འཁྲུལ་ཞིག་སེང་གེ་རྒྱབ་པའི་རྣམ་ཐར

From Rangjung Yeshe Wiki Texts
LONGCHENPA-PECIN-04-NGA-013
Jump to navigation Jump to search

ཆོས་བདག་གུ་རུ་ཇོ་འབེར་གྱི་རྣམ་ཐར klong chen rab 'byams kyi gsung 'bum (pe cin 2009)· Volume 4(NGA) གྲུབ་ཐོབ་མེ་ལོང་རྡོ་རྗེའི་རྣམ་ཐར་དྲི་ལོག་མ

Title འཁྲུལ་ཞིག་སེང་གེ་རྒྱབ་པའི་རྣམ་ཐར
Wylie 'khrul zhig seng ge rgyab pa'i rnam thar


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 4(NGA), text 13, pages 161–164 (BDRC scan pages)
Section snying thig ya bzhi › bi ma snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.1.4.15
Citation Klong chen rab 'byams pa. 'khrul zhig seng+ge rgyab pa'i rnam thar. In Kun mkhyen klong chen rab 'byams kyi gsung 'bum, vol. 4, pp. 161–164. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །འཁྲུལ་ཞིག་སེང་གེ་རྒྱབ་པའི་རྣམ་ཐར་བཞུགས།ན་མོ་གུ་རུ་བྷྱཿ ། ཨེ་མ་«ངོ་མཚར་»ཆོས་ཉིད་«ཐེག་དགུའི་»མཁའ་ལ་ཐུགས་རྗེའི་«སྐལ་ལྡན་ཕོ་མོ་ལ་»ཉི་འོད་ཤར། །«རྗེས་འཇུག་གི་»མ་རིག་ལིང་ཐོག་སྐྱེ་མེད་མཁའ་ལ་ཡལ། ། «ཀུན་ལ་»འཛིན་མེད་སྤྲོས་བྲལ་«ཆོས་ཀྱི་»དབྱིངས་སུ་«རོ་གཅིག་»མཉམ་ཉིད་པའི། །«རེ་ས་»འགྲོ་མགོན་«དྲིན་ཅན་»བླ་མ་རྣམས་ལ་«གུས་པས་»ཕྱག་འཚལ་བསྟོད། །ཨོཾ་ཨཱཿཧཱུྃ། «བདེ་བར་གཤེགས་པ་ཐམས་ཅད་ཀྱི་སྐུ་གསུང་ཐུགས། »འཁྲུལ«་རྗེས་འཇུག་གི་དོན་དུ་མེ་ལོང་རྡོ་རྗེས་ཞུས་པ་»ཞིག་བླ་མའི་ལོ་རྒྱུས་ཟུར་ཙམ་ནི། །ཡུལ་ལ་ཁྱད་འཕགས་གཡོ་རུ་གྲྭ་ཡི་ནང༌། །«ཡབ་ཤངས་པའི་རྣལ་འབྱོར་པ་བཟང་པོ་ཡིན་སྐད»་ཡབ་«ཡུམ་སོ་བ་འབྲང་དུ་»ཡུམ་བཀྲ་ཤིས་དངོས་གྲུབ་གཉིས་ཀྱི་སྲས། །« »སྐུ་འཁྲུངས་ངོ་མཚར་རྟགས«་»ལྡན་«ཉི་མ་ཤར་བ་དང་རི་རྩེ་ལ་ཕྱིན་པ་དང་འཇའ་ཡིས་བསྐོར་བ»་ཀུན་རྣམས་མོས། །«སྐྱེ་བ་»སྔོན་དུ་ཆོས་ཀྱི་འབྲེལ་པས་ལས་འཕྲོ་སད་«པས་འདིར་བླ་མ་བཟང་པོའི་དབོན་པོར་འཁྲུངས»། །ལོ་དགུའི་«བླ་མ་ཀུན་ལ་»དུས་སུ་གསོལ་འདེབས་མོས་གུས་«སྲོད་ཐོ་རངས་སུ་»བསྐྱངས། །ལོ་བཅུ་ལོན་ནས་ངེས་འབྱུང་དད་པ་«ཐུན་མོང་མ་ཡིན་པ»་སྐྱེས། །འཇིག་རྟེན་ཚེ་འདི«འི་ཕྱོགས་སུ་གཏོང་རི་དབུ་སྙུང་བཞེས་»དག་ལ་བློ་མ་ཞུགས། །«བྱས་པ་»ཐམས་ཅད་འཇིག་པའི་ཆོས་ཅན་«མིག་ཅེར་རེ་»མི་བདེན་རྫུན། །སྒྱུ་མ་ལྟ་བུར«་སངས་རྒྱས་ཀྱིས་མདོ་རྒྱུད་རྣམས་སུ་»གསུངས་ནས་འདུག་པ་ལ། །«མ་རྟོགས་པ་འདི་རྣམས་»བདེན་བདེན་རྟག་རྟག་འདྲ་བ་འདི་ལྟ་བུ། །«འཁོར་བ་འདི་ལ་»སེམས་ཤིང་འཇིགས་པས་ཤུམ་ཤུམ་ཟིང་ཟིང«་སྐུ་ལུས་ཀྱི་སྤུ་»བྱས། །བཅུ་གཉིས་ལོན་དུས་«མི་ལ་གུས་པའི་བཟའ་བཅའ་ལ་མཐོ་འགྲོགས་བྱས་པ་»གཞན་གྱི་སྤྱོད་པ་ལ། །ཐུགས་མུག་སྐྱོ་བ་དྲག་པོ་«ཡུལ་མི་སྐྱེས་བ་དེ་རྣམས་»གཏིང་ནས་སྐྱེས། །«དུས་དེ་ན་»མཐོ་འགྲོགས་ཁྱད་གསོད་མི་བྱེད་དམ་བཅའ་མཛད་«པས་མཐར་འཁྱོལ«།» «།»བཅུ་གསུམ་ལོན་ཚེ་མཚན་ལྟས་«མནལ་ལམ་ཆུ་མིག་གཙང་མ་རྡོལ་བ་དང་ཉི་མ་ཤར་བ་ཟླ་བ་ཤར་བ་སོགས་ལྟས་བཟང་པོ་བྱུང་»ལུང་བསྟན་ནི། །ཐུགས་རྗེ་ཆེན་པོས་མཛད་ཅིང་«དེའི་དུས་སུ་»རྫོགས་ཆེན་གཏད། །སྤྱན་རས་གཟིགས་ཀྱིས་བྱིན་བརླབས་ཐུགས་རྗེ་དེས། །ངན་ཞིང«་མི་གང་»དབུལ་ཞིང་«སྤྲང་པོ་དང་ངན་ལོང་»ཤིག་དང་འཇི་བ་«རྣམས་»ལ། །སྙིང་རྗེས་མ་བཟོད་«དུས་རྒྱུན་དུ་»སྐྱོང་བའི་དམ་བཅའ་མཛད་«པ་མཐར་ཡང་འཁྱོལ་བ་ཡིན»།« »།བཅོ་བརྒྱད་ལོན་ཚེ་«འཁོར་འདས་སྣང་སྲིད་ཀྱིས་བསྡུས་སྣང་བ་ཐམས་ཅད་»བདེན་མེད་ཁོང་དུ་ཆུད་«སྣང་བ་ལ་གཟིགས»། །གཏད་མེད་སྨྱོན་པའི་སྤྱོད་པས་«བྲང་དང་བརླ་དང་ཚང་ར་ལ་ཁྱད་མེད་པར་རྟོགས་པའི་སྒོ་ནས་སྐབས་སུ་བྲང་ཨན་རེ་བརྡུངས་ཡང་དུས་གཅིག་གི་ཚེ་ཨ་མ་ན་རེ་ཁྱོད་ཀྱིས་གསོལ་མཆོད་གྱིས་ཟེར་ནས་ཟན་གཡག་གཏད་པ་རྒྱལ་པོ་མཆོད་བསེན་མོ་མཆོད་བྱས་པས་ཁྱོད་འདྲའི་བུ་འོང་བ་སྐྱེ་བ་ཟེར་»མི་སྣང་བཟློག །སེམས་ཀྱིས་སེམས་བལྟས་དངོས་མེད་སྟོང་«»པར་«ཆོས་ཐམས་ཅད་སྟོང་པ་ཉིད་དུ་ངེས་»གོ །མཐའ་«བཞི་་མུ་»བྲལ་སྙིང་པོའི་དོན་དེ་ཁོང་དུ་ཆུད་«པར་བྱུང་»། །དགུང་ལོ་ཉི་ཤུ་«རྩ་ལྔ་ཟེར་»ལོན་ནས་«ཚེ་འདིའི་བྱ་བ་གློས་བཏང་ནས་»ཆོས་ལ་བྲོས། །ལེ་འུ་སྒང་«པའི་མཁན་པོ་»དང་བཀྲ་ཤིས་སྒང་པ་«བ་སྟེ་མཁན་སློབ་གཉིས་པོ་»ཡིས། །«བདག་གི་»མཁན་སློབ་མཛད་དེ་བསྟན་«ཐུབ་པའི་བསྟན་པ་»ལ་རབ་ཏུ་བྱུང«་བ་བྱས་སོ»། །དམ་«པའི་»ཆོས་འདུལ་བའི་«བསྲུང་བྱ་དང་བསླབ་བྱའི་དོན་»བསླབ་པ་ལེགས་པར«་ལུང་»ནོས། །དེ་ནས་«དྲིན་ཅན་»བླ་མའི་སྤྱན་སྔར་བྱོན་ཏེ་«སེང་གེ་རྒྱབ་ཏུ་»བཞུགས་«ནས་ཆོས་སྒོ་ཕྱེས»།« »།གཏིང་ཕྱུང་དབང་ནས་ཁྲིད་«ཞང་མཚལ་པའི་ཆོས་སྐོར»་རྣམས་རྫོགས་པར་ཞུས། །ཡུལ་«དེ་ནས་»ཞིང་བརྩོང་ནས་འཁོར་གསུམ་དག་པར་བྱས། །མཁན་སློབ་ཉི་ཟླ་ཟུང་གཅིག་རྩ་རི་བ་«རྗེ་བཙུན་མ་དང༌། ཀ་རི་ཀ་དང༌། བེང་རྣམས་ཞུས། སེངྒེ་མཇིང་བསྣོལ་ཞུས»། །རས་པ་དྲི་«རས་ཆུང་པའི་ཨ་ཐུང༌། ཞི་བྱེད་སྤྱོད་སྐབས་དང་པོ་དང་འབྲིང་པོ་ཤོག་དྲིལ་བཞི་འཕོ་བ་སྤྱི་རྟོལ་མ་གསེར་སྲང་མ། དང་པོའི་སྒྲུབ་པ་དང་པོ་ལུགས་»མེད་ལྷ་རི་དཔལ་དང་ནི། །སྤྲུལ་སྐུ་གཞོན་འབུམ་སྟོན་ཕྱར་བྱང་«གཏུམ་མོ་གསང་སྒྲུབ་»ཡོན་དང༌། །མཁས་བཙུན་ཁྱད་འཕགས་སློབ་དཔོན་ཇོ་སྲས་«བདེ་མཆོག་ནམ་མཁའ་དང་མཉམ་པ་དང༌། ཆོས་སྐྱོང་»རྣམས་«ཞུས»།« »།མྱུར་ཟབ་གདམས་པའི་གནད་ཞུས་བླ་མ་བརྒྱད། །«ཆོས་བདག་གུ་རུ་ཇོ་འབེར་ཀྱི་ཐུགས་ཀྱིས་བཟུང་ནས་»ཁྱད་འཕགས་གུ་རུ་གཙུག་གི་རྒྱན་གཅིག་པོ། །དབང་«རྫོགས་པ་ཆེན་པོ་སྙིང་ཏིག་ཡོངས་སུ་»རྫོགས་མན་ངག་དཔེ་རྒྱུད་རྗེས་གནང་«བཅས་«མ་ལུས་པ་དང་»།« »། གསང«་དེ་ལྟར་གསང་བ་»བ་སྙིང་ཏིག་རྒྱལ་བའི་དགོངས་པ་སྟེ། །«ཚུལ་ཇི་ལྟར་གསུངས་ན་»ཡིད་དཔྱོད་ཚིག་ལ་མ་བརྟེན་མངོན་སུམ་དུ། །མཐའ་བྲལ་ནམ་མཁའི་མཐོང་ནས་འོད་ཟེར་འཕྲོ། །ཞི་ཁྲོ་རང་གསལ་བསྟན་པའི་དྲིན་ཅན་ལགས། །ལར་ནི«་ཚེ་འདིའི་»ཆེ་དག་སྤངས་ཏེ་དམན་ས་«རྒྱུན་དུ་»བཟུང༌། །སྒྲུབ་པ་«མཆོག་གི་»མྱུར་«དུས་རྒྱུན་དུ་»བླངས་རི་ཁྲོད་དབེན་ས་བརྟེན་«ཞང་གི་བཞུགས་གནས་ཁྲོ་བོ་མ་དང་»།« »།ཆེ་འབྲེལ་«ཚེ་འདི་ལ་སངས་རྒྱ་»ཆུང་འབྲེལ་སྙིང་པོའི་«ཐབས་རྡུགས་ཀྱང་སྤྲུལ་སྐུའི་ཞིང་»དོན་དང་སྤྲད། །«ཞེ་འདོད་མེད་པའི་གནད་»འགྱོད་པ་མེད་དོ་རྗེས་«བུ་སློབ་རྣམས་»འཇུག་གོ་བ་ལོང༌། །«དུས་ངན་སེམས་ཅན་ལ་»སྐྱོ་ཤས་ཡི་«ཚེ་འདི་པ་རྣམས་»མུག་ལམ་ཁྱེར་ཞིང་ཁམས་བལྟ། །«སྣང་བ་མི་བསྟུན་ཐིག་ལེ་»འདི་ལ་གོམས་པ་སུ་བྱེད་ང་དང་གཅིག །«ངུས་གསུམ་གྱི་»སངས་རྒྱས་«ཐམས་ཅད་ཀྱི་»ཡོན་ཏན་རྫོགས་ཏེ་«སྐུ་གདུང་འབར་བ་ནས་གསུངས་པ་བཞིན་ཆོས་ཟད་ཀ་དག་ཏུ»་ཨ་ཏིའི་ངང༌། །ཨ«་ཡེ་ཇི་བཞིན་པ་»ཀྱེ་མ་འཁྲུལ་ཞིག་དྲིན་ཅན་སངས་རྒྱས་དབོན་པོ་ཀྱེ། དྲེད་པོ་གནོང་བའི་གདུང་ཤུགས་འོ་དོད་«དུས་རྒྱུན་དུ་»འབོད། །«བརྒྱུད་པའི་»བླ་མའི་བླ་མ་དྲིན་ཅན་«འཁྲུལ་ཞིག་»རིན་པོ་ཆེ། མི་ལུས་སྙིང་པོའི་དོན་ཅན་«གོང་མ་ལ་ལྟོས་ནས་»དོང་དུ་ལྷུང༌། །«བླ་མ་དང་»འབྲལ་«»མེད་ཐུགས་རྗེའི་ཐག་པ་«དུས་»རྒྱུན་དུ་ཐོངས། །ཐེག་ཆེན་«སྔགས་གསར་རྙིང་གཉིས་ཀ་»ཞིང་ལ་ཉམས་ལེན་ཐན་པ་བྱུང༌། །«བླ་མ་རྣམས་ལ་»མོས་གུས་བྱས་སོ་བྱིན་བརླབས་ཆུ་རྒྱུན་ཕོབས། «»།«ལེ་ལོ་ཅན་»སྙིང«་»མེད་པོ་ཡིས་ཉམས་ལེན་«ཟླ་བ་ཕྱི་མ་དང་སང་ཕོད་དུ་»ཕྱི་བཤོལ་བྱས། །ཉམས་«མཆོག་ཐུན་མོང་»རྟོགས་གློ་བུར་«རྐྱེན་ཅི་ལ་ཡང་བརྟེན་ནས་གཏད་མེད་དུ་»སྟོན་ཅིག་རྩ་བ་«བླ་མ་ཡི་དམ་མཁའ་འགྲོ་»གསུམ། །འཁྲུལ་ཞིག་སེང་གེ་རྒྱབ་པའི་རྣམ་ཐར་རྫོགས་སོ།། །།དགེའོ། །

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).