Klong chen rab byams gsung 'bum/volume 005 104

From Rangjung Yeshe Wiki Texts
Jump to navigation Jump to search


༄༅། །སྙིང་ཐིག་གསང་བ་བླ་མེད་ཀྱི་དབང་དོན་གསལ་བའི་རྒྱབ་ཡིག་གསང་བའོ༔

« » EMBED Photoshop.Image.7 \s «རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ མཁའ་འགྲོ་སྙིང་གི་ཏི་ཀ་ཡི༔ དབང་བསྐུར་ལམ་དུ་འཇུག་པ་ནི༔ ཞག་བདུན་ནམ་ཡང་ན་གསུམ་དུ་བྱ་བར་གསུངས༔ ནུབ་དང་པོ་ཡུལ་བདག་ལ་གཏོར་མ་བྱིན་ཏེ་ས་བསླངས་ལ༔ སྟེགས་བུ་བརྩིགས་ཏེ་སྟ་གོན་གྱི་ཆོ་ག་བྱའོ༔ ནུབ་བར་མ་ལ་དཀྱིལ་འཁོར་བྲིའོ༔ ནུབ་ཕྱི་མ་ལ་དཀྱིལ་འཁོར་སྒྲུབ་པར་བྱའོ༔ ནུབ་བཞི་པ་ལ་སློབ་མ་དཀྱིལ་འཁོར་དུ་གཞུག་སྟེ༔ བུམ་དབང་བསྐུར༔ མེ་མང་པོ་ཡང་བཅུག་པས་ཆོག༔ དེས་གང་ཟག་ཐུན་མོང་དུ་སྨིན་པར་བྱེད་པ་ཡིན་ནོ༔ དེ་ནས་སྐལ་ལྡན་གཉིས་གསུམ་བཞི་ཡན་ཆད་ལ་དབང་གསུམ་པ་བསྐུར་ཏེ༔ བུམ་དབང་གི་དཀྱིལ་འཁོར་ཉིད་མ་བསྡུས་པར་ཚོགས་རྒྱ་ཆེན་པོ་བཤམས་ནས༔ ནམ་ཕྱེད་ན་ད་ལའི་ལྷོར་གསང་དབང་བསྐུར༔ ནུབ་ཕྱི་མ་ལ་སྲོད་ལ་དཀྱིལ་འཁ»ོར་«གྱི་ནུབ་ཕྱོགས་སུ་ཤེས་རབ་ཡེ་ཤེས་ཀྱི་དབང་བསྐུར་རོ༔ ནུབ་གསུམ་པ་ལ་དཀྱིལ་འཁོར་གྱི་བྱང་ཕྱོགས་སུ་ཐོ་རང་རྩེ་ཤར་ལ་ཚིག་དབང་གི་ངོ་སྤྲོད་རྒྱས་པར་བྱའོ༔ དབང་དེ་དག་གསུམ་ཀ་ལ་ཚོགས་གཏོར་རྒྱས་པར་བྱའོ༔ ཡང་ན་ནུབ་གསུམ་དུ་བྱས་ཏེ༔ ནུབ་དང་པོ་ལ་དཀྱིལ་འཁོར་བྲི༔ གཉིས་པ་ལ་བུམ་དབང་བསྐུར༔ གསུམ་པ་ལ་དབང་གསུམ་པ་བསྐུར་བའོ༔ ནང་པར་ཚོགས་ལ་རོལ༔ གླུ་གར་དང་རོལ་མོ་བྱ༔ དེ་ནས་བཀྲ་ཤིས་དང་བསྔོ་བ་སྨོན་ལམ་བྱ༔ དཀྱིལ་འཁོར་བསྡུའོ༔ བདག་འདྲ་པདྨས་དབང་བཞི་ཐོ་ཡིག་ཏུ་བཀོད་པའོ༔ ལས་ཅན་ཅིག་དང་འཕྲད་པར་ཤོག༔ དབང་གི་ཐོ་ཡིག་རྫོགས་སོ༔ རྒྱ་རྒྱ་རྒྱ༔ ཨྠིྀ༔ ༔༄༅»།« »། EMBED Photoshop.Image.7 \s «རིགས་ཀྱི་ཌཱཀྐི་ལྔ་ལ་ན་མོ༔ ཨུ་རྒྱན་པདྨ་བདག་འདྲ་ཡིས༔ དབང་གི་རྒྱབ་ཡིག་བསྟན་པར་བྱ༔ ཚད་མེད་བཞི་པོ་སྔོན་དུ་སོང་བས༔ བདག་ཉིད་སྐད་ཅིག་དྲན་རྫོགས་སུ་དཔལ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས༔ གཡས་གྲི་གུག་གཡོན་ཐོད་པ་བསྣམས་པ༔ གཅེར་བུ་རུས་པའི་རྒྱན་ཆ་ཅན་ཅིག་ཏུ་བསྐྱེད༔ དེའི་སྤྱི་བོར་ཡི་གེ་ར་ལས་བཛྲ་དཔའ་བོ༔ མགྲིན་པར་ཙ་ལས་རཏྣ་དཔའ་བོ༔ སྙིང་ཁར་ཧྲཱིཿལས་པདྨ་དཔའ་བོ༔ ལྟེ་བར་ཡ་ལས་ལས་ཀྱི་དཔའ་བོ༔ སྐུ་མདོག་ཕྱག་མཚན་རིགས་དང་མཐུན་པར་བསྐྱེད༔ བདག་དེ་ལྟར་བསྐྱེད་པའི་པང་དུ༔ ཡུམ་རྡོ་རྗེ་ཕག་མོ་སྐུ་མདོག་དམར་མོ་གཅེར་བུ་རུས་པའི་རྒྱན་དྲུག་གསོལ་བ༔ ཕྱག་གཡས་གྲི་གུག་ཡབ་ཀྱི་མགུལ་ནས་འཁྱུད་པ༔ གཡོན་ཐོད་པའི་བདུད་རྩི་ཡབ་ལ་སྟོབ་པ༔ ཞབས་གཉིས་བརྐྱང་བསྐུམ་འཁྲིལ་སྦྱོར་དུ་བསྐྱེད༔ དེ་ལྟར་བསྐྱེད་པའི་ཡུམ་གྱི་སྤྱི་བོར་ཧ་ལས་རྡོ་རྗེ་ཌཱཀྐི་བསྐྱེད༔ མགྲིན་པར་རི་ལས་རིན་ཆེན་ཌཱཀྐི་བསྐྱེད༔ སྙིང་ཁར་ནི་ལས་པདྨ་ཌཱཀྐི་བསྐྱེད༔ ལྟེ་བར་ས་ལས་ལས་ཀྱི་ཌཱཀྐི་བསྐྱེད༔ སྐུ་མདོག་ཕྱག་མཚན་རིགས་དང་མཐུན་པར་བསྐྱེད༔ དེ་དག་ཀྱང་འཁྲིལ་སྦྱོར་ལ་མཛེས་ཤིང་ཡིད་དུ་འོང་བ་ལང་ཚོ་བཅུ་དྲུག་ལོན་པ་ལྟ་བུ་ལ་རྒྱན་དང་ལྡན་པར་བསྐྱེད་དོ༔ དེ་ལྟར་བསྐྱེད་པའི་སྤྱི་བོར༔ ཨོ་རྒྱན་པདྨ་བདག་ཉིད་མཐིང་ནག་རྡོ་རྗེ་སེམས་དཔའི་ཆ་ལུགས་ཡུམ་དང་འཁྲིལ་སྦྱོར་དུ་བསྐྱེད་དོ༔ བདག་གིས་སེམས་ཅན་ཐམས་ཅད་ཀྱི་དོན་དུ༔ བདེ་སྟོང་ལྷན་ཅིག་སྐྱེས་པའི་ཡེ་ཤེས་རྟོགས་པར་བྱ་སྙམ་དུ་སེམས་བསྐྱེད་ལ༔ དེ་ནས་ཡུམ་དང་འཁྲིལ་ཏེ༔ ཡབ་ཀྱི་རྡོ་རྗེ་ཧཱུཾ་ལས་རྡོ་རྗེ་རྩེ་ལྔ་པར་བསྐྱེད་པའི་བུ་ག་ཕཊ་སེར་པོས་དགག༔ མུ་ཏྲ་ཡུམ་དུ་བསྐྱེད་པའི་བ་ག་པྃ་ལས་པདྨ་འདབ་བཞི་བསྐྱེད་པའི་བུ་ག་ཕཊ་སྔོན་པོས་དགག་གོ༔ དེ་ནས་རྡོ་རྗེ་དང་པདྨ་སྦྱར་ཏེ་གོང་དུ་བསྐྱེད་པའི་ལྷ་ཐམས་ཅད་ཀྱང་སྦྱོར་བ་མཛད་པར་བསྒོམ༔ རྩ་ཁམས་ཐམས་ཅད་དུ་དཔའ་བོ་ཌཱཀྐི་ཐམས་ཅད་ཀྱིས་གང་བར་བསམ༔ དེ་དག་ཐམས་ཅད་ཀྱང་སྦྱོར་བ་མཛད་པར་བསྒོམ༔ དེ་ནས་འོ་དང་འཁྱུད་པའི་འཁྲུལ་འཁོར་གྱིས་དལ་བུས་བསྐྱོད༔ བདེ་བ་བསྐྱེད་པ་དང་གོང་གི་ལྷ་ཡབ་ཡུམ་བདེ་བས་དགྱེས་ཤིང་བསྐྱོད་པས༔ སྦྱོར་མཚམས་ནས་དངས་མ་བབ་པས༔ ལུས་བདུད་རྩིས་གང་བས་བདེ་བ་རྒྱས་པར་བསམས་ཤིང་བསྐྱོད་པ་ལ་གཟབ༔ བདེ་བ་རྫོགས་ནས་མི་ཟིན་འགོ་གཡོ་བ་ལ་བཟུང་༔ བསྐྱོད་ཀྱིན་མི་བཟུང་འཕྲོ་འཐུད་ལ་བཟུང་༔ ལས་དང་པོ་པས་ལུས་བདེ་མེར་གྱིས་བྱུང་བ་དང་༔ གཅན་གཟན་སྣོམ་གྱིས་རླུང་ནང་དུ་འཐེན༔ གླིང་བཞི་རི་རབ་ངོས་ལ་སྦྱར༔ སྦྲུལ་ཚང་བྲག་ལ་བཅའ༔ འབྲང་ཟེ་ཁ་ལ་བསྟོད༔ ལྷོ་སྤྲིན་དབྱིངས་ལ་སྒྲིལ༔ དར་ཆེན་གནམ་ཡོལ་བཅའ༔ བདེ་ཆེན་འཁོར་ལོ་བླ་མ་ཡབ་ཡུམ་གྱི་བདེ་བ་ལ་སེམས་གཏད༔ རླུང་གཉིས་བསྡམས་ཏེ་བདེ་བ་ལ་སེམས་མེ་རེ་བཞག༔ བདེ་བ་ཡལ་ནས་དེ་ཀ་ལྟར་བསྐྱོད་ཅིང་བཟུང་བས༔ སྤྱི་བོ་ནས་དངས་མ་གཡོས་པས་མགྲིན་པར་བབ་པས༔ ལུས་བདེ་མེར་བ་དེ་དགའ་བའི་ཡེ་ཤེས༔ དེས་རྣམ་རྟོག་རགས་རིམ་རྣམས་སྤང་༔ དེ་ནས་དངས་མ་སྙིང་ཁར་སླེབ་པ་མཆོག་དགའི་ཡེ་ཤེས༔ དེས་བདག་ཏུ་འཛིན་པའི་རྟོག་པ་སྤོང་༔ དངས་མ་ལྟེ་བར་སླེབ་སྟེ་བདེ་བ་རྒྱས་པས་དགའ་བྲལ༔ དེས་ཕྱག་རྒྱར་འཛིན་པའི་རྟོག་པ་སྤོང་༔ དངས་མ་གསང་བར་སླེབ་པས་བདེ་ལ་རྟོག་པ་མེད་པ་འབྱུང་༔ དེ་ལྷན་ཅིག་སྐྱེས་པའི་ཡེ་ཤེས༔ དེས་འཛིན་པའི་རྟོག་པ་མཐའ་དག་གྲོལ་ཏེ༔ བདེ་གསལ་སྟོང་པ་ངོས་བཟུང་མེད་པའི་ཉམས་སྐྱེ་བས་དེ་ངོས་བཟུང་སྟེ༔ རྗེས་ཀྱི་ཤེས་པ་བསྐྱངས་པས༔ བདེ་སྟོང་གི་རྟོག་པ་མངོན་དུ་འགྱུར་རོ༔ སྙིང་རུས་ཀྱིས་དངས་མ་མི་གཏོང་བའི་དམ་བཅའ་དམ་པོར་བཟུང་ལ༔ དགའ་བཞིའི་ཡེ་ཤེས་ངོས་མ་ཟིན་ཚེར་བསྐྱོད༔ དེ་ལྟར་བཟུང་བའི་དངས་མ་དྲང་བ་ནི༔ གསང་བ་རྡོ་རྗེའི་བུ་གར་དངས་མ་ཧཱུཾ་གི་རྣམ་པར་གྱུར་ཏེ༔ བདེ་བ་སྐར་མདའ་འཕངས་པ་བཞིན་དུ་སྤྱི་གཙུག་ཏུ་རྒྱང་གིས་སོང་བར་བསམ་པ་དང་དུས་མཉམ་དུ༔ ངག་ཏུ་ཧིག་ཅེས་སྒྲ་དང་བཅས་པ་དྲག་པོ་བདུན་བརྗོད་དེ༔ སྤྱི་བོ་དང་༔ མགྲིན་པ་དང་༔ སྙིང་ག་དང་༔ ལྟེ་བར་ཆིར་གྱིས་སོང་བར་བསམ་ཞིང་༔ དེ་ལྟ་བུ་ལན་གསུམ་བྱའོ༔ དེ་ནས་རྩ་ལ་བཀྲམ་ཞིང་རླུང་དང་བསྲེ་བ་ནི༔ རང་ཁྱིའི་འདུག་སྟངས་ཀྱིས༔ མིང་མེད་ཀྱི་རྩ་བར་མཐེ་བོང་བཙུགས་ཏེ༔ ཁུ་ཚུར་བཅངས་ཏེ་ས་ལ་བཙུགས་ལ༔ ངག་ཏུ་ཧ་སིབ་ཅེས་གཡས་ནས་ལན་གསུམ་དྲག་ཏུ་འཐེན་ལ༔ རླུང་བཟུང་སྟེ་གཡས་སུ་ལན་གསུམ་སྤྲུག༔ གཡོན་དུའང་དེའི་འགྲེའོ༔ དེ་ནས་ལུས་སྤྲུག་ཤར་ཤར་བ་རླུང་བཟུང་ལ་ལན་གསུམ་བྱ༔ དེ་ནས་གློད་ལ་བྱ་བྲལ་ངང་དུ་དར་གཅིག་བཞག་གོ༔ དེ་ནས་དེའི་དགེ་རྩ་བྱང་ཆུབ་ཏུ་བསྔོའོ༔ དེས་གལ་ཏེ་མ་འདྲོངས་ན་རྟགས་ནི༔ རྡོ་རྗེའི་སྐེད་པ་ནས་ཆུ་བྲོ་བ་སྙམ་བྱེད་འོང་བས༔ དེ་ལ་ཡང་ཡང་སྦྱོར་བས་དྲངས་ཤིང་དགྲམ༔ དེས་ཀྱང་མ་འདྲོངས་ན༔ ལས་རྒྱ་འམ་འདུ་བྱེད་ཀྱིས་གཏོང་ངོ་༔ མ་བཏང་ན་ནད་དུ་འགྲོའོ༔ དེ་ནས་ཕྱིས་མི་འདྲོངས་མི་སྲིད་དོ༔ དེ་ལྟར་འདྲོངས་ཤིང་ཁྲེམས་ནས་ཀྱང་༔ བུད་མེད་བུ་མི་འབྱུང་བའི་དུས་སུ་ལན་རེ་མ་བཏང་ན༔ ཕྱིས་རྡོ་རྗེ་ལས་སུ་མི་རུང་ངོ་༔ གཏོང་བའི་དུས་སུ་བ་གར་ཡི་དམ་ལྷ་ཚོགས་བསྐྱེད་ལ༔ དེ་མཆོད་པར་བསམ༔ དངས་མའི་ལྷག་མ་བག་ཙམ་ཞིག་བཟུང་༔ དེ་རང་གིས་མིད༔ དེས་བྱང་སེམས་སྤངས་པའི་ཉེས་ལྟུང་མི་འབྱུང་བའོ༔ དང་པོ་བདེ་བ་འགོ་སྐྱེས་པ་དང་བཟུང་༔ དེ་ནས་རྡོ་རྗེའི་རྩ་བ་ནས་བཟུང་༔ དེ་ནས་རྡོ་རྗེའི་བུམ་པ་ནས་བཟུང་༔ དེ་ནས་བ་ག་རང་ནས་དྲངས་ངེས་སོ༔ སྙིང་རུས་དང་ལྡན་ན་མི་འདྲོངས་མི་སྲིད་དོ༔ ཆགས་ཅན་ལམ་དུ་འཇུག་པ་ཡི༔ དབང་བཞི་གནད་ཀྱི་གདམས་པ་འདི༔ མ་འོངས་ལས་ཅན་དོན་དུ་ནི༔ ཨོ་རྒྱན་པདྨ་བདག་འདྲས་བཀོད༔ ཐུགས་ཀྱི་སྲས་དང་འཕྲད་པར་ཤོག༔ དབང་གི་རྒྱབ་ཡིག་གསང་བའི་དུམ་བུར་བཀོད་པའོ༔ ཟབ་རྒྱ༔ གཏེར་རྒྱ༔ ཌཱཀྐི་ནིའི་རྒྱའོ༔ » EMBED Photoshop.Image.7 \s «རྫོགས་སོ༔ ༔བདག་ཨོ་རྒྱན་ཡབ་ཡུམ་གཉིས་ཀྱི་དྭངས་མ་ལྕེ་ལ་བཞག་སྟེ༔ དབང་དང་ངོ་སྤྲོད་རྒྱས་པར་གདམས་པ་གལ་ཆེའོ༔ བདག་རོང་བན་གྱིས་གཏེར་ནས་ཐོན་ཏེ་ཤོག་སེར་ལས་བཤུས་པ་ལགས་སོ༔ ཨྠིྀ༔«མེས་པོའི་ཤུལ་བཞག་ལས། ཀློང་ཆེན་རབ་འབྱམས་ཀྱི་གསུང་འབུམ། ༼༥༽སྙིང་ཐིག་གསང་བ་བླ་མེད་ཀྱི་དབང་དོན་གསལ་བའི་རྒྱབ་ཡིག་གསང་བ།

»- PAGE 178 -- PAGE 179 -- PAGE 175 -