Ngb-pt-0615-vol-07-text
Front[edit]
Body[edit]
གསུམ་པའོ།། །།སྒྱུ་འཕྲུལ་དྲ་བའི་ཡེ་ཤེས་སྙིང་པོའི་གསང་བའི་རྒྱུད་ཅེས་བྱ་བ་རྫོགས་སོ། ། རྒྱ་གར་སྐད་དུ། ཏནྟྲ་རྭ་ཛ་མ་ཧྭ་མ་ཡ་ག་སྟོ་ཀུ་ལ་ནཱ་མ། །བོད་སྐད་དུ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་སྙིང་པོ་བཀོད་པ་ཞེས་བྱབ། །བཅོམ་ལྡན་འདས་ཞི་ཁྲོ་རང་སྣང་གི་ལྷ་ལ་ཕྱག་འཚལ་ལོ། །འདི་སྐད་བདག་གི་བཤད་པའི་དུས་གཅིག་ན། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། །གསུང་དང་། །ཐུགས་རྡོ་རྗེ། །ཡོན་ཏན་འཕྲིན་ལས་སུ་ལྷུན་གྱིས་གྲུབ་པའི་ཡེ་ཤེས། །སངས་རྒྱས་ཐམས་ཅད་ཀྱི་མངའ་བདག །དཔལ་ཀུན་ཏུ་བཟང་པོ་རང་སྣང་བའི་སྐུ། །དཀར་དམར་མཐིང་ཀའི་ཞལ་གསུམ་དུ་སྣང་བ་རྡོ་རྗེ་དང་། །འཁོར་ལོ་དང་། །རིན་པོ་ཆེ་གཡས་ན་འཛིན་པ། །པདྨ་དང་། །དྲིལ་བུ་དང་། །རལ་གྲི་གཡོན་ན་འཛིན་པ། །རྡོ་རྗེ་སྐྱིལ་མོ་ཀྲུང་གི་ཀུན་ཏུ་བཟང་མོ་དང་འདུ་འབྲལ་མེད་པ་དེ་ཉིད་ཀྱི་ཁྱད་པར་ལས། །རྡོ་རྗེ་འཆང་རིན་པོ་ཆེ་འབྱུང་བ་དང་། །ཆོས་ཀྱི་དབང་ཕྱུག་དང་། ། དོན་ཡོད་པའི་དཔལ་དང་། །རྣམ་པར་སྣང་མཛད་དང་། །སངས་རྒྱས་སྤྱན་དང་། །མ་མ་ཀི་དང་། །གོས་དཀར་མོ་དང་། །སྒྲོལ་མ་དང་། །ཆོས་ཀྱི་དབྱིངས་མ་དང་། །གཞན་ཡང་སའི་སྙིང་པོ་དང་། །ནམ་མཁའི་སྙིང་པོ་དང་། །སྤྱན་རས་གཟིགས་དང་། །ཕྱག་ན་རྡོ་རྗེ་དང་། །ལྭ་པྱ་དང་། །མ་ལེ་དང་། །གི་རྟི་དང་། །ནི་རྟི་དང་། །བྱམས་པ་དང་། །ཀུན་ཏུ་བཟང་པོ་དང་། །འཇམ་དཔལ་དང་། །སྒྲིབ་པ་རྣམ་སེལ་དང་། །མེ་ཏོག་མ་དང་། །སྤོས་མ་དང་། །མར་མེ་མ་དང་། །དྲི་ཆབ་མ་དང་། གཞན་ཡང་ཐུབ་པ་ཆེན་པོ་སྲིད་ཐུབ་འཛིན་དང། །ཐུབ་པ་ཆེན་པོ་རྣམ་པར་རྒྱལ་བ་དང་། ཁྲ་ཀྱ་སེང་གེ་དང་། །རྣམ་པར་གནོན་དང་། །རྣམ་པར་སྣང་བྱེད་དང་ཆོས་ཀྱི་རྒྱལ་པོ་དང་གཞན་ཡང་སྟོབས་པོ་ཆེ་དང་། །གཤིན་རྗེ་གཤེད་དང་། །རྟ་མགྲིན་དང་། །བདུད་ཙི་འཁྱིལ་བ་དང་། །ལྕགས་ཀྱུ་དང་། །ཞགས་པ་དང་། །ལྕགས་སྒྲོག་དང། །དྲིལ་བུ་དང་། །དེ་ལྟ་བུ་འཁོར་དང་བཅས་པར་གནས་སོ། །དེ་དག་ཀྱང་བདེ་སྟོང་དབྱེར་མེད་པའི་གནས། །ཡེ་ཤེས་ལྔའི་རང་བཞིན་འཕྲིན་ལས་ལྷུན་གྱི་གྲུབ་པའི་གནས་ན། འགྲོ་བའི་དོན་མཛད་པ་མི་འགོག་པར་གནས་པའི་ཚེ་ན། །ནམ་མཁའ་ལས་ཆོས་ཉིད་ཀྱི་སྒྲ་དེ་ཡོངས་སུ་གྲག་གོ། །མ་རིག་རྨོངས་པ་སྒྲོན་མེས་གསལ་བའི་ཕྱིར། །གནས་ལུགས་རང་བཞིན་ཞི་ཁྲོ་དང་། །གདུལ་བྱ་སྦྲུལ་པའི་ཞི་ཁྲོ་དང་། །ཕུང་པོ་རང་རྒྱུད་ཞི་ཁྲོ་དང་། །གཞི་ལམ་འབྲས་བུའི་བདག་ཉིད་རྣམས། །ཐབས་ལ་མཁས་པས་གསུང་དུ་གསོལ། །ཅེས་ཡོངས་སུ་སྒྲོགས་སོ། །དེའི་ཚེ་བཅོམ་ལྡན་འདས་དེ་ཉིད་ཞལ་བཞད་པ་འོད་ཟེར་ལས། །སྟོད་པ་ཉིད་ཀྱི་གླུ་འདི་གྲག་གོ། །གནས་མེད་གནས་ལ་འོད་གསལ་བ། །རང་འབྱུང་ཡེ་ཤེས་འོད་གསལ་སྐུ། བྱ་བྱེད་མེད་པའི་སྐུ་སྣང་བ། །སྒྱུ་མའི་མིག་ཞབྲུལ་རྣམ་པར་སྣང་། །ཟག་བཅས་གདོས་པའི་ཁུང་པོ་ཡང་། །མ་སྐྱེས་སྙིངཔོ་ཆོས་ཀྱི་སྐུ། །བྱུང་བགྲོད་གནས་པར་གང་སྣང་བ། །འབྲས་བུ་ཉིད་དུ་ངེས་པའི་ལམ། །ཞེས་གསུངས་སོ། །སྒྱུ་འཕྲུལདྲ་བའི་སྙིང་པོ་བཀོད་པ་ལས། །རྒྱུ་དང་རྐྱེན་གྱི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་གནས་ལུགས་རང་བཞིན་གྱི་ཏིང་ངེ་འཛིན་ལ་ཞུགས་ཏེ་འདི་གསུངས་སོ། །ཆོས་ཀྱི་དབྱིངས་ཀྱི་ཕོ་བྲང་ནི། །སྟོང་ཉིད་རྣམ་དག་ཆོས་ཀྱི་དབྱིངས། །བེམ་སྟོང་དངོས་བྲལ་གདོལ་བ་དག། །རང་གི་ཡེ་ཤེས་རང་གདངས་ལ། །འོད་གསལ་སྟོང་པ་རྣམ་དག་གསལ། །བདེ་སྟོང་ཀུན་འབྱུང་ཟག་པ་མེད། །སྣང་སྟོང་ཡེ་ཤེས་སྙིང་པོའི་སྐུ། །མ་བཅོས་སྤྲོལ་བྲལ་བྱང་ཆུབ་སེམས། །རིག་སྟོང་མཐའ་བརྒྱད་སྤྲོས་དང་བྲལ། །སྟོང་གསལ་པདྨ་སྐྱོན་བྲལ་དང་། །སྟོང་ཉིད་སྙིང་རྗེའི་སྙིང་པོ་ཅན། །སྣང་སྟོང་རྡོ་རྗེ་ཆོས་ཀྱི་སྐུ། །སྐྱེ་མེད་དམ་བརྗིད་རྣམ་པར་ལྡན། །སྟོང་ཉིད་མ་བཅོས་ཆོས་ཀྱི་སྐུ། །མཚན་དང་དཔེ་བྱད་ལོངས་སྤྱོད་རྫོགས། །དངོས་པོ་སྣང་སྤྱོད་མངོན་བྱང་ཆུབ། །སྣང་སྟོང་དབྱེར་མེད་རྡོ་རྗེ་རྒྱ། །མ་སྤངས་གང་མོས་དེ་འདུལ་སྐུ། །མ་སྐྱེས་སྐྱེ་མེད་དེ་བཞིན་ངང་། །དགོངས་པས་སྣང་བ་བརྡ་དང་མཇལ། །རིག་མ་སྒྱུ་མས་གོ་པར་བྱེད། །གྲག་སྟོང་དབྱེར་མེད་བྲག་ཆ་འདྲ། །ཀུན་ལ་ཚིག་ཚོགས་རྣམ་པར་སྣང་། །གསལ་ལ་རྟོག་མེད་དོན་རིག་ཅིང་། །འབྱེད་མེད་ཤེས་རབ་མཉམ་པར་གནས། །བདག་མེད་དངོས་པོ་སོ་སོར་གསལ། །བྱ་བ་གང་ཡིན་མངོན་དུ་གྲུབ། །ནམ་མཁའ་ལྟ་བུ་རབ་ཏུ་རྟོགས། །རྒྱ་དང་བྲལ་བའི་ཞིང་ཁམས་དང་། །སྤྱོད་ཡུལ་དཔག་དཀའི་གཞལ་ཡས་དང་། །སྣ་ཚོགས་མ་སྤངས་ངང་གི་བརྒྱན། །ལྔ་བཙེགས་རང་སྣང་དག་པའི་གདན། །འོད་ཟེར་ཕུང་པོ་བལྟ་ན་སྡུག །ཞི་འགྱུར་དབྱིངས་ནས་ཕྱག་རྒྱ་འབར། །ཀུན་ཏུ་་མ་ལུས་ཡོངས་སུ་གང་། །འདོད་པའི་བསམ་པ་ཀུན་དང་མཇལ། །མུན་པ་དྲག་པོས་གནོད་པ་བྲལ། །ཞི་རྒྱས་དབང་དྲག་ལྷུན་གྲུབ་གནས། །མེ་ལོང་ནང་ནས་རྡོ་རྗེ་རིགས། །ཞེ་སྡང་ཅན་ལ་ཁྲོ་བར་གསལ། །མཉམ་ཉིད་དང་གནས་པདྨའི་རིགས། །ང་རྒྱ་འཛོམས་མཛད་ཞི་གནས་ཆུ། །སོར་རྟོག་ངང་ནས་པདྨའི་རིགས། །འདོད་ཆགས་སྲེག་པའི་ལྷག་མཐོང་མེ། །བྱང་ཆུབ་ངང་གནས་ལས་ཀྱི་རིགས། །ཕྲག་དོག་འདུ་བྱེད་འཐོར་བའི་རླུད་། །ཆོས་དབྱིངས་ངང་གནས་དེ་བཞིན་རིགས། །མ་རིགས་མུན་སེལ་དར་རྒུད་སྟོངས། །ཡེ་ཤེས་ལྔ་ཡི་རིགས་འཛིན་པ། །སངས་རྒྱས་ལྔ་ཡི་གདུང་དུ་གསལ། །ཉོན་མོངས་ལྔ་ཡི་ཞི་སྦྱོང་བ། །ཧེ་རུ་ཀ་ཡི་ཕྱག་རྒྱར་གསལ། །ཆོས་སྐུ་སྐྱེ་མེད་སྙིང་པོ་མྲ །རང་བཞིན་ཞི་ཁྲོ་ལྷུན་གྱིས་གྲུབ། །དཔེར་ན་ཉུངས་ཀར་མར་ཁྱབ་འདྲ། །ཏིལ་གང་ལྟ་བུ་གང་གནས་པ། །གང་གི་གང་མཐོང་དར་སྣང་བ། །སྣང་གསལ་ནམ་མཁའ་ཤར་བ་ལ། །རེ་རེ་ཞིང་ལ་རེ་རེ་སྣང་། །གཅིག་ལས་ཐ་དད་སྣང་བར་ཟད། །འབྱུང་རྒྱུ་ལིན་པར་དེར་སྣང་ངོ། །ཞེས་བརྗོད་དོ། །ཆོས་ཐམས་ཅད་རང་བཞིན་གནས་ལུགས་ཀྱི་ཞི་ཁྲོ་གསལ་བར་འགྱུར་ཏོ། །སྒྱུ་འཕྲུལ་དྲ་བའི་སྙིང་པོ་བཀོད་པ་ལས། །གཞི་དང་རང་བཞིན་གྱི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་གདུལ་བྱ་ལ་སྣང་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ། །རྣམ་དག་ཕུང་པོ་ལྔ་འཆང་བ། །ཟག་བཅས་རྒྱུ་ལ་འབྲས་བུ་གནས། །མི་བསྐྱོདརྡོ་རྗེའི་ཕྱག་རྒྱ་ནི། །ཡུལ་ལ་སྤྱོད་པས་སངས་རྒྱས་མིག། །ས་སྙིང་སྒེག་མོ་རྡོ་རྗེ་བྲན། །ཀུན་བཟང་མེ་ཏོག་མཐིང་ཀའི་རིགས། །གཤེན་རྗེ་ལྕགས་ཀྱུ་འཛིན་པ་ཡུམ། །ཞེ་སྡང་ཁོང་ཁྲེའི་ཐུབ་པ་གཉིས། །རང་གི་གདངས་ལ་རིགས་སུ་གྲུབ། །ཡོན་ཏན་རིན་ཆེན་མ་མ་ཀི། །ནམ་མཁའི་སྙིང་པོ་འཕྲེང་བ་མ། །ཀུན་བཟང་སྤོས་མེ་སྟོབས་པོ་ཆེ། །ཞགས་པ་འཆིང་མཛད་ང་རྒྱལ་རིགས་། །ཡི་དྭགས་འདུལ་བྱེད་གསེར་གྱི་མདོག། །སྣང་བ་གོས་དཀར་སྤྱན་རས་གཟིགས། །གླུ་མ་འཇམ་དཔལ་མར་མེ་མ། ཁྲ་ཀྱ་སེང་གེ་རང་གི་རིགས། །ལེ་བརྒན་པདྨ་ར་ག་ཅན། །དོན་གྲུབ་དམ་ཚིག་སྒྲོན་མ་ཆེ། །ཕྱག་ན་རྡོ་རྗེ་གར་མཁན་མ། །སྒྲིབ་པ་རྣམས་སེལ་དྲི་ཆབ་མ། །ཕྲག་དོག་ཅན་ལས་ལྗང་ཁུ་འཕྲོ། །སྣང་མཛད་དབྱིངས་མ་གཏི་མུག་འདུལ་། །ཀུན་བཟང་ཡིད་ཆོས་དཀར་གསལ་ཞིང་། །ཀུན་ལ་རིགས་བདག་མི་འགྱུར་མདོག་། །དབང་པོ་རྣམ་ཤེས་ཡུལ་དང་བཅས། །བཞི་བཅུ་ཙ་གཉིས་ངོ་བོ་ནི། །རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་འབར། །རིན་ཆེན་མྱུ་གུ་རལ་གྲི་འབར། །པདྨ་དཀར་པོ་རྡོ་རྗེ་འཛིན། །མེ་ལོང་རིན་ཆེན་འཕྲེང་བ་འདྲེན། །པི་ཝང་གར་བསྒྱུར་དུང་དུ་གསལ། །མུན་ནང་ཀླུང་ཤིང་པོ་ཏི་ཆོས། །རིན་ཆེན་སྙེ་མ་ཨུཏུལ། །སྤོས་དང་མེ་ཏོག་མར་མེ་དྲི། །ཐོད་དབྱུག་རྡོ་རྗེ་ཐོད་སྦྲུལ་འཛིན། །རྒྱ་གྲམ་བན་དྷ་ལྕ་ཀྱུ་ཞགས། །ལྕགས་སྒྲོགས་དྲིལ་བུ་ལས་བཞི་རྒྱ། །པི་ཝང་སྲེག་པས་གོ་མཚོན་སྒྲོམ། །མེ་ཆུ་པོ་ཏི་མཉམ་གཞག་འཕྲོ། །ཙ་བཙེགས་གསུམ་དང་གཉིས་རྐྱང་པ། །སྣང་བ་ཕྱེ་ན་སྣང་བ་སྟེ། །དུད་དང་ཀུ་མུ་ཉི་ཟླ་འདྲ། །བི་ཌ་བྱདང་ཀར་ཀ་རི། །ལེ་བརྒན་གསེར་སྦྱངས་ཨིགི་ནི། །གཉིས་ལས་གཉིས་འཛིན་དྲུག་ན་དྲུག །རིགས་ལས་མི་འདའ་ཆོལ་པར་འཛིན། །མ་བཅོས་མི་འདའ་མ་ངེས་འབྲེལ། །མ་སྐྱེས་མ་འགགས་ཡུལ་མཚོན་པ། །མཚན་མ་ཉེ་བར་བརྟགས་པ་དང་། །ཟིན་མཛད་མི་བསྐྱོད་འདུལ་དབང་ཕྱིར། །མཐའ་ཡས་ཐ་དད་དམ་པར་འབྲེལ། །ལས་སུ་འབྲེལ་བས་དགོངས་པ་དང་། །རྡོ་རྗེ་པདྨ་མཁའ་འགྲོ་ཡིས། །སྐྱིལ་ཀླུང་རང་བཞིན་དང་དུ་གནས། །བབས་བཞོན་བཞེངས་ཐབས་དོར་ཐབས་བགྲད། །མཉེན་ལྕུག་འཁྲིལ་ལྡེམ་གཤོན་གསལ་འཚེར། །ལྷུན་སྡུག་གཟི་བརྗིད་འབར་བ་དང་། །སྐུ་དང་གསུང་ཐུགས་ཡོན་ཏན་ལས། །མཚན་དང་དཔེ་བྱད་སྤྲད་ཀྱིས་བརྒྱན། །ཏིང་འཛིན་ཙོལ་བས་གང་དག་པ། །རྟོག་པ་ལས་མཐའ་ལྟ་བ་དང་། །འཚོ་བ་དྲན་པས་བཀྲ་ཤིས་འཁྱིལ། ཆོས་ཉིད་རྣམ་པར་འབྱེད་པ་དང་། །དགའ་བ་ཤིན་ཏུ་སྦྱང་བ་དང་། །ཏིང་འཛིན་དྲན་པ་བཏང་སྙོམས་དང་། །རྩོན་འགྲུས་མཛེས་པའི་རྒྱན་དང་ལྡན། །བཞུགས་བཞེངས་གཤེགས་གཟིགས་འཁུག་པ་དང་། དགོངས་བསྟན་རྟེན་འབྱོར་བདུད་པ་དང་། །ལྕམ་མེ་མ་ལེ་ལྷན་ནེ་བ། །ས་ལེ་ཞི་བ་ངང་ཚུལ་ཅན། །ཕྱི་ནང་མེད་པར་གསལ་ན་ངན། །ཆོས་ཀྱི་འཁོར་ལོ་བསྐོར་མཛད་ཅིང་། །ས་ཡི་ཁྱབ་པར་ཀུན་བགྲོད་ནས། །ཡོན་ཏན་ཆེ་བ་བཅོམ་ནས་གནས། །ཞེས་བརྗོད་པས། །འཇིག་རྟེན་དྲུག་ཏུ་སྐུ་གསུང་ཐུགས་ཀྱི་རྒྱུད་ཞི་བར་སྣང་ངོ། །སྒྱུ་འཕྲུལ་དྲུ་བ་སྙིང་པོ་བཀོད་པ་ལས། །ཆོས་ཉིད་བཞི་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་དྲག་པོ་རྟོགས་འཇོམས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ། །འཛིན་པའི་དབང་གིས་སྡུག་བསྔལ་ཞིང་། །གདུག་པ་སྲིད་གསུམ་འདུལ་བ་ལ། །ང་རྒྱལ་་ཆེན་པོ་བསྟན་པའི་ཕྱིར། །སྒྱུ་འཕྲུལ་དྲ་བའི་ཁྲོ་བོ་སྣང་། །རྡོ་རྗེ་ཁྲོས་པ་ཁྲག་འཐུང་མཐིང་། །ཁྲོ་མོ་དབྱིངས་ཕྱུག་འདུ་འབྲལ་མེད། །དཀར་དམར་ཞལ་དུ་ཉོན་མོངས་འདྲེན། །ཙེ་དགུ་ཙེ་ལྔ་སྟི་ར་དང་། །དྲིལ་བུ་དུང་དམར་འཇིག་རྟེན་འཆང་། ཁྲེས་རབ་འཁྱུད་པས་ཆགས་པ་སྟོབས། །སངས་རྒྱས་ཁྲག་འཐུང་ཁྲོ་མོ་འཁྲིལ། །དཀར་སེར་སྨུག་ནག་གཏི་མུག་འདྲེན། །འཁོར་ལོ་རྡོ་རྗེ་སྟ་རི་དང་། །དྲིལ་བུ་དུང་དམར་ཏྲི་ཤུལ་འཆང་། །རིན་ཆེན་ཁྲག་འཐུང་ཁྲོ་མོ་འཁྲིལ། །སྔོ་དམར་སེར་ནག་ང་རྒྱལ་གསོལ། །རིན་ཆེན་རྡོ་རྗེ་སྟི་ར་དང་། །དྲིལ་བུ་དུང་དམར་དགྲ་སྟ་རོལ། །པདྨ་ཁྲག་འཐུང་འདོད་ཆགས་འཇོམས། །ཁྲོ་མོ་དབྱིངས་ཕྱུག་ཉེར་གནས་པའི། །དཀར་སེར་དམར་ནག་བརྗིད་པ་ལ། པདྨ་རྡོ་རྗེ་སྟི་ར་དང་། །དྲིལ་བུ་དུང་དམར་རྔེའུ་ཆུང་ཅན། ལས་རབ་སྒྲ་འཐུང་ཡུམ་དངསྦྱོར། །དཀར་དམར་ལྗང་ནག་འབར་བ་ལ། །རྒྱ་གྲམ་རྡོ་རྗེ་སྟི་ར་དང་། །དྲིལ་བུ་དུང་དམར་ཐོང་གཤེལ་རོལ། །སྟག་གཟིག་དོམ་དང་མ་ཧེ་དང་། ཁྱུ་མཆོག་དྲེགས་པ་གནོན་པའི་སྟེང་། །འགྱིང་སྟབས་མཛེས་པས་ཚར་གཅོད་མཛད། །ཀ་རི་ཙེ་རི་བྲ་མོ་ཧ། །པེ་ཏ་ལི་དང་པུ་ཀ་སི། །ཀ་སྨ་རི་དང་སྨན་ཤ་ནི། །ཙསྡོ་ལི་སྟེ་མ་མོ་ཚོ། །སྔོ་སེར་དམར་དང་ནག་པ་དང་། །དཀར་སེར་ལྗང་ཁུ་མཐིང་ཀ་དང་། །སེར་སྐྱ་ལུས་ཀྱི་མདོག་འཛིན་ཅིང་། བརྙ་བྱིས་དབྱག་མདའ་གཞུར་བཅས། ། །ཁ་ཊ༷་ཆུ་སྲིན་རྒྱལ་མཚན་འཛིན། །རྡོ་རྗེ་བྱིང་ཤ་བྱིས་རྒྱུས་འདྲེན་། །དུང་དམར་རྡོ་རྗེ་བྱིས་སྙིང་་ཟ། །མཆོག་གི་མགོ་ལུས་འབྲེལ་བར་མཛད། །སེང་གེ་ཝ་སྦྱང་རྟ་གདོང་དམ། །བྱ་རྒོད་དཀང་ཀ་བྱ་རོག་དང་། །འུག་གདོང་འཇིགས་པའི་མགོ་བརྙན་སྦྲུལ། །དཀར་དམར་སེར་ལྗང་མཐིང་ཀ་དང་། །སྣ་ཚོགས་ལུས་སུ་གནས་པ་སྟེ། །ཁ་ན་རོ་འཛིན་ཞིང་གནས་བལྟ། །བྱིས་པའི་ཁོང་བལྡག་གྲི་ཁུག་འབྲལ། །ཟངས་གྲི་བསྟོ་དམར་གྱི་བཀང་། །ཞིང་ཁྲག་ཁུར་བ་ནར་སྐྱེའི་མདོག། །ཁ་ན་རོ་ཐོགས་བནྟྲ་གྲི། །རྡོ་རྗེ་ལྕགས་ཀྱུ་བནྟྲ་འཛིན། །རྟ་ཡི་མགོ་ཅན་ལྕགས་ཀྱུ་དཀར། །ཕག་གི་གདོང་པ་ཞགས་པ་བསེར། །སྦྲེ་གདོང་ལྕགས་སྒྲོག་དམར་མོ་དྲེད། །སྦྱང་གདོང་དྲིལ་བུ་ལྗང་ནག་ཁྲོ། །ཀུན་ཀྱང་ཞིང་གི་གདན་ལ་བཞུགས། །སླས་དང་བྱིན་མོ་བྲན་མོ་རྣམས། །སྲིན་མོ་ཚངས་མ་ལྷ་ཆེན་མོ། །གཏོགས་འདོད་གཞོན་ནུ་རྒྱ་བྱིན་མ། །རྡོ་རྗེ་བདུད་ཙི་ཟླ་བ་མོ། །པེ་ཅིན་སིན་མོ་ཟ་བྱེད་མ། །དགའ་བ་སྟོབས་ཆེན་རྡོ་རྗེ་མོ། །འདོད་པ་ནོར་བསྲུང་རླུད་ལྷ་མོ། །གསོད་བྱེད་མེ་མོ་ཕག་མོ་དང་། །རྒན་བྱེད་སྣ་ཆད་ཆུ་ལྷ་མོ། །ནག་མོ་སེར་མོ་དམར་ལྗང་མོ། །ཕྱི་ཡི་མཁའ་འགྲོ་རང་རྒྱུད་མ། །ནང་གི་མཁའ་འགྲོ་རང་རྒྱུད་སྟོན། །གསང་བའི་སྦྲུལ་པ་མགོ་བརྙན་མ། །བཀའ་རྟགས་རྡོ་རྗེ་རང་རྟགས་འཆང་། །ཞིང་ཀྱང་རང་གི་གདན་ལ་བཞུགས། །དཔལ་གྱི་ཕམ་ཕབས་ལྷག་མ་ལེན། །གདུག་པས་ཕྱེ་ནས་སྣང་བའོ། །རི་བོ་རྒྱ་བཅུ་ཙ་གཅིག་དག །སྣང་བར་སྟོན་པ་བདག་ཉིད་ནི། །མིང་མཚན་བརྡ་དང་ཐ་སྙད་དང་། །ཡོད་མེད་ཐེ་ཙོམ་ངེས་པ་འཇོག་། །སྦྱོར་པ་འདི་དགུ་འགྱུར་བ་ནི། །སྦྱོར་ཞེན་དངོས་གཞི་སྐྱེད་པ་དང་། །རྐྱེན་ལས་མཚན་མ་མངོན་པ་དང་། །སྦྱོར་པ་རྟགས་ཀྱི་མཚན་མ་བཅུ། །མི་རྟོགས་མ་རྨོངས་མོ་འགོག་པས། །ཞི་གནས་ལྷག་མཐོང་ཟུང་དུ་འབྲེལ། །མི་དམིགས་མ་གྲུབ་མ་སྐྱེས་པས། །གཞི་ལམ་འབྲས་བུ་རང་སར་གནས། །དགུ་སྦྱོད་རང་བཞིན་གཅིག་པ་ཡིས། །ཁྲོ་བ་དྲག་ཤུལ་དམ་རྫས་ལེན། །གང་དང་གང་ལས་གང་ཕྱིར་གང་། །ངང་ཤུག་བཅས་དང་བཅོས་པར་འགྱུར། །ཡུལ་གནས་ལས་དང་འབྲས་བུ་དང་། །རྒྱུ་དང་འབྲས་བུ་དང་ཕྱིར་འགྱུར་བས། །རྒྱུ་གནས་ཐབས་ལས་འབྲས་བུའོ། །རྫིངས་བཤིག་ཟ་དང་སྟོབས་པ་དང་། །སྡུད་དང་བདེ་དང་སྣང་བ་དང་། །མཐའ་ཡས་ཐོགས་མེད་མི་བསྐྱོད་ལས། །མི་འདའ་རོལ་པ་ཆེ་བ་ནི། །གདུལ་བྱ་རང་བཞིན་ཤེས་རབ་ཐབས། །ཐམས་ཅད་ཐུགས་རྗེ་དམ་པ་དང་། །འཕྲིན་ལས་ཡེ་ཤེས་ཆོས་ཉིད་དགོངས། ཁྲུབ་པ་དང་ནི་མཛད་པ་སྟེ། །མ་སྐྱེས་མ་རྨོངས་མི་གཡོ་བ། །མ་འགག་མ་ཆགས་མ་བཅིངས་དང་། །མི་བསྐྱོད་པ་དང་མི་ཐོགས་པ། །མ་ལུས་མི་འགྲོད་གྲུབ་པའོ། །གདུལ་བྱ་གཟིགས་དང་སྤྲུལ་པ་འགྱེད། །ཅི་གསོལ་གསན་དང་མགོན་སྐྱབས་དང་། །དུག་ཆེན་ཟད་དང་ཐིག་ཆེན་སྟོན། །སྐྱེ་ཞིང་གཅོད་དང་རྒྱུ་དྲུག་འདོན། །མཐའ་དྲུག་རྫོགས་དང་ལས་བཞིས་སྒྲོལ། །གཉེན་པ་འགྲན་ཟླ་མེད་པ་དང། །ཁྱད་འཕགས་ཆེ་བཙན་གཅིག་པུ་དང་། །འཚམ་ངམ་བསླབ་དང་རྨད་དུ་འབྱུང་། །ཐབས་མང་མ་ཕབ་མངའ་ཡང་རྫོགས། །ཀུན་ལ་རྒྱལ་དང་ཡོང་མི་ནུས། །སྐུ་གསུང་ཐུགས་དང་མཐུ་ཡི་རྗོམ། །རི་བོ་གར་ཐབས་ཁྱད་འབྱུང་སྟོབས། །ཅི་ལྟར་སྣང་བས་ཅིར་ཡང་འགྲུབ། །ཟིལ་གྱིས་གནོན་པས་འཚམ་རྔམ་ཚེག །ཞལ་དང་ལྗགས་དང་ཚེམས་དང་གསུང་། །གང་དུ་རྔུབས་པས་ཅིར་ཡང་འགྱུར། །ཡོངས་སུ་གཅོད་པས་གོ་བས་སྒྲོགས། །ནམ་མཁའི་སྐར་ཚོགས་རྒྱ་མཚོའི་རླབས། །ཙི་ཤིང་ནགས་ཚལ་གར་གྱི་འཕྲེང་། །དགོངས་པས་འཕྲིན་ལས་དེ་ཚུལ་དང་། །ཡོན་ཏན་ས་གཞི་ཐུགས་རྗེའི་དཔེ། །འབྱུང་བདུད་དུར་ཁྲོད་སྦ་བཀོང་པ། །བླ་ན་མེད་པ་ཅིར་ཡང་འགྲུབ། །གནས་དང་གནོན་པ་ཞིང་སྦྱོར་ཀྱི། ཁྱད་པར་ཚུལ་དུ་དེ་ལྟར་སྣང་། །སྐུ་གསུང་ཐུགས་ཡོན་འཕྲིན་ལས་ནི། །སེང་གེ་འབུམ་གཟུགས་འབྲུག་སྟོང་ལྡིར། །ནམ་མཁའི་གཏོས་ཆེན་ནོར་བུ་རིན་ཆེན་དང་། །འབྱུང་བ་ཆེན་པོའི་དཀྱིལ་འཁོར་རོ། །སྐུ་ཆེན་ཡན་ལག་རགས་པ་དང་། །གྲངས་མང་རྐྱེན་དང་འཚམ་པ་དང་། །བཀུར་འོས་གཙོ་བོར་མཐོང་བ་དང་། །ཁྱད་ཞུགས་ཡིད་དང་འཐད་པ་དང་། །གདངས་ཆེན་སྟོང་གསུམ་གང་བ་དང་། །ཚིག་མྱུར་ཐེ་ཙོམ་གཅོད་པ་དང་། །དོན་དམ་ཉེ་ཚེར་གཅོད་པ་དང་། ཁྱད་པར་ཡོན་ཏན་མཐོང་བ་དང་། ཡང་ལ་རེ་དོགས་མེད་པ་དང་། །གསལ་བས་མཐའ་གཉིས་སྤངས་པ་དང་། །ཐུགས་རྗེ་ཐུགས་དམ་རྫོགས་པ་དང་། །མ་སྨོས་ཐབས་ཀྱིསའདུལ་བ་དང་། །མེད་པ་ཟད་མི་ཤེས་པ་དང་། །གཅིག་ལ་འདོད་དགུར་སྟོན་པ་དང་། །གནོད་སྦྱོར་ཕན་པར་མཛད་པ་དང་། །ཐབས་མཁས་སྐྱོན་གྱིས་མ་གོས་དང་། །མི་སྙེམས་ཉམས་བག་རོལ་བ་དང་། །འཁོར་བ་ཡུན་རིང་མི་སྙེམ་དང་། །མགོན་སྐྱབས་རྒྱུན་དུ་མཛད་པ་དང་། །དགོངས་དོན་ལྷུན་གྱི་གྲུབ་པ་དང་། །ཆོས་རྒྱལ་སྙེམས་པ་མི་མངའ་དང་། །ཉམས་བག་ཆེན་པ་་རོལ་པ་དང་། །གང་གི་དཔུང་གིས་མི་སྙེལ་དང་། །ཡུན་གྱི་དོན་སྲིད་སྙེམས་པ་དང་། །སྟོབས་ཀྱིས་གཞན་གང་གནོན་པ་དང་། །རྫུ་འཕྲུལ་མི་གནས་བསྐྱེད་པ་དང་། །མ་ཟིད་པ་ཡི་མཛོད་མར་འདང་། །སྐྱེ་བོ་ཡོ་བྱད་མོས་པདང་། །རྫུ་འབྲུལ་ཆེས་དང་ཡེ་ཤེས་དང་། །སེམསཚོ་ལས་དང་སྨོན་ལམ་དང་། །མཉམ་ཉིད་སྐུ་དང་ཐུགས་ཐིགས་དང་། །གསུང་དང་འབྲེལ་བ་འཕྲིན་ལས་བརླབས། །སྒེག་པོ་དཔའ་བོ་འཇིགས་དང་། །གཤེ་དང་བཞད་དང་སྙིང་རྗེ་དང་། །རྔམ་དང་ངོ་མཚར་ཞི་བ་དང་། །བྱམས་པའི་བློ་དང་སྙིང་རྗེའི་གྲོས། །དགའ་བའི་ཐབས་དང་གཏང་སྙོམས་མོད་། །སྙིང་རྗེ་ཆོས་ཉིད་མི་འབྱེད་པ། །གྲུབ་པ་མ་སྤང་མ་གཡོས་པ་། །སྨོན་ལམ་སྤྲུལ་པ་མི་གཏོང་བ། །མ་ཆགས་པ་ཡི་སྟོབས་རྣམས་རྫོགས། །ཆོས་ཉིད་ཡེ་ཤེས་ཐུགས་རྗེ་དང་། །སྦྲུལཔའི་རྫུ་འཕྲུལ་མི་གནས་བསྐྱོད། །འདོད་པ་སྐོང་དང་མི་བཟད་འབྱུང་། །མུན་བསེལ་དང་རྒྱུན་མིའཆད། །ཅེས་བརྗོད་པས། །ཐམས་ཅད་ཁྲོ་བོའི་ཕྱག་རྒྱར་གསལ་ལོ། །སྒྱུ་འཕྲུལ་དྲ་བའི་སྙིང་པོ་བཀོད་པ་ལས། །རྟོག་འཇོམས་ཁྲོ་བོའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་རང་རྒྱུད་ཡོངས་སུ་དག་པའི་ཏིང་ངེ་འཛིན་ལ་ཞུགས་ཏེ་འདི་གསུངས་སོ། །སེམས་ཅན་ཙ་བ་མེད་པ་ནི། །སྐྱེ་རྒྱུ་མེད་པའི་སྐྱེ་བ་ཅན། །སྤང་ལ་ཤ་མོ་རྡོལ་བ་འདྲ། །སྒྱུ་མའི་ལུས་པོ་ཁོང་སྟེང་ནི། །སྙིང་པོ་མེད་པའི་པགས་པ་ཅན། །ཤིང་ཤིང་སྡོང་པོའི་འབྲས་བུ་འདྲ། །མ་རིག་རང་ནས་འབྱུང་བ་ནི། །མེ་ལོང་དག་ལ་གཡའ་གནས་འདྲ། །རྣམ་རྟོག་འཚོལ་ཀྲོ་བྱེད་པ་དང་། །ཁྱི་ཀུན་ཁྱིམ་དུ་ཞུགས་པ་འདྲ། །བག་ཆགས་སྣོད་དུ་སོགས་པ་ནི། །རྒྱལ་པོ་བང་མཛོད་ཁ་ཕྱེ་འདྲ། །རྐྱེན་ངན་འབྲས་བུ་ངན་པ་ནི། །བཟའ་རྒྱུ་མེད་པའི་ཁྱིམ་ཐབ་འདྲ། །སངས་རྒྱས་འཁོར་བར་ལྷུང་ན་ནི། །བྱ་རྒོད་གཤོག་པ་ཆག་པ་འདྲ། །སེམས་ཅན་སངས་རྒྱས་རྒྱུར་གནས་པ། །ཏིལ་འབྲུ་མར་གྱིས་ཁྱབ་པ་འདྲ། །རང་རིག་བག་ཆགས་སྒྲིབ་པ་ནི། །ཉི་མ་སྤྲིན་གྱི་ཁེབས་པ་འདྲ། །རྣམ་རྟོག་རྐུན་བུར་ལྡང་བ་ནི། །ནམ་མཁའི་ངང་ནས་སྤྱིན་བྱུང་འདྲ། །འཇིག་