Ngb-pt-0631-vol-07-text

Body

རྒྱ་གར་སྐད་དུ། བཛྲ་ཙཀྲ་ཨེ་ནཱ་མ། བོད་སྐད་དུ། རྡོ་རྗེ་འཁོར་ལོ་དྲག་པོ་ཞེས་བྱ་བ། རྡོ་རྗེ་ཨུར་མོའི་རྟོག་པ། བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་འཚལ་ལོ། །དེ་ནས་གསང་བའི་བདག་པོ་རྡོ་རྗེ་རྣོན་པོ་ཡིས། རྒྱུད་རྣམས་ཀུན་ཏུ་གསང་བ་ཡིས། །རྡོ་རྗེ་དྲག་པོ་འབར་བ་ཆེ། །རྡོ་རྗེ་རྣོན་པོ་རལ་གྲི་ཆེ། །རྡོ་རྗེ་མི་ཤིགས་སྲ་བའོ། །ལྔ་བརྒྱ་དུས་ཀྱི་ཐ་མ་ལ། །ལྷ་སྲིན་མཐུ་རྩལ་འགྲན་པའི་དུས། །དྲག་སྔགས་རྩིས་འགྲན་བྱེད་པའི་དུས། །གནམ་ལྕགས་ཨུར་མོ་ནང་འགྲས་དུས། །བཙན་པོའི་མཁར་དུ་འཇུག་པ་དང་། །རྣོ་གསུམ་མཚོན་ཆར་བརྡུང་བ་དང་། །སྟོང་གསུམ་གཡུལ་དུ་གཅད་པ་ཉིད། །ཡེ་ཤེས་ཆེན་པོས་བཤད་པར་འཚལ། །ལག་ན་རྡོ་རྗེ་རྡོ་རྗེ་འཆང་། །རྡོ་རྗེ་མི་ཆོད་འཇིགས་པ་ཆེ། །རྡོ་རྗེ་འབར་བ་རབ་ཏུ་བསྟན། །རྡོ་རྗེ་ཐོགས་མེད་རྡོ་རྗེ་ཆེ། །རྡོ་རྗེ་འབར་བ་མི་བཟད་ཆེ། །རྡོ་རྗེ་ཁྲོ་བོ་འཇིགས་བྱེད་དྲག །བཅུ་གསུམ་གཉིས་ཀྱིས་ཡང་དག་པར། །བསྲུང་དང་ཕྱིར་བཟློག་འཁོར་ལོ་དང་། །མནན་དང་བཤིག་པའི་འཁོར་ལོ་དང་། །ཆེ་བ་ཆེ་མཆོག་ལྷ་ཡི་ལྷ། །དེ་ཉིད་གཙོ་བོར་གྱུར་པ་སྟེ། །ཡང་ན་གཙུག་ཏོར་འཁོར་ལོ་སྒྱུར། །སྐུ་དང་གསུང་དང་ཐུགས་རྗེ་ཡིས། །སྤྲུལ་པ་གསམ་ལས་འཕྲིན་ལས་གསུམ། །སྐུ་ལ་ཕྱག་རྒྱ་རྫོགས་པ་སྟེ། །ཨུར་མོ་སོ་བསྡེབས་གསང་བའི་དོན། །འབྱུང་བཞི་དཀྲུག་དང་དྲེགས་པའི་ལས། །འདི་དག་རྣམ་པར་བཤད་པའོ། །རྡོ་རྗེ་ཨུར་མོའི་རྟོག་པ་དང་པོའོ།། །།དེ་ནས་གསང་བའི་བདག་པོ་བ། །རྡོ་རྗེ་རྣོན་རྡོ་རྗེ་འཆང་། །ཆེ་བའི་ཆེ་མཆོག་ཉིད་ཀྱིས་བཤད། །སྐུ་དང་གསུང་ཐུགས་རྡོ་རྗེ་ལས། །ལྔ་གཉིས་བདག་པོར་གྱུར་བ་ཡིས། །གསང་སྔགས་རྒྱལ་པོ་འདི་ཉིད་དོ། །ཨེ་ཨེ་ཨེ། ཨ་ཀྲོ་ཏེ་ཀ་ཡ་མྱན་ཏ་ཀ །ཨོ་ཨུ་ཨུརྨྱི་ཥ་བཛྲ་ཙཀྲ་བརྟི་སརྦ་ལོཀི་ཀ །ལོ་ཀོཉི་ར་ཡནྟྲ་མནྟྲ་སརྦ་བི་ཥ་བི་ཙུ་ཎྜ་ཡ། པྲ་ཡོ་ག་ཏི། མ་མ་ཀྲི་ཏེ།ཡེ་ན་ཀེ་ན། ཙིསྟ། ཀྲི་ཏྭ་ནི་ཏྭ་ནི། སནྟྲ་བིསྒྱུན། སྨྲིནྟྲ་གཉིས་སྟིསྡོ་སྟིསྡོ། ཀསྐྲ་ཡ་གཉིས། བི་དྷན་ས་ཡ་གཉིས། ཤ་ཏ་ས་ཧ་པྲ་དྷ། བི་ཙུཎྜ་ཡ། ཨུ་སྨྱི་ཥ་བཛྲ་ཙཀྲ་བརྙི། སྒྱུ༷་གསུམ། དྲུ༷་གསུམ། ཧཱུཾ༷་གསུམ་ཕཊ། རྡོ་རྗེ་འཁོར་ལོས་འཇོམ་པ་ཆེ། །རྡོ་རྗེ་མཆོད་འཇིགས་པ་ཆེ། །རྡོ་རྗེ་ལས་ཀུན་གྲུབ་མཛད་པ། །གསང་སྔགས་རྒྱལ་པོ་ཁྱོད་ལ་འདུད། །གསང་སྔགས་ངོ་བོ་ཁྱོད་ལ་འདུད། །རྡོ་རྗེ་ཨུར་མོ་ལས་ཁྲོ་བོ་བཅུའི་དེ་ཉིད་དེ།གསང་སྔགས་བསྟན་པ་རྟོག་པ་གཉིས་པའོ།། །།གསང་བའི་བདག་པོ་རྡོ་རྗེ་ཆེ། །རྡོ་རྗེ་འཁོར་ལོས་གཅོད་པ་པོ། །ངོ་བོ་ས་བོན་དེ་ཉིད་དེ། །སྣ་ཚོགས་གྱུར་པའི་ཡིག་འབྲུ་ལས། །འཁོར་ལོ་རྒྱལ་པོ་དེ་དག་གྱུར། །ལྔ་གཉིས་རྩིབས་ལྡན་རིན་ཆེན་རྒྱུ། །སྣ་ཚོགས་ཆུ་སྐྱེས་ཉི་མའི་གདན། །དེ་ལས་གྱུར་པ་འཇིགས་བྱེད་ཆེ། །འདོད་པའི་རྒྱལ་པོ་ལྕགསཀྱུཆེ། །གཤིན