Ngb-pt-0619-vol-07-text
Front[edit]
Body[edit]
ཙ་དང་། སྣུབས་ནམ་མཁའི་སྙིང་པོས། བསམ་ཡས་བྲག་དམར་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། བུ་ཏྲ་ཏན་ཏྲ་ཀ་པ་ན་མ་པྲ་ཏ་པ། ཀ་རུ་ན་ས་ཏ་ནཱ་མ།ཀ་ར་མ་ར་ཡ་དྷ་བ། ཀ་ར་མ་ཀུ་རུ་མ་ལ། སན་དྷ་ན། ལྷུ་ཧ། མན་ཏྲ་ཏི། སིདྷི་ཀ་པྲ་ཏི་པ༷། སྒུ་ཧ་ཨུ་ཏོང་ཏ། སརྦ་མ་ཧ་ར་ཙ། བོད་སྐད་དུ། མདོ་རྒྱུད་རྟོག་པ་བསྡུས་པའི་སྒྲོན་མ་ཞེས་བྱ་བ། ཐུགས་རྗེ་སྦྱང་ཐག་གི་གནས། །མཛད་པ་ལྷའི་ཆོ་འཕྲུལ་འཕྲིན་ལས་མཐར་ཕྱིན་པའི་བསྒྲུབ་པ། གསང་སྔགས་ངེས་པར་འབྱེད་པའི་དོན་གསལ་བར་བྱེད་པའི་སྒྲོན་མ། ལུང་ཐམས་ཅད་ཀྱི་རྒྱལ་པོ་ཆེན་པོའོ། །བཅོམ་ལྡན་འདས་ཀུན་ཏུ་བཟང་པོ་ཡེ་ཤེས་རིག་པའི་རྒྱལ་པོ་ལ་ཕྱག་འཚལ་ལོ། །དེ་ནས་འདི་ནི་རབ་བཤད་པ། །ཀུན་གྱི་ལུང་ཆེན་འདི་ཡིན་ཏེ། །ཡོང་ཡེ་བསྐལ་པ་བསམ་ཡས་ཤིང་། །བརྗོད་དུ་མེད་པར་་གནས་པ་ཡི། །ཕྱོགས་བཅུ་རྣམས་དང་དུས་གསུམ་དུ། །བཞུགས་པའི་སངས་རྒྱས་ཐམས་ཅད་ཀྱང་། །མཛད་པའི་འཕྲིན་ལས་སྣ་ཚོགས་པས། །འགྲོ་བའི་བསམ་པ་ཚིམ་མཛད་ཅིང་། །ཡ་མཚན་བྱིན་རླབས་རྨད་པོ་ཆེས། །ཆོ་འཕྲུལ་རྣམ་པ་མང་བསྟན་ཡང་། །དོན་རྫོགས་གཞན་ལ་ཕན་པར་ནི། །ཐམས་ཅད་ཀུན་གྱི་དགོངས་རྒྱུད་གཅིག །མཁའ་དབྱིངས་དག་པའི་ཀློང་ཡངས་སུ། །རིག་པའི་ཡེ་ཤེས་སྟོང་གསལ་བས། །ཆོས་སྐུ་ཐིག་ལེ་ཆེན་པོའི་ངང་། །སངས་རྒྱས་ཉག་གཅིག་སྤྱོད་ཡུལ་ལོ། །ཀུན་བཞི་མ་བཅོས་བྱང་ཆུབ་སེམས། །དེ་བཞིན་ཉིད་གཅིག་དབྱེར་མེད་ལ། །མ་རིགས་འཁྲུལ་པའི་སྣང་བ་ཡིས །གཟུང་འཛིན་དངོས་པོར་རྟོག་བསོགས་པའི། །གདུལ་བྱ་ཐབས་ཀྱིས་གཟུང་བའི་ཕྱིར། །ཐུགས་རྗེའི་སྦྱང་ཐག་རྒྱུན་ཆད་མེད། །ཆེ་བའི་ཆེན་པོ་སངས་རྒྱས་རྣམས། །འགྲོ་བ་དྲུག་ལ་སོགས་པ་ཀུན། །བྱམས་པའི་ཐག་པས་འཛིན་པ་ཡིས། །བྱེད་པ་པོ་དང་བྱ་བ་དང་། །དམིགས་པའི་གནས་སུ་ངེས་སོ་ཞེས། །མ་བཅོས་ཐིག་ལེ་རྫོགས་པ་ཡིས། །རང་འབྱུང་ངང་ལས་སྐུར་སྣང་བའི། །དེ་བཞིན་གཤེགས་པ་རྣམས་ཀྱིས་གསུངས། །ཐུགས་རྗེ་ཆེན་པོ་སངས་རྒྱས་ཀྱང་། །གནས་ལུགས་ངོ་བོ་ཉིད་ཀྱི་གཞི། །ཇི་བཞིན་པ་ཡི་དོན་དེ་ལ། །སངས་རྒྱས་སེམས་ཅན་དབྱེར་མེད་ཅིང་། །ཡེ་སངས་རྒྱས་སུ་ལྷུན་གྱིས་གྲུབ། །མ་བཙལ་བསལ་དང་བཞག་པ་མེད། །རྐྱེན་གྱི་རྣམ་པས་རྟོག་མིན་ཡང་། །སྒྲ་ཙམ་ཞིག་ཏུ་བསྟན་ཉིད་ན། །གོལ་སྒྲིབ་རང་སར་དག་གྱུར་བའི། །ཆོས་ཉིད་མུ་མཐའ་མཉམ་ཉིད་ཀྱིས། །མཐའ་བཞི་མ་སྤངས་མི་གནས་ལས། །སངས་རྒྱས་ཞེས་ནི་དེ་ཉིད་བཞེད། །བརྡ་ཡིས་བརྟགས་པའི་སངས་རྒྱས་ལ། །ཆེ་བའི་ཡོན་ཏན་བསམ་ཡས་ཤིང་། །གཞལ་དང་གྲངས་ལས་འདས་མོད་ཀྱང་། །མདོར་བཞག་སྐུ་དང་ཡེ་ཤེས་སོ། །ལྔ་དང་བཞི་དང་གསུམ་དང་གཉིས། །དེ་བཞིན་གཅིག་གི་སྐུ་རྣམས་ཕྱེ། །ངོ་བོ་ཉིད་དང་རྣམ་སྨིན་དང་། །ཆོས་དང་འོ།ངས་སྤྱོད་སྤྲུལ་པ་ལྔ། །རྣམ་སྨིན་རྒྱུ་མཐུན་འབྲས་བུ་སྟེ། །དེས་ན་ཐུབ་པའི་སྐུ་མཆོག་བཞི། །ངོ་བོ་ཉིད་སྐུ་བྲལ་འབྲས་ཞིག །སངས་རྒྱས་གསུངས་པ་སྐུ་གསུམ་ཉིད། །མདོར་ན་སེམས་ཉིད་སངས་རྒྱས་ཏེ། །དེ་ཉིད་མ་ཡིན་སེམས་ཅན་ཞིག །འགའ་ཡང་ཡོད་པ་མ་་ཡིན་པས། །མ་བཅོས་ཡེ་ནས་མངོན་སངས་རྒྱས། །ཀུན་ཀྱང་བྲལ་བའི་འབྲས་བུ་སྟེ། །དེ་ཕྱིར་ངོ་བོ་ཉིད་སྤ།ར་གཅིག །མཁྱེན་པའི་ཡེ་ཤེས་བཞི་དང་ལྔ། །མེ་འོ་ང་བཞིན་དང་མཉམ་པ་ཉིད། །སོ་སོར་རྟོག་དང་བྱ་བ་བསྒྲུབ། །ཆོས་དབྱིངས་ཤེས་པའི་ཡེ་ཤེས་སོ། །དེ་ཉིད་དངོས་དང་མཁྱེན་པ་གཉིས། །སྐྱེ་འགག་བྲལ་ཡང་་ཐ།་སྙད་དུ། །སོ་སོའི་རྒྱུ་དང་བཅས་ཉིད་དེ། །ཀུན་གཞི་དང་ནི་ཉོན་མོངས་ཡིད། །ཡིད་དང་སྒོ་ལྔའི་རྣམ་ཤེས་དང་། །ཆོས་ཀྱི་དབྱིངས་ལས་ཡང་དག་བྱུང་། །དེས་ན་རྒྱུ་དང་འབྲས་བུ་ཞེས། །བྲལ་བ་ཙམ་ལ་བརྟགས་པའོ། །མ་ནོར་མ་བཅོས་དཔལ་གྱི་དཔལ། །ལྷུན་གྱིས་གནས་པའི་སངས་རྒྱས་ལས། །ཐུགས་རྗེའི་བྱ་བས་ཡུལ་གང་ལ། །སྒྱུ་མའི་སྦྲུལ་པས་རབ་ཏུ་བཟུང་། །ཡང་དག་ངེས་པའི་དོན་ཉིད་ལ། །བྱེད་དང་བྱ་བ་མི་དམིགས་ཀྱང་། །སྔོན་དུ་གོམས་པའི་འབྲས་བུ་ལས། །ཐུགས་རྗེ་ཆེན་པོའི་སྤྲུལ་པ་ཤར། །གཞི་ལམ་འབྲས་བུ་རྣམ་ཕྱེ་བས། །ཐུགས་རྗེ་རྣམ་པ་གསུམ་ཡིན་ཏེ། །སེམས་ཅན་དང་ནི་ཆོས་ལ་དམིགས། །དམིགས་མེད་སྙིང་རྗེ་ཆེན་པོ་ཞེས། །ཕྱོགས་བཅུའི་བདེ་གཤེགས་རྒྱལ་བ་ཡིས། །དགོངས་རྒྱུད་གཅིག་པས་ཡང་ཡང་གསུངས། །དེ་ལྟར་ཐུགས་རྗེས་རྗེས་བཟུང་བས། །གདུལ་བྱ་གང་དང་གང་དག་ལ། །གསུང་དབྱངས་དུ་མའི་གསུང་རབ་ཀྱང་། །སྣ་ཚོགས་ནོར་བུ་ཇི་བཞིན་དུ། །རྣམ་པ་དུ་མ་གསལ་བ་དག །གསུངས་པ་མེད་བཞིན་གསུངས་བར་སྣང་། །ཐུགས་རྗེས་འཇུག་པ་སྣ་ཚོགས་པས། །ཇི་ལྟར་འོས་པས་འདུལ་མཛད་དེ། །ཕྱི་རོལ་བྱེད་པའི་སྡེ་རྣམས་ལ། །དེ་དང་དེར་སྣང་སྟོན་པས་གསུངས། །གང་ཡང་ཆད་པར་ལྟ་འདོད་ལ། །འདི་ལྟར་སྣང་ཚད་འདི་ཙམ་སྟེ། །སེམས་ཅན་སྐྱེ་བ་སྔ་ཕྱི་དང་། །ཐམས་ཅད་མཁྱེན་པའི་སངས་རྒྱས་དང་། །ལྐོག་ཏུ་གྱུར་བའི་འགྲོ་མེད་དང་། །དབང་ཕྱུག་དང་ནི་བྱེད་པོ་དང་། །ལས་དང་འབྲས་བུ་ལས་མེད་པས། །ཚུ་རོལ་སྐབས་འདི་མཛེས་སོ་ཞེས། །ལྷ་ཡི་བླ་མའི་གཟུགས་ཉིད་ཀྱིས། །རྒྱང་འཕེན་པ་ཡིན་བདེན་དོན་གསུངས། །གང་ཞིག་དྲང་སྲོང་རྗེས་སློབ་ཅིང་། །རྒྱུ་ལ་འབྲས་བུ་གནས་འདོད་ལ། ་ས་བྱ་བདག་རང་གཙོ་བོ་སྟེ། །བདག་ནི་བྱེད་མེད་མྱོང་བའོ། །གཙོ་བོ་རང་བཞིན་རྣམ་འགྱུར་ཞེས། །རྒྱལ་བའི་རྗེས་འབྲངས་སེར་སྐྱས་བཤད། །དེ་བཞིན་བདག་དང་གཙོ་བོ་ལས། །རྫས་དང་དེ་ལས་བྱུང་བ་ཡིས། །རྟག་དང་མི་རྟག་སྨྲ་བྱེད་ལ། །དུས་གསུམ་གྱི་ནི་རྫས་དྲུག་ལ། །སྲོག་དང་སྲོག་མ་ཡིན་པ་དང་། །རྟེན་དང་སྡོམ་པ་བྲལ་བ་དང་། །བཅིངས་དང་ཐར་དང་བསོད་ནམས་དང་། །འགྲོ་དང་སོང་བས་གོ་འཕང་དགུ །གཅེར་བུས་ངལ་དུབ་སྤྱོད་པ་ཡིས། །ལས་ཟད་འདོད་པ་རྣམས་ལ་བསྟན། །དབང་ཕྱུག་ཉིད་དང་ཤེས་བྱའི་གནས། །རྫས་དང་ཡོན་ཏན་ལས་དང་སྤྱི། །བྱེ་བྲག་འདུ་བ་དྲུག་ཉིད་དེ། །དེ་ཤེས་དབང་ཕྱུག་མཆོད་ལེགས་པས། །ཐར་ཞེས་རིགས་པ་ཅན་དག་དང་། །བྱེ་བྲག་པ་ལ་རབ་དགོངས་ཏེ། །རང་ལ་ན་ཡི་ཚུལ་གྱི་་་གསུངས། །ལ་ལར་ཁྱབ་འཇུག་ཙོར་བྱས་ནས། །ཐམས་ཅད་འདི་ཉིད་ཀྱིས་སྤྲུལ་ཞིང་། །ཤེས་པས་བདག་ཉིད་ཤེས་མིན་ཏེ། །མཆོད་སྤྱིན་དང་ནི་ཁྲུས་བྱས་བས། །སྡིག་དང་སྒྲིབ་པ་ཟད་འགྱུར་ཞེས། །སྤྱོད་པ་ལ་ལཚངས་པས་བསྟན། །དེའི་གཞུང་ཁ་ཅིག་སེམས་ཙམ་དུ། །བྱེད་པ་པོ་བདག་དང་དགེ་མི་དགེ། །དུས་ཁམས་ཡོན་ཏན་སྟོང་པ་རྣམས། །ཡོད་ཅིང་རྣལ་འབྱོར་གོམས་པས་ན། །བདག་ཉིད་གཅིག་བུར་ཀུན་འདུས་པས། །དོན་དམ་ཞེས་ཚངས་པས་སྨྲ། །དགེ་སྦྱོང་གོའུ་ཏ་མའི་གཟུགས། །ཐུབ་དབང་རྒྱལ་བ་མཆོག་གིས་ཀྱང་། །ཇི་ལྟ་ཇི་ལྟར་འདུལ་འགྱུར་བ། །དེ་བཞིན་མཐུན་པའི་བསྟན་པ་གསུངས། ཁ་ཅིག་ལ་ནི་གང་ཟག་དང་། །དུས་གསུམ་ཤེས་པར་བྱ་བའི་གནས། །རྫས་སུ་གྲུབ་སྟེ་ཡུལ་སེམས་གཉིས། །ཐ་དད་དུས་མཚུངས་དོན་དམ་དུ། །ཡུལ་སེམས་བདེན་པར་སྨྲ་རྣམས་ལ། །ཆོས་ཀྱི་བདག་ཅེས་ངེས་པར་བསྟན། །དེ་འདྲ་ཁ་ཅིག་ལ་དགོངས་ཏེ། །ཇི་ལྟར་སྣང་ཡང་སེམས་ཉིད་ལ། །རྣམ་པར་འཇོག་དོན་སེམས་ཀྱི་གཞི། །སྐྱེས་ཏེ་འདྲ་བའི་ཆོས་བདག་ཉིད། །དེ་ནི་དམ་བའི་དོན་ཡིན་ཏེ། །བདེན་པ་གྲུབ་ཅེས་རྒྱལ་བས་གསུངས། །ཐམས་ཅད་སེམས་སུ་སྨྲ་འདོད་ལ། །ཀུན་ཏུ་བཏགས་དང་གཞན་དབང་དང་། །ཡོངས་སུ་གྲུབ་པ་ཤེས་བྱ་གསུམ། །ཇི་ལྟར་སྣང་བའི་དོན་གཉིས་དང་། །གཉིས་མེད་ཤེས་པའི་རབ་དབྱེ་བས། །ངོ་བོ་ཉིད་གསུང་བདེན་གཉིས་ཏེ། །རིག་སྣང་ཤེས་པ་མ་ལུས་པ། །བདེན་ཞེས་ཀུན་ཏུ་བཏགས་པ་དང་། །དོན་ཤེས་མིང་ཡང་མ་རིག་པས། །བསླབ་པའི་སྣང་བ་ཀུན་བཏགས་པར། །སྨྲ་ཞིང་སེམས་ཀྱི་རྣམ་པ་ལས། །ཡོད་དང་མེད་པའི་གཞུང་དུ་སྣང་། །གང་ཡང་ངོ་བོ་ཉིད་མེད་འདོད། །བདེན་པ་གཉིས་ལ་རབ་བརྟེན་ནས། །སྒྱུ་མ་རབ་ཏུ་མི་གནས་བར། །ངེས་པར་བདེན་ཞེས་ཐུབ་བས་གསུངས། །བདེ་གཤེགས་གསུང་གི་ངོ་བོ་ལས། །གྲུབ་མཐའ་སོ་སོར་སྣང་བ་རྣམས། །སངས་རྒྱས་ས་ལ་དྲང་བའི་ཕྱིར། །བསྟན་པའི་དབྱེ་བར་གསུངས་པ་ཡིན། །ཐ་མལ་པ་ལ་བློ་ཟློག་ཕྱིར། །མུ་སྟེགས་ཕྱེད་ཀྱི་བསྟན་པའོ། །དེ་ཡི་འདོད་བློ་སོ་སོའི་ཚུལ། །མྱ་ངན་འདས་ལས་དྲང་བའི་ཕྱིར། །མཆོག་འགྱུར་སངས་རྒྱས་བསྟན་པ་སྟེ། །དེ་ཡི་གྲུབ་མཐའ་སོ་སོར་གསུངས། །ཉན་ཐོས་སྡེ་དང་རང་སངས་རྒྱས། །བློ་ཆེན་སེམས་རྟོགས་དབུ་མ་པ། །རྒྱུ་འབྲས་མཉམ་ཉིད་ལ་སྦྱོར་ཕྱིར། །བྱ་བའི་རྒྱུད་སོགས་སོ་སོར་གསུངས། །བདེ་གཤེགས་ཐུགས་རྗེ་ཆོས་ཀྱི་ཆར། །བརྒྱད་ཁྲི་བཞི་སྟོང་གསུངས་པ་ཡང་། །གདུལ་བྱའི་སྒྲིབ་པ་བྲལ་ཕྱིར་ཏེ། །སངས་རྒྱས་འཕེལ་བའི་ཕྱིར་མ་ཡིན། ཁ་ཅིག་དྲང་བའི་ཚུལ་གྱིས་ཏེ། ཁ་ཅིག་ངེས་པའི་ཚུལ་གྱིས་སོ། ཁ་ཅིག་སྐྱོ་བ་བསྐྱེད་པ་སྟེ། ཁ་ཅིག་བྲོད་པ་བསྐྱེད་པའོ། །མདོར་ན་དེ་དག་ཐམས་ཅད་ཀྱང་། །ཐུགས་མཆོག་དགོངས་རྒྱུད་གཅིག་གིས་གསུངས། །མདོ་དང་རྒྱུད་དང་ཆོ་ག་དང་། །ལེའུ་དུམ་བུར་རབ་ཕྱེ་དང་། །རྟོག་པ་ལ་སོགས་ཇི་སྙེད་པ། །ཐུགས་རྗེའི་རྒྱུན་གྱི་དཔྱང་ཐག་གོ །འཕགས་པའི་ཐུགས་རྗེ་གསུམ་ཉིད་ཀྱིས། །གཟུང་བར་བྱ་བའི་གནས་ཉིད་ཀྱང་། །ལོག་པར་ཞུགས་དང་ངེས་པར་འཛིན། །མཉམ་པ་ཉིད་དུ་ཤེས་པའོ། །ཐོག་མཐའ་མེད་པ་དུས་ཀྱི་དབྱིངས། །འཕེལ་འགྲིབ་མེད་པར་གནས་པ་ནི། །ཆོས་རྣམས་ཀུན་གྱི་རྟེན་གཞི་སྟེ། །བདེ་གཤེགས་ཐུགས་ཀྱི་སྙིང་པོའོ། །དེ་ལས་སེམས་དང་སེམས་འབྱུང་གི །སྣ་ཚོགས་ཡུལ་གྱི་དངོས་པོར་གཟུང་། །དེས་བསྐྱེད་རྒྱུ་གསུམ་ངོ་བོ་ཉིད། །གནས་ལུགས་ཡེ་དོན་ཇི་བཞིན་པའི། །མཚུངས་པར་ལྡན་བའི་མ་རིག་པ། །ཀུན་འགྲོ་ཀུན་ཏུ་བཏགས་པ་ཡིན། །དེ་བསྐྱེད་ལོག་པར་ཞུགས་པ་ཡང་། །ཐེ་ཙོམ་བསྐྱེད་དང་ངར་གཟུང་ཞིང་། །དེ་ལ་ཆད་དང་རྟག་བརྟགས་པས། །འཇིག་ཚོགས་མཐར་འཛིན་ཉིད་དུ་འགྱུར། །ལོག་ཞུགས་ཇི་ལྟར་བརྟགས་དོན་ལ། །ཆགས་སྡང་ང་རྒྱལ་སྐྱེས་པ་ནི། །བཏང་མི་བྲ་ཞིང་རློམ་སེམས་ལས། །ལོག་པ་ལས་ཀྱང་ལོག་པར་ཞུགས། །གཞན་ཡང་ཁྲོ་བ་བསྐྱེད་པ་དང་། །ལྷ་དང་ཚུལ་ཁྲིམས་བརྟུལ་ཞུགས་ལ། །མཆོག་ཏུ་འཛིན་དང་ལོག་ལྟ་རྣམས། །ལོག་པ་ལས་ཀྱང་དེ་བཞིན་བཞུགས། །དེ་དག་ཀུན་ཚོགས་འདུས་པ་ལས། ཁེང་རྟ་ཆེན་པོའི་འཕང་ལོ་བཞིན། །རིགས་དྲུག་གནས་སུ་འཁོར་གྱུར་ཏེ། །རང་རང་སྡུག་བསྔལ་བསལ་བར་མྱོང་། །འགྲོ་ལ་དམིགས་པའི་ཐུགས་རྗེ་ཡི། །དཔྱང་ཐག་གིས་ནི་དེ་མི་གཏོང་། །ངེས་པར་འཛིན་པ་ཐུགས་རྗེའི་གནས། །རྣམ་པ་སྣ་ཚོགས་འབྱུང་བ་ན། །ཆོས་ཉིད་དངོས་པོའི་གནས་ལུགས་སམ། །གཟུགས་དང་སེམས་དང་སེམས་ལས་འབྱུང་། །འདུ་བྱེད་ཁམས་དང་འདུས་མ་བྱས། །བརྟག་ཅིང་ཤེས་པའི་གཞིར་བཞག་སྟེ། །ངད་དང་དྲན་དང་ཏིང་ངེ་འཛིན། །བརྩོན་འགྲུས་དང་ནི་ཤེས་རབ་རྣམས། །རྗེས་སུ་དྲན་ཕྱིར་ཟག་བཅས་ཏེ། ཁྲེས་རབ་རྒྱུ་ཡིས་རབ་བསྐུལ་ནས། །རང་རང་ལྟ་བ་ངེས་པར་གཟུང་། །འདི་ཡང་ཁ་ཅིག་མེད་ཅེས་ནས། །ཐ་སྙད་འཛིན་ལ་སྐུར་པ་འདེབས། །ལ་ལ་ངེས་པར་ཡོད་དོ་ཞེས། །ཡང་དག་དོན་ལ་སྒྲོ་འདོགས་ཏེ། །དེ་ཡང་ཁ་ཅིག་འདུས་མ་བྱས། །རྟག་པ་གཅིག་པའི་དངོས་པོར་སྨྲ། །འགའ་ཞིག་འདུས་མ་བྱས་པའི་དོན། །མི་རྟག་དུ་མའི་དངོས་པོར་བརྟགས། །ལ་ལས་གཉིས་ཀར་བརྗོད་མེད་ཅེས། །ལ་ལ་ཐམས་ཅད་དངོས་མེད་པའི། །བདེན་པ་གྲུབ་པའི་དོན་དུ་བརྟགས། །དེས་ན་ངེས་འཛིན་བསམ་མཐའ་ཡས། །མདོར་ན་དོན་རྣམས་ཇི་སྙེད་ཀུན། །ཡོད་དང་མེད་དང་ཐ་དད་དང་། །གཅིག་པ་ཉིད་ཅེས་རྟག་གཟུང་བས། །མཐའ་ཆེར་ལྟུང་ཞེས་ལུང་འདིར་བཤད། །མཐའ་འཛིན་ངེས་པའི་བློ་ཅན་རྣམས། །ཆོས་ལ་དམིགས་པ་ཐུགས་རྗེས་འཛིན། །དམིགས་མེད་ཐུགས་རྗེའི་དཔྱང་ཐག་ཡུལ། །མཉམ་པ་ཉིད་དུ་ཤེས་པ་ནི། །ཕུང་པོ་ཁམས་དང་སྐྱེ་མཆེད་དང་། །གནས་ལུགས་ངོ་བོ་ཉིད་དག་སྟེ། །མདོར་བསྡུས་བདེན་གཉིས་ལུས་རྣམས་དང་། །བརྟགས་སྣང་བློ་བཞག་གྲུབ་པའི་མཐའ། །གཞིར་བཞག་རང་འབྱུང་ཡེ་ཤེས་ཀྱི། །རིག་པའི་བློ་ཡིས་འུབྲ་ཆུབ་པས། །དེ་རྒྱུ་དངོས་དང་དངོས་མེད་མཐའི། །མཐར་ཐུག་སྤྱོད་པ་མཁས་པ་ཡིན། །དེ་ཕྱིར་མཉམ་ཉིད་རྟོགས་ཞེས་པ། །ཡོད་མེད་རྟག་ཆད་མུ་བཞི་ལ། །སྐྱོན་བཞི་རྟགས་བཞི་སྒྲ་མཐུན་པས། །མཐའ་ཞེས་སོ་སོར་སོར་བཞག་སྟེ། །དོན་ལ་ཁྱད་འཕགས་མཉམ་པར་གྲོལ། །དེའང་ཚིག་ཡིན་དེར་འཛིན་གྲོལ། །དེས་ན་ཐམས་ཅད་མཉམ་ཉིད་དེ། །འུབ་ཆུབ་ཀུན་འདུས་མཉམ་པའི་དབྱིངས། །དབྱེར་མེད་ལྷུན་གྲུབ་ཆེན་པོ་ལ། །དག་དང་མ་དག་གཉིས་མེད་དེ། །ཐམས་ཅད་བྲལ་བའི་ངང་གཉིས་པས། །ཆོས་རྣམས་ཐམས་ཅད་སངས་རྒྱས་ཡིན། །དེ་ལྟར་རྒྱུ་འབྲས་མཉམ་ཉིད་ཅིང་། །ཐམས་ཅད་ཡེ་གཅིག་ཆེན་པོ་ལ། །དམིགས་མེད་ཐུགས་རྗེ་ཆེན་པོ་ཡི། །མི་གཡེལ་དཔྱང་ཐག་རྒྱུན་དུ་འཛིན། །འདི་ནི་འགྱུར་མེད་མ་ཆགས་པ། །མ་བཅོས་ལྷུན་གྱིས་གྲུབ་བའོ། །མདོ་རྒྱུད་རྟོག་པ་བསྡུས་པའི་སྒྲོན་མ་ལུང་ཐམས་ཅད་ཀྱི་རྒྱལ་པོ་ལས། །ཐུགས་རྗེ་དཔྱང་ཐག་གནས་ཀྱི་ལུང་བསྟན་པ་སྟེ་དང་པོའོ་རྫོགས་སོ།། །།དེ་ནས་ཀུན་གྱི་དེ་ཉིད་དོན། །ལུང་ཆེན་བསྡུས་པ་རབ་བཤད་བྱ། །ཕྱོགས་བཅུ་དུས་གསུམ་འཇིག་རྟེན་ན། །སྐྱེ་འཇིག་མེད་པར་རྟག་བཞུགས་པའི། །བདེ་བར་གཤེགས་པ་ཀུན་རྣམས་ཀྱི། །གསུང་གི་འཕྲིན་ལས་མཐའ་ཡས་ཀྱང་། །དེ་ཡི་སྐུ་ཡི་ཆེ་བ་ལས། །མཛད་པ་ལྷ་ཡི་ཆོ་འཕྲུལ་ཕྱུང་། །དེ་ཉིད་བསམ་ཡས་བརྗོད་མེད་དེ། །མདོར་བསྟན་རྒྱུད་ཅེས་བྱ་བར་སྤྱོས། །རྒྱུད་ནི་འབྲེལ་བའི་དོན་ཡིན་ཏེ། །དེ་འདིར་མཚུངས་པས་རྒྱུད་ཀྱི་མཆོག །ལྷ་ཞེས་བྱ་བ་བྱང་ཆུབ་སེམས། །དེ་ནི་རྒྱུན་དུ་རབ་ཏུ་བརྗོད། །ཐ་སྙད་ཙམ་གྱིས་ཕྱེ་བ་ནི། །གཞི་ལམ་འབྲས་བུ་གསུམ་དུ་བརྗོད། །གཞི་ནི་གནས་པ་དོན་ཉིད་དེ། །ལམ་ནི་རྣལ་འབྱོར་བསྒྲུབ་པའོ། །འབྲས་བུ་མཐར་ཐུག་མཛེས་པའི་ལས། །རྒྱུད་ནི་རྣམ་པ་གསུམ་ཞེས་བརྗོད། །ཕུང་པོ་ཁམས་དང་སྐྱེ་མཆེད་རྣམས། །མ་བཅོས་ལྷ་བདག་ཉིད། །གཟུགས་ནི་རྣམ་པར་སྣང་མཛད་དེ། །ཚོར་བ་མྱོང་བ་རིན་ཆེན་འབྱུང་། །འདུ་ཤེས་སྣང་བ་མཐའ་ཡས་ལ། །འདུ་བྱེད་དོན་ཡོད་ཀུན་ཏུ་གྲུབ། །རྣམ་ཤེས་མི་བསྐྱོད་རྡོ་རྗེ་སེམས། །ཡེ་ནས་མ་བཅོས་ཇི་བཞིན་གནས། །ས་དང་ཤ་ནི་སྤྱན་མ་སྟེ། །ཆུ་ཁྲག་མ་མ་ཀི་རུ་བརྗོད། །མེ་དྲོད་གོས་དཀར་མ་ཞེས་བྱ། །རླུད་དབུགས་ལྷ་མཆོག་སྒྲོལ་མའོ། །མིག་གི་སྐྱེ་མཆེད་ས་སྙིང་པོ། །རྣ་བ་ཕྱག་ན་རྡོ་རྗེ་སྟེ། །སྣ་ནི་ནམ་མཁའི་སྙིང་པོར་བཤད། །ལྕེ་ནི་སྤྱན་རས་གཟིགས་དབང་ཉིད། །ལུས་ནི་སྐྲིབ་པ་ཀུན་སེལ་ཏེ། །ཡིད་ཀྱི་སྐྱེ་མཆེད་འཇམ་དཔལ་ཡིན། །གཟུགས་ནི་གཟུགས་ཀྱི་རྡོ་རྗེ་མ། །སྒྲ་ལ་དེ་བཞིན་སྒྲ་རྡོ་རྗེ། །དྲི་དང་རོ་ཡང་རྡོ་རྗེ་སྟེ། །རེག་ཆོས་ཉིད་ཀྱང་རྡོ་རྗེ་མ། །ཡུལ་རྣམས་དག་པ་ལྷ་མོའི་ཚོགས། །ངོ་བོ་ཉིད་ཀྱི་ལྷུན་གྱིས་གྲུབ། །དེ་དག་སོ་སོར་རབ་ཕྱེ་བའི། །རིགས་དང་ཡེ་ཤེས་ལ་ལྟོས་པའི། །ལྔ་ལྔ་རུ་ནི་འགྱུར་བ་སྟེ། །རྣམ་པར་ཤེས་པའི་རང་བཞིན་ནི། །ཀུན་ལ་ཁྱད་པར་དབྱེ་བ་ལས། །མདོར་ན་དམ་པའི་རིགས་བརྒྱ་སྟེ། །ཕྱེ་བའི་རིགས་ལ་གྲངས་མེད་འགྱུར། །རིགས་ཀྱི་དབྱེ་བ་ཇི་སྙེད་པ། །དེ་བཞིན་གཤེགས་པ་ས་ཁམས་ཏེ། །རྡོ་རྗེ་རིགས་མཆོག་རྣམ་པར་ཤེས། །རིན་པོ་ཆེ་རིགས་མེ་ཡི་ཁམས། །པདྨའི་རིགས་ལས་ཆུར་ཤེས་བྱ། །ལས་ཀྱི་རིགས་མཆོག་རླུང་ཡིན་པས། ཁམས་ལྔའི་རང་བཞིན་རིགས་ལས་ནི། །དེ་ཉིད་ཁོ་ནའི་རིགས་ལྔའོ། །རིགས་ཀྱི་དབྱེ་བ་ལྔ་ཉིད་ཀྱང་། །ས་དང་ཆུ་ནི་ལུས་ཀྱི་སྐུ། །དེ་བཞིན་མེ་རླུད་གསུང་དུ་བརྗོད། །རྣམ་པ་ཤེས་པ་ཐུགས་རང་བཞིན། །སྐུ་དང་གསུང་ཐུགས་དབྱེར་མེད་པའོ། །གསང་བ་ཆེན་པོའི་རིགས་གཅིག་ཉིད། །གཅིག་དང་མང་པོའི་རྣམ་དབྱེ་ཀུན། །ཕུན་པོ་ཁམས་དང་སྐྱེ་མཆེད་དང་། །ཡིད་དང་ཆོས་དང་དུས་བཞི་དང་། །མཐར་བྱེད་བཞི་དང་འགྲོ་བ་དྲུག །རང་བཞིན་རྣམ་པར་དག་་གནས་པས། །བདེ་གཤེགས་རྒྱལ་བ་བཞི་བཅུ་སྟེ། །ཞི་བ་དབྱིངས་ཀྱི་དཀྱིལ་འཁོར་དུ། །བཅོས་མེད་ངོ་བོ་ཉིད་ཀྱིས་འགྲུབ། །རང་བཞིན་གདོད་ནས་ཞི་བའི་ཕྱིར། །ཞི་བའི་དཀྱིལ་འཁོར་ཕྱག་རྒྱར་བརྗོད། །རོལ་བའི་ཆོ་འཕྲུལ་འགག་མེད་ལས། །ཐོག་མའི་དུས་ནས་ངང་གིས་ཁྲོ། །འདི་ལྟར་སྣང་སྲིད་མ་ལུས་ཀྱང་། །རྒྱལ་བའི་དཀྱིལ་འཁོར་རོལ་པ་ལས། །གཞན་དུ་གནས་པ་མ་ཡིན་ཏེ། །ལྷ་ཡི་མཆོག་ལས་ལྷ་ཡི་ངང་། །དུག་ལྔར་སྣང་བ་གཙོ་བོའི་སྐུ། །འདོད་ཆགས་རྟ་མཆོག་རྒྱལ་པོ་སྟེ། །རྡོ་རྗེ་ཞེ་སྡང་ཧེ་རུ་ཀ །ངརྒྱལགཤིནརྗེགཤེད་རྒྱལ་པོ། །ཕྲག་དོག་རྡོ་རྗེ་གཤོན་ནུའི་སྐུ། །གཏི་མུག་ཆེ་མཆོག་ཧེ་རུ་ཀ །སེར་སྣ་འཆབ་སེམས་མངོན་རྫོགས་རྒྱལ། །གདུང་བའི་སེམས་ནི་རྡོ་རྗེ་ཆོས། ཁོང་ཁྲོ་དྲེགས་པ་ཀུན་འདུལ་ཉིད། །མནར་དང་སེམས་དཔའ་སྟོབས་ལྡན་བདག །ཉོན་མོངས་གཙོ་བོ་རེ་རེ་ལའང་། །སོ་སོའི་བྱེ་བྲག་ལྔ་ལྔ་སྟེ། །དེ་དག་རིགས་བཞི་སོ་སོའི་འཁོར། །ཉོན་མོངས་ཉེ་བའི་ཉོན་མོངས་དག །སྣ་ཚོགས་པ་ཡི་འཁོར་ཡིན་ནོ། །མདོར་ན་འདི་ལྟར་སྣང་བ་ཡི། །སྲིད་ཞི་འཇིག་རྟེན་མ་ལུས་པ། །སྣོད་དུ་སྣང་བ་གཞལ་ཡས་ཁང་། །བབ་ནི་ལྷ་ཡི་ཚོགས་ཡིན་ནོ། །དག་པའི་འཇིག་རྟེན་དག་པའི་ཀློང་། །རྣམ་དག་ཆེན་པོར་ལྷུན་གྱིས་གྲུབ། །འབྱུང་བ་ལྔ་ནི་ཡུམ་ལྔའི་ཀློང་། །གནས་ཤིང་བརྟན་པའི་ས་རྣམས་ཀུན། །གཞལ་མེད་ཁང་པ་དཀྱིལ་འཁོར་ཡིན། །ཕ་དང་མ་ནི་ཡབ་དང་ཡུམ། །བུ་དང་བུ་མོ་སྲས་ཕོ་མོ། །ཕྱི་ནང་ཉེ་བའི་འཁོར་རྣམས་ནི། །དཀྱིལ་འཁོར་ཅན་གྱི་ལྷ་ཉིད་འཁོར། །བྲན་དང་མངག་གཞུག་དམངས་ཀྱི་ཚོགས། །བཀའ་ཉན་ལས་བྱེད་ཕ་ཉའི་ཚོགས། །རྒྱན་བཅས་མཚན་དང་དཔེ་བྱད་དེ། །ཚིག་བརྗོད་སྙིང་པོ་གསུང་གི་སྒྲ། །ལོངས་སྤྱོད་མཆོད་པ་ཁོ་ན་སྟེ། །ཡོན་ཏན་ཚིག་ཐོས་བསྟོད་པའོ། །སྤྲོས་ཤིང་འཇུག་པ་བྱ་བྱེད་ལས། །མཛད་པའི་འཕྲིན་ལས་དེ་ཉིད་ཡིན། །ཆགས་པར་བྱེད་པ་ཆགས་པའི་ཚུལ། །འཇིག་པ་འཇིག་པས་སྲིད་མཐར་བྱེད། །སྟོང་པར་ཤེས་པ་སྟོང་པ་ཉིད། །སྔརབཞིནགནསབཤད་གནས་པའོ། །འདི་ལྟར་སེམས་ཉིད་སྣ་ཚོགས་སུ། །སྣང་ཞིང་སྲིད་པའི་དངོས་པོ་ཀུན། །རངབཞིནརྣམདགལྷཡི་དབྱིངས། །ལྷ་ཡི་རོལ་པ་ལྷ་ཡི་སྐུ། །དེ་བཞིན་དངོས་རྣམས་མ་ལུས་པར། །ཡེ་ནས་ལྷ་ཡི་རང་བཞིན་པས། །ལྷ་ཡི་གཞི་ཞེས་རབ་ཏུ་བརྗོད། །དེ་ནི་རྒྱུད་དུ་ཤེས་བྱ་སྟེ། །དུས་རྣམས་ཀུན་ཏུ་འབྲལ་བའོ། །བདེ་གཤེགས་ལྷ་ཡི་དགོངས་པ་ཡིས། །ལམ་ཞུགས་རྣམས་ལ་སྒྱུ་མར་སྤྲུལ། །ཆོ་འཕྲུལ་བགྲོད་བྱའི་སྐུར་སྣང་ཡང་། །རྣལ་འབྱོར་སྒོམ་པའི་རྒྱུད་ཅེས་བྱ། །སྐྱེས་བུ་ཆགས་པས་རབ་གདུངས་བ། །ཞི་བའི་སྒོ་ལ་སྦྱོང་བྱེད་པས། །བསོད་ནམས་ཚོགས་ནི་རབ་བསགས་ནས། །མི་རྟོག་མི་དམིགས་དེ་བཞིན་ཉིད། །ལྷ་ནེར་གཞལ་ལས་ཐུགས་རྗེར་ཤར། །རྒྱུ་ཡི་ཏིང་འཛིན་ཡི་གེ་ལས། །ཐམས་ཅད་སྐྱེ་བྱེད་རང་བཞིན་ནི། །འབྱུང་བ་ཡུམ་ལྔའི་དཀྱིལ་འཁོར་དུ། །ཡེ་ཤེས་གཞལ་ཡས་ལྷུན་གྱིས་རྫོགས། །གདན་སྟེངས་ས་བོན་ལས་བསྐྱེད་པའི། །རིགས་གཅིག་རིགས་ལྔ་རིགས་བརྒྱ་ཡི། །སྐུ་དང་བསྡུས་པ་བཞི་བཅུ་གཉིས། །མཉེན་ལྕུག་འཁྲིལ་ལྡེམ་གཤོན་ཚུལ་ཅན། །གསལ་འཚེར་ལྷུན་སྡུག་གཟི་བྱིན་འབར། །མཚན་དང་དཔེ་བྱད་མ་འགགས་ཆོས། །རང་རིག་བྱང་ཆུབ་སེམས་ལས་བྱུང་། །དབྱིངས་ནས་སྤྱན་དྲངས་དབྱེར་མེད་བསྟིམ། །གཉིས་མེད་གུས་པས་ཕྱག་འཚལ་ཏེ། །མཆོད་བསྟོད་དགེས་མཛད་འཕྲིན་ལས་བཅོལ། །གསང་སྔགས་བསྙེན་པའི་བཟླས་བརྗོད་ཀྱིས། །ཉེ་བར་བྱས་ཏེ་དངོས་གྲུབ་བླང་། །བཟོད་པར་གསོལ་ལ་སྨོན་པར་བྱ། །མི་དམིགས་མི་རྟོག་ཆགས་བྲལ་པས། །ཆོས་ཉིད་ཀྱི་ནི་དགེ་རྩར་བསྔོ། །འདི་ནི་ཞི་བ་ཞི་མཛད་ལྷའི། །མཛད་པའི་ཆོ་འཕྲུལ་བསམ་རྫོགས་པ། །འདོད་པ་ཅན་རྣམས་འདུལ་བའི་ཕྱིར། །སངས་རྒྱས་རོལ་མོས་གར་མཛད་དོ། ཤེན་ཏུ་གདུག་པའི་ཞེ་སྡང་ཅན། །འཇུག་པའི་སྒོ་ནི་ཁྲོ་བོ་སྟེ། །མཚམས་བཅད་བགེགས་བསྐྲད་གདུག་པ་འདུལ། །སྔོན་དུ་འགྲོ་བའི་བྱ་བ་བདུན། །རྫོགས་ནས་ཏིང་འཛིན་གསུམ་སྒོམ་ཞིང་། །འབྱུང་བ་ལྔ་དང་རི་རབ་བསྐྱེད། །རིན་ཆེན་དུར་ཁྲོད་རབ་འབར་བའི། །གཞལ་ཡས་མཛེས་ཤིང་འཇིགས་པ་སྒོམ། །དེ་དབུས་གདན་སྙེངས་རྒྱུ་མཆོག་ལས། །བསྐྱེད་པའི་གཙོ་སྲས་དང་བཅས། །སོ་སོའི་འཁོར་དང་རབ་ལྡན་པ། །སྒེག་དང་དཔའ་བ་འཇིགས་པ་དང་། །བཞད་དང་གཤེ་རྔམ་ཁྲོ་བ་དང་། །སྙིང་རྗེ་ཞི་བའི་ཚུལ་འཆང་བས། །གར་དགུའི་ཉམས་དང་ལྡན་པའོ། །དེ་འདྲའི་འཇིགས་བྱེད་ཆེན་པོའི་སྐུ། །བསྐྱེད་དང་སྤྱན་དྲངས་གཉིས་སུ་མེད། །བསྟིམ་བཞུགས་ཕྱག་འཚལ་མཆོད་པས་མཆོད། །བསྟོད་དང་སྔགས་བཟླས་རྗེས་བྱའི་རིམ། །དུས་དྲུག་དུས་བཞི་དུས་མེད་དུ། །རབ་ཏུ་འབད་པས་གང་བསྙེན་ཅིང་། །བསྒྲུབ་བ་རྣམས་ནི་ལམ་གྱི་ཉམས། །རྣལ་འབྱོར་རྟོག་པའི་སྒོམ་པ་ནི། །ཁྲོ་བོ་ཆེན་པོའི་སྟོབས་མཆོག་གིས། །ལམ་དང་ལམ་གྱི་རྒྱུད་དུ་གསུངས། །ཞི་དང་ཁྲོ་བོའི་སྐུར་གསལ་བས། །ཆག་སྡང་དང་ཞེ་སྡང་རབ་བསལ་ཏེ། །གཞན་གྱི་དོན་དུ་སྐུར་སྣང་བ། །ཐོབ་མེད་འབྲས་བུ་དེ་ཡི་མཆོག །དེ་ནི་འབྲེལ་པས་རྒྱུད་ཅེས་བྱ། །གཞི་ལམ་འབྲས་བུ་དབྱེར་མེད་པའོ། །གཞི་དང་འདྲ་བའི་ལམ་བསྒོམས་པས། །དེ་འདྲའི་ལམ་དང་འབྲས་བུ་སྙེམས། །ཐུགས་རྗེའི་མཛད་པ་ཀུན་རྣམས་ཀུན། །འགྲོ་བའི་དོན་ལ་རབ་ཏུ་བརྩོན། །ཞི་བ་ལ་ནི་ཞི་བ་སྟེ། །ཁྲོ་བ་ཅན་ལ་ཁྲོ་བོའི་སྐུ། །འདོད་ཆགས་ཅན་ལ་ཆགས་པའི་ཚུལ། །ཞེ་སྡང་ཅན་ལ་དེ་ཡིས་འདུལ། །མ་རིག་པ་ལ་གཏི་མུག་ཚུལ། །སེར་སྣ་ལ་ནི་འཇུངས་པས་སོ། །ཕྲག་དོག་ཕྲག་དོག་གིས་འདུལ་ཞིང་། །ཞི་ལ་ཞི་དང་རྒྱས་ལའང་དེ། །དབང་ཆེན་ལ་ནི་དབང་སྡུད་ཚུལ། །དྲག་ཤུལ་ཅན་ལ་དེ་ཉིད་ཀྱིས། །ཚར་གཅོད་གཟུགས་སུ་སྟོན་པར་མཛད། །རིགས་དྲུག་འགྲོ་ལ་རང་གི་གཙོ། །ཐུབ་བྱེད་དྲུག་གི་སྐུ་རང་བཞིན། །སྐྱེས་པ་ལ་ནི་སྐྱེས་པའི་གཟུགས། །བུད་མེད་ལ་ནི་བུད་མེད་དེ། །མཁན་པོ་སློབ་དཔོན་རྒྱལ་པོ་དང་། །བྲམ་ཟ་རྗེ་རིགས་དམངས་དང་བྲན། །ཚོང་དཔོན་དམག་མི་མེལ་ཚེ་བ། །ཐ་ན་དུད་འགྲོ་ཡན་ཆད་གཟུགས། །གང་གིས་འདུལ་ལ་དེར་སྟོན་ཏེ། །མཐུན་པས་མཐུན་པ་འདུལ་བར་བྱེད། །འདོད་པ་སྤངས་ལ་དཀའ་ཐུབ་དང་། །བདེ་བ་འདོད་ལ་ལོངས་སྤྱོད་ཀྱིས། །གསོག་འཇོག་ཅན་ལ་སྦྱིན་པར་འདོད། །ཚུལ་ཁྲིམས་བསྲུང་དང་མ་བསྡམས་དང་། །བསམ་གཏན་བསྒོམ་དང་གཡེལ་ལ་སོགས། །གང་གིས་གང་འདུལ་དེ་སྐུར་སྟོན། །ཇི་ལྟར་འཚམ་པའི་དོན་སྦྱར་ནས། །སྐྱེས་བུ་མཐུན་པས་འདུལ་འགྱུར་བས། །འདི་ནི་མཛད་པའི་བྱ་བ་སྟེ། །འབྲས་བུའི་རྒྱུད་དུ་རབ་ཏུ་བརྗོད།། །།མདོར་ན་རྒྱུད་ཅེས་བྱ་བའི་དོན། །དངོས་པོའི་གནས་ལུགས་གཞི་ཡིན་ཏེ། །གཞི་ལས་གཞན་པའི་འབྲས་བུ་མེད། །འབྲས་བུའི་ཚུལ་ལས་འདའ་བ་ཡིན། །ལམ་གྱི་སྒོམ་པ་གང་ལམ་མཆིས། །དེ་བས་རྒྱུ་དང་འབྲས་བུ་དང་། །ལམ་ཞེས་གྲགས་པ་བརྟགས་པ་ཙམ། །འདི་ལྟར་སྣང་བ་འདི་ཁོ་ན། །ལྷ་ཉིད་ཡིན་ཏེ་དེ་ལས་གཞན། །ཆོས་དབྱིངས་སྤྲུལ་པ་མེད་པའོ། །དེ་ནི་དོན་དམ་ཀུན་རྫོབ་ཅེས། །ལུང་ཆེན་ཀུན་ལས་གསུངས་པ་ཡིན། །འདི་ནི་ལུང་ཆེན་མདོར་བསྡུས་པ། །སངས་རྒྱས་འཕྲིན་ལས་བསྟན་པ་ཡི། །རྨད་དུ་བྱུང་བའི་ཆོ་འཕྲུལ་ཀུན། །རབ་ཏུ་བསྡུས་མིན་རྒྱས་མིན་པར། །རྡོ་རྗེ་སེམས་དཔས་བསྟན་པ་དེ། །འདིར་བསྟན་པ་ལ་ཐེ་ཙོམ་མེད། །དེ་བས་མ་འོངས་སྐྱེ་བོ་ཀུན། །ཡིད་གཉིས་སྤངས་པས་འདུད་པར་བྱ། །འདི་ནི་རྨི་ལམ་སྒྱུ་མ་འདྲ། །དེ་བཞིན་གཟུགས་བརྙན་སྤྲུལ་པ་དང་། །སྨིག་སྒྱུ་དྲི་ཟའི་གྲོང་དང་མཚུངས། །སངས་རྒྱས་མཛད་པ་བསམ་ཡས་པར། །མ་མཛད་པ་ལ་མཛད་པ་ཆེ། །ཐམས་ཅད་རང་རང་ལྷ་རུ་ངེས། །ཨེ་མ་ཆོས་ཉིད་སྤྲོས་དང་བྲལ། །ཨེ་མ་ཧོ་རང་བཞིན་མ་འགགས་སྣང་། །ཨེ་མ་ཧོ་རོལ་པ་བླ་ན་མེད། །ཨེ་མ་སྒྱུ་མ་ཕྱག་རྒྱ་ཆེ། །ཨེ་མ་ཐུགས་རྗེ་མ་ལུས་འཛིན། །སྦྲུལ་པའི་སྐུ་སྟེ་ལྷ་ཡི་མཆོག །ལྷ་རྣམས་ཉིད་ལ་གཉིས་མེད་འདུད། །མདོ་རྒྱུད་རྟོག་པ་བསྡུས་པའི་སྒྲོན་མ་ལུང་ཐམས་ཅད་ཀྱི་རྒྱལ་པོ་ལས། མཛད་པ་ཆོ་འཕྲུལ་ལྷའི་ལུང་བསྟན་པ་སྟེ་གཉིས་པའོ་རྫོགས་སོ།། །།དེ་ནས་འཕྲིན་ལས་མཐར་ཕྱིན་པའི། །སྒྲུབ་པའི་ལུང་མཆོག་བཤད་པར་བྱ། །རྩོད་དུས་གང་ཟག་རྣམས་ཀྱི་ཕྱིར། །རྒྱུད་རྣམས་ཀུན་ཏུ་གསུངས་པ་ཡི། །བསྡུས་པའི་ལུང་ནི་མཆོག་ཡིན་ནོ། །གསང་བ་སྔགས་ཀྱི་བཀའ་གསང་ལུང་། །བསྒྲུབ་བྱ་བསྡུས་པ་འདི་ལྟ་སྟེ། །ཡིད་འོང་དབེན་པའི་གནས་དག་ཏུ། །མཐུན་པའི་གྲོགས་དང་བཅས་བཞིན་པས། །བསྒྲུབ་པའི་འབྲས་བུ་མཐར་ཕྱུང་ལ། །འགྲོ་བའི་དོན་ལ་རབ་བརྩོན་བྱ། །འཇིག་རྟེན་འདས་དང་མ་འདས་པའི། །དངོས་གྲུབ་མཆོག་ནི་དམིགས་པའི་ཡུལ། །རང་གཞན་མཐོ་རིས་ཐོབ་འདོད་པས། །བསྒྲུབས་ན་མྱུར་དུ་འགྲུབ་པའི་རྒྱུ། །དད་བརྩོན་ཤེས་རབ་ལྡན་པ་ནི། །དེ་ཡི་རྐྱེན་དུ་ཤེས་པར་བྱ། །བསྒྲུབ་བྱ་བཅུ་ལས་བསྒྲུབ་པའི་ཐབས། །རྣམ་པ་བཅུ་སྟེ་བསྒྲུབ་ལུགས་དྲུག །མཉམ་ཉིད་ཞི་བའི་བསྒྲུབ་པ་དང་། །ཞེ་སྡང་ཁྲོ་བོའི་བསྒྲུབ་བྱ་དགུ། །གང་ཞིག་བསྒྲུབ་པར་བྱ་བ་ཡི། །ལུས་ནི་རྣམ་པར་ཤེས་པར་བྱ། །དེ་ཡི་བསྒྲུབ་ལུགས་བསམ་ཡས་པ། །འདིར་ནི་མཐར་ཐུག་ཁོ་ནར་བརྗོད། །ཀུན་ནས་ཞི་བར་གནས་པ་ལ། །ཞི་བ་ཆེན་པོ་བསྒྲུབ་འདོད་པས། །གང་ལ་དམིགས་པ་ལྷ་ཡི་སྐུ། །བསྒྲུབ་པའི་རྟེན་དུ་གཞག་པར་བྱ། །དེ་ནི་ཞི་བའི་ལྷ་རྣམས་ཀྱི། །བསྒྲུབ་རྫས་རྟེན་གྱི་མཐར་ཐུག་ཡིན། །ཡུལ་གསུམ་གསལ་བར་གྱུར་པ་དང་། །རང་འདོད་ལྷ་ཡི་རྣལ་འབྱོར་སྒོམ། །ལུས་ཀུན་ཏིང་འཛིན་ལྷར་མཉམ་བའི། །བསྐྱེད་པའི་རིམ་པས་སྐུ་རྫོགས་པ། །བསྐྱེད་རིམ་དོན་གྱི་མཐར་ཐུག་སྟེ། །སྐུ་ཡི་བསྒྲུབ་པ་ཞེས་བྱའོ།། །།ཨོ་ཨུ་ལི་ཀྭ་ལི་རྙོ་ན་པན་ཙ་ས་ཏྭ་ཀྲོ་དྷ་མུ་ནེ་ཡེ་སྣཧྭ། ཨོ་ཨ་ཧཱུཾ༷་གྲྭཧྭ། ཨོ་ཨུ་ཧྭ༷། སྙིང་པོའི་ཡི་གེ་བཅོ་བརྒྱད་པས། །དམ་པའི་རིགས་ནི་བཅུ་ཕྲག་བཅུ། །སྙིང་པོས་སྐུལ་བར་བྱེད་པ་ཡིན། །གསང་སྔགས་སྙིང་པོ་འབྲུ་ལྔ་པོས། །བདེ་གཤེགས་རིགས་ལྔའི་ཐུགས་དམ་བསྐུལ། །གསུང་མཆོག་འབྲུ་གསུམ་དག་གིས་ནི། །རྡོ་རྗེ་སེམས་དཔའི་ཐུགས་སྐུལ་བྱེད། །འདི་དག་གསང་སྔགས་དམ་པའི་མཆོག །ཞི་བར་སྣང་བའི་ལྷ་རྣམས་ཀྱི། །མཐར་ཐུག་གསུང་གི་བསྒྲུབ་པ་སྟེ། །བྲག་ཆ་སྒྲ་བརྙན་ཇི་བཞིན་དུ། །ཐམས་ཅད་གསུང་དུ་སྣང་ཞིང་སྟོང་། །གསུང་གི་དེ་ཉིད་ཁོ་ན་སྟེ། །མིང་འདི་མཐར་ཐུག་ཟབ་ཅིང་ཞི། །སྤྲོས་མེད་ཡུལ་དང་བྲལ་བ་ནི། །ཞི་བ་ཐུགས་ཀྱི་སྒྲུབ་པར་བརྗོད། །དེ་བཞིན་དུ་ནི་ཁྲོ་བོ་ཡང་། །ཀུན་ནས་མ་ལུས་མཚུངས་འགྱུར་ཏེ། །ཡོན་ཏན་གཙོ་དང་སྐུ་གསུང་ཐུགས། །འཕྲིན་ལས་རྦོད་གཏོང་དྲག་སྔགས་དང་། །མཆོད་བསྟོད་དང་བཅས་བསྒྲུབ་ལུགས་བརྒྱད། །བསྒྲུབ་རྫས་རྟེན་དང་སྒོམ་པའི་ལྷ། །བཟླས་པའི་སྔགས་དང་ལྟ་དགོངས་བཞི། །ཟབ་དོན་གསང་བའི་མཐར་ཐུག་པ། །ཀུན་ལ་ལྔ་ལྔར་རྒྱལ་བས་གསུངས། །བུམ་པ་མར་མེ་ཐོད་པ་དང་། །ཕྱག་རྒྱ་ཕུར་པ་ཙིསྟ་དང་། །མཆོད་གཏོར་ལིང་ག་ཉ་བོ་དག །བསྒྲུབ་རྫས་རྟེན་གྱི་མཐར་ཐུག་ཡིན། །དཀྱིལ་འཁོར་རྒྱས་བསྡུས་ཡབ་ཡུམ་དང་། །སོ་སོའི་དཔའ་བོ་གཅིག་རྣམས་ལ། །སྤྲོ་དང་བསྡུ་དང་རབ་བསྡུས་པས། །མཐར་ཐུག་བསྒོམ་བྱའི་ལྷ་རུ་འགྱུར།། །།ཨོ་བཛྲ་ཀྲོ་དྷ་མ་ཧྭ་ཤི་ཧེ་རུ་ཀ་ཧཱུཾ༷་ཕཊ། ཨོ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷་ཕཊ། ཨོ་མ་ཧྭ་ཀྲོ་དྷི་ཨ༷་ཀ་ཡ་མན་ཏ་ཀ་ཧ་ན་མ་ཐ་བན་ཛ་ཧཱུཾ༷་ཕཊ། ཨོ་པདྨ་ཏ་ཀྲིད་ཧ་ཡ་གྲི་བ་ཧུ་ལུ་ཧུ་ལུ་ཧཱུཾ༷་ཕཊ། ཨོ་བཛྲ་ཀི་ལི་ཀྭ་ལ་ཡ་སརྦ་བིཀྟ་ནན་བ༷་ཧཱུཾ༷་ཕཊ། ཨོ་རྙུ་ཡ་རྙོ་ན་ཤི་ཧེ་རུ་ཀ་སྙུ་ཡ་ཙྭ་ན་ཀྲོ་དྷི་ཤོ་རི་སྟུ༷། མ་མ་ཡོ་གི་ནི་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷་ཕཊ། ཨོ་བཛྲ་ཙནྟྲ་སརྦ་དུ་་ཏ་ཀ་ཧ་ན་ད་ཧ་བན་ཙ་ཧཱུཾ༷་ཕཊ། ཨོ་བཛྲ་སརྦ་དུ་་ཧཱུཾ༷་ཕཊ། སོ་སོའི་གསུང་སྔགས་བརྒྱད་པ་ལ། །རང་གི་སྐུ་དང་མཐུན་བརྗོད་པས། །ཐམས་ཅད་གསུང་གི་མཐར་ཐུག་སྟེ། །ཐུགས་ཀྱི་སྙིང་པོ་སྐུལ་བྱེད་པའི། །བཟླས་པའི་སྔགས་སུ་ཤེས་པར་བྱ། །ཕྱི་ནང་སྣོད་བཅུད་དངོས་པོའོ། །སྐྱེ་འགྲོ་འབྱུང་བ་རྒྱུ་འབྲས་བཅས། །མ་ལུས་བདུད་རྩི་ལྔ་དང་གཅིག །རྩ་བ་ཡན་ལག་བཅས་པ་ཀུན། །རང་བཞིན་རྣམ་དག་མཉམ་སྦྱོར་བ། །ཡོན་ཏན་ཆེ་མཆོག་མཐར་ཐུག་པ། །ཡེ་ནས་དོན་ཆོས་སྨན་རྫས་ཏེ། །རྣམ་དག་དགོངས་པས་དེ་དོན་རྫོགས། །ལྷ་དང་དཀྱིལ་འཁོར་མཆོད་རྫས་སྔགས། །རྒྱུ་དང་ཆོས་ཉིད་སྙིང་པོ་དང་། །སྒྲ་དང་དངོས་གྲུབ་ཤེས་པ་ཡིས། །མ་ལུས་ཐུགས་ཀྱི་དགོངས་པར་འདུས། །དུས་གསུམ་ཤེས་བྱ་གཅིག་པུ་ཉིད། །བདེ་ཆེན་འབྲས་བུ་ཀུན་འདུས་པ། །ཡོངས་རྫོགས་སྐུ་གསུང་མཐོང་པའོ། །སྲིད་གནས་གཅོད་པ་དང་སྤྲུལ་པ་དང་། །འཁོར་ལོ་བཞི་ཡི་དོན་སྤྱད་པས། །སྐུ་ཡི་དགོངས་པ་མཐར་ཐུག་ཅིང་། །འཁོར་བའི་སྡུག་བསྔལ་གཤིན་གྱི་རྗེ། །མ་ལུས་འཇོམས་པར་བྱེད་པའི་གཤེད། །མཉམ་ཉིད་ལྡན་པ་རབ་བསྒྲུབ་པའོ། །མཚོན་པའི་དཔེ་དང་གདུལ་བྱའི་ཐབས། །ལྟ་སྤྱོད་དགོངས་པའི་དོན་དག་གིས། །གསུང་གི་དབང་ཕྱུག་འཕྲིན་ལས་དོན། །མ་ལུས་མཉེས་པར་བྱེད་པའི་ཡུལ། །གཅིག་དང་དུ་མའི་མཐར་ཐུག་པ། །ཐེག་པ་རིམ་པར་བགྲོད་པ་དང་། །ས་དང་ལམ་ལ་སྦྱར་བ་དང་། །གསང་སྔགས་ལ་ཤན་དབྱེ་བ་ཡི། །རིམ་པ་ཉིད་ཀྱི་དགོངས་པར་ཐུག །འཕྲིན་ལས་རྒྱུ་བཞིར་རབ་རྟེན་ཅིང་། །ཐབས་དང་དེ་ལས་བྱུང་བ་ཡི། །རྣམ་བཞིས་ཟབ་མོའི་དོན་སྤྱད་ཅིང་། །ཐར་ཕྱིན་དགོངས་པ་དེ་མཐར་ཐུག །ལུས་གནས་ཉིད་དང་དེ་ལས་གཡོས། །རྣལ་འབྱོར་གྲོལ་དང་འཇིག་རྟེན་སྣང་། །དྲག་ཤུལ་སྔགས་དང་གབ་པའི་གཏེར། །ཕྱི་ནང་གསང་བ་ཉེར་སྤྱོད་ཅིང་། །ཡོངས་རྫོགས་སྐུ་ལ་སྦྱོར་བ་ཡི། །གསང་ཆེན་དེ་ཡི་མཐར་ཐུག་དོན། །བསྒྲུབ་མཆོད་བསྟོད་བསྐུལ་རྦད་པ་ཡིས། །ཉེར་བསྟེན་སོ་སོའི་ལས་གྲུབ་ཅིང་། །སྣང་བ་གསུམ་ལ་ཀུན་སྦྱོར་ཅིང་། །གཟུང་ཡུལ་མ་གྲུབ་ཚུལ་ཤེས་ཤིང་། །རང་གི་ངང་གིས་འཕྲིན་ལས་གྲུབ། །བདེ་སྤྱོད་མཆོད་བསྟོད་མཐར་ཐུག་པའོ། །སྔགས་རྫས་དམ་ཚིག་ཏིང་ངེ་འཛིན། །གཅོད་འཕྲོག་གནས་པ་གནད་ལ་དབབ། །རང་གི་མཚན་མ་མངོན་སྤྱོད་ཀྱི། །འཕྲིན་ལས་ཐ་དང་ཉེ་བར་བསྒྲུབ། །སྟོང་ཕྲག་དག་གིས་བཅད་པ་ཡི། ཁམས་གསུམ་འདུལ་ལ་རབ་ཏུ་ཤིས། །བྱ་བའི་བྱེ་བྲག་སྣ་ཚོགས་ཀྱིས། །རང་ཉིད་ཆེན་པོར་ལོངས་སྤྱོད་ནས། །ཐིག་ལེ་རབ་སྦྱར་དགྱེས་པར་རོལ། །འདི་ནི་རྫོགས་པའི་རྣལ་འབྱོར་ཏེ། །ཟབ་དོན་མཆོག་ཏུ་མངོན་སང་རྒྱས། །གསང་བ་དཔག་དཀའ་རྒྱུད་ཀྱི་དོན། །མ་ལུས་བསྡུས་ལ་བསྒྲུབ་ལུགས་དྲུག །བསྙེན་པ་ཉེ་བསྙེན་སྒྲུབ་པ་དང་། ཉེ་བར་སྒྲུབ་དང་བསྒྲུབ་ཆེན་པོ། ཁྱད་པར་ལས་ལ་སྦྱོར་བ་རྣམས། །ཐེག་ཆེན་ལུང་དུ་གསལ་བར་གསུངས། །གསང་སྔགས་སྙིང་པོ་ཡིད་འོང་སྒྲ། །བརྒྱ་སྟོང་ལ་སོགས་གྲངས་བཅད་ནས། །རྒྱུན་དུ་བཟླས་ཤིང་བརྗོད་པ་ནི། །རྣལ་འབྱོར་ལྡན་པའི་བསྙེན་པའོ། །དབེན་པའི་གནས་སུ་ངག་གཞན་སྤངས། །དེ་ཉིད་འབད་པ་ཉེ་བསྙེན་ཏེ། །ཐུན་མཚམས་བཞི་ཡི་རྣལ་འབྱོར་གྱིས། །ལེ་ལོ་མེད་པའི་རྟགས་འབྱིན་པ། །སྒྲུབ་པ་ཡིན་ཏེ་དེ་དག་ཉིད། །གྲངས་དང་དུས་དང་མཚན་མ་ལ། །རིམ་པ་བཞིན་དུ་རབ་སྦྱར་ནས། །རྡུལ་ཚོན་དཀྱིལ་འཁོར་ཆེན་ཞུགས་ཤིང་། །སྔོན་འགྲོ་བསྲུང་དང་མཚམས་བཅད་ནས། །ཕྱི་ནང་གསང་བའི་གྲུབ་རྟགས་ཀུན། །མཐོང་ཞིང་བརྟན་པར་སྒྲུབ་བྱེད་པ། །ཉེ་བའི་སྒྲུབ་པ་ཞེས་བྱའོ། །རྟགས་ཐོན་སྒྲུབ་པ་ཆེན་པོ་ནི། །འཇིག་རྟེན་འཇིག་རྟེན་འདས་པ་ཡི། །ཐ་མལ་པ་དང་མཆོག་ཏུ་འགྱུར། །འཇིག་རྟེན་ཐ་མལ་དངོས་གྲུབ་ནི། །ཕྲན་ཆགས་ལས་དང་དངོས་གྲུབ་ཅེས། །རྒྱལ་བ་མཆོག་གིས་གསུངས་པས་ན། །ཞི་དང་རྒྱས་དང་དབང་དང་དགུག །བསྐྲད་དང་བསྒྲལ་ལ་སོགས་པ་ཡི། །ལས་ཀྱི་བྱ་བ་རྣམ་མང་པོ། །གང་ལ་འདོད་པ་དེ་བསྒྱུར་ཞིང་། །དོགས་པ་མེད་པའི་སེམས་ཀྱིས་བསྒྲུབ། །དངོས་གྲུབ་ཆེན་པོ་མཆོག་བཤད་པ། །མཁའ་ལ་སྤྱོད་དང་རྐང་མགྱོགས་དང་། །ས་འོག་སྤྱོད་དང་ཆུ་ལ་འཆག །མེ་དང་རླུད་གིས་མི་བརྫི་དང་། །མི་སྣང་བ་དང་འཆི་བ་མེད། །མིག་དང་རྣ་བ་སྣ་དང་ལྕེ། །ལུས་དང་ཡིད་ནི་དག་བྱས་པས། །ལྐོག་གྱུར་རིང་བའི་ཡུལ་འཛིན་ཅིང་། །ལྷ་དབང་དག་པ་མ་ལུས་མཐོང་། །རྒྱལ་བའི་ཐབས་མཆོག་བསམ་ཡས་པ། །རྒྱ་ཆེན་རྒྱུད་དུ་གསུངས་པ་རྣམས། །སོ་སོའི་རྟགས་རྫོགས་བར་དུ་བསྒྲུབ། །འདི་དག་ཐ་མལ་སྒྲུབ་པ་ཆེ། །དངོས་གྲུབ་ཆེན་པོ་སྟེར་བར་བྱེད། །དེ་ནས་གང་འདོད་ལས་ལ་སྦྱར། །འབད་པ་མེད་པར་གཞན་དོན་སྤྱོད། །ཀུན་འདྲེན་ལྕགས་ཀྱུ་ལྟ་བུར་གྱུར། །ལས་ལ་སྦྱོར་ཞེས་དེ་ལ་བྱ། །འདི་ནི་ལུང་ཆེན་ཀུན་བསྡུས་པ། །འཕྲིན་ལས་མཐར་ཕྱིན་བསྒྲུབ་པ་སྟེ། །དཔའ་བོ་ཆེན་པོས་གསུངས་པས་ན། །ངེས་པའི་ལུང་དུ་ཤེས་པར་བྱ། །མདོ་རྒྱུད་རྟོག་པ་བསྡུས་པའི་སྒྲོན་མ་ཞེས་བྱ་བ་ལུང་ཐམས་ཅད་ཀྱི་རྒྱལ་པོ་ལས། འཕྲིན་ལས་མཐར་ཕྱིན་པ་བསྒྲུབ་པའི་ལུང་བསྟན་པ་སྟེ་གསུམ་པའོ་རྫོགས་སོ།། །།དེ་ནས་གསང་སྔགས་ཟབ་མོའི་དོན། །ངེས་པར་འབྱེད་པའི་ལུང་ཆེན་པོ། །གསང་ཆེན་རིག་པའི་གཏེར་གྱུར་པས། །རྒྱལ་བས་བཀའ་སྩལ་རབ་ཏུ་བཤད། །འདི་ལྟར་གསང་སྔགས་ཞེས་བྱ་བ། །ཐེག་པ་དམན་ལ་གསང་འོས་ཤིང་། །ཡིད་སྐྱོབ་ཕྱིར་ན་གསང་སྔགས་ཏེ། །དེ་ནི་ངེས་པའི་དོན་ཡིན་ནོ། །མ་མན་ཞེས་པ་ཡིད་ཡིན་ཏེ། །ཏྲ་ཏྲ་ལས་ནི་སྐྱོབ་པར་བྱེད། །མ་ལུས་ཡིད་སྐྱོབ་བྱེད་པས་ན། །གསང་སྔགས་ཞེས་ནི་རབ་ཏུ་བརྗོད། །མན་ནི་གང་ཟག་དངོས་པོའི་བདག །ཏྲ་ནི་ཆོས་བདག་གཟུང་འཛིན་དངོས། །གསལ་བ་གཉིས་མེད་མཉམ་པ་ཉིད། །གསང་སྔགས་ཞེས་ནི་ངེས་པར་བརྗོད། །མན་ནི་རང་རིག་ཡེ་ཤེས་ཏེ། །ཏྲ་ནི་གཞན་ལ་གསལ་བར་བྱེད། །གསང་བ་གཉིས་མེད་ཞི་བར་རྟོགས། །ཀུན་ལ་བསྔགས་པས་གསང་སྔགས་སོ། །མན་ནི་རྨི་ལམ་སྒྱུ་མ་བཞིན། །ཏྲ་ནི་དེ་ལ་གནས་མེད་གསལ། །སྒྱུ་མ་རབ་ཏུ་མི་གནས་དོན། །དབྱེར་མེད་མཐོང་བ་གསང་སྔགས་དོན། །མན་ནི་འཁོར་བའི་རྒྱུ་འབྲས་ཏེ། །ཏྲ་ནི་སྤྲོས་བྲལ་མྱ་ངན་འདས། །གསང་བའི་སྙིང་པོ་གཉིས་མེད་ཤེས། །སྤང་སྒྲུབ་བྲལ་བ་གསང་སྔགས་སོ། །མན་ནི་སེམས་དག་ངོ་བོ་ལ། །ཏྲ་ནི་སྣ་ཚོགས་རིག་པའི་ཡུལ། །ཡུལསེམས་སྣང་ལ་མ་འགགས་པ། །གསལ་ལ་རྟོག་མེད་གསང་སྔགས་སོ། །མན་ནི་སྐྱེད་བྱེད་རྒྱུ་ཡི་ཆོས། །ཏྲ་ནི་འབྲས་བུ་སྨིན་པའི་དོན། །རྒྱུ་འབྲས་མཉམ་པ་གསང་བའི་སྒྲུ། །མ་བསྒྲུབས་སོ་སོར་གྲུབ་བྱེད་སྔགས། །མན་ནི་བདག་ཉིད་ཁོ་ན་སྟེ། །ཏྲ་ནི་ཕ་རོལ་གཞན་པ་པོ། །གཉིས་འཛིན་བྲལ་བས་གང་སྦྱོར་ཞིང་། །མཉམ་པར་རབ་སྤྱོད་གསང་སྔགས་སོ། །མན་ནི་ཀུན་རྫོབ་བདེན་པར་སྣང་། །ཏྲ་ནི་དོན་དམ་བདེན་པར་ཤེས། །འཁྲུལ་པ་དང་ནི་ཡང་དག་གི །དོན་ཤེས་མི་འདའ་གསང་སྔགས་ཤེས། །མན་ནི་གསང་བའི་སེམས་ཉིད་དེ། །ཏྲ་ནི་སྟོང་ཉིད་ཡངས་པའི་དབྱིངས། །གསལ་སྟོང་ལྷན་ཅིག་སྐྱེས་པ་ཉིད། །ངོ་ཤེས་སྣང་བ་གསང་སྔགས་ཡིན། །མན་ནི་སྙིང་རྗེ་ཆེན་པོའི་ཡིད། །ཏྲ་ནི་ཤེས་རབ་ཟབ་མོའི་དབྱིངས། །མི་ཕྱེད་དེ་བཞིན་གཉིས་མེད་དོན། །རབ་རྫོགས་སྦྱོར་བ་གསང་སྔགས་ངེས། །མན་ནི་མ་འགགས་ཐབས་ཆེན་ཏེ། །ཏྲ་ནི་མ་སྐྱེས་ཤེས་རབ་དངོས། །ཟུང་འཇུག་ལམ་ལ་རབ་བཞུགས་པ། །ངེས་དོན་ཕྱིན་པ་གསང་བའི་སྔགས། །མན་ནི་གཞི་ཚུལ་བསྐྱེད་རིམ་ཏེ། །ཏྲ་ནི་དེ་དག་རྫོགས་རིམ་དོན། །བསྐྱེད་རྫོགས་ཐུན་མོང་དུས་བཞིར་སྦྱོར། །སྲིད་པའི་གནས་སྦྱོང་གསང་སྔགས་སོ། །མན་ནི་ཉོན་མོངས་ཞི་བར་གནས། །ཏྲ་ནི་ལྷག་པའི་ཡེ་ཤེས་མཐོང་། །ཚུལ་གཉིས་རྗེས་འགྲོ་བཟློག་པར་སྣང་། །རབ་ཏུ་ངེས་པ་གསང་སྔགས་ཡིན། །མན་ནི་གནས་གསུམ་མཉམ་པར་གཞག །ཏྲ་ནི་རྗེས་ལ་བརྟན་པ་ཐོབ། །ཕྲ་རགས་རྟེ་ག་པ་ལམ་དུ་སྤྱོ་ད། །སྤང་བླང་བྲལ་བ་གསང་སྔགས་ཡིན། །མན་ནི་ཉོ་ན་མོ་ངས་སྒྲིབ་བྱེད་པ། །ཏྲ་ནི་ཤེས་བྱའི་སྒྲིབ་པ་ཙམ། །བག་ལ་ཉལ་དང་ཀུན་ནས་ལྡང་། །སྐད་ཅིག་གནས་སྦྱོ་ང་གསང་སྔགས་ཡིན། །དེ་བཞིན་བསྒོ་མ་དང་སྒོ་མ་མ་ཡིན། །ཡང་དག་པ་དང་འོ་ག་པའི་ལམ། །བདེ་བར་སྣང་དང་སྡུག་བསྔལ་དང་། །ཆེ་ཆུང་སྙོ་མས་འདྲ་རིང་དང་ཐུང་། །གསལ་དང་མི་གསལ་བཟང་དང་ངན། །སྡུག་དང་མི་སྡུག་སྙན་མི་སྙན། །གདང་དང་དྲི་རོ་་བྲེ་་མི་བྲེ་། །འཇམ་རྩུབ་ལྕི་ཡང་ཚ་དང་བསིལ། །གསལ་དང་མི་གསལ་བཟང་དང་ངན། །དགྲ་གཉེན་ཉེ་རིང་ཕོ་དང་མོ་། །མཛའ་སྡུག་སྡང་དང་མཛེས་མི་མཛེས། །མཐའ་དབུས་ཕྱོ་གས་མཚམས་འགྲོ་་དང་འདུག །དགེ་དང་མི་དགེ་དཀར་དང་ནག །བྱ་དང་བྱ་མིན་བགྲོ་ད་མི་བགྲོ་ད། །གཏོང་དང་མི་གཏོང་ལེན་མི་ལེན། །དྲག་ཞན་དཀའ་དང་སླ་བ་དང་། །དེ་སོ་གས་གཅིག་ལ་གཅིག་ལྟོ་ས་ཤིང་། །གཉིས་སུ་སྣང་བ་སྔགས་ཡིན་ཏེ། །དབྱེར་མེད་རོ་་གཅིག་གསང་བའི་དོན། །དེས་ན་གསང་སྔགས་ཞེས་སུ་་བརྗོད། །གསལ་སྔགས་སྙིང་པོ་་ལུང་གི་དོ་ན། །གཉིས་སུ་ཡོ་ད་པ་མ་ཡིན་ཏེ། །དེ་ཉིད་ངེས་དོ་ན་རྟེ་གས་འདོད་པས། །དངོ་ས་པོར་གང་ཡང་མི་གཟུང་ཞིང་། །གཉིས་སུ་འཛིན་པའང་མི་བྱ་ཞིང་། །དེ་ཉིད་དོར་བར་ཡོ་ང་མི་བྱ། །ཆོ་ས་ཀུན་སྐྱོ་བ་པར་བྱེད་པའོ། །དངོས་པོ་རྙེད་པ་མ་ཡིན་ཏེ། །སྐྱོབ་པ་མེད་པའི་ཆོས་རྣམས་ལ། །བླུན་པོ་ཁ་ཅིག་སྐྱོབ་བྱེད་དོན། །སྐྱེས་བུ་ཐ་ཤལ་གྱུར་བདག །ཆོས་ཀུན་སྤང་དང་ཤེས་བྱ་ཞེས། །སྐྱེ་མེད་མཉམ་ལ་མ་དད་པར། །རྨོངས་པའི་སྐྱོན་གྱིས་མུ་ཅོར་སྨྲ། །བུས་པ་གཉིས་ལ་ཆགས་པ་སྟེ། །གཉིས་སུ་མེད་པ་མི་ཤེས་སོ། །གང་དག་ཐ་སྙད་བརྗོད་པ་ནི། །མཉམ་ཉིད་ལྷུན་རྫོགས་དོན་འདི་ལ། །མི་འདའ་གཉིས་སུ་དབྱེར་མེད་དོ། །དེ་ནི་སྒྱུ་མའི་ཡུལ་དང་མཉམ། །ཟབ་མོ་བུས་པའི་ཡུལ་མིན་པས། །གཉིས་མེད་བརྗོད་བྲལ་དོན་འདི་ལ། །བྱིས་པ་གཏི་མུག་རྨོངས་པ་རྣམས། །སྤྲོས་ལ་དགའ་ཞིང་གཉིས་སུ་འཛིན། །མ་རྟོགས་ལོག་པར་རྟོགས་པ་ཡིས། །དུད་འགྲོ་རྨོངས་པའི་ལུས་སུ་སྐྱེ། །དེ་འདྲ་རྒྱུ་འབྲས་ཀུན་སྤངས་ནས། ་གོན་ཏུ་ཡུན་རིང་འཁོར་མིན་པར། །རང་རིག་མཚན་མ་མེད་སྤྱོད་ཡུལ། །བརྗོད་བྲལ་ཐ་སྙད་ཡོངས་ཆད་པ། །རྩོལ་བྲལ་དོན་དམ་ཆོས་ཉིད་དེ། །རྟོག་གེ་ཀུན་ལས་འདས་མཚན་ཉིད། །འདུ་བྱེད་དང་ནི་དོན་དམ་བདེན། །གཅིག་དང་ཐ་དད་བྲལ་མཚན་ཉིད། །མྱ་ངན་འདས་དེ་གནས་མེད་ཞིང་། །ཆོས་ཀུན་མཚན་མ་མེད་པ་ལས། །རྩ་བ་མི་དམིགས་བཟོད་གནས་ཤིང་། །ཐ་མ་གཟུགས་མེད་སྙིང་པོ་མེད། །འདོད་ཆགས་ཞེ་སྡང་གཏི་མུག་ཞི། །ཆོས་རྣམས་འོད་གསལ་ཉིད་སྣང་གྲོལ། །ཞི་ཞིང་མི་གནས་མྱ་ངན་འདས། །དེ་ལ་དབུང་ནང་གཟུང་དུ་མེད། ཁྲེས་ལྡན་དེ་ལྟར་རྟོགས་ནས་གྲོལ། །ཆོས་རྣམས་ཐམས་ཅད་དངོས་མེད་པ། །མ་ལུས་མཚན་གཞི་མཚན་ཉིད་མེད། །སྐྱེ་བ་མེད་ཅིང་མ་འགགས་པར། །དེ་ལྟར་ཆོས་ཀུན་རིག་པར་བྱ། །ཐམས་ཅད་དངོས་མེད་ཡི་གེ་མེད། །སྟོང་ཞིང་གཟོད་ནས་དྲི་མ་མེད། །ཆོས་རྣམས་དེ་ལྟར་གང་ཤེས་པ། །གཞོན་ནུའི་ལུས་ཀྱང་སངས་རྒྱས་ཡིན། །ཇི་ལྟར་སྨིག་སྒྱུ་དྲི་ཟའི་གྲོང་། །སྒྱུ་མ་རྨི་ལམ་ཇི་ལྟར་བུར། །མཚན་མ་ངོ་བོ་ཉིད་ཀྱིས་སྟོང་། །དེ་བཞིན་ཆོས་ཀུན་ཤེས་པར་བྱ། །ཀླུང་དང་རོལ་མོ་དུད་མོ་ལས། །རྟེན་ཏེ་བྲག་ཆའི་སྐད་འབྱུང་ཡང་། །སྒྲ་དེ་ནམ་ཡང་གྲུབ་མ་མྱོང་། །ཆོས་རྣམས་ཐམས་ཅད་དེ་བཞིན་ནོ། །སྒྱུ་མའི་མཁན་པོས་སྤྲུལ་པའི་གཟུགས། །སྐྱེས་པ་བུད་མེད་རྟ་གླང་སོགས། །སྣང་ཡང་གཏན་ནས་ཡོད་མ་ཡིན། །ཆོས་རྣམས་མ་ལུས་དེ་བཞིན་ནོ། །ཇི་ལྟར་མཚན་མོའི་ཆུ་ཟླ་དག །དང་ཞིང་རྙོག་བྲལ་འོད་གསལ་ལ་ཡང་། །གཟུང་ཡུལ་གྲུབ་པ་དེ་ལ་མེད། །ཆོས་ཀུན་དེ་དང་མཚུངས་པར་གསུངས། །སྨིག་རྒྱུའི་ཆུ་ནི་ཡོད་མོད་ཀྱང་། །རྨོངས་པའི་འགྲོ་བ་བ་་བར་འདོད། །ཇི་ལྟར་བསྙགས་པ་དེ་ལྟར་མེད། །ཆོས་ཀུན་དེ་ལྟར་རྟོགས་པར་གྱིས། །ཆུ་ཤིང་རློན་པའི་སྡོང་བུ་ལ། །སྙིང་པོ་འདོད་ཕྱིར་ཤུན་པ་ཕྱེ། །ཕྱི་ནང་ཀུན་ན་སྙིང་པོ་མེད། །ཆོས་རྣམས་ཀུན་ཡང་དེ་འདྲའོ། །དེ་ལྟར་གསང་སྔགས་ངེས་པ་ཡིས། །ཡང་དག་ཉིད་ཀྱིས་ཡང་དག་ཤེས། །དེ་ཡི་མཐའ་དེ་རབ་ཤེས་ནས། །དེ་ལ་ཅི་ཡང་བཤད་པ་མེད། །གཅིག་ཤེས་པས་ནི་ཐམས་ཅད་ཤེས། །གཅིག་མཐོང་བ་ཡིས་མ་ལུས་མཐོང་། །ཇི་སྙེད་རྣམ་པ་མང་ཤེས་ཀྱང་། །དེ་ལ་དྲེགས་པ་སྐྱེ་བ་མེད། །སྟོང་བ་རྟོག་པ་མེད་པའི་ཆོས། །འདི་ནི་མཁས་པའི་ཡུལ་ཡིན་ཏེ། །བྱིས་བ་རྣམས་ཀྱི་སྤྱོད་ཡུལ་མིན། །སངས་རྒྱས་སྲས་ཀྱི་འཇུག་པའོ། །ཞི་བ་མཉམ་ཉིད་བརྡལ་བའི་ཀློང་། །འདི་ནི་བྱང་ཆུབ་སེམས་དཔའི་ས། །རྒྱལ་སྲས་སྤྱོད་པ་བསམ་མི་ཁྱབ། །སངས་རྒྱས་ཆོས་ཀྱི་རྒྱན་ཡིན་ནོ། །འདི་ནི་ནོར་བུ་ཆེན་པོ་སྟེ། །གནས་མ་ཡིན་ལ་བསྟན་མི་བྱ། །གལ་ཏེ་སྣོད་མིན་ལ་བསྟན་ན། །བདུད་རྩི་དུག་ཏུ་འགྱུར་བ་ཡིན། །འདི་ནི་ལས་མེད་འབྲས་བུ་མེད། །ལས་ཀྱི་བསྒྲུབ་པ་ཡོད་མ་ཡིན། །འཇིག་རྟེན་བྱེད་པ་མ་བྱས་ཏེ། །སུས་ཀྱང་མཛད་པ་མ་ཡིན་ཏེ། །བྱེད་པ་པོ་ཞིག་ཡོད་གྱུར་ན། །འདི་རྣམས་ཐུག་པ་མེད་པར་འགྱུར། །དེ་ལྟར་གྱུར་བའི་ཉེས་པ་ཡིས། །མཐར་ཐུག་དྲི་མ་ཅན་དུ་འགྱུར། །བྱིས་པ་བྱེད་པས་རྨོངས་པ་དག །ཆོས་རྣམས་གསོག་ཏུ་མ་ཤེས་ཏེ། །མ་ལུས་མཚན་ཉིད་གཅིག་པ་ལ། །དེ་ལ་ཐ་དད་འབྱེད་བར་བྱེད། །དངོས་ཀུན་རྨི་ལམ་ལྟ་བུ་སྟེ། །འདུས་བྱས་ཐམས་ཅད་ཡང་དག་མིན། །སྒྱུ་མ་བཞིན་དུ་མཐོང་བས་ནི། །དེ་ལ་སྙིང་པོར་མི་འཛིན་ཏེ། །བྱང་ཆུབ་བཙལ་དུ་མེད་པའོ། །དོན་ལ་ཚོལ་བ་ཤ་ཐང་ཆད། །སེམས་ཀྱི་ཐོག་པ་རྣམས་ཀྱིས་ནི། །བླ་མེད་བྱང་ཆུབ་རྟོགས་མི་ནུས། །ཆོས་ཉིད་མིང་གིས་ལུང་བསྟན་ཏེ། །ཆོས་ཉིད་རྣམས་ནི་བྱེད་པ་མེད། །རྩ་བ་མེད་ཅིང་གནས་མེད་ཅིང་། །ཐམས་་ཅད་ནམ་མཁའི་མཚན་ཉིད་དོ། །དེས་ན་ཆོས་རྣམས་ཐམས་ཅད་ཀུན། །ཡེ་ནས་གཉིས་མེད་བྱང་ཆུབ་སེམས། །ཐིག་ལེ་ཆེན་པོའི་རང་བཞིན་དུ། །མ་བཅོས་གཅིག་ཏུ་མངོན་སངས་རྒྱས། །འདི་ལྟར་ཞབྲུལ་ཏེ་སྣང་བ་ཀུན། །ཀུན་ཏུ་བཟང་པོའི་རོལ་པ་ཡིན། །སེམས་ཅན་ཁམས་དང་ནམ་མཁའི་ཁམས། །མངོན་པར་བྱང་ཆུབ་དག་པའི་ཞིང་། །སྤྱོད་ཡུལ་དངོས་ཀུན་མ་ལུས་པ། །རང་བྱུང་ཡེ་ཤེས་རང་ཤར་བའོ། །འདི་ནི་མངོན་པར་སངས་རྒྱས་སོ། །བདག་ཉིད་ཆེན་པོར་གྱུར་པའོ། །ཆོས་ཀྱི་དབྱིངས་སུ་སངས་རྒྱས་ཏེ། །དེ་ཉིད་དང་དུ་རྫོགས་པའོ། །ཐམས་ཅད་དུ་ནི་སངས་རྒྱས་ཏེ། །ཆེ་མཆོག་བླ་མེད་གྱུར་བའོ། །ཀུན་ཏུ་བཟང་པོའི་དབྱེ་བ་མེད། །སྤང་དང་དོར་བའི་རྩོལ་བ་མེད། །མ་བཅོས་ལྷུན་བཞག་འཇུག་པ་འདི། །རྡོ་རྗེ་སེམས་དཔའ་ཉིད་ཅེས་བརྗོད། །འདི་ནི་རྒྱུད་ཀྱི་རྒྱལ་པོ་སྟེ། །རང་བཞིན་མ་བཅོས་ངང་དུ་འབྲེལ། །འདི་ནི་གཞི་ཞེས་བརྗོད་པ་སྟེ། །འཁོར་འདས་མ་ལུས་དེ་ལས་བྱུང་། །འདི་ནི་ལམ་གྱི་མཆོག་ཡིན་ཏེ། །མ་བགྲོད་མཉམ་པ་ཉིད་དུ་གྲོལ། །འདི་ནི་འབྲས་བུ་ཆེན་པོའི་ས། །དམིགས་མེད་དམིགས་སུ་མེད་པར་ཐོབ། །དེ་ཕྱིར་འདི་ནི་ངེས་དོན་རྒྱུད། །རྒྱལ་བ་ཀུན་གྱི་ཐུགས་ལ་གནས། །ཆོས་རྣམས་ཐ་དད་བྱ་བ་མེད། ཁྱད་པར་མེད་ཅིང་མཚན་མེད་པར། །གང་གིས་མཐོང་ཞིང་ཐོས་བདག །དེ་དག་སངས་རྒྱས་བསྟན་པ་འཛིན། །གཉིས་རྟོགས་དངོས་པོ་མཉམ་པར་གྲོལ། །གསང་སྔགས་ངེས་པའི་དོན་ཆེན་དེ། །འདི་ནི་སངས་རྒྱས་ཆོས་དང་ནི། །དགེ་འདུན་རྣམས་ཀྱིས་བསྟན་པ་ཡིན། །འདི་ནི་རྒྱུད་ཀྱི་དོན་མཆོག་སྟེ། །ལུང་རྣམས་ཀུན་གྱི་བླ་མ་ཡིན། །འདི་ནི་གསང་བའི་མཛོད་ཡིན་ཏེ། །བདེ་བར་གཤེགས་པའི་ཐུགས་ཀྱི་གཏེར། །འདི་ནི་སེམས་ཅན་ཀུན་གྱི་སེམས། །རྣལ་འབྱོར་དམ་པ་རྣམས་ཀྱི་ལམ། །འདི་ནི་བྱང་ཆུབ་སེམས་རྣམས་ཀྱི། །རླབས་ཆེན་སྤྱོད་བས་འགྲོ་བའི་ལམ། །ཡང་དག་ངེས་པའི་ལུང་ཡིན་ཏེ། །བདེ་བར་གཤེགས་པའི་ཐུགས་ཀློང་བཏོལ། །སྣང་གྲགས་དངོས་པོ་ཐམས་་ཅད་དུ་ཀུན། །ཡེ་ནས་དབྱིངས་སུ་གཅིག་པའོ། །མདོ་རྒྱུད་རྟོག་པ་བསྡུས་བའི་སྒྲོན་མ་ལུང་ཐམས་ཅད་ཀྱི་རྒྱལ་པོ་ལས། གསང་སྔགས་ངེས་པ་དོན་གྱི་ལུང་བསྟན་པ་སྟེ་བཞི་པའོ་རྫོགས་སོ།། །།དེ་ནས་གཞན་ཡང་གནས་ལུགས་གཞི། །མ་བཅོས་ངང་དུ་བཏང་སྙོམས་ལས། །རྟག་ཏུ་མཉམ་པར་འཇོག་པ་ཡི། །གསལ་བྱེད་སྒྲོན་མའི་ལུང་འདི་བཤད། །བུ་གང་ཡང་དག་གསང་བའི་དོན། །ཐོབ་པར་འདོད་པ་སྤང་བླང་དང་། །དགག་སྒྲུབ་སྤྲོས་ལ་སོགས་པ་ཡི། །མཐའ་གཉིས་པོ་ནི་མདོར་བསྟན་ཏེ། །གཉིས་སུ་མེད་པ་མཉམ་གནས་བྱ། །འདུ་ཤེས་འདི་ནི་སྤང་མཉམ་དུ། །གང་གིས་འདུ་ཤེས་འབྱུང་བ་ནི། །འདུ་ཤེས་སྤྲོས་ལ་སྤྱོད་པ་སྟེ། ཁྲེས་པ་ཙམ་ལས་དེ་མི་ཐར། །འདུ་ཤེས་ཀྱི་ནི་ཀུན་ཤེས་ཕྱིར། །འཛིན་པ་ཡང་ནི་དེ་བསྟན་ཏེ། །ཡང་དག་འདུ་ཤེས་མི་འཛིན་པ། །དབེན་པའི་དོན་དུ་རབ་ཏུ་བསྟན། །གཅིག་ཏུ་དབེན་པར་གང་སེམས་པ། །ནམ་ཞིག་སེམས་དཔའ་མེད་པར་འགྱུར། །བསམ་པ་དག་ལ་མི་སེམས་ན། །བསམ་པ་ཉིད་ཀྱང་མེད་པར་འགྱུར། །ཆོས་ཀུན་སྒྱུ་མ་ལྟར་ཤེས་ན། ཁྲེས་བཞིན་དྲན་པས་ཟིན་པ་ཡིས། །བཏང་སྙོམས་འདུ་ཤེས་རབ་གཞག་ནས། །དང་པོ་ལས་ཀྱི་ལམ་མཆོག་ཡིན། །ཆོས་རྣམས་འདི་དག་བསམ་མི་ཁྱབ། །བསམ་དང་བླང་བྲལ་རང་བཞིན་ཞི། །དེ་ཉིད་མཚན་མར་རབ་ཤེས་ན། །རྐང་གཉིས་གཙོ་བོ་སངས་རྒྱས་མཐོང་། །དེ་ཉིད་སྐྱེ་འཕོར་གྱུར་པ་ན། །སེམས་བཞིན་དུ་ནི་བསྒྱུར་བ་མེད། །སེམས་ལ་དབང་ནི་ཐོབ་པ་ན། །དེ་དག་ལུས་ནི་འོད་གསལ་ལོ། །ཏིང་འཛིན་མཉམ་པ་མེད་པ་ཡིས། ཁེན་ཏུ་བལྟ་དཀའ་ཕྲ་ཞིང་ཟབ། །འདུ་ཤེས་ཐམས་ཅད་སྤངས་པ་སྟེ། །དེ་ཕྱིར་ཏིང་ངེ་འཛིན་ཞེས་བྱ། །རྟོག་པ་མེད་ཅིང་རྣམ་རྟོག་མེད། །གཟུང་བ་མེད་ཅིང་བསྟན་དུ་མེད། །དམིགས་མེད་ཐོགས་པ་མེད་པ་སྟེ། །དེ་ཕྱིར་ཏིང་ངེ་འཛིན་ཞེས་བྱ། །དེ་ལ་ནམ་ཞིག་མཉམ་གཞ་ག་སྟེ། །ཆོས་ཀུན་ལ་ནི་རློམ་སེམས་མེད། །མ་ཡེངས་པ་ཡིསཇིབཞིནལྟ། །དེཕྱིཏིངངེ་འཛིན་ཞེས་བྱ། །སྐྱོན་ཡོན་རྩོལ་བ་གཞན་དག་གིས། །མ་བཅོས་སུས་ཀྱང་མ་བྱས་པར། །རང་གི་ངང་གིས་གསལ་བཞིན་ན། །ཐ་སྙད་ཙམ་དུ་བསྒོམ་ཞེས་བྱ། །སྐྱེས་ཤིང་འཆི་བས་བསྣལ་འགྱུར་ཞིང་། །སེམས་ལ་སྐྱེ་མེད་འཆི་འཕོ་མེད། །གང་གིས་དེ་ལྟར་གང་རིག་པ། །དེ་ཡི་ཏིང་འཛིན་རྙེད་མི་དཀའ། །སྟོང་པའི་ཆོས་ལ་བདག་བཟོད་བཞིན། །སེམས་ཅན་ཡང་དག་མི་རྟོག་ཅིང་། །ཆོས་ལའང་རྟོག་པར་མི་བྱེད་པར། །འཇིག་རྟེན་ན་ནི་དེ་མཉམ་གཞག །བསམ་གཏན་བྱེད་ཅིང་བསམ་མི་གནས། །དེ་ཡང་རྣམ་པར་མི་སེམས་པ། །མཉམ་གཞག་ཆོས་རྣམས་རབ་ཏུ་ཤེས། །བསམ་གཏན་འདུ་ཤེས་ཅི་བདེ་བ། །མི་མཐུན་པོ་ནི་དབྱེར་མེད་པས། །མཚོན་རྟོག་ལྡན་པ་མི་སྤང་སྟེ། །དེ་ཉིད་ལ་ཡང་རྟེན་མི་འཆའ། །ཐོབ་བྱ་མངོན་དུ་བྱ་བ་མེད། །འདི་ནི་རང་བྱུང་ཡེ་ཤེས་ཏེ། །ཏིང་ངེ་འཛིན་ཞེས་ཐ་སྙད་བརྗོད། །བྱང་ཆུབ་དོན་དུ་གཉེར་བས་ཀྱང་། །ཏིང་ངེ་འཛིན་འདི་བསྒོམ་པར་བྱ། །གང་གིས་ཏིང་འཛིན་འདི་ཐོབ་པ། །དེ་ནི་སྐྱེ་བོའི་ས་་ལམ་འཕགས། །གང་གིས་ཏིང་འཛིན་ལམ་བསྒོམས་པའི། །བསོད་ནམས་ཕུང་པོ་དེ་ལ་ནི། །ཚད་གཟུང་ཡོད་པ་མ་ཡིན་ནོ། །ཡོན་ཏན་དཔག་མེད་དེ་དག་ནི། །ནམ་ཞིག་ཉོན་མོངས་བསལ་གྱུར་ནས། །དེ་ཚེ་རྫུ་འཔྲུལ་དེ་དག་ཐོབ། །ཉོན་མོངས་བསལ་ཡང་མི་ཞི་ཞིང་། །དག་ཅིང་དང་བ་འོད་གསལ་བ། །མི་འཁྲུགས་འདུས་མ་བྱས་པ་ནི། །རིག་པ་འཛིན་པའི་སྤྱོད་ཡུལ་ལོ། །ཟད་མི་ཤེས་ཤིང་ཉེ་བར་གནས། །ལྷུན་གྱིས་གྲུབ་ཅིང་བསྟན་དུ་མེད། །རྙོག་པ་མེད་པ་ཡང་དག་མཐའ། སངས་རྒྱས་ཀུན་གྱི་སྤྱོད་ལུལ་ལོ། །ཏིང་ངེ་འཛིན་གྱི་དོན་རིག་ནས། འཇིག་རྟེན་ཆོས་ཀྱིས་མ་གོས་པ། །དེ་ནི་དེ་ལ་མི་ཆགས་ཏེ། །ལུས་ནི་ཐེགས་པ་མེད་པར་ཡང་། །སངས་རྒྱས་ཞིང་དུ་འགྲོ་བར་བྱེད། །ནམ་མཁའ་ལ་ནི་བྱ་རྗེས་བཞིན། །དེ་དག་རྙེད་པར་མི་འགྱུར་ཏེ། །དེ་འདྲའི་རང་བཞིན་བྱང་ཆུབ་དེ། །བྱང་ཆུབ་སེམས་དཔས་རྟོགས་པར་འགྱུར། །སུ་དག་ཆོས་ཀྱི་སྐུར་ལྟཇ་བ། །དེ་དག་གིས་ནི་འདྲེན་པར་མཐོང་། །རྫོགས་པའི་སངས་རྒྱས་ཆོས་ཀྱི་སྐུ། །དེ་ནི་སངས་རྒྱས་མཐོང་བའོ། །དཔའ་བོ་ཆེན་པོ་ཆོས་ཀྱི་སྐུ། །སྐུ་ནི་ཆོས་ལྔས་སྐྱེས་པ་སྟེ། །གཟུགས་ཀྱི་སྐུ་ནི་ནམ་དུ་ཡང་། །རྒྱལ་བས་བཞག་པ་ཡོད་མ་ཡིན། །དེ་ལྟར་མཉམ་ཉིད་ཁང་ཆེན་དུ། །རིག་པ་མཉམ་ཉིད་ཆེར་བཞག་པས། །གོམས་ཤིང་གདེང་དང་ལྡན་པ་ཡིས། །སེམས་ལ་དབང་ཐོབ་གྱུར་པ་ན། །གཡོ་དང་མི་གཡོ་སྣང་བ་མེད། །བྱང་ཆུབ་སེམས་ཀྱི་དོན་མཐར་ཐུག །གང་ཞིག་རྣམ་པར་མི་རྟོག་དོན། །བསྟན་དུ་མེད་ཅིང་བརྗོད་བྲལ་བ། །རང་གི་བློ་ཡིས་མཐོང་ཞེ་ན། །དེ་ནི་ཉམས་མྱོང་ཆ་ཡིན་ཕྱིར། །ཟག་པའམ་བཟུང་བ་དང་བཅས་པས། །དེ་ནི་བདེན་པའི་དོན་མཐོང་མིན། །དེ་ཕྱིར་གསང་བའི་དོན་མཐའ་ལ། །བདེན་པ་ཉིད་ཀྱང་མཐོང་མེད་ན། །བརྫུན་པ་ཉིད་ཀྱང་ག་ལ་༄༅། མཐོང་། །མཐོང་བྲལ་ལམ་ལ་མཐོང་ཞེས་བརྗོད། །འདི་ལ་མཐོང་དང་མཐོང་བྱ་མེད། །དེ་ཕྱིར་ཡུལ་གྱི་མཐོང་ཞེན་མེད། །དེས་ན་ཆགས་དང་ལྡན་པ་མེད། །དངོས་པོར་སྣང་ཡང་རྡོས་མི་སྣང་། །བྲལ་དང་གནས་པའི་ཤེས་པ་གང་། །བློ་ཡི་མདུན་ན་མི་གནས་པ། །གདེང་ཆེན་རྙེད་པ་དྲོད་ཡིན་ནོ། །གདེང་ཆེན་ཐོབ་པའི་རྣལ་འབྱོར་པས། །སྦྱོད་པའང་དེ་བཞིན་གཉིས་མེད་པར། །འགག་མེད་སྟོབས་ཀྱིས་སྤྱད་བྱ་སྟེ། །མཁའ་ལ་སྒྱུ་མའི་གར་མཁན་བཞིན། །འདི་ལ་སྤང་བྱ་ཡོད་མ་ཡིན། །མི་བླང་པ་ཡང་གང་ཡང་མེད། །འདི་ལ་མི་སྦྱད་གང་ཡང་མེད། །མི་ཤེས་པ་ཡང་ཡོད་མ་ཡིན། །མི་སྒྲུབ་པ་ཡང་མེད་པ་སྟེ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཉོན་མོངས་ལྔ། །ཐབས་ཀྱིས་ཟིན་དང་རང་བཞིན་ཤེས། །ཉོན་མོངས་ཆེན་པོ་མི་སྤང་སྟེ། །དེ་བས་སྤང་བར་བྱ་བ་མེད། །དེ་མ་རྟོགས་པས་བདག་ལྟར་བཅིངས། །རྒྱལ་བས་དགོངས་པའི་ཚིག་ལ་བརྟེན། །བག་མེད་པས་ནི་ཉོན་མོངས་སྤྱོད། །འགྲོ་བ་དྲུག་ཏུ་འཁྱམ་པར་འགྱུར། །བྱང་ཆུབ་སེམས་ཀྱི་ཁུ་བ་ནི། །དཀར་དམར་གཉིས་དང་བཤང་དང་གཅི། །ཤ་ཆེན་པོར་ནི་གྱུར་པ་རྣམས། །རིགས་ལྔ་ཡེ་ཤེས་ལྔ་རང་བཞིན། །འཕགས་པ་མཆོད་དང་དབང་བསྐུར་དང་། །བདུད་རྩི་མྱེད་དང་ཟློག་པའི་ཕྱིར། །ཆོས་རྣམས་མཉམ་པའི་བརྟུལ་ཞུགས་ཀྱིས། །དང་དུ་བླང་བར་བྱ་བ་ཡིན། །ཚིག་ཙམ་ལ་པ། །གཉིས་སུ་མེད་པའི་ཚུལ་ཁྲིམས་མཆོག །འདི་འདྲའི་གསང་དོན་མི་ཤེས་པས། །སྡིག་པ་འབའ་ཞིག་དགེ་བ་མེད། །འཁོར་བའི་ས་བོན་རྣམ་པར་ཤེས། །ས་བོན་ཡོད་ན་འབྲས་བུ་འབྱུང་། །རྩིག་པ་ཡོད་ན་རི་མོ་བཞིན། །ཡོངས་སུ་ཤེས་ན་འགག་པར་འགྱུར། །རང་གི་སེམས་ནི་མ་མཐོང་བས། །ལྟ་བའི་འདྲ་བར་འཇུག་པར་འགྱུར། །ང་རྒྱལ་ཁངས་པ་འཁྲུལ་རྗེས་རྟོག །སྲེད་ལེན་མ་རིག་མདུད་པས་བཅིངས། །ཉིན་མཚན་འདོད་པའི་ཡོན་ཏན་སེམས། །དེ་དག་ལྷས་དང་གྲོང་ཁྱེར་རྒྱུ། །སེམས་ཅན་ཡོངས་སུ་གྲོལ་ཞེས་སྨྲ། །འགྲོ་ལ་སྙིང་བརྩེ་བདག་ལ་ཡོད། །ཀུན་ལ་ཕན་སེམས་དེ་བཞིན་ཏེ། །ཞེ་སྡང་འདོད་ཆགས་སྲེད་སེམས་ཀྱིས། །ཆོས་ཉིད་འཚོ་བའི་ཚུལ་ཅན་བརྗོད། །འཚོ་དང་སྙིང་རྗེ་འདུས་པ་ནི། །ནམ་ཡང་ཡོད་པ་མ་ཡིན་ནོ། །དེས་ན་དེ་དག་ལོག་པའི་ཕྱིར། །སྣ་ཚོགས་ཐབས་ཀྱིས་འདུལ་བའི་ཐབས། །ཐོག་མ་མེད་ནས་འཁོར་བ་ན། །བྱིས་པ་དངོས་ལ་ཞེན་པ་ཡི། །གསང་བའི་དོན་གྱི་སྣོད་མིན་ལ། །བྱམས་པའི་ཐུགས་རྗེས་བཟུང་ནས་ཀྱང་། ཤེང་ལོའི་གཟུགས་ཀྱིས་བྱིས་པ་རྣམས། །བྲིད་ནས་འཛིན་པ་རྣམ་པར་བཟློག །དངོས་པོའི་དོན་གྱིས་བཟུང་རྣམས་ལ། །འཁོར་བའི་རང་བཞིན་བརྗོད་པ་ཡིས། །སྐྱེ་བ་ཆེན་པོས་རབ་བསྐུལ་ནས། །དམ་པའི་དོན་ལ་གཟུད་པར་བྱ། །གསུམ་ལ་སོགས་པ་སྐྱབས་འགྲོ་ཞིང་། །བྱང་ཆུབ་སེམས་ཀྱི་རྣམ་པར་སྦྱིན། །ཕ་རོལ་ཕྱིན་དྲུག་སྤྱོད་པ་ལ། །གསང་མཆོག་གཞུང་དུ་དབང་བསྐུར་ཏེ། །ཡོངས་སུ་རྫོགས་ཤིང་སྤྲོ་བ་ལ། །བསྐྱེད་དང་རྫོགས་པའི་རིམ་པ་བསྟན། །རྩ་དང་རླུད་དང་བྱང་ཆུབ་སེམས། །མི་ཤིགས་ཐིག་ལེའི་དོན་རྟོགས་ནས། །གསང་ཆེན་མཉམ་པ་ཆེན་པོ་ཡི། །མཐའ་ལས་བཀྲོལ་ཏེ་ཀློང་དུ་བསྐྱལ། །འདི་ནི་འཇིག་རྟེན་འདས་པ་ཡི། །དངོས་གྲུབ་མཆོག་གི་བསྙེན་པ་སྟེ། །སྐྱེས་མཆོག་ཆོས་ཀྱི་རྒྱལ་པོ་ཆེ། །རྒྱལ་བའི་རྒྱལ་ཚབ་རྣམས་ལ་བཤད། །འདི་ནི་ལུང་གི་ལུང་ཆེན་ཏེ། །ཟབ་པའི་འཇུག་པ་བླ་ན་མེད། །གསང་བ་ལས་ཀྱང་ཆེས་གསང་སྟེ། །གསང་བ་ཆེན་པོའི་མཆོག་གྱུར་བའོ། །མཐའ་ཡས་མངོན་པར་བར་མཐོང་བ་སྟེ། །མཐར་ཐུག་གནས་སུ་ཕྱིན་པའོ། །འདི་ཡིས་ཕྱི་ནང་ཐམས་ཅད་དུ། །སྣང་གྲགས་སྲིད་དང་ཞི་བ་ཀུན། །མཉམ་གྲོལ་ཆེན་པོའི་ཀློང་ནང་དུ། །ཐམས་ཅད་མ་ལུས་བརྡར་ཤ་བཅད། །དེ་ལྟར་རྒྱལ་བ་མ་ལུས་པའི། །དགོངས་རྒྱུད་གཅིག་ཏུ་བསྡུས་པ་ནི། །ལུང་མཆོག་འདི་སྟེ་དུས་གསུམ་གྱི། །རྒྱལ་བས་སེམས་ཅན་དོན་འདུས་ཕྱིར། །མདོ་དང་རྒྱུད་དང་རྟོག་པ་ལས། །ཡང་དང་ཡང་དུ་བསྟན་ཏེ་གསུངས། །རྡོ་རྗེ་སེམས་དཔའ་བླ་མེད་པ། །རྡོ་རྗེ་ཆོས་ནི་རྒྱལ་པོ་སྟེ། །རིགས་འཛིན་མི་ཡི་ཐོད་པ་ཅན། །གཙོ་ཆེན་བྱང་ཆུབ་སེམས་དཔའ་ཡིས། །རྒྱལ་པ་རྣམས་ལ་ཡང་ཡང་ཐོས། །སྙིགས་དུས་འགྲོ་ལ་ཕན་པའི་ཕྱིར། །རྒྱུད་ལས་ལུང་དུ་ཕྱུང་འདི། །མཁའ་འགྲོ་རྣམས་ལ་བརྒྱུད་ནས་ནི། །མ་འོངས་རྣལ་འབྱོར་སྐལ་ལྡན་གྱི། །ཐུགས་ཀྱི་དཀྱིལ་དུ་གསུང་དོན་རྣམས། །མ་ནོར་རྒྱུད་དུ་གསལ་བར་འགྱུར། །མདོ་རྒྱུད་རྟོག་པ་བསྡུས་པའི་སྒྲོན་མ་ལུང་ཐམས་ཅད་ཀྱི་རྒྱལ་པོ་ལས། གསལ་བར་བྱེད་པ་སྒྲོན་མའི་ལུང་བསྟན་པ་སྟེ་ལྔ་པའོ་རྫོགས་སོ།། །།བཅོམ་ལྡན་འདས་བདེ་བ་གཤེགས་པ་ཐམས་ཅད་འདུས་པའི་ཐུགས་རྗེ་དཔྱང་ཐག་གི་གནས།མཛད་པ་ལྷའི་ཆོ་འཕྲུལ་འཕྲིན་ལས་མཐར་ཕྱིན་པའི་བསྒྲུབ་པ། གསང་སྔགས་ངེས་པའི་དོན་གསལ་བར་བྱེད་པའི་སྒྲོན་མ། མདོ་རྒྱུད་ཀྱི་རྟོག་པ་བསྡུད་པ་ལུང་ཐམས་ཅད་ཀྱི་རྒྱལ་པོ་ཆེན་པོ་རྫོགས་སོ།། །།རྒྱ་གར་གྱི་མཁན་པོ་སློབ་དཔོན་ཆེན་པོ་པདྨ་འབྱུང་གནས་དང་། བོད་ཀྱི་ལོ་ཙ་བ་བི་རོ་ཙ་ན་བདག་གིས་བསྒྱུར་ཞིང་ཞུས་ཏེ་གཏན་ལ་ཕབ་པའོ། །རྒྱལ་པོའི་བླ་དཔེའོ། །གཏེར་རྒྱ། སྦས་རྒྱ། གཏད་རྒྱའོ།། །།