Ngb-pt-0945-vol-10-text
Front[edit]
Body[edit]
གིས་མཚན་བསྟན་པའོ། །ཐིག་ལེ་འདུས་པ་མན་ངག་གི་རྒྱུད་རྫོགས་སོ།། །།ཨུ་ཏི་རྫོགས་པ་ཆེན་པོའི་རྒྱུད་བཞུགས་སོ། །༄་། །རྒྱ་གར་སྐད་དུ། ཨདྷི་སརྙི་མ་ཧྭ་ཏུནྟྲ། བོདྭ་སྐད་དུ། ཨ་ཏི་རྫོགས་པ་ཆེན་པོའི་རྒྱུད། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བྱང་ཆུབ་ཤིང་དྲུང་གནས་མཆོག་ཏུ། སྤྲུལ་སྐུ་དགའ་རབ་རྡོ་རྗེ་ནི། མེ་ཏག་པདྨའི་གདན་ལ་བཞུགས། །སངས་རྒྱས་ལུས་ཀྱི་རྒྱན་ཡང་རྫོགས། །ཕྱག་མཚན་འགྱུར་མེད་རྡོ་རྗེ་བསྣམས། །ཞི་དང་ཁྲོ་བའི་མཚན་མཆོགམངའ། །སྙིང་རྗེ་ཆེན་པོས་གཞན་དོན་མཛད། །ཆོས་དང་ཡུལ་ལ་དམིགས་པ་ཡིས། །སྙིང་རྗེས་འགྲོ་བའི་དོན་ཡང་མཛད། །ཐབས་ཀྱི་སྒོ་ནས་ཐམས་ཅད་འདུལ། །བྱིན་རླབས་ཉི་མའི་འོད་ལྟར་འཆར། ཁུ་རྒྱུག་གསུང་འདྲ་དུས་ཚོད་འཛིན། །ཐམས་ཅད་རང་ལ་རྫོགས་པའི་དུས། །བརྡ་དང་སྒྲ་དང་ཚིག་དང་དོན་གྱིས་བསྡུས། །ཨེ་མ་ཧོ། ཡང་གསང་རྨད་དུ་བྱུང་བའོ། །ཨ་ཏེ་རྫོགས་པའི་རྒྱུད་ལས་སྟོན་པས་གླེང་སླང་བའི་ལེའུ་སྟེ་དང་པོའོ།། །།དེ་ནས་འཇམ་དཔལ་བཤེས་གཉེན་གྱིས། །ཀྱི་སྟོན་པ་དགའ་རབ་རྡོ་རྗེ་ལགས། ཁུད་ཀྱི་ངོ་བོ་བསྟན་དུ་གསོལ། །ཞེས་ཞུསླ་པས། ཐུགས་རྒྱུད་ཞལ་བརྒྱུད་ཞུས་ལན་གསུམ་གསལ། །དགོངས་ཏེ་གསུམ་ཉིད་རྣམ་པར་གསུངས། །ཆོས་གསུམ་ཕུན་སུམ་ཚོགས་པས་རྒྱུད་ཅེས་བྱ། །ཞེས་གསུངས་པས། དེའི་དོན་འདི་བསྟན་དུ་གསོལ་ཅེས་ཞུས་པས། ཐུགས་སུ་རྒྱུད་པ་ཀུན་བཟང་རྒྱུད། །ཞལ་ནས་གསུངས་པའི་རྒྱུད་དག་ནི། །རྡོ་རྗེ་སེམས་དཔས་གསུངས་པའོ། །ཞུས་ལན་ཕྲ་མེད་འཕེལ་རྒྱས་རྒྱུད། །དགའ་རབ་རྡོ་རྗེ་བདག་གི་བཤད། །བྱིན་བརླབས་ཉི་མའི་འོད་ལྟར་ཤར། །སྐྱེས་བུའི་ཐུགས་ལ་གང་ཤར་བ། །ཀུན་ཏུ་བཟང་པོའི་ཐུགས་རྒྱུད་རྫོགས། །སྣང་ལ་རང་བཞིན་མེད་པའི་དོན། །ཆུ་ཟླའི་དཀྱིལ་འཁོར་ལྟ་བུར་་ཤད། །སྒྱུ་མ་ལྟ་བུའི་གསུང་གི་བརྒྱུད། །རྡོ་རྗེ་སེམས་དཔའི་ཞལ་བརྒྱུད་རྫོགས། །དཔལ་ལྡན་སངས་རྒྱས་པདྨའི་ནང་། །སྐྱེས་པའི་ཚུལ་གྱིས་སྐུར་བསྟན་པ། །བྱིན་བརླབས་དུག་ལ་སྔགས་ལྟར་ཤར། །འཕེལརྒྱས་ཕྲ་མེན་རྒྱུད་འདི་རྫོགས། །ཞེས་གསུངས་སོ། །ཨ་ཏིའི་རྫོགས་པའི་རྒྱུད་ལས། རྒྱུད་ཀྱི་ཞུས་ལན་གྱི་ལེའུ་སྟེ་གཉིས་པའོ།། །།དེ་ནས་ཡང་ཞས་པ། རྒྱུད་ལུང་འབྲེལ་པར་བཤད་པར་ཞུ། ཞེས་གསུངས་པས།གསུང་གི་བསྒྱུར་ཞིང་གངམཚོནཔ། །སྐྱེསབུ་རྒྱལ་པོའི་བཀའ་ལུང་རྫོགས། །བྱིན་གྱིས་བརླབས་ཀྱི་ཐུགས་དག་ལ། །ངེས་པའི་ཤེས་པ་སྐྱེད་པ་འདི། །སྐྱེས་བུའི་རྒྱལ་པོའི་བྱིན་ལུང་རྫོགས། །སྐྱེས་བུ་གདམས་པའི་ལུང་ཕོག་པས། །ངེས་པར་བྱིན་བརླབས་ཕྲ་མེན་ལུང་ཡང་རྫོགས། །སྙིང་པོའི་དོན་ལ་བཀོལ་བ་མེད། །རང་བྱུང་ཡེ་ཤེས་འཕོ་འགྱུར་མེད། །རིག་པའི་ཡེ་ཤེས་གཡོ་བ་མེད། །རང་རིག་ཡེ་ཤེས་འགག་པ་མེད། །ཐིག་ལེའི་ཡེ་ཤེས་སྐྱེ་འགག་མེད། །དོན་དེ་ཐུགས་ལ་གང་འཛིན་པ། །སྐྱེས་བུ་ངའི་བཀའ་ལུང་རྫོགས། །རྒྱ་ཆེན་ལུང་ལ་ཟབ་པ་རྒྱུད། །རྒྱ་ཆེ་རིག་པའི་སྣང་བ་ལ། །ཟབ་པ་ཡེ་་་ས་ངོས་བཟུང་བཤད་པ་ཡི་།དེ་དོན་ངེས་པར་བསྟན་པ་ཡིན། །ཞེས་གསུངས་སོ། །ཨ་ཏི་རྫོགས་པའི་རྒྱུད་ལས། རྒྱུད་ལུང་སྦག་ཏུ་བཤད་པའི་ལེའུ་སྟེ་གསུམ་པའོ།། །།དེ་ནས་བཀའ་སྩལ་པ། ཐིག་ལེ་ཉག་ཅིག་ཞེག་ཏུ་བཤད་པ་དང་། །གཉས་སུ་བཤད་པ་དང་། །གསུམ་དུ་བཤད་པ་དང་། བཞི་དང་ལྔ་རུ་བཤད་པ་བལྷན་དུ་གསོལཀྱེ་ ས་ཞུས་པས། །བཀའ་སྩལ་པ། ཐིག་ལེ་ཉག་ཅིག་ཞིག་ཏུ་བཤད་པ་ནི། ཐིག་ལེ་ཉག་ཅིག་ཡེ་ཤེས་ཆེན་པོ་སྟེ། རྒྱ་ཆེ་ལྟ་བ་ལ་ཟླའི་དོན་དུ་བཤད་པ་ཡང་། །གཞི་མ་དངོས་པོའི་གནས་ལུགས་ལ། །རྟགས་དང་མ་རྟགས་གཉིས་སུ་མེད། །སངས་རྒྱས་སེམས་ཅན་གཉིས་སུ་མེད། །དག་དང་མ་དག་གཉིས་སུ་མེད། །སྣང་དང་མ་སྣང་གཉིས་སུ་མེད། །བསྒོམ་དང་མི་སྒོམ་གཉིས་སུ་མེད། །སྐྱོན་དང་ཡོན་ཏན་གཉིས་སུ་མེད། །ཐབས་དང་ཐིག་ལེ་རང་སྣང་ལ། །གཉིས་སུ་འཛིན་པ་འཁྲུལ་པ་ཡིན། །རྒྱ་ཆེ་ནམ་མཁའ་ལྟ་བུ་ཡིན། །ཕྱོགས་འཚམས་སྒྲུབས་པས་ག་ལ་གྲུབ། །ཐམས་ཅད་ཕྱོགས་མེད་ཁྱབ་བརྡལ་ལ། །རྣམ་རྟོག་བློ་ཡི་ག་ལ་སློད། །ལྡོངས་བས་ནམ་མཁའ་ག་ལ་སྙེགས། །གྲང་ནད་ཅན་གྱི་སྐྱེས་བུ་ལ། །ག་བུར་དུག་དུ་ངེས་པར་འགྱུར། །བློ་ཆུང་ཤེས་རབ་ཆུང་བ་ལ། །ཉག་ཅིག་བསྟན་པས་ལྐུག་པར་འགྱུར། །ཨེ་མ་ཧོ། ཐམས་ཅད་གཅིག་པ་ལ། སྒྲོ་བཏགས་ཆོས་ཀུན་ཐིག་ལེར་ཅིག །སྣ་ཚོགས་ཐིག་ལེ་ཉག་ཅིག་དང་། །ཞེས་གསུངས་སོ། །ཨ་རྟ་རྫོགས་པའི་རྒྱུད་ལས། ཐིག་ལེ་རྒྱ་ཆེ་བ་རུ་བཤད་པའི་ལེའུ་སྟེ་བཞི་པའོ།། །།ཐིག་ལེ་ཟབ་པར་བཤད་པར་ཞུ་ཞེས་ཞུས་པས། བཀའ་སྩལ་པ། ཟབ་ཅིང་ཡངས་ལ་རྒྱ་ཆེ་བ། །ཟབ་མོ་སངས་རྒྱས་དགོངས་པ་སྟེ། །དེ་དག་ཉམས་སུ་ལེན་པ་ལ། །ཐིག་ལེ་གཉིས་སུ་བཤད་པར་བྱ། །སྣང་བ་མ་འགགས་ཐིག་ལེའི་རྒྱན། །རོལ་པ་ཡིན་པར་ཤེས་པར་བྱ། །རིག་པ་ཡེ་ཤེས་མ་འགགས་རྩལ། །འགག་པ་མེད་པར་ཤེས་པར་བྱ། །སྣང་བ་ཐིག་ལེའི་གནས་དུ་མ་ཤེས་པ། །མངལ་ཁ་རྒྱ་ཡིས་གང་ལ་ཐེབས། །སྣང་བ་སྟོང་པར་བསྒོམས་པས་བསམ་ངོ་ཡིད་སྨོན་ཡུལ། །རིག་པ་ཡེ་ཤེས་གནད་དུ་མ་ཤེས་ན། །འགྱུ་བ་སྟོང་པར་བསྒོམས་པས་རིག་པ་རྐྱང་སྒོམས་ཡིན། །ཉན་ཐོས་གང་ཟག་བདག་མེད་རྟོགས་དང་ཁྱད་པར་མེད། །འགྲོ་དྲུག་གཡང་ས་ཆོད་པར་ག་ལ་འགྱུར། །རྟ་བརྒྱུགས་འདྲོག་ལ་མེ་ཏོག་ཆོད་པ་བཞིན། །གང་ལྟར་བལྟས་པས་ཡེ་ཤེས་ཤར་ན་སངས་རྒྱས་དགོངས་པ་ཡིན། །ཐབས་ཤེས་གཉིས་ནི་བཙུན་མོ་ཟོ་ཆུ་ཁྱུད་མོ་འདྲ། །རྣམ་རྟོག་ཡེ་ཤེས་གཉིས་ནི་མེ་ལ་ཤིང་བསྣན་འདྲ། །ཡེ་ཤེས་གནད་དུ་གཟིར་ན་རྒྱ་མཛོ་ཉ་མོ་འདྲ། །ཡེ་ཤེས་བྱིན་བརླབས་མུན་པའི་ཉི་མ་འདྲ། །མ་དྲེས་རང་སར་གནས་པ་ཟ་འོག་སྣལ་བུ་འདྲ། །ཅེས་གསུངས་སོ། །ཨ་ཏི་རྫོགས་པའི་རྒྱུད་ལས། ཡེ་ཤེས་དང་རྣམ་རྟོག་གཉིས་བརྡར་བསྟན་པའི་ལེའུ་སྟེ་ལྔ་པའོ།། །།ཐིག་ལེ་གསུམ་དུ་བཤད་པ་ནི། །གཞི་དང་ལམ་དང་འབྲས་བུ་གསུམ། །གཞི་ལམ་རྣམ་གསུམ་ཤེས་བྱ་སྟེ། །དབྱིངས་ཀྱི་ཐིག་ལེ་སྟོང་པ་ལ། །ཡེ་ཤེས་ཐིག་ལེ་གསལ་ལ་འཚེར། །རྩལ་གྱི་ཐིག་ལེ་ལྗང་ལ་སྒྲམ། །འདུ་འགྲོ་ལས་ཀྱི་ཐིག་ལེ། །བཀོད་པ་རྒྱན་གྱི་ཐིག་ལེ། །གཉིས་མེད་རང་གསལ་གྱི་ཐིག་ལེ། །ལམ་གྱི་ཐིག་ལེ་རྣམ་གསུམ་སྟེ། །རང་སྣང་འོད་ཟེར་གྱི་ཐིག་ལེ་ལ་ཆགས་པ་སྣ་ཚོགས་སྐྱེ་བ་ཨེ་མ་ཧོ། །རིག་པ་རྩལ་གྱི་ཐིག་ལེ་ལ། ཞེན་པ་དངོས་པོར་ཤར་བ་ཨེ་མ་ཧོ། །དབྱེར་མེད་སྙིང་པོའི་ཐིག་ལེ་ལ། །གཉིས་སྣང་ཉམས་སུ་རྨྱོང་བས་འབྲས་བུ་སྣ་ཆོགས་སུ་གྲུབ་པ་ཨེ་མ་ཧོ། །འབྲས་བུའི་ཐིག་ལེ་རྣམ་གསུམ་སྟེ། །ལྷུན་གྲུབ་རྟོགས་པའི་ཐིག་ལེས་ཐས་ཅད་མཁྱེན། ། རང་བྱུང་རང་ལ་སྣང་བའི་ཐིག་ལེས་བདེ་ཆེན་རང་ལ་ཤར། །རྒྱུན་གྱི་ཐིག་ལེས་བྱིན་བརླབས་ལ་རྒྱུན་ཆད་མེད། །སྣང་བ་རྣམ་ཤེས་ཡིད་དང་གསུམ། །འཁོར་བ་སངས་རྒྱས་གནས་ལུགས་གསུམ། །རྒྱུ་དང་ལམ་དང་འབྲས་བུ་གསུམ། །བྱིན་བརྒྱུད་སྙན་བརྒྱུད་ཐུགས་བརྒྱུད་གསུམ། །སྙིང་པོ་འོད་དང་ཟེར་དང་གསུམ། །རྣོ་དང་མྱུར་དང་ཟབ་དང་གསུམ། །བརྟན་དང་རྒྱ་ཆེ་ཕྲ་དང་གསུམ། །མན་ངག་གདམས་ངག་སྙན་བརྒྱུད་གསུམ། །ཐིག་ལེ་གསུམ་དུ་བཤད་པའོ། །ཞེས་གསུངས་སོ། །ཨ་ཏི་རྫོགས་པའི་རྒྱུད་ལས། ཟབ་མོ་གསུམ་དུ་བཤད་པའི་ལེའུ་སྟེ་དྲུག་པའོ།། །།ཡང་བཀའ་སྩལ་པ། ཟབ་མོ་བཞི་རུ་བསྟན་པ་བཤད་དུ་གསོལ། ། ཞེས་ཞུས་པས། བཀའ་སྩལ་པ། དངོས་པོ་གཅིག་ལ་བཞིར་དབྱེ་བ། །ལེའུ་དག་གི་དཔེ་བཞིན་ནོ། །དཔེ་དང་དོན་དང་ཚིག་དང་ནི། །བརྡ་ཡི་དགྲོལ་བར་བཤད་པའོ། །ཆོས་ཀྱི་སྐུ་ཡི་དོན་དང་ནི། །རང་སྣང་ལོངས་སྤྱོད་རྫོགས་པའི་སྐུ། །སྤྱིར་ཡང་སྤྲུལ་པའི་སྐུ་ལ་ངོ་སྤྲད་པས། །དེའི་ཡོན་ཏན་ངོ་བོ་ཉིད་ཀྱི་སྐུ། །ཡེ་ཤེས་བཞིའི་དོན་ཀྱང་རང་སོར་འབྲེལ། །འབྱུང་བ་ལྔ་ནི་ཆོས་སྐུའི་བརྡ། ཁེང་སྤགས་མེ་ནི་ག་ལ་འབྱུང་། །རྣམ་རྟོག་མེད་ན་ཡེ་ཤེས་ག་ལ་སྐྱེ། །རྣམ་རྟོག་ཡེ་ཤེས་ཡིན་ན་བཀའ་རྒྱུད་ཟབ་མོ་གང་ལ་དགོས། །འབད་པ་མེད་པར་ཡེ་ནས་གྲོལ། །སྦྲལ་པའི་སྐ་ལ་རྣམ་རྟོག་སྐྱེས་ནས་ཡེ་ཤེས་གསལ། །དཔེར་ན་མེ་ལ་ཤིང་བསྣན་འདྲ། །ཟུང་དུ་ཞྭགས་པས་ལོངས་སྤྱོད་རྗོགས་པའི་སྐུ། །ཇི་ལྟར་སྦད་ཀྱང་ཟད་པ་མེད། །ངོ་བོ་ཉིད་ཀྱི་སྐུའི་ངང་དུ་གནས། །ཡེ་གྲོལ་བཞོ་ཡི་སྐུ་བཞི་དེ། །རྒྱ་ཆེ་བའི་དོན་དུ་བཤད་པ་ཡིན། །ཟབ་མོ་ཉམས་སུ་ལེན་ན་རང་གྲོལ་སྐུ་བཞིའེ་ངོ་སྤྲོད་ན། །རྣམ་རྟོག་ཝལ་གྱི་སྐྱེས་པའི་དུསཉི་ ད་ན། །རང་རིག་ཡེ་ཤེས་ངོ་སྤྲོད་ཀྱིས། །རྣམ་རྟོག་དྭངས་ནས་ཡེ་ཤེས་གསལ། །འགྱུ་བ་མེད་ན་ཡེ་ཤེས་ག་ལ་གསལ། །འགྱུ་བ་དྭངས་པས་ཡེ་ཤེས་གསལ། །རང་གྲོལ་སྤྲུལ་པའི་སྐུའི་ངོ་སྒོད་ཡིན། །རང་གྲོལ་ལོང་སྐུའི་ངོ་སྤྲོད་ནི། །འགྱུ་བ་དང་པས་འོད་གསལ་ལ། །ལྷ་ནེ་བརྟན་པར་གནས་པ་དེ། །དེ་ནི་ལོང་སྐུའི་ངོ་སྤྲོད་དོ། །འགྱུ་བ་འོད་གསལ་གཉིས་སུ་མེད། །གང་གི་ཕྱོགས་སུ་མ་ལྷུང་པ། །དེནི་ ་ཆོས་སྐུའི་ངོ་སྤྲོད་ཡིན། །་ག་ལེ་ཡེ་ཤེས་ཟང་ཐལ་ལ། ཁུ་དང་རྐྱེན་གྱིས་མ་སྐྱེད་པར། །རང་བཞིན་ཤུགས་ཀྱི་ཤར་བ་དེ། །ངོ་བོ་ཉིད་ཀྱི་སྐུའི་ངོ་སྤྲོད་ཡིན།ཞེས་གསུངས་སོ། །ཨ་ཏི་རྫོགས་པའི་རྒྱུད་ལས། ཐིག་ལེ་བཞི་སྒོར་ངོ་སྤྲོད་ཀྱི་ལེའུ་སྟེ་བདུན་པའོ།། །།དེ་ནས་ཡང་བཀའ་སྩལ་པ། ཐིག་ལེ་ལྔ་སྟོར་བཤད་པ་ནི། །དབྱིངས་ཀྱི་ཐིག་ལེ་འོད་གསལ་བ། །རང་རྒྱུང་ཡེ་ཤེས་མལ་དུ་གཞུག །ཡེ་ཤེས་ཐིག་ལེ་ཆེན་རྦོ་དེ། །རིག་པའི་ཐོ་ཤེས་མ་བུ་སྤྲད། །གཉིས་སུ་སྣང་བའི་ཡེ་ཤེས་དེ། །ལྷག་མཐོང་རིག་པའི་ཡེ་ཤེསསྟུ་ རྟོས། །གཟུང་འཛིན་ཐག་པ་བཅད་པར་བྱ། །དེ་ནི་ལྷུན་གྲུབ་ཐིག་ལེ་ཡིན། །སྙིང་པོ་གཡོ་མེད་ཡེ་ཤེས་ཀྱིས། །དང་དུ་ཕྲད་ན་བཟུང་འཛིན་འཆད། །དབྱིངས་ཉིད་རྣམ་དག་ཐིག་ལེ་ཡིན། །ཡེ་ཤེས་ཟང་ཐལ་ཟེན་པོར་བཟླ། །བལྟ་བའི་སྒོང་རྒྱ་རལ་པ་ཡིན། །ལྷུན་གྱི་གནས་པའི་ཐིག་ལེ་ཡིན། །སྒོ་ལྔ་ཆགས་སྡང་མདུད་པ་ལ། །ལྷག་མཐོང་རིག་པའི་ཡེ་ཤེས་ཀྱིས། །རལ་གྲིས་བཅད་དེ་གཏང་བར་བྱ། །སྣང་བ་འོད་གསལ་གྱི་ངོ་སྤྲོད་དོ། །དཀར་དམར་འདོད་ཆགས་ཀྱི་མདུད་པ་ལ། །རང་བྱུང་རང་སྣང་གི་ཡེ་ཤེས་ཀྱིས། །ལྕག་ཀྱུས་བཟུང་བ་གཏང་པར་བྱ། །ཟློས་སྐུ་འོད་གསལ་གྱི་ངོ་སྤྲོད་དོ། །སེམས་འགྱུ་བ་རྣམ་རྟོག་གི་མདུད་པ་ལ། །ཉམས་མྱོང་སྒོམ་པའི་སྒོང་རྒྱ་རལ། །རང་རིག་ཡེ་ཤེས་ཀྱི་ངོ་སྤྲོད་བྱས། །སྙིང་པོ་ཡེ་ཤེས་སྣང་མེད་ཀྱིས། །ཆགས་འཛིན་སྒོམ་པའི་ཞེན་པ་སྤངས། །རང་སྣང་ཐིག་ལེའི་ངོ་སྤྲོད་དོ། །ཡིད་འགྱུས་བག་ཆགས་ཀྱི་མདུད་པ་ལ། །འོད