Ngb-pt-0861-vol-09-text
Front[edit]
Body[edit]
རྒྱ་གར་སྐད་དུ། མུ་ཕྱ་མ་ཏྲག་ཙཀྲ་ཏནྟྲ། བོད་སྐད་དུ། ཡེ་ཉིད་ཕྱི་མོ་མཐར་ཐུག་གི་རྒྱུད། གསང་སྔགས་མཐར་ཐུག་འཁོར་ལོ་སྟེ། །གཏན་ལ་དབབ་པའི་དོན་བཤད་ན། །གནས་པ་རྩ། གཡོ་བ་རླུད་།བཀོད་པ་ཡི་གེ། རྩ་བ་བྱང་ཆུབ་སེམས། གཉུག་མ་ནི་མི་འགྱུར་བའི་གཡུང་དྲུང་། མི་ཤིག་པའི་རྡོ་རྗེ། མི་ནུབ་པའི་རྒྱལ་མཚན། ཐམས་ཅད་འབྱུང་བའི་ཡུལ་དེའོ། །དབྱིབས་དང་ཁ་དོག་འདི་ལྟར་སྣང་། །བྱང་སེམས་ག་་མའི་འོད་ཟེར་དང་། འགྱུར་མེད་རྟག་ཆེན་གཡུང་དྲུང་ལས། །འཕྲིན་ལས་རྣམ་བཞི་རྫོགས་འཆར་བས། ཞི་བའི་སྐུ་གྲུབ་དཀར་ལ་ཟླུམ། །རྒྱས་པའི་སྐུ་གྲུབ་གྲུ་བཞི་སེར། །དབང་གི་སྐུ་གྲུབ་ཟླ་ཁམ་དམར། །མངོན་སྤྱོད་སྐུ་གྲུབ་རྣམ་ཤེས་བརྒྱད། འཁོར་ལོ་བརྒྱད་ཀྱི་གཞལ་ཡས་དང་། སྣ་ཚོགས་སྤྲུལ་པའི་ཚོགས་བརྒྱད་ནས། །འགྲོ་བའི་དོན་དུ་ཡང་དག་འཕྲོས། །འཕྲིན་ལས་སྐུར་གྲུབ་གྲུ་གསུམ་གནག །རྣམ་ཤེས་བརྒྱད་ཀྱི་ཡུལ་བརྒྱད་དོ། །ཡེ་ཕྱི་འཁོར་ལོ་ཞེས་པ་ནི། །འགྱུར་བ་མེད་པས་ཡེ་ཉིད་ལ། །ཐམས་ཅད་འབྱུང་བས་ཕྱི་མའོ། །འཁོར་བའི་གདར་བཅད་སེམས་ལ་ལྟོས། །མན་ངག་གཏན་ཕེབས་འཁོར་ལོའོ། །ཡེ་ཕྱི་ཐུགས་ཀྱི་འཁོར་ལོ་ལས། །དམ་ཆོས་གསང་སྔགས་རྩ་སྲོག་ཏུ། །ཡིག་སྨད་དྲུག་ཅུ་རྩ་གཉིས་གནས། །ཡི་གེ་ཕྱི་ཡི་མཚན་ཉིད་ནི། །ཐུགས་རྗེ་འོད་འཕྲོས་འདི་ལྟར་སྣང་། །ཐ་མ་བཞི་བཅུ་རྩ་གཉིས་ནི། །རིན་ཆེན་ནོར་བུ་བརྒྱུད་པ་འདྲ། །ཡན་ལག་བཅུ་དྲུག་མཚན་ཉིད་ནི། །གུ་གུ་ཐུགས་རྗེ་ལྕགས་ཀྱུ་འདྲ། །ཞབས་སྐྱེད་སྒོམ་ཆེན་སྐྱིལ་ཀྲུང་འདྲ། །འགྲེང་བུ་རྩལ་ཆེན་དབྱུག་ཐོ་འདྲ། །ན་རོ་ཐང་དཀར་ལྡིང་བ་འདྲ། །ཡ་ཏ་གྱད་པའི་སྐྲས་བཙུགས་འདྲ། །ཕྲ་གཉིས་སྐར་ཆེན་ཤར་བ་འདྲ། །གཅོད་བཞི་སྦྲུལ་ནག་འཁྱུད་པ་འདྲ། །ཨ་ནི་ཡབ་ཡུམ་གཉིས་མེད་དོན་སྡུད་པའོ། །གསང་དོན་ངེས་པའི་ཨ་ལྔ་ནི། །འགྱུར་མེད་གཡུང་དྲུང་ཆོས་སྐུ་ལ། །སྐྱེ་བའི་ཆོ་འཕྲུལ་རྟགས་བསྟན་པའོ། །ཨ་ཏི་རྩེ་མོ་བྱུང་རྒྱལ་དེ། །མ་བཅོས་ག་་མའི་དོན་བསྟན་ཕྱིར། །ཨ་གཅིག་དབྱིངས་ཤད་ལྟ་བུ་འདྲ། །བྱང་སེམས་ཐིག་ལེ་ག་་མའི་ངང་། །འགྱུར་མེད་གཡུང་དྲུང་ཤར་ན་གནས། །ཡབ་ཡུམ་ཐབས་དང་ཤེས་རབ་ལས། །དབྱིངས་དང་ཡེ་ཤེས་དོན་བསྟན་ཕྱིར། །ཨི་གཅིག་བརྩོས་པའི་ར་དང་འདྲ། །བྱང་སེམས་ཐིག་ལེ་ག་་མ་ཡི། །འགྱུར་མེད་གཡུང་དྲུང་ལྷོ་ན་གནས། །སྣང་སྲིནད་གཏན་ལ་དབབ་པ་དང་། །སེམས་ཅན་ཐུགས་རྗེས་བཟུང་བའི་ཕྱིར། །ཨ་གཅིག་བ་དན་ཕྱར་བ་འདྲ། །བྱང་སེམས་ཐིག་ལེ་ག་་མ་ཡི། །འགྱུར་མེད་གཡུང་དྲུང་ནུབ་ན་གནས། །གཟུགས་ཕུང་ལྷ་རུ་བསྒྲུབ་པ་དང་། །ང་བདག་མི་གཟུང་མཉམ་བཞག་ཕྱིར། །ཨ་གཅིག་སེང་གེ་ཁ་དབྱལ་འདྲ། །བྱང་སེམས་ཐིག་ལེ་ག་་མ་ཡི། །འགྱུར་མེད་གཡུང་དྲུང་བྱང་ན་གནས། །ཞི་བས་མི་འདུལ་དུས་བྱུང་ན། །དྲག་པོའི་འཕྲིན་༄༅ ལས་མཐར་དབྱུང་ཕྱིར། །ཨ་གཅིག་ལྷ་ཚངས་མིག་དང་འདྲ། །བྱང་སེམས་ཐིག་ལེ་ག་་མ་ཡི། །འགྱུར་མེད་གཡུང་དྲུང་དབུས་ན་གནས། །ཐམས་ཅད་ཇི་ལྟར་གནས་ཤེས་ན། །ཨ་ལྔ་བྱང་སེམས་གཉུག་མ་ཡི། །རྟག་ཆེན་གཡུང་དྲུང་སྐུ་ལ་གནས། །ཀ་ལྔ་རྣམ་ཤེས་ཤར་གླིང་གི །ཟླ་ཁམ་ཀང་ཀ་རི་ལ་གནས། །ཏ་ལྔ་རྣམ་ཤེས་ལྷོ་གླིང་གི །སོགས་ཀ་བིཌརླ་ལ་གནས། །པ་ལྔ་རྣམ་ཤེས་ནུབ་གླིང་གི །ཟུམ་པོར་ག་ར་དམར་ལ་གནས། །རྩ་ལྔ་རྣམ་ཤེས་བྱང་གླིང་གི །གྲུ་བཞི་ཨིནྟྲ་ལྗང་ལ་གནས། །ཙ་ལྔ་རྣམ་ཤེས་ཤར་ལྷོའི་གླིང་། །རྡོ་རྗེ་རྒྱ་གྲམ་གསེར་ལ་གནས། །ཊ་ལྔ་རྣམ་ཤེས་ལྷོ་ནུབ་གླིང་། །རིན་ཆེན་རྒྱ་གྲམ་སྨུག་ལ་གནས། །ཞ་ལྔ་རྣམ་ཤེས་བྱང་ཆུབ་གླིང་། །པདྨ་རྒྱ་གྲམ་དཀར་ལ་གནས། །ར་ལྔ་རྣམ་ཤེས་བྱང་ཤར་གླིང་། །འཁོར་ལོ་རྒྱ་གྲམ་ལྕགས་ལ་གནས། །ཡང་དག་ངེས་པའི་དོན་དུ་ན། །གསང་བའི་ཡི་གེ་ཨ་ལྔ་ནི། །སེམས་ཉིད་ཡི་གེ་གསང་གཏེར་གྱི། །འགྱུར་མེད་གཡུང་དྲུང་སྐུ་ལ་གནས། །ཀ་སྨད་བཞི་བཅུ་ཐམ་པ་ནི། །རྣམ་ཤེས་ཚོགས་བརྒྱད་གཞལ་ཡས་ཁང་། །གསེར་གྱི་འཁོར་ལོ་རྩིབས་བརྒྱད་དཀྱིལ། །སྣ་ཚོགས་སྤྲུལ་པའི་མཁའ་ན་གནས། །རྣམ་ཤེས་བརྒྱད་ཀྱི་ཡུལ་བརྒྱད་ན། །ཡན་ལག་ཡི་གེ་བཅུ་དྲུག་གནས། །དེ་ཡི་འཕྲིན་ལས་མཐར་ཕྱིན་ཡི་གེའོ། །རྒྱུ་རྐྱེན་དོན་སྦྱོར་མཐར་སྡུད་པའི། །ཡན་ལག་ཡི་གེ་བཅུ་དྲུག་པའོ རིམས་སམ་ཇི་ལྟར་གནས་ཤེ་ན། །ཤར་ནས་རིམ་མེད་འཁོར་བར་གནས། །ཡེ་ཉིད་ཕྱི་མོའི་འཁོར་ལོ་ཡི། །འོད་ཟེར་འཕྲོ་འདུ་དེ་ལྟར་གནས། །དེ་དོན་གཏན་ལ་དབབ་པའི་ཕྱིར། །བླ་མ་བརྒྱུད་པའི་མན་ངག་དང་། །རྟོག་པ་རྣམ་བཞི་གཏན་ལ་དབབ། །བླ་མ་བརྒྱུད་པའི་མན་ངག་ནི། །གསང་སྡེ་བཅོ་བརྒྱད་འཕྱོང་ལ་ཐུག །རྟོག་པ་རྣམ་བཞི་ཞེས་པ་ནི། །རང་བཞིན་རྣམ་པར་རྟོག་པ་དང་། །ཞར་ལས་བྱུང་བའི་རྟོག་པ་དང་། །ཆེད་དུ་བྱས་པའི་རྟོག་པ་དང་། །ང་བདག་འཛིན་པའི་རྟོག་པའོ། །རྣམ་རྟོག་བཞི་ཡི་སྤྱད་བརྟགས་ལ། །ཀ་ལ་སོགས་ཏེ་བཞི་བཅུ་གཉིས། །གནས་བརྒྱད་དག་ནས་དྲང་བར་བྱ། །སྙིང་ཁ་མགྲིན་པ་རྐན་དང་ལྕེ། །སོ་དང་མཆུ་སྣ་སྒྱི་བོ་གཙུག །ཞི་རྒྱས་དབང་དང་མངོན་སྤྱོད་འཕྲིན་ལས་ལྔ། །སྒྲ་ཡི་བྱེད་བྲག་ཤེས་བར་བྱའོ། །མཐར་ཐུག་སྒྲ་ཡི་བྱེ་བྲག་ནི། །ཤེས་པ་རྣམ་བཞིས་གཏན་ལ་དབབ། །མ་རིག་འཁྲུལ་པས་ཤེས་པ་དང་། །རྟོག་སྤྱོད་ལ༷་གྱིས་ཤེས་པ་དང་། །རིགས་ལྡན་མཁས་པའི་ཤེས་པ་དང་། །མ་བཅོས་ག་་མའི་ཤེས་པའོ། ཁེས་པ་རྣམ་བཞི་མདུད་བཀྲོལ་ལ། །དེ་བ་བསད་ཀྱི་སྒྲ་བཅུ་ཡི། །འགྱུར་མེད་གཡུང་དྲུང་ཐིག་ལེ་དང་། །གསང་བ་ཐུགས་ཀྱི་གནས་བཅུ་ནས། །ཡིག་སྨད་དྲུག་བཅུ་རྩ་གཉིས་གྲངས། །སྒྲ་བཅུའི་དོན་དུ་གང་ཞེ་ན། །ཨ་མུ་ཏ་དང་བྷ་ལིང་ཏ། ཛ་དུ་ཏ་དང་དྷ་རི་ཏ། ཀ་ཏ་ཏི་དང་སྟི་རུ་ཏ། ཛ་འུ་ཏ་དང་འུ་རྒ༷་ཏ། ཤ་ལི་ཏ་དང་འདུ་འཕྲོ་ཏའོ། ཨ་ལྔ་བྱང་སེམས་ག་་མའོ། །འགྱུར་མེད་གཡུང་དྲུང་ཐིག་ལེ་ནས། །ཨ་མུ་ཏ་ཡི་སྒྲ་གྲངས་ལ། །གསང་དོན་མཐར་ཐུག་ཐམས་ཅད་སྤྲོ། །ཀ་ལྔ་ཤར་གྱི་འཁོར་ལོ་དང་། །ཀང་ཁ་ཟླ་ཁམ་མཁར་ནང་ནས། །བྷ་ལི་ཏ་ཡི་སྒྲ་གྲངས་ལ། །སྙིང་སྲོག་རྩ་ནས་ཐམས་ཅད་སྤྲོ། །ཅ་ལྔ་ལྷོ་ཤར་འཁོར་ལོ་དང་། །གསེར་གྱི་རྡོ་རྗེའི་མཁར་ནང་ནས། །ཛ་དུ་ཏ་ཡི་སྒྲ་གྲངས་ལ། །མགྲིན་པའི་གསང་ནས་ཐམས་ཅད་སྤྲོ། །ཏ་ལྔ་ལྷོ་ཡི་འཁོར་ལོ་དང་། །བིཌར་སོགས་ཁའི་མཁར་ནང་ནས། །ད་རི་ཏ་ཡི་སྒྲ་གྲངས་ལ། །རྐན་གྱི་བར་ནས་ཐམས་ཅད་སྤྲོ། །ཊ་ལྔ་ལྷོ་ནུབ་འཁོར་ལོ་དང་། །རིན་ཆེན་སྨུག་པོའི་མཁར་ནང་ནས། །ད་ར་ཏ་ཡི་སྒྲ་གྲངས་ལ། །ལྕེ་ཡི་དཀྱིལ་ནས་ཐམས་ཅད་སྤྲོ། །པ་ལྔ་ནུབ་ཀྱི་འཁོར་ལོ་དང་། །ར་ཀ་ཟླུམ་པོའི་མཁར་ནང་ནས། །བི་དུ་ཏ་ཡི་སྒྲ་གྲངས་ལ། །མཆུ་ཡི་རྩེ་ནས་ཐམས་ཅད་སྤྲོ། །རྩ་ལྔ་བྱང་གི་འཁོར་ལོ་དང་། །ཨིནྟྲ་གྲུ་བཞིའི་མཁར་ནང་ནས། །ཛ་བུ་ཏ་ཡི་སྒྲ་གྲངས་ལ། །སོ་ཡི་གསེབ་ནས་ཐམས་ཅད་སྤྲོ། །ཞ་ལྔ་བྱང་ཆུབ་འཁོར་ལོ་དང་། པདྨ་དཀར་པོའི་མཁར་ནང་ནས། །འུ་རྒ༷་ཏ་ཡི་སྒྲ་གྲགས་ལ། །སྣ་ཡི་སྦུབས་ནས་ཐམས་ཅད་སྤྲོ། །ར་ལྔ་བྱང་ཤར་འཁོར་ལོ་དང་། །ལྕགས་ཀ་འཁོར་ལོ་མཁར་ནང་ནས། །ཤ་ལི་ཏ་ཡི་སྒྲ་གྲངས་ལ། །སྤྱི་བོའི་གཙུག་ནས་ཐམས་ཅད་སྤྲོ། །གུ་གུ་ལ་སོགས་ཡན་ལག་རྣམས། །འདུ་འཕྲོ་ཏ་ཡི་སྒྲ་གྲངས་ལ། །རྣམ་ཤེས་བརྒྱད་ཀྱི་ཡུལ་བརྒྱད་ན། །རིམ་མིན་འཁོར་བར་གནས་པ་ནི། །སྐབས་སྦྱར་དགོས་འབྲེལ་དོན་དམ་དུ། །མན་ངག་ཅན་གྱིས་གཏན་ལ་དབབ། །ཡང་ན་མན་ངག་མཆོག་ལ་ཐུག །གསང་བ་མཐར་ཐུག་མན་ངག་ཏུ། །གསང་སྔགས་སྒྲ་ལ་མང་ན་ཡང་། །སྒྲ་ཡི་རྩ་བ་བཞིར་འདུས་ཏེ། །གྱེན་མཐུར་དུ་རྒྱུག་པའི་སྒྲ་དང་། རྨེལ་བཞི་རུ་འགྲོ་བའི་སྒྲ་དང་། འབྲོས་འདེད་ཀྱི་སྒྲ་དང་། རང་ཐད་དུ་གནས་པའི་སྒྲའོ། །གྱེན་ཐུར་དུ་རྒྱུག་པའི་སྒྲ་ལ་ལྔ། གྱེན་དུ་རྒྱུག་པའི་སྒྲ་གསུམ། ཐུར་དུ་རྒྱུག་པའི་སྒྲ་གཉིས་སོ། །གྱེན་དུ་རྒྱུག་པའི་སྒྲ་གསུམ་ནི། །ལྕགས་ཀྱུ་རྒོད་ལྡིང་དབྱུག་ཐོའོ། །ཐུར་དུ་རྒྱུག་པའི་སྒྲ་གཉིས་ནི། །སྐྱིལ་ཀྲུང་གྱང་སྐྲས་བཙུག་པའོ། །རྨེལ་བཞིར་འགྲོ་བའི་སྒྲ་བདུན་ལ། །རྒ་སྒྲ་ལག་སྒྲ་བླ་སྒ་སྒྱུ་མ་དིའོ། །འབྲོས་འདེད་ཀྱི་སྒྲ་ལ་བཅུ་བཞི་སྟེ། འབྲོས་པའི་སྒྲ་ལ་དགུ །འདེད་པའི་སྒྲ་ལ་ལྔའོ། །འབྲོས་པའི་སྒྲ་དགུ་རྣི་ཀག །ཀང་། ཀད། ཀན། ཀབ། ཀ༷ །ཀར། ཀལ། ཀས། འདེད་པའི་སྒྲ་ལྔ་ནི། གདའ། དཀའ། བཀའ། མཁའ། འགའ། རང་ཐད་དུ་གནས་པའི་སྒྲ་ནི། ཡན་ལག་ཀྱིས་ཀྱང་མ་འབྲེལ་བའོ། །གདབ་སར་ཤར་གནད་ས། དོན་དམ་དགོས་འབྲེལ་སྒྲ་རྣམས་ནི། །རང་བཞིན་འོད་ཟེར་ཤུགས་ཀྱིས་འབྱུང་ངོ་། །གསང་བ་མཐར་ཐུག་མན་ངག་ཏུ། །གསང་སྔགས་སྒྲ་ཡི་གནས་བརྒྱད་ནས། །སྡེ་བརྒྱད་རང་སྐད་སྒྲ་ཡི་གྲངས་པ་ལ། །ལྷ་ཡི་རང་སྐད་སྒྲ་ཡིས་གྲངས་པ་དང་། །ཀླུ་ཡི་རང་སྐད་སྒྲ་ཡིས་གྲངས་པ་དང་། །གཤིན་རྗེའི་རང་སྐད་སྒྲ་ཡིས་གྲངས་པ་དང་། །བདུད་ཀྱི་རང་སྐད་སྒྲ་ཡིས་གྲངས་པ་དང་། །སྲིན་པོའི་རང་སྐད་སྒྲ་ཡིས་གྲངས་པ་དང་། །ལྷ་མོའི་རང་སྐད་སྒྲ་ཡིས་གྲངས་པ་དང་། །གནོད་སྤྱིན་རང་སྐད་སྒྲ་ཡིས་གྲངས་པ་དང་། །མུ་སྟེགས་རང་སྐད་དགྲ་ཡིས་གྲངས་པ་དང་བརྒྱད་དོ། །དེ་ལ་གསང་སྔགས་སྒྲ་ཡིས་གསང་དོན་དུ། །སྒྲ་དེ་དག་ལ་བཞི་བཞིར་གྲངས། །རང་སྐད་རེ་ལ་སྒྲ་བཞི་ཡིས་བོད་པའོ། །སད་ཀར་ཙ་ལས་གྲངས་པ་ནི། །ལྷ་ཡི་རྒྱལ་པོ་བོད་པའི་སྒྲའོ། །དེ་བ་གེ་ཏྲ་ཡས་གྲངས་པ། །ལྷ་བདུད་དྲེགས་ཆེན་བོད་པའི་སྒྲའོ། །སོད་དེ་ངར་མ་ཡས་གྲངས་པ། །ལྷ་བྲན་ཕོ་མོ་བོད་པའི་སྒྲའོ། ཁ་ལ་མ་འདུས་ཡས་གྲངས་པ། །ཡུལ་ལྷ་ཡུལ་སྨན་བོད་པའི་སྒྲ། །ནཱ་ག་རྭ་ཛ་ཡས་གྲངས་པ། །ཀླུ་ཡི་རྒྱལ་པོ་བོད་པའི་སྒྲའོ། །ནཱ་ག་དེ་བ་ཡས་གྲངས་པ། །ཀླུ་ཡི་སྒྲ་རྣམས་བོད་པའི་སྒྲའོ། །ནཱ་ག་མ་གེ་ཡས་གྲངས་པ། །ཀླུ་བདུད་ཕོ་མོ་བོད་པའི་སྒྲའོ། །ནཱ་ག་ཡ་མ་ཡས་གྲངས་པ། །ཧལ་ཏི་མགོ་དགུ་བོད་པའི་སྒྲའོ། །ཡ་མ་ར་ཛ་ཡས་གྲངས་པ། །གཤིན་རྗེ་ཡབ་ཡུམ་བོད་པའི་སྒྲའོ། །ཡ་མ་ཏྲི་ཡས་དྲངསཔནི། །གཤིན རྗེགསང་བྱེད་བོད་པའི་སྒྲའོ། །ཡ་མ་གེ་རག་ཡས་གྲངསཔནི། །གཤིན