Ngb-pt-0953-vol-10-text
Front[edit]
Body[edit]
པ་རྫོགས་སོ། །ཡང་ཏི་ནག་པོའི་འ་་གཅིག་པ་བཞྭགས་སོ། །༄་། །རྒྱ་གར་སྐད་དུ། ཤི་མན་ཛུ་ཏན་ཏྲ་དུ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོའདི་སྐད་བདག་གིས་ཐོས་པ་དུས་གསྐྱུག་ན། འོག་མིན་དུ་ནི་བཞུགས་ནས་ནི། །སངས་རྒྱས་སེམས་ཅན་རྒྱབ་གྱེས་དུས། །འཁོར་གྱི་རྡོ་རྗེ་སེམས་དཔའ་ལ། །ཡང་ཏི་ནག་པོའི་བསྟན་པ་ཤར། ། བསྡུད་བྱེད་རོ་ལངས་བདེ་བས་བསྡུས། །གླེང་གཞིའི་ལེའུ་སྟེ་དང་པོའོ།། །།དེ་ནས་རྡོ་རྗེ་སེམས་དཔའ་ཡིས། །ཀྱེ་སྟོན་པ་ཀུན་ཏུ་བཟང་པོ་ལགས། །རྫོགས་པ་ཆེན་པོའི་དོན་ཆེན་ལ། །དབང་ལ་བསྐུར་བའི་དོན་རྣམས་དང་། །ལམ་སྦྱངས་བགྲོད་ཚོགས་བསགས་པ་དང་། །སྒྲིབ་སྦྱང་དམ་ཚིག་དཀྱིལ་འཁོར་དང་། །ལྷ་སྒོམ་སྔགས་བཟླས་ཏིང་འཛིན་དང་། །སྤྱིན་དང་ཚུལ་ཁྲིམས་སྨོན་ལམ་དང་། །དེ་རྣམས་དོན་ཀྱང་བཤད་དུ་གསོལ། །ཅེས་ཞུས་སོ། །འཇམ་དཔལ་འདུས་པའི་རྒྱུད་ལས། །ཞུས་པའི་ལེའུ་སྟེ་གཉིས་པའོ།། ༑ །།ཀུན་ཏུ་བཟང་པོས་བཀའ་སྩལ་པས། །ཉོན་ཅིག་རྡོ་རྗེ་སེམས་དཔའ་ཆེ། །དབང་ལ་བསྐུར་མི་དགོས་པ་ནི། །བུམ་པ་ཐབས་དང་གསང་དབང་དང་། །ཚིག་གི་དབང་དུ་ཐམས་ཅད་འདུས། །རང་ལུས་བུམ་པར་ཤེས་པ་ནི། །དེ་ནི་དབང་བསྐུར་དང་པོ་ཡིན། །རིག་སྣང་གཉིས་སུ་སྦྱོར་བ་ནི། །དེ་ནི་དབང་མཆོག་གཉིས་པ་ཡིན། །ཡེ་ཤེས་སྐུའི་དོན་ཆོད་པས། །དེ་ནི་དབང་བསྐུར་གསུམ་པ་ཡིན། །ཚིག་རྣམས་ཐམས་ཅད་དོན་ལ་བསྡུས། །དེ་ནི་དབང་བསྐུར་བཞི་པ་ཡིན། །དབང་རྫས་རང་ལ་རབ་རྫོགས་པས། ། སྣང་བ་རྫས་ཀྱི་ཁར་མ་ལུས། །ཅེས་གསུངས་སོ། །འཇམ་དཔལ་འ་ས་པའེ་རྒྱུད་ལས། །དབང་གི་ལེའུ་སྟེ་གསུམ་པའོ།། །།ལམ་སྤྲང་མི་དགོས་པའི་དོན་འདིའོ། །འབྱུང་བ་ལྔ་ལ་ལོངས་སྤྱད་པས། །དེ་ནི་ཚོགས་ཀྱི་ལམ་པའོ། །དེ་ཉིད་འོད་གསལ་ཉིད་དུ་ཤར། །དེ་ནི་མཐོང་པའི་ལམ་པ་ཡིན། །གཉིས་སྣང་མེད་པའི་ཡེ་ཤེས་གསལ། །དེ་ནི་སྦྱོར་བའི་ལམ་པ་ཡིན། །དེ་ཉིད་རིག་པ་རང་ཡིན་པས། །དེ་ནི་སྒོམ་པའི་ལམ་པའོ། ། དེ་རྣམས་གཉིས་སུ་མེད་པར་གནས། །དེ་ནི་མཐར་ཕྱིན་ལམ་པའོ། །ཅེས་གསུངས་སོ། །འཇམ་དཔལ་འདུས་པའི་རྒྱུད་ལས། །ལམ་གྱི་ལེའུ་སྟེ་བཞི་པའོ།། །།ས་རྣམས་མི་བགྲོད་དོན་འདིའོ། །ས་རྣམས་མི་བགྲོད་རང་ལ་རྫོགས། །མཉམ་པར་ཤེས་ནས་ས་རྣམས་ཀུན་དང་མཉམ། །བགྲོད་མེད་དོན་ལ་གང་གནས་པ། །དེ་ནི་ས་རྣམས་ནོན་པ་སྟེ། །གང་ཞིགས་རྣམས་བགྲོད་འདོད་པ། །ཕྱིན་པའི་དྭས་མེད་ནོན་པའི་ཐབས་མེད་ཏེ། །དཔེར་ན་རི་དྭགས་སྨིག་རྒྱུ་སྙེགས་དང་མཚུངས། །ཞེས་གསུངས་སོ། །འཇམ་དཔལ་འདུས་པའི་རྒྱད་ལས། །སའི་ལེའུ་སྟེ་ལྔ་པའོ།། །།ཚོགས་རྣམས་མི་སོག་དོན་འདིའོ། །ཚོ་གས་སོག་དོན་ལ་རྣམ་གཉིས་ཏེ། ་།འི་ཚོགས་དང་འབྲས་བུའོ། ་།་ནི་ཐིག་ལེ་ལྷུན་གྲབ་པལ། །འབྲས་བུ་ཐམས་ཅད་མཁྱེན་པ་ཡེ་ཤིས་སོ། །གཉིས་སུ་མེད་པའི་ཆོས་སྐུ་ལ། །ཚོགས་ཉིད་རྣམ་པ་གཉིས་རྫོགས་པས། །ཛོགས་རྣམས་མི་སོག་ཡེ་ནས་རྫོགས། །གཉིས་སྣང་མེད་པས་བསག་ཏུ་མེད། །་ས་གསུངས་སོ། །འཇམ་དཔལ་འདུས་པའི་རྒྱུད་ལས། །ཚོགས་ཀྱི་ལེའུ་སྟེ་དྲུག་པའོ།། །།སྣྲིབ་པ་སྦྱང་བའི་དོན་འདིཇོ། །སྒྲིབ་པ་ལ་ཡང་རྣམ་བཞི་སྟེ། །རིག་པ་སྤྲུལ་པའི་སྐུར་གྲུབ་པས། ཁོ།ས་བྱའི་སྒྲིབ་པ་དེ་ལ་མེད། །སྣང་པ་རང་སྣང་ལོང་སྐུ་ལ། །ཉོན་མོངས་སྒྲིབ་པ་སྦྱང་དུ་མེད། །གཉིས་སྣང་མེད་པའི་ཐག་ལེ་ལ། །ལས་ཀྱི་སྒྲིབ་པ་སྦང་དུ་མེད། །ཆགས་པ་རང་འབྱུང་ཡེ་ཤེས་ལ། །བག་ཆགས་སྒྲིབ་པ་སྦྱང་དུ་མེད། །ཐམས་ཅད་ཐིག་ལེ་ཆོས་སྐུ་ལ། །སྒྲིབ་པ་བཞི་པོ་གང་དུ་སྦྱང་། །སྦྱང་བའི་ས་དང་སྦྱང་བའི་རྒྱུ། །གཉིས་སྤྱོད་ཕྱིར་ན་ཡང་ཏི་མིན། ་།ཛེ་སྙེད་ཐེག་པ་འོག་མར་གོལ། །གོལ་ས་བཅད་ཕྱིར་དོན་འདི་བསྟན། །ཅེས་གསུངས་སོ། །འཇམ་དཔལ་འདུས་པའི་རྒྱུད་ལས། །སྒྲིབ་