རྗེམཐིང་ནག་བེ་ཅོན་འབར། །ཧ་པ་གྲི་བ་པདྨ་དམར། །བགེགས་ལ་ཐར་བྱེད་རྡོ་རྗེ་ལྗང་། །དབྱུག་པ་སྔོན་པོ་དབྱུག་ཐོ་བསྣམས། །གཞན་གྱིསམི་ཐུབ་དབྱུག་པ་ཐོགས། །སྟོབས་ཆེན་ལག་ན་ཁ་ཊ་ཁ། །མི་གཡོ་མཐིང་ཁ་རལ་གྲི་འཛིན། །སྣོད་མཛེས་རྡོ་རྗེ་རྩེ་གཅིག་པ། །རྡོ་རྗེ་ཧཱུཾ༷་མཛད་ཐོ་བ་ཐོགས། །གཡོན་པ་སྡིབས་མཛུབ་འབར་བ་སྟེ། །སྨ་ར་སྨིན་མ་སེར་བ་སྟེ། །སྐྲ་བརྫེས་གྱེན་དུ་བསྒྲེང་བར་གནས། །དུས་མཐའི་མེ་ལྟར་བཟོད་པར་དཀའ། །ཀུན་ཀྱང་མཐིང་ནག་ཆེན་པོར་གནས། །ཕྱོགས་མཚམས་ཀུན་དང་སྟེང་འོག་ཏུ། །འཇིགས་པ་ཡི་ནི་འཇིགས་པར་མཛད། །ཕྱོགས་མཚམས་དྲེགས་པའི་གདན་ལ་གནས། །སྔགས་དང་རྒྱུད་དང་འཁྲུལ་འཁོར་དང་། །ཁྲོ་བོ་ཐམས་ཅད་འཇོམས་པ་སྟེ། །ལྟོ་བར་འཁྲུལ་འཁོར་རྩིབས་ཀྱིས་གཅོད། །རྡོ་རྗེ་མེ་རི་འཁོར་ལོ་འབར། །རྔུལ་དུ་བཤིག་ནས་ཕྱེ་མར་བྱེད། །ཕྱོགས་བཞི་མཚམས་བརྒྱད་སྟེང་འོག་ཏུ། །འཁོར་ལོ་ཐོགས་པ་མེད་པར་འཁོར། །འདི་འདྲ་གང་ཞིག་རྟག་བསྒོམས་ནས། །གསང་སྔགས་རྒྱལ་པོ་བཟླས་གྱུར་ན། །ལྷ་ཆེན་ལ་སོགས་དྲེགས་པ་ཅན། །སྲིད་པ་གསུམ་ལ་གཅོད་པར་བྱེད། །ཁྲོ་བོ་ཀུན་ཏུ་མི་འགྱུར་ཏེ། །འཁོར་ལོ་ཐམས་ཅད་གཅོད་ཅེས་པ། །གསང་བའི་བདག་པོས་རབ་ཏུ་བཤད། །གྲོ་ག་ཤིང་ཤུན་ཀ་རི་ཀ །གོང་གི་འཁོར་ལོ་བྲི་བྱ་སྟེ། །བྲིས་པ་བརྒྱན་གྱི་འཁོར་ལོས་བསྲུང་། །བཟློག་པ་དག་ཀྱང་བྱེད་པ་ཡིན། །འདི་ནི་གསང་བའི་བདག་པོས་བཤད། །རྡོ་རྗེ་ཨུར་མོ་ལས་བསྲུང་ཞིང་བཟློག་པ་དེ་ཁོ་ནའོ། །རྟོག་པ་གསུམ་པའོ།། །།དེ་ནས་གསང་བའི་བདག་པོ་བ། །རྡོ་རྗེ་རྒྱལ་པོ་བདེ་བ་ཆེ། །རྡོ་རྗེ་ཧཱུཾ༷་སྟེ་ཧཱུཾ༷་ཞེས་སྒྲོགས། །བསྲུང་བ་ཞེས་སུ་རྣམ་པར་བཤད། །ཡེ་ཤེས་དམ་ཚིག་ཆེན་པོ་བ། །དངོས་པོ་ཁ་དོག་བདུད་ཀྱི་གཅོད། །ཟླ་གམ་དབང་སྡུད་ཐུར་དུ་རྐོ། །གཏོར་སྣོད་རྫ་ལུ་ཞ་ཉེ་ལ། །སྨན་དང་བཅས་པའི་གཏོར་མ་དག །དྲངས་སུ་བཅས་པའི་གཞན་དག་གིས། །རྦད་འདྲེ་དེ་དག་ལ་བསྔོས་ན། །རྩ་བརྒྱད་བརྒྱ་འམ་ཉི་ཤུ་གཅིག །བདུན་གྱི་ཐ་མ་གཉེན་པོ་གཟའ། །གྲོགས་སུ་ཤེས་པས་དགྲ་ལ་བརྡེག །གཏོར་མའི་སྦྱོར་བ་བཤད་པ་ཡིན། །རབས་ཆད་མི་ཐོད་ཁྲག་དང་འབྲུས། །བཟླས་ཚོགས་དགྲ་ལ་བརྡེག་པ་ནི། །ཟོར་བཟློག་ནག་པོར་བཤད་པ་ཡིན། །འཁོར་ལོ་བསྐོར་ཞིང་འཕང་བར་བྱ། །གསང་བའི་བདག་པོས་རབ་ཏུ་བཤད། །གསང་བྱ་བ་སྲོག་གཅད་པ། །དུར་ཁྲོད་གཡས་པར་ཙཀྲ་བྲི། །བ༷་ཆེན་ཐོད་ནག་ཁ་གཡེལ་དུ། །ཞག་གསུམ་སྔགས་བཟླས་སྙིང་ལ་བཏིག །ཡང་ན་བཀའ་རྟེན་ནག་པོ་ལ། །ཉམས་པའི་གཟུགས་བྱ་སྔགས་ཀྱིས་བསྐོར། །བཀའ་རྟེན་བཀའ་བཟློག་ཁྲག་གསུམ་གཏིག །འབྱུང་པོའི་སྲང་བཞིར་མནན་པར་བྱ། །ཨུར་མོ་འདྲིལ་བ་དག་སྲིད་པས། །འཁོར་ལ་རྩེ་བཟློག་མཐའ་ནས་བཤིག །ཟོར་དང་གཏོར་མས་བཤིས་པ་ནི། །གསང་བའི་བདག་པོས་རབ་ཏུ་བཤད། །སྟོབས་མནན་གསང་བའི་ལས་བྱས་ལ། །མཆོད་རྟེན་ནག་པོས་མནན་པ་དང་། །གཏི་མུག་ནག་པོའི་ཙིཉི་སྲ །ངག་གི་ནུས་པ་མནན་པ་ཡིན། །ཞེས་ནི་གསང་བའི་བདག་པོས་བཤད། །རྡོ་རྗེཨུར་མོ་ལས་བཞིའི་འཁོར་ལོ་ལས། རྟོག་པ་བཤིག་པ་དང་བཅས་པ་བཞི་པའོ།། །།དེ་ནས་གསང་བའི་བདག་པོ་པས། །རྡོ་རྗེ་ཁྲོ་བོ་འཇིགས་བྱེད་པ། །གསང་བར་འདུས་པ་དེ་ཉིད་དེ། །གསང་སྔགས་རྡོ་རྗེ་རྡོ་རྗེ་ཆེ། །སྐུ་དང་གསུང་ཐུགས་རྡོ་རྗེ་ལས། །གསང་སྔགས་རྒྱལ་པོ་ཞེས་བྱ་བ། །ཨོ་ཨ་ཨུཉི་ཥ་ཙཀྲ་སརྦ་ལོ་ཀི་སྲུཧྭ། ཡནྟྲ་མནྟྲ་ལོ་ཀི་སྭཧྭ། བ༷་ར་ཏི་དྷི་ལི་ཀི་ལ་སྲུཧྭ། ཕོ་མོ་སྡེ་བརྒྱད་མནན་པ་སྟེ། །ཁྲོ་བོར་རྒྱལ་པོ་ཆི་ད༷་ཡིན། །ཨོ་ཨ་ཨུརྨྱི་ཥ་ཡ་རྦད། ཡན་ཏྲ་ཙ་ཏྲ་རྦད། མནྟྲ་ཡ་མ་རྦད། བཛྲ་ཀི་ལི་ཀི་ལ་དྲི་རྦད། མ་མ་ཏེ་ཏམ་བ༷། ཡ་མ་རྭ་ཛ་གར་པ་ནི་ཧཱུཾ༷་ཛ་མྱ་ར་ཡ་རྦད་རྦད། གསད་པའི་འཁོར་ལོ་དེ་ཉིད། །ཨུ་ཀ་ད་ར་ཙུར་ནར་བྱེད། །ཨོ་མྱ་ཨུརྨྱི་ཥ་ཡ་མ་རྦད། ཡན་ཏྲ་ཙཀྲ་རྦད། མནྟྲ་ཡ་ཙ་མ་རྦད། མ་མ་ར་ཛ་ནི་ཛ་རྦད། བཛྲ་ཀི་ལི་ཀི་ལ་ཡ་སྙིང་ཐུམས་ཡ་མ་ཏི། ཏ༷་བ༷་མུ་ར་ཡ་ཐུན་རྦད། སྐུ་གདུང་ནག་པོའི་ཁྲག་གིས་གསད། །ཨོ་ཨ་ཨུཉི་ཥ་ཡ་རྦད། ཙཀྲ་ཙཀྲ་ཙཀྲ་རྦད། མན་ཏྲ་ཡ་ཡ་ཙ་མ་ཡ་རྦད། མ་མ་ཏེ་ར༷་བ༷། ཐུན་རྦད་ཡ། མ་རྭ་ཛ་སྙིང་ཐུམས་རྦད། བཛྲ་ཀི་ལི་ཀི་ལ་ཡ་རྦད་རྦད། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། སྤྲོ་ཏ་ཡ་སྒྲོ་ཏ་ཡ་བཛྲ།བི་སྤྲོ་ཏ་ཡ་བི་སྤྲོ་ཏ་ཡ་བཛྲ། གརྫ་གརྫ་བཛྲ། ཀུ་རུ་ཀུ་རུ་བཛྲ། མུ་རུ་མུ་རུ་བཛྲ། ཀ༷་པ་ཡ་ཀ༷་པ་ཡ་བཛྲ། བི་ཙུར་ན་བི་ཙུར་ན་བཛྲ། བཛྲ་བཛྲ་བཛྲ་བཛྲ་བཛྲ་བཛྲ་བཛྲ་བཛྲ་བཛྲ་བཛྲ། བྲུ༷་བྲུ༷་བྲུ༷་བྲུ༷་བྲུ༷་བྲུ༷་བྲུ༷་བྲུ༷་བྲུ༷་བྲུ༷། དྲུ༷་དྲུ༷་དྲུ༷་དྲུ༷་དྲུ༷་དྲུ༷་དྲུ༷་དྲུ༷་དྲུ༷་དྲུ༷། ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཨེ་ཨེ་ཨེ། ཧཱུཾ༷་ཧཱུཾ༷་ཧཱུཾ༷། བྲུ༷་བྲུ༷་བྲུ༷། ཏིར་ཁར་ཀྲ་ཙ། བཛྲ་བ་ལྒི་ཨུ་ཥ་ཡ་ན་ཙུར་བྲི་པྲ་ཧ་ཏ་ན་ཡ་ས་རྙོ་བི་ཡ་བ་ཀ༷་ཡ་པ་ཀ༷ །དྷ་བིན་དྷ་བིན། དྷ་ཙིན་དྷ་ཙིན། ནན་བག་རྦ་ས། ནོ་ཏ་ནོ་ཏ། ཏྲིད་ཙི་ན། ཀྱེ་ན་ཡེ་ཏ་ཀྲེད་མ་མ། དྷི་ཀ་ཡོ་ཏྲ། ཡ་ན་ཙུར་སྟི། ས་རྦི་རྦ་ས། ཏྲ་ཏན་ཏྲ་མནྟྲ་ཡན། ར་ཏ་ཀོད་ལོ། ཀ་ཀི་ལོ་རྦ་ས། ཏི་བར་ཏྲ་ཙ་བཛྲ་ཤ ་སྣོ་།་ཨ་ཨོ།། ཕཊ་ཕཊ་ཕཊ། སརྦ་ལོ་ཀི་གྲྭཧྭ།སརྦ་ལོ་ཀི། སརྦ་བི་དྷན་སྟམ་པ་ཡ་ནན། གསང་བའི་བདག་པོས་རབ་ཏུ་གསུངས། །རྡོ་རྗེ་ཨུར་མོ་སྔགས་ཀྱི་ཡང་སྙིང་འདུས་པ་རྟོག་པ་ལྔ་པའོ།། །།དེ་ནས་གསང་བའི་བདག་པོ་བ། །གསད་པའི་སྦྱོར་བ་ཐམས་ཅད་ལ། །སྐུ་གསུང་ཐུགས་དང་འཕྲིན་ལས་ཏེ། །བདག་པོ་རྣམ་པར་མི་ཤིགས་པ། །སྤྲུལ་པ་གསུམ་ཞེས་རྣམ་པར་གྲངས། །ནག་པོ་ཁ་གདངས་གློག་འཕྲེང་ཅན། །གཤིན་རྗེ་རྒྱལ་པོ་དེ་ཉིད་ཡིན། །བདུད་མོ་ཁྲག་གི་རལ་པ་ཅན། །སྤྲུགས་པའི་འཆི་བདག་ཚེ་སྲོག་བདག །འདི་ཉིད་སྤྲུལ་པ་ཞེས་གྲགས་པ། །སྐུ་ལ་འཆི་བདག་རྒྱལ་པོ་སྟེ། །རིགས་བཞི་ཀླུ་དང་སྤྲུལ་པ་བརྒྱད། །ས་བདག་ཀླུ་གཉན་བདུད་སོགས་ཡིན། །གསད་པའི་ལས་ཀྱིས་རྒྱ་གར་འགྲོ། །རྣལ་འབྱོར་ནུས་པའི་སྟོབས་ལྡན་པས། །དྲི་ཡི་ལུས་ཀུན་རབ་བྱུགས་ཏེ། །ནུབ་ཕྱོགས་ཀླུ་ཡི་གྲོང་རྒལ་བའི། །ཁར་ཁོངས་སྲིན་ཁྱེར་བླངས་ནས་ནི། །ས་ཡི་ཕྱ་ཕྱེ་མེད་པར་བཀྲུ། །འོད་དཔུང་ནག་པོའི་མདུན་དག་ཏུ། །གནོད་སྤྱིན་ནག་པོའི་ཆུ་མིག་ལ། །ས་དང་ཆུ་བླངས་རྒྱལ་བ་ཡིས། །རྡོ་རྗེ་རྒྱལ་པོ་གསང་བདག་བཤད། །སྦྲུལ་ནག་རལ་ཅན་ལྟོ་བར་ནི། །ཞེ་སྡང་སྨོད་པའི་ཙཀྲ་བྲི། །ནག་པོ་ཀླུ་ཡི་སྔགས་ཀྱིས་བསྐོར། །ཞེ་སྡང་ནག་པོའི་གཟུགས་བརྙན་སྒོམ། །ཨེ་ཀ་ཙ་དུན་ཁྲག་ཡམས་རྔུབས་ཤིག་སྲོག་ལ་བ༷་རིག་ཤག་རྦད། ཛ་ནག་ཛི་ལ་བ༷་ཧུར་ཐུམས་ཛ། དྲི་སྲོག་ལ་ཚི་བ༷་ཙིསྟ་ཁས་ནཱ་ག་ར་བ༷་ནན། ཡང་སྙིང་རྒྱལ་པོ་འདི་ཡང་ཡིན། །ནག་པོ་བ༷་ཙི་ཙི་རྒྱ་སྒག་ཐུར་སྙིང་ལ་འགུལ། མྱགས་ཙ་བཞི་རྐུམ་ཤན་ཤན་སྲོག་ལ་ཤན། ཐུར་སོད་གྲྭཧྭ། སྒོམ་བསྐུལ་དྲག་སྔགས་བསྣོལ་མར་བརྡེག །མགོ་དགུའི་སྤྲུལ་པ་ནག་པོ་ནི། །བྱང་ཕྱོགས་གདོལ་པ་ངོས་བཟུང་གཏད། །སྲང་དང་སྲང་མགོ་གང་ཡང་འདྲ། །མཛེ་དྲི་དྲི་ཐམས་སུ་རྒྱ་ནད། །ཀླུ་ཡི་དུག་མདའ་ནག་པོ་ཡིན། །གལ་ཏེ་ལས་འགྱངས་མ་གྲུབ་ན། །སྔགས་ཀྱི་ལྟོ་དཀྲུགས་འདི་དག་གསུངས། །ཨེ་ཀ་ཙ་ཏི་དུན་ཁྲག་ཡ༷་རྔུབས་ཤིག །དགྲ་བོའི་སྲོག་ལ་ན་དགར་བ༷་ནན། །བ༷་ཙིཉི་ཁས་ནི་ཛ་ལ་ཧུར་ཐུམས་ཛ། ཛ་ནག་ཛི་ལ་བ༷། སྲོག་ལ་བ༷་རིལ་རི་ཤག་རྦད། སྲོག་ལ་ཤན་ཐུར་སོད། རྩ་བཞི་སྐུམ་པ་ནན་ཤག །མྱགས་མྱགས་སྙིང་འགྲུལ། །དྲག་ཐུར་ནག་པོ་ཙི་ཙི་དགྲ་ལ་སྨྱོ། ཤི་མ་ཨར་ལ་གཏད་པ་ཡིན། །འདི་ནི་ཡང་སྙིང་རྒྱལ་པོ་སྟེ། །གནད་གཅོད་སྐྲུ་གྲི་ནག་པོ་ཡིན། །ཨེ་ར༷་ར༷་ལ༷་ལ༷་བ༷་བ༷་ཡ༷་ཡ༷། སྙིང་ཐུར་ནག་པོ་ཙི་ཙི་ཏྲག་ཐུར་ནིར་རྦུད་རྦུད། ཅེས་ནི་གསང་བའི་བདག་པོས་བཤད། །རྡོ་རྗེཨུར་མོ་ལས། འཆི་བདག་ཀླུའི་རྟོག་པ་དྲུག་པའོ།། །།དེ་ནས་གསང་བའི་བདག་པོ་ནི། ཁེན་ཏུ་མི་བཟད་རྡོ་རྗེའི་སྐུ། །གསུང་གི་སྤྲུལ་པ་སྲོག་གི་བདག །དམར་པོ་སྲོག་གི་ལས་མཛད་པ། །གནོད་སྦྱིན་བྱེ་བ་ཕྲག་བརྒྱ་ལས། །སྲོག་གཤེད་བདུན་ཕྲག་བདུན་བྱུང་སྟེ། །བཀའ་ཡི་བསྟན་པ་བསྲུང་བར་མཛད། །བན་དགྲ་ནག་པོ་སྒྲལ་པའི་དོང་། །ཀུན་ཏུ་འཇོམས་བྱེད་ཆེན་པོ་ཡིན། །ཟླ་བ་ནག་པོ་ཅེས་པའི་གྲོགས། །མེའི་རླུད་དུས་རིགས་ཀྱི་མགོ །ཕ་མེས་ཐོད་པར་ར་བ་ཏུ་བཤད། །ཐོད་པ་ཨེ་ཡི་འབྲུ་གནས་གཅས། །ཕུང་ཤུལ་བཀའ་རྟེན་རྙིང་བའི་ས། །གྲོག་པོ་ཕུགས་བརྡུགས་ས་ལ་བྱའོ། །དུག་དང་སྨེ་ཁྲག་སྦྱར་བྱས་ལ། །སོར་ལྔ་པ་ནི་ཚད་ཡིན་ནོ། །དགྲ་བོའི་རྫས་ལ་འདྲ་འབག་བྱ། །སོར་བཞི་པ་ནི་ཚད་ཡིན་ཏེ། །རང་ལ་རང་གིས་གསོད་པར་བྱ། །དུག་ཤིང་ཕུར་བས་སྙིང་གཟིར་གདབ། །མཛེ་ཅན་ཐོད་པ་ཁ་གཡེལ་ལ། །བཤིག་པའི་ཙཀྲ་བཅས་ནས་ཀྱང་། ཁ་སྦྱར་རྡོ་རྗེ་རྒྱ་གྲམ་ལྡན། །ཛ་བཞི་ཧཱུཾ༷་བཞི་ཐོད་པ་ལ། །བདག་ཉིད་ཕྱག་རྒྱ་ལྡན་པ་ཡིས། །གནོད་སྤྱིན་ངན་སྔགས་འདི་དགོད་དོ། །སྐུ་གསུང་ཐུགས་དང་རྡོ་རྗེ་ལས། །གསུངས་པའི་གསང་སྔགས་འདི་དག་ནི། །ངེས་པ་ཁོ་ན་འདི་ལྟ་སྟེ། །ཨོ་ཨ་ཀྲོ་རྭ་ཛ་དུར་བྷ་སྙིང་ལ་སིལ་སིལ ཨ་ཀྲོ་རྭ་ཛ་ཙིསྟ་ནི་ཤ་ལ་རྦད་རྦད། ཡ་ཡ་མ་རྣལ་མ་དྲི་ཛ། སྙིང་ལ་ཁ་ཐུན་མྱ་ར་ཡ་རྦད། ཀྲོ་མ་རི་ཤ་ཤ་སྒག་ཐུན། ཙིསྟ་མྱ་ར་ཡ་ཏྲི་རྦད། ཤོ་ལ་རི་རག་ཤ་ཁ་བ༷། ཙིསྟ་ཀྲ་མ་རསྣ་རྦད། སྲོག་དེ་དྲི་མ་དྲི་ཤ་ཛ། ཙག་རེ་ཁ་ཏྲི་ཡག་ཤ་ཛ། ཏྲི་ཏ་མ་ཏི་ཡ་ཡ་ཛ། སྲོག་ཙ་ཁྲག་ཏི་སྙིང་ཕྱུང་། །ཐུམ་རིལ་ར༷་ཤག་རྦད། རྗི་སྲོག་ཧུར་ཐུམས་ཛ། སྲོག་ལ་མྱ་ར་ཡ་བོད། དམར་པོ་ཡསྒ་ཁྲོ་བདག་རྗེ། །རག་མོ་སྐར་མ་ཀྲོ་དྷི་མ། སྤྲུལ་པ་གནོད་སྤྱིན་འབར་བ་སྟེ། །སྙིང་འབྱིན་གནོད་བྱེད་གཅོད་པར་བྱེད། །འགུགས་བྱེད་དང་ནི་བཤིག་བྱེད་དང་། །ལས་ཀྱི་གཤིན་རྗེ་ཤན་པའི་སྔགས། །རྒྱུན་དུ་བཟླས་ན་བརྒྱ་བྱིན་ཡང་། །ཁྲག་ཏུ་སྒྱུགས་ནས་མ་ར་ཡ། །རྒྱུན་དང་ཞག་བདུན་རྫོགས་པ་དང་། །རྟེན་པ་ཡོད་ན་དེ་ལ་ཡིན། །ཆུ་མིག་སྟེང་བག་ཅན་དུ་མནན། །སྒེ་ལས་གྱུར་པར་ཡསྒ་ནི། །དམར་ལྗང་ཀརྨ་ཧེ་རུ་ཀ །གནོད་སྤྱིན་ནག་པོ་བདུན་དང་བཅས། །སྙིང་སྦྱིན་དམར་པོ་བདུན་དག་དང་། གནོད་སྤྱིན་བདུན་ནི་སྦྲུལ་མགོ་ཅན། །གཅོད་བྱེད་གནོད་སྦྱིན་གིང་བདུད་གྲི། །འགུགས་བྱེད་བདུན་ནི་ལྕགས་ཀྱུ་ཅན། །བཤིག་བྱེད་གནོད་སྦྱིན་འཁོར་ལོ་ཅན། །ལསཀྱིགཤི