Ngb-pt-0661-vol-07-text
Front[edit]
Body[edit]
རྒྱ་གར་སྐད་དུ། ཡ་མུརྙ་ཀ་མཉུ་ཤི་ཙིན་དྷ་མ་ཁི་ཀརྨ་བིཤཱ་སིད་དྷ་ནཱ་མ་ཏན་ཏྲ། བོད་སྐད་དུ། འཇམ་དཔལ་གཤིན་རྗེ་གཤེད་པོ་ཡིད་བཞིན་ནོར་བུའི་ལས་སྣ་ཚོགས་བསྒྲུབ་པའི་རྒྱུད་ཅེས་བྱ་བ། བཅོམ་ལྡན་འདས་ཡ་མྱན་ཏ་ཀ་ལ་ཕྱག་འཚལ་ལོ། །འདི་སྐད་བསྟན་པའི་དུས་ན། བཅོམ་ལྡན་འདས་འཇམ་དཔལ་གཤེད་པོ་ཉིད་བདེ་བ་ཆེན་པོའི་ཀློང་ན་བཞུགས་ནས། འཁོར་རྣམས་དང་ཐབས་ཅིག་གོ །དེ་ནས་བཅོམ་ལྡན་འདས་ལ། སྲས་མཆོག་ཡ་མ་རྭ་ཛ་གསོལ་པ། ཀྱེ་ཀྱེ་བཅོམ་ལྡན་འཇམ་དཔལ་སྐུ། །བསྙེན་པ་རྫོགས་པའི་རྣལ་འབྱོར་པས། །ཉིད་ཀྱི་དངོས་གྲུབ་ཐོབ་ནས་ནི། །གང་ཡང་འགྲུབ་པར་འགྱུར་བས་ན། །ལས་ཀྱི་རིམ་པ་ཁ་ཚར་རྣམས། །རིམ་པ་བདག་ལ་བཤད་དུ་གསོལ། །ཞེས་གསོལ་པས། འཇམ་དཔལ་ཁྲོས་པས་བཀའ་སྩལ་པ། །ཨ་ཀྲོ་ཡི་གེ་བཅུ་བདུན་པ། །འབུམ་ཕྲག་བཅུ་གཉིས་བཟླས་པ་དང་། །འཇམ་དཔལ་ཉིད་དུ་དངོས་གྲུབ་ཐོག །དེ་ནས་ལས་ཀྱི་རིམ་པ་ནི། །རྣལ་འབྱོར་ཚེ་དང་ཡེ་ཤེས་དག །རྒྱས་པར་བྱ་བའི་རིམ་པ་ལ། །བདག་ཉིད་ཡ་མྱརྙ་ཀར་གསལ། །བདག་གི་ཐུགས་ཁའི་ཡིག་འབྲུ་ལས། །འོད་ཟེར་འཕྲོས་པས་བདེ་གཤེགས་དང་། །སེམས་ཅན་ཀུན་གྱི་སྒྲིབ་སྦྱངས་ནས། །རྒྱལ་བའི་བྱིན་བརླབས་ཡེ་ཤེས་དང་། །འགྲོ་བའི་ཚེ་ཡི་བྱིན་བསྡུས་ཏེ། །བདག་འཁོར་བཅས་ལ་ཐིམ་པ་ཡིས། །ཚེ་དང་ཡེ་ཤེས་རྒྱས་པར་བསམ། །དེ་ཡི་གསང་སྔགས་འདི་ལྟ་སྟེ། །ཨོ་ཨ་ཀྲོ་ཏེ། ཡ་མྱན་ཏ་ཀ་ཧ་ན་མ་ཐ་བྷརྫི་ཧཱུཾ༷་ཕཊ། ཨུ་ཡུ་རྙོ་ན་བྲེཁོ་ཀུ་རུ་སྲུཧྭ། བཀྲག་དང་གཟི་མདངས་རྒྱས་འདོད་ན། །བཅུ་བདུན་སྔགས་ཀྱི་མཇུག་ཉིད་དུ། །ཨོ་ཙོ་ཏི་ཙོའུ་བྲེརྨྱི་ཀུ་རུ་གྲྭཧྭ། ཞེས་པས་གོང་ལྟར་ཏིང་འཛིན་སྦྱར་བ། །དབང་ཐང་ཆུང་སྲིད་རྒྱས་འདོད་ན། །ཟི་ཤ་པུ་ཏྲ་བྲེརྨྱི་ཀུ་རུ་གྲྭཧྭ། གོང་ལྟར་ཏིང་འཛིན་སྦྱར་ལ་བཟླས། །འཁོར་དང་ལོངས་སྤྱོད་རྒྱས་འདོད་ན། །ད་མ་ས་པོ་བྲེཁྱི་ཀུ་རུ་གྲྭཧྭ། ཞེས་བཟླས་གོང་དང་ཏིང་འཛིན་སྦྱར། །བཅུ་བདུན་མཇུག་ལ་གདགས་བཟླས་ན། །རྣལ་འབྱོར་བཀྲ་ཤིས་ཉིད་དུ་འགྱུར། །ཞེས་གསུངས་སོ། །འཇམ་དཔལ་ཡིད་བཞིན་ནོར་བུའི་ལས་སྣ་ཚོགས་སྒྲུབ་པའི་རྒྱུད་ལས། རྣལ་འབྱོར་མཆོག་ཏུ་རྒྱས་པ་སྒྲུབ་པའི་ལེའུ་སྟེ་དང་པོའོ།། །།དེ་ནས་གཞན་ཡང་བཤད་བྱ་བ། །རྣལ་འབྱོར་སྐུ་ཚེ་རིང་འདོད་ན། །བཅུ་བདུན་སྔགས་ལ་འདི་ཉིད་གདགས། །ཨུ་ཡུ་ཙྭ་ན་ཡུ་ཚེ་ཨ་པ་ན་ཡ་རྒྱུ༷་སྲུཧྭ། ཐུན་མཚམས་དག་ཏུ་བཟླས་པར་བྱ། །རྣལ་འབྱོར་པ་ཡི་འཁོར་ཉིད་དུ། །བུ་ཚ་མ་མཐོང་གྱུར་པ་ན། །དེ་མཐོང་བྱ་ཕྱིར་སྔགས་འདི་བཟླས། །བཅུ་བདུན་མཇུག་ལ་གདགས་པ་སྟེ། །པུ་ཙ་ཏྲ་ན་ཨུ་ཡུ་ཙྭ་ན་ཡུ་ཏྣ་ཨསྟིཁི྅ཨཔནཡསྒྱུ༷ གྲྭཧྭ། དེ་བཟླས་བུ་ཚ་མཐོང་བར་འགྱུར། །གདོན་བགེགས་བསྐྲད་པར་འདོད་གྱུར་ན། །བཅུ་བདུན་མཇུག་ལ་སྔགས་འདི་བཟླས། །བ་ར་ཙི་ཀྲ་ཧྲི་ཏི་ཨ་པ་ན་ཡ་ན་གནོད་བྱེད་ནཱ་ར་ཡ་ཕཊ་ཕཊ། དེ་ཡང་ཁྲོ་བོ་སྤྲོས་ལ་བསྐྲད། །དུས་མ་ཡིན་པར་འཆི་བཟློག་ན། །བཅུ་བདུན་སྔགས་ལ་ཐུན་མཚམས་གདགས། །ཨོ་མ༷་ཀྭ་ལ་མྲི་དུ་ཨ་པ་ན་ཡ་གྲྭཧྭ། དེ་ནས་གཞན་ཡང་བཅུ་བདུན་མཇུག །བི་ཀྲི་པ་ན་ཡ་གྲྭཧྭ། ཀྲིན་ཨ་བ་ན་ཡ་གྲྭཧྭ། ན་ཚ་བྱུང་ནས་ཞི་བྱའི་ཕྱིར། །ནད་སྟེངས་ཨ་དཀར་བསམ་པར་བྱ། །ཞེས་གསུངས་སོ། །འཇམ་དཔལ་ཡིད་བཞིན་ནོར་བུ་ལས་སྣ་ཚོགས་གྲུབ་པའི་རྒྱུད་ལས། རྣལ་འབྱོར་པས་གང་འདོད་བསྒྲུབ་པའི་ལེའུ་སྟེ་གཉིས་པའོ།། །།གཞན་ཡང་སྲས་མཆོག་གུས་ཉོན་ཅིག །གལ་ཏེ་རྣལ་འབྱོར་བསྒྲུབ་མཆོག་ལ། །ཆོ་འཕྲུལ་སྟོན་པའི་རྟགས་བྱུང་ན། །སྔགས་འདི་བཟླས་ལ་ཞབས་འོག་གཟིར། །ཨོ་ཨ་ཀྲོ་ཏེ་ཀ་ཡ་བཱན་ཏ་ཀ་ཧ་ན་མ་ཐ་བྷརྫི་ཧཱུཾ༷་ཕཊ། མུ་ཀ་ཡེ། ཨ་པ་ཡེ། ཀ་པ་ཡེ། ཨ་ནེ། ཨ་ནེ། ཧྲིསྐྱི༷༷བི་ཀྲི་ཏ་ན་ན་ཛ་ཧཱུཾ༷་ཕཊ། ཏིང་འཛིན་གསལ་ལ་ཞབས་འོག་གཟིར། །དབང་དུ་བསྡུ་བར་བསམ་པར་བྱ། །དེ་ཡིས་དབང་མེད་བཀའ་ཉན་འགྱུར། །བདག་ཉིད་འཇམ་དཔལ་བསྒྲུབ་པ་ལ། །བར་གཅོད་རྩོལ་བ་བྱུང་གྱུར་ན། །ཡི་གེ་བཅུ་བདུན་བརྗོད་རྗེས་ལ། །ཨ་ཀ་ས་མ་ཡ་ཤི་མརྫི་ཡ་མ་ར་ཛ་ཨ་ཀྲོ་ཏེ་ཀ་ཡ་མྱན་ཏ་ཧེ༷༷རྨྱིབི་ཀྲི་ཏྭ་ན། མུ་ཀ་ཡེ། ཨ་པ་ཡེ། ཨུ་ནེ་ཨུ་ནེ། ཨུ་ནེ། སྙི༷༷རྨྱི༷མཉུ་མུ་ཀ་ཡེ་ནན། དེས་ནི་ཞབས་འོག་དབང་བསྡུས་ཏེ། །བར་ཆད་ཞི་ཞིང་དབང་དུ་འདུ། །དེསནམིམོགཤིནརྗེའིཚོགས། །ལྷ་སྲིན་སྡེ་བརྒྱད་ལ་སོགས་པ། །རང་དབང་མེད་པར་དབང་དུ་འདུས། །ཅི་འདོད་ལས་རྣམས་བྱེད་པར་འགྱུར། །གལ་ཏེ་རྣལ་འབྱོར་བསྒྲུབ་མཆོག་ལ། །གདོན་བགེགས་དྲག་པོ་གནོད་འགྱུར་རམ། །བར་ཆད་གཡང་དུ་ལྷུང་རྨི་ན། །བེ་ཆོན་ཕྱག་རྒྱ་བཅས་བྱས་ལ། །ཨོ་ཨ་ཀྲོ་ཏེ་ཀ་ཡ་མན་ཏ་ཧ་ན་མ་ཐ་བྷརྫི་ཧཱུཾ༷་ཕཊ། ཨུ་ནེ། ཨུ་ནེ། ཨུ་ནེ། ཨུ་ཨུ་ཨུ། སིང་ང་ཡེ། བྱ་ཙ་ཡ། དུ་རུ་ཡེ། ཙི་ཏྲ་ཡེ། ཧྲི་ཏ་ཡེ། ཧ་ལ་ཡེ། གནོད་བྱེད་ཆེ་གེ་མོ་མྱགས་ཐུམ་རིལ་རྦད། ཅེས་པའོ། །དེས་བཟླས་གཟིར་ཞིང་བསྐྲད་པར་བྱ། །ཞེས་གསུངས་སོ། །འཇམ་དཔལ་གཤེད་པོ་ཡིད་བཞིན་ནོར་བུ་ལས་སྣ་ཚོགས་གྲུབ་པའི་རྒྱུད་ལས། རྣལ་འབྱོར་བསྙེན་པ་དང་ལས་སྒྲུབ་ཀྱི་བར་ཆད་གཟིར་ཞིང་བསལ་བའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །འཇམ་དཔལ་བསྒྲུབ་པའི་རྣལ་འབྱོར་ལ། །དངོས་གྲུབ་བརྟན་པོ་མ་ཐོབ་པར། །བགེགས་རྣམས་ཆོ་འཕྲུལ་སྟོན་གྱུར་ན། །གེགས་སེལ་མན་ངག་བསྟན་པ་ནི། །མཚན་མས་བར་ཆད་བྱེད་པ་དང་། །མཚན་མེད་བར་ཆད་རྩོལ་བའོ། །མཚན་མ་ཅན་ལ་བཞི་ཉིད་དེ། །སྒྲ་ཡིས་ཆོ་འཕྲུལ་འབྱུང་བ་དང་། །འོད་དང་མེ་ཆུ་རླུད་སྟོན་དང་། །གཟུགས་ཀྱི་ཆོ་འཕྲུལ་སྟོན་པ་དང་། །མཚོན་ཆ་རྡེག་ཚུལ་སྟོན་པའོ། །དེ་ལྟར་སྩོལ་བ་གང་བྱུང་ཡང་། །བདག་ཉིད་ཡ་མརྙ་ཀ་ནི། །ཐམས་ཅད་འདར་ཡེད་བཀའ་བསྒོ་ཉན། །འབྲོས་ཤིང་ཕྱིར་ལ་བྱེར་བར་བསམ། །དེ་ཡིས་མྱུར་དུ་སེལ་བར་འགྱུར། །མཚན་མ་མེད་པར་བར་གཅོད་ཀྱི། །ཆོ་འཕྲུལ་སྟོན་ཞིང་སེམས་གཡེང་དབང་དུ་འདུས་ནས་ནི། །ང་རྒྱལ་གསལ་བའི་ཐུགས་ཁ་དང་། །བ་སྤུའི་བུ་གའི་འོད་ཟེར་ལས། །ཁྲོ་བོས་ཁེངས་པའི་ནང་ཉིད་ན། །བདེ་བར་ང་རྒྱལ་བྱས་ལ་བཟླས། །ཞེས་གསུངས་སོ། །འཇམ་དཔལ་ཡིད་བཞིན་ནོར་བུ་ལས་སྣ་ཚོགས་བསྒྲུབས་པའི་རྒྱུད་ལས། །བསྒྲུབ་པའི་གེགས་སེལ་བྱ་བའི་ལེའུ་སྟེ་བཞི་པའོ།། །།དེ་ནས་ཡང་ཡ་མ་རྭ་ཛས་གསོལ་པ། །ཀྱེ་ཀྱེ་བཅོམ་ལྡན་འཇམ་དཔལ་སྐུ། །ཡ་སྨྱུརྙ་ཀ་ཁྲོས་པ་ཉིད། །དེ་ལྟར་བདག་ཉིད་རྒྱས་བྱའི་ཕྱིར། །ལས་ཀྱི་རིམ་པ་གསུངས་ལགས་ན། །བར་ཆད་དགྲ་བོ་བསྒྲལ་བ་ཡི། །ལས་ཀྱི་རིམ་པའི་ཚོགས་རྣམས་ནི། །འཇམ་དཔལ་ཁྲོས་པས་བཤད་དུ་གསོལ། དེ་ནས་འཇམ་དཔལ་ཁྲོས་པ་ཡིས། །དེ་ཡི་རིམ་པ་བཀའ་སྩལ་པ། །དྲག་པོ་ལས་ཀྱི་ཁ་ཚར་ནི། །བསྟན་པ་ལ་གནོད་ཞིང་བཅུ་ལ། །དྲག་པོ་སྒྲོལ་བའི་ལས་བྱེད་ན། །དང་པོ་བསྒྲུབ་བྱ་དམ་ཉམས་ལ། །དབྱེ་བའི་ལས་ཉིད་བྱ་བ་གཅེས། །དེ་ནས་དགུག་ཅིང་གསད་པ་དང་། །མཐའ་བཏུལ་སྤོགས་ཤིང་བྱ་བ་ཡིན། །དང་པོ་དབྱེ་བའི་མན་ངག་ནི། །ཨོ་བཛྲ་དུན་སྨྱོ། ཡསྒ་ཏིག་སྣ་ཛ་ཛ། ཨ་དྲི་ཏྲཀ་ཤ་ནཱ་ར་ཡ་ཕྱེ། ཆེ་གེ་མོ་དེ་བ་ཤརྙི་ཀུ་རུ་ཡེ་གྲྭཧྭ། དེ་འདས་འབོབ་སྲེགས་ཕོ་ལྷ་ཕྱེ། །ཆེ་གེ་མོ་དེ་བ་ཙིསྟ་ཡེ་ཤརྙི་ཀུ་རུ་ཡེ་གྲྭཧྭ། ཁྱི་ལུད་བསྲེགས