Ngb-pt-0768-vol-08-text
Front[edit]
Body[edit]
རྒྱ་གར་སྐད་དུ། ཨེ་ཀ་ཛ་ཏི་ཅིསྟ་ས་མན་ཏནྟྲ་ནཱ་མ། །བོད་སྐད་དུ། ཨེ་ཀ་ཛ་ཏི་ཡང་སྙིང་འདུས་པའི་རྒྱུད་ཅེས་བྱ་བ། དཔལ་ཡ་མན་ཏ་ཀ་རྡོ་རྗེ་ཧེ་རུ་ཀ་ལ་ཕྱག་འཚལ་ལོ། འདི་སྐད་བསྟན་པའི་དུས་ན།དཔལ་ཡ་མན་ཏ་ཀ་རྡོ་རྗེ་ཧེ་རུ་ཀའི་འཁོར་ན། །མ་མོ་ཨེ་ཀ་ཛ་ཏི་བཀའ་སྙན་པའི་རང་བཞིན་རྣམ་པས་དྲུང་དུ་འཁོད་པར་གྱུར་ཏོ། དེ་ནས་དཔལ་ཕྱག་ན་རྡོ་རྗེས། དཔལ་ཡ་མན་ཏ་ཀ་རྡོ་རྗེ་ཧེ་རུ་ཀ་ལ་གསོལ་པ།བཅོམ་ལྡན་འཇམ་དཔལ་ཁྲོ་བོ་ཉིད། སྔགས་བསྲུངས་ཨེ་ཀ་ཛ་ཏི་ཡི། མཚན་གྱི་དོན་དང་ངོ་བོ་ཉིད། ཡང་སྙིང་འདུས་པ་ཇི་ལྟརལགས། ཅེས་གསོལ་པས། དཔལ་ཡ་མན་ཏ་ཀས་བཀའ་སྩལ་པ། སྔགས་བསྲུངས་ཨེ་ཀ་ཛ་ཏི་ནི། ཨེ་ནི་ཆོས་དབྱིངས་རང་བཞིན་ཏེ། ཀ་ནི་འཕྲིན་ལས་བདག་མོ་ཡིན། ཛ་ནི་འགུགས་བྱེད་ཕོ་ཉ་མོ། ཏི་ནི་དཔལ་གྱི་བཀའ་ཉན་གཟུགས། དོན་གྱི་ངོ་བོ་སྐྱེ་མེད་ཉིད། ཅེས་གསུངས་སོ། ཨེ་ཀ་ཛ་ཏི་དོན་བསྟན་པའི་ལེའུ་སྟེ་དང་པོའོ།། །།དེ་ནས་གཞན་ཡང་བཀའ་སྩལ་བ། ཡང་སྙིང་འདུས་པ་འདི་ལྟ་སྟེ། ཏྲག་རག་ཤ་མ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྨྱོ། ཞེས་པའོ། དེ་ནི་སྲོག་གི་ཡང་སྙིང་སྟེ ། ཐམས་ཅད་འདུས་པས་འདུས་པའོ། དེ་ནི་བསྒྲུབ་ཐག་ཤིན་ཏུ་ཉེ། དེ་ལྟར་ཉེ་བར་གྱུར་ཀྱང་ནི། སྲོག་གི་སྙིང་པོ་མེད་གྱུར་ན། མ་མོ་ཉེ་ཡང་ལས་ཚན་ཆུང་། དེ་ཕྱིར་སྔོན་དུ་སྲོག་གི་ནི། སྙིང་པོ་སུམ་ཅུ་རྩ་གསུམ་ཟླས། དེ་བཟླས་ཤིན་ཏུ་ཚན་ཆེ་སྟེ། སྲིད་པ་གསུམ་ཡང་འདུལ་བར་བྱེད། ་ག་རག་ཤ་ཁ་མུན་ཏྲ། མུ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷། རག་མོ་ཏེ་ཀེ་མ་ཛ་ཛ་ཁ་ལ་མ་ཧི་སྨྱོ། རུ་ལུ་རུ་ལུ་མ་ཧིང་སྨྱོ། དེ་ནི་སྲོག་གི་སྙིང་པོ་ཉིད། །མ་མོ་གནས་ནས་གཡོ་པའོ།། །།ཞེས་གསུངས་སོ། །ཨེ་ཀ་ཛ་ཏིའི་སྲོག་གི་ཡང་སྙིང་དང་སྙིང་པོ་བསྟན་པའི་ལེའུ་སྟེ་གཉིས་པའོ། དེ་ནས་ཡང་ཕྱག་ན་རྡོ་རྗེས་གསོལ་པ། མ་མོའི་སྲོག་གི་སྙིང་པོ་རྣམས། བཟླས་ནས་ལས་རིམ་ཇི་ལྟར་བགྱི། །ཞེས་གསོལ་པས། མ་མོ་སྔགས་སྲུངས་དམ་ཅན་མ། དང་པོ་སྲོག་གི་སྙིང་པོ་དྲང་། དེ་ནས་ཡང་སྙིང་བཟླས་བྱ་ཞིང་། མ་མོ་སྟོང་དང་རྩ་བརྒྱད་ཀྱི། །དྲག་སྔགས་སྙིང་ཐུན་སྐྲུ་གྲིའི་རྒྱུད། དེ་ཡིས་འཕྲིན་ལས་བསྒྲུབ་ན་མྱུར། ཤིན་ཏུ་ཟབ་པས་རྒྱུད་འདི་སྤའོ།། །།གཞན་དུ་ཉུངས་ཐུན་དུག་ཐུན་དང་། ཕུར་ཐུན་མཁར་བསྒྲུབ་ལས་རིང་པས། དེ་ལྟར་དམ་ཅན་རྣམས་ཀྱིས་བསྒྲུབ། ཞེས་གསུངས་སོ། མ་མོ་ལས་མཐའ་གང་དུ་བསྒྲུབ་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཀའ་སྩལ་པ། ཉོན་ཅིག་གིས་གསང་བའི་བདག་པོ་ཁྱོད། མ་མོ་ཨེ་ཀ་ཛ་ཏི་ནི། མ་མོ་སྟོང་གི་གཙོ་མོ་སྟེ། །ཁྱད་པར་རེའུ་་།་ཏིའི། གཅོ་མོ་ཡིན་པས་འདི་བསྒྲུབས་ན། རེའུ་མ་ཏི་བཀྲ་ཤིས་འགྱུར། སྲོག་བསྒྲུབ་དཔོན་གཡོག་མཆེད་བཞིདང། སྐུགཅིགམལསོགས་པ་ཡི། སྒྲུབ་ཐབས་གང་དང་སྦྲེལ་ཡང་རུང་། བཀྲ་ངའཕྲིདེཞིན་ང་ང་་་་་སྲི་་་་ཚནཆེསྟེའཕྲིཤས་ལས་གྲུབ་ ན་ལས་བསྒྲུབ། ། ་བ ་འཁར་གྱ་མ་མ་ན། བལ་མ་ནག་མ་ཀུན་དུ་ག་མ། མན་མ་ནག་མ་རྣ་ཆ་ཅན། ན་མ་ནག་མ་ར་བཤལ་མ། གང་ལྟར་བསྒྲུབས་ཀྱང་ ་ ་ ། ལས་མྱུར་ ན་ལས་འགྲུབ་པར་གསུངས། ཞེས་གསུངས་སོ། མ་མོ་ལ་འཁོར་བཏགས་པའི་ལེའུ་སྟེ་བཞི་པའོ།། །།དེ་ནས་གཞན་ཡང་བཤད་པ་ནི། མ་མོ་སྔགས་སུ་བསྲུངས་སྒྲུབ་པ་ལ། །ཕོ་མཆོང་བཏགས་ན་ལས་ཚན་ཆེ། དེ་ཡང་སྔགས་པ་ནང་ཐུག་ནའོ། སྤུ་གྲི་རྒྱུད་ནས་བཤད་པ་ཡི་་ ཐུན་སྦྱོར་གིང་བསྟགས་ན་ཤིན་ཏུ་ལེགས། མ་མོ་འདི་ཡི་ཡོན་ཏན་ནི། དཔག་མེད་ནམ་མཁའ་ལྟ་བ་དང་། རི་རབ་ས་གཞི་ལྟ་བུར་བཤད། ། དེ་ཕྱིར་རྒྱུད་འདི་གཟུང་བ་དང་། སྤ་ཞིང་སེམས་ལ་བཅང་བར་བྱ། ཞེས་གསུངས་སོ། ལས་ཚན་སྐྱེད་པ་ཡོན་ཏན་དང་བཅས་པས་རྒྱུད་འདི་གཟུང་ཞིང་སྦ་བར་བྱ་བའི་ལེའུ་སྟེ་ལྔ་པའོ།། །།ཨེ་ཀ་ཛ་ཏི་ཡ་སྙིང་འདུས་པའི་རྒྱུད་ཅེས་བྱ་བ་རྫོགས་སོ།། །།བ་སུ་དྷ་རས་བདག་རྡོ་རྗེ་ཡང་བ་གཏེར་ལ་བྷ་ས་ཡའི་དགོན་པར་གནང་པའོ། སྐྲུ་གྲི་ཆ་རྐྱེན྅།། །།