རྗེམོནཔབདུན། །སྔགས་ནི་སྲོག་རྩ་གཅོད་པར་གྱུར། །སྔགས་ནི་ནད་ཀྱིས་སླངས་པར་འགྱུར། །སྙིང་ལ་གནས་པའི་སེམས་དཔའ་ནི། །ལྕགས་ཀྱི་སྡིག་པ་ནག་པོར་འགྱུར། །རང་གཤེད་ནག་པོ་བཤིག་པའི་ལས། །གསང་བའི་བདག་པོས་རབ་ཏུ་བཤད། །རྡོ་རྗེ་ཨུར་མོ་ལས། སྲོག་གནོད་སྤྱིན་གྱིས་བཤིག་པ་དང་གདུག་པ་ཅན་གཉའ་མནན་པ་སྟེ་རྟོག་པ་བདུན་པའོ།། །།དེ་ནས་གསང་བདག་ཁྲོ་བོ་ཆེ། །རྡོ་རྗེ་ཁྲོ་བོ་རྣམ་པར་འཇོམས།།སྤུ་གྲི་སོ་བསྡེབས་ཀ་མ་ལ། །འདི་དག་ལས་ཀྱི་བང་ཆེན་ཡིན། །དབེན་པའི་གནས་སུ་ཕྱིན་ནས་ནི། །དགོངས་ཀྱི་གྲིབ་སོ་ནག་པོ་ལ། །མཁས་བས་འཁོར་ལོ་བྲི་བར་བྱ། །རྒྱ་ཤོག་རོ་རས་ཀ་རི་ཀ །སྡིག་པ་ནག་པོའི་ཤ་དག་དང་། །དུག་དང་རྡོ་སོལ་ནག་པོ་ལ། །སྡིག་པ་ནག་པོ་སྟོབས་ཆེན་ལྟོར། །ཕྲག་དོག་བསེ་སྦལ་དམར་པོ་བྲི། །ལྟེ་བར་དགྲ་གཟུགས་ཨ་མུ་ཀ །གྲུ་གསུམ་ཟླ་གམ་རྒྱ་གྲམ་བཞི། །བཅུ་དྲུག་རྩིབས་ལྡན་ལྕགས་མཁར་བདུན། །དབུས་སུ་རྣམ་ཤེས་སྲོག་ཀྱང་བྲི། །རྒྱ་གྲམ་རྩ་བ་བཅུ་དྲུག་མཆོག །ལྕགས་མཁར་སྣོད་དུ་གསང་སྔགས་བྲི། ཁ་སྦྱར་རབས་ཆད་ཐོད་པར་གཞུག །ཕུང་ས་གསུམ་ལ་ཨེ་བྱས་དགོད། །རྣལ་འབྱོར་ཕྱག་རྒྱ་ལྡན་པར་མཛོད། །དེ་ནས་ཚེ་བདག་ནག་པོ་ཡིས། །མཆོག་གི་སྦྱོར་བ་དྲག་པོ་ཡི། །གསང་སྔགས་འདི་དག་གསུངས་པའོ། །ཨེ་མྱགས་ཡ་རྔུབས་མུག་ཤག་ཀ་དུན། ཨ་མུ་ཀ༷་དྲི་སྲོག་ཧུར་ཐུམས་ཛ། ཚ་ཁྲག་ཙིརྟི་ཕྱུང་། །སྲོག་ལ་རྦད། །ཐུམ་རིལ་རྦད། དེ་ལ་སྐྲུ་གྲི་བསྣོལ་མ་ནི། །འབྲུ་བརྒྱད་པ་ནི་སླད་མ་སྟེ། །བདུན་པ་དང་པོ་སྲོག་ལ་རྦད། །གཉིས་པ་ལ་ནི་སྙིང་ལ་ཡིན། །དེ་བཞིན་གསུམ་པ་ཀླད་པ་ལ། །བཞི་པ་དབུགས་ལ་རྦད་པ་སྟེ། །ལྔ་པ་བླ་ལ་རྦད་པ་ཡིན། །དྲུག་པ་ཤ་ལ་བདུན་པ་ཁྲག །ཐུན་རྦད་སྨྱོ་ཞེས་མཐའ་རུ་སྦྱོར། །ར༷་ར༷་ཁ༷་ཁ༷་ལ༷་ལ༷་ཡ༷་ཡ༷། ཙ་ཁྲག་སྲོག་ཏིག །ཙ་ཐིག་ལ་ཕོག །སྙིང་ཐིག་ཕོབ། སྲོག་ཐིག་ལ་ཕོབ། ཁྲག་ཐིག་བདུན་དུ་སྒྲབ་བྱས་ལ། །ཐོད་པ་ལྷ་ཁང་རྙིང་པར་མནན། །ཅེས་པ་གསང་བའི་བདག་པོས་བཤད། །རྡོ་རྗེ་ཨུར་མོ་ལས། ཚེ་བདག་སྤུ་གྲི་རྣོལ་མར་གཅོད་པ་རྟོག་པ་བརྒྱད་པའོ།། །།གསང་བའི་བདག་པོ་རྡོ་རྗེ་ཆེ། །ཨུར་མོ་ནང་འགྲས་གྱད་ནོན་ནོ། །མྱུར་དུ་མ་ཆོད་ལས་འགྱངས་ན། །ལྟོ་དཀྲུགས་དྲག་པོ་གསང་སྟེ། །འདི་དག་རྡོ་རྗེ་ལས་འཐོན་ནོ། །ཨེ་མྱགས་ཡ་རྔུབ། མུག་ཤག་ཀ་དུན།ཏོ་མ་རི་ཤ་ཤ་་ག་ཐུན། ཆེ་གེ་མོའི་སྲོག་ལ་རྦད། ཐུམ་རིལ་རྦད་རྩ་ཁྲག་ཙིསྟ་ཕྱུང་། དྲི་སྲོག་ཧུར་ཐུམས་ཛ། གཉིས་པ་དང་ནི་གསུམ་པ་དང་། །བཞི་ལྔ་དྲུག་ཏུ་ཤེས་པར་སྦྱར། །དགེ་བཅུ་མི་སྤང་ཅི་ནུས་བྱ། །འཇམ་དཔལ་མཚན་ནི་ཡང་དག་བརྗོད། །བླ་མ་མཆོད་ཅིང་བཤགས་པ་བྱ། །མཁའ་འགྲོ་མཉེས་པའི་གཏོར་མ་གཏང་། །བརྙེ་བོན་པོ་མུ་སྟེགས་དང་། །རྒྱལ་པོ་དང་ནི་རྡོ་རྗེ་ཀུན། །འདི་དག་མྱུར་དུ་གང་དག་ཡང་། །ངེས་པར་བརླག་ཅེས་གསང་བས་བཤད། །རྡོ་རྗེ་ཨུར་མོ་ལས་གྱད་ནོན་གྱི་རྟོག་པ་སྟེ། རྟོག་པ་དགུ་པའོ།། །།དེ་ནས་གསང་དབང་རྡོ་རྗེ་ཆེ། །རྡོ་རྗེ་འཇོམས་པ་སྔགས་ཀྱི་བདག །སླད་ཀྱི་གྱད་ནོན་གསང་སྔགས་ཏེ། །རྒྱུད་ཀུན་གྱི་ནི་བདག་པོ་མཆོག །ཉེས་པ་སྐུ་གསུང་ཐུགས་ལས་སོ། །མྱེ་མྱེ་མྱེ། ཨ་ཀྲོ་ཏེ་ཀ་ཡ་བཱརྙ་ཀ་མ་ཡ་ཡེ། ཀ་ལ་རུ་པ་ཀ་པ་ལ་ཡེ། ཧྲི་ཏི་ཨ་བ་ཡེ། ཨ་ཨ་ནེ་ཨ་ནེ། ཨུ་ཨུ་ནེ་ཨུ་ནེ། དུ་དུ་ནེ་དུ་ནེ། ཨ་ཨི་ཨུ་ཨེ་ཨ༷་ཨ༷་ར་རི་ལ་ལི། དུ་རུ་ཡེ་བྱ་ཙ་ཡེ། སིང་ང་ཡེ། ཧྲི་ད་ཡེ། བི་ད་ཡེ། ཧ་ལ་ཡེ་མུ་ཀ་ཡེ། ཨུ་ཨུ་ནེ། ཨུ་ཨུ་ནེ། བྱི་ཏྲི་ཏ། ཨ་ཨ་ན་ན། ཡ་མ་ཏ་ཀ །ཡ་མ་ར་ཛ། ཡ་མ་ཏྲི་ཏེ། མ་ཡ་རསྒ་ཡ་མ་ར་ཨ་པེ་ཏ་ལི་ཀྲོ་དྷི་ཤྭ་རི། མ་མ་ཨེ་ཀ་ཛ་ཏི་ཛ། དེ་མ་ཁ་ལ་བ༷་རིལ། སྨྱོ་སྨྱོ་ཡ། སྙིང་ཁ་རཀ་སྲོག་ལ་སྨྱོ་སྦྱོ། འདི་དག་རྣམ་པར་མི་བཤིག་པ། །གསང་བའི་ཡང་སྙིང་ཁོ་ན་འོ། །རྡོ་རྗེ་ཨུར་མོ་ལས། སྟོབས་ཆེན་ཟིལ་གནོན་གྱི་རྟོག་པ་སྟི་བཅུ་པའོ།། །།དེ་ནས་གསང་བའི་བདག་པོ་ཡིས། །ཀུན་ཏུ་རྣམ་པར་གཅོད་པ་སྟེ། །དམར་ལེན་ཡང་གསང་སྲོག་གི་སྡིག །སྔགས་ནི་སྲོག་རྩ་རླུད་དུ་འགྱུར། །སྔགས་དང་དམ་རྫས་གཉིས་སུ་འགྱུར། །བོད་ཅིང་བསྒྲེགས་པའི་སྲོག་ནི་རླུང་དུ་ཤེས། །ཨོ་གྲི་བཛྲ་ཀྲོ་དྷ། ཡ་མ་ཡ། མ་མ་མ་རུ་ལུ། ཏ་དུན་ཏིང་ཀི་ལ་ཡ། ར་རག་ཤ །ར་རག་མོ། དུན་ཏིང་ཏིར་ཀ །དྷི་རུ་་། སྒ་ཡག་ཤ །ཙ་ར་ཙ། ཛ་ཤུ་ལེ། ཏྲི་བཛྲ་སྭ་དུ། ཏྲི་ཧ༷་ཤ༷། ཛ་དྷི་བ། རུ་རུ་ཏྲི། ཕུ་ནཱ་ག །ཏྲིག་ནན། ཧུར་ཐུམས་ཛ། སརྦ་ཤ་ཏྲུ༷་སྟ༷་པ་ཡ། ད་ཏྲིད་རྦད། སརྦ་ར༷་ཏྲི། ཡ་འདྲིད་ཕྱུང་། སྲོག་ལ་གཟིར་ནན་ཕྱུང་། མཧྭ་སྟ༷་པ་ཡ། ཨུ་ནན་སྦུར་ནན། ཏྲིག་ནན། སྙིང་ལ་སྟ༷་པ་ཡ་ནན། དམན་ཏྲ་ར༷་མཧྭ་རག་ཐུམ་ལིང་། འདི་དག་ཡང་གསང་དམར་ལེན་མཆོག །རྡོ་རྗེ་ཅན་གྱིས་ཡང་དག་བཤད། །རྡོ་རྗེ་ཨུར་མོ་ལས། སྲོག་དམར་ལེན་གྱི་ལེའུ་སྟེ་རྟོག་པ་བཅུ་གཅིག་པའོ། །རྡོ་རྗེ་དྲག་པོ་ལྷོ་བསྡེབས་པ། །བསམ་གཏན་སྙིང་གི་འཁོར་ལོ་བ། །ཕུང་ས་གསུམ་གྱི་འབྲུབ་གནས་ཏེ། །ཨེ་ཡི་རྩེ་མོ་ལྷོར་བསྟན་ཏེ། །ཁ་ཁྱེར་ལྡན་པ་རྩང་ཐོད་མེ། །དུར་ཁྲོད་སོལ་བ་དུག་གིས་བྱུག །དུར་ཁྲོད་རས་ལ་འཁོར་ལོ་བྲི། །མུ་ཁྱུད་རིམ་པ་ལྔ་རུ་བསྐོར། །དབུས་སུ་དྲག་པོ་རྣག་པའི་སྲོག །རྒྱ་གྲམ་རྩ་བའི་སྔགས་བཀོད་པ། །འཁོར་ལོ་རྣམས་ལ་སྐྲུ་གྲིར་ལྡན། །མུ་ཁྱུད་ལས་ཀྱི་ཤམ་སྔགས་སྒྲལ། །གང་ཡིན་དྲེགས་པའི་ལྷོ་བ་འམ། །རྣོ་མྱུར་གཏི་མུག་ཁོག་པར་བཅའ། །འཁོར་ལོ་དོང་ལ་གཙང་ལ་དགྲམ། །ཁ་སྦྱར་དྲག་པོའི་གསང་སྔགས་བཟླས། །མྱོས་ཤིང་ཚ་བས་གསོད་པའི་རྫས། །རབ་ཏུ་བྲབ་དང་བཤིག་པར་བྱའོ། །བདག་ཉིད་ཕྱག་རྒྱ་རྫོགས་པ་ཉིད། །གཙུག་གཏོར་འཁོར་ལོ་རྒྱུར་བ་ལམ། །དྲེགས་པ་འདུལ་བའི་ལྷར་བསྒོམས་ལ། །དྲག་སྔགས་ལྕགས་ཀྱུ་བསྣོལ་ཐོག་གིས། །བརྡེག་ཅིང་རྔམ་ཚིགས་གསང་བར་བཟླས། །སྐུ་གསུང་ཐུགས་དང་རྡོ་རྗེ་ལས། །དྲག་པོའི་གསང་སྔགས་འདི་འཐོན་ཏོ། །ཧབྱ་ཐུ། ཨེ་མྱགས་ཡ་རྔུབས་མུག་ཤག་ཀ་དུན། སརྦ་ཙིསྟ་ཡ༷། ཤག་ཧུར་ཁ༷འདྲིད་ནན་གཟིར་རྦད། སརྦ་ཤ་ཏྲུ༷་ཏྲིག་ནན། ཨེ་ཧུར་ཐུམས་ཛ། སརྦ་ཤ་ཏྲུ༷་སྙིང་གཟེར་སྦུར་ནན། ཧ་ལ་ཡ༷་ཐུན་གཟིར་ཐུམས་ཛ། ཨེ་ཁ་ཤག་རྦད། ཞག་གྲངས་གསུམ་མམ་བདུན་ནམ་དགུ། །ཉི་ཤུ་རྩ་གཅིག་གྲངས་ཐིམ་ནས། །ནམ་མཁའ་བར་སྣང་ས་གཞི་ལ། །སྦྱོར་བ་མཁས་པས་མནན་པ་སྟེ། །ནམ་གྱི་གུང་ལ་མནན་པར་བྱ། །རྡོ་རྗེ་ཨུར་མོ་ལས། ཕྱག་རྒྱ་བསམ་གཏན་གྱི་རྟོག་པ་སྟེ་བཅུ་གཉིས་པའོ།། །།རྡོ་རྗེ་འབར་བ་གཤེད་པོ་ཆེ། །གྱད་ཀྱི་གནོན་པ་སྟོབས་པོ་ཆེ། །འབྱུང་བའི་ལྟོ་དཀྲུགས་དྲག་པོ་དགོད། །རྣམ་རྟོག་དྲ་བ་འཇོམས་པའོ། །ཕུར་པ་གསུམ་དང་དྲག་པོའི་རྫས། །ལས་ཀྱི་བདག་པོ་ཡོད་ན་བྲི། །གཞན་དུ་ཁོ་ཡི་ལྷ་སྲུངས་བྲི། །བག་པྱེ་ཁྲག་དང་ས་སྦྱར་ཏེ། །མི་ནག་རལ་བ་རྟིང་བར་བསླེབ། །ཁ་ནས་སྲད་བུ་ནག་པོ་འབྱུང་། །དེ་ཡང་ཡན་ལག་བཅིང་བར་བྱ། །གདོང་པ་ནག་པོར་བྱུག་པར་བྱ། །ཁོག་པ་སྟོང་པར་བྱ་བ་ཡིན། །སྐུ་གདུང་ནག་པོ་བང་རིམ་གསུམ། །དེ་ཡི་སྙིང་ཁར་ཡིན་ཞེས་བཤད། །འཁོར་ལོ་ནག་པོ་རྒྱ་ཤོག་ལ། །འབྱུང་བཞི་གནད་གཅོད་བྲི་བར་བྱ། །དེ་ཡི་ཁོག་བར་ཡིན་ཞེས་པ། །དུག་ཁྲག་བཙན་དུག་ཉུངས་ཀར་བརྡེག །ནམ་གྱི་གུང་ངམ་ཉིན་གུང་ལ། །དྲག་པོའི་སྔགས་དགོད་བརྒྱ་རྩ་བརྒྱད། །དེས་ནི་རང་གཤེད་རང་༄༅ ལ་འབེབས། །ཞེས་པའི་རྡོ་རྗེ་འདི་གསུངས་སོ། །ཨེ་དུན་ཀ་སྤ༷། ཨེ་ར་ཀ་ལ༷་ར༷་ཡ༷་ཁ༷་མུ་ར་ཡ་རྦད། ཧེ་བ་ལ༷་ར༷་ར༷་ཡ༷་ཁ༷་ཤཱ་ར་རྦད། ཤ་མོ་ཧེ་ལ༷་ར༷་ཡ༷་ཁ༷་ཤཱ་ར་ཡ་རྦད། ན་མ་ལ༷་ར༷་ཡ༷་ཁ༷་མུ་ར་ཡ་རྦད།ཨི་རི་ཤི་ལ༷ར༷་ཡ༷་ཁ༷་མྱ་ར་ཡ་རྦད། སས་སྟིབས། མེས་ཚིག །ཆུས་སྐུར། རླུང་ཡན། ཁ་རི་བ་ལྡག །རྣ་རིང་། ཙི་རིང་། ར༷་ལ༷་ཁ༷་ཡ༷་བརྡིབ། འབྱུང་བ་ལྔའི་དྲག་པོ་རྒོད། །སྟོང་ལས་སྒྲལ་བར་ངས་མ་བཤད། །རྫས་དང་སྔགས་ཟེར་བཟློག་མི་བྱ། །འགྲས་པའི་སོ་མཚམས་བར་དུ་གཞག །བདུད་བཞི་ལས་གྱུར་རྟོག་པའི་ལྷ། །རང་ལས་གྲུབ་པ་དྲེགས་པ་ཅན། །ལུས་ངག་ཡིད་ཀྱི་སྦྱོར་བ་ཀུན། །དྲུག་བཞི་ཁྲོ་བོ་བརྒྱད་ཁྲི་ཡིས། །རང་གི་འབྱུང་བ་བཤིག་པར་འཀྱུར། །རྡོ་རྗེ་ཨུར་མོ་ལས་རྟོག་པ་བཅུ་གསུམ་པའོ།། །།རྡོ་རྗེ་ཨུར་མོ་ཕྱིན་ཅི་ལོག །མུ་སྟེགས་ཀ་ལ་སྒ་དེ། །ལོག་འདྲེན་ནག་པོ་ཁ་གདེངས་ཡིན། །ཏིར་ཏི་ཁ་གདངས་དྲེགས་པའི་ཁར། །འབར་འདྲ་ནག་བོ་རྫངས་པ་ན། །ནག་པོ་འབའ་འདྲ་བརླག་པར་གཟིགས། །དེ་ལ་དེ་ཡི་སྦྱོར་བ་བཤད། །ཡོར་མོ་ཕུར་མོ་སྲི་ཤིང་ལ། །དྲེ་ནག་རྔ་མ་ནག་པོས་བཅིང་། །ས་ནག་རྡོ་ནག་དུག་ནག་གསུམ། །ར་རོག་ཕག་རོག་གླང་ཁྲག་དང་། །དེས་ནི་སྤྲུ་བར་རབ་ཏུ་བྱ། །ནག་པོ་ཁ་གདངས་ཆེན་པོ་སྟེ། །ཁྲུ་ཚད་ཕྱེད་དུ་བྱ་བ་ཡིན། །རལ་པ་ས་ལ་བསླེབས་པ་ནི། །དྲེས་ནག་རྗོ་མ་དག་ལ་བྱ། །དེ་ལྟར་བྱས་པའི་གཟུགས་དེ་ཡི། །ཁོག་པ་སྟོང་པར་དམོད་པ་བྲི། །ཉི་ཤུ་དགུ་ཡི་ནུབ་མོ་ལ། །ལྷོ་ནུབ་མཚམས་སུ་ལས་བྱ་བ། །ཨ་མུ་ཀ་ཞེས་བོས་པ་ལ། །དམོད་པ་ནག་པོ་འདི་དག་གོ། །ཨ་ཀ་དེ་བ་དེ་གར་པ་ནག་པོ་རུ་ཏྲ་ཧ་ལ་ནག་པོ་ཁ་དོང་ཁ། ནག་པོ་ཁ་དོང་ཁའི། ནིར་ནི་ཁའི། དེ་ནི་མིང་དང་སྲོག་བཅུག་ལ། །རུ་དྲ་ནག་པོའི་གནས་ཁང་ངམ། །དེ་ཡི་ལམ་སྲང་དག་ཏུ་མནན། །ངེས་པར་བརླག་པར་རྡོ་རྗེས་བཤད། །རྡོ་རྗེ་ཨུར་མོ་ལས་རྟོག་པ་བཅུ་བཞི་པའོ།། །།དེ་ནས་རྡོ་རྣོན་པོ་ཡིས། །རྒྱུད་རྣམས་ཀུན་ཏུ་གསང་བ་ཡི། །གནད་གཅོད་སྤུ་གྲི་ལྟ་བུ་སྟེ། །འབྱུང་བ་གནད་ཀྱི་ལས་གཅོད་པ། །དེ་ཡི་དྲག་སྔགས་འདི་དག་སྟེ། །སྐུ་དང་གསུང་ཐུགས་རྡོ་རྗེ་ལས། །གསུངས་པ་འདི་དག་འབྱུང་བའི་གནད། །ཨེ་ཡ༷་ར༷་བ༷་སུ༷་མྱ་ར་ཡ་རྦད་རྦད་རྦད་ཡ། སུ༷་བ༷་ཡ༷་ཨེ། མ་ར་ཡ་རྦུད། རྦུད་རྦུད་རྦད་ཡ། ཨེ་རྦད། ཡ༷་རྦད་ར༷་རྦད། སུམ་རྦད། ཁས་ཁས། ཤིག་ཐིབས་མྱ་ར་་་ཨེཡ་བཱ་མུ་ར་ཡ༷། ར༷་མྱ་ར་ཡ་ར༷། བ༷་ཤཱ་ར་ཡ་བ༷་སུ༷་མ་ར་ཡ་སུ༷། སརྦ་ཤ་ཏྲུ༷་གརྫ་གརྫ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བན་དྷ་བན་དྷ། ཧུ་ལུ་ཧུ་ལུ། ཏིརྫི་ཏིམོ སྨྲིནྟྲ་སྨྲིནྟྲ། སྟིསྡེ་སྟིསྡོ། སྒྲོ་ཏ། རྦ་ན་རྦ་ན། རྦུ་ན་རྦུ་ན།རྦ་ན་རྦུད་རྦ་ན་རྦུད། ཐུན་སྨྱོ་ཐུན་སྨྱོ། རྦད་ནས་ཛ་ལ་འབྲི་ཤ་ཧ་ལ་ཧ་སྨྱོ་རྦད། དྲེགས་པ་ཅན་ནི་གཏད་གཅོད་པ། །འབྱུང་བ་གནས་ཀྱི་འཁྲུལ་འཁོར་ཏེ། །དྲག་པོ་སོ་རུ་ཡང་དག་བཤད། །རྡོ་རྗེ་ཨུར་མོ་ལས་རྟོག་པ་བཅོ་ལྔ་པའོ།། །།རྡོ་རྗེ་འབར་བ་དྲག་པོ་ཡིས། །གནོད་སྤྱིན་རྣམ་པར་མི་ཤིགས་བ། །དྲེགས་པའི་ནང་ན་དབང་ཆེན་ཏེ། །དེས་ན་འབའ་འདྲ་ནག་པོའི་གཤེད། །དེ་ཡི་ཆུང་མ་འདྲེ་སྲིན་མོ། །སྲིན་མོ་ནག་མོ་འཆི་བལྟས་ཅན། །དེ་ཡིས་བལྟས་ཅན། །དེ་ཡི་བལྟས་པས་ཉམས་པ་འབྱིན། །དེས་ནི་མྱིར་བར་བརླག་པར་འགྱུར། །རླུད་ལྷའི་ཕྱོགས་སུ་ཕྱིན་ནས་ནི། །སྲུརུ་མེད་པའི་གྲོག་པོ་ནས། །ས་ནག་ཕུལ་གང་བསླངས་ནས་ནི། །མཆོད་རྟེན་རྙིང་པའི་ས་དང་སྦྱར། །ཕག་པ་རྟ་དང་ཁྱི་ཡི་ཁྲག །དུག་དང་སྦྱར་བས་གཟུགས་བྱས་ལ། །བོང་ནག་རྗོག་མས་སྐྲ་བྱས་ཏེ། །མི་ལུས་ཕག་པའི་མགོ་ཅན་ལ། །ཁྱིད་གང་བ་རུ་བྱ་བར་བཤད། །གཟའ་རྒོད་མིག་དམར་དར་བའི་ཚེ། །དེ་ཡི་གུབ་མོ་སྲིད་ལ་བྱ། །ཨ་མུ་ཀ་ཡི་གཟུགས་དག་གིས། །ཁོ་ཡི་རྫས་རྙེད་རབ་ཏུ་བཤད། །མ་རྙེད་མིང་རུས་གསང་མཚན་བྲི། །གཟུགས་ལ་དུག་གི་ཆུ་ཁྲག་བྱུག །ཚེར་མས་ཕུག་ལ་ཁ་རུ་རྩང་། །སོ་མཚམས་ཡང་ན་ཕྱི་སྒོའི་དྲུང་། །འོག་ཏུ་ཡིན་ཞེས་དགྲ་ལ་བསྟན། །མ་མ་རསྒ་ཙིཉི་ཤད་དུ་སོད། རཀ་མོ་ཁ་ལོང་ཁའི། ཡག་མོ་ཁ་ལོང་ཁའི། རུ་དྲ་ཁ་ལོང་ཁའི། ཀ་མ་དྷི་ཀ་ནི་ཨ་མུ་ཀ་ཁའི། གཟུགས་ཀྱི་མཐའ་མ་ཡིན་ཞེས་པ། །བརྒྱ་འམ་སྟོང་གིས་བྱ་བར་བཤད། །སྲོད་ཀྱི་དུས་སུ་བྱ་བར་ཡིན། །རྡོ་རྗེ་ཨུར་མོ་ལས་རྟོག་པ་བཅུ་དྲུག་པའོ།། །།རྡོ་རྗེ་ཁྲོ་བོས་ཡང་དག་བཤད། །འབའ་འདྲ་ནག་པོ་སྒྲལ་བ་ཡི། །ཨུར་མོ་གསང་བའི་རྟོག་པ་འདི། །འདི་ལས་གསང་བའི་ཡང་ཏིག་མེད། །བླ་མ་རྡོ་རྗེ་སྤུན་དག་དང་། །སྔགས་པ་བྱང་ཆུབ་སེམས་དཔའི་རིགས། འདི་དག་ཡོངས་ཀྱི་སྲོག་ཡིན་པས། །དེ་ལ་བྱས་ན་བྱང་ཆུབ་མེད། །འབྲས་བུ་རང་ཕུང་ན་རག་པེས། །དེ་ཡི་རྣམ་ཤེས་འཕྲོག་པར་བྱེད། །ཇི་སྲིད་རྡོ་རྗེ་ནང་འགྲས་ན། །རང་གིས་མ་ཉེས་ངེས་པས་ཙམ། །བཤགས་དང་མཁའ་འགྲོ་མཆོད་དང་བསྐང་། །ལྟ་བ་དོན་དང་ལྡན་པར་བྱ། །དགེ་བཅུ་བླང་དང་ཡང་དག་བརྗོད། །དེ་བས་དེ་རྫོགས་བཤགས་པ་བྱ། །རྡོ་རྗེ་ཨུར་མོ་ལས་རྟོག་པ་བཅུ་བདུན་པའོ།། །།རྡོ་རྗེ་འབར་བ་དྲག་པོ་ཡིས། །ཨུར་མོ་ནག་གཅོད་རྣམ་པར་རྒྱལ། །སེང་གེ་ཁ་འཐབ་རྩལ་གྱི་མཆོག །ཉི་ཟླ་ཁ་སྦྱོར་གསལ་བའི་མཆོག །ཨུར་མོ་ནང་འཐབ་ཤིག་པའི་མཆོག །རྡོ་རྗེ་ཁྲོ་བོ་ཁྱོད་ལ་འདུད། །རྡོ་རྗེ་ལས་གྲུབ་ཁྱོད་ལ་འདུད། །སྔགས་ཀྱི་ངོ་བོ་ཁྱོད་ལ་འདུད། །རྡོ་རྗེ་འཇིགས་བྱེད་འཇིགས་པར་བྱེད། །རྡོ་རྗེ་རྣོན་པོ་རལ་གྲི་ཆེ། །མ་ལུས་སྒྲོལ་འདུད་ཁྱོད་ཕྱག་འཚལ། །རྫོགས་པའི་སངས་རྒྱས་ཀུན་འདུས་པའི། །དཀྱིལ་འཁོར་རྫོགས་པ་བླ་མེད་དོན། །རྡོ་རྗེ་གཅོད་པའི་ལས་གསུངས་པའོ། །རྡོ་རྗེ་གཅོད་བ་ཨུར་མོ་ལས་རྟོག་པ་བཅོ་བརྒྱད་པའོ།། །།རྡོ་རྗེ་ཁྲོ་བོ་རྣམ་པར་གཅོད་ཁྲོ་བོ་རྣམ་རྟོག་རྒྱལ་བའི་ཡང་སྙིང་། །རྟོག་པ་བསྡུས་པའི་རྒྱུད་ཁྲོ་བོ་ཐམས་ཅད་ཀྱི་ཡང་སྙིང་རྫོགས་སོ།། །། རྒྱ་གར་སྐད་དུ། བཛྲ་མ་སྨུརུ་རཀྟ་ཏནྟྲ། བོད་སྐད་དུ། རྡོ་རྗེ་ཉི་མཁྲག་འཐུང་གི་རྒྱུད། །བཅོམ་ལྡན་འདས་དཔལ་ཡ་མན་ཏ་ཀ་ལ་ཕྱག་འཚལ་ལོ། །རྡོ་རྗེ་ཉི་མ་ཁྲག་འཐུང་