Ngb-pt-0142-vol-02-text
Front
Body
༄༅ རྒྱསཔརྣལལོསྨོརཔའིརྒྱུདལཛུད། ་། རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་ཞེས་བྱ་བ་རྣལ་འབྱོར་མ་ཡི་རྒྱུད། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད། སྐུ་གསུང་ཐུགས་ཀྱི་རང་བཞིན། བདེ་བའི་མཆོག །བཙུན་མོ་དམ་པ་བདེ་བའི་མཆོག་གི་པདྨ་ལ་རྣམ་པར་བཞུགས་སོ། །དེ་ཡི་བྱིན་གྱིས་རླབས་ལས་བྱུང་བ། ལོངས་སྤྱོད་རྫོགས་པར་མཛད་པའི་ལོངས་སྤྱོད་ཆེན་པོ། །བཙུན་མོ་དམ་པའི་པདྨ་གཞལ་ཡས་ཁང་བརྩེགས་པ། དབྱིབས་དང་ཚད་དཔག་ཏུ་མེད་པ། རྡོ་རྗེ་རྣམ་པར་སྣང་མཛད་དང་། རྡོ་རྗེ་མི་བསྐྱོད་པ་དང་། རྡོ་རྗེ་དཀོན་མཆོག་དཔལ་དང་། རྡོ་རྗེ་ཚེ་མཐའ་ཡས་དང་། རྡོ་རྗེ་གྲུབ་པ་གདོན་མི་ཟ་བ་དང་། བཙུན་མོ་དམ་པ་ཡངས་པའི་སྤྱན་དང་། མི་བསྐྱོད་མ་དང་། དོན་རིན་ཆེན་དཔལ་མ་དང་། ཚེ་དཔག་མེད་མ་དང་། གྲུབ་མ་གདོན་མི་ཟ་བ་དང་། གཞན་ཡང་བྱང་ཆུབ་སེམས་དཔའ་སའི་སྙིང་པོ་དང་། ཕྱག་ན་རྡོ་རྗེ་དང་། ནམ་མཁའི་སྙིང་པོ་དང་། འཇིག་རྟེན་དབང་ཕྱུག་དང་། བྱམས་པ་དང་། འཇམ་པའི་དབྱངས་དང་། སྒྲིབ་པ་རྣམ་པར་སེལ་བ་དང་། ཀུན་ཏུ་བཟང་པོ་དང་། བཙུན་མོ་དམ་པ་སྒེག་མོ་དང་། ཕྲེང་བ་མ་དང་། དབྱངས་མ་དང་། གར་བྱེད་མ་དང་། བདུག་སྤོས་མ་དང། མེཏོགམདང། མར་མེ་མ་དང་།དྲེ་ཆབ་མ་དང་། དམ་པའི་སྒོ་སྲུང་གཤིན་རྗེ་གཤེད་པོ་དང་། རྣམ་པར་རྒྱལ་བ་དང་། པདྨ་མཐར་བྱེད་དང་། བདུད་རྩི་ཐབ་སྦྱོར་དང་། བཙུན་མོ་དམ་པ་གཤིན་རྗེ་གཤེད་མོ་དང་། རྣམ་པར་རྒྱལ་མ་དང་། པདྨ་མཐར་བྱེད་མ་དང་། བདུད་རྩི་ཐབ་སྦྱོར་མ་དང་། དེ་དག་ལ་སོགས་པ་འཁོར་རྣམས་དང་གཉིས་སུ་མེད་པར་བཞུགས་སོ། །དེ་ཡང་དཔེར་ན་ཏིལ་འབྲུ་བཞིན་དུ་གང་ནས་ཁྱབ་པར་བཞུགས་པ་སྟེ། དེ་དག་གི་འོད་ཀྱིས་འཇིག་རྟེན་གྱི་ཁམས་སྣང་བར་བྱས། གང་བར་བྱས། ཁྱབ་པར་བྱས་ནས། ལྷན་ནེ་ལྷང་ངེ་བ་ཇི་ལྟ་བ་བཞིན་དུ་གནས་པར་གྱུར་ཏོ། །དེ་ནས་ལོངས་སྤྱོད་པར་མཛད་པའི་ལོངས་སྤྱོད་ཆེན་པོའི་བྱིན་རླབས་ལས། ཐུབ་པ་ཆེན་པོ་རྣམས་སྟོང་གསུམ་གྱི་སྟོང་ཆེན་པོ་རྣམས་སུ་འབྱུང་བར་གྱུར་ཏེ། དེ་དག་གི་མཐུས་འཇིག་རྟེན་གྱི་ཁམས་ཐམས་ཅད་གཡོས།རབ་ཏུ་གཡོས། ཀུན་ཏུ་གཡོས། ཤིག་ཤིག །རབ་ཏུ་ཤིག་ཤིག །ཀུན་ཏུ་ཤིག་ཤིག་གོ །ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ། །འུར་འུར། རབ་ཏུ་འུར་འུར། ཀུན་ཏུ་འུར་འུར། དེ་ནས་མཐའ་དང་དབུས་ཀྱང་མཉམ་པར་གྱུར་ནས། སེམས་ཅན་ཐམས་ཅད་འདུལ་བར་མཛད་དོ། །དེ་ཡང་སྨོན་ལམ་གྱི་དབང་གིས་སྐུ་སྣ་ཚོགས་པ་དང་། གསུང་སྣ་ཚོགས་པ་དང་། ཐུགས་སྣ་ཚོགས་པས་འདུལ་བར་མཛད་དོ། །སྐུའི་འདུལ་བ་ནི་མིའི་ཆ་བྱད་དུ་གྱུར་ནས། བལྟམས་པ་དང་། རབ་ཏུ་བྱུང་བ་དང་།དཀའ་ཐུབ་མཛད་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པ་དང་། གཞན་ཡང་སེང་གེའི་ཆ་བྱད་དང་། གླང་པོ་ཆེའི་ཆ་བྱད་ལ་སོགས་པས་འདུལ་བར་མཛད་དོ། །གསུང་གི་འདུལ་བ་ལ་ནི་ལྷ་ལ་ལྷའི་སྐད་དང་། ཀླུ་ལ་ཀླུའི་སྐད་དུ་འདུལ་བར་མཛད་དོ། །ཐུགས་ཀྱི་འདུལ་བ་ལ་ནི་ཏིང་ངེ་འཛིན་ཀྱི་འོད་ཟེར་དང་། རྫུ་འཕྲུལ་གྱིས་ཆོ་གས་འདུལ་བར་མཛད་དོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ལོངས་སྤྱོད་པར་མཛད་པའི་ལོངས་སྤྱོད་ཆེན་པོ་དེས། རྒྱལ་པོ་སྤྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་གྱི་ནང་དུ་ཞལ་འཛུམ་པར་མཛད་ནས་མི་སྣང་བར་མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། མགྲིན་གཅིག་ཏུ་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་བདག་པོ་མཆོག །ཐབས་མཁས་ཐུགས་རྗེས་གཟུང་སླད་དུ། །སྐུ་ཡི་དབྱིག་ཏུ་བདག་སྦྱོར་ཅིག །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དེས། ཀུན་ཏུ་བཟང་པོའི་གཟུགས་སུ་བྱུང་ནས། ཞལ་གསུམ་ཕྱག་དྲུག་པརདེབཞིནགཤེགསཔཐམས་ཅད་ཀྱིས་གཟིགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཀུན་ཏུ་བཟང་པོ་ལ། དེ་བཞིན་གཤེགས་པ་རྣམ་པར་སྣང་མཛད་ལ་སོགས་པས། ཕྱི་ནང་གསང་བའི་མཆོད་པས་ཡང་དག་པར་མཆོད་དེ། ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། བདག་ཅག་རྣམས་གསང་བའི་དཀྱིལ་འཁོར་དུ་དབང་བསྐུར་བར་མཛད་དེ། མཚན་མ་མེད་པའི་ཆོས་ཀྱི་འཁོར་ལོ་བསྐོར་དུ་གསོལ་ཞེས་བརྗོད་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཡང་མཉེས་པས་ཁྱབ་པར་གྱུར་ཏེ། འདི་སྐད་ཅེས་བཀའ་སྩལ་ཏོ། །ཨེ་མ་ཧོ་རྒྱུད་འདི་རྟོགས་དཀའ་བས། དེ་དག་གི་ཐབས་ཞུ་འདོད་པ། ལེགས་སོ་ལེགས་སོ་བྱང་ཆུབ་ཆེ། །ལེགས་སོ་ལེགས་སོ་གུས་པར་ཉོན། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རབ་ཏུ་དགའ་བའི་སྤྱན་རྒྱས་པས་ཡང་ནས་ཡང་དུ་ཕྱག་བཙལ་ནས་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་ཀྱི་སངས་རྒྱས། །ཨེ་མ་ཧོ་སངས་རྒྱས་གསུངས་པ་ལེགས། །ཨེ་མ་ཧོ་བྱང་ཆུབ་ཆེན་པོའི་མཆོག །བཅོམ་ལྡན་འདས་ཀྱིས་བཤད་དུ་གསོལ། །ཨེ་མ་ཧོ་སེམས་ཅན་ཐམས་ཅད་ནི། །བྱང་ཆུབ་ཏུ་ནི་སྒྲུབ་པའི་ཐབས། །ཤིན་ཏུ་སྦྱོར་བའི་ཏིང་འཛིན་མཆོག །གཟུ་བོ་ཆེན་པོས་བཤད་དུ་གསོལ། །དེ་ནས་བཅོམ་ལྡན་འདསདེབཞིནགཤེགསཔཐམས་ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །སེམས་ཅན་བྱང་ཆུབ་སྒྲུབ་པའི་ཐབས། །ཡང་དག་ཤིན་ཏུ་རྣལ་འབྱོར་འདི། །མྱུར་དུ་བླ་མེད་འདོད་པའི་ཕྱིར། །ཉོན་ཅིག་ང་ཡིས་བཤད་པར་བྱ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཟིལ་གྱིས་གནོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་རྣམས་གསང་བའི་དཀྱིལ་འཁོར་དུ་བཅུག་ནས་དབང་བསྐུར་བར་མཛད་དོ། །དེ་ནས་གདོད་ཆོས་འཆད་དོ། །ཀུན་གྱི་རང་བཞིན་དེ་བཞིན་ཉིད། །ཀུན་གྱིས་བསྒྲུབ་པར་བྱ་བ་སྟེ། །ཐབས་སུ་ཡེ་ཤེས་བསྐྱེད་པ་ལ། །ཕྱོགས་སུ་བལྟས་པས་མཐོང་བ་མེད། །དེ་བཞིན་ཉིད་ཀྱི་རང་བཞིན་ནི། །སུས་ཀྱང་མཐོང་བར་མི་ནུས་ཏེ། །སངས་རྒྱས་ཀྱིས་ཀྱང་མ་གཟིགས་པས། །རང་བྱུང་ཡེ་ཤེས་གནས་མེད་སྣང་། །དེ་ཉིད་ཕྱིར་ན་རང་བཞིན་མེད། །མེད་ལས་མེད་པའི་འབྲས་བུ་འབྱུང་། །ཡོད་དང་མེད་པ་གཉིས་མེད་པས། །རྟོག་མེད་དབུ་མ་ཞེས་བྱའོ། །རང་བཞིན་དེ་ཉིད་ཁོ་ན་ལ། །བརྗོད་པའི་རང་བཞིན་ཅི་ཡང་མེད། །དབང་པོའི་ཡུལ་དུ་གང་གྱུར་པ། །དེ་དག་ཚད་མ་མ་ཡིན་ནོ། །ཆོས་རྣམས་ཀུན་གྱི་རང་བཞིན་ནི། །སྐྱེ་བ་མེད་ཅིང་འགགས་པ་མེད། །རྟག་དང་ཆད་པའང་ཡོད་མིན་ཏེ། །ཐ་དད་མ་ཡིན་དོན་གཅིག་མིན། །འོང་བ་མེད་ཅིང་འགྲོ་བ་མེད། །སྤྲོས་པ་ཉེ་བར་ཞི་བའོ། །དམ་པའི་དོན་ལ་དངོས་མེད་དེ། །མིག་དང་རྣ་བ་སྣ་དང་ལྕེ། །ལུས་དང་ཡིད་ལ་སོགས་པ་ཡི། །དབང་པོ་རྣམས་ཀྱིས་མཐོང་མིན་ཏེ། །མཐོང་བ་བློ་ཡིསབསླད་པ་ཡིན། །ཡང་དག་མ་རྟོགས་འཁོར་བ་དང་། །མྱ་ངན་འདས་པར་རློམས་སེམས་ཡོད། །ཡང་དག་རྟོགས་ན་འཁོར་བ་དང་། །མྱ་ངན་འདས་པ་རློམ་སེམས་མེད། །དེ་བཞིན་ཉིད་ལ་གནས་བཅས་ན། །གཡོ་དང་མི་གཡོ་རྣམ་པར་དག །གཟུང་དང་འཛིན་པ་རྣམ་དག་ནས། །ཕྲ་རྒྱས་འགགས་ཤིང་སྐྱེ་བ་མེད། །བརྗོད་མེད་རྣམ་པར་མི་རྟོག་པ། །ཡི་གེ་མེད་པའི་གསུང་མཆོག་སྟེ། །སྒྲ་ཡིག་རྣམ་པར་སྤངས་ནས་ནི། །སེམས་ཀྱི་རྒྱུ་བའང་བཀག་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། རང་བཞིན་གནས་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། འཁོར་རྣམས་ཀྱིས་གོང་དུ་གསོལ་བ་བཏབ་པ་མཁྱེན་ནས་ཡང་ཆེད་དུ་བརྗོད་པ་འདི་བརྗོད་དོ། །རང་བཞིན་གནས་པའི་ཆོས་ཉིད་ནི། །ཞི་བ་བླང་དོར་མེད་པ་སྟེ། །བརྟག་པར་དཀའ་ལ་བསྟན་པར་དཀའ། །བརྗོད་པའི་ཐ་སྙད་རྣམས་དང་བྲལ། །རྡོ་རྗེའི་སྐུ་དེ་འདུས་མ་བྱས། །སྐྱེ་ཤི་མེད་པའི་གཡུང་དྲུང་སྐུ། །དུས་གསུམ་འདུས་མ་བྱས་པ་སྟེ། །རྟག པ ཆེནཔོཀུནཏུའོད། །འདི་ཞེས་བསྟན ཞིངམཚོནདུམེད། །ངས་ཀྱང་མཐོང་བར་མི་ནུས་སོ། །མངོན་སུམ་མི་གནས་ཀུན་ཏུ་ཁྱབ། །ཟད་མི་ཤེས་པའི་གཏེར་དུ་འགྱུར། །ཆོས་རྣམས་ཀུན་གྱི་རང་བཞིན་ནི། །སྟོང་པ་ཉིད་ལས་གཞན་མིན་པས། །འཁོར་བ་དང་ནི་མྱ་ངན་འདས། །བྱེ་བྲག་དབྱེ་བ་གཅིག་ཀྱངམེད། །དེ་དག་གཉིས་ཀྱི་ཁྱད་པར་ནི། །ཆ་ཤས་ཙམ་ཡང་ཡོད་མིན་ཏེ། །ཕུང་པོ་ཁམས་དང་སྐྱེ་མཆེད་དང་། །རྟེན་ཅིང་འབྲེལ་འབྱུང་ལ་སོགས་པ། །སྟོང་པ་ཉིད་ལས་གཞན་མིན་ཏེ། །ཆོས་རྣམས་རང་བཞིན་སྟོང་པ་ལ། །སྐྱེ་བོ་རྣམས་ཀྱིས་མཐོང་བ་མིན། །དེ་ཕྱིར་ཆོས་རྣམས་རང་བཞིན་ནི། །དེ་བཞིན་གཤེགས་པ་ཞེས་བྱ་བས། །ཆོས་རྣམས་བདེ་བར་གཤེགས་དང་འདྲ། །གཞན་ནས་བཙལ་བས་རྙེད་པ་མིན། །ཡང་དག་ཉིད་དུ་གང་བལྟ་བས། །ཡང་དག་མཐོང་བར་མི་ནུས་ཏེ། །འགའ་ཡང་མཐོང་བ་མེད་པ་ནི། །དེ་ཉིད་མཐོང་བ་ཆེན་པོའོ། །མྱ་ངན་འདས་དང་སངས་རྒྱས་པ། །གང་གིས་མཐོང་བར་མི་ནུས་ཏེ། །པདྨ་སྤྱན་གྱི་ཡེ་ཤེས་ཀྱིས། །སྐད་ཅིག་གཅིག་ལ་མངོན་བྱང་ཆུབ། །རང་་བཞིན་གཅིག་གི་བདག་ཉིད་ལ། །རྣམ་པ་ཐ་དད་དུ་མར་སྣང་། །ལོག་པར་བརྟགས་པའི་བདག་ཉིད་པས། །འགྲོ་བ་འཁྲུལ་པ་རྒྱར་ཆུད་འདྲ། །རྣམ་རྟོག་མེད་པའི་སེམས་ལ་ནི། །འབྱུང་བ་ལ་སོགས་བཅོམ་ལྡན་འདས། །ཆུབ་པར་གནས་པས་བཅོམ་ལྡན་འདས། །འགྲོ་བ་ཀུན་ལ་རང་བཞིན་གནས། །སངས་རྒྱས་ཀུན་གྱི་རྒྱུ་ཉིད་པས། །འགྲོ་བ་རང་བྱུང་གཞན་ལས་མིན། །དེ་བས་སེམས་ཅན་ཐམས་ཅད་ནི། །སངས་རྒྱས་སྙིང་པོ་ཅན་རྣམས་ལས། །མ་རིག་རྟོག་པའི་ཕྲ་རྒྱས་ཀྱིས། །སྡུག་བསྔལ་སྣ་ཚོགས་མྱོང་བར་གྱུར། །སེམས་ཅན་ཀུན་གྱི་རང་བཞིན་ནི། །ཆོས་ཀྱི་དབྱིངས་ཀྱི་བྷ་ག་ཏེ། །ཀུན་ལ་ཁྱབ་པའི་ནམ་མཁའ་འོ། །དེ་མ་མཐོང་བས་དེ་མི་མཐོང་། །དེ་ནི་དེ་སྒྲིབ་སྐྱོན་ཆེན་ཡིན། །ཡངས་ལ་རྒྱ་ཆེ་གཏིང་ཟབ་པ། ཁྲེས་རབ་ཅན་གྱིས་རྟོགས་གྱུར་ཏེ། །གང་ནས་མ་འོངས་གར་མི་འགྲོ། །འོང་དང་འགྲོ་བར་བྱ་བ་མིན། །ཇི་སྙེད་ཐེག་པ་རྣམ་མང་ཡང་། །ཡང་དག་དོན་གྱི་སྙིང་པོ་ནི། །གང་ནས་བཙལ་ཀྱང་མི་རྙེད་དེ། །རང་རིག་སྒྲིབ་མེད་དག་པ་ཡིན། །དངོས་པོ་འདི་དག་སྐྱེ་མེད་དེ། །ཡང་དག་མ་ཡིན་ཀུན་བརྟགས་ཡིན། །ཆོས་ཀྱི་དབྱིངས་ཀྱི་རང་བཞིན་ཡང་། །དེ་ཉིད་ལོག་པའི་ངོ་བོ་ལས། །ཁྱད་པར་འགའ་ཡང་ཡོད་པ་མིན། །དེ་བཞིན་ཉིད་ནི་ཆགས་མེད་དེ། །མ་སྐྱེས་མི་འགགས་མི་དམིགས་ཤིང་། །མི་རྟོག་བདེ་དང་ལྡན་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཆོས་ཉིད་མི་འགྱུར་བ་བསྟན་པའི་ལེའུ་སྟེ་་གསུམ་པའོ།། །།དེ་ནས་བཅོམ་ལྡན་འདསདེབཞིནགཤེགསཔཐམས་ཅད་ཀྱི་བདག་པོ་དགྱེས་པ་ཆེན་པོས། ཉིད་ཀྱི་ཆེ་བ་དབྱུང་བར་བཞེད་ནས། སྐུ་དང་ཡེ་ཤེས་ཀྱི་བདག་ཉིད་འདི་ལྟ་བུ་གསུངས་སོ། །ཀུན་ལ་ཁྱབ་པ་རང་བཞིན་ནི། །སངས་རྒྱས་ཀྱིས་ཀྱང་མ་གཟིགས་ཏེ། །མངོན་སུམ་མི་གནས་ཀུན་ཏུ་ཁྱབ། །ཀུན་ཏུ་འོད་དེ་འདུས་མ་བྱས། །རྟག་པ་ཉིད་དེ་རྡོ་རྗེ་སྐུ། །ཀྭ་ཡ་དག་པའི་སྐུ་མཆོག་དེ། །ཆོས་ཉིད་སྐུ་ཞེས་བཤད་པ་ཡིན། །དེ་རྟོགས་གསལ་བར་བཤད་པ་ནི། །རང་བྱུང་ཡེ་ཤེས་ཆེན་པོ་སྟེ། །ཀུན་གཞི་ལ་སོགས་གྱུར་པ་ལས། །ཐབས་ཀྱི་རིམ་པ་བྱུང་བ་ནི། །པདྨ་སྤྱན་ཏེ་འདུས་བྱས་སོ། །མི་རྟོག་མངོན་བྱང་ཆུབ་པའི་སྐུ། །ག་ཎ་བསགས་པའི་སྐུ་མཆོག་སྟེ། །སྟོང་པ་ཉིད་ཀྱི་ཡེ་ཤེས་པས། །སྐད་ཅིག་གཅིག་མངོན་རྫོགས་བྱང་ཆུབ། །གཉིས་སུ་མེད་པ་ཆོས་ཀྱི་སྐུའོ། །བྱིན་གྱིས་རླབས་ལས་བྱུང་བ་ཡི། །རང་བཞིན་དཀྱིལ་འཁོར་ཆེན་པོ་ནི། །ཀུན་རྫོབ་དོན་དུ་སེམས་བསྐྱེད་ནས། །སྣང་བ་མི་འགོག་པ་ཡི་ཐབས། །སྔགས་དང་ཕྱག་རྒྱ་རབ་བསྟན་པས། །རྡོ་རྗེ་དབྱིངས་ཀྱི་དཀྱིལ་འཁོར་ཤར། །ལོངས་སྤྱོད་སྐུ་དེ་རྟེན་འབྲེལ་མཆོག །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་བྱད་ལྡན་པར་གནས། །རྒྱུན་གྱིས་རྟག་པ་བསོད་ནམས་སྐུ། །ཡེ་ཤེས་རྣམ་དག་ཡང་དག་ལྡན། །མགོན་པོ་བདག་ཉིད་ཆེན་པོས་ནི། །རྡོ་རྗེ་འཁོར་ལོ་བསྐོར་བ་ན། །ལྗགས་ཀྱི་དབང་པོ་བཀྲམ་ནས་ནི། །ཆོས་ཀྱི་འཁོར་ལོ་བསྐོར་བར་བྱེད། །རིག་པའི་སྐྱེས་བུ་ཆེན་པོ་ལ། །སྨོན་ལམ་ལས་ནི་རྟེན་འབྲེལ་པས། །འཇིག་རྟེན་ཁམས་ནི་ཐམས་ཅད་དུ། །སྤྲུལ་པའི་སྐུ་ནི་སྣང་བར་བྱེད། །ཡེ་ཤེས་རྣམས་དང་ཡང་དག་ལྡན། །མི་རྟག་ཉིད་དེ་འདུས་བྱས་པས། །བལྟམས་ནས་མྱ་ངན་འདའ་བར་སྟོན། །ལོག་པར་རྟོག་པ་ཐམས་ཅད་ལ། །ཐུགས་རྗེའི་ཞིང་དུ་འབྲེལ་པས་ན། །སྐུ་གསུང་ཐུགས་ཀྱི་རིམ་པས་ནི། །འགྲོ་བའི་རྒྱུད་རྣམས་སྨིན་པར་མཛད། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། འབྲས་བུའི་བདག་ཉིད་སྐུ་དང་ཡེ་ཤེས་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། བསྒྲུབ་པར་བྱ་བའི་དོན་གྱི་ཐབས། སྐུ་དང་གསུང་དང་ཐུགས་ཀྱི་དཀྱིལ་འཁོར་འདི་རྣམས་གསུངས་སོ། །ཆོས་རྣམས་ཀུན་གྱི་དེ་བཞིན་ཉིད། །ཕོ་མོ་མ་ཡིན་མ་ནིང་མིན། །མཚན་མེད་མ་ཡིན་རིགས་རྒྱུད་མིན། །ཁ་དོག་མ་ཡིན་དབྱིབས་མ་ཡིན། །སྐུ་གསུང་ཐུགས་ཀྱི་རྒྱུད་ཡིན་ཏེ། །མེད་པ་མ་ཡིན་མེད་པ་ཡི། །འབྲས་བུ་འབྱུང་བས་སྙིང་པོ་ཡོད། །ཀུན་ཏུ་ཁྱབ་པའི་དབྱིངས་ཉིད་ལས། །དཀྱིལ་འཁོར་སྣ་ཚོགས་བརྗོད་མི་ལངས། །ཆོས་དང་ལོངས་སྤྱོད་རྫོགས་སྐུ་དང་། །བསམ་ཡས་སྤྲུལ་སྐུ་སྣ་ཚོགས་པས། །རྣམ་པར་འཕྲོ་ཡང་སྤྲོས་པ་མེད། །རྣམ་དག་སྐུ་སྟོན་མ་ཡིན་ཏེ། །སྲིད་གསུམ་འགྲོ་བ་ཐམས་ཅད་ལ། །ཇི་ལྟར་འདུལ་བའི་སྐུ་སྟོན་ཡང་། །སྟོང་ཉིད་དབྱིངས་ལས་གཡོས་པ་མེད། །ཅེས་བརྗོད་པས། སྐུའི་དཀྱིལ་འཁོར་ཐམས་ཅད་ཅི་ཡང་མི་སྣང་བར་གྱུར་ཏོ། །དེ་ནས་ཡང་གསུང་གི་དཀྱིལ་འཁོར་འདི་དག་གསུངས་སོ། །བརྗོད་དུ་མེད་པའི་བདག་ཉིད་ལས། །འདུལ་བའི་དབང་གིས་ཇི་སྙེད་པ། །རྟོག་འདུལ་སྒྲ་སྐད་དེ་སྙེད་འཕྲོ། །ཐེག་གཅིག་ཐེག་གཉིས་ཐེག་པ་གསུམ། །ཐེག་པ་ལྔ་དང་བསམ་མི་ཁྱབ། །ཐེག་པ་མཐའ་དག་ངས་བསྟན་ཏེ། །དབུས་མཐའ་རྣམ་པར་བཀག་པའོ། །གསུང་གཅིག་དཀྱིལ་འཁོར་ཡང་དག་ནི། །བསམ་གྱིས་མི་ཁྱབ་ཀུན་ཏུ་འཕྲོ། །ཐམས་ཅད་གསུང་གི་དཀྱིལ་འཁོར་མཆོག །བརྒྱད་ཁྲི་བཞི་སྟོང་མཐའ་ཡས་པ། །གསང་བའི་དབྱིབས་སུ་ཐིམ་མཛད་དོ། །ཞེས་བརྗོད་པས། གསུང་གི་དཀྱིལ་འཁོར་དེ་དག་ཐམས་ཅད་ཆོས་ཀྱི་དབྱིངས་སུ་ཐིམ་ནས་མི་གསལ་བར་གྱུར་ཏོ། །དེ་ནས་ཐུགས་ཀྱི་དཀྱིལ་འཁོར་ཆེན་པོ་འདི་གསུངས་སོ། །དེ་བཞིན་ཉིད་ཀྱི་ཕྱག་རྒྱ་ལས། །ཕྱག་རྒྱ་ཆེན་པོ་རྣམ་འཕྲོ་བས། །དེ་བཞིན་རིགས་དང་རྡོ་རྗེའི་རིགས། །རིགས་ཆེན་རིགས་ལ་སོགས་པ་ཡི། །ཕྱག་རྒྱ་ཆེན་པོ་འོད་དུ་འབར། །ཨུ་དུམ་ཝ་རའི་མེ་ཏོག་བཞིན། །བརྒྱ་ལམ་ལ་ནི་རེ་འགའོ། །སྒྱུ་མའི་དཀྱིལ་འཁོར་ཐམས་ཅད་ཀྱང་། །རང་བཞིན་སྣང་བའི་རིག་པ་སྟེ། །གཞན་ན་ཡོད་པ་མ་ཡིན་ནོ། །དེབཞིནགཤེགསཔཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པ་ཞེས་བྱ་བའི་རྒྱུད་ལས། སྐུ་དང་གསུང་དང་ཐུགས་ཀྱི་དཀྱིལ་འཁོར་མི་རྟོག་པར་བསྟན་པའི་ལེའུ་སྟེ་ལྔ་པའོ།། །།དེ་ནས་དེ་བཞིན་གཤེགས་པ་ཐམས་ཅད་བཙུན་མོའི་ཚོགས་དང་བཅས་པས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། ལན་གསུམ་བསྐོར་བ་བྱས་ཏེ། ཕྱག་འཚལ་བས་འདུན་པའི་མགྲིན་གཅིག་ཏུ་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱི་བདག་པོ་མཆོག །མ་འོངས་རྣམས་ཀྱི་དོན་སླད་དུ། །ཐབས་ཀྱི་མཆོག་ཏུ་གང་གྱུར་པ། །གཟུ་བོ་ཆེན་པོས་བཤད་དུ་གསོལ། །དེ་ནས་བཅོམ་ལྡན་འདས་དགྱེས་པ་ཆེན་པོས། ཞལ་འཛུམ་པ་མཛད་དེ་ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ལ། །གསང་བ་དམ་པ་འདི་ལྟ་བུ་གསུངས་སོ། །གང་ཞིག་བསྒྲུབ་པར་འདོད་པ་ནི། །ཐོས་བསམ་བསྒོམ་ལ་རབ་གནས་ཤིང་། ཁྲེས་རབ་ཅན་དུ་གང་གྱུར་པ། །སྙིང་རྗེའི་མཐུ་ལས་བྱུང་བ་ལ། །བྱང་ཆུབ་སེམས་དཔའ་ཡང་དག་ལྡན། །གཏོང་དང་ཚུལ་ཁྲིམས་ལ་སོགས་པ། །སྤྱོད་པ་རྒྱ་མཚོའི་གཞིར་གྱུར་ཏེ། །དབང་བསྐུར་ཆོ་ག་ཕུན་སུམ་ལྡན། །རྣལ་འབྱོར་རྒྱུ་ནི་ཐམས་ཅད་ལས། །ཐབས་ཀྱི་རིམ་པར་གང་གྱུར་པ། །རིན་ཆེན་རིགས་སུ་གང་ལྡན་པས། །བླ་མའི་ཁ་ནས་རྟོགས་པར་བྱ། །གང་དག་བསྒྲུབ་པར་འདོད་པ་ལ། །ཇི་སྐད་གསུངས་པའི་ཡོན་ཏན་ལྡན། །མང་དུ་ཐོས་ཤིང་ཤེས་རབ་ལྡན། །འཁོར་གྱི་འཇིགས་བྲལ་སྐྱེ་བ་མེད། །སེང་གེའི་ཐུགས་རྗེ་རབ་ལྡན་པས། །དམ་པའི་དོན་ཉིད་མ་ནོར་བསླབ། །དེ་བཞིན་གཤེགས་པ་ཐམས་ཅད་ཀྱི། །ཐེག་པའི་མཆོག་སྟེ་བླ་ན་མེད། །མཆོག་ཏུ་གྱུར་པ་བསྒྲུབ་པར་བྱ། །ཡང་དག་མཐོང་བས་རྟོགས་གྱུར་ནས། །རང་བཞིན་མེད་ལས་ཅིར་ཡང་སྣང་། །རང་བཞིན་མེད་པའི་དོན་དེ་ནི། །བླུན་པོ་རྟོག་གེའི་སྤྱོད་ཡུལ་མིན། །རང་བཞིན་རང་བཞིན་མེད་མཐོང་ན། །སྒྲིབ་པ་ཀུན་ལས་ངེས་གྲོལ་ཏེ། །ཏིང་ངེ་འཛིན་གྱི་བདེ་བ་ལས། །རང་བཞིན་ཀུན་ངམ་ལྷུན་གྱིས་གྲུབ། །དངོས་པོའི་དབང་གི་འདི་ཞེས་ནི། །རྡོ་རྗེ་སེམས་དཔས་མ་གསུངས་ཏེ། །སེམས་ཅན་བསམ་པའི་དབང་གིས་ན། །གསང་བ་རྣམ་པ་དུ་མ་གསུངས། །གསང་བ་དབྱིངས་ཀྱི་དབུས་དག་ཏུ། །ཉི་ཟླ་པདྨར་བཅས་པའི་གདན། །བསྐྱེད་དང་རྫོགས་དང་གང་ལྡན་པས། །དཀྱིལ་འཁོར་ཐམས་ཅད་བསྒོམ་པར་བྱ། །མཚོན་ཆ་རྣམས་ཀྱིས་དྲངས་ནས་ནི། །ས་ཧུ༷་འཁྲིལ་བའི་བདེ་བར་གནས། །རིམ་པ་རིམ་པ་མ་ཡིན་པའི། །རིན་ཆེན་སྟེང་དང་འོག་གི་སྒོ། །རབ་བརྟན་པ་ལས་ཨ་དཀར་ཏེ། །ཏིལ་འབྲུ་ཙམ་དུ་བསྒོམ་པར་བྱ། །ཡང་ན་ཡུངས་ཀར་ཙམ་དུ་སྟེ། །མཁས་པས་ཆོ་ག་བཞིན་དུ་བསྒོམ །ཡང་དག་ཉིད་དེ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཡང་དག་མ་མཐོང་འཇིག་རྟེན་སེམས། །མི་ཤེས་བླུན་པས་བྱིས་པ་འདྲ། །བྱིས་པ་རྣམས་ལ་བརྗོད་པ་བཤད། །རྣལ་འབྱོར་པ་ལ་གདམས་ངག་གོ། ཁྲེས་རབ་ཐབས་ལ་བརྟེན་ནས་ནི། །དཀྱིལ་འཁོར་ཐམས་ཅད་འགྲུབ་པ་ཡིན། །གསང་བ་དག་ལ་འཇུག་པ་ན། །འདོད་པའི་དགའ་བ་མ་ཡིན་ཏེ། །ཏིང་ངེ་འཛིན་ལས་སྐྱེས་པ་ཡིས། །དགའ་བ་དག་ནི་བླང་བར་བྱ། །དེ་ནི་དགའ་བ་ཆེན་པོ་སྟེ། །ཡང་དག་བདེ་བ་ཆེན་པོ་ཡིན། །ཆེ་བའི་ཡེ་ཤེས་རྙེད་དཀའ་བ། །ཤེས་རབ་ཐབས་ལ་བརྟེན་ནས་འགྲུབ། །ཤེས་རབ་ཐབས་ཀྱི་ཕྱག་རྒྱ་ལས། །བདེ་བའི་རོལ་མོ་རྣམ་འཕྲོ་བ། །འོད་ཟེར་ལྕགས་ཀྱུས་དྲངས་པ་རྣམས། །རིམ་པ་རིམ་པ་མ་ཡིན་པས། །སྙིང་གའི་པདྨར་ཡང་དག་གཞུག །ཡང་དག་མྱུ༷་ནི་དྲི་མེད་དཀར། །ཙ་ན་ཀ་ཡི་འབྲུ་ཙམ་ལ། །འོད་ཟེར་སྤྲོ་བསྡུའི་སྦྱོར་བ་ཡི། །དབང་པོ་ལ་སོགས་གཡོ་བ་ཀུན། །དྲི་མེད་ནང་དུ་ངེས་སྦྱར་ནས། །ཐུགས་ཀྱི་ཡེ་ཤེས་ལྔས་བལྟ་ཞིང་། །ཡང་དག་དྲི་མ་མེད་མཐོང་ན། །དེ་བཞིན་གཤེགས་པས་དེ་བཞིན་གཤེགས། །དེ་བཞིན་གཤེགས་པ་ཐམས་ཅད་ལ། །དྲི་མེད་འདི་ལས་གཞན་མི་མངའ། །འདས་དང་ད་ལྟར་འབྱུང་བ་ཀུན། །འདི་ཡིས་ལྷུན་གྱིས་གྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི། །སྔགས་ཀྱི་སྙིང་པོ་ཀུན་བསྡུས་པ། །ཨཱོཾ༷་ཧུ༷་གྲྭ་དང་ཨུ༷་ཧྭ་སྟེ། །གནས་ལྔ་དག་ཏུ་རྣམས་བཀོད་ནས། །འོད་ཟེར་ལྕགས་ཀྱུས་དྲངས་ནས་སུ། །ཡེ་ཤེས་རྣམས་ཀྱིས་གཟུགས་སུ་བསྒྱུར། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཐམས་ཅད་རྫོགས་པའི་དཀྱིལ་འཁོར་ལ། །ཏིང་ངེ་འཛིནགྱིམཆོདཔའབུལ། །མཉེས་ནས་དགྱེས་པའི་ཚུལ་འཆང་བ། །ཡོན་ཏན་མི་ཟད་གཏེར་འགྱུར་ཏེ། །ཚེ་རིང་བདེ་བ་ཕུན་སུམ་ཚོགས། །ལོངས་སྤྱོད་འབྱུང་ཞིང་ངན་སོང་སྦྱོང་། །དེ་བཞིན་གཤེགས་པ་ཐམས་ཅད་ཀྱི། །སྐུ་དང་ཡེ་ཤེས་འཐེབ་པར་འགྱུར། ཁྲེས་རབ་གསུམ་ལ་སྦྱངས་པ་ཡིས། །ཡེ་ཤེས་མྱུ་གུ་བསྐྱེད་པར་བྱེད། །ས་ཐོབ་འཇིགས་པ་ལྔ་དང་བྲལ། །འཁོར་བ་ལས་ནི་མྱ་ངན་འདས། །སྒྲིབ་པ་མཐའ་དག་གཅོད་བྱེད་པའི། །དྲི་མ་མེད་པའི་ཡེ་ཤེས་ཀྱིས། །ད་ལྟ་ཉིད་དུ་སངས་རྒྱས་འགྱུར། །ཡེ་ནས་གནས་པའི་དེ་བཞིན་ནི། །རྒྱལ་བས་མཛད་པ་མ་ཡིན་ལ། །འགྲོ་བས་བྱས་པ་མ་ཡིན་ཏེ། །ཡེ་ནས་སངས་རྒྱས་ཆེན་པོའོ། །དེ་བཞིན་ཉིད་དེ་འདུས་མ་བྱས། །རང་བྱུང་ཡིན་ཏེ་ཀུན་ངོ་བོ། །མེད་པ་མ་ཡིན་མེད་པ་ཡོད། །ཡོད་པ་མིན་ཏེ་དངོས་ཡོད་མིན། །བྱ་མེད་བྱ་དང་རྣམ་པར་བྲལ། །ལྷུན་གྲུབ་བདེ་བའི་ངང་དུ་གནས། །དེ་བཞིན་གཤེགས་ཞེས་མི་རྟོག་ཀྱང་། །བཞག་ཏུ་མེད་པའི་ངང་ལ་བཞག །དེ་ཡང་རྣལ་འབྱོར་རྒྱུད་རྣམས་དང་། །བླ་མའི་ཁ་ནས་ཤེས་པར་བྱ། །བླ་མ་སངས་རྒྱས་ཀུན་དང་མཉམ། །དམ་པ་འདི་ཉིད་གང་བསྒྲུབ་པ། །བླ་མ་མཉེས་ན་གྲུབ་པའི་མཆོག །ཐོག་མར་བླ་མ་མཉེས་བྱས་ཏེ། །དབང་བསྐུར་གནང་བ་ཐོབ་པ་དང་། །སྐུ་གསུང་ཐུགས་ཀྱི་གསང་བ་རྣམས། །ལྡན་པར་བྱས་ཏེ་སྔགས་བསྒྲུབ་པའོ། ཁྲེན་ཏུ་དབེན་པའི་རི་དགོན་དང་། །རྣམ་པའི་མཆོག་རྣམས་ལྡན་པ་དང་། །རྣམ་པ་སྣ་ཚོགས་ཆུ་ཀླུང་དང་། །དགྲ་ཡི་འཚེ་བ་མེད་པ་ཡིས། །ཉམས་དགའི་གནས་སུ་བསམ་གཏན་བྱ། །ཤིན་ཏུ་སྦྱངས་ཤིང་གོམས་གྱུར་པས། །དེ་ཚེ་ཉིན་མཚན་དགུ་ཡིས་ནི། །བྱང་ཆུབ་ཐོབ་པར་གདོན་མི་ཟ། །ཀུན་ཏུ་འོད་ཀྱི་ས་ལ་གནས། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཕྲ་མོའི་རྣལ་འབྱོར་བསྟན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དེ་ཡང་ཤིན་ཏུ་སྦྱོར་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྒྲུབ་པའི་ཐབས་ནི་ཐིག་ལེའི་རྣལ་འབྱོར་དུ་བྱ་བ་འདི་གསུངས་སོ། །རི་རྩེ་ཉམས་ནི་དགའ་བ་དང་། ཁྲེན་ཏུ་གསང་བའི་བྲག་ཕུག་ཏུ། །བདེ་བའི་སྟན་ལ་འདུག་ནས་ནི། །གསང་བ་དམ་པ་འདི་བསྒོམ་མོ། །གསང་བ་དབྱིངས་ཀྱི་དབུས་དག་ཏུ། །གཞལ་ཡས་བརྩེགས་པ་བསྒོམས་ནས་ནི། །རང་གི་དཀྱིལ་འཁོར་བསྒོམ་པར་བྱ། །ཡན་ལག་བཞི་དང་རབ་ལྡན་ཞིང་། །དཀྱིལ་འཁོར་བཞི་ནི་བསྐྱེད་བྱ་སྟེ། །ཙཀྲ་བཞི་དང་གང་སྦྱོར་བས། །ཕྱག་རྒྱ་བཞི་པོ་རྣམ་པར་བསྒོམ། །དེ་ཉིད་གསུམ་དང་རབ་ལྡན་དེ། ཁྲེས་རབ་མ་ཡི་རྗེས་འབྲང་ནས། །སྦྱོར་བའི་ཆོ་ག་མཁས་པས་བསླབ། །་ར་བའི་ཆོ་ག་ལས་བྱུང་བའི། །ཡང་དག་དྲི་མེད་དབུས་སུ་བལྟ། ཁེན་ཏུ་ཕྲ་བའི་དམ་ཚིག་ ། །མི་གསལ་གསལ་བའི་དམ་ཚིག་ཅན། །དཀྱིལ་འཁོར་ཀུན་གྱི་བདག་ཉིད་ཡིན། །ཡོན་ཏན་ཀུན་གྱི་གཏེར་གྱུར་ཏེ། །མཆོག་ཏུ་གྱུར་པ་འགྲུབ་པར་ཤོག །གསང་བ་དབྱིངས་ཀྱི་དབུས་དག་ཏུ། །བསྐྱེད་པའང་རྫོགས་པ་གང་འདོད་པས། །རང་གི་དཀྱིལ་འཁོར་རྣམས་བསྒོམས་ཏེ། །ཐུགས་ཀའི་གསུང་གི་ཕྱག་རྒྱ་ལས། །རྡོ་རྗེ་ཀྱོ་བ་མང་འཕྲོས་ཏེ། །ཡེ་ཤེས་འཁོར་ལོ་རབ་བསྐུལ་ནས། །མཆོད་རྟེན་རྩེ་མོར་གསུང་དུ་འགྱུར། །རྡོ་རྗེ་ལམ་བྱུང་ཡུམ་གྱི་མཁའ། །ཆོས་སྐུ་བྱང་ཆུབ་སེམས་སུ་གནས། །དེ་ཉིད་བཟུང་བས་གསུང་དང་ནི། །རིན་ཆེན་འཛིན་པ་ཞེས་བྱའོ། །བཟུང་བ་རྡོ་རྗེ་འཛིན་པ་སྟེ། །དེ་ལ་རྟོག་དང་དབྱོད་པ་དང་། །དགའ་དང་དེ་བཞིན་བདེ་བ་དང་། །རྩེ་གཅིག་པ་ནི་རྣམ་ལྡན་པའོ། །རིན་ཆེན་རྒྱུན་གྱི་ཤེས་པ་ནི། །མི་རྟོག་པ་ཡི་ཤེས་པ་ནི། །མོས་ལས་བྱུང་བའི་མི་དམིགས་པའོ། །ཤེས་རབ་དབང་དང་རྣམ་ལྡན་པས། །ཤེས་པར་གྱུར་པ་ཡེ་ཤེས་སོ། །དོན་དམ་མཐོང་བར་འདོད་པ་ན། །འདི་ལ་མཐོང་བ་དེ་མི་མཐོང་། །འདི་ཡིས་ཡེ་ཤེས་པ་བསྐྱེད་དེ། །དེ་ཡི་དོན་དམ་རྣམ་པར་མཐོང་། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ་ཡང་ཐབས་འདི་ལྷ་བུ་གསུངས་སོ། །ནམ་མཁའ་དབྱིངས་ནས་བྱུང་བ་ཡི། །རིན་ཆེན་ཁ་དོག་སྣ་ལྔ་པ། །ཡུངས་ཀར་ཕྲ་མོའི་འབྲུ་ཙམ་སྟེ། །ཕྱི་ནང་གསུམ་གྱི་སྣ་རྩེར་ནི། །རྣལ་འབྱོར་ཅན་གྱིས་རྟག་ཏུ་བསྒོམ། །རང་སྣང་བ་ཡི་ཏིང་འཛིན་ཏེ། །གཟུགས་བརྙན་སྒྱུ་མ་སྒྲ་སྙན་དང་། །སྨིག་རྒྱུ་ལ་སོགས་རྣམ་པ་ཅན། །སྣང་དང་མི་སྣང་དབྱེར་མེད་དེ། །ཡོད་དང་མེད་དང་དབྱེར་མེད་པའོ། །སྣང་དུ་འདྲ་ཡང་ཐ་དད་སྟེ། །དོན་དང་རྟགས་ལ་སོགས་པ་རྣམས། །རྣམ་པ་ཐ་དད་གཉིས་སུ་སྣང་། །ཡང་དག་ཡང་དག་མ་ཡིན་པས། །བསམ་པའི་དབང་གི་དེར་འགྱུར་རོ། །དེ་ནི་དེ་བཞིན་གཤེགས་པ་ཡི། །བརྡ་ཞེས་རྣམ་པར་བསྟན་པ་ཡིན། །གང་ཞིག་རྩེ་གཅིག་མ་གྱུར་པས། །མཐའ་རུ་མ་སྐྱེས་ཏིང་འཛིན་བསྒོམ །དངོས་པོ་འདི་རྣམས་མ་སྐྱེས་པས། །ཆོས་དང་ཆོས་ཉིད་མེད་པ་སྟེ། །ནམ་མཁའ་ལྟ་བུར་བདག་མེད་པས། །ཡེ་ནས་སྟོང་པའི་རང་བཞིན་ནོ། །སྟོང་པའི་རང་བཞིན་མཚན་མ་མེད། །དེ་ནས་སྨོན་པ་ངེས་འབྲེལ་ལོ། །རྣམ་པར་ཐར་པ་གསུམ་དང་ལྡན། །ཆགས་མེད་བཞི་ཡི་ལམ་ནས་འཇུག །སྟོང་པ་ཉིད་དུ་རྣམ་རིག་ན། །རང་བྱུང་ཡེ་ཤེས་ངང་གིས་འཆར། །འབྲས་བུ་ཀུན་ཏུ་འོད་ས་ཐོབ། །ཡོན་ཏན་ནམ་མཁའི་མཐའ་དང་མཉམ། །ཆེ་བའི་ཆེ་བ་ཟབ་མོ་ཡིན། །ཡོན་ཏན་ཅིར་ཡང་བསྔགས་པ་མེད། །ཡོན་ཏན་ཆེན་པོའི་བསམ་གཏན་ནི། །བསམ་གཏན་ཉིད་པས་བསམ་དུ་མེད། །མ་བསམས་མ་སྦྱངས་ཆོས་ཉིད་ལ། །རང་དོན་ཆེན་པོའི་ནམ་མཁའ་འབྱུང་། །ཀུན་ཏུ་འོད་ཀྱི་ས་ཐོབ་ནས། །ཞིང་ཁམས་རྒྱ་དང་བྲལ་བ་ཡི། །དཀྱིལ་འཁོར་ཐམས་ཅད་འབར་བས་སྣང་། །དཀྱིལ་འཁོར་དེ་དག་ཐམས་ཅད་ཀྱང་། །རེག་ཅིང་གཟུང་དུ་མེད་པ་ལས། །འཇའ་ཚོན་ལྟ་བུར་ཀུན་ཏུ་སྣང་། །སྣ་ཚོགས་ཡོན་ཏན་བརྗོད་མི་ལངས། །མི་ཟད་རྒྱན་གྱི་འཁོར་ལོའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན།ནམ་མཁའ་ཆེ་རྒྱས་པའི་རྒྱུད་ལས། ཐིག་ལེའི་རྣལ་འབྱོར་བསྟན་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་འདི་ལྟ་བུ་གསུངས་སོ། །ཡེ་ནས་རྣམ་པར་གྲོལ་བའི་ལམ། །ལྷུན་གྱིས་གནས་པའི་བདེ་ཆེན་ཏེ། །དགེ་དང་སྡིག་ལས་རྣམ་པར་གྲོལ། །སངས་རྒྱས་བྱང་ཆུབ་སྙིང་པོ་འདི། །ལྷག་མ་མེད་པས་ཡོངས་སུ་རྫོགས། །འགྱུར་བ་མ་ཡིན་དྲང་པོར་གནས། །དཔག་ཅིང་མཚོན་དུ་མེད་པའི་ཕྱིར། །བྱང་ཆུབ་ཉིད་ལས་བྱང་ཆུབ་མེད། །གང་ལ་བསོད་ནམས་སྡིག་མེད་ན། །དེ་ལ་བྱང་ཆུབ་རབ་ཏུ་གསུངས། །ཨེ་མ་ཧོ་ཤིན་ཏུ་ངོ་མཚར་ཆེའོ། །གཟུགས་མེད་གཟུགས་སྐུ་འབྱུང་བ་རྨད། །འདི་མ་མཐོང་བར་གཞན་མི་མཐོང་། །སྙིང་པོ་འདི་ལ་མ་ལུས་རྫོགས། །དེ་ཕྱིར་རྫོགས་ཆེན་ཞེས་བྱ་སྟེ། །རང་བྱུང་ཡེ་ཤེས་བཙལ་མེད་པས། །གྲོལ་ནས་གྲོལ་བའི་ལམ་ཡང་མེད། །ཉོན་མོངས་པ་ཉིད་བྱང་ཆུབ་ལམ། །ཅིར་ཡང་མི་དམིགས་གཏི་མུག་སྟེ། །མ་རིག་པ་ཉིད་ཡེ་ཤེས་གསལ། །རིག་པའི་ཡེ་ཤེས་གང་ལྡན་པས། །ཡི་གེ་མེད་པའི་དོན་ལ་བལྟ། །སྣང་མེད་དོན་ལ་དཔག་མི་ལངས། །སྣང་མེད་སྙིང་པོ་མཆོག་གི་སྐུ། །འབྲས་བུ་ཀུན་གྱི་ལམ་གྱུར་པ། །སྟོན་པ་རྡོ་རྗེ་ཀུན་གྱི་ཐུགས། །མཚོན་དུ་མེད་པས་རྒྱལ་བའི་ལམ། །བྱར་མེད་སྒྲོས་སྤངས་ཐིག་ལེ་ལ། །མི་རྟོག་བཏང་སྙོམས་མཉམ་པར་བཞག །སྣང་བ་མེད་པའི་ཆོས་ཉིད་ལ། །མ་བཙལ་བཞག་ན་བསྒོམ་པ་ཡིན། །གཞན་ལ་བསྟན་དུ་མེད་པའི་ཕྱིར། །རང་རིག་རང་བྱུང་རང་ཞིར་བཞག །མི་ཆགས་མི་རྟོག་མི་གནས་པས། །ཏིང་འཛིན་རོ་ལ་ཆགས་མི་བྱ། །དངོས་མེད་མིང་ཡང་མེད་པས་ན། །ཡི་གེས་བསྟན་ཅིང་མཚོན་དུ་མེད། །སྟོང་ཉིད་སྤྲོས་མེད་གཞི་གནས་ལ། །འདུ་ཤེས་མེད་པར་མཉམ་བཞག་ལ། །ཞི་གནས་ལྷག་མཐོང་འབྲེལ་བའོ། །མོས་པ་སྤྱོད་པའི་ས་ལ་གནས། །མི་རྟོག་པ་ཡི་ཤེས་རབ་སྟེ། །བསླབ་པ་གསུམ་དང་རྣམ་ལྡན་པའོ། །ཟག་པ་མེད་པའི་ཕུང་པོར་ལྡན། །ཆོས་ཀྱི་དབྱིངས་ཀྱི་རང་བཞིན་ནི། །མཚོན་ཅིང་དཔག་ཏུ་མེད་པ་སྟེ། །གསང་བ་དམ་པ་འདི་ལྟ་བུས། །མཉམ་པར་བཞག་སྟེ་བསྒྲུབ་པར་བྱ། །རང་བཞིན་ཉིད་ནི་ནམ་མཁའ་སྟེ། །ཀུན་གྱི་རྗེས་སུ་སོང་བའོ། །དེ་ནི་རྡོ་རྗེའི་སྐུ་མཆོག་སྟེ། །སེམས་དཔའ་ཉིད་ཀྱང་ནམ་མཁའོ། །ནམ་མཁའ་ནམ་མཁའ་ལས་བྱུང་བས། །ནམ་མཁའ་རྟོགས་པ་སྐྱེ་མེད་ཅིང་། །ནམ་མཁའ་འདི་ནི་ནམ་མཁའ་བསྒོམ། །སྤྱི་དང་འཇིག་རྟེན་ནམ་མཁའ་དང་། །ནང་དང་ཕྱི་ཡི་ནམ་མཁའ་དང་། །ལུས་དང་ཤེས་པའི་ནམ་མཁའོ། །ནམ་མཁའ་ཉིད་ནི་ནམ་མཁར་བསྒོམ །འབྲས་བུ་ནམ་མཁའ་ཆེན་པོ་འབྱུང་། །རྡོ་རྗེ་སེམས་དཔའ་ནམ་མཁའ་ཆེ། །ཀུན་བཟང་ཡངས་པ་ཆོས་ཀྱི་དབྱིངས། །རྣམ་དག་ལམ་ཆེན་ཀུན་སྒྲོལ་ཕྱིར། །མ་སྐྱེས་མི་འགགས་ཅིར་མི་དགོངས། །དེ་བཞིན་གཤེགས་པ་ཐམས་ཅད་ལ། །དམ་པ་འདི་ལས་གཞན་མི་མངའ། །འདས་དང་ད་ལྟར་བྱུང་བ་ཀུན། །འདི་ཉིད་བརྙེས་ནས་ལྷུན་གྱིས་གྲུབ། །ཐབས་དང་རྣམ་པར་བྲལ་བ་ནི། །ནན་གྱིས་མཁའ་ལ་མདུད་པ་དོར། །ཞེས་བརྗོད་དོ། །དེ་ནས་ཡང་བཅོམ་ལྡན་འདས་དགྱེས་པ་ཆེན་པོ་དེས། །མི་རྟོག་པའི་ཏིང་ངེ་འཛིན་ལ་སྙོམས་པར་ཞུགས་ཏེ་ཡང་ཐབས་ཟབ་མོ་འདི་གསུངས་སོ། །དངོས་པོ་མེད་པར་བསྒོམ་བྱས་ལ། །དེ་བཞིན་གཤེགས་པ་ཀུན་གྱི་ཐུགས། །ངོ་བོ་སེམས་ཀྱི་རང་བཞིན་ཏེ། །དངོས་པོ་གང་ཡང་ཡོད་མ་ཡིན། །སེམས་དང་སེམས་ལས་བྱུང་བ་རྣམས། །ནམ་མཁའ་ཉིད་དེ་རང་བཞིན་མེད། །ཀུན་ལ་ཁྱབ་པས་ཀུན་ཏུ་འོད། །སེམས་ལས་སེམས་ཀྱིས་རབ་ཏུ་བསྒོམ། །བལྟས་པས་མཐོང་བ་མེད་པ་ནི། །དེ་ཉིད་མཐོང་བ་ཆེན་པོ་སྟེ། །ཤེས་བྱེད་དམ་པར་གྱུར་པའོ། །སེམས་ཉིད་རྟོགས་པའི་སངས་རྒྱས་ཏེ། །སངས་རྒྱས་གཞན་དུ་མ་ཚོལ་ཅིག །སངས་རྒྱས་གཞན་ནས་བཙལ་བ་ནི། །མར་འདོད་ཆུ་ལ་བསྲུབ་པ་འདྲ། །དེ་བཞིན་གཤེགས་པ་ཐམས་ཅད་ལ། །གསང་བ་དམ་པ་འདི་མེད་པར། །གངཞིགལམ་གཞན་འཇུག་པ་དེ། །བསྐལ་པ་དག་ནི་སྟོང་དུ་ཡང་། །སྔགས་ཀྱི་འབྲས་བུ་མི་ཐོབ་བོ། །དབང་དང་དམ་ཚིག་ལྡན་པ་ལ། །ཐབས་མཁས་སྙིང་རྗེ་རབ་ལྡན་པས། །ཡིད་གཉིས་ཐེ་ཚོམ་མེད་པ་ན། །ངེས་པར་ལེགས་པའི་དགོས་པ་འགྲུབ། །འདི་ལ་མི་བྱ་ཅི་ཡང་མེད། །མི་བཟའ་བ་ནི་ཡང་མེད་དོ། །སྨྲ་བར་མི་བྱ་ཅུང་ཟད་མེད། །བདུད་རྩི་ལྔ་དང་ཤ་ལྔ་དང་། །བཟའ་བཏུང་ཐམས་ཅད་རིས་མེད་བྱ། །དབང་པོ་གཡོ་བ་ནང་དུ་སྦྱར། །མཉམ་པར་བཞག་པ་བརྟུལ་ནས་སུ། །ལུས་སེམས་ཁོང་ཀློད་གྱི་ནར་བཞག །ལུས་སེམས་ཚད་མར་གང་འཇོག་པ། །དེ་ལ་འཛིན་པའི་ཕུར་པ་དམ། །དངོས་གྲུབ་མཆོག་ཏུ་གྱུར་པའོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དེས། ཉིད་ལ་ཉིད་ཆེད་དུ་བརྗོད་པ་འདི་ཆེད་དུ་བརྗོད་དོ། །དངོས་པོའི་རང་བཞིན་སྐྱེ་མེད་ཅིང་། །སྟོང་པ་ཉིད་ཀྱི་རང་བཞིན་ལས། །གཞི་རྩ་མེད་དབྱིངས་སྐད་ཅིག་མ། །འཁོར་བ་ལ་སོགས་འབྲས་བུ་རྣམས། །སྐད་ཅིག་ལས་ནི་བྱེད་གྱུར་ཏེ། །རྟེན་ཅིང་འབྲེལ་བར་འབྱུང་བའོ། །སྐད་ཅིག་རྒྱུ་འབྲས་མེད་པའི་དབྱིངས། །དེ་མོས་རྒྱུན་དུ་ཆད་མི་བྱ། །དེ་བས་དེ་བཞིན་ཉིད་མིན་བཞག །གལ་ཏེ་དེ་བཞིན་དེ་ལ་སྒྲིབ། །དེ་ནི་སྙིང་པོ་དེ་བས་མེད། །དེ་ལས་དེ་བྱུང་ངོ་མཚར་ཆེ། །འཁོར་བ་དང་ནི་མྱ་ངན་འདས། །སྐད་ཅིག་མ་ལ་རྟེན་འབྱུང་སྟེ། །ནུས་པ་སྐྱེས་པ་གདོན་མི་ཟ། །རྟོག་པའི་རྒྱུན་ནི་ཇི་སྙེད་པ། །སྐད་ཅིག་མས་ནི་བྱེད་གྱུར་ཏེ། ཁུ་འབྲས་རྣམ་པ་ཞི་བ་ནི། །ངེས་བསྒོམ་ཡིན་ཏེ་མཆོག་གི་ས། །སྔ་མའི་རྒྱུ་ནི་འགགས་པ་ལ། །ཕྱི་མའི་སྟོབས་ནི་ཆུད་བྱེད་པ། །སྐད་ཅིག་མ་ལ་བརྟག་པར་བྱ། །འདི་ནི་རྒྱལ་བ་ཐམས་ཅད་ཀྱི། །ཐབས་ཀྱི་མཆོག་ཏུ་གསུངས་པ་སྟེ། །བསྒོམ་ལས་བྱུང་བའི་ཤེས་རབ་ལྡན། །རྣལ་འབྱོར་ཅན་གྱིས་རྟག་ཏུ་བསྒོམ། །དེ་དང་དེ་ཡི་ཁྱད་པར་ལས། །ནམ་མཁའི་དངོས་གྲུབ་ཆེན་པོ་ཐོབ། །སྐུ་དང་གསུང་དང་ཐུགས་ཀྱི་མཆོག །ཡོན་ཏན་མི་ཟད་ཐོབ་པར་བྱེད། །དེ་ཉིད་སངས་རྒྱས་ཀུན་དང་མཉམ། །སངས་རྒྱས་བྱང་ཆུབ་སེམས་དཔའ་ཡིས། །སྲས་དང་སྤུན་དུ་དགོངས་པར་འགྱུར། །ཞིང་ཁམས་དཀྱིལ་འཁོར་ཐམས་ཅད་ནི། །ཟད་མི་ཤེས་པའི་གཏེར་དུ་འགྱུར། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཤིན་ཏུ་རྣལ་འབྱོར་གྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོ་དེ། སེང་གེ་རྣམ་པར་བསྤྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཤིན་ཏུ་རྣལ་འབྱོར་གྱི་ཐབས་འདི་གསུངས་སོ། །དངོས་པོ་མེད་པར་དངོས་པོར་གྲགས། །དངོས་རྣམས་ཉིད་ན་དངོས་མེད་པའོ། །ཨེ་མའོ་ཀུན་ཏུ་བཟང་པོ་ཡི། །རྡོ་རྗེའི་གསུང་དང་སྐུ་དང་ཐུགས། །སྐྱེ་བ་མེད་པའི་ཚུལ་གྱིས་སུ། །སྐྱེ་བ་འདི་ནི་རབ་ཏུ་བསྒྲགས། །ཨོ་ཤུརྒྱ་ཏྭ་ཙྭ་ན་བཛྲ་སུ་བྷ་ཝ་ཨུཏྣ་ཀོ྅ཧ༷། ཕུང་པོ་ཁམས་དང་སྐྱེ་མཆེད་དང་། །གང་ཞིག་གཡོ་དང་མི་གཡོ་བ། །དཀྱིལ་འཁོར་ཀུན་ཏུ་བཟང་པོའི་ཞིང་། །མི་ཟད་རྒྱན་གྱི་འཁོར་ལོ་ལྡན། །ཟད་པར་བྱ་བའི་དོན་དུ་ནི། །གསང་སྔགས་འདི་ནི་བརྗོད་པར་བྱ། །ཨོ་དྷརྨ་དྷ་ཏུ་སྭ་བྷ་ཝ་ཨུཏྣ་ཀོ྅ཧ༷། གྲུ་བཞི་པ་ལ་སྒོ་བཞིཔ། །ལྟེ་བ་རྩིབས་སུ་བཅས་པ་ལ། །དཀྱིལ་འཁོར་འབར་བ་བསྒོམ་པར་བྱ། །རྒྱུན་དུ་དཀྱིལ་འཁོར་མ་ལུས་བསྒོམ། །སྐུ་གསུང་ཐུགས་ལྡན་གཟུགས་ཀྱང་དགོད། །ཡན་ལག་བཞི་དང་རབ་ལྡན་པས། །གསང་བའི་པདྨར་མེ་ཏོག་རླན། །བྱང་ཆུབ་སེམས་ནི་འབྱུང་བའི་ཚེ། །མཁས་པས་སྔགས་ནི་ཕཊ་ཅེས་བརྗོད། །ཨོ་ཨ་ཀྭ་རོ་མུ་ཁ༷་སརྦ་དྷརྣ་ཎའ༷། ཨུབྱ་ནུམོ་ཏྭ་ཏ་ཨོ་ཨུ༷༷ཧུ༷་ཕཊ་གྲྭ་ཧྭ། སྔགས་དེ་རྣམས་ནི་གསུང་མ་ཐག །སྣང་བའི་དངོས་པོ་ཀུན་འགགས་ནས། །ཐ་མར་ཉམས་སུ་མྱང་བ་མེད། །ཆོས་རྣམས་གང་ཡང་མཐོང་བ་མེད། །བཙལ་བ་མེད་པས་བྱང་ཆུབ་ཆེ། །དེ་ཉིད་དངོས་གྲུབ་མཆོག་གི་ས། །ཐམས་ཅད་ལྟ་བས་རྒྱས་བ་་པས། །སྤྱོད་པས་ཅི་ལ་ཡང་ཆགས་པ་མེད་པའོ། །བལྟ་བ་དང་ནི་སྤྱོད་པ་དང་། །གཉིས་སུ་མེད་པར་བྱས་ཏེ་བསྒྲུབ། །ཐམས་ཅད་ཟིལ་གྱིས་གནོན་པ་ཡི། །ངོ་བོ་ཉིད་ཀྱི་རང་བཞིན་གྱིས། །ཐམས་ཅད་མ་ལུས་ཕྱག་རྒྱས་བཏབ། །ངོ་བོ་ཉིད་ཀྱིརངབཞིནལ། །དམིགསསུ་རྡུལ་ཕྲ་མེད་པས་ན། །དེ་དམིགས་ཤེས་པའང་ཡོད་མི་རུང། །རངབཞིནརངབཞིནམེདཔལ། །རངབཞིནམེདཔརཡོངས་སུ་བསྒོམ། །རངབཞིནམེདཔའི་རྒྱུ་ཉིད་ལས། །འབྲས་བུ་རང་བཞིན་མེད་པ་འབྱུང་། །སྤྲོས་པ་ཉེ་བར་ཞི་བ་དེ། །གསང་བ་དམ་པ་འདི་ཡིས་བསྒྲུབ། །དེ་མ་ཐག་ཏུ་ཡེ་ཤེས་འགྱུར། །དབྱིངས་དང་ཡེ་ཤེས་གཉིས་མེད་ན། །ཆོས་སྐུ་བདེ་བ་ཆེན་པོར་འགྱུར། །དེ་ནས་བཅོམ་འདས་དེ་བཞིན་གཤེགས་པ་དགྱེས་པ་ཆེན་པོ་དེས། །དམ་པའི་དོན་སྒྲུབ་པའི་ཐབས། གསང་བ་ཆེན་པོ་འདི་གསུངས་སོ། །ཀུན་ལ་ཁྱབ་པའི་རང་བཞིན་ནི། །ཐ་དད་དུ་མ་མེད་པ་སྟེ། །ཅིར་ཡང་དམིགས་སུ་མེད་པའོ། ཁེས་རབ་ཐབས་ཀྱི་ཕྱག་རྒྱར་ལྡན། །བདག་གི་དེ་ཉིད་རིགས་ཀྱི་ནི། །རླུད་གི་རིམ་པ་ཡང་དག་འཇུག །སྦྱོར་བའི་ཡན་ལག་བཞི་དང་ལྡན། །མཚམས་ཀྱི་འོད་ཟེར་ལྕགས་ཀྱུ་ཡིས། །རྒྱལ་བའི་ཚོགས་རྣམས་སྤྱན་དྲངས་གྱུར། །ཆོས་ཀྱི་དབྱིངས་སུ་ཞུ་མཛད་དོ། །ཞུ་བས་མྱོས་ནས་མི་རྟོག་བདེ། །འཁོར་བ་མྱ་ངན་འདས་པ་ཡིས། །མཐའ་ནི་གང་ལའང་མི་གནས་སོ། ཁེས་རབ་ཡེ་ཤེས་དབང་ཆེ་སྟེ། ཁྲེས་རབ་ཅེས་པ་མྱ་ངན་འདས། །ཡེ་ཤེས་ཞེས་པས་འཁོར་བ་གསུངས། །དགའ་དང་གཞན་དགའ་དཔའ་བོ་དགའ། །དགའ་བ་འདུས་པའི་བདག་ཉིད་ཅན། །དགའ་བ་ཡང་དག་ལས་བྱུང་བའི། །མི་རྟོག་བདེ་དང་ལྡན་པའོ། །སྟོང་པ་ཤིན་ཏུ་སྟོང་པ་སྟེ། །དངོས་མེད་སྟོང་པ་ཆེན་པོ་ལ། །དངོས་དང་དངོས་མེད་གཉིས་ཀ་མེད། །སྟོང་པའི་རང་བཞིན་མཚན་མ་མེད། །དེ་ཡི་ཕྱིར་ན་སྟོང་པ་མིན། །མི་སྟོང་པ་ཡང་མ་ཡིན་ཏེ། །མཐའ་དབུས་གང་ཡང་མ་ཡིན་པའོ། །མཚན་ཉིད་མེད་པའི་ཕྱག་རྒྱ་དང་། །ལྡན་པས་ཡོན་ཏན་བསྐྱེད་པར་བྱེད། །གསང་བའི་པདྨ་ལས་བྱུང་བའི། །མེ་ཏོག་ཉི་ཟླར་བཅས་པ་ལས། །དབྱབས་དང་ཁ་དོག་ལྡན་པ་ཡི། །ཕྱག་རྒྱ་ཆེན་པོ་རྫོགས་པ་ལ། །ལྷུན་གྲུབ་བདེ་བའི་ངང་གནས་ན། །ཅི་ལའང་ཐོགས་པ་མེད་པར་སྤྱད། །རང་བཞིན་གྲུབ་པ་མེད་པས་ན། །ཆོས་རྣམས་གང་ཡང་གྲུབ་པ་མེད། །ཀུན་ཏུ་བཟང་མོའི་བྷ་ག་ལ། །ཀུན་ཏུ་བཟང་པོ་རོལ་པ་ཡིས། །སྒྱུ་མ་ལྷུན་གྲུབ་ཡུམ་ལ་རོལ། །བླུན་པོ་རྟོག་གེའི་ཤེས་པ་ནི། །ཡོད་དང་མེད་པའི་ཆོས་ལ་སྤྱོད། །དེ་ཡིས་རྣམ་པར་མི་གྲོལ་ཏེ། །འདོད་པ་དངོས་སུ་སྤྱོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཤིན་ཏུ་རྣལ་འབྱོར་དམ་པ་བསྟན་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དགྱེས་པ་ཆེན་པོ་དེས། རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། གསང་བའི་དོན་འདི་ལྟ་བུ་རྡོ་རྗེའི་ཛིག་ཏུ་གསུངས་སོ། །བརྗོད་དུ་མེད་པའི་བདག་ཉིད་ཆོས། །ཡི་གེ་ཐ་སྙད་རྣམ་པར་དག །མིང་དང་ཚིག་ལས་འདས་པ་ཡི། །དེ་ཁོ་ན་ཉིད་ཤེས་པར་བྱ། །དེ་ཁོ་ན་ཉིད་ བ་པའི་ཐབས ཐོས་བསམ་བསྒོམ་ལ་རབ་ ངས་པས། །མཉམ་པའི་དོན་ལ་དམིགས་པར་བྱ། །ཡང་དག་མཐོང་ནས་རྣམ་པར་གྲོལ། །ཀུན་རྫོབ་སེམས་བསྐྱེད་ཚད་མེད་བཞི། །རྣལ་འབྱོར་པ་ཡིས་བསྒོམ་པར་བྱ། །ཉན་ཐོས་བྱང་ཆུབ་སེམས་དཔའ་དང་། །བླ་ན་མེད་པའི་ཐེག་པ་ཡི། །ཚད་མེད་བཞི་པོ་ཐ་དད་འགྱུར། །བླ་མེད་ཐེག་པའི་ཚད་མེད་དག །དོན་ལ་དམིགས་པ་ཞེས་བྱ་སྟེ། །བཏང་སྙོམས་ཆེན་པོར་བསྒོམ་པར་བྱ། །ཡོད་དང་མེད་པ་དབྱེར་མེད་ཅིང་། །ཆགས་སྡང་གཉིས་དང་བྲལ་བ་ཡི། །དབུ་མ་ཆེན་པོ་བསྒོམ་པར་བྱ། །བླ་མེད་དོན་ལ་གནས་བཅས་པ། །ཉོན་མོངས་ལས་རྣམས་ཀུན་སྦྱད་ཀྱང། །བྱས་པ་མི་སོགས་ཚོགས་གྱུར་ཏེ། །ཕྱི་ནང་སྣོད་བཅུད་རྣམ་པར་དག །གང་ལའང་ཆགས་དང་མ་ཆགས་མེད། །བཏང་སྙོམས་ཆེན་པོའི་ངང་གནས་ན། །ཡུལ་གྱིས་མོས་སྐྲག་མི་འབྱུང་ཞིང་། །མཉམ་ཉིད་མི་འཕྲོག་བྱ་དང་བྲལ། །བསྒོམས་པས་མི་རྙེད་འགྲུབ་མི་འགྱུར། །དེ་ཕྱིར་གསང་བ་འདི་བསྒོམ་མོ། །རྣམ་གསུམ་པོ་ཡང་བདུད་ཀྱི་ལས། །འཁོར་བ་ཉིད་ཀྱི་རང་བཞིན་ལས། །དོན་དམ་བཙལ་བས་རྙེད་མི་འགྱུར། །དྲུག་གིས་ཡང་དག་དོན་མི་མཐོང་། ཁྲེས་རབ་ཐབས་སུ་གང་འབྲེལ་པ། །ཡོད་མེད་དབུ་མ་མི་དམིགས་ཤིང་། །མཉམ་བཞག་བཏང་སྙོམས་ཆེན་པོར་བསྒོམ། །ཞེས་བརྗོད་ནས་དངོས་པོ་ཐམས་ཅད་སྒྱུ་མ་དང་འདྲ་བར་གཟིགས་ཏེ། གཟུགས་སྟོང་པའོ། །སྟོང་པ་ཉིད་ཀྱང་གཟུགས་སོ། །གཟུགས་ལས་སྟོང་པ་ཉིད་གཞན་མ་ཡིན་ནོ། །སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །དེ་བཞིན་དུ་ཕུང་པོ་དང་། ཁམས་དང་། སྐྱེ་མཆེད་ལ་སོགས་པ་རྣམས་ཀྱང་རང་བཞིན་གྱིས་སྟོང་པའོ། །ཐ་མི་དད་པའོ། །དབྱེར་མེད་པའོ། །དབེན་པའོ། །ཞི་བའོ། །སྤྲོས་པ་དང་བྲལ་བའོ། །དེ་ལྟ་བས་ན། ཆོས་ཐམས་ཅད་ནི་སེམས་སུ་གནས་སོ། །སེམས་ནི་ནམ་མཁའ་ལ་གནས་སོ། ནམ་མཁའ་ཅི་ལའང་མི་གནས་སོ། །ཞེས་གསུངས་སོ། །སྤྲོས་པ་ཉེ་བར་ཞི་བའོ། །ཆོས་ཀྱི་དབྱིངས་ཀྱིས་ཀུན་ཏུ་ཁྱབ། །ཐ་དད་དུ་མ་མེད་པ་ནས། །ཀུན་ཏུ་ཁྱབ་པའི་སྤྱི་ཉིད་དོ། །སེམས་ཉིད་ཡེ་ཤེས་གཟུགས་བསྒྱུར་བ། །ཐབས་ཀྱི་རིམ་པ་འབྱུང་འགྱུར་ཏེ། །ཐབས་ལས་ཐབས་བྱུང་ཐབས་བསམ་ཡས། །འབྲེལ་པ་བདུན་གྱི་རིམ་པ་ཡི། །སྐུ་དང་ཡེ་ཤེས་རྫོགས་པར་འགྱུར། །ཐབས་ལ་བརྟེན་པའི་ཏིང་ངེ་འཛིན། །དེ་ལྟ་བུ་ཡི་ངང་དུ་འབྱུང་། །དོན་དམ་བླ་མེད་བསྒྲུབ་པའི་ཐབས། །སྲོག་དང་རྩོལ་བ་ཞེས་བྱ་སྟེ། །དབུགས་དགག་བཏང་བ་ཅེས་སུ་བཤད། །དགའ་བ་དང་ནི་གཏོང་བ་དང་། །གཉིས་ཀ་གཉིས་ཀ་མ་ཡིན་པར། །བརྟགས་པ་རྣམ་པ་གསུམ་ཞེས་བྱ། །ཕྱི་རོལ་རྩོལ་བའི་དུས་སུ་ནི། །ཕྱི་ཡི་ནམ་མཁའ་བསྟིམ་པ་སྟེ། །སྲོག་གི་ནང་ནི་དུས་སུ་ནི། །གཞི་རླུ་་ཉིད་ལ་ཐིམ་པར་བྱ། །གཞི་རླུད་དེ་ཉིད་ནམ་མཁའ་ནི། །དབྱིངས་ཀྱི་དབང་ཕྱུག་ཅེས་བྱ་སྟེ། །རྣམ་པ་བཅུ་པའི་རྒྱུད་ཡིན་ནོ། །དེ་ནི་དབང་ཕྱུག་ལྔ་ཉིད་དེ། །ཕྱི་རོལ་གཡོ་བ་རྣམ་པ་ཀུན། །དབུགས་ཉིད་ལ་ནི་ངེས་སྦྱར་ཏེ། །རྟེན་དང་བརྟེན་པའི་བདག་ཉིད་པས། །རྟ་དང་རྒྱལ་པོའི་ཚུལ་དུ་གནས། །ཐམས་ཅད་གཡོ་བ་རླུད་དུ་སྦྱར། །རླུད་ཉིད་ཕྱི་ནང་མཁའ་ལ་ཐིམ། །དེ་ཉིད་རྡོ་རྗེ་སེམས་དཔའ་སྟེ། །ནམ་མཁའ་ལ་ནི་ནམ་མཁའ་བསྒོམ། །ནམ་མཁའ་ཉིད་ལ་ཉིད་སྤྱོད་དེ། །གཞན་དུ་བྱ་བ་ཅི་ཡང་མེད། །མཁའ་ལ་རླུད་བྱུང་ན་བུན་ཚུལ། །བྱུང་ཡང་ནམ་མཁའ་ལས་བྱུང་སྟེ། །མཐར་ཡང་ནམ་མཁའ་ཉིད་ལ་ཐིམ། །གཉིས་དང་དྲུག་ལ་སོགས་པ་ཡི། །རྣམ་པ་ཐ་དད་དུ་མ་ཡང་། །སྲོག་དང་རྩོལ་བ་ཉིད་དུ་འདུས། །རླུད་གི་རྒྱུ་འཕྲུལ་གཞི་ལ་བསྟིམ། །ལངས་ནས་མཁའ་རླུད་ཉིད་ལ་རྟོག །བརྟགས་པས་དངོས་པོ་མེད་མཐོང་བ། །དེ་ཉིད་ཡང་དག་མཐོང་བ་ཡིན། །དེ་ནས་སྟོན་པ་ཀུན་མཁྱེན་གྱིས། །རྡོ་རྗེའི་གསུང་དུ་བཀའ་སྩལ་པ། །དོན་གྱི་རང་བཞིན་ངོ་བོ་ཞིག །དངོས་པོའི་དབང་གི་ཆོས་དབྱིངས་ཏེ། །སེམས་ཅན་བསམ་པའི་དབང་གིས་ན། །ཆོས་ཀྱི་དབྱིངས་དང་ཞི་གནས་དང་། །ཡེ་ཤེས་ཤེས་རབ་རྣམ་བཞིར་སྣང་། །དངོས་པོའི་དབང་གིས་ཀུན་ཏུ་འོང་། །བསམ་པས་ཐ་དད་དུ་མར་སྣང་། །རྣམ་གྲངས་དོན་དམ་ཞེས་བྱ་སྟེ། །རིམ་པ་རིམ་པས་འཇུག་པའོ། ཁེན་ཏུ་རྣལ་འབྱོར་འདི་ཉིད་ནི། །གཞན་ལ་བརྟེན་པ་མ་ཡིན་པས། །ལམ་གྱི་ནང་ན་ཉེ་ལམ་སྟེ། །ཐབས་ཀྱི་མཆོག་ཏུ་གྱུར་པས་ན། །ཅིག་ཆར་འཇུག་པ་ཞེས་བྱའོ། །ཡེ་ནས་གནས་པའིདེབཞིནཉིད། །ཡེསངས་རྒྱས་པ་ཞེས་བྱ་སྟེ། །ཆོས་རྣམས་མ་ལུས་དབྱིངས་སུ་རྫོགས། །ཐམས་ཅད་ཀུན་འདུས་རྣམ་པར་དག །ཡོད་མེད་དབུ་མ་མི་དམིགས་ཤིང་། །མི་འགྱུར་མི་ཤིགས་རྡོ་རྗེ་སྟེ། །ཡངས་ལ་རྒྱ་ཆེ་ཀུན་ཏུ་བཟང་། །འགྱུར་བ་མ་ཡིན་ཀུན་ཏུ་བཟང་། །འགྱུར་བ་མ་ཡིན་དྲང་པོར་གནས། །རྣལ་འབྱོར་བལྟ་བར་ཤེས་པར་བྱ། །བར་དུ་བསྒོམ་པའི་ཐབས་གསུངས་པ། །ཏིང་ངེ་འཛིན་དང་སྤྱོད་པའོ། །ཏིང་ངེ་འཛིན་ཞེས་བྱ་བ་ནི། །གསང་བའི་དོན་ལ་འཇུག་པ་སྟེ། །སྦྱོད་པ་དངོས་སུ་གསུངས་པ་ནི། །མ་དང་བུ་མོ་སྲིང་མོ་སོགས། །རྟག་ཏུ་སེམས་ནི་སྦྱར་བར་བྱ། །གླང་ཆེན་ཤ་དང་ཤ་ཆེན་དང་། །རྟ་ཤ་ཁྱི་ཤ་བ་གླང་ཤ། །བྱང་ཆུབ་སེམས་ལ་སོགས་པ་རྣམས། །བཟའ་ཞིང་སྤྱད་པར་བྱ་བ་སྟེ། །འདི་ལ་མི་བྱ་ཅི་ཡང་མེད། །ཐབས་ལ་བརྟེན་པར་གྱུར་པ་དང་། །མི་བཟའ་བ་ཡང་ཅི་ཡང་མེད། །ཐམས་ཅད་བལྟ་བས་གཉིས་མེད་ཅིང་། །ཏིང་ངེ་འཛིན་ལ་གནས་གྱུར་ན། །མི་སྦྱད་པ་ནི་གང་ཡང་མེད། །ཐབས་ལ་བརྟེན་པར་གྱུར་པ་དང་། །ཐ་མར་སེམས་ནི་བཅོས་དགོས་སོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་ཐབས་བསྟན་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་དགྱེས་པ་ཆེན་པོ་དེས། མ་འོངས་པའི་རྣལ་འབྱོར་པ་ཤེས་རབ་ཀྱིས་རྒྱགས་པ་རྣམས་དང་།ཚུལ་བཞིན་དུ་དབང་བསྐུར་བའི་སྒྲུབ་པ་པོ་རྣམས་ཀྱི་དོན་དུ། གསང་བ་དང་། གསང་ཆེན་དང་། ཡེ་ཤེས་སྙིང་པོ་གསུམ་རྫོགས་པར་བྱས་ཏེ། ཟབ་མོའི་ཐབས་འདི་གསུངས་སོ། །རང་བཞིན་གནས་པའི་དེ་བཞིན་ཉིད། །ཡེ་ནས་གནས་པའི་ཆོས་ཉིད་དེ། །ས་ལ་མི་བགྲོད་སྦྱང་དུ་མེད། །ལྷུན་རྫོགས་རང་བྱུང་གཅིག་པུར་གནས། །དཔའ་བོ་དངོས་པོ་ཐམས་ཅད་ཟད། །སྟོང་པ་ཉིད་ཀྱི་རང་བཞིན་ལས། །ཏིང་ངེ་འཛིན་དུ་མཉམ་བཞག་པས། །ལུས་ཀྱི་ཆོས་ཀྱི་རང་བཞིན་ལ། །ཀླད་པ་དང་ནི་ཀླད་རྒྱས་དང་། །སྐྲ་དང་སྤུ་དང་སེན་མོ་དང་། ཁྲ་དང་པགས་པ་ཚིལ་བུ་དང་། །རྒྱུ་མ་གཉེ་མ་ལ་སོགས་པ། །མི་གཙང་བ་ཡི་རང་བཞིན་ཅན། །བལྷས་པས་དངོས་པོ་མེད་མཐོང་སྟེ། །སྒྱུ་མ་མིག་ཡོར་ཚུལ་ཤེས་ཤིང་། །བདེན་པ་ཉིད་དུ་མ་མཐོང་སྟེ། །དེ་ཉིད་ཡང་དག་མཐོང་བ་ཡིན། །མི་རྟོག་ཤེས་རབ་གང་སྐྱེ་བ། །གསང་བའི་དོན་ལ་ཞུགས་པ་ཡིན། །ངག་གི་ཆོས་སུ་སྣང་བ་ཀུན། །ཇི་སྙེད་སྒྲ་དང་ཐ་སྙད་དང་། །ཡི་གེ་སྐད་དང་བརྡའ་ལ་སོགས། །གདགས་བྱ་དང་ནི་འདོགས་བྱེད་དང་། །གདགས་པའི་ཚིག་ལ་སོགས་པ་ཡི། །དངོས་པོ་གང་ཡང་མ་རྙེད་དེ། །འགའ་ཡང་མཐོང་བ་མེད་པ་ནི། །དེ་ཉིད་མཐོང་བ་ཆེན་པོ་ཡིན། །ཚིག་ལ་མི་རྟོག་ཤེས་རབ་སྐྱེ། །དངོས་པོ་མེད་པར་གྲགས་པ་ཡིན། །སེམས་ཀྱི་ཆོས་སུ་གང་གསུངས་པ། །སེམས་དང་སེམས་ལས་བྱུང་བ་ཡི། །དྲན་དང་རྟོག་པ་ལ་སོགས་པ། །བརྟགས་པ་དངོས་པོ་མེད་མཐོང་བ། །ཟག་པ་མེད་པའི་ཤེས་རབ་སྟེ། །ཡེ་ཤེས་མྱུ་གུ་སྐྱེད་པའོ། །ལམ་ལྔ་རྫོགས་པའི་རིམ་པ་ལ། །སྟོང་ཉིད་ཡེ་ཤེས་ཆེན་པོ་སྟེ། །པདྨའི་སྤྱན་དུ་རྣམ་པར་གྲགས། ཁེན་ཏུ་སྦྱོར་བ་ངེས་མཐོང་བས། །ཆོས་སྐུ་བདེ་བ་ཆེན་པོ་ཐོབ། །དེ་ནས་དགྱེས་པ་ཆེན་པོས་འདི་སྐད་གསུངས་སོ། །ཕྱོགས་བཅུ་ན་བཞུགས་པའི་དུས་གསུམ་དུ་གཤེགས་པའི་རྒྱལ་བ་ཐུགས་རྗེ་རོ་གཅིག་པ་རྣམས་ཀྱང་ཟབ་མོའི་ཐབས་འདི་བལྟ་བར་འཚལ་ལོ། །འདས་པ་དང་ད་ལྟ་དང་མ་འོངས་པའི་སངས་རྒྱས་རྣམས་ཀྱང་ ཐབས་་ཟབ་མོ་འདིས་མངོན་པར་འཚང་རྒྱའོ། །རིགས་ཀྱི་བུ་རྣམས་ཀྱིས་ཀྱང་ཚུལ་འདི་བཞིན་དུ་ཡིད་ལ་བྱའོ། །ལྟ་བ་ངན་པའི་འདུ་ཤེས་མ་སྐྱེད་ཅིག ཁེས་རབ་འཆལ་བ་ལ་སོགས་པར་གྱུར་ཏ་རེ། དེ་ཅིའི་ཕྱིར་ཞེ་ན། །དེ་བཞིན་གཤེགས་པའི་དགོངས་པ་ནི་ནམ་མཁའ་དང་མཉམ་མོ། །ཟླ་མེད་དོ། །གཞན་གྱིས་མི་དཔོག་པའོ། །མི་མཉམ་པ་དང་མཉམ་པའོ། །ཆོས་ཉིད་དང་བྲལ་་བའོ། །དེ་བས་ན་ནམ་མཁའ་ནི་ཐམས་ཅད་ཀྱི་རྗེས་སུ་སོང་བའོ། །དེ་བཞིན་དུ་ཆོས་རྣམས་ཀྱི་ཆོས་ཉིད་ཀྱང་ཐམས་ཅད་ཀྱི་རྗེས་སུ་སོང་བ་སྟེ་ཀུན་ལ་ཁྱབ་པའོ། །སངས་རྒྱས་ཀྱི་བདག་ཉིད་དང། དེབཞིནཉིདདེམཐོང་བ་ནི་སངས་རྒྱས་སོ། །ངའོ་ང་དང་འདྲ་བ་ཉིད་དོ། །གྱ་ནོམ་པའོ། །བླ་ན་མེད་པའོ། །དེ་ནས་སངས་རྒྱས་པའི་བདག་ཉིད་ཆེན་པོ་སྒྲུབ་པ་འདི་གསུངས་སོ། །རིགས་ཀྱི་བུའམ་རིགས་ཀྱིབུ་མོ་གང་ལ་ལ་རྫོགས་པ་ཆེན་པོ་སློབ་པར་འདོད་པས། ཤིན་ཏུ་རྣལ་འབྱོར་གྱི་དོན་འདི་བསྒོམ་པར་བྱའོ། །དེ་བས་ན་ཆོས་ཐམས་ཅད་ཀྱིས་རང་མི་ཤེས་ཏེ། གཟུགས་ཀྱིས་གཟུགས་མི་ཤེས་སོ། །སྒྲ་ཡིས་སྒྲ་མི་ཤེས་སོ། །དེ་བཞིན་དུ་ཕུང་པོ་དང་ཁམས་དང་སྐྱེ་མཆེད་ལ་སོགས་པ་ཐམས་ཅད་རང་རང་གི་ངོ་བོ་ལ་བལྟ་བར་བྱའོ། །དེ་ཉིད་མཐོང་བ་ནི་མ་རིག་པའི་སྒྲིབ་པ་བྲལ་བ་སྟེ། བརྟགས་པའི་ཚིག་མི་སྐྱེ་བའོ། །བདེན་པ་མཐོང་བའོ། །བྱང་ཆུབ་སེམས་དཔའི་ས་ལ་གནས་པའོ། །དེ་ཉིད་མ་མཐོང་བའི་ཚུལ་གྱིས་མཐོང་བ་ནི་སངས་རྒྱས་ཀྱི་ས་ལ་གནས་པའོ། །བདེ་བར་གཤེགས་པའོ། །མི་གནས་པའི་མྱ་ངན་ལས་འདས་པའོ། །དེ་ནས་དེ་བཞིན་གཤེགས་པ་ཐམས་ཅད་ཀྱང་རབ་ཏུ་དགའ་བའི་སྤྱན་རྒྱས་པས་གཟིགས་མོས་མཉེས་པར་གྱུར་ཏོ། །དེ་ནས་བདག་ཉིད་ཆེན་པོས། དེ་བཞིན་གཤེགས་པ་དེ་དག་དང་། བྱང་ཆུབ་སེམས་དཔའ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །གཡོ་དང་མི་གཡོའི་རྣམ་པ་ཀུན། །ཆོས་ཀྱི་དབྱིངས་ཀྱི་རང་བཞིན་ཏེ། །སྲིད་དང་ཞི་བར་དབྱེར་མེད་ཕྱིར། །ཐམས་ཅད་ནམ་མཁའི་རང་བཞིན་ནོ། །དང་པོ་གནས་ཁང་ཉམས་དགའ་བར། །ཡོ་བྱད་ལྔ་ནི་རྫོགས་པར་ལྡན། །འདུ་འཛི་ཐམས་ཅད་སྤངས་ནས་སུ། །ལུས་ཀྱི་བཅའ་བ་རྣམ་ལྡན་བྱ། །ལུས་ངག་ལྟེང་ཀ་བཞིན་གནས་ན། །སེམས་ཀྱང་ལྟེང་ཆུ་བཞིན་དུ་གནས། །གཟུགས་ལ་སོགས་པའི་དངོས་པོ་རྣམས། །རང་བཞིན་གྱིས་ནི་སྟོང་པ་སྟེ། །དངོས་པོའི་མཐའ་ནི་མེད་ཤེས་ན། །གང་ཡང་རང་བཞིན་མེད་བརྟགས་ན། །ཐམས་ཅད་ཆོས་ཉིད་ཕྱག་རྒྱ་ཡི། །བལྟ་བའི་རྒྱས་ནི་བཏབ་བྱས་ལ། །དེ་ནས་བཞི་ཡི་སྙིང་པོ་བསྒོམ། །སྤྱོད་པས་གང་ཡང་ཐོགས་མེད་ཅིང་། །ཏིང་ངེ་འཛིན་དུ་མཉམ་བཞག་ན། །མཆོག་གི་དངོས་གྲུབ་ཐོབ་པར་འགྱུར། །སེམས་ལ་དམིགས་པར་བདག་མེད་པར། །སལ་ལེ་སང་ངེ་བསམ་བྱ་བ། །རང་བཞིན་གྱིས་ནི་འོད་གསལ་ཏེ། །སྟོང་པ་ཉིད་ཀྱི་བདག་ཉིད་དོ། །འཇིག་རྟེན་པ་ཡི་ལམ་དུ་ནི། །རྗེས་སུ་དཔོག་པའི་ཤེས་པ་སྟེ། ཁྲེས་པ་གསུམ་པོ་གྱུར་པ་ནི། །བསམ་མེད་དྲན་མེད་སྒྱུ་མའང་མེད། །ཏིང་འཛིན་ཚུལ་ཁྲིམས་ཤེས་རབ་པོ། །དེ་ཉིད་མྱོས་པ་སྤྱོད་པའི་ས། །ས་ཡི་རིམ་པ་ཐ་དད་དེ། །ས་རྣམས་ཡོངས་སུ་བཀོད་པ་ཡང་། །སྟོང་ཉིད་ཡེ་ཤེས་བསྐྱེད་པ་སྟེ། །ཏིང་ངེ་འཛིན་གྱི་རིམ་པ་ཡང་། །ཏིང་ངེ་འཛིན་གྱི་ཁྱད་པར་ལས། །ས་ན་སར་འཕར་མངོན་བྱང་ཆུབ། །དེ་དང་དེ་ཡི་རིམ་པ་ཡིས། །ཀུན་ཏུ་བརྟགས་པའི་མ་རིག་དང་། །ལྷན་ཅིག་སྐྱེས་པའི་མ་རིག་པ། །སྒྲིབ་པ་གཉིས་ནི་ཞེས་བྱ་སྟེ། །བྱང་ནས་ཚོགས་གཉིས་རྫོགས་པ་ཡི། །སྐུ་ལྔ་ཡེ་ཤེས་རྣམ་ལྡན་པ། །ད་ལྟ་ཉིད་དུ་ཐོབ་པར་འགྱུར། །ཡོན་ཏན་རྣམ་པར་འཕེལ་བ་ཡིན། །དེབཞིནགཤེགས༄༅ པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་མན་ངག་གི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་གསོལ་ཏོ། །ཨེ་མ་ཧོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་གང་ཡིན་པ། །དོན་དམ་ཅིཡང་མེད་པ་ལས། །ཀུན་རྫོབ་དག་ཏུ་བཤད་པར་བྱ། །ཞེས་བརྗོད་པས་དེ་བཞིན་ཉིད་ཀྱི་དོན་ལ་རོལ་ཅིང་དགྱེས་ཏེ། །དགྱེས་པ་ཆེན་པོས་འདི་སྐད་ཅེས་བཀའ་སྩལ་ཏོ། །ཁ་ཅིག་ཀུན་གྱི་རང་བཞིན་ཞི་བ་ལ། །ཕྱོགས་སུ་བལྟས་པས་གྲུབ་མེད་དེ། །རང་བཞིན་གྱིས་ནི་རྟོགས་པ་དང་། །གཉེན་པོའམ་ཡང་ན་གཏན་ཚིགས་ཀྱིས། ཁྲེན་ཏུ་ཞིབ་པར་བརྟག་བྱའོ། །དེ་ནས་དེ་བཞིན་གཤེགས་པའི་བདག་པོས། །གཏན་ཚིགས་ཀྱི་སྒོ་ནས་བསྒྲུབ་པ། དབུ་མའི་བརྟགས་པ་འདི་ལྟ་བུ་གསུངས་སོ། །ཁ་ཅིག་གཡོ་དང་མི་གཡོ་ཀུན། །དམ་པ་ཉིད་དུ་རང་བཞིན་མེད། །རང་བཞིན་མེད་ལས་ཅིར་ཡང་སྨོན། །བདག་དང་གཞན་དུ་གཉིས་ཀ་མེད། །རྒྱུ་མེད་པ་ལས་སྐྱེ་བྲལ་ཕྱིར། །ནམ་མཁའི་མེ་ཏོག་ཇི་བཞིནནོ། །ནམཡང་སྐྱེ་བར་མི་འགྱུར་རོ། །གང་ཞིག་རྫོགས་ཆེན་འདོདཔཡིས། །ཏིང་ངེ་འཛིན་ཏུ་མཉམ་གཞག་ནས། །སྤྱོད་པ་མ་རབས་ལྡན་པ་ལས། །གསང་བའི་དོན་ཉིད་བསྒོམ་པར་བྱ། །ལངས་ནས་ཕྱི་རོལ་ཡུལ་ལས་འདས། །འཁོར་ལོ་ཉིད་དུ་ཤེས་པར་བྱ། །དོན་དམ་ཀུན་རྫོབ་སེམས་བསྐྱེད་ནས། །མཚན་མེད་མཚན་མ་རྣམས་བསྒོམས་པས། །ཆོས་ཀྱི་སྐུ་དང་གཟུགས་སྐུ་འགྲུབ། །ཞི་དང་ཐུགས་རྗེར་འབྲེལ་བའོ། །ཡང་ན་གཅིག་དང་དུ་མ་ཡི། །རང་བཞིན་མེད་དེ་གཟུགས་བརྙན་བཞིན། །དངོས་པོ་གང་དང་གང་ལ་ཡང་། །མཚན་མ་ཡོད་པ་མ་ཡིན་ནོ། །རང་བཞིན་རང་བཞིན་མེད་མཐོང་བ། །ངོ་བོ་ཉིད་དུ་གནས་པ་ཡིན། །མུ་བཞི་སྐྱེ་བ་རྣམ་བྲལ་ཕྱིར། །རང་བཞིན་མེད་དེ་སྐྱེ་མེད་བལྟ། །དྲང་པོར་འདུག་ལ་ཡང་དག་ལྟོས། །ཡང་དག་མཐོང་ན་རྣམ་པར་གྲོལ། །རྟེན་ཅིང་འབྲེལ་བ་གང་བྱུང་བ། །རང་བཞིན་མེད་པས་གཟུགས་བརྙན་འདྲ། །སྔོན་དང་ཕྱི་མའི་མཐའ་སྤངས་ཏེ། །འགྲོ་བ་སྒྱུ་མ་བཞིན་དུ་སྣང་། །ངོ་བོ་ཉིད་ཀྱིས་མ་སྐྱེས་པས། །སྐྱེ་དང་འགག་པ་མི་འགྱུར་ཏེ། །མཐོང་བའི་ཆོས་ཉིད་དེ་བཞིན་གཤེགས། །རྟེན་ཅིང་འབྲེལ་བ་དེ་བཞིན་གཤེགས། །རྟེན་ཅིང་འབྲེལ་བ་ཟབ་མོའི་དོན། །དམ་པའི་དོན་དུ་བསྒོམ་པར་བྱ། །སྲིད་གསུམ་རང་བཞིན་མེད་མཐོང་ན། །ཁམས་གསུམ་འགྲོ་རྣམས་དབང་དུ་གྱུར། །གསང་བ་ཟབ་མོའི་དོན་ཉིད་ལ། །འཛིན་པ་མེད་པར་མད་པ་ཡི། །ཡོད་པ་མེད་པར་ཤེས་འདུག་ན། །ད་ལྟ་ཉིད་དུ་ས་གསུམ་རྫོགས། །བྱ་མེད་བྱ་དང་རྣམ་པར་བྲལ། །ཁམས་གསུམ་ལས་འདས་རིན་པོ་ཆེ། །ཡོན་ཏན་ཐམས་ཅད་འབྱུང་བའི་གནས། །ཟད་མི་ཤེས་པའི་གཏེར་དུ་འགྱུར། །མི་རྟོག་གསང་བ་ཀུན་འདུས་ཕྱིར། །རྟོག་པ་ཐམས་ཅད་དགག་པ་ཡིན། །གཟུང་དང་འཛིན་པ་ལས་བྱུང་སྟེ། །ཕྲ་རྒྱས་ཐམས་ཅད་གང་ཡིན་པ། །ལྷུན་གྱིས་གནས་པས་བཀག་པ་ཡིན། །འདི་ནི་ཨི་དང་མཛེས་པའི་ས། །ཏ་ལས་ཡན་ལག་སྤྲོས་པ་བཞིན། །འཇིག་རྟེན་ཡོངས་ཀྱི་སྦྱོད་ཡུལ་ལས། །སངས་རྒྱས་གསུང་གི་ཟབ་མོ་འབྱུང་། །སྲོག་དང་རྩོལ་བ་ལས་བྱུང་བའི། །སྤྲོ་དང་བསྡུ་བ་དེ་བཞིན་ཏེ། །དབུགས་ནི་ཕྲ་མོ་ཉིད་དུ་བྱ། །དེ་ནས་མ་སྐྱེས་ཏིང་འཛིན་བསྒོམ། །ཀུན་གྱིས་བགྲོད་པའི་ལམ་རྒན་ཕྱིར། །ཅིག་ཆར་འཇུག་པའི་དོན་ཉིད་པས། །གཞན་དུ་འཇུག་པར་མི་བྱའོ། །དེ་ནས་བྱང་ཆུབ་སེམས་དཔའ་ལ་སོགས་པ་ཐེག་པ་གཞན་རྣམས་ངོ་མཚར་དུ་གྱུར་རྨད་དུ་གྱུར་ཏེ་ངུས་རབ་ཏུ་ངུས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོས། བྱང་ཆུབ་སེམས་དཔའ་ལ་སོགས་པ་དེ་དག་ལ་འདི་སྐད་ཅེས་བཀའ་སྩལ་ཏོ། ཁེན་ཏུ་རྣལ་འབྱོར་གྱི་དོན་འདི་ནི། ནམ་མཁའ་དང་མཉམ་པ་སྟེ། སངས་རྒྱས་ཀྱི་སྤྱོད་ཡུལ། ཉན་ཐོས་ལ་སོགས་པ་དང་ཐུན་མོང་མ་ལགས་པ། མཆོག་ཏུ་གསང་བ་ཉིད་པས། ཁྱེད་རྣམས་ཀྱང་མ་སྐྲག་མ་དངངས་དངངས་པར་མ་བྱེད་ཅིག །སྤྱོད་ཡུལ་འདི་ལས་འདའ་བར་དཀའོ། །དེ་བཞིན་ཉིད་ཀུན་ལ་གནས་སུ་ཟིན་ཀྱང་། ཤེས་རབ་དང་སྙིང་རྗེར་མི་ལྡན་ཅིང་སྐལ་བ་མེད་པ་རྣམས་འཇུག་པར་མ་བྱེད་ཅིག །དེ་ནི་ཉམས་པར་འགྱུར་ཏེ། ཟབ་མོའི་དོན་མི་རྟོག་ཅིང་གནས་མེད་པ་ཡིན་ཏེ། དཔེར་ན་དེ་བྱི་སུ་དྲ་བཞིན་ནོ། །དེ་བས་ན་རིགས་གང་ཡིན་པ་མཚན་ལས་ཡོངས་སུ་བཟུང་ངོ་། །ཞེས་བརྗོད་པས་ཐམས་ཅད་རང་རང་གི་གནས་ག་ལ་བར་འཁོད་པར་གྱུར་ཏོ། །དེ་ནས་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་དུ་རྩོལ་བ་དང་བྲལ་བའི་ཐབས་འདི་གསུངས་སོ། །ཐམས་ཅད་བལྟ་བས་བཀབ་ནས་སུ། །སྙིངརྗེའི་མཐུ་ལས་བྱུང་བ་ཡི། །བྱང་ཆུབ་སེམས་ལྡན་གསང་སྔགས་པས། །སྣང་བ་དགག་པ་མ་ཡིན་ཏེ། །དབང་པོ་སྤྱོད་ཡུལ་ཡན་པར་བཞག །བལྟས་པས་མ་མཐོང་ཅིར་ཡང་མེད། །དངོས་ཀུན་སྒྱུ་མར་འདྲ་ཤེས་ནས། །མ་མཐོང་མཐོང་བའི་རྣམ་པ་ཅན། །བྱ་བྲལ་ལྷུན་གྲུབ་ཇི་བཞིན་གནས། །རང་བྱུང་ཀུན་ངམ་ལྷུན་གྱིས་གྲུབ། །ཇི་བཞིན་པ་ཞེས་མི་རྟོག་ཀྱང། །རྣམ་པར་སྣང་མཛད་ཀུན་ཏུ་བཟང་། །རྣམ་རྟོག་ཉིད་དུ་ཀུན་འདུས་ཕྱིར། །ཚོར་བ་བསྒོམ་པ་ཅི་ཞིག་ནད། །ཟིན་པས་རྩོལ་བའི་ནད་སྤངས་ཏེ། །ལྷུན་གྱིས་གནས་པས་བཞག་པ་ཡིན། །བསྒོམ་པ་རྩོལ་བའི་ནད་ཡིན་ཏེ། །རྩོལ་སེམས་བདེ་བ་རང་ལས་བྱུང་། །སྣང་བ་མེད་པའི་ཆོས་ཉིད་ནི། །བཙལ་བ་མེད་པའི་བཙལ་བས་འགྲུབ། །ཕྱི་ནང་གཡོ་དང་མི་གཡོ་ཀུན། །བྱང་ཆུབ་སྙིང་པོ་ཉིད་ཡིན་པས། །བཙལ་བའི་བསམ་པས་དབྱིངས་མི་བསྐྱོད། །མ་བཙལ་བཞག་ན་བསྒོམ་པ་ཡིན། །དེ་དང་དེ་རུ་རྣམ་བཙལ་ནས། །དེ་ལས་དེ་བཞིན་དོན་མི་འབྱུང་། །དེ་ནི་སྙིང་པོ་དེ་བས་ན། །དེ་ལས་དེ་འབྱུང་ངོ་མཚར་ཆེ། །ཕུང་པོ་ལྔ་ཉིད་སངས་རྒྱས་གཙོ། །འབྱུང་བ་ལྔ་ཉིད་རིགས་ཀྱི་ཡུམ། །དབང་པོ་ཡུལ་དུས་རིག་པ་རྣམས། །བྱང་ཆུབ་སེམས་དང་ཁྲོ་བོའི་ཚོགས། །ཉོན་མོངས་ལྔ་པོ་བྱང་ཆུབ་ལམ། །ཐམས་ཅད་ཀུན་ཏུ་བཟང་པོའི་ཞིང་། །སངས་རྒྱས་ཉིད་ལས་གཞན་མ་ཡིན། །དམ་པ་ཉིད་དུ་བཙལ་མེད་དེ། །ཀུན་རྫོབ་ཏུ་ཡང་བཙལ་མེད་དེ། །དམ་པའི་དོན་ལ་གང་འཇུག་པས། །གསང་བ་ཨུ༷༷ཡི་དོན་ཉིད་ལས། །གསང་བ་ཨཱོཾ་ཉིད་དམིགས་པ་ན། །གདམས་ངག་ངེས་པ་ཟབ་མོ་ཡིས བཙལ་བ་མེད་པའི་བཙལ་བ་དང་། །མི་བསྒོམ་པ་ཡི་བསྒོམ་པ་དང་། །མི་གནས་པ་ཡི་ཚུལ་དུ་གནས། །མཉམ་གཞག་མེད་པའི་ཚུལ་གྱི་ནི། །རྟག་པར་ཉིད་དུ་མཉམ་པར་གཞག །དགེ་དང་མི་དགེ་གཉིས་མེད་དེ། །བྱང་ཆུབ་ནམ་མཁའི་མཚན་ཉིད་དོ། །བྱང་ཆུབ་བཙལ་བས་རྙེད་མིན་ཏེ། །བྱང་ཆུབ་འདོད་ལ་བྱང་ཆུབ་མེད། །ཡང་དག་དོན་གྱི་སྙིང་པོ་འདི། །བསྒོམས་པས་རྙེད་པར་མི་འགྱུར་ཏེ། །མ་བསྒོམས་པས་ཀྱང་རྙེད་མི་འགྱུར། །བཙལ་བ་མེད་པའི་བསྒོམ་པ་ཡིས། །ཉལ་བའི་འཁོར་ལོ་ཉིད་དུ་བྱ། །ཆོས་རྣམས་མ་ལུས་སེམས་ཀྱི་ངང་། །སེམས་དེརངབཞིནགཞནནབསྒོམ། །དངོས་མེད་བྱང་ཆུབ་སེམས་ཀྱི་ངང་། །འདུས་མ་བྱས་པས་བདེ་བའི་ཀློང་། །སེམས་ཉིད་བསམ་མེད་བློ་ལས་འདས། །ཡེ་སངས་རྒྱས་པས་བསྒོམ་དུ་མེད། །དྲང་སྲོང་མཁས་པའི་རིག་པ་ཡིས། །དེ་ལ་མ་བཙལ་ཕབ་ན་བསྒོམ། །རིག་པ་དབྱིངས་ལ་ཡན་པ་ནི། །བཙལ་བའི་ནད་བྲལ་བསྒོམ་པ་ཡིན། །དེ་བས་གསང་བ་དྲི་མ་མེད། །ཡང་དག་འོད་གསལ་བསྒོམ་པར་བྱ། །འོད་གསལ་ཟུང་འཇུག་གནས་གྱུར་ན། །མཚན་མ་སྣ་ཚོགས་བག་ལ་བསད། །ཨུ་ལི་ཀྭ་ལིའི་ཕྱག་རྒྱ་ཡིས། །ཀུན་ཏུ་བཟང་པོའི་རོལ་པ་འགྲུབ། །དངོས་མེད་དངོས་ལ་མི་གནས་ཤིང་། །དབུ་མ་མི་དམིགས་མིང་ཡང་མེད། །སེམས་ཀྱི་རྒྱུ་བའང་མེད་པས་ན། །ཐམས་ཅད་ཐམས་ཅད་སྟོང་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཟབ་མོའི་མན་ངག་རྩོལ་བ་དང་བྲལ་བར་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། བདེན་པ་གཉིས་སོ་སོར་བསྟན་པའི་ཆེད་དུ་དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་བཀའ་སྩལ་ཏོ། །དོན་དམ་པ་ཡི་ངོ་བོ་ཉིད། །ཐ་དད་དུ་མ་མ་ཡིན་ཏེ། །སེམས་ཅན་བསམ་པའི་དབང་གིས་ན། །ཐབས་ཀྱི་རིམ་པ་དུ་མར་འགྱུར། །ལོག་པ་རྟོག་པའི་བདག་ཉིད་ཅན། །བྱེད་པ་པོ་ལ་སོགས་པ་ཡི། ཁུད་འདོད་མཐའ་རུ་འཛིན་པ་དང་། །ལྟ་བ་དྲུག་ཅུ་རྩ་གཉིས་ལྡན། །ཀུན་རྫོབ་ཡིན་ཏེ་དོན་དམ་མིན། །ཚིག་ཏུ་སྤྲོས་བྲལ་ཞེས་བྱའོ། །ཕྱི་རོལ་དོན་དུ་ལྟ་བ་གཉིས། །བདག་ཏུ་འཛིན་པ་ལ་སོགས་པ། །ཀུན་རྫོབ་ཡིན་ཏེ་དོན་དམ་མིན། །ཕུང་པོ་ཁམས་དང་སྐྱེ་མཆེད་དང་། །རྟེན་ཅིང་འབྲེལ་པ་ལ་སོགས་པ། །ཡང་དག་རྫས་སུ་འདོད་པ་དེ། །རྡུལ་ལས་གྲུབ་པའི་མཚན་ཉིད་དང་། །དེ་ལས་དེ་བྱུང་ཆོས་བདག་ཉིད། །དོན་དམ་པ་ཡི་རང་བཞིན་ནོ། །གཟུང་དང་འཛིན་པ་རྣམ་སྤངས་པའི། ཁྲེས་བྱ་ནང་གི་འདོད་པ་དག །རྡུལ་ཉིད་ཕྱོགས་ཆས་མི་འགྲུབ་ཅིང་། །གཅིག་མིན་དུ་མ་མ་ཡིན་ནོ། །ཀུན་ཏུ་བརྟགས་པའི་བདག་ཉིད་ནི། །ཡང་དག་མིན་ཏེ་ཀུན་རྫོབ་ཡིན། །གཞན་གྱི་དབང་གི་ངོ་བོ་ཉིད། །ཡོངས་སུ་གྲུབ་པ་ཞེས་བྱ་བ། །དོན་དམ་བདེན་པ་ཞེས་བྱའོ། །སྟོང་པ་ཆེན་པོའི་རང་བཞིན་ནི། །ཆོས་བདག་མེད་པར་མཉམ་ཉིད་པས། །རང་སེམས་གཟོད་ནས་མ་སྐྱེས་པ། །རང་བཞིན་ཅན་གྱི་ཀུན་རྫོབ་སྟེ། །དོན་དམ་སྟོང་པ་ཉིད་ཡིན་པས། །རང་བཞིན་རང་བཞིན་མེད་པའོ། །བྱ་བ་དང་ནི་གཉིས་ཀའི་རྒྱུད། །ཕྱི་རོལ་སྤྱོད་པའི་བྱ་བ་དག །ཁྲུས་དང་གཙང་སྦྲ་ལ་སོགས་པ། །ཀུན་རྫོབ་ཡིན་ཏེ་དོན་དམ་མིན། །མཚན་མ་དག་ལ་རྟེན་བཅས་ནས། །མཚན མམེདཔ འགྲུབ་པ་དང་། །ནང་གི་དག་པར་སྦྱོར་བ་ནི། །ཡང་དག་བདེན་པ་ཞེས་བྱའོ། །རྣལ་འབྱོར་རྒྱུད་ནི་ཐམས་ཅད་ཀུན། །སྣང་ལརངབཞིནམེདཔསྟེ། །འཁོར་ལོ་བདག་ཉིད་ཐམས་ཅད་ཀུན། །ཀུན་རྫོབ་ཡིན་ཏེ་འགོག་པ་ཡིན། །དོན་དམ་བདེན་པ་ཞེས་བྱ་བ། །གསང་བ་ཡིན་ཏེ་རང་བཞིན་མེད། །གསང་བའི་ཐིག་ལེ་ཀུན་གྱི་དབྱིངས། །དེ་ནི་སངས་རྒྱས་ཀུན་གྱི་དངོས། །འདི་ནི་སངས་རྒྱས་ཐམས་ཅད་ཀྱི། །གསང་བ་དམ་པ་དྲི་མ་མེད། །ཡོན་ཏན་ཐམས་ཅད་འབྱུང་བའི་གནས། །ཐམས་ཅད་རང་བཞིན་མེད་པའོ། ཁེན་ཏུ་རྣལ་འབྱོར་ཆེན་པོ་ནི། །ཏིང་ངེ་འཛིན་དང་སྤྱོད་པ་དང་། །ཐབས་ཀྱི་རིམ་པ་ཀུན་རྫོབ་སྟེ། །ཐེག་པ་ཐེག་པ་ཞེས་བྱའོ། །དོན་དམ་སྟོང་པ་ཉིད་ཡིན་པས། །རང་བཞིན་རང་བཞིན་མེད་པའོ། །བལྟ་དང་ཏིང་འཛིན་སྤྱོད་པར་བྲལ། །ལམ་གྱི་ནང་ན་ཉེ་ལམ་སྟེ། །ཐབས་ཀྱི་མཆོག་ཏུ་གྱུར་པས་ན། །རྫོགས་པ་ཆེན་པོ་ཞེས་བྱའོ། །ཕྱི་རོལ་ཡུལ་ལས་ལོག་ནས་ནི། །ཇི་བཞིན་པ་ཡི་ཡུལ་ལ་འཇུག །འདུ་ཤེས་མེད་པའི་ཤེས་པ་ཅན། །ནང་དུ་འདུལ་བའི་རྟོགས་མེད་བསྒོམ།རྩོལ་བ་མེད་པའི་སེམས་དཔའ་ཡིས། །བཙལ་བ་མེད་པའི་རྡོ་རྗེ་བསྒོམ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། བདེན་པ་གཉིས་སོ་སོར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དེ་བཞིནགཤེགསཔཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་གསང་བ་བསྡུས་པ་འདི་གསུངས་སོ། །དངོས་པོའི་རང་བཞིན་ཐམས་