལ་གནས་སུ་མེད་པའི་ཕྱིར། །ཇི་ལྟར་འདུག་ཀྱང་གཞན་མི་རྟོག །མི་རྟོག་པར་ཡང་བསམ་མི་བྱ། །རང་བཞིན་གནས་པའི་དགོངས་པའི་ཀློང་། །བསམ་དུ་མེད་པའི་དབྱིངས་ཉིད་ལ། །བསམ་གྱིས་མི་ཁྱབ་ཡོན་ཏན་འབྱུང་། །ཆོས་རྣམས་མ་ལུས་བསམ་པའི་ཁྱད། །རང་རིག་སྨྲ་བསམ་ཀུན་ལས་འདས། །མི་རྟོག་པའང་དེ་དོན་མིན། །དེ་ལས་གཞན་ནའང་ཡོད་མ་ཡིན། །བསམ་དུ་མེད་པའི་ཆོས་ཀྱི་དབྱིངས། །གཉེན་པོས་བཅོས་སུ་རྡུལ་ཙམ་མེད། །དེ་དག་ཐམས་ཅད་ཅིར་ཤར་ཀྱང་། །རངབཞིནགཞིཤརཡིན་པས་ན། །དེ་ལ་འཆོས་པར་མ་བྱེད་ཅིག །མི་མཐུན་གཉེན་པོ་རྟོག་པའི་བློ། །བདེན་དང་མི་བདེན་ཐེ་ཚོམ་པ། །སྐྱོན་དང་ཡོན་ཏན་བླང་དོར་རྒྱུ། །བདེན་རྫུན་མེད་པ་མཉམ་ཉིད་དབྱིངས། །དེ་ཡི་དོན་ལས་གཡོས་པ་མེད། །དེ་ཡི་དོན་ལས་མ་གཡོས་ན། །རྣལ་འབྱོར་རྣལ་འབྱོར་རབ་ཏུ་ཆེ། །རྩེ་གཅིག་གནས་པའི་ཡོན་ཏན་དང་། །དར་ཅིག་བསམ་པའི་རྟོག་པ་ཡང་། །རང་བཞིན་དབྱིངས་སུ་གཅིག་པའི་ཕྱིར། །འདྲའོ་འདྲའོ་མཉམ་ཉིད་ཆེ། །དེ་བཞིན་ཉིད་ལ་འདི་འདྲ་ཞེས། །ཚད་མས་གཞལ་དུ་མེད་པའི་ཕྱིར། །དཔག་དཀའ་གཏིང་རིང་སྒོ་ཡངས་པས། །འཁྲུལ་པ་རྟོག་གེའི་སྐྱེད་ཡུལ་མིན། །སེམས་ཉིད་བྱང་ཆུབ་ཆེན་པོ་ཡང་། །ཡོད་དང་མེད་ཅེས་གདགས་སུ་མེད། །བྱང་ཆུབ་སེམས་དེ་ཡོད་པར་སྣང་། །དངོས་པོ་ཀུན་ཏུ་མ་འགགས་པས། །བྱང་ཆུབ་སེམས་དེ་མེད་པར་སྣང་། །མཚན་མ་ངང་གིས་ཞི་བའི་ཕྱིར། །ཡོད་མེད་མཐའ་ལས་གྲོལ་བར་གནས། །ཆགས་སྡང་ཉོན་མོངས་རྣམ་པ་ལྔ། །འབར་ཞིང་ཀུན་ཏུ་གཡོ་བ་ཡང་། །རང་བྱུང་ཡེ་ཤེས་རྩལ་ཡིན་པས། །དགག་ཏུ་མེད་དེ་བདག་གི་རྒྱུ། །ཆོས་ཉིད་རང་ལས་སྣང་བ་ཡིན། །ཉོན་མོངས་མཚམས་མེད་ལྔ་པོ་ཡང་། །འདོད་སྤྱོད་དབྱིངས་ཀྱི་རྒྱན་ཡིན་པས། །སྤང་དུ་མེད་དེ་རང་གི་རྒྱན། །རོལ་པ་དག་ཏུ་ཤར་བ་ཡིན། །མ་རིག་འཁྲུལ་པས་སྐྱོན་དུ་བལྟས། །གཞན་དུ་འགེགས་དང་སྤོང་བ་དེ། །འདི་རུ་མི་སྤང་བཞག་པས་ཤེས། །སྒྲོལ་བ་དབང་གི་སྙིང་རྗེ་ཡང་། །མི་སྤང་འདི་རུ་སྦྱད་པས་ཤེས། །སྦྱོར་བ་ཐབས་ཀྱི་སྤྱོད་པ་ཡང་། །མི་གནས་ཡེ་ཤེས་བདེ་ཆེན་ལམ། །བདག་ཕྱོགས་གཞན་དུ་མི་འཛིན་པས། །མི་འབྲལ་གཟུངས་ཀྱི་སྲོག་ཏུ་བརྟན། །བྱང་ཆུབ་སེམས་ཀྱི་སྲོག་འདི་ལ། །བདུད་བཞིའི་ཚོགས་ཀྱིས་མི་ཆོམས་ཤིང་། །དགྲ་གསུམ་དག་གིས་གསད་དུ་མེད། །གཡང་ས་དྲུག་ཏུ་མི་ལྟུང་བས། །བྱ་བྲལ་ཀློང་ལས་ཉམས་པ་མེད། །སངས་རྒྱས་འབྲས་བུ་དོན་འདི་ལས། །ལྷག་པར་བལྟས་ཏེ་གཞན་ན་མེད། །བྱ་བྲལ་མུ་མེད་ཆོས་ཀྱི་དབྱིངས། །སྙིང་རྗེ་ཆེན་པོ་སྟོང་མི་བྱེད། །ཆགས་སྡང་གནས་སུ་དག་པའི་ཕྱིར། །འདུ་བྱེད་སེམས་ཀྱི་བྱུང་ཚོར་མེད། །དབྱིངས་ལས་ཆོ་འཕྲུལ་ཅིར་ཤར་ཀྱང་། །ཡང་ལྡང་ཡང་ཞི་རང་གི་མཐུ། །རྒྱ་མཚོའི་ནོར་བུ་རིན་ཆེན་བཞིན། །ཡོན་ཏན་གཞན་ནས་བཙལ་དུ་མེད། །ངོ་བོ་ཉིད་ཀྱི་ཐུགས་རྗེས་གཟུང་། །མི་གཏོང་ཉོན་མོངས་ལྔར་སྣང་ཡང་། །ཐུགས་རྗེས་གཟུང་བའི་ཡུལ་ཡིན་པས། །བཏང་སྙོམས་མེད་པར་ཀུན་ལ་ཁྱབ། །རང་བྱུང་ཡེ་ཤེས་ཤར་ནུབ་མེད། །དེ་ལ་དཔེ་དང་ཚད་མ་མཆིས། །རང་བྱུང་དཔག་གིས་མི་ལངས་པས། ཁོས་རབ་ཆེན་པོའི་དབྱིངས་ན་གསལ། །བྱང་ཆུབ་སེམས་ནི་རིན་པོ་ཆེ། ཡོན་ཏན་ཐམས་ཅད་འབྱུང་བའི་གཞི། །ཐིག་ལེ་ཆེན་པོར་ཀུན་འདུས་པས། །མི་རྩོལ་རང་ཤུགས་གནས་པ་ཡིན། །བྱང་ཆུབ་སེམས་ནི་ཡེ་སངས་རྒྱས། །གདོད་ནས་ལྷུན་གྱིས་གྲུབ་པའི་ཕྱིར། །མ་སྤངས་རང་སར་གྲོལ་བ་ཡིན། །བྱང་ཆུབ་སེམས་ནི་ཕྱོགས་མེད་ཡིན། །རང་བཞིན་ངེས་པ་མེད་པའི་ཕྱིར། །གཅིག་ཏུ་མི་གནས་ཀུན་ལ་ཁྱབ། །བྱང་ཆུབ་སེམས་ལ་བཙལ་དུ་མེད། །ཡོན་ཏན་རང་ལ་རྫོགས་པའི་ཕྱིར །ཕྱོགས་མེད་ཀུན་ཏུ་ཤར་བ་ཡིན། །བྱང་ཆུབ་སེམས་ལ་བསྒྲུབ་ཏུ་མེད། །ཐམས་ཅད་དེ་རུ་འདུས་པའི་ཕྱིར། །མ་བསྒྲུབས་ལྷུན་གྲུབ་འབྲས་བུ་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། །དོན་ལ་དཔག་ཏུ་མེད་པའི་ལེའུ་སྟེ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱིས་ཐུགས་ཀྱི་དགོངས་པ་མ་ནོར་བར་གསུངས་པ། ཐིག་ལེ་གཅིག་གི་ངོ་བོ་ལ། །སངས་རྒྱས་མ་རྒྱས་མེད་པར་གཅིག །སངས་རྒྱས་འབྲས་བུར་བཏགས་པ་ཡང་ ཐོབ་པའི་ཡོན་ཏན་གཏན་ན་མེད། །སེམས་ཉིད་ཀློང་ཆེན་དེ་ཡི་མཐུ། །སེམས་ཅན་རྒྱུ་རུ་སྣང་བ་ཡང་། །འཁོར་བའི་ཉེས་དམིགས་ལོགས་ན་མེད། །བྱ་བྲལ་ཀློང་ཆེན་དེ་ཡི་རྩལ། ཁུ་འབྲས་མེད་པའི་ཆོས་ཉིད་ལ། །སངས་རྒྱས་སེམས་ཅན་དབྱེར་མེད་དེ། །དེ་ལ་རང་གིས་བཅོས་སུ་མེད། །རྒྱུ་རྐྱེན་འབྲས་བུར་བཏགས་པ་ཡང་། །བཀྲི་དྲང་དོན་གྱིས་བསྟན་པར་ཟད། །མ་བཅོས་པ་ཡི་ཆོས་ཉིད་ལ། །མ་ནོར་གནས་ཤིང་མ་བྱས་གསལ། །མ་འགགས་པ་ཉིད་ཡེ་ཤེས་ཀློང་། །དེ་བཞིན་ཉིད་ཀྱི་གནས་འདི་ལ། །ཡེངས་དང་མ་ཡེངས་མེད་པ་དང་། །གཡོ་དང་མི་གཡོ་མེད་པའི་ཕྱིར། །རྒྱལ་བའི་དགོངས་པ་འདི་ལས་མེད། །རྣམ་པར་དག་པའི་ཆོས་ཉིད་ལ། ཁུ་འབྲས་རྫས་སུ་རྟོག་པ་ན། ཁྲུབ་མཐའ་ངན་པས་བཅིངས་པ་སྟེ། །འཁྲུལ་པས་དོན་ལས་གོལ་བའི་ཕྱིར། །བསྟན་ཞིང་བརྗོད་པར་རབ་ཏུ་དཀའ། །ཀློང་ཆེན་འཁྱིལ་པའི་མཁའ་དབྱིངས་ནི། །ཀུན་གྱི་གནས་ཆེན་ཡིན་པའི་ཕྱིར། །ཡུལ་ལ་སྤྱོད་ཅིང་རྣམ་པར་ཡན། །ཞབྲུལ་པས་དོན་ལས་གོལ་བའི་ཕྱིར། །ཚད་མས་བཤིགས་པས་མི་ཤིགས་ཏེ། །ཀློང་ཆེན་རང་གི་མཐུ་ཡིས་གྲོལ། །རྟོག་མཐའ་བཅད་པས་མི་ཆོད་དེ། །ཀློང་ཆེན་རང་གི་སྟོབས་ཀྱིས་གཅོད། །རང་སེམས་ཚད་མའི་གདེང་ལྡན་པའི། །འགྱུར་མེད་དོན་གྱི་གཡུང་དྲུང་ཡིན། །ལུང་རིག་དོན་གྱི་བྱ་ར་བས། །ལོག་རྟོགས་ལྐུགས་པ་རྡུལ་དུ་བརླག །ཕྱིར་མི་ལྡོག་པ་དོན་གྱི་ལུང་། །མཐའ་རུ་མི་གཏོང་འཛིན་པར་བྱེད། ཁྲེས་རབ་མཚུངས་མེད་རིག་པའི་ཚད། །ཡུལ་དུ་མི་གཅོད་མཉམ་པའི་ཀླུང་། །ཀུན་གྱི་ཐུན་མོང་མ་ཡིན་པས། །འདི་ལ་བཙལ་ཞིང་བསྒྲུབ་ཏུ་མེད། །འདི་ལ་ཅི་ཡང་བྱ་མི་དགོས། །དཀའ་ཐུབ་དཀའ་སྤྱོད་མི་དགོས་ཏེ། །འདི་ལ་སྦྱང་ཞིང་བགྲོད་དུ་མེད། །མ་བཅོས་རང་ས་ཉིད་དུ་གསལ། །སྟོབས་ལྡན་ཆགས་པའི་ཡུལ་མེད་པས། །ལམ་སྟེགས་འབྲས་བུ་ཐོབ་ཏུ་མེད། །བྱར་མེད་ཡེ་ཀློང་དོནའདིལ། །ཚིགཏུམཚོནདུགདགསགཞི་མེད། །ཡུལ་དུ་བྱ་རུ་དམིགས་གཏད་མེད། །ཏིང་འཛིན་བཟླས་པ་བྱ་མི་དགོས། །ཅི་ཞིག་བསྒྲུབ་ཅིང་གང་ལ་གནས། །བྱར་མེད་དོན་ལ་བསྔགས་སུ་མེད། །ཇི་ལྟར་སྣང་ཞིང་གྲགས་པའི་ཆོས རང་ལས་བྱུང་བས་རང་གི་རྒྱན། །གཞན་དུ་འཛིན་པ་རྟོག་པའི་བློ། །དེ་ལ་ཞེན་པ་འཁྲུལ་པའི་སེམས། །གཟུང་འཛིན་མེད་ན་གྲོལ་བའི་ལམ རང་སེམས་དེ་རུ་མ་ཤེས་ན། །ཐབས་ཆེན་གཞན་དུ་བཙལ་དུ་མེད། །སྟོན་པ་རང་དུ་མ་ཤེས་ན། །ཀུན་ཏུ་བཟང་པོ་ལོགས་ན་མེད། །བསྟན་པ་རང་དུ་མ་ཤེས་ན། །ཐེག་པའི་རྣམ་གྲངས་གཞན་ན་མེད། །འཁོར་རྣམས་རང་དུ་མ་ཤེས་ན། །ཡུལ་གཞན་འདུ་ཤེས་སྐྱེ་བར་འགྱུར། །དུས་རྣམས་རང་དུ་མ་ཤེས་ན། །རེ་བའི་ཐག་པ་ཆོད་མི་འགྱུར། །དེ་ལྟར་གནས་པའི་དོན་འདི་ལ། །འཆིང་དང་གྲོལ་བ་གཉིས་སུ་མེད། །གཞལ་བྱ་འཇལ་བྱེད་ཚིག་གི་མཐའ། །དམིགས་པའི་ཡུལ་ལ་རྟོག་དབྱོད་བྱེད། །ཡིད་དབྱོད་ཤེས་པ་དོན་དུ་འཛིན། །བསྐལ་པ་བྱེ་བ་བརྒྱར་བགྲངས་ཀྱང་། །བྱ་མེད་དོན་དང་ཕྲད་མི་འགྱུར། །རྣམ་དག་ལམ་ཆེན་ཀུན་འབྱུང་ཕྱིར། །སྐྱེ་བའི་སྒོ་ཡང་དགག་ཏུ་མེད། །མ་བཀག་བྱང་ཆུབ་སེམས་ཀྱི་ཀློང་། །བྱང་ཆུབ་སེམས་ལ་སྐྱེ་བ་མེད། །འཆི་བའི་ལམ་ཡང་བཅད་དུ་མེད། །མ་བཅད་བྱང་ཆུབ་སེམས་ཀྱི་ཀློང་། །བྱང་ཆུབ་སེམས་ལ་འཆི་བ་མེད། །སྐྱེ་ཤི་མེད་པའི་བདུད་རྩི་འདི། །རང་ལ་གནས་པས་བཙལ་མི་དགོས། །ཡོད་དང་མེད་པའི་ཁྱད་པར་ལས། །རྟག་དང་ཆད་པའི་གོལ་སར་བྱུང་། །མཐའ་གཉིས་དབྱིངས་ལ་མི་གནས་ཕྱིར། །མི་རྟོག་ཡེ་ཤེས་ཀློང་དུ་ཐིམ། །རང་བྱུང་ཡེ་ཤེས་སྐུ་བརྙེས་པས། །མཐའ་རྣམས་ཀུན་གྱིས་མི་ནུབ་ཕྱིར། །རྒྱལ་མཚན་ནོར་བུ་རིན་པོ་ཆེ། །ཁྱད་པར་འཕགས་པ་མཆོག་གི་ལམ། །བླ་མེད་བདེར་གཤེགས་རྣམས་ཀྱི་ཐུགས། །ས་བཅུའི་བྱང་ཆུབ་སེམས་དཔའི་སྐུ། །འགྲོ་དྲུག་སེམས་ཅན་རྣམས་ཀྱི་ལུས། །གཏེར་ཆེན་འདི་ལས་གཞན་མེད་པས། །ཀུན་གྱི་རང་བཞིན་འདི་རུ་གཅིག །གཅིག་པོ་མ་ངེས་ཕྱོགས་དང་བྲལ། །ནམ་མཁའ་ལྟ་བུར་ཁྱབ་པའི་ཀློང་། །མཚན་མ་མེད་པའི་དབྱིངས་སུ་ཐིམ། །ཆོས་ཀྱི་སྙིང་པོ་དབྱིངས་ཀྱི་ཀློང་། །ཀུན་འབྱུང་ནོར་བུ་རིན་པོ་ཆེ། །བགྲོད་མེད་རྩོལ་བྲལ་རིག་པའི་ཀློང་། །གཞི་རྩ་མེད་པའི་སེམས་ཉིད་ལ། །ཁ་དོག་དབྱིབས་ཀྱང་གཟུང་དུ་མེད། །ཡུལ་དང་གནས་ཀྱང་བསྟན་དུ་མེད། །ཐམས་ཅད་དེ་ཡིས་བསྐྱེད་པའི་ཕྱིར། །དུས་གསུམ་རྒྱལ་བ་རྣམས་ཀྱི་ཡུམ། །ཐམས་ཅད་གནས་སུ་མེད་ལ་གནས། །ཀུན་ཀྱང་བརྟན་དུ་མེད་ལ་བརྟེན། །ཕུ་བགྲོད་མདའ་བགྲོད་གར་ཕྱིན་ཀྱང་། །སེམས་ཀྱི་ཀློང་ལས་མ་གཡོས་པས། །ཀུན་གྱི་དུར་ཁྲོད་ཆེན་པོའི་དབྱིངས། །མཚན་མ་དབྱིངས་སུ་དག་པའི་ཕྱིར། །རྣམ་དག་ཆེན་པོ་ཉམས་དགའི་ཀློང་། །ཡོན་ཏན་ཐམས་ཅད་འདུས་པའི་ཕྱིར། །ནོར་བུ་རིན་ཆེན་སྤུངས་པའི་ཁྲོད། །ཡུལ་དང་ཡུལ་ཅན་མེད་པའི་ཕྱིར། །བསམ་གྱིས་མི་ཁྱབ་སྐུ་གསུང་ཐུགས། །རྒྱལ་བ་ཀུན་གྱིས་རྟོགས་པའི་ཕྱིར། །དགོངས་པ་མ་ལུས་ཕུལ་དུ་ཕྱིན། །འགྲོ་དྲབ་འཁྲུལ་པས་མ་རྟོགས་པས། །ལྷན་ཅིག་སྐྱེས་ཀྱང་ངོ་མ་ཤེས། །བློ་ཆུང་རྣམས་ཀྱིས་མ་གོ་བས། །བརྟགས་དང་དཔྱད་པའི་མཐའ་ལས་གྲོལ། །དེ་ནི་བློ་ལྡན་གང་ཞིག་གིས། །གཞན་དུ་མི་བལྟ་རང་དུ་བལྟ། །བལྟས་པས་མཐོང་བ་མེད་པ་དེ། །མཉམ་པ་ཉིད་ཀྱི་དོན་མཐོང་ཡིན། །སྐུ་གསུམ་མཆོག་ཏུ་གྱུར་པས་ན། །ཆོས་ཀྱི་སྐུ་ཡི་ངང་ལ་གནས། །བླང་དོར་མེད་དང་སྐྱེ་འགག་མེད། །རྣལ་འབྱོར་ཆེན་པོ་ཞི་བའི་ས། །སངས་རྒྱས་ཀུན་གྱི་སྙིང་པོ་ཡིན། །མེད་པའི་སྙིང་པོ་ནམ་མཁའི་རྫོང་། །ཡོད་པའི་སྙིང་པོ་རྡོ་རྗེའི་སྐུ། །གཉིས་མེད་སྙིང་པོ་ཕྱོགས་དང་བྲལ། །སྙིང་པོ་བྱང་ཆུབ་སེམས་འདི་ལ། །ཅིར་ཡང་མཚོན་དུ་མེད་པའི་ཕྱིར། །བསམ་ཞིང་བརྟགས་ཏེ་གང་ལ་དམིགས། །དམིགས་མེད་ཆོས་སྐུ་མཐའ་དང་བྲལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དོན་གྱི་སྙིང་པོ་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་གསུངས་པ། ཉིད་ལས་མི་གཞན་འཁོར་རྣམས་ལ། །རྣལ་འབྱོར་དོན་དུ་གང་བསྟན་པ། །དེབཞིནགཤེགསཔརྣམས་ཀྱི་ཐུགས། །སྐུ་གསུང་ཐུགས་ཀྱི་ཕྱག་རྒྱ་ཡང་། །རྟེན་དུ་མི་བཅའ་རང་སར་བཞག །འཁྲུལ་བས་བརྟགས་པའི་ཐ་སྙད་ཀྱང་། །དོན་དུ་མི་བཟུང་ཡལ་བར་བཏང་། །ལོག་པས་དཔྱད་པའི་གྲུབ་མཐའ་ཡང་། །བརྟག་དཔྱད་མི་བྱ་བློས་མི་བསམ། །རྒྱལ་བའི་དགོངས་པ་མཚོན་དུ་མེད། །ཐ་སྙད་ཚིག་ལ་བློ་མི་བརྟེན། །ཚིག་དང་ཡི་གེས་གདགས་སུ་མེད། །སེམས་དཔའ་མཆོག་གི་གོ་འཕང་ནི། །རིགས་ཆེན་གནོད་པའི་ས་གཅིག་ལ། །གདགས་གཞི་བྲལ་བའི་ངོ་བོར་གནས། །མཚན་མེད་མཚན་མར་བསྒོམ་མི་བྱ། །མི་བསམ་རྟག་ཏུ་ཡེ་ནས་གནས། །དབྱིངས་ལ་བསམ་དུ་མེད་པའི་ཕྱིར། །དོན་ལ་བསམ་པའི་གཞི་དང་བྲལ། །དེ་བཞིན་ཉིད་ལ་གཞི་མེད་ཕྱིར། །རྣམ་ཤེས་རྒྱུ་ལ་མཚན་ཉིད་མེད། ཁུ།་མཚན་མེད་པས་ཆོས་ཀྱི་དབྱིངས། །དེས་ན་དམིགས་པའི་མཐའ་ལས་འདས། །ལམ་དུ་བཙལ་བས་ཅི་ཞིག་རྙེད། །ཐ་སྙད་མེད་པས་སངས་རྒྱས་ཡིན། །སངས་རྒྱས་ཉིད་ལ་བཙལ་རྒྱུ་མེད། །སངས་རྒྱས་སངས་རྒྱས་ཞེས་བྱ་བ། །བྱང་ཆུབ་སེམས་ལས་ལོགས་ན་མེད། །བྱང་ཆུབ་སེམས་ནི་སངས་རྒྱས་ཡིན། །སངས་རྒྱས་ཉིད་ཀྱང་བྱང་ཆུབ་སེམས། །སེམས་དང་སངས་རྒྱས་དབྱེར་མེད་པས། །འཁོར་བའི་རིགས་དང་མྱང་འདས་མེད། །ཀུན་གྱི་རང་བཞིན་འདི་ཡིན་པས། །དེ་ལ་བསམ་པའི་ཡུལ་ཡང་མེད། །ཞེན་པར་བྱ་བའི་གནས་མེད་པས། །ཡུལམེད་རིག་པ་གཅིག་པུ་ཉིད། །སྐྱེ་བཞི་རྒྱུད་དྲུག་སྣང་བ་ཡང་། །གཟུང་འཛིན་ཞེན་པ་བརྟས་པ་ལས། །འཕགས་པའི་ཆོས་ལ་བདག་ཏུ་བཟུང་། །དབྱིངས་ལ་ཁ་ཚོན་གཅོད་པའི་ཕྱིར། །འཁྲུལ་པའི་དབང་གིས་འཁོར་༄༅ བར་འ་ས། །མ་དག་པ་ཡི་གོལ་སར་བཤད། །ཕྱོགས་མེད་ལྷུན་གྲུབ་མ་རྟོགས་པར། །ཕྱོགས་ལ་ཡུལ་དུ་འཛིན་པ་ཡིས། །དབྱིངས་ལ་ཁ་ཚོན་གཅོད་པའི་ཕྱིར། །དག་པའི་གོལ་ས་ཞེས་སུ་བཤད། །བྱང་ཆུབ་སེམས་ཀྱི་རང་བཞིན་ལ། །དག་དང་མ་དག་གཉིས་སུ་མེད། །གཉིས་མེད་མི་འགྱུར་ཆོས་ཀྱི་དབྱིངས། །དབྱིངས་ལ་གོལ་ས་མེད་པའི་ཕྱིར། །ས་སྟེང་འགྲོ་བ་ཇི་བཞིན་ནོ། །གཉིས་མེད་བསམ་འདས་ཆོས་དབྱིངས་ལ། །འཇུག་པར་བྱ་དང་འབྱུང་བར་བྱེད། །གཉིས་སུ་སྣང་བའི་ཡུལ་མེད་པས། །ཆོས་སྐུ་གཅིག་པུ་རབ་ཏུ་དབེན། །ཕྱོགས་བྲལ་མཁའ་ལྟར་ཡངས་པ་ལ། །དགག་པར་བྱ་དང་སྒྲུབ་པར་བྱེད། །བླང་དང་དོར་བའི་ཡུལ་མེད་པས། །བྱ་བྲལ་ཀློང་ཆེན་ཡེ་ནས་ཡངས། །སྒྱུ་མའི་འཁྲུལ་འཁོར་ལྟ་བུ་ཡི། །རིགས་དྲུག་རྒྱུད་ལྔའི་སེམས་ཅན་ལ། །ཆོས་ཉིད་སྤྱི་ཁྱབ་ཡིན་པས་ན། །ཡུལ་མེད་རིག་པ་ཡེ་ནས་ཆེ།སེམས་ཀྱི་རང་བཞིན་ངེས་མེད་ལ། །ཕྱི་ནང་སྒོ་ཕུགས་མེད་པའི་ཕྱིར། །ཁ་གཏིང་མེད་པར་ཡེ་ནས་གསལ། །འཁོར་བ་ཡེ་ནས་མྱ་ངན་འདས། །སྡུག་བསྔལ་བྱང་ཆུབ་སེམས་སུ་ཤར། །གང་ལ་ཐོབ་པར་བྱ་བ་དང་། །འཇུག་པར་བྱ་བ་ཅི་ཡང་མེད། །ཡུལ་དང་སེམས་སུ་དབྱེ་བ་མེད། །མ་བརྟགས་སེམས་ཀྱི་ཆོ་འཕྲུལ་ཡིན། །བརྟགས་ན་སེམས་ཀྱི་ངོ་བོ་ནི། །དམིགས་སུ་རྡུལ་ཙམ་ཡོད་མི་འགྱུར། །དེ་ཕྱིར་གདགས་གཞི་ཀུན་དང་བྲལ། །དེ་མཐོང་སངས་རྒྱས་མངོན་སུམ་སྟེ། །དེ་བསྒོམས་མཚན་མའི་གོལ་ས་ཡིན། །བསྒོམ་དུ་མེད་ལ་སྟེགས་ཚོལ་བ། །མཁའ་ལ་གསེར་གྱི་སྐས་ཚོལ་འདྲ། །སེམས་ལས་མ་གཏོགས་ཆོས་འཚོལ་བ རི་དྭགས་སྨིག་རྒྱུ་བསྙེག་པ་བཞིན། །དོན་དང་ཕྲད་པར་མི་འགྱུར་ཏེ། །སེམས་ཀྱི་རང་བཞིན་དེ་ཤེས་ན། །ཆོས་ཀྱི་རང་བཞིན་ཤེས་པ་ཡིན། །གཅིག་ཤེས་ཀུན་ཀྱང་ཤེས་པ་ཡིན། །གཅིག་རིག་ཀུན་ཀྱང་རིག་པ་ཡིན། །རང་རིག་ཀློང་ན་མ་རིག་མེད། །མ་རིག་པ་དང་ཡེ་ཤེས་གཉིས། གཞི་རྩ་མེད་ལ་སོ་སོར་བརྟགས། །དེ་ཡང་མ་རིག་ཞབྲུལ་པའི་སེམས། །བསམ་དུ་མེད་དང་བསམ་གཏན་གཉིས། །ངེས་པ་གཅིག་ལ་བྱེ་བྲག་འབྱེད། །དེ་ཡང་འོག་མ་ཞབྲུལ་པའི་བློ། །བསྒོམ་དུ་མེད་དང་བསྒོམ་པ་གཉིས། །ངེ་པ་གཅིག་ལ་བྱེ་བྲག་འབྱེད། །དེ་ཡང་ཡུལ་ཅན་རྟོག་པའི་བློ། །ཡང་དག་དོན་གྱི་ངོ་བོ་ལ། །གང་ཞིག་བསྒོམ་ཞིང་ཅི་ཞིག་བསམ། །བསམ་དུ་དམིགས་པའི་མཐའ་ལས་འདས། །བསྒོམ་དུ་ཡེངས་པའི་ཡུལ་དང་བྲལ། །དོན་དེའི་ཚུལ་གྱིས་མཚོན་དུ་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དགོངས་པ་མཆོག་གི་ལེའུ་སྟེ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱིས་དགག་བསྒྲུབ་མེད་པའི་དོན་ལ་མཐའ་དབུས་མེད་པར་གསུངས་པ། །ཕྱོགས་མེད་ལྷུན་གྲུབ་མཐའ་མེད་ཀློང་། །ཡེ་ཤེས་དབྱིངས་ལ་རབ་ཏུ་འབྱམས། །ངེས་མེད་རོལ་པ་ནམ་མཁའ་འདྲ། །ཆོ་འཕྲུལ་ཆེན་པོ་རབ་ཏུ་སྟོན། །འདི་ཡིན་འདི་མིན་མཐའ་ལས་འདས། །མིང་ཚིག་ཐ་སྙད་ཀུན་དང་བྲལ། །མཚོན་བྱ་ལས་མཐའ་མཐའ་བྲལ་བ། །ཡོད་འབྱམས་མེད་འབྱམས་དགག་སྒྲུབ་མེད། །དམིགས་པའི་ཡུལ་ལས་འདས་པའི་ཕྱིར། །ཚད་དང་བྲལ་བས་བྱང་ཆུབ་ཀློང་། །རྒྱ་མཚོའི་དབྱིངས་ཀྱི་ཆུ་་་་་་ཟླ་་་་་བཞིན། །གཟུགས་བརྙན་སྣང་ཡང་རང་བཞིན་མེད། །སྣང་འབྱམས་སྟོང་པའི་དབྱིངས་ལ་འབྱམས། །ཡུལ་དུ་བྱར་མེད་གཞི་རྩ་བྲལ། །ཕྱི་ནང་སྣོད་བཅུད་ཐམས་ཅད་ཀུན། །ཆོས་རྣམས་སྙིང་པོ་བྱང་ཆུབ་སེམས། །ཅིར་ཡང་སྣང་ལ་མཚན་ཉིད་མེད། །ཀློང་ཡངས་རྒྱ་ཁྱོན་བྲལ་བས་ན། །མ་བཀག་ཅི་བདེར་ཡངས་པར་སྤྱོད། །མཐའ་དང་བྲལ་བའི་ཆོས་ཉིད་ནི། །གདགས་གཞི་ཡུལ་ལས་འདས་པ་སྟེ། །རིག་པ་ཡུལ་མེད་ཡུལ་དུ་ཤར། །ཀུན་གྱི་དངོས་གཞི་ཡིན་པ་སྟེ། །ཕྱོགས་འཛིན་གང་ཡང་མ་སྤངས་པས། །ཕྱོགས་མེད་ཀློང་ན་འབྱམས་པ་སྟེ། །རྒྱ་ཆད་ཕྱོགས་ལྷུང་མེད་པའི་ཕྱིར། །ནམ་མཁའི་དབྱིངས་ལྟར་དངོས་དང་བྲལ། །མཐའ་བཞིར་མ་འགག་མ་ཞེན་པས། །ཡུལ་ལ་དམིགས་པ་མེད་པ་སྟེ། །མི་འགྱུར་ལྷུན་གྲུབ་གདལ་བ་ཆེ། །ཀློང་ཡངས་རྒྱ་ཁྱོན་མེད་པར་གསལ། །ཀློང་ཆེན་གཅིག་གི་ཀློང་དཀྱིལ་ནས། །ཀློང་ཕྲན་མཐའ་ཡས་ཀུན་ཀྱང་ཤར། །ལྷུན་འབྱམས་མི་འགྱུར་ཀློང་དུ་ཞི། །ཀུན་ཀྱང་འབྱམས་པས་དེ་རུ་གཅིག །ཐམས་ཅད་མཉམ་པའི་ངང་ལ་གནས། །གཡོས་པ་མེད་པའི་ཆོས་ཉིད་དེ། །མཉམ་པའི་དོན་ལས་མ་གཡོས་པས། །མི་མཉམ་ཤར་ཡང་མཉམ་ཉིད་གཅིག །སྤང་བླང་མེད་པ་དབྱིངས་ན་འབྱམས། །ཡོད་འབྱམས་སྣང་བའི་དངོས་པོར་འབྱམས། །ཐམས་ཅད་དེ་ལས་སྐྱེས་པའི་ཕྱིར། །མེད་འབྱམས་སྟོང་པ་དངོས་མེད་འབྱམས། །དེ་ལ་མཚན་ཉིད་མེད་པའི་ཕྱིར། །དངོས་དང་དངོས་མེད་ཕ་རོལ་ན། །འཁོར་འདས་བྱ་བའི་མིང་ཡང་མེད། །འཁོར་འདས་སྤངས་པས་མི་སྤོང་སྟེ། །གཉིས་ཀ་དབྱིངས་སུ་གཅིག་པའི་ཕྱིར། །ལྷོས་ཆོས་གཉིས་ཀྱི་མཐའ་ལས་འདས། །ཡོད་དང་མེད་པར་གདགས་སུ་མེད། །ངེས་མེད་རང་ཤར་རོལ་པ་འདི། །རང་གི་དབྱིངས་ནས་ཤར་བ་སྟེ། །རང་ཤར་ཡིན་པས་ནུབ་པ་མེད། །ཡེ་ཤེས་ཆེན་པོའི་དབྱིངས་ལ་འབྱམས། །རིག་པ་ཕྱི་ནང་མེད་པས་ན། །སྤྱོད་ཡུལ་ཀུན་ཏུ་གདལ་བ་ཆེ། །དབྱེ་བསལ་བླང་དོར་མེད་པས་ན། །མཉམ་པའི་ཀློང་ན་ཕྱོགས་རིས་མེད། །ཀློང་ཆེན་གཅིག་ལས་མ་གཡོས་པར། །ཀློང་ཕྲན་མཐའ་ཡས་ཀུན་འབྱམས་ཀྱང་། །ངེས་མེད་མི་འགྱུར་ཀློང་དུ་འབྱམས། །ཀུན་འབྱམས་འདི་ཡིན་མེད་པས་ན། །འདི་ཞེས་རྩོལ་བ་མེད་པའི་ངང། །ཇིབཞིནཔལསགཡོས་པ་མེད། །དེབཞིནཉིདདུའབྱམས་པ་ལ ཅི་ཡང་མ་ཡིན་དོན་གོ་བས། །ངེས་མེད་ཀློང་འབྱམས་ཕྱི་ནང་མེད། །དབྱེར་མེད་མ་ཆགས་ཆོས་ཉིད་ལ། །བསྒོམ་བྱ་སྒོམ་བྱེད་གཉིས་སུ་མེད། །གཉིས་དང་གཉིས་མེད་མཉམ་པའི་དབྱིངས། །ཐ་དད་མེད་པས་མཉམ་པར་འབྱམས། །མཉམ་ཉིད་གཅིག་པའི་ཀློང་དཀྱིལ་ནས། །མི་མཉམ་ཀློང་ཕྲན་མཐའ་ཡས་ཤར། །འདྲ་དང་མི་འདྲའི་ཁྱད་པར་གྱིས། །ཅི་ཡང་ཡིན་ནོ་གང་ཡང་འདྲ། །དབྱིངས་ལ་བཟང་ངན་བྱེ་བྲག་མེད། །འདྲ་ན་འདྲ་འབྱམས་མི་འདྲ་ཡང་། ཀུན་འབྱམས་ཡིན་ཏེ་དབྱེ་བསལ་མེད། །ཆོས་ལ་ཆོས་ཀྱིས་མི་མཚོན་ཏེ། །དབྱིངས་ལ་འདི་འདྲའི་ཡུལ་མི་གནས། །གང་ཡིན་གང་དང་མི་འགལ་བས། །གྲུབ་མཐའ་ཀུན་གྱི་སྙིང་པོ་ཡིན། །འགལ་དང་མི་འགལ་མེད་པར་གཅིག །དབྱིངས་སུ་མ་འབྱམས་གང་ཡང་མེད། །དེས་ན་ཀུན་བཟང་གདལ་བའི་ཀློང་། །ཐམས་ཅད་མཉམ་པར་ཡོངས་ཀྱིས་གནས། །རྟོག་པས་རྩོལ་དང་མི་རྟོག་བསྒོམ། །བཙལ་དུ་མེད་པས་ཀུན་ཀྱང་འདྲ། །གཉིས་མེད་རང་བཞིན་ཀློང་དུ་འབྱམས། །གཉིས་ཀ་སེམས་ཉིད་ཡིན་པས་ན། །དངོས་པོར་སྣང་བ་ཅི་ཡང་མེད། །ཅི་ཡང་མེད་པའི་ཆོས་ཉིད་ལ། །བཟང་ངན་བླང་དོར་ཡོངས་ཀྱིས་མེད། །རང་བཞིན་དབྱིངས་སུ་གཅིག་པ་ལ། །མཚན་མའི་སྤྲོས་དང་ངང་གིས་བྲལ། །མ་སྐྱེས་སེམས་ཀྱི་རང་བཞིན་ལ། །ངོ་བོ་འདི་འདྲར་མི་གནས་ཕྱིར། །དགག་དང་སྒྲུབ་པར་བྱ་བ་དང་། །སྤང་དང་ཐོབ་པར་བྱ་བ་མེད། །མི་མཐུན་གཉེན་པོ་དབྱེར་མེད་པས། །གཅིག་གི་ཀློང་དུ་རབ་ཏུ་ཐིམ། །བྱར་མེད་སེམས་ཉིད་ཀློང་ཆེན་ལ། །རྩོལ་བ་མ་ལུས་ཀུན་སྤངས་ཏེ། །མ་བཅོས་ངང་དུ་ལྷུན་གྱིས་གྲུབ། །སྐྱོན་ཡོན་བདེ་སྡུག་འཁོར་འདས་ཆོས། །མཁའ་རླུད་བར་སྣང་སྤྲིན་བཞིན་དུ། །རང་བྱུང་རང་ཞི་ཀློང་དུ་གྲོལ། །གྲོལ་བར་བཏགས་པ་ཐ་སྙད་དེ། །གྲོལ་པའི་ཕྱོགས་སུ་ལྷུང་བའི་ཕྱིར། །འཛིན་པ་རྟོག་པའི་ནད་དུ་ཆེ། །གྲོལ་དང་མ་གྲོལ་གཅིག་གི་ཀློང་། གཉིས་སུ་འཛིན་པའང་དེ་ན་འབྱམས། །མཉམ་པའི་དོན་ལས་འཁྲུལ་པ་མེད། །ཐིག་ལེ་ཆེན་པོ་ཆོས་ཀྱི་སྐུ། །བྱང་ཆུབ་སེམས་ཀྱི་རང་བཞིན་ལས། །གང་ཡང་མ་སྤངས་ཡངས་པ་ཆེ། །གང་དུ་མི་གནས་དག་པས་ན། །མཐའ་དང་བྲལ་བའི་ཀློང་དུ་གྲོལ། །གདལ་བ་ཆེན་པོའི་ངང་ལ་གནས། །གཅིག་པུ་རྟེན་མེད་ཡུལ་མེད་པས། །རིས་མེད་ཕྱོགས་མེད་གནས་མེད་ཕྱིར། །སུས་ཀྱང་མ་བྱས་རང་གི་ཀློང་། །གསལ་བར་ཤར་ཕྱིར་ཕྱི་ནང་མེད། །སྔ་མའི་རྒྱུ་མའི་རྟེན་མེད་ལ། །ཕྱི་མའི་གནས་མེད་ཡུལ་མེད་པས། །བག་ཆགས་བཞག་པའི་གཞི་མེད་ཕྱིར། །ཀུན་གཞི་ཡུལ་མེད་ཟང་ཐལ་ཀློང་། །ནམ་མཁའི་ཁམས་ཀྱི་བྱ་ལམ་བཞིན། །རྗེས་མེད་སྐྱོན་དང་ཡོན་ཏན་བྲལ། འཁོར་བ་མྱ་ངན་འདས་པའི་ཆོས། །རྒྱུ་རྐྱེན་མེད་པར་རང་ལས་བྱུང་། །མཚན་ཉིད་མེད་པས་ཀློང་དུ་འབྱམས། །རེ་དོགས་མེད་པས་དབྱིངས་ལ་གསལ། །དབྱིངས་ལ་དབྱིངས་ཤར་བྱང་ཆུབ་སེམས། །སེམས་ཀློང་གཅིག་ལས་མ་གཏོགསཔའི། །ཡུལ་ཅན་རྫས་སུ་མ་གྲུབ་པས། །གཞན་དུ་སྣང་བ་གུད་ན་མེད། །རྟོག་པའི་དབང་བིས་གཞན་དུ་བཏགས། །བྱང་ཆུབ་སེམས་ལ་ཕྱི་ནང་མེད། །ཡུལ་མེད་ཀློང་ན་ཀུན་འབྱམས་པས། །གཞི་རྩ་མེད་པའི་ཆོས་ཉིད་ཡིན། །རྣམ་པར་དག་པའི་ངང་ཉིད་ལ། །རྟེན་འབྲེལ་སྒྱུ་མའི་རོལ་པར་ཤར། །གཞི་ཤར་རང་གྲོལ་རང་སྣང་ལས། །བྱ་བྲལ་མུ་མེད་ཀློང་དུ་འབྱམས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། རིག་པ་ཡུལ་མེད་དུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་བཅོམ་ལྡན་འདས་ཀྱིས་འོག་མ་པ་ལ་ནན་ཏན་དུ་གསུངས་པ། ཉན་ཐོས་དོན་ལས་འཁྲུལ་པ་ཡིས། །ཡུལ་སེམས་གཉིས་སུ་བཟུང་བས་ནོར། །རང་རྒྱལ་དོན་ལས་་བྲུལ་པ་ཡིས། །རྟེན་འབྲེལ་བཅུ་གཉིས་དོན་ལ་རྟོག །བྱང་ཆུབ་སེམས་དཔའ་བློ་ཆུང་བས། །བདེན་པ་གཉིས་ཀྱི་ཚུལ་དུ་འཛིན། །ཅིར་སྣང་སེམས་ཉིད་རང་སྣང་ལ། །ཕ་རོལ་ནན་གྱིས་རྟོག་པ་དེ། །མཉམ་ཉིད་མི་རྟོག་ཞབྲུལ་པའི་བློ། །ཀྲི་ཡ་རིགས་གསུམ་ལྷར་བསྒོམས་ནས། །ལུས་ངག་རྩོལ་བའི་བྱ་བྱེད་ཅན། །གཉིས་ཀ་རྒྱུད་ཀྱི་ཐེག་པ་ནི། །ཁ་བྲག་ལམ་དུ་ཞུགས་པ་བཞིན། །ཡོགསྔགས་དང་ཕྱག་རྒྱ་ཡང་། །སྨོན་པ་གར་ཐབ་བྱེད་དང་མཚུངས། །ཇི་ལྟར་སྣང་ཡང་རང་རིག་ལ། །བྱང་ཆུབ་སེམས་ལས་གཞན་མེད་པས། །གཞན་དུ་བལྟ་བ་འཁྲུལ་པའི་བློ། །མ་ཧྭ་བདེན་པ་དབྱེར་མེད་ལ། །སྤྱོད་ཡུལ་བྲལ་བར་བལྟ་བ་སྟེ། །ཐབས་དང་ཤེས་རབ་དོན་དུ་འཛིན། །ཨ་ནུ་ཡོ་གའི་བལྟ་བ་ནི། །དབྱིངས་ལས་ཡེ་ཤེས་མཐུ་སྣང་བས། །གཉིས་མེད་བྱང་སེམས་བདེ་བ་ཆེ། །ཡོ་ག་རྣམ་བཞིས་གཞི་བྱས་ནས། །ཇི་ལྟར་བལྟས་ཀྱང་ཆོས་ཀྱི་དབྱིངས། །གཞན་དུ་གཡོས་པ་མེད་པའི་ཕྱིར། །ཐེག་པ་ཀུན་འབྱམས་མཐོ་དམན་མེད། །ཀློང་ཆེན་རྒྱལ་པོ་ལྟ་བུ་ཡིས། །ཐམས་ཅད་ཀུན་ལ་དབང་བསྒྱུར་བས། །རྒྱལ་སྲིད་ཀུན་ཀྱང་གཅིག་ཏུ་འདུས། །མཐའ་གཉིས་མ་གྲུབ་མ་སྤངས་པས། །ཆོས་ཉིད་ཀློང་ལ་ཡངས་དོག་མེད། །བདེ་གདལ་བྱང་ཆུབ་སེམས་ཀྱི་དབྱིངས། །ཐམས་ཅད་འདུས་པས་ཐིག་ལེར་གཅིག །ཡེ་ནས་མ་སྐྱེས་ཆོས་ཀྱི་སྐུ། །སྐྱེ་ན་སྐྱེ་འབྱམས་སྐྱེ་མེད་ངང་། ཁེ་ན་ཤི་འབྱམས་འཆི་མེད་ཀློང་། །ཐིག་ལེའི་ངང་ལ་སྐྱེ་ཤི་མེད། །འཁོར་འབྱམས་འདས་འབྱམས་དབྱེར་མེད་འབྱམས། །དགེ་འབྱམས་སྡིག་འབྱམས་མ་སྤངས་འབྱམས། །ཐིག་ལེའི་ངང་ལ་འཁོར་འདས་དང་། །དགེ་སྡིག་རྒྱུ་འབྲས་ཡེ་ནས་མེད། །རྟག་ན་རྟག་འབྱམས་ཆད་འབྱམས་ཏེ། །ཐིག་ལེའི་ངང་ལ་རྟག་ཆད་མེད། །མཉམ་པ་རིས་མེད་ཡེ་གདལ་ལ། །སྣང་འབྱམས་སྟོང་འབྱམས་དབྱེར་མེད་འབྱམས། །ཐིག་ལེ་གཅིག་ལ་སྣང་སྟོང་གཉིས། །ཡེ་ནས་མེད་ཕྱིར་མཉམ་པའི་ངང་། །མཉམ་ཉིད་ཐིག་ལེ་ལྷུན་འབྱམས་ལ། །ཕྱི་ནང་གཉིས་ཀ་གཉིས་མེད་སྣང་། །ཀུན་སྣང་རིས་མེད་ཆོས་ཀྱི་དབྱངས། །དེ་ལྟར་སྣང་ཡང་སྣང་འབྱམས་རང་། །མཚན་མེད་ ག་ལེ་ལྷུན་འབྱམས་ལ། །ཕྱ་ནང་གཉས་ཀ་གཉས་མེད་སྟོང་། །ཀུན་སྣང་ཁྱབ་གདལ་ཆོས་ཀྱ་དབྱངས། །ཇི་ལྟར་སྟོང་ཡང་དབྱིངས་སུ་འབྱམས། །ཅིར་གསལ་ཐིག་ལེ་ལྷུན་འབྱམས་ལ། །ཕྱི་ནང་གཉིས་ཀ་གཉིས་མེད་རིག །ཀུན་རིག་ཡུལ་མེད་ཆོས་ཀྱི་དབྱིངས། །ཇི་ལྟར་རིག་ཀྱང་རིག་པའི་དབྱིངས། ཁྲར་ནུབ་མེད་པའི་ཐིག་ལེ་ལ། །ཕྱི་ནང་གཉིས་ཀ་གཉིས་མེད་ཤར། །ཀུན་ཤར་ཟང་ཐལ་ཆོས་ཀྱི་དབྱིངས། །ཇི་ལྟར་ཤར་ཡང་ཡེ་ཤེས་འབྱམས། །འཕོ་འགྱུར་མེད་པའི་ལྷུན་གྲུབ་ལ། །ཕྱི་ནང་གཉིས་ཀ་གཉིས་མེད་གནས། །ཀུན་གཞི་གནས་འགྱུར་ཆོས་ཀྱི་དབྱིངས། །ཇི་ལྟར་གནས་ཀྱང་ལྷུན་གྲུབ་འབྱམས། །སྐྱེ་འགག་མེད་པའི་ཐིག་ལེ་ལ། །ཕྱི་ནང་གཉིས་ཀ་གཉིས་མེད་གྲོལ། །ཀུན་གྲོལ་ཉག་གཅིག་ཆོས་ཀྱི་དབྱིངས། །ཇི་ལྟར་གྲོལ་ཀྱང་ཆོས་སྐུའི་ཀློང་། །ཀློང་འབྱམས་ཆེན་པོ་དེ་ཉིད་ལ། །དུས་གསུམ་རྣམ་པ་ཐམས་ཅད་དུ། །ཇི་ལྟར་བྱས་ཀྱང་ཆོས་ཉིད་རང་། །ཆོས་ཉིད་ཀློང་ལ་མཚན་མ་མེད། །ཡོད་མེད་ལ་སོགས་རྣམ་པ་ཀུན། །ཡེ་ནས་མ་སྐྱེས་གཞི་མེད་པས། །ཅིར་སྣང་མཚན་མ་མེད་པར་སྣང་། །བཅོས་བསླད་ངང་གིས་བྱ་མི་དགོས། །སུས་ཀྱང་མ་བཅོས་མ་བྱས་པའི། །ནམ་མཁའ་ལྟ་བུའི་རང་བཞིན་ལ། །འཇའ་ཚོན་སྤྲིན་ཚོགས་གློ་བུར་ཆོས། །རྟོག་པའི་བྱུང་ཚོར་ཇི་སྙེད་པ། །ནམ་མཁའ་ཉིད་ཡིན་བསལ་མི་དགོས། །རང་བྱུང་རང་ཞི་ཀློང་དུ་ཞི། །འགྲོ་ས་མེད་དེ་དེ་རུ་འབྱམས། །བྱུང་ས་མེད་དེ་དེ་ལས་བྱུང་། །དེ་བཞིན་འཁོར་འདས་སྣོད་བཅུད་ཀྱང་། །རང་བྱུང་རང་ཞི་ཆོས་ཉིད་ཀློང་། །བྱང་ཆུབ་སེམས་སུ་ཞི་བ་ལས། །གཞན་དུ་བལྟ་བའི་ཆོས་མེད་ཕྱིར། བྱང་ཆུབ་སེམས་ལ་སྐྱེ་ཤི་མེད། །འཕོ་འགྱུར་མེད་པ་རྒྱལ་བའི་སྐུ། །ཕྱི་ནང་མེད་པར་རང་གསལ་བས། །རང་བྱུང་ཡེ་ཤེས་ཐུགས་ཀྱི་ངང་། །སྐྱེ་བའི་ཆོ་འཕྲུལ་རྒྱལ་བའི་གསུང་། །སྐུ་གསུམ་དབྱེར་མེད་ལྷུན་གྲུབ་ཀློང་། །བྱང་ཆུབ་སེམས་སུ་ཞི་བ་ལས། །གཅིག་གི་དབྱིངས་ལས་མ་གཡོས་པར། །སྐུ་གསུང་ཐུགས་ཤར་རང་གི་རྩལ། །བྱ་བྲལ་ཀློང་དུ་བྱེ་བྲག་མེད། །མཁའ་ལ་སྤྲིན་བཞིན་ཀློང་ན་འབྱམས། །ཡེ་ཤེས་དབྱིངས་ལས་མ་གཡོས་ཀྱང་། །རང་བྱུང་རྒྱལ་བའི་ཐུགས་རྗེ་ཡིས། །གདུལ་བྱ་མ་ལུས་ཀུན་འདུལ་བ། །རོལ་པའི་ཕྱག་རྒྱ་སྐར་ཚོགས་བཞིན། །གཅིག་གི་ཆོ་འཕྲུལ་གྲངས་མེད་པས། །དབྱིངས་སུ་ཐ་དད་ཡོང་གིས་མེད། །རང་བྱུང་ཡེ་ཤེས་མཁའ་ཀློང་ནས། ཁྲར་བའི་ཆོས་རྣམས་ཐམས་ཅད་ཀུན། །འཛིན་པས་སོ་སོར་བཏགས་པ་ཀུན། །དབྱིངས་ལ་བྱེ་བྲག་གང་ཡང་མེད། །མ་འདྲེས་ཡོངས་རྫོགས་དབྱིངས་ཀྱི་རྒྱན། །རང་སར་གྲོལ་བ་དབྱིངས་ཀྱི་ཀློང། །ཀློངཆེནགཅིགལསམ་གཡོས་པས། །ཀློང་ཕྲན་མཐའ་ཡས་ཀུན་ཤར་ཡང། །རངབཞིནལྷུནགྲུབགཞི་ཡི་ཀློང་། །ངོ་བོ་རང་བྱུང་ཡེ་ཤེས་ཀློང་། །དོན་ལ་སྐྱེ་མེད་གཉིས་མེད་ཀློང་། །ཐོག་མཐའ་མེད་པའི་ཆོས་ཉིད་ལ། །བདག་ཉིད་འབྲས་བུ་ཡེ་གྲུབ་ཀློང་། །སྣ་ཚོགས་གཞིར་འདུས་གཅིག་ལས་ཤར། །གཅིག་གི་ཆོ་འཕྲུལ་གྲངས་མེད་པས། །གཅིག་ལས་ཤར་བས་གཞི་རུ་འབྱམས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། བལྟ་བ་མུ་མཐའ་མེད་པའི་ལེའུ་སྟེ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་བར་གསུངས་པ། །རྒྱུ་མཚན་གཅིག་པའི་ཆོས་ཉིད་ལ། །བྱང་ཆུབ་མ་ནུབ་མཚན་ཉིད་མེད། །དོན་དམ་ཀུན་རྫོབ་རང་བཞིན་གཅིག །གཉིས་མེད་བསམ་འདས་སྐྱེ་འགག་མེད། །ཁམས་གསུམ་འཁོར་བའི་སེམས་ཅན་དང་། །སྐུ་གསུམ་བཀོད་པའི་ཞིང་ཁམས་ཀུན། །ཡེ་ནས་སྙིང་པོར་གཅིག་པ་ལ། །གློ་བུར་དྲི་མ་དག་པའི་ཕྱིར། །ཡེ་ནས་དབྱེར་མེད་གཉེན་པོ་མེད། །མཐའ་ཡི་མུན་པ་དུས་གཅིག་གསལ། །མཐའ་མེད་ཀློང་འབྱམས་ལྷུན་གྱིས་གྲུབ། །ཆོས་སྐུའི་ཀློང་དེར་ཅིར་ཡང་གནས། །རང་བཞིན་ངེས་མེད་སྤྲུལ་པའི་སྐུ། །ཅིར་ཡང་འཆར་ཏེ་ཅིར་ཡང་གསལ། །སྐྱེ་བ་མེད་པ་ལོངས་སྤྱོད་རྫོགས། །ལོངས་སྐུའི་ཀློང་ལ་ཅིར་ཡང་ཡིན། །ཐོག་མཐའ་མེད་པ་རྡོ་རྗེའི་སྐུ། །རྡོ་རྗེའི་སྐུ་ལ་འཇིག་འབྲལ་མེད། །དབྱེར་མེད་སྐྱེ་ཤི་བྲལ་བའི་ཕྱིར། །དེ་ཉིད་མངོན་པར་བྱང་ཆུབ་སྐུ། །ཆོས་ཉིད་གཅིག་ལ་སྐུ་ལྔར་སྣང་། །སྣང་བ་སྣ་ཚོགས་ཅིར་ཤར་ཡང་། །སྐུ་ལྔའི་ཀློང་ལས་གཡོས་པ་མེད། །དམྱལ་བ་ཚ་གྲང་སྡུག་བསྔལ་ཡང་། །ཆོས་ཉིད་རང་གི་ཀློང་ན་འབྱམས། །རང་ལས་ཐ་དད་མེད་པའི་ཕྱིར། །སྐུ་གསུམ་ཀློང་དུ་ཡེ་སངས་རྒྱས། །ཡི་དྭགས་བཀྲེས་སྐོམ་སྡུག་བསྔལ་ཡང་། །ཆོས་ཉིད་རང་གི་ཀློང་ན་འབྱམས། །རང་ལས་ཐ་དད་མེད་པའི་ཕྱིར། །སྐུ་གསུམ་ཀློང་དུ་ཡེ་སངས་རྒྱས། །བྱོལ་སོང་བཀོལ་སྤྱོད་སྡུག་བསྔལ་ཡང་། །ཆོས་ཉིད་རང་གི་ཀློང་ན་འབྱམས། །རང་ལས་ཐ་དད་མེད་པའི་ཕྱིར། །སྐུ་གསུམ་ཀློང་དུ་ཡེ་སངས་རྒྱས། །མི་དང་ལྷ་དང་ལྷ་མ་ཡིན། །དེ་ལ་སོགས་པའི་འགྲོ་དྲུག་ཀྱང་། །སྡུག་བསྔལ་རང་རྒྱུད་མེད་པའི་ཕྱིར། །དེ་ཡང་ཆོས་ཀྱི་དབྱིངས་ན་འབྱམས། །རང་ལས་ཐ་དད་མེད་པའི་ཕྱིར། །སྐུ་གསུམ་ཀློང་དུ་ཡེ་སངས་རྒྱས། །ཐེག་པའི་ཁྱད་པར་ཇི་སྐད་དུ། །བརྒྱད་ཁྲི་བཞི་སྟོང་གསུངས་པ་ཡང་། །ཀློང་ཆེན་གཅིག་གི་ཡོན་ཏན་ཏེ། །གདུལ་བྱ་རྣམས་ལ་བསྟན་པར་ཟད། །དེ་ལས་གཞན་དུ་བཏགས་པ་ཡིན། །རྒྱུ་འབྲས་རྣམ་པ་ཡོངས་ཀྱིས་མེད། །རྒྱུ་མེད་ཡེ་ནས་ཆོས་ཉིད་ཀློང་། །རྐྱེན་མེད་ཡེ་ནས་རོལ་པའི་ཀློང་། །འབྲས་བུ་རང་བྱུང་ཡེ་ཤེས་ཏེ། །མཚན་མའི་རྒྱུ་འབྲས་ཀུན་ལས་འདས། །ཡེ་ནས་སྐུ་གསུམ་ཀློང་དུ་གྲོལ། །དེ་རུ་མ་འདུས་ཆོས་མེད་པས། །སྙིགས་མ་ལྔ་ཉིད་བདེ་ལྡན་གནས། །ཡུལ་དང་འདོད་ཡོན་ཡེ་སངས་རྒྱས། །ཆོས་ཀུན་རྩ་བ་བྱང་ཆུབ་སེམས། །སེམས་ཀྱི་ཀློང་ནས་མ་ཤར་བའི། །ལྷག་པའི་ཆོས་ནི་གཞན་ན་མེད་དོ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། །རིགས་ལ་བྱེ་བྲག་མེད་པའི་ལེའུ་སྟེ་བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་བར་གསུངས་པ། དཀྱིལ་འཁོར་དཀྱིལ་འཁོར་ཞེས་བྱ་བ། །ཐམས་ཅད་འདུས་ཤིང་རྫོགས་པས་ན། །བྱང་ཆུབ་སེམས་ཀྱི་དཀྱིལ་འཁོར་ཡིན། །ཕྱི་ནང་སྒོ་ཕུགས་བྲལ་བས་ན། །མཉམ་པ་ཉིད་ཀྱི་དཀྱིལ་འཁོར་ཡིན། །མཐའ་དབུས་གཉིས་སུ་མེད་པའི་ཕྱིར། །མུ་མཐའ་མེད་པའི་དཀྱིལ་འཁོར་ཡིན། །འཁོར་འདས་སྟེང་འོག་མེད་པའི་ཕྱིར། །མཐོ་དམན་མེད་པའི་དཀྱིལ་འཁོར་ཡིན། །སྒྲིབ་པ་གཉིས་དང་བྲལ་བའི་ཕྱིར། །མ་བཀོད་གསལ་བའི་དཀྱིལ་འཁོར་ཡིན། །རིག་པ་ཕྱི་ནང་མེད་པའི་ཕྱིར། །དབྱེར་མེད་ཟང་ཐལ་དཀྱིལ་འཁོར་ཡིན། །དགག་བསྒྲུབ་གཉིས་དང་བྲལ་བའི་ཕྱིར། །རྒྱ་ཆེན་སྣང་བའི་དཀྱིལ་འཁོར་ཡིན། །མ་སྤངས་རང་སར་གྲོལ་བས་ན། །རང་བཞིན་ལྷུན་གྲུབ་དཀྱིལ་འཁོར་མཆོག །ཀློང་ཡངས་ལུབ་ཆུབ་གདལ་ཁྱབ་པ། །སྤྱིར་ཆིབས་ས་བཅུ་འདུས་པའི་ཀློང་། །གཅིག་ལས་བྱེ་བྲག་ཕྱེ་བའི་ཕྱིར། །ས་བཅུར་སྣང་བ་ཡོནཏནཡིན། །གཅིགཏུའདུས་པས་མཐོ་དམན་མེད། །མཐོ་དམན་མེད་པས་ཡངས་དོག་མེད། །མཐའ་དབུས་བྲལ་བས་ཕྱི་ནང་མེད། །སྐྱེ་འགག་མེད་པས་དུས་གསུམ་མེད། །དུས་གསུམ་མེད་པས་སྐྱེ་ཤི་མེད། །འདུ་འབྲལ་མེད་པ་རྒྱལ་བའི་སྐུ། །དགོངས་པ་མཉམ་པ་ཉིད་དུ་གཅིག །རྒྱལ་བའི་དགོངས་སྤྱོད་བསམ་ཡས་ཀྱང་། །རང་བྱུང་ཡེ་ཤེས་གཅིག་གི་ཀློང་། །གཞན་དུ་གཡོས་པ་རྡུལ་ཙམ་མེད། །མ་བཅོས་དགོངས་པ་མཆོག་གི་ངང་། །སངས་རྒྱས་བྱང་ཆུབ་རང་གི་སེམས། །འགྲོ་དྲུག་སེམས་ཅན་རང་གི་ལུས། །རྣམ་པར་དག་པས་བྱང་ཆུབ་སྐུ། །གང་ལས་བཙལ་དུ་མེད་པའི་ཕྱིར། །མ་ནོར་སེམས་ཀྱི་ལུང་ཆེན་ཡིན། །སྤྱོད་ཡུལ་འདི་ལ་གནས་པ་གང་། །པྱོགས་མེད་དོན་ལ་གནས་པ་ཡིན། །འཇིག་རྟེན་འདི་ལ་ལྷ་མིར་སྤྱོད། །སངས་རྒྱས་ས་ན་གཙོ་བོའི་མཆོག །ལམ་དང་ས་དང་རྟེན་དག་ལ། །བགྲོད་རྩོལ་སྦྱང་བ་མི་དགོས་ཏེ། །ཡེ་ནས་ཅི་ལའང་མ་ཆགས་ཏེ། །གཞན་ལ་བརྟེན་དུ་ག་ལ་ཡོད། །སེམས་ཉིད་རྫོགས་པ་ཆེན་པོ་ལ། །བསྒོམ་ཞིང་དམིགས་སུ་མེད་པ་སྟེ། །མ་བསྒོམས་སངས་རྒྱས་དག་དང་མཚུངས། །དེ་ཕྱིར་བསྒོམ་མེད་དོན་འདི་ལ། །མ་བསྒོམས་སྟོར་བྲལ་མེད་པའི་ཕྱིར། །བསྒོམ་དང་མ་བསྒོམས་མེད་པར་མཚུངས། །ནམ་མཁའི་དཔེ་ལ་བསྒོམ་མི་གནས། །འཛིན་པའི་སེམས་ལ་བསྒོམ་དུ་མེད། །ཡོད་དང་མེད་པ་དབྱིངས་སུ་གཅིག །དེ་ལ་སོམ་ཉི་བྱ་རུ་མེད། །ཕྱི་ནང་དངོས་པོའིརངབཞིནཡང། །ཡོད་མཐོང་ལོག་པའི་སྟོབས་ཀྱིས་སྣང་། །མེད་མཐོང་གྲུབ་མཐའ་ངན་པའི་བློ། །ཡོད་མེད་གཉིས་ཀ་ལྟོས་པའི་ཆོས། །ལྟོས་ཆོས་དབྱིངས་སུ་དག་པའི་ཕིར། །རྟག་དང་ཆད་པའི་མཐའ་ལས་གྲོལ། །དེ་དོན་མ་རྟོགས་བསྒོམས་པའི་ཀློང་། །མཉམ་པ་ཉིད་ཀྱི་དོན་ལས་གོལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པའི་དོན་མ་ནོར་བར་གསུངས་པ། ཀུན་འདུས་ཀློང་ཆེན་རང་བཞིན་འདི། །བཟང་ངན་མེད་པའི་ཆོས་ཡིན་པས། །འདི་ལ་ཉམས་སུ་ཅི་ཞིག་བླང་། །ཉམས་པར་གྱུར་པ་ཡོད་དམ་ཅི། །འདི་ལས་འདས་པ་གང་ཡང་མེད། །མི་འདའ་མ་གཡེལ་རྒྱ་མཚོའི་ཀླུང་། དམིགས་པའི་ཡུལ་ནི་ནམ་མཁའ་འདྲ། །ཕྲ་བའི་ཚད་ནི་རྡུལ་དང་མཚུངས། །བརྟན་པའི་ཚད་ནི་རི་རབ་འདྲ། །ཡངས་པས་མཁའ་དང་རྒྱ་མཚོའི་ཀློང་། །ཀུན་ཏུ་བཟང་མོའི་རང་བཞིན་ཏེ། །ཚད་མེད་ནམ་མཁའ་དག་དང་མཚུངས། །རྒྱལ་འགྲོ་ལ་སོགས་གྲངས་བརྗོད་ཀྱང་། །སེམས་ཉིད་ཀློང་ཆེན་དག་པ་དེར། །བཙལ་བས་རྙེད་པར་མི་འགྱུར་ཏེ། །མ་བཙལ་ཆོས་ཀྱི་སྐུ་འདི་ཡང་། །སྐུ་ཡི་སྐུ་སྟེ་ཀུན་ལ་སྣང་། །དེ་ཉིད་གང་ཡིན་སངས་རྒྱས་ཉིད། །ཉིད་ཀྱིས་ཉིད་ཚོལ་གཞན་ན་མེད། །དེབཞིནཉིདའབྱམས་ཀུན་འབྱམས་ཀྱང་། །ཡུལ་དུ་བཙལ་བས་མི་རྙེད་དེ། །འཕགས་པའི་བྱང་ཆུབ་གཞན་ན་མེད། །བྱང་ཆུབ་འདོད་ན་མི་དགེའི་ལས། །ཆེད་སྤྱོད་དོན་ལ་བློ་བཞག་ན། །སྙིང་རྗེ་མེད་པར་གསོད་པ་དང་། །འཇིགས་པ་མེད་པར་རྔམ་པ་དང་། །མ་རུངས་ལས་སུ་བྱེད་པ་དང་། །ཅི་སྤྱོད་གཞན་ལ་འཚེ་བ་དང་། །སྲོག་མེད་སྲོག་ལ་ཟ་བ་དང་། །སྙིང་རྗེ་མེད་པར་དོན་གཉེར་དང་། །ལས་སུ་མི་དགེ་བཅུ་སྤྱད་ན། །སེམས་ཅན་ཐར་པའི་གནས་སུ་འདྲེན། །སྲོག་གཅོད་སྡིག་ཏུ་འགྱུར་བ་ན། །ཡེ་ནས་ཆད་པས་སུ་ལ་སྡིག །དེས་ན་འདི་ལས་ཉེ་བ་ཡི། །ཐར་ལམ་གང་ཡང་ཡོད་མ་ཡིན། །ཉེ་བའི་ཐར་ལམ་གློར་བཞག་ནས། །སྙིང་རྗེ་དོན་དུ་གཉེར་མི་དགོས། །གང་ལ་འཛིན་པ་ཡོད་པ་ན། །ལྷག་པའི་བསམ་པ་ཤར་ཀྱང་བསྒྲིབས། །སངས་རྒྱས་མི་མཆོད་སློབ་དཔོན་བསྐུར། །ཐ་མལ་སྤྱོད་ལམ་ཅི་བྱས་ཀྱང་། །དོན་དུ་འགྱུར་བས་འགལ་མི་འགྱུར། །དོན་འདི་ཚིག་ཏུ་མ་ཁྱེར་བར། །གནད་ཀྱི་གདེང་དུ་ཆུད་པ་གང་། །དམན་པའི་ལུས་ལ་དམ་པའི་སེམས། །དུས་གསུམ་སངས་རྒྱས་སྲས་གཅིག་པོ། །འཇིག་རྟེན་དྲེགས་པས་བཅིངས་པ་ཡི། །ལྷ་སྲིན་སྡེ་བརྒྱད་ཐམས་ཅད་ཀྱང་། །ཇོ་བོའི་ཚུལ་དུ་ཁུར་བར་བྱེད། །སངས་རྒྱས་ཀུན་དང་དགོངས་པ་མཉམ། །ནམ་མཁའ་ཉིད་ལ་ནམ་མཁའ་སྤྱོད། །ཅེས་གསུངསསོ། །ཀློངཆེནརབའབྱམས་རྒྱལ་པོའི་རྒྱུད་ལས། སྤྱོད་པ་ཚད་བཞག་པའི་ལེའུ་སྟེ་བཅུ་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་བར་གསུངས་པ། ཀུན་གཞི་ཆོས་ཉིད་ཟང་ཐལ་ལ། །རིག་པ་ཐོད་རྒལ་འབར་ཞིང་འཕྲོ། །མ་རྟོགས་པ་ལ་རྣམ་པར་རྟོག །རྟོགས་པའི་ཀློང་ལ་ཡེ་ཤེས་འབར། །འཁོར་བ་ཉིད་ན་འཁོར་བ་མེད། །འཁྲུལ་འཁོར་ཉིད་ན་མྱ་ངན་འདས། །མཁས་པ་རྣམས་ལ་ཡེ་ཤེས་ཤར། །མི་མཁས་པ་ལ་མུན་པར་སྣང་། །འདི་བོར་བདུད་རྩི་གཞན་ན་མེད། །སྐྱེ་ཤི་མེད་པས་འདུས་མ་བྱས། །ཡེ་ནས་རྡོ་རྗེ་སྙིང་པོའི་སྐུ། །རྒྱུ་འབྲས་མེད་ལས་འབྱུང་བའི་ཕྱིར། །ཡེ་ནས་ནམ་མཁའ་ལྟ་བུའི་ངང་། །མ་ནོར་དོན་གྱི་ལུང་འདི་ལ། །མ་བཙལ་ཐབས་ཀྱི་མཆོག་ཏུ་བསྟན། །གང་ལ་བསྟན་པར་བྱ་བ་དང་། །མི་བསྟན་པའང་རང་ལ་མེད། །ཡོད་དང་མེད་པའི་མཐའ་འཇིག་པས། །ཚད་མས་རྟོགས་པ་མ་ཡིན་ཏེ། །བཤིག་ཏུ་མེད་པས་རྡོ་རྗེའི་སེམས། །འཁྲུལ་པས་ཡོད་མེད་མཐའ་འཚོལ་བ། །ནམ་མཁའ་མཐོ་ཡིས་འཇལ་བ་བཞིན། །རིག་པ་གཏན་ལ་ཕེབས་མི་འགྱུར། །མཐའ་རྣམས་རང་སར་མ་གྲོལ་ཞིང་། །ཡུལ་རྣམས་རང་དུ་མ་འདུས་པར། །སངས་རྒྱས་འབྱུང་བར་འདོད་པ་ནི། །བལྟ་ཞིང་བལྟས་ཤིང་བརྟགས་པས་འཁྲུལ། ཁུ་དང་འབྲས་བུར་ཞེན་པས་བསླད། །འདི་ལས་གཞན་པའི་སངས་རྒྱས་ཆོས། །རྒྱུ་རྐྱེན་གཉིས་ཀྱིས་མི་འགྲུབ་སྟེ། །རྒྱུ་རྐྱེན་གཉིས་ཀ་གློ་བུར་ཆོས། །དེ་གཉིས་ཡོད་ན་སྐྱེ་འཇིག་ཡོད། །དེ་གཉིས་མེད་ན་སྐྱེ་འཇིག་མེད། །སྐྱེ་འཇིག་མེད་པས་ཡང་དག་ལམ། །རང་ལ་གནས་པས་བཙལ་དུ་མེད། །རང་བཞིན་གནས་པའི་ཆོས་ཉིད་དེ། ཅིར་ཡང་བརྟག་པར་མི་བྱ་ཞིང་། །སྤྱོད་པའི་མཐའ་དང་རྣམ་པར་བྲལ། །མ་བརྟགས་མ་དཔྱད་ཆོས་ཉིད་དེ། །སྐད་ཅིག་ཙམ་དུ་མི་འབྲལ་ཞིང་། །ཡོངས་ལ་གནས་པས་གདལ་བའི་ཀློང་། །ཀུན་གྱི་རང་བཞིན་འདི་ཡིན་པས། །ཀུན་འབྱུང་སྙིང་པོ་ཐེག་པའི་མཆོག །རྣམ་པར་དག་པའི་ཀློང་ཆེན་ལ། །དཔག་ཅིང་དམིགས་སུ་ཡེ་ནས་མེད། །འོན་ཀྱང་དམ་པར་བལྟ་བ་མེད། །མེད་པར་བལྟ་བ་དམ་པའི་ཀློང་། །ཀུན་གྱི་རང་བཞིན་འདི་ཡིན་པས། །སྤྱོད་ཡུལ་ཕྱོགས་མེད་ཡེ་སངས་རྒྱས། །འདི་ལ་ཕྱོགས་ཆ་ཡོངས་མི་མངའ། འདི་ལ་སྒྲིབ་པ་བསལ་དུ་མེད། །འདི་ལ་བསྔགས་པ་བརྗོད་མི་དགོས། །ཆོས་ཉིད་སྟོང་པ་གཞི་མེད་འདི། །ལ་ལས་རྒྱལ་པོའི་ཚུལ་དུ་མཐོང་། །ལ་ལས་དམངས་དང་འཁོར་ལྟར་མཐོང་ ལ་ལས་ཡང་དག་ཉིད་དུ་མཐོང་། །འདི་ལ་མཐོང་བ་བསམ་མི་ཁྱབ། །ཇི་ལྟར་མཐོང་ཡང་རང་ཡིན་ཏེ། །རྟོག་པ་མ་སྐྱེ་ཡང་དག་ལྷོས། །ཐེ་ཚོམ་མ་ཟ་དབྱིངས་སུ་གྲོལ། །གྲོལ་བས་ཡོན་ཏན་ཁྱད་པར་འཕགས། །སངས་རྒྱས་རྣམས་ནི་ཆགས་པ་ཆེ། །དུས་གསུམ་རྒྱུན་དུ་དབྱིངས་ལ་ཞེན། །སེམས་ཅན་རྣམས་ནི་རྟོག་པ་ཆེ། །རང་སྣང་གཅིག་ལ་གཞན་དུ་རྟོག །དབྱིངས་ལ་ཆགས་བྲལ་ཆགས་ཆེན་པོ། །མི་གནས་དོན་ལ་སྦྱོར་བའི་ཕྱིར། །ཡངས་ཤིང་རྒྱ་ཆེར་རབ་གསལ་བས། །ཀློང་གསལ་མར་མེ་མྱུར་དུ་༄༅ མཐོང་ མཐོང་བ་མེད་པའི་མཐོང་བ་ནི། །སྟོང་པ་ཉིད་ཀྱི་དོན་མཐོང་ཡིན། །བག་ཆགས་སད་ནས་མཐོང་བ་མིན། །རྒྱུན་ཆད་མེད་པའི་དོན་མཐོང་ཡིན། །སྒྲིབ་པ་ཟད་ནས་མཐོང་བ་མིན། །ཡེ་ཤེས་ཤར་ནས་མཐོང་བ་ཡིན། །བྱ་བྲལ་ཆོས་ཀྱི་སྙིང་པོ་ལ། །ཚིག་དང་ལོ་མས་མཚོན་དུ་མེད། །སྒྲ་དང་ཚད་མས་གཞིག་ཏུ་མེད། །དབྱིབས་དང་ཁ་དོག་མཐོང་དུ་མེད། །རྐྱེན་གྱིས་ཅིར་ཡང་འཆར་བའི་ཕྱིར། །སྣང་གྲག་ཆོས་ལ་བློ་མི་གཏོད། །ཞེན་ཡུལ་ལོགས་ན་མེད་པའི་ཕྱིར། །དངོས་པོ་རྫས་ལ་སེམས་མི་ཆགས། །རྐྱེན་གཞན་ལོགས་ན་མེད་པའི་ཕྱིར། །རང་གི་ཆོས་ལ་རང་གིས་སྤྱོད། །སྣང་ཐོས་ཀུན་དང་བྲལ་བའི་ཕྱིར། །སེམས་ཀྱི་གཞི་རྩ་ནང་དུ་བཅད། །རྣལ་འབྱོར་ལམ་ཆེན་ཡིན་པས་ན། །འགྱུ་བ་སྦོམ་ཕྲའི་ཐེ་ཚོམ་བཅད། །ཚད་དང་བྲལ་བ་ཡིན་པས་ན། །ཉམས་མྱོང་ཕྲ་མོའི་ཁར་མི་གཏོང་། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྒྲོ་འདོགས་ནང་དུ་བཅད་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱིས་དེ་ཉིད་ཀྱི་དགོངས་པ་མ་ནོར་བའི་དོན་དུ་གསུངས་པ། །དགོངས་པའི་ཞེ་ཕུགས་དོན་གྱི་གཅོད། །འདི་ལས་མ་གཏོགས་གྲོལ་བའི་ལམ། །གང་ནས་སུ་ཡིས་བཙལ་དུ་མེད། །རྨོངས་པམ་མ་རྟོགས་དོན་ཚོལ་བ། །དམུས་ལོང་མིག་ལ་འོད་ཚོད་འདྲ། །རང་བློས་བརྟགས་པའི་ལྟ་སྤྱོད་ཀྱིས། །ཡེ་ནས་གནས་པའི་དོན་འཚོལ་བ། །རིན་ཆེཞོ་གླིང་ན་རྡོ་འཚོལ་བཞིན། །གསེར་དང་ར་གན་ནོར་བས་བསླད། །གཟུང་དང་འཛིན་པ་འཁོར་བའི་རྒྱུ། །ཆོས་སུ་བརྟགས་པ་སྡུག་བསྔལ་ཡིན། །མཉན་བསམ་མང་པོ་གཡེང་བའི་རྒྱུ། །བསྒོམ་ཞིང་བསྒྲུབ་པ་བྱ་བྱེད་བློ། །དཀོན་མཆོག་གསུམ་པོ་བཏགས་པའི་མིང་། །ལམ་མཆོག་འདི་ལས་གཞན་ན་མེད། །མེད་པ་དེ་ཉིད་ཀུན་གྱི་ལམ། །སེམས་ཉིད་ཀློང་ཆེན་བླང་དོར་མེད། །མཐའ་རྣམས་མེད་ཅིང་དབུས་ཀྱང་མེད། །མཐའ་དབུས་བྲལ་བའི་ཆོས་ཉིད་ལ། །དགག་དང་བསྒྲུབ་པ་མེད་པའི་ཕྱིར། །སྐྱེ་མེད་ཀུན་ཤོང་ཡངས་པའི་ཀློང་། །འཁོར་བ་དག་དང་མྱ་ངན་འདས། །ཆོས་རྣམས་མ་ལུས་ཐམས་ཅད་ཀུན། །ཡེ་ནས་བྱ་བྲལ་ཀློང་དུ་དག །རིག་པའི་ཤར་ལུགས་ནམ་མཁའ་དང་། །ཆོ་འཕྲུལ་བཞིན་དུ་དབྱེར་མི་པྱེད། །འཁོར་འདས་བདེ་སྡུག་མ་ལུས་པ། །ཀློང་ཡངས་དཀྱིལ་འཁོར་གཅིག་ཏུ་གནས། །རང་རིག་རང་སྣང་བཙལ་བ་མེད། །དབྱིངས་ལ་རིག་པ་ཅིར་ཤར་ཡང་། །དབྱིངས་ཉིད་བལྟས་པས་ད་ལྟར་མཐོང་། །བདེ་གཤེགས་རྒྱལ་བའི་ཞིང་ཁམས་དང་། །ལོག་རྟོག་འཁྲུལ་བ་ལས་བྱུང་བའི། །དམྱལ་བའི་གནས་ཆེན་ཡན་ཆད་དུ། །ཤར་ཡང་རྒྱུ་གཅིག་ཆོས་ཉིད་ཀློང་། །མཉམ་ཉིད་གཅིག་ལ་ཅིར་ཤར་ཡང་། །བཀག་པ་མེད་པས་ཡངས་སོ་ཆེ། །བཙལ་དུ་མེད་པས་ཡེ་ནས་ཆེ། །སེམས་ཀྱིས་དབང་བསྒྱུར་འཁོར་འདས་ཆོས། །ཐམས་ཅད་ཀུན་ཀྱང་དམིགས་སུ་མེད། །སྐྱེ་མེད་ཀུན་ཏུ་བཟང་མོའི་དབྱིངས། །ཕྱོགས་མེད་རྐྱེན་གྱིས་ཅིར་ཤར་ཡང་། །འདོད་དགུར་འབྱུང་ཞིང་སྣང་བར་ཟད། ཁྲེས་རབ་རྣམ་གྲོལ་དག་པ་ལ། །ཡུལ་མེད་རིག་པ་ཀློང་དུ་གསལ། །བདག་རྟོག་དངོས་པོ་ནམ་མཁར་ཞི། །དངོས་པོར་བརྟགས་ཀྱང་སྟོང་པའི་ཀློང་། །ཡེ་ནས་འཛིན་པ་མེད་པ་ལ། །སྟོང་པ་ཉིད་དུ་གང་རྟོག་པ། །འཁོར་བའི་ས་བོན་བཏབ་པ་ཡིས། །རྒྱུ་འབྲས་ཟག་བཅས་གནས་སུ་གོལ། །འཁོར་འདས་གཉིས་སུ་སྣང་བ་ཡང་། །མཉམ་པའི་རྒྱལ་པོ་དེ་ལས་མེད། །དེ་བཞིན་ཉིད་ལ་འཁོར་འདས་དག །དག་དང་མ་དག་གཅིག་ལས་སྣང་། །སྣང་ཡུལ་ཞེན་པའི་ངོ་བོ་མེད། །སྟོང་པའི་ཕྱོགས་སུ་གང་འཛིན་པ། །དེ་བས་ཞེན་པའི་བདུད་དུ་སོང་། །རང་གི་མཚན་ཉིད་འཛིན་པ་དང་། །དངོས་པོར་འཛིན་པ་ལྡོག་པ་ལ། །སྟོང་པ་ཞེས་སུ་བཏགས་པར་ཟད། །རང་རིག་གཅིག་གི་ངོ་བོ་ལ། །སྟོང་དང་དངོས་པོའི་སྒྲོ་འདོགས་མེད། །སྡུག་བསྔལ་དྲག་པོས་གཟིར་བའི་དུས། །འཁོར་བའི་བཙོན་རར་གནས་ཙམ་ན། །བྱང་ཆུབ་སེམས་ཀྱི་རང་བཞིན་ལ། །སྡུག་བསྔལ་དེ་ཡི་མཚན་ཉིད་དང་། །བདེ་བར་སྣང་བའི་རྒྱུ་མཚན་མེད། །རང་རིག་དབང་དུ་འདུས་པ་དང་། །རང་བྱུང་ཡེ་ཤེས་མངའ་བརྙེས་པས། །ཐམས་ཅད་རྣམས་གྲོལ་ལམ་ཆེན་དེར། །གཅིག་ཏུ་འགྲོ་བར་ཐག་ཆོད་པས། །མཐོ་དམན་མེད་པའི་ལམ་ཡང་དེ། །བཟང་ངན་མེད་པའི་གནས་ཀྱང་དེ། །ཐམས་ཅད་དེ་རུ་ཐིམ་པའི་ཕྱིར། །འཁོར་བའི་གཡང་ས་བྱང་ཆུབ་སེམས། །དབྱིངས་ལ་གོལ་་མེད་པའི་ཕྱིར། །བདག་རྟོག་མཚན་ཉིད་ཡེ་ནས་མེད། །ནམ་མཁའི་ངང་དུ་ཀུན་གྲོལ་བས། །ནམ་མཁའ་དག་དང་ཆོ་འཕྲུལ་བཞིན། །མཚན་ཉིད་མེད་ལས་རྟོག་པ་འབྱུང་། །རང་བྱུང་རང་ཞི་ཤེས་བྱའི་བབས། །ངང་དུ་གྲོལ་ལོ་བྱ་བྲལ་ཀློང་། །སྣ་ཚོགས་སྣང་ཡང་བྱས་པ་མེད། །སྣ་ཚོགས་གཅིག་ལས་ཤར་བའི་ཕྱིར། །གཅིག་ཏུ་རང་ཞལ་རང་གིས་ལྟོས། །གཉིས་མེད་ཐུག་ཕྲད་གདམས་ངག་འདི། །སངས་རྒྱས་དགོངས་པ་མཛུབ་ཚུགས་ཡིན། །སེམས་ཀློང་གཅིག་ལས་མེད་པའི་ཕྱིར། །བྱང་ཆུབ་སེམས་ལས་ལོགས་ན་མེད། །སེམས་ཀྱི་གནས་ལུགས་ཡེ་གྲུབ་ལ། །ཆོས་ཉིད་ད་གདོད་བསྒྲུབ་ཏུ་མེད། །ནམ་མཁའ་འདྲ་སྟེ་ཡེ་ནས་གྲུབ། །ཨ་ཏི་བྱ་བཙལ་བྲལ་བའི་ཕྱིར། །འབྲས་བུ་གཞན་ལ་རག་མ་ལུས། ་ར་ལུགས་ཉི་ཟླའི་འོད་ལྟར་གསལ། །དགག་ཏུ་མེད་དེ་རང་གི་མཐུ། །ཡེ་ཤེས་མཐོང་གསལ་ཉོན་མོངས་དག །ཐེག་པའི་ཤན་ཕྱེད་གོལ་ས་གཅོད། །གཡང་ས་དབྱིངས་སུ་ཤུགས་ལས་དག །ཡིན་ལུགས་དམིགས་སུ་མེད་པའི་ཕྱིར། །དངོས་ཕོ་རྣམས་ཀྱི་ཀློང་བརྟོལ་ནས། །སྟོང་དང་དངོས་པོར་གོ་བཟློག་སྟེ། །དངོས་ཡིན་ཆེན་པོར་ལ་ཡང་བཟླ། །ཡེ་ཡིན་བཙལ་བའི་ཡུལ་ལས་འདས། ཆིགཆོདམཚནམའིཡུལམིགནས། །གྲོལ་ལུགས་རྒྱུན་ཆད་མེད་པ་ལ། །དུས་གསུམ་མཉམ་ཉིད་སྐྱེ་འགག་མེད། །ཐམས་ཅད་ཡེ་ནས་སངས་རྒྱས་ཀློང་། །སྐྱེ་ཤི་འཕོ་འགྱུར་མིང་ཡང་མེད། །ཕྱི་ནང་ཆོས་རྣམས་ཐམས་ཅད་ཀུན། །བདག་གཞན་གཉིས་སུ་མེད་པའི་ཕྱིར། །མཉམ་པའི་རིས་མེད་ཐིག་ལེའི་ཀློང་། །ཐམས་ཅད་བྱང་ཆུབ་སེམས་ཀྱི་དབྱིངས། །རང་བཞིན་གཅིག་ལས་གཡོས་པ་མེད། །མི་འགྱུར་བདེ་ཆེན་ཇི་བཞིན་ཀློང་། །གཞི་གནས་ཡེ་གྲོལ་བཙལ་མི་དགོས། །ཇི་ལྟར་བསྒོམ་ཞིང་རྩོལ་བ་ཡང་། །འབད་བ་བྱས་པས་མཐར་ལྷུང་སྟེ། །གཡང་ས་མེད་ལས་གོལ་ས་བྱུང་། །དེ་ཡང་འོག་མ་ནོར་བའི་ལམ། །བདག་ལས་གཞན་དུ་བོགས་འདོན་ལ། །རང་གི་ཆོས་ཉིད་རང་གིས་བསླད། །རི་དྭགས་སྨིག་རྒྱུ་བསྙེག་པ་དང་། །ལོང་བས་མཁའ་ལ་ཉུལ་བ་བཞིན། །རྙེད་དུ་རེ་སྟེ་མི་རྙེད་དོ། །འབྲས་བུ་ཡེ་ཤེས་ཚོགས་ནི་སེམས་ཉིད་དེ། །བསོད་ནམས་ཡེ་ཤེས་བྱང་ཆུབ་སེམས་ལ་རྫོགས། །སྤྱོད་པས་མི་འཛད་མ་བསགས་བྲི་བ་མེད། །ཀློང་ཡངས་ནམ་མཁའ་རྒྱ་མཚོ་ལྟ་བུ་ཡི། །ཚོགས་ཆེན་རྣམ་གཉིས་རང་ལ་རྫོགས། །རིག་པའི་ཤར་ལུགས་འཇིག་རྟེན་དང་། །འདས་པ་ལྟ་བུར་སྣང་མོད་ཀྱི། །གཉིས་ཀ་མ་སྐྱེས་འཁོར་བ་མེད། །འཁྲུལ་འཁོར་མེད་པས་འ་ས་ས་མེད། །བྱང་ཆུབ་སེམས་ཀྱི་གཞི་ནི་ནམ་མཁའ་འདྲ། །མི་འགྱུར་བརྟན་པའི་ཀློང་དུ་ཡེ་ནས་གནས། །སྐྱེ་མེད་ཡུལ་དང་བྲལ་བ་ལ། །སྨྲ་བསམ་རྟོག་པའི་མཐའ་ལས་འདས། །སོ་སོའི་མཚན་ཉིད་མི་གནས་པས། །སྒྱུ་མའི་ཀློང་ལྟར་ངོས་གཟུང་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། གས་གཉས་རང་རྫགས་ཀྱ་ འུ་ ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་མ་བཅོས་པའི་དགོངས་པ་འདི་བཀའ་སྩལ་ཏོ། །ཆོས་ཀྱི་དབྱིངས་ལ་མཐའ་དབུས་མེད། །མིང་གིས་མཚོན་པས་མཐའ་དང་དབུས། །ཆོས་ཀྱ་དབྱིངས་ལ་བདག་གཞན་མེད། །ཡུལ་གྱིས་པྱེ་བས་བདག་དང་གཞན། །ཆོས་ཀྱི་དབྱིངས་ལ་དམིགས་སུ་མེད། །གཞན་དུ་བཏགས་པས་དམིགས་དང་གནས། །ཆོས་ཀྱི་དབྱིངས་ལ་བཙལ་དུ་མེད། །བཙལ་དུ་མེད་པའི་དོན་དེ་ལས། །རང་བཞིན་གནས་པས་དེ་བཞིན་ཉིད། །དེ་ལ་སུས་ཀྱང་བཅོས་སུ་མེད། །མ་བཅོས་ཀློང་ན་མཉམ་པར་གནས། །བདེར་གཤེགས་ཀུན་གྱི་ཕོ་བྲང་སྟེ། །མྱ་ངན་འདས་པའི་ལམ་པོ་ཆེ། །ཆོས་ཀྱི་དབྱིངས་ལས་སྣ་ཚོགས་སྣང་། །གཞན་དུ་བསྐྱོད་པ་རྡུལ་ཙམ་མེད། །མ་བསྐྱོད་ཐབས་ཀྱི་རོལ་པ་ཡང་། །ཀུན་ཏུ་ཁྱབ་ལས་མཉམ་པའི་དབྱིངས། །སེམས་ཀྱི་ཀློང་ལས་གར་མ་གཡོས། །ཐོག་མར་སྐྱེ་བའི་གཞི་མེད་པས། །བྱང་ཆུབ་སེམས་ལ་རྩ་བ་མེད། །འཁོར་འདས་བྱུང་ས་མེད་པ་ལ། །རང་བྱུང་ཡིན་པས་གཞི་ནས་ཤར། །བར་དུ་གནས་པའི་ཡུལ་མེད་དེ། །རིག་པའི་ཀློང་དུ་ཐམས་ཅད་གནས། །ཐ་མར་འགྲོ་བའི་ཡུལ་མེད་དེ། །དབྱིངས་ཀྱི་ངང་དུ་ཐམས་ཅད་འགྲོ། །དེ་ལ་རང་རྒྱུད་སྦྱང་དུ་མེད། །གཞན་དུ་བཙལ་ཀྱང་ཆོས་མི་རྙེད། །འགྲོ་འོང་མེད་པ་དགོངས་པའི་ཀློང་། །དེ་ལ་གནས་པ་རྟོག་པའི་ངང་། །ཁམས་གསུམ་འཁོར་བའི་ཆོས་རྣམས་ཀུན། །ཡེ་ནས་སངས་རྒྱས་ཡིན་པ་ལ། །འཕྲལ་དུ་རྐྱེན་གྱིས་བསྒྱུར་དུ་མེད། །སངས་རྒྱས་པ་དང་དམྱལ་བའི་གནས། །རིས་སུ་གཅད་དུ་མེད་པ་ལ། །བྱང་ཆུབ་སེམས་སུ་གཅིག་པའི་ཕྱིར། །གཉིས་སུ་དབྱེ་བ་ཡོད་མ་ཡིན། །ཐམས་ཅད་མཉམ་པར་གནས་པ་ལ། །ཕྱོགས་འཛིན་མེད་པས་བདེ་ཀློང་ཡེན། ཁུད་དྲུག་འཁོར་བའི་གཡང་ས་ཡང་། །རང་ལ་གནས་པས་རང་དུ་དཔྱོད། །སེམས་ཅན་གུད་ན་ཡོད་མ་ཡིན། ཁྲེས་བྱ་རང་གི་ཆོས་ཉིད་བབ། །དེ་ལ་ཆགས་སྡང་སྐྱེ་རྒྱུ་མེད། །དངོས་པོ་ཡུལ་དུ་ཅིར་མི་གནས། །དངོས་པོ་མེད་པས་ཆེ་ཆུང་དང་། །བརྟགས་པས་ཡུལ་དུ་མཐོང་བ་མེད། །རྒྱལ་བ་རྣམས་ཀྱི་དགོངས་པ་ཡང་། །མཉམ་པ་ཉིད་ཀྱི་དབྱིངས་ལ་སྦྱོར། །མཉམ་པའི་དབྱིངས་ལས་ཅིར་ཡང་འབྱུང་། །ནོར་བུ་རིན་ཆེན་ཡོན་ཏན་གཏེར། །སུས་ཀྱང་མ་བསྐྱེད་དབྲི་བསྣན་མེད། །འཕེལ་འགྲིབ་མེད་ཅིང་འཕོ་འགྱུར་མེད། །ཡོད་མེད་འཛིན་དང་བྲལ་བའི་ཕྱིར། །ཡེ་ནས་དབྱེར་མེད་ཟང་ཐལ་ཀློང་། །ཐམས་ཅད་རང་བྱུང་རང་ཤར་ལ། །ངེསམེདཆེན་པོ་མཐའ་དང་བྲལ། །འདི་ལ་ཏིང་འཛིན་བཙལ་དུ་མེད། །སྤྱོད་པ་བདེ་དང་མི་བདེ་བྲལ། །རང་བཞིན་གཡོས་པ་མེད་པ་ལ། །ལྟ་བ་ཀློང་ཆེན་ནམ་མཁར་བཏགས། །སྐྱེ་མེད་དབྱིངས་ལས་ཐམས་ཅད་སྐྱེས། །སྐྱེ་བའི་ཆོ་འཕྲུལ་སྐྱེ་མེད་རྒྱན། །དེ་བཞིན་ཉིད་ལས་མ་གཡོས་པར། །རོལ་པ་སྐྱེ་བ་ལྟར་སྣང་ཡང་། །འཕོ་འགྱུར་མེད་པས་སྐྱེ་མེད་ངང་། །འཇིག་འབྲལ་མེད་པས་རྡོ་རྗེའི་ཀློང་། །ཅིས་ཀྱང་མི་ཤིགས་འདུ་འབྲལ་མེད། །དབྱིངས་ལ་འདུ་འབྲལ་མེད་པའི་ཕྱིར། །ཕྱི་ནང་མེད་པས་ཤར་ནུབ་མེད། །དངོས་གཞི་མེད་པས་འཁོར་འདས་མེད། །རྒྱུ་འབྲས་མེད་པས་དགེ་སྡིག་མེད། །དེ་སྟེ་དགེ་སྡིག་མཚན་མའི་ཆོས། །གློ་བུར་ཡིན་ཕྱིར་དོན་དུ་མེད། །རྒྱུ་འབྲས་དབྱེར་མེད་ཐིག་ལེ་ཆེ། །རྩ་བ་མེད་པའི་བྱང་ཆུབ་སེམས། །ཐམས་ཅད་རང་སེམས་རིག་པའི་རྒྱན། །ཡང་དག་ལམ་གཅིག་བདེ་བའི་མཆོག །བདེ་ཆེན་ལམ་ལ་འཇུག་ལྡོག་མེད། །དབྱིངས་ལ་དབྱིངས་ཤར་རིག་པའི་སྟོབས། །མི་རྟོག་བསྒོམ་པ་བཟང་རྟོག་ཡིན། །རྣམ་པར་རྟོག་དང་ཁྱད་མེད་དེ། །གཉིས་ཀ་བཟང་ངན་མེད་པར་མཉམ། །དེ་ཡང་རིག་པ་རང་གི་སྟོབས། །དེ་ལ་བསྒོམ་དང་མ་བསྒོམས་དང་། །གཉིས་སུ་ལྟ་བའི་ཆོས་མེད་དེ། །གཉིས་མེད་རང་གྲོལ་ཡེ་ཀློང་དང་། །ཁམས་གསུམ་སྣང་སྲིད་མ་ལུས་པ། །སེམས་ཀྱི་རང་བཞིན་དངོས་ཡིན་པས། །བྱང་ཆུབ་སེམས་ཀྱི་ཀློང་དུ་གྲོལ། །མཉམ་པའི་ཀླུང་ལ་ངང་གིས་གནས། །འདི་ལྟར་སྣང་བའི་དངོས་པོ་ཀུན། །གདོས་པ་ཅན་གྱི་ཆོས་མིན་ཏེ། །བྱང་ཆུབ་སེམས་ཀྱི་རོལ་པ་ཡིན། །སེམས་ནི་རང་རིག་སྐྱེ་མེད་དེ། །ཡུལ་དང་ཡུལ་ཅན་མཐའ་ལས་འདས། །སྐྱེ་མེད་དབྱིངས་ལ་ཟད་མཐའ་མེད། །ནམ་མཁའི་དབྱིངས་ལ་ཐུག་པ་མེད། །གཟུང་འཛིན་ཡུལ་ལ་འཕྲོ་ས་མེད། །སྐྱེ་མེད་དབྱིངས་ལས་ཐལ་དྲགས་པས། །བསམ་ལས་འདས་པས་ཡུལ་མེད་གསལ། །ཕྱོགས་དུས་ཡུལ་དང་དབང་པོའི་ཆོས། །ལྷུན་གྲུབ་ཀློང་དུ་ཡེ་ནས་མཉམ། །ཐིག་ལེ་གཅིག་ལ་དབྱེར་མི་ཕྱེད། །ཀློང་ཆེན་གཅིག་གི་རང་བཞིན་ལ། །ཀློང་ཕྲན་མཐའ་ཡས་ཀུན་ཤར་ཡང་། །ཀུན་ནས་ཟླུམ་པས་དབྱེ་བསལ་མེད། །དེས་ན་འགྲོ་བ་ཐམས་ཅད་ཀྱི། །ལམ་ཆེན་བྱང་ཆུབ་སེམས་ཀྱི་ཀློང་། །བྱང་ཆུབ་སེམས་ཀྱི་ཀློང་ཆེན་ལ། །གདགས་གཞི་ཕྱོགས་སུ་མ་གྲུབ་ཀྱང་། །གདགས་བྱ་ཅིར་ཡང་མ་འབབ་པས། །བཏགས་ལྟར་སྣང་བས་དབྱིངས་ཞེས་བྱ། །གཞི་མེད་ཆོས་ལ་བཏགས་པའི་ཕྱིར། །དེ་ལ་ཟད་མཐའ་ག་ལ་ཡོད། །མཁའ་འདྲ་རིན་ཆེན་གཏེར་བཞིན་དུ། །ངོ་བོ་ཉིད་ཀྱིནུས་མཐུ་ཡིས། །ཅིར་ཡང་སྣང་ལ་རང་བཞིན་མེད། །དམིགས་སུ་མེད་ཅིང་ཡུལ་ལས་འདས། །སྤྱོད་ཡུལ་མེད་ཅིང་འདི་འདྲར་མེད། །བསྟན་དུ་མེད་ཅིང་དཔྱད་དུ་མེད། །སྐྱེ་འགག་མེད་ཅིང་བརྗོད་བྱ་མེད། །མཐའ་ལས་འདས་པས་རང་བཞིན་མེད། །མཐའ་མེད་བྱང་ཆུབ་སེམས་ཀྱི་ཀློང་། །རང་བྱུང་ཡེ་ཤེས་ཀློང་དཀྱིལ་ནས། །སྟོན་པ་བསྟན་པ་འཁོར་དུས་གནས། །ཕུན་སུམ་ཚོགས་པར་བཏགས་པ་ཀུན། །སྣ་ཚོགས་ཆོས་ལ་དབང་བསྒྱུར་བ། །རང་གི་མཐུ་ལས་ཡེ་ནས་ཤར། །ཐེག་དགུ་སྐུ་གསུམ་བསྟན་པ་ཡང་། །གདུལ་བྱའི་བློ་ལ་ཐ་དད་ཀྱང་། །བྱང་ཆུབ་སེམས་གཅིག་ཡོན་ཏན་ལས། །ཕྱེ་བས་དགུ་དང་གསུམ་དུ་བྱུང་། །གདུལ་བྱའི་ཞིང་དང་འདུལ་བྱེད་དང་། །གཉེན་པོ་ཡེ་ཤེས་ཕྲ་རགས་དང་། །བརྒྱད་ཁྲི་བཞི་སྟོང་ཐེག་པའི་གྲངས། །མཉམ་པའི་ཀློང་ལས་མ་གཡོས་ཏེ། །ཐ་དད་མེད་པར་དབྱིངས་སུ་གཅིག །མདོ་སྡེ་འདུལ་བ་མངོན་པ་དང་། །སྡེ་སྣོད་གསུམ་ལ་སོགས་པ་ཡི། །བསྟན་པ་རབ་འབྲིང་ཐ་མ་ཡང་། །ལོགས་སུ་བཏགས་པ་འཁྲུལ་པའི་རྒྱུ། །ཅིར་སྣང་ཆོས་ཀྱི་དབྱིངས་ཉིད་ལས། །གཞན་དུ་འགྱུར་བ་མེད་པའི་ཕྱིར། །དབྱིངས་ཉིད་གཅིག་གིས་ཀུན་བྱས་ཏེ། །བྱེད་མཁན་རང་ལ་དངོས་གཞི་མེད། །ཅིར་ཡང་བྱར་མེད་རིག་པའི་ཀླུང་། །བྱས་དང་མ་བྱས་མཉམ་པའི་ཀློང་། །མཉམ་དང་མ་མཉམ་གཉིས་མི་དམིགས། །དེ་བཞིན་ཉིད་ལ་ཡུལ་མད་པས། །ཡུལ་ཅན་རྫས་སུ་གྲུབ་པ་མེད། །སྣ་ཚོགས་ཆོས་ལ་སོ་སོར་བཏགས། །ཆོས་ཉིད་གཅིག་པུ་ཡེ་ནས་དབེན། །སྣང་ཞིང་སྲིད་པ་མ་ལུས་དང་། །ཁམས་གསུམ་འདི་དག་ཐམས་ཅད་ཀུན། །བདེ་ཆེན་བྱང་ཆུབ་སེམས་ལས་སྤྲོས། །བྱང་ཆུབ་སེམས་ལས་སྤྲོས་མེད་པས། །ཐམས་ཅད་ཐེག་ལེ་གཅིག་གི་ཀློང་། །ཐིག་ལེ་ཀློང་ཆེན་གདལ་བ་ལ། །ཕྲ་བའི་ཀློང་ཕྲན་བཞི་བྱུང་སྟེ། །བྱང་ཆུབ་སེམས་ཀྱི་གནས་ཡིན་ཏེ། །ཅིར་ཡང་གནས་ཤིང་ཅིར་ཡང་བལྟ། །ལྟ་བ་ཕྱོགས་མེད་ཀློང་ཆེན་ཡིན། །བྱང་ཆུབ་སེམས་ཀྱི་ཤར་ལུགས་དེ། །ཅིར་ཡང་ཤར་ཞིང་ཅིར་ཡང་སྤྱོད། །སྤྱོད་པ་ངེས་མེད་ཀློང་ཆེན་ཡིན། །བྱང་ཆུབ་སེམས་ཀྱི་ཡིན་ལུགས་དེ། །ཅིར་ཡང་ཡིན་ལ་ཅིར་ཡང་བསྒོམ། །བསྒོམ་པ་དམིགས་མེད་ཀློང་ཆེན་ཡིན། །བྱང་ཆུབ་སེམས་ཀྱི་གྲོལ་ལུགས་དེ། །ཅིར་ཡང་གྲོལ་ལ་ཅིར་ཡང་གྲུབ། །འབྲས་བུ་བསྒྲུབ་མེད་ཡེ་གྲུབ་ཀློང་། །གཅིག་ལས་བཞི་རུ་བྱུང་བས་ན། །རང་བྱུང་རང་ཤར་ཡོན་ཏན་ཡིན། །གཅིག་གི་ཀློང་ནས་་ཀུན་ཤར་བས། །དབྱེར་མེད་གཅིག་ཏུ་འདུས་པའི་ཕྱིར། །གཉིས་འཛིན་ཐ་དད་ཀློང་དུ་ཟད། །ལུས་སེམས་གྲུབ་དང་མ་གྲུབ་མེད། །སྔ་ཕྱི་མེད་པར་མཉམ་པ་ལས། །མ་སྐྱེས་སྐྱེས་མཉམ་གཞི་རྩ་མེད། །བག་ཆགས་བསགས་དང་མ་བསགས་པའི། །ཆགས་པའི་གནས་ལ་རྟེན་མེད་པས། །ནམ་མཁའི་ཚུལ་དུ་རང་བྱུང་བའོ། །དོན་ལ་འདི་ཞེས་བྱ་བའི་ཆོས། །དམིགས་གཏད་བཅའ་བ་མེད་མོད་ཀྱང་། །སྣང་གྲགས་ཆོས་ཀུན་རང་རྒྱུང་བས། །སྟོང་ཉིད་དབྱིངས་ཀྱི་རྒྱན་དུ་ཆེ། །བྱུང་ཆོར་བསམ་གྱིས་མི་ཁྱབ་ཀྱང་། །དེ་ཉིད་དབྱིངས་སུ་དབྱེར་མེད་པས། །རང་བྱུང་རང་ཞི་རང་གི་མཐུ། །དེས་ན་དེ་ལས་ཉམས་པ་མེད། །དོན་ལ་གཡོས་པ་མེད་པའི་ཕྱིར། །རྩེགཅིགབཞགཔས་སངས་རྒྱས་སར