Ngb-pt-0080-vol-01-text
Front
Body
ཀུན་འདུལ་ཆོས་ལས་འདས་པའི་རྒྱུད་རྫོགས་སོ།། །། ཨོ་རྒྱན་སྐད་དུ། །བོ་ལ་ཀར་རྣ་ཤ་རི་ར་ན་ཏན་ཏྲ། རྒྱ་གར་སྐད་དུ། ཀུ་ཎ་པོ་ཁི་ཏ་བྷ་སྨི་ཀྭ་ལ་སརྦ་བཱཎྜ་ས་མུ་དྭ་ཡ་ཏནྟྲ་རྭ་ཛ་ནཱ་མ། བོད་སྐད་དུ། རོ་བསྲེག་ཐལ་བ་ནག་པོ་ཐམས་ཅད་རྫོགས་པར་འདུས་པའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་ཀུན་ཏུ་བཟང་པོ་ལས་ཀྱི་མངའ་བདག་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རྣམ་པར་དག་པའི་ཞིང་ཁམས་ཆེན་པོའི་གནས། རང་བཞིན་ཐིག་ལེ་རྟོགས་པའི་དུས་ཉིད་ན། ཟེར་དང་རྩལ་དང་ལོངས་སྐུ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་། འཇམ་དཔལ་སྤྱན་རས་གཟིགས་དབང་མི་གཡོ་མགོན་པོ་དང་། ཆོས་སྐུའི་ཟེར་དང་རྩལ་དང་ནི། ལོངས་སྐུ་བྱང་ཆུབ་སེམས་དཔའ་སྟེ། བསྡུ་ན་ཆོས་སྐུ་ལོངས་སྐུ་བྱང་ཆུབ་སེམས་དཔའ་དང་། རྒྱུ་དང་གཞི་ཡིས་ཐམས་ཅད་ཁྱབ་པ་ཡིནདག་དང་མ་དག་ ང་བ་གསུམ་དུ་འདུས་པ་ཡིན། །གཞི་ལམ་འབྲས་བུ་མ་ལུས་འདུས་པར་བ ན། །དག་དང་མ་དག་འཁོར་གྱིས་བ ས་པ་ཡིན། །ཞེས་བྱིན་གྱིས་རླབས་ཀྱིས་གསུངས་སོ། །དེའི་ཚེ་དེའི་དུས་ཉིད་ནི་ལོངས་སྐུའི་ཀུན་ཏུ་བཟང་པོ་ཡིས། བྱིན་ཆེན་ཀུན་ཏུ་བཟང་པོ་ལ། །ལྟ་བ་སྒོམ་པ་སྤྱོད་པ་དང་། །འབྲས་བུའི་དོན་རྣམས་གསུང་བར་ཞུ། །ཞེས་ཞུག་སོ། །ཐལ་བ་ནག་པོའི་རྒྱུད་ལས། གླེང་གཞིའི་ལེའུ་སྟེ་དང་བོའོ།། །།དེ་ནས་ཡང་དག་བཤད་བྱ་བ། །ལོངས་སྐུའི་གཙོ་བོ་ཆེན་པོ་ཉོན། །སངས་རྒྱས་རྣམ་ལྔའི་གཙོ་བོ་ཁྱོད་ཉོན་ཅིག །ལྟ་བའི་དོན་ལ་བསམ་མི་ཁྱབ། །བསྡུ་ན་རྣམ་པ་བཞི་རུ་འདུས། །ལོག་ལྟ་དག་དང་ཐུན་མོང་དང་། ཁྱད་པར་མཆོག་དང་རྣམ་པ་གསུམ། །བརྟགས་ན་ཕྱི་མ་མེད་པ་དང་། །བརྟགས་ན་རྒྱུ་འབྲས་བརྟགས་པ་ནི། །ལོག་པའི་ལྟ་བ་ཡིན་པར་ཤེས། །ཐུན་མོང་ལྟ་བ་སེམས་ཉིད་དེ། །དེ་དང་གཅིག་ཏུ་སྟོང་བལྟའོ། །ཁྱད་པར་ལྟ་བ་བསྟན་པ་ནི། །དོན་དམ་སྐྱེ་བ་མེད་པའོ། །མཆོག་གི་ལྟ་བ་བསྟན་པ་ནི། །གཞི་ཤེས་པས་ནི་ལྟ་བའི་མཆོག །སེམས་ཉིད་མ་སྐྱེས་དུས་ཉིད་ན། །ལྟ་བ་ཆེན་པོའི་གཞི་མ་ཡིན། །དེ་ཡི་གོང་ན་མེད་པའི་ཕྱིར། །ལྟ་བའི་གོང་གཅོད་ཆེན་པོ་ཡིན། །དེ་བསྟན་ལྟ་བ་རྣམས་འདྲལ་བས། །གཅོད་འདྲལ་ཆེན་པོ་ཞེས་བྱའོ། །དེ་མེད་པ་ཡི་སྔོན་རོལ་ན། །ལྟ་བའི་གནས་ལུགས་མེད་པ་ཡིན།ཁས་ལེན་ལྟ་བ་ཡོངས་གཅོད་མཁན། །དེ་མེད་ཡོངས་སུ་གཅོད་པ་མེད། །ཐེག་པའིགཞིམཆེནཔོའདིས། ཁུ།བ་མཐའ་ཆམ་ལ་འབེབས་པར་བྱེད། །ལྟ་བའི་རྒྱལ་པོ་ཀུན་ཁྱབ་འདིས། །ལྟ་བ་ཆམས་ལ་འབེབས་པར་བྱེད། །ཕྱི་མ་དོན་དུ་མི་གཉེར་བས། །ཚེ་འདིའི་འདོད་པ་སྒྲུབ་པ་ལ། །ལྟ་བའི་རྒྱལ་པོ་འདི་བསྟན་ན། །རྡོ་རྗེ་དམྱལ་བར་ཐེ་ཚོམ་མེད། །ཅེས་གསུངས་སོ། །ཐལ་བ་ནག་པོའི་རྒྱུད་ལས། ལྟ་བ་རོ་བསྲེག་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །ལོངས་སྐུའི་གཙོ་བོ་ཁྱོད་ཉོན་ཅིག །བསྒོམ་པའི་དོན་ལ་རྣམ་གསུམ་སྟེ། །ཐུན་མོང་ཁྱད་པར་མཆོག་དང་གསུམ། །ཐུན་མོང་སེམས་ཉིད་བསྒོམ་པ་ཡིནཁྱད་པར་བསྐྱེད་རྫོགས་བསྒོམ་པ་ཡིན། །དེ་ཡི་འབྲས་བུ་རིང་བ་ཡིན། །སྐྱེ་བོ་རྟགས་མྱུར་འབྲས་བུ་བརླག །མུ་སྟེགས་རྟགས་མྱུར་མཁའ་འགྲོ་ལ་སོགས་པའོ། །ཉན་ཐོས་ལ་སོགས་རྟགས་མྱུར་འབྲས་བུ་རིང་། །ཀྲི་ཡ་ཡོ་གའི་རྟགས་མྱུར་འབྲས་བུ་རིང་། །མ་ཧྭ་ཨ་ནུ་རྟགས་བུལ་འབྲས་བུ་ཉེ། །ཨ་ཏི་རྟགས་མེད་འབྲས་བུ་མྱུར། །དེ་བས་བསྒོམས་ན་ཁྱད་པར་ཆེ། །མཆོག་གི་དགོངས་པ་བསྟན་པ་ནི། །གཞི་ཤེས་པ་ནི་ལྟ་བའི་མཆོག །ལྟ་བ་དྲས་ཐག་གཅོད་པ་ཡིན། །དེ་ཉིད་ལམ་ཤེས་དགོངས་པ་ཡིན། །ཡེ་ཤེས་ཁོང་གསལ་དགོངས་པའི་མཆོག །ཐིག་ལེ་ཆམ་ལ་འབེབས་པ་ཡིན། །དེ་ཉིད་ཡུལ་མེད་དགོངས་པའི་མཆོག །དེ་རྩ་བསྒོམ་པ་ཆམ་ལ་འབེབས་པ་ཡིན། །ཡེ་ཤེས་ཟང་ཐལ་དགོང་པའི་མཆོག །བླུན་བསྒོམ་ཆམ་ལ་འབེབས་པ་ཡིན། །ཡེ་ཤེས་ཆོས་མིན་དགོངས་པའི་མཆོག །བསྐྱེད་རིམ་ཆམ་ལ་འབེབས་པ་ཡིན། །ཀུན་མཁྱེན་ཡེ་ཤེས་དགོངས་པའི་མཆོག །སེམས་བསྒོམ་ཆམ་ལ་འབེབས་པ་ཡིན། །དཔེ་ཡི་ངོ་སྤྲད་བསྟན་པ་ནི། །ངོ་བོ་མ་དང་འཕྲད་པ་འདྲ། །རྟགས་ནི་ཡེ་ཤེས་ངོ་སྤྲད་ཡིན། །དོན་ནི་རང་སྣང་ཡེ་ཤེས་ཡིན། །ཚིག་གི་ངོ་སྤྲོད་བྱིན་རླབས་དགོངས་པ་བཤད་པ་ཡིན། །དགོངས་པའི་གདམས་པ་ངོ་སྤྲོད་འདིས། །འདི་རྙེད་མི་ལ་བཙོང་སྙམ་ནས། །སློབ་མ་མེད་པར་སློབ་དཔོན་རིངས། །དགོངས་པ་མ་སང་ཉམས་མྱོང་སྟོན། །ཆུ་ཡི་ལྗུ་བ་མ་ཀྲོགས་པར་ཡང་འོང་། །བསམ་གཏན་རྟོག་མེད་མ་བསྒོམས་པར་ཡང་སྐྱེ། །དགྲ་ཆུང་སྤང་བ་་མ་བསད་པར་ཡང་འཆི། །ཐེ་ཚོམ་མ་ཆོད་བླུན་པོས་་སྒོམ་པ་སློབ། ཁེས་ལོང་མེད་པར་ཡུག་པ་རིང་། །དམ་ཚིག་རྩ་བ་ཆེན་པོ་ཉམས་པས་ན། །འཆི་ཡང་མི་གཏོང་ན་ར་ཀན། །ཞེས་གསུངས་སོ། །ཐལ་བ་ནག་པོའི་རྒྱུད་ལས། བསྒོམ་པའི་རོ་བསྲེག་པའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །ལོངས་སྐུའི་བདག་པོ་ཁྱོད་ཉོན་ཅིག །སྤྱད་བྱའི་ཐབས་ལ་མང་ཡོད་ཀྱང་། །ཐུན་མོང་ཁྱད་པར་མཆོག་དང་གསུམ། །ཐུན་མོང་དུག་ལྔ་སྤངས་ནས་སྤྱོད་པ་དང་། །སྦྱངས་ནས་དགེ་བཅུ་ཕྱིན་དྲུག་སྤྱོད། །གྲངས་མེད་བདུན་ནམ་གསུམ་སྤྱོད་ན། ཁྱད་པར་དུག་ལྔ་ལ་སོགས་གནས་བསྒྱུར་ནས། །སྦྱོར་སྒྲོལ་བདུད་རྩི་རྣམ་པ་ལྔ། །མི་ཚེ་ལོ་བརྒྱད་གཅིག་ཏུ་སྤྱོད་པའོ། །རྟོག་པ་འཇོམས་པའི་སྤྱོད་པ་ཡིན་པ་སྟེ། །འཇོམས་མཁན་ཡུལ་ཆོམས་སྙམ་བྱེད་པ། །སྙམ་བྱེད་རྟོག་པ་སླར་ལ་ཆེ། །མཆོག་གི་སྤྱོད་པ་འདི་ཡིན་ཏེ། །གཞི་མོའི་དོན་ལ་སྤྱོད་ཤེས་ན། །ཐམས་ཅད་མ་ལུས་དུས་གཅིག་ན། །དགོངས་པ་མ་ལུས་གཅིག་ཏུ་རྟོགས། །སྤྱོད་པས་རྟོགས་ཏེ་དགོངས་པ་ཤར། །རང་ཤར་ཆོས་སྐུ་སྤྱད་རྟོགས་ཤར། །བཀག་སྦྱངས་རྣམ་རྟོག་སངས་རྒྱས་གང་། །རྒྱུད་དག་ཕྱིར་ན་འབྲས་བུ་མེད། །བསྒྱུར་ནས་འབྲས་བུ་ཐོབ་ཅེ་ན། །ཕོ་བསྒྱུར་མོར་བསྒོམས་མོར་འགྲོ་ཡི། །བརྟགས་པས་རྟོགས་ཏེ་ཐེ་ཚོམ་ཆོད། །བློ་ཉིད་དོན་སྤྱད་དོན་རྟོགས་ནས། །བློ་ཉིད་དོན་ལྟར་ཤར་བ་ཡིན། །དོན་དང་རིག་པ་དབྱེར་མི་ཕྱེད། །རིག་པ་ཡེ་ཡིན་ཡེ་ཤེས་ཆེན་པོར་རྟོགས། །བྱེ་མ་མར་བཙིར་རྡོ་ལ་གསེར་དུ་བསྒོམ་པ་དང་། ཁ་གསགས་སྤྱི་བརྟོལ་ཚུལ་འཆོས་གཞོག་ངོམ་མཁན། །མུན་པ་མོན་པའི་ཁོང་སྙིང་ཅན། །འཚུལ་ཆོས་སློབ་དཔོན་རྒྱལ་པོ་ལྟར་འཆོས་པ། །མ་བསྟན་སྟོན་ན་དམྱལ་བར་ཐོང་། །ཞེས་གསུངས་སོ། །ཐལ་བ་ནག་པོའི་རྒྱུད་ལས། སྤྱོད་པའི་རོ་བསྲེག་པའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ། །ལོངས་སྐུའི་བདག་པོ་ཆེན་པོ་ཉོན། །འབྲས་བུའི་དོན་ལ་རྣམ་གསུམ་སྟེ། །སེམས་ཉིད་སྟོང་བསྒོམ་སྦྱང་བ་ཡིས། །འབྲས་བུ་བསྐལ་པ་བདུན་གསུམ་ན། །ཀུན་ཏུ་འོད་དུ་འགྲོ་བར་འདོད་པའོ། །བསྐྱེད་རྫོགས་བསྒོམས་སྤྱད་འབྲས་བུ་ཡིས། །ཚེ་བདུནལྔདངཚེགཅིགགིས། །བཅུ་བཞི་བཅོ་ལྔ་བཅུ་གསུམ་གཉིས་དག་ལ། །དེ་ཡི་ས་ལ་ཕྱིན་པར་འདོད། །འདོད་ཁམས་འབྲས་བུར་མ་ཤེས་པས། །འབྲས་བུ་རོ་ལངས་བྱེད་པ་ཡིན། །དེ་ཡི་ཕྱིར་ན་མཆོག་བསྟན་ཏེ། །འབྲས་བུའི་སངས་རྒྱས་ཞེས་བྱའོ། །སངས་རྒྱས་སྐུ་གསུམ་ངོ་བོ་ཉིད། །འདོད་མཁན་གཞི་ལམ་འབྲས་བུར་སྤྲད། །དེ་ཡི་འབྲས་བུ་སྐུ་གསུམ་སྟེ། །ད་ལྟ་ཉིད་དུ་བསྟན་པ་ཡིན། །གཞི་ཡི་ཆོས་སྐུ་ངོ་སྤྲད་པ། །གཞི་གསུམ་ཤེས་ན་ངོ་སྤྲོད་ཡིན། །དེ་བསྟན་ཚིག་གི་ངོ་སྤྲོད་ཡིན། །དེ་ལ་དཔེ་ཡི་ངོ་སྤྲོད་ཡིན། །ཀུན་སྣང་བརྡ་ཡི་ངོ་སྤྲོད་ནི། །ཆུ་ནང་བཞིན་བསྟན་ལྟ་བུར་སྤྲད། །དེ་སྤྲད་བཤད་མི་དགོས་པར་རྟོགས། །བརྡ་ཡི་བྱད་དང་མེ་ལོང་བསྟན་པ་དང་། །མེ་ལོང་གཡའ་ལ་ཕྱི་དགོས་བཞིན། །དཔེ་བསྟན་དོན་ཉིད་བཤད་ལ་སྤྲད། །རྟགས་ཀྱི་ངོ་སྤྲོད་རྣ་བ་ལ། །བསྒྲགས་པ་ཙམ་གྱིས་སྒྲོ་འདོགས་ཆོད། །དོན་གྱི་ངོ་སྤྲོད་མིག་ལ་སྤྲད། །མཐོང་བ་ཙམ་གྱིས་སྒོམ་མཁན་དངས། །བལྟ་སྤྱོད་འབྲས་བུ་དུས་གཅིག་གྲོལ། །ལུས་མེད་ལུས་ཡོད་ཁོང་གསལ་ལུས། །ཞིང་ཁམས་རྣམ་དག་སངས་རྒྱས་ཐུགས་སུ་ཆུད། །ཐུགས་རྗེ་ཡེ་ཤེས་ཐུགས་ཀྱི་མཆོག །ཡོན་ཏན་ཡེ་ཤེས་ཟང་ཐལ་ཡིན། །ཕྲིན་ལས་མིག་གཅིག་དྲི་མེད་མཁྱེན། །འབྲས་བུ་ཀུན་ཏུ་འོད་ལ་ཐིམ། །དགོངས་པ་རྒྱ་མ་ཆད་པ་ཡིན། །སྒྲིབ་གཡོགས་ལུས་ལས་མ་འདས་པ། །ཐུགས་རྗེ་འབྱུང་བ་སྒྲིབ་པས་ཆོད། །དེ་ལ་འབྲས་བུའི་སྒྲིབ་པ་ལ་ཟློ་བ། །སྣང་སྲིད་སྲིད་དང་མི་སྲིད་པ། །སྐྱེ་འགྲོ་མ་ལུས་ཐམས་ཅད་ཀུན། །འབྲས་བུའི་ཀློང་ལས་འདས་པ་མེད། །མེད་པར་མཐོང་བ་འབྲས་བུ་ཡིན། །ཡོད་པར་མཐོང་ཡང་འབྲས་བུ་ཡིན། །གཉིས་མེད་ཟེར་ཡང་འབྲས་བུ་ཡིན། །རྣམ་རྟོག་ཉིད་ཀྱང་འབྲས་བུ་ཡིན། །ཡེ་ཤེས་ཉིད་ཀྱང་འབྲས་བུ་ཡིན། །རྟོགས་དང་མ་རྟོགས་རྟག་དང་ཆད། ་།བ་དང་མ་གྲུབ་འཁོར་འདས་རྣམས། །དུས་དང་རྣམ་པ་ཐམས་ཅད་དུ། །འབྲས་བུའི་ངང་ལས་འདས་པ་མེད། །གླེན་པ་ཡུས་ཀྱིས་བརྣངས་བ་དང་། །དམ་བུ་སྙིང་མེད་སྤྲ་རྒན་དང་། །ཏསྐྲུ་ར་ཡི་སྒྲ་འབྱིན་དང་། །སྒྱུག་པ་གླུ་ལེན་རི་ལ་བྲོ་འཁྲབ་དང་། །ཚུལ་འཆོས་བཅོས་མ་འོག་བྲུས་མཁན། །སྒྲོ་སྐུར་འདེབས་ཤིང་ཞེ་ལ་བསྒྲུབ། །དད་པ་མེད་པའི་མི་རྣམས་ལ། །བྱིན་ན་རྡོ་རྗེ་དམྱལ་བར་འགྲོ། །དམྱལ་འགྲོའི་ངོ་སྤྲོད་དགོས་པ་མེད། །དེ་བས་བྲག་ལ་གླ་བ་གབ་པ་བཞིན། །མཚན་མོ་སྤྱོད་ཅིང་ཉིན་མོ་སྦོས། །འདོད་པའི་དོན་ཡང་བསྒྲུབ་མི་ནུས། །མ་བསྒྲུབས་དངོས་གྲུབ་སུ་ལ་འོང་། །ཉན་པ་མང་ཡང་འབུལ་མི་ནུས། །མ་ཕུལ་ཡབ་སྲས་ཅི་ལ་ཡིན། །ཚིག་ལ་མཁས་ཀྱང་དོན་མ་རྙེད། །མཁས་པ་རང་སྒོ་སྤྱད་པས་སྟོན། །དེས་ན་ཤིན་ཏུ་གསང་བར་བྱའོ། །ཞེས་གསུངས་སོ། །ཐལ་བ་ནག་པོའི་རྒྱུད་ལས། འབྲས་བུའི་རོ་བསྲེག་པའིངོསྤྲོདཆེནཔོའིལེའུ ལྔཔའོ།། །།དེ་ནས་ཡང་དག་བཤད་བྱ་བ། །ཉོན་ཅིག་ལོངས་སྐུ་ཀུན་བཟང་ཁྱོད། །འདུས་པའི་ངོ་སྤྲོད་བསྟན་པ་ནི། །འབྱུང་བ་ལྔ་ཡི་རྩ་བ་ནི། །ངོ་བོ་ཉིད་ལ་འདུས་པ་ཡིན། །ཉོན་མོངས་དུག་ལྔ་མ་རིག་པ། །འགྱུ་བ་ཉིད་ལ་འདུས་པ་ཡིན། ཁ་དོག་ལྔ་ཡི་རྩ་བ་དེ། །འཇའ་ཚོན་ལྔ་ལ་འདུས་པ་ཡིན། །འཇའ་ཚོན་ལྔ་ཡི་ངོ་བོ་ཡང་། །ངོ་བོའི་འོད་ལ་འདུས་པ་ཡིན། །བལྟ་བསྒོམ་སྤྱོད་པ་འབྲས་བུ་ཡང་། །རང་བྱུང་ཐིག་ལེ་གཅིག་པུར་འདུས། །ཆོས་སྒོ་བརྒྱད་ཁྲི་བཞི་སྟོང་ཡང་། ཁེས་རབ་ཉིད་ལ་འདུས་པ་ཡིན། །སྐུ་ལྔ་ཡེ་ཤེས་ལྔ་པོ་ཡང་། །ངོ་བོ་ཉིད་ཀྱི་ཡེ་ཤེས་དང་། །ངོ་བོ་ཉིད་ཀྱི་སྐུ་ལ་འདུས་པ་ཡིན། །བྱང་ཆུབ་སེམས་དཔའ་དུ་མ་ཡང་། །ཀུན་བཟང་བྱང་ཆུབ་སེམས་ལ་འདུས། །དཔེ་རྟགས་ངོ་སྤྲོད་བསམ་ཡས་ཀྱང་། །འགྱུ་བའི་མིག་ལ་སྤྲོད་པར་འདུས། །འཁོར་འདས་དུ་མར་སྣང་བ་ཡང་། །ཐིག་ལེ་ཟང་ཐལ་ཆེན་པོར་འདུས། །ཞེས་གསུངས་སོ། །སོ་མངས་ལྟ་བུའི་སེམས་ཅན་ལ། །ཅི་ཡང་བསྟན་པར་མ་གསུངས་སོ། །སྐྲ་ཤད་ལྟ་བུའི་གང་ཟག་ལ། །དེ་ལ་པོསྟན་ན་སྐྲན་དུ་འགྱུར། །ཞབས་བརྡོལ་ལྟ་བུའི་གང་ཟག་ལ། །དེ་ལ་བསྟན་ན་འབྲས་བུ་བརླག །གཤོག་རལ་ལྷ་བུའི་གང་ཟག་ལ། །དེ་ལ་བསྟན་ཡང་རྡོ་ལ་གྲོས་འདེབས་འདྲ། །དུག་ཅན་ལྟ་བུའི་གང་ཟག་ལ། །བསྟན་ན་ཕྲ་མ་མཁན་གྲོགས་འདྲ། །སྐྱེས་བུ་སོ་མ་དངས་མའམ། །བློ་ཆེ་དད་པ་ལྡན་པ་དང་། །གཏོང་ཕོད་ཆེ་ཞིང་ཕྱི་ཆས་མེད། །ཚེ་འདི་མི་བལྟ་བ་ཡི་གང་ཟག་དང་། །བྱང་ཆུབ་ཡུན་དུ་སྒྲུབ་པ་ལ། །ཕུང་བྱེད་སྲོག་གཅོད་འདི་བྱིན་ན། །ཙན་དན་ག་པུར་འགྲོགས་པ་བཞིན། །དྲི་མཆོག་ཆེ་ཞིང་ཁྱད་པར་འཕགས། །ལན་གྲངས་མང་པོར་མ་བརྟགས་པར། །དཀོར་མཛོད་གཏོད་པར་ཅང་ནུས་སམ། །ནང་དུ་རིན་པོ་ཆེ་བཞིན་དུ། ཁ་རུ་མ་འབྱིན་མ་སྨྲ་ཤིག །འདམ་གྱི་གསེབ་དུ་སྒྱུར་བྱེད་པ། ཁ་མིག་བྱི་དོར་མི་བྱེད་གར་དགར་འཇོག ཁ་ཅིག་ནོར་བུ་རིན་ཆེན་འཚོང་། ཁ་ཅིག་ནོར་བུ་ཉིད་ལ་འཕྲ། ཁ་ཅིག་ནོར་བུ་རིན་ཆེན་ག་་དུ་རྡུང་། །དེས་ན་གདམས་ངག་སྦ་བར་བྱའོ། །ཞེས་གསུངས་སོ། །ཐལ་བ་ནག་པོའི་རྒྱུད་ལས། དུ་མའི་སྲོག་གཅོད་རོ་བསྲེག་པའི་ལེའུ་སྟེ་དྲུག་པའོ།། །།མྱ་ངན་ལས་འདས་པའི་དགོངས་པ་རྫོགས་སོ།། །།ཨོ་རྒྱན་སྐད་དུ། མི་ལེ་ཙི་ལེ་ཙུ་ལེ་སྟེ་བ་ར་ཡ་ཧེ་ཀྲ་མ་ན། རྒྱ་གར་སྐད་དུ། ལོ་ཀ་ཀརྨ་ཙརླ་པུརྒྱ་མ་ཧྭ་པྲུ་ར་ཎ་མ་ཧྭ་པྲཙྭ་ཏནྟྲ་ནཱ་མ། བོད་སྐད་དུ། འཇིག་རྟེན་གྱི་ཕྲིན་ལས་སྤྱོད་པ་བསོད་ནམས་ཆེན་པོ་རྫོགས་པར་བྱེད་པ་ཤེས་རབ་ཆེན་པོའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལས་ཀྱི་མངའ་བདག་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།ཁྱབ་གདལ་ཆེན་པོ་རྒྱ་ཡོངས་སུ་མ་ཆད་པའི་ཀློང་ནས། ཆོས་སྐུ་ཀུན་ཏུ་བཟང་པོ་ཞེས་བྱ་བ། ཐུགས་རྗེ་ཆེན་པོ་དང་ལྡན་པ་དེའི་བྱིན་རླབས་ལས། མྱ་ངན་ལས་འདས་པའི་དགོངས་པ་རིན་པོ་ཆེ་ལྟ་བུ་བཀའ་སྩལ་པ།དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུའི་སྙིང་པོ་ཞེས་བྱ་བས་ལོངས་སྐུའི་ཀུན་ཏུ་བཟང་པོ་བོས་ཏེ་བཀའ་སྩལ་པ། ཆོས་སྐུ་ཀུན་བཟང་གདུང་སོབ་ཉིད། །ཐུགས་རྗེ་བྱང་ཆུབ་སེམས་དཔའ་འདི་རྣམས་སོ། །འཇམ་དཔལ་སྤྱན་རས་གཟིགས་དང་ཕྱག་ན་རྡོ་རྗེ་དང་། །ས་སྙིང་ནམ་མཁའི་སྙིང་པོ་སྒྲིབ་པ་སེལ་བ་དང་། །བྱམས་པ་མི་ཏྲི་སྤོས་ཀྱི་གླང་པོ་རྣམས་ལ་ནི། །ཡང་དག་དགོངས་པ་བཤད་པར་ཞུ། །ཞེས་ཞུས་པས། །དགོངས་པའི་དོན་རྣམས་མ་ཤེས་པས། །བྱང་ཆུབ་སེམས་དཔའ་བརྒྱད་ལ་བཤད། །འཇམ་དཔལ་གཞོན་ནུའི་སྙིང་པོ་ལ། །སྙིང་པོ་ངོ་སྤྲོད་མངོན་སངས་རྒྱས། །སྤྱན་རས་གཟིགས་ཀྱི་དབང་ཕྱུག་ལ། །ཡེ་ཤེས་མིག་ལ་སྤྲད་པ་ཡིས། །དེ་དུས་མངོན་སངས་རྒྱས་པ་ཡིན། །ཕྱག་ན་རྡོ་རྗེ་ཉིད་ལ་ནི། །སྟོན་པ་ཉིད་ལ་ངོ་སྤྲད་པས། །གནས་དེ་ཉིད་དུ་མངོན་སངས་རྒྱས། །བྱང་ཆུབ་སེམས་དཔའ་ས་ཡི་སྙིང་པོ་ལ། །འགྱུར་མེད་རིག་པའི་ངོ་སྤྲོད་དེར་སངས་རྒྱས། །བྱང་ཆུབ་སེམས་དཔའ་ནམ་མཁའི་སྙིང་པོ་ལ། །རིག་པ་ཡུལ་མེད་ངོ་སྤྲོད་མངོན་སངས་རྒྱས། །བྱང་ཆུབ་སེམས་དཔའ་སྒྲིབ་པ་སེལ་བ་ལ། །ཡེ་ཤེས་རང་སྣང་ངོ་སྤྲད་དེར་སངས་རྒྱས། །བྱང་ཆུབ་སེམས་དཔའ་བྱམས་པ་མི་ཏྲི་ལ། །ཐིག་ལེ་ཆོས་མིན་ངོ་སྤྲོད་མངོན་སངས་རྒྱས། །བྱང་ཆུབ་སེམས་དཔའ་སྤོས་ཀྱི་གླང་པོ་ལ། །རིག་པའི་ཡེ་ཤེས་ངོ་སྤྲད་དེར་སངས་རྒྱས། །བྱང་ཆུབ་སེམས་དཔའ་བརྒྱད་པོ་ལ། །ངོ་སྤྲོད་བྱས་པ་དེ་ཉིད་སངས་རྒྱས་ངེས། །མ་རིག་སེམས་ཅན་རྣམས་ལ་ངོ་སྤྲོད་བསྟན་པ་ཡང་། །དབང་པོ་རབ་ལ་བྱང་ཆུབ་སེམས་དཔའ་ཡིས། །བརྡ་དང་དཔེ་དང་རྟགས་དང་དོན་གྱི་ངོ་སྤྲད་པས། །སྐད་ཅིག་གཅིག་ལ་སངས་རྒྱས་ཉིད་ཐོབ་པོ། །དབང་པོ་འབྲིང་དུ་གྱུར་པ་ཡང་། །བརྡ་དང་དཔེ་དང་རྟགས་དང་དོན་གྱི་ངོ་སྤྲད་པས། །བར་མ་དོ་ནས་མངོན་སངས་རྒྱས་པར་ངེས། །དབང་པོ་ཐ་མར་གྱུར་པའི་གང་ཟག་ལ། །བརྡ་དང་དཔེ་དང་རྟགས་དང་དོན་གྱི་ངོ་སྤྲད་པས། །བར་མ་དོ་ནས་མངོན་སངས་རྒྱས་པར་ངེས། །ཡིན་པ་སྣང་བ་ཤར་བ་གྲོལ་བ་བཞི། །གང་ཟག་གཅིག་ལ་ངོ་སྤྲད་ཤེས་པར་བྱ། །ཞེས་གསུངས་སོ། །ཐལ་བ་ནག་པོའི་རྒྱུད་ལས། གདམས་པ་ངོ་སྤྲད་གང་ཟག་རོ་བསྲེག་པའི་ལེའུ་སྟེ་བདུན་པའོ།། །།ཨོ་རྒྱན་སྐད་དུ། བུ་ན་ཡེ་ཡེ་ཡོ་ག་ཚེ་ཏྲ། རྒྱ་གར་སྐད་དུ། ག་ཎ་བྱུ་ར་ཎ་དརྙ་ནོ་པ་དེ་ཤ། བོད་སྐད་དུ།ཚོགས་རྫོགས་པར་བྱེད་པའི་ངོ་སྤྲོད། །དཔལ་ལྡན་ཆེན་པོ་རྣལ་འབྱོར་པ། །ཚད་མེད་རྣམ་པ་བཞི་ཡི་སྨོན་འཇུག་གིས། །སྔོན་དུ་འགྲོ་བ་རྫོགས་བྱས་ཏེ། །ས་བསླང་ས་སྦྱང་གཟུང་བྱ་བ། །མཎྜལ་བྱི་དོར་ལེགས་བྱས་ཏེ། །བླ་གབ་ཅན་ནམ་དུར་ཁྲོད་དུ། །ཡང་ན་བཀྲ་ཤིསབྱིནཆེནདུ། །ཐིགལ་སོགས་པ་རིམ་བཏབ་ ། །མཎྜལ་བཞེངསཚོནབྱིནགྱིསབརླབས། །བགེགས་བསྐྲད་གསེར་སྐྱེམས་གཏང་བར་བྱ། །དེ་ནས་དཀྱིལ་འཁོར་བྲི་བ་ནི། །དབུས་སུ་ཐིག་ལེ་ཆེན་པོལ། །འདབ་དྲུགབཅུདྲུག་གཉིས་ཀྱིས་བརྒྱན། ཁུ་ཆད་སྒོ་དང་རྒྱན་ཆས་པ། །ཚོགིས་འཁོར་ཆེན་པོའི་དཀྱིལ་འཁོར་ཡིན། །དབང་བསྐུར་ཀུན་ལ་སྦྱར་བ་ནི། །དབུསསུ་ཐིག་ལེ་ཟླུམ་པོལ། །རྡོ་རྗེའི་ར་བས་བསྐོར་བ་ལ། །ཚོམབུ་རྣམ་པལྔ་དང་ནི། །དབུས་སུ་ཚོམ་བུ་བཀོད་པ་ནི། །ངོ་སྤྲད་དཀྱིལ་འཁོར་བསྟན་པ་ནི། །ངོ་བོ་སྐུ་ལྔའི་ངོ་བོ་སྐུ། །རང་བཞིན་ཡེ་ཤེས་རྣམ་ལྔངོབོའིཡེཤེས་ཉིད། །མཚནཉིད་འདས་པ་རྣམལྔའི་ཐིག་ལེཉིད། །ཐུགསརྗེཐུབ་དྲུགམཛད་དེའགྲོ་བའི་དོནཡང་མཛད། །དེ་ཡིམཐའ་མར་པདྨ་ལྔ། །རྒྱལ་བ་རིགས་ལྔཁ་སྤྱོར་ཚུལ་དུབྲི། །འདབམ་ལྔལ་མཁའའགྲོ་རྣམལྔ་བྲི། །གྲུ་ཆད་ལྷ་མོ་བརྒྱད་དང་སེམསདཔའབརྒྱད། །ལྷ་སྣམ་འདོད་ཡོན་ལྷ་མོས་མཚོནི། །སྒོ་བཞི་ཡེ་ཤེས་སྒོ་མས་བརྒྱན། །དེ་ནི་བརྟེནཔ་ལྷ་ཡི་དཀྱིལ་འཁོར་བསྟན་པ་ཡིན། །ཞེས་གསུངས་སོ། །རོ་བསྲེགཐལ་བ་ནག་པོའི་རྒྱུདལས། དཀྱིལ་འཁོར་བྲིབའི་ཐབསབསྟནཔའི་ལེའུ་སྟེ་བརྒྱདཔའོ།། །།དེ་ནས་ཡང་དག་བཤདབྱབ། །རྟེན་གྱི་རྫས་རྣམས་དགོད་པ་ཡང་། །རྣམ་པགསུམ་གསུམ་དགཏུཤེས། །རྡུལ་ཚོན་ལྷརུ་ཤེས་དང་གཞལ་ཡས་དང་། །ངོ་སྤྲོད་དལ་དུཤེས་པར་བྱ། །རྫས་ལ་དབངརྫས་མཆོད་རྫས་དང་། །དངོས་གྲུབ་གསུམ་དུ་ཤེས་པར་བྱ། །རྫས་དགོད་བྱིན་བརླབ་བྱས་ནས་ནི། །དང་པོ་མཚམས་གཅོད་དཀྱིལ་འཁོར་བསྒོམ། །བགེགས་བསྐྲད་བསད་གསོ་བྱས་ནས་ནི། །བདེན་པ་བདར་དང་གསེར་སྐྱེམས་གཏོང་། །མཆོད་སྦྱིན་དཀྱིལ་འཁོར་ལ་སོགས་བྱ། །དེ་ནས་རྣམ་པར་མི་རྟོག་བསྒོམ། །དེ་ནས་བཤགས་པ་སྒྲིབ་སྦྱང་དཀྱིལ་འཁོར་བསྒོམ། །དེ་ནས་བྱིན་རླབས་རྫས་ཀྱི་དཀྱིལ་འཁོར་བསྒོམ། །དེ་ཡང་ཕྱི་རུ་འདོད་ཡོན་ལྔ་ཡི་ངང་དུ་བསྒོམ། །ནང་དུ་ལྷ་ཡི་དལ་དུ་བསྒོམ། །གསང་བ་བླ་ན་མེད་པའི་དལ་དུ་བསྒོམ། །དབྱེར་མེད་ཡེ་ཤེས་དལ་དུ་བསྒོམ། །ཐ་མ་མཇུག་སྡུད་གཉིས་སུ་ཤེས་པར་བྱ། །དེ་ནས་རང་བཞིན་ཀུན་ཏུ་སྣང་དག་ལས། ཁུ་དང་ཏིང་འཛིན་རྣམ་གསུམ་དཀྱིལ་འཁོར་བསྒོམ། །དེ་ནས་འབྱུང་བ་རིམ་བརྩེགས་དཀྱིལ་འཁོར་བསྒོམ། །དེ་ནས་རྟེན་གཞལ་ཡས་དཀྱིལ་འཁོར་བསྒོམ། །བརྟེན་པ་ལྷ་ཡི་དཀྱིལ་འཁོར་འཁོར་ལོ་བསྒོམ། བླ་མའི་དཀྱིལ་འཁོར་དང་། ཡི་དམ་མཁའ་འགྲོའི་དལ་གསུམ་བསྒོམ། དེ་ནས་གདམས་པའི་ཏིང་འཛིན་རྣམ་གསུམ་བསྒོམ། །རང་འདོད་བྱ་ཕྱིར་རྒྱལ་བ་རྣམས་ཀྱང་སྤྱན་དྲངས་ཏེ། །ཕྱག་འཚལ་གདན་དབུལ་སྒོ་དབྱེ་ལ་སོགས་བྱ་བ་ཡིན། །དེ་ལ་མཆོད་བསྟོད་བསྟིམ་གཞུག་དགེ་ཤིས་བྱས་ནས་ནི། །ཐམས་ཅད་མཉེས་བྱེད་ཕྲོག་གི་སྙིང་པོ་འབོད། །ཅེས་གསུངས་སོ། །ཐལ་བ་ནག་པོའི་རྒྱུད་ལས། རྣམརྟོགམཚན་མའི་རོ་བསྲེག་པའི་ལེའུ་སྟེ་དགུ་པའོ།། །།དེ་ནས་ཡང་བཀའ་སྩལ་པ། བླ་མ་ཡི་དམ་གསལ་བསྐྱེད་མཁའ་འགྲོ་གསལ་བྱས་ལ། དེ་མིང་སྲོག་སྙིང་འཕྲོག་པའི་ཡི་གེའི་ཕྲེང་བ་བཟླས་པར་བྱ། ཞེས་སོ། ལོངས་སྐུ་ཀུན་ཏུ་བཟང་པོ་ཡིས། །བྱང་ཆུབ་སེམས་དཔའ་འཇམ་དཔལ་གཤོན་ནུ་ལ། །སྤྱི་སྲོག་ཐམས་ཅད་བསྡུས་པ་དང་། །རང་དབང་དམ་ཚིག་བསྡུས་པ་རྗེས་སུ་དྲང་བ་གཉིས་སུ་འདུས། །དེ་ལ་སྤྱི་བསྡོམས་སྲོག་གི་སྙིང་པོ་སྨྲས་པ་ནི། །ཆོས་སྐྲུའི་ཀུན་ཏུ་བཟང་པོ་ཡིས། །བྱིན་རླབས་གང་ནས་གསུངས་པ་ཡིན། །དེ་ཡང་ཁྱོད་ལ་བསྟན་པར་བྱ། །ཨོ་ས་མ་ཡ་སྟུ༷་ཛ༷༷། སྤྱི་བསྡམས་སྲོག་སྙིང་ངོ་། །རང་ངམ་སྲོག་གི་སྙིང་པོ་ལ། །དེ་ལ་ཐམས་ཅད་འདུས་པ་ནི། །ཨཱོཾ་སུ་ཧྲི་ར་ཙ་ཡ་གྲྭ་ཧྭ། ཞེས་པ་ཀུན་ཏུ་བཟང་པོའི་སྲོག་གི་སྙིང་པོ་ཉིད་དོ། །འདི་ནི་རྒྱལ་བ་རིགས་ལྔ་དང་། ཀུན་ཏུ་བཟང་པོ་ཉིད་དུ་འགྲུབ་པར་འགྱུར་རོ། །སྤྱན་སྲེག་བྱ་བར་འདོད་ན་ཡང་འགྲུབ་པར་འགྱུར་རོ། །བདུད་རྩི་བྱིན་རླབས་དང་གཏོར་མ་དང་སྨན་དང་།ཚོགས་ལ་སོགས་བྱིན་གྱིས་བརླབ་པར་བྱེད་པ་ཉིད་དོ། །དགྲ་དང་བགེགས་ལ་སོགས་པ་ཐམས་ཅད་ཀྱང་། འདི་བཟླས་པ་ཙམ་གྱིས་བརླག་པར་འགྱུར་རོ། །བུམ་པ་གསར་པ་བཅས་ཏེ་རྫས་བླུགས་ནས་བསྒྲུབ་པ་ཞག་བདུན་བྱས་ནས། བུད་མེད་སྨྱུང་བར་གནས་ཏེ་ཁྲུས་བྱས་ན་བུ་རྙེད་པར་འགྱུར་རོ། ཤེང་སྐམ་པོ་ལ་གཏོར་ན་མེ་ཏོག་སྐྱེའོ། །སྐུད་པ་སྔོན་པོ་ལ་མདུད་པ་བརྒྱ་རྩ་བརྒྱད་བྱས་ཏེ་བྱིས་པའི་སྐེར་བཏགས་ན་འཁྲུ་རིམསབགྲུང་ངོ། །རྫས་ནི། བཟང་དྲུག་ལ་སོགས་པ་དྲི་སྣ་ཚོགས་སོ། །དེལྟར་བྱས་ན་སྲིའུ་སོས་པར་འགྱུར་རོ། །གསེར་ལ་བཏབ་སྟེ་རིན་པོ་ཆེ་ལྔའི་གསེབ་ཏུ་བཅུག་སྟེ། ལུས་ལ་བསྲེལ་ན་འཇིགས་པ་བརྒྱད་སྐྱོབ་པར་འགྱུརརོ། །མི་ཚིལ་དང་གུ་གུལ་ནག་པོ་གླ་རྩི་ལ་བཏབ་ན། ཀླུའི་ནད་ཐམས་ཅད་སོས་པར་འགྱུར་རོ། །ཡིད་ལ་བཟླས་ཏེ་མི་དང་ཁྱི་དང་རྟ་ལ་སོགས་པའི་ཀླད་པ་དང་དུག་སྣ་ཚོགས་དང་ཁྲག་དང་དུ་བ་དང་།སྦྲེ་སྣ་ཚོགས་ལ་བཏབ་ན་བཙན་དུག་རྡོ་རྗེ་བཞིན་དུ་འཇོམས་སོ། །ཞེས་བྱིན་གྱིས་རླབས་ཀྱིས་གསུངས་སོ། །ཐལ་བ་ནག་པོའི་རྒྱུད་ལས། རྟོག་པ་ངན་པའི་རོ་བསྲེག་པའི་ལེའུ་སྟེ་བཅུ་པའོ།། །།ཡང་བཀའ་སྩལ་པ། བྱངཆུབ་སེམས་དཔའ་ཁྱོད་ཉོནཅི༷ག །སྲོག་གི་སྙིངཔོ་ཨོ་ཡིན་ནོ། །དེ་རྗེས་ས་མ་ཡ་ཏྲ༷་ཛ༷༷ཛ༷༷ཨསྐྱི་ཤ་ཞེས་ཀླད་དུའོ། །སྲུཧྭམཐའ་རྟེན་ལས་མཐར་ཤེས་པར་བྱ། །ཆོས་སྐུ་རྡོ་རྗེ་སེམས་དཔའ་ཨོ་ཡིག་ལྡན། །ལོངས་སྐུ་རང་དམ་སྔགས་སྨྲས་པ། །ཨཱོཾ་བཛྲ་ས་ཏྭ་ཧུ༷། ཤཱརྙི་སྤུསྟོ། བ་ཤང་བཱ་ར་ཡ་ཕཊ༷༷ ཨརྙུ་ཤ་ཛ་ཛ༷༷ ཐབ་ཁུང་འདབ་བརྒྱད་གྲུགསུམ་ཟླ་གམ་དང་། །གྲུ་བཞི་ལ་སོགས་མཛེས་པས་བརྒྱན། །དུས་ཚོད་བཞི་དང་ཁ་དོག་དང་། །དལ་གྱི་ལྷ་ཚོགས་རིམ་པར་བྱ། །ཚེ་འདས་ལུས་བརྗེས་དྲངས་པ་དེ། །མཎྜལ་སྟེང་དུ་དབང་བསྐུར་བཀྲུ་སྙད་གཏང་། །གཟུགས་ཕྱིན་བརླབས་ལ་ཐབ་ཁུང་བསྐྱེད། །མེ་ལྷ་སྤྱན་དྲངས་བདུནཔོ་རྣམ་དག་རྫོགས་པར་བྱ། །ཡེ་ཤེས་མེ་དང་དམ་ཚིག་བཞུ་བ་་བྱ། །ཕུང་པོ་མེ་ལྷར་བསྐྱེད་པར་བྱ། །དེ་དག་མཆོད་རྫས་མེ་ལྷ་བཞུ་བ་་བྱ། །ཡེ་ཤེས་ལྷ་ཕབ་ལུས་ལ་བསྟིམ། །དགུག་གཞུག་བཅིངས་དང་དགས་པ་བསྐྱེད། །མཆོད་བསྟོད་ལས་བཅོལ་སྨོན་ལམ་གདབ། །གཏོར་གཏང་དལ་བསྡུ་གཤེགས་སམ་བསྡུ། །ང་རྒྱལ་ལྡན་པས་གནས་སུ་འགྲོ། །ཞེས་གསུངས་སོ། །ཐལ་བ་ནག་པོའི་རྒྱུད་ལས། འབྱུང་པོ་རོ་བསྲེག་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་བྱང་ཆུབ་སེམས་དཔའ་ཁྱོད། །ས་བ་་བྱང་ཆུབ་སེམས་དཔའ་ཡི། །སྲོག་གི་སྙིང་པོ་ཐམས་ཅད་འདུས་པ་ནི། །དེ་ནི་བདག་གིས་བརྗོད་པར་བྱ། །ཨོ་བཛྲ་མ་ཧྭ་མུ་ན་ཡེ་གྲྭ་ཧྭ། །བྱང་ཆུབ་སེམས་དཔའ་རིགས་དྲུག་གི །དངོས་པོའི་རྟོག་པ་འཇོམས་པའི་ཐོ་ཆེན་ཡིན། །མ་རིག་ལིང་ཏོག་སེལ་བའི་ཐུར་མ་ཡིན། །གསང་སྔགས་འདི་ནི་བཟླས་གྱུར་ན། །གཟའ་སྐར་རྨི་ལམ་ངན་པ་དང་། །བཀྲ་མི་ཤིས་དང་དལ་ཡམས་དང་། །མུ་གེ་སད་དང་སེར་བ་དང་། །ལོ་ཉེས་ཕྱུགས་ཉེས་ཐམས་ཅད་དང་། །སྨྱོ་འབོག་རྒྱལ་ནད་ཀླད་གཟེར་དང་། །ལྷ་སྨྲ་འདྲེ་སྨྲ་སྙིང་ཞུགས་དང་། །གདོན་གྱིས་བརླབས་ནས་ཆོས་འཆད་དང་། །བདུད་ཀྱི་བྱིན་རླབས་ལུངསྟོནདང། །གཅེརབུརརྒྱུག་ཅིང་ཁྲེལ་ཤོར་དང་། །དོན་མ་རྟོགས་པས་རོ་སྙོམས་བྱེད་སྙིང་འདོད། །ཕ་རོལ་མ་མཐོང་མངོན་ཤེས་སྟོན། །སྙིང་འདོད་གར་དགར་སྨྲ་བ་ཡིས། །མ་རྟོགས་ཉོན་མོངས་རྣམས་ཀྱིས་འདྲེ་དབང་ཁྲིད། །གདོན་གྱིས་བརླབས་ཏེ་ལུང་སྟོན་ཐ་ར་ར། །ཐ་མ་སྙིང་དུ་འདྲེ་ཞུགས་སྨྱོན་པ་འོང་། །སྨྱོན་པ་འདྲེས་བརླབས་ཆོས་སྨྱོས་ཤི་ཟེར་དགའ། །རང་ཡང་འདྲེ་དབང་སོང་བ་མི་ཚོར་བས། །དྲག་སྔགས་རྒྱལ་པོ་འདི་ནི་བཟླས་གྱུར་ན། །འདྲེ་ཉིད་བྱེར་ནས་སངས་རྒྱས་དགོངས་པ་འཆར། །ལྟ་བ་སྒོམ་པ་ཟབ་མོ་བསྟན་ཀྱང་ནི། །དྲག་སྔགས་རྒྱལ་པོ་སུམ་ཁྲི་འདི་ཟློས་ཤིག །བལྟ་བ་བཟང་སྙམ་བཟང་རྟོག་འདྲེ་ཡིས་ཁྱེར། །རང་འདྲེས་ཁྱེར་བ་མི་ཚོར་རོ། །བསྒོམ་པ་ཉམས་མྱོང་ཁེལ་སྙམ་བྱེད། །བསྒོམ་པ་འདྲེས་ཁྱེར་མ་ཚོར་རོ། །སྤྱོད་པ་རོ་སྙོམས་བྱས་པ་ཡིས། །རྣམ་རྟོག་ཞི་བ་སྙམ་བྱེད་པ། །སྤྱོད་པ་འདྲེ་ཞུགས་མི་ཚོར་རོ། །འབྲས་བུ་འཇིག་རྟེན་དགའ་བྲོད་སྐྱེས་སྙམ་བྱེད། །འབྲས་བུ་འདྲེས་ཁྱེར་མི་ཚོར་གྱིས། །དྲག་སྔགས་རྒྱལ་པོ་སུམ་སྦྲེལ་གྱིས། །ཉིན་སྟོང་མཚན་སྟོང་བཟླས་པར་བྱ། །ལྟ་སྒོམ་སྤྱོད་པ་རྒྱུད་ལ་སྟོན་ཤེས་སམ། །དེ་ལྟར་ཤེས་ན་སྤྱོད་པའི་བདུད་བགྲུངས་ནས། །བལྟ་བས་ཆོས་སྐུ་མངོན་དུ་འཆར། །བསྒོམས་པས་ལོངས་སྐུ་ཤུགས་ལས་འབྱུང་། །སྤྲུལ་སྐུ་དལ་ཉིད་འདི་ཡིན་མོད། །འདྲེ་ལ་ངོ་སྤྲོད་ཟེར་ཞིང་གཏང་རག་གཏོང་། །ཆོས་འཆད་སློབ་དཔོན་རང་ལ་འདྲེ་ཆེན་ཡོད། །ལྟ་བ་མཉམ་ཡང་བདག་དང་མི་མཉམ་ཟེར། །ཆོས་ཉིད་ཡེ་ནས་མཐོ་དམན་མེད་པ་མ་རྟོགས་པར། །དགོངས་པའི་རང་སྒོ་གཅིག་ལས་མེད་པ་ལ། །བདག་ལ་ཉམས་མྱོང་གདམས་པ་ཟབ་ཟེར་བ། །བློ་ཡི་འཁྲུལ་པ་ཡིན་པ་མ་རྟོགས་སོ། །རང་སྣང་ཡེ་ཤེས་སྐུ་གསུམ་ཤར་བ་ལ། །འབྲས་བུ་མྱུར་རོ་ཟེར་བ་དོན་ལ་རྨོངས། །ཉམས་མྱོང་ཞེ་འདོད་རྣམ་རྟོག་རོ་དང་འདྲ། །རོ་ཡིས་རོ་ཁྲིད་ཉོན་རེ་མོངས། །ཉམས་མྱོང་རོ་བསྲེགས་ཐལ་བ་རྡུལ་དུ་རློག །ཅེས་གསུངས་སོ། །ཐལ་བ་ནག་པོའི་རྒྱུད་ལས། རོ་ཤན་དབྱེ་རོ་བསྲེག་འཁོར་བ་རྩད་གཅོད་ཀྱི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །ཐོར་བུ་བྱ་བའི་རིམ་པ་ནི། །རོ་བསྲེགས་པ་ཡི་རུས་པ་བརྡུང་། །དེ་བརྡུང་ཚ་ཚ་བྱ་བ་ནི། །གང་དག་རྟོགས་ལྡན་སྦྱོང་བྱེད་ན། །ཐབ་ཁུང་འོག་ཏུ་རྡོ་ལེབ་བཞག །དེ་སྟེང་རྡོ་རྗེ་རྒྱ་གྲམ་བྲི། །བུ་གུ་བཏོད་ལ་བསྲེག་པར་བྱ། །གདུང་བྱུང་སྨྲ་བར་མི་བྱ་ཞིང་། །མི་གཙང་མི་བསྙེན་ཉེ་ཁྲུས་བྱ། །བྱང་སེམས་སྤྲུལ་སྐུ་རིང་བསྲེལ་ཉིད། །དེ་བཞིན་གཤེགས་གདུང་ཤ་རྡི་རམ། །ལོངས་སྤྱོད་རྫོགས་པའི་སྐུ་དང་མཆོད་རྟེན་ནོ། །ཆོས་སྐུ་སྐྱེ་མེད་ཤ་རྡི་རམ། །མཆོད་པ་ཚོགས་འཁོར་མ་བྱས་ན། །སྙིང་དང་འདྲ་བར་བསྟན་པ་ལས། །ཀུན་ལ་བསྟན་ན་གདུང་འབྲོས་སོ། །དངོས་གྲུབ་ཡལ་ནས་འགྲོ་བས་གསང་ཞིང་མཆོད། །ཀླུ་གཉན་ས་བདག་རིམས་ཀྱིས་མི་ཚུགས་སོ། །རྟག་ཏུ་སྡེ་བརྒྱད་དེ་ལ་སྲུང་སྐྱོབ་བྱེད། །མཁའ་འགྲོ་ཆོས་སྐྱོང་རྒྱལ་པོ་ལྟ་བུར་ཁུར། །སྟོན་འཚོང་རྐུན་བན་བཀའ་ཆད་སྦོས་སམ་གྲི་རུ་འཆི། །རྒྱལ་བ་རྒྱ་མཚོའི་བྱིན་གྱིས་བརླབས་པར་ངེས། །ཐུན་མོང་དངོས་གྲུབ་མ་བསྒྲུབས་པར་ཡང་འབྱུང་། །ས་བདག་ཀླུ་གཉེན་དག་གིས་རྡོ་རྗེ་ཁྱུང་དུ་མཐོང་། །རྟག་ཏུ་གཙུག་ཏུ་བཀུར་ཞིང་མི་ལ་བསྟན་པ་མིན། །ཟ་མ་ཏོག་གམ་ག་བུ་སྲུབས་མེད་ན། །བླུགས་ལ་དར་ཚོན་དམར་པོས་དྲིལ། །དེ་ལ་མཆོད་བསྟོད་ཡོན་ཏན་བསམ་མི་ཁྱབ། །སྔགས་སྦྲེལ་བྱིན་བརླབས་འབི་འབི་དང་། །གདབ་དང་བསྐུར་དང་རབ་གནས་རྟེན་འབྲེལ་བརྗོད་ལ་སོགས། །ཞེས་གསུངས་སོ། །ཐལ་བ་ནག་པོའི་རྒྱུད་ལས། རོའི་སྣང་བ་བརྟག་པ་དང་ཚ་ཚའི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་བཤད་བྱ་བ། །བར་ཆད་བསྲུངས་ནས་བསྟན་བསྲུང་ཕྱིར། །མཁའ་འགྲོའི་སྲོག་སྙིང་བཤད་པར་བྱ། །སྤྱི་བསྡོམས་སྲོག་དང་སྙིང་པོ་དང་། །རང་རང་སྙིང་པོ་སྲོག་དང་དྲག་སྔགས་གསུམ། །དེ་ཉིད་བདག་གིས་བཤད་པར་བྱ། །གྲོ་ག་དག་ལ་བྲིས་ནས་ནི། །དཀྱིལ་འཁོར་འཁོར་ལོ་རྩིབས་བཞི་སྒོ་དང་བཅས། །དབུས་སུ་གྲུ་གསུམ་མཐིང་ནག་ལ། །དཔངས་སུ་ཆག་གང་བརྩིག་པར་བྱ། །རྡོ་སོལ་རོ་སོལ་ནག་པོར་བྱུག །དེ་ནང་ཐོད་པ་ཁ་སྦྱར་དུ་སྩལ་ཏེ། །དུག་ཐུན་དག་གིས་བྲབས་བྱས་པས། །སྨྱོ་འབོག་དྲག་པོས་འཆི་བར་བཤད། །ཞེས་གསུངས་སོ། །ཡང་ན་སྣེལ་གྲིའི་ཐོད་པ་སྲ ཁུག་དང་དུག་སྣ་ཚང་བར་བླུགས། །མིང་རུས་བཅས་ཏེ་ཐུན་བྲབས་ན། །ཟླ་བ་གཅིག་ན་བརླག་པར་འགྱུར། །ཐར་ནུ་དུག་དང་རེའུ་ལྕག་པ། །མཛོ་ཞོ་སྦྱར་ན་མཛེས་འཛིན་འགྱུར། ་་ས་ཀར་བྲག་དང་དྷ་དུ་ར། །དབྱི་མོ་ཐང་ཕྲོམ་དུར་བྱིང་ནི། ཁུ་མ་དག་གིས་འཆི་བར་འགྱུར། །བསེ་ཞོ་སྦྲང་རྒོད་དྷ་དུ་ར། །སྦྱར་ན་སྨྱོ་འབོག་གདོན་མི་ཟ། །ཀྱི་ལྕེ་ནག་པོ་བུལ་ཏོག་མཛེ་ཁུག་སྦྱར་བྱས་ནས། །ཐུན་དུ་བྲབས་པས་མཛེ་རིམས་འགྱུར། །བྷ་རི་ཤ་ས་ཨུ་བེ་ཤ་བཏགས་ནས། །ཐུན་དུ་བྲབས་ན་སེར་བ་འབྱུང་། །ཞེས་གསུངས་སོ། །ཐལ་བ་ནག་པོའི་རྒྱུད་ལས། སྔགས་སྩོར་བ་དྲག་སྔགས་ཀྱི་ལེའུ་སྟེ་བཅུ་བཞི་པའོ།། །།དེ་ནས་ཡང་དག་བཤད་བྱ་བ། །བྱང་ཆུབ་སེམས་དཔའ་ཁྱོད་ཉོན་ཅིག །ཆོས་སྤྱོད་དུ་མི་སྟེར་ཞིང་། །སློབ་མ་དམ་ལ་ལྡོག་པ་ལ། །མཁའ་འགྲོ་རྣམས་ཀྱི་སྙིང་འབྱིན་དང་། །དམ་ཉམས་ཆད་པ་གཅོད་པར་བྱེད། །དུས་ཀྱི་སྙིགས་མ་འབྱུང་བའི་ཚེ། །སྔགས་པའི་བསྟན་པ་ནུབ་པ་དང་། །དྲག་སྔགས་འདི་ཡིས་བསྟན་པ་བསྲུང་། །དུས་ངན་ཐ་མ་བྱུང་ཙམ་ན། །མཁའ་འགྲོ་མ་ཡི་དམོད་པ་འདི། །འགལ་བ་ཆམ་ལ་འབེབས་པའི་ཕྱིར། །དད་ལྡན་སྐྱེས་བུ་གཅིག་དང་འཕྲད། །སྐལ་མེད་རྣམས་ལ་བྱིན་ན་དམ་ཚིག་ཉམས། །དུས་ངན་ཐ་མའི་དོན་ཆེད་དུ། །བསྟན་སྲུང་རྒྱལ་པོ་ཆེན་པོའདིས། །ལས་རྣམས་ཐམས་ཅད་འགྲུབ་པར་བྱེད། །སྤུ་གྲི་ལྟ་བུའི་དྲག་སྔགས་འད། །སྤེལ་ན་མཁའ་འགྲའ་ཆད་པ་འོང་། །ཕུང་སྲ་དམ་ལ་མ་གནས་པ། ཁ་ལ་ཆོས་མིན་ང་རྒྱལ་ཅན། །ཆོས་དང་མི་ལྡན་རྒྱུད་འདི་སྦ། །དམ་ལ་གནས་ཤིང་ཚུལ་འཆོས་མེད། །བྱང་ཆུབ་སྲོག་བཞིན་འཚོ་བར་བྱེད། །ཀུན་གྱི་སྙིང་དུ་དེ་སྡུག་སྟེ། །གཅིག་ནས་གཉིས་ལས་མ་སྤེལ་ཅིག །བྱང་ཆུབ་སེམས་དཔའ་ཆེན་པོ་ཉོན། །ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ལ། །བསྟན་སྲུང་བརྒྱད་ཁྲི་བཞི་སྟོང་ཡོད། །ཕྱི་སྲུང་བསྙེན་བསྒྲུབ་ལས་དང་གསུམ་དུ་བསྟན་པ་ཡིན། །ནང་ལ་དྲིལ་བའི་དྲག་སྔགས་ཡིན། །གསང་བ་རྒོད་དུ་ཕྱུང་བ་འདི་ཡིན་པས། །དུག་ལྔ་འདྲ་བའི་ངན་སྔགས་འདི། །དགྲ་དང་བགེགས་སྩོགས་བར་གཅོད་བྱེད། །ཆམ་ལ་དབབ་ཕྱིར་བཟླ་ལུགས་ཀྱང་། །ཆོས་ཉིད་དོན་གྱི་བཟླས་པ་དང་། སྙིང་པོ་འཕྲོ་འདུ་དུག་སྦྱོར་བཟླས་པ་དང་། ཁམས་གསུམ་ཡོངས་སྒྲོལ་བཟླས་པ་དང་། །དཀྱིལ་འཁོར་ལྷ་ཡི་བཟླས་པ་དང་། །བསྙེན་བསྒྲུབ་ལས་ཀྱི་བཟླས་པ་དང་། །ངན་སྔགས་སྐྲུ་གྲི་སོ་སྡེབས་བཟླས་པ་དང་། །སྔགས་རྒོད་ཐོག་འདྲའི་བཟླས་པ་དང་། །ངན་སྔགས་མདའ་འདྲའི་བཟླས་པ་དང་། །ཕྲ་མེན་མེ་འདྲའི་བཟླས་པའོ། །ཀུན་ཀྱང་གཅིག་ལ་ཤེས་གྱུར་ན། །ཐམས་ཅད་འདུས་པའི་རྩ་བ་ཡིན །ཆོས་ཉིད་ཀློང་གི་བཟླས་པ་ཉི་མའི་འོད་ལྟར་བཟླས། །བྱང་ཆུབ་བསྒྲུབ་དང་ལམ་ཆེན་དུ། །ཆོས་ཉིད་དོན་གྱི་བཟླས་པ་བྱ། །ཞེས་གསུངས་སོ། །ཐལ་བ་ནག་པོའི་རྒྱུད་ལས།ངལེསྟེ་་དེ་ངསེགིངགིཇིཞེ་གདམས་པ་ངན་སྔགས་ཀྱ་ འུ་ ་བཅ་ལྔ་པའ།། །། ་ནས་ལངས་སྐུའ་ཀུན་བཟང་ལ། །བྱང་ཆུབ་ མས་དཔའ་ཀུན་བཟང་ ས། །རྒྱུད་འད་བདག་ ས་ ་ལྟར ས་ཞུས་ཏ།་ང་་ང་་སྲེ་སྲེཆེན་འིཚོ་འིབདུན་རྣམ་དག་བརྗད་ནས་ཞུས་པ། རྒྱུད་ཀྱ་རྒྱལ་པ་ཐལ་བ་ནག་པ་འད། ཁམས་གསུམ་འཁར་བ་ར་བ ག་པས། །ར་བ ག་ ་པ ་རྒྱུད་དུ་ཟུང་། །ངན་ཐབས་ལས་ གས་བསྟན་པས་ན། །ཐལ་བ་ནག་པ ་རྒྱུད་དུ་ཟུང་། །སྐུ་གསུམ་རང་སྣང་ངོ་སྤྲད་པས། །དམར་བྱང་ཆེན་པོའི་རྒྱུད་དུ་ཟུང་། །ཞེས་གསུངས་པས། བྱང་ཆུབ་སེམས་དཔའ་ཀུན་ཏུ་བཟང་པོ་རྗེས་སུ་ཡི་རང་ངོ་ ཐལ་བ་ནག་པོའི་རྒྱུད་ལས། གཏད་པ་དང་རྗ ང་བའི་ལེའུ་སྟེ་བཅུ་དྲུག་པའོ།། །།ཐལ་བ་ནག་པོའི་རྒྱུད་རྫོགས་སོ།། །།