Ngb-pt-0918-vol-10-text
Front[edit]
Body[edit]
རྒྱ་གར་སྐད་དུ། ས་མ་ཡ་ཀརྨ་རྭ་ཛ་ཏནྟྲ། བོད་སྐད་དུ། དམ་ཚིག་ལས་ཀྱི་རྒྱལ་པོའི་རྒྱུད་ཅེས་བྱ་བ། དཔལ་ཐུགས་རྗེ་རང་བྱུང་གི་བདག་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རྒྱ་མཚོ་ཆེན་པོ་རང་བཞིན་གྱིས་ལྷུན་གྱིས་གྲུབ་པའི་གནས། འདོད་པའི་ལོངས་སྤྱོད་ཡོན་ཏན་ཕུན་སུམ་ཚོགས་པ་ཐམས་ཅད་རང་ལས་བྱུང་བ། པདྨ་རིན་པོ་ཆེའི་གཞལ་ཡས་ཁང་། རྒྱ་ཁྱོན་དཔག་ཏུ་མེད་པའི་ནང་ན། ཀླུའི་རྒྱལ་པོ་ཡིད་བཞིན་འཛིན་པ་ཞེས་བྱ་བ། ལོངས་སྤྱོད་ཀུན་གྱི་བདག་པོར་བཞུགས་ཏེ། གདུག་པ་འཛིན་བྱེད་ཀྱི་ཏིང་ངེ་འཛིན་ལ་གནས་སོ། །དེའི་ཁམས་གསུམ་གྱི་སེམས་ཅན་ལ་དོན་བྱེད་ཀྱི་ལས་དང་ཐུགས་རྗེའི་བསོད་ནམས་མེད་དེ། གནམ་ལ་སྤྱིན་མེད་པས་ས་ལ་རྩི་མ་འཁྲུངས། སྡུག་བསྔལ་གྱི་ལས་དང་རང་ཤ་ལ་རང་ཟ། རང་ཁྲག་ལ་རང་འཐུང་། རང་གིས་སྡུག་བསྔལ་ལ་རང་སྤྱོད་པར་གནས་སོ། །དེའི་ཚེ་དཔལ་ཀུན་ཏུ་བཟང་པོ་བྱིན་བརླབས། ཆོས་ཉིད་དབྱིངས་ཀྱི་དཀྱིལ་འཁོར་ནས། དཔལ་ཐུགས་རྗེ་རང་བྱུང་གི་བདག་པོས། སེམས་ཅན་ཀུན་ལ་ཐུགས་རྗེའི་འོད་ཀྱིས་གཟིགས་ནས་ཀྱང་། མཁའ་ལྡིང་རྒྱལ་པོར་སྐུ་སྤྲུལ་ཏེ། རི་རབ་ཀྱི་ཁར་བྱོན་ཏེ། དམ་ཚིག་ལས་ཀྱི་ཕྱག་རྒྱ་བཅས་ལ། ཐུགས་ཡེ་ཤེས་མེ་དཔུང་འབར་བའི་འཁོར་ལོ། །ཏིང་ངེ་འཛིན་སྐད་ཅིག་མས་གདུག་པ་འཛིན་བྱེད་ཀྱི་ལུས་ལ་བསྐོར་བས། རྒྱ་མཚོ་ཁོལ།སྲེད་པ་གཡོས། རི་རབ་ཀྱང་རབ་ཏུ་གཡོས། རི་རབ་ཀྱི་སྲག་དཔག་བསམ་གྱི་ཤིང་ལ་མེ་འབར་ཏེ། འཇིག་རྟེན་སྟོངས་ལ་ཁད་དོ། །དེའི་ཚེ་ཀླུའི་རྒྱལ་པོ་ཡིད་བཞིན་གྱི་འཛིན་གདུག་པའི་སེམས་ལ་དྲན་པའི་དབང་མེད་པར་སྡུག་བསྔལ་བཟོད་ཐབས་མེད་པར། ལུས་ཀྱི་ཉམས་སུ་མྱོང་ངོ་། །དེའི་ཚེ་ཀླུའི་ཡིད་བཞིན་འཛིན། སྡུག་པའི་སེམས་ལ་འགྱོད་པའི་སེམས་ལ་འགྱོད་པའི་སེམས་དྲག་པོ་སྐྱེས་པས་ཐུགས་རྗེ་ཆེན་པོའི་བྱིན་བརླབས་ཀྱིས། སྡུག་བསྔལ་གྱི་ལས་སེམས་ཉིད་བདེ་བ་ཆེན་པོ་ཡིས། ངང་དུ་ཞི་སྟེ་སངས་རྒྱས་ཀྱི་ཞལ་གཟིགས་ཏེ། དཔལ་ཀུན་ཏུ་བཟང་པོའི་ས་ནོན་ནོ། །དེའི་ཚེ་འབྲས་བུ་ཡང་དག་པའི་དོན། ཆོས་ཉིད་བདེན་པའི་དོན་མཐོང་ནས། ཐུགས་རིན་པོ་ཆེ་པདྨའི་གཞལ་ཡས་ཁང་ནས། ཡེ་ཤེས་དུ་གྱུར་པའི་གཞལ་ཡས་ཁང་། སེམས་ཉིད་དོན་རང་བྱུང་ལས་ཀྱི་སྙིང་པོ། ཡིད་བཞིན་གྱི་ཐུགས་ལས་སེམས་ཅན་དོན་བྱེད་པ་ལས་ཀྱི་ཀླུ་ཆེན་པོ་བརྒྱད། ས་བདག་འཁོར་དང་བཅས་པར་སྐུ་སྤྲུལ་ཏེ། འགྲོ་བ་སེམས་ཅན་གྱི་དོན་གྱིས་ཅིག་པར་བཀའ་སྩལ་ཏོ། །དེའི་ཚེ་དེའི་དུས་སུ་ས་ཆེན་པོ་རབ་ཏུ་གཡོ་བ་དང་། བར་སྣང་ལ་སྒྲ་སྙན་རབ་ཏུ་སྒྲོག་པ་ཡང་བྱུང་སྟེ། ཀུན་ཏུ་ཡང་ཉམས་དགའ་ཡིད་ལ་སྤྲོ་བ་ཡང་བྱུང་སྟེ། ཁམས་གསུམ་གྱི་སེམས་ཅན་འདོད་པའི་ལོངས་སྤྱོད་རྣམ་པ་ལྔ་ཕུན་སུམ་ཚོགས་ཏེ། འགྲོ་བ་སེམས་ཅན་གྱི་དོན་བྱེད་པ་རྒྱུན་དུ་འབྱུང་ངོ་། །དེའི་ཚེ་སེམས་ཅན་གྱི་བསོད་ནམས་ཐམས་ཅད་ཀུན་ལ་ཐོགས་པ་མེད་དེ། མཐར་རྒྱས་སོ། །དེ་ནས་ཀླུ་ཆེན་པོ་བརྒྱད་ས་བདག་འཁོར་དང་བཅས་པ་རྣམས་ཀྱིས། །བསམ་འཕེལ་གྱི་ཡིད་བཞིན་གྱི་ནོར་བུ་རིན་པོ་ཆེ་ཀླུའི་རྒྱལ་པོ་ལ་ཕུལ་ནས། བསྐོར་བ་དང་ཕྱག་མཛད་ནས། ཀླུའི་རྒྱལ་པོ་དགའ་བོས་ཞུས་པ། ཨེ་མ་ཧོ། རང་བཞིན་ལྷུན་གྱིས་གྲུབ་པའི་གནས་མཆོག་ནས། །ཡིད་བཞིན་ཐུགས་ལས་སྤྲུལ་མཛད་ཀླུ་རྒྱལ་ངོ་མཚར་ཅན། །བདག་ཅག་སེམས་ཅན་དོན་བྱེད་པས། །ལས་ཀྱི་རྒྱལ་པོ་རྒྱུ་ཅིག་ཞུ། །ཞེས་གསོལ་བ་བཏབ་པས། ཀླུའི་རྒྱལ་པོ་རང་བྱུང་བཞིའི་དོན་རྟོགས་པར་བྱ་བའི་ཕྱིར། མདོ་དོན་རྩ་བའི་སྙིང་པོ་ལ་དགོངས་ནས་བྱིན་གྱིས་བརླབས་ཏེ། བཀའ་སྩལ་པ། རང་བཞིན་ཐུགས་ལས་སྤྲུལ་པའི་ཀླུ་ཆེན་བརྒྱད། །ས་བདག་འཁོར་དང་བཅས་པ་རྣམས། །སེམས་ཅན་ལས་ཀྱི་དོན་བྱེད་པ། ཁུད་ཀྱི་རྒྱལ་པོ་ཞུ་བ་ལེགས། །དམ་ཚིག་ཆེན་པོ་ང་ཡིས་བཤད། །ཀླུ་རྒྱལ་དགའ་བོ་གུས་པས་ཉོན། །གཞན་ཡང་དད་པ་ཅན་གྱི་འཁོར། །ལུས་ངག་ཡིད་གསུམ་གུས་པས་བཏུད། །ཅེས་བཀའ་སྩལ་ཏོ། །དམ་ཚིག་ལས་ཀྱི་རྒྱལ་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེནས་ཡང་འཁོར་རྣམས་ཀྱིས་ཞུས་པ། ཨེ་མ་ངོ་མཚར་རྨད་བྱུང་བྱིན་རླབས་ཅན། །ཆོས་ཉིད་ལྷུན་གྲུབ་བྱིན་རླབས་རྫོགས་པའི་ཐུགས། །རང་བྱུང་སྙིང་པོ་བྱིན་བརླབས་དབང་གི་སྐུ། །ཡོན་ཏན་ཅིར་ཡང་འཕེལ་མཛད་ཀླུ་རྒྱལ་ཆོས་ཀྱི་བདག །དམ་ཚིག་ལས་ཀྱི་རྒྱལ་པོ་སྒྲུབ་པའི་ཕྱིར། ཁམས་གསུམ་འཁོར་བའི་སེམས་ཅན་རྣམས། །ཐབས་ཀྱིས་རྒྱལ་པོ་ཇི་ལྟར་དྲང་། །ཞེས་ཞུས་པས། བཀའ་སྩལ་པ།སེམས་ཅན་ལས་ཀྱི་དོན་བྱེད་གྲུབ་པ་ལ། །ཐབས་ཀྱི་རྒྱལ་པོ་སྙིང་རྗེ་མཆོག་གིས་དྲང་། །སྙིང་རྗེ་མེད་ན་དོན་བྱེད་ཅི་ལ་ནུས། །དཔེར་ན་ཉིན་གཅིག་གིས་འཛམ་གླིང་བཞིའི་དོན་བྱེད་གསལ་བ་བཞིན། །སྙིང་རྗེའི་དོན་རྟོགས་དོན་རྣམས་ཅི་ཡང་ནུས། །ཆོས་ཉིད་དོན་ལྡན་ཡེ་ཤེས་གསལ་བ་ཡིན། །དཔེར་ན་ཉི་མའི་སྙིང་པོས་མུན་པ་འཇོམས་པ་བཞིན། །རང་བྱུང་ཡེ་ཤེས་སྙིང་རྗེའི་སྙིང་པོ་གཅིག་གིས་སྲིད་པ་གསུམ་གྱི་དོན་བྱེད་རྒྱུན་དུ་གནས། །སྙིང་རྗེ་མེད་ན་སྲིད་པ་ཅི་ལ་གནས། །དེ་ཕྱིར་སྲིད་པ་ཐུགས་ཀྱི་འཁོར་ལོ་བསྟན། །སྲིད་པའི་འཁོར་ལོ་རང་བྱུང་སྟེ། །སྙིང་རྗེ་ཐབས་ཀྱི་རྒྱལ་པོར་དྲང་། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་དག་བཤད་བྱ་བ། །ཕྱག་རྒྱ་ལུས་ཀྱི་དམ་ཚིག་གིས། །སྲིད་པ་སྒྲོལ་བྱེད་ཐུགས་ཀྱི་འཁོར་ལོ་བསྐོར། །ཡེ་ཤེས་ཐུགས་ཀྱིས་བདུད་རྣམས་བསྲེག །རང་བྱུང་ཐུགས་ཀྱིས་སྲིད་གསུམ་བསྒྲལ། །བྱིན་རླབས་བརྟུལ་ཞུགས་ཀྱིས་ས་བཅུ་ལམ་ལྔ་བགྲོད། །སྙིང་རྗེའི་ལས་ཀྱིས་ཕ་རོལ་བསྒྲལ། ཁྲེས་རབ་སྟོབས་ཀྱིས་འབྲས་བུ་བསྒྲུབ། །ཐེག་པའི་ཐབས་ཀྱིས་དབང་རྣམས་བསྐུར། །དེ་ཕྱིར་དབང་རྣམས་རིམ་གྱིས་བསྐུར། །ཞེས་དམ་ཚིག་ཆེན་པོ་ང་ཡིས་གསུངས། །བྱིན་རླབས་མེད་ན་ཐུགས་རྗེ་ཅི་ལ་འབྱུང་། །དེ་ཕྱིར་སྙིང་རྗེ་བྱིན་གྱིས་བརླབས་པའི་རྒྱུད། །དགོངས་རྒྱུད་ཕལ་གྱི་ཐུན་མོང་མིན། །བྱིན་བརླབས་དབང་བསྐུར་རྒྱལ་པོ་རྒྱུད། །ལས་རྒྱུད་ཕལ་གྱི་ཐུན་མོང་མིན། །དམ་ཚིག་ལས་ཀྱི་རྒྱལ་པོ་རྒྱུད། །ནམ་མཁའ་བཞིན་དུ་ཀུན་ལ་ཁྱབ། །རྒྱ་མཚོ་བཞིན་དུ་རླབས་ཀྱིས་དབང་། །བྱ་ཁྱུང་བཞིན་དུ་རླབས་ཀྱིས་གཅོད། །སེང་གེ་བཞིན་དུ་ཤུགས་ཀྱིས་མཆོང་། །དེ་ཕྱིར་རྒྱུད་ཀྱི་རྒྱལ་པོ་འདི། །ཡིད་བཞིན་འཛིན་གྱི་དངོས་གྲུབ་བྱིན་རླབས་ཕུན་སུམ་ཚོགས་པར་འབྱུང་། །ཞེས་དམ་ཚིག་ཆེན་པོ་ང་ཡིས་བཤད། །རྒྱུད་ཀྱི་མཚན་ཉིད་ཆེ་བར་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་ཀླུ་རྒྱལ་མཐའ་ཡས་ཀྱིས་ཞུས་པ། །ཨེ་མ་ངོ་མཚར་སྙིང་པོའི་ཐུགས། །རང་བཞིན་རྣམ་དག་སྐྱེ་བ་མེད་པའི་སྐུ། །བྱིན་རླབས་རྒྱུད་ལ་སྤེལ་མཛད་འགྲོ་བའི་མགོན། །དམ་ཚིག་ལས་ཀྱི་རྒྱལ་པོ་སྒྲུབ་པའི་ཕྱིར། །རྩ་བའི་དམ་ཚིག་ཇི་ལྟར་ལགས། །ལས་ཀྱི་ཁོག་པ་ཇི་ལྟར་རྒྱའི། །ལས་ཀྱི་གཞུད་དེ་ཇི་ལྟར་བསྒྲུབ། །ལས་ཀྱི་གཞི་དེ་གང་གིས་ཇི་ལྟར་གཟུང་། །ཞེས་ཞུས་པས། དོན་ཀུན་འགྲོ་བ་ལ་དགོངས་ནས་གསུངས་པ། །སེམས་ཅན་དོན་བྱེད་ལས་ཀྱི་གླུ། །དམ་ཚིག་ཆེན་པོ་ང་ཡིས་བཤད། །འཁོར་རྣམས་གུས་པས་ཡིད་ལ་ཉོན། །ལས་ཀྱི་རྒྱལ་པོ་བསྒྲུབ་པ་ལ། །རྩ་བའི་དམ་ཚིག་སྐུ་གསུང་ཐུགས། །ལས་ཀྱིས་ཁོག་པ་བྱིན་བརླབས་དབང་གི་རྒྱལ་པོས་བསྒྲུབ། །ལས་ཀྱི་བསྒྲུབབསྙེན་བསྒྲུབ་སྦྱོར་བཀའ་གསུམ་གྱིས་བསྒྲུབ། །ལས་ཀྱི་བཞི་མདོ་དོན་རྩ་བའི་སྙིང་པོས་གཟུངས། །དེ་ནས་ཡང་དག་བཤད་བྱ་བ། །ལས་ཀྱི་རྒྱལ་པོས་བསྒྲུབ་པའི་ཕྱིར། །རྩ་བ་བྱང་ཆུབ་སེམས་ཉིད་ལས། །ལམ་གྱི་ཡན་ལག་སྙིང་རྗེ་བསམ། །འཕྲིན་ལས་སྐུ་གསུང་ཐུགས་ཀྱིས་སྦྱར། །ཡོན་ཏན་ཐེག་པའི་ས་ལམ་བགྲོད། །འབྲས་བུ་མངོན་པར་རྫོགས་པར་སངས་རྒྱས་ཏེ། །དབང་བསྐུར་རྫོགས་ནས་ཕྱིར་མི་ལྡོག་པར་བཤད། །ལས་ཀྱི་ཁོག་དོན་བསྟན་བའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །རྩ་བ་བྱང་ཆུབ་སེམས་ཀྱི་ལས། །གཉིས་མེད་ཐིག་ལེ་ཡང་དག་བསྒྲུབ། །རྟོག་མེད་མཉམ་ཉིད་དངོས་གཟུང་མེད་པའི་ལམ། །རྫོགས་པའི་སངས་རྒྱས་ས་ལ་གནས། །འབྲས་བུ་ཕྱག་རྒྱ་ཆེན་པོའི་རིགས་འཛིན་ཐོབ། །ཅེས་དམ་ཚིག་ཆེན་པོ་ང་ཡིས་བཤད། །རྩ་བ་བྱང་ཆུབ་ཆེན་པོ་སེམས་ཀྱི་ལ། །ཏིང་འཛིན་འདུ་འབྲེལ་མེད་པས་བསྒྲུབ། །མི་འགྱུར་ཡེ་ཤེས་མཐོང་བའི་ལམ། །བསམ་གཏན་བྱང་ཆུབ་མཐོང་བའི་ས། །འབྲས་བུ་དེ་བཞིན་གཤེགས་པ་ཐོབ། །ཅེས་གསུངས། རྩ་བ་བྱང་ཆུབ་སེམས་ཀྱི་ལམ། །སྐུ་གསུང་ཐུགས་ཀྱི་སྦྱོར་བར་སྒྲུབ། །ཚོགས་ལམ་སྐྱེད་པའི་སྦྱོར་བ་སྟེ། །སྦྱོར་ལམ་ཏིང་འཛིན་རིམས་ཀྱིས་འཇུག །སྒོམ་ལམ་ཡེ་ཤེས་དམིགས་པ་སྟེ། །མཐོང་ལམ་འཕྲོ་འདུའི་བྱིན་རླབས་ཅན། །ཐར་ལམ་སྟོང་ཉིད་བསྒོམ་པའོ། །རྗེས་སུ་འཇུག་པ་སྤྱོད་པ་ཡིས། །འབྲས་བུ་རིགས་འཛིན་རྣམ་གསུམ་རིམས་ཀྱིས་ཐོབ། །ཅེས་བཤད། རྩ་བ་བྱང་ཆུབ་སེམས་ཀྱི་ལས། །རང་བྱུང་ཡེ་ཤེས་སྙིང་པོས་བསྒྲུབ། །རྩོལ་བྲལ་ཉག་གཅིག་སེམས་ཀྱི་ལམ། །རང་རིག་མངོན་དུ་གྱུར་པའི་ས། །འབྲས་བུ་ཀུན་ཏུ་བཟང་པོའི་ས་ནོན། །དམ་ཚིག་ཆེན་པོ་ང་ཡིས་བཤད། །དེ་ནས་ཡང་དང་བཤད་བྱ་བ། །རྩ་བ་བྱང་ཆུབ་སེམས་ཀྱི་བའི། །་ར་བཞི་བྱང་ཆུབ་སེམས་ཀྱིས་བསྒྲུབ། །ཡོན་ཏན་ཅིར་ཡང་འབྱུང་བའི་ལམ། །འཕྲིན་ལས་རང་བྱུང་རྟོགས་པའི་ས། །འབྲས་བུ་ལྷུན་གྲུབ་རིགས་འཛིན་ཐོབ་ཅེས་བསྟན། །རྩ་བ་བྱང་ཆུབ་སེམས་ཀྱི་གཞི། །བྱིན་བརླབཇོ་དབང་གི་རྒྱལ་པོས་བསྒྲུབ། །ཐུགས་རྗེ་བྱིན་གྱིས་བརླབས་པའི་ལམ། །ཐུགས་བསྒྲུབ་བྱིན་བརླབས་འབྱུང་བའི་ས། །འབྲས་བུ་ས་བཅུ་ནོན་ནས་ཐོབ་པར་བཤད། །རྩ་བ་བྱང་ཆུབ་སེམས་ཀྱི་ལམ། །ཐབས་ཀྱི་ཡན་ལག་ཐབས་ཀྱི་བསྒྲུབ། །ཤེས་རབ་རིག་པ་ཐོབ་པའི་ས། །འབྲས་བུ་ཕ་རོལ་ཕྱིན་པ་ཐོབ། །རྩ་བ་བྱང་ཆུབ་སེམས་ཀྱི་འབྲས་བུ། །བཅུད་ལེན་རྣམ་པ་ལྔ་ཡིས་བསྒྲུབ། །རྣལ་འབྱོར་འཁོར་འདས་ཡངས་པའི་ལམ། །རྫོགས་ཆེན་རང་ས་ནོན་པ་ཡི། །འབྲས་བུ་མི་སྐྱེ་མི་འགག་གྲོལ་ཚུལ་ཐོབ། །ཅེས་དམ་ཚིག་ཆེན་པོ་ང་ཡིས་བཤད། །ལྟ་སྒོམ་སྤྱོད་པ་འབྲས་བུའི་སྒྲུབ་པ་བསྟན་བའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ། །ལས་ཀྱི་འབྲས་བུ་སྒྲུབ་པའི་ཕྱིར། །གཞི་དང་ལམ་དང་འབྲས་བུ་གསུམ། །བསྒྲུབ་པའི་མདོ་རྩ་སྙིང་པོར་བསྟན། །གཞི་ནི་ཀུན་གཞི་བྱང་ཆུབ་སེམས། །ལམ་ནི་རྟོག་པའི་རིན་ཆེན་ལ། །འབྲས་བུ་བརྩལ་མེད་ལྷུན་གྲུབ་སྟེ། །མདོ་རྩ་སྙིང་པོས་བསྒྲུབ་པར་བྱ། །དེ་ཡི་རང་བཞིན་བདག་ཉིད་གསུམ། །ངོ་བོ་གནས་ལུགས་ཐིག་ལེ་གསུམ། །ངོ་བོ་ཀུན་གཞི་བྱང་ཆུབ་སེམས། །གནས་ལུགས་རང་བྱུང་ཡེ་ཤེས་དེ། །ཐིག་ལེ་བྱང་ཆུབ་སེམས་སུ་འཆར། །དེ་ཡི་འཕྲིན་ལས་བསྟན་པ་ནི། །སྐུ་གསུང་འདུ་འབྲལ་མེད་པར་འབྱོར། །དེ་ཡི་ཡོན་ཏན་བསྟན་པ་ནི། །དུས་གསུམ་འགྱུར་བ་མེད་པར་གནས། །དེའི་འབྲས་བུ་བསྟན་རྩ་བའི་དོན་རྩོ་ས་ཅིང་། །རིག་པས་འཁྲུལ་གཞི་རྩད་ཆོད་ནས། །འབྲས་བུ་མི་འགྱུར་བའི་དོན་རྟོགས་ནས། །བསམ་གཏན་གྱི་ལམ་མཐར་ཕྱིན་པར་བསྟན་པ་གཉིས། །མདོའི་དོན་རྟོགས་ནས་ཡེ་ཤེས་ཀྱི་ངོས་གཟུང་ནས་ལས་མཐར་ཕྱིར་པར་བཅངས་ཏེ། འབྲས་བུ་ཕྱག་རྒྱ་ཆེན་པོར་གནས་པ་གསུམ་མོ། །ལས་ཀྱི་འབྲས་བུ་ཐོབ་ལུགས་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་སྟེ། །ལས་ཀྱི་རྒྱལ་པོས་བསྒྲུབ་པའི་ཕྱིར། །མདོ་དོན་རྩ་བའི་སྙིང་པོའི་དོན་རྟོགས་བཤད། །སྙིང་པོ་རང་བྱུང་ཡེ་ཤེས་ཏེ། །འབྲས་བུ་རྒྱལ་པོ་བསྐྱེད་ཅིང་འཛིན། །རྩ་བའི་ཆོས་ཀྱི་རྒྱལ་པོ་སྟེ། །ལས་ཀྱི་རྒྱལ་པོ་འཕྲིན་ལས་ཡོན་ཏན་ཐུགས་ཀྱིས་འགྱུར། །ཞིང་ས་དང་ལམ་ནི་སྦྱོང་ཞིང་བགྲོད། །མདོ་ནི་ཕྱག་རྒྱའི་དཀྱིལ་འཁོར་ཏེ། །ཐུགས་རྗེའི་ཐབས་ཀྱི་སྦྱོར་བ་ཡིན། །དེ་ཕྱིར་མདོ་རྩའི་སྙིང་པོར་བཤད། །སྣང་སྲིད་ཕྱག་རྒྱའི་དཀྱིལ་འཁོར་ལ། །དྲན་རྟོགས་ཐམས་ཅད་ཐུགས་ཀྱི་སྤྲུལ་པ་ཡིན། །བརྗོད་པ་ཐམས་ཅད་གསུང་གི་སྙིང་པོར་གནས། །དེ་ཡི་གྲུབ་རྟགས་བསྟན་པ་ནི། །སྣང་སྲིད་གྲུབ་ན་ཆོས་སྐུར་རྟོགས། །དྲན་རྟོགས་གྲུབ་ན་ཡེ་ཤེས་འཆར། །བརྗོད་པ་གྲུབ་ན་ཡེ་ཤེས་འཆར། །དེ་ཡི་འཕྲིན་ལས་བསྟན་པ་ནི། །ཕྱག་རྒྱ་ལུས་ཀྱི་དཀྱིལ་འཁོར་ལ། །སྟོང་ཉིད་རིག་པས་ལས་བྱེད་དེ། །དངོས་པོ་མེད་པར་སྦྱོར་བ་ཡིན། །དྲན་རྟོགས་ཐུགས་ཀྱི་ཆོ་འཕྲུལ་ལ། །སྣང་སྟོང་གསལ་བྱེད་ལས་བྱེད་དེ། །ཡེ་ཤེས་སྙིང་པོ་སྦྱོར་བ་ཡིན། །བརྗོད་པའི་སྙིང་པོ་ལ་ལས་ཀྱི་རྒྱལ་པོས་ལས་བྱེད་དེ། །བྱིན་བརླབས་རྒྱལ་པོས་དབང་སྐུར་རྒྱལ་པོས་སྦྱོར་ཞེས་བཤད། །དེ་ཡི་ཡོན་ཏན་འབྲས་བུ་བསྟན་པ་ནི། །ཕྱག་རྒྱ་ཡི་དམ་ལུས་ཀྱི་འབྲས་བུ་བསྟན་པ་ནི། །སྲིད་པ་ལྷ་ཚོགས་ལུས་ལ་གནས། །དྲན་རྟོག་ཡིད་ཀྱི་འཛིན་ཕུར་ཏེ། །དམིགས་པའི་འབྲས་བུ་གང་ཡང་སྦྱོར། །བརྗོད་པ་ཐུགས་ཀྱི་དམ་པ་སྟེ། །ཡེ་ཤེས་ཀྱི་འབྲས་བུ་སྐྱེད་ཅིང་འཕེལ་བ་བྱེད། །ཅེས་ཐམས་ཅད་དམ་ཚིག་ཆེན་པོ་ང་ཡིས་བཤད། །ལས་ཀྱི་སྒྲུབ་ཐབས་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ཞུས་པ། ཨེ་མ་ཧོ། སྣང་སྲིད་ཆོས་ཀྱི་རྒྱལ་པོ་སྙིང་པོ་ངོ་མཚར་ཅན། །ཡེ་ཤེས་སྟོབས་ཀྱིས་འབྲས་བུ་ཐོབ་པའི་ཀླུ་རྒྱལ་ལགས། །ལས་ཀྱི་རྒྱལ་པོ་སྒྲུབ་པའི་ཕྱིར། །སྲིད་པ་ལྟ་བྱེད་ཇི་ལྟར་ལགས། །དེ་ཡི་སྙིང་པོ་མདོ་རྩ་སྙིང་པོ་རྣམས། །ཡོན་ཏན་འབྲས་བུ་འཕྲིན་ལས་རྣམས། །མན་ངག་མདོ་བསྡུས་དུང་སྐྱོང་བཤད་དུ་གསོལ། །ཅེས་གསོལ་བ་བཏབ་སྟེ་ཞུསླ་པས། ཆོས་ཉིད་ཀྱི་གནས་ལུགས་དགོངས་པ་མཛད་ནས་གསུངས་པ། །སྲིད་པ་ཐུགས་ཀྱི་མེ་ལོང་སྟེ། །ལྟ་བྱེད་རིག་པའི་རྒྱལ་པོའོ། །དེ་ཡིས་མདོ་རྩ་སྙིང་པོ་ནི། །མདོ་ནི་སྐུ་ལ་རྩ་བ་ཐུགས། །སྙིང་པོ་རང་བྱུང་ཡེ་ཤེས་སོ། །མན་ངག་མདོར་བསྡུས་བཤད་པར་བྱ། །ལུས་ངག་ཡིད་གསུམ་དད་པས་ཉོན། །ཅེས་བཀའ་སྩལ་ཏོ། །སྐུ་ཡི་ལས་བྱེད་ཐུགས་ཀྱིས་འགྱུར། །སྙིང་པོ་འབྲས་བུ་འཛིན་པར་གསུང་། །དེ་ཡི་དབང་ཐོབ་བྱིན་རླབས་འདི་ལྟར་འབྱུང་། །སྐུ་ཡི་འཕྲིན་ལས་ཐམས་ཅད་ཡོངས་སུ་རྫོགས་པ་སྟེ། ཕྱག་རྒྱ་ཆེན་པོའི་ཐུགས་དང་གཉིས་མེད་དུས་གསུམ་ཀུན་ཏུ་སྦྱོར། ཐུགས་ཀྱི་འཕྲིན་ལས་ཡེ་ཤེས་ཀུན་ཏུ་སྦྱོར། །ས་བཅུ་ལམ་ལྔ་ཐབས་ཀྱི་རིམ་པས་སྦྱོར། །ཅེས་གསུངས།སྙིང་པོས་འབྲས་བུ་ཕ་རོལ་ཕྱིན་པ་སྟེ། འཇིགས་པའི་བདུད་རྣམས་བསྒྲལ་ཏེ། མངོན་པར་རྫོགས་པར་སངས་རྒྱས་ཞེས་དམ་ཚིག་ང་ཡིས་བཤད། དེ་ནས་ཡང་དག་བཤད་བྱ་བ། །འབྲས་བུ་ཡེ་ཤེས་རྟོགས་པར་བྱ་བའི་ཕྱིར། །སྲིད་པ་ལྟ་བྱེད་རྒྱལ་པོ་བསྟན། །དེ་ལྟར་སྙིང་རྗེ་དམིགས་དང་ལྡན། །ཡེ་ཤེས་སྦྱན་ཅིག་ཀུན་ཏུ་གཟིགས། ཁམས་གསུམ་ལ་ནི་རྣམ་པར་འབྱེད་ཅིང་ལྟ། །སྙིང་རྗེ་ཁྱེད་ཀྱིས་ཐེག་པར་བྱེད། །ཐེག་པ་ཀུན་གྱི་འབྲས་བུ་རྣམས། །ཐེག་པ་ཆེན་པོས་དབང་དུ་བསྡུས། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་ཞུས་པ། ཨེ་མ་ཧོ། འབྲས་བུ་ངོ་མཚར་སྙིང་པོའི་དོན། །རྫོགས་པའི་སངས་རྒྱས་ཐུགས་རྗེ་ཅན། །བྱིན་རླབས་ཐུགས་ལ་འཆར་བ་བྱང་ཆུབ་སེམས་དཔའི་ཀླུ། སྙིང་རྗེ་བྱིན་རླབས་ཐུགས་ལ་ཐོས་པའི་ཀླུ་རྒྱལ་ངོ་མཚར་ཅན། བདག་ཅག་བྱང་ཆུབ་བསྒྲུབ་པའི་ཕྱིར། །འབྲས་བུ་ཡེ་ཤེས་ཀྱི་ངང་ངོ་བོ་རང་བཞིན་ཇི་ལྟར་དུ་གནས། །འཕྲིན་ལས་ཡོན་ཏན་མན་ངག་ཇི་ལྟར་དུ་གནས། །མདོར་བསྡུས་དུང་སྐྱོང་བདག་ལ་བཤད་དུ་གསོལ། །ཅེས་གསོལ་བ་བཏབ་སྟེ་ཞུསླ་པ་དང་། ཐེག་པ་ཀུན་གྱི་ཁྱད་པར་ལ་དགོངས་ནས་གསུངས་པ། བྱང་ཆུབ་བསྒྲུབ་པའི་ཀླུ་རྒྱལ་དུང་སྐྱོང་དད་པ་ཅན། བྱང་ཆུབ་སེམས་དཔས་བཤད་ཀྱིས་ཉོན། །འབྲས་བུ་ཡེ་ཤེས་ཀྱི་ངང་ཐིག་ལེ་ཉག་གཅིག་ངོ་བོ་མཉམ་པ་ཉིད། རང་བཞིན་ཐུགས་རྗེ་ཆེན་པོའི་བྱིན་བརླབས་ཀུན་ལ་མཉམ་པར་གནས་སོ། །དེ་ཡི་མན་ངག་མདོར་བསྡུས་ནི། །ངང་དང་ངོ་བོ་རང་བཞིན་གསུམ། །ཡེ་ཤེས་ཅིག་པས་གཟུགས་སྐུ་ཅིར་ཡང་འཆར། །དཔེར་ན་ཟླ་བ་ཆུ་དང་ཆུ་ཟླ་བཞིན། །ཡེ་ཤེས་གཅིག་ལས་གཟུགས་ཀྱི་བྱེ་བྲག་སྣ་ཚོགས་འབྱུང་། །དཔེར་ན་གཟུགས་དང་གཟུགས་བརྙན་མེ་ལོང་བཞིན། །མེ་ལོང་གསལ་བས་གཟུགས་བརྙན་སྣང་བ་ཡིན། །གཟུགས་བརྙན་སྣང་བས་གཟུགས་སྐུ་གསལ་བ་ཡིན། །གཟུགས་སྐུ་གསལ་བས་སྙིང་པོ་ཤར་བ་ཡིན། །སྙིང་པོ་རང་བྱུང་ཡེ་ཤེས་ཏེ། །དཔེར་ན་ཀླུ་ཡི་རྒྱལ་པོ་ང་མེད་ན། །འཇིག་རྟེན་འདི་རུ་ཆར་ཆུ་ཅི་ལས་བྱུང་། །ཆར་ཆུ་མེད་ན་མེ་ཏོག་ཅི་ལ་འཁྲུང་། །མེ་ཏོག་མེད་ན་འབྲས་བུ་ག་ནས་འབྱུང་། །འབྲས་བུ་མེད་ན་སྙིང་པོ་ཅི་ལ་གདགས། །འབྲས་བུ་དེ་ནི་ཀླུ་རྒྱལ་ང་ཡི་བྱིན་རླབས་སོ། །འབྲས་བུ་ཡེ་ཤེས་མེད་ན་སྙིང་པོ་ཅི་ལ་འཆར། །སྙིང་པོ་མེད་ན་གཟུགས་སྐུ་ཅི་ལ་སྣང་། །གཟུགས་སྐུ་མེད་ན་འབྲས་བུ་ཅི་ལ་གྲུབ། །འབྲས་བུ་མེད་ན་སྙིང་པོ་ཅི་ལ་གདགས། །དེ་ཕྱིར་དམ་ཚིག་ཆེན་པོ་ང་ཡིས་བཤད། །ཆོས་ཉིད་དོན་གྱི་གནས་ལུགས་འདི་བཞིན་ཏེ། །སྙིང་རྗེ་ཆེན་པོ་ཐེག་པའི་མཆོག །འགྲོ་དོན་གཞན་ལ་དམིགས་པས་བྱང་ཆུབ་མཆོག་གི་ལམ། །ལམ་གྱི་ཡན་ལག་ཐབས་ཀྱིས་སྤྱད། །དེ་བཞིན་རྟོགས་པས་རྣལ་འབྱོར་པས། །དང་པོ་ཚོགས་ལམ་སྐྱེད་པ་ནས། །ཐར་ལམ་སྟོང་ཉིད་མན་ཆད་དུ། །འགྲོ་དོན་གཞན་ལ་དམིགས་པས་སྤྱད། །དེ་ཡི་ཐེག་པའི་ཁྱད་ཕྱེ་ནས། །ཐེག་པ་ཀུན་གྱི་འབྲས་བུ་རྣམས། །ཐེག་པ་ཆེན་པོས་དབང་དུ་སྡུད། །འབྲས་བུ་ཐར་པ་འཐོབ་པར་བཤད། །དེ་ནས་ཡང་དག་བཤད་སྡུད། །འབྲས་བུ་ཐར་པ་འཐོབ་པར་བཤད། །དེ་ནས་ཡང་དག་བཤད་བྱ་བ། །རྩ་བ་བྱང་ཆུབ་སེམས་ཀྱི་ལས། །སྙིང་རྗེ་མཆོག་དང་མ་ལྡན་ན། །དོན་བྱེད་གྲུབ་པར་ངས་མ་གསུངས། །ཐེག་པ་ཆེན་པོའི་སྙིང་རྗེ་སྤྱི་དོན་ཡོངས་ལ་དགོངས་པ་སྟེ། །ངོ་བོ་སྟོང་ཉིད་དག་པ་ལ། །སྙིང་པོ་ཡེ་ཤེས་ཅིར་ཡང་འཆར། །རང་བཞིན་ཐུགས་རྗེ་ཆེན་པོ་ལ། །བྱིན་རླབས་ཐུགས་རྗེ་བྱང་ཆུབ་སེམས་ཀྱིས་ཁྱབ། །གནས་ལུགས་ཐིག་ལེ་ཉག་གཅིག་ལ། །ཡོན་ཏན་འཕྲིན་ལས་ཐམས་ཅད་རྫོགས། །ཞེས་གསུངས། དངོས་གཞི་བྱང་ཆུབ་སེམས་ཀྱི་ལམ། །སྙིང་པོར་གནས་པས་བྱང་ཆུབ་སེམས་གཟུགས་སྐུར་སྤྲུལ་པ་ཡིན། །དངོས་གཞི་བྱང་ཆུབ་སེམས་ཀྱི་གཞི། །ངོ་བོ་བདག་པས་ཡེ་ཤེས་གསལ་བ་ཡིན། །དངོས་གཞི་བྱང་ཆུབ་སེམས་ཀྱི་དངོས་གཞི་ནི། །སྙིང་རྗེ་ཤར་བས་ཐེག་པའི་ཆོ་གཅེས་བྱ། །དམ་ཚིག་ཆེན་པོ་ང་ཡིས་གདམས། །སྲིད་པ་ལྟ་བྱེད་ཐུགས་ཀྱི་མེ་ལོང་བསྟན་པའི་ལེའུ་སྟེ་བདུན་པའོ།། །།དེ་ནས་འཁོར་རྣམས་ཀྱིས་ཞུས་པ། ཨེ་མ་ངོ་མཚར་སྙིང་པོའི་དོན། །ཆོས་ཉིད་བདེན་པའི་དོན་མཐོང་ཀླུ་རྒྱལ་དབང་གི་མཆོག །དམ་ཚིག་ལས་ཀྱི་རྒྱལ་པོ་བསྒྲུབ་པའི་ཕྱིར། །བསྙེན་བསྒྲུབ་ལས་ཀྱི་སྦྱོར་ཀ་ལས་ཀྱི་འབྲས་བུ་རྣམས། །འཁོར་རྣམས་ཀུན་ལ་བཤད་དུ་གསོལ། །ཅེས་ཞུས་པས། ལས་ཀྱི་དོན་བྱེད་པ་ལ་དགོངས་ནས་གསུངས་པ། །ཨེ་མ་ཧོ། དོན་བྱེད་ཐུགས་ལས་སྤྲུལ་པའི་ཀླུ་ཆེན་བརྒྱད། །བསྙེན་བསྒྲུབ་ལས་སྦྱོར་བཤད་ཀྱིས་ཀུས་པར་ཐུད། །ཅེས་བཀའ་སྩལ་ཏོ། །བསྙེན་པས་རང་རྒྱུད་སྐྱོར་བ་སྟེ། །ཐུགས་ཀྱི་བསྒྲུབ་པ་ཤིན་ཏུ་གཅེས། །སྒྲུབ་པས་ལས་ཀྱི་བདག་པོ་དབང་དུ་སྡུད་པ་སྟེ། །བྱིན་རླབས་དབང་རྣམས་རྫོགས་པ་གཅེས། །ལས་ཀྱི་སྦྱོར་ཀས་ལས་ཀྱི་འབྲས་བུ་སོ་སོར་བྱེད་པ་སྟེ། །དམིགས་པའི་སྙིང་རྗེས་ཟིན་པ་གཅེས། །དེ་ཡི་སྒྲུབ་ཐབས་བཤད་པ་ནི། །བཅས་དང་བཟླས་ལུགས་སྒོམ་ཐབས་གསུམ། །བཀའ་ཡི་འཁྲུལ་འཁོར་མན་ངག་ལྔ་རུ་བསྡེབས། །བསྙེན་པའི་བཅས་ལ་གཉིས་སུ་བཤད། །མཆོད་རྟེན་བཅའ་དང་འཁོར་ལོ་བསྐོར། །འཁོར་ལོ་དག་ལ་གསུམ་དུ་བཤད། །སྲིད་པ་སྐུ་ཡི་འཁོར་ལོ་དང་། །བརྗོད་པ་གསུང་གི་འཁོར་ལོ་དང་། །ཡེ་ཤེས་ཐུགས་ཀྱི་འཁོར་ལོའོ། །དེ་ཡི་བསྐོར་ཐབས་འདི་བཞིན་ཏེ། །སྲིད་པ་སྐུའི་འཁོར་ལོ་གཟུགས་སུ་བསྐོར། །གཟུགས་དང་གཟུགས་བརྙན་ཚུལ་དུ་འཁོར། །བརྗོད་པ་གསུང་གི་འཁོར་ལོ་སྙིང་པོ་སྔགས་ཀྱི་ཚིག་གིས་བསྐོར། །སྙིང་པོ་དང་འབྲས་བུ་བཞིན་དུ་འཁོར། །ཡེ་ཤེས་ཐུགས་ཀྱི་འཁོར་ལོ་བྱང་ཆུབ་སེམས་ལ་འཁོར། །སྦྱོར་བ་ཐབས་ཀྱི་ཤེས་རབ་ཚུལ་དུ་འཁོར། །དེ་ཡི་ཡོན་ཏན་བསྟན་པ་ནི། །དཔེར་ན་ནོར་བུ་རིན་ཆེན་འདྲ། །དགོས་དགུ་སེམས་ཀྱི་འདོད་དགུ་འབྱུང་ཞེས་བཤད། །མཆོད་རྟེན་བཅའ་བ་ལས་ཀྱི་བསྒོམ་ཐབསབཞིན། །བཟླསལུགས་དག་ལ་རྣམ་པ་བཞི། །ཡེ་ཤེས་ཐིག་ལེའི་བཟླས་པ་དང་། །ཐུགས་རྗེ་བསྐྱེད་པའི་བཟླས་པ་དང་། །ཆོས་ཉིད་གསལ་བའི་བཟླས་པ་དང་། །འབྲས་བུ་བསྡུད་པའི་བཟླས་པའོ། །དེ་ཡི་ཡོན་ཏན་བསྟན་པ་ནི། །རི་རབ་གླིང་བཞིའི་ཆས་པ་འདྲ། །བྱེད་པ་སེམས་ཅན་ཀུན་དོན་བྱེད། །བསྒོམ་ཐབས་དག་ལ་རྣམ་པ་གཉིས། །རང་རྒྱུད་སྐྱོར་བའི་ཏིང་འཛིན་དང་། །ཡེ་ཤེས་ཐིག་ལེ་རྒྱས་པའི་སྒོམ་པའོ། །དེ་ཡི་ཡོན་ཏན་སྟོབས་མཆོག་གླང་ལ་ཁལ་བཀལ་འདྲ། །ཐེག་པའི་ཁྱད་པར་སྙིང་རྗེས་འབྱེད། །བསྒྲུབ་པའི་བཅས་ལ་གཉིས་སུ་བཤད། །དཀྱིལ་འཁོར་བྲི་དང་གཉིས་སུ་མཆོད་པའི་བསྟན། །དཀྱིལ་འཁོར་དག་ལ་གསུམ་དུ་བསྟན། །མཎྜལ་འཁོར་གྱི་དཀྱིལ་འཁོར་དང་། །ཕྱག་རྒྱ་ལུས་ཀྱི་དཀྱིལ་འཁོར་དང་། །རིག་པ་སེམས་ཀྱི་དཀྱིལ་འཁོར་དང་། །དེ་ཡི་བྲི་ཐབས་འདི་བཞིན་ཏེ། །མཎྜལ་ཚོན་གྱི་དཀྱིལ་འཁོར་ནི། །དམ་ཚིག་གཙང་བའི་སྔགས་པས་བྲི། །ཕྱག་རྒྱ་ལུས་ཀྱི་དཀྱིལ་འཁོར་ནི། །བྱིན་བརླབ་དབང་བསྐུར་རྫོགས་པས་བྲིས། །རིག་པ་སེམས་ཀྱི་དཀྱིལ་འཁོར་ནི། །སེམས་དབང་ཐོབ་པའི་བླ་མའི་བྱིན་བརླབས་ཞུགས་པས་བྲི། །དེ་ཡི་ཡོན་ཏན་བསྟན་པ་ནི། །མུན་ནག་ནང་དུ་མེ་སྒྲོན་བཏེག་པ་འདྲ། །བྱིན་བརླབས་ཐོབ་པས་བར་གཅོད་སེལ། །མཆོད་རྟེན་དག་ལ་རྣམ་པ་གཉིས། །དམིགས་པ་རྟེན་གྱི་མཆོད་པ་དང་། །རྟེན་མེད་སེམས་ཀྱི་མཆོད་པའོ། །དེའི་ཡོན་ཏན་ཞིང་ལ་ཆུ་ལུད་བརྟེན་པ་འདྲ། །ཐབས་དང་ལྡན་པས་བྱིན་གྱིས་བརླབས། །བཟླས་ལུགས་དག་ལ་རྣམ་པ་གསུམ། །དམ་ཚིག་རྗེས་དྲན་སྲོག་གི་བཟླས་པ་དང་། །ལས་ལ་ཞུགས་པའི་བཟླས་པ་དང་། །མགོ་འདྲེན་སྙིང་རྗེའི་བཟླས་པའོ། །དེ་ཡི་ཡོན་ཏན་བསྟན་པ་ནི། ཁྲག་སྤྱང་གཟན་ལ་གདུང་བ་འདྲ། །ལས་ཀྱི་རང་གཤེད་རང་ལ་དབབ་པའོ། །བསྒོམ་ཐབས་དག་ལ་གསུམ་དུ་བསྟན། །གཉེན་པོ་སྟོབས་ཀྱིས་སྒོམ་པ་དང་། །ལས་མཁན་བདག་པོར་སྒོམ་པ་དང་། །དམིགས་པ་གཤེད་ལ་དབབ་པའི་སྒོམ་པའོ། །དེ་ཡི་ཡོན་ཏན་སྐྱེས་བུ་ལས་ལ་ཞུགས་པ་འདྲ། །ལས་ཀྱི་བྱིན་རླབས་སོ་སོར་འབྱུང་། །སྦྱོར་ཀའི་བཅས་དང་བཟླས་ལུགས་སྒོམ་ཐབས་གསུམ། །འཕྲིན་ལས་བཞིའི་བསྐྲུབ་པ་སྟེ། །བི་ཤྭ་ཀར་མའི་བཟོ་འདྲ་དགོས། །དེ་ཡི་ཡོན་ཏན་བསྟན་པ་ནི། །ཡིད་བཞིན་ནོར་བུ་རིན་པོ་ཆེ། །རྒྱལ་མཚན་རྩེ་བཏགས་མཆོད་པ་འདྲ། །དགོད་འདོད་ཐམས་ཅད་དེ་ལས་འབྱུང་། །ཞེས་དམ་ཚེག་ཆེན་པོ་ང་ཡིས་བཤད། །བསྐྱེད་བསྒྲུབ་ལས་ཀྱི་གཞུང་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །ལས་ཀྱི་རྒྱལ་པོ་བསྒྲུབ་པ་ལ། །མདོ་རྩ་སྙིང་པོའི་སྒོར་ལུགས་བསྟན། །རྩ་བ་བྱང་ཆུབ་སེམས་ཀྱི་ལས། །མདོ་རྩ་སྙིང་པོ་འདི་བཟླས་ན། །ཉི་མ་ཤར་གནས་ལ་ཤར་བ་འདྲ། །ཨོ་ག་རུ་ཌ་ཙ་ལེ་ཙ་ལེ་ཧུ༷་ཕཊ། ལས་ཀྱི་རྒྱལ་པོ་ཐུགས་རྗེར་འཆར། །ཡེ་ཤེས་སྐུ་སྟེ་རང་འབྱུང་བ། །ཕྱོགས་བཅུར་སངས་རྒྱས་ཐམས་ཅད་ཀྱི། །ཡོན་ཏན་འབྲས་བུའི་བསྒྲུབ་པ་ཡིན། །ཐུགས་རྗེ་ཆེན་པོའི་རང་བཞིན་སངས་རྒྱས་ཐུགས་ཀྱི་སྒྲུབ་པའོ། །དེ་ཕྱིར་སྙིང་པོ་དེ་ལ་བྱོས། །ཧུ༷་ནཱ་ག་རྭ་ཛ། ས་མ་ཡ་ཛ། མདོ་རྩ་སྙིང་པོ་དེ་ལ་དྲངས་པས་ན། །བི་ཤོ་ཀར་མའི་ལག་ཏུ་བཟོ་གཏད་ན། །ལས་ཀྱི་རྒྱལ་པོ་རང་ལ་སྟོན། །ཀར་མ་ལས་མཁན་གྲུབ་པ་སྟེ། །ལས་བྱེད་སྤྲུལ་པའི་ཀླུ་རྟགས་ཏེ། །ཡིད་བཞིན་འཛིན་གྱི་ཐུགས་སྤྲུལ་ཀླུ། །ཀླུ་ཡི་རྒྱལ་པོའི་ཐུགས་བསྒྲུབས་ཏེ། །བྱིན་རླབས་ཕུན་སུམ་ཚོགས་དོན་འབྱུང་། །ཞེས་བཤད། དེ་ན་དེ་ལ་ནན་ཏན་བྱོས། །དེ་ནས་ཡང་དག་བཤད་པར་བྱ། །ལས་ཀྱི་རྒྱལ་པོ་སྒྲུབ་པའི་ཕྱིར། །སྐུ་གསུང་ཐུགས་དང་ཡོན་ཏན་འཕྲིན་ལས་ལྔའི་མདོ་རྩ་སྙིང་པོ་བཤད། འཁོར་རྣམས་གུས་པའི་ཡིད་ལ་ཟུང་། །ཞེས་བཀའ་སྩལ་ཏོ། །དམ་ཚིག་མཁའ་ལྡིང་རྒྱལ་པོའི་བཀའ་ལས་འདས་ན་ཀླུ་རྣམས་བསྲེགས། །དེ་ནས་དམ་ཚིག་མཁའ་ལྡིང་རྒྱལ་པོ་ལ། །དམ་ཚིག་གཞུང་དུ་བལྟ་བར་བྱ། །དམ་ཚིག་མཁའ་ལྡིང་རྒྱལ་པོ་ཡང་། །རྩ་བ་བྱང་ཆུབ་སེམས་ཀྱི་དོན། །དེ་ཡི་མན་ངག་མདོར་བསྡུས་འདི་བཞིན་ནོ། །ག་རུ་ཎ་ཙ་ལེ་ཙ་ལེ་ཧུ༷་ཕཊ། ཐུགས་ཀྱིས་སྙིང་པོ་དགུ་པའོ། །འདི་ནི་གདུང་གི་དྲག་སྔགས་སོ། །ཨོད་ཀ༷་ཨོད་ཀ༷་ཁྱུང་ཀ་ར་ཁྱུང་ཀ་ར། བཛྲ་དབྱིག་དུ། མ་ཧྭ་ཀྲོ་ཏ་ཧུ༷་ཕཊ། འདི་ནི་སྐུའི་སྙིང་པོའོ། །ཨོ་བཛྲ་བྷ་ཏི་བྷ་རུ་རུ་ཧུ༷་ཧུ༷་བཛྲ་བཛྲ་རྭ་ཛ་ཏྲི་ཛ་ཧུ༷་ཕཊ། དེ་བཟླས་འཕྲིན་ལས་ཡོངས་སུ་སྦྱོར། །ཞེས་གསུངས་སོ། །ཧ་པ་ཨོ་ས་ཏྲི་ལྔ་པ་འཕྲིན་ལས་ཀྱི་ཡང་སྙིང་དུ་བསྟན་པའོ། །མདོ་རྩ་སྙིང་པོ་སྔགས་ཀྱི་བསྐོར་ལུགས་བསྟན་པའི་ལེའུ་སྟེ་བཅུ་པའོ།། །།དེ་ནས་ཡང་དག་བཤད་བྱ་བ། །མདོ་རྩ་སྙིང་པོའི་བསྐོར་ལུགས་ལ། །ཡོན་ཏན་འཕྲིན་ལས་འདི་སྦྱར་ན། །སྟོང་འཁོར་ལོས་སྒྱུར་བའི་རྒྱལ་པོ་འདྲ་སྟེ། སྲིད་པའི་ཀླུ་རྣམས་དབང་དུ་འདུ།ཨོ་ཏ་ཀི་རྩ་ཏེ་བྱི་ཙ་ཏེ། ཧུ་ཡ་ཧུ་ཡ། ཧུ་ལུ་ཧུ་ལུ། སུ་རུ་ཏེ་སུ་རུ་ཏེ་ས་ས་ཧ། ནཱ་ག་རྭ་ཛ། ཙ་ཏུར་ལིང་ཁྲི་ཁྲག་རྒྱས་སྣི་ཤ་ཀུ་སྲ ནཱ་ག་ཤུ་པ་ལ་ལི། བྲེ་ཡང་ཀུ་རུ་མྱ་ར་ཡ་ཕཊ། ཡོན་ཏན་འཕྲིན་ལས་དེ་སྦྱར་ན། །རྒྱལ་ཁྲིམས་བཀའི་ཆད་པ་གཅོད་པ་འདྲ་སྟེ། སྲིད་པའི་ཀླུ་རྣམས་སྒྲོལ་བར་འགྱུར། །སྡུག་བསྔལ་ཉེན་བྱེད་ལུས་ལ་འཆར། །ཡེ་ཤེས་ཐུགས་ཀྱི་འཁོར་ལོ་སྟེ། །སྲིད་པའི་ཀླུ་རྣམས་བཀའ་ལས་འདའ་ན་བསྲེག་ཅིང་བྲན་དུ་བཀོལ། །ཞེས་དམ་ཚིག་ཆེན་པོ་དེ་ཡིས་བཤད། །དེ་ཕྱིར་འཕྲིན་ལས་དེ་བཞིན་བྱོས། །འཕྲིན་ལས་མདོར་བསྡུས་མན་ངག་རྩ་བར་གསུངས་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་འཁོར་རྣམས་ཀྱིས་ཞུས་པ ཨེ་མ་ངོ་མཚར་སྙིང་པོའི་དོན། །བྱིན་གྱིས་བརླབས་ཀྱིས་ཐུགས་རྒྱུད་པའི་བཀའ། དབང་རྣམས་རིམས་ཀྱིས་ཐོབ་པའི་ཀླུ་རྒྱལ་ལས་ཀྱི་རྗེ། ལས་ཀྱི་རྒྱལ་པོ་སྒྲུབ་པའི་ཕྱིར། །མདོ་དོན་རྩ་བའི་སྙིང་པོ་ལ། །ཐབས་ཀྱི་རྒྱལ་པོས་ཇི་ལྟར་སྦྱར། །མན་གང་མདོར་བསྡུས་གསུངས་པ་རྣམས། །དགེ་བསྙེན་བདག་ཅག་འཁོར་རྣམས་ལ། །འགྲོ་བའི་དོན་ལ་བཤད་པར་ཞུ། །ཞེས་གསོལ་བ་བཏབ་པས། ཀླུའི་རྒྱལ་པོ་ཐུགས་རྟོག་པ་རིན་པོ་ཆེའི་འཁོར་ལོར་དགོངས་པ་མཛད་ནས་གསུངས་པ། ཨེ་མ་ཧོ། བདག་གི་བྱིན་བརླབས་ཐོབ་པ་དགེ་བསྙེན་ལས་ཀྱི་ཀླུ། ལེགས་པར་བཤད་ཀྱི་ལུས་ངག་བ་། ཅེས་བཀའ་སྩལ་ཏོ། །ཐབས་ཀྱི་རྒྱལ་པོ་འཁོར་ལོས་སྦྱར། །དེ་ཡི་སྐོར་ཐབས་གཉིས་སུ་བཤད། །ཐུགས་རྗེ་རང་བྱུང་ཐེག་པ་ཁྱད་པར་གྱི་འཁོར་ལོ་དང་། དམ་ཚིག་ལས་ཀྱི་འཁོར་ལོའོ། །དེའི་བསྒོར་ཐབས་མན་ངག་མདོར་བསྡུས་བཤད་པ་ནི། རྒྱུ་དང་རྐྱེན་དང་སྦྱོར་བ་གསུམ། །མན་ངག་གསུང་གིས་བསྒྲུབ་པར་བཤད། །ཐུགས་རྗེའི་རང་བྱུང་ལས་ཀྱི་འཁོར་ལོ་ནི། །རྩ་བ་བྱང་ཆུབ་སེམས་ཀྱི་དབང་ཐོབ་པས། །རྒྱུ་ནི་ཆོས་ཉིད་དག་པ་ལ། །རྐྱེན་ནི་རང་བྱུང་ཡེ་ཤེས་སོ། །སྦྱོར་བ་ཐབས་དང་ཤེས་རབ་བོ། །དེ་དོན་རིག་པའི་རྣལ་འབྱོར་པས། །གཞུང་དང་མཐུན་པར་འཁོར་ལོ་བསྐོར། ཁུ་ནི་དར་དཀར་དག་ལ་བྱ། །རྐྱེན་ནི་གུར་ཀུམ་གླ་རྩི་ཆུ་ཡིས་སྦྱང་། །སྦྱོར་བ་བྱང་ཆུབ་སེམས་ཀྱིས་བྲི། །བྱ་རྒོད་དང་རུའི་སྒྲོ་རྩ་ཡིས། །ཐུགས་རྗེ་ཐབས་ཀྱི་འཁོར་ལོ་བསྐོར། །ཕྱོགས་བཞི་མཚམས་བརྒྱད་དབུས་དང་དགུ། །མཁའ་ལྡིང་རྒྱལ་པོའི་ཞལ་ཕྱུང་སྟེ། །ཙན་དན་དཀར་པོའི་རྩི་མཆོག་དང་། །བྱང་ཆུབ་སེམས་ཀྱི་བདུད་རྩི་བྱུག །དྲི་མཆོག་སྤོས་ཀྱི་དུད་པས་བདུག །སེམས་ལ་དབང་ཐོབ་རྣལ་འབྱོར་པས། །རྡོ་རྗེ་སེམས་དཔའི་དབང་ཐོབ་ཤོག །བྱང་ཆུབ་སེམས་སུ་བྱིན་གྱིས་བརླབས། །དེ་ཡི་དབང་ཐོབ་བྱིན་བརླབས་ཞུགས་པའི་ཚེ། །བསམ་གཏན་དབང་དུ་འདུས་པ་སྟེ། །ས་བཅུ་ལམ་ལྔ་རིམ་པ་ཐབས་ཀྱིས་གནོན། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་དག་བཤད་བྱ་བ། །དམ་ཚིག་ལས་ཀྱི་འཁོར་ལོ་ནི། །རྒྱུ་ནི་ཀུན་གཞི་བྱང་ཆུབ་སེམས། །རྐྱེན་ནི་འབྱུང་བ་རྣམ་པ་ལྔ། །སྦྱོར་བ་རྟེན་ཅིང་འབྲེལ་བའོ། །དེ་ཡི་མན་ངག་མདོ་བསྡུས་ནི། །བསྒྲུབ་པའི་དུས་དང་སད་པའི་དུས། །སྒྲུབ་པའི་དུས་སུ་འདི་བཞིན་ཏེ། །རྒྱུ་ནི་དར་ཚོན་སྣ་ལྔ་ཡིས། །རིན་པོ་ཆེ་ཡི་སྙུག་གུའམ། །དད་པའི་མཆུ་ཡི་དམ་ཚིག་ལས་ཀྱི་འཁོར་ལོ་བསྐོར། །ཕྱོགས་བཞི་མཚམས་བརྒྱད་དབུས་དང་དགུ། །ཀླུ་ཡི་རྒྱལ་པོའི་ཞལ་བྱུང་སྟེ། །སྙིང་པོ་ལྔ་ཡི་བཅུད་བླུག་ལ། །རིན་ཆེན་ལྔ་དང་སྙིང་པོ་ལྔ། །མེ་ཏོག་ལྔ་དང་འབྲུ་ལྔ་གཙོ་བྱས་ཏེ། །སྨན་སྣ་སྟོང་གི་ཆུ་ཡིས་བྱུག །རྩི་མཆོག་སྤོས་ཀྱི་བདུག་པས་བདུག །དམ་ཚིག་བསྲུང་ཞིང་དབང་བསྐུར་བྱ། །ཕུན་སུམ་ཚོགས་པར་བྱིན་གྱིས་བརླབ། །དེ་ཡི་དབང་རྣམས་ཐོབ་པའི་ཚེ། །འདོད་པ་དགུ་འགྱུར་དབང་དུ་འདུས་པ་སྟེ། །འཇིག་རྟེན་འདི་རུ་ལོངས་སྤྱོད་འཕེལ་བར་འགྱུར། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་དག་བཤད་བྱ་བ། །གསང་བའི་མན་ངག་མཆོག་ཏུ་སྒྲུབ། །ཐབས་དང་ཤེས་རབ་ལྟོ་སྦྱར་ལ། །དབང་དུ་བསྡུ་ཞིང་བྱིན་གྱིས་བརླབས་ཏེ། །འདོད་པ་ལྔའི་གསོལ་བ་གདབ། །སྙིང་རྗེ་མཆོག་དང་རབ་ལྡན་ཏེ། །བྱིན་བརླབས་ཕུན་སུམ་ཚོགས་པར་འབྱུང་། །དེ་ནས་རིན་པོ་ཆེ་ཡི་གདུང་རྟེན་ནམ། །ལ་ཅའི་ག་འུའི་ནང་དུ་བཞུགས་སུ་གསོལ། །མཆོད་དང་བསྟོད་པ་ཅི་ནུས་བྱ། །དེ་ཡི་ཡོན་ཏན་འཕྲིན་ལས་ནི། །བསོད་ནམས་འཕེལ་ཞིང་ཡོན་ཏན་འགྲུབ། །ཅེས་དམ་ཚིག་ཆེན་པོ་ང་ཡིས་བཤད། །ལས་ཀྱི་སྦྱོར་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །དམ་ཚིག་ལས་ཀྱི་ཕྱག་རྒྱ་འཁོར་ལོ། །བསྒྲལ་བའི་འཁོར་ལོ་སྟེ། ཁུ་ནི་སྦལ་ནག་གླུད་བུའམ། །སྦྲུལ་ནག་གི་ཤུན་པ་ལ། རྐྱེན་ནི་ནད་པའི་རྩ་ཁྲག་དུག་ཆུ་ནག་བོས་སྦྱར། །སྦྱོར་བ་དམྱགས་པ་དྲག་པོས་བྲི། །དུག་ཟན་རྨ་བྱའི་མདོངས་རྩའམ། །མཛེས་པའི་སྤྲིན་ལག་རུས་པ་ཡིན། །དམ་ཚིག་ལས་ཀྱི་འཁོར་ལོ་བསྐོར། །ཕྱོགས་བཞི་མཚམས་བརྒྱད་དབུས་དང་བཅུ། །གནོད་བྱེད་ཀླུ་ཡི་ཞལ་བྱུང་ལ། །ཐང་ཤིང་ནག་པོའི་དུག་ཆུ་བླུད། །གུ་གུལ་སྦྱར་བའི་དུད་བས་བདུག །བདག་ཉིད་ཆེན་པོའི་ང་རྒྱལ་གྱིས། །དགུག་གཞུག་བྱ་ཞིང་ཐུན་གྱིས་བྲབ། །ཐུན་དང་དྲག་པོའི་སྦྱིན་སྲེག་ལས། །དེ་ལ་དམིགས་ཤིང་དྲག་ཏུ་བསྒྲལ། །དེ་ཡི་ལས་རིམས་རྫོགས་པ་དང་། །ཐལ་བ་བག་ཕྱེ་གཟུགས་ཤ་སྦྱོར། །ནད་པའི་ཁྲག་དང་དུག་ཆུས་སྦྲུ། །གང་གནོད་བགེགས་ཀྱི་ལིང་ཀ་བཅའ། །སྙིང་ཁར་དུག་གསུམ་ཡི་གེ་དང་། །རང་གི་སྲོག་སྙིང་དྲག་པོ་སྦྲེལ། །ཚོན་སྣ་ལྔ་ཡིས་སྐུད་པས་བཅིང་། ཁྱིའམ་རབས་ཆད་ཐོད་པར་གཞུག །བལ་ནག་རེ་པ་ནག་པོས་ག་ས་ཏེ། །མཆོད་རྟེན་འོག་གམ་རང་གི་འོག་ཏུ་གནན། །བསྒྲལ་བའི་སྦྱོར་བ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཞུས་པ། ངོ་མཚར་སྙིང་པོ་དོན་པས།ཤེས་རབ་རྒྱུད་ལས་སྐྱེ་བའི་ཀླུ་རྒྱལ། ཨེ་མ་ཧོ། མདོ་དོན་རྩ་བའི་སྙིང་པོ་ལ། །ཐབས་ཀྱི་རྒྱལ་པོས་བསྒྲུབ་པ་ལ། །ཉམས་མྱོང་ལས་ཀྱི་དྲོད་ཚད་ཇི་ལྟར་འབྱུང་། །བྱང་ཆུབ་སེམས་དཔའ་དགེ་བསྙེན་བདག་ཅག་འཁོར་རྣམས་ལ། །མ་ནོར་རིམ་པས་བཤད་དུ་གསོལ། །ཅེས་ཞུས་པས། དོན་རྟགས་ལ་དགོངས་ནས་གསུངས་པ། ཨེ་མ་ཧོ། རྫོགས་པའི་སངས་རྒྱས་ཐུགས་རྗེའི་མཆོག །འགྲོ་བའི་དོན་དུ་བཤད་པར་བྱ། །ཀླུ་རྒྱལ་མ་དྲོས་གུས་པར་ཉོན། །རྟགས་ཀྱི་རིམ་པ་འདི་མེད་ན། །རྒྱ་མེད་རི་དྭགས་ཤོར་བ་འདྲ། །ལས་ཀྱི་དོན་མེད་ཕྱལ་པར་འགྱུར། །དེ་ནས་རྟགས་འདི་ཡིད་ལ་ཟུང་། །རྟགས་ལ་གཉིས་སུ་བཤད་པར་བྱ། ཁྱུང་གི་རྟགས་དང་ཀླུ་ཡི་རྟགས། །ཀླུ་ཡི་རྟགས་ལ་གཉིས་སུ་བཤད། །ཡེ་ཤེས་གྲུབ་དང་ལས་ཀྱི་ཀླུ། །ཡེ་ཤེས་ཀླུ་ཡི་གྲུབ་རྟགས་ནི། །ཆུ་བོ་རྒྱ་མཚོ་དལ་འཇམ་དང་། །དེ་ལརངབཞིནའགྲོདངགྲུཡིསགཅོད། །རྒྱམཚོ་གཏིང་ནས་ནོར་བུ་འདོན། །རིན་ཆེན་རྙེད་དང་འབྲས་བུ་སྡུད། །སྨན་གྱི་ནགས་ལ་སྨན་འཚོལ་དང་། །ནགས་ཚལ་ཤིང་གི་དྲུང་དུ་སྒོམ། །མེ་ཏོག་རྒྱས་པའི་ཚལ་དུ་འགྲོ། །འབྲས་བུ་ཅན་གྱི་སྐྱེ་ཤིང་འཛུགས། །ལོ་ཏོག་འབྲས་བུ་སྨིན་པ་རྩང་། །ས་མཁར་ཕོ་བྲང་མཐོན་པོ་རྩིག །ཐང་ཡུལ་ཆེན་པོ་མཐོང་བ་རྣམས། །དེ་ལ་ཡིད་དུ་འོང་ཞིང་ཉམས་དགའ་སྤྲོ་བ་སྐྱེས་པ་རྣམས། །ཀླུ་ཡི་རྒྱལ་པོའི་གྲུབ་རྟགས་ཏེ། །ཡི་གེ་ཀླུ་ཡི་འཁོར་ལོ་ལ། །རབ་གནས་མཆོད་པ་བྱ་ཞིང་གསོལ་བ་གདབ། །དེ་རྟགས་དེ་ལ་དགོས་འདོད་ཐམས་ཅད་འབྱུང་། ཞེས་བཤད། དེ་ནས་ཡང་དག་བཤད་བྱ་བ། །ལས་ཀྱི་ཀླུ་ཡི་གྲུབ་རྟགས་ནི། །རབ་ཏུ་ས་གཡོས་འབྱུང་བ་དང་། །འོན་དང་སྒྲ་སྙན་འབྱུང་བ་དང་། །བདུད་རྩི་མཚོ་མོ་རྡོལ་བ་དང་། །ནོར་བུ་རིན་ཆེན་འཆང་བ་དང་། །མཆོད་པ་བྱེ་བྲག་ཤོམ་རྣམས་ནི། །སེམས་ཅན་དོན་བྱེད་ལས་ཀྱི་ཀླུའི་གྲུབ་རྟགས་ཡིན།རྣལ་འབྱོར་དམ་ཚིག་ལ་གནས་པར་བྱ་སྟེ། དམ་ཚིག་ལས་ཀྱི་འཁོར་ལོ་ལ། །རབ་ཏུ་གནས་པ་བྱ་ཞིང་། དམ་ཚིག་གི་མཆོད་པ་བྱ་ཞིང་དད་པའི་ཚོགས་བསྐྱེད་པར་བྱའོ། །བྱིན་བརླབས་ཡོངས་སུ་རྫོགས་པར་བྱེད།རྣལ་འབྱོར་པ་དངོས་གྲུབ་ཡོངས་སུ་རྫོགས་ཅི་འདོད་པ་འབྱུང་ཞེས་དམ་ཚིག་ཆེན་པོ་ང་ཡིས་བཤད། དེ་ནས་ཡང་དག་བཤད་བྱ་བ། ཁྱུང་གྲུབ་པའི་རྟགས་ལ་གཉིས་ཏེ། ཡེ་ཤེས་ཀྱི་ཁྱུང་གྲུབ་པའི་རྟགས་ནི། ཉི་ཟླ་ལུས་ལ་འཆར་བ་དང་། །མཆོད་རྟེན་མགོ་ལ་སྐྱེས་པ་དང་། །སྟོང་གསུམ་འོད་ཀྱིས་ཁེངས་པ་དང་། །ཉི་ཟླའི་སྟེང་ན་འདུག་པ་དང་། །མེ་ཏོག་ལུས་ལ་སྐྱེས་པ་དང་། ཁྲེལ་གྱི་མཆོད་རྟེན་ལ་སྐོར་བ་བྱེད་པ་དང་། །བསམ་གཏན་གྱི་བྲག་ལ་འཛེག་པ་དང་། །སྐས་གདང་མང་པོ་བགྲོད་པ་དང་། །རི་མཐོན་གངས་ལ་འཛེག་པ་དང་། །སྐུ་གདུང་རིང་བསྲེལ་གྱི་ལས་བྱེད་པ། །དེ་བཞིན་གཤེགས་པའི་བཀའ་སྒྲོག་པ་དང་། །མཆོད་བྱ་ཡིད་དུ་འོང་བ་གསིལ་བ་དང་། །བདག་བསམ་གཏན་གྱི་དོན་སྤྱོད་པ་དང་། །ཉན་དང་བཤད་དུ་རྩོམ་པ་དང་། །བདག་ཏིང་ངེ་འཛིན་ལྷའི་ང་རྒྱལ་ལ་ཞུགས་པ་དང་། སྙིང་རྗེའི་མཆོག་སྐྱེས་ནས་སེམས་ཅན་གྱི་དོན་བྱེད་པ་རྣམས་ནི། ཡེ་ཤེས་ཀྱི་དོན་ཁྱུང་ངབ་པའི་རྟགས་ཏེ། ཐུགས་རྗེ་རང་བྱུང་གི་འཁོར་ལོ་ལ། རབ་ཏུ་གནས་པར་བྱས་ཏེ། དང་པོ་ཚོགས་ལམ་སྐྱེད་པ་ནས། མཐར་ལམ་སྟོང་ཉིད་དེ་བཞིན་དུ།རིམ་པ་ཚུལ་བཞིན་དབང་རྣམས་བསྐུར། སངས་རྒྱས་ཞིང་ཁེམས་ཐམས་ཅད་དུ། ཀུན་ཏུ་བཟང་པོའི་མཆོད་སྤྲིན་གྱི་མཆོད་ཅིང་། ཡེ་ཤེས་ཀྱི་མཚན་ཡང་དག་པར་བརྗོད་པར་བྱའོ། །དེ་ནས་མོས་པ་ཁྱད་པར་ཅན་དད་པ་དང་ལྡན་པས། ཐུགས་རྗེ་ཆེན་པོ་ལ་གསོལ་བ་བཏབ་ནས་དབང་ཞུས་ན། ས་བཅུ་ལམ་རྣམས་ལྔ་བགྲོད་ནས། འཁོར་བ་འདི་ལས་ཐར་བ་ཐོབ་ཅེས་ན་བཤད། འཇིགས་པའི་ནད་ལས་ཐར་པར་འགྱུར། ཞེས་དམ་ཚིག་ཆེན་བོ་ང་ཡིས་བཤད། དེ་ནས་ཡང་དག་བཤད་བྱ་བ། སྤྲུལ་པ་ལས་ཀྱི་ཁྱུང་གྲུབ་པའི་རྟགས་ནི། བདག་སྟོང་འཁོར་ལོས་སྒྱུར་བའི་རྒྱལ་པོར་གྱུར་ནས། །སྲིད་པ་བྲན་དུ་འཁོལ་བ་དང་། །སྲིད་པ་ལས་བསྐོར་འདེབས་པ་དང་། །བདག་སློབ་དཔོན་དུ་གྱུར་ནས། །ཉེར་ནས་ཀྱི་བཀུར་སྟི་བྱེད་པོ་དང་། །སྤྲུལ་པ་ལས་ཀྱི་ཁྱུང་མཐོང་བ་དང་། །སྒོ་ང་ཚང་ནས་འཁྲུགས་པ་དང་། །བྱ་ཆེན་མཁའ་ལ་འཕུར་བ་དང་། །རང་ལུས་ཁྱུང་དུ་གྱུར་པ་དང་། །རི་རབ་གླིང་བཞི་གཅོད་པ་དང་། །རི་རབ་ཁ་རུ་ཕྱིན་པ་དང་། །རྣོ་མཚོན་ཐོགས་ནས་གསོད་པའི་ལས་བྱེད། ཀླུའི་གཟུགས་བརྙན་ཐམས་ཅད་ཞལ་དུ་ཟ་བ་རྣམས་ནི།སྤྲུལ་པ་ལས་བྱེད་ཁྱུང་གི་གྲུབ་རྟགས་ཏེ། དབང་སྡུད་ལས་ཀྱི་འཁོར་ལོ་བསྐོར་ཞིང་། རིགས་བཞི་ཀླུ་སྲོག་རྒྱུད་དྲང་། ཞེས་དམ་ཚིག་ཆེན་པོ་ང་ཡིས་བཤད། མཚན་མ་རྟགས་ཀྱི་ལེའུ་བསྟན་པ་སྟེ་བཅུ་བཞི་པའོ།། །།དེ་ནས་ཡང་ཞུས་པ། ཨེ་མ་ངོ་མཚར་སྙིང་པོའི་དོན། ཀུན་ཏུ་བཟང་པོ་ཐུགས་དང་གཉིས་མེད་སྦྱོར་མཛད་ཀླུ་རྒྱལ་ངོ་མཚར་ཅན། དམ་ཚིག་ལས་ཀྱི་རྒྱལ་པོ་བསྒྲུབ་པའི་ཕྱིར། ཐུགས་ཀྱི་འཁོར་ལོ་ཇི་ལྟར་ལགས། དེ་ཡི་སྦྱོར་བ་ཇི་ལྷར་བགྱི། མན་ངག་གསང་བ་མདོར་བསྡུས་རྣམས། ཀླུ་རྒྱལ་འཇོག་པོས་བདག་ལ་བཤད་དུ་གསོལ། ཅེས་ཞུསླ་པས་ཐུགས་རིན་པོ་ཆེའི་སྤྱོད་པ་ལ་དགོངས་ནས་བཞུགས་གསུངས། ཨེ་མ་ཧོ། ཐུགས་རིན་པོ་ཆེའི་བྱིན་བརླབས་ཐོབ་པའི་ཀླུ་རྒྱལ་འཇོག་པོ་ཁྱོད། །དགོངས་རྒྱུད་ཐུགས་ལས་འཆར་གྱིས་རང་སེམས་རྟོགས། །འདི་ཕྱི་གཉིས་ཀ་སྐྱིད་ཀྱི་ཐེག་ཆེན་ཉམས་སུ་ལོང་། །རང་སེམས་དག་པ་ཡིན་གྱིས་བདག་གི་བཀའ་འདི་ཡིད་ལ་ཟུང་། །ཞེས་བཀའ་སྩལ་ཏོ། །ཐུགས་ཀྱི་འཁོར་ལོ་རིན་པོ་ཆེ། །དེ་ཡི་སྤྱིར་ཀ་གསུམ་དུ་བཤད། །མདོ་དོན་སྐུ་ཡི་སྦྱོར་བ་དང་། རྩ་བ་ཐུགས་ཀྱི་སྦྱོར་བ་དང་། སྙིང་པོ་བཟས་བུའི་སྦྱོར་བའོ། །མན་ངག་མདོར་བསྡུས་དེ་བཞིན་ཏེ། །སྐུ་དང་སྦྱོར་བས་འཕྲིན་ལས་འགྲུབ། །ཐུགས་དང་སྦྱར་བས་བསྒྲུབ་ཐག་ཉེ། །སྙིང་པོས་སྦྱར་བས་ལས་ཀྱི་འབྲས་བུ་སྔོན་དུ་འབྱུང་། ཞེས་གསུངས། དེ་ནས་ཡང་དག་བཤད་བྱ་བ། །ཐུགས་ཀྱི་འཁོར་ལོ་རིན་པོ་ཆེ། །ལྟ་བྱེད་རིག་པའི་རྒྱལ་པོར་བཤད། །ཡེ་ཤེས་རང་བྱུང་སྲིད་པ་ཐུགས་ཀྱི་མེ་ལོང་སྟེ། མདོ་དོན་རྩ་བའི་སྙིང་པོ་བསྒྲུབས་ན། ཐུགས་རྗེ་རང་བྱུང་གི་འཁོར་ལོ་གྲུབ་སྟེ། ཡེ་ཤེས་ཀྱི་ངང་ངོ་བོ་རང་བཞིན་དུ་འཆར་ཏེ། འབྲས་བུ་མངོན་པར་རྫོགས་པར་སངས་རྒྱས་ཞེས་དམ་ཚིག་ཆེན་པོ་ང་ཡིས་བཤད། བྱིན་རླབས་ཐུགས་རྗེ་ཐམས་ཅད་ཤུགས་ལས་འབྱུང་བར་ཤེས་གསུངས། དེ་ནས་ཡང་དག་བཤད་བྱ་བ། །དམ་ཚིག་ལས་ཀྱི་འཁོར་ལོ་ནི། །ལོངས་སྤྱོད་ཀུན་གྱི་བདག་པོ་སྟེ། །བརྡ་དོན་རྩ་བ་སྙིང་པོས་བསྒྲུབས་ན། ལོངས་སྤྱོད་ཐམས་ཅད་ཆེ་ལ་འདུས་ནས་འགྱུར། ཞེས་སུངས་སོ། །ཡིད་བཞིན་ཀླུ་ཡི་བྱིན་རླབས་ཀྱིས། །དགོས་འདོད་ཐམས་ཅད་འབྱུང་བར་འགྱུར། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་དག་བཤད་བྱ་བ། །དམ་ཚིག་ལས་ཀྱི་འཁོར་ལོ་ལ། །ཀླུ་ཡི་དགེ་བསྙེན་ཐུགས་སྒྲུབ་འདི། །ཐུགས་ཀྱི་སྤྲུལ་པས་ཐུགས་ཀྱི་ལས་བྱེད་དེ། །དེ་ཡི་འཁོར་ལོ་རྣམ་པ་གསུམ། །ཡེ་ཤེས་ཀླུ་ཡི་འཁོར་ལོ་དང་། །སྤྲུལ་པ་ལས་བྱེད་འཁོར་ལོ་དང་། །འཇིག་རྟེན་སྤྲུལ་བའི་ལས་མཁན་གསུམ་དུ་བཤད། །དེ་ཡི་འཁོར་ལོ་འདི་སྐད་བཤད། །ཡེ་ཤེས་ཀླུ་ཡི་འཁོར་ལོ་རིན་པོ་ཆེ། །མདོ་དོན་རྩ་བའི་སྙིང་པོ་ཨོ་གྱིས་དྲང་། །འཁོར་ལོ་རྒྱུ་རྐྱེན་སྦྱོར་པ་གོང་དུ་བཤད། །སྦྲུལ་མགོ་དགུ་པའི་ཞལ་ཕྱུང་སྟེ། །མི་ཡི་ལུས་ལ་སྦྲུལ་མཇུག་འཁྱིལ། །ཕྱག་ན་རིན་ཆེན་ཐུགས་ཀྱི་འཁོར་ལོ་བསྣམས། །གཡོན་གྱི་ཕྱག་ན་མེ་ཏོ་པདྨ་བསྣམས། །དམ་ཚིག་ཅན་ལ་བྱིན་བརླབས་ལོངས་སྤྱོད་ཕུན་སུམ་ཚོགས་པར་ཡིད་ཀྱིས་སྤེལ། ཡིད་ཀྱི་དབང་བསྐུར་གསོལ་པ་གདབ། །དེ་ཡི་སྒྲུབ་ཐབས་ཉམས་ལེན་ནི། །ཐུགས་རྗེའི་ཐབས་ཀྱིས་འཁོར་ལོས་ཤེས་རབ་དབང་དུ་བསྡུ། བྱིན་བརླབས་ཐུགས་ནས་འབྱུང་བ་སྟེ། ཁྱད་པར་བྱང་ཆུབ་སེམས་ལ་རྟེན། །དགོས་འདོད་ཡིད་བཞིན་བསམ་བཞིན་འགྲུབ། །དེ་ཡི་ལས་ཀྱི་འབྲས་བུ་སེམས་ལ་འདོད། །ཡོན་ཏན་ཐམས་ཅད་འབྱུང་ཞེས་གསུངས། །དེ་ནས་ཡང་དག་བཤད་པར་བྱ། །ལས་ཀྱི་དོན་བྱེད་སྤྲུལ་པའི་སྐུ། །དམ་ཚིག་ལས་ཀྱི་འཁོར་ལོ་རིན་པོ་ཆེ། །མདོ་དོན་རྩ་བའི་དཀྱིལ་འཁོར་ཧུ༷་གིས་དྲང་། །རྒྱུ་རྐྱེན་སྦྱོར་བ་གོང་བཞིན་ལ། །སྦྲུལ་མགོ་བདུན་པའི་ཞལ་ཕྱུང་ལ། །མི་ཡི་ལུས་ལ་སྦྲུལ་མཇུག་འཁྱིལ། །ཕྱག་གཉིས་ཐུགས་ཀར་ཐལ་མོ་སྦྱར། །གུས་པའི་ཚུལ་གྱིས་གཙོ་ལ་འདུད། །དམ་ཚིག་ཅན་ལ་དངོས་གྲུབ་སྟེར། །ཐུགས་ཀྱི་དབང་བསྐུར་མཆོད་གཏོར་གསོལ་བ་གདབ། །དེ་ཡི་སྒྲུབ་ཐབས་ཉམས་ལེན་ནི། །ཡེ་ཤེས་ཐུགས་ཀྱི་འཁོར་ལོ་ལྟོ་སྦྱར། །རིན་ཆེན་ཤེས་རབ་དབང་དུ་བསྡུ། །བྱིན་བརླབས་རྗེས་ལ་རྟེན་ཅིང་འཕེལ། ཁྱད་པར་རིན་ཆེན་སྐུ་ལ་བཅངས། །བྱིན་བརླབས་བསམ་པ་ཐུགས་ཀྱིས་བསྒྲུབ། །དེ་ཡི་ལས་ཀྱི་འབྲས་བུ་ནི། །ཡོན་ཏན་བྱིན་བརླབས་ནོར་རྫས་འཕེལ། །ཞེས་དམ་ཚིག་ཆེན་པོ་ང་ཡིས་བཤད། །དེ་ནས་ཡང་དག་བཤད་བྱ་བ། །འཇིག་རྟེན་ལས་ཀྱི་ཀླུ་སྒྲུབ་ན། །དམ་ཚིག་ལས་ཀྱི་འཁོར་ལོ་འདི་བཞིན་བསྐོར། ཁུ་ནི་སྦལ་ནག་སླུད་བུ་དང་། །སྦྲུལ་ནག་དག་གི་ཤུན་པ་ལ། །དར་ནག་ཤག་ཤོག་སྦྱར་བྱས་ཏེ། །རྐྱེན་གྱི་སྦྲུལ་ནག་སྙིང་ཁྲག་དུག་ཆུས་སྦྱར། །སྦྱོར་བ་གདུག་པའི་སེམས་དང་ལྡན། །མཛེ་པོའི་སྲིན་ལག་རུས་པ་ཡིས། །དམ་ཚིག་ལས་ཀྱི་འཁོར་ལོ་བསྐོར། །འཁོར་ལོ་རྩིབས་བརྒྱད་དབུས་དང་དགུ། །མུ་ཁྱུད་རང་གཤེད་སྔགས་ཀྱིས་བསྐོར། །སྦྲུལ་མགོ་ལྔ་པའི་ཞལ་ཕྱུང་སྟེ། །རོ་སྟོད་མི་ལ་རོ་སྨད་སྦྲུལ། །ཕྱག་ན་སྦྲུལ་ཞགས་ནག་པོ་བསྣམས། །གཡོན་ན་ནད་ཀྱི་རྐྱལ་པ་བསྣམས། །བསྟན་པ་འཇིག་པའི་དམ་ཉམས་ལ། །མཛོ་ནད་ལས་ཀྱི་འཁོར་ལོར་བསྐོར། །དུག་སྦྱར་དུག་གི་རླངས་པས་བདུག །དེ་ཡི་སྒྲུབ་ཐབས་ཉམས་ལེན་ནི། །བྱ་ཁྱུང་ལས་ཀྱི་འཁོར་ལོ་ལྟོ་སྦྱར་ལས། །ལས་ཀྱི་རིགས་བཞིའི་ཀླུ་སྲོག་རྒྱུད་དབང་བསྡུ། །མཛེ་ནད་ལས་ཀྱི་བདག་པོར་དམིགས་ཤིང་བསྒྲུབ། །དེ་ཡི་ལས་ཀྱིས་འབྲས་བུ་ནི། །དགྲ་བོ་གདུག་པའི་ནད་ཀྱིས་འཛིན། །དེ་ནས་ལས་ལ་སྦྱོར་བའི་ཚེ། །མཛེ་ཕོའི་སྦ་ཁྱིམ་དུ། །ཀླུ་བདུད་ནག་པོའི་ཞལ་ཕྱུང་སྟེ། །རོ་སྟོད་མ་ལ་རོ་སྨད་སྦྲུལ། །རྩི་སྨན་ཕྱག་ན་སྦྲུལ་ནག་ཞགས་པ་བསྣམས། །གཡོན་ན་མཛེ་ནད་ཐུན་ཟོར་འཕེན། །བྱ་རོག་ནག་པོའི་སྙིང་ཁྲག་དང་། །ར་རོག་ནག་པོའི་ཁྲག་གིས་བྱུག །རྩི་སྨན་སྤོས་ཀྱི་དུད་པས་བདུག །ལས་ཀྱི་བཤེད་དུ་དབང་བསྐོར་དགྲ་བོ་གཉེར་གཏད་བྱ། །དེ་ཡི་ལས་ཀྱི་འབྲས་བུ་ནི། །དགྲ་བོ་དྲི་དང་རླངས་ཀྱིས་འཆི། །ད་ནི་དགྲ་བོའི་ལིང་ག་བཅས་སྟེ། རྒྱུ་ནི་བླ་ཚེ་གང་ཡིན་བླ་ལྤགས་ལ། །རྐྱེན་ནི་དགྲ་བོའི་དྲི་ཆུས་སྦྱར། །སྦྱོར་བ་དམིགས་པའི་སེམས་དང་ཕ་མེས་གདུང་བརྒྱུད་རུས་པའི་ས། །དགྲ་བོ་གང་ཡིན་ལིང་ག་བྲི། །མགོ་ལ་རུས་བྲི་སྙིང་ཁར་མིང་། །ལྟེ་བར་ཚ་བྲི་བླ་ལ་བླ་བཏགས་བྲི། །དུག་སྦྱར་ཁུ་བས་ཞལ་དུ་བླུད། ཁོང་པ་སྤོས་ནས་འཛི་བར་བསམ། །གུ་གུལ་སྦྱར་མའི་དུད་པས་བདུག །འགོ་བའི་ལྷ་དང་བྲལ་བར་བསམ། །ཀླུ་སྲོག་གྲུབ་པའི་རྣལ་འབྱོར་པས། །རྟགས་དང་སྦྱར་ཞིང་ཀླུ་སྲོག་དྲང་། །རིགས་བཞི་ཀླུ་ཡི་སྲོག་སྒྲུབ་ཚེ། །མཛེ་ནད་ལས་ཀྱི་འཁོར་ལོ་དང་། །ཀླུ་བདུན་ནག་པོ་ལྟོ་སྦྱར་ཏེ། །བར་དུ་དགྲ་བོའི་ལིང་ག་གཞུག །བལ་ཚོན་སྔོན་དམར་བྱད་ཀྱིས་གྲིལ། །མཛེ་ཕོའི་ཐོད་པར་ཞག་གསུམ་བསྲུབ། །ཧུ༷་ནཱ་ག་རྭ་ཛ་ས་མ་ཡ་ཛ། ཆེ་གེ་མོའི་ཙིསྟ་ཛྲ་ལ་ཡ། ནག་པོ་ཙིསྟ་དགྲ་བོའི་སྲོག་ལ་མྱ་ར་ཡ་ཛ། ཞེས་ཐུན་གྱིས་བྲབས་ལ་གསད་པར་བྱའོ། །དེ་ནས་ཆུ་མིག་མགོ་དགུ་པའམ། མགོ་བདུན་པའམ་མགོ་ལྔ་པའམ། མགོ་གསུམ་པ་རུ་གཏད་པར་བྱ། དེ་ཡི་ཡོན་ཏན་འཕྲིན་ལས་ནི། །གཅན་ཟན་མ་བུ་འབྲེལ་བ་འདྲ། །སོ་སོར་ཁ་ཚར་ལས་ལ་ཤིས། །ཞེས་དམ་ཚིག་ཆེན་པོ་ང་ཡིས་བཤད། །འཁོར་ལོ་སྦྱོར་བའི་ལེའུ་བསྟན་པ་སྟེ་བཅོ་ལྔ་པའོ།། །།དེ་ནས་ཡང་ཀླུ་ཆེན་བརྒྱད་ཀྱིས། ཀླུའི་རྒྱལ་པོ་ལ་བསྐོར་བ་དང་ཕྱག་མཛད་ནས་ཞུས་པ། ཨེ་མ་ངོ་མཚར་སྙིང་པོའི་དོན། །འགྲོ་བའི་དོན་ལ་ཐུགས་རྗེའི་མཆོག །ཐུགས་རྗེའི་མཆོག་དང་ལྡན་པའི་ཀླུ་རྒྱལ་བྱིན་རླབས་ཅན། ལས་ཀྱི་རྒྱལ་པོ་སྒྲུབ་པའི་ཕྱིར། བྱིན་རླབས་དབང་གི་རྒྱལ་པོ་ཇི་ལྟར་བསྒྲུབ། དེ་ཡི་མདོ་རྩ་སྙིང་པོ་རྣམས། །མན་ངག་མདོར་བསྡུས་གསང་བ་རྣམས། །དགེ་བསྙེན་བདག་ཅག་འཁོར་རྣམས་ལ། །འགྲོ་བའི་དོན་དུ་བཤད་དུ་གསོལ། །ཞེས་ཞུས་པས། བྱིན་རླབས་ཐུགས་རྗེའི་མཆོག་ལ་དགོངས་ནས་གསུངས་པ། ཨེ་མ་ཧོ། འགྲོ་དོན་ཅིར་ཡང་མཛད་པ་ཐུགས་རྗེའི་མཆོག །འགྲོ་དོན་གཞན་ལ་དགོངས་པ་དམ་ཚིག་ལས་ཀྱི་ཀླུ་ཆེན་བརྒྱད། ས་བདག་འཁོར་དང་བཅས་པ་རྣམས། ལེགས་པར་བཤད་ཀྱིས་བདག་ལ་བ་། ཅེས་བཀའ་སྩལ་ཏོ། །ལས་ཀྱི་རྒྱལ་པོ་བསྒྲུབ་པའི་ཕྱིར། །བྱིན་རླབས་དབང་བསྐུར་རྒྱལ་པོ་ཡི། །རྩ་བ་བྱང་ཆུབ་སེམས་ཀྱིས་བསྒྲུབ། །དེ་ཡི་མདོ་ནི་སྐུ་ལ་རྩ་བ་ཐུགས། །སྙིང་པོ་རང་བྱུང་ཡེ་ཤེས་ཏེ། །མན་ངག་མདོར་བསྡུས་བཤད་པར་བྱ། །སྐུ་ལ་དབང་བསྐུར་རྩ་བས་སྐྱེད། །རང་བྱུང་ཡེ་ཤེས་དབང་བསྐུར་རྒྱལ་པོའི་མཆོག །དེ་ཡི་དབང་བསྐུར་རིམ་པ་ནི། །ཕྱི་ནང་གསང་པ་གསུམ་དུ་བསྐུར། །ཕྱི་དབང་སྐུ་ལ་ནང་དབང་ཐུགས། །གསང་དབང་རང་བྱུང་ཡེ་ཤེས་སྙིང་པོའོ། །དེ་ཡི་འཕྲིན་ལས་ཡོན་ཏན་བཤད་པ་ནི། །དང་པོ་རྩ་བ་ཐུགས་ཀྱི་དབང་བསྐུར་ཏེ། །ས་བཅུ་ལམ་ལྔ་རིམས་ཀྱིས་བགྲོད། །དེ་ནི་སྐུ་ཡི་དབང་ཐོབ་སྟེ། །སེམས་ཀྱི་བྱིན་རླབས་སྣ་ཚོགས་འབྱུང་། །ཡེ་ཤེས་ལྔ་དང་མངོན་ཤེས་དྲུག །སྐུ་གསུང་སྐུ་ལྔ་ལ་སོགས་འབྱུང་། །མངོན་སུམ་མཐོང་ཞིང་སྣང་བའི་ལུང་སྟོན་འབྱུང་། །དེ་ནི་ཏིང་འཛིན་ཐབས་ཀྱི་བྱིན་རླབས་ཤར་བ་ཡིན། །དེ་ཚེ་སྐུ་ཡི་སྦྱོར་སྒྲོལ་དངོས་སུ་ནུས་པར་འགྱུར། །དེ་ནི་ལས་སུ་རུང་བའི་དབང་མཆོག་ཐོབ་པ་ཡིན། །དེའི་ཚེ་འབྲས་བུ་ཡེ་ཤེས་མངོན་དུ་གྱུར་པ་སྟེ། འབྱུང་བ་ལྔ་ཡི་བཅུད་ལེན་ཐོབ་པར་འགྱུར། །འབྱུང་བ་མེ་ཡི་བཅུད་ལེན་ཐོབ་པ་ན། །ཕུང་པོ་དྲོད་དང་མི་འབྲལ་ཅི་ཟོས་འཇུ་བར་འགྱུར། །འབྱུང་བ་རླུང་གི་བཅུད་ལེན་ཐོབ་པ་ན། །ཕུང་པོ་ལེན་ཤེས་ཤིང་ཚེ་ལ་འཇིགས་མེད་ཐོབ་པར་འགྱུར། འབྱུང་བ་སའི་བཅུད་ལེན་ཕུང་པོ་ཟག་བཅས་དང་བྲལ་ཏེ། ཚེ་འདི་ལ་མངོན་པར་རྫོགས་པར་སངས་རྒྱ། འབྱུང་བ་ཆུའི་བཅུད་ལེན་ཐོབ་པ་ན། །འབྱུང་བ་ཡུམ་དང་སྦྱོར་ནུས་བདེ་བའི་ཆུ་རྒྱུན་འབབ་པར་འབྱུར། །ཞེས་དམ་ཚིག་ཆེན་པོ་ང་ཡིས་བཤད། །དབང་བསྐུར་བའི་ལེའུ་སྟེ་བཅུ་དྲུག་པའོ།། །།དེ་ནས་ཡང་ཀླུ་རྒྱལ་དགའ་བོས་ཞུས་པ། ཨེ་མ་ཧོ། ངོ་མཚར་སྙིང་པོའི་དོན་སྤྱད་པས། །བྱིན་བརླབས་རྒྱུད་ལ་འཆང་བ་ཀླུ་རྒྱལ་ཆོས་ཀྱི་བདག །ལས་ཀྱི་རྒྱལ་པོ་སྒྲུབ་པའི་ཕྱིར། །དབང་སྒྲུབ་རྒྱལ་པོ་སྒྲུབ་པ་ལ། །ལས་ཀྱི་སྦྱོར་བཀའ་ཇི་ལྟར་བསྒྲུབ། །མན་ང་་རྒྱལ་པོ་མདོར་བསྡུས་རྣམས། །བདག་ལ་བྱང་ཆུབ་སེམས་དཔས་བཤད་དུ་གསོལ། ཅེས་གསོལ་བ་བཏབ་སྟེ་ཞུས་པས། ཨོ་མ་ཧོ། རྩ་བ་བྱང་ཆུབ་སེམས་ལས་སྙིང་པོའི་དོན་སྤྱད་གྱུར་ན། རྩོལ་པ་མེད་པར་བྱིན་རླབས་འཇུག །རྡོ་རྗེ་སེམས་དཔའི་དབང་མཆོག་འདི། །རང་སེམས་འབྱོངས་ན་ཐོབ་པ་ཡིན། །རང་སེམས་འབྱུང་བ་ལྔ་ལ་སྦྱངས། །རྩལ་ཆེན་རླུད་གི་འཁོར་ལོ་བསྐོར། །ཕྱི་རླུང་བཀུག་ལ་ནང་རླུང་སྐྱིམ། །གསང་བ་བྱང་ཆུབ་སེམས་ཀྱི་རླུང་། །བུམ་པའི་མརམེབཞིནདུལྟ། །ཀླུརྒྱལ་དགའ་བོ་དད་པ་ཅན། །རྡོ་རྗེ་སེམས་དཔའི་དབང་མཆོགའདི། །འབྱུང་བ་ལྔ་ཡི་བཅུད་ལ་སྒྲུབ། །ཅེས་བཀའ་སྩལ་ཏོ། །ལན་དུ་གསུངས་པ། དབང་བསྐུར་རྒྱལ་པོ་བསྒྲུབ་པ་ལ། །དེ་ཡི་ལས་ཀྱི་སྦྱོར་ཀ་གཉིས་སུ་བཤད། ཁྱུང་གི་དབང་དང་ཀླུ་ཡི་དབང་། །མན་ངག་མདོར་བསྡུས་བཤད་པ་ནི། ཁྱུང་གི་དབང་ལ་རྣམ་པ་གཉིས། །ཐུན་མོང་ཁྱད་པར་རྣམ་པ་གཉིས། ཁྱད་པ་བྱང་ཆུབ་སེམས་ལ་སྒྲུབ་པ་སྟེ། །བྱ་ཐབས་འཕྲིན་ལས་གོང་དུ་སྤྱད། །ཐུན་མོང་དག་ལ་རྣམ་པ་གཉིས། །རྟེན་གྱིས་བསྐུར་དང་སེམས་ཀྱིས་བསྐུར། །སེམས་ཀྱིས་བསྐུར་བ་བསམ་པའི་ཁྱད་པར་ཏེ། །རིག་པའི་རྩལ་གྱིས་དབང་བསྐུར་བྱིན་གྱིས་བརླབ། །སེམས་ལ་དབང་ཐོབ་རྣལ་འབྱོར་གྱིས། །ར་བ་བཞི་ཡི་ཟླ་བ་ལ། ཁུ་རྐྱེན་སྦྱོར་བ་ཚུལ་བཞིན་སྒྲུབ། །ཚེ་གཅིག་ཉའམ་གནམ་སྟོང་ལ། །བྱིན་བརླབས་ཐོབ་པའི་བླ་མ་ཡིས། །དད་པ་ཅན་གྱི་སློ་བུ་ལ། །རིམ་པས་ཚུལ་བཞིན་དབང་བསྐུར་བྱ། །དེ་ཡི་ཡོན་ཏན་འཕྲིན་ལས་ནི། །བྱང་ཆུབ་སེམས་དཔའི་ས་ནོན་ཏེ། །འབྲས་བུ་དེ་བཞིན་གཤེགས་པ་ཐོབ། །ཅེས་གསུངས་ཡེ་ཤེས་གྲུབ་བའི་མཚན་རྟགས་སུ། །ཐུགས་རྗེ་བྱང་ཆུབ་སེམས་སུ་འཆར་ཞེས་བཤད། །དེ་ནས་སྐུ་ཡི་དབང་བསྐུར་ཏེ། །ཕྱི་ནང་གསང་བ་གསུམ་དུ་སྦྱར། །དེ་ཡི་འཕྲིན་ལས་བསྟན་པ་ནི། །རིགས་ལྔ་ཡབ་ཡུམ་སྦྱོར་བ་ཡིས། །འོད་ཟེར་བདུད་རྩི་དཀར་དམར་ལས། །བྱང་ཆུབ་སེམས་སུ་དབང་བསྐུར་བྱ། །དེ་ཡི་རིམ་པ་བསྟན་པ་ནི། །དང་པོ་ཕྱི་ཡི་དབང་བསྐུར་ཏེ། །དེ་ནས་ནང་ལྟར་བྱིན་གྱིས་བརླབ། །དེ་ནས་གསང་བ་བྱང་ཆུབ་སེམས་ཀྱིས་དབང་བསྐུར་བྱ། །དེ་ནས་གསུང་གི་དབང་བྱ། །གདམ་ངག་རིམས་ཀྱིས་བཤད། །དབང་བསྐུར་རྒྱལ་པོའི་སྦྱོར་བ་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་ཡང་དག་བཤད་བྱ་བ། །ཀླུ་ཡི་དབང་ལ་རྣམ་པ་གཉིས། ཁྱད་པར་སེམས་ཀྱི་དབང་བསྐུར་དང་། །ཐུན་མོང་བརྟེན་གྱི་དབང་བསྐུར་རོ། ཁྱད་པར་སེམས་ཀྱི་དབང་བསྐུར་ནི། །སྙིང་པོ་རང་བྱུང་རིགས་པ་རྩལ། །སྐུ་གསུང་དབང་བསྐུར་བྱང་ཆུབ་སེམས་ལ་བསྐུར། །དེ་ཡི་འཕྲིན་ལས་ཡོན་ཏན་ནི། །སྲིད་པ་ཀུན་གྱི་བདག་ཉིད་ཆེན་པོར་གནས། །སྣང་སྟོང་ཐམས་ཅད་རང་རིག་ཐུགས་ཀྱི་སྙིང་པོར་ཤར། །ཡེ་ཤེས་སྐུས་ཏེ་རང་བྱུང་བ། །ཕྱོགས་བཅུ་སངས་རྒྱས་་སྤྲུལ་པའི་སྐུ། །ཡེ་ཤེས་སྐུས་ཏེ་ཁྱད་པར་ཆེ། །ཞེས་གསུངས། ཁྱད་པར་བྱང་ཆུབ་སེམས་ཀྱི་དབང་། །མཐའ་ཅན་ཉིད་དུ་རང་སྣང་བསྐུར། །ཞེས་གསུངས་སོ། །ཐུན་མོང་རྟེན་གྱི་དབང་ལ་གསུམ་གྱིས་བཤད། །སྐུ་གསུང་ཐུགས་ཀྱི་དབང་ལ་གསུམ་གྱིས་བཤད། །དང་པོ་རྩ་བ་ཐུགས་ཀྱི་དབང་བསྐུར་ཏེ། །དེ་ནས་སྐུ་ཡི་དབང་བསྐུར་ཏེ། །དེ་ནས་གསུང་གི་དབང་རྒྱ་གདབ། །དེ་ཡི་འཕྲིན་ལས་བསྟན་པ་ནི། །ཐུགས་ལས་དབང་བསྐུར་འཁོར་ལོསྟེ། །དམཚིགགཙངམམིའི་སྔགས་པ་ཡིས། །འཁོར་ལོ་རྒྱུ་རྐྱེན་སྤྱོར་བ་རྣམས། །རང་གི་དབང་ཐང་སྐྱེད་པའི་ཟླ་བ་ལས། །ཚེས་གྲངས་དུས་ཚོད་རྩིས་ལ་བྲིས། །དེ་ནས་རིན་པོ་ཆེའི་མཆོད་རྟེན་ནང་དུ་བཞུགས་སུ་གསོལ། །ཙན་དན་གུར་གུམ་ཆུ་གཏོར་ལ། །རིན་པོ་ཆེ་ཡི་མཆོད་པ་དབུལ། །རྩ་གཅིག་ཚུན་ཆད་བསྙེན་ཅིང་མཆོད། །དགོས་འདོད་སེམས་ཀྱིས་གསོལ་བ་གདབ། །འཕྲོ་འདུ་རིན་ཆེན་ཐུགས་དམ་བསྐུལ། །དམ་ཚིག་སྔགས་ཀྱི་རང་ལུས་བགྲུང་། །བྱས་ཏེ་སྐུ་གསུང་ཐུགས་ལ་ཡིད་བཞིན་བསྟིམ། །བྱིན་བརླ་པས་ཐུགས་ཀྱི་དཀྱིལ་ལ་དབང་ཞེས་བཤད། །དེ་ཡི་ཡོན་ཏན་བསྟན་པ་ནི། །སྐུ་ལ་དབང་བསྐུར་ཐུགས་ལ་འདོད་པའི་ཡོན་ཏན་བྱིན་བརླབས་སྣ་ཚོགས་འབྱུང་། །ཆོས་སྐུ་གསལ་དང་ཡེ་ཤེས་འཆར། །བདེ་བ་འབྱུང་དང་ལྷུན་གྱིས་གྲུབ། །བསམ་པ་ཐམས་ཅད་ཡིད་བཞིན་འགྲུབ། །ཅེས་དམ་ཚིག་བཤད། དེ་ནས་སྐུ་ཡི་དབང་བསྐུར་ཏེ། །སྐུ་གསུང་ཐུགས་དང་ཡོན་ཏན་འཕྲིན་ལས་ལྔ། །རྩ་བ་བྱང་ཆུབ་སེམས་ཀྱིས་སྦྱར། །དེ་ཡི་འཕྲིན་ལས་བསྟན་པ་ནི། །དམིགས་པའི་མན་ངག་ཡན་ལག་གསུམ་པའི་རྒྱུ། །ཡི་གེ་རྩ་གཅིག་སྤྲུལ་པར་ཤར། །ཧུ༷་སྐྱེད་བདག་པོ་གཉིས་ལས་སྤྲུལ། །ཡན་ལག་ཡི་གེ་རྩ་གཅིག་ལས། །འོད་ཟེར་སྣང་ཚོགས་བདུང་རྩིར་སྤྲུལ། །ཡི་གེ་སྤྲུལ་པའི་གནས་ལྔ་སྲ །བདུད་རྩི་བུམ་པ་བསྟན་པར་བརྩམ། །ཞེས་དམ་ཚིག་ཆེན་པོ་ང་ཡིས་བཤད། །དེ་ཡི་རིམ་པ་བསྟན་པ་ནི། །ཕྱི་ནང་གསང་བ་གསུམ་དུ་བསྐུར། །ཕྱི་དབང་ལོངས་སྤྱོད་ཕུན་སུམ་ཚོགས་པ་བྱིན་གྱིས་བརླབ། །ནང་དབང་བདག་ཉིད་ཕུན་སུམ་ཚོགས་པར་བྱིན་གྱིས་བརླབ། །གསང་དབང་བྱང་ཆུབ་བདུད་རྩིར་ཕུན་སུམ་ཚོགས་པར་བྱིན་གྱིས་བརླབས། །དེ་ནས་དབང་བསྐུར་བཤད་པར་བྱ། །དང་པོ་སྐུ་ལ་དབང་བསྐུར་ལོངས་སྦྱོད་འབྲེལ། །ཐུགས་ལ་དབང་བསྐུར་བྱང་ཆུབ་འཆར། །གསུང་ལ་དབང་བསྐུར་གདམ་ངག་རྫོགས། །ཞེས་གསུངས། དེ་ཡི་ཡོན་ཏན་བསྟན་པ་ནི། །ཐུགས་ཀྱི་དབང་ཐོབ་སྙིང་པོ་ཡེ་ཤེས་འཆར། །སྐུ་ཡི་དབང་ཐོབ་བྱིན་རླབས་སྣ་ཚོགས་སྐྱེ། །གསུང་གི་དབང་ཐོབ་ཡོན་ཏན་སྣ་ཚོགས་འབྱུང་ཞེས་བཤད། །བྱིན་བརླབས་དབང་བསྐུར་རྒྱལ་པོའི་སྦྱོར་བ་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་ཞུས་པ། ཨེ་མ་ཧོ་ངོ་མཚར་སྙིང་པོའི་དོན། བྱང་ཆུབ་སེམས་ཀྱི་དོན་སྤྱད་པས། །རང་བཞིན་རྣམ་དག་ཐུགས་རྗེ་ཅན། །རྫོགས་པའི་སངས་རྒྱས་འདྲེན་པའི་ཐུགས་རྗེ་ཅན། །བྱིན་བརླབས་དབང་བསྐུར་རྒྱལ་པོ་ལ། །བདག་ཅག་མོས་པ་དང་པས་འདུད། །ཐུགས་རྗེ་ཅན་ལ་ཕྱག་འཚལ་བསྟོད། །རྡོ་རྗེ་འཛིན་པ་ལས་ཀྱི་རྗེ། །གསང་སྔགས་ཀུན་གྱི་བདག་པོ་སྟེ། །མཐུ་སྟོབས་ཅན་ལ་བདག་ཅག་འདུད། །འགྲོ་ལ་ཕན་པའི་གཙོ་ཆེན་གྱིས། །དྲག་པོའི་འཕྲིན་ལས་བཤད་དུ་གསོལ། །ཀླུ་ཡི་རྒྱལ་པོ་ཐུགས་རྗེའི་ལོངས་སྤྱོད་ཅན། །ས་རྣམས་ཀུན་གྱི་རྩ་བ་སྟེ། །བྱིན་བརླབས་ཕུན་སུམ་ཚོགས་པའི། འབྱུང་བའི་སྙིང་པོ་ཐུགས་རྗེའི་ལོངས་སྐྱོད་ཅན། །བདག་ཅག་ལས་ཀྱི་རྒྱལ་པོ་སྒྲུབ་པ་ལ། །ལས་ཀྱི་དམ་ཚིག་ཇི་ལྟར་བསྲུང་། །ཞེས་བསྟོད་དེ་ཞུས་པ། བཀའ་སྩལ་པ། དགེ་བསྙེན་ལས་ཀྱི་ཀླུ་ཆེན་བརྒྱད། །ལས་ཀྱི་རྭ་ཛ་བསྒྲུབ་པ་ལ། །དམ་ཚིག་ཞུ་བ་ཤིན་ཏུ་ལེགས། །དམ་ཚིག་ཆེན་པོ་ང་ཡིས་བཤད། །འཁོར་རྣམས་གུས་པས་བདག་ལ་འདུད། །ཀླུ་ཡི་རྒྱལ་པོ་བསྒྲུབ་པའི་ཚེ། །རྩ་བ་སྔགས་ཀྱི་དམ་ཚིག་བསྲུང་། །གཙོར་ནི་བྱང་ཆུབ་སེམས་ཀྱི་སྡོམ་པ་བླང་། །དང་དུ་བྱང་ཆུབ་སེམས་དཔའི་ཐུགས་རྗེ་བསྐྱེད། །སྡོམ་པ་དེ་གསུམ་ཐུབ་པ་དེ། །ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བྱིན་རློབ་སྟེ། །བྱིན་བརླབས་ཡོན་ཏན་ཡོན་ཏན་ཅིར་ཡང་འབྱུང་། །གཞན་ཡང་དམ་ཚིག་བསྲུང་བ་ནི། ཁྲུས་དང་གཙང་སྦྲ་རྟག་ཏུ་བྱ། ཁ་ཟས་ལྔ་ནི་ཤིན་ཏུ་སྤང་། ཁེན་ཏུ་བསྣོལ་བ་གཟབ་པར་བྱ། །ཀླུ་ཤ་ལྟོ་རུ་ཡོང་མི་གཏང་། །ཡུགས་ས་མོ་ལ་སྤྱད་མི་རུང་། ཁྱད་པར་རིན་ཆེན་ལུས་ལ་རྟེན། །དམ་ཚིག་དེ་རྣམས་ཐུབ་པ་ནི། །བྱིན་བརླབས་ལོངས་སྤྱོད་འཕེལ་བར་འགྱུར། །ཞེས་གསུངས། དམ་ཚིག་གི་ལེའུ་སྟེ་བཅུ་དགུ་པའོ།། །།དེ་ནས་ཡང་ཀླུའི་རྒྱལ་པོ་པདྨས་ཞུས་པ། ཨེ་མ་ཧོ། ཆོས་ཉིད་བདེན་པའི་དོན་མཐོང་བྱང་ཆུབ་སེམས་དཔའི་ཀླུ། །ལས་ཀྱི་རྒྱལ་པོ་སྒྲུབ་པའི་ཕྱིར། །དབང་བསྐུར་རྒྱལ་པོ་ཇི་ལྟར་བསྒྲུབ། །རྩ་བ་ཡན་ལག་འབྲས་བུ་རྣམས། །མདོར་བསྡུས་མན་ངག་བཤད་དུ་གསོལ། །ཞེས་ཞུས་པས། ཐབས་ཀྱི་རྒྱལ་པོ་སྙིང་རྗེ་མཆོག་ལ་དགོངས་ནས་གསུངས་པ། ཨེ་མ་ཧོ། བྱིན་བརླབས་དབང་ཐོབ་ཡེ་ཤེས་ལས་ཀྱི་ཀླུ། །ལེགས་པར་བཤད་ཀྱིས་ཉམས་སུ་ལོང་། །དབང་བསྐུར་རྒྱལ་པོ་རྩ་བ་བྱང་ཆུབ་སེམས་ལ་སྙིང་རྗེས་སྒྲུབ། །དེ་ཉིད་བྱམས་དང་མ་ལྡན་ན། །དོན་བྱེད་གྲུབ་པར་ངས་མ་གསུངས། །རྩ་བ་བདག་པོ་གཉིས་ལ་བསྒྲུབ། །ཡན་ལག་མདོར་བསྡུས་སྐུ་གསུང་ཐུགས། །འབྲས་རྒྱུད་སྨིན་པའི་ལས་རྒྱུད་ལྔ། །མདོར་བསྡུས་མན་ངག་བཤད་པར་བྱ། །དབང་གི་བདག་པོ་རྣམ་པ་གཉིས་སུ་བཤད། །ཐུགས་རྗེས་བཞི་འཛིན་གྱི་བདག་པོ་དང་། །ལོངས་སྤྱོད་ཡོན་ཏན་གྱི་བདག་པོའོ། །ཕུན་སུམ་ཚོགས་པ་ལྔ་ལ་དབང་ཐོབ་པ་སྟེ། མཆོད་པའི་བྱེ་བྲག་རྒྱ་ཆེན་པོ་མཆོད་ཅིང་འདོད་སྤྱོད་སེམས་ཀྱི་ཐུགས་དམ་བསྐང་། ཡི་དམ་བྱང་ཆུབ་སེམས་ཀྱིས་བསྒྲུབ། དེའི་དབང་ཐོབ་པ་ནི་བདག་ཉིད་ཐོབ་པ་ཕུན་སུམ་ཚོགས་པ་ལྔ་དང་ལྡན་པར་འགྱུར། ཐུགས་རྗེའི་གཞི་བདག་བོ་ས་དང་ལམ་ལ་དབང་ཐོབ་པ་དེ། དད་པ་དྲི་མ་མེད་པའི་ཐུགས་བྱང་ཆུབ་སེམས་ཀྱིས་མཆོད་ཅིང་བསྒྲུབ། སྙིང་རྗེ་མཆོག་གིས་ཐུགས་དམ་རྒྱུན་དུ་བསྐང་། །མ་བརྗེད་རྒྱུན་དུ་དད་པས་བསྒྲུབ། །དེ་ཡི་དབང་ཐོབ་གྲུབ་རྟགས་བསྟན་པ་ནི། །ཐུགས་ཀྱི་བྱིན་བརླབས་རྒྱུན་དུ་ཅིར་ཡང་འཆར། །སྐྱེ་ལྡོག་ལམ་དུ་བཤད་པར་བྱ། །མ་རིགས་ཞབྲུལ་བཞི་ཆོད་ནས་ཡེ་ཤེས་སྐྱེ། །གཟུ་འཛིན་ནུབ་ནས་བདེ་བ་འཆར། །སྣང་བ་ལོག་ན་ཆོས་སྐུར་རྟོགས། །དེའི་འབྲས་བུ་མཐའ་རྩམ་ཉིད་དུ་གནས་པར་འགྱུར། ཞེས་གསུངས་དེ་ནས་ཡང་ཞུས་པ།དབང་གིས་བདག་པོ་སྒྲུབ་པ་ལ། །སྐུ་གསུང་ཐུགས་དང་ཇི་ལྟར་སྦྱར། །ཐབས་ཀྱི་འཕྲིན་ལས་ཇི་ལྟར་རྩི། །ཞེས་ཞུས་པས། ཀླུའི་རྒྱལ་པོ་ཐུགས་རྗེ་གཞི་འཛིན་གྱི་བདག་པོ་ལ་དགོངས་ནས་གསུངས་པ། སྐུ་དང་སྦྱར་བ་འཕྲིན་ལས་ཏེ། །རྣལ་འབྱོར་ལམ་དུ་ཞུགས་པའི་ཚེ། །མཐར་ལམ་རྟོགས་ནས་ཀུན་ཏུ་བཟང་པོའི་ས་ནོན་པར་བཤད། འབྲང་་བུ་མི་སྐྱེ་མི་འགག་རང་བཞིན་ཐོབ། །གསུང་དང་སྦྱར་བ་སྙིང་པོའི་སྟེ། །སྙིང་རྗེས་འགྲོ་དོན་སྤྱོད་པའི་ཚེ། །རིགས་འཛིན་གྱིས་ས་ནོན་ནས། འབྲས་བུ་སྐུ་གསུང་ཐུགས་ཀྱི་དངོས་གྲུབ་ཐོབ་པར་བཤད། ཐུགས་དང་སྦྱར་བ་རྩ་བ་སྟེ། །ལམ་དུ་ཞུགས་ནས་ཏིང་འཛིན་སྦྱོར་བའི་ཚེ། ཡང་དག་རྫོགས་བའི་ས་ལ་གནས་ནས། འབྲས་བུ་སེམས་ཉིད་མངོན་དུ་གྱུར་པའོ། །དེ་ནས་ཡང་དག་བཤད་བྱ་བ། །ཐབས་ཀྱི་འཕྲིན་ལས་མདོ་རྩ་སྙིང་པོའི་སྒྲུབ་པ་སྟེ། འདི་ཡི་འཕྲིན་ལས་སྐུ་ལ་སྒྲུབ་སྟེ་འདུས། །རྩ་བ་ཐུགས་ཀྱི་ས་ལམ་སྦྱོང་སྟེ་བགྲོད། །སྙིང་པོ་བྱང་ཆུབ་སེམས་ལ་འགྱུར་ལྡོག་མེད་པ་སྟེ། །རྫོགས་པའི་ས་ལ་གནས་ཞེས་གསུངས། །དེ་ཕྱིར་དཔའ་བོ་དབང་གི་རྒྱལ་པོ་ཡིས། སྐུ་གསུང་ཐུགས་ཀྱི་བྱིན་གྱིས་རློབས། །རྩ་བའི་དམ་ཚིག་ཐུབ་པ་ན། །རྡོ་རྗེ་སེམས་དཔའི་བྱིན་བརླབས་འཇུག །དེ་ཕྱིར་སྐུ་གསུང་ཐུགས་ཀྱི་དབང་བསྐུར་ཅེས། །དབང་རྒྱ་བྱང་ཆུབ་སེམས་དཔས་གདབ། །ཅེས་གསུངས་སོ། །དབང་བསྐུར་རྩ་བ་མདོར་བསྟན་པའི་ལེའུ་ཉི་ཤུ་པའོ།། །།དེ་ནས་ཡང་བསྐོར་བ་དང་ཕྱག་མཛད་ནས་ཞུས་པ། །ཨེ་མ་ཧོ། ལས་ཀྱི་དབང་ཐོབ་ཀླུ་རྒྱལ་བྱིན་རླབས་ཅན། །ལས་ཀྱི་རྒྱལ་པོ་སྒྲུབ་པའི་ཕྱིར། །དབང་བསྐུར་བའི་སྦྱོར་བ་བསྟན། སྒྲུབ་ཐབས་འཕྲིན་ལས་མདོར་བསྡུས་རྣམས། །འཁོར་རྣམས་ཀུན་ལ་བཤད་དུ་གསོལ། །ཅེས་ཞུས་པས། འཕྲིན་ལས་རིན་པོ་ཆེ་བཅུད་ཕྱུང་ནས། འཁོར་རྣམས་ཀུན་ལ་བཤད་པ། ལས་ཀྱི་རྒྱལ་པོ་སྒྲུབ་པ་ལ། །དབང་བསྐུར་རྒྱལ་པོ་བྱིན་བརླབས་འཚལ། །འཕྲིན་ལས་མན་ངག་མདོར་་སྡུས་རྣམས། །ཚང་བར་བཤད་ཀྱི་ལུས་ངག་བ་། །ཉམས་དགའ་བ་ཡི་གནས་དག་ཏུ། །ས་ཆོག་བགེགས་བསྐྲད་གཞུང་བཞིན་བྱ། །མཎྜལ་ཆ་མཉམ་ཡིད་འོང་ལ། །རིན་ཆེན་ཆུ་ཡི་ཆག་ཆག་གདབ། །བ་ལས་བྱུང་བའི་རྣམ་ལྔ་དང་། །རྩ་མཆོག་སྤོས་ཀྱི་བྱུག་པར་བྱ། །དེ་ནས་ཆ་ཆེན་བཅུ་དྲུག་ཐིག་གདབ་སྟེ། །འཁོར་ལོ་རྩིབས་བརྒྱད་ཕྱོགས་བཞི་རིགས། །མཚམས་བཞིརྩིབས་ཚོན་མཛེས་ཚོན་ཡིན། །ལྟེ་བ་མཐིང་ཁ་མུ་ཁྱུད་དམར། ཁུ་ཆད་ལྗང་ཁུ་སྒོ་རྣམས་སེར། །སྒོ་བཞི་རིགས་ལ་སྒོ་ཁང་ལྟ་བབས་བུམ་པ་རིགས། །དཀྱིལ་འཁོར་ཆེན་པོ་གཞུདབཞིནབྲི། །ཡངན་སྒོ་བཞི་བློ་འབུར་རིགས། །མཛེས་པའི་ཚོན་རྣམས་བྲིས་ནས་སུ། །ལྷ་ཡི་མཚན་ཉིད་བཤད་པར་བྱ། །རིན་ཆེན་ལྔ་ཡི་བུམ་པ་ལ། །ལས་ཀྱི་བྱེ་བྲག་གཞུང་བཞིན་བཤམ། །འཁོར་ལོ་ཕྱོགས་བཞི་དབུས་དང་ལྔ་རུ་གཟུགས། །མཚམས་བཞི་དག་ཏུ་ཀླུ་རིགས་བཞི། །དགུ་པ་བདུན་པ་ལྔ་པ་གསུམ་པ་བསྣམས། །དཀར་དང་སེར་དང་དམར་དང་ལྗང་། །དེ་ལྟར་རིགས་ཀྱི་ཞལ་ཕྱུང་ལ། །བྱང་ཤར་མཚམས་ནས་རིམས་ཀྱིས་དགོད། ཁྲུ་ཆད་བཞི་ལ་ཀླུ་མོ་རིགས་བཞི་སྟེ། །དཀར་དང་སེར་དང་དམར་དང་ལྗང་ངོ་། །ཕྱག་ན་སོ་སོ་རིགས་ཀྱི་བུམ་པ་འཛིན། །རིན་ཆེན་རྒྱན་གྱིས་བརྒྱན་པ་རྣམས། ཁུ་ཆད་བཞི་ལ་རིམས་ཀྱིས་གཟུགས། །སྒོ་བཞི་དུ་རིག་སྒྱུར་བ་ཁྱུང་། །ཡང་ན་ས་བདག་རིགས་བཞི་གཟུགས། ཁེན་ཏུ་མཛེས་པ་བྲིས་པར་བྱ། །ལྷའི་མཚན་ཉིད་གཟུགས་བརྙན་དེ་བཞིན་དགོད། །དེ་ནས་ལས་ཀྱི་བུམ་པ་ཆས་བྱས་ཏེ། །དབུས་སུ་དུང་གི་བུམ་པ་གཟུགས། ཁྲར་དུ་དངུལ་ལ་ལྷོ་རུ་གསེར། །ནུབ་ཏུ་ཟངས་ལ་བྱང་དུ་ལྕགས་ཀྱི་བུམ་པ་གཟུགས། དེ་རུ་བུམ་པའི་སྙིང་པོ་ནི། །སྨན་ལྔ་རིན་ཆེན་ལྔ་ལ་སོགས། །མེ་ཏོག་ལྔ་དང་སྙིང་པོ་ལྔ། །འབྲས་བུ་ལྔ་དང་སྤོས་སྣ་ལྔ། །དེ་ཡི་བར་ཆོད་བསལ་བའི་ཕྱིར། །བདག་ཉིད་རྡོ་རྗེ་འཛིན་པར་བསྒོམ། །སྡེརགཤོགཕྱགརྒྱས་ཐུགས་ཁར་མཁའ་ལྡིང་རྒྱལ་པོ་བསྐྱེད། །དྲག་སྔགས་བཟླས་ཤིང་གུ་གུལ་སྦྱར་མའི་དུད་བས་བདུག །དེ་རུ་བུམ་པར་བྱང་ཆུབ་སེམས་ཀྱི་བཅུད། །བྱང་སེམས་དཀར་དམར་རིན་ཆེན་ཆུང་པས་སྦྱང་། །རིན་ཆེན་ཆུ་ཡིས་གང་བར་བསྒང་། །དར་མཚོན་ལྔ་ཡིས་ཁ་རྒྱལ་བྲི། །ཙན་དན་ཤུགས་པས་ཁ་བརྒྱན་ཏེ། །འོ་མ་ནལ་བུ་ཤར་དང་ལྷོ། །ནུབ་ཏུ་སེང་ལྡེང་སྔགས་བཤད་ཡིན། །བྱང་དུ་སེ་སྐྱེར་དྲག་པོའི་ཤིང་། །དེ་རྣམས་རྨ་བྱའི་སྒྲོ་དང་ལྡན་པར་གཟུགས། །གཟུངས་ཐག་དར་ཚོན་སྣ་ལྔས་སྦྲེལ། །ཚོན་སྣ་ལྔ་ཡི་སྐུད་པ་ལ། །པྲ་ཏི་བུ་ཙག་སྔགས་བཟླས་ཏེ། །བུམ་པ་ལྔ་ཡི་མགུལ་དུ་བཅིང་། །ཚོན་སྐུད་རང་གི་ལག་ཏུ་བཟུང་། །སྐབས་སུ་འདྲེ་བསྐྲད་དྲག་སྔགས་བཟླས། །ཡུངས་ཀར་དག་ལ་བསྔགས་ཏེ་བརྡེག །སྐབས་སུ་བསྲུང་བའི་སྔགས་བཟླས་ཏེ། །བུམ་པ་རྡོ་རྗེས་བསྐོར་བར་བསམ། །དར་དཀར་དག་གི་གུར་ཕུབ་ལ། །སྤོས་ཀྱི་མཆོད་པ་རྒྱུན་མི་གཅད། །དེ་ནས་ལྟ་སྤྱོད་ལྡན་པའི་རྣལ་འབྱོར་པས། །མཆོད་པའི་རིམ་པ་བཤམ་བྱ་སྟེ། །འགྲོ་ལ་ཕན་པའི་དོན་བྱའི་ཕྱིར། །རང་དོན་སྤངས་ལ་ཐུགས་རྗེ་སྐྱེད། །འདི་ཕྱི་བདག་གཞན་དོན་དུ་སྒྲུབ། །ཚོགས་བསགས་ཡན་ལག་རྒྱ་ཆེར་བསག །དཀོན་མཆོག་གསུམ་ལ་གཙོ་རུ་བླང་། །དེ་བཞིན་གཙང་རིགས་མགོན་པོ་མཆོད། །ཕྱི་ནང་སྣང་སྲིད་ལྷ་འདྲེ་ལ། །གསེར་ཕུད་བཏང་ལ་དམ་བདར་འཕྲིན་ལས་བཅོལ་ལོ། །དེ་བཞིན་རང་གི་བསྲུངས་མ་མཆོད། །གསེར་ཕུད་གཏོར་ཆ་རྒྱས་པས་གཏང་། །སྟོང་ཕྲག་བཅུ་ཡི་བགེགས་རིགས་ལ། དེ་་་་བཞིན་འབྱུང་པོའི་གཏོར་མ་བཏང་། །མཆོད་སྤྱིན་རྩལ་ལ་བདེན་བ་བདར། །དེ་བཞིན་ཡུལ་གྱི་ལྷ་ཀླུ་མཆོད། །ཆབ་གཏོར་བཏང་ལ་བདེན་པར་བདར། །དེ་ནས་མཆོད་པའི་རྫས་བཤམ་སྟེ། །མཚམས་གཅད་ཅིང་བགེགས་ཀྱང་བསྐྲད། །སྐད་ཅིག་མའི་ཏིང་འཛིན་གྱིས། །སྔགས་འདིས་རྡོ་རྗེ་འཛིན་པར་བསྐྱེད་ལ། །ཨོ་བཛྲ་བཱ་ཁི་བཛྲ་མཧྭ་ཀྲོདྷ་ཧུ༷། ཞེས་བརྗོད་པས། བདག་ཉིད་རྡོ་རྗེ་འཛིན་པ་ཁྲོ་བོའི་རྒྱན་རྫོགས་པར་བསྐྱེད་དེ། རྡོ་རྗེ་ཀླད་ལ་བསྐོར་ཞིང་། རྡོ་རྗེའི་མཚན་དྲག་པོ་བརྗོད་ཅིང་། ཧུ༷་དང་ཕཊ་ཀྱི་ང་རོ་དྲག་པོས་ཁམས་གསུམ་དབང་དུ་སྡུད་པའི་ཕྱིར། དཀྱིལ་འཁོར་ལ་བསྐོར་ཞིང་། ཁྲོ་བོ་སྟང་སྟབས་ཀྱིས་ཁམས་གསུམ་ཟིལ་གྱིས་མནན་པར་བྱའོ། །དེ་ནས་མཆོད་པ་དབུལ་ཏེ། རྡོ་རྗེ་འཛིན་བའི་ལྷ་ཚོགས་ལ། །ཕྱི་ནང་གི་མཆོད་པ་རྒྱས་པར་དབུལ། །དགེ་བསྙེན་ཀླུའི་ལྷ་ཚོགས་ལ། དཀར་གཏོར་སྨན་གྱི་མཆོད་པས་མཆོད། ཙན་དན་སྤོས་ཀྱི་མཆོད་པ་རྒྱུན་དུ་གཏང་ངོ་། །དེ་ནས་ཆོ་ག་ལ་འཇུག་པར་བྱ་སྟེ། །བསྙེན་མཆོད་ཚོགས་བསགས་ཀྱི་ཡན་ལག་རྒྱས་པར་བྱའོ། །དེ་ནས་བུམ་པ་བྱིན་གྱིས་བརླབས་པར་བྱས་ཏེ། ཕྱི་ནང་གསང་བའི་དབང་རྣམས་རིམས་ཀྱིས་ཐོབ་པར་བྱ་སྟེ། དབང་བསྐུར་རྒྱལ་པོ་ལས། ཁ་དོག་གི་ལེའུ་སྟེ་ཉེར་གཅིག་པའོ།། །།དེ་ནས་དེ་ཉིད་ཡང་དག་བཤད་བྱ་བ། །ཏིང་འཛིན་ལས་ཀྱི་སྒྲོན་མའདིབཞིནཏེ། །བདགཉིད་ཆེན་པོ་རབ་བསྐྱེད་ནས། །མཆོད་བསྟོད་བསྙེན་པའི་ལས་རྫོགས་ལས། །ལས་ཀྱི་བུམ་པ་རིགས་ལྔ་ལ། །བྱིན་བརླབས་དབང་བསྐུར་འདི་བཞིན་བྱ། །ཏིང་འཛིན་རྣམ་གསུམ་རིམས་ཀྱིས་བསྐྱེད། །བདག་ཉིད་ཧུ༷་ལས་ཆེན་པོར་བསྐྱེད། །སྐུ་གསུང་ཐུགས་སུ་བྱིན་གྱིས་བརླབས། །ཐུགས་ཀའི་ཧྭ༷་ལས་འོད་འཕྲོས་པས། ཡི་གེ་ཨུ་བཞི་ཕྱོགས་བཞིར་འཕྲོས་པ་ལས། ཨ་ལས་ཟླ་བའི་དཀྱིལ་འཁོར་བཞི་བསམ། ཧུ༷་ལས་འོད་འཕྲོས་ཡི་གེ་འདི་རྣམས་སུ་གྱུར་ཏེ། ཟླ་བའི་སྟེང་དུ་བསམ། ཨོ་དཀར་པོ། ཏྲ༷་སེར་པོ། ཧྲི་དམར་པོ། ཨ་ལྗང་ཁུ། དེ་རྣམས་ལས་འོད་འཕྲོས་བདེ་བར་གཤེགས་པ་རྣམས་ཀྱི་ཐུགས་དམ་གྱི་རྒྱུད་བསྐུལ། ངན་སོང་གསུམ་གྱི་སྡིག་སྒྲིབ་སྦྱངས། སླར་འདུས་བ་ལས་རིགས་རྣམ་པ་བཞིའི་སྔགས་འདི་རྣམས་བརྗོད་ལ་བསྐྱེད་དོ། །ཨོ་བུརྙ་ག་རུ་ཌ་ཙ་ལེ་ཙ་ལེ་ཧུ༷་ཕཊ། ཨོ་རཏྣ་ག་རུ་ཌ་ཙ་ལེ་ཙ་ལེ་ཧུ༷་ཕཊ། ཨོ་པདྨ་ག་རུ་ཌ་ཙ་ལེ་ཙ་ལེ་ཧུ༷་ཕཊ། ཨོ་ཀརྨ་ག་རུ་ཌ་ཙ་ལེ་ཙ་ལེ་ཧུ༷་ཕཊ། ཤར་ཕྱོགས་སུ་བུརྙ་རིགས་ཀྱི་ཁྱུང་སྐུ་མདོག་དཀར་པོ་གསེར་གྱི་གཤོག་པ་ཅན་བསྐྱེད། ལྷོ་ཕྱོགས་སུ་རིན་ཆེན་རིགས་ཀྱི་ཁྱུང་སྐུ་མདོག་སེར་པོ་ཟངས་ཀྱི་གཤོག་པ་ཅན་བསྐྱེད། ནུབ་ཕྱོགས་སུ་པདྨ་རིགས་ཀྱི་ཁྱུང་སྐུ་མདོག་དམར་པོལྕགས ཀྱིགཤོག་པ་ཅན། བྱང་ཕྱོགས་སུ་ལས་ཀྱི་རིགས་ཀྱི་ཁྱུང་སྐུ་མདོག་ལྗང་ཁུ། དུང་གི་གཤོག་པ་ཅན་བསྐྱེད་དོ། ཁྱུང་དེ་རྣམས་ཀྱི་མཆུ་སྡེར་ལྕགས་ལས་གྲུབ་པ། སྤྱན་མིག་གསེར་དུ་འཁྱིལ་བ། ལྗགས་དང་སྤྱན་དམར་བ། རིགས་དང་མཐུན་པ། སྤྱི་བོའི་གཙུག་ན་འོད་སྣ་ཚོགས་སུ་འཕྲོ་བའོ། །ལུས་ལ་རིགས་ཀྱི་རྡོ་རྗེས་བརྒྱན་པ། སྦྲུལ་རིགས་བཞི་ཞལ་དུ་གསོལ་བར་བསམ་མོ། ཁྱུང་དེ་རྣམས་ཀྱི་ཐུགས་ཁ་སྲ ཧུ༷་མཐིང་ཁ་རེ་རེ་བསམ་མོ། །མགྲིན་པ་རུ་ཨི་དམར་པོ་རེ་རེ་དམིགས་སོ། །སྤྱི་བོའི་གཙུག་ཏུ་ཨོ་དཀར་པོ་རེ་རེ་དམིགས་སོ། །དེ་ནས་ཡང་བདག་གི་ཐུགས་ཁའི་ཧུ༷་ལས། མ་སྔོན་དམར་ཅིག་བདག་གི་གཡོན་ཕྱོགས་སུ་འཕྲོས་པ་ལས། ལྷ་མོ་གཡུའི་བྱེ་ཆུང་མ་སྐུ་མདོག་སྔོན་མོ། །ཕྱག་གཡས་ཡབ་ལ་འཁྱུད་པ། གཡོན་གཡུའི་བུམ་པ་བདག་གིས་ཐུགས་ཀར་འཛིན་པ་ཅིག་བསྐྱེད། ཡང་ཧཱུཾ་ལས་འོད་ཟེར་རྣམ་པ་ལྔ་འཕྲོས་པས། རིན་པོ་ཆེའི་ཡི་གེ་འདི་རྣམས་སུ་གྱུར་ཏེ། ཡབ་རྣམས་ཀྱི་གཡོན་དུ། འབྱུང་བ་བཞི་ཡུམ་བསྐྱེད་དོ། །ས་སེར་མོ་ཤར་ཕྱོགས་སུ་སའི་ལྷ་མོ་སྐུ་མདོག་སེར་མོ།ཕྱག་གཡས་ཡབ་ལ་འཁྱུད་པ། གཡོན་ན་རིགས་ཀྱི་བུམ་པ་ཐུགས་ཀར་འཛིན་པའོ། །ར༷་དམར་པོ་ལས་ལྷོ་ཕྱོགས་སུ་མེའི་ལྷ་མོ་སྐུ་མདོག་དམར་མོ། །ཕྱག་གཡས་ཡབ་ལ་འཁྱུད་པ། གཡོན་རིགས་ཀྱི་བུམ་པ་ཐུགས་ཀར་འཛིན་པའོ། །བ༷་དཀར་པོ་ལས་ནུབ་ཕྱོགས་སུ་ཆུའི་ལྷ་མོ་ཕྱག་གོང་གི་འདྲེ། ཡ༷་སྔོ་སྐྱ་ལས་བྱང་ཕྱོགས་སུ་རླུང་གི་ལྷ་མོ་སྐུ་མདོག་སྔོ་སྐྱ་ཕྱག་འདྲེ། ལྷ་མོ་དེ་རྣམས་ཀྱི་ལུས་ལ་རིན་པོ་ཆེའི་རྒྱན་སྣ་ཚོགས་པས་བརྒྱན་པ། ཞལ་འཛུམ་ལ་སྐུ་སྒེག་པ། ཡིད་དུ་འོང་བ་བསྐྱེད་དོ། །དེ་ནས་འཛབ་དྲང་ཞིང་འཕྲོ་འདུའི་བྱིན་བརླབས་བྱས་ཏེ། ཡབ་རྣམས་ཀྱི་ཐུགས་ཁའི་ཧུ༷་ལས་ཐུགས་འོད་ཟེར་སྣ་ཚོགས་བདུད་རྩི་སྤྲུལ་ཏེ། ཡུམ་རྣམས་ཀྱི་ཐུགས་ཁར་ཐིམ་པས། ཡུམ་རྣམས་ཀྱི་ཆགས་པ་ཐུགས་ཀྱིས་བསྐད་ནས། འོད་ཟེར་སྣ་ཚོགས་བདུད་རྩི་དམར་པོར་གྱུར་ཏེ། ཡབ་རྣམས་ཀྱི་ཐུགས་ཁར་འདུས་པས་ཡབ་རྣམས་ཀྱི་དགྱེས་པ་ཐུགས་སུ་བསྐངས་ཏེ། བདུད་རྩི་དཀར་དམར་བྱང་ཆུབ་སེམས་སུ་གྱུར་ཏེ། བདུད་རྩི་བྱང་ཆུབ་སེམས་ཀྱི་འོད་ཟེར་ཕྱོགས་བཅུར་འཕྲོས་པས། ཕྱོགས་བཅུ་སངས་རྒྱས་རྣམས་ཀྱི་ཐུགས་སུ་ཐིམ་པ་ལས། ཐུགས་མཉེས་པའི་མཆོད་པ་ཕུལ། བདེ་བར་གཤེགས་པ་རྣམས་ཀྱི་ཐུགས་ཀྱི་བཅུད་བྱང་ཆུབ་སེམས་སུ་བསྡུས་ནས་སླར་འདུས་པ་ལས། ཡབ་ཡུམ་རྣམས་བདུད་རྩི་བྱང་ཆུབ་སེམས་སུ་ཞུ་སྟེ། བདག་གི་ཐུགས་ཁར་ཧུ༷་ཞེས་བརྗོད་པས།བདག་གི་ཐུགས་ཀར་ཉི་ཟེར་ཉི་མ་ལ་འདུས་པ་བཞིན་དུ་བསམ། དེ་ནི་ཕྱི་ལྟར་བྱིན་གྱིས་བརླབས་ཏེ། བདག་ཉིད་ལ་ཉིད་དབང་བསྐུར་རོ། །ད་ནི་ནང་ལྟར་བྱིན་གྱིས་བརླབས་ཏེ། གསང་བའི་དབང་མཆོག་བསྐུར་བ་ནི། ཡབ་ཡུམ་རྣམསགོངབཞིནདུབསྐྱེདལ། ཡབ་ཡུམ་རྣམས་ཀྱི་མཁའ་གསང་བྱིན་གྱིས་བརླབས་པར་བྱ་སྟེ། མ་སྲུརླ་མཎྜལ། ཞེས་བརྗོད་པ་ལས་པདྨ་ལ་ཉི་མའི་དཀྱིལ་འཁོར་རེ་རེ་བསམ། དེ་རྣམས་ཀྱི་སྟེང་དུ་ཧུ༷་བཛྲ་ཞེས་བརྗོད་པས། ཧུ༷་ལས་གསང་བའི་རྡོ་རྗེ་རྩེ་ལྔ་པ་རེ་རེ་བསམ། དེ་རྣམས་ཀྱི་རྩེ་མོ་ལ། ཨོ་དཀར་པོ་ཤེལ་འདྲ་རེ་རེ་བསམ། དེ་ནས་ཡང་ཨ་ཙཎྜ་མཎྜལ་ཞེས་བརྗོད་པས། ཡུམ་རྣམས་ཀྱི་མཁའ་ལ། ཨ་ལས་ཟླ་བའི་དཀྱིལ་འཁོར། དེའི་སྟེང་དུ་པ༷་པདྨ་མཎྜལ་ཞེས་བརྗོད་པས། པ༷་ལས་པདྨའི་དལ་རེ་བསམ། དེའི་སྟེང་དུ་ཨུ་དམར་པོ་མཚལ་ཅོག་ལ་མ་བཅག་པའི་འཕྲོམ་འདྲ་བ་རེ་བསམ། དེ་ནས་འཕྲོ་འདུ་བྱིན་གྱིས་བརླབས་ཏེ། ཡབ་རྣམས་ཀྱི་ཐུགས་ཁའི་་༷་ལས། ཧྭ༷་འོད་ཟེར་མང་པོ་ཡར་དྲངས་ཏེ། མགྲིན་པའི་ཡི་གེ་ཨུ་དམར་པོ་ལ་ཐིམ་པས། ཧུ༷་མཐིང་ཁ་ཨུ་དམར་པོར་གྱུར། ཨ་དམར་པོའི་ནང་ནས་གཡས་ནས་གཡོན་དུ་རྒྱུད་ནས། ཀླད་པ་དུང་ཁང་གི་ནང་དུ་ཨོ་དཀ་ར་པོ་ལ་སྒྲོམ་པས། ཨུ་དམར་པོ། ཨོ་དཀར་པོར་གྱུར་ཏེ། སྒལ་ཚིགས་ཀྱི་རྟ་བརྒྱུད་ནས། གསང་བ་རྡོ་རྗེའི་ལམ་དུ་བྱུང་ནས་བྱང་ཆུབ་སེམས་སུ་གྱུར་ཏེ།ཡུམ་རྣམས་ཀྱི་མཁའ་ལ་ཐིམ་པས། ཡུམ་རྣམས་ཀྱི་ཆགས་པ་སྦྱངས་ནས། བྱང་ཆུབ་ཀྱི་སེམས་བདུད་རྩི་དམར་པོར་གྱུར་ཏེ། སླར་འདུས་པ༷་ལས། ཡབ་རྣམས་ཀྱི་དགེས་པ་སྐྱེད་དེ། བྱང་ཆུབ་ཀྱི་སེམས་བདུད་རྩི་དཀར་པོར་གྱུར་ཏེ། སླར་འདུས་པ་ལས། དེ་ནས་ཡུམ་རྣམས་ཀྱི་སྦྱོར་འཚམས་ནས་འོད་ཟེར་འཕྲོས་ཏེ། འོག་མིན་གྱི་གནས་ལྕང་ལོ་ཅན་གྱི་ཕོ་བྲང་ནས་བདེ་བར་གཤེགས་པ་ཡབ་ཡུམ་རིགས་ལྔ་ཡབ་ཕྱོགས་བཅུ་སངས་རྒྱས་འཁོར་བཅས་རྣམས་བྱང་ཆུབ་ཀྱི་སེམས་བདུད་རྩིའི་རང་བཞིན་དུ་ལྟེམ་གྱིས་ཞུ་སྟེ། སླར་འདུས་ཏེ། ཕྱོགས་བཅུ་སངས་རྒྱས་ཐམས་ཅད་ཀྱི་བཅུད་བྱང་ཆུབ་ཀྱི་སེམས། བུམ་པའི་ལྷ་ཚོགས་ལ་ཐིམ་པར་བསམས་ཏེ། བུམ་པ་དེ་བཞིན་ཉིད་བྱིན་གྱིས་བརླབས་པར་བྱའོ། །དེ་ལྟར་བྱིན་གྱིས་བརླབས་ཏེ། གསང་བའི་དབང་མཆོག་དམ་པར་བསྐུར་བར་བྱའོ། །དེ་ནས་དབང་བསྐུར་བ་དང་། དཀྱིལ་འཁོར་དུ་ཞུགས་པ་རྣམས་ནི་ལས་རྒྱུད་གཞན་ལས་ཤེས་པར་བྱའོ། །རིན་པོ་ཆེ་སྣ་བདུན་དང་། བཀྲ་ཤིས་ཀྱི་རྫས་བརྒྱད། བཀྲ་ཤིས་ཀྱི་ཚིགས་བཅད་བརྗོད་དོ། །ཕྱི་ལྟར་དབང་བསྐུར་བར་བྱའོ། །རྟེན་གྱི་བུམ་པ་དང་། དབུ་རྒྱན་དང་།དར་གྱི་ཅོད་པན་དང་། མེ་ཏོག་གི་འཕྲེང་བ་དང་། གསང་བའི་མིང་དང་། དབང་རྣམས་རྫོགས་པར་བསྐུར་རོ། །དབང་བསྐུར་གསལ་བྱེད་ཀྱི་ལེའུ་སྟེ་ཉེར་གཉིས་པའོ།། །།དེ་ནས་ཡང་འཁོར་རྣམས་ཀྱིས་ཞུས་པ།ཨེ་མ་ཧོ། བྱང་ཆུབ་སེམས་དཔའ་ཐུགས་རྗེ་ཅན། །ལས་ཀྱི་རྒྱལ་པོ་བསྒྲུབ་པའི་ཕྱིར། །ཉིད་ཀྱི་རྒྱལ་པོ་བསྒྲུབ་པ་ཇི་ལྟར་ལགས། །མན་ངག་མདོར་བསྡུས་རྣམས། །བདག་ཅག་རྣམས་ལ་བཤད་དུ་གསོལ། །ཅེས་ཞུས་པས། ཐུགས་རྗེ་རང་བྱུང་བྱང་ཆུབ་སེམས་ལ་དགོངས་ནས་ཞུས་པ། ཨེ་མ་ཧོ། བྱང་ཆུབ་སེམས་དཔའ་ལས་ཀྱི་དགེ་བསྙེན་རྣམས། །འགྲོ་བའི་དོན་དུ་བྱིན་བརླབས་ཅན། །དམ་ཚིག་ཆེན་པོ་ང་ཡིས་བཤད། །འཁོར་རྣམས་ལུས་ངག་ཡིད་གསུམ་བཏུད། །ཅེས་བཀའ་སྩལ་ཏོ། །རི་བོ་འདུས་པའི་རྩེ་མོའམ། །ཆུ་བྲན་འདུས་པ་རྒྱ་མཚོའི་གླིང་། །ཡང་ན་ཀླུ་རྒྱལ་ས་བདག་འདུས་པའི་སར། །ཡང་ན་ཡིད་འོང་ཉམས་དགའ་གནས་དག་ཏུ། བྱིན་གྱིས་བརླབས་པ་གོང་བཞིན་བྱ། །ལས་ཀྱི་བཅའ་ལུགས་སོ་སོར་དབྱེ། ཁེན་ཏུ་མཁས་པ་རྟགས་ལ་སྤྱད། ཁྲེས་རབ་ཅན་གྱིས་དེ་བཞིན་གྱིས། །དེ་ནས་དམ་ཚིག་གཙང་མའི་རྣལ་འབྱོར་པས། །ལས་ཀྱི་བུམ་པ་ཆས་བྱས་ཏེ། །རྒྱུ་ནི་རིན་ཆེན་ས་ལ་བྱ། །རྐྱེན་ནི་རིན་ཆེན་ཆུ་ཡིས་སྒྲུ། །སྦྱོར་བ་མོས་གུས་དད་པས་གཟོ་བྱས་ཏེ། །སེམས་ཀྱིས་དམིགས་ཏེ་གཞུང་བཞིན་བསྐྱེད། །དེ་རུ་བུམ་པའི་སྙིང་པོ་ནི། །སྨན་སྣ་ལྔ་ལ་སོགས་པ་སྟེ། །རིན་ཆེན་ལྔ་དང་སྙིང་པོ་ལྔ། །མེ་ཏོག་ལྔ་དང་འབྲས་བུ་ལྔ། །ཙན་དན་ལ་སོགས་སྤོས་མཆོག་ལྔ། །དེ་རུ་བུམ་པ་སྙིང་པའི་བཅ། །ཀླུ་རྒྱལ་གནས་པའི་ཆུ་མིག་ནས། །རིན་ཆེན་སྣོད་དུ་ཆུ་བླངས་ཏེ། །རྩི་མཆོག་ག་པུར་བཅུད་ཀྱིས་སྦྱར། །གཞན་ཡང་སྨན་སྣ་སྟོང་དང་རབ་སྦྱར་བླུག །དབུས་ཀྱི་ཕོ་བྲང་དག་ལ་བཞུགས་སུ་གསོལ། །དར་མཆོག་ལྔ་ཡིས་ཁ་རྒྱན་དྲིལ། ཁེང་འབྲས་བུ་ཅན་གྱིས་ཁ་བརྒྱན་ཏེ། །ཡེ་ཤེས་ལྔ་ཡི་གཟུངས་ཐག་གདགས། །རྩི་མཆོག་སྤོས་ཀྱི་དུད་བས་བསང་། །བཀྲ་ཤིས་རྫས་ཀྱིས་མཐའ་མ་བསྐོར། །དེ་བཞིན་ལོངས་སྤྱོད་རྫས་རྣམས་བསོགས། །དཀར་གསུམ་དག་ལ་ལྟོ་རྟེན་ཏེ། །དེ་བཞིན་ཁྲུས་དང་གཙང་སྦྲ་བྱ། །མཆོག་ཏུ་དམ་ཚིགབསྲུང་བ་གཅེས། །དེ་ཕྱིར་གཙང་མའི་དམ་ཚིག་བསྲུང་། །གཙང་མའི་མཆོད་པ་རྒྱུན་དུ་དབུལ། །དེ་བཞིན་རྩི་དང་སྨན་གྱིས་མཆོད། །སྤོས་ཀྱི་མཆོད་པ་རྒྱུན་མི་གཅད། །སྐབས་སུ་མཆོད་བསྟོད་ལས་གཞུང་བཞིན། །དམ་ཚིག་གཅན་གྱིས་བསྙེན་ཅིང་མཆོད། །དེ་བཞིན་བསྙེན་པའི་སྔགས་འདི་རྒྱུན་དུ་དྲང་། །ཨོ་ནཱ་ག་རྭ་ཛ་ས་མ་ཡ་ཛ། སྐབས་སུ་བསྲུང་བའི་སྔགས་བཟླས་ཏེ། །གདུག་པ་ཀླུའི་དུག་རྣམས་ཤིན་ཏུ་སྦྱང་བ་གཅེས། །དེ་ནས་བུམ་པ་བྱིན་བརླབས་ཏེ། །དབང་རྣམས་རིམས་ཀྱིས་བསྐུར། །ཞེས་གསུངས་སོ། །དབང་བསྐུར་ལས་ཀྱི་ལེའུ་སྟེ་ཉེར་གསུམ་པའོ།། །།དེ་ནས་དེ་ཉིད་བྱིན་གྱིས་བརླབས་པའི་ཕྱིར། རིག་པ་གསལ་བྱེད་ལས་ཀྱི་སྒྲོན་མ་བསྟན་ཏེ། དང་པོར་བདག་ཉིད་ཆེན་པོར་རབ་དམིགས་ནས། །ཚོགས་བསགས་ཡན་ལག་བཞིན་བྱ། །མཆོད་བསྟོད་ལས་རིམ་རྫོགས་པ་དང། །བུམ་པ་བྱིན་གྱིས་བརླབ་པར་བྱ་སྟེ། །དེ་ཡི་འཕྲིན་ལས་བཤད་པ་ནི། །དམིགས་པའི་མན་ངག་ཡན་ལག་གསུམ་སྟེ། །རྩ་བ་ཐུགས་དང་སྦྱར་བར་བྱ། །ཧུ༷་བསྐྱེད་བདག་པོ་གཉིས་གནས་སྤྲུལ་པ་སྟེ། །རིག་པ་གསལ་བྱེད་ལས་ཀྱི་སྒྲོན་མ་བསྟན་ཏེ། །ཡན་ལག་ཡི་གེ་རྩ་གཅིག་ལས། །བྱིན་བརླབས་འཕྲོ་འདུའི་སྐབས་སུ་བཤད། །ཡི་གེ་དམིགས་པའི་གནས་ལྔ་སྲ །བདུད་རྩི་བུམ་པ་བརྟན་པར་བསྟིམ། །ཞེས་པ་ནི་དབང་བསྐུར་ལས་ཀྱི་སྐབས་སུ་བཤད། །དེ་ནས་དེ་ཉིད་བཤད་པའི་ཕྱིར། །གསལ་བྱེད་ཐུགས་ཀྱི་སྒྲོན་མ་འདི་བཤད་དོ། །ཨོ་བཛྲ་མ་ཧྭ་ཀྲོདྷ་ཧུ༷་ཕཊ་ཅེས་བརྗོད་བས། བདག་ཉིད་ཧུ༷་ལས་རྡོ་རྗེ་འཛིན་པར་བསྐྱེད། །སྡེར་གཤོག་ཕྱག་རྒྱ་བཅས་ནས་སུ། །ཐུགས་ཁར་མཁའ་ལྡིང་རྒྱལ་པོ་བསྐྱེད། །མཁའ་ལྡིང་རྒྱལ་པོའི་ཐུགས་ཁ་མྲ །ཡེ་ཤེས་རྡོ་རྗེ་སེམས་ལ་དམིགས། །ཨོ་ནཱ་ག་རྭ་ཛ་ཞེས་བརྗོད་པས། །ཧུ༷་ལས་ཡེ་ཤེས་ཀླུ་རྒྱལ་བསྐྱེད། །སྦྲུལ་མགོ་དགུ་པ་གདེང་ཀ་ཅན། །རིན་ཆེན་ལུས་ལ་སྦྲུལ་མཇུག་འཁྱིལ། །ཕྱག་གཡས་རིན་ཆེན་འབར་བ་བསྣམས། །གཡོན་པ་རིན་ཆེན་པདྨ་བསྣམས། ལོངས་སྤྱོད་ཀུན་གྱི་བདག་པོར་བསྐྱེད། །དགེ་བསྙེན་ཆེན་པོའི་ཐུགས་ཁ་སྲ །རིན་ཆེན་འབར་བ་ཨུ་ལས་ནི། །ཡིད་བཞིན་ནོར་བུ་རིན་ཆེན་འོད་འབར་བུམ་འདྲའི་གཟུགས། །ལོངས་སྤྱོད་ཀུན་གྱི་རྩ་བ་སྟེ། །འབྱུང་བའི་རྒྱལ་པོ་རྩ་བ་འཛིན། །བྱེད་པ་སེམས་ཅན་ཀུན་དོན་བྱེད། །ཡིད་བཞིན་ནོར་བུ་རིན་ཆེན་ཏེ། །ཀླུ་ཡི་རྒྱལ་པོའི་ཐུགས་མཛོད་ཡིན། །དམ་ཚིག་ཤེས་ཤིང་དམ་ཚིག་ལྡན། །དམ་ཚིག་ཅན་ལ་ལོངས་སྤྱོད་སྤེལ། །ཞེས་དམ་ཚིག་ཆེན་པོ་ང་ཡིས་བཤད། །ཡིད་བཞིན་ནོར་བུའི་བུམ་ནང་དུ། །ཨུ་ལས་ཟླ་བའི་དཀྱིལ་འཁོར་ཁར། །ཧུ༷་ལས་དཔག་བསམ་ལྗོན་ཤིང་བསྐྱེད། །གོ་ལས་ཡན་ལག་གྱེས་ཏེ། །ཕྱོགས་བཞི་མཚམས་བརྒྱད་དབུས་དང་དགུ །ཨོལསམེརྟག་འཁྲུངས་ཏེ། །འབྲས་བུ་ཕུན་སུམ་ཚོགས་པ་འབྱུང་ཞེས་བཤད། །དེ་ཡིས་དགོས་པ་ཐམས་ཅད་འགྲུབ་ཅེས་གསུངས། དམིགས་པའི་མན་ངག་གསུམ་ཞེས་དེ་ལ་བྱ། ཨོ་ནཱ་ག་རྭ་ཛ་ས་མ་ཡ་ཛ། ཞེས་བརྗོད་པས། ཡན་ལག་ཕྱོགས་མཚམས་བརྒྱད་དུ། པདྨའི་མེ་ཏོག་གཞལ་ཡས་སུ། དགེ་བསྙེན་ལས་ཀྱི་ཀླུ་ཆེན་བརྒྱད། གཙོ་ལ་འདུད་པའི་ཚུལ་དུ་བསྐྱེད། །དབུས་སུ་ཨོ་ལས་ཡེ་ཤེས་སེམས་དཔའི་ཀླུ། །སྐྲུལ་མགོ་དགུ་པ་རུ་བསྐྱེད། ཡན་ལག་གསུམ་ཞེས་དེ་ལ་སྨོས། དེ་ནས་བུམ་པ་བྱིན་བརླབས་ཏེ། ཨོ་ཨུ༷༷ཧཱུཾ་ན་ག་ཡུ་ཡུ། ནཱ་ག་བུ་རུ་ཛ་ལ་ནི། ནཱ་ག་ས་མ་ཡ་གྲྭཧྭ། ཡི་གེ་རྩ་གཅིག་སྤྲུལ་པར་ཤར། ཞེས་དེ་ལ་བཤད་དེ། འཕྲོ་འདུའི་བྱིན་བརླབས་དེ་བཞིན་དམིགས། བདག་ཉིད་ཐུགས་ཀའི་ཧུ༷་ལས་འོད་ཟེར་འཕྲོས་པས། ཀླུའི་རྒྱལ་པོ་ཐུགས་ཀའི་དམ་ཚིག་ལས་ཀྱི་དགེ་བསྙེན་རྣམས་ཀྱི་ཐུགས་ཀར་འཕྲོས་པས། དེ་ནས་དམ་ཚིག་གི་ལས་ལ་བསྐུལ་ཏེ། འགྲོ་བ་སེམས་ཅན་གྱི་དོན་ལ་བཞེངས་ནས། ལོངས་སྤྱོད་ཀྱི་དམ་ཚིག་ལ་དགོངས་ནས། ཁམས་གསུམ་གྱི་སེམས་ཅན་ལོངས་སྤྱོད་ཕུན་སུམ་ཚོགས་པ་སྤྲུལ་ཏེ། འཇིག་རྟེན་གྱི་ཁམས་མ་ལུས་ཐམས་ཅད་དུ། རིན་པོ་ཆེའི་ལོངས་སྤྱོད་སྣ་ཚོགས་པ་དང་། བཀྲ་ཤིས་ཀྱི་རྫས་སུ་འབུལ་ནས་གྱུར་ཏེ། འདོད་པ་ལྔའི་ལོངས་སྤྱོད་དུ་བྱིན་གྱིས་བརླབས་སོ། །དེ་ལྟར་ཕྱིའི་དབང་བསྐུར་ཏེ། བདག་དང་འཁོར་རྣམས་ཀུན་ལ་ལོངས་སྤྱོད་ཕུན་སུམ་ཚོགས་པར་དབང་བསྐུར་བྱིན་གྱིས་བརླབས། དེའི་ཡོན་ཏན་འབྲས་བུ་ནི། མི་ཟད་གཏེར་ལ་སྦྱོར། ཅེས་དམ་ཚིག་ཆེན་པོ་ང་ཡིས་བཤད། དེ་ནས་ནང་ལྟར་བྱིན་གྱིས་བརླབས་ལ། གསང་བའི་དབང་མཆོག་བསྐུར་བ་ནི། །དམིགས་པ་གོང་དང་མཐུན་པར་བསྐྱེད། །བྱིན་གྱིས་བརླབས་པ་འདི་བཞིན་བཤད། །བདག་ཉིད་ཧུ༷་ལས་འོད་ཟེར་སྣ་ཚོགས་པ་འཕྲོས་པས། ཐུགས་ཀྱི་བབ་བསྡུས་འདོད་ཡོན་བདུད་རྩིར་སྤྲུལ་ཏེ་གྱུར། བྱང་ཆུབ་སེམས་ཀྱི་བདུད་རྩི་ཡིས། །ལས་ཀྱི་བུམ་པ་ལྟེམ་གྱིས་ཁེངས་པར་བསམ། །དེ་ནས་གསང་བའི་དབང་བསྐུར་ཏེ། །ལེགས་ཉེས་ཤིན་ཏུ་ཆེ་བ་ཡིན། །དེ་ཅིའི་ཕྱིར་ཞེ་ན། ཀླུ་ལ་གདུག་པའི་དུག་ཡོད་བའི་ཕྱིར། དཔེར་ན་སྨན་གྱི་རྒྱལ་པོ་ག་བུར་འདྲ། ལྟ་སྤྱོད་ལྡན་པས་དབང་བསྐུར་ན། །ཡིད་བཞིན་ཐུགས་སུ་ཆུད་པ་སྟེ། །བསམ་པ་ཐམས་ཅད་ཡིད་བཞིན་འགྲུབ་འགྱུར་ཞེས། །དམ་ཚིག་ཆེན་པོ་ང་ཡིས་བཤད། །དེ་ཕྱིར་དམ་ཚིག་མེད་ཅིང་ལྟ་སྒོམ་སེམས་ཀྱིས་མ་འཆུན་ན། །མི་བདེ་སྡུག་བསྔལ་སྣ་ཚོགས་འབྱུང་། །གདུག་པ་ཀླུའི་འཛིན་བྱེད་བསམ་ངན་གྱི་ནད་ཀྱིས་རྒྱུད་རྐྱེན་རྣམས་ཅིར་ཀྱང་འབྱུང་ཞེས་ངག་གདུག་པ་འཛིན་བྱེད་ཀྱིས་བཤད་དོ། །དེ་ཕྱིར་དམ་ཚིག་གཙོ་རུ་བླངས། །མཆོག་ཏུ་རྡོ་རྗེ་འཛིན་པ་སྒོམ། །དང་དུ་བསྙེན་པ་བསྒྲུབ་པ་བརྙེས། །བསྲུང་བའི་སྔགས་ལ་ནན་ཏན་བསྐྱེད། །ཀླུ་གདུག་སྦྱང་བ་ཤིན་ཏུ་གཅེས། །དེ་ཉིད་དེ་ཕྱིར་བཤད་པར་བྱ། །དྲག་སྔགས་ལས་ཀྱི་སྦྱོར་བ་བཤད། །ཨོ་པ་ཏི་ར༷་ས་ཧ། ཨོ་སྣ་ཀུ་ལ་གྲྭཧྭ། ཨོ་ནཱ་ག་ལེ་ས་ཧ། དེ་ནི་ཀླུ་ཡི་དུག་སྦྱངས་ཏེ། ཁྲག་རྒྱས་སྔགས་ཀྱི་ཤི་ས་བསྟན། །སྐབས་སུ་བསྲུང་བའི་སྔགས་འདི་བཟླས། །ཨོ་པྲ་ཏི་པུ་ཙ་ག་བཛྲ་དུན་ཏིང་མི་ལི་མི་ལི་ཧུ༷་ཕཊ། རྡོ་རྗེ་ཕྱག་རྒྱའི་དྲག་སྔགས་ཏེ། །རང་ལུས་རྡོ་རྗེར་བྱིན་གྱིས་བརླབས། །ཅིས་ཀྱང་མི་ཚུགས་རྡོ་རྗེའི་ཆེ་བ་སྐྱེད། །ཅེས་གསུངས་སོ། །དེ་ནས་དབང་བསྐུར་རིམ་པ་སྟེ། །དམ་ཚིག་རྒྱུད་ནས་ཤེས་པར་གྱིས། །ལོངས་སྤྱོད་དབང་ནི་བཀྲ་ཤིས་ཏེ། །དམ་ཚིག་ཅན་གྱི་རྟག་ཏུ་བསྐུར། ཁྱད་པར་དབང་ཐོབ་ལྷའི་རྒྱལ་པོར་འགྱུར། །ལོངས་སྤྱོད་ཀུན་ལ་སྨོས་ཅི་འཚལ། །དམ་ཚིག་ཆེན་པོ་ང་ཡིས་བཤད། །སྡུག་བསྔལ་ནད་ཀྱིས་ཟིན་བའི་གང་ཟག་ལ། །ནད་ཀྱི་བདུད་རྩི་གསང་བའི་དབང་བསྐུར་ན། ཁེན་ཏུ་སྡུག་བསྔལ་དེ་ལ་ཤིས་པ་ཡིན། །དཔེར་ན་ཁྱེ་ཀུས་ཁྱེ་ཀུ་འབྱིན་པ་འདྲ། དབང་བསྐུར་ལན་གསུམ་བྱས་ན། མཛེ་ནད་བཅོ་བརྒྱད་ཞི་བར་ངེས། དེས་ན་བདུད་རྩི་བྱང་ཆུབ་སེམས་ཀྱི་དབང་། །བྱིན་རླབས་ཞུགས་པའི་བླ་མ་ཡིས། །རང་ལ་རང་ཉིད་དབང་བསྐུར་ན། །ཡིད་བཞིན་ནོར་བུ་འཆང་བ་ཡིན། །དགོས་འདོད་ཐམས་ཅད་དེ་ལ་འབྱུང་། །ཞེས་དམ་ཚིག་ཆེན་པོ་ང་ཡིས་བཤད། །དབང་བསྐུར་རྒྱལ་པོ་གསལ་བྱེད་སྒྲོན་མ་འདི་མེད་ན། །བྱིན་བརླབས་དབང་བསྐུར་བྱེད་པ་རྣམས། །ཆུ་ལ་མར་གྱི་སྙིང་པོ་འདོན་པ་འདྲ། །བསྐལ་པ་བསྒྲུབས་ཀྱང་དོན་མི་འབྱུང་ཞེས་བཤད་། །དབང་བསྐུར་གསལ་བྱེད་ཀྱི་ལེའུ་སྟེ་ཉེར་བཞི་པའོ།། །།དེ་ནས་དེ་ཉིད་བཤད་པའི་ཕྱིར། །འཕྲིན་ལས་རིམ་པ་མདོར་བསྡུས་ཏེ། །གསང་སྔགས་རིག་པའི་སྒྲོན་མ་བཤད། །དང་པོ་བུམ་པའི་དབང་བསྐུར་བྱིན་གྱིས་བརླབ། །ཕྱི་ནང་གསང་བ་གསུམ་དུ་བྱིན་གྱིས་བརླབ། །དེ་ནས་རིམ་པ་བཤད་པ་ནི། །དང་པོ་རང་ལ་དབང་བསྐུར་བྱིན་གྱིས་བརླབ། །དེ་ནས་བུམ་པ་བྱིན་གྱིས་བརླབ་སྟེ། །དེ་ནས་སློབ་མ་བྱིན་གྱིས་བརླབ་སྟེ། །དང་པོ་སློབ་མ་ཁྲུས་བྱས་ཏེ། །བར་ཆོད་བསལ་ཞིང་ཁྲུས་ཀྱི་ལས་རྣམས་རྫོགས་པར་བྱ། །གཙང་བའི་གོས་གོན་པདྨའི་ཁར་བཞག་སྟེ། དབང་བསྐུར་རིམ་པ་འདི་བཞིན་ནོ། །དབུས་ཀྱི་བུམ་པ་བླངས་སྤྱི་བོར་བཞག་ལ་འདི་སྐད་བརྗོད། ཧུ༷། ནམ་མཁའི་སྙིང་པོ་རྡོ་རྗེ་འཛིན། །རྡོ་རྗེ་རིགས་འཛིན་བུམ་པའི་ལྷ། །རྡོ་རྗེ་དབྱིངས་ཀྱི་དཀྱིལ་འཁོར་དུ། །སྐལ་ལྡན་རིགས་ཀྱི་བུ་འདི་ལ། །རྡོ་རྗེ་དབྱིངས་ནས་དབང་བསྐུར་བྱིན་གྱིས་རློབས། །རྡོ་རྗེའི་སྙིང་པོ་རྡོ་རྗེ་འཆང་། །རྡོ་རྗེ་འཆང་བ་བུམ་པའི་ལྷ། །རྡོ་རྗེ་གསང་བའི་དཀྱིལ་འཁོར་དུ། །སྐལ་ལྡན་རིགས་ཀྱི་བུ་འདི་ལ། །རྡོ་རྗེ་གསང་བའི་དབང་བསྐུར་བྱིན་གྱིས་རློབས། ཧུ༷། རྡོ་རྗེ་འཆང་བ་རྡོ་རྗེ་རྒྱལ། །རྡོ་རྗེ་རྒྱལ་བ་བུམ་པའི་ལྷ། །བུརྙ་རིགས་ཀྱི་དཀྱིལ་འཁོར་དུ། །སྐལ་ལྡན་འདི་ལ་རྡོ་རྗེ་སེམས་དཔའི་དབང་བསྐུར་བྱིན་གྱིས་རློབས། ཧུ༷། རྡོ་རྗེ་འཛིན་བྱེད་རྡོ་རྗེའི་སྐུ། །རྡོ་རྗེ་ཁྲོ་རྒྱལ་བུམ་པའི་ལྷ། །རིན་ཆེན་འབྱུང་ལྡན་དཀྱིལ་འཁོར་དུ། །གདུག་པ་འདུལ་ཕྱིར་སྐལ་ལྡན་འདྲེ། ཧུ༷། རྡོ་རྗེ་འབར་བ་རྡོ་རྗེའི་ཐུགས། །རྡོ་རྗེ་འབར་བ་བུམ་པའི་ལྷའི། །སྣང་བ་མཐའ་ཡས་དཀྱིལ་འཁོར་དུ། །གདུག་པ་དབང་དུ་སྡུད་པའི་ཕྱིར། །སྐལ་ལྡན་འདྲེ། རྡོ་རྗེ་གསུང་མཆོག་དྲག་པོའི་སྐད། །རྡོ་རྗེ་དྲག་པོ་བུམ་པའི་ལྷའི། །དོན་ཡོད་གྲུབ་པའི་དཀྱིལ་འཁོར་དུ། །གདུག་པ་ཟིལ་གྱིས་མནན་པའི་ཕྱིར། །སྐལ་ལྡན་འདྲེ། ཨོ་བཛྲ་མུ་དྲ་ཨ་སྟི་ཁི྅་ཧུ༷། ཨོ་བུརྙ་མུ་དྲ་ཨ་སྟི་ཁི྅་ཏཱ༷། ཨོ་རཏྣ་མུ་དྲ་ཨ་སྟི་ཁེ྅་ཏྲ༷། ཨོ་པདྨ་མུ་དྲ་ཨ་སྟི་ཁི྅་ཧྲི། ཨོ་ཀརྨ་མུ་དྲ་ཨ་སྟི་ཁི྅་ཨ། དེ་བཞིན་དུ་དབང་རྣམས་རིམ་པས་བསྐུར་བར་བྱའོ། །དེ་ནས་ངེ་ཉིད་བྱིན་གྱིས་བརླབ་པའི་ཕྱིར། །རིག་པ་བྱིན་གྱིས་བརླབ་པའེ་སྒྲོན་མ་བཤད། །དབུས་ཀྱི་གཙོ་བོ་ཡབ་ཡུམ་གྱི་སྦྱོར་མཚམས་ནས། བདུད་རྩི་བྱང་ཆུབ་སེམས་ཀྱི་འོད་ཟེར་སྐལ་ལྡན་དེའི་སྤྱི་གཙུག་ཏུ་ཐིམ་པས། ཕུང་པོ་ཁམས་དང་སྐྱེ་མཆེད་རྣམས། །ཐུལ་གྱིས་བསྲེགས་སྦྱངས་ཏེ། །མི་དམིགས་པ་ལས་ཡབ་ཀྱི་ཧུ༷་ཞེས་བརྗོད་པས། ཁོའི་རིག་པ་ཧུ༷་དུ་བསྡུས་ཏེ། བདག་ཅག་ཡབ་ཀྱི་ཐུགས་ཁ་ནས། ཧུ༷་མཐིང་ནག་འདུས་པར་བསམ་སྟེ། དེ་ནས་ཧུ༷་ལས་དུ་མང་པོ་ཡར་དྲངས་ཏེ། མགྲིན་པའི་ཡི་གེ་ཨོ་ལ་ཐིམ་པར་བསམ། །ཧུ༷་འདི་ན་ཨུ་དམར་མར་གྱུར་ཏེ། སྒལ་ཛིགས་ཀྱི་རྟ་བརྒྱུད་དེ།གསང་བ་རྡོ་རྗེའི་ལམ་དུ་བྱུང་། སེམས་སུ་གྱུར་ནས་ཡུམ་གྱི་མཁའ་ལ་ཐིམ་པས། བྱང་ཆུབ་སེམས་སུ་ལྟོར་འོད་དུ་འཁྱིལ་ཏེ། སླར་བྱུང་ནས་ཧུ༷་བཞི་པོ་ལ་ཐིམ་པས་ལུས་ཞུ་སྟེ། ཨོ་བཛྲ་ག་རུ་ཙ་ལེ་ཙ་ལེ་ཧུ༷་ཕཊ། ཅེས་བརྗོད་པས། རྡོ་རྗེ་རིགས་ཀྱི་ཁྱུང་དུ་བྱིན་གྱིས་བརླབས་སོ། །དེ་ནས་བུརྙ་རིགས་ཀྱི་བུམ་པ་བླང་སྟེ། སྤྱི་བོར་བཞག་སྟེ་གོང་བཞིན་དུ་བརྗོད་དོ། །ཏིང་ངེ་འཛིན་གྱི་ཡབ་ཡུམ་རྣམས་ཀྱི་སྦྱོར་འཚམས་ནས།གོང་བཞིན་དུ་འོད་འཕྲོས་པས། བསྲེགས་སྦྱངས་ནས་མི་དམིགས་པ་ལ། ཡབ་ཀྱིས་ཨོ་ཞེས་བརྗོད་པས། ཁོའི་རིགས་པ་ཨོ་དུ་འདུས་ཏེ། ཡབ་ཀྱི་ཐུགས་ཁའི་ཧུ༷་ལས་བུབ་ཀྱིས་འདུས་པར་བསམ་མོ། །དེ་ནས་གོང་བཞིན་དུ་བརྒྱུད་དེ། ཡུམ་གྱི་མཁའ་ལ་ཐིམ་པས། བྱང་ཆུབ་ཀྱི་སེམས་ཡུམ་ལྟོར་འོད་དུ་ཐིག་ལེར་འདྲིལ་ཏེ་སླར་ཕྱུང་སྟེ། ཨོ་དུ་གྱུར་ཏེ་བཞི་པོ་ལ་ཐིམ་པས་འོད་དུ་ལྟེམ་གྱིས་ཞུ་སྟེ། ཨོ་བུརྙ་ག་རུ་ཌ་ན་ཞེས་བུདྷ་རིགས་སུ་བྱིན་གྱིས་བརླབ་བོ། །ཕྱོགས་གསུམ་དེས་འདྲེ་སྟེ་ཤེས་པར་བྱའོ། །དེ་ནས་གཞན་ཡང་རྫོགས་པར་བསྐུར་རོ། །རིམ་པ་ལས་ཀྱི་ལེའུ་སྟེ་ཉེར་ལྔ་པའོ།། །།དེ་ནས་ཡང་ཀླུའི་རྒྱལ་པོ་ཡིད་བཞིན་གྱི་ལོངས་སྤྱོད་ཀྱི་མཆོད་པ་སྣ་ཚོགས་པ་ཕུལ་ནས་ཞུས་པ། ཨེ་མ་ཧོ། ངོ་མཚར་སྙིང་པོའི་དོན་སྤྱད་པས། །ལྟ་སྤྱོད་ཀློང་དུ་གྱུར་པ། བདེ་གཤེགས་རྒྱལ་བ་ཀུན་གྱི་ཐུགས། །རང་བཞིན་རྣམ་དག་ཆོས་དབྱིངས་ནམ་མཁའ་ཆེ། །གཟུགས་སྐུར་སྤྲུལ་ནས་འགྲོ་བའི་དོན་བྱེད་པ། །དབང་རྣམས་རྫོགས་པས་ཀླུ་རྒྱལ་ཆོས་ཀྱི་རྗེ། །བདག་ཅག་འགྲོ་བའི་དོན་བགྱིད་པས། །ལས་ཀྱི་རྒྱལ་པོ་བསྒྲུབ་བའི་ཕྱིར། །ཚོགས་ལམ་སྦྱོར་ལམ་སྒོམ་ལམ་རྣམས། །ལྟ་སྤྱོད་གཉིས་མེད་བཤད་དུ་གསོལ། །ཅེས་ཞུས་པས། ཀླུའི་རྒྱལ་པོས་བཀའ་སྩལ་པ། བྱང་ཆུབ་སེམས་དཔའི་དགེ་འདུན་རྣམས། །བདག་གི་ལྟ་སྤྱོད་དམ་པ་འདི། །ལས་ཀྱི་རྒྱལ་པོ་བསྒྲུབ་ཕྱིར་བཤད། །འཁོར་རྣམས་བདག་གི་བཀའ་ལ་བ་། །རྩ་བ་བྱང་ཆུབ་སེམས་ཀྱི་འཕྲིན་ལས་ཐམས་ཅད། །གསང་སྔགས་མདོར་བསྡུས་ཏེ། །སྐུ་གསུང་ཐུགས་ཀྱི་གསལ་བྱེད་སྒྲོན་མར་བཤད་པ་འདི་བཞིན་ནོ། །རང་སེམས་གསལ་བས་ཀུན་ཏུ་དམིགས། །ཡེ་ཤེས་སྙིང་པོའི་ངོ་བོ་འདི་སྐད་བརྗོད། ཧུ༷། ནམ་མཁའི་སྙིང་པོ་རྡོ་རྗེ་འཛིན། །རྡོ་རྗེ་ཆོས་ཉིད་ཆོས་སྐུ་ཆེ། །རྡོ་རྗེ་སྙིང་པོས་རྡོ་རྗེ་འཆང་། །རྡོ་རྗེ་སྙིང་པོ་རིག་པ་སེམས་དཔའ་སེམས་དཔའ་ཆེ། །རྡོ་རྗེ་སྙིང་པོ་འཆང་ལ་རྡོ་རྗེ་རྒྱལ་ཞེས་སངས་རྒྱས་རྡོ་རྗེ་སེམས་དཔས་གསུངས། །རྡོ་རྗེ་ཡེ་ཤེས་སངས་རྒྱས་ཆེ་ཞེས། །ཆོས་ཉིད་རང་བྱུང་རྒྱལ་པོས་གསུངས། །རྡོ་རྗེ་འཇིགས་བྱེད་རྡོ་རྗེ་སྐུར་སྤྲུལ་པ། །རྡོ་རྗེ་ཁྲོ་བོ་ཁྲོ་བོ་ཆེ། །རྡོ་རྗེ་འབར་བའི་ཐུགས་སྤྲུལ་པ། །རྡོ་རྗེ་འབར་བ་འབར་བ་ཆེ། །རྡོ་རྗེ་གསུང་མཆོག་རབ་སྒྲོགས་པ། །རྡོ་རྗེ་དྲག་པོ་དྲག་ཤུལ་ཆེ། །ཡེ་ཤེས་སྙིང་པོ་རང་བྱུང་ཁྲོ་བོའི་རྒྱལ་པོས་གསུངས། །རྡོ་རྗེ་ལུས་ལ་རྡོ་རྗེས་བརྒྱན། །རྡོ་རྗེ་འཇིགས་པ་འཇིགས་པ་ཆེ། །རྡོ་རྗེའི་བ་སྐྲུ་ཉག་རེ་ནས། །རྡོ་རྗེ་ཁྲོ་བོ་ཆུང་འབུལ་ཕྲག་སྟོང་དུ་སྤྲུལ། །རྡོ་རྗེ་གཟི་བརྗིད་གཟི་བརྗིད་ཆེ། །ཞེས་རྡོ་རྗེ་ཀུན་ཏུ་འཇིགས་པས་གསུངས། །དེ་ལྟར་རང་སེམས་གསལ་དམིགས་ན། །དུས་གསུམ་སངས་རྒྱས་ཐམས་ཅད་བདག་ལ་འདུད། །ཅེས་གསང་བདག་ཕྱག་ན་རྡོ་རྗེས་གསུངས། །རྡོ་རྗེའི་གཤོག་པས་ནམ་མཁའ་གཅོད་ཅེས་པ་ནས། །རྡོ་རྗེ་འཇོམས་པ་འཇོམས་པ་ཆེ། །ཞེས་པ་ནི་ཀླུའི་རྒྱལ་པོས་བསྟོད་པའོ། །དེ་ལྟར་ཡོན་ཏན་བསྟོད་པ་ན། །བསྐལ་པ་འབུམ་གྱི་སྡིག་སྒྲིབ་སྦྱང་། །ཞེས་ཐུགས་རྗེ་ཆེན་པོས་བཤད། །དེ་ནས་ཡང་དག་བཤད་བྱ་བ། །ལས་ཀྱི་རྒྱལ་པོ་བསྒྲུབ་པའི་ཕྱིར། །རྩ་བ་ལས་ཀྱི་སྒྲོན་མ་འདི་གསུངས་སོ། །ནམ་མཁའ་གཞི་ལ་སྙིང་པོ་ལམ། །རྡོ་རྗེ་སྙིང་པོ་འབྲས་བུར་བཤད། །འཛིན་པ་ལས་ཀྱི་རྒྱལ་པོར་གསུངས། །རྡོ་རྗེ་སྐུ་ལ་སྙིང་པོ་ཐུགས། །རྡོ་རྗེ་འཆང་བ་གསང་སྔགས་ཀུན་གྱི་བདག་པོར་བཤད། །རྡོ་རྗེ་རྒྱལ་བ་སྙིང་པོ་རང་བྱུང་ཡེ་ཤེས་སོ། །དེ་བཞིན་རྟོགས་པའི་རྣལ་འབྱོར་པས། །རྩ་བ་བྱརྔ་ཆུབ་སེམས་སུ་བསྒྲུབ་ཅེས་དམ་ཚིག་ཆེན་པོ་ང་ཡིས་བཤད། །དེ་ནས་དེ་ཉིད་ཡང་དག་བཤད་བྱ་བ། །རྒྱུ་འབྲས་ཉིད་ཀྱི་དོན་བཤད་པ། །ནམ་མཁའ་རྒྱུ་ལ་སྙིང་པོ་རྡོ་རྗེ་སངས་རྒྱས་ཀུན་གྱི་འབྲས་བུར་གསུངས། །རྡོ་རྗེ་འཆང་བ་སྙིང་པོ་བྱང་ཆུབ་སེམས་སུ་བཤད། །དེ་བཞིན་དོན་ལྡན་རྣལ་འབྱོར་བས། མ་བགྲོད་ཤུགས་ཀྱིས་ས་རྣམས་ནོན། །བྱ་བ་མེད་པ་རྣལ་འབྱོར་ཆེ། །ཀུནུ་ཏུ་ཆུབ་པས་རྣམ་པར་རོལ། །གཉིས་སུ་མེད་བས་བདག་ཉིད་མཆོག་དང་ལྡན། །ཞེས་གསུངས་སོ། །མཆོག་དང་ལྡན་པས་རྣལ་འབྱོར་པས། །ནམ་མཁའ་སྐྱེ་མེད་ཆོས་ཉིད་དེ་བཞིན་ཉིད་དུ་སྒོམ། །སྙིང་པོ་ཐུགས་རྗེ་ཀུན་ཏུ་སྒོམ། །གསལ་ལ་རྟོག་པ་མེད་པར་སྒོམ། །རྡོ་རྗེ་སྙིང་པོ་རང་བྱུང་འདུས་མ་བྱས། །རྒྱུ་ཉིད་རྡོ་རྗེ་རྐྱེན་དང་འདྲ། །ཞེས་གསུངས། རྒྱུ་ཉིད་སྙིང་པོ་མཐིང་ནག་ཧུ༷་དུ་ཤར། །ཞེས་རང་བྱུང་རྡོ་རྗེ་སྙིང་པོས་གསུངས། །རིག་པ་བྱང་ཆུབ་སེམས་ཀྱི་ཟེར། །ཕྱོགས་སུ་འཕྲོ་ཞིང་ཀུན་ཏུ་སྡུད་ཅེས་དཔལ་ཀུན་ཏུ་བཟང་པོས་བཤད། །ཡེ་ཤེས་སྙིང་པོ་ཧུ༷་གི་འོད་ཟེར་ལས། །ར༷་ཡ༷་ཁ༷་ཀྱིས་བསྲེགས་སྦྱངས་ཏེ། །མེ་ཡི་དཀྱིལ་འཁོར་གྲུ་གསུམ་སྟེ། །རླུད་གི་དཀྱིལ་འཁོར་ཟླ་གམ་ཡིན། །ཆུ་ཡི་དཀྱིལ་འཁོར་ཟླུམ་པོར་ཆགས། །ཡི་གེ་ལམ་ནི་འཕྲོ་འདུ་ལས། །དེ་སྟེངས་རི་རབ་མཆོད་རྟེན་ལས། །རིན་ཆེན་ལྔ་རྒྱུ་ལས་གྲུབ་སྟེ། །བུམ་པ་ཡིད་བཞིན་ཤིང་དང་འཁོར་ལོས་བརྒྱན། །ལོངས་སྤྱོད་ཕུན་སུམ་ཚོགས་པར་འོང་། །ཞེས་དམ་ཚིག་ཆེན་པོ་ང་ཡིས་བཤད། ཁ་དོག་གླིང་དང་མུ་ཁྱུད་རྣམས། །ཆོས་གཞུང་སྤྱི་དང་མཐུན་པར་བསམ། །མཆོད་རྟེན་བུམ་པའི་ཁོང་སེང་དུ། །ཡི་གེ་འབུམ་གྱི་འཕྲོ་འདུ་ལས། །རིན་ཆེན་འབར་བའི་གཞལ་ཡས་ཁང་། །གསེར་གྱི་འཁོར་ལོ་རྩིབས་བརྒྱད་ཟངས་ཀྱི་མུ་ཁྱུད་ཅན། །རིན་ཆེན་མུ་ཁྱུད་བཞིའི་གྲུ་ཆད་ལྡན། །སྒོ་རྣམས་སྒོ་བཞི་སྒོ་རྐང་བུམ་པ་རྟ་བབས་བུམ་པ་རིགས། །རིན་པོ་ཆེས་བརྒྱན་པ་སྟེ། །རྒྱ་ཁྱོན་ཡིད་ཀྱིས་འཁྱུད་ཚད་དོ། །དེ་ནས་ཡང་དག་བཤད་བྱ་བ། །རྩལ་ཆེན་སེང་གེ་གསལ་བའི་ཁྲི་སྟེངས་སུ། །བཛྲ་ཨརུ་ཙཎྜམཎྜལ། བཛྲ་སྲུརུ་ཙཎྜམཎྜལ། བཛྲ་པདྨ་མཎྜལ་ཧུ༷་ཞེས་བརྗོད་པས། རྡོ་རྗེ་སྙིང་པོ་བཞུགས་པར་བསམ། །བྱང་ཆུབ་སེམས་ཀྱི་འོད་ཟེར་འཕྲོ་འདུ་ཡིས། །ལས་གཉིས་རྫོགས་ཏེ་འོད་དུ་ཞུ་བ་ལས། ཨོ་བཛྲ་ག་རུ་ཌ་ཙ་ལེ་ཙ་ལ་ཧུ༷་ཞེས་བརྗོད་པས། བདག་ཉིད་འཇིགས་བྱེད་རྡོ་རྗེ་ག་རུ་ཌ། འཁོར་དང་བཅས་པར་གསལ་བསྐྱེད་དེ། འདི་སྐད་བརྗོད་དེ་གསལ་བར་དམིགས། །རྡོ་རྗེ་སྙིང་པོ་རྡོ་རྗེ་འཛིན། །རྡོ་རྗེ་སྙིང་པོ་རྡོ་རྗེ་འཆང་། །རྡོ་རྗེ་སྙིང་པོ་རྡོ་རྗེ་རྒྱལ། །རྡོ་རྗེ་སྙིང་པོ་འཇིགས་བྱེད་རང་བྱུང་ཁྲོ་བོའི་སྐུ་ཞེས་བརྗོད་དེ། བདག་ཉིད་ཆེན་པོར་རབ་དམིགས་སོ། །དེ་ནས་རང་བྱུང་ཡེ་ཤེས་ཀྱི་སྐུ་ལ་འདི་སྐད་ཅེས་བརྗོད་དོ། །ཧུ༷། ནམ་མཁའི་སྙིང་པོ་རྡོ་རྗེ་འཛིན། །ཆོས་སྐུ་སྐྱེ་མེད་ཐུགས་སུ་ཆུད་པའི་རྟགས། །གཉིས་མེད་ཆོས་ཀྱི་སྐུ་ལ་ཕྱག་འཚལ་བསྟོད། །ཧུ༷། རྡོ་རྗེ་སྙིང་པོས་རྡོ་རྗེ་འཆང་། །ཡེ་ཤེས་སྙིང་པོ་འདུ་འབྲལ་མེད་བའི་རྟགས། །མི་འགྱུར་གཡུ་རུང་འཁྱིལ་པ་ཕྱག་འཚལ་བསྟོད། །རྡོ་རྗེ་སྙིང་པོ་འཆང་བས་རྡོ་རྗེ་རྒྱལ། །ངན་སོང་གནས་ནས་ཐར་བ་ཐོབ་པའི་རྟགས། །རྡོ་རྗེ་སངས་རྒྱས་བདེ་གཤེགས་སྐུ་ལ་ཕྱག་འཚལ་བསྟོད། །རྡོ་རྗེ་འཇིགས་བྱེད་རྡོ་རྗེ་སྐུ། །དུག་གསུམ་རྩད་ནས་ཆོད་པའི་རྟགས་དང་ལྡན། །རྡོ་རྗེ་འཇིགས་བྱེད་ཁྲོ་རྒྱལ་ཆེན་པོའི་སྐུ་ལ་ཕྱག་འཚལ་བསྟོད། །རྡོ་རྗེ་འབར་བ་རྡོ་རྗེ་ཐུགས། །དུག་ལྔ་བསྲེགས་པའི་རྟགས་དང་ལྡན། །རྡོ་རྗེ་བདུད་འཇོམས་འབར་བའི་སྐུ་ལ་ཕྱག་འཚལ་བསྟོད། །རྡོ་རྗེའི་གསུང་མཆོག་དྲག་པོའི་གསུང་། །སྣང་སྲིད་ཟིལ་གྱིས་གནོན་པའི་རྟགས་དང་ལྡན། །རྡོ་རྗེ་དྲག་པོའི་སྐུ་ལ་ཕྱག་འཚལ་བསྟོད། །རྡོ་རྗེ་སྐུ་ལ་རྡོ་རྗེས་རབ་བརྒྱན་པ། །རྡོ་རྗེའི་སྐུ་ལ་བཅད་དུ་མེད་པའི་རྟགས་དང་ལྡན། །རྡོ་རྗེ་བསམ་གཏན་སྐུ་ལ་ཕྱག་འཚལ་བསྟོད། །རྡོ་རྗེ་བ་སྤུ་ཉག་རེ་ནས། ཁྲོ་ཆུང་འབུམ་ཕྲག་སྟོང་དུ་འགྱེད་པ་ནི། །གདོན་བགེགས་འབྱུང་པོ་སྒྲོལ་བའི་རྟགས་དང་ལྡན། །རྡོ་རྗེ་གཟི་བརྗིད་ཆེན་པོའི་སྐུ་ལ་ཕྱག་འཚལ་བསྟོད། །རྡོ་རྗེ་གཤོག་པས་ནམ་མཁའ་ཁྱབ་པར་གཅོད་པ་ནི། །གདུག་པ་ཟིལ་གྱིས་གནོན་པའི་རྟགས་དང་ལྡན། །རྡོ་རྗེ་མཁའ་ལྡིང་ཆེན་པོའི་སྐུ་ལ་ཕྱག་འཚལ་བསྟོད། །རྡོ་རྗེའི་ལྕགས་སྡེར་བཅུ་པ་ཡིས། །རྒྱ་མཚོའི་གཏིང་ནས་གདུག་པ་འཛིན་པའི་རྟགས་དང་ལྡན། །རྡོ་རྗེ་རི་འབེབས་རྡོ་རྗེའི་སྐུ། །རྡོ་རྗེའི་ལྕགས་མཆུ་ཆེན་པོ་རྔམས་པ་ཡིས། །གདུག་པའི་ཀླུ་ནམས་འདུལ་བའི་རྟགས་དང་ལྡན། །རྡོ་རྗེ་གླུ་འདུལ་སྐུ་ལ་ཕྱག་འཚལ་བསྟོད། །རྡོ་རྗེའི་མཆེ་བ་སྐྲུ་གྲི་གཙིགས་པ་ནི། །གདུག་པ་རྩད་ནས་གཅོད་པའི་རྟགས་དང་ལྡན། །རྡོ་རྗེ་ཀླུ་གྲོལ་སྐུ་ལ་ཕྱག་འཚལ་བསྟོད། །རྡོ་རྗེ་སྤྱན་མིག་མེ་དཔུང་འབར་བ་ནི། །གདུག་པའི་ཆེ་བ་འཇོམས་པའི་རྟགས་དང་ལྡན། །རྡོ་རྗེ་དུག་སེལ་སྐུ་ལ་ཕྱག་འཚལ་བསྟོད། །རྡོ་རྗེའི་རྭ་གཉིས་དབྱིངས་སུ་གསོར་བ་ནི། །ཆོས་ཉིད་ཡུམ་དང་དབྱིངས་སུ་སྦྱོར་བའི་རྟགས། །རྡོ་རྗེ་ཐབས་མཆོག་སྐུ་ལ་ཕྱག་འཚལ་བསྟོད། །རྡོ་རྗེའི་ནོར་བུ་གཙུག་ན་བརྒྱན་པ་ནི། །འགྲོ་བ་ཡོངས་ཀྱི་སྡུག་བསྔལ་སེལ་བའི་རྟགས་དང་ལྡན། །རྡོ་རྗེ་བྱད་བཀྲོལ་སྐུ་ལ་ཕྱག་འཚལ་བསྟོད། །རྡོ་རྗེ་སྙིང་པོ་མེ་དཔུང་འབར་བ་ནི། །བདུན་རྣམས་འཇོམས་པའི་རྟགས་དང་ལྡན། །རྡོ་རྗེ་ཀླུ་འཇོམས་འབར་བའི་སྐུ་ལ་ཕྱག་འཚལ་བསྟོད། །དེ་ལྟར་དོན་དང་ལྡན་པར་བསྟོད་པ་ནི། །བྱང་ཆུབ་ས་ཐོབ་པར་ང་ཡིས་བཤད། །གདུག་པ་ཀླུའི་སྙིང་ཁྲག་འཇོམས་ཞེས་ང་ཡིས་བཤད། །བྱང་ཆུབ་ཀྱི་མེ་ལོང་སྟེ། ལྟ་བྱེད་རིག་པའི་རྒྱལ་པོའོ། །རྩ་བ་སྐུ་གསུང་ཐུགས་ཀྱི་སྒྲོན་མ། གསང་སྔགས་སྙིང་པོ་མདོར་བསྡུས་ཀྱི་ལེའུ་སྟེ་ཉེར་དྲུག་པའོ།། །།དེ་ནས་ཡང་དག་བཤད་བྱ་བ། །ལས་ཀྱི་རྒྱལ་པོ་སྒྲུབ་པའི་ཕྱིར། །གསང་སྔགས་ཀུན་གྱི་ཡང་མཛོད། །རིག་པ་གསལ་བྱེད་སྒྲོན་མ་བཤད། །རྒྱུ་འབྲས་རིག་པའི་རྣལ་འབྱོར་པས། །བདག་ཉིད་ཆེན་པོར་རབ་དམིགས་ཏེ། །ཚོགས་བསགས་ལས་རིགས་སྐབས་འདི་གཞུག །ཡེ་ཤེས་བྱང་ཁྱུང་འཁོར་བཅས་ལ། །མཆོད་བསྟོད་འཕྲིན་ལས་རྫོགས་པ་དང་། །ཡེ་ཤེས་གསང་བྱེད་འདི་བཞིན་སྒོམ། །ཡང་དག་ཉིད་དུ་རང་དབང་བསྐུར། །བདག་ཉིད་ཆེན་པོར་བསྐྱེད་པ་ཡི། །སྤྱི་བོར་ས་ལས་བདག་པོ་བཞི། །རིགས་བཞི་དག་ཏུ་བསྐྱེད་པར་བྱ། །རྡོ་རྗེ་སྡུ་གུ་མ་བསམས་ཏེ། །རིག་བའི་རྒྱལ་མོས་དབང་བསྐུར་བྱ། །མགྲིན་པར་ཡ་ལས་ར་ཧུ་ལ། །ཀླུ་བདུད་དྲེགས་པ་ཆེན་པོར་བསྒོམ། །ཐུགས་མཆོག་རྡོ་རྗེའི་མེ་དཔུང་དུ། །གཞལ་ཡས་ཁང་དུ་བྱིན་གྱིས་བརླབས། །ཉི་ཟླ་པདྨའི་གེ་སར་ལ། །ཧྭ་སྙིང་པོ་མཐིང་ནག་ཧུ༷་ཅིག་བསམ། །བྱང་ཆུབ་སེམས་ཀྱི་འོད་ཟེར་འཕྲོ་འདུ་ལས། །ཐུགས་དམ་རྒྱུད་བསྐུལ་འགྲོ་བའི་བསྙེན་བསྐུར་ལས། །ཚུར་འདུས་འོད་དུ་ཞུ་བ་ལས། །ཕྱག་མཚན་རྡོ་རྗེར་གྱུར། །དེ་ཉིད་གོང་བཞིན་འོད་དུ་ཞུ་བ་ལས། །ཨོ་བཛྲ་ཀྲོདྷ་ཧུ༷་ཧུ༷་ཧུ༷་ཕཊ། ཅེས་བརྗོད་པས། ཆོན་རྗེ་་འི་སྙིང་པོ་རྡོ་རྗེ་འཆང་བ་བསྐྱེད་དེ། སྐུ་མདོག་འགྱུར་བ་མེད་པའི་རྟགས་སུ་མཐིང་ནག །དོན་ཅིག་གིས་ཐབས་ཅིར་ཡང་མཛད་པའི་རྟགས་སུ། ཞལ་གཅིག་ཕྱག་གཉིས་པ། ཡེ་ཤེས་ཁྲོ་་བོས་གང་ཀྱང་འདུལ་བའི་རྟགས་སུ། གཡོན་པ་སྡིགས་མཛུབ་ཐུགས་ཀར་འཛིན་པ། ཁམས་གསུམ་དབང་དུ་འདུས་པའི་རྟགས་སུ། དབུ་སྐྲ་ཁམ་ནག་གྱེན་དུ་བརྫེས་པ། གདུག་པ་ཐམས་ཅད་ཟིལ་གྱིས་གནོན་པའི་རྟགས་སུ། སྤྱན་གསུམ་སྡང་མིག་ཁྲོ་གཉེར་སྡང་མིག་བཟློག་ནས་ལྟ་བ། གདུག་པ་ཐམས་ཅད་འདུལ་བའི་རྟགས་སུ། སྨིན་མ་ཨག་ཚོམས་མེ་སྟག་ཕྱོགས་བཅུར་འཕྲོ། ཁམས་གསུམ་དབང་དུ་སྡུད་པའི་རྟགས་སུ། ཞལ་བགྲད་མཆེ་བ་གཙིགས་ནས། ཧུ༷་དང་ཕཊ་ཀྱི་ང་རོ་དྲག་པོ་འདོན་པ། གདུག་པ་ཐམས་ཅད་བསྒྲལ་བ་དང་། ཁྲོ་བོ་ཐམས་ཅད་དབང་དུ་སྡུད་པའི་རྟགས་སུ།ལྗགས་འདྲིལ་མཆེ་བའི་གསེབ་ནས་གནམ་ལྕགས་མེ་འབར་ཐོག་ཏུ་འབེབས་པ། དུར་ཁྲོད་ཀྱི་མ་མོ་ཐམས་ཅད་འབངས་སུ་འཁོལ་བའི་རྟགས་སུ། སྐུ་སྟོད་གླང་ཆེན་གྱི་ཀོ་རློན་མི་ལྤགས་མཆོག་གིས་བརྒྱན་པ།གནོད་སྤྱིན་དྲེགས་པ་ཐམས་ཅད་བྲན་དུ་འཁོར་བའི་རྟགས་སུ། སྐུ་སྨད་དཔའ་བོ་སྟག་གི་ཤམ་ཐབས་རིན་ཆེན་ས་གཏིས་བརྒྱན་པ། གདུག་པའི་ཀླུ་རྣམས་འདུལ་བའི་རྟགས་སུ། སྦྲུལ་ནག་གིས་བརྒྱན་པ། དུག་གསུམ་རྩད་ནས་གཅོད་པའི་རྟགས་སུ། མི་མགོ་རྐམ་རློན་ཚར་གསུམ་གྱིས་སེ་རལ་ཁ་རུ་བརྒྱན་པ། རྡོ་རྗེ་སྲིན་པོ་བྲན་དུ་འཁོལ་བའི་རྟགས་སུ། རྡོ་རྗེ་འཕྲེང་བ་སྙན་ཆ་མགུར་ཆུ་དོ་ཤལ་དཔུང་རྒྱན་ལ། སྣང་སྲིད་མ་ལུས་ཐུགས་ལ་གསལ་བའི་རྟགས་ཏུ། ཞབས་གྱད་ཀྱི་དོར་ཐབས་ཉི་ཟླའི་སྟེང་ན་བཞུགས་པ། ཉོན་མོངས་པ་ཐམས་ཅད་ཡིད་ཀྱིས་བསྲེགས་པའི་རྟགས་སུ། བསྐལ་པ་མེ་རིའི་ནང་ན་གཏུམ་ཁྲོ་དྲག་ཤུལ་ཆེ་བ། རྡོ་རྗེ་དང་ལྡན་པའི་མཆོག །རྡོ་རྗེ་འཛིན་པ་ཀུན་གྱི་རྗེ། ཞེས་གསུངས། དེ་ལྟར་ཐུགས་སུ་གསལ་བསྒོམས་ན། ཡེ་ཤེས་ཐུགས་ཀྱིས་བདུད་རྣམས་བསྲེག །རང་བྱུང་མཐུ་ཡིས་སྲིད་པ་གསུམ་ཀྱང་སྒྲོལ་བར་བྱེད། ཅེས་གསུངས། དམ་ཚིག་ཆེན་པོ་ང་ཡིས་བཤད། དེ་ནས་ཡང་དག་བཤད་བྱ་བ། ཡེ་ཤེས་སྙིང་པོ་ཐུགས་ཀྱི་དབང་བསྐུར་འདི་བཞིན་ཏེ། རྡོ་རྗེ་འཛིན་པའི་ཐུགས་ཀ་སྲ ཐུགས་མཆོག་ཡེ་ཤེས་རྩེ་ལྔ་པ། ཆ་གང་མེ་ལྟར་འབར་བའི་གོང་སེང་ན། ཨ་ལས་ཟླ་བ། མ་ལས་ཉི་མའི་དཀྱིལ་འཁོར་མེ་ལོང་ཆུང་ཚད་ཙམ་གྱི་ཁར། བ༷་ལས་པདྨའི་གེ་སར་ལ། ཆོས་སྐུ་སྐྱེ་བ་མེད་པའི་རྟགས་སུ། ཡི་གེ་ཨ་དཀར་པོ་ལས་ཡེ་ཤེས་སེམས་དཔའ་དམིགས་ཡེ་ཤེས་སྙིང་པོ་ཡེ་ནས་དག་ཅིང་རྒྱས་པའི་རྟགས་སུ། སྐུ་མདོག་དཀར་པོ་གསེར་གྱི་གཤོག་པ་ཅན། ཡེ་ཤེས་ཀྱི་སྙིང་པོ་འཕྲིན་ལས་དྲག་པོ་ཡེ་ནས་མཛད་པའི་རྟགས་སུ། མཆུ་སྡེར་ལྕགས་ལས་གྲུབ་པ།དྲག་པོ་དབང་དུ་འདུས་པའི་རྟགས་སུ། ལྗགས་དང་སྤྱན་རྩ་དམར་བ། ཐབས་དང་ཤེས་རབ་འབྲེལ་བའི་རྟགས་སུ། རྡོ་རྗེ་རྭ་གཉིས་རབ་ཏུ་བརྗིད་པ། ཐུགས་མཆོག་ཅིར་ཡང་དགོངས་པའི་རྟགས་སུ། ཡིད་བཞིན་ནོར་བུ་གཙུག་ན་འབར་བ། ཡེ་ཤེས་སྙིང་པོ་ཐུགས་སུ་གཟིགས་པའི་རྟགས་སུ། གསེར་མིག་འཁྱིལ་བ། ཐུགས་རྗེས་ཀུན་ལ་གཟིགས་པའི་རྟགས་སུ། ཁྲོ་གཉེར་གློག་ཏུ་འཁྱུག་པ། གདུག་པ་ཐབས་ཀྱིས་འདུལ་བའི་རྟགས་སུ། སྦྲུལ་ཞལ་དུ་གསོལ་བ། ཡེ་ཤེས་སྐུ་ལ་གཅད་དུ་མེད་པའི་རྟགས་སུ། ལུས་ལ་རྡོ་རྗེས་གཏམས་པ། དེལྟརཚོནགངགསལདམིགས་ཏེ། ཡེ་ཤེས་ཐུགས་མཆོགའགྱུརབམེད་པའི་རྟགས་སུ། ཐུགས་ཀ་རྡོ་རྗེ་གྲོ་རྒན་ཙམ། ཡེ་ཤེས་ཀྱི་ཐུགས་ལ་གསལ་འགྲིབ་མེད་པའི་རྟགས་སུ། མ་ལས་ཉི་མའི་གདན་སྲན་མ་ལེབ་པ་ཙམ། རིག་པ་བྱང་ཆུབ་སེམས་ཀྱི་སྙིང་པོ་ཡེ་ཤེས་རང་བྱུང་འཕེལ་བའི་རྟགས་སུ།སྙིང་པོ་ཧུ༷་ཡུངས་འབྲུ་ཙམ། སྙིང་པོ་ཐབས་ཤེས་རབ་ཏུ་འབྲེལ་བའི་རྟགས་སུ། ཉི་ཟླ་ཁ་སྦྱོར་གྱི་བར་ན་སྙིང་པོ་འོད་ཟེར་དུ་འཕྲོ་བ། བྱང་ཆུབ་སེམས་ཀྱི་སྙིང་པོ་ལ་ཅིས་ཀྱང་མི་ཚུགས་པའི་རྟགས་སུ། རྡོ་རྗེ་བུམ་པ་ན་གནས་པ། བྱང་ཆུབ་ཀྱི་སྙིང་པོ་ཐུགས་རྗེ་ཡེ་ཤེས་དང་ལྡན་པའི་རྟགས་སུ། རྩ་སྔགས་ག་རུ་ཌ་འབྲུ་དགུས་ཕྱོགས་མཚམས་སུ་བསྐོར་བ། ཐུགས་རྗེ་བྱང་ཆུབ་ཀྱི་སེམས་ཀྱི་སྙིང་རྗེ་བྱམས་དང་ལྡན་པའི་རྟགས་སུ། ཡེ་ཤེས་ཀྱི་འོད་ཟེར་རྣམ་པ་ལྔས་བསྐོར་བ། ཡེ་ཤེས་རྣམ་པ་ལྔ་དང་སྙིང་པོ་བྱང་ཆུབ་ཀྱི་སེམས། དུས་གསུམ་འདུ་འབྲལ་མེད་པའི་རྟགས་སུ། ཨོ་དང་འབྲེལ་ཏེ་བསྙེན་པའོ། །ཡེ་ཤེས་ཟང་ཐལ་དུ་འཆར་བའི་རྟགས་སུ།འོད་ཟེར་རྣམ་པ་ལྔ་ལུས་ཀྱི་ཡན་ལག་རྩ་རུ་འབྲེལ་ནས་བྱང་ཆུབ་ སེམས་ཀྱི་སྒོ་ཕྱི་ནང་དུ་གསལ་བ་ཡེ་ཤེས་ཀྱི་སྙིང་པོ་ཅིག་པས་གཟུགས་སྐུ་སྣ་ཚོགས་སུ་འཆར་བའི་རྟགས་སུ། འོད་ཟེར་རྣམ་པ་ལྔ་ཁ་དོག་མ་འདྲེས་པ་ཡོངས་སུ་རྫོགས་པ། ཐུགས་རྗེ་ཆེན་པོའི་བྱིན་གྱིས་རླབས་ཀུན་ལ་ཁྱབ་པའི་རྟགས་སུ། ཟེར་ཕྱོགས་བཅུར་འཕྲོ་ཡིན་རྒྱུག་པ། ཐིག་ལེ་བྱང་ཆུབ་ལ་འདུས་པའི་རྟགས་སུ། ངོ་བོ་གསལ་ལརངབཞིནསྟོངཔཉིད། ཐིག་ལེ་བདེ་སྟོང་དུ་རྟོགས་པའི་རྟགས་སུ་ཐིག་ལེ་འོད་ཀྱིས་ཁྱབ་པ། དེ་ལྟར་སྙིང་པོ་ཡེ་ཤེས་གསལ་དམིགས་ན། བྱིན་བརླབས་ཤུགས་ཀྱིས་ས་བཅུ་ལམ་ལྔ་བགྲོད། སྙིང་རྗེའི་ལས་ཀྱིས་ཕ་རོལ་སྒྲོལ། ཞེས་རྡོ་རྗེ་སེམས་དཔས་གསུངས། དེ་ཕྱོགས་རྣལ་འབྱོར་དམིགས་པ་གསལ་བར་སྒོམ། བྱིང་རྒོད་རླུད་གིས་མཁྱེན་ན། ཐིག་ལེ་ཞར་ལ་སྐྱེ་ཞེས་གསུངས། ཐིག་ལེ་སྐྱེས་པས་གཟུང་འཛིན་ཤུགས་ཀྱིས་འགག །གཟུང་འཛིན་འགགས་ན་བདེ་བ་ཀུན་ཏུ་སྙོམས། དེ་ལྟར་གྲོལ་ན་སངས་རྒྱས་ཡིན། ཞེས་རྡོ་རྗེ་རྒྱལ་བས་གསུངས། རིག་པ་གསལ་བྱེད་སྒྲོན་མའི་ལེའུ་སྟེ་ཉེར་བདུན་པའོ།། །།རྩ་བ་བྱང་ཆུབ་ཀྱི་སྒྲོན་མ་འདི། རིག་པ་སྟོབས་སུ་གྱུར་པ་ཅིག་དང་ཕྲད་པར་ཤོག །དེ་ནས་དེ་ཉིད་བཤད་བྱའི་ཕྱིར། །རྩ་བ་བྱང་ཆུབ་སེམས་ཀྱི་རིག་པ་འདི་བཞིན་གསལ། །དེ་ལྟར་ཡེ་ཤེས་གསལ་བསྒོམས་ཚེ། །སྲིད་པ་ལྟ་བྱེད་རྒྱལ་པོ་སྟེ། །ཐུགས་ཀྱི་མེ་ལོང་གཅེས་བར་གསུངས། །ཡེ་ཤེས་ཐུགས་ཀྱི་མེ་ལོང་གསལ་བྱེད་འདི། །ཐུགས་རྗེ་ཉི་མའི་སྙིང་པོ་འདྲ། །ལས་ཀྱི་རྒྱལ་པོ་དེ་ཉིད་སྒྲུབ་པའི་ཕྱིར། །མཐོང་ལམ་འཕྲོ་འདུའི་བྱིན་རླབས་བཤད། །དང་པོ་ཏིང་འཛིན་རྣམ་གསུམ་ནས། །ཚོགས་བསོགས་སྙིང་རྗེ་མཆོག་གིས་བསྐྱེད། །ལམ་གྱི་ཡན་ལག་རྫོགས་པ་དང་། །ཐབས་ཀྱི་ཡན་ལག་རྫོགས་ཞེས་གསུངས། །ཡེ་ཤེས་ཐབས་ཀྱི་རྒྱལ་པོ་སྒོམ། །ཡེ་ཤེས་ཐབས་ཀྱི་རྒྱལ་པོ་ལས ཡེ་༄༅། ཁྲེས་ཐུགས་ཀྱི་ཤེས་རབ་མེ་ལོང་འདི་བཞིན་སྒོམ། །བྱ་རྒོད་ལྟ་བུའི་སེམས་མིན་པས། །རྣལ་འབྱོར་ཐབས་ཀྱི་ཡེ་ཤེས་ཟང་ཐལ་རྟོགས་པ་ཡིས། ཁྲེས་རབ་ཐུགས་ཀྱི་མེ་ལོང་དག་གསལ་ལྟ། །སྟོབས་སུ་གྱུར་པའི་བྱང་ཆུབ་ཀྱིས། །ཕྱོགས་བཅུའི་སངས་རྒྱས་རྣམས་ཀྱི་ཞལ་མཐོང་སྟེ། །ཀུན་ཏུ་བཟང་པོའི་ཞིང་ཁམས་ཅིས་ཀྱང་སྣང་། །གཟུགས་རྣམས་ཐམས་ཅད་ཡེ་ཤེས་སྙིང་པོ་སྣང་བའི་སྐུ། །སྣང་བའི་གཟུགས་བརྙན་ཐམས་ཅད་ཀུན། །དེ་ཉིད་ཡང་དག་སྙིང་པོ་རང་བྱུང་རང་ལས་ཤར་བ་ཡིན། །དཔེར་ན་ལྟེང་ཀའི་ཆུ་དང་ཟླ་བ་ཆུ་ཟླ་བཞིན་དུ་ཤར། །ཐིག་ལེ་བྱང་ཆུབ་སེམས་ཀྱི་དཔེ། །བུམ་པའི་མར་མེ་ལྟ་བུའོ། །ཐིག་ལེ་བྱང་ཆུབ་སེམས་ཀྱི་འོད། །དཔེར་ན་ཉི་མ་ཟེར་གྱི་ཁ་དོག་བཞིན། །རང་གསལ་བདེ་གསལ་ཀུན་ཏུ་སྣང་། །ཐིག་ལེ་རང་སར་གྲོལ་བའི་དཔེ། །ཟ་འོག་དཔེ་ཁྱིམ་ལྟ་བུས་མཚོན། །ཐིག་ལེ་གཉིས་སུ་མེད་པའི་དཔེ། །ནམ་མཁའ་བཞིན་དུ་ཡོངས་ལ་ཁྱབ། །དེ་ལྟར་གཉིས་སུ་སྣང་བའི་ཡོན་ཏན་གཟུགས་བརྙན་ཐམས་ཅད་ཀུན། །སྙིང་པོ་རང་ལས་ཤར་བ་ཡིན། །ཡེ་ཤེས་སྐུ་སྟེ་རང་བྱུང་བ། །མི་གཡོ་བསམ་མེད་ཆོས་ཀྱི་སྐུ། །དེ་ལྟར་སྐུ་ཕྱོགས་བཅུའི་སངས་རྒྱས་ཐམས་ཅད་ཀྱི་སྙིང་པོ་རང་ལ་ཤར་བ་ཡིན། དེ་བཞིན་དེ་ཡི་ངང་ལས་བྱུང་། །མི་གཡོ་ལམ་བསྟན་ཆོས་ཉིད་དང་། །ཀུན་ཏུ་བཟང་པོའི་ཐུགས་དང་མཉམ། །བྱིན་རླབས་ཐམས་ཅད་ཤུ་ལས་འབྱུང་། །ཞེས་གསུངས། དེ་ལྟར་ནམ་ཞིག་རྟོགས་པའི་ཚེ། །ཕྱོགས་བ་་སངས་རྒྱས་ཐམས་ཅད་བདག །བདག་ཉིད་ཐུགས་ལ་འདུས་ཅེས་རྡོ་རྗེ་སེམས་དཔས་གསུངས། དེ་ལྟར་སྙིང་པོ་བྱང་ཆུབ་མཐོང་བའི་ཚེ། །རྩ་བ་བྱང་ཆུབ་སེམས་ཀྱི་ལས་འགྲུབ་སྟེ། །འབྲས་བུ་དེ་བཞིན་གཤེགས་པ་ཐོབ། །ཅེས་རྡོ་རྗེ་རྒྱལ་བས་གསུངས། །གསལ་བྱེད་སྒྲོན་མའི་ལེའུ་སྟེ་ཉེར་བརྒྱད་པའོ།། །།གསང་སྔགས་ཐུགས་ཀྱི་ཡང་མཛོད། ལྟ་སྦྱོད་དམ་པ་འདི། སྐལ་ལྡན་སྐྱེས་མཆོག་ཅིག་དང་ཕྲད་པར་ཤོག །དེ་ནས་དེ་ཉིད་བཤད་པའི་ཕྱིར། །ཐར་ལམ་བྱང་ཆུབ་སེམས་ཀྱི་སྒྲོན་མ་བཤད། །བདག་ཉིད་ཆེན་པོར་རབ་དམིགས་ནས། །བྱང་ཆུབ་སེམས་ཀྱིས་ཚོགས་བསགས་ཏེ། །འཕྲིན་ལས་གཞུང་བཞིན་བྱ་བར་གསུངས། །ཐབས་ཀྱི་ཡན་ལག་རྫོགས་པ་དང་། །ཐར་ལམ་བྱང་ཆུབ་འདི་བཞིན་སྒོམ། །ཡེ་ཤེས་ཐུགས་ཀྱི་སྙིང་པོ་ལས། །ཕྱོགས་བཅུར་འོད་འཕྲོས་འཇིག་རྟེན་ཁྱབ་བར་དམིགས། །བདེ་གཤེགས་ཐུགས་མཆོག་མཉེས་པ་ཕུལ། །འགྲོ་བ་ཡོངས་ཀྱི་སྡུག་བསྔལ་སྦྱངས། །བྱང་ཆུབ་སེམས་སུ་གྱུར་ནས་ཚུར་འདུས་ཧུ༷་ལ་ཐིམ། །ཐུགས་ཀྱི་དབང་ཐོབ་བྱིན་རླབས་ཞུགས་པར་བསམ། །ལས་སུ་རུང་བའི་དབང་ཐོབ་སྟེ། །མཐིང་ནག་འོད་ཟེར་བཀྲག་དང་ལྡན། །ཐུགས་ཀྱི་དབང་ཐོབ་འོད་འཕྲོས་ཏེ། །རྡོ་རྗེའི་ར་ཕྲག་རྒྱུད་ཕུག་སྟེ། །རྡོ་རྗེ་འཛིན་པའི་ཐུགས་ཀར་སྟོན། །དེ་བཞིན་རྒྱུན་ནས་གསུང་མཆོག་པདྨའི་རྡོ་རྗེ་ནས། །གོང་བཞིན་འཕྲོ་འདུའི་ལས་བྱས་ཏེ། །ཚུར་འདུས་གསུང་མཆོག་ཨུ༷་ལ་ཐིམ། །གསུང་གི་དབང་ཐོབ་བྱིན་རླབས་ཞུགས་པར་བསམ ལས་སུ་རུང་བའི་དབང་ཐོབ་སྟེ། །གསུང་མཆོག་རྡོ་རྗེ་པདྨ་རྡོ་རྗེ་དམར་ལ་གདང་། །གསུང་གི་དབང་ཐོབ་འོད་འཕྲོས་པས། །རྡོ་རྗེ་རྭ་ཕྲག་རྒྱུད་ཕུག་སྟེ། །ནས་གཡས་ནས་གཡོན་དུ་ཕུག །ཀླད་པ་དུང་ཁང་གི་ནང་དུ་འོད་དུ་འཁྱིལ། །ཚངས་པའི་བུ་ག་ནས་གོང་བཞིན་དུ། འོད་ཀྱི་རྒྱུད་མ་ཆད་པར་ཕྱོགས་བཅུ་ཀུན་ཏུ་འཕྲོས་པ་ལས། །བདེ་གཤེབ་།་སྡུ་མཆོག་མཉེས་པ་ཕུལ། །འགྲོ་བ་ཡོངས་ཀྱི་སྡིག་སྒྲིབ་སྦྱངས། །བྱང་ཆུབ་སེམས་ནས་ཚུར་འདུས་པས། །སྐུ་མཆོག་ཡེ་ཤེས་ཨོ་དུ་གྱུར། །སྐུའི་དབང་ཐོབ་བྱིན་རླབས་ཞུགས་པར་བསམ། །སྐུ་གསུང་ཐུགས་ལས་སུ་རུང་བའི་དབང་ཐོབ། སྙིང་པོ་ཧུ༷་ལས་ཧུ༷་གྲངས་མེད་པ་རྡོ་རྗེའི་ར་ཕྲག་རྒྱུད་ཕུག་ནས། རྡོ་རྗེ་འཛིན་པའི་ཐུགས་ཀར་སྟོན། དེ་བཞིན་རྒྱུད་ནས་ཐུགས་ཁར་གསུང་གི་ཨ༷་ལ་ཐིམརྗེའི་ར་ཕྲག་རྒྱུད་ཕུག་ནས། རྡོ་རྗེ་འཛིན་པའི་ཐུགས་ཀར་སྟོན། དེ་བཞིན་རྒྱུད་ནས་ཐུགས་ཁར་གསུང་གི་ཨ༷་ལ་ཐིམ་པས། ཧུ༷་མཐིང་ཀ་ཨ༷་དམར་པོར་གྱུར། རྡོ་རྗེའི་ར་ཕྲག་རྒྱུད་ཕུག་ནས། ནས་གཡས་ནས་གཡོན་དུ་ཕུག་ཞུགས། སྐུ་མཆོག་ཡི་གེ་ཨོ་ལ་ཐིམ། ཨ༷་དམར་པོ་ཨོ་ལ་ཐིམ། ཨོ་དཀར་པོར་གྱུར་ནས། ཚངས་པའི་བུ་ག་ནསགོངབཞིནདུའོདའཕྲོས་པ་ལས། སྲིད་པ་གསུམ་ཀྱང་འོད་དུ་ལྟེམ་གྱི་ཞུ། བྱང་ཆུབ་སེམས་ཀྱི་བདུད་རྩི་དཀར་དམར་དུ་གྱུར་སྟེ། འཇིག་རྟེན་གྱི་ཁམས་ཀུན་བྱང་ཆུབ་ཀྱི་བདུད་རྩིས་ཁེངས་པར་དམིགས། ཚུར་འདུས་བདག་ཉིད་གསོས་སྦྱངས་ཏེ། བདག་ཉིད་བདུད་རྩི་བྱང་ཆུབ་སེམས་སུ་གྱུར་པས། དེ་ནས་ཧུ༷་ཞེས་བརྗོད་པས། སེམས་ཉིད་མངོན་དུ་གྱུར་ཏེ། འོད་ཟེར་རྣམ་པ་ལྔ་ལ་གོང་བཞིན་དུ་འཕྲོས་ཏེ། ཕྱོགས་བཅུ་ཀུན་ཏུ་ཁྱབ་པ་ལས། །བདུད་རྩི་ཉིད་ལ་ཉིད་སྦྱར་ཏེ། བདུད་རྩི་ཉིད་ལ་སེམས་ཉིད་བྱང་ཆུབ་ཐིག་ལེ་འོད་དུ་འདྲིལ། སྙིང་པོ་གཉིས་སུ་མེད་པ་ཡིས། །སྣང་སྲིད་རྒྱལ་བའི་ཞིང་ཁམས་སུ་གྱུར་ཏེ། དཀྱིལ་འཁོར་ལྷ་དང་ལྷ་མོ་དང་། གཙོ་དང་འཁོར་དང་བཅས་པ་དམིགས་ཏེ། འཇིག་རྟེན་གྱི་ཁམས་ཐམས་ཅད་ཀུན་ཏུ་བཟང་པོའི་ཞིང་ཁམས་སུ་ལྟའོ། །དཔེར་ན་ཟ་འོག་གི་བེ་ཁྱི་་་་་་མ། ཉི་ཟེར་གྱི་རྡུལ་ཆ་བཞིན་དུ་དམིགས་སོ། །དེ་ལྟར་ཡེ་ཤེས་ཀྱི་ལྷ་ཚོགས་གསལ་བའི་དུས་སུ། སྙིང་པོ་བྱང་ཆུབ་ཀྱི་རྒྱུ་ལ་དྲི་མེད་དག་པས། དྲི་ཡང་དག་པའི་ལྟ་སྦྱོད་དག་པར་མཐར་ཕྱིན་པའོ། །སྙིང་པོ་བྱང་ཆུབ་སེམས་ཀྱི་སྣང་བ་ཀུན་དང་དུས་གསུམ་དུ་སྦྱར་བས། སྣང་སྲིད་ཐམས་ཅད་ལྷའི་དཀྱིལ་འཁོར་དུ་གསལ་བར་རྟོགས་པས། མཧྭ་ཡོ་གའི་ལྷ་སྤྱོད་མཐར་ཕྱིན་པའོ། །།སྙིང་པོ་བྱང་ཆུབ་ཀྱི་སེམས་ཡེ་ནས་སྟོང་གཞི་དག་ལས། ཡེ་ཤེས་ལྔ་དང་ལྡན་བའི་ཕྱིར། ཨ་ནུ་ཡོ་གའི་སྟོད་སྤྱོད་མཐར་ཕྱིན་པའོ། །དེའི་ཚེ་སྙིང་པོ་བྱང་ཆུབ་ཀྱི་སེམས་ཟ་འོག་གི་བེ་ཁྱིམ་བཞིན་དུ་་་་་་་་ཐུགས་རྗེ་མ་འདྲེས་ལ་ཡོངས་སུ་རྫོགས་པས། རྫོགས་པ་ཆེན་པོ་ཨ་ཏི་ཡོ་ག་མཐར་ཕྱིན་པའོ། །དེའི་ཚེ་སྙིང་པོ་བྱང་ཆུབ་ཀྱི་སེམས་ཐིག་ལེ་བདེ་སྟོང་བདག་མེད་དུ་གསལ་བས། ཆོས་ཀྱི་སྐུ་ལ་མངོན་པར་རྫོགས་པར་སངས་རྒྱས་ཞེས་རང་བཞིན་རྡོ་རྗེ་འཛིན་པས་གསུངས། །དེ་ལྡན་རྣལ་འབྱོར་དོན་སྤྱོད་ན། །གསང་སྔགས་རྡོ་རྗེ་འཛིན་པས་གསུངས། །མཐར་ཕྱིན་བྱང་ཆུབ་སེམས་ཀྱི་སྒྲོན་མ། ལས་ཀྱི་རྒྱལ་པོའི་ལེའུ་སྟེ་ཉེར་དགུ་པའོ།། །།འཇམ་དཔལ་བཤེས་གཉེན་ཐུགས་ཀྱི་ཡང་མཛོད་གསལ་བའི་སྒྲོན་མ་འདི། རྒྱལ་པོ་བ་སུ་དྷ་རའི་ཐུགས་སུ་རྒྱུད། མཚོ་མ་དྲོས་པའི་འགྲམ། རི་སྤོས་རི་ངད་ལྡན་གྱི་རྩར། ཤིང་ཆེན་དཔག་བསམ་ལྗོན་ཤིང་གི་རྩ་བར་ཀླུའི་རྒྱལ་པོའི་དངོས་གྲུབ་ཐོབ་སྟེ། གསང་སྔགས་ཀྱི་ལྟ་སྤྱོད་འདིས་གཏན་ལ་དབབ་པའོ། །དེ་ནས་དེ་ཉིད་ཡང་དག་བཤད་བྱ་བ། རྩ་བ་ལས་ཀྱི་རྒྱལ་པོ་ཆོས་ཉིད་ཨ་ལ་བསྟིམ་པའི་ཕྱིར། རྩ་བ་བྱང་ཆུབ་སེམས་ཀྱི་སྒྲོན་མ་བཤད། དང་པོ་ཏིང་འཛིན་རྣམ་གསུམ་ནས། བྱང་ཆུབ་སེམས་ཀྱི་ཡན་ལག་རྫོགས་བྱས་ཏེ། སྙིང་པོ་བྱང་ཆུབ་སེམས་ཀྱི་འབྲས་བུ། མཐར་ཕྱིན་རྒྱུ་སྐྱེ་མེད་འདི་བཞིན་སྒོམ། ཡེ་ཤེས་ཐུགས་ཀྱི་སྙིང་པོ་ལས། །བྱིན་བརླབས་འཕྲོ་འདུ་འོད་བཞིན་དམིགས། །སྣང་སྲིད་ཐམས་ཅད་བྱིན་བརླབས་དབང་བསྐུར་ནས། །ཐམས་ཅད་ལྷའི་ཕྱག་རྒྱར་ཤེས་ཤིང་རྟོགས་པ་ལས། །བཟླས་བརྗོད་བརྙེན་པ་རྫོགས་པར་འབུལ། །ཡེངས་པ་མེད་པའི་ཏིང་འཛིན་གྱིས། །ཆོས་སྐུར་གསལ་བ་དང་བྱིང་མེད་རྒྱུན་དུ་བཟླས། ངང་ལ་རྒྱུན་དུ་གནས་པ། བདེ་གཤེགས་ཐུགས་ཏེ་སྦྱང་མི་དགོས།སངས་རྒྱས་ས་ལ་གནས་པ་ཡིན། །དེ་ནས་དེ་ཉིད་བཤད་པའི་ཕྱིར། །ཡེ་ཤེས་སྙིང་པོ་ཐུགས་ཀྱི་སྙིང་པོ་ལས། །གོང་བཞིན་ཐུགས་ཀྱི་འཕྲོ་འདུ་སྟེ། །སྣང་སྲིད་ཐམས་ཅད་དབང་གི་རང་བཞིན་དུ། །དམར་ཕྱམ་གྱིས་ཞུ་བར་བསམ། དེ་ལས་དབང་གི་ལྷ་ཚོགས་སུ་གྱུར་ཏེ། སྲོག་གི་དགོངས་པ་ཤེས་པར་བྱ། དེ་ནས་དབང་གི་ལྷ་ཚོགས་ཐམས་ཅད། བདག་གི་སྐུ་གསུང་ཐུགས་ལ་འདུས་ཏེ། རང་བཞིན་དུ་འདུས་ཐིམ་པར་བསམདཔེར་ན་ཉི་མའི་སྙིང་པོ་ལ། ཟེར་ཕྱོགས་བཅུ་ནས་འདུས་པ་བཞིན་ནམ། ཆུ་ཟླ་ཟླ་བ་ལ་འདུས་པ་བཞིན་ནམ། གཟུགས་བརྙན་གཟུགས་སྐུ་ལ་འདུས་པ་བཞིན་དུ། དུས་གསུམ་གྱི་སངས་རྒྱས་ཐམས་ཅད་དབང་གི་རང་བཞིན་དུ་གྱུར་ནས། བདག་ཉིད་ཀྱི་སྐུ་གསུང་ཐུགས་ལ་གཉིས་སུ་མེད་པར་ཐིམ་པར་བསམ་མོ། །དེ་ལྟར་དབང་རིམས་རྫོགས་པ་ན། །གཉིས་མེད་བྱིན་རླབས་རང་ལ་འཆར། །སེམས་ཀྱི་བྱིན་རླབས་སྣ་ཚོགས་འབྱུང་། །ཡི་དམ་ལྷ་གསལ་ལུང་སྟོན་འབྱུང་། །ཀུན་ཏུ་བཟང་པོའི་ཐུགས་དང་གཉིས་མེད་གཉིས་སུ་མེད་པ་སྟོན། ཞེས་དམ་ཚིག་ཆེན་པོ་ང་ཡིས་བཤད། །དེ་ནས་དེ་ཉིད་བཤད་བྱ་བ། །ཡེ་ཤེས་ཐུགས་ཀྱི་སྙིང་པོ་ལས། །གོང་བཞིན་ཐུགས་ཀྱི་འཕྲོ་འདུ་སྟེ། །སྣང་སྲིད་ཐམས་ཅད་དྲག་པོའི་ལས་སུ་གྱུར་ཏེ། རྡོ་རྗེ་འཛིན་པའི་ཁྲོ་བོའི་སྐུ་གསུང་ཐུགས་ལ་གོང་བཞིན་དུ་ཐིམ་པར་བསམ་མོ། །དེ་ནས་དྲག་པོའི་ལས་བྱས་ན། །རང་རིག་སྙིང་པོ་བྱིན་རླབས་ཅན། །སྲིད་པ་གསུམ་ཡང་སྒྲོལ་བར་འགྱུར། །ཡེ་ཤེས་ཐུགས་ཀྱིས་བདུད་རྣམས་བསྲེག །རང་བྱུང་མཐུ་ཡིས་སྲིད་པ་གསུམ་ཡང་སྒྲོལ་བར་ནུས་ཞེས་གསུངས། ཞེས་དམ་ཚིག་ཆེན་པོ་ང་ཡིས་བཤད། །དེ་ནས་དེ་ཉིད་བཤད་བྱ་བ། །ཡེ་ཤེས་ཐུགས་ཀྱི་སྙིང་པོ་ལས། །གོང་བཞིན་ཐུགས་ཀྱི་འཕྲོ་འདུ་ལས། །སྣང་སྲིད་ཐམས་ཅད་ཞི་རྒྱས་ཀྱི་ལས་སུ་གྱུར་ཏེ། ཡེ་ཤེས་སེམས་དཔའི་སྐུ་གསུང་ཐུགས་ལ་གོང་བཞིན་དུ་འདུས་པར་བསམ་མོ། །དེ་ནས་ཞེས་པའི་ལས་བྱས་ན། །རང་རིག་སྙིང་པོ་བྱིན་རླབས་ཀྱིས། །མི་རོ་རྐམ་པོ་ལ་བདུད་རྩིའི་ཟིལ་ཐིགས་འབྱུང་བ་བཞིན། །ཐང་ཅིག་ཡུད་ཀྱིས་ཤེས་བ་སྐྱེ། །སྐྱེ་ལྡོག་ཟླ་ཚེས་ལྟ་བུར་བཤད། །བྱིན་རླབས་བདུད་རྩི་ལྟ་བུ་ཡིན། །ཀུན་ཀྱང་སོས་པར་ང་ཡིས་བཤད། །བྱིན་རླབས་ཤུགས་ཀྱིས་ས་བཅུ་ལམ་ལྔ་བགྲོད། རྡོ་རྗེའི་ལས་ཀྱིས་ཁ་ལོ་བསྒྲལ། ཞེས་རྡོ་རྗེ་སེམས་དཔའ་ང་ཡིས་བཤད། དེ་ནས་དེ་ཉིད་བཤད་བྱ་བ། ཡེ་ཤེས་སྙིང་པོ་ལས། འཕྲོ་འདུའི་ལས་རྣམས་རྫོགས་པ་དང་། །གཉིས་སུ་མེད་ཕྱིར་རྫོགས་རིམ་བཤད། །གཉིས་མེད་གཉིས་སུ་མེད་པའི་ཕྱིར། །སྣང་སྲིད་ཐམས་ཅད་སྙིང་པོ་རང་གི་སེམས། །སྙིང་པོ་འདུ་འབྲལ་མེད་པ་སྟེ། །ཡང་དག་མཐའ་སྟེ་རྣམ་པར་གནས། །བདག་མེད་སེང་གེའི་སྒྲ་དང་ལྡན། །ཞེས་དམ་ཚིག་ཆེན་པོ་ང་ཡིས་བཤད། །ཨེ་མ་ཧོ། ཆོས་རྣམས་ཐམས་ཅད་རྨི་ལམ་ཚུལ། །སྣང་སྟོང་ངོ་བོ་ཉིད་ཀྱིས་དབེན། །མ་སྐྱེས་པ་ཡི་ཆོས་ཉིད་འདི། །དངོས་པོར་བདེན་པར་མ་གསུངས་སོ། །སྒྱུ་མའི་ཚུལ་དུ་སྐྱེད་པ་ཡིན། །སྒྲ་མིང་ཚིག་ལས་འདས་པ་ཡིན། །རང་གི་ངོ་བོར་བསྟན་དུ་མེད། །འཇིག་མེད་དབང་པོའི་ས་ཐོབ་པས། །བདེ་གཤེགས་སྐུ་སྟེ་སྦྱང་མི་དགོས། །ཐེག་གསུམ་ས་བཅུ་མི་གནས་པའི། །རྣལ་འབྱོར་རྫོགས་རིམ་མཆོག་གི་ས། །གསང་སྔགས་མཆོག་གི་སྤྱོད་པ་རྣམས། །རྣལ་འབྱོར་མཆོག་གི་མཆོག་འདོད་པས། །དང་པོ་ཚོགས་ལམ་བསྐྱེད་པ་ནས། །ཏིང་འཛིན་རིམ་འཇུག་སེམས་རྩལ་སྦྱང་། །ལས་སུ་རུང་བའི་ཏིང་འཛིན་གྱིས། །འཕྲིན་ལས་གསོ་བཞིན་བྱ་བར་གསུངས། །དེ་ནས་བྱང་སེམས་མཐར་ཐུག་འདི་བཞིན་སྒོམ། །སྣང་སྲིད་གཉིས་མེད་རང་ལ་བསྡུ། །རང་སྐུ་ལྷ་ཡི་ང་རྒྱལ་ཀྱང་། །གོང་བཞིན་རིམས་ཀྱིས་བསྡུ་བ་སྟེ། །བྱེ་ཚན་ལ་ཡར་མར་ཐིམ་མམ། །རྡོ་ཚན་ལ་ཁ་བ་བབ་པ་བཞིན་དུ་བསྡུ། རྡོ་རྗེ་དང་སྙིང་པོ་ཡང་འོད་དུ་ཞུ་སྟེ། ཨ༷་ལ་ཐིམ་པར་བསམ། ཨོ་ཡང་ཧུ༷་ཡུངས་འབྲུ་ཙམ་ལ་ཐིམ་པས། ཧུ༷་དེ་ཡེ་ཤེས་ལྔ་དང་ལྡན་ཏེ། སྙིང་པོ་དེ་ཉིད་ཆོས་སྐུ་ལས། མི་ཉམས་པར་བྱ་བའི་ཕྱིར་ཞབས་ཀྱུ་འ་ལ་བསྡུ། འ་ཧ་ལ་བསྡུ། ཧ་ཟླ་ཚེས་ལ་བསྡུ། ཟླ་ཚེས་ཟླུམ་པོ་ཐིག་ལེ་ཅན་ལ་བསྡུ། ཐིག་ལེ་བྱང་ཆུབ་སེམས་ཀྱི་རང་བཞིན་མིང་སྣང་བར་དམིགས་ཏེ། དེའི་ཚེ་དེའི་དུས་ན་སྣང་སྲིད་ཐམས་ཅད་ཆོས་ཀྱི་སྐུའི་ངང་དུ་གནས་པར་གྱུར་ཏེ། སྣང་སྲིད་ཐམས་ཅད་ཐིག་ལེ་བདེ་སྟོང་པ་བདག་མེད་དུ་ཤེས་པར་བྱའོ། །དེའི་ཚེ་བྱང་ཆུབ་ཀྱི་ལམ་མཐར་ཕྱིན་ཏོ། །སྐུ་གསུང་འདུ་འབྲལ་མེད་དེ་རྡོ་རྗེ་འཆང་། །ཡང་དག་རྫོགས་པའི་ས་ལ་གནས། །ཕྱག་རྒྱ་ཆེན་པོའི་སྐུ་ཞེས་དེ་ལ་གདགས། །དེ་ལ་བཤད་དུ་མེད་དོ། །དེ་ལ་གཅད་དུ་མེད་དོ་རྡོ་རྗེ་རྒྱལ། །ཞེས་རང་བཞིན་རྡོ་རྗེ་སེམས་པས་གསུངས། དེ་ལྟར་དེ་ལ་སྤྱད་པར་བྱ་ཞེས། དམ་ཚིག་ཆེན་པོ་ང་ཡིས་བཤད། །རྩ་བ་བྱང་ཆུབ་སེམས་ཀྱི་སྒྲོན་མ། ལས་པོའི་ལྟ་སྤྱོད་བསྟན་པའི་ལེའུ་སྟེ་སུམ་ཅུ་པའོ།། །།བདག་འདྲ་སངས་རྒྱས་ཡེ་ཤེས་ཀྱིས། །རྒྱ་ཡི་སྐད་བསྒྱུར་ལོ་ཙྭའི་ཚིག་སྦྱངས་ནས། །རྒྱལ་པོ་བ་སུ་དྷ་རའི་དགོངས་པ་འདི། །རིན་ཆེན་སྙིང་པོ་གསེར་ཕུལ་ནས། །མོས་གུས་དད་པའི་སྒོ་ནས་ཞུས། །སྲོག་གིས་བཙལ་ཀྱང་འདི་དོན་མི་རྙེད་དེ། །ལས་འཕྲོ་དག་པ་ཅིག་དང་ཕྲད་པར་ཤོག །དུས་ལ་བབ་ན་སྨོན་ལམ་བཙན་པར་ཤོག། །། །།