Front[edit]

Body[edit]

རྒྱ་གར་སྐད་དུ། ཨུརུ་མསྣྲུ་ཤི་ཡ་མྱ་ན་ཏ་ཀ་གུ་རྒྱ་ཧྲིཤི་བན་ཤོ་ནཱ་མ་ཏནཏྲ། བོད་སྐདདུ། འཕགས་པ་འཇམ་དཔལ་གཤིན་རྗེ་གཤེད་པོའི་གསངབ་དྲུག་ཅུ་པ་ཞེས་བྱབའི་རྒྱུད། འཕགས་པ་འཇམ་དཔལ་གཤིན་རྗེ་གཤེད་པོ་ལ་ཕྱག་འཚལ་ལོ། །འདི་སྐད་བདག་གིསཐོས་པའིདུས་གཅིག་ན། ཆོས་ཀྱི་དབྱིངས་ཀྱི་སྣང་བའི་ཡེ་ཤེས་ཆེན་པོའི་ཕོ་བྲང་རིན་པོ་ཆེ་ཤིན་ཏུ་འབར་བའི་གནས་ན། སེང་གེ་དང་། པདྨ་དང་། ཉི་མ་དང་། ཟླ་བའི་གདན་སྟེངས་ན། འཕགས་པའི་རྒྱལ་པོ་བཅོམ་ལྡན་འདས་བཞུགས་སོ། །འཁོར་ས་བཅུའི་བྱང་ཆུབ་སེམས་དཔའ་བྱེ་བ་ཕྲག་བརྒྱ་ལ་ཐེག་པ་བཞིའི་ཆོས་ཀྱིའཁོར་ལོ་བསྐོར་ཅིང་བཞུགས་སོ། །ཐུགས་རྗེ་ཆེ་ལ་ཐབས་མཁའ་པ་དེས་འགྲོ་བ་དྲུག་གིས་སེམས་ཅན་ལ་ཡེ་ཤེས་ཆེན་པོའི་སྤྱན་རྣམ་པར་དག་པས་གཟིགས་པས། སེམས་ཅན་རྣམས་དུག་ལྔ་དུག་གསུམ་དང་ཉོནམོངས་པས་ཤིན་ཏུ་སྡུག་བསྔལ་ཞིང་རྣམ་པར་དག་པ་རི་རབ་ཆེནཔོའི་འགྲམ། རྒྱ་མཚོ་ཆེནཔོའི་གཏིང་ན། ང་བདགཉིད་རྟགཔལས་གོལ་བའི་ལས་ཀྱི་གཤིན་རྗེ་ཆེན་པོ་དྷ་རྨ་ས་ཧ་ཞེས་བྱ་བ་དེ་ལ་ཆུང་མ་ཙ་མུན་དྲ་ཞེས་བྱ་བ་དང་སྦྱོར་བ་བྱས་པའི་བུ་ཚ་མིང་སྲིང་ཉི་ཤུ་རྩ་བརྒྱད་ཡོད་དེ། ཡ་ནཱ་ར་ཛ་དང་། མྱོས་བྱེད་འབར་བདང་། ཨུབྱ་མརུ་དང་། རལ་པ་ཚར་དགུ་དང་། ཀོང་རྩེ་བྲག་འཇོམས་དང་། ཨ་བ་གླང་མགོ་དང་། ཡ་བ་ཏི་དང་། ཕྱ་སངས་དང་།སྨིགས་པ་དང་། ཏེལ་པ་དང་། ལྷ་མཆོག་དུད་ཁ་དང་། ཆོས་ཀྱི་རྒྱལ་པོ་དང་། མིག་དམར་དང་། བདུད་འཇོམས་དང་། ཕོ་བཅུ་བཞི་སྟེ། མོ་ཡང་རག་ཏའི་དྲི་མནམ་མ་དང་། ལྕགས་ཀྱི་སྤྱང་མོ་མགོ་དགུ་མ་དང་། ཡེ་ཤེས་མཁའ་ལྡིང་མོ་དང་། འབར་མ་དང་། སྲིན་མོ་མགོ་འཕྱང་མ་དང་། མི་བཟང་རྡོ་རྗེ་རལ་གཅིག་མ་དང་། དྲང་སྲོང་དཀར་སྐྱའི་མཆེ་བ་ཅན་དང་། གཤིན་རྗེའི་ཡུལ་གཅིག་རེ་མ་ཏི་དང། ཉམ་ཅན་ཁྲག་གི་རལ་གཅིག་མ་དང་། ཀླུ་མོ་ནག་མོ་ལུས་འགྲོ་མ་དང་། རླུད་ལྟ་སྤྱན་གསུམ་མཆེ་བ་ཅན་དང་། གནོད་སྤྱིན་བུ་མོ་ཨེ་ཤན་དང་། མེ་ལྷ་རྡོ་རྗེ་རལ་གཅིག་མ་དང་། པ་ལ་མ་དྲེ་སྣ་མ་དང་། བུ་ཚ་ཉི་ཤུ་རྩ་བརྒྱད་ཀྱིས་བསྐོར་ནས་འཁོད་དོ། །དེའི་འཁོར་ཡང་ཕོ་བདུན་མོ་བདུན་ཀྱིས་བསྐོར་ནས་འཁོད་དོ། །དེའི་ཕྱི་རིམ་ན་ལྷ་མ་སྲིན་སྡེ་བརྒྱད་ཀྱིས་བསྐོར་ནས་འཁོད་དོ། །དེའི་ཕྱི་རོལ་ན་མ་མོའི་ཚོགས་དཔག་ཏུ་མེད་པས་བསྐོར་ནས་འཁོད་པ་ལས། ལས་ཀྱི་གཤིན་རྗེ་ཆེན་པོ་དེས། སེམས་ཅན་ཐམས་ཅད་ཀྱི་སྲོག་འཕྲོག་པར་བྱེད། མདངས་འཕྲོག་པར་བྱེད། དབུགས་འཕྲོག་པར་བྱེད། ཤ་ཟ། ཁྲག་འཐུངས། རུས་པ་འཆའ། རྐང་བལྡག །པགས་པ་གོན། སྐྱེ་འགྲོ་ཐམས་ཅད་ཀྱི་སྲོག་གཅོད་དོ། །མ་ཤི་བའི་སེམས་ཅན་དེ་ཡང་ཁྲམ་ལ་འདེབས་ཤིང་གཟིར་རོ། །བྱིན་འཕྲོག་པར་བྱེད་ཅིང་འཁོད་པ་ལས། དེ་འཕགས་པ་འཇམ་དཔལ་གྱིས་གཟིགས་པས། སེམས་ཅན་དེ་ལ་ཐུགས་རྗེསྐྱེས་ནས། ཞི་བས་མི་འདུལ་ཁྲོ་བོའི་རྣམ་པར་སྤྲུལ་པ་དགོངས་ཏེ། ཞི་བའི་སྐུ་ལས་ཁྲོ་བོ་གཤིན་རྗེ་གཤེད་པོར་བསྒྱུར་ཏེ། ལས་ཀྱི་གཤིན་རྗེ་དེ་ཅི་འདྲ་བར་སྤྲུལ་ནས།འཁོར་ཡང་ཁོའི་འཁོར་དེ་འདྲ་བ་མང་པོར་སྤྲུལ་ཏེ། ཁོའི་སྔས་སུ་གཤེགས་ཏེ། ཁོའི་གནས་ཐོད་པ་སྐམ་རློན་ལ་སོགས་པ་ལྷ་ཆེན་པོའི་གདུང་ཅན་མི་རོགསར་རྙིང་མང་པོ་ཡོད་པ་དེ་ཀུན་བཤིག་བྲལ་ཏེ་ཁོ་རང་ཞབས་འོག་ཏུ་མནན་ཏེ། ཞལ་ནས་ཧུ༷་ཧུ༷་དང་། ཕཊ་ཕཊ་དང་། ཨོ་ཨ་ཀྲོ་ཏེ་ཀ་ཡ་སྨྱུན་ཏ་ཀ་ཧ་ན་མ་ཏ་བྷ་རྫི་ཧུ༷་ཕཊ། ཅེས་བརྗོད་པས། ལས་ཀྱི་གཤིན་རྗེས། ཀྱེ་མ་འོ་དཔའ་བོ་ཆེན་པོ་སྐུ་གསུང་ཐུགས། གློང་འཚལ་མ་བསྒྲལ་ཅེས་པའི་སྒྲ་འབོད་པ་དེ་དཔལ་ཆེན་པོ་གཤིན་རྗེ་གཤེད་པོས་ཡུམ་སྒྲོལ་མ་ཉིད་ཁྲོ་མོ་ཨེ་ཀ་ཛ་ཁི་མར་སྤྲུལ་ཏེ། ཡབ་ཡུམ་གཉིས་སུ་མེད་པའི་འཁོར་ཅི་འདྲ་བ་རེ་རེ་འཁོར་ཡང་ཞབས་འོག་ཏུ་གཟིར་བ་ལས། འཁོར་ཐམས་ཅད་ཀྱང་སྐད་ངན་འདོན་ཅིང་དཔལ་ཆེན་པོའི་བཀའ་ཅི་སྩོལ་ཉན་ཞེས་ཏེ། ལས་ཀྱི་གཤིན་རྗེ་རང་རང་གི་སྲོག་གི་སྙིང་པོ་ཕུལ་བ་ནི། ཡ་མ་མེ་ཏ་སྟེ་རྭ་ཛ་ས་ཏོ་རུ་ན་ཡོ་ནི་ར་ལ་ཙ་ནི། ཞེས་པ་དེར་ཕུལ་ལོ། །སྲོགསྙིང་དེ་ནསདཔལགཤིནརྗེགཤེད་བོས་དྲངསཏེ་དམ་ཕོག་པ་ནི། ཁྱོད་ཀྱིས་སྔར་སེམས་ཅན་གྱི་སྲོག་ཕྲོགས་པ་མ་ལེགས་ཏེ། ད་ཡང་སེམས་ཅན་ལ་མ་འཚེ་བར། སངས་རྒྱས་ཀྱི་བསྟན་པ་ལ་གནོད་པའི་དམ་ལ་མི་གནས་པའི་སྲོག་ཕྲོག་ཕྲོགས་ཤིག །དུས་ལྔ་བརྒྱ་སྙིགས་མ་ལ། བདེ་བར་གཤེགས་པའི་བསྟན་པ་གང་གིས་ཀྱང་མི་འདུལ་བའི་དུས་སུ་ཁྱོད་ཀྱིས་ངའི་བཀའ་མ་གཅག་པར་བཅོལ་བའི་ལས་གྱིས་ཤིག་ཅེས་དམ་ཕོག་གོ །དམ་ཕོག་པའི་གཏིང་ལ་ལས་ཀྱི་གཤིན་རྗེ་ཆེ་བར་བསྒྱུང་བའི་ཕྱིར་གདན་དུ་མཛད་དོ། །དེའི་ཆུང་མ་ཡང་ཕྲོགས་ཏེ་གཤིན་རྗེ་གཤེད་པོའི་ཡུམ་དུ་མཛད་དོ། །འཁོར་ཐམས་ཅད་ཀྱང་ཕྲོགས་ནས་དབང་དུ་མཛད་དེ་དེ་ཉིད་འཁོར་དུ་མཛད་དོ། །དེ་ལྟར་ལས་ཀྱི་གཤིན་རྗེ་འཁོར་དང་བཅས་པའི་ང་བདག་གི་ཆེ་བ་བསྒྱུངས་ཏེ། དཔལ་གཤིན་རྗེ་གཤེད་པོ་ཉིད་ཡང་དག་པའི་ས་ལ་བཀོད་དེ། ཡུམ་ཨེ་ཀ་ཛ་ཎྜ་དང་གཉིས་ཀྱིས་བསྒྲལ་བ་ལས། ལས་ཀྱི་གཤིན་རྗེ་འཁོར་དང་བཅས་པ་དཔལ་གཤིན་རྗེ་གཤེད་པོའི་འཁོར་དུ་མཛད་ནས་ཡང་དག་པའི་དོན་སྟོན་ཅིང་གདན་དུ་བྱོན་ནས་བཞུགས་སོ། །གཤིན་རྗེའི་རྒྱུད་གསང་བ་དྲུག་ཅུ་པ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་དཔལ་ཕྱག་ན་རྡོ་རྗེས། གཤིན་རྗེ་གཤེད་པོ་ལ་གསོལ་པ། ཧེ་ཧེ་འཇིགས་བྱེད་ཆེན་པོ་ལགས། །ཆོས་ཀྱི་དབྱིངས་ཀྱི་ཕོ་བྲང་ནས། །ཆོས་སྐུ་ཞི་པའི་འཇམ་དཔལ་དེས། །འཁོར་ནི་ས་བཅུའི་བྱང་ཆུབ་སེམས། །ཐེག་པ་བཞི་ཡི་ཆོས་སྟོན་པ། །ཐུགསརྗེལསཀྱིགཤིནརྗེགཟིགས། །ཁྲོ་བོ་ཉིད་དུ་སྤྲུལ་ནས་ཀྱང་། །ལས་ཀྱི་གཤིན་རྗེ་གདུལ་བའི་ཕྱིར། །ཡུམ་དང་གཉིས་སུ་སྤྲུལ་པ་མཛད། །ལས་ཀྱི་གཤིན་རྗེ་བསྒྲལ་ནས་ཀྱང་། །ཉིད་ལ་ཉིད་ཀྱི་གདན་དུ་གཏིང་། །ཆུང་མ་སྦྱོར་བའི་ཡུམ་དུ་བྱས། །དེ་ལྟར་མཛད་སྦྱོད་མཛད་པ་ཡི། །ཐུགས་རྗེ་ཅན་གྱི་ཁྲོ་བོ་ཁྱེད། །མ་འོངས་པ་ཡི་སེམས་ཅན་གྱིས། །དངོས་གྲུབ་བསྒྲུབ་པ་ཇི་ལྟར་སྒྲུབ། །གཤིན་རྗེ་གཤེད་པོས་བཤད་དུ་གསོལ། །ཅེས་སྡུད་པོ་རྡོ་རྗེ་འཛིན་པས་གསོལ་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། གླེང་བསླང་བའི་ལེའུ་སྟེ་གཉིས་པའོ།། །།གཤིན་རྗེ་གཤེད་པོས་བཀའ་སྩལ་པ། ཨེ་མ་རྡོ་རྗེ་འཛིན་པ་པོ། །འདས་དང་མ་འོངས་ད་ལྟར་གྱི། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་བདག་པོ་ཅན། །ཁྲོ་བོའི་རྒྱལ་པོ་གཤིན་རྗེ་དང་། །དམ་ལ་གནས་པའི་རྣལ་འབྱོར་པས། །ཐུན་མོང་མཆོག་གི་དངོས་གྲུབ་དང་། །འབྲས་བུ་དམ་པར་འདོད་པ་ཡིས། །དང་པོ་དམ་ཚིག་དབང་ནོས་ལ། །དེ་ནས་བསྙེན་དང་བསྒྲུབ་པ་བརྩམ། །གང་འདོད་པའི་ལས་ལ་བསྒྲུབ། །དེ་དག་རིམ་པར་བཤད་པར་བྱ། །རྡོ་རྗེ་འཛིན་པ་ཁྲོ་བོ་རྒྱལ། །གུས་པས་ཡིད་ཀྱིས་རབ་ཏུ་ཉོན། །ཅེས་གསུངསསོ། །གཤིནརྗེགཤེད་པོའི་རྒྱུད་གསང་བ་དྲུག་ཅུ་པ་ལས། སྟོན་པས་རྒྱུད་ཞལ་ནས་བཤད་པར་དམ་ཚིག་བཞེས་པའི་ལེའུ་སྟེ་གསུམ་པའོ།། །།དེནསགཤིནརྗེགཤེད་པོ་ཡིས། །ལག་ན་རྡོ་རྗེ་འཛིན་པ་ལ། །དངོས་གྲུབ་བསྒྲུབ་པ་ཀུན་གྱི་རྟེན། །དཀྱིལ་འཁོར་གྲངས་དང་རྫས་དང་བསྟན། །དཀྱིལ་འཁོར་རྣམ་པ་བཞི་རུ་བཤད། །རང་བཞིན་དཀྱིལ་འཁོར་ཆོས་ཀྱི་དབྱིངས། །ང་བདག་བྲལ་བ་ཡེ་ཤེས་ཏེ། །དུས་གསུམ་སངས་རྒྱས་བཞུགས་གནས་ཡིན། །རྫུ་འཕྲུལ་མཛད་པའི་དཀྱིལ་འཁོར་ནི། །ནོར་བུ་འབར་བའི་ཁང་བཟང་ན། །འཁོར་དང་སྟོན་པ་བསྟན་པ་དང་། །ཞི་དང་ཁྲོ་བོར་བཞུགས་པའི་སྐུ། །ཕྱིན་ནང་སྣོད་བཅུད་ཐམས་ཅད་དོ། །ཏིང་འཛིན་དཀྱིལ་འཁོར་རྣལ་འབྱོར་པས། །བསྐྱེད་ཆོག་བྱས་པའི་སེམས་ཅན་ལུས། །ལྟ་ཡི་འཁོར་ལོ་སྤྲུལ་པའོ། །གཟུགས་བརྙན་དཀྱིལ་འཁོར་ས་ལ་བྱ། ཁྲུ་གསུམ་ཟླ་གམ་གསུམ་རྒྱན་ཅན། །འཁོར་ལོ་རྩིབས་བཞི་རྩིབས་བརྒྱད་པ། །འཁོར་ལོ་ཉིས་འགྱུར་རྩིབས་ནི་བཅུ་དྲུག་པ། །རྡོ་རྗེ་ར་ཐོད་པའི་རྩིག་པ་དང་། །བར་ཁྱམས་སྒོ་བཞིའི་རྒྱན་ཆ་མང་པོས་སྤགས། །དཀྱིལ་འཁོར་རིམ་པ་དེ་ལྟར་བསྟན། །དཀྱིལ་འཁོར་དེ་ཡི་སྟེང་དུ་ཡང་། །ཚོན་གྱི་རིམ་པ་ལྷ་ཡི་རིགས་དང་སྦྱར། །དཀྱིལ་འཁོར་བྲིས་པའི་སྟེང་དུ་ཡང་། །གཤིན་རྗེའི་སྐུ་གཟུགས་ཕུར་པ་ཡི་གེ་དགོད། །གཤིན་རྗེ་མཆོད་པ་གཏོར་མ་ཆ་གསུམ་དང་། །ཛ་གད་བདུད་རྩི་རག་ཏ་དང་། །མཆོད་པ་ལྔ་དང་ལྡན་པར་བྱ། །ཞིང་གི་བླ་རེ་ཞིང་གི་རྒྱལ་མཚན་དང་། །རལ་གྲི་མེ་ལོང་མདའ་ལ་དར་བཏགས་ངང་། །དཀྱིལ་འཁོར་དེ་ཡི་རྒྱན་དུ་དགྲམ་པར་བྱའོ། །དངོས་གྲུབ་བསྒྲུབ་པའི་རྟེན་དུ་བཤད་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དངོས་གྲུབ་སྒྲུབ་པའི་རྟེན་དཀྱིལ་འཁོར་གྱི་རིམ་པ་དང་། དམ་རྫས་དགོད་པའི་ལེའུ་སྟེ་བཞི་པའོ།། །།མཎྜལ་ལེགས་པར་བྲི་བ་དང་། །དངོས་གྲུབ་རབ་འབྲིང་ཐ་མ་དང་། །གང་འདོད་འབྲས་བུ་ཐོབ་པའི་ཐབས། །ལས་ཀྱི་ཁོག་གཞུང་ཆེན་པོ་བསྟན། །རྡོ་རྗེ་འཛིན་པས་རབ་ཏུ་ཉོན། །ཞེས་གསུངས་སོ། རྡོ་རྗེ་འཛིན་པས་ཤིན་ཏུ་གུས་པ་ཡིས། །ཐལ་མོ་སྦྱར་ནས་འཁོད་པ་ལས། །འཕྲིན་ལས་ཆེན་པོའི་ཁོག་གཞུད་གསུངས། །ལས་ཀྱི་གོ་རིམ་བསྟན་པ་ལ། །ཚེ་འདིར་བདེ་གཤེགས་སངས་རྒྱས་ཀྱིས། །བླ་མེད་གོ་འཕང་ཐོབ་པའི་ཕྱིར། །ཏིང་འཛིན་གསུམ་གྱིས་རྟོགས་པར་བསྒོམ། །ཞེས་གསུངས་པའི་དོན་བསྟན་ནས། ཧཱུཾ༷། རྟོག་མེད་སྤྲོས་བྲལ་ཆོས་ཀྱི་དབྱིངས། །མི་དམིགས་མཁའ་མཉམ་བྱང་ཆུབ་སེམས། །དངོས་པོ་མཚན་མར་མི་དམིགས་པས། །ཆོས་ཉིད་ངང་དུ་རོ་གཅིག་མཉམ། །ཨོ་མ་ཧྭ་ཤཱ་རྒྱ་ཙྭ་ན་ས་མ་ཏི་ཧུ། ཕྱི་དང་ནང་དང་འཁོར་འདས་ཀུན། །སྟོང་པ་ཉིད་དུ་བསྒོམ་པར་བྱ། །བློ་འཕངས་བསྟོད་པ་འདི་ཡང་བརྗོད། །ཧཱུཾ༷།ཆུ་ཟླའི་དཀྱིལ་འཁོར་ཇི་བཞིན་དུ། །སྒྱུ་མའི་སེམས་ཉིད་དེ་དང་འདྲ། །མཁའ་ལ་འཇའ་ཚོན་སྣང་བ་ཡང་། །ནམ་མཁའི་ངང་དུ་རོ་གཅིག་མཉམ། །དྷརྨ་དྷ་ཏུ་ས་མ་ཡ་ཧཱུཾ༷། ཞེས་པས། ཆོས་རྣམས་སྟོང་པ་ཡིན་པ་ལ། །འཁྲུལ་པས་ང་དང་བདག་ཏུ་བརྟས། །འཁྲུལ་པའི་སེམས་ཅན་ཐམས་ཅད་ལ། །ཕྱོགས་མེད་པའི་སྙིང་རྗེ་བསྒོམ། །སྟོང་པའི་སྙིང་རྗེ་བླ་མེད་ཉིད། །ཆོ་འཕྲུལ་མཛད་པ་འདི་བསྒོམ་མོ། །ཧཱུཾ༷། ཡོད་དེ་ཡོད་པ་མ་ཡིན་ཏེ། །གཟུགས་དང་ཁ་དོག་ཡུལ་ལས་འདས། །མེད་དེ་མེད་པ་མ་ཡིན་ཏེ། །སྟོང་པ་ཉིད་ལ་ཆོ་འཕྲུལ་འབྱུང་། །ཙྭ་ན་བཛྲ་སྭ་བྷ་བ་ཧཱུཾ༷། རང་སེམས་གང་ཡིན་མི་སྣང་བ། །གསལ་བའི་ཧཱུཾ༷་དུ་སྣང་བ་ན། །བྱང་ཆུབ་སེམས་ནི་ཧཱུཾ༷་དུ་གྱུར། །ཧཱུཾ༷་གིས་འཕྲོ་འདུ་སྦྱོར་བ་ལས། །འཇིག་རྟེན་གསུམ་པོ་རབ་འབྱམས་ཀུན། །རིམ་གྱིས་བསྲེགས་ཏེ་ཡི་གྱིས་གཏོར། །ཁ༷་ལས་ཆུ་བྱང་བཀྲུས་པར་བསམ། །ཞེས་པས་སྲིད་པ་འཇིགས་པའི་ཚུལ། །ཞིག་པས་ཆགས་པ་བྱས་པའི་ཚུལ། །སྟེང་འོག་འཁོར་ལོ་པདྨར་གནས། །འོད་འདུས་ཐོག་མའི་གཟུགས་ལ་གཟུང་། །ཨོ་སརྦ་ཏ་ཐུ་ག་ཏ་བུད་དྷ་གསྟེ་ལ༷། སྟེང་དུ་ཐབས་ཀྱི་རང་བཞིན་འཁོར་ལོ་སྟེ། །རྩིབས་ནི་དཔག་ཏུ་མེད་པར་བསམ། །ཨོ་པདྨ་དྷརྨ་ཨ་སྙི་ཁི྅་ཨ། འོག་ཏུ་ཤེས་རབ་རང་བཞིན་པདྨ་སྟེ། །དཔག་ཏུ་མེད་པའི་འདབ་མ་བསམ། །ཐབས་དང་ཤེས་རབ་ལྡན་པ་ལ། །ཆོས་རྣམས་མ་ལུས་བྱུང་བའི་ཚུལ། །ཁམས་གསུམ་འཁོར་བའི་སེམས་ཅན་དང་། །རྣལ་འབྱོར་པའི་དུག་ལྔ་པའོ། །མ་སྤངས་གནས་སུ་དག་པ་ལ། །འབྱུང་བ་བརྩེགས་པའི་རིམ་པ་བསྒོམ། །ཞེ་སྔང་འབར་བའི་ནམ་མཁའ་ལ། །ཕྲག་དོག་འབར་བའི་རླུད་ནག་འཁྲིགས། །འདོད་ཆགས་འབར་བའི་མེད་དཔུང་ཆགས། །ང་རྒྱལ་འབར་བའི་ཀེང་རུས་བརྩིགས། །གཏི་མུག་འབར་བའི་ས་གཞི་ཆགས། །ཨེ་ཨ་ག་ནེ་མཎྜལ་ཧུ༷། ཤེས་པས་ནམ་མཁའི་དཀྱིལ་འཁོར་བསྒོམ་མོ། །ཡ༷་ཀརྨ་རཀྟ་ཧཱུཾ། ཞེས་དེའི་སྟེང་དུ་རླུད་གི་དཀྱིལ་འཁོར་སྔོ་སྐྱ་གཞུ་འོད་མ་འདྲ་བ་མཐའ་དབུས་མེད་པར་བསམ ར༷་བཛྲ་ཛ་ལ་མཎྜལ་ཧུ༷། ཞེས་པས་མེའི་དཀྱིལ་འཁོར་དམར་པོ་མཐའ་དང་དབུས་མེད་པ་ཡོངས་སུ་ཁྱབ་པ་བསམ། །སུ་རཀྟ་ས་མུརྙ་མཎྜལ་ཧུ༷། ཞེས་པས་དེའི་སྟེང་དུ་ཆུའི་དཀྱིལ་འཁོར་ཏེ། རཀྟའི་རྒྱ་མཚོ་མཐའ་དང་དབུས་མེད་པར་བསམ། སུ་ཏིཏ་བཛྲ་མཎྜལ་ཧུ༷། ཞེས་དེའི་སྟེང་གསེར་གྱི་ས་གཞི་མཐའ་དབུས་མེད་པར་བསམ། ཀེང་ནི་རི་ཛ་ལ་མཎྜལ་ཧུ༷། ཞེས་དེའི་སྟེང་དུ་ཀེང་རུས་ཀྱང་རི་རབ་རྒྱ་ཁྱོན་དཔག་ཏུ་མེད་པར་བསམ། འབྱུང་བ་རིམ་པ་དེ་ལྟར་བརྩེགས། །སྲིད་པ་ཆགས་པའི་ཚུལ་དུ་བསྒོམ། །རི་རབ་ཆེན་པོའི་སྟེང་དུ་ཡང་། །ལྷ་ཡི་བཞུགས་གནས་བསྒོམ་པའོ། །དུར་ཁྲོད་འབར་བའི་གཞལ་ཡས་ཁང་། །ཡེ་ཤེས་འབར་བའི་གནས་ཆེན་པོ། །མཐའ་དང་དབུས་མེད་ནམ་མཁའི་དབྱིངས། །ཕྱི་དང་ནང་མེད་ཆོས་ཉིད་ངང་། །བྲུ༷་བི་ཤྭ་བི་ཤུད་དྷི། ཞེས་པས་རིན་པོ་ཆེ་དང་ཐོད་པ། རྒྱན་ཆ་དང་ལྡན་པའི་བཞུགས་གནས་ནི། །འཁོར་ལོ་རྩིབས་བརྒྱད་སྒོ་བཞིར་ལྡན། །མུ་ཁྱུད་གྲུ་ཆད་ལྕགས་རི་བཅས། །སྦྲུལ་གྱི་རྒྱ་གྲམ་མཐའ་བསྐོར་ཏེ། །རྡོ་རྗེ་རྒྱ་གྲམ་ཐོད་འཕྲེང་མཛེས། །ཙྭ་ཙཀྲ་མཎྜལ་ཧུ༷། བརྗོད་པའི་སྔགས་ཀྱི་མཐའ་ལས་གྲུབ། །རྟོག་ཅིང་རྟོག་པའི་རྟོག་གེ་བ། །ཐེག་པ་འོག་མ་ས་པ་ཡིན། །དཔག་ཅིང་གཞལ་བའི་མཐའ་ལས་འདས། །གཞལ་ཡས་ཁང་པ་བརྩེགས་པ་བསྟན་པའོ། །དེ་ལྟ་བུ་ཡི་བཞུགས་གནས་དེ། །དངོས་གྲུབ་ཐོབ་པའི་དོན་དུ་ནི། །ལྷ་གདན་ཡང་གདིང་བ་སྟེ། །གཙོ་འཁོར་བཅས་པ་ཐམས་ཅད་ལ། །ཧུ༷་ བདུད་དང་མུ་སྟེགས་ཐམས་ཅད་དང་། །གནོད་སྤྱིན་སྲིན་པོ་གདན་དུ་བཏིང་། །གཤིན་རྗེ་ཕོ་མོ་ཁྱོ་ཤུག་སྟེ། །མ་ཧེ་གླང་ཆེན་བརྫིས་པའོ། །ཡ་མ་ཧི་ར་བ༷། ཞེས་པ་དང་། མ་ཧེ་མཎྜལ། རུ་ཏྲ་ཏི་ར་བ༷། ཡཀྟ་ཏི་ར་བ༷། རཀྟ་ཏི་ར་བ༷།དེ་བ་ཕྲ་ཏི་རི་བ༷། མ་སྒུརུ་མཎྜལ་ལ་ཧུ༷། ཨ་ཙནྟྲ་མཎྜལ་ཧུ༷། སོ་སོའི་སྔགས་ཀྱིས་སོ་སོའི་གདན་དུ་བསམ། །ཐུན་མོང་སྔགས་ཀྱིས་ཐུན་མོང་གདན་དུ་བསམ། །གདན་ཐོག་དེ་རུ་བདག་གི་ཧུ༷། བྱང་ཆུབ་སེམས་དེ་གསལ་བ་ལས། །གདན་སྟེངས་ཧུ༷་གི་འཕྲོ་འདུ་ལས། །འཕྲོ་འདུ་ལྔ་ཡི་སྦྱོར་བ་ལས། །ཡ་བཱརྙ་ཀའི་སྐུ་རུ་གྱུར། །གཤིན་རྗེ་ཡབ་ཡུམ་འཁོར་བཅས་བསྒོམ། །ཧུ༷་དེ་ཡི་འཕྲོ་འདུ་ལས། །རྡོ་རྗེ་རྩེ་ལྔ་གཅིག་ཏུ་གྱུར། །རྡོ་རྗེ་རྩེ་ལྔ་འོད་དུ་ཞུ་བ་ལས། །འཇམ་དཔལ་སྐུ་ཆུང་གཅིག་ཏུ་གྱུར། །འཇམ་དཔལ་འོད་དུ་ཞུ་བ་ལས། །ཨོ་ཨ་ཀྲོ་ཏེ་ཀ་ཡ་མྱན་ཏེ་ཀ་ཧ་མ་ཐ་བྷརྫི་ཧུ༷་ཕཊ། ཅེས་པས་ཡ་མྱརྙ་ཀའི་སྐུར་གསལ། །དབུ་གསུམ་ཕྱག་དྲུག་གཡས་དཀར་གཡོན། །དམར་དབུས་མཐིང་ནག་རྒྱན་ཆར་ལྡན། །རྡོ་རྗེ་ཊ༷་ཁ་ལྕགས་ཀྱུ་གཡས། །བ་སུ་ཞིང་ཆུང་དུང་ཁྲག་གཡོན། །ཉི་ཟླའི་སྟེང་དུ་ཐུགས་ཁ་སྲ །ཡེ་ཤེས་སེམས་དཔའ་རྡོ་རྗེ་ཧུ༷། །ཧུ༷་ལས་ཨ་ཀྲོས་བསྐོར་བའོ། །ཐུགས་ཁའི་ཧུ༷་ལས་སྟེ་དང་མ་འཕྲོས་པས། སྦྱོར་བ་དང་སྒྲོལ་བའི་ཡུམ་གཉིས་སྔགས་འདིས་བསམ། ཨོ་བེ་ཏ་ལ་རིག་ཤ་རག་ཤ་མན་ཧུ༷་ཕཊ། ཨོ་ཇོ་ཏྲིག་སེར་སེར་ཁུ་ལུ་མུ་ལུ༷་ཧུ༷། ཡབ་ཡུམ་སྐུ་རུ་བདག་བསྒོམས་ཏེ། །སྐུ་གསུང་ཐུགས་སུ་བརླབས་ཕྱིར་སྙིང་པོ་འདི་ཡང་བཟླས། །དེ་བཞིན་གཤེགས་པ་རྣམས་ཀྱིས་བྱིན་གྱིས་རློབས། ཨོ་སརྦ་ཏ་ཐུ་ག་ཏ་ཀ་ཡ་བཛྲ་སྭ་བྷ་ཝ་ཨུདྨ་ཀོ྅་ཧ༷། ཨོ་སརྦ་ཏཐུ་ག་ཏ་རྦཀ་བཛྲ་གྲྭ་བྷ་བ་ཨུ་རྨ་ཀོ྅་བྷ། ཨོ་སརྦ་ཏ་ཐུ་ག་ཏ་ཅི་སྟ་བཛྲ་གྲྭ་བྷ་མ་ཨརམ་ཀོ་྅ཧ༷ཞེས་བརྗོད་པས་རྡོ་རྗེའི་གསུང་རྡོ་རྗེའི་ཐུགས་རྡོ་རྗེའི་སྐུ་རུ་བྱིན་གྱིས་བརླབས་པའོ། །དེ་ནས་ཡབ་ཡུམ་སྦྱོར་བ་མཛད་པའི་བྱང་ཆུབ་སེམས་ཀྱི་བྱིན་རླབས་ལས། འཇིག་རྟེན་ཐམས་ཅད་སྤྲུལ་པར་བཀྱེ། །ལྷའི་འཁོར་ལོ་བྱིན་གྱིས་བརླབས། །ཡ་མ་ར་ཛ་ས་ཧོ་མེ་ཡ། ཡ་མེ་ཏོ་རུ་ན་ཡོ་ཏ་ཡ། ཡ་ཏ་ཡོ་ནི་ར་ཡ་ཁྲེ་ཡ། ཡ་སྟེ་ཡ་ཙ་ནི་རྭ་མ་ཡ། ཨོ་ཧྲི་སྟི་ཀུ་རུ་ཛ་ལ་ནི་ཧུ༷་ཕཊ། ཨོ་ཨེ་ཧྲི་ཏེ་ཀུན་རུ་ཛ་ལ་ནི་ཧྭ༷་ཕཊ། ཨོ་མ་ཧྭ་པ་ཏ་ཧུ༷་ཕཊ། ཨོ་དེ་རི་ཤ་ཏི་ཧུ༷་ཕཊ། ཨོ་སརྦ་ཏྲེ་ཀ་ཧུ༷་ཕཊ། ཨོ་སརྦ་པ་ཏ་ཧུ༷་ཕཊ། ཨོ་ཧྲི་ཏི་བ༷་ཧུ༷་ཕཊ། ཨོ་ཨརུ་དྷརྨ་ཧུ༷་ཕཊ། ཅེས་ལྷ་ཕོ་མོ་རྣམས་བསྟན། །མོའི་ཚོགས་རྣམས་ལུས་དང་གྲིབ་མའི་ཚུལ་དུ་ཕོའི་ཞོར་ལ་བསམ་པར་བྱ། །ལྷ་གཙོ་བོ་རང་བ་ལ་ཡེ་ཤེས་ལྔའི་དབང་ཡང་བསྐུར། ཨོ་བུརྙ་ཀུ་ལན་ཏེ་ཧེ་ཧེ་ཧོ་ཧུ༷་ཕཊ། ཧུ༷་བཛྲ་ཀུ་ལན་ཏེ་ཧེ་ཧེ་ཧོ་ཧོ་ཧུ༷་ཕཊ། སྭ་རང་ན་ཀུ་ལན་ཏེ་ཧེ་ཧེ་ཧོ་ཧོ་ཧུ༷་ཕཊ། ཧྲེ་པདྨ་ཀུ་ལན་ཏེ་ཧེ་ཧེ་ཧོ་ཧོ་ཧུ༷་ཕཊ། ཨ་ཀརྨ་ཀུ་ལན་ཏེ་ཧེ་ཧེ་ཧོ་ཧོ་ཧུ༷་་ཕཊ། དཔལ་གཤིན་རྗེ་གཤེད་པོ་འཁོར་དང་བཅས་པ་ལ། རིགས་ལྔ་ཁྲག་འཐུང་ལྔ་རྒྱས་དབུ་བརྒྱན་ཏེ་དབང་བསྐུར་རོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ཏིང་ངེ་འཛིན་གྱི་དཀྱིལ་འཁོར་བསྐྱེད་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་འཛིན་པ་ཡིས། །གཤིན་རྗེ་གཤེད་པོ་ཁྲོ་བོ་ལ། །འདི་སྐད་ཅེས་ནི་གསོལ་པ་ལས། །དམ་ཚིག་ལྡན་པའི་རྣལ་འབྱོར་པས། །རང་བཞིན་དཀྱིལ་འཁོར་ཆེན་པོ་ཡི། །དངོས་གྲུབ་ཐོབ་པའི་དོན་དུ་ནི། །སྙན་གསན་དབབ་ཅིང་སྤྱན་དྲངས་པའོ། །ཆོས་སྐུ་ཞི་བའི་ངང་ལས་ཀྱང་། །གཟུགས་སྐུ་བཞེངས་སུ་གསོལ་བ་ལ། །ཚིག་དང་སྔགས་དང་ཏིང་འཛིན་བསྟན། །ཕྱག་རྒྱ་སེ་གོལ་བརྡབས་པའོ། །བཞེངས་ཤིག་ཆོས་ཀྱི་དབྱིངས་ནས་བཞེངས། །འཕགས་པའི་རྒྱལ་པོ་ཁྲོ་རྒྱལགཤིནརྗེགཤེད། །ཆོས་སྐུ་བྱང་ཆུབ་སེམས་ཀྱི་བྱིན་བརླབས་ལས། །བྱམས་དང་སྙིང་རྗེ་སེམས་ཀྱིས་བཞེངས་ནས་ཀྱང་། །བདག་ཉིད་ཁྲོ་བོ་འབར་བའི་སྐུར་བསྟན་པ། །ཚངས་པ་བརྒྱ་བྱིན་ལྷ་ཆེན་དྲུག་པོ་རྣམས། །གཉིས་མེད་བྱང་ཆུབ་སེམས་ཀྱིས་སྒྲོལ་བར་མཛོད། །ཐུགས་རྗེ་ཆེན་པོའི་དབང་གིས་བཞེས་སུ་གསོལ། །ཧྲི་ད་ཡ་ཧུ༷། འཕགས་པའི་རྒྱལ་པོ་ཁྲོ་རྒྱལ་གཤིན་རྗེ་གཤེད། །ཉེ་རིང་མེད་པར་འཇོམས་པའི་གཤིན་རྗེ་གཤེད། །ཐམས་ཅད་རླག་པར་མཛད་པའི་གཤིན་རྗེ་གཤེད། །མ་ཧེའི་སྟེང་ན་བརྐྱང་བསྐུམ་ཚུལ་དུ་བཞུགས། །རྡོ་རྗེ་ཞགས་པ་ཉིད་ཀྱིས་བཅིངས་ནས་ནི། །ལས་ཀྱི་དབྱུག་པ་དག་གིས་རྡུལ་དུ་རློག །བདག་དང་མཐའ་ཡས་སེམས་ཅན་དོན་སླད་དུ། །རང་བཞིན་གྲུབ་པའི་གནས་སྤྱན་འདྲེན་ན། །ཐུགས་དམ་ཆེན་པོའི་དབང་གིས་གཤེགས་སུ་གསོལ། །ཆོས་ཉིད་ཞི་བའི་ངང་ལས་ཀྱང་། །གཟུགས་སྐུར་བཞེངས་སུ་གསོལ་ནས་ཀྱང་། །སྔགས་དང་ཕྱག་རྒྱའི་བྱིན་རླབས་ཀྱིས། །བདག་གིས་གནས་སུ་སྤྱན་ཡང་འདྲེན། །ཧུ༷། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །ཡ་མན་ཏ་ཀ་ཡབ་ཡུམ་གཤེགས་སུ་གསོལ། །ཞེ་སྡང་མེ་ལྟར་འབར་བའི་དཀྱིལ་འཁོར་ནས། །ཡ་མ་རྭ་ཛ་ཡབ་ཡུམ་གཤེགས་སུ་གསོལ། །ང་རྒྱལ་བྲག་ལྟར་གཏམས་པའི་དཀྱིལ་འཁོར་ནས། །མྱོས་བྱེད་འབར་བ་ཡབ་ཡུམ་འཁོར་བཅས་གཤེགས་སུ་གསོལ། །འདོད་ཆགས་ཆུ་ལྟར་བྲུབ་པའི་དཀྱིལ་འཁོར་ནས། །ཨུརུ་མ་རུ་ཡབ་ཡུམ་འཁོར་བཅས་གཤེགས་སུ་གསོལ། །ཕྲག་དོག་རླུང་ལྟར་འཅོ་པའི་དཀྱིལ་འཁོར་ནས། །རལ་པ་ཚར་དགུ་ཡབ་ཡུམ་འཁོར་བཅས་གཤེགས་སུ་གསོལ། །རུ་དྲ་ཕོ་མོ་བསྣོལ་བའི་གདན་སྟེང་ནས། །བདུད་འཇོམས་འཁོར་བཅས་གཤེགས་སུ་གསོལ། །དྲི་ཟ་ཕོ་མོས་བསྣོལ་བའི་གདན་སྟེང་ནས། །ཀོང་ཙེ་བྲག་འཇོམས་ཡབ་ཡུམ་གཤེགས་སུ་གསོལ། །མེ་ལྷ་ཕོ་མོ་བསྣོལ་བའི་གདན་སྟེང་ནས། །ཨ་བ་གླང་གོ་ཡབ་ཡུམ་གཤེགས་སུ་གསོལ། །གྲུལ་བུམ་ཕོ་མོ་བསྣོལ་བའི་གདན་སྟེང་ནས། །ཡབ་ཏི་ཡབ་ཡུམ་གཤེགས་སུ་གསོལ། །སྲིན་པོ་ཕོ་མོ་བསྣོལ་བའི་གདན་སྟེངས་ནས། །ཕྱ་སངས་ཡབ་ཡུམ་གཤེགས་སུ་གསོལ། །ཀླུ་རྒྱལ་ཕོ་མོ་བསྣོལ་བའི་གདན་སྟེང་ནས། །དམིགས་པ་ཡབ་ཡུམ་གཤེགས་སུ་གསོལ། །རླུང་ལྷ་ཕོ་མོ་བསྣོལ་བའི་གདན་སྟེང་སུ། །ཏེལ་པ་ཡབ་ཡུམ་གཤེགས་སུ་གསོལ། །གནོད་སྦྱིན་ཕོ་མོ་བསྣོལ་བའི་གདན་སྟེང་དུ། །ལྷ་མཆོག་དུད་ཁ་ཡབ་ཡུམ་གཤེགས་སུ་གསོལ། །དབང་ལྡན་ཕོ་མོ་བསྣོལ་བའི་གདན་སྟེང་ནས། །ཆོས་ཀྱི་རྒྱལ་པོ་ཡབ་ཡུམ་གཤེགས་སུ་གསོལ། །ས་བདག་ཕོ་མོ་བསྣོལ་བའི་གདན་སྟེང་ནས། །མིགས་དམར་ཡབ་ཡུམ་གཤེགས་སུ་གསོལ། །ཕྱོགས་སྐྱོང་གཤིན་རྗེའི་ཚོགས་དང་མ་མོའི་ཚོགས། །འཁོར་དང་བཅས་ཏེ་གཤེགས་སུ་གསོལ། །ལྕགས་ཀྱུ་ཞགས་པ་ལྕགས་སྒྲོག་དྲིལ་བུའི་ཕྱག་རྒྱ་བཅས་ལ། ཨ་གད་ཚ་ཡ་ཨ་གང་ཚ་ཡ་ཛ༷༷ཧུ༷་བ༷་ཧོ། ཞེས་པས་སྤྱན་དྲངས་ལ་བསྟིམ་མོ། །ཡེ་ཤེས་ཀྱི་ལྷ་དང་དམ་ཚིག་གི་ལྷ་ལ་ཆུ་དང་འོ་མ་བཞིན་དུ་འདྲེས། །ཐ་མི་དད་པར་གྱུར་བ་ལ། །བརྟན་པར་བཞུགས་པར་བྱ་བ་ནི། །འཁོར་ལོ་འབར་བའི་རྩིབས་སྟེངས་སུ། །ཡི་དྭགས་འབར་བའི་ཁྲི་སྟེངས་སུ། །བརྐྱངས་བསྐུམ་ཚུལ་གྱིས་བརྗིད་པར་བཞུགས། །ཧྲིསྒྱི་བི་ཀྲི་ཏྭ་ན་ན་ཡ་ཧུ༷་ཕཊ། ས་མ་ཡ་སྟིཇི་ལྷན། ཡེ་ཤེས་དཀྱིལ་འཁོར་མ་ལུས་པས། །དམ་ཚིག་དཀྱིལ་འཁོར་མ་ལུས་ལ། །དངོས་གྲུབ་གསོལ་ཞིང་དབང་བསྐུར་མཛད། ཁེན་ཏུ་བརྟན་པར་གྱུར་པའོ། །གཤིན་རྗེ་གཤེད་པོའི་རྒྱུད་གསང་དྲུག་ཅུ་པ་ལས། རང་བཞིན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །།རྡོ་རྗེ་འཛིན་པས་ཡང་ཞུས་པ། །རང་བཞིན་དཀྱིལ་འཁོར་དེ་དག་ལ། །འབྲས་བུ་འདོད་པའི་རྣལ་འབྱོར་པས། །ཡེ་ཤེས་ལྷ་ཚོགས་མཆོད་པའི་ཕྱིར། །མཆོད་པའི་རིམ་པ་ཇི་ལྟར་བགྱི། །ཞེས་པས། གཤིན་རྗེ་གཤེད་པོས་བཀའ་སྩལ་པ། །ཡེ་ཤེས་ལྷ་ཚོགས་མཉེས་པ་ལ། །མཆོད་པའི་རིམ་པ་བྱས་པ་ལ། །དང་པོ་ཕྱག་ནི་སྔོན་དུ་བཏང་། །དེ་ནས་རྫས་ཀྱིས་མཆོད་པར་བྱའོ། །མི་གནས་མི་དམིགས་ཆོས་སྐུ་དག་པ་ལ། །བདུད་འདུལ་ཁྲོ་བོ་མཆོག་གི་སྐུར་སྟོན་པ། །ཐུགས་རྗེ་གཟི་ལྡན་གདུག་པ་ཐབས་ཀྱིས་འདུལ། །ཁྲོ་བོ་གཤིན་རྗེ་གཤེད་ལ་ཕྱག་འཚལ་ལོ། །མཉམ་ཉིད་མཐུ་མངའ་གཏུམ་ཆེན་འབར་བའི་སྐུ། །དུག་གསུམ་ཟ་བྱེད་བསྐལ་པའི་མེ་ལྟར་འབར། །མ་རུངས་འཇོམས་པའི་ཁྲོ་རྒྱལ་བགེགས་ཀྱི་གཙོ། །མཐར་བྱེད་གཤོན་ནུའི་ཚོགས་ལ་ཕྱག་འཚལ་ལོ། །ལྷག་པའི་ཡེ་ཤེས་སྤྱན་གསུམ་རྣམ་པར་དག །ཐུགས་རྗེའི་སྦྱན་མངའ་ཁྲོ་བོ་རབ་སྡིགས་མཛད། །མཉམ་ཉིད་ཡེ་ཤེས་སྤྱན་ལ་ཕྱག་འཚལ་ལོ། །ཁྲོ་མཆོག་ཡེ་ཤེས་ཐབས་ཀྱི་སྐུ་མངའ་བ། །དཔག་བསམ་ཤིང་ལྟར་རེ་བ་སྐོང་མཛད་པ། །མཆོད་པའི་སྡིག་སྦྱང་མཐོང་ནས་བདེ་ཐོབ་པ། །འདོད་པ་མ་ལུས་གཙོ་ལ་ཕྱག་འཚལ་ལོ། །ཁྲོ་གཏུམ་མི་བཟད་རྩུ་བ་པའི་སྒྲར་ལྡན་པ། །ཁྲོད་ཀྱི་མཚན་མཐོང་ཙམ་གྱི་བགེགས་ཆེན་འདུལ། །འབར་བའི་སྐུ་མཐོང་གསུང་སྒྲ་ཐོས་པ་ཡིས། །དགྲ་བགེགས་བརླག་པར་མཛད་ལ་ཕྱག་འཚལ་ལོ། །ཁྲོ་བོའི་རྒྱལ་པོ་གདོང་དྲུག་ཧུ༷་སྒྲ་ཅན། །བརྗིད་པའི་སྐུ་ལ་སྟག་ལྤགས་ན་བཟར་གསོལ། །མཐུ་མཆོག་བསྟན་པའི་སྤྲུལ་ནག་སྐུ་ལ་བཅིངས། །འཇིགས་བྱེད་མཐའ་ཡས་སྒྲོལ་ལ་ཕྱག་འཚལ་ལོ། །འོད་དཔུང་སྟུག་པོ་བསྐལ་པའི་མེ་ལྟར་འབར། །ཡེ་ཤེས་འོད་ཀྱིས་གཏི་མུག་འཇོམས་པའི་ཚུལ། །སྟོང་གསུམ་དབང་དུ་སྡུད་ལ་ཕྱག་འཚལ་ལོ། །ཁྲོ་བོའི་ཐོད་འཕྲེང་ཅོད་པན་དབུ་ལ་མཛེས། །ཁམས་གསུམ་མ་ལུས་དབང་དུ་སྡུད་ལ་ཕྱག་འཚལ་ལོ། །ཡེ་ཤེས་མཁའ་འདྲ་སྔོན་པོའི་མཆོག་ཏུ་གྱུར། །སྐུ་མདོག་སྔོ་ནག་དབྱར་གྱི་ཆར་སྤྲིན་འདྲ། །དུག་གསུམ་མུན་ཁང་འཇོམས་པར་དམ་བཅས་པ། །དྲི་མེད་ཡེ་ཤེས་མཆེ་བ་དཀར་པོ་གཙིགས། །མ་རུངས་སྡིགས་པའི་མཛུ་མོ་བསྒྲེང་བྱས་ནས། །ཐབས་ཀྱི་ཞགས་པས་འགྲོ་བ་མ་ལུས་འདྲེན། །མཚུངས་མེད་ཐུགས་རྗེ་ཆེ་ལ་ཕྱག་འཚལ་ལོ། །འདི་དང་ཕྱི་མ་གཉིས་ཀ་བདེ་འཚལ་བའི། །ལྷ་མཆོག་ཁྱོད་ལ་བརྟེན་ནས་གཞན་མི་བཞུགས། །ཡུན་གྱི་ལྷ་རུ་ཁྱེད་ལ་གསོལ་འདེབས་ན། །རི་རབ་གསེར་གྱི་ངོས་ལ་བྱ་གནས་པ། །བྱ་ཡི་རང་བཞིན་བོར་ནས་གསེར་དུ་སྣང་། །ཐམས་ཅད་ཁྱོད་ཀྱི་སྐུ་རུ་བདག་བསྒོམས་པས། །བདག་གི་རང་བཞིན་བོར་ནས་ཁྲོ་བོར་གསལ། །མི་ཕྱེད་དད་པས་བསྟོད་དེ་ཕྱག་འཚལ་ལོ། །ཡིད་བཞིན་མཆོད་རྟེན་འབར་བ་འདྲ། །ཉིད་ཀྱི་སྐུ་མཆོད་རིམ་གྲོ་བགྱིད་འཚལ་ན། །བདག་ལ་སྨན་མཆོག་ཕུན་སུམ་ཚོགས་པ་སྩལ་དུ་གསོལ། །ནང་གི་ཚུལ་མཆོག་དག་པར་ཚུལ་སྦྱར་ཞིང་། །ཕྱི་རོལ་དམ་རྫས་གཅེས་པར་མི་བགྱིང་ཀྱང་། །མི་གཙང་དངོས་འདི་འཕགས་པ་མི་གཅེས་ཀྱང་། །བདག་གིས་ལུས་འདི་འཕགས་ལ་ཡོངས་འབུལ་ན། །རྫས་དང་གསེར་གྱིས་མཆོད་དེ་ཕྱག་འཚལ་ལོ། །ཁྲོ་བོའི་རྒྱལ་པོ་དྲི་མེད་ཡེ་ཤེས་སྐུ། །རབ་ཏུ་མི་བཟད་ཁྲོ་བོར་གཟིར་སྣང་ཡང་། །ཆོས་ཉིད་མཉམ་པའི་ངང་ལ་མི་གཡོ་བ། །ཐུགས་རྗེའི་ཚུལ་གྱིས་འགྲོ་ལ་ཕྱག་འཚལ་ལོ མི་རབས་བརྒྱུད་མར་དད་པས་ཕྱུག་འཚལ་ཞིང་། །དད་པ་རབ་ཀྱིས་འཕགས་མཆོག་མི་གཏོང་ན། །འགྲོ་ལ་ཕན་ཕྱིར་ཁྲོ་རྒྱལ་བསྒོམས་པ་ལ། །གནོད་པར་བྱེད་པའི་དགྲ་བགེགས་ཐལ་བར་རློག །ཕྱག་འཚལ་ནས་ནི་དམ་ཡང་བཅའ། །ཡེ་ཤེས་སེམས་དཔའི་ལྷ་ཚོགས་ལ། །ཁྱེད་ཀྱི་མཛད་སྤྱོད་གང་ལགས་པ། །མཐུན་པར་རྣལ་འབྱོར་བདག་བགྱིད་དོ། །སངས་རྒྱས་ཀུན་དང་མཉམ་སྦྱར་ནས། །སངས་རྒྱས་བཞིན་དུ་བདག་བགྱིད་པས། །ཁྲོ་རྒྱལ་འདུལ་བའི་དཀྱིལ་འཁོར་འདིར། །འཕྲིན་ལས་རྫོགས་པར་མཛད་དུ་གསོལ། །ཅེས་སོ། །རྫས་དང་ཕྲག་གི་མཆོད་པ་ཡང་། །ལྷའི་ཚོགས་ཀྱི་སྐུ་མདོག་དང་། ཕྱག་མཚན་དང་། མིང་ནས་བརྗོད་པའོ། །རྣམ་པ་ལེགས་བསྒོམས་རྫས་ཀྱིས་མཆོད་པ་ནི། རྣལ་འབྱོར་དམ་ཚིག་ལྡན་པ་ཡིས། །བྱིན་གྱིས་བརླབས་པ་བྱས་ནས་སུ། །མཆོད་པ་འདི་དག་དབུལ་བར་བྱའོ། །ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །ཨསྙེ་བདག་གིས་འབུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་ཨ་ཧ་ར་མ་ཧྭ་ཧ་ར་ཁུ་ཁུ་རེ་པེ་ག་ཏོད་ག་ཏེ་གྲྭ་ཧྭ། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །དྲི་ཆབ་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །གརྙེ་མ་ཧྭ་གརྙེ་ཁུ་ཁུ་རེ་པོ་ཏོང་ག་རེ་སྭ་ཧྭ། ཁྲོ་བའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །བདུག་སྦོས་བདག་གིས་ཕུལ་བས་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་རྙུ་པེ་མཧྭ་ ་པེ་ཁུ་ཁུ་རེ་བྲ་ཏོད་ག་རེ་སྲུ་ཧྭ། ཁྲོ་བོའིརྒྱལཔོགཤིནརྗེགཤེད། །སྔོན་ཚེ་ཡེ་ཤེས་བསྙེན་པའི་ལྷ། །མེ་ཏོག་བདག་གིས་ཕུལ་བ་འདི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ༷་པྲསྤྲོ་མ་ཧྭ་ཁུ་ཁུ་རེ་ཕྲེང་གད་ཏེ་གྲྭ་ཧྭ། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །མར་མེ་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་ཨུ་ལོ་ཀེ་མ་ཧྭ་ཨུ་ལོ་ཀེ་ཁུ་ཁུ་རེ་པྲ་ཏོད་ག་ཏེ་གྲྭ་ཧྭ། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །ལྷ་བཤོས་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་དིབ་བྱ་བོ་ཙི་ནི་ཁུ་ཁུ་ནི་རོ་པྲ་ཏོད་ག་རེ་གྲྭ་ཧྭ། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །གཏོར་མ་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་བ་ལི་ཏ་མ་ཧྭ་བ་ལི་ཏ་ཁུ་ཁུ་རེ་པྲེ་ཏོད་ག་ཏེ་གྲྭཧྭ། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །བདུད་རྩི་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་ཨ་མྲི་ཏ་མཧྭ་སྭརྦ་པརྫི་ཨ་མྲི་ཏ་ཁུ་ཧི། ཁྲོ་བོའི་རྒྱལ་པོ་གཤིན་རྗེ་གཤེད། །སྔོན་ཚེ་ཡེ་ཤེས་བསྙེན་པའི་ལྷ། །རཀྟ་བདག་གིས་ཕུལ་བ་ནི། །ཁྲོ་རྒྱལ་ཡབ་ཡུམ་རྣམས་ཀྱིས་བཞེས་སུ་གསོལ། །ཨོ་རག་ཏ་མ་ཧྭ་རག་ཏསམུནདྲ། གཤིནརྗེགཤེད་པོའི་རྒྱུད་གསང་བ་དྲུག་ཅུ་པ་ལས། ཡེ་ཤེས་ལྷ་ཚོགས་ལ་ཕྱག་འཚལ་བ་དང་། །རྫས་ཀྱི་མཆོད་པའི་ལེའུ་སྟེ་བདུན་པའོ།། །།རྡོ་རྗེ་འཛིན་པས་ཐལ་མོ་སྦྱར། །རྫས་དང་ཕྱག་གིས་ལ་སོགས་མཆོད། །བསྒྲལ་བའི་མཆོད་པ་དུག་ལྔ་ཇི་ལྟར་ལགས། །གཤིན་རྗེ་གཤེད་ལ་བདག་ཉན་འཚལ། །གཤིན་རྗེ་གཤེད་པོས་བཀའ་སྩལ་པ། །འཁོར་ལ་ཡོངས་བསྒྲལ་མཆོད་པར་འབུལ། །མ་ལུས་བསྒྲལ་བའི་མཆོད་པ་དང་། །གཏུམ་འཆའ་སྟོབས་དང་ལྡན་པའི་མ༷་ས་མཆོག །རྐང་དང་ཚིལ་བུ་བཅད་ཀྱི་མཆོག །འཇམ་དཔལ་གཤིན་རྗེ་འཁོར་བཅས་དང་། །མ་མོའི་ཚོགས་མཆོད་པར་འབུལ། །ཨོ་མཧྭ་མ༷་ས་ཙ་མེ་ཙ་ཁུ་ཧི། དུག་ལྔའི་མཆོད་པ་འབུལ་བ། །བཅོམ་ལྡན་ཡབ་ཡུམ་རྣམས་ཀྱི་སྦྱན་སྔ་སྲ །བླ་མེད་མཆོག་གིས་མཆོད་པ་དང་། ་་ཁྲག་དམར་གྱི་མཆོད་པ་དང་། །རྨེ་གཏོར་རྨད་དུ་བྱུང་བའི་མཆོད་པ་དང་། །བསྟན་པ་བཤིག་པའི་དགྲ་བགེགས་མཆོད་པར་བཞེས། །རག་ཤ་དགྲ་བགེགས་ཤ་ནི་ཟན་པས་ཞིམ། །གཏི་མུག་མཆོད་པ་བླ་ན་མེད། །སྐུ་ཡི་མཆོད་པར་བཞེས་སུ་གསོལ། །རག་ཤ་དགྲ་བོའི་ཁྲག་ནི་ཆང་བས་ཞིམ། །འདོད་ཆགས་མཆོད་པ་བླ་ན་མེད། །གསུང་གི་མཆོད་པ་བཞེས་སུ་གསོལ། །རག་ཤ་དགྲ་བོའི་དགྲ་བོའི་རུས་པ་འཆོས་བོའི་རུས་པ་འཆོས་ཤིང་མངར། །ཞེ་ལྡང་མཆོད་པ་བླ་ན་མེད། །ཐུགས་ཀྱི་མཆོད་པར་བཞེས་སུ་གསོལ། །རག་ཤ་དགྲ་བོའི་མཁྲིས་པ་སྨན་གྱི་རྒྱུ། །ང་རྒྱལ་མཆོད་པ་བླ་ན་མེད། །ཡོན་ཏན་མཆོད་པར་བཞེས་སུ་གསོལ། །རག་ཤ་དགྲ་བོའི་གློ་སྙིང་གསོལ་བའི་རྒྱུ། །ཕྲག་དོག་མཆོད་པ་བླ་ན་མེད། །འཕྲིན་ལས་མཆོད་པར་བཞེས་སུ་གསོལ། །འདི་ནི་དུག་ལྔའི་མཆོད་པ་སྟེ། །བཅོམ་ལྡན་གཤིན་རྗེ་ཡབ་ཡུམ་རྣམས་ཀྱིས་བཞེས་སུ་གསསོལ། །ཧུ༷། འཁོར་བའི་རྒྱ་ལིངས་ཆེན་པོ་ལ། །དུས་ངན་ཐ་མའི་སྙིགས་མ་ལ། །དམ་སྲི་སྒྲོལ་བའི་ལས་འབྱུང་གིས། །བཅོམ་ལྡན་གཤིན་རྗེ་ཡབ་ཡུམ་རྣམས་ཀྱིས་བཞེས་སུ་གསོལ། །སྤྲུལ་པའི་འཕྲ་མེན་རྣམས་ཀྱི་ས་དང་རུ་ཆུམ། །རྣལ་འབྱོར་དུག་གསུམ་དཔལ་གྱི་ཞལ་དུ་བཏབ། །བསྟན་པ་བཤིག་པའི་བགྲ་བགེགས་མཆོད་པར་བཞེས། །ཨོ༷་ས་མ་ཡ་མ྅་ཤིམུཏྲ་ཡ་མུན་ཏ་ཀ་པརྩི་ཏེ་རོ་ནི་ཧུ༷་ཛ། མ་ཧྭ་མ༷་ས། མ་ཧྭ་རག་ཏ། མ་ཧྭ་མ་ཁ་ཁ། མ་ཧྭ་བ་སུ་ཏ། མ་ཧྭ་གོ་རོ་ཙ་ན། མ་ཧྭ་ཙིཉི་ཁྱ་ཧི། ཞེས་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྒྲོལ་བ་དུག་ལྔའི་མཆོད་པ་བསྟན་པའི་ལེའུ་སྟེ་བརྒྱད་པའོ།། །།ཨེ་མ་གཤིན་རྗེ་གཤེད་པོ་ལགས། །ཡེ་ཤེས་དཀྱིལ་འཁོར་མཆོད་བྱས་ལ། །དེ་ཡི་བཟླས་པ་ཅི་ལྟར་བྱ། །ཞེས་པས། ཨེ་མ་ལག་ན་རྡོ་རྗེ་འཛིན། །མཆོད་པ་རྣམས་ཀྱིས་མཆོད་བྱས་ལ། །ཁྲོ་བོའི་སྙིང་པོ་ནུས་ཐང་གིས། །བྱེ་བ་ས་ཡ་ཁྲི་ཡང་བགྲང་། །ཁྲོ་བོའི་སྙིང་པོ་ཞལ་ནས་ནི། །ཨོ་ཨ་ཀྲོ་དྷི་ཀ་ཡ། །མན་ཏ་ཀ་ཧ་ན་མ་ཐ་བྷན་ཧུ༷་ཕཊ། ཅེས་པས་སྔགས་དེ་ཉིད་ནི། །མགོན་པོ་ཉིད་ལ་གུས་བྱས་ལ། །སྔགས་དེ་སྟོང་སྟོང་ཐོན་པ་དང་། །ཡང་ན་ཁྲི་ཚར་བསྟན་བྱས་ལ། །བསྟོད་པ་མཆོད་པ་༄༅ འབུལ་བར་བྱའོ། །བཟླས་པ་བྱ་བའི་ཏིང་འཛིན་ལ། །སྔགས་ལས་འོད་འཕྲོས་འཕགས་པ་མཆོད། །སེམས་ཅན་ཀུན་གྱི་སྡིག་སྒྲིབ་སྦྱངས། །འོད་དེ་སླར་ལ་འདུས་པ་དང་། །བདག་གིས་དངོས་གྲུབ་ཐོབ་པར་བསམ། །བཟླས་པ་གཏོང་བར་འདོད་པས་ན། །རྫས་ཀྱི་མཆོད་པ་མཆོད་བྱས་ལ། །ལྷ་ཡི་ང་རྒྱལ་བདག་གི་གནས། །བསྙེན་པ་ཆེན་པོའི་དོན་བསྟན་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཕྲིན་ལས་ཆེན་པོའི་ཁོག་གཞུང་གིས་བསྙེན་པ་ཆེན་པོའི་དོན་བསྟན་པའི་ལེའུ་སྟེ་དགུ་པའོ།། །།ལག་ན་རྡོ་རྗེ་འཛིན་པ་ཡིས། །གཤིན་རྗེ་གཤེད་པོ་ཁྲོ་བོའི་རྒྱལ། །ཁྱོད་ཀྱི་མཛད་སྤྱོད་མཐའ་ཡས་ན། །འཕྲིན་ལས་རྣམ་བཞི་བཤད་པར་འཚལ སེམས་ཅན་འདུལ་བའི་དབང་གིས་ན། །ཞི་བའི་འཕྲིན་ལས་ཇི་ལྟར་བགྱི། །ཞེས་པས། གཤིན་རྗེ་གཤེད་པོས་གསུངས་པའི་དོན། །ཞི་བའི་གནས་ནི་དཀར་པོ་ཤར་དུ་བལྟས། །དྲི་བྲ་གནས་པའི་ས་ཕྱོགས་དང་། །ཉམས་ནི་དགའ་བའི་གནས་སུ་བྱ། །མཎྜལ་ཟླུམ་པོ་རྩིབས་བྱས་ལ། །བ་ཡི་ལྔ་དང་དྲི་ཆུས་བྱུག །དཀར་ལ་འཚར་བའི་མཎྜལ་བྱ། །མཆོད་པའི་རྫས་རྣམས་དཀར་པོས་བྱ། །རྫས་དང་ཡོ་བྱད་ཚར་བ་དང་། །ཏིང་འཛིན་རྣམ་གསུམ་བྱིན་རླབས་ཡས། །རྒྱུ་ཡི་ཧུ༷་ནི་དཀར་པོ་ལས། །ལྷ་མཆོག་རངས་པ་དཀར་པོ་ལས། །ཞི་བའི་ཆ་ལུགས་མངའ་བ་ཅན། །ཐམས་ཅད་ཞི་བར་མཛད་པར་བསྒོམ། །དཀྱིལ་འཁོར་བསྐྱེད་དང་སྤྱན་དྲངས་དང་། །ཕྱག་དང་རྫས་ཀྱི་མཆོད་པས་མཆོད། །བཟླས་པའི་སྙིང་པོ་འདི་ཡང་བཟླས། །ཨོ་ཨ་ཀྲོ་ཏེ་ཀ་ཡ་མུན་ཏ་ཀ་ཧ་ན་མ་ཐ་བྷརྫི་ཧུ༷་ཕཊ། ཆེ་གེ་མོ་ཞི་བ་ཤཱརྙི་ཀུ་རུ་གྲྭ་ཧྭ། ཞེས་པའི་བཟླས་པ་བྱས་པ་ཡིས། །གང་ལ་བྱ་བ་ཞི་བར་བསམ། །གཤིན་རྗེ་གཤེད་པོའི་རྒྱུད་གསང་བ་དྲུག་བཅུ་པ་ལས། ཞི་བའི་ལས་བསྟན་པའི་ལེའུ་སྟེ་བཅུ་པའོ།། །།ཞི་བའི་ས་ནི་དེ་ལགས་ན། །རྒྱས་པའི་ལས་ནི་ཇི་ལྟར་ལགས། །གཤིན་རྗེ་གཤེད་པོས་གསུངས་པའི་དོན། །རྒྱས་པའི་གནས་ནི་སེར་པོ་བྱང་དུ་བལྟས། །གནོད་སྤྱིན་གནས་པའི་ས་ཕྱོགས་སུ། །ཡོ་བྱད་ཚང་བའི་གནས་སུ་བྱ། །མཆོད་ཅིང་འབྱོར་པ་སེར་པོར་བཤམས། །རྫས་དང་ཡོ་བྱང་ཚང་བ་དང་། །ཏིང་འཛིན་རྣམ་གསུམ་ཆོ་ག་ཡིས། །རྒྱུ་ཡི་ཧཱུཾ་ཡང་སེར་པོར་བསམ། །ལྷ་ཚོགས་རངས་པ་སེར་པོར་བསྐྱེད། །རྒྱས་པའི་ཆ་ལུགས་མངའ་བ་ཅན། །ཐམས་ཅད་རྒྱས་པར་མཛད་པ་བསྒོམ། །དཀྱིལ་འཁོར་བསྐྱེད་དང་སྦྱན་དྲངས་ལ། །ཕྱག་དང་རྫས་ཀྱིས་མཆོད་པས་མཆོད། །བཟླས་པའི་སྙིང་པོ་འདི་ཡང་བཟླས། །ཨོ༷་ཨ་ཀྲོ་ཏེ་ཀ་ཡ་མྱན་ཏ་ཀ་ཧ་ན་མ་ཐ་བྷརྩི་ཧུ༷་ཕཊ། ཆེ་གེ་མོ་པྲཛི༷་ཀུ་རུ་ཧུ༷་ཕཊ། ཅེས་བཟླས་པས། གང་ལ་བྱ་བ་རྒྱས་པརབསམ། །གཤིནརྗེགཤེད་པོའི་རྒྱུད་གསང་བ་དྲུག་ཅུ་པ་ལས། རྒྱས་པའི་ལས་བསྟན་པའི་ལེའུ་སྟེ་བཅུ་གཅིག་པའོ།། །།རྒྱས་པའི་ལས་ནི་དེ་ལགས་ན། །དབང་གི་ལས་ནི་ཇི་ལྟར་བགྱི། །གཤིན་རྗེ་གཤེད་པོས་གསུངས་པའི་དོན། །དབང་གི་གནས་ནི་དམར་པོ་ནུབ་ཏུ་བལྷས། །ལྷ་བཙན་གནས་པའི་ས་རུ་བྱོན་ནོ། །རི་བོའི་རྩེ་མོ་ཉམས་དགའ་བ། །མཎྜལ་ཟླ་གམ་བྱས་ནས་ནི། །དྲི་དང་བ་ཡི་རྣམ་ལྔས་བྱུག །ཡོ་བྱད་ཅི་འབྱོར་མང་པོར་བྱའོ། །རྫས་དང་ཡོ་བྱང་ཚང་བ་དང་། །ཏིང་འཛིན་རྣམ་གསུམ་བྱིན་བརླབས་ནས། ཁུ་ཡི་ཧུ༷་ཡང་དམར་པོར་བསམ། །ལྷ་ཚོགས་རངས་པ་དམར་པོར་བསམ། །དབང་གི་ཆ་ལུགས་མངའ་བ་ཅན། །ཐམས་ཅད་དབང་དུ་སྡུད་པར་བསམ། །དཀྱིལ་འཁོར་བསྐྱེད་དང་སྤྱན་དྲངས་དང་། །རྫས་དང་ཕྱག་གི་མཆོད་པས་མཆོད། །བཟླས་པའི་སྙིང་པོ་འདི་ཡང་བཟླས། །ཨོ་ཨ་ཀྲོ་ཏེ་ཀ་ཡ་མུན་ཏ་ཀ་ཧ་ན་མ་ཐ་བྷརྫི་ཧུ༷་ཕཊ། ཆེ་གེ་མོ་པ་ཤང་ཀུ་རུ་ཧུ༷་ཕཊ། ཅེས་བཟླས་པ་བྱས་པ་ཡིས། །གང་ལ་བྱ་བ་དབང་དུ་སྡུད། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དབང་གི་ལས་བསྟན་པའི་ལེའུ་སྟེ་བཅུ་གཉིས་པའོ།། །།དབང་གི་ལས་ནི་དེ་ལགས་ན། །དྲག་པོའི་ལས་ནི་ཇི་ལྟར་བགྱི། །གཤིན་རྗེ་གཤེད་པོས་གསུངས་པའི་དོན། །དྲག་པོའི་གནས་ནི་ནག་པོ་ལྷོ་རུ་བལྷས། །ཀླུ་ཆེན་གནས་པའི་ས་རུ་བསྒྲུབ། །ཆུ་མིག་ཡོད་སར་མཎྜལ་གྲུ་གསུམ་བྱ། །ཁྲག་དང་བདུད་རྩིས་ཆག་ཆག་གདབ། །གནག་ལ་འཚེར་བའི་མཎྜལ་བྱ། །མཆོད་པ་ཅི་འབྱོར་ནག་པོར་བཤམས། །རྫས་དང་ཡོ་བྱད་ནག་པོར་ཚོགས་པ་དང་། །ཏིང་འཛིན་རྣམ་གསུམ་བྱིན་བརླབས་ལས། ཁུ་ཡི་ཧུ༷་ཡང་ནག་པོར་བསམ། །ལྷ་ཚོགས་རངས་པ་ནག་པོར་བསྐྱེད། །དྲག་པོའི་ཆ་ལུགས་མངའ་བ་ཅན། །ཐམས་ཅད་གསོད་དང་སྤོར་བར་བསྒོམ། །དཀྱིལ་འཁོར་བསྐྱེད་དང་སྦྱན་དྲངས་དང་། །ཕྱག་དང་རྫས་ཀྱི་མཆོད་པས་མཆོད། །བཟླས་པའི་སྙིང་པོ་འདི་ཡང་བཟླས། །ཨོ་ཨ་ཀྲོ་ཏེ་ཀ་ཡ་བཱན་ཏ་ཀ་ཧ་ན་མ་ཐ་བྷརྫི་ཧུ༷་ཕཊ། ཆེ་གེ་མོ་མུ་ར་ཡ་རྦད་ཧུ༷་ཕཊ། ཅེས་བཟླས་པ་བྱས་པ་ཡིས། །གང་ལ་བྱ་བ་བསྒྲལ་བར་བསམ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དྲག་པོའི་ལས་བསྟན་པའི་ལེའུ་སྟེ་བཅུ་གསུམ་པའོ།། །།རྡོ་རྗེ་འཛིན་པས་ཡང་གསོལ་པ། །ཨེ་མ་གཤིན་རྗེ་གཤེད་པོ་ལགས། །འཕྲིན་ལས་རྣམ་བཞི་དེ་ལྟར་ལགས། །སྐུ་གསུང་ཐུགས་དང་ཡོན་ཏན་དང་། །འཕྲིན་ལས་རྣམ་པ་ལྔ་པོ་ཡི། །ལས་ཀྱི་གོ་རིམས་བཤད་པར་འཚལ། །གཤིན་རྗེ་གཤེད་པོས་གསུངས་པའི་དོན། །གཤིན་རྗེ་སྐུ་ཡི་སྒྲུབ་པ་ཡང་། །གནས་ནི་དུར་ཁྲོད་དབེན་པ་མྲ །མཎྜལ་ལེགས་པར་བྱས་པ་དང་། །མཆོད་དང་བསྟོད་པའི་ཡོ་བྱད་བཤམས། །ཏིང་འཛིན་རྣམ་གསུམ་རིམ་པ་ནས། །ཆོ་ག་ལས་གཞུང་ཆེན་པོ་ལྟར། །བཟླས་པ་སྙིང་པོ་འདི་ཡང་བཟླས། །ཨོ་ཨ་ཀྲོ་ཏེ་ཀ་ཡ་མྱན་ཏ་ཀ་ཧ་ན་མ་ཐ་བྷ྅་ཧུ༷་ཕཊ། ཅེས་པས་སྐུ་ཡི་ལས་རྣམས་བྱ། །གང་འདོད་པ་ཡི་ལས་རྣམས་འགྲུབ། །གཤིན་རྗེ་གསུང་གི་བསྒྲུབ་པ་ཡང་། །གནས་དང་བྱ་བ་གོང་མ་ལྟར། །ལས་གཞུང་ཆེན་པོ་བཤད་པའོ། །བཟླས་པའི་སྙིང་པོ་འདི་ཡང་བཟླས། །ཡ་མ་མེ་ཏ་སྟེ་ར་ཛ་ས་ཏོ་རུན་ཡོ་ནི་ར་ཡ་ཙ་ནི། ཞེས་པའམ། ཡང་ན་རུ་བསྐོར་བརྒྱད་པ་བཞིན། །སུམ་ཅུ་རྩ་གཉིས་དྲིལ་ལ་བགྲང་། །དེ་ནི་གཤིན་རྗེ་གསུང་གི་ལས། །གང་འདོད་པ་ཡི་ལས་ཀྱང་འགྲུབ། །གཤིན་རྗེ་ཐུགས་ཀྱི་སྒྲུབ་པ་ཡང་། །གནས་དང་བྱ་བ་གོང་མ་ལྟར། །ལས་གཞུང་ཆེན་པོ་བཤད་པའོ། །བཟླས་པའི་སྙིང་པོ་འདི་སྙིང་པོ་འདི་ཡང་བཟླས། །ཨོ་ཧྲིམྱི་བི་ཀྲི་ཏ་ནན་སརྦ་ཤ་ཏྲ༷་སྐོ་སྟ༷་པ་ཡ་ཧུ༷་ཕཊ། ཅེས་པས་ཐུགས་ཀྱི་ལས་རྣམས་འགྲུབ། །གང་འདོད་པ་ཡི་ལས་ཀྱང་འགྲུབ། །གཤིན་རྗེ་ཡོན་ཏན་སྒྲུབ་པ་ཡང་། །གནས་དང་བྱ་བ་ཐམས་ཅད་ཀུན། །ལས་གཞུང་ཆེན་པོར་བཤད་པའོ། །བཟླས་པའི་སྙིང་པོ་འདི་ཡང་བཟླས། །ཨོསམཡམསྣྲུཤིམུ་ཏྲ་ཡ་མྱན་ཏ་ཀ་ཡ་མ་རྭ་ཛ་མ་མ་ཨེ་ཀ་ཛ་ཞི་ས་མ་ཡ་ཛ་ཛ། ཞེས་པས་ཡོན་ཏན་ལས་རྣམས་འགྲུབ། །གང་འདོད་ལས་ལ་སྦྱར་བར་བྱའོ། །གཤིན་རྗེའི་འཕྲིན་ལས་བསྒྲུབ་པ་ལ། །གནས་དང་བྱ་བ་གོང་མ་ལྟར། །ལས་གཞུང་ཆེན་པོར་བཤད་པའོ། །བཟླས་པའི་སྙིང་པོ་འདི་ཡང་བཟླས། །སྐུ་གསུང་ཐུགས་དང་ཡོན་ཏན་གྱིས། །སྔགས་ནི་གང་དང་གང་གདགས་པས། །དྲག་པོ་ཤམ་བུར་གདགས་པར་བྱ། །རྐྱང་བར་བྱ་བ་ཤེས་པར་བྱ། །ཐིག་ནི་གཅིག་མེད་གཉིས་ཕྲག་བརྒྱད། །བཅད་དུད་འཕྲོམ་གནམ་མཐོངས་ཕྱེ་ལྕགས་སྒྲོག་ཁྲོལ། མི་རིས་སོང་རྒྱ་རྗེ་རྒྱ་ལོ་ཅུ་རུ་འོད་ཏ་པ་ཏ་ཡ་ཧུ༷་ཕཊ། ཅེས་པ་བཟླས་པ་བྱ་བ་དང་། །གང་འདོད་པ་ཡི་ལས་དང་སྦྱར། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྐུ་གསུང་ཐུགས་ཡོན་ཏན་འཕྲིན་ལས་ལྔའི་སྒོ་ནས་སྒྲུབ་ཐབས་བསྟན་པའི་ལེའུ་སྟེ་བཅུ་བཞི་པའོ།། །།རྡོ་རྗེ་འཛིན་པས་ཡང་ཞུས་པ། །ལས་ཀྱི་བྱེ་བྲག་དེ་རྣམས་དང་། །ཕྱི་ནང་གསང་བ་གང་ལ་གཏོགས། །གཤིན་རྗེ་གཤེད་པོས་བཀའ་སྩལ་པ། །ལས་ཀྱེ་བྱེ་བྲག་དེ་རྣམས་ཀུན། །ནང་དུ་བསྙེན་པའི་ཐབས་སུ་བསྟན། །ཕྱི་ལྟར་བསྙེན་པ་བྱ་ཐབས་དང་། །འདི་ལྟར་ཤེས་པར་བྱས་ལ་བརྟེན། །དབེན་ཞིང་ཉམས་དགའི་ས་ཕྱོགས་སུ། །བྱི་དོར་བྱས་པའི་གནས་དག་ཏུ། །མཎྜལ་ཁྲུ་དོ་བྱས་པ་ལ། །དྲི་དང་བ་ཡི་རྣམ་ལྔས་བྱུག །གཏོར་མ་དཀར་པོ་བཤམས་པ་དང་། །ཁྲག་དང་ཨསྙེ་བྱས་པ་ཡང་། །མཆོད་པ་ལྔ་པོ་ཚང་བར་བསོག །དང་པོར་སྟོང་པ་ཉིད་དུ་བསྒོམ། །མ་ཧྭ་ཤཱ་རྒྱ་ཏ་ས་མ་ཡ་ཏི། དེ་ནས་སྙིང་རྗེ་ཆེན་པོར་བསྒོམ། །དྷརྨ་དྷ་ཏུ་ས་མ་ཏི་ཧུ༷། དེ་ལས་རང་སེམས་ཧུ༷་དུ་གྱུར། །མུ༷ལས་སྒྱུ༷་འཕྲོས་གཞལ་ཡས་ཁང་། །རིན་ཆེན་རྣམ་ལྔ་ལས་གྲུབ་པའི། །མཐའ་དབུས་དཔག་ཏུ་མེད་པར་བསམ། །འཁོར་ལོ་རྩིབས་བཞི་རྩིབས་བརྒྱད་པ། །སྒོ་བཞི་པར་ཁྱམས་ལྡན་པ་ལ། །ཁ་དོག་སེར་པོ་རིགས་དང་སྦྱར། །དེ་དབུས་སེང་གེ་ཉི་ཟླ་དང་། །པརློའི་གདན་དང་ལྡན་པ་ལ། །མུ༷་དེ་འོད་དུ་ཞུ་པ་ལས། །འཇམ་དཔལ་སྐུ་ནི་སེར་པོར་འགྱུར། །ཞལ་གཅིག་ཕྱག་ནི་གཉིས་པ་ལ། །གཡས་པ་ཨུཏུལ་གཡོན་པ་པོ་ཏི་འོ། །ཐུགས་ཁར་ཉི་ཟླའི་སྟེང་ན་ཡེ་ཤེས་སེམས། །དེའི་ཐུགས་ཀར་ཉི་ཟླའི་སྟེང་རྡོ་རྗེ་ལ། །ལྟེ་བར་མུ༷་ལས་འོད་འཕྲོས་ཕྱོགས་བཅུའི་རྒྱལ་པ་སྤྱན་དྲངས་ལ། ཨོ་བཛྲ་ས་མ་ཡ་ཛ་ཞེས་སེ་གོལ་བརྡབ། གཞལ་ཡས་ཁང་དུ་བརྟན་པར་བཞུགས། །ཕྱོགས་བཅུའི་རྒྱལ་བ་སྲས་བཅས་ལ། །མཆོད་པ་བྱིན་གྱིས་བརླབས་ལ་དབུལ། །ཨོ་ཨ་ཧ་ར་ཨ་ཧ་ར་སརྦ་པི་ཏར་པུ་ཛ་གྲྭཧྭ། ཞེས་པས་ཨསྙེ༷་དབུལ། ཨོ་བཛྲ་པྲརྨྱེ་ཧུ༷། མེ་ཏོག་དབུལ། ཨོ་བཛྲ་དྷ་པེ་ཧུ༷། སྤོས་དབུལ། ཨོ་བཛྲ་ཨུ་ལོ་ཀེ་ཧུ༷། མར་མེ་དབུལ། ཨོ་བཛྲ་གརྙེ་ཧུ༷། དྲི་ཆབ་དབུལ། ཨོ་བཛྲ་ནི་ཝི་བྱ་ཧུ༷། ལྷ་བཤོས་དབུལ། ཨོ་བཛྲ་ཤསྟ་ཧོ། རོལ་མོ་དབུལ། ཨོ་བཛྲ་བ་ལིང་ཏ་ཧུ༷། ཞེས་པས་གཏོར་མ་དབུལི། ཕྱོགས་བཅུའི་རྒྱལ་བ་འཁོར་བཅས་ལ། །མཆོད་པ་དེ་ལྟར་ཕུལ་བྱས་ན། །འཇམ་དཔལ་སྐུར་ནི་གསལ་བསྒོམས་ལ། །ཨོ་ལྷུ་གི་ཤྭ་རི་མུ༷། ཞེས་པ་འབུམ་མམ་བྱེ་བ་བཟླས་པར་བྱའོ། །ཁྲིའམ་སྟོང་གི་བར་དག་ཏུ། །མཆོད་པ་ཡང་ནས་ཡང་དུ་དབུལ། །དུས་དྲུག་དག་ཏུ་མཆོད་པ་བྱ། །བཟླས་པ་བྱ་བའི་ཏིང་འཛིན་ཡང་། །མུ༷་ལས་འོད་འཕྲོས་དུས་གསུམ་རྒྱལ་བ་མཆོད། །སེམས་ཅན་མ་ལུས་སྒྲིབ་པ་སྦྱངས། །འོད་དེ་ཚུར་འདུས་བདག་ལ་ཐིམ། །དུས་གསུམ་རྒྱལ་བའི་དངོས་གྲུབ་དང་། །སེམས་ཅན་མ་ལུས་ཀུན་བསྡུས་ནས། །བདག་གིས་དངོས་གྲུབ་ཐོབ་པར་བསམ། །དེ་ལྟར་རིམ་པ་ཕྱི་ལྟར་བསྙེན་པ་ཡིན། གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ཕྱི་ལྟར་བསྙེན་པ་བྱ་བའི་ལེའུ་སྟེ་བཅོ་ལྔ་པའོ།། །།ཡང་རྡོ་རྗེ་འཛིན་པ་ཡིས། །ཕྱི་ལྟར་བསྙེན་པ་དེ་ལགས་ཏེ། །གསང་བའི་བསྙེན་པ་གང་ལ་བྱ། །ཞེས་པས། གཤིན་རྗེ་གཤེད་པོས་བཀའ་སྩལ་པ། །གསང་བའི་བསྙེན་པ་བྱ་བར་འདོད་པས། །དུར་ཁྲོད་དབེན་པར་སོང་ནས་ནི། །མཎྜལ་བྱས་ལ་བྲི་བ་དང་། །རྫས་དང་ཡོ་བྱད་ཚང་བར་གསོག །དང་པོ་སྟོང་པ་བྱང་ཆུབ་སེམས། །དེ་ནས་སྙིང་རྗེ་བྱང་ཆུབ་སེམས། །དེ་ལས་རང་སེམས་ཧུ༷་དུ་བསམ། །དེ་ལས་སྒྱུ༷་བྱུང་གཞལ་ཡས་ཁང་། །གཤིན་རྗེ་མ་ཧེའི་གདན་དང་ཧུ༷་གིས་བྱིན་བརླབས་ནས། །འོད་ཀྱིས་བཀུག་ལ་གདན་དུ་བཏིང་། །ཕྱོགས་སྐྱོང་དྲེགས་པ་ཉི་ཟླ་དང་། །པདྨའི་གདན་ཡང་བསམ་བྱས་ལ། །དབུས་ཀྱི་གདན་ལ་ཧུ༷་ལས་ཁྲོ་བོར་བསམ། །རྒྱན་དང་ཆ་ལུགས་ལྡན་པ་ལས། །འཁོར་དང་ཡབ་ཡུམ་ཏིང་ངེ་འཛིན་གྱིས་བསྐྱེད། །སྤྱན་དྲངས་ལ་སོགས་ཏིང་འཛིན་གྱིས། །མཆོད་པ་བྱིན་གྱི་བརླབས་ལ་དབུལ། །ཚོགས་དང་སྒྲིབ་པ་མ་ཡིན་ཏེ། །སྔགས་དང་ཕྱག་རྒྱ་ཡིད་ཀྱིས་དབུལ། །བཟླས་པ་བྱ་བའི་ཏིང་འཛིན་ཡང་། །ཚིག་དང་སྒྲ་ལ་མ་བརྟེན་བཟླས་པ་ལ་བརྩོན་པར་བྱའོ། །ཐེག་པ་འོག་མའི་རྟོག་པ་ཅན། །གསང་སྔགས་དོན་རྣམས་མ་མཐོང་བར། །དེ་དག་ཀུན་ལ་གསང་བར་བྱའོ། །སྒྲོ་སྐུར་འདེབས་པའི་སྐྱེ་བོ་དང་། །དྲེགས་པས་བསྙེན་པའི་རྒྱལ་པོ་དང་། །བར་ཆོད་བྱེད་པ་རྣམས་ལ་གསང། །རྣལ་འབྱོར་པ་དག་རངཉིད་ཀྱིས། །དངོས་གྲུབ་མ་ཐོབ་བར་དུ་གསང་། །ཚིག་དང་སྒྲ་ལ་མི་གཙོ་བར། །ཏིང་འཛིན་ཟབ་མོ་དང་དུ་བླང་། །བཟླས་པའི་སྙིང་པོ་གཙོ་བོར་བཟུང་། །དེ་ལ་གསང་བའི་སྒྲུབ་པ་བྱའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། གསང་བའི་བསྙེན་པ་བྱ་བའི་ལེའུ་སྟེ་བཅུ་དྲུག་པའོ།། །།རྡོ་རྗེ་འཛིན་པས་ཡང་གསོལ་བ། །བསྙེན་པ་བྱ་བ་དེ་དག་གིས། །སྔོན་དུ་འགྲོ་ལས་བཤད་དུ་གསོལ། །གཤིན་རྗེ་གཤེད་པོས་བཀའ་སྩལ་པ། །བསྙེན་པ་བྱ་བའི་སྔོན་འགྲོ་ལས། །དང་པོ་གནས་ནི་དབེན་པ་དང་། །དུར་ཁྲོད་ལ་སོགས་མཚན་ལྡན་དང་། །སྒྲུབ་པ་པོ་ཡི་རིགས་འཛིན་གྱིས། །ས་སྦྱངས་པ་དང་ས་སློང་ནི། །ས་ཡི་ལྷ་ལ་གཏོར་མ་དབུལ། །དང་པོ་ཚ་ཚྭ་ཆུ་གཏོར་བཏང་། །སྤང་ཀོང་ཀློང་ཅིང་ཉམས་ཆག་བསྐང་། །གཏོར་མ་ཆ་གསུམ་དབུལ་བ་དང་། །གནས་ཀྱི་ཕྱོགས་བཞི་གཙུག་ཏོར་བཞི། །རྒྱལ་ཆེན་བཞི་རུ་མངའ་གསོལ་ལ། །གཏོར་མ་ཕུལ་ལ་མཚམས་བཅད། །གསེར་སྐྱེམས་གཏང་ལ་འཕྲིན་ལས་བཅོལ། །གང་ལ་འདོད་པའི་སྨོན་ལམ་གདབ། །མཎྜལ་འདོམ་གང་གྲུ་བཞི་བརྩིགས། །བ་ཡི་རྣམ་ལྔས་ཞལ་ཞལ་བྱ། །ཆག་ཆག་རྣམ་གསུམ་ཚང་བར་གདབ། །ཐིག་ནི་མ་ནོར་བུར་གདབ། །ས་ཚོན་བྱིན་གྱིས་བརླབས་པ་དང་། །ས་ཚོན་ལེགས་པར་བྲི་བ་དང་། །ལྷ་ཡི་རྣམ་པ་དགོད་པ་དང་། །དམ་རྫས་ཚང་བར་དགྲམ་པ་དང་། །གཏོར་མ་ཆ་གསུམ་བདུད་རྩི་དང་། །རཀྟའི་མཆོད་པ་རྣམ་ལྔ་དང་། །ལྷ་རྣམས་མཉེས་པར་བྱ་ཕྱིར་བཤམས། །མཆོད་པ་དལ་དུ་བཀྲམ་བྱས་ལ། །ལས་ཀྱི་སྡོན་དུ་འདི་ལྟར་བྱ། །དང་པོར་རང་སེམས་ཨ་རུ་བསམ། །ཨ་ལས་འོད་འཕྲོས་ཕྱིན་ནང་སྣོད་བཅུད་བསྲེགས། །ཨ་ཡི་འོད་འདུས་བདག་གི་རྣམ་རྟོག་དང་། །རྣམ་པར་སྨིན་པའི་ལས་ཀྱང་བསྲེགས། །ཨ་ལས་འོད་དུ་ཞུ་ནས་ཧུ༷་དུ་གྱུར། །ཧུ༷་ལས་ཡི་དམ་ལྷ་རུ་ཀྱུར་པ་སྟེ། །ལྷ་དེའི་སྙིང་པོ་བརྗོད་པས་གསལ་བར་བསྒོམ། །ཡི་དམ་ལྷ་ཡི་ཐུགས་ཀ་ནས། །ཧུ༷་གི་འོད་བྱུང་ཡ་མན་ཏ་ཀའི་སྐུའི་བཅུད། །ཆེ་བའི་བྱིན་བརླབས་ཀུན་བསྡུས་ཏེ། །འོང་དེ་ཐིམ་པས་ཡི་དམ་ལྷ། །གཤིན་རྗེ་གཤེད་པོར་གྱུར་པ་སྟེ། །ཨ་ཀྲོ་བརྟན་ཞིང་གསལ་བར་བསྒོམ། །གཤིན་རྗེ་གཤེད་པོའི་ཐུགས་ཀ་ནས། །རྡོ་རྗེ་ཆུང་དུ་སྤྲུལ་པས་ནང་མཚམས་བཅད། །ཉི་ཟླའི་དཀྱིལ་འཁོར་སྟེང་དུ་ནི། །ས་མ་ཡ་ཛ་དང་སེ་གོལ་སྒྲ། །དུས་གསུམ་རྒྱལ་བ་སྤྱན་དྲངས་ལ། །ཆ་ཉམས་སྡིག་པ་བཤགས་པ་དང་། །མཆོད་པའི་ཡོ་བྱད་བྱིན་གྱིས་བརླབས། །དམ་བཅའ་བ་དང་བྱིན་ཕབ་ལ། །ཉི་ཟླའི་སྟེང་གི་ལྷ་ཚོགས་ཀྱེ། །བདག་ལ་བྱིན་གྱིས་བརླབས་པའི་ཕྱིར། །བདག་གི་ཚངས་པའི་བུ་ག་སྲ །འོད་དུ་ཞུ་ནས་ཧུ༷་ལ་ཐིམ། །དེ་ནས་ལས་ལ་འཇུག་པར་བྱ། །སྔོན་དུ་བྱ་བའི་ལས་བསྟན་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྔོན་དུ་འགྲོ་བའི་ཐབས་བསྟན་པའི་ལེའུ་སྟེ་བཅུ་བདུན་པའོ།། །།རྡོ་རྗེ་འཛིན་པས་ཡང་གསོལ་བ། །བསྙེན་པ་བྱ་བ་ལྷ་རྣམས་ཀྱིས། །རྣལ་འབྱོར་པ་ནི་གང་དག་གིས། །མཚན་མའི་ཏིང་འཛིན་བསྒོམ་པ་ལ། །སྐུ་མདོག་ཕྱག་མཚན་བཞུགས་ཕྱོགས་ཀྱི། །རྣམ་པ་མ་ལུས་བཤད་དུ་གསོལ། །ཅེས་པས། གཤིན་རྗེ་གཤེད་པོས་བཀའ་སྩལ་པ། །ལྷ་ཡི་འཁོར་ལོ་དག་གི་ནི། །སྐུ་མདོག་ཕྱག་མཚན་བཞུགས་ཕྱོགས་ཀྱིས། །རྣམ་པ་བདག་གིས་བསྟན་པ་ལས། །དེ་ལ་གཤིན་རྗེ་གཤེད་པོའི་སྐུ་མདོག་སྔོ་ནག་ཞལ་གཡས་དཀར། གཡོན་དམར་བའི་མདོག་ཅན་ནོ། །ཕྱག་དྲུག་གཡས་པ་གསུམ་ན་རྡོ་རྗེ་ལྔ་དང་། །ཁ་ཊ༷་ག་རྩེ་གསུམ་དང་། ལྕགས་ཀྱུ་བསྣམས་པ། གཡོན་པ་གསུམ་ན་བ་སུ་ཏིའི་རྒྱུ་ཞགས་དང་། ཞིང་ཆུང་གི་དབྱུག་ཏོ་དང་། དུང་དམར་གྱིས་བཀང་བ་གསོལ་བའོ། །ཡུམ་ཨེ་ཀ་ཛ་ཞི་མ་སྐུ་མདོག་སྔོན་མོ་གཡོན་ཏྲི་ཤཱ་ལ་བཟུང་ནས་ཡབ་ལ་འཁྱུད་པ། །གཡས་བརྙ་དམར་གྱིས་བཀང་བ་གཙོ་ལ་སྟོབ་པའོ། །ཡུམ་བེ་ཏ་ལེ་སྐུ་མདོག་སྔོན་མོ་གཡས་ཏྲི་ཤཱ་ལ་བཟུང་ནས་ཡབ་ལ་འཁྱུད་པ། །གཡོན་དུང་དམར་གྱིས་བཀང་ནས་གཙོ་ལ་སྟོབ་པའོ། །གཤེད་པོ་ཡ་མ་རྭ་ཛ་སྐུ་མདོག་སྔོ་ནག་ཕྱག་གཡས་པ་མ་ཏྲ་རོ་དབྱུག་འཕྱར་བ། གཡོན་པ་འཁོར་ལོ་བསྐོར་བས་གསོད་པར་བྱེད་པའི་ཤ་རུས་འཇོམས་པ་ལ། སྲུང་བར་བྱེད་པ་བརྟེན་ཞིང་མི་གཡོ་བར་བྱེད། ཤར་ཕྱོགས་ལ་དབང་བྱེད་པའོ། །ཉོ་བྱེད་འབར་བ་སྐུ་མདོག་སེར་ནག །ཕྱག་གཡས་ན་མ་ཏྲང་རོ་དབྱུག་ཐོགས་པ། གཡོན་མེའི་འཁོར་ལོས་གསོད་པར་བྱེད་པ། བསྲེགས་པས་སྲུང་བར་བྱེད་པའོ། །སྨིན་ཅིང་རྒྱས་པར་མཛད་པ། ལྷོ་ལ་དབང་མཛད་པའོ། །ཨ་རུ་མ་རུ་ཙེ་སྐུ་མདོག་དམར་ནག་གཡས་པ་མ་ཏང་གི་རོ་དབྱུག་འཕྱར་བ་གཡོན་པ་ཆུའི་འཁོར་ལོས་གསོད་པར་བྱེད་པ། རྨུགས་པར་བྱེད་པ། སྲང་བར་བྱེད་པ། གང་འདོད་པའི་འབྲས་བུ་སྡུད་ཅིང་། དབང་བྱེད་ནུས་པའོ། །ནུབ་ལ་དབང་མཛད་པའོ། །རལ་པ་ཚར་དགུ་སེར་ནག་གཡས་པ་མ་ཏང་རོ་དབྱུག་འཕྱར་བ། གཡོན་རླུད་གི་འཁོར་ལོ་བསྐོར་བས་གསོད་པར་བྱེད་པ། དབུགས་འཕྲོག་པ་དང་གསོ་བའི་ལས་སོ། །སྲང་བར་བྱེད་པ་གང་འདོད་པའི་གནས་སུ་ཕྱིན་པར་བྱེད་པའོ། །བྱང་ལ་དབང་མཛད་པའོ། །བདུད་འཇོམས་སྐུ་མདོག་ནག་པོ་གཡས་དགྲ་སྟ། གཡོན་འཁོར་ལོ་བསྐོར་བའོ། །སྟེང་ལ་དབང་མཛད་པའོ། །ཀོང་རྩེ་བྲག་འཇོམས་སྐུ་མདོག་དཀར་པོ། ཕྱག་གཡས་པ་ལྷ་ཆེན་པོ་བསྣམས་པ། གཡོན་པ་འཁོར་ལོ་བསྐོར་བའོ། ཁྲར་ལ་དབང་མཛད་པའོ། །ཨ་བ་གླང་མགོ་སྐུ་མདོག་ལྗང་ཁུ་གཡས་ཏྲི་ཤཱ་ལ། གཡོན་འཁོར་ལོ་བསྐོར་བའོ། །ཤར་ལྷོ་ལ་དབང་བྱེད་པའོ། །ཡ་བ་ཏི་སྐུ་མདོག་སེར་ནག་ཕྱག་གཡས་ལྕགས་ཀྱུ།གཡོན་འཁོར་ལོ། ལྷོ་ལ་དབང་མཛད་པའོ། །ཕྱ་སངས་སྐུ་མདོག་མཐིང་ཁ་གཡས་རལ་གྲི། གཡོན་འཁོར་ལོ་གསོར་བའོ། །ལྷོ་ནུབ་ལ་དབང་མཛད་པའོ། །དམིགས་པ་དམར་ནག་ཕྱག་གཡས་ཐོད་འཕྲེང་། གཡོན་འཁོར་ལོ་བསྐོར་བའོ། །ནུབ་ལ་དབང་མཛད་པའོ། །ཏེལ་པ་སྔོན་མོ་ཕྱག་གཡས་པ་ན་དབྱུག་ཐོ །གཡོན་འཁོར་ལོ་བསྐོར་བའོ། །ནུབ་བྱང་ལ་དབང་བྱེད་པའོ། །ལྷ་མཆོག་དུད་ཁ་ལྗང་གུ་ཕྱག་གཡས་ཐོད་པ། གཡོན་འཁོར་ལོ་བསྐོར་བའོ། །བྱང་ལ་དབང་བྱེད་པའོ། །ཆོས་ཀྱི་རྒྱལ་པོ་སྐུ་མདོག་སྨུག་པོ་ཕྱག་གཡས་ཁྲ༷་བ༷། གཡོན་འཁོར་ལོ་བསྐོར་བའོ། །བྱང་ཤར་ལ་དབང་བྱེད་པའོ། །མིག་དམར་སྐུ་མདོག་དམར་པོ་ཕྱག་གཡས་ཤོ་རྡེལྭ གཡོན་འཁོར་ལོ་བསྐོར་བའོ། །འོག་ལ་དབང་བྱེད་པའོ། །རྣམས་ཡུམ་ཀུན་ཡང་སྐུ་མདོག་རང་རང་གི་ཡབ་དང་མཐུན་པ་ལས། ཕྱག་གཡས་ཀུན་ན་ཏྲི་ཤཱ་ལ་རེ་ཐོགས་ནས་ཡབ་ལ་འཁྱུད་པའོ། །གཡོན་ཀུན་དམར་གྱིས་བཀང་བ་ཐོགས་ནས་ཡབ་སོ་སོ་ལ་སྟོབ་པའོ། །འཇམ་དཔལ་གྱི་ཐུགས་ལས་སྤྲུལ་པའི་ལས་ལ་གྲུབ་པའི་ལྷ་ཡོ་གའི་སྐུ་ནི་རང་རང་གི་སྐབས་ཀུན་ཏུ་ཤེས་པརབྱའོ། །གཤིནརྗེགཤེད་པོའི་སྐུ་མདོག་ཕྱག་མཚན་བཞུགས་ཚུལ་དང་དེ་དག་གི་རིམ་པར་བྱེད་པའོ། །སྐུ་མདོག་ནི་རྣམ་པར་དག་པ་བསྟན་པ་ལ། སྐུ་མདོག་མཐིང་ཀ་ཆོས་ཉིད་འགྱུར་བ་མེད་པའི་དོན་སྟོན། །སྐུ་མདོག་དཀར་བ་ནི་ཆོས་ཀྱི་དབྱིངས་ལ་སྐྱོན་གྱིས་མ་གོས་པ་དང་ཞི་བའི་ལས་གྲུབ་པའོ། །སྐུ་མདོག་དམར་བར་བསྟན་པ་ནི། ཐུགས་རྗེ་ཆེན་པོའི་སེམས་ཅན་གྱི་དོན་ལ་ཆགས་པ་ཁམས་གསུམ་དབང་དུ་སྡུད་པ་དབང་གིས་ལས་གྲུབ་པའོ། །སྐུ་སེར་བར་བསྟན་པ་ནི། ཆེ་བའི་ཡོན་ཏན་རྒྱས་པ་དང་། རྒྱས་པའི་ལས་གྲུབ་པའོ། །སྐུ་གནག་པར་བསྟན་པ་ནི་ཆོས་ཉིད་ལས་མི་འགྱུར་བ་དང་དྲག་པོའི་ལས་གྲུབ་པའོ། །སྐུ་ལྗང་བར་བསྟན་པ་ནི། ཆོས་ཉིད་ཀྱི་དོན་ཕྱོགས་གཅིག་ཏུ་བསྟན་པ་དང་། ལས་སྣ་ཚོགས་པར་མཛད་པའོ། །སྐུ་མདོག་དཀར་ནག་གིས་ཞི་བ་དང་དྲག་པོའི་ལས་འགྲུབ་པའོ། །དཀར་སེར་གྱིས་ཞི་བ་དང་རྒྱས་པའི་ལས་འགྲུབ་པའོ། །དཀར་དམར་གྱིས་ཞི་བ་དང་དབང་གི་ལས་འགྲུབ་པའོ། །དཀར་སྔོ་ཆོས་ཉིད་ཞི་བ་ལས་འགྱུར་བ་མེད་པའོ། །དཀར་ལྗང་གིས་ཞི་བ་ལས་ཚང་བར་མཛད་པའོ། །སྐུ་སེར་ནག་གིས་དྲག་པོ་དང་རྒྱས་པའི་ལས་འབྱུང་བའོ། །དམར་ནག་གིས་དབང་དང་དྲག་པོའི་ལས་འགྲུབ་པའོ། །སྔོ་ནག་ཆོས་ཉིད་འགྱུར་བ་མེད་པ་སྟེ་དྲུག་པོ་མི་འགྱུར་བའོ། །ལྗང་ནག་འཕྲིན་ལས་སྣ་ཚང་བས་མི་འགྱུར་བའོ། །སྨུག་ནག་ནི་དབང་དྲག་གི་ལས་འགྲུབ་པའོ། །དམར་སེར་ནི་རྒྱས་པའི་ལས་དེས་དབང་དུ་སྡུད་པའི་རྟགས་སོ། །སེར་ལྗང་ནི་རྒྱས་པའི་ལས་སྣ་ཚོགས་མཛད་པའོ། །དམར་ལྗང་ནི་དབང་གི་ལས་སྣ་ཚོགས་མཛད་པའོ། །ཕྱག་མཚན་གྱི་རྣམ་པ་ལ་རྡོ་རྗེ་རྩེ་ལྔའི་དོན་ཡེ་ཤེས་ལྔའི་དོན་ཐུགས་སུ་ཆུད་པའི་རྟགས་ཀྱི་ཕྱག་མཚན་ནི། ཁ་ཊ༷་ག་རྩེ་གསུམ་ནི་བདུད་ལས་རྒྱལ་བའི་རྟགས་སོ། །ལྕགས་ཀྱུ་བསྣམས་པ་ནི་འཁོར་བ་ནས་འདྲེན་པ་དང་། དགྲ་བགེགས་འགུགས་པའི་རྟགས་སོ། ཁུ་ཞགས་ནི་འཁོར་བར་སེམས་ཅན་མི་གཏོང་བ་དང་། །གནས་ནས་འདྲེན་པའི་རྟགས་སོ། །ཞིང་ཆུང་གི་དབྱུག་པ་བསྣམས་པས་ཉོན་མོངས་པ་ཕྲ་མོ་འཇོམས་པའི་རྟགས་སོ། །དུང་དམར་གྱིས་བཀང་བ་ཞལ་དུ་གསོལ་བ་དང་སྟོབ་པ་ནི་འཁོར་བ་ཉོན་མོངས་པ་ཟད་པར་བྱ་བའི་རྟགས་སོ། །ཏྲི་ཤཱ་ལ་ཐོགས་པས་སྐུ་གསུང་ཐུགས་ཀྱི་དོན་བསྟན་པའི་རྟགས་སོ། །གཤིན་རྗེ་མ་ཏང་རོ་དབྱུག་ཐོགས་པ་ནི་འཁོར་བ་ཉིད་ཀྱིས་ཉིད་འཇོམས་པའི་རྟགས་སོ། །འཁོར་ལོ་བསྐོར་བ་ནི་སྲིད་པ་གསུམ་ལ་དབང་བྱེད་པ་དང་། ཉོན་མོངས་པ་གསོད་པའོ། །དགྲ་་ན་ཐོགས་པས་དགྲ་བགེགས་ག་ས་པ་དང་། །ཉོན་མོངས་པ་འབྲལ་བའོ། །ལྷ་ཆེན་པོ་རྡོ་རྗེ་ཕྱག་ན་བསྣམས་པ་ནི་དྲེགས་པ་ཅན་འཇོམས་པའོ། །རལ་གྲི་ཐོགས་པ་ནི་ཤེས་རབ་མ་ཡིན་པ་དང་། ཉོན་མོངས་པ་གཅོད་པ་ལ་ཐོགས་པ་མེད་པའོ། །ཐོད་འཕྲེང་ཐོགས་པ་ནི་འཁོར་པ་ཟད་པ་མེད་པ་འདྲེན་བའི་རྟགས་སོ། །ཁྲམ་བམ་བསྣམས་པ་ནི་སྐྱེ་འགྲོའི་ཚེ་དང་སྲོག་དབང་མཛད་པའི་རྟགསསོ། ༩༑་རྡེའུ་བསྣམས་པ་ནི་ལེགས་ཉེས་སྟངས་རྩི་བ་དང་སྐྱེ་འགྲོའི་ཚེ་སྲོག་ལ་རྩིས་བྱེད་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ལྷ་རྣམས་ཀྱི་སྐུ་མདོག་དང་། ཕྱག་མཚན་དང་། བཞུགས་ཚུལ་གྱི་རྣམ་དག་བསྟན་པ་སྟེ་བཅོ་བརྒྱད་པའོ།། །།རྡོ་རྗེ་འཛིན་པས་ཡང་ཞུས་པ། །ལྷ་རྣམས་དེ་དག་ཐམས་ཅད་ཀྱི། །རྒྱན་དང་ཆས་དང་གདན་དང་བཞུགས་ཚུལ་དང་། ཞེས་པས། གཤིན་རྗེ་གཤེད་པས་གསུངས་པ་ནི། །ལྷ་རྣམས་དེ་དག་ཐམས་ཅད་ཀུན། །དུར་ཁྲོད་རྒྱན་ཆས་རྒྱན་དང་ལྡན། །སོ་སོར་རང་རང་གདན་ལ་བཞུགས། །གཡས་བསྐུམ་གཡོན་ནི་བརྐྱང་ནས་བཞུགས། །གཏི་མུག་མ་སྤངས་གནས་སུ་དག །གླང་ཆེན་ཀོ་རློན་སྐུ་སྟོད་གསོལ། །ཞེ་སྔང་མ་སྤངས་གནས་སུ་དག །སྤྲུལ་རིགས་ལྔ་ཡིས་བརྒྱན་པའོ། །འདོད་ཆགས་མ་སྤངས་གནས་སུ་དག །སྟག་གི་པགས་པས་སྐུ་སྨད་གཡོགས། །ང་རྒྱལ་མ་སྤངས་གནས་སུ་དག །ཞིང་གི་གཡང་གཞི་སྐུ་སྟོད་གཡོགས། །ཕྲག་དོག་མ་སྤངས་གནས་སུ་དག །ཐོད་པ་ཚར་གསུམ་སེ་རལ་བྱས། །ཐུགས་རྗེ་འགྲོ་བའི་དོན་ལ་ཆགས། །རག་ཏིའི་ཐིག་ལེ་དགུ་ཡིས་བརྒྱན། །དོན་དམ་སེམས་ཅན་སྒྲོལ་བ་ཡི། །ཞག་གི་ཚོམ་བུ་གསུམ་དང་ལྔན། །གང་ལ་གང་འདུལ་འཕྲིན་ལས་མཛད། །ཐལ་ཆེན་ཟོ་རིས་བཅོ་ལྔས་བརྒྱན། །བར་ཆོད་བགེགས་ཀྱིས་མི་ཚུགས་མེ་འོད་འབར། །བདག་གིས་ཐུན་མོང་ཁྱད་པར་ལྡན། །ལས་ཀྱི་གཤིན་རྗེ་གདུལ་ཕྱིར་གཙོ་བོའི་གདན། །གོང་ན་ཆེ་བ་མེད་ཕྱིར་མ་ཧེ་གདན་དུ་བཏིང་། །རུ་དྲ་གདུལ་ཕྱིར་ཡ་མ་ར་ཛུ་གདན་དུ་གཏིང་། །མུ་སྟེགས་གདུལ་ཕྱིར་མྱོས་བྱེད་འབར་བའི་གདན་དུ་བཏིང་། །སྲིན་མོ་གདུལ་ཕྱིར་ཨུརུ་མ་རུ་ཅེའི་གདན་དུ་གཏིང་། །གནོད་སྦྱིན་གདུལ་ཕྱིར་རལ་པ་ཚར་དགུའི་གདན་དུ་གཏིང་། །ཕྱོགས་སྐྱོང་ཆེ་བ་བསྒྱུང་བ་དང་། །དེ་ཡི་འཁོར་ཀུན་དབང་དུ་བསྡུ་བའི་ཕྱིར། །སྲིན་པོ་བཅུ་གདན་དུ་གཏིང་བར་བྱ། །ཐབས་ཀྱི་རོལ་པས་བསམ་ཡས་ཉི་མའི་གདན། ཁེས་རབ་རོལ་བས་མཐའ་ཡས་ཟླ་བའི་གདན། །ཆགས་པའི་སྐྱོན་དང་བྲལ་བས་པདྨའི་གདན། །ནང་གི་ཡོན་ཏན་ཕྱི་རུ་བསྟན་པའོ། །གཡས་པ་བསྐུམ་པའི་བཞུགས་ཚུལ་གྱིས། །ཆོས་ཉིད་ཐུགས་སུ་ཆུད་པའི་རྟགས། །གཡོན་པ་བརྐྱང་བའི་བཞུགས་ཚུལ་གྱིས། །སེམས་ཅན་མ་ལུས་དོན་མཛད་རྟགས། །ཞེས་གསུངས་སོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། རྒྱན་ཆ་དང་། གདན་དང་། བཞུགས་ཚུལ་གྱི་ལེའུ་སྟེ་བཅུ་དགུ་པའོ།། །།རྡོ་རྗེ་འཛིན་པས་ཡང་གསོལཔ། །གཤིནརྗེགཤེད་པོ་ཁྱེད་ཀྱི་འཁོར། །སྤྱི་དང་ཁྱད་པར་འཕྲིན་ལས་ཀུན། །སོ་སོའི་དམ་དུ་ཇི་ལྟར་བཅའ། །ཞེསཔས། གཤིནརྗེགཤེད་པོས་བཀའ་སྩལ་པ། །གཙོ་བོའི་འཕྲིན་ལས་དབང་དང་ནི། །དཔག་ཏུ་མེད་པ་བསམ་ཡས་སྟོན། །སྤྱི་ཡི་འཕྲིན་ལས་སེམས་ཅན་དོན་དང་ལྡན། །བསྟན་པ་གཤིག་པའི་དམ་ཉམས་སྒྲོལ། །ཁྱད་པར་སོ་སོའི་ཁས་བླངས་པ། །གཤིན་རྗེ་གཤེད་པོའི་སྤྱན་སྔ་མྲ །ཡ་མ་ར་ཛས་ཞེ་སྡང་རྩད་གཅད་དེ། །ཉི་མ་དང་པོ་མགོ་འཁོར་བའི་ལས་བྱ་བར་དམ་བཅས། །མྱོས་བྱེད་འབར་བས་ང་རྒྱལ་རྩད་ནས་གཅད་དེ། ཉི་མ་གཉིས་པ་ལ་ཡིད་འཁྲུག་པར་དམ་བཅས། ཨུརུ་མ་རུས་འདོད་ཆགས་རྩད་གཅད་དེ། ཉི་མ་གསུམ་པ་རྒྱལ་བའི་ལས་བྱ་བར་དམ་བཅས། རལ་པ་ཚར་དགུས་ཕྲག་དོག་རྩད་གཅད་དེ། ཉི་མ་བཞི་པ་ལ་དགྲ་བོ་དེ་གསད་པར་དམ་བཅས་པའོ། །བདུད་འཇོམས་ཀྱིས་སྲིད་པའི་སྐོས་གདབ་པར་དམ་བཅས། ཀོང་རྩེ་བྲག་འཇོམས་ཀྱིས་སྲིད་པའི་ཆོ་འཕྲུལ་གཏང་བར་དམ་བཅས། ཨ་བ་གླང་མགོས་བྲན་དུ་དམ་བཅས། ཡ་བ་ཏིས་སྤྲུལ་པའི་ལྟས་ངན་གཏོང་བར་དམ་བཅས། ཕྱ་སངས་ཀྱིས་སྲིད་གསུམ་གྱི་བྱ་ར་བྱ་བར་དམ་བཅས། །སྨིག་པས་སྲིད་པའི་བླ་འགུགས་པར་དམ་བཅས། །ཏེལ་བས་སྲིད་པའི་དབུགས་འཕྲོག་པར་དམ་བཅས། ལྷ་མཆོག་དུད་ཁས་སྲིད་པའི་མདངས་འཕྲོག་པར་དམ་བཅས། ཆོས་ཀྱིས་རྒྱ་པོས་སྲིད་པའི་སྲོག་འཕྲོག་པར་དམ་བཅས། མིག་དམར་གྱིས་སྲིད་པ་ཁྲམ་ལ་གདབ་པར་དམ་བཅས་ཏེ། དེ་རྣམས་ཀྱིས་དམ་བཅས་པ་དེ་ཡང་སྲིད་བ་གཞན་མ་ཡིན་ཏེ། སངས་རྒྱས་ཀྱི་བསྟན་པ་འཇིག་པ་དང་། དམ་ཚིག་ལ་མི་གནས་པ་ལ་ཁྱེད་ཀྱིས་ཁྱད་པར་དུ་ལས་དེས་དབང་དུ་བགྱིས་པ་ལས། གཞན་ལ་གནོད་པ་མ་བྱེད་ཅེས་འཁོར་རྣམས་ལ་དམ་དབོག་གོ །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་རྣམས་ཀྱི་སྤྱི་དང་ཁྱད་པར་གྱི་ལས་བྱ་བར་ཁས་བླངས། གཙོ་བོས་དམ་ཕོག་པའི་ལེའུ་སྟེ་ཉི་ཤུ་པའོ།། །།རྡོ་རྗེ་འཛིན་པས་ཡང་ཞུས་པ། །གོང་དུ་བསྟན་པའི་ལས་དེ་དག །བསྙེན་པ་ཞེས་སུ་ཁྱོད་ཀྱིས་བཤད། །སྒྲུབ་པའི་ལས་ལ་སྦྱོར་དུས་སུ། །ཉེ་བ་བསྙེན་པ་ཇི་ལྟར་བྱ། །ཞེས་པས། གཤིན་རྗེ་གཤེད་པོས་བཀའ་སྩལ་པ། ཉེ་བར་བ་སྙེན་པ་བྱ་བ་ཡང་། །གནས་དང་ཆོ་གའི་རིམ་པ་ཡང་། །ལས་གཞུང་ཆེན་པོ་བལྟ་བར་བྱ། །བཟླས་པའི་རིམ་པ་འདི་ལྟར་བྱ། །ཡ་མ་མེ་ཏ་ཀྟ་རྭ་ཛ་ས་ཏོ་རུ་ན་ཡོ་ནི་ར་ཡ་ཙ་ནི། ཞེས་པའི་གསང་སྔགས་བཟླས་པ་ནི། །བདག་ཉིད་ཡ་མརྙ་ཀར་བསྒོམ། །ཐུགས་ཀའི་སྔགས་ཀྱི་འཕྲེང་བ་དེ། །ཉི་ཟླའི་ཡེ་ཤེས་སེམས་དཔའ་དེ། །ཐུགས་ཀའི་རྡོ་རྗེའི་ལྟེ་བ་ལས། ཡིག་མགོ་ཕྱི་རུ་བསྟན་བྱས་ལ། །བཟླས་པའི་ཡི་གེའི་འཕྲེང་བ་དེ། །ལྕེ་ཡི་སྟེང་དུ་བསམ་བྱས་ལ། །གསང་སྔགས་དེ་ཉིད་བརྗོད་ཙམ་ན། །བདག་ཀྱང་གཙོ་བོར་གསལ་བྱས་ལ། །སྔགས་ལས་འོད་འཕྲོས་ཐུགས་ཀ་དང་། །ལྕེ་ཡི་སྟེང་དུ་འཕྲོ་བར་བསམ། །སྔགས་ཀྱི་འོད་ཀྱིས་དུས་གསུམ་གྱི། །རྒྱལ་བ་རྒྱ་མཚོའི་ཐུགས་དམ་བསྐུལ།བདག་ལ་དངོས་གྲུབ་གསོལ་བ་དང་། །དབང་བསྐུར་བ་དང་བྱིན་གྱིས་རློབས། །སྔགས་ཀྱི་འོད་ཀྱི་བྱིན་རླབས་ཀྱིས། །གཤིན་རྗེའི་འཁོར་ཚོགས་ཐུགས་དམ་བསྐུལ། །གང་ལ་བྱ་བའི་ལས་དེ་འགྲུབ། །ལས་ཀྱི་གཤིན་རྗེ་དབང་མེད་བཀུག །གང་ལ་བྱ་བའི་ལས་དེ་ལ། །ཐོགས་ཆགས་མེད་པར་བྱེད་པར་བསམ། །སྲིད་པའི་ལྷ་སྲིན་སྡེ་བརྒྱད་དང་། །ལས་ཀྱི་གཤིན་རྗེའི་འཁོར་ཡིན་པས། །གང་ལ་བྱ་བའི་དགྲ་བགེགས་ལ། །འཆིང་དང་འཛིན་དང་སྲོག་གཅོད་དང་། ཁྲ་ཟ་ཁྲག་འཐུང་རུས་པ་འཆའ། །མེད་དང་རྡུལ་དུ་རློག་པར་བྱེད། །དེ་ལྟ་བུ་ཡི་ཏིང་འཛིན་གྱིས། །ཁྲི་ཁྲི་སྨྲ་བ་བཅད་པ་ཡི། །འབུམ་དང་བྱེ་བ་ཐོན་པ་དང་། །ཉེ་བར་བསྙེན་པ་བྱ་བ་སྟེ། །སྒྲུབ་པ་ལ་འཇུག་གོང་དུ་ནི། །འཁོར་ལོ་བསྐོར་ཁར་ཁྲི་ལམ་འབུམ། ཁེན་ཏུ་བསྒྲིམས་ཏེ་བཟླས་པར་བྱའོ། །སྔགས་ཀྱི་གྲངས་ཐིམ་པ་དང་། །སྔགས་ཀྱི་ནུས་པ་ཐོབ་པ་དང་། །མཚན་མ་མ་ནོར་བྱུང་བ་དང་། །འཁོར་ལོ་བསྐོར་སྔགས་འདི་ནི། །ཉིན་ཞག་ཕྲུགས་གཅིག་བར་དུ་བསམ། །སྐད་ཅིག་མ་ཡེངས་ཐང་ཅིག་གམ། །བར་མ་ཆད་པར་གསལ་ལ་བཟླས། །ཡ་མ་སྟེ་ཏེ་མེ་ནི་ཙི་ཡ་ར་ནི་ཡོ་ན་རུ་ཏོ་ས་རྭ་ཛ་ར། ཞེས་པས་ནི། །གསང་བར་བྱེད་པའི་སྔགས་སོ། །རོ་ནི་ལྡང་བ་མི་སྲིད་དེ། །ལངས་པ་ཞེས་ཀྱང་བྱ་བ་ཡི། །སྔགསསུགཤིནརྗེགཤེད་པོས་གསུངས། །བཟླས་པ་སྔས་ན་སྔགས་པ་འཆི། །བཟླས་ཀྱང་འབྲས་བུ་མེད་པའོ། །སླར་ལ་གསང་སྔགས་བཟློག་པར་འགྱུར། །དེས་ན་བསྙེན་པ་འབད་པར་བྱ། །བསྙེན་པ་མ་གྲུབ་མ་ཐོབ་པར། །བསྒྲུབ་དང་ལས་ལ་སྦྱར་བ་ནི། །གཅེར་བུ་རལ་ཀ་བྱས་པ་འདྲ། །དེ་ནས་བསྙེན་པའི་གསང་སྔགས་ཏེ། །ཐེ་ཙོམ་མེད་པར་མང་དུ་ཐོན། །བསྙེན་པ་ཞེས་སུ་གསུངས་པ་ཡང་། །ལྷ་ཡི་སྐུ་གསུངས་ཐུགས་དང་ནི། །རྣལ་འབྱོར་ལུས་ངག་ཡིད་གསུམ་བསྙེན། །བསྙེན་པ་ཞེས་ནི་དེ་ལྟར་ཡིན། །ལྷ་ཡི་སྐུ་གསུང་ཐུགས་དང་ནི། །བདག་གི་ལུས་ངག་ཡིད་གསུམ་བསྙེན། བསྒྲུབ་པ་བྱ་བའི་མཚན་ཉིད་ཀྱང་། །དེ་ལྟར་ཤེས་པར་བྱས་ལ་སྒྲུབ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། བསྙེན་པ་དང་། ཉེ་བསྙེན་དང་། བསྒྲུབ་པའི་ངེས་ཚིག་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །།གཤིན་རྗེ་གཤེད་པོ་ཉིད་ཀྱིས་ཀྱང་། །བདག་ལ་བསྟན་པ་བསྲུང་པར་ཁས་བླངས་པ། །ཉིད་ཀྱི་དམ་བཅའ་ཞལ་ནས་གསུངས། །ཐུགས་དམ་དབང་གིས་འདི་གསུངས་སོ། །ལྔ་བརྒྱ་ཐ་མ་དུས་ཀྱི་སྙིགས་མ་ལ། །དུས་ངན་ལས་ངན་སྤྱོད་པའི་ཚེ། །རིགས་འཛིན་ཀུན་ཀྱང་དངོས་གྲུབ་ཡལ། །གཤིན་རྗེ་ཐར་བྱེད་གང་ཟློས་པ། །ང་ནི་དེ་ལ་ཐུགས་བརྩེ་འོ། །དགེ་བཅུ་དག་ཀྱང་ནུབ་པའི་ཚེ། །འདི་ཡི་ཆོས་རྣམས་འཕེལ་བར་བྱེད། །དམ་ཚིག་ཉམས་པ་མང་བའི་ཚེ། །ང་ཡི་བསྟན་པ་སྲུང་བར་བྱེད། །གོས་ངན་རེ་བ་གྱོན་པའི་ཚེ། །ཟས་ངན་ལྕི་བ་ཟ་བའི་དུས། །དེ་ཚེ་ང་ཡི་དངོས་གྲུབ་བྱིན། །ང་ནི་དུས་གསུམ་མངོན་དུ་བྱུང་། །ང་ནི་ད་ལྟ་མངོན་པའི་ལྷ། །ང་ནི་དུས་གསུམ་ཕྱིས་ཀྱང་འབྱུང་། །སུ་ཞིག་ང་ལ་གང་སྒོམ་པ། །སུ་ཞིག་གང་ལ་གང་མཆོད་པ། །དཀྱིལ་འཁོར་ཐམས་ཅད་འགྲུབ་པར་འགྱུར། །མདོར་ན་འཕྲིན་ལས་རྣམ་བཞི་འགྲུབ། །འཕགས་པའི་ནང་ནས་འཇམ་དཔལ་ཉིད། །ལྷ་མོའི་ནང་ནས་འོད་ཟེར་ཅན། །འདི་གཉིས་མ་གཏོགས་དངོས་གྲུབ་གཞན། །རིགས་འཛིན་ཀུན་ཀྱང་དངོས་གྲུབ་ཡལ། །ཁྲོ་བོའི་རྒྱལ་པོ་འདི་ཡིས་ནི། །དང་པོ་འདས་དང་ད་ལྟར་གྱིས། །ཕྱིས་ནི་འབྱུང་བ་གང་ཡང་མེད། །དགྲ་བོའི་སྟོང་དང་འབུམ་ཡང་རུང་། །དེ་མ་ཐག་ཏུ་གསོད་པར་བྱེད། །ཇི་སྟེ་དགྲ་བོ་མང་སོད་ན། །ཁྲག་གིས་ཆར་ཡང་འབེབས་པར་བྱེད། །ཅེས་དམ་བཅས་ནས། ཐུགས་དམ་ལས་མི་འདའ་བར་སྔགས་འདི་ཡང་བཟླས་སོ། །ཨོ་སམཡམཉུ་གྲི་ཡ་བཱན་ཏ་ཀ་པརྩི་ཏེ་རོ་ནི་ར་ཧུ༷་ཛ་ཛ། ཞེས་པའོ། །གཤིན་རྗེ་གཤེད་པོ་ཉིད་ཐུགས་དམ་ལས་མི་འདའ་བར་ཞལ་གྱིས་བཞས་པའི་ལེའུ་སྟེ་ཉི་ཤུ་གཉིས་པའོ།། །།རྡོ་རྗེ་འཛིན་པས་གསོལ་བ་ནི། །བསྙེན་པ་བྱ་ཐབས་དེ་ལགས་ན། །བསྒྲུབ་པ་བྱ་ཐབས་བཤད་དུ་གསོལ། །ཅེསབྱསྟེ། གཤིནརྗེགཤེད་པོས་བཀའ་སྩལ་པ། །བསྙེན་པ་དེ་ལྟར་བྱས་ནས་ཀྱང་། །བསྙེན་པའི་གཏོར་མ་བཏང་བ་དང་། །མ་བཏང་བ་ཡིས་རིམ་པ་ཡིས། །བསྙེན་པ་མཎྜལ་ས་ཚོན་ཕྱག །ཆག་ཆག་རྣམ་པ་གསུམ་ཀྱང་གདབ། །ཧུ༷། རྡོ་རྗེ་དྲི་ཆེན་ཆགས་ཆག་འདི་བཏབ་པས། །ཆོས་ཀྱི་དབྱིངས་ཀྱི་རང་བཞིན་ཏེ། །སྣང་བྱེད་ཀུན་གྱི་རང་བཞིན་ཏེ། །སྟོང་པ་ཉིད་ཀྱི་སྐུ་རུ་གསལ། །རྡོ་རྗེ་དྲི་ཆེན་དྲི་ཆུ་ཡིས། །གསང་བའི་མཎྜལ་ཆག་ཆག་གདབ། །མ་ཧྭ་བ་སུ་ཏ་གུ་རྒྱ་མཎྜལ། དེ་ནས་བྱང་ཆུབ་སེམས་ཀྱི་ཆག་ཆག་གདབ་པ་ནི། །མ་ནོར་བྱང་ཆུབ་སེམས་ཀྱི་རང་བཞིན་ལ། །གཟི་བྱིན་དོན་དམ་ཐིག་ལེ་ཆེ། །ཁྱབ་བརྡལ་བྱང་ཆུབ་སེམས་ཀྱི་ངོ་བོའོ། །གསང་བའི་མཎྜལ་ཆག་ཆག་འདེབས། །ཨོ་བོ་དྷི་ཙིསྟ་གུ་རྒྱ་ས་མ་ཡ་མཎྜམ་ཧུ༷། དེ་ནས་རཀྟའི་ཆག་ཆག་གདབ་པ་ལ། །ཧུ༷། ཤེསརབ་ཡུམ་གྱི་རཀྟ་འདི། །ཐམས་ཅད་བསྐྱེད་པའི་རྒྱུ་ཡིན་ཏེ། །ཁམས་གསུམ་དབང་དུ་སྡུད་པའི་ཕྱིར། །གསང་བའི་མཎྜལ་ཆག་ཆག་འདེབས། །རག་ཏ་གུ་རྒྱ་ས་མ་ཡ་མཎྜལ་ལ་ཧུ༷། ཞེས་པས་མཎྜལ་ཆག་ཆག་བཏབ་ལ། ཐིག་གདབ་ནི། གཤིན་རྗེ་གཤེད་པོ་ཡབ་ཡུམ་གྱི་སྦྱོར་མཚམས་ནས། ལས་མཁན་ཁྱེའུ་ཆུང་སྔོན་པོ་བྱུང་། ལག་པ་གཡས་གཡོན་ཉི་ཟླའི་དལ་དུ་བསམ་ལ། ཐིག་སྐུད་བཀལ། ཧུ༷། འཇམ་དཔལ་སྐུ་ཡི་དཀྱིལ་འཁོར་དུ། །དུར་ཁྲོད་འབར་བའི་གཞལ་ཡས་སུ། །གདུག་པའི་ཚོགས་རྣམས་མ་ལུས་བསྒྲལ་སླད་དུ། །བྱང་ཆུབ་ཕོ་བྲང་གཞལ་ཡས་ལྷུན་གྱི་གྲུབ། །ཨོ་ཙྭ་ན་ཙཀྲ་མཎྜལ་ལ་ཧུ༷། ཞེས་པས། སྟེང་འཁོར་ལོའི་དཀྱིལའཁོརདུགཤིནརྗེའི་ལྷ་ཚོགས་ཀྱིས་གཏམས་པར་བསམ་མོ། །ཡེ་ཤེས་ཀྱི་ཐིག་བཏབ་པའོ། །ལས་ཀྱི་ཐིག་བཏབ་པ་ལ། ཐིག་སྐུད་རཀྟས་སྦྱངས་ལ། ཧཱུཾ་འཇམ་དཔལ་སྐུ་ཡི་དཀྱིལ་འཁོར་དུ། །དུར་ཁྲོད་འབར་བའི་གཞལ་ཡས་སུ། །འདུག་པའི་ཚོགས་རྣམས་མ་ལུས་བསྒྲལ་སླད་དུ། །ཕོ་བྲང་གཞལ་ཡས་ལྷུན་གྱིས་གྲུབ། །གཤིན་རྗེའི་ཕོ་བྲང་བཞུགས་གནས་དོར། །མ་་ཧྭ་རཀྟའི་ས་ཐིག་གདབ། །ཡེ་ཀརྨ་ཙ་ཀྲ་མཎྜལ་ཧཱུཾ། འོག་ཕྱོགས་ཀྱི་མཎྜལ་དུ་སལ་གྱིས་བྱུང་བར་བསམ་མོ། །གནམ་ཐིག་བཏབ་པའོ། ཎྜལ།ས་ཐིག་གདབ་པ་ཡང་བདག་ཡ་མྱན་ཏ་ཀར་བསྒོམས་ལ། སློབ་མ་ཁྱེའུ་ཆུང་སྔོན་པོར་བསྒྱུར་ལ་གདབ་པོ། །མཉུ་ཤི་སྤུ་ཏི་ཀ་ལ་ཧུ༷། བྱ་བ་ཡིས་གདབ་སྟེ། ཚངས་ཐིག་ཟུར་ཐིག་འགྲུས་མེད་གདབ། །ཚངས་པའི་ཐིག་གཡས་གཡོན་ལ། སོར་ལྔ་པ་ལ་ལྟ་བ་བྱ། །སོར་གསུམ་པ་ལ་རྡོ་རྗེས་བསྐོར། །མཛུབ་གང་བཏབ་ལ་རྩིབས་བཞི་བྱ། །སོར་གཉིས་པ་ལ་ཐོད་པ་གཏང་། །མཛུབ་གང་བ་ལ་རྩིབས་བཅུ་དྲུག །སོར་གཉིས་པ་ལ་ཐོད་ཚར་བཏང་། །སོར་གཅིག་པ་ལ་གྲུ་ཆད་བཏང་། །སོར་ལྔ་པ་ལ་ལྷ་སྣམས་བྱ། །སོར་བཞི་པ་ལ་སྒོ་ཁྱུད་བྱ། །སོར་གསུམ་པ་ལ་སྒོ་ལོགས་བྱ། །སོར་གཉིས་སྒོ་ཡི་ཡ་ཕུབས་བྱ། །སོར་བཞི་མེ་རི་ལྕགས་རི་བྱ། །སྒོ་རྒྱན་ལ་སོགས་བྱེད་པ་ལ། །སྤྱི་ཡི་སྐལ་ལས་བསྟུན་ལ་བྱ་བའོ། །ཐིག་ཀྱང་ལོགས་པར་སྤྱི་ལྟར་གདབ། །འདོད་ཡོན་ཕ་གུ་དྲུ་བ་དང་། །དྲུ་ཕྱེ་དར་བུ་ཁ་ལ་སོགས། །དེ་ལ་སོགས་པའི་རྒྱན་ཆ་དང་། །རྟ་བབས་གདུགས་དག་ཆོས་ཀྱི་འཁོར་ལོའོ། །ཀ་བ་ཟླ་ཕྱེད་རི་དྭགས་དང་། །མཛེས་པའི་རྒྱན་གྱིས་སྤྲས་པ་ཡི། །མཎྜལ་འདོམ་གང་མཐོ་གང་ལ། །མཁས་པས་ཐིག་དེ་གདབ་པའོ། །དེ་ནས་ས་ཚོན་བྲི་བར་བྱ། །དབུས་སུ་ཟླ་ཁམ་དམར་པོ་བྱའོ། །འཁོར་ལོ་རྩིགབས་བཞི་རིགས་དང་བསྟུན། །བཅུ་གཉིས་འཁོར་ལོ་དམར་པོར་བྱའོ། །བཅུ་དྲུག་འཁོར་ལོ་སེར་པོ་བྱ། །རྩིབས་མཚན་ཐམས་ཅད་སྔོན་པོའམ། །ཡང་ན་རིགས་དང་སྦྱར་བ་བྲི། །རྡོ་རྗེ་དྭ་བ་ཐོད་པའི་མཚོན་དང་ནི། །ཅི་རིགས་པར་ནི་བྲི་བར་བྱ། །ལྷ་རྣམས་སེར་དང་ཕྱོགས་དང་བསྟན། །སྒོ་བཞི་ཕྱོགས་དང་བསྟན་པ་བྱ། །སྒོ་རྒྱན་ལ་སོགས་ཅི་མཛེས་བྱ། །ལྕགས་རི་གནག་ལ་མེ་རི་དམར། །དེ་ལྟར་དཀྱིལ་འཁོར་བྲིས་བྱས་ལ། །ལྷ་ཡི་དཀྱིལ་འཁོར་དགོད་པ་ཡང་། །འཁོར་ལོ་རེ་ལ་ཕུར་བུ་རེ། །དབུས་སུ་གཤེད་པོ་ཡབ་ཡུམ་དགོས། །རྩིབས་བཞི་ལས་ཀྱི་གཤེད་པོ་བཞི། །བཅུ་གཉིས་ལས་ཀྱི་རྩིབས་བསལ་བྲི། །རྩིབས་བཅུ་ལ་ནི་འཆི་བདག་བཅུ། །བཅུ་དྲུག་རྩིབས་ལས་གིང་གིས་བསྐོར། །ལྷ་རྣམས་ཕོ་ཉ་གསུམ་པོ་དང་། །དུར་ཁྲོད་ལྕེ་སྤྱང་ལ་སོགས་དགོད། །སྒོ་བ་ཞིར་བསེ་མོ་བཞི་པོ་དགོད། །གྲ་བཞིར་དུར་ཁྲོད་ཀུན་གཟུངས་དགོད། །ལྷ་རྣམས་དགོད་པའི་རིམ་པའོ། །བསྒྲུབ་བའི་རྫས་སུ་བྱ་བ་ཡང་། ཁྲ་སྣ་ཚང་བའི་རྒྱན་བྱས་པའི། །གཏོར་མ་ཆ་གཅིག་ཡེ་ཤེས་ལྷ་ལ་དབུལ། །གཏོར་ཆ་གཅིག་ལས་ཀྱི་གཤིན་རྗེ་ལ། །གཏོར་མ་ཆ་གཅིག་མ་མོ་མཁའ་འགྲོ་ལ། །ཐུགས་དམ་བསྐང་བའི་ཆེད་དུ་བྱ། །ཁྲག་སྣ་སྣ་ཚོགས་མང་པོ་དང་། །མི་ཁྲག་བྷནྟྲ་གང་ཡང་བཞག ཛ་གད་བདུད་རྩི་བྷན་དྷ་གང་། །རྐང་གི་གླིང་བུ་གསུར་གྱི་དུད་པ་དང་། །ཚིལ་ཆེན་མ༷་ས་ཧ་སྟའི་གཡབ་མོ་དང་། །ཞིང་གི་བླ་རེ་ཤ་འཕྲེང་གདགས། ཕུར་བུ་རལ་གྲི་མཐུན་རྫས་བཤམས། །འཁོར་ལོ་དགུ་ཡི་ཚོགས་བྱས་ལ། །མར་གྱི་ཚེས་ལྔ་བསྒྲུབ་ལ་འཇུག །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ལྷ་དགོད་པའི་རྫས་དགྲམ་པའི་ལེའུ་སྟེ་ཉི་ཤུ་གསུམ་པའོ།། །།རྡོ་རྗེ་འཛིན་པས་ཞུས་པའི་དོན། །བསྒྲུབ་པའི་མཎྜལ་བྲིས་པ་དང་། །ལྷ་དགོད་པ་དང་རྫས་བསྟན་ནས། །འཁོར་ལོ་བྲི་བ་ཇི་བཞིན་བྱ། །ཞེས་པས། གཤིན་རྗེ་གཤེད་པོས་བཀའ་སྩལ་བ། །འཁོར་ལོ་བྲི་བའི་ལས་ལ་ཡང་། །དང་པོ་འཁོར་ལོའི་རྒྱུ་བསྟན་པ་དང་། །དྲག་པོ་འཁོར་ལོ་བྱ་བའི་རྒྱུ། །ཕྱི་ལྟར་རོ་རས་དག་ལ་བྱ། །ནང་དུ་ཐོད་པ་མཚན་ངན་ཡིན། །གསང་བར་ཞིང་གི་པགས་པས་བྱ། །རོ་རས་འཁོར་ལོ་བྲི་བ་ལ། །ཀ་ཕྱི་ཏའམ་བ་ཕྱི་གུས། །ལེགས་པར་བགྱངས་ལ་བསྐམ་པར་བྱ། །འཁོར་ལོ་བྲི་བའི་སྣག་ཚ་ཡང་། །བོང་ང་སྤྱང་དུག་བསེ་ཤིང་དང་། །དུག་གི་རྣམ་པ་ཚང་བ་དང་། །མི་ཁྲག་ར་ཁྲག་ཁྱི་ཁྲག་དང་། །ཁྲག་གི་རྣམ་པ་མང་པོ་ཡང་། །སྣག་ཚ་རང་གི་དངོས་པོ་དང་། །སྒོང་ང་བསྲེས་ལ་སྦྱང་བར་བྱ། །གཤིན་རྗེ་གཤེད་པོར་བདག་བསྒོམས་པ། །ཕོ་ཉ་བཏང་ལ་དགྲ་བོ་དགུག །དགྲ་བོ་ཤེས་པ་སྣག་ཚར་བསྟིམ། །གཡོན་བ་བསྡིགས་པའི་མཛུབ་མོས་གནན། །གཡས་བ་བསྡིགས་པའི་མཛུ་བ་མོ་མཉེ། །སྔགས་འདི་བརྗོད་ཅིང་སྣག་ཚ་མཉེས། །ཨོ་ཨ་ཀྲོ་ཏེ་ཀེ་དུ་མན་ཏ་ཀ་ར་ཧུ༷། སྣ་ཚ་ལེགས་པར་ཟིན་པ་དང་། །་སྨྱུ་ གུ་འདི་ཡིས་འཁོར་ལོ་བྲིས། །བྱ་རོག་འུག་པ་ཁུ་ཏ་ཡི། །སྒྲོ་རྩ་སྨྱུག་གུ་ཁ་ལ་གཞུག །སྲིན་ལག་གཉིས་ཀྱིས་སྨྱུ་གུ་གཟུང་། །དབུས་སུ་སོར་ནི་བཅུ་དྲུག་པར། །བསྐོར་བ་ནང་གི་འཁོར་ལོ་ཡིན། །སོར་བཅུ་དྲུག་པ་དེ་ཡང་ ཚངས་པ་ཐིག་གི་གཡས་གཡོན་ལ། །སོར་བརྒྱད་བསྐོར་བ་བྱས་ནས་ཀྱང་། །ཚངས་ཐིག་གཡས་གཡོན་ཆ་མཉམས་ལ། །ཐིག་བཞི་གདབ་པའི་ལིང་ཚེ་དགུ། །དབུས་ཀྱི་ལིང་ཚེ་གྲུ་གསུམ་གནག །ཕྱོགས་བཞིའི་ལིང་ཚེ་འཁོར་རྩིབས་བཞི། །དེ་ནས་སོར་བཞི་ཟླུམ་པོར་བསྐོར་བྱས་ལ། །དེ་ནས་བཅུ་གཉིས་འཁོར་ལོ་བྱའོ། །དེ་ནས་སོར་བཞི་ཟླུམ་བོར་བསྐོར་བྱས་ལ། །དེ་ལ་བཅུ་དྲུག་འཁོར་ལོ་བྱའོ། །དེ་ནས་སོར་ཚད་བརྒྱདབཏངལ། །གཤིནརྗེའིགཟུགས་ཀྱང་མཛེས་བྱས་ནས། །དེ་ལྟར་འཁོར་ལོའི་ས་བཅད་ནས། །སྔགས་ཀྱི་རིམ་པ་དགོད་པ་ནི། །འཁོར་ལོའི་དབུས་སུ་ཡ་བཀོད་ལ། ་ར་གྱི་ལིང་ཚེར་མ་བྲིས་ལ། །ལྷོ་ཡི་ལིང་ཚེར་མེ་ཡང་བྲི། །ནུབ་ཀྱི་ལིང་ཚེར་ད་ཡང་བྲི། །བྱང་གི་ལིང་ཚེ་སྟེ་ཡང་བྲི། །མཚམས་ཀྱི་ལིང་ཚེ་བཞི་བོ་དེ། །ལིང་ག་བཞག་པའི་གནས་སུ་བྱའོ། །ཕྱིར་རོལ་འཁོར་ལོ་བཅུ་གཉིས་ལ། །་དང་པོ་ཤར་ནས་བརྩམས་པ་ལ། །རྩིབས་རེར་ཡི་གེ་རེ་རེ་བྲི། །རྭ་ཛ་ས་ཏོ་རུ་ན་ཡོ་ན་ར་ཡ་ཙ་ནི། ཞེས་པའི་ཡི་གེ་བཅུ་གཉིས་དགོད། །དེ་ཡི་ཕྱིར་རོལ་འཁོར་ལོ་བཅུ་དྲུག་ཏུ། །ཧྲི་ཏིའི་སྔགས་དང་བསྒྲུབ་བྱ་ཡི། །མིང་རུས་བཅས་པ་སྤེལ་ལ་བྲི། །ཕོ་བསྐོར་བཞིན་དུ་མོ་བསྐོར་ཡང་། །འཁོར་ལོ་བྲི་བ་བྱས་ནས་ནི། །མོ་ཡི་གཟུགས་ཀྱང་བྱས་ནས་སུ། །ཡི་གེ་ཕྱིན་ཅི་ལོག་ཏུ་བྲི། །དེ་ལྟར་བྲིས་བ་ཡབ་ཡུམ་གྱི། །འཁོར་ལོ་ཡི་གེ་འགྲིག་པར་འགྱུར། །འཁོར་ལོ་ཡི་གེ་མ་འགྲིག་ན། །ཡབ་ཡུམ་ཆོ་རོལ་སོང་བས་ན། །འབྲས་བུ་མེད་ལ་རླག་པར་འགྱུར། །དེས་ན་འགྲིག་པར་བྱ་བ་གཅེས། །འགྲིག་པར་བྱ་བའི་ཐབས་སུ་ནི། །འཁོར་ལོ་བྲི་བའི་གཞི་མ་སྟེ། །མཆུ་དང་ཞེང་མཉམ་འདྲ་བྱས་ལ། །འཁོར་ལོ་བྲི་བའི་རང་ནས་ནི། །ཟླུམ་པོ་ཐིག་གིས་བསྐོར་ཙམ་ན། །རིམ་པ་རེ་རེ་བསྐོར་བསྐོར་བའི། །ཕོ་ཡི་འཁོར་ལོ་བྲི་བ་ནི། །སྣག་ཚ་མ་བསྐམས་རློན་པ་དེ། །མོ་ཡི་འཁོར་ལོ་དེ་ལ་སྦྱར། །སྣག་ཚ་གོས་པའི་ཤུལ་དེ་ནི། །དེ་ནས་རི་མོ་དོད་པར་བྲི། །ཕོའི་ཟླུམ་པོ་རེ་རེ་སྐོར་ཙམ་ན། །ཕོགས་རེ་དག་ལ་མོ་ཡི་འཁོར་ལོ་སྦྱར། །ཡི་གེ་རེ་ལ་ཕོགས་རེ་སྦྱར། །སྣག་ཚ་མ་བསྐམས་པར་བྱས་ལ། །སྣག་ཚ་གོས་ཤུལ་ལེགས་པར་བྲི། །དེ་ལྟར་བྱས་པའི་སྦྱར་བ་ཡིས། །འཁོར་ལོའི་རེ་ག་རེ་ག་མཉམ། །ཡིག་འབྲུ་ཡིག་འབྲུ་མཉམ་པ་ལ། །ཡ་དང་ཡ་ཡི་བར་དང་ནི། །ཛ་དང་ཛ་ཡི་བར་དང་ནི། །འཁོར་ལོའི་བར་དུ་དགྲ་ཡི་མིང་རུས་གཞུག །འཁོར་ལོ་རང་ལ་ལྡོག་པར་འགྱུར། །དེ་ལྟར་འཁོར་ལོ་བཅས་པ་དང་། །དགྲ་ཡི་གཟུགས་དང་མིང་རུས་ལ། །དགྲ་བོ་དགུག་ཅིང་ལྷ་དང་དབྲལ། །གུ་གུལ་དུད་པས་པར་བྱ། །དེ་ནས་གཤིན་རྗེའི་ལྷ་ཚོགས་ལ། །མཚན་ནས་བརྗོད་ཅིང་ཕྱག་ཀྱང་འཚལ། །གཤིན་རྗེ་གཤེད་པོ་ཁྱེད་ཀྱི་བཀའ། །གསང་སྔགས་བདེན་པའི་བྱིན་བརླབས་ཏེ། །བདག་གིས་ཡོངས་སུ་འགྲུབ་གྱུར་ཅིག །བདག་གི་དགྲ་བོ་ལས་ངན་འདི། །གཤིན་རྗེའི་རྒྱལ་པོ་འཁོར་བཅས་ཀྱི། །དུས་འདི་ཚེ་ན་ཤོ་ར་རེ། །དམ་ཚིག་ཆེན་པོ་དུས་ལ་བབ། །དེ་ནས་འཁོར་ལོ་བཅས་པ་དང་། །བཞི་དུག་ཤིང་བཞི་བརྒྱངས་ལ། །ཕོ་ཡི་འཁོར་ལོ་ཡས་འཕྱང་བ། །མོ་ཡི་འཁོར་ལོ་མས་དགྲམ་བྱ། །མཚམས་བཞི་ལིང་ཚེ་སྟོང་པ་ལ། །དགྲ་ཡི་གཟུགས་དང་མིང་རུས་གདགས། །དེ་ལྟར་འཁོར་ལོ་བྲིས་ནས་འགྲེམ། །འཁོར་ལོ་བྲི་བའི་ཐབས་བསྟན་པའོ།། གཤིན་རྗེ་གཤིད་སོའི་རྒྱུད་གསང་བ་དྲུག་ཅུ་ས་ལས། །འཁོར་ལོ་བྲི་བའི་ཐབས་ཀྱི་ལེའུ་སྟེ་ཉི་ཤུ་བཞི་པའོ།། །།རྡོ་རྗེ་འཛིན་པས་ཞུས་པ་ནི། །འཁོར་ལོ་བྲི་ཐབས་དེ་ལེགས་ཏེ། །འཁོར་ལོ་བསྐོར་ཐབས་བཤདདུགསོལ། །གཤིནརྗེགཤེད་པོས་གསུངས་བའི་དོན། །དེ་ལྟར་འཁོར་ལོ་བྲིས་པ་དང་། །རྒྱ་ཆེན་ས་ཡི་དཀྱིལ་འཁོར་དུ། །འཁོར་ལོ་སྟེང་ནས་དགྲམ་བྱས་ལ། །ལས་གཞན་རིམ་པས་གཞུང་བསྲང་ནས། །གཤིན་རྗེ་གཤེད་པོའི་ཐུགས་ཀ་ནས། །བདག་ཉིད་བདུན་དུ་བྱུང་བྱས་ལ། །གཙོ་བོ་དབུས་སུ་བཞུགས་བྱས་ལ། །བདག་ཉིད་ཡ་མ་རྭ་ཛར་བསྒོམ། །གཤེད་པོ་ཆ་ལུགས་གསལ་བ་ཡི། །ཐུགས་ཀར་ཡ་ལས་སྔགས་ཀྱིས་བསྐོར། །དགྲ་བོ་བཀུག་ལ་ལྷ་དང་དབྲལ། །གཉིས་པ་རི་རབ་རྩེ་ཤར་ནས། །དམར་ཐག་ཆད་པའི་བར་དུ་ནི། །གསང་སྔུགས་འདི་ནི་བཟླས་པར་བྱའོ། །ཡ་མ་རྭ་ཛ་ས་ཏོ་མེ་ཡ་ཆེ་གེ་མོ་ཨ་མོ་ཀམ་པྲ་མ་ཡ་ཧུ༷་ཕཊ། ཅེས་པའི་གསང་སྔགས་དེ་བདག་གིས་བཟླས་པར་བྱའོ། །ཏིང་ངེ་འཛིན་ནི་ཐུགས་ཀའི་ཡ་དང་སྔགས་ལས་ཀྱང་། །འོད་དང་མཚོན་ཆའི་བར་སྤྲོས། །བསྒྲུབ་བྱའི་ཚངས་པའི་རྩ་བཅད་དེ། །ཐལ་བར་རླགས་པར་བསམ་པར་བྱ། །ཚངས་པའི་རྩ་བཅད་རླག་པ་དེས། །ཉི་མ་དང་པོ་མགོ་འཁོར་བའོ། །གོང་མའི་གསང་སྔགས་བརྒྱ་ཚད་ལ། །འཁོར་ལོ་བསྐོར་ཞིང་ཐུན་ཡང་བརྡེག །སྔགས་ནི་ཁྲི་ཁྲི་སྨྲ་བ་བཅད་ལ་བཟླས། །ཉི་མ་དམར་ཐག་ཆད་པ་དང་། །འདི་སྐད་བསྐུལ་ལ་འཕྲིན་ལས་བཅོལ། །གཤེད་ཆེན་ཡ་མ་རྭ་ཛ་ལ། ཁྲ་ཁྲག་མཉེས་པའི་གཏོར་མ་དབུལ། །འདི་སྐད་བརྗོད་ལ་འཕྲིན་ལས་བཅོལ། །ཧུ༷། བཅོམ་ལྡན་དཔལ་ཆེནཁྲོརྒྱལགཤིནརྗེགཤེད། །བསྐལ་པ་རྒྱད་ཁྲི་བཞི་སྟོང་ཕ་རོལ་ན། །ཐོད་ཆེན་མང་པོའི་གཞལ་ཡས་ན། །རྟ་རོ་འབུམ་ནི་གཅལ་དུ་བཀྲམ། །མི་རོ་འབུམ་གྱི་ཁྲི་སྟེང་ན། །དབུ་གསུམ་ཕྱག་དྲུག་ཞབས་བཞིར་བགྲད། །སྐུ་མདོག་ནག་པོ་དུག་ཆེན་འཁྱིལ་བ་འདྲ། །ཧུ༷་གིས་སྒྲ་བསྒྲགས་ཁམས་གསུམ་དབང་དུ་སྡུད། །ཕཊ་ཀྱི་སྒྲ་བསྒྲགས་མ་མོ་དབང་དུ་སྡུད། །བདུད་ཀྱི་བདུད་གཅིག་ཁྲོ་བོ་གཤིན་རྗེ་གཤེད། །འཆི་བདག་མི་ཡི་བདུད་དུ་ཁྱེད་ལས་ལྷག་པ་མེད། །མི་བཟང་ཡུན་གྱི་ལྷར་ཡང་བདག་མི་གཏོང་། །གྲུ་གསུམ་མཐིང་ནག་འབར་བའི་དཀྱིལ་འཁོར་འདིར། ཁྲ་ཁྲག་དམར་གྱི་གཏོར་མ་འདི་འབུལ་གྱིས། །རྣལ་འབྱོར་བདག་གི་འཕྲིན་ལས་གྲུབ་པར་མཛོད། །བསྐལ་བ་བརྒྱད་ཁྲི་བཞི་སྟོང་ཕ་རོལ་ན། །ཁྲོ་བོའི་རྒྱལ་པོ་ཡ་མ་རྭ་ཛ་ནི། །སྐུ་མདོག་ནག་པོ་དུག་ཆེན་འཁྱིལ་བ་འདྲ། ཁྲ་ཁྲག་སྒྲོལ་ལ་དབང་སྒྱུར་བདུད་ཀྱི་གཙོ། །མི་ཤ་རྟ་ཤ་མ་ཡིན་གཞན་གྱི་ཤ་མི་ཟ། །མི་ཁྲག་རྟ་ཁྲག་མ་ཡིན་གཞན་གྱི་ཁྲག་མི་འཐུང་། །འགྲོ་བ་མི་ཡི་བདུད་དུ་ཁྱོད་ལས་ལྷག་པ་མེད། །གཟས་པ་ཕོ་མོ་གདན་དུ་བཏིང་བ་ནི། །འགྲོ་ཀུན་སྙིང་རྗེ་མེད་པར་ཟ་བར་བྱེད། །གཤིན་རྗེ་ཕོ་མོ་གདན་དུ་བཏིང་བ་ནི། །བདུདདངགཤིནརྗེའིཚོགས་ལ་དབང་སྒྱུར་ཞིང་། །འགྲོ་བ་ཀུན་གྱི་སྙིང་ཁྲག་དྲོན་མོ་འཐུང་། །མ་ཧེ་གླང་ཆེན་གདན་དུ་བཏིང་བ་ནི། །འཛམ་བུ་གླིང་བཞི་གཟིར་གནོན་བྱེད་པའི་རྟགས། །ཞབས་བཞི་མཛད་ཅིང་དགྲ་བོའི་སྙིང་ཁྲག་འཐུང་། །སྤྱན་རྩ་རིག་རིག་མཛད་ཅིང་ཉེས་ལེགས་ཞལ་ལྕེ་གཅོད། །བདུད་ཀྱི་ཆས་སུ་ཆས་ཤིང་ཁམས་གསུམ་ཁྲམ་ལ་འདེབས། །སྨིན་མ་མེ་རུ་འབར་ཞིང་ལྟས་ངན་སྤྲུལ་པ་འགྱེད། །དབུ་སྐྲ་ཁམ་ནག་ནད་ཀྱི་རླངས་པ་འཐོར། །འགྲོ་བ་མི་ཡི་བདུད་དུ་ཁྱོད་ལས་ལྷག་པ་མེད། །གང་ཞིག་བསྟན་པ་གཞིག་པའི་དགྲ་བོ་དམ་ཉམས་འདི། །བདུན་རྒྱུད་རྩད་ནས་གཅད་ནས་གཅད་པའི་དུས་ལ་བབ། །ཁྱོ་སྡུག་གོང་ནས་ཁྲོལ་ལ་ཆུང་སྡུག་འོག་ནས་ཕྲོལ། །བུ་སྡུག་མཆན་ནས་དབྲལ་བའི་དུས་ལ་བབ། འཁོར་ལོ་བསྐོར་བའི་དུས་ལ་བབ། །ཡ་མ་རྭ་ཛ་དེ་ལྟར་བསྐུལ། །མྱོས་བྱེད་འབར་བ་དང་། ཨུརུ་མ་རུ་དང་། རལ་པ་ཚར་དགུ་དང་། ཐུགས་དམ་བསྐུལ་ཞིང་འཕྲིན་ལས་བཅོལ། །རཀྟ་སྤྲེང་ཞིང་གསང་སྔགས་བཟླས། །འཁོར་ལོ་བསྐོར་ཞིང་ཐུན་ཡང་བརྡེག །ཉི་ཤུ་དྲུག་གི་ཐོ་རངས་ཁ་ནས། །ཉི་མ་རྒས་རྒས་བར་དུ་བྱའོ། །ཉི་མ་དང་པོ་བྱ་བའི་ལས། །གཤིན་རྗེ་ཡ་མ་རྭ་ཛ་བྱ་། །ཉི་མ་དང་པོ་ནུབ་མོ་དེ། །ལས་གཞུད་རྫོགས་པར་བྱས་པ་དང་། །ཡ་མ་རྭ་ཛ་བསྒོམ་པ་དང་། །སྔགས་ཀྱི་འཕྲོ་འདུ་ཏིང་འཛིན་དང་། །ཉིན་མོ་བཞིན་དུ་ནུབ་མོ་བྱ། །ནུབ་མོའི་གསང་སྔགས་བསྟན་པ་ནི། །ཡ་མ་རྭ་ཛ་ནི་ཙ་ཡ་སྟེ་ཡ་ཡ་སྟེ་ཡ་ར་ནི་ཡོ་ཏ་ཡ། །ཡ་ཏ་ཡོ་ནི་རུ་མ་ཡ། ཡ་མ་ས་ཙ་ར་མ་ཡ། ཆེ་གེ་མོ་ཨ་མོ་ཀམ་པྲ་མ་ཡ་ཧུ༷་ཕཊ། ཅེས་པའི་སྔགས་དེ།ལ། །གཙོ་བོ་དབུས་སུ་བཞུགས་བྱས་ལ། །བདག་ཉིད་མྱོས་བྱེད་འབར་བར་བསྒོམ། །དེ་ཡི་ཆ་ལུགས་ལྡན་པ་ནི། །ཐུགས་ཀར་ཡ་ལས་སྔགས་ཀྱིས་བསྐོར། །ཉི་མ་གཉིས་པའི་སྔགས་ཀྱིས་སོ། །དགྲ་བོའི་ལིང་ག་ནུབ་ཀྱི་ལེའུ་ལེ། །ལྕགས་ཀྱུ་ཡི་ནི་ཕྱག་རྒྱས་བཞག །དེ་ལ་ཤེས་པ་བཀུག་ལ་བསྟིམ། །ལྷ་དང་དབྲལ་པ་བྱས་ནས་ནི། །ཉི་མ་རི་རབ་རྩེ་ཤར་ནས། །དམར་ཐག་ཆད་པའི་བར་དུ་ནི། །གསང་སྔགས་འདི་ནི་བཟླས་པ་བྱ། །ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཨ་མུ་ཀ༷་མྱ་ར་ཡ་ཧུ༷་ཕཊ། ཅེས་པའི་སྔགས་འདིས། བདག་གིས་བརྗོད་པའི་ཏིང་འཛིན་ནི། །ཐུགས་ཀའི་ཡ་དང་སྔགས་ལས་ཀྱང་། །འོད་དང་མཚོན་ཆའི་ཆར་དུ་འཕྲོས། །བཟླས་པའི་མགྲིན་པའི་རྩ་དེ་ནི། །ཐལ་བར་རླག་པར་བསམ་བྱས་ལ། །མགྲིན་པའི་རྩ་བཅད་ཁྲག་སྒྱུགས་བསམ། །ཉི་མ་གཉིས་པ་ཁྲག་སྒྱུག་པ། །གོང་མའི་གསང་སྔགས་བརྒྱ་བརྒྱ་ལ། །འཁོར་ལོ་བསྐོར་ཞིང་ཐུན་ཡང་བརྡེག །སྔགས་ནི་ཁྲི་ཁྲི་སྨྲ་བཅད་བཟླས། །ཉི་མ་དམར་ཐག་ཆད་པ་དང་། །འདི་སྐད་བསྐུལ་ལ་འཕྲིན་ལས་བཅོལ། །གཤེད་ཆེན་མྱོས་བྱེད་འབར་བ་ལ། །འདི་སྐད་བརྗོད་ལ་འཕྲིན་ལས་བཅོལ ཁྲ་ཁྲག་མཉེས་པའི་གཏོརམདབུལ། །གཤིནརྗེགཤེད་པོ་བགེགས་ཀྱི་རྒྱལ། །ཁྲོ་བོའི་ཆ་ལུགས་སྐུ་ལ་རྫོགས། །ཕྱག་ན་སྲིད་པའི་འཁོར་ལོ་བསྒྱུར། །རྒྱལ་བའི་བཀའ་ཕྱང་ཡ་མཚན་ཆེ། །སྐུ་མདོག་ནག་ཅིང་འོད་དབུང་གནག །བཀའ་ལས་འདས་པའི་སྡིག་ཅན་བརྡུངས། །རལ་པ་ལྕང་ལོ་སྤྲུག་པ་ཡིས། །སྤྲུལ་པའི་ཁ་ལོ་གྱེན་དུ་བསྒྱུར། །ཡ་མཚན་ཆེ་བའི་འོད་ཟེར་ལས། །འོད་ཟེར་ཞགས་པས་འཕྲོ་འདུ་གཏོངས། །བཀའ་ལས་འདས་པའི་སྡིག་ཅན་སྲེག །སྦྱན་གྱིས་ཅིར་ཡང་ཁམས་གསུམ་འསྲེག །གཟིགས་པ་ཙམ་གྱིས་གཟིགས་མ་འབར། །ཁྲོ་བོ་འབར་བའི་ཆ་ལུགས་ཅན། །རྒྱལ་བ་ཡོངས་ཀྱི་ཕྱོགས་ཀྱང་འཛིན། །བསྒྲུབ་པ་པོ་ལ་ལས་ཡང་བསྟན། །དམ་ཚིག་ཅན་གྱི་གྲོགས་ཀྱང་མཛད། །ཐུགས་དམ་དབྱིངས་ལ་མཆོད་པ་མཛད། །ཧ་ཧ་བགྱིས་པས་འདྲེ་སྲིན་གཏུབ། །ཧེ་ཧེ་བགྱིས་པས་ཞལ་དུ་གསོལ། །ཧུ༷་ཧུ༷་བགྱིས་པས་དབང་དུ་སྡུད། ཁྲངས་ཀྱི་རླུད་མཆོག་ཆེན་པོ་ཡིས། །ཧུ༷་དག་ཕཊ་ཀྱིས་གཏོར་བ་ལ། །ཁམས་གསུམ་འཇིག་རྟེན་བཅུ་མཛད་ནས། །དགྲ་བགེགས་མ་ལུས་འཐོར་བར་མཛད། །སྲིད་པ་གསུམ་གྱི་བུ་ཡུག་འདུལ། །རྡོ་རྗེ་ཐོག་འབེབས་ལམས་སེ་ལམས། །དུག་གསུམ་དཔལ་གྱི་འཕན་ཁར་འགྲིམ། །གདུག་པ་སྤྲུལ་གྱི་ཞགས་པ་ལས། །ཡ་མཚན་རྨད་ཀྱི་རླུད་སྒྲོམ་ཅན། །ཕཊ་ཀྱིས་གཏོར་བས་ཡང་བར་མཛད། །ཉ་པའི་སྙན་ཁུང་རྦ་ཀློང་ཡངས། །ལྷ་སྲིན་གདུག་པ་རྡུལ་དུ་ལྷོགས། །དམ་ཉམས་དགྲ་་བོ་བཞེསསུགསོལ། །གཤིནརྗེགཤེད་པོ་བགེགས་ཀྱི་རྒྱལ། །གྲགས་པའི་རྒྱལ་པོ་རྣོན་པོའི་དཔལ། །ལྷ་ཡི་དབང་པོ་མན་ཆད་ནས། །ན་རག་དམྱལ་ཁམས་ཡན་ཆད་དུ། །ཁྱོད་ཀྱིས་མི་ཐུབ་གང་ཡང་མེད། །གཤིན་རྗེའི་རྒྱལ་པོའི་དུས་ལ་བབ། །གཡོན་པ་བསྡིགས་པའི་མཛུབ་མོ་ཡིས། །དམྱལ་བའི་གནས་ནས་གནས་སུ་སྤྲུལ། །སྡིག་པའི་བག་ཆགས་སྤགས་ཤུན་རལ། ཁྲ་དང་རུས་པ་རྐང་དང་ནི། ཁྲ་རུས་རྐང་རུས་ཉི་ལི་ལི། །ཞིང་ཆེན་ལྷུན་རྡུལ་ཁྲ་ལ་ལ། །རག་ཏའི་རྒྱ་མཚོ་ཁྱི་ལི་ལི། །གཤིན་རྗེ་གཤེད་པོ་བགེགས་ཀྱི་རྒྱལ། །ཡ་མཚན་རྨད་ཀྱི་མཐུ་རྩལ་ཅན། །གཤིན་རྗེ་གཤེད་པོའི་དང་རུ་ལ། །གཤིན་རྗེ་རྒྱལ་པོའི་སྔགས་ཀྱིས་གདབ། །སྡང་དགྲ་གནོད་བགེགས་ཁ་ལོང་ལ། །ཞལ་གྱིས་རི་རབ་བརྗིད་པ་ཡིས། །རིམ་པ་གསུམ་པོ་ས་ལ་ཞོན། །ཀླུ་སྲིན་གདུག་པའི་གནས་སུ་བསྐྱལ། །དགྲ་བགེགས་སྡིག་ཅན་གནས་སུ་བསྐྱལ། །དམྱལ་བའི་ཁང་དཔོན་ཆེན་པོ་དེ། །བསྡུས་ཤིང་འཇོམས་པའི་ལས་སུ་མཛད། །སྙིང་རྗེ་མེད་པའི་མེ་དཔུང་འབར། །ལ་ལ་ཁྲོ་བོ་བགེགས་ཀྱི་རྒྱལ། །གཤིན་རྗེ་རྒྱལ་པོའི་དང་རུ་ཆུམ། །དམ་ཉམས་དགྲ་བགེགས་རྡུལ་དུ་མཐོང་། །དུག་གསུམ་དབང་དུ་སྡུད་པ་དང་། །རིག་པ་གསུམ་གྱི་གནས་ཆེན་དུ། །ཅི་ལ་ཐོགས་པ་མེད་པར་སྒྲོལ། །དེ་ཡང་གཤིན་རྗེ་གཤེད་པོས་ཏེ། །དམ་ཚིག་འབུམ་སྡེའི་དུས་ལ་བབ། །དགྲ་བགེགས་གང་ཡིན་རྡུལ་དུ་ཐོང་། །མྱོས་བྱེད་འབར་བ་བསྐུལ་བའོ། །དེ་ནས་ཨུརུ་མ་རུ་དང་། །རལ་པ་ཚར་དགུ་ཡ་མ་རྭ་ཛ་བསྐུལ། །ཐུགས་དམ་བསྐུལ་ཞིང་འཕྲིན་ལས་བཅོལ། །རག་ཏ་སྦྲེང་ཞིང་གསང་སྔགས་བཟླས། །འཁོར་ལོ་བསྐོར་ཞིང་ཐུན་ཡང་བརྡེག །ཉི་ཤུ་བདུན་གྱི་ཐོ་རངས་ནས། །ཉི་མ་རྒས་རྒས་བར་དུ་བྱ། །ཉི་མ་གཉིས་པ་བྱ་བའི་ལས། །གཤིན་རྗེ་མྱོས་བྱེད་འབར་བས་བྱ། །ཉི་མ་གཉིས་པའི་ནུབ་མོ་དེ། །ལས་གཞུང་རྫོགས་པར་བྱས་པ་དང་། །མྱོས་བྱེད་འབར་བ་བསྒོམས་པ་དང་། །སྔགས་ཀྱི་སྤྲོ་ཞིང་ཏིང་འཛིན་གྱིས། །ཉིན་མོ་བཞིན་དུ་ནུབ་མོ་བྱ། །ནུབ་གཉིས་པའི་གསང་སྔགས་སོ། །ཡ་མ་ར་ཛ་ནི་ཡ་སྟེ་ཡ། ཡ་སྟེ་ཡ་ར་ནི་ཡོ་ཏ་ཡ། ཡ་ཏ་ཡོ་ན་རུ་ཏོ་མེ་ཡ། ཡ་མེ་ཏོ་ས་ཙ་ར་མ་ཡ་ཆེ་གེ་མོ་ཨ་མུ་ཀ༷་རག་ཏ་ཙ་ར་ཡ་ཧུ༷་ཕཊ། ཅེས་པ་མོའི་གསང་སྔགས་ཏེ། །ནུབ་མོ་མཚན་ཐག་བཟླས་པ་བྱ། །ནམ་གྱི་བརྒྱད་ཆ་ཡོད་ན་ཡང་། །མྱོས་བྱེད་འབར་བའི་ཡུམ་ཡང་བསྐུལ། །ལྷོ་ཡི་ཕྱོགས་ནས་བསྐུལ་བ་ནི། །ལྕགས་ཀྱི་སྤྱང་མོ་མགོ་དགུ་མ། །ཡ་མ་གཤིན་རྗེའི་དཀྱིལ་འཁོར་ནས། །ཡ་མ་དེ་ཞེས་བརྗོད་པ་ལས། །དཔལ་གྱི་ཕྱག་བརྙན་ཁྲག་འཕྲོག་མ། །ལྕགས་ཀྱིས་སྤྱང་མོ་མགོ་དགུ་མ། །མེ་དཔལ་འབར་བའི་རལ་པ་ཅན་། །སྦྱན་ནས་མེ་དཔལ་དམར་པོ་འབེབས། །སྙན་ནས་མེ་ཡི་ཚུབ་མ་འ་ས། ཁྲངས་ནས་མེ་ཡི་ཕུང་པོ་འཐོར། །བཞད་པའི་ཞལ་ནས་ཁྲག་གི་ངན་སྒྱུགས་འཐོར། །སྤྱི་བོའི་གཙུག་ནས་ཁྲག་གི་རལ་བ་འགྱེད། །སྐར་མདའི་ཕྱག་གཉིས་སྐྱོང་ཞིང་ཞགས་པ་འགྱེད། །གཡས་པ་ཁྲོ་ཆུང་ཕྱག་ཆར་ཐོགས། །གཤིན་རྗེའི་བྷན་ད་མགོ་བཅད་དུ། །མཁལ་མ་མགྲིན་པའི་རྩ་འགྲོ་མ། །ཁྱོད་ནི་ཁྲག་འཐོར་ཆེན་མོ་སྟེ། །མཁའ་མགྲིན་ཁྲག་ལ་དྲི་སྣོམ་ཞིང་། ། མཁལ་མ་དང་ནི་མགྲིན་པའི་རྩ། །ད་ལྟར་དྲང་པའི་དུས་ལ་བབ། །ཅེས་མྱོས་བྱེད་འབར་བ་བསྐུལ་བའོ། །ཉི་མ་གཉིས་པའི་འཁོར་ལོ་ལ། །གཤིན་རྗེ་ཉི་མ་གཉིས་པ་ལ། །མྱོས་བྱེད་འབར་བ་ཡབ་ཡུམ་གྱིས། །གང་ལ་བྱ་བའི་དགྲ་བོ་དེ། །མགྲིན་པའི་རྩ་ནས་དྲངས་ནས་ཀྱང་། །ཉི་མ་གཉིས་པ་ཁྲག་ཏུ་སྒྱུག །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ཉི་མ་གཉིས་པའི་འཁོར་ལོ་བསྐོར་ཐབས་ཀྱི་ལེའུ་སྟེ་ཉི་ཤུ་དྲུག་པའོ།། །།ཉི་མ་གསུམ་པའི་དོན་གསུངས་བ། །ཉི་ཤུ་བརྒྱད་ཀྱི་ཐོ་རངས་ཁ། །ལས་ཀྱི་འཕྲིན་ལས་གཞུང་བསྲངས་ལ། །གཤིན་རྗེ་གཤེད་པོའི་ཐུགས་ཁ་ནས། །བདག་ཉིད་མདུན་དུ་ཕྱང་བྱས་ལ། །གཙོ་བོ་དབུས་སུ་གཞུགས་བྱས་ལ། །བདག་ཉིད་ཨུརུ་མ་རུར་བསྒོམ། །དེ་ཡི་ཆ་ལུགས་ལྡན་པ་ཡིས། །ཏུགས་ཀར་ཡལ་ག་སྔགས་ཀྱིས་བསྐོར། །ཉི་མ་གསུམ་པའི་སྔགས་ཀྱིས་ནི། །དགྲ་བོའི་མིང་རུས་བྱང་གི་ལིང་ག་ལ། །ལིང་ཚེར་ལྕགས་ཀྱུའི་ཕྱག་རྒྱས་བཞག །དེ་ལ་ཤེས་པ་བཀུག་ལ་བསྟིམ། །ལྷ་དང་དབྲལ་བ་བྱས་ནས་ནི། །ཉི་མ་རི་རབ་རྩེ་ཤར་ནས། །དམར་ཐག་ཆད་པའི་བར་དུ་ནི། །གསང་སྔགས་འདི་ནི་བཟླས་པར་བྱ། །ཡ་ཏ་ཡོ་ནི་རསྟེ་ཡ། ཆེ་གེ་མོ་ཨ་མུ་ཀ༷་མུར་ཙ་ཡ་ཧུ༷་ཕཊ། ཅེས་པའི་གསང་སྔགས་དམ་པ་དེས། །བདག་གིས་བརྗོད་པའི་ཏིང་འཛིན་ཡང་། །ཐུགས་ཁའི་སྔགས་དང་ཡ་ལས་ཀྱང་། །འོད་དང་མཚོན་ཆའི་ཆར་དུ་སྤྲོ། །གཟས་པའི་སྙིང་གི་རྩ་དེ་ནི། །བརྩད་ནས་བཅད་པར་བསམ་པར་བྱ། །ལྟེ་བའི་རྩ་གཅད་བརྒྱལ་བར་བསམ། །ཉི་མ་གསུམ་བས་བརྒྱལ་བར་བསམ། །གོང་མའི་གསང་སྔགས་བརྒྱ་བརྒྱ་བཟླས། །འཁོར་ལོ་བསྐོར་ཞིང་ཐུན་ཡང་བརྡེག །གསང་སྔགས་ཁྲི་ཁྲི་སྨྲ་བཅད་བྱ། །ཉི་མ་དམར་ཐག་ཆད་པ་དང་། །གཤེད་ཆེན་ཨུབྱ་མ་རུ་ལ། ཁྲ་ཁྲག་མཉེས་པའི་མཆོད་པ་དབུལ། །འདི་སྐད་བརྗོད་ལ་འཕྲིན་ལས་བཅོལ། །ཡེ་ཤེས་ཐུགས་ཀྱི་བྱིན་བརླབས་ལས། །སྤྲུལ་བའི་ཕོ་ཉ་ལས་ཀྱི་མཚོན། །ཉེ་བར་བསྙེན་པ་གིང་གི་བདག །སྒྲོལ་གིང་བདག་པོ་མ་རུ་རྩེ། །ཁྲོ་རྒྱལ་དཔལ་ཆེན་ཡབ་ཡུམ་གྱིས། །འདོད་ཆགས་དགྲ་བོ་བསྒྲལ་བར་དབང་བསྐུར་གྱིས། །སྒྲོལ་ཅིག་གནོད་སྤྱིན་མ་རུ་རྩེ། །དབུ་ལ་འཇིགས་པའི་སྦྲུལ་གྱིས་བརྒྱན། །ས་བདག་ལྷ་ཀླུ་དབང་དུ་སྡུད། །དབུ་སྐྲ་དམར་པོ་སྲིད་རྩེར་འབར། །ནམ་མཁའི་ཁམས་ཀུན་དབང་དུ་སྡུད། །སྤྱན་གསུམ་ཁྲག་མིག་དམར་བོར་བལྟ། །སྟོང་གསུམ་ཤ་ཁྲག་དབང་དུ་སྡུད། །ལྕགས་ཀྱི་མཆེ་བ་གཙིགས་པ་ཡིས། །སྟོང་གསུམ་དགྲ་བོའི་ཚེ་དཔལ་འདྲེན། །སྙན་ཆ་མགུར་ཆ་རྣ་ཆས་བརྒྱན། །ཐོད་སྐམ་ཐོད་རློན་འཕྲེང་བས་བརྒྱན། །སྲིད་གསུམ་མ་ལུས་དབང་དུ་སྡུད། །ཕྱག་ན་རྡོ་རྗེ་བེ་ཅོན་གྱིས། །གང་ལ་དམིགས་པའི་ལུང་སྲོག་འབྲེལ། །གཡོན་པས་སྡིགས་མཛུབ་རྒྱུ་ཞགས་ཀྱིས། །དམིགས་པའི་མགོ་དང་ཡན་ལག་འཆིང་། །ཞབས་དང་ཞབས་ཀྱིས་དོར་སྟབས་ཀྱིས། །ཡི་དྭགས་བདུད་ཀྱི་རྒྱལ་པོ་གནོན། །ཡི་དྭགས་དབང་མེད་སྐད་ངན་འདོན། །ཚེ་སྲོག་འཕྲོག་ཅིང་འོ་དོད་འབོད། །གང་ལ་དམིགས་པ་རྡུལ་དུ་རློགས། །སྐུ་ལ་སྡོ་བའི་དགྲ་བོ་འདི། །དབང་དུ་སྡུད་ཅིག་ས་མ་ཡ། །སྔོན་གྱི་ཐ་ཚིགས་ཉམས་ས་རེ། །བཅོལ་བའི་འཕྲིན་ལས་གྲུབ་པར་མཛོད། །ཨུརུ་མ་རུ་བསྐུལ་བའོ། །དེ་ནས་རལ་བ་ཚར་དགུ་དང་། །ཡ་མ་རྭ་ཛ་མྱོས་བྱེད་འབར་བ་བསྐུལ། །ཐུགས་དམ་བསྐུལ་ཞིང་འཕྲིན་ལས་བཅོལ། །རག་ཏ་སྦྲེང་ཞིང་གསང་སྔགས་བཟླས། །འཁོར་ལོ་བསྐོར་ཞིང་ཐུན་ཡང་བརྡེག །ཉི་ཤུ་བརྒྱད་ཀྱི་ཐོ་རངས་ནས། །ཉི་མ་རྒས་རྒས་བར་དུ་བྱ། །ཉི་མ་གསུམ་གྱི་བྱ་བའི་ལས། །གཤིན་རྗེ་ཨུབྱ་མ་རུས་བྱའོ། །ཉི་མ་གསུམ་པའི་ནུབ་མོ་དེ། །ལས་གཞུང་རྫོགས་པར་བྱས་པ་དང་། །ཨརུ་མ་རུ་བསྒོམ་པ་དང་། །སྔགས་ཀྱི་འཕྲོ་འདུ་ཏིང་འཛིན་དང་། །ཉིན་མོ་བཞིན་དུ་ནུབ་མོ་བྱའོ། །ནུབ་གསུམ་པའི་གསང་སྔགས་སོ། །ཡ་མ་རྭ་ཛ་ནི་ཛ་ཡསྟེ་ཡ། ཡ་སྟེ་ཡ་ར་ནི་ཡོ་ཏ་ཡ། ཡ་ཏ་ཡོ་ན་རུ་ཏོ་མེ་ཡ། ཡ་མེ་ཏོ་ས་ཛ་ར་མ་ཡ། ཆེ་གེ་མུར་ཙ་ཡ་ཧུ༷་ཕཊ། ཅེས་པའི་སྔགས་དེས། ནུབ་མོ་མཚན་ཐག་བཟླས་པར་བྱ། །ནམ་གྱི་བརྒྱད་ཆ་ཡོད་ན་ཡང་། །ཨུརུ་མ་རུའི་ཡུམ་ཡང་བསྐུལ། །ཧུ༷། ནུབ་ཀྱི་ཕྱོགས་ནས་བསྐུལ་པ་ནི། །ཀླ་དབང་གདུག་པའི་དཀྱིལ་འཁོར་ནས། །ན་ག་དེ་མ་བརྗོད་པ་ལས། །ཡེ་ཤེས་མཁའ་ལྡིང་མི་མོ་དམར། །དཔལ་གྱི་ཕྱག་བརྙན་ཁྲག་འདོམ་མ། །ཁྲག་འདོམ་བསེ་ཡི་རལ་རྦ་ཅན། །ཁྲག་གི་རལ་པས་སྟོང་ཁམས་ཁེངས། །ཕྱག་ནས་ཁྲག་གི་ཆར་ཡང་འབེབས། །སྙན་ནས་བསྐལ་བ་འབྲུག་སྟོང་དི་རི་རི། ཁྲངས་ནས་བུ་ཡུག་ཚུབ་མ་འཚུབ། བཞད་བའི་ཞལ་ནས ཁྲག་གིས་ངན་སྒྱུག་འཐོར། །སྤྱི་གཙུག་མེ་ཡི་ཞེ་སྡང་དམར་པོ་སྐྱེ། །མེ་ཡི་ཕྱག་གཉིས་གར་སྟབས་ལིངས་སེ་ལིངས། །མེ་ཡི་ཞབས་གཉིས་ལམས་སེ་ལམས། །ཕྱག་གཡས་མེད་དཔུང་འབར་བ་ལ། །གཡོན་པ་མེ་དཔུང་འབར་བའི་ཞགས་པ་འདེགས། །ལྟེ་བ་བཞུགས་པའི་རྩ་འགྲོ་མ། །ཁྱོད་ནི་དྲོད་འཕྲོག་ཆེན་མོ་ཡིན། །དྲོད་དང་དབྲལ་བའི་དུས་ལ་བབ། །ཅེ་་ཨུརུ་མ་རུ་ཅེའི་ཡུམ་ཡང་བསྐུལ། །ཡུམ་གཞན་གསུམ་ཡང་བསྐུལ། །གཤིན་རྗེ་ཉི་མ་གསུམ་པའི་ལས། །ཨུརུ་མ་རུ་ཡབ་ཡུམ་གྱིས། །གང་ལ་བྱ་བའི་གཟས་པ་དེ། །ལྟེ་བའི་རྩ་ནས་དྲངས་ནས་ཀྱང་། །ཉི་མ་གསུམ་པས་བརྒྱལ་བར་བྱེད། །གཤིན རྗེགཤེད་པོའི་རྒྱུད་གསང་བ་དྲུག་ཅུ་པ་ལས། ཉི་མ་གསུམ་པའི་འཁོར་ལོ་བསྐོར་བའི་ལེའུ་སྟེ་ཉི་ཤུ་བདུན་པའོ།། །།ཉི་མ་བཞི་པའི་དོན་གསུངས་པ། །ཉི་ཤུ་དགུ་ཡི་ཐོ་རངས་ཁ། །ལས་ཀྱི་གཤིན་རྗེའི་ལས་གཤུང་བསྲང་། །གཤིན་རྗེ་གཤེད་པོའི་ཐུགས་ཀ་ནས། །བདག་ཉིད་བདུན་དུ་ཕྱུང་བྱས་ལ། །གཙོ་བོའི་དབུས་སུ་བཞུགས་བྱས་ལ། །བདག་ཉིད་རལ་པ་ཚར་དགུར་བསྒོམ། །དེ་ཡི་ཆ་ལུགས་ལྡན་པ་ཡིས། །ཐུགས་ཀར་ཡ་ལ་སྔགས་ཀྱིས་བསྐོར། །ཉི་མ་བཞི་པའི་སྔགས་ཀྱིས་སོ། །དགྲ་བོའི་ལིང་ག་བྱང་ཤར་གྱི། །ལིང་ཚེར་ལྕགས་ཀྱུའི་ཕྱག་རྒྱས་གཞག །དེ་ལ་ཤེས་པ་བཀུག་ལ་བསྟིམ། །ལྷ་དང་དབྲལ་བ་བྱས་ནས་ནི། །ཉི་མ་རི་རབ་རྩེ་ཤར་ནས། །དམར་ཐག་ཆད་པའི་བར་དུ་ནི། །གསང་སྔགས་ཡ་སྟེ་ཡ་ཙ་ན་རི་མ་ཡ། །ཆེ་གེ་མོ་ཨ་མུ་ག༷་བཱ་ར་ཡ་ཧུ༷་ཕཊ། ཅེས་པའི་གསང་སྔགས་དམ་པ་དེས། །བདག་གིས་བརྗོད་པའི་ཏིང་འཛིན་ནི། །ཐུགས་ཀའི་ཡ་དང་སྔགས་ལས་ཀྱང་། །འོད་དང་མཚོན་ཆའི་བར་དུ་སྤྲོ། །གཟས་པའི་རྩ་ནི་བཅད་པར་བསམ། །སྙིང་གི་རྩ་དེ་གསང་པར་བསམ། །ཉི་མ་བཞི་པས་གསད་པ་ཡི། །གོང་མའི་སྔགས་ནི་བརྒྱ་བརྒྱ་ལ། །འཁོར་ལོ་བསྐོར་ཞིང་ཐུན་ཡང་བརྡེག །གསང་སྔགས་ཁྲི་ཁྲི་སྨྲ་བཅད་བྱ། །ཉི་མ་དམར་ཐག་ཆད་པ་དང་། །གཤེད་ཆེན་རལ་པ་ཚར་དགུ་ལ། ཁྲ་ཁྲག་མཉེས་པའི་གཏོར་མ་དབུལ། །འདི་སྐད་བརྗོད་ལ་འཕྲིན་ལས་བཅོལ། །འཕགས་པའི་རྒྱལཔོཁྲོབོགཤིནརྗེགཤེད། །འཇམདཔལགཤིནརྗེགཤེད་ནི་དྲེགས་པའི་བརྗིད་དང་ལྡན། །མམོཀུནལགཤིནརྗེདབང་སྒྱུར་ཞིང་། །རྟག་ཏུ་བདག་ལ་ལྷ་མཆོག་གྲོགས་མཛོད་ཅིག །སྲིན་མོ་ཤ་ཟ་སྟོང་ནི་བྲན་དང་འཁོར་པོ་ཡིན། །གིང་ཆེན་ལྕམ་དྲལ་བྲན་དང་གཡོག་ཏུ་བྱས། །ཀླུ་ཆེན་ཕོ་མོ་རྣམས་ནི་སྐུ་ཡི་རྒྱན་དུ་བྱས། ཁྲ་ཟ་གདུག་བྱེད་རྣམས་ནི་ཆས་རྣམས་དག་པར་སྟོན། །ཁྲོ་བོ་གཤིན་རྗེ་ཉིད་ནི་གདུག་པའི་ང་རོ་ཅན། །ཁྲོ་མོ་ཡུམ་དང་བཅས་ཏེ་སྐུ་སྟོན་ཅིག །གཤིན་རྗེའི་སྐུ་ཡི་ཐུགས་རྗེས་བདག་ལ་དགོངས། །བཅོམ་ལྡན་གཤིན་རྗེའི་རྒྱལ་པོ་སྐུ་བསྐྱོད་ལ། །གཤིན་རྗེའི་སྐུ་ནི་བདག་ལ་དགོངས་སུ་གསོལ། །གཡས་ན་ཡུམ་བསྐྱེད་ཨེ་ཀ་ཛ་ཞི་མ། །གཡོན་ན་ཡུམ་བསྐྱེད་སྤྱང་མོ་མགོ་དགུ་མ། །གཉིས་ཀའི་སྐུ་མདོག་དབུས་ཀྱི་གཙོ་དང་མཐུན། །ཡབ་གཅིག་འཇམ་དཔལ་སྐུ་ཡི་ཆ་ལུགས་ནི། །རལ་བ་དམར་ནག་སྲིད་པའི་རྩེ་མོ་འབར། །ཡབ་ཅིག་འཇམ་དཔལ་སྤྱན་གྱི་ཆ་ལུགས་ནི། །སྤྱན་གསུམ་གཟིགས་པས་བསྐལ་བའི་མེ་དཔུང་འབར། །ཡབ་གཅིག་འཇམ་དཔལ་ཤངས་ཀྱི་ཆ་ལུགས་ནི། །ཉོན་མོངས་བག་ཆགས་འཐོར་བའི་ཚུབ་མ་འཐོར། །ཡབ་གཅིག་འཇམ་དཔལ་ཞལ་གྱི་ཆ་ལུགས་ནི། །ཉོན་མོངས་བག་ཆགས་ཁྲག་གི་རྦ་ཀློང་འཁྱིལ། །ཡབ་ཅིག་འཇམ་དཔལ་ཐུགས་ཀྱི་ཆ་ལུགས་ནི། །ཉོན་མོངས་དུག་གསུམ་བག་ཆགས་རྩད་ནས་གཅོད། །ཡབ་ཅིག་འཇམ་དཔལ་ཕྱག་མཚན་ཆ་ལུགས་ནི། །གཡས་པ་གདུག་པ་འཇོམས་མཛད་ཐོད་དབྱུག་བསྣམས། །བར་པ་གཅོད་ཅིང་གཏུབ་པའི་དགྲ་སྟ་སྔོན་པོ་བསྣམས། །ཐ་མ་ཉོན་མོངས་འཇོམས་བྱེད་ཤེས་རབ་རལ་གྲི་བསྣམས། །གཡོན་གྱི་དང་པོ་གདུག་འཐོར་བྱེད་སྡིགས་བའི་མཛུབ་མོ་བསྣམས། །བར་མ་ཞེ་སྡང་འབུགས་བྱེད་མདུང་ཐུང་བསྣམས། །ཐ་མ་ཐུགས་རྗེ་ཆགས་པའི་ཐོད་ཁྲག་བསྣམས། །གདུག་པ་འགྱིང་སྟབས་ཞབས་དྲུག་བྱུང་བ་ནི། །ཞབས་གཉིས་གྱད་ཀྱི་དོར་སྟབས་སྲིན་པོ་སྲིན་མོ་འདུལ། །ཞབས་གཅིག་གྱད་ཀྱི་དོར་སྟབས་མ་མོ་འདུལ། །ཞབས་གཉིས་གྱད་ཀྱི་དོར་སྟབས་ཆོས་ཀྱི་དབྱིངས་དང་སྦྱོར། །ཡབ་ཅིག་འཇམ་དཔལ་སྐུ་ཡི་ཆ་ལུགས་ནི། །སྐུ་སྟོད་གདུག་པ་འདུལ་ཕྱིར་གླང་ཆེན་ཀོ་རློན་གསོལ། །སྐུ་སྨད་གདུག་པ་བསྒྲལ་ཕྱིར་སྟག་གི་ཤམ་ཐབས་གསོལ། །ཐོད་རློན་འཕྲེང་བ་མང་པོས་སྐུ་ཡི་རྒྱན་དུ་བྱས། །ཐོད་སྐམ་སྐུ་ཡི་རྒྱན་དུ་བྱས། །ཐོད་རློན་འཕྲེང་བས་སྐུ་ཡི་སྐེ་རགས་བྱས། །དཀར་ཁྲ་སྤྲུལ་གྱིས་སྐུ་ཡི་རྒྱན་དུ་བྱས། །སེར་ཁྲ་སྤྲུལ་གྱིས་དབུ་ཡི་སེ་རལ་ཁ། །དམར་ཁྲ་སྤྲུལ་གྱིས་སྐུ་ཡི་རྒྱན་དུ་བྱས། །ནག་ཁྲ་སྤྲུལ་གྱིས་ཡན་ལག་ལྷུན་ཚིགས་བརྒྱན། །བསྐལ་པ་མེ་ལྟར་འབར་བའི་ཀློང་དཀྱིལ་ནས། །ཧུ༷་དང་ཕཊ་ཀྱི་སྒྲ་ནི་འབྲུག་སྟོང་ལྡིར་བ་བཞིན། །འཇིགས་བྱེད་འབར་བའིཁྲོརྒྱལ གཤིནརྗེགཤེད། །རང་བཞིན་གྲུབ་པའི་གནས་ནས་སྦྱན་འདྲེན་ན། །གཟུགས་བརྙན་དཀྱིལ་འཁོར་འདི་རུ་བཞུགས་སུ་གསོལ། །སྒྲུབ་པ་པོ་ཡི་དགྲ་དང་བགེགས། །དབང་དུ་བསྡུས་ལ་བསྒྲལ་དུ་གསོལ། །ཞེས་རལ་པ་ཚར་དགུ་བསྐུལ་ལོ། །དེ་ནས་ཡ་མ་རྭ་ཛ་དང་། །མྱོས་བྱེད་འབར་པ་དང་། ཨུབྱ་མ་རུ་བསྐུལ། ཐུགས་དམ་བསྐུལ་ཞིང་འཕྲིན་ལས་བཅོལ། །རག་ཏ་སྦྲེང་ཞིང་གསང་སྔགས་བཟླས། །འཁོར་ལོ་བསྐོར་ཞིང་ཐུན་ཡང་བརྡེག །ཉི་ཤུ་དགུ་ཡི་ཐོ་རངས་ནས། །ཉི་མ་རྒས་རྒས་བར་དུ་བྱས། །ཉི་མ་བཞི་པ་བྱ་བའི་ལས། །གཤིན་རྗེ་རལ་བ་ཚར་དགུ་བྱ། །ཉི་མ་བཞི་པའི་ནུབ་མོ་དེ། །ལས་གཞུང་རྫོགས་པར་བྱས་པ་དང་། །རལ་བ་ཚར་དགུ་བསྒོམས་པ་དང་། །སྔགས་ཀྱི་འཕྲོ་འདུ་ཏིང་འཛིན་དང་། །ཉིན་མོ་བཞིན་དུ་ནུབ་མོ་བྱའོ། །ནུབ་བཞི་བའི་གསང་སྔགས་སོ། །ཡ་མ་ར་ནི་ཛ་ཡ་སྟེ་ཡ། ཡ་སྟེ་ཡ་ནི་ཡོ་ཏེ་ཡ།ཡ་ཏ་ཡོ་ན་རུ་ཏོ་མེ་ཡ། ཡ་མེ་ཏོས་ཙ་ར་མེ་ཡ། །ཞེས་པས་མོའི་གསང་སྔགས་དེ། །ནུབ་མོ་མཚན་ཐག་བཟླས་པ་བྱའོ། །ནམ་གྱི་བརྒྱད་ཆ་ཡོད་ན་ཡང་། །རལ་པ་ཚར་དགུའི་ཡུམ་ཡང་བསྐུལ། །བྱང་གི་ཕྱོགས་ནས་བསྐུལ་བ་ནི། །གནོད་སྤྱིན་དྲེགས་པའི་ཡུལ་རྩེ་ནས། །ཁ་རག་དེ་མ་བརྗོད་པ་ལས། །དཔལ་གྱི་ཕྱག་བརྙན་དབུགས་ལེན་སྲོག་འཕྲོག་མ། །སྐུ་མདོག་ལྗང་ཁུ་སྤྲིན་གྱི་རལ་པ་ཅན། །སྤྱན་ནས་དཀར་ཆེན་འོད་ཟེར་འཕྲོ། །སྙན་ནས་རླུད་ནག་བུ་ཡུག་འ་། ཁྲངས་ནས་རླུ་་ནག་བུ་ཡུག་འ་། །བཞད་པའི་ཞལ་ནས་ཐོག་དང་སེར་འབེབས། །སྤྱི་གཙུག་རླུད་གིས་ཕྲག་དོག་ལྗང་ཁུ་སྟེ། །རླུད་གི་ཕྱག་གཉིས་གར་སྟབས་ལིངས་༄༅ སེ་ལིངས། །འདུ་བའི་ཞབས་གཉིས་ལངས་སེ་ལངས། །གཡས་པར་རལ་གྲི་རྒྱ་གྲམ་འདེབས། །གཡོན་པ་སྲོག་གི་སྙིང་བྲོར་ཐོགས། །ཁྱོད་ཀྱི་ལོངས་སྤྱོད་དབུགས་ཡིན་ཕྱི། །དབུགས་ལེན་སྲོག་འཕྲོག་དུས་ལ་བབ། །ཅེས་པ་རལ་པ་ཚར་དགུའི་ཡུམ་བསྐུལ་ལོ། །གཤིན་རྗེ་ཉིན་ནུབ་བཞི་ཡི་ལས། །ཚར་པ་ཚར་དགུ་ཡབ་ཡུམ་གཉིས། །གང་ལ་བྱ་བའི་གཟས་པ་དེ། །སྙིང་རྩ་དམར་པོ་རྩད་ནས་གཅོད། །དབུགས་ནི་ཀུན་ལ་ཕྱུང་ནས་ཀྱང་། །ཉི་མ་བཞི་བས་གསད་པ་དྲུག་ཅུ་པ་ལས། ཉི་མ་བཞི་བའི་འཁོར་ལོ་བསྐོར་བའི་ལེའུ་སྟེ་ཉི་ཤུ་རྩ་བརྒྱད་པའོ།། །།ཉི་མ་བཞི་པའི་ལས་དེ་ལས། །ཉི་མ་བཞི་པ་དེ་དག་རེ་རེ། །གྲོགས་ཀྱི་ལས་ནི་འདི་དག་བྱའོ། །དང་པོ་འཕྲིན་ལས་གཞུང་བསྲང་ལ། །གཙོ་བོ་གཤིན་རྗེ་གཤེད་པོ་ལ། །འཁོར་གྱིས་བསྟོད་པའི་དོན་ཏེ། །གཏུམ་ཆེན་བསྟོད་པས་གཙོ་ལ་བསྟོད། །ལྕགས་ཀྱུའི་ཕྱག་རྒྱ་བཅས་པ་ཡང་། །རྩ་བའི་གསང་སྔགས་གང་ཡིན་ལ། །བཛྲ་ཨུ་ཀཁོ་ཡས་དགུག །ཨ་ཤག་ཤག་ནི་ཤག་ཤག །ཡ་མ་ཕྱེ་རྭ་ཛ། །ཞེས་པ་དང་། གུ་གུལ་ར་གཤོབ་བསྲེགས་ལ་ལྷ་དང་ཕྲལ། །ཕྱོགས་སྐྱོང་བཅུ་ཡང་བསྐུལ་བ་དང་། །ཁྲམ་ཐོགས་བདུད་ཀུན་བསྐུལ་བ་དང་། །གྲི་ཐོགས་གིང་ཡང་བསྐུལ་བ་དང་། །ཕོ་ཉ་རྣམ་པ་གསུམ་ཡང་བསྐུལ། །ཉེས་ལེགས་གཉིས་ཀྱི་སྟང་ཡང་བརྩི། །སྔོན་གྱི་དྲང་སྲོང་བསྒྲུབ་པ་ནི། །དམོད་པ་དྲག་པོ་རྣམས་ཀྱང་བོར། །ལྷ་སྲིན་སྡེ་བརྒྱད་ཐམས་ཅད་ཀྱི། །དམོད་པ་དྲག་པོ་ལྕོགས་ཚད་བོར། །ཉི་མ་བཞི་པ་དེ་དག་ནི། །ལས་ཀྱི་ལྷག་ཆད་འདི་ཡིས་བསྐང་། །གནམ་སྟོང་ཐོ་རངས་ལས་གཞུང་བསྲང་། །བདག་ཉིད་གཙོ་བོར་བསྒོམ་བྱས་ལ། །དྲག་སྔགས་འདི་དག་བཟླས་པར་བྱ། །ཨོམལྗིཤིཨ་ཀྲོཏིཀ་ཡ་མྱ་རྙ་ཀ །ཀ་ལ་རྭ་བ་ནིར་ཤ་ཀུ་རུ་ཧུ༷་ཕཊ། ཅེས་པའི་གསང་སྔགས་བཟླས། བཟླས་པ་བྱ་བའི་ཏིང་འཛིན་ནི། །བདག་ཉིད་གསང་སྔགས་བརྗོད་པ་ཡིས། །ལྷ་རྣམས་སོ་སོའི་རང་རང་ཀུན། །རང་རང་དྲག་སྔགས་ཟློས་པར་བསམ། །དགྲ་བོ་བསྒྲལ་བའི་ཤ་རུས་ལ། །ལྷ་ཡི་གཙོ་བོ་འཁོར་བཅས་ཀུན། །ལ་ལ་ཤ་ཟ་ཁྲག་འཐུང་ཞིང་། །ལ་ལ་རུས་འཆའ་ཁྲོལ་ཟ། ལ་ལ་བགས་བ་རློན་པ་གོན་པར་བསམ། །རྟོད་ཅིང་རྟོད་ཅིང་ཟ་བར་བསམ། །ཡབ་ཡུམ་འཁོར་དང་བཅས་པ་ཀུན། །བསྟོད་དང་ཐུགས་དམ་བསྐུལ་བར་བྱ། །འབྱོར་ཚོགས་མཆོད་དང་ཐུགས་དམ་བསྐུལ། །མཆོད་དང་བཤགས་པ་བྱ་བ་དང་། །ལིང་ག་བཅས་ལ་བསྒྲལ་བ་དང་། །ལིང་ག་བསྒྲལ་བའི་དུམ་བུ་དེ། །གཏོར་མར་བསྟབས་ལ་སྒྱིན་སྟེག་བྱ། །ལྷ་ཡི་དཀྱིལ་འཁོར་གསལ་བཏབ་ལ། །མཆོད་པ་རྣམས་ཀྱིས་ལེགས་མཆོད་ལ། །བཅོལ་བའི་འཕྲིན་ལས་གྲུབ་པར་བསམ ཨོསམཡམལྡིཤིཡབཱནཏཀ །པརྩི་ཏེ་ཏོ་ནི་ཧུ༷་ཛ་ས་མ་ཡང་ཤི །བྱིན་གྱིས་བརླབ་ཏུ་གསོལ། ཤི་ཨ་ཀྲོ་ཏེ་ཀ་ཡ་མུན་ཏ་ཀ་ཀྭ་མ་དུ་ཛ་ཛ། ཨོ་ཐྲི་ཏྲི་ཏྲི་ཧ་ཧ་སྨྱོ་ལམ་ཐུམས་ནི་ཛ་འགལ་བྱེད་སོད། ས་མ་ཡམལྗིཤིཀུགཏེ་ཧུ༷། དེ་ཐུམས་ཐུམས་ཏེ་སྟི་དམ་དམ། །ས་མ་ཡ་ཁུག་ཐུམ་རིལ། དགྲ་བོ་དམ་ཉམས་པ་རྩ་བ་ཆོད། ས་མ་ཡ་མ་རང་ཤོ་ར་རེ། །རྟགས་མངོན་དུ་ཕྱུང་ཞིག །དགྲ་བོ་ནུབ་གཅིག་དམ་ཉམས་པའི་སྟེང་ནས་རྡོ་རྗེའི་ཐོག་ཕོ་བ་ཅིག །བཀའ་ནན་དུ་གྱུར་ཅིག །བིག་ནན་དུ་གྱུར་ཅིག །ལས་ཀྱི་རླུད་དམར་གྱིས་རྒྱབ་ནས་ཕུལ་ཅིག །འཇིགས་པའི་མུན་ནག་གིས་མདུན་ནས་བསུ་ཅིག །སྙིང་ཨ་ཛ་ཀའི་དོག་པ་བཞིན་དུ་ཁོས་ཤིག །ཁ་སོ་སིལ་བུར་ཐོང་ཞིག །སྙིང་ཁྲག་ཁ་རུ་ལྷུགས་ཤིག །དཔལ་ཡ་མྱརྙ་ཀའི་དམོད་བ་ཆེན་པོ་སྡིགས་ཤིག །ཡུམ་ཨེ་ཀ་ཛ་ཏི་དང་པེ་ཏ་ནག་མོའི་དམོད་པ་ཆེན་པོ་སྡིགས་ཤིག ཁེང་ཏ་ལའི་མགོ་བཅད་པ་བཞིན་དུ་གྱུར་ཅིག །ས་བོན་མེས་ཚིག་བ་ལྟར་རྩ་བ་ཆོད་ཅིག །ཁྱུངས་ནམ་མཁའ་སྟོང་པར་མ་དབྱུང་། དུས་འཇིག་རྟེན་ཕྱི་མར་མ་གདབ། བཅོལ་བའི་ལས་རྣམས་གྲུབ་པར་མཛོད་ཅིག །བྱས་ལ་དྲང་སྲོང་གི་དམོད་པ་བོར་བའོ། །དེ་ནས་ལྷག་མ་མཆོད་པ་དང་ལས་ལ་གྲུབ་པའི་དཀྱིལ་དང་འཁོར་ལ་མཆོད་དོ། །གནན་པའི་འཁོར་ལོས་གནན་པ་དང་། །ལྷ་ཡི་དཀྱིལ་འཁོར་མཆོད་ནས་གཤེགས། །ཏིང་འཛིན་དཀྱིལ་འཁོར་རང་ལ་བསྡུའོ། །རང་ཉིད་ཡ་མན་ཏ་ཀ་ལས། །སྤྱོད་ལམ་རྣམ་བཞིར་མ་ངེས་པརབསམ། །གཤིནརྗེགཤེད་པོའི་རྒྱུད་གསང་བ་དྲུག་ཅུ་པ་ལས། ཉི་མ་བཞི་པའི་འཁོར་ལོ་ཁ་བསྐང་བའི་ལེའུ་སྟེ་ཉི་ཤུ་དགུ་པའོ།། །།རྡོ་རྗེ་འཛིན་བས་ཡང་ཞུས་པ། ཉི་མ་བཞི་པའི་འཁོར་ལོ་བསྐོར་བའི་ཐབས་ནི་ཇི་ཙམ་ཡོད། །གཅིག་ཡིན་ནམ་དུ་མར་བགྲངས་སུ་མཆིས། ཞེས་པས། གཤིན་རྗེ་གཤེད་པོས་བཀའ་སྩལ་པ། །གཤིན་རྗེའི་ཉི་མ་བཞི་པ་ལ། །འཁོར་ལོ་བསྐོར་ཐབས་བསམ་ཡས་སོ། །བསྡུ་ན་རྣམ་པ་གཉིས་སུ་འདུས། །གནམ་སྐོར་ཐོག་འདྲ་བྱ་བ་དང་། །འཁྲུལ་འཁོར་ལྕགས་འདྲ་བྱ་བའོ། །རྣམ་སྐོར་ལ་ཡང་རྣམ་པ་གཉིས། །ཞབྲུལ་འཁོར་སྐོར་ཐབས་དགུ་རུ་བྱའོ། །ཕྱི་ནང་གསང་བ་གསུམ་གསུམ་དགུའོ། །དེ་ཡི་ལས་དག་ལྡན་པར་བྱ། །ཕྱིར་དྲང་བའི་ཉི་མ་བཞི་པོ་བཞི་པ་ལས། ཡ་མ་རྭ་ཛ་ས་ཏོ་མེ་ཡ། ཨ་མུ་ཀ༷་ནི་ཤ་ཀུ་རུ་ནི་ཧུ༷་ཕཊ། ཉི་མ་གཉིས་པ། ཡ་མེ་ཏོ་རུ་ན་ཡོ་ཏ་ཡ། ཨ་མུ་ཀམ་རག་ཏ་ཙ་ར་ཡ་ནི་ཤ་ཀུ་རུ་ནི་ཧུ༷་ཕཊ། ཉི་མ་གསུམ་པ། ཡ་ཏ་ཡོ་ནི་ར་ཡ་ཁྲེ་ཡ་ཨ་མུ་ཀ༷་མུར་ཙ་ནི་ཤ་ཀུ་རུ་ནི་ཧུ༷་ཕཊ། ཉི་མ་བཞི་པ་ལ། ཡ་སྟེ་ཡ་ཙ་ན་ར་མ་ཡ། ཨ་མུ་ཀ༷་མུ་ར་ལ་ཧུ༷་ཕཊ། ཉིན་གཏོར་མཚན་དྲིལ། ཕྱི་དྲིལ་ནང་དྲིལ་དུ་དྲིལ་ལ། ཡ་མ་རྭ་ཛ་ས་ཏོ་མེ་ཡ། ཡ་མེ་ཏོ་རུ་ན་ཡོ་ཏེ་ཡ། ཡ་ཏ་ཡོ་ནི་ར་ཡ་སྟེ་ཡ། ཡ་སྟེ་ཡ་ཙ་ནི་རྭ་མ་ཡ། ཨ་མུ་ཀ༷་པྲམ་ཡ་ཧུ༷་ཕཊ། ཉི་མ་གཉིས་པ་ལ། ཡ་མ་རྭ་ཛ་ས་ཏོ་མེ་ཡ། ཡ་མེ་ཏོ་རུ་ན་ཡོ་ཏ་ཡ། ཡ་ཏ་ཡོ་ནི་ར་ཡ་སྟེ་ཡ། ཡ་སྟེ་ཡ། ཡ་སྟེ་ཡ་ཙ་ནི་ར་མ་ཡ། ཨ་མུ་ཀ༷་རག་ཏ་ཙ་ར་ཡ་ཧུ༷་ཕཊ། ཉི་མ་གསུམ་པ་ལ། ཡ་མ་རྭ་ཡ་ཛ་ས་ཏོ་མེ་ཡ། ཡ་མེ་ཏོ་རུ་ན་ཡོ་ཏ་ཡ། ཡ་ཏ་ཡོ་ནི་ར་ཡསྟེ་ཡ། ཡ་ཁྲེ་མ་ཙ་ར་ནི་ར་མ་ཡ། ཨ་མུ་ཀ༷་མུ་ར་ཙ་ཡ་ཧུ༷་ཕཊ།ཉི་མ་བཞི་པ་ལ། ཡ་མ་རྭ་ཛ་ཏོ་མེ་ཡ། ཡ་མེ་ཏོ་རུ་ན་ཡོ་ཏ་ཡ། ཡ་ཏ་ཡོ་ནི་ར་ཡ་སྟེ་ཡ། ཡ་སྟེ་ཡ་ཛ་ནི་ར་མ་ཡ། ཨ་མུ་ཀ༷་མྱ་ར་ཡ་ཧུ༷་ཕཊ། ཉིན་དྲིལ་ལ་གཡས་བསྐོར། །ནུབ་དྲིལ་ལ་གཡོན་བསྐོར། སུམ་ཅུ་རྩ་གཉིས་དྲེལ་བའི་འཁོར་བའོ། །ཕྱི་ཡི་གསང་བ་དྲང་བ་ལ། ཡ་མེ་ཏ་སྟེ། ཧྲི་སྟི་ཨ་མུ་ཀ༷་པྲ་མ་རྦད་ཡ། ཉི་མ་གཉིས་པ་ལ། ར་ཛ་ས་ཏོ་ཧྲི་སྟི་ཨ་མུ་ཀ༷ །ཆེ་གེ་མོ་རཀྟ་ཙ་ར་ཡ་རྦད་ཡ། ཉི་མ་གསུམ་པ་ལ། རུ་ཏོ་ཡོ་ནི་ཧྲི་ཏི་ཨ་མུ་ཀ༷་མུར་ཙ་ཡ་རྦད་ཡ། ཉི་མ་བཞི་པ་ལ། རྭ་ཛ་ཡ་ནི་ཧྲི་སྟི་ཆེ་གེ་མོ་མུ་ར་ཡ་རྦད་ཡ། ནུབ་བཞི་དྲིལ་ཏེ། ནི་ཙ་ཡར་ནི་ཡོད་རུ་ཏོ་ས་ཙ་ར། སྟེ་ཏ་མེ་ཡ་ཧྲི་སྟི་ཨ་མུ་ཀམ་ཆེ་གེ་མོ་བྲ་མ་ཡ་རྦད་ཡ། ནུབ་གཉིས་པ། ནི་ཙ་ཡ་ར་ནི་ཡོ་ན་རུ་ཏོ་ས་ཙ་ར་ཁྲེ་ཏ་མེ་མ་ཡ། ཧྲི་སྟི་ཨ་མུ་ཀ༷ །ཆེ་གེ་མོ་རཀྟ་ཙ་ར་ཡ་རྦད་ཡ། ནུབ་གསུམ་པ་ཡ། ད་ཛ་ཡ་ནི། ར་ནི་ཡོ་ན་རུ་ཏོ་ས་ཙང་སྟེ་ཏ་མེ་མ་ཡ། ཧྲི་སྟི་ཨ་མུ་ཀ༷་ཆེ་གེ་མོ་མུར་ཙ་ཡ་རྦད་ཡ། ནུབ་བཞི་པ་ལ།ནི་ཛ་ཡ་ར་ནི་ཡོ་ན་རུ་ཏོ་ས་ཙ་རསྟེ་ཏ་མེ་མ་ཡ། ཧྲི་སྟི་ཀ་བ་ཡེ་ཆེ་གེ་མོ་མ་ར་ཡ་རྦད་ཡ། ནང་དུ་གསུམ་དུ་ཕྱེ་བ་ལ། ཕྱི་ལྟར་ཨ་ཀྲོ་ཏེ་ཀ་ཡི་གེ་བཅུ་བདུན་པ་ལ་བྱའོ། །ནང་གི་ནང་ནི། ཡ་མ་མེ་ཏ་སྟེ། རྭ་ཙ་ས་ཏོ་རུ་ན་ཡོ་ནི་ར་ཡ་ཛ་ནི། ཞེས་པའོ། །ནང་གི་གསང་བ། ཡ་མ་སྟེ་ཏ་མེ་ནི་ཛ་ཡར་ནི་ཡོ་ན་རུ་སྟོ་ས་ཛ་ར། ཨ་མུ་ཀ༷་བྲ་མ་ཡ་རྦད་ཡ། ཞེས་པའོ། །གསང་བ་གསུམ་དུ་ཕྱེ་བ་ལ། །གསང་བ་ཕྱི་ལྟར་དྲང་བ་ལ། ཉི་མ་དང་པོ་ལ།ཡ་མ་རྭ་ཛ་ས་ཏོ་མེ། མ་ར་ཙ་ས་ཏོ་མེ་ཡ་མ་རྭ་ཛ། ཏོ་མེ་ཡ་མ་ར། ས་མེ་ཡ་མ་རྭ་ཛ། ཏོ་མེ་ཡ་མ་རྭ་ཛ་ཡ། མེ་ཡ་མ་རྭ་ཛ་ས་ཏོ། ཆེ་གེ་མོ་ཕྲ་མ་པྲ་མ་ཡ་རྦད་ཡ། གཉིས་པ་ལ། ཡ་མེ་ཏོ་རུ་ན་ཡོ་ཏ་ཡ། མེ་ཏོ་རུ་ན་ཡོ་ཏ་ཡ་མ་མེ། ཡུ་མ་ཡོ་ཏ་ཡ་མེ་ཏོ། ན་ཡོ་ཏ་ཡ་མེ་ཏོ་རུ། ཡོ་ཏ་ཡ་མེ་ཏོ་རུ་ན། ཏ་ཡ་མེ་ཏོ་རུ་ན་ཡོ། ཆེ་གེ་མོ་རག་ཏ་ཙ་ར་ཡ་རྦད་ཡ། ཉི་མ་གསུམ་པ་ལ། ཡ་ཏ་ཡོ་ནི་ར་ཡ་སྟེ། ཏ་ཡོ་ནི་ར་ཡ་སྟེ་ཡ། ཡོ་ནི་ར་ཡ་སྟེ་ཡ་ཏ། ར་ཡ་སྟེ་ཡ་ཏོ་ཡོ་ན། ཡ་སྟེ་ཡ་ར་ཡོ་ནི་ར། སྟེ་ཡ་ཡོ་ཏ་ནི་ར་ཡ། ཆེ་གེ་མོ་མུ་ཙ་ཡ་རྦད་ཡ། ཉི་མ་བཞི་པ་ལ། ཡ་ཁྲེ་ཡ་ཙ་ནི་ར་མ། སྟེ་ཡ་ཙ་ནི་ར་ཡ་སྟེ། ཙ་ནི་ར་མ་ཡ་སྟེ་ཡ་ནི། ར་མ་ཡ་སྟེ་ཡ་ཛ་ནི། མ་མ་ཁྲེ་ཛ་ནི་ར། ཆེ་གེ་མོ་རྦད་ཡ། ཞེས་ཉི་མ་བཞི་པའི་ལས་སོ། །གསང་བའི་ནང་ནི། །ནུབ་མོའི་ལས་ལ་བྱ་སྟེ། ནུབ་དང་པོ་ལ། མེ་ཏོ་ས་ཙ་ར་མ་ཡ། ཏོ་ས་ཙ་ར་མ་ཡ་མེ། མེ་ཏོ་ས་ཙ་ར་མ་ཡ་མེ་ཏོ་ས་ཅ་ཡ་མེ་ཏོ་ས་ཙ་ར་མ་ཡ་ཏོ་ས་ཙ་ར་མ། ཆེ་གེ་མོ་བྲ་མ་ཡ་རྦད། ནུབ་གཉིས། ཏ་ཡོ་ན་རུ་ཏོ་མེ་ཡ། ཡོ་ན་རུ་ཏོ་མེ་ཡ་ཏ་ན་རུ་ཏོ་མེ་ཡ་ཏ་ཡོ། རུ་ཏོ་མེ་ཡ་ཏ་ཡོ་ནི་རུ། མེ་ཡ་ཏ་ཡོ་ན་རུ་ཏོ། ཆེ་གེ་མོ་རག་ཏ་ཙ་ར་ན་རྦད་ཡ། ནུབ་གསུམ་པ་ལ། སྟེ་ཡ་ཏ་ནི་ཡོ་ཏ་ཡ། ཡ་ར་ནི་ར་ཏ་ཡ་སྟེ། ར་ནི་ཡོ་ཏ་ཡ་སྟེ་ཡ། ཡོ་ཏ་ར་ཡ། སྟེ་ཏ་ར་ཡ། ཏ་ཡ་སྟེ་ཇ་ནི་ཡོ། ཡ་སྟེ་ཡ་ར་ནི་ཡོ་ཏ། ཆེ་གེ་མོ་མུར་ཙ་ཡ་རྦད་ཡ། ནུབ་བཞི་པ་ལ། ཡ་མ་ར་ནི་ཙ་ཡ་ཁྲེ། མ་ར་ནི་ཙ་ཡ་སྟེ་ལ། ར་ནི་ཙ་ཡ་སྟེ་ཡ་མ་ནི་ཛ་ཡ། ཁྲེ་ཡ་མ་ར་ཙ་ཡ། སྟེ་ཡ་མ་ར་ནི་ཙ་ཡ། ཡ་མ་མེ་ན་ཛི་སྟེ། ཆེ་གེ་མོ་མུ་ར་ཡ་རྦད་ཡ། རྣམ་ཐུགས་འབྲུག་དེད་ཅེས་ཀྱང་བྱས། བྱ་རིག་འཁུང་འཕྲོག་ཅེས་ཀྱང་བྱ། སྟག་མོ་འཕྱོངས་པ་ཞེས་ཀྱང་བྱ། །གསང་བ་ནང་ལྟར་དྲང་བའོ། །གསང་བའི་གསང་བ་ལྟར་དྲང་བ་ནི། ཡ་མེ་ཏོ་ས་ར་ཙ་ར་མ་ཡ། ཧྲི་སྟི་ཨ་མུ་ཀ༷་ཆེ་གེ་མོ་ཕྲ་མ་ཡ་རྦད། གཉིས་པ་ལ། ཡ་ཏ་ཡོ་ནི་རུ་ཏོམེ་ཡ། ཧྲི་སྟེ་ཨ་མུ་ཀ༷་རག་ཏ་ཙ་ར་ཡ་རྦད་ཡ། ནུབ་གསུམ་པ་ལ། ཡ་སྟེ་ཡ་ར་ནི་ཡོ་ཏ་ཡ། ཧྲི་སྟི་ཨ་མུ་ཀ༷་ཆེ་གེ་མོར་མུར་ཙ་ཡ་རྦད་ཡ། བཞི་བ་ལ། ཡ་མ་ར་ན་ཛ་ཡ་སྟེ་ཡ། ཧྲི་སྟི་ཨ་མུ་ཀ༷་ཆེ་གེ་མོ་ནཱ་ར་ཡ་རྦད་ཡ། ཞེས་བ་ཁྲི་ཁྲི་བཏོན་ལ། མི་ཚིག་གིས་བར་མི་གཅད་པ་དང་། སྤྱིད་སྙོམས་ར་རོ་གཉིད་ཀྱང་སྤང་། །བརྟུལ་ཞུགས་དགོངས་པ་བསལ་ལ་བྱའོ། །འཁྲུལ་འཁོར་ཆེན་པོ་ལྕགས་འདྲའོ། །འཁོར་ལོ་བསྐོར་ཐབས་བསྟན་པའོ། །གང་ལ་བྱ་བ་གདོན་མི་ཟ། །གནམ་བསྐོར་ཐོག་འདྲ་འཁོར་ལོ་ཡིས། །བསྐོར་ཐབས་གཉིས་པ་བསྟན་ཅིང་བཤད་པ་ལ། ཉི་མ་དང་པོ་ལ། ཡ་མེ་སྟ་མེ་ཏ་སྟེ་ར་ཙ་ས་ཏོ་རུ་ན་ཡོ་ནི་ཡ་ཛ་ནི། ཧྲི་སྟི་ཨ་མུ་ཀ༷་ཆེ་གེ་མོ་སྲ་མ་ཡ་རྦད་ཡ། ཉི་མ་གཉིས་པ་ལ། ཡ་མེ་མེ་ཏོ་སྟེ། རྭ་ཛ་ས་ཏོ་རུ་ནི་ཡོ་ནི་ར་ཡ་ཙ་ནི། ཧྲི་སྟི་ཨ་མུ་ཀ༷་ཆེ་གེ་མོ་རཀྟ་ཙ་ར་ཡ་རྦད་ཡ། ཉི་མ་གསུམ་པ་ལ། ཡ་མ་མེ་ཏ་སྟེ། རྭ་ཛ་ས་ཧོ་རུ་ན་ཡ། ནི་ར་ཡ་ཙ་ནི། ཧྲི་སྟི་ཡ་མུ་ཀ༷་ཆེ་གེ་མོ་མུར་ཙ་ཡ་རྦད་ཡ། བཞི་པ་ལ། ཡ་མ་མེ་ཏ་སྟེ་ཡ་རྭ་ཛ་ས་ཏོ་རུ་ན་ཡོ་ནི་ར་ཡ་ཁྲེ་ཡ་ཡ་ཙ་ནི། ཧྲི་སྟི་ཨ་མུ་ཀ༷་ཆེ་གེ་མོ་མྱ་ར་ཡ་རྦད་ཡ། ཕོ་བསྐོར་རོ། །མོ་སྐོར་ལ་ཡང་ཉིན། མོའི་སྔགས་བཟློག་པའོ། །ནི་ཛ་ཡ་ར་ནི། ཡོ་ན་ཙ་ར་ཡ་རྦད་ཡ། ནུབ་གསུམ་པ་ལ་ནི། ནི་ཙ་ཡ་ར་ནི། ཡོ་ན་རུ་ཏོ་ས་ར་ཙ་ཏ་སྟེ་ཏ་མེ་མ་ཡ། ཧྲི་ཏི་ཨ་མ་ཀ༷་ཆེ་གེ་མོ་མུ་ར་ས་ཙ་ཡ་རྦད་ཡ། བཞི་པ་ལ། ན་ཙ་ཡ་ར་ནི་ཡོ་ནི་རུ་ཏོ་ས་ཙ་ར་སྟེ་ཏ་མེ་མ་ཡ། ཧྲི་སྟི་ཨ་མུ་ཀ༷་ཆེ་གེ་མོ་མྱ་ར་ཡ་རྦད་ཡ་ཞེས་པ་ནི་གནམ་བསྐོར་ཐོག་འདྲི་ཕོ་བསྐོར་དང་། མོ་བསྐོར་གཉིས་ཀྱི་སྐབས་སོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་ལོ་བསྐོར་ཐབས་ཀྱི་གྲངས་བསྟན་པའི་ལེའུ་སྟེ་སུམ་ཅུ་པའོ།། །།རྡོ་རྗེ་འཛིན་པས་ཡང་ཞུས་པ། །འཁོར་ལོ་བསྐོར་ཐབས་དེ་ལགས་ན། །འཁོར་ལོའི་རྣམ་གྲངས་བཤད་དུ་གསོལ། །གཤིན་རྗེ་གཤེད་པོས་བཀའ་སྩལ་པ། །འཁོར་ལོའི་རྣམ་གྲངས་མང་བར་བཤད། །བསྡུ་ན་རྣམ་པ་གསུམ་དུ་འདུས། །གནས་པ་ཆོས་ཀྱིས་འཁོར་ལོ་དང་། །དེ་ལས་བྱུང་བའི་འཁོར་ལོ་དང་། །སྤྲུལ་པ་ལས་ལ་བྱུང་བའི་འཁོར་ལོ་དང་། །རྣམ་པ་གསུམ་དུ་བཤད་པ་ལས། །གནས་བ་ཆོས་ཉིད་ཀྱི་འཁོར་ལོ་ནི། །སྣང་སྲིད་སྣོད་བཅུད་ཐམས་ཅད་ཀུན། །འཁོར་བ་མྱ་ངན་འདས་པ་ཡི། །རྣམ་རྟོག་དང་ནི་གཟུང་འཛིན་དང་། །ང་དང་ཉོན་མོངས་ཐམས་ཅད་དང་། །ཟུག་རྔུའི་སྒྲིབ་པ་ཀུན་བཅོམ་པས། །གཅད་རྒྱུ་གཟུང་འཛིན་གཉིས་ཡོད་པས། །གཟུང་འཛིན་མཚོན་མ་མ་ལུས་པ། །ཆོས་ཉིད་ངང་དུ་ཆོས་ཉིད་ཤར། །དེ་ལྟ་བུ་ཡི་རང་བགི་ལ། །གནས་པ་ཆོས་ཉིད་འཁོར་ལོ་བྱའོ། །དེ་ལས་བྱུང་བའི་འཁོར་ལོ་ནི། །ཆོས་ཉིད་གནས་པའི་བྱིན་བརླབས་དང་། །ཆོས་ཉིད་ངོ་བོའི་བྱིན་རླབས་དང་། །ཐེག་པ་གསུམ་དང་གསང་སྔགས་ཀྱི། །བསྙེན་དང་བསྒྲུབ་པ་མང་པ་བསྟན། །གློ་བུར་བག་ཆགས་རིམ་གྱིས་གཅོད། །ཆོས་ཉིད་ངང་ལས་མ་གཡོས་པས། །དེ་ལས་བྱུང་བའི་འཁོར་ལོ་བྱའོ། །སྤྲུལ་པ་ལས་ཀྱི་འཁོར་ལོ་ལ། །དབྱེ་ན་རྣམ་པ་གཉིས་སུ་བསྟན། །འཁོར་ལོ་འཁོར་བའི་འཁོར་ལོ་དང་། །མི་འཁོར་བ་ཡི་འཁོར་ལོའོ། །འཁོར་བའི་འཁོར་ལོ་དེ་ལ་ཡང་། །མ་བསྐོར་བ་ཡི་འཁོར་ལོ་དང་། །བསྐོར་ཡང་ཕན་མེད་འཁོར་ལོ་འོ། །བསྐོར་ཡང་ཕན་མེད་འཁོར་ལོ་ནི། །བསྙེན་པ་ན་དུ་མ་སྐྱོལ་ན། །འཁོར་ལོ་བསྐོར་ཡང་ཕན་མེད་པས། །བསྐོར་ཡང་ཕན་མེད་འཁོར་ལོ་འོ། །མ་བསྐོར་འཁོར་བའི་འཁོར་ལོ་ནི། །བསྙེན་པ་ན་དུ་སྐྱོལ་བ་སྟེ། །བཅད་རྒྱུ་གང་ལ་ཡང་བྱ་བ་ཡི། །དགྲ་དང་བགེགས་ལ་བྱ་བའོ། །དེས་ནི་དགྲ་བགེགས་འཇོམས་པར་བྱེད། །མི་འཁོར་བ་ཡི་འཁོར་ལོ་ནི། །ཞི་དང་རྒྱས་དང་དབང་དང་ནི། །དྲག་པོ་ལས་ཀྱི་འཁོར་ལོ་ནི། །འཕྲིན་ལས་བཞི་པ་ཐམས་ཅད་ཀྱང་། །སྤྲོས་ནས་ལས་བཅུ་འཁོར་ལོ་སྟེ། །བསྡུས་ན་ཕོ་སྐོར་མོ་སྐོར་རོ། །འཁོར་ལོ་བྲི་བའི་རྒྱུ་དག་དང་། །བཅུ་གཉིས་རྩ་བས་ཅན་འཁོར་ལོ་འདི། །ཡི་དྭགས་ཀྱི་ནི་གོས་ལ་བྲི། །འཁོར་ལོ་བྲི་བའི་གཞི་མ་ཡང་། །གསད་པ་གཤིན་རྗེའི་ལྟོ་རུ་བྲི། དབྱེ་བའི་འཁོར་ལོ་རྟ་དང་མ་ཧེའི་རྒྱབ་ཏུ་བྲི། །རྨོངས་པའི་འཁོར་ལོ་ལུག་གི་ལྟོ་རུ་བྲི། །བསྐྲད་བའི་འཁོར་ལོ་རྔ་མོའི་རྒྱབ་ཏུ་བྲི། སྨྱོ་འབོག་ཤ་དམར་རྒྱབ་ཏུ་བྲི། །དེ་ལས་དྲག་པོའི་ལས་བཞི་པ། །ཞི་པ་ཟླ་བའི་དཀྱིལ་འཁོར་ལ། །རྒྱས་པའི་འཁོར་ལོ་གླང་པོའི་རྒྱབ་ཏུ་བྲི། །གནན་པའི་འཁོར་ལོ་རི་རབ་འོག་ཏུ་ཆུད་པ་བྲི། །གཉིས་པ་དེ་ཡི་རྒྱུས་པའི་ལས། །དབང་དུ་བྱ་བའི་འཁོར་ལོ་ཆུང་མའི་སྙིང་ཁར་བྲི། །དགུ་པའི་འཁོར་ལོ་དེད་དང་སེང་གེའི་རྒྱབ་ཏུ་བྲི། །གཉིས་པ་དེ་ནི་དབང་གིས་ལས་སུ་བྱའོ། །འཁོར་ལོ་དེ་དག་སྣག་ཚ་ཡང་། །རོ་བསྲེགས་ཐལ་བ་དུག་སྣ་ཚོགས། །ཏིལ་དང་ཡུངས་ནག་མར་ཁུ་དང་། །དགྲ་བོའི་ཕྱིས་ར་ཁྲག་དང་། །དྲག་བོའི་སྣག་ཚར་བཤད་པའོ། །མ་དཀར་སྐྱེ་ཚེ་ལན་ཚྭ་ཞི་བའི་སྣག་ཚའོ། །ཙན་དན་གིའུ་ཝང་རྒྱ་སྐྱེགས་དབང་གི་སྣག་ཚའོ། །ལྡོང་རོས་གུར་ཀུམ་རྒྱས་པའི་སྣག་ཚའོ། །བྲི་བའི་སྨྱུ་གུ་བསྟན་པ་ལ། །ཞི་བའི་སྨྱུ་གུ་འུག་པ་ལ། །བྱ་རོག་འུག་པ་ཁྲ་ཡི་སྒྲོ་བཅུག་ལ། །དྲག་པོའི་སྨྱུ་གུ་རུས་པ་བཀས་ལ་བྱ། །སྒྲོ་གསུམ་པོ་ཡང་གང་ཡོད་གཞུག །འཁོར་ལོ་དེ་དག་གཞུག་པའི་སྣོད། །དྲག་པོའི་འཁོར་ལོ་ཕོ་ཐོད་མོའི་ཐོད་པར་གཞུག །གཞན་མའི་འཁོར་ལོ་འཇིམ་པ་ལ། །གའུ་ལེགས་བར་སོ་བཏང་དུ། །འཁོར་ལོ་དེ་དག་གང་བྱེད་གཞུག །འཁོར་ལོ་ཞེས་ནི་བྱ་བ་ཡང་། །གཅོད་བའི་ཕྱིར་ནི་འཁོར་ལོ་སྟེ། །གཅད་རྒྱུ་རྣམ་པ་གསུམ་ཡོད་པས། །འཁོར་ལོ་རྣམ་པ་གསུམ་དུ་བསྟན། །ཕྱི་ཡི་དགྲ་བོ་དགྲ་བོ་དངོས་སུ་གཅོད་པ་དང་། །དགྲ་བགེགས་བར་དུ་གཅོད་པ་སྟེ། །ནང་གི་དགྲ་བོ་གློ་བུར་སྐྱེས་པ་ཡིས། །རྣམ་རྟོག་ཉོན་མོངས་བག་ཆགས་སོ། །གཟུང་འཛིན་ང་བདག་ཞེན་པ་ཡི། །ཡི་ནི་ཤེས་བྱའི་སྒྲིབ་པ་སྟེ། །གནས་པ་ཆོས་ཉིད་འཁོར་ལོ་ཡིས། །ཆོས་ཉིད་དོན་དེ་རྟོགས་པ་ཡིས། །གཟུང་འཛིན་ཤེས་བྱའི་སྒྲིབ་པ་ཉིད། །ཆོས་ཉིད་འཁོར་ལོ་ཤར་བ་ཡིན། །དེ་ལས་བྱུང་བའི་འཁོར་ལོ་ཡིས། །ཆོས་ཉིད་རོལ་པ་མ་འགགས་པས། །ཞེས་པ་བསམ་ཡས་དོན་འབྱུང་བས། །གློ་བུར་རྟོགས་པ་ངང་གིས་སྤངས། །སྤྲུལ་པ་ལས་ཀྱི་འཁོར་ལོ་ཡིས། །བདེ་གཤེགས་བཀའ་ལས་འདས་པ་ཡི། །བགྲ་བགེགས་གང་ཡིན་དབྲལ་བ་ཡིན། །གཤེན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་ལོ་རྣམ་གྲངས་དབྱེ་བ་དང་། སོ་སོའི་ཐབས་བསྟན་པའི་ལེའུ་སྟེ་གསུམ་ཅུ་གཅིག་པའོ།། །།རྡོ་རྗེ་འཛིན་པས་ཡང་ཞུས་པ། །འཁོར་ལོ་དེ་དག་ཐམས་ཅད་ཀྱིས། །གནན་པ་བྱ་བའི་ཐབས་གསུངས་འཚལ། །ཞེས་པས། གཤིན་རྗེ་གཤེད་པོས་གསུངས་པའི་དོན། །གནན་པའི་ལས་ནི་འདི་གསུངས་པ། །འཁོར་ལོ་གའུའི་ནང་དུ་གཞུག །གོང་དུ་བྲིས་པའི་འཁོར་ལོ་དེ། །མཚམས་ཀྱི་རེ་མིག་སྟོང་པ་དེར། །དགྲ་བོའི་མིང་བྱང་བྲིས་བ་དང་། །འཁོར་ལོ་བཅུ་དྲུག་རྩིབས་ལ་ཡང་། །ཧྲི་སྟིའི་སྔགས་དང་མིང་རུས་གཉིས། །སྤེལ་ལ་བྲི་བར་བྱ་བ་དང་། །དེ་ལྟ་བུ་ཡི་འཁོར་ལོ་དེ། །ཐམས་ཅད་མོན་མཛེ་དྲེའི་ཐོད་པའོ། །ཐོད་པ་མཚན་ངན་གང་ཡོད་ལ། །སྤྱི་བོར་འཆི་བདག་གཤིན་རྗེའི་གཟུགས། །ཆུང་མ་དང་བཅས་པ་བྲིས་ལ། །ལམ་གྱི་ཐོད་པ་འཁོར་ལོ་ཟི། །དེ་ཡི་མཐའ་མར་སྤྲུལ་གྱིས་བྲི། །དེ་ལྟར་བྲིས་བའི་ཐོད་པ་དེ། །ཉི་མ་དང་པོ་ཁ་ནས་བཤམས། །གནམ་སྟོང་ནམ་གྱི་བརྒྱད་ཆ་ནས། །གོང་གི་རོ་རས་འཁོར་ལོ་དེ། །ཕོ་སྐོར་མ་སྐོར་ཁ་སྦྱར་ལ། །བར་དུ་དགྲ་བོའི་མིང་རུས་གཞུག །འཁྲུལ་བ་མེད་པར་དྲིལ་བྱས་ལ། །ལ་ཆ་སྤྲ་ཚལ་རྒྱ་ཡིས་གདབ། །བག་ཟན་གྲིལ་ལ་ལ་ཆས་གཡོགས། །འཁོར་ལོའི་ཡིག་འབྲུ་དེ་རྣམས་ནི། །ཡིག་འབྲུ་ཡེ་ཤེས་ལྷ་ཡི་ནི། །རྒྱལ་ཆེན་ས་ཡི་དཀྱིལ་འཁོར་ལ། །ལྷ་ཚོགས་བཀུག་ནས་ཐིམ་ནས་བཞུགས། །འཁོར་ལོ་ཡིག་འབྲུ་བཅུ་བདུན་ནོ། །ལས་ཀྱི་འཆི་བདག་གཙོ་འཁོར་དུ། །བསམས་ལ་དེ་ཡི་གང་འདོད་པའི། །མིང་རུས་བཞུགས་པའི་དགྲ་བོ་དེའི། །ལྒབུབ་དབང་མེད་པར་འགུག་བྱས་ནས། ཁྲ་ཟ་ཁྲག་འཐུང་རུས་པ་འཆ། །དངོས་པོ་མེད་པར་གཟིར་པར་བསམ། །འཁོར་ལོ་ལ་ཆས་དྲིལ་བ་དེ། །ཐོད་པར་བཅུག་ལ་ཞབས་མས་གྲིལ། །སྔོན་དམར་སྐུད་པས་བཅིངས་བྱས་ནས། །མཆོད་རྟེན་འོག་གམ་ལྷ་ཁང་ནང་། །མཆོད་ཁང་ཐེམ་པར་གནན་པར་བྱ། །གོང་གསུམ་ལམ་ཆེན་རྒྱ་གྲམ་དུ། །འཁོར་ལོ་ཆེན་པོ་ཐེམ་པའམ། །དུར་ཁྲོད་ལ་སོགས་གང་རུང་དུ། །ཐོད་པ་དེ་ཡི་ནང་དུ་ཡང་། །སྒྲུབ་པའི་ཕུད་གཏོར་འཕྲུགས་པ་དང་། །བཟླས་པའི་ཡུངས་ཀར་ཕུད་བླུགས་ལ། །གནན་པ་བརྒྱད་པོ་དེ་དག་གིས། །ལྷ་འདྲེ་གདུག་པ་གང་ཡོད་ནི། །དེ་དང་མཐུན་པའི་རྫས་ཟླུགས་ལ། །བདག་ཉིད་གཤིན་རྗེ་གཤེད་པོ་བསྒོམ། །གནན་པ་གང་དུ་བྱེད་པ་དེར། །ལྷ་ཡི་ང་རྒྱལ་གསལ་བྱས་ལ། །གཏོར་མ་ཆ་གཅིག་ཤ་ཁྲག་དང་། །རག་ཏ་ཕུད་ཀྱིས་བསྐང་བྱས་ལ། །མདུན་དུ་བཞག་པའི་བྱིན་རླབས་ལ། །ལས་ཀྱི་འཆི་བདག་བོད་པར་བྱ། །རི་རབ་འབར་པ་གཤགས་ལ་བོད། །རི་རབ་ཆེན་པོ་གཤགས་པ་ཡང་། །བདག་ཉིད་གཤིན་རྗེ་གཤེད་པོར་བསྒོམས་པ་དེས། །ལག་པ་གཡོན་པ་སྡིགས་མཛུབ་བྱ། །གཡས་པ་བེ་ཅོན་ཕྱག་རྒྱ་ནི། །སོར་མོགཞནམགཤིབསཔཡིས། །མཐེ་བོང་པར་ཆང་བཅུག་ནས་ཀྱང་། །ཕྱག་རྒྱ་དེ་དག་སྔགས་འདི་ཡིས། །རི་རབ་གཤགས་པར་བྱ་བ་དེ། །ཨོ་ན་མོ་བུ་རྙ་ཡ། དྷ་རྨ་ས༷་ལྷེ་བྷ༷༷ཏ་ཐུ་ག་ཏ་ཀྲོ་དྷི་བི་ཛ་ཡ ཨ་ནིར་ཛ་ལི་ཏ་པ་རྩ་ཤི་ཀ་པྲ་ཏ་ཡ་ཧུ༷་ཕཊ། ཅེས་པས། ས་ནི་དཔག་ཚད་བརྒྱད་ཁྲི་བཞི་སྟོང་དང་། །ཆུ་ནི་དཔག་ཚད་བརྒྱད་ཁྲི་བཞི་སྟོང་དང་། །མེ་ཡི་དཔག་ཚད་བརྒྱད་ཁྲི་བཞི་སྟོང་དང་། །གནམ་ས་ཡང་དྲུག་འབུམ་གཤགས་ནས། །དེ་ཡི་འོག་ན་སྒོ་མེད་པའི། །ལྕགས་མཁར་ནག་པོ་བཅུ་གཉིས་ནས། །ལས་ཀྱི་གཤིན་རྗེ་དེས་ཡོངས་ནས། །དེ་ལ་གཏོར་མ་དེ་བྱིན་ལ། །ཨོ་ཡ་མ་གརྨ་པྲ་བྷ་ཏ་བ་ལི་ཏ་ཁུ་ཧི། ཞེསས་པས་ལན་བདུན་གྱིས་གཏོར་མ་དེ་བྱིན་གྱིས་བརླབས་ལ། །གོང་གི་ཐོད་པ་མཚན་ངན་དེ། །དེ་ཡི་ལག་ཏུ་གཏད་བྱས་ལ། །སྐལ་པ་བཟང་པོའི་སེམས་ཅན་འདི། །འཆི་བདག་ཁྱོད་ཀྱི་ཟས་སྐལ་དུ། །ང་ཡིས་གཏད་དོ་དམ་ཉམས་འདི། །ལུས་སེམས་མ་བྲལ་བར་དུ་གཏད། །ཅེས་པས་འཕྲིན་ལས་བཅོལ་ཏེ། ཁྱོད་ཀྱི་ལྷོ་ན་སྲིད་པ་གསུམ་ཡོད་པས། དམ་ཉམས་འདི་གཏད་དོ་ཤོ་ར་རེ་བྱས་ལ་ཐོད་པའི་འོག་ཏུ་ཁྲུ་དོ་རྐོས་ལ་ཐོད་པ་གཞུག །རྡོ་བ་སྔོན་པོ་ལེབ་མོ་ལ། །རྡོ་རྗེ་རྒྱ་གྲམ་གཟུགས་བྲིས་ལ། སྲ༷་དང་ལ༷་གྱིས་བསྐོར་ལ་མནན། །སྟེང་དུ་དོན་ཡོད་གྲུབ་པ་ཡབ་ཡུམ་བསྒོམ། །ལས་ཀྱི་གཤིན་རྗེ་རལ་པ་ཚར་དགུ་ལ། །གང་དུ་གནོན་ཀྱང་དངོས་སུ་དེ་ལ་གཏད། །ཆུ་མིག་དག་ཏུ་གནོན་པ་ནི། །ཀླུ་ཡི་རིགས་ནི་ནག་པོ་ལ། །གཏོར་མ་ཀླུ་སྨན་དཀར་མོ་ལ། །ན་ག་རྭ་ཛ་པུས་བ་བ་ལི་ཏ་ཁུ་ཧི། ཞེས་པས་གཏོར་མ་བྱིན་གྱིས་བརླབས་ལ་དབུལ། །གོང་གི་འཁོར་ལོ་གླང་རུ་སྲ ཀླུ་སྨན་དང་པོ་འོ་མས་བསྐང་ལ། གླང་རུའི་ཁ་ལ་བས་བཀའ་ལ། །ལ་ལྕེ་བྱེ་སས་དྲིལ། །རས་ནས་དཀར་རྩ་ཕུལ་གང་ཡང་། ཆུ་དཀྲུགས་པའི་ཀླུ་དེ་ལ་ངས་མ་ཉེས་ཞེས་དཔང་བཙུགས་ལ་དེ་རུ་གཏད། བདག་ཉིད་གཤིན་རྗེ་གསལ་བྱས་ལ། །སྙིང་པོ་བཟླས་ཤིང་གནན་པ་བྱ། །རྩ་དེ་ཆུ་མིག་ཕུགས་སུ་སྦ། །ལག་པ་བཀྲུས་ལ་རྩི་སྨན་བྱུགས་ལ་སྦ། །སྔགས་དང་ཕྱག་རྒྱས་གནན་པ་དང་། །ཏིང་འཛིན་བསྒོམས་པས་གནན་པ་དང་། །གཏད་ཁྲམ་ཚིག་གིས་གནན་པའོ། །འབྲས་བུ་ཐོན་ནས་འཁོར་ལོ་དབྱུང་། །འཁོར་ལོ་འབྲས་བུ་མ་བྱུང་ཡང་། །བཏོན་པས་སྦོགས་པ་བྱས་པ་ཡང་། །གནམ་ས་གཞན་དུ་སྤོས་ལ་ཡང་། །འབྲ་བུ་བྱུང་ནས་འཁོར་ལོ་དབྱུང་། །ཐ་མ་འཁོར་ལོ་མ་བྱུང་ན། །དགྲ་བོ་བརླག་པར་གྱུར་པ་དང་། །ཐ་མ་རྣལ་འབྱོར་རང་ལ་གནོད་པ་དང་། །དེ་ནས་འཁོར་ལོ་ཐ་མ་ནི། །འབྲས་བུ་བྱུང་ནས་འཁོར་ལོ་གདོན། །ཡུམ་ཀུན་སྔགས་བཟླས་འོ་མ་རྩི་སྨན་གྱིས། །འཁོར་ལོ་བཀྲུས་ལ་དབྱུང་བའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་ལོ་གནོན་པའི་ལེའུ་སྟེ་སོ་གཉིས་པའོ།། །།དེ་ལྟར་འཁོར་ལོ་གནན་པ་དེར། །རྟགས་རྣམས་བྱུང་ནས་སླར་ཡང་དབྱུང་། །རྟགས་བྱུང་འཁོར་ལོ་མ་བཏོན་ན། །ཐ་མར་རང་དང་རིགས་བརྒྱུད་དང་། །འཇིག་རྟེན་ཕྱི་མར་གནོད་པས་ན། །༢བོར་ལོ་གདོན་པའི་ཐབས་གསུངས་པའོ། །གནོན་པའི་ལྷ་འདྲེ་དེ་ལ་ཡང་། །དེའི་མཐུན་རྫས་དང་གཏོར་མ་བྱིན། །ལས་ཀྱི་འཆི་བདག་དེ་ལ་ཡང་། །གཏོར་མ་བྱིན་ལ་གཏང་རག་བཏང་། །ཞོབོར་དང་ཡུམ་རྣམས་སོ་སོ་ཡི། །སྔགས་བཟླས་འོ་མ་ཀླུ་སྨན་གྱིས། །འཁོར་ལོ་བཀྲུ་ཞིང་གདོན་པར་བྱའོ། །ཨོ་མ་མ་ཨེ་ཀ་ཛ་ཏི་་ག་རག་ཤ་ས་མ་ཤིརྙི་ཀུ་རུ་གྲྭ་ཧྭ། །ཨོ་ཨ༷༷ཧུ༷་པེ་ཏ་ལེ་རག་ཤ་རག་ཤ་མན་ཏྲ་ཤན་ཏིང་ཀུ་རུ་གྲྭ་ཧྭ།ཨོ་བཛྲ་ཀྲོ་དྷི་ཧེ་མ་དེ་ཤིརྙ་ཀུ་རུ་གྲྭ་ཧྭ། ཨོ་བཛྲ་ཀྲོ་དྷི་ཡ་མ་དེ་བི་ཤིརྙ་ཀུ་རུ་སྲུཧྭ། ཨོ་བཛྲ་ཀྲོ་དྷི་ན་ག་དེ་མ་ཤིརྙ་ཀུ་རུ་གྲྭ་ཧྭ། ཨོ་བཛྲ་ཀྲོ་དྷི་ཁ་རག་དེ་མ་ཤིརྙ་ཀུ་རུ་གྲྭ་ཧྭ། ཨོ་བཛྲ་ཀྲོ་དྷི་ཁ་ལ་ད་རོང་སྨྱོ་རུ་ལུ་རུ་ལུ་ཤིརྙ་ཀུ་རུགྲྭ་ཧྭ། ཨོ་བཛྲ་ཀྲོ་དྷི་ཁ་ལ་ང་རོད་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། ཨོ་བཛྲ་ཀྲོ་དྷི་པྲ་ཏི་ད་རོད་མ་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། མ་མ་ཁ་ལ་སྨྱོ་ད་རོད་མ་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། རག་ཤ་ཁ་ལ་རོད་མ་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། ན་ག་ཁ་ལ་ད་རོད་མ་སྨྱོ་རུ་ལུ་རུ་ལུ་ཤིརྙཀུ་རུ་སྲུ་ཧྭ། པྲ་ཏེ་ད་མནཱ་ག་ད་རོད་མ་སྨྱོ་རུ་ལུ་རུ་༷ལུ་ཤིརྙ་ཀུ་རུ་གྲྭ་ཧྭ། ཁ་ཡཀྟ་ད་ལ་ད་རོད་མ་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། མ་མ་དུན་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། མ་མ་དུན་སྨྱོ་རུ་ལུ་རུ་ལུ་ཤིརྙ་ཀུ་རུ་གྲྭ་ཧྭ། མ་མ་ཧེ་དུན་དུ་རུ་ཨེ་ནེ་དུན་དུན་ཤིརྙ་ཀུ་རུ་གྲྭ་ཧྭ། ཨོ་བཛྲ་དུན་དུན་མ་ཏི་ཤིརྙཀུ་རུ་སྲུ་ཧྭ། ཨོ་བཛྲ་ཀྲོ་དྷ་རག་ཤ་མུ་ཀ་ཤིརྙ་ཀུ་རུ་གྲྭ་ཧྭ། ཞེས་པས་ཡུམ་རྣམས་ཀྱི་སྔགས་ཏེ། འཁོར་ལོ་འོ་མ་དང་སྨན་སྦྱར་བས་བཀྲུ་ཞིང་གདོན་པའོ། །འཁོར་ལོ་དེ་ནི་བཏོན་བྱས་ནས། །ཡེ་ཤེས་ཅན་དང་ལས་ཅན་གྱི། །ལྷ་ཚོགས་ཡོངས་ལ་བཏང་རག་གཏོང་། །འཁོར་ལོ་རྙིང་པ་དེ་ཡང་ནི། །རྫས་དང་བཅས་པས་སྤྱིན་སྲེག་བྱ། །སྦྱིན་སྲེག་ཐལ་བ་རླུང་ལ་བསྐུར། །དགྲ་བོ་རླུང་ལ་བསྐུར་བའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་ལོ་གདོན་པའི་ཐབས་བསྟན་པའི་ལེའུ་སྟེ་སོ་གསུམ་པའོ།། །།རྡོ་རྗེ་འཛིན་པ་ཡང་གསོལ་པ། །འཁོར་ལོ་གསད་པའི་སྒྲུབ་པ་དེ་གང་ལགས། །འབྲུབ་ཁུང་སྒྲུབ་པའི་སྒྲུབ་པ་ཇི་ལྟར་བཅའ། །ཞེས་གསོལ་པ་དང་། །གཤིན་རྗེ་གཤེད་པོས་བཀའ་སྩལ་བ། འབྲུབ་ཁུང་རྟེན་པའི་སྒྲུབ་པ་ནི། །ཐབས་ནི་ཇི་ལྟར་ཤེས་པ་བྱ། །བསྙེན་པ་ཉེ་བསྙེན་ཚད་ཕྱུང་ལ། །རྒྱ་ཆེན་པོའི་དཀྱིལ་འཁོར་ནི། །མཁས་པས་ཤིན་ཏུ་བྲི་བར་བྱ། །འཁོར་ལོ་དེ་ཡི་བྱང་ཤར་དུ། །འབྲུབ་ཁུང་གྲུ་གསུམ་སུམ་རྩེག་བྱ། །ནང་ཀུན་སོལ་བས་ནག་པོར་བྱ། །འབྲུབ་ཁུང་དེ་ཡི་ནང་དཀྱིལ་དུ། །དྲི་མ་དྲུག་ཏུ་གནས་ཕྱེ་ལ། །སྤྲུས་པའི་ལིང་ཀ་མཛུབ་གང་བྱ། །མིང་རུས་སྙིང་ཁ་དཔྲལ་བར་གླན། །སྔོན་དམར་ཐགས་པས་སྐེ་རགས་བཏགས། །ཕུརབགཤིནརྗེདམར་པོར་བསྒོམ། །དེ་ལ་བཏགས་ལ་ལེགས་པར་སྦྱར། །སྒྲུབ་རྫས་འཁོརལོབཞིནདུབཤམས། །ཁྱད་པར་ཕུར་བ་བཙྭ་ལྔ་དགོད། །ཕུརཔགཤིནརྗེགཤེད་པོ་དང་། །གཤེད་བཞི་ཕྱོགས་སྐྱོང་བཅུ་རུ་བསམ། །ལས་གཞུང་རིམ་པར་བྱ་བ་ཡང་། །བཅུ་བདུན་སྙིང་པོ་ནུས་ཚད་བཟླས། །ལྷ་ཀུན་ཐུགས་དམ་བསྐུལ་བྱས་ནས། །དགྲ་བགེགས་གང་ཡིན་འདི་ཡིས་དགུག །ལྕགས་ཀྱུའི་ཕྱག་རྒྱས་བཅས་ལ་དགུག །ཨོ་བཛྲ་ཨུ་ཀཁོ་ཡ་ཆེ་གེ་མོ་ཛ་ཛ༷༷། ཞེས་བདག་གི་ཐུགས་ཀ་ནས། །ལྷ་མོ་ལྕགས་ཀྱུ་ཐོགས་པ་སྤྲོས། །དགྲ་བགེགས་སྙིང་ནས་བཟུང་ནས་ཀྱང་། །ལིང་ག་དེ་ལ་འདི་སྐད་གདབ་ཨོ་བཛྲ་བྲ་བེ་ཡ་ཕཊ། ཅེས་ཁ་ཕྱེ་ལ། ཨ་བེ་ཤ་ཨ་བེ་ཤ་ཡས་བསྟིམ། །གུ་གུལ་ར་གཞོབ་ཚིལ་ཆེན་དང་། །མེ་ལ་བསྲེགས་པའི་དུད་པས་བདུག །ཨ་ནི་ཤག་ཤག་དུ་རི་པྲ་མ་ནི་དེ་བ་ཕྱེ། ཞེས་ལྷ་དང་དཔྲལ། ཞེས་ལྟ་དང་དབྲལ། དེ་ནས་བདེན་པ་བརྡར་ལ་ཡང་ལྷ་དང་དབྲལ། །དེ་ནས་གཙོ་བོ་ཡབ་ཡུམ་དང་། །གཤེད་བཞི་ཡབ་ཡུམ་བརྒྱད་ཀ་བསྐུལ། །ཕྱོགས་སྐྱོང་བཅུ་ཡང་བསྐུལ་བར་བྱ། །དེ་ཡི་ཡུམ་ཡང་བསྐུལ་བར་བྱ། །ཕོ་ཉ་རྣམ་པ་གསུམ་ཡང་བསྐུལ། །གིང་དང་བདུད་དང་ཤན་པ་དང་། །མོན་པ་མོན་མོ་ཐམས་ཅད་བསྐུལ། །ཕྱོགས་སྐྱོང་བཅུ་པོ་བསྐུལ་བ་ནི། ་ར་གྱི་ཕྱོགས་ཀྱི་མགོན་པོ་དང་། །གཤིན་རྗེ་ཀོ་རྩེ་བྲག་འཇོམས་ནི། །དུང་ཁྲབ་ཁྲ་བོ་ལྡེམས་སེ་ལྡེམས། །ཐོད་རུས་ཆགས་པ་བྲེངས་སེ་བྲེངས། །དེ་ན་ཀོང་རྩེ་བྲག་འཇོམས་བཞུགས། །སྐུ་ལ་ལུས་ཁྲབ་ཁྲ་བོ་གསོལ། །དབུ་ལ་ཁྲོ་ཆུའི་ཟླ་ཞུན་གསོལ། །ཕྱག་ན་གནོད་འདུལ་བྲག་ཀྱང་བསྣམས། །བཞུགས་ཀྱང་རྡོ་རྗེ་བྲག་ལ་བཞུགས། །ཀོང་རྩེ་བྲག་འཇོམས་འཁོར་བཅས་ཀྱིས། །དགྲ་བགེགས་མ་ལུས་རྡུལ་དུ་རློགས། ཁྲར་ཕྱོགས་ཨ་བ་གླང་མགོ་ཅན། །ཞལ་ནི་བགྲད་ཅིང་འཇིགས་པའི་གཟུགས། །སྨིན་མ་སེར་ལ་དབུས་ཡང་སེར། །ཆར་སྤྲིན་ནག་པོའི་ཁ་དོག་འདྲ། །སྐུ་ལ་ཞིང་ལྤགས་རློན་པ་གསོལ། །སྐུ་སྨད་སྟག་གི་ཤམ་ཐབས་ཅན། །སྦྲུལ་དང་ཐོད་པས་སྐུ་ལ་བརྒྱན།ཆིབས་སུ་དྲེ་རྟ་རྐང་གསུམ་ཆིབས། །ཕྱག་ནི་ཏྲི་ཤཱལ་རྩེ་གསུམ་བསྣམས། །སྡང་དགྲ་གནོད་བགེགས་ཐལ་བར་རློགས། །ལྷོ་ཡི་ཕྱོགས་ཀྱི་མ་གོན་པོ་ནི། །གཤིན་རྗེའི་་རྒྱལ་པོ་ཡ་བ་སྟི། །དབུ་སྐྲ་ཁམ་གནག་གྱེན་དུ་འཁྱིལ། །སྨ་ར་བསྐལ་པའི་མེ་ལྟར་འབར། །སྨིན་མ་ནམ་མཁའི་གློག་ལྟར་འཁྱུག །ཞིང་ལྤགས་རློན་པ་ན་བཟར་གསོལ། །སྟག་ལྤགས་རློན་པའི་ཤམ་ཐབས་ཅན། །ཆིབས་སུ་མ་ཧེ་ནག་པ། ཚི་ས། །ཕྱག་ན་འཛིན་པའི་ལྕགས་ཀྱུ་བསྣམས། །དགྲ་བགེགས་མ་ལུས་ཐལ་བར་རློགས། །ལྷོ་ནུབ་མཚམས་ནས་དགྲ་འགུགས་པ། །གཤིན་རྗེའི་རྒྱལ་པོ་ཕྱ་སངས་ནི། །ཞལ་གཅིག་བགྲད་ཅིང་འཇིགས་པའི་གཟུགས། །སྨིན་མ་སེར་པོ་དབུ་ཡང་སེར། །ཆར་སྤྲིན་སེར་པོའི་ཁ་དོག་འདྲ། །སྤྲུལ་དང་ཐོད་པ་རྒྱན་དུ་བྱས། །སྐུ་ལ་ཞིང་ལྤགས་རློན་པ་གསོལ། །སྐུ་སྨད་སྟག་གི་ཤམ་ཐབས་གསོལ། །ཆིབས་སུ་སྲིན་རྟ་ཕྱ་སངས་ཆིབས། །ཕྱག་ན་ཤེས་རབ་རལ་གྲི་བསྣམས། །དགྲ་བགེགས་མ་ལུས་དབང་དུ་སྡུས། །ནུབ་ཀྱི་ཕྱོགས་ནས་དགྲ་འགུགས་པ། །གཤིན་རྗེའི་རྒྱལ་པོ་སྨིགས་པ་ནི། །དབུ་སྐྲ་ཁམ་ནག་གྱེན་དུ་འཁྱིལ། །སྨ་ར་བསྐལ་པའི་མེ་ལྟར་འབར། །སྨིན་མ་ནམ་མཁའི་གློག་ལྟར་འགྱུར། །གླང་ཆེན་རློན་ན་བཟར་གསོལ། །སྟག་ལྤགས་རློན་པོའི་ཤམ་ཐབས་ཅན། །ཐོད་པ་སྐམ་རློན་འཕྲེང་བས་བརྒྱན། །ཆིབས་སུ་ཆུ་གླང་ནག་པོ་ཆིབས། །ཕྱག་ན་ཐོད་པའི་འཕྲེངབབསྣམས། །གཤིན་རྗེ་སྨིགས་པ་འཁོར་བཅས་ཀྱིས། །དགྲ་བགེགས་མ་ལུས་ཐལ་བར་རློགས། །ནུབ་བྱང་མཚམས་ནས་དགྲ་འགུགས་བ། །གཤིན་རྗེའི་རྒྱལ་པོ་རྟེལ་པ་ནི། །ཞལ་ནི་བགྲད་ཅིང་འཇིགས་པའི་གཟུགས། །སྨིན་མ་སེར་པོ་དབུ་ཡང་སེར། །ཆར་སྲིན་སེར་པོའི་ཁ་དོག་འདྲ། །ཐོད་པ་དག་གིས་རྒྱན་དུ་བྱས། །སྤྱན་གསུམ་དབུ་ཡང་གྱེ་ན་དུ་བརྗེས། །ཞལ་གཅིག་པ་ལ་མདངས་ཀྱང་གསལ། །སྐུ་ལ་ཞིང་ལྤགས་རློན་པ་གསོལ། །སྐུ་སྨད་སྟག་གི་ཤམ་ཐབས་ཅན། །ཆིབས་སུ་རླུད་རྟ་རུ་ལྡེམས་ཆིབས། །ཕྱག་ན་རྡུང་པའི་དབྱུག་ཐོ་བསྣམས། །དགྲ་བགེགས་མ་ལུས་རྡུལ་དུ་རློགས། །བྱང་གི་ཕྱོགས་ནས་དགྲ་འགུགས་བ། །གཤིནརྗེའིརྒྱལ་པོ་ལྷ་མཆོག་དུད་ཁ་ནི། །དབུ་སྐྲ་ཁམ་ནག་རལ་བ་གྱེན་དུ་འཁྱིལ། །སྨྲ་ར་བསྐལ་བའི་མེ་ལྟར་འབར། །སྨིན་མ་ནམ་མཁའི་གློག་ལྟར་འགྱུར། །ཞིང་ལྤགས་རློན་པའི་བཟའ་ལ། །སྟག་ལྤགས་སྟོང་གི་ཤམ་ཐམས་ཅན། །ཆིབས་སུ་རྔ་མོ་སྔོ་ནག་ཆིབས། །ལག་ན་གདུག་པའི་སྐྲུ་གྲི་ཐོགས། །དགྲ་བགེགས་མ་ལུས་ཐལ་བར་རློགས། །བྱང་ཤར་མཚམས་ནས་དགྲ་འགུགས་པ། །གཤིན་རྗེ་ཆོས་ཀྱི་རྒྱལ་པོ་ནི། །ཞལ་ནི་བགྲད་ཅིང་འཇིགས་པའི་གཟུགས། །སྨིན་མ་སེར་པོ་དབུ་ཡང་སེར། །ཆར་སྤྲིན་སེར་པོའི་ཁ་དོག་འདྲ། །ཐོད་པ་དག་གིས་རྒྱན་དུ་བྱས། །སྤྱན་གསུམ་དབུ་ཡང་གྱེན་དུ་བརྗེས། །ཞལ་གཅིག་པ་ལ་མདངས་ཀྱང་གསལ། །སྐུ་ལ་ཞིང་ལྤགས་རློན་པ་གསོལ། །སྐུ་སྨད་སྟག་གི་ཤམ་བུ་ཅན། །ཆིབས་སུ་མ་ཧེ་སྔོན་པོ་ཆིབས། །ལག་ན་གཅོད་གཞོ་ཁྲམ་བམ་ཐོགས། །དགྲ་བགེགས་མ་ལུས་རྡུལ་དུ་རློགས། །སྟེང་གི་ཕྱོགས་ནས་དགྲ་འགུགས་པ། །གཤིན་རྗེའི་རྒྱལ་པོ་བདུད་འཇོམས་ནི། །ཞལ་ནི་བགྲད་ཅིང་འཇིགས་པའི་གཟུགས། །སྣིང་མ་སེར་པོ་དབུ་ཡང་སེར། །ཆར་སྤྲིན་སེར་པོའི་ཁ་དོག་འདྲ། །ཐོད་པ་དག་གིས་རྒྱན་དུ་བྱས། །སྤྱན་གསུམ་དབུ་ཡང་གྱེན་དུ་བརྗེས། །ཞལ་གཅིག་པ་ལ་མདངས་ཀྱང་གསལ། །སྐུ་ལ་ཞིང་ལྤགས་རློན་པ་གསོལ། །སྐུ་སྨད་སྟག་གི་ཤབ་བུ་ཅན། །ཆིབས་སུ་མ་ཧེ་སྔོན་པོ་ཆིབས། །ལག་ན་ག་་པའི་སྟ་རི་བསྣམས། །དགྲ་བགེགས་མ་ལུས་ཐལ་བར་རློགས། །འོག་གི་ཕྱོགས་ནས་དགྲ་འགུགས པ། །གཤིན རྗེའིརྒྱལ་པོ་མིག་གམར་ནི། །ཞལ་ནི་བགྲད་ཅིང་འཇིགས་པའི་གཟུགས། །སྨིན་མ་དམར་པོ་དབུ་ཡང་དམར། །ཆར་སྤྲིན་དམར་པོའི་ཁ་དོག་འདྲ། །ཐོད་པ་དམར་པོས་རྒྱན་དུ་བྱས། །སྤྱན་གསུམ་དག་ནི་གྱེན་དུ་བརྗེས། །ཞལ་གཅིག་པ་ལ་མདངས་ཀྱང་གསལ། །ཞིང་ལྤགས་རློན་པ་སྐུ་ལ་གསོལ། །སྐུ་སྨ་ད་གློག་གི་ཤམ་ཐམས་ཅན། །ཞལ་ནས་ལྕགས་ཀྱི་ཚ་ཚ་འཕྲོ། །ཚེམས་ནས་རྡོ་རྗེ་སེར་ཆེན་འབེབས། །གཡས་ན་ཤེས་རབ་རལ་གྲི་བསྣམས། །གཡོན་པ་རླུད་གི་འཁོར་ལོ་ཐོགས། །ལྗགས་ལ་ཁྲག་གི་རྦ་ཀློང་འཁྱིལ། །དམ་ཉམས་དགྲ་བོ་དབང་དུ་སྡུས། །ཕྱོགས་སྐྱོང་བསྐུལ་བའོ། །དེ་ནི་གཤེད་པོའི་ཡུམ་བཞི་བསྐུལ་ལོ། །ལྷ་མོ་ཆེན་པོའི་དཀྱིལ་འཁོར་ནས། །ཧེ་མ་དེ་ཞེས་བརྗོད་པ་ལས། །དཔལ་ལྡན་མདངས་འཕྲོག་ནམ་མཁའི་མདངས། །དུང་གི་རལ་པས་གཟིགས་ཤིང་སྦྱན་ནས་ཁུ་འཕང་འབེབས། །སྙན་ནས་བུ་ཡུག་འཚུབ་ཅིང་ཤངས་ནས་ཉི་ཟེར་འཆར། །བཞད་པའི་ཞལ་ནས་ཁྲག་གི་ངན་སྒྱུགས་འཐོར། །སྤྱི་གཙུག་ཞེ་སྔང་དཀར་པོའི་འོད་ཟེར་སྐྱེ། །སྐར་མདའི་ཕྱག་གཉིས་རོལ་ཅིང་འཇའི་ཞགས་པ་སྐྱོང་། །གཡས་པ་དུང་ཆེན་རག་ཏ་ཐོགས། །དྲི་ཟའི་མགོ་བཅད་མན་དར་ཐོགས། །ཁྱོད་ནི་མདངས་འཕྲོག་ཆེན་མོ་ཡིན། །སྙིང་གི་རྩ་ཆེན་སྤྲོས་ནས་ནི། །སྙིང་ཁྲག་དམར་ལ་དྲི་སྣོམ་མ། །སྡང་བའི་དགྲ་བགེགས་ཐལ་བར་རློགས། །ལྕགས་ཀྱི་སྤྱང་མོ་མགོ་དགུ་མ་བསྐུལ་བ། །ལྷོ་ཡི་ཕྱོགས་ནས་བསྐུལ་བ་ནི། །ཡ་མ་གཤེད་ཀྱི་དཀྱིལ་འཁོར་ནས། །ཡ་མ་དེ་མ་བརྗོད་པ་ལས། །དཔལ་གྱི་ཕྱག་བརྙན་སྐྲ་འཕྲོག་མ། །ལྕགས་ཀྱི་སྤྱང་མོ་མགོ་དགུ་ནི། །མེ་དཔལ་དམར་པོའི་རལ་བ་ཅན། །སྤྱན་ནས་མེ་ཡི་སེར་བ་དམར་པོ་འབེབས། །སྙན་ནས་མེ་ཡི་འཅོ་མ་འཐོར། །བཞད་པའི་ཞལ་ནས་ཁྲག་གི་ངན་སྒྱུགས་འཐོར། །སྤྱི་གཙུག་ཁྲག་གི་རལ་པ་དམར་པོ་སྐྱེ། །སྐར་མདའི་ཕྱག་གཉིས་སྐྱོང་ཞིང་འཇའ་ཞགས་འཕེན། །གཡས་པ་ཁྲོ་ཆུ་གཙགས་ཆ་ཐོགས། །གཤིན་རྗེའི་བན་དང་མགོ་བཅད་དུ། །མཁལ་མའི་རྩ་ཆེན་སྤྲོས་ནས་ནི། །ཁྱོད་ནི་ཁྲག་འཕྲོག་ཆེན་མོ་ཡིན། །མཁལ་མའི་རྩ་ལ་དྲི་སྣོམ་ཞིང་། །དགྲ་བོའི་མཁལ་རྩ་དྲང་བའི་དུས་ལ་བབ། །ནུབ་ཀྱི་ཕྱོགས་ནས་བསྐུལ་བ་ནི། །ཀླུ་དབང་གདུང་བའི་དཀྱིལ་འཁོར་ནས། །ན་ག་དེ་མ་བརྗོད་པ་ལས། །ཡེ་ཤེས་མཁའ་ལྡིང་མ་མོ་དཔལ། །དཔལ་གྱི་ཕྱག་བརྙན་ཁྲག་འཕྲོག་མ། །ཁྲག་མདོག་བསེ་ཡི་རལ་བ་ཅན། །ཁྲག་གི་རལ་པས་སྟོང་ཁམས་ཁེངས། །སྤྱན་ནས་ཁྲག་གི་ཆར་པ་འབེབས། །སྙན་ནས་བསྐལ་པའི་འབྲུག་སྟོང་ལྡི་རི་རི། ཁྲངས་ནས་རླུང་འབྱུང་ཚུབ་མ་འ་། །བཞད་པའི་ཞལ་ནས་ཁྲག་གི་ངན་སྒྱུགས་འཐོར། །སྤྱི་གཙུག་མེ་ཡི་ཞེ་སྡང་དམར་མོ་སྐྱེ། །མེ་ཡི་ཕྱག་གཉིས་གར་སྟབས་ལིངས་སེ་ལིངས། །གཡས་པ་མེ་དཔུང་འབར་བ་ལ། །གཡོན་པ་མེ་ཡི་ཞགས་པ་འདེབས། །ཚིགས་པ་གཞུང་གི་རྩ་འཕྲོག་མ། ཁྱོད་ནི་དྲོངའཕྲོག་ཆེན་མོ་ཡིན། །དྲོད་དང་དབྲལ་བའི་དུས་ལ་བབ། །བྱང་གི་ཕྱོགས་ནས་འབྱུང་བ་ནི། །གནོད་སྤྱིན་དྲེགས་པའི་དཀྱིལ་འཁོར་ནས། །ཁ་རག་དེ་མ་བརྗོད་པ་ལས། །དཔལ་གྱི་ཕྱག་བརྙན་དབུགས་ལེན་སྲོག་འཕྲོག་མ། །རླུད་མདོག་ནག་མོ་སྤྲིན་གྱི་རལ་པ་ཅན། །སྤྱན་ནས་དཀའ་ཆེན་འོད་ཟེར་འཕྲོ། །སྙན་ནས་རླུད་ནག་བུ་ཡུག་འཚུབ། ཁྲངས་ནས་རླུང་ནག་བུ་ཡུག་འབྱོར། །བཞད་པའི་ཞལ་ནས་ཐོག་དང་སེར་བ་འབེབས། །སྤྱི་གཙུག་རླུད་གི་ཕྲག་དོག་ལྗང་གུ་སྐྱེ། །རླུ་་གི་ཕྱག་གིས་གར་སྟབས་ལིངས་སེ་ལིངས། །འདུ་བའི་ཞབས་གཉིས་ལངས་སེ་ལངས། །གཡས་པ་རལ་གྲི་རྒྱ་གྲམ་འདེབས། །གཡོན་པ་སྲོག་གི་སྙིང་རྩ་ཐོགས། །ཁྱོད་ཀྱི་ལོངས་སྤྱོད་དབུགས་ཡིན་ཏེ། །དབུགས་ལེན་སྲོག་འཕྲོག་དུས་ལ་བབ། །དར་ལམ་མ་སྨྱོ་རུ་ལུ། ཡུངནག་བསྲེགས་ལ་ལན་ཉི་ཤུ་རྩ་གཅིག་བཟླས་སོ། །གཤེད་མོ་བཞིའི་འཁོར་བཞི་བསྐུལ་བ་ནི། ཧུ༷། བྱང་ཤར་མཚམས་ཀྱི་དགྲ་འདུལ་མོ། །སྟག་སྨད་ཟོར་འདོང་ཆེན་མོ་ནི། །ཆིབས་སུ་ལྷོ་ཡི་སྟག་མ་ཆིབས། །འཁོར་དུ་སྟག་གཟིག་འབུམ་སྡེ་རོལ། །གཡས་གཡོན་སྟག་གཟིག་ཤ་ར་ར། ཁུལ་ནས་གཅན་གཟན་མང་པོ་འབྲང་། །གཡས་པ་ལྕགས་ཀྱི་གྲེ་པ་ཐོགས། །ཁྲོ་ཆུང་འབུམ་ཁྲི་ཕྲག་ལ་བཀལ། །མེ་ཡིས་ཙིསྟ་ཕྲག་མར་བཅུག །བྱང་ཤར་དགྲ་འདུལ་དུས་ལ་བབ། །ནུབ་བྱང་མཚམས་ཀྱི་དགྲ་འདུལ་མ། །ནག་མོ་དུང་ཚུབ་མཆེ་བཅན། །ཆིབས་སུ་བྱང་གི་བྲོང་ལ་ཆིབས། །འཁོར་དུ་ནམ་གྲུ་སྟོང་གིས་བསྐོར། །གཡོན་ན་མཛོ་ཤོན་ཤར་ར། ཁུལ་ན་གནོད་སྦྱིན་འབུམ་གྱིས་བསྐོར། །གསེར་གྱི་མདུང་དམར་གཡས་ན་ཆེམས། །སྟི་རའི་གཡང་གཞི་གཡོན་ན་གདེངས། །ནུབ་བྱང་དགྲ་འདུལ་དུས་ལ་བབ། །ལྷོ་ནུབ་མཚམས་ཀྱི་དགྲ་འདུལ་མ། །ཁྲི་སྨན་ཐོག་ལྡེམ་ཆེན་མོ་ནི། །ཆིབས་སུ་གནམ་གྱི་དཀར་པོ་ཆིབས། །འཁོར་དུ་ལྷོ་སྤྲིན་ལང་ལིང་བསྐོར། །གཡས་ན་སྨན་བརྒྱ་ཤར་ར། །གཡོན་ན་གློག་འགྱུ་ལྗིབས། །ཐོག་སྨན་རོལ་པ་སྨན་ནས་འབྲེང་། །གཡས་གཡོན་འབྲུག་དང་གནམ་ལྕགས་ཐོག །ལྷོ་ནུབ་དགྲ་འདུལ་དུས་ལ་བབ། ཁྲར་ལྷོ་མཚམས་ཀྱི་དགྲ་འདུལ་མ། །མཚན་ནི་བ་ལམ་དེ་སྣམ། །ཆིབས་སུ་དྲོད་ཀྱི་ཕག་ལ་ཆིབས། །འཁོར་དུ་གཟའ་དང་རྒྱུ་སྐར་བསྐོར། །གཡས་གཡོན་རྔ་ཞོན་བོང་ཞེན་འབུམ། །བུད་མེད་འབུམ་ཕྲག་སླད་ནས་འབྲང་། །གཡས་གཡོན་སྐོར་མདའ་གཟའ་ཆེན་འཕེན། ཁྲར་ལྷོའི་དགྲ་འདུལ་དུས་ལ་བབ། །གཤེད་མོ་བཞི་འཁོར་དང་བཅས་པ་བསྐུལ་ལོ། །ད་ནི་ཕྱོགས་སྐྱོང་གི་ཡུམ་བཅུ་བསྐུལ་བ་འདི་སྐད་དོ། །ཧུ༷། འདོད་པའི་བུ་མོ་ཁས་ལེན་མ། །ནམ་མཁའ་དང་བའི་སྐུ་མངའ་བ། །ཏིང་འཛིན་ཟླ་བའི་གསུང་མངའ་མ། །ཡེ་ཤེས་ཉི་མའི་ཐུགས་མངའ་བ། །སྐུ་ཁྲི་སྟོང་གི་རྒྱལ་པོ་ཡིས། །འདོད་ཆགས་རྒྱ་མཚོའི་གདན་དུ་བཏིང་། །ཕྱོགས་མཚམས་སྟོང་གི་རྒྱལ་མོ་ཡིས། །ཐུགས་དམ་རི་རབ་རྩེ་ལ་བཞེངས། །ཐུགས་ཀྱི་སྦྱོར་བའི་སྲས་བལྟམ་པ། །འདོད་པའི་བུ་མོ་བརྒྱད་དུ་བལྟམ། ཁྲར་ཕྱོགས་ཁམས་ཀྱི་མངའ་བདག་མོ། །ནམ་མཁའི་བུ་མོ་དཀར་ཤར་འདོད། །མི་བཟང་རྡོ་རྗེ་རལ་གཅིག་མ། །དཀར་མོའི་མདོག་ལ་བཞད་མོ་ཆེ། །སྤྱན་དཀར་མཆེ་བ་ཆ་ལུགས་ཅན། །དུང་གི་དྲེའུ་རྐང་གསུམ་ནི། །མྱུར་བའི་ཚད་ནི་གློག་པས་མགྱོགས། །ཉི་ཟེར་ཞགས་པ་སྡོགས་ཤིང་འཕེན། །ལག་ན་སྙིང་འཛིན་ཁུ་རུ་འཛུད། །སྙིང་རྩ་དྲང་བའི་དུས་ལ་བབ། །བཛྲ་ཁ་ལ་ད་རོད་སྨྱོ། རུ་ལུ་རུ་ལུ། ཧུ༷། འདོད་པའི་བུ་མོ་ཁས་ལེན་མ། ཁྲར་ལྷོ་མཚམས་ཀྱི་མངའ་བདག་མོ། །དྲང་སྲོང་དཀར་སྐྱ་མཆེ་བ་ཅན། དཀར་བའི་གཟུགས་དང་ལྡན་ཞིང་མངའ་མཛད་མ། །དཀར་བའི་མདོག་ལ་བཞད་མོ་ཆེ། །གཟའ་སྐར་ཐོད་འཕྲེང་གཡང་གཞི་ཅན། །ཟླ་ཟེར་ཞགས་པས་ལྡོགས་ཅིང་འཕེན། །སྐར་མདའི་ཆིབས་ནི་གློག་པས་མགྱོགས། །སྡང་བའི་དགྲ་བོའི་མདངས་འཕྲོག་མ། །མཁལ་མའི་སྙིང་ཕྱུང་ཞལ་དུ་སྟོབས། །མཁལ་རྩ་དྲང་བའི་དུས་ལ་བབ། །ཕུ་ཏྲ་ཁ་རོད་མ་རུ་ལུ་རུ་ལུ། འདོད་པའི་བུ་མོ་ཁས་ལེན་མ། །ལྷོ་ཡི་ཕྱོགས་ནས་བསྐུལ་བ་ནི། །གཤིན་རྗེའི་ཡུམ་གཅིག་རེ་མ་ཏི། །རྒྱ་མཚོའི་གཟུགས་ལ་འབར་བའི་སྐུ། །སྔོ་སྐྱའི་སྐུ་ལ་ནམ་མཁའི་མདོག །སྤྲུལ་ནག་གཡང་གཞི་སྐུ་ལ་བརྒྱན། །རུས་སྦལ་ཆིབས་ནི་གློག་པས་མགྱོགས། །སྡང་བ་དགྲ་བོའི་མདངས་འཕྲོག་མ། །རྩེ་ཆུང་གཡས་གཡོན་རྩ་དྲངས་ནས། །ལྕེ་རྩ་དྲང་བའི་དུས་ལ་བབ། །ཡ་མ་ཁ་ལ་རོད་མ་མ་སྨྱོ་རུ་ལུ་རུ་ལུ། འདོད་པའི་བུ་མོ་ཁས་ལེན་མ། །ལྷོ་ནུབ་མཚམས་ནས་བསྐུལ་བ་ནི། །དྲེད་མོའི་གཟུགས་ལྡན་འབར་བའི་སྐུ། །ཉམས་ཅན་ཁྲག་གི་རལ་གཅིག་མ། །སྐུ་མདོག་སྨུག་གནག་མདངས་བཟང་མ། །དྲེད་མོའི་གཡང་གཞི་སྐུ་ལ་བརྒྱན། །རྔ་མོ་གྭ་ཆིབས་གློག་བས་མགྱོགས། །སྡང་བའི་དགྲ་བོའི་སྟོད་གཟེར་མ། །བློ་རྩ་གཡས་གཡོན་རྩ་ནས་དྲངས། །རག་ཤད་རོད་མ་མོ་སྨྱོ་རུ་ལུ་རུ་ལུ། འདོད་པའི་ཁམས་ཀྱི་ཁས་ལེན་མ། །ནུབ་ཀྱི་ཕྱོགས་ལ་མངའ་མཛད་མ། །ཀླུ་མོ་ནག་མོ་བུས་འགྲོ་མ། །རུས་སྦལ་གཟུགས་ལྡན་ཀླུ་མོའི་སྐུ། །དམར་ནག་སྐུ་ལ་མདངས་བཟངས་མ། །ཆུ་སྲིན་མགོ་དགུ་གློག་འགྱུ་ཆིབས། །སྡང་བའི་དགྲ་བོ་མེས་ལེན་མ། །ནང་ཁྲོལ་རྩ་ཆེན་དྲང་དུ་གསོལ། །ན་ག་ཁ་ལ་ད་རོད་མ་མ་སྨྱོ་རུ་ལུ་རུ་ལུ། འདོད་པའི་བུ་མོ་ཁས་ལེན་མ། །ནུབ་བྱང་མཚམས་ནས་མངའ་མཛད་མ། །རླུ་་ལྷ་སྤྱན་གསུམ་མཆེ་བ་ཅན། །ཀླུ་མོ་ནག་མོ་བུས་འགྲོ་མ། །ནག་མོའི་ལུས་ལ་སྤྲིན་གྱིས་བརྒྱན། །སྨུག་ནག་འཐིབས་པའི་ཆ་ལུགས་ལ། །རླུད་གི་ཤ་བ་ལྗང་ཁུ་ལ། མྱུར་བའི་ཚད་ནི་གློག་བས་མགྱོགས། །བདུང་དང་བ་དན་བསྡིག་ཅུང་འཕེན། །ལག་ན་ཡིད་འཕྲོག་བཀག་དང་འབྲེལ། །མཆིནཔའིརྩཆེནདྲང་དུ་གསོལ། །པ་ཏ་དེ་མ་ན་ཁ་རོད་སྨྱོ་རུ་ལུ་རུ་ལུ། འདོད་པའི་བུ་མོ་ཁས་ལེན་མ། །བྱང་ཕྱོགས་ལས་ལ་མངའ་མཛད་མ། །གནོད་སྤྱིན་བུ་མོ་ཨེ་ཀ་ཤན། །གནོད་སྤྱིན་ནག་མོའི་གཟུགས་ལྡན་མ། །ནག་མོའི་སྐུ་ལ་གཟུགས་མི་སྡུག །མི་ལྤགས་གཡང་གཞི་སྐུ་ལ་བརྒྱན། ལྕགས་ཀྱི་དྲེ་རྟ་མགོ་དགུ་ཆིབས། །མྱུར་བའི་ཚད་ནི་གློག་བས་མགྱོགས། །ལག་ན་སྤྱང་ལོ་འཕྱར་ཞིང་འཕེན། །སྐྱེ་རྒྱུད་རྩད་ནས་གཅད་པའི་ཕྱིར། །ཚིགས་པའི་རྩ་ཆེན་དྲངས་དུ་གསོལ། །ཁ་ན་རོད་རུ་ལུ་རུ་ལུ། འདོད་པའི་བུ་མོ་ཁས་ལེན་མ། །བྱང་ཤར་མཚམས་ཀྱི་མངའ་བདག་མོ་། །མེ་ལྷ་རྡོ་རྗེ་རལ་གཅིག་མ། །དམར་མོའི་སྐུ་ལ་མེ་ཡིས་བརྒྱན། །མེ་དབལ་མཆེད་པའི་ཆ་ལུགས་ཅན། །ར་སྐྱེ་ཆིབས་ནི་གློག་པས་མགྱོགས། །ལག་པར་མེ་དཔུང་འབར་བ་ཐོགས། །ལུགས་ངག་ཡིད་གསུམ་དབྲལ་བའི་ཕྱིར། །སྲེགས་ཤིང་མེ་དཔལ་དམར་པོས་བསྲེགས། །མ་དུ་སྨྱོ་རུ་ལུ་རུ་ལུ། མ་མ་ཡེད་དུན་དུན། ཡེ་ཀ་ཛ་ཏི་དང་། བ་ལ་མ་དྲེ་སྣ་མ་གཉིས་གོང་མ་དང་གཞན་ནས་འདྲེའོ། །དེ་སྐད་བསྐུལ་ནས་དགྲ་བོ་དགུག །ལྷ་ཚོགས་རངས་པ་བསྐུལ་ཞིང་འགུག །ལིང་གིའི་དྲ་རུ་མིང་བྱས་ལ། །ཐུན་དང་ཕུར་པས་གདབ་པར་བྱ། །ཐ་མར་ལིང་ག་རལ་གྲིས་ག་། །ལིང་ག་དུམ་བུར་ག་ས་ལ་བསྲེག །གནན་པ་བྱ་བ་གང་ཡང་རུང་། །ཕོགས་གསུམ་བྱས་ལ་ལས་རྣམས་འགྲུབ། །ཕྱི་ཡི་ལིང་ག་རྐང་རྗེས་ལ། །དྲི་མ་རྡུགས་ལ་བྱས་པ་དེ། །ནང་གི་ལིང་ག་མིང་རུས་ལ། །གསང་བའི་ལིང་ག་རྩ་ར་རོག །དེ་ལྟར་བྱས་པས་ལས་རྣམས་འགྲུབ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འབྲུབ་ཁུང་བསྒྲུབ་པར་བྱ་བའི་ཐབས་བསྟན་པའི་ལེའུ་སྟེ་སོ་བཞི་པའོ།། །།གཤིན་རྗེ་གཤེད་པོས་གསུངས་པའི་དོན་བསྟན་པ། འཁོར་ལོ་འབྲུབ་ཁུང་གཉིས་པའོ། །ཐུན་རྡེག་སྐབས་སུ་འདི་ལྟར་བརྡེག །དུག་སྣ་ཚང་བའི་ཐུན་དེ་ལ། །དྲག་སྔགས་འདི་ཡིས་བསྔགས་ཤིང་བརྡེག །ཡ་མ་རྩ་ཁྲག་ཐིབས་རྦད། ཡ་མ་རྭ་ཛ་མུགས་ཐིབས་རྦད། ཡ་མྱ་ར་ཛ་གླིང་དུ་ཡ་རྦད། ཡ་མ་ར་ཛ་མྱགས་ཚལ་བི་མ་ཡ་བུབྲ་འུབྲ་ཐུམ་སྙིང་མགོ་ཆོད་ཁ་སོ་ཚལ་སྙིང་ཙ་རོ་ལ་གམ་རིལ་རྦད། ཅེས་པས་དུག་ཐུན་བརྡེག་པའི། །འཁར་ཕོར་ཟངས་ཕོར་ལྕགས་ཕོར་དུ། །ར་དུག་རེ་ལྕག་ཐར་ནུ་དང་། །སྤྱང་ངག་སྤྱི་མོང་སྦྱར་ལ་བརྡེག །ཁྲག་སྣ་ཚང་བ་ཡོད་ན་རབ། །ར་ཁྲག་མི་ཁྲག་ཁྱི་ཁྲག་ཕག་པའི་ཁྲག །དྲག་སྔགས་འདི་ཡིས་བསྔགས་ཤིང་བརྡེག །ཟངས་ཀྱི་ཕོར་བུར་བསྔགས་ཤིང་བརྡེག །ཡ་མ་རྭ་ཛ་སྙིང་འདོད་པ་ཁུང་ཐུམ་རིལ་རྦད། སྙིང་ཁྲག་བམ་རིལ་རྦད། ཡ་མ་རྭ་ཛ་སྙིང་རྩ་རྩ་ནན། སྲོག་སྲོག་མུག་མུག་ཆེ་གེ་མོ་ཐུམ་རིལ་རྦད། ཡུངས་ཀར་ཡུངས་ནག་སྐེ་ཚེ་དང་། །ཏིལ་ནག་པོ་དང་དེ་རྣམས་ལ། །དྲག་སྔགས་འདི་ཡིས་བསྔགས་ལ་བརྡེག །ལྕགས་ཕོར་ནང་དུ་བསྔགས་ལ་བརྡེག །ཡ་བཱ་རྭ་ཛ་ཆེ་གེ་མོ་ཧྲི་སྟི་ཡ་ཏ་ཀ །སྙིང་ཁྲག་ལ་བམ་རིལ་རྦད། །ཡ་མ་རྭ་ཛ་ལ་གློ་རྩ་ལ་རལ་མེ་བམ་རིལ་རིལ་རྦད། ཡ་མ་རྭ་ཛ་གློ་རྩ་བམ་མཆིན་རྩ་རུལ་སྙིང་རྩ་ལ། །སྟི་རལ་རྩ་རོལ་བམ། སྙིང་རྩ་རྒྱུ་རྩ་སྙིང་རྩ་སྲ་མ་ཡ། སྲོག་བྲལ་དེ་བར་རྩ་སྙིང་རྩ་ལ་རྦད། སྙིང་རག་ཐུམ་ཁུམ་གཟེར་སྙིང་རོལ་བམ་རིལ་རྦད། ཐུན་གསུམ་ལས་ཀྱི་ཤམ་བུ་ཡིས། །ཉི་མ་བཞི་པའི་འཁོར་ལོ་ཡི། །བར་མཚམས་དག་ཏུ་ལིང་ག་ལ། །བསྔགས་ཤིང་བརྡེག་པར་བྱ་བ་ཡི། །ལིང་ག་བསྒྲལ་བར་བྱ་བ་ལ། །དྲུག་སྔགས་འདིས་ཀྱང་གདབ་པའོ། །ཡ་མན་ཏ་ཀ་ཀྭ་ལ་རུ་པ་ནི། ཤ་ཀུ་རུ་ཨུ་ཀ་རྭ་ཡ། ཞེས་པས་དགུ་པའོ། །ཡ་མན་ཏ་ཀ་དྲི་ཤ་ཀུ་རུ་ཤག་ད་ཡ་མ། ཕྱེ་ནས་ལྷ་དང་དབྲལ་བའི་སྔགས་སོ། །ཡ་མན་ཏ་ཀ་ཧྲི་སྟི་མུ་ཀ་ཡེ་མ་ཡ་མ་ནེ་ད་ར་ཐ་ཐུམ་རིལ་ཙ་ཀྲ་རྦད། ཙ་མ་ར་ཡ་ད་ར་ཐིབས་རྦད། མིག་ལ་བརྒྱབ་པའོ། །ཡ་མན་ཏ་ཀ་ཧྲི་སྟི་མུ་ཀ་ཡེ་ཨ་ནེ་ཨུ་ནེ་མ་ད་ར་ཡ་མུགས་ཐིབས་རྦད། རྣ་བ་ལ་བརྡེག་པའོ། །ཡ་མརྙ་ཀ་ཧྲི་ཏི་མུ་ཀ་ཡེ་།་ནེ་མ་ར་ད་ར་ཡ་སུ་བས་རིལ་ཙ་ཀྲ་རྦད། སྣ་ལ་བརྡེག་པའོ། །ཡ་མན་ཏ་ཀ་ཧྲི་གི་ཀ་པ་ཡེ་ནེ་ད་ར་ཡ་ལྡིབས་ལྡིབས་རྦད་རྦད། ལྕེ་ལ་བརྡེག་པའོ། །ཡ་མན་ཏ་ཀ་ཧྲི་ཏི་མུ་ཀ་ཡེ་།་ནི་ཡེ་རྩ་དགྲ་བོའི་དོ་སྤགས་པ་མྱགས་ཐུམ་རིལ་རྦད་རྦད། ལུས་ཀྱི་སྤྱི་བོ་ལ་བརྡེག་པའོ། །ཡ་མརྙ་ཀ་ཧྲི་སྟི་མུ་ཀ་ཡེ། ཨ་ར་ར་ཀུ་རུ་མ་རུ་ཡ་རྩིད་ཏི་ཀུ་རུ་ཀུ་རུ་བྱ་རྩ་ཡོ་རྦད་རྦད། ཡིད་ཀྱི་རྣམ་པར་ཤེས་པ་ལ་བརྡེག་པའོ། །ཡ་མན་ཏ་ཀ་ཧྲི་ཏི་མུ་ཀ་ཡེ་མུ་ནེ་མོ་མོ་མ་ར་ཡ་ནི་ཤ་ཀུ་ལི་ལི་དུ་རུ་ཡེ་ཏ་ཡ། ཨ་ཙན་ད་ཡེ་པྲ་མ་རྟ་ནི་ཡ་སྙིང་མགོ་ཆོད་ད་ར་ཡ་ཤ་ཏི་སྟ་རྦད་རྦད། ཀུན་གཞིའི་ཡིད་ཀྱི་རྣམ་པར་ཤེས་པ་ལ་བརྡེག་པའོ། །ཡ་མརྙ་ཀ་ཧྲི་སྟི་ཀ་བ་པ་ཡེ་ཨེ་ར་ར་ཀུ་རུ་མ་ར་ཡ་ཨ་རྩི་ཏེ་ཀུ་རུ་སིང་ང་ཡ་ཙིསྟ་པ་ཡེ་རྦད་རྦད། ཉོན་མོངས་པ་ཅན་གྱི་ཡིད་ལ་བརྡེག་པའོ། །ཡ་མན་ཏ་ཀ་ཧྲི་སྟི་མུ་ཀ་ཡེཨུ་ནི་ཏི་ཙ་དགྲ་པོའི་དོན་མྱགས་ཐུམ་རིལ་རྦད། ཚོགས་དྲུག་དྲག་པོའི་ལས། དགྲའི་རྣམ་པར་ཤེས་བའི་ཚོགས་བརྒྱད་བཀག་ལ་བསྒྲལ་བའི་ཐབས་སོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། འཁོར་ལོ་དང་འབྲུབ་ཁུང་གི་ལས་བསྟན་པའི་ལེའུ་སྟེ་སོ་ལྔ་པའོ།། །།དེ་ལྟར་བསྒྲལ་བའི་རྗེན་ཤུལ་དེ། །སྒྱིན་སྲེག་བྱ་བའི་ཐབས་གསུངས་བ། །རྒྱ་ཆེན་ས་ཡི་དཀྱིལ་འཁོར་གྱི། ཁྲར་ལྷོ་མཚམས་སུ་མེ་ཐབ་བྱ། །གྲུ་གསུམ་ཟུར་ནི་གཏིང་དུ་བརྐོ། །ནང་དུ་གྲུ་གསུམ་བཀོད་པ་ལ། །ཟུར་གསུམ་ཁྲུ་ནི་གཏིང་དུ་བརྐོ། །ནང་ནི་ནག་པོས་བྱུག་པའོ། །ཐབ་ཁུང་ཁའི་སྟེང་དུ་ནི། །པདྨ་ཉི་མ་ཟླ་བ་གསུམ། །བརྩེགས་པའི་གདན་ནི་སུམ་ཅུ་གཉིས། །ལྷ་ཡི་གདན་དུ་བསམ་བྱས་ལ། །གདུག་པའི་ཤིང་ནི་ཁྲུ་གང་ལ། །ཐབ་ཁུང་མཚམས་པ་བཞག་བྱས་ལ། །བྱ་རོག་འུག་ཚང་གི་ཤིང་། །དེ་དག་ཐབ་ཏུ་བཞག་བྱས་ལ། །རིགས་ངན་ཁྱིམ་ནས་མེ་བླངས་ལ། །ཐབ་ཁུང་ནང་དུ་མེ་བཏང་ལ། །གཅོད་པའི་རྫས་སུ་བྱས་པ་ཡང་། །མཆོད་པ་བདུད་རྩི་རག་ཏ་དང་། །འབྲུ་སྣ་ཚོགས་དང་སྨན་སྣ་ཚོགས། །མར་དང་མར་ཁུ་ཚིལ་ཆེན་ཞུན། །དགྲ་བོའི་མིང་དང་རུས་བྱང་ལ། །མཆོད་པ་རྣམ་པ་ལྔ་པོ་དང་། །ལིང་ག་ག་ས་པའི་དུམ་བུ་དང་། །དེ་དག་རིམས་པས་བསྲེས་ལ་སྲེག །སྲེག་པའི་ཐབས་ནི་འདི་ལྟར་བྱའོ། །དང་པོ་མེ་ལྷ་སྤྱན་དྲངས་ལ། །ཨསྣེ་བྱ་བཛྲ་ས་མ་ཡ་ཛ། ཞེས་པས་སྦྱན་དྲངས་ལ། ཐབ་ཁུང་དུ་ཞུགས་པ་ལ། ཨ་ནི་ཡེ་ཤེས་སེམས་དཔའི་སྙིང་པོའོ། །སོ་སོའི་སྔགས་ཀྱིས་དབུལ་བར་བྱ། །ཨསྣེ་ཡེ་ཨ་ཧ་ར་མ་ཧྭ། ཨ་ཧྭ་ར་ཁུ་ཁུ་རི་པྲི་སྟོད་ག་ཏེ་གྲྭཧྭ། ཞེས་ཨསྙེམ་དབུལ། མཚོད་པ་རིམ་པས་མཆོད་བྱས་ལ། །ཨསྣེ་ཡེ་དྷ་བེ་མྱ་ཧྭ་དྷ་པེ་ཁུ་ཁུ་རེ་པྲེ་ཏོད་ག་ཏེ་ཆེ་གེ་མོ་མ་རྭ་ཡ་ཕཊ། ཅེས་སྤོས་དབུལ་ལོ། །ཨསྣེ་ཡེ་པྲསྤྲོ་མ་ཧྭ་པྲརྨྱེ་ཁུ་ཁུ་རེ་པྲོ་ཏོད་ག་ཏེ་ཆེ་གེ་མོ་ར་ཡ་ཕཊ། ཅེས་མེ་ཏོག་དབུལ། ཨ་སྣེ་ཡེ་ཨུ་ལོ་ཀེ་མཧྭ་ཨུ་ལོ་ཀེ་ཁུ་ཁུ་རི་སྲེ་རྟིད་ག་ཏེ་ཆི་གེ་མོ་་་་ར་ཡ་ཕཊ། ཅེས་མར་མེ་དབུལ་། ཨསྣེ་ཡེ་གརྙེ་མ་ཧྭ་སྟེ་ཁུ་ཁུ་རི་པྲེ་ཏོད་ག་ཏེ་ཆེ་གེ་མོ་ནཱ་ར་མ་ཡ་ཕཊ།ཅེ་དྲི་ཆབ་དབུལ། ཨསྣེ་ཡེ་བ་ལེ་ཏ་ཁུ་ཁུ་རི་སྲེ་ཏོད་ག་ཏེ་ཆེ་གེ་མོ་བཱ་ར་ཡ་ཕཊ། ཅེས་པས་གཏོར་མ་དབུལ། །ཨསྣེ་ཡེ་ནི་ཝི་ཏེ་མ་ཧྭ་ནི་ཝི་ཏེ་ཁུ་ཁུ་པྲེ་ཏོད་ག་ཏེ་ཆེ་གེ་མོ་བཱ་ར་ཡ་ཕཊ། ཅེས་པས་ལྷ་བཤོས་དབུལ། ཨསྣེ་ཡེ་རག་ཏ་མ་ཧྭ་རག་ཏ་ཁུ་ཁུ་རི་པྲེ་ཏོད་ག་ཏེ་ཆེ་གེ་མོ་མ་ར་ཡ་ཕཊ། ཅེས་པས་ཁྲག་སྣ་ཚོགས་དབུལ། ཨསྣེ་ཡེ་མ༷་ས་མ་ཧྭ་མ༷་ས་ཁུ་ཁུ་རེ་བྲེ་ཏོད་ག་ཏེ་ཆེ་གེ་མོ་ནཱ་རྭ་ཡ་ཕཊ། ཅེས་ཤ་སྣ་ཚོགས་དབུལ། ཨསྣེ་ཡེ་ཨ་མྲི་ཏ་མ་ཧྭ་ཨ་སྐྲོ་ཏ། ཞེས་པས་མར་ཁུ་དང་། མར་དང་། ཚིལ་ཆེན་དང་། རྐང་གི་ཞུན་དང་། སའི་འབྲུ་སྣ་ཚོགས་དང་། རངས་པ་བསྲེགས་ལ་གཏོར་མར་དབུལ་ལོ། །རྫས་དེ་རྣམས་དགྲའི་ལིང་ག་དུམ་བུ་རེ་དང་། མིང་དང་རུས་པས་སུ་སྤེལ་ཞིང་བསྲེགས་ལ་མེ་ལྷ་མཆོད་པ་དབུལ་ལོ། །བསྟོད་པ་བྱ་པྲ་བསྟོད་བྱས་ལ། །མེ་ལྷ་ཤར་ལྷོའི་ཐབ་ཁུང་ཁ་རུ་དཔང་པོར་བཞུགས་པའོ། །དེ་ནས་རྒྱལ་ཆེན་སའི་དཀྱིལ་འཁོར་གྱི་ལྷ་ཚོགས་རངས་པ་མེ་ཐབས་ཁའི་པདྨ་ཉི་ཟླའི་གདན་སྟེངས་སུ་ལྕགས་ཀྱུའི་ཕྱག་རྒྱས་དགུག །མཆོད་པའི་ཡོ་བྱད་དེ་དག་གིས། །སོ་སོའི་རང་རང་རྩ་སྔགས་ལ། །མཆོད་པའི་སྔགས་ནི་བདག་ལ་མཆོད། །ལྷ་རེ་ལ་བརྒྱ་རྩ་བརྒྱད་ཉི་ཤུ་རྩ་གཅིག་ཡང་ན་བདུན། །ཐ་མ་སྐུ་གསུང་ཐུགས་ལ་བདུན། །ཅི་འབྱོར་པ་ཡི་མཆོད་པ་དང་། །དེ་ནས་ལྷ་ལ་བསྟོད་པ་བྱ། །སླར་ཡང་ལྕགས་ཀྱུའི་ཕྱག་རྒྱ་ཡིས། །དཀྱིལ་འཁོར་ཐོག་ཏུ་སྤྱན་དྲངས་བཞུགས་སུ་གསོལ། །རྫས་ཀྱི་ལྷག་མས་མེ་ལྷ་མཆོད། །སླར་ཡང་མེ་ལྷ་གནས་སུ་གཤེགས། །འདོད་པའི་དོན་ཡང་བཅོལ་བར་བྱ། ཨསྣེ་བཛྲ་མ་ཛ། ཞེས་པས་མེ་ལྷ་གཤེགས་སུ་གསོལ། །ལས་ཀྱིས་ལྷག་ཆད་ཁ་བསྐང་བ་དང་། །ལྷ་རྣམས་མཉེས་པར་བྱ་བ་དང་། །བདག་གིས་དངོས་གྲུབ་ཐོབ་པ་དང་། །དགྲ་བགེགས་བརླག་པར་བྱ་ཕྱིར་དང་། །སྤྱིན་སྲེག་བྱ་ཐབས་གསུངས་པའོ། །དེ་ནས་ལས་རྣམས་མ་ལུས་བྱའོ། །གཤིན་རྗེ་གཤེད་པའི་རྒྱུད་གསང་བ་དྲུག་ཅུ་པ་ལས། སྤྱིན་སྲེག་བྱ་བའི་ཐབས་བསྟན་པའི་ལེའུ་སོ་དྲུག་པའོ། །དེ་ནས་རྡོ་རྗེ་འཛིན་པ་དེས། །གཤིན་རྗེ་ལྔའི་གྲུབ་པའི་ཐབས་ནི་ཁྱེད་ཀྱིས་གསུང་དུ་གསོལ་ཅེས་པ་ནི། གཤིན་རྗེ་གཤེད་པོས་གསུངས་བའི་དོན། །གནས་དང་དམ་རྫས་ཕྱི་དང་འདྲའོ། །རིམ་པ་འདི་ལྟར་བསྒོམ་པར་བྱའོ། །དང་པོ་ཉིད་དུ་བསྒོམ་པ་ནི། །སྟོང་པ་བྱང་ཆུབ་སེམས་སུ་བསྟན། །དེ་ནས་སྙིང་རྗེ་བྱང་ཆུབ་སེམས། །དེ་ནས་ཧུ༷་དུ་རབ་བསམས་ལ། །ཧུ༷་ལས་བྱུ༷་འཕྲོས་གཞལ་ཡས་ཁང་། །ར༷་ལས་མ་གཡོས་གཞལ་ཡས་ཁང་། །དུག་ལྔ་དག་པའི་རིམ་པ་བརྩེགས། །ཡུམ་ལྔ་མཁའ་ཀློང་དག་པ་ཡི། །གཞལ་ཡས་ཁང་བརྩེགས་བསྒོམ་པར་བྱའོ། །གནས་དེར་གདན་ཡང་བསམ་པར་བྱའོ། །ཧུ༷་ལས་རྡོ་རྗེ་ལས་ཡབ་ཡུམ་གྱི་སྐུ་རུ་བསྐྱེད། །ཡབ་ཀྱི་སྐུ་ལས་ཡུམ་གྱི་སྐུ་རུ་བསྐྱེད། །ཡབ་ཡུམ་སྦྱོར་བ་མཛད་པའི་སྦྱོར་མཚམས་ནས། །ཡ་མ་ར་ཛ་མྱོས་བྱེད་འབར་བ་དང་། །ཨུརུ་མ་རུ་དང་། རལ་པ་ཚར་དགུ་དང་། ཡུམ་དང་བཅས་ཏེ་སོ་སོའི་གདན་ལ་བསྒོམ། འདི་སྐད་བརྗོད་ལ་བསྒོམས་པ་སྤྱན་ཡང་དྲངས་ལ་མཆོད་པ་དབུལ། །ཧུ༷། ཏིང་འཛིན་རྣམ་གསུམ་འཕྲོ་འདུ་ལས། །བསྡུས་པས་ཡི་གེ་ཧུ༷་དུ་གྱུར། །ཧུ༷་ཆེན་མཐིང་ནག་འཕྲོ་འདུ་ལས། གསལ་ནས་རྡོ་རྗེ་རྩེ་ལྔར་གྱུར། །རྡོ་རྗེ་རྩེ་ལྔའི་འཕྲོ་འདུ་ལས། །ཡི་གེ་ཡ་ཡི་སྐུ་རུ་བསྐྱེད། །ཡི་གེ་ཡ་ལས་སྐུ་བཞེངས་ཏེ། །ཁྲོ་བོའི་རྒྱལ་པོ་རྣམ་པར་རྒྱལ། །ཡ་མན་ཏ་ཀ་གཤིན་རྗེ་གཤེད། །དབུ་གསུམ་པ་ལ་ཕྱག་ཀྱང་དྲུག །གཡས་ནི་དཀར་ལ་གཡོན་ནི་དམར། །དབུས་ནི་མཐིང་ཀ་རྔམ་བའི་ཞལ། །སྐུ་མདོག་སྟག་ཟིལ་བཅག་པ་འདྲ། །ཞལ་བཞད་རྡོ་རྗེ་མཆེ་བ་བརྩེགས། །དབུ་སྐྲ་ཁམ་ནག་གྱེན་དུ་འཁྱིལ། །ཕྱག་དྲུག་གཡས་ཀྱི་དང་པོ་ན། །གསེར་གྱི་རྡོ་རྗེ་རྒྱ་གྲམ་བསྣམས། །བདེ་གཤེགས་རྒྱལ་བ་ཐུགས་ཀྱི་མཆོག །ཕྱག་དྲུག་གཡས་ཀྱི་བར་པ་ན། །ཁ་ཤཱ༷་ཁ་དང་རྔེའུ་ཆུང་བསྣམས། །མ་མོ་མཁའ་འགྲོ་དམ་ལ་འདུ། །ཕྱག་དྲུག་གཡས་ཀྱི་ཐ་མ་ན། །རྡོ་རྗེ་ལྕགས་ཀྱུ་སྔོན་པོ་བསྣམས། །ཉོན་མོངས་གནས་ནས་འདྲེན་པའི་རྟགས། །ཕྱག་དྲུག་གཡོན་གྱི་དང་པོ་ན། །བ་སུ་ཏ་ཡི་རྒྱུ་ཞགས་བསྣམས། །བདུད་དང་དགྲ་བགེགས་འཆིང་བའི་རྟགས། །ཕྱག་དྲུག་གཡོན་གྱི་བར་པ་ན། །ཞིང་ཆུང་དབྱུག་ཏོ་སྔོན་པོ་བསྣམས། །བདུད་དང་དགྲ་བགེགས་རྡུལ་དུ་རློགས། །ཕྱག་དྲུག་གཡོན་གྱི་ཐ་མ་ན། །དུང་ཆེན་དམར་གྱི་བཀང་བ་བསྣམས། །ཉོན་མོངས་ཆགས་པ་དམ་ལ་འདུ། །སྐུ་ཡང་ཆེ་སྟེ་རྔམ་རིལ་བཟང་། །གླང་ཆེན་ཀོ་རློན་ན་བཟར་གསོལ། །ཞིང་ཆེན་རློན་པའི་ཡ་བ་བསྐོར། །སྟག་ལྤགས་རློན་པའི་ཤམ་ཐབས་ཅན། །སྤྲུལ་ནག་སྟོང་གིས་ལྷུ་ཚིགས་བརྒྱན། །འཕགས་པའི་ཁྲོ་རྒྱལ་གཤིན་རྗེ་གཤེད། །གཏན་གྱི་ལྷར་ཡང་གསོལ་འདེབས་ན། །རི་རབ་གསེར་གྱི་ངོས་ལ་བྱ་གནས་པ། །བྱ་ཡི་རང་བཞིན་བོར་ནས་གསེར་དུ་སྣང་། །ལྷ་མཆོག་ཁྱེད་ཀྱི་སྐུ་རུ་བདག་བསྒོམས་པས། །བདག་གི་རང་བཞིན་བོར་ནས་ཁྲོ་བོར་གསལ། །ཁྲོ་མོ་ཡུམ་དག་བཅས་ཏེ་སྐུར་སྟོན་ཅིག །གཡོན་ན་ཡུམ་བསྐྱེད་ཁྲོ་མོ་ཉེར་བག་མ། །ཟ་བྱེད་ནག་མོ་ཆེན་མོ་པེ་ཏ་ལེ། །ག་་མོ་དུག་ཧྲུལ་གོས་རྒྱན་མོ། །གདོང་ནས་མིག་གསུམ་ཁྲོས་པའི་ཚུལ། །མིག་གསུམ་གདོང་ནི་ཁྲོ་གཉེར་ཅན། །ཟ་བྱེད་གཟི་ཆེན་རབ་ཏུ་སྡིགས་པར་བྱེད། །གྱེན་དུ་སྐྲ་རྫེས་གསུས་པོ་ཆེ། །རབ་ཏུ་འཇིགས་པའི་ཁ་ཡང་བགྲད། །ལུས་ནི་མེ་ལྕེ་འབར་བ་འདྲ། །གཡས་པའི་ཕྱག་ན་ཏྲི་ཤུལ་བསྣམས། །བདུད་དང་དགྲ་བགེགས་རྡུལ་དུ་རློགས། །གཡོན་པའི་ཕྱག་ན་བསྣམས་པ་ནི། །ཐོད་རློན་དམར་གྱིས་བཀང་བ་བསྣམས། །སྟོབ་པ་ཡབ་ཀྱི་ཞལ་དུ་སྟོབ། །ཡིད་ཙམ་གཙོ་ལ་འདུད་པའི་ཚུལ། །བདེ་གཤེགས་ཡབ་ཀྱི་བཀའ་བསྟོད་མ། །ཞིང་ཆུང་བཀྲམ་པའི་གདན་སྟེངས་འདིར། །བརྐྱང་བསྐུམ་ཚུལ་དུ་བརྗིད་པར་བཞུགས། །མེ་རི་འབར་བའི་དཀྱིལ་འཁོར་འདིར། །འཁོར་ནི་ཐོགས་མེད་ཙན་ཐབས་དང་། །ཁྲོ་མོ་ཀི་རི་བརྒྱད་ཀྱིས་བསྐོར། །སིང་ཧ་འཕྲ་མེན་བརྒྱད་ཀྱིས་བསྐོར། །ཐར་བྱེད་ཆེན་མོ་བརྒྱད་ཀྱིས་བསྐོར། །མ་མོ་ནག་མོའི་ཚོགས་ནི་སྤྲིན་ལྟར་གཏིབས། །དབང་ཕྱུག་མ་མོའི་ཚོགས་དང་ལྡན། །ཡི་དྭགས་བལ་ཆེན་གནས་འདི་སྲ །བྱོནཅིག་གཤེགས་པའི་གནས་ངན་ཡང་། །བསྙེན་ཅིང་བསྒྲུབ་པའི་ལྷ་ལགས་ཀྱིས། །ཡལ་གམ་ཅན་རྣམས་བརྩེ་དགོངས་ལ། །རྣལ་འབྱོར་བདག་གི་དོན་ལ་གཤེགས་སུ་གསོལ། །ཨོ་མསྐྲུ་ཕྲི་ཡ་མ་བཛྲ་ཏ་ཨུ་ཙུཛི་ཀྲོ་དྷ་པོ་ཏ་ལི་ལ། ཞེས་པའི་སྔགས་བཟླས། གཡས་ནས་ཡུམ་བསྐྱེད་ཨེ་ཀ་ཛ་ཏི་མ། །གཉིས་ཀའི་སྐུ་ནི་དབུས་ཀྱི་གཙོ་དང་མཐུན། །སྲིད་པ་གསུམ་གྱི་གཙོ་ནི་ཐོད་པའི་འཕྲེང་བ་ཅན། །འཁོར་ནི་རྔ་ཤོན་མང་པོ་དང་། །གཡེར་དང་ཤེལ་གྱི་རྔ་མོ་ལ། །གཡུ་ཡི་རྟ་སྒ་ཝང་སེ་ཝངས། །གཡུ་ཡི་ན་བུན་ཐིབས་སེ་ཐིབས། །མུ་མེན་གུར་ཆེན་ཁྱི་ལི་ལི། །སྔ་འཕྲེང་མཛེས་པའི་དོ་ཤལ་མ། །ཕྱེ་འཕྲེང་གཡས་ནས་གཡུལ་ཟློག་མ། །ཕྱག་ན་མདུང་དམར་ཆེམས་སེ་ཆེམས། །བྲན་གཡོག་མང་པོའི་འཁོར་དང་བཅས། །ཁྱོད་ཀྱི་འཁོར་ནི་རབ་ཏུ་མི་སྲུན་ཏེ། །ང་རྒྱལ་དྲག་ཤུལ་ཆེ་ཞིང་བདུད་ཀྱི་བུ་སྨད་འཁོལ། །གསོད་པ་དོན་དུ་གཉེར་ཞིང་དགྲ་སྙིང་ཚལ་པར་གཤོག །དབང་ཕྱུག་ཆེན་མོ་བསྐྱེད་ཙམ་ན། །ནམ་མཁའི་རྒྱལ་པོ་གཤེག་སུ་གསོལ། །བཟློག་ཅིང་བསྒྱུར་བའི་དུས་ལ་བབ། །བདུད་ཀྱི་ཁྲམ་བམ་དགྲ་ལ་བསྒྱུར། །ནད་ཀ་རིམས་ཁ་དགྲ་ལ་ཐོང་། །སྡང་དགྲ་གནོད་བགེགས་ཐལ་བར་ཐོང་། །ཨོ་བཛྲ་ཤི་ཡ་མ་ར་ཛ་མ་མ་ཨེ་ཀ་ཛ་ཏི་ཛ། །ཞེས་སྤྱན་དྲངས་ལ་མཆོད་པ་དབུལ། །ཕྲིན་ལསབཅོལ། །གཤིནརྗེཡམར་ཛ་དང་། །མྱོས་བྱེད་འབར་བ་ཨུཏུ་མ་རུ་དང་། །རལ་པ་ཚར་དགུ་ཡབ་ཡུམ་བརྒྱུད། །གནས་འདི་བརྩེ་ཕྱིར་གཤེགས་སུ་གསོལ། །ཡ་མ་རྭ་ཛ། ས་ཏྭ་མེ་ཡ། ཡ་མེ་ཏོ་སྲ ན་ཡོ་ཏ་ཡ། ཡ་ཏ་ཡོ་ནི་ར་ཡསྟེ་ཡ། ཡ་སྟེ་ཡ་ཙ་ནི་ར་མ་ཡ། ཞེས་པས་སྦྱན་དྲངས་ལ། །ག་པུར་གསུམ་དང་དྲི་ཞིམ་སྤོས། །ཨ་ཀ་རུ་དང་དུ་རུ་ཀ །ཛུ་ཏི་ཕ་ལ་གུར་ཀུམ་མཆོག །གཤིན་རྗེའི་ཚོགས་ལ་མཆོད་པར་འབུལ། །ཨོ་ཨ་ཧ་ར་རྙུ་པ་པུསྤྲོ་ཨུ་ལོ་ཀ་གརྙེ་རྙུ་པེ་སད། གརྙེ་པ་ཙ་ཀྲ་ས་མ་ཡ། ཞེས་མཆོད་པ་རྣམ་ལྔ་དབུལ། ཛ་གད་འབྲུ་བཅུད་དཔའ་བོ་ཡིས། །རྩ་བ་བརྒྱད་ལ་ལོ་མ་སྟོང་། །སངས་རྒྱས་ཡོངས་ཀྱི་ཐུགས་དམ་འདི། །གཤིན་རྗེ་མམོའི་ཚོགས་ལ་འབུལ། །ཨོ་ཨུ༷༷ཧུ༷།སརྦ་པ྅་ཨ་མྲི་ཏ་ཁུ་ཧི། སྨན་དབུལ། བདུད་རྩི་བཅུད་ལྡན་ཞལ་ཟས་རོ་མཆོག་འདི། །གཟུགས་དང་སྒྲ་དང་དྲི་དང་རོ། །རེག་བྱ་ལ་སོགས་མཆོད་པ་འདི། །གཤིན་རྗེ་མ་མོའི་ཚོགས་ལ་མཆོད་པར་འབུལ། །རཀྟ་ཁའ་ཧི་ཁུ་ཧི། ཞེས་འདོད་ཡོན་ལྔའི་མཆོད་ཡོན་དབུལ་ལོ། །མ་ལུས་བསྒྲལ་བའི་ཤ་སྣ་དང་། །གཏུབས་གཏོར་ལྡན་པའི་མ༷་ས་ཤ་ཡི་མཆོག །རྐང་དང་ཚིལ་བུ་བཅུད་ཀྱི་རྒྱུད། །གཤིན་རྗེ་མ་མོའི་ཚོགས་ལ་མཆོད་པར་འབུལ། །ཨོ་མ༷་ས་མ་ཙ་རཀྟ་བ་ལི་ཏ་ཁ་ཧི། ཞེས་ཤ་ཁྲག་གི་གཏོར་མ་དབུལ་ལོ། །འཁོར་བའི་མགོ་བཅད་བན་ད་མཚན་དང་ལྡན། །འདོད་ཆགས་ཁྲག་གི་རྒྱ་མཚོ་ཁྱི་ལི་ལི། །དམར་ཆེན་དམ་པ་མ་མོའི་དམ་རྫས་མཆོག །གཤིན་རྗེ་མ་མོའི་ཚོགས་ལ་མཆོད་པར་འབུལ། །མ་ཧྭ་རསྟ་ས་མུན་ཏྲ་ཁ་ཧི། ཞེས་ཁྲག་དབུལ། དེ་ནས་ཧུ༷་ག་་ཆེན་གྱིས་བསྟོད། ལྔ་བརྒྱ་ཐ་མས་ཐུགས་དམ་བསྐུལ། བཟླས་པ་བྱའོ། །བསྙེན་པ་དང་ནི་སྒྲུབ་པ་ཡང་། །འཕྲིན་ལས་ཆེན་པོའི་གཞུང་དང་མཐུན། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། གཤིན་རྗེ་ལྔའི་སྒྲུབ་པའི་ཐབས་ཀྱི་ལེའུ་སྟེ་སོ་བདུན་པའོ།། །།རྡོ་རྗེ་འཛིན་པས་ཡང་ཞུས་པ། །གཤིན་རྗེ་གཤེད་པོ་ཁྱོད་ཀྱིས་ནི། །དངོས་གྲུབ་མྱུར་བར་བྱ་བའི་ཐབས། །རས་རི་སྒྲུབ་པའི་ཐབས་གསུངས་ཏེ། །ཞེས་པ་ནི་མཚན་མ་ཅན་ལ་དད་པ་དང་། །ཏིང་འཛིན་གཡེལ་བ་སྤངས་པ་དང་། །འབྲས་བུ་མ་ཡེངས་སྒྲུབ་པའི་ཕྱིར། །རས་རིས་གྲུབ་པ་འདི་ལྟར་བྱ། །ལྷ་ཡི་བསྙེན་པ་འདི་ལྟར་བྱ། །རས་སམ་དར་དཀར་གཞི་མ་ལ། །ལྷ་བཟོ་མཁས་པ་དམ་ཚིག་ཅན། །ཚོན་རྩི་ལེགས་པར་བྱ་བའི་ཕྱིར། །ཕོ་བྲང་བཞུགས་སྐུར་བྲི་བ་དང་། །བཞེངས་སྐུར་བྲི་བ་གང་རུང་བྱ། །དབུས་སུ་གཙོ་བོ་བྲི་བ་དང་། །གཡས་ཡུམ་གཉིས་བྲི་བ་དང་། །གཤེད་པོ་ཕྱོགས་སྐྱོང་ཡབ་ཡུམ་དང་། །གིང་དང་བདུད་ཀྱི་ཕོ་ཉ་དང་། །དབུས་ནས་རིམ་པརཇིབཞིནབྲི། །སྐུམདོག་ཕྱག་མཚན་གདན་ཁྲི་དང་། །བཞུགས་ཚུལ་རྒྱན་ཆ་ལ་སོགས་པ། ཁུད་འདིས་བཤདཔབཞིནདུབྲི། །རིམོ་ལེགས་པར་ཟིན་པ་དང་། །རྣལ་འབྱོར་བདག་གི་མདུན་དུ་ནི། །ལྷོ་ནས་བྲིས་སྐུ་དགྲམ་པར་བྱ། །མདུན་དུ་མཎྜལ་ལེགས་པར་བྱ། །མཎྜལ་བ་བྱུང་དྲི་ཡིས་བྱུག །ཆག་ཆག་ལེགས་པར་བྱ་བ་དང་། །མཎྜལ་སྟེང་དུ་མཆོད་པ་ནི། །གོང་དུ་བཤད་པ་དགྲམ་པར་བྱ། །འཕྲིན་ལས་དམིགས་པ་གཞུང་བཞིན་དུ། །ཞག་ལྔ་བསྙེན་པ་བྱ་བ་དང་། །ཞག་བདུན་ནུབ་མོ་བྲིས་སྐུ་སྟེ། །བདག་ཉིད་ལྷ་རུ་གསལ་བ་ལས། །ཐུགས་ཀའི་ཧཱུཾ་ལས་འོད་འཕྲོས་པས། །བྲིས་སྐུའི་དངོས་པོ་མཚན་མ་སྦྱངས། །བྲིས་སྐུ་སྟོང་པར་གྱུར་པ་དེ། །ཧུ༷་གི་གཟུགས་སུ་གྱུར་བ་ལས། །ཧུ༷་ལས་བྲུ༷་ཆད་བྲིས་སྐུའི་གནས་སུ་གྱུར། །ཧུ༷་ཉིད་རྡོ་རྗེ་རྩེ་ལྔར་གྱུར་བ་དེ། །རྡོ་རྗེ་ཆེན་པོར་བརྗོད་པ་ལས། །ཡ་མརྙ་ཀའི་སྐུ་རུ་གྱུར། །ཡུམ་ལ་སོགས་པའི་ལྷ་རྣམས་ཀུན། །སྟོང་པའི་ངང་ལས་ཡི་གེ་ཧུ༷་དུ་གྱུར། །ཧུ༷་ཉིད་རང་རང་ཕྱག་མཚན་གྱུར། །ཕྱག་མཚན་རང་རང་སྐུ་རུ་བྱུར། །སོ་སོ་རང་རང་སྐུ་དེ་ལ། །ཡེ་ཤེས་སེམས་དཔའ་སྦྱན་དྲངས་ལ། ལྕགས་ཀྱུའི་ཕྱག་རྒྱས་དགུག་པ་དང། །ཞགས་པའི་ཕྱག་རྒྱས་ཡེ་ཤེས་སེམས་དཔའ་རྣམས། །དམ་ཚིག་བྲིས་སྐུའི་ལྷ་ལ་གཞུག །ལྕགས་སྒྲོག་ཕྱག་རྒྱས་གཉིས་མེད་བསྟིམ་ལ་བཅིངས། །དྲིལ་བུའི་ཕྱག་རྒྱས་བྲིས་སྐུ་ལ། །དམ་ཚིག་དབང་གིས་བཞུགས་པར་བསམ། །ཨོམསྣྲུཤིཡམརྙཀདེ་བ་པི་ན་དྲེ་ཏྲང་ཤ་གཤའ་བཛྲ། ཞེས་བྲིས་སྐུའི་ལྷ་ཐམས་ཅད་ལ་ཡེ་ཤེས་ཀྱི་སྤྱན་རྣམས་པར་ཕྱེ་ལ། ཡེ་ཤེས་སེམས་དཔའ་དང་བྲིས་སྐུའི་ལྷ་གཉིས་སུ་མེད་པ་ལ། མཆོད་པ་ཐམས་ཅད་ཀྱིས་མཆོད་ལ། བྲིས་སྐུ་ལ་དམིགས་ལ། རྣལ་འབྱོར་པ་ཉིད་ཡ་མརྙ་ཀར་བསྒོམས་ལ་བཟླས་པ་བྱའོ། །བཟླས་པའི་ཏིང་ངེ་འཛིན་བདག་གི་ཐུགས་ཀའི་ཉི་ཟླའི་སྟེང་ན་ཡེ་ཤེས་སེམས་དཔའ། དེའི་ཐུགས་ཀའི་ཉི་ཟླའི་སྟེང་ན་རྡོ་རྗེ་རྩེ་ལྔ་པ། རྡོ་རྗེའི་ལྟེ་བ་ལ་ཧུ༷། ཧུ༷་གི་མཐའ་མ་ཨ་ཀྲོས་བསྐོར་བའོ། །མདུན་གྱི་བྲིས་སྐུའི་ཐུགས་ཀར་ཡང་དེ་ལྟར་བསམ། དེ་ལྟར་བྱས་ལ་བཟླས་པ་བྱའོ། །བདག་གི་ཐུགས་ཀ་ནས་འོད་འཕྲོས་ཏེ། བྲིས་སྐུའི་ཐུགས་དམ་བསྐུལ། །མཆོད་པར་བསམ། །བྲིས་སྐུའི་ཐུགས་ཀ་ནས་འོད་ཕྱུང་བདག་ལ་ཐིམ་སྒྲིབ་པ་སྦྱངས་དངོས་གྲུབ་ཐོབ་པར་བསམས་ལ་བཟླས་པ་བྱའོ། །དེ་ལྟར་མཆོད་དང་བསྟོད་བྱས་ནས། །བཟླས་པ་དུས་གསུམ་རྒྱུན་དུ་བྱ། །བྲིས་སྐུ་དེ་ལ་དམིགས་བྱས་ལ། །བྲིས་སྐུ་འཛུམ་ཡལ་གཡོ་བ་དང་། །གང་འདོད་དངོས་གྲུབ་ཐོབ་པར་བྱའོ། །གང་འདོད་ལས་ལ་ཐེ་ཚོམ་མེད། །ལྷ་ཚོགས་རངས་པ་བྲི་བ་དང་། །གཙོ་བོ་གཅིག་ཏུ་བྲི་བ་དང་། །ལྷ་ལྔ་སྒྲུབ་པ་བྲི་བ་དང་། གང་ལྟར་སྒྲུབ་པ་དེ་ལྟར་བྱའོ། །གཤིན་རྗེ་གཤེད་པོ་རྒྱུད་གསང་བ་དྲུག་ཅུ་པ་ལས། རས་བྲིས་ལ་སྒྲུབ་པའི་ཐབས་ཀྱི་ལེའུ་སྟེ་སོ་བརྒྱ་པའོ།། །།རྡོ་རྗེ་འཛིན་པ་དེ་ལྟ་བས་ན་འཇམདཔལགཤིནརྗེའིདཀྱིལ་འཁོར་དུ། །སློབ་མ་གཞུག་ཅིང་དབང་བསྐུར་བའི། །ཐབས་ནི་བཤད་པར་བྱ་བ་ལ། །རྡོ་རྗེ་འཛིན་པའི་སློབ་མ་དེ། །གོང་དུ་འཇམ་དཔལ་གཤིན་རྗེ་ཡི། །སྤྱི་དང་ཁྱད་པར་དམ་ཚིག་ཀུན། །སྐུ་སྲུང་ཐུབ་པ་མི་ཐུབ་པ། །སློབ་མ་དེ་ལ་བྲི་པར་བྱའོ། །ཐུབ་པ་ཁས་ནི་ལེན་པ་ནི། །དབང་གི་རིམ་པ་བསྐུར་བ་ནི། །གུ་རུ་བསྙེན་པ་ཚད་ཕྱུང་ལ། །བསྒྲུབ་པའི་དཀྱིལ་འཁོར་བྲི་བ་དང་། །མཆོད་པ་ཚང་བར་བྱ་བ་དང་། །ལས་ཀྱི་ཁོག་གཞུང་བྱ་བ་དང་། །བཟླས་པ་བསྟོད་པ་ཚིག་གི་འཁོར་ལོ་དང་། །མཆོད་པ་བྱས་པའི་སློབ་མ་དེ། །གདོང་གཡོགས་ནང་དུ་འོངས་པ་དང་། །ལྷ་ཚོགས་རངས་པའི་མཚན་སྨོས་ལ། །ལྷ་ཕྱག་ཕྱོགས་བཞིར་བཙལ་བ་དང་། །བར་ཆོད་བགེགས་ཀུན་བསལ་བ་དང་། །དམ་ཚིག་སྡོམ་པ་དབོག་པ་དང་། །མེ་ཏོག་འཐོར་དུ་གཞུག་པ་དང་། །མེ་ཏོག་གང་ལ་འཕོག་པའི་ལྷ། །ལྷ་དེ་བསྒོམ་དུ་གཞུག་པ་དང་། །ལྷ་དེ་ཉིད་ཀྱི་སྐུར་མི་བརྗིད་འཕྲེང་བ་འམ། །ཡེ་ཤེས་རྣམ་ལྔ་རྡོ་རྗེའི་དབང་། །གསུང་ཐབས་གྲོལ་བ་དྲིལ་བུའི་དབང་། །ཉན་པའི་དབང་ནི་རིན་པོ་ཆེ། །བཤད་པའི་དབང་ནི་རིན་པོ་ཆེ། །བཤད་པའི་དབང་ནི་འཁོར་ལོ་དང་། །སྣོད་བཅུད་སྣོད་དུ་བན་དྷིའི་དབང་། །རྟོག་པ་འཇོམས་པ་ཞིང་ཆེན་དབང་། །དམ་ཚིག་མི་སྲུང་བདུད་རྩིའི་དབང་། །དགྲ་བགེགས་འདུལ་ཕྱིར་ཕུར་བའི་དབང་། །སེམས་ཉིད་རྟོག་མེད་མེ་འབར་དབང་། །དངོས་གྲུབ་ཐོབ་ཕྱིར་ཞལ་ཟས་དབང་། །རྣམ་རྟོག་བཀྲུ་ཕྱིར་བུམ་པའི་དབང་། །རིགས་འཛིན་ས་ཐོབ་མིང་གི་དབང་། །དྲེགས་པ་ཅན་རྣམས་འདུལ་ཕྱིར་དུ། །དུར་ཁྲོད་ཆས་བརྒྱད་དབང་ཡང་བསྐུར། །དེ་ཡང་དབང་བདག་ལ་མ་ལུས་ཐོབ་པ་དང་། །བསྒོམ་དང་བསྒྲུབ་པ་བྱས་གྱུར་ན། །དངོས་གྲུབ་མྱུར་ཏེ་བྱིན་རླབས་ཆེ། །རིག་པ་འཛིན་པའི་ས་ལ་གནས། །དེ་ནས་དབང་དང་དམ་ཚིག་ཐོབ། །དེ་ནས་ལས་རྣམས་གྲུབ་པར་བཤད། །དམ་ཚིག་དབང་དང་མི་ལྡན་ན། །དངོས་གྲུབ་ཐོབ་པར་མི་འགྱུར་རོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དབང་གི་ལེའུ་སྟེ་སོ་དགུ་པའོ།། །།དེ་ནས་དམ་ཚིག་བསྟན་པ་ལས། །སྤྱི་ཡི་དམ་ཚིག་རྣམས་ཀྱང་མ་ཉམས་བསྲུང་། །ཁྱད་པར་དམ་ཚིག་བསྟན་པ་ལས། །སྐུ་ཡི་དམ་ཚིག་གཤིན་རྗེ་རྒྱུན་དུ་བསྒོམ། །གསུང་གི་དམ་ཚིག་སྙིང་པོ་རྒྱུན་དུ་བགྲང་། །ཐུགས་ཀྱི་དམ་ཚིག་སྤྲོས་པ་གཞན་སྤོངས་ལ། །སྤྱོད་པའི་དམ་ཚིག་ཆོས་སྤྱོད་ཅི་ནུས་བྱ། །མི་སྤང་དམ་ཚིག་ལྷ་ཡི་བླང་དོར་སྤང་། །དང་དུ་བླང་བའི་དམ་ཚིག་དུས་གསུམ་མཆོད་པ་བསྟན་པར་བྱ། ཁེས་པའི་དམ་ཚིག་བསྙེན་བསྒྲུབ་ལས་ལ་མཁས། །བསྒྲུབ་པའི་དམ་ཚིག་གཤིན་རྗེའི་དངོས་གྲུབ་ཐོབ། །གཞན་མ་རྣམས་ལ་ཕྱག་མི་འཚལ། །ལམ་ཁར་མི་གཟུར་དྲང་པོར་འགྲོ། །གཞན་དང་གཏམ་ཡང་མི་བྱའོ། །དམ་རྫས་ཕུད་ནི་མ་ཉམས་དང་། །མཆོད་པའི་ཡོ་བྱད་བཟང་པོ་དང་། །ཁས་བླངས་དུས་སུ་བྱ་བ་དང་། །སྙིང་རྗེའི་སེམས་དང་ལྡན་པ་དང་། །སྤྱོད་པ་རས་ཆོད་སྤངས་པ་དང་། །ཉམས་པའི་ཆོ་ག་བྱ་བ་སྤང་། །དམ་རྫས་མ་ཚང་སྒྲུབ་པ་སྤང་། །བསམ་པ་ལོག་པའི་ཆོ་ག་སྤང་། །གཉིད་ཀྱིས་ནོན་པའི་བཟླས་པ་སྤང་། །དེ་རྣམས་ཁྱད་པར་དམ་ཚིག་གོ །དམ་ཚིགས་གཞི་ལྟ་བུ་སྟེ། །དངོས་གྲུབ་འབྱུང་བའི་རྒྱུ་ཡིན་པས། །དམ་ཚིག་མ་ཉམས་བསྲུང་བ་གཅེས། །དེ་ལྟར་དམ་ཚིག་ཚུལ་བཞིན་བསྲུངས། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དམ་ཚིག་གི་ལེའུ་སྟེ་བཞི་བཅུ་པའོ།། །།དེ་ནས་གཤིན་རྗེ་གཤེད་པོས་བསྒྲུབ་པའི་སྤྱོད་པ་དཀའ་ཐུབ་བསྟན་པ། །ཐ་མ་སྤྱོད་པ་གཞན་དང་མི་མཐུན་པར་བྱའོ། །བསྙེན་པའི་དུས་ཀྱི་སྤྱོད་པ་ནི། །སྙིང་རྗེ་ཏིང་འཛིན་ཚུལ་བཞིན་སྤྱད། །དུས་དྲུག་མཚན་བརྗོད་འདོན་པ་དང་། །ཚ་ཆུ་འགྲུབ་ཚད་གདབ་པ་དང་། །ཆུ་གཏོར་ཆ་གསུམ་བཏང་བ་དང་། །བསྙེན་པ་བྱེད་པའི་ནུབ་མོ་ཀུན། །དགེ་བའི་གྲོགས་ནི་ཅི་ནུས་བྱ། །སྟོང་ཚོགས་མཆོད་པ་གཞུང་ལྟར་སྤྱད། །བསྙེན་པའི་འཛབ་ནི་ཅི་ནུས་བཟླས། །བསྒྲུབ་པའི་དུས་ཀྱི་མཆོད་པ་ནི། །ཕྱག་མི་འཚལ་བ་གཞན་མ་ལ། །ལྷ་ཡི་ང་རྒྱལ་གནས་པ་ཡི། །ཆེ་བ་ཉམས་སུ་དོགས་པས་ན། །ལམ་ཡང་མི་གཟུར་གཏམ་མི་སྨྲ། །བསྒྲུབ་པ་ཆེན་པོ་བྱེད་དུས་ཚེ། །གཡལ་པ་གཞན་མ་རངས་པ་སྤང་། །ལག་པ་གཡས་པ་སེང་ལྡེང་གི །དབྱུག་པ་ཐོགས་ལ་འཁར་བ་བྱའོ། །གཡོན་པ་སྡིགས་མཛུབ་བསྒྲེང་བར་བྱའོ། །ཞིང་དང་གླང་ཆེན་པགས་པ་གོན། །སྟག་གི་པགས་པའི་ཤམ་ཐབས་བྱའོ། །རི་ཡི་ཁྲོད་ནས་རི་ཁྲོད་འགྲོ། །ས་ཆེ་པ་དང་ཆུང་པ་སྤྱད། །ཁམས་གོས་སོ་བའི་ཐུན་མཚམས་སུ་སྤྱོད་པ་དེ་དག་བྱའོ། །གནས་སུ་ཡང་འོང་ལྷའི་སྐུ །གསལ་བར་བསྒོམས་ལ་མཆོད་པས་མཆོད། །ཕྱག་རྒྱ་བེ་ཅོན་ཕྱག་རྒྱ་བཅའ། །གཡས་པ་འཕྲེང་བ་བགྲང་བར་བྱ། །ཁྲི་ཁྲི་སྨྲ་བ་བཅད་ལ་བཟླས། །བཟླས་པ་མྱུར་ལ་རགས་པ་ནི། །ཡི་གེའི་མཚམས་འདྲེས་བྱིན་བརླབས་ཆུང་། །བཟླས་པ་བུལ་ན་གྲངས་མི་ཐོན། །མྱུར་ལ་བུལ་བ་རན་པར་བྱའོ། ཁེན་ཏུ་གསལ་བར་སྨྲ་བའོ། །དཀའ་ཐུབ་དྲག་པོས་སྤྱད་པར་བྱའོ། །བསྒྲུབ་པ་ཐོན་ནས་སྤྱོད་པ་ཡང་། །ལྷ་ཡི་རྣལ་འབྱོར་མ་ཉམས་པས། །སྤྱོད་པ་གར་བདེ་གར་སྐྱེད་བྱ། །ཆོས་སྤྱོད་སྙིང་རྗེ་ཆེ་བར་བྱ། །གང་ལ་གང་ཅི་མཐུན་པར་བྱ། ཁུན་གྱི་སྤྱོད་པ་བྱའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྤྱོད་པའི་ལེའུ་སྟེ་ཞེ་གཅིག་པའོ།། །།གཤིན་རྗེ་གཤེད་པོ་བསྒོམ་པའི་རྣལ་འབྱོར་པས། །འདི་ལྟར་སྣང་བ་སྲིད་པ་གསུམ། །གཤིན་རྗེའི་ལྟོ་ན་ཡོད་བར་ལྟ། །སྣོད་ཀྱི་འཇིག་རྟེན་ལྷ་ཡི་དཀྱིལ་འཁོར་ཏེ། །བཅུད་ཀྱི་སེམས་ཅན་མཁའ་འགྲོ་ལྟ་བུར་ལྟ། །འཇིག་རྟེན་ཁམས་ནས་འདོད་པ་ལྔ། །ལྷཚོགསམཆོདཔའི་རྫས་སུ་ལྟ། །ཀུན་རྫོབ་ལྟ་བ་དེ་ལྟར་རོ། །དོན་དམ་ལྟ་བ་འདི་་རྟོར་རོ། །ལྷ་ཡི་འཁོར་ལོ་ཐམས་ཅད་ཀྱང་། །སྣང་ལ་རང་བཞིན་མེད་པ་ཆུ་ཟླ་འདྲ། །གསལ་ལ་རྟོག་པ་མེད་དེ་གཞའ་ཚོན་འདྲ། །ཐུགས་རྗེ་ཕྱོགས་དང་བས་ཉི་ཟླ་འདྲ། །ལྷ་ཡི་སྐུ་མདོག་ཕྱག་མཚན་ཡང་། །ལྷང་ངེ་སལ་ལེ་རང་བཞིན་མེད། །རྟག་པའི་མུ་མཐའ་སྤངས་པའོ། །སྐྱེ་བ་མེད་པས་ནམ་མཁའ་ལྟ་བུ་ལས། སྐྱེ་བའི་ཆོ་འཕྲུལ་འཇའ་དང་ན་བུན་ལྷ་བུ་ལ། །སྐྱེ་བ་མེད་པའི་ཆོ་འཕྲུལ་ལས། །སྐྱེ་བའི་ཆོ་འཕྲུལ་འཇམ་དཔལ་གྱི། །གཤིན་རྗེའི་ལྷ་ཚོགས་སྐུ་རུ་གསལ། །དེ་ཡང་མཚན་མའི་སྐྱོན་དང་བྲལ། །ཆད་པའི་མུ་མཐའ་སྤངས་པའོ། །རྟག་ཆད་སྤངས་པས་ལྷ་ཡི་དཀྱིལ་འཁོར་ལྷ། །ཡེ་ཤེས་གཤིན་རྗེ་དུས་གསུམ་སངས་རྒྱས་ཡིན། །ལས་ཀྱི་གཤིན་རྗེ་དུས་ཀྱི་སངས་རྒྱས་ཡིན། །སངས་རྒྱས་སེམས་ཅན་གཉིས་སུ་མེད་པར་ལྟ། །གཉིས་མེད་སྣང་བ་ཐུགས་རྗེའི་མཛད་སྤྱོད་དེ། །སེམས་ཅན་གདུལ་བའི་ཚད་དུ་བསྟན། །ཡང་དག་ཉིད་ལ་གཉིས་སུ་མེད། །མ་རྟོགས་པ་ལ་དྲང་དོན་དུ། །གདུལ་བྱ་འདུལ་བྱེད་གཉིས་སུ་བསྟན། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ལྟ་བ་བསྟན་པའི་ལེའུ་སྟེ་ཞེ་གཉིས་པའོ།། །།གཤིན་རྗེ་གཤེད་པོས་སྡུད་པ་པོ་རྡོ་རྗེ་འཛིན་པ་ལ་ཡང་གསུངས་པ། ཕོ་ཡིས་གསད་དང་མོ་ཡིས་གསང་། །རྨེ་ཐབ་དཀྲུགས་ནས་གསད་པ་དང་། །ཆོས་སྐུས་གདས་པ་ཐབས་བསྟན་པའོ། །ཞེས་གསུངས་སོ། །གསད་ཐབས་དང་པོ་བཤད་པ་ལ། །ཕོ་གསད་ཐབས་བསྟན་པ་ལ། །ཆོ་ག་བཞིན་དུ་བསྙེན་པ་བྱ། །དུར་ཁྲོད་དབེན་བར་འཁོར་ལོ་བྲི། །རྒྱ་ཆེན་ས་ཡི་འཁོར་ལོ་བྲི། །ཡིག་འབྲུ་དགོད་དང་ཕུར་བུ་དགོད། །འཁོར་ལོ་ལེགས་བྲིས་པར་སྣང་ལ། །ཡས་མར་འཕྱང་དང་མས་འདེགས་པ། །སྔོན་དམར་བཏགས་ལ་ཡས་མར་འཕྱང་། །སྔགས་ཀྱི་ཐུན་མཚམས་ཤེས་པར་བྱ། །མ་ནི་རྭ་ཛ་སྟེ་ཡ། པྲ་མ་ཡ་རྦད། ཉི་མ་དང་བོའོ། །སྟེ་ཡ་ཏོ་ཏ་ཡོ་ཡ། མུ་རྩ་ཡ་ཧཱུཾ་ཕཊ། ཉི་མ་གཉིས་པའོ། ཡ་ཡ་རུ་ཏོ་མེ་ཡ།རག་ཏ་ཙ་ར་ཡ་རྦད། གསུམ་པའོ། །མེ་ས་ཏོ་ཙ་མ་ཡ། མྱ་ར་ཡ་དགྲ་བོ་ཤཱ་ར་ཡ་རྦད། ཉི་མ་བཞི་པའོ། །ནུབ་བཞི་པའི་སྔགས་སོ། །ཨོ་ཨ་ཀྲོ་རི་ར་རྩོ་མུ་ར་ཡ་རྦད། །ཨོ༷་མ་ཙ་སྲི་ར་མ་ར་ཡ་རྦད། །ཨོ་མ་ཏེ་ཡི་ཏི་ག་ས་ནཱ་ར་ལ་རྦད། ཨོ༷་ཡ་ཁ་དུ་རུ་མྱ་ར་ཡ་རྦད་ཡ། ཉི་མ་བཞི་པའི་ལས་ཚང་ན། །ཕུར་བུས་གདབ་པ་དང་གནན་པའི་ལས་བྱ། །ལས་ཀྱི་གཤིན་རྗེ་ནག་པོའི་ཕྱག་ཏུ་སྦ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྒྲོལ་བ་སྤུ་གྲིའི་ལེའུ་སྟེ་ཞེ་གསུམ་པའོ།། །།ཡང་གསད་པའི་ཐབས་གསུངས་པ། མ་མོའི་འཁོར་ལོ་ལོགས་བྱས་ལ། །དང་པོ་ལྷ་བསྙེན་ཚད་ཕྱུང་ལ། །དེ་ནས་སྒྲུབ་པ་བྱ་བ་ནི། །མཁས་པས་དུར་ཁྲོད་དབེན་པ་སྲ མ་མོའི་འཁོར་ལོ་བྲི་བ་ནི། །ཕྱི་རུ་བསྟན་པ་ཐོད་པའོ། །གསང་བ་དེ་ཉིད་དྲང་བའོ། །བསྙེན་པ་སྒྲུབ་པ་བྲིས་བྱས་ལ། །རྒྱ་ཆེན་ས་ཡི་དཀྱིལ་འཁོར་ཡང་། །མཁས་པས་གསང་ལ་ནུབ་མོ་བྲི། །ཐིག་བཞི་བཏབ་པས་ལེ་ཚེ་དགུ །དབུས་སུ་ཨེ་བཞི་འཁོར་ལོ་བྲི། །བཅུ་གཉིས་བཅུ་དྲུག་རྩེ་སྤྲད་དེ། །རྩེ་སྤྲད་བར་དུ་མིང་རུས་བྲི། །འཁོར་ལོ་གྲུ་བཞི་ཞལ་བཞི་ཡང་། །ཕྱག་གིས་འཁོར་ལོ་བསྐོར་བའོ། །མིང་གི་མ་ལྟོར་འཁོར་ལོ་གཞུག །འཁོར་ལོའི་ཐུན་མཚམས་སྤི་དང་མཐུན། །ཨོ་ཡ་མ་རྭ་ཛ་ས་མེ་ཏོ་ཡ་བྲ་མ་རྦད། ཉི་མ་དང་པོའོ། །ཨོ་མེ་ཏོ་རུ་ན་ཏ་ཡོ་ཡ། རག་ཏ་ཙ་ར་ཡ་རྦད་ཡ། གཉིས་པའོ། །ཨོ་ཏ་ནི་ཡོ་ར་སྟེ་ཡ་ཡ། མུ་ར་ཙ་ཡ་རྦད་ཡ། གསུམ་པའོ། །ཨོ་སྟེ་ཙ་ཡ་ནི་མྱ་ར་ཡ་། །དགྲ་བོ་མྱ་ར་ཡ་རྦད་ཡ། ཉི་མ་བཞི་པའོ། །ནུབ་བཞི་པའི། ཨེ་རག་ནི་ཤ་མ་ཧུ༷་ཕཊ། ཨོ་མ་པ་ར་ཙ་ཏྲ་ནི་ཤ་ཡ་ཧུ༷་ཕཊ། ཨོ་མ་ཏྲ་ཙི་ས་ར་ནི་ཤ་ཡ་ཧུ༷་ཕཊ། ཨོ་མཁས་ལི་ནི་ཤ་ཡ་ཧུ༷། ཞེས་ཉིན་མཚན་དྲིལ་ཕུར་བུས་གདབ་དང་མནན་པ་བྱ། གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྦྱོར་བ་མདུང་ཐུང་གི་འཁོར་ལོ་བསྐོར་བའི་ལེའུ་སྟེ་ཞེ་བཞི་པའོ།། །།གསད་ཐབས་རྨེ་ཐབ་གསུངས་པ་ནི། །དང་པོ་བསྙེན་པ་ཚད་ཕྱང་ལ། །དེ་ནས་འཁོར་ལོ་བྲི་བ་ནི། །དབུས་སུ་ཨ་བཞག་རྩིབས་བཞིས་བསྐོར། །བཅུ་གཉིས་བཅུ་དྲུག་རྩེ་སྤྲད་བྲི། །རྩེ་སྤྲད་བར་དུ་མིང་རུས་བྲིས། །དེ་ཡི་ཕྱིར་རིམ་རྡོ་རྗེ་འཁོར་ལོ་བྲི། །དེ་ཡི་བར་དུ་གསང་མཚན་གཞུག །སྲིད་པའི་ལྷ་སྲིན་མ་མོ་ལ། །དམ་ཡང་བདར་ལ་དབང་ཡང་གཟུགས། །ཉིན་མོ་གཏོར་ལ་མཚན་མོ་དྲིལ། །ཡ་མ་རྭ་ཛ་ས་ཏོ་མེ་ཡ་ནག་མོ་རག་ཤ་ཆེ་གེ་མོ་བམ་རིལ་རྦད། ཡ་ཁྲེ་ཡ་ཙ་ནི་ར་མ་ཡ། ཏྲག་རག་ཤ་ཤིག་ཆེ་གེ་མོ་ཐུམ་རིལ་རྦད་ཡ། ནུབ་བཞི་པའི་སྔགས། ཨོ་རུ་རུ་ཁ་རག་མ་དེ་ཙ་སྙིང་ཁ་རག་ཏྲེ་ཏྲེ་ར་ག་ཤ་དམ་ཉམས་དུན་སྨྱོ། ཨོ་སིང་ང་ཙ་དུར་ཁ་རག་སྙིང་ལ་རྦད་ཡ། ཙད་དམ་ཉམས་ལྕེ་སྡིབས། དྲག་རག་ཤ་ཙ་པ་ལ་ཕྲ་མ་རྦད། ཨོ་བཛྲ་ཏི་ཀ་མ་དུ་རཀ་ཤ་པོ་ལེ་དམ་ཉམས་ཏྲ༷་ཏྲ༷་སྲིན་པོ་ཁ་ལ་རྦད། ཨོ་རག་མོ་རུ་རུ་ཙ་བ་ལ་ཏྲིག་མོ་ཏོ་ཏོ་ཤོ་རི་སྙིང་ལ་མ་རྭ་ཡ་རྦད་ཡ། ཞེས་པ་ནི་རེ་མ་ཏི་དང་། རྨུ་ལུགས་ནག་མོ་དང་རག་ཤ་ནག་མོ་དང་། ཨེ་ཀ་ཛ་ཏི་དང་། མ་མོ་བཞི་ཡི་སྔགས་དང་། ཨེ་ཀ་ཛ་ཏིའི་སྔགས་ཀྱིས་མགོ་བོ་དྲངས་ལ་བཟླས་ལ། ཉིན་མོ་ཕོ་སྐོར་ལ་མོན་པ་བཞི་བསྐུལ། མཚན་མོ་མོ་སྐོར་ལ་མ་མོ་བཞི་བསྐུལ། ཐུན་མཚམས་འཁོར་ལོ་སྤྱི་དང་མཐུན། །ཕུར་བུ་གདབ་དང་མནན་པ་བྱ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྔགས་པ་རྨེ་ཐབས་ཀྱི་ལེའུ་སྟེ་ཞེ་ལྔ་པའོ།། །།ཡང་གསད་པའི་ལས་གསུངས་པ་ནི། ལྷ་ཡི་རྣལ་འབྱོར་ལྡན་པ་ཡི། །དང་པོ་གཏོར་མས་བདག་དང་། །ས་ཡི་ལྷ་མོ་བསྟན་མ་དང་། །མཆོད་པ་ལྔ་དང་ལྡན་པས་མཆོད། །ས་བླང་བ་དང་གཟུ་དཔང་བྱའོ། །ཨོམསྣྲུཤིཀིལཡ ཧུ༷ ཕཊ། བྱས་ལ་ཕུར་བ་ལྔཁྲོབོལྔརགཤིནརྗེརབསྒོམས་ལ་གདབ། ཨོམསྣྲུཤིཀིལཡཧུ༷ ཕཊ། ཅེས་པས་འཕགས་པ་འཇམ་དཔལ་དུ་གྱུར། དེས་ལག་པར་རིག་པར་བྱས་ལ།ཨོ་ཨུ་ཧུ༷། ཏྲེ་ཡད་ཏ་སརྦ་ཏ་ཐུ་ག་ཏ་ཧྲི་ད་ཡ། སུག་རྨེ་སུ་ག་རྨ་ཤརྙ་ཤརྙ་དསྡེ་ན་ལ་ཀུ་ལུ་ཡ་ཤོ་བ་ཏི་བི་ཤུ་སྟེ་ས་ཧྭ། ཞེས་པ་ལན་བདུན་བཟླས་ལ་བདག་གི་ཐུགས་ཀ་ནས་འོད་འཕྲོས་ཏེ། འཕགས་པའི་ཐུགས་དམ་རྒྱུད་བསྐུལ་ནས། །འོད་ཚུར་འདུས་ཏེ་འཇམ་དཔལ་ལ་ཐིམ་པས། །འོད་ཕུང་དེ་ནས་འོད་ཕུང་གཅིག་ཏུ་བཏགས་ལ། །བསམ་པ་ནི་ཆོས་ཀྱི་སྐུའི་རང་བཞིན་ཡིན་པས་ནི་བྱིན་གྱིས་བརླབས་སོ། །འོད་ཕུང་ལ་འབྲི་འབྲི་དང་ཚ་ཚྭ་གདབ། ཨོམསྣྲུཤིཤིསྐནིགྲྭཧྭ། ཞེས་པའི་སྙིང་པོ་གང་རུང་གདབ། ཚ་ཚྭ་དེ་ཤེས་རབ་གཉིས་སུ་མེད་པའི་ཐབས། ལྷ་ཡ་མརྙ་ཀའི་སྐུ་རུ་ཀྲོང་ཀྲོང་བྱུང་བར་བསམས་ལ། དེ་ནས་རྟེན་འབྲེལ་སྙིང་པོ་བརྗོད་ལ། མཆོད་པ་མང་པོས་མཆོད་པར་བསམ། ཡ་མརྙ་ཀ་ལ་སོགས་པ་ལྷ། བཅུ་བདུན་བསམས་ལ། སོ་སོའི་སྙིང་པོ་བརྗོད་ལ་གདབ། གཞན་ཐེབས་དང་སྤྲུལ་པ་དང་། ཡང་སྤྲུལ་དང་། སྣང་བར་བསམས་ཤིང་གདབ་བོ། །དཀྱིལ་འཁོར་ཟླུམ་པོ་རིམ་པ་གསུམ། །དབུས་སུ་གྲུ་གསུམ་གསུམ་བྱའོ། །བར་མའི་གྲུ་གསུམ་ཟླུམ་པོ་ལ་ཡང་གྲུ་གསུམ་བཅུ། གྲུ་གསུམ་ནག་པོ་བཅུ་བདུན་ལ། །ལྷའི་ཚ་ཚྭ་བཅུ་བདུན་པའོ། །དབུས་ནས་རིམ་པར་དགོད་པའོ། །གཞན་ཡང་ཚ་ཚྭ་ཐེབས་ཚད་གདབ། །དེ་ཡི་ཕྱི་རིམ་བསྐོར་ལ་བཞག །གནས་དང་མཆོད་རྫས་གཞན་དང་འདྲ། །དམ་ཚིག་ཚ་ཚྭ་བཏབ་པ་ལ། །ཡེ་ཤེས་ལྷ་ཚོགས་སྤྱན་དྲངས་ཏེ། །ཕྱག་རྒྱ་བཞི་ཡིས་བསྟིམ་བྱས་ལ། །མཆོད་པ་དང་ནི་བཟླས་པ་དང་། །བསྟོད་པ་ལ་སོགས་པ་ཡང་བྱ། །ཕོ་ཐོད་མོ་ཐོད་འཁོར་ལོ་དང་། །དགྲ་ཡི་མིང་རུས་བཅས་པ་དང་། །གནན་པའི་འཁོར་ལོ་བྱ་ནས་ཀྱང་། །ཆོས་སྐུའི་འོག་ཏུ་གཏད་ཁྲམ་བྱ། །དམ་ཉམས་པ་ལ་ལྷ་བདུད་ཕོབ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ཆོས་སྐུ་ནན་པོ་འོད་འབར་གྱི་ཚ་ཚྭ་གདབ་པའི་ཐབས་བསྟན་པའི་ལེའུ་སྟེ་ཞེ་དྲུག་པའོ།། །།རྡོ་རྗེ་འཛིན་པས་ཡང་ཞུས་པ། །གསད་པའི་ཐབས་བཞི་པོ་དེ་ལགས་ན། །གསོ་བའི་ཐབས་གསུམ་པོ་གང་ལྷར་ལགས། ཞེས་པས། གཤིན་རྗེ་གཤེད་པོའི་གསུངས་པའོ། །གསོ་ཐབས་བཞི་ཡང་བསྟན་པའོ། །སྲིའུ་གསོ་དང་ནད་པ་གསོ། །དཔལ་གསོ་བ་དང་ཚེ་གསོ་བའོ། །དང་པོ་སྲིའུ་གསོ་བ་དེ། །ལན་ཆགས་གནོད་པ་བྱེད་པ་ལ། །ལྷ་ཀླུ་ཆེ་བ་ཐམས་ཅད་ལ། །མཐུན་པའི་གླུད་ཀྱིས་བསླུ་བར་བྱ། །དེ་ནས་བསྙེན་པ་ཚད་དུ་བྱ། །ལྷ་ཡི་བསྙེན་པ་བཟླས་པའི་སྲུང་སྐུད་གདགས། །མ་དང་བུ་ཡང་ཆུ་ཡི་བུམ་པས་བཀྲུ། །དེ་ནས་སྒྲུབ་པའི་དཀྱིལ་འཁོར་བྲི་བ་ནི། །ལྷ་དང་དམ་རྫས་ཚང་བར་དགོད། །བྱང་ཤར་མཚམས་སུ་འབྲུབ་ཁུང་བྱ། །བྱང་དུ་སྦྲེའུ་དེ་ལ་གནོད་པའོ། །བགེགས་ཀྱི་གཟུགས་དང་མིང་དང་ནི། །ར་སོགས་ཁྱི་དང་ཕག་གི་གཟུགས། །ཡང་ན་དར་ཟན་གཟུགས་བྱས་ལ། །འབྲུ་ཁུང་ནངདུ་གཞག་པར་བྱ། །ཁྱི་བལ་དཀར་ནག་སྐུད་པ་ཡིས། །སྐེ་ནས་བཏགས་ལ་ཕུར་པ་ལ། །མ་རུ་ཙེར་བསམས་དེ་ལ་གདགས། །དམ་སྲིད་དགུག་ཅིང་བསྟིམ་པར་བྱ། །རྒྱབ་རྟེན་བྱ་བའི་ལྷ་འདྲེ་གདུག་པ་ལྔ། །གསེར་སྐྱེམས་བཏང་ལ་བདེན་པ་བདར། །ཐུན་གྱིས་བྲབ་ལ་ཕུར་པ་གདབ། །སྒྲུབ་པ་བྱེད་པའི་བར་དུ་ནི། །ཡང་ནས་ཡང་དུ་ཐུན་གསུམ་དུ། །དམ་སྲི་བསྒྲལ་ཞིང་བཏབ་པ་དང་། །སྤྱིན་སྲེག་བྱ་དང་གནན་པ་བྱ། །གང་བྱེད་ལས་ནི་བྱས་པ་དང་། །མ་ལ་འཕགས་པ་གཤིན་རྗེ་ཡི། །སྙིང་པོ་ཕོག་ལ་ཟློས་སུ་གཞུག །དམ་ཚིག་ཐེག་ཆེན་སྲུང་དུ་གཞུག །དེ་ལྟར་བྱས་པས་ལས་དེ་རྣམས། །འགྲུབ་བར་དཔའ་བོས་གསུངས་བའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྲིའུ་གསོ་བའི་ལེའུ་སྟེ་ཞེ་བདུན་པའོ།། །།ཡང་གསོ་བའི་ཐབས་གསུངས་བ། ནད་པར་གྱུར་པ་གསོ་བ་ལ། །ལྷ་ཡི་རྣལ་འབྱོར་པ་བྱས་ལ། །ནད་པ་དེ་ལ་གནོད་པ་ཡི། །ལྷ་འདྲེ་གང་ཡིན་གདོན་པ་ལ། །གླུ་དང་ཟང་ཟིང་སྦྱིན་པ་བྱ། །གནོད་པའི་བགེགས་ངན་གདུལ་བ་དང་། །ཡང་ནས་ཡང་བསྐྲད་པར་བྱའོ། །བདེན་པ་བདར་ཞིང་གླུང་ཀྱང་དབུལ། །ནད་པའི་སྐྱེ་རུ་སྲུང་སྐུད་གདགས། །ཁྲུས་དང་མེ་ཏོག་མེ་ཡིཆོགབྱ། །གཤིནརྗེགཤེད་ལ་གཏོར་མ་ཡང་ནས་ཡང་དུ་བཏང་། །དབུལ་བར་བྱས་ལ་འཕྲིན་ལས་བཅོལ། །ནད་པ་རང་གི་ལྷ་དེ་ལ། །གསོལ་མཆོད་བྱས་ལ་ལས་ཀྱང་གཅོལ། །དེ་ནི་ཕན་པར་བཤད་བའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ནད་པ་གསོ་བའི་ཐབས་ཀྱི་ལེའུ་སྟེ་ཞེ་བརྒྱད་པའོ།། །།ཡང་གསོ་བའི་ཐབས་གསུངས་པ། དཔལ་ནི་བུ་ཚ་ཡོད་པར་བྱེད་པའོ། །དང་པོ་ལྷ་བསྙེན་བྱ་བ་ཡང་། །བུད་མེད་དེ་ལ་སྲུང་སྐུད་གདགས། །བུད་མེད་ཁྲུས་བྱས་གོས་གཙག་བསྐོན། །སྲིད་ལ་གནོད་པའི་དམ་སྲི་གདུལ། །ལྷ་འདྲེ་གདུག་པ་ཆེ་བ་ལ། །སྐྱིན་གླུད་བྱིན་ལ་བདེན་པ་བདར། །གཤིན་རྗེ་གཤེད་ཀྱི་དཀྱིལ་འཁོར་དུ། །དམ་ཚིག་ཕོག་པའི་དབང་ཡང་བསྐུར། །འཇམ་དཔལ་སྐུ་རུ་བསྒོམ་དུ་གཞུག །གཤིན་རྗེ་གཤེད་པོར་དབང་བསྐུར་ནས། །སྙིང་པོ་འདི་དག་ཟློས་སུ་གཞུག །སྲིད་ཐག་ཉེ་བར་བཤད་པའོ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དཔལ་བསྐྱེད་པའི་ལེའུ་སྟེ་ཞེ་དགུ་པའོ།། །།ཡང་གསོ་བའི་ཐབས་གསུངས་པ། ཚེ་གསོ་བ་ནི། གང་ཞིག་ཚེ་ཉམས་པ་དེ་བསྲིང་བར་བཤད། །བན་དྷ་ལྕང་ལོ་མཛེས་པ་མྲ །ཆང་དང་བདུད་རྩིས་བཀང་བྱས་ལ། །སྙིང་པོ་རྣམ་ལྔ་བྱུག་བྱས་ལ། །ཁྲུས་ཕྱེ་བྲེ་གང་བྱས་པ་ཡི། །ཚེ་ཡི་འབྲང་རྒྱས་བྱས་བ་ཡི། །རྩི་ཐོག་རྒྱས་པའི་མར་ཡང་བྱུག །བན་དྷ་སྟེང་དུ་བཞག་བྱས་ལ། །བན་དྷའི་དཀྱིལ་འཁོར་དབུས་སུ་ནི། །རིན་པོ་ཆེ་ཡི་སྣོད་ནང་དུ། །ནས་བྲེ་གང་བླུག་དེ་རུ་གཞག །མཆོད་པ་ལེགས་པ་བཤམས་པ་དང་། །ཆོ་ག་རིམ་པར་བྱས་ནས་ནི། །བཟླས་པ་བསྟོད་པ་མང་དུ་བྱ། །ཚེ་ཡི་བན་དྷའི་ནང་དུ་ནི། །འཇམ་དཔལ་ཡབ་ཡུམ་བསྐྱེད་བྱས་ལ། །དབུ་ལ་ཚེ་དཔག་མེད་པས་བརྒྱན། །མཆོད་པ་ཀུན་གྱིས་མཆོད་བྱས་ལ། །སྙིང་པོ་འདི་ནི་བཟླས་པར་བྱ། །ཨོ་པུ་ཁེཧཡ་པུ་ཁེཧཡ་མ་ཧྭ་ཨ་པ་ར་མི་ཏ་པུ་ཁེཧཡ་ཙྭ་ན་སམ་པ་རོ་པ་ཙི་ཏེ་གྲྭཧྭ། ཞེས་ཨ་ཀྲོ་ཏེ་ཀ་དང་བསྒྲགས་ལ་བགྲང་། གང་བསྲུང་བ་དེའི་ཚེ་ཉམས་པ་བསྲུང་བ་དང་། །ཚེ་ཡར་བ་གཞུག་པ་དང་། ཚེ་ལྡེགས་བསྟན་པར་བྱ་བ་དང་། །སྔགས་ཀྱི་འོད་ཀྱི་བྱིན་བརླབས་དང་། །སྔགས་ཀྱི་ཚེ་ཐམས་ཅད་དང་། གཡང་ཐམས་ཅད་རྫས་ལ་བསྡུ། རྫས་ཀྱི་ནུས་པམིལཐིམ། གཤིན་རྗེ་གཤེད་པོའི་ལྷ་ཚོགས་དྲངས་པ་ཡིསམཚན་ནས་བརྗོད་ཅིང་ཚེ་ཁུག་བྱ། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། ཚེ་བསྲིང་པའི་ལེའུ་སྟེ་ལྔ་བཅུ་པའོ།། །།རྡོ་རྗེ་འཛིན་མས་བསྟན་པ་བསྲུང་བའི་ཆེད་དུ། སེར་བ་དབབ་པའི་ཐབས་གསུངས་པ། མོན་ནམ་རབས་ཆད་ཐོད་པ་སྲ ཁྲ་སྣ་སྙིང་སྣ་ཁྲག་སྣ་དང་། །འབྲུ་སྣ་ཚང་བའི་སྔོ་ཁུ་ཀླུད། །དུག་སྣ་བླུགས་ལ་ཆང་གིས་བསིང་། །ལྷ་ཡི་བསྙེན་པ་ཚད་ཕྱུང་ནས། །དྲག་སྔགས་འདི་ཡིས་བསྔགས་ལ་བཟླས། །རྩེ་བའི་སྙིང་པོ་གང་གྲུབ་ལ། །གསང་སྔགས་འདི་བཏགས་གདབ་པ་ཡི། །ཐིག་ནི་གཅིག་མེད་ཁྲག་བརྒྱད་བཅད། །དུད་ཕྲོམ་ནམ་མཐོངས་ཕྱེ། ལྕགས་སྒྲོག་ཁྲོལ། མི་རེངས་སོད། རྐྱང་རྗེ་རྐྱང་མོ་ཅུ་རུ་མ།འདོ་པ་ཏོ་ཡ་ཡུལ། ཆེ་གེ་མོར་ཕོབ་བྱས་ལ། རྫས་སྔོའི་གསེབ་ཏུ་གཟའ་རྒྱུ་བའི་དུས་སུ་གཏོར་ལ་གཏང་ངོ་། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སེར་བ་དབབ་པའི་ལེའུ་སྟེ་ང་གཅིག་པའོ།། །།གཤིན་རྗེ་གཤེད་པོས་སེར་བ་བསྲུང་བའི་ཐབས་འདི། དམ་ཚིག་ལྡན་པའི་རྣལ་འབྱོར་པས། །དང་པོ་ལྷ་བསྙེན་རྫོགས་པར་བྱ། །དེ་ནས་བསྲུང་བར་བྱ། །དེ་ནས་བསྲུང་བར་བྱ་བ་ནི། །ཞ་ཤིང་གི་བྱང་བུ་སོར་བཞི་ལ། །སྔགས་འདི་ཀློང་བཞིར་བཅད་ལ་བྲི། །བསྲུང་མཚམས་སོ་སོར་མཐོང་བའོ། །རྡོ་རྗེ་སྒྲོ་མ་བུ་ནང་དུ་གཞུག །གཡམ་པས་བཅད་ལ་ནང་དུ་གཞུག །ཨོ་ཨ་ཀྲོ་ཏེ་པ་ལ་མཧྭ་སི་ཀ་ཤག་སུ་པ་སིང་གི་རྦད་ནན། བཟློག་ཅིག་ཁ༷་སྨྱོ། ཤག་ཧྲུ་ཏྲི་ཁྲམ་སྨྱོ། ཨོ་མུར་ཤི་ཀུང་ཙུད་ཀ་གྲྭཧྭ། གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སེར་བ་སྲུང་བའི་ལེའུ་སྟེ་ང་གཉིས་པའོ།། །།དེ་ནས་ཡང་གཤིན་རྗེ་གཤེད་པོ་ལ། འཁོར་རྣམས་ལ་སོགས་པ་གཤིན་རྗེའི་ཚོགས་དང་བཅས་པ་བསྟོད་པ། དེ་ལྟ་བུའི་སྒྲུབ་ཐབས་མང་པོ་ཞལ་ནས་གསུངས་པ་ལ། དེ་དག་ངོ་མཚར་བས་བསྟོད་པ་ནི། གཏུམ་ཆེན་རབ་འབར་གཤིན་རྗེ་འཇོམས་མཛད་ལྷ། །ཉི་མ་འབུམ་བས་ལྷག་པའི་འོད་ལྡན་ཁྱེད། །ཕྱག་མཚན་མང་པོ་བསྐལ་པའི་མེ་ལྟར་འབར། །རབའཇིགསགཤིནརྗེགཤེད་ལ་ཕྱག་འཚལ་བསྟོད། །རྡོ་རྗེའི་སྐུ་ལ་ཀླུ་དབང་རབ་བརྒྱན་ཅིང་། །གཅན་གཟན་གདུག་པའི་པགས་རློན་ན་བཟར་གསོལ། །མི་མགོ་ཐོད་ཁྲག་མི་བཟད་སྐུ་ལ་གསོལ། །བརྐྱང་བསྐུམ་ཚུལ་གྱིས་གཤིན་རྗེ་ཞབས་ཀྱིས་གནོན། །མི་བཟད་ཁྲོ་བོའི་རྒྱལ་པོ་གདོང་དྲུག་ཧཱུཾ༷་སྒྲ་ཅན། །ཕཊ་ཀྱིས་ཁམས་གསུམ་སྒྲ་སྒྲོག་དུས་གསུམ་དབང་དུ་སྡུད། །ཤ་ཟ་མ་གོ་བཅད་འཕྲེང་བ་སྐུ་ཡི་རྒྱན་དུ་བྱས། །སྤྱན་ཟློག་ཙམ་གྱིས་རྡོ་རྗེ་སེར་བ་འབེབས། །ལྗགས་འདྲིལ་གསེབ་ནས་རྡོ་རྗེ་ཐོག་ཆེན་འབེབས། །འཁོར་གྱི་མ་མོ་རྣམས་ཀྱང་སྒྲེན་མོར་འདོན། །རྐན་སྒྲ་གཏོགས་པས་ལྷ་ཆེན་ཁྱབ་འཇུག་ཀྱང་། །གན་བུབ་བརྒྱལ་བྱས་ཁྲག་འཐུང་ཉིད་ལ་འདུད། །སྟོང་ཁམས་ཁེབས་པར་བྱེད་པའི་ཞལ་གདངས་ནས། །ཚངས་པའི་འཁོར་བཅས་རྡུལ་བའི་ཐིག་མཛད་ཅིང་། །ནད་གཏོང་སྲིན་མོ་རྣམས་ཀྱང་འདར་ཞིང་འབྲོས། ཁུ་འཕྲེང་ཁྲག་དང་བཅས་པ་ཐོགས་ནས་ཀྱང་། །ཕྱག་མཚན་མི་མགོ་རློན་པ་རབ་བསྣམས་ཤིང་། །དངོས་གྲུབ་མཆོག་གི་ཀླད་ཁྲག་ཞལ་དུ་གསོལ། །གནོད་སྦྱིན་མ་རུངས་མགོ་བཅད་འཕྲེང་བས་སྐུ་ལ་བརྒྱན། །ཕྱག་ན་ཁྱུང་དང་འུག་པ་ལྟ་བུའི་ཁྲ་བསྣམས་ཤིང་། །དམ་ལས་ལྡོག་པ་རྣམས་ལ་གཏོང་བར་མཛད། །དུར་ཁྲོད་ཆེན་པོར་མཚན་མོངབ་རྒྱུ་ཞིང་། །མགོ་གཅད་སོ་ཡིས་ཆེམ་ཆེམ་འཆའ་བ་ཡང་། །ཁྱོད་མཐོང་ཙམ་གྱིས་ཞབས་ལ་གཏུགས། །དེ་བས་བཟོད་པར་དཀའ་ལ་ཡང་དག་འདུད། །གདུང་བའི་སེམས་ཀྱིས་བདག་གི་འཁོར་དུ་གཏོགས་པ་ལ། །གནོད་པར་བྱེད་པའི་མི་དང་མི་མིན་གང་ཡང་རུང་། །ཟུང་ཞིག་ཆིངས་ཤིག་རྒོལ་ཅིག་གར་མཛད་ལྷ་གཤིན་རྗེ་གཤེད། །ཡུན་གྱི་ལྟར་ཡང་ཁྱོད་གསོལ་འདེབས་ན། །རི་རབ་གསེར་གྱི་ངོས་ལ་བྱ་གནས་ལ། །བྱ་ཡི་རང་བཞིན་བོར་ནས་གསེར་དུ་སྣང་། །ལྷ་མཆོག་ཁྱེད་ཀྱི་སྐུ་རུ་བདག་བསྒོམས་པས། །བདག་གི་རང་བཞིན་བོར་ནས་ཁྲོ་བོར་སྣང་། །ལྷ་མཆོག་ཁྱོད་ལ་སུ་དང་གང་བརྟེན་པ། །མི་ཡི་ཐ་མ་རྣམས་ཀྱང་མཆོག་ཏུ་འགྱུར། །དེ་བས་འདི་དང་ཕ་རོལ་གཉིས་ཀ་སྲ །སྲོག་གི་ཕྱིར་ཡང་ལྷ་མཆོག་མི་གཏོང་ན། །བྱམས་པའི་ཞལ་བཟང་སྔོན་དུ་བསྟན་ནས་ཀྱང་། །ཐུགས་རྗེའི་དབང་གིས་བདག་ལ་གཟིགས་སུ་གསོལ། །ཁྲོ་མོ་ཡུམ་དང་བཅས་ཏེ་སྐུར་སྟོན་ཅིག །གཡོན་ནས་ཡུམ་བསྐྱེད་ཁྲོ་མོའི་སྐུ། །གཏུམ་མོ་དུག་ཧྲུལ་གོས་གྱོན་མ། །གཡས་ནས་ཡུམ་བསྐྱེད་ཨེ་ཀ་ཏི་མ། །ཆགས་གཞི་ཆེན་མོ་ཁྲག་མདོག་མ། །གཉིས་ཀའི་སྐུ་ནི་དབུས་ཀྱི་གཙོ་དག་མཐུན། །སྡང་བའི་དགྲ་དང་གནོད་པའི་བགེགས། །ཐལ་བར་ཐོག་ལ་རླུད་ལ་ཕྱོར། །ཅེས་འཁོར་རྣམས་ཀྱིས་གཙོ་བོ་ལ་བསྟོད་དོ། །ཐབས་མང་པོ་བསྟན་པ་ལ་ངོ་མཚར་གྱིས་བསྟོད་པའོ། །གསང་བ་དྲུག་ཅུ་བ་ལས། གཙོ་བོ་ལ་འཁོར་གྱིས་བསྟོད་པའི་ལེའུ་སྟེ་ང་གསུམ་པའོ།། །།དེནསགཤིནརྗེགཤེད་པོའི་ལྷ་ཚོགས་ལ་ཚོགས་འབུལ་བ་གསུངས་བ། ཟན་དང་མར་དང་ཤ་དང་ཆང་། །ཞོ་དང་ཆབ་མིག་ཆོད་མ་ལ། །བྱིན་གྱིས་བརླབ་པ་བྱས་ལ་ནི། །སྤྱན་དྲངས་ལ་སོགས་བྱ་བ་ནི། །ཧུ༷། ཆོས་ཀྱི་དབྱིངས་ཀྱི་ཕོ་བྲང་ནས། །འཁོར་འབར་བའི་སྐུ་རུ་གནས། །འཇམ་དཔལ་གཤིན་རྗེ་འཁོར་བཅས་ཀུན། །རྣལ་འབྱོར་ལོངས་སྤྱོད་ཚོགས་ལ་གཤེགས། །རི་རབ་ཆེན་པོའི་རྨང་འོག་ནས། །གཤིན་རྗེ་ཆོས་ཀྱི་རྒྱལ་པོ་ནི། །འཆི་བདག་མ་མོའི་ཚོགས་དང་བཅས། །རྣལ་འབྱོར་ལོངས་སྤྱོད་ཚོགས་ལ་གཤེགས། །རིག་པ་འཛིན་པའི་ས་ལ་གནས། །སྔགས་ཀྱི་སྡོམ་ལ་གནས་པ་ཡི། །རིག་འཛིན་འཁོར་བཅས་ཚོགས་ལ་གཤེགས། །ཞེས་སྤྱན་དྲངས་སོ། །དེ་ནས་ཕུད་གསུམ་དུ་སྤྲོས་ལ། །དང་པོ་ལ་མཆོད་པ། ཧུ༷། གཟུགས་ཀྱི་བྱེ་བྲག་མང་པོ་དང་། །སྒྲ་ཡི་རྣམ་པ་མང་པོ་དང་། །དྲི་ཡི་རྣམ་པ་མང་པོ་དང་། །རོ་ཡི་རྣམ་པ་མང་པོ་དང་། །རེག་བྱའི་རྣམ་པ་མང་པོ་ཀུན། །འཇམ་དཔལ་གཤིན་རྗེ་འཁོར་བཅས་ལ། །མཆོད་པར་འབུལ་ལོ་བཞེས་སུ་གསོལ། །བར་མ་ལ་བཤགས་པ། །ལུས་ཀྱི་སྤྱོད་པ་རྩིངས་པ་མཐོལ་ལོ་བཤགས། །ངག་གི་ཆོ་ག་ལྷག་ཆད་ཤོར་བ་མཐོལ་ལོ་བཤགས། །སེམས་ཀྱི་ཏིང་ངེ་འཛིན་གཡེལ་བར་གྱུར་པ་མཐོལ་ལོ་བཤགས། །ཆང་དང་གཉིད་དབང་གྱུར་པ་མཐོལ་ལོ་བཤགས། །ཞེས་པས་བཤགས་པ་བྱའོ། །ཐ་མ་ལ་ལིང་ག་བཅས་ལ་བསྒྲལ་བར་བྱའོ། །དེ་ནས་ཚོགསལརོལ། གཤིནརྗེགཤེད་པོའི་རྒྱུད་གསང་བ་དྲུག་ཅུ་པ་ལས། ཚོགས་འབུལ་བའི་ལེའུ་སྟེ་ང་བཞི་པའོ།། །།གཤིན་རྗེ་གཤེད་པོ་ལས་ཀྱི་རིམ་པ་རྒྱུན་དུ་གཏོར་ཆུང་གཏང་བ་ནི། གཏོར་མའི་སྣོད་ནི་མཛེས་པ་སྲ །མཐེབ་ཀྱུ་ལྔའམ་བདུན་བྱས་ལ། །ཧཱུཾ༷་གི་གཏོར་མའི་བག་ཆགས་སྤྱངས། །ཨོ་གྱིས་བདུད་རྩིའི་རྒྱ་མཚོར་བརླབས། །ཨོ་གྱིས་འདོད་པའི་ཡོན་ཏན་ལྔ་ལྷ་བུར་བསམ། །མང་ཞིང་རྒྱ་ཆེ་བར་བྱ་བའི་སྔགས་ནི། །ཨོ་ཨུ༷༷ཧཱུཾ༷། བ་ལིང་ཏ་ཏེ་ཛ་བ་ལི་ནི། ལ་བ་ཏེ་གུ་རྒྱ་རག་ཏ་ས་མ་ཡེ་གྲྭ་ཧྭ། ཞེས་པས་བྱིན་གྱིས་བརླབ་བོ། །ལས་ཀྱི་ལྷ་དང་ཡེ་ཤེས་ལྷ། །འཇམ་དཔལ་འཁོར་ཚོགས་མ་ལུས་དང་། །གཤིན་རྗེ་འཁོར་ཚོགས་མ་ལུས་དང་། །མ་མོའི་འཁོར་ཚོགས་མཁའ་འགྲོ་མ་ལུས་དང་། །གིང་བདུད་གནོད་སྤྱིན་མ་ལུས་དང་། །རིག་འཛིན་དམ་ཅན་མ་ལུས་ཀུན། །མཆོད་སྤྱིན་གཏོར་མ་འདི་ལོང་ལ། །བཅོལ་བའི་ལས་རྣམས་གྲུབ་པར་མཛོད། །ཨོ་མཉུ་ཐྲི་ཡ་མརྙ་ཀ་བ་ལིང་ཏ་ཁ་ཧི། ཞེས་གཏོར་ཆུང་དབུལ་ལོ། །གསང་བ་དྲུག་ཅུ་པ་ལས། རྒྱུན་དུ་གཏོར་ཆུང་གཏང་བའི་ལེའུ་སྟེ་ང་ལྔ་པའོ།། །།རྡོ་རྗེ་འཛིན་པས་ཡང་གསོལ་པ། །གཤིན་རྗེ་གཤེད་པོས་གསུངས་བའི་དོན། །ང་ཡི་དུས་ཀྱི་བསྟན་པ་ནི། །སངས་རྒྱས་བསྟན་པ་མི་གནས་ཤིང་། །ཆོས་ཉིད་བདེན་པས་མི་འདུལ་བ། །དགེ་འདུན་བཙུན་སར་མི་གནས་ན། །ང་ཡི་བསྟན་པ་དེ་རུ་བསྲུང་། །ང་ནི་དུས་གསུམ་མངོན་དུ་འབྱུང་། །ང་ནི་དུས་གསུམ་ད་ལྟར་འབྱུང་། །ལྔ་བརྒྱའི་ནས། །འཛབ་བསྟོད་བྱས་ལ་དངོས་གྲུབ་བླངས། །བསྙེན་པའི་སྙིང་པོ་བཅུ་བདུན་པ་ལ། །ཀ་ཡ་ཝ་ཀ་ཙིསྟ་ས་མ་ཡ་སྟིགི་ཨ་ཡུ་ཏི། སུ་སི་ཏི་ཛ་ཡ་སིདྷི་སིརྙི་ས་མ་ཡ་ཛ་ཛ༷༷། ཞེས་བཟླས་པས། སངས་རྒྱས་དང་འགྲོ་བ་རིགས་དྲུག་ཐམས་ཅད་ཀྱི་བྱིན་གྱིས་བརླབས་དང་བཅུད་བསྡུས་ནས། །སྒྲུབ་པའི་ཞལ་ཟས་དེ་དག་ལ། །མཚོ་ལ་སྦྲང་མ་འདུས་ཚུལ་དུ། །ཐམས་ཅད་འདུས་ཤིང་ཐིམ་པར་བསམ། །བཟླས་པ་ནུས་ཚད་ཐོན་པ་དང་། །འཇམ་དཔལ་ལྷ་ཚོགས་འཁོར་བཅས་ལ། །དངོས་གྲུབ་བླང་བ་འདི་སྐད་དོ། །ཧཱུཾ༷། ལྟ་བ་ཡངས་ལ་ཡེ་ཤེས་འཁྱིལ་བ་ནི། །ཐིག་ལེ་བྱང་ཆུབ་སྙིང་པོ་བསམ་ཡས་པ། །རང་བཞིན་སྣ་ཚོགས་སྐུ་ཡི་དཀྱིལ་འཁོར་དུ། །འཇམ་དཔལ་གཤིན་རྗེའི་སྐུ་མཆོག་ལྷུན་གྱིས་གྲུབ། །འཇམ་དཔལ་རིགས་ཀྱི་ལྷ་ཚོགས་ཀྱིས། །སྐུ་གསུང་ཐུགས་ཀྱི་དངོས་གྲུབ་བསམ་མི་ཁྱབ། །སྐུ་ཐུགས་ཀྱི་དངོས་གྲུབ་སྩལ་དུ་གསོལ། །དུས་ནི་གཞན་དུ་མ་ཡིན་པས། །དོ་ནུབ་ཉིད་སྩལ་དུ་གསོལ། །འཇམ་དཔལ་ཐུགས་ལས་སྤྲུལ་པའི་སྲས། །སྐྱེ་བ་མེད་པའི་སྐྱེ་བའི་ཆོ་འཕྲུལ་བསྟན། །ཡ་མ་རྭ་ཛ་མྱོས་བྱེད་འབར་བ་དང་། །ཨུརུ་མ་རུ་རལ་པ་ཚར་དགུ་དང་། །གཤེད་བཞིས་འཕྲིན་ལས་སྣ་ཚོགས་མཛད། །འཕྲིན་ལས་སྣ་ཚོགས་དངོས་གྲུབ་སྩལ་དུ་གསོལ། །ཧཱུཾ༷། ཕྱོགས་སྐྱོང་དྲེགས་པ་གདུལ་བའི་ཕྱིར། །འཇམ་དཔལ་ཐུགས་ལས་སྤྲུལ་པའི་སྲས། །བདུད་འཇོམས་ཀོ་ཙེ་བྲག་འཇོམས་དང་། །ཨ་བ་གླང་མགོ་ཡ་བ་ཏི། །ཕྱ་སངས་སྨིགས་པ་ཏེལ་པ་དང་། །ལྷ་མཆོག་དུད་ཁ་ཆོས་ཀྱི་རྒྱལ་པོ་དང་། །མིག་དམར་ལ་སོགས་ཕྱོགས་སྐྱོང་བཅུ། །དྲེགས་པ་དགྲ་བགེགས་ཚར་བཅད་ཕྱིར། །དྲེགས་པ་གདུལ་བའི་དངོས་གྲུབ་སྩལ་དུ་གསོལ། ཁོ༑ས་རབ་ཆོས་དབྱིངས་འབྲེལ་པ་དང་། །ཁམས་གསུམ་དབང་དུ་བསྡུ་བའི་ཡུམ་གྱི་ཚོགས་། །གཤིན་རྗེ་མ་མོའི་ཚོགས་ཀྱིས་བྱིན་གྱིས་བརླབས། །དངོས་གྲུབ་མ་ལུས་བདག་ལ་གསོལ། །དགྲ་བགེགས་བསྒྲལ་ཕྱིར་ཐུགས་ལས་སྤྲུལ། །སྒྲོལ་བའི་བདག་པོ་མ་རུ་ཙི། །དཔལ་གྱི་ཕྱག་བརྙན་ཁྲག་གི་དྲི་བསྣམས་མ། །ལྕགས་ཀྱི་སྤྱང་མོ་ལ་སོགས་ཕོ་ཉ་གསུམ། །དགྲ་བགེགས་བསྒྲལ་བའི་དངོས་གྲུབ་གསོལ། །འཇམ་དཔལ་སྒོ་བཞིའི་སྲུངས་མ་དམ་ཅན་མ། །ཡ་སྤྱིན་དེ་སྤྱིན་ཕྱག་སྤྱིན་ལ་སོགས་སྒོ་མ་བཞི། །ཁྱེད་ཀྱིས་དངོས་གྲུབ་སྩལ་དུ་གསོལ། །འཇམ་དཔལ་བཀའ་ཉན་གིང་ཆེན་བཅོ་བརྒྱད་དང་། །མོན་པ་བཞི་དང་ཤན་པ་བཞི། །གསེ་ཡི་སྐྱེས་བུ་གདུག་པ་བཞི། །མ་མོ་མཁའ་འགྲོ་མ་ལུས་རྣམས། །ཁྱེད་ཀྱི་མཐུ་རྩལ་དངོས་གྲུབ་གསོལ། །ཞེས་དགོས་གྲུབ་གསོལ། བན་ད་བདུད་རྩི་བདག་གིས་དངོས་གྲུབ་བླང་ངོ་། །བདུད་རྩིའི་དངོས་གྲུབ་ལེན་པའི་སྔགས་དང་ཏིང་ངེ་འཛིན་འདི་ལྟར་བླང་ངོ་། །ཞལ་ཟས་ཟླ་གམ་དེའི་ཚུལ་དུ་བསམས་ལ། །དངོས་གྲུབ་བླང་ངོ་། །ཞལ་ཟས་ཀྱི་བྱེ་བྲག་གཞན་མ་ཀུན་ཚོགས་ཀྱི་ཚུལ་དུ་བྱས་ལ། །དངོས་གྲུབ་བླང་ངོ་། །ཕུད་ལ་མཆོད། དེ་ནས་སློབ་དཔོན་ལ། དེ་ནས་མཆེད་དང་ལྕམ་དྲལ་ཡོངས་ཀྱི་སྤྱན་དུ་དྲང་ངོ་། །ལག་པ་གཡས་པར་ཆང་བཟུང་། །གཡོན་པ་ཀུན་གྱིས་ཞལ་ཟས་བཟུང་། །སློབ་དཔོན་གྱིས་སྨོན་ལམ་གདབ་པའོ། །འཇམ་དཔལ་སྐུ་གསུང་ཐུགས་ཀྱི་དངོས་གྲུབ་ཐོབ་པར་གྱུར་ནས། ཐུན་མོང་མཆོག་གི་དངོས་གྲུབ་ཐོབ་པར་གྱུར་ཅིག །ཨ་ཧོ་སིད་དྷི་སིད་དྷི།བྱས་ལ་ཞལ་ཟས་བཟའ་འོ། །དེ་ནས་ལས་རྣམས་ཐམས་ཅད་ཀྱི། །དངོས་གྲུབ་བླང་བའི་ཐབས་སུ་བསྟན། །གཤིན་རྗེ་གཤེད་པོས་དངོས་གྲུབ་བླང་བའི་ཐབས་སུ་གསུངས། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། དངོས་གྲུབ་བླང་བའི་ཐབས་བསྟན་པའི་ལེའུ་སྟེ་ང་བདུན་པའོ།། །།གཤིན་རྗེའི་དངོས་གྲུབ་སྒྲུབ་པ་དང་། སྒྲུབ་པའི་ཐབས་མང་པོ་བསྟན་པས། འབྲས་བུ་ཅི་ཐོབ་ན། འཇམ་དཔལ་གཤིན་རྗེ་སྒྲུབ་པའི་རྣལ་འབྱོར་པ་གང་ཞིག་གིས། འབྲས་བུ་དཔག་ཏུ་མེད་པ་ཐོབ། འཇམ་དཔལ་སྐུར་ནི་བསྒོམས་པ་ཡིས། །རྣལ་འབྱོར་པ་དེ་འཇམ་དཔལ་གྱི། །སྐུ་ཡི་ངོ་བོར་གྱུར་ནས་ཀྱང་། །མཚན་དང་དཔེ་བྱང་ལྡན་པ་དང་། །གཞན་གྱིས་ཐུབ་པར་དཀའ་བ་དང་། །དྲེགས་པ་མ་ལུས་ཚར་གཅོད་དང་། །རྒས་དང་རྒུད་པ་མེད་པ་དང་། །ཆུ་ལ་བྱིང་བ་མེད་པ་དང་། །མཁའ་ལ་བྱ་ལྟར་འགྲོ་བ་དང་། །ཆུ་ལ་ཉ་ལྟར་འཛུལ་བ་དང་། །བྲག་དང་རི་ལ་ཟངས་ཐལ་དང་། །སྐུ་ཡི་དངོས་གྲུབ་གཞན་མ་དང་། །དཔག་ཏུ་མེད་པ་ཐོབ་པའོ། །འཇམ་དཔལ་གསུང་དུ་གསལ་བ་ནི། །ཨ་ཀྲོ་ལ་སོགས་སྙིང་པོ་འདི། ཁུན་དུ་དྲང་བའི་བཟླས་པ་ཡིས། །འཇམ་དཔལ་གཤིན་རྗེ་གཤེད་པོ་ཡི། །གསུང་གི་དངོས་གྲུབ་ཐོབ་ནས་ཀྱང་། །འགྲོ་བ་སེམས་ཅན་མ་ལུས་ལ། །ཆོས་ཀྱི་སྒོ་མོ་བསམ་ཡས་སྟོན། །དྲང་བའི་དོན་དང་ངེས་པའི་དོན། །ཐེག་པ་དཔག་ཏུ་མེད་པ་སྟོན། །འཇམ་དཔལ་གསུང་དང་དབྱེར་མེད་འགྱུར། །འཇམ་དཔལ་ཐུགས་སུ་གསལ་བས་ནི། །ཏིང་འཛིན་ཀློང་དུ་གྱུར་པ་དེ། །ཞི་བར་གྱུར་དང་དྲག་པོར་གྱུར། །ཆེ་བར་སྟོན་དང་ཆུང་བར་སྟོན། །མང་བ་དང་ནི་ཉུང་བ་དང་། །གང་ལྟར་མོས་བསྟོན་པ་དང་། །སྣང་བ་དང་ནི་སྟོང་པ་དང་། །ཏིང་འཛིན་དཔག་ཏུ་མེད་པར་སྟོན། །དགོངས་པ་ཆོས་ཉིད་དོན་ལ་ཕེབས། །ཏིང་འཛིན་མ་ཡེངས་རྩེ་གཅིག་བསྒྲུབ། །འཇམ་དཔལ་གཤིན་རྗེ་གཤེད་པོ་དང་། །ཐ་མེ་དད་པར་འགྱུར་བ་དང་། །གང་ལྟར་བྱས་པའི་ལས་ཀྱང་འགྲུབ། །ལས་ཀྱི་གཤིན་རྗེ་བྲན་དུ་འཁོལ། །མ་མོ་མཁའ་འགྲོ་དམ་ལ་འདུ། །གིང་ཕོ་གིང་མོ་སྤྲུལ་པར་འགྱེད། །ཕོ་ཉ་མང་པོ་ལས་ལ་འཛུད། །ལྷ་སྲིན་སྡེ་བརྒྱད་དམ་ལ་འདོགས། །རྒྱལ་པོ་བློན་པོ་ལ་སོགས་པས། །མཆོད་ཅིང་བཀུར་སྟི་བྱེད་པ་དང་། །སྲིད་པ་གསུམ་ན་ཐུབ་དབང་མེད། །འཁོར་དང་ཡོ་བྱང་ཕུན་སུམ་ཚོགས། །འཇམ དཔལ གཤིན རྗེསྒྲུབ པ་ཡིས། །འབྲས་བུ་དེ་དག་ཐོབ་བར་འགྱུར། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། སྒྲུབ་པའི་འབྲས་བུ་བསྟན་པའི་ལེའུ་སྟེ་ང་བརྒྱད་པའོ།། །།གཤིན་རྗེ་གཤེད་པོའི་རྒྱུད་ཐམས་ཅད་ཀྱང་། །དྲག་པོ་ལས་སུ་སྒྲུབ་པར་གསུངས་བ་ནི། ཁུད་ཀྱི་རྒྱལ་པོ་འདི་ལས་ཀྱང་། །འཕྲིན་ལས་རྣམ་བཞི་སྒྲུབ་པ་བསྟན། །འཕྲིན་ལས་རྣམ་བཞི་ཐམས་ཅད་ཀྱང་། །དྲག་པོའི་ལས་སུ་བསྟན་པའོ། །སྐུ་དང་གསུང་དང་ཐུགས་དང་ནི། །ཡོན་ཏན་འཕྲིན་ལས་ལྔ་རུ་བསྟན། །ཐམས་ཅད་སྐུ་ཡི་སྒྲུབ་པའོ། །འཇམ་དཔལ་དེ་བཞིན་གཤེགས་པའི་རིགས། །དུས་གསུམ་སངས་རྒྱས་སྐུ་ཡི་དངོས། །སྐུ་ཡི་སྤྲུལ་བ་བསམ་ཡས་པས། །འཕྲིན་ལས་ཐམས་ཅད་དྲག་པོར་སྟོན། །ལས་རྣམས་སོ་སོ་གང་བསྒྲུབ་ཀྱང་། །འཇམ་དཔལ་གཤིན་རྗེ་བསྒྲུབ་པར་བྱ། །ལས་ཀྱི་གཤིན་རྗེ་གབ་ལ་བྱ། །དེ་ཡིས་ལྷ་སྲིན་རགས་པ་འཁོལ། །ཞེས་པའོ། །གཤིན་རྗེ་གསང་བ་དྲུག་ཅུ་བ་ལས། རྒྱུད་འདི་སྐུའི་རྒྱུད་ཡིན་པ་དང་། དྲག་པོའི་ལས་བསྟན་པའི་ལེའུ་སྟེ་ང་དགུ་པའོ།། །།གཤིན་རྗེའི་འཁོར་མོན་པ་བཞི་དང་། ཤན་པ་བཞི་དང་། །གིང་དང་། བསེ་མོ་ལ་སོགས་པས་རང་རང་གི་སྒྲུབ་པ་ཁྱད་པར་དེ དབུལ ལོ། །གཤིན རྗེ གསང་བ་དྲུག་ཅུ་པ་ལས། འཇིག་རྟེན་གྱི་ཆ་འཛིན་པའི་འཁོར་རྣམས་ཀྱིས། རང་རའི་སྒྲུབ་ཐབས་ཕུལ་བའི་ལེའུ་སྟེ་དྲུག་ཅུ་པའོ།། །།གཤིན་རྗེ་གཤེད་པོ་ལ། རྡོ་རྗེ་འཛིན་པ་ལ་སོགས་པའི་འཁོར་དང་བཅས་པ་ཡིས་རྒྱུད་གཏད་པ་ནི། རྣལ་འབྱོར་དམ་ཚིག་ལྡན་པ་དང་། །ལྷ་བ་གདེང་དང་ལྡན་པ་དང་། །སྤྱོད་པ་དོན་དང་ལྡན་པ་དང་། །དཀྱིལ་འཁོར་དོན་དང་ལྡན་པ་དང་། །འཕྲིན་ལས་དོན་དང་ལྡན་པ་དང་། །ཏིང་འཛིན་ཡེངས་མེད་ལྡན་པ་དང་། །དབང་རྣམས་ཐོབ་དང་ལྡན་ལ་གཏད། །དེ་སྐད་ཅེས་གསུངས་ནས། ཨོ་བཛྲ་མུ༷༷ཞེས་པའི་སྒྲས། ཆོས་ཀྱི་དབྱིངས་ཀྱི་ཡེ་ཤེས་ཀྱི་དཀྱིལ་འཁོར་དུ་གཤེགས་སོ། །དམ་ཚིག་གི་དཀྱིལ་འཁོར་དེ་དག་ཆོས་ཉིད་རྟག་པར་ལྟ་བའི་མཐའ་བསལ་བའི་ཕྱིར་ན་འོད་དུ་ལམ་གྱི་ཞུ་ནས་འོད་དེ་བདག་ཡ་མརྙ་ཀར་སྒོམ་པ་ལ་ཐིམ། །ཡ་མརྙ་ཀ་ཐུགས་ཀའི་ཡེ་ཤེས་སེམས་དཔའ་ལ་ཐིམ། ཡེ་ཤེས་སེམས་དཔའ་ཐུགས་ཀའི་རྡོ་རྗེ་ལ་ཐིམ། རྡོ་རྗེ་ལྟེ་བའི་ཧཱུཾ༷་ལ་ཐིམ། ཧཱུཾ༷་ཞབས་ཀྱུ་ལ་ཐིམ། ཞབས་ཀྱུ་འ་ལ་ཐིམ། འ་ཟླ་ཚེས་ལ་ཐིམ ཟླ་ཚེས་ཐིག་ལེ་ལ་ཐིམ། ཐིག་ལེ་སྟོང་པར་བསྒོམ། སྟོང་པ་དེ་ཡང་སྐྱེ་བ་མེད་པ་ལས། སྐྱེ་བའི་ཆོ་འཕྲུལ་ཧཱུཾ༷་ཞིག་ཏུ་བསམ། ཧཱུཾ༷་དེ་ལས་རྡོ་རྗེ་རྩེ་ལྔ་པ་ཞིག་ཏུ་གྱུར། རྡོ་རྗེ་ཨ་ཀྲོ་ཏ་བརྗོད་པས། ཡ་མརྙ་ཀའི་སྐུ་རུ་ཀྱུར། དེ་ལས་ལུས་བསྲུང་། གོ་བགོ་བྱས་ལ། རིགས་ལྔ་ཁྲག་འཐུང་གིས་དབུ་བརྒྱན་པར་བསྒོམ་མོ། །དེས་འགྲོ་བ་རིགས་དྲུག་གི་དོན་མཛད་པ་དང་། དྲག་པོས་གདུལ་བ་ལ་དྲག་པོའི་ལས། ཞི་བས་འདུལ་བ་ལ་ཞི་བའི་ལས། རྒྱས་པས་འདུལ་བ་ལ་རྒྱས་པ། དབང་གིས་འདུལ་བ་ལ་དབང་གི་ལས། དུས་རྟག་ཏུ་ཡ་མརྙ་ཀའི་སྤྱོད་པ་ལས་མ་ཉམས་པའོ། །གཤིན་རྗེ་གཤེད་པོ་ཆོས་ཀྱི་དབྱིངས། །ཡེ་ཤེས་དཀྱིལ་འཁོར་གཤེགས་པ་དེས། །འགྲོ་བའི་དོན་ལ་ཡེ་ཤེས་ཀྱི། །སྤྲུལ་པ་བསམ་གྱིས་མི་ཁྱབ་པ། །འགྲོ་བའི་དོན་ནི་མཛད་ནས་བཞུགས། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། རྒྱུད་གང་ནས་ཡེ་ཤེས་སེམས་ཅན་ངགཤེངཚིངང་་ང་ངངངེཛིངལེསྟེརེང་ངང་ངགྱ་གནས་སུ་ གས་པའ་ངང་ལས། དམ་ ག་ག་དཀྱལ་འཁར་བསྡུས་ནས་སླར་འགྲ་བའ་དན་མཛད་པའ་ཏང་ ་འ ན་གྱ་ འུ་ ་ ་གཅག་པའ།། །།ལས་ཀྱ་ཐག་པས་མདར་བསྡུས་པ། །གསང་བའ་བྱ་ཐབས་དྲུག་ཅུ་བསྟན། །ལེའུ་རེ་ལ་མན་ངག་རེ། །དེ་ན་གསང་བ་དྲུག་པའོ། །རྒྱུད་ཅེས་བྱ་བ་དཀྲུགས་པ་ཡིན། །གཤིན་རྗེ་གཤེད་པོའི་རྒྱུད་གསང་བ་དྲུག་ཅུ་པ་ལས། གཤིན་རྗེ་ནག་པོའི་རྒྱུད་རྫོགས་སོ།། །།ལེའུ་ཁྲི་དྲུག་སྟོང་གི་བཅུད་ཕྱུང་བའོ།། །།

Ngb-pt-0621-vol-07-text

Front[edit]

Body[edit]

Navigation menu

Search