Klong chen rab byams gsung 'bum/volume 005 119

From Rangjung Yeshe Wiki Texts
Jump to navigation Jump to search


༄༅། །ལག་ཁྲིད་གནད་ཀྱི་མན་ངག་པྲ་ཁྲིད་དུ་བསྟན་པ་བཞུགས་སོ༔

« » EMBED Photoshop.Image.7 \s «སྐུ་གསུམ་འདུ་འབྲལ་མེད་ལ་ཕྱག་འཚལ་ལོ༔ གསང་ཆེན་གནད་ཀྱི་གལ་མདོ༔ མངོན་སུམ་གནད་ཀྱི་མན་ངག༔ གཅེར་མཐོང་རིག་པའི་ལྕགས་ཀྱུ༔ སྐུ་གསུམ་ལམ་ཁྲིད་ཀྱི་ལག་ལེན༔ པྲ་ཁྲིད་དུ་བསྟན་པ་ནི༔ སྔོན་འགྲོ་དངོས་གཞི་རྗེས་གསུམ་ལས༔ དང་པོ་སྔོན་འགྲོ་ནི་གཉིས་ལས༔ དང་པོ་སྔོན་འགྲོའི་སྔོན་འགྲོ་རྣམ་པ་བརྒྱད་ལས༔ དང་པོ་ཆོས་འདི་སྟོན་དུ་རུང་བའི་སྣོད་ལེགས་པར་བརྟགས་ཏེ༔ རིགས་ཀྱི་བུ་དེ་གནས་མཚན་ཉིད་དང་ལྡན་པར་ཁྲིད་དེ༔ དུས་གནད་ཁྱད་པར་ཅན་ལ་གྲོགས་དམ་ཚིག་དང་ལྡན་པ་གཉིས་ནས་གསུམ་ཚུན་ཆད་ཀྱིས༔ དགོས་པའི་ཡོ་བྱད་ཐམས་ཅད་ཚོགས་པར་བྱ་སྟེ༔ བླ་མས་དྲང་དོན་གྱིས་དད་པ་བསྐྱེད༔ བརྒྱུད་པའི་ལོ་རྒྱུས་ཀྱིས་ངེས་ཤེས་བསྐྱེད་ལ༔ དབང་ཐམས་ཅད་རྫོགས་པར་བསྐུར༔ དེ་ནས་དངོས་གཞིའི་སྔོན་འགྲོ་ནས་བཟུང་སྟེ༔ དང་པོ་ལུས་འཁོར་འདས་རུ་ཤན་འབྱེད་པ་ལ་ཞག་གཉིས་སུ་བསླབ་སྟེ༔ ལུས་ཀྱི་སྔོན་འགྲོ་ལ་ཞག་གཅིག༔ ལུས་རྡོ་རྗེ་སྐྱིལ་ཀྲུང་ལ་ཞག་གཅིག་སྟེ་ཞག་གཉིས་སུ་བྱའོ༔ དེ་ནས་ངག་གི་སྔོན་འགྲོ་ལ་ཞག་བདུན་དུ་བྱའོ༔ དེ་ནས་སེམས་ཀྱི་སྔོན་འགྲོ་ལ་ཞག་གཅིག༔ གནས་ས་ལ་ཞག་གཅིག༔ སེམས་ཀྱི་འགྲོ་ས་ལ་ཞག་གཅིག་སྟེ་སེམས་ཀྱི་སྔོན་འགྲོ་ལ་ཞག་བཞིར་བྱའོ༔ དེ་ལྟར་ལུས་ངག་ཡིད་གསུམ་གྱི་སྔོན་འགྲོ་ལ་ཞག་བཅུ་གསུམ་དུ་བྱའོ༔ དེ་ནས་ནང་གི་ལུས་ངག་ཡིད་གསུམ་རྣལ་དུ་དབབ་པ་ལ་ཕྱི་ནང་གཉིས་ལས༔ དང་པོ་ཕྱིའི་ནི་ལུས་ལ་ཞག་གཅིག༔ ངག་ལ་ཞག་གཅིག༔ ཡིད་ལ་ཞག་གཅིག་སྟེ་གསུམ་དུ་བྱའོ༔ དེ་ནས་ནང་གི་ནི་ལྟ་སྟངས་གསུམ་ལ་ཞག་རེ་རེ་བྱའོ༔ དེ་ནས་རྟོག་པ་རྩད་བཅད་པ་ལ་སོགས་པ་ལ་ཞག་གསུམ་དུ་བྱ་སྟེ༔ རྣལ་དུ་དབབ་པ་ལ་ཞག་དགུར་བྱའོ༔ དེ་ནས་དངོས་གཞི་ལ་«དང་པོ་ཁྲིད་མ་ཚར་བར་དུ་བྱ་དགོས་སོ་«ལུས་ངག་ཡིད་གསུམ་གྱི་བྱ་བ་བཏང་བ་ལ་ཞག་གསུམ་དུ་བྱའོ༔ དེ་ནས་བཞུགས་སྟངས་གསུམ་ལ་ཞག་རེ་རེ་ཞག་གསུམ་དུ་བྱའོ༔ དེ་ནས་གཟིགས་སྟངས་གསུམ་དང་༔ སྒོའི་གནད་ལ་སོགས་པ་གནད་རྣམ་པ་གསུམ་མམ་བཞི་ནི་བཞུགས་སྟངས་དང་བསྟུན་པའོ༔ དེ་ལྟར་དངོས་གཞི་ལ་ཞག་དྲུག་གིས་ཆོས་ཉིད་མངོན་སུམ་གྱི་སྣང་བ་དངོས་སུ་གསལ་བར་འགྱུར་རོ༔ ཆོས་ཉིད་མངོན་སུམ་གྱི་སྣང་བ་མཐོང་བ་དེ་ལས་མི་འབྲལ་བར་བྱ་སྟེ༔ སྣང་བ་བཞི་མ་རྫོགས་ཀྱི་བར་དུ་མཐའ་རྟེན་གྱིས་རྒྱབ་བྱས་ཏེ་ཉམས་སུ་བླང་ངོ་༔ དེ་ལྟར་ཉམས་སུ་བླངས་པས་དབང་པོ་རབ་ནི་ལོ་གསུམ་དང་ཟླ་བ་གཅིག་ནས་གྲོལ་བ་ཡིན་ནོ༔ འབྲིང་པོ་ལོ་བཞི་དང་ཟླ་བ་ལྔ་ན་གྲོལ་བ་ཡིན་ནོ༔ ཐ་མ་ཡང་ལོ་བདུན་དང་ཟླ་བ་བཅུ་གཅིག་ན་གྲོལ་བར་ངེས་པ་ཡིན་ནོ༔ ཁྲིད་དུ་བྱེད་པའི་དུས་སུ་ཡང་༔ ལས་དང་ལྡན་པ་བདུན་ལས་མང་དུ་མི་རུང་ངོ་༔ ཌཱཀྐིའི་བཀའ་ཆད་འབྱུང་ངོ་༔ དབང་ལེགས་པར་ཚར་ནས༔ ཁྲིད་དུ་བྱེད་པའི་དུས་སུ་གཏོར་ཚོགས་རྒྱ་ཆེན་པོ་བྱའོ༔ དེ་ནས་དངོས་གཞི་ལ་ཚོགས་གཏོར་རྒྱ་ཆེན་པོ་བྱའོ༔ དེ་ནས་དངོས་གཞིའི་དོན་ངོ་འཕྲོད་ནས༔ གཏང་རག་གི་གཏོར་ཚོགས་རྒྱ་ཆེན་པོ་བྱའོ༔ ཆོས་ཐུན་གྱི་དུས་སུ་ཌཱཀྐི་དང་གཏེར་བདག་ལ་ཟུར་གཏོར་དབུལ་ལོ༔ ཉམས་སུ་བླངས་པའི་ཞལ་ཁྲིད་པྲ་ཁྲིད་དུ་བསྟན་པ༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ རྫོགས་སོ༔ དགེའོ༔ «མེས་པོའི་ཤུལ་བཞག་ལས། ཀློང་ཆེན་རབ་འབྱམས་ཀྱི་གསུང་འབུམ། ༼༥༽

»PAGE - PAGE 266 -- PAGE 265 -