Front[edit]

Body[edit]

གསུངས་སོ།། །། ༄༅། རྒྱ་གར་སྐད་དུ། །དེ་བ་ཧུ་ཡེ་ཤེས་ཡ་མན་ཧྲི། །བྷ་ཏི་ཏནྟྲ་ནཱ་མ། །བོད་སྐད་དུ། །ལྷ་འདྲེ་གཉིས་མེད་ཀྱི་རྒྱུད་ཅེས་བྱ་བ། །དཔལ་ཀུན་ཏུ་བཟང་པོ་ཐིག་ལེ་ལྷུན་གྱིས་གྲུབ་པ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་དུས། །ཆོས་བཟང་ལྷ་ཡི་བདུན་ས་༄ན། །རྣམ་དག་ཡངས་པ་པདྨའི་གནས། །བདེ་བ་ཆེན་པོའི་ཞིང་ཁམས་སུ། །ཡང་དག་རྫོགས་སངས་རྒྱས་པ་ཡི། །ཀུན་ཏུ་བཟང་པོ་སྟོན་པའི་གཙོ། །འཁོར་ནི་རྫོགས་པའི་སངས་རྒྱས་ལྔ། །བསྟན་པ་ཀུན་འབྱུང་དཀྱིལ་འཁོར་དུ། །ཡོངས་ལ་ཁྱབ་པ་གདལ་བའི་གནས། །གཞི་པོ་གནད་ཤེས་འཁྲུལ་པའི་དུས། །དབང་པོ་རང་སྣང་མེ་ལོང་ལྔ། །ཡིད་ཆེས་རང་སྣང་སངས་རྒྱས་ལྔ། །ཡེ་ཤེས་གཟུང་འཛིན་རང་སར་གྲོལ། །འབེབས་དུས་མུན་པ་གློག་གི་མཚམས། །དབབ་པ་ཀུན་འབྱུང་ཀུན་གྱི་ལམ། །ཕེབས་པ་སངས་རྒྱས་ཀུན་གྱི་མེས། །ཚད་ནི་འགྱུ་བ་རང་གྲོལ་ཡིན། །རྟག་ནི་བར་སྣང་འོད་ཀྱི་གནས། །དྲོད་ཚད་གཟུང་འཛིན་རང་སར་དག །འབྲས་བུ་ཆོས་མེད་རང་སར་གྲོལ། །སངས་རྒྱས་སྐུ་ལྔའི་འཁོར་གྱི་བསྐོར། །གྲགས་པ་མ་ཡིན་སྣང་བ་ཆེ། །སྣང་ཆེན་རང་སྣང་དཀྱིལ་འཁོར་དེ། །ཀུན་འབྱུང་ཡེ་ཤེས་རིག་པའི་གནས། །གཉིས་མེད་ཡེ་ཤེས་འཛིན་མེད་གནད། །ཐིག་ལེ་ཆོས་མེད་དངོས་པོའི་གནད། །གཉིས་མེད་ཟང་ཐལ་མ་རིག་གནད། །འགྱུར་མེད་རྩེ་གཅིག་འགྱུར་བའི་གནད། །ཐིག་ལེ་ཉག་གཅིག་འཁོར་ལོའི་གནད། །ཡེ་ཤེས་རང་སྣང་འབྱུང་བའི་གནད། །སྐྱེ་མེད་ཟང་ཐལ་རྟོག་པའི་གནད། །བཙལ་མེད་རང་འབྱུང་བློ་ཡི་གནད། །ལྷུན་གྲུབ་ཡེ་ཤེས་གཞི་ནི་གནད། །འབྲས་བུ་རང་ས་འཁྲུལ་པའི་གནད། །གནད་ཀྱི་གདགས་ངག་མ་ཤེས་ན། །དགའ་བོ་གཙུག་གི་ནོར་བུ་འདྲ། །གཏན་ལ་ཕེབས་དུས་མ་ཤེས་ན། །ལོང་བས་ལོང་བ་ཁྲིད་པ་འདྲ། །ཚད་དང་རང་རྟགས་མ་ཤེས་ན། །གསེར་ལ་བུངས་ཚོང་བྱེད་པ་འདྲ། །འཁྲུལ་པའི་དུས་ཚོད་མ་ཤེས་ན། །ཁ་བྲག་ལམ་དུ་འཆོམས་པ་འདྲ། །གཞི་ཡི་གནས་ལུགས་མ་ཤེས་ན། །གྲོགས་པོ་བསྐམ་པོར་ཆུ་འཚོལ་འདྲ། །ལམ་གྱི་ས་མཚམས་མ་ཤེས་ན། །རྒྱུས་མེད་ཐང་སྟོང་ལུས་པ་འདྲ། །འབྲས་བུ་རང་སར་མ་ཤེས་ན། །རྒྱ་མཚོར་གསེར་སྦྲམ་ལྷུང་བ་འདྲ། །དེ་དོན་མ་རྟོགས་ཡ་ཡང་ཆ། །འཁོར་བའི་གནས་ལས་ཐར་པའི་ས་བོན་སྟོར། །བྱང་ཆུབ་མྱུ་གུ་རྩ་ནས་བཅད། །ཆོས་ཉིད་བརླན་ལ་ཐན་ཆེན་འབར། །ཆོས་སྐུ་སྐྱེ་མེད་ལོ་ཐོག་ལས། །གཉིས་མེད་ཟང་ཐལ་བློ་ཡུལ་ཤོར། །ཐོསམངས་སྒྲ་ཚད་ཚིག་ཐོག་ཤར། །སྐྱེ་མེད་ཡེ་ཤེས་གཞི་ཐོག་ཤོར། །ཡིད་སྨོན་བློ་ཡུལ་གནས་པ་ཡ་རེ་ཆ། །ཆོས་སྐུ་རང་སྒོ་སད་པའི་དུས་མི་མཆི། །སྐྱེ་མེད་ཁ་གཏམ་མཁན་པོ་ཉོན་རེ་མོངས། །རྩོལ་བས་རྟོགས་མེད་འདོད་པ་ཚེ་རེ་ཆད། །དུས་དང་ལས་ལ་ལྟོས་པ་ཨེ་རེ་འཁྱམས། །སྐྱེ་མེད་རྣམ་རྟོག་ཉིད་ལ་མ་ཁེལ་ན། །གཉིས་མེད་ཡེ་ཤེས་ངོ་ཡིས་ཟིན་མི་སྲིད། །གཟུང་འཛིན་རང་སར་གྲོལ་བའི་གནད་མེད་ན། །མཁའ་ལ་མདུད་འདོར་འདྲ་སྟེ་བྱུང་བ་མེད། །ལྷན་ཅིག་སྐྱེས་པའི་ཡེ་ཤེས་སྐྱེ་མེད་དོ། །ལྷན་སྐྱེས་མ་རིག་དེ་ལ་མ་ཁེལ་ན། །ལྷན་ཅིག་སྐྱེས་པའི་ཡེ་ཤེས་འཆར་མི་སྲིད། །ཡེ་ཤེས་ཟང་ཐལ་རྩོལ་སྒྲུབ་མེད་པ་དེ། །རྩོལ་བ་བློ་ཡི་ཐོག་ཏུ་མ་ཁེལ་ན། །རྩོལ་མེད་རང་གྲོལ་འཆར་བའི་དུས་མི་སྲིད། །ཡེ་ཤེས་ཟང་ཐལ་བར་མཚམས་མེད་པ་དེ། །མཚན་མ་སྣ་ཚོགས་དུ་མར་མ་ཤར་ན། །ཡེ་ཤེས་བར་མཚམས་མེད་པར་འཆར་མི་སྲིད། །ཆོས་སྐུ་སྐྱེ་མེད་ཀུན་ཁྱབ་དེ། །ཆོས་ཅན་འཁོར་བ་ཉིད་ལ་མ་ཁེལ་ན། །ཆོས་ཉིད་སྐྱེ་མེདའཆར་བའི་དུས་མི་མཆི། །མཉམ་ཉིད་རྟོག་མེད་ཆོས་ཀྱི་སྐུ། །མི་མཉམ་ཕྱོགས་རྟོགས་ཅན་ལ་མ་ཁེལ་ན། མཉམ་ཉིད་བློ་ཡི་ཡུལ་དུ་ཤོར་བ་ཉོན་རེ་མོངས། སྲིད་རང་གྲོལ་མ་ཤེས་པས། སྐུ་གསུམ་ཡིད་སྨོན་བློ་ཐོག་ཤོར། །བློ་ལས་འདས་པ་དཀའ་བར་མཆི། །དེ་དོན་མ་རྟོགས་ཡ་རེ་ཆ། །ཞེས་པ་ཀུན་ཏུ་བཟང་པོ་ཡིས། །འཁོར་ནི་ཡང་དག་རྫོགས་པ་ཡི། །སྐུ་གསུམ་རང་སྣང་ཁྱབ་པ་ལབྱིན་གྱིས་རླབས་ཀྱིས་བཤད་པ་ཡིན། །བྱིན་གྱིས་བརླབས་ཀྱིས་མངོན་སངས་རྒྱས། །བྱིན་གྱིས་བརླབས་ལས་ལོངས་སྐུ་སྣང་། །རང་སྣང་བྱིན་རླབས་ལོངས་སྐུར་ཤར། །དེ་ཡི་བྱིན་རླབས་སྐུ་ལྔ་པའོ། །སངས་རྒྱས་སྐུ་ལྔའི་བདག་ཉིད་གྲུབ། །ཀུན་ལ་སྙོམས་པའི་བྱིན་རླབས་འབྱུང་། །ཐུགས་རྗེ་ལྕེ་སྤྱང་མིག་བཞིན་འཆར། །སྤྲུལ་སྐུ་རང་ཤར་ཀུན་ལ་སྙོམས་། །མཁའ་ལ་ཉི་མ་ཤར་བ་འདྲ། །མུན་པའི་མཚན་མ་རང་སར་དག །སྐུ་གཅིག་ཀུན་ལ་ཁྱབ་པས་ཆེན་པོའི་སྐུ། །ཁྱབ་པའི་བདག་པོ་ཡེ་ཤེས་ལྔ་དང་ལྡན། །ཀུན་ལ་རང་ཆས་གནས་པས་རང་སྣང་ཆེ། །བྱིན་གྱིས་བརླབས་ལ་འཕེབས་འགྲིབ་མེད། །ཡེ་ཤེས་རང་སྣང་ཀུན་ལ་སྙོམས། །ཞེས་ཡང་དག་པར་རྫོགས་པའི་སངས་རྒྱས་ཀྱིས་བྱིན་བརླབས་སུ་བཤད་པའོ། །ལྷ་འདྲེ་གཉིས་མེད་ཀྱི་རྒྱུད་ལས། །ཀུན་ཏུ་བཟང་པོ་ཆོས་ལས་འདས་པའི་ལེའུ་སྟེ་དང་པོའོ།། །།དེ་ནས་ཡངཀུན་ཏུ་བཟང་པོ་ལ། །ལོངས་སྤྱོད་རྫོགས་པའི་སྐུ་དང་། །དེའི་སྤྲུལ་པ་རྡོ་རྗེ་ཆོས་ཀྱི་བློ་གྲོས་ཀྱིས། །བཅོམ་ལྡན་འདས་དཔལ་ཀུན་ཏུ་བཟང་པོ་ལགས། །ཆོས་ལས་འདས་པ་ཇི་ལྟ་བུ། །བདག་ཅག་ཆོས་ཀྱི་ངོ་བོ་འདི། །འདི་ལས་གྲོལ་བ་གསུང་དུ་གསོལ། །ཅེས་གསུངས་སོ། །སྟོན་པའི་ཆོས་མིན་ཡངས་པ་ཅན་ལ་བཞེངས་ནས། བདེ་བ་ཆེན་པོའི་གནས་སུ་འཁོར་སངས་རྒྱས་ལྔ་དང་། །དེའི་སྤྲུལ་པ་སྟོན་པ་འོད་ཟེར་འགྱེད་པ་དང་སྟབས་ཅིག་ཏུ་བྱོན་ནོ། །བྱོན་པར་གྱུར་ནས། བྱིན་གྱིས་བརླབས་ཀྱིས། སྟོན་པ་རྡོ་རྗེ་ཆོས་ཀྱི་བློ་གྲོས་ལ་བཀའ་སྩལ་པ། ལེགས་པར་ཉོན་ཅིག །མ་ཞུམ་ལ་མ་སྐྲག །མ་དངངས། དངངས་པར་མ་བྱེད་པར་ཐང་ཅིག་གམ། ཡུད་ཅིག་གམ། སྐད་ཅིག་ལ་བཤད་པར་བྱའོ། །ཞེས་གསུངས་ནས་བཀའ་སྩལ་པ། བདེ་གཤེགས་ལོངས་སྤྱོད་རྫོགས་པའི་སྐུ་དང་ཡེ་ཤེང་་ལྔར་ལྡན་པ། །ཡེ་ཤེས་སྐུ་སྟེ་རབ་སྣང་བ། །སྤྲུལ་སྐུ་རྡོ་རྗེ་བློ་གྲོས་དང་། །ཀུན་ཀྱང་དོན་ལྡན་ཡེ་ཤེས་སྐུ། །ཐམས་ཅད་མཁྱེན་པའི་སྤྱན་མངའ་བ། །སྐུ་དང་ཡེ་ཤེས་གཅིག་པ་ལ། །ཐ་དད་དུ་སྣང་བ་ཨེ་རེ་འཁྱམས། །ཡང་དག་རྫོགས་པའི་སྐུ་ལྔ་ནི། །གཅིག་ལ་ཁྱབ་པས་གཅིག་གི་ངང་། །ཕྱོགས་སུ་མ་ལྷུང་རང་སར་གྲོལ། །རྒྱ་མ་ཆད་ཀྱི་ཡེ་ཤེས་ཡིན། །ཡོན་ཏན་ལྔ་རུ་རང་བྱུང་བས། །ཆེན་པོ་ལྔ་རུ་སྣང་བའོ། །དེ་མ་རྟོགས་པ་སྐུ་ལྔ་ནི། །ཕྱོགས་མེད་མ་རྟོགས་ཕྱོགས་ཆ་བྱུང་། །ཕྱོགས་རྟོགས་གོལ་བའི་འབྲས་བུས་མཐར་མི་འཕྱིན། །རང་སོང་འབྲས་བུ་གནས་སྐབས་ཆོས། །འབྲས་བུ་མཐར་ཐུག་ཤིན་ཏུ་དཀའ། །དཀའ་བས་ངོ་སྤྲོད་བསྟན་པར་བྱ། །རྒྱལ་བ་རིགས་ལྔ་ཡབ་ཡུམ་རྣམས། །རྣམ་པར་སྣང་མཛད་ཡབ་ཡུམ་ལ། །རྟགས་ཀྱི་གདན་ཁྲི་བསྟན་པ་ནི། །འཇིགས་མེད་རང་གྲོལ་སེང་གེའི་ཁྲི། སྟོབས་ཀྱི་འགྲོ་དོན་མཛད་པའི་གླང་པོ་ཆེ། ཁུགས་ཀྱིས་རང་སར་གྲོལ་བའི་རྟ་ཡི་མཆོག །དུག་ལྔ་རངསར་གྲོལ་བའི་རྨ་བྱ་ཡིན། ཕྲིན་ལས་རྩལ་ཆེན་རྫོགས་པས་མཁའ་ལྡིང་ཡིན། །འཕྲིན་ལས་ཕྱོགས་མེད་མངའ་བས་རིན་པོ་ཆེ། ཁྲེས་རབ་སྟོབས་ལྔ་རིན་རིན་པོ་ཆེ། །ཐབས་ཀྱིས་ཆོས་རྣམས་འབྱུང་བས་ཟླ་བའི་གདན། །འགྱུར་མེད་རྣམ་སྣང་སྐུ་མདོག་མདོག་དཀར། །སྐྱེ་མེད་བསྐྱོད་པ་མེད་པས་རྡོ་རྗེ་སེམས་དཔའ་ཡིན། །བྱིན་རླབས་རྩལ་མེད་ལྡན་པས་རིན་ཆེན་འབྱུང་ལྡན་སྐུ། །སྐྱོན་དང་དྲི་མེད་འོད་དཔག་མེད། །འཕྲིན་ལས་རང་ལས་བྱུང་བ་དོན་ཡོད་གྲུབ། །འགྲོ་དྲུག་རང་སར་གྲོལ་བའི་འཁོར་ལོ་དང་། །དེ་དོན་མི་འགྱུར་རྡོ་རྗེ་དང་། །ཡོན་ཏན་ཐམས་ཅད་འབྱུང་བ་རིན་པོ་ཆེ། །དྲི་མ་རང་སར་དག་པས་པདྨ་དང་། །འཁོར་བའི་རྒྱ་ཐེབས་རྟགས་སུ་རྒྱ་གྲམ་ཡིན། །དོན་དག་རྟགས་སུ་དབང་ལྔ་རྫོགས་པའི་ཕྱིར། །རིགས་ལྔ་ཆ་མཐུན་དབུ་ཡི་དབང་རྟགས་རྣམས། །དེ་དོན་རང་ཆས་ཡིན་པ་ལས། །འོག་མིན་གནས་ནས་སྤྱན་དྲངས་ལ་སོགས་དང་། །སེམས་བསྐྱེད་སྤྱན་དྲངས་ལ་སོགས་བྱ་མིན་བྱ་མི་དགོས། །སེམས་དཔའ་རྡོ་རྗེ་ཆོས་ཀྱི་བློ་གྲོས་ཉོན། །གཞི་ལ་ལྷུན་གྲུབ་རྒྱ་མ་ཆད་པ་ཡིན། །ཡོན་ཏནཕྱོགསགཅིགརྩལསྣང་ཡིན། །ཕྱོགས་སུ་བཟང་བས་གོལ་ས་རབ་ཏུ་ཆེ། །ཉི་མ་སྤྲིན་གྱིས་སྒྲིབ་པས་གསལ་ལྡན་དོན་མ་ནུས། །ལོངས་སྐུ་སྣང་བར་ཤོར་བས་རང་གྲོལ་འཆར་མ་ནུས། །ཐམས་ཅད་བློ་ལས་མ་འདས་འཁྲུལ་པའི་ལམ། །ཡིད་སྨོན་བློ་ཆུང་རྣམས་ལ་ངས་མ་བཤད། །ཕྱོགས་རིས་རང་སར་གྲོལ་བའི་གནད་མེད་ན། །རྟོགས་པའི་སྒོམ་བྱས་པ་ཡི་འབྲས་བུ་མཐར་མི་ཕྱིན། །ནེ་ཚོ་ཆོས་འཆད་སྦུར་ཆུ་འཐུང་བ་བཞིན། །ཁ་ཡིས་བཤད་པས་ཕྱོགས་མེད་གྲོལ་མི་འགྱུར། །ཁ་དོག་རྒྱན་ཆ་ཡོན་ཏན་སྣང་བར་མ་ཤེས་ན། །རྒྱན་དང་ཆ་ལུགས་སྒོམ་པས་སངས་མི་རྒྱ། །སྤྲེའུ་ལ་སྒོམ་པ་སླབས་དེ་དོན་གོ་མེད་རྟོག་པ་ཁ་བྲིད་རྩ་བ་ཆོད་མི་འགྱུར། །སྙིང་པོའི་རྩ་བ་འབྲུ་གཅིག་གནད་མེད་ན། །རྒྱལ་བ་རིགས་ལྔ་ཉེ་བའི་དུས་མི་མཆི། །སྨིག་སྒྱུ་དེད་ས་འདྲ་སྟེ་ཤིན་ཏུ་རིང་། །ལྷ་སྐྱེས་མ་ཉེས་གཉིས་མེད་འབྱུང་བར་ག་ལ་འགྱུར། །ལྷན་ཅིག་སྐྱེས་པའི་ལྷ་ཡི་གནད་མེད་ན། །རྒྱལ་བ་རིགས་ལྔ་མཆོད་པས་འགྲིབ་པའི་དོན་མ་མཆི། །ཆོས་ཉིད་བྱིན་རླབས་ཕྱོགས་ཙམ་འབྱུང་བ་ལ། །མཆོག་གི་དངོས་གྲུབ་འབྱུང་བ་ག་ལ་འགྱུར། །ཐུགས་རྗེ་ཆེན་པོ་རང་ལ་སྣང་བའི་གནད་མེད་ན། །གསོལ་བཏབ་སྐྱབས་འགྲོའི་ཐུགས་རྗེ་མཐར་མི་ཟིན། །ཐུགས་རྗེ་བཀྲག་མདངས་ཉི་མ་སྟོང་གི་གཟི། །ཟེར་ཙམ་ཅིག་ལ་རྟེན་པས་བློ་ཆུང་འགྱུར། །སྐུ་ལྔའི་རྟ་མཆོག་དུག་ལྔ་མ་རྟོགས་ན། །སྐུ་ལྔ་བསྒོམ་ནས་དུག་ལྔ་ཞི་ཟེར་བ། །གཏི་མུག་ཆོས་སྐུ་རྣམ་སྣང་སྡོང་པོ་རུལ། །ལོ་མ་སྐྱེས་བྱེད་རྩ་བ་དགོས་པ་ཡིན། །དེ་བཞིན་དུག་ལྔ་ཞི་བས་སྐུ་ལྔའི་ས་བོན་བརླག །ས་བོན་མེད་ན་འབྲས་བུ་མི་འབྱུང་བཞིན། །དུག་ལྔ་མེད་ན་སྐུ་ལྔ་ག་ལ་འགྲུབ། །དུག་ལྔ་དངོས་སུ་སྣང་བ་དོན་རྟགས་ཡིན། །སྐུ་ལྔ་རང་སྣང་བ་དེ་དབང་པོ་ཡིན། །དུག་ལྔ་མེད་ན་སྐུ་ལྔ་མེད་པ་ཡིད་ཆེས་ཡིན། །དུག་ལྔ་གཏན་ལ་ཕེབས་པས་སྐུ་ལྔར་ཤར་བ་དགོས་པ་ཡིན། །ཐར་པའི་ས་བོན་ཤེས་པས་སྒྲུབ་མི་དགོས་པའི་ཡོན་ཏན་ཡིན། །དུག་ལྔ་སྐྱོན་དུ་མི་ལྟ་རང་འབྱུང་ལྔར་གསལ་ལ། །གསལ་བ་གདམས་པ་ཡིན། །དུག་ལྔ་གནས་འགྱུར་མི་དགོས་རང་འབྱུང་འཆར་བ་བརྒྱུད་པ་ཡིན། །དུག་ཡུལ་མེད་ན་རྩ་བའི་གནད་ཆོད་འབྲས་བུ་ཡིན། །མ་འདྲེས་ཡོངས་སུ་རྫོགས་པ་གཏན་ཚིགས་ཡིན། །ཕྱོགས་ལྷུང་རྒྱ་ཆད་མེད་པ་དམ་བཅའ་ཡིན། །གཅིག་ལ་ཐམས་ཅད་རྫོགས་པ་བསྒྲུབ་བྱ་ཡིན། །གསེར་ལ་གཟུགས་བརྙན་སྣང་ན་མཐུན་དཔེ་ཡིན། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །སྤྲུལ་པའི་སྐུ་ལྔ་རྡོ་རྗེ་ཆོས་ཀྱི་བློ་གྲོས་བྱིན་གྱིས་བརླབས་ཀྱིས་བཤད་པའི་ལེའུ་སྟེ་གཉིས་པའོ།། །།དེ་ནས་ཡང་དག་དགོངས་པ་ལས། །རྡོ་རྗེ་ཆོས་ཀྱི་བློ་གྲོས་ཀྱིས། །བཅོམ་ལྡན་ཀུན་ཏུ་བཟང་པོ་ལགས། །རྒྱལ་སྲས་སྤྲུལ་སྐུ་བཤད་དུ་གསོལ། །ཅེས་ཞུས་པས། །ཡང་བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ང་ཡིས་ཁྱོད་ལ་བསྟན་པར་བྱ། །རྒྱལ་སྲས་ལོངས་སྐུའི་མཚན་བརྗོད་ན། ། །རྒྱ་མཚོའི་ཐིགས་པ་བགྲང་བར་ནུས། །རི་ལ་འཇའ་བཞིན་གཞལ་བར་ནུས། །འདི་ཡི་མཚན་ནི་བརྗོད་པར་ག་ལ་ནུས། །རྡུལ་ཕྲན་གཅིག་ལའང་རྒྱལ་བ་གྲངས་ལས་འདས། །བསྡུ་ན་རྡུལ་ཕྲན་གཅིག་ལ་རྒྱལ་བ་རྣམ་ལྔ་སྣང་། །རྡུལ་ཕྲན་གཟུགས་ཀྱི་རྣམ་པ་སྟེ། །རྒྱལ་སྲས་རྣམ་པར་སྣང་མཛད་ཡིན། །དེ་ཡི་ཁ་དོག་གསལ་བ་དེ། །རྒྱལ་སྲས་རྡོ་རྗེ་སེམས་དཔའ་ཡིན། །དེ་ཡི་རང་བཞིན་སྣང་གསལ་བ། །སངས་རྒྱས་རིན་ཆེན་འབྱུང་ལྡན་ཡིན། །གཟུགས་དབྱིབས་ཁ་དོག་སྣང་བ་དེ། །རྒྱས་སྲས་སྣང་བ་མཐའ་ཡས་ཡིན། །ཐམས་ཅད་ཡོངས་ལ་ཕྱོགས་མེད་གྲུབ། །དེ་ལ་དོན་ཡོད་གྲུབ་པ་ཡིན། །དེ་ནི་རྒྱལ་སྲས་ལོངས་སྐུ་ཡིན། །འབྱུང་ལྔ་རྒྱལ་སྲས་སྤྲུལ་པའི་སྐུ། །དབྱེར་མེད་རྣམ་དག་ལུབ་ཆུབ་ངང་། །དེ་ནི་རྒྱལ་སྲས་ཆོས་ཀྱི་སྐུ། །དབང་བསྐུར་མ་བྱས་གཅིག་ཀྱང་མེད། །དབང་མ་ཐོབ་པ་གཅིག་ཀྱང་མེད། །དེ་ལ་གོ་མཚམས་མེད་པའི་ཕྱིར། །དབང་རྣམས་ཐམས་ཅད་དུས་གཅིག་རྫོགས། །རྡོ་རྗེ་ཆོས་ཀྱི་བློ་གྲོས་ཁྱོད། །རྒྱལ་སྲས་སྐུ་གསུམ་དབང་བསྐུར་བ། །སྐད་ཅིག་ཙམ་ཡང་མ་འགུལ་ཅིག །སྐད་ཅིག་ཙམ་ཡང་མ་ལྡེགས་ཤིག །གལ་ཏེ་འགུལ་ཅིང་ལྡེགས་སྲིད་ན། །རྒྱལ་བའི་སྲས་ལ་པན་མཆོངས་བྱས། །སངས་རྒྱས་མགོ་མཆོངས་བྱས་པ་ཡིན། །བསྐལ་པར་ཐར་པའི་ས་བོན་སྟོར། །སངས་རྒྱས་ཞལ་མི་མཐོང་བ་ཨེ་རེ་འབྱམས། །རྒྱལ་སྲས་སྤྲུལ་སྐུ་ཡིན་པ་ངོ་མ་ཤེས། །དེར་སྣང་ལོངས་སྐུ་ཡིན་པར་ཡིད་མ་ཆེས། །ཅིར་སྣང་ཆོས་སྐུར་ཤར་བ་ཐག་མ་ཆོད། །ཐམས་ཅད་རང་ལས་གྲུབ་པ་གདེངས་མ་རྙེད། །ཨེ་མ་ཧོ། །སྣང་སྲིད་སྐུ་ལྔའི་ངོ་སྤྲོད་གདམས་པ་ཡིན། །ཐམས་ཅད་སྐུ་ལྔར་སྣང་བ་ཐག་ཆོད་ཡིན། །བྱིན་རླབས་ཕྱོགས་བཅུར་འཆར་བ་ཡིད་ཆེས་ཡིན། །ཐམས་ཅད་རང་ལ་ཤར་བ་ཐག་ཆོད་ཡིན། །རང་ངོ་རང་གིས་ཤེས་པས་གདེང་རྙེད་ངེས་ཤེས་ཡིན། །རྡུལ་ཕྲན་གཅིག་ལ་གྲུབ་པ་ཡོན་ཏན་ཡིན། །རྡུལ་ཕྲན་ཀུན་ལ་སྣང་བ་ཁྱབ་པ་ཡིན། །ཐམས་ཅད་ཀུན་ལ་གྲུབ་པ་འབྲེལ་བ་ཡིན། །ཐམས་ཅད་སྲས་སུ་གྱུར་པ་བསྒྲུབ་བྱ་ཡིན། །གཟུགས་མེད་སྐུ་ལྔ་མི་སྲིད་གཟུགས་ཡོད་གཏན་ཚིགས་ཡིན། །རྣམ་པར་སྣང་མཛད་གཟུགས་སྐུར་ཤར་བ་དམ་བཅའ་ཡིན། །རྣམ་སྣང་སྐྱེ་བ་ཞེས་པ་སུ་ལ་སྣང་། །སྲིད་པའི་གཞི་མ་གཟུགས་ལ་སྣང་བ་ལ། །གཟུགས་ཉིད་མེད་ན་རྣམ་སྣང་ག་ལ་གྲུབ། །སྲིད་པའི་ཆུ་བཞི་རྣམ་པར་སྣང་མཛད་ཡིན། །དེ་སྤངས་རྣམ་པར་སྣང་མཛད་རྩ་བ་རུལ། །ཆུ་བཞི་སྤངས་པས་སྐུ་ཡི་ས་བོན་གཏོར། །སྐྱེ་རྒ་འཆི་བ་བཞི་ནང་གི་ཆུ་བཞིའོ། །རྣམ་པར་སྣངམཛད་འཆི་བ་སུ་ཡིས་མཐོང་། །ཆུ་བཞི་རྒྱལ་སྲས་སྤྲུལ་སྐུར་ཤེས་ན་ནི། །རྒྱལ་སྲས་སྤྲུལ་སྐུ་འབྱིན་པ་སྐྱེ་སྒོ་འཐབས། །ཐུགས་རྗེ་སྤྲུལ་སྐུའི་རྩ་བ་རབས་བརྒྱུད་ཆད། །སྤྲུལ་སྐུ་རབས་ཆད་འཁོར་བའི་སྟོན་པས་སུ། །རྫུས་སྐྱེས་མངལ་སྐྱེས་ལ་སོགས་རྟེན་མེད་པས། །སྤྲུལ་སྐུའི་དོན་མི་འབྱུང་བས་ཡ་རེ་ཆ། །དེ་ལ་གནས་པ་ཨེ་རེ་འཁྱམས །སྤྲུལ་སྐུ་རྟག་ན་སྤྲུལ་པའི་དམ་བཅའ་ཉམས། །ཅིར་ཡང་སྤྲུལ་པ་རང་ལ་འབྱུང་བ་བསྒྲུབ་བྱ་ཡིན། །ཐུབ་དྲུག་མ་ངེས་འབྱུང་བ་གཏན་ཚིགས་ཡིན། །ཞེས་གསུངས་སོ། །སེམས་ཉིད་སྐྱེ་བ་མེད་པ་རྒྱལ་སྲས་ཆོས་ཀྱི་སྐུ། །ཆོས་སྐུ་རང་སྣང་འབྱེད་པ་མེད་པ་དང་། །སྣང་བ་དུ་མའི་གཟུགས་ཉིད་མ་སྤངས་གནས་སུ་གྲོལ། ཆོས་སྐུ་གཏན་ལ་ཕབ་པ་སྣོད་དང་བཅུད། །གཏན་ལ་ཕེབས་པས་ཆོས་སྐུ་ཁོང་དུ་ཆུད། །ཚད་ནི་རིག་པ་ཡུལ་ལ་མེད་པ་ཡིན། །དྲོད་ཚད་རྟོག་པ་རང་དག་ཡིན། །རྟགས་ནི་ཡུལ་དུ་གྱུར་པའོ། །འབྲས་བུ་རྟོགས་མེད་མཉམ་པ་ཉིད། །དབང་པོ་ཡུལ་ཅན་རང་གྲོལ་ཡིན། །དབང་པོ་མི་གསུམ་སྤྱི་ཁྱབ་ཡིན། །ཞེས་གསུངས་སོ། །ཆོས་མེད་དགོངས་པ་མ་སད་ན། །རིག་པ་ཡུལ་མེད་འཆར་མི་སྲིད། །སྐད་ཅིག་རང་གྲོལ་མ་ཤར་ན། །དུས་ལྟོས་དྭངས་སངས་འབྱུང་མི་སྲིད། །རིག་པ་རང་གྲོལ་མ་ཤར་ན། །ཡུལ་མེད་ཞིང་ཁམས་འཆར་མི་སྲིད། །སྣང་རྟགས་གཏན་ལ་མ་ཕེབས་ན།རྟགས་འདོད་དགོངས་པ་འཆར་མི་སྲིད།།རིག་པའི་དྲོད་ཚད་མ་ཤེས་ན། །སངས་རྒྱས་དགོངས་པ་ཚད་མི་ཟིན། །འབྲས་བུ་ཆོས་མིན་རང་ཆས་མ་ཤེས་ན། །དུས་ཀྱི་བསྒྲིབས་ནས་ཐོབ་མི་སྲིད། །དབང་པོ་དཔང་དུ་ཚུགས་ན། ཡིད་ སྨོན་ བློ་ ཡི་ གྲོལ་མི་སྲིད། །སྤྱི་ཁྱབ་དབངཔོར་མ་ཤེས་ན། །འགྲོ་དྲུག་རངགྲོལ་འབྱུང་མི་སྲིད། །ཚད་ཟིན་པ་ནི་ཤིན་ཏུ་གཅེས། །ཚད་མ་གཏན་ལ་ཕེབས་ཙམ་ན། །གཟུགས་་ཅན་གཏན་ལ་མ་ཕེབས་ན། །གཟུགས་མེད་འཆར་བའི་དུས་མི་འཆི། །གཟུགས་མེད་ཚང་ལ་མ་ཕེབས་ན། །རང་གྲོལ་འཆར་བའི་དུས་མི་མཆི། །རང་གྲོལ་ཚད་ལ་ལ་མ་ཕེབས་ན། །དགོངས་པ་རྣམ་དག་འབྱུང་མི་སྲིད། །སྣང་བ་ཚད་ལ་མ་ཕེབས་ན། །འོད་གསལ་འཆར་བའི་དུས་མི་སྲིད། །འོད་གསལ་ཚད་ལ་མ་ཕེབས་ན །རང་སྣང་རྣམ་དག་འབྱུང་མི་འགྱུར། །གཞི་ས་ཚད་ལ་མ་ཕེབས་ན། །འབྲས་བུ་འབྱུང་བའི་དུས་མི་སྲིད། །འབྲས་བུ་ཚད་ལ་མ་ཕེབས་ན། །གཞི་ལས་འདས་པ་འབྱུང་མི་འགྱུར། །དུ་མ་གཏན་ལ་མ་ཕེབས་ན། །ཐམས་ཅད་མཁྱེན་པའི་དུས་མི་མཆི། །ཀུན་མཁྱེན་གཏན་ལ་མ་ཕེབས་ན། །དུ་མ་རང་གྲོལ་འབྱུང་མི་སྲིད། །འགྲོ་དྲུག་ཚད་ལ་མ་ཕེབས་ན། །སྣང་སྲིད་རྣམ་དག་དུས་མི་མཆི། །སྣང་སྲིད་རྣམ་དག་མ་ཤེས་ན། །འགྲོ་དྲུག་གཡང་ས་ཆོད་པ་ག་ལ་འགྱུར། །འཁྲུལ་པ་ཚད་ལ་མ་ཕེབས་ན། །རང་གྲོལ་འཆར་བའི་དུས་མི་མཆི། །རང་གྲོལ་ཚད་ལ་མ་ཕེབས་ན། །འཁྲུལ་མེད་འབྱུང་བར་ག་ལ་འགྱུར། འཁྲུལ་བའི་རྩ་བ་ཚད་ལ་མ་ཕེབས་ན། །འཁྲུལ་པའི་འབྲས་བུ་ལྡོག་པའི་དུས་མི་མཆི། །འཁྲུལ་པའི་འབྲས་བུ་ཚད་ལ་མ་ཕེབས་ན། །རྩ་བ་ཆོད་པའི་དུས་མི་མཆི། །དེ་རྣམས་ཀུན་གྱི་འབྲེལ་པ་དང། །ཁྱབ་པ་ལྷུན་གྲུབ་ཚད་ཟིན་གཅེས། །ཚད་མ་ཟིན་པར་ཆོས་འཆད་པ། །ལོང་བས་ལོང་བ་ཁྲིད་པ་འདྲ། །འབྲས་བུའི་དུས་སུ་མ་ཤེས་ན། །སྒོ་ང་རུལ་བའི་བྱིའུ་ཕྲུག་འདྲ། །ལག་ལེན་དུས་ཚོད་མ་ཤེསན། །འབའ་སམ་ས་ཡི་ཐུགས་པ་འདྲ། །གནད་ཀྱི་གདམས་ངག་མ་ཤེས་ན། །རྒྱུས་མེད་མིག་གི་ཐུར་ཐོགས་འདྲ། །ལོག་ནོན་གདམས་ངག་མ་ཤེསན། །ལྟག་གི་སྟེང་དུ་སྒངས་བྱུང་འདྲ། །ཚད་ཀྱི་གདམས་ངག་མ་ཤེས་ན། །ག་བུར་མངས་ཏེ་འབྱམས་པ་འདྲ། །རྟགས་ཀྱི་གདམས་ངག་མ་ཤེས་ན། །ལོང་བས་གསེར་སྦྲམ་སྦས་པ་འདྲ། །དྲོད་ཚད་གདམས་ངག་མ་ཤེས་ན། །སྔགས་ཅན་དུག་ལ་ཚད་པོ་འདྲ། །བྱིན་པ་ཚད་ལ་མ་ཕེབས་ན། །རྡོ་ལ་དངུལ་ཆུ་བྱུག་འདྲ། ཐུགས་རྒྱུད་ཚད་ལ་མ་ཕེབས་ན། །མུན་ནག་ལག་ཡུག་བྱེད་པ་འདྲ། །བཀའ་རྒྱུད་ཚད་ལ་མ་ཕེབས་ན། །སྣ་ཆད་མེ་ལོང་ལྟ་བ་འདྲ། །འཆི་ལྟས་ཚད་ལ་མ་ཕེབས་ན། །སྟི་ཧ་ཙི་ཡི་རྨི་ལམ་འདྲ། །དྲན་པོ་གསུམ་པོ་ ཚད་དང་མ་ལྡན་ན། །ལག་རྡུམ་བྲག་ལ་འཛེག་པ་འདྲ། །ལྷུན་གྲུབ་ཚད་ལ་མ་ཕེབས་ན། །རིན་ཆེན་ཅིག་ལ་བསྟོད་པ་འདྲ། །རྒྱ་ཚད་ཚད་ལ་མ་ཕེབས་ན། ཁྲུབ་མཐའ་རང་སའི་དུས་མི་མཆི། །ཕྱོགས་མེད་ཚད་ལ་མ་ཕེབས་ན། །རྒྱ་ཆད་གྲོལ་བའི་དུས་མི་མཆི། །གཉིས་སྣང་གཏན་ལ་མ་ཕེབས་ན། དབྱེར་མེད་འཆར་བའི་དུས་མི་མཆི། །དབྱེར་མེད་ཚད་ལ་མ་ཕེབས་ན། །གཉིས་སྣང་རང་གྲོལ་དུས་མི་མཆི། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །རྒྱལ་སྲས་སྐུ་གསུམ་བྱིན་གྱིས་བརླབས་ཀྱིས་བཤད་པའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །བདུད་ཀྱི་གཅོད་ཡུལ་བསྟན་པར་བྱ། །བདུད་ཅེས་བྱ་བ་མ་རིག་པ། །བདུད་ཀྱི་གཞི་ནི་གཏི་མུག་གོ །རྒྱུ་ནི་ལྷུན་སྐྱེས་མ་རིག་པ། །འབྲས་བུ་བདུད་བཞིས་ཀུན་ལ་རྒྱུ། །ལྟ་བ་བདུད་དུ་བབས་པ་ཡོད། །ལྟ་བ་སྟོང་པའི་ཡུལ་དུ་ཤར། །ལྟ་བ་ཡུལ་ཅན་ཡིད་སྨོན་མཁན། །སྡུག་བསྔལ་རྐྱེན་ཐུབ་གནད་མ་ཤེས། །བློ་ཡི་བདུད་ཀྱི་རྐུན་བུས་ཁྱེར། །ལྟ་བ་རྐུན་མོར་ཤོར་བ་དེ། །རྩ་བ་ཆོད་པར་ག་ལ་འགྱུར། །གཅོད་མཁན་རྐུན་མོས་ཡིན་པའི་ཕྱིར། །ལྟ་བ་སྟོང་པ་འདོད་ཆགས་ཅན། །ཆགས་པའི་བདུད་ཀྱིས་བརྐུས་པ་ཡིན། །ལྟ་བ་སྡུག་བསྔལ་རྐྱེན་གྱིས་འགྱུར། །ཞེ་སྡང་བདུད་ཀྱིས་བརྐུས་པ་ཡིན། །གཉིས་མེད་སྲེ་ཐབས་མ་ཤེས་པས། །གཏི་མུག་བདུད་ཀྱིས་བརྐུས་པ་ཡིན། །བློ་ཡི་ལྟ་བ་བཟང་སྙམས་ནས། །ང་རྒྱལ་བདུད་ཀྱིས་བརྐུས་པ་ཡིན། ཁུ།བ་མཐའི་རང་གཞུང་ལྟ་བ་སྲོལ། །ཕྲག་དོག་བདུད་ཀྱིས་བརྐུས་པ་ཡིན། །རྐྱེན་ཐུབ་རང་གྲོལ་མ་ཤེས་པས། །ཁོང་ཁྲེའི་བདུད་ཀྱིས་བརྐུས་པ་ཡིན། །རྐུན་མ་མི་དྲུག་སྡོང་པོས་ཆས། །ལྟ་བ་རང་སངས་རྐུན་མོས་བརྐུས། །རྐུ་མཁན་རྩ་བ་མ་ཆོས་ན། །ལྟ་བ་རྙེད་པའི་དུས་མི་མཆི། །ཆགས་པའི་བདུད་དང་མ་བྲལ་ན། །འབྲས་བུ་ཡན་ལག་སྐྱེ་བར་འགྱུར། །ཞེ་སྡང་བདུད་དང་མ་བྲལ་ན། །ངེས་པར་དམྱལ་བར་སྐྱེ་བར་འགྱུར། །གཏི་མུག་བདུད་དང་མ་བྲལ་ན། །བྱོལ་སོང་འཇིག་རྟེན་སྐྱེ་བར་འགྱུར། །ང་རྒྱལ་བདུད་དང་མ་བྲལ་ན། །མི་ཡི་འཇིག་རྟེན་སྐྱེ་བར་འགྱུར། །ཕྲག་དོག་བདུད་དང་མ་བྲལ་ན། །ངེས་པར་ལྷ་མིན་འཇིག་རྟེན་སྐྱེ། །ཁོང་ཁྲོའི་བདུད་དང་མ་བྲལ་ན། །ལྷ་མིན་འཇིག་རྟེན་སྐྱེ་བར་འགྱུར། །དེ་ཡང་རྒྱུ་གཅིག་རྐྱེན་དྲུག་ཡིན། །རྒྱུ་ནི་གཙོ་བོ་རྐྱེན་གྱིས་སྒྱུར་བར་བྱེད། །རིག་པ་སྟོང་པར་མ་ཤར་ན། །རྐྱེན་དྲུག་རང་གྲོལ་དུས་མི་མཆི། །རྐྱེན་དྲུག་རང་སར་མ་གྲོལ་ན། །བདུད་དྲུག་ཆོམས་པའི་དུས་མི་མཆི། །བརྐུ་མཁན་ངོ་ཡིས་མ་ཟིན་ན། །བདུད་ངོ་ཤེས་པར་ག་ལ་འགྱུར། །བདུད་ངོ་ཤེས་པར་མ་གྱུར་ན། །ལྟ་བ་རྙེད་པར་ག་ལ་འགྱུར། །ལྟ་བ་ཕྱོགས་ལྷུང་མེད་པ་ལ། །བདུད་ཀྱིས་བརླབས་ནས་ཕྱོགས་སུ་ཁྱེར། །བདུད་དེ་ཕྱོགས་མེད་ན་ཤེས་ན། །ལྟ་བ་ཕྱོགས་མེད་འབྱུང་མི་འགྱུར། །ང་ནི་བདུད་ཀྱི་སྲོག་རྩ་གཅོད། །ཡེ་ཤེས་སྲོག་མེད་ཡོད་པའི་ཕྱིར། །ལྷ་བའི་བདུད་ཀྱི་སྲོག་རྩ་གཅོད། །ལྟར་མེད་རང་གྲོལ་ཡོད་པའི་ཕྱིར། །རྐུན་མོའི་སྲོག་གི་རྩ་བ་གཅོད། །བརྐུར་མེད་ཉག་གཅིག་ཡོད་པའི་ཕྱིར། །སྣོད་བཅུད་གཉིས་ཀྱི་སྲོག་རྩ་གཅོད། །རང་གྲོལ་ཟང་ཐལ་ཡོད་པའི་ཕྱིར། །ཤེས་རབ་མཁའ་ལ་བྱ་ལྟར་ལྡིང་། །ཐེག་པའི་བདུད་ཀྱིས་ཁྱེར་བ་ཡིན། །ཞེན་ཅིང་ཆགས་པ་སྣང་བའི་བདུད། །འདུ་འཛི་གཡེང་བས་ཁྱེར་བ་ཡིན། །ང་རྒྱལ་ཁེང་གྲགས་གཡེང་བའི་བདུད། །ལོངས་སྤྱོད་གཡེང་བས་ཁྱེར་བ་ཡིན། །ཉམས་མྱོང་སྨྲ་བཅད་བློ་ཆུང་བདུད། །བཀའ་བསྒོ་ཞེན་པས་ཁྱེར་བ་ཡིན། །ཐོས་མང་དོན་མཇེད་གྲགས་པ་སྒྲ་ཡི་བདུད། །དོམས་མེད་བདུད་ཀྱིས་ཁྱེར་བ་ཡིན། རང་སྣང་ཁ་དོག་འོད་ཀྱི་བདུད། །ཞེས་ཆགས་བདུད་ཀྱི་ཁྱེར་བ་ཡིན། །ཤེས་ རབ་རྣམ་ གསུམ་གནད་ཤེས་ པས། །ཐེག་ པའི་ བདུད་སྒྲིབས་ གྲོལ་ བར་ བྱེད། །ཞེན་ཆགས་ རང་སྣང་ གནད་ཤེས་ པས། །འདུ་འཛི་ རང་ སར་ གྲོལ་ བར་ བྱེད། །ང་རྒྱལ་མཉམ་ཉིད་གནད་ཤེས་པས། །གཉིས་མེད་རང་སྣང་གྲོལ་བར་བྱེད། །ཆགས་ཞེན་ལམ་དུ་གྲོལ་བར་འགྱུར། །ཉམས་མྱོང་བློ་ལས་འདས་པར་བྱེད། །བཀའ་བསྒོ་རང་གྲོལ་འབྱུང་བར་འགྱུར། །གྲགས་པ་ལོངས་སྤྱོད་རང་སར་གྲོལ་བའི་གནད། །སྒྲོ་འདོགས་རང་སར་གྲོལ་བར་བྱེད། །རང་སྣང་བར་དོའི་གནད་ཤེས་པས། །ཆགས་ཞེན་ལམ་དུ་གྲོལ་བར་འགྱུར། །བདུང་ཀྱི་སོ་མཚམས་མ་ཤེས་ན། །བདུད་ལས་རྒྱལ་བའི་དུས་མི་མཆི། །བདུད་ཀྱི་ངོ་སྤྲོད་མ་ཤེསན། །སྒྲོ་འདོགས་ཆོད་པའི་དུས་མི་མཆི། །སྒྲོ་བརྟགས་རང་གྲོལ་མ་ཤེས་ན། །གྲོད་ཚད་རང་གྲོལ་དུས་མི་མཆི། །བདུད་ཀྱི་ངོ་སྤྲོད་བྱེད་ཙམ་ན། །མགོ་ལུས་མེད་པར་མིགཏུ་འགྲོ །མིག་གཅིག་མིག་སྟོང་ཕྱོགས་བཅུར་བལྟ། །བདུད་ཀྱི་རྒྱལ་པོ་མིག་གཅིག་པོ། །བདུད་ཀྱི་བློན་པོ་མིག་བརྒྱ་པོ། །མགོ་ལུས་མེད་པར་མིག་གིས་ཁེངས། །མིག་གི་ངོ་སྤྲོད་མ་ཤེས་ན། །སངས་རྒྱས་ངོ་སྤྲོད་ཚིག་གིས་ན་ཡ་ཡིན། །སངས་རྒྱས་རང་གྲོལ་འཆར་བའི་དུས་མི་མཆི། །ཕྱོགས་མེད་མཐོང་བ་མིག་གི་གནད་མེད་ན། ཡེ་ཤེས་སྤྱན་ཆེན་འཆར་བའི་དུས་མི་མཆི། །མིག་གཅིག་ཕྱོགས་བཅུར་ལྟ་བའི་གནད་མེད་ན། །ཡེ་ཤེས་མིག་གཅིག་འཆར་བའི་དུས་མི་མཆི། །རྐང་རྡུམ་མཁའ་ལ་འགྲོ་བའི་གནད་མེད་ན། །སངས་རྒྱས་ཡུལ་མེད་སླེབས་པའི་དུས་མི་མཆི། །ལག་རྡུམ་སྲོག་གཅོད་གདམས་ངག་མ་ཤེས་ན། །འཁོར་བའི་སྲོག་རྩ་ཆོད་བའི་དུས་མི་མཆི། །གཟུགས་མེད་སྙིང་འདོད་གནད་མེད་ན། །བླ་མའི་གདམ་པ་འཆར་བའི་དུས་མི་མཆི། །ལུས་མེད་མགོ་ལུས་དབྲལ་བའི་གནད་མེད་ན། །སེམས་དང་ཡེ་ཤེས་ཕྱེད་བའི་དུས་མི་མཆི། །དངོས་མེད་འཁོར་ལོ་བསྐོར་བའི་གནད་མེད་ན། །ཡེ་ཤེས་འོད་གསལ་འཆར་བའི་དུས་མི་མཆི། །ས་མེད་རྡོས་ཐག་གཅད་པའི་གནད་མེད་ན། །ཀུན་བཟང་རང་ས་གླེབས་པའི་དུས་མི་མཆི། །ཕྱོགས་མེད་རང་སར་གྲོལ་བའི་གནད་མེད་ན། །ལྟེ་བའི་བདུད་སྡེ་ཆོམས་པའི་དུས་མི་མཆི། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ལྟབ་ངོས་བཟུང་རང་གྲོལ་བའི་ལེའུ་སྟེ་བཞི་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །བདུད་ཀྱིས་ཐམས་ཅད་བར་དུ་གཅོད། །སྒོམས་པས་བདུད་དུ་བབས་པ་ཡོད། །བདུད་ཀྱི་རྒྱུ་ནི་འཛིན་པ་ཡིན། །བདུད་ཀྱི་རྐྱེན་ནི་གཟུང་བའི་ཡུལ། །འབྲས་བུ་འཇིག་རྟེན་འཁོར་བའི་གནས། །འཁོར་བའི་གནས་ལ་མ་ཐར་ན། །བདུད་ཀྱི་དབང་དུ་སོང་བ་ཡིན། །བདུད་ཀྱིས་བྱིན་གྱིས་བརླབས་པ་ནི། །ཆགས་ཞེན་ཉམས་སུ་མྱོང་བ་ཡིན། །དེ་ལ་བསྒོམས་པ་བདུད་དུ་བབས་པ་ན། །མཚན་བཅས་སྒོམ་དང་མཚན་མེད་སྒོམ། །བདེ་ཞིང་ཞེན་པ་ཆགས་པའི་བདུད། །བྱིང་རྨུགས་ཕྲག་དོག་ཞེ་སྡང་བདུད། །རང་གྲོལ་མ་ཤེས་གཏི་མུག་བདུད། །ཞེ་ལ་གསལ་བ་ང་རྒྱལ་བདུད། །སྟོང་དང་གཟུགས་ཅན་ཕྲག་དོག་བདུད། །སྲེ་མ་ཤེས་པས་ཁོང་ཁྲོའི་བདུད། །བདུད་ཀྱི་རྩ་བ་མ་རིག་པ། །མ་རིག་རང་བྱུང་བདུད་དུ་བབས། །བདུད་ཀྱི་སྲོག་རྩ་མ་ཆོད་ན། །བསྒོམས་པ་བདུད་ཀྱིས་རླབས་པ་ཡིན། །ཉམས་མྱོང་བདེ་བ་སྐྱེད་འབྱིན་པ། །བདུད་ཀྱི་དབང་དུ་སོང་བ་ཡིན། །ཤེས་པ་རྐྱེན་གྱིས་གྱུར་ཙམ་ན། །བདུད་ཀྱིས་ཤེས་པ་ཕྲོགས་པ་ཡིན། །ཉམས་མྱོང་བདུད་ལ་ཁེལ་སྙམ་བྱེད། །ཤེས་བྱ་བདུད་ཀྱིས་བྱིན་བརླབས་ཡིན། །ཉམས་མྱོང་བསྟནཔ་སྙམ་བྱེད་ན། །བདུད་ཀྱི་དབང་དུ་འདུས་པ་ཡིན། །ཤེས་པ་མི་མཐོང་སྙམ་བྱེད་ན། །བདུད་ཀྱིས་ཤེས་པ་ཕྲོགས་པ་ཡིན། །བྱིང་ཤིང་ཁྲོ་བ་སྙམ་བྱ་ན། །བདུད་ཀྱིས་ཤེས་པ་བསྒྱུར་བ་ཡིན། །དེ་ལ་གསེང་དང་སྡུད་པ་ནི། །བདུད་ཀྱིས་བྱིན་གྱིས་རློབ་པ་ཡིན། །དེ་ནས་གསལ་བ་སྙམ་བྱེད་ན། །བདུད་ཀྱིས་བྱིན་གྱིས་བརླབསཔ་ཡིན། །བདུད་ཀྱི་ཚད་ཟིན་ཤིན་ཏུ་དཀའ། །ཐམས་ཅད་བདུད་ཀྱིས་བརླབས་པའི་ཕྱིར། །བདུད་ཀྱི་གྲོག་རྩ་གཅོད་པ་ལ། །རེ་དོགས་སྙམ་བྱེད་འཕྲང་རྒལ་དགོས། །རྒྱ་མཚོའི་གཏིང་དུ་གསད་པ་དང་། །རི་རབ་རྩེ་ལ་གསད་པོ་དང་། །ཉི་ཟླའི་བར་དུ་གསད་པ་དང་། །གངས་དཀར་རྩེ་ལ་གསད་པ་དང་། །རི་བྲག་བར་དུ་གསད་པ་དང་། །རི་བྲག་རྨང་དུ་གསད་པ་དང་། །སྲིད་གསུམ་རྩེ་མོར་གསད་པ་དང་། །རྒྱ་མཚོའི་གཏིང་གི་གནད་མེད་ན། །བག་ཆགས་འཛད་ཀྱི་དུས་མི་མཆི། །རི་རབ་རྩེ་ཡི་གགད་མེད་ན། །རང་གྲོལ་འཆར་གྱི་དུས་མི་མཆི།ཉི་ཟླ་གཉིས་ཀྱི་གནད་མེད་ན།།གཉིས་མེད་འཆར་གྱི་དུས་མི་མཆི།།གངས་དཀར་རྩེ་ཡི་གནད་མེད་ན།།དྲི་མེད་དག་པའི་དུས་མི་མཆི། །རི་བྲག་བར་གྱི་གནད་མེད་ན། །ཟང་ཐལ་འཆར་གྱི་དུས་མི་མཆི། །རི་བྲག་རྨང་གི་གནད་མེད་ན། །ཉམས་ལས་གྲོལ་བའི་དུས་མི་མཆི། །སྲིད་གསུམ་རྩེ་མོའི་གནད་མེད་ན། །སྐུ་གསུམ་རང་གྲོལ་དུས་མི་མཆི། །སེམས་དང་ཡེ་ཤེས་བག་ཆགས་གསུམ། །གཞི་དང་ལམ་དང་འབྲས་བུ་གསུམ། །འཁྲུལ་གཞི་འཁྲུལ་པ་དངོས་པོ་གསུམ། །ཟློག་ཐབས་ས་མཚམས་འབྲས་བུ་གསུམ། །བྱིན་དང་རླབས་དང་རྟེན་དང་གསུམ། །སངས་པ་རྒྱས་པ་འདས་པ་གསུམ། །སད་པ་སངས་པ་དྭངས་པ་གསུམ། །ཡེ་དང་ཤེས་པ་ཤེས་རབ་གསུམ། །ཆོས་དང་སྐུ་དང་རྟོག་མེད་གསུམ། །ཆོས་དང་སྐུ་དང་རྟོག་མེད་གསུམ། །ཆོས་དང་ཆོས་ཅན་ཆོས་ཉིད་གསུམ། །ལས་དང་འཕྲོ་དང་འཐུད་དུས་གསུམ། །བག་དང་ཆགས་དང་འགྱུར་བ་གསུམ། །རང་དང་བྱུང་དང་ཡེ་ཤེས་གསུམ། །དེ་གསུམ་གདམས་པས་མ་བརྒྱན་པར། །སྤྱི་སྡོམ་ཙམ་ཡང་སྟོན་པ་ལ། །རྒྱབ་དཀར་གནད་དང་ལོག་ནོན་མ་ཤེས་ན། །ཆོས་ཉིད་སྤྱི་སར་འཆོར་བ་ཡིན། །སྤྱི་དང་བྱེ་བྲག་དབྱེ་བ་གཅེས། །གནད་དང་ལོག་ནོན་གེགས་སེལ་གསུམ། །ལྡེམ་བོར་དགོངས་པའི་ཁྱད་པར་གྱིས། །སྒོམ་པའི་འདྲེ་རྐུན་ངོས་གཟུང་བྱ། །སྒོམ་པའི་འདྲེ་ཡིས་ཁྱེར་ཙམ་ན། །ང་རྒྱལ་བདུད་ཀྱིས་བརླབས་པ་ཡིན། །བདུད་ཀྱི་རྩ་བ་ཆོད་ལ། །འཁྲུལ་པའི་དྲི་མ་འདག་དུ་མེད། །འདྲེ་ཡི་སྲོག་རྩ་མ་ཆོད་ན། །ཁམས་གསུམ་རྩ་བ་ཆོད་དུས་མེད། །འདྲེ་ནི་ཐར་པའི་ས་བོན་ཡིན། །ཐར་པས་གྲོལ་ཞིང་ཟག་པ་མེད། །ཡང་དག་རྫོགས་ཀྱིས་བཀའ་སྩལ་བ། །ཐར་པ་འདོད་ན་རྟོག་པ་སྐྱེད། །ཐར་པའི་ས་བོན་རྟོགས་པ་ཡིན། །རྟོག་མེད་རྟོག་པ་སུ་ལ་ཡོད། །བྱང་ཆུབ་འདོད་ན་སྒྲིབ་པ་ཡིན། །ཞི་གནས་སྒོམས་པས་ལྷག་མཐོང་རྩ་བ་རུལ། །སེམས་འཛན་སྒོམས་པས་རང་གྲོལ་རྩ་བ་རུལ། །བདེ་བ་སྒོམས་པས་གཉིས་མེད་རྩ་བ་རུལ། །མཚན་བཅས་བསྒོམས་པས་ཟང་ཐལ་རྩ་བ་རུལ། །ཁ་ཡན་བསྒོམས་པས་ཁ་འགུགས་རྩ་བ་རུལ། །ཁ་འགུགས་བསྒོམས་པས་ཁ་ཡན་རྩ་བ་རུལ། །གཉིས་མེད་བསྒོམས་པས་ཟུང་འཇུག་རྩ་བ་རུལ། །སྒོམས་པ་བྱས་ཆོས་མི་རྟག་གཉིས་འདུས་པས། །འདུས་བྱས་རང་སར་གྲོལ་དུ་མ་སྟེར་རོ། །དེ་ལྟར་གནས་པ་དོན་ལ་རྨོངས། །རྣམ་རྟོག་རང་བྱུང་ཡེ་ཤེས་ངོ་སྤྲོད་ཤར། །ཐར་བའི་ལམ་ཆེན་བྱང་ཆུབ་སྡོང་པོ་ཚུགས། །རྟོག་མེད་མཉམ་ཉིད་བློ་ཡི་རྣམ་པར་གྲོལ། །བྱང་ཆུབ་མི་འདོད་ཆོས་སྐུར་ལྷུན་གྱིས་གྲུབ། །ཞི་གནས་རང་གྲོལ་ཅེས་ཟིན་ཡེ་ཤེས་ཤར། །འཛིན་པ་དྭངས་སངས་རང་འབྱུང་ཆོས་སྐུར་བརྡལ། །བདེ་ཆེན་མ་སྒོམ་ཆོས་སྐུ་ཁོང་ནས་ཤར། །མཚན་་4་སྒོམ་རང་སྣང་སྐུ་ལྔར་གསལ། །ཁ་ཡན་མི་སྒོམ་རང་སྣང་ཡུལ་མེད་ཤར། །ཁ་འགུགས་མ་སྒོམ་ཡུལ་མེད་རང་གྲོལ་ཤར། །གཉིས་མེད་མི་སྙེ་རང་སྣང་ཐིག་ལེར་བརྡལ། །སྟི་པ་མི་བྱེད་བྱེད་མཁན་དྭངས་སངས་འདས། །གཉིས་མེད་རང་ཤར་ཆོས་སྐུ་རང་ལ་ཤར། །དེ་ལྟརརྟོགས་པས་ཐར་པའི་འབྲས་བུ་ཐོབ། །ཐོབ་པ་མཐར་མི་ལྷུང་ཞིང་རང་སར་འགྲོ་བ་གཅེས། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཉི་པ་ངོས་བཟུང་བ་དང་བདུད་སྲོག་རྩ་གཅད་པའི་ལེའུ་སྟེ་ལྔ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ཐམས་ཅད་བདུད་ཀྱིས་བྱིན་གྱིས་བརླབས། །སྤྱོད་པ་བདུད་དུ་བབས་པ་ཡོད། །བདུད་ཅེས་བྱ་བ་མ་རིག་པ། །སྤྱོད་པའི་མཁན་པོ་ངོ་མ་ཤེས། །མ་རིག་རང་ལ་བདུད་དུ་བབས། །ཕྱི་ཡི་ཆོས་སྤྱོད་བཅུ་པོ་དང་། །ལྟ་སྒོམ་སྤྱོད་པའི་ཤེས་རབ་ཀྱིས། །ཕྱི་ཡི་ཡུལ་དུ་སྤྱོད་པར་བྱེད། །ཐབས་ཀྱི་སྣང་བ་ཆགས་པའི་བདུད། །རྩ་རྒྱུད་ཞགས་པས་བཅིངས་པ་ཡིས། །འདོད་ཆགས་བདུད་ཀྱིས་རླབས་པ་ཡིན། །བདེ་བར་གཤེགས་པ་ང་རྒྱལ་རྒྱུད། །རྩ་རླུད་མ་གསལ་ཞེ་སྡང་བདུད། །རང་གྲོལ་མ་ཤེས་གཏི་མུག་བདུད། །གཞན་སུམ་འདོན་པ་ཕྲག་དོག་བདུད། །རྩ་རླུད་སྦྱོང་བ་ཁོང་ཁྲོའི་བདུད། །བདུད་ཀྱི་མཁན་པོར་ཤེས་པར་བྱ། །རིག་པ་ཡུལ་མེད་གནད་མེད་ན། །རྩ་ཡི་འཁོར་ལོ་དང་དུ་ལོང་། །དམིགས་པའི་བདུད་ཀྱིས་བྱིན་གྱིས་བརླབས། །རྩ་ཡི་སྟོང་ར་འཇོམས་སྙམས་བྱེད། །བདུད་ཀྱིས་བྱིན་གྱིས་བརླབས་པ་ཡིན། །རྩ་ཡི་ནང་དུ་ཤེས་པ་ཚུད་། །བདུད་ཀྱིས་ཤེས་པ་ཕྲོགས་པ་ཡིན། །བདེ་བ་སྟོང་པར་རྒྱས་འདེབས་པ། །བདུད་ཀྱི་དབང་དུ་སོང་བ་ཡིན། །སྣང་བ་སྟོང་པར་ཤེས་ཙམ་ན། །རྩ་ཡི་སྟོང་ར་ཆེན་པོར་འབྱོངས། །རིག་པ་ཟང་ཐལ་ཤར་ཙམ་ན། །ཨ་ཝ་རྙུ་ཏིར་ཤེས་པ་ཚུད། །ཁོང་གསལ་ཡུལ་མེད་ཤར་ཙམ་ན། །བདེ་སྟོང་ཟུང་དུ་ཆུད་པ་ཡིན། །འགྱུ་བ་རང་གྲོལ་ཤར་ཙམ་ན། །གསལ་སྟོང་ཁོང་དུ་ཆུད་པ་ཡིན། །རངབཞིན