Ngb-pt-0907-vol-10-text
Front[edit]
Body[edit]
རྒྱ་གར་སྐད་དུ། མུ་ཏྲ་མུན་ལ་ཏྲན་གུ་གྱེ་ཏནྟྲ། བོད་སྐད་དུ། བལ་པ་ཏྲ་གསང་བའི་རྒྱུད། བཅོམ་ལྡན་འདས་དཔལ་དྲེག་པ་ཆེན་པོ་ན་ར་གིར་ཏི་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རི་རབ་རིའི་བུམ་པ་རབ་ཏུ་འཇིགས་པའི་གཞལ་ཡས་ཁང་ཆེན་པོ། གྲུ་གསུམ་མཐིང་ནག་འབར་བའི་ཀློང་། ཞིང་དང་གདུག་པ་ཉི་ཟླས་ཡོངས་སུ་མཚན་པ། རཀྟའི་རྒྱ་མཚོ་འཁྲུག་ཅིང་ཡོངས་སུ་འཁྱིལ་བ། དུར་ཁྲོད་ཀྱི་གནས་བརྒྱད་ཀྱིས་ཡོངས་སུ་བསྐོར་བའི། ཕོ་བྲང་ཨེ་ཡི་གཞལ་ཡས་ཁང་ན། དྲེགས་པ་ཆེན་པོ་ན་ར་གིར་ཏི། དཔའ་བརྟུལ་ཆེན་པོ་དྲེགས་པ་ཟིལ་གྱིས་མནན་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་མ་ཐག་ཏུ་འཁོར་ཐམས་ཅད་ཀྱང་ཡོངས་སུ་་དུས་པར་གྱུར་ཏོ། །དྲེགས་པ་ཆེན་པོ་གཙུག་ཕུད་ནག་པོ་དང་། བདུད་པོ་ཡག་ཤ་ནག་པོ་དང་། ཨརྒ་ཟོར་འཕེན་ནག་པོ་དང་། ཀླུ་གཉན་ཀ་ལ་སྲོག་གཅོད་དང་། ཁྲམ་ཐོགས་ཀྱི་བདུད་དང་། གྲི་ཐོགས་ཀྱི་གྱིང་དང་། ཞགས་ཐོགས་ཀྱི་བཙན་དང་། འཇིག་རྟེན་དབང་ཕྱུག་གི་སྲིན་མོ་འཇིགས་བྱེད་རྣམས་དང་། དྲེགས་པའི་སྡེ་དཔོན་ཆེན་པོ་རྣམས་དང་། གདུག་པ་ཏྲི་ལ་སོགས་པ་རྣམས་འདུད་པར་གྱུར་ཏོ། །དེའི་ཚེ་དེའི་དུས་ན་དྲེགས་པ་ཅན་དེ་དག་གི་ནང་ནས། དྲེགས་པ་ཆེན་པོ་གཙུག་ཕུད་ནག་པོ་གདན་ལས་ལངས་ཏེ། འདི་སྐད་ཅེས་གསོལ་ཏོ། །ཨེ་མ་ཧོ། དྲེགས་པའི་བདག་པོ་ལྷ་བདག་གཙོ། །འཕྲིན་ལས་ཀུན་གྱི་བདག་པོ་སྟེ། །དྲེགས་པ་གཤིན་རྗེ་གཤེད་པོ་ཁྱོད། །འཁྲུལ་པའི་ལོག་འདྲེན་ཚར་གཅོད་པས། །ཉིད་ཀྱི་ལྟ་སྤྱོད་ཇི་ལྟ་བུ། །དཀྱིལ་འཁོར་ཆེན་པོ་ཇི་ལྟར་ལགས། །དེ་ལ་མཆོད་དང་ལས་རིམ་རྫོགས་པ་ཡི། །འཕྲིན་ལས་གྲུབ་པར་ཇི་ལྟར་བགྱི། །ཡན་ལག་རྫོགས་པའི་རིམ་པ་དང་། །སྔགས་དང་ཕྱག་རྒྱ་ཏིང་འཛིན་དབང་། །དམ་ཚིག་ཆེན་པོས་བདག་ལ་གསོལ། །ཅེས་གསུངས་སོ། །སྙིང་ཟོར་ནག་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་དྲེགས་པ་ཆེན་པོ་ན་ར་གིར་ཏིས། ལོག་འདྲེན་འདུལ་བར་ཚར་གཅོད་པའི་ཏིང་ངེ་འཛིན་