Ngb-pt-0425-vol-05-text
Front[edit]
Body[edit]
བསྐྱལ། །དེ་ནས་གསར་པ་བཞེངས་པ་ནི། །དུས་རིངས་མ་ལོན་སྔར་ཚད་ལྷག །སྡིག་བསགས་སྤངས་ཏ་་དགེ་ལ་གནས། །བཞེངས་ནས་རབ་གནས་ལྡན་པར་བྱ། །རྗེས་ལ་བཀུར་སྟི་ཕུ་དུད་སོགས། །མཆོད་རྟེན་མཆོད་པ་རྒྱས་པར་བྱའོ། །ཞེས་གསུངས་པས། དམན་པའི་ལུས་ཀྱང་སེམས་དཔའ་རྣམས། །གསང་བའི་བདག་པོ་ལ་བསྟོད་པ། ཀྱེ་གསང་བའི་བདག་པོ་ཁྱོད། །བླ་མེད་རང་བཞངན་ཡངད་གཟུགས་སྤྲུལ། །སྔགས་དང་མཆོད་རྟེན་ཀུན་ཚང་བའི། །མཆོད་རྟེན་འབར་བའི་རྒྱུད་གསུངས་པས། །མཐའ་ཡས་སེམས་ཅན་ཚོགས་རྣམས་རྫོགས། །སངས་རྒྱས་ཉིད་དུ་འདི་་གྱུར་རོ། །ཞེས་བསྟོད་དོ། །དེ་ནས་སྟོན་པས་གསུངས་པས། དམ་པའི་རིགས་ཅན་དྲ་མ་རྣམས། །སྐུ་གདུང་འབར་བའི་རྒྱུད་འདི་ནི། །སྔོ་དམན་རྣམས་ཀྱངས་གོ་བར་བྱ་བའི་ཕྱངར། ཁྱེད་ལ་མན་ངག་གཉིས་སུ་གཏད། །ཅེས་གསུངས་པ་ལ་རྗེས་སུ་ཡང་རང་ངོ་། །སྐུ་གདུང་འབར་བའི་རྒྱུད་ལས། རྟེན་སྤོ་བ་དང་རྗས་སུ་ཡང་རང་བའི་ལེའུ་སྟེ་དགུ་པའོ།། །།སྐུ་གདུང་འབར་བ་མཆོད་རྟེན་གྱང་རྒྱུད་རྫོགས་སོ།། །། ཀློང་གསལ་འབར་མ་ཉང་མའི་གསང་རྒྱུད་ཀྱི་དབུ་བཞུགས། ་་་་་་༷ ཨོརྒྱན་དྷ་ཀིའི་སྐད་དུ། མ་ཧོ་བྷ་དྲ་ཤུ་རྒྱ་ཏྭ་ཏི་ལ་ཀ་ལྷུ་ཡ་ཏནྟྲ་ནཱ་མ། བསྒྱུར་ཏེ་བོད་ཀྱི་སྐད་དུ། ཀུན་ཏུ་བཟང་པོ་སྟོང་གསལ་ཐིག་ལེ་སྙིང་པོ་གསང་བའི་རྒྱུད་ཅེས་བྱ་བ། ་་་ཐ་་་ཿ ཡང་གསང་དག་པ་ཀློང་གསལ་སྐད་དུ་ན། །ཧ་ཨ་ཨོ་ཧུ༷་ཀི་ལ་ས་མི་ཁྱེ། དོན་རྒྱུད་རང་གསལ་ཤར་བའི་སྐད་དུ་ན། །སྟོང་གསལ་མདངས་ལྔ་མ་སྐྱེས་མི་འགག་པ། །ངོ་བོ་རང་རིག་ཡེ་ཤེས་ཆེན་པོ་ཉིད། །རྟོག་ཚོགས་རང་གྲོལ་མཁའ་ལ་ཉི་ཤར་དང་། །ཀུན་ཏུ་བཟང་མོ་ཡངས་པའི་ཀློང་ལ་ཕྱག་འཚལ་ལོ། །རྒྱ་གར་ས༷་སྒྲོ་ཏ་ཡི་སྐད་དུ་ན། བྷ་དྲ་ཕ་ལ་དྷརྨ་ཨ་སྟི་སྲུརུ་སྙུ་ཡ་ཏནྟྲ། དགོངས་ཏེ་རྣམ་གྲོལ་བོད་ཀྱི་སྐད་དུ་ན། ཀུན་ཏུ་བཟང་མོ་ཀློང་གསལ་འབར་མ་ཉི་མའི་གསང་རྒྱུད། རང་བྱུང་རང་གསལ་ངང་ལ་ཕྱག་འཚལ་ལོ། །འདི་སྐད་ཀློང་ནས་ཤར་བའི་དུས་གཅིག་ན། ཁྱད་པར་ཕུན་སུམ་ཚོགས་པ་དག་པའི་གནས། །ཆོས་དབྱིངས་སྤྲོས་བྲལ་ཕོ་བྲང་དུ། །སྟོན་པ་ཁྱད་འཕགས་ཕུན་སུམ་ཚོགས་པ་ནི། །ཅིར་ཡང་མ་གྲུབ་ཡེ་ཤེས་རང་གསལ་ཡུམ། །འཁོར་ནི་ཁྱད་འཕགས་ཕུན་སུམ་ཚོགས་པ་སྟེ། །སྐུ་དང་ཡེ་ཤེས་སྟོང་གསལ་མ་འགགས་པ། །དུས་ནི་ཁྱད་འཕགས་ཕུན་སུམ་ཚོགས་པ་སྟེ། རྟག་པ་རྒྱུན་གྱི་ཐོག་མཐའ་མེད་པའོ། །བསྟན་པ་ཁྱད་འཕགས་ཕུན་སུམ་ཚོགས་པ་ནི། །བདེ་བ་ཆེན་པོ་ལྷུན་གྱིས་གྲུབ་པའོ། །ཐོག་མཐའ་བྲལ་བ་དེ་ཉིད་དུས་ཀྱི་ཚེ། །ཀུན་ཏུ་བཟང་མོ་རིགས་བཞིའི་མཁའ་འགྲོ་དང་། །དབྱིངས་དང་ཡེ་ཤེས་གདངས་ལས་གྲུབ་པ་ཡི། །དྷ་ཀི་གྲངས་ལས་འདས་པའི་འཁོར་ཚོགས་དང་། །སྤྲུལ་པ་ཡང་སྤྲུལ་ཕོ་ཉ་མགྱོགས་མའི་ཚོགས། །འདས་དང་མ་འདས་འོད་ལུས་འཕྲུལ་མོ་ཆེ། །དྷ་ཀི་ཕྲངས་ལས་འདས་པ་ཐམས་ཅད་དང་། །མཉམ་ཉིད་རོལ་པ་ཆེན་པོའི་ངང་ཉིད་དུ། །དགོངས་པ་བཞི་ལྡན་ཚུལ་དུ་རབ་བཞུགས་སོ། །དེ་ནས་སྟོང་པའི་ངང་ལས་གསལ་བའི་དབྱངས་དང་བཅས། །དགུ་འགྱུར་ཁུག་པའི་གདངས་སུ་རང་ཤར་བ། །ཚིག་བརྗོད་རིམ་པའི་གསང་རྒྱུད་འདི་ཉིད་ནི། །འཁོར་ཚོགས་རང་རང་དགོངས་པ་ཚིག་ཏུ་གསལ། །ཀུན་ཏུ་བཟང་མོ་ཀློང་གསལ་ཉི་མའི་རྒྱུད། །སུམ་བརྒྱ་དྲུག་ཅུ་བྱེ་བ་ཕྲག་བརྒྱའི་སྐད། །ཚངས་དབྱངས་ང་རོའི་སྐད་ཀྱི་ཡོངས་གྲགས་སོ། །དེ་ནས་འཁོར་རྣམས་རྗེས་སུ་ཡི་རང་སྟེ། །ཀུན་ཏྭ་བཟང་མོ་གསང་བའི་རང་སྒྲ་ལས། །མངོན་པར་དད་སྟེ་རབ་ཏུ་དད་པར་བསྟོད། །ས་མ་ཡ། རྒྱ་རྒྱ་རྒྱ། མན་ཏྲ་ལྷུ་ཡ། ཐུན་མོངས་མ་ཡིན་པའི་བརྗོད་གཞི་ལས། གླེང་གཞིའི་ལེའུ་སྟེ་དང་པོའོ།། ་་སྐུ་་་་་་་ཏེ་་་་་་་ །དེ་ནས་ཆོས་དབྱིངས་གསལ་བ་ཡི། །ཡུམ་མཆོག་ཀུན་ཏུ་བཟང་མོ་ལ། །སྟོན་པ་ཀུན་ཏུ་བཟང་པོ་དང་། །རིགས་བཞིའི་ཌ་ཀིས་འདི་སྐད་གསོལ། །ཀྱེ་མ་ཀྱེ་ཀློང་ཀྱེ་མ་ཧོ། །འདི་ལྟ་བུ་ཡི་གསང་རྒྱུད་ལས། །དགོངས་པ་དཔག་པར་མི་ནུས་པས། རིམཔབཞིནདུགསལདུགསོལ། །མ་གྲུབ་ཐོག་མའི་ཀ་དག་ནས། །ཀུན་ཁྱབ་ཡེ་ཤེས་རྒོནས་པ་ལས། །འཁྲུལ་མེད་འཁྲུལ་དང་གནས་པའི་ཚུལ། །ལམ་དང་འཆར་སྒོ་ཡུལ་གང་གསལ། །ཉམས་ལེན་གོང་འཕེལ་གྲོལ་བའི་རྟགས། །རྐྱེན་གྱིས་བར་ཆད་ཇི་ལྟ་བུ། ཆོས་དབྱིངས་བཟང་མོས་བཤད་དུ་གསོལ། །དེ་སྐད་ཅེས་ནི་ཞུས་པའི་ལན། །ཀུན་བཟང་ཡུམ་གྱི་གདམས་ངག་ལ། །ཀྱེ་ཧོ་འདུས་པའི་འཁོར་ཚོགས་ཉོན། །མ་གྲུབ་ཐོག་མའི་ཀ་དག་ནས། །དངོས་པོ་གཤིས་ཀྱི་འདུག་ཚུལ་ནི། །ངོ་བོ་སྟོང་པ་རང་བཞིན་གསལ། །ཐུགས་རྗེ་ཀུན་ལ་སྣང་ནུས་པ། །བྱས་པ་མེད་པར་རང་གསལ་བ། དེ་ཉིད་ནས་ནི་རང་བཞིན་གནས། །སྟོང་པའི་ངོས་ནས་རྟག་མཐའ་བྲལ། །གསལ་བའི་ངོས་ནས་ཆད་མཐའ་བྲལ། །གསལ་སྟོང་ངང་ནས་འཛིན་ཆ་བྲལ། །ཐོག་མའི་ཀ་དག་གསལ་སྟོང་ཁྱབ། །སུས་ཀྱང་བྱས་པ་མེད་པ་ཉིད། །དེ་ནི་ཐོག་མའི་སྤྱི་གཞིའོ། །ཞེས་རང་ཤར་བའོ། །ཨ་ཧོ༷༷འདུས་པའི་འཁོར་ཚོགས་ཉོན། །གཞི་གཉིས་ལ་ནི་རྣམ་པ་གཉིས། །ཤེས་བྱའི་གཞི་དང་གནས་ལུགས་གཞི། །ཤེས་བྱ་འདོད་གཞུང་བསམ་ལས་འདས། །གནས་ལུགས་གཞི་ལ་གསུམ་དུ་སྟོན། །ཐོག་མའི་གནས་པ་སྤྱི་གཞི་དང་། །དེ་བས་མ་རིག་ཞབྲུལ་གཞི་དང་། །དེ་ཉིད་རྟོག་པའི་གྲོལ་གཞིའོ། །ཐོག་མ་ལ་ཡང་གཉིས་སུ་སྟོན། །ཡེ་ཐོག་དང་པོའི་གནས་ལུགས་དང་། །རང་གི་རིག་པའི་གནས་ལུགས་གཉིས། །ཡེ་ཐོག་གནས་ལུགས་གོང་དང་མཐུན། །སྟོང་དང་གསལ་བ་ཁྱབ་པ་གསུམ། །དབྱེར་མེད་ཉག་གཅིག་རང་བྱུང་ངོ་། །ཀུན་ཁྱབ་ཡེ་ཤེས་འདི་ལྟར་གནས། །སྟོང་གསལཡེཤེསཆེནཔོནི། །ཡེ་ནས་རྣམ་པ་གསུམ་དུ་གནས། །ངོ་བོ་ཀ་དག་ཡེ་ཤེས་ནི། །མ་རིག་རྟོག་པ་ཀུན་དང་བྲལ། །རང་བཞིན་ལྷུན་གྲུབ་ཡེ་ཤེས་ནི། །སྟོང་གསལ་རང་མདངས་ཉིད་དུ་གནས། །ཐུགས་རྗེས་ཀུན་ཁྱབ་ཡེ་ཤེས་ནི། །འགག་མེད་སྣང་སྟོང་ཉིད་དུ་གནས། །ཆོས་སྐུའི་ཡེ་ཤེས་ཀ་དག་བསམ་བརྗོད་བྲལ། །ལོངས་སྐུའི་ཡེ་ཤེས་འོད་ལྔ་མ་འདྲེས་གསལ། །སྤྲུལ་སྐུའི་ཡེ་ཤེས་སྣ་ཚོགས་ཟེར་དུ་ཤར། །ལྟ་བའི་ཡེ་ཤེས་དཔྱད་པའི་ཡུལ་དང་བྲལ། །སྒོམ་པའི་ཡེ་ཤེས་དམིགས་མེད་ཟང་ཐལ་ལོ། །སྤྱོད་པའི་ཡེ་ཤེས་འཆར་སྒོ་མ་འགགས་པ། །མ་འགགས་ཡེ་ཤེས་ཆེན་པོ་ཉིད། །རང་གསལ་ཕྱོགས་རིས་འཛིན་དང་བྲལ། །རང་བྱུང་ཡེ་ཤེས་རང་ལས་བྱུང་། །དེ་ཤེས་ཡེ་ཤེས་ཙམ་དུ་བརྗོད། །ཡེ་ཤེས་གསུམ་པོ་དེ་དག་ལས། །བཏགས་པ་མིང་གིས་བསྒྲིབས་པ་སྟེ། །ཆོས་དབྱིངས་ཡེ་ཤེས་ངོ་བོས་སྟོང་། །མེ་ལོང་ཡེ་ཤེས་རང་བཞིན་གསལ། །མཉམ་ཉིད་ཡེ་ཤེས་དབྱེ་བསལ་བྲལ། །སོར་རྟོགས་ཡེ་ཤེས་མ་འདྲེས་གསལ། །བྱ་གྲུབ་ཡེ་ཤེས་བྱས་པ་མེད། །ཀུན་ཁྱབ་ཡེ་ཤེས་གནས་ལུགས་དང་། །ཡེ་ཐོག་གཞིའི་གནས་ལུགས་གསལ་བར་བསྟན་པའི་ལེའུ་སྟེ་གཉིས་པའོ།།་་་ག་་།།ཀྱེ་ཧོ་འདུསཔ་འི་འཁོར་ཚོགས་ཉོན། །ཡེ་ཤེས་དེ་ལྟར་གནས་པ་ལ། །༣བྲུལ་མེད་ལུབྲུལ་དང་གནས་པའི་ཚུལ། །ལེགས་པར་བཤད་ཀྱིས་གུས་པས་ཉོན། །ཐོག་མ་ཉིད་ནི་འདི་ལྟ་སྟེ། །ཡེ་མེད་སྟོང་པ་ནམ་མཁའ་ལ། །ཆོས་སྐུ་ཞེས་ནི་མིང་དུ་བཏགས། །དེ་ཡི་རང་བཞིན་གསལ་མདངས་ལ། །ལོངས་སྐུ་ཞེས་ནི་མིང་དུ་བཏགས། །འོད་གསལ་འཁྲུལ་པའི་རང་གཟུགས་ལས། །སྤྲུལ་སྐུ་ཞེས་ནི་མིང་དུ་བཏགས། །སྟོང་གསལ་མདངས་ལྔ་ལྡན་པ་ལས། །ལྷུན་གྲུབ་ཞེས་ནི་མིང་དུ་བཏགས། །སྟོང་པ་དེ་ལ་ངོ་བོ་ཟེར། །གསལ་བ་དེ་ལ་རང་བཞིན་ཟེར། །འོད་སྣང་དེ་ལ་ཐུགས་རྗེ་ཟེར། །མིང་ཡང་འཁྲུལ་པའི་གཞི་མར་བཤད། །ཡེ་ཤེས་རང་བཞིན་གནས་པ་ལ། །གྲངས་དང་རིས་སུ་བཅད་པ་ལ། ཁ་དོག་རྣམ་དབྱེ་བྱེ་བ་ཀུན། །ཐ་སྙད་ཚིག་ཕྱིར་འབྲངས་པའོ། །འཁྲུལ་པ་ཡིན་པས་དོན་ལ་སྒྲིབ། །ཡེ་ཤེས་ཉིད་གསལ་རིག་པ་འཁྲུལ། །མ་རིག་སངས་ནས་ཡེ་ཤེས་ཉིད། །འཁྲུལ་པ་དག་པ་ཀ་དག་ཡིན། །ཀ་དག་ཟང་ཐལ་འགག་མེད་ལ། །ཆོས་སྐུའི་རིག་པ་མིང་དུ་བཏགས། །གསལ་མདངས་ལྷུན་གྲུབ་ཀུན་ཁྱབ་ལས། །ལོངས་སྐུའི་རིག་པ་མིང་དུ་བཏགས། །མ་འགགས་རང་བྱུང་ཤར་བ་ལ། །སྤྲུལ་སྐུའི་རིག་པར་མཚན་དུ་གསོལ། །ཆོས་སྐུའི་རིག་པ་སྟོང་པ་ཡིན། །ལོངས་སྐུའི་རིག་པ་གསལ་བ་ཡིན། །སྤྲུལ་སྐུའི་རིག་པ་ཁྱབ་གསལ་ལོ། །སྟོང་པའི་རིག་པ་གསལ་བ་ཡིན། །གསལ་བའི་རིག་པ་འོད་སྐུ་ཡིན། །འོད་སྐུའི་རིག་པ་སྣང་སྟོང་ཡིན། །གཞི་ཡི་རིག་པ་ཀ་དག་ཡིན། །ལམ་གྱི་རིག་པ་ལྷུན་གྲུབ་ཡིན། །ལྷུན་གྲུབ་རིག་པ་སྐུ་དང་ཡེ་ཤེས་ཡིན། །སྐུ་དང་ཡེ་ཤེས་རིག་པ་ལུག་རྒྱུད་ཡིན། །རིག་པ་ཡེ་ཤེས་གཉིས་སུ་མེད། །གཉིས་འཛིན་འཁྲུལ་པ་འདི་ཉིད་དོ། །སྲིད་པའི་རྩ་བ་བདག་འཛིན་ཡིན། །དང་པོ་མ་རིག་དྲུག་ལས་བྱུང་། ཁུ་དང་རྐྱེན་གཉིས་ཚོགས་པའོ། །རྒྱུ་ཡི་རྐྱེན་ལས་རྣམ་པ་གསུམ། །བདག་རྟོག་གཞན་རྟོག་དེར་འཛིན་གསུམ། །རྐྱེན་ལ་དེ་བཞིན་རྣམ་པ་གསུམ། །བདག་རྐྱེན་གཞན་རྐྱེན་དམིགས་པའི་རྐྱེན། །རྩ་བ་མ་རིག་མུན་པས་བསྒྲིབས། །ནམ་མཁའི་ངོ་བོ་སྟོང་གསལ་དང་། །ཉི་མའི་ངོ་བོ་སྒྲིབ་བྲལ་གཉིས། །མ་རིག་ཐིབས་པའི་མུན་པས་བསྒྲིབས། །དེ་ལ་སྟོང་གསལ་རང་མདངས་ལས། །འོད་ཁྱིམ་ཚུལ་དུ་གནས་པ་དེ། །དེ་ལས་འཛིན་བྱེད་ཤེས་པ་ནི། །རྟ་རྔ་ཙམ་གཅིག་འགྱུས་པ་སྟེ། །བྱུང་ནི་འོད་ཁྱིམ་རང་ལས་བྱུང་། །སྟོང་གྲོགས་ཡེ་ཤེས་རླུད་རིག་བྱས། །དོན་ལ་རིག་པའི་རྩལ་ཡིན་ནོ། །ཡེ་ཤེས་གསལ་བའི་ཡུལ་དྲུག་ལས། །གཉིས་འཛིན་སེམས་དེ་བྱུང་བའོ། །འོད་ཁྱིམ་ཁ་དོག་ལྔ་ལྡན་དེ། །དངོས་པོ་ཅན་དུ་འདུག་སྙམ་ནས། །བདག་ནི་ཕ་གི་ཡིན་ནམ་སྙམ། །ཕ་གི་བདག་ལས་བྱུང་ངམ་ཅི། །རྟོགས་བྱེད་སྲིད་པ་གསུམ་དུ་འགྱུས། །དེ་ཡང་འཁྲུལ་པའི་གཞི་མར་བཤད། །ངོ་བོ་རང་བཞིན་ཐུགས་རྗེ་གསུམ། །སྟོང་གསལ་འགག་པ་མེད་པ་ལས། །དངོས་པོ་མཚན་མ་ཅན་དུ་བཟུང་། །རང་རིག་ཡེ་ཤེས་ཟང་ཐལ་ལ། །བདག་དང་གཞན་དུ་འཛིན་པའི་སེམས། །མ་རིག་པ་ཡི་རྒྱུ་ཡི་རྐྱེན། །རྒྱུ་ལས་ཨ་འཐས་དམིགས་པའི་རྐྱེན། །ཡུལ་སྣང་དག་ལས་ཨ་འཐས་པས། །ཡེ་ཤེས་མ་རིག་ཡུལ་ལས་བཟུང་། །དེར་འཛིན་རླུད་སེམས་འདུས་པ་ལས། །འབྱུང་བ་ལྔ་ཡི་སྦུབས་སུ་ཚུད། །ཡེ་ཤེས་རང་རྩལ་འབྱུང་བ་ལྔ། ཁ་དོག་རིམ་པ་ལྔ་རུ་ཤར། །གོང་གི་རྟོག་བྱེད་གསུམ་པོ་ལས། །ཕྲ་རབ་རྡུལ་གྱི་ཆ་ཙམ་དུ། །རྟོག་དཔྱོད་རྣམ་པ་མང་དུ་ཤར། །འོད་ཁྱིམ་ཁ་དོག་ལྔ་པ་ལ། །མིང་རིས་དངོས་པོ་ཅན་དུ་བཟུང་། །འོད་ལྗང་བྱ་གྲུབ་ཡེ་ཤེས་ལས། །དེར་འཛིན་ཞུགས་པས་རླུང་གི་གཞི། །བྱི་བའི་ཁ་རླངས་ཙམ་དུ་བྱུང་། །འོད་དཀར་མེ་ལོང་ཡེ་ཤེས་ལས། །དེར་འཛིན་ཞུགས་པས་ཆ་ཡི་གཞི། །དཀར་པོ་སྲན་འབྲུ་ཙམ་གཅིག་ཆགས། །འོད་ཟེར་མཉམ་ཉིད་ཡེ་ཤེས་ལས། །དེར་འཛིན་ཞུགས་པས་ས་ཡི་གཞི། །སེར་པོ་ར་རིལ་ཙམ་གཅིག་གྲུབ། །འོད་དམར་སོར་རྟོགས་ཡེ་ཤེས་ལས། །འཛིན་པ་ཞུགས་པས་མེ་ཡི་གཞི། །དམར་པོ་མཐེབ་མོ་ཙམ་གཅིག་བྱུང་། །མཐིང་ག་ཆོས་དབྱིངས་ཡེ་ཤེས་ནི། །གདོད་མ་ཉིད་ནས་ཡེ་ཤེས་དང་། །མཉམ་དུ་གནས་ཏེ་འཕོ་འགྱུར་མེད། །འབྱུང་ལྔའི་གཞི་མ་དཔེ་ལྔ་ལས། །རང་འོད་ཡེ་ཤེས་ལྔ་རུ་གསལ། །ཡ༷་ར༷་ཁ༷་གསུམ་ཨེ་རུ་ཤར། །འབྱུང་བ་ལྔ་པོ་དེ་དག་ནི། །གཅིག་གིས་གཅིག་བསྐྱེད་བྱས་པ་ལས། །མི་མཇེད་འཇིག་རྟེན་ཁམས་སུ་ཆགས། །དེ་ཡང་རྒྱུ་རྐྱེན་མ་རིག་ཉིད། །ཡེ་ཤེས་རང་མདངས་འོད་ལྔ་ལས། །དེར་འཛིན་ཞུགས་པས་འབྱུང་བཞི་གྲུབ། །དེ་ཡང་འཁྲུལ་པའི་གཞི་མར་བཤད། །ལྔ་ལ་རླུད་ཆགས་རྒྱ་གྲམ་ཚུལ། །རླུད་ལ་ཆུ་ཆགས་རྒྱ་མཚོར་འཁྱིལ། །ཆུ་ལས་ས་ཆགས་ང་ལའི་ཚུལ། །མེ་ནི་རླུད་གི་རྩལ་ཡིན་པས། །འབྱུང་བ་གསུམ་ལས་མཉམ་པར་ཁྱབ། །རླུང་ཡང་ཀུན་གྱི་གྲོགས་ཡིནནོ། །་་་་།༷་ ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས་མ་རིག་འཁྲུལ་པ་གཏན་ལ་དབབ་པ། ལྷུན་གྲུབ་ཀྱི་སྤུབས་སུ་འཛིན་བྱེད་ཀྱི་ཤེས་པ་བསྟན་ནས། ཕྱི་སྣོད་ཀྱི་འབླིག་རྟེན་འཁྲུལ་ལུགས་བསྟན་པའི་ལེའུ་སྟེ་གསུམ་པའོ།། །།་་་་་་་་་།་ ་་་་་ཉ་་༷ ཀྱེ་ཧོ་འདུས་པའི་འཁོར་ཚོགས་ཉོན། །ཕྱི་ཡི་སྣོད་ལ་བརྟེན་ནས་ཀྱང་། །ནང་བཅུད་སེམས་ཅན་འདི་ལྟར་བྱུང་། །འབྱུང་བཞི་འདུས་པའི་རང་བཞིན་གྱིས། །འོག་གི་འབྱུང་བ་རླུང་འགུལ་བས། །རྒྱ་གྲམ་རླུད་གི་ལྟེ་བ་ལ། །ཡེ་ཤེས་རང་རྩལ་དྲོད་བྱུང་བས། །སྟེང་གི་ཆུ་འདི་ས་ལ་ཕོག །ཆུ་ལ་རླངས་པ་མདུང་གང་བྱུང་། །དེས་ནི་ས་ཡི་ད་ལ་ཆགས། ཁ་གཏིང་མེད་པར་བུན་ནེ་བ། །དེ་ལས་འབྱུང་བཞི་མདོངས་འོད་འབར། །ཡེ་ཤེས་རང་འོད་ཤར་བ་དང་། །འོད་རྣམས་འདྲེས་པའི་འོད་སྐོར་ནི། །རྦ་ཕུབ་ཙམ་པ་གསུམ་དུ་བྱུང་། །གཅིག་ནི་སྣང་ལ་རང་བཞིན་མེད། །དེ་ལས་འོད་གསལ་ལྷ་གནས་ཆགས། །ལྷ་ཡི་འོད་ཟེར་ཚུལ་དུ་ནི། །གཟུགས་མེད་སྐྱེ་མཆེད་མུ་བཞི་བྱུང་། །དེ་ཡི་རིག་རྩལ་ཆོ་འཕྲུལ་ལ། །གཟུགས་ཁམས་གནས་རིགས་བའི་རྩལ་ཡིན་ནོ། །དབྱར་ནི་འབྱུང་བ་རྒྱས་པའི་དུས། །མདངས་ལས་རྩི་ཤིང་མྱུ་གུ་དང་། །མེ་ཏོག་ལོ་འབྲས་ཐམས་ཅད་སྨིན། །སྟོན་ནི་འབྱུང་བ་སྙོམས་པའི་དུས། །འབྲས་བུ་ཐམས་ཅད་བཅུད་དུ་སྨིན། །དགུན་ནི་འབྱུང་བ་འཁྲུགས་པ་སྟེ། །རྩི་བཅུད་ཐམས་ཅད་ཉམས་པའོ། །དཔྱིད་ལ་འབྱུང་བ་བྱེར་བ་སྟེ། །མདངས་སྟོབས་ཐམས་ཅད་ཉམས་པའོ། །དེར་ཡང་མ་རིག་རྒྱུ་ལས་བྱུང་། །།་་་ཉ་་༷ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས། ཉི་ཟླ་འབྱུང་བཞི་འཕེལ་འགྲིབ་བསྟན་པའི་ལེའུ་སྟེ་ལྔ་པའོ།། །། ་་་་་་་སྒྲུཐེ༷་་ ཀྱེཧོ་འདུས་པའི་འཁོར་ཚོགས་ཀུན། །མ་ཡེངས་དགོངས་པས་ལེགས་པར་ཉོན། །འཁྲུལ་ལུགས་རྣམ་པ་མང་བཤད་ཀྱང་། །ཡེ་ཤེས་ལྔ་ཡི་རྩལ་ཉིད་ཡིན། །རྩལ་གྱིས་ཡེ་ཤེས་ངོ་མ་ཤེས། །དངོས་པོ་འཛིན་པ་ཅན་དུ་འཁྲུལ། །ཡེ་ཤེས་ལྔ་ལས་འབྱུང་བ་ལྔ། །འབྱུང་བ་ལྔ་ལས་སྐྱེ་གནས་བཞི། །རིགས་དང་སེམས་ཅན་དཔག་མེད་འབྱུང་། ཁམས་གསུམ་འཁོར་བའི་ཁང་པ་སྲ ཁུད་དྲུག་སེམས་ཅན་རེ་མོས་འཁོར། །ཡིད་དང་གཟུགས་ཀྱི་འདམ་ལས་ཆགས། །རང་ངོ་མ་ཤེས་རང་རྒྱུད་འཁྲུལ། །འཁྲུལ་པ་ལུས་ཀྱི་གྲུབ་ཚུལ་ནི། །ཡང་དག་པ་ནི་ངས་བཤད་དོ། །ལྔ་འདུས་མཚན་མ་སྦྱོར་བ་ལས། །ཉོན་མོངས་ལྔ་དང་ཡིད་དྲུག་དང་། །ཡེ་ཤེས་ལྔ་ཡི་བདག་ཉིད་དོ། །ཆོས་ཉིད་གསལ་མདངས་འོད་ཁྱིམ་ཆུ་བཞིན། །ཡུངས་འབྲུ་ཕྱེད་པ་གཅིག་ཏུ་ཆགས། །ཞག་ནི་བདུན་ཕྲག་ལྔ་པ་ལ། །འབྱུང་བ་ཆུ་ཡིས་རབ་བསྡུས་ཏེ། །ཡུངས་འབྲུ་གཅིག་གི་ཚད་དུ་ཆགས། །ཞག་ནི་བདུན་ཕྲག་དྲུག་པ་ལ། །མེ་རླུང་གཉིས་ཀྱིས་རབ་སྨིན་ཏེ། །ཡུངས་འབྲུ་གཉིས་ཀྱི་ཆ་ཙམ་ཆགས། །ཞག་ནི་བདུན་ཕྲག་བདུན་པ་ལ། །འབྱུང་བཞི་འདུས་ནས་མེར་མེར་པོ། །ཡུངས་འབྲུ་གསུམ་གྱི་ཆ་ཙམ་ཆགས། །མིག་གཉིས་རབ་ཏུ་འཕྲ་བར་འགྱུར། །ཞག་ནི་བདུན་ཕྲག་བརྒྱད་པ་ལ། །འབྱུང་བཞི་རབ་ཏུ་འཁྲུགས་པ་ཡི། །ཆུས་བཤིགས་སས་མནན་མེས་བསྡུས་བསྲེགས། །རླུང་གིས་གཏོར་ཞིང་མེད་པར་བྱས། །དེ་ནས་ཆུ་ཡིས་རབ་བསྡུས་ཏེ། །ནུར་ནུར་སྲན་མ་བཅུ་ཆ་ཆགས། ་ར་གྱི་རྩ་ནི་རི་བོང་རྡུལ། །སྟོང་དུ་བཏང་བའི་ཆ་ཙམ་ཆགས། །ཞག་ནི་བདུན་ཕྲག་དགུ་པ་ལ། །འབྱུང་བ་ས་ཡིས་སྲ་བར་བྱས། །སྲན་མ་དགུ་ཡི་ཆ་ཙམ་དང་། །ལྷོ་ཡི་རྩ་ནི་གོང་ལྟར་ཆགས། །ཞག་ནི་བདུན་ཕྲག་བཅུ་པ་ལ། །མེ་ཡིས་དྲོད་བསྐྱེད་བརྟན་པར་བྱས། །སྲན་མ་།བདུན་ཆ་ཙམ་པ་དང་། །ནུབ་ཀྱི་རྩ་ཡང་གོང་ལྟར་ཆགས། །ཞག་ནི་བདུན་ཕྲག་བཅུ་གཅིག་ལ། །འབྱུང་བ་རླུང་གིས་རབ་གཏོར་ནས། །སྲན་མ་ལྔ་ཆ་ཙམ་གཅིག་ཆགས། །བྱང་གི་རྩ་ཡང་གོང་ལྟར་བསྐྱེད། །ཞག་ནི་བདུན་ཕྲག་བཅུ་གཉིས་ལ། །ལུས་ནི་སྲན་མ་རྡོག་པོ་ཙམ། །ནུར་ནུར་པོ་དང་ས་ཐག་ལྟར། ཁྱད་པར་མིག་གཉིས་གསལ་བར་ཆགས། །ཞག་ནི་བདུན་ཕྲག་བཅུ་གསུམ་ལ། །འབྱུང་བཞི་འཁྲུགས་ཏེ་སླར་བཤིག་གོ །ཞག་ནི་བདུན་ཕྲག་བཅུ་བཞི་ལ། །རབ་ཏུ་འདུས་ཏེ་མཐེ་བོང་ཙམ། །རྩ་ཡང་ཤིན་ཏུ་རགས་པ་བསྐྱེད། །ཞག་ནི་བདུན་ཕྲག་བཅོ་ལྔ་ལ། །རླུད་གིས་པྱེ་ཞིང་ཆུ་ཡིས་བསྡུས། །ས་ཡིས་བཟུང་ཞིང་མེ་ཡིས་སྨིན། །ལྟེ་བ་སྤྲུལ་པའི་འཁོར་ལོ་ལ། །རྩ་འདབ་དྲུག་ཅུ་རྩ་བཞི་ཆགས། །རླུ་་སེམས་འདུས་པའི་སྤྱན་གཉིས་ཆགས། །ཞག་ནི་བདུན་ཕྲག་བཅུ་དྲུག་ལ། །སྙིང་ག་ཆོས་ཀྱི་འཁོར་ལོ་སྟེ། །རྩ་འདབ་སུམ་བཅུ་རྩ་གཉིས་ཆགས། །ཞག་ནི་བདུན་ཕྲག་བཅུ་བདུན་ལ། །མགྲིན་པ་ལོངས་སྤྱོད་འཁོར་ལོར་ཆགས། །རྩ་འདབ་བཅུ་དྲུག་སྤྱན་གཉིས་ཆག །ཞག་ནི་བདུན་ཕྲག་བཅོ་བརྒྱད་ལ། །སྤྱི་བོ་བདེ་ཆེན་འཁོར་ལོར་ནི། །རྩ་འདབ་སུམ་བརྒྱ་དྲུག་ཅུ་དང་། །རླུད་སེམས་འདུས་པའི་སྤྱན་གཉིས་ཆགས། །ཞག་ནི་བདུན་ཕྲག་བཅུ་དགུ་ལ། །རླུད་གིས་བསྐྱེད་ནས་སོ་སོར་ཆེ། །ཆུ་ཡིས་བསྡུས་ཤིང་ས་ཡིས་བཟུང་། །མེ་ཡིས་སྨིན་ཅིང་མཁྲང་བར་བྱས། །དབུས་སུ་རྩ་གསུམ་ཀ་བ་དང་། །འཁོར་ལོ་བཞི་ལ་དྲིལ་ཏེ་ཆགས། །ཞག་ནི་བདུན་ཕྲག་ཉི་ཤུ་ལ། །འབྱུང་བཞིའི་ལས་ཀྱིས་མཁྲང་གྱུར་ཞིག ཁྱབ་འཇུག་ཉ་ལྟར་གྱུར་པའོ། །ཞག་ནི་བདུནཕྲགཉེརགཅིགལ། །སས་བཟུང་མེས་སྨིན་དབང་པོ་དོད། །ཞག་ནི་བདུན་ཕྲག་ཉེར་གཉིས་ལ། །ཆུས་བསྐྱེད་པས་སུ་ལུས་གྲུབ་སྟེ། །རུས་སྦལ་ལྷ་བུར་ཁྱུད་གང་གྱུར། །ཞག་ནི་བདུན་ཕྲག་ཉེར་གསུམ་ལ། །མེ་ཡིས་སྨིན་ཅིང་ཡན་ལག་སྐྱེ། །ཞག་ནི་བདུན་ཚད་ཉེར་བཞི་ལ། །རླུད་གིས་བསྐྱེད་ནས་དབུ་མར་ཚུད། །དེ་དུས་ལུས་ཀྱི་འབྱུང་བ་སྙམས། །ཡེ་ཤེས་དག་ཀྱང་བསྐྱེད་པའོ། །ཞག་ནི་བདུན་ཕྲག་ཉེར་ལྔ་ལ། །ཆུ་ཡིས་སྨིན་ཅིང་ས་ཡིས་ཐེན། ཁྲ་དང་ཁྲག་ཀྱང་གྲུབ་པའོ། །ལུས་ནི་སྦལ་པ་ལྟ་བུ་སྟེ། མཐོ་གང་ཚད་དུ་བསྐྱེད་པའོ། །ཞག་ནི་བདུན་ཕྲག་ཉེར་དྲུག་ལ། །མེ་ཡིས་མིག་དང་ཤེས་པ་གསལ། །རླུ་་གིས་ཡན་ལག་དོན་སྙིང་ཐམས་ཅད་དང་། །རྣམ་ཤེས་ཕུང་པོ་ཁམས་དང་སྐྱེ་མཆེད་གསལ། །ཞག་ནི་བདུན་ཕྲག་ཉེར་བདུན་ལ། །ཟས་ཀྱི་དྭངས་མ་བཅུད་དྲིལ་བས། །ལྤགས་པ་བ་སྐྲུ་སྐྲ་རྣམས་བསྐྱེད། །ཉོན་མོངས་རླུ་་གིས་འཕྲིག་འགུལ་བྱེད། །ཕལ་ཆེར་ཟླ་གསུམ་ཉེར་གཅིག་ན། །འཕྲིག་འགུལ་བྱེད་པར་བཤད་པའོ། །ས་དང་ཆུ་དང་མེ་དང་གསུམ། །རླུད་གིས་པྱེ་ཤིང་ལུས་སྨིན་ནོ། །དེ་ནས་བདུན་ཚན་དགུ་ལ་ནི། །རླུད་གིས་ཕུལ་ནས་ཕྱིར་འབྱོན་ཏེ། །གཞུག་ནས་ཐོན་ཏེ་སྤྲུལ་པའི་སྐུ། །ཐོག་མར་རིག་རྩལ་ཡེ་ཤེས་ལྔ། །མ་རིག་འཁྲུལ་པས་བྱུང་བ་སྟེ། །འབྱུང་བ་ལྔ་ལས་བྱུང་བའོ། །དེས་ན་ལུས་འདི་སྤྲུལ་སྐུ་དངོས། །ཡེཤེསཆེན་པོའི་འབྱུང་གནས་ཉིད། །ལུས་ཅན་ཀུན་ལ་བཟང་ངནམེད། །བདེགཤེགསངོབོའགྲོ་ཀུན་ལ། །ཏིལ་ལ་མར་གྱིསཁྱབབཞིནགནས། །མརིག་གྲོལ་ཚེ་འབྱུང་བའི་ལུས། །ལྷག་མེད་ཡེ་ཤེས་ངང་དུ་ཟློག །ལུས་འདི་སྐུ་གསུམ་ཉིད་ཡིན་ནོ། །རྩ་ཁམས་ཐམས་ཅད་ལྷ་ཡི་སྐུ། །ལྟེ་བ་དག་ནས་རིམ་བཞིན་ཉིད། །གཟུང་འཛིན་སྲིད་པའི་སྦྱོར་མཚམས་སུ། །ལྟེ་བ་གྲུ་གསུམ་རྩ་རུ་ཆགས། །རླུད་སེམས་ཐིག་ལེ་རྣམ་པར་འཕྲོ། །མིག་གི་རྣམ་པ་ལྟ་བུ་སྲ །མེར་ནུར་གོར་དང་རུས་སྦལ་ལྟར། །ལྟེ་བ་དག་ནས་འབྱུང་བཞི་བསྐྱེད། །རིམ་གཉིས་བསྐྱེད་ནས་སྤྲུལ་སྐུའི་ཚུལ། །ཟླ་དགུ་ངོ་བཅུ་ཞག་གི་གྲངས། །ཉིས་བརྒྱ་བདུན་ཅུ་དག་ལ་འབྱོན། །བདུན་ཚན་སུམ་ཅུ་རྩ་དགུ་ལ། །ལུས་རྫོགས་རླུད་གིསཕུལབའོ། ་་་།་༷ །ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས། འཁྲུལ་པ་ལུས་ཀྱི་གྲུབ་ཚུལ་བསྟན་པའི་ལེའུ་སྟེ་དྲུག་པའོ།། །། ་་་།་༔ ཀྱེ་ཧོ་འདུས་པའི་འཁོར་ཚོགས་ཀུན། །ལེགས་པར་བཤད་ཀྱི་ཡིད་ལ་ཟུང་ཞིག་ཉོན། །གནས་ལུགས་སྤྱི་ཡི་གཞི་མ་ལས། །རྣམ་པ་གཉིས་སུ་ངས་བཤད་དོ། །ཐོག་མའི་སྦྱི་གཞི་གོང་དུ་བསྟན། །རང་རིག་གནས་ལུགས་འདི་ལྟར་རོ། །རིག་པ་ཡེ་ཤེས་ཁྱབ་གདལ་ཆེ། །འཁོར་འདས་ཀུན་གྱི་སྲོག་ཡིན་ནོ། ཁྱད་པར་ལུས་དང་སེམས་ལ་ཁྱབ། །རིག་པ་ཉིད་ནི་འདི་ལྟར་རོ། །ངོ་བོ་རང་བཞིན་ཐུགས་རྗེ་གསུམ་དང་ལྡན། །སེམས་ཅན་ཀུན་ལ་ཁྱབ་པར་གནས། །ལུས་ཅན་ཐམས་ཅད་རིག་པའི་རྩལ། །མངལ་ཞུགས་བྱང་ཆུབ་ལྔ་ལྡན་ཏེ། །ཟླ་བ་དགུ་ནི་ཐིག་ལེ་སྟེ། །ཟླ་བ་བཅུ་ནི་ས་བརྩི་ཚུལ། །སྐྱེ་གནས་རང་བཞིན་སྤྲུལ་པའི་སྐུ། །ལྷུན་གྲུབ་སྐུ་གསུམ་བདག་ཉིད་དོ། །རང་བྱུང་ཡེ་ཤེས་འབྱུང་བའི་མདངས། །ཡེ་ཤེས་རང་ལུས་ཡེ་ཤེས་ལ། །ད་ལྟ་ཞབྲུལ་ཀྱང་ཡེ་ཤེས་རྩལ། །རང་ངོ་ཤེས་ན་ཡེ་ཤེས་ཉིད། །སེམས་ཅན་རང་རྒྱུད་རྟོག་ཚོགས་ནི། །བཞི་བཅུ་རྩ་གཉིས་སངས་རྒྱས་ཏེ། །ཕུང་པོ་འབྱུང་བ་ཡབ་ཡུམ་ལྔ། །གདུག་ལྔ་སེར་སྣ་ཐུབ་པ་དྲུག །ཚོགས་བརྒྱད་སེམས་དཔའ་ཡབ་ཡུམ་བརྒྱད། །སྒོ་བཞི་སྒོ་བ་ཡབ་ཡུམ་བཞི། །གཡས་གཡོན་ཉི་མ་ཟླ་བ་གཉིས། །རང་བྱུང་རིག་པའི་རང་རྩལ་ལས། །སྐུ་ལྔ་དང་ནི་ཡེ་ཤེས་ལྔ། །རིག་པ་འོད་ལྔ་རླུད་གི་ལྔ། ཁྲེས་རབ་ལྔ་ལ་སོགས་པ་གནས། །རིག་པ་ཡེ་ཤེས་སྐུ་ལྔ་སྟེ། །རང་གི་རིག་རྩལ་སྐུ་ལྔར་ཤར། །རྣམ་སྣང་མི་བསྐྱོད་རིན་ཆེན་འབྱུང་། །སྣང་བ་མཐའ་ཡས་དོན་ཡོད་གྲུབ། །རིག་པ་ཡེ་ཤེས་རྟེན་ལྡན་ཉིད། །རིག་པའི་ཡོན་ཏན་འོད་ལྔར་ཤར། །རིག་པའི་རྩལ་ལས་ཡེ་ཤེས་གསུམ། །ངོ་བོ་སྟོང་པའི་ཡེ་ཤེས་དང་། །རང་བཞིན་གསལ་བའི་ཡེ་ཤེས་དང་། །ཐུགས་རྗེ་ཀུན་ཁྱབ་ཡེ་ཤེས་སོ། །རིག་པ་སྐུ་གསུམ་འོད་གསུམ་ལྡན། །དམིགས་སུ་མེད་པ་ཆོས་སྐུའི་འོད། །མ་འགགས་གསལ་བ་ལོངས་སྐུའི་འོད། །སྣང་བ་སྣ་ཚོགས་སྤྲུལ་སྐུའི་འོད། །སྐུ་དང་ཡེ་ཤེས་འོད་གསུམ་ནི། །དབྱེར་མེད་སུམ་བརྩེགས་ཚུལ་དུ་གནས། ཁམས་གསུམ་སེམས་ཅན་ཐམས་ཅད་ནི། །ཡེ་ཤེས་རིག་པའི་གནས་ཡིན་ནོ། །ལུས་ཅན་ཀུན་ལ་ཁྱབ་པར་གནས། །ལུས་ནི་རྣམ་པ་ལྔ་རུ་བསྟན། །རང་བཞིན་ལྷུན་གྲུབ་འོད་ཀྱི་ལུས། །ཐོག་མེད་ཀུན་ཁྱབ་ཡིད་ཀྱི་ལུས། །དྭངས་སྙིགས་འབྱེད་པ་མི་ཡི་ལུས། །དམིགས་པའི་རྟེན་བྱེད་སེམས་དཔའི་ལུས། །སྣ་ཚོགས་འགྱུར་བ་སྤྲུལ་པའི་ལུས། །ལུས་ནི་ཡེ་ཤེས་སྙིང་པོ་ཅན། །རང་བྱུང་ལྷུན་གྲུབ་རྩལ་ཡིན་ནོ། །ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས། གནས་ལུག་གཞི་ལས་རང་གི་རིག་པ་གནས་པའི་ལེའུ་སྟེ་བདུན་པའོ།། །། ་ན་་ཐུ་ ཀྱེ་ཧོ་འདུས་པའི་འཁོར་ཚོགས་ཉོན། །ཕྱི་རོལ་ཡུལ་སྣང་ཐམས་ཅད་ཀུན། །སེམས་ལ་འདི་ལྟར་ཚང་བའོ། །རིག་པའི་རང་རྩལ་རྒྱས་པ་ལས། །སེམས་ཞེས་མིང་དུ་བཏགས་པའོ། །སེམས་ཅན་ཀུན་རིག་དྲི་མ་མེད། །ཕུང་པོ་འབྱུང་བ་ཡབ་ཡུམ་ལྔ། །རྩ་ཁམས་སྐྱེ་མཆེད་སེམས་དཔའི་ཚོགས། །སྲིད་པ་གསུམ་དང་ལུས་སེམས་སོ། །སེམས་ནི་དྲན་སེམས་རིག་པའི་རྩལ། །སྣང་ཤེས་དག་ཏུ་གྱུར་ཚད་ཀུན། །རིག་པ་ཉིད་ལས་ལོགས་ན་མེད། ཁྱད་པར་རིག་པའི་ཡེ་ཤེས་ཉིད། །ལུས་ཅན་ཀུན་ལ་ཁྱབ་པ་སྟེ། ཁྱད་པར་འདི་ལྟར་ཉིད་དུ་གནས། །སྙིང་དང་རྩ་དང་དུང་ཁང་དང་། །མིག་དང་བཞི་ཡི་གཞལ་མེད་དུ། །ཡེ་ཤེས་ཆེན་པོ་དེ་ན་གནས། །སེམས་ཅན་ཀུན་གྱི་ལུས་ཀྱི་ནང་། །ཙིསྟ་དུང་ཁང་རྩ་ནང་སྒོ། །དེ་ནི་རིག་པའི་གནས་ཡིན་ནོ། །སེམས་ཀྱང་རིག་པའི་རང་རྩལ་ཡིན། །ངོ་བོ་སེམས་ནི་ཝལ་པོ་རྗེས་མེད་ཡིན། །རང་བཞིན་སེམས་ནི་གསལ་རིག་སྟོང་པ་ཡིན། །ཐུགས་རྗེའི་སེམས་ནི་ཕྲ་རགས་ཐོགས་པ་མེད། །སེམས་ནི་རྟོག་བྱེད་གསལ་ལ་ངོ་བོ་སྟོང་། །རིག་པ་ཉིད་དང་གཉིས་སུ་མེད། །རིན་ཆེན་ལུས་ཀྱི་ནང་དག་ན། །ཡོངས་ལ་ཁྱབ་པའི་སེམས་གཅིག་པོ། །ངོ་བོ་སྟོང་གསལ་སྐུ་རུ་གནས། །རང་བཞིན་སྟོང་གསལ་ཐིག་ལེའི་འོད། །ཐུགས་རྗེ་སྣང་སྟོང་སྒྲོན་མ་འབར། །རང་རིག་ངོ་བོ་སྐུར་གནས་ཏེ། །གསལ་ལ་རང་བཞིན་མ་གྲུབ་པས། །སྙིང་ནང་ཞི་བ་ཡབ་ཡུམ་ཚུལ། །དུང་ཁང་ཁྲོ་བོའི་ཚུལ་དུ་གྱི་གནས། །ལུས་ལ་གནས་པའི་རིག་པ་ཡང་། །ཕྱི་ལྟར་ཁྲོ་བོའི་རང་བཞིན་ལ། །ནང་ལྟར་ཌ་ཀི་ཡབ་ཡུམ་མོ། །གསང་བ་ལྟར་ན་ཡི་གེ་ལྔ། །ཡང་གསང་ཐིག་ལེ་ཉག་གཅིག་གོ །ཐམས་ཅད་རང་བྱུང་ཀ་དག་ཉིད། །རིག་པ་སྐུ་ཡི་རང་མདངས་ནི། །ཙིསྟའི་ནང་ན་ཐིག་ལེ་དང་། །འོད་ཟེར་ལྟ་བུར་གནས་པའོ།འ།རིག་པ་ཡེ་ཤེས་ཐིག་ལེའི་སྐུ། །སྟོང་གསལ་རང་མདངས་ཉིད་དུ་གནས། །རིག་པ་སྐུ་ཡི་རང་མདངས་ཉིད། །རྩ་ཡི་ནང་དུ་ཉི་ཟེར་བཞིན། །དབང་པོའི་སྒོ་ལ་ངེས་ཐོན་ཏེ། །ཐིག་ལེའི་སྒྲོན་མ་ནམ་མཁའི་དབྱིངས་སུ་གསལ། །རིག་པའི་སྐུ་ནི་བུམ་སྐུ་བཞིན། །ཡེ་ཤེས་བུམ་པའི་མར་མེ་འདྲ། །ཐིག་ལེ་མེ་ལོང་དངོས་ལྟར་གསལ། རྩ་ཡི་གཙོ་བོ་གསུམ་ལ་ནི། །ཡན་ལག་གྲངས་ལས་འདས་པ་གྱེས། །སོ་སོའི་དབང་པོའི་སྒོར་སྟོན་བྱེད། །དེ་ཡིས་ཆོས་སུ་སྟོན་པར་ལྔ། །དེ་ལ་དབྱེར་མེད་སྐུ་ལྔ་སྟེ། །དེ་གསལ་འོད་ལྔ་དེ་ཡུལ་ལྔ། །ཡེ་ཤེས་མཁའ་འགྲོ་ཤེས་རབ་ལྔ། །ཀུན་ཀྱང་ཡེ་ཤེས་རྩལ་ཡིན་ནོ། །དེ་ལྟར་ལུས་དང་སེམས་ལ་གནས། །རང་རིག་དྲི་མ་མེད་པ་འདི། །མེ་ལོང་ཡེ་ཤེས་ཟང་ཐལ་ཡིན། །རང་རིག་དབྱེ་བསལ་བྲལ་བ་འདི། །མཉམ་པ་ཉིད་ཀྱི་ཡེ་ཤེས་འདི། །རང་རིག་གསལ་སྟོང་འགག་མེད་འདི། །སོ་སོར་རྟོགས་པའི་ཡེ་ཤེས་ཡིན། །རང་རིག་སྒྲུབ་རྩོལ་བྲལ་བ་འདི། །བྱ་བ་གྲུབ་པའི་ཡེ་ཤེས་ཡིན། །རང་རིག་གྲུབ་པ་མེད་པ་འདི། །ཆོས་ཀྱི་དབྱིངས་ཀྱི་ཡེ་ཤེས་ཡིན། །ལམ་ལྔ་དག་ཀྱང་རང་ལ་ཚང་། །རང་རིག་དྲི་མེད་གསལ་བ་འདི། །མེ་ལོང་ཡེ་ཤེས་ལམ་ཉིད་དོ། །སྟོང་པ་ཕྱོགས་ཆ་བྲལ་བ་འདི། །མཉམ་ཉིད་ཡེ་ཤེས་ལམ་དུ་འདོད། །རང་རིག་གསལ་སྟོང་སོ་སོར་ཤར། །སོ་སོར་རྟོགས་པའི་ཡེ་ཤེས་ལམ། །རང་རིག་ཤར་གྲོལ་སྣང་ཚུལ་འདི། །བྱ་བ་གྲུབ་པའི་ཡེ་ཤེས་ལམ། །ཡེ་ནས་རང་རིག་བསྒོམ་བྲལ་འདི། །ཆོས་དབྱིངས་ཡེ་ཤེས་ལམ་ཡིན་ནོ། །འདི་ལྟར་རང་རིག་ཡེ་ཤེས་འདི། །ཕྱི་ལྟར་འབྱུང་བ་ལྔ་རུ་སྣང་། །ནང་ལྟར་ཕུང་པོ་ལྔ་ཡིན་ནོ། །གསང་བ་ལྟར་ན་དངས་མ་ལྔ། །ཡང་གསང་ལྟར་ན་ཡིག་འབྲུ་ལྔ། །བླ་མེད་ལྟར་ན་མཁའ་འགྲོ་ལྔ། །རིགས་རྩལ་ཡེ་ཤེས་སེམས་ཉིད་དོ། །རྟེན་པ་ཕྱི་ཡི་ལུས་ལ་བརྟེན། ཁྲགནིཡུམ ཆེན བཱམ ཀི། །དྲོད་ནི་ཡུམ་ཆེན་གོས་དཀར་མོ། །ས་ནི་སངས་རྒྱས་སྤྱན་མ་སྟེ། །དབུགས་ནི་དམ་ཚིག་སྒྲོན་མ་སྟེ། །སེམས་ནི་ནམ་མཁའི་དབྱིངས་ཕྱུག་མ། །གཟུགས་ཕུང་རྡོ་རྗེ་སེམས་དཔའ་ཡིན། །ཚོར་བའི་ཕུང་པོ་རིན་ཆེན་འབྱུང་། །འདུ་ཤེས་ཕུང་པོ་སྣང་མཐའ་ཡས། །འདུ་བྱེད་ཕུང་པོ་དོན་ཡོད་གྲུབ། །རྣམ་ཤེས་ཕུང་པོ་རྣམ་སྣང་མཛད། །ཐུབ་པ་དྲུག་ཀྱང་རིག་རྩལ་དང་། །ང་རྒྱལ་ལྷ་ཡི་ཐུབ་པ་ཡིན། །ཕྲག་དོག་ལྷ་མིན་ཐུབ་པ་ཡིན། །འདོད་ཆགས་མི་ཡི་ཐུབ་པ་ཡིན། །གཏི་མུག་བྱོལ་སོང་ཐུབ་པ་ཡིན། །སེར་སྣ་ཡི་དྭགས་ཐུབ་པ་ཡིན། །ཞེ་སྡང་དམྱལ་བའི་ཐུབ་པ་ཡིན། །སྐྱེ་མཆེད་བཅུ་དྲུག་སེམས་དཔའ་སེམས་མའི་ཚོགས། །ཆུ་ཡི་སྒོ་ནི་ལྕགས་ཀྱུ་ཡབ་ཡུམ་ཡིན། །ས་ཡི་སྒོ་ནི་ཞགས་པ་ཡབ་ཡུམ་ཡིན། །མེ་ཡི་སྒོ་ནི་ལྕགས་སྒྲོག་ཡབ་ཡུམ་ཡིན། །རླུད་གི་སྒོ་ནི་དྲིལ་བུ་ཡབ་ཡུམ་ཡིན། །ཕ་ཡི་སྒོ་ནི་ཐིག་ལེ་ཟླ་བ་ཡིན། །མ་ཡི་ཐིག་ལེ་ཉི་མ་ཡིན། །རིག་པ་ཡེ་ཤེས་སྐུ་ལྔ་སྟེ། །རིག་པ་ཅིར་ཡང་སྣང་བས་རྣམ་སྣང་ཡིན། །རིམ་པ་འགྱུར་བ་མེད་པ་མི་བསྐྱོད་སྐུ། །རིག་པ་ཐོག་མཐའ་མེད་པས་སྣང་མཐའི་སྐུ། །རིག་པ་དགོས་འདོད་འབྱུང་བས་རིན་འབྱུང་སྐུ། །རིག་པ་ལྷུན་གྲུབ་ཡིན་པས་དོན་གྲུབ་སྐུ། །རིག་པ་རང་ཉིད་ཡིན་པར་རྟོགས་པས་བདེགཤེགསརིགས། །རང་རིག་འགྱུར་བ་མེད་པས་རྡོ་རྗེའི་རིགས། །རིག་པ་ཡོན་ཏན་འབྱུངབརིནཆེནརིགས། །རིག་པ་སྐྱོན་དང་བྲལ་བ་པདྨའི་རིགས། །རིག་རྩལ་མ་འགགས་ལས་ཀྱི་རིགས། །རིག་པ་ཡེ་ཤེས་འོད་ལྔ་ཤར། །རིག་པ་དྲི་མེད་རང་འོད་དཀར། །རིག་པ་ཀུན་འབྱུང་རང་འོད་ཟེར། །རིག་པ་རྩལ་རྫོགས་རང་འོད་དམར། །རིག་པ་རང་གྲོལ་རང་འོད་ལྗང་། །རིག་པ་ཀུན་ཁྱབ་རང་འོད་མཐིང་། །ཡང་ནི་རིག་པ་ཤེས་རབ་ཡེ་ཤེས་ལྔ། །འཁོར་འདས་གཉིས་སུ་ཕྱེ་བས་ན། །འབྱེད་པའི་ཤེས་རབ་རིག་པ་ཡིན། །ཐམས་ཅད་རིག་པ་རང་ཡིན་པས། །བསྡུས་པའི་ཤེས་རབ་རིག་པ་ཡིན། །རིག་པའི་རྩལ་ལས་ཐམས་ཅད་ཤར། །བསྐྱོད་པའི་ཤེས་རབ་རིག་པ་ཡིན། །རིག་པས་འཁོར་འདས་སྲོག་གཅོད་པ། །སྒྲོལ་བའི་ཤེས་རབ་རིག་པ་ཡིན། །ཐམས་ཅད་རིག་པ་ཉིད་ཡིན་པས། །རང་བྱུང་ཤེས་རབ་རིག་པ་ཡིན། །རླུང་ལྔ་དག་ཀྱང་རིག་པ་སྟེ། །རིག་པ་ཡེ་ཤེས་རང་དྲོད་ལྡན། །མེ་དང་མཉམ་པའི་རླུད་ཡང་ཟེར། །རིག་པས་འཁོར་འདས་སྲོག་འཛིན་པས། །སྲོག་འཛིན་རླུད་ཡང་རིག་པའོ། །རིག་པ་འཁོར་འདས་ས་མཚམས་འབྱེད། །འབྱེད་པའི་རླུད་ཡང་རིག་པ་ཡིན། །རིག་པ་འཁོར་འདས་ཡོངས་ལ་ཁྱབ། །ཀུན་ལ་ཁྱབ་བྱེད་རླུད་ཞེས་ཟེར། །རིག་པ་འཁོར་འདས་མྱང་འདས་སྒྲོལ། །སྙིང་རྗེ་མེད་པའི་རླུད་ཞེས་ཟེར། །རིག་པ་ཡེ་ཤེས་མཁའ་འགྲོ་མ། །རིག་པ་མི་འགྱུར་རང་བྱུང་སྐུ། །རྡོ་རྗེ་མཁའ་འགྲོ་རིག་པ་ཉིད། །རིག་པ་ཟང་ཐལ་སྣ་ཚོགས་འཆར། །རིན་ཆེན་མཁའ་འགྲོ་རིག་པ་ཉིད། །རིག་པ་སྐྱོན་བྲལ་རིག་མདངས་ལྔ། །པདྨ་མཁའ་འགྲོ་རིག་པ་ཡིན། །རིག་པ་ཐོག་མེད་ཀུན་ལ་ཁྱབ། །ལས་ཀྱི་མཁའ་འགྲོ་རིག་པ་ཡིན། །རིག་པ་རང་བྱུང་སྐྱེ་གནས་བྲལ། །སངས་རྒྱས་མཁའ་འགྲོ་རིག་པ་ཡིན། །བདག་མེད་ཆོས་ཀྱི་སྐུ་གསལ་སྟོང་། །རིག་པ་ཡིག་འབྲུ་རིག་ལྔར་གསལ། །ཕྱི་དང་ནང་དང་གསང་བའོ། །ཕྱི་ལྟར་ཨོ་ཧུ༷་ཏྲ༷་ཧི་ཨ། །ནང་ལྟར་ཧ་རི་ནི་ས་ཧུ༷། །གསང་བ་ཨོ་དང་ཨུ༷༷དང་ཧུ༷། །རིག་པ་སྐུ་གསུམ་ཉིད་ཡིན་ཏེ། །སྟོང་པ་འགག་མེད་ཆོས་ཀྱི་སྐུ། །གསལ་སྟོང་འཛིན་མེད་ལོངས་སྐུ་སྟེ། །རིག་རྩལ་འགག་མེད་སྤྲུལ་པའི་སྐུ། །སྟོང་གསལ་འགག་མེད་རིག་པའོ། །རིག་པ་འགྱུར་བ་མེད་པའི་གཞི། །རིག་པ་འགག་པ་མེད་པའི་ལམ། །རིག་པ་རང་རིག་སྟོང་པ་སྟེ། །འབྲས་བུ་ཞེས་སུ་བཏགས་པའོ། །རིག་པ་ལྟ་སྤྱོད་སྒོམ་གསུམ་སྟེ། །དམིགས་སུ་མེད་པར་ལྟ་བ་སྟེ། །རང་བབ་གནས་པ་སྒོམ་ཞེས་སོ། །ངང་ལ་བཞག་པ་སྤྱོད་པའོ། །རིག་པ་ཡེ་ཤེས་ཉག་གཅིག་སྐུ། །མ་རིག་ཕུགས་དེད་ཡེ་ཤེས་དང་། །དུག་གསུམ་ངོས་བཟུང་སྐུ་གསུམ་དང་། །དུག་ལྔ་ཕུགས་དེད་ཡེ་ཤེས་ལྔ། །ཡེ་ནས་རང་ལ་ཚང་བ་སྟེ། །གཞན་ནས་བཙལ་བས་ག་ལ་རྙེད། །ཡེ་ཤེས་རླུད་དེ་ཀུན་ལ་ཁྱབ། །འགྱུ་བ་དལ་རྟེན་ཡེ་ཤེས་རླུད་། །རང་བབ་ངང་གནས་རླུད་དུ་འདུས། །རྩ་དང་རླུ་་དང་ཐིག་ལེ་དང་། །སྐུ་དང་ཡེ་ཤེས་འདུ་བྲལ་མེད། །ཡེ་ནས་ཡེ་ཤེས་རྩལ་ཉིད་དོ། །ཡེ་ཤེས་རྩལ་གྱིས་ལུས་གྲུབ་པས། །རྩ་གྲུབ་དེ་ལ་ཐིག་ལེས་ཁྱབ། ཁུ་ཡི་ཐིག་ལེ་ཡི་གེར་གནས། །དེ་ལ་སྐུ་དང་ཡེ་ཤེས་ཀྱི། །ཐིག་ལེ་དག་ནི་གནས་པའོ། །ཀུན་རྫོབ་རྒྱུ་ཡི་ཐིག་ལེ་ནི། །འབྱུང་བ་ལྔ་ཡི་དངས་མ་ཡིན། །འཁོར་འདས་ཀུན་གྱི་སྲོག་འདུའོ། །ཐིག་ལེ་ཉིད་ཀྱང་ཡེ་ཤེས་སོ། །ཡེ་ཤེས་ཉིད་ཀྱང་ལྷུན་གྲུབ་བོ། །ལྷུན་གྲུབ་ཉིད་ཀྱང་གསལ་སྟོང་ངོ་། །གསལ་སྟོང་ཉིད་ཀྱང་རང་རིག་གོ །ཐམས་ཅད་རིག་པའི་རང་རྩལ་ཡིན། །རང་རིག་རྩལ་སྣང་ཤར་བ་ལ། །སེམས་ཞེས་མིང་དུ་བཏགས་པའོ། །སེམས་ཞེས་མིང་དུ་བཏགས་པས་ནི། །འདི་ཡིན་མེད་པས་གསལ་སྟོང་སྟེ། །རྟོག་བྱེད་གསལ་ཡང་མཁན་པོ་སྟོང་། །རྩལ་སྣང་རླུད་གི་རྟ་ལ་ཞོན། །རླུད་ཡང་རིག་པའི་རང་རྩལ་ཡིན། །རིན་ཆེན་ཟུར་བརྒྱད་སྙིང་གི་དཀྱིལ། །ཀུན་ཁྱབ་ཡེ་ཤེས་ངོ་བོ་ནི། །ས་བོན་ཡི་གེའི་ཚུལ་དུ་གནས། །དེ་ཉིད་ངོ་བོ་ཤེས་པས་ཆོག །གཞི་ཡང་ཡེ་ཤེས་རང་ལས་བྱུང་། །ཡེ་ཤེས་མ་རིག་འཁྲུལ་པ་ལས། །འབྱུང་བའི་མདངས་དང་ཡེ་ཤེས་འདྲེས། །དེ་འཛིན་རྐྱེན་གྱིས་ཤ་ལུས་གྲུབ། །ཡེ་ཤེས་ཙིསྟ་སྙིང་ནང་དུ། །ཐིག་ལེ་དག་དང་མཉམ་དུ་གནས། །རྩ་སྒོར་གསལ་ཙམ་མ་ཡིན་པ། །ནང་གསལ་ཤ་ཁྲག་རྒྱ་ཡིས་འཐུམས། །དེ་ལྟར་ཡེ་ཤེས་གཏིང་གསལ་དེ། །རྐྱེན་གྱིས་ཉམས་སུ་སུས་བླངས་པ། །ལྷག་མེད་དག་ཏུ་མྱ་ངན་འདས། །ཡེ་ཤེས་ཉིད་ལ་ཡེ་ཤེས་ཐིམ། །ལྷུན་གྲུབ་ཉིད་ཀྱང་སྦུབས་སུ་ནུབ། །ཀུན་ཏུ་བཟང་མོ་ཀློང་གསལ་འབར་མ་ཉི་མའི་གསང་རྒྱུད་ལས། རང་ལ་གནས་པའི་ཡེ་ཤེས་ངོ་སྤྲད་པའི་ལེའུ་སྟེ་དགུ་པའོ།། །ག་་་་་ ་་ན་ནཎྜ་ན༔ །ཨ་ཧོ་འདུས་པའི་འཁོར་ཚོགས་ཀུན། །མ་ཡེངས་དགོངས་པས་ལེགས་པར་ཉོན། །མ་གྲུབ་ཐོག་མའི་འོག་དག་ཏུ། །ཀུན་ཁྱབ་ཡེ་ཤེས་གནས་པ་ལ། །འཁྲུལ་མེད་འཁྲུལ་དང་གནས་པའི་ཚུལ། །ལམ་དང་འཆར་སྒོ་ཡུལ་གང་གསལ། །ལེགས་པར་དགོངས་ནས་རིམ་བཞིན་བསྟན། །ང་ནི་འདི་ལྟར་བཤད་པར་བྱ། །ཉམས་ལེན་གོང་འཕེལ་གྲོལ་བའི་རྟགས། །རྐྱེན་གྱི་བར་ཆད་ཇི་ལྟ་བུ། །དྲིས་པའི་ལེན་དུ་ངས་བཤད་དོ། །ཐོག་མའི་ཀ་དག་སྟོང་གསལ་ལས། །འོད་ཁྱིམ་ཁ་དོག་ལྔ་ལྡན་ལས། །གསལ་འཚེར་ལྷུན་སྡུག་འོད་ཟེར་འཕྲོ། །དེ་ཡང་ཡེ་ཤེས་རྩལ་ཉིད་དོ། །རང་བྱུང་ཡེ་ཤེས་རང་ལས་བྱུང་། །དེ་ཤེས་ཡེ་ཤེས་རྩལ་དུ་བརྗོད། །ཡེ་ཤེས་ལྔ་ལས་འབྱུང་བར་འཁྲུལ། །འབྱུང་བཞིའི་དྭངས་མ་སེམས་ཅན་གྲུབ། །སེམས་ཅན་སངས་རྒྱས་གཉིས་མེད་ཀྱང་། །མ་རིག་རྟོག་པའི་རྒྱ་ཡི་འཐུམས། །རྟོག་པའི་དྲི་མ་བསལ་དཀའ་བས། །རིམ་བཞིན་ཉམས་སུ་ལེན་པ་གཅེས། །སེམས་ལ་ཡེ་ཤེས་གནས་གྱུར་ཀྱང་། །མ་སྦྱངས་བར་དུ་གསལ་མི་འགྱུར། །ཏིལ་འབྲུ་འམ་ནི་ཡུངས་འབྲུ་ལ། །མར་ནི་ཡེ་ནས་ཁྱབ་གྱུར་ཀྱང་། །མ་བཙིར་བར་དུ་མར་མི་འབྱུང་། །འོ་མ་མར་གྱི་རང་བཞིན་ཏེ། །མ་བསྲུབས་པ་ལ་མར་མི་འབྱུང་། །ས་གཞི་ས་བོན་ལྡན་གྱུར་ཀྱང་། །སོ་ནམ་རིམ་བཞིན་མ་བྱས་ན། །འབྲས་བུ་སྨིན་པར་ག་ལ་འགྱུར། །དེ་བཞིན་ཆོས་རྣམས་ཐམས་ཅད་ཀུན། །སེམས་ཅན་ཀུན་གྱི་རྒྱུད་ལ་གནས། །ཡེ་ནས་སངས་རྒྱས་རྒྱུ་ཡིན་ཀྱང་། །བསྒོམ་བྱ་སྒོམ་བྱེད་ཐབས་ཀྱིས་བསྒོམ། །རིམ་བཞིན་ཉམས་སུ་མ་བླངས་ན། །འབྲས་བུ་ཀ་དག་ག་ལ་ཐོབ། །ཡེ་ཤེས་རང་ངོར་གནས་གྱུར་ཀྱང་། །འཁྲུལ་འཁོར་རིམ་པར་མ་གཅུན་ན། །ཡུལ་སྣང་བཞི་ལ་འཆར་མི་ནུས། །དེ་ལྟར་ཤར་བའི་ཡེ་ཤེས་དེ། །ངོ་བོ་རིག་ཐོག་དོན་འཕྲོད་ན། །གང་ཤར་སྦྲུལ་མདུད་བཞིན་དུ་གྲོལ། ཁྲར་གྲོལ་དུས་མཉམ་འཛིན་པ་བྲལ། །རིག་པ་རྟོག་ཚེ་འཛིན་པ་གྲོལ། །ཀུན་འབྱུང་སྲིད་རྩ་རྟོགས་པས་གྲོལ། ཤེས་པ་ཀློད་པས་གནད་རྣམས་གྲོལ། །གནས་ལུགས་བཅུན་པས་རང་ངོ་ཤེས། །ཀྱེ་མ་ཀྱེ་མ་རིག་མཆོག་རྣམས། །ཀུན་ཏུ་བཟང་མོ་ཀློང་གསལ་གྱི། །གསང་བ་ཡང་གསང་བླ་མེད་ཀྱི། །དགོངས་པ་མཐའ་རུ་ཕྱིན་པའི་ཕྱིར། །སངས་རྒྱས་གནད་རྣམས་གཅིག་ཏུ་དྲིལ། །ཟབ་མོ་དགོངས་པའི་ཡང་བཅུད་འདི། །ཉམས་སུ་འདི་ལྟར་རང་བཞིན་ལོངས། །བླ་མ་མཚན་ཉིད་ལྡན་པ་ནི། །བློ་ཚེ་ཁོག་ཡངས་རང་རྒྱུད་དུལ། །བརྩེ་བའི་སེམས་ལྡན་རང་སྣང་དག །གནས་ལུགས་རྟོགས་པ་ཁོང་དུ་ཆུད། ་ས་རབ་རྒྱུད་སྨིན་དབང་པོ་དངས། །ཡོ་བྱད་རྫས་འཛོམ་སྣང་བ་འགྱུར། །དེ་ལྟ་བུ་ཡི་བླ་མ་ཡིས། །མཚན་ཉིད་ལྡན་པའི་སློབ་མ་ལ། །དབང་ཁྲིད་དམ་པ་རིམ་བཞིན་དབོག །མཚན་ཉིད་ལྡན་པའི་སློབ་མ་ནི། །ལེགས་པ་འདི་ལྟར་བརྟག་པར་བྱ། །གསང་སྔགས་སྙིང་པོའི་དོན་འདི་སྟོན་པ་ལ། །སྣོད་ཀྱི་དམ་པ་བསྟན་པ་མཆོག་ཏུ་གཅེས། །སྣོད་ཀྱི་མཚན་ཉིད་འདི་ལྟ་སྟེ། །དམ་ཚིག་གཙང་ལྡན་དག་སྣང་ཆེ། །དུག་ལྔའི་ཤུགས་ཆུང་བློ་ཁོག་ཡངས། །དད་ལྡན་སྙིང་རྗེ་གཏོང་ཕོད་ཆེ། ཁུ།ད་དལ་སྡིག་འཛེམ་དབང་པོ་རྣོ། །གསང་ཐུབ་ཉམས་ལེན་བརྟུལ་ཞུགས་ཆེ། །སྐྱོ་ཤས་སྡུག་སྲན་སྙིང་རུས་ལྡན། །རང་རྒྱུད་དུལ་ཞིང་སྙིང་རྗེར་ལྡན། །དེ་ལྟ་བུ་ཡི་སློབ་གྲོགས་མཆེད། །གསང་ཇགས་སྙིང་པོའི་སྣོད་དུ་རུང་། །འགྲོ་བ་འདྲེན་པའི་གྲུ་ཆེན་མཆོག །སྣོད་དང་མི་ལྡན་སློབ་མ་ནི། ཁྲེས་ཆུང་ཁ་སོང་སྟོང་སྐད་ཆེ། ཁ་མཁས་ལག་དམ་གཡོ་ཟོག་ཆེ། །ཇ་མའི་གསུང་གཅོག་དྲིན་དུ་རྩོད། །ཡོན་ཏན་མི་མཐོང་སྐྱོན་རྣམས་འདོགས། །ཇ་མ་དམན་ནས་རང་ལ་བསྟོད། །དོན་དམ་ཚིག་དང་ཉམས་ལེན་འཆལ། །སློབ་མ་མ་བརྟགས་སློབ་དཔོན་དགྲ། །ཉམས་སུ་མི་ལེན་གང་ཟག་ལ། །རྫོགས་པ་ཆེན་པོ་འདི་དག་ནི། །དོན་དམ་གདམས་པ་བསྟན་མི་བྱ། །སྣོད་ངན་རྣམས་སུ་ཇུག་པ་ལ། །སྣོད་ཆག་བཅུད་འབོ་དམྱལ་བར་ལྟུང་། །སྣོད་ངན་རྣམས་ལ་དོན་འདི་སྤོས། །ས་མ་ཡ། རྒྱ་རྒྱ་རྒྱ། ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས། གདམས་པ་ཉམས་སུ་བླངས་པ་གལ་ཆེ་བས ཇ་མ་མཚན་ཉིད་དང་ལྡན་པ་ཡིས། སློབ་མ་སྣོད་དང་ལྡན་མི་ལྡན་བརྟག་པའི་ལེའུ་སྟེ་བཅུ་པའོ།། ། ་་་་་་༔ ། ཀྱེ་ཧོ་འདུས་པའི་འཁོར་ཚོགས་ཉོན། །སྣོད་བབ་ལྡན་པའི་དཔོན་སློབ་རྣམས། །གདམས་པ་ཉམས་སུ་ལེན་པ་ལ། །གནས་ཀྱི་ཁྱད་པར་གལ་ཆེ་བས། །ལེགས་པར་མཚན་ཉིད་བརྟག་པ་གཅེས། །བཀྲ་ཤིས་བྱིན་ཆགས་ཡོན་ཏན་འབྱུང་བའི་ས། །གྲུབ་ཐོབ་གོང་མ་རྣམས་ཀྱི་ཞབས་ཀྱིས་བཅགས་པ་ཡི། །གངས་ཁྲོད་རི་རྩེ་དུར་ཁྲོད་དམ། །ཤིན་ཏུ་དབེན་ལ་དྭངས་ཤིང་མཐོ་བའི་སར། །སྐལ་ལྡན་སྐྱེས་བུས་ཉམས་སུ་ལེན་པའི་གནས། །ཡོ་བྱད་འཛོམ་ཞིང་མི་རྒོད་གཙེ་བ་མེད། །དེ་ལྷ་བུ་ཡི་གནས་ཉིད་བསྟེན་པར་བྱ། །ཀུན་ཏུ་བཟང་མོ་ཀློང་གསལ་འབར་བ་ཉི་མའི་གསང་རྒྱུད་ལས། །གནས་བརྟག་པའི་ལེའུ་སྟེ་བཅུ་གཅིག་པའོ།། །།ཨོ་ཨུ༷༷ཉུཏ། རྒྱ་གྱེ་རྒྱ། ཀྱེ་ཧོ་འདུས་པའི་འཁོར་ཚོགས་ཉོན། །གསང་སྔགས་སྙིང་པོ་ཉམས་སུ་ལེན་པ་ལ། །དུས་ཀྱི་མཚན་ཉིད་རིམ་པ་བསྟན་པར་བྱ། །བདག་གཞན་གནས་རྐྱེན་འཛོམ་པ་དང་། །དུས་ཚོད་ཚེས་གྲངས་ཡར་ངོ་ལ། །ཚེས་བརྒྱད་བཅོ་ལྔ་སྟོང་གི་དུས། ཁྱད་པར་ཐོད་རྒལ་དབང་ཁྲིད་ངོ་སྤྲོད་ནི། །དབྱར་མ་སྟོན་དང་དགུན་ཆུང་དཔྱིད་ཀྱི་དུས། །ཟེར་གཉིས་དུས་ནི་མཆོག་ཏུ་བཤད་པ་ཡིན། །དེ་སྒོ་ཡུལ་བདག་གཞན་རྐྱེན་བྲལ་བའི་དུས། །གསང་བ་ཡང་གསང་ཉམས་སུ་ལེན་པའི་དུས། །ཡང་གསང་དོན་འདི་ཉམས་སུ་ལེན་པ་ལ། །གསང་ཇགས་དབང་ལ་མ་བརྟེན་འགྲུབ་པར་ག་ལ་འགྱུར། །དཔེར་ན་གཉེན་པ་ལག་སྐྱ་མེད་པ་ལྷར། །གྲུ་ཡིས་ཕ་རོལ་བགྲོད་པར་ག་ལ་འགྱུར། །སྤྲོས་བཅས་ཕྱི་ཡི་བུམ་དབང་དང་། །སྤྲོས་མེད་ནང་གི་གསང་དབང་དང་། །རབ་ཏུ་སྤྲོས་མེད་ཤེས་རབ་ཡེ་ཤེས་དབང་། ཁེན་ཏུ་སྤྲོས་མེད་ཚིག་དབང་རིན་པོ་ཆེ། །སྣོད་ལྡན་བུ་ལ་བསྐུར་ཕྱིར་རིམ་པར་བསྟན། །དབང་དང་དུས་ཀྱི་ལེའུ་སྟེ་བཅུ་གཉིས་པའོ།། །། ་་་་་་༔ །ཀྱེ་ཧོ་འདུས་པའི་འཁོར་ཚོགས་ཉོན། །གསང་བ་ཡང་གསང་སྙིང་པོའི་བཅུད་ཉིད་སྟེ། །ནོར་འཁྲུལ་མེད་པ་ཉམས་སུ་ལེན་པ་ལ། །ཡོ་བྱད་ཕུན་སུམ་ཚོགས་པ་ཤིན་ཏུ་གཅེས། །སྔ་མ་མཚན་ཉིད་ལྡན་ཞིང་རྒྱུ་དྲུག་ཚང་། །སློབ་གྲོགས་སྣོད་ལྡན་རྒྱུད་དྲུག་ལྡན་པ་ལ། །གནས་དུས་ཡུལ་རྐྱེན་བྲལ་བ་དང་། །མེ་ཏོག་དབང་ཡོན་གཏོར་ཚོགས་དང་། །ཉམས་ལེན་དུས་སུ་ཁམས་ཀྱི་རྟེན་གསོང་ཀྟལ། །དབང་རྫས་རོལ་མོ་སྒྲ་སྙན་ཡིད་འོང་བཅས། །དེ་ལྟར་ཡོ་བྱད་ཐམས་ཅད་ཚོགས་གྱུར་ན། །བསམ་གཏན་འཕེལ་ཞིང་བརྟན་པ་མྱུར་དུ་ཐོབ། །མཚན་ལྡན་རྫས་བྲལ་རྐྱེན་དབང་ཉིད་དུ་གྱུར། །ཅེས་སོ། །ཡོ་བྱད་ཀྱི་རྫས་བསྟན་པའི་ལེའུ་སྟེ་བཅུ་གསུམ་པའོ།། །། ་་ངས་་་་༷༷ །ཀྱེ་ཧོ་འདུས་པའི་འཁོར་ཚོགས་ཉོན། །གསང་སྔགས་ཕྱི་ནང་བར་གསུམ་དང་། །ཡང་གསང་ཐིགལེཉགགཅིགཏུ། །ཐམས་ཅད་དྲིལ་ནས་སྙིང་པོའི་བཅུད། །ཉམས་སུ་འདི་ལྟར་ལེན་པར་བྱ། །ཡོན་ཏན་འབྱུང་བའི་གནས་ཉིད་དུ། །ནང་ཚངས་ཅན་གྱི་སྟན་ལ་ནི། །མཉམ་བཞག་སྐྱིལ་མོ་ཀྲུང་དུ་བྱ། །ལུས་ངག་ཡིད་གསུམ་སྔོན་འགྲོ་ནི། །མི་རྟག་སྙིང་རྗེ་བྱམས་སེམས་སྒོམ། །སྟོང་ཉིད་སྙིང་རྗེའི་ངང་ཅན་དེས། །སེམས་ཅན་ཀུན་ལ་བརྩེ་བར་བྱ། །ཡང་ཡང་སེམས་སྦྱང་མི་རྟག་བསྒོམ། །དེ་ཡང་ཇོན་དུ་འགྲོ་བ་གཅེས། །ཉམས་ལེན་ཉིད་ཀྱི་རྩ་བ་ནི། །གདམས་པ་སྦྱོར་དངོས་མཇུག་གསུམ་མོ། །སྦྱོར་བ་གོང་དུ་བསྟན་ནས་ཀྱང་། །དངོས་གཞི་འདི་ལྟར་བཤད་པར་བྱ། །ལུས་ནི་མ་རིག་རྒྱུས་བསྐྱེད་ཕྱིར། །རིགས་དྲུག་ས་བོན་ཉིད་དུ་གནས། །སྦྱི་བོ་མགྲིན་པ་སྙིང་ག་དང་། །ལྟེ་བ་གསང་གནས་རྐང་མཐིལ་དྲུག །ཨ་ཏྲི་དྲི་སུ་པྲེ་དུ་དྲུག་གནས་སོ། ཁ་དོག་དཀར་མཐིང་ལྗང་གུ་དང་། །སེར་པོ་དམར་ནག་དུད་ཁ་དུག །ས་བོན་དྲུག་པོ་མ་དག་པས། ཁུ།ན་དུ་རིགས་དྲུག་འཁོར་བ་འ་ས། །ས་བོན་དེ་དྲུག་སྦྱང་སླད་དུ། །རིག་པ་སྐུ་གསུམ་དངོས་ཡིན་ཕྱིར། །སྐུ་གསུམ་ཡི་གེ་གསུམ་དུ་གནས། །ཡི་གེ་རྩལ་སྦྱང་རུ་ཤན་དབྱེ། །དབྱེ་བ་དངོས་ནི་འདི་ལྟར་རོ། །བདག་ཉིད་ཐ་མལ་པ་ཡི་ལུས། །གནས་དྲུག་ཡིག་དྲུག་གསལ་བར་བསྒོམ། །བདག་ཉིད་སྤྱི་གཙུག་ཨོ་དཀར་བསྒོམ། །མགྲིན་པར་ཨུ༷༷དམར་སྙིང་གར་ཧུ།་མཐིང་བསྒོམ། །ཡི་གེ་གསུམ་ལ་ཡེ་ཤེས་མེ། །དཀར་དམར་མཐིང་ག་གསུམ་འབར་བས། །རིགས་དྲུག་ས་བོན་ཅིང་། །རྣམ་པ་གསུམ་དུ་ཤེས་པར་བྱ། །སུས་ཀྱང་གཡོ་འགུལ་མེད་པར་འགྱིང་། །རི་བོ་ལྟ་བུར་བརྟན་པར་བྱ། །ནམ་མཁའ་ལྟ་བུར་ཁྱབ་པར་བྱ། །རྒྱ་མཚོ་ལྟ་བུར་གང་བར་བྱ། །ངག་ནི་ཁྲོ་བོའི་གད་རྒྱངས་ཚུལ། །ཧ་ཧ་ཧི་ཧི་ཧུ༷་དང་བཅས། །ཕཊ་དང་བཅས་པ་བརྗོད་པར་བྱ། །སེམས་ནི་མིག་གི་ནང་དུ་གཏད། །མིག་གཉིས་བར་སྣང་དབྱིངས་སུ་བགྲད། །མི་འགུལ་བར་ནི་མདུང་ཚུགས་གཏད། །རྣམ་རྟོག་ཐམས་ཅད་ཟིལ་གྱིས་གནོན། །གསལ་སྟོང་ཆེན་པོའི་ཉམས་སྣང་འཆར། །ཐུན་མོང་མཆོག་ལ་སྦྱོར་པར་འགྱུར། །ས་མ ཡ། རྒྱརྒྱརྒྱ།་་ཉ་་བ་་༷ །ཨཧོའདུས་པའི་འཁོར་ཚོགས་ཉོན། །ཉན་ཐོས་ཉིད་ཀྱི་ལྟ་སྟངས་ཀྱིས། །ལུས་ངག་ཡིད་གསུམ་རྣལ་དབབ་ཅིང་། ཁྲེགས་ཆོད་ཉིད་ཀྱི་དངོས་གཞིའོ། །ལུས་ནི་མི་འགུལ་དལ་བར་བྱ། །ངག་ནི་མི་སྨྲ་རང་སར་བཞག །སེམས་ནི་མི་སྤྲོ་རང་སར་ཀློད། །མིག་གཉིས་ཟིམ་བུ་སེམས་ལ་གཏད། ཁ་ནི་ཡུད་ཙམ་གདངས་པ་ལ། །སོ་ཡི་བར་དུ་ནས་ཐར་ཙམ། །སྒོ་གསུམ་རླུད་གིས་དལ་བ་ལ། །ཡིད་ཙམ་ཕྱིར་ལ་འདུར་བའོ། །དེ་ལྟར་ཡུན་དུ་ཡང་ཡང་སྦྱངས། །དེ་ནས་རྟོག་པ་རྩད་གཅོད་པ། །རྣམ་རྟོག་བླ་ཕྱི་དབུས་གསུམ་ནི། །གཟུགས་དང་ཁ་དོག་ཇི་ལྟར་འདུག །དང་པོ་བྱུང་ས་གང་ནས་བྱུང་། །བར་དུ་གནས་ས་གང་ན་གནས། །ཐ་མར་འགྲོ་ས་གང་དུ་འགྲོ། །སྐྱོན་དང་ཡོན་ཏན་ཅི་འདྲ་འདུག །ལེགས་པར་བརྟག་ཅིང་ཡང་ཡང་བསྒོམ། །དེ་ལྟར་བསྒོམ་པས་རྣམ་རྟོག་ཀུན། །ཐམས་ཅད་ལུས་དང་སེམས་ལས་བྱུང་ས་སྲ །ལེགས་པར་ཐག་བཅད་སེམས་སུ་དྲིལ། །ལུས་འདི་མ་རིག་རྒྱུས་བསྐྱེད་པས། །སེམས་ཀྱི་གནས་ས་རྩལ་དུ་འདོད། །སེམས་མེད་ལུས་འདི་ཅི་འདྲ་བརྟག །བེམས་པོ་འདྲ་བར་ཐག་ཀྱང་བཅད། །སེམས་སྟོང་ཐོག་མཐའ་སེམས་དང་སྦྱར། །ལུས་མེད་སེམས་འདི་ཅི་འདྲ་བརྟག །རླུད་དང་ནམ་མཁའ་ངོས་ཡང་བཟུང་། །སེམས་སུ་ཐག་བཅད་ཚར་རྗེས་སུ། །རྣམ་རྟོག་ཐམས་ཅད་སེམས་ལ་སྦྱར། །སེམས་དང་རྣམ་རྟོག་གཅིག་ཏུ་དྲིལ། །དེ་ནས་སེམས་ཀྱི་བྱུང་ས་དང་། །གནས་ས་འགྲོ་ས་འགྲོ་མཁན་དང་། །གཟུགས་དང་ཁ་དོག་དངོས་པོ་དང་། །སྐྱོན་དང་ཡོན་ཏན་ཅི་འདུག་བརྟག །ཡང་ཡང་དམིགས་པ་གཏད་ཅིང་བསྒོམ། །སེམས་ལ་བྱུང་ས་མ་རྙེད་ན། །སེམས་ཉིད་སྟོང་པར་ཐག་ཀྱང་བཅད། །སྟོང་པ་ངོས་བཟུང་བྲལ་བ་དེ། །ཆོས་ཀྱི་སྐུ་རུ་ངོ་ཡང་སྤྲད། ཁུ།ན་དུ་དེ་ལ་གནས་པར་བྱ། །དེ་ནས་སེམས་ལ་གནས་པ་ནི། །ཡོད་དམ་བྱས་ན་དངོས་པོ་སྟོང་། །མེད་དམ་བྱས་ན་རྟོག་བྱེད་གསལ། །སྟོང་གསལ་ངོས་བཟུང་བྲལ་བ་དེ། །ལོངས་སྤྱོད་རྫོགས་པའི་སྐུ་རུ་ནི། །སྟོང་གསལ་འགག་མེད་ངོ་ཡང་སྤྲད། །རྒྱུན་ཏུ་དེ་ཉིད་ངང་གནས་བྱ། །དེ་ནས་སེམས་ཀྱི་འགྲོ་ས་ནི། །མེད་དོ་བྱས་ན་ཡོད་པ་སེམས། །དགེ་བཅུ་སྤྱད་པས་ཐར་པ་ཐོབ མི་དགེ་སྤྱད་པས་ངན་སོང་ལྷུང་། །དེ་ལྟར་ལེགས་ཉེས་ལས་རྣམས་ཀུན། །སེམས་ཀྱིས་བྱས་པ་གང་དུ་འགྲུབ། །དེ་ནས་སྤྲུལ་པའི་སྐུ་དང་འདྲ། །ད་ལྟའི་ཤེས་པ་སྐད་ཅིག་ལ། །སེམས་དང་དྲན་བསམ་དཔག་མེད་འཆར། །སེམས་ཀྱིས་སེམས་ལ་ཕར་བལྟས་པས། །ཐོགས་མེད་དངོས་པོར་མ་གྲུབ་པས། །འགྱུ་བ་དྭངས་སངས་བསེར་བུ་འདྲ། །དེ་བཞིན་སེམས་ཀྱི་མིང་དང་གཟུགས། ཁ་དོག་སྐྱེས་མཆེད་བཅས་པ་ནི། །འགྲོ་བྱ་འགྲོ་བྱེད་མཁན་པོ་མེད། །དེས་ན་སེམས་ཉིད་སྐྱེ་འགག་མེད། །སྤྲུལ་པའི་སྐུ་དང་ངོ་ཡང་སྤྲད། །དེ་ལྟར་སྐུ་གསུམ་སེམས་ལ་འཆར སེམས་ལ་ངོས་གཟུང་མེད་པ་དེ། །ངོ་བོ་སྟོང་པ་ཆོས་ཀྱི་སྐུ། །སེམས་ཀྱི་རྟོག་བྱེད་གསལ་བས་ན། །རང་བཞིན་གསལ་བ་ལོངས་སྤྱོད་རྫོགས། །སེམས་ཀྱི་རྩལ་སྣང་ཐོགས་མེད་འགྱུ། །ཐུགས་རྗེ་ཀུན་ཁྱབ་སྤྲུལ་པའི་སྐུ། །སྐུ་གསུམ་རང་བཞིན་བྱང་ཆུབ་སེམས་ཉིད་ཡིན། །གསལ་སྟོང་འགག་མེད་ངང་དུ་ནི། །བཅོས་བསླད་མེད་པར་ལྷན་ནེ་བ། །གཡོ་འགུལ་མེད་པ་ཝ་ལེ་བ། །བོ་ཟག་མེད་པ་མེ་རེ་བ། །གསལ་སྟོང་མེད་པར་འཁྱིལ་ལེ་བ། །ལྷན་ནེ་ཁྱབ་བེ་མེ་རེ་བ། །ས་ལེ་སིང་ངེཧྲིག གེ བ། །ཐ ལེ་ཁྱུག་གེ་ཁྲོལ་ལེ་བ། །འབོལ་ལེ་ཤིག་གེ་ངང་ལ་གནས། །དེ་ལྟར་བྱས་པ་མེད་པ་དེ། །རང་བྱུང་རང་ཤར་རང་གྲོལ་ཉིད། །རྣམ་རྟོག་སེམས་སུ་ངོ་སྤྲད་པས། །སེམས་ཀྱི་ངོ་བོ་སྟོང་པར་རྟོགས། །སྟོང་པ་གསལ་བ་ངོ་སྤྲད་ནས། །སྟོང་གསལ་གཉིས་མེད་དོན་ཀྱང་རྟོགས། །གཉིས་མེད་རང་གྲོལ་ངོ་སྤྲོད་པས། །ཐམས་ཅད་འཛིན་པ་མེད་པར་རྟོགས། །དུག་ལྔ་ཉིད་ཀྱང་རང་སར་གྲོལ། །ཚོགས་དྲུག་ཉིད་ཀྱང་རང་སར་གྲོལ། །ཕྱི་ནང་ཀུན་རྟོག་ཡེ་སྟོང་གྲོལ། །རང་གྲོལ་ཡིན་པས་གཉེན་པོ་མེད། །ཡེ་གྲོལ་ཡིན་པས་དཔྱད་གཞི་མེད། །གཅེར་གྲོལ་ཡིན་པས་མཐོང་སར་ཡལ། །ཡང་གྲོལ་ཡིན་པས་འབད་རྩོལ་ཟད། །རང་ངོ་ཤེས་པས་རང་སར་གྲོལ། །སྣ་ཚོགས་རིག་པའི་རྩལ་ཡིན་ཕྱིར། །རིག་པ་ཉིད་ཀྱང་རང་སར་གྲོལ། །སྟོང་པ་ཐིག་ལེ་ཉག་གཅིག་ཡིན། །ཉག་གཅིག་འཁོར་འདས་ཀུན་གྱི་གཞི། །གཞི་ཡང་གསལ་སྟོང་ངང་དུ་གྲོལ། །གསལ་སྟོང་ཆོས་རྣམས་ཀུན་གྱི་གཞི། །གཞི་ཡང་ཕྱོགས་རིས་འཛིན་པ་བྲལ། །ངང་ཉིད་འདི་ལ་རྒྱུན་དུ་གནས། །ཞེསསོ། །་་ན་ ཀློངགསལ་འབར་མ་ཉི་མའི་གསང་རྒྱུད་ལས། གཞི་ཁྲེགས་ཆོས་ཀྱི་ལེའུ་སྟེ་བཅོ་ལྔ་པའོ།། །། ང་བ་་་་་༷་ །ཨ་ཧོ་འདུས་པའི་འཁོར་ཚོགས་ཉོན། །གོང་ལྟར་ཇོན་འགྲོའི་རིམ་པ་ནས། །གཟིགས་སྟངས་གསུམ་གྱིས་རྣལ་དབབ་ནས། །དངོས་གཞི་ཁྲེགས་ཆོད་ཉིད་ལ་ནི། །གནས་ས་རྟེན་ས་གྲོལ་ས་གསུམ། །ལུས་ངག་ཡིད་གསུམ་གདེང་ཐོབ་ནས། །ཐོད་རྒལ་ཉིད་དུ་འཇུག་པ་སྟེ། །ཕྱི་ནང་བྱ་བ་ཀུན་བཏང་ལ། །འདི་ལྟར་རིམ་བཞིན་བསླབ་པར་བྱ། །ལུས་ནི་སྐུ་གསུམ་ལུས་ཡིན་པས། །འཁྲུལ་འཁོར་གསུམ་དང་འབྲལ་མི་བྱ། །དང་པོ་ཆོས་སྐུའི་འཁྲུལ་འཁོར་ནི། །སེང་གེ་ཁྱི་ཚུག་འདུག་པ་ལྟར། །ཡན་ལག་མཐིལ་བཞི་ས་ལ་བཙུགས། །སྒལ་པ་བསྲང་ལ་དཔུང་གཉིས་བརྒྱང་། །མསྡིང་པའི་ལྗིད་ནི་རྒྱབ་ཏུ་བོར། །མིག་གཉིས་སྨིན་ཕྲག་མཁའ་ལ་གཏད། །འགྱུར་ལྡོག་མེད་པར་ཧ་རེ་བགྲད། །ལུས་ངག་ཡིད་གསུམ་གཅིག་ཏུ་དྲིལ། །དེ་ལྟར་བྱས་པའི་ཡོན་ཏན་ནི། །འཁྲུལ་སྣང་འཇིགས་པ་ཀུན་བྲལ་ནས། །དབྱིངས་རིག་འདུ་འབྲལ་མེད་པའི་ཉམས། །མངོན་སུམ་རང་ཐོག་ཕེབས་པར་འགྱུར། །ས་མ་ཡ། རྒྱ་རྒྱ་རྒྱ།། །།གཞུང་བྱ ་་ཅ་་༷ །ད་ནི་ལོངས་སྐུའི་འཁྲུལ་འཁོར་ནི། །གླང་ཆེན་ཉལ་བ་ལྟ་བུ་སྟེ། །གཞོགས་གཡས་ས་ལ་ཟིལ་ཕབ་སྟེ། །པུས་མོ་གཉིས་པ་བྲང་ལ་སྦྱར། །ལག་མཐིལ་གཉིས་པོ་འགྲམ་ལ་སྦྱར། །གྲུ་མོ་གཉིས་པོ་ས་ལ་བཙུགས། །རྐང་སོར་ཐམས་ཅད་ཕྱིར་ལ་ཕུལ། །མིག་གཉིས་ཆེ་ཆུང་འགྱུར་ལྡོག་མེད། །གཡས་དང་གཡོན་དུ་གཟིགས་ཤིང་བལྷ། །སེམས་ནི་སྨིན་ཕྲག་མཁའ་ལ་གཏད། །ལུས་ངག་ཡིད་གསུམ་གཅིག་ཏུ་དྲིལ། །དེ་ལྟར་བྱས་པའི་ཡོན་ཏན་ནི། །གནས་ལུགས་གཏན་ལ་ཕེབས་ནས་སུ། །ཆོས་ཉིད་རྣམས་ལ་ལོངས་སྤྱོད་རྫོགས། །རིགས་མདངས་ལུག་རྒྱུད་མཐོང་བརའགྱུར། ་་་་།་ །དནི་སྤྲུལ་སྐུའི་འཁྲུལ་འཁོར་ནི། །དྲང་སྲོང་ཙོག་པུ་ལྟ་བུ་སྟེ། །མགྲིན་དགུག་གཞུང་བསྲང་ཙོག་པུར་གཏད། །པུས་གཉིས་བྲང་སྦྱར་ཕྱག་རྒྱ་གདབ། །མིག་གཉིས་ཟིམ་བུས་སྲུརུ་བལྟ། ཁྲར་གྱི་རྒྱ་སྐར་བཞིན་དུ་གསལ། །གཡས་དང་གཡོན་དུ་ཁྲིད་པ་གཅེས། །དེ་ལྟར་བྱས་པའི་ཡོན་ཏན་ནི། །སྣ་ཚོགས་རྣམ་པར་རང་སྤྲུལ་ཏེ། །སྐུ་དང་ཐིག་ལེའི་ཞིང་ཁམས་ནི། །དབང་པོའི་ཡུལ་དུ་གསལ་བར་འགྱུར། །སམཡ། ་་་་མ །དེལྟར་ལུས་ཀྱི་འཁྲུལ་འཁོར་བཞུགས་སྟངས་གསུམ། །ངག་ནི་ལྐུགས་པ་ལྟ་བུ་སྟེ། །སེམས་ནི་སྨིན་ཕྲག་དབྱིངས་ལ་གཏད། །མིག་ནི་ལྟ་སྟངས་གསུམ་དང་ལྡན། །རླུད་ནི་ཤིན་ཏུ་དལ་བ་ལས། །ཕྱི་ལ་ཟུར་ཙམ་འདུ་བར་བྱ། །སོ་ཡི་བར་དུ་ནས་ཐར་ཙམ། ཁ་ཡང་ཅུང་ཙམ་གདངས་པར་བྱ། །རྐྱེན་བྲལ་ནམ་མཁའ་དྭངས་པ་ལ། །ཟིམ་བུ་ཚག་གིས་བལྟ་བར་བྱ། །ནུབ་མོ་ཙནྟྲ་བལྟ་བར་བྱ། །སྐབས་སུ་བར་སྣང་རྐྱེན་བྲལ་བལྟ། །འཁྲུལ་པ་ཐམས་ཅད་ཞིང་ཁམས་སུ། །བཀྲག་དང་གཟི་མདངས་ལྡན་པར་འཆར། །ཕྱི་ནང་དབྱིངས་རིག་སྒྲོན་མ་རྣམས། །དབང་པོས་མངོན་དུ་མཐོང་བར་འགྱུར། །རིག་པ་རང་མདངས་གནས་ལུགས་ནི། །རྐྱེན་བྲལ་གསུམ་ལ་གསལ་བར་འགྱུར། །ཕྱི་ནང་དབྱིངས་རིག་དཀྱིལ་འཁོར་ནི། །རང་རིག་ལུག་རྒྱུདའདིབཞིནགསལ། །ཡེཤེས་ལྔ་ལྡན་འོད་ཀྱི་ལུས། །སྐུ་དང་ཐིག་ལེ་ཐིག་ཕྲན་གསལ། །སྟོང་མངས་འགག་མེད་ལུ་གུ་རྒྱུད། །གསལ་ཏེ་སྣང་རིག་སྟོང་པ་ཉིད། །དབྱེར་མེད་གསལ་ལ་མ་འདྲེས་སྣང་། །དེ་ལྟར་ཤར་བའི་གསལ་མདངས་དེ། །མ་ཡེངས་རྒྱུན་དུ་བརྟན་པར་བྱ། །ལུས་ནི་རི་བོ་ལྟ་བུར་བྱ། །ངག་ནི་ལྐུགས་པ་ལྟ་བུ་སྟེ། །སེམས་ཉིད་དབྱིང་ལ་གཏད་པའོ། །རིག་གནས་ལུག་རྒྱུད་བཙོན་དུ་གཟུང་། །སྔོན་གནད་དལ་བ་ཉིད་དུ་སྟོན། ཁྱད་པར་རླུད་གནད་དལ་བ་གཅེས། །དེ་ལྟར་སུ་ཡིས་བྱས་པའི་མི། །ཐོག་མའི་ཀུན་ཏུ་བཟང་མོ་དང་། །སྐལ་བ་ཉིད་ནི་མཉམ་པའོ། །ས་མ་ཡ། །མཇུག་གི་དོན་ལ་འདི་ལྟ་སྟེ། །སྣང་བ་བཞི་ཡི་འཆར་ལུགས་ནི། །ཆོས་ཉིད་མངོན་སུམ་སྣང་བ་དང་། །ཉམས་སྣང་གོང་འཕེལ་སྣང་བ་དང་། །རིག་པ་ཚད་མེད་ཕེབས་སྣང་བ་དང་། །ཆོས་ཉིད་ཟད་པའི་སྣང་བ་བཞི། །སྣང་བ་བཞི་ཡི་འཆར་ཚུལ་མ་ཤེས་ན། །ས་ཟིན་མེད་པའི་སྐྱོན་ཉིད་འབྱུང་། །སྣང་བ་བཞི་རུ་ཤེས་པར་བྱ། །ཆོས་ཉིད་མངོན་གསུམ་སྣང་བ་ནི། །ཡིད་དབྱོད་ཚིག་ཕྱིར་མ་འབྲངས་པར། །སྐྱོན་བྲལ་ནམ་མཁའ་ལྟ་བུ་ཡི། །གཟིགས་སྟངས་བཅུ་བཞི་ངོ་སྤྲད་པས། །དབང་པོའི་སྒོ་ལ་སྒྲོན་མ་འདི། །འཇའ་འམ་རྨ་བྱའི་མདོངས་ལྟ་བུ། །ཐིག་ལེ་ལུག་རྒྱུད་འབྲེལ་པ་ལས། །འགུལ་འཕྲིག་རྒྱུ་བའི་རྣམ་པ་རྒྱུ། །ཡེ་ཤེས་ལྔ་ལྡན་འོད་ཀྱི་སྐུ། །སྟོང་གསལ་མདངས་དང་ལྡན་པར་མངོན། །དེ་ལྟར་གསལ་བའི་དབྱིངས་རིག་ནི། །ཉི་མའི་འོད་ཀྱི་ཚུལ་དུ་གནས། །དེ་ཡང་ངོ་བོ་ཀ་དག་ལ། །རངབཞིནལྷུནགྲུབཉིད་དུ་སྟེ། །ཐུགས་རྗེ་ཀུན་ལ་ཁྱབ་པ་ཉིད། །ཙིསྟ་དག་ནས་རྩ་ལ་ཤར། །ངོ་བོ་མངོན་སུམ་སྒོ་ལ་གསལ། །ཆོས་ཉིད་མངོན་སུམ་ཞེས་སུ་བརྗོད། །ཡིད་དཔྱོད་རྣམས་དང་བྲལ་བའོ། །དེ་ལྟར་མཐོང་བའི་ཡོན་ཏན་ནི། །རིག་པ་མངོན་སུམ་མཐོང་བ་ནི། །བདེན་པ་མཐོང་བའི་གནད་ཀྱིས་སུ། ཁམས་གསུམ་ཟློག་པ་མ་ཡིན་ནོ། །མངོན་སུམ་རིག་པ་མ་མཐོང་ན། །ཆོས་ཉིད་ཡིད་དཔྱོད་མུན་ལས་མཐའ་འཁོར་ནས། །འཁོར་བ་ཉིད་དུ་རྣམ་པར་རྒྱུ། །གཉིས་པ་ཉམས་སྣང་གོང་འཕེལ་ནི། ཁོས་ཉམས་སྣང་ཉམས་གཉིས་ཡིན་ཏེ། ཁེས་ཉམས་བློ་ཡི་འཛིན་ཆ་སྟེ། །གཏད་ས་མེད་དེ་མི་རྟོག་གོ །བློ་ནི་ཀུན་རྫོབ་འཁྲུལ་པར་བཤད། །བློ་ཅན་མྱ་ངན་འདའ་དོན་དུ། །འདི་ནི་སྣང་ཉམས་སྟོང་པར་བྱ། །སྣང་ཉམས་རིག་པ་མངོན་སུམ་སྟེ། །ངོ་བོ་རྗེན་པར་རིམ་བཞིན་འཆར། །འཁྲུལ་འཁོར་དྲང་སྲོང་ཙོག་པུ་ལྟར། །གཟིགས་ལྟངས་ཟིམ་བུས་སྲུརུ་ཡི། །གཡས་དང་གཡོན་དུ་ཁྲིད་ཅིང་བལྟ། །དབྱིངས་རིག་གསལ་དང་མི་གསལ་འཆར། །དེ་ཡང་ཉམས་སུ་བླངས་པའི་མིས། །ཐིག་ལེ་སྨིན་མཚམས་བྲལ་བ་སྟེ། །ཐིག་ལེ་སྲན་མ་ཙམ་པ་ལས། །ཡེ་ཤེས་ལྔ་ལྡན་འོད་ཟེར་འབར། །དུམ་བུར་སྣང་དང་གྱེས་འགྲེང་དང་། །རྩིབ་ཤར་དང་ནི་མདུང་རྩེ་དང་། །ཟ་འོག་གུར་ཁྱིམ་རེ་ལྡེ་དང་། །མིག་ཚགས་ལྟ་བུའི་འོད་སྐོར་དང་། །རྣམ་པ་སྣ་ཚོགས་ཉིད་དུ་འཆར། །དེ་ཡང་ཉམས་སུ་བླངས་པ་ཡིས། །འོད་ལྔ་མདུན་རྒྱབ་ཁྱབ་པ་དང་། །ཐིག་ལེ་མེ་ལོང་ཙམ་དུ་འཆར། །རིག་པ་འདབ་ཆགས་འཕུར་བ་ཙམ། །དེ་ཡང་ཉམས་སུ་བླངས་པ་ཡིས། །དབྱིངས་ཀྱི་སྣང་བ་དེ་དག་ནི། །རིན་པོ་ཆེ་ཡི་དྲ་བ་དང་། །འོད་ཀྱི་དྲ་བ་ཕྱེད་མ་དང་། །མིག་མངས་རིས་དང་མཚོན་ཆ་དང་། །ཉི་ཟླ་པདྨ་མཁར་ཐབས་རིས། །རིན་ཆེན་འབར་བ་ཕྱེད་པ་དང་། །མེ་ཕྱེ་ཉ་མིག་ཕུ་བསྐོར་དང་། །རྨ་བྱའི་མདོངས་དང་སྣ་ཚོགས་སྐུ། །རིམ་པ་བཞིན་དུ་འཆར་བར་འགྱུར། །འོད་སྣང་རང་གི་གནས་ཡུལ་དང་། ཁྱབ་ཅིང་བེམ་སྣང་མི་མཐོང་ངོ་། །ཐིག་ལེ་ཁམ་ཕོར་ཙམ་དུ་འགྱུར། །རིག་པ་རི་དྭགས་རྒྱུག་པ་ཙམ། །དེ་ཡང་ཉམས་སུ་བླངས་པ་ཡིས། །འོད་ཕུང་ཡུལ་ཁམས་གང་བར་འཆར། །ཐིག་ལེ་བསེ་ཕུབ་ཙམ་དུ་འགྲོ། །རིག་པ་བུང་བ་བབ་ལྡིང་ཙམ། །དེ་ཡང་ཉམས་སུ་བླངས་པ་ཡིས། །འོད་ཕུང་སྟོང་གསུམ་གང་བ་ཙམ། །དབྱིངས་རིག་ཉིན་མཚན་མེད་པ་དང་། །ཐིག་ལེའི་ནང་དུ་སྐུ་ཡང་རེ། །ཕྱེད་སྐུ་དང་ནི་སྐུ་ཕྲན་དང་། །ལྔ་ལྡན་ཚོམ་བུ་རིས་སུ་འཆར། །རིག་པ་འགུལ་འཕྲིག་མེད་པར་སྡོད། །རིག་པ་སྣང་བའི་ཡུལ་ལ་གསལ། །དེ་ལྟར་ཤར་བའི་དུས་ཚོད་དེར། །བར་དོའི་སྣང་བ་ཚེ་འདིར་རྫོགས། །ཕྱི་མར་བར་དོ་མེད་པ་མྲ །མངོན་པར་རྫོགས་པར་སངས་རྒྱའོ། །གསུམ་པ་རིག་པ་ཚད་ཕེབས་ནི། །གོང་གི་ཐིག་ལེ་རེ་རེའི་ནང་། །རིགས་ལྔ་ཡབ་ཡུམ་ལྔ་ལྔར་འཆར། །དེ་དག་གྲངས་ལས་འདས་པ་སྟེ། །འགྱུར་བ་མེད་དོ་ཚད་ལ་ཕེབས། །དེ་ལྟར་ཤར་བའི་དུས་ཚོད་དུ། །ཉམས་སུ་ལེན་ཀྱང་མི་དགོས་ཏེ། །ལོངས་སྐུའི་སྣང་བ་རང་ཆས་སོ། །རིག་པ་ཚད་ཕེབས་སྣང་བ་ཡིན། །ལོངས་སྐུའི་མཚན་དཔེ་གསལ་བ་དེས། ཁ་དོག་མ་ངེས་འསྔའ་ལྟར་གསལ། །རིགས་ལྔ་ཡབ་དང་ཡུམ་དུ་བཅས། །དེ་ནས་ལྔ་ལྔ་ཟུང་དུ་བཅས། །རབ་ཏུ་གསལ་བ་ཐིག་ལེ་འབྲེལ། །ཡབ་ཡུམ་སྐུ་ཡི་སྣང་བ་ཅན། །འཁྲུལ་སྣང་ཟད་ནས་ཞིང་ཁམས་རྒྱས། །འབྱུང་ལྔ་རང་སར་དག་ནས་སུ། །རྡོས་བཅས་ལུས་ཀྱང་འོད་སྐུར་གྲོལ། །བཞི་པ་ཆོས་ཉིད་ཟད་པ་ཡིས། །སྣང་བ་ཞེས་ནི་འདི་ལྟར་རོ། །གོང་གི་ཉམས་སྣང་དེ་དག་གི །འཕེལ་བ་ཉིད་ནི་ཟད་པ་སྟེ། །ཉམས་ཟད་གསལ་སྟོང་ངང་ལ་ཟད། །ལུས་ཟད་དབང་པོའི་ཡུལ་ཡང་ཟད། །རྟོག་ཚོགས་གཉིས་འཛིན་འཁྲུལ་པ་ཟད། །བརྗོད་པའི་ཚིག་ཀྱང་ཟད་པའོ། །ཉམས་རྟགས་ཐམས་ཅད་རྫོགས་པ་སྟེ། །དེ་ཡི་འཛིན་པ་རང་སར་གྲོལ། །ཆོས་ཉིད་ཟད་པའི་སྣང་བ་ནི། །ཐ་སྙད་མིང་གི་བླ་དགས་སོ། །དོན་ལ་ཐོག་མའི་གཞི་དག་ཏུ། །ངོ་བོ་རང་སར་ཟློག་པའོ། །རང་གི་ལུས་ཀྱང་མེད་པ་སྲ །ཆོས་སྐུ་ཉིད་དུ་མངོན་སངས་རྒྱས། །ཐམས་ཅད་བརྗོད་གཞི་བྲལ་བ་སྟེ། །སྟོང་གསལ་ཉིད་དུ་རང་ལོག་གོ །དེ་ལྟར་ཟད་སར་མ་འཁྱོལ་ན། །འཁོར་བ་ཉིད་དུ་འ་ས་པའོ། །ཀུན་ཏུ་བཟང་མོ་ཀློང་གསལ་ཉི་མའི་གསང་རྒྱུད་ལས། དངོས་གཞི་ཟག་པ་མེད་པའི་ཡེ་ཤེས་དེ། །རྒྱུད་ལ་རྟེན་ཅིང་ཉམས་སུ་ལེན་པ་སྟེ། །ལམ་ཐོད་རྒལ་དུ་འབླུག་པའི་ལེའུ་སྟེ་བཅུ་དྲུག་པའོ།། །།ཟབ་རྒྱ། གཉན་རྒྱ། གྲ་དྲ་་་་་ གཏེར་རྒྱ། སྦསརྒྱ། ་་་། །ཀྱེཧོའདུས་པའི་འཁོར་ཚོགས་ཉོན། །གོང་གི་ཁྲེགས་ཆོད་ཐོད་རྒལ་གྱི། །མཐའ་རྟེན་རྒྱབ་བརྟེན་འདི་ཡིན་ཏེ། །མན་ངག་བཞིན་དུ་ཤེས་པར་བྱ། །མི་འགུལ་གསུམ་ལ་གཞི་བྱས་ལ། །རླུ་་སེམས་གནད་དུ་ཕེབས་པར་འགྱུར། །ལུས་ནི་འཁྲུལ་འཁོར་བཞུགས་སྟངས་གསུམ། །མིག་གི་གཟིགས་སྟངས་གསུམ་དང་ལྡན། །སེམས་ནི་མངོན་སུམ་དབྱིངས་ལ་ག་། །ལུས་མི་འགུལ་བས་རྩ་མི་འགུལ། །རྩ་མི་འགུལ་བས་མིག་མི་འགུལ། །མིག་མི་འགུལ་བས་རླུ་་མི་འགུལ། །རླུ་་མི་འགུལ་བས་སེམས་མི་འགྱུ། །སེམས་མི་འགུལ་བས་རྣམ་རྟོག་ཆད། །རྣམ་རྟོག་ཆད་པས་དབྱིངས་རིག་དང་། །དེ་ལྟར་གསུམ་པོ་མི་འགུལ་གསུམ་དུ་བསྟན། །ཀྱེ་ཧོ་འདུས་པའི་འཁོར་ཚོགས་ཉོན། །དེ་ནས་སྡོད་པ་ཚད་བཟུང་བ། །མི་འགུལ་གསུམ་ལ་གཞི་བཅས་ཤིང་། །དབྱིངས་རིག་གཉིས་ལ་ཡུན་དུ་གནས། །རིག་པ་གར་ག་་འདུག་པ་དང་། །ལུས་ཀྱང་འགུལ་བ་མེད་པར་སྡོད། །རླུ་་སེམས་གཉིས་ལ་མི་འགྱུར་སྡོད། །དེ་ལྟར་སྡོད་པ་གསུམ་བྱུང་ནས། །ཚད་ནི་རྨི་ལམ་དག་གིས་བཟུང་། །རྟག་ནི་ལུས་ངག་ཡིད་ལ་འབྱུང་། །རབ་ནི་རྨི་ལམ་དབྱིངས་སུ་ཐིམ། །འབྲིང་ནི་རྨི་ལམ་འོད་གསལ་དུ། །རྨི་ལམ་རྨི་ལམ་ངང་དུ་ཤེས། །ཐ་མ་རྨི་ལམ་བཟང་རྟོག་འཆར། །དེ་ལྟར་ཚད་ནི་རྨི་ལམ་ཉིད་ཀྱིས་གཟུང་། །རྟགས་ཚད་ལུས་ངག་ཡིད་ལ་འཆར། །སྣང་བ་བཞི་པོ་རེ་རེ་ལ། །རྟགས་ནི་གསུམ་གསུམ་ཉིད་དུ་འཆར། །དེ་ལ་དང་པོ་ཆོས་ཉིད་མངོན་སུམ་གྱི། །རྟགས་ནི་རྣམ་པ་གསུམ་འཆར་ཏེ། །ལུས་ནི་བྱ་བྱེད་མེད་པ་སྲ །རུས་སྦལ་འཁར་གཞོང་བཅུག་པ་འདྲ། །ངག་ནི་སྨྲ་སྙིང་མི་འདོད་དེ། །ལྐུགས་པ་ལྟ་བུ་གྱུར་པའོ། །སེམས་ནི་འདབ་ཆགས་སྙི་ཟིན་འདྲ། །རྣམ་རྟོག་འཕྲོ་ཡང་གར་གཏད་འདུག །དེ་ནི་ཆོས་ཉིད་མངོན་སུམ་རྟགས་གསུམ་ཡིན། ། ་་་ །དནིཉམས་སྣང་གོང་འཕེལ་གྱི། །སྣང་བ་ཐོབ་པའི་རྟགས་གསུམ་ནི། །ལུས་ལ་གཅེས་ལོང་མེད་པ་སྟེ། །སྐྱེས་བུ་ནད་ཀྱིས་གདུངས་པ་ལྟ་བུར་འཆར། །ངག་ནི་སྨྱོན་པ་ལྟ་བུ་སྟེ། །གཏམ་ལ་དོན་ཏིག་མེད་པར་འཆར། །སེམས་ནི་འཁོར་བར་མི་ལྟུང་ཐག་ཆོད་དེ། །སྐྱེས་བུ་དུག་གིས་ཐེབས་པ་ལྟ་བུརའགྱུར། ། ་་་་༷ རིགཔཚད་ཕེབས་རྟགས་གསུམ་ནི། །ལུས་ནི་འབྱུང་བ་ལྔ་པོ་ལ། །ཐོགས་པ་མེད་པ་ཟང་ཐལ་འགྲོ། །གླང་ཆེན་འདམ་དུ་བྱིང་བ་འདྲ། །ངག་ནི་ཇི་ལྟར་སྨྲས་པ་བཞིན། །གཞནརྣམས་ཉན་ཅིང་ནུས་པ་འབྱུང་། །དཔེ་ནི་གྲུལ་བུམ་བུ་ཚ་འདྲ། །སེམས་ནི་འཁོར་བར་མི་ལྟུང་བར། །དོན་ཐག་ཆོདཔསཉགགཅིགརྟོགས། །སྐྱེས་བུ་འབྲུམ་ནད་བྱང་བ་འདྲ། །ཆོས་ཉིད་ཟད་པའི་སྣང་བ་ནི། །གདེང་ཚད་གྲོལ་བའི་རྟགས་སུ་ནི། །ལུས་ནི་དུར་ཁྲོད་མི་རོ་འདྲ། །ཉམ་ང་མེད་པར་རང་གྲོལ་ལོ། །ངག་ནི་བྲག་ཆ་ལྟ་བུ་སྟེ། །གཏམ་གྱི་ཟུང་ཟད་གཞན་ལེན་སྨྲ། །སེམས་ནི་ན་བུན་ལྟ་བུ་སྟེ། །སྐད་ཅིག་མི་འདུག་རང་ཡལ་ལོ། །བག་ཆགས་ཕུང་པོརངཡལལོ། ། ་་་་མོ་ན་ ་་་་ །དནི་ཐོབ་པ་གསུམ་གྱི་གཟེར་གདབ་པ་ནི། །སྐྱེ་འཇུག་རླུང་སེམས་དབང་ཐོབ་སྟེ། །ཟག་བཅས་ཕུང་པོ་མེད་པ་མྲ །ཡང་དག་མངོན་པར་སངས་རྒྱས་སོ། །དང་པོ་སྐྱེ་པ་དབང་ཐོབ་པས། །རྡོས་བཅས་ལུས་འདི་མེད་པའི་དུས། །སེམས་ཅན་གཞན་གྱི་དོན་འདོད་ན། །རང་གི་ལག་པའི་སོར་མོ་ལ། ཁྲེས་པ་བཀུག་ནས་བལྟས་པ་ཡིས། །སྣང་བ་འཛིན་པ་རང་ལོག་སྟེ། །བེམས་པོས་འབྱུང་བའི་སྒྲ་ཐོས་ཤིང་། །མིའམ་སེམས་ཅན་གང་རུང་ལ། །རིག་པ་བཅུག་པས་དེ་ཉིད་དང་། །དབྱེར་མེད་ཡིད་དེ་གཅིག་ཏུ་འདྲེས། །གཞན་དོན་གང་བསམ་འགྲུབ་པའོ། །འདི་ལྟར་རང་དབང་ཐོབ་དུས་སུ། །བེམས་པོ་ཀུན་ལ་རིག་པ་བཅུག །གང་བཅུག་དེ་ཡང་འགུལ་བ་དང་། །སྒྲ་སྐད་སྣ་ཚོགས་འབྱིན་པར་ནུས། །མཚམས་མེད་ལྔ་སྤྱད་གཅིག་ལ་ཡང་། །རིག་པ་བཅུག་པས་དེ་ཉིད་ཀྱང་། །རང་བྱུང་ཡེ་ཤེས་གནས་པས་ན། །ལས་ལ་བཟང་ངན་མེད་པ་སྲ །འབྱུང་བཞི་དག་ནས་མངོན་སངས་རྒྱས། །གཞན་དོན་དཔག་མེད་འབྱུང་བར་འགྱུར། །་་་་་མ་་ །དནིགཞི་ཡི་ཀློང་དུ་ནི། །འཇུག་པ་དག་ལ་དབང་ཐོབ་པ། །རང་གི་ལག་པའི་སོར་མོ་ལ། །རིག་པ་གཏན་ནས་རང་ལུགས་གཞག །དེ་ཉིད་ཟག་བཅས་མི་སྣང་བར། །ལྷུན་གྲུབ་སྦུབས་སུ་རང་ནུབ་བོ། ། ་་་་་་ །ད་ནི་རླུད་སེམས་གཉིས་ལ་དབང་ཐོབ་པས། །རླུད་སེམས་ལས་སུ་རུང་བས་ན། །རླུད་སེམས་ཡོན་ཏན་ཐམས་ཅད་འབྱུང་། །སེམས་ཅན་གང་དག་ཚེ་འཕོས་པ། །དེ་དག་རྣམས་ལ་རིག་པ་བཅུག །རིག་པ་གང་ལ་གཏད་པ་རྣམས། །སྔོན་གྱི་མཚམས་མེད་ལྔ་སྤྱད་ཀྱང་། །ལས་ལ་བཟང་ངན་མེད་པ་སྲ །རང་དང་མཉམ་པོར་སངས་རྒྱའོ། །མངོན་པར་ཤེས་པ་ཐོགས་མེད་ཅིང་། །རི་རབ་རྣམས་ལ་ཟང་ཐལ་རྒྱུ། །འབྱུང་བཞིའི་གནོད་པས་ཚུགས་མི་འགྱུར། །དེ་ནི་ཐོབ་པ་གསུམ་གྱི་གཟེར་གསུམ་ཡིན། །ས་མ་ཡ། གཏེར་རྒྱ། སྦས་རྒྱ། ཟབ་རྒྱ། ་རྒྱ་རྔ་་་་ །དེལྟརཉམས་སུ་སྔངས་པ་ཡིས། །རྟགས་དང་ཚད་དང་གདེང་བཞི་ཉིད། །ཇི་ལྟར་རྟགས་ཚད་བསམ་འདས་ཀྱང་། །མི་འགྱུར་གདེང་ཆེན་བཞི་རུ་འདུས། །མི་རྟོག་ཡེ་ཤེས་ཚད་བཟུང་བ། །ཡར་མར་གདེང་ཆེན་བཞི་རུ་འདུས། །དང་པོ་ཡར་གྱི་གདེང་གཉིས་ནི། །དཀོན་མཆོག་གསུམ་གྱི་ཡོན་ཏན་བསམ་མི་ཁྱབ། །དཔག་མེད་ཐོབ་ཀྱང་དགའ་བྲོད་མི་སྐྱེད་དོ། །ཡར་གྱི་སངས་རྒྱས་ཐམས་ཅད་ལ། །རེ་བ་མེད་དེ་རང་རིག་གདེང་། །མར་གྱི་འགྲོ་བ་རིགས་དྲུག་གི །སྡུག་བསྔལ་མཐོང་ཡང་འཇིགས་པ་མེད། །རིག་པ་ཞབྲུལ་པ་མེད་པའི་གདེང་། །མར་གྱི་ངན་སོང་གསུམ་པོ་ལ། །ལྷུང་གི་དོགས་པ་མེད་པ་སྟེ། །མཁན་པོ་མ་གྲུབ་རང་བྱུང་སྟེ། །རྒྱ་རྒྱ་རྒྱ། །གདེང་ཆེན་བཞི་ཡི་མཐར་ཐུག་ནི། །ཡང་དག་རྫོགས་པའི་སངས་རྒྱས་དང་། །མངོན་པར་རྫོགས་པའི་སངས་རྒྱས་གཉིས། །ཡང་དག་རྫོགས་པའི་སངས་རྒྱས་ནི། །ཕུང་པོ་ལྷག་མ་མེད་པར་རྒྱས། །མངོན་པར་རྫོགས་པའི་སངས་རྒྱས་ནི། །འོད་དང་སྐུ་དང་སྒྲ་དང་གདུང་། །ས་གཡོས་ལ་སོགས་འཆི་རྟགས་འབྱུང་། །མངོན་པར་སྟོན་ཏེ་སངས་རྒྱའོ། །ཀུན་ཏུ་བཟང་མོ་ཀློང་གསལ་འབར་མའི་རྒྱུད་ལས། ཐོད་རྒལ་ཉིད་ཀྱི་རྒྱབ་སྐྱོར་མཐའ་བསྟན་པའི་ལེའུ་སྟེ་བཅུ་བདུན་པའོ།། །།ས་མ་ཡ། གཏེར་རྒྱ། སྦས་རྒྱ། ་་་་་་་ །ཀྱེ་ཧོ་འདུས་པའི་འཁོར་ཚོགས་ཉོན། །གོང་ལྟར་ཉམས་སུ་བླངས་པ་ཡིས། །ཡོན་ཏན་འབྲས་བུ་འདི་ལྟར་ཐོབ། །རྒྱས་སུ་མེད་པའི་སངས་རྒྱས་དང་། །འདའ་རུ་མེད་པའི་མྱ་ངན་འདས། །ཡང་དག་སངས་རྒྱས་མངོན་སངས་རྒྱས། །མངོན་སངས་རྒྱས་པ་དེར་སངས་རྒྱས། །སྤྲུལ་པ་པོ་རྣམས་ཡང་སངས་རྒྱས། །རིག་རྩལ་ཡེ་ཤེས་ངང་ལ་ཐིམ། །འོད་ལྔ་སྟོང་གསལ་ངང་ལ་ཐིམ། །སྟོང་གསལ་མ་འགགས་རང་རང་རྫོགས། །ཡོན་ཏན་འབྲས་བུའི་ཐོབ་ཚུལ་ལོ། །ཀུན་ཏུ་བཟང་མོ་ཀློང་གསལ་འབར་མ་ཉི་མའི་གསང་རྒྱུད་ལས། །ཡོན་ཏན་དང་འབྲས་བུ་ཐོབ་ཚུལ་བསྟན་པའི་ལེའུ་སྟེ་བཅོ་བརྒྱད་པའོ།། །།ས་མ་ཡ། རྒྱ་རྒྱ་རྒྱ། །ཀྱེ་ཧོ་འདུས་པའི་འཁོར་ཚོགས་ཉོན། །གང་ཞིག་རྣལ་འབྱོར་དད་ལྡན་ནི། །གལ་ཏེ་རྐྱེན་གྱིས་བར་ཆད་ནས། །ཚེ་འདི་འདུ་བྱེད་བྱུང་གྱུར་ན། །གསང་སྔགས་རྒྱུད་འདི་ཐོབ་པའམ། །བྲིས་སམ་འཆང་ངམ་མངོན་སུམ་བརྟེན། །ཡེ་ཤེས་རང་བཞིན་ཡིན་པ་སྲ །རིག་དང་མངོན་སུམ་སྣང་བ་མཐོང་། །འཇའ་འོད་ཟེར་གསུམ་རང་སྨྲས་ཏེ། །མ་རིག་རིག་ན་རིག་པ་ཡིན། །རིག་པ་ཡེ་ཤེས་ལོགས་ན་མེད། །མངོན་སུམ་མཐོང་ན་ལྟ་བ་ཡིན། །དེ་ལ་གནས་ན་སྒོམ་པ་ཡིན། །དེ་ལྟར་སྤྱོད་ན་སྤྱོད་པ་ཡིན། །ངང་ལས་མ་གཡོས་འབྲས་བུ་ཡིན། །དེ་ལྟར་མངོན་སུམ་སུས་ཤེས་པ། །འོད་ལྔའི་སྣང་བ་བར་དོ་འཆར། །དེ་ཉིད་ངོ་ཤེས་ཟུང་དུ་འབྲེལ། །རིག་པ་རྡོ་རྗེ་ལུ་གུ་རྒྱུད། །མཐོང་བ་ཙམ་གྱིས་ཤེས་པ་དང་། ཁྲེས་པ་ཙམ་གྱིས་གྲོལ་བར་འགྱུར། །སུ་ཡིས་མཐོང་ཀྱང་ངན་སོང་དུ། །རྡོགས་པས་ཕུལ་ཡང་འགྲོ་མི་སྲིད། །བར་དོའི་འཇིགས་པ་གང་ཤར་བ། །སྔར་འདྲིས་མི་དང་འཕྲད་པ་བཞིན། །རང་སྣང་ངོ་བོ་ཤེས་པས་བར་དོར་གྲོལ། །དེས་ན་འདི་ཉིད་མཐོང་བས་ཆོག །ཨ་ཏི་ཀློང་གསལ་སྙིང་ཏིག་འདི། །ཐེག་པ་བརྒྱད་ཀྱིས་དོ་ཟླ་མིན། །ཅེས་སྟོང་གསལ་མ་འགགས་པའི་ཀློང་ནས་ཤར་ཏེ། སྟོན་པ་ཀུན་ཏུ་བཟང་མོ་དང་། དབྱིངས་དང་ཡེ་ཤེས་ལས་གྲུབ་པའི་མཁའ་འགྲོ་སྡེ་ལྔ་ལ་སོགས་པ་རྣམས་སུ་ཡི་རངས་ཏེ། ཆོས་ཉིད་ཀུན་ཏུ་བཟང་མོ་ལ་མངོན་པར་བསྟོད་པའི་ལེའུ་སྟེ་བཅུ་དགུ་པའོ།། །།ས་མ་ཡ། གཏད་རྒྱ། སྦས་རྒྱ། ཟབ་རྒྱ། །འདི་ལྟར་ཤར་བའི་གསང་རྒྱུད་ལས། །མོན་ཡུལ་སྤ་གྲོའི་ལུང་གསུམ་དུ། ཁྱད་པར་སྟག་ཚང་སེང་ཕུག་ཏུ། །ཨོ་རྒྱན་པདྨའི་གསུངས་བཞིན་ལྷག་ཆད་མེད་པ་མྲ །མཚོ་རྒྱལ་བདག་གིས་ཡི་གེར་བྲིས་པ་རྫོགས།། །།ས་མ་ཡ། །རྒྱརྒྱརྒྱ། ། ་་་་་་་ །བདག་འདྲ་པདྨ་འབྱུང་གནས་ངས། །ཕྱི་རབས་དོན་དུ་ཤོག་བུའི་ལོགས་ལ་བཏབ། །སྐལ་ལྡན་ལས་ཅན་སྙིང་གི་བུ་དང་འཕྲད་པར་ཤོག །ཀློང་གསལ་ཉི་མའི་གསང་རྒྱུད་མ་རྒྱུད་ལ། ཁུད་ཀྱི་དཔེ་ཚར་གསུམ་དུ་ཕྱེ་ནས་ཀྱང་། །མ་རྒྱུད་ལེའུ་བརྒྱ་དང་སུམ་ཅུ་ཡོད། །ལས་རྒྱུད་ལེའུ་བཅུ་གསུམ་དེ་ཕྱི་རྒྱུད། །དོན་རྒྱུད་ལེའུ་བཅོ་བརྒྱད་འདི་ཉིད་ལས། །འདི་ནི་སྙིང་པོའི་གསང་བ་དོན་རྒྱུད་ཡིན། །འདི་ནི་གསང་གཏེར་གསུམ་དུ་སྦས་ཏེ་བཞག །པདྨ་བདག་གི་ཐུགས་བཅུད་དམ་པ་འདི། །འདི་འདྲའི་རྒྱུད་མཆོག་རྒྱ་བོད་གཉིས་ན་དཀོན། །འཕང་ཚད་མིག་ལ་གཅེས་ཚད་སྙིང་དང་འདྲ། །མ་རྒྱུད་ལུས་འདྲ་ལས་རྒྱུད་སྙིང་འདྲ་ཞིང་། །འདི་ནི་ཡང་གཅེས་སྲོག་གི་དྭངས་མ་འདྲ། །འདི་ལས་ཡང་ཟབ་བདག་འདྲ་པདྨས་ཀྱང་། །རྒྱ་ནས་བོད་དུ་བསྒྱུར་བ་ཡོད་རེ་སྐན། །འདི་ནི་ཆིག་བརྒྱུད་མ་གཏོགས་སྤེལ་མི་རུང་། །མན་ངག་ནོར་ཕྱིར་འཚོང་བ་མ་ཡིན་ཀྱང་། །གསེར་སྲང་རེ་ཡི་མཎྜལ་མེད་པ་སྲ །འདི་ཉིད་བྱིན་ན་གསང་གཏམ་ཉམས་པ་ཡིན། །པདྨ་འབྱུང་གནས་རྔ་ཡབ་གླིང་འགྲོ་ཡང་། །ཐུགས་བཅུད་སྙིང་པོའི་རྒྱུད་དོན་འདི་འདྲ་བཞག །ཨེ་མ་སྐུ་དྲིན་སེམས་མཛོད་རྗེས་འསྔུག་རྣམས། །རྒྱུད་དོན་