སྟོངཔའིགནད་མེད་ན། །ལྟེ་བའི་རྩ་གྲངས་གོལ་བ་ཡིན། །སྟོང་ར་སྦྱོང་བ་སྒྲིབ་པ་ཡིན། །ཐུགས་རྗེ་འགག་མེད་གནད་མེད་ན། །གསང་བའི་རྩ་སྒོ་གོལ་བ་ཡིན། །བདེ་བ་ངོས་འཛིན་སྒྲིབ་པ་ཡིན། །ཡོན་ཏན་འགྱུར་མེད་གནད་མེདན། །སྙིང་ཁ་རྩ་འདབ་སྤྱོད་པ་གོལ། །སྟང་པ་རྒྱས་འདེབས་སྒྲིབ་པ་ཡིན། །འཕྲིན་ལས་ཐོགས་མེད་གནད་མེད་ན། །སྒྲིབ་པ་སྤྱི་བོ་རྩ་གྲངས་སྤྱོད་པ་གོལ། །བདེ་སྟོང་རྒྱས་འདེབས་སྒྲིབ་པ་ཡིན། །ཐུགས་རྗེ་འགག་མེད་རྩ་མེད་ན། །ཐུགས་རྗེ་སྤྲུལ་སྐུ་མ་བྱུང་ན། །ཐུབ་པ་འགྲོ་དྲུག་དྲང་ཐབས་མེད། །གཏི་མུག་འབྱེད་མེད་རྩ་མེད་ན། །ཆོས་སྐུ་ཀུན་ཁྱབ་བསྟན་ཐབས་མེད། །ངོ་བོ་གསལ་བའི་རྩ་མེད་ན། །ལོངས་སྐུར་རང་སྣང་འཆར་ཐབས་མེད། །ལོངས་སྐུ་རང་སྣང་མ་ཤར་ན། །ཆོས་སྐུ་ཡོན་ཏན་རྒྱུན་ཆད་འགྱུར། །ཆོས་སྐུའི་ཡོན་ཏན་རྒྱུད་ཆད་ན། །གཟུགས་སྐུ་གཉིས་པོ་འབྱུང་ཐབས་མེད། །འཕྲིན་ལས་ཐོགས་མེད་རྩ་མེད་ན། །སྐུ་གསུམ་ཡོན་ཏན་མཐའ་ནས་ཆད། །ཆོས་སྐུ་དབང་པོ་ཡུལ་་མེད། །མཁྱེན་པའི་ཡེ་ཤེས་འགགས་པར་འགྱུར། །ཡོན་ཏན་འགྱུར་མེད་རྩ་མེད་ན། །སྐུ་གསུམ་མི་རྟག་འདུས་བྱས་འགྱུར། །སྐུ་གསུམ་འདུས་བྱས་མི་རྟག་ན། །ངོ་སྤྲོད་འབྲས་བུ་དགོས་པ་མེད། །གཏི་མུག་འབྱེད་མེད་རྩ་མེད་ན། །ཆོས་སྐུའི་དབང་པོ་སུ་ཡིས་བྱས། །ཆོས་སྐུའི་ས་བོན་རྩ་བ་རུལ། །གཏི་མུག་རང་གྲོལ་མ་ཤར་ན། །ཆོས་སྐུའི་ངེས་ཤེས་སུ་ཡིས་བྱེད། །གཏི་མུག་ཟང་ཐལ་མ་ཤར་ན། །ཆོས་སྐུ་རྐྱེན་ཐུབ་ག་ནས་བཙལ། །གཏི་མུག་ཡུལ་མེད་མ་ཤར་ན། །ཆོས་སྐུའི་མཁྱེན་ཚད་ག་ལ་བྱ། །གཏི་མུག་རང་དག་མ་ཤར་ན། །ཆོས་སྐུའི་འབྲས་བུ་སུ་ལ་བསྟན། །ཐུགས་རྗེ་འདོད་ཆགས་རྩ་མེད་ན། །སྤྲུལ་སྐུའི་བདག་པོ་སུ་ཡིས་བྱེད། །སྤྲུལ་པ་སྐུ་ཡི་ས་བོན་རུལ། །འདོད་ཆགས་རང་གྲོལ་མ་ཤར་ན།སྤྲུལ་སྐུའི་ངོ་ཤེས་སུ་ཡིས་བྱེད། །འདོད་ཆགས་ཟང་ཐལ་མ་་ཤར་ན། སྤྲུལ་སྐུ་རྐྱེན་ཐུབ་བུ་ལ་འབྱུང་། །འདོད་ཆགས་གཉིས་མེད་མ་ཤར་ན། །སྤྲུལ་སྐུའི་མཁྱེན་ཚད་སུ་ཡིས་གཟུང་། །འདོད་ཆགས་རང་དག་མ་ཤར་ན། །སྤྲུལ་སྐུའི་ཆེ་བ་སུ་ལ་བསྟན། །ངོ་བོ་གསལ་བའི་རྩ་མེད་ན། །ལོངས་སྐུའི་དབང་པོ་སུ་ཡིས་བྱེད། །ལོངས་སྐུའི་ས་བོན་རུལ་བ་ཡིན། །ཞེ་སྡང་རང་གྲོལ་མ་ཤེས་ན། །ལོངས་སྐུའི་ངེས་ཤེས་ག་ལ་བྱ། །ཞེ་སྡང་ཟང་ཐལ་མ་ཤར་ན། །ལོངས་སྐུའི་རྐྱེན་ཐུབ་སུ་ལ་རེ། །ཞེ་སྡང་ཁོང་གསལ་མ་ཤར་ན། །ལོངས་སྐུའི་མཁྱེན་ཚད་ག་ལ་བྱ། །ཞེ་སྡང་རྣམ་དག་མ་ཤར་ན། །ལོངས་སྐུའི་ངོ་སྤྲོད་ག་ལ་བྱ། །རྩ་གཉིས་ཡོན་ཏན་ཆ་དང་ལྡན། །ཞེ་སྡང་རང་གྲོལ་ཤེས་པ་ལ། །ཞེ་སྡང་ལོག་ནོན་དམར་ཁྲིད་དགོས། །དམར་ཁྲིད་ལོག་ནོན་གནད་ཤེས་ན། །ལོངས་སྐུ་རང་སྣང་འཆར་བར་འགྱུར། །ཐུན་མོང་མ་ཡིན་མཆོག་ཏུ་འགྱུར། །གཏི་མུག་རང་གྲོལ་ཤེས་པ་ལ། །ལོག་ནོན་དོན་སྐོར་གདམ་ངག་དགོས། །དོན་སྐོར་ལོག་ནོན་གནད་ཤེས་ན། །ཆོས་སྐུ་ཡུལ་མེད་འབྱུང་བར་འགྱུར། །འདོད་ཆགས་རང་གྲོལ་ཤེས་པ་ལ། །བརྡ་སྐོར་གནད་ཀྱི་གདམ་ངག་དགོས། །གནད་དང་བརྡ་སྐོར་དོན་ཤེས་ན། །སྤྲུལ་སྐུ་རང་ཆས་འབྱུང་བར་འགྱུར། །དེ་རྣམས་དྲུག་གིས་གནད་ཤེས་ན། །ང་རྒྱལ་མེད་པའི་ཡིད་ཆེས་འཆར། །ང་རྒྱལ་རྩ་ནས་ཆོད་པའི་ཕྱིར། །འདོད་པ་མེད་པའི་རྟགས་མཆོག་ཆང་། །སྐུ་གསུམ་རང་ལ་ཤར་བའི་ཕྱིར། །ཡུལ་མེད་པ་ཡི་ཐུགས་རྗེ་འབྱུང་། །སངས་རྒྱས་ཡུལ་མེད་ཡིན་པའི་ཕྱིར། །རིག་པ་ཡུལ་མེད་མ་ཤར་ན། །སངས་རྒྱས་ཡུལ་མེད་ཤིན་ཏུ་དཀའ། །ང་རྒྱལ་རང་གྲོལ་མ་ཤར་ན། །སངས་རྒྱས་དགོངས་པ་འཆར་བ་དཀའ། །ཞེ་འདོད་རང་གྲོལ་མ་ཤར་ན། །སྐུ་གསུམ་རང་གྲོལ་ཤིན་ཏུ་དཀའ། །བཀའ་བའི་ཕྱིར་ན་སླ་བ་ཡིན། །སླ་བའི་ཕྱིར་ན་དཀའ་བ་ཡིན། །ཐུང་ངུ་ཐུང་ངུ་རིང་པོ་ཡིན། །རིང་པོ་རིང་པོ་ཐུང་ངུ་ཡིན། །ཆེན་པོ་ཆེན་པོ་ཆུང་ངུ་ཡིན། །ཆུང་ངུ་ཆུང་ངུ་ཆེན་པོ་ཡིན། །དེས་ན་དཔག་པར་རབ་ཏུ་དཀའ། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །སྤྱོད་པའི་བདུད་ངོས་བཟུང་བའི་ལེའུ་སྟེ་དྲུག་པའོ།། །།དེ་ནས་ཡང་དག་བཀའ་སྩལ་པ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །བདུད་དང་འདྲེ་ཡི་སྤྱོད་ཡུལ་དང་། །བྱིན་གྱིས་བརླབས་པ་བསྟན་པར་བྱ། །འབྲས་བུ་བདུད་དུ་བབས་པ་ཡོད། །འབྲས་བུ་ཡུལ་ཅན་དུས་ལ་ལྟོས། །གཏི་མུག་བདུད་ཀྱིས་བྱིན་གྱིས་རླབས། །འབྲས་བུ་ཞེ་འདོད་ཡུལ་དུ་གྱུར། །འདོད་ཆགས་བདུད་ཀྱིས་ཁྱེར་བ་ཡིན། །འབྲས་བུ་དུས་ལྟོས་རིང་འགྱུར་བ། །ཞེ་སྡང་བདུད་ཀྱི་ཁྱེར་བ་ཡིན། །ཐེག་པའི་ངང་གཞུང་འབྲས་བུ་སྟེ། །ཕྲག་དོག་བདུད་ཀྱིས་བྱིན་གྱིས་རླབས། །འབྲས་བུ་རང་ལ་ཐོབ་སྙམ་བྱེད། །ང་རྒྱལ་བདུད་ཀྱིས་བྱིན་གྱིས་རླབས། །འབྲས་བུ་རང་ལ་མ་རྟོགས་པ། །ཁོང་ཁྲོའི་བདུད་ཀྱིས་བྱིན་གྱིས་བརླབས། །བདུད་ཀྱི་སོ་པ་མི་དྲུག་བྱུང་། །སོ་པ་རེ་རེས་སོ་བཙུགས་ནས། །བདུད་ཀྱི་ཁ་ལས་ཐར་པ་མེད། །ཐེག་པའི་འབྲས་བུའི་རང་ས་དང་། །མཐར་ཐུག་བ་ཡི་འབྲས་བུ་གཉིས། །འདྲ་འདྲ་འདྲ་སྟེ་ནོར་བར་མཆིའོ། །ཐུན་མོང་ཁྱད་པར་སྐུ་གསུམ་དང་། །མཆོག་གི་སྐུ་གསུམ་ཟང་ཐལ་གཉིས། །འདྲ་འདྲ་འདྲ་སྟེ་ནོར་བར་མཆི། །རིག་པའི་རྩ་རླུད་སྤྱོང་བ་དང་། །ཐབས་ཀྱི་རྩ་རླུད་སྦྱོང་བ་གཉིས། །འདྲ་འདྲ་འདྲ་སྟེ་ནོར་བར་མཆི། །ཞེ་ལ་འདོད་ཐོབ་འབྲས་བུ་དང་། །རིག་པ་རང་སྣང་འབྲས་བུ་གཉིས། །འདྲ་འདྲ་འདྲ་སྟེ་ནོར་བར་མཆི། །གྲངས་ཆེན་སྤྱི་ཁྱབ་སངས་རྒྱས་དང་། །རང་སྣང་དོན་གྱི་སངས་རྒྱས་གཉིས། །འདྲ་འདྲ་འདྲ་སྟེ་ནོར་མཆི། །འབྲས་བུ་ཕྱི་དུས་མི་འདེབས་ཏེ། །ཡེ་ཤེས་སྔ་ཕྱི་མེད་པའི་ཕྱིར། །འབྲས་བུ་བར་དོ་མི་འདོད་དེ། །གཉིས་མེད་ཟང་ཐལ་ཡོད་པའི་ཕྱིར། །ཞབྲུལ་པ་ལྡོག་ཏུ་མི་འདོད་དེ། །འཁྲུལ་མེདཉག་གཅིག་ཡོད་པའི་ཕྱིར། །སེམས་འཛིན་འབྲས་བུ་མི་འདོད་དེ། །འཛིན་པ་ཟང་ཐལ་ཡོད་པའི་ཕྱིར། །ཉམས་མྱོངས་བདེ་བ་མི་འདོད་དེ། །བདེ་བ་ཟང་ཐལ་ཤར་བའི་ཕྱིར། །འཁྲུལ་མེད་པའི་སྣང་བ་དྭངས་ཙམ་ན། །འཁྲུལ་པ་མེད་པ་དབང་པོ་ཡིན། །འཁྲུལ་པ་སྐྱེ་མེད་ཡིད་ཆེས་ཡིན། །འཁྲུལ་པར་ཤར་བ་རྟགས་མཆོག་ཡིན། །འཁྲུལ་པ་ཟང་ཐལ་དྲོད་ཚད་ཡིན། །འཁྲུལ་པ་རང་སྣང་ངེས་ཤེས་ཡིན། །བདུད་ངོ་ཤེས་པ་ཚད་མ་ཡིན། །འཁྲུལ་པ་ཡེ་ཤེས་དབང་བསྐུར་ཡིན། །ཕྱི་ནང་མེད་པ་འབྲས་བུ་ཡིན། །རང་སྣང་རྣམ་དག་ཤར་ཙམ་ན། །ཉོན་མོངས་བདུད་ཆོམས་དབང་པོ་ཡིན། །རང་སྣང་ཟང་ཐལ་ཡིད་ཆེས་ཡིན། །སྣང་བ་རང་གྲོལ་དྲོད་ཚད་ཡིན། །རང་སྣང་སྐྱེ་མེད་རྟགས་མཆོག་ཡིན། །རང་སྣང་ངོ་སྤྲོད་ངེས་ཤེས་ཡིན། །རང་སྣང་ངོས་ཟིན་ཚད་མ་ཡིན། །རང་སྣང་ཡེ་ཤེས་དབང་གི་བསྐུར་ཐབས་ཡིན། །རང་སྣང་ཡུལ་མེད་དབང་གི་སྤྱོད་ཐབས་ཡིན། །ཆེན་པོ་ལྔ་དང་ལྡན་པ་དབང་གི་འབྲས་བུ་ཡིན། །རང་སྣང་ཕྱི་ནང་མེད་པ་དབང་གི་ཡིད་ཆེས་ཡིན། །སྣང་བ་དབང་དུ་འདུས་པ་དྲོད་དང་ཚད་མ་ཡིན། །རང་སྣང་སྣ་ཚོགས་འཆར་བ་དབང་རྟགས་ཡིན། །ཉག་གཅིག་ཤེས་པ་དབང་གི་ངོ་སྤྲོད་ཡིན། །དེ་ལྟར་ཤེས་པ་སྣང་བའི་དབང་བསྐུར་ཡིན། །ཚོགས་དྲུག་རང་སར་གྲོལ་ཙམ་ན། །ལྷའི་བུའི་བདུད་ཆོམས་དབང་པོ་ཡིན། །ཚོགས་དྲུག་འགྱུ་བར་འདུས་པ་ཡིད་ཆེས་ཡིན། །འགྱུ་བ་རང་གྲོལ་དྲོད་དང་ཚད་མ་ཡིན། །འགྱུ་བ་སྣ་ཚོགས་འཀྱུས་པ་རྟགས་མཆོག་ཡིན། །འགྱུ་བ་ངོ་ཡིས་ཟིན་པ་ངོ་སྤྲོད་ཡིན། །འགྱུ་བ་དབུགས་མེད་ངོ་ཤེས་ཡིན། །ཐོགས་མེད་ཟང་ཐལ་དབུགས་མེད་དབང་གི་བསྐུར་ཐབས་ཡིན། །འགྱུས་ཚད་རང་སར་དག་ཤེས་དབང་ཐོབ་ཡིན། །འགྱུ་བ་ཟང་ཐལ་འཆར་བ་དབང་གི་སྤྱོད་པ་ཡིན། །འགྱུ་བ་ཡུལ་མ་རྙེད་པ་དབང་གི་འབྲས་བུ་ཡིན། །འགྱུ་བ་དཀར་ནག་དབང་གི་ཡིད་ཆེས་ཡིན། །སྣང་བ་རྣམ་གསུམ་འགྱུ་བའི་འདུས་པ་དྲོད་དང་ཚད་མ་ཡིན། །འགྱུ་བ་མེད་ན་སངས་རྒྱས་མེད་པས་དབང་རྟགས་ཡིན། །འགྱུ་བ་ཕྲ་རགས་ཅིར་འགྱུར་ཟང་ཐལ་ངོ་སྤྲོད་ཡིན། །དེ་ལྟར་ལོག་ནོན་ཤེས་ན་ཚོགས་དྲུག་དབང་བསྐུར་ཡིན། །གཉིས་མེད་ཡེ་ཤེས་ཤར་ཙམ་ན། །ཕུང་པོ་ལྔ་ཡི་བདུད་ཆོམས་དབང་པོ་ཡིན། །ཡེ་ཤེས་རང་སྣང་ཤར་བ་ཡིད་ཆེས་ཡིན། །གཟུང་འཛིན་སྣ་ཚོགས་སྐྱེ་བ་དྲོད་དང་ཚད་མ་ཡིན། །གཟུང་འཛིན་སྐྱེ་མེད་འཆར་བ་རྟགས་མཆོག་ཡིན། །གཟུང་འཛིན་གནད་ལ་ཕེབས་པ་ངོ་སྤྲོད་ཡེ་ཤེས་ཡིན། །གཟུང་འཛིན་གཉིས་མེད་དབང་གི་བསྐུར་ཐབས་ཡིན། །འཛིན་པ་རང་འབྱུང་རང་སྣང་དབང་ཐོབ་ཡིན། །འཛིན་པ་སྐྱེ་བ་མེད་པར་ཤེས་པ་དབང་གི་སྤྲོད་པ་ཡིན། །སངས་རྒྱས་ཡུལ་མེད་ཤར་བ་དབང་གི་འབྲས་བུ་ཡིན། །གཉིས་མེད་ཡེ་ཤེས་ཟང་ཐལ་དབང་གི་ཡིད་ཆེས་ཡིན། །གཉིས་མེད་རང་སར་དག་པ་དྲོད་དང་ཚད་མ་ཡིན། །འཛིན་པའི་ཤེས་པ་སྣ་ཚོགས་སྐྱེ་བ་དབང་རྟགས་ཡིན། །འཛིན་མེད་རང་གྲོལ་ཤེས་པ་དབང་གི་ངོ་སྤྲོད་ཡིན། །དེ་ལྟར་ཤེས་པ་དབང་གི་འབྲས་བུ་བླ་ན་མེད་པ་ཡིན། །དྲི་མེད་ཟང་ཐལ་ཤར་ཙམ་ན། །འཆིབདག་བདུད་ཆོམས་དབང་པོ་ཡིན། །འཁྲུལ་པ་ཟང་ཐལ་ཡིད་ཆེས་ཡིན། །སྐྱེ་མེད་ཟང་ཐལ་དྲོད་དང་ཚང་མ་ཡིན། །སྐྱེ་དང་འཆི་ལ་རྟགས་མཆོག་ཡིན། །སྐྱེ་མེད་ཉག་གཅིག་དབང་གི་ངེས་ཤེས་ཡིན། །ཆུ་བཞི་ཟང་ཐལ་ངོ་སྤྲོད་ཡིན། །སྐྱེ་ཤི་རང་གྲོལ་དབང་གི་བསྐུར་ཐབས་ཡིན། །སྐྱེ་འཆི་རང་དག་ཤེས་པ་དབང་ཐོབ་ཡིན། །སྐྱེ་མེད་ཡེ་ཤེས་འཆར་བ་དང་དབང་གི་སྤྱོད་པ་ཡིན། །ཆུ་བཞི་རང་སར་གྲོལ་བ་དབང་གི་འབྲས་བུ་ཡིན། །སྐྱེ་འཆི་རྒྱུན་ཆོད་དབང་གི་ཡིད་ཆེས་ཡིན། །སྣང་དང་མངོན་ཞེས་ལོག་པ་དབང་གི་དྲོད་དང་ཚད་མ་ཡིན། །ཆུ་བཞིས་འགྲོ་ཀུན་ཁྱབ་པ་གཏན་ཚིགས་དབང་རྟགས་ཡིན། །ཆུ་བཞི་དྲི་མེད་འཆར་བ་དབང་གི་ངོ་སྤྲོད་ཡིན། །ཆུ་བཞི་རང་གྲོལ་ཉག་གཅིག་ཐིག་ལེའི་དབང་བསྐུར་ཡིན། །སྣང་བ་རང་གྲོལ་རྒྱ་མ་ཆད་པས་རྒྱུད་ཀྱི་དབང་བསྐུར་ཡིན། །ཐམས་ཅད་རང་ལ་ཁྱབ་པས་དབང་གི་ཐོབ་ཚུལ་ཡིན། །ཕྱོགས་མེད་རྒྱ་མ་ཆད་པས་རྒྱུད་ཀྱི་སྤྱོད་པ་ཡིན། །དེ་ཡི་གོང་ན་མེད་པ་རྒྱུད་ཀྱི་འབྲས་བུ་ཡིན། །ཐམས་ཅད་གཅིག་ལ་རྫོགས་པ་རྒྱུད་ཀྱི་ངོ་བོ་ཡིན། །ཐམས་ཅད་འབྲེལ་ཞིང་ཚང་བ་ངེས་ཚིག་ཡིན། །རང་སྣང་རྣམ་པར་དག་པས་ཡང་དག་དབང་བསྐུར་ཡིན། །རིག་པ་དྲི་མ་མེད་པ་ཡང་དག་དབང་ཐོབ་ཡིན། །འགྱུས་ཆད་དྲི་མེད་ཡང་དག་སྤྱོད་པ་ཡིན། །འགྱུས་པས་རང་དབང་སྒྱུར་བ་འབྲས་བུ་ཡིན། །ཐོག་མེད་རང་གསལ་ཆེན་པོ་མེད། །ཐུགས་རྗེ་ཀུན་ལ་སྙོམས་པས་ཏིལ་མར་འདྲ། །ལྷ་དགུས་རང་ཆས་ཚོགས་བརྒྱད་འགྱུ་བའི་ལྷ། །དུས་གསུམ་དབྱེར་མེད་ཐིག་ལེ་ཉག་གཅིག་ཀ་པ་ལ། །ཐམས་ཅད་རང་ལ་གྲུབ་པས་གྲུབ་པ་གཅིག་བུ་ཉིད། །རིག་པ་དྲི་མ་མེད་པས་ཡང་དག་གྲུབ་པའོ། །སྣང་སྲིད་ཉག་གཅིག་ཤར་བས་ཕུར་པའི་དབང་བསྐུར་ཡིན། །བདུད་བཞི་ངོ་སྤྲོད་གཅིག་ཏུ་ཤར་བས་བདུད་རྩིའི་དབང་བསྐུར་ཡིན། །སྣང་བ་བདུད་དུ་བབས་པས་བདུད་རྩིའི་ཡིད་ཆེས་ཡིན། །བདུད་ལྔ་རང་ལ་སྣང་བས་རྩི་རུ་ཤེས་པ་དབང་པོ་ཡིན། །དུག་གི་རྩ་བ་ཆོད་པ་སངས་རྒྱས་རྩི་རུ་ཤར་བ་དྲོད་དང་ཚད་མ་ཡིན། །དུག་ལྔ་ཉོན་མོངས་བརྒྱད་ཁྲི་བཞི་སྟོང་ཤར་བ་བདུད་རྩིའི་རྟགས་ཆེན་ཡིན། །དུག་ལྔ་འགྱུ་བའི་རྩ་རུ་བསྟན་པ་བདུད་རྩིའི་ངོ་སྤྲོད་ཡིན། །བདུད་རྩི་མ་ལུས་ཤར་བ་བདུད་རྩིའི་བུམ་པའི་ལུང་། །ཐམས་ཅད་ཡོངས་ལ་ཟིན་བས་ལུང་གི་དབང་བསྐུར་ཡིན། །ཐམས་ཅད་རང་སར་ཟིན་པས་ལུང་གི་དབང་ཐོབ་ཡིན། །ཐམས་ཅད་རང་འབྱུང་ཤེས་པ་ལུང་གི་སྤྱོད་པ་ཡིན། །སངས་རྒྱས་ལག་བཅངས་རྩེར་ཟིན་ལུང་གི་འབྲས་བུ་ཡིན། །བདུད་རྩི་དོན་ལ་རྣམ་གསུམ་སྟེ། །རྫས་ཀྱི་བདུད་རྩི་སྨན་དུ་སྦྱར་བ་ཕྱི་ཡི་བདུད་རྩི་ཡིན། །དུག་ལྔ་ལྷ་རུ་བསྒྱུར་བ་བསྒྲུབ་པའི་བདུད་རྩི་ཡིན། །འགྱུས་ཚད་བདུད་དུ་བབས་པ་རྩི་རུ་ངོ་སྤྲོད་གསང་བའི་བདུད་རྩི་ཡིན། །བདུད་ཅེས་བྱ་བ་མ་རིག་པ། །རྩི་ནི་རང་རིག་ཡེ་ཤེས་ཡིན། །འགྱུ་བ་མེད་པ་བདུད་རྩིའི་བཅུད། །བཅུད་ལེན་སྨན་ཆེན་འདི་ཡིན་པས། །རྫས་ནི་འགྱུ་བ་སྣ་ཚོགས་སོ། །རྩི་ནི་ཡེ་ཤེས་ཟང་ཐལ་ལོ། །རྫས་ནི་བདུད་རྩི་ཞེས་ཀྱང་བྱ། །རྟག་ཏུ་ལག་ཏུ་བླང་བའི་ཕྱིར། །སྒྲུབ་པའི་བདུད་རྩི་ཞེས་ཀྱང་བྱ། །བདུད་ངོས་ཟིན་པས་རྩི་རུ་ཤར། །དོན་གྱི་བདུད་རྩི་ཞེས་བྱའོ། །བདུད་རྩི་འབྱུང་བའི་རྒྱུ་ནི་ཡབ་ཀྱི་མཁའ། །ཡབ་ནི་ཀུན་ཏུ་བཟང་པོ་ཡིན། །བདུད་རྩི་བཟེ་བའི་སྣོད་ནི་ཀུན་ཏུ་བཟང་མོ་ཡིན། །བདུད་རྩི་འབྱུང་བའི་རྒྱུ་ནི་བྱིན་དང་རླབས། །བདུད་རྩི་བཟེ་བའི་སྣོད་ནི་སྤྲུལ་པ་འབྱུང་བའི་གནས། །བདུད་རྩི་འབྱུང་བའི་རྒྱུ་ནི་འགྱུ་བ་ཡིན། །བདུད་རྩི་བཟེ་བའི་སྣོད་ནི་འགྱུ་བ་ཟང་ཐལ་ཡིན། །བདུད་རྩི་འབྱུང་བའི་རྒྱུ་ནི་ཚོགས་བརྒྱད་འགྱུ་བ་ཡིན། །བདུད་རྩི་བཟེ་བའི་སྣོད་ནི་ཚོགས་དྲུག་ཧར་གཞག་ཡིན། །བདུད་རྩི་འབྱུང་བའི་རྒྱུ་ནི་དུག་ལྔ་ཁོང་ཁྲོ་ཡིན། །བདུད་རྩི་བཟེ་བའི་སྣོད་ནི་རངསྣང་རང་གྲོལ་ཡིན། །བདུད་རྩི་འབྱུང་བའི་རྒྱུ་ནི་གཟུང་འཛིན་ཡིན། །བདུད་རྩི་བཟེ་བའི་སྣོད་ནི་གཉིས་མེད་ཐབས་ཆེན་ཡིན། །བདུད་རྩི་འབྱུང་བའི་རྒྱུ་ནི་མ་རིག་མ་རྟོགས་པ། །བདུད་རྩི་སྲེ་བའི་ཐབས་ནི་རིག་ཅིང་རྟོགས་པ་ཡིན། །བདུད་རྩི་འབྱུང་བའི་རྒྱུ་ནི་ཆགས་དང་སྡང་བ་ཡིན། །བདུད་རྩི་སྲེ་བའི་ཐབས་ནི་ཆགས་དང་ཡུལ་མེད་ཡིན། །བདུད་རྩི་འབྱུང་བའི་རྒྱུ་ནི་དུག་ལྔ་དྲུག་གསུམ་ཡིན། །བདུད་རྩི་འདྲེས་པའི་ཚད་ནི་སྐུ་གསུང་ཐུགས་སྤྲད་ཡིན། །བདུད་རྩིའི་དབང་པོ་དུག་ལྔས་བྱེད་པཡིན། །བདུད་རྩིའི་ཡོན་ཏན་ཡེ་ཤེས་ལྔ་ཡིས་བྱེད། །བདུད་རྩི་ངེས་ཤེས་འགྱུ་བ་རང་གྲོལ་ཡིན། །བདུད་རྩིའི་དྲོད་ཚད་འགྱུ་བའི་སོ་པ་ཡིན། །བདུད་རྩིའི་རྟགས་ནི་ཉོན་མོངས་བརྒྱད་ཁྲིས་བྱེད། །བདུད་རྩིའི་ཡིད་ཆེས་སྐུ་གསུང་ཐུགས་ཕྲད་ཡིན། བདུད་རྩིའི་འབྲས་བུ་དྲི་མེད་ཟང་ཐལ་ཡིན། །བདུད་རྩིའི་ངོ་བོ་མཁྱེན་པའི་ཡེ་ཤེས་ཡིན། །བདུད་རྩིའི་ངེས་ཚིག་དྲི་མེད་རྣམ་དག་ཡིན། །བདུད་རྩིའི་དབྱེ་བ་རྣམ་གསུམ་གོང་མ་ཡིན། །བདུད་རྩིའི་མཐུན་དཔེ་མ་ཤེས་དྲི་མེད་ཡིན། །ཐམས་ཅད་གནད་ལ་ཕེབས་ཙམ་ན། །མན་ངག་དབང་བསྐུར་ཞེས་སུ་བཤད། །ཐམས་ཅད་གདེང་རྙེད་གནད་དུ་ཕེབས། །མན་ངག་དབང་ཐོབ་ཅེས་ཀྱང་བྱ། །ཨ་ཏི་ཡོ་གའི་དབང་བསྐུར་ཡིན། །སྣང་བ་དབྱིངས་ཀྱི་ཨ་ཏི་འབུར་དུ་བཀོད། །གྲགས་པ་སྒྲ་ཡི་ཨ་ནི་ཁོང་ནས་འབྱུང་། །ཡང་དག་དོན་གྱི་ཨས་ནི་ཀུན་ལ་ཁྱབ། །སྣང་བ་སྐྱེ་མེད་ཨ་ཏི་དབང་བསྐུར་ཡིན། །ཨ་ནི་སྐྱེ་བ་མེད་པ་ཡིན། །ཏི་ནི་རིག་པ་རྡོ་རྗེའི་སྐུ། །ཚོགས་དྲུག་སྐྱེ་མེད་ཨ་ཏིའི་དབང་བསྐུར་ཡིན། །ཨ་ནི་ཚོགས་དྲུག་རང་གྲོལ་ཡིན། །ཏི་ནི་ཚོགས་དྲུག་འགྱུར་མེད་སྐུ། །ཨ་ནི་འགྱུས་པ་སྐྱེ་མེད་ཡིན། །ཏི་ནི་ཟང་ཐལ་བརྟན་པའི་སྐུ། །མན་ངག་ངོ་བོ་དོན་དང་ལྡན། །གཞི་མ་ཚེགས་ཆུང་དོན་ཆེན་ཡིན། །ངེས་པའི་ཚིགས་ནིཐམས་ཅད་སློང་བ་རྐྱེན་ཐུབ་ཡིན། །འབྱུང་ལྔ་རིག་པ་བསྟན་པ་ངོ་སྤྲོད་ཡིན། །འབྱུང་ལྔ་ཡུལ་མེད་ཤར་བ་འབྲས་བུ་ཡིན། །ཞེས་གསུངས་སོ། །ཡང་དག་དོན་གྱི་ནམ་མཁའ་ནི། །ཐིག་ལེ་ཉག་གཅིག་དབང་པོ་ཡིན། །རིག་པ་ཟང་ཐལ་ངེས་ཤེས་ཡིན། །སྣང་བ་ཟང་ཐལ་དྲོད་དང་ཚད་མ་ཡིན། །ཡུལ་སེམས་རང་སར་གྲོལ་བ་ངེས་ཤེས་ཡིན། །རང་སྣང་རང་ལ་ཤར་བ་རྐྱེན་ཐུབ་ཡིན། །རང་སྣང་ཡེ་ཤེས་འོད་གསལ་ཤར་བ་ངོ་སྤྲོད་ཡིན། །ཆོས་ཅན་རང་སྣང་འོད་གསལ་ཤར་བ་འབྲས་བུ་ཡིན། །ཞེས་གསུངས་སོ། །ཡང་བཀའ་སྩལ་པ། ཨ་ཡི་ངོ་བོ་ཆོས་ཅན་སྐྱེ་མེད་ཡིན། །ངེས་པའི་ཚིག་ནི་འགྱུར་བ་མེད་པ་ཡིན། །དབྱེ་བ་གཞི་ལམ་འབྲས་བུའི་ཨ། །གཞི་ཡི་ཨ་ནི་བརྗོད་བྱའི་གཞི། །ཨ་ཡི་ཁོང་ནས་ཐམས་ཅད་འབྱུང་། །སྣང་བ་རྣམ་གསུམ་སྐྱེད་པའི་མ། །ཨ་ཡི་མགོ་ལ་དཔུང་པ་ལག་པ་དང་། །ལུས་པོ་རྐང་པ་ལྔ། །ཐམས་ཅད་སྐྱེད་པའི་ཕྱི་མོ་ཡིན། །སྐྱེ་དགུའི་བདག་ཉིད་གནས་ནས་སྐྱོད། སྐྱེ་དགུའི་རྩ་བ་མ་ཆོད་ན། །གྲུབ་པའི་མཐའ་ལ་ཐུག་པ་མེད། །སྐྱེ་དགུའི་རྩ་བ་ཆོད་ཙམ་ན། ཁུ།བ་མཐའི་ཐག་ཆོད་ངེས་ཤེས་རྙེད། །འགྲོ་དྲུག་ཨ་ཡི་ལུས་ལ་ཚང་། །ཨ་དྲི་པྲེ་དུ་སུ་ཏྲི་ཞེས་པའི། །གསང་བའི་ས་བོན་བཞི་ལ་རྫོགས། །ཨ་ནི་ཡི་གེ་ཐམས་ཅད་བསྐྱེད། །དངོས་སུ་མེད་པར་དོན་ལ་རྫོགས། །དཔེར་ན་ལམ་ཤེསའཇའཚོནའདྲ། །ཆུཤེལ་མེ་ཤེལ་སྤུད་པ་ལྟར། །དངོས་སུ་མེད་དེ་གཞི་ལ་གྲུབ། །རྟེན་འབྲེལ་བཅུ་གཉིས་ལུགས་ན་ལགས། །འཁོར་བ་ལུགས་ན་གནས་པ་ཡིན། །དཔེར་ན་ཞུན་ཁུང་སྤྲ་ཚིལ་ལྟར། ཁུ་ལ་ཁྱད་མེད་རྐྱེན་ལ་བསྒྱུར། །བསྒྱུར་ཡང་གསེར་གྱི་ངོ་བོ་གཅིག །གསེར་མཁན་དག་གི་ངོ་ཤེས་བཞིན། །ངོ་སྤྲོད་པས་ནི་ཆོས་ཀུན་གཅིག །ཆོས་ཀུན་ཁོང་དུ་ཆུད་ཅེས་བྱ་། དཔེར་ན་རུས་སྦལ་གྲེ་བར་ནོར་བུ་༷ཆུད་པ་ནི། །ཡར་ཀྱང་མི་སྒྱུགས་མར་ཀྱང་མི་འ༷བྱུང་བཞིན། །ཆོས་ཀུན་ཡུལ་མེད་ཤེས་པས་ནི། །སངས་ལ་རྒྱས་ས་མེད་ཅིང་དམྱལ་བར་འགྲོ་བ་མེད། །འགྲོ་འོངམེད་པ་འདས་པ་རྣམ་ལྔ་ཨ་ལ་ཚང་། ལོངས་སྐུ་ཨོ་འགྱུར་སྡོང་པོ་གསང་བའི་ས་བོན་རྫོགས། །ཨོ་ཨུ་༷༷ཧུ༷་སྲུ་ཧྭ་རྡོ་རྗེ་འདས་པ་རྫོགས། །ཐིག་ལེ་སྐྱེ་མེད་མོ་ཡི་ས་བོན་ཡིན། །སྐྱེ་མེད་སྤྲོས་གཅོད་པ་ན་རོ་ཡི་ས་བོན་ཡིན། །སྐྱེ་མེད་འོད་གསལ་འོད་ལྔ་ཟླ་ཚེས་ས་བོན་ཡིན། །ཆོས་རྣམས་ཟང་ཐལ་ཨ་ཡི་ས་བོན་ཡིན། །སྐྱེ་མེད་ཉག་གཅིག་མཚོན་པ་ཨ་ཡི་ས་བོན་ཡིན། །ཐམས་ཅད་གཞི་ལ་འདུས་ཧུ༷་གི་ས་བོན་རྫོགས། །གཞི་མོ་རང་ས་མི་འགྱུར་གྲྭ་ཡི་ས་བོན་རྫོགས། །མི་འགྱུར་མི་འགགས་ཧྭ་ཡི་ས་བོན་རྫོགས། །ཨོ་འགྱུར་སྐུ་ལྔ་ཡེ་ཤེས་ལྔ་དང་ལྡན། །སྐུ་དང་ཡེ་ཤེས་འོད་ཀྱི་ས་བོན་རྫོགས། །ཐིག་ལེ་སྟོང་པ་ཡི་གེ་ལྔ། །ཨ་ནི་མཐིང་ཀ་ཧུ༷་དཀར་པོ། །སྲུ་སེར་ཨ༷་དམར་ཧྭ་ལྗང་ཁུ། །གསང་བ་འོད་ལྔའི་ས་བོན་གཞི་ལ་རྫོགས། །ཨ་ནི་ཐམས་ཅད་རྫོགས་པའི་སྤྱན། །ཁ་དོག་ལྔ་རུ་གྲུབ་པ་གཞི་ནས་རྫོགས་པའི་སྦྱན། །པདྨ་ལྔ་ལྡན་སྤྱན་ལ་ཕྱག་འཚལ་ལོ། །རྟགས་ཀྱི་སྤྱན་ལ་འོད་ལྔ་ཤར་བ་ནི། །གཞི་མོའི་ཧ་ཡི་གནས་ཀྱིས་གྲུབ་པ་ཡིན། །སྐུ་དང་ཡེ་ཤེས་རྟགས་ལ་ལྟ་བའི་ངོ་སྤྲོད་གཅེས། །འོད་ལྔ་རྟགས་དང་དོན་ལྡན་པདྨའི་སྤྱན། །པདྨ་རྒྱལ་པའི་སྤྱན་ལ་ཕྱག་འཚལ་ལོ། །གསང་བ་རིག་པའི་ཡེ་ཤེས་སྤྱན་མངའ་བ། །ཅི་རྟི་རྭ་ཛ་གུ་རྒྱ་པྲ་ས་ར། །སྐུ་དང་ཡེ་ཤེས་གསལ་བ་ཡེ་ཤེས་སྤྱན། །པད་དཀར་རྒྱས་པའི་སྤྱན་ལ་ཕྱག་འཚལ་ལོ། །གུ་རྒྱ་མ་ཧྭ་པྲཙྭ་ཕ་ལ་ཨེ་ཀ་ཏི་ལ་པྲ་ས་ར། །འབྲས་བུ་སྐུ་གསུམ་འདུ་འབྲལ་མེད་པ་ཡི། །ཡེ་ཤེས་ཟང་ཐལ་སྤྱན་མངའ་བ། །ཐམས་ཅད་མཁྱེན་པའི་སྤྱན་མངའ་ཁྱོད་ལ་བདུད། །ཙྭ་ན་ཙཀྱུ་སརྦ་ཨེ་ཀ་ཏི་ལ་གུ་རྒྱ་ཏ་ནྟྲ་ཨུ་པ་དེ་ཤ །མ་ཧྭ་ཙཀྱུ་པྲ་བེ་ཤ་ཡ། །མ་རིག་སྒོ་ངའི་སྦུབས་འབྱེདཔ། །ཐུགས་རྗེ་འོད་མཛད་དེ་ཡི་སྤྱན་མངའ་བ། །ཡེ་ཤེས་མིག་གཅིག་དྲི་མེད་ཁྱོད་ལ་བདུད། །ཨ་བི་མ་ནུ་པྲ་ས་ར་ཙཀྟ་བིདྷ་ཙྭ་ན་མ་ཧྭ། །སངས་རྒྱས་ཡེ་ཤེས་ལུས་འཆང་བ། །ཡེ་ཤེས་ཆགས་མེད་སྤྱན་ལ་འདུད། །འདས་པ་རྣམས་ལྔ་གསང་བའི་ས་བོན་ལྔ། །དྲི་འདས་གསལ་བའི་ས་སྟེང་འགྱུ་བ་དེ། །ཨ་འདས་ཨོ་འགྱུར་རང་བཞིན་ཆེན་པོ་ལྔ། །སུ་འདས་ཨ་ཡི་རང་བཞིན་ཁྱབ། །པྲེ་འདས་ཨ༷་འགྱུར་ཐུགས་རྗེས་འགྲོ་བ་འདྲེན། །སུ་འདས་ལྟར་འགྱུར་གསང་བ་ཐམས་ཅད་མཁྱེན་པའི་སྤྱན། །གསང་བའི་ས་བོན་དབང་བསྐུར་ཤེས་པས་འགྲོ་དྲུག་གཡང་ས་ཆོད། །མ་ནུ་ཤ་པྲེ་ཏ་ཀ་ཏིར་ཡ་ན་ར་ཀ་སུརུ་ཀ །དེ་ཝ་ཨ་ཀྟ་ལོ་ཀ །ཀ་ར་ཀུ་རུ་སྭ་སྟི་མ་ཧྭ་པྲཙྭ་ཕ་ལ། །ཨེ་ཀ་ཐི་ལ་བབྱཙྭ་ན་ཙསྟུ །ཞེས་གསུངས་སོ། །ད་ནི་རྡོ་རྗེའི་དོན་བཤད་དེ། །བཛྲ་ཀྭ་ཡ་ཙྭ་ན་རཏྣ་ཕ་ལ་པ་རི་ཤུ་དྷ་ཨ། །རྡོ་རྗེ་དོན་ཉིད་རྣམ་གསུམ་སྟེ། །མཚོན་བྱ་ཐབས་ཀྱི་རྡོ་རྗེ་དང་། །འགྲོ་འདུལ་རྟགས་ཀྱི་རྡོ་རྗེ་དང་། །ཡང་དག་དོན་གྱི་རྡོ་རྗེ་འོ། །མཚོན་བྱ་ཐབས་ཀྱི་རྡོ་རྗེ་ནི། །གསེར་དངུལ་ལུགས་དང་རིས་སུ་བྲིས་པའོ། །བཛྲ་ཞེས་བྱ་རྡོ་རྗེ་འོ། །ཀྭ་ཡ་ཆོས་ཀྱི་སྐུ་ཡིན་ནོ། །ཙྭ་ན་ཡེ་ཤེས་ཆེན་པོའོ། །རརྣ་རིན་ཆེན་ཕ་ལ་བཟང་། །པ་རི་ཤུ་དྷ་དྲི་མེད་དག་པའོ། །ཨ་ནི་ཆོས་ཉིད་སྐྱེ་བ་མེད་པ་མཚོན་པའོ། །བཛྲ་ཏྲི་ཀྭ་ཡ་པ྅་བུ་རྟོ་ཡ། །རྡོ་རྗེ་རྩེ་གསུམ་སྐུ་གསུམ་མཚོན། །མར་བལྟས་སྐུ་གསུང་ཐུགས་གསུམ་མཚོན། །ལྔ་ལྡན་ཡེ་ཤེས་ལྔ་ལྔར་མཚོན། །སྐུ་ལྔ་ཡེ་ཤེས་ལྔ་དང་ལྡན། །རྩེ་གཅིག་ཟང་ཐལ་འདས་པ་རྣམ་ལྔ་མཚོན། །ལྟེ་བ་ཟླུམ་པོས་ཐིག་ལེ་ཉག་གཅིག་མཆོན། །ཁྲོ་ཞལ་གཟུགས་སྐུ་རྣམ་གཉིས་མཆོན། །རྡོ་རྗེ་དཀྱིལ་འཁོར་རང་འབྱུང་ཐབས་ཀྱི་བརྡ། །རྟགས་ཀྱི་རྡོ་རྗེ་རང་ལུས་རྫོགས་པར་བསྟན། །རྐང་མཐིལ་ལག་མཐིལ་སྦྱར་བསྐྱེད་ལ། །བཛྲ་ཀ་ལ་ཏྲི་ཙྭ་ན་པརྩི་བུ་སྒོཇོ། །ལྟ་བ་ཆོས་སྐུ་ཟུག་རྔུ་མེད། །དྲི་མེད་ཆོས་སྐུ་ཀུན་ལ་ཁྱབ། །ལག་པ་ཡར་བལྷས་མཐིལ་སྦྱར་སྐུ་གསུམ་རྟགས། །རྐང་པ་མཐིལ་སྦྱར་ཐུགས་གསུམ་རྟགས། །སོར་མོ་ལྔ་ལྡན་ཡེ་ཤེས་ལྔ་ཡི་རྟགས། །ཞལ་ལྡན་གཟུགས་སྐུ་གཉིས་འབྱུང་རྟགས། །དེ་ནི་རང་འབྱུང་རྟགས་ཀྱི་རྡོ་རྗེ་འོ། །ཡང་དག་དོན་གྱི་རྡོ་རྗེ་ནི། །རིག་པའི་ཡེ་ཤེས་སྐུ་གསུམ་རྫོགས། །བི་བྱ་ཙྭ་ན་ཀ་སི་ཏྲ་ལ་ཡོ་གི། །སརྦ་པརྩི་གུ་རྒྱ་ས་མ་ཡ་མུ་དྲ་མ་ཧྭ་པ་ལ་རཏྣ་ཏནྟྲ་ཨེ་ཀ །དུག་ལྔ་སྐུ་ལྔ་ཡེ་ཤེས་ལྔ། །དུག་ལྔ་སྐུ་གསུང་ཐུགས་ཡིན་ནོ། །རིག་པ་རང་གྲོལ་ཐིག་ལེ་ཟང་ཐལ་འདས་པ་ལྔ། །འགྱུ་བ་ཁྲོ་ཞལ་གཟུགས་སྐུ་གཉིས། །སྐུ་གཞི་ལྟེ་བར་ཟུག་རྔུ་རང་སར་གྲོལ། །འགྱུ་བ་ཟང་ཐལ་སྐུ་གསུམ་རྩེ་མོ་ཐམས་ཅད་གཅིག །སྐུ་ལྔས་སྐུ་དང་ཡེ་ཤེས་ལྔ་ཡི་དཔང་པོ་མ་བྱས་ན། །སྐུ་དང་ཡེ་ཤེས་དོན་ལྡན་ངེས་ཤེས་གདེངས་མི་རྙེད། །དུག་ལྔ་ཆགས་སྡང་ལྷག་གིས་མ་སྐྱེས་ན། །དུག་ལྔ་རྐྱེན་ཐུབ་ལྷག་མཐོང་ཡེ་ཤེས་སུ་ལ་འཆར། དུག་ལྔ་རང་འབྱུང་ཆགས་སྡང་མ་སྐྱེས་ན། །རངབྱུངཡེ་ཤེས་དྲོད་ཚད་སུ་ཡིས་ཟིན། །དུག་ལྔ་སྐུ་དང་ཡེ་ཤེས་ཡིན་པར་མ་ཤེས་ན། །རང་རིགས་ཡེ་ཤེས་ངོ་སྤྲོད་དབང་པོ་གང་གི་བྱེད། །དུག་ལྔ་ཉོན་མོངས་བརྒྱད་ཁྲི་མི་འཆར་ན། ཐམས་ཅད་མཁྱེན་པའི་ཡེ་ཤེས་ངོ་སྤྲོད་གང་ལ་བྱ། །དུག་ལྔ་ཉོན་མོངས་རྟོགས་པ་བརྒྱད་དང་བརྒྱད་ཅུ་མི་འཆར་ན། །རྣམ་ཀུན་མཁྱེན་པའི་ཡེ་ཤེས་སུ་ལ་འཆར། །སརྦ་ཙྭ་ན་པརྩི་བི་བྱ་ཨ །དུག་གསུམ་དག་གི་སྐུ་གསུམ་མ་ཤེས་ན། །སྐུ་གསུམ་དཔང་པོ་ངོ་སྤྲོད་གང་གིས་བྱ། །དུག་གསུམ་རང་བྱུང་རྩ་བ་མ་ཆོད་ན། །སྐུ་གསུམ་ངོ་སྤྲོད་ངེས་ཤེས་ཅི་ལ་བྱ། །དུག་གསུམ་རྟོགས་པ་རང་བརྡོལ་མ་ཤེས་ན། །སྐུ་གསུམ་རང་ཆས་རྟགས་མཆོག་སུ་ལ་བསྟན། །དུག་གསུམ་རང་གྲོལ་ཟང་ཐལ་མ་ཤར་ན། །སྐུ་གསུམ་འབྲས་བུའི་དྲོད་དང་ཚད་མ་སུ་ཡིས་བྱེད། །ཆོས་སྐུའི་འབྲས་བུ་ཐར་པའི་བོན་དང་། །གཟུགས་སྐུ་གཉིས་ཀྱི་ས་བོན་སོ་མཚམས་དཔང་པོ་གང་གིས་བྱེད། །དུག་གསུམ་མེད་ན་སྐུ་གསུམ་ཚད་མ་ཅི། །འགྱུ་བ་མེད་ན་སྐུ་གཉིས་དཔང་པོ་མེད། །འགྱུ་བ་སྒྱུ་མ་ལྟ་བུའི་སྤྱན་མེད་ན། །ལོངས་སྐུ་ཐམས་ཅད་མཁྱེན་པའི་ས་བོན་མེད། །སྒྱུ་མ་ལྔར་མཐོང་ཞིང་ཁམས་སྣང་བ་ཡང་། །འགྱུ་བ་སྒྱུ་མའི་སྤྱན་གྱིས་གཟིགས་པ་ཡིན། །མཚན་མཆོག་སུམ་ཅུ་རྩ་གཉིས་སྣང་བ་ཡང་། །དབྱངས་ཡིག་བཅུ་དྲུག་བཞི་ལ་གྲུབ་པ་དང་། །དེ་ཉིད་ལམ་དུ་བྱ་བས་སྣང་བ་ཡིན། །དཔེ་བྱད་བཟང་པོ་བརྒྱད་ཅུ་རྩ་གཉིས་བོ། །གསལ་བྱེད་བཞི་བཅུ་རྩ་གཉིས་གཞི་ལམ་འབྲས་བུ་ཤར། །བསྡུས་པས་ཡོན་ཏན་སྣང་ཆ་ལྔ། །དབུ་སྐྲ་བུང་བ་ལྟར་གནག་པ། །རང་བཞིན་སྒྱུ་མར་མཐོང་བ་ཡིན། །སེན་མོ་ཤིན་ཏུ་དམར་བ་ཡང་། །ཐུགས་རྗེ་སྒྱུ་མར་མཐོང་བ་ཡིན། །ཚེམས་དང་མཆེ་བ་དཀར་བ་ཡང་། །ངོ་བོ་སྒྱུ་མར་མཐོང་བ་ཡིན། །སྐུ་ནི་རྒྱ་གྲོ་ལྟར་གབ་པ། །ཡོན་ཏན་སྒྱུ་མར་མཐོང་བ་ཡིན། །མཚན་དང་དཔེ་བྱད་སྣང་བ་ཡང་། །འཕྲིན་ལས་སྒྱུ་མར་མཐོང་བ་ཡིན། །འོད་ཟེར་ཐུགས་ཀར་ནུབ་པ་དང་། །འོད་ཟེར་ཐུགས་ཀ་ནས་འཆར་པ། །ཡེ་ཤེས་སྣང་བའི་འོད་དུ་ཤར་བ་ཡིན། །འོད་ལྔ་ཞིང་ཁམས་སྣང་བ་དང་། །འོད་ཟེར་བདེ་བ་འཕྲོ་བ་ནི། །ཐུགས་རྗེ་བཀྲག་མདངས་འབྱུང་བ་ཡིན། །སྒྱུ་མ་ལྟ་བུའི་སྐུ་འཇའ་ཚོན་ལྟ་བུའི་སྐུ། །འགྱུ་བ་མེད་ན་ལོངས་སྐུའི་ས་་བོན་སྟོར། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཆོས་སྐུ་ལས་ལོངས་སྐུ་བྱིན་རླབས་སུ་བཤད་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་ཆོས་ཀྱི་བློ་གྲོས་ཁྱོད། །འཛམ་བུ་ཀྲི་ཤིའི་ལོ་མ་ལ། །པདྨ་འདབ་མ་སྟོང་དང་ལྡན་པ་ལ། །སྒྱུ་མ་ལྔ་ལྡན་ཐུགས་རྗེའི་སྐུ། །རྫུས་ཏེ་རོ་ལངས་བདེ་བ་བྱོན། །ལྷ་ཡི་དབང་པོ་བརྒྱ་བྱིན་དང་། །ལྷ་ཡི་བུ་རྣམས་མང་པོ་ལ། །ཐུགས་རྗེ་འབྱུང་བའི་ཚུལ་བསྟན་ནས། །ལྷ་ཡི་སྐད་དང་ཀླུ་དང་ནི། །གྲུལ་བུམ་སྐད་དང་གནོད་སྦྱིན་ལྷ་མ་ཡིན། །འགྲོ་བ་མི་དང་འབྱུང་པོ་མི་མ་ཡིན། །ཐམས་ཅད་སྐད་དུ་བྱིན་གྱིས་བརླབས་ཀྱིས་བཤད། །བཤད་དོ་འཆད་དོ་འཆད་པར་འགྱུར་བའོ། །དེའི་ཚེ་དེའི་དུས་ན། །སྤྲུལ་སྐུ་ཐུགས་རྗེའི་བྱིན་རླབས་ཀྱིས། །སྐྱེ་འགྲོ་རྩི་ཤིང་ནགས་ཚལ་རླག་ཤ་ལ་སོགས་པ། །ཐམས་ཅད་ཆོས་ཉིད་སྒྲ་སྒྲོགས་སོ། །ལྷ་ཡི་སྐད་དུ་བཤད་པས་ནི། །ཐམས་ཅད་རང་རངསྒྲརུགོ །སྒྲགཅིགཀུནལཁྱབ་པའི་བརྡར། །དགུ་པོ་རྒྱུད་མངས་དཔེ་དང་སྦྱར་ནས་བཤད། །སྤྲུལ་པའི་སྐུ་ལ་འགྱུར་བའི་ཁྲོ་ཞལ་མ་གྲུབ་ན། །རྫུས་སྐྱེས་དཔང་པོ་སུ་ཡི་བྱེད། །ཆོས་བཤད་ངེས་ཤེས་སུ་ལ་སྐྱེ། །བྱིན་རླབས་དྲོད་དང་ཚད་མ་སུ་ཡིས་འཛིན། །བྱིན་རླབས་རྟགས་མཆོག་གང་ལ་འཆར། །སྤྲུལ་སྐུའི་འབྲས་བུ་སུ་ལ་འབྱུང་། །འགྱུ་བ་མེད་ན་སྤྲུལ་སྐུའི་ཡོན་ཏན་ཅི། །མཁྱེན་བྱ་ཐབས་ཆེན་གང་གིས་བྱ། །འགྲོ་དྲུག་འགྱུ་བ་མེད་པས་ན། །ཐར་པའི་ས་བོན་སུ་ལ་རེ། །མཁྱེན་པ་ཡེ་ཤེས་དཔང་པོ་གང་། །ངེས་ཤེས་དྲོད་དང་ཚད་མ་སུ་ཡིས་འཛིན། །འགྱུ་བ་རང་གྲོལ་འབྲས་བུ་སུ་ལ་འཆར། །འགྲོ་དྲུག་གནས་ན་གཏི་མུག་གཉིད་མེད་ན། །བྱིང་རྨུགས་སེལ་བའི་དཔང་པོ་སུ་ཡིས་བྱེད། །བསམ་གཏན་གཉིད་ཀྱི་གདམས་ངག་ངེས་ཤེས་དཔང་པོ་གང་། །བྱིང་མེད་ཟང་ཐལ་དྲོད་ཚད་གང་གིས་བྱ། །ཡེ་ཤེས་རང་གསལ་རྟགས་མཆོག་གང་ལ་བྱ། །གཏི་མུག་རང་གྲོལ་ཆོས་སྐུའི་འབྲས་བུ་སྟོར། །ཆོས་སྐུ་ཀུན་ཁྱབ་ཐོས་པར་བྱེད་པ་ལ། །བསམ་གཏན་གཉིད་ཀྱི་གདམས་པ་གཅེས། །གཉིད་ཀྱི་ལོག་ནོན་གདམས་ངག་མ་ཤེས་ན། །བསམ་གཏན་དྲོད་ཚད་གཟུང་ཐབས་མེད་པ་ན། །གཏི་མུག་རང་འབྱུང་གནད་མེད་ན། །ཆོས་སྐུ་རང་འབྱུང་འཆར་ཐབས་མེད། །གཏི་མུག་རང་གྲོལ་མ་ཤར་ན། །སྒོམས་པ་གཏི་མུག་གྲོལ་མི་འགྱུར། །གཏི་མུག་རང་གྲོལ་མ་ཤར་ན། །ཆོས་སྐུ་རང་ཤར་དུས་བཞི་མཉམ་སྦྱོད་དཀའ། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །སྤྲུལ་སྐུའི་བྱིན་རླབས་བཤད་པས་འགྲོ་དྲུག་ལ་ཆོས་སྐུ་ངོ་སྤྲད་པའི་ལེའུ་སྟེ་དགུ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་ལྷ་ཡི་དབང་པོ་ཁྱོད། །འགྲོ་དྲུག་སེམས་ཅན་དག་ལ་ཆགས་སུ་མེད་པ་དང་། །བསམ་གཏན་འཕྲོ་རྒོད་གཉིས་ཀྱི་དབང་པོ་གང་གིས་བྱེད། །ཆགས་སྡང་རང་སར་གྲོལ་བའི་གནད་མེད་ན། །ལོངས་སྐུའི་ངེ་ཤེས་སྐྱེ་བའི་གདམས་པ་གང་ལ་བྱ། །ཆགས་སྡང་རང་གྲོལ་དྲོད་ཚད་སུ་ཡིས་བྱེད། །བསམ་གཏན་ཟང་ཐལ་རྟགས་ཆེན་སུ་ལ་བསྟན། །ལོངས་སྤྱོད་རྫོགས་པའི་སྐུ་ཡི་ཐར་བའི་ས་བོན་སྟོར། །ཆགས་སྡང་རང་སར་གྲོལ་བའི་གནད་མེད་ན། །ལོངས་སྤྱོད་རྫོགས་པའི་སྐུ་ཡི་ངོ་སྤྲོད་སུ་ལ་བྱ། །བསམ་པ་རང་འབྱུང་རང་གྲོལ་གནས་མེད་ན། །ལོངས་སྐུ་མཁྱེན་པའི་ངོ་སྤྲོད་ཇི་ལྟ་བུ། །རྒོད་འཕྲོ་རང་གྲོལ་འགྲོ་བའི་གནད་མེད་ན། །བསམ་གཏན་ཕྲ་མོ་སེམས་གཟུང་བྱ་བ་ཡིས། །ལོངས་སྤྱོད་རྫོགས་པའི་སྐུ་ཡི་ཐར་པའི་ས་བོན་བརླག་པར་བྱ། །གཟུང་འཛིན་ཟང་ཐལ་གནད་མེད་ན། །ལོངས་སྐུའི་ངེས་ཚིག་ཅི་ལ་བྱ། །ལོངས་སྤྱོད་སྣང་པ་སྣ་ཚོགས་ཏེ། །རྫོགས་ཆེན་རང་སྣང་ཐིག་ལེར་རོ། །སྐུ་ནི་ཟང་ཐལ་མ་བཅོས་རང་འབྱུང་སྐུ། །ལོངས་སྐུ་ཀུན་གྱི་ནང་ན་མཆོག །རང་འབྱུང་སྤྲུལ་པའི་སྐུ་ལྔར་སྣང་། །སྣང་བ་ཆེན་པོ་གསལ་བ་ཆེ། །ཁ་དོག་སྣ་ཚོགས་འབར་བའི་འོད། །སྒྱུ་འཕྲུལ་དྲུ་བའི་སྐུ་འཆངབ། །སྐུ་གཅིག་ཀུན་ལ་ཁྱབ་པས་རང་སྣང་སྐུ། །ཁྱབ་པ་རང་འབྱུང་ཆེན་པོ་ལྔ། །རྣམ་རྟོག་རང་གྲོལ་ཅིར་སྣང་ས་ལེ་བ། །མཁས་པ་སྒྱུ་འཕྲུལ་དྲ་བའི་སྐུ། །རང་སྣང་དྲི་མ་རྣམ་པར་དག་པའི་སྐུ། །མ་འདྲེས་རང་གསལ་ཐུགས་རྗེ་འོད་དཔག་མེད། །སྲིད་པའི་དྲུ་བ་འཇོམས་མཛད་པའི། །རང་འབྱུང་རང་སྣང་གཙོ་བོའི་སྐུ། །ཁྱབ་བདག་ཡེ་ཤེས་ལྔ་ཡི་བདག །སངས་རྒྱས་སྐུ་ལྔ་རང་འབྱུང་བ། །རང་སྣང་མ་བསྒྲུབས་མ་བཙལ་བར། །རང་ལ་ཤར་བ་ཨེ་མ་ཧོ། །ཀྭ་ཡ་ཏྲི་ལ་ཨེ་ཀ་པྲ་ས་ར། །དྷ་ཏུ་ཙྭ་ན་བོ་དྷི་ཙིསྟ་པྲ་ཙྭ་ཙཀྱུ་ར་ས་ཡ་ན་མ་མ་ཀི་ཨ །བྱང་ཆུབ་སེམས་སེམས་དཔའ་ལྷའི་དབང་པོ་བརྒྱ་བྱིན་དང་། །འཁོར་ལྷ་བྱིན་རྣམས་མ་དངངས་མ་སྐྲག་པར་ལེགས་པར་ཐུགས་ལ་ཆོངས་ཤིག །རྟོགས་པ་རང་སྣང་ལོངས་སྐུ་དང་། །ཐུགས་རྗེ་འབྱུང་བའི་ལོངས་སྐུ་དང་། །ཁྱབ་པ་སྤྱི་ཡི་ལོངས་སྐུ་དང་། །རྡོ་རྗེ་དབྱིངས་ཀྱི་ལོངས་སྐུ་དང་། །འཁྲུལ་སྣང་འོད་ཀྱི་ལོངས་སྐུ་དང་། །སྤྲུལ་སྣང་ལོངས་སྤྱོད་རྫོགས་སྐུ་རྣམས། །ལོངས་སྐུ་སྒྲ་མཐུན་ཁྱད་པར་ཆེ། །འགྱུ་བ་འོད་ཀྱི་སྣང་བ་དང་། །འགྱུ་བ་འཁྲུལ་པས་སྒྱུ་མའི་སྣང་བ་དང་། །འགྱུ་བ་ཡེ་ཤེས་རྩེ་གཉིས་རང་སྣང་དང་། །འགྱུ་བ་རང་སྣང་རང་གྲོལ་དང་། །འགྱུས་ཏེ་ངོས་མ་ཟིན་པའི་ལུང་མ་བསྟན་འགྱུ་དང་། །བཟང་རྟོགས་ངན་རྟོགས་ཡིད་འགྱུ་ཟེར་འགྱུ་དང་། །ཕྲ་རགས་དངོས་པོར་འགྱུ་བ་རྣམས། །འགྱུ་བ་སྒྲ་མཐུན་ཁྱད་པར་ཆེ། །འོད་ལ་འགྱུ་དུས་མ་ཤེས་ན། །སངས་རྒྱས་༄༅ སེམས་ཅན་སོ་མཚམས་དཀའ། །སྤྱི་ས་འོད་ཀྱི་སོ་མཚམས་སུ། །དབང་པོ་ཡིད་གསུམ་སྣང་བ་གཅེས། །འགྱུ་བ་འཁྲུལ་པར་མ་ཤར་ན། །འཁྲུལ་པ་རང་གྲོལ་དུས་ཚོད་དཀའ། །འགྱུས་ནས་གཟུང་འཛིན་མ་ཤར་ན། །ཡེ་ཤེས་རང་སྣང་དུས་ཚོད་དཀའ། །ལུང་མ་བསྟན་དུ་མ་འགྱུས་ན། །ལུང་ལྡན་ཡེ་ཤེས་འཆར་བ་དཀའ། །བཟང་རྟོགས་ངན་རྟོགས་མ་འགྱུས་ན། །རྟོགས་མེད་མཉམ་ཉིད་ཚད་ཟིན་དཀའ། །འགྱུ་བ་ཕྲ་མོར་མ་འགྱུས་ན། །ཕྲ་མོར་འཁྲུལ་པ་ཆོད་པ་བཀའ། །ཡིད་གསུམ་འགྱུ་བར་མ་ཤར་ན། ཁྲེས་རབ་རྣམ་གསུམ་ཚད་ཟིན་དཀའ། །ཟེར་གྱི་འགྱུ་བ་མ་འགྱུས་ན། །ཐུགས་རྗེ་སྐུ་གསུམ་འབྱུང་བ་དཀའ། ཁེན་ཏུ་རགས་པར་མ་འགྱུས་ན། །དུག་ལྔ་རང་གྲོལ་ཤིན་ཏུ་དཀའ། །དངོས་པོ་སྣ་ཚོགས་མ་འགྱུས་ན། །མཚན་མ་རང་གྲོལ་ཤིན་ཏུ་དཀའ། །འགྱུ་བ་སྒྲ་མཐུན་མ་འགྱུས་ནལ། །འགྲོ་དྲུག་གཡང་ས་ཆོས་པ་དཀའ། །འགྱུས་ཚད་རྩ་བ་མ་ཆོད་ན། །ཕུང་བྱེད་སྲོག་རྩ་ཆོད་པ་དཀའ། །འགྱུས་ནས་ངོ་ཡིས་མ་ཟིན་ན། །ཚེ་བརྟེན་མཆོད་པ་ཤིན་ཏུ་དཀའ། །འོད་ལ་འགྱུ་བ་མ་ཤེས་ན། །སྲོག་བརྟེན་ཆོད་པ་ཤིན་ཏུ་དཀའ། །ཡིད་དང་འགྱུ་བ་འོད་དང་གསུམ། །རང་སྣང་ངོ་སྤྲོད་མ་ཤེས་ན། །ཁམས་གསུམ་རྩད་ནས་གཅོད་པ་དཀའ། །དབྱེར་མེད་རང་སྣང་མ་ཤར་ན། །སྲིད་གསུམ་རྩ་ནས་ཆོད་པ་དཀའ། །འགྱུ་བ་རང་གྲོལ་མ་ཤར་ན། །མ་རིག་རྩ་ནས་ཆོད་པ་དཀའ། །འགྱུས་ནས་དྭངས་མ་མ་ཤར་ན། །སངས་རྒྱས་ཞལ་མཐོང་ཤིང་ཏུ་དཀའ། །གཞི་ཡི་ཐིག་ལེ་མ་འགྱུས་ན། །གཞི་ལས་འདས་པ་ཤིན་ཏུ་དཀའ། །གཞི་ནས་འགྱུ་བ་མ་ཤར་ན། །ཟང་ཐལ་ཟད་པ་ཤིན་ཏུ་དཀའ། །འགྱུས་ནས་རངསྣང་མ་ཤར་ན། །སྒོམ་པས་གྲོལ་བ་ཤིན་ཏུ་དཀའ། འགྱུས་ནས་སྲོག་རྩ་མ་ཆོད་ན་། འཁོར་བ་དོང་སྤྲུགས་ཤིན་ཏུ་དཀའ། །འགྱུས་ནས་དྭངས་མའི་གནད་མེད་ན། །སྲིད་གསུམ་རྒྱས་འདེབས་ཤིན་ཏུ་དཀའ། །འགྱུས་ནས་ཁོང་ཤར་མ་ཤེས་ན། །མ་རིག་མིག་ཕྱེ་ཤིན་ཏུ་དཀའ། །རྟོགས་མེད་འགྱུ་རུ་མི་འདོད་ན། །ཡེ་ཤེས་རང་ཤར་ཤིན་ཏུ་དཀའ། །མངལ་ཁ་རྒྱས་འདེབས་ཤིན་ཏུ་དཀའ། །འགྱུས་ནས་ཡུལ་མེད་མ་ཤར་ན། །ས་བགྲོད་ཡུལ་ཅན་སངས་རྒྱས་དཀའ། །འགྱུས་ནས་ལམ་དུ་མ་ཤར་ན། །ལམ་ལྔ་འབྱོངས་པར་ཤིན་ཏུ་དཀའ། །འགྱུས་ནས་རང་རྫོགས་མ་ཤར་ན། །ཚོགས་གཉིས་བསགས་པ་ཤིན་ཏུ་དཀའ། །འགྱུས་ནས་དྲི་མེད་མ་ཤར་ན། །སྒྲིབ་པ་སྦྱང་བ་ཤིན་ཏུ་དཀའ། །བགྲོད་མཁན་རྩད་ནས་མ་བཅད་ན། །ས་རྣམས་ནོན་པའི་དུས་མི་མཆི། །ལམ་ལྔ་འགྱུ་བར་མ་ཤེས་ན། །ལམ་ལྔའི་དུས་ཚོད་ཟིན་པ་དཀའ། །འགྱུ་བ་གཉིས་མེད་མ་ཤར་ན། །ཚོགས་གཉིས་གཅིག་ཏུ་རྫོགས་པ་དཀའ། །འགྱུ་བ་དྲི་མེད་མ་ཤར་ན། །སྒྲིབས་པ་འབྱོངས་པའི་ཚད་ཤེས་དཀའ། །དཀའ་ཕྱིར་སླ་བ་འགྱུ་བའི་སྤྱན། །འགྱུ་བའི་སྤྱན་ཅིག་རྩ་བ་ཆོད། །ས་ནོན་ལམ་སྦྱོང་ཚོགས་ཆེན་རྫོགས། །སྒྲིབ་སྦྱོངས་སངས་རྒྱས་རང་ལ་ཤར། །རྣམ་པར་ཀུན་ལ་སྤྱོད་ཅིང་དུས་ལ་ལྟོས་པ་རྣམས། །མཁའ་ལ་ཡང་ཚོད་ཟིན་པ་འདྲ་སྟེ་བསྟན་པར་དཀའ། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ལོངས་སྐུ་ངོ་སྤྲོད་ཀྱི་ལེའུ་སྟེ་བཅུ་པའོ།། །།དེ་ནས་ཡང་དག་བཤད་བྱ་བ། །འཛམ་བུ་པྲི་ཤའི་རྩ་བ་སྲ །དམག་དཔོན་རིན་པོ་ཆེ་ལ་བཀའ་སྩལ་པ། །བག་ཆགས་མེད་ན་སྤྲུལ་སྐུ་འབྱུང་བ་མེད། །ཐོག་མཐའ་བཅད་པ་འོད་ཀྱི་བག་ཆགས་དང་། །ཐིག་ལེ་དཀར་དམར་འདུས་པའི་བག་ཆགས་དང་། །རྟགས་ཆགས་མིང་དང་ཡུལ་གྱི་བག་ཆགས་དང་། །ཐུགས་རྗེས་འགྲོ་བ་འདུལ་བའི་བག་ཆགས་རང་གྲོལ་དང་། །བག་ཆགས་སྒྲ་མཐུན་ཁྱད་པར་ཆེ། །བག་ཆགས་རྩ་བ་ཆགས་དང་རྣམ་པ་གཉིས། །གཉིས་འདུས་དུག་ལྔའི་རྩ་བ་མ་ཆོད་ན། །དུག་ལྔའི་རྩ་བ་ཆོད་པའི་དུས་མི་མཆི། །ཞེས་སྟོན་པ་ཀུན་ཏུ་བཟང་པོས་བཀའ་སྩལ་པ་དང་། །དེའི་ཚེ་དེའི་དུས་ན། ཁེང་འཛམ་བུ་པྲི་ཤ་ཞེས་བྱ་བའི་རྩེ་མོ་ལ། །གཡུ་བྱ་ཁུ་བྱུག་གིས་སྐད་ལན་གསུམ་སྒྲགས། །བུདྷ་ཙཀླུ་རཏྣ་ཕ་ལ་ཨ། །ཞེས་པ་དང་། ལོ་ཀ་ཙ་ཨ་བྱིད་དྷ་ཕྱ་ལ་ཞེས་པ་དང་། གྱེ་གུ་རྒྱ་རདན་བུ་དྷ་ཀརྨ་བུདྷ། བཛྲ་བུདྷ། ཏ་ཐུ་ག་ཏེ་བུདྷ་དེ། པདྨད་བུདྷ་ཙཀྱུཕ་ལ་པྲ་ས་ར། ཞེས་པའི་སྐད་ལན་གསུམ་སྒྲགས་པས། །ལོ་ཀའི་ཁམས་ན་གནས་པའི་བྱང་ཆུབ་སེམས་དཔའ་ཐམས་ཅད་འདུས། །ལྷའི་རྒྱལ་པོ་ཚངས་པ་དང་། །ལྷ་མ་ཡིན་གྱིས་རྒྱལ་པོ་ལྗོན་པ་དང་། །མིའི་རྒྱལ་པོ་དྷར་མ་ར་ཙ་དང་། །བྱོལ་སོང་གི་རྒྱལ་པོ་སེང་གེ་རབ་བརྟན་དང་། །ཡི་དྭགས་ཀྱི་རྒྱལ་པོ་ཚངས་པ་དང་། །དམྱལ་བའི་རྒྱལ་པོ་ཐོད་དབྱུག་གསུམ་པ་དང་། །དེ་ལ་སོགས་པ་ལྷ་སྲིན་སྡེ་བརྒྱད་དང་། །འགྲོ་བ་དྲུག་གི་བསྡུས་པའི་ཚོགས། །གཡུའི་བྱ་ལ་བསྐོར་བ་ལན་བདུན་བདུན་བྱས་ཏེ། །བདག་ཅག་རྣམ་ལ་རང་སྐད་རེ་གསུང་བར་ཞུ་ཞུས་པས། །གཡུའི་བྱ་དེ་ཁྱེའུ་ཆུང་མཛེས་པ་ཅིག་ཏུ་གྱུར་ནས། །ང་ལ་སྤྲོ་བ་སྐྱེད་ཅིག །སྤྲུལ་པའི་སྐད་དུ་མས་དོན་བྱའོ། །གསུང་ངོ། །གསུང་བར་འགྱུར་རོ། །དེ་ནས་ཁྱེའུ་ཆུང་དེས་ཐུགས་ཀ་ནས་འོད་ཟེར་མང་པོ་ཕྱོགས་བཅུ་ཐམས་ཅད་དུ་འཕྲོས་སོ། །འཔྲ་འོ། །འཕྲོ་བར་འགྱུར་རོ། །ཕྲོ་བར་གྱུར་ཏོ། །དེ་ནས་འོད་ཟེར་དེ་ལས་ཕྱོགས་བཅུ་ཐམས་ཅད་དུ། །འོད་ཁ་དོག་ལྔའི་ཚོམ་བུ་བར་མ་ཆད་པར་གྱུར་ཏོ། །རིག་པ་འོད་ཀྱི་ཐིག་ལེ་ལས། །འོད་ལ་གྲུབ་པས་སྤྲུལ་པའི་སྐུ། །རྫུས་ཏེ་སྤྲུལ་སྐུ་བསམ་ཡས་བྱོན། །དེ་ལ་འདུས་པའི་ལོ་ཀ་རྭ་ཛ་རྣམས། ཁེན་ཏུ་དགའ་ཞིང་སྤྲོ་བར་འགྱུར། །སྤྲོ་བར་གྱུར་ནས་རྒྱན་བཀྱེ་བས། །ལྷ་ཡི་རྒྱ་ལ་པོས་ལྷ་ཡི་དབང་པོ་བརྒྱ་བྱིན་ཐོབ། །དབང་རྟགས་རིན་ཆེན་སྣ་བདུན་གྱིས། །ལྷ་ཡི་གནས་སུ་དབང་བསྐུར་བྱས། །ཕྱི་ནང་སྦས་པའི་དབང་ཡང་བསྐུར། །དྲི་མེད་དག་ཕྱིར་ཁྲུས་རྫིང་བུམ་ང་།འི་དབང་། །ལོངས་སྤྱོད་ཚོགས་རྫོགས་རིན་ཆེན་སྣ་བདུན་དབང་། །ཡེ་ཤེས་ཚོགས་རྫོགས་ནོར་བུ་རིན་ཆེན་དབང་། །ཐེག་པ་སྟོབས་རྫོགས་གླང་པོ་ཆེན་པོའི་དབང་། །རྫུ་འཕྲུལ་སྟོབས་ལྡན་རྟ་མཆོག་ཇེན་ཆེན་དབང་། །རྩལ་གསུམ་རྫོགས་་པ་དམག་དཔོན་རིན་ཆེན་དབང་། །སྣ་ཚོགས་ཁ་ལོ་སྒྱུར་བ་བློན་པོ་རིན་ཆེན་དབང་། །གདན་ཐོག་གཅིག་ཏུ་ཐམས་ཅད་འདུས་པ་རྒྱལ་པོ་རིན་ཆེན་དབང་། །སྣ་ཚོགས་འབྱུང་བ་བཙུན་མོ་རིན་ཆེན་དབང་། །ཐམས་ཅད་འདུས་པ་འདོད་ཁམས་ལྷ་ཡི་ནོར་བདུན་དབང་། །སྐད་ཅིག་ཡུད་ཙམ་ཅིག་ལ་རྫོགས་པར་དབང་བསྐུར་བས་ན། །ལྷའི་དབང་པོ་བརྒྱ་བྱིན་གནས་ལས་གྲོལ་བར་བྱས་་་།འ། །དེའི་ཚེ་རིགས་འོད་ཀྱི་ཐིག་ལེ་ལས། །ལྷ་ཡི་གནས་སུ་སྤྲུལ་སྐུ་འབྱུང་བའི་དུས། །ཁམས་གསུམ་ལྷ་ལ་དབང་རྟགས་དབང་རྫས་དང་། །དབང་གི་དངོས་པོ་བྱིན་པས་བརྒྱ་བྱིན་ཞེས་སུ་གཏགས། །ཞེས་གསུགས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །རིག་པ་འོད་ཀྱི་ཐིག་ལེ་ལ་སྤྲུལ་པའི་སྐུ་འབྱུང་བའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །རིག་པ་འོད་ཀྱི་ཐིག་ལེ་ལས། །ལྟ་མ་ཡིན་གྱི་རྒྱལ་པོ་ཐགས་བཟངས་རིས། །ལྷ་མ་ཡིན་དུ་བཅས་པ་ལ། །འཛམ་བུ་པྲི་ཤའི་རྩ་བ་ལ། །སྨན་གྱི་རྒྱལ་པོ་ག་བུར་དང་། ཁེང་གི་རྒྱལ་པོ་ཙན་དན་དང་། །རྡོ་ཡི་རྒྱལ་པོ་ཁབ་ལེན་དང་། །བྱ་ཡི་རྒྱལ་པོ་རྨ་བྱ་དང་། །སེམས་ཅན་རྒྱལ་པོ་ཆུ་སྲིན་དང་། །དེ་རྣམས་ཀུན་ལ་དབང་བསྐུར་བྱས། །ག་བུར་ལྷུན་གྱིས་གྲུབ་པའི་རྫས། །རིག་པའི་རྒྱལ་པོ་ལྷུན་གྲུབ་དབང་། །ཙན་དན་དྲི་དང་བཅས་པའི་དབང་། །སྐུ་གསུམ་རང་ཆས་དབང་བསྐུར་རྫས། །རྡོ་ཡི་རྒྱལ་པོ་ཁབ་ལེན་ལྕགས་འདུ་ལྟར། །ཡོན་་་ཐམས་ཅད་འདུས་པའི་དབང་། །རྨ་བྱ་དུག་རྣམས་ཟ་བ་ལྟར། །དུག་ལྔ་དབང་གི་མཆོག་ཏུ་བསྐུར། །ཆུ་སྲིན་བསྐམ་ལ་མི་འབྱུང་ལྟར། །རི་དབང་ཐོབ་པས་འཁོར་བར་མི་འ་ས་བསྐུར། །ལྷ་མ་ཡིན་གྱི་དབང་རྫས་དབང་རྟགས་དང་། །དབང་གི་དངོས་པོ་རྫོགས་པར་བསྐུར། །ཡོན་་་རང་འབྱུང་སྐྱོན་ལས་གྲོལ། །འཇུག་པའི་སྒོ་ལྔ་མ་ཤེས་ན། །འཁོར་ལོ་མཆོད་བསྐོར་དབང་བསྐུར་དང་། །དཀྱིལ་འཁོར་འཇུག་པའི་དབང་བསྐུར་དང་། །ཐུན་མོང་དབང་དུ་བསྟན་པ་ཡིན། །ཁྱད་པར་དཀྱིལ་འཁོར་བསྟན་པ་ནི། །ཀུན་གཞི་རྒྱས་པའི་དཀྱིལ་འཁོར་ཡིན། །འཇུག་ཐབས་ངོས་བཟུང་མེད་པ་ཡིན། །ཡིད་ནི་ཞི་བའི་དཀྱིལ་འཁོར་ཡིན། །འཇུག་ཐབས་རང་འབྱུང་འཁོར་ལོ་ཡིན། །སྒོ་ལྔ་མངོན་སྤྱོད་དཀྱིལ་འཁོར་ཡིན། །འཇུག་ཐབས་རྣམ་ཤེས་འཁོར་བ་ཡིན། །ལུས་ཀྱི་རྣམ་ཤེས་དྲག་པོའི་དཀྱིལ་འཁོར་ཡིན། །འཇུག་ཐབས་ལྷ་མཐོང་དཀྱིལ་འཁོར་ཡིན། །ཡིད་ཀྱི་རྣམ་ཤེས་དབང་གི་དཀྱིལ་འཁོར་ཡིན། འཇུག་ཐབས་འོད་ཀྱི་དཀྱིལ་འཁོར་ཡིན། །རེ་རེ་ལ་ཡང་དཀྱིལ་འཁོར་ལྔ་བརྩེགས་རྫོགས། །འཇུག་ཐབས་ལྔ་ཡང་རེ་རེར་ཚང་། །རྒྱལ་བའི་དཀྱིལ་འཁོར་འཇུག་པ་ལ། །མེ་ཏོག་ཀུན་མཁྱེན་འོད་གསལ་དགོས། །དམ་རྫས་ཆོས་དབྱིངས་ཡེ་ཤེས་ཡིན། །དབང་བསྐུར་གཉིས་མེད་དྲི་མེད་སྐུ། །ཐོབ་དུས་སྐད་ཅིག་གཅིག་རྫོགས་ཡིན། །འབྲས་བུ་ཐིག་ལེ་ཟང་ཐལ་ཡིན། །ཡོན་ཏན་ཐམས་ཅད་མཁྱེན་པ་ཡིན། །ཞི་བའིདཀྱིལ་འཁོར་འཇུག་པ་ལ། །མེ་ཏོག་རང་འབྱུང་འོད་གསལ་དགོས། །དབང་བསྐུར་ཤེས་རབ་དྲི་མེད་སྐུ། །ཐོབ་དུས་སྐད་ཅིག་རང་གྲོལ་སྐུ། །འབྲས་བུ་ཡེ་ཤེས་ཟང་ཐལ་ཡིན། །ཡོན་ཏན་རང་བྱུང་ཡེ་ཤེས་ཡིན། །དབང་གི་དཀྱིལ་འཁོར་འཇུག་པ་ལ། །མེ་ཏོག་དྲི་མེད་འོད་གསལ་དགོས། །དབང་རྫོགས་ཀུན་རྫོགས་ཡེ་ཤེས་དགོས། །བསྐུར་ཐབས་ཡེ་ཤེས་འོད་གསལ་སྐུ། །ཐོབ་དུས་སྐད་ཅིག་རང་རྫོགས་སྐུ། །འབྲས་བུ་ཆོས་མིན་ཟང་ཐལ་ལོ། །ཡོན་ཏན་རང་རིག་ཡེ་ཤེས་ཡིན། །མངོན་སྤྱོད་དཀྱིལ་འཁོར་འཇུག་པ་ལ། །མེ་ཏོག་སྣང་གསལ་དྲི་མེད་དགོས། །དབང་རྫས་ཀུན་འབྱུང་ཡེ་ཤེས་དགོས། །བསྐུར་ཐབས་སྣང་གསལ་དྲི་མེད་དགོས། །ཐོབ་དུས་སྐད་ཅིག་རང་སྣང་སྐུ། །འབྲས་བུ་གཉིས་མེད་ཟང་ཐལ་ཡིན། །ཡོན་ཏན་ཞིང་ཁམས་རྣམ་པར་དག །དྲག་པོའི་དཀྱིལ་འཁོར་འཇུག་པ་ལ། །མེ་ཏོག་རང་གྲོལ་འོད་གསལ་དགོས། །དབང་རྫས་ནན་ཏན་ཡེ་ཤེས་དགོས། །བསྐུར་ཐབས་ཡེ་ཤེས་ཁོང་གསལ་སྐུ། །ཐོབ་དུས་སྐད་ཅིག་རང་འབྱུང་སྐུ། །འབྲས་བུ་ལྷ་མཐོང་ཡེ་ཤེས་སྐུ། །ཡོན་ཏན་གཟུགས་ལ་རང་གྲོལ་ཡིན། །མིག་ནི་མངོན་སྤྱོད་དབང་རྟགས་ཡིན། །རྣ་བ་ཞི་བའི་དབང་རྟགས་ཡིན། །སྣ་ནི་རྒྱས་པའི་དབང་རྟགས་ཡིན། །ཁ་ནི་དབང་གི་རྟགས་ཆེན་ཡིན། །འོག་སྒོ་དྲག་པོའི་དབང་རྟགས་ཡིན། །དཔེ་དང་རྟགས་སུ་འབྲེལ་བ་དང་། །རྟགས་དང་དོན་དུ་འབྲེལ་བ་གཅེས། །རེ་རེ་ལ་ཡང་ཐམས་ཅད་འདུས། །མིག་ལ་དཀྱིལ་འཁོར་ལྔ་རྫོགས་པ། །དཀར་པོ་ཞི་བའི་དཀྱིལ་འཁོར་རྫོགས། །སེར་པོ་རྒྱལ་པའི་དཀྱིལ་འཁོར་རྫོགས། །དམར་པོ་དབང་གི་དཀྱིལ་འཁོར་རྫོགས། །མཐིང་ཀ་དྲག་པོའི་དཀྱིལ་འཁོར་རྫོགས། །ལྗང་ཁུ་མངོན་སྤྱོད་དཀྱིལ་འཁོར་རྫོགས། །སྤྲུལ་པ་སྐུ་ཡི་དཀྱིལ་འཁོར་ཡིན། ཁྲེལ་གྱི་སྦུ་གུའི་འོད་ལྔ་ལ། །ལོངས་སྤྱོད་རྫོགས་པའི་སྐུ་ཡི་དཀྱིལ་འཁོར་རྫོགས། །ཙིསྟ་རིན་ཆེན་འབར་བ་ནས། །རིག་པའི་ཡེ་ཤེས་ཆེན་པོ་རྫོགས། །ཆོས་ཀྱི་སྐུ་ཡི་དཀྱིལ་འཁོར་རྫོགས། །སྙིང་ལ་སྐུ་གསུམ་ངོ་སྤྲོད་པས། །དཀྱིལ་འཁོར་གསུམ་བརྩེགས་དེ་ལ་རྫོགས། །དེ་ཡི་ཡོན་ཏན་ཡེ་ཤེས་རྩལ་གཉིས་ལ། །དཀྱིལ་འཁོར་གསུམ་བརྩེགས་རྫོགས་པ་ཡིན། །སྤྲུལ་སྐུ་དངོས་སུ་བསྟན་པ་ནི། །རིན་ཆེན་མིག་ལ་ཤར་བ་ཡིན། །ལོངས་སྐུ་གཞི་ལ་གབ་པ་དེ་། །རིན་ཆེན་རྩ་ལ་གནས་པ་ཡིན། །ཆོས་སྐུ་རང་ཆས་གནས་པ་དེ། །རིན་ཆེན་སྙིང་ལ་གནས་པ་ཡིན། །དེ་ཡི་མཐུན་དཔེ་ངོ་སྤྲོད་པ། །རིན་ཆེན་མན་ཤེལ་ཟང་ཐལ་དེ། །ཆོས་སྐུའི་ངོ་སྤྲོད་མཐུན་དཔེ་ཡིན། །དེ་ཡི་ནང་ན་འོད་གནས་པ། །ལོངས་སྐུ་གཞི་ལ་གྲུབ་པའི་མཐུན་དཔེ་ཡིན། །དེ་ལས་རྒྱུས་ཕྲན་སྣང་བ་དེ། །སྤྲུལ་སྐུ་འབྱུང་བའི་མཐུན་དཔེ་ཡིན། །རིན་ཆེན་ཤེལ་ལ་འོད་ཤར་བ། །ལོངས་སྐུའི་དཀྱིལ་འཁོར་མཐུན་དཔེ་ཡིན། །བར་དོ་ཆོས་ཉིད་འོད་གསལ་མཐུན་དཔེ་ཡིན། །དེ་ལ་དཀྱིལ་འཁོར་ལྔ་རྫོགས་པ། །ཡོན་ཏན་རང་ལ་ཤར་བ་རྒྱས་པའི་དཀྱིལ་འཁོར་རྫོགས། །ཐམས་ཅད་རང་ལ་གྲུབ་པའི་ལྷུན་གྲུབ་དཀྱིལ་འཁོར་ཡིན། །ཞེས་གསུངས་སོ། །ལྷ་མ་ཡིན་རྣམ་པར་གྲོལ་བར་འགྱུར། །ཐམས་ཅད་ཐགས་སུ་བསྟན་པས་ཐགས། །དེ་ཡི་གོང་ན་མེད་པ་བཟངས། །དཔེ་རྟགས་དོན་དང་བསྐོར་ཚོམས་བཅད་པ་རིས། །དེ་ལ་ཐགས་བཟང་རིས་སུ་ཐོགས། །ཞེས་བརྗོད་དོ། །ལྷ་འདྲེ་གཉིས་མེད་ཀྱི་རྒྱུད་ལས། །ཐགས་བཟངས་རིས་སྤྲུལ་པའི་སྐུར་ཐོན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །རིག་པ་འོད་ཀྱི་ཐིག་ལེ་ལས། །བཅོམ་ལྡན་ཐུབ་པ་དོན་གྲུབ་སྤྲུལ། །དེ་ཡིས་འགྲོ་བ་རྐང་གཉིས་འདྲེན་པའི་གཙོ། །དེ་ཡིས་ཡང་དག་དོན་བཤད་པ། །རྟགས་ཤིང་ཆགས་པའི་དོན་བཤད་དེ། །འཛམ་བུ་པྲི་ཀྟ་ལ་གཟིགས་ནས། །དང་པོ་འཁྲུལ་པའི་གཞིས་བསྟན། །རྒྱ་ཆད་ཕྱོགས་ལྷུན་མེད་པ་ཡིས། །ལྷུན་གྱིས་གྲུབ་པའི་གནས་ཆེན་ལ། །རྒྱ་མ་ཆད་པས་ཕྱོགས་མ་ལྷུང་། །ཕྱོགས་སུ་མ་ལྷུང་རྒྱ་མ་ཆད། །ལྷུན་གྱིས་གྲུབ་པའི་སྤྱན་མངའ་བ། །མི་ལ་ལྷ་དང་འདྲེ་རྣམས་ནི། །རྣམ་རྟོག་སྐྱེ་བའི་དོན་རྣམས་ལ། །དང་པོ་གཞི་ས་བརྩི་བ་གཅེས། ཁུ་དང་རྐྱེན་དང་དངོས་པོ་གསུམ། །ཐ་མ་ངོ་སྤྲོད་རོ་སྣོམས་པས། །སྡུག་བསྔལ་རབ་ཏུ་ཞི་བར་འགྱུར། །ཐར་པའི་ལམ་མཆོག་འདི་ཡིན་ནོ། །སྤྱི་ལ་ཁྱབ་པའི་བདུད་དྲུག་དང་། །ཁྱད་པར་བདུད་ནི་རྣམ་པ་བཞི། །ངོ་བོ་ཉིད་ཀྱི་བདུད་ཀྱིས་ནི། །ཐམས་ཅད་རླགས་པ་མ་ཚོར་བ། །འདྲེ་ཡིས་བར་དུ་གཅོད་པར་འགྱུར། །གཞི་མོ་རྣམ་ལྔ་འདྲེ་ལྔའི་གཞི། །འཕྲིན་ལས་འདྲེ་སྲིན་ཐམས་ཅད་བཞི། །དེ་དུས་འདྲེ་སྲིན་མིར་མ་ཕྱེད། །ཐམས་ཅད་གཞི་ལ་ཚངས་པས་འབབས་སམ་ཐུག་པ་འདྲ། །དེ་ལ་མ་ནིང་རྣམ་པ་གསུམ། །དཔེ་དང་རྟགས་དང་དོན་གྱི་མ་ནིང་གསུམ། །དེ་ལ་ཡིད་ཀྱི་དཔེ་རྟགས་སྦྱར། །ཡིད་འགྱུས་པ་ནི་འདྲེ་ཡི་རྒྱུད། །འོདལྔ་འདྲེ་ལྔའི་རྐྱེན་དུ་ཤར། །ལྗང་ཁུས་འདྲེ་སྲིན་མི་རུ་ཕྱེད། །ཐམས་ཅད་འབྱེད་པའི་འོད་པོ་ཆེ། །ཀུན་ལ་འབྱུང་བའི་འོད་ཟེར་ཅན། །ལྷ་མོའི་འོད་ཟེར་ཅན་ཞེས་བྱ། །དེ་ལ་དངོས་པོའི་འདྲེ་ལྔ་ནི། །འོད་ལས་ཤ་ཁྲག་དངོས་སྐྱེད་ལས། །དངོས་པོའི་འདྲེ་དེ་རང་ལ་འབྱུང་། །དེ་ལ་རྣམ་ཤེས་ཚོགས་བརྒྱད་གསལ། །ལྷ་སྲིན་ལྡེ་བརྒྱད་དངོས་པོར་རྟགས་ཤིང་ཆགས། །མིག་བདུད་རྣ་བ་རྒྱལ་པོ་དང་། །རྣ་རྨུ་ལྕེ་བཙན་ལུས་ནི་གནོད་སྤྱིན་དང་། །ཡིད་གཟའ་ཀླུ་དང་མ་མོ་དང་། །སྣ་ཚོགས་ལྷ་འདྲེ་ཀུན་གཞིར་ཤར་བས་དངོས་སུ་སྨིན། །ད་ནི་འཇུག་ལྡོག་དོན་བཤད་དེ། །འདྲེ་ལ་བསམ་གྱིས་མི་ཁྱབ་བོ། །འདྲེ་དེ་བདུད་དུ་བབས་པས་ནི། །འདྲེ་བདུད་ཅེས་ཀྱང་བྱ་བ་ཡིན། །སྤྱི་བདུད་ཅེས་ཀྱང་བྱ་བ་ཡིན། །ཀུན་གྱི་བདུད་ཆེན་ཅེས་ཀྱང་བྱ། །བསྡུས་པས་འདྲེ་སྲིན་རྣམ་པ་བརྒྱད། །འདྲེ་འདྲེ་སྲིན་མིག་གཅིག་དངོས་དམར་དང་། །རྣམ་པ་དགུ་ཞེས་རབ་ཏུ་གྲགས། །སྒོ་དགུ་དག་ལ་འཇུག་པས་ན། །འདྲེ་ཡི་འཇུག་སྒོ་ཞེས་སུ་བཤད། །ད་ནི་བསྡུས་པས་འདྲེ་ལྔ་སྒོ་ལྔར་འཇུག །དེ་ལས་བསྡུས་པས་རྩ་བའི་འདྲེ། །རྟགས་ཆགས་འདྲེ་རུ་འདུས་པ་ཡིན། །ལྡོགས་མཁན་འདྲེ་རུ་མ་ཤེས་ན། །འདྲེ་ལ་ཐར་པའི་དུས་མི་འོང་། །འདྲེ་ལ་ཐར་པར་བྱ་བའི་ཕྱིར། །ཕྱི་ཡི་འབྱུང་པོ་ཉམས་མྱོང་རོ་སྙོམས་པ་དགོས། །འབྱུང་པོ་སྙོམས་རྣམ་པ་གསུམ། །བཅོས་ཐབས་རྫས་ལ་རྟེན་འབྲེལ་དང་། །ལྷ་སྒོམ་པས་ནི་ཞི་བ་དང་། །ངོ་སྤྲོད་པས་ནི་རོ་སྙོམས། འབྱུང་པོ་ཀུན་འདུལ་ཞེས་སུ་བརྗོད། །འབྱུང་པོའི་གདོན་ཐབས་ངོ་སྤྲོད་གསུམ། །རྟགས་དང་ཆགས་པ་གཉིས་མེད་གསུམ། །བཅོས་ཐབས་རྫས་དང་རྟེན་འབྲེལ་གསུམ། །བླ་རྡོ་བླ་གནས་བླ་རྟེན་གནས། །འདྲེ་དང་བདུད་དང་གནོད་ལུག་གསུམ། །གནོད་རྟགས་གདོན་ཐབས་ཐོན་དུས་གསུམ། །བཅོས་ཐབས་འཆོས་ཚད་འཆོས་དུས་གསུམ། །འཇུག་ས་འཇུག་དུས་ཐོན་དུས་གསུམ །འདྲེ་དང་མི་དང་སྲིན་པོ་གསུམ། །དབྱེ་བ་ཕྱེད་པ་ཕྱེད་དུས་གསུམ། །ཕྱེད་པའི་རྟགས་དང་དཔང་པོ་གསུམ། །ཡོན་ཏན་འབྲས་བུ་གྲོལ་ས་གསུམ། །འདྲེ་གཞི་འདྲེ་ནད་འཆོས་ཚད་གསུམ། །རོ་སྙོམ་རོ་སྙོམས་དཔང་པོ་གསུམ། །དེས་ཤེས་རྐྱེན་ཐུབ་འབྲས་བུ་གསུམ། །རྐྱེན་ཐུབ་ཚད་དང་དྲོད་ཚད་གསུམ། །འབྲས་བུ་ངེས་ཤེས་ཡོན་ཏན་གསུམ། སྤྲད་པ་ཕྲད་པ་ཕྲད་དུས་གསུམ། །དབང་པོ་ངེས་ཤེས་ས་མཚམས་གསུམ། །རྐྱེན་ཐུབ་དྲོད་དང་རྟགས་དང་གསུམ། །འབྲས་བུ་ཡོན་ཏན་སད་པ་གསུམ། །གཞི་དང་རྒྱུ་རྐྱེན་དངོས་སད་གསུམ། །རྟགས་དང་ཆགས་དང་འདྲེས་སད་གསུམ། །སད་པའི་དཔང་པོ་ངེས་ཤེས་རྐྱེན་ཐུབ་གསུམ། །འབྲས་བུ་ཡོན་ཏན་སད་ཚད་གསུམ། གཞི་ལམ་འབྲས་བུ་ཆོས་པ་གསུམ། །ཆོས་པ་ཆོས་དུས་ཆོས་ཚད་གསུམ། །དབང་པོ་ངེས་ཤེས་རྐྱེན་ཐུབ་གསུམ། །ཐུབ་པའི་འབྲས་བུ་དྲོད་ཚད་རྟགས་དང་གསུམ། །དེ་ཡི་ཡོན་ཏན་འབྱུང་ཚད་གྲོལ་དུས་གསུམ། །གྲོལ་བའི་དཔང་པོ་རྐྱེན་ཐུབ་ངེས་ཤེས་གསུམ། །འབྲས་བུའི་དུས་དང་ཡོན་ཏན་རང་ས་གསུམ་དུ་འདུས། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཕྱི་འབྱུང་བ་རོ་སྙོམས་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ཆགས་སྡང་ནད་ལས་གྲོལ་བར་བྱ་བའི་ཕྱིར། །ཆགས་སྡང་ནད་ཀྱི་རོ་སྙོམས་བསྟན་པར་བྱ། །དེ་ལ་དང་པོ་ནད་ཀྱི་གཞི་བསྟན་པ། ནད་ལྔ་གཞི་ལ་གྲུབ་པ་ནི། །གཞི་ལ་ལྷུན་གྱིས་གྲུབ་པ་ཡིན། །གཞི་མི་འགགས་པས་སྣ་ཚོགས་ནད། །རྒྱུ་ནི་འགྱུས་ནས་འཛིན་པ་ཡིན། །རྐྱེན་ནི་ནད་དུ་འཛིན་པ་ཡིན། །བར་དུ་འོད་ལ་ལུས་སུ་ཆགས། །འོད་ལ་ཆགས་པས་སྡང་བ་སྐྱེས། །གཉིས་མེད་མ་ཤེས་གཏི་མུག་སྐྱེས། །དེས་ན་ཆགས་སྡང་ལུས་པོ་དངོས་སུ་སྨིན། །དེ་ལས་འདུས་པའི་ནང་ལྔ་དང་། །ངོ་བོ་ནད་དང་དྲུག་གིས་གདུང་། །ངོ་བོ་ནད་ལ་རྣམ་པ་གཉིས། །རྒས་པར་བྱེད་པ་སེམས་ཀྱི་ནད། །འཆི་བར་བྱེད་པ་ལུས་པོའི་ནད། །རྣམ་པ་གཉིས་སུ་འདུས་པ་ཡིན། །རྐྱེན་ཀྱི་ནད་ལ་བསམ་མི་ཁྱབ། །གྲང་བའི་ནད་ལ་རྣམ་པ་ལྔ་ཅར་ཚངས། །ཉི་ཤུ་རྩ་ལྔ་ནད་ཀྱི་སྡོང་པོ་ལ། །ལྷུན་གྲུབ་ཆོས་རེ་ལ་ཡང་མཚན་ཉིད་འཛིན་པས་ལེན། །དེ་ལས་བསྡུས་པས་འབྱུང་བའི་ནད། །འབྱུང་བ་འཁྲུགས་པའི་རོ་སྙོམས་པ། རྫས་ཀྱི་བཅོས་དང་ལྷ་སྒོམ་དང་། །ངོ་སྤྲད་པ་ཡི་རོ་སྙོམས་པ། དང་པོ་བཞི་པ་ངོ་སྤྲད་པས། །ནད་ཀྱི་གཞི་མོ་ཞེས་པར་འཀྱུར། །བར་དུ་གཅོད་པའི་དུས་བསྟན་པས། །ནད་ཀྱི་མཚན་ཉིད་ཤེས་པར་འགྱུར། །ཐ་མ་ནད་ཀྱི་ཞུགས་བསྟན་པ། །བཅོས་ཐབས་གདོན་ཐབས་ཤེས་པར་འགྱུར། །འབྱུང་བ་འཁྲུགས་པ་རྐྱེན་ཀྱི་ནད། །སྐྱེ་མེད་ངོ་སྤྲོད་བསྟན་པར་བྱ། །ཚད་པསཟིན་ན་ཁོང་གསལ་སྤྲད། །གྲང་བས་ཟིན་ན་འོད་གསལ་སྤྲད། །རླུད་གིས་ཟིན་ན་ཟང་ཐལ་སྤྲད། །མཁྲིས་པས་ཟིན་ན་རང་གྲོལ་སྤྲད། །འདུས་པས་ཟིན་ན་ཡུལ་མེད་སྤྲད། །སྤྱི་བོ་ན་ན་ལྗང་ཁུས་དབྱུང་། །མགྲིན་པ་ན་ན་ལྗང་ནག་དབྱུང་། །སྙིང་ཁ་ན་ན་རོ་སྟོད་ནས། །དེ་ལ་སེར་བོས་དབྱུང་བར་བྱ། རོ་སྨད་མཁན་ཙ་ཁོལ་མར་ན། །དེ་ལ་མཐིང་ཀས་དབྱུང་བར་བྱ། །གསང་བ་སྤྱི་མིག་ན་བ་ན། །དེ་ལ་དམར་པོའི་དབྱུང་བར་བྱ། །རྐང་མཐིལ་པུས་མོ་ན་བ་ན། །དེ་ལ་དཀར་པོའི་དབྱུང་བར་བྱ། །དེ་ནི་ཐབས་དང་དབྱུང་བ་ཡིན། །འབྱུང་བའི་སྒོ་ནི་འདི་རྣམས་སོ། །དྲི་མེད་སྒོ་དང་ཟང་ཐལ་སྒོ། །དམར་པོའི་སྒོ་དང་སྲིད་པའི་བུག་པ་དང་། །རྡོ་རྗེའི་སྒོ་དང་པདྨའི་སྒོ། །ལྡེ་བ་པདྨའི་སྒོ་རུ་དབྱུང་། །སྙིང་མི་བདེ་ན་མིག་ལའོ། །གློ་བ་མི་བདེ་སྣ་ལ་འོད། །མཁལ་མ་མི་བདེ་གསང་བར་རོ། །མཆིན་པ་མི་བདེ་ཁ་ལའོ། །མཁྲིས་པ་མི་བདེ་རྣ་བ་འོ། །ད་ནི་ལྷ་ཡི་རོ་སྙོམས་ཏེ། །ཚ་བ་ན་ན་མི་བསྐྱེད་པ། །གྲང་བ་ན་ན་དོན་ཡོད་གྲུབ། །མཁྲིས་པ་ན་ན་རྣམ་སྣང་སྐུ། །བད་ཀན་ན་ན་རིན་ཆེན་འབྱུང་། །འདུས་པ་ན་ན་འོད་དཔག་མེད། །ཚ་བ་ན་ན་མ་མ་ཀི །གྲང་བ་ན་ན་གོས་དཀར་མོ། །མཁྲིས་པ་ན་ན་དབྱིངས་ཕྱུག་མ། །བད་ཀན་ན་ན་སངས་རྒྱས་སྤྱན། །འདུས་པ་ན་ན་སྒྲོལ་མ་འོ། །དེས་ནི་ལྷ་ཡི་རོ་སྙོམས་སོ། །ནད་ཀྱི་ངོ་བོ་སེམས་ཀྱི་ནད། །སེམས་དང་ཡེ་ཤེས་མ་ཕྱེད་ན། །འཆི་བའི་ནད་ལས་ཐར་པར་དཀའ། །དངོས་གཞི་རྣམ་གཉིས་མ་ཕྱེད་ན། །རྒས་པའི་ནད་ལས་ཐར་པར་དཀའ། །ནད་རྣམས་རོ་སྙོམས་མ་ཤེས་ན། །ནད་ཀྱི་འཁྲུལ་པ་ཆོམས་པ་དཀའ། །ནང་འཁྲུལ་རྩནས་མ་མཆོད་ན། །རོ་སྙོམས་འབྱུང་བ་ཤིན་ཏུ་དཀའ། །ནད་ཀྱི་རོ་སྙོམས་དཔང་པོ་སེམས་ཀྱིས་བྱ། །ངེས་པའི་ཤེས་པ་ན་བ་ཟངཐལ་ཡིན། །རྐྱེན་ཐུབ་འབྱུང་བ་འཁྲུགས་དུས་ཡིན། །དྲོད་རྟགས་ན་ཚ་ཟང་ཐལ་ཡིན། །འབྲས་བུ་ན་བ་རང་གྲོལ་ཡིན། །ཡོན་ཏན་ཕྱིས་ནས་རྗེས་ཆོད་ཡིན། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །བར་དུ་ཆགས་སྡང་གི་ནད་རོ་སྙོམས་པར་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །བར་དུ་རྣམ་རྟོག་རོ་སྙོམས་བསྟན་པར་བྱ། །དང་པོ་རྟོག་པའི་གཞི་བསྟན་པ། །རྟོག་པ་དུག་ལྔ་གཞི་ལ་ཚང་། །ཁོང་ཁྲོ་མ་རིག་རྟོག་པའི་གཞི། །ག་བུར་སྨན་ལ་དུག་ཚང་བཞིན། །རྟོག་མེད་གཞི་ལ་རྟོག་པ་ཚང་། །ཉོན་མོངས་རྟོགས་པ་ཐམས་ཅད་ཀྱང་། །གཞི་ལས་ཐམས་ཅད་འཁྲུལ་པ་ཡིན། །རྟོག་པའི་རྒྱུ་ནི་ཡིད་འགྱུ་བ། །རྐྱེན་ནི་མ་རིག་འོད་ལས་སྐྱེ། །གཞན་སྣང་མ་རིག་རང་སྣང་རྐྱེན། །རང་འབྱུང་མ་རིག་འཛིན་པ་དགུ། །གཉིས་མེད་མ་རིག་དུ་མར་འཁྲུལ། །ངོ་བོ་ཉིད་ཀྱི་མ་རིག་པ། །གབ་པ་སྦས་པའི་མ་རིག་པ། །ལྷན་ཅིག་སྐྱེས་པའི་མ་རིག་པ། །ཀུན་ཏུ་བརྟགས་པའི་མ་རིག་པ། །མཐོང་སྣང་ལོག་པའི་མ་རིག་པ། །རྐྱེན་འགྱུར་འཕྲོ་མེད་མ་རིག་པ། །རྒྱུ་རྐྱེན་དུས་ཚོད་མ་རིག་པ། །འཁྲིད་པ་རང་སྣང་གི་མ་རིག་པ། །འབྱེད་པ་ལས་དབང་གི་མ་རིག་པ། །རྟོགས་པ་དངོས་པོར་ཤར་བ་ཡིན། །རྟོག་པ་ཉོན་མོངས་བརྒྱད་ཁྲི་པོ། །བསྡུས་པ་ཉོན་མོངས་ལྔ་ལ་འདུས། །ལྔ་པོ་ཆགས་སྡང་གཉིས་ལས་འདུས། །དངོས་པོ་འཁྲུལ་པའི་སྣང་བ་ཉིད། །ད་ནི་རྟོག་པའི་རོ་སྙོམས་པ། །རྟོག་མེད་མཉམ་ཉིད་ཆོས་ཀྱི་སྐུ། །རྟོག་ནི་མ་རིག་འཁྲུལ་པ་ལ། །ངོ་སྤྲོད་སྐུ་གསུམ་གྱི་སྲེ་ཐབས་བསྟན། །སྣང་བ་རྣམ་པར་རྟོགས་པ་ལ། །རིག་པ་རྟོག་མེད་ངོ་སྤྲད་བསྟན། །འབྲིང་ལ་འོད་གསལ་འཁོར་ལོ་བསྟན། །ཐ་མ་ལོག་ནོན་འཁོར་ལོ་བསྟན། །ཁ་འབྱམས་སྣང་ཐོག་ཤོར་སྲིད་པས། །སྣང་བ་འོད་གསལ་འཁོར་ལོ་བསྐོར། །རིག་པ་རང་སྣང་ངོ་སྤྲོད་བསྟན། །སྣང་བ་རང་གྲོལ་འཆར་བར་འགྱུར། །སྣང་སྣང་བ་རང་གྲོལ་ཤར་ཙམ་ན། །སྣང་བ་རིག་པའི་རང་སྒོར་གསལ། །མཁའ་ལ་འཇའ་ཚོན་ཐིམ་པ་ལྟར། །རིག་པའི་ངང་དུ་སྣང་བ་གྲོལ། །ཅིར་མཐོང་ཅིར་གྲོལ་རིག་པའི་ངང་། །རང་འབྱུང་རང་གྲོལ་སྲེ་ཐབས་གསུམ། །སྣང་བ་རིག་པ་སྲེ་བ་དང་། །རིག་པ་ཡེ་ཤེས་སྲེ་བ་དང་། །ཡེ་ཤེས་ཐིག་ལེར་སྲེ་བ་འོ། །དབང་པོ་རང་སྣང་གྲོལ་བ་ཡིན། །ངེས་ཤེས་རིག་པ་རང་སྣང་ཡིན། །གཏན་ཚིགས་ཐིག་ལེ་ཉག་གཅིག་ཡོད། །དྲོད་ཚད་རིག་པ་འོད་གསལ་ཡིན། །རྟགས་མཆོག་སྣང་བ་ཡུལ་མེད་ཡིན། །འབྲས་བུ་ཐིག་ལེ་ཟང་ཐལ་ཡིན། །ཡོན་ཏན་ཐིག་ལེ་ཆོས་མིན་ཡིན། །ཐུགས་རྗེ་ཡུལ་མེད་རང་འབྱུང་ཡིན། །ཞེས་གསུངས་སོ། །ཁ་འགུགས་སེམས་འཛིན་སྣང་ཐོག་འཆོར་སྲིད་པས། །ཁ་འབྱམས་ཁ་འགུགས་བསྲེ་བར་བྱ། །ཚོགས་དྲུག་འོད་གསལ་འཁོར་ལོ་བསྐོར། །ཚོགས་དྲུག་རང་གྲོལ་དབང་པོ་ཡིན། །རྣམ་ཤེས་འོད་གསལ་ངེས་ཤེས་ཡིན། །འཛིན་མེད་ཟང་ཐལ་ཡིད་ཆེས་ཡིན། །འདོད་ཡོན་རྣམ་ལྔ་རྐྱེན་ཐུབ་ཡིན། །ཆགས་སྡང་རི་རབ་དྲོད་རྟགས་ཡིན། །ཆགས་པ་འདོད་ཡོན་རང་སར་གྲོལ། །འབྲས་བུ་མཆོག་ཏུ་དེ་བཤད་དོ། །ཡོན་ཏན་ཚོགས་དྲུག་ལྷུན་པ་ཡིན། །མཐུན་དཔེ་ཉི་མ་ཤར་བ་ཡིན། །ཞེས་གསུངས་སོ། །ཁ་འབྱམས་ཁ་འགུགས་སྲེ་བ་ལ། །འགྱུ་བ་འོད་གསལ་འཁོར་ལོ་བསྐོར། །འགྱུས་ཚད་འོད་གསལ་དཔང་པོ་ཡིན། །འགྱུ་བ་རང་གྲོལ་ངེས་ཤེས་ཡིན། །འགྱུ་བ་དྭངས་སངས་ཡིད་ཆེས་ཡིན། །འགྱུ་བ་གར་འགྱུས་རྐྱེན་ཐུབ་ཡིན། །འགྱུས་ནས་རྟོགས་པ་དྲོད་རྟགས་ཡིན། །འགྱུ་བ་དཀར་ནག་རང་སར་གྲོལ། །འབྲས་བུའི་མཆོག་ཏུ་གྲགས་བ་ཡིན། །ཡོན་ཏན་འགྱུ་བ་རང་སར་ཡིན། །མཐུན་དཔེ་རླུང་གི་ར་ཙ་འདྲ། །ཞེས་གསུངས་སོ། །སྲེ་བ་འདྲེས་པ་འདྲེས་ཚད་གསུམ། །དྲོད་དང་རྟགས་དང་དབང་པོ་གསུམ། །ངེས་ཤེས་ཡིད་ཀྱི་རྐྱེན་ཐུབ་གསུམ། །འབྲས་བུ་ཡོན་ཏན་མཐུན་དཔེ་གསུམ། །སྤྱི་ཡི་གདམས་པ་ངོ་སྤྲོད་ཡིན། །ཞེས་གསུངས་སོ། །ད་ནི་འགྱུ་བ་འཆུག་མེད་ངོ་སྤྲོད་དེ། །འགྱུས་དང་ཅེར་ལྟོས་ཅེར་མཐོང་དང་། །ངེས་ཟིན་ཡེ་ཤེས་རང་ཤར་བས། །ཆོས་སྐུ་ཡུལ་མེད་དམྱལ་ཁམས་སྟོངས། །ཁྱུང་ལ་བསྟོད་པ་མི་འབུལ་ཕ་ཝང་སྐུར་མི་འདེབས། །ཨེ་མ་ཧོ། །རང་འབྱུང་རང་གྲོལ་རང་འཁྱམས་པས། །ཆོས་སྐུ་སྐྱབས་ས་མ་རྙེད་དམྱལ་བས་གནོད་མ་ནུས། །ཐར་སྐུས་དྲངས་ས་མ་རྙེད་དམྱལ་དཔོན་གནོད་མ་རྙེད། །འགྱུ་བ་ཅེར་ཟིན་སངས་རྒྱས་རང་ལ་ཤར། །མ་ཤེས་མ་རིག་འཁོར་བ་རང་ལ་ཤར། །རང་ཤར་གནད་ཤེས་ཤིན་ཏུ་དཀའ། །ཞེས་གསུངས་སོ། །ཡང་བཀའ་སྩལ་པ། །མུན་སྣང་གཉིས་སུ་མ་ཕྱེ་ན། །ནང་ནུབ་དྲོད་ཚད་སུ་ཡིས་འཛིན། །དབྱར་དགུན་སྟོན་དཔྱིད་མ་ཕྱེ་ན། །ལོ་ཟླ་དུས་ཁྲིམས་སུ་ཡིས་འཛིན། །ནད་ལྔའི་དབྱེ་བ་མ་བྱས་ན། འཚོ་མཛད་སྨན་སྦྱོར་གང་ལ་བཏང་། །འདྲེ་སྲིན་དབྱེ་བ་མ་བྱས་ན། །བར་ཆད་ངེས་ཡིས་གངས་ཐབས་མེད། །ལྷ་འདྲོའི་དབྱེ་བ་མ་བྱས་ན། །དངོས་གྲུབ་བླངས་ཐབས་གང་ལ་བྱེད། །སངས་རྒྱས་སེམས་ཅན་མ་ཕྱེ་ན། །ཟག་བཅས་ཟག་མེད་སུ་ལ་མཚོན། །གཟུགས་འཛིན་གཉིས་སུ་མ་ཕྱེ་ན། གཉིས་མེད་ཟངས་ཐལ་སུ་ལ་བསྟན། །སྣང་སྲིད་།རང་སྣང་རྣམ་དག་སུ་ལ་བསྟན། །སེམས་དང་ཡེ་ཤེས་མ་ཕྱེ་ན། །བློ་དངོས་གཉིས་མེད་སུ་ལ་བསྟན། །ཀུན་གཞི་འདས་པ་མ་ཕྱེ་ན། །རྟོགས་པ་མངོན་འགྱུར་ག་ལ་བྱ། །ཡེ་དང་ཤེས་པ་མ་ཕྱེ་ན། །ཡེ་ཤེས་ཟང་ཐལ་སུ་ལ་བསྟན། །བག་དང་ཆགས་པ་མ་ཕྱེ་ན། །ལུས་ཀྱི་སྤོ་ལུགས་སུ་ལ་བསྟན། །ཆགས་དང་སྡང་བར་མ་པྱེ་ན། །དུག་ལྔའི་འཁྲུལ་པ་སུ་ལ་བསྟན། །ཐབས་དང་ཤེས་རབ་མ་ཕྱེ་ན། །གདམས་པའི་མཐར་ཐུག་སུ་ལ་བསྟན། །སྤྱན་གྱི་དབྱེ་བ་མ་བྱས་ན། །ཡེ་ཤེས་མིག་གཅིག་སུ་ལ་བསྟན། །ལུས་ཀྱི་དབྱེ་བ་མ་བྱས་ན། །སྐུ་ལས་འདས་པ་སུ་ལ་བསྟན། །ཐུགས་ཀྱི་དབྱེ་བ་མ་བྱས་ན། །གཉིས་མེད་ཟང་ཐལ་སུ་ལ་བསྟན། །ཡུལ་གྱི་དབྱེ་བ་མ་བྱ་ས་ན། །ཡུལ་མེད་ཟང་ཐལ་སུ་ལ་བསྟན། །ཡོན་ཏན་དབྱེ་བ་མ་བྱས་ན། །ཆོས་མེད་ཟང་ཐལ་སུ་ལ་བསྟན། །ཡེ་ཤེས་དབྱེ་བ་མ་བྱས་ན། །ཡེ་ཤེས་ཟང་ཐལ་སུ་ལ་བསྟན། །ཅེས་གསུངས་སོ། །དབེ་ཡི་དབྱེ་བ་མ་བྱས་ན། །ལྕེ་སྤྱང་ནག་པོ་སུ་ལ་བསྟན། །མུན་སྣང་གཉིས་ཀྱི་ཕན་གནོད་མེད། །ཕན་མེད་གནོད་མེད་མ་བསྟན་ན། །རིག་པའི་རང་སྒོ་སུ་ལ་བསྟན། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །རྣམ་རྟོག་རོ་སྙོམས་ཀྱི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །གསང་བ་བླ་མེད་ལྷ་ཡི་རོ་སྙོམས་བསྟན་པ་ནི། །ཐོག་མ་ལྷ་ཡི་གཞི་མ་ནི། །རང་བཞིན་ལྷུན་གྲུབ་ལྷ་ལ་ཕྱག་འཚལ་ལོ། དེ་བ་རྭ་ཛ་ན་མོ་པྲུ་ཛ་རརྙ་ཀརྨ་ནུཎྜ་ཏ་ཐུ་ག་ཏ་ས་མུ་དྲ་མ་ཧྭ་གུ་རྒྱ་ཨ་ཏི། །ཙྭ་ན་རཏྣ་ཕ་ལ་ཙཀྲ །ཐོག་མ་མེད་པའི་དུས་ཉིད་ནས། །རིག་པ་ལྷུན་གྱིས་གྲུབ་པའི་ལྷ། །བར་དུ་གཡུ་རྐྱེན་འོད་གསལ་གྲུབ་པའ་ལྷ། །དབང་ལྷའི་དཀྱིལ་འཁོར་ལྟ་དང་བཅས། །ཐ་མ་བཏགས་པ་མིང་གི་ལྷ། །ཡིད་ལ་སེམས་པས་བསམ་བྱ་གཟུགས་ཀྱི་ལྷ། །དེ་ཝ་ས་མུ་དྷི། །བཱ་ཛ་མཧྭ་གུ་རྒྱ་ཕ་ལ་ཕ་ལ། །དབང་གི་ལྟ་ནི་འོད་དཔག་མེད། །ཞི་བའི་ལྷ་ནི་མི་བསྐྱོད་པ། །དྲག་པོའི་ལྷ་ནི་རྣམ་སྣང་ཡིན། །རྒྱས་པའི་ལྷ་ནི་རིག་འབྱུང་ཡིན། །མངོན་སྤྱོད་ལྷ་ནི་དོན་གྲུབ་བོ། །དེ་ནི་དེ་བ་རྭ་ཛ་ཕྱིའི་ལྷ། །མིག་ལ་ཁ་དོག་ལྔ་གནས་པ། །མཐིང་ཀ་དཀར་པོ་སེར་ལེ་བརྒན། །ལྗང་ཁུ་རྣམ་པ་མ་འདྲེས་རྫོགས། །རྫོགས་རིམ་ལྷ་ཡི་དབང་བསྐུར་ཡིན། །རང་གྲོལ་ལྷ་ཡི་དབང་བསྐུར་བ། །ཙཀྱུ་ཟང་ཐལ་མི་བསྐྱོད་དབང་། །ཙཀྱུ་འོད་གསལ་འོད་དཔག་མེད། །ཙཀྱུ་རང་སྣང་རྣམ་སྣང་ཡིན། །ཙཀྱུ་མི་འགྱུར་རིན་འབྱུང་སྐུ། །ཙཀྱུ་རང་འབྱུང་དོན་གྲུབ་ཆེན་པོ་ཡིན། །རྟགས་ཀྱི་གདན་ལྔ་བསྟན་པ་ནི། །སེང་གེ་རྨ་བྱ་གླང་པོ་རྟ་དང་མཁའ་ཝིདང་གདན་སྟེངས་ན། །ཡེ་ཤེས་སྐུ་ལྔའི་དཀྱིལ་འཁོར་མ་སྒོམས་རྫོགས་པའི་དབང་། །ཨུ་བེ་ཤ་ཏ་ཐུ་ག་ཏ་ཙྭ་ནབུ་དྷ་རརྣ་པ་རི་ཤུདྷ་ཡུ། །ཞེས་སྒྲ་དང་བཅས་པའི་དབང་བསྐུར་རོ། །གཞི་དང་ལམ་དང་དངོས་པོ་གསུམ། །དེ་ཡི་ངོ་སྤྲོད་གདམས་པ་གསུམ། །དབང་བསྐུར་རྒྱལ་པོ་ཡེ་ཤེས་དབང་། །སྐད་ཅིག་གཅིག་ལ་རྫོགས་པ་ཡིན། །ཞེས་གསུངས་སོ། །ལྟ་འདྲེ་གཉིས་མེད་ཀྱི་རྒྱུད་ལས། །གསང་བ་བླ་ན་མེད་པའི་ལྟའི་རོ་སྙོམས་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།།འབྱུང་བ་རོ་སྙོམས་བསྟན་པར་བྱ། །ཐོག་མ་ཀུན་གཞི་ལྷུན་གྲུབ་ན། །འབྱུང་བ་ལྔ་པོ་ཡེ་ནས་འཕགས། །གཡོ་བར་བྱེད་པ་རླུད་གི་གཞི། །སྐྱེད་པར་བྱ་པ་ས་ཡི་གཞི། །སྨིན་པར་བྱེད་པ་མེ་ཡི་གཞི། །སྡུད་པར་བྱེད་པ་ཆུ་ཡི་གཞི། །ཡངས་ཤིང་གོ་འབྱེད་ནམ་མཁའི་གཞི། །ཐམས་ཅད་འདུས་པ་འབྱུང་ཆེན་བཞི། །འབྱུང་ཆེན་གཡོས་པས་རིག་པ་འགྱུས། །དེ་ཡི་སྣང་བ་འོད་ལྔ་རྐྱེན། །གཞི་ནས་འབྱུང་བ་འོད་ཀྱི་གཞི། །འོད་གསལ་གདངས་ཀྱི་སྣང་བ་ལས། །ནང་འབྱུང་ལུས་ལ་རྣམ་པ་ལྔ་རུ་འཁྲུལ། །གསང་བའི་འབྱུང་བ་འགྱུ་བ་འཁྲུལ་ཕྱི་མི་འབྱུང་བ་ཡུལ་ལྔ་འཁྲུལ། །དེ་ནི་འབྱུང་བའི་འཇུག་ལུགས་ཡིན། །ད་ནི་ཟློག་ལུགས་གཏན་ལ་དབབ། །རྣམ་པ་འགྱུ་བར་ངོ་སྤྲད་པས། །ཆེན་པོ་ལྔ་ཡང་རོ་ཡང་སྙོམས། །ས་ལ་རོ་སྙོམས་རིག་པ་བསྟན། །ཆུ་ལ་རོ་སྙོམས་རིག་པ་གསལ། །མེ་ལ་རོ་སྙོམས་རིག་པ་སྨིན། །མཁའ་ལ་རོ་སྙོམས་ཟང་ཐལ་ཤར། །རླུ་་ལ་རོ་སྙོམས་དབུགས་མེད་ཤར། །ཆུ་ཡི་རོ་སྙོམས་མ་ཤེས་ན། །རིག་པ་ཆད་པའི་གོལ་ས་ཡོད། །ས་ལ་རོ་སྙོམས་མ་ཤེས་ན། །རིག་པ་འགྱུར་བའི་གོལ་ས་ཡོད། །མེ་ལ་རོ་སྙོམས་མ་ཤེས་ན། །ཡུལ་དང་ཡུལ་ཅན་གོལ་ས་ཡོད། །རླུད་ལ་རོ་སྙོམས་མ་ཤེས་ན། །དབུགས་ལ་སྦྱར་བའི་གོ་ས་ཡོད། །མཁའ་ཡི་རོ་སྙོམས་མ་ཤེས་ན། །རྟག་པ་ཐེར་ཐུག་གོལ་ས་ཡོད། །འབྱུང་ཆེན་རོ་སྙོམས་མ་ཤེས་ན། །འབྱུང་ཆུང་མཐའ་ཡི་གོལ་ས་ཡོད། །ཕྱི་འབྱུང་རོ་སྙོམས་བྱེད་པ་ལ། །ངོ་སྤྲོད་རྣམ་བཞིའི་དཔང་པོ་དགོས། །འབྱུང་བ་རང་གྲོལ་ངེས་ཤེས་དགོས། །འབྱུང་ལྔ་རང་སྣང་ཡིད་ཆེས་དགོས། །འབྱུང་ལྔ་འོད་གསལ་རྐྱེན་ཐུབ་དགོས། །ཆགས་འཛིན་སྟོང་ནས་དྲོད་རྟགས་དགོས། །འབྲས་བུ་འབྱུང་ལྔ་རྒྱས་ཐེབས་དགོས། །ཡོན་ཏན་འབྱུང་ལྔ་འདས་པ་ལྔ། །མཐུན་དཔེ་འཁྱག་པ་ཆུ་ལྟ་བུ། །ནང་འབྱུང་རོ་སྙོམས་ཞེས་བྱ་བ། །ལུས་ལ་འབྱུང་བ་ལྔ་ཚད་བ། །རིག་པའི་རོ་སྙོམས་ཤིན་ཏུ་གཅེས། །དབང་པོ་འབྱུང་ལྔ་ཆགས་དང་འཇིག་དང་སྟོང་། །རི་རབ་འཇིག་པ་ལུས་པོ་ཡིན། །གླིང་བཞི་འཇིག་པ་མ་ཐིལ་བཞི་ཡིན། །གླིང་ཕྲན་འཇིག་པ་རྐང་བརྒྱད་ཡིན། །མཚོ་བདུན་འཇིག་པ་ཡུལ་བདུན་ལ། །རི་བདུན་འཇིགས་པ་ཚོགས་བདུན་ཡིན། ཁེང་ཆེན་འཇིག་པ་སྲོག་པ་རྩ། ཁེང་བཞི་འཇིག་པ་རྩ་བྲན་བཞི། །རྒྱུ་སྐར་རྩ་བརྒྱད་སྒལ་ཚིགས་ལ། །ཉི་ཟླ་འཇིག་པ་མིག་གཉིས་པོ། །གཟའ་བརྒྱད་འཇིག་པ་ཚོགས་བརྒྱད་དོ། །དགུ་ཚིགས་འཇིག་པ་གཞུང་ཡིན་ཏེ། །དགུ་ནི་སྒོ་དགུ་རང་ཆས་སོ། །ས་འཇིག་པ་ནི་ཤ་ཡིན་ནོ། །མེ་འཇིག་པས་ནི་དྲོད་ཡལ་ལོ། །རླུད་ཞིག་པས་ནི་བཀྲག་སྟོར་རོ། །ཆུ་ཞིག་པས་ནི་ལུས་གྱེས་སོ། །ནམ་མཁའ་ཞིག་པས་སེམས་དྭངས་སོ། །འབྱུང་ཆེན་འིག་པས་འགྱུ་བ་མེད། །དེ་ནི་འབྱུང་བ་འཇིག་འདུས་སོ། །ཆེན་པོ་དེ་ལ་འབྱུང་ལྔ་འདུས། །དཔེར་ན་ལྕགས་ལེན་རྡོ་བཞིན་ནོ། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །སྲིད་པ་འཇིག་པའི་དུས་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ཞིག་ནས་སྟོང་པ་བཤད་པར་བྱ། །ས་ཞིག་པས་ནི་རྟེན་མེད་དོ། །རླུད་ཞིག་པས་ནི་གཡོ་བ་མེད། །མེ་ཞིག་པས་ནི་སྨིན་བྱེད་མེད། །ཆུ་ཞིག་པས་ནི་སྡུད་བྱེད་མེད། །མཁའ་ཞིག་པས་ནི་རྒྱུ་སྐར་གཟའ་དང་ཉི་ཟླ་མེད། །ཡོངས་ལ་ཁྱབ་པའི་ནམ་མཁའ་དང་། །མཐུན་དཔེ་སྒྲུབ་པའི་ནམ་མཁའ་དང་། །ཆོས་ཉིད་རང་བྱུང་ནམ་མཁའ་དང་། །ངོ་བོ་ཉིད་ཀྱི་ནམ་མཁའ་དང་། །ནམ་མཁའ་སྒྲ་མཐུན་ཁྱད་པར་ཆེ། །ཁབ་མིག་བུ་གའི་ནམ་མཁའ་དང་། །ཐེན་ཚེར་མིག་གི་ནམ་མཁའ་དང་། །བུ་ག་སྣང་བའི་ནམ་མཁའ་དང་། །ཁ་དོག་དབྱིབས་ཀྱི་ནམ་མཁའ་དང་། །འབྱུང་བ་ཁྱབ་པའི་ནམ་མཁའ་དང་། །ཐེག་པ་སྒོ་དང་སྦྱར་བ་ཡིན། །འབྱུང་བ་ལྔ་ལ་ཐམས་ཅད་སྣང་། །ཕྱི་ནང་འཇིག་དང་ནང་སྣང་འཇིག །གསང་བའི་འབྱུང་བ་དངོས་གཞི་གཉིས། །དངོས་པོ་ལ་ཡང་རྣམ་པ་གཉིས། །འཁྲུལ་པ་དངོས་དང་གྲུབ་མཐའ་དངོས། །འཁྲུལ་པ་དངོས་པོ་ཕྱི་ནང་གཉིས། །འབྱུང་བ་ལྔ་པོ་འཇིག་པ་ནི། །ལས་ཀྱི་མེ་བདུན་ཆུ་གཅིག་དང། །ཐ་མ་རླུད་གིས་དེ་བཞིན་ནོ། །ཐ་མ་སྟོང་པར་གནས་པ་ནི། །ལྷུན་གྲུབ་རང་རླུད་མ་གཡོས་པར། །དེ་བར་འབྱུང་བའི་མིང་ཡང་མེད། །སངས་རྒྱས་ཐུགས་རྗེའི་མིང་ཡང་མེད། །སེམས་ཅན་འཁོར་བའི་མིང་ཡང་མེད། །མིང་མེད་སྦྲུམ་པའི་ཚུལ་དུ་གནས། །ནང་གི་འབྱུང་བ་ཞིག་ཙམ་ན། །སེམས་ཅན་སྐྱེ་འགུལ་མི་སྣང་བས། །ཁམས་གསུམ་འཁོར་བ་མིང་ཡང་མེད། །རླུད་བཞི་སྤྱི་བཙན་སྒོ་བཙན་ཡིན། །རང་རང་མ་མཐུན་འཇིག་ཆགས་དང་། །གནས་དང་སྟོང་པ་དེ་བཞིན་ནོ། །གནས་པའི་དུས་ན་སྤྱི་ས་བ། །ཀུན་གཞི་མི་ཟད་མཛོད་ཆེན་ནས། །ཐམས་ཅད་ཚངས་པའི་སྦྲུ་མ་དེ། །དེ་ཡི་ཐམས་ཅད་ཆགས་པར་བྱེད། །ཆགས་པའི་རྩ་བ་མ་ཆོད་ན། །འཁོར་བའི་དོང་སྤྲུགས་ཤིན་ཏུ་དཀའ། །འབྱུང་བ་ཆེན་པོརྒྱུ་གཅིག་པོ། །སྣང་བ་ཆེན་པོ་གསལ་བ་ཆེ། །རྣམ་པར་རྟོག་མེད་ལྷུན་གྱིས་གྲུབ། །དུས་གསུམ་ཀུན་གྱི་མེས་པོ་ཡིན། །ཡང་མེས་རྩ་ནས་ཆོད་ན། །འཁོར་བ་དོང་སྤྲུགས་མི་སྲིད་པས། །སྲིད་གསུམ་སྦྱོར་བའི་རི་བོ་ཡིན། །དཔལ་ལྡན་འབྱོར་པ་ཀུན་མཁྱེན་པ། །ཡེ་ཤེས་སྒྲོལ་མ་ཁྱོད་ལ་བསྟོད། །ཁྱོད་ནི་འགྲོ་བའི་མགོན་པོ་ཡིན། །ངོ་བོ་ལྷུན་གྲུབ་འབྲེལ་པ་ཡོད། །འབྲེལ་མེད་ནོར་བུ་རིན་ཆེན་ནོ། །དུས་གསུམ་བཞུགས་པའི་སྤྱི་གཙོ་ཡིན། །ཀུན་གཞི་ཡང་མེས་ཆེན་པོ་བྱེད། །གུས་སཔས་ཕྱག་འཚལ་བསྟོད་པར་བགྱི། །ཞེས་སྟོན་པས་བཀའ་སྩལ་ཏོ། །ལྷ་འདྲེ་གཉིས་མེད་ཀྱི་རྒྱུད་ལས། ཞིག་ནས་གནས་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་དག་བཤད་བྱ་བ། །རྡོ་རྗེ་ཆོས་ཀྱི་བློ་གྲོས་ཉོན། །སྟོང་པ་མ་ཡིན་ཀུན་གཞི་ཡིན། །དེ་ལ་ཆགས་ལུགས་བསྟན་པ་ནི། །བདག་ཅག་གཙོ་འཁོར་མ་ལུས་རྣམས། །དང་པོ་གཞི་ལ་ལུང་མ་བསྟན། །བར་དུ་འཁོར་བའི་རྩ་བར་འཁྲུལ། །ཐ་མར་རང་གྲོལ་འབྲས་བུ་ཐོབ། །རང་གྲོལ་རྒྱལ་པོ་ཡེ་ཤེས་སྤྱན། །དེ་ཡི་སྤྱན་གྱིས་གཟིགས་པ་ལས། །རྨོངས་པའི་མིག་གིས་དེ་མི་གསལ། །ཀུན་མཁྱེན་ཡེ་ཤེས་མཛོད་འཛིན་པ། མཁྱེན་པའི་ཡེ་ཤེས་སྟོབས་ཀྱི་བདག །བདག་གིས་ཁྱོད་ལ་བཤད་པར་བྱ། །ཁྱོད་ནི་གུས་པའི་ཚུལ་གྱིས་ཉོན། །རྒྱ་ཆད་ཕྱོགས་སུ་མ་ལྷུང་བའི། །དེ་ནས་ལྷུན་གྲུབ་ཆེན་པོ་ལགས། །དེ་ལ་སྲིད་པ་ཆགས་པ་ནི། །སྲིད་པ་སྦྱོར་བ་ལས་བྱུང་བ། །ཆེན་པོ་ང་ཡི་རྩ་བ་དེ། །སྲིད་པ་གསུམ་དུ་འབྱུང་བར་བྱེད། །སྲིད་པའི་གཞི་རྩ་རྣམ་པ་གསུམ། །གཞི་མོ་རྣམ་གསུམ་གནད་ལ་དབབ། །རྩ་བ་རྣམ་གསུམ་ལམ་དུ་གཅེས། །དེ་ལས་བར་དོ་རྣམ་གསུམ་འབྱུང་། །དེ་ལ་རྩེ་མོ་རྣ་མ་གསུམ་འབྱུང་། །དེ་ཡི་ཐམས་ཅད་གཅེས་པར་བྱེད། །གཅེས་པར་བྱེད་པའི་རྩེ་མོ་ལྔ། རྩ་བ་གསུམ་པོ་བར་དོ་གཅིག །སྲིད་པ་སེལ་བའི་འོད་པོ་ཆེ། །ཐུགས་རྗེ་འབྱུང་བའི་སོ་མཚམས་ཡིན། །ལམ་ལ་སྐྱེ་བོ་གཉིས་གྱེས་པ། །སྟག་དང་སེང་གེ་དོམ་དང་གསུམ། །དེ་གསུམ་རྒྱུ་བའི་ལམ་པོ་ཆེ། །དེ་ལ་སྲིད་ཆགས་ལུགས་བསྟན། །ཕྱི་ནང་གསང་བ་གསུམ་དུ་སྲིད། །སྦྱོར་བའི་དགོན་པ་ལས་བྱུང་བ། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །སྲིད་པ་ཆགས་པའི་རྩ་བ་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་དག་བཤད་བྱ་བ། །རྡོ་རྗེ་ཆོས་ཀྱི་བློ་གྲོས་ཉོན། །སསྒྲོ་ཀསྨེ་ལོ་ཀ་ཀུ་རུ་ཨ་སྟི་ཁེ་ཀ་ལ་སྟི་དྷ །ཞེས་སྒྲ་སྟོན་ནོ། །ཐམས་ཅད་འཕྲིན་ལས་མི་འགགས་པས། །འཇིག་རྟེན་དངོས་པོར་སྲིད་པའོ། །སྐྱེ་མེད་མ་རྟོགས་རང་དབང་མ་རིག་པས། །ལོ་ཀ་སརྦུ་ཙུད་ན། །འཁོར་བའི་གནས་ལ་ཐར་དུ་མེད། །ཁྱོད་ནི་ལེགས་པར་ཡིད་ལ་ཉོན། །ནང་གི་ཆགས་འཇིག་བསྟན་པར་བྱ། །གཞི་དང་དངོས་པོ་བར་དང་གསུམ། །དེ་ནི་ཐུན་མོང་མ་ཡིན་ཏེ། །ཁྱད་པར་ཆགས་པ་འདི་ལྟའོ། །སྦྱོར་ བའི་དགོན་པ་ལས་སྲིད་པ། །དང་པོ་རང་སྣང་ལོངས་སྐུ་དེ། །དེ་ལ་ལོངས་སྤྱོད་སྤྱོད་ཙམ་ན། །རྣམ་ཤེས་སེམས་པ་ཚོར་དང་འདུ་ཤེས་ཆུང་། །སྣང་བའི་འོད་དེ་རང་སྣང་མ་ཤེས་ཆགས། །དེ་ལས་རང་རྩལ་མ་ཤེས་སྡང་། །རང་གྲོལ་མ་ཤེས་གཏི་མུག་ཡིན། །དེ་ལས་ཐིག་ལེ་གཅིག་ཏུ་འགྲིལ། །མ་རིག་སྒོ་ལྔའི་སྦུབས་སུ་ཚུད། །སྲིད་པའི་དྲུ་བ་རང་ལ་བྱུང་། །ཐིག་ལེ་དཀར་དམར་གཅིག་ཏུ་འབྲེལ། །སྒྱུ་འཕྲུལ་དྭ་བ་མངོན་དུ་ཤར། །དེ་ནས་འབྲེལ་བས་མིག་ཏུ་གསལ། །གཉིས་པོ་ཉི་ཟླ་ཟུང་གཅིག་ཡིན། །མཛོད་སྤུ་ནག་ཕྲ་སྒྲོན་མེ་ཡིན། །ཀླད་པ་དུང་ཁང་ཞེས་བྱ་བ། །རྩ་རྣམས་གདུགས་ཀྱི་ཚུལ་དུ་ཡོད། །རྣམ་པར་རྒྱལ་བའི་ཁང་བཟང་ཡིན། །དེ་ལས་སྤྱི་བོ་བདེ་ཆེན་ལ། །རྩ་ཡི་མགོ་བོ་བཞི་འབྱུང་བ། །བདུད་རྩི་གཉིས་དང་གཙུག་ཐག་གཉིས། །ལག་ན་རྡོ་རྗེ་བཞི་ཡང་གནས། །རྣམ་པར་རྒྱལ་བའི་ཁང་བཟང་ན། །རྩ་འདབ་སུམ་ཅུ་རྩ་གཉིས་ལ། །ཉེ་དབང་སུམ་ཅུ་རྩ་གཉིས་བཞུགས། །སྤྲུལ་སྐུ་ལྷ་དབང་བརྒྱ་བྱིན་བཞུགས། །དབུས་ཀྱི་རྩ་མདུད་སྟེ་བ་ལ། །ལྷ་ཡི་དབང་པོ་བདེ་བ་འབར། །དེ་ཡི་བྱིན་རླབས་ལྷ་རྣམས་ཀུན་ལ་འཕྲོ། །ལྷ་རྒྱུད་ཆེན་པོའི་བྱིན་རླབས་ཀྱིས། །བདེ་བ་ཆེན་པོའི་དངོས་གྲུབ་ཐོབ། །རིན་ཆེན་སྣ་བདུན་བརྡ་ཆོས་བཤད། །མིག་དང་རྣ་བ་སྣ་ དང་ལྕེ། །གློ་བ་སྙིང་དང་ལུས་པོ་བདུན། །ནོར་བུ་རིན་ཆེན་དགོངས་པ་བཤད། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ལྷའི་གླིང་ཆགས་པ་བསྟན་ཏེ། །དེ་ལ་ཆོས་བཤད་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །མི་ཡི་ཆགས་ལུགས་བསྟན་པ་ནི། །རྩ་བ་གསུམ་པོའི་རྩེ་མོ་ལ། །ཐིག་ལེ་གསུམ་དུ་འདུས་པ་ལས། །རྩ་བརྒྱད་གླིང་བརྒྱད་རྩ་བཞི་གླིང་ཆེན་བཞི། །དབུས་ཀྱི་རི་བོ་མཆོག་རབ་སྙིང་། །ཤེལ་གྱི་སྦུ་གུ་དཔག་གསམ་ཤིང་། །སྙིང་པོ་ལྕགས་རི ནག་པོ་ཆགས། །རི་བདུན་ཐིལ་བདུན་མཚོ་བདུན་ཟུར། །ཐམས་ཅད་འདུས་པས་སྣོད་དུ་ཆགས། །ཐུགས་རྗེ་ཡས་བབས་ཤེད་བུ་རྒྱང་མ་ཡིན། །ཤེད་ལ་རོགས་ནི་རོ་མ་ཡིན། །དེ་ལ་ང་རྒྱལ་མི་རུ་ཆགས། །རྗེའུ་རིགས་ང་རྒྱལ་ཅན་དུ་ལྷོ་ན་བཞུགས། །རྒྱལ་རིགས་ཞེ་སྡང་ཅན་དེ་ཤར་ན་བཞུགས། །བྲམ་ཟེ་འདོད་ཆགས་ཁྲུས་དག་པ་ནུབ་ནའོ། །དམངས་རིགས་ཕྲག་དོག་ཅན་དེ་བྱང་། །གདོལ་པ་གཏུམ་པོ་ལས་ངན་སྤྱོད། །དེ་དག་གནས་ནས་ཀུན་ལ་རྒྱུ། །དེ་ཡི་དབུས་ཀྱི་ཐིག་ལེ་ལས། །བཅོམ་ལྡན་ཤཱཀྱ་ཐུབ་པ་ཡིས། །རིགས་ལྔ་གནས་པ་རྩ་བའི་རྒྱུད་ལས་བཤད། །དེ་ཡང་བྱིན་གྱིས་བརླབས་ཀྱིས་བཤད། །སརྦུ་པྲཙྭ་ཙྭ་ན་ཨུ་པ་དེ་ཤ་ཀྲ་མ་གུ་རྒྱ་ཨེ་ཀ་ཏི་ལ་བྲ་ས་ར་ཀ་ལ་རྙུ་ཧ། །ཞེས་བཤད་དོ། །ཐམས་ཅད་ཤེས་རབ་ཡེ་ཤེས་ཀྱིས། །མན་ངག་རིམ་པ་མ་ནོར་བ། །གསང་བའི་དོན་རྣམས་མ་ཤེས་ན། །ཐིག་ལེ་ཉག་གཅིག་སྤྲོས་ལ་བསྟན། །སྤྲོས་ཀྱང་དོན་ལ་གཅིག་ལས་མེད། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །མིའི་གླིང་དུ་ཐུགས་རྗེ་རང་འབྱུང་དུ་ཆགས་པའི་ལེའུ་སྟེ་ཉེར་གཅིག་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ལྷ་མིན་མི་མིན་ཆགས་ལུགས་བསྟན་པ་ནི། །སྙིང་ལ་སྲོག་རྩ་ཆགས་པ་ལས། །འབྲས་བུ་སྤྱི་བོ་བདེ་ཆེན་སྨིན། །འདབ་མ་པདྨ་ལྟ་བུ་སྟེ། །མགྲིན་པའི་རྩ་ཆེན་བཅུ་དྲུག་ལ། །ལྟ་མིན་མི་མིན་བཅུ་དྲུག་ཡོད། །འོད་དང་ཉེ་བའི་འོད་དང་ནི། །སྣང་བ་དང་ནི་སྣང་གསལ་དང་། །བྱིན་དང་བདེ་དང་འཐབ་དགའ་དང་། །འཐབ་བྱེད་དང་ནི་འཐབ་བྲལ་དང་། །བསོད་ནམས་སྐྱེ་དང་བདེ་བ་ལྡན་དང་བཟང་སྐྱོང་དང་། །དྲུ་བ་ཅན་དང་དྲུ་འོད་དང་། །ཉི་མ་ལྟ་དང་ཉི་མེད་འོད། ཁེང་དང་འདྲ་བའི་རྩ་ལ་གནས། །དེ་ཡང་ཐུགས་རྗེ་ཡས་བབས་ནས། །ལྷ་མིན་རྒྱལ་པོ་ཐགས་བཟངས་རིས། །ལྷའི་འཐབ་མོ་ཁོང་ཁྲོ་རྒྱལ་དེ། །དེ་དག་དུག་ལྔ་ཐུགས་རྗེ་འཁོར་ལོ་བསྐོར། །ལྷ་མིན་གཡུལ་ཟློག་རྒྱུད་ཆེན་འདི། །ཁོང་ཁྲོ་རྩ་བཞི་རྩད་ནས་བཅད། །ཉི་མ་ལྟ་བུར་ལྟ་ཡི་རང་འོད་བསྟན། །རང་འབྱུང་ཆོས་ཀྱི་འཁོར་ལོ་བསྐོར། །འབྱུང་པོ་རོ་སྙོམས་ཆགས་སྡང་གྲོལ། །མཚོན་ཆ་རོ་སྙོམས་བདེ་བ་འབར། །གོ་ཆ་རོ་སྙོམས་རིན་ཆེན་འབར། །སྡུག་བསྔལ་རོ་སྙོམས་རང་གྲོལ་ཤར། །འཐབ་རྩོད་རོ་སྙོམས་ཆོས་སྐུར་འཆར། ཁེང་ཐོག་རོ་སྙོམས་བདུད་རྩིར་འཆར། །བདེ་བ་ཆེན་པོ་ཆོས་ཀྱི་ཀློང། །རང་བྱུང་ཡེ་ཤེས་རང་ལ་ཤར། །སསྒྲོ་ལོ་ཀ་དེ་མ་ཡིན། །ཀསྨེ་ཀུ་རུ་དྷ་ཏུ་ཙྭ་ན་ཨེ་ཀ་ཏི་ལ་རཏྣ་དི་ཙ་ཀྲ་མ་ཧྭ་དྷ་ཐིམ། །ཞེས་སྒྲ་བཤད་དོ། །ཐམས་ཅད་འཇིག་རྟེན་རང་སྣང་ལ། །ལྷ་མ་ཡིན་གྱི་འཕྲིན་ལས་རྫོགས། །དབྱིངས་དང་ཡེ་ཤེས་གཉིས་སུ་མེད། །ཐིག་ལེ་ཉག་གཅིག་རང་ལ་སྣང་། །རིན་ཆེན་འོད་འབར་རང་ལ་ཡོད། །འཁོར་་ལོ་ཆོས་ཀྱི་ཐུགས་རྗེ་ཡིས། །མཉམ་པ་ཉིད་དུ་བསྟན་པ་ཡིན། །ཐམས་ཅད་ཆོས་ཀྱི་དབྱིངས་སུ་ཐིམ།། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ལྷ་མ་ཡིན་གྱི་ཆགས་ལུགས་དང་། །དེ་ལ་ཆོས་ཀྱི་འཁོར་ལོ་བསྐོར་བའི་ལེའུ་སྟེ་ཉེར་གཉིས་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །བྱོལ་སོང་སྲིད་པའི་ཆགས་ལུགས་བསྟན་པ་ནི། །དེ་ཡང་ཡས་བབས་རྩ་བ་གསུམ་པོ་ལས། །དྲུག་ཅུ་རྩ་བཞི་ལུང་མ་བསྟན་གྱི་གནས། །ལུང་མ་བསྟན་དེ་སྐྱེ་བའི་རྩ་བ་ནི། །མངའ་སྐྱེས་གཞོགས་སྐྱེས་རྫུས་སྐྱེས་དང་། །སྒོ་ང་དྲོད་དང་གཤེར་སྐྱེས་དང་། །གནས་དང་ལས་དང་ཟས་དངལུས། །དེ་དག་ཐམས་ཅད་ལུང་དུ་མ་བསྟན་ནོ། །དེ་ཡི་དབུས་ཀྱི་ཐིག་ལེ་ལ། །བྱོལ་སོང་སེང་གེ་རབ་བརྟན་བྱོན། །ཐུགས་རྗེ་ཆོས་ཀྱི་འཁོར་ལོ་ནི། །ལུང་དུ་བསྟན་དང་གླེང་གཞི་བསྟན། །ལུང་མ་བསྟན་པའི་སྒོ་རྣམས་ལ། ལུང་དུ་བསྟན་པའི་སྒོ་རྣམས་བཤད། །གཏི་མུག་ལུང་བསྟན་ཆོས་ཀྱི་སྐུ། །སྐྱེ་གནས་ལུང་བསྟན་ཉམས་མྱོངས་ཡེ་ཤེས་ཤར། །འབྲས་བུ་ལུང་བསྟབ་རྡོ་རྗེའི་སྐུ། །ལས་ཀྱི་ལུང་བསྟན་རང་འབྱུང་ཡེ་ཤེས་སྤྱོད། །ཟས་ཀྱི་ལུང་བསྟན་སྣང་སྲིད་ཟས་སུ་ཟོས། །ལུས་ཀྱི་ལུང་བསྟན་མཁའ་ཁྱབ་དང་བའི་ལུས། །སནྟྲ་བྲི་སྟ་མུ་ལ་ཏི་ཝ་བཛྲ་ཧེ་གུ་རྒྱ་རཏྣ་ཕ་ལ་ཏནྟྲ་དྷ་སྨེ་རཏྣ །ཙཀྱུ་ཏིརླ་ཀ་ཙྭ་ན་ཙཀྲ་ཕ་ལ་མ་ཧྭ་བོ་དྷི་གྲྭ་ཏ་སྭ་བྷ་བ་བི་ཤུདྷི་ཙྭ་ཀ་ཡ་ཨ། །ཞེས་སྒྲ་བཤད་དོ། །ཐམས་ཅད་མ་རིག་རང་སྣང་ལ། །བྱོལ་སོང་མ་རིག་གཏི་མུག་ཆེ། །རྡོ་རྗེ་སྐུ་བསྟན་དགྱེས་པའོ། །གསང་བ་ཆེན་པོ་རིག་ཆེན་བཟང་པོ་འདྲ། །རྒྱུད་ཀྱི་ཆོས་ཉིད་དོན་རྟོགས་ནས། །རིན་པོ་ཆེ་ཡི་མིག་ཕྱེ་བས། །བྱོལ་སོང་ཡེ་ཤེས་འཁོར་ལོ་བསྐོར། །བཟང་པོ་རང་འབྱུང་བྱང་ཆུབ་སྐུ། །བྱང་ཆུབ་སེམས་དཔའ་ཆེན་པོ་ཡིན། །དྲི་མེད་དག་པ་ཡེ་ཤེས་སྐུ་། །ཞེས་གསུངས་སོ། །ལྟ་འདྲེ་གཉིས་མེད་ཀྱི་རྒྱུད་ལས། །བྱོལ་སོང་གི་འཇིག་རྟེན་ཆགས་ལུགས་དང་། །དེ་ལ་ཡང་ཐུགས་རྗེ་ཡས་བབས་ཀྱི་ལེའུ་སྟེ་ཉེར་གསུམ་པའོ།། །།དེ་ནས་ཡང་དག་བཤད་བྱ་བ། །རྡོ་རྗེ་ཆོས་ཀྱི་བློ་གྲོས་ཉོན། །ཡི་དྭགས་སྲིད་པ་ཆགས་ལུགས་བསྟན་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །དང་པོའི་རྩ་བ་གསུམ་པོ་ལས། །རྩེ་མོ་ཆོད་པར་བྱེད་པའོ། །གསང་བའི་གནས་སུ་རྩ་གསུམ་ཆགས། །ཕྱི་ནང་སྒྲིབ་དང་སྒྲིབ་པ་ཅན། །མཁའ་ལ་རྒྱུ་བའི་འབྱུང་པོ་ཡི་དྭགས་དང་། །ལས་ཀྱི་རྣམ་སྨིན་ཡི་དྭགས་དང་། །གནས་པ་རྟེན་གྱི་ཡི་དྭགས་དང་། །འབྲས་བུ་གྲུབ་པའི་ཡི་དྭགས་དང་། །བསམ་གྱིས་མི་ཁྱབ་བསམ་ལས་འདས། །དེ་ནས་ཐུགས་རྗེ་ཡས་བབས་པའི། །ཁ་འབར་རྒྱལ་མོ་ཐུབ་པ་ཡིས། །རྩ་གསུམ་དག་ལ་ངོ་སྤྲད་པས། །ཕྱི་ཡི་སྒྲིབ་པ་དག་པར་བྱེད། །ལྷན་ཅིག་སྐྱེས་གསུམ་ངོ་སྤྲད་པས། །ནང་གི་སྒྲིབ་པ་དག་པར་བྱེད། །རང་གྲོས་གསུམ་ལ་ངོ་སྤྲད་པས། །ཕྱི་ནང་སྒྲིབ་པ་དག་པར་བྱེད། །ཡུལ་མེད་རང་སྣང་ཆེན་པོ་ཡིན། །དེ་རྣམས་མཁའ་ཕྱོགས་མེད་པར་རྒྱུ། །འོད་གསལ་ཆེན་པོར་ངོ་སྤྲད་པས། །རང་གྲོལ་འབྲས་བུ་ཆེན་པོ་ཐོབ། །ལུས་ལ་གནས་ཤིང་དབུགས་ལ་རྒྱུ། །གནས་པ་གནོད་གྱི་ཡི་དྭགས་དེ། །འགྱུ་བ་དངོས་མེད་ངོ་སྤྲད་པས། །གནས་པའི་ཡི་དྭགས་རང་སར་གྲོལ། །ལས་རྣམས་ཐམས་ཅད་འགྱུས་ནས་བྱེད། །རྟོགས་པ་ཤེས་རབ་ལས་བྱེད་དང་། །མ་རྟོགས་མ་རིག་ལས་བྱེད་གཉིས། །ལས་སུ་འདྲ་སྟེ་དངོས་མི་གཅིག །རྣམ་པར་སྨིན་པའི་ཡི་དྭགས་དང་། །རྣམ་པར་སྨིན་པའེ་འབྲས་བུ་གཉིས། །འབྲས་བུར་འདྲ་སྟེ་ཁྱད་པར་ཆེ། །རྣམ་སྨིན་འབྲས་བུ་མཐར་ཐུག་པས། །ཆོས་ཉིད་ཡུལ་མེད་དགོངས་པ་ཤར། །ཅེས་གསུངས་སོ། །སགྲོ་ལོ་ཀ་པྲེ་ཏ་ཀ་ཀསྨེ་ཀུ་རུ་ཙྭ་ན་གུ་རྒྱ་རཏྣ་ཙཀྱུ །པ་རི་ཤུསྣོ་ཨུ །ཞེས་སྒྲ་བསྟན་ནོ། །ཐམས་ཅད་འཁོར་བ་ཡི་དྭགས་ཏེ། །འཕྲིན་ལས་མྱུར་དུ་རྫོགས་པར་བྱེད། །ཡེ་ཤེས་གསང་བ་རང་ལ་བསྟན། །རིན་པོ་ཆེ་ཡི་སྤྱན་ཆེན་ཕྱི། །སྒྲིབ་པ་ཐམས་ཅད་དག་པར་བྱེད། །སྐྱེ་མེད་ཆོས་སྐུ་རང་ལ་སྣང་། །ཞེས་གསུངས་ སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཡི་དྭགས་ཕྱི་སྲིད་པ་ཆགས་འཇིག་བསྟན་པ་དང་། །དེ་ལ་ཐུགས་རྗེ་ཡས་བབས་ཀྱི་འཁོར་ལོ་བསྐོར་བའི་ལེའུ་སྙེ་ཉེར་བཞི་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །དམྱལ་བའི་སྲིད་པ་ཆགས་ལུགས་བསྟན་པ་ནི། །དང་པོ་རྩ་བ་གསུམ་པོ་ལས། །རྩེ་ཡི་བླ་རྩ་ནག་པོར་གྱེས། །གཡོན་པ་མེད་ཡི་དཀྱིལ་འཁོར་ལ། །རྐང་མཐིལ་རྩ་བརྒྱད་བདག་ཉིད་ལ། །ཚ་བའི་དམྱལ་བ་བརྒྱད་དུ་སྲིད་པ་ཆགས། །དེ་ཡི་དབུས་ཀྱི་ལྟེ་བ་ལ། །ཐུགས་རྗེ་ཨ་ཝ་གླང་མགོ་བྱོན། །ཨ་མེ་རི་འབར་མའི་འཕྲེང་བ་ཡིན། །ཞེས་གསུངས་སོ། །ན་རགཀ་་ཨ་སྣེ་ཛ་ལ་པྲ་ཙྭ་བཱ་ར་མི་ཏ་ཏྲི༷༷ད་ཙྭ་ན་མ་ཧྭ་ཏུ་ཨུ །ཞེས་སྒྲ་བཤད་པས། །ཚ་བའི་དམྱལ་བ་བརྒྱད་པོ་དེ། །རང་རང་རང་བྱུང་གནས་ལས་གྲོལ། །དམྱལ་བའི་མེ་ལྕེ་འབར་བ་ལས། །ཤེས་རབ་ཀྱིས་ནི་སྙིང་པོར་གསལ། །ཡེ་ཤེས་ཆེན་པོའི་དབྱིངས་ན་སྐྱེ་བ་མེད། །ཅེས་དོན་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །དམྱལ་བའི་གནས་སུ་ཐུགས་རྗེ་ཆོས་ཀྱི་འཁོར་ལོ་བསྐོར་བའི་ལེའུ་སྟེ་ཉེར་ལྔ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །གྲང་བའི་དམྱལ་སྲིད་ཆགས་ལུགས་བསྟན་པ་ནི། །དང་པོ་རྩ་བ་གསུམ་པོ་ལས། །གཡས་པ་ཆུ་ཡི་དཀྱིལ་འཁོར་དུ། །རྐང་མཐིལ་རྩ་བརྒྱད་པདྨའི་གནས། །ཟླ་བ་ཉི་མའི་བདག་ཉིད་ཅན། །དེ་ལ་རྩ་དག་ཆུ་ཡི་འཁོར་ལོ་ཤར། །དེ་ལས་གྲང་བའི་དམྱལ་བ་བརྒྱད། །དེ་ཡི་ཡས་བབས་རྩ་གསུམ་ལས། །ཐུགས་རྗེ་ཆོས་ཀྱི་འཁོར་ལོ་བསྐོར། །ཆོས་ཀྱི་རྒྱལ་པོ་ཞེས་བྱ་བ། །ཐུགས་རྗེ་ཆོས་ཀྱི་རྒྱལ་པོའི་ཕྱིར། །ཆོས་ཀྱི་རྒྱལ་པོ་ཞེས་བྱ་བའོ། །གྲང་བ་ཆུ་ཡི་དཀྱིལ་འཁོར་ཡང་། །ཞི་བ་ཆོས་ཀྱི་སྐུ་རུ་བསྟན། །ན་ག་ར་ཙ་མ་ནུ་པྲེ་ཏ་ཀ་ཡསྒྲོ་པྲ་ཙྭ་བཱར་མི་ཏྭ་ཧྲི་ད་ཡ། །ཞེས་སྒྲ་བསྟན་ནོ། །དེའི་དོན་ནི། །དམྱལ་བའི་རྒྱལ་པ ཐུབ་པའི་གཙོ། །སེམས་ཅན་ཡི་དྭགས་ཆོས་ཀྱི་རྒྱལ། །ཡེ་ཤེས་སྙིང་ལ་གནས་པར་བྱ། །ཞེས་གསུངས་སོ། །ཤེས་རབ་ཡེ་ཤེས་སྡུད་བར་བྱེད། །འགྲོ་བའི་མགོན་ལ་ཕྱག་འཚལ་ལོ། །ཆོས་རྒྱལ་ཆེན་པོས་དེ་སྐད་གསུངས། །གྲང་བའི་དམྱལ་བ་ཡེ་ཤེས་སྐུ། །དམྱལ་བ་རང་གྲོལ་ཐིག་ལེར་གདལ། །ཅེས་གསུངས་སོ། །ཉི་ཚེ་ཉེ་འཁོར་དམྱལ་བ་ནི། །མཐིལ་གཉིས་སྲིད་པ་ཆགས་པ་ཡིན། །གཉིས་གཉིས་ལོག་པས་ཉི་ཚེ་ཡིན། །ཐུབ་པས་གཉིས་མེད་བསྟན་པ་ཡིས། །ཉི་ཚེ་རང་སར་གྲོལ་བར་བྱེད། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །གྲང་བ་ཆུ་དམྱལ་བ་དང་ཉི་ཚེ་ཉེ་འཁོར་གྱི་སྣང་བ་ལ་ཐུགས་རྗེ་རང་འབྱུང་གི་འཁོར་ལོ་བསྐོར། །བའི་ལེའུ་སྟེ་ཉེར་དྲུག་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །རྡོ་རྗེ་དམྱལ་བའི་ཆགས་ལུགས་བསྟན། །དང་པོ་རྩ་བ་གསུམ་པོ་ལས། རྡོ་རྗེ་བུམ་པའི་རྩ་བ་རྒྱུ། རྩ་གསུམ་རྡོ་རྗེའི་དབྱིབས་སུ་ཤར། །རྡོ་རྗེ་དམྱལ་བའི་བརྟེན་པ་ཡིན། །དེ་ལ་ཐུགས་རྗེ་ཡས་བབ་པས། །རྡོ་རྗེའི་སྐུ་དེ་འདུས་མ་བྱས། །རྡོ་རྗེ་དམྱལ་བ་འདྲེན་མཛད་པ། །དགའ་བ་དང་ནི་མཆོག་དགའ་ཡི། །ལྷན་ཅིག་སྐྱེས་པའི་བརྟེན་ས་ཡིན། །དེ་ལ་ཐུགས་རྗེ་ཡས་བབས་པས། །རྡོ་རྗེའི་སྐྱ་དེ་འདུས་མ་བྱས། །རྡོ་རྗེ་དམྱལ་བ་འདྲེན་མཛད་པ། །དགའ་བ་དང་ནི་མཆོག་དགའ་ཡི། །ལྷན་ཅིག་སྐྱེས་པའི་དགའ་བ་དང་། །དགའ་བྲལ་ཆེན་པོ་ཐུབ་པའི་སྐུ། །ཐུགས་རྗེ་ཡས་བབས་ཞེས་སུ་བཤད། །དེ་ནི་དགའ་རབ་རྡོ་རྗེ་སྤྲུལ་པའི་སྐུ། །ཐུབ་པ་བདུན་དུ་བྱུང་བ་ཡིན། །དགའ་རབ་རྡོ་རྗེ་ཞེས་སུ་བསྟན། །སྤྲུལ་སྐུ་དགའ་རབ་རྡོ་རྗེ་དེ། །ཐུགས་རྗེ་རྩ་ཡི་ལམ་དུ་བྱུང་། །ལོངས་སྐུ་རྡོ་རྗེ་ སེམས་དཔའ་དེ། །འོད་གསལ་ངོ་བོ་རྩ་ཡི་ལམ་དུ་བྱུང་། །ཆོས་སྐུ་ཀུན་ཏུ་བཟང་པོ་དེ། །ཡེ་ཤེས་རྩ་ཡི་ལམ་དུ་བྱུང་། །དེ་གསུམ་གཅིག་ཏུ་འདུས་པ་ནི། །ཨ་ཝ་རྙུ་ཏི་ཞེས་སུ་བརྗོད། །ཨ་ནི་སྐྱེ་མེད་ཀུན་ཏུ་བཟང་། །རྩ་ནི་སྐུ་ལྔ་ཡེ་ཤེས་ལྔ། །རྡོ་རྗེ་མི་སྐྱོད་པ་ཞེས་བྱ། །རྙུ་ཏི་སྤྲུལ་སྐུ་ཐུགས་རྗེ་འབྱུང་། །སྤྲུལ་སྐུ་དགའ་རབ་རྡོ་རྗེ་ཡིན། །སྐུ་གསུམ་འདུས་པས་རྡོ་རྗེ་ཡིན། །རྡོ་རྗེ་སྐུ་དེ་འདུས་མ་བྱས། །རང་ལུས་རྟགས་ཀྱི་རྡོ་རྗེ་ནི། །སྐུ་གསུམ་རང་ལ་ཡོད་པའི་རྟགས། །ནང་གི་བཅུད་ལ་ངོ་སྤྲད་པས། །སྐུ་གསུམ་རང་ལ་འབྱུང་བའི་རྟགས། །གསང་བའི་དོན་ལ་ངོ་སྤྲད་པས། །སྐུ་གསུམ་ཐུགས་རྗེ་རང་ཆས་ཡིན། །དེས་ནི་རྡོ་རྗེ་དམྱལ་བ་ཡིན། །རང་གྲོལ་ངོ་སྤྲོད་བསྟན་པ་ཡིན། །ན་གར་བཛྲ་ཨཙྭ་ཎ་ཏི་ལ་མུ་ལ་མ་ཧྭ། །ཀྲི་ཀ་པྲ་དུ་ཨ་སི། །ཞེས་ཡིས་རྩ་བཤད་དོ། །དེ་ཡི་དོན་ནི་འདི་ལྟ་སྟེ། །དམྱལ་བ་རྡོ་རྗེ་སྐྱེ་མེད་བསྟན། །སྐྱེ་མེད་ཡེ་ཤེས་ཆེན་པོ་ཡིན། །ཐིག་པ་ཆེན་པོ་མ་བཙལ་ཤར། །སྐྲུལ་པའི་གོ་ཆ་ཆེན་པོ་ཡིན། །སྐྱེ་མེད་དབྱིངསསྐུགཅིགཔརཐིལ། །ཞེས་གསུངས་སོ། །ལྷ་འདྲེ་གཉེས་མེད་ཀྱི་རྒྱུད་ལས། །རྡོ་རྗེ་དམྱལ་བའི་ཆགས་ལུགས་བསྟན་པ་དང་། །དེ་ལ་ཐུགས་རྗེ་ཆོས་ཀྱི་འཁོར་ལོ་བསྐོར་བའི་ལེའུ་སྟེ་ཉེར་བདུན་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །ཐུགས་རྗེ་བྱིན་རླབས་ཡས་བབས་པ། །ལམ་དང་གནས་དང་གང་ཟག་གསུམ། །དེ་ལ་དགོངས་ནས་འབྱུང་བ་ཡིན། །ཐུགས་རྗེ་ཡས་བབས་འབྱུངབའི་དུས། །སྲིད་པ་ཡས་མར་ཆགས་པ་ཡིན། །དང་པོ་རླུད་ཡང་ཡས་བབས་པས། །དེ་ལ་རྩ་བསྟན་ཐིག་ལེ་བྱངཆུབ་སེམས། །སེམས་ལ་འབྱུང་བ་ལྔ་ཤར་བ།།ཐུགས་རྗེ་ཡས་མར་ཆགས་པ་ཡིན།།ནམ་མཁའ་རླུང་དང་ཆུ་དང་མེ་ས་ལྔ།།རང་སྣང་ཡས་བབས་ཕྱི་རུ་ཆགས། །ཕྱི་འབྱུང་ལྔ་པོའི་གནད་མེད་ན། །ལོངས་སྐུའི་ཐུགས་རྗེ་འབྱུང་བ་མེད། །དེ་ཡང་ཐུགས་རྗེ་ཡས་བབས་ཡིན། །ནང་གི་འབྱུང་བ་ལྔ་ཡི་གནད་མེད་ན། །ཆོས་སྐུའི་ཐུགས་རྗེ་འབྱུང་ས་མེད། །དེ་ཡང་ཐུགས་རྗེ་ཡས་བབས་ཡིན། །གསང་བའི་རྩ་གསུམ་ཡས་བབས་ཡིན། །གསང་བའི་རྩ་གསུམ་གནད་མེད་ན། །ལྷན་ཅིག་སྐྱེས་གསུམ་འབྱུང་ས་ཡིན། །རྩ་རྣམས་གཅིག་ཏུ་མ་འདུས་ན། །རྡོ་རྗེ་ཆོས་སྐུའི་འབྱུང་ས་མེད། །དེ་ཡང་ཐུགས་རྗེ་ཡས་བབས་ཡིན། །རྩ་རྣམས་འབྲེལ་བའི་གནད་མེད་ན། །དོན་གྱི་རྒྱུད་ལ་འབྱུང་ས་མེད། །དེ་ཡང་ཐུགས་རྗེ་ཡས་བབས་ཡིན། །རྩ་རྣམས་གཅིག་ཏུ་མ་འདུས་ན། །མན་ངག་ལུང་ལ་འབྱུང་ཐབས་མེད། །དེ་མང་ཐུགས་རྗེ་ཡས་བབས་ཡིན། །དེ་ཡང་ཐུགས་རྗེ་ཡས་བབས་ཡིན། །རྩ་རྣམས་རང་འབྱུང་མ་ཤེས་ན། །མན་ངག་གནད་དུ་འབྱུང་ཐབས་མེད། །དེ་ཡང་ཐུགས་རྗེ་ཡས་བབས་ཡིན། །རྩ་རྣམས་འཁྲུལ་མིག་གནད་མེད་ན། །རྒྱུད་ལུང་མན་ངག་རྩ་བྲལ་འགྱུར། །དེ་ཡང་ཐུགས་རྗེ་ཡས་བབས་ཡིན། །རྩ་གསུམ་གཅིག་པའི་གནད་མེད་ན། ཐིག་ལེ་ཉག་གཅིག་འབྱུང་ཐབས་མེད། །དེ་ཡང་ཐུགས་རྗེ་མས་བབ་ཡིན། །གཅིག་པོ་རང་གྲོལ་གནད་མེད་ན། གཞི་ལམ་འབྲས་བུ་རང་གྲོལ་མེད། །དེ་ཡང་ཐུགས་ཡས་བབས་ཡིན། །ཐུགས་རྗེ་ཐམས་ཅད་ཡས་མར་བབས། །དཔེར་ནམ་མཁའ་ལ་སྤྲིན་དང་ཆར་བབས་འདྲ། །སྐྲུབྱ་ཙནྟྲ་ཨསྣེ་ས་ནེ་རཏྣ་རྙོ་ན་གུ་གྱེ་མ་ཧྭ་དྷཨཱོཾ་དྷ་ཏུ་སྟི་དྷ་མ་ཧྭ་མྱུ་ལ་ས་མ་བཱ་བཛྲ་ཀྭ་ཡ། །ཏི་ལ་ཨེ་ཀ་ཨ། །ཞེས་སྒྲ་བཤད་དོ། །ཉི་མ་མེ་ནི་ཤེས་རབ་རྟགས། །ཟླ་བ་ཆུ་ནི་ཐབས་ཀྱི་རྟགས། །ཐབས་དང་ཤེས་རབ་རིན་ཆེན་འཕྲེང་། །ས་འདི་ཡེ་ཤེས་གསང་བ་ཆེན་པོ་ཡིན། །ཆོས་དབྱིངས་རིག་པའི་ཡེ་ཤེས་དེ། །ཐེག་པ་ཆེན་པོའི་དོན་ཡིན་པས། །དམ་ཅན་ལ་བསྟན་པར་བྱ། །རྡོ་རྗེའི་སྐུ་དེ་འདུས་མ་བྱས། །སྐུ་གསུམ་ཐིག་ལེ་ཉག་གཅིག་གོ །སྐྱེ་བ་མེད་པར་བཤད་པ་ཡི། །ཞེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཆགསདང་འཇིག་དང་སྟོང་དང་གནས་པ་གསུམ། །ཐུགས་རྗེ་ཆོས་ཀྱི་འཁོར་ལོ་བསྐོར་བར་བསྟན་པས། །གནས་ཆེན་པོ་རྟག་པ་མི་འགྱུར་བའི་ལེའུ་སྟེ་ཉེར་བརྒྱད་པའོ།། །།དེ་ནས་མང་དག་བཤད་བྱ་བ། །ཉན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །མཐོང་རྟགས་ཐེག་པའི་གྲུབ་མཐའ་དང་། །རང་གྲོལ་ཆོས་མིན་གྲུབ་མཐའ་གཉིས། །ཕྱོགས་རྟོགས་ཕྱོགས་མེད་རྟོགས་པ་གཉིས། །ལམ་དུ་སྒྲ་མཐུན་ཁྱད་པར་ཆེ། །གཞི་ཡི་གྲུབ་མཐའ་ཕྱོགས་རྟོགས་དང་། །ཕྱོགས་མེད་ལྷུན་གྲུབ་རྟོགས་པགཉས། །རྟོགས་བ་སྒྲ་མཐུན་ཁྱད་པར་ཆེ། །འབྲས་བུ་ཕྱོགས་རྟོགས་གྲུབ་མཐའ་དང་། །མཚན་མ་རང་གྲལ་ཕྱོགས་མེད་རྟོགས་པ་གཉིས། །རྟོགས་པ་སྒྲ་མཐུན་ཁྱད་པར་ཆེ། །གསེར་ལ་སོགས་པའི་རིན་ཆེན་དང་། །ནོར་བུ་རིན་ཆེན་ཕུན་ཚོགས་པ། །རིན་ཆེན་སྒྲ་མཐུན་ཁྱད་པར་ཆེ། །ཐེག་པ་སེམས་ཅན་བདེན་པ་དང་། །རྫོགས་ཆེན་རང་སེམས་འཁྲུལ་པ་གཉིས། །སེམས་སུ་སྒྲ་མཐུན་ཁྱད་པར་ཆེ། །དབུ་མ་སྒྱུ་མར་བདེན་པ་དང་། །གསང་སྔགས་སྒྱུ་མ་བརྫུན་པ་གཉིད། །སྒྱུ་མ་སྒྲ་མཐུན་ཁྱད་པར་ཆེ། །ཉན་ཐོས་རྡུལ་ཕྲན་བདེན་པ་དང་། །རང་རྒྱལ་རྡུལ་ཕྲན་སྒྱུ་མ་གཉིས། །རྡུལ་ཕྲན་སྒྲ་མཐུན་ཁྱད་པར་ཆེ། །ཨ་ནུ་དབྱིངས་དང་ཡེ་ཤེས་གཉིས་སུ་མེད་པ་དང་། །རྫོགས་ཆེན་རང་ཤར་གཉིས་མེད་གཉིས། །གཉིས་མེད་སྒྲ་མཐུན་ཁྱད་པར་ཆེ། །ཙནྟྲ་འོད་ལྡན་འཆར་བ་དང་། །སྨུརུ་འོད་ལྡན་འཆར་བ་གཉིས། །འཆར་བ་སྒྲ་མཐུན་ཁྱད་པར་ཆེ། །ཚོགས་གཉིས་བསགས་ནས་རྫོགས་བྱེད་དང་། །ཚོགས་གཉིས་རང་རྫོགས་ཆེན་པོ་དེ། །ཚོགས་ཀྱི་སྒྲ་མཐུན་ཁྱད་པར་ཆེ། །མ་ཧྭ་མུ་ལ་ཏི་ལ་ཨེ་ཀ་པྲ་ས་ར་ས་དྲུ་ཀ་ལ་པ་྅་དྷ་ར༷། །ས་མ་ཡ་མ་ཧྭ་མུ་ལ་ཨ་སི་ཨ། །ཞེས་སྒྲ་བཤད་པ། །དེའི་དོན་ནི། །ཐེག་པ་ཆེན་པོའི་ཁྱད་པར་ལས། །ཐིག་ལེ་ཉག་གཅིག་སྤྲོས་པ་ལས། །གཉིས་མེད་དོན་རྟོགས་རང་གྲོལ་གནད། །སྐུ་ལྔ་ཐམས་ཅད་རང་ལ་གྲུབ། །དམ་ཚིག་ཆེན་པོ་དེ་ཉིད་མཁྱེན། །སྐྱེ་བ་མེད་པར་རང་ལ་གྲུབ། །ཅེས་གསུངས་སོ། །ལྷ་འདྲེ་གཉིས་མེད་ཀྱི་རྒྱུད་ལས། །ཐེག་པའི་རང་གཞུང་གྲུབ་མཐའ་སྟེ། །དེ་ལ་ཐུགས་རྗེ་ཡས་བབས་ནས། །མཐར་ཐུག་འབྲས་བུ་བསྟན་པའི་ལེའུ་སྟེ་ཉེར་དགུ་པའོ།། །།དེ་ནས་ཡང་དག་བཤད་བྱ་བ། །ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད། །དེ་ནི་གནད་ཀྱི་ངོ་སྤྲོད་བསྟན་པར་

Ngb-pt-0611-vol-07-text

Front[edit]

Body[edit]

Navigation menu

Search