ལ་སྙོམས་པར་ཞུགས་ནས།འདི་སྐད་ཅེས་བཀའ་སྩལ་ཏོ། །ཉོན་ཅིག་རྡོ་རྗེ་གཙུག་ཕུད་ཅན། །ལྟ་བ་ཐེག་ཆེན་ཡང་དག་ནི། །ནམ་མཁའི་ཆོས་ཉིད་ཡེ་ཀློང་ལ། །སོམ་ཉི་མེད་ན་ཀུན་གྱིས་བགྲོད། །སྤྱོད་པ་རབ་བསྟན་ཆུར་ཞུགས་ལྟར། །བླང་དོར་མེད་པར་བསྒྲུབ་བར་བྱའོ། །དེ་ལ་ལྷུན་གྲུབ་རྫོགས་པ་ཡི། །སྐྱེ་མེད་དབྱིངས་ལས་རོལ་པའི་སྐུ། །སྣང་མེད་མཁའ་ལ་ཡང་དག་སྒོམ། །ཐུགས་རྗེ་ཀུན་ཁྱབ་ཡི་གེ་ལ། །ཡང་དག་ཉིད་དུ་དེ་ཉིད་དོ། །མི་འགྱུར་རྡོ་རྗེ་རབ་ཏུ་མཁྲེགས། །གཞལ་ཡས་ཡེ་ཀློང་ལྷུན་གྱིས་གྲུབ། །འཁོར་ལོ་རྩིབས་བཞི་རྡོ་རྗེའི་བྲག །ཀླུ་བདུད་གདུག་པ་རུས་སྦལ་གདན། །ཡི་གེ་ཡ་ཡི་འཕྲོ་འདུ་ལས། །ཕཊ་ཅེས་བསྐུལ་བས་ཁྲོ་བོའི་སྐུ། །ལོག་འདྲེན་གདུག་པ་འཇོམས་པའི་ལྷ། །གཤིན་རྗེ་ཡཀྟ་མེ་དབལ་སྐུ། །སྤྱི་གཙུག་མཁའ་ལྡིང་གདུག་པ་འདུལ། །སྨུག་ནག་འཕྲོས་པ་སྒྲོལ་བྱེད་ཡུམ། །ཨེ་ཀ་ཛ་ཏི་གཡོན་དུ་གནས། །ཆོས་སྐུ་བྱང་ཆུབ་སེམས་ཉིད་ལས། །སྐྱེ་མེད་དབྱིངས་ལས་འགྲོ་དོན་དུ། །བྱམས་དང་སྙིང་རྗེ་དོན་ལས་བཞེངས། །ཕོ་བྲང་བུམ་པའི་ད་ལ་སྲ །གཉིས་མེད་དབྱིངས་སུ་ཐིམ་པར་བཞུགས། །ཨརྒ་མེ་ཏོག་བདུག་པ་དང་། །མར་མེ་ཞལ་ཟས་དྲི་ཆབ་རྣམས། །ཐ་དད་རྟོག་པ་ཀུན་སྤངས་ཏེ། །དེ་ལ་གསང་བའི་ལྷ་རྣམས་ལ། །གཉིས་མེད་དོན་གྱིས་དབུལ་བར་བྱ། །སྐྱེ་ཤི་འདུ་འབྲལ་མེད་དོན་ལ། །བདུད་རྩི་སྨན་གྱི་མཆོད་པ་འབུལ། །ཆེ་བའི་ཡེ་ཤེས་རྫོགས་པའི་དོན། །དབང་བདུད་ལྷ་ལ་བསྟོད་པ་དང་། །གསང་སྔགས་འཕྲེང་བའི་རིམ་པ་བྱ། །ཞེས་གསུངས་སོ། །སྙིང་ཟོར་ནག་པོའི་རྒྱུད་ལས་ལེའུ་གཉིས་པའོ།། །།དེ་ནས་ཡང་དྲེགས་པ་ཆེན་པོས། འཕྲིན་ལས་ཡོངས་སུ་རྫོགས་པས། ཁྱད་པར་གྱི་སྦྱོར་བ་སེང་གེ་ཁ་འཐབ་ཀྱི་ངན་སྔགས། པ་ཏྲ་གླང་སྙིང་བསྒྲལ་བའི་ལས་འདི་གསུངས་སོ། །ལས་གཞི་ཁྱད་པ་གསད་པའི་ལས། །བསྲུང་བཟློག་མནན་པ་བསྡེབས་ཀྱི་གྲོགས། །ཐོད་སྒྲུབ་ནག་པོ་གསང་པའི་ལས། །ལས་ཀྱིས་འཁོར་ནས་རང་སྲོག་གཅོད། །དེ་དོན་ལས་རིམས་བཤད་པར་བྱ། །གང་ཡིན་རིགས་ཀྱི་ཐོད་པ་བསླང་། །ཕ་མེས་ཏོད་པ་མཆོག་ཏུ་བཤད། །རྨེ་ཁྲག་དུག་སྣ་གསང་ཕྱེ་ལ། །སོར་ལྔ་གྲུ་བྲི་ཨེ་བྱས་ཏེ། །ཨ་མུ་ཀ་ཡི་རྫས་ལྔ་ལ། །མིང་རུས་རྣམ་ཤེས་ལིང་ག་ལ། །དམིགས་པའི་རྟེན་དུ་གན་རྐྱལ་བཞག །དེ་སྟེངས་གཟུགས་བྱས་རེ་རང་སྐྱོན། །མཛུབ་གང་བ་ནི་ཚད་ཡིན་ནོ། །ལག་ན་དུག་ཤིང་ཕུར་པ་ཡིས། །རང་གིས་སྙིང་ཁར་འདེབས་པའི་ཚུལ། །ཨ་ཀྲོ་རྭ་རྫའི་དྲག་སྔགས་དང་། །དྲག་པོ་འཕྲུ་བདུན་དཔལ་ལ་གདགས། །དེ་ཡང་གོང་གི་ཐོད་ནང་དུ། །ཨེ་དང་ལིང་ག་བཅས་ལ་བཞག །ཧུ༷་བཞི་ཛ་བཞི་ཐོད་པ་ལ། །འདའ་རས་ཙ་བསྡམ་རྒྱ་གྲམ་བྱ། །བདག་ཉིད་ཏིང་འཛིན་གསལ་བ་ཡིས། །དྲག་སྔགས་བདུན་པ་ཞག་བདུན་བྲབ། །རྟེན་པའི་གནས་སུ་མཆོག་ཏུ་བཤད། །དེ་མིན་ཆུ་མིག་རྟ་དབབ་ཅན། །ཐོད་པ་ནག་པོ་མནན་པར་བྱ། །རང་ལ་རང་འབྲུབ་བསད་པ་ཡིས། །རང་གཤེད་ནག་པོའི་ལས་སུ་བཤད། །གནོད་སྤྱིན་སྲོག་གི་འཁོར་ལོ་ཡིས། །དེ་ཡི་སྟེང་ནས་མནན་པར་བྱ། །ལེབ་ནག་རྒྱ་གྲམ་སྔགས་ཀྱིས་འཚེས། །བསད་པའི་ཙཀྲར་ཡང་དག་བཤད། །ཅེས་གསུངས་སོ། །སྙིང་གཟེར་ནག་པོའི་རྒྱུད་ལས་ལེའུ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱིས་བཟློག་པའི་འཁོར་ལོ་རྡོ་རྗེ་རྣམ་པར་གཅོད་པ་ཞེས་བྱ་བ་འདི་གསུངས་སོ། །སྣ་ཚོགས་ས་ལ་སྦྲུས་པ་ཡི། །མཆོད་རྟེན་ནག་པོ་བམ་རིམ་ལྔ། །ཁྲུ་གང་བ་ནི་ཚད་ཡིན་ནོ། །དབང་བསྐུར་རབ་ཏུ་གནས་པར་བྱ། །བུམ་པར་འཁོར་ལོ་རྩིབསབཞིན། །མིངརུསབསྲུང་བའི་སྔགས་ཀྱིས་བསྐོར། །ཚེ་སྲོག་བསྲུང་ཕྱིར་ཟངས་དང་ལྕགས། །གསེར་དང་བཅས་པའི་རིམ་པར་སྦྱར། །ལག་ཏུ་ཕུར་པ་དཔལ་ཕྱིར་བསྟན། །ཤི་མཉུ་ཡི་གསང་སྔགས་དགོད། །འཁོར་ལོ་བྲེ་ལ་རབ་བརྒྱངས་ཏེ། །ལོག་པའི་འཁོར་ལོ་སྐབས་སུ་བསྐོར། །དུས་མཚམས་བཟུང་བ་ཞེས་སུ་གསུངས། །ཅེས་གསུངས་སོ། །སྙིང་ཟོར་གྱི་རྒྱུད་ལས་ལེའུ་བཞི་པའོ།། །།དེ་ནས་ཡང་མན་ངག་གནན་པ། རྡོ་རྗེ་གནན་པ་ཞེས་བྱ་བ་འདི་གསུངས་སོ། །རི་རབ་འོག་ཏུ་མནན་པ་བྱ་བ་ཡི། དུར་ཁྲོད་རས་སམ་རྒྱ་ཤོག་ལ། །འཁོར་ལོ་རིམ་པ་བསྐོར་བ་ལ། །མནན་པའི་སྔགམུ་དང་རྒྱ་གྲམ་བྱ། །འོག་ཏུ་གང་ཡིན་རྫས་ལྔ་ལ། །གཟུགས་བྱས་འཁོར་ལོས་ལྕེ་སྟེངས་མནན། །སྔགས་པའི་འོག་ཏུ་ཡིན་ཞེས་བཤད། །དེ་ནས་སོ་འཚམས་བསྲུང་བ་མཚོན་ཆ་རག་ལོག་ཅེས་བྱ་བ་འདི་གསུངས་སོ། །གསང་ཕྱེ་ཀླུ་ནག་ཡོད་པའི་ཆུ། །དུག་ཁྲག་མན་ཏྲ་ནག་པོའི་རུས། །སེང་གེའི་ཁ་ལ་འཁྲུལ་འཁོར་བྲི། །སོ་འཚམས་དག་ཏུ་ཁྲུ་གང་མནན། །བསྐལ་པའི་འཁོར་ལོ་རང་ལོག་འགྱུར། །སྦྱོར་བ་བསྲུང་བའི་འཁྲུལ་འཁོར་ཏེ། །སྒོ་གང་ཕྱོགས་སམ་དེ་བཞིན་དུ། །བཟློག་པུར་དབང་བསྐུར་ཕག་ཐོད་མནན། །རྟ་གགས་སྔགས་ཀྱི་དུག་མདའ་བཟློག །འཁྲུལ་འཁོར་རིམ་པ་དོན་གྱིས་ནི། །མན་ཏྲོཛེ་ནུས་པ་དེ་ཡིས་འཇོམས། །བསྲུང་བཟློག་གོ་ཆ་རིམ་པའི་མཆོག །ཅེས་གསུངས་སོ། །སྙིང་ཟོར་ནག་པོའི་རྒྱུད་ལས་ལེའུ་ལྔ་པའོ།། །།དེ་ནས་ཡང་དྲེགས་པ་ན་ར་གིར་ཏི་ཡིས། གསང་སྔགས་ཀྱི་དེ་ཁོ་ན་ཉིད་གསང་བ་འདི། སྐུ་གསུང་ཐུགས་རྡོ་རྗེ་ལས་བཏོན་ཏོ། །ཨོ་ཨ་ཀྲོ་རྭ་ཛ་དུ་ན་ས་དུ་སྙིང་ལ་ཕྲིལ་ཕྲིལ། ཨེ་ཀྲོ་རྭ་ཛ་ཙིསྟ་ན་ཤ་ཤ་ལ་རྦད་རྦད། ཡ་ཡ་རྣལ་མ་དྲི་ཛ་སྙིང་ལ་ཁ་ཐུན་བཱ་ར་ཡ་རྦད། ཀྲོ་མ་རི་ཤ་ཤ་ཏྲག་ཐུན། ཙིཏི་མ་ར་ཡུ་ཏྲི་རྦད། ་།་མ་རི་རག་ཤག་ཁ་བ༷། ཙིསྟ་ཏྲ་མ་རསྒ་རྦད། སྲོག་ཏེ་ཏྲི་མ་ཏྲི་ཤ་ཛ།ཙག་རེ་ཁ་ཏྲི་ཡསྒ་ཛ། ཀྲི་ཏྲ་མ་ཏྲི་ཡ་ཡ་ཛ། དགྲ་བོའི་སྲོག་ལ་རྦད། ཐུ༷་རིལ་རྦད། ཙ་ཁྲག་ཙིསྟ་ཕྱུང་། དྲི་སྲོག་ཧུར་ཐུམས་ཛ། དྲི་མུ་ར་ཡ་རྦད། ཨ་མུ་ཀ་དུ་ན་ནན། ས་དུ་ནན། སྙིང་དུ་ནན། པྲི་དུ་བོད། ཁ་ཐུན་རྦད།ཙིསྟ་ནི་ཤ་ཀུ་ལུ་རྦད། མོ་ཧ་ནི་ཤལ་དུན་དུན། ཁྲག་ལ་ཧུབ་ཧུབ་དུན་ཁྱེར་སྨྱོ་ནི་ཛ་ཏ༷་པ་ཡ་ནན། ཨེ་ཀ་དུ་ན་བཟློག །མ་ཧྭ་དུ་ན་བཟློག ས་ཀ་དུ་ན་བཟློག །ཙ་དུར་སྙིང་ལ་བཟློག །སུམ་ཏྲི་རསྒ་དུ་ན་བཟློག །རསྒ་ཏི་པོར་དུ་ན་བཟློ །ཨོ་ཨ་ཀྲོ་ཏེ་ཀ་ཡ་མན་ཏ་ཀ །ཨེ་ཀ་པ་ར་ཧུ༷་ཕཊ། ཨེ་ཏེ་པྲེ་མ་ས་ན་ཧུ༷་ཧུ༷། པྲ་དོད་ཀ་ཁྲ་རསྒ་ཧུ༷་ཧུ༷། ཨོ་ཡ་བེ་ཤ༷་ཏྲ་བེ་ཤམ། བེ་ཤ༷་བེ་ཤ༷་རུ་པེ་ཤ༷་ཁ་ཐུན་སྨྱོ། ཏ་པ་ལི་མུ་ལི་དུ་རུ་དུ་ཧུ༷་ཕཊ། ཀརྨ་ཙརྙ་མུ་ཏྲེ་དུ་རུ་དུ་རུ་ཧུ༷་ཕཊ། རསྒ་མོ་དུ་རུ་རུ་ལུ་རུ་ལུ་ཧུ༷་སྨྱོ་ཧུ༷། ཨེ་ཀ་ཛ་ཏི་པ་ལ་མ་ཤ་དགྲ་བོ་ལ་ཕཊ། ནག་མོ་ར་མ་ཏི་པདྨ་ར་ཏི་རུ་ཏི་རེ་མ་ཏི་ཧ་རྦད་སྨྱོ། ཨོ་ཀ་རུ་ན་ཙ་ལེ་ཙ་ལེ་ཧུ༷་ཕཊ། ཏ་ཀི་ཙ་ཏེ་ཙི་ཙ་ཏེ། ཧུ་ཡ༷་ཧུ་ཡ། ཧུ་ལུཧུ་ལུ་པུ་རུ་ཏེ་པུ་རུ་ཏེ། ཨ་མུ་ཀ་མེ། རསྒ་རསྒ་ཧུ༷། ཙ་སྒག་སྒག་སྨྱོ། རུ་ལུ་རུ་ལུ་ཛ། སྒག་སྒག་ཨ་ཤུག་སྨྱོ། རུ་ལུ་རུ་ཛ་རེ་རསྒ་ཏྲཀ་སྨྱོ། དགྲ་སྙིང་ལ་མྱ་ར་ཡ་ཨ༷་གུ་ཤ་་ག་་ག་ཤ་མུ་ར་ཡ་སྨྱོ། ཡ༷་ཁྲག་ཐུན་དགྲ་སྙིང་ལ་རྦད། ཆེ་གེ་མོའི་སྲོག་ཨ་མོ་ཁ༷་རྦད་རྦད། ཐིག་ནི་ཅིག་མེད། བརྒྱ་ཆད་གཉིས་ཟུང་སྲོག་ཁྱེར། དབུགས་ལོང་ཡ་ཏྲི་ནི་ར་ཟུང་རྨ་ཏྲི་བདུད་ཏྲི་ནི་ར་ཟུང་། ཀྲོ་མ་ཤ་ཤ །ཏྲག་ཐུན་ཙིསྟ་ཐུན་ནི་ཤ་ཀུ་རུ་རསྒ་ཐུན་ཡ་ཡ་དིང་དིང་ས་མ་ཡ་ཛ། ཆེ་གེ་མོ་ཨ་མུ་ཁ༷་སས་སྟིབས། མེས་ཚིག །ཆུས་བཀུར། རླུད་ཡེངས། ཁ་རི་བལ་ལྷག སྣ་ར་ཡེན་ཚེ། རི་སྟིབས་ནི་རི་ཁྱེར། ཨོ་ཤི་མཛི་ཡ་མ་རྭ་ཛ་མ་མ་ཨེ་ཀ་ཛ་ཏི་ནི་ཛ་ཛ། རྩ་བ་ཡིད་བཞིན་རིན་པོ་ཆེ། །ལས་ནི་སྣ་ཚོགས་སྦྱོར་བའི་མཚོན། །རང་བཞིན་སྟོང་ཉིད་ངོ་བོའི་ལྷ། །ནུས་པའི་དཀྱིན་དང་དུག་དབལ་མཚོན། །ཚུལ་ཉིད་སྒྲ་དྲག་འབྲུ་མི་གསལ། །ཡིད་ལ་གསང་ཞིང་དབུགས་སྒྲ་ལྕི། །རྩ་བའི་ལས་སུ་དེ་བཞིན་སྦྱར། །ཡན་ལག་སོ་སོ་མཚན་ཉིད་ཅན། ཟེ་ས་ཁ་འདུ་ཀླུ་ནག་༣བྲུག །རྒྱུ་ཐོད་སྐྲུ་གྲི་སྦབ་ཆེན་དང་། །ས་གཞི་རི་རབ་སྐྱོམ་དང་ནད། ཁྲ་སྤྱང་གཟན་ལ་བཅ་པ་འདྲ། །ལྕགས་ཀྱི་ཚ་ཚ་འཕྲོ་ཚུལ་གྱིས། །བཟླས་པ་ཡི་གེ་རིམསབཞིནབྱ། །ཞེསགསུངས་སོ། །སྙིང་ཟོར་ནག་པོའི་རྒྱུད་ལས་སྔགས་ཀྱི་ལེའུ་སྟེ་དྲུག་པའོ།། །།དེ་ནས་དྲེགས་པ་ཆེན་པོ་ན་ར་གིར་ཏིས། བསམ་གཏན་ཆེན་པོའི་ཏིང་ངེ་འཛིན་གྱིས།སྔགས་ཀྱི་མཚོན་ཆ་འབར་བ་ཡུལ་ལས་རབ་ཏུ་འཕྲོས་པའི་ཙཀྲ་འདི་གསུངས་སོ། །ཏིང་འཛིན་ཏྲི་ལ་རྡོ་རྗེའི་སྐུ། །གཤིན་རྗེ་ཡསྒ་མེ་དབལ་གྱི། །སྐུ་མདོག་ཕྱག་མཚན་གསལ་བ་ཡི། །སྤྱི་གཙུག་མཁའ་ལྡིང་རྒྱལ་པོ་བསམ། །གཡོན་དུ་སྒྲོལ་བྱེད་ཡུལ་གསལ་བའི། །གསང་སྔགས་འོད་ཟེར་འཕྲོ་འདུ་ཡིས། །རྡོ་རྗེ་ཁྲོ་ག་་མང་པོ་ཡིས། །བ་སྤུའི་བུ་ག་ཀུན་ཁྱབ་སྟེ། །འཕྲོས་པས་གདུག་པ་ཉལ་ཐག་གཅོད། །རྩ་རྒྱུད་འདུལ་གྱི་བསམ་གཏན་ཡིན། །ལྷ་རྒྱུད་དྲིལ་བའི་བས་་སྔ་་།་ཀྱིས། །ཕྲ་མོ་འོད་ཀྱི་གཟུགས་བརྙན་ཅན། །འཇམ་དཔལ་ཡབ་ཡུམ་བྱ་ཁྱུང་གི །སྤྲུལ་པ་དཔག་ཏུ་མེད་པ་ཡི། །ཟེ་ལ་ཁབ་འདུ་ཚུལ་དག་ཀ༷ །མ་ས་བ༷་ལ་སྦྲང་འདུ་བཞིན། །འདུས་ཤིང་དེ་ཉིད་ཐིམ་པ་ཡིས། །བདག་དང་གཞན་བསྲུང་སྐྱོབ་པ་ཡི། །འཁོར་ལོ་ཆེན་པོ་ཡང་དག་བཤད། །བཟློག་པའི་དུས་ན་ཁྲོ་ཚོགས་དང་། །མ་མ་སྲིན་མོ་མང་པོ་ཡིས། །རླུད་ནག་འཁྲུག་པའི་ཚུལ་དག་གིས། །རྦོད་གཏོང་ལ་སོགས་གཞན་གྱི་ལྷ། །བསྐལ་པའི་རླུང་ནག་ལོག་པ་ལྟར། །བཞན་གྱི་སྦྱོར་བ་འཇོམས་པ་ནི། །བཟློག་པའི་འཁོར་ལོར་ཡང་དག་བཤད། །དྲེགས་པ་བདུད་དང་གྱིང་བཙན་གྱིས། །གནོད་སྤྱིན་མང་པོས་དམིགས་པ་དགུག །ཡེ་ཤེས་སེམས་དཔའ་ཁྲོས་པ་ཡིས། །གནོད་སྦྱིན་ཡསྒ་མགོ་དགུ་པ། །ཞེ་སྡང་འཁྲུག་པའི་ལུས་བཅུ་རྣམས། །སྙིང་དང་རྩ་བྲན་དབང་པོ་འཇོམས། །གསད་པའི་འཁོར་ལོར་ཡང་དག་བཤད། །ནད་དང་མཚོན་ཆེའི་རླངས་པ་དང་། །དུག་དང་སྐྲུ་གྲི་དཔལ་ཆེན་གྱིས། །ཙ་རྣམས་ཁྱེངས་ཏེ་ལུས་སྲོག་གཅོད། །མཚོན་ཆ་དམག་དང་རང་གནད་དུ། བསྐྱེད་པ་ཁ་སོའི་འཁོར་ལོར་བཤད། །རི་རབ་རྡོ་རྗེ་གདན་གྱི་མཛེས། །ལས་ཀྱི་ལྷ་དང་སྔགས་དག་གིས། །ཕོ་བྲང་ཆེན་པོར་བསམ་པ་ནི། །མནན་པ་རྡོ་རྗེ་རི་རབ་བོ། །སྲོད་དང་ནམ་གུང་ཐོ་རངས་དང་། །ཉི་མ་གུང་ལ་ལས་བཞི་སྦྱར། །ཕྱག་རྒྱ་སོར་བཅུ་གཡོན་གདེངས་དང་། །བསྐུམ་སྟེ་གནན་དང་གཡས་པ་གདེངས། །བསྣོལ་ཞིང་གདེངས་པའི་ཕོ་ཉ་ཡང་། །སེང་གེ་ཁྱུང་དང་རུས་སྦལ་དང་། །སྟག་གཟིག་བཅུ་ཡིས་གཞི་སྦྱར། །གསང་བའི་ལས་སུ་དེ་ཤེས་ན། །ལས་བཞི་གཙོ་རུ་ཡང་དག་སྨིན། །ཅེས་གསུངས་སོ། །སི༡ང་ཟོར་ལས་ལེའུ་བདུན་པའོ།། །།དེ་ནས་ཡང་དྲེགས་པ་ཆེན་པོ་ན་ར་གིར་ཏིས། མཚན་མ་རྒྱུ་རྩལ་གྱི་རུས་པའི་མཐུས། བསྡེབས་ཀྱི་གྲོགས་སུ་དྲག་པོ་རྫས་ཀྱི་འཁྲུལ་འཁོར་འདི་དག་གསུངས་སོ། །རྩ་བ་ཡན་ལག་ཚུལ་དག་གེས། །དྲིལ་ཏེ་སྒྲུབ་དང་རྐྱང་པ་ཡིས། །ལས་ཀྱི་གྲོགས་སུ་རྫས་བཟློག་ཅེས། །སྔགས་པའི་རྫས་སུ་ཡང་དག་བཤད། །ཕུང་ཁུང་བཀའ་རྟེན་རྙིང་པ་དང་། །ནུབ་ཕྱོགས་གྲོགས་པོ་ཕུག་རྡུགས་ས། །དུག་དང་རྨེ་ཁྲག་སྐྲུས་པའི་ཨེར། །ལིང་ག་དབང་པོ་དོད་པ་དང་། །རིགས་དང་མཛེས་ལྡན་ཐོད་ནག་སྦྱར། །ལྷ་དབྱེ་གནན་ཅིང་གསད་པར་སྦྲེལ། །སྙ་གནན་རང་གཤེད་འབེབས་པའི་རྫས། །གསད་པ་དྲག་པོའི་རྫས་སུ་བཤད། །མཧྭ་རུས་སྦལ་ཁོག་པ་ལ། །དབང་སྡུད་ཡི་གེ་ཁྲག་ཆེན་བྲི། །འབྲུ་སྣ་ཚང་བའི་གཏོར་མ་བཅའ། ཁྲ་སྣ་ཁྲག་སྣས་རབ་བརྒྱན་ཏེ། །བཟློག་པའི་རྫས་སུ་རབ་བཤད་དོ། །ག་འུའི་བུམ་པའི་ཕོ་བྲང་དུ། །གསེར་དང་ཟངས་མ་ལྕགས་སུ་བཅས། །བསྲུང་བའི་འཁོར་ལོར་བཅས་པ་དང་། །བསྲུང་ཕུར་བསྲུང་བའི་རྫས་སུ་འགྲོ། །རྨེ་ཁྲག་གསུམ་དང་སྙིང་སྣ་ལ། །སྙིང་གི་ཡང་སྙིང་བཟླས་པའི་ཐུན། ཁ་སོ་བསྐྱོད་པའི་རྫས་ཡིན་ཏེ། །ལས་ཀྱི་གཙོ་རུ་དེ་ལ་འདོད། །དར་དཀར་རྒྱ་ཤོག་དེ་དག་ལ། །གུར་ཀུམ་ལ་སོགས་གསང་སྔགས་བྲི། །བྲི་བ་རྒྱན་གྱི་འཁོར་ལོ་སྟེ། །མགུལ་དུ་བཏགས་ན་སྦྱོར་བ་བཟློགས། །ཕུང་ས་ཆུ་མིག་ཀླུ་གནས་ཆུ། །སེང་གེ་ཁ་འཐབ་འཁོར་ལོ་ཡིས། །གསང་ལམ་དགག་པའི་རྫས་སུ་བཤད། །དུག་དང་མཚོན་ཆ་འཁོར་ལོའི་སྔགས། །སྦྱོར་བ་ཕག་ཐོད་རྟ་གགས་ཀྱིས། །དུག་མདའ་འཇོམས་པར་སྦྱོར་བའི་རྫས། །ཨ་མུ་ཀ་ཡི་རྫས་ལྔ་ལ། །དུག་སྣ་ལྔ་དང་ཕྱེ་མ་ལྔ། །བཅོ་ལྔའི་སྦྱོར་བས་ངན་པ་ནོན། །ཅེས་གསུངས་སོ། །པ་ལ་པ་ཏྲ་སྙིང་ཟོར་གྱི་རྒྱུད་ལས་ལེའུ་བརྒྱད་པའོ།། །།དེ་ནས་བཅོམ་ལྡན་འདས་དྲེགས་པའི་རྒྱལ་པོ་ན་ར་གིར་ཏིས། གསང་བའི་རྒྱུད་འཁོར་ལ་བསྡམས་ཤིང་གཏད་དེ། འདི་སྐད་ཅེས་གསུངས་སོ། །ཨེ་མ་ཧོ་རྣོ་དབལམཚོནཆམེ། །རབ་ཏུ་གསང་བའི་བཀའ་རྒྱུད་ལྟ། །རྩ་བ་ཡན་ལག་སྟོང་གི་རྒྱུད། །སྙིང་པོ་ཟེར་བའི་རྒྱུད་འདི་དག །རབ་ཏུ་གསང་བའི་དྲེགས་པས་ཟུང་། །རྫས་བཟློག་སྔགས་བཟློག་གཉིས་སུ་བཤད། །བསྡེབས་དང་རྐྱང་པ་གཉིས་སུ་བཤད། །རྫས་ལ་རྟེན་པ་འདི་ལྟ་སྟེ། །ཕྱི་དང་ནང་དང་གསང་བ་ཡི། །མཆོད་རྟེན་རུས་སྦལ་སྙིང་ཟོར་གསུམ། །དྲིལ་ནས་བསྒྲུབས་ཀྱང་འགལ་བ་མེད། །བགྲུང་དང་བཟློག་དང་མནན་པ་ཡང་། འཁོར་ལོ་གཅིག་གིས་གྲོགས་སུ་སྦྱར། །གསད་པ་མཆོད་ཀྱི་སྦྱོར་བ་ལ། །འཁོར་ལོ་ཐོད་པའི་ནང་དུ་བཅའ། །རྩ་སྔགས་དྲོད་དང་མཐུན་པར་བཟླས། །དྲག་སྔགས་བདུན་པ་བདུན་ཕྲག་བདུན། །ཉིན་ཞག་བདུན་དུ་བསྐོར་བར་བྱ། ཁྲི་ཁྲི་བར་དུ་གྲི་བ་བརྒྱ། །གསང་བའི་ལུས་སུ་སྔགས་ཀྱིས་སོ། །སྲོད་དང་ཐོ་རངས་ནམ་གུང་ལ། །ཕྱི་མི་གསང་སྔགས་བཟླས་པར་བྱའོ། །འཁོར་ལོ་རྫོགས་དང་མནན་པ་བྱ། །དེ་ན་ཐུན་སྒྲུབ་ཞག་གསུམ་བྱ། །དེ་ཡིས་དུས་མཐའ་རྟུལ་བར་བྱེད། །གལ་ཏེ་གྲུབ་པར་མ་གྱུར་ན། །སྔགས་རྣམས་བཟློག་ཅིང་དཀྲུག་པར་བྱ། །སྤོགས་པའི་ཆོ་ག་ཞག་བདུན་བྱ། །འགལ་བྱེད་བརླག་པར་སྨོས་ཅི་དགོས། །རྟེན་པ་རང་གི་བདུད་དུ་འབབ། །དེ་དག་ཟླ་བ་ཆུང་གི །ཉི་ཤུ་གཉིས་ནས་དགུ་རུ་བྱ། །ཚེས་གཅིག་མནན་པའི་ཆོ་ག་བྱ། །བརྒྱད་པ་ཟོར་ཁ་གཡོས་པ་དག །དགྲ་བོ་གནས་པའི་ཕྱོགས་སུ་ཡང་། །གཏོར་མའི་ཟོར་དང་བཅས་པ་འཕང་། །གཉེན་པོ་ཕྱོགས་དང་བསྟུན་པ་གཅེས། །རྟ་གགས་འཁྲུལ་འཁོར་བཅའ་བ་ཡང་། །ཕག་ཐོད་བཅུག་ལ་སྒོ་བསྲུངས་ཏེ། །ཕུར་པ་དང་བཅས་ལྟོ་སྲོག་ཡིན། །སེང་གེ་ཁ་འཐབ་དུས་འཚམས་བསྲུན། །མཆོད་རྟེན་བཅའ་བ་མ་གྲུབ་ཀྱང་། །བདག་ཉིད་ཡསྒ་གསལ་བ་ན། །དམ་པའི་མཆོག་ཏུ་འདི་དག་འདོད། །བསྲུང་ལོག་འཁོར་ལོ་འཆའ་བ་ན། །འཁོར་ལོ་རིམ་པས་གནས་སུ་བསྐོར། །ཕྱིར་བཟློག་འཁོར་ལོ་རྒྱབ་ཏུ་གདགས། །བསྲུང་བའི་འཁོར་ལོ་མགུལ་དུ་གདུགས། །ངག་མནན་རང་གི་འོག་ཏུ་མནན། །བསད་པ་གདུག་པའི་གནས་སུ་བསྐྱལ། །འཁོར་ལོ་བཀའ་བ་མ་གྲུབ་ཀྱང་། །གསང་སྔགས་རིམ་པས་བཟླས་པས་འགྲུབ། །གསང་བའི་བཀའ་རྒྱུད་སྙིང་པོ་སྟེ། །རང་གཤེད་གསང་བའི་བཀའ་རྒྱུད་འདི། །བགྲོད་པ་ཐོབ་པའི་སྟོབས་ཀྱིས་བསླང་། །འཁོར་གྱི་དྲེགས་པ་ཕོ་མོ་དང་། །ལྷ་ཀླུ་མཁའ་འགྲོ་རྣལ་འབྱོར་ལ། །གསང་བའི་བཀའ་རྒྱུད་ངས་གཏད་ཀྱིས། །ལྔ་བརྒྱ་སྙིགས་མ་བྱུང་བའི་ཚེ། །རྒྱུད་ཀྱི་རྒྱལ་པོ་འཛིན་པ་ལ། །མཁའ་འགྲོ་རྣམས་ཀྱིས་བྱིན་རློབ་ལ། །རྣལ་འབྱོར་སྒྲུབ་པའི་གྲོགས་ཀྱིས་ཤིག །དེ་ནས་འདུས་བའི་འཁོར་དགའ་མགུ་ཡི་རངས་ཏེ། དྲེགས་པ་ཆེན་པོས་གསུངས་པ་ལ་མངོན་པར་བསྟོད་དོ། །པ་ལ་པ་ཏྲ་གསང་བ་སྙིང་ཟོར་གྱི་རྒྱུད་ལས་རྒྱུད་གཏད་པའི་ལེའུ་སྟེ་དགུ་པའོ།། །།པ་ལ་པ་ཏྲ་གསང་བ་སྙིང་ཟོར་གྱི་རྒྱུད་རྫོགས་སོ།། །།དྷརྨ་རྒྱ་མཚོ།། །།