་བྱ་སྲོག་ལ་དབྱེ། །ལིང་ག་དག་ལ་བདུག་པར་བྱ། །ཆེ་གེ་མོ་ཙིསྟ་མ་ལ་ཤརྙི་ཀུ་རུ་ཡེ་གྲྭཧྭ། ར་གཤོབ་ལིང་ག་བདུག་བྱ་ཞིང་། །དགྲ་ལྷ་དག་དང་དབྱེ་བར་བྱ། །ས་མ་ཡ་གན་དེ་ཤརྙི་ཀུ་རུ་ཡེ་སྲུཧྭ། བདུད་རྩི་རྣམ་ལྔ་བསྲེག་བྱ་སྟེ། །ཆོས་སྲུངས་དག་དང་དབྱེ་བར་བྱ། །ཆེ་གེ་མོ་མ་མ་ག་ཙུ་ཡེ་ཤརྙི་ཀུ་རུ་གྲྭཧྭ། ལྷ་ལྔ་དབྱེ་ཕྱིར་གུ་གུལ་བསྲེག །གཞན་ཡང་བྱ་རོག་འུག་སྒྲོ་ཡིས། །བྱབ་ཅིང་དབྱེ་བར་བྱ་བ་ཡིན། །ཞེས་གསུངས་སོ། །འཇམ་དཔལ་ཡིད་བཞིན་ནོར་བུ་ལས་སྣ་ཚོགས་བསྒྲུབ་པའི་རྒྱུད་ལས། དགྲ་བོ་ལྷ་ལྔ་དབྱེ་བའི་ལེའུ་སྟེ་ལྔ་པའོ།། །།དེ་ནས་དགུག་པ་བཤད་བྱ་བ། །ཨོ་ཨ་ཀྲོ་ཏེ་ཀ་ཡ་མརྙ་ཀྭ་ལ་དུ་པ་ཆེ་གེ་མོ་དྲི་ཨུ་ཀཁོ་ཡ་ཧཱུཾ༷་ཕཊ། ཆེ་གེ་མོ་དྲི་ཨུ་ཀཁོ་ཡ་ཧཱུཾ༷་ཛ། ཆེ་གེ་མོ་ཨུ་ཡུ་ཙྭ་ན་ཨུ་ཀཁོ་ཡ་ཧཱུཾ༷་ཛ། ཆེ་གེ་མོ་ཏྲ་རི་མ་ནི་ཨུ་ཀཁོ་ཡ་ཧཱུཾ༷་ཛ། ཆེ་གེ་མོ་རྭ་བ་ཀན་དྷ་ཨུ་ཀཁོ་ཡ་ཧཱུཾ༷་ཛ། ཞེས་པའོ། །ལྕགས་ཀྱུའི་ཕྱག་རྒྱ་བཅས་ཏེ། །བདག་ཉིད་ཡ་མཏྣ་ཀ་ཡི། །ཐུགས་ཁར་ཉི་མའི་དལ་སྟེངས་སུ། །ཡི་གེ་ཛ་དམར་བརྩེགས་མ་ལས། །འོད་འཕྲོད་དགྲ་བོའི་སྲོག་དང་ནི། །ཚེ་དང་ཡེ་ཤེས་བླ་སྤྲུལ་བཅས། །གཟུགས་ཕུང་བཀུག་ལ་ལིང་གར་བསྟིམ། །དེ་ནས་ཐུན་ཆེན་ཐོད་ནག་བྲབ། །རྟགས་དང་སྦྱོར་བ་ཤིན་ཏུ་གཅེས། །ཐ་མ་དུར་ཁྲོད་དག་ཏུ་མནན། །དེ་ཡིས་གཟས་པ་གཏན་ནས་འཕོ། །ཞེས་གསུངས་སོ། །འཇམ་དཔལཡིདབཞིནནོརབུལསསྣ་ཚོགས་བསྒྲུབ་པའི་རྒྱུད་ལས། །གཟས་པ་པོ་དགུག་པའི་ལེའུ་སྟེ་དྲུག་པའོ།། །།དེ་ནས་གཞན་ཡང་ནན་ཏན་དུ། །ལས་ཀྱི་མན་ངག་བྱ་བ་ནི། །ཐུན་ཆེན་ཐོད་ནག་དུས་ཉིད་དུ། །ཐོད་པ་བམ་རིལ་བསྒྲུབ་པ་སྟེ། །གོང་ནས་བསྐམས་ཏེ་ཆས་ལེགས་ལ། །ཡིག་འབྲུ་བྲིས་ལ་བྱ་བའམ། །ཡང་ན་དེ་ནི་ཤིན་ཏུ་ཡང་། །ཡ་ང་བས་ནི་ཞལ་སྐྱ་སྲ །གཅད་ལ་སྔགས་བྲིས་ནང་དུ་ནི། །ལིང་ག་སྩལ་ལ་ཐུན་གྱིས་བྲབ། །ཐོད་པ་རབ་ནི་མོན་ཐོད་ཡིན། །འབྲིང་ནི་རབས་ཆད་ནག་པོའོ། །ཐ་མ་མུ་སུ་ར་ཡི་ཐོད། །གང་རུང་དག་ལ་བྱ་བ་ཡིན། །ལན་གསུམ་བར་དུ་སྤོགས་ཤིང་བྱ། །སྔགས་པ་ནང་འབྲས་གྱུར་པ་ན། །སྙིསྐྱི་བསྲུང་བཟློག་ནན་ཏན་བྱ། །དེ་ཡིས་འགྲུབ་པར་གདོན་མི་ཟ། །ཞེས་གསུངས་སོ། །འཇམ་དཔལ་ཡ་བཱརྙ་ཀ་ཡིད་བཞིན་ནོར་བུ་ལས་སྣ་ཚོགས་སྒྲུབ་པའི་རྒྱུད་ལས། ལས་ཀྱི་ཐུས་ཀ་མན་ངག་གི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཡ་བཱན་ཏ་ཀ་ལ། སྲས་མཆོག་ཡ་མ་རྭ་ཛས་གསོལ་པ། ཀྱེ་བཅོམ་ལྡན་འདས། འཇམ་དཔལ་ཡ་མུརྙ་ཀ་ཁྲོ་བོའི་རྒྱལ། །བདག་གིས་རྒྱུད་འདི་ཇི་ལྟར་བཟུང་ཞིག་གཏད་པར་བགྱི། །ཅེས་གསོལ་པ་དང་། །འཇམ་དཔའ་ཁྲོས་པས་བཀའ་སྩལ་པ། རྒྱུད་འདི་ནི་འཇམ་དཔལ་ནག་པོ་ཡིད་བཞིན་ནོར་བུའི་ལས་ཚོགས་འགྲུབ་པའི་རྒྱུད་ཅེས་བྱ་བར་བཟུང་ཞིང་བཅང་བར་བྱའོ། །མ་འོངས་པའི་དུས་སུ་སངས་རྒྱས་ཀྱི་བསྟན་པ་བསྲུང་བའི་ཕྱིར་སྣོད་དང་དམ་ཚིག་ལྡན་པ་འགའ་དང་འགའ་ལ་མི་ནུབ་པར་གཏད་ཅིང་། གར་ཐད་ཐད་དུ་མི་སྤེལ་བར་བཅང་ཞིང་བསྒྲུབ་པར་བྱའོ། །ཞེས་གསུངས་སོ། །འཇམ་དཔལ་ཡིད་བཞིན་ནོར་བུ་ལས་སྣ་ཚོགས་བསྒྲུབ་པའི་རྒྱུད་ཅེས་བྱ་བ་ཕྱི་མའི་རྒྱུད་རྫོགས་སོ།། །།རྒྱ་གར་གྱི་མཁན་པོ་བ་སུ་དྷ་ར་གུ་རུ་དམ་པས། བདག་སྐྲུས་ངན་རྡོ་རྗེ་ཡང་དབང་གཏེར་ལ་ཡང་ལ་ཡང་དུ་ཞུས། བརྣག་ཅིང་རྒྱ་བཏབ་ནས་གནང་ནས་བསྒྱུར་རོ། །ཀུན་ལ་སྤེལ་ན་མཁའ་འགྲོ་དངོས་སུ་ཡོད་པའོ། ཁེན་ཏུ་གསང་ངོ་། །རྒྱ་རྒྱ་རྒྱ།། །། རྒྱ་གར་སྐད་དུ། ཨརུམསྣྲུཤིཡ་མུརྙ་ཀ་མརྙ་ཏནྟྲ་ཙཀྲ་དེ་སྟེ་དྷི་ཀྲི་སྣ་ནཱ་མ། ཏནྟྲ་རྭ་ཛ། བོད་