རྗེཕོབདུད་མོ་བདུད་བོད་པའི་སྒྲའོ། །ཡ་མ་ཏྲི་ཏ་ཡས་གྲངསབནི། །གཤིནརྗེ་ཕུང་བྱེད་བོད་པའི་སྒྲའོ། །གེ་ཡ་ནག་ཤི་ཡས་གྲངས་པ། །ནག་མོ་བཀྲག་མེད་བོད་པའི་སྒྲའོ། །གེ་སྲིབ་ནི་སུ་པ་ཡས་གྲངས་པ་ནི། །གསང་བ་མི་རྐུ་བོད་པའི་སྒྲའོ། །གེ་ཏིབ་ཏར་ཤ་ཡས་གྲངས་པ། ཁྲན་པ་ཕུང་བྱེད་བོད་པའི་སྒྲའོ། །གེ་བ་ཕུ་ག་ཏི་ཡས་གྲངས་པ་དང་། །ལྐུག་པ་འཛུ་མུལ་བོད་པའི་སྒྲའོ། །དཀྲུགས་ཤིག་པུས་ཏར་ཡས་གྲངས་པ། །འདའ་ཀ་འགྲི་བ་བོད་པའི་སྒྲའོ། །སྒག་ཤ་ཏྲ༷་ཏ་ཡས་གྲངས་ལ། །ལང་ཀ་མགྲིན་བཅུ་བོད་པའི་སྒྲའོ། །རག་ཤ་བུ་ཡིས་ཡས་གྲངས་པ། །ཆག་གར་ལག་རིངས་བོད་པའི་སྒྲའོ། ཁྲག་ཤ་དུ་མ་ཏ་ཡས་དྲངས་པ། །སྲིན་པོ་ཁྲག་མིག་བོད་པའི་སྒྲའོ། །མ་མ་རུ་ལུས་ཡས་གྲངས་པ། །དབྱིངས་ཀྱི་ལྷ་མོ་བོད་པའི་སྒྲའོ། །མེ་མོ་རོ་རུ་ཡས་གྲངས་པ། །མཁའ་ཡི་ལྷ་མོ་བོད་པའི་སྒྲའོ། །རག་མོ་ཡག་མོ་ཡས་གྲངས་པ། །མི་ཟད་ལྷ་མོ་བོད་པའི་སྒྲའོ། །རུ་ལུ་ཡག་ཤ་ཡས་གྲངས་པ། །ལས་ཀྱི་མ་མོ་བོད་པའི་སྒྲའོ། །ཧྲི་ཙ་ཨག་ཤུ་ལས་གྲངས་པ། །གནོད་སྤྱིན་རྒྱལ་མོ་བོད་པའི་སྒྲའོ། །ཏྲ༷་ལ༷་ས༷་ཐུན་ཡས་གྲངས་པ། །གནོད་སྤྱིན་རྒྱལ་པོ་བོད་པའི་སྒྲའོ། །ཏྲི་ཙར་ཧ༷་ཤ༷་ཡས་གྲངས་པ། །གནོད་སྤྱིན་ཤན་པ་བོད་པའི་སྒྲའོ། །ཏྲི་ག་ར་རག་ཡས་གྲངས་པ། །གནོད་སྤྱིན་སེར་འབེབས་བོད་པའི་སྒྲའོ། །ཨི་ཏྲ་ར་གྲ་ཡས་གྲངས་པ། །དབང་ཕྱུག་ཆེན་པོ་བོད་སྒྲའོ། །འགའ་ཡི་འཛུའུ་ཡས་གྲངས་པ། །ཨུ་མ་དེ་བ་བོད་པའི་སྒྲའོ། །འདི་སྟང་ཏ་གི་ཡས་གྲངས་པ། །མུ་སྟེགས་ནག་པོ་བོད་པའི་སྒྲའོ། །འབྲི་ཐ་རྔམ་འདར་ཡས་གྲངས་པ། །མུ་སྟེགས་ཕུང་བྱེད་བོད་པའི་སྒྲའོ། །གསང་སྔགས་མཐར་ཐུག་མན་ངག་ཏུ། །བོད་སྒྲ་སུམ་ཅུ་རྩ་གཉིས་ཀྱིས། །ཆོས་སྐྱོང་སྲུང་མ་དམ་ཅན་རྣམས། །གཏན་ལ་ཕབ་ནས་ལས་ལ་འབོད། །བཀའ་ལ་བཏགས་ནས་ལས་ལ་འགྱེད། །འཁོར་བསྲུང་རྐྱེན་ཟློག་རིགས་བརྒྱུད་འཕེལ། །ཅི་འདོད་རེ་བ་ཡིད་བཞིན་སྐོང་། །འདོད་པ་ཕུན་སུམ་དངོས་གྲུབ་སྟེར། །རྣལ་འབྱོར་སྐུ་བསྟན་འཁོར་ཚོགས་སྤེལ། །དགྲ་རྣམས་རྩ་རྒྱུད་དྲུང་ནས་འབྱིན། །བགེགས་རྣམས་ཐལ་བ་བརྡུལ་དུ་རློག །ཐོག་སེར་ནད་ཀྱི་སྐྱིན་ཐང་འབེབས། །ལྟས་ངན་ཆོ་འཕྲུལ་སྣ་ཚོགས་གཏོང་། །སྨྱོ་འབོག་ཇག་ཆིངས་རིངས་པར་བྱེད། །ཙི་ཙི་ཛ་ལའི་དུག་མདའ་འཕེན། །ཀུན་གཞི་བྱང་ཆུབ་ཐུགས་ཀྱི་དཀྱིལ། །ཡེ་ཉིད་ཕྱི་མོའི་འཁོར་ལོ་ལས། །དོན་ལྡན་དགོས་འབྲེལ་མཐར་ཐུག་ཏུ། །གསང་སྔགས་རྩ་བའི་སྒྲ་བརྒྱད་ཤར། །སྒྲ་བརྒྱད་དོན་གྱི་སྙིང་པོ་ལས། །ཕྱི་ནང་གསང་བའི་མཐར་ཐུག་བྱུང་། །གདམ་ངག་ངེས་ཚིགས་གང་དང་གང་ཞེ་ན། །སུམ་ཅུ་རྩ་གཉིས་མ་ནོར་བར། །པདྨ་འབྱུང་གནས་སྤྲུལ་སྐུ་ཡིས། །ཐུགས་ཀྱི་མན་ངག་ཀློང་བརྟོལ་ནས། །སོ་སོར་ཕྱེ་ནས་གཏན་ལ་ཕབ་པའོ། །མདོ་རྩ་དྲིལ་བས་ལྔ་རུ་འདུས། །གཏན་ཚིགས་གང་དང་གང་ཞེ་ན། །འབྱུང་བ་ལྔ་དང་ཡུལ་ལྔ་དང་། །ཕུང་པོ་ལྔ་དང་ཡབ་ལྔ་དང་། །ཡི་གེ་ལྔ་དང་དབང་པོ་ལྔ། །ལྷ་ལྔ་སྐུ་ལ་ཡེ་ཤེས་ལྔ། །ཐིག་ལེ་ལྔ་དང་འཁོར་ལོ་དང་། །ཏིང་འཛིན་ཉམས་ལྔ་མཐར་ཐུག་པའི། །ལྔ་མཚན་བཅུ་གཉིས་གསང་བའི་དོན། །དེ་དག་སེམས་ཉིད་འཕྲོ་འདུའོ། །རད་ན་ཙཀྲ་རྒྱ་སྣོལ་སྒྲས། །ཞི་ཁྲོ་ཡབ་ཡུམ་ག་་ལ་དབབ། །མ་རག་སྟི་སྟ་ཙཀྲའི་སྒྲས། །མ་ཕུར་ཡབ་ཡུམ་ག་་ལ་དབབ། །ཡ་མ་ཨ་ཏྲིང་ཙཀྲའི་སྒྲས། །གཤིན་རྗེ་ཡབ་ཡུམ་ག་་ལ་དབབ། །ཏྲི་དུ་མ་དུ་ཙཀྲའི་སྒྲས། །གནོད་སྤྱིན་མིང་སྲིང་ག་་ལ་དབབ། །ནཱ་ག་ཡ་ཀྲི་ཙ་ཀྲའི་སྒྲས། །ཀླུ་བདུད་ཕོ་མོ་ག་་ལ་དབབ། །འཁོར་ལོ་ལྔ་ཡི་སྒྲ་དང་ངེས་ཚིག་གི །མཐར་ཐུག་མདོ་རྩ་བསད་དོན་དུ། །གསང་སྔགས་ཞི་ཁྲོ་རབ་འབྱམས་ལ། །རྒྱས་པ་འདུས་པ་མདོ་དང་མཐར་ཐུག་བཞི། །ཕྱི་སློབ་ནང་སློབ་སེམས་ཉིད་དོན་བསྡུས་ལ། །དེ་གསང་བ་རིན་པོ་ཆེའི་འཁོར་ལོའོ། །བཛྲ་ཏི་བ་ཏ་ཙཀྲའི་སྒྲས། །ཡ་མན་ཏ་ཀ་ཕུར་པའི་ལྷ། །གསང་བའི་འཁྲུལ་འཁོར་ག་་ལ་འབེབས། །དེ་ལུས་གནས་རྩ་རླུང་འཁོར་ལོ། །མ་ཏི་རུ་རག་ཙཀྲའི་སྒྲས། །ལྷ་མོ་ཡག་ཤ་དམ་ཅན་མའི། །གསང་བ་འཁྲུལ་འཁོར་ག་་ལ་འབེབས། །དེ་བཏགས་པ་ཤེས་རབ་ཡིག་འབྲུའི་འཁོར་ལེའོ། །ཟླ་མིག་ཡོན་་་ཙཀྲའི་སྒྲས། །ཡ མནགཤིན རྗེགཤེད་པོ་ཡིས། །གསང་བའི་འཁྲུལ་འཁོར་ག་་ལ་འབེབས། །དེ་ཉིད་མ་བཞི་པའི་འཁོར་ལོའོ། །ས་འདུ་ཨ་ཀྲི་ཙཀྲའི་སྒྲས། །གླིང་ཆེན་གསང་བ་སྡོག་མེད་ཀྱི། །གསང་བ་སྲོག་གི་འཁོར་ལོ་དང་། །མཚོན་ཆའི་འཁོར་ལོ་ག་་ལ་འབེབས། །ནཱ་ག་མུན་ཏིང་ཙཀྲའི་སྒྲས། །ཉཔ་ཏི་ཟ་བྱེད་མགོ་དགུ་ཡིས། །དྲག་པོའི་ལས་རྣམས་མཐར་དབྱུང་ཕྱིར། །ལས་བཞིའི་འཁོར་ལོ་ག་་ལ་འབེབས། །ལས་བཞི་འཁོར་ལོ་ཞེས་པ་ནི། །སྡིག་པ་ལས་ཀྱི་འཁོར་ལོ་དང་། །རླུང་ནག་ལས་ཀྱི་འཁོར་ལོ་དང་། །མཛེ་ནད་ལས་ཀྱི་འཁོར་ལོ་དང་། །ས་བདག་སྲོག་གི་འཁོར་ལོ་དང་བཞིའོ། །ཕྱི་ལྟར་ནང་ལྟར་འདིར་མ་གསུངས། །འདིར་ནི་གསང་བ་ལྟར་དང་མཐར་ཐུག་ག་་ལ་ཕབ་པའོ། །མཐར་ཐུག་མདོ་རྩ་དྲིལ་བ་ཡིས། །ཡན་ལག་ཡང་སྙིང་བཞི་ལས་མེད། །ཡང་སྙིང་བཞི་པོ་གང་ཞེ་ན། །བདེ་གཤེགས་སྐུ་ལས་ཁྲོ་བོའི་སྐུར་བྱུང་བ། །འཕགས་པ་འཇམ་དཔལ་ཡ་མན་ཏ་ཀ་ཡི། །རིན་པོ་ཆེ་ཐུགས་ཀྱི་འཁོར་ལོ་ནི། །འགྱུར་དང་མི་འགྱུར་བླང་བཞག་གིས། །སྒྲ་ཡིས་ག་་ལ་འབེབས་པའོ། །དབྱིངས་ཀྱི་ཡུམ་ལས་ཁྲོ་མོའི་སྐུར་ཕྱུང་བ། །མ་ཅིག་ལྷ་མོ་ཡསྒ་ད༷་ཅན་མའི། །རྔ༷་བརྗིད་གནག་པའི་འཁོར་ལོ་ནི། ཁྱུ་འཁོར་ལྕགས་ཀྱི་འཕྲོ་འདུ་ཡིས། །སྒྲ་ཡིས་ག་་ལ་འབེབས་པའོ། །ཆོས་སྐྱོང་སྲུང་མ་མཐུ་ཆེན་བཞིས། །གཅིག་ཏུ་དྲིལ་ནས་མཐར་ཐུག་པའི། །འཁྲུལ་འཁོར་རྒྱལ་མཚན་སྙིང་གི་མེ་ལོང་ནི། །འབྱུང་བ་རིམ་བརྩེགས་་་ཏྲོརེ་སྒྲ་ཡིས་གཏན་ལ་འབེབས། །ཀུན་གྱི་གཞི་གྱུར་འབྱུང་གནས་ཡུལ། །ཐམས་ཅད་རྩ་སྲོག་བསྐྱེད་པའི་གཞི། །དབྱིབས་དང་ཁ་དོག་གཟུགས་སུ་འདོད། །ཇི་ལྟར་སྣ་ཚོགས་གང་ཡང་ཡིན། །ཡེ་ཕྱི་ག་་མའི་འཁོར་ལོའི། །ཀུན་གཞི་བྱང་སེམས་ཐུགས་དཀྱིལ་གྱི། །ཡེ་ཉིད་ཕྱི་མོའི་འཁོར་ལོ་ལས། །མན་ངག་ཐམས་ཅད་ཕྲོས་ན་ཡང་། །མདོ་རྩི་སྒྲ་དོན་བརྒྱད་ཀྱི་འཆད། །སྒྲ་བརྒྱད་གང་དང་གང་ཞེ་ན། །ལྷ་ཡི་སྒྲ་ཡིས་འཆད་པ་དང་། །གླིང་བཞི་སྒྲ་ཡིས་འཆད་པ་དང་། །འཁོར་ལོ་སྒྲ་ཡིས་འཆད་པ་དང་། །གནས་བརྒྱད་སྒྲ་ཡིས་འཆད་པ་དང་། །ཡི་གེ་རང་འདྲེན་སྒྲ་ཡིས་འཆད་པ་དང་། །རིན་ཆེན་སྣ་ཚོགས་སྒྲ་ཡིས་འཆད་པ་དང་། །འགྱུར་མེད་ཐིག་ལེའི་སྒྲ་ཡིས་འཆད། །དེ་བསད་ཀྱིས་སྒྲ་བཅུས་འཆད་པ་དང་། །དེ་ལྟར་མདོ་རྩ་སྒྲ་བརྒྱད་དོ། །མདོ་རྩ་སྒྲ་བརྒྱད་གང་ཞེ་ན། །ཞི་ཁྲོ་ཡབ་ཡུམ་འཁོར་བཅས་པའི། །ཞི་རྒྱས་དབང་དང་མངོན་སྦྱོད་དང་། །ལྷ་སྒོམ་མན་ངག་མཐར་ཐུག་ལ། ཁུད་འབྲེལ་ལྷ་ཡི་སྒྲ་ཡིས་འཆད། །མ་ཕུར་ཡབ་ཡུམ་འཁོར་བཅས་པའི། །བསད་གསོ་དབབ་བཅད་ཇག་ཆིངས་ཀྱི། །མདོ་རྩ་ཡང་སྙིང་མཐར་ཐུག་རྣམས། །གླིང་བཞི་སྤྱི་སྐད་སྒྲ་ཡིས་གྲངས། །གཤིན་རྗེ་ཡབ་ཡུམ་འཁོར་བཅས་པའི