འགྲོ་བ་མེད་དེ་ཡེ་སངས་རྒྱས། །དེས་ན་གཡོ་འགུལ་མེད་པའི་ཕྱིར། །སངས་རྒྱས་ས་ལ་རང་བཞིན་གནས། །གཡོ་དང་མི་གཡོའི་ཐ་སྙད་ཀྱང་། །མཚོན་པ་ཙམ་དུ་བཏགས་པ་ལས། །རང་གི་ངོ་བོ་བརྗོད་ལས་འདས། ཁྲེན་ཏུ་གཏིང་རིང་དཔག་དཀའ་བས། །ཡངས་ལ་གཏིང་ཟབ་ནམ་མཁའི་ཀློང་། །ནམ་མཁའི་ཀློང་ལ་ཁ་གཏིང་མེད། །རང་གསལ་རིག་པ་ཕྱི་ནང་མེད། །ཇི་ལྟར་དངོས་གཞི་མེད་པའི་ཕྱིར། །དཔེས་མཚོན་འབྱུང་ཆེན་ནམ་མཁའ་ལ། །ཡོད་དང་མེད་ཅེས་གདགས་སུ་མེད། །སྒྲོ་སྐུར་བྲལ་བའི་ཆོས་ཉིད་ལ། །བཟང་ངན་གཉིས་ཀྱི་ནད་དང་བྲལ། །གོང་བཞིན་སེམས་ཉིད་ནམ་མཁའ་ལ། །བཙལ་དུ་ཡོད་དང་མེད་པའི་མཐའ། །དམིགས་པའི་ཡུལ་དང་བྲལ་བ་སྟེ། །ཡུལ་མེད་དེ་ལ་དམིགས་པའང་མེད། །མི་བཙལ་རང་བཞིན་ཀློང་དུ་བཞག །བྱ་བྲལ་དབྱིངས་ཀྱི་ངང་དུ་ཐིམ། །གཞག་དང་མ་བཞག་ཐ་སྙད་མེད། །མི་བསམ་མི་བརྟག་རང་ལུགས་ལ། །རྟོག་པ་ཅི་སྐྱེས་མི་འགག་པས། །གཞག་ཏུ་མེད་པའི་གཞག་ཐབས་ཡིན། །མ་བཞག་འགྲོ་འོང་མེད་པས་ན། །རིག་པ་རང་ས་ཟིན་པའི་ཕྱིར། །བསྒོམ་དུ་མེད་པའི་བསྒོམ་ཐབས་ཡིན། །ལུབུ་འཕྲིགས་ཡིད་གཉིས་མི་ཟ་བས། །བཅོས་སུ་མེད་པའི་བཅོས་ཐབས་ཡིན། །ཆོས་ཉིད་མ་དང་འཕྲད་པའི་ཕྱིར། །འགྱུར་མེད་གནད་ལ་ཕེབས་པ་ཡིན། །བསམ་ཡས་སྣང་ཡང་དེ་ལ་སྣང་། །དེར་སྣང་གཞན་དུ་མ་༄༅ མཐོང་བས། །ཡོན་ཏན་རང་ལ་་་་་་་རྫོགས་པ་སྟེ། །དེ་ལས་གཞན་དུ་ཅི་ཡང་མེད། །མེད་པའི་དོན་ལ་མི་བལྟ་སྟེ། །བལྟས་དང་མ་བལྟས་གཉིས་སུ་མེད། །རང་སར་གྲོལ་བས་ཆོས་ཉིད་ཀློང་། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། བྱང་ཆུབ་ཀྱི་སེམས་གཞི་རྩ་མེད་པར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་དགོངས་པའི་དོན་མ་ནོར་བར་གསུངས་པ། མི་དམིགས་མི་བཙལ་དེ་བཞིན་ཉིད། །དེ་ལས་གཞན་དུ་མི་འགྱུར་ན། །འཛིན་ཆགས་སྐྱོན་གྱིས་དེ་མི་གོས། །རང་གི་ཤེས་རིག་དམ་པ་ལ། །གཟའ་གཏད་བཅའ་བའི་ཡུལ་མེད་པས། །ཆགས་སྡང་གཉིས་ཀྱི་བློ་མི་སྐྱེ། །བསམ་པའི་ཡུལ་དང་བྲལ་བ་ལ། །བསྒོམ་དང་མི་བསྒོམ་མེད་པའི་ཕྱིར། །རྟོགས་པའི་ཀློང་ལས་ཉམས་པ་མེད། །ཆོས་ཅན་ཆོས་ཉིད་གཅིག་པ་ལ། །དབྱེ་བསལ་བླང་དོར་མེད་པའི་ཕྱིར། །འཕྲུལ་པའི་རྗེས་སུ་མི་འབྲང་སྟེ། །མཚན་བཅས་མཚན་མེད་བསྒོམ་པ་ལ། །དམིགས་པར་བྱ་བའི་ཡུལ་མེད་པས། །རྟོགས་དང་མི་རྟོག་དབྱེ་བསལ་མེད། །དང་དུ་བླང་རྒྱུ་མེད་པ་ལ། །བོར་བར་བྱ་བའི་ཡུལ་མེད་པས། །བཏང་སྙོམས་ལེ་ལོའི་ཁར་མ་ལུས། །འདོད་ཆགས་ཞེ་སྡང་གཏི་མུག་ཀྱང། །བདེབཆེནཔོའིརྒྱནཡིན་པས། །ཆགས་སྡང་རྩད་ནས་གཅད་དུ་མེད། །གྲོལ་དང་མ་གྲོལ་བློ་ཡིན་ཏེ། །འཛིན་པའི་རྟོག་པ་ཡིན་པའི་ཕྱིར། །གཟུང་འཛིན་མེད་ན་འཆིང་གྲོལ་མེད། །འཛིན་པའི་དགྲ་རུ་གྲོལ་བ་ཆེ། །གྲོལ་བས་གྲོལ་ན་རང་ཡིན་པས། །མ་གྲོལ་བས་ཀྱང་གྲོལ་བར་རིགས། །གཉིས་འཛིན་རྟོག་པའི་བྱེ་བྲག་དེ། །རང་སྣང་གཅིག་གི་སྟོབས་ལས་བྱུང་། །རྟོགས་པས་གྲོལ་བ་ཡིན་པའི་ཕྱིར། །མ་རྟོགས་པས་ཀྱང་གྲོལ་བར་རིགས། །རང་སྣང་གཅིག་ཏུ་འདྲ་བའི་ཕྱིར། །བྱང་ཆུབ་སེམས་ལ་འཆིང་གྲོལ་མེད། །འཆིང་གྲོལ་མཉམ་པའི་ཆོས་ཉིད་ལ། །རྟོགས་དང་མ་རྟོགས་ཡེ་ནས་མེད། །མཉམ་ཉིད་དགྲ་རུ་རྟོག་པ་ཆེ། །མ་རྟོགས་སྐྱོན་དུ་བལྟ་བའི་ཕྱིར། །མཉམ་པ་རིས་མེད་དོན་ལས་ཉམས། །ཉམས་སུ་བླངས་ཀྱང་མཉམ་བྱེད་ལ། །མ་བླངས་བཞག་པ་རྟོགས་པའི་བློ། །ཀློང་ལ་ཅི་དང་ཅིར་ཤར་ཡང་། །བཟང་རྟོག་ངན་རྟོག་ཕྱོགས་སུ་འདྲ། །ལུས་འཆོས་སེམས་འཆོས་ཉམས་མྱོང་རྟེན། །མཉམ་པ་ཉིད་ལ་འཆོས་པ་དེ། །ནམ་མཁའ་བཟོ་ཡིས་འཆོས་པ་བཞིན། །གཉིས་སུ་འཛིན་པའི་དགྲ་རུ་ཆེ། །རིམ་པ་བརྒྱད་ཀྱི་ལྟ་སྒོམ་ཡང་། །འབད་རྩོལ་བྱས་ནས་སངས་རྒྱས་འདོད། །སངས་རྒྱས་དགོངས་པ་མཉམ་ཉིད་ལ། །མི་རྟོག་རྟོག་པ་དགྲར་ལངས་པས། །མཉམ་ཉིད་མཐའ་རུ་ལྷུང་བའི་ཕྱིར། །དགྲ་བོ་བསད་པའི་ལས་བྱས་ན། །སྐྱོན་ཡོན་གཉིས་བསྡུས་ཆོས་རྣམས་ཀུན། །མཉམ པ ཆེནཔོརཀུན འདུས་ཏེ། །རང་རིག་ཀློང་དུ་གནད་བཅད་ནས། །སྐྱེ་མེད་དོན་ལ་ངོ་སྤྲད་པས། །དགྲ་དང་གཉེན་ལ་ཆགས་སྡང་མེད། །ཐམས་ཅད་བྱང་ཆུབ་སེམས་སུ་གཅིག །དགྲ་དང་བུར་མཉམ་གསེར་དང་རྡོ། །གང་ནས་གཞལ་ཡང་མཉམ་པའི་ཕྱིར། །མཉམ་པའི་དོན་ལས་གཡོས་པ་མེད། །མཉམ་པའི་དོན་ལས་མ་གཡོས་པས། །དེ་ལ་བཟང་ངན་མེད་པའི་ཕྱིར། །ཐམས་ཅད་སངས་རྒྱས་མ་རྒྱས་མེད། །ཅི་སྟེ་སྐྱེ་འགག་མེད་པར་གཅིག །ཐ་དད་སྣང་ཡང་མ་སྐྱེས་པས། །སྐྱེ་མེད་ཀློང་དུ་དབྱེ་བསལ་མེད། །ཀློང་ཆེན་གཅིག་པོ་ཀུན་ཡིན་པས། །ཐམས་ཅད་ཀུན་གྱི་དངོས་གཞིར་ཤར། །ཕྱོགས་འཛིན་གང་ཡང་མ་སྤངས་པས། །ཕྱོགས་མེད་ཀུན་ཏུ་ཤར་བ་ཡིན། །ཟང་ཐལ་ཡིན་པས་ཀུན་ཏུ་ཤར། །མུ་མཐའ་མེད་པ་ཆོས་ཀྱི་དབྱིངས། །རང་བྱུང་ཡེ་ཤེས་རྒྱ་ཆད་མེད། །རང་བཞིན་གཅིག་ལ་མཐའ་མེད་པས། །བྱང་ཆུབ་སེམས་ལ་རྒྱ་ཆད་མེད། །མེད་པའི་ཕྱོགས་སུ་མ་འགགས་པས། །སྟོང་པ་ཉིད་དུ་ལྟ་བར་བྱེད། །རང་བཞིན་འཕོ་འགྱུར་མེད་པའི་ཕྱིར། །སྟོང་པར་འཛིན་པ་བླུན་པོའི་ཚིག །དངོས་པོར་འཛིན་ན་ལོག་སྲེད་ཅན། །བལྟ་བྱ་ལྟ་བྱེད་གཉིས་སུ་མེད། །གཉིས་མེད་མཉམ་པའི་ཀློང་དུ་གྲོལ། །མཉམ་པ་ཉིད་ལ་ལྟ་བྱེད་ན། །མི་མཉམ་སྤངས་པས་ལོག་རྟོག་སྟེ། །དེ་ཡང་གཉིས་སྣང་ཞབྲུལ་པའི་བློ། །ཅིར་ཡང་མ་འགགས་ཕྱོགས་མེད་པས། །མཉམ་དང་མི་མཉམ་མཐའ་ལས་གྲོལ། །རང་རིག་ཞབྲུལ་པའི་གཟུང་འཛིན་གྱིས། །ཕྱོགས་འཛིན་མཐའ་ལ་སྤྱོད་པ་ནི། །རྙེད་པར་མི་འགྱུར་ཚི་ཆད་ནས། །བཙལ་བའི་སྤྱོད་ཡུལ་ཀུན་ལས་འདས། །བསམ་པའི་ཡུལ་དུ་སྣང་བ་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དོན་མཉམ་པ་ཉིད་དུ་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་དགོངས་པའི་དོན་མ་ནོར་བའི་དོན།།འཁོར་རྣམས་ལ་བཀའ་སྩལ་བ། བྱང་ཆུབ་བདེ་བའི་ཀློང་ཆེན་ན། །ལོག་རྟོག་འཁྲུལ་པསབརྟགས་ནས་ནི། །རྒྱུ་དང་འབྲས་བུའི་དོན་རྟོགས་པ། །ཡང་དག་གནས་སུ་དེ་མི་སྐྱོལ། །དོན་མཐོང་ལམ་ནས་ལོག་པ་བཞིན། །རང་གི་སྣང་ཚུལ་མ་ཤེས་པས། །རྒྱུ་རྐྱེན་མེད་ལ་དེ་ཡང་བསྒྲིབ། །རང་བཞིན་གཡོ་འགུལ་མེད་པ་ལ། །དེ་ལྟར་དེ་བཞིན་གནས་པ་ནི། །ཇི་ལྟར་གནས་ཀྱང་རང་གི་སེམས། །གཞན་དུ་སྣང་བ་རྡུལ་ཙམ་མེད། །རང་ལས་མ་གཏོགས་གཞན་ཞིག་ཏུ། །གུད་དུ་ཅིར་ཡང་བཙལ་དུ་མེད། །སྟོང་པའི་བློ་དང་མཚན་མའི་རྟགས། །དུས་རྣམས་རྟག་ཏུ་དབྱེར་མེད་པས། །དེ་ལྟར་དེ་བཞིན་གནས་པས་ནི། །ཇི་ལྟར་གནས་ཀྱང་བྱང་ཆུབ་སེམས། །སྟོང་པའི་བཞག་ས་ལོགས་ན་མེད། །གཉིས་མེད་རིག་པའི་དོན་དེ་ལ། །ཉམས་སུ་བླངས་དང་མ་བླངས་བློ། །བ་མསཔསམཚན་མའི་ ང་མི་ཟློག །དེ་ཉིདརངབཞིན ཞིརབ ལ། །སངས་རྒྱས་ མས་ཀྱིས་ཅི་ལ་བ བས། །གང་ཡང་དམིགས་སུ་མེད་པ་ལ། །སེམས་ཅན་བླང་དོར་ཅི་ལ་བྱེད། །ཏིང་འཛིན་རོ་ལ་མི་ཆགས་ཤིང་། །ཆགས་སྡང་གནས་ནས་མི་སྐྱེ་བ། །དེ་ཡི་རང་བཞིན་རྟོགས་ལས་བྱུང་། །སངས་རྒྱས་སེམས་ཅན་གཉིས་མེད་ལ། །འཁོར་འདས་བཟང་ངན་མི་འབྱེད་པ། །དེ་ཡི་ངང་ངམ་ཤུགས་ལས་འབྱུང་། །ས་དང་ལམ་ལ་མ་བགྲོད་ཀྱང་། །དེ་བཞིན་ཉིད་ལས་མ་གཡོས་པས། །ཅིར་སྤྱད་ཟག་པ་མེད་ལས་འབྱུང་། །ཅིར་ཡང་མི་སྣང་མི་དམིགས་དང་། །གང་ཡང་མ་མཐོང་ཅིར་མི་བསྒོམ། །ངེས་པའི་དོན་ལ་བལྟས་པས་གསལ། །སངས་རྒྱས་རྣམས་ཀྱི་གྲུབ་པའི་མཐའ། །སྐྱེ་འགག་མེད་པའི་དོན་འདི་ཉིད། །རྒྱལ་བ་ཀུན་གྱི་ལམ་པོ་ཆེ། །འདི་ལས་གཞན་པའི་དགོངས་པ་ནི། །སངས་རྒྱས་རྣམས་ལ་ཡོངས་མི་མངའ། །དགོངས་པ་འདི་ལས་ཐམས་ཅད་འབྱུང་། །འཕགས་པའི་ཡུལ་དང་གནས་ཀྱང་གསལ། །སེམས་ཅན་ལུས་དང་བག་ཆགས་ཀྱང་། །འདི་ལ་རྟེན་བཅས་སྣང་བ་ཡིན། །ཐེག་པའི་ཁྱད་པར་ཇི་སྙེད་པ། །དེ་ཡི་མཐུ་ལས་བྱུང་བ་ཡིན། །མཆོག་ཏུ་གསང་བའི་ཆོས་ཉིད་འདི། །ཞིབ་ལ་ཕྲ་སྟེ་བརྟག་དཀའ་བས། །དམིགས་ཤིང་བསམ་པའི་ཡུལ་མ་གྲུབ། །བསྒོམ་ཞིང་བསྒྲུབ་པའི་ཁར་མ་ལུས། །སེམས་ཀྱི་ངང་ལ་བསམ་དུ་མེད། །རང་བྱུང་ཡེ་ཤེས་བསྒྲུབ་མི་དགོས། །ནམ་མཁའི་ཀློང་ལ་བཟོ་བྱར་མེད། །རྒྱལ་སྲས་རང་དུ་སྣང་བའི་ཕྱིར། །འདི་ལ་འབྲས་བུ་ཐོབ་ཏུ་མེད། །དོན་གྱི་ངོ་བོ་གཞན་མིན་པས། །རྣམ་ཐར་ལམ་དུ་འཇུག་མི་དགོས། །ཐུགས་རྗེ་ཤུགས་ཀྱིས་འབྱུང་བས་ན། །རེ་བའི་ལམ་ལ་བཙལ་མི་དགོས། །ཆགས་སྡང་གནས་ལས་མ་འཕགས་པག །གཟུང་དང་འཛིན་པའི་སྟེགས་བཅས་ནས། །ཕྱོགས་མེད་འབྲས་བུ་འདོད་པ་ནི། །ཁྱི་རྒན་འདབ་ཆགས་བསྙེག་པ་བཞིན། །ཟབ་མོའི་དགོངས་པ་འཆར་མི་འགྱུར། །རྣམ་པར་མི་རྟོག་དོན་འཚོལ་ནས། །སྣང་བ་རིས་སུ་བོར་བས་ནི། །སྟོང་པའི་ཕྱོགས་སུ་ཁ་ལྟ་བ། ཁུས་མེད་ལམ་དུ་ཞུག་པ་བཞིན། །གཡས་སུ་ཕྱིན་པས་གཡོན་དུ་འཁྱོག། །མི་རྟོག་འདོད་པ་རྟོག་པའི་ནད། །འཁོར་བའི་བཙོན་ར་དམ་པོར་འ་ས། །བཅོས་པར་དཀའ་ལ་ལྷུང་ཚབས་ཆེ། །དེས་ན་ཅིར་ཡང་བསྒོམ་མི་བྱ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། །མི་རྟོག་པ་བསྒོམ་དུ་མེད་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་དགོངས་པ་མ་ནོར་བའི་དོན་འདི་གསུངས་སོ། །འདི་ཞེས་དམིགས་སུ་མེད་པ་དང་། །མཚན་མའི་ཡུལ་ལས་འདས་པ་ཡི། །ནམ་མཁའ་ལྟ་བུའི་ཆོས་ཉིད་དེ། །ཀུན་ལ་གསལ་སྙོམས་ཉི་ཟླའི་འོད། །གཏི་མུག་མུན་པ་སེལ་བ་ཡི། །སྒྲོན་མ་ལྟ་བུའི་བྱང་ཆུབ་སེམས། །ཐ་རམ་སྒོ་ལྕགས་དམ་པོ་དེ། །འབྱེད་པར་བྱེད་པའི་ལྡེ་མིག་སྟེ། །འཕྲུལ་ཆེན་གསང་བའི་སྒོ་ཕྱེ་ནས། །སྐུ་གསུམ་ནོར་བུའི་གཏེར་མཛོད་བསྟན། །དེ་མཐོང་རྒྱལ་བ་རྣམས་དང་མཉམ། །རྣམ་ཐར་འབྱུང་བའིཀློང་ཆེན་འདི། །མཆོག་གི་དགོངས་པ་ཟབ་མོ་སྟེ། །དམན་པའི་ཐེག་པས་འདི་མི་མཐོང་། །ཐེག་མཆོག་ཤིན་ཏུ་ཡངས་པའི་ཆོས ཟབ་པར་གྱུར་བས་གཟུང་དུ་མེད། །བཟུང་བས་མི་ཟིན་ཆུ་ཟླ་བཞིན། །ཀུན་སྙོམས་ཀུན་འབྱུང་ནམ་མཁའི་ཀློང་། །རྫོགས་ཆེན་བྱ་བྲལ་ཡངས་པའི་ཆོས། །སྙིང་པོའི་ངང་ལ་བྱ་བཙལ་བྲལ། །རང་སེམས་རྣམ་དག་མཁའ་དབྱིངས་ཀློང་། །མཚན་ཉིད་དེ་མཐོང་རྒྱལ་བའི་སྲས། །ཐམས་ཅད་ཀུན་ཏུ་བཟང་པོའི་ཀློང་། །ཅིར་སྣང་ཀུན་ཏུ་བཟང་པོའི་མཁའ། །མཁའ་དབྱིངས་དག་པའི་ཀློང་དཀྱིལ་དེ། །འཁོར་འདས་རྣམས་ཀྱི་འགྲོ་ས་ཡིན། །རྫོགས་སོ་རྫོགས་སོ་འདི་རུ་རྫོགས། །འདི་ལ་ཐམས་ཅད་མ་ལུས་རྫོགས། །འདུས་སོ་འདུས་སོ་འདི་ལ་འདུས། །ཕྱི་ནང་འཁོར་འདས་འདི་རུ་འདུས། །འདི་ལས་ཤིན་ཏུ་ཟབ་པའི་ཆོས། །བཙལ་ཡང་རྒྱལ་བས་མི་རྙེད་དེ། །སེམས་ཅན་རྣམས་ཀྱིས་དེ་མ་རིག །མ་རིག་སེམས་དང་བཅས་ནས་འགྲོ། །འགྲོ་བའི་ལམ་ཆེན་དྲང་སྲོང་ཤུལ། །མཁའ་ཀློང་ཡངས་པ་ཀུན་དུ་བཟང་། །ཐམས་ཅད་འདི་ལྟར་ཤེས་པ་ན། །བླ་མེད་ལམ་མཆོག་ཡེ་ནས་ཐོབ། །ལེགས་པར་བརྟགས་ན་སེམས་ཉིད་རང་། །མཉམ་ཉིད་རིག་པའི་འབྱུང་ཁུངས་ཡིན། །དུས་གསུམ་རྒྱལ་བ་མ་ལུས་ཀྱང་། །གང་དུ་མ་བཞུད་དེ་ཁོ་ན། །གང་དུ་མི་གནས་དེ་ཁོ་ན། །གང་ནས་མ་བྱུང་དེ་ཁོ་ན། །དབྱིངས་ལ་གཞི་བཞག་་ཡིན་པས་ན། །སངས་རྒྱས་གཞན་ན་རྡུལ་ཙམ་མེད། །མྱ་ངན་འདས་པའི་ཞིང་ཁམས་དེ། །ཁམས་གསུམ་སེམས་ཅན་བཙོན་ར་སྟེ། །གཉིས་མེད་འདུས་པའི་ཀློང་ཆེན་དེ། །ཀུན་ལ་སྙོམས་པའི་འགྲོ་ཁུངས་ཡིན། །དེ་ལ་མེད་པ་བཙལ་དུ་མེད། །དེ་ལ་ཡོད་པ་སྤང་དུ་མེད། །སྟོར་བྲལ་མེད་པའི་ཀློང་ཆེན་དེ། །འདུ་འབྲལ་མེད་བའི་ཕོ་བྲང་ཡིན། །བྱང་ཆུབ་སེམས་ཀྱི་མཚན་ཉིད་ཡིན། །ཐམས་ཅད་ཀུན་ལ་མཉམ་པར་གནས། །གཡོས་པ་མེད་པར་རྒྱུན་དུ་གནས། །རང་བཞིན་དག་པར་རྒྱུན་དུ་གནས། །མཚོན་དུ་མེད་པར་རྒྱུན་དུ་གནས། །ཁ་དོག་དབྱིབས་སུ་མི་རྟོག་སྟེ། །རང་གི་མཚན་ཉིད་དམིགས་སུ་མེད། །དེ་ཤེས་དོན་ལ་འདའ་བ་མེད། །ཡོན་ཏན་ལྷུན་གྱིས་རྫོགས་པས་ན། །རང་གི་སེམས་ལས་མ་གཏོགས་པའི། །ཆོས་གཞན་ལོགས་ན་ཡེ་ནས་མེད། །འདི་ལ་ཕྱི་དང་ནང་མེད་པས། །གཉིས་སུ་མི་འབྱེད་ཕྱི་དང་ནང་། །རང་བཞིན་ཀུན་ཏུ་བཟང་མོར་གཅིག །ཕ་རོལ་ཚུ་རོལ་མ་མཐོང་བས། །མཐའ་གཉིས་ཀློང་དུ་མཉམ་པར་གནས། །མཉམ་ཉིད་གཅིག་ལ་གཉིས་མེད་པས། །མི་འབྱེད་རྒྱལ་བའི་སྐུ་རུ་གཅིག །རྒྱལ་བའི་སྐུ་ལས་མ་གཏོགས་པའི། །ཏིང་འཛིན་ཡུལ་ལ་བསྒོམ་མི་དགོས། །དབང་པོ་རང་ཡན་མ་གཏོགས་པ། །དབེན་པའི་དགོན་གནས་བཟུང་མི་དགོས། །ཡུལ་སེམས་ཀློང་དུ་གཅིག་པས་ན། །ཉམས་དགའ་ཕྱི་རོལ་བལྷ་རུ་མེད། །ལམ་དང་འབྲས་བུའི་ཆོས་རྣམས་ཀུན། །ཡེ་ནས་མཚོན་དུ་མེད་པས་ན། །རྣམ་ཐར་ས་ལ་བགྲོད་མི་དགོས། །བསྟན་པའི་སྙིང་པོ་རང་ཡིནཔས། །ལྷ་སྲིན་སྡེ་བརྒྱད་མཐུ་ཆེ་ཡང་། །སངས་རྒྱས་ཐུགས་ལ་བརྒལ་དུ་མེད། །འདི་ལ་སུས་ཀྱང་བཅོས་སུ་མེད། །འདི་ལ་གང་ཡང་འདའ་བ་མེད། །སུ་ཡིས་དགོངས་ནས་ཅི་ཞིག་བསྒོམ། །མ་བསྒོམས་མཚན་མ་རང་སར་གྲོལ། །བྱ་དང་མི་བྱའི་ལས་རྣམས་ཀྱིས། །ཟིན་པར་ཅུང་ཟད་མི་འགྱུར་ཏེ། །མ་བྱས་ཡེ་ནས་སངས་རྒྱས་ས། །གདོད་ནས་དག་པས་མཆོག་གི་དཀྱིལ། །དཀའ་ཐུབ་བརྟུལ་ཞུགས་མི་དགོས་པས། །བྱང་ཆུབ་ཀློང་དུ་བདེ་བར་གནས། །གང་ལ་ཅི་ཡང་མི་དགོས་ཤིང་། །ཡེ་ནས་རྣམ་དག་སྐྱོན་མེད་པས། །འཕགས་པའི་ས་ལ་མ་བགྲོད་ཕྱིན། །ཆོས་དབྱིངས་འཕགས་པ་ཀུན་གྱི་གནས། །ཀུན་གཞི་རྣམ་དག་བྱང་ཆུབ་སེམས། །སེམས་ལས་མེད་པར་གསུངས་པས་ན། །སེམས་ཉིད་ཇི་ལྟར་གནས་ཀྱང་རུང་། །དེ་ཉིད་གང་དུ་ཤར་ཀྱང་རུང་། །རོལ་པའི་སྙིང་པོར་རང་འབྱུང་བས། །ཕྱི་ནང་ཀུན་གྱི་འབྱུང་ས་ཡིན། །ཡེ་ནས་སྙིང་པོ་གཞི་རྩ་མེད། །ཅི་ཡང་མེད་ལས་ཅིར་ཡང་འབྱུང་། །སྐལ་དང་ལྡན་པས་རྟོགས་འགྱུར་ཏེ། །སྐལ་མེད་རྣམས་ཀྱིས་རྟོགས་པ་མིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དབྱིངས་ལ་འགྲོ་འོང་མེད་པར་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་བཅོམ་ལྡན་འདས་ཀྱིས་དགོངས་པ་མ་ནོར་བ་འདི་གསུངས་སོ། །ཕྱོགས་རིས་ཀུན་དང་བྲལ་བ་ལ། །མཐའ་དང་དབུས་སུ་མི་དམིགས་ཏེ། །སྒྲོ་དང་སྐུར་བ་མེད་པའི་ཕྱིར། །བླང་དང་དོར་བ་ཡོངས་ཀྱིས་མེད། །རྒྱུ་འབྲས་ཀུན་ལས་འདས་པའི་ཕྱིར། །ཡེ་ནས་རྐྱེན་གྱིས་བསྐྱེད་དུ་མེད། ཁུ་རྐྱེན་བྲལ་བའི་ཆོས་ཉིད་ལ། །མུ་སྟེགས་ལྟ་བ་མདུད་པ་ཅན། །རྟག་ཆད་གཉིས་ཀྱི་ངན་དཔྱད་ཀྱིས། །མཐའ་བྲལ་ལྟ་བ་མ་རྟོགས་ཏེ། །གཉིས་སུ་ཞེན་པ་ཕྱོགས་འཛིན་བདུད། །ཨ་ཏི་ཡོ་གའི་ལྟ་བ་ནི། །ཆོས་ཉིད་རྒྱ་ཆད་མེད་པ་ལ། །གཉིས་ཀ་རང་ཤར་རང་གྲོལ་བས། །མུ་སྟེགས་མ་སྤངས་རྫོགས་ཆེན་རྒྱན། །ཉན་ཐོས་ལྟ་བ་མདུད་པ་ཅན། །ཡུལ་སེམས་འབྲེལ་མེད་སྐད་ཅིག་བལྟ། །ཡོད་མེད་མཉམ་པའི་ཆོས་ཉིད་ལ། །མེད་པ་འདོད་པ་ཕྱོགས་འཛིན་བདུད། །ཨ་ཏི་ཡོ་གའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །ཉན་ཐོས་མ་སྤངས་རྫོགས་ཆེན་རྒྱན། །རང་རྒྱལ་ལྟ་བ་མདུད་པ་ཅན། །ཡུལ་སྟོད་གཅིག་ལ་ཤེས་པ་གཏད། །རྟེན་འབྲེལ་བཅུ་གཉིས་འཇུག་ལྡོག་བྱེད། །འབྱུང་འཇུག་མཉམ་པའི་ཆོས་ཉིད་ལ། །ཡོད་པར་འདོད་པ་ཕྱོགས་འཛིན་བདུད། །ཨ་ཏི་མཉམ་པའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །རང་རྒྱལ་མ་སྤངསརྫོགསཆེནརྒྱན། །སེམས་ཙམ་ལྟ་བ་མདུད་པ་ཅན། །རང་གསལ་གཟུང་འཛིན་དག་པ་ལ། །རང་སྒོ་བདེན་པར་བལྟ་བ་སྟེ། ཁྲེལ་སྒོང་དག་པའི་ཚུལ་ཤེས་པས། །བདག་མེད་གཉིས་འདོད་ཕྱོགས་འཛིན་བདུད། །གང་ཡང་འདྲ་བའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །སེམས་ཙམ་མ་སྤངས་རྫོགས་ཆེན་རྒྱན། །དབུ་མའི་ལྟ་བ་མདུད་པ་ཅན། །རིག་པས་ཀུན་རྫོབ་སྤྲོས་བཅད་ནས། །དོན་དམ་སྤྲོས་མེད་ངང་ལ་འཇལ། །བདེན་གཉིས་དོན་ལ་ཡིད་ཆེས་བལྟ། །གཉིས་མེད་མཉམ་པའི་ཆོས་ཉིད་ལ། །གཉིས་སུ་བལྟ་བ་ཕྱོགས་འཛིན་བདུད། །གཉིས་སུ་མེད་པའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །དབུ་མ་མ་སྤངས་རྫོགས་ཆེན་རྒྱན། །ཀྲི་ཡུའི་་་་ལྟ་བ་མདུད་པ་ཅན། །ཀུན་རྫོབ་སྣང་བ་རིགས་གསུམ་བལྟ། །དོན་དམ་དག་པའི་མཐའ་དང་བྲལ། །རྗེ་ཁོལ་ཚུལ་དུ་ལྟ་བར་བྱེད། །བཟང་ངན་མཉམ་པའི་ཆོས་ཉིད་ལ། །གཉིས་སུ་འཛིན་པ་ཕྱོགས་འཛིན་བདུད། །ཆོས་ཉིད་མཉམ་པའི་དོན་འདི་ལ། །གཉིས་ཀ་རང་ཤར་རང་གྲོལ་བས། །ཀྲི་ལྭ་མ་སྤངས་རྫོགས་ཆེན་རྒྱན། །ཨུ་པའི་ལྟ་བ་མདུད་པ་ཅན། །བལྟ་སྤྱོད་གོང་འོག་རྗེས་སུ་འབྲེང་། །གཅིག་ལ་ལྟ་ཞིང་གཅིག་ལ་སྤྱོད། །གཉིས་འཛིན་ཁ་བྲག་ཕྱོགས་འཛིན་བདུད། །གཉིས་ཀའི་ཚུལ་དུ་ལྟ་བྱེད་པ། །གོང་འོག་མཉམ་པའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །ཨུ་པ་མ་སྤངསརྫོགསཆེནརྒྱན། །ཡོགའི་ལྟ་བ་མདུད་པ་ཅན། །དོན་དམ་སྣང་ལརངབཞིནམེད། །ཀུནརྫོབ་དག་པའི་བྱིན་རླབསལྷ། །མཚནམེདམཉམཔའི་ཆོས་ཉིད་ལ། །ལྷར་སྣང་ཕྱོགས་སུ་འཛིན་པའི་བདུད། །གང་ཡང་འདྲ་བའི་ཆོས་ཉིད་ལ། །གཉིས་ཀ་རང་ཤར་རང་གྲོལ་བས། །ཡོ་ག་མ་སྤངས་རྫོགས་ཆེན་རྒྱན། །མ་ཧྭའི་ལྟ་བ་མདུད་པ་ཅན། །ཐབས་དང་ཤེས་རབ་སྒོར་ཞུགས་ནས། །བདེན་པ་དབྱེར་མེད་སྤྱོད་ཡུལ་བྲལ། །ཆོས་ཉིད་མཉམ་པའི་དོན་འདི་ལ། །སྤྱོད་ཡུལ་བྲལ་བ་ཕྱོགས་འཛིན་བདུད། །གཉིས་ཀ་རང་ཤར་རང་གྲོལ་བས། །མ་ཧྭ་མ་སྤངས་རྫོགས་ཆེན་རྒྱན། །ཨ་ནུའི་ལྟ་བ་མདུད་པ་ཅན། །དབྱིངས་དང་ཡེ་ཤེས་སྒོར་ཞུགས་ནས། །ཀུན་ཏུ་བཟང་པོ་བཟང་མོ་གཉིས། །གཉིས་སུ་མེད་པའི་བདེ་ཆེན་བལྟ། །ཡོད་ཀྱང་མཉམ་པའི་ཆོས་ཉིད་ལ། །གཉིས་མེད་ཕྱོགས་སུ་ལྷུང་བའི་བདུད། །རྒྱ་ཆད་མེད་པའི་ཆོས་ཉིད་ལ། གཉིས་ཀ་རང་ཤར་རང་གྲོལ་བས། །ཨ་ནུ་མ་སྤངས་རྫོགས་ཆེན་རྒྱན། །བྱ་བྲལ་ངང་དུ་ཀུན་རྫོགས་པས། །མ་འདྲེས་ཡོངས་སུ་རྫོགས་པའི་རྒྱན། །མ་སྤངས་རང་སར་གྲོལ་བའི་ཀློང་། །སངས་རྒྱས་སྐུ་དང་སེམས་ཅན་ལུས། །ཇི་ལྟར་སྣང་བ་དབྱིངས་ཀྱི་རྒྱན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཐེག་པ་རང་གྲོལ་གྱི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་ཀྱིས་དགོངས་པ་མ་ནོར་པའི་དོན་གསུངས་པ། འགྲོ་ཀུན་ཡེ་ནས་སངས་རྒྱས་ཉིད། །ཉོན་མོངས་ཡེ་ཤེས་བདུད་རྩི་སྟེ། །འཁོར་བའི་གཡང་ས་བྱང་ཆུབ་སེམས། །དུག་གསུམ་སྐུ་གསུམ་གཏན་ནས་སྤྲུགས། །སྐྱེ་ཤི་རྩད་ནས་བཅད་པ་དང་། །ཁམས་གསུམ་ཡོངས་སུ་བསྒྲལ་བ་དང་། །གཟུང་འཛིན་རྣམ་གཉིས་བསྲེག་པ་དང་། །བྱ་བྱེད་གཉིས་སྣང་ཐམས་ཅད་ཀུན། །ཉིད་ལ་ཉིད་འཛིན་ཉིད་སྤྱོད་པས། །རྩ་བ་བྱང་ཆུབ་སེམས་ཀྱི་ཀློང་། །བྱང་ཆུབ་སེམས་ནི་ཆོས་ཀྱི་སྐུར། །ཡེ་ནས་གནས་ཕྱིར་གཞན་མ་ཡིན། །རྒྱལ་བ་རྣམས་ཀྱང་དེ་ཡི་སྐུ། །ཕྱི་ནང་གསང་བའི་ཐེག་མཆོག་ཀྱང་། །ཇི་སྙེད་བསྟན་པར་གྲགས་པ་ཀུན། །སེམས་ཉིད་དེ་ཡི་ཡོན་ཏན་དེ། །སེམས་ལས་མ་གཏོགས་ཆོས་མེད་པས། །སངས་རྒྱས་བྱ་བ་ལོགས་ན་མེད། །སེམས་ཉིད་ཀློང་དུ་མ་གྲོལ་ཞིང་། །ཆོས་ཉིད་ངང་དུ་མ་ཤེས་ན། །གཉིས་སུ་འཛིན་པའི་བློ་ཅན་ནི། །ནམ་མཁའི་ཀློང་དུ་མདུད་པ་བོར། །ཕྱོགས་འཛིན་སེམས་ཀྱི་མདུད་པ་སྟེ། །བརྟག་ཏུ་མེད་ལ་རྟོག་གེ་བྱུང་། །བལྟས་པས་མ་མཐོང་བསམ་དུ་མེད། །ཨ་ཏིའི་ལྟ་བ་ཕྱོགས་རིས་མེད། །བལྟས་ཀྱང་སྐྱོན་ཀྱིས་གོས་པ་མེད། །མ་བལྟས་མཚན་མ་རང་སར་གྲོལ། །གཉིས་མེད་རང་གྲོལ་ལྟ་བ་ཡིན། །ཡོད་མེད་གཉིས་ཀྱི་ལྟ་བ་ལ། །ཕྱོགས་སུ་འཛིན་པའི་མདུད་པ་བཀྲོལ། །སྤྱོད་པ་བླང་དོར་མེད་པ་ལ། །ཨ་ཏིའི་བསྒོམ་པ་དམིགས་གཏད་མེད། །བསྒོམས་ཀྱང་སྐྱོན་གྱིས་མ་གོས་ཏེ། །རང་བྱུང་རོལ་པ་རང་ལ་ཤར། །མ་བསྒོམས་མཚན་མ་རང་སར་གྲོལ། །རང་བྱུང་གཉིས་མེད་བསྒོམ་པ་ཡིས། །བསྒོམ་དུ་ཡོད་དང་མེད་པའི་ཕྱོགས། །གཉིས་སུ་འཛིན་པའི་མདུད་པ་བཀྲོལ། །སྤྱོད་པ་བླང་དོར་མེད་པ་ལ། །སྤྱད་ཀྱང་སྐྱོན་གྱིས་མི་གོས་ཏེ། །རང་བྱུང་ཡེ་ཤེས་ཤར་ལུགས་ཡིན། །མ་སྤྱད་མཚན་མ་རང་སར་གྲོལ། །རང་གྲོལ་གཉིས་མེད་སྤྱོད་པ་ཡིས། །ཆེད་དུ་རྩོལ་བའི་མདུད་པ་བཀྲོལ། །ཨ་ཏིའི་འབྲས་བུ་སྤང་ཐོབ་མེད། །བསྒྲུབས་ཀྱང་སྐྱོན་གྱིས་མི་གོས་ཏེ། །རང་བྱུང་ཡོན་ཏན་རང་ལ་ཤར། །མ་བསྒྲུབས་མཚན་མ་རང་སར་གྲོལ། །གཉིས་མེད་རང་གྲོལ་འབྲས་བུ་ཡིས། །རེ་དང་དོགས་པའི་མདུད་པ་བཀྲོལ། །བསྲུང་མཚམས་མེད་པའི་དམ་ཚིག་ལ། །བསྲུངས་ཀྱང་སྐྱོན་གྱིས་མི་གོས་ཏེ། །རང་བྱུང་རོལ་པ་རང་གི་རྒྱན། །མ་བསྲུངས་མཚན་མ་རང་སར་གྲོལ་། །གཉིས་མེད་རང་གྲོལ་དམ་ཚིག་གིས། །སྐྱོན་ཡོན་འབྱེད་པའི་མདུད་པ་བཀྲོལ། །བྱ་བཙལ་མེད་པའི་ཕྲིན་ལས་ལ། །རྩོལ་བསྒྲུབ་བྱས་ཀྱང་སྐྱོན་མེད་དེ། །རང་བྱུང་ཡེ་ཤེས་རོལ་པ་ཡིན། །མ་བྱས་མཚན་མ་རང་སར་གྲོལ། །གཉིས་མེད་རང་གྲོལ་ཕྲིན་ལས་ཀྱིས། །ཕྱོགས་སུ་བྱེད་པའི་མདུད་པ་བཀྲོལ། །ས་ལམ་བཅད་བགྲོད་མེད་པ་ལ། །སྦྱང་ཞིང་བགྲོད་ཀྱང་སྐྱོན་མེད་སྟེ། །རང་བྱུང་རོལ་བ་ས་ལམ་ཤར། །མ་སྤངས་མ་བགྲོད་རང་སར་གྲོལ། །གཉིས་མེད་རང་གྲོལ་ས་ལམ་གྱིས། །ཆེད་དུ་བགྲོད་པའི་མདུད་པ་བཀྲོལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། མདུད་འགྲོལ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་གསུངས་པ། ཀློང་ཆེན་རྒྱ་ཡན་ཕྱོགས་མེད་ཀྱིས། །ཕྱོགས་འཛིན་མཐའ་ཡི་མདུད་པ་བཀྲོལ། །འཆིང་བ་གཉིས་ཀྱི་མདུད་པ་དང་། །སྒྲིབ་པ་གཉིས་ཀྱི་མུན་པ་བསལ། །མུན་སེལ་སྒྲོན་མ་རིན་པོ་ཆེ། །འགྲོ་དྲུག་སངས་རྒྱས་ཞིང་དུ་གསལ། །ཕྱོགས་མཚམས་བླ་འོག་མཐོ་དམན་ཀུན། །ཐིག་ལེ་གཅིག་གི་རྒྱར་མཉམ་པས སངས་རྒྱས་གོང་ན་མེད་པར་གསལ། །འཁོར་བ་འོག་ན་མེད་པར་གསལ། །འཁོར་འདས་རྒྱུ་འབྲས་རང་ཉིད་པས། །འགྲོ་དྲུག་སྡུག་བསྔལ་དེར་བཀྲོལ་ཀྱང་། །བྱང་ཆུབ་སེམས་ལ་བདག་གཞན་མེད། །མཉམ་པའི་དོན་ལ་མཐོ་དམན་མེད། །མཐོ་དམན་མེད་པ་མཉམ་པའི་ཁར། །རིག་པ་ཆོས་ཉིད་བརྡལ་བའི་རྫོང་། །ཀུན་ལ་ཁྱབ་པས་བརྡལ་བ་ཆེ། །གཉིས་སུ་མེད་པས་འཕོ་འགྱུར་མེད། །མི་འགྱུར་བརྟན་པས་རྡོ་རྗེའི་བདག །ཡེ་ནས་གནས་པའི་རང་བཞིན་ཏེ། །རྡོ་རྗེའི་མཁར་རྫོང་ཕྱོགས་མེད་དོན། །ཡུལ་མེད་རིག་པའི་མཚོན་ཆ་ཡིན། །ཡེ་ནས་དེ་ལྟར་གྲོལ་བ་ལ། །འདོད་འབྱུང་ཅིར་ཡང་འཆར་བས་ན། །ཡོན་ཏན་ནོར་བུ་རིན་པོ་ཆེ། །ཡེ་ནས་དེ་ཡི་ངོ་བོར་གནས། །དེ་ལ་སྐྱེ་ཤི་མེད་པ་དང་། །འཕོ་འགྱུར་མེད་པས་འབྲས་བུར་གདགས། །འབྲས་བུ་རང་དུ་ཤེས་པ་ལ། །གོལ་ས་གཡང་ས་ག་ལ་ཡོད། །ཡོད་ཀྱང་ཤུགས་ཀྱིས་ཆོད་པའི་ཕྱིར། །གཡང་ས་ཞེས་པ་ག་ལ་ཡོད། །གཡང་ས་ཉིད་ཀྱང་བྱང་ཆུབ་སེམས། །སེམས་ཀྱི་མདུད་པ་མ་ཁྲོལ་བར། །འཕགས་ལམ་ལོགས་ནས་ཚོལ་བ་ནི། །བཙོན་བུ་དོང་ན་འགྲོ་བ་བཞིན། །ཐར་དུ་རེ་སྟེ་མི་ཐར་རོ། །འདོད་ན་གང་འདོད་མཐའ་ཡིན་ཏེ། །ཡོད་པར་འདོད་ན་རྟག་མཐས་བཅིངས། །མེད་པར་འདོད་ན་ཆད་བའི་བློ། །རྟག་ཆད་གཉིས་ཀྱི་མདུད་པ་དེ། །རྣལ་འབྱོར་འཆིང་བར་བྱེད་པའི་སྒྲོག །དེ་ཡི་མདུད་པ་ཇི་ལྟར་འགྲོལ། །འོག་མའི་ལམ་སྩོགས་ལམ་གཞན་གྱིས། །བཀྲོལ་པས་ཁྲོལ་བ་མ་ཡིན་ཏེ། །ཞེན་པའི་ཐག་པས་བཅིངས་པར་མཆི། །གསང་བའི་མདུད་འགྲོལ་འདི་ལྟ་སྟེ། །མཐའ་ལ་སྐྱོན་དུ་མི་བལྟ་བས། །འཆིང་དང་གྲོལ་བར་མི་བྱེད་དེ། །མཐའ་གཉིས་མ་སྤངས་རང་གྲོལ་བས། །གཉིས་མེད་ཙམ་དུ་མི་གནས་ཤིང་། །གཉིས་ཀ་ལྟར་ཡང་རང་ཤར་བས། །མཐའ་བཞི་རྒྱ་ཡན་ནམ་མཁའི་ཀློང་། །འཆིང་གྲོལ་གཉིས་མེད་རང་སར་བདེ། །གཅིག་བདེ་གཉིས་བདེ་ཀུན་ཀྱང་བདེ། །ཁམས་གསུམ་སེམས་ཅན་ཀུན་ཀྱང་བདེ། །དུས་གསུམ་སངས་རྒྱས་རྣམས་ཀྱང་བདེ། །རང་སྣང་ཆོས་སྐུའི་ཀློང་ན་བདེ། །ཆོས་སྐུ་འཕོ་འགྱུར་མེད་པ་ལ། །འཁོར་འདས་ཆོས་ཀུན་ཅི་བདེར་བཞུགས། །དེ་ལ་ངེས་པ་མེད་པའི་ཕྱིར། །བྱེད་སྦྱོང་ཅིར་ཡང་མ་འགགས་པས། །དེ་ཡི་ཀློང་དུ་ཅི་བདེར་སྤྱོད། །སྤྱོད་ཡུལ་གང་ཡང་མི་འགོག་པས། །ཅིལ་ཡང་ཉམ་ང་མེད་པ་དང་། །གང་ཡང་ཐོགས་པ་མེད་པའི་ཕྱིར། །སུ་ཞིག་གང་ལ་གང་གིས་འཆིང་། །འཆིང་གྲོལ་ཉིད་དུ་བྱང་ཆུབ་སེམས། །དེ་ལ༡་་གོ་བའི་སྐྱེས་བུ་དེ། །གང་དང་གང་གིས་སྤྱོད་ཡུལ་ལ། །མཐའ་དང་བྲལ་བར་སྤྱོད་པ་ནི། །ང་བདག་མེད་པའི་ཆོས་ཉིད་ལ། །མ་བཅོས་མ་བསླད་ངང་གིས་གནས། །ཡིན་པར་ངེས་པའི་ཆོས་ཉིད་ལ། །མ་ནོར་ངེས་པའི་དོན་ཤར་བས། །ཇི་བཞིན་ཀློང་ན་བློ་བདེར་གནས། །སྐྱེ་འགག་མེད་པའི་ཆོས་ཀྱི་སྐུ། མ་སྐྱེས་པས་ན་མི་འཇིག་ཅིང་། །མ་ཤར་བས་ན་མི་ནུབ་སྟེ། །མ་བྱས་པས་ན་བརླག་པ་མེད། །དངོས་སུ་མི་སྣང་ཕྱོགས་དང་བྲལ། །མ་བྱུང་བས་ན་མི་འགྲོ་ཕྱིར། །འགྲོ་འོང་མེད་པར་ཡེ་ནས་གནས། །ཀུན་ལ་ཁྱབ་ཅིང་སྒྲིབ་མེད་པས། །ནམ་མཁའ་ལྟ་བུའི་བདེ་ཆེན་སྐུ། །ཡོད་མེད་མིང་དང་བྲལ་བས་ན། །མཚོན་དུ་མེད་པ་ཆོས་ཀྱི་སྐུ། །ཆེ་ཆུང་བོངས་ཚོད་གཟུང་མེད་པས། །དངོས་གཞི་མེད་པ་ཆོས་ཀྱི་སྐུ། །མཚན་མའི་ཡུལ་དང་བྲལ་བའི་ཕྱིར། །ཐ་སྙད་མེད་པ་ཆོས་ཀྱི་སྐུ། །ཡུལ་དང་ཡུལ་ཅན་མ་གྲུབ་པས། །བལྟ་རུ་མེད་པ་ཆོས་ཀྱི་སྐུ། །མངོན་ཞེན་གཉིས་དང་བྲལ་བའི་ཕྱིར། །གཟུང་དུ་མེད་པ་ཆོས་ཀྱི་སྐུ། །དཔེ་མེད་དཔེ་ལས་འདས་པ་དང་། །ཚད་མེདཚདལསབརྒལབའི་ཕྱིར། །སྒྲོ་དང་སྐུར་པའི་མཐའ་ལས་འདས། །མཐའ་མེད་ཀློང་ན་ཕྱོགས་མེད་བདེ། །ཞེས་གསུངསསོ། །ཀློངཆེནརབའབྱམས་རྒྱལ་པོའི་རྒྱུད་ལས། གསངབབདེཆེནགྱིལེའུསྟེབཅུ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱིས་གསུངས་པ། །ཆོསསྐུ་བསམ་དུ་མེད་པ་དང་། །ལོངས་སྐུ་དཔག་ཏུ་མེད་པ་དང་། །སྤྲུལ་སྐུ་བསམ་གྱིས་མི་ཁྱབ་པ། །ཀུན་གྱི་འབྱུང་གནས་འདི་ཡིན་པས། །ཐམས་ཅད་ཐམས་ཅད་རང་བྱུང་ཆེ། །སྟོང་ཉིད་ཐོ་ཆེན་འབར་བ་ལས། །རང་བྱུང་ཡེ་ཤེས་དོན་ཤར་བས། །ཕྱི་ནང་མེད་པར་བརྡལ་བའི་ཕྱིར། །ཐམས་ཅད་ཀུན་རྐྱང་བླང་དོར་མེད། །ཨེ་མ་གསང་བ་རྨད་དུ་བྱུང། །སྐྱེས་བུ་དམ་པས་དེ་རིག་འགྱུར། །སྔོན་ཆདདེ་ལྟར་མ་རིག་པས། །འཁོར་བའི་ས་བོན་དེ་ལས་བྱུང་། །སངས་རྒྱས་འ་ས་པ་ངོ་མཚར་ཆེ། །སྔོན་གྱི་སངས་རྒྱས་རྣམས་ཀྱིས་ཀྱང་། །སྤང་བླང་མེད་པའི་དོན་མཐོང་ནས། །ཉོནམོངས་བྱང་ཆུབ་བླང་དོར་མེད། །ཉོན་མོངས་རང་བཞིན་གང་ཡིན་པ། གཞིརྩ་མེད་ལསབྱུང་བའི་ཕྱིར། རང་བྱུང་ཡེ་ཤེས་རང་ཤར་བས། དེ་ཡང་གཉེན་པོ་མེད་པ་ཡིན། བྱང་ཆུབ་སེམས་ཀྱི་རང་བཞིན་ཀྱང། །དེ་དངསྔ་ཕྱིམེདཔར་འབྱུང་། །རངབྱུང་ཡེ་ཤེས་རང་ཤར་བས། །དེཡང་ནུབ་པ་མེད་པ་ཡིན། །ངེས་པར་རྟོགས་ན་དེ་ལས་མེད། །ལེགས་པར་མཐོང་ན་བཅོས་མི་དགོས། །ཐེ་ཚོམ་ཆོད་ན་གདེང་དང་ལྡན། །སེམས་ཀྱི་དམ་པ་དེ་ལས་མེད། །སེམས་ཀྱི་རང་བཞིན་ལྷུན་གྱིས་གྲུབ། །སེམས་ཀྱི་མཚན་ཉིད་མ་སྐྱེས་པས། །ཇི་བཞིན་ཀློང་ན་ཅི་བདེར་གནས། །རྩ་བ་སེམས་ཉིད་ཀློང་ཆེན་དེ། །གཅིགཏུངེསཔར་གཞག་ཏུ་མེད། །དགོངས་པ་ཉམས་མྱོང་ཀློང་ཆེན་དེ། །མཉམ་པའི་ངང་ལས་མ་གཡོས་པས། །བཞག་དང་མ་བཞག་མཐའ་ལས་འདས། །ངེས་པ་རྙེད་པ་དོན་གྱི་མཆོག །རབ་ཏུ་རྙེད་དཀའ་རྟོགས་པའི་གདེང་། །སྐལ་མེད་རྣམས་ཀྱིས་རྙེད་མི་འགྱུར། །སྐལ་ལྡན་སྐྱེས་བུའི་སྤྱོད་ཡུལ་ཏེ། །འདི་ཡི་དགོངས་གཞི་མ་མཐོང་བར། །གཞན་དུ་རྩོལ་བ་ཨ་རེ་འཁྲུལ། །བྱ་བྱེད་མང་པོ་འཁོར་བའི་རྒྱུ། །བསླབ་སློབ་མངས་པས་ལམ་གྱི་གེགས། །སྤྲོ་བསྡུ་མང་པོ་སེམས་ཀྱི་གཟེར། །མཚན་མའི་རྗེས་འབྲངས་ཤ་ཐང་ཆད། །དེ་ན་འདི་ཡི་དོན་མ་རྟོགས། །སྐྱེ་བར་བྱེད་པའི་སྒོ་ཡང་འདི། །འཆི་བར་བྱེད་པའི་ལམ་ཡང་འདི། །དབུགས་ཆེན་འབྱིན་པའི་ས་ཡང་འདི། །ཡེ་ནས་སངས་རྒྱས་ཉིད་དང་མཉམ། བདག་ཉིད་ཆེན་པོ་ཀུན་འདུས་དཔལ། དཔལ་གྱི་ཐུགས་ཏེ་བྱ་བྲལ་ཀློང་། རང་བྱུང་ཡེ་ཤེས་ཉི་མ་ཡིས། མ་རིག་ལིང་ཐོག་བསལ་བས་མཐོང་ སོ་སོའི་སྟོན་པ་འདི་རུ་མཐོང་། སོ་སོའི་འཁོར་ཀྱང་འདི་རུ་མཐོང་། སོ་སོའི་བསྟན་པ་འདིར་་མཐོང་སྟེ། ཀུན་ཏུ་སྣང་བས་བརྡལ་ཁྱབ་ཆེ། སངས་རྒྱས་ཀུན་གྱི་ས་ཡང་མཐོང་། རང་གིས་དགེ་བའི་བཤེས་གཉེན་བྱེད། རང་གིས་ཉན་པའི་འཁོར་ཡང་བྱེད། རང་གིས་བསྟན་པའི་ལམ་ཡང་བྱེད། གསང་སྔགས་བླ་ན་མེད་པའི་ལམ ངེས་པར་བསྟན་པ་དེ་ལས་མེད། །དྲང་བའི་དོན་ལ་ཟད་མཐའ་མེད། །དྲངདོནཚིགགིལོམཁ། །ངེས་པ་ངེས་པའི་ཐེག་པ་འདིས། །ཐེ་ཚོམ་ཐམས་ཅད་གཅོད་བྱེད་ཅིང་། །བགྲོད་པར་དཀའ་བའི་ལམ་བཙལ་ནས། །མཐོང་བར་དཀའ་བའི་དོན་མཐོང་འགྱུར། །དེ་དོན་མངོན་དུ་གྱུར་པ་ལ། །རྒྱུ་ལ་ལྟོས་དང་མ་ལྟོས་དང་། །འབྲས་བུ་ཐོབ་དང་མ་ཐོབ་དང་། །ཡུལ་ལ་རྟོག་དང་མ་རྟོག་དང་། །སྣོད་ལ་དག་དང་མ་དག་དང་། །དབང་ལ་བསྐུར་དང་མ་བསྐུར་དང་། །ཤེས་བྱ་འབྱོངས་དང་མ་འབྱངས་དང་། །གང་ལ་རྟེན་མེད་ཀློང་ཆེན་འདི། ཁེན་ཏུ་རྣལ་འབྱོར་རྫོགས་ཆེན་ལུང་། །ལ་ལ་བྱིན་རླབས་གཙོ་བོར་བཤད། །འདི་ཡི་བྱིན་གྱིས་ཀུན་ལ་བརླབས། །ཐུན་མོང་ཡོན་ཏན་བསམ་མི་ཁྱབ། །ཁྱད་པར་མཆོག་གི་གོ་འཕང་ཆེ། །ལ་ལ་གཞན་ནས་ཐོབ་པར་འདོད། །འདི་ལ་ཤོར་ཐོབ་མེད་པའི་ཕྱིར། །འདི་ཡིས་འབྲས་བུ་ཀུན་ལ་སྨིན། །ལས་འབྲས་ཁྱད་དུ་མི་གསོད་པས། །ཐུན་མོང་ཡོན་ཏན་བསམ་མི་ཁྱབ། །ཁྱད་པར་གོ་འཕང་མཆོག་གི་གནས། །ལ་ལ་སློབ་དང་མི་སློབ་པ། །འདི་ལ་འདི་ཞེས་བསླབ་ཏུ་མེད། །མ་བསླབས་ཀུན་གྱིས་ཡེ་ནས་ཤེས། །ཉན་བཤད་ཐོས་པ་མི་དགོས་པས། །མཚན་མ་རང་གྲོལ་ཁྱད་དུ་འཕགས། །ལ་ལ་དམིགས་དང་མི་དམིགས་པ། །འདི་ལ་དམིགས་ཤིང་གོམས་པ་མེད། །མ་དམིགས་ཀུན་ཏུ་གསལ་བའི་ཕྱིར། །སྒྲིབ་གཡོགས་མེད་པ་ཁྱད་པར་འཕགས། །ཁྱད་པར་འདི་ལ་རྩལ་ཐོན་པས། །ཐུགས་རྗེ་གཞན་ནས་འབྱུང་མི་དགོས། །ལས་འབྲས་ཁྱད་དུ་གསད་མི་དགོས། །མ་གསལ་གསལ་བར་བྱ་མི་དགོས། མ་མཐོང་བ་ཡི་དོན་མཐོང་བས། །ཀུན་གསལ་འགྱུར་མེད་ཆོས་ཀྱི་དབྱིངས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས།རིག་པ་སྤྱི་བླུགས་སུ་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་གསུངས་པ། །རིག་པ་རང་སྒོ་བདེ་བ་ལ། །མཚན་དང་དཔེ་བྱད་མེད་མོད་ཀྱང་། །རང་གི་སྣང་བ་ལོངས་སྐུར་ཤར། །བྱང་ཆུབ་སེམས་དཔའི་ངོ་ལ་སྣང་། །ཐུགས་རྗེས་ཀུན་ཏུ་ཁྱབ་པ་ལ། །ཡུལ་དང་ཡུལ་ཅན་མེད་མོད་ཀྱང་། །རང་གི་སྣང་བ་སྤྲུལ་སྐུར་ཤར། །ཁམས་གསུམ་སེམས་ཅན་ངོ་ལ་སྣང་། །ཆོས་སྐུ་མཚན་ཉིད་མེད་པ་ལ། །རིགས་དང་བརྒྱུད་དུ་མེད་མོད་ཀྱང་། །འཁོར་འདས་ཡོངས་ལ་ཁྱབ་པར་གནས། །ལོངས་སྐུ་མཚན་དང་དཔེ་བྱད་ལྡན། །སྤྲུལ་སྐུ་ཆོས་ཤེས་གནས་པ་ཡིན། །གང་ལ་བྱར་མེད་ཆོས་སྐུ་འདི། །མཚན་དང་ལྡན་དང་མི་ལྡན་མེད། །ཆོས་ལ་ཤེས་དང་མི་ཤེས་མེད། །ཀུན་ལ་ཉེ་རིང་མེད་པས་ན། །ནམ་མཁའི་མཐའ་ལྟར་མཉམ་པར་གནས། །ཀུན་གྱིས་བརྟགས་ཀྱང་འདི་མ་མཐོང་། །སངས་རྒྱས་རྣམས་ཀྱིས་མ་མཐོང་བས། །ལྷ་དང་བཅས་པའི་འཇིག་རྟེན་པ། །ཀུན་གྱིས་བརྟགས་ཀྱང་དེ་མ་མཐོང་། །ཞིང་ཁམས་དག་པ་མཐའ་ཡས་ཀྱང་། །དམིགས་མེད་དེ་ཡི་མཐུ་ལས་བྱུང་། །རྒྱལ་བ་དཔག་ཏུ་མེད་པ་ཡང་། །དམིགས་མེད་རང་གི་སྤྲུལ་པ་ཡིན། །དེས་ན་དབྱིངས་ལས་ཀུན་འབྱུང་བས། །བྱ་བྲལ་ཀློང་ཆེན་ཀུན་གྱི་གཞི། །ཡོངས་སུ་འདུས་པས་སྲོག་གི་མཆོག །དེ་རྟོགས་གང་ལ་གསལ་བྱེད་པ། །ཁྱད་པར་འདིས་ནི་གོ་པྱེ་བས། །འཁོར་འདས་ཐམས་ཅད་དུས་གཅིག་གསལ། །རྒྱལ་བ་རྣམས་ཀྱི་ཐུགས་བརྟོལ་བས། །གསལ་བྱེད་ཉི་མ་རང་ལ་ཤར། །སྲིད་པ་གསུམ་གྱི་སེམས་ཅན་ཀྱང་། །ཡེ་ཤེས་ཉི་མའི་ཀློང་ན་ཤར། །ཕན་དང་གནོད་པའི་བྱེ་བྲག་ཀྱང་། །སྟོབས་ཆེན་རང་བྱུང་ཡེ་ཤེས་མཐུ། །བདེ་བ་ཅན་གྱི་ཞིང་ཁམས་ཀྱང་། །རང་བྱུང་ཡེ་ཤེས་རང་གི་མཐུ། །དེ་དག་རང་རང་ཡོན་ཏན་ཀྱང་། །སྟོབས་ཆེན་རང་བྱུང་ཡེ་ཤེས་རྩལ། །ས་ལ་གནས་པའི་རིག་འཛིན་དང་། །ལམ་ལ་གནས་པའི་ས་པ་ཡང་། །རང་བྱུང་ཡེ་ཤེས་མཁྱེན་པའི་སྟོབས། །དེ་དག་ཉན་བཤད་སྨྲ་བ་དང་། །ཀུན་ནས་ཀུན་ཏུ་ལོངས་སྤྱོད་པ། །ཆོས་ཀྱི་དབྱིངས་ཀྱི་བྱེད་སྤྱོད་ཡིན། །ཀུན་གྱི་རང་བཞིན་བྱར་མེད་འདི། །ཆོས་ཀྱང་བྱ་བ་མེད་པའི་ཆོས། །སྐྱེ་མེད་ཚུལ་དུ་ཡེ་སངས་རྒྱས། །སྤྱོད་ཀྱང་བྱ་བ་མེད་པར་སྤྱོད། །ཟབ་མོ་དོན་གྱི་ལོངས་སྤྱོད་ཡིན། །ཀུན་ཀྱང་དབྱིངས་སུ་ལོངས་སྤྱོད་དེ། །ཐམས་ཅད་དབྱིངས་ཀྱི་ངང་ལས་བྱུང་། །དབྱིངས་ལས་ཤར་ཞིང་དབྱིངས་ལ་གནས། །དབྱིངས་ལ་གནས་དམིགས་མེད་པའི་ཕྱིར། །འཁོར་འདས་ཀུན་གནས་དམིགས་པ་མེད། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལ་སོགས་པ། །དུག་ལྔ་དང་ནི་རིགས་ལྔ་ཡང་། །དབྱིངས་ལ་བྱེ་བྲག་མེད་པར་གནས། །དེ་བཞིན་ཉིད་དུ་གཅིག་པའི་ཕྱིར། །གཉིས་མེད་དབྱིངས་ཀྱི་ལོངས་སྤྱོད་ཡིན། །དེ་བཞིན་སངས་རྒྱས་སེམས་ཅན་དང་། །ལས་དང་ཐུགས་རྗེས་བསྐྱེད་པ་ཡང་། །དབྱིངས་ལ་འབྱུང་འཇུག་མེད་པའི་ཕྱིར། །སེམས་ཉིད་ཀློང་ཆེན་དེ་ཡི་སྟོབས། །ཀློང་ཆེན་མཐུ་ལས་མ་གཏོགས་པའི། །གདགས་པའི་ཐ་སྙད་ཡོད་མེད་དང་། །མཐོང་བའི་རྣམ་པ་ཡོད་མེད་དང་། །བལྟས་པའི་ཡུལ་ལ་གསལ་མི་གསལ། །འཁོར་བའི་བཙོན་རར་འཇུག་མི་འཇུག །སངས་རྒྱས་ས་ལ་འགྲོ་མི་འགྲོ། །དུས་གསུམ་སངས་རྒྱས་རྣམས་ཀྱིས་ཀྱང་། །སྔོན་ཆད་གཞན་དུ་བསྟན་པ་མེད། །དེས་ན་ངེས་པར་འདི་ཡི་མཐུ། །བྱང་ཆུབ་ས་ལ་བཀོད་མ་བཀོད། །སྙིང་པོའི་དོན་ལ་གནས་མི་གནས། །ཁོ་ན་ཉིད་དུ་རྟོགས་མི་རྟོག །ཡང་དག་དོན་ལ་རྟོགས་མི་རྟོག །ཡང་དག་དོན་ལ་འཇུག་མི་འཇུག །ངེས་པའི་ལུང་བསྟན་ཐོས་མ་ཐོས། །གཞན་ན་ཡོད་པ་མ་ཡིན་ཏེ། །ཐམས་ཅད་ཐམས་ཅད་དབྱིངས་ཀྱི་རྒྱན། །དབྱིངས་ལ་གཞི་རྩ་མེད་པའི་ཕྱིར། །ཐམས་ཅད་སྐྱེ་བ་མེད་པ་ཡང་། །དབྱིངས་ལ་འགག་པ་མེད་པའི་ཕྱིར། །དེ་དག་ཐམས་ཅད་འགག་པ་མེད། །སྐྱེ་འགག་མེད་པའི་རིག་པདེ། །དེབཞིནཉིདདེམབཅོས་པ། །མ་ནོར་ལམ་མོ་མ་བསླད་པ། །ཆོས་ཀྱི་དབྱིངས་སོ་བསམ་མི་ཁྱབ། །ཡང་དག་མཐའ་འོ་སྟོང་པ་ཉིད། །འདི་ལྟར་ཟབ་པོ་བརྟག་པར་དཀའ། །འདི་ལྟར་ཡངས་སོ་རྒྱ་ཆེ་བས། །གང་ཞིག་དེ་ལྟར་གནས་པ་དེ། །རྒྱུན་ཆད་མེད་ལ་གནས་པ་ཡིན། །སྐྱེ་འགག་མེད་ལ་གནས་པ་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྤྱོད་ཡུལ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་བཅོམ་ལྡན་འདས་ཀུན་རིག་གིས་གཞན་ཡང་གསུངས་པ། །དུས་གསུམ་སྐྱེ་འགག་མེད་པ་ལ། །ལྟ་བའི་ཡུལ་ཡང་སྐྱེ་འགག་མེད། ཁུན་ཆད་མེད་པ་ལྟ་བའི་མཆོག །སྒོམ་པའི་གནས་ཀྱང་སྐྱེ་འགག་མེད། ཁུན་ཆད་མེད་པ་བསྒོམ་པའི་མཆོག །སྤྱོད་པའི་སྒོ་ཡང་སྐྱེ་འགག་མེད། །རྒྱུན་ཆད་མེད་པ་སྦྱོད་པའི་མཆོག །གྲུབ་པའི་འབྲས་བུ་སྐྱེ་འགག་མེད། ཁུན་ཆད་མེད་པ་འབྲས་བུའི་མཆོག །ཁྱབ་པའི་སྙིང་རྗེ་རྒྱུན་ཆད་མེད། །རྩོལ་བའི་ཕྲིན་ལས་རྒྱུན་ཆད་མེད། །བསྒྲུབས་པའི་ཡོན་ཏན་རྒྱུན་ཆད་མེད། །བསྔོ་བའི་བྱིན་བརླབས་རྒྱུན་ཆད་མེད། །བསྲུང་བའི་དམ་ཚིག་རྒྱུད་ཆད་མེད། །སྐྱེ་འགག་མེད་དང་བཅས་པ་ཡིས། །གསང་བའི་དབྱིངས་ཀྱི་མཐོང་བརྟོལ་བས། ཁུན་གྱི་རང་བཞིན་འདི་རྟོགས་ཏེ། །རྒྱུན་མི་ཆད་པར་གནས་པས་དབྱིངས། ཁུན་མི་ཆད་པར་གྲོལ་བས་ཀློང་། །འཁོར་བའི་ཆོས་ཀྱང་རྒྱུན་མི་འཆད། །མྱ་ངན་འདས་པ་རྒྱུན་མི་འཆད། །ལམ་ལ་རྩོལ་བ་དེ་དང་མཚུངས། །གསང་བའི་ཆོས་ཀྱང་དེ་ལས་མེད། །ངོ་བོ་དམིགས་སུ་མེད་པའི་ཕྱིར། །བྲི་བའི་ཆོས་ཀྱང་དེ་ལས་མེད། །དུས་གསུམ་རྒྱུན་དུ་མི་འབྲལ་བས། །སྣང་མེད་གཅིག་ལ་ཅིར་ཡང་སྣང་། །མཐོང་མེད་གཅིག་ལ་ཅིར་ཡང་མཐོང་། །ཐོས་མེད་གཅིག་ལ་ཅིར་ཡང་ཐོས། །གང་མཐོང་ཅིར་ཐོས་ཅིར་སྣང་ཡང་། །དབྱིངས་ལས་གཞན་དུ་མི་འཆར་ན། །རྟོགས་ལྡན་སྐྱེས་ཆེན་རང་གི་མཐུ། །དུས་རྣམས་ཀུན་ཏུ་བདེ་ལ་གནས། །ཐམས་ཅད་དེ་ཡི་ཀློང་དུ་གྲོལ། །དེ་ལ་མཚན་མ་མི་དམིགས་པས། །རང་རྒྱུད་སྦྱང་ཞེས་དེ་ལ་བྱ། །རང་བཞིན་སྦྱངས་བར་མ་ཤེས་པས། །བསྐལ་པ་བྱེ་བ་བརྒྱ་སྟོང་དུ། །རང་སེམས་སྦྱངས་པས་མི་འབྱོངས་ཏེ། །རང་བཞིན་དྲི་མ་བཀྲུས་མི་འདག །ནམ་མཁའ་བཀྲུས་ཀྱང་མི་འདག་བཞིན། །རང་བྱུང་དྲི་མ་བཀྲུ་མི་དགོས། །དེ་ལ་དངོས་པོར་མི་རྟོག་པས། །དགག་སྒྲུབ་མེད་ཅེས་དེ་ལ་བྱ། །རང་བཞིན་ཁེགས་པར་མ་ཤེས་ན། །བསྐལ་པ་བྱེ་བ་དུ་མ་མྲ །བཀག་ཀྱང་ཁེགས་པར་མི་འགྱུར་ཏེ། །རང་སེམས་ཡིན་པར་དགག་ཏུ་མེད། །རང་བྱུང་མཚན་མ་དགག་མི་དགོས། །དེ་ལ་སྐྱོན་དུ་མི་བལྟ་བས། །བླང་དོར་མེད་ཅེས་དེ་ཁོ་ན། །རང་བཞིན་དབྱེར་མེད་མ་ཤེས་ན། །བསྐལ་པ་བྱེ་བ་ཕྲག་བརྒྱ་མྲ །བླང་དང་དོར་བ་བྱར་མི་ལངས། །རང་སེམས་ཡིན་པས་ཐུག་པ་མེད། །རང་བྱུང་ཡེ་ཤེས་མཐའ་མེད་ལ། །མི་མཐུན་གཉེན་པོ་བསྟེན་མི་དགོས། །དེས་ན་སྐད་ཅིག་ཡུད་ཙམ་ལ། །དབྱིངསཀྱིམཚན ཉིད་དེ་རྟོགས་པས། །སངས་རྒྱས་ས་ལ་གདོན་མི་ཟ། །དེ་ཕྱིར་ཐམས་ཅད་སྐྱེ་མེད་དབྱིངས། །བྱང་ཆུབ་ཉིད་དུ་ངེས་པའི་ཕྱིར། །སྐལ་ལྡན་ཐེ་ཚོམ་མེད་པར་བྱོས། །གང་དག་དེ་བཞིན་རྟོགས་པ་དེ། །སྙིང་པོ་བྱང་ཆུབ་ལ་གནས་པས། །ཐམས་ཅད་ཇི་ལྟར་སྣང་ཡང་རུང་། །ཐམས་ཅད་ཇི་ལྟར་ཤེས་ཀྱང་རུང་། །ཐམས་ཅད་ཇི་ལྟར་ཡིན་ཀྱང་རུང་། །འགྲོ་ཉལ་ཟ་འཆག་སྤྱོད་ལམ་བཞི། །གང་དུ་སྣང་ཞིང་ཅི་ཞིག་བྱེད། །དབྱིངས་ལས་འགྱུར་བ་མེད་པའི་ཕྱིར། །མ་བྱུང་མ་སྐྱེས་མ་སྨྲས་རྒྱལ། །མི་སྣང་རྒྱུན་གྱི་ཆོས་སྐུ་དང་། །སྣང་བ་གཟུགས་སྐུའི་ཐུགས་རྗེ་ཡང་། ཁུན་ཆད་མེད་པར་འབྱུང་བའི་ཕྱིར། །ནམ་མཁའི་ཀློང་ནས་ཆོ་འཕྲུལ་བཞིན། །རང་བྱུང་རང་ཞི་རྒྱུན་མི་ཆད། །སྙིང་པོ་བྱང་ཆུབ་སེམས་ཀྱི་ཀློང་། །སྐལ་ལྡན་སྐྱེས་བུ་དེ་ཉིད་ལ། །ཡེ་ནས་སྒྱི་བླུགས་ཡིན་པའི་ཕྱིར། །ཕྱོགས་སུ་དམིགས་པར་མི་བྱའོ། །གང་མཐོང་དམ་པའི་དོན་དུ་མཐོང་། །གཅིག་མཐོང་ཐམས་ཅད་མཐོང་བ་ཡིན། །དེ་ལ་ཐེ་ཚོམ་མི་ཟ་བས། །སངས་རྒྱས་ཀུན་གྱི་དགོངས་པ་མཐོང་། །འདི་ལྟར་ཡོངས་སུ་ཤེས་གྱུར་ན། །འགྲོ་བ་ཀུན་གྱི་དོན་ཤེས་འགྱུར། །དེ་ཤེས་རིག་པ་ཕྱོགས་མེད་ལ། །བརྗོད་མེད་རང་རིག་ཉམས་ཤར་བས། །རང་བྱུང་ཡེ་ཤེས་འཆར་ནུབ་མེད། །མཐའ་ཡི་མུན་པ་མི་མངའ་བས། །ཕྱི་ནང་མེད་པར་ཀུན་ལ་གསལ། །གཏིང་གི་མུན་པ་མི་མངའ་བས། །མ་རིག་གཉེན་པོས་གཞོམ་མི་དགོས། །ཁ་གཏིང་མེད་པར་ཀུན་ལ་གསལ། །ཕྱི་ནང་སྒོང་ཕུར་མེད་པའི་ཕྱིར། །མངོན་དུ་བྱུང་བའི་ལུང་ཞེས་བྱ། །རྣམ་དག་ལམ་ཆེན་དེ་ཡིན་པས། །མི་གཡོ་རྟོགས་པའི་ཀློང་ཞེས་བྱ། །དམིགས་པའི་མཐའ་ལས་འདས་པས་ན། །མི་གནས་ཆོས་སྐུའི་ངོ་བོ་ཉིད། །རྒྱུ་རྐྱེན་མེད་པར་རང་བྱུང་བས། །རང་བྱུང་ཡེ་ཤེས་ནམ་མཁའ་ཆེ། །ཐམས་ཅད་དེ་རུ་འདུས་པས་ན། །མ་འདྲེས་ཡོངས་རྫོགས་ཐེག་པའི་རྒྱན། །སྨྲ་བརྗོད་བསམ་ལས་འདས་པའི་ཕྱིར། །ཚད་དང་བྲལ་བའི་བྱང་ཆུབ་སེམས། །རང་བཞིན་མཚན་ཉིད་གཅིག་ལ་ཡང་། །ཡོན་ཏན་སྟོབས་ཀྱིས་ཅིར་ཡང་སྣང་། །རང་བཞིན་མཚན་ཉིད་མེད་པ་ལ། །སྨོན་ལམ་སྟོབས་ཀྱིས་ཅིར་ཡང་འགྲུབ། །སྐལ་དང་མི་ལྡན་སྐྱེ་བོ་ཡིས། །བསྐལ་པ་དང་ནི་མི་ཚེ་སྲ །དེ་ཡིས་ཕྱོགས་སུ་བཙལ་མོད་ཀྱང་། །རང་གི་མཐུ་ཡིས་རང་བསྒྲིབས་ནས། ལོག་པར་མཐོང་བར་བརྒྱ་ཕྲག་ཡས། །ཇི་ཙམ་གནས་ཀྱང་ངོ་མ་ཤེས། །ཉེ་འདུག་རིང་དུ་འཚོལ་བ་ཡི། །སྐལ་མེད་རྣམས་ལ་སྣང་མི་རུང་། །སྐལ་ལྡན་དག་པའི་བློ་ཅན་ལ། །གཡོགས་པ་མེད་པར་ཁྱབ་པ་དང་། །ཆེ་ཆུང་མེད་པར་མཐོང་བ་དང་། །བཟང་ངན་མེད་པར་སྤྱད་པ་དང་། །མཐོ་དམན་མེད་པར་བརྟོལ་པ་དང་། །ཡངས་དོག་མེད་པར་ཤོང་བ་དང་། །རྒྱུ་འབྲས་མེད་པར་ལེན་པ་དང་། །ཕོ་མོ་མེད་པར་སྤྱོད་པ་དང་། །མུན་སྣང་མེད་པར་མཐོང་བ་དང་། །སྔ་ཕྱི་མེད་པར་གྲོལ་བ་དང་། །ལས་ཀྱིས་འགྲུབ་དང་མི་འགྲུབ་དང་། །རྣམ་སྨིན་སོག་དང་མི་སོག་དང་། །སྐྱེ་བ་ཡོད་དང་མེད་པ་དང་། །འགག་པ་ཡོད་དང་མེད་པ་དང་། །དེ་དག་ཐམས་ཅད་དུས་གཅིག་གསལ། །དེ་ཡང་དབྱིངས་ལ་རིག་པའི་སྟོབས། །རང་གི་ཆོ་འཕྲུལ་ཉིད་དུ་སྣང་། །གང་གིས་མི་མཐོང་མི་རྟོག་པའི། །སྐལ་མེད་སྐྱེ་བོས་དེ་མི་ཤེས། །ཐམས་ཅད་དེ་ཡི་རང་བཞིན་ལ། །རང་སྣང་ལོག་པས་དེ་མི་ཤེས། །ཀུན་ལ་ཡོད་དེ་ཉེ་ཡང་རིང་། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྟོག་པ་མངོན་གྱུར་གྱི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པའི་དོན་མ་ནོར་བར་གསུངས་པ། ལྷུན་གྱིས་གྲུབ་པའི་ཆོས་ཉིད་ལ འབྲས་བུ་མི་ཟད་གཏེར་དང་ལྡན། །འཁོར་འདས་ཐམས་ཅད་དེ་ལས་བྱུང་། །སྣང་གྲགས་ཐམས་ཅད་དེ་ལ་སྤྱོད། །བཙལ་བ་མེད་པས་བྱ་བྲལ་དང་། །ནམ་མཁའི་ཀློང་ལྷར་ཡོངས་ལ་ཁྱབ། །གསེར་གྱི་རྫས་ལྟར་གཅིག་ལས་སྣང་། །ཐ་དད་ཤར་ཡང་གཅིག་ཏུ་རྫོགས། །རྩ་བ་མི་འགྱུར་འབྲས་བུ་གཅིག །དེ་ལས་བྱུང་བའི་ཆོས་རྣམས་ཀུན། །ཉིད་ཀྱི་ངོ་བོར་མ་གྱུར་པའི། །གཞན་དུ་སྣང་བ་ཅི་ཡང་མེད། །མ་སྤྲོས་ཀུན་ལ་ཁྱབ་པའི་ཕྱིར། །ཕྱི་ནང་མེད་པར་གདལ་བ་ཆེ། །དུས་གསུམ་བཞུགས་པའི་སངས་རྒྱས་དང་། ཁམས་གསུམ་འཁོར་བའི་སེམས་ཅན་ཀུན། །རྡོ་རྗེ་སྙིང་པོའི་ངོ་བོ་སྲ །ཡེ་སངས་རྒྱས་པའི་ཆོས་ཉིད་ལ། །ཀུན་ཀྱང་གནས་ཕྱིར་ཡེ་ནས་གྲོལ། །ཀུན་གྲོལ་ཆེན་པོ་བལྟ་བའི་ཀློང་། །རང་བྱུང་ཡེ་ཤེས་བཙལ་མེད་པས། །ཆེད་དུ་འབད་པ་མེད་པ་མྲ །ཚེགས་མེད་དོན་ཆེན་ཡེ་ནས་འགྲུབ། །སྐྱོན་ཡོན་གང་ཡང་མ་སྤངས་པས། །བླང་དོར་གཉིས་སུ་མི་བལྟ་བས། །རང་སར་གྲོལ་བས་གང་དགར་བཞག །བཞག་དང་མི་བཞག་མེད་པ་སྲ །ཆོས་ཉིད་ཀློང་དུ་གྲོལ་བ་ལ། །དབྱེ་བསལ་སྤང་བླང་ངང་གིས་མེད། །བཙལ་བ་མེད་ཅིང་བསྒྲུབ་ཏུ་མེད། །ངེས་པར་གྲོལ་ལོ་གཟའ་གཏད་མེད། །ལྷུན་གྱིས་གྲུབ་བོ་ཕྱོགས་རིས་མེད། །དེ་ལྟར་གོ་བའི་སྐལ་ལྡན་ལ། །བསྒོམ་དང་མ་བསྒོམས་མེད་པ་དང་། །མཚན་མ་རང་སར་གྲོལ་བའི་ཕྱིར། །གཉིས་སུ་མེད་པའི་བྱང་ཆུབ་སེམས། །ཆོས་ཉིད་བྱང་ཆུབ་སེམས་འདི་ནི། །བྱང་ཆུབ་ཉིད་ལས་མེད་པའི་ཕྱིར། །དེ་ལ་གྲོལ་དང་མ་གྲོལ་མེད། །ཇི་ལྟར་བྱས་ཀྱང་མི་འདའ་བས། །སྐྱེ་འགག་མེད་པའི་ཀློང་ཆེན་ཡིན། །གཞན་དུ་འཆར་བ་མེད་པའི་ཕྱིར། ཉིད་ལ་ཉིད་ཀྱི་ཕྱོགས་རིས་མེད། །རྒྱ་ཆད་ཕྱོགས་ལྷུང་མེད་པའི་ཕྱིར། །ཐམས་ཅད་གཉིས་མེད་ཀློང་དུ་གནས། །ལྟ་བ་ཕྱོགས་མེད་རང་གྲོལ་ཀློང་། །གསེར་གླིང་ལྟ་བུར་དབྱེ་བསལ་མེད། །བསྒོམ་པ་ཕྱོགས་མེད་ཡེ་ཀློང་དང་། །བྱེ་རླུད་ལྟ་བུར་དབྱིངས་སུ་ཐིམ། །སྤྱོད་པ་ཕྱོགས་མེད་རང་ཤར་ཀློང་། །ཆུ་ཀླུང་ལྟ་བུར་འཇམ་ཞིང་དལ། །འབྲས་བུ་ཕྱོགས་མེད་ཡེ་གྲུབ་ཀློང་། །ཡུལ་ཀླུང་ལྟ་བུར་མ་འདྲེས་གསལ། །འཁོར་འདས་ཐིག་ལེ་ཉག་གཅིག་ལ། །རང་རང་ཞེ་འདོད་རྩོལ་སེམས་ཀྱིས། །ལྟ་བསྒོམ་སྤྱོད་པ་འབྲས་བུ་རྣམས། །གསེར་དངུལ་ཕྲ་མེན་རྫས་ལྟ་བུར། །མ་འདྲེས་ཡོངས་རྫོགས་གཅིག་གི་རྒྱན། །ཁྱད་པར་གྱུར་པ་ཨ་ཏིའི་རྫོང། །བཤིགས་པས་མི་ཤིགས་རྡོ་རྗེའི་མཁར། །དེ་ལ་སྐྱེ་འགག་མེད་པས་ན། །ནམ་མཁའ་ལྟ་བུའི་ཆོས་ཉིད་ཡིན། །ནམ་མཁའི་ཀློང་ན་གང་བྱས་བདེ། །ལྷུན་གྲུབ་ཀློང་དུ་གང་ཤར་གྲོལ། །འཁོར་འདས་རིག་པ་ཆིག་ཆོད་ལ། །མཉམ་དང་མི་མཉམ་སེམས་ཀྱི་སྟོབས། །དབྱེ་བསལ་མེད་དོ་གཅིག་གི་ཀློང་། །གཉིས་མཐའི་དྲོས་ཐག་བཅད་པའི་ཕྱིར། །མཚུངས་མེད་ཕྱོགས་མེད་གཏན་ཚིགས་ཀྱིས། །ཡུལ་སྣང་ཞེན་པ་ཀུན་བཀྲོལ་ནས། །ཕྱོགས་རིས་མེད་དོ་ཡེ་གདལ་ཆེ། །དེ་དོན་འགྱུར་མེད་གནད་ལ་ཕེབས། །ཕྱོགས་མེད་རིག་པ་ཁ་ཡན་གྱིས། །མཐར་འཛིན་སྤྲོས་པ་ཀུན་བཅད་ནས། །དགག་སྒྲུབ་མེད་པར་ཡེ་ནས་མཉམ། །ཡུལ་སེམས་རིས་སུ་མི་འབྱེད་པས། །ཡུལ་མེད་རིག་པ་རང་ཤར་གྱིས། །གཏན་ཚིགས་ཞེན་པའི་གཏིང་ཕྱུང་ནས། ཁུ་འབྲས་མེད་དོ་ཆོས་ཉིད་ཆེ། །དེ་ལ་ཕྱོགས་སུ་རྩོལ་འདོད་པ། །དག་དང་མ་དག་གོལ་ས་སྟེ། །རིམ་པ་བརྒྱད་པོ་ལམ་གྱི་གནས། །ཡིད་ཆེས་རང་གཞན་གཉིས་ཀྱི་ལུང་། །ཐེ་ཚོམ་གོལ་ས་ཤུགས་ཀྱིས་ཆོད། །ཕྱི་ནང་མེད་པར་འོད་གསལ་བས། །མཐའ་ཡི་མུན་པ་ཀློང་དུ་དག །རྒྱུ་རྐྱེན་གཉེན་པོས་མི་གཡོ་བས། །འཇིག་འདྲལ་མེད་པ་ཆོས་ཀྱི་སྐུ། །མ་རིག་མེད་པ་ཡེ་ཤེས་ཀློང་། །ཐམས་ཅད་གྲོལ་བ་ནམ་མཁའི་ཀློང་། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། མ་འདྲེས་ཡོངས་སུ་རྫོགས་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ། །གཡོས་པ་མེད་ལ་མི་རྟོག་ན། །བདག་ཉིད་རྟོག་པ་བློར་མི་སྣང་། །མི་རྟོག་པ་ལ་འཇུག་འདོད་ན། །རྣམ་པར་རྟོག་པའི་ས་བོན་འདེབས། །གལ་ཏེ་མི་རྟོག་དོན་མཐོང་ཡང་། །མི་རྟོག་མ་ཡིན་སྙམ་བྱེད་བློ། །འགྱུ་བ་ཕྲ་མོ་ཏིང་འཛིན་གེགས། །རྩ་བ་བྱང་ཆུབ་སེམས་འདི་ལ། །ཡོད་པར་བརྟགས་པས་དངོས་པོའི་མཐའ། །མེད་པར་བརྟགས་པས་སྟོང་པའི་བློ། །སྟོང་པའི་བློ་ལ་འཛིན་པ་ཡོད། །དངོས་པོའི་མཐའ་ལ་བརྟག་ཏུ་མེད། །དངོས་པོ་ཐམས་ཅད་མི་རྟག་པས། །དེ་བས་མཚན་མ་ཉེས་དམིགས་ཆུང་། །སྐལ་དང་ལྡན་པའི་སྐྱེས་བུ་དེ། །མི་རྟོག་དོན་ལ་འཇུག་མི་བྱེད། །སྟོང་པའི་དོན་ལ་བློ་མི་གནས། །ཉམས་མྱོང་བཞག་ས་མི་འཚོལ་བས། །ཞེན་ཅིང་ཆགས་པའི་ཡུལ་མི་གནས། །དྲན་པའི་ཐག་པ་མི་འདོགས་པས། །འཛིན་པའི་རྟོག་ཕུར་དེ་ལ་མེད། །ཐམས་ཅད་སངས་རྒྱས་ཡིན་པའི་ཕྱིར། །སྙིང་རྗེའི་ཡུལ་དང་གནས་མི་དམིགས། །མི་རྟོག་ཀློང་ཡངས་ཆོས་སྐུ་དེ། །བལྟས་པས་མི་མཐོང་བཞག་པས་གསལ། །ཐམས་ཅད་ཀུན་ལ་གསལ་བའི་ཕྱིར། ཁྲར་ནུབ་མེད་པར་གདོད་ནས་གནས། །ཐམས་ཅད་ཀུན་ལ་ཁྱབ་པའི་ཕྱིར། །ལྷུན་གྱིས་གྲུབ་པར་ཡེ་ནས་གནས། །གང་ལ་རྟོག་པ་མེད་པའི་ཕྱིར། །མཚན་མའི་ཆོས་ལས་ཡེ་ནས་འདས། །ཐམས་ཅད་སྙིང་པོ་བྱང་ཆུབ་ལ། །སྟོང་ཉིད་ཆོས་སྐུ་གཞན་ན་མེད། །སྤྱོད་ཡུལ་ཀུན་ལ་སྙོམས་པའི་ཕྱིར། །ཞིང་ཁམས་རྣམ་པར་དག་པ་ཉིད། །ཡེ་ནས་དེ་བཞིན་གནས་པ་ལ། །ཅི་ཕྱིར་སུ་ལ་གང་ཞིག་འདྲི། །དཔེ་ཡིས་མཚོན་པར་བྱ་བ་དང་། །ཚིག་ཏུ་བརྗོད་པ་མེད་མོད་ཀྱང་། །རེ་ཞིག་ཉེ་བར་བསྟན་པའི་ཕྱིར། །ཀུན་ལ་ཁྱབ་ཅིང་མཐའ་དབུས་མེད། །ནམ་མཁའ་ལྟ་བུའི་བྱང་ཆུབ་སེམས། །དངོས་པོ་གཉིས་དང་བྲལ་བའི་ཕྱིར། །སྒྲོ་སྐུར་འདས་པའི་བྱང་ཆུབ་སེམས། །འདོད་དགུར་འབྱུང་ཞིང་ཐབས་མི་སྤོང་། །རིན་ཆེན་ལྟ་བུའི་བྱང་ཆུབ་སེམས། །ཕྱི་ནང་མེད་པར་ཡོངས་སུ་གསལ། །སྒྲོན་མ་ལྟ་བུའི་བྱང་ཆུབ་སེམས། །གཡོ་འགུལ་མེད་པར་ཀུན་ཏུ་འབྱུང་། །རྒྱ་མཚོ་ལྟ་བུའི་བྱང་ཆུབ་སེམས། །བཅོས་བསླད་བྲལ་བས་བསྒྱུར་དུ་མེད། །གསེར་ཞུན་ལྟ་བུའི་བྱང་ཆུབ་སེམས། །མཚོན་པའི་བླ་དགས་བསམ་ཡས་ཀྱང་། །བསྟན་པའི་དངོས་པོ་གཅིག་ལས་མེད། །མིང་གི་རྣམ་གྲངས་ཅིར་བཏགས་ཀྱང་། །དོན་གྱི་ངོ་བོ་གཅིག་ལས་མེད། །དཔེ་རེ་དོན རེམཚོན པའིབརྡའ། །མིང་དང་བླ་དགས་བོད་པའི་ཚིག །སྒྲ་དང་ཐ སྙདམཚོན པའིཆོས། །དངོས་གཞི་མེད་པའི་ཆོས་ཉིད་ལ། །ཅི་ལ་རྟོག་ཅིང་ཅི་ལ་སྤྱོད། །བཙལ་བར་བྱ་བའི་ཡུལ་མེད་པས། །དཔེས་མཚོན་ཚིག་ཏུ་བརྗོད་དུ་མེད། །དེ་ཉིད་དང་ནི་དེ་མ་ཡིན། །ཇི་བཞིན་པ་དང་དེ་ལས་གཞན། །མ་ནོར་པ་དང་འཁྲུལ་པ་དང་། །མ་བཅོས་པ་དང་བཅོས་པ་དང་། །གཞན་མ་ཡིན་དང་རང་ཡིན་དང་། །ཆོས་ཅན་དང་ནི་ཆོས་ཉིད་དང་། །དབྱིངས་དང་དངོས་པོ་ལ་སོགས་པ། །བཟང་ངན་བྱེ་བྲག་འབྱེད་པ་ནི། །འདི་ཀུན་རང་བཞིན་འཁྲུལ་པའི་བློ། །བྱང་ཆུབ་སེམས་ལ་དབྱེ་བ་མེད། །སྟོང་ཉིད་སྙིང་པོའི་ཀློང་ཆེན་འདི། །སྐད་ཅིག་རྟོགས་པ་ཙམ་གྱིས་ཀྱང་། །བྱང་ཆུབ་ཀློང་དུ་དེར་སོན་པས། །མཚན་མའི་ཆོས་ལ་རག་མི་ལུས། །སྟོང་པའི་ཆོས་ལ་བློ་མི་གནས། །ཅིར་ཡང་མེད་ལས་གར་ཡང་སྣང་། །མཐོང་བ་མེད་པར་ཀུན་ཏུ་གསལ། །བརྟགས་ན་མ་རྙེད་ཅིར་ཡང་འཆར། །དངོས་པོ་མེད་ལས་སྙིང་པོ་འབྱུང་། །རང་བཞིན་མེད་པར་ཀུན་ལ་ཁྱབ། །དངོས་གཞི་མེད་པར་ཐམས་ཅད་འབྱུང་། །བསྒྲུབ་ཏུ་མེད་པར་ཅི་ཡང་འགྲུབ། གཏང་བཞག་མེད་པར་རང་ལ་གནས། །འདོད་པ་མེད་པར་དོན་ཀུན་འགྲུབ། །འདོད་དགུར་འབྱུང་བས་བཙལ་མི་དགོས། །ཡེ་ཤེས་ཉི་མ་རང་ལ་ཤར། །གསང་སྔགས་དོན་ཀུན་བསྐྱེད་པའི་གཞི། །གདུལ་བྱ་མ་ལུས་འདུལ་པའི་ཞིང་། །ཐམས་ཅད་བདག་ཉིད་བྱང་ཆུབ་ཀློང་། །མི་མཛད་མཛད་པ་མཐར་ཕྱིན་པས། །དུས་གསུམ་རྒྱལ་བ་མ་ལུས་ཀྱིས། །ཕྲིན་ལས་ཅི་མཛད་འདི་ཡིས་མཛད། །ཁམས་གསུམ་སེམས་ཅན་ཐམས་ཅད་ཀྱིས། །བྱ་བ་ཅི་བྱེད་འདི་ཡིས་བྱས། །ཉིད་ལ་བྱས་པ་གང་ཡང་མེད། །མ་བྱས་དོན་ཀུན་འགྲུབ་པའི་ཕྱིར། །འདོད་འབྱུང་ནོར་བུ་རིན་པོ་ཆེ། །ཆོ་འཕྲུལ་ཆེན་པོ་འབྱུང་བའི་གཞི། །ཆོས་ཀྱི་འཁོར་ལོ་བསྐོར་བའི་ཚུལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དོན་ལ་གཡོས་པ་མེད་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་པའི་དོན་འདི་གསུངས་སོ། ཇི་སྲིད་ཆོས་རྣམས་ཐམས་ཅད་ཀུན། །རྩ་བ་རང་གི་བྱང་ཆུབ་སེམས། །ཡན་ལག་སྣང་གྲགས་ཀུན་ཏུ་ཤར། །སེམས་ཉིད་ཡེ་ནས་མ་སྐྱེས་པས། །འཁོར་འདས་སྐྱེ་མེད་དུས་གཅིག་རྫོགས། །ཉོན་མོངས་བདེ་སྡུག་ལ་སྩོགས་ཀུན། །སྤང་དུ་མེད་དེ་བདག་ཉིད་རང་། །བྱང་ཆུབ་སེམས་ལས་གཞན་མེད་པས། །སྐྱེ་མེད་རང་གི་རྒྱན་དུ་རྫོགས། །དགེ་བའི་བསམ་གཏན་དུས་ཚིགས་དང་། །སྤྱོད་ཡུལ་ངོ་ལ་སྣང་བའི་ཆོས། །དངོས་པོ་ཀུན་གྱི་རང་བཞིན་ཡང་། །བྱང་ཆུབ་སེམས་ཉིད་དེ་ཡི་རྒྱན། །ཐམས་ཅད་རྒྱན་ལྡན་ཡོངས་རྫོགས་པས། །རྫོགས་པ་ཆེན་པོ་དབྱེར་མེད་ཆོས། །ལ་ལ་ཡིན་ལ་ལ་ལ་མིན། །ཀུན་ཀྱང་འདྲ་བར་ཡོངས་རྫོགས་པས། །འོག་མས་བགྲངས་པའི་བྱེ་བྲག་མེད། །སྐྱེ་བ་མེད་པའི་ཆོས་ཉིད་ལ། །རྒྱུ་རྐྱེན་མེད་དེ་༄༅ ཅིར་ཡང་འཆར། །སྣ་ཚོགས་ནོར་བུ་ཇི་བཞིན་ནོ། །ཀུན་ལ་ཇི་བཞིན་དེ་ཉིད་ལས། །ཀུན་ཀྱང་སངས་རྒྱས་ཡིན་པར་འདྲ། །འགྲོ་འོང་མེད་པར་མཁའ་དང་མཚུངས། །འཇུག་ལྡོག་མེད་པར་དབྱིངས་སུ་གྲོལ། །རྒྱུ་རྐྱེན་ཟད་པས་ཉོན་མོངས་དང་། །འཆིང་གྲོལ་མེད་པས་དགག་སྒྲུབ་བྲལ། །ཐོག་མཐའ་མེད་པས་རྒྱུན་མི་འཆད། །དེ་ལ་དུས་གསུམ་གང་སེམས་པ། །མཉམ་པའི་དོན་ལ་གོལ་བ་ཡིན། །དུས་གསུམ་མེད་པའི་ཆོས་ཉིད་ལ། །གཞི་རྩ་མེད་ཅེས་བཏགས་པ་ཡིན། །གཏད་མེད་ཕྱོགས་བྲལ་གཞི་ཡི་ཆོས། །འཁྲུལ་པ་ཁོ་ནར་རྣམ་བརྟགས་ཀྱང་། །དབྱིངས་ལ་ཐེར་ཟུག་གང་ཡང་མེད། །བརྟགས་གཞི་མེད་ཅིང་ངེས་པ་མེད། །ཡིན་མིན་མེད་པར་ཀུན་ཤར་བས། །བཟང་ངན་མེད་པར་ཀུན་གྲོལ་ཡིན། །མཐོ་དམན་མེད་པར་ཀུན་གསལ་བས། །བྱེ་བྲག་མེད་པར་གྲོལ་བ་ཡིན། །ཡང་དག་དོན་ལ་དམིགས་བཙལ་བས། །རྒྱུ་རྐྱེན་འདི་ཡིན་མེད་པས་ན། །ཆགས་སྡང་གནས་མེད་བྱང་ཆུབ་ལམ། །སྐྱེ་མེད་འགག་མེད་ལྟ་བའི་རྒྱན། །ཡེ་ཤེས་བདུད་རྩི་འཁོར་བ་འཇོམས། །ཐོག་བབས་ཅར་ཕོག་ཤུགས་འབྱུང་དང་། །ཀློང་རྡོལ་རང་ཤར་ཤར་ལུགས་ཀྱིས། །འགྲོ་དྲུག་གྲོང་ཁྱེར་གཏན་ནས་བརྩམ། །སྐྱེ་ཤི་མེད་པར་རུ་མ་བརླག །ཁམས་གསུམ་མ་ལུས་ཡོངས་སུ་བསྒྲལ། །དེ་ལ་གཉིས་ཀྱིས་བསྡུས་པའི་ཆོས། །ཅི་རུ་སྣང་ཡང་ཕན་གནོད་མེད། །སྲིད་གསུམ་མིང་དུ་བཏགས་པ་ཙམ། །ཆོས་ཉིད་ཡེ་སྲིད་སྐྱེ་མི་སྲིད། །རིག་པ་མ་འགགས་ཅིར་སྲིད་ཀྱང་། །སངས་རྒྱས་ཞིང་སྟེ་སྐྱེ་བ་མེད། །སྐྱེ་མེད་སྣ་ཚོགས་ཀུན་གྱིས་བདག །ཡེ་ནས་ཡིན་པས་ཀུན་མ་སྐྱེས། །མ་སྐྱེས་པ་ཡི་ཆོས་ཉིད་ལ། །རྒྱུ་རྐྱེན་གཉིས་སུ་གང་བལྟ་བ། །འདུས་མ་བྱས་ལ་རྒྱབ་ཀྱིས་ཕྱོགས། །ཡང་དག་དོན་ལ་སྒྲོ་སྐུར་བཏབ། །རང་གིས་རང་བསླུས་སྙིང་རེ་རྗེ། །འདི་ནི་སངས་རྒྱས་ཞིང་ཁམས་ཏེ། །བདེ་བ་ཅན་ནི་ལོགས་ན་མེད། །ཅི་སྟེ་སྡུག་བསྔལ་མ་སྤངས་ཀྱང་། །ཅིར་ཡང་མི་སྙམ་གྲུབ་པ་མེད། །བདེ་བ་མི་འདོད་དང་མ་ཆགས། །ཆགས་སྡང་གཏན་ནས་མ་གྲུབ་པས། །གཉེན་པོ་མེད་དེ་དབྱིངས་སུ་དག །དབྱིངས་སུ་མ་དག་གང་ཡང་མེད། །ཀློང་དུ་མ་གྲོལ་ཅི་ཡང་མེད། །བརྟགས་པས་དབྱིངས་ཀྱང་དབྱིངས་སུ་སྟོར། །འཁོར་བའི་ཆོས་ཀྱང་དབྱིངས་སུ་སྟོར། །མྱ་ངན་འདས་པ་ཀློང་དུ་ཐིམ། །འཁོར་བའི་ཆོས་ཀྱང་དབྱིངས་སུ་ཤར། །མྱ་ངན་འདས་པ་ཀློང་ནས་བྱུང་། །ཀློང་ལས་དབྱིངས་ཤར་ངོ་མཚར་ཆེ། །ཐོག་མར་གང་ནས་མ་འོངས་པས། །གཞི་གནས་ཡིན་ཏེ་འཕོ་འགྱུར་མེད། །ད་ལྟར་གང་དུ་མི་གནས་པས། །ངེས་མེད་ཡིན་ཏེ་བྱ་བཙལ་བྲལ། །ཐ་མར་གང་དུ་མི་འགྲོ་བས། །ཐིག་ལེ་གཅིག་ལ་དུས་གསུམ་མེད། །དུས་གསུམ་མེད་པས་སྐྱེ་འགག་མེད། །སྐྱེ་འགག་མེད་པའི་རིག་པ་དེ། །ཅིར་ཡང་འཆར་བས་གདལ་ཁྱབ་ཡིན། །གདལ་ཁྱབ་ཡིན་པས་རྒྱ་མ་ཆད། །ཕྱོགས་སུ་ལྷུང་བ་མེད་པས་ན། །གང་གིས་གང་ལ་ཕན་གདགས་སམ། །གནོད་པ་སུ་ལ་སུ་ཡིས་སྐྱེལ། ཁུ་དང་འབྲས་བུ་གང་གིས་བྱེད། །སྔ་ཕྱི་མེད་པས་རྒྱུ་འབྲས་མེད། །རྒྱུ་འབྲས་མེད་པས་འཁོར་འདས་མེད། །འཁོར་འདས་མེད་པས་བྱང་ཆུབ་མེད། །དེ་ལ་འབྲས་བུ་གང་འདོད་པ། །ཡང་དག་དོན་ལ་རྒྱབ་ཀྱིས་ཕྱོགས། །སྔ་ཕྱི་ཐོག་མཐར་མ་སྐྱེས་པས། །གནས་ཀྱང་སྐྱེ་བ་མེད་པར་གནས། ཁྲར་ཡང་སྐྱེ་བ་མེད་པར་ཤར། །ཡིན་ཡང་སྐྱེ་བ་མེད་པར་ཡིན། །གྲོལ་ཀྱང་སྐྱེ་བ་མེད་པར་གྲོལ། །དེ་ལ་སྐྱེ་བར་སྒྲོ་འདོགས་པ། །རང་ངོ་མ་ཤེས་སྙིང་རེ་རྗེ། །གལ་ཏེ་སྐྱེ་བ་ཡོད་གྱུར་ན། །ཁམས་གསུམ་མིང་དུ་བཏགས་པ་ཡི། །སེམས་ཅན་མ་ལུས་ཐམས་ཅད་ཀྱི། །ཤ་རུས་བསགས་ཀྱང་མཁར་མི་ཤོངས། །སྐྱེ་མེད་དབྱིངས་སུ་གྲོལ་བས་ན། །འགྲོ་བའི་ལམ་ཆེན་མཁའ་ཡི་དབྱིངས། །ནམ་མཁའི་ངང་ལ་ཀུན་སྤྱོད་པས། །འགག་པ་མེད་པར་ཤར་བ་ཡིན། །རང་བྱུང་རང་ཞི་སྐྱེའགག་མེད། །ཆིག་ཆོད་ཡིན་པས་འཇུག་ལྡོག་མེད། །འོ་ན་འདི་ལྟར་སྣང་བ་འདི། །རྒྱུ་རྐྱེན་ཅི་ལས་བྱུང་ཞེ་ན། །རང་བྱུང་ཡིན་པས་རྒྱུ་རྐྱེན་བྲལ། །ནམ་མཁའ་དངོས་པོར་མི་འགྱུར་བཞིན། །སྐྱེཤིམེད་པའི་རིག་པ་ལ། །མཚན་མས་བཤིག་པའི་གོ་སྐབས་མེད། །འདི་ལྟར་སྣང་བའི་ཆོས་རྣམས་ཀུན། །ཅི་ཡང་མ་ཡིན་ངོ་བོ་ལས། །ཅིར་ཡང་རྣམ་པར་རང་ཤར་བས། །རྟག་དང་ཆད་པའི་སྒྲོ་སྐུར་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། མཐའ་འགྲོལ་གསང་བའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་བཅོམ་ལྡན་འདས་སྟོན་པའི་རྒྱལ་པོས་ཡང་དག་པའི་དོན་བཀའ་སྩལ་པ། གང་ལས་གྱུར་དང་མ་གྱུར་པའི། །ཆོས་སུ་བཏགས་པ་ཇི་སྙེད་པ། །གང་ཕྱིར་གང་གིས་བཏགས་པ་ཡིན། །འདོགས་པའི་མཁན་པོ་སུ་ཞིག་ཡིན། །གདགས་པའི་གཞི་ནི་གང་ལ་ཡོད། །ཡུལ་དང་གནས་ནི་སུ་ལ་བརྟེན། །གང་ལས་གྱུར་ན་རང་ལས་གྱུར། །མ་གྱུར་པ་ཡང་རང་ཡིན་ཏེ། །རང་ངོ་ཤེས་པར་བྱ་བའི་ཕྱིར། །རང་གིས་རང་ལ་མིང་དུ་བཏགས། །འདོགས་པའི་མཁན་པོ་རང་ཉིད་ཀྱིས། །གདགས་གཞི་མེད་པའི་དོན་ལ་གདགས། །རང་གིས་ཆགས་པར་གྱུར་པ་ཡིས། ཁུགས་ཀྱིས་དེ་ལ་བལྟས་གྱུར་ནས། །མཚན་མ་སྣ་ཚོགས་ཆེར་རྒྱས་པས། །བུ་མོ་མིང་མེད་མིང་དུ་སོང་། །ཡུལ་མེད་ཡུལ་ཞེས་མིང་དུ་བཏགས། །གནས་མེད་གནས་ཞེས་མིད་དུ་བཏགས། །ཡུལ་དང་གནས་སུ་གཅིག་པ་ལ། །ལས་དང་བག་ཆགས་ཐ་དད་བྱུང་། །རང་རང་རྒྱུ་དང་འབྲས་བུར་བཏགས། །རྒྱུ་ལ་ཞེན་པ་བརྟས་པ་ལས འབྲས་བུ་མཚན་མའི་ཡུལ་དུ་བྱེད། །རྒྱུ་འབྲས་མེད་པའི་དོན་ལས་ལོག །རྒྱུ་འབྲས་གཅིག་པའི་ཆོས་ཉིད་དེ། ཁུ་ཉིད་འབྲས་བུར་རང་སྣང་བས། །རྒྱུ་ལ་ཞེན་དུ་མེད་པ་སྟེ། །མ་ཞེན་འབྲས་བུ་དེར་རྫོགས་པས། །ཡུལ་ལ་བརྟེན་ཡང་མི་དགོས་ཏེ། །གནས་ལ་བཙལ་བའི་ཡུལ་དང་བྲལ། །ཐབས་དང་ཐབས་ལས་བྱུང་བ་ཡི། ཁུ།་མཚན་ཐད་ཀའི་འབྲས་བུ་དེ། །ཐབས་ལས་བྱུང་ཕྱིར་རང་བྱུང་མིན། །རང་བྱུང་ཐབས་ལ་མི་ལྟོས་ཏེ། །ཤེས་རབ་རྩལ་ལའང་དེ་མི་ལྟོས། །རང་བཞིན་བཅོས་བསྒྱུར་མེད་པ་ལ། །མ་བཅོས་པ་ཡི་འབྲས་བུ་གནས་པ་ཡིན། །རིག་པས་དཔྱད་དུ་དེ་ལ་མེད། །ཤེས་རིག་ཡུལ་དུ་མ་གྱུར་པས། །མ་རིག་མ་ཤེས་མེད་པའི་ཕྱིར། །མ་རིག་པ་དང་ཆོས་ཀྱི་སྐུ། །མིང་ལ་ཐ་དད་དོན་དུ་གཅིག །ལས་ལས་བྱུང་བས་སེམས་ཅན་གྱིས། །མ་རིག་པ་རུ་བཏགས་པ་ཡིན། །ཡེ་ཤེས་དག་ལས་གྲུབ་པ་ཡི། །རྒྱལ་བ་རྣམས་ཀྱིས་ཆོས་སྐུར་བཏགས། །ལས་དང་ཐུགས་རྗེ་དབྱེ་བ་མེད། །མ་རིག་ཆོས་སྐུ་རང་བཞིན་གཅིག །སངས་རྒྱས་སེམས་ཅན་དོན་དུ་གཅིག །རྒྱུར་གྱུར་པ་དང་རྐྱེན་དུ་གྱུར། །འབྲས་བུར་གྱུར་དང་གཉེན་པོའི་མཐུ། །ལས་ཀྱིས་བརྟགས་དང་རྟོགས་པས་བརྟགས། །མིང་གིས་བརྟགས་དང་ནུས་པས་བརྟགས། །སེམས་ཅན་ལས་ཀྱིས་བརྟགས་པ་དང་། །ལམ་པ་རྟོག་པས་བརྟགས་པ་དང་། །སངས་རྒྱས་མིང་གིས་བརྟགས་པ་ཡིན། །གང་དུ་བརྟགས་ཀྱང་རྟོག་པ་ལ། །གང་དུ་དཔྱད་ཀྱང་འཛིན་པའི་བློ། །རྟོག་དཔྱོད་བྲལ་བའི་ཆོས་ཉིད་དེ། །ནམ་མཁའི་ཀློང་ལྟར་མཉམ་པར་གནས། །ནམ་མཁའ་དེ་ལ་མཐའམེདབཞིན། །ཆོསཉིདརྟོག་པའི་ཡུལ་ལསའདས། །ནམ་མཁའ་དེ་ལ་དབུས་མེད་བཞིན། །ཆོས་ཉིད་དཔྱོད་པའི་མཐའ་ལས་གྲོལ། །རྟོག་དཔྱོད་བྲལ་བ་ནུས་པའི་མཐུ། །སེམས་ཀློང་དེ་ཡི་ནུས་པ་ཡིན། །དེ་ལས་མི་འདའ་རོལ་པ་དང་། །དེ་ལས་མི་འགྱུར་སྤྱོད་པ་དང་། །རང་བཞིན་གཅིག་ལ་གནས་པ་དང་། །ངོ་བོ་གཅིག་ལ་གནས་པ་དང་། །མཚན་ཉིད་ཐ་དང་ཤར་བ་དང་། །ཡོན་ཏན་ཕྱོགས་མེད་འབྱུང་བ་དང་། །སྤྲུལ་པ་ཅིར་ཡང་འགྱེད་པ་དང་། །མཁྱེན་པའི་གཟིགས་ཚུལ་ཅིར་སྣང་ཡང་། །སྐྱེ་འགག་མེད་པ་དེ་ཡི་མཐུ། །ཀློང་ཆེན་ཆགས་མེད་རང་གི་རྩལ། །སྐྱེ་མེད་ཆོས་སྐུའི་ཀློང་ཆེན་དེས། །འཁོར་འདས་ཀུན་ལ་རྒྱས་བཏབ་པས། །རང་བཞིན་མེད་པར་སྤྱོད་པ་དང་། །ཆགས་པ་མེད་པར་གནས་པ་དང་། །ཆོས་ཉིད་དོན་ལས་མི་འདའི་ཕྱིར། །དགོངས་པ་མཉམ་པར་གནས་པ་ཡིན། །མི་འགག་ལོངས་སྐུའི་ཀློང་ཆེན་དེས། །མཐའ་གཉིས་ཡུལ་དུ་མི་འཛིན་པས། །ཐེག་ཆེན་སྒྲིབ་པ་གཅོད་པ་དང་། །ཕྱི་ནང་མེད་པར་གསལ་བ་དང་། །ཟག་མེད་དགེ་བ་འཕེལ་བ་དང་། །སྐྱེ་བ་རྣམ་བཞིའི་ལམ་སྟོན་དང་། །ལམ་སྒོ་གང་གིས་འགེག་པ་དང་། །འབྱུང་འཇུག་གནས་སུ་སྐྱེལ་བའི་ཕྱིར། །མཚན་ཉིད་སྒྲིབ་པ་མེད་པ་ཡིན། །མི་གནས་སྤྲུལ་སྐུ་ངེས་མེད་དེས། །འགྲོདྲུགགྱེནདུའདྲེན་པ་དང་། །ཟག་བཅས་དགེ་བ་སྟོན་པ་དང་། །འགྲོ་དོན་ཕྲིན་ལས་མཛད་པ་དང་། །གདུལ་བྱའི་བསམ་པ་མཁྱེན་པ་དང་། །ཐབས་དང་ཐུགས་རྗེའི་སྦྱོར་བ་དང་། །གང་ལ་ཅི་འདུལ་ཤེས་པའི་ཕྱིར། །ཁྱད་པར་སྔགས་ཏེ་ཆེ་བ་ཡིས། །སྐུ་གསུམ་སེམས་ཀློང་དེ་ཡི་རྩལ། །མི་མཐུན་གཉེན་པོ་དེ་ལ་མེད། །གཅིག་པུ་ཆེ་མཆོག་ཆོས་ཀྱི་སྐུ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་གསུམ་རང་ལ་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་བཅོམ་ལྡན་འདས་སྟོན་པའི་རྒྱལ་པོས་འཁོར་རྣམས་ལ་ཟབ་མོའི་དོན་བཀའ་སྩལ་པ། །ཆོས་དབྱིངས་རྣམ་པར་དག་པའི་ཀློང་། །ཡངས་པ་ཆེན་པོར་ཀུན་གྲོལ་ཡང་། །རང་བཞིན་མ་ཤེས་རོལ་པ་ལ། །ཞེན་བློ་བརྟས་པའི་རྟོག་པ་ཡིས། །འགྲོ་དྲུག་སྡུག་བསྔལ་འཔྲང་དུ་ཚུད། །སྐྱེ་ཤི་མེད་ལ་སྐྱེ་ཤིར་མཐོང་། །གནས་སྐབས་སྡུག་བསྔལ་བསམ་མི་ཁྱབ། །མེད་ལ་ཡོད་མཐོང་འཁྲུལ་པ་སྟེ། །ཚོགས་དྲུག་གནད་ལ་ཕེབས་པ་ཡིས། །སྡུག་བསྔལ་འཕྲང་ཀ་དེ་བསྡམས་ནས། །སྐྱེ་གནས་བཞི་ཡི་སྒོ་བཀག་སྟེ། །སྐྱེ་འགག་མེད་པའི་ཀློང་དུ་གྲོལ། །ཡེ་ནས་གྲོལ་བ་རྒྱུན་མི་འཆད། །དེ་ལས་ཆེར་རྒྱས་རྟོག་པ་ཡིས། །མི་རྟོག་བསྒོམ་པའི་གཉེན་པོ་བསྟེན། །ལམ་ལ་ཕྱོགས་འཛིན་འཕྲང་ལ་ཚུད། །མེད་པའི་དོན་ལ་ནན་གྱིས་རྩོལ། །རྒྱུ་འབྲས་དོན་ལ་སྒྲོ་སྐུར་འདོགས། །ལུས་ངག་ཡིད་གསུམ་རྩོལ་བས་བཅིངས། །གཞན་ནས་ཚོལ་བ་ནོར་བའི་ལམ། །གྲུབ་མཐའ་གནད་ལ་ཕེབས་པ་ཡིས། །ཕྱོགས་འཛིན་འཕྲང་ཀ་དེ་བསྡམས་ནས། །འཇུག་སྒོ་ནོར་བའི་ལམ་བཀག་སྟེ། །སྐྱེ་འགག་མེད་པའི་ཀློང་དུ་གྲོལ། །ཡེ་ནས་གྲོལ་བ་རྒྱུན་མི་འཆད། །ཆོས་ཉིད་སྐྱེ་འགག་མེད་པ་ལ། །འགྱུར་ཞིང་འཇིག་པའི་ཆོས་སུ་མཐོང་། །སྐྱེ་ཤི་མེད་པའི་དོན་ཚོལ་བས། །ཨ་ཏི་གདམས་ངག་འཕྲང་དུ་ཚུད། །ཕྲ་བའི་དོན་ལ་ཆགས་ཆགས་ནས། །ཉམས་མྱོང་གོ་རྟོགས་དགྲར་ལངས་ཏེ། །རང་གྲོལ་ཆེན་པོ་མདུད་པས་བཅིངས། །ཆོས་ཉིད་གནད་ལ་ཕེབས་པ་ཡིས། །གདམས་ངག་འཕྲང་ཀ་དེ་བསྡམས་ནས། །བཟང་རྟོག་སྙམ་བྱེད་སྒོ་བཀག་སྟེ། །སྐྱེ་འགག་མེད་པའི་ཀློང་དུ་གྲོལ། །ཡེ་ནས་གྲོལ་བ་རྒྱུན་མི་འཆད། །སྐུ་གསུམ་རྒྱུན་ཆད་མེད་པ་ཡིས། །འགག་མཐའི་ཞེན་པ་རང་སར་གྲོལ། །རང་གྲོལ་མ་བཅོས་ཆོས་ཀྱི་དབྱིངས། །འདས་པའི་སངས་རྒྱས་གྲངས་མེད་ཀྱང་། །སྐྱེ་མེད་དེ་རུ་མངོན་སངས་རྒྱས། །མ་བྱོན་སངས་རྒྱས་གྲངས་མེད་ཀྱང་། །འགག་པ་མེད་པར་ཡེ་སངས་རྒྱས། །ད་ལྟར་སངས་རྒྱས་གྲངས་མེད་ཀྱང་། །སྐྱེ་འགག་མེད་པའི་ཀློང་ན་བཞུགས། །དེ་ཡི་ཡོན་ཏན་བསམ་མི་ཁྱབ། །ཡེ་ཤེས་ཕྱོགས་མེད་རང་ལས་འཆར། །སྤྲུལ་པ་ཕྱོགས་མེད་རང་ལས་འགྱེད། །དབྱིངས་ལས་རང་བྱུང་ངོ་མཚར་ཆེ རིན་པོ་ཆེ་ལས་དགོས་འདོད་དམ། །ནམ་མཁའི་ཀློང་དང་ཆོ་འཕྲུལ་བཞིན། །རང་བྱུང་རང་ཞི་ཀློང་དུ་ཐིམ། །དབྱིངས་ལ་སྟོར་བྲལ་མེད་པ་དང་། །ཁམས་གསུམ་གནས་པའི་སེམས་ཅན་དང་། །དུས་གསུམ་བཞུགས་པའི་སངས་རྒྱས་ཀྱང་། །སྟོར་བྲལ་མེད་པ་དེ་ཡི་ངང་། །འདུ་འབྲལ་མེད་པར་དེ་ན་བཞུགས། །དེ་ལ་འཕེལ་འགྲིབ་མེད་པས་ན། །ཁམས་གསུམ་གནས་པའི་སེམས་ཅན་ཀུན། །སྐད་ཅིག་མ་ཡི་ཚོད་ཙམ་ལ། །དུས་གཅིག་དག་ཏུ་སངས་རྒྱས་ཀྱང་། །དེ་ལ་མང་དུ་གྱུར་པ་མེད། །སེམས་ཅན་ཉུང་དུ་མི་འགྲོ་སྟེ། །རྒྱུ་རྐྱེན་འབྲས་བུར་གཅིག་པས་ན། །དབྲི་བསྣན་འཕེལ་འགྲིབ་མེད་པར་གནས། ཁུ་རྐྱེན་འབྲས་བུར་བཏགས་པ་ཡང་། །གློ་བུར་ཆོས་ཏེ་གཞི་མེད་པས། །ཀུན་གཞི་མེད་ཅིད་སྒྲིབ་པ་མེད། །དབྱིངས་ལ་བག་ཆགས་གནས་མེད་པས། །གཞག་པར་བྱ་བའི་གཞི་མེད་ཕྱིར། །བདེ་གཤེགས་རྒྱལ་བ་མཆོད་པ་དང་། ཁམས་གསུམ་སེམས་ཅན་བསད་པ་དང་། །དགེ་སྡིག་ལུང་མ་བསྟན་གྱི་ཆོས། །དཀར་ནག་ལས་ལ་རྗེས་མེད་པས། །བྱ་ལམ་བཞིན་དུ་རང་གྲོལ་འགྱུར། །དེ་ཡང་དབྱིངས་ཀྱི་རང་བཞིན་ཆོས། །དབྱིངས་ནི་ཟད་མཐའ་མེད་པ་སྟེ། །འབྱུང་བ་ལྔ་པོ་དབྱིངས་ལས་ཤར། །ཕྱི་ནང་སྣོད་བཅུད་ཐམས་ཅད་དང་། །འདོད་ཡོན་ལྔ་དང་དུག་ལྔ་དང་། །དབྱིངས་ཀྱི་ཆོ་འཔྲུལ་ཡིན་པས་ན། །ཐེར་ཟུག་དག་ཏུ་མི་གནས་ཏེ། །རྒྱ་མཚོ་དག་དང་རླབས་བཞིན་ནམ། །ནམ་མཁའི་དབྱིངས་སུ་སྤྲིན་དེངསབཞིན། །རྗེསམེད་ཀློང་དུ་ཐིམ་པས་ན། །འཁོར་འདས་ཀུན་གྱི་དུར་ས་ཡིན། །མྱ་ངན་འདས་པའི་ལམ་པོ་ཆེ། །བྱང་ཆུབ་སེམས་ནི་ཀུན་གྱི་གཞི། །ཀུན་གཞི་རྣམ་དག་ཆོས་ཀྱི་དབྱིངས། །ནམ་མཁའ་བཞིན་ཏེ་མཐའ་མེད་པས། །གོལ་ས་མེད་དེ་གཡང་ས་དག །གོལ་ས་གཡང་ས་བཏགས་པ་ཡང་། །དོན་ལ་ཡོད་པ་མ་ཡིན་ཏེ། །བཀྲི་དྲང་དོན་དུ་བསྟན་པ་ཙམ། །དགེ་དང་མི་དགེའི་ལས་རྣམས་ཀུན། །སྤྱད་པས་འབྲས་བུ་མི་འབྱུང་སྟེ། ཁུ་འབྲས་ཅན་ལ་བསྟན་པར་ཟད། །གལ་ཏེ་རྒྱུ་འབྲས་བདེན་ཟེར་ན། ཁུ་དེས་འབྲས་བུ་བྱས་མ་བྱས། །བྱས་ན་འབྲས་བུར་རྒྱུར་གྱུར་པས། །གོ་ལོག་པ་ཡི་སྐྱོན་དུ་འགྱུར། །གལ་ཏེ་འབྲས་བུ་མ་བྱས་ན། །དེ་ལས་བྱུང་བའི་འབྲས་བུ་དེས། །ཕྱི་མ་བསྐྱེད་པར་མི་ནུས་པས། ཁུ་འབྲས་ཆད་ཕྱིར་འབྲས་མི་འགྲུབ། །བསྐྱེད་བྱ་སྐྱེད་བྱེད་མེད་པས་ན། །རྒྱུ་འབྲས་བདེན་པར་ཡོད་མི་འགྲུབ། །དེས་ན་རྒྱུ་འབྲས་གློ་བུར་ཆོས། །རང་བྱུང་དོན་ལ་རྒྱུན་ཆད་མེད། །སྐུ་གསུམ་རྒྱུན་ཆད་མེད་པ་ལ། །ཡོན་ཏན་རྒྱུན་ཆད་མེད་པར་འབྱུང་། །ཉོན་མོངས་ཡེ་ཤེས་དབྱེར་མི་ཕྱེད། །མ་ཤེས་པ་ལ་ཁམས་གསུམ་སྟེ། །དེ་ཤེས་པ་ལ་སྐུ་གསུམ་ཀློང་། །ཡེ་ནས་ཡིན་པས་བཙལ་མི་དགོས། །དེ་མ་ཤེས་ལ་དུག་གསུམ་སྟེ། །དེ་ཤེས་ཡེ་ཤེས་བདུད་རྩི་ཡིན། །རང་ལས་བྱུང་བས་སྤངས་མི་དགོས། །མ་སྤངས་རང་གྲོལ་ཆོས་ཀྱི་སྐུ། །ཡེ་ནས་ཡིན་པས་བསྒྲུབ་མི་དགོས། །མ་བསྒྲུབས་ལྷུན་གྲུབ་ཆོས་ཀྱི་སྐུ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྒྱུ་འབྲས་སུན་དབྱུང་ཞིང་སྐུ་གསུམ་ངོ་སྤྲད་པའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱིས་སླར་གསུངས་པ། ཅིར་ཡང་སྣང་བའི་ཆོས་ཉིད་ལ། །སྣ་ཚོགས་འབྱུང་བ་དབྱིངས་ཀྱི་རྒྱན། །མུ་མཐའ་མེད་པའི་ཆོས་ཉིད་ལ། །མཐའ་ཡས་སྣང་བ་རང་གི་རྒྱན། །བརྗོད་དུ་མེད་པའི་ཆོས་ཉིད་ལ། །རྣམ་གྲངས་འབྱུང་བ་ངོ་མཚར་ཆེ། །སྐྱེ་འགག་མེད་པའི་ཆོས་ཉིད་ལ། །དུས་གསུམ་མེད་པ་ངོ་མཚར་ཆེ། །དམིགས་སུ་མེད་པའི་ཆོས་ཉིད་ལ། །དོན་རྣམས་འགྲུབ་པ་རང་གི་མཐུ། །གཞི་རྩ་མེད་པའི་ཆོས་ཉིད་ལ། །ཟད་མཐའ་མེད་པ་ཡེ་ཤེས་ཀློང་། །འཕོ་འགྱུར་མེད་པའི་ཆོས་ཉིད་ལ། །ཐོགས་པ་མེད་པ་རང་གི་རྩལ། །གང་མཐོང་ཆོས་ཉིད་ཅེར་མཐོང་ལ། །སྒྲིབ་གཡོགས་མེད་པ་ངོ་མཚར་ཆེ། །འབྱུང་བ་ཆོས་ཉིད་ཡེ་སངས་རྒྱས། །ཅིར་ཡང་མ་ངེས་རོལ་པའི་རྩལ། །ཆོ་འཕྲུལ་མེད་ཀྱང་རང་གི་རྒྱན། །བཏང་སྙོམས་ཆེན་པོ་དབྱིངས་ཀྱི་ཀློང་། །ཏིང་འཛིན་བརྒྱ་ཕྲག་བསམ་ཡས་སྒོ །སྡུད་པར་བྱེད་པ་དབྱིངས་ཡིན་པས། །སྤྲོ་བ་ཀློང་ཆེན་རང་གི་མཐུ། །འཆར་བར་བྱེད་པ་དབྱིངས་ཡིན་ཏེ། །དག་པར་བྱེད་པ་སེམས་ཀྱི་ཀློང་། །ཀློང་ཡངས་ནམ་མཁའི་ཆོ་འཕྲུལ་ནས། །བྱིན་རླབས་ཆར་བཞིན་བབས་པ་དང་། །ཡོན་ཏན་སྤྲིན་བཞིན་འཐིབས་པ་དང་། །དེ་ཡི་བྱིན་རླབས་དེ་ལ་སྣང་། །མཚན་མ་མེད་ལས་དངོས་པོར་འགྱུར། །མེད་པའི་དོན་ལས་སྣང་བ་ཡིས། །དབྱིངས་དང་སྣང་སྲིད་ཆོ་འཕྲུལ་ཀྱང་། །མ་ངེས་རོལ་པར་ཤར་བའི་ཕྱིར། །སྟོང་ཉིད་གསང་སྒོ་འབྱེད་པའི་རྟགས། །མཐུན་དང་མི་མཐུན་སྣང་བ་ཡི། །ཡང་དག་དོན་ཚོལ་ཐེག་པ་ཡང་། །གཅིག་ལ་རྣམ་གྲངས་ཕྱེ་བ་ཡིན། །གཟུགས་དང་སྒྲ་དང་དྲི་དང་རོ། །རེག་བྱ་ལ་སོགས་འདོད་ཡོན་ལྔ། །སྐྱེ་མེད་དབྱིངས་ཀྱི་རྒྱན་ཡིན་པས། །གཞི་ནས་ཤར་ཏེ་དགག་ཏུ་མེད། །དྲན་པའི་དབང་པོས་བཅད་པ་དང་། །མ་དྲན་རྨོངས་པའི་གཏི་མུག་དང་། །ཡུལ་གྱི་རྟོག་པས་བསླང་བ་དང་། །གཉེན་པོ་བསྟེན་པའི་འདུ་བྱེད་དང་། །མི་མཐུན་སྤོང་བའི་རྩོལ་སེམས་དང་། །སེམས་ལས་ལྷག་པའི་བོགས་འདོད་པ། །རྣམ་པར་ཐར་བའི་དོན་ལ་བསྒྲིབས། །དོན་ལ་བསྒྲིབ་པ་མི་མངའ་ཡང་། །རྐྱེན་གྱིས་ལོག་པར་སྣང་བ་ཡིན། །ནམ་མཁའི་ངང་ལ་སྒྲིབ་མེད་ཀྱང་། །གློ་བུར་ཆོ་འཕྲུལ་ནམ་མཁའི་གེགས། །ཆོས་ཉིད་རང་ལ་སྒྲིབ་མེད་ཀྱང་། །རང་ངོ་མ་ཤེས་སྒྲིབ་དང་གེགས། །རྒྱུ་ལ་སྤྱོད་པ་རྒྱུ་ཡི་གེགས། །རྐྱེན་ལ་སྤྱོད་པ་རྐྱེན་གྱི་གེགས། །འབྲས་བུར་ཞེན་པ་༷འབྲས་བུའི་གེགས། །རྒྱུ་རྐྱེན་མེད་པའི་ཆོས་ཉིད་ལ། །སྣང་བའི་སྒོ་མོ་མ་འགགས་པས། །རྒྱུར་ཡང་སྣང་སྟེ་རྐྱེན་དུ་སྣང་། །འབྲས་བུ་སྣང་ཞེན་མེད་པས་ན། །སྣང་ཡུལ་ཞེན་པ་ཀུན་དང་བྲལ། །སྟོང་ཉིད་ཡངས་པའི་ཧོ་ཁུང་དུ། །བརྗོདཔའིཚིག ཀྱངརྣམཔར་དག །སྣང་བའི་ཡུལ་ཡང་རྣམ་པར་དག །ཞེན་པའི་མཐུ་ཡང་རྣམ་པར་དག །སྤོང་བའི་ལམ་ཡང་རྣམ་པར་དག །སྤང་བྱའི་ཉོན་མོངས་རྣམ་པར་དག །མཐོང་བའི་འབྲས་བུ་རྣམ་པར་དག །རྩོལ་བའི་རྐྱེན་ཡང་རྣམ་པར་དག །སྐྱེད་པའི་རྒྱུ་ཡང་རྣམ་པར་དག །རྣམ་དག་ཆེན་པོ་ཆོས་ཀྱི་དབྱིངས། །དག་པར་བྱེད་པ་ཆོས་ཀྱི་དབྱིངས། །སྤྲོ་བར་བྱེད་པ་ཆོས་ཀྱི་དབྱིངས། །སྡུད་པར་བྱེད་པ་ཆོས་ཀྱི་དབྱིངས། །སྤྲོ་བསྡུ་མེད་པ་ཆོས་ཀྱི་དབྱིངས། །དབྱིངས་ལས་ཐབས་བཞེངས་རྒྱལ་བའི་སྐུ། །མི་བརྗེད་གཟུངས་ལས་གྲུབ་པ་ཡིན། །ཡེངས་དང་དྲན་པ་མེད་པས་ནི། །བཏང་སྙོམས་ཆེན་པོ་ཡུམ་གྱི་མཁའ། །ཀུན་ཏུ་བཟང་མོ་ཉིད་ཀྱི་ཀློང་། །ཁམས་གསུམ་སེམས་ཅན་ཐམས་ཅད་ཀྱི། །མར་བཏགས་ཀུན་ཏུ་བཟང་མོ་སྟེ། །བསྐྱེད་ཀྱང་བསྐྱེད་ལ་གསོ་ཡང་གསོ། །ཕར་བཏགས་ཀུན་ཏུ་བཟང་པོ་སྟེ། །བསྐྱེད་ཀྱང་བསྐྱེད་ལ་རྟེན་ཀྱང་རྟེན། །ཀུན་བཟང་ཀློང་ལ་གཞི་རྟེན་མེད། །སྐྱེ་མེད་དབྱིངས་ལ་སྐྱེ་འབྲི་མེད། །སྐྱེ་འགག་མེད་ལ་གསོ་བསད་བྲལ། །མེད་ལས་ཅིར་ཡང་སྣང་བ་དེ། །སེམས་ཉིད་ཀློང་ཆེན་རང་གི་རྒྱན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། །དབྱིངས་སུ་འདུས་ལུགས་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་འཛིན་པ་ལ་སོགས་པ་རྣམས་ལ་ཡང་དག་པའི་དོན་བཀའ་སྩལ་པ། མ་བཅོས་སེམས་ཀྱི་ཀློང་དཀྱིལ་ནས། །མ་བཙལ་རང་བྱུང་ཡེ་ཤེས་ཤར། །སྟེང་འོག་ཕྱོགས་མཚམས་ཡོངས་ལ་གདལ། །ཉག་གཅིག་དབྱིངས་ན་ཀུན་གསལ་བས། །མཐོང་དང་ཐོས་དང་དྲན་པ་དང་། །དབང་པོའི་ངོ་ལ་གང་སྣང་བ། །ཡུལ་མེད་གཅིག་ལས་རང་སྣང་བས། །དོན་གྱི་ངོ་བོ་བྱ་བྲལ་ལ། །སྣང་བ་མེད་ཅིང་འགྲིབ་པ་མེད། །གསལ་བ་སེམས་ཀྱི་མེ་ལོང་ལ། །སྣང་བའི་གཟུགས་དང་འཛིན་པའི་སེམས། །གཟུགས་བརྙན་དག་དང་སྒྱུ་མ་བཞིན། །མེད་ལས་ཡོད་མཐོང་ཐ་དད་ཤར། །ཡུལ་དང་འབྱུང་དུས་སྐྱེ་མཆེད་ཆོས། །ཁམས་གསུམ་སྣང་བ་ཕྲ་རགས་ཀྱང་། །བདག་ལས་བྱུང་སྟེ་རང་གི་ཀློང་། །ཉིད་ལས་ཤར་བས་ཉིད་ཀྱི་རྒྱན། །ཡོད་མཐོང་གྲགས་པའི་ཆོས་རྣམས་དང་། །མེད་སྣང་བརྟགས་པའི་ཆོས་རྣམས་ཀུན། །རང་ལས་ཐ་དད་མེད་པས་ན། །གཉིས་སུ་མེད་པར་ཡེ་ནས་གསལ། །རྟོག་པ་མེད་དེ་རང་སར་གྲོལ། །གཅིག་ལ་གཅིག་ལྟོས་མེད་པའི་ཕྱིར། །མཐའ་ཡི་གོལ་ས་གཏན་མེད་དེ། །མཐའ་རྣམས་མ་སྤངས་རང་གྲོལ་བས། །གང་ཡང་མ་བཀག་རྫོགས་པ་ཆེ། །ཡངས་སོ་ཆེའོ་སེམས་ཀྱི་ཀློང་། །འདུ་འབྲལ་མེད་དོ་དབྱིངས་ཀྱི་རྒྱན། །འདི་གཞན་ཡུལ་ལ་མ་གཡོས་པས། །གཞན་དུ་གནས་པའི་ས་མེད་སྟེ། །རྟེན་མེད་གཅིག་ལས་ཀུན་འབྱུང་བས། །རྨད་བྱུང་བསམ་ཡས་ངོ་མཚར་ཆེ། །རང་བྱུང་རང་ཤར་ངོ་མཚར་ཆེ། །གཞན་དུ་ལྷོས་པ་གང་ཡང་མེད། །སངས་རྒྱས་ཞེས་སུ་བཏགས་པ་ཡང་། །གདུལ་བྱའི་བློ་ལ་གྲགས་པ་ལས། །ཡང་དག་དོན་ལ་སངས་རྒྱས་མེད། །ཅི་སྟེ་རང་ལས་གཞན་མེད་པས། །རང་གིས་རང་ལ་བཏགས་པ་ཙམ། །གདགས་གཞི་མེད་པས་སངས་རྒྱས་མེད། །གདགས་བྱའི་མིང་ལ་དོན་མི་གནས། །དེས་ན་ཐམས་ཅད་རང་ཡིན་པས རང་ལ་རང་གིས་ཆེར་ཏེ་ལྟོས། །བལྟས་པས་མ་མཐོང་ངོ་མཚར་ཆེ མཐོང་བ་མེད་པའ་མཐོང་བ་ནི། །ཆོས་སྐུ་སྐྱེ་མེད་དོན་མཐོང་ཡིན། །རིག་པ་མེད་པའི་རིག་པ་ནི། །གཉིས་སུ་མེད་པའི་དོན་རིག་ཡིན། ཁྲར་བ་མེད་པའི་ཤར་བ་ནི། །རང་བྱུང་ཡེ་ཤེས་དོན་ཤར་ཡིན། །རང་རིག་ཀློང་ན་མ་རིག་མེད། །མ་རིག་ཡེ་ཤེས་གཉིས་མེད་པས། །ཟང་ཐལ་ཆེན་པོ་ལྟ་བའི་ཀློང་། །ཡེ་ཤེས་མི་ཤེས་གཉིས་མེད་དེ། །མི་ཤེས་པ་དེ་ཡེ་ཤེས་ཆེ། །ཡེ་ནས་ཡིན་པས་གཉིས་མེད་ཀློང་། །མཉམ་པར་ཤར་བས་རྩིས་གདབ་མེད། །གང་ཡང་འདྲ་བའི་ཆོས་ཉིད་ལ། །ཕྱི་ནང་མེད་པར་བདེ་གདལ་བས། །ཅི་སྤང་གང་བསྒྲུབ་སུ་ལ་ཆགས། །གནས་པར་བྱ་བའི་གཞི་མེད་ཕྱིར། །ལྟུང་བའི་གཡང་ས་ག་ལ་ཡོད། །གཡང་ས་མཐོང་བའི་ཆོས་ཉིད་དུ། །ཡེ་ནས་གནས་པས་དམའ་བ་མེད། །གོང་འོག་མེད་པས་མཐོ་དམན་མེད། །མཐོན་དམན་མེད་པས་ཕྱོགས་མཚམས་མེད། །ཉེ་རིངམེདཔསགཅིགཏུའདུས། །ཡོངས་ལ་ཁྱབ་པས་ཀུན་ཏུ་གདལ། །གཞི་དེ་ཡེ་ནས་དེ་ལྟར་གནས། །ངོ་བོ་ཡེ་ནས་མ་སྐྱེས་པས། །དོན་ལ་དམིགས་པའི་མཐའ་དང་བྲལ། །ཡུལ་སེམས་གཅིག་ལ་གཅིག་སྣང་ཡང་། །རང་ལ་སྣང་ངོ་གཞན་མེད་པས། །གཞན་དུ་གསལ་བ་མ་ཡིན་ཏེ། །ཆོས་སྐུ་རང་སྣང་ཀློང་དུ་གསལ། །མེད་ཅེས་བརྟགས་པའི་ཐ་སྙད་ཀྱང་། །དོན་ལ་མེད་པ་མ་ཡིན་ཏེ། །སྣང་གྲག་ཆོས་ཀུན་རང་ལ་འཆར། །འཁོར་འདས་ལམ་པས་བསྡུས་པའི་ཆོས རང་ལས་ཤར་ཞིང་རང་ལ་འདུས། །རང་སར་གྲོལ་བས་དངོས་གཞི་མེད། །ཐ་སྙད་མེད་པས་བདག་གཞན་བྲལ། །ཡུལ་སེམས་མེད་པས་མཉམ་པའི་ཀློང་། །སངས་རྒྱས་བདག་ཡིན་གཞན་མེད་པས། །ཀུན་ཀྱང་བདག་ཉིད་ཆོས་སྐུར་འདུས། །བདག་གཞན་བྲལ་བའི་ཐིག་ལེར་གཅིག །སངས་རྒྱས་སངས་རྒྱས་ཞེས་བྱ་བ། །གློ་བུར་མིང་དུ་བཏགས་པ་ཙམ། །གློ་བུར་ཆོས་ལ་བློ་མེད་པས། །སངས་རྒྱས་ཡིད་ལ་མ་འདོགས་ཤིག །བཏགས་པ་ཐམས་ཅད་རྟོག་པ་སྟེ། །རྣམ་རྟོག་ཆོས་ཉིད་ཡིན་པས་ན། །ཉི་མའི་དཀྱིལ་ན་མུན་མེད་བཞིན། །ཡེ་ཤེས་ཀློང་ན་མ་རིག་མེད། །ཆོས་སྐུའི་ཀློང་ན་རྣམ་རྟོག་མེད། །རྟོག་དང་མི་རྟོག་གཉིས་མེད་དེ། །མཉམ་པའི་ངང་ལས་མ་གཡོས་པས། །མ་རིག་ཡེ་ཤེས་གཉིས་སུ་མེད། །བདག་གིས་བྱས་པའི་ཆོས་རྣམས་ཀྱང་། །བྱེད་མཁན་ལོགས་ན་མེད་པའི་ཕྱིར། །བྱ་བྱེད་མེད་པར་རང་ཤར་བས། །རང་གིས་རང་བྱས་རང་བྱུང་བས། །རྒྱུ་རྐྱེན་མེད་ཅིང་བཏགས་པ་ཡིན། ཁུ་རྐྱེན་མེད་པའི་ཆོས་ཉིད་ལ། །བདག་ཉིད་བྱང་ཆུབ་སེམས་ཞེས་བྱ། །དེ་ཡི་རོལ་པར་ཤར་བ་ལ། །བདག་གིས་བྱས་པའི་ཆོས་ཞེས་བྱ། །ཐམས་ཅད་བདག་ཏུ་འདུས་པ་ལ། །བདག་ཉིད་བྱང་ཆུབ་སེམས་ཞེས་བྱ། །གཉིས་འཛིན་བྱ་དང་བྱེད་པ་མེད། །ཐམས་ཅད་རང་གི་ཆོ་འཕྲུལ་པས། །རང་བྱུང་ཡེ་ཤེས་རྒྱུན་ཆད་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། །རྒྱུན་ཆད་མེད་པའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་ཡང་སྟོན་པས་སླར་གསུངས་པ། ནམ་མཁའ་ལྟ་བུའི་རང་བཞིན་ལས། །འཇའ་ཚོན་སྤྲིན་ཚོགས་གློ་བུར་བ། །རྒྱུ་རྐྱེན་མེད་པས་ནམ་མཁའ་རང་། །ཆོས་ཉིད་བྱ་བྲལ་ནམ་མཁའ་ལ། །རོལ་པ་འཁོར་འདས་གློ་བུར་བ། །རྒྱུ་རྐྱེན་མེད་པས་ཆོས་ཉིད་ངང་། །རང་ལས་རང་བཞེངས་ཀོག་ལངས་ཏེ། །རང་ལས་རང་བྱུང་ཐོག་བབས་པས། །ཇི་ལྟར་ཤར་ཡང་ཤེས་བྱའི་བབས། །དེ་ལས་གང་ཡང་མེད་པའི་ཕྱིར། །ཡོད་མཐོང་སྣང་གྲག་ཆོས་རྣམས་ཀུན། །ཆོས་ཉིད་ཀློང་གི་ཆོ་འཕྲུལ་ཏེ། །རང་ལ་རང་གིས་རོལ་པ་དང་། །རང་ལ་རང་གིས་སྤྱོད་པ་དང་། །རང་ལ་རང་གིས་བདེ་བ་དང་། །རང་ལ་རང་གིས་སྡུག་བསྔལ་ཏེ། །མཉམ་པར་རོལ་པས་བཟང་ངན་མེད། །ཡོད་མེད་མཉམ་པར་ཤར་བ་ལ། །ཕྱོགས་སུ་འཛིན་པ་དོན་ལས་འཁྲུལ། །མཉམ་པའི་ཀློང་དུ་ཅི་བདེར་གནས། །རྩོལ་བ་མེད་པར་ཀློང་དུ་དབབ། །འཇུག་ལྡོག་མེད་དེ་རང་སར་བཞག །འགྲོ་འོང་མེད་དེ་དབྱིངས་སུ་དག །བྱ་བྱེད་མེད་དེ་རྩོལ་དང་བྲལ། །འགྱུ་བ་མེད་དེ་མཐའ་དང་བྲལ། །འཆིང་གྲོལ་མེད་དེ་ཞེན་དང་བྲལ། །རེ་དོགས་མེད་དེ་མཐའ་དང་མཉམ། །བཏང་སྙོམས་མེད་དེ་མཐར་མ་ལྷུང་། །ཀློང་ཞེས་བྱ་བ་བསམ་གཏན་ཏེ། །མིང་དུ་བཏགས་ན་གྲངས་ཀྱིས་འཆལ། །རྒྱུན་ཆད་མེད་པའི་རིག་པ་དེ། །སྔ་ཕྱི་འགྲོ་འོང་མེད་པས་ན། །དེ་ལ་གྲངས་སུ་བགྲང་དུ་མེད། །རྒྱ་ཆད་ཕྱོགས་ལྷུང་མེད་པའི་ཕྱིར། །དེ་ལ་གྲངས་སུ་བགྲང་དུ་མེད། །མཐའ་དབུས་ཕྱོགས་མཚམས་མེད་པའི་ཕྱིར། །དེ་ལ་གྲངས་ཀྱིས་བགྲང་དུ་མེད། །སྟེང་འོག་མཐོ་དམན་མེད་པའི་ཕྱིར། །དེ་ལ་གྲངས་ཀྱིས་བགྲང་དུ་མེད། །ཕྱི་ནང་གཉིས་སུ་མེད་པ་དང་། །ཐམས་ཅད་གཅིག་ཏུ་འདུས་པའི་ཕྱིར། །དེ་ལ་གྲངས་ཀྱིས་བགྲང་དུ་མེད། །རྒྱུན་མི་ཆད་ཀྱི་རིག་པ་དེ། །རང་ལ་བདེ་བླག་གནས་པས་ན། །ཡེངས་དང་མ་ཡེངས་མེད་པ་དང་། །དམིགས་དང་མ་དམིགས་མེད་པ་དང་། །གསལ་དང་མི་གསལ་མེད་པ་དང་། །སྣང་དང་མི་སྣང་མེད་པ་དང་། །བཙལ་དང་མི་བཙལ་མེད་པ་དང་། །མཐོང་དང་མ་མཐོང་མེད་པ་དང་། །བསྒོམས་དང་མ་བསྒོམས་མེད་པ་སྲ །སྐད་ཅིག་འདུ་འབྲལ་མེད་པའི་ཕྱིར། །བསམ་གཏན་ཆེན་པོ་བདེ་ལ་གནས། །བདེཆེན་ཀློང་ན་འབྱམས་པའི་ཕྱིར། །ཀློང་འབྱམས་ཆོས་སྐུའི་བསམ་གཏན་ཡིན། །ཅིར་སྣང་དེ་ལས་མ་གཡོས་པས། །སྣང་བ་རྒྱས་འདེབས་བསམ་གཏན་ཡིན། །ཉམས་མྱོང་བཞག་༄༅ ས་མི་ཚོལ་པས། །ཡུལ་སེམས་རིས་མེད་བསམ་གཏན་ཡིན། །བཏང་སྙོམས་རེས་འཇོག་མེད་པའི་ཕྱིར། །འཕེལ་འགྲིབ་མེད་པའི་བསམ་གཏན་ཡིན། །ཐུན་མཚམས་ཀུན་ལས་འདས་པའི་ཕྱིར། །རྒྱུན་མི་ཆད་པའི་བསམ་གཏན་ཡིན། །ཉོན་མོངས་ཟད་སར་ཟད་པས་ན། །མཐར་ཐུག་དོན་གྱི་བསམ་གཏན་ཡིན། །བདེ་ཆེན་ཀློང་དུ་ཐིམ་པས་ན། །འཕོ་འགྱུར་མེད་པའི་བསམ་གཏན་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། བསམ་གཏན་བསྟན་པའི་ལེའུ་སྟེ་སུམ་ཅུ་པའོ།། །།དེ་ནས་ཡང་སྟོན་པ་ཉིད་ཀྱིས་འཁོར་རྣམས་ལ་བཀའ་སྩལ་པ། རང་བཞིན་མེད་པའི་ཆོས་ཆེན་པོ། །རྨད་བྱུང་བསམ་ཡས་འདི་ལྟ་སྟེ། །སྐྱེ་བ་མེད་པའི་སྐྱེ་སྒོ་ནས། །སྐྱེ་བའི་ཆོ་འཕྲུལ་འབྱུང་བ་ནི། །སྐྱེ་བ་མེད་ལས་སྐྱེས་པ་ཡི། །ཆོ་འཕྲུལ་རང་ལས་འབྱུང་བ་དེ། །སྐྱེ་མེད་རང་ཡིན་གཞན་ན་མེད། །སྐྱེ་བ་མེད་པའི་སྐྱེ་སྒོ་ནས། །རྫུ་འཕྲུལ་རང་ལས་སྐྱེས་པ་ཡིན། །སྐྱེ་བའི་ཆོ་འཕྲུལ་བྱུང་བ་སྟེ། །སྐྱེ་མེད་རང་ཡིན་གཞན་ནི་མེད། །སྐྱེ་བ་མེད་པའི་གསང་སྒོ་ནས། །སྐྱེ་མེད་སྐྱེ་གནས་བཞིར་སྐྱེས་པས། །སྐྱེས་ཙམ་ཉིད་ན་སྐྱེ་བ་མེད། །སྐྱེ་མེད་རང་ཡིན་གཞན་མ་སྐྱེས། །རྐྱེན་འགྱུར་ལས་ཀྱི་རྣམ་སྨིན་གྱིས། ཁམས་གསུམ་འཁོར་བར་སྐྱེས་པ་ཡང་། །སྐྱེས་ཙམ་ཉིད་ན་སྐྱེ་བ་མེད། །སྐྱེ་མེད་རང་ཡིན་གཞན་མ་སྐྱེས། །སྐྱེ་བ་མེད་པའི་གསང་སྒོ་ནས། །སྔོན་གྱི་སྨོན་ལམ་དག་པ་ཡིན། །བྱང་ཆུབ་སེམས་དཔར་སྐྱེས་པ་ཡང་། །སྐྱེས་ཙམ་ཉིད་ན་མ་སྐྱེས་ཏེ། །སྐྱེ་མེད་རང་ཡིན་གཞན་མ་སྐྱེས། །སྐྱེ་མེད་ངེས་པའི་གསང་སྒོ་ནས། །ཏིང་འཛིན་བརྟན་པའི་ནུས་མཐུ་དང་། །བཟླས་བརྗོད་གྲངས་ཀྱི་མཐར་སྐྱོལ་བས། །རིག་འཛིན་ས་རུ་སྐྱེས་པ་ཡང་། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །སྐྱེ་མེད་ངེས་པའི་གསང་སྒོནས། །སྨོན་ལམ་སྟོབས་དང་ཏིང་འཛིན་སྟོབས། །ལྷག་མཐོང་ཟུང་དུ་འབྲེལ་པ་ཡིས། །ཞིང་ཁམས་མཐའ་ཡས་རྒྱ་ཆེ་སྲ །རྒྱལ་པའི་སྲས་སུ་སྐྱེས་པ་ཡང་། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །སྐྱེ་བ་མེད་པའི་གསང་སྒོ་ནས། །སྦྱངས་པའི་འཕྲོ་མཐུད་གྲུབ་པའི་མཐར། །ལམ་ལ་རྩོལ་བར་སྐྱེས་པ་ཡང་། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །འགྲོ་དྲུག་འཁོར་བས་སྐྱེད་པ་དང་། །དག་པའི་ཞིང་ལ་སྤྱོད་པ་དང་། །འཁོར་འདས་ལམ་པའི་ཆོས་རྣམས་ཀུན། །སྐྱེ་མེད་རང་གིས་རང་བསྐྱེད་པས། །སྐྱེ་མེད་ཆོས་ཏེ་སྣ་ཚོགས་སྟོན། །སྐྱེ་བ་མེད་ལས་ཐམས་ཅད་སྐྱེས། །ཚིག་ཏུ་བརྗོད་པས་དོན་དང་འགལ། །སྐྱེ་མེད་དོན་ལ་འགལ་བ་མེད། །ཐ་སྙད་ཚིག་ལ་འགལ་བ་ཡོད། །བྱང་ཆུབ་སེམས་ལ་འགལ་བ་མེད། །ལོག་པའི་སེམས་ལ་འགལ་བ་ཡོད། །མ་བཅོས་ཚིག་ཏུ་གསུངས་པ་དང་། །མ་ནོར་དོན་དུ་གསུངས་པ་ཡང་། །སྐལ་བ་ཅན་ལ་སྣང་བར་ཟད། །དོན་མི་ལྡན་ལ་འཁྲུལ་པ་ཡི། །ཕྱིན་ཅི་ལོག་དང་བྱང་ཆུབ་ཀྱང་། །ཅི་ནས་མཉམ་པའི་ཆོས་ཉིད་པས། །ཆོས་ཉིད་དོན་ལ་གཉིས་སུ་མེད། །སྐྱེ་བ་མེད་པའི་ཆོས་ཉིད་དེ། །འབྱུང་ལྔ་སྣོད་བཅུད་སྐྱེ་བའི་སྒོ། །འབྱུང་ལྔ་སྣོད་བཅུད་ཤར་ཙམ་ན། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །མ་སྐྱེས་པ་ཡི་ཆོས་ཉིད་དེ། །ཕོ་མོ་མ་ནིང་སྐྱེ་བའི་རྒྱུ། །ཕོ་མོ་མ་ནིང་ལུས་བླངས་ཀྱང་། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །མ་སྐྱེས་པ་ཡི་ཆོས་ཉིད་དེ། །དུག་ལྔ་དུག་གསུམ་སྐྱེ་བའི་རྒྱུ། །ཉོན་མོངས་ལྔ་རུ་ཤར་ཙམ་ན། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །མ་སྐྱེས་པ་ཡི་ཆོས་ཉིད་དེ། །རང་བྱུང་ཡེ་ཤེས་སྐྱེ་བའི་རྒྱུ། །ཕྱོགས་མེད་རིག་པར་ཤར་ཙམ་ན། །སྐྱེ་མེད་རང་ཡིན་གཞན་མ་སྐྱེས། །སྐྱེས་ཙམ་ཉིད་ན་སྐྱེ་བ་མེད། །མ་སྐྱེས་རང་བྱུང་ཡེ་ཤེས་ཏེ། །རྒྱུ་རྐྱེན་ཀུན་དང་བྲལ་བའི་ཕྱིར། །ཡེ་ནས་གནས་པའི་ཆོས་ཉིད་ཡིན། །ཡོད་མེད་ཀུན་གྱི་དངོས་གཞིར་ཤར། །མཚན་མའི་གོ་ནི་ནམ་མཁས་འབྱེད། །ཆོས་ཅན་གོ་ནི་ཆོས་ཉིད་འབྱེད། །སྣང་བའི་གོ་ནི་སྟོང་པས་འབྱེད། །འཁོར་འདས་གོ་ནི་རིག་པས་འབྱེད། །སྐྱེ་བའི་སྒོ་རུ་གྱུར་པ་ཀུན། །སྐྱེ་མེད་དབྱིངས་ཀྱིས་འབྱེད་པས་ན། །གོ་འབྱེད་ཆོས་དབྱིངས་ནམ་མཁའ་འདིས། །འཁོར་འདས་ཀུན་གྱི་མཐོང་བརྟོལ་བས། །ཐམས་ཅད་ཐམས་ཅད་དུས་གཅིག་ཤར། ཁྲར་ཡང་སྐྱེ་བ་མེད་པར་གཅིག །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐྱེ་མེད་ཆིག་ཆོད་དུ་བསྟན་པའི་ལེའུ་སྟེ་སུམ་ཅུ་རྩ་གཅིག་པའོ།། །།དེ་ནས་ཡང་སྟོན་པས་འདུ་འབྲལ་མེད་པའི་འཁོར་ལ་བཀའ་སྩལ་པ། འདི་ལས་གཞན་དུ་མ་བལྟ་ཞིག །བལྟས་ཤིག་བལྟས་ཤིང་རྟོག་པ་སྐྱེ། །འདི་ལས་གཞན་ལ་མ་བལྟས་ན། །མི་རྟོག་གཞན་དུ་བསྒོམ་མི་དགོས། །འདི་ལས་གཞན་དུ་མ་སྤྱད་ཅིག །སྤྱད་ཅིང་སྤྱད་ཅིང་ལོག་ལྟ་སྟེ། །འདི་ལས་གཞན་དུ་མི་སྤྱོད་ན། །རྟོག་དཔྱོད་གཞན་དུ་བྱ་མི་དགོས། །འདི་ལས་གཞན་དུ་མ་རྩོལ་ཅིག །རྩོལ་ཞིང་རྩོལ་ཞིང་གཟུང་འཛིན་མཆེད། །འདི་ལས་གཞན་དུ་མ་རྩོལ་ན། །འཇུག་སྒོ་ཐ་དད་མེད་པའི་ཕྱིར། །ས་དང་ལམ་ལ་སྦྱང་མི་དགོས། །འདི་ལས་གཞན་དུ་མ་བསྒྲུབས་ཤིག །བསྒྲུབས་ཤིང་བསྒྲུབས་ཤིང་མཐར་ཐུག་མེད། །འདི་ལས་གཞན་དུ་མི་བསྒྲུབ་ན། །སངས་རྒྱས་གོ་འཕང་ཐོབ་མི་དགོས། །མི་ཞེས་བྱ་བ་སངས་རྒྱས་ཡིན། །དབྱེར་མེད་དོན་དུ་མ་ཤེས་ན། །བསྐལ་པར་བསྒྲུབས་ཀྱང་འགྲུབ་མི་འགྱུར། །དབྱེར་མེད་དོན་ལ་གནས་པ་ན། །སྲིད་པར་འཡོས་ཀྱང་སྟོར་བྲལ་མེད། །སྐྱེ་མེད་འགག་མེད་སྣ་ཚོགས་སྟོན། །ཡུལ་ལ་སྤྱོད་དང་མི་སྤྱོད་པ། །སྤྱོད་པ་འགག་པ་མེད་ལས་བྱུང་། །མི་སྤྱོད་སྐྱེ་བ་མེད་ལས་བྱུང་། །གནས་ལ་བརྟེན་དང་མི་བརྟེན་པ། །འགག་པ་མེད་པ་ཉིད་ལས་བྱུང་། །མི་བརྟེན་སྐྱེ་བ་མེད་ལས་བྱུང་། །རང་བཞིན་བཅོས་དང་མ་བཅོས་པ། །བཅོས་པ་འགག་པ་མེད་ལས་ཤར། །མ་བཅོས་སྐྱེ་བ་མེད་ལས་བྱུང་། །ཆོས་ལས་འདས་དང་མི་འདའ་བ། །འདའ་བ་འགག་པ་མེད་ལས་ཤར། །མི་འདའ་སྐྱེ་བ་མེད་ལས་བྱུང་། །ཆོ་འཕྲུལ་སྟོན་དང་མི་སྟོན་པ། །སྟོན་པ་འགག་པ་མེད་ལས་ཤར། །མི་སྟོན་སྐྱེ་བ་མེད་པའི་ངང་། །མཚོན་པས་ཐོག་ཏུ་ཕེབས་མི་ཕེབས ཕེབས་པ་འགག་པ་མེད་ལས་ཤར། །མི་ཕེབས་སྐྱེ་བ་མེད་པའི་ངང་། །མཚན་མའི་སྤྲོས་དང་བྲལ་མ་བྲལ། །མ་བྲལ་འགག་པ་མེད་ལས་ཤར། །བྲལ་བ་སྐྱེ་བ་མེད་ལས་བྱུང་། །རང་བཞིན་གཅིག་ལ་འཁོར་མི་འཁོར། །འཁོར་བ་འགག་པ་མེད་ལས་བྱུང་། །མི་འཁོར་སྐྱེ་བ་མེད་པའི་ཀློང་། །ངོ་བོ་གཅིག་ལ་བདེ་སྡུག་གཉིས། །སྡུག་བསྔལ་འགག་པ་མེད་ལས་བྱུང་། །བདེ་ཆེན་སྐྱེ་བ་མེད་པའི་ངང་། །མཚན་ཉིད་གཅིག་ལས་སྣང་སྟོང་གཉིས། །སྣང་བ་འགག་པ་མེད་ལས་ཤར། །སྟོང་པ་སྐྱེ་མེད་ཡུམ་གྱི་དབྱིངས། །རྒྱུན་མི་ཆད་དང་གནས་སྐབས་གཉིས། །གནས་སྐབས་འགག་མེད་ངེས་པ་མེད། །རྒྱུན་མི་ཆད་པ་སྐྱེ་མེད་དབྱིངས། །འདུ་འབྲལ་མེད་ལ་རྟག་ཆད་གཉིས། །ཞེན་དུ་མེད་ལ་སྒྲོ་སྐུར་གཉིས། །བླང་དོར་མེད་ལ་དགག་བསྒྲུབ་གཉིས། །བདག་གཞན་མེད་ལ་བཟང་ངན་གཉིས། །ཕྱི་ནང་མེད་ལ་ཡུལ་སེམས་གཉིས། །འཕོ་འགྱུར་མེད་ལ་སྐྱེ་ཤི་གཉིས། །དེས་ན་གཉིས་འདུས་ཐམས་ཅད་ཀུན། །སྐྱེ་མེད་འགག་མེད་རང་ལས་ཤར། །སྐྱེ་བ་མེད་ལས་ཐམས་ཅད་སྐྱེས། །འགག་པ་མེད་ལས་ཐམས་ཅད་འགགས། །སྐྱེས་ཙམ་ཉིད་ནས་མ་སྐྱེས་ལ། །འགགས་ཙམ་ཉིད་ན་མི་འགག་ཏེ། །སྐྱེ་ཡང་སྐྱེ་མེད་ཀློང་ལས་སྐྱེས། །སྐྱེ་མེད་དབྱིངས་ལ་སྐྱེ་རྒྱུ་མེད། །འགགས་ཀྱང་འགག་མེད་ཀློང་དུ་འགགས། །འཆི་མེད་དབྱིངས་ལ་འགག་རྒྱུ་མེད། །སྐྱེ་འགག་མེད་པའི་རིག་པ་དེ། །ཆོ་འཕྲུལ་ཅིར་ཡང་མ་ངེས་པས། །རང་བྱུང་ཡེ་ཤེས་མཐའ་ལས་རྒྱལ། །རྒྱལ་བའི་སྐུ་སྟེ་སྐྱེ་ཤི་མེད། །འཁོར་བའི་གཡུལ་ངོ་ཀུན་ལས་རྒྱལ། །རྒྱལ་བའི་སྐུ་སྟེ་ཡེ་སངས་རྒྱས། །ཐེག་པའི་རྣམ་གྲངས་ཀུན་ལས་རྒྱལ། །རྒྱལ་བའི་སྐུ་སྟེ་མཐོ་དམན་མེད། །འཁོར་འདས་སྐྱོན་ཡོན་ཀུན་ལས་རྒྱལ། །རྒྱལ་བའི་སྐུ་སྟེ་མཉམ་པ་ཉིད། །མཉམ་པ་རིས་མེད་སེམས་ཀྱི་ཀློང་། །སྐྱེ་མེད་འགག་མེད་སྣ་ཚོགས་སྣང་། །སྣང་མེད་བརྗོད་མེད་ཅིར་ཡང་འཆར། ཁྲར་བ་རང་ཤར་ཡིན་པ་དང་། །གྲོལ་བ་རང་གྲོལ་ཡིན་པའི་ཕྱིར། །ཡུལ་མེད་རིག་པས་གཅིག་པུ་ཉིད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། བྱང་ཆུབ་སེམས་ཀྱི་མཚན་ཉིད་ལ་སྐྱེ་འགག་མེད་པར་བསྟན་པའི་ལེའུ་སྟེ་སུམ་ཅུ་རྩ་གཉིས་པའོ།། །།དེ་ནས་ཡང་སྟོན་པའི་རྒྱལ་པོས་བསྟན་པའི་དོན་མ་ནོར་བར་གསུངས་པ། །ཆོས་རྣམས་རང་བཞིན་དབྱིངས་སུ་གཅིག །མཚན་ཉིད་རང་རང་སོ་སོར་འཛིན། །མཚན་ཉིད་འཛིན་པས་ཆོས་ཞེས་བཏགས། །ཡང་དག་དོན་ལ་མེད་མོད་ཀྱང་། །ཕྱིན་ཅི་ལོག་དང་མ་ལོག་པ། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །ཡོན་ཏན་གཅིག་ལས་ཤར་བ་ལ། །སྐུ་དང་གསུང་དང་ཐུགས་ཀྱི་རྟགས། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །ལ་ལ་ཞེ་སྡང་བྱང་ཆུབ་སེམས། །ལ་ལ་གཏི་མུག་བྱང་ཆུབ་སེམས། །ལ་ལ་ང་རྒྱལ་བྱང་ཆུབ་སེམས། །ལ་ལ་འདོད་ཆགས་བྱང་ཆུབ་སེམས། །ལ་ལ་ཕྲག་དོག་བྱང་ཆུབ་སེམས། །རང་བྱུང་གཅིག་ལས་མ་གཡོས་པས། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །མཚན་མའི་ཡུལ་དང་བྲལ་བ་ལ། །གཟུགས་དང་ཚོར་བ་འདུ་ཤེས་དང་། །འདུ་བྱེད་རྣམ་ཤེས་ཕུང་པོ་ལྔ། །ལས་ལྔ་བྱེད་པའི་རང་ཞིན་གྱིས། །རང་གི་མཚན་ཉིད་རང་གིས་འཛིན། །དེ་ཡང་རིག་པ་རང་གི་སྟོབས། །སྣང་བ་རང་སར་དག་པ་ལ། །ས་དང་ཆུ་དང་མེ་དང་རླུད་། །ནམ་མཁའ་ལ་སོགས་འབྱུང་བ་ལྔ། །རང་གི་མཚན་ཉིད་རང་གིས་འཛིན། །དེ་ཡང་རིག་པ་རང་གི་སྟོབས། །ཆོས་ཉིད་འཛིན་པ་ཀུན་བྲལ་ལ། །གཟུགས་དང་སྒྲ་དང་དྲི་དང་རོ། །རེག་ལ་སོགས་པའི་འདོད་ཡོན་ལྔ། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །རང་རིག་གཅིག་ལས་ཤར་བ་ལ། །མིག་དང་རྣ་བ་སྣ་དང་ལྕེ། །ལུས་ལ་སོགས་པའི་དབང་པོ་ལྔ། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །ཅིར་ཡང་འགྱུར་བའི་ཆོས་ཉིད་ལ། །དཀར་དང་སེར་དང་དམར་དང་ལྗང་། །ནག་པོ་ལ་སོགས་ཁ་དོག་ལྔ། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །ཆོས་ཉིད་མུ་དང་མཐའ་མེད་ལ། །ཕྱོགས་བཞི་མཚམས་བརྒྱད་སྟེང་འོག་བཅུ། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །འགྱུར་བ་མེད་པའི་ཆོས་ཉིད་ལ། །དབྱར་དགུན་སྟོན་དཔྱིད་ནམ་ཟླ་བཞི། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །སྐྱེ་འབྲི་མེད་བའི་ཆོས་ཉིད་ལ། །སྐྱེ་རྒ་ན་བའི་སྡུག་བསྔལ་བཞི། །རང་གི་མཚན་ཉིད་རང་གིས་འཛིན། །དེ་ཡང་རང་སྣང་གཅིག་གི་སྟོབས། །རང་བཞིན་གཅིག་པའི་ཆོས་ཉིད་ལ། །འཁོར་འདས་བདེ་སྡུག་བཟང་ངན་གཉིས། །རང་གི་མཚན་ཉིད་རང་གིས་འཛིན། །དེ་ཡང་རིག་པ་རང་གི་སྟོབས། ཁུ་འབྲས་མེད་པའི་ཆོས་ཉིད་ལ། །ངེས་འབྱེད་དགེ་དང་སྡིག་པའི་ལས། །རང་གི་མཚན་ཉིད་རང་གིས་འཛིན། །གཉིས་ཀ་རིག་པ་རང་གི་སྟོབས། །ཉེ་རིང་མེད་པའི་ཆོས་ཉིད་ལ། །མཐོ་དམན་ཐེག་པ་རིམ་པ་དགུ །རང་གི་མཚན་ཉིད་རང་གིས་འཛིན། །གཉིས་ཀ་རིག་པ་རང་གི་སྟོབས། །འཆིང་གྲོལ་མེད་པའི་ཆོས་ཉིད་ལ། །མི་མཐུན་པ་དང་གཉེན་པོ་གཉིས། །རང་གི་མཚན་ཉིད་རང་གིས་འཛིན། །གཉིས་ཀ་རིག་པ་རང་གི་སྟོབས། །ཡིན་མིན་མེད་པའི་ཆོས་ཉིད་ལ། །རྟོགས་པའི་ཀློང་དང་མ་རྟོགས་སེམས། །རང་གིས་མཚན་ཉིད་སོ་སོར་འཛིན། །གཉིས་ཀ་རིག་པ་རང་གི་སྟོབས། །གཞི་རྩ་གཅིག་པའི་ཆོས་འདི་ལ། །རྣམ་གྲངས་བརྒྱ་སྟོང་ཕྲག་ལས་ཀྱང་། །རང་རང་མཚན་ཉིད་རང་གིས་འཛིན། །སྣང་བ་ཐམས་ཅད་རང་སྣང་ལ། ཁྲར་བ་ཐམས་ཅད་རང་ཤར་བས། །ཐམས་ཅད་རིག་པ་རང་གི་སྟོབས། །འཕྲལ་དུ་མི་བདེན་གང་ཡང་མེད། །དབྱིངས་ཀྱི་ཀློང་ན་བདེན་རྫུན་མེད། །གནས་སྐབས་འབྲས་བུ་འབྱིན་པའི་ཕྱིར། བདེན་པར་མ་གྱུར་ཅི་ཡང་མེད། །བྱ་བྲལ་དབྱིངས་སུ་སྟོར་བའི་ཕྱིར། །རྫུན་པར་མ་གྱུར་གཅིག་ཀྱང་མེད། །བདེན་རྫུན་མེད་པའི་ཀློང་ཆེན་དེ། །འདས་པའི་སངས་རྒྱས་ཀུན་གྱི་གནས། །མ་འོངས་སངས་རྒྱས་ཀུན་གྱི་རྟེན། །ད་ལྟར་བཞུགས་པ་ཀུན་གྱི་གཞི། །ཐོག་མཐའ་མེད་པའི་གཞལ་ཡས་ཁང་། །ཁམས་གསུམ་སེམས་ཅན་ཀུན་གྱི་ལམ། །འགྲོ་དྲུག་འབྱུང་བའི་ལམ་པོ་ཆེ། །དབྱིངས་ལས་འཕོ་ས་མེད་པའི་ཕྱིར། །མཐའ་ཡས་གནས་པའི་ཡུལ་པོ་ཆེ། །ཀློང་ལས་འགྱུར་བ་མེད་པའི་ཕྱིར། །ཐམས་ཅད་སྡུད་པའི་དུར་པོ་ཆེ། །སེམས་ཉིད་དུར་ཁྲོད་ཉམས་དགའི་ཀློང་། །ཞེས་གསུངསསོ། །ཀློངཆེནརབ་འབྱམས་རྒྱལ་པོའི་རྒྱུད་ལས། རིག་པ་རང་སྟོབས་ཀྱི་ལེའུ་སྟེ་སུམ་ཅུ་རྩ་གསུམ་པའོ།། །།དེ་ནས་ཡང་ཉིད་ཀྱི་འཁོར་ལ་ཉིད་ཀྱིས་གསུངས་པ། །ཇི་ལྟ་བ་དེ་ཐེག་པའི་མཆོག །ཇི་སྙེད་པ་དེ་བལྟ་བའི་ཡུལ། །ཇི་བཞིན་པ་དེ་བསྒོམ་པའི་གནས། །ཇི་ལྟར་སྣང་བ་སྤྱོད་པའི་གྲོགས། །ཇི་སྲིད་པ་དེ་འབྲས་བུའི་གཏེར། །ཇི་ལྟ་བ་ཡི་དོན་རྟོགས་ན། །སངས་རྒྱས་ས་ལ་འདེགས་པའི་ཕྱིར། །ཐེག་མཆོག་རྒྱལ་པོ་བླ་ན་མེད། །ཇི་སྙེད་པ་ཡི་རྣམ་གྲངས་དེ། །མ་འདྲེས་ཡོངས་སུ་རྫོགས་པར་མཐོང་། །ཆོས་ཉིད་ཅེར་མཐོང་བླ་ན་མེད། །ཇི་བཞིན་པ་ཡི་དོན་དེ་ལ། །མ་བཅོས་རྣལ་དུ་འདུག་པ་སྟེ། །ཏིང་འཛིན་རྒྱལ་པོ་བླ་ན་མེད། །འགྲོ་ཉལ་ཟ་འཆག་སྒོ་གསུམ་གྱི། །ཇི་ལྟར་སྣང་བའི་ཆོས་རྣམས་ལ། །བཟང་ངན་བླང་དོར་མི་བལྟ་བ། །སྤྱོད་པའི་རྒྱལ་པོ་བླ་ན་མེད། །ཇི་ལྟར་སྲིད་པའི་ཆོས་རྣམས་དང་། །མི་སྲིད་པ་ཡི་ཆོས་རྣམས་ཀུན། །རང་གི་རྒྱན་དུ་ཤར་བས་ན། །འབྲས་བུ་གཏེར་ཆེན་བླ་ན་མེད། །མ་བཅོས་སེམས་ཀྱི་གཏེར་ཆེན་ལ། །ལ་ལས་བལྟ་བའི་རྒྱལ་པོར་མཐོང་། །ལ་ལས་ཏིང་འཛིན་དམིགས་པའི་ཡུལ། །ལ་ལས་སྤྱོད་པའི་སྒོ་མོར་མཐོང་། །ལ་ལས་བསྒྲུབ་ཏུ་ཡོད་པར་མཐོང་། །ལ་ལས་བསྒྲུབ་ཏུ་མེད་པར་མཐོང་ ལ་ལས་ཐེག་པའི་རྒྱལ་པོར་མཐོང་། །ལ་ལས་གཟུང་འཛིན་མདུད་པར་མཐོང་ ལ་ལས་འཁོར་བའི་གཡང་སར་མཐོང་། །ལ་ལས་སྤང་བའི་རྒྱུ་རུ་མཐོང་། །ལ་ལས་སྦྱང་ཞིང་བསྒྱུར་བར་མཐོང་ ལ་ལས་སངས་རྒྱས་ས་རུ་མཐོང་། །ལ་ལས་འཁོར་བའི་གནས་སུ་མཐོང་། །ལ་ལས་ལམ་གྱི་གེགས་སུ་མཐོང་། །ལ་ལས་ལམ་སྣ་འདྲེན་པར་མཐོང་། །ལ་ལས་ཉོན་མོངས་དུག་ཏུ་མཐོང་། །ལ་ལས་ཡེ་ཤེས་བདུད་རྩིར་མཐོང་། །གང་མཐོང་ཅིར་སྣང་ཅིར་གསལ་ཡང་། །གཏེར་ཆེན་ཡིན་པས་འདོད་དགུར་བསྒྱུར། །སྣ་ཚོགས་ནོར་བུ་ཇི་བཞིན་དུ། །རྐྱེན་གྱིས་ཅིར་ཡང་འཆར་བའི་ཕྱིར། །འདོད་དགུར་འབྱུང་བའི་རིན་པོ་ཆེ། །སེམས་ནི་རིན་པོ་ཆེ་ལ་གནས། །ཡུལ་ནི་དེ་ཡི་འབྱུང་བའི་རྐྱེན། །གཉིས་སུ་མེད་པ་འབྲས་བུའི་ཀློང་། །ཡུལ་མེད་ཡུལ་ལ་མ་རྟོགས་ཤིག །གཏན་དུ་མེད་པ་མ་ཡིན་ཏེ། །སེམས་ལས་མ་གཏོགས་ཡུལ་གཞན་མེད། །སེམས་མེད་སེམས་སུ་མ་འཛིན་ཅིག །གཏན་དུ་མེད་པ་མ་ཡིན་ཏེ། །རང་རིག་འཛིན་མེད་སྤྲོས་དང་བྲལ། །དེ་ལ་ཡུལ་དུ་གཟུང་དུ་མེད། །དེ་ལ་སེམས་སུ་གཟུང་དུ་མེད། །བརྟགས་པས་ཡུལ་སེམས་གཉིས་ལ་འདུས། །འཛིན་མེད་རང་ཤར་ཀློང་ཆེན་འདིར། །ཡུལ་ཡང་མེད་དེ་ཆོས་ཀྱི་དབྱིངས། །སེམས་ཀྱང་མེད་དེ་ཆོས་ཀྱི་སྐུ། །གཏན་ཡུལ་ཆེན་པོ་ཉམས་དགའི་ཀློང་། །བདེ་ཆེན་ཆོས་སྐུ་ཀློང་བདེའི་མཁར། །རང་བྱུང་ཡེ་ཤེས་དེ་ཡི་བདག །སངས་རྒྱས་སེམས་ཅན་དེ་ཡི་འཁོར། །ཐམས་ཅད་ཀུན་ལ་དབང་བསྒྱུར་བས། །རང་སེམས་བར་མེད་དབྱིངས་ཀྱི་རྒྱལ། །མ་འདྲེས་ཡོངས་རྫོགས་དེ་ཡི་བྲན། །ཐམས་ཅད་ཐམས་ཅད་དེར་འདུས་པས། །སྡུད་པར་བྱེད་པ་དབྱིངས་ཀྱི་ཀློང་། །ཐམས་ཅད་དེ་ནས་འགྱེད་པའི་ཕྱིར། །སྤྲོ་བར་བྱེད་པ་ཀློང་གི་དབྱིངས། །དབྱིངས་ལས་ཆོ་འཕྲུལ་འབྱུང་བའི་ཕྱིར། །ཐམས་ཅད་དེ་ལས་སྤྲོས་པ་ཡིན། །ཐམས་ཅད་དེ་རུ་འདུས་པ་ཡིན། །ཀུན་འདུས་ཆེན་པོ་གྲོལ་བའི་ཡུལ། །རྣལ་འབྱོར་ཀུན་གྱི་སྤྱོད་པ་ཡིས། །ཆོས་དབྱིངས་ཀུན་ཏུ་བཟང་མོའི་མཁའ། །ཕྱི་ནང་མེད་པར་གསལ་བ་དང་། །སྣོད་བཅུད་གཅིག་ཏུ་མཐོང་བ་དང་། །རིག་པ་སྤྱི་བླུགས་འབབ་པ་དང་། །ས་ཆུ་མེ་རླུད་འབྱུང་བ་བཞིས། །ཐུགས་རྗེ་རྒྱུན་ཆད་མེད་པ་དང་། །འདོད་ཡོན་ལྔ་ལ་ལོངས་སྤྱོད་ཀྱང་། །དེ་ཡི་ཉེས་པས་མི་གོས་དང་། །དངོས་པོ་ཕྲ་རགས་ཅིར་ཤར་ཡང་། །ནམ་མཁའི་ཆོ་འཕྲུལ་ཡིན་པ་དང་། །ནམ་མཁའ་སྣང་བ་མེད་པ་དང་། །ཆོ་འཕྲུལ་ཟད་མཐའ་མེད་པ་དང་། །ནམ་མཁའ་ཀུན་ལ་ཁྱབ་པ་དང་། །དངོས་པོར་སྟོང་པ་མེད་པ་དང་། །ཁ་དོག་དབྱིབས་སུ་འབྱུང་བ་དང་། །ནང་ལ་ནང་གིས་བལྟ་བ་དང་། །རང་རང་མཐུ་ཡིས་སྤྱོད་པ་དང་། །འགྲོ་ཉལ་ཟ་འཆག་བྱེད་པ་དང་། །ཕོ་མོ་གཅིག་ལ་གཅིག་ཆགས་དང་། །ལས་དང་བྱ་བ་བྱེད་པ་དང་། །རྐྱེན་གྱིས་བསྒྱུར་དུ་བཏུབ་པ་དང་། །འབྲས་བུ་དུས་སུ་འབྱིན་པ་ཡང་། །ཐུན་མོང་དབྱིངས་ཀྱི་ཡོན་ཏན་ཏེ། །བྱང་སེམསཀློངཆེནདེཡིརྩལ། །ཆོས་གྱི་འཁོར་ལོ་བསྐོར་བ་དང་། །དེ་ལ་ཉན་ཅིང་སེམས་པ་དང་། །དགེ་བཅུའི་ལས་ལ་འཇུག་པ་དང་། །དེ་ལ་རྩོལ་ཞིང་བསྒྲུབ་པ་དང་། །མི་རྩོལ་བཏང་སྙོམས་གནས་པ་དང་། །ལུས་ཀྱི་གཡེང་བ་གཅོད་པ་དང་། །ངག་གི་སྤྲོས་པ་གཅོད་པ་དང་། །སེམས་ཀྱི་འདུ་འཛི་སེལ་བ་དང་། །རང་རང་སོ་ལ་གནས་པ་དང་། །ཕྱོགས་མེད་གར་བདེར་འགྲོ་བ་དང་། །གནས་ལ་ངེས་པ་མེད་པ་དང་། །གཅིག་པུར་སྤྱོད་དང་མང་པོར་འདུ། །འདུ་འཛི་གཡེང་བ་བསྟེན་པ་དང་། །ཡུལ་ཕྱིར་འབྲེང་དང་རྐྱེན་གྱིས་བསྒྱུར། །འདི་ཀུན་དབྱིངས་ཀྱི་ཡོན་ཏན་ཏེ། །སེམས་ཉིད་ཀློང་ཆེན་དེ་ཡི་མཐུ། །སེམས་ལ་ཡེ་ཤེས་སྐྱེ་བ་དང་། །རྣམ་སྨིན་ཟད་པར་མཐོང་བ་དང་། །ཚུལ་འཛིན་པ་དང་ཚུལ་རྟགས་དང་། །ཉམས་ལ་སྐྱེ་འབྲི་མེད་པ་དང་། །འབྱུང་བའི་གནོད་པས་མི་ཚུགས་དང་། །འབྱུང་པོས་བར་དུ་མི་ཆོད་དང་། །ཚོར་བ་དོན་དུ་མི་གཉེར་དང་། །ལུང་བསྟན་ཆོས་བཤད་འབྱུང་བ་དང་། །མངོན་ཤེས་རྫུ་འཕྲུལ་འགྱེད་པ་དང་། །ས་ལ་གནས་པར་མཐོང་བ་དང་། །བྱིན་རླབས་ཆོ་འཕྲུལ་སྟོན་པ་ཡང་། །གཞན་གྱི་མཐུ་མིན་རང་གི་དབྱིངས། །ཐུན་མོང་ཡོན་ཏན་དཔག་ཏུ་མེད། །ནམ་མཁའི་ཆོ་འཕྲུལ་ཇི་བཞིན་དུ། །དངོས་པོར་མེད་ལས་སྙིང་པོར་འབྱུང་། །རྒྱུ་འབྲས་རང་རྒྱུད་མེད་པའི་ཕྱིར། །རང་སེམས་ཀློང་ཆེན་དེ་ཡི་སྟོབས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཆོ་འཕྲུལ་འབྱུང་བའི་ལེའུ་སྟེ་སུམ་ཅུ་རྩ་བཞི་པའོ།། །།དེ་ནས་ཡང་ཉིད་ཀྱི་འཁོར་རྣམས་ལ་ཉེ་བར་བརྗོད་པ། སྙིང་པོ་བྱང་ཆུབ་དེ་མཐོང་བས། །སངས་རྒྱས་ཐམས་ཅད་དུས་གཅིག་མཐོང་། །སྨོན་ལམ་དག་པས་མཐོང་བ་ཡིན། །རང་སེམས་དག་པས་མཐོང་བ་ཡིན། །རང་སེམས་རྣམ་དག་དྲི་མེད་དེ། །བཀྲུས་པས་དག་པ་མ་ཡིན་ཏེ། །ཕྱོགས་འཛིན་མེད་པས་དག་པ་ཡིན། །ཕྱོགས་མེད་ལྷུན་གྲུབ་ཆེན་པོ་དེ། །བཙལ་ཞིང་བསྒྲུབས་པས་འགྲུབ་པ་མིན། །ཡེ་ནས་གནས་པས་འགྲུབ་པ་ཡིན། །ཡེ་གྲུབ་ཆོས་ཉིད་འགྱུར་མེད་དེ། །རྒྱུ་རྐྱེན་གཉིས་ལས་བྱུང་བ་མིན། །ཤེས་བྱ་རང་གི་བབས་སུ་གནས། །རང་བྱུང་ཡེ་ཤེས་རྒྱལ་བའི་མེས། ཁམས་གསུམ་སེམ་ཅན་ཀུན་གྱི་ཡབ། །དུས་གསུམ་རྒྱལ་བ་རྣམས་ཀྱི་ཡུམ། །རྣལ་འབྱོར་ལམ་མཆོག་འབྱུང་བའིགཏེར། །ཐེག་ཆེན་ས་ལ་བགྲོད་པའི་གཞི། །འཆིང་བའི་ཞགས་པ་གཅོད་པའི་མཚོན། །ཉོན་མོངས་ཕྲེང་ཐག་གཅོད་པའི་གྲི། །འཇིག་ཚོགས་དགྲ་ལ་འབྲོས་པའི་མཁར། །སོ་མཚམས་བདུད་བཞི་སྲུང་བའི་མི། །འགྲོ་དྲུག་གྲོང་ཁྱེར་འཇོམས་པའི་དམག །གསང་བའི་དགྲ་གསུམ་གསོད་པའི་གྲི །རང་སེམས་བྱ་བྲལ་ཀུན་བཟང་དེ། །ཀུན་གྱིས་སྤྱི་མེས་འཕོ་འགྱུར་མེད། །ཁམས་གསུམ་སེམས་ཅན་དེ་ལས་བསྐྱེད། །སྐྱེ་མེད་ཀུན་ཏུ་བཟང་མོའི་དབྱིངས། །དུས་གསུམ་རྒྱལ་བ་དེ་ལས་འབྱུང་། །རྣལ་འབྱོར་རྣམ་ལྔའི་དགོངས་པ་ཡང་། །ཉག་གཅིག་དེ་ཡི་ཀློང་ནས་ཤར། །ཐེག་ཆེན་དབྱེ་བ་མེད་པའི་ས། །མ་བགྲོད་ཡེ་ནས་ནོན་པའི་ཕྱིར། །རང་བྱུང་ཡེ་ཤེས་མཚོན་ཆ་ཡིས། །འཆིང་བ་གཉིས་པོ་གཅད་པ་དང་། །ཕྱི་རོལ་སྒྲ་དང་ཚད་མ་ཡིས། །བཤིག་ཏུ་མེད་པ་རྡ་རྗེའི་མཁར། །སྐྱེ་ཤི་མེད་པ་རང་བྱུང་ཡིས། །བདུད་བཞི་ཟིལ་གྱིས་གནོན་པ་དང་། །འཕོ་འགྱུར་མེད་པའི་དགོངས་པ་ཡིས། །འགྲོ་དྲུག་གྲོང་ཁྱེར་གཏན་ནས་བཅོམ། །རང་བཞིན་གཅིག་པའི་ཆོས་ཉིད་ཀྱིས། །ཕྱི་ནང་བར་གསུམ་བསྲེ་བ་དང་། །མཐའ་ཡི་མུན་པ་རྩད་ནས་བཅད། །ཐེ་ཚོམ་ཡོད་མེད་གཉིས་སྣང་སེམས། །བྱ་བྲལ་དོན་ལ་གཉིས་སྣང་མེད། །དབྱེར་མེད་ངང་ལ་བློ་བདེར་གནས། །རྩོལ་བསྒྲུབ་ཡོད་མེད་རེ་དོགས་སེམས། །བྱ་བྲལ་དབྱིངས་ལ་རེ་དོགས་མེད། །མཉམ་ཉིད་ངང་ལ་བློ་བདེར་གནས། །འཆིང་གྲོལ་ཡོད་མེད་དགག་སྒྲུབ་སེམས། །བདེ་ཆེན་སེམས་ལ་དགག་བསྒྲུབ་མེད། །མཉམ་ཉིད་དོན་ལ་བློ་བདེར་གནས། །འཁོར་འདས་ཡོད་མེད་གཟུང་འཛིན་སེམས། །ཐིག་ལེ་གཅིག་ལ་དབྱེ་བ་མེད། །མ་བཅོས་དོན་ལ་བློ་བདེར་གནས། །བསྒྲུབ་ཏུ་ཡོད་མེད་རྣམ་རྟོག་སེམས། །བསྒྲུབས་པས་གཞན་ནས་དོན་མི་རྙེད། །བྱ་བྲལ་ངང་ལ་བློ་བདེར་གནས། །མཚོན་དུ་ཡོད་མེད་ཕྱི་ནང་སེམས། །སྨྲ་བརྗོད་ཀུན་ལས་འདས་པའི་ཕྱིར། །ཐ་སྙད་བྲལ་ལ་བློ་བདེར་གནས། །གང་ནས་བཙལ་ཀྱང་ཆོས་ཉིད་རང་། །མིང་གི་སྒོ་ནས་ཅིར་བཏགས་ཀྱང་། །མིང་ལ་ངེས་པ་མེད་པའི་ཕྱིར། །ཆོས་ཉིད་རང་ལ་རང་གིས་བཏགས། །གྲངས་ཀྱི་སྒོ་ནས་ཅིར་བརྗོད་ཀྱང་། །གྲངས་ལ་ཐུག་པ་མེད་པའི་ཕྱིར། །ཆོས་ཉིད་རང་ལ་རང་གིས་བགྲངས། །ཇི་ལྟར་སྣང་ཞིང་སྲིད་པའི་ཆོས། །རང་སྣང་ཡིན་ཕྱིར་གཞན་མ་བལྟ། །ཐག་ཆོད་ངང་ལ་བློ་བདེར་གནས། །རང་གིས་རང་ལ་ལུས་ལེན་ནམ། །རང་གིས་རང་ལ་སྐྱེ་བ་དང་། །རང་གིས་རང་ལ་འཆི་བ་དང་། །རང་གིས་རང་ལ་ཕན་འདོགས་དང་། །རང་གིས་རང་ལ་གནོད་པ་དང་། །སྐྱེ་ཤི་གཉིས་པོ་སུ་ཡིས་བྱས། །ཕན་གནོད་གཉིས་པོ་གང་ལས་བྱུང་། །རང་སྣང་གཅིག་ཏུ་ཐག་ཆོད་ལ། །བྱ་བྲལ་ངང་ལ་བློ་བདེར་གནས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དགོངས་པ་ཐག་ཆོད་ཀྱི་ལེའུ་སྟེ་སུམ་ཅུ་རྩ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་དེ་དག་ལ་བཀའ་སྩལ་པ། ཇི་བཞིན་རང་སར་བཞག་པ་ཡིས། །རིག་པ་ནམ་མཁའ་ལྟ་བུ་ལ། །འཕོ་འགྱུར་མེད་པའི་དོན་ཤར་བས། །དེ་ལ་ཡེངས་དང་མ་ཡེངས་མེད། །ཇི་ལྟར་བྱས་ཀྱང་དེ་ཡི་ཀློང་། །འདུ་འབྲལ་མེད་པའི་དབྱིངས་མཆོག་འདི། །མཐའ་མེད་རབ་ཏུ་འབྱམས་པའི་ཕྱིར། །ཚིག་གིས་མཚོན་པའི་སྤྱོད་ཡུལ་མིན། །ཤེས་རབ་ཀློང་ནས་རྡོལ་བ་དང་། །རིག་པ་རང་ལ་ཤར་བ་ཡི། །སྐལ་ལྡན་རྣམས་ཀྱི་སྤྱོད་ཡུལ་ཡིན། །ཐུན་མོང་འཇུར་སེམས་མེད་པ་དང་། །སྨྲར་མེད་ཀློང་དུ་བསྟིམས་པ་ཡི། །རྣལ་འབྱོར་རྣམས་ཀྱི་སྤྱོད་ཡུལ་ཏེ། །ཡང་རབ་རྟོགས་པའི་བློ་ཅན་གྱིས། །མཚོན་དང་མ་མཚོན་མེད་པ་སྲ །ཡེ་ནས་གནས་པར་ཐག་བཅད་དེ། །སྒོམ་དང་བསྒོམ་པར་བྱ་བ་ཡི། །ཡུལ་དང་ཡུལ་ཅན་མ་རྙེད་པས། །བྱིང་རྒོད་རྩོལ་དང་མི་རྩོལ་བའི། །རྣམ་རྟོག་དགྲ་བོ་གསད་མི་དགོས། །ཡེ་ནས་སྤྱི་བླུགས་ཆེན་པོ་མྲ །གནས་པའི་ཆོས་ཉིད་སྤྱི་ཁྱབ་ལ། །བདག་གཞན་རྟོག་པ་མི་མངའ་བས། །ཁམས་གསུམ་བདག་གཞན་མཉམ་པའི་ཕྱིར། །དུས་གསུམ་བདེར་གཤེགས་རང་སྣང་སྟེ། །གཞན་ནས་ཐོབ་པར་བྱ་བའི་ཡུལ། །རང་ལས་མ་གཏོགས་རྡུལ་ཙམ་མེད། །ཆོས་ཉིད་རང་སེམས་ཀློང་ཆེན་ལ། །མཚན་མ་སྣ་ཚོགས་ཀུན་གསལ་ཡང་། །མཉམ་པའི་དོན་ལས་གཡོས་པ་མེད། །བདག་ལས་གཞན་དུ་ལྟ་བྱེད་པ། །གཉིས་སུ་སྣང་བ་འཁྲུལ་པའི་སེམས། །བསྒོམ་པར་འདོད་པ་རྩོལ་བའི་བློ། །འཁྲུལ་པ་གཞན་ན་མེད་པའི་ཕྱིར། །རང་གཞན་ཆེན་པོ་མཉམ་པའི་ཀློང་། །མཉམ་པའི་ཀློང་ཆེན་རིས་མེད་ལ། །བཞག་དང་མ་བཞག་མེད་པར་གནས། །གཞི་བཞག་ཆེན་པོ་བཙལ་དུ་མེད། །ཡང་ལྷོས་ཡང་ལྷོས་སེམས་ལ་ལྟོས། །ལྟར་མེད་སེམས་ཀྱིས་བལྟ་བ་མཐོང་། །དམིགས་པའི་མཐའ་ལས་འདས་པ་དེ། །རིག་པ་སྤྱི་བླུགས་ལྷ་བ་ཡིན། །རང་རིག་ལྟ་བ་རྩལ་གྱི་དབང་། །ཉོན་མོངས་ལས་ཀྱིས་མི་བརྫི་བ། །ཡེ་ནས་ཐོབ་པས་བསྐུར་མི་དགོས། །ལྟ་བ་རང་དབང་གྱུར་པ་ཡིན། །ཡང་སྒོམས་ཡང་སྒོམས་སེམས་ལ་སྒོམས། །བསྒོམ་མེད་སེམས་ཀྱིས་བསྒོམ་པ་མཐོང་། །མཚན་མའི་ཡུལ་དང་བྲལ་བ་དེ། །རིག་པ་སྤྱི་བླུགས་བསྒོམ་པ་ཡིན། །རང་རིག་བསྒོམ་པ་རྩལ་གྱི་དབང་། །ཉོན་མོངས་ལས་ཀྱིས་མི་བརྫི་བ། །ཡེ་ནས་ཐོབ་པས་བསྐུར་མི་དགོས། །བསྒོམ་པ་རང་དབང་གྱུར་པ་ཡིན། །ཡང་སྤྱོད་ཡང་སྤྱོད་སེམས་ལ་སྤྱོད། །སྤྱད་མེད་སེམས་ཀྱི་སྤྱོད་པ་མཐོང་། །བླང་དོར་མཐའ་ལས་གྲོལ་བ་ནི། །རིག་པ་སྤྱི་བླུགས་སྤྱོད་པ་ཡིན། །རང་རིག་སྤྱོད་པ་རྩལ་གྱི་དབང་། །ཉོན་མོངས་ལས་ཀྱིས་མི་བརྫི་བ། །ཡེ་ནས་རྫོགས་པས་བསྐུར་མི་དགོས། །སྤྱོད་པ་རང་དབང་གྱུར་པ་ཡིན། །ཡང་སྒྲུབས་ཡང་སྒྲུབས་སེམས་ལ་སྒྲུབས། །བསྒྲུབ་མེད་སེམས་ཀྱི་འབྲས་བུ་མཐོང་། །རེ་དོགས་མཐའ་ལས་གྲོལ་བ་ནི། །རིག་པ་སྤྱི་བླུགས་འབྲས་བུ་ཡིན། །རང་རིག་འབྲས་བུ་རྩལ་གྱི་དབང་། །ཉོན་མོངས་ལས་ཀྱིས་མི་བརྫིབ། །ཡེ་ནས་ཐོབ་པས་བསྐུར་མི་དགོས། །འབྲས་བུ་རང་དབང་གྱུར་པའི་ཕྱིར། །དེས་ན་ཆོས་ཉིད་མཉམ་པ་ཉིད། །ཡུལ་དང་ཡུལ་ཅན་མེད་པའི་ཕྱིར། །བདག་དང་གཞན་དུ་མི་འཛིན་པས། །རིག་པ་རང་དབང་གྱུར་པ་ཡིས། །མཉམ་པའི་ཀློང་དུ་ངང་གིས་གནས། །དེ་ལ་རིག་པའི་འཆར་ལུགས་ནི། །ཕྱི་ནང་ཀུན་ཏུ་རང་ཤར་བས། །རང་དབང་རང་གིས་ཐོབ་པའི་ཕྱིར། །མཉམ་པའི་ངང་ལས་གཡོས་པ་མེད། །མཚན་མའི་ཡུལ་ལ་མི་གནས་པས། །ཡུལ་མེད་རིག་པ་སྤྱི་བླུགས་གནས། །ཡེ་ནས་གཉིས་སུ་མེད་པའི་ཕྱིར། །ཐིག་ལེའི་ངང་ལ་དབྱེར་མི་བྱེད། །སེམས་ཅན་རྣམ་རྟོག་མཚན་མ་ལ། །སངས་རྒྱས་ཡེ་ཤེས་སྤྱི་བླུགས་གནས། །གཉིས་མེད་རིག་པ་རང་གི་རྩལ། །འཁོར་འདས་དབྱེ་རུ་མེད་པའི་ཕྱིར། །མཉམ་པའི་དོན་ལས་འདའ་བ་མེད། །དམ་ཚིག་རིག་པ་རང་གི་རྩལ། །མཉམ་ཉིད་དགོངས་པ་ཕྱོགས་མེད་ལ། །དངོས་དང་དངོས་མེད་མཉམ་པར་འཆར། །རྟོག་པ་རིག་པ་རང་གི་རྩལ། །སངས་རྒྱས་སེམས་ཅན་དབྱིངས་སུ་མཉམ། །ཀུན་རྫོབ་དོན་དམ་དབྱིངས་སུ་མཉམ། །སྐྱོན་དང་ཡོན་ཏན་དབྱིངས་སུ་མཉམ། །མཐོ་དམན་ཕྱོགས་མཚམས་དབྱིངས་སུ་མཉམ། །མཉམ་པའི་དོན་ལ་གཡོས་པ་མེད། །ཉམས་མྱོང་རིག་པ་རང་གི་རྩལ། །ཡེ་ནས་ཐོབ་པས་བསྐུར་མི་དགོས། །ཤར་བའི་དུས་ན་མཉམ་པར་ཤར། །བཟང་ངན་མེད་པ་རིག་པའི་རྩལ། །གནས་པའི་ཚེ་ན་མཉམ་པར་གནས། །བཟང་ངན་མེད་པ་རིག་པའི་རྩལ། །གྲོལ་བའི་ཚེ་ན་མཉམ་པར་གྲོལ། །བཟང་ངན་མེད་པ་རིག་པའི་རྩལ། །ཉོན་མོངས་ལས་ཀྱིས་མི་བརྫི་བས། །ཕྲིན་ལས་རིག་པ་རང་རྩལ་དབང་། །ཡེ་ནས་ཐོབ་པས་བསྐུར་མི་དགོས། །མི་མཉམ་ཤར་ཡང་མཉམ་པའི་དབྱིངས། །མཉམ་དང་མི་མཉམ་མེད་པར་ཤར། །མི་མཉམ་གནས་ཀྱང་མཉམ་པའི་དབྱིངས། །མཉམ་དང་མི་མཉམ་མེད་པར་གནས། །མི་མཉམ་གྲོལ་ཡང་མཉམ་པའི་དབྱིངས། །མཉམ་དང་མི་མཉམ་མེད་པར་གྲོལ། །རང་ཤར་རང་གྲོལ་རིག་པ་རང་གི་རྩལ། །འཕྲིན་ལས་རིག་པ་རང་རྩལ་དག་གི་དབང་། །ཡེ་ནས་ཐོབ་པས་བསྐུར་མི་དགོས། ཁྲར་དང་མ་ཤར་དབྱིངས་ལ་མེད། །གྲོལ་དང་མ་གྲོལ་དབྱིངས་ལ་མེད། །ཤརབའི་དུས་ན་རང་ལ་ཤར། །རང་ཤར་རང་གིས་རང་སར་ཟིན། །གནས་པའི་དུས་ན་རང་ལ་གནས། །རང་གནས་རང་གིས་རང་ས་ཟིན། །གྲོལ་བའི་དུས་ན་རང་དུ་གྲོལ། །རང་གྲོལ་རང་གིས་རང་ས་ཟིན། །ཤར་བར་གནས་ཤིང་གནས་པར་གྲོལ། །གྲོལ་པར་ཤར་བས་རྒྱུན་ཆད་མེད། །རྒྱུན་ཆད་མེད་པས་རྒྱུ་འབྲས་མེད། །རྒྱུ་འབྲས་མེད་པས་བར་མ་ཆད། །བར་ཆད་མེད་པའི་ཆོས་ཉིད་ལ། །འཁོར་བའི་གཡང་ས་གཅད་དུ་མེད། །གཡང་ས་བྲལ་བས་ལུས་མི་ལེན། །ལུས་མེད་གོལ་སར་ག་ལ་ལྟུང་། །དུས་གསུམ་འཕོ་འགྱུར་མེད་པ་དེ། །ཡེ་ནས་ཀུན་ཏུ་བཟང་པོའི་ཀློང་། །ཡེ་ནས་སྐྱེ་ཤི་མེད་པ་དེ། །རྡོ་རྗེ་སེམས་དཔའ་ཉིད་ཀྱི་ངང་། །རིག་པ་རང་དབང་བསྒྱུར་བ་ལ། །དོན་གྱི་དབང་ཞེས་བཏགས་པ་ཡིན། །རང་ཞལ་རང་གིས་མཐོང་བ་ལ། །སངས་རྒྱས་ཞེས་སུ་བཏགས་པར་བཤད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དབང་ཡེ་ནས་ཐོབ་པར་བསྟན་པའི་ལེའུ་སྟེ་སུམ་ཅུ་རྩ་དྲུག་པའོ།། །།དེ་ནས་ཡང་ཉིད་ཀྱི་རང་བཞིན་ལས་མི་གཞན་པའི་འཁོར་རྣམས་ལ་སྟོན་པས་བཀའ་སྩལ་པ། བྱང་ཆུབ་སེམས་ལ་བཟང་ངན་མེད། །ཆོས་རྣམས་ཐམས་ཅད་དེ་བཞིན་གཤེགས། །མཉམ་པའི་ངང་ལས་མ་གཡོས་ཀྱང་། །ཕྱི་ནང་གསང་བ་གསུམ་གྱི་ཚུལ། །དཀྱིལ་འཁོར་རྫས་ལ་བརྟེན་ནས་ནི། །དབང་རྫས་རྣམས་ཀྱིས་དབང་བསྐུར་ནས། །བདེ་ཆེན་བྱང་ཆུབ་སེམས་སྐྱེ་སྟེ། །གསང་སྔགས་དོན་ལས་ཕྱིར་མི་ལྡོག །ཕྱི་ཡི་དབང་ཞེས་གྲགས་པ་ཡིན། །ནང་གི་དབང་དུ་བསྟན་པ་ཡང་། །ཐ་མལ་ལུས་ལས་ལྷར་བསྒྱུར་ཏེ། །བདག་རང་ལུས་ལ་ལྷ་དབང་ཐོབ། །བསྒོམས་པས་ལྷ་རུ་གསལ་བའི་ཚེ། །བདག་ཏུ་འཛིན་པའི་ལུས་མི་གནས། །ལུས་ལ་ལྷ་རུ་དབང་བསྒྱུར་བས། །དབང་ཡོད་པ་ལ་དོན་འབྱིན་ཏེ། །སློབ་དཔོན་གྱིས་ནི་དབང་བསྐུར་བས། ཁྲེས་བཞིན་ཉམས་ལེན་བརྟན་པ་ལ། །ཐོབ་པ་ཞེས་སུ་བཤད་པ་ཡིན། །དབང་ཞེས་བྱ་བའི་དངོས་གཞི་ནི། །གཞན་ན་ཡོད་པ་མ་ཡིན་ཏེ། །རིག་པའི་ཡེ་ཤེས་རང་ལ་གནས། །ཉོན་མོངས་དབང་དུ་མི་འགྱུར་ཏེ། །བདག་ལ་ཡོད་པས་དབང་ཞེས་བྱ། །གཞན་མི་དབང་བས་དབང་ཞེས་བྱ། །རང་ཉིད་དབང་བའི་ཕྱིར་ན་དབང་། །གསང་དབང་ཞེས་སུ་གྲགས་པ་ཡང་། །རང་བཞིན་ཤུགས་ཀྱིས་ཐོབ་པ་སྟེ། །བདག་ལུས་ལྷ་རུ་གསལ་ཙམ་ན། །བདག་འཛིན་ངང་གིས་མི་གནས་ཏེ། །ཡེ་ཤེས་རང་དབང་དཀྱིལ་འཁོར་རྫོགས། །རང་རིག་ཡེ་ཤེས་རང་དབང་སྒྱུར། །ཡོན་ཏན་མི་ཟད་ནོར་བུའི་གཏེར། །སྐུ་གསུང་ཐུགས་ཀྱི་འཁོར་ལོ་ལ། །དབང་བསྒྱུར་བས་ན་དབང་ཞེས་བྱ། །གསང་བར་བཞག་པའི་རྒྱུ་མཚན་ནི། །དངོས་སུ་མི་སྣང་ནུས་པའི་མཐུ། །དེ་བཞིན་གཤེགས་པ་ཐམས་ཅད་ཀྱང་། །རང་ལས་བྱུང་ཞིང་སྐྱེད་པར་བྱེད། །བློ་ཆུང་ཐེག་པ་དམན་པ་ལ། །དེ་དོན་བསྟན་ན་སྐྲག་པ་དང་། །སྤྱིད་ལུག་པ་ཡི་ཉེན་ཡོད་པས། །གསང་ན་འགྲུབ་པ་ཡིན་པའི་ཕྱིར། །གསང་དབང་ཞེས་སུ་བསྟན་པ་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དབང་གི་བྱེ་བྲག་བསྟན་པའི་ལེའུ་སྟེ་སུམ་ཅུ་རྩ་བདུན་པའོ།། །།དེ་ནས་ཡང་སྟོན་པ་བཅོམ་ལྡན་འདས་ཀྱིས་ཉིད་ལས་མི་གཞན་པའི་འཁོར་རྣམས་ལ་བཀའ་སྩལ་པ། བྱང་ཆུབ་སེམས་ནི་སྐྱོན་དང་བྲལ། །ཆོས་རྣམས་ཐམས་ཅད་བསླབ་པ་སྟེ། །བསླབ་ཏུ་མེད་པའི་བསླབ་པ་དང་། །བསླབ་ཏུ་ཡོད་པའི་བསླབ་པའོ། །བྱང་ཆུབ་སེམས་ལ་སྐྱོན་མེད་ཀྱང་། །འདུལ་བྱེད་དབང་གིས་ཐབས་སྣ་ཚོགས། །དུས་གསུམ་སངས་རྒྱས་རྣམས་ཀྱིས་གསུངས། །མན་ངག་དོན་གྱི་གཏེར་ཆེན་ཡིན། །དམ་ཚིག་དམ་ཚིག་ཅེས་བྱ་བ། །གུད་ན་ཡོད་པ་མ་ཡིན་ཏེ། །རང་གི་ལྟ་བ་དམ་ཚིག་ཡིན། །ཇི་སྲིད་སྣང་གྲག་ཆོས་རྣམས་ཀུན། །རང་གི་སེམས་སུ་འདུས་པའི་ཕྱིར། །དེ་ལས་མི་འདའ་རང་དབང་ཐོབ། །འདས་ཉམས་མེད་པར་ཤེས་པའི་ཚེ། །ཇི་ལྟར་དམིགས་པ་བཞིན་དུ་སྣང་། །ཐམས་ཅད་མ་ལུས་ཀུན་གྱི་ཡང་། །གཞིའམ་རྒྱུ་རུ་གྱུར་པས་ན། །རང་གི་བྱང་ཆུབ་སེམས་དེ་ནི། །འཁོར་འདས་ཀུན་གྱི་དངོས་གཞིའམ། །འབྱུང་གནས་དག་ཏུ་གྱུར་པ་དེ། །རང་དབང་རང་གིས་ཐོབ་པའི་དུས། །ཐམས་ཅད་མ་ལུས་བྱང་ཆུབ་སེམས། །རང་གི་ཆོ་འཕྲུལ་ཡིན་པས་ན། །འཁོར་བ་དག་ལ་ཉམ་ང་མེད། །དེ་ལས་མི་འདའ་དམ་ཚིག་ཡིན། །དེ་ཡི་དོན་ལ་གནས་པའི་ཕྱིར། །ཇི་ལྟར་མཐོང་ཞིང་ཇི་ལྟར་གྲག །ཇི་ལྟར་བཏགས་ཤིང་ཇི་ལྟར་ཆགས། །ཇི་ལྟར་བསྒོམས་ཤིང་ཇི་ལྟར་བསྒྲུབས། །གང་ལྷར་གནས་ཤིང་འདུག་ན་ཡང་། །དེ་ཡི་དོན་ལས་མི་འདའ་བས། །དམ་ཚིག་ཅེས་སུ་བཏགས་པ་ཡིན། །མེད་པ་དང་ནི་ཕྱལ་པ་དང་། །གཅིག་པུ་དང་ནི་ལྷུན་གྱིས་གྲུབ། །མེད་པའི་དམ་ཚིག་ཅེས་བྱ་བ། །ཡུལ་དང་ཡུལ་ཅན་མེད་པ་ལ། །བསྲུང་དང་བསྲུང་མཚམས་མེད་པ་ཡིན། །ཕྱལ་པ་དག་གི་དམ་ཚིག་ནི། །བསྲུང་མཚམས་མེད་པའི་རང་བཞིན་གྱིས། །དགེ་དང་མི་དགེའི་རྟོག་མེད་དེ། །ཉམས་པ་དག་གི་སྐྱོན་དང་ནི། །མ་ཉམས་པ་ཡི་ཡོན་ཏན་མེད། །སྐྱོན་ཡོན་མེད་པས་ཕྱལ་པ་ཡིན། །གཅིག་པུ་དག་གི་དམ་ཚིག་ནི། །ཉམས་དང་མ་ཉམས་མེད་པའི་ཕྱིར། །སྐྱོན་དང་ཡོན་ཏན་གཉིས་སུ་མེད། །ཐམས་ཅད་རང་དུ་གཅིག་པས་ན། །བསྲུང་བྱ་ཡུལ་ཡང་གཅིག་པུ་རང་། །བསྲུང་བའི་བདག་ཀྱང་གཅིག་པུ་རང་། །ཉམས་པའི་སྐྱོན་ཀྱང་གཅིག་པུ་རང་། །མ་ཉམས་ཡོན་ཏན་གཅིག་པུ་རང་། །ཐམས་ཅད་རང་ལས་མི་འདའ་བས། །གཅིག་པུའི་དམ་ཚིག་ཅེས་སུ་བཏགས། །ལྷུན་གྱིས་གྲུབ་པའི་དམ་ཚིག་ནི། །ཐམས་ཅད་རང་དུ་འདུག་ཙམ་ན། །ཡུལ་གཞན་མེད་པས་མཐའ་མི་དམིགས། །མཐའ་བྲལ་ཆོས་ཉིད་ཕྱོགས་མེད་དེར། །བསྲུང་དུ་ཡོད་ཀྱང་དེ་རུ་འདུས། །བསྲུང་དུ་མེད་ཀྱང་དེ་རུ་འདུས། །ཉམས་དང་མ་ཉམས་སྐྱོན་ཡོན་ཀྱང་། །དེ་རུ་འདུས་པས་ལྷུན་གྱིས་གྲུབ། །དེ་ལས་མི་འདའ་དམ་ཚིག་མཆོག །དུས་གསུམ་དེ་དང་མི་འབྲལ་བས། །ཐ་ཚིག་མིང་དུ་བཏགས་པ་མེད། །ཆོས་ལ་སྐྱོན་ཡོན་རིས་མེད་ཀྱང་། །གང་ཟག་བློ་ལ་འཛིན་པ་བྱུང་། །དེ་ཕྱིར་བསླབ་པ་སྣ་ཚོགས་ཀྱང་། །གཟུང་འཛིན་གཉེན་པོར་གསུངས་པ་ཡིན། །ལུས་ཀྱིས་བསྲུང་བར་བྱ་བ་ནི། །མན་ངག་སྟོན་པའི་བླ་མ་དང་། །རྡོ་རྗེ་སྤུན་ལ་བརྙས་མི་བྱ། །ངག་གིས་བསྲུང་བར་བྱ་བ་ནི། །མི་སྙན་ཟུར་ཡང་མི་བརྗོད་ཅིང་། །བྲེ་མོའི་གཏམ་ཡང་སྤང་བར་གསུངས། །ཡིད་ཀྱིས་བསྲུང་བར་བྱ་བ་ནི། །ཆགས་སྡང་ངན་སེམས་ཕྲག་དོག་རྒྱུ། །སྐད་ཅིག་ཙམ་ཡང་མི་བྱ་ཞིང་། །མཉེས་པ་རྣམ་པ་སྣ་ཚོགས་ཀྱིས། །རབ་ཏུ་དགུས་པའི་མཆོད་པ་དབུལ། །རྩ་བ་ཡན་ལག་དམ་ཚིག་ཀྱང་། །གསང་སྔགས་ཐུན་མོང་གཞུང་དག་ཏུ། །རྒྱལ་བས་གསུངས་པ་བཞིན་དུ་གསལ། །ཨ་ཏི་ཡེ་བསྲུངས་ཆེན་པོ་འདི། །བསྲུང་ཡང་སྐྱོན་མེད་རང་གི་རྒྱན། །མ་བསྲུངས་སྐྱོན་བྲལ་འདའ་བ་མེད། །འདའ་ཉམས་མེད་པས་བསྲུང་མཚམས་བྲལ། །མུ་མཐའ་མེད་པར་ཡེ་ནས་འབྱམས། །བདེ་ཆེན་ཀློང་འབྱམས་དམ་ཚིག་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དམ་ཚིག་གྲང་བསྲུང་དང་བྲལ་བའི་ལེའུ་སྟེ་སུམ་ཅུ་རྩ་བརྒྱད་པའོ།། །།དེ་ནས་ཡང་བཅོམལྡན་འདས་ཀྱིས་ཉིད་ལས་མི་གཞན་པའི་འཁོར་རྣམས་ལ་ཉིད་ཀྱི་དོན་འདི་གསུངས་སོ། །སྐྱེ་ཞིང་འཇིག་པའི་མཐའ་མེད་པས། །བྱ་བྲལ་ཀློང་ཆེན་ནམ་མཁའི་ངང་། །དབྱེ་བསལ་བླང་དོར་མེད་པའི་ཕྱིར། །གསེར་གླིང་ལྟ་བུར་ཡངས་པའི་ཀློང་། །ཕྱི་ནང་མེད་པར་རང་ཤར་བས། །ནུབ་པའི་མཐའ་མེད་བྱང་ཆུབ་སེམས། །མཐའ་ཡི་མུན་པ་སེལ་བའི་ཕྱིར། །ཡེ་ཤེས་སྒྲོན་མ་དབྱིངས་སུ་གསལ། །མཐའ་བཞི་མ་སྤངས་བྱང་ཆུབ་སེམས། །མཐའ་ཡི་སྐྱོན་གྱིས་མ་རེག་པས། །གོལ་ས་ཐམས་ཅད་ཤུགས་ལ་ཆོད། །གཡང་ས་མེད་པའི་སེམས་ཉིད་ལ། །རྩོལ་མེད་སྐུ་གསུམ་ལྷུན་རྫོགས་ཀྱང་། །འཁོར་འདས་མིང་དུ་བཏགས་པ་ལ། །རྒྱུ་འབྲས་ཅན་གྱིས་ཐ་དད་འཛིན། །འགྲོ་དྲུག་སྐྱེ་གནས་བཞི་པོ་ཡང་། །ཆོས་དབྱིངས་རབ་འབྱམས་ཆོ་འཕྲུལ་བས། །དབྱིངས་ལས་སྐྱེ་ཞིང་དབྱིངས་སུ་འཛིན། །གཟུང་འཛིན་ཡུལ་སེམས་ཐ་དད་ཀྱང་། །ཆོས་དབྱིངས་རབ་འབྱམས་ཆོ་འཕྲུལ་ཏེ། །དབྱིངས་ལས་སྐྱེ་ཞིང་དབྱིངས་ཀྱིས་འཛིན། །དབྱིངས་ཀྱི་ངང་ལ་གཟུང་འཛིན་མེད། །དུས་གསུམ་སངས་རྒྱས་དགོངས་པ་དང། །བདེགཤེགསརྣམས་ཀྱི་མཁྱེན་ཚད་ཀྱང་། །དབྱིངས་ལས་ཤར་ཞིང་དབྱིངས་སུ་མཁྱེན། །མཁྱེན་པ་མ་འགགས་ཆོས་ཀྱི་དབྱིངས། ཁྲེས་བྱ་མ་འགགས་རིག་པའི་རྩལ། །སྐུ་གསུམ་ཐུག་ཕྲད་རང་ཤར་བས། །གཉིས་སུ་མེད་པར་རང་གྲོལ་ཀློང་། །ཐིག་ལེ་བྱང་ཆུབ་སེམས་ཉིད་ནི། །ཐམས་ཅད་ཀུན་གྱི་དངོས་གཞི་སྟེ། །མཚན་ཉིད་མ་འགགས་ཅིར་ཡང་ཤར། །སྣ་ཚོགས་ཆོས་ལ་ངེས་པ་མེད། །དབང་པོ་ཅིར་མཐོང་ཆོས་ཉིད་གསལ། །སྣང་བ་རྒྱ་ཡན་རིག་པའི་ཀླུང་། །རང་སྒོ་བདེ་བའི་ཀློང་དུ་གནས། །སྐུ་དྲུག་ཟང་ཐལ་རང་ལཤར། །ཡེ་ཤེས་རང་ཤར་ཆོས་ཉིད་ཀློང་། །མ་བསྒྲིབས་ཕྱི་ནང་མེད་པར་གསལ། །རང་རིག་སེམས་ཀྱི་མེ་ལོང་ལ། །རང་སྣང་དབྱིངས་ཀྱི་སྣང་བ་ཤར། །རང་ལས་འདའ་བ་མེད་པའི་ཕྱིར། །ཡེངས་དང་མ་ཡེངས་ཡེ་ནས་མེད། །མ་བཅོས་རྣལ་འདུག་རང་ལུགས་ལ། །ལུས་སེམས་ཁོང་གློད་གར་དགར་བཞག ཁྲེས་པ་བག་ཡངས་རྩོལ་མེད་ལ། །བྱར་མེད་སྐྱེས་བུ་བཞིན་དུ་གནས། །གྲིམས་ལྷོད་མེད་པའི་ཆོས་ཉིད་ལ། །ལུས་སེམས་གར་དགར་བཞག་པས་བདེ། །ཇི་ལྟར་འདུག་ཀྱང་རང་གི་ངང་། །འགྲོ་འདུག་ཟ་འཆག་སྤྱོད་ལམ་ཀུན། །རང་སྣང་ཀློང་ལས་གཡོས་པ་མེད། །རང་སྣང་བྱང་ཆུབ་སེམས་འདི་ལ། །འགྲོ་དང་འོང་བ་ངང་གིས་མེད། །འགྲོ་འོང་མེད་པ་རྒྱལ་བའི་སྐུ། །ཇི་ལྟར་སྨྲས་ཀྱང་རང་ལ་སྨྲ། །ཇི་ལྟར་བརྗོད་ཀྱང་རང་ལ་བརྗོད། །ཇི་ལྟར་རྫོགས་ཀྱང་རང་ལ་རྫོགས། །རང་གིས་རང་ལ་སྨྲ་ཞིང་བརྗོད། །བྱང་ཆུབ་སེམས་ལ་སྨྲ་བརྗོད་མེད། །བརྗོད་དུ་མེད་པ་རྒྱལ་བའི་གསུངས། །ཇི་ལྟར་བསམས་ཀྱང་རང་གི་ངང་། །ཇི་ལྟར་བརྟགས་ཀྱང་རང་ལ་རྟོག །བྱང་ཆུབ་སེམས་ལ་བསམ་རྟོག་མེད། །བསམ་རྟོག་བྲལ་བ་རྒྱལ་བའི་ཐུགས། །རྟོག་མེད་མཉམ་ཉིད་ཆོས་ཀྱི་སྐུ། །མེད་ལས་ཅིར་ཡང་འབྱུང་བས་ན། །སྤྲུལ་པའི་སྐུ་ཞེས་གྲགས་པ་ཡིན། །ཉིད་ལ་ཉིད་ཀྱི་ལོངས་སྤྱོད་མཛད། །ལོངས་སྤྱོད་རྫོགས་པའི་སྐུ་ཞེས་བྱ། །དེ་ལ་དངོས་གཞི་མེད་པའི་ཕྱིར། །ཆོས་ཀྱི་སྐུ་ཞེས་བཏགས་པ་ཡིན། །འབྲས་བུ་སྐུ་གསུམ་ལྷུན་གྲུབ་པས། །དབྱེར་མེད་གཅིག་གི་ཀློང་དུ་བསྟན། །ལྷུན་གྲུབ་ཀློང་ནས་ཐམས་ཅད་འབྱུང་། །ཕྱི་ནང་སྐྱེ་འགྲོ་གཟུགས་རྣམས་ཀུན། །ཕྱོགས་མེད་སྐུ་སྟེ་སྐུ་ལ་རོལ། །མི་ཟད་རྒྱན་གྱི་འཁོར་ལོ་ཡིན། །སྒྲ་སྐད་རབ་འབྲིང་ཐ་མར་གྲགས། །ཕྱོགས་མེད་གསུང་སྟེ་གསུང་ལ་རོལ། །མི་ཟད་རྒྱན་གྱི་འཁོར་ལོ་ཡིན། །དབྱེར་མེད་དོན་དམ་ངོ་བོར་གཅིག །ཕྱོགས་མེད་ཐུགས་ཏེ་ཐུགས་ལ་རོལ། །མི་ཟད་རྒྱན་གྱི་འཁོར་ལོ་ཡིན། །ཡོན་ཏན་ཕྲིན་ལས་ལ་སོགས་པ། །ཕྱོགས་མེད་ཀུན་ཏུ་རང་བྱུང་བས། །འདོད་པ་ཐམས་ཅད་འགྲུབ་པའི་ཕྱིར། །ནོརབུརིནཆེནཆོསཀྱིདབྱིངས། །གཞན་ནས་བཙལ་དུ་མེད་པའི་ཕྱིར། །ཐམས་ཅད་རང་བྱུང་རང་ཤར་བས། །འདོད་དགུར་སྒྱུར་བ་ཐུགས་རྗེའི་དཔལ། །ཐམས་ཅད་མ་ལུས་འདུས་པའི་ཕྱིར། །ཆོས་ཀུན་རྩ་བ་བྱང་ཆུབ་སེམས། །འདུ་འབྲལ་མེད་པས་ཆོས་ཀྱི་སྐུ། །གཉིས་སུ་མེད་པས་བྱང་ཆུབ་སེམས། །བདག་གཞན་མེད་པས་མཉམ་པ་ཉིད། །ཆོས་ཀྱི་དབྱིངས་ལ་ཕྱོགས་རིས་མེད། །ཀུན་ལ་སྙོམས་མཛད་ཐུགས་རྗེའི་དཔལ། །བྱང་ཆུབ་སེམས་ཀྱིས་ཡོངས་ལ་ཁྱབ། །འགྲོ་དོན་མཐར་ཕྱིན་དམིགས་པ་མེད། །ཕྲིན་ལས་བྱང་ཆུབ་སེམས་ལ་རྫོགས། །འཕོ་འགྱུར་མེད་པ་ཆོས་ཀྱི་སྐུ། །སྐྱེ་མེད་ཆོས་ཀྱི་དབྱིངས་ན་གསལ། །ཆོས་ཀྱི་དབྱིངས་ལ་མཐོ་དམན་མེད། །ཅི་རུ་ཤར་ཡང་མཉམ་པའི་ཀློང་། །བྱང་ཆུབ་སེམས་ལ་སྟེང་འོག་མེད། །ཁ་གཏིང་མེད་པ་ཆོས་ཀྱི་དབྱིངས། །དབྱིངས་ལ་ཕྱི་ནང་ཅིར་ཤར་ཡང་། །བྱ་བྲལ་ཀློང་ལ་ཕྱི་ནང་མེད། །དབྱེར་མེད་ཟང་ཐལ་གཅིག་གི་ཀློང་། །གཅིག་གི་ཀློང་ན་ཀུན་སྤྱོད་པས། །རང་ལ་རང་བལྟ་ཐུག་ཕྲད་ཡིན། །རང་ལ་རང་གཅོད་ཐུག་ཕྲད་ཡིན། །རལ་གྲིའི་སོ་དང་གླང་ཆེན་བཞིན། །རང་གི་ཞེན་པ་རང་གིས་གཅོད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་གསུམ་ཐུག་ཕྲད་དུ་བསྟན་པའི་ལེའུ་སྟེ་སུམ་ཅུ་རྩ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱིས་སླར་བཀའ་སྩལ་པ། དུས་གསུམ་སྐྱེ་འགག་མེད་པའི་ཕྱིར། །ཆོས་ཀྱི་དབྱིངས་ལ་རྒྱུན་ཆད་མེད། །མི་འགྱུར་འདུས་མ་བྱས་པའི་ཀློང་། །མཐའ་རྣམས་ཐམས་ཅད་འཇོམས་པའི་ཕྱིར། །རྡོ་རྗེའི་ཐོ་ཆེན་འབར་བ་སྟེ། །ཕྱོགས་རྣམས་ཟིལ་གྱིས་གནན་པའི་ཕྱིར། །མན་ངག་ཀུན་གྱི་རྒྱལ་པོ་ཡིན། །དུས་གསུམ་སངས་བོས་འབྱུང་བའི་ཕྱིར། །རིག་པའི་ཡེ་ཤེས་ཆོས་ཀྱི་དབྱིངས། །གཟུང་འཛིན་ཟིལ་གྱིས་གནན་པའི་ཕྱིར། །རང་རིག་སྟོང་ཉིད་བྱང་ཆུབ་ཀློང་། །ཆེ་བའི་ཡོན་ཏན་མ་ལུས་པའི། །རྣམ་གྲངས་ཇི་སྙེད་ཡོད་པ་ཀུན། །དབྱིངས་ལས་དབྱིངས་འབྱུང་ཐབས་ཀྱི་མཆོག །མ་འགགས་རང་ཤར་རོལ་པའི་རྒྱན། །ཐམས་ཅད་སྐྱེ་བ་མེད་པའི་དབྱིངས། །ལྷུན་རྫོགས་ཆེན་པོ་ཆོས་ཀྱི་སྐུ། །དངོས་པོ་ཟིལ་གྱིས་གནོན་པའི་ཕྱིར། །ཆོས་ཉིད་བྱང་ཆུབ་སེམས་ཀྱི་ཀློང་། །སྟོང་ཉིད་དབྱིངས་ལ་འགག་པ་མེད། །དུས་གསུམ་རྒྱལ་བའི་མཁྱེན་ཚད་དེ། །མེད་པར་ཞེན་པ་སྟོང་པའི་མཐའ། །ཟིལ་གནོན་རང་རིག་བྱང་ཆུབ་ཀློང་། །བྱང་ཆུབ་སེམས་ཀྱི་རང་བཞིན་ལ། །ཡེ་ནས་སྣང་སྟོང་གཉིས་སུ་མེད། །གཉིས་མཐར་མི་གཟིགས་རྟོག་ལས་འདས། །དམིགས་པའི་མཐའ་ལས་གྲོལ་བའི་ཕྱིར། །གཉིས་མེད་མ་ཞེན་བྱང་ཆུབ་སེམས། །ཐུགས་རྗེ་བསམ་ཡས་ཆོ་འཕྲུལ་འབྱུང་། །མཐའ་བཞིར་མ་འགགས་ཟིལ་གྱིས་གནོན། །ཆེ་མཉམ་ཆུང་མཉམ་བྱང་ཆུབ་སེམས། །མཉམ་པས་ཆེ་ལ་ཆེ་བས་མཉམ། །ཆེ་ཆུང་མེད་པ་ཆོས་ཀྱི་སྐུ། །དམིགས་སུ་མེད་པས་ནམ་མཁའ་བཞིན། །དེ་ཡི་མཛད་སྤྱོད་ཅིར་ཡང་སྟོན། །མ་འགགས་ཐུགས་རྗེའི་སྤྲུལ་པ་ནི། །ངེས་མེད་སྐུ་སྟེ་ཅིར་ཡང་སྣང་། །ཉིད་ཀྱི་རོལ་པར་ཉིད་ལོངས་སྤྱོད། །ལོངས་སྤྱོད་རྫོགས་སྐུར་ཉིད་ཀྱིས་བསྟན། །ཇི་ལྟར་བྱས་ཀྱང་སྐུ་གསུམ་ཀློང་། །འདུས་མ་བྱས་པ་ཆོས་ཀྱི་དབྱིངས། །སྐུ་གསུམ་དབྱིངས་ནས་རང་ཤར་བས། །འཁོར་འདས་གཉིས་ཀྱང་རང་ལ་ཤར། །དེ་ཡི་ངང་ལས་གཡོས་པ་མེད། །རང་ཤར་རང་གྲོལ་ཆོས་ཉིད་ཀྱིས། །མཚན་མ་ཐམས་ཅད་ཟིལ་གྱིས་གནོན། །སེམས་ཉིད་ཀློང་ཆེན་འགྱུར་མེད་དེ། །ནམ་མཁའི་ཀློང་ལྟར་ཡོངས་ལ་ཁྱབ། །རོལ་པ་ངེས་མེད་ཅིར་ཡང་འཆར། །ཐུགས་རྗེའི་ཆོ་འཕྲུལ་མི་ཟད་ཀློང་། །ཐམས་ཅད་དབྱིངས་ཀྱི་རྒྱན་དུ་སྣང་། །དབྱིངས་ལས་མ་གཏོགས་ཆོས་མེད་པས། །གཞན་དུ་འགོག་པའི་ཡུལ་དང་བྲལ། །ཚོགས་དྲུག་རང་སར་གྲོལ་བའི་ཕྱིར། །མཚན་མའི་རྟོག་པ་ཟིལ་གྱིས་གནོན། །སྣང་བ་རྒྱ་ཡན་ཡིན་པའི་ཕྱིར། །འདུ་འཕྲོ་བྱང་ཆུབ་སེམས་ཀྱི་རྩལ། །ཅིར་ཡང་མ་ཡིན་ཆོས་ཉིད་ལ། །སྣ་ཚོགས་ཅིར་ཡང་སྣང་བའི་ཕྱིར། །ངོ་མཚར་རྨད་བྱུང་བྱ་བྲལ་ཆོས། །འཁོར་འདས་ཐེག་པ་ཐམས་ཅད་ལ། །ཀུན་ལ་དབང་བསྒྱུར་བྱ་བྲལ་ཆོས། །བྱར་མེད་གཅིག་གི་རང་སྟོབས་ཀྱིས། །མཐའ་རྣམས་ཐམས་ཅད་ཟིལ་གྱིས་མནན། །དེ་ལ་མཐའ་དང་ཡུལ་གཞན་མེད། །བྱར་མེད་ཀློང་ལས་གར་མ་གཡོས། །མཐའ་རྣམས་ཀུན་བྲལ་ཀུན་ཏུ་བཟང་། །འཁོར་འདས་བྱར་མེད་ཀུན་ཏུ་བཟང་། །ཀུན་བཟང་ཀློང་ན་འཁོར་འདས་མེད། །སྣང་སྟོང་དབྱེར་མེད་ཀུན་ཏུ་བཟང་། །ཀུན་བཟང་དབྱིངས་ལ་སྣང་སྟོང་མེད། །སྐྱེ་ཤི་དབྱེར་མེད་ཀུན་ཏུ་བཟང་། །ཀུན་བཟང་ཀློང་ན་སྐྱེ་ཤི་མེད། །བདེ་སྡུག་དབྱེར་མེད་ཀུན་ཏུ་བཟང་། །ཀུན་བཟང་ཀློང་ན་བདེ་སྡུག་མེད། །བདག་གཞན་རྟག་ཆད་ལ་སོགས་ཀུན། །དབྱེ་བ་མེད་དེ་ཀུན་ཏུ་བཟང་། །ཀུན་བཟང་ཀློང་ན་བདག་གཞན་མེད། །སྐྱེ་མེད་ཀློང་ན་རྟག་ཆད་མེད། །མེད་ལས་ཡོད་འཛིན་འཁྲུལ་པར་བརྟགས། །ཐམས་ཅད་ཀུན་བཟང་ལྷུན་གྱིས་གྲུབ། །གཅིག་ལས་ཤར་བས་བརྡལ་བ་ཆེ། །མཐའ་རྣམས་མ་ལུས་རང་སར་གྲོལ། །གཟུང་འཛིན་མཚན་མ་ཟིལ་གྱིས་མནན། །མཐའ་རྣམས་མ་ལུས་དབྱིངས་སུ་གཅིག །གཅིག་ཏུ་འགྲན་ཟླ་བྲལ་བའི་ཕྱིར། །རབ་ཏུ་ཆེ་མཆོག་ཆོས་ཀྱི་སྐུ། །ཆེ་བའི་ཆེན་པོར་རང་བཞིན་གནས། །ཀུན་བཟང་ཡངས་པ་ཆོས་ཀྱི་དབྱིངས། །རྒྱལ་པོ་ལྟ་བུར་མི་གཡོ་ཡང་། །མཚན་མ་ཐམས་ཅད་ཟིལ་གྱིས་གནོན། །འཁོར་འདས་ཀུན་ལ་དབང་བསྒྱུར་ཀྱང་། །མཉམ་པའི་དོན་ལས་གཡོས་པ་མེད། །ཐམས་ཅད་ཀུན་ཏུ་བཟང་པོར་གཅིག །མི་བཟང་པ་ཡང་བཟང་པོར་གཅིག །བཟང་ངན་མེད་པར་ཀུན་ཏུ་བཟང་། །མི་གཅིག་པ་ཡང་གཅིག་པར་གནས། །ཐམས་ཅད་ལྷུན་གྱིས་གྲུབ་པར་འདུས། །མ་གྲུབ་པ་ཡང་གྲུབ་པར་འདུས། །མཉམ་ཉིད་ལྷུན་གྱིས་གྲུབ་པ་ལ། །གྲུབ་དང་མ་གྲུབ་མེད་པར་གཅིག །གཅིག་ལས་ཀུན་ཏུ་ཤར་བས་ན། །ཀུན་ཤར་རིས་མེད་ཆོས་ཀྱི་དབྱིངས། །ཆོས་ཀྱི་དབྱིངས་ལ་བྱ་རུ་མེད། །དབྱིངས་ཉིད་གཅིག་ལ་བཙལ་དུ་མེད། །རྩོལ་བསྒྲུབ་རང་གི་དབྱིངས་ནས་ཤར། །གཞན་ནས་བཙལ་དུ་མེད་པའི་ཕྱིར། །གང་ལ་རྩོལ་ཞིང་གང་དུ་བསྒྲུབ། །བསྒྲུབ་ཅིང་རྩོལ་བར་རང་གི་སེམས། །བཙལ་བའི་ཡུལ་མེད་རང་སྣང་ལ། །བསྒོམས་པས་གཞན་དུ་མཐོང་བ་མེད། །བསྒྲུབ་པའི་གཞི་མེད་གནས་མེད་པས། །གཞན་ནས་འོང་བ་གང་ཡང་མེད། །འགྲོ་འོང་མེད་པ་ཆོས་ཀྱི་སྐུ། །མཉམ་པའི་དོན་ལས་ཉམས་པ་མེད། །མཐའ་དང་བྲལ་བས་བདག་གཞན་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཚོགས་དྲུག་འཇུག་པ་མེད་པའི་ལེའུ་སྟེ་བཞི་བཅུ་པའོ།། །།དེ་ནས་ཡང་ཉིད་ཀྱི་འཁོར་ལ་སྟོན་པ་ཉིད་ཀྱིས་བཀའ་སྩལ་པ། །ཆོ་འཕྲུལ་ཆོ་འཕྲུལ་ཞེས་བྱ་བ། །བསྒྲུབ་པ་དོན་དུ་གཉེར་ལས་འབྱུང་། །ངེས་པར་བསྒྲུབས་ན་གཅིག་ལས་མེད། །སངས་རྒྱས་རང་ལས་བྱུང་བའི་ཕྱིར། །རང་གི་འབྲས་བུ་རང་གིས་བསྒྲུབ། །བསྒྲུབས་པས་གཞན་ནས་མི་འགྲུབ་ཕྱིར། །རང་གི་འབྲས་བུ་རང་གིས་གྲུབ། །བདག་གཞན་གཉིས་སུ་མེད་པའི་ཕྱིར། །རང་གི་འབྲས་བུ་རང་གིས་གྲུབ། །ཡོན་ཏན་རང་ལ་རྫོགས་པའི་ཕྱིར། །རང་གི་འབྲས་བུ་རང་གིས་གྲུབ། །གཉེན་པོ་གཞན་ན་མེད་པའི་ཕྱིར། །རང་གི་འབྲས་བུ་རང་གིས་གྲུབ། །བསྒྲུབ་པར་བྱ་བའི་ཐབས་དེ་ལ། །བསྙེན་དང་ཉེ་བའི་བསྙེན་པ་དང་། །སྒྲུབ་དང་སྒྲུབ་པ་ཆེན་པོར་བཏགས། །བསྙེན་པའི་ལས་ཞེས་བྱ་བ་ནི། །ཨ་ཏི་ཡོ་གའི་བྱང་ཆུབ་སེམས། །འཁོར་འདས་གཉིས་སུ་མེད་པའི་ཕྱིར། །སངས་རྒྱས་ས་ལ་ཡེ་ནས་བསྙེན། །རང་བྱུང་ཡེཤེས་རང་ཤར་བས། །རྟོགས་པའི་ངང་ལ་ཡེ་ནས་བསྙེན། །སྐུ་གསུམ་མངོན་དུ་གྱུར་པས་ན། །གོ་འཕང་མཆོག་ལ་ཡེ་ནས་བསྙེན། །ཆོས་ལ་བླང་དོར་མི་བྱེད་པས། །མཉམ་པ་ཉིད་ལ་ཡེ་ནས་བསྙེན། །སྣང་སྟོང་རིས་སུ་མི་འཛིན་པས། །དབྱེར་མེད་པ་ལ་ཡེ་ནས་བསྙེན། །ངེས་པར་རྟོགས་ན་གཞན་མེད་པས། །དགོངས་པ་མཆོག་ལ་ཡེ་ནས་བསྙེན། །ཨ་ཏི་རང་བྱུང་བསྙེན་པ་ཡིན། །ཉེ་བསྙེན་ཞེས་སུ་བཏགས་པ་ནི། །བརྗོད་དུ་མེད་པའི་བཟླས་པ་ཡིས། །སྨྲར་མེད་ཀློང་དུ་ཉེ་བར་བསྙེན། །དམིགས་སུ་མེད་པའི་ཏིང་འཛིན་གྱིས། །གནས་སུ་མེད་ལ་ཉེ་བར་བསྙེན། །ཅིར་ཡང་འགྱུར་བའི་ཕྱག་རྒྱ་ཡིས། །འཛིན་ཆགས་མེད་ལ་ཉེ་བར་བསྙེན། །རང་ལུགས་ཆེན་པོའི་བྱིན་རླབས་ཀྱིས། །རྒྱུན་ཆད་མེད་ལ་ཉེ་བར་བསྙེན། །རོལ་པ་ཆེན་པོའི་ཆོ་འཕྲུལ་གྱིས། །མངོན་པར་མཐོང་བ་ཉེ་བར་བསྙེན། །མྱོང་བ་མེད་པའི་དྲོད་རྟགས་ཀྱིས། །འདོད་པ་མེད་པར་ཉེ་བར་བསྙེན། །ཨ་ཏི་རང་བྱུང་ཉེ་བསྙེན་ཡིན། །སྒྲུབ་པ་ཞེས་སུ་བཏགས་པ་ནི། །རང་བྱུང་ཡེ་ཤེས་དཀྱིལ་འཁོར་དུ། །རང་སྣང་རོལ་པའི་ལྷ་བཀོད་དེ། །རྒྱུ་རྐྱེན་མེད་པའི་རྫས་བསོགས་ནས། །གཞི་རྩ་མེད་པར་རྟོགས་པ་ཡིས། །བྱ་བྲལ་ཀློང་ཆེན་བསྒྲུབ་པ་བྱ། །ཆོས་ཉིད་ཀློང་ཡངས་དཀྱིལ་འཁོར་དུ། །མ་འགགས་རོལ་པའི་ལྷ་བཀོད་དེ། །འཁོར་འདས་གཉིས་ཀྱི་རྫས་བསོགས་ནས། །དབྱེར་མེད་དོན་གྱི་བསྒྲུབ་པ་བྱ། །རང་བཞིན་ལྷུན་གྲུབ་དཀྱིལ་འཁོར་དུ། །སྐྱེ་མེད་དབྱིངས་ཀྱི་ལྷ་བཀོད་ནས། །སྣ་ཚོགས་སྣང་བའི་རྫས་བསོགས་ཏེ། །དམིགས་སུ་མེད་པའི་བསྒྲུབ་པ་བྱ། །བྱང་ཆུབ་སེམས་ཀྱི་དཀྱིལ་འཁོར་དུ། །ཆོས་སྐུ་བདེ་ཆེན་ལྷ་བཀོད་དེ། །འདུས་མ་བྱས་པའི་རྫས་བསོགས་ནས། །སྐྱེ་ཤི་མེད་པའི་བསྒྲུབ་པ་བྱ། །སྣང་སྲིད་འབྱུང་བ་ལྔ་ཡི་ཆོས། །འབྱུང་བ་ཆེན་པོ་བཅོམ་ལྡན་འདས། །འདོད་དགུར་འབྱུང་བས་རིན་པོ་ཆེ། །འབྱུང་བ་ལྔ་ཡི་ཐུགས་རྗེ་ཡིས། །རྩི་ཞབྲུངས་ལོ་ཐོག་སྣ་ཚོགས་སྨིན། ཁུབ་པའི་འབྲས་བུ་འདོད་ཡོན་ལྔ། །ཐུན་མོང་འགྲུབ་པའི་ཡོན་ཏན་ཡིན། །ཁྱད་པར་བསྒྲུབ་པའི་འབྲས་བུ་ནི། །སྐུ་གསུམ་སྐྱེ་འཆི་མེད་པའི་ཀློང་། །ཡེ་ནས་གནས་པས་བསྒྲུབ་མི་དགོས། །མ་བསྒྲུབས་ལྷུན་གྲུབ་འབྲས་བུ་ལ། །སྒྲུབ་པ་ཆེན་པོ་ཞེས་སུ་བཏགས། །བྱང་ཆུབ་སེམས་དཔའི་སྒོར་ཞུགས་ནས། །བསྐལ་པ་བྱེ་བར་སྦྱངས་པ་ཡི། །ཀུན་ཏུ་འོད་ཀྱང་དེ་ལ་འགྲུབ། །ཕྱི་ནང་སྒྲིབ་གཡོགས་མི་མངའ་བས། །དེ་ཡི་ཡོན་ཏན་ཀུན་ཏུ་འོད། །མ་བསྒྲུབས་ལྷུན་གྲུབ་འབྲས་བུར་གནས། །བྱ་བ་རྒྱུད་ཀྱི་སྒོར་ཞུགས་ནས། །མི་ཚེ་བདུན་དུ་བསྒྲུབས་པ་ཡི། །རྡོ་རྗེ་འཆང་ཡང་དེ་ལ་འགྲུབ། །འདུ་འབྲལ་མེད་ཅང་ ་ཤགས་པས། །དེ་ཡ་ཡོན་ཏན་རྡོ་རྗེ་འཆར། །མ་བསྒྲུབས་ལྷུན་གྲུབ་འབྲས་བུར་གནས། །གཉས་ཀ་རྒྱུད་ཀྱ་སྒོར་ཞུགས་ནས། །ལྟ་སྤྱོད་གོང་འོག་འབྲེལ་བ་ཡིས། རྡོ་རྗེ་འཛིན་པ་བསྒྲུབས་པ་ཡང་། །མི་གཏོང་འཛིན་གོམས་འབྲལ་མེད་པས། །དེ་ཡི་ཡོན་ཏན་རྡོ་རྗེ་འཛིན། །མ་བསྒྲུབས་ལྷུན་གྲུབ་འབྲས་བུར་གནས། །རྣལ་འབྱོར་རྒྱུད་ཀྱི་སྒོར་ཞུགས་ནས། །མི་ཚེ་ལྔ་རུ་བསྒྲུབས་པ་ཡི། །སྟུག་པོ་བཀོད་པ་དེ་ལ་འགྲུབ། །མ་འདྲེས་ཡོངས་སུ་རྫོགས་པ་ཡིས། །དེ་ཡིས་ཡོན་ཏན་སྟུག་པོ་བཀོད། །མ་བསྒྲུབས་ལྷུན་གྲུབ་འབྲས་བུར་གནས། །རྣལ་འབྱོར་ཆེན་པོའི་སྒོར་ཞུགས་ནས། །མི་ཚེ་གསུམ་མམ་གཉིས་བསྒྲུབས་པ། །པདྨ་ཅན་ཡང་དེ་ལ་འགྲུབ། །སྐྱོན་བྲལ་ཡེ་ཤེས་ཕྱོགས་མེད་གཟིགས། །དེ་ཡི་ཡོན་ཏན་པདྨའི་སྤྱན། །མ་བསྒྲུབས་ལྷུན་གྲུབ་འབྲས་བུར་གནས། །ཡོངས་སུ་རྣལ་འབྱོར་སྒོར་ཞུགས་ནས། །མི་ཚེ་གཅིག་ཏུ་བསྒྲུབས་པ་ཡིན། །ཡི་གེ་འཁོར་ལོ་ཚོགས་ཆེན་ཡང་། །རང་བྱུང་ཡེ་ཤེས་དེ་ལ་འགྲུབ། །མ་སྐྱེས་ཆོས་ཀྱི་འཁོར་ལོ་དེ། ཁུན་ཆད་མེད་པར་བསྐོར་བ་དང་། །དེ་ལ་ཡོན་ཏན་ཚོགས་གཉིས་ཀྱང་། །ཡི་གེ་འཁོར་ལོ་ཚོགས་ཆེན་ཡིན། །མ་བསྒྲུབས་ལྷུན་གྲུབ་འབྲས་བུར་གནས། །དེ་དག་ཐམས་ཅད་དབྱེར་མེད་པས། །ཀུན་ཏུ་བཟང་པོར་གཅིག་པའི་ཕྱིར། །དབྱེ་བ་མེད་པའི་ས་ཡང་ཡིན། །ཡེ་ནས་རང་ལ་གནས་པ་དང་། །ད་ལྟ་ཉིད་ལ་ནོན་པའི་ཕྱིར། །བསྒྲུབ་པ་ཆེན་པོ་ཀུན་ཏུ་བཟང་། །རང་བྱུང་དོན་གྱི་བསྒྲུབ་པ་ཡིན། །དེ་ཡི་ཕྲིན་ལས་བྱ་བཙལ་མེད། །ཉོན་མོངས་རང་སར་ཞི་བའི་ཕྱིར། །བྱང་ཆུབ་སེམས་ནི་ཞི་བར་གྲགས། །ཡོན་ཏན་མཆོག་ཏུ་རྒྱས་པའི་ཕྱིར། །བྱང་ཆུབ་སེམས་ནི་རྒྱས་པར་གྲགས། །རིག་པ་རང་དབང་ཐོབ་པ་ཡིས། །བྱང་ཆུབ་སེམས་ནི་དབང་དུ་གྲགས། །འཁྲུལ་བ་རྩད་ནས་བཅད་པའི་ཕྱིར། །བྱང་ཆུབ་སེམས་ནི་དྲག་པོ་ཡིན། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། གྲུབ་པ་མཆོག་གི་ལེའུ་སྟེ་བཞི་བཅུ་རྩ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ་པ། མ་སྡོད་སེམས་ཀྱི་ཀློང་ལ་ལྟོས། །སེམས་ཉིད་ཀློང་ཆེན་གཞལ་ཡས་ཁང་། །བལྷས་པས་མི་མཐོང་བཞག་པས་གསལ། །གང་ཡང་བཞག་པ་རང་ན་བདེ། །མ་སྡོད་སེམས་ཀྱི་ཀློང་ན་བསྒོམ། །བསྒོམས་པས་མི་གསལ་བཞག་པས་གསལ། །གང་ཡང་བཞག་པ་རང་ན་བདེ། །མ་སྡོད་སེམས་ཀྱི་ཀློང་ལ་སྤྱོད། །སྤྱད་པས་མི་ཟིན་བཞག་པས་ཟིན། །གང་ཡང་བཞག་པ་རང་ན་བདེ། །མ་སྡོད་སེམས་ཀྱི་ཀློང་ལ་བསྒྲུབ། །བསྒྲུབས་པས་མ་རྙེད་བཙལ་བ་སྟོར། །དམིགས་སུ་མེད་པའི་ཀློང་ན་བདེ། །ཇི་ལྷར་བལྟས་ཀྱང་བདེ་ཆེན་ཀློང་། །བདེ་ཆེན་ཀློང་ལ་ཡངས་དོག་མེད། །ཇི་ལྟར་བསྒོམས་ཀྱང་བདེ་ཆེན་ངང་། །བདེ་ཆེན་ངང་ལ་རྒྱུན་ཆད་མེད། །ཇི་ལྟར་སྤྱད་ཀྱང་བདེ་ཆེན་དབྱིངས། །བདེ་ཆེན་དབྱིངས་ལ་བྱ་བཙལ་མེད། །ཇི་ལྟར་བསྒབས་ཀྱང་བདེ་ཆེན་ཀློང་། །བདེ་ཆེན་ཀློང་ལ་འཕོ་འགྱུར་མེད། །ལྟ་བ་ཀློང་ཆེན་ཀློང་རེ་ལངས། །བསྒོམ་པ་ཀློང་ཆེན་གཏིང་རེ་ཟབ། །སྣྲོད་པ་ཀློང་ཆེན་ཤུགས་རེ་དྲག །འབྲས་བུ་ཀློང་ཆེན་འདོད་དགུར་བསྒྱུར། །རྟོ་ག་པ་ཀློང་ཆེན་བློ་རེ་བདེ། །ཉམས་མྱོང་བཞག་ས་མེད་པའི་ཕྱིར། །ལྟ་བ་ཕྱོགས་རིས་མ་བྱེད་ཅིག །སེམས་ལ་གཞི་རྟེན་མེད་པའི་ཕྱིར། །ཏིང་འཛིན་དམིགས་གཏད་མ་འཆའ་ཅིག །བདག་གཞན་གཉིས་སུ་མེད་པའི་ཕྱིར། །སྤྱོད་པ་བླང་དོར་མ་བྱེད་ཅིག །འཁོར་འདས་དབྱེ་བསལ་མེད་པའི་ཕྱིར། །འབྲས་བུ་རེ་དོགས་མ་བྱེད་ཅིག །ནམ་མཁའི་གོང་ན་འབྱུང་བ་མེད། །རང་སེམས་གོང་ནས་སངས་རྒྱས་མེད། །འབྱུང་བ་ནམ་མཁའི་ཆོ་འཕྲུལ་ཡིན། །སངས་རྒྱས་སེམས་ཀྱི་ཆོ་འཕྲུལ་ཡིན། །སེམས་ཅན་ཀུན་ཀྱང་རང་གི་སེམས། །ནམ་མཁའི་གོང་ན་འབྱུང་བ་མེད། །རང་སེམས་གོང་ན་ལྟ་བ་མེད། །འབྱུང་བ་ནམ་མཁའི་ཆོ་འཕྲུལ་ཡིན། །ལྟ་བ་སེམས་ཀྱི་ཆོ་འཕྲུལ་ཡིན། །བལྟ་རུ་མེད་པའི་རང་གི་སེམས། །ནམ་མཁའི་གོང་ན་འབྱུང་བ་མེད། །སེམས་ཀྱི་གོང་ན་ཏིང་འཛིན་མེད། །ཏིང་འཛིན་སེམས་ཀྱི་ཆོ་འཕྲུལ་ཡིན། །མི་བསྒོམ་པ་ཡང་རང་གི་སེམས། །ནམ་མཁའི་གོང་ན་འབྱུང་བ་མེད། །རང་སེམས་གོང་ན་སྤྱོད་པ་མེད། །སྤྱོད་པ་སེམས་ཀྱི་ཆོ་འཕྲུལ་ཡིན། །མི་སྤྱོད་པ་ཡང་རང་གི་སེམས། །ནམ་མཁའི་གོང་ན་འབྱུང་བ་མེད། །འབྱུང་བ་ནམ་མཁའི་ཆོ་འཕྲུལ་ཡིན། །རང་སེམས་གོང་ན་འབྲས་བུ་མེད །འབྲས་བུ་སེམས་ཀྱི་ཆོ་འཕྲུལ་ཡིན། །མི་བསྒྲུབ་པ་ཡང་རང་གི་སེམས། །འབྱུང་བ་ལྔ་ཡང་ནམ་མཁའི་དབྱིངས། །ཕྱི་ནང་སྣོད་བཅུད་ནམ་མཁའི་དབྱིངས། །འདོད་ཡོན་རྣམ་ལྔ་ནམ་མཁའི་དབྱིངས། །ནམ་མཁའི་དབྱིངས་ཀྱང་སེམས་ཀྱི་ཀློང་། །སངས་རྒྱས་སེམས་ཅན་སེམས་ཀྱི་ཀློང་། །འཁོར་བ་མྱང་འདས་སེམས་ཀྱི་ཀློང་། །ཕྱི་ནང་སྣོད་བཅུད་སེམས་ཀྱི་ཀློང་། །བདེ་དང་སྡུག་བསྔལ་སེམས་ཀྱི་ཀློང་། །སྐྱེ་ཤི་བདག་གཞན་སེམས་ཀྱི་ཀློང་། །ལྟ་སྒོམ་སྤྱོད་འབྲས་སེམས་ཀྱི་ཀློང་། །སེམས་ཀྱི་ཀློང་ལ་སྐྱེ་ཤི་མེད། །སྐྱེ་ཤི་མེད་པས་ནམ་མཁའ་འདྲ། །སེམས་ཀྱི་ཀློང་ལ་འཕོ་འགྱུར་མེད། །འཕོ་འགྱུར་མེད་པས་རྡོ་རྗེ་འདྲ། །རྡོ་རྗེའི་རི་ལ་འཇིག་འདྲལ་མེད། །ཕྱོགས་མེད་ལྷུན་གྲུབ་སྡོང་པོ་ལ། །འཁོར་འདས་གཉིས་ཀྱི་ལོ་འདབ་རྒྱས། །བྱ་བྲལ་འཛིན་མེད་ནམ་མཁའ་ལ། །སྐུ་གསུམ་སྙིང་པོ་ཉི་ཟླ་ཤར། །འགྲོ་དྲུག་འཁྲུལ་པའི་གྲོང་ཁྱེར་འདི། །བདེ་ཆེན་སངས་རྒྱས་ཞིང་ཁམས་ཡིན། །གཟུང་འཛིན་མཚན་མའི་མྱུ་གུ་ལ། །བདེ་ཆེན་ཆོས་སྐུའི་འབྲས་བུ་སྨིན། །འགྲོ་བ་རིགས་དྲུག་སྐྱེ་གནས་བཞི། །སྤྲུལ་པའི་སངས་རྒྱས་ཡིན་པས་ན། །བྱང་ཆུབ་སེམས་ལ་དགག་ཏུ་མེད། །ས་ཆུ་མེ་རླུད་འབྱུང་བ་བཞི། །འགྲོ་དོན་མཛད་ཕྱིར་བཅོམ་ལྡན་འདས། །མངོན་དུ་ཕྱུང་བ་ལོངས་སྤྱོད་རྫོགས། །བྱང་ཆུབ་སེམས་ལ་དགག་ཏུ་མེད། །ནམ་མཁའི་ཀློང་ན་མཚན་མི་གནས། །དམིགས་སུ་མེད་པས་ཆོས་ཀྱི་སྐུ། །མངོན་དུ་ཕྱུང་བ་ཡིན་པས་ན། །བྱང་ཆུབ་སེམས་ཀྱི་རང་བཞིན་ཡིན། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལ་སོགས་པའི། །ཉོན་མོངས་དུག་ལྔ་དུག་གསུམ་ཡང་། །རང་བྱུང་ཡེ་ཤེས་མངོན་དུ་ཕྱུང་། །བྱང་ཆུབ་ཀློང་ལ་དགག་ཏུ་མེད། །སྣང་སྲིད་འཁོར་འདས་རྒྱུ་འབྲས་ཆོས། །རིག་པ་མངོན་དུ་ཕྱུང་བས་ན། །བྱང་ཆུབ་ཀློང་ལ་དགག་ཏུ་མེད། །དོན་དེ་གཏན་ལ་འབེབས་པ་ལ། །དྲང་བའི་དོན་དང་ངེས་པའི་དོན། །ཨ་ནུ་མན་ཆད་རང་རང་གི །བདེན་པའི་གཏན་ཚིགས་གང་སྨྲས་ཀྱང་། །གཏན་ལ་ཕེབས་པ་མ་ཡིན་ཏེ། །འཛིན་པ་དམ་པོས་བཅིངས་པའི་ཕྱིར། །ཆོས་ཉིད་འཛིན་པ་ཀུན་བྲལ་ལ། །ཕྱོགས་སུ་ལྟ་བ་འཁྲུལ་བའི་བློ། །རོལ་པ་ཕྱོགས་མེད་འབྱུང་བ་ལ། །མཐའ་རུ་འཛིན་པ་འཆིང་པའི་བདུད། །ཡོད་པར་ཞེན་ན་རྟག་པའི་མཐའ། །མེད་པར་ཞེན་ན་ཆད་པའི་མཐའ། །རྟག་ཆད་གཉིས་སུ་བློ་ཞེན་པ། །བྱང་ཆུབ་སྙིང་པོའི་གོལ་ས་ཡིན། །ངེས་པར་གཏན་ལ་དབབ་པ་ནི། །སྣང་སྲིད་འཁོར་འདས་ཆོས་རྣམས་ཀུན། །གཞི་ལ་མ་སྤངས་ལྷུན་གྲུབ་པས། །ཕྱོགས་མེད་དག་ཏུ་གཏན་ལ་འབེབས ངོ་བོ་ངེས་པ་མེད་པའི་ཕྱིར། །རང་བྱུང་ཡེ་ཤེས་གཏན་ལ་འབེབས། །བདག་ཉིད་ཐོག་མཐའ་བྲལ་བ་ཡིས། །སྔ་ཕྱི་ཐོག་མཐའ་མེད་པ་དང་། །སྐྱེ་ཤི་འཕོ་འགྱུར་མེད་པ་སྲ །གཏན་ལ་འབེབས་པ་ཡིན་པའི་ཕྱིར། །དམན་པའི་ཐེག་པ་ཀུན་ལས་རྒྱལ། །ཨ་ཏི་ཡེ་གྲོལ་གཏན་ཚིགས་ཡིན། །དེ་དོན་གཏན་ཚིགས་སྟོན་པ་ཡང་། །རྒྱལ་བའི་བཀའ་ལ་རག་ལས་པས། །བྱིན་གྱིས་བརླབས་ནས་བརྒྱུད་པ་ལ། །རྣ་བརྒྱུད་ཟབ་མོ་ངེས་པའི་ལུང་། །ཨ་ཏི་ཡོ་གའི་དོན་འདིར་བཏགས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། གོང་ན་མེད་པར་ངེས་པར་ལུང་བསྟན་པའི་ལེའུ་སྟེ་བཞི་བཅུ་རྩ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱིས་ཉིད་ལས་མི་གནས་པའི་འཁོར་རྣམས་ལ་བཀའ་སྩལ་པ། ཨེ་མ་ཐེག་ཆེན་ཡངས་པའི་ཆོས། །ཀུན་ཤོང་ཀུན་གྲོལ་ངོ་མཚར་ཆེ། །སྣང་བ་ཤར་བས་ཆོས་ཉིད་མཐོང་། །སྔོན་ཆད་མ་མཐོང་བདག་གིས་མཐོང་། །སྡུག་བསྔལ་ཤར་བས་བདེ་ཆེན་མཐོང་། །བདེ་དང་སྡུག་བསྔལ་གཉིས་མེད་ཅིང་། །མི་འགྱུར་ཆིག་ཆོད་སྣང་བར་ཤར། །སྔོན་ཆད་མ་མཐོང་བདག་ཉིད་མཐོང་། །སེམས་ཅན་ཤར་བས་སངས་རྒྱས་མཐོང་། །སངས་རྒྱས་སེམས་ཅན་གཉིས་མེད་ཅིང་། །མི་འགྱུར་ཆོས་ཉིད་སྣང་བར་ཤར། །འཁོར་བར་ཤར་བས་མྱང་འདས་མཐོང་། །འཁོར་བ་མྱང་འདས་གཉིས་མེད་ཅིང་། །མི་འགྱུར་ཆོས་ཉིད་སྣང་བར་ཤར། །སྔོན་ཆད་མ་མཐོང་བདག་ཉིད་མཐོང་། །ཆོས་ཅན་ཤར་བས་ཆོས་ཉིད་མཐོང་། །ཉོན་མོངས་ཤར་བས་ཡེ་ཤེས་མཐོང་། །ཉོན་མོངས་ཡེ་ཤེས་གཉིས་མེད་ཅིང་། །མི་འགྱུར་ཆོས་ཉིད་སྣང་བར་ཤར། །དེ་ལ་སོགས་ཏེ་གཉིས་ཀྱི་བསྡུས། །ཐམས་ཅད་ཀུན་ཀྱང་མ་བཀག་སྟེ། །ཆོས་ཉིད་སྣང་བར་ཤར་བ་ཡིན། །སེམས་ཅན་ལུས་ཀྱི་གོ་ཕྱེ་བས། །སངས་རྒྱས་སྐུ་ཡི་མཐོངས་བརྟོལ་ཏེ། །སངས་རྒྱས་སེམས་ཅན་གཉིས་སུ་མེད། །སྣང་བ་དངོས་པོའི་གོ་ཕྱེ་བས། །སྟོང་པ་དབྱིངས་ཀྱི་མཐོངས་བརྟོལ་ཏེ། །སྣང་དང་སྟོང་པ་གཉིས་སུ་མེད། །སྡུག་བསྔལ་མཚན་མའི་གོ་ཕྱེ་བས། །བདེ་ཆེན་མཆོག་གི་མཐོངས་བརྟོལ་ཏེ། །བདེ་དང་སྡུག་བསྔལ་གཉིས་སུ་མེད། །ཆོས་ཅན་མཚན་མའི་གོ་ཕྱེ་བས། །ཆོས་ཉིད་ཕྱོགས་མེད་མཐོངས་བརྟོལ་ཏེ། །ཆོས་ཅན་ཆོས་ཉིད་གཉིས་སུ་མེད། །ཉོན་མོངས་མཚན་མའི་གོ་ཕྱེ་བས། །རང་བྱུང་ཡེ་ཤེས་མཐོངས་བརྟོལ་ཏེ། །ཉོན་མོངས་ཡེ་ཤེས་གཉིས་སུ་མེད། །དེ་ལ་སོགས་པའི་ཆོས་རྣམས་ཀུན། །གཉིས་སུ་མེད་ཅིང་མི་འགྱུར་བ། །ཉིད་ཀྱི་སྣང་བར་ཤར་བ་ཡིན། །ཆོས་ཉིད་གཉིས་སུ་མེད་པ་ཡིན། །དེ་ལ་སོགས་པའི་ཆོས་རྣམས་ཀུན། །དབྱེར་མེད་རང་སར་གྲོལ་བ་ཡིན། །རྒྱུ་འབྲས་གཉིས་པོ་མ་བཀག་ཀྱང་། །རྒྱུ་འབྲས་གཉིས་ལས་འདས་པ་ཡིན། །འཁོར་འདས་གཉིས་པོ་མ་བཀག་ཀྱང་། །འཁོར་འདས་གཉིས་ལས་གྲོལ་བ་ཡིན། །དེ་ཡང་ཇི་ལྟར་གྲོལ་ཞེ་ན། །སེམས་ཅན་དངོས་སུ་སྣང་བ་ཡིན། །དངོས་མེད་སངས་རྒྱས་གཏན་ལ་འབེབས། །སངས་རྒྱས་བས་ཀྱང་སེམས་ཅན་གཙོ། །གཉིས་མེད་ཀློང་དུ་ཐག་ཆོད་པས། །རང་སར་གྲོལ་བས་ཡིད་ཀྱང་ཆེས། །སྟོང་པ་བས་ཀྱང་སྣང་བ་གཙོ། །སྣང་བ་ངེས་མེད་རང་ཤར་གྱིས། །སྟོང་པ་འཛིན་མེད་གཏན་ལ་འབེབས། །གཉིས་མེད་ཀློང་དུ་ཐག་ཆོད་པས། །རང་སར་གྲོལ་བར་ཡིད་ཀྱང་ཆེས། །བདེ་ཆེན་བས་ཀྱང་སྡུག་བསྔལ་གཙོ། །སྡུག་བསྔལ་ཞེན་ཆགས་མཚན་མ་ཡིས། །བདེ་ཆེན་ཆགས་མེད་གཏན་ལ་འབེབས། །གདམས་ངག་ཐོབ་པས་ཡིད་ཆེས་པས། །གཉིས་སུ་མེད་པར་ཐག་ཆོད་ནས། །རང་སར་གྲོལ་བར་ཡིད་ཀྱང་ཆེས། །ཆོས་ཉིད་པས་ཀྱང་ཆོས་ཅན་གཙོ། །ཆོས་ཅན་མཚན་མ་རང་རྒྱུད་པས། །ཆོས་ཉིད་སྐྱེ་མེད་གཏན་ལ་འབེབས། །ཆོས་ཅན་ཆོས་ཉིད་དབྱེར་མེད་དེ། །གཉིས་མེད་ཀློང་དུ་ཐག་ཆོད་པས། །རང་སར་གྲོལ་བར་ཡིད་ཀྱང་ཆེས། །ཡེ་ཤེས་པས་ཀྱང་ཉོན་མོངས་གཙོ། །ཉོན་མོངས་འཆིང་བའི་ཞགས་པ་ཡིས། །རང་བྱུང་ཡེ་ཤེས་གཏན་ལ་འབེབས། །ཉོན་མོངས་ཡེ་ཤེས་དབྱེར་མེད་དེ། །གཉིས་མེད་ཀློང་དུ་ཐག་ཆོད་པས། །རང་སར་གྲོལ་བར་ཡིད་ཀྱང་ཆེས། །དེ་ལ་སོགས་པའི་ཆོས་རྣམས་ཀུན། །དུས་རྣམས་ཀུན་ཏུ་དབྱེར་མེད་དེ། །གཉིས་མེད་ཀློང་དུ་ཐག་ཆོད་པས། །རང་སར་གྲོལ་བར་ཡིད་ཀྱང་ཆེས། །དེ་ལྟར་ཡིད་ཆེསཐགཆོདཔས། །རྟོགས་པའི་ཉམས་མྱོང་བློ་བདེའོ། །དབྱིངས་ལས་འགྲོ་ས་མེད་པའི་ཕྱིར། །ཕུང་པོ་བོར་བས་དབྱིངས་སུ་གྲོལ། །ཀློང་ལས་འགྱུར་ས་མེད་པའི་ཕྱིར། །མཚན་མའི་ཆོས་ལ་ཡ་མི་ང་། །ཐམས་ཅད་ཐམས་ཅད་དབྱིངས་སུ་གྲོལ། །སེམས་ཅན་སངས་རྒྱས་དབྱིངས་སུ་གྲོལ། །རྒྱུན་ཆད་མེད་པ་སྤྲུལ་པའི་སྐུ། །སྣང་བ་སྟོང་པའི་དབྱིངས་སུ་གྲོལ། །རྒྱུན་ཆད་མེད་པ་ལོངས་སྤྱོད་རྫོགས། །སེམས་ཅན་ཆོས་ཉིད་དབྱིངས་སུ་གྲོལ། །རྒྱུན་ཆད་མེད་པ་ཆོས་ཀྱི་སྐུ། །སྡུག་བསྔལ་བདེ་ཆེན་དབྱིངས་སུ་གྲོལ། །རྒྱུན་ཆད་མེད་པ་རྡོ་རྗེའི་སྐུ། །ཉོན་མོངས་ཡེ་ཤེས་ཀློང་དུ་གྲོལ། །རྒྱུན་ཆད་མེད་པ་མངོན་པ་དུ། །བྱང་ཆུབ་པ་ཡི་སྐུ་རུ་བཤད། །དེ་ཡང་མཚན་ཉིད་ཇི་ལྟ་བུ། །སྤྲུལ་པའི་སྐུ་ལ་ངེས་པ་མེད། །ལོངས་སྐུ་བདེ་ཆེན་ངང་ལ་གནས། །ཆོས་ཀྱི་སྐུ་ལ་མཚན་མ་མེད། །རྡོ་རྗེའི་སྐུ་ནི་འཇིག་འདྲལ་བྲལ། །བྱང་ཆུབ་སེམས་སྐུ་སྐྱེ་ཤི་མེད། །དེ་ཡང་དོན་ལས་བཏགས་པ་ཡིན། །གཟུགས་རྣམས་མེད་པས་བྱང་ཆུབ་ཀློང་། །ཁ་དོག་དབྱིངས་ཀྱང་གཟུང་དུ་མེད། །མཚན་ཉིད་མེད་པས་ནམ་མཁའ་འདྲ། །ཆོས་ཀྱི་དབྱིངས་སུ་ཡེ་སངས་རྒྱས། །ཆོ་འཕྲུལ་འབྱུང་བས་ནམ་མཁའ་འདྲ། །བདག་ཉིད་ཆེན་པོར་ཡེ་སངས་རྒྱས། །གཉིས་སུ་མེད་པས་ནམ་མཁའ་འདྲ། །དེ་ཡིན་པ་རུ་ཡེ་སངས་རྒྱས། །གང་ལ་མི་གནས་ནམ་མཁའ་འདྲ། །མངོན་པ་རུ་ནི་ཡེ་སངས་རྒྱས། །གང་ལའང་ལྟོས་པ་མེད་པ་དང་། །ཅི་ལའང་ཕན་དང་གནོད་པ་མེད། །ཐམས་ཅད་མཉམ་པས་ནམ་མཁའ་འདྲ། །ཐམས་ཅད་ནས་ནི་ཐམས་ཅད་དུ། །སངས་རྒྱས་མེད་པའི་སངས་རྒྱས་ཏེ། །སེམས་ཉིད་ཀློང་ཆེན་ཡངས་པ་མྲ །འཁོར་འདས་མ་ལུས་ཆོས་རྣམས་ཀུན། །ཆེ་བ་ལྔ་རུ་མངོན་སངས་རྒྱས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། སྐུ་ལྔ་ཆེ་བ་ལྔ་དང་ངོ་སྤྲད་པའི་ལེའུ་བཞི་བཅུ་རྩ་གསུམ་པའོ།། །།དེ་ནས་ཡང་ཉིད་ཀྱིས་འཁོར་རྣམས་ལ་བཀའ་སྩལ་པ། གསང་སྔགས་སྒོ་འདི་ཡངས་པ་སྲ །མ་རྫོགས་ཆོས་ནི་གང་ཡང་མེད། །འཁོར་བའི་ཆོས་དང་མྱ་ངན་འདས། །ཡེ་ནས་གཉིས་སུ་མེད་པར་རྫོགས། །རྒྱུ་ཡི་ཆོས་དང་འབྲས་བུའི་ཆོས། །ཡེ་ནས་དབྱེ་རུ་མེད་པར་རྫོགས། །བསྟན་པའི་ཆོས་དང་བསྒྲུབ་པའི་ཆོས། །ཡེ་ནས་བསྟན་དུ་མེད་པར་རྫོགས། །དོན་དམ་ཆོས་ལ་བསྒྲུབ་ཏུ་མེད། །ཡེ་ནས་བསྒྲུབ་ཏུ་མེད་པར་རྫོགས། །བདེ་དང་སྡུག་བསྔལ་ཡེ་མཐུན་རྫོགས། །འདུས་བྱས་ཆོས་དང་འདུས་མ་བྱས། །ཡེ་ནས་བཟང་ངན་མེད་པར་རྫོགས། །དཀར་པོའི་ཆོས་དང་ནག་པོའི་ཆོས། །ཡེ་ནས་བླང་དོར་མེད་པར་རྫོགས། །ཆོས་ཅན་དང་ནི་ཆོས་ཉིད་དང་། །ཀུན་རྫོབ་དང་ནི་དོན་དམ་ཆོས། །ཡེ་ནས་དགག་བསྒྲུབ་མེད་པར་རྫོགས། །ཉོན་མོངས་དང་ནི་ཡེ་ཤེས་དང་། །སྣང་སྲིད་སྐྱེ་འགུལ་ཡོད་པ་དང་། །མི་སྲིད་མེད་པའི་ཆོས་རྣམས་ཀུན། །རང་བྱུང་ཡེ་ཤེས་ཀློང་དཀྱིལ་དུ། །མ་རྫོགས་པ་ནི་མེད་པའི་ཕྱིར། །རྫོགས་ཆེན་ལྷུན་གྲུབ་བླ་ན་མེད། །མཉམ་པ་ཉིད་དུ་ཐག་ཆོད་པས། །ཀུན་ཀྱང་རང་བྱུང་ཡེ་ཤེས་ཉིད། །དུས་ལ་སྔ་ཕྱི་མ་མཆིས་པས། །ཨ་ཏི་དུས་གསུམ་ཆིག་ཆོད་ལ། །ཨ་ནུ་མན་ཆད་འོག་མ་ཡི། །བསྐལ་པའི་གྲངས་དང་མི་ཚེའི་གྲངས། །བརྒྱུད་ནས་འབྲས་བུ་འདོད་པ་དེ། །མ་སྤངས་གཅིག་ཏུ་འདུས་པའི་ཕྱིར། །དུས་གསུམ་ ཐ་དད་མེད་པ་སྲ །རང་བཞིན་གཅིག་པས་ཀློང་དུ་གྲོལ། །དེ་ཡི་ངང་ལ་རྒྱུན་ཆད་མེད། །རྒྱུན་ཆད་མེད་པའི་རང་བཞིན་ལ། །འཁོར་འདས་མཉམ་པ་རིས་མེད་ལས། །གཞན་དུ་ལྟ་བ་མེད་པའི་ཕྱིར། །ཡེ་སངས་རྒྱས་པའི་ཆོས་ཉིད་ཡིན། །དེ་ལ་རང་རང་ལོངས་སྤྱོད་པས། །ཕྱོགས་མེད་གཏེར་ཆེན་འབྲས་བུ་ཡིན། །འཁོར་བའི་སྡུག་བསྔལ་སྣ་ཚོགས་ཀྱང་། །ཆོས་ཉིད་ཡོ་ལང་ཡིན་པའི་ཕྱིར། །བདེ་བ་ཆེན་པོའི་འབྲས་བུར་ཤར། །དེ་ལས་མ་གཏོགས་འབྲས་བུ་མེད། །ཡང་དག་ཅེས་སུ་བཏགས་པའི་དོན། །རྒྱལ་བའི་དཀྱིལ་འཁོར་ཞེས་བྱ་བ། །མཉམ་ཉིད་ཀློང་ལས་གཞན་མེད་དེ། །སྤྱོད་ཡུལ་དབྱེར་མེད་དེ་ཉིད་རང་། །རྒྱལ་བའི་ཞང་དུ་ཤར་བའི་ཕྱིར། །འབྲས་བུ་གཞན་ནས་མི་འཚོལ་ཏེ། །རེ་མེད་དོགས་མེད་རྣམ་པར་གྲོལ། །སེམས་ཉིད་རང་བྱུང་ཡེ་ཤེས་འདི། །རང་སྣང་ཕྱོགས་མེད་ཤར་བ་ལ། །རངབཞིན གཅིགཏུམརྟོགས་ན། །ལ་ལ་ཡིན་ལ་ལ་ལ་མིན། །བཟང་ངན་འབྱེད་པ་མཉམ་པའི་གཙུགས་ལྕགས་ཀྱང་། །སངས་རྒྱས་སེམས་ཀྱི་བཟང་རྟོག་ལ། །སེམས་ཅན་ངན་རྟོག་ཡིན་པའི་ཕྱིར། །དོན་ལ་བཟང་ངན་མེད་མོད་ཀྱང་། །གང་ཟག་བློ་ལ་བཟང་ངན་རྒྱུང་། །བཟང་ངན་སེམས་ཀྱི་རྟོག་པ་ཡིན། །རྟོག་པ་ཉོན་མོངས་འཁོར་བའི་ཆོས། །རྟོགས་ན་སྤང་དུ་མེད་པའི་ཕྱིར། །ནམ་མཁའ་དང་ནི་ཆོ་འཕྲུལ་བཞིན། །མཉམ་ཉིད་ཀློང་དུ་དབྱེ་བ་མེད། །དབྱེར་མེད་རོལ་པ་རྒྱུན་མི་འཆད། །རང་བཞིན་དབྱིངས་ཀྱི་རོལ་པ་དང་། །ཐུགས་རྗེ་ཤུགས་ཀྱི་རོལ་པ་དང་། །རང་བྱུང་རང་ཤར་རོལ་པའོ། །རང་བཞིན་དབྱིངས་ཀྱི་རོལ་པ་ནི། །འཁོར་འདས་གཉིས་སུ་ཡེ་ནས་ཕྱུང་། །ཐུགས་རྗེ་ཐུགས་ཀྱི་རོལ་པ་ནི། །གདུལ་བྱའི་དོན་ལ་མི་འགག་སྟེ། །འགྲོ་དོན་ཕྱོགས་མེད་མཛད་པ་ཡིན། །ལས་ལས་གྲུབ་པའི་སེམས་ཅན་ལ། །ཐུགས་རྗེ་ལས་གྲུབ་སངས་རྒྱས་ཏེ། །སྤྲུལ་པ་གསུམ་གྱི་ངོ་བོར་སྣང་། །རང་རྒྱུང་རང་ཤར་རོལ་པ་ནི། ཁུན་ཆད་མེད་པའི་ཆོས་ཉིད་ལ། །སྟོང་དང་བྲི་བ་མེད་པའི་ཕྱིར། །ནམ་མཁའི་ཀློང་དང་ཆོ་འཕྲུལ་བཞིན། །འདི་ཡིན་འདི་མིན་མེད་པ་སྲ །ཕྱོགས་མེད་དག་ཏུ་འཆར་བ་དེ། །རང་བྱུང་རང་ཞི་ངེས་པ་མེད། ཁུ་རྐྱེན་མེད་པར་འབྱུང་པ་དང་། །རྒྱུ་རྐྱེན་གཉིས་ལྟར་འཆར་བ་དང་། །རྒྱུ་རྐྱེན་གཉིས་ལྟར་གྲོལ་བ་དང་། །རྟག་ཆད་གཉིས་ལྟར་འཆར་བ་དང་། །རྟག་ཆད་གཉིས་ལྟར་གྲོལ་པ་དང་། །འཁོར་འདས་གཉིས་ལྟར་འཆར་བ་དང་། །འཁོར་འདས་གཉིས་ལྟར་གྲོལ་བ་དང་། །ཐམས་ཅད་རང་ལས་ཤར་བ་དང་། །ཐམས་ཅད་རང་དུ་གྲོལ་བ་དང་། །ཐ་དད་འཆར་བ་གཉིས་སུ་མེད། །རང་བྱུང་རང་ཤར་ཐུགས་རྗེ་ཡིན། །དབྱིངས་ལས་གཡོས་པ་མེད་མོད་ཀྱང་། །ཆོས་རྣམས་ཀུན་ལ་དབང་བསྒྱུར་དང་། །ཡུལ་རྣམས་ཀུན་ལ་དབང་བསྒྱུར་དང་། །དུས་རྣམས་ཀུན་ལ་དབང་བསྒྱུར་དང་། །འབྱུང་བ་ཀུན་ལ་དབང་བསྒྱུར་དང་། །སྣོད་བབ་ཀུན་ལ་དབང་བསྒྱུར་དང་། །འདུ་བྱེད་ལས་ལ་དབང་བསྒྱུར་བ། །དེ་ཡང་ཐུགས་རྗེའི་རོལ་པ་ཡིན། །སངས་རྒྱས་ཞིང་ལ་དབང་བསྒྱུར་དང་། །ཆོས་ཀྱི་འཁོར་ལོ་བསྐོར་བ་དང་། །ཞི་བའི་ཆོས་ལ་གནས་པ་དང་། །ཟག་མེད་མྱ་ངན་འདས་པ་ཡང་། །ཐུགས་རྗེ་དབྱིངས་ཀྱི་རོལ་པ་ཡིན། །ཆོ་འཕྲུལ་ཆེན་པོ་དཀའ་སླ་མེད། །དེ་མ་ཐག་ཏུ་རང་ལས་འབྱུང་། །བལྟས་དང་མ་བལྟས་མེད་པར་འབྱུང་། །བསྒོམས་དང་མ་བསྒོམས་མེད་པར་འབྱུང་། །བཙལ་དང་མ་བཙལ་མེད་པར་འབྱུང་། །བསྒྲུབས་དང་མ་བསྒྲུབས་མེད་པར་འབྱུང་། །རང་བྱུང་ཡེ་ཤེས་སྤྱོད་ཡུལ་ནི། །ཕྱོགས་མེད་རིག་པ་ཡིན་པའི་ཕྱིར། །ཅིར་སྣང་སྐྱོན་དུ་མི་བལྟ་བས། །ཕྱི་ནང་མེད་ཅིང་དངོས་པོ་བྲལ། །ཅིར་ཡང་མ་འགགས་གཟུང་དུ་མེད། ཁུ་རྐྱེན་མེད་པར་རང་ཤར་བས། །འདི་འདྲར་མེད་ཅིང་བརྟག་པོར་དཀའ། །གང་ལ་དགག་བསྒྲུབ་མི་བྱེད་པས། །མཉམ་པར་ཤར་ཕྱིར་བཟང་ངན་མེད། །ཆོས་རྣམས་སེམས་སུ་འདུས་པས་ན། །སངས་རྒྱས་སེམས་ཅན་གཅིག་གི་ཀློང་། །མཉམ་ཤར་མཉམ་གྲོལ་བཟང་ངན་མེད། །སེམས་ཉིད་ཀུན་གྱི་གཞིར་གྱུར་པས། །འབྱུང་བ་ཀུན་གྱི་རང་བཞིན་སེམས། །སེམས་དང་ནམ་མཁའ་དབྱེར་མེད་པས། །དཔེ་རུ་བཏགས་ཀྱང་དོན་དུ་གཅིག །རྫོགས་སོ་རྫོགས་སོ་མཁའ་ལ་རྫོགས། །འབྱུང་ལྔ་ནམ་མཁའི་ངང་དུ་རྫོགས། །རྫོགས་སོ་རྫོགས་སོ་དབྱིངས་ལ་རྫོགས། །ཆོས་རྣམས་སེམས་ཀྱི་དབྱིངས་ལ་རྫོགས། །གསལ་ལོ་གསལ་ལོ་མཁའ་ལ་གསལ། །དངོས་པོ་ནམ་མཁའི་ངང་ལ་གསལ། །གསལ་ལོ་གསལ་ལོ་དབྱིངས་ན་གསལ། །ཆོས་རྣམས་བྱང་ཆུབ་དབྱིངས་ན་གསལ། །གྲོལ་ལོ་གྲོལ་ལོ་དབྱིངས་སུ་གྲོལ། །མཚན་མ་ཆོས་ཀྱི་དབྱིངས་སུ་གྲོལ། །ཕྱི་ནང་སྣོད་བཅུད་ཆོས་རྣམས་ཀྱང་། །མ་བཅོས་སེམས་ཀྱི་ཀློང་དུ་གྲོལ། །མ་བྱས་རང་བྱུང་ཡེ་ཤེས་གསལ། །མི་འགྱུར་ཐིག་ལེའི་ཀློང་དུ་གྲོལ། །མ་བརྡལ་ཕྱི་ནང་ཡོངས་ལ་ཁྱབ། །ཕྱི་ནང་སྣོད་བཅུད་ཆོས་རྣམས་ཀྱང་། །མ་བསྡུས་དེ་བཞིན་ཉིད་ལ་འདུས། །མ་སྤྲོས་འཁོར་འདས་ཀུན་ཏུ་ཤར། །འཁོར་འདས་ཕྱི་ནང་ཆོས་རྣམས་ཀྱང་། །མ་སྐྱེས་གདོད་ནས་རྣམ་པར་དག །མ་འགགས་རིག་པ་རང་ལ་གསལ། །རང་གསལ་རིག་པ་ཕྱོགས་མེད་ལ། །འཁོར་འདས་གཉིས་སུ་མ་ཞེན་པས། །སངས་རྒྱས་སེམས་ཅན་རྟོག་ལས་འདས། །རྒྱུ་འབྲས་གཉིས་སུ་མ་ཞེན་པས། །སྔ་ཕྱི་གཉིས་སུ་རྟོག་ལས་འདས། །སྐྱོན་ཡོན་གཉིས་སུ་མ་ཞེན་པས། །ཕན་གནོད་གཉིས་སུ་རྟོག་ལས་འདས། །དགེ་སྡིག་གཉིས་སུ་མ་ཞེན་པས། །བླང་དོར་གཉིས་སུ་རྟོག་ལས་འདས། །རྟོག་མེད་ཕྱོགས་བྲལ་ཀུན་གྱི་གཞི། །གཞི་ལ་གཞི་ཡི་མཐར་མི་གནས། །མི་གནས་རང་ཤར་ཀུན་གྱི་དངོས། །རང་གི་ངོ་བོ་མཐར་མི་གནས། །གཉིས་མེད་སྐྱེ་འགག་བྲལ་བའི་ཕྱིར། །དོན་ལ་དོན་གྱི་མཐར་མི་གནས། །སྐྱེ་མེད་རིག་པ་ཡུལ་མེད་ལ། །སྔ་ཕྱི་ཐོག་མཐའ་མེད་པའི་ཕྱིར། །བདག་ཉིད་མི་གནས་ཐོག་མཐའ་བྲལ། །བྲལ་བའི་མཐའ་ལའང་མི་གནས་པས། །རྒྱུ་རྐྱེན་འབྲས་བུའི་ཆོས་ལས་འདས། །ཆོས་ལས་འདས་པའི་ཆོས་ཉིད་དེ། །རྒྱུ་རྐྱེན་མེད་པའི་ཀློང་དུ་ཤར། །མ་བཅོས་བདེ་ཆེན་ཆོས་ཀྱི་སྐུ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཀུན་རྫོགས་མཐའ་མེད་ཀྱི་ལེའུ་སྟེ་བཞི་བཅུ་རྩ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་བཀའ་སྩལ་པ། །དོན་གྱི་དབྱིངས་ལས་མ་གཡོས་པར། །རང་བཞིན་རྣམ་དག་རྫོགས་སངས་རྒྱས། །ལྷུན་གྱིས་གྲུབ་པས་གོ་འཕང་གཅོད། །ངེས་པ་མེད་པར་གཏན་ལ་འབེབས། །རང་བཞིན་རྣམ་པར་དག་པ་ལ། །གང་ཡང་མ་སྤངས་ལྷུན་གྱིས་གྲུབ། །ཅིར་ཡང་མ་འགགས་ངེས་པ་མེད། །གང་ལ་མི་གནས་རྣམ་པར་དག །རྣམ་དག་གཅིག་གིས་ཀུན་བྱས་པས། །ཆོས་ཀུན་རྣམ་པར་དག་པའི་དབྱིངས། །རངབཞིན ལྷུན གྱིསགྲུབ་པ་ལ ཅིར་ཡང་མ་འགགས་ངེས་པ་མེད། །གང་དུ་མི་གནས་རྣམ་པར་དག །གང་ཡང་མ་སངས་ལྷུན་གྱིས་གྲུབ། །ལྷུན་གྲུབ་གཅིག་གིས་ཀུན་བྱས་པས། །ཆོས་རྣམས་ལྷུན་གྱིས་གྲུབ་པའི་དབྱིངས། །རང་བཞིན་ངེས་པ་མེད་པ་ལ། །གང་ཡང་མ་སྤངས་ལྷུན་གྱིས་གྲུབ། །གང་དུ་མི་གནས་རྣམ་པར་དག །ཅིར་ཡང་འཆར་བས་ངེས་པ་མེད། །ངེས་མེད་གཅིག་གིས་ཀུན་བྱས་པས། །ཐམས་ཅད་ངེས་པ་མེད་པའི་དབྱིངས། །དབྱིངས་ཉིད་གཅིག་ལས་དེར་སྣང་བས། །འདྲའོ་འདྲའོ་མཉམ་ཉིད་ཆེ། །སངས་རྒྱས་བསྟན་པ་མ་ལུས་པ། །མཐར་ཐུག་སྙིང་པོ་འདི་ལས་མེད། །དུས་གསུམ་རྒྱལ་བ་ཐམས་ཅད་ལ། །དགོངས་པ་འདི་ལས་ཡོངས་མི་མངའ། །མཐར་གྱིས་འབྲས་བུ་ཐོབ་འདོད་ནས། །གསང་སྔགས་འཇུག་སྒོ་གྲངས་མང་ཡང་། །བཀྲི་དྲང་ཅན་དང་ལོག་སྲེད་ཅན། །ཞེན་ཆགས་ཅན་ལ་བསྟན་པར་ཟད། །དེ་བཞིན་ཉིད་དུ་ཀུན་འདུས་པས། །མ་བཅོས་དེ་བཞིན་ཉིད་འདི་ལ། །ཆོས་སྤྱོད་སྤོང་བ་ཁྲེག་ཆོད་ཡིན། །ཟློག་མི་ཐུབ་པ་དྲང་ཐད་ཡིན། །ས་མ་ཟིན་པ་སྤུན་པོ་ཡིན། །དགེ་མེད་སྡིག་མེད་ནག་འབྱམས་ཡིན། །ཀུན་གྱི་རང་བཞིན་འགག་མེད་འདི། །ལྷུན་གྲུབ་ཕྱོགས་མེད་མ་རྟོགས་པས། །ལྟ་བའི་འདོད་གཞུང་དུ་མར་བྱུང་། །བློ་དང་ཆོས་སུ་མ་འདྲེས་པས། །མཉམ་ཉིད་མཐའ་ལས་ཕྱོགས་སུ་ཞེན། །ཀུན་རིག་ཤེས་པ་མ་སྐྱེས་པས། །ཡུལ་མེད་གཅིག་ལ་རིས་སུ་གཅོད། །རང་བྱུང་ཕྱོགས་མེད་མ་ཤར་བས། །མུན་པའི་ཀློང་ན་ཚོད་ཀྱིས་འཇལ། །ཐམས་ཅད་དེ་རུ་འདུས་པས་ན། །མ་བསྒྲུབས་ལྷུན་གྲུབ་ཆོས་ཀྱི་དབྱིངས། །དངོས་མེད་ངོ་བོ་གཟུང་དུ་མེད། །ཐིག་ལེ་གཅིག་ཏུ་ཀུན་གྲོལ་བས། །གཉིས་སུ་བྱ་བའི་ཐ་སྙད་བྲལ། །བྱ་བྲལ་གཅིག་ཏུ་ཀུན་རྫོགས་པས། །རེ་དོགས་མཐའ་ལ་རྩོལ་མི་དགོས། །དོར་བར་བྱ་བའི་སྐྱོན་མེད་པས། །བླང་པའི་ཡོན་ཏན་ག་ལ་ཡོད། །ཡེ་བལྟས་ཡེ་བསྒོམ་ཡེ་སྤྱད་པས། །འབྲས་བུའི་དངོས་པོ་གང་གིས་འགྲུབ། །ཡེ་ནས་བལྟས་པས་ཡུལ་དང་བྲལ། །ཡེ་ནས་བསྒོམས་པས་དམིགས་སུ་མེད། །ཡེ་ནས་སྤྱད་པས་བཙལ་དུ་མེད། །ཡེ་གྲུབ་ཡིན་ཕྱིར་བསྒྲུབ་ཏུ་མེད། །ཡེ་གྲོལ་ཆེན་པོ་ཆོས་ཀྱི་དབྱིངས། །དངོས་པོ་ཀུན་ལས་རང་བཞིན་དབེན། །དངོས་པོ་ཐམས་ཅད་སྐྱེད་པ་པོ། །ཀུན་གྱི་རང་བཞིན་འདི་ཡིན་པས། །ཐམས་ཅད་ཀུན་དང་མཚུངས་པར་སྣང་། །ངེས་པའི་དོན་ལ་ཐིག་ལེ་གཅིག །མཚན་ཉིད་འཛིན་ལ་ཐ་དད་ཤར། ཁྲར་ཡང་འདིར་འདུས་འདི་ལ་སྣང་། །ཀུན་གྱི་རང་བཞིན་ཆོས་ཀྱི་དབྱིངས། །ཆོས་དབྱིངས་རྩ་བ་འདི་ཤེས་ན། །ཀུན་ཀྱང་དེ་ཡི་ཀློང་དུ་གྲོལ། །འཁོར་འདས་ཀུན་གྱི་གྲོལ་ས་ཡིན། །ནམ་མཁའི་སྤྲིན་དངའཇའཚོནབཞིན། །སྒྱུམའིཚུལ་དུ་མ་ངེས་ཤར། །འཛིན་ཆགས་མེད་པས་སྐྱོན་དང་བྲལ། །ནམ་མཁའི་དབྱིངས་ལ་དངོས་གཞི་མེད། །ཆོས་ཉིད་ཀློང་ལ་བརྟག་ཏུ་མེད། །དངོས་བྲལ་དངོས་མེད་དབྱིངས་ཀྱི་ཀློང་། །ཆོས་ཉིད་ཀློང་ལས་གཞན་མེད་པས། །ཕྱོགས་མེད་ཤར་ཡང་བདག་ཉིད་རང་། །ལམ་དང་འབྲས་བུའི་ཆོས་རྣམས་ཀྱང་། །མ་བཙལ་རང་ལས་བྱུང་བས་ན། །ཡིད་བཞིན་ནོར་བུ་རིན་པོ་ཆེ །སྐྱེ་འཇིག་མེད་པ་ཆོས་ཀྱི་སྐུ། །ཡོན་ཏན་ཕྱོགས་མེད་འབྱུང་བའི་གཞི། །ཅིར་ཡང་མ་ངེས་སྤྲུལ་པའི་སྐུ། །གདུལ་བྱའི་དོན་ལ་འགག་པ་མེད། །མཉམ་ཉིད་ངང་གནས་ལོངས་སྤྱོད་རྫོགས། །ཐེག་ཆེན་ས་ལ་སྣང་བ་ཡང་། །ཅིར་ཡང་མི་སྣང་དབྱིངས་ལས་འབྱུང་། །བདག་ཉིད་ཆེན་པོའི་རྒྱུན་དུ་ཤར། །རྒྱལ་བ་ཀུན་གྱིས་དགོངས་པ་ཡང་། །སྐུ་གསུམ་ཀློང་ལས་མ་གཡོས་པས། །གསང་བའི་དོན་ཉིད་རང་ལས་འབྱུང་། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། མཚན་ཉིད་གཅིག་པར་བསྟན་པའི་ལེའུ་སྟེ་བཞི་བཅུ་རྩ་ལྔ་པའོ།། །།དེ་ནས་ཡང་སྟོན་པས་ཉིད་ལས་མི་གཞན་པའི་འཁོར་རྣམས་ལ་བཀའ་སྩལ་པ། །ཐེག་པའི་ཡང་རྩེར་གྱུར་པས་ན། །ཨ་ཏི་ཡོ་ག་རྫོགས་པ་ཆེ། །རི་རྒྱལ་ལྟ་བུར་དཔངས་མཐོ་བས། །ཐེག་པ་ཀུན་གྱི་རྩེ་མོ་ཡིན། །ཆེ་བའི་ཆེན་པོར་རང་བཞིན་གནས། །ཀུན་ཏུ་བཟང་པོ་ཡངས་པའི་ཐུགས། །རང་གི་སྟོབས་གྱིས་གནས་པའི་ཕྱིར། །ཐེག་ཕྲན་ཐམས་ཅད་ཟིལ་གྱིས་གནོན། །དེ་ལྟར་རིག་པ་རང་གི་སྟོབས། །མཉམ་པའི་ཀློང་ལས་གོ་བཟློག སྟེ། །ཀློངཆེན གཅིགལརྟོགས་མ་རྟོགས། །གྲོལ་དང་མ་གྲོལ་གཉིས་མེད་མཉམ། །མཉམ་ཉིད་ཅིར་ཡང་འཆར་བས་ཆེ། །དཔེར་ན་འདབ་ཆགས་ཁྱུང་ཆེན་དེ། །མངལ་ན་གནས་པའི་དུས་ཚེ་ནའང་། །ཀླུ་རྣམས་ཐམས་ཅད་ཟིལ་གྱིས་གནོན། །འདབ་གཤོག་སྒོ་ངར་ཚད་ཕྱིན་པས། །སྒོང་རྒྱ་རང་གིས་ཧྲལ་བ་དང་། །སྤྱི་རྒྱ་རླབས་ཀྱིང་་གཅད་པ་མཉམ། །འདབ་ཆགས་གཞན་ལ་མི་རིགས་ཏེ། །ཁྱུང་ཆེན་རང་ལ་རིགས་པའི་ཕྱིར། །བར་སྣང་ཁམས་ཀུན་ལམ་དུ་བདེ། །རྟོགས་དང་མ་རྟོགས་མེད་པར་གྲོལ། །འདི་དང་ཕྱི་མ་མེད་པ་དང་། །གྲོལ་དང་མ་གྲོལ་མཉམ་པའོ། །མཉམ་ཉིད་རྒྱུན་ཆད་མེད་པ་དེ། །ཐེག་དགུ་རིམ་གྱིས་བགྲོད་ནས་སུ། །བརྒྱུད་ནས་གྲོལ་བར་འདོད་པ་དང་། ཁོན་ཏུ་སྦྱངས་དང་སྤངས་པ་དང་། །བསྒྱུར་ནས་སངས་རྒྱས་འདོད་པ་ལ། །གང་ལ་རིགས་དང་མི་རིགས་ཀྱང་། །རྫོགས་ཆེན་རང་ལ་རིགས་ཏེ་བདེ། །ཅི་སྟེ་ཐམས་ཅད་མ་ལུས་ཀྱང་། །བདེ་ཆེན་ཆོས་སྐུ་ཉིད་ཀྱི་ཀློང་། །རང་བཞིན་ཆོས་སྐུ་ཀློང་ཆེན་དུ། །མ་གྲོལ་བ་ནི་འགའ་ཡང་མེད། །ཆོས་ཉིད་དབྱིངས་ལས་རང་བཞེངས་པས། །རྡོ་རྗེའི་སྙིང་པོ་ཉིད་ཀྱི་སྐུ། །བག་ཆགས་བརྟས་པའི་བདག་ལུས་ལ། །སྙིང་པོ་ཉིད་ཀྱི་རྩལ་རྫོགས་ཏེ། །སྐྱེ་ཤིའི་འཕྲང་ལས་བརྒལ་བའི་ཕྱིར། །བར་དོ་མེད་པར་ལུས་བོར་ནས། །རིག་པ་གཅིག་པུ་རྟེན་མེད་དེ། །འཁོར་འདས་ཀུན་དང་དབྱེར་མེད་ཅིང་། །རྒྱ་ཆད་ཕྱོགས་ལྷུང་མེད་པ་སྲ །སྤྲུལ་པ་ཕྱོགས་མེད་འབྱུང་བ་དང་། །གང་ལའང་ཐོགས་པ་མེད་པ་མྲ །མ་ལུས་ཀུན་ལ་འཇུག་པ་ནི། །བྱར་མེད་རླུ་་ཞོན་དོན་རྟོགས་ཀྱི། །རྣལ་འབྱོར་ཀུན་གྱི་སྤྱོད་ཡུལ་ཏེ། །བློ་ཆུང་ཤེས་རབ་ཐེག་དམན་པའི། །གང་ཟག་ཀུན་ལ་མི་རིགས་པ། །ཨ་ཏིར་རིགས་པར་སྟོན་པ་དེ། །འབྲས་བུ་ཡེ་གྲུབ་ཆེན་པོའི་གནད། །སྐྱེ་མེད་དབྱིངས་ལས་མ་གཡོས་པར། །སྐྱེ་བའི་ཆོ་འཕྲུལ་འབྱུང་བ་ལ། ཁུ་འབྲས་མཚན་མར་འཛིན་པ་དེ། །འཁྲུལ་པའི་དབང་གིས་ནོང་པའི་ཕྱིར། །ཨ་ཏིའི་ཆོས་ཉིད་རྒྱུ་རྐྱེན་མེད། །ཀུན་ལ་ཁྱབ་པར་བསྟན་པ་དེ། །འོག་མ་རྣམས་ལ་མི་རིགས་ཏེ། །ཨ་ཏི་ཡོ་གར་རིགས་པའི་གནད། །སངས་རྒྱས་སེམས་ཅན་གཅིག་པ་ལ། །དགོངས་སྤྱོད་དབྱེ་རུ་མེད་པ་དེ། །འཁོར་འདས་གཉིས་སུ་བཏགས་པས་འཁྲུལ། །གཟུང་འཛིན་གཉིས་སུ་གཅོད་པའི་བློ། །ཨ་ཏིས་གཉིས་མེད་བསྟན་པ་དེ། །འོག་མ་རྣམས་ལ་མི་རིགས་ཏེ། །ཨ་ཏི་ཡོ་གར་རིགས་པའི་གནད། །རྟོགས་དང་མ་རྟོགས་མེད་པ་མྲ །སྐྱེ་མེད་དབྱིངས་སུ་གྲོལ་བ་ལས། །རྟོགས་ནས་གྲོལ་བར་འདོད་པ་ནི། །མཉམ་པ་ཉིད་ཀྱི་དགྲ་ཡིན་པས། །ཨ་ཏིས་མཉམ་པར་བསྟན་པ་དེ། །འོག་མ་རྣམས་ལ་མི་རིགས་ཏེ། །ཨ་ཏི་ཡོ་གར་རིགས་པའི་གནད། །མཚོནཔཐབསཀྱིཁྱད་པར་ལས། །བརྗོད་བྱ་གང་ཡང་མ་སྤངས་པར། །བརྗོད་མེདཁྲེགསཆོདབླུནཔོའིཚིག །དོནདངདབྱེར་མེད་བསྟན་པ་དེ། །འོག་མ་རྣམས་ལ་མི་རིགས་ཏེ། །ཨ་ཏི་ཡོ་གར་རིགས་པའི་གནད། །རྫོགས་ཆེན་ལྟ་བ་གཏིང་མཐའ་མེད། །ཡེ་བརྡལ་ཆེན་པོའི་ཆོས་ཉིད་ལ། །ཐུག་པ་མེད་ཅེས་སྐྱོན་འགེལ་བ། །མཐའ་མེད་མ་གོ་མུན་པའི་བློ། །མུ་མེད་ཆིག་ཆོད་བསྟན་པ་དེ། །འོག་མའི་ཀློང་དུ་མི་རིགས་ཏེ། །རྫོགས་པ་ཆེན་པོར་རིགས་པའི་གནད། །ཐིག་ལེ་གཅིག་གི་ངོ་བོ་ལ། ཁྲར་ལུགས་རྒྱུ་མཚན་གོ་བཟློག་པས། །འབྲས་བུ་འདོད་པའི་རེ་དོགས་ཆོད་། །རེ་མེད་དོགས་མེད་མཁའ་དང་མཉམ། །ཡངས་སོ་ཆེའོ་ཆོས་ཉིད་ཆེ། །ནམ་མཁའ་མཉམ་པ་རྒྱལ་བའི་ཐུགས། །སྤང་ཐོབ་མེད་དོ་ཐེག་ལེ་ཆེ། །གཅིག་གི་ཀློང་ནས་རང་ཤར་བས། །རང་སར་གྲོལ་ལོ་དབྱིངས་སུ་གྲོལ། །རྟོགས་དང་མ་རྟོགས་མེད་པར་གྲོལ། །གཉིས་སུ་མེད་པའི་ཆོས་ཉིད་དེར། །བཟང་ངན་མེད་པར་གྲོལ་བ་དེ། །འོག་མ་རྣམས་ལ་མི་སྲིད་དེ། །ཨ་ཏི་ཡོ་གར་སྲིད་པའི་ཆོས། །གནའ་ཕྲུག་བྲག་ལ་འཛེགས་པའི་དུས། །བདེ་བླག་གཞན་དང་མི་འདྲ་བས། །སྲོག་ཆགས་གཞན་ལ་མི་སྲིད་དེ། །ཡང་ཟོར་སྟོབས་ཀྱིས་ཁོ་ལ་སྲིད། །རིག་པ་བྱར་མེད་ཀློང་ཆེན་དུ། །ཐམས་ཅད་མ་ལུས་གྲོལ་བ་དེ། །ཐེག་པ་དམན་པའི་གང་ཟག་དང་། །རྩོལ་བསྒྲུབ་ཅན་ལ་མི་སྲིད་དེ། ཁྲེན་ཏུ་རྣལ་འབྱོར་དགོངས་པ་མཁའ་དང་མཉམ། །བྱ་བྲལ་མུ་མེད་ཡངས་པའི་ལམ་དུ་བདེ། །ཆོས་རྣམས་ཐམས་ཅད་སངས་རྒྱས་པས། །རིག་པ་ཡུལ་མེད་རྟེན་མེད་དེ། །འཁོར་བར་འ་ས་པར་མི་སྲིད་དེ། །སྲིད་པར་འབྱུང་བ་ཤེས་བྱའི་བབས། །ཡུལ་དང་ཡུལ་ཅན་བལྟ་བ་དང་། །རྫས་སུ་འདོད་པ་དམན་པའི་བློ། །མཁའ་ལ་གྲོལ་ལོ་རང་སར་གྲོལ། །རྟེན་མེད་ཀློང་དུ་རང་སར་གྲོལ། །ཐེག་ལེ་གཅིག་ལ་གྲ་ཟུར་མེད། །གདལ་བ་ཆེན་པོའི་ཆོས་ཉིད་ལ། །གཉིས་སུ་སྣང་བར་མི་སྲིད་དེ། །སྲིད་པར་འབྱུང་བ་ཤེས་བྱའི་བབས། །གཅིག་དང་ཐ་དད་འབྱེད་པ་ནི། །་བྲུལ་པའི་སེམས་ལ་སྤྱོད་པ་ཡིན། །གཅིག་ཏུ་གྲོལ་ལོ་རང་སར་གྲོལ། །ཆོས་ཉིད་ཀློང་དུ་རང་སར་གྲོལ། །ཕྱོགས་སུ་ལྷུང་བ་མི་སྲིད་དེ། །རང་བྱུང་ཡེ་ཤེས་རྒྱུ་རྐྱེན་མེད། །དུག་ལྔར་འཆར་བར་མི་སྲིད་དེ། །སྲིད་པའི་བབས་ཀྱིས་དུག་ལྔར་ཤར། །འོག་མ་འཁོར་བའི་ལམ་དུ་འདོད། །བྱང་ཆུབ་མི་ཐོབ་གེགས་སུ་འགྱུར། །རང་བྱུང་གྲོལ་ལོ་རང་སར་གྲོལ། །རང་བྱུང་ཡེ་ཤེས་ཀློང་དུ་གྲོལ། །ལྷུན་གྲུབ་ཕྱོགས་མེད་མཐའ་བྲལ་ལ། །ཕྱོགས་སུ་ལྷུང་བ་མི་སྲིད་དེ། །ཕྱོགས་སུ་འཛིན་པ་སྲིད་པའི་བབས། །ཕྱོགས་ལྟའི་མཐའ་ལ་ཞེན་པ་ཡིས། །མཉམ་ཉིད་མི་རྟོག་བདུད་དུ་འགྱུར། །ཕྱོགས་མེད་གྲོལ་ལོ་རང་སར་གྲོལ། །ལྷུན་གྲུབ་ཕྱོགས་མེད་ཀློང་དུ་གྲོལ། །དངོས་མཚན་མེད་པའི་ཆོས་ཉིད་དེ། །སྟོང་ཉིད་འགག་པ་མེད་ལ་གནས། །སྣང་བར་འཆར་བར་མི་སྲིད་དེ། །ངེས་མེད་རང་ཤར་སྲིད་པའི་བབས། །སྣང་བ་ངེས་མེད་རང་སར་གྲོལ། །སྟོང་པའི་ཀློང་དུ་རང་སར་གྲོལ། །དབྱེ་བསལ་མེད་དོ་རང་སར་གྲོལ། །ལྷུན་གྲུབ་ཀློང་དུ་རང་སར་གྲོལ། །འདུ་འབྲལ་མེད་དོ་རང་སར་གྲོལ། །ཐིག་ལེའི་ཀློང་དུ་རང་སར་གྲོལ། །ཅིར་ཡང་འཆར་རོ་རང་སར་གྲོལ། །ངེས་མེད་ཀློང་དུ་རང་སར་གྲོལ། །གཟུངས་སུ་སྣང་ངོ་རང་སར་གྲོལ། །སྣང་བ་རང་གྲོལ་ཀློང་དུ་གྲོལ། །སྒྲ་རུ་གྲག་གོ་རང་སར་གྲོལ། །ཐོས་པ་རང་གྲོལ་ཀློང་དུ་གྲོལ། །སྣང་ཞིང་གྲག་པའི་ཆོས་རྣམས་དང་། །མཐོང་ཐོས་སྒོ་ལྔར་ཅིར་ཤར་ཡང་། །རང་ཞལ་རང་གིས་མཐོང་བས་ན། །གཉིས་སུ་བལྟ་བའི་ཡུལ་གཞན་མེད། །གཉིས་སུ་མེད་དོ་མཉམ་པ་ཆ། །ཡུལ་སེམས་མཉམ་པའི་ཀློང་དུ་གྲོལ། །མཉམ་ཉིད་གཅིག་ལ་ཅིར་ཡང་འབྱུང་། །དབྱིངས་ཉིད་གཅིག་ལ་ཅིར་ཡང་འཆར། །ཡོན་ཏན་ཐམས་ཅད་སྐྱེད་པར་བྱེད། །དངོས་གྲུབ་ཐམས་ཅད་འབྱུང་བའི་གཞི། །མ་བཙལ་ནོར་བུ་རིན་པོ་ཆེ། །མ་བགོས་མ་ཕྱེ་གཏེར་གྱི་མཆོག །དེ་ཡི་ངང་ལ་ཀུན་གནས་པས། །ཐམས་ཅད་བྱ་བྱེད་མེད་པར་གྲོལ། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྫོགས་ཆེན་གོ་བཟློག་པའི་ལེའུ་ཞེས་བྱ་སྟེ་བཞི་བཅུ་རྩ་དྲུག་པའོ།། །།དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་རྒྱུད་འདི་གདམས་སོ། །བདག་གིས་ཆོས་རྣམས་ཐམས་ཅད་ནི། །ཐམས་ཅད་ཆོས་ཉིད་ཀློང་དུ་རིག །ཆོས་ཀྱི་དབྱིངས་ཀྱི་ཕོ་བྲང་དམ་པ་དེར། །ཀུན་ཏུ་བཟང་པོ་ཡངས་དོག་མེད་པའི་ཀློང་། །ཀུན་ཏུ་བཟང་མོ་སྐྱེ་བ་མེད་པའི་དབྱིངས། །སྐྱེ་མེད་འགག་མེད་ཆོ་འཕྲུལ་འབྱུང་བའི་གཏེར། །སྐུ་གསུམ་སངས་རྒྱས་འགྲོ་དོན་མཛད་པའི་གནས། །ཁམས་གསུམ་སེམས་ཅན་སྒྲོལ་བར་བྱེད་པའི་ལམ། །རྣམ་དག་ལམ་ཆེན་ཀུན་གྲོལ་དགོངས་པའི་ཕུགས། །ཉི་ཟླའི་འོད་བཞིན་ཀུན་ཏུ་ཁྱབ་པར་གསལ། །བརྟགས་ན་མི་རྙེད་བཞག་ན་སྣ་ཚོགས་འབྱུང་། །སངས་རྒྱས་སེམས་ཅན་འཁོར་འདས་སྣོད་བཅུད་ཀུན། །ཆོས་སུ་གྲགས་པའི་དོན་རྣམས་འདི་ལ་འདུས། །འདི་མེད་སངས་རྒྱས་འབྱུང་བར་མི་སྲིད་དེ། །དུས་གསུམ་རྒྱལ་བ་རྣམས་ཀྱིས་རྟོགས་དཀའ་བའི། །ཆོས་ཀྱི་སྙིང་པོ་བྱར་མེད་འདི་ཡིན་ཏེ། །མཚན་མའི་ཆོས་ལ་མ་ཡེངས་འདི་དོན་རྟོགས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། འཁོར་ལ་གདམས་པ་བསྟན་པའི་ལེའུ་སྟེ་བཞི་བཅུ་རྩ་བདུན་པའོ།། །།དེ་ནས་སེམས་དཔའ་རྡོ་རྗེ་ལ་སོགས་པའི་འཁོར་རྣམས་རྗེས་སུ་ཡི་རང་བར་གྱུར་ནས། འདི་སྐད་ཅེས་གསོལ་ཏོ། །གཙོ་བོ་ཆེན་པོ་བཅོམ་ལྡན་འདས། །ལོག་པར་བལྟ་བ་ལ་སོགས་པའི། །གདུལ་བྱ་རྣམས་ལ་ཕན་འདོགས་པ། །མགོན་སྐྱབས་མཆོག་ལ་རྗེས་ཡི་རང་། །ནམ་མཁའ་ལྟ་བུའི་ཆོས་ཉིད་ཀྱིས། །ཀུན་ལ་ཁྱབ་པར་དོན་མཛད་ཅིང་། །དགོངས་པ་དབྱིངས་ལས་མི་བསྐྱོད་པ། །གཡོ་འགུལ་མེད་ལ་ཕྱག་འཚལ་བསྟོད། །རང་བྱུང་ཡེ་ཤེས་ཉི་མ་ཡིས། །མ་རིག་མུན་པ་སེཛཅི་ཤེའབྱེཛང་རྗེང་་མིབྱེམེའ་ཛང་འམེ ལ་མ ད་ ང་། །ཡ་ ས་སྐར་ཁུང་ ད་མ ད་པ། །གསལ་བའ་སྒྲན་ལ་ ས་ཡ་རང་། །ཆས་དང་ཆས་ ན་ད ར་ ད་པར། །མཉམ་པ་ཉད་དུ་྅ན་མ ད་ཅང་། །ཀུན་ལ་ཉ་རང་ ད་པ་ཡི། །འགྲོ་དོན་མཛད་ལ་ཕྱག་འཚལ་བསྟོད། །ལམ་དང་འཇུག་སྒོ་བསམ་ཡས་ཀྱང་། །ངེས་པར་གཅིག་ཏུ་སྟོན་མཛད་པའི། །སྟོན་པ་མཆོག་ལ་རྗེས་ཡི་རང་། །མཉམ་ཉད་གཏེར་ལ་ཕྱག་འཚལ་བསྟོད། །ཅེས་གསུངས་སོ། །ཀློང་རབ་འབྱམས་རྒྱལ་པོའི་རྒྱུད་ལས། འཁོར་རྣམས་སྟོན་པ་ལ་རྗེས་སུ་ཡི་རང་བའི་ལེའུ་སྟེ་བཞི་བཅུ་རྩ་བརྒྱད་པའོ།། །།དུས་གསུམ་སངས་རྒྱས་ཐམས་ཅད་ཀྱི་ཡབ་རྣལ་འབྱོར་པ་རྣམས་ཀྱི་་་ངཕྱེང་ངངཚནང་་་ཤེངམེ་འིཆེ་་་ཡུམ། འཁར་འདས་དབྱར་མ་ ད་པའ་སྲག །མ་ནུབ་པའ་རྒྱལ་མ ། གསལ་བའ་སྒྲན་མ། ཀླང་གསལ་ཡ་ ས་ཀྱ་མར་ ་ལྟ་བུ། རབ་འབྱམས་རྒྱལ་པ ་རྒྱུད་ ན་པ་རྫགས་ས།། །།

Ngb-pt-0092-vol-01-text

Front[edit]

Body[edit]

Navigation menu

Search