རྟེན་བརྟན་གཡོ་དངོས་པོ་ཀུན། །རང་བཞིན་དཀྱིལ་འཁོར་ཆེན་པོ་སྟེ། །དཀྱིལ་འཁོར་ལྡན་པའི་དཀྱིལ་འཁོར་གྱིས། །སྲིད་གསུམ་སེམས་ཅན་ཐམས་ཅད་ལ། སྲོག་ཤིང་གསུམ་དང་འཁོར་ལོ་བཞི། །བརྒྱད་དང་དྲུག་ཏུ་ལྡན་པར་གནས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །ལ་ལ་ན་དང་རེ་ས་ན། ། །ཨ་ཝ་རྙུ་ཏིའི་མཉམ་གནས་པ། །དྲི་ཆུ་ཁྲག་དང་དཀྱུས་་པར་གནས། །ཐབས་དང་ཤེས་རབ་དབྱེར་མེད་པའ། །གཡས་དང་གཡོན་དང་དབུས་ན་གནས། །སྐྱེས་བུ་བུད་མེད་གཉིས་གནས་དང་། །ཁུག་པ་ཁ་བརྒྱད་ཧར་བ་སྟེ། །པད་ཅན་དུང་ཅན་རི་མོ་ཅན། །བན་གླང་ཅན་དང་ལྕུག་ཕྲན་ཅན། །གདོང་གཅིག་མི་རེག་འཕྱར་བར་གནས། །རོ་མ་རྐྱང་མ་ཀུན་འདར་མ། །ཨ་ལི་ཀ་ལི་མཉམ་གནས་དང་། །ཐ་དད་ཡོད་པས་དམ་རྫས་རྒྱུ། །སྤྱི་བོ་མགྱིན་པ་སྙིང་དཀར་དང་། །ལྟེ་བ་ལྟེ་འོག་འགྲོ་མེད་དང་། །ཞལ་དང་ཕྲད་པ་གནས་པ་ནི། །བདེ་བ་ཆེན་པོའི་འཁོར་ལོ་དང་། །དེ་ཉིད་ལོངས་སྤྱོད་ཆོས་དང་ནི། །སྦྲུལ་པ་མེས་དང་རླུང་དང་བི། །སྟེང་ནས་སོར་དང་འོག་ནས་སོར། །ཀུམ་ལ་དབྱངས་དང་གསལ་བྱེད་ཁྱབ། །འབྲུ་བརྒྱད་དྲུག་པ་སྔགས་ཀྱི་མདའ། །ཨ་ཀ་ཙ་ཊ་ཏ་པ་ཡ་ཤ། །དགའ་བཞི་ཚོགས་པ་རྣམ་བཞི་ཚོགས་པ་ཡིས འབེབས་པར་བྱེདཔ་ཡེ་ཤེསརོ། །དཀྱིལ་འཁོར་དཀྱིལ་འཁོར་ལས་བྱུང་བ། །རིནཆེན་སྣུགཔོ་གུར་ཁྱིམ་ན། །ཆོས་ཉིད་ཡེ་ཤེས་རང་རྒྱུད་དང་། །ཡོན་ཏན་བཞི་ལས་བརྒྱད་དུ་གནས། །འོད་དབྱིབས་ཚུལ་དང་སྙིང་པོ་དང་། །ས་བོན་ཡིད་དང་ཤེས་པར་བྱ། །ཆོས་ཉིད་ལྷན་ཅིག་དུད་འགྲོ་ཟླུམ། །ཀུན་བཞི་ཨོ་གྱི་སྙིང་པོར་ལྡན། །པུ་ཏྲི་དངུལ་ཆུ་འཇོན་མར་ཙི། །ཟ་འོག་གུར་ཁྱིམ་ནང་ན་བཀྲ། །ཡེ་ཤེས་ལྷ་མོ་གྲུ་བཞི་ཡི། །ཨ་དྲི་ཧུ༷་ནི་བདེ་ཆེན་ཐུགས། ཁྲེས་སྒོ་ལེ་བརྒན་བརྒྱུད་པ་འདྲ། །ཡོན་ཏན་དམྱལ་བ་ཡི་དྭགས་ཨ༷། །ཟླ་ཁམས་གསུང་གི་རང་བཞིན་ཡིན། །དྲི་དུ་ཉོན་མོངས་ཡིད་དང་བཅས། །དམིགས་སྒྱུ་ཙ་སྐྱ་ཟིལ་ཆགས་པ། །ཟང་ཞུན་རྭ་གན་ཙི་སོང་འདྲ། །རང་རྒྱུད་དམར་ནག་ཨོ་གཤོལ་དབྱིབས། །དེ་ནི་བློ་དབུག་སྨོད་ཡིན་ཏེ། ཁྲེས་པ་གསུམ་ལ་སྙོམས་པར་འགེབས། །དྲག་པོ་ལྗང་ནག་སྒོ་ལྔའི་རྟེན། །མདོམ་དུད་ཡེ་ཤེས་སྙིང་པོའི་ཙ། །དེ་དབུས་ཡེ་ཤེས་སྙིང་པོའི་སྐུ། །དར་སྐུད་འཚལ་ཁུ་གསེར་གྱི་བླངས། །ཉི་མ་མེ་ལོང་ངར་དག་ནི། །འབྱུང་བ་བཞི་ཡི་དྭངས་མ་སྟེ། །བདེ་བའི་དངས་མ་ནམ་མཁའི་ཁམས། །འཕྲིན་ལས་བཞི་དང་བསྙེན་བསྒྲུབ་བཞི། །དབུ་རྒྱན་ཅོད་པན་འཕྲེང་བ་དང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བུམ་པ་བཟའ་བ་་དང་། །སྙིང་པོ་ལྔ་ཡི་དབང་ལྔ་དང་། །ཉན་དང་འཆད་དང་སྒོམ་སྒྲུབ་དང་། །འཕྲིན་ལས་རྡོ་རྗེ་རྒྱལ་པོ་དང་། །གསང་བ་ཆེན་པོ་བདེ་ཆེན་པོ། །ལྟ་བ་དང་ནི་སྦྱོར་པ་དང་། །སྔགས་དང་ཕྱག་རྒྱས་མཆོད་པ་དང་། །ཏིང་འཛིན་རོལ་བའི་རྒྱུར་གནས་པ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །འབྱུང་བ་ཤེས་རབ་རིགས་ཀྱི་ཡུམ། །ཆེན་པོ་རིགས་ཀྱི་དེ་