Ngb-pt-0691-vol-07-text
Front[edit]
Body[edit]
དུ་གསུངས་པའོ། ཁོ༑ག་སེར་དངོས་ལ་མངའ་བདག་མྱང་གི་གཏེར་མའོ།། །། རྒྱ་གར་སྐད་དུ། ཨུབྱ་བཱ་ལོ་ཀི་ཏེ་ཤྭ་ར་མ་ཧྭ་ཀྭ་རུ་ཁི་ཀ་པ་ཏ་ཡ་ཏནྟྲ་ནཱ་མ། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་བསྒྲུབ་ཐབས་ངེས་པར་སྟོན་པའི་རྒྱུད་ཅེས་བྱ་བ། །སངས་རྒྱས་སྣང་བ་མཐའ་ཡས་འོད་དཔག་མེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།ནུབ་ཕྱོགས་པདྨ་ཅན་གྱི་ཕོ་བྲང་བརྩེགས་པ་ན། སངས་རྒྱས་སྣང་བ་མཐའ་ཡས་འོད་དཔག་ཏུ་མེད་པ་ཞེས་བྱ་བ་དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་ཀྱི་དགོངས་པ་མཁྱེན་པ། ཐུགས་རྗེ་ཆེ་ལ་ཐབས་མཁས་པ་བཞུགས་སོ། །འཁོར་དེ་བཞིན་གཤེགས་པའི་རིགས་དང་། རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་། རིགས་འདུས་པ་ཐུགས་རྗེ་ཆེན་པོ་དང་། ཡུམ་ཤེས་རབ་ཀྱི་ཕ་རོལ་ཏུ་ཕྱིན་མ་དང་། །བསམ་གཏན་གྱི་ཕ་རོལ་ཏུ་ཕྱིན་མ་དང་། །སྤྱིན་པའི་ཕ་རོལ་ཏུ་ཕྱིན་མ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་མ་དང་། བཟོད་པའི་ཕ་རོལ་ཏུ་ཕྱིན་མ་དང་།བརྩོན་འགྲུས་ཀྱི་ཕ་རོལ་ཏུ་ཕྱིན་མ་དང་། འཁོར་བྱང་ཆུབ་སེས་དཔའ་སྤྱན་རས་གཟིགས་དབང་ཕྱུག་དང་། འཇིག་རྟེན་དབང་ཕྱུག་ལ་སོགས་པ་མང་པོ་དང་ཐབ་ཅིག་ཏུ་བཞུགས་སོ། །དེའི་ཚེ་སངས་རྒྱས་སྣང་བ་མཐའ་ཡས་ཀྱིས། འགྲོ་དྲུག་གནས་སྦྱོང་ཞིང་འགྲོ་བ་འདུལ་བ་ཞེས་བྱ་བའི་ཏིང་ངེ་འཛིན་ལ་བཞུག་ནས། ཐུགས་ཁ་ནས་འོད་ཟེར་རྣམ་པ་དྲུག་བཀྱེ་ནས། །བྱང་ཆུབ་སེམས་དཔའ་ཐུགས་རྗེ་ཆེན་པོའི་ཐུགས་ཁར་ཕོག་པས། སྤྱན་རས་གཟིགས་ལ་འགྲོ་བ་དྲུག་འདུལ་བར་བསྐུལ་བ་ལས། །སྤྱན་རས་གཟིགས་ཀྱི་ཐུགས་ཀ་ནས་འོད་ཟེར་དྲུག་འགྲོ་བ་རིས་དྲུག་གི་གནས་སུ་འཕྲོས་ཏེ། །འོད་ཟེར་དཀར་པོ་ལས་ལྷའི་དབང་པོ་བརྒྱ་བྱིན་དུ་སྤྲུལ་ནས། ཨོ་མ་ཁི་པཏྲེ་ཧུ༷། ཞེས་ལྷ་འཕོ་བའི་སྡུག་བསྔལ་བསལ་ནས་བདེ་བ་ལ་བཀོད་དོ། །འོད་ཟེར་སྔོན་པོ་ལས་ལྷ་མ་ཡིན་གྱི་རྒྱལ་པོ་ཐག་བཟང་རིས་སུ་སྤྲུལ་ནས། ཨོ༷་མ་ཁི་པབླེ་ཧུ༷། ཞེས་ལྷ་མ་ཡིན་འཐབ་རྩོད་ཤི་སྨྲས་ཀྱི་སྡུག་བསྔལ་བསལ་ནས་བདེ་བ་ལ་བཀོད་དོ། །འོད་ཟེར་སེར་པོ་ལས་བཅོམ་ལྡན་དསཤཱཀྱ་ཐུབ་པར་སྤྲུལ་ནས། ཨོ་མ་ཁི་པཏྲེ་ཧུ༷། ཞེས་པའི་མིའི་སྡུག་བསྔལ་བསལ་ནས་བདེ་བ་ལ་བཀོད་དོ། །འོད་ཟེར་ནག་པོ་ལས་ཤཱཀྱ་སེང་གེར་སྤྲུལ་ནས། ཨོ་མ་ཁི་པཏྲེ་ཧུ༷། ཞེས་བྱོལ་སོང་གླེན་ལྐུགས་ཀྱི་སྡུག་བསྔལ་བསལ་ནས་བདེ་བ་ལ་བཀོད་དོ། །འོད་ཟེར་དམར་པོ་ལས་ནམ་མཁའ་མཛོད་པུ་འབར་མར་སྤྲུལ་ནས། ཨོ་མ་ཁི་པརླེ་ཧུ༷་ཞེས་ཡི་དགས་བཀྲེས་སྐོམ་གྱི་སྡུག་བསྔལ་བསལ་ན་བདེ་བ་ལ་བཀོད་དོ། །འོད་ཟེར་སྨུག་ནག་ལས་ཆོས་ཀྱི་རྒྱལ་པོ་དམྱལ་བའི་རྗེ་བོར་སྤྲུལ་ནས། ཨོ་མ་ཁེ་པཏྲེ་ཧུ༷། ཞེས་དམྱལ་བ་ཚ་གྲང་གི་སྡུག་བསྔ་བསལ་ནས་བདེ་བ་ལ་བཀོད་དོ། །ཨོ་མ་ཁེ་པཏྲེ་ཧུ༷། ཞེ་ཆོས་ཀྱི་སྒྲ་བསྒྲགས་སོ། །འགྲོ་བ་ཐམས་ཅད་དུས་གཅིག་ཏུ་བ་་ནས་བདེ་བ་ལ་བཀོད་དོ། །གླེང་ཞིའིལེའུ་སྟེ་དང་པོའོ། །དེ་ནས་བྱང་ཆུབ་སེམས་དཔའ་འཇིག་རྟེན་དབང་ཕྱུག་རང་གི་གནས་ནས་ལངས་ཏེ། སངས་རྒྱས་སྣངབ་མཐའ་ཡས་ལ་ཕྱག་འཚལ་བསྐོར་བ་བྱས་ནས་འདི་སྐད་ཅེས་གསོལ་ཏོ། །རྫོགས་པའི་སངས་རྒྱས་བཅོམ་ལྡན འདས། །བྱང་སེམས་ཐུགས་རྗེ་སྤྱན་རས་གཟིགས། །འདི་ལྟར་རྫུ་འཕྲུལ་ཆོ་འཕྲུལ་དང་། །རྣམ་པར་འཕྲུལ་པ་འདི་ལྟ་བུ། །འགྲོ་བ་འདུལ་བ་ངོ་མཚར་ཆེ། །ཕྱི་རབས་འགྲོ་དོན་བྱེད་པ་ལ། །ཐུགས་་རྗེ་ཆེན་པོ་བསྒྲུབ་འདོད་པས། །བསྒྲུབ་པའི་ལུགས་ནི་ཇི་ལྷར་ལགས། །བསྒྲུབ་པའི་ཐབས་ནི་ཇི་ལྟར་ལགས། །བསྒྲུབ་པའི་ཚུལ་ནི་ཇི་ལྟར་ཡོད། །རྫོགས་པའི་སངས་རྒྱས་བཤད་དུ་སོལ། །ཞེས་ཞུས་སོ། །གླེང་སླང་བའི་ལེའུ་སྟེ་གཉིས་པའོ། །དེ་ནས་སངས་རྒྱས་སྣང་བ་མཐའ་ཡས་ཀྱིས། །འདུས་པའི་འཁོར་ལ་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །ཐུགས་རྗེ་ཆེན་པོ་སྤྱན་རས་གཟིགས། །འགྲོ་དྲུག་ཀུན་ལ་ཐུགས་རྗེ་ཟིགས། །འགྲོ་བའི་སྐྱབས་དང་གནས་ཡིན་ཏེ། །སངས་རྒྱས་རྣམས་ཀྱི་དབང་བསྐུར་བས། །དུས་གསུམ་སངས་རྒྱས་ཐུགས་དགོངས་མངའ། །སངས་རྒྱས་རྣམས་ཀྱིས་ཆོས་གསུངས་པ། །བརྒྱད་ཁྲི་བཞི་སྟོང་བརྗོད་མི་ལང་། །བསྡུས་པས་ཐེག་པ་རིམ་པ་དགུ། །ཐུགས་རྗེ་ཆེན་པོ་བསྒྲུབ་འདོད་པས། །ཐེག་པ་རིམ་དགུ་གར་ཡང་བསྒྲུབ། །ཐེག་པའི་ངོ་བོ་ཤེས་རབ་དང་། །སྙིང་རྗེ་ཆེན་པོར་འབྲེལ་པ་ནི། །ཐེག་པ་ཆེན་པོའི་ངོ་བོ་ཡིན། །ཐེག་པའི་ངེས་ཚིགའ་འདེགས་ཤིང་བསྐྱོད། །འདི་ནས་འདིར་མཐོང་ཐེག་པ་ཡིན། །ཐེག་པའི་དབྱེ་བ་བསྟན་པ་ནི། །མཚན་ཉིད་རྒྱུ་ཡི་ཐེག་པ་དང་། འབྲས་བུ་གསང་སྔགས་ཐེག་པའོ། །དཔེ་ནི་གྲུ་དང་ཟམ་པ་ལྟར། །ཐེག་པའི་སྒོར་ཞུགས་ཕ་རོལ་བགྲོད། །རིམ་པ་སྐས་ཀྱི་གདང་བུ་ལྟར། །རིམ་པར་ལྟ་བ་མཐོ་དམན་ཡོད། །ཡུལ་སེམས་སོ་སོར་ཐོང་བའི་ཉན་ཐོས་དང་། །མ་རིག་རྟེན་འབྲེལ་སྣང་བའི་རང་རྒྱལ་དང་། །སྣང་བ་སེམས་སུ་འདོད་པའི་སེམས་ཙམ་དང་། །བདེན་པ་གཉིས་སུ་ལྟ་བའི་དབུ་མ་དང་། །དག་པ་གསུམ་དུ་སྤྱོད་པའི་ཀྲི་ཡ་དང་། །མར་སྤྱོད་ཡར་ལ་ལྟ་བའི་ཨུ་པ་ཡ། །རྟག་པ་ཆེན་པོར་སྤྱོད་པའི་ཡོ་ག་དང་། །ཐབས་དང་ཤེས་རབ་གཉིས་མེད་མ་ཧྭ་དང་། དབྱིངས་དང་ཡེ་ཤེས་དབྱེར་མེད་ཨ་ནུ་དང་། །རང་བཞིན་ལྷུན་གྱིས་གྲུབ་པའི་རྫོགས་ཆེན་དང་། །ཐེག་པ་དགུ་ཡང་ཐུགས་རྗེ་ཆེན་པོར་འདུས། །ཞེས་གསུངས་སོ། །ཐེག་པ་དགུའི་བྱེ་བྲག་བསྟན་པའི་ལེའུ་སྟེ་གསུམ་པའོ།། །།སངས་རྒྱས་སྣང་བ་མཐའ་ཡས་ཀྱིས། །འདུས་པའི་ཁོར་ལ་བཀའ་སྩལ་པ། །ཉན་ཐོས་ལྟ་བ་རྣམ་པ་གཉིས། །བྱེ་བྲག་པ་དང་མདོ་སྡེ་པའོ། །བྱེ་བྲག་པ་ཡི་འདོད་ལུགས་ནི། །སྣང་ཡུལ་མ་འགག་ཕྲ་བའི་ཤེས་པ་ལ། །ཕྱི་ཡི་ཡུལ་དང་རང་སེམས་སོ་སོར་མཐོང་ མཐོང་བའི་དབང་གིས་གཡག་རྔ་ནེ་སིང་སྣང་། །ཉན་ཐོས་མདོ་སྡེ་པའི་སྣང་། །རྡུལ་ཕྲན་མི་སྣང་གོང་པོ་གཅིག་ཏུ་སྣང་། །བདག་མེད་ཚོགས་དྲུག་ཡུལ་དུ་འགགས་པར་འདོད། །ཉན་ཐོས་ལྟ་བ་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བ་ནང་དུ་རྫོགས། །ཡུལ་སྣང་སེམས་ཉིད་ཅི་ཤར་ཅི་སྣང་ཡང་། །རང་སེམས་ཆོས་སྐུ་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་དབྱེ་བསལ་མེད། །དགག་བསྒྲུབ་མེད་པའི་ངང་དུ་ཉན་ཐོས་གྲོལ། །ཞེས་གསུངས་སོ། །ཐུགས་རྗེ་ཆེན་པོ་ཉན་ཐོས་སུམ་བསྒྲུབས་གྲོལ་བའི་ལེའུ་སྟེ་བཞི་པའོ།། །།རང་རྒྱ་ཐེག་པའི་འདོད་ལུགས་ནི། །ཕྱི་ཡི་ཡུལ་ཡང་འབྱུང་བའི་རྟེན་འབྲེལ་སྣང་། །ནང་གི་སེམས་ཀྱང་རྟེན་འབྲེལ་ཡིན་པར་སྣང་། །མ་རིག་མིང་དང་གཟུགས་དང་སྐྱེ་མཆེད་དྲུག །རེག་དང་ཚོར་དང་སྲེད་དང་ལེན་པ་དང་། །སྲིད་དང་སྐྱེ་དང་ན་དང་རྒས་འཆི་དང་། །རྟེན་འབྲེལ་ལུགས་བཟློག་བརྟགས་པ་ཡིས། །གང་ཟག་བདག་མེད་རྣམ་པར་རིག་བྱས་ལ། །ཆོས་ཀྱི་བདག་མེད་ཕྱོགས་གཅིག་རྟོགས་པར་འདོད། །རང་རྒྱལ་ལྟ་བ་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བའི་ནང་དུ་རྫོགས། །ཕྱི་ཡུལ་ནང་སེམས་རྟེན་འབྲེལ་བདག་མེད་རྣམས། །ཅིར་སྣང་ཅིར་རྟོགས་ཅིར་ཤར་ཅི་གྲུབ་ཀྱང་། །རང་སེམས་ཆོས་སྐུ་ཐུགས་རྗེ་ཆེན་པོའོ། །རོལ་པ་རྒྱན་ཡིན་སྤོང་ལེན་དབྱེ་བསལ་མེད། །དགག་བསྒྲུབ་མེད་པའི་ངང་དུ་རང་རྒྱལ་གྲོལ། །ཞེས་གསུངས་སོ། །ཐུགས་རྗེ་ཆེན་པོ་རང་རྒྱལ་དུ་མ་བསྒྲུབས་གྲོལ་བའི་ལེའུ་སྟེ་ལྔ་པའོ།། །།བྱང་སེམས་ལྟ་བ་དབུ་མ་སེམས་ཙམ་གཉིས། །སེམས་ཙམ་རྣམ་བདེན་རྣམ་བརྫུན་རྣམ་གཉིས་འདོད། །རྣམ་པར་བདེན་པར་འདོད་པའི་ལྷ་བ་ནི། །རང་རིག་རྒྱུན་གྱིས་སྐད་ཅིག་ཆས་མི་རྟག །སྣང་བ་སེམས་སུ་བདེན་པར་འདོད། །མཐའ་བཞི་གཟུང་འཛིན་མེད་པའི་སྟོང་པ་ལ། །རང་རིག་གསལ་བའི་ངོ་བོ་གཅིག་ཏུ་འདོད། །རྣམ་བརྫུན་རྣམ་པར་བདེན་པའི་འདོད་ལུགས་ནི། །ཕྱི་རོལ་སེམས་ཀྱི་སྣང་བ་མེད་པ་ལ། །རང་རིག་རང་གི་ཤེས་པའི་ངོ་བོ་ལས། །དེ་ཉིད་གཞན་དུ་བརྗོད་དུ་མེད་པ་ལ། །གསལ་བྱེད་གཞན་ལ་བལྟོས་པ་ཅི་ཡང་མེད། །གསལ་སྟོང་རྒྱ་ཆད་ཕྱོགས་ལྷུང་མེད་པར་འདོད། །ཐེག་པ་ཆེན་པོ་དབུ་མའི་འདོད་ལུགས་ནི། །སྒྱུ་མ་ལྷ་བུར་འདོད་དང་རྣལ་འབྱོར་སྤྱོད་པ་གཉིས། །སྒྱུ་མ་ལྟ་བུར་འདོད་པའི་དབུ་མ་ནི། །སྣང་སེམ་ཐམས་ཅད་སྒྱུ་མ་ཙམ་དུ་འདོད། །ཕྱི་ཡི་དངོས་པོ་འདི་དག་ཐམསཅད་ཀྱང་། །ཡང་དག་པར་ན་རང་ཞིན་བསྒྲུབ་ཏུ་མེད། །ཡོད་དང་མེད་དང་དབུས་དང་དབུ་མ་ཡིན། །ཀུན་རྫོབ་ཆུ་ཡི་ཟླ་བ་ཙམ་དུ་འདོད། །རྣལ་འབྱོར་སྤྱོད་པའི་དབུ་མའི་ལྟ་བ་ནི། །ཆོས་རྣམས་ཐམས་ཅད་མཉམ་པ་ཉིད་དུ་འདོད། །ཡོད་དང་མེད་དང་ཅི་ཡང་འདོད་པ་མེད། །བྱང་སེམས་ལྟ་བ་དེ་ལྟར་འདོད་པ་ཡང་། །ཐུགས་རྗེ་ཆེན་པོ་ལྟ་བའི་ནང་དུ་རྫོགས། །རྣམ་མེད་རྣམ་བརྫུན་ལྟ་བ་གཉིས་པོ་ཡང་། །ཕྱི་ནང་བདེན་བརྫུན་ཇི་ལྷར་སྣ་བ་དང་། །རང་རིག་རང་གསལ་གསལ་སྟོང་གཉིས་མེད་དེ། །རང་སེམས་ཆོས་སྐུ་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་མེད། །སྒྱུ་མར་འདོད་དང་རྣལ་འབྱོར་སྤྱོད་པ་ཡང་། །ཀུན་རྫོབ་སྒྱུ་མ་དོན་དམ་རང་བཞིན་མེད། །རྣལ་འབྱོར་སྤྱོད་པ་ཡོད་མེད་མ་གྲུབ་འདོད། །རང་སེམས་ཆོས་སྐུ་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་མེད། ཅེས་གསུངས་སོ། །ཐུགས་རྗེ་ཆེན་པོ་བྱང་ཆུབ་སེམས་དཔའ་ཐེག་པ་ཆེན་པོ་བྱང་ཆུབ་སེམས་དཔའ་ཐེག་པ་ཆེན་པོར་མ་བསྒྲུབས་རང་གྲོལ་བའི་ལེའུ་སྟེ་དྲུག་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་འདི་སྐད་ཞུས། །ཐུགས་རྗེ་ཆེན་པོས་དགོངས་པ་སྲ །ཀྲི་ཡོག་སྡེ་གསུམ་ཇི་ལྟར་གྲོལ། །རྫོགས་སངས་རྒྱས་ཀྱིས་བཀའ་སྩལ་པ། །ཀྲི་ཡའི་ལྟ་བའི་འདོད་ལུགས་ནི། །ཀུན་རྫོབ་འདི་ལྟར་སྣང་བ་ཀུན། །འཇམ་དཔལ་སྤྱན་རས་གཟིགས་དང་ནི། །ཕྱག་ན་རྡོ་རྗེ་རིགས་གསུམ་དུ། །ལྷ་ཡི་དཀྱིལ་འཁོར་སྣང་བར་འདོད། །དོན་དམ་རང་བཞིན་མེད་པ་ལ། །ཀུན་རྫོབ་རྗེ་དང་བྲན་དུ་འདོད། །ཀྲི་ཡ་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བར་རྫོགས། །རིགས་གསུམ་ལྷ་ཡི་དཀྱིལ་འཁོར་ལ། །དམ་ཚིག་ཡེ་ཤེས་རྗེ་དང་བྲན། །རང་སེམས་ཆོས་སྐུའི་ཐུགས་རྗེ་ཆེ། །རོལ་པའི་རྒྱན་ཡིན་སྤོང་ལེན་མེད། །ཅེས་གསུངས་སོ། །ཐུགས་རྗེ་ཆེན་པོའི་ལྟ་བར་ཀྲི་ཡ་མ་བསྒྲུབས་མ་སྤངས་པར་རང་གྲོལ་བའི་ལེའུ་སྟེ་བདུན་པའོ།། །།ཨུ་པ་ཡི་ལྟ་བ་ནི། །ཀུན་རྫོབ་རིགས་བཞིན་ལྷ་རུ་འདོད། །དོན་དམ་སྐྱེ་འགག་མེད་པར་འདོད། །དམ་ཚིག་ཡེ་ཤེས་སེམས་དཔའ་གཉིས།གྲོགས་པོ་མཉམ་གཉིས་ཚུལ་དུ་འདོད། །ཨུ་པ་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བར་རྫོགས། །དོན་དམ་ཀུན་རྫོབ་གྲོགས་སུ་ལྟ་བ་ཡང་། །ཆོས་སྐུ་དོན་གྱི་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་མེད་པར་གྲོལ། །ཅེས་གསུངས་སོ། །ཐུགས་རྗེ་ཆེན་པོ་ཨུ་པ་ཡར་མ་སྤང་རང་གྲོལ་བའི་ལེའུ་སྟེ་བརྒྱད་པའོ།། །།ཡོ་གའི་ལྟ་བའི་འདོད་ལུགས་ནི། །ཀུན་རྫོབ་རིགས་ལྔ་ལྷ་ཡི་དཀྱིལ་འཁོར་འདོད། །རྣམ་ཤེས་ལྔ་ལས་རིགས་ལྔའི་ལྷ་རུ་འདོད། །དེ་ཡང་དམ་ཚིག་ཡེ་ཤེས་བཟང་ངན་མེད་པར་འདོད། །དོན་དམ་རང་བཞིན་སྐྱེ་འགག་མེད་པར་འདོད། །ཡོ་ག་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བར་རྫོགས། །རིགས་ལྔ་དམ་ཚིག་ཡེ་ཤེས་སེམས། །དོན་དམ་ཀུན་རྫོབ་མཉམ་གཉིས་ཀྱང་། །ཆོས་སྐུ་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་མེད་བར་གྲོལ། །ཞེས་གསུངས་སོ། །ཐུགས་རྗེ་ཆེན་པོའི་ལྟ་བར་ཡོ་ག་མ་སྤངས་པར་རང་གྲོལ་བའི་ལེའུ་སྟེ་དགུ་པའོ།། །།ཐུགས་རྗེ་ཆེན་པོའི་ལྟ་བ་སྲ །བསྐྱེད་རྫོགས་རྣམ་གསུམ་ཡར་ལ་རྫོགས། །མ་ཧྭ་ཡོ་གའི་ལྟ་བའི་འདོད་ལུགས་ནི། །ཕྱི་ནང་སྣོད་བཅུད་སྣང་བ་ལ། །ཐབས་དང་ཤེས་རབ་གཉིས་སུ་འདོད། །ཐབས་ནི་བསྐྱེད་པའི་རང་བཞིན་ལ། ཁོགོས་རབ་རང་བཞིན་རྫོགས་རིམ་ལ། །ཐབས་དང་ཤེས་རབ་གཉིས་སྣང་ཡང་། །སྣང་སྟོང་གཉིས་མེད་ཟུང་ཇུག་འདོད། །མ་ཧྭ་དེ་ལྟར་འདོད་པ་ཡང་། །ཐུགས་རྗེ་ཆེན་པོའི་ལྟ་བར་རྫོགས། །ཞི་ཁྲོའི་ལྷ་ཚོགས་བསྐྱེད་རྫོགས་ཀྱང་། །ཆོས་སྐུ་ཐུགས་རྗེ་ཆེན་པོ་ཡིས། །རོལ་པ་རྒྱན་ཡིན་སྤོང་ལེན་མེད་པར་གྲོལ། །ཞེས་གསུངས་སོ། །ཐུགས་རྗེ་ཆེན་པོའི་ལྟ་བར་མ་ཧྭ་ཡོ་ག་མ་སྤངས་པར་རང་གྲོལ་པའི་ལེའུ་སྟེ་བཅུ་པའོ།། །།ཨ་ནུ་ཡོ་གའི་ལྷ་བ་ནི། །ཕྱི་ཡི་ཡུལ་ནི་ཆོས་དབྱིངས་གཞལ་ཡས་ཁང་། །ནང་གི་བཅུད་ནི་ལྟ་བའི་རང་བཞིན་ཡིན། །དེ་ལ་དབྱིངས་དང་ཡེ་ཤེས་གཉིས་མེད་ལྟ། །དམ་ཚིག་དབྱིངས་དང་ཡེ་ཤེས་གཉིས་སུ་མེད་པ་ནི། །རིམ་གྱིས་མི་བསྐྱེད་ཅིག་ཅར་རྫོགས་པར་བསྐྱེད། །ཨ་ནུ་དེ་ལྟར་དོད་པ་ཡང་། །ཐུགས་རྗེ་ཆེན་པོའི་ལྟ་བར་རྫོགས། །དམ་ཚིག་ཡེ་ཤེས་དབྱིངས་དང་ཡེ་ཤེས་ཀྱང་། །ཆོས་སྐུ་ཐུགས་རྗེ་ཆེན་པོ་ཡི། །རོལ་པ་རྒྱན་ཡིན་སྤོང་ལེན་མེད་པར་གྲོལ། །ཞེས་གསུངས་སོ། །ཐུགས་རྗེ་ཆེན་པོའི་ལྟ་བར་ཨ་ནུ་ཡོ་ག་མ་སྤངས་པར་རང་གྲོལ་བའི་ལེའུ་སྟེ་བཅུ་གཅིག་པའོ།། །།ཨ་ཏི་ཡོ་གའི་ལྟ་བ་ནི། །སྣང་སྲིད་འཁོར་འདས་ཡེ་ནས་སངས་རྒྱས་པར། །མ་བཅོས་ལྷུན་གྱིས་རྩོལ་སྒྲུབ་མེད་པར་འདོད། །ཨ་ཏི་ཡོ་ག་དེ་ལྟར་འདོད་པ་ཡང་། །ཐུགས་རྗེ་ཆེན་པོ་ལྟ་བའི་ངང་དུ་རྫོགས། །ཡེ་སངས་རྒྱས་དང་ལྷུན་གྱི་གྲུབ་པ་དང་། །ཆོས་སྐུ་ཐུགས་རྗེ་ཆེན་པོ་ཡི། །རོལ་པ་བརྒྱན་ཡིན་སྤོང་ལེན་མེད་པར་གྲོལ། །ཐེག་པ་མི་མཐུན་ལྷ་བ་སོ་སོར་ཡང་། །བརྗོད་ཀྱིས་མི་ལང་བསམ་མི་ཁྱབ། །ལྟ་བ་ལྟ་བྱེད་བློས་བཏགས་ཡིན། །ཐུགས་རྗེ་ཆེན་པོའི་ལྟ་བ་ལ། །དགག་སྒྲུབ་སྤོང་ལེན་མེད་པར་རང་སར་གྲོལ། །ཞེས་གསུངས་སོ། །ཐུགས་རྗེ་ཆེན་པོ་ལྟ་བར་ཨ་ཏི་ཡོ་ག་མ་སྤངས་པར་གྲོལ་གྲོལ་བའི་ལྟ་སྒོམ་སྤྱོད་པ་འབྲས་བུ་བསྟེན་པའི་ལེའུ་སྟེ་བཅུ་གསུམ་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་གིས་འདི་སྐད་ཞུས། །ཡང་དག་རྫོགས་པའི་སངས་རྒྱས་སྐུ། །ཐམས་ཅད་མཁྱེན་པའི་སྟོན་པ་པོ། །ཆོས་སྐུ་ཐུགས་རྗེ་ཆེན་པོ་ལ། །དོན་དམ་སྤྲོས་མེད་ཕྱོགས་ལྷུང་མེད། །ཐེག་པ་རིམ་དགུ་སྤོང་ལེན་མེད། །རང་སར་གྲོལ་བ་ངོ་མཚར་ཆེ། །ཀུན་རྫོབ་འགྲོ་བ་འདུལ་བའི་ཕྱིར། །སྤྲུལ་པའི་གདུལ་བྱ་བསམ་མི་ཁྱབ། །སྤྲུལ་སྐུ་ཐུས་རྗེ་ཆེན་པོ་ནི། །འགྲོ་བའི་དོན་དུ་ཅིར་ཡང་སྣང་། །འགྲོ་འདུལ་ཐབས་ཀྱི་འཕྲིན་ལས་ཀྱི། །གང་ཟག་བློ་ཡི་རིམ་པ་ཡིས། །ཐེག་པའི་རིམ་པ་ཇི་ལྟར་བསྒྲུབ། །རྫོགས་པའི་སངས་རྒྱས་བཤད་དུ་གསོལ། ཞེས་ཕྱག་བཙལ་བསྐོར་བ་བྱས་ནས་ཞུས། དེ་སྐད་གསོལ་པ་གསན་ནས་ཀྱང་། ཉོན་ཅིག་འདུས་པའི་འཁོར་ཚོགས་རྣམས། །ཐུགས་རྗེ་ཆེན་པོ་བཅོམ་ལྡན་འདས། །དུས་གསུམ་སངས་རྒྱས་ཐམས་ཅད་ཀྱིས། འགྲོ་བ་འདུལ་ཕྱིར་དབང་བསྐུར་བས། །སྐུ་ཡི་སྤྲུལ་བ་བསམ་མི་ཁྱབ། །གསུང་གི་བྱིན་རླབས་བསམ་མི་ཁྱབ། །ཐུགས་ཀྱི་དགོངས་པ་བསམ་མི་ཁྱབ། །གདུལ་བྱའི་དོན་དུ་ཅིར་ཡང་སྤྲུལ། སྐུ་མདོག་ཕྱག་མཚན་ཞལ་ཕྱག་ལ། །ཞི་དང་ཁྲོ་བོ་ཅིར་ཡང་སྟོན། །ཨོ་མ་ཁི་པཏྲེ་ཧུ༷། གསུང་གི་ཡི་གེ་འབྲུ་དྲུག་པ། །འགྲོ་འདུལ་སྒྲ་ནི་ཅིར་ཡང་འགྱུར། །ཡི་གེ་དྲུག་པ་རྡོ་རྗེའི་སྒྲ། །སྒྲ་དང་ལྡན་པ་རྣམས་ཀྱི་མཆོག །ཐུགས་རྗེ་ཆེབོ་པོའི་ཆོས་སྒྲ་སྒྲོགས། །ཅིར་ཡང་བསྒྱུར་དུ་བཏུབ་པ་ཡིན། །ཞེས་གསུངས་སོ། །ཐུགས་རྗེ་ཆེན་པོའི་སྐུ་གསུང་ཐུགས་ཀྱི་ཡོན་ཏན་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་མགོན་པོས་ཡང་ཞུས་པས། །ཨེ་མ་རྫོགས་པའི་སངས་རྒྱ་མཆོག །ཐུགས་རྗེ་ཆེན་པོ་སྤྲུལ་པའི་སྐུ། །ཉན་ཐོས་ཐེག་པ་ཇི་ལྟར་བསྒྲུབ། །དེ་ལྟར་གསོལ་བ་གསན་ནས་ཀྱང་། །རྫོགས་པའི་སངས་རྒྱས་བཀའ་སྩལ་པ། །ཐུགས་རྗེ་ཆེན་པོ་སྤྲུལ་པའི་སྐུ། །དབང་པོ་ཐ་མའི་གང་ཟག་ལ། །ཉན་ཐོས་སྒོམ་དང་བསྟུན་ལ་བསྒྲུབ། །ཐོ་མར་དབེན་པའི་གནས་སུ་ནི། །མཎྜལ་མཆོད་པ་བཤམ་ནས་ནི། །དཀོན་མཆོག་གསུམ་ལ་སྐྱབས་འགྲོ་བྱ། །བདག་ནི་དུས་འདི་ནས་བཟུང་ནས་ཇི་སྲིད་ཚོའི་བར། །སངས་རྒྱས་ཆོས་དང་དགེ་འདུན་ལ་སྐྱབས་སུ་མཆི། །ལེན་གསུམ་བརྗོད། །དེ་ནས་རང་ཉིད་མི་དམིགས་པར། །བདག་མེད་སྐད་ཅིག་བསྒོམས་པ་ལས། །སེམས་ཀྱི་མཚན་ཉིད་ཧྲི༷༷དཀར་ལས། །བདག་ཉིད་ཐུགས་རྗེ་ཆེན་པོའི་སྐུ། །ཞལ་གཅིག་ཕྱག་གཉིས་སྐུ་མདོག་དཀར། །དཀའ་ཐུབ་ཆ་ལུགས་འཆང་བ་ལ། །སྲེག་ཤང་པར་བུ་བློ་བཞག་ལ། །ཐུགས་ཀར་ཐིག་ལེ་སྙི༷༷ དང་བཅས། །ཨོ་མ་ཁེ་པརླེ་ཧུ༷། ཡི་གེ་དྲུག་པ་དཀར་པོས་བསྐོར། །འོད་ཀྱི་འཕྲོ་འདུའི་སྦྱོར་བ་ཡིས། །མི་དགེ་བཅུ་སོགས་སྡིག་པ་སྦྱངས། །བདག་མེད་སྟོང་པའི་ངང་དུ་བསྒོམ། གལ་ཏེ་དེ་ལ་སྐྱོ་བ་ན། །ལངས་ལ་སྤྱོད་ལམ་ཅི་བདེར་བྱ། །དེ་ནས་གོང་བཞིན་གོམས་པར་བྱ། །དེ་ལྟར་ཉམས་སུ་བླངས་པས་ན། །ཉན་ཐོས་དགྲ་བཅོམ་འབྲས་བུ་ཐོབ། །ཅེས་གསུངས་སོ། །ཐུགས་རྗེ་ཆེན་པོ་གང་ཟག་དབང་པོ་ཐ་མའི་ཐ་མ་ལ་ཉན་ཐོས་ལྟར་བསྒྲུབ་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་བཤད་བྱ་བ། །ཐུགས་རྗེ་ཆེན་པོ་སྤྲུལ་པའི་སྐུ། །དབང་པོ་ཐ་མའི་འབྲིང་ལ་ནི། །རང་རྒྱལ་སྒོ་དང་བསྟུན་ལ་བསྒྲུབ། །ཐོག་མར་གར་འདུག་དབེན་གནས་སུ། །མཎྜལ་མཆོད་པ་ཅི་འབྱོར་བཤམ། །དཀོན་མཆོག་གསུམ་ལ་སྐྱབས་འགྲོ་བྱ། །རང་ཉིད་འཁོར་བའི་སྡུག་བསྔལ་ལས། །ཐར་ཞིང་གྲོལ་བར་བྱ་བའི་ཕྱིར། །ཐུགས་རྗེ་ཆེན་པོ་བསྒོམ་མཉམ་བསམ། །གཟུང་འཛིན་ཕྱི་ནང་བདག་མེད་བསྒོམ། །སྙིང་ཁར་ཐིག་ལེ་ཧྲི་དཀར་གྱི། །ལུས་ཞུ་ཐུགས་རྗེ་ཆེན་པོར་བསྒོམ། །ཞལ་གཅིག་ཕྱག་གཉིས་སྐུ་མདོག་དཀར། །ཕྱག་རྒྱ་མཉམ་གཞག་དཀའ་ཐུབ་ཚུལ། །ཐུགས་ཁར་ཐིག་ལེ་ཧྲི་དང་བཅས། །ཨོ་མ་ཁི་པབླེ་ཧུ༷། །ཡི་གེ་དྲུག་པོ་དཀར་པོར་བསྒོམ། །འོད་ཀྱི་འཕྲོ་འདུའི་སྦྱོར་པ་ཡིས། །མི་དགེ་བཅུ་ལ་སོགས་པའི་སྡིག །མངོན་ཞེན་ཆགས་ཞེན་བག་ཆགས་དང་། །བདག་མེད་ཆོས་ཀྱང་མི་དམིགས་པར། །དེ་ཡི་ངང་ལ་བཞག་ལ་བཟླས། །གལ་ཏེ་དེ་ལ་སྐྱོ་བ་ན། །ལངས་ལ་སྤྱོད་ལམ་ཅི་བདེར་བྱ། །དེ་ནས་གོང་བཞིན་བསྒོམ་པར་བྱ། །དེ་ལྟར་ཉམས་སུ་བླངས་པས་ན། །རང་སངས་རྒྱས་པའི་འབྲས་བུ་ཐོབ། །ཅེས་གསུངས་སོ། །ཐུགས་རྗེ་ཆེན་པོའི་གང་ཟག་ཐ་མའི་འབྲིང་གིས་སངས་རྒྱས་ལྟར་བསྒྲུབ་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་དག་བཤད་བྱ་བ། །ཐུགས་རྗེ་ཆེན་པོ་སྤྲུལ་པའི་སྐུ། །དབང་པོ་ཐ་མའི་རབ་ལ་ནི། །བྱང་སེམས་སྒོ་དང་བསྟུན་ལ་བསྒྲུབ། །ཐོ་མར་ཡིད་འོང་དབེན་གནས་སུ། །སྐུ་རྟེན་གསུང་རྟེན་ཐུགས་རྟེན་དགྲམ། །མཎྜལ་མཆོད་པ་བཤམས་ནས་ནི། །སྔོན་དུ་སྐྱབས་འགྲོ་སེམས་བསྐྱེད་བྱ། །སངས་རྒྱས་ཆོས་དང་དགེ་འདུན་ལ། །དུས་འདི་ནས་བཟུང་བྱང་ཆུབ་བར་། །སྐྱབས་སུ་འགྲོ་བའི་སྡོམ་པ་གཟུང་། འགྲོ་བ་དྲུག་གི་སེམས་ཅན་ལ། །བརྩེ་བའི་མ་ལྟར་བསམས་ནས་ནི། །བྱམས་དང་སྙིང་རྗེ་གཞི་གཟུང་ནས། ཐར་པ་ཐོབ་པར་སེམས་བསྐྱེད་ལ། །བསོད་ནམས་ཚོགས་བསགས་ཡན་ལག་བྱ། །དེ་ནས་དོན་དམ་བྱང་ཆུབ་སེམས། །ཕྱི་ནང་ཆོས་རྣམས་སྟོང་པར་བསྒོམ། །རང་སེམས་ཧྲི་དཀར་རྣམ་པ་ལས། །འོད་འཕྲོ་སངས་རྒྱས་བྱང་ཆུབ་མཆོད། །འགྲོ་བ་སེམས་ཅན་སྒྲིབ་པ་སྦྱངས། །སླར་འདུས་སྙི༷༷ཡིག་འོད་དུ་ཞུ། །པདྨ་ཟླ་བའི་གདན་སྟེངས་སུ། །བྱང་ཆུབ་སེམས་པ་ཐུགས་རྗེ་ཆེ། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པ་པདྨ་དཀར་པོ་ལ། །གཡོན་པ་ཐུགས་ཁར་ཐལ་མོ་གདེངས། །རིན་ཆེན་རྒྱན་གྱི་མཛེས་པར་བརྒྱན། །ཐུགས་ཁར་ཟླ་སྟེངས་དྷི༔ ཡིག་ལ། །ཨོ་མ་ཁི་པབླེ་ཧུ༷། ཡི་གེ་དྲུག་པ་དཀར་པོར་བསྒོམ་ལ་བཟླས། །འོད་ཀྱི་འཕྲོ་འདུ་སྦྱོར་བ་ཡིས། །སངས་རྒྱས་བྱང་ཆུབ་སེམས་དཔའ་མཆོད། །རྒྱུད་དྲུག་སེམས་ཅན་སྒྲིབ་པ་སྦྱངས། །སླར་འདུས་བག་ཆགས་སྒྲིབ་པ་དང་། ཁེས་བྱའི་སྒྲིབ་པ་གཏན་ནས་སྦྱངས། །བདག་དང་ཆོས་རྣམས་སྟོང་པར་བསྒོམ། །གལ་ཏེ་དེ་ལ་སྐྱོ་བ་ན། །ལངས་ལ་སྤྱོ་ལམ་ཅི་བདེར་སྤྱོད། །ཅི་བྱ་སེམས་ཅན་དོན་དུ་སྤྱད། །བྱང་ཆུབ་སེམས་དཔའི་འབྲས་བུ་ཐོབ། །སེམས་ཅན་དོན་རྫོགས་སངས་རྒྱས་འགྱུར། །ཞེས་གསུངས་སོ། །ཐུགས་རྗེ་ཆེན་པོ་དབང་པོ་ཐ་མའི་རབ་ལ་བྱང་ཆུབ་སེམ་དཔའ་ལྟར་བསྒྲུབ་པའི་ལེའུ་སྟེ་བཅུ་བདུན་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་ཡང་ཞུས་པ། ཨེ་མ་རྫོགས་པའི་སངས་རྒྱས་སྐུ། །ཐུགས་རྗེ་ཆེན་པོ་སྤྲུལ་པའི་སྐུ། །ཀྲི་ཡོག་གསུམ་དུ་ཇི་ལྟར་བསྒྲུབ། དེ་སྐད་གསོལ་བ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །དབང་པོ་འབྲིང་གི་ཐ་མ་ལ། །ཐུག་རྗེ་ཆེན་པོའི་སྤྲུལ་པའི་སྐུ། །ཀྲི་ཡའི་ཚུལ་དུ་བསྒྲུབ་པ་ནི །ཐོག་མར་བཀྲ་ཤིས་གཙང་མའི་གནས། །མཎྜལ་མཆོད་པ་བཤམས་པ་དང་། རྟེན་དགྲམ་མཛེས་པའི་མེ་ཏོག་དགྲམ། ཁྲུས་དང་ཉེ་རེག་འཐོར་འཐུང་དང་། །སྐད་ཅིག་མ་ཡི་ལྷར་བསྒོམ་ལ། །རྟེན་ལ་དོར་བྱ། །མཆོད་པ་རྣམ་ལྔ་བཤམས་ནས་ནི། །དཀོན་མཆོག་ཐུགས་རྗེ་ཆེན་པོ་མཆོད། །བསོད་ནམས་ཚོགས་ཀྱི་ཡན་ལག་བྱ། །དེ་ནས་རང་གི་སྙིང་ཁ་སྲ །ཡི་གེ་ཧི༷༷དཀར་ཟླ་དཀྱིལ་བསམ། འོད་ཀྱི་རང་གི་ལུས་ཞུ་ནས། །དེ་ལས་ཐུགས་རྗེ་ཆེན་པོར་གྱུར། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པ་མཆོད་སྤྱིན་བདུད་རྩི་ཡི། །བུམ་པས་འགྲོ་དྲུག་ཚིམ་པར་མཛད། །གཡོན་པ་པདྨ་དཀར་པོ་འཛིན། །ཟླ་བའི་གདན་ལ་ཞབས༷་གཉིས་བཞུགས། །རིན་པོ་ཆེ་ཡི་རྒྱན་གྱིས་བརྒྱན། གནས་གསུམ་ཨོ་ཨུ༷༷ཧུ༷་གསུམ་ལྡན། དབུ་ལ་རིགས་ཀྱི་བདག་པོ་བཞུགས། །དེ་ཡི་ཐུགས་ཀར་ཟླ་དཀྱིལ་སྟེང་། །ཧི༷༷དཀར་སྔགས་ཀྱི་འཕྲེང་བས་བསྐོར། །ཨོ་མ་ཁི་པཏྲེ་ཧུ༷། །དམ་ཚིག་སེམས་པ་བསྐྱེད་པ་དང་། །ཐུགས་ཀའི་སྙི༷༷ཡི་འོད་ཟེར་གྱི། །ཡེ་ཤེས་སེམས་དཔའ་སྤྱན་དྲངས་ལ། །མདུན་གྱི་ནམ་མཁར་བཞུགས་ལ་མཆོད། །གཉིས་སུ་མེད་པ་བསྟིམ་ནས་སུ། །དབང་བསྐུར་རིགས་ལྔས་དབུ་བརྒྱན་ལ། །དམ་ཚིག་ཡེ་ཤེས་སེམས་དཔའ་ཡང་། །མདུན་གྱི་ནམ་མཁར་བཞུགས་པར་གྱུར། །སྔགས་ཀྱི་འོད་ཟེར་དཀར་པོ་ཡིས། །ལུས་ངག་སྒྲིབ་པ་དག་པར་བསམ། །ཇི་སྲིད་སྐྱོ་ན་ཡེ་ཤེས་གཤེགས། །དམ་ཚིག་བསྡུས་ཏེ་སྤྱོད་ལམ་བྱ། །དེ་ནས་ཡང་ནི་གོང་ལྟར་བསྒོམ། །ཐུགས་རྗེ་ཆེན་པོ་གྲུབ་པར་འགྱུར། །ཐུགས་རྗེ་ཆེན་པོ་ཨུ་པ་ཡར་བསྒྲུབ་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་དག་བཤད་བྱ་བ། །དབང་པོ་འབྲིང་གི་རབ་ལ་ནི། །ཐུགས་རྗེ་ཆེན་པོ་སྤྲུལ་པའི་སྐུ། །ཡོ་གའི་ཚུལ་དུ་བསྒྲུབ་པ་ནི། །ཡིད་འོང་དབེན་པའི་གནས་འདུག་ནས། །སྐུ་གསུང་ཐུགས་གྱི་རྟེན་བཀྲམ་ལ། །མཎྜལ་མཆོད་པ་བཤམས་ནས་ནི། །བདེ་བའི་གདན་ལ་འདུག་ནས་ནི། །བདག་དང་སེམས་ཅན་དོན་གྱི་ཕྱིར། །ཐུགས་རྗེ་ཆེན་པོ་བསྒྲུབ་སེམས་བསྐྱེད། །བསོད་ནམས་ཚོགས་ཀྱི་ཡན་ལག་བྱ། །བྱམས་དང་སྙིང་རྗེ་དགའ་བ་དང་། བཏང་སྙོམས་ཚད་མེད་རྣམ་བཞི་བསྒོམ། །དེ་ནས་ཡེ་ཤེས་ཚོགས་བསགས་ལ། །ལྷ་ཡི་བསྐྱེད་རིམ་བསྒོམ་པ་ནི། དང་པོ་ཕྱི་ནང་ཆོས་རྣམས་ཀུན། །སྟོང་པ་ཉིདདུ་བསྒོམ་པ་ནི། །སྟོང་པ་ཉིད་ལས་མངོན་པར་བྱང་ཆུབ་པའོ། །དེ་ནས་ཨ་ལས་ཟླ་བའི་གདན། །གདན་ལས་མངོན་པར་བྱང་ཆུབ་པའོ། །དེ་ནས་སེམས་ཉིད་ཧྲི་དཀར་པོ། །གསུང་ཡིག་འབྲུ་ལས་བྱང་ཆུབ་པའོ། །སྙི༷༷ལས་འོད་འཕྲོས་ཞུ་བ་ལས། །པདྨ་དཀར་པོར་གྱུར་བ་ནི། །ཕྱག་མཚན་མངོན་པར་བྱང་ཆུབ་པའོ། །པདྨ་འོད་དུ་ཞུ་བ་ལས། །ཐུགས་རྗེ་ཆེན་པོའི་སྐུ་རུ་གྱུར། །སྐུ་ཡོངས་རྫོགས་མངོན་པར་བྱང་ཆུབ་པའོ། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པ་རྡོ་རྗེ་རྩེ་ལྔ་འཛིན། །གཡོན་པ་དྲིལ་བུ་པདྨར་ལྡན། །རིན་པོ་ཆེ་ཡི་རྒྱན་དང་ལྡན། །ཟླ་བའི་གདན་ལ་མཉམ་པར་བཞུགས། །ཐུགས་ཀར་ཟླ་བའི་གདན་སྟེངས་ན། །ཧི༷༷ལ་སྔགས་ཀྱི་འཕྲེང་བས་བསྐོར། །ཨོ་མ་ཁི་པཏྲེ་ཧུ༷། དམ་ཚིགས་སེམས་དཔའ་གསལ་སྒོམ་ལ། །ཐུགས་ཀ་སྣྲི༷༷ཡི་འོད་ཟེར་གྱི། །ཡེ་ཤེས་སེམས་དཔའ་སྤྱན་དྲངས་ལ། དབང་བསྐུར་བྱིན་གྱིས་བརླབས་པར་བྱ། །མཉམ་ཉིད་གྲོགས་ཀྱི་ཚུལ་དུ་མཆོད། །སྔགས་ཀྱི་འཕྲེང་བའི་སྤྲོ་བསྡུ་བྱ། །བདག་གི་རྒྱུད་ཀྱི་སྒྲིབ་སྦྱངས་ནས། །ཡེ་ཤེས་སེམས་དཔའ་མཉེས་པར་བྱ། །དེ་ནས་སྐྱོ་འམ་དུབ་པ་ན། །ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་བསྡུ་ཏེ་སྤྱོད་ལམ་བྱ། །དེ་ནས་ཡང་ནི་གོང་ལྟར་བསྒོམ། །ཐུགས་རྗེ་ཆེན་པོ་གྲུབ་པར་འགྱུར། །ཐུགས་རྗེ་ཆེན་པོ་ཡོ་ག་ལྟར་བསྒྲུབ་པའི་ལེའུ་སྟེ་ཉི་ཤུ་པའོ།། །།དེ་ནས་འཇིག་རྟེན་དབང་ཕྱུག་གིས་ཡང་ཞུས་པ། རྫོགས་པའི་སངས་རྒྱས་བཅོམ་ལྡན་འདས། །ཐུགས་རྗེ་ཆེན་པོ་སྤྲུལ་པའི་སྐུ། །བསྐྱེད་རྫོགས་གསུམ་དུ་ཇི་ལྟར་བསྒྲུབ། །རྫོགས་སངས་རྒྱས་ཀྱིས་བཀའ་སྩལ་པ། །དབང་པོ་རབ་ཀྱི་རབ་འབྲིང་ཐ་མ་གསུམ། །དབང་པོ་རབ་ཀྱི་ཐ་མ་ལ། །བསྐྱེད་པ་མ་ཧྭ་ཡོ་གར་བསྒྲུབ། །དབེན་ཞིང་ཡིད་འོང་གནས་འདུག་ལ། །དཀྱིལ་འཁོར་བདུད་རྩི་རྣམ་ལྔས་བྱུག །གཏོར་མ་བདུད་རྩི་མཆོད་རྫས་བཤམས། །ཐོ་མར་བྱང་ཆུབ་སེམས་བསྐྱེད་ལ། །ཆོས་ཉིད་སྟོང་པ་ཉིད་དུ་བསྒོམ། ཁམས་གསུམ་སེམས་ཅན་ཐམས་ཅད་ལ། །སྙིང་རྗེ་ཆེན་པོས་ཁྱབ་པར་བསྒོམ། །དེ་རྗེས་སེམས་ཉིད་སྙི་རུ་བསྒོམ། །སྣྲི་ཡི་འོད་ཟེར་འཕྲོ་འདུ་ལས། །རིན་པོ་ཆེ་ཡི་གཞལ་ཡས་ཁང་། །སྒོ་བཞི་རྒྱན་དང་ལྡན་པར་བསྒོམ། །དེ་དབུས་ཉི་ཟླ་པདྨའི་གདན། །རང་སེམས་སྣྲི་ཡི་འཕྲོ་འདུ་ལས། །ཐུགས་རྗེ་ཆེན་པོའི་སྐུ་རུ་གྱུར། །ཞལ་གསུམ་ཕྱག་དྲུག་སྐུ་མདོག་དཀར། །གཡས་སྔོ་གཡོན་སྔོ་དབུས་དཀར་ཞལ། །གཡས་གཡོན་དང་པོ་ཐུགས་ཀར་སྦྱར། །པདྨ་དཀར་པོ་འཛིན་པའོ། །རྡོ་རྗེ་འཁོར་ལོ་གཡས་ན་བསྣམས། །རིན་ཆེན་རྒྱ་གྲམ་གཡོན་ན་བསྣམས། །ཞབས་ནི་གདན་ལ་སྐྱིལ་ཀྲུང་བཞུགས། །རིན་པོ་ཆེ་ཡི་རྒྱན་གྱིས་བརྒྱན། །རང་འདྲའི་ཡུམ་དང་གཉིས་སུ་མེད། །འཁོར་ནི་རྒྱལ་བ་རིགས་ལྔས་བསྐོར། །སྐུ་མདོག་ཕྱག་མཚན་རིགས་རྟགས་འཛིན། །དམ་ཚིག་སེམས་དཔའི་ཐུགས་ཀ་ནས། །ཉི་དཀྱིལ་སྣྲི་ལས་སྔགས་འཕྲེང་བསྐོར། །ཨོ་མ་ཁེ་པཏྲེ་ཧུ༷། ཧི་ལས་འོད་ཟེར་འཕྲོས་པ་ཡིས། །ཡེ་ཤེས་སེམས་དཔའ་སྤྱན་དྲངས་ལ། །གཉིས་སུ་མེད་པར་བསྟིམ་ནས་ནི། །དབང་བསྐུར་བྱིན་རླབས་ཚུལ་བཞིན་བྱ། །ཕྱི་ནང་ལྷ་མོ་སྤྲོས་ཏེ་མཆོད། །དེ་ནས་བཟླས་པའི་སྤྲོ་བསྡུ་ནི། །ཐུགས་ཀའི་ཧི་དང་སྔགས་འཕྲེང་ལས། །འོད་ཟེར་དཀར་པོ་འཕྲོས་པ་ཡིས། །ཕར་འཕྲོས་བདེ་བར་གཤེགས་པ་མཆོདཁམས་གསུམ་སེམས་ཅན་སྒྲིབ་པ་སྦྱང་། །སླར་འདུས་བདག་གི་སྒྲིབ་པ་སྦྱངས། །སྣང་སྲིད་ལྷ་ཡི་གཞལ་ཡས་ཁང་། །སྐྱེ་འགྲོ་ཐམས་ཅད་ལྷ་ཡི་སྐུ། །ཐབས་དང་ཤེས་རབ་གཉིས་སུ་མེད། །དེ་ལྟར་བསྐྱེད་རིམ་སྒོམ་པ་དང་། །དཀྱིལ་འཁོར་བསྡུ་གཤེག་རྫོགས་རིམ་བསྒོམ། །ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་ལྷ་རྣམས་བདག་ལ་བསྡུ། །དེ་ཡང་ཐུགས་ཀའི་སྙི་ལ་བསྡུ། །དྷི་ཡང་རིམ་གྱིས་ཐིག་ལེ་ལ། །ཐིག་ལེ་ཆོས་དབྱིངས་སྟོང་པར་བསྒོམ། །དེ་ཡི་ངང་ལས་སྤྱོད་ལམ་བྱ། །ཚེ་གཅིག་ཐུགས་རྗེ་ཆེན་པོ་འགྲུབ། །ཅེས་གསུངས་སོ། །ཐུག་རྗེ་ཆེན་པོ་མ་ཧྭ་ཡོ་ག་ལྟར་བསྒྲུབ་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་དག་བཤད་བྱ་བ། །ཐུགས་རྗེ་ཆེན་པོ་བསྒྲུབ་པ་ཡི། །དབང་པོ་རབ་ཀྱི་འབྲིང་ལ་ནི། །རྫོགས་པ་ཨ་ནུ་ཡོ་གར་བསྒྲུབ། །དབེན་ཅིང་ཡིད་འོང་དབེན་གནས་སུ། །མཎྜལ་ལེགས་པར་བྱས་ནས་ནི། །བདུ་རྩི་ལྔ་ཡི་བྱུག་པ་བྱ། །དཀར་ལ་འཚེར་པའི་ཧི་གཅིག་བྲི། །དེ་ནས་དམིགས་པ་བརྟེན་པ་དང་། །བདག་ཉིད་ཐུགས་རྗེ་ཆེན་པོར་བསྒོམ། །སྐུ་མདོག་དཀར་ལ་འཚེར་བ་ལ། །ཕྱག་ནི་མཉམ་གཞག་པདྨ་བསྣམས། །ཉི་ཟླ་པདྨའི་གདན་ལ་བཞུགས། །རིན་པོ་ཆེ་ཡི་རྒྱན་གྱིས་བརྒྱན། །སྣང་ལ་རང་བཞིན་མེད་པར་བསྒོམ། །དམ་ཚིག་ཡེ་ཤེས་གཉིས་སུ་མེད། །ཐུགས་ཀ་ཟླ་དཀྱིལ་གདན་སྟེངས་ན། །སྙི་དཀར་སྔགས་ཀྱི་ཕྲེང་བ་བསམ། །ཨོ་མ་ཁི་པབླེ་ཧུ༷། ཕར་འཕྲོས་སྣོད་བཅུད་ལྷ་རུ་གསལ། །སྣང་བ་སྐུ་ཡི་དཀྱིལ་འཁོར་ཡིན། །གཟུགས་སུ་སྣང་བ་ཐམས་ཅད་ཀྱང་། །ཐུགས་རྗེ་ཆེན་པོའི་ལྷ་ཚོགས་ཡིན། །སྒྲ་རུ་གྲགས་པ་ཐམས་ཅད་ཀྱང་། །གྲག་པ་སྒྲ་ཡི་དཀྱིལ་འཁོར་འདིར། །ཡི་གེ་དྲུག་པ་རྒྱུན་མི་ཆད། །སེམས་ཀྱི་དྲན་རྟོགས་ཐམས་ཅད་ཀྱང་། །དྲན་རྟོག་ཐུགས་ཀྱི་དཀྱིལ་འཁོར་ཡིན། །རང་བྱུང་ཡེ་ཤེས་རྒྱུན་མི་འཆད། །འདོད་པའི་ཡོན་ཏན་རྣམ་ལྔ་ཡང་། །ཚོགས་དང་མཆོད་པའི་རོལ་པ་ཡིན། །མ་སྤངས་ཞེན་མེད་རང་དགར་སྤྱོད། །མཆོད་པ་ཚོགས་འཁོར་རྒྱུན་མི་འཆད། །ལྷ་ཉིད་རང་ཡིན་རང་ཉིད་ལྷ། །ལོགས་ན་ལྷ་དེ་བསྒྲུབ་ཏུ་མེད། །ལྷ་ཉིད་གསལ་བ་ཆོས་ཀྱི་དབྱིངས། །དེ་ཉིད་ངོ་བོ་རང་གསལ་སྟོང་། །དབྱིང་ལ་ཡེ་ཤེས་ཤར་བ་ཡིན། །དབྱིངས་དང་ཡེ་ཤེས་གཉིས་མེད་པ། །ཐུགས་རྗེ་ཆེན་པོའི་དགོངས་པ་ཡིན། །ཞེས་གསུངས་སོ། །ཐུག་རྗེ་ཆེན་པོ་རྫོགས་པ་ཨ་ནུ་ཡོ་གར་བསྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་དག་བཤད་བྱ་བ། །དབང་པོ་རབ་ཀྱི་རབ་ལ་ནི། སྤྲུལ་སྐུ་ཐུགས་རྗེ་ཆེན་པོ་ནི། །རྫོགས་ཆེན་ཨ་ཏི་ཡོ་གར་བསྒྲུབ། །རང་ལུས་རི་བའི་དགོན་པ་ན། །མ་བྲིས་ཆོས་ཉིད་གསལ་བ་ཡིས། །དཀྱིལ་འཁོར་ཆེན་པོ་ཡངས་པ་ཡིན། །སྣང་བ་སྐུ་ཡི་དཀྱིལ་འཁོར་ཡིན། །སྣང་བ་རང་གསལ་རང་གྲོལ་ཡིན། །གྲགས་པ་གསུང་གི་དཀྱིལ་འཁོར་ཡིན། །རང་གྲགས་རང་སྟོང་རང་སངས་ཡིན། །དྲན་རྟོག་ཐུགས་ཀྱི་དཀྱིལ་འཁོར་ཡིན། །རྟོགས་པ་རང་བྱུང་རང་གྲོལ་ཡིན། །སྐུ་གསུང་ཐུགས་ཀྱི་དཀྱིལ་འཁོར་ཡང་། །ཆོས་ཉིད་བྱང་ཆུབ་སེམས་ལ་གནད། །ཕྱི་ནང་སྣང་སྲིད་དཀྱིལ་ཡིན་ཏེ། །ཕྱོགས་མེད་དབྱེར་མེད་འཁོར་ཡིན་ནོ། །གདོད་ནས་རྣམ་དག་ལྷ་ཚོགས་ལ། །སྤྱན་དྲངས་མི་ཚལ་ཡེ་ནས་གནས། །གདོད་ནས་རང་བྱུང་ཆོས་ཉིད་ལ། །མཆོད་གཏོར་གཏོར་མ་གཏང་མི་དགོས། །ཡེ་ནས་རྣམ་དག་ཆོས་སྐུ་ལ། །ཕྱག་འཚལ་བསྟོད་པ་བྱ་མི་དགོས། །རང་གསལ་སྙིང་པོ་ཡེ་གྲུབ་ལ། །འཛབ་དང་བཟླས་པ་བྱ་མི་དགོས། །རྣམ་དག་རང་བྱུང་ཆོས་སྐུ་ལ། །ཏིང་འཛིན་སྤྲོ་བསྡུ་བྱ་མི་དགོས། །དུག་ལྔ་ཡེ་ཤེས་ཡིན་པ་ལ། །ཕྲིན་ལས་བཅོལ་བ་བྱ་མི་གོས། །རང་སེམས་སྟོང་ཉིད་སྤྲོས་བྲལ་ལ། །ཚོགས་སོགས་སྒྲིབ་པ་སྦྱང་མི་གོས། །ཡེ་ནས་སངས་རྒྱས་ཡིན་པ་ལ། །སྨོན་ལམ་དག་པ་གདབ་མི་དགོས། །རང་དབང་རང་གིས་ཐོབ་པ་ལ། །དབང་དང་རིམ་པ་བྱ་མི་དགོས། །ཡེ་དག་ཡེ་གྲོལ་ཡེ་གནས་ལ། །དམ་ཚིག་སྡོམ་པ་བསྲུང་མི་དགོས། །རང་ལ་ཡེ་ནས་གདོད་ནས་གྲུབ། །དངོས་གྲུབ་གཞན་ནས་བླང་མི་དགོས། །སྣ་ཚོགས་ཅིར་སྣང་ཆོས་ཉིད་གློང་། །གྲུབ་རྟགས་གཞན་ནས་འཆར་མི་དགོས། །ཞེས་གསུངས་སོ། །ཐུགས་རྗེ་ཆེན་པོ་ཨ་ཏི་ཡོ་གར་བསྒྲུབ་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་ཡང་ཞུས་པ། །ཨེ་མ་ཧོ། རྫོགས་པའི་སངས་རྒྱས་བཅོམ་ལྡན་འདས། །ཐུགས་རྗེ་ཆེན་པོ་སྤྲུལ་སྐུ་ལ། །ཐེག་པ་རིམ་དགུ་ཅི་བཅིངས་པའི། །མ་འདྲེས་ལྟ་བ་ཇི་ལྟར་རྫོགས། །རྫོགས་སངས་རྒྱས་ཀྱི་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །ཆོས་སྐུ་ཐུགས་རྗེ་ཆེན་པོ་ལས། །ལོངས་སྐུ་ཐུགས་རྗེ་ཆེན་པོ་ཤར། །ལོངས་སྐུ་ཐུགས་རྗེ་ཆེན་པོ་ལས། །སྤྲུལ་སྐུ་ཐུགས་རྗེ་ཆེན་པོ་ཤར། །སྤྲུལ་སྐུའི་གདུལ་བྱ་སྣ་ཚོགས་ལས། །ཆོས་སྒོ་བརྒྱད་ཁྲི་བཞི་སྟོང་གསུངས། །བསྡུས་པས་ཐེག་པ་རིམ་དགུར་འདུས། །ཐེག་པ་རིམ་དགུ་ལུབ་བསྡུས་པས། །ཐུགས་རྗེ་ཆེན་པོའི་དགོངས་པར་འདུས། །འབྱུང་ཆེན་ནམ་མཁའི་ཀློང་ཆེན་དུ། །འབྱུང་བ་རྣམ་ལྔ་མ་འདྲེས་རྫོགས། །བར་སྣང་གསལ་བའི་ཀློང་ཆེན་དུ། །ཉི་ཟླ་གཟའ་སྐར་མ་འདྲེས་རྫོགས། །གནམ་ས་གཉིས་ཀྱི་སྟེང་འོག་ཏུ། །གླིང་བཞི་རི་རབ་སྐྱེ་འགྲོ་རྫོགས། །དཀྱིལ་འཁོར་ཆེན་པོའི་ཀློང་ཡངས་སུ། །ས་ཚོན་སྣ་ལྔ་མ་འདྲེས་རྫོགས། །ཟ་འོག་ཡུག་གཅིག་ནང་དུ་ནི། །དར་སྣ་མ་འདྲེས་ཡོངས་སུ་རྫོགས། །ནོར་བུ་རིན་ཆེན་ནང་དུ་ནི། །རིན་ཆེན་སྣ་ལྔ་མ་ལུས་རྫོགས། །དཔེ་ཡིས་རྫོགས་པ་དེ་བཞིན་དུ། །ཐུགས་རྗེ་ཆེན་པོའི་ཐུགས་དགོངས་སུ། །ཐེག་པ་རིམ་དགུ་མ་འདྲེས་རྫོགས། །རྟག་ཆད་གཉིས་སུ་མ་ལྷུང་བས། །མུ་སྟེགས་ལྟ་བ་མ་འདྲེས་རྫོགས། །བདག་མེད་ཆོས་བདག་རང་གྲོལ་བས། །ཉན་ཐོས་ལྟ་བ་མ་འདྲེས་རྫོགས། །རྟེན་འབྲེལ་བཅུ་གཉིས་རང་གྲོལ་བས། །རང་རྒྱལ་ལྟ་བ་མ་འདྲེས་རྫོགས། །ཡུལ་སེམས་གཉིས་པོ་རང་གྲོལ་བས། །སེམས་ཙམ་ལྟ་བ་མ་འདྲེས་རྫོགས། །བདེ་བ་གཉིས་པོ་རང་གྲོལ་བས། །དབུ་མའི་ལྟ་བ་མ་འདྲེས་རྫོགས། །དག་གསུམ་རིགས་གསུམ་རང་གྲོལ་བས། །ཀྲི་ཡའི་ལྟ་བ་མ་འདྲེས་རྫོགས། །མར་སྤྱོད་ཡར་ལྟ་རང་གྲོལ་བས། །དབུ་མའི་ལྟ་བ་མ་འདྲེས་རྫོགས། །བྱང་ཆུབ་ལྔ་པ་རང་གྲོལ་བས། །ཡོ་གའི་ལྟ་བ་མ་འདྲེས་རྫོགས། །ཐབས་དང་ཤེས་རབ་རང་གྲོལ་བས། །མ་ཧོརེ་ལྟ་བ་མ་འདྲེས་རྫོགས། །དབྱིངས་དང་ཡེ་ཤེས་གཉིས་གྲོལ་ལས། །ཨ་ནུའི་ལྟ་བ་མ་འདྲེས་རྫོགས། །ཡེ་དག་བྱེ་བྲག་རང་གྲོལ་བས། །རྫོགས་ཆེན་ལྟ་བ་མ་འདྲེས་རྫོགས། །ཐུགས་རྗེ་ཆེན་པོའི་ལྟ་དགོངས་ལ། །ཕྱོགས་མེད་ཕྱོགས་བྲལ་ཐམསཅད་རྫོགས། །བྱས་པའི་ཆོས་ནི་འདུས་བྱས་ཡིན། །འདུས་བྱས་ཆོས་ཀྱིས་སངས་མི་རྒྱ། །བཤད་པའི་ཆོས་ནི་ཐ་སྙད་ཡིན། །ཐ་སྙད་ཆོས་ཀྱིས་གྲོལ་མི་ནུས། །བློས་བཏགས་ཆོས་ནི་འཁྲུལ་པ་ཡིན། །ཞབྲུལ་པའི་ཆོས་ཀྱི་ལམ་མི་རྙེད། །བསྒྲུབས་པའི་ཆོས་ནི་ཡིད་སྨོན་ཡིན། །ཡིད་མོན་ཆོས་ཀྱིས་མཐར་མི་ཕྱིན། །ཐུགས་རྗེ་ཆེན་པོའི་དགོངས་པ་མྲ །གང་ཡང་མི་སྤོང་མི་བསྒྲུབ་པའོ། །རང་གྲོལ་བྱ་བཙལ་མེད་པའི་ངང་། །མ་བསྒྲུབས་ཡེ་ནས་ལྷུན་གྱི་གྲུབ། །ཐུགས་རྗེ་ཆེན་པོ་དེ་ལ་བྱ། །ཐེག་པ་དགུ་ཡི་རྩེ་མོ་ཡིན། །ཞེས་གསུངས་སོ། །ཐུགས་རྗེ་ཆེན་པོའི་དགོངས་པ་སྲ ཐེག་པ་དགུ་མ་སྤངས་པར་རང་རྫོགས་པའི་ལེའུ་སྟེ་ཉི་ཤུ་རྩ་བཞི་པའོ།། །།ཐུགས་རྗེ་ཆེན་པོ་ཐེག་པ་དགུ་ལྟ་བ་མ་སྤངས་པར་བསྒྲུབ་པར་བསྟན་པའི་སྐབས་དེ་དང་པོའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་གིས་ཕྱག་བཙལ་བསྐོར་བ་བྱས་ནས་ནི། སྤྱན་སྔར་འདུག་སྟེ་འདི་སྐད་གསོལ། །ཨེ་མ་ཧོ་རྫོགས་པའི་སངས་རྒྱས་སྐུ། །ཐུགས་རྗེ་ཆེན་པོ་སྤྲུལ་པའི་སྐུ། །འགྲོ་དྲུག་གདུལ་བའི་ལྷ་ཡིན་ན། །ཐུགས་རྗེ་ཆེན་པོའི་དཀྱིལ་འཁོར་དུ། །འགྲོ་དྲུག་ཐབས་ཀྱི་ཇི་ལྟར་འདུལ། །གསང་སྔགས་ལུགས་སུ་ཇི་ལྟར་བསྒྲུབ། །དེ་སྐད་གསོལ་བས་སན་གནས་ཀྱང་། །རྫོགས་སངས་རྒྱས་ཀྱི་བཀའ་སྩལ་པ། །ཨེ་མ་འདུས་པའི་འཁོར་རྣམས་ཉོན། །ཐུགས་རྗེ་ཆེན་པོའི་སྒྲུལ་པའི་སྐུ། །འགྲོ་དྲུག་འདུལ་བའི་དཀྱིལ་འཁོར་ནི། །དབེན་ཞིང་བཀྲ་ཤིས་གནས་སུ་ནི། །གང་ལ་དག་པའི་བཀྲ་ཤིས་ས། །སྦྱངས་སྤེལ་བྱས་ནས་བླངས་ནས་ནི། །སྨན་དང་དྲི་ཡི་སྐྱང་ནུལ་བྱ། །ཐིག་བཏབ་དཀྱིལ་འཁོར་བྲི་བ་ནི། །ས་ཚོན་རྣམ་ལྔ་བྱིན་བརླབས་ནས། པདྨ་འདབ་དྲུག་རེ་ག་དང་། གྲུ་ཆད་སྒོ་བཞི་རྒྱན་དང་ཆས། ཁོར་ཡུག་པདྨ་རྡོ་རྗེ་ར། །ཡེ་ཤེས་ལྔ་ཡི་མེ་རིས་ལྡན། །དབུས་ཀྱི་ཕོ་བྲང་ཟླུམ་པོ་དཀར། །པདྨ་འདབ་དྲུག་དཀར་དང་སྔོ། །སེར་དང་སྨུག་དང་དམར་དང་ནག །ཟླུམ་པོ་དཀར་དང་གྲུ་ཆད་སྒོ། །ཤར་དཀར་ལྷོ་སེར་ནུབ་དམར་བྱང་ལྗང་ངོ་། །རེ་ག་དཀར་སྔོ་སེར་དམར་ལྗང་། །སྒོ་རྒྱན་མཛེས་པའི་རྒྱན་དང་ལྡན། །ནམ་མཁའ་ས་གཞི་ཕྱོགས་ཀྱི་ཚོན། ཁོར་ཡུག་པད་མ་རྡོ་རྗེ་སྔོན། །མེ་རི་སྣ་ཚོགས་འོད་དང་ལྡན། །གསལ་ལ་མཛེས་པ་མ་འདྲེས་བྲི། །མདའ་བཞི་མེ་ལོང་རལ་གྲི་དང་། །ཕུར་པ་བཞི་ལ་ཚོན་སྐུད་བྲི། །དཀྱིལ་འཁོར་བྲི་བའི་རིམ་པའོ། །མཆོད་པ་ལྔ་དང་བུམ་པ་དང་། །གཏོར་མ་ལ་སོགས་རྫས་རྣམས་བཤམས། །དེ་ནས་དམ་ཚིག་དཀྱིལ་འཁོར་བསྒོམ། །བདག་ཉིད་སྐད་ཅིག་ལྷར་བསྒོམས་ལ། །ཐུགས་ཀའི་སྙི་ཡི་འོད་ཟེར་གྱིས། །ཧུ༷་ལས་རྡོ་རྗེ་ར་བ་གུར། །མེ་རི་མེ་དཔུང་བསྲུང་འཁོར་བསྒོམ། །དེ་དབུས་བྱུ༷་ལས་འོད་འཕྲོས་པས། །གཞལ་ཡས་པདྨ་འདབ་དྲུག་པ། །སྒོ་བཞི་འཁོར་ཡུག་ལྡན་པར་བསྒོམ། །དེ་དབུས་པདྨ་འདབ་དྲུག་པ། །ཟླ་བའི་གདན་རེ་བསམ་པ་དང་། །དབུས་སུ་རང་སེམས་སྣྲི་ལས་ནི། །འོད་ཟེར་འཕྲོ་འདུའི་སྦྱོར་བ་ལས། །བདག་ཉིད་ཐུགས་རྗེ་ཆེན་པོ་ནི། །ཞལ་གཅིག་ཕྱག་གཉིས་སྐུ་མདོག་དཀར། །གཡས་པ་ཤེལ་འཕྲེང་གཡོན་པ་ན། །པདྨ་དཀར་པོ་བསྣམས་པའོ། །རིན་པོ་ཆེ་ཡི་རྒྱན་དང་ལྡན། །ཟླ་བའི་གདན་ལ་མཉམ་པར་བཞུགས། །སྣང་ལ་རང་བཞིན་མེད་པར་བསྒོམ། །གཙོ་བོའི་ཐུགས་ཀའི་སྙི་ལས་ནི། །པདྨ་ཟླ་བའི་སྟེང་དུ་ནི། །ཨོ་མ་ཁེ་པཏྲེ་ཧཱུཾ།བརྗོད་པས། ཤར་དུ་ཨོ་ལས་བརྒྱ་བྱིན་ནི། །དཀར་པོ་པི་ཝང་བསྣམས་པའོ། ཁྲར་སྨད་མ་ལས་ཐག་བཟངས་རིས། །སྔོནཔོགོམཚོནབསྣམསཔའོ། །ལྷོ་སྟོད་ཁེ་ལས་ཤཱཀྱ་ཐུབ་ནི། །སེར་པོ་གསེག་ཤང་བསྣམས་པའོ། །ལྷོ་སྨད་པད་ལས་ཤག་སེང་ནི། །ནག་པོ་པོ་ཏི་བསྣམས་པའོ། །ནུབ་ཏུ་མེ་ལས་ནམ་མཁའ་མཛོད། །དམར་པོ་རིན་ཆེན་སྒྲོམ་བུ་ཐོགས། །བྱང་དུ་ཧུ༷་ལས་ཆོས་རྒྱལ་ནི། །ནག་པོ་མེ་ཆུ་བསྣམས་པའོ། ། ཀུན་ཀྱང་སྤྲུལ་སྐུས་རིགས་དྲུག་འདུལ། །དཀྱིལ་འཁོར་ལྷ་ཚོགས་གསལ་བར་བསྒོམ། །དེ་ནས་ཡེ་ཤེས་དཀྱིལ་འཁོར་ནི། །ཐུགས་ཀའི་ཧྲི་ཡི་འོད་ཟེར་གྱི། །རང་བཞིན་སོ་སོའི་གནས་ནས་ནི། །སྤྱན་དྲང་མདུན་གྱི་ནམ་མཁར་བཞུགས། །ཕྱག་འཚལ་མཆོད་འབུལ་བསྟོད་པ་བྱ། །ཐུགས་ཀའི་ཧྲི་ཡི་འོད་ཟེར་གྱིས། ། རིགས་ ལྔའི་སངས་རྒྱས་སྤྱན་དྲངས་ལ། སྐུ་གསུང་ཐུགས་སུ་བྱིན་བརླབ་ཅིང་། ལྷ་མོ་ལྔ་ཡིས་དབང་བསྐུར་བྱ། །གཉིས་སུ་མེད་པར་བསྟིམ་ནས་ནི། །དམ་ཚིག་ཡེ་ཤེས་དབྱེར་མེད་བསྒོམ། །དེ་ལྟར་སྐུ་ལ་དམིགས་ནས་ནི། ། སྣང་སྟོང་དབྱེར་མེད་ངང་ལ་བཞག །གལ་ཏེ་དེ་ལ་སྐྱོ་བ་ན། །བཟླས་པའི་རྣལ་འབྱོར་བྱ་བ་ནི། །ཐུགས་ཀའི་ཧྲི་ལས་ཡི་གེ་དྲུག །སྔགས་ཀྱི་འཕྲེང་བས་བསྐོར་བས་བསམ། །ཨོ་མ་ཁི་པབླེ་ཧུ༷། རང་དོན་བཟླས་དང་གཞན་དོན་བཟླས། །བདག་གཞན་གཉིས་མེད་བཟླས་པ་བྱ། །དང་པོ་བདག་དོན་བཟླས་པ་ན། །ཐུགས་ཀའི་རྙི༷༷ དང་སྔགས་འཕྲེང་ལས། །འོད་ཟེར་ལུས་ལ་ཁྱབ་པ་ཡིས། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཁོང་ཁྲོ་ཡིས། །རིགས་དྲུག་སྐྱེ་བའི་རྒྱུ་སྦྱངས་ནས། །ཉོན་མོངས་སྒྲིབ་པ་དག་པར་སྦྱངས། །སེམས་ཉིད་གསལ་སྟོང་འོད་གསལ་དང་། །ཤེས་བྱའི་སྒྲིབ་པ་དག་པ་བྱ། །སྣང་སྟོང་གསལ་སྟོང་དབྱེར་མེད་བསྒོམ། །རང་གཞན་གཉིས་མེད་བཟླས་པ་ནི། །ཐུགས་ཀའི་ཧྲི་དང་སྔགས་འཕྲེང་ལས། །འོད་ཟེར་ཕྱིར་ལ་འཕྲོས་་པ་ལས། །བདེ་གཤེགས་བྱང་ཆུབ་སེམས་དཔའ་ལ། །སྐུ་གསུང་ཐུགས་མཉེས་མཆོད་པ་ཕུལ། ཁམས་གསུམ་སེམས་ཅན་སྒྲིབ་པ་སྦྱངས། །ཚུར་འདུས་རང་གི་སྒྲིབ་པ་སྦྱངས། །སྐུ་ནི་སྔར་བས་གསལ་བཏབ་ནས། །སྣང་སྟོང་གསལ་སྟོང་དབྱེར་མེད་བསྒོམ། །གཞན་གྱི་དོན་དུ་བཟླས་པ་ནི། །ཐུགས་ཀའི་ཧྲི་དང་སྔགས་འཕྲེང་ལས། །འོད་ཟེར་རིགས་དྲུག་གནས་སུ་འཕྲོས། །དམྱལ་བ་ཚ་གྲང་སྡུག་བསྔལ་སྦྱངས། །ཡི་དགས་བཀྲེས་སྐོམ་སྡུག་བསྔལ་སྦྱངས། །བྱོལ་སོང་གླེན་ལྐུགས་སྡུག་བསྔལ་སྦྱངས། །མི་ཡི་སྡུག་བསྔལ་སྣ་ཚོགས་སྦྱང་། །ལྷ་མིན་འཐབ་རྩོད་སྡུག་བསྔལ་སྦྱངས། །ལྷ་ལ་འཕོ་ལྟུང་སྡུག་བསྔལ་སྦྱངས། །རིགས་དྲུག་ཐུགས་རྗེ་ཆེན་པོར་བསྒོམ། །འོད་ཟེར་ཚུར་འདུས་བདག་ལ་ཐིམ། །ཉོན་མོངས་དྲུག་སྦྱངས་སྐུ་དྲུག་ཐོབ། །དེ་ལྟར་འཕྲོ་འདུའི་སྦྱོར་པ་ལས། །གལ་ཏེ་དེ་ལ་སྐྱོ་དུབ་ན། །ཡེ་ཤེས་སེམས་དཔའ་ཕྱུང་ནས་ནི། །མཆོད་དང་བསྟོད་པ་བྱས་ཏེ་གཤེགས། །དམ་ཚིག་བསྡུས་ཏེ་རྫོགས་རིམ་བསྒོམ། །ཐུབ་དྲུག་འོད་དུ་ཞུ་ནས་ནི། །རིམ་གྱི་གཙོ་བོའི་སྐུ་ལ་ཐིམ། །གཙོ་བོ་ཐུགས་ཀའི་ཧྲི་ལ་ཐིམ། །ཧྲི་ཡང་མི་དམིགས་སྟོང་པར་བསྒོམ། །སྟོང་ཡང་སྟོང་སྟེ་གསལ་ཡང་གསལ། །གསལ་སྟོང་ངང་ལ་གནས་ཚད་བསྒོམ། །དེ་ནི་བསྙེན་པའི་རིམ་པ་ཡིན། །གཞན་དོན་བསྒྲུབ་པའི་རིམ་པ་ནི། །བུམ་པ་སྒྱུ༷་ལས་གཞལ་ཡས་ཁང་། །ཐུགས་རྗེ་ཆེན་པོའི་ལྷ་ཚོག་བསྐྱེད། སྤྲོ་བསྡུའི་སྦྱོར་བས་སྒྲིབ་པ་སྦྱང་། །སྔགས་ཀྱི་འོད་ཟེར་བཟླས་ལུགས་གསུམ། །རང་དོན་རང་གི་སྒྲིབ་པ་སྦྱང་། །བུམ་པའི་ཆུས་བཀྲུས་སྒྲིབ་པ་སྦྱང་། །ལུས་ངག་ཡིད་གསུམ་དག་པར་བསམ། །སློབ་མ་དབང་བསྐུར་བུམ་པ་ཡིན། །སྤྱི་བོར་ཆུ་བླུགས་སྒྲིབ་པ་དག །ཐུགས་རྗེ་ཆེན་པོའི་སྐུ་རུ་བསྒོམ། །ཚེ་འདས་གཤིན་གྱི་དོན་བྱེད་ན། །བུམ་པ་བདུད་རྩི་དག་བྱེད་ཆུས། །རོ་འམ་རུས་པ་མཚན་བྱང་ལ། ཁྲུས་བྱས་སྡིག་པ་དག་པ་དང་། །འགྲོ་བ་རིགས་དྲུག་གནས་ནས་གདོན། །སྣང་བ་མཐའ་ཡས་ཞིང་ཁམས་སམ། །ཐུགས་རྗེ་ཆེན་པོའི་ཞིང་ཁམས་སུ། །ལམ་བསྟན་མཚན་བྱང་ལ་སོགས་བསེག །རུས་པ་ལ་སོགས་ཚ་ཚ་གདབ། །གཟུགས་བརྙན་དཀྱིལ་འཁོར་བསྡུས་ནས་ནི། ། ཆུའམ་རླུད་ངམ་རི་རྩེར་བསྐྱལ། །བྱང་ཆུབ་སེམས་སྦྱངས་སྨོན་ལམ་གདབ། །དགེ་རྩ་སེམས་ཅན་དོན་དུ་སྔོ། །ཞེས་གསུངས་སོ། །ཐུགས་རྗེས་འགྲོ་དྲུག་འདུལ་བའི་དཀྱིལ་འཁོར་གྱི་ལེའུ་སྟེ་ཉི་ཤུ་རྩ་ལྔ་པོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་འདི་སྐད་ཞུས། །ཐུགས་རྗེ་ཆེན་པོ་སྤྲུལ་པའི་སྐུ། །འགྲོ་བ་འདུལ་བའི་དཀྱིལ་འཁོར་དུ། །རིགས་དྲུག་ལྷ་རུ་ཇི་ལྟར་བསྒྲུབ། །རྫོགས་སངས་རྒྱས་ཀྱིས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །རྫོགས་སངས་རྒྱས་ཀྱིས་བཀའ་སྩལ་པ། །ཉོན་ཅིག་དུས་པའི་འཁོར་ཚོགས་རྣམས། །ཐུགས་རྗེ་ཆེན་པོ་ལྷ་ཡི་ལྷ། །དཀྱིལ་འཁོར་ཀུན་གྱི་བྱེད་པ་པོ། །དུས་གསུམ་སངས་རྒྱས་ཐམསཅད་ཀྱི། །རིགས་ཀྱི་གཙོ་བོར་དབང་བསྐུར་བའི། །རིགས་འདུས་དཀྱིལ་འཁོར་བསྒྲུབ་འདོད་ན། །དང་པོ་ཡིད་འོང་བཀྲ་ཤིས་གནས། ཁྲར་དམའ་ཉི་ཤར་མདངས་འཕྲོག་ལ། །ནུབ་དམའ་ཉི་ནུབ་ཟེར་སྡུད་ལ། །ལྷོ་གཞོལ་རྩི་ཤིང་ནགས་ཚལ་རྒྱས། །བྱང་སྐྱོབ་རི་བོ་མདུན་དུ་ལྟ། །རང་རི་རིན་ཆེན་འབར་བ་འདྲ། །དཀར་ལ་མདངས་ཆགས་བག་དྲོ་བ། །མདུན་ན་མཚོ་དང་མེ་ཏོག་ཡོད། །བཀྲ་ཤིས་ཉམས་དགའི་ས་བཙལ་ལ། །དེ་ལྟ་བུ་དག་མ་འཛོམ་ན། །ཡིད་འོང་དབེན་པ་ཉམས་དགའ་བ། ཁྲུབ་ཐོབ་ཞབས་ཀྱིས་བཅགས་པ་དང་། །དགྲ་འདྲེས་དབང་དུ་མ་བྱས་པར། །དེ་ལྟ་བུ་ཡི་གནས་སོང་ལ། །འབྱུང་པོ་རྣམས་ལ་སྦྱིན་གཏོར་གཏང་། །ས་བླང་ས་བརྟགས་ས་སྦྱང་དང་། །ས་གཟུང་ཆོ་ག་རྒྱས་པར་བྱ། །བཀྲ་ཤིས་ས་བླང་དཀྱིལ་འཁོར་བཞེངས། །དྲི་དང་སྨན་ཆབ་སྐྱང་ནུལ་བྱ། །གཙང་མའི་རས་ཀྱི་སྲད་བུ་ལ། །བྱིན་བརླབས་བྱས་ནས་ཐིག་གདབ་པ། །གནམ་ཐིག་ས་ཐིག་བཏབ་ནས་ནི། །འདབ་མ་བཞི་བཅུ་བཞི་མེ་ལོང་རལ་གྲི་བཞི། །ཕུར་པ་བཞི་ཡིས་བསྐོར་ནས་ནི། །དཀྱིལ་འཁོར་ཚོན་སྐུད་དྲ་བར་བཞུགས། །སྐུ་རྟེན་ལྷ་ཡི་སྐུ་གཟུགས་དགོད། །གསུང་རྟེན་ས་བོན་ཡི་གེ་དང་། །ཐུགས་རྟེན་ལྷ་ཡི་ཕྱག་མཚན་དགོད། །བུམ་པ་ལ་སོགས་དབང་རྫས་དང་། །གཏོར་མ་ལ་སོགས་ཆོད་རྫས་དང་། །སྤོས་དང་མེ་ཏོག་དྲི་ཆབ་དང་། །ཞལ་ཟས་མར་མེ་སིལ་སྙན་དང་། །ཕྱི་ཡི་མཆོད་པ་རྣམས་ཀྱང་བཤམས། །ཞེས་གསུངས་སོ། །གནས་དང་གཟུགས་བརྙན་གྱི་དཀྱིལ་འཁོར་རྫས་བཤམ་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་དག་བཤད་བྱ་བ། །ཏིང་འཛིན་དཀྱིལ་འཁོར་བསྒོམ་ཞིང་བསྐྱེད་པ་ནི། །དང་པོ་སྐད་ཅིག་ལྷར་བསྒོམས་ལ། ། ཐུགས་ཀར་ཟླ་དཀྱིལ་སྙི༷༷ཡིག་བསམ། །འགྲོ་བའི་དོན་དུ་སེམས་བསྐྱེད་ལ། །སྣྲི༷༷ལས་འོད་ཟེར་ཕྱོགས་བཅུར་འཕྲོས། །ཕྱོགས་བཅུའི་སངས་རྒྱས་བྱང་སེམས་དང་། །བླ་མ་ལ་སོགས་སྤྱན་དྲངས་ལ། །བསོད་ནམས་ཚོགས་ཀྱི་ཡན་ལག་བསག །ཚད་མེད་རྣམ་བཞི་བསྒོམ་པར་བྱ། །དེ་ནས་ཡེ་ཤེས་ཚོགས་བསག་པ། །ཕྱི་ནང་ཆོས་རྣམས་སྟོང་པར་བསྒོམ། །ནམ་མཁའ་སྟོང་པའི་དབུས་སུ་ནི། །བསྲུང་བའི་འཁོར་ལོ་བསྒོམ་པར་བྱ། ། འོག་ཏུ་རྡོ་རྗེ་རྒྱ་གྲམ་གྱི། །ལྟེ་བར་ཧུ༷་གིས་མཚོན་པར་གྱུར། །དེ་ལས་འོདཟེར་འཕྲོས་པ་ཡིས། །རྡོ་རྗེའི་གུར་དང་རྩིག་པ་དང་། །རྡོ་རྗེའི་ས་གཞིར་གྱུར་པར་བསྒོམ། །དེ་ནས་ཏིང་འཛིན་རིམ་པ་ནི། །སྟོང་ཉིད་སྤྲོས་བྲལ་དེ་བཞིན་ཉིད། །ཀུན་ཁྱབ་སྙིང་རྗེ་ཀུན་ཏུ་སྣང་། །རང་སེམས་ཧྲི་ཡི་རྒྱུ་ལས་ནི། །བསྲུང་བ་འཁོར་ལོའི་དབུས་ཉིད་དུ། །སྒྲུ༷་སེར་འོད་དང་ལྡན་པ་ལས། །འོད་འཕྲོས་ཕྱོགས་བཅུའི་བདེ་གཤེགས་ཀྱི། །ཞིང་ཁམས་ཀུན་ཀྱི་བཅུད་བསྡུས་ནས། །གཞལ་ཡས་ཁང་དུ་གྱུར་པར་བསྒོམ། །འོག་ཕྱོགས་པདྨ་འདབ་མ་སྟོང་། །སྟེང་ཕྱོགས་འཁོར་ལོ་རྩིབས་སྟོང་ལ། །རིན་ཆེན་སྣ་ལྔས་རྩིག་པ་བྱས། །དབུས་ན་གཙོ་བོའི་ཕོ་བྲང་ནི། །པདྨ་འདབ་བཞིས་ཁྲི་རྐང་བཏེག །སྣ་ཚོགས་པདྨའི་འོད་དང་ལྡན། །ཕྱི་རིམ་འདབ་མ་བཅུ་གཉིས་པ། །སྣ་ཚོགས་ཁ་དོག་མདངས་དང་ལྡན། །གྲུ་ཆད་བར་ཁྱམས་སྒོ་བཞིར་ཕྱོགས། །རིན་ཆེན་སྣ་ལྔའི་རྩིག་པ་བརྩིགས། །རིན་ཆེན་ཕ་གུའི་མདའ་ཡབ་ནས། །སྒོ་ལ་སྣ་ཚོགས་དྲ་བར་དྲ་ཕྱེད་པ། །སྒོ་བཞི་རྟ་བབས་མཛེས་པ་ལ། །ཆོས་ཀྱི་འཁོར་ལོ་གདུགས་ཀྱིས་བརྒྱན། །དར་སྣ་ལྔ་ཡི་འཕན་དར་འཕྱོ། །ཆོས་ཀྱི་དྲིལ་བུ་སྒྲ་སྙན་སྒྲོགས། །རྡོ་རྗེ་ར་བ་མེ་དཔུང་འབར། །བར་ཆད་བདུད་ཀྱི་གླག་མི་རྙེད། །ཕྱི་རིམ་བྱང་ཆུབ་ཤིང་ལ་ནི། །ལོ་མ་མེ་ཏོག་འབྲས་བུ་སྨིན། །དེ་ནས་དཀྱིལ་འཁོར་དབུས་དང་ནི། །པདྨ་འདབ་བཞི་འདབ་བརྒྱད་ལ། །ཉི་ཟླ་པདྨའི་གདན་རེ་བསམ། །དེ་ནི་སྣོད་ཀྱི་ལོ་ཀ་དག་པའོ། །གཞལ་ཡས་ཁང་གི་ཏིང་འཛིན་ནོ། །དེ་ནས་བཅུད་དག་ལྷའི་ཏིང་འཛིན་བསྒོམ། །རང་སེམས་ཡི་གེ་ཧྲི༷༷ལས་ནི། །དབུས་ཀྱི་གདན་སྟེངས་འོད་འཕྲོས་ནས། །སླར་འདུས་པདྨ་དཀར་པོར་གྱུར། །དེ་ལས་འོད་འཕྲོས་འདུས་པ་ལས། །བདག་ཉིད་ཐུགས་རྗེ་ཆེན་པོར་གྱུར། །ཞལ་གཅིག་ཕྱག་བཞི་སྐུ་མདོག་དཀར། །གཡས་གཡོན་ཐུགས་ཀར་ཐལ་མོ་སྦྱར། །གཡས་ཀྱི་འོག་མ་ཤེལ་འཕྲེང་ལ། །གཡོན་གྱི་འོག་མ་པདྨའོ། །ཞབས་གཉིས་གདན་ལ་མཉམ་པར་བཞུགས། །རིན་པོ་ཆེ་ཡི་རྒྱན་གྱིས་བརྒྱན། །འཛུམ་བཅས་མདངས་དང་འོད་ཟེར་འཕྲོ། །སྣང་ལ་རང་བཞིན་མེད་པར་བསྒོམ། །དེ་ནས་རྩ་བའི་འཁོར་བསྐྱེད་པ། ། ཐུགས་ཀའི་རྙི༷༷་ལས་མདུན་དུ་ནི། །ཡི་གེ་དྲུག་པའི་ཡུམ་ཆེན་མོ། །སྐུ་མདོག་ཕྱག་མཚན་གཙོ་དང་མཐུན། ། ཡབ་ལ་འདུད་པའི་ཚུལ་དུ་བསྐྱེད། །གཡས་ཀྱི་པདྨའི་སྟེང་དུ་ནི། །ནོར་བུ་འཛིན་པ་སྐུ་མདོག་དཀར། །ཞལ་གཅིག་པ་ལ་ཕྱག་གཉིས་པ། །གཡས་པ་ནོར་བུ་རིན་ཆེན་འཛིན། །གཡོན་པ་ཡབ་ལ་འདུད་ཚུལ་ལོ། །གཡོན་གྱི་པདྨའི་འདབ་མ་ལ། །རིག་སྔགས་འཛིན་མ་སྐུ་མདོག་དཀར། །ཞལ་གཅིག་མ་ལ་ཕྱག་གཉིས་མ། །གཡས་པ་ཤེལ་གྱི་འཕྲེང་བ་འཛིན། །གཡོན་པ་ཡུམ་ལ་འདུད་ཚུལ་ལོ། །རྒྱབ་ཀྱི་པདྨའི་འདབ་མ་ལ། །པདྨའི་པ་ཏྲ་སྐྱེས་པ་ལས། །དབུ་གཙུག་སྣང་བ་མཐའ་ཡས་ནི། །དབུ་རྒྱན་ཚུལ་དུ་བཞུགས་པར་བསྒོམ། །དེ་ནས་ཡང་འཁོར་བསྐྱེད་པ་ནི། །པདྨ་བཅུ་གཉིས་གདན་སྟེངས་སུ། །ཨོ་མ་ཁི་པརླེ་ཧུ༷་ཞེས་པས། །རྣམ་སྣང་དཀར་པོ་འཁོར་ལོ་བསྣམས། །བསམ་གཏན་ཡུམ་རི་ཡབ་དང་མཐུན། །མི་བསྐྱོད་མཐིང་ཀ་རྡོ་རྗེ་བསྣམས། ཁྲེས་རབ་ཡུམ་ནི་ཡབ་དང་མཐུན། །རིན་ཆེན་སེར་པོ་རིན་ཆེན་བསྣམས། །སྤྱིན་པའི་ཡུམ་ནི་ཡབ་དང་མཐུན། །སྣང་མཐའ་དམར་པོ་པདྨ་བསྣམས། །ཚུལ་ཁྲིམས་ཡུམ་ནི་ཡབ་དང་མཐུན། །དོན་གྲུབ་ལྗང་ཁུ་རྒྱ་གྲམ་བསྣམས། །བཟོད་པའི་ཡུམ་ནི་ཡབ་དང་མཐུན། །སྤྱན་རས་གཟིགས་དབང་དཀར་པོ་པད། །བརྩོན་འགྲུས་ཡུམ་ནི་ཡབ་དང་མཐུན། །ཀུན་ཀྱང་རིན་ཆེན་རྒྱན་གྱིས་བརྒྱན། །གསལ་འཚར་གཟི་བརྗིད་བལྟ་ན་སྡུག །མཉེན་ལྕུག་འཁྲིལ་ལྡེམ་ཡབ་ལ་འཁྱུད། །ཉི་ཟླ་པདྨའི་གདན་ལ་བཞུགས། །སྣང་ལ་རང་བཞིན་མེད་པར་བསྒོམ། །དཀྱིལ་འཁོར་སྒོ་བཞིའི་གདན་སྟེངས་སུ། ཁྲར་སྒོ་བརྒྱ་བྱིན་ཐུབ་པ་དཀར། །ཕྱག་ན་པི་ཝང་བསྣམས་པའོ། །ལྷ་མིན་ཐག་བཟངས་སྔོན་པོ་ནི། །ཕྱག་ན་གོ་མཚོན་བསྣམས་པའོ། །ལྷོ་སྒོར་ཤཱཀ་ཐུབ་སེར་པོ་ནི། །ཕྱག་ན་གསེག་ཤང་པར་བུ་བསྣམས་པའོ། །ནུབ་སྒོར་ནམ་མཁའ་མཛོད་ནི་དམར། །རིན་ཆེན་སྒྲོམ་བུ་བསྣམ་པའོ། ། བྱང་སྒོར་ཆོས་ཀྱི་རྒྱལ་པོ་ནི། །ནག་པོ་མེ་ཆུ་བསྣམས་པའོ། ཁྱམས་ལ་ཕྱི་ཡི་དུས་སུ་ནི། །དུས་གསུམ་སངས་རྒྱས་ཐམསཅད་ནི། །སྔ་རབས་འདས་པ་མ་རྟོགས་པ། །ཕྱིས་ནས་འབྱོན་པ་ཐམས་ཅད་ནི། །སྐལ་བཟང་བྱང་ཆུབ་སེམས་དཔར་གནས། །དཀྱིལ་འཁོར་ནང་གི་དུས་སུ་ནི། །སྔ་རབས་འདས་པའི་བླ་མ་རྣམས། །རིགས་འཛིན་བྱང་ཆུབ་སེམས་དཔའ་གནས། །དཀྱིལ་འཁོར་གྲུ་ཆད་ཕྱོགས་མཚམས་ན། །མཆོད་པའི་ལྷ་མོ་རྣམ་བཞི་གནས། །འདོད་ཡོན་ལྷ་མོ་སྣ་ཚོགས་པ། །འདོད་ཡོན་ཕྱི་ཡི་ཁྱམས་ལ་གནས། །རང་བཞིན་གནས་པར་བསྐྱེད་བསམ་བྱའོ། །དེ་ལྟར་ལྷ་རྣམས་ཐམས་ཅད་ཀྱང་། །སྣང་ལ་རང་བཞིན་མེད་པ་ཡི། །འོད་དང་གཞའ་ཚོན་ཚུལ་དུ་བསྒོམ། །ཞེས་གསུངས་སོ། །དམ་ཚིག་གི་དཀྱིལ་འཁོར་བསྐྱེད་པའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་དག་བཤད་བྱ་བ། །ཡེ་ཤེས་དཀྱིལ་འཁོར་བསྒྲུབ་པ་ཡིས། །དམ་ཚིག་སེམས་དཔའ་གཙོ་བོ་ཡི། །ཐུགས་ཀའི་ཟླ་དཀྱིལ་ཧྲི་ཡིག་ལས། །འོད་ཟེར་ལྕགས་ཀྱུ་ལྟར་འཕྲོས་པས། །རང་བཞིན་སོ་སོའི་གནས་ནས་ནི། །དཀྱིལ་འཁོར་ལྷ་ཚོགས་སྤྱན་དྲངས་ལ། །མདུན་གྱི་ནམ་མཁའ་ཞུགས་པ་ལ། །ཐུགས་ཀ་ཧྲི་ཡི་འོད་ཟེར་གྱིས། །འདོད་ཡོན་ཕྱི་ཡི་ལྷ་མོ་ཡིས། །ཉི་ཟླ་པདྨའི་གདན་བཏིང་ནས། །ཕྱག་བཙལ་ཕྱི་ཡི་མཆོད་པ་དབུལ། །སྐུ་ལ་དགེས་པའི་བསྟོད་པ་དབུལ། །དེ་ནས་ནང་དུ་སྤྱན་དྲངས་ལ། །དམ་ཚིག་སེམས་དཔའི་ལྷ་ཚོགས་ལ། །ཡེ་ཤེས་སེམས་དཔའ་སོ་སོར་བསྟིམ། །གཙོ་བོ་གཙོ་ལ་ཡུམ་ལ་དབུལ། ། འཁོར་ལ་འཁོར་རྣམས་གཉིས་མེད་བསྟིམ། །དེ་ནས་ནང་གི་ལྷ་མོ་ཡིས། །བདུད་རྩི་སྨན་གྱིས་མཆོད་པ་དང་། །གཏོར་མ་རག་ཏ་ཚོགས་དང་ནི། །མར་མེ་ལ་སོགས་ལྷ་མོ་མཆོད། །བསྟོད་ཅིང་སྐུ་ནི་གསལ་གདབ་བྱ། །དེ་ནས་བཟླས་པ་བྱ་བ་ནི། །བདག་ཉིད་གཙོ་བོའི་སྐུར་གསལ་བས། །ཐུགས་ཀ་ཉི་མའི་དཀྱིལ་འཁོར་ནས། ། དབུས་ན་ཧྲི་དཀར་སྔགས་འཕྲེང་ལྡན། །ཨོ་མ་ཁི་པརླེ་ཧུ༷། དམིགས་པ་གསལ་བར་གྱུར་པ་དང་། །རང་དོན་བཟླས་དང་གཞན་དོན་བཟླས། །འཕྲིན་ལས་རྣམ་བཞི་བཟླས་པ་ནི། །དེ་ལ་རང་དོན་འདས་པ་ནི། །ཐུགས་ཀའི་ཧྲི་ཡི་འོད་ཟེར་ལས། །སྔགས་ཀྱི་འདོ་ཟེར་ཁ་དོག་ལྔ། །ཡིག་འབྲུ་ཡུམ་གྱི་ཐུགས་ཀར་འཕྲོ། །ཡུམ་ལས་སྲས་གཉིས་ཐུགས་ཀར་འཕྲོས། །སྲས་ལས་རིགས་དྲུག་ཐུགས་ཀར་འཕྲོས། །རིགས་དྲུག་ཡབ་ཡུམ་ཐུགས་ཀ་ནས། །སྤྲུལ་སྐུ་ཐུབ་དྲུག་ཐུགས་ཀར་འཕྲོས། །ཐུབ་དྲུག་ཐུགས་ནས་འགྲོ་དྲུག་ལ། །སོ་སོར་འཕྲོས་པས་སྡུག་བསྔལ་སྦྱངས། །སླར་འདུས་ཐུབ་དྲུག་ཐུགས་ཀར་ཐིམ། །དེ་ནས་རིམ་གྱི་བདག་ལ་འདུས། །བདག་ཉིད་ལྷར་གསལ་སྒྲིབ་པ་སྦྱངས། ་རྐོན་ཏུ་སྐུ་ནི་གསལ་བར་གྱུར། །དེ་ནི་བསྙེན་པའི་རིམ་པའོ། །དེ་ནས་གཞན་དོན་བཟླས་པ་ནི། ཨོ་མ་ཁི་པརླེ་ཧུ༷། དབང་བསྐུར་རབ་གནས་སྨན་བསྒྲུབ་དང་། །ཚེ་བསྒྲུབ་ལ་སོགས་བསྒྲུབ་པ་རྣམས། །སོ་སོའི་དམིགས་པ་གང་བྱེད་བསྒྱུར། །རང་དོན་སྒྲུབ་པར་བྱེད་པ་ནི། ཨོ་ཨུ་ཧྲུ༷་སྙི༷༷ ཨོ་མ་ཁི་པབླེ་ཧུ༷། སྔགས་ཀྱི་འོད་ཟེར་ཕྱོགས་བཅུར་འཕྲོས། །བདེ་གཤེགས་བྱང་ཆུབ་སེམས་དཔའ་དང་། །ཐུགས་རྗེ་ཆེན་པོ་མཆོད་ཅིང་མཉེས། །ཚུར་འདུས་སྐུ་གསུང་ཐུགས་ཀྱི་ནི། །དངོས་གྲུབ་མ་ལུས་དབྱིག་བསྡུས་ནས། །ལྷ་ཡི་སྐུ་གསུང་ཐུགས་ལ་བསྡུ། །དེ་ནི་སྒྲུབ་པའི་རིམ་པའོ། །ལས་སྦྱོར་འཕྲིན་ལས་རྣམ་བཞི་ཡིན། །ཞི་བའི་འོད་ཟེར་དཀར་པོ་ཡིས། །ཞི་བས་ནད་གདོན་བར་ཆད་ཞི། །རྒྱས་པ་འོད་ཟེར་སེར་པོ་ཡིས། །ཚེ་དང་བསོད་ནམས་ལོངས་སྤྱོད་རྒྱས། །དབང་གི་འོད་ཟེར་དམར་པོ་ཡིས། །ལོག་ལྟ་མི་དང་མི་མིན་སྡུད། །དྲག་པོ་འོད་ཟེར་ནག་པོ་ཡིས། །དགྲ་བགེགས་གདུག་པ་སྒྲོལ་བར་བྱེད། །འཕྲིན་ལས་གང་བྱེད་དམིགས་དང་སྦྱར། །ཞེས་གསུངས་སོ། །ཡེ་ཤེས་ཀྱི་དཀྱིལ་འཁོར་བསྒྲུབ་པ་བསྙེན་བསྒྲུབ་ལས་སྦྱོར་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་དག་བཤད་བྱ་བ། །འགྲོ་བ་འདུལ་བའི་དཀྱིལ་འཁོར་དུ། །སློབ་མ་དབང་བསྐུར་བྱེད་འདོད་ན། །དང་པོ་ལྷ་གནས་ཆོ་ག་བྱས། །བུམ་པ་ཐོད་པ་མེ་ལོང་དང་། །ཆོས་དབྱུག་ཤེལ་འཕྲེང་མེ་ལོང་དང་། །སྐུ་རྟེན་གསུང་རྟེན་ཐུགས་རྟེན་དང་། །ཕྱི་ནང་དབང་རྫས་རྒྱས་པར་བསག །སློབ་མ་ལྷག་པར་གནས་པར་བྱ། །སྡིག་བཤགས་སྐྱབས་འགྲོ་སེམས་བསྐྱེད་བྱ། །སོ་ཤིང་དོར་དང་ཀུ་ཤ་སྦྱིན། །བར་ཆད་བསྲུང་ཕྱིར་བསྲུང་སྐུད་གདགས། །སྤྲོ་བ་བསྐྱེད་དང་གནང་བ་སྦྱིན། །སློབ་མས་གསོལ་བ་བཏབ་ནས་ནི། །སློབ་དཔོནལྷག་པར་གནས་ནས་ནི། །ཡེ་ཤེས་ལྷ་ལ་གསོལ་བ་བའི་དཀྱིལ་འཁོར་དུ། །གཏོར་མའི་བསྒྲུབ་པ་བྱ་བ་ནི། །བསྒྲུབ་གཏོར་མཆོད་གཏོར་ལས་གཏོར་གསུམ། །དང་པོ་བསྒྲུབ་པའི་གཏོར་མ་ནི། །ཕྱི་གཏོར་དང་ནི་ནང་གཏོར་གཉིས། །ཕྱི་ཡི་གཏོར་མ་སྒྲུབ་པ་ནི། །ཟངས་ལ་སོགས་པའི་གཏོར་གཞོང་དུ། །ལྷ་བཤོས་ཁྲུ་གང་བྱས་ནས་ནི། །ཐ་མ་གཏོར་མས་ཁེངས་པར་བྱ། །དཀར་གྱི་ཐིག་བཏབ་རྒྱན་གྱི་བརྒྱན། །གཏོར་སྣོད་རིན་ཆེན་གཞལ་ཡས་ན། །གཏོར་མ་ལྷ་ཚོགས་ཕྱག་རྒྱར་གསལ། །དངོས་གྲུབ་ཆེན་པོ་འབྱུང་བའི་ཕྱིར། །ཕུད་ལ་སོགས་པས་རྒྱུན་དུ་མཆོད། །གནས་ཀྱི་དཀྱིལ་འཁོར་སྟེང་དུ་བཞུགས། །རྟ་རུ་བཟུང་ལ་མི་བཏང་ངོ་། །བཀྲ་ཤིས་བར་ཆོད་འབྱུང་མི་འགྱུར། ། ནང་གི་གཏོར་མའི་བསྒྲུབ་པ་ནི། །གཏོར་མ་ཟུར་གསུམ་ཁྲུ་གང་ལ། །དམར་ཆེན་རཀྟ་བྱུག་ནས་ནི། །ཞབས་སུ་གྲུ་གསུམ་བྲུས་ནས་ནི། །དགྲ་བགེགས་ལིང་ག་མི་རུས་གཞུག །ཐོད་པའི་ནང་དུ་གཏོར་མ་གཞུག །གཏོར་སྣོད་བན་དྷའི་གཞལ་ཡས་ཁང་། །གཏོར་མ་ཁྲོ་བོ་རྟ་མགྲིན་བསྐྱེད། །ཞབས་འོག་དགྲ་བགེགས་ཟིལ་གནོན་པ། །ཚར་གཅོད་བསྒྲལ་དང་བཅིངས་པར་བསམ། །བར་གཅོད་དགྲ་བགེགས་ལྡང་མི་ནུས། །མཆོད་གཏོར་ཇི་ལྟར་འབྱོར་པ་ལ། །གཏོར་སྣོད་རིན་ཆེན་ཁོར་ཡུག་ཏུ། །གཏོར་མ་བདུད་རྩིའི་རྒྱ་མཚོ་མྲ །འབྲུ་གསུམ་སྔགས་ཀྱིས་བྱིན་བརླབས་དབུལ། །ལྷ་མཉེས་དངོས་གྲུབ་གསོལ་བར་བསམ། ཁུན་བཞུགས་སུ་གསོལ་བར་བྱ། །དེས་ནི་ཐུགས་རྗེ་ཆེན་པོ་ཡི། །དམ་ཚིག་ཡེ་ཤེས་དཀྱིལ་འཁོར་བསྒོམ། །ཐོད་པ་བན་དྷའི་གཞལ་ཡས་ནས། །བདུད་རྩི་སྨན་གྱི་རང་བཞིན་ནི། །ཐུགས་རྗེ་ཆེན་པོ་འཁོར་བཅས་རྣམས། །ཡབ་ཡུམ་སྦྱོར་བ་བྱས་པ་ཡི། །བྱང་ཆུབ་སེམས་ནི་བདུད་རྩིར་བསྐྱིལ། །ཡི་གེ་བཅུ་པས་བསྙེན་པ་དབུལ། །ཨོ་ཨུ༷༷་ཧུ༷་སྤྱི༷༷ ཨོ་སརྦ་པ྅་ཨ་མྲི་ཏ་ཧུ༷་སྣྲི་ཐ། ཞེས་བཟླས་པ་ཡིས། ཐོད་པ་ཉི་ཟླ་ཁ་སྦྱར་ནས། །སྨན་སྣ་སྟོང་དང་རྩ་བརྒྱད་རྣམས། །ཐུགས་རྗེ་ ཆེན་པོ་འཁོར་བཅས་ཀྱི། །ཡབ་ཡུམ་སྦྱོར་བའི་བྱང་ཆུབ་སེམས། །སྨན་ལ་བབས་པས་བདུད་རྩིར་བསྒོམ། །དེ་ལ་དྲི་དང་དུ་བ་འོང་། །ཞག་གསུམ་བསྒྲུབ་པ་བྱས་ནས་ནི། །དེ་ནས་བཏགས་ལ་ཕྱི་མ་བྱ། །དར་དམར་ཕུར་མར་དྲིལ་ནས་ནི། །ཐོད་པའི་ནང་དུ་སྩལ་ནས་ནི། །རུས་སྦལ་ཐོད་པ་ཁ་བཅད་ལ། །དཀྱིལ་འཁོར་དབུས་སུ་བཞུགས་ནས་ནི། །འོག་ཏུ་རླུད་གི་དཀྱིལ་འཁོར་ལ། །ར༷་ལས་མེ་ཐབ་ཟུར་གསུམ་པ། །ཐོད་པ་གསུམ་གྱི་སྒྱེད་ཁ་ལ། །བན་དྷ་འབར་བའི་གཞལ་ཡས་ཁང་། །ནང་ན་བདུད་རྩི་གནས་པ་ལ། །རླུད་གིས་མེ་སྦར་ཐོད་པ་དྲོས། །དམ་ཚིག་བདུད་རྩིར་ཁོལ་བར་བསམ། །ཐོད་པའི་སྟེང་ན་ཐུགས་རྗེ་ཆེན་པོ་ཡི། །ལྷ་ཚོགས་ཡབ་ཡུམ་སྦྱོར་བ་བྱས། །ཡེ་ཤེས་བདུད་རྩི་བབས་པར་བསྒོམས། །དམ་ཚིག་ཡེ་ཤེས་བདུད་རྩི་འདྲེས། །གཉིས་སུ་མེད་པའི་བདུད་རྩི་ཡིས། །ཐོད་པ་རྒྱ་ཆེན་ཁེངས་པར་གྱུར། །ཨོ་ཨུ་ཧྲུ༷་ཧྲི། སརྦ་པརྩི་ཨ་མྲི་ཏ་ར་ས་ཡ་ན་སྟ་ན་གུ་ཡ་སིརྙི་ཧུ༷་ཧྲི༷༷ཐ། ཞེས་བཟླས་པ་བྱའོ། །བདུད་རྩི་བསྲུངབའི་སྲུང་མ་ནི། །རྟ་མགྲིན་ཞལ་གསུམ་ཕྱག་བཞི་པ། ། ཞབས་བཞི་བདུད་རྩིའི་ནང་ན་བཞུགས། །མི་འཕམ་ཁྲོ་གཉེར་རལ་གཅིག་མ། །རོ་ལོངས་ཡུམ་བཞིའི་ལྷུམས་སུ་ནི། །ཞབས་བཞི་སྦྱོར་བ་བྱེད་པ་ལ། །ཕྱག་བཞི་ཡུམ་བཞིའི་མགུལ་ནས་འཁྱུད། །བདུད་རྩི་བསྲུང་ཞིང་བདུད་རྩི་འབེབས། །ཨོ་ཨུ༷༷་ཧུ༷་ཧྲི་ཧ་ཡ་གྲི་བ་ཧུ་ལུ་ཧུ་ལུ་སརྦ་པརྩི་མྲི་ཏ་ཧུ༷་སྙི་ཐུ། ཞེས་བཟླས་བདུད་རྩི་བསྲུང་། །དྲི་དང་འོད་དང་དུ་བ་དང་། །མང་དུ་འཕེལ་ན་གྲུབ་པ་ཡིན། །བདུད་རྩིའི་ཕོ་བྲང་དབང་བསྐུར་ལ། །དངོས་གྲུབ་བླང་ཞིང་ལྷ་ལ་མཆོད། །དེ་ལྟར་བསྒྲུབས་པའི་བདུད་རྩི་དེས། །འཆི་བ་སློང་ལ་ན་བ་གསོ། །རྣམ་རྟོག་བདུད་ལ་ཡེ་ཤེས་རྩི། །བདུད་རྩིའི་ཞེས་ནི་དེ་ལ་བྱ། །བདུད་རྩི་བསྒྲུབ་པའི་ལེའུ་སྟེ་སུམ་ཅུ་སོ་གཅིག་པའོ།། །།དེ་ནས་ཡང་དག་བཤད་བྱ་བ། །འགྲོ་བ་འདུལ་བའི་དཀྱིལ་འཁོར་དུ། །ཚེ་ཡི་བསྒྲུབ་པ་བྱ་བ་ནི། །སྣོད་ནི་ཚེ་བུམ་མཚན་ལྡན་དུ། །འབྲུ་བཅུད་རོ་ལྡན་མ་ཉམས་བླུག །མར་དང་མངར་སྨན་བསྲེས་པ་ཡི། །ཚེ་ཡི་འབྲང་རྒྱས་བཅས་ནས་ནི། །རིལ་བུ་མཆེད་ཀྱི་གྲངས་དང་སྦྱར། །སྨན་དང་བདུད་རྩི་ཚེ་ཆང་བླུག །ཚེ་ཡི་འབྲང་རྒྱས་ཁ་བཅད་ལ། །ཚེ་བུམ་དཀྱིལ་འཁོར་དབུས་སུ་བཞག །བར་ཆོད་བགེགས་བསྐྲད་གུ་གུལ་བདུགས། །ཐུགས་རྗེ་ཆེན་པའི་དམ་ཚིག་དལ། །ཡེ་ཤེས་དཀྱིལ་འཁོར་རྫོགས་པར་བསྒོམ། །ཚེ་བུམ་གཞལ་ཡས་ཁང་དུ་བསམ། །བཅོམ་ལྡན་མགོན་པོ་ཚེ་དཔག་མེད། །སྐུ་མདོག་པདྨ་ར་ག་འདྲ། །ཞལ་གཅིག་པ་ལ་ཕྱག་གཉིས་པ། །ཡུམ་ཡང་མྱ་མ་ཀི་ལ་འཁྱུད། །རིགས་བཞི་ཡབ་ཡུམ་འཁོར་གྱིས་བསྐོར། །ལྷ་ཚོགས་འཁོར་དང་བཅས་པ་ཡང་། །གཡས་པ་རིགས་ཀྱི་ཕྱག་ཚན་ལ། །གཡོན་པ་ཚེ་ཡི་བུམ་པ་འཛིན། །བཀྲ་ཤིས་ལྷ་མོ་བརྒྱད་ཀྱི་བསྐོར། །དེ་ལྟར་ཚེ་བུམ་གཞལ་ཡས་ན། །ལྷ་ཚོགས་གསལ་བར་བསྒོམ་ནས་ནི། །ཚེ་བུམ་མགུལ་ནས་བཟུང་ཐག་གདགས། །བདག་ཉིད་དཀྱིལ་འཁོར་གསལ་བསྒོམ་ལ། །ཨོ་ཨུ༷༷ཧུ༷་དྷི༷༷ ཨོ་མ་ཁི་པརླེ་ཧུ༷། ཡི་གེ་བཅུ་པའི་བསྙེན་པ་བྱ། །དེ་ནས་ཚེ་ཡི་བསྒྲུབ་པ་ནི། །ཨོ༷་ཨུ་ཧུ༷་ཏྲ༷་དྷི་ཧ། བྲུ༷་བཛྲ་ཨུ་ཡུ་ཤེ་ཨ་སརྙི་སིརྙི་ཧུ༷། །ཞེས་པའི་འཕྲོ་འདུ་ཡིས། །བདག་ཉིད་ཐུགས་རྗེ་ཆེན་པོ་ཡི། །ཐུགས་ཀའི་ཧྲེ་ལས་འོད་འཕྲོས་པས། །བུམ་པའི་ནང་གི་ལྷ་ལ་ཐིམ། །ལྷ་རྣམས་ཐུགས་བསྐུལ་འོད་ཟེར་གྱིས། །སྟོང་གསུམ་ཚེ་ཡི་བཅུད་བསྡུས་ནས། ། ཚེའི་བུམ་ལྷ་རྣམས་ཐུགས་ཀར་འདུས། །ལྷ་ཡི་ཐུགས་ནས་ཚེ་ཡི་བཅུད། །བདག་དང་སྒྲུབ་བྱེད་སྙིང་ཀར་ཐིམ། །འཆི་མེད་ཚེ་དང་ལྡན་པར་བསྒོམ། །རྒྱས་གདབ་ཚེ་ཡི་སྲུངས་མ་རུང་། །སྙིང་གི་སྒོ་སྲུངས་རྟ་མགྲིན་བསྒོམ། ། ཚེ་ཆང་ཁོལ་དང་དྲོད་རྙེད་ནས། །དངོས་གྲུབ་བླངས་ཏེ་རོལ་པར་བྱ། །ཚེ་ཡི་སིརྙི་ཐོབ་པར་འགྱུར། །ཞེས་གསུངས་སོ། །འཆི་མེད་ཚེ་བསྒྲུབ་ཀྱི་ལེའུ་སྟེ་སུམ་ཅུ་སོ་གཉིས་པའོ།། །།དེ་ནས་ཡང་དག་བཤད་བྱ་བ། །འགྲོ་བ་འདུལ་བའི་དཀྱིལ་འཁོར་དུ། །དངོས་གྲུབ་བསྒྲུབ་པ་བྱ་བ་ནི། །འགྲོ་བ་འདུལ་བའི་དཀྱིལ་འཁོར་དུ། ། དངོས་གྲུབ་བསྙེན་པ་བྱེད་འདོད་ན། །གཏོར་མ་རཀྟ་བདུད་རྩི་དང་། །མཆོད་རྫས་རྣམས་ཀྱང་རྒྱ་ཆེར་བཤམ། །ཕྱི་ཡི་མཆོད་པ་རྒྱ་ཆེར་བཤམ། །ཚོགས་དང་ཞལ་ཟས་སྣ་ཚོགས་ལ། །འབྱོར་ཚོགས་རྒྱས་པར་བཤམས་ནས་ནི། །དུས་བཞིར་མཆོད་ཅིང་བསྒྲུབ་པ་བྱ། །དེ་ནས་མཚམས་གཅོད་སྔོན་འགྲོ་བྱ། །དམ་ཚིག་དཀྱིལ་འཁོར་བསྐྱེད་པར་བྱ། །ཡེ་ཤེས་དཀྱིལ་འཁོར་སྤྱན་དྲངས་ལ། །བཞུགས་གསོལ་ཕྱག་བཙལ་མཆོད་པ་དང་། ། གཉིས་སུ་མེད་པར་བསྟིམ་པ་དང་། །བསྟོད་ཅིང་གསོལ་བ་གདབ་པ་དང་། ཁྱད་པར་ཚོགས་མཆོད་རྒྱ་ཆེན་བྱ། །བདུད་རྩི་སྨན་གྱི་མཆོད་པ་བྱ། །དངོས་གྲུབ་བླང་ཞིང་ལྕེ་ལ་བཞག །གཏོར་མ་རཀྟ་ཚོགས་ཀྱིས་བསྐང་། །མར་མེ་ཚེ་ལ་སོགས་པས་བསྐང་། །ལྷ་ལ་བསྟོད་པ་བྱས་ནས་ནི། །དབང་དང་དངོས་གྲུབ་བླང་བ་དང་། །དུས་བཞིར་མཆོད་ཅིང་འཛབ་བཟླས་བྱ། །ཨོ་ཨུ༷༷ཧུ༷། ཨོ་མ་ཁི་པརླེ་ཧུ༷། ཞེས་པ་འཛབ་ཏུ་བཟླས་པ་ཡིས། །ཐུགས་རྗེ་ཆེན་པོའི་ཐུགས་ཀ་ནས། །སྔགས་ཀྱི་འོད་ཟེར་འཕྲོས་པ་ཡིས། །འཁོར་གྱི་ལྷ་རྣམས་ཐུགས་ཀར་ཕོག ། འཁོར་གྱི་ཐུགས་ནས་ཕྱིར་འཕྲོས་པས། །ཕྱོགས་བཅུའི་བདེ་བར་གཤེགས་པ་ལ། །སྐུ་གསུང་ཐུགས་ཀྱི་མཆོད་པ་ཕུལ། ཁམས་གསུམ་སེམས་ཅན་སྒྲིབ་པ་སྦྱངས། །ཐུགས་རྗེ་ཆེན་པོའི་སྐུ་རུ་གྱུར། །ཚུར་འདུས་སྐུ་གསུང་ཐུགས་ཀྱི་དངོས་གྲུབ་བསྡུས། །དུས་བཞིར་མཆོད་ཅིང་འཛབ་ཏུ་བཟླས། །དུས་དང་གྲངས་དང་མཚན་མ་བྱ། །བསྒྲུབ་པ་གྲུབ་པའི་རྟགས་བྱུང་ནས། །ཐ་མའི་ནུབ་མོ་དངོས་གྲུབ་བླང་། །དངོས་གྲུབ་རྫས་ཀྱི་རྣམ་པ་ནི། ། ཟླ་རྒྱས་ཟླ་ཕྲོམ་ཛ་གད་དང་། །ཚེ་དང་ཨམ་རིལ་གལ་ཕྱི་དང་། །མ༷་ས་འགེ་འུ་སྒྱུ་རུམ་དང་། །བྲན་ཕོ་བྲན་མོ་ཀུན་ཏུ་རྒྱུག །དངོས་གྲུབ་རྫས་དང་འབྱོར་ཚོགས་བཤམས། །ལྷ་ལ་བསྐུལ་ཞིང་དངོས་གྲུབ་བླང་། །ཡི་གེ་བཅུ་པའི་བསྙེན་སྔགས་ལ། །ཀྭ་ཡ་བཱ་ཀ་ཙིསྟ་སརྦ་སིརྙི་སིརྙི་ཧུ༷། །ཞེས་པ་བཟླས། སྟེང་འོག་བར་གསུམ་ལྷ་ཀླུ་མིའི། །བདུད་རྩི་ཟས་དང་རྩི་མཆོག་དང་། །སྔགས་དང་ཏིང་ངེ་འཛིན་གྱི་བླང་། །དངོས་གྲུབ་རྫས་ཀྱི་དབང་བསྐུར་ལ། །ཕུད་ཀྱི་དཀྱིལ་འཁོར་ལྷ་ཚོགས་མཆོད། །རྡོ་རྗེ་སློབ་དཔོན་མཆེད་ལྕམ་རོལ། །བཀྲ་ཤིས་བརྗོད་ཅིང་གླུ་བྲོ་བྱ། །སློབ་དཔོན་ཡོན་དབུལ་མཉེས་བྱས་ནས། །གཏོར་མ་གཏང་ལ་གཏོར་གཞོང་གནོན། །ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་སེམས་དཔའ་རིམ་པར་བསྡུ། །གཟུགས་བརྙན་དཀྱིལ་འཁོར་ས་ཚོན་བསྡུ། །ཆུ་བོའི་གཞུང་ལ་བསྐྱལ་བར་བྱ། །དེ་ནས་སྤྱོད་ལམ་ཅི་བདེར་བྱ། །ཐུགས་རྗེ་ཆེན་པོའི་སིརྙི་ཐིབ། །ཅེས་གསུངས་སོ། །ཐུགས་རྗེ་ཆེན་པོའི་དཀྱིལ་འཁོར་དུ་དངོས་གྲུབ་བསྒྲུབ་པའི་ལེའུ་སྙེ་སུམ་ཅུ་སོ་གསུམ་པའོ།། །།ཐུགས་རྗེ་ཆེན་པོ་གསང་སྔགས་ཀྱི་བསྒྲུབ་པའི་སྐབས་ཏེ་གཉིས་པའོ།། །།དེ་ནས་སངས་རྒྱས་སྣང་བ་མཐའ་ཡས་ལ། །འཇིག་རྟེན་དབང་ཕྱུག་ཡང་ཞུས་པ། །ཨེ་མ་རྫོགས་པའི་སངས་རྒྱས་སྐུ། །ཐམས་ཅད་མཁྱེན་པའི་སྟོན་པ་ལགས། །ཐུགས་རྗེ་ཆེན་པོའི་དཀྱིལ་འཁོར་དུ། །འཕྲིན་ལས་ལས་ཚོགས་ཇི་ལྟར་བསྒྲུབ། །རྫོགས་སངས་རྒྱས་ཀྱི་བཀའ་སྩོལ་ཅིག །དེ་སྐད་གསོལ་བ་གསན་ནས་ཀྱང་། །རྫོགས་སངས་རྒྱས་ཀྱི་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །དེ་ལ་ཞི་བའི་ལས་བསྒྲུབ་ན། །ཡིད་འོང་བཀྲ་ཤིས་དབེན་གནས་སུ། །གཙང་ཞིང་དཀར་བའི་ས་བླངས་ལ། །མཎྜལ་ཟླུམ་པོ་བྱས་ནས་ནི། །དྲི་ཞིམ་སྨན་གྱི་དྲི་ཡི་བྱུག །མེ་ཏོག་དཀར་པོ་བཀྲམ་ནས་ནི། ཁྲུས་བྱས་དཀར་གསུམ་ཟས་ལ་རྟེན། །གཏོར་མ་དཀར་པོ་བཤམས་ནས་ནི། །བུམ་པ་དཀར་པོ་ཆུ་ཡིས་དགང་། །ཙན་དན་དཀར་དང་དམར་གྱིས་བརྒྱན། ། རས་དཀར་གཙང་མས་མགུལ་ཆིངས་བྱ། །གཟུངས་ཐག་དཀར་པོ་བཏགས་ནས་ནི། །མཎྜལ་དབུས་སུ་བཞག་ནས་ནི། །བདག་ཉིད་ཐུགས་རྗེ་ཆེན་པོར་བསྒོམ། །གཟུངས་ཐག་དཀར་པོ་བཟུང་ནས་ནི། །བུམ་པ་ལྷ་ཡི་གཞལ་ཡས་ཁང་། །དྷི་ལས་བྱུང་བའི་སྤྱན་རས་གཟིགས། །ཞལ་གཅིག་ཕྱག་གཉིས་སྐུ་མདོག་དཀར། ། རྒྱན་རྣམས་རྫོགས་པ་པདྨ་བསྣམས། །ཟླ་བའི་གདན་ལ་ལེགས་པར་བཞུགས། །ཧྲི་ཡི་འཕྲོ་འདུའི་སྦྱོར་བ་ནི། །ཨོ༷་མ་ཁི་པདྷི་ཧུ༷།པ་སྨི་པ་ན་ཤན་ཏི་ཀུ་རུ་གྲྭ་ཧྭ། ཞེས་པའི་གསང་སྔགས་གྲུབ་པ་དང་། །བུམ་པ་ཆུ་ཡིས་བཀྲུས་ནས་ནི། །ལས་དང་སྒྲིབ་པ་ཡོངས་དག་ནས། །འཇིགས་པ་ཀུན་ལས་རབ་གྲོལ་ཏེ། །རྒྱལ་པོས་འཇིགས་དང་དམག་གིས་འཇིགས། །ཆོམ་རྐུན་འཇིགས་དང་གཅན་གཟན་འཇིགས། །ལྕེ་འབབ་མེ་ཡིས་འཇིགས་པ་དང་། །སྦྲུལ་གདུག་ཆུ་ཡིས་འཇིགས་པ་དང་། །འཇིགས་པ་བརྒྱད་ལས་ཐར་བར་འགྱུར། །ཞི་བའི་སྦྱིན་སྲེག་བྱེད་འདོད་ན། །ཙན་དན་དཀར་པོའི་ཤིང་ལ་ནི། །བཀྲ་ཤིས་གནས་ནས་མེ་བླངས་སྦར། ། དུར་བའི་རྩ་དང་འབྲས་ཀྱི་འདབ། །ཏིལ་དང་ཡུངས་ཀར་པུ་རྩེ་ལ། །གོང་གི་སྔགས་བཟླས་མེ་ལ་བསྲེག །མྱུར་དུ་ཞི་བའི་ལས་འགྲུབ་འགྱུར། །ཞེས་གསུངས་སོ། །ཞི་བའི་ལས་ཚོགས་ཀྱི་ལེའུ་སྟེ་སུམ་ཅུ་སོ་བཞི་པའོ།། །།དེ་ནས་ཡང་དག་བཤད་བྱ་བ། །རྒྱས་པའི་ལས་ནི་བསྒྲུབ་འདོད་ན། །ནགས་ཚལ་འཐུག་པོ་མེ་ཏོག་ཅན། །ཉམས་དགའ་ས་གཞི་སེར་པོ་་མྲ །གཙང་བ་ས་སེར་ལེགས་བླངས་ལ། །ཙན་དན་སེར་པོའི་དྲི་ཆུས་བྱུག །འབྲས་བུ་བཅས་པའི་མེ་ཏོག་ནི། །སེར་པོའི་ཚོམ་བུ་བཀྲམ་ནས་ནི། །རིན་ཆེན་སྣ་ལྔ་འབྲུ་སྣར་བཅས། །རིན་ཆེན་བུམ་པར་བླུག་པར་བྱ། །མཎྜལ་དབུས་སུ་ལེགས་བཞག་ལ། །གཟུངས་ཐག་སེར་པོ་གདགས་པར་བྱ། །བདག་ཉིད་རྒྱན་བཏགས་གོས་སེར་གོན། །ཐུགས་རྗེ་ཆེན་པོའི་སྐུར་བསྒོམ་ལ། །གཟུངས་ཐག་སེར་པོ་གཟུང་ནས་ནི། །བུམ་པ་ལྷ་ཡི་གཞལ་ཡས་ཁང་། །ཧྲི་ལས་བྱུང་བའི་སྤྱན་རས་གཟིགས། །ཞལ་གཅིག་ཕྱག་གཉིས་སྐུ་མདོག་སེར། །རྒྱན་རྣམས་རྫོགས་པ་བུམ་པ་བསྣམས། །ཉི་མའི་གདན་ལ་བཞུགས་པར་བསམ། །ཧྲི་ཡི་འཕྲོ་འདུ་སྦྱོར་བ་ཡིས། །ཨོ་མ་ཁེ་པཏྲེ་ཧུ༷། རཏྣ་གུ་ན་པུཉི་ཀུ་རུ་གྲྭ་ཧྭ། །ཞེས་པའི་གསང་སྔགས་གྲུབ་བ་དང་། །བང་མཛོད་ལ་སོགས་ཁྱིམ་རྣམས་ནི། །འབྲུ་དང་རིན་ཆེན་ནོར་གྱི་དབྱིག །མི་མཛད་མྱུར་དུ་ཁེངས་པར་འགྱུར། །ཚེ་དང་དཔལ་དང་དབང་ཐང་ཡང་། །འབྱོར་པ་ཆེན་པོ་ཐོབ་པར་འགྱུར། །རྒྱས་པའི་སྦྱིན་སྲེག་བྱེད་འདོད་ན། །ཙན་དན་ཤིང་ལ་གྲུ་བཞིར་རྩིག གཏོར་མ་སེར་པོ་བཤམ་ནས་ནི། །ཀུ་ཤ་སྟར་བུ་ཤུག་འབྲུམ་དང་། །སེར་ཆེན་མེ་ཏོག་སེར་པོ་ལ། །སྔགས་བཟླས་ཙན་དན་མེ་ལ་བསྲེག །ཕྱུག་པོའི་ཁྱིམ་ནས་མེ་བླངས་སར། །རྒྱས་པའི་ལས་རྣམས་དམྱུར་དུ་འགྲུབ། །ཅེས་གསུངས་སོ། །རྒྱས་པའི་ལས་ཚོགས་ཀྱི་ལེའུ་སྟེ་སུམ་ཅུ་སོ་ལྔ་པའོ།། །།དེ་ནས་ཡང་དག་བཤད་བྱ་བ། །དབང་གི་ལས་ནི་གྲུབ་འདོད་ན། སྡུད་པར་བྱེད་པ་ཆུ་ཀླུང་འགྲམ། ཁ་དོག་དམར་པོ་ཟླ་གམ་དབྱིབས། །དེ་ལྟ་བུ་ཡི་གནས་སུ་ནི། །ས་དམར་གཙང་ཞིང་ལེགས་པ་ལ། །མེ་ཏོག་དམར་པོ་བུ་རམ་དང་། །སྦྲང་རྩི་ཀ་རའི་རི་ལུ་བྱ། །བསེ་ཁབ་དམར་པོའི་ནང་དུ་གཞུག །གང་ལ་དམིགས་པའི་གཟུགས་བཅུག་ལ། །མེ་ཏོག་དམར་པོ་བཏབ་ནས་ནི། །མཎྜལ་དབུས་སུ་བཞག་པར་བྱ། །གཟུངས་ཐག་དམར་པོ་བཏག་ནས་ནི། །བདག་ཉིད་ཐུགས་རྗེ་ཆེན་པོར་བསྒོམས། །ཧྲི་ལས་བྱུང་བའི་ལྷ་མོ་ནི། །ལྕགས་ཀྱུ་ཐོགས་པ་བསམ་ནས་ནི། །གང་ལ་དམིགས་པའི་སྙིང་ནས་ནི། །ལྕགས་ཀྱུ་དྲངས་ནས་བཀུག་པར་བསམ། །ཨོ་མ་ཁེ་པརླེ་ཧུ༷། །ཆེ་གེ་མོ་པས་ཤང་མི་ཀུ་རུ་སྲུ་ཧྭ། ཞེས་བཟླས། །ལྷ་དང་མི་ཡི་བུ་མོ་ཁུགས། །རྒྱལ་པོ་ལ་སོགས་དབང་ཆེན་དང་། །ལོག་ལྟ་དགྲ་འདྲེ་ལ་སོགས་པ། །གང་དམིག་གཟུགས་ནི་ཁྲག་གིས་བྲིས། །བསེ་ཁབ་ཟང་ཁབ་ཁ་སྦྱར་གཞུག །ཡེ་གེ་དྲུག་པའི་ཤམ་བུ་སྲ །ཆེ་གེ་མོ་བྷསྨི་པ་ཤང་ཀུ་རུ་གྲྭ་ཧ། ཞེས་བཟླས། གང་ལ་བྱ་བ་དབང་དུ་འགྱུར། །རྒྱལ་པོ་རྗེ་དཔོན་སློབ་དཔོན་དང་། །མ་མ་ལྟ་བུར་མོས་པར་འགྱུར། །དབང་གི་སྦྱིན་སྲེག་བྱེད་འདོད་ན། །མཛོ་མོའི་ཤིང་ལ་སོགས་པ་ལ། །དབྱིབས་ནི་ཟླ་གམ་བརྩིགས་ནས་ནི། །གཏོར་མ་དམར་པོ་བཤམས་ནས་ནི། ཁྱེ་དང་ཇུ་ཙེ་སྲན་མ་ལ། །སྔག་བཟླས་པདྨའི་མེ་འབར་བསྲེག །ནུས་པ་མཆོག་ཏུ་ཡོངས་འགྱུར་ཏེ། །གང་ལ་བྱ་བ་ལོག་ལྟ་རྣམས། །ཐམས་ཅད་བདག་གི་དབང་དུ་འགྱུར། །ཞེས་གསུངས་སོ། །དབང་གི་ལས་ཚོགས་ཀྱི་ལེའུ་ཏེ་སུམ་ཅུ་སོ་དྲུག་པའོ།། །།དེ་ནས་ཡང་དག་བཤད་བྱ་བ། །མངོན་སྤྱོ་དྲག་པོའི་ལས་བྱེད་ན། །དུར་ཁྲོད་ཤིང་གཅིག་འདྲེ་གནས་སུ། །དུར་ཁྲོད་ས་ལ་མཎྜལ་བྱ། །དུག་དང་ཁྲག་གི་ནག་པོར་བྱུག །མེ་ཏོག་སྔོན་པོ་བཀྲམ་ནས་ནི། །བྱང་གི་ཕྱོགས་སུ་ཁ་བལྟས་ཏེ། །ལྕགས་སམ་ཁམ་ནག་ཟུར་གསུམ་དུ། །གང་ལ་བྱ་བའི་མིང་རུས་གཞུག ཁ་སྦྱར་སྟེང་དུ་བུག་པ་བཏོད། །ཡུང་དཀར་ཡུངས༷་ནག་ལྕགས་ཕྱེ་ལ། །བསྔགས་ལ་ཐུན་དུ་བྲབ་བར་བྱ། །བདག་ཉིད་ཐུགས་རྗེ་ཆེན་པོར་བསྒོམ། ཁྲོ་བོ་ནག་པོ་མཚོན་གང་ཐོགས། །གང་ལ་བྱ་བ་གསོད་དང་འཆིང་། །གང་དམིགས་ལས་རྣམས་བྱེད་པར་འགྱུར། །ཨོ་མ་ཁི་པདྨ་ཧྭ༷། ཆེ་གེ་མོ་ཨ་མུ་ཀ་ནཱ་ར་ཡ་ཕཊ། དགྲ་བགེགས་གང་དམིགས་ཚར་གཅོད་འགྱུར། །དྲག་པོའི་སྤྱིན་སྲེག་བྱེད་འདོད་ན། །དུག་ཤིང་ཚེར་མ་ཅན་གྱི་ཤིང་། །དབྱིབས་ནི་ཟུར་གསུམ་དག་ཏུ་བརྩིག །མེ་ནི་ཡུག་སའི་ཁྱིམ་ནས་བླངས། །གཏོར་མ་ནག་པོ་བཤམས་ནས་ནི། །བྲ་བོ་སྲན་མ་ཏིལ་ནག་ལ། །སྔགས་བཏབ་བསྲེགས་ན་མྱུར་དུ་འགྲུབ། །དགྲ་བགེགས་གདུག་པ་ཚར་གཅོད་འགྱུར། །ཞེས་གསུངས་སོ། །མངོན་སྤྱོད་ཀྱི་ལས་ཚོགས་ཀྱི་ལེའུ་སྟེ་སུམ་ཅུ་སོ་བདུན་པའོ།། །།དེ་ནས་ཡང་དག་བཤད་བྱ་བ། །ལས་བཞི་རྫོགས་པའི་འཁོར་ལོ་ནི། །གྲོ་གར་རས་སམ་ཤིང་ཤུན་ལ། །འཁོར་ལོ་རྩིབས་དྲུག་ཡི་གེ་དྲུག །དབུས་སུ་ཧྲི་ཡིས་མཚོན་པ་བྲི། །རྩིབས་མཆན་ཤཱན་ཏིང་ཀུ་རུ་གྲྭ་ཧ། ར་དཀར་འོ་མ་དུང་གིས་བཀྲུ། །དངུལ་ལམ་དཀར་པོའི་ག་བུར་གཞུག །སྔགས་བཟླས་མཆོད་ན་ཞི་བ་འགྲུབ། །ཡུང་བའི་ཆུ་ཡིས་ཁོར་ལོ་བྲི། །སྤྲུསྟེ༷་ཀུ་རུ་གྲྭ་ཧྭ། །རྩིབས་ཀྱི་མཚམས་སུ་བྲི་བར་བྱ། །གསེར་རམ་ར་གན་ག་འུར་གཞུག །སྔགས་བཟླས་མཆོད་ན་རྒྱས་པ་གྲུབ། །མཚལ་དང་པདྨའི་ཁྲག་གིས་བྲི། །པ་སྨི་ཀུ་རུ་གྲྭ་ཧྭ། རྩིབས་མཆན་ལ་ནི་བྲི་བར་བྱ། །ཟངས་ཀྱི་གབ་རྩེར་གཞུག་པར་བྱ། །སྔགས་བཟླས་ཚེ་ན་དབང་དུ་འཀྱུར། །ནིམ་པའི་ཆུ་དང་སྣག་ཚས་བྲིས། །མྱ་ར་ཡ་རྦད་རྩིབས་མཆན་ལ་ནི་བྲི་བར་བྱ། །ལྕགས་ཀྱི་གབ་རྩེར་གཞུག་པར་བྱ། །དྲག་པོའི་ཐུན་དུ་བྲབས་པས་ནི། །གང་ལ་བྱ་བ་འཆི་བར་འགྱུར། ་༑ག་བུ་དག་ལ་སྣང་ཚས་བྲིས། ཡང་ན་མཚལ་ལམ་གུར་ཀུམ་བྲི། གསེར་དང་དངུལ་གྱིས་བྲིས་ན་རབ། །པདྨ་འདབ་མ་དྲུག་པ་ལ། །དབུས་སུ་ཧྲི་བྲི་པདྨ་ལ། །ཨོ་མ་ཁི་པཏྲེ་ཧུ༷་ཞེས་པ་བྲི། མུ་ཁྱུད་རྟེན་འབྲེལ་སྔགས་ཀྱི་བསྐོར། ལ་ཆའི་རི་ལུར་དྲིལ་ནས་ནི། །ཚོན་གྱི་པདྨ་རིན་ཆེན་བརྒྱན། མགུལ་ལམ་དཔུང་པ་གཡས་གཡོན་བཅང་། །བསྲུང་བའི་མཆོག་ཏུ་འགྱུར་བ་དང་། །ལུས་ལ་བཅངས་པས་བྱང་ཆུབ་ཐོབ། །ཨོ༷་མ་ཁི་པདྨ་ཧུ༷། གཞན་ཡང་འཇིགས་པ་བརྒྱད་བསྲུང་བ། །རྒྱལ་པོས་འཇིགས་པ་བསྲུང་བ་ལ། །རྒྱལ་པོའི་ལྷོ་བར་འཁོར་ལོ་བྲི། ཡི་གེ་དྲུག་པའི་ཤམ་བུ་སྲ །རྭ་ག་སྟ༷་བྷ་ཡ་ཧུ༷་ཧུ༷། །ཚོན་སྣ་ལྔ་ཡི་སྐུད་པས་བཅིང་། །བཅིངས་ནས་ཆུ་བོའི་གཞུང་ལ་བསྐུར། །རྒྱལ་པོའི་ཆད་པ་དག་ལས་ཐར། །ཆོམ་རྐུན་དགྲ་ཡིས་འཇིགས་པ་ལ། མི་བཟུགས་ནང་དུ་འཁོར་ལོ་བྲི། ཡི་གེ་དྲུག་པའི་ཤམ་བུ་མྲ །དགྲ་དང་གནོད་པ་ཐམས་ཅད་ཁ་ཏིང་སྟམ་པ་ཡ་ཧུ༷་ཧུ༷། ཞེས་པ་བཟླས་ལ་རྒྱ་གྲམ་ལམ་དུ་མནན། །དགྲ་དང་རྐུན་མོ་འཆིང་བར་འགྱུར། །གཅན་གཟན་འཇིགས་པ་བསྲུང་བ་ལ། །ལྕེ་སྤྱང་སྟག་སོགས་ཁ་འཐམས་པའི། །ལྟེ་བར་འཁོར་ལོ་བྲིས་ནས་ནི། གཙོ་བོ་ཆེ་དང་དྲིལ་ནས་ནི། །ལུས་ལ་བཏགས་སམ་སྒོ་ལ་བཏག །ཡི་གེ་དྲུག་པའི་ཤམ་བུ་མྲ །རི་ཏི་པྲི་ཏི་ཀ་གོ་ལ་སྟམ་པ་ཡ་ཧུ༷་ཧུ༷། གཅན་གཟན་འཇིགས་པ་འཆིང་བར་འགྱུར། །དུག་སྦྲུལ་འཇིགས་པ་བསྲུང་བ་ནི། །སྦྲུལ་གྱི་ལྟོ་བར་འཁོར་ལོ་བྲི། གླ་རྩི་ཤིང་ཀུན་ལུས་བྱུགས་ལ། །འཁོར་ལོ་ལུས་ལ་བཅངས་ནས་ནི། །ཧ་ལ་ཧ་ལ་བི་ཤ་བི་ཤ་སྟ༷་ཧུ༷་ཧུ༷། སྦྲུལ་དང་ཀླུ་གདུག་འཆིང་བར་འགྱུར། །ལྕེ་འབབ་ཐོག་གིས་འཇིགས་པ་ལ། །ཐོག་རུས་མེ་རིའི་ནང་དུ་ནི། །འཁོར་ལོ་བྲིས་ལ་ཐོག་རུས་དང་། །རིན་ཆེན་སྣ་ལྔ་སྤྱི་བོར་བཅིང་ །བཛྲ་ཛ་ལ་ཛ་ལ་སྟ༷་པ་ཡ་ཧུ༷་ཧུ༷། ཡི་གེ་དྲུག་དང་སྤེལ་ལ་བཟླས། །ལྕེ་འབབ་ཐོག་གིས་འཇིགས་མི་འགྱུར། །མེ་ཡི་འཇིག་པ་བསྲུང་བ་ལ། །མེ་རིའི་ནང་དུ་འཁོར་ལོ་བྲི། །འབྲུག་རུས་ཆུ་ཤེལ་ལུས་ལ་བཅང་། །ཛ་ལ་ཨ་ནི་སྟ༷་པ་ཡ་སྟ༷་པ་ཡ་ཧུ༷་ཧུ༷། ཆུ་ལ་བཏབ་ལ་མེ་ལ་གཏོར། །ཡང་ན་ས་ལ་བཏབ་ལ་གཏོར། །ཡི་གེ་དྲུག་དང་སྦྲེལ་ནས་ནི། །མེ་ཡིས་འཇིགས་པ་ཞི་བར་འགྱུར། །ཆུ་ཡིས་འཇིགས་པ་བསྲུང་བ་ནི། །ཆུ་རིས་ནང་དུ་འཁོར་ལོ་བྲི། བི་ད་ར་ནི་སྟ༷་པ་ཡ་ཧུ༷་ཧུ༷། ཡི་གེ་དྲུག་དང་སྦྲེལ་ནས་ནི། །ས་ལ་བསྔགས་ཏེ་ཆུ་ལ་གཏོར། །འཁོར་ལོ་ཁམ་པའི་གབ་ཙེ་ནི། །སོ་བཏང་ལས་བྱས་སྦྱར་ནས་ནི། །ཆུ་སྣར་བཅུག་ན་ཆུ་སྣ་བཟློག །ལུས་ལ་འཁོར་ལོ་བཅངས་པ་ནི། །ཆུ་ཡི་འཇིགས་པ་འབྱུང་མི་འགྱུར། །དུས་མིན་འཆི་བས་འཇིགས་པ་ལ། །རྡོ་རྗེའི་ནང་དུ་འཁོར་ལོ་བྲི། །ཨོ་མ་ཁི་པརླེ་ཧུ༷། །ཨུ་ཡུ་ཚེ་བྲུ༷་ཡུ་བྲུ༷་ནི་ཧུ༷་ཧུ༷། བླ་གཡུ་མིག་མེད་འཁོར་ལོ་དྲིལ། །དེ་ཡང་ལ་ཆའི་རི་ལུར་དྲིལ། རྡོ་རྗེ་རྒྱ་གྲམ་རྒྱས་བཏབ་ལ། །མགུལ་བཏག་མཆན་ཁུང་གཡོན་པར་བཅང་། །སྔགས་བཟླས་ལུས་དང་མ་བྲལ་ན། །དུས་མིན་འཆི་བར་མི་འགྱུར་ཏེ། །བཅུ་ཐུབ་པ་ཡང་བརྒྱ་ཐུབ་འགྱུར། །འཁོར་ལོ་ལས་ཀྱི་ཁ་ཚར་གྱི་ལེའུ་སྟེ་སུམ་ཅུ་སོ་བརྒྱད་པའོ།། །།འཕྲིན་ལས་ལས་ཚོགས་ཀྱི་སྐབས་ཏེ་གསུམ་པའོ།། །། །དེ་ནས་འཇིག་རྟེན་དབང་ཕྱུག་གིས། །སངས་རྒྱས་སྣང་བ་མཐའ་ཡས་ལ། །ཕྱག་འཚལ་བསྐོར་བ་བྱས་ནས་ནི། །ཨེ་མ་ཧོ། །རྫོགས་པའི་སངས་རྒྱས་བཅོམ་ལྡན་འདས། །རྒྱུད་འདིའི་མཚན་ནི་ཇི་ལྟར་ལགས། །རྒྱུད་འདི་དར་བའི་ས་ནི་གང་དུ་འབྱུང་། །དེ་སྐད་གསོལ་བ་གསན་ནས་ཀྱང་། །རྫོགས་པའི་སངས་རྒྱས་བཀའ་སྩལ་པ། ཁུད་འདི་ཐུགས་རྗེ་ཆེན་པོ་ཡི། །བསྒྲུབ་ཐབས་མ་ལུས་སྟོན་པས་ནི། །བསྒྲུབ་ཐབས་ངེས་པར་སྟོན་པའི་རྒྱུད། །ཐུག་རྗེ་ཆེན་པོ་ཐུགས་དགོངས་བཅད། །མ་ལུས་འདི་རུ་སྟོན་པས་ན། །རང་བྱུང་ཡེ་ཤེས་ཕྱི་མའི་རྒྱུད། །རྒྱུད་འདི་དར་ནས་འབྱུང་བའི་དུས། །ལྷོ་ཕྱོགས་འཛམ་བུ་གླིང་གི་དབུས། །དབུ་རྒྱན་དྷ་ན་ཀོ་ཤ་སྲ །མངལ་ལས་མ་སྐྱེས་པདྨ་ལས། །རྫུས་ཏེ་སྐུ་འཁྲུངས་སྤྲུལ་སྐུ་ལས། །ང་ཡི་ལུང་བསྟན་འབབ་པར་འགྱུར། །དེ་ནས་མཐའ་འཁོབ་ཁ་བ་ཅན། །བོད་ཅེས་བྱ་བར་སྟོན་པར་འགྱུར། །ཐུགས་རྗེ་ཆེན་པོའི་བཏན་པ་འབྱུང་། །ཞེས་གསུངས་སོ། །རྒྱུད་འདི་ཨོ་རྒྱན་པདྨ་ཡིས། །བྲག་ཕུག་མ་ར་ཏི་ཀ་མྲ །ཚེ་ཡི་རིགས་འཛིན་བསྒྲུབ་དུས་སུ། །སངས་རྒྱས་སྣང་བ་མཐའ་ཡས་ཀྱིས། །ལུང་བསྟན་རྒྱུད་འདི་བཀའ་བབས་བྱུང་། །བོད་ཡུལ་གདོང་དམར་སྲིན་པོའི་རིགས། །གདུལ་ཕྱིར་རྒྱུད་འདི་བསྒྱུར་ནས་ནི། །ཕྱི་རབས་དོན་དུ་གཏེར་དུ་སྦས། །ལས་ཅན་གཅིག་དང་འཕྲད་གྱུར་ནས། མ་སྤེལ་སྒྲོ་སྐུར་སར་སོང་ན། །བྱིན་རླབ་དངོས་གྲུབ་ཡལ་བར་འགྱུར། །བཅངས་ན་དངོས་གྲུབ་ཆོག་ཐོབ་འགྱུར། །གལ་ཏེ་རྒྱུད་འཛིན་སྣོད་ལྡན་མི། །བླ་མའི་བཀའ་བཞིན་བྱེད་པ་དང་། ཁོང་གི་སྙིང་ལྟར་བརྩེ་སེམས་ནས། །སྐད་ཅིག་འབྲལ་བར་མི་སེམས་ན། །དེ་ལ་རྒྱུད་འདི་གཏད་པར་བྱ། །བསྟན་པའི་སྒྲོན་མེ་བྱེད་པར་ཤོག །ཅེས་གསུངས་སོ། །རྒྱུད་ཀྱི་མཚན་བསྟན་པ་དང་། །ཐུགས་རྗེ་ཆེན་པོའི་བསྟན་པ་འབྱུང་དུས་བསྟན་པའི་ལེའུ་སྟེ་སུམ་ཅུ་སོ་དགུ་པའོ།། །།ཐུགས་རྗེ་ཆེན་པོ་སྤྱན་རས་གཟིགས་ཀྱི་བསྒྲུབ་ཐབས་བསྟན་པ་ཡེ་ཤེས་རང་བྱུང་གི་རྒྱུ་ཕྱི་མ་ཞེས་བྱ་བ་རྫོགས་སོ། །གཏེར་རྒྱ། སྦས་རྒྱ། གཏད་རྒྱ།། །། རྒྱ་གར་སྐད་དུ། ཨུརུ་ཙིཀྟ་མ་ཧྭ་ཀ་ལ་ཙ་ར་པ་ཐ་ཏ་ཏནྟྲ། ཙིསྟ་མ་ཧྭ་དུ་ཁ་སརྦ་ས་ཧ་ལ་ན་མོ། །བོད་སྐད་དུ། །འཕགས་པ་ཐུགས་རྗེ་ཆེན་པོ་མགོན་པོ་་སྒོབོར་བ་དོང་སྤྲུག་གི་རྒྱུད། །ཐུགས་རྗེ་ཆེན་པོ་སྡུག་བསྔལ་ཐམ་ཅད་ཞི་བར་བྱེད་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འད་དཔག་ཏུ་མེད་པ་བདེ་བ་ཅན་གྱི་ཞིང་ཁམས་ཟ་མ་ཏོག་བཀོད་པའི་གཞལ་ཡས་ཁང་ན། འཁོར་ལྷ་དང་། ཀླུ་དང་། གཟའ་དང་། རྒྱལ་པོ་ཆེན་པོ་བཞི་དང་། ཕྱོགས་སྐྱོང་བ་བཅུ་དང་། བྱང་ཆུབ་སེམས་དཔའ་སའི་སྙིང་པོ་ལ་སོགས་ཏེ་བྱེ་བ་ཕྲག་ཉིས་བརྒྱ་དང་། མཁའ་འགྲོ་མ་པདྨ་གར་གྱི་དབང་མོ་ལ་སོགས་ཏེ། མཁའ་འགྲོ་དྲུག་ཅུ་རྩ་གཉིས་ཀྱིས་བསྐོར་ནས་ཐབས་ཅིག་ཏུ་བཞུགས་སོ། །དེའི་ཚ་མཁའ་འགྲོ་པདྨ་གར་གྱི་དབང་མོས། །སངས་རྒྱས་འོད་དཔག་ཏུ་མེད་པ་ལ་འདི་སྐད་ཅེས་གསོལ་ཏོ། །ཀྱེ་སངས་རྒྱས་འོད་དཔག་མེད་ལགས། །འགྲོ་དོན་འཕྲིན་ལས་ཛད་པའི་ཕྱིར་ཐུགས་རྗེ་ཆེན་པོའི་གནས་དང་རང་བཞིན་བསྟན་དུ་གསོལ་ཅེས་ཞུས་པས། པདྨ་གར་གྱི་དབང་མོ་རྣ་བའི་དབང་པོ་སྒྲ་ལ་ཉོན་ཅིག །ཅེས་འོད་དཔག་ཏུ་མེད་པས་བཀའ་སྩལ་ཏོ། །དེ་ནས་ཡང་པདྨ་གར་གྱི་དབང་མོས་ཡེངས་པ་མེད་པའི་བསམ་གཏན་ལ་ཞུགས་ཏེ། དེ་ནས་སངས་རྒྱས་འོད་དཔག་ཏུ་མེད་པས་བཀའ་སྩལ་པ། ཐུགས་རྗེ་ཆེན་པོ་བཞུག་པའི་གནས་ནི་རི་པོ་ཏ་ལའི་རྩེ་མོ་ལ། བྲག་ཐམས་ཅད་པདྨ་སྣ་ཚོགས་ཁ་བྱེ་བ་འདྲ་བ། དབྱར་དགུན་སྟོན་དཔྱིད་ནམ་ལ་དུས་བཞིར་མེ་ཏོག་དང་འབྲས་བུ་སྐམ་པ་མེད་པ། མེ་ཏོག་པདྨ་དང་། པདྨ་སྟོང་ལྡན་དང་། པདྨ་ཆེན་པོ་དང་། མེ་ཏོག་སྣ་ཚོགས་པས་བརྒྱན་པ། བྲག་ཐམས་ཅད་ལ་ཐུགས་རྗེ་ཆེན་པོ་རིགས་ཕྱག་སྟོང་སྤྱན་སྟོང་བ༷་དང་། སྤྱན་རས་གཟིགས་དང་། མཁར་ས་པ་ཁི་དང་། སེང་གེ་སྒྲ་དང་།དོན་ཡོད་ཞགས་པ་དང་། འཁོར་བ་དོང་སྤྲུགས་དང་། ཧ་ཡ་གྲི་བ་ལ་སོགས་པ་བསམ་གྱིས་མི་ཁྱབ་པས་རྩེ་ཞིང་། ནགས་ཚལ་རི་བྲག་ཐམས་ཅད་སྐུ་རང་བྱུང་དུ་བཞུགས་སོ། །སྒྲ་ཆུ་སྒྲ་རླུད་སྒྲ་ལ་སོགས་པ་ཐམས་ཅད་ཡིག་འབྲུ་བདུན་པའི་སྒྲའོ། །གནས་པའི་སྲོག་ཆགས་ཕག་མོ་དང་། ཕུག་རོན་དང་། རྗོན་པ་དང་། བྲམ་ཟེ་ཕོ་མོ་དང་། ཚེར་མ་འདོན་པ་དང་། པདྨའི་སྡོང་པོ་ལ་ལོ་མ་དང་འབྲས་བུ་སྣ་ཚོགས་སྨིན་པ། ཉི་ཟླའི་འོད་ཀུན་ཏུ་ཁྱབ་པའོ། །རང་བཞིན་ནི་དུས་གསུམ་སངས་རྒྱས་བདེ་བར་གཤེགས་པ་ཐམས་ཅད་ཀྱི་གསུང་གི་རང་བཞིན། གསུང་དབྱངས་ཡན་ལག་དྲུག་ཅུ་དང་ལྡན་པས་འགྲོ་དྲུག་འཁོར་བ་མ་སྟོངས་ཀྱི་བར་དུ་དོན་བྱེད་པས་བྱང་ཆུབ་སེམས་དཔའི་རང་བཞིན། མཐོ་སྲིད་པའི་རྩེ་མོ་ནས་དམའ་འཇག་མའི་སྲིན་བུ་ཡན་ཆད་ལ་ཁྱབ་པས་ཐེག་པ་ཆེན་པོའི་རང་བཞིན། གཙང་སྨྲེ་གཙང་དང་གཟེམ་རྟོག་མེད་པར་དོན་བྱེད་པས་སངས་རྒྱས་ཀྱི་རང་བཞིན་འཁོར་བར་དོན་མཛད་ཀྱང་འཁོར་བའི་སྐྱོན་ཀྱིས་མ་གོས་ཏེ། མྱ་ངན་འདས་པའི་རང་བཞིན་ནོ་ཞེས་གསུངས་སོ། །འཁོར་བ་དོང་སྤྲུགས་ཀྱི་རྒྱུད་ལས། གླེང་གཞི་བསྟན་པའི་ལེའུ་སྟེ་དང་པོའོ།། །།ཡང་པདྨ་གར་གྱི་དབང་མོ་ཞུས་པ། ཀྱེ་སངས་རྒྱས་འོད་དཔག་མེད། །འགྲོ་དོན་འཕྲིན་ལས་མཛད་པའི་ཕྱིར། །ཕྱི་བསྒྲུབ་འགྲོ་དོན་བཅས་པ་ཅིག །བདག་ཅག་རྣམས་ལ་བཤད་དུ་གསོལ། །ཞེས་ཞུས་པས། གར་གྱི་དབང་མོ་ཉོན་ཅིག །བྱང་ཆུབ་མཆོག་ཏུ་སེམས་བསྐྱེད་ནས། ཚད་མེད་རྣམས་བཞི་བསྒོམ་པར་བྱ། །བདུན་ནི་རྣམ་དག་ཚོགས་བསགས་ལ། །དང་པོ་སྟོང་པ་ཉིད་དུ་བསྒོམ། །རང་སེམས་ཡི་གེ་ཧྲི༷༷ལས་ནི། །བ༷་ལས་སྣ་ཚོགས་པདྨ་ལས། །དེ་སྟེང་བྷ༷་ལས་གཞལ་ཡས་ཁང་། །པདྨ་འདབ་དྲུག་མུ་ཁྱུད་ལྡན། ཁུ།་ཆད་སྒོ་དང་བཅས་པ་ལ། །རིན་ཆེན་རྒྱན་གྱིས་བརྒྱན་པ་བསྐྱེད། །དེ་དབུས་ཉི་ཟླ་པདྨའི་གདན། །དེ་སྟེངས་སྙི༷༷ཡི་འཕྲོ་འདུ་ལས། །མགོན་པོ་ལྒབཿར་བ་དོང་སྤྲུགས་ནི། །ཞལ་གཅིག་ཕྱག་གཉིས་སྐུ་མདོག་དམར། །གཡས་པ་ཤེས་རབ་རལ་གྲི་བསྣམས། །གཡོན་པ་བདུད་རྩིའི་བུམ་པ་བ་མས། །རིབས་ཀྱི་བངབ་པོས་དབུ་ལ་བ་ན། །རྔ་མགྲིན་་ལ་པོ་ཐུགས་ཀར་གསལ། ཁྲེལ་འཕྲེང་བརྒྱ་རྩ་དོ་ཤལ་བརྒྱན། །རིན་པོ་ཆེ་ཡི་རྒྱན་དང་ལྡན། །འཛུམ་ཞལ་བཅས་བཞུགས་ཐུགས་ཁ་ནས། པདྨའརྐྱུབ་ངབ་ཧྲི༷༷ཧཱུཾབ་ལས།། །།ཡི་གེ་ཛོབ་པའི་་འཕྲེང་ཛུར་བརྨིརྨོ། །ཧྲི༷༷ འསྒྲོས་སྨྲོ་གེ་དྲག་པ་ལས། །བཅོམ་ལྡན་སྤྲུལ་སྐུ་ཐུབ་པ་དྲུག །སྐུ་མདོག་ཕྱག་རྟགས་ཕྱག་མཚན་འཛིན། །རིགས་དྲུག་སོ་སོ་འདུལ་ཕྱིར་སྲོརྨི། སྡེ། སྨྲ་ཚིབ་སྒྲུམས་དཔའ་བརྙིསྡ་༷་དང་། །སྐ་གསུང་ཐུགས་སུའ་བྱིན་བརླབ་ཅིང་།༄།དབང་བསྐུར་རྒྱས་གདབ་བྱས་ནས་ནི། །སྙིང་ཁའི་ཧྲི༷༷ལས་འོད་འཕྲོས་ནས། །ཡེ་ཤེས་སེམས་དཔའ་སྤྱན་དྲས་ལ། །མདུན་གྱི་རྨིཁའ་ཟློ་བའ་ས་སུ་སོརྨི། །ཕྱསྒོ་རྦིཙལ།་མཆོད༄་པ་།དབུལ་ལགས་ཀྱི། དེ་ནས་འདས་པའི་རིམ་པ་ཡི། །བདག་དང་ཡེ་ཤེས་སེམ་དཔའ་གཉིས། །ཉི་ཟླ་པདྨའི་དཀྱིལ་འཁོར་དྷི༷༷ཡིག་ལ། །འོད་ཟེར་བསྣོལ་མར་་།བས་བརྗོང་་པཛི། །ཕར་འཕྲོས་རྨི་ཤེས་སེམས་རྡོཔའ་།མཉེས། རྨྱིར་འས་སྟོ་གསུམ་སྒྲིབ་པ་སྨངས། །གང་འདོད་དོན་དུ་བཟླས་པ་བྱ། །སྐུ་གསུང་ཐུགས་ཀྱི་ས་བོན་དང་། འབྲུ་བདུན་སྐྱོན་རྣམས་སྤངས་ལ་བཟླས་སྤྲེ་ཧཱུཾ། །དེ་་ན།ས་བསྐྱེད་རིམ་གཏོང་འརྡོད་ན། །ཡེ་རྒེས་སེམས་དཔའ་རྒེརྒིགསི་སུ་གསོལ། །ད་མ་ཚིག་སེམས་དཔའ་སྙི༷༷ལ་བསྡུས། །སྙི་ལས་མི་དམིག་གསལ་སྟོང་བསྒོམ། །དེ་ལས་ལངས་ཏེ་ཆོས་སྤྱོད་ཅི་རིག་བྱ།དགེ་བ་སེམས་ཅན་དོན་དུ་བསྔོ། །འགྲོ་དྲུག་སེམས་ཅན་ཐམས་ཅད་ལ། །ཆོས་ཀྱི་འཁོར་ལོ་བསྐོར་ཅིང་དབང་བསྐུར་བྱ། །སྤྱིན་སྲེག་བྱ་ཞིང་སྒྲིབ་པ་སྦྱངས། ཁྲུས་གསོལ་འཁོར་བ་དོང་ནས་སྤྲུག །གཏོར་མ་ཆབ་གཏོར་བཏང་བ་དང་། །སྦྱིན་པ་བཏང་ཞིང་སྐྱེ་སྒོ་དགག །བྱང་ཆུབ་ལམ་སྣ་དྲང་བར་བྱ། །ཞེས་གསུངས་སོ། །འཁོར་བ་དོང་སྤྲུགས་ཀྱི་རྒྱུད་ལས། ཕྱི་བསྒྲུབ་འགྲོ་དོན་དང་བཅས་པ་བསྟན་པའི་ལེའུ་སྟེ་གཉིས་པའོ།། །།ཡང་པདྨ་གར་གྱི་དབང་མོས་ཞུས་པ། །ཀྱེ་སངས་རྒྱས་འོད་དཔག་མེད། །ནང་བསྒྲུབ་དངོས་གྲུབ་བཅས་པ་ཅིག །བདག་ཅག་རྣམས་ལ་བཤད་དུ་སོལ། །ཞེས་ཞུས་པས། །གར་གྱི་དབང་མོ་ཉོན་ཅིག །བདེ་གཤེགས་ཀུན་འདུས་སངས་རྒྱས་ཀྱིས། །ཐུགས་རྗེ་ཆེན་པོར་དབང་བསྐུར་བའི། །འཁོར་བ་དོང་སྤྲུགས་དཀྱིལ་འཁོར་བསྟན། །ཐུགས་རྗེ་ཆེན་པོ་ལྷ་ཡི་ལྷ། །དཀྱིལ་ཁོར་ཀུན་གྱི་བྱེད་པ་པོ། །བཀྲ་ཤིས་བྱིན་ཆགས་ཉམས་དགའ་བར། །ཡིད་འོང་དབེན་པའི་གནས་དག་ཏུ། །ས་བརྟག་ས་ཡི་ཆོ་ག་བྱ། ཆག་ཆག་གདབ་ཅིག་སྔོན་འགྲོ་ཡན་ལག་གཟུང་། །ཐིག་གདབ་ས་ཚོན་བྱིན་གྱིས་བརླབས། །ལེགས་པར་བྲི་ཞིང་རྒྱན་རྣམས་དགོད། །དཀྱིལ་འཁོར་ཚོན་སྐུད་དྲ་བར་གཞུག །བུམ་པ་དབང་རྫས་གཏོར་མ་དང་། བདུད་རྩི་རག་ཏ་ཚོགས་འཁོར་བཤམས། །མཆོད་པ་རྣམ་ལྔ་འབྱོར་ཚད་བསྟར། །དེ་ནས་སྐུ་གསུང་ཐུགས་ཀྱི་རྟེན། །ཙ་ཀ་ལི་དང་ཡིག་འབྲུ་དང་། ཕྱག་འཚན་ལ་སོགས་དགོད་པར་བྱ། སྤྱན་དྲངས་བཞུགས་གསོལ་ཕྱག་དང་མཆོད་པ་ལ། གཉིས་སུ་མེད་པར་བསྟིམ་པར་བྱ། །མཆོད་ཅིང་གསོལ་བ་གདབ་པ་དང་། ཚོགས་དང་གཏོར་མས་དུས་བཞིར་བསྐང་། བདུད་རྩི་བྱིན་རླབས་སྨན་མཆོད་བྱ། །དངོས་གྲུབ་བླང་དང་གཏོར་མ་རཀྟ་ཚོགས་ཀྱིས་བསྐང་། །མར་མེ་ཚེ་དབུལ་འཛབ་བཟླས་བྱ། །ལྷ་བཀོད་དབང་དང་དངོས་གྲུབ་བླང་། །དུས་བཞིར་མཆོད་ཅིང་བཟླས་པ་བྱ། །དུས་གྲངས་མཚན་རྟག་བྱུང་ནས་ནི། །དངོས་གྲུབ་རྫས་རྣམས་འབྱོར་ཚད་བཤམ། །ལྷ་ལ་བསྐུལ་ཅིང་དངོས་གྲུབ་བླང་། །དངོས་གྲུབ་རྫས་ཀྱི་དབང་བསྐུར་བྱ། །ཕུད་ཀྱིས་དཀྱིལ་འཁོར་ལྷ་ཚོགས་མཆོད། །གཏོད་མས་ཆོས་སྐྱོང་སྲུང་མ་བསྐང་། །རྡོ་རྗེ་སློབ་དཔོན་མཆེད་ལྕམ་རོལ། །ལྷག་མས་བཀྲ་ཤིས་ཀླུ་བྲོ་བྱ། །གཏོར་མ་ཕྱིར་གཏང་གཏོར་གཞོང་མནན། ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་སེམས་དཔའ་རིམ་པས་བསྡུ། དལ་བསྡུ་སྤྱོ་ལམ་ཅི་བདེར་བྱ། །ཞེས་གསུངས་སོ། །འཁོར་བ་དོང་སྤྲུགས་ཀྱི་རྒྱུ་ལས། ནང་བསྙེན་བསྒྲུབ་རྣམ་བཞིས་བསྟན་པའི་ལེའུ་སྟེ་གསུམ་པའོ།། །།ཡང་པདྨ་གར་གྱི་དབང་མོས་ཞུས་པ། ཀྱེ་སངས་རྒྱས་འོད་དཔག་མེད། ནང་བསྐོར་ཐིག་ལེ་གཅིག་ཏུ་བསྒྲུབ་པ་ཅིག །བདག་ཅག་རྣམས་ལ་བཤད་དུ་གསོལ། །ཞེས་ཞུས་པས། །གར་གྱི་དབང་མོ་ཉོན་ཅིག དང་པོ་སྐྱབས་འགྲོ་སེམས་བསྐྱེད་བྱ། །ཚད་མེད་བཞི་ལྡན་ཏིང་འཛིན་རྣམ་གསུམ་བསྒོམ། །བསྐྱེད་རྫོགས་རིམ་པ་བཞིན་དུ་བསྒོམ། །རྙི༷༷ཡི་འཕྲོ་འདུའི་ཏིང་འཛིན་གྱི། །ཕྱི་ནང་ཉོན་མོངས་སྒྲིབ་ཀུན་སྦྱངས། །བསོད་ནམས་ཚོག་བསགས་མཆོད་པ་དབུལ། །བསོད་ནསམ་ཚོགས་ནི་བསགས་པའོ། །སྡིག་སྒྲིབ་མ་ལུས་སྦྱོང་བའོ། །དགེ་བ་བཅུ་ཡི་ལམ་བརྟེན་ནས། །མཐའ་ཡས་སེམས་ཅན་ཐམས་ཅད་ཀྱི། །སྒྲིབ་གཉིས་མ་ལུས་སེལ་བར་བྱེད། །འབྲུ་བདུན་སངས་རྒྱས་ཀུན་གྱིས་གསུངས། །བྱང་ཆུབ་མཐར་ཕྱིན་བསྒྲུབ་པའི་ལམ། །རྫོགས་པའི་སངས་རྒྱས་ཀུན་གྱི་གསུང། །འཁོར་བ་དོང་སྤྲུགས་ཀྱི་རྒྱུད་ལས། ཐིག་ལེ་ཆིག་རྫོགས་སུ་བསྒྲུབ་པའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་པར་བྱ། །མི་རྟོག་གཉིས་མེད་ནམ་མཁའི་ངང་། །རང་བྱུང་རང་ཤར་ཆོས་ཀྱི་སྐུ། །གསལ་འགྲིབ་མེད་པར་ལོངས་སྤྱོད་རྫོགས། །ཀུན་སྣང་སྤྲུལ་པའི་སྐུ་ལ་བསྟོད། །ཨོ་ནི་བརྡལ་ཁྱབ་ཀུན་གཞི་བྱང་ཆུབ་སེམས། །འཁོར་འདས་འབྱུང་ཁུངས་རྒྱུ་འབྲས་ལམ་གྱི་མཆོག །གདོད་ནས་སྐྱེ་མེད་འོད་གསལ་ཀུན་འབྱུང་རིག་པའི་གཏེར། །མ་ཡེངས་འགྲོ་དོན་ཉི་མའི་འོད། །ཐིག་ལེ་སྟོང་པ་ཀུན་ལྡན་སྤྲོ་བསྡུ་བྲལ། །མ་ནོར་རང་བྱུང་ཉེས་པའི་སྐྱོན་དང་བྲལ། །དྲི་མེད་ཟུང་འཇུག་ཉོན་མོངས་སྐྱོན་བྲལ་ཚོགས་གཉིས་རྫོགས། །པདྨའི་སྤྱན་ལྡན་གསལ་བྱེད་སྒྲོལ་མའི་ངང་ ཡེ་ཤེས་སྣང་གསལ་གཟུང་འཛིན་མཚན་མ་བསྲེག །མཐར་ཕྱིན་དགོངས་པ་མ་རྩལ་ལྷུན་གྱིས་གྲུབ། །དགག་བསྒྲུབ་དབྱེར་མེད་སྙིང་པོའི་དོན་ལ་བསྟོད། །སྣང་བ་དག་པས་སྤྱན་འདྲེན་གཉིས་མེད་བཞུགས། །སྒོ་གསུམ་རྣམ་དག་གུས་པས་བདག་ཕྱག་འཚལ། །སྡིག་སྒྲིབ་དམ་ཚིག་ཉམས་ཆག་སྐོང། །གཉིས་མེད་མཆོད་འབུལ་སྡིག་སྒྲིབ་བཤགས། །རྗེས་སུ་ཡི་རང་ཆོས་ཀྱི་འཁོར་ལོ་བསྐོར། མྱ་ངན་མི་འདའ་རྗེས་སུ་བཞུགས། །མི་དགེ་སྡིག་སྦྱང་སྐྱེ་འགྲོ་ཐུགས་རྗེས་ཟུང་། །ཞབས་དྲུང་སྐྱེ་བར་སྨོན་ཅིང་སེམས་ཅན་དོན་དུ་བསྔོ། །རིན་ཆེན་མཎྜལ་མེ་ཏོག་མཛེས་པས་བརྒྱན། །གླིང་བཞི་གླིང་འཕྲན་དག་པ་ཡི། །རི་རབ་ཉི་ཟླ་སྐར་མས་བརྒྱན། །རིན་ཆེན་སྣ་བདུན་གཏེར་ཆེན་བརྒྱད་ཀྱིས་བརྒྱན། །རྣམ་དག་མཎྜལ་མཆོད་པའི་མཆོག །བརྡལ་བ་ཆེན་པོ་རྒྱ་ཆབ་དུས་གསུམ་སངས་རྒྱས་མཉན་བྱེད་པ། །བསམ་མི་ཁྱབ་ཀྱི་མཎྜལ་དུ། །སྤང་བླང་མེད་པའི་རྒྱན་གྱིས་བརྒྱན། རྣམ་དག་ཆེན་པོའི་མཎྜལ་འབུལ། །ཞེས་གསུངས་སོ། །འཁོར་བ་དོངས་སྤྲུགས་ཀྱི་རྒྱུད་ལས། བསྟོད་བཤགས་མཎྜལ་དབུལ་བའི་ལེའུ་སྟེ་ལྔ་པའོ།། །།ཡང་གར་གྱི་དབང་མོས་ཞུས་པ། ཀྱེ་སངས་རྒྱས་འོད་དཔག་མེད། །ཐུགས་རྗེ་ཆེན་པོའི་མཚན་ཉིད་ཅིག །བདག་ཅག་རྣམས་ལ་བཤད་དུ་གསོལ། །ཞེས་ཞུས་པས། གར་གྱི་དབང་མོ་སྒྲ་ཉོན་ཅིག །ཐུགས་རྗེ་ཆེན་པོའི་མཚན་ཉིད་ནི། །ཐུགས་ནི་ཡང་དག་གོང་ན་མེད། །རྗེ་ནི་དེ་སྐྱེས་བྱེད་པའོ། །ཐུགས་ནི་ཆོས་ཉིད་མི་འགྱུར་བ། །རྗེ་ནི་འགག་པ་མེད་པའི་དོན། །ནམ་མཁའི་མཐའ་མཉམ་སེམ་ཅན་ལ། །ཐེག་ཆེན་འགྲོ་བའི་དོན་མཛད་པ། །འཕྲིན་ལས་འབྲས་བུའི་དོན་སྟོན་པ། ཁྱབ་བརྡལ་ཐེག་པ་ཆེན་པོ་ལ། །གསུང་སྒྲགས་སྙན་པ་ཆེན་པོ་སྒྲོགས། །གྲག་སྟོང་གསུང་གི་མཚན་འཛིན་པ། །གསུང་མཆོག་ཆེན་པོ་སྒྲ་ཡིས་རྒྱལ། །སྒྲ་དོན་འབྲུ་བདུན་མཐར་ཕྱིན་ལམ། །སྐུ་མཆོག་རྒྱས་པའི་འོད་ཟེར་ཅན། ཁེན་ཏུ་མཛེས་ཤིང་བལྟ་ན་སྡུག །མཚན་དང་དཔེ་བྱད་ལོངས་སྤྱོད་རྫོགས། །བཞིན་བཟང་ཉོན་མོང་ཟིལ་གྱིས་གནོན། །ཐབས་དང་ཤེས་རབ་འདུ་འབྲལ་མེད། །འདོད་ཆགས་ཆུ་བོ་སྐེམས་པར་བྱེད། །བདེ་གཤེག་རིགས་དྲུག་འཁོར་དུ་བསྐོར། །ཕ་རོལ་ཕྱིན་དྲུག་ལམ་བགྲོད་ན། །སྐུ་དྲུག་ཡེ་ཤེས་དྲུག་ལྡན་པ། །སྐུ་དྲུག་བདེ་གཤེགས་ཐུགས་རྗེའི་ངང་། །དབྱིངས་དང་ཡེ་ཤེས་གཉིས་མེད་པས། །དགོས་འདོད་རེ་སྐོང་རིགས་ལྔ་འབྲས་བུ་སྦྱིན། །འཁོར་བའི་གཅོད་རྙིང་མཐར་དབྱུང་བ། །ཐུགས་རྗེ་འཁོར་བའི་རྒྱ་མཚོ་བསྒྲལ། །འཁོར་བ་མྱ་ངན་འདས་པ་པོ། །ཡང་དག་དོན་ལ་རྣམ་པར་གནས། །རྣམ་དག་ཆེན་པོའི་ལམ་གྱི་མཆོག །ཐུགས་རྗེའི་མཐའ་སྟེ་ཀུན་ཏུ་ཁྱབ། །ཡེ་ཤེས་བདེ་བ་རྒྱུན་ཆད་མེད། །སྟོང་ཉིད་སྙིང་རྗེའི་སྙིང་པོ་ཅན། །དུས་གསུམ་བདེ་གཤེག་ཐམས་ཅད་ཀྱིས། །ཐུག་རྗེ་ཆེན་པོར་དབང་བསྐུར་ཏེ། །ཐུགས་རྗེས་བསྟན་པའི་མངའ་བདག་པོས། །སྐྱེ་མེད་ཡང་དག་མཐའ་ལས་རྒྱལ། །འབྲུ་བདུན་ཚངས་་པའི་གསུང་དང་ལྡན། །ཡེ་ཤེས་སྐུ་སྟེ་འོད་དང་ལྡན། །བཅུ་གཅིག་ཞལ་ནི་སོ་སོར་མཚོན། །མོས་པ་ཐ་དད་སེམས་ཅན་ཀུན། །དབྱེར་མེད་མཚན་ནི་སོ་སོར་གཟུང་། ཕྱག་སྟོང་འཁོར་ལོ་སྒྱུར་བ་དེ། །འཁོར་ལོ་སྒྱུར་བའི་སྟོབས་པོ་ཆེ། །སྤྱན་སྟོང་རྣམ་པར་དག་པར་གཟིགས། །དྲི་མེད་པདྨའི་སྤྱན་དང་ལྡན། །ཞལ་གཅིག་ཕྱག་བཞིས་རྣམ་པར་བརྒྱན། །འཕྲིན་ལས་བཞི་ཡི་དོན་དང་ལྡན། །ཕྱག་གཉིས་ཤེས་རབ་ཐབས་ཀྱི་འགྲོ་བ་འདྲེན། །དཔའ་བོ་འཁོར་བའི་གཉེན་གཅིག་པོ། །འཛུམ་ཞལ་སྡུག་བསྔལ་ཞི་བར་བྱེད། །འཇམ་ཞིང་མཛེས་པའི་སྐུ་སྟོན་པ། །ཉོན་མོངས་དུག་ལྔ་ཞི་བར་བྱེད། །མ་ནོར་ལམ་སྟོན་ལྷ་ཡི་མཆོག །སྐུ་དོག་ལེ་བརྒན་དབང་གི་མདངས། །ཡང་དག་དོན་ལ་སྐྱེ་བ་མེད། །དཀོན་མཆོག་གཙོ་སྟེ་ཐུབ་པ་དྲུག །རྒྱུད་དྲུག་ལམ་གཅོད་དཔའ་བོ་ཆེ། །ཐུབ་དྲུག་སངས་རྒྱས་ལས་བྱུང་བ། །རྒྱན་མེད་སྤྲུལ་པའི་རང་བཞིན་ལས། །དགྲ་བཅོམ་རྒྱལ་པོ་ཟག་པ་ཟད། །སྲིད་པའི་དྲ་བ་རྒྱ་མཚོ་འཇོམས། །ཡེ་ཤེས་མེ་འོད་ཉོན་མོངས་དགྲ་ཆེན་ཀུན་འདུལ་བ། །མ་རིག་མུན་པ་སེལ་བར་བྱེད། །ས་བཅུ་ཕ་རོལ་ཕྱིན་བཅུ་ལྡན། །ཕ་རོལ་ཕྱིན་དྲུག་ལམ་རྟེན་པ། །དུས་གསུམ་སངས་རྒྱས་ཐམས་ཅད་ཀྱིས། །ལམ་རྣམས་བགྲོད་པའི་ཐབས་སུ་གསུངས། །ཞེས་པས། འཁོར་བ་དོང་སྤྲུགས་ཀྱི་རྒྱུད་ལས། ཐུག་རྗེ་ཆེན་པོའི་མཚན་ཉིད་བསྟན་པའི་ལེའུ་སྟེ་དྲུག་པའོ།། །།ཡང་གར་གྱི་དབང་མོས་ཞུསླ་པ། །ཀྱེ་སངས་རྒྱས་འོད་དཔག་མེད། ཐུགས་རྗེ་ཆེན་པོའི་འཕྲིན་ལས་ཅིག །བདག་ཅག་རྣམས་ལ་བསྟན་ཅིང་བཤད་དུ་གསོལ། །ཞེས་ཞུས་སོ། །གར་གྱི་དབང་མོ་སྒྲ་ལ་ཉོན་ཅིག །ཞི་རྒྱས་དབང་དྲག་བཞི་ཡི་འཕྲིན་ལས་ནི། །དང་པོ་སྔོན་འགྲོ་ལགས་བྱས་ལ། །ངན་སོང་སྦྱང་དང་དབང་དུ་བསྡུ། །དྲག་པོ་འདུལ་དང་ལ་སོགས་པ། །ཀུན་ལ་སེམས་བསྐྱེད་དྲག་པོས་གཟུང་། །དད་པས་ལོག་པའི་ལྟ་བ་ཞི། །བྱམས་པས་ཞེ་སྡང་དྲག་པོ་ཞི། །སྙིང་རྗེ་ཕྲག་དོག་རྩུབ་མོ་ཞི །དགའ་བས་བདག་ཏུ་ལྟ་བ་ཞི། །བཏང་སྙོམས་མཐའ་དང་རྟོག་པ་ཞི། །ཚད་མེད་བཞི་ཡི་ངང་ལ་གནས། །མཐར་ཐུག་བྱམས་པའི་སེམས་དང་ལྡན། །སྙི་རྗེའི་ཐབས་ཀྱི་འཛིན་པར་བྱེད། །སེམས་ཅན་དོན་ལ་ཕྱོགས་མེད་དགའ། །ཐུགས་རྗེ་མཁའ་དང་མཉམ་པར་ཁྱབ། །ཡང་དག་ཞི་བའི་མཐུ་དང་ལྡན། །རིན་ཆེན་རྒྱས་པའི་ལས་ལ་འཇུག །ཏིང་འཛིན་རྒྱས་པར་དོན་བྱེད་པ། །རིག་པའི་དབང་གི་ཡེ་ཤེས་རྒྱས། །སེམས་ཀྱི་རང་བཞིན་སྐྱེ་མེད་ལས། །སྐྱེ་བ་མེད་པའི་ཆོ་འཕྲུལ་སེམས། །རིག་པའི་ངོ་བོ་ཐིག་ལེ་བྱང་ཆུབ་སེམས། །གསང་བའི་དབང་གི་བདེ་བ་རྒྱས། །ཐིག་ལེ་བྱང་ཆུབ་སེམས་ལས་འདུ་འབྲལ་མེད། །བདེ་བ་ཆེན་པོར་སྐྱེ་མེད་དབྱིངས། །ཐིག་ལེ་འོད་གསལ་ངང་ལ་གནས། །གསུམ་པའི་དབང་གི་མི་རྟོག་རྒྱས། །མི་རྟོག་སྤྲོས་མེད་ཆོས་ཀྱི་དབྱིངས། །ཆོས་དབྱིངས་དོན་ལ་སྐྱེ་བ་མེད། །སྐྱེ་མེད་གནས་ལུགས་ཆེན་པོའི་ངང་ བ ་པའ་དབང་གི་ཟག་མེད་རྒྱས། །ཆོས་སྐུ་སྐྱེ་མེད་ཟག་པ་མེད། །ཟག་མེད་བདེ་བ་ཆེན་པོའི་སྐུ། །གཟུང་འཛིན་དྲི་མ་ཀུན་དང་བྲལ། །ལམ་དུ་ཁྱེར་བས་ཆོས་སྐུ་རྒྱས། །ཆོས་ཀྱི་སྐུ་སྟེ་འོད་གསལ་དོན། །མ་བཅོས་མ་བསླད་རང་ལ་གནས། །འོརྡོ་གསལ་སྐྱེ་མེད་དོན་དང་ལྡན། །སེམས་ཀྱི་སྣང་བ་དབང་དུ་བྱས། སྣང་བ་ཐམས་ཅད་རང་གི་སེམས། །སེམས་ཀྱི་ཆོ་འཕྲུལ་སྣང་བ་ཡང་། །སྐད་ཅིག་ཐིག་ལེ་དོན་དུ་གཅིག །མོས་པས་བྱིན་རླབས་དབང་དུ་བྱས། །མོས་གུས་དོན་དག་གཉིས་མེད་དོན། །སྐད་ཅིག་མོས་པས་དོན་རྣམས་རྟོགས། །གཉིས་སྣང་རྟོག་པའི་འགྱུ་བ་ཆད། །འབད་པས་དངོས་གྲུབ་དབང་དུ་བྱས། །འབད་རྩོལ་སེམས་ཉིད་གནད་ལ་དབབ། །རྩོལ་བྲལ་སྐྱེ་མེད་རྟོགས་པའི་དོན། །རྟོག་བྲལ་དངོས་གྲུབ་ཐོབ་པར་ངེས། །གུས་པས་གདམས་ངག་དབང་དུ་བྱས། །གུས་སྟོབས་གདམ་ངག་རྩ་བ་སྟེ། །ཐེ་ཚོམ་མེད་པ་གདམས་ངག་མཆོག །ཡིད་ཆེས་རྟོགས་པས་དོན་ལ་སྐྱོབ། །རྟོག་པས་འབྲས་བུ་དབང་དུ་བྱས། །འགྲོ་དྲུག་སྣང་བ་རང་གི་སེམས། །རང་སེམས་རྟོགས་པའི་རྣལ་འབྱོར་པ། །འཁོར་བ་ཡེ་ནས་དག་པར་གྲོལ། །བདེ་བ་ཆེན་པོ་རལ་གྲི་ཡིས། །ཆགས་སྡང་ཞེ་སྡང་གཉིས་སྣང་བསྒྲལ། །ཕྲག་དོག་ཚེར་མ་བཅད་དེ་བཞག །བྱམས་པ་ཆེན་པོའི་བདུད་རྩི་ཡིས། །གཉིས་སུ་མེད་པའི་ནད་པ་སོས། །འདོད་ཆགས་དྲག་པོ་གསད་དེ་བཞག ཁྲེས་རབ་ཆེན་པོའི་ཉི་མ་ཡིས། །གཏི་མུག་མུན་པའི་མཐོ་ཁུངས་ཕྱེ། །མ་རིག་མུན་པ་གསལ་བར་བྱེད། །ཡེ་ཤེས་ཆེན་པོའི་ཐོ་བ་ཡིས། །ང་རྒྱལ་ཆེན་པོ་སྤྱིན་ནས་བཅོམ། །ཚོགས་དྲུག་ཡུལ་གྱི་གྲས་ཐག་བཅད། །ཅེས་སུངས་སོ། །འཁོར་བ་དོང་སྤྲུགས་ཀྱི་རྒྱུད་ལས། འཕྲིན་ལས་ཞི་རྒྱས་དབང་དྲག་བཞིས་བསྟན་པའི་ལེའུ་སྟེབདུན་པའོ།། །།ཡང་གར་གྱི་དབང་མོས་ཞུས་པ། །ཀྱེ་སངས་རྒྱས་འོད་དཔག་མེད། །འཕྲིན་ལས་ལ་སྦྱར་བའི་ཕྱིར། །འགྲོ་དོན་ལ་སོགས་བཅས་པ་ཅིག །བདག་ཅག་རྣམས་ལ་བཤད་དུ་གསོལ། །ཞེས་ཞུསླ་པས། །གར་གྱི་དབང་མོ་ཉོན་ཅིག །དང་པོ་མཎྜལ་བྱི་དོར་བྱ། །སྔོན་འགྲོ་ཡན་ལག་གཟུང་བར་བྱ། །ཐུགས་རྗེ་ཆེན་པོར་བསྒོམ་བྱས་ལ། །ཨོ་མ་ཁི་པརླེ་ཧུ༷་ཧི༷༷ ར་ལ་ར་ལ་ཧྲི༷༷ཧི༷༷ཨུ་སྙི་པྲཙྭ་བོ་དྷི་ས་ར་ས་ར། དྷ་ར་དྷ་ར། མ་ཁི་མ་ཁེ།ཧྲི༷་ཧྲི༷་གྲྭཧྭ། འདི་ནི་འབུམ་ཕྲག་ལྔ་བཟླས་ན། །ཞལ་མཐོང་ཕྱི་མ་བྱང་ཆུབ་ཐོབ། །སྙིང་པོ་བཟླས་ཞིང་ཚ་ཚ་གདབ། ཁྲེས་རབ་ཐབས་དང་མཚོན་སྦྱོར་ལ། །སྣང་བ་སྐུ་ཡི་རང་བཞིན་གནས། །སྣང་བའི་རང་བཞིན་ཆོས་སྐུ་ལ། །ཡེ་ཤེས་སྐུ་སྟེ་རང་བྱུང་བ། །སྒྲ་དབྱངས་ཆེན་པོ་དོན་དང་ལྡན། ཁྱད་པར་བསམ་པ་ཇི་བཞིན་དུ། །སེམས་ཅན་རྣམ་ལ་བཤད་པར་འཚལ། །ཨོ་མ་ཁི་པཏྲེ་ཧུ༷་སྙི༷༷ ཨུརྫི་ཥ་ཏྲ་སྭ་རོ་ན༷་དྷརྨ་སིདྷི། བཛྲ་ས་ཏྭ་ཏྲེ་ལོ་ཀྱ་རཏྣ་ཏྲ་ཡུ་ཡ། །པ་ཤི་པརློ་ཨུ་ཏ་པ་ནེ་མེ་སྭ་ཧྭ། ལྷ་དགོད་དམིགས་གཏད་མཆོད་རྟེན་བཞེངས། །གང་དག་སེམས་ཅན་མཐོང་བ་རྣམས། །གྲོལ་ཏེ་བདེ་བར་གནས་པའོ། །འབྲུ་བདུན་འཆང་བའི་སྐྱེས་བུ་ནི། །སངས་རྒྱས་ས་ལམ་བགྲོད་པར་བྱེད། །ཨོ་གྱི་རང་ལུས་ཚགས་སུ་གཞུག །ཨོ་གྱིས་འགྲོ་དོན་ཕྱོགས་མེད་དུ། །སྒྲིབ་སྦྱངས་ཉི་བསྒྲུབས་སིརྙི་བླང་། །གང་ལ་གང་འདུལ་འགྲོ་དོན་དུ། །སེམས་ཅན་མོས་པ་ཐ་དད་པས། །སངས་རྒྱས་མཚན་ཡང་སོ་སོར་བཏགས། །ཐེག་པ་རིམ་དགུ་དོན་ལ་གཅིག །ཡིག་བྲུ་བཅུ་དགུའི་དངོས་གྲུབ་བླང་། །ཆོས་རྣམས་མཇུག་བསྡུ་དངོས་གྲུབ་བླང་། །རྫས་སྣ་དྲུག་ལ་སྔགས་བཏབ་ལ། །མེ་མར་ཆུ་ནི་མི་ཟད་འབར། །རྫས་བཞིའི་རེང་བུའི་ཧོ་ཡང་བྱ། །རྣལ་འབྱོར་བསྒྲུབ་ལ་གཉིད་ཆེ་ན། །རྫས་བཞིས་གཉིས་བསྲུངས་དུད་པས་བདུག །ཏབྱཐུ། །བཛེ་བཛྲ་མ་མ་བཛེ། །མ་ཧྭ་བྱ་ཏི་ཧ་ན་ཧ་ན། བཛྲ་པེ་ནེ་གྲྭཧྭ། བརྒྱ་རྩ་བཟླས་པས་ནད་རྣམས་ཐུབ། ཨོ་མ་ཁི་པརླེ་ཧུ༷་དྷི༷༷ ཨོ་ཙ་ཏྲ་རྦད། དུ༷་དུ༷་ཆིལ་ཆིལ་ཧུ༷་ཧུ༷་ཕཊ་ཕཊ། བརྒྱ་རྩ་བཏབ་པས་ཁ་ཆར་ཆོད། །ཨོ་པཟློ་ཛ་དུ་མ་ལེ་བཛྲ་ལེ་ཧུ༷་ཕཊ། །བརྒྱ་རྩ་བཏབ་པ་མིག་ནད་སེལ། །ཨོ་ནི་སེལ་ཛ་ཆོད་སྣཧྭ། བརྒྱ་རྩ་བཏབ་པས་མཛེས་པ་ཆོད། །ཨོ་པ་ཁྲི་སྲུཧྭ། བརྒྱ་རྩ་བཏབ་པས་དུག་ནད་སེལ། །ཨོ་ཨ་ལ་ལེ། བི་ལ་ལེ། བཛྲ་རྩ་ལེ། བྷ་ག་བན། སརྦ་མ་ཧྭ་བན་དྷ་སྭ་ཧྭ། བརྒྱ་རྩ་བཟླས་པས་འཇིགས་པ་ཐུབ། ཨོ་མ་ཁི་པཏྲེ་ཧུ༷་སྙི༷༷ ཨོ་ཧ་ར་ཧ་ར། ཤུ་ཏྲ་དྷ་ནི་སི་ཏ་ར་ཡེ་གྲྭ་ཧྭ།བསྔགས་མདུད་བོར་བས་འདྲེ་གདོན་ཐུབ། །བསྔགས་བཏབ་རྫས་རྣམས་བྱུགས་པས་དགྲ་རྐུན་ཐུབ། །ཨོ་སརྦ་ག་རི་སརྦ་སིརྙི་ཛ་བྷ་ལ་དྷ་ཡེ་གྲྭཧྭ། བྱིན་རླབས་སྤྱན་དྲངས་དག་པ་སྤེལ། །མགྲོན་བཞིས་ཐམས་ཅད་ཚིམ་པར་བསམ། །ཨོ་མ་ཁེ་པབླེ་ཧུ༷་སྙི༷༷ མེ་ལོང་གཡའ་དག་ངོས་ལ་བྲི། །རྒྱལ་མཚན་རྩེ་འམ་ལུས་ལ་བཅང་། །འོད་ཕོག་སེམས་ཅན་གྲོལ་བར་འགྱུར། །མཐའ་ཡོད་མེ་ལོང་ནང་དུ་བྲི། །ཨོ་པཟློལྟི་ཥ་དྷརྨ་སི་ཤ་དྷརྨ་པ་ལ་རུ་པ་ལ། ཨོ་མི་དྷ་ར་བུརྙ་ཡ་དགེ །ཨ་ནུ་དྷ་ར་ཡ། ལང་ག་དྷི་ཡ། དྷརྨ་དྷི་ཡ། མི་དེ་པ་ལ་ཨ་ཨ། མཐའ་ལ་ཐུགས་པས་འཁོར་བར་འཁོར། །སངས་རྒྱས་མཐའ་མེད་ཟང་ཐལ་ཆོས་དབྱིངས་སོ། །ཁམས་གསུམ་འཁོར་བའི་མཐར་ཐུག་ནི། །ཉོན་མོང་ལྔ་ལ་གཞི་བླངས་ནས། །འགྲོ་བ་དྲུག་ཏུ་འཁོར་འདས་མེད། །འཁོར་བ་འདས་ནས་སྐྱེ་མེད་དབྱིངས། །རྟག་ཏུ་སྡུག་བསྔལ་མཐའ་དག་བྲལ། །ཆོས་ཉིད་ཆེན་པོའི་ངང་ལ་གནས། །ཞེས་གསུངས་སོ། །འཁོར་བ་དོང་སྤྲུགས་ཀྱི་རྒྱུད་ལས། འགྲོ་དོན་ལས་ཚོགས་བསྟན་པའི་ལེའུ་སྟེ་བརྒྱད་པའོ།། །།ཡང་གར་གྱི་དབང་མོས་ཞུས་པ། ཀྱེ་སངས་རྒྱས་འོད་དཔག་མེད། དབང་པོ་ཐ་མའི་ལམ་ཁྱེར་དང་། །དབང་པོ་འབྲིང་གི་ལམ་ཁྱེར་དང་། །དབང་པོ་རབ་ཀྱི་ལམ་ཁྱེར་གསུམ། །བདག་ཅག་རྣམས་ལ་བཤད་དུ་གསོལ། །གར་གྱི་དབང་མོ་ཉོན་ཅིག །དལ་འབྱོར་རྙེད་དཀའ་རྒྱུ་འབྲས་ལས་ལ་འཛེམ། །མྱུར་དུ་འཆི་བ་རྟག་ཅིག་དད་པ་བསྐྱེད། །ཕྱི་ཡི་མི་ཁོམ་གསུམ་ལ་བཟོད་གླག་མེད། །དམྱལ་བ་ཡི་དགས་བྱོལ་སོང་ལ། །ཚ་གྲང་བཀྲེས་སྐོམ་བཀོལ་སྤྱད་བཟོད་པ་མེད། །ནང་གི་མི་ཁོམ་གསུམ་ལ་བསྲན་དུ་མེད། །མཐའ་ཁོབ་ཀླ་ཀློ་དབང་པོ་མ་ཚང་བ། །ཚེ་རིངས་ལྟ་ལོག་རིགས་ཆད་བསྲན་གླགས་མེད། །ཉམས་དགའི་ཡུལ་སྐྱེས་དབང་ཐང་ཆེ། །ཉན་བཤད་བསྒོམ་དང་དབང་པོ་ཚང་། །དད་ལྡན་བྱེད་པ་རྣམ་སྨིན་ཤེས། །ནམ་འཆི་ཆ་མེད་མི་རྟག་གྲོགས་སུ་བརྟེན། །འདུས་བྱས་མི་རྟག་སྔར་གྱི་མི་རྣམས་ཟད། །ལོ་ཟླ་བཟླས་ཤིང་ཤི་དང་ཉེ། །རང་ཉིད་གཅིག་པུར་ཉལ་ཏེ་འདུག །ནོར་རྫས་བུ་ཚ་འཁོར་གཡོག་ཀུན་དང་བྲལ། །འཆི་བ་སླུར་མེད་སྡིག་ཕྱོགས་ནོར་མི་བསག །སྐར་མ་རབ་རིབ་མར་མེ་དང་། །སྒྱུ་མ་ཟིལ་པའི་ཆུ་པུར་དང་། །རྨི་ལམ་གློག་དང་སྤྲིན་ལྟ་བུ། །སྲོག་གཅོད་མ་བྱིན་ལེན་པ་དང་། །མི་ཚངས་སྤྱོད་དང་བརྫུན་དུ་སྨྲ། །ཕྲ་མ་ངག་ལུབྱལ་ཚིག་རྩུབ་དང་། །གནོད་སེམས་བརྣབ་སེམས་ལོག་པར་ལྷ། །མི་དགེ་བཅུ་སྤྱོད་ངན་སོང་གསུམ་དུ་སྐྱེ། །མཚམས་མེད་ལྔ་དང་ཉེ་བ་ལྔ། །ལྕི་བཞི་ལོག་བརྒྱད་ཁ་ན་མ་ཐོ་གསུམ། །འདི་གསུམ་སྤྱོད་པས་ངན་སོང་གསུམ་དུ་ལྟུང་། །དེ་བས་རྒྱུ་འབྲས་ཆོས་ལ་ཞེན་པ་བཟློག །སྐྱབས་འགྲོ་སེམས་བསྐྱེད་ཚད་མེད་བསྒོམ། །ཕ་རོལ་ཕྱིན་དྲུག་ལྔ་ཡི་སྒོ་ནས་འཇུག །སྐུ་གསུམ་ལམ་ཁྱེར་སྙིང་པོ་བཟླས། །ཞེས་པས། འཁོར་བ་དོང་སྤྲུགས་ཀྱི་རྒྱུད་ལས། དབང་པོ་ཐ་མ་ལ་གདམས་པའི་ལམ་ཁྱེར་བསྟན་པའི་ལེའུ་སྟེ་དགུ་པའོ།། །།དད་དང་བརྩོན་འགྲུས་དམ་ཚིག་དང་། །བླ་མ་སློབ་མ་གདམས་ངག་དང་། །ལེགས་པར་བརྟག་ཅིང་ཡིད་ཆེས་བྱ། །དགོན་པ་རྟེན་ལ་འདུ་འཛི་སྤང་། །བྱང་ཆུབ་བསྒྲུབ་ལ་བརྩོན་པར་བྱ། །ཕྱིན་ཅི་མ་ལོག་ཡང་དག་དོན། །ཡང་དག་སྨྲ་བསམ་བརྗོད་ལས་འདས། །ཞི་གནས་ལྷག་མཐོང་གསལ་སྟོང་ཉམས། །སྒོ་གསུམ་མ་བཅོས་ཐོགས་མེད་སེར་བུ་ལྟ། །ཞེན་མེད་བུ་ཆུང་གཡུ་རྡོ་ལྟར་རམ་ལྷ་མཆོད་ལྟ །གཟུང་འཛིན་ཆགས་ཞེན་མེད་པར་སྤྱོད། །བཅོས་མེད་ལྷུག་པར་ལམ་ཁྱེར་བྱ། །ཞེས་པས། འཁོར་བ་དོང་སྤྲུགས་ཀྱི་རྒྱུད་ལས། དབང་པོ་འབྲིང་གི་ལམ་ཁྱེར་བསྟན་པའི་ལེའུ་སྟེ་བཅུ་པོ།། །།མཁའ་ལ་ཉི་ཤར་རང་བྱུང་རིག་པའི་རྩལ། །རང་གསལ་ཆུ་དང་འོ་མའི་ཚུལ། །འབྲས་བུ་ཐིག་ལེ་གཅིག་ཏུ་དབྱེར་མི་ཕྱེད། །རང་ལ་གནས་ཀྱང་བསྒྲིབས་ཏེ་ངོ་མ་ཤེས། །དཔེར་ན་དམུས་ལོང་མིག་ཕྱེ་བཞིན། །ཕྱི་གཟུང་ཡུལ་གྱིས་བསྒྲིབས་ཏེ་ངོ་མ་ཤེས། །མེ་ལོང་གསལ་བའི་བཞིན་ལྟ་བུ། །ཡིད་ལས་བསྒྲིབས་པས་ངོ་མ་ཤེས། །རིན་ཆེན་འདམ་ནས་ཐོན་པ་ལྟ། །མ་རིག་མུན་སེལ་གདམས་ངག་མཆོག །ག་་མ་གླང་པོ་ཤེལ་ལྟ་བུ། དྲང་པོ་བཅོས་བསྒྱུར་མེད་པས་ཟང་ཐལ་འདུག །ཕྱི་རིས་དང་ཤེས་པ་ལས་སུ་རུང་། །འབྲས་བུ་གཞན་ལ་རེ་བ་མེད། །དམྱལ་བར་ལྟུང་མེད་རིག་པ་ཡི། །ཆོ་འཕྲུལ་ཅི་ཡང་འཆར་བ་སྟེ། །མཐོངས་ཕྱེ་ཤེས་པ་རྣལ་དུ་ཕོབ། །སྤྱོད་ཡུལ་གང་ལའང་ཞེན་འདོད་མེད། །ཟང་ཐལ་ལུས་ཡོད་སྙམ་པ་མེད། །གཉིས་མེད་རང་གྲོལ་ཆེན་པོའི་ངང་། །ནམ་མཁའ་སྤྲིན་དང་འཇའ་ཚོན་དང་། །ཆོས་ཉིད་རོལ་པས་མ་འགགས་འབྱུང་། དབང་དུ་མ་གྱུར་རང་སར་གྲོལ། །འབྲས་བུ་ཐོབ་ཟིན་བཙལ་མི་དགོས། །རིག་པ་རང་སར་གཡོ་འགུལ་མེད། །ཟབ་ཅིང་རིག་ལ་མིང་མི་ཐོགས། །རྗེས་མེད་མཁའ་ལ་འཕུར་བ་ལྟར། །ཡིད་ཆེས་ཞེན་ལོག་འཛིན་པ་བྲལ། །ཆུ་ལ་གྲི་བཏབ་གྲས་ཐག་ཆོད། །རྒྱང་མིག་བལྟས་དང་ཁང་སྟོང་ཉལ། །ཆུ་བཞག་དབྱེར་མེད་འབྲས་བུཐིག་ལེ་གཅིག །མཉམ་ཉིད་རྒྱུད་ལ་ཁོང་ཁྲོ་མེད། །སྒོ་གསུམ་སྤྱོད་པ་ལྷུག་པར་འཆར། །མི་གནས་འཁོར་བའི་ཆོས་ལ་ཞེན་པ་བཟློག །སྐྱོན་གྱིས་མི་གོས་སྒོ་གསུམ་རྗེས་མེད་འཆར། །སེམས་བཟུང་བུང་བ་མེ་ཏོག་བཅུད་འཐུངས་པ། །བུ་ཆུང་འཛུག་ཁྲིད་ཁྱུང་ཕྲུག་སྒོང་ནས་འཐོན། །གསེར་གླིང་རྡོ་མེད་གཉེན་པོ་རྟེན་མི་དགོས། །རྒྱུད་ཡོད་ངོ་ཤེས་སྤྲོས་པ་ཐེ་ཚོམ་ཆོད། །རལ་གྲི་ཁམ་མངས་ཀུན་བཅད་ཅིག་ཤེས་གྲོལ། །མི་རྟོག་གསལ་བ་ཆུ་བོའི་ཞུང་བཞིན་ཉམས་སུ་བླང་། །ནམ་མཁའ་ས་མེ་རླུང་ཆུ་ལྔ། །འདོད་ཡོན་ལྔ་ལ་རོལ་མཉམ་ལོངས་སྤྱོད་ཤེས། །ཕྱོགས་མེད་རང་གྲོལ་འཕེལ་འགྲིབ་མེད། །ལྷུན་འགྲུབ་འབྲས་བུ་ཕྱག་རྒྱ་ཆེ། །ཨོ་ནི་ལྟ་བ་མཐའ་དང་བྲལ། །མ་ནི་སྒོམ་པར་གསལ་འགྲིབ་མེད། །ཁི་ནི་སྣང་བ་སྐྱོན་མི་ལྟ། པད་ནི་སྤྱོད་པ་བླང་དོར་མེད། །མེ་ནི་མི་མཐུན་ཕྱོགས་དང་བྲལ། །ཧུ༷་ནི་འབྲས་བུ་རང་ལ་གནས། །ཧྲི༷༷ནི་གསལ་ལ་མི་རྟོག་ཡོན་ཏན་ལྡན། །སྐྱོན་བྲལ་ཚང་པའི་གསུང་དང་ལྡན། །ཞེས་གསུང་སོ། །འཁོར་བ་དོང་སྤྲུགས་ཀྱི་རྒྱུད་ལས། དབང་པོ་རབ་ཀྱི་ལམ་ཁྱེར་བསྟན་པའི་ལེའུ་སྟེ་བཅུ་གཅིག་པའོ།། །།ཡང་གར་གྱི་ དབང་མོས་ཞུས་པ། ཀྱེ་སངས་རྒྱས་འོད་དཔག་མེད། ཡར་ལྟ་བ་ལ་མི་འབྱམས་པའི། །བར་འཇིན་རྟེན་ཐ་མ་ལ་དུ་མི་ལྟས་པ། །ཐ་མལ་རྒྱུ་འབྲས་ལ་མི་ཟག་པ་ཅིག བདག་ཅག་རྣམས་ལ་བཤད་དུ་གསོལ། །ཞེས་ཞུས་པས། །སངས་རྒྱས་འོད་དཔག་མེད་ཀྱིས་བཀའ་སྩལ་པ། གར་གྱི་དབང་མོ་ཉོན་ཅིག །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །སྐྱབས་ཀྱི་དམ་པ་སྐྱབས་སུ་འོས། །རང་སེམས་སྟོང་པ་ཆོས་ཀྱི་སྐུ། །དོན་དམ་ཐུགས་རྗེ་ཆེན་པོ་རྟོགས་གྱུར་ན། །ཐུགས་རྗེ་ཆེན་པོ་ལོགས་ན་མེད་དེ། སྙིང་རྗེའི་སེམས་ནི་ཀུན་ལ་བསྐྱེད། །སྨོན་པའི་སེམས་ནི་ཀུན་རྫོབ་ལ། །འཇུག་པ་སེམས་ནི་དོན་དམ་ལ། །དོན་དམ་ཀུན་རྫོབ་དབྱེར་མེད་དེ། །སེམས་ཀྱི་ངོ་བོ་ཅིར་ཡང་མ་གྲུབ་སྟོང་པར་འདུག །སྙིང་རྗེ་སེམས་ཅན་ཀུན་ལ་བུ་བཞིན་བརྩེ། །བྱམས་པ་བུ་གཅིག་ཕས་མཐོང་ལྟར་དུ་གཞན་གཅེས་ཀྱང་། །དགའ་བས་ཕ་མ་བུ་ཚ་སྐྱོ་དུབ་མེད། །བཏང་སྙོམས་ཀུན་ལ་བྱམས་པས་མཉམ་པ་རིས་མེད་དང་། །དཔེར་ན་རྩིག་པའི་འགྲམ་ལེགས་ཁང་བ་ཚད་འབྱོངས་ལྟར། །ཆོ་ག་དག་པས་སངས་རྒྱས་འབྲས་བུའི་ས་ལམ་བགྲོད། །ཅེས་པས། འཁོར་བ་དོང་སྤྲུགས་ཀྱི་རྒྱུད་ལས། ཡར་ལྟ་བ་ལ་འབྱམས་སུ་མི་བཞུགས་པར་བསྟན་པའི་ལེའུ་སྟེ་བཅུ་གཉིས་པའོ།། །།ཆུད་ཟོས་གསུམ་དུ་མི་གཏོང་བར། །སྲོག་གཅོད་མ་བྱིན་ལེན་དང་མི་ཚང་སྤྱོད། །མི་དགེ་སྤང་ཞིང་ལྷ་སྐུ་བསྒོམ། །ཚིག་རྩུབ་ངག་འཁྱལ་དབྱེས་བརྫུན་ཕྲ་མ་ལ་སོགས་པ། །སྤང་ཞིང་འབྲུ་བདུན་བཟླས་ཤིང་འགྲོ་དྲུག་སྐྱེ་སྒོ་གཅད། །ང་ཡི་ལུས་ལ་འོད་བྱུང་བ། །འོད་འོད་ཡི་དམ་ལྷ་ཡི་འོད། །ཕྱི་ནང་རྣམ་རྟོག་སྤྱང་པའི་ཕྱིར། །ཡི་དམ་ལྷ་དང་འབྲལ་མི་བྱ། །འགྲོ་དྲུག་སྣང་བ་རང་གི་སེམས། །སེམས་ལས་སངས་རྒྱས་གཞན་ན་མེད། །རང་སེམས་སངས་རྒྱས་ཡིན་པར་བཤད། །བརྣབ་སེམས་གནོད་སེམས་ལོག་ལྷ་དང་། །མི་དྲན་དགུ་དྲན་སྤང་ཞིང་ཆོས་ཉིད་སྟོང་པའི་ངང་ལ་གཞག ཁྱེར་སོ་རྣམ་གསུམ་དབྱེར་མེད་པ། །མ་བཅོས་མ་བསླད་གསལ་སྟོང་ངང་ལ་བཞག །སྐུ་མདོག་ཕྱག་མཚན་སྣ་ཚོགས་ཀྱང་། །བརྡ་ཙམ་ཐབས་ཀྱིས་བསྟན་པ་ལས། །སེམས་ཉིད་ཕྱི་ནང་མེད་པ་ལ། །གཟུགས་དང་རྫས་སུ་གྲུབ་པ་མེད། །གསལ་སྟོང་འདུག་པ་དེ་ཁོ་ནའོ། །ཡང་དག་དོན་གྱི་ཐུགས་རྗེ་ཆེན་པོའོ། །ཞེས་པས། །འཁོར་བ་དོང་སྤྲུགས་ཀྱི་རྒྱུད་ལས། པར་འཇིག་རྟེན་བྱ་བ་ལ་ཡེངས་སུ་མི་གཞུག་པར་བསྟན་པའི་ལེའུ་སྟེ་བཅུ་གསུམ་པའོ།། །།ཕྱི་ནང་མེད་པ་སེམས་སུ་འདུས། །སྣང་བའི་ཕྱིར་འབྲེང་བའི་མཁན་པོ་ལྟ། །སེམས་ལས་འཁྲུལ་པ་གཞན་ན་མེད། །མ་མཐོང་མ་ཤེས་ལྟ་བའོ། །མ་བསྒོམས་རང་གསལ་སྒོམ་པའི་མཆོག །མི་རྟོག་མཉམ་ཉིད་ཆོས་ཀྱི་སྐུ། །གཉེན་པོ་མ་བཅོས་རང་ཤུགས་ལ། །འཛིན་མེད་ཤེས་པ་རང་གྲོལ་བཞག །བྱིང་ན་གསལ་གདབ་རྒོད་ན་གློད། །མི་སྤྲོ་མི་བསྡུ་ཤེས་པ་རང་སོར་བཞག །འབད་རྩོལ་བྱ་རྒྱུ་མེད་པས་རྩོལ་བསྒྲུབ་དཀའ་ཐུབ་བྲལ། །བྱ་བཙལ་ཐམས་ཅད་མཚན་མར་ངོས་གཟུང་ཡང་དག་དོན་ལ་བྱ་རྒྱུ་མེད། །དད་པ་གཏིང་ནས་མ་སྐྱེས་ཁེང་གྲགས་ཀྱིས། །སྤྱིན་པ་བཏང་བས་དོན་མེད་ཅི་ཞིག་ཕན། །བསྔོ་བ་ལོག་པ་ཡི་དགས་གནས་སུ་སྐྱེ། །སེམས་ཉིད་ཡེ་ནས་སངས་རྒྱས་ལ། །དགེ་སྡིག་རང་བཞིན་སྟོང་པའི་ངང་དུ་གྲུབ། །སྔར་རྗེས་བཤགས་ཤིང་ཕྱིས་ཀྱི་དམ་བཅས་བླང་། །འཁོར་བའི་རང་བཞིན་རེ་མོས་ཕ་མ་བུ་ཚ་འདྲ། །ནོར་རྫས་འཛིན་ཆགས་ཞེན་པ་ལ།འཛིན་ཆགས་མཁན་པོ་སེམས་ཡིན་པས། །ཆགས་ཞེན་མཁན་པོ་དེ་ལ་ལྟ། །སེམས་ཉིད་ཡེ་སྟོང་དྲི་མ་མེད་པས་སྦྱང་། །སྟོང་གསལ་ཡེ་ནས་ཡོད་པས་ཆུབ། །ཚོགས་བསགས་སྒྲིབ་པ་སྦྱང་མི་དགོས། །སངས་རྒྱས་ལོག་ན་བསྒྲུབ་ཏུ་མེད། །ཡེ་ནས་སངས་རྒྱས་ཡིན་པ་ལ། །རང་སེམས་རྟོགས་པ་སངས་རྒྱས་ལ། །སངས་རྒྱས་གཞན་ལ་རེ་བ་མེད། །ཡེ་ནས་ལྷ་སྐུའི་རང་བཞིན་ལ། །དེ་ལ་དབང་བསྐུར་བྱ་མི་དགོས། །རིག་པའི་རྒྱལ་པོ་སེམས་ལ་དབང་། །ཏིང་འཛིན་སེམས་ལ་དབང་བསྐུར་ན། །ཀུན་ལ་དབང་གྱུར་དབང་གི་མཆོག །རང་སེམས་དག་པའི་དམ་ཚིག་ལ། །གཡོ་སྒྱུ་རང་གིས་མ་ཁྲེལ་བར། །ལུས་ངག་ཡིད་གསུམ་ཉམས་སྒྲིབ་དག །ཉམས་སྒྲིབ་མི་གཙང་སེམས་ཀྱི་ངན་རྟོག་ཡིན། །རང་སེམས་རྟོག་མེད་ཆོས་སྐུ་ལ། །ཡེ་དག་ཡེ་སྟོང་ཡེ་སངས་ཆེན་པོ་སྟེ། །མི་གཙང་ཉམས་སྒྲིབ་གང་ཡང་མེད་ཅིང་གྲོལ། །སྣང་སྟོང་སྐུ་ཡི་རང་གཞིན་ལ། སྣང་ཚད་ཐུགས་རྗེ་ཆེན་པོའི་སྐུ། །གྲག་སྟོང་གསུང་གི་རང་ཞིན་ལས། །ཉེ་བར་བསྒྲུབ་པ་ཡིག་འབྲུ་ཧྲི༷༷ ཐུན་མོང་འབྲུ་དྲུག་འགྲོ་དྲུག་སྐྱེ་སྒོ་གཅོད། །སེམས་ཀྱི་དམ་ཚིག་རང་གིས་བསྲུང་། སྙི༷༷འདི་ཐུགས་ཀྱི་ས་བོན་ཏེ། །ཆོས་ཀུན་མ་ནོར་བྱང་ཆུབ་སེམས་སུ་གཅིག །སྙིང་པོ་མ་ནོར་དོན་གྱི་ཡིག་འབྲུ་ཧྲི༷༷། མངོན་ཤེས་རྫུལ་འཕྲུལ་སྟོབས་དང་ལུང་སྟོན་སེམས་ལས་བྱུང་། །ཐིག་ལེ་གཅིག་ལ་རྫོགས་པས་བསྒྲུབ་ཏུ་མེད། །བདེ་གསལ་མ་འགགས་འཛིན་པའི་བློ་དང་བྲལ། །མཐར་ཐུག་འབྲས་བུའི་བསྒྲུབ་པའོ། །འདི་ནི་དོང་སྤྲུགས་རང་བཞིན་ལ། ཆོས་སྐུ་གཏན་ལ་འབེབས་པའི་ཕྱིར། །འཁོར་འདས་གཉིས་ཀར་གདགས་བྱ་བྲལ། །སངས་རྒྱས་སེམས་ཅན་གཉིས་སུ་མེད། །རང་སེམས་རྟོགས་ན་དོང་སྤྲུགས་རིན་ཆེན་དཀྱིལ། །ཕྱོགས་སུ་ལྷུང་མེད་ལྷུན་གྱིས་གྲུབ། །རྒྱུ་ཡིས་ནམ་མཁའ་འདྲ་སྟེ་བསྐྱེད་པ་མེད། ཁུ།་ལས་མ་མཆིས་སྐྱེ་བ་མེད། །འདུས་མ་བྱས་ཀྱི་སེམས་ཉིད་ལ། །ཡེ་ཤེས་ཉི་མའི་ཟེར་འདྲ་བ། །བཀག་པས་མི་ཁེགས་རང་ཤར་ཡིན། །གསལ་བྱེད་རིག་པ་འོད་དང་གསུམ། ཆོས་ཉིད་དབྱིངས་ཀྱི་ཆ་ལ་ཟེར། ནམ་མཁའ་རླུད་འོད་རིག་དྲན་བཞི། །མ་ངེས་པོ་ན་སོ་སོ་འཆར། ཞེས་པས། འཁོར་བ་དོང་སྤྲུགས་ཀྱི་རྒྱུད་ལས། མར་ལས་རྒྱུ་འབྲས་ལ་ཟག་སུ་མི་གཞུག་པར་བསྟན་པའི་ལེའུ་སྟེ་བཅུ་བཞི་པའོ།། །།ཡང་གར་གྱི་དབང་མོས་ཞུས་པ། ཀྱེ་སངས་རྒྱས་འོད་དཔག་མེད། ལྟ་སྒོམ་སྤྱོད་གསུམ་འབྲས་བུའི་དོན་ཅིག །བདག་ཅག་རྣམ་ལ་བཤད་དུ་གསོལ། །ཞེས་ཞུས་པས། གར་གྱི་དབང་མོ་ཉོན་ཅིག །ལྟ་སྒོམ་སྤྱོ་འབྲས་འདྲ་ལུགས་བསྟན། །དང་པོ་ལུས་གནད་དབུག་ས་བཅོས་སེམས་བཞག །སེམས་ཀྱི་གསུང་ཐབས་ཟས་ཚད་བསྟན། །ལུས་གནད་རྣམ་སྣང་ཆོས་བདུན་ལྡན། །བདེ་ལ་བསྟེན་ནས་མི་རྟོག་ཏེ། །སྐྱེས་དགུ་ཐམས་མལ་ཆོས་ཡིན་ནོ། །དྲན་མེད་ཡིད་དྲི་མ་དག །ཐམས་ཅད་རང་ཤར་ཡིན་པའི་ཕྱིར། །ཕྱོགས་རིས་མེད་པ་ལྟ་བའི་གདེང་། །བལྟ་བྱ་ལྟ་བྱེད་གཉིས་མེད་པར། །རིག་པ་ངོ་བོར་མ་གྲུབ་པས། །རིག་པ་རང་ཆོད་འབྲལ་མེད་གསལ། །བདེ་བ་ཆེ་ལ་གཞན་མེད་ཡིན། །སངས་རྒྱས་སེམས་ལས་གཞན་ན་མེད། །མ་བྱས་མི་འགྱུར་བྱེད་པའི་རང་བཞིན་པས། །འཁོར་བའི་ཐོག་མཐའ་བཅད་ཅིང་ཡེ་ཤེས་ངོས་བཟུང་སྟེ། །གོམ་པ་མཐུ་བསྐྱེད་མཐུན་རྐྱེན་འཛོམ། །བག་ཆགས་ཚད་ཟུང་བར་དོ་སེལ། །ཀུན་སྤྱོད་ཡོན་ཏན་རྣམ་ལྔ་ཆོས། །དབྱིངས་ཀྱི་རྒྱན་དུ་རོལ་པའོ། །བརྟུལ་ཞུགས་སྐྱོད་པས་ཆགས་སྡང་གཅོད། །རིག་པའི་སྤྱོད་པས་བདེ་བ་བསྐྱེད། །གསང་བའི་སྤྱོད་པས་དྲོད་རྟགས་འབྱུང་། །སྨྱོན་པའི་སྤྱོད་པས་ཞེན་པ་བཟློག །ཕྱོགས་མཚམས་རྣམ་རྒྱལ་བཅིངས་གྲོལ་མེད། །གཞི་ལ་བསམ་ཞིང་བསྒོམ་དུ་མེད། །སྣང་བ་མེད་པའི་ཆོས་ཉིད་ནི། །མ་བཙལ་གཞག་ན་བསྒོམ་པ་ཡིན། །ལུས་ལ་འཛིན་མེད་ལམ་དུ་བྱ། །ཟག་མེད་ངོས་གཟུང་བྲལ་བའོ། །སེང་གེ་གླང་པོ་སྤྲེའུ་དང་། །བུ་ཆུང་སྨྱོན་པ་མཁའ་འགྲོ་བཞིན། །སྤྱོད་པ་ལམ་དུ་བྱ། །ཞེས་གསུངས་སོ། །འཁོར་བ་དོང་སྤྲུགས་ཀྱི་རྒྱུད་ལས།ལྟ་སྒོམ་སྤྱོད་འབྲས་ཀྱི་གྲོལ་ལུགས་བསྟན་པའི་ལེའུ་སྟེ་བཅོ་ལྔ་པའོ།། །།སློབ་དཔོན་པདྨའི་བསྒྱུར་ཅིང་གཏན་ལ་ཕབ་པ་རྫོགས་སོ།། །།ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་རྒྱུད་ཡང་དག་པ་དོན་གྱི་གདམས་ངག་བཅས་པ་འདི། མཁའ་འགྲོ་མཚོ་རྒྱལ་ལ་གདམས་པ་རྫོགས་སོ། །གཤིན་རྗེ་དམར་ནག་གཉིས་ལ་གཏད་དེ་རྒྱ། གུ་ཡ། གཏེརརྒྱ། སྦས་རྒྱ། སོ་ཕག་ཤི་ཁ་ཐམ།྅། ཡེ་ཤེས་ཁྱུང་གྲགས་ཞུས་སོ།། །། རྒྱ་གར་སྐད་དུ། སྐསྐཏབྷ། སྡད་ཊ།སྡན། བོད་སྐད་དུ། །ཐུགས་རྗེ་ཆེན་པོ་པདྨ་རྒྱས་པའི་རྒྱུད། བཅོམ་ལྡན་འདས་འོད་དཔག་མེད་ལ་ཕྱག་འཚལ་ལོ། །འདི་སྐད་བདག་