Ngb-pt-0179-vol-02-text
Front[edit]
Body[edit]
བོད་སྐད་དུ། རྡོ་རྗེ་ངུར་མོའི་ཏནྟྲ་ཞེས་བྱ་བའི་རྒྱུད་ཆེན་པོ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་རྡོ་རྗེ་སེམས་དཔའ་འོག་མིན་གྱི་གནས། སྟུག་པོ་བཀོད་པའི་ཞིང་ཁམས་ན། །དེ་བཞིན་གཤེགས་པ་རྣམ་པར་སྣང་མཛད་ལ་སོགས་ཏེ། །རིགས་ལྔའི་སངས་རྒྱས་དང་། དཔལ་ཕྱག་ན་རྡོ་རྗེ་ལ་སོགས་ཏེ། བྱང་ཆུབ་སེམས་དཔའ་ཐམས་ཅད་དང་། དགའ་ལྡན་གྱི་ལྷ་ལ་སོགས་པའི་འཇིག་རྟེན་དང་། འཇིག་རྟེན་ལས་འདས་པའི་འཁོར་ཕུན་སུམ་ཚོགས་པ་དང་ཐབས་གཅིག་ཏུ་བཞུགས་པ་ལས། སྡུད་པ་པོ་ཕྱག་ན་རྡོ་རྗེས། མཆོད་པ་རྒྱ་ཆེ་བ་དཔག་ཏུ་མེད་པས། བཅོམ་ལྡན་འདས་ལ་མཆོད་ནས་ལན་བརྒྱ་སྟོང་དུ་མར་ཕྱག་འཚལ་ནས་འདི་སྐད་ཅེས་ཞུས་སོ། །སྟོན་པ་དཔལ་རྡོ་རྗེ་སེམས་དཔའ་ཐམས་ཅད་མཁྱེན་པ། འཇིག་རྟེན་དུ་དཀོན་མཆོག་གསུམ་གྱི་དབུ་འཕང་བསྟོད་པ་དང་། ལས་རྣམ་བཞིའི་བྱིན་རླབས་བརྟན་པར་མཛད་པ་དང་། དགྲ་བགེགས་གདུག་པ་ཅན་རྣམས་འདུལ་བའི་ཕྱིར་དྲག་པོའི་ཕྲིན་ལས་བཀའ་སྩལ་དུ་གསོལ་ཞེས་གསང་བའི་བདག་པོ་ལག་ན་རྡོ་རྗེས་ཞུས་པ་དང་། དཔལ་རྡོ་རྗེ་སེམས་དཔའ་གདན་སེརྙེའི་སྟེང་ན། སྐུ་མདུན་དང་རྒྱབ་མེད་པར་ཐམས་ཅད་དུ་ཐལ་ལེ་གསལ་ཞིང། མཚན་དང་དཔེ་བྱད་ཐམས་ཅད་དུ་ལྡན་པ། ཐམས་ཅད་དུ་བསམ་གྱིས་མི་ཁྱབ་པའི་སྐུ་གསུང་ཐུགས་ཡོན་ཏན་ཕྲིན་ལས་སྣ་ཚོགས་པར་སྣང་བ། ཐབས་དང་ཤེས་རབ་ཀྱི་ཞབས་གཉིས་བརྐྱང་བསྐུམ་དུ་བཞུགས་ནས། གདུལ་དཀའི་སེམས་ཅན་ཐམས་ཅད་ལ་ཐུགས་བརྩེ་བར་དགོངས་ནས། ཉིད་ཀྱི་གསང་བའི་ཕྲིན་ལས་འདི་ཉིད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལས་ཕྱུང་ནས། གདུལ་དཀའ་བའི་སེམས་ཅན་ཐམས་ཅད་ལ། ཐུགས་བརྩེ་བར་དགོངས་པས་བཀའ་སྩལ་ཏོ། །བདག་དང་གཞན་གྱི་དབང་དུ་རྒྱུད་འདི་གསུངས་སོ། །ཐོག་མར་བརྟག་པའི་ས་དཔྱད་དེ། །ཟླ་གམ་ཡོད་པའི་གནས་སུ་ནི། །ས་གཞི་བྱིན་དུ་ནག་པོ་ལ། །དང་པོར་ས་བསླང་བ་དང་། སྦྱང་བ་དང་བརྟན་དུ་བྱིན་རླབས་དྲག་པོར་བྱ། ཧོམ་ཁུང་དབྱིབས་ནི་གྲུ་གསུམ་དུ་བརྐོ། ངོས་ནི་རིང་པོ་ཆ་དྲུག་ཏུ་བྱ་བ་དང་། ཐུག་ལ་ཆག་གང་བར་བྱ་སྟེ། །ཐུར་དུ་ཁྲུ་གང་བརྐོ་བར་བྱ། དེའི་དབུས་སུ་མེ་ཐབ་བཅའ། ཁ་ཁྱེར་ཟུར་གསུམ་པ་ཞིག་བྱས་ལ།ཁ་རན་རིམ་པ་གསུམ་པོ་ཡང་། ཞེང་ཚད་སོར་གསུམ་པར་བྱས་ཏེ། །དེ་ལ་རྡོ་རྗེའི་ར་བས་བསྐོར། །དེ་ཡི་ཕྱི་རིམ་མཛུབ་གང་ལ། །བང་རིམ་གསུམ་དུ་གཅད་པར་བྱ། །སྟེགས་བུ་ཁྲུ་ལྔ་གྲུ་བཞི་ལ། །འཕང་དུ་ཆག་གང་ཡན་ཆད་བྱ། །དེ་ནས་ཞལ་ནི་ནག་པོར་བགྱི། །ངོས་ནི་དམར་པོར་བྱུག་པར་བྱ། །སྒོ་ནི་བྱང་གི་ཕྱོགས་སུ་བསྟན། །ཁ་རན་གསུམ་གྱི་དང་པོ་ལ།གོར་ དེ་ཡི་ཕྱི་རིམ་བང་རིམ་ལ། །ཐོད་པ་མདའ་གཞུ་སྤེལ་མར་བཏང་། །དེ་ཡི་ཕྱི་རིམ་བང་རིམ་ལ འབར་བའི་མེ་ལྕེ་འཁྲིགས་པ་བྲིས་པ་ལ། །དེ་ཡི་ཕྱི་རིམ་བང་རིམ་ངོས་གསུམ་དུ། །སྒོ་གསུམ་དག་ནི་དོད་པར་བྱ། །དེ་ཡི་ཕྱི་རིམ་བར་ཁྱམས་གཉིས། །སྒོ་བཞི་དག་དང་ལྡན་པར་བྱ། །ཚོན་རྩི་དམར་པོ་མེ་འོད་བཏང་། །རྩེ་མོ་ཐམས་ཅད་ལྷོར་བསྟན་ནོ། །ཐབ་ཀྱི་ཞབས་སུ་རྡོ་རྗེ་དགོད། །རྡོ་རྗེའི་ཚད་དུ་སོར་བརྒྱད་པ། །སྦོམ་དུ་ཚད་ནི་སོར་གསུམ་པ། །སངས་རྒྱས་སྤྱན་ནི་ཟླུམ་ལེབ་ལ། །འབྱིས་འབྱིལ་ཡང་འཕར་དུ་བསྐོར། །དཀྱིལ་འཁོར་དག་གི་དབུས་སུ་བཞག །དེ་ནས་དཀྱིལ་འཁོར་དབུས་སུ་བཀྲམ། ཁྲར་ལྷོའི་མཚམས་སུ་ཡི་གེ་ར༷། །ནུབ་བྱང་མཚམས་སུ་ཡི་གེ་ཡ༷། །ཁ་ཁྱེར་ནང་དུ་མེ་འོད་བྲི། །དེ་ན་ལྷ་རྣམས་དགོད་པར་བྱ། །ཁ་ཁྱེར་དང་པོ་མཐོན་པོ་ལ། །བཛྲ་མྱ་ལེ་ལ་སོགས་དགོད། །དེ་ཡི་ཕྱི་རིམ་བང་རིམ་ལ། །ཀོ་རི་ལ་སོགས་མ་བརྒྱད་དང་། །སེང་ཧ་ལ་སོགས་ཕྲ་མེན་དགོད། །དེ་ཡི་ཕྱི་རིམ་བང་རིམ་ལ། །ཁྲོ་བོ་ཆེན་པོ་བཅུ་དག་དགོད། །དེ་ཡི་ཕྱི་རིམ་སྒོ་བཞི་ལ། །ལྕགས་ཀྱུ་མ་དང་ཞགས་པ་དང་། །ལྕགས་སྒྲོག་དྲིལ་བུ་བཞི་དག་དགོད། །དེ་ཡི་ཕྱི་རིམ་སྣམ་བུ་ལ། །དབང་ཕྱུག་ཉི་ཤུ་རྩ་བརྒྱད་དགོད། །དེ་ཡི་ཕྱི་རིམ་སྣམ་བུ་ལ། །ཕོ་ཉ་དྲུག་ཅུ་རྩ་བཞི་དགོད། །དེ་སྐད་གསུངས་པས། འཁོར་རྣམས་ཡིད་རབ་ཏུ་རང་ངོ་། །རྡོ་རྗེ་ངུར་མོའི་ཏནྟྲ་ལས། གླེང་གཞི་དང་ཁྱད་པར་དཀྱིལ་འཁོར་གྱི་ལེའུ་སྟེ་དང་པོའོ།། །།དེ་ནས་ཚེར་མ་ནག་པོའམ། སེ་སྐྱེར་ལ་སོགས་པ་ཡི་ནི། །ཚེར་མ་ཅན་གྱི་ཤིང་ཉིད་ལ། །ཆག་དྲུག་པ་ཡི་ཚད་དུ་བྱ། །མགོ་མཇུག་མ་ནོར་བར་བྱས་ལ། །དྲི་ཆུ་གཙང་མས་བསང་གཏོར་བྱ། །ཁྲོ་བོ་བཅུ་ཡི་སྔགས་བཟླས་ཤིང་། །ཁྲོ་བོའི་ཤིང་རྩེ་བརྫང་བར་བྱ། །བགེགས་ཀྱི་དབང་དུ་མི་གཏང་བར། །མཚམས་བཅད་དྲག་ཏུ་བསྐྲད༷་པར་བྱ། །གདོན་བགེ༷གས་བསྐྲད་པའི༷་བསྔགས་ལ། སྔག་འདིརྣམ་དཔེདགསོརྙེདནབསྡུར།དྷིག་ཨ་དྷི་སྲུ་ཧྭ། ཧུ༷་སྙི༷༷ལན་གསུམ་བཟླའོ། །ཁྲོ་བོའི་རྩེ་ཤིང་འདི་བརྫངས་པ་དང་། སྔགས་འདིས་སྦྱང་ཞིང་ཤེས་པར་བྱའོ། །ཨཱོཾ་སརྦ་དྷིག་ནི༷་ཡ༷་ཡ༷། ཨཱོཾ་བཛྲ་ལི་ལི། ཨཱོཾ་བུརྙ་ཛ༷་ལ་བུརྙ་ཛ་ལ། མ་ཧྭ་ར༷་ར༷་ཧེ་མ་བརྦེ་ར༷༷དྲེད་ན་མ་བེ་ལ༷། མ་ཧྭ་བེ་ར༷། ཡ༷་ཛ་ལ་ར༷། ཨོ་བཛྲ་ག་ར་ཤིང་།༷ར༷་ར༷་ཨག་ནི་ཏི་ར༷། ཡ༷་ཛ་ཞེས་བཟླས། ཐབ་ཏུ་མེ་གཞུག་པའི་སྙིང་པོའོ། །ཨཱོཾ་བྱ༷་བྱ༷་ཧུ༷་ཧུ༷་ཞེས༷ ་བཟླས། ཡང་ན་ཨཱོཾ་བྲུ༷་བྲུ༷་ཏ། མེ་སྤར་བའི་སྙིང་པོའོ། །ཨཱོཾ་ལ་ཏེ་ཤི། ད་བེ་ཏ་པ་ཙ་ཧུ༷། བུམ་བུ་སྭ་མ་ས་སས་ཧུ༷། ཛུ༷་སྭ། ཨཱོཾ་དྷི་པྲི་ཁ་ནན། ཧུ༷་སརྦ་ནན་ཤང་ཡ་སྟ༷་བལ། ཧུ༷་ཧུ༷་ཕཊ་ཕཊ། ཡང་ན་རྣམ་པ་གཅིག་ལ། ཨཱོཾ་ཏ༷་སུ༷་ཧ་ཧྲི་ཧ། ཧུ༷་ཧི་ཕཊ། ཡང་ན། ཨོ་ར༷་ར༷་ཧུ༷། ཡ༷་ཡ༷་ར༷།ཞེས་བརྒྱ་རྩ་བཟླས་སོ། །ཕོ་ཉ་དཔལ་དང་བཅས་པ་ཡང་། །ཁ་ཅིག་དེ་ཡི་ཚིག་བཤད་རུང་། །རྣོག་པོ་སྣངཡངགྱེནདུབསྟན། །དཀྱིལ་འཁོར་དེ་ཡི་དབུས་ཉིད་དུ། །ལས་ཀྱི་ཚད་འཛིན་སྔགས་ཀྱང་བཟླས། །ཞེས་གསུངས་སོ། །རྡོ་རྗེ་ངུར་མོའི་ཏནྟྲ་ལས། ཁྱད་པར་སྔགས་བསྟན་པའི་ལེའུ་སྟེ་གཉིས་པའོ།། །།དཀྱིལ་འཁོར་དེ་ཡི་ཆ་རྐྱེན་ལ། །གདུགས་འཕན་ཟུང་གཅིག་འཁོར་དུ་དགོད། །དཀར་པོའི་ཅོད་པན་རྩི་རང་གདང་། །ལྕགས་ཐག་ལ་སོགས་མདའ་རྒྱན་དང་། ལྷ་བཤོས་དག་ནི་གཏོར་མར་བཅས། །གཞན་ཡང་མ་ལུས་ཚོགས་པར་བསགས། །དར་རམ་རས་སམ་ཤིང་ཡང་ རྒྱུད། །ཞལ་ཁེབས་ནག་པོ་གཅིག་གིས་དགབ། །ལྕགས་ཐག་ནག་པོས་དཀྱིལ་འཁོར་བསྐོར། །ཟུར་གསུམ་དག་ཏུ་ཕུར་པ་དགོད། །མདའ་དང་དར་སྣ་བཅས་པར་གཟུག །རལ་གྲི་གསུམ་དང་ལྷ་བཤོས་གསུམ། །ཕུར་པ་ཉི་ཤུ་རྩ་གཅིག་དང་། །རྩ་ཆེན་དྲུག་ཅུ་རྩ་གཉིས་ནི། །དཀྱིལ་འཁོར་དག་ཏུ་དགོད་པར་བྱ། །དེ་ནས་སྔགས་མཁན་ཆས་གོས་ནི། །སྔགས་ཀྱི་ཆས་གོས་རྣམ་པ་ལྔ། །སྔགས་བེར་སྔགས་ཐོད་སྟོད་གཡོགས་སྨད་དཀྲིས་དང་། །སྔགས་ཀྱི་ཕུ་དུང་ལ་སོགས་པ། །དར་རམ་རས་སམ་རེ་བའམ། །ནན་ཏན་གྱིས་ནི་དཀྲི་བར་བྱ། །གཡབ་དར་སྔོན་དམར་ཁ་ཚོན་དོ། །མེ་འདྲེན་མདའ་དང་བཅས་པར་བྱ། །དེ་ནས་འབྱུང་པོའི་གཟུགས་སམ་དགྲ་བོའི་གཟུགས། །གྲོག་གའམ་རས་སམ་ཤིང་ཤུན་ལ། །གཟབས་ལ་ལེགས་པར་བྲི་བར་བྱ། །ཡང་ན་རྗེས་ཀྱི་ས་དག་ལས། །བརྙའི་ཤིང་རྩི་དག་དང་ནི། །རི་བོང་དག་གི་རིལ་མ་བསྲེ། །དེ་ལ་གཟུགས་སུ་བྱས་ནས་ནི། །དེ་ཡི་སྙིང་གར་མིང་རུས་བྱ། །སྙིང་པོ་དང་ནི་བཅས་པར་བྲིའོ། །དེ་ལ་སྦྲུལ་ནག་ཞགས་པས་བཅིངས། །ཡན་ལག་ལྔ་ནི་བཅིངས་བཞིན་དུ། ཁྲོ་བོའི་སྐུ་ལ་བརྟོད་དེ་བཞག །དེ་ནས་མཆོད་རྫས་བརྩམ་པ་ནི། །མཆོད་པ་རྣམ་ལྔ་ཚུལ་བཞིན་བརྩམ། །མར་ཁུ་དང་ནི་སྦྲང་རྩི་དང་། །འབྲས་ཆེན་འབྲས་ཀྱི་ཐུག་པ་དང་། ཁུག་གུ་རྟིང་དཀར་དང་ནི་ལ་དུ་བ། །མེ་ཏོག་དང་ནི་ཏིལ་མར་དང་། འབྲུ་ཐུག་དང་ནི་ལག་སམ་དང་། །འོལ་ཀོན་དང་ནི་ཡབ་ཐེའུ་རྣམས་སུ་བཅས། །རིན་ཆེན་ལྔ་དང་སྤོས་ལྔ་སྨན་ལྔ་དང་། །སྙིང་པོ་ལྔ་དང་འབྲས་ཀྱི་ལག་པན་དང་། །གཞན་ཡང་སྨན་གྱི་སྟོང་པ་སོགས། །ཐམས་ཅད་མ་ལུས་ཚོགས་པར་བྱ། །དེ་ནས་ཁྲོ་བོའི་མཆོད་རྫས་བརྩམ་པ་ནི། །མར་ཁུ་དང་ནི་ཐུབ་པ་ནག་པོ་དང་། །ཡམ་ཤིང་ནག་པོ་ཚེར་ཐེའུ་དང་། །དུག་གསུམ་གྱི་ནི་མཆོད་རྫས་དང་། །རིལ་བུ་གཅིག་ལ་བདུན་གསུམ་ཚོགས་པ་དང་། །ཀུ་ཤ་སྐེ་ཚེ་ལྡོང་རོས་དང་། །ཏིལ་མར་ཆེ་དང་ར་སྙིང་དང་། ཁྲ་ཁུ་དང་ནི་ལྕགས་ཕྱེ་རྡོ་ཕྱེ་དང་། །སྲན་ཆེན་དང་ནི་གུ་གུལ་དཀར་ནག་དང་། །དེ་ལ་སོགས་པའི་མཆོད་རྫས་ཚོགས་པའོ། །ཞེས་གསུངས་ཏེ། རྡོ་རྗེ་ངུར་མོའི་ཏནྟྲ་ལས། །ཁྱད་པར་དཀྱིལ་འཁོར་གྱི་ཆ་རྐྱེན་དང་། །མཆོད་པའི་ལེའུ་སྟེ་གསུམ་པའོ།། །།དེ་ནས་གསད་པའི་ལས་བརྩམས་པ། །ལྕགས་ཕྱེ་ཟངས་ཕྱེ་རྡོ་དྲེག་དང་། །ར་དུག་སྤྱང་དུག་བཙན་དུག་དང་། ཁྲ་དུག་དག་དང་འོ་དུག་དང་། །དུག་གི་རིགས་སུ་གཏོགས་པ་ཐམས་ཅད་དོ། །དུག་གི་ཟས་སུ་སྣོད་དང་བཅས་པར་བརྩམས། །དེ་ནས་གསད་པར་བྱ་བའི་ཕུར་པ་ནི། །ལྕགས་སམ་ནག་པོའི་ཤིང་རྣམས་སམ། །གདུག་པའི་དུག་ཤིང་ཚེར་མ་ཅན། །མགོ་གཞུག་མ་ནོར་པར་བཞོགས་ཏེ། །ཟུར་གསུམ་རྒྱ་མདུད་བཅས་པར་བྱ། །དུག་གི་གཏོར་མ་ནག་པོ་དང་། །རྡོ་རྗེ་ཐོ་བ་རལ་གྲི་དང་། །བརྡུང་བཞི་ཧ་རུ་ནི་གཡང་གཞི་དང་། །ཧསྟ་གཡས་པ་དག་དང་ནི། །བུད་མེད་ལྷམ་མམ་བརྡུང་གོས་ནག་པོའམ། །དེ་ལ་སོགས་ཏེ་ཕྱག་ཆ་ཚང་བར་བསོག །དེ་ནས་མཆོད་པ་རྣམ་ལྔ་དང་། །ཡོ་བྱད་ཆ་རྐྱེན་མ་ལུས་པ། །ཀུན་ཀ་སོགས་ལ་བྱིན་གྱིས་བརླབས། །བྱིན་གྱིས་བརླབས་པའི་དྲི་ཆུས་བསང་བར་བྱ། །དེ་དག་ཀུན་གྱི་བྱང་ཕྱོགས་གཡོན་དུ་བཞག །དེ་ནས་མཚམས་ཀྱི་ཆོ་ག་དྲག་ཏུ་བྱ། །དེ་ནས་རྡོ་རྗེའི་འགྲོས་ཀྱིས་བསྐོར་བ་དང་། །ཁྲོ་བོ་བཅུ་ཡིས་མཚམས་བཅད་དོ། །དེ་ནས་འོད་ཆེན་ཤར་བ་དང་། །དྲག་པོའི་ལས་སུ་ཁྱད་པར་བསྟན། །ཁྲོ་བོ་རྣམས་ཀྱིས་བྱིན་ཡང་བསྐྱེད། །སེམས་བཙན་པོ་ར་གཟུད་དོ། །རྡོ་རྗེའི་བསྒོ་བ་ཕ་མས་བུ་འཚོ་ལྟ་བུ། །སྐུ་གསུང་ཐུགས་ཀྱི་རང་བཞིན་ལས་འགལ་བར་བྱ་བ་མ་ཡིན་ནོ། །ཚད་མེད་པ་བཞིའི་གཞི་བཟུང་མོད། དེ་ལྟར་མ་བགྱིས་ན་ལས་ཀྱི་སྲིན་པོར་སྐྱེ་བའི་ཉེན་ཡོད། དཔལ་ཆེན་པོའི་ཚུལ་དུ་གནས་སོ། །རྡོ་རྗེ་ངུར་མོའ་ཏནྟྲ་ལས། གསད་པར་བྱ་བའི་ལས་ཀྱི་ཁྱད་པར་གྱི་ལེའུ་སྟེ་བཞི་པའོ།། །།དེ་ནས་མེ་བླང་བ་ནི། དུར་ཁྲོད་ཀྱི་མེ་གདོལ་པའི་མེའམ། ཡུགས་ས་མོའི་ཁྱིམ་ནས་མེའི་ས་བོན་བླང་། དེ་ནས་མེའི་བསྙེན་པ་བགྱི་བར་བྱ། །བསྙེན་པའི་དོན་ནི་འཛབ་ཏུ་བཟླས། དེ་ནས་ཆོ་ག་ཕུན་སུམ་ཚོགས་པས་དྲང་བར་བྱ། ད་ནི་དྲག་པོའི་ཕྲིན་ལས་བགྱི་སྟེ། འགུགས་འདྲེན་དྲག་ཏུ་བགྱི། དགྲ་བགེགས་ལ་སོགས་པ་བཀུག་ནས། དུག་སྣ་ཚོགས་ཀྱིས་མེ་བསད་དེ།འདི་སྐད་དོ། ཁྲེང་གི་གཉེན་པོ་མེ་ཡིན་ཏེ། །མེ་ཡིས་ཤིང་བསྲེག་སྙིང་རེ་ཚིམ། །མེ་ཡི་གཉེན་པོ་ཆུ་ཡིན་ཏེ། །ཆུ་ཡིས་མེ་བསད་སྙིང་རེ་ཚིམ། །ཆུ་ཡི་སྙིང་པོ་དུག་ཡིན་ཏེ། །དུག་གིས་ཆུ་བསད་སྙིང་རེ་ཚིམ། །དུག་གི་སྙིང་པོ་སྨན་ཡིན་ཏེ། །སྨན་གྱིས་དུག་བསད་སྙིང་རེ་ཚིམ། །སྨན་ནི༷་ལྷ་ཡི་སྤྲུལ་པ་ཡིན། །སྨན་གྱིས་གང་ཞིག་གསོ་བར་བྱེད། །ཅེས་བརྗོད་དེ་སྨན་སྦྱར་སླར་བླུག་སྟེ་མེ་གསོའོ། །མེ་གསོ་བའི་ཡས་ལྟགས་ལ། ཤུག་ལོ་མཆན་ཁུང་གང་དང་། མར་དཀར་སྲུངས་ཤིག་སླར་མེ་གསོའོ། །ཨཱོཾ་ར༷་ར༷་བ་ཡ་ཧུ༷། ར༷་ཀ་ལ་ཡ་ཧུ༷་ཛ་ལ་ཛ་ར༷་ཧུ༷། མ་མ་ནི་ར༷་ར༷་ཡུ། ཕཊ་ཕཊ་ཧུ༷་ཧེ་ར༷་ཏྲ༷་ར༷། དེ་ནས་ཐུགས་དམ་འདི་སྐད་བསྐུལ། མེ་ལྷ་རྒྱལ་པོ་ཆེན་པོ་སྟེ། །སྐྱིནཆེནགཤིབསཔའིཁྲི་ལ་བཞུགས། །རྡོ་རྗེ་འབར་བ་ཕྱག་ན་བ མས། །མེ་ཡི་རལ་པས་བར་ ང་ཁེབས། ཁྲངས་ནས་དུ་བའི་སྤྲིན་དུ་འཁྲིགས། །ལྗགས་ནས་མེ་ཡི་རྦ་ཀློང་འཁྱིལ། ཁྲར་གྱི་ཕྱོགས་ནས་མེ་དྲོངས་ཤིག །ལྷོ་ཡི་ཕྱོགས་ནས་བསྐུལ་བ་ནི། །མེ་ཡི་རྒྱལ་པོ་ཆེན་པོ་སྟེ། །ཆུ་གླང་སྔོན་པོའི་ཁྲི་ལ་བཞུགས། །སྐུ་མདོག་སྔོ་ནག་རལ་པ་ཅན། དྲིལ་ཆེན་འབར་བ་ཕྱག་ན་བསྣམས། །མེ་ཡི་རལ་པས་བར་སྣང་ཁེབས། ཁྲངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །ལྷོ་ཡི་ཕྱོགས་ནས་མེ་དྲོངས་ཤིག །ནུབ་ཀྱི་ཕྱོགས་ནས་བསྐུལ་བ་ནི། །པདྨ་རིགས་ཀྱི་མེ་ལྷ་སྟེ། །སྐུ་མདོག་དམར་ལ་རལ་པ་ཅན། ཁེང་རྟ་བལྟབས་པའི་ཁྲི་ལ་བཞུགས། །ཕྱག་ན་པདྨ་དཀར་པོ་བསྣམས། །མེ་ཡི་རལ་པས་བར་སྣང་ཁེབས། ཁྲངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །ནུབ་ཀྱི་ཕྱོགས་ནས་མེ་དྲོངས་ཤིག །བྱང་གི་ཕྱོགས་ནས་བསྐུལ་བ་ནི། །མེ་ལྷའི་རྒྱལ་པོ་ཆེན་པོ་སྟེ། །སྐུ་མདོག་ལྗང་སེར་རལ་པ་ཅན། །ཀླུ་ལུག་གྲོ་མོའི་ཁྲི་ལ་བཞུགས། །རྡོ་རྗེ་རྒྱ་གྲམ་ཕྱག་ན་བསྣམས། །མེ་ཡི་རལ་པས་བར་སྣང་ཁེབས། ཁྲངས་ནས་དུ་བའི་སྤྲིན་དུ་འཁྲིགས། །ཞལ་ནས་མེ་ཡི་རྦ་ཀློང་འཁྱིལ། །བྱང་གི་ཕྱོགས་ནས་མེ་དྲོངས་ཤིག །དུང་སྦུད་མ་དང་དུང་མཆུ་མ། །དུང་གི་མི་མོ་ཆེན་མོ་དང་། །དུང་གི་སྒྱུད་མཆུ་ཆེན་མོ་ནི། །གཡས་ན་དུང་གི་སྦུད་པ་ཐོགས། །གཡོན་ན་ཁྱུང་གི་ཁྲ་ཐོགསཤིང། །གཤོགཔགཡོབས་ལ་མེ་བུསཤིག །མཆེདལྔའིཚིགབསྐུལ་བ་ནི། །ཨསྣེ་དམར་སེར་མེ་ཡི་ལྷ། །མེ་དཔུང་འབར་བའི་དཀྱིལ་འཁོར་ནས། །སྐྱིན་ཆེན་ཁམ་པའི་ཁྲི་ལ་བཞུགས། །མེ་ཡི་རལ་པས་བར་སྣང་ཁེབས། །སྤྱན་ནས་མེ་སྟག་ཕྱོགས་བཞིར་འཕྲོས། །ཞལ་ནས་མེ་ཡི་རྦ་ཀློང་འཁྱིལ། །ལྗགས་ནས་མེ་ཡི་དཀྱིལ་འཁོར་འདྲིལ། །ཕྱག་ན་མེ་ཡི་བགྲང་ཕྲེང་འཛིན། །རྒྱལ་ཆེན་རིགས་བཞི་ཕྱོགས་བཞི་བསྲུངས། །བྲམ་ཟེ་ཕོ་མོ་ལྔ་བརྒྱ་ཡང་། །འཁོར་ན་གནས་པའི་འཁོར་ལགས་ཀྱི། །ཁ་འབར་མས་ནི་མེ་བུས་ལ། །བྲམ་ཟེ་རྒྱལ་པོས་འགལ་སྐུལ་ཅིག །མེ་ཡི་ས་བོན་མ་བཅུག་ཀྱང་། །འབྱུང་བ་ཆེན་པོ་མེ་ཡི་རྒྱུ། །སོ་སོའི་རྒྱུ་ལས་མེ་དྲོངས་ལ། །རྒྱ་མཚོའི་གཏིང་ནས་མེ་དྲོངས་ལ། །འཁོར་བའི་རྒྱ་མཚོ་སྐམ་པ་དང་། །ཉོན་མོངས་བུད་ཤིང་བསྲེགས་པ་དང་། །སྡང་བའི་དགྲ་དང་གནོད་པའི་བགེགས། །དེ་ཡི་བག་ཆགས་བསྲེག་དགོས་ཀྱིས། །བུས་ཤིག་བུས་ཤིག་མེ་བུས་ཤིག །སྐུལ་ཅིག་སྐུལ་ཅིག་འགལ་སྐུལ་ཅིག །མ་མ་མ་མོའི་ཚོགས་འབར་བ། །ཆུ་ཀླུང་སྐེམ་པར་བྱེད་པ་སྟེ། །རྒྱ་མཚོའི་གཏིང་དུ་མེ་བུས་པས། །རི་རབ་རྩེ་ལ་ལྗོན་ཤིང་ཆགས། །རྒྱ་མཚོའི་གཏིང་དུ་རྡོ་བཅག་བས། །རྡོ་རྗེ་ཁྲོ་བོར་གྱུར་ནས་སུ། ཞེ་སྡང་བྱེད་པ་བརྡུལ་དུ་རློགས། །སྲིད་གསུམ་བསྲེག་པའི་མེ་སྤར་བས། །ཁྲོ་བོ་འབར་བའི་ཐུགས་དམ་བསྐང་། །དབང་ཕྱུག་མ་དང་བྲན་མོའི་ཚོགས། །ཁྱེད་རྣམས་འདུས་ལ་ལས་རྣམས་གྱིས། །དྲག་པོའི་ལས་ལ་ཁྱད་པར་བསྐུལ་བའི་ལེའུ་སྟེ་ཐ་མའོ།། །།དེ་ནས་དཔལ་རྡོ་རྗེ་སེམས་དཔས་སྲེག་ལས་ཀྱི་ལེའུ་འདི་གསུངས་སོ། །ཐུགས་རྗེ་དབང་གི་དཀྱིལ་འཁོར་དུ། །ཡེ་ཤེས་འབར་བའི་མེ་བྱུང་བས། །དུ་བ་མཐོན་མཐིང་ཆོས་ཀྱི་སྤྲིན། །ཞི་བའི་མཆོད་པ་འབུལ་བ་ནི། །སྲིད་པའི་རྩེ་མོ་མན་ཆད་ནས། །བསམ་གཏན་གསལ་བའི་གནས་རྣམས་སུ། །སྐྱེ་མཆེད་ཕྱོགས་ཀྱི་ཐུགས་དམ་བསྐང་། །དཀོན་མཆོག་གསུམ་གྱི་ཐུགས་དམ་མཆོད་སྤྲིན་རྒྱུ། །རྒྱལ་བའི་བྱིན་རླབས་འཕེལ་བར་ཤོག །མེ་ལྕེ་འབར་བའི་མཆོད་པ་འདིས། །བདེ་གཤེགས་ལྷ་ཡུལ་དགའ་ལྡན་དུ། །དགྲ་བཅོམ་འགྲོ་བའི་དོན་བྱས་ནས། །རྒྱལ་བའི་བཀའ་དང་བྱང་ཆུབ་སེམས། །ཐུགས་དམ་ཡོངས་སུ་བསྐངས་གྱུར་ནས། །སྐུ་གསུང་ཐུགས་ཀྱི་དཀྱིལ་འཁོར་དུ། །རང་རིག་འབྲས་བུ་བསྐྱེད་པ་དང་། །དཔལ་གྱི་བྱིན་རླབས་འཕེལ་བར་ཤོག །མེ་འོད་འབར་བའི་མཆོད་པ་འདིས། །ལྷ་དང་བཅས་པའི་སློབ་དཔོན་དང་། །སྲོག་གི་འབྲེལ་བའི་མཆེད་ལྕམ་ལ། །བདུད་རྩི་མཆོད་པ་དམ་པ་འདིས། །ཐུགས་དམ་ཡོངས་སུ་བསྐངས་གྱུར་ནས། །དབང་དང་དངོས་གྲུབ་བླང་བའི་ཕྱིར། །དགོངས་པ་མེ་འོད་འབར་བ་བཞིན། །ཐུགས་དམ་ཡོངས་སུ་བསྐངས་གྱུར་ནས། །དཔལ་གྱི་བྱིན་རླབས་འཕེལ་བར་ཤོག །བདག་ལ་ཐུགས་རྗེ་དཔལ་གྱི་ཞིང་། །དབང་གི་མཆོད་པ་དམ་པ་འདིས། །སྐུ་གསུང་ཐུགས་ཀྱི་དཀྱིལ་འཁོར་དུ། །བྱང་ཆུབ་སྙིང་པོ་རྫོགས་གྱུར་ཤོག །ཐལ་བ་ངན་སོང་གསུམ་དུ་དབོ། །བདུད་བཞི་ཐལ་བར་བརླག་པའི་ཕྱིར། །ལས་ཀྱི་མཆོད་པ་དམ་པ་འདིས། །རྒྱལ་ཆེན་བཞི་དང་ཕྱོགས་སྐྱོང་བཅུ། །རྡོ་རྗེའི་རིགས་ཀྱི་ཐུགས་དམ་བསྐང་། །འདོད་ཁམས་གནས་རིགས་ཉི་ཤུ་དང་། །གཟུགས་ཁམས་གནས་རིགས་བཅུ་བདུན་དང་། །སྐྱེ་མཆེད་འགྲོ་དྲུག་གནས་རྣམས་སུ། །སོ་སོའི་ལས་དང་འདུ་ཤེས་ཀྱིས། །ཆག་ཉམས་ཕམ་ལྟུང་ཅི་མཆིས་རྣམས། །ཆག་ཉམས་ཕམ་ལྟུང་འཕྲོ་བསབས་ཏེ། །སྐུ་གསུང་ཐུགས་ཀྱི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་གྱུར་ཤོག །སྤྱིན་སྲེག་གི་ལེའུ་ལས། འབར་བ་མེའི་སྦྱིན་སྲེག་གི་ལེའུ་སྟེ་དང་པོའོ།། །།དེ་ནས་སྲེག་རྫས་རྣམས་བསྲེགས་ནས། །མེ་ཏོག་བསྲེགས་པའི་མཆོད་པ་འདིས། །བྱང་ཆུབ་ཕྱོགས་དང་རྒྱལ་བའི་རིགས། །ཐུགས་དམ་དཀར་པོ་བསྐང་གྱུར་ཏེ། །ཡོན་བདག་ཚེ་དང་གཟི་བརྗིད་རྣམས། །སྐྱེད་མོས་ཚལ་གྱི་ལྗོན་ཤིང་ལྟར། །དཔལ་དང་གཟི་བྱིན་འཕེལ་བར་གྱུར། །རྒྱལ་བའི་བྱིན་རླབས་འཕེལ་བར་ཤོག །མར་ནི་ཐམས་ཅད་ཀུན་གྱི་སྙིང་པོ་སྟེ། །འགྲོ་བ་ཀུན་གྱི་གསོས་ཡིན་པས། །བདུད་རྩིའི་མཆོད་པ་དམ་པ་འདིས། །འདོད་ཁམས་གནས་རིས་ཉི་ཤུ་དང་། །གཟུགས་ཁམས་གནས་རིས་བཅུ་བདུན་དང་། །དམྱལ་ཁམས་བཅུ་དྲུག་ཡན་ཆད་དུ། །སོ་སོའི་ལས་དང་འདུ་ཤེས་དང་། །ཆག་ཉམས་ཕམ་ལྟུང་ཅི་མཆིས་རྣམས། །ལས་ཀྱི་ཕམ་ལྟུང་འཕྲོ་བསབས་ཏེ། །སྐུ་གསུང་ཐུགས་ཀྱི་པ་རྣམས། །ཁམས་གསུམ་འཁོར་བའི་བདུད་བཅོམ་ནས། །བྱང་ཆུབ་སྙིང་པོར་རྫོགས་གྱུར་ཤོག །ཞི་བ་ཤཱསྟི་ཀུ་རུ་གྲྭ་ཧྭ། ཞི་བ་ལ་དུམ་ཀུ་རུ་གྲྭ་ཧྭ། ཤག་ཐེའུ་ཡི་རབས་འདི་སྐད་དོ། །ཐུགས་རྗེ་དབང་གི་དཀྱིལ་འཁོར་དུ། །དེང་གི་ཡོན་བདག་འཁོར་བཅས་རྣམས། །ལུས་ངག་ཡིད་གསུམ་རང་བཞིན་ནི། །སྒོ་གསུམ་འཁྲུལ་པའི་ཉེས་བྱས་ཀྱིས། །ལུས་ངག་ཡིད་གསུམ་འབྲས་བུར་སྨིན། །ཁམས་གསུམ་འཁོར་བའི་རྒྱུན་ཡང་ཡིན། །ངན་སོང་ལྟུང་བའི་གཞི་ཡང་ཡིན། །དེ་ཡི་སྒྲིབ་པ་སྦྱང་བའི་ཕྱིར། །ཡམ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྐུ་གསུང་ཐུགས་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ཏེ། །བྱང་ཆུབ་སྙིང་པོར་རྫོགས་པར་ཤོག །ཕུང་པོ་ལྔ་ཡི་རང་བཞིན་ནི། །རྟོག་པས་འཁྲུལ་པའི་ཉེས་བྱས་ཀྱིས། །ཕུང་པོ་ལྔ་ནི་འབྲས་བུར་སྨིན། །ངན་སོང་ལྔ་ཡི་གཞི་ཡང་ཡིན། །རྒྱུད་ལྔར་འཁོར་བའི་རྒྱུ་ཡང་ཡིན། །དེ་ཡི་སྒྲིབ་པ་སྦྱང་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྐུ་གསུང་ཐུགས་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ནས། །སྐུ་ལྔ་འབར་བའི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་པར་ཤོག །རྣམ་ཤེས་བརྒྱད་ཀྱི་སྤྱོད་ཡུལ་ན། །འཁར་བ་ལྔ་དང་དུག་གསུམ་གྱིས། །རྣམ་ཤེས་བརྒྱད་ཀྱི་འབྲས་བུར་སྨིན། །སྡུག་བསྔལ་བརྒྱད་ཀྱི་གཞི་ཡང་ཡིན། །ཉོན་མོངས་བརྒྱད་ཀྱི་རྒྱུ་ཡང་ཡིན། །དེ་ཡི་སྡུག་བསྔལ་བསལ་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །ཡེ་ཤེས་བརྒྱད་ཀྱི་དཀྱིལ་འཁོར་དུ། །ཡེ་ཤེས་འབར་བའི་མེས་བསྲེགས་ཏེ། །རྣམ་པར་ཤེས་པ་བརྒྱད་ཀྱི་དཀྱིལ་འཁོར་དུ། །བྱང་ཆུབ་སྙིང་པོར་རྫོགས་གྱུར་ཅིག །སྐྱེ་མཆེད་བཅུ་གཉིས་རང་བཞིན་ནི། །སྒྱུ་མ་རྟོག་པའི་འཛིན་ཆགས་ཀྱིས། །སྐྱེ་མཆེད་བཅུ་གཉིས་འབྲས་བུར་སྨིན། །འདུ་ཤེས་ཚོལ་བའི་རྒྱུད་ཡང་ཡིན། །གཏི་མུག་འཁོར་བའི་ལམ་ཡང་ཡིན། །དེ་ཡི་སྡུག་བསྔལ་བསལ་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །ཡེ་ཤེས་འབར་བའི་མེས་བསྲེགས་ནས། །མཛེས་པའི་ལྷ་མོ་ཟུང་གཉིས་ཀྱིས། །དཀྱིལ་འཁོར་གསང་བའི་དབང་བསྐུར་ཏེ། །ཐུགས་རྗེའི་དབྱིངས་སུ་རྫོགས་གྱུར་ཅིག །ཁམས་ཆེན་བཅོ་བརྒྱད་སྤྱོད་ཡུལ་ནི། །བྱིང་རྨུགས་ལས་ཀྱི་རྣམ་སྨིན་གྱིས། །ཁམསཆེནབཅོབརྒྱདའབྲས་བུར་སྨིན། །བྱང་ཆུབ་ལྟུང་བའི་གནས་ཀྱང་ཡིན། །ངན་འགྲོར་སྐྱེ་བའི་ལས་ཡང་ཡིན། །དེ་ཡི་སྡུག་བསྔལ་སྦྱང་བའི་ཕྱིར། །ཡབ་ཐེའུ་ཐབས་དང་ཤེས་རབ་ཀྱིས། །ཚེ་རབས་བགྲང་བའི་ཉེས་བྱས་དང་། །དུས་འདིའི་ལས་ཀྱི་བག་ཆགས་རྣམས། །སྟོང་པ་བཅོ་བརྒྱད་དཀྱིལ་འཁོར་གྱི། །ཡེ་ཤེས་ཆེན་པོའི་མེས་བསྲེག་ནས། །ལས་ཀྱི་སྒྲིབ་པ་རྣམ་པར་སྦྱངས། །ཐུགས་དམ་དབང་གི་དཀྱིལ་འཁོར་དུ། །ཐུགས་དམ་ཡོངས་སུ་བསྐངས་གྱུར་ནས། །བྱང་ཆུབ་ཆེན་པོར་རྫོགས་གྱུར་ཅིག །ཀུ་ཤ་བསྲེགས་པའི་མཆོད་པ་འདིས། །རྒྱལ་བའི་བཀའ་དང་སྔགས་ཀྱི་དབང་། །མི་ཤེས་ཚུལ་ཁྲིམས་གཞུང་ཉམས་པའི།གོརསོང །བྱང་ཆུབ་སྙིང་པོར་རྫོགས་གྱུར་ཏེ། །དེང་གི་ཡོན་བདག་འཁོར་བཅས་རྣམས། །དབང་དང་དངོས་གྲུབ་བསྐྱེད་པའི་ཕྱིར། །སྐྱེད་མོས་ཚལ་གྱི་ལྗོན་པ་ལྟར། །བླ་མའི་སྟན་ལ་འདུག་པར་ཤོག །ཏིལ་འབྲུ་བསྲེགས་པའི་མཆོད་པ་འདིས། །དེང་གི་ཡོན་བདག་འཁོར་བཅས་རྣམས། །བསྐལ་པར་བསགས་པའི་སྡིག་སྦྱངས་ཏེ། །ཀུན་གྱི་གནས་སུ་ཞེན་པ་ལས། །ཐུགས་ཀྱི་སྤྲུལ་པའི་བྱིན་རླབས་ཀྱིས། །བླ་མའི་གནས་སུ་འབྱོར་བར་ཤོག །སྙིང་པོ་བསྲེགས་པའི་མཆོད་པ་འདིས། །བདག་ཅག་རིག་འཛིན་སྔགས་མཁན་གྱི། །ལུས་ངག་ཡིད་གསུམ་ལྡན་པ་ཡིས། །ཕྲིན་ལས་ཡོ་བྱད་གཞུང་བསྲང་སྟེ། །སྲིད་པའི་རྩེ་མོ་མན་ཆད་ནས། །རྡོ་རྗེས་གཏམས་པ་ཡན་ཆད་དུ། །མེ་ལྕེ་དབལ་གྱིས་ཚིག་པ་རྣམས། །གསོ་ཞིང་གནས་སུ་བསྐང་བའི་ཕྱིར། །བྱང་ཆུབ་སྙིང་པོར་རྫོགས་གྱུར་ཏེ། །བདག་ཅག་སྔགས་མཁན་རྒྱལ་པོ་རྣམས། །ཆག་ཉམས་ཕམ་ལྟུང་འཕྲོ་བསབས་ནས། །ཡུན་གྱི་སྒྲིབ་པ་བྱང་གྱུར་ཅིག །སྦྱིན་སྲེག་ལས་ཀྱི་ལེའུ་ལས། །རྫས་ཀྱི་སྦྱིན་སྲེག་གི་ལེའུ་སྟེ་ཐ་མའོ།། །།དེ་ནས་སྤྱིན་སྲེག་བྱ་བ་ནི།ཤ་ཁྲག་བསྲེགས་པའི་མཆོད་པ་འདིས། །དུར་ཁྲོད་འབར་བའི་དཀྱིལ་འཁོར་དུ། །ཁྲོ་མཆོག་རྒྱལ་པོ་སྤྱན་དྲངས་ཏེ། །སྔོན་གྱི་སྒྲིབ་པ་སྦྱང་བའི་ཕྱིར། །ཕྲིན་ལས་རྣམ་བཞིར་མངའ་གསོལ་གྱིས། །ལས་ཀྱི་འབྲས་བུ་མཆིས་པར་མཛོད། །སྲན་ཆེན་བསྲེགས་པའི་མཆོད་པ་འདིས། ཕྲ་མེན་ཚོགས་དང་དབང་ཕྱུག་འཁོར། །ཕོ་ཉ་དྲུག་ཅུ་ཕྱག་རྒྱའི་ཚོགས། །ཐུགས་དམ་ཡོངས་སུ་བསྐངས་གྱུར་ནས། །ཕྲིན་ལས་རྣམ་བཞིའི་དབང་བྱིན་ནས། །ལས་ཀྱི་འབྲས་བུ་མཆིས་པར་མཛོད། ལྕགས་ཕྱེ་བསྲེགས་པའི་མཆོད་པ་འདིས། །ལྷ་སྲིན་སྡེ་བརྒྱད་གནས་སུ་རྣམས། །གནོད་ཅིང་འདུལ་བའི་རྐྱེན་བྱེད་རྣམས། །རྡོ་རྗེ་ལྕགས་ཀྱུའི་འཕྲོ་འདུ་འདིས། །གདུག་པའི་ལུས་ངག་རྒྱུད་བརླགས་ནས། །བྱང་ཆུབ་ཀློང་དུ་བསྒྲལ་བྱས་ནས། །ཁྲོ་ཚོགས་འབར་བའི་ཞལ་དུ་བསྟབ། །རྡོ་ཕྱེ་བསྲེགས་པའི་མཆོད་པ་འདིས། །དམ་འདས་སྲི་དང་ལས་ངན་བགེགས། །ག་་ཆེན་འབར་བའི་དཀྱིལ་འཁོར་དུ། །མགྱོགས་པའི་ཚོགས་རྣམས་བསྡུས་བྱས་ནས། །རྡོ་ཕྱེས་ཕྱེ་མར་བརླག་བྱས་ནས། །གྲུ་གསུམ་མཐིང་ནག་དཀྱིལ་འཁོར་དུ། །འབར་བའི་ཚོགས་རྣམས་ཞལ་དུ་བསྟབ། །ཚྭ་དང་རྭ་སྙིང་བསྲེགས་པ་ཡིས། །དུག་གསུམ་ལས་ཀྱི་རྣམ་སྨིན་གྱིས། །ངན་སོང་གསུམ་གྱི་འབྲས་བུར་སྨིན། །ཕྲ་མེན་རྒྱ་མཚོའི་མཚོན་ཆ་འདིས། །འཁོར་བའི་རྒྱུ་ལྔ་བརླག་པའི་ཕྱིར། །རང་རྒྱུད་རླག་པའི་མཚོན་ཆ་འདིས། །ཙིསྟའི་དཀྱིལ་ནས་དྲངས་བྱས་ནས། ཁུ་གསུམ་མཐིང་ནག་དཀྱིལ་འཁོར་དུ། །ཐབས་ཀྱི་ཕྱག་རྒྱས་དྲངས་ནས་སུ། །རྔམས་པའི་ཚོགས་ཀྱི་ཞལ་དུ་བསྟབ། །སྐེ་ཚེ་བསྲེག་པའི་མཆོད་པ་འདིས། །ཕུང་པོ་ཁམས་དང་སྐྱེ་མཆེད་དང་། །རྣམ་ཤེས་སེམས་ཀྱི་དཀྱིལ་འཁོར་དུ། །དམ་ཚིག་ལས་ཀྱི་ཕམ་ལྟུང་གིས། །སྲིད་པའི་དམ་དྲལ་སྡིག་བྱེད་རྣམས། །གཤིན་རྗེ་གདུག་པའི་འཁོར་བཅས་རྣམས། ཁུ་གསུམ་མཐིང་ནག་དཀྱིལ་འཁོར་དུ། །ཐབས་ཀྱི་ཕྱག་རྒྱས་བསྒྲལ་བྱས་ནས། །རསྒའི་ཚོགས་ཀྱི་ཞལ་དུ་སྟོབ། །ལྡོང་རོས་བསྲེགས་པའི་མཆོད་པ་འདིས། །བདག་དང་དེང་གི་ཡོན་བདག་ལ། །མཐོ་རིས་སྲི་དང་འབྱུང་པོའིགདོན། །རྣལ་འབྱོར་དམ་སྲི་དམ་བདུད་དང་། །ལས་ཀྱི་ཉེས་བྱས་ཕམ་ལྟུང་རྣམས། །རྡོ་རྗེ་གཤོག་པའི་ཕྱག་རྒྱ་དང་། །མཆེ་བ་སྡེར་མོ་ཟང་ཡག་འདིས། །དཀར་ནག་མཚམས་ནས་དྲངས་བྱས་ནས། །ལས་ངན་གདུག་པ་བརླག་པ་ནི། །མཐིང་ནག་འབར་བའི་དཀྱིལ་འཁོར་དུ། །ཕྲ་མེན་རྒྱ་མཚོ་སྤྱན་དྲངས་ནས། །ངན་སོང་རྒྱུད་ལྔ་བརླག་པའི་ཕྱིར། །ཨ་ཛ་ལི་ཡི་དོགས་པ་ལྟར། །སབདགཆེནཔོའིཞལདུབསྟབ། །ཁྲོ་བོའི་སྦྱིན་སྲེག་གི་ལེའུ་སྟེ་དང་པོའོ།། །།དེ་ནས་འདི་སྐད་དུ། །ང་ནི་སྔགས་མཁན་རྒྱལ་པོ་སྟེ། །ཁམས་གསུམ་ཐུགས་རྗེ་དཔལ་གྱི་ཞིང་། །ང་ནི་ཕྱག་རྒྱ་ཆེན་པོ་སྟེ། །རྒྱལ་བ་རིགས་ཀྱི་ཐུགས་དམ་ཡིན། །ང་ནི་སྨན་པའི་རྒྱལ་པོ་སྟེ། །ཐུགས་རྗེ་དབང་གི་དཀྱིལ་འཁོར་དུ། །ཡེ་ཤེས་འབར་བའི་མེ་བྱུང་བས། །སྲིད་པའི་རྩེ་མོ་མན་ཆད་ནས། །དམྱལ་ཁམས་གནས་རིས་ཡན་ཆད་དུ། །དཀོན་མཆོག་གསུམ་དང་བྱང་ཆུབ་སེམས། །འཇིག་རྟེན་ལྷ་དང་སྲིད་པའི་དཔལ། །གནས་རིས་ཀླུ་དང་དུག་རིས་སྨན། །ལྷ་སྲིན་སྡེ་བ་་གནས་རིས་སུ། །མེ་ལྕེ་མཚོན་གྱིས་སྨས་པ་རྣམས། །ཐུགས་རྗེ་དབང་གི་དཀྱིལ་འཁོར་དུ། །གསང་སྔགས་ཐབས་ཀྱི་ཕྱག་རྒྱ་ཡིས། །བདུད་རྩི་སྨན་གྱིས་གསོ་བར་བྱ། །དེ་ཕྱིར་སྨན་པའི་རྒྱལ་པོ་སྟེ། །སྐྱེས་མཆོག་ང་ཡི་ལས་བྱས་ནས། །བགེགས་ཀྱང་བ་་ནས་བྱང་ཆུབ་སེམས། །དུག་ཀྱང་སྦྱངས་ནས་སྨན་གྱི་མཆོག །སྨན་དུ་མ་གྱུར་གང་ཡང་མེད། །མེ་ལྕེས་སྨས་པ་གསོས་པར་ཤོག །དབལ་གྱིས་ཚིག་པ་གསོས་པར་བྱེད། །དེ་ནས་མེ་ལྷ་སླར་གཤེགས་སུ་གསོལ་བ་ནི། །མེ་ལྷ་ཨསྣེ་སྦྱིན་སྲེག་ལྟ། །ཁྱོད་ཀྱིས་སེམས་ཅན་ཀུན་གྱི་དོན། །ཚུལབཞིནདུནིམཛདལགས་ཀྱིས། །སངས་རྒྱསཡུལདུགཤེགསསུགསོལ། །གསྣྲོ་མུ། ཞེས་ཤར་ལྷོ་མཚམསསུགཤེགསསུགསོལ། །ཁྲོ་བོའི་སྦྱིན་སྲེག་ལས་ཀྱི་ལེའུ་ལས། །མེལྕེམཚོནགྱིསཚིག་པ་གསོ་བ་དང། །ལས་ཀྱི་ཕམ་ལྟུང་བསལ་བ་དང་། །མེ་ལྷ་གཤེགས་སུ་གསོལ་བའི་ལེའུ་སྟེ་ཐ་མའོ།། །།དེ་ནས་ཁྲོ་བོའི་ལས་བྱ་བའི་ཕྱིར། ཁྲོ་བོ་ཀི་ལི་ཀི་ལིའི་ཕྱག་རྒྱས་མེ་སྦྱང་བ་ནི། །ལག་པ་གཡོན་པ་ཁ་ཕར་བསྟན་པ་དང་། གཡས་པ་ཁ་ཚུར་བསྟན་པ་གཉིས། གཅིག་ཏུ་སྦྱར་ལ་སོར་མོ་བསྐྱོད་ལ་སྔགས་འདི་བཟླས་སོ། །ཨོ་ཀི་ལི་ཀི་ལི་བི་ལི་ཏེའུ་དྲི་བ་ཀྲི་ཏ་མ་ཧྭ་བཛྲ་ཀྲི་ཏ་ཡོ་ནི་ཀྲོ་དྷ་ན་ཧཱུཾ།དེས་ནི་དམ་ཚིག་གཙང་མར་བྱིན་བརླབ་བོ། །དེ་ནས་འབར་བའི་དཀྱིལ་འཁོར་རིམ་པར་འབར་བའི་སྲེག་ཁང་དུ་སྤྱན་དྲང་བ་ནི། ལྷ་ཀུན་གྱི་ཚིག་བཤད་འདིས་བསྐུལ་ཞིང་། སྔགས་དང་སྦྱར་ཏེ་སྤྱན་དྲངས་སོ། །དེ་ནས་ཕྱག་རྒྱ་བཅས་ལ་འདི་སྐད་དོ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདས། །འབར་བའི་ཁང་དུ་བཞུགས་ནས་ཀྱང་། །སྲེག་བླུགས་ཞལ་ཟས་བཞེས་སུ་གསོལ། །ཨེ་གྱེ་ཧི་བྷ་ག་བཱན་མ་ཧྭ་ཀྭ་རུ་ཁི་ཀ་དྲི་ཤུ་ཧོ། །ས་མ་ཡ་སྟུ༷། ཛ༷༷ཧུ༷་བ༷་ཧོ༷། བཛྲ་ཨསྣ་ཡེ་བཛྲ་ཨ༷་ཀུ་ཤ །ཨུ་གསྣྲོ་ཨུ་གསྣྲོ་ཞེས་སྤྱན་དྲང་ངོ་། །དེ་ནས་བྱོན་པ་དང་མེ་ཏོག་ཅིག་ཐབ་ཏུ་བོར་ཏེ། པདྨ་ས་མ་ཡ་སྟུ༷་ཞེས་གདན་དུ་བཏིངས་ལ། བཅོམ་ལྡན་འདསལྷའིཆེདདུསྦྱིནསྲེགསྩལ་ན། མེ་འབར་བའི་ནང་དུ་བཞུགས་སུ་གསོལ་ཞེས་བརྗོད། དེ་ནས་སྲེག་རྫས་ཀྱིས་མཆོད་པ་ནི། སོ་སོའི་སྔགས་བརྗོད་ཅིང་བདུན་གསུམཉིཤུརྩགཅིགཏུ་འབུལ་ལོ། །དེ་ནས་བསྟོད་པ་བྱ། དེ་ནི་དྲག་པོ་བྱ་བའི་ལས་བྱས་སོ། །དེ་ནས་སླར་གཤེགས་སུ་གསོལ། དེ་ནས་ཡང་མེ་སྦྱང་། དེ་ནས་ལྷ་ཕྱི་མ་རྣམས་སྤྱན་དྲངས་ཏེ། གོ་རིམ་གོང་མ་ལྟར་བྱའོ། །དྲག་པོ་ལས་ཀྱི་གོ་རིམ་ལས། མེ་སྦྱང་བ་དང་། སྤྱན་དྲངས་པ་དང་། གདན་དབུལ་ཞིང་བརྟན་པར་བཞུགས་སུ་གསོལ་བ་དང་། མཆོད་པ་འབུལ་བའི་ལེའུ་སྟེ་དང་པོའོ།། །།དེ་ནས་བསྟོད་པ་བྱ་བ་འདི་སྐད་དོ། །ཧཱུཾ༷་ཁྱོད་ནི་མགོན་པོ་རྡོ་རྗེ་འཛིན། །ཁྱོད་ནི་གླང་པོའི་རྣ་བ་ཅན། །ཁྱོད་ནི་བཟང་པོའི་རྒྱན་དང་ལྡན། །ཁྱོད་ནི་རྣམ་པར་གནོན་པ་ཡིན། །ཡོན་ཏན་རིན་ཆེན་འབྱུང་གནས་ཁྱོད། །ཁྱོད་ནི་བདེ་བ་སྤྱིན་པ་སྟེ། །ཁྱོད་ནི་གཟུགས་ནི་མཛེས་པའི་རྒྱན། །ཁྱོད་ནི་མེ་ལྷ་རལ་པ་ཅན། །ཁྱོད་ནི་གཟུགས་ནི་མཛེས་པ་ཡིན། །དེ་ནས་དྲག་པོ་སྦྱོར་བའི་ལས་དང་སླར་གཤེགས་སུ་གསོལ། །དེ་ནས་ཡང་མེ་སྦྱང་། ཕྱི་མ་སྤྱན་དྲངས་གདན་དབུལ་བ་དང་། བཞུགས་སུ་གསོལ་བ་དང་། །སྲེག་རྫས་མཆོད་པ་རེ་རེ་དང་། རྩ་བའི་སྔགས་རེ་རེ་དང་སྦྱར་ཞིང་། བདུན་གསུམ་ཉི་ཤུར་དབུལ་ལོ། །རྡོ་རྗེ་སེམས་དཔའ་ཐུགས་རྗེས་འགྲོ་དོན་དུ། །འཇིགས་བྱེད་འབར་བའི་རོལ་པའི་སྐུར་སྟོན་པ། །ཡེ་ཤེས་བསྐལཔམེཆེནའབརབའིའོད། །སྲིད་གསུམ་མ་རིག་མུན་གསལ་གཏིང་ནས་འཇོམས། །གཞན་གྱིས་མི་ཐུབ་སྐུ་གསུང་ཐུགས་དང་ལྡན། །ཁྲོ་རྒྱལ་ཐུགས་རྗེས་རོལ་ལ་ཕྱག་འཚལ་ལོ། །ཧཱུཾ༷་མི་གཡོ་མགོན་པོ་རི་རབ་འཛིན། །རྣམ་རྟོག་པ་ཡི་རླུད་གིས་བསྐྱོད། །རྟོག་པའི་དྲ་བས་དཀྲིས་པའི་བདུད་རྣམས་འཇོམས། །སྲིད་གསུམ་བླ་མེད་གནས་སུ་སྒྲོལ་མཛད་པ། །དྲན་པས་རེ་བ་སྐོང་མཛད་པ། །ཡེ་ཤེས་འབར་བའི་དབྱིངས་ལ་ཕྱག་འཚལ་ལོ། །ཧཱུཾ༷་ཁྲོ་བོའི་རྒྱལ་པོ་འཇིགས་བྱེད་ཧཱུཾ༷་སྒྲ་ཅན། །ཐུགས་རྗེ་ཆེན་པོ་ཉོན་མོངས་ཀུན་གྱི་དགྲ །མཆེ་བ་ཟིལ་གནོན་འཇིགས་བྱེད་རྒྱན་གྱིས་བཞུགས། །ཡན་ལག་དྲུག་ལྡན་འཇིགས་བྱེད་གཤིན་རྗེའི་གཤེད། །ཡེ་ཤེས་སྤྱན་གྱིས་མ་རིག་མུན་སེལ་བ། །གཞོན་ནུའི་ཚུལ་འཆང་ཉིད་ལ་ཕྱག་འཚལ་ལོ། །ཧཱུཾ༷་སྐུ་གསུང་ཐུགས་ཀྱི་བྱིན་རླབས་བསམ་མི་ཁྱབ། །མ་རིག་མུན་པ་སེལ་བའི་མཐུས་བརླབས་པ། །དད་པའི་ཚུལ་གྱིས་ཆོ་འཕྲུལ་སྟོན། །ཡེ་ཤེས་དབྱུག་པས་དུག་གསུམ་རྡུལ་དུ་རློག །ཐར་པའི་གནས་སུ་སྒྲོལ་བར་མཛད་པ་ཡི། །རྡོ་རྗེ་དབྱུག་ཏོ་བསྣམས་ལ་ཕྱག་འཚལ་ལོ། །ཧཱུཾ༷་ཡེ་ཤེས་ཧ་ཡ་རྒི་བ་རྟ་མཆོག་དཔལ། །སྐུ་མདོག་ཆགས་མེད་ནུབ་ཀའི་དམར་ཐག་འདྲ། །འབར་འཕྲོ་དབུ་སྐྲ་རལ་པ་གྱེན་དུ་བརྗེས། །མ་རིག་ཚངས་པ་ཁ་སྦུབས་བསྣོལ་བའི་ལྷ། །པདྨ་རིགས་སྔགས་རྒྱལ་ལ་ཕྱག་འཚལ་ལོ ཧཱུཾ༷་ཆགས་པའི་ཐབས་ལ་དབང་བསྒྱུར་བ། །པདྨ་འདམ་གྱིས་མི་གོས་དག་པ་བཞིན། །འདོད་ཆགས་ཀུན་ལ་དབང་བསྒྱུར་འབར་བའི་སྐུ། །མཐོང་ཐོས་དྲན་པས་རེ་བ་ཀུན་སྐོང་ཞིང་། །ཡེ་ཤེས་ནམ་མཁའ་ལྟ་བུར་དབང་བསྒྱུར་བ། །ཁྲོ་རྒྱལ་འདོད་པའི་དཔལ་ལ་ཕྱག་འཚལ་ལོ། །ཧཱུཾ་ཐབས་ཀྱིས་མ་རྨོངས་ཕྲིན་ལས་མཛད་པའི་རྟགས། །སྐུ་མདོག་དམར་ནག་བསྐལ་པའི་མེ་ལྟར་འབར། གོ་ར་་སང་། །ཧཱུཾ་སྐུ་གསུང་ཐུགས་ཀྱི་བྱིན་རླབས་ཐུགས་རྗེས་རོལ། །སྲིད་པ་གསུམ་གྱི་སྐྱེ་གནས་རྡུལ་དུ་རློག །གཡོན་པས་ཞགས་པ་སྡིགས་མཛུབ་མེ་ལྟར་འབར། །ངན་སོང་གནས་ནས་འགྲོ་དྲུག་འདྲེན་ཅིང་སྒྲོལ། །ཡེ་ཤེས་མི་གཡོ་རྡོ་རྗེ་དྲག །འོད་ཕུང་བརྗིད་པས་དོན་མཛད་འབར་བའི་སྐུ། །ཁྲོ་རྒྱལ་སྟོབས་པོ་ཆེ་ལ་ཕྱག་འཚལ་ལོ། །ཧཱུཾ༷་མ་ཆགས་པདྨ་འཁོར་ལོ་འབར་བའི་སྐུ། །ལོག་འདྲེན་བགེགས་ཀྱི་བདུད་དཔུང་འཇོམས་མཛད་པ། །ལོག་རྟོགས་འདམ་སྐྱེས་བླ་མེད་གནས་སྟོབས་པ། །ཁྲོ་རྒྱལ་པདྨ་འཁྱིལ་ལ་ཕྱག་འཚལ་ལོ། །ཧཱུཾ༷་མཛད་གསང་བའི་མཛོད་འཛིན་པ། །དུས་གསུམ་རྒྱལ་བ་ཀུན་གྱི་ཐུགས། །ལྷ་དང་ལྷ་མིན་དབང་པོ་ཉེ་དབང་བཅས། །ང་རྒྱལ་མཐུ་བསྙེམས་དྲེགས་པས་ཁེངས་པ་ཡི། །སྲིད་གསུམ་གཙོ་བོ་དཔུང་དང་བཅས་པའི་ཚོགས། །བཛྲ་ཧཱུཾ༷་གིས་བདུད་དཔུང་འཇོམས་མཛད་ཅིང་། །ཐར་པའི་གནས་སུ་སྒྲོལ་བར་མཛད་པ་ཡི། །ཧཱུཾ་མཛད་འབར་བའི་དབྱིངས་ལ་ཕྱག་འཚལ་ལོ། །གོང་མ་བཞིན་དུ་ལྷ་རེ་རེ་ལ་བསྟོད་པའི་རྗེས་ལ་དྲག་པོའི་སྦྱིན་སྲེག་བྱའོ། །ལས་ཀྱི་རིམ་པ་ལས། བསྟོད་པའི་ལེའུ་སྟེ་གཉིས་པའོ།། །།དེ་ནས་དྲག་པོའི་སྦྱོར་བའི་ལས་བྱ་བ་ནི། འདི་སྐད་བརྗོད་དོ། །ཨེ་ཡི་ཚོགས་ཀྱི་དཀྱིལ་འཁོར་མཆོག །འབར་བའི་གཏུམ་ཆེན་འབར་བ་ལ། །ཁྲོ་བོའི་ཡིད་ཀྱིས་མཆོད་སྦྱིན་བྱ། །སངས་རྒྱས་བསོད་ནམས་སྐུ་ཡང་འཇིག །བདུད་རྩི་ལྔའམ་ཟག་རྫས་ལ། །མཚན་མའི་མིང་དུ་བཅས་པར་བྱ། །བཀུག་ནས་རྡོ་རྗེ་ཕུར་པས་བཏབ། །རྡུལ་དུ་བྱས་ལ་ཚོགས་སུ་བསྟབ། །སངས་རྒྱས་ཀུན་གྱི་སྐུ་གསུང་ཐུགས། །ཞེ་སྡང་རྡོ་རྗེ་འཁོར་བཅས་ཀུན། །འཇིག་རྟེན་ཁམས་ནི་རབ་འབྱམས་ཀུན། །ཁྲོ་བོ་ཆེན་པོའི་བྱིན་རླབས་ཀྱིས། །སྐད་ཅིག་ཡུད་ལ་བརླག་མཛད་དེ། །བརླག་པར་མ་གྱུར་གང་ཡང་མེད། །དར་ཕུ་ཙར་བུ་ནར་ཕུ་ཨ་སྟི་ཙ་ར་མུ་ར་ཎ་ཧཱུཾ༷་ཕཊ། ཞེས་བསྐུལ་ལོ། །ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་འབྲེལ་བསྡམས་ནས། །བཅིང་བསྒྱུར་བསྐྱོད་ནས་ཕྱོགས་བཅུར་གཡོས། །མྱོས་ནས་བསད་དེ་ཚིག་པར་འགྱུར། །ཞེས་བརྗོད་དོ། །ལས་ཀྱི་ལེའུ་ལས། དྲག་པོར་སྦྱོར་བའི་ལེའུ་སྟེ་གསུམ་པའོ།། །།དེ་ནས་ལྷ་ཚོགས་རེ་རེ་རྫོགས་པ་དང་། དྲག་པོའི་ལས་བྱ་བར་གསུངས་སོ། །དེ་ལ་དང་པོར་དྲང་བ་ནི། གོང་དུ་མཆོད་པའི་ཁྲོ་བོ་རྣམས། ཚིགས་སུ་བཅད་པས་རེ་རེ་ནས་བསྐུལ་ཏེ་འདི་སྐད་བརྗོད་དོ། །ཧཱུཾ༷་ཁྲོ་བོ་ཉི་མའི་དཀྱིལ་འཁོར་འོད་འབར་བ། །རྔམ་པའི་འོད་ཟེར་དཀྱིལ་ནས་གྲུབ་པ་ཐོག་ཐོག་འཕྲོ། །ཐུགས་རྗེས་གདུག་པ་འདུལ་དུ་གསོལ། །ཨུརུ་ཀྲོ་དྷ་ན་ཧཱུཾ༷ ཕཊ། ཁྲོཆེནམིཐུབའབར་བའི་སྐུ། །ཐུགས་རྗེའི་བྱིན་རླབས་དཔལ་གྱི་༷སྐུ་མངའ་བས། །ཐུགས་རྗེ་ཆེན་པོ་དབུ་གསུམ་སྡང་མིག་ཅན། །མཆེ་གཙིགས་རྩེ་ལས་རྡོ་རྗེ་གནམ་ལྕགས་འབེབས། །རྔམ་པའི་ཞལ་ནས་རྡོ་རྗེ་མེ་སྟག་འཕྲོ། །བདུད་འདུལ་རྒྱལ་པོ་གདུག་པ་འདུལ་དུ་གསོལ། །ཨཱོཾ་བཛྲ་ཀྲོ་དྷ་ནེ། ཛ་ལ་ནི་ཏིད་པ་ཏ་ཧཱུཾ༷་ཕཊ། ཧཱུཾ༷་ཁམས་གསུམ་སྣང་མཛད་སྐུ་གསུང་ཐུགས་ཀྱི་གཙོ། །ཧཱུཾ༷་མཛད་ཧཱུཾ༷་གི་དབུ་ལ་རིགས་ལྔའི་སངས་རྒྱས་བཀོད། །ཧཱུཾ༷་གིས་དུས་གསུམ་རྒྱལ་བའི་གསུང་ལས་སྐྱེས་པ་ཡི། །མེ་དབལ་སྔོན་པོ་འབར་བའི་རང་བཞིན་ཅན། །མེ་དབལ་སྔོན་པོས་བགེགས་རྣམས་འདུལ་དུ་གསོལ། །ཏྲེ་ལོ་བི་ཛ་ཡ་ཧཱུཾ༷་ཕཊ། ཧཱུཾ༷་མཛད་འཕགས་པ་ཏ་ཀྲིཏ་མི་གཡོ་མགོན། ཁེས་རབ་རལ་གྲི་བསྐལ་པའི་མེ་བཞིན་འབར། མེ་ལྷ་རལ་པ་ཅན་དང་བིཁྱི་སྐུ་ལ་བཞུགས། །མི་གཡོ་རལ་གྲི་འཛིན་པས་གདུག་པ་རྡུལ་དུ་བརླག །ཨུརུ་ཨ་ཙ་ལ་ཀྲོ་དྷ་ནི་ཧཱུཾ༷་ཕཊ། ཧཱུཾ༷་མཛད་རིན་ཆེན་མཆོག་སྟེ་ཡ་མ་གཤིན་རྗེའི་གཤེད། །བྱམས་དང་ཐུགས་རྗེ་ལྡན་པའི་འཇམ་དཔལ་རྣོན་པོ་ཡིས། །མ་རིག་དུག་གསུམ་དྲུ་བ་གཅོད་མཛད་པའི། །དམ་ཚིག་སྒྲོལ་བར་མཛད་ཅིང་དཔལ་གྱི་གནས་སུ་འདོན། །བརྗིད་པ་མ་ཧེའི་སྒྲོམ་དུ་ཁེངསཔགཟིར། །གཤིནརྗེཐོདདབྱུག་འབར་བས་བདུད་འདུལ་མཛད། །ཡ་མུན་ཏ་ཀྲིཏ་ཀྲོ་ཏ་པ་ཙ་པ་ཙ་ཧཱུཾ༷་ཕཊ། ཧཱུཾ༷་མཛད་ཏ་ཀྲིད་དབྱུག་སྔོན་འབར་བའི་སྐུ། །དབྱུག་སྔོན་འབར་བ་དང་ནི་རྡོ་རྗེ་ཞགས་པས་སྡིགས། །རྒྱུ་ཚིལ་རྐང་དང་ཁོང་ཁྲག་དམར་པོ་གསོལ། །རི་རབ་རྒྱ་མཚོ་འདྲིལ་ཞིང་ཧ་ལའི་དུག་ཀྱང་གསོལ། །ཆུ་སྲིན་རྒྱལ་པོའི་གཙུག་ནས་ཡིད་བཞིན་འབར་བ་ཕྲོགས། །ཏ་ཀྲིཏ་དབྱུག་སྔོན་ཅན་གྱིས་འདུལ་བར་མཛོད། །ནི་ལ་དཎྜ་ཀྲོ་དྷ་ད་ཧ་ད་ཧ་ཧཱུཾ༷་ཕཊ། ཧཱུཾ༷་མཛད་རིག་པའི་རྒྱལ་པོ་རྟ་མགྲིན་འཕགས་པའི་སྐུ། །ཨསྨ་གར་བྷའི་དཀྱིལ་ནས་རྡོ་རྗེ་འབར་མ་འདྲེན། །དབུ་ལ་རྟ་སྐད་རྔམ་ཞིང་འཚེར་བས་ནི། །སྟོང་གསུམ་གཡོ་ཞིང་ཀླུ་རྒྱལ་འདུལ་བར་མཛད། །ཁྱོད་ཀྱིས་ལྷ་མ་ཡིན་གྱིས་སྡུག་བསྔལ་སྦྱང་དུ་གསོལ། །ཧ་ཡ་རྒི་པ་ཧུ་ལུ་ཧུ་ལུ་ཧཱུཾ༷་ཕཊ། ཧཱུཾ༷་མཛད་ཏ་ཀྲིཏ་རྒྱལ་པོ་འབར་བའི་སྐུ། །ཕྱག་ན་གདུག་པའི་མཚོན་ཆ་ལྕགས་ཀྱུ་འབར་བ་འཛིན། །དམ་ཚིག་འབྲལ་བ་བསྒྲལ་ཏེ་སྙིང་དང་ཐོད་ཁྲག་གསོལ། །བགེགས་ཀྱི་སྙིང་ནས་དྲངས་ཏེ་ཁྲག་འཐུང་ཐལ་བར་བརླག །ཕྲ་མེན་ཀུན་དང་རོལ་པས་དུག་གི་སྤྲུལ་པས་ནམ་མཁའ་འགེངས། །མེ་ཡི་སྐྱེ་མཆེད་གདུག་པ་འདུལ་བའི་དུས་ལ་བབ། །ཊ་ཀི་རྭ་ཛ་སྣྲིནྟྲ་སྦྱིཇི་ཧཱུཾ༷་ཕཊ། ཧཱུཾ༷་མཛད་བདུད་རྩི་འཁྱིལ་བའི་དཔལ་འབར་ལས་ཀྱི་སྐུ། །ཕྱག་ན་རྡོ་རྗེ་རྒྱ་གྲམ་དང་ནི་བདུད་རྩིའི་བུམ་པ་འཛིན། །དངོས་གྲུབ་དཔལ་གྱི་བདུད་རྩི་མཆོག་གསོལ་བ། །ཧཱུཾ༷་མཛད་བདུད་རྩི་འཁྱིལ་ལ་ཕྱག་འཚལ་ལོ། །ཁྱོད་ཀྱིས་གནོད་སྦྱིན་གདུག་པ་གདུལ་དུ་གསོལ། །ཨཱོཾ་ཨ་མྲི་ཏཀུཎྜལིསྣྲིནསྨྲིཇིཧཱུཾ༷ ཕཊ། ཧཱུཾ༷ མ་ཧྭ་བ་ལ་འཕགས་པའི་སྐུ། །ཕྱག་ན་རྔ་ཡབ་དང་ནི་ཀླུ་ཡི་རྒྱལ་པོ་འཛིན། །མཆེ་གཙིགས་རྩེ་ལས་རྡོ་རྗེ་གནམ་ལྕགས་འབེབས། །བགེགས་ཀྱི་རྒྱལ་པོ་བི་ནཱ་ཡ་ཀ་གནོན། །བཙུན་མོ་འཕྲོག་ཅིང་སྦྱོར་བའི་ཐབས་ཀྱིས་རོལ། །ཁྲོ་རྒྱལ་སྟོབས་པོ་ཆེ་ཡི་ཐུགས་དམ་བསྐུལ། །མ་ཧྭ་བ་ལ་སྤྲོ་ཊ་སྤྲོ་ཊ་ཧཱུཾ༷་ཕཊ། ཁྲོ་བོའི་རྒྱལ་པོ་ཀ་མ་ལ་ཡི་མཚན། །ཁྲོས་པའི་སྤྱན་བགྲད་སྨིབོ་མ་གློག་བཞིན་འགྱུ། །དབུ་གསུམ་ཕྱག་དྲུག་འཚེར་བས་བདུད་འཁྱིལ་མུན་ཁང་འཇོམས། །གཟི་བྱིན་འབར་བས་ནམ་མཁའ་འཁེངས། །ཕྱག་དྲུག་མཚོན་ཆས་དམྱལ་བའི་སྡུག་བསྔལ་སེལ། །ཞབས་དྲུག་འཚེར་བས་ངན་སོང་ཀུན་བསྒྲལ་ཏེ། །ཐུགས་རྗེ་ཐབས་ཀྱིས་འགྲོ་བའི་དོན་རྣམས་མཛོད། །ཀ་མ་ལ་ཀུཎྜ་ལི་ཧུ༷་ཕཊ། །ཧཱུཾ༷་མཛད་ཧཱུཾ༷་གི་རྒྱལ་པོ་ཧཱུཾ༷་ཀྭ་ར། །ཧཱུཾ༷་ནི་མི་སྐྱེ་པ་ཡི་ཆོས་ཉིད་ཅན། །ཧཱུཾ༷་ནི་དུས་གསུམ་རྒྱལ་བའི་གསུང་ལས་སྐྱེས། །མེ་དབལ་སྔོན་པོ་འབར་བའི་རང་བཞིན་ཅན། །གོམས་པའི་སྟབས་ཀྱིས་བརྐྱང་བསྐུམ་གར་བྱེད་ཅིང་། །རྒྱལ་བ་ཧཱུཾ༷་ཀྭ་ར་ཡི་ཐུགས་དམ་བསྐུལ། །ཧཱུཾ༷་ཀྭར་གར་ཛ་གར་ཛ་ཧཱུཾ༷་ཕཊ། ཅེས་བརྗོད་ལ་འགུགས་འདྲེན་དྲག་ཏུ་བྱའོ། །དྲག་པོ་ལས་ཀྱི་ལེའུ་ལས། སྐུལ་བ་འགུགས་འདྲེན་གྱི་ལེའུ་སྟེ་དང་པོའོ།། །།དེ་ལྟར་འགུགས་འདྲེན་ལག་ན་ཕུར་པའི་ལས་བྱ་བ་ནི། །ལྕགས་སྣ་ལྔའམ་ཤིང་ཚེར་མ་ཅན་ལ་སོགས་པས་སོར་བརྒྱད་དང་བཅུ་གཉིས་པར་བྱས་ལ། མགོ་མཇུག་མ་ནོར་བར་རྩ་བའི་ངོས་སུ་མགོ་བྱས་ཏེ། མགོ་སོར་གཅིག་ལ་རྒྱ་མདུད། སྟོད་ཟུར་བརྒྱད། རྐེད་པ་སོར་གཅིག་ལ་རྒྱ་མདུད། སྨན་ཟུར་གསུམ་པར་བྱས་པ་ལ། དང་པོ་ཁོ་ནར་སྟོང་པ་ཉིད་དུ་བསྒོམས་ཏེ། ཆོས་ཀྱི་སྐུར་བྱིན་གྱིས་བརླབ། དེ་ནས་སྤྱི་བོའི་རྒྱ་མདུད་གཞལ་ཡས་ཁང་དུ་བསྒོམ། ཕྱོགས་བཞི་དབུས་དང་ལྔར་ཧཱུཾ༷་བསྒྲིལ་མ་ལྔར་བསྒོམ། དེ་ལས་དཔལ་ཧེ་རུ་ཀ་དང་ཁམས་གསུམ་རྣམ་པར་རྒྱལ་བ་དང་། གཤིན་རྗེའི་གཤེད་པོ་དང་རྟ་མགྲིན་དང་། སྟོབས་པོ་ཆེ་དང་། འདི་རྣམས་སོ་སོའི་སྙིང་པོ་བརྗོད་པས། ཡུམ་དང་གཉིས་སུ་མེད་པར་བསྒོམ་མོ། །དེ་ནས་ཧེ་རུ་ཀའི་ཐུགས་ཀ་ནས་ཧཱུཾ༷་མཐིང་ནག་ལས་སྲས་ཕུར་བུ་སྐྱེས་ཏེ། ལྟོ་བ་མན་ཆད་མཐིང་ནག་ལ། དབུ་རལ་པ་ཁམ་ནག་ཟུར་གསུམ་དུ་འགྲེང་བ། སྦྲུལ་དཀར་ནག་གིས་བརྒྱན་པ། ཐོད་རློན་གྱི་ཕྲེང་བས་བརྒྱན་པ། སྤྱན་གསུམ་བགྲད་ནས་གཡོན་དུ་གཟིགས་པ། མཆེ་བ་གཙིགས་ནས་ཞལ་རྔམས་པ། ཕྱག་བཞི་པ་ལ་དང་པོ་གཉིས་ན་དགྲ་སྟུ་རྡོ་རྗེ་བསྣམས་པ། འོག་མ་གཉིས་ན་རི་རབ་ཕུར་བུ་ཟུར་གསུམ་བསྣ་།ས་པ། སྟོབས་དང་མཐུ་དཔུང་ལ་སོགས་པ་ནི་ཁྲོ་བོ་ཐམས་ཅད་འདུས་པ་ལས་ཀྱང་ཆེ་བ་གཅིག་བསྒོམ་མོ། །དེ་ཡི་གནས་ལྔར་འབྲུ་ལྔས་བྱིན་གྱིས་བརླབ། སྐུ་གསུང་ཐུགས་སུ་བྱིན་གྱིས་བརླབ། དེ་ནས་ལག་གི་འདུ་ཤེས་ཀྱི་བྱིན་གྱིས་བརླབས་ཤིང་དབང་བསྐུར་ལ། འདི་སྐད་བརྗོད་དོ། །ལྕགས་སམ་དྲག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོའི་འཁོར་བསྒོམས་ནས། །དྲག་པོར་གྱུར་པའི་ཕུར་པ་སྟེ། །བཏབ་ན་ལྷ་ཡང་བརླག་པར་འགྱུར། །གདུག་རྩུབ་གཞན་ལྟ་སྨོས་ཅི་དགོས། །བཛྲ་ཀྲོ་དྷ་ཁུ་ད། སྣྲིསྡོ་སྨྲིན་ཧཱུཾ༷། བཱ་ར་ཎ་མྱ་ར་ཎ་ཧཱུཾ༷་ཕཊ། ཞེས་བརྗོད་དེ་གདབ་བྱའི་གནས་ལྔར་གདབ་བོ། །གཞན་ཡང་ཕུར་པའི་རྒྱུད་ལས་བྱུང་བ་བཞིན་བསྐུལ་ཞིང་གདབ་བོ། །དྲག་པོ་ལས་ཀྱི་ལེའུ་ལས། བསད་པའི་ཕུར་བུའི་ལེའུ་སྟེ་གཉིས་པའོ།། །།དེ་ནས་བརྡུང་བའི་ལས་ནི་ལྕགས་སམ། རྡོ་ནག་པོའི་ག་་ཁུང་གྲུ་གསུམ་ནང་དུ། གང་ལ་བྱ་བའི་གཟུགས་བཅུག་ལ། ལྕགས་སམ། སེང་ལྡེང་ངམ། ཤིང་ཚེར་མ་ཅན་གྱི་ག་་བུས་ཞིབ་ལེགས་སུ་བརྡུང་ཞིང་། ཐབས་དང་ཤེས་རབ་ཀྱི་མཚན་ཉིད་དུ་རྟོགས་པར་བྱས་ལ། འདི་སྐད་བརྗོད་དེ། ལྕགས་སམ་ནག་པོའི་ག་་ཁུང་ནི། །ཁྲོ་མོ་རྣམས་ཀྱི་ག་་ཁུང་དུ། །ཁྲོ་བོའི་ཐོ་བས་བརྡུངས་བྱས་ན། །དྲག་པོར་གྱུར་པའི་ཐོ་བ་སྟེ། །བརྡུང་ན་ལྷ་ཡང་བརླག་པར་འགྱུར། །བརླག་པར་མ་གྱུར་གང་ཡང་མེད། །གནོད་བྱེད་གཞན་ལྟ་ཅི་ཞིག་སྨོས། །བཛྲ་ཁ་ཐ༷་བཛྲ་ཀྲོ་དྷ་ཁ་ཐ༷། མུ་ར་ཎ་ཁ་ཐ༷། ཞེས་བརྡུང་ངོ་། །དྲག་པོའི་ལས་ལས། གསད་པའི་བརྡུང་བའི་ལེའུ་སྟེ་གསུམ་པའོ།། །།དེ་ནས་དྲག་པོ་གཏོར་མའི་ལས་ནི། ལྕགས་སམ་ཤིང་ཚེར་མ་ཅན་གྱི་སྣོད་གྲུ་གསུམ་དུ། ལྕགས་ཕྱེ་དང་ཟངས་ཕྱེ་དང་རྡོ་ཕྱེ་དང་། དུག་སྣ་ཚོགས། ནས་ནག་གམ་སྲན་ཕྱེ་རྣམས་བསྲེས་ལ། ཁྲག་སྣ་ཚོགས་དང་བསྲེས་ལ་གཏོར་མ་བྱ། ཁ་སླེའུ་ནག་གིས་བཅད་ལ། གང་ལ་བྱ་བ་དེ་ཁུག་པ་དང་། གཏོར་མ་ཁ་ཕྱེ་བས་དུག་གི་རླངས་པས་ཤི་བར་བསམས་ལ། གང་ལ་བྱ་བ་ལ་གཏོར་བས་ལུས་ངག་རྡུལ་དུ་བརླག་པར་བསམས་ལ། འདི་སྐད་བརྗོད། ལྕགས་ཕྱེ་དུག་དང་རྡོ་ཕྱེ་རྣམས། །ཁྲག་གིས་སྤྲུས་པའི་གཏོར་མ་སྟེ། །མ་རྒ་ཅན་དང་སྦྱར་བ་དང་། །དྲག་པོར་གྱུར་པའི་གཏོར་མ་སྟེ། །སྦྱོར་བས་དེ་གཏོར་བརླག་པར་གྱུར། །བརླག་པར་མ་གྱུར་གང་ཡང་མེད། །ཙ་ར་ན་མྱ་ར་ཎ་ཕཊ། ཏྲག་ཁ༷་མྱ་ར་ཎ་ཕཊ། ཅེས་བརྗོད་ལ་གཏོར་རོ། །དྲག་པོའི་ལས་ལསབཤིག་ཁྲལ་གཏོར་མའི་ལེའུ་སྟེ་བཞི་པའོ།། །།དེ་ནས་གཏུབ་པའི་ལས་ནི། གཏན་པ་དྲག་པོའི་ཤིང་ལས་གྲིའམ་རལ་གྲི་ལྕགས་སྣ་ལས་བྱས་པ་སྐུ་གསུང་ཐུགས་དང་ལྡན་པའམ། ཡེ་ཤེས་ཀྱི་མཚོན་ཆར་དམིགས་ལ། གང་ལ་བྱ་བའི་གཟུགས་དུག་གསུམ་གྱི་གཞི་མོ་རྩད་ནས་གཅད་པར་དམིགས་ལ་ག་་སྟེ་འདི་བརྗོད་དོ། །ང་ནི་དུས་གསུམ་བཞུགས་པ་ཡི། །སངས་རྒྱས་ཡིན་ཏེ་ཡེ་ཤེས་སྐུ། །ཡེ་ཤེས་སྤྲུལ་པའི་བྱིན་རླབས་ལས། །ཡེ་ཤེས་རྣོ་དབལ་མཚོན་ཆ་སྟེ། །དྲག་པོར་གྱུར་པའི་མཚོན་ཆ་འདིས། །འདོད་ཆགས་ཞེ་སྡང་གཏི་མུག་རྒྱུ། །འབྲས་བུ་ངན་སོང་གསུམ་དུ་འཁོར། །ལོག་རྟོག་འཁོར་བ་རྒྱུན་གཅོད་དོ། །ཙཀྲ་ཨོ་བྲུ༷་ཙཀྲ་ཧུ༷་བྲུ༷་ཙཀྲ་གྲྭ་བྲུ༷། ཙཀྲ་རྙི༷༷བྲུ༷། ཙཀྲ་ཧྭ་བྲུ༷། བཛྲ་ཁདེ། སྣྲིསྡོ་ཧ་ན་ཧུ༷་ཕཊ། ཞེས་ལུས་དུམ་བུར་གཏུབ་བོ། །དྲག་པོའི་ལས་ལས། གཏུབ་པའི་ལེའུ་སྟེ་ལྔ་པའོ།། །།དེ་ནས་བསྟབ་པའི་ལས་ནི། གཟུགས་ཀྱི་ཕུང་པོ་ནི། མཆོད་པའི་རྫས་སུ་བསྔོ་སྟེ། རྒྱལ་བ་རིགས་ལྔའི་གདན་ཁྲིར་གྱུར་པར་བསྔོ། སེམས་ནི་རྒྱལ་བའི་སྲས་སུ་བསྐྱེད་པ་འདི་སྐད་དོ། །འདོད་ཆགས་ཞེ་སྡང་གཏི་མུག་རྒྱུ། །འབྲས་བུ་ངན་སོང་གསུམ་དུ་འཁོར། །དུག་གསུམ་རྒྱུ་འབྲས་སྦྱང་བའི་ཕྱིར། ་།་རུས་ལ་སོགས་ཁྲག་བཅས་བསྟབ། །དེ་ནས་གནས་སྤར་བ་ནི། འདི་སྐད་དུ། དྲག་པོའི་ལས་ཀྱིས་བསྒྲལ་བ་རྣམས། །འཁོར་བའི་ལམ་རྣམས་སྒོ་བཅད་དེ། །རྣམ་ཤེས་ཧཱུཾ༷་གིས་བསྡུས་ནས་ནི། །ཧཱུཾ་གིས་ངན་སོང་སྟོངས་པར་བྱེད། །ཆགས་པའི་བདེ་བ་བླ་ན་མེད། །རྒྱལ་བ་ཐམས་ཅད་ཧཱུཾ༷་གིས་བསྐྱེད། །འོག་མིན་བླ་ན་མེད་པའི་གནས་མཆོག་ཏུ། །ཁྲོ་བོ་དང་ནི་ཁྲོ་མོ་ཡི། །སྦྱོར་བའི་མཚམས་སུ་ཕཊ་ཀྱིས་འཕང་། །ཧོ་ཡིས་གཡེང་ཞིང་ཡ༷་གིས་འདེགས། ཞེས་བརྗོད་ལ་སྤར་ནས་ཧཱུཾ༷་གིས་བསྟབ་བོ། །ཏ་ཐུ་ག་ཏ། བཛྲ་ར་ཙ་རཏྣ་ར་ཙ་ཞེས་གནས་སྤར་རོ། །དྲག་པོའི་ལས་ལས། གནས་སྤར་བའི་ལེའུ་སྟེ་དྲུག་པའོ།། །།དེ་ནས་དྲག་པོ་སྦྱོར་བའི་ལས་ནི། གཟུགས་གཏུབས་པ་ལྟར། དུག་གཏོར་གཉིས་བསྲེག་མ་ཐག་ཏུ་གཏོར་པས། ཡེ་ཤེས་ཀྱི་མེས་བག་ཆགས་དང་བཅས་པ་ཐུལ་གྱིས་བསྲེག་པར་བསམས་ལ་འདི་སྐད་དོ། །རྡོ་རྗེའི་ཐུགས་རྗེའི་བྱིན་རླབས་ཀྱིས། །འཇིག་རྟེན་ཁམས་ནི་རབ་འབྱམས་ཀུན། །རྡོ་རྗེ་གཏུན་ཁུང་ལྡན་བྱས་ཏེ། །དྲག་པོའི་མཐུ་ཡིས་ལྡན་པར་མཛོད། །ཞེ་སྡང་རྡོ་རྗེ་འཁོར་བཅས་ཀྱིས། །འཇིག་རྟེན་ཁམས་ནི་མ་ལུས་ཀུན། །སྐད་ཅིག་ཡུད་ལ་བརླག་པར་མཛོད། །བརླག་པར་མ་གྱུར་གང་ཡང་མེད། །དར་པྱུ་ཙར་བྱུ་ནར་བྱུ་ཨ་སྟི་ཙ་ར། མུ་ར་ཎ་ཕཊ། ཆེ་གེ་མོ་ཞིག་མུ་ར་ཎ་ཕཊ། ཅེས་བརྗོད་དོ། །དྲག་པོའི་ལས་ལས། རྗེས་དྲག་པོའི་ལས་བསྡུས་པའི་ལེའུ་སྟེ་བདུན་པའོ།། །།དེ་ནས་རྫོགས་ནས་ལས་ཀྱི་ལྷག་ཆད་སྐོང་བའི་ཕྱིར། །མེ་ལྷ་ལན་གཅིག་སྤྱན་དྲངས་ནས། དཀྱིལ་འཁོར་དུ་བཞུགས་སུ་གསོལ། མཆོད་པ་རྣམ་པ་ལྔ་དང་། སྤྱིན་སྲེག་གི་རྫས་ཅི་ལྷག་པས་མཆོད་དེ། ལས་མ་དག་པ་བཟོད་པར་གསོལ། མེ་ལྷ་སླར་གཤེགས་སུ་གསོལ། དེ་ནས་དཀྱིལ་འཁོར་གྱི་ལྷ་བྱིན་ལ་བཟོད་པར་གསོལ་ཏེ། མ་རིག་བདག་ཅག་ལུས་དང་ངག་སེམས་ཀྱིས། །བག་མེད་ཚུལ་གྱིས་དམ་ལས་འགལ་གྱུར་ཏེ། །རྒྱལ་བ་རྒྱ་མཚོའི་ཐུགས་དང་ཅི་འགལ་བ། །ཐུགས་རྗེའི་ཆེ་མངའ་ཁྱེད་ལ་བཟོད་པར་གསོལ། །ཁྱེད་ཀྱི་ཐུགས་རྗེ་ནམ་མཁའི་མཐའ་དང་མཉམ། །འགྲོ་བ་ཕན་ཕྱིར་ཚངས་པ་སྩལ་དུ་གསོལ། །དེ་ལྟར་བཤགས་པ་བགྱིས་ཏེ་བཟོད་པར་གསོལ། །དྲག་པོའི་ལས་ཀྱི་ལྷག་ཆད་བསྐང་བའི་ལེའུ་སྟེ་བརྒྱད་པའོ།། །།དེ་ནས་མནན་པའི་ཆོ་ག་བགྱི་སྟེ། ཧོམ་ཁུང་གི་ནང་དུ་ཐོད་ཆེན་ནམ། ཕག་ཐོད་བཅུག་ལ། ཐོད་པའི་ནང་དུ་དགྲ་བགེགས་ཀྱི་མིང་རུས་བཅུག་སྟེ། གཡམ་པ་སྔོན་པོ་ལ་དབུས་སུ་འཁོར་ལོ་བྲི། ཕྱོགས་བཞིར་རྒྱ་གྲམ་བྲི། ཟུར་བཞི་རི་རབ་བྲིས་ལ་མནན་ནོ། །ཚིག་ཏུ་ཡང་། མནན་ནོ་རི་རབ་བརྗིད་ཀྱིས་མནན། །བསྐྱོན་ནོ་འཁོར་ལོའི་རྩིབས་ལ་བསྐྱོན། །འཕང་ངོ་རྒྱ་མཚོའི་གཏིང་དུ་འཕང་། །སྦྱིན་ནོ་གནོད་སྤྱིན་ཟས་སུ་སྦྱིན། །གཏད་དོ་གཤིན་རྗེའི་ལག་ཏུ་གཏད། །དཔག་ཚད་ལྔ་བརྒྱའི་འོག་ཤེད་ན། །གཤིན༷ ་རྗེའི་རྒྱལ་པོས་ཆོས་འཆད་ཀྱིས། །དེ་ཡི་དྲུང་དུ་ཆོས་ཉོན་ཅིག །བྱང་ཆུབ་སེམས་ནི་མ་སྐྱེས་ཚེ། །ནམས་ཀྱང་གཏང་བར་མི་བྱའོ། །ནམ་ཞིག་བྱང་ཆུབ་སེམས་སྐྱེས་ནས། །དེ་ཚེ་གན་ངན་དེ་ལས་དྲང་བར་བྱ། ཨཱོཾ་ལ༷་སུ༷་ལ༷་པྲ༷་ལ༷། པྲ་ཏི་ཏ་ནན། བྱི་ཙི་ཡ་སུ༷་བྷ་ཡ། མོ་ཧྭ་ཡ། བྷ་ཏ་ཡ། བག་མ་ནི། པ་ཙ་ལ༷་ལ༷་ལ༷། མྱ་ར་ཎ་ནན་ནན་ནན། དྲག་པོའི་ལས་ལས། མནན་པའི་ལེའུ་སྟེ་དགུ་པའོ།། །།རྡོ་རྗེ་ངུར་མོའི་མེ་རྒྱུད་ལས། ཁྲོ་བོའི་ལས་རྫོགས་སོ།། །།དེ་ནས་དཔལ་རྡོ་རྗེ་སེམས་དཔས་ལས་རྣམས་བཞིའི་ཚུལ་གྱི་ས་ཧོམ་བྱ་བ་འདི་གསུངས་སོ། །ཐོག་མར་ལས་གང་བྱེད་པའི་ཁ་དོག་བཞིན། ཕྱག་རྒྱ་ཆེན་པོར་བསྒྱུར་ཞིང་གནས་བསྲུང་། བླ་འོག་ཕྱོགས་བཞི་བྱིན་གྱིས་བརླབས་ཏེ། རེ་ཞིག་ལས་གང་བྱ་བ་མ་ཟིན་གྱིས་བར་དུ། བར་ཆད་མི་འབྱུང་བར་བྱ་བའི་ཕྱིར། གདོན་བགེགས་རྒྱང་གྲགས་གཅིག་ཚུན་ཆད་མི་འདའ་བར་མཚམས་བཅད། མཆོད་པའི་ཡོ་བྱད་སྦྱར་ཏེ། ལྷ་བཤོས་དང་མཆོད་གཏོར་དང་ལན་ཆགས་ཀྱི་གཏོར་མ་དང་། མེའི་མཆོད་པའི་རྐྱེན། ཕྱེ་མར་དང་། མར་ཁུ་དང་།སྨན་དྲི་ཆུ་ཡན་ཆད་བཤམས་ཏེ། ཧོམ་གྱི་ཡོ་བྱད་སྦྱར་བ་ལ། མེ་སྤར་ལ་མ་རིག་པར་བྱས་ལ། འཕགས་པ་རྣམས་སྤྱན་དྲངས་ཏེ། མཆོད་ཅིང་གཏོར་མ་མཆོད་གཏོར་བསྔོ་སྟེ། ལས་མ་ཟིན་གྱི་བར་དུ་མི་དགྱེ། ཕྱི་གཏོར་ནི་འཕྲལ་དུ་དགྱེ། འཕགས་པ་མན་ཆད་དང་། ཕྱི་གཏོར་དུ་བསྡུས་པ་རྣམས་ལ་ཡང་འདི་སྐད་དུ། དང་གནོད་བྱེད་ཐམས་ཅད་བཀུག་ཅིང་། སྤྱིན་སྲེག་མཛད་དུ་གསོལ། ཕན་གནོད་བྱེད་པ་རྣམས་མཚམས་བཅད། ཕྲིན་ལས་མ་རྫོགས་ཀྱི་བར་དུ་མི་གཤེགས་པར་སྟོང་གྲོགས་མཛོད་ཅིག་ཅེས་བཅོལ་ལ། བདག་གིས་ཀྱང་དེ་བཞི༷ན་དམིགས། ཧོམ་ཁུང་ཟུར་གསུམ་ཚད་བཞིན་བརྐོས་ལ། ཁ་ཚན་བསྐོར་མཎྜལ་ཞེང་ཁྲུ་གང་ཙམ་ཞིག་བགྱིས་ལ། ཚོན་མཐིང་ནག་དགྱེ་སྟེ། དེའི་སྟེང་དུ་ཚོན་དམར་པོས་འོད་འབར་བྲི། རྡོ་ཟུར་གསུམ་གཅིག་ལ། ཨཱོཾ་ཨུ༷༷ཧཱུཾ༷་ཟུར་རེ་རེར་བྲིས་ལ། ཧོམ་ཁུང་གི་ཞབས་སུ་བཞག །དེ་ནས་ཤིང་རློན་པ་སྐྱེར་པ་དང་།གླ་བ་དང་། ཤུག་པ་དང་། སེང་ལྡེང་དང་སྦྱར་བ་དང་། ཐང་ཤིང་རྣམས་ཕྲེང་གཅིག་ཏུ་གཤགས་ལ་སྲིད་དུ་ཁྲུ་རེ་རེ་ཡམ་ཤིང་སྐམ་པོ་གོང་མ་དང་། མཉམ་པར་བགྱིས་ལ། འདི་རྣམས་ཧོམ་ཁུང་དུ་འགྲེང་བུར་བརྫང་ཞིང་། བྱིན་གྱིས་བརླབ་པའི་སྙིང་པོ། ཨཱོཾ༷་ཧི་ས་ཞེས་བརྒྱ་རྩ་བརྒྱད་མན་ཆད། སུམ་ཅུ་ཡན་ཆད་བཟླས་ཤིང་བརྫངས་ལ། ཡམ་ཤིང་གི་དབུས་སུ་རྫང་མའི་སོལ་བ་ཉུང་ཤས་བླུགས་ལ། པགས་པ་ནག་པོའམ་སྣམ་བུ་ནག་པོས་ཁ་བཅད་དེ། མེ་སྤར་ནས་དར་ནག་པོ་ཁ་གང་མདའ་ལ་བཏགས་ནས། མེ་དག་གི་ཉམས་དང་སྦྱར་ཏེ་ས་བོན་མཐེ་བོང་ཙམ་མམ་བག་ཀ་ཙམ་ཅིག་གསལ་ལ། ཧོམ་ཁུང་གི་ཟུར་གསུམ་དུ་ཆུ་བླུགས་ལ། མེ་ཉམས་ཆེ་ན་ཆུས་གང་། མི་ཆེ་ན་མེ་ལ་མ་ཐུག་ཙམ་མམ་ཕྱེད་མན་ཆད་བཀང་ལ། ཧ་ཧ་ཧ་ཞེས་ལན་གསུམ་བརྗོད་ལ། མེ་ལྷ་ནག་པོ་འཁོར་དང་བཅས་ཏེ་བྱོན་ནས། མཉེས་ཤིང་མདངས་ཕྱུང་བར་བསམས་ནས།ཤར་ཕྱོགས་ནས་མེ་ལྷ་དཀར་པོ་སྐུ་དཀར་སེར་དབུ་རལ་པ་ཅན་ཕྱག་ན་བ་དན་དཀར་པོ་ཐོགས་པ། སྐྱིན་ཁམ་པ་ལ་ཞོན་པ། ལྷོ་ཕྱོགས་ཀྱི་མེ་ལྷ་ནག་པོ་ཨསྣི་སྐུ་མདོག་སྔོན་པོ་དབུ་གསུམ་རལ་པ་མདུན་དུ་འཁྱིལ་བ། ཕྱག་ན་རྡོ་རྗེ་རྩེ་ལྔ་ཐོགས་པ། སྐྱིན་སྔོན་པོ་རུ་གཅིག་ལ་ཤོན་པ། ནུབ་ཕྱོགས་ཀྱི་མེ་ལྷ་དམར་པོ་རལ་པ་ཅན། ཕྱག་ན་བ་དན་དཀར་པོ་ཐོགས་པ། ཤིང་རྟ་ལ་བཅིབས་པ། བྱང་ཕྱོགས་ཀྱི་མེ་ལྷ་ལྗང་གུ་གསུས་པོ་ཆེ། ཕྱག་ན་དབྱུག་པ་ཐོགས་པ། ཀླུ་ལུག་གྲོ་མོ་རྭ་ལྟག་པ་གཡས་སུ་འཁྱིལ་པ་ལ་ཞོན་པ། འདི་རྣམས་ཕྱོགས་བཞི་ནས་ལྕགས་ཀྱུས་དྲངས་ནས་སྐུ་ལས་མེ་འབར་ཞིང་ཧོམ་ཁུང་ནང་དུ་བྱོན་ཏེ། ཞལ་ནས་ཧཱུཾ༷་དང་ཕཊ་ཀྱི་སྒྲ་སྒྲོགས་ཤིང་། ཧ་ཧ་ཧ་ཞེས་གསུངས་པས། སྐུ་དང་ཞལ་གྱི་ནང་ནས་མེ་ལམ་ལམ་འབར་ཞིང་བྱོན་པས་བྱིན་གྱིས་བརླབ་པར་བསམ། མེ་ལྷ་ཆེན་པོ་ཀོའུ་རྭ་དང་། ཙོའུ་དྲི་དང་། པྲ་མོ་ཧྭ་དང་།པུསྐ་སྙི་དང་། ཨསྣེ་དང་། ཙུགླི་དང་། ཀོའུ་ཤི་ཀ་དང་། གཟི་ཅན་དང་། འབར་མ་ལ་སོགས་པའི་སྐུ་ལས། མེ་སྟག་འཕྲོ་ཞིང་དུ་བ་འཐུལ་བར་བསམ། ཧོམ་ཁུང་དུ་བྱོན་ནས་མེ་འབུད་དོ། །མེ་འབར་བར་བསམརླུད་གི་རྒྱལ་པོ་ཤ་རྐྱང་མགྱོགས་པ་ལ་ཞོན་པ། ལག་ན་རུ་མཚོན་དམར་པོ་དང་རླུད་གི་རྐྱལ་པ་ཐོགས་པ་ཧོམ་ཁུང་དུ་བྱོན་ཏེ་མེ་འུར་༷འུར་འབུད་པར་བསམས་ཏེ། འདི་རྣམས་ཀུན་ཀྱང་ལྕགས་ཀྱུའི་ཕྱག་རྒྱ་དང་། སྙིང་པོས་སྤྱན་དྲངས་ཏེ། དུས་གཅིག་ཏུ་མེ་འབུད་ཅིང་འབར་བར་བསམས་ལ། གདོང་བཞི་པའི་ཕྱག་རྒྱ་བཅས་ཏེ། མེ་སྤར་བའི་སྙིང་པོ་ཨཱོཾ་བཛྲ་ར༷་ར༷་ཧུ༷་ཧུ༷་ཡ༷་ར༷་ཞེས་བརྒྱ་རྩ་བརྒྱད་བཟླས་ཏེ། དགའ་བའི་མདངས་ཕྱུང་སྟེ།ཧ་ཧ་ཧ་ཞེས་ལན་གསུམ་བརྗོད། འུར་འུར་འུར་ཞེས་ལན་གསུམ་བརྗོད་པས་མེ་འབར་བར་བསམས་ལ། དབྱངས་སྙན་པོ་བླངས་ཏེ་བསྟོད་པ་དང་། མེ་འབུད་པའི་ལས་བྱ་བའི་ཐུགས་དམ་བསྐུལ་ཏེ། གཡབ་དར་གྱིས་གཡབ་ཅིང་སྙིང་པོ་བཟླ་ཞིང་མེ་སྤར་རོ། །མེ་འབར་ནས་མར་ཁུ་ཕྱེ་མར་དྲི་ཆབ་སྩལབསམཆོདནས། ལསཅི་བཅོལ་བ་རྣམས་འགྲུབ་པར་གསོལ། གདོན་བགེགས་སོགས་ཀྱི་མིང་རུས་བྲིས་ཏེ། བགེགས་གཏོར་ཡང་དྲུང་དུ་བཞག་ལ། གདོན་ལེན་ཏེ་དྲང་ཞིང་ཧོམ་ཁུང་གི་ནང་དུ་གཟུགས་དྲངས་ལ། དམ་གཏོར་སྤར་ཏེ་དོང་དུ་བཅུག་ལ། མེ་སྨན་ཆུས་མ་ཤི་བ་ཙམ་དུ་བསད་དེ། ཡང་སྤར་འབར་རེས་ལ་ལན་རེ་མཆོད་ཅིང་། དབྱངས་དང་བསྟོད་པ་དང་བསྐུལ་ཞིང་ལས་བྱ། འདི་བཞིན་ལན་གསུམ་ཙམ་བགྱི། ཧོམ་ཁུང་ནང་དུ་ཆུ་བླུག་པའི་ཚེ། །ཛ་ཡ་ཛ་ཡ། ཞེས་སམ་རྒྱལ་བ་རྒྱལ་བ་ཞེས་བརྗོད་དོ། །ཆུའི་ཆུ་དབལ་ལན་གསུམ་གཡེང་ཞིང་བཤལ་བས། འཕགས་པ་ཆུ་དབལ་དང་ལྷའི་བྱིན་རླབས་ཀྱིས། བགེགས་ཀྱི་གདུག་སེམས་ཞི་ཞིང་། བག་ཆགས་བྱང་བར་བསམ་མོ། །ཧོམ་ཁུང་དངོས་ནི་རིན་པོ་ཆེའི་གཞལ་ཡས་ཁང་ཟུར་ནི་སྐུ་གསུང་ཐུགས་ཤིང་ནི་རིགས་ལྔའི་ཐུགས་དམ་དང་མ་བདུན་གྱི་འཁོར་དང་ཁྲོ་བོ་དང་ཁྲོ་མོའོ། །མེ་ནི་ཡེ་ཤེས་ཀྱི་རང་བཞིན་ཆུ་ནི་ཆོས་ཀྱི་དབྱིངས་ཀྱི་རང་བཞིན་ཏེ། དགྲ་བགེགས་ཧོམ་ཁུང་དུ་སོང་བ་ཙམ་གྱིས།བག་ཆགས་བྱང་ཞིང་མཐོ་རིས་སུ་ཐར་བའམ། ཡང་ན་འཕགས་པ་རྣམས་དང་མེ་ལྷའི་ཞལ་དུ་དངོས་སུ་བསྟབ་ཅིང་། རྣམ་པར་ཤེས་པ་མཐོ་རིས་སུ་སྤར་རོ། །མནན་པ་ཞིག་བྱ་ན་ཡང་། ཧོམ་ཁུང་དུ་དགྲ་བགེགས་བཀུག་ལ། ལོ་གྲངས་འདི་ཙམ་ཞིག་བར་དུ་འདི་ནས་གཞན་དུ་འགྲོར་མི་གནང་བར་མཚམས་བཅད་ཅིང་གཟིར་ལ་དམ་ཆུ་དམ་གཏོར་བྱིན་ལ། ཧོམ་ཁུང་ནང་ནས་མེའི་ས་བོན་ཙམ་མན་ཆད་ཕྱིར་དབྱུང་། འཕགས་པ་དང་མེ་ལྷ་ཧོམ་ཁུང་དུ་བཞུགས་པ་ལ་མཆོད་དེ། སླར་གཤེགས་སུ་གསོལ་བའི་སྔགས་བརྗོད་ལ། ལ་གོར་ཧོམ་ཁུང་ཁ་བཅད་དེ། མནན་པའི་ཕུར་པས་སྟེང་ནས་གདབ་བོ། །རྡོ་རྗེ་ངུར་མོའི་ཏནྟྲ་ལས། རྡོ་རྗེ་སེམས་དཔའ་ཞལ་གདངས་ཀྱི་ཧོམ་རྒྱུད་ཀྱི་ལེའུ་སྟེ་བཅུ་པའོ།། །།རྡོ་རྗེ་སེམས་དཔའི་ཞལ་གདངས་ཀྱི་མ་རྒྱུད་རྫོགས་སོ།། བརའདིརསྐུགདུངའབརབཚཚམཆོདརྟེནགྱིརྒྱུདལཛུད།རྒྱ་གར་སྐད་དུ། མ་ཧྭ་ཧཱུཾ༷་ཀྭ་ར་ཏནྟྲ། བོད་སྐད་དུ། ཧཱུཾ༷་མཛད་ཆེན་པོའི་རྒྱུད། བཅོམ་ལྡན་འདས་དབང་ཆེན་བདུད་འདུལ་རོལ་པ་ལ་ཕྱག་འཚལ་ལོ། །འདས་པའི་དུས་མ་བྱུང་བའི་སྔོན་རོལ་ན། བཅོམ་ལྡན་