བཞིན་ཏེ། །བྱང་ཆུབ་སེམས་ནི་རྡོ་རྗེ་ཚོགས། །དབང་པོས་ཡུལ་དུས་རིག་པ་རྣམས། །ཀུན་ཏུ་བཟང་པོ་དཀྱིལ་འཁོར་ལ། །བདག་ཉིད་ཆེན་པོ་ལྷག་པ་ཡིས། །ཐུགས་ཀྱི་ཡེ་ཤེས་ལྔལྟ་ཞིང་། །ཀ་ར་ན་བཅིངས་ཆོས་བདུན་གྱིས། །ནམ་མཁའི་བ་བཤོས་ཡེ་ཤེས་ནི། སྙིང་པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དགྱེས་དང་མཆོད་པར་དབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མར་རང་སྣང་པ། །རོལ་མོའི་དཀྱིལ་འཁོར་མཐའ་ཡས་མཆོག །འགྲོ་བ་ཞིང་འགྱུར་མཐའ་ཡས་འདྲེན། །འདས་པའི་གློང་ནས་མུན་པ་མཁྱེན། །མུན་པའི་གླིང་ནས་འདས་པ་ཤེས། །རང་རིག་ཡེ་ཤེས་གདངས་ལ་བཞུགས། །སྒྱུ་འཕྲུལ་དྲུ་བའི་སྙིང་པོ་བཀོད་པ་ལས། །མན་ངག་དྲ་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་དགོངས་པ་བརྡའི་ཏིང་ངེ་འཛིན་ལ་ཞུགས་ཏེ་འདི་ལ་བཞུགས་ཏེ་འདི་གསུངས་སོ། །སྟོང་ཉིད་དོན་དམ་རྒྱུ་ཡི་མཆོག །མ་འགག་ཀུན་རྫོབ་འབྲས་བུ་ཤར། །ཇི་སྙིད་སྐྱེད་པའི་རྒྱུ་མཆོག་ནི། །མ་སྐྱེས་རིག་པར་རང་འབྱུང་སྐུ། །ཀུན་རྫོབ་སྣ་ཚོགས་སྒྱུ་མའི་མཆོག །དོན་དམ་སྟོང་ཉིད་འབྲས་བུ་འབྱུང་། །དཔེར་ན་ཏིལ་མར་ཁྱབ་པ་འདྲ། །མ་བཅོས་ཡོངས་ཀྱིས་འོད་གསལ་བ། །སྟོང་ཉིད་བསྐྱེད་པའི་རྒྱུ་མཆོག་ནི། །སྟོང་ཉིད་སྙིང་པོ་བླ་ན་མེད། །ཡིད་བཞིན་རིན་ཆེན་ཕུང་པོར་གནས། །རང་བཞིན་ལྷུན་གྱིས་གྲུབ་པའོ། །མ་རྟོག་པ་དང་ལོག་པར་རྟོག །ཕྱོགས་རྟོག་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་དོན་རྣམས་ནི། །ལྔ་དང་གཉིས་དང་གཅིག་ལ་བགྲོད། །གསུམ་གྱི་སྦྱོད་ཡུལ་ཤེས་པར་བྱ། །དེ་ཤེས་ན་ནི་ཡེ་ཤེས་ཏེ། །ཕྱོགས་བཅུ་དུས་བཞི་མངོན་རྫོགས་པའི། །སྐུ་གསུང་ཡོན་ཏན་འཕྲིན་ལས་ཐུགས། །མ་ལུས་བདག་ཉིད་ཞལ་མཐོང་བ། །དབང་བསྐུར་མཆོག་གི་དམ་པ་ཡིན། །དཀྱིལ་འཁོར་ལ་གནས་དཀྱིལ་འཁོར་ཉིད། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་བས། །ཐུགས་རྗེའི་བྱིན་རླབས་ཡོངས་ཀྱི་འབྱུང་། །ཕྱོགས་དུས་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་སྒྲོལ་བ་ཡིས། །བྱ་བྱེད་མེད་པ་དཀྱིལ་འཁོར་སྤྱོད། །སྒྱུ་འཕྲུལ་སྙིང་པོ་བཀོད་པ་ལས། །གཞི་སྟེལེ་དེ་་་་ཨེ་དྲེ་་ཆེན་་ཚ་་ཤེལམ་འབྲས་བུར་བསྡུས་པ་ ་ འུ་བདུན་པའ། ། ་ནས་འཁར་ཐམས་ཅད་དགྱས་ཏ་བསྟད་པ། ། ་མའ་འ ན་པ་མཆག་ལ་དགའ། །྅ང་གསལ་ ་པའ་སྐུ་ལ་ཕྱག་འ ལ་ལ། །རྣམ་དག་ཡ་ ས་ཐུགས་ལ་ཕྱག་འཚལ་ལོ། །གྲག་སྟོང་ཆོས་ཀྱི་གདུང་ལ་ཕྱག་འཚལ་ལོ། །སྣང་བ་དངོས་མེད་གཟུགས་ལ་ཕྱག་འཚལ་ལོ། །གཉེན་གསལ་མཉམ་པའ་དབྱིངས་ལ་ཕྱག་འཚལ་ལོ། །དོན་ཡོད་གནས་པའི་དོན་ལ་ཕྱག་འཚལ་་ཞེ་ངངགྱེ་དེཞིནགཤེཆེ་་ངངམེ་་སྙི་་་ལ། ། ས་བརྗད་པས་ཉད་ལ་ཉད་ད ས་ཏ། ། ་བ ་ གས་པ་ཐམས་ཅད་མཉམ་པ་ ན་པ་ཆས་དབྱངས་ན་འགྱུར་བ་ ད་པས་སྨྲ་བསམ་ལས་གྲལ་ཏ། །རྫུ་འཕྲུལ་ ང་པ་བཀད་པ་ལས། །བསྟད་པས་མཉེས་པ་ཆེན་པོ་སྟེ་ལེའུ་བརྒྱད་པའོ། །རྫོགས་སོ། །