བསད་གསོ་དབབ་བཅད་ཇག་ཆིངས་ཀྱི། །མདོ་རྩ་ཡང་སྙིང་མཐར་ཐུག་རྣམས། །འཁོར་ལོ་རང་འབྱུང་སྒྲ་ཡིས་འཆད། །གནོད་སྤྱིན་མིང་སྲིང་འཁོར་བཅས་པའི། །བསད་གསོ་དབབ་བཅད་ཇག་ཆིངས་ཀྱི། །མདོ་རྩ་ཡང་སྙིང་མཐར་ཐུག་རྣམས། །གནས་བརྒྱད་དང་ལེན་སྒྲ་ཡིས་འཆད། །རིགས་གསུམ་མགོན་པོའི་དཔའ་བོ་གྲུབ་པ་ཡིས། །མན་ངག་མདོ་རྩ་མཐར་ཐུག་རྣམས། །ཡི་གེ་རང་འདྲེན་སྒྲ་ཡིས་འཆད། །དཔེ་དྲི་མ་སད་ཡབ་ཡུམ་འཁོར་བཅས་པའི། །མན་ངག་མདོ་རྩ་མཐར་ཐུག་ནས། །རིན་ཆེན་སྣ་ཚོགས་སྒྲ་ཡིས་འཆད། །བདུད་རྩི་སྨན་དང་ཚེ་བསྒྲུབ་པའི། །མན་ངག་མདོ་རྩ་མཐར་ཐུག་རྣམས། །འགྱུར་མེད་ཐིག་ལེ་སྒྲ་ཡིས་འཆད། །ལྷ་ཀླུ་མུ་སྟེགས་ངན་སྔགས་ཀྱི། །མདོ་རྩ་ཡང་སྙིང་མཐར་ཐུག་རྣམས། །སྡེ་བརྒྱད་རང་སྐད་ལྷུག་པ་དང་། །དེ་བ་སད་ཀྱི་སྒྲ་བཅུས་འཆད། །རྔམ་པ་གཟའ་ཆེན་དྲགས་སྔགས་རྣམས། །རང་རང་སྐད་དང་གསང་སྒྲས་འཆད། །གསང་སྔགས་མདོ་རྩ་མཐར་ཐུག་བཙན་ཐབས་རྣམས། །ངེས་པའི་བཤད་ལུང་བཞི་ལ་འདུས། །རི་རབ་རྩེ་སྤྲོད་དུ་བཤད་པ་དང་། །གླིང་བཞི་ཟུར་སྤྲོད་དུ་བཤད་པ་དང་། །ཆུ་བོ་འོད་སྤྲོད་དུ་བཤད་པ་དང་། །རྒྱ་མཚོ་གླིང་སྤྲོད་དུ་བཤད་པ་དང་། །འདི་བཞི་མན་ངག་ཡང་སྙིང་ངོ་། །སྔགས་ཀྱི་མདོ་གཅོད་ཆེན་པོ་བཞི་ཞེས་ཀྱང་བྱའོ། །མུན་པ་སེལ་བའི་སྒྲོན་མ་བཞི་ཞེས་ཀྱང་བྱའོ། །དེ་བཞིན་ལྟ་བའི་མེ་ལོང་བཞི་ཞེས་ཀྱང་བྱའོ། །ངན་སྔགས་གཅོད་པའི་སྤུ་གྲི་བཞི་ཞེས་ཀྱང་བྱའོ། །ད་ནི་གསང་བ་མཐར་ཐུག་གི་ཡང་སྙིང་རྣམས་འཆད་དེ། །དང་ལ་ཕུར་པའི་ཡང་སྙིང་ཀི་ལ་ཡ་འབྲུ་དགུ་དང་། །མ་མོའི་ཡང་སྙིང་རུ་ལུ་འབྲུ་དགུ་ལ། །གླིང་བཞི་སྐད་སྒྲ་ཡིས་འཆད་ལ། །གླིང་བརྒྱད་དབུས་ཀྱི་གླིང་དཀྱིལ་ནས། །གྲུ་གསུམ་ཆོ་འཕྲུལ་ཨ་བླངས་ལ། །ཡན་ལག་ཡི་གེ་རྒོད་ལྡིང་རྒྱན། །ཤར་ཕྱོགས་གླིང་གི་བྱང་དཀྱིལ་ནས། །ལྷ་སྲོག་ཡི་ཀེ་ང་བླངས་ལ། །ནུབ་ཕྱོགས་གླིང་གི་བྱང་གླིང་ནས། །ལྷ་སྲོག་ཡི་གེ་མ་བླངས་ལ། །སྟེང་ནས་གསང་བའི་ཐིག་ལེ་མཛེས། །བྱང་ནུབ་གླིང་གི་ལྷོ་གླིང་ནས། །ལྷ་སྲོག་ཡི་གེ་འ་བླངས་ལ། །གྲུ་གསུམ་ཆོ་འཕྲུལ་ཨ་ལས་འབྲེལ། །གསང་བ་འདུས་པའི་སྙིང་པོ་དེ། །བཀྲ་ཤིས་དབང་ལྡན་ཕྱིར་ན་གླིང་དུ་བཞག །ནུབ་ཕྱོགས་གླིང་གི་ལྷོ་གླིང་ནས། །ལྟ་སྲོག་ཡི་གེ་བ་བླངས་ལ། །བྱང་ཕྱོགས་གླིང་གི་གླིང་དཀྱིལ་ནས། །ལྷ་སྲོག་ཡི་གེ་ཛ་དང་ལྡན། །བྱང་ཤར་གླིང་གི་གླིང་དཀྱིལ་ནས། །ལྷ་སྲོག་ཡི་གེ་ར་ཡིས་སྦྲེལ། །དེ་འོག་དྲག་པོ་ཕྲ་ཡིས་བཅད། ་།ར་ཕྱོགས་གླིང་གི་གླིང་དཀྱིལ་ནས། །ལྷ་སྲོག་ཡི་གེ་ཀ་བླངས་ལ། །ཡན་ལག་ཡི་གེ་ལྕགས་ཀྱུས་བརྒྱན། །བྱང་ཤར་གླིང་གི་ཤར་གླིང་ནས། །ལྷ་སྲོག་ཡི་གེ་ལ་གླངས་ལ། །ཡན་ལག་ཡི་གེ་ལྕགས་ཀྱུས་བརྒྱན། །དེ་འོག་དྲག་པོ་ཕྲ་ཡིག་བཅད། ་།ར་ཕྱོགས་གླིང་གི་གླིང་དཀྱིལ་ནས། །ལྷ་སྲོག་ཡི་གེ་ཀ་བླངས་ལ། །ཡན་ལག་ཡི་གེ་ལྕགས་ཀྱུས་བརྒྱན། །བྱང་ཤར་གླིང་གི་ཤར་གླིང་ནས། །ལྷ་སྲོག་ཡི་གེ་ལ་བླངས་ལ། །བྱང་ནུབ་གླིང་གི་བྱང་དཀྱིལ་ནས། །ལྷ་སྲོག་ཡི་གེ་ཡ་བླངས་ལ། །རང་རང་ཕྲ་ཡིས་བཅད་ལ་བཞག །གླིང་བརྒྱད་དབུས་ཀྱི་བྱང་གླིང་ནས། །ལྷ་སྲོག་ཡི་གེ་ཧ་བླངས་ལ། །བྱང་ནུབ་གླིང་གི་ལྷོ་གླིང་ནས། །ལྷ་སྲོག་ཡི་གེ་འ་ཡིས་འབྲེལ། །ཡན་ལག་ཡི་གེ་སྐྱིལ་ཀྲུང་བརྒྱན། །སྟེང་ནས་གསང་བའི་ཐིག་ལེས་མཛེས། །ལྷོ་ཕྱོགས་གླིང་གི་བྱང་གླིང་ནས། །ལྷ་སྲོག་ཡི་གེ་ད་བླངས་ལ། །ཡན་ལག་ཡི་གེ་སྐྱིལ་ཀྲུང་བརྒྱན། །ལྷོ་ཕྱོགས་གླིང་གི་བྱང་གླིང་ནས། །ལྷ་སྲོག་ཡི་གེ་ན་དང་ལྡན། །བྱང་ཕྱོགས་གླིང་གི་ལྷོ་གླིང་ནས། །ལྷ་སྲོག་ཡི་གེ་ཛ་བླངས་ལ། །གསང་སྲོག་དྲང་ཕྱིར་དུན་འཛར་བཞག་གོ །ཀི་ལ་ལའི་ཡང་སྙིང་འབྲུ་དགུ་གཏན་ལ་དབབ་པའོ། །ད་ནི་ལྷ་མོའི་ཡང་སྙིང་རུ་ལུ་འབྲུ་དགུ་པ་གཏན་ལ་དབབ་པ་ནི། །གསང་བ་འདུས་པའི་སྙིང་པོའོ། །བྱིན་རླབས་ཕུན་སུམ་ཚོགས་ཕྱིར་སྤྱི་གཙུག་འཁྱིལ། །ནུབ་གླིང་ལྷོ་ནས་མ་བླངས་ལ། །མི་འགྱུར་ཡུམ་གྱི་སྙིང་པོ་གཞག །བྱང་ཤར་གླིང་དཀྱིལ་ར་བླངས་ལ། །ཡན་ལག་ཡི་གེ་གཉིས་པས་བརྒྱན། །བྱང་ཤར་གླིང་གི་ཤར་ནས་ལ་བླངས་ལ། །ཡན་ལག་ཡི་གེ་གཉིས་པས་བརྒྱན། །དེ་ཉིད་ལན་གཉིས་གྲང་བར་བྱའོ། །དབུས་ཀྱི་བྱང་ནས་ཧ་བླངས་ལ། །བྱང་ནུབ་གླིང་གི་ལྷོ་གླིང་ནས་འ་ཡིས་འབྲེལ། །ཡན་ལག་ཡི་གེ་གཉིས་པས་བརྒྱན། ཁྲར་གླིང་བྱང་ནས་བླངས་ལ། །ནུབ་གླིང་བྱང་ནས་ང་བླངས་ལ། །ནུབ་གླིང་བྱང་ནས་མ་ཡིས་འབྲེལ། །འགྱུར་མེད་གཡུང་དྲུང་ཐིག་ལེས་མཛེས། །ནུབ་གླིང་བྱང་ནས་བ་བླངས་ལ། །དབུས་ཀྱི་བྱང་ནས་ཧ་ཡིས་འབྲེལ། །ཡན་ལག་ཡི་གེ་ཀ་བཞིས་བརྒྱན། །ལྷོ་གླིང་ལྷོ་ནས་ད་བླངས་ལ། །ཡན་ལག་ཡི་གེ་གཉིས་པས་འབྲེལ། །ལྷོ་གླིང་བྱང་ནས་ན་དང་ལྡན། །བྱང་གླིང་ལྷོ་ནས་ཛ་བླངས་ལ། །དམ་ཅན་བོད་ཕྱིར་དུན་ཛར་བཞག་གོ །མ་ཅིག་ལྷ་མོའི་ཡང་སྙིང་འབྲུ་དགུ་པ། །གླིང་དགུ་རང་སྐད་སྒྲ་ཡིས་གཏན་ལ་དབབ་པའོ། །ད་འཇམ་དཔལ་ཡ་མན་ཏ་ཀ་ཡི། །མདོ་རྩ་མཐར་ཐུག་ལྷ་ཡི་འཛབ། །སྔགས་འབྲུ་སུམ་བཅུ་རྩ་གཉིས་པ། །འཁོར་ལོ་རང་བྱུང་སྒྲ་ཡིས་འཆད་པ་ལ། །ཡེ་ཉིད་ཕྱི་མོའི་འཁོར་ལོ་ཡིས། །བྱང་ནུབ་འཁོར་ལོ་ཐུང་འདྲེན་དང་། །ནུབ་ཕྱོགས་འཁོར་ལོའི་ཐུང་འདྲེན་དང་། །བྱང་ནུབ་འཁོར་ལོའི་ཐུང་འདྲེན་ལ། །རིན་ཆེན་ཕྲ་བཅད་དྲག་ཏུ་བཞག །བྱང་ཤར་འཁོར་ལོའི་ཐུང་འདྲེན་དང་། །ནུབ་ཕྱོགས་འཁོར་ལོའི་ཐུང་འདྲེན་དང་། །བྱང་ནུབ་འཁོར་ལོའི་ཐུང་འདྲེན་ལ། །རིན་ཆེན་ཕྲ་བཅད་དྲག་ཏུ་བཞག །དེ་འོག་དབུས་ཕྱོགས་འཁོར་ལོའི་རང་འདྲེན་བཞག ཁྲར་ཕྱོགས་འཁོར་ལོའི་རང་འདྲེན་ལ། །བྱང་ཤར་འཁོར་ལོའི་རང་འདྲེན་འབྲེལ། །དེ་ལ་ཐང་དཀར་ལྡིང་བས་བརྒྱན། །བྱང་ཤར་འཁོར་ལེའི་དལ་འདྲེན་ལ། །བྱང་ཤར་འཁོར་ལོའི་རང་འདྲེན་འབྲེལ། །དེ་ལ་ཐུགས་རྗེ་ལྕགས་ཀྱུས་བརྒྱན། །ནུབ་ཕྱོགས་འཁོར་ལོའི་འབྱུང་འདྲེན་དང་། །ལྷོ་ཕྱོགས་འཁོར་ལོའི་ཐུང་འདྲེན་ལྡན། །བྱང་ནུབ་འཁོར་ལོའི་དལ་འདྲེན་དང་། །བྱང་ཕྱོགས་འཁོར་ལོའི་དལ་འདྲེན་ལྡན། །དེ་ལ་སྐྱིལ་མོ་ཀྲུང་གིས་བརྒྱན། །ནུབ་བྱང་འཁོར་ལོའི་རང་འདྲེན་དང་། །བྱང་ཕྱོགས་འཁོར་ལོའི་དལ་འདྲེན་ལ། །རིན་ཆེན་ཕྲ་ཡིས་བཅད་ལ་བཞག །ལྷོ་ཕྱོགས་འཁོར་ལོའི་དལ་འདྲེན་ལ། །དེ་ལ་རྩ་ཆེན་དབྱུག་ཐོས་བརྒྱན། །བྱང་ཤར་འཁོར་ལོའི་རང་འདྲེན་ལ། །དེ་ལ་ཐང་དཀར་ལྡིང་བས་བརྒྱན། །བྱང་ནུབ་འཁོར་ལོའི་ཐུང་འདྲེན་ལ། །ནུབ་ཕྱོགས་འཁོར་ལོའི་ཐུང་འདྲེན་མཛེས། །དེ་ཉིད་ལན་གཉིས་དྲང་པར་བྱའོ། །ལྷོ་ཕྱོགས་འཁོར་ལོའི་དྲག་འདྲེན་ལ། །དེ་ལ་སྐྱིལ་མོ་ཀྲུང་གིས་བརྒྱན། །ནུབ་ཕྱོགས་འཁོར་ལོའི་ཐུང་འདྲེན་མཛེས། །དེ་ཉིད་ལན་གཉིས་དྲང་བར་བྱའོ། །བྱང་ནུབ་འཁོར་ལོའི་ཐུང་འདྲེན་དང་། །ནུབ་ཕྱོགས་འཁོར་ལོའི་ཐུང་འདྲེན་དང་། །ནུབ་བྱང་འཁོར་ལོའི་ཐུང་འདྲེན་ལ། །རིན་ཆེན་ཕྲ་ཡིས་བཅད་ལ་བཞག །བྱང་ནུབ་འཁོར་ལོའི་དལ་འདྲེན་ལ། །དེ་ལ་ཐུགས་རྗེ་ལྕགས་ཀྱུས་བརྒྱན། །བྱང་ཕྱོགས་འཁོར་ལོའི་རང་འདྲེན་ལ། །དེ་ལ་ཐུགས་རྗེ་ལྕགས་ཀྱུས་བརྒྱན། །ལྷོ་ནུབ་འཁོར་ལོའི་རང་འདྲེན་དང་། །བྱང་ཤར་འཁོར་ལོའི་དྲག་འདྲེན་ལ། །རིན་ཆེན་ཕྲ་ཡིས་བཅད་ལ་བཞག །ནུབ་ཕྱོགས་འཁོར་ལོའི་དལ་འདྲེན་ལ། །བྱང་ཤར་འཁོར་ལོའི་དལ་འདྲེན་འབྲེལ། །དེ་ལ་རྩལ་ཆེན་དབྱུག་ཐོས་བརྒྱན། །བྱང་ཤར་འཁོར་ལོའི་ཐུང་འདྲེན་ལྡན། །བྱང་ཤར་འཁོར་ལོའི་དལ་འདྲེན་དང་། ཁྲར་ཕྱོགས་འཁོར་ལོའི་རིང་འདྲེན་ལྡན། །བྱང་ཤར་འཁོར་ལོའི་རང་འདྲེན་ལ། །དེ་ལ་སྐྱིལ་མོ་ཀྲུང་གིས་བརྒྱན། །ལྷོ་ནུབ་འཁོར་ལེའི་རང་འདྲེན་ལ། །དེ་ལ་ཐུགས་རྗེ་ལྕགས་ཀྱུས་བརྒྱན། །ལྷོ་ཕྱོགས་འཁོར་ལོའི་དྲག་འདྲེན་ལ། །དེ་ལ་སྐྱིལ་མོ་ཀྲུང་གིས་བརྒྱན། །ལྷོ་ཕྱོགས་འཁོར་ལོའི་ཐུང་འདྲེན་ལྡན། །ནུབ་ཕྱོགས་འཁོར་ལོའི་དལ་འདྲེན་ལ། །ཐམས་ཅད་མཐར་དབྱུང་དངོས་གྲུབ་ཐོབ་བྱའི་ཕྱིར། །གྱད་སྐས་རྒོད་ལིང་གཉིས་ཀྱིས་བརྒྱན་ནོ། །དེ་ལྟར་ལྷ་འཛབ་སུམ་ཅུ་རྩ་གཉིས་པ། །མི་འགྱུར་གཏན་ལ་ཕབ་པའོ། །འདིས་གང་ལ་ཡང་ཐེ་ཚོམ་མེད་ན་ཡང་། །དགྲ་བོ་བསད་དང་སྨྱོ་དང་ཇག་ཆིངས་དང་། །རེངས་དང་མིག་གིས་མི་མཐོང་བར་བྱ་བ་དང་། །ཐོག་སེར་དབབ་དང་བསྲུང་བ་དང་། །དགྲ་བགེགས་གདུལ་ཞིང་གཟེར་བ་དང་། །འཁོར་རྣམས་བསྲུང་ཞིང་རྐྱེན་རྣམས་བཟློག་པར་བསྔགས་སོ། །བཅོམ་ལྡན་འདས་འཇམ་དཔལ་དཔའ་བོ་གྲུབ་པ་ཡི། །མདོ་རྩ་མན་ངག་མཐར་ཐུག་པའི། །གནག་པ་ཐུགས་ཀྱི་ཡང་སྙིང་། །འཁོར་ལོའི་རིང་འདྲེན་སྒྲ་ཡིས་འཆད་པ་ལ། །རིགས་ལྔའི་སངས་རྒྱས་དབུ་ལ་རྫོགས། །འཁོར་ལོ་དབུས་ཀྱི་ཐུང་འདྲེན་ལ། །དབྱུག་ཐོས་བརྒྱན་ལ་ཟུངས་ཤིག་བཞག །ལྷོ་ནུབ་འཁོར་ལོའི་རང་འདྲེན་ལ། །དེ་ལ་ལྕགས་ཀྱུས་རྒྱན་པ་དང་། །བྱང་ཤར་འཁོར་ལོའི་དལ་འདྲེན་ལ། །དེ་ཉིད་ལན་གཉིས་དྲངས་ལ་བཞག །ནུབ་ཕྱོགས་འཁོར་ལོའི་དལ་འདྲེན་ལ། །ལྷོ་ཕྱོགས་འཁོར་ལོའི་ཐུང་འདྲེན་ལྡན། །ལྷོ་ནུབ་འཁོར་ལོའི་རང་འདྲེན་བཞག །དེ་ཉིད་ལན་གཉིས་དྲངས་ལ་བཞག །ལྷོ་ཡི་འཁོར་ལོའི་རང་འདྲེན་དང་། །བྱང་ཤར་འཁོར་ལོའི་རང་འདྲེན་དང་། །བྱང་ནུབ་འཁོར་ལོའི་ཐུང་འདྲེན་ལ། །རིན་ཆེན་ཕྲ་བཅད་དྲག་ཏུ་བཞག །དེ་ཉིད་ལན་གཉིས་དྲངས་ལ་བཞག །ལྷོ་ཡི་འཁོར་ལོ་ཐུང་འདྲེན་ལ། །དེ་ལ་ལྕགས་ཀྱུས་བཞག་ལ་བཞག །བྱང་ཤར་འཁོརལོའི་དྲངས་འདྲེན་ལ། །དེ་ལ་སྐྱིལ་མོ་ཀྲུང་གིས་བརྒྱན། །ལྷོ་ཡི་འཁོར་ལོའི་ཐུང་འདྲེན་ལྡན། །ལྷོ་ནུབ་འཁོར་ལོའི་རང་འདྲེན་གཞག །དེ་ཉིད་ལན་གཉིས་གྲངས་ལ་གཞག །དེ་འོག་འཁོར་ལོའི་ཐུང་འདྲེན་བཞག །བྱང་ཤར་འཁོར་ལོའི་ཐུང་འདྲེན་ལ། །ནུབ་ཀྱི་འཁོར་ལོའི་དལ་འདྲེན་འབྲེལ། །འཁོར་ལོའི་དབུས་ཀྱི་རང་འདྲེན་ལ། །དེ་ལ་ལྕགས་ཀྱུས་བརྒྱན་པ་དང་། །བྱང་ཤར་འཁོར་ལོའི་རང་འདྲེན་ལྡན། །ལྷོ་ཡི་འཁོར་ལོའི་ཐུང་འདྲེན་དང་། །ལྷོ་ནུབ་འཁོར་ལོའི་ཐུང་འདྲེན་ལྡན། །ནུབ་ཀྱི་འཁོར་ལོའི་ཐུང་འདྲེན་དང་། །ལྷོ་ཡི་འཁོར་ལོའི་ཐུང་འདྲེན་ལ། །དེ་ལ་ལྕགས་ཀྱུས་བརྒྱན་ལ་བཞག །དབུས་ཀྱི་ཐུང་འདྲེན་འཁོར་ལོ་ལ། །བྱང་ནུབ་འཁོར་ལོའི་དལ་འདྲེན་འབྲེལ། །དེ་ལ་སྐྱིལ་མོ་ཀྲུང་གིས་བརྒྱན། །དེ་ལ་གསང་བའི་ཐིག་ལེས་མཛེས། །དེ་དག་ལན་གཉིས་གྲངས་ལ་བཞག །ནུབ་ཕྱོགས་འཁོར་ལོའི་དྲག་འདྲེན་དང་། །ལྷོ་ནུབ་འཁོར་ལོའི་རང་འདྲེན་ལྡན། །དེ་ཉིད་ལན་གཉིས་གྲངས་ལ་བཞག །བྱང་ཤར་འཁོར་ལོའི་ཐུང་འདྲེན་ལ། །བྱང་གི་འཁོར་ལོའི་ཐུང་འདྲེན་འབྲེལ། །དབུས་ཀྱི་འཁོར་ལོའི་ཐུང་འདྲེན་བཞག་གོ །དེ་ལྟར་གནག་པ་ཐུགས་ཀྱི་ཡང་སྙིང་། །སྔགས་འབྲུ་སུམ་ཅུ་རྩ་བཞི་པས། །ལས་ཐབས་སུམ་ཅུ་རྩ་བཞི་ཐར་འདོན་ན། །མི་འགྱུར་དོན་དང་ལྡན་པར་གཏན་ལ་ཕབ་པའོ། །དེ་ཉིད་ཕྱི་མོའི་འཁོར་ལོའི་རྒྱུད་རྫོགས་སོ།། །།