Ngb-pt-0420-vol-05-text
Front[edit]
Body[edit]
རྒྱ་གར་སྐད་དུ། ཨུ་པ་དེ་ཤ་སརྦ་སྲུ་ཏྲ། ཤི་མ་ཧྭ་སུ་ཁ་ན་མ༷༷ བོད་སྐད་དུ། མན་ངག་ཐམས་ཅད་ཀྱི་སྡོམ། དཔལ་བདེ་བ་ཆེན་པོ་ལ་ཕྱག་འཚལ་ལོ། །མན་ངག་སྤྱི་ཡི་རྒྱ་མདུད་འདི། །བློ་དམན་རྣམས་ཀྱིས་མ་ཁྲོལ་བ། །ཕོ་སྙིང་འདྲ་བའི་ལྟ་བས་བཀྲོལ། །མ་རིག་ཐ་རམས་སྔོན་པོ་འདི། །རྨོངས་པ་རྣམས་ཀྱིས་མི་ཕྱེད་པ། །འཕྲུལ་གྱི་ལྡེ་མིག་འདི་ཡིས་ཕྱེ། །དེ་ལ་ཐོག་མར་གསང་བའི་བདག་པོས། ཉིད་ཀྱི་བྱང་ཆུབ་ཀྱི་སེམས་བསོད་ནམས་ཀྱི་ངོ་བོ་ཡིན་པས། སེམས་དཔའ་རྡོ་རྗེས་རིག་ཅིང་རྟོགས་སམ། ཞེས་བྱ་བ་དྲི་བའི་ཕྱིར། འདི་སྐད་ཅེས་གསུངས་སོ། །ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །ཡེ་ཤེས་ལྔ་ཡི་རང་བཞིན་པས། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །ཡེ་ཤེས་ལྔ་ཡི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །སེམས་ཉིད་དབྱིངས་ནས་མ་གཡོས་པ། །ཆོས་དབྱིངས་ཡེ་ཤེས་ཡིན་པར་རྟོགས། །གསལ་ལ་རྟོག་པ་མེད་པ་ནི། །མེ་ལོང་ཡེ་ཤེས་ཡིན་པར་རྟོགས། །སེམས་ལ་དབྱེ་བ་མེད་པ་ནི། །མཉམ་ཉིད་ཡེ་ཤེས་ཡིན་པར་རྟོགས། །སེམས་ཉིད་ཅིར་ཡང་སྣང་བ་ནི། །ཀུན་རྟོག་ཡེ་ཤེས་ཡིན་པར་རྟོགས། །སེམས་ཀྱིས་ཀུན་ལ་དབང་བསྒྱུར་བ། །བྱ་གྲུབ་ཡེ་ཤེས་ཡིན་པར་རྟོགས། །ཞེས་གསོལ་ཏོ། །ཡང་གསུངས་པ། ང་ཡི་བྱང་ཆུབ་སེམས་གཅིག་ནི། །བདེ་གཤེགས་རིགས་ལྔའི་རང་བཞིན་ལ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །བདེ་གཤེགས་ལྔ་ཡི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །སེམས་ཉིད་ཅིར་ཡང་སྣང་བ་ནི། །རྣམ་པར་སྣང་མཛད་ཡིན་པར་རྟོགས། །སེམས་ལ་འཕོ་འགྱུར་མེད་པ་ནི། །རྡོ་རྗེ་སེམས་དཔའ་ཡིན་པར་རྟོགས། །ཆེ་བའི་ཡེ་ཤེས་བྱུང་བས་ན། །རིན་ཆེན་འབྱུང་ལྡན་ཡིན་པར་རྟོགས། །སེམས་ཀྱིས་ཀུན་ལ་ཁྱབ་པས་ན། །སྣང་བ་མཐའ་ཡས་ཡིན་པར་རྟོགས། །བྱ་བཙལ་མེད་པར་གྲུབ་པས་ན། །དོན་ཡོད་གྲུབ་པ་ཡིན་པར་རྟོགས། །ཞེས་གསོལ་ཏོ། །ཡང་གསུངས་པ། ང་ལ་བྱང་ཆུབ་སེམས་གཅིག་ནི། །སངས་རྒྱས་སྐུ་ལྔའི་རང་བཞིན་པ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་ཉིད་ནི། །སངས་རྒྱས་སྐུ་ལྔའི་རང་བཞིན་པས། །དེ་དོན་བདག་གིས་རྟོགས་གྱུར་ཏེ། །གཟུང་འཛིན་པ་ཡི་བྱང་ཆུབ་སེམས། །དེ་ནི་ཆོས་སྐུ་ཡིན་པར་རྟོགས། །གསལ་ལ་རྟོག་པ་མེད་པ་ནི། །ལོངས་སྤྱོད་རྫོགས་སྐུ་ཡིན་པར་རྟོགས། །སེམས་ལ་དབང་ཐོབ་བསྒྱུར་ནུས་པ། །དེ་ནི་སྤྲུལ་སྐུ་ཡིན་པར་རྟོགས། །རང་རིག་མངོན་དུ་གྱུར་པ་ནི། །མངོན་པར་བྱང་ཆུབ་སྐུ་རུ་རྟོགས། །སེམས་ལ་ཉིས་སྐྱོན་མེད་པ་ནི། །རྡོ་རྗེ་ལྟ་བུའི་སྐུ་རུ་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །ཉོན་མོངས་དུག་ལྔའི་རང་བཞིན་པ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཉིད་ཀྱི་བྱང་ཆུབ་སེམས་གཅིག་ནི། །ཉོན་མོངས་དུག་ལྔའི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །འདོད་པ་སྲིད་གསུམ་སངས་རྒྱས་འདོད། །ཆགས་པ་ཆོས་ཉིད་ངང་ལ་ཆགས། །སེམས་ནི་འདོད་ཆགས་ཡིན་པར་རྟོགས། །ཞེ་བ་བྱང་ཆུབ་དོན་ལ་ཞེ། །སྡང་བ་འཁོར་བའི་ཆོས་ལ་སྡང་། །སེམས་ནི་ཞེ་སྡང་ཡིན་པར་རྟོགས། །གཏི་བ་ཆོས་ཉིད་དོན་ལ་གཏི། །མུག་པ་འཁོར་བའི་ཆོས་ལ་མུག །སེམས་ནི་གཏི་མུག་ཡིན་པར་རྟོགས། །ང་ནི་བྱང་ཆུབ་སེམས་ཡིན་ལ། །རྒྱལ་ནི་ཐེག་པ་ཀུན་ལས་རྒྱལ། །སེམས་ནི་ང་རྒྱལ་ཡིན་པར་རྟོགས། །ཕྲག་ནི་ཆོས་ཉིད་དབྱིངས་ཀྱི་ཕྲག །དོག་པ་མཚན་མ་ཀུན་ལ་དོག །སེམས་ནི་ཕྲག་དོག་ཡིན་པར་རྟོགས། །ཞེས་གསོལ་ཏོ། །ཡང་གསུངས་པ། ང་ཡི་བྱང་ཆུབ་སེམས་འདི་ནི། ཁ་དོག་དྲུག་གི་རང་བཞིན་ཏེ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཉིད་ཀྱི་བྱང་ཆུབ་སེམས་ཉིད་ནི། ཁ་དོག་དྲུག་གིརངབཞིནཔ། །དེནིབདག་གིས་རྟོགས་གྱུར་ཏེ། །བྱང་ཆུབ་སེམས་ཀྱི་ཆོས་ཉིད་ལ། །ཉོན་མོངས་སྐྱོན་གྱིས་མ་གོས་པས། །བྱང་ཆུབ་སེམས་ནི་དཀར་པོར་རྟོགས། །ཆེ་བའི་ཡེ་ཤེས་འབྱུང་བའི་ཕྱིར། །བྱང་ཆུབ་སེམས་ནི་སེར་པོར་རྟོགས། །ཐུགས་རྗེ་ཀུན་ལ་ཁྱབ་པའི་ཕྱིར། །བྱང་ཆུབ་སེམས་ནི་དམར་པོར་རྟོགས། །གང་ལའང་ཐོགས་པ་མེད་པའི་ཕྱིར། །བྱང་ཆུབ་སེམས་ནི་ལྗང་གུར་རྟོགས། །གཞན་གྱིས་བསྒྱུར་དུ་མེད་པའི་ཕྱིར། །བྱང་ཆུབ་སེམས་ནི་ནག་པོར་རྟོགས། །སྣ་ཚོགས་ཅིར་ཡང་སྣང་བའི་ཕྱིར། །བྱང་ཆུབ་སེམས་ནི་ཁྲ་བོར་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །འདོད་སྤྱོད་ལྔ་ཡི་རང་བཞིན་པས། །དེ་དོན་ཁྱོད་ཀྱིས་རྟོགས་གྱུར་ཏམ། །རྡོརྗེ་སེམས་དཔས་ཡང་གསོལ་པ། །ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་གཅིག་ནི། །འདོད་སྤྱོད་ལྔ་ཡི་རང་བཞིན་པ། །དེ་དོན་བདག་གིས་རྟོགས་གྱུར་པས། །སྣང་བ་ཐམས་ཅད་སེམས་ལས་སྣང་། །དེས་ན་སེམས་ཉིད་གཟུགས་སུ་རྟོགས། །གྲག་པ་ཐམས་ཅད་སེམས་ལ་གྲག །དེས་ནི་སེམས་ཉིད་སྒྲ་རུ་རྟོགས། །རོ་ཕྱོགས་ཐམས་ཅད་སེམས་ལ་བྲོ། །དེས་ན་སེམས་ཉིད་རོ་རུ་རྟོགས། །དྲི་ཕྱོགས་ཐམས་ཅད་སེམས་ལ་བྲོ། །དེས་ན་སེམས་ཉིད་དྲི་རུ་རྟོགས། །རེག་ཚོགས་ཐམས་ཅད་སེམས་ལ་རེག །དེས་ན་སེམས་ཉིད་རེག་ཏུ་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །འབྱུང་བ་ལྔ་ཡི་རང་བཞིན་ལ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །འབྱུང་བ་ལྔ་ཡི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །བྱང་ཆུབ་སེམས་ཀྱིས་ཀུན་བསྡུས་པས། །བྱང་ཆུབ་སེམས་ལ་ཀུན་བརྟེན་པས། །བྱང་ཆུབ་སེམས་ནི་ཆུ་འདྲར་རྟོགས། །ཀུན་ལ་སྙོམས་ཤིང་སྨིན་མཛད་པའི། །བྱང་ཆུབ་སེམས་ནི་མེ་འདྲར་རྟོགས། །གཟུགས་མེད་ཁམས་ལ་རྒྱུ་བས་ནི། །བྱང་ཆུབ་སེམས་ནི་རླུད་འདྲར་རྟོགས། །སྣང་མེད་མཁའ་ལ་ཁྱབ་པས་ནི། །བྱང་ཆུབ་སེམས་ནི་མཁའ་འདྲར་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །སྐུ་ལྔ་མངོན་དུ་ཕྱུང་གྱུར་པ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། ཀྱེ་གསང་བའི་བདག་པོ་ལགས། ཉིད་ཀྱི་བྱང་ཆུབ་སེམས་གཅིག་ནི། །སྐུ་ལྔ་མངོན་དུ་ཕྱུང་གྱུར་ཏེ། །བྱང་ཆུབ་སེམས་ཀྱི་ཡེ་ཤེས་ནི། །འབྱུང་ཆེན་ལྔ་ཡི་སྐུར་ཕྱུང་ནས། །ཚིག་དང་ཡི་གེར་མི་སྟོན་ཏོ། །རང་གི་ངོ་བོས་ཆོས་སྟོན་ཏོ། །བདག་ཏུ་མི་རྟོག་གཞན་མི་རྟོག །མི་རྟོག་མཉམ་པའི་ཆོས་སྟོན་ཏོ། །ཞེས་གསོལ་ཏོ། །ཡང་གསུངས་པ། ཀྱེ་རྡོ་རྗེ་སེམས་དཔའ་ཉོན་ཅིག །ང་ཡི་བྱང་ཆུབ་སེམས་གཅིག་ནི། ཁམས་གསུམ་དག་གི་རང་བཞིན་པ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། །ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། ཁམས་གསུམ་དག་གི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །བྱང་ཆུབ་སེམས་ཀྱི་ཆོས་ཉིད་དེ། །མ་སྐྱེས་སྟོང་ལ་སྐྱེ་མེད་པས། །དེ་ནི་གཟུགས་མེད་ཁམས་སུ་རྟོགས། །དབང་པོ་ཡུལ་དུ་སྣང་བ་ནི། །དེ་ནི་གཟུགས་ཀྱི་ཁམས་སུ་རྟོགས། །དེ་ཉིད་ཞེན་པས་བཟུང་བ་ནི། །དེ་ནི་འདོད་པའི་ཁམས་སུ་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །སྐུ་གསུང་ཐུགས་ཀྱི་རང་བཞིན་པ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་ཡང་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །སྐུ་གསུང་ཐུགས་ཀྱི་རང་བཞིན་པ། །དེ་ནི་བདག་གིས་རྟོགས་གྱུར་ཏེ། །རང་བཞིན་ངོ་བོ་ཐུགས་རྗེ་གསུམ། །སེམས་ཀྱི་སྐུ་ལས་སྐུ་གཞན་མིན། །དེས་ན་སེམས་ཀྱི་སྐུ་རུ་རྟོགས། །སྣོད་བ་་སྒྲ་སྐད་སྣ་ཚོགས་པ། །སེམས་ཀྱི་གསུང་ལས་གཞན་མི་གྲག །དེས་ན་སེམས་ཉིད་གསུང་དུ་རྟོགས། །ཀུན་གྱིས་མི་རྟོག་མཉམ་ཉིད་དེ། །བྱང་ཆུབ་སེམས་ཀྱི་ཐུགས་ཡིན་པས། །དེས་ན་སེམས་ནི་ཐུགས་སུ་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །དུས་གསུམ་བཞུགས་པའི་རང་བཞིན་པ། །དེ་དོན་ཁྱོད་ཀྱིས་རྟོགས་གྱུར་ཏམ། །ཡང་སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །དུས་གསུམ་བཞུགས་པའི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །འདས་དང་མ་བྱོན་ད་ལྟར་གྱི། །དུས་གསུམ་དབྱེ་བ་མེད་པ་སྲ །བྱང་ཆུབ་སེམས་ནི་གནས་པའི་ཕྱིར། །སེམས་ཉིད་དུས་གསུམ་ཁྱབ་པར་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། ཁུ།་འབྲས་ལམ་གྱི་རང་བཞིན་པས། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། ཁུ།་འབྲས་ལམ་གྱི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །སེམས་རྟོགས་སངས་རྒྱས་བྱུང་བའི་ཕྱིར། །སེམས་ནི་སངས་རྒྱས་རྒྱུ་རུ་རྟོགས། །མ་ཡིས་གནས་པ་ལམ་ཡིན་པས། །སེམས་ནི་སངས་རྒྱས་ལམ་དུ་རྟོགས། །མངོན་དུ་གྱུར་པ་འབྲས་བུ་པས། །སེམས་ནི་འབྲས་བུ་ཡིན་པར་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །ཕུནསུམཚོགསཔའིརངབཞིནཔ། །དེསྐདཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །ཕུན་སུམ་ཚོགས་པའི་རང་བཞིན་པ། །དེ་དོན་བདག་གིས་རྟོགས་གྱུར་ཏེ། །རང་བྱུང་ཡེ་ཤེས་སྒྲིབ་མེད་པས། །སྟོན་པ་ཕུན་སུམ་ཚོགས་པར་རྟོགས། །རིག་པ་འདུ་འབྲལ་མེད་པ་ནི། །དེ་འཁོར་ཕུན་སུམ་ཚོགས་པར་རྟོགས། །སེམས་ཉིད་མ་བཅོས་རྣལ་བཞག་པས། །བསྟན་པ་ཕུན་སུམ་ཚོགས་པར་རྟོགས། །ཞེས་གསོལ་ཏོ། །ཡང་གསུངས་པ།ཀྱེ་སེམས་དཔའ་ཆེན་པོ་ཉོན་ཅིག །ང་ཡི་བྱང་ཆུབ་སེམས་གཅིག་ནི། །ཚུལ་ནི་ཇི་ལྟར་ཡིན་པར་རྟོགས། །སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །ཚུལ་ནི་འདི་ལྟར་ཚོགས་གྱུར་ཏེ། །ཡིན་ཚུལ་ངེས་པ་མེད་པ་ལ། །སྣང་ཚུལ་ཅིར་ཡང་སྣང་བར་རྟོགས། །ཞེས་གསོལ་ཏོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ཡོད་པར་རྟོགས་སམ་མེད་པར་རྟོགས། །སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་གཅིག་ནི། །མཚན་མའི་དངོས་པོར་མེད་པར་རྟོགས། །རིག་པའི་ངོ་བོར་ཡོད་པར་རྟོགས། །ཞེས་གསུངས་སོ། །ཡང་གསུངས་པ། ཀྱེ་སེམས་དཔའ་རྡོ་རྗེ་ཉོན་ཅིག །ང་ཡི་བྱང་ཆུབ་སེམས་རྟོགས་ཡིད་ཆེས་དད་པ་ཇི་ལྟར་སྐྱེ། །དེ་དོན་ཁྱོད་ཀྱིས་རྟོགས་གྱུར་ཏམ། །སེམས་དཔའ་རྡོ་རྗེས་གསོལ་པ། ཀྱེ་གསང་བའི་བདག་པོ་ལགས། །ཉིད་ཀྱི་བྱང་ཆུབ་སེམས་རྟོགས་པས། །ཡིད་ཆེས་དད་པ་འདི་ལྟར་སྐྱེ། །བྱང་ཆུབ་སེམས་ཀྱི་ཆོས་ཉིད་ཀྱིས། །ཅི་ལྟར་སྣང་བའི་ཆོས་རྣམས་ཀུན། །མི་སྣང་བ་ལ་མངོན་དུ་འབྱིན་ནུས་པས། །ཆོས་ཀྱི་སྙིང་པོ་ཡིན་པར་ཡིད་ཀྱང་ཆེས། །རྒྱུ་ལས་མ་བྱུང་རྐྱེན་གྱིས་མ་བསྐྱེད་པས། །རང་བྱུང་ཡེ་ཤེས་ཡིན་པར་ཡིད་ཀྱང་ཆེས། །རང་བཞིན་བཅུ་ཡིས་རྩལ་དུ་མེད་པའི་ཕྱིར། །མ་བཙལ་ལྷུན་གྱིས་གྲུབ་པར་ཡིད་ཀྱང་ཆེས། །ཆོས་རྣམས་ཐམས་ཅད་གཏན་ལ་ཕབ་པའི་ཕྱིར། །བསྟན་པའི་སྒྲོན་མེ་ཡིན་པར་ཡིད་ཀྱང་ཆེས། །ཉམས་སུ་བླངས་ཤིང་བློ་ལ་བཞག་པའི་ཆོས་ཡིན་པས། །མན་ངག་ཀུན་གྱི་རྩ་བ་ཡིན་པར་ཡིད་ཀྱང་ཆེས། །སྡེ་སྣོད་ཀུན་དང་རྒྱུད་ཀུན་གྱི། །འབྱུང་གནས་གཏན་ལ་འབེབས་པས་ན། །ཀུན་གྱི་སྤྱི་འབྲེལ་ཡིན་པར་ཡིད་ཀྱང་ཆེས། ཁུ་འབྲས་ཐེག་པ་ཅན་ལ་ཁྱད་འཕགས་པས། །ཐེག་པའི་ཉིང་ཁུ་ཡིན་པར་ཡིད་ཀྱང་ཆེས། །དུས་གསུམ་སངས་རྒྱས་ཐམས་ཅད་ཀྱི། །ལམ་དུ་ཁྱེར་བའི་ཆོས་ཉིད་དེ། །བྱང་ཆུབ་སེམས་ལས་མེད་པའི་ཕྱིར། །བསྟན་པའི་ཡངས་ཆེན་ཡིན་པས་ཡིད་ཀྱང་ཆེས། །ཐམས་ཅད་ཉིད་དུ་འདུས་པའི་ཕྱིར། །ཀུན་གྱི་རྩ་བ་ཡིན་པར་ཡིད་ཀྱང་ཆེས། །ཐམས་ཅད་ཉིད་ཀྱིས་བྱས་པའི་ཕྱིར། །ཀུན་གྱི་མཁན་པོ་ཡིན་པར་ཡིད་ཀྱང་ཆེས། །ཐམས་ཅད་ཉིད་ལས་བྱུང་བའི་ཕྱིར། །ཀུན་གྱི་འབྱུང་གནས་ཡིན་པར་ཡིད་ཀྱང་ཆེས། །ཐམས་ཅད་ཉིད་ལ་གནས་པའི་ཕྱིར། །ཀུན་གྱི་གཞི་མ་ཡིན་པར་ཡིད་ཀྱང་ཆེས། །ཐམས་ཅད་ལས་ལ་གྱེས་པའི་ཕྱིར། །ཀུན་གྱི་སྡོང་པོ་ཡིན་པར་ཡིད་ཀྱང་ཆེས། །ཐམས་ཅད་ཉིད་ལས་མེད་པའི་ཕྱིར། །ཀུན་གྱི་ངོ་བོ་ཡིན་པར་ཡིད་ཀྱང་ཆེས། །སྣང་མེད་ཀུན་ལ་ཁྱབ་པས་ན། །བརྡལ་བ་ཆེན་པོ་ཡིན་པར་ཡིད་ཀྱང་ཆེས། །གཅིག་ལས་དུ་མར་བགྲང་དུ་མེད་པའི་ཕྱིར། །ཐིག་ལེ་ཉག་གཅིག་ཡིན་པར་ཡིད་ཀྱང་ཆེས། །དུས་གསུམ་འཕོ་འགྱུར་མེད་པར་བྱ་བའི་ཕྱིར། །མི་ནུབ་རྒྱལ་མཚན་ཡིན་པར་ཡིད་ཀྱང་ཆེས། །རང་ལ་ཡོད་ཅིང་རྟོགས་པར་དཀའ་བའི་ཕྱིར། །གསང་བའི་མན་ངག་ཡིན་པར་ཡིད་ཀྱང་ཆེས། །ཞེས་གསོལ་ཏོ། །དེ་ནས་སེམས་དཔའ་རྡོ་རྗེས་གསང་བའི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་གསང་བའི་བདག་པོ་ལགས། །བླ་མེད་བྱང་ཆུབ་ཆེན་པོ་འདི། །བཅོས་པས་གྲུབ་བམ་མ་བཅོས་གྲུབ། །གསང་བའི་བདག་པོས་བསྟན་དུ་གསོལ། །གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག །བླ་མེད་བྱང་ཆུབ་ཆེན་པོ་འདི། །བཅོས་པས་གྲུབ་པ་མ་ཡིན་ཏེ། །མ་བཅོས་རྣལ་དུ་བཞག་པས་གྲུབ། །སྔར་འདས་སངས་རྒྱས་ཐམས་ཅད་ཀྱང། །ཇིབཞིན པ ལ བཅོས པ་མེད། །ད་ལྟར་སངས་རྒྱས་ཐམས་ཅད་ཀྱང་། །ཇི་བཞིན་པ་ལ་བཅོས་མི་མཛད། །མ་འོངས་སངས་རྒྱས་ཐམས་ཅད་ཀྱང། །ཇིབཞིན པ ལ བཅོས མི་འགྱུར། །གསང་བའི་བདག་པོ་ང་ཡིས་ཀྱང་། །ཇི་བཞིན་པ་ལ་བཅོས་མ་མྱོང་། །སེམས་དཔའ་ཆེན་པོ་ཁྱོད་ཀྱིས་ཀྱང་། །ཇི་བཞིན་པ་ལས་བཅོས་མ་བྱེད། །སེམས་དཔའ་ཆེན་པོ་རང་ལུས་མ་བཅོས་པ་ལ་ལྷ་མ་བསྒོམས། །སྨྲ་བའི་ཚིག་དང་ངག་མ་བཅོས། །ཀྱེ་སེམས་དཔའ་ཆེན་པོ་ཉོན་ཅིག །ཆུ་མ་སྙོགས་ན་དངས། སེམས་མ་བཅོས་ན་གསལ། ལམ་མ་བགྲོད་ན་ཉེ། འབྲས་བུ་མ་དམིགས་ན་ཐོབ། ཀྱེ་སེམས་དཔའ་ཆེན་པོ་ཇི་ལྟར་སྣང་བའི་ཆོས་རྣམས་ཀུན། དེ་བཞིན་ཉིད་དུ་གཅིག་པ་ལ། །དེ་ལས་སུའང་འཆོས་པར་མ་བྱེད་ཅིག །མ་བཅོས་མཉམ་པའི་རྒྱལ་པོ་དེ་ལ་ནི། མི་རྟོག་ཆོས་སྐུའི་དགོངས་པ་འདི་ལ་གནས། །ཅི་བཞིན་པ་ལ་བཅོས་མ་བྱེད། །ཇི་བཞིན་པ་ལ་སུས་བཅོས་པ། །དེ་ཡིས་རྣལ་དུ་འབྱོར་པ་མེད། །རྣལ་དུ་མ་འབྱོར་དོན་མི་འགྲུབ། །ཇི་བཞིན་པ་ལ་འཆོས་མ་བྱེད། །ཇི་བཞིན་པ་ལ་སུ་འཆོས་པ། །དེ་ཡི་མྱ་ངན་མི་འདའ་སྟེ། །དེ་ནི་འཁོར་བའི་སྙིང་པོ་འགྲུབ། །ཀྱེ་སེམས་དཔའ་ཆེན་པོ། རང་ལས་མེད་ཀྱི་གཞན་མ་བལྟ། །འགྲོ་ས་མེད་ཀྱི་ཅོག་གེ་སྡོད། །ཕུགས་ན་འདུག་གི་སྒོར་མ་འབྱུང་། །ཡེ་ནས་ཡིན་གྱིས་གཟོད་མ་འཚོལ། །རང་བྱུང་ཡེ་ཤེས་ཕུགས་ནས་སྒོར་ཕྱུང་བས། །མཚན་མ་སྣ་ཚོགས་ཆོས་དང་ཐུག་གིས་ཕྲད། །དེ་ལ་བརྟགས་ཤིང་དཔྱད་བྱས་པས། ཁམས་གསུམ་འཁོར་བའི་སྙིང་པོ་འགྲུབ། །རང་བྱུང་ཡེ་ཤེས་ཕུགས་ནས་སྒོར་ཕྱུང་བས། །བལྟར་མེད་བལྟས་པས་མ་མཐོང་སྒྲིབ་པ་འབྱུང་། །བཙལ་མེད་བཙལ་བས་མ་གྲུབ་གོལ་ས་བྱུང་། །ཀྱེ་སེམས་དཔའ་ཆེན་པོའོ། །བྱས་པའི་སྤྱོད་པ་སྤྱོད་པ་ཟང་མ་མིན། །དམིགས་པའི་ཏིང་འཛིན་སྒོམ་པ་ཟང་མ་མིན། །གསལ་བའི་ཡེ་ཤེས་ཡེ་ཤེས་ཟང་མ་མིན། །བསྒྲུབས་པའི་འབྲས་བུ་འབྲས་བུ་ཟང་མ་མིན། །ཕྱོགས་ལྷུང་ཡོད་ན་ལྟ་བ་ཟང་མ་མིན། །འཕོ་འགྱུར་ཡོད་ན་ཆོས་ཉིད་ཟང་མ་མིན། །འབྱུང་བའི་སྤྱོད་པ་སྤྱོད་པ་ཟང་མ་མིན། །དམིགས་པ་མེད་ན་སྒོམ་པ་ཟང་མ་ཡིན། །གསལ་འགྲིབ་མེད་ན་ཡེ་ཤེས་ཟང་མ་ཡིན། །ལྷུན་གྱིས་གྲུབ་པ་ཡེ་ཤེས་ཟང་མ་ཡིན། །ཕྱོགས་ལྷུང་མེད་ན་ལྟ་བ་ཟང་མ་ཡིན། །འཕོ་འགྱུར་མེད་ན་ཆོས་ཉིད་ཟང་མ་ཡིན། །ཀྱེ་སེམས་དཔའ་ཆེན་པོ་དེ་ལྟ་བས་ན། ཆོས་ཇི་བཞིན་པའི་ངང་ལ་བློ་ཇི་བཞིན་པ་བཞག་སྟེ། དབང་པོ་རྒྱ་ཡན། རིག་པ་ཁྱབ་གདལ། ལུས་སེམས་བཅོས་པ་མེད་པར་བཞག་གོ །དབང་པོ་ཡུལ་ལ་ཡན་པ་བསྡུ་མི་བྱ། །ཡུལ་དང་དབང་པོ་མི་དབྱེ་ལྷུག་པར་བཞག །ཆོས་རྣམས་ངོ་ཡིས་མི་བཟུང་གྱི་ནར་བཞག །མཉམ་གཞག་ཡིན་ལ་གཞོག་ཅིག་རྗེས་ཐོབ་རྟ་ལྟར་བཙའ། །ཞེས་གསུངས་སོ། །ཡང་གསོལ་པ། ཀྱེ་གསང་བའི་བདག་པོ་ལགས། དཔེ་མཚོན་ཚིག་གི་ལྡེ་མིག་གིས། །དོན་གྱི་གསང་སྒོ་དབྱེ་བྱ་སྟེ། །དེ་དོན་བདག་ལ་བསྟན་དུ་གསོལ། །གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག །དཔེ་མཚོན་ཚིག་གི་ལྡེ་མིག་གིས། །དོན་གྱི་གསང་སྒོ་དབྱེ་བྱ་སྟེ། །དེ་དོན་བསྟན་པ་འདི་ལྟ་སྟེ། མཁའ་ལ་ཤར་བའི་གཟུགས་སོགས་རྣམས། །དངས་པའི་རྒྱ་མཚོ་ཆེན་པོ་སྲ །དེ་ཉིད་མ་འདྲེས་ཡོངས་སུ་རྫོགས། །དེ་བཞིན་ཆོས་རྣམས་ཐམས་ཅད་ཀྱང་། །གཉིས་མེད་ཡེ་ཤེས་ངོ་ཁ་ལ། །དེ་ཉིད་མ་འདྲེས་ཡོངས་སུ་རྫོགས། །མཁའ་ལ་ཤར་བའི་གཟུགས་སོགས་རྣམས། །དངས་པའི་རྒྱ་མཚོ་ཆེན་པོ་ཡིས། །བླང་བ་མེད་ཅིང་དོར་བ་མེད། །གཟུང་བ་མེད་ཅིང་དོར་བ་མེད། །མཁའ་ལ་གཟུགས་སོགས་ཤར་བ་རྣམས། །ཆུ་ནང་གཟུགས་བརྙན་ཤུགས་ཀྱིས་འབྱུང་། །ཀུན་གཞི་མཁའ་ལ་རིག་ཤར་བས། །རིག་པའི་རྩལ་ཤུགས་ཤུགས་ཀྱིས་འབྱུང་། །མཁའ་ལ་ཤར་བའི་གཟུགས་སོགས་དང་། །ཆུ་ནང་དག་གི་གཟུགས་བརྙན་གཉིས། །གཅིག་པ་མ་ཡིན་ཐ་དད་མིན། །དེ་བཞིན་རིག་པའི་རྒྱལ་པོ་དང་། །རིག་པའི་རྩལ་དུ་སྣང་བ་གཉིས། །གཅིག་པ་མ་ཡིན་ཐ་དད་མིན། །དཔེར་ན་ནམ་མཁའི་གཟུགས་གཅིག་ལ། །ཆུ་ནང་གཟུགས་བརྙན་བསམ་མི་ཁྱབ། །དེ་བཞིན་རིག་པ་གཅིག་པ་ལ། །རིག་པའི་རྩལ་ཤུགས་བསམ་མི་ཁྱབ། །དཔེར་ན་ཆུ་ནང་ཟླ་བ་ཡང་། །སྣང་ཡང་དེ་ལརངབཞིནམེད། །དེབཞིནརིགཔའིརྩལ་སྣང་བ། །སྣང་ཡང་དེ་ལརངབཞིནམེད། །ཚོནལྔའདྲེསཔའི་ཁ་དོག་ལ། །འདི་ཞེས་གཅིག་ཏུ་ངོས་གཟུང་མེད། །དེབཞིནསོསོརདབྱེར་མེད་ཡི་ལས་ཀྱིས་བསྒྱུར་བྱས་ཏེ། །སྐུ་གཟུགས་ཆེན་པོ་བྱས་པའི་ཚེ། །གསེར་ཡང་བཟོ་ཡི་རྫས་སུ་སྣང་། །ཆོལ་ཟངས་དྲི་སྣོད་བྱས་པའི་ཚེ། །གསེར་ཡང་ངན་པའི་རྫས་སུ་སྣང་། །དེ་བཞིན་ཆོས་ཉིད་རྒྱུ་གཅིག་ལ། །ཞབྲུལ་པ་ཅན་གྱིས་བརྟགས་ཙམ་ན། །ཡུལ་ཡང་མ་དག་འཇིག་རྟེན་ཁམས། །ངམ་གྲོག་གཡང་ས་ལུང་ཁུང་རྣམས། །ཡེ་ཤེས་ཅན་གྱི་ངོ་ཁ་ལ། །ཡུལ་གྱི་ཞིང་ཁམས་རྣམ་དག་སྟེ། །བདེ་བ་ཅན་གྱི་ཡུལ་དུ་སྣང་། །གཉིས་མེད་ཡེ་ཤེས་ངོ་ཁ་ལ། །སྣང་དང་མི་སྣང་གཉིས་སུ་མེད། །སྨན་དང་དུག་ཏུ་གཅིག་པ་ལ། །ལ་ལའི་སྨན་ཡང་ལ་ལའི་དུག །ཧ་ལ་ནག་པོའི་དུག་དག་ཀྱང་། །ཐབས་མཁས་བཟའ་ལེགས་སྨན་གྱི་མཆོག །སྨན་པའི་རྒྱལ་པོ་བཅུད་ལེན་ཡང་། །ཐབས་མ་མཁས་ཤིང་བཟའ་ཉེས་ན། །ཧ་ལ་ནག་པོའི་དུག་དང་མཚུངས། །འདོད་ཆགས་ཞེ་སྡང་གཏི་མུག་ཀྱང་། །བསྐྱེད་པ་མེད་པའི་ཡེ་ཤེས་ཡིན། །རང་བྱུང་ཡེ་ཤེས་ཆེན་པོ་ཡང་། །རྣམ་རྟོག་རླུད་གིས་བསྐྱོད་ཙམ་ན། །འདོད་ཆགས་ཞེ་སྡང་གཏི་མུག་ཡིན། །ས་འོག་གནས་པའི་གསེར་དག་བྱང་། །བདག་པོ་མེད་ན་རྡོ་དང་འདྲ། །དགོས་པ་ཅི་ཡང་ཆེ་རྒྱུ་མེད། །ཀུན་ལ་ཡོད་པའི་བྱང་ཆུབ་སེམས། །ཡེ་ཤེས་མེད་ན་འཁྲུལ་པ་ཡིན། །དགོས་པ་ཅི་ཡང་ཆེ་རྒྱུ་མེད། །མི་གཡོ་ཡེ་ཤེས་ལྡན་གྱུར་ན། །ཐིགལེཉགགཅིགཆོསཀྱིསྐུ། །བྱིན་རླབསཡིདབཞིནནོརབུའིཚུལ། །དེ་ནས་སེམས་དཔའ་རྡོ་རྗེས་གསང་བའི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་གསང་བའི་བདག་པོ་ལགས། །རྫོགས་པ་ཆེན་པོའི་ངེས་ཚིག་ཇི་ལྟར་ལགས། །དེ་ལ་བླང་དོར་ཡོད་དམ་མེད། །གསང་བའི་བདག་པོས་གསུངས་པ། །ཇི་ལྷར་ནམ་མཁའི་མཚན་ཉིད་དུ། །སྣང་ཉིད་མ་བགག་ཤོང་བ་ལྟར། །རྫོགས་པ་ཆེན་པོའི་མཚན་ཉིད་དུ། །མེད་པའི་ཆོས་དང་ཡོད་པའི་ཆོས། །དེ་བཞིན་སྲིད་དང་མི་སྲིད་པ། །སངས་རྒྱས་སེམས་ཅན་