པ་སྦྱང་བའི་ལེའུ་སྟེ་བདུན་པའོ།། །།དམ་ཚིག་བསྲུང་དུ་མེད་པའི་དོན་འདིའོ། ། ཆོས་སྐུ་ཁྱབ་པས་ཅིག་པའི་ཕྱིར། །བསྲུང་བའི་དམ་ཚིག་ས་མ་ཡ། །འབུམ་སྡེ་བཀོད་པའི་ཚིག་ཡིན་ཏེ། །ཚིག་ལ་མི་རྟེན་རང་བྱུང་བས། །དེ་རྣམས་ཐིག་ལེར་འས་བས་ན། །ཐམས་ཅད་བསྲུངས་བྱ་གང་ཡང་མེད། ། བསྲུང་བྱ་བསྲུང་བྱེད་གཉིས་བྱུང་ན། །དེ་ནི་ཡང་ཏི་ནག་པོ་མིན། །ཡུལ་དང་ཡུལ་ཅན་ཡིན་པའི་ཕྱིར། །ཐེག་པ་འོག་མའི་ཁྱུ་རུ་གོལ། །དེ་ཕྱིར་ཡེ་སྲུངས་དོན་འདི་སྟན། །ཞེས་གསུངས་སོ། །འཇམ་དཔལ་འདུས་པའི་རྒྱུད་ལས། །དམ་ཚིག་བསྲུང་བའི་ལེའུ་སྟེ་བརྒྱད་པའོ།། །།དཀྱིལ་འཁོར་བསྐྱེད་དུ་མེད་པའི་དོན་འདིའོ། །ལྟེ་བ་མུ་་ད་འཁོར་ལོ་འཕགས། །ཟླ་ཁམ་རིན་ཆིན་ཟུར་གསུམ་རྣམས། །རང་ལས་སྣང་པ་ཕྱིར་དུ་ ཤར། །དེ་ལ་དམ་པར་འཛིན་པ་ནི། །ཐེག་པ་འོག་མའི་འདོད་གཞུང་ངོ་། །ཡང་ཏི་ནག་པོ་འདི་ལྟར་འདོད། །ཕྱིའི་དཀྱིལ་འཁོར་རང་སྣང་ཡིན། །ནང་གི་དཀྱིལ་འཁོར་རང་བྱུང་ཡིན། །གསང་བའི་དཀྱིལ་འཁོར་གཉིས་མེད་ཡིན། །ཡང་ཏིའི་དཀྱིལ་འཁོར་བསྟན་པ་ནི། །ཐམས་ཅད་ཡེ་ནས་སངས་རྒྱས་ཡིན། །ཡིན་པར་ཤེས་པས་བསྐྱེད་དུ་མེད། །ཅེས་གསུངས་སོ། །འཇམ་དཔལ་འདུས་པའི་རྒྱུད་ལས། །ཡང་ཏི་ནག་པོའི་དཀྱིལ་འཁོར་གྱི་ལེའུ་སྟེ་དགུ་པའོ།། ༑ །།ལྷ་ལ་སྒོམ་དུ་མེད་པའི་དོན་བསྟན་པ། །དབྱིངས་ཕྱུག་ལ་སོགས་ཡུམ་རྣམས་ནི། །རང་སྣང་ཡུལ་དུ་བཟུང་བས་འཁྲུལ། །ཧེ་རུ་ཀ་སོགས་ཡབ་རྣམས་ནི། །རང་ཤར་རྟགས་ཏེ་ཡབ་ཏུ་བཟུང་།ཐུགས་ལས་སྐྱེས་པའི་སྲས་མཆོག་ནི། །ཡབ་ཀྱི་རང་བྱུང་ཆ་ལས་བཟུང་། །དེའི་ཡུམ་རྣམས་ཐམས་ཅད་ཀྱིས། །ཡུམ་གྱི་སྣང་བའི་ཆ་ལས་བཟུང་། །གཉིས་མེད་ཟེར་གྱིས་གཉིས་སུ་སྒྲབ། །དེས་ན་སྒྲུབ་པའི་གོལ་ས་ཡིན། །ཡང་ཏི་ནག་པོའི་ལྷ་སྒོམ་ནི། །རིག་པའི་ཡེ་ཤེས་ཐམས་ཅད་ལྷ། །རིག་པའི་ལྷ་ལ་མདུན་རྒྱབ་མེད། །ཡབ་ཡུམ་གཉིས་སུ་ཕྱི་ནང་མེད། །ཕྱི་ནང་མེད་པའི་ཐིག་ལེའོ། །དེ་ཡི་རྡོ་ན་ནི་དཀྱིལ་འཁོར་ཡིན། །ཞེས་གསུངས་སོ། །འཇམ་དཔལ་འ་ས་པའི་རྒྱུད་ལས། །ལྷ་སྒོམ་པའི་ལེའུ་སྟེ་བཅུ་པའོ།། །།གསང་སྔགས་བཟླས་སུ་མེད་པ་ནི། །མི་གསུང་མཉམ་པར་ཤེས་པ་ནི། །དེ་ནི་སྔགས་ཀྱི་ཏིང་འཛིན་ཡིན། །ཐིག་ལེ་གཅིག་ཏུ་གནས་པ་ནི། །དེ་ནི་སྔགས་ཀྱི་འཕྲོ་འདུའོ། །ཐམས་ཅད་མཁྱེན་པའི་ཡེ་ཤེས་ཤར། །དེ་ནི་སྔགས་ཀྱི་གྲངས་ཚད་དོ། །ལྷུན་གྱིས་གྲུབ་ནས་རང་ལ་རྫོགས། །དེ་ནི་སྔགས་ཀྱི་འབྲས་བུའོ། ། ཟླས་པའི་དུས་དང་གྲངས་རྣམས་དང་། །དངོས་གྲུབ་གཞན་ནས་རེ་བ་ནི། །དེ་ནི་ཡང་ཏི་ནག་པོ་མིན། །བརྗོད་མེད་དོན་ལ་གང་གནས་པ། །གསང་སྔགས་ཀུན་གྱི་བདག་པོའི་མཆོག །ཅེས་གསུངས་སོ། །འཇམ་དཔལ་འདུས་པའི་རྒྱུད་ལས། །སྔགས་བཟླས་པའི་ལེའུ་སྟེ་བཅུ་གཅིག་པའོ།། །།སྨོན་ལམ་གདབ་ཏུ་མེད་པ་ནི། །ཐམས་ཅད་ཡང་ཏི་ནག་པོ་ལ། ་གོས་པར་ཡུལ་བརྗོད་ག་ལ་ཡོདྭ །ཐམས་ཅད་བཀྲ་ཤིས་ཆེན་པོ་ཡིན། །ཡེ་ནས་ཤིས་པའི་འདུག་ཚུལ་ལ། །ད་བརྡོདཤིས་པ་བརྗོད་མི་དགོས། །ཡེ་ནས་ལྷུན་གྲུབ་ཆོས་སྐུ་ལ། །ད་ལྟ་སྨོན་ལམ་གབ་ཏུ་མེད། །ཡིན་ཕྱིར་སྨོན་ལམ་གདབ་མི་དགོས། །མིན་པར་བཏབ་བས་དགོས་པ་མེད། །ཅི་སྟེ་ནམ་མཁའི་མེ་ཏོག་འདྲ། །ཞེས་གསུངས་སོ། །འཇམ་དཔལ་འདུས་པའི་རྒྱུད་ལས། །སྨོན་ལམ་དང་ཤིས་པ་བརྗོད་མེད་བསྟན་པའི་ལེའུ་སྟེ་བཅུ་གཉིས་པའོ།། །།ཚུལ་ཁྲིམས་བསྲུང་དུ་མེད་པའི་དོན་བསྟན་པ། །ཚུལ་ཁྲིམས་དུས་རྣམས་ཐམས་ཅད་དུ། །མ་སྲུང་མ་ཉམས་ཡེ་ནས་སྲུངས། །ཡེ་སྲུངས་གདེང་་དང་ལྡན་པ་ལ། ད་བསྲུངས་ཞེས་ནི་གང་འཆད་པ། །དེ་ནི་ཉན་ཐོས་སྡེ་པར་གོལ། ། ཡང་ཏི་ནག་པོའི་ཚུལ་ཁྲིམས་ནི། །ལྷུན་གྲུབ་ཐིག་ལེ་ཆོས་སྐུ་ལ། །སྲུང་དུ་མེད་སྣང་མེད་པའི་ཕྱིར། །ཐམས་ཅད་ཡེ་སྲུངས་ཆེན་པོར་འདུག །དེ་ནི་ཚུལ་ཁྲིམས་ཆེན་པོ་ཡིན། །དམ་ཚིག་ཆེན་པོ་དེ་ཡིན་ནོ། །ཞེས་གསུངས་སོ། །འཇམ་དཔལ་འདྭས་པའི་རྒྱུད་ལས། །ཚུལ་ཁྲིམས་དང་དམ་ཚིག་བསྲུངས་པའི་ལེའུ་སྟེ་བཅུ་གསུམ་པའོ།། །།སྤྱིན་པ་སྤྱིན་ས་མེད་པར་བསྟན་པ་ནི། །སྤྱིན་པ་ཀུན་གྱི་རྩ་བ་ནི། །སྣང་བ་འོད་གསལ་དོན་རྟོགས་པས། །ལོངས་སྐུའི་སྤྱིན་པ་ཆེན་པོ་ཐོངས། །རིག་པ་རང་བྱུང་སྤྲུལ་སྐུ་ལ། །སྦྱིན་པ་ལེན་པའི་ཡུལ་ཀྱང་རྫོགས། །སྣང་བ་མེད་པའི་ཆོས་སྐུ་ལ། །རང་གི་རིག་པ་སྤྱིན་པ་རྫོགས། །སྣང་བྱ་སྣང་བྱེད་གཉིས་མེད་ཅིང་། །བཏང་བྱ་སྟོང་བྱེད་གཉིས་མེད་པས། །ཡང་ཏི་ནག་པོའི་སྤྱིན་པ་རྫོགས། །གྲགས་སྣང་གཞན་གྱི་སྤྱིན་པ་རྫོགས། །ཡུལ་དང་ཡུལ་ཅན་སྤྱིན་པ་སྟོངས། །གཉིས་མེད་གཉིས་སུ་བཏང་པས་གོལ། །ཞས་གསུངས་སོ། །འཇམ་དཔལ་འདུས་པའི་རྒྱུད་ལས། །སྤྱིན་པ་ཡོངས་སུ་བཏང་བར་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་རྡོ་རྗེ་སེམས་དཔས་བཀའ་སྩལ་ཏེ། །དངོས་པོའི་གནས་ལས་བྱུང་བ་ཡི། །ཡང་ཏི་ནག་པོའི་དོན་རྫོགས་པས། །སེམས་ཅན་དབང་པོ་སྨན་པ་དང་། །རང་གི་ཤེས་རབ་ཆུང་བ་དང་། །གྲོལ་བའི་ཐབས་ཆེན་བསྟན་དུ་གསོལ། །ཞེས་གསུངས་སོ། །ཀུན་ཏུ་བཟང་པོས་བཀའ་སྩལ་པ། །སེམས་ཅན་དབང་པོ་ཞན་པ་ལ། །ངོ་སྤྲོད་བཞི་ཡང་སྐྱོར་དུ་ཆུག །འ་ལ་པའི་རྩ་བ་གཏིང་ནས་ཐོན། །ལྷག་མཐོང་རིག་པའི་འཁོར་ལོ་བསྐོར། །དེ་ནི་ངོ་སྤྲོད་གཉིས་པའོ། །ཡིད་ཕུང་ཐག་ནག་པོ་རྩད་ནས་ཆོད། །རིག་པ་གོས་དང་དབྲལ་བའོ། །དེ་ནི་ངོ་སྤྲོད་བཞི་པའོ།།ཡངན་བར་དོའི་རྐྱེན་གསུམ་སྟོན། །སྣང་པ་ངོ་སྤྲོད་བླ་མའི་ངག །རིག་པ་གཅེར་བུ་བཟུང་བ་དང་། །རིག་པ་གོས་དང་དབྲལ་བ་དང་། །གཟུང་འཛིན་ཞགས་པ་བཅད་པའོ། །འབྲིང་དང་ཐ་མའི་མན་ངག་གོ །རབ་ཀྱེ་་་་་་་་དབེན་དབང་རྣམ་པ་གསུམ་སྟེ། །རྒྱ་མཚོ་སྐྲུ་བ་ནམ་མཁའི་སྤྲིན། །ཨུཏུལ་ཡི་མདོགབཞིནནོ། །ཡངན་དཔེ་ཅིག་འདི་ལྟ་སྟེ། །བ་ན་སེའི་འབྲས་བུ་བཞིན། །གཞི་ལས་འདས་པ་མེད་པའོ། །ཞེས་