་གསལ་གསང་ལམ་གྱི་ངོ་སྤྲོད་ཀྱིས། །རྒྱས་འདེབས་སྤྱོད་པའི་སྒོང་རྒྱ་རལ། །རང་ལ་ཤར་བའི་འོད་གསལ་སྐྱེས། །མཚན་མ་ལམ་གྱི་གོལ་ས་ཆོད། །ཀུན་གཞི་ཟང་ཐལ་གྱི་ཐིག་ལེ་དང་། །མཚན་མ་རང་སྣང་གི་ཐིག་ལེ་གཉིས། །བསྲེས་པ་མེད་པར་དཀྲུག་གིས་འདྲེས། །འབྲས་བུ་སྤངས་ཐོབ་དུས་ཀྱི་སྒོང་རྒྱ་རལ་ཨེ་མ་ཧོ། །ཞེས་གསུངས་སོ། །ཨ་ཏི་རྫོགས་པའི་རྒྱུད་ལས། ཐིག་ལེ་ལྔ་སྦྱོར་དུ་བཤད་པའི་ལེའུ་སྟེ་བརྒྱད་པའོ།། །།དེ་ནས་ཡང་བཀའ་སྩལ་པ། འགག་གི་རྣམ་པ་བསྟན་པར་བྱའོ་ཞེས་གསུངས་སོ། །སེམས་འཛིན་ཕྲ་མོ་རྩོམ་པ་ནི། །ཡེ་ཤེས་ཟང་ཐལ་སྐྱེ་བའི་འགག །ཚོགས་དྲུག་བཀག་ནས་དབུགས་ལ་གཏོད། །ཆོས་ཉིད་འོད་གསལ་སྐྱེ་བ་འགག །དབུགས་ལ་གཏོད་ཅིང་རླུད་ལ་སྦྱོང་། ། རང་བྱུང་ཡེ་ཤེས་སྐྱེ་བ་འགག །ཕུང་པོ་ལྷ་དང་ལྷ་མོར་སྒོམ། །སྐུ་ཡིས་དམ་ཚིག་རྟེན་པ་དེས། །ཆོས་སྐུ་འོད་གསལ་སྐྱེ་མེད་འགག །ངག་གི་བཟླས་བརྗོད་འཕྲོ་འདུ་སྦྱོང་། །གསུང་གི་དམ་ཚིག་རྒྱུན་དུ་སྤྱོད། །དེས་ནི་རང་རིག་ཡེ་ཤེས་འགག །དམ་རྫས་རྣམ་ལྔ་རྒྱུན་དུ་རྟེན། །ཐུགས་ཀྱི་དམ་ཚིགཐུ་ །ན་མི་གཅོད། །ལྷག་མཐོང་རིག་པའི་ཡེ་ཤེས་འགག །རྒྱ་ཆེ་ལྟ་བ་ཁ་འགྱང་ཁྱེར། །འགྱུ་དྭངས་ཡེ་ཤེས་སྐྱེ་བ་འགག །འགག་མེད་ཐིག་ལེ་འདི་ཡིན་གྱིས། །ཐུག་པར་མོས་ལ་སྤྱད་པར་གྱིས། །ཞེས་གསུངས་ནས་ཆས་ཉིད་རང་སྣང་གི་དབྱིངས་སུ་གཤེགས་སོ། །ཨ་ཏི་རྫོགས་པའི་རྒྱུད་ལས་ལེའུ་དགུ་པའོ།། །།ཨ་ཏི་རྫོགས་པའི་རྒྱུད་རྫོགས་སོ།། །།ཨ་ཏི་སྤྱི་གཅོད་ཀྱི་རྒྱུད་བཞུགས་སོ། །༄་། །རྒྱ་གར་སྐད་དུ། ཨ་ཏི་ལ་བྷ་ཏི། བོད་སྐད་དུ། ཨ་ཏི་སྒྱི་གཅོད་ཀྱི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་