བདེ་སྡུག་བསྔལ། །བཟང་ངན་ཆེ་ཆུང་སྐྱོན་ཡོན་ཏན། །ལྷག་མ་མེད་པར་ཡོངས་རྫོགས་པས། དེ་ཕྱིར་དེ་ལ་རྫོགས་ཞེས་བྱ། །རིན་པོ་ཆེ་ཡི་གསེར་གླིང་དུ། །ཐམས་ཅད་གསེར་ལས་མེད་པའི་ཕྱིར། །དོར་དུ་རུང་བ་ཡོད་མ་ཡིན། །རྫོགས་པ་ཆེན་པོའི་ཆོས་ཉིད་ལ། །སྤང་བ་གང་ཡང་མེད་པའི་ཕྱིར། །དོར་དུ་རུང་བ་ཡོད་མ་ཡིན། །གཉིས་མེད་ཡེ་ཤེས་ཁོ་ན་ལ། །མཚན་མ་ཅི་ཡང་མི་སྣང་ཕྱིར། །བླང་དུ་རུང་བ་ཡོད་མ་ཡིན། །ཅེས་གསུངས་སོ། །ཡང་གསོལ་བ། ཀྱེ་གསང་བའི་བདག་པོ་ལགས། མ་འདྲེས་ཡོངས་སུ་རྫོགས་ཞེས་བྱ། །དེ་དོན་བདག་ལ་བསྟན་དུ་གསོལ། །གསང་བའི་བདག་པོས་གསུངས་པ། མཁའ་ལ་གཟུགས་སོགས་མ་འདྲེས་པ། །ཆུ་ནང་ཕྱོགས་སུ་ཡོངས་སུ་རྫོགས། །འབྱུང་བ་རྣམ་བཞི་མ་འདྲེས་པ། །ནམ་མཁའི་ངང་དུ་ཡོངས་སུ་རྫོགས། ། ཚོགསདར མའདྲེས་པ། །ཟ་འོག་ མ་བུར་ཡོངས་སུརྫོགས། །ཚོནརྩིརྣམལྔམའདྲེས་པ། །དཀྱིལ་འཁོར་ཆེན་པོར་ཡོངས་སུ་རྫོགས། །རིན་ཆེན་སྣ་བཞི་མ་འདྲེས་པ། །རི་བོ་མཆོག་རབ་ཡོངས་སུ་རྫོགས། །ཀུན་རྫོབ་ཕྱོགས་ནས་མ་འདྲེས་པ། །དོན་དམ་ཕྱོགས་སུ་ཡོངས་སུ་རྫོགས། །ཆོས་ཅན་ཕྱོགས་ནས་མ་འདྲེས་པ། །ཆོས་ཉིད་ཕྱོགས་སུ་ཡོངས་སུ་རྫོགས། །བསམ་དབང་ཕྱོགས་ནས་མ་འདྲེས་པ། །དངོས་དབང་ཕྱོགས་ནས་ཡོངས་སུ་རྫོགས། །ཞབྲུལ་དབང་ཕྱོགས་ནས་མ་འདྲེས་པ། །གཉིས་མེད་ཕྱོགས་སུ་ཡོངས་སུ་རྫོགས། །བརྒྱད་ཀྱི་ལྟ་སྤྱོད་མ་འདྲེས་པ། ཨ་ཏི་ཡོ་གར་ཡོངས་སུ་རྫོགས། །ཡང་གསོལ་པ། ཀྱེ་གསང་བའི་བདག་པོ་ལགས། སྤྱི་བཅིངས་རྒྱལ་པོ་ཞེས་བགྱི་བ། །དེ་དོན་བདག་ལ་བསྟན་དུ་གསོལ། གསང་བའི་བདག་པོས་གསུངས་པ། །ལམ་གྱི་སྤྱི་ནི་གྲོངས་ཀྱིས་བཅིངས། །ཆུ་དྲན་སྤྱི་ནི་རྒྱ་མཚོས་བཅིངས། །རི་བདུན་སྤྱི་ནི་རི་བོས་བཅིངས་། །འབྱུང་བཞིའི་སྤྱི་ནི་ནམ་མཁས་བཅིངས། །ཐེག་པའི་སྤྱི་ནི་ཨ་ཏིས་བཅིངས། །སྐུ་གསུམ་སྤྱི་ནི་གསང་ཆེན་སྐུ་ཡིས་བཅིངས། །ཡེ་ཤེས་ཀུན་གྱི་སྤྱི་དག་ནི། །རང་བྱུང་ཡེ་ཤེས་ཆེན་པོས་བཅིངས། །སྣང་སྲིད་ཆོས་ཀྱི་སྤྱི་དག་ནི། །ཆོས་ཉིད་བྱང་ཆུབ་སེམས་ཀྱིས་བཅིངས། །ཞེས་གསུངས་སོ། །ཡང་གསོལ་པ། ཀྱེ་གསང་བའི་བདག་པོ་ལགས། གང་ཟག་དག་གི་བསམ་དབང་དང་། །ཆོས་ཉིད་དག་གི་དངོས་དབང་གཉིས། །དེ་དོན་བདག་ལ་བསྟན་དུ་གསོལ། །གསང་བའི་བདག་པོས་ཡང་གསུངས་པ། །བཏགས་པ་ཐམས་ཅད་བློ་ཡིས་བཏགས། །གཟུང་བ་ཐམས་ཅད་བློ་ཡིས་བཟུང་། །ཕྱེ་བ་ཐམས་ཅད་བློ་ཡིས་ཕྱེ། །བརྗོད་པ་ཐམས་ཅད་བློ་ཡིས་བརྗོད། །སྣང་བ་ཐམས་ཅད་བློ་ལ་སྣང་། ཁུ།བ་པ་ཐམས་ཅད་བློ་ལ་གྲུབ། །དངོས་དབང་དེ་ལས་ཟློག་པའོ། །རེ་ཞིག་བློ་ལ་བསྒོམ་བྱ་ན། །ཡིན་ཚུལ་ངེས་པ་མེད་པའི་ཕྱིར། །སྣང་ཚུལ་ཅིར་ཡང་སྣང་བ་ཡིན། །རྒྱ་ཆད་ཕྱོགས་ལྷུང་མེད་པ་ཡིན། །མ་འདྲེས་ཡོངས་སུ་རྫོགས་པ་ཡིན། །ཀུན་བྲལ་ཅི་མ་བློང་བ་ཡིན། །ལྡན་ལྡོག་གཉིས་དང་བཅས་པ་ཡིན། །དེ་ལ་དབྱེ་བ་མེད་པ་ཡིན། །སྒྲོ་སྐུར་ཀུན་དང་བྲལ་བ་ཡིན། །ཞེས་གསུངས་སོ། །ཡང་གསོལ་པ། ཀྱེ་གསང་བའི་བདག་པོ་ལགས། པྱོགས་ཆ་ཅན་གྱི་ལྟ་བ་ལ། །དེ་ལ་བསྟན་པར་བགྱི་མི་བགྱིད། །བདེ་གཤེགས་གསང་བའི་བདག་པོ་ཡིས། །ཕྱོགས་ཆ་ཅན་དུ་གསུངས་པ་དེ། །ངེས་དོན་ལགས་སམ་དགོངས་བཤད་ལགས། །གསང་བའི་བདག་པོས་བསྟན་དུ་གསོལ། །གསང་བའི་བདག་པོས་གསུངས་པ། ཕྱོགས་གཅིག་སྤངས་ན་ཕྱོགས་གཅིག་བླ། །ཕྱོགས་ལ་ཆགས་པས་ཕྱོགས་ཐུག་མཐའ། །ཕྱོགས་རིས་མེད་པའི་ལྟ་བ་ལ། །ཕྱོགས་ཆ་ཅན་དུ་གཟུང་བ་དེ། །ལྟ་བ་ངན་ཏེ་ལྡིང་བ་ཡིན། །དེ་ལ་བསྟན་པར་མི་བྱའོ། ཁྱེད་ལ་སོགས་པའི་འཁོར་རྣམས་ཀྱིས། བསྲེགས་བཅད་བརྡར་བའི་གསེར་བཞིན་དུ། །ཡོངས་སུ་བརྟགས་ཏེ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ང་ཡི་བཀའ་ནི་དགོངས་པ་ཅན། །ཡོད་མཐའ་དགྲོལ་ཕྱིར་མེད་མཐའ་བསྟན། །མེད་མཐའ་དགྲོལ་ཕྱིར་ཡོད་ཅེས་བསྟན། །གཉིས་མེད་དགྲོལ་ཕྱིར་ཉག་གཅིག་བསྟན། །སྤྲོས་དགྲོལ་ཕྱིར་ན་བརྗོད་མེད་བསྟན། །བརྗོད་མེད་དགྲོལ་ཕྱིར་ཁ་འབྱམ་བསྟན། །ལྟ་བ་འཕྲུལ་གྱི་ཁ་འབྱམ་འདི། །ཇི་ལྟར་ནམ་མཁའི་མདུང་བསྐོར་བཞིན། །གང་ལྷར་སྐོར་ཡང་དོག་པ་མེད། །ཇི་ལྷར་འདམ་གྱི་ཕུར་པ་བཞིན། །གང་ལྟར་བསྐུལ་ཡང་སྒུལ་དུ་བཏུབ། །ལྤགས་པ་རློན་པའི་མཐའ་བཞིན་དུ། །གང་ལྟར་འཐེན་ཡང་འཐེན་དུ་བཏུབ། །ཇི་ལྟར་སྨྱོན་པའི་ཚིག་བཞིན་དུ། །གང་ལྟར་སྨྲས་ཀྱང་རང་དབང་ཆེ། །ཞེས་གསུངས་སོ། །ཡང་གསོལ་པ། ཀྱེ་གསང་བའི་བདག་པོ་ལགས། ཆོས་ཀྱི་སྐུ་དང་ལོངས་སྤྱོད་རྫོགས། །སྤྲུལ་པའི་སྐུ་དང་རྣམ་པ་གསུམ། །གཅིག་པ་ལགས་སམ་ཐ་དད་ལགས། །ཆོས་ཀྱི་སྐུ་དང་ཆོས་དབྱིངས་སམ། །གཅིག་པ་ལགས་སམ་ཐ་དད་ལགས། །ཆོས་ཀྱི་སྐུ་དང་ཡེ་ཤེས་གཉིས། །གཅིག་པ་ལགས་སམ་ཐ་དད་ལགས། །རང་བྱུང་ཡེ་ཤེས་ཆེན་པོ་དང་། །མ་རིག་པ་ཡི་འཁྲུལ་པ་གཉིས། །གཅིག་པ་ལགས་སམ་ཐ་དད་ལགས། །ཆོས་ཅན་མཚན་མར་འཛིན་པ་དང་། །ཆོས་ཉིད་དོན་གྱི་ངོབོགཉིས། །གཅིགཔལགས་སམ་ཐ་དད་ལགས། ཁམས་གསུམ་འཁོར་བའི་སེམས་ཅན་དང་། །དུས་གསུམ་བཞུགས་པའི་སངས་ན། །གང་ཡང་ཆགས་པ་མེད་པར་བཞུགས། །གསལ་ལ་གཞན་རྟོག་མེད་པར་བཞུགས། །འཁྲུལ་པའི་བློ་རུ་བཞུགས་ཙམ་ན། །ཅི་ལྟར་སྣང་བའི་ཆོས་རྣམས་ཀུན། །བདེན་འཛིན་བློ་ཡིས་གཟུང་ནས་བཞུགས། །ཞེས་གསུངས་སོ། །ཡང་གསོལ་པ། ཀྱེ་གསང་བའི་བདག་པོ་ལགས། རང་བྱུང་ཡེ་ཤེས་ཞེས་བགྱི་བ། །ས་དང་ས་ཡི་རྣམ་པ་རྣམས། །དེ་དོན་བདག་ལ་བསྟན་དུ་གསོལ། །གསང་བའི་བདག་པོས་གསུངས་པ། རང་བྱུང་རྒྱུ་རྐྱེན་མེད་པར་ནི། །ཡེ་ཤེས་སྒྲིབ་པ་མེད་པ་ཡིན། །རང་བྱུང་ཡེ་ཤེས་ཆེན་པོ་ལ། །ཏིང་འཛིན་བག་ཆགས་མི་སོགས་འདི། །རྩོལ་སྒྲུབ་དག་ལས་མི་འབྱུང་བས། །རང་བྱུང་ལས་ཀྱི་དབང་མི་འགྱུར། །ཡུལ་འབྱུང་བྱས་འགྱུར་ཡེ་ཤེས་དེ། །ཡུལ་ལས་འབྱུང་ཞིང་གནས་འགྱུར་བས། །དེ་ལ་རང་བྱུང་མིང་མ་བཏགས། །ས་དང་ས་ཡི་རིམ་པ་དང་། །བསྡུས་རྒྱས་གསུམ་གྱི་རིམ་པར་བསྟན། །ཀུན་ཏུ་འོད་དང་པདྨ་ཅན། །འཁོར་ལོ་ཚོགས་ཆེན་བསྡུས་པའི་ཚུལ། །ཀུན་ཏུ་འོད་དང་རྡོ་རྗེ་འཛིན། །སྟུག་པོ་བཀོད་དང་རྡོ་རྗེ་འཆང་། །དབྱེར་མེད་རང་བཞིན་ལྷུན་གྲུབ་པ། །དེ་ནི་འབྲིང་དུ་བསྟན་པ་ཡིན། །བརྒྱད་དང་དགུ་དང་བཅོ་ལྔ་ནི། །རྒྱས་པར་བསྟན་པའི་ས་ཡིན་ཏེ། །རང་རང་སྐབས་སུ་ཤེས་པར་བྱ། །ཞེས་གསུངས་སོ། །ཡང་གསུངས་པ། ཀྱེ་གསང་བའི་བདག་པོ་ལགས། །ཆོས་ཀུན་རྩབསེམསགཅིགལ། །དེ་དོན་གང་ལགས་