Ngb-pt-0647-vol-07-text
Front[edit]
Body[edit]
གྱིས་རྡོ་རྗེ་གདན་གྱི་འོག་ནས་རྙེད་པའོ། །མགོས་ལ་གནང་།། །། རྒྱ་གར་སྐད་དུ། ཡ་མ་མནྟྲ་མ་རན་ཏནྟྲ་ནཱ་མ། བོད་སྐད་དུ། གཤིན་རྗེ་སྔགས་བཟློག་གི་རྒྱུད་ཅེས་བྱ་བ། འཇམ་དཔལ་གཤིན་རྗེ་གཤེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ཡབ་འཇམ་དཔལ་གཤིན་རྗེ་ཡིས་བདུད་དང་མུ་སྟེགས་ཐམས་ཅད་བརླག་པར་བྱ་བའི་ཆེད་དུ། འཆར་བ་ནག་པོའི་ཞེས་བྱ་བའི་འཁོར་ལོ་ལ་གཏད་པ་ལས། བདུད་དང་མུ་སྟེགས་ཐམས་ཅད་བརྒྱལ་ནས། བཅོམ་ལྡན་འདས་ལ་འདུད་པར་གྱུར་ཏེ། དེ་ནས་བྲན་བཞིན་དུ་གྱུར་ཏོ། །གླེང་གཞིའི་ལེའུ་སྟེ་དང་པོའོ།། །།དེ་ལ་དང་པོ་དཀྱིལ་འཁོར་ནི། །ཟུར་གསུམ་རྩེ་གཅད་བརྩེགས་མར་བྱ། །ཡང་ན་རས་སམ་ལྡེར་སོ་བྱ། །རྟེན་གསུམ་ལ་ནི་མཆོད་རྟེན་གསུམ། །ཕོ་དང་མོ་ཡི་ཆེ་གེ་མོ། །འཕན་ཆེན་ལ་ནི་འཕྱང་དུ་གཞུག །རྩེ་བཅད་གྲུ་གསུམ་བརྩེགས་མར་བྱ། །ཡང་ན་ཉི་ཤུ་རྩ་གཅིག་བྱ། །ཡང་ན་བརྒྱ་དང་རྩ་བརྒྱད་བྱ། །ཡང་ན་བཅུ་བཞིའམ་བདུན་ནམ་གསུམ། །དེ་ལྟར་བྱས་ལ་ཐུན་རྫས་བསག །དཀྱིལ་འཁོར་གྱི་ལེའུ་སྟེ་གཉིས་པའོ།། །།དེ་ནས་རྫས་རྣམས་བཤད་པར་བྱ། །ཐོད་པ་དང་ནི་ཀོང་བུར་བཅས། །མངལ་ཁྲག་རྨེ་ཁྲག་གསུམ་དང་སྦྱར། །ཚེ་དང་ཉུངས་ཀར་དུག་རྫས་གསུམ། །མར་མེ་སྦང་མ་ཁྲག་དང་བཅས། །མོན་དང་བུད་མེད་སྐྱེས་པ་དང་། །ལྷ་བཤོས་ཐོག་ཆེན་ཙ་ལ་སོགས། །རྫས་རྣམས་རིམ་པར་དགོད་པར་བྱ། །རྫས་དགོད་པའི་ལེའུ་སྟེ་གསུམ་པའོ།། །།དེ་ནས་སྔགས་ཀྱི་དབྱེ་བ་ནི། །བཟློག་དང་རྦད་དང་གསད་དང་གསུམ། །བཟློག་པ་ཤ་རི་སྨྱོ་ལས་དྲང་། །གསང་བའི་སྔགས་ནི་ཁ་བསྒྱུར་ཡིན། །རྦད་པ་རྣམ་དབྱེར་སྦྱོ་ནས་གྲང་། །དེ་ལ་སྔགས་ཀྱི་མཚན་ཉིད་ནི། །ཨོ་ཤ་རི་སྨྱོ་མ་རི་སྨྱོ་ཉ་རི་སྨྱོ་ཁྲག་མ་མ་སྨྱོ། ཞེས་པས་དེ་ནི་བཟློག་པར་བྱ། །གསད་པའི་སྔགས་དག་བསྟན་པ་ནི། ཁྲ་རི་སྨྱོ་ཤ་ཧྲུ༷་མྱ་ར་ཡ་ཕཊ། མ་རི་སྨྱོ་ཤ་ཏྲུ༷་མྱ་ར་ཡ་ཕཊ། ཁྲག་མ་མ་སྨྱོ་ཤཏྲུ་༷་མྱ་ར་ཡ་ཕཊ། ཙིར་སྙིང་སྨྱོ་ཤ་ཏྲུ༷་མ་ར་ཡ་ཕཊ། སྙིང་སྨྱོ་ཤ་ཏྲུ༷་མ་ར་ཡ་ཕཊ།མསྟེ་ཐོད་ཁྲག་ཛ་ཤ་ཏྲུ༷་མ་ར་ཡ་ཕཊ། ཁྲག་ཏི་སྙིང་ལ་ཡ་ཤ་ཏྲུ༷་མྱ་ར་ཡ་རྦད། དྲི་ཏྲི་ཆོད་ཤ་ཧྲུ༷་མ་ར་ཡ་རྦད། མུ་ལོ་ཆོད་ཤ་ཧྲུ༷་མུ་ར་ཡ་རྦད། ཤ་ལོ་ཆོད་ཤ་ཧྲུ༷་མ་ར་ཡ་རྦད། ཤལ་ཀྱིད་ཀྱི་སྨྱོ་ཤ་ཏྲུ༷་མྱ་ར་ཡ་རྦད། ས་མ་ཡ་ཨ་ཏྲེ་ཀྲ་མ་ཏི། ནི་བར་ན་ནི་བར་ན། བཟློག་བཟློག་སོད་སོད་རྦད་ཕཊ། ཅེས་བྱའོ། །སྔགས་ཀྱི་ལེའུ་སྟེ་བཞི་པའོ།། །།དེ་ལ་རྦད་པ་འདི་སྐད་དོ། །ཧཱུཾ༷། ཡབ་ཅིག་འཇམ་དཔལ་གཤིན་རྗེ་གཤེད། །ཞལ་གཅིག་ཕྱག་གཉིས་འཇིགས་པའི་ཚུལ། །སྐུ་ནི་ཤིན་ཏུ་གནག་པ་ལ། །དབུ་སྐྲ་རལ་པ་ཐོར་ཅོག་ཅན། ཁྲག་དང་ཞག་གི་ཐིག་ལེས་བརྒྱན། །གདུག་པ་སྦྲུལ་གྱི་རྒྱན་ཆ་ཅན། །སྲིད་པའི་འཁོར་ལོ་ལྟོ་ན་གནས། །ལག་པའི་གར་གྱིས་ནམ་མཁའ་ཁེངས། །རྐང་པའི་སྟབས་ཀྱིས་ས་གཞི་གནོན། །སྤྲུལ་པའི་སྟོབས་ཀྱི་བར་སྣང་གང་། །མངག་པའི་སྟོབས་ཀྱིས་ཕྱོགས་བཞི་བཀང་། །ཕོ་ཉའི་སྟོབས་ཀྱིས་མཚམས་བཞི་བཀང་། །སྐུ་ཡི་སྤྲུལ་པས་ལྷ་བྲན་འགྱེད། །སྟེང་གི་གདོན་རྣམས་བཟློག་ཏུ་གསོལ། །གསུང་གི་སྤྲུལ་པ་སྡེ་བཞི་འགྱེད། །བར་གྱི་གདོན་རྣམས་བཟློག་ཏུ་གསོལ། །ཐུགས་ཀྱི་སྤྲུལ་པས་ཀླུ་རྣམས་འདུལ། །འོག་གི་གདོན་རྣམས་བཟློག་ཏུ་གསོལ། །ལྷ་སྲིན་སྡེ་བརྒྱད་ཕོ་ཉར་འགྱེད། །དགྲ་བགེགས་རྣམས་ཀྱི་སྙིང་ནས་དྲོངས། །ཐེ་བྲང་རྣམས་ཀྱི་གདོན་རྣམས་བཟློག །སྲིད་པ་གསུམ་ལ་མདོས་ཁ་སྡིག །མ་གཤིན་ཐམས་ཅད་དབང་དུ་སྡུས། །བྱོལ་ཟོར་བཟློག་པའི་འཇིགས་ཚུལ་ཅན། །གཡས་པས་བདུད་ཀྱི་སྟ་རི་ཡིས། །ཕོ་གདོན་ཐམས་ཅད་བཟློག་ཏུ་གསོལ། །གཡོན་པ་ལྟ་བའི་མེ་ལོང་བསྣམས། །མོ་གདོན་ཐམས་ཅད་བཟློག་ཏུ་གསོལ། །ཉི་ཟླའི་ཐོད་ཀྱིས་བརྒྱན་པ་ནི། །གཟའ་ཡི་གདོན་རྣམས་བཟློག་ཏུ་གསོལ། །སྦྲུལ་ཆུན་འཇིགས་པས་བརྒྱན་བྱས་པ། །འོག་གི་གདོན་རྣམས་བཟློག་ཏུ་གསོལ། །ཁྲོ་ག་་ཁྱོད་ལ་ཕྱག་འཚལ་ལོ། །རྔམ་པའི་སྟོབས་ཀྱིས་བདུད་བཞི་འདུལ། །འཇིགས་ཚུལ་རྔམ་པའི་ཆ་བྱད་ཀྱིས། །རྣལ་འབྱོར་ཚེ་སྲིངས་དཔལ་ཡང་བསྐྱེད། །བྱང་ཁའི་སྦྱོར་བ་བཟློག་ཏུ་གསོལ། །སྐུལ་བའི་ལེའུ་སྟེ་ལྔ་པའོ།། །།ཧཱུཾ༷། འཇིགས་པའི་སྐུ་སྟོད་ཁྲོ་རྒྱལ་ནི། །སྐུ་ནི་རབ་ཏུ་རྔམ་པ་ལ། །ཞལ་གཅིག་ཕྱག་གཉིས་བརྗིད་པར་ལྟ། །སྐུ་མདོག་གནག་པས་བདུད་རྣམས་འདུལ། །གཡས་པ་གྲི་གུག་བསྣམས་པ་ནི། །ལོག་པར་འདྲེན་པའི་སྙིང་རྩ་གཅོད། །གཡོན་པ་སྙིང་ཁྲག་ཞལ་དུ་གསོལ། །ནད་ཁྲག་ཞལ་དུ་གསོལ་བའི་རྟགས། །འཕང་ན་སྲིད་པའི་འཁོར་ལོ་བསྣམས། །སྲིད་པའི་བྱོལ་ཁ་བཟློག་ཏུ་གསོལ། །སྤྱི་གཙུག་མཆོད་རྟེན་ནག་པོ་ལས། །ཡེ་ཤེས་ལྷ་ཚོགས་བཟློག་ཏུ་གསོལ། །ཁྱོད་ཀྱི་ལག་པ་གཡས་པ་ན། །མཆོད་རྟེན་དཀར་པོ་བསྣམས་པ་ནི། །ཕོ་བདུད་ཐམས་ཅད་བཟློག་ཏུ་གསོལ། །ཁྱོད་ཀྱི་ལག་པ་གཡོན་པ་ན། །མཆོད་རྟེན་དམར་པོ་བསྣམས་པ་ནི། །མོ་གདོན་ཐམས་ཅད་བཟློག་ཏུ་གསོལ། །འཕན་ཆེན་རབ་ཏུ་འཕྱར་བས་ནི། །རྣལ་འབྱོར་ཚེ་སྲིངས་དཔལ་ཡང་སྐྱེད། །འཁོར་ལོ་རབ་ཏུ་འཕངས་པ་ཡིས། །ཆོས་ཀྱི་དབྱིངས་དང་རབ་ལྡན་ནས། །ལྷ་འདྲེ་ཐམས་ཅད་དབང་དུ་སྡུས། །དབུ་ལ་རིན་ཆེན་འབར་བ་ཡིས། །རྣལ་འབྱོར་དགོངས་པ་ལྷུན་གྱིས་གྲུབ། །འཇིགས་པའི་སྐུ་ལ་ཕྱག་འཚལ་བསྟོད། །ཚངས་པ་བརྒྱ་བྱིན་ལྷ་ཡི་གདོན། །བརྗིད་པའི་སྟོབས་ཀྱིས་བཟློག་ཏུ་གསོལ། །དགའ་བོ་འཇོག་པོ་ཀླུ་ཡི་གདོན། །གཟི་བརྗིད་སྟོབས་ཀྱིས་བཟློག་ཏུ་གསོལ། །གང་བ་བཟང་པོ་གནོད་སྦྱིན་གདོན། །འཇིགས་པའི་སྟོབས་ཀྱིས་བཟློག་ཏུ་གསོལ། །ཟ་བྱེད་རྔམ་པ་སྲིན་པོའི་གདོན། །རྔམ་པའི་སྟོབས་ཀྱིས་བཟློག་ཏུ་གསོལ། །གཙོ་བོ་ཁ་འབར་ཡི་དྭགས་གདོན། །བཞད་པའི་སྟོབས་ཀྱིས་བཟློག་ཏུ་གསོལ། །ཕག་གདོང་འཇིགས་པ་ཤ་ཟའི་གདོན། །ག་་པའི་སྟོབས་ཀྱིས་བཟློག་ཏུ་གསོལ། །བྱི་ན་ཡ་ཀ་བགེགས་ཀྱི་གདོན། །འགྱིང་བའི་སྟོབས་ཀྱིས་བཟློག་ཏུ་གསོལ། ཁྱབ་འཇུག་ཆེན་པོ་གཟའ་ཡི་གདོན། །དྲེགས་པའི་སྟོབས་ཀྱིས་བཟློག་ཏུ་གསོལ། །གྲི་ཐོགས་ཁྲམ་ཐོགས་བདུད་ཀྱི་གདོན། །སྤྲུལ་པའི་སྟོབས་ཀྱིས་བཟློག་ཏུ་གསོལ། །འཛིན་པ་སྡོམ་པོ་གིང་གི་གདོན། །ཡང་སྤྲུལ་སྟོབས་ཀྱིས་བཟློག་ཏུ་གསོལ། ཁ་བཞི་ཆེན་པོ་བཙན་གྱི་གདོན། །འཇིགས་པའི་སྟོབས་ཀྱིས་བཟློག་ཏུ་གསོལ། །ཏེལ་པ་ཕྱ་སངས་གཤིན་རྗེའི་གདོན། །སྐུ་ཡི་སྟོབས་ཀྱིས་བཟློག་ཏུ་གསོལ། །རལ་གཅིག་ནག་མོ་མ་མོའི་གདོན། །གསུང་གི་སྟོབས་ཀྱིས་བཟློག་ཏུ་གསོལ། །རོལ་པ་རྐྱང་དགུ་རྨུ་ཡི་གདོན། །མགོ་བརྙན་སྟོབས་ཀྱིས་བཟློག་ཏུ་གསོལ། །མ་ཧྭ་དེ་བ་ལྷ་ཡི་གདོན། །བདེན་པའི་སྟོབས་ཀྱིས་བཟློག་ཏུ་གསོལ། །ཀ་ལ་ཡསྒེ་མུ་སྟེགས་གདོན། ཁྲོས་པའི་སྟོབས་ཀྱིས་བཟློག་ཏུ་གསོལ། །སྨྱོ་སྨྱོ་སྨྱོ། རྦད་པའི་ལེའུ་སྟེ་དྲུག་པའོ།། །།ཧཱུཾ༷། འཇིགས་ཚུལ་རྔམ་པའི་ཆ་བྱད་ཅན། །སྐུ་ནི་རི་རབ་ཁྱོན་དང་མཉམ། །སྤྱན་ནི་བར་སྣང་ཁམས་སུ་གཟིགས། །ལྗགས་ནི་སྤྲུལ་པ་གློག་ལྟར་འཁྲུག །དབུ་སྐྲ་ཐོར་ཅོག་ཟུར་བུར་འཁྱིལ། །ཐོད་པ་སྐམ་རློན་རྒྱན་དུ་བྱས། །སྦྲུལ་ནག་འབར་བས་རལ་པ་བཅིངས། །སྐུ་ལ་རཀྟའི་ཚོམ་བུས་བརྒྱན། ཁྲག་དང་ཞིག་གི་ཐིག་ལེ་ཅན། །དབུ་དང་ཕྱག་གཉིས་སྤྲུལ་པའི་ཚེ། །སྤྲུལ་པའི་ཁྲོ་བོས་སྟོང་ཁམས་ཁྱབ། །གསུང་གི་སྤྲུལ་པ་ཧ་ཧའི་སྒྲས། །གསུང་གི་ཁྲོ་བོས་སྟོང་གསུམ་གང་། །ཐུགས་ནི་མཉམ་པའི་ངང་ལ་བཞག །དོན་དམ་དབྱིངས་ཀྱི་ལྷ་རུ་གསལ། །དེ་ལ་ཡོན་ཏན་བསམ་མི་ཁྱབ། །འཕྲིན་ལས་བཅོལ་བའི་དོན་ཀུན་འགྲུབ། །སྐུ་ཡི་རབ་ཏུ་རྟགས་བསྟན་པ། །སྐུ་ཡི་སྤྲུལ་པས་ཚངས་པ་འདུལ། །སྤྱན་ནི་ཉི་མའི་འོད་ཟེར་འདྲ། །ཉི་ཟླ་གཟའ་སྐར་འདུལ་བའི་རྟགས། ཁྲངས་ནས་ཚུབ་མས་སྟོང་གསུམ་གང་། །དགྲ་བགེགས་རླུ་་ལ་བསྐུར་བའི་རྟགས། །ཚེམས་ནི་གཅོད་པའི་སྟ་གྲི་སྟེ། །བདུད་དཔུང་ཐམས་ཅད་གཅོད་པའི་རྟགས། །ལྗག་ནི་འཁྱུག་པའི་གློག་ཡིན་ཏེ། །སྲིད་གསུམ་རྨང་ནས་འཇིག་པའི་རྟགས། །སྐུ་ནི་རབ་ཏུ་འཇིགས་པའི་ཚུལ། །ཀླུ་ཕྲན་དབང་དུ་སྡུད་པའི་རྟགས། །གསུང་ནི་ཚངས་པའི་སྒྲ་ལྟར་སྒྲོགས། །ཆོས་སྒྲ་ཕྱོགས་བཅུར་སྒྲོགས་པའི་རྟགས། །ཐུགས་ནི་མི་རྟོགས་དང་ལ་བཞག །བྱང་ཆུབ་སེམས་དང་ལྡན་པའི་རྟགས། །གསུས་པ་རབ་ཏུ་འཁྱིལ་བ་ནི། །སྲིད་གསུམ་ལྷོ་ན་གནས་པའི་རྟགས། །ཞབས་གཉིས་དོར་སྟབས་བགྲད་པ་ནི། །བདུད་བཞི་རབ་ཏུ་གནོན་པའི་རྟགས། །དགྲ་བོ་བཟློག་པའི་ཧཱུཾ༷་སྒྲ་ཅན། །བགེགས་ཀུན་བཟློག་པའི་ཕཊ་སྒྲ་ཅན། །བྱད་ཁ་བཟློག་པའི་སྨྱོ་སྒྲ་ཅན། །འབྱུང་པོ་འདུལ་བའི་སྒྲ་སྒྲོགས་ཤིང་། །དགྲ་བགེགས་གསོད་པའི་སྒྲ་སྒྲོགས་པ། །མ་རུངས་པ་ལ་རྒྱོབ་རྒྱོབ་སྒྲོགས། །ཧཱུཾ་ཧཱུཾ༷་ཕཊ་ཕཊ་སྨྱོ་སྨྱོ་དང་། །དུལ་དུལ་ཧེ་ཧེ་སྒྲ་སྒྲོགས་པ། །བཟློག་བསྒྱུར་བྱེད་པའི་མཐུ་བོ་ཆེ། །ཁྲམ་ཁ་བསྒྱུར་བའི་སྟོབས་པོ་ཆེ། །བདུད་ཁ་བསྒྱུར་བའི་བརྗོད་པོ་ཆེ། །ཤོད་ཁ་ཆེན་པོ་ད་ཕྱེ་ཞིག །རྩིས་ཁ་ཆེན་པོ་ད་བསྒྱུར་ཅིག །དོ་ནུབ་སྲིད་པའི་ཁྲོམ་སྣ་བསྒྱུར། །དོ་ནུབ་ལྷ་འབྲེའི་དམག་སྣ་བསྒྱུར། །ཕས་ཀྱི་ཕུར་པ་འཕེན་པ་བཟློག །ཚེ་ཟོར་ཉུངས་ཟོར་འཕེན་བཟློག །གཤིན་རྗེའི་འཁོར་ལོ་བསྐོས་བ་བཟློག །བདུད་ཀྱི་ཁྲ་ལ་འདེབས་པ་བཟློག །མ་མོའི་ཁྲག་ཟོར་འཕེན་པ་བཟློག །ཀླུ་ཡི་བྱང་དུ་བཅུག་པ་བཟློག །ཐེའུ་རང་ཚེ་ལ་རྐུ་པ་བཟློག །འགོང་པོ་སྲིལ་འཇོག་པ་བཟློག །མུ་སྟེགས་པར་དུ་བྱེད་པ་བཟློག །ལྟས་ངན་བརྒྱ་བཅུ་རྩ་བཞི་བཟློག །མོ་ངན་སོགས་སྡིག་བྱེད་པ་བཟློག །རྨི་ལམ་ངན་པ་ཐམས་ཅད་བཟློག །མཚན་མ་རྩུབ་པ་སྟོན་པ་བཟློག །ལོ་ཡི་སྐེག་དང་ཟླ་སྐེག་བཟློག །ཞག་གི་སྐེག་དང་ཟ་སྐེག་བཟློག །ཀི་ཀང་གཤེད་བཞི་བབ་པ་བཟློག །ཞང་ཞུང་གཙོ་ཟོར་འཕེན་པ་བཟློག །སུམ་པའི་གླང་ཟོར་འཕེན་པ་བཟློག །རྒྱ་གར་ངན་སྔགས་བཟློག་ཏུ་གསོལ། །བལ་པོའི་ངན་སྔགས་བཟློག་ཏུ་གསོལ། །བན་རྙེའི་ཕུར་ཁ་སྟོན་པ་བཟློག །བོན་པོའི་སྨྲ་ཟོར་བྱུང་བ་བཟློག །བུད་མེད་སྨོད་ཟོར་བྱེད་པ་་སྐྱེང་བྱེ་་་་བྱེ་་་་་ངལེསྟེ་གཤིརྗེ་འི་་་བཟླག ། ས་པའ་མདའ་ཟར་ ད་པ་བཟླག །བསམ་པ་ངན་པ་རྒྱུ་བ་བཟླག །སྦྱར་བ་རྩུབ་མ་ ད་པ་བཟླག །བྷ་བྷ་བྷ། བཟླག་པའ་ འུ་ ་བདུན་པའ།། །། ན་ ་ནག་པ ་སྔགས་བཟླག །གདང་ཟར་ནག་པོ་བསྟོད་པའི་རྒྱུད་ཅེས་བྱ་བ་རྫོགས་སོ།། །།སྤུ་ངན་རྡོ་རྗེ་ཁྲི་གཙུག་ལ། །ལྷ་སྲིན་སྡེ་བརྒྱད་འདུ་འདུ་ནས། །གསང་སྔགས་བདག་པོར་དབང་ཡང་བསྐུར། ཁྱད་པར་འཆར་ཀ་ནག་པོ་གཏད། །སྤེལ་བའི་གནས་མེད་གཏེར་དུ་སྦས། །དམ་མེད་ལག་ཏུ་ཤོ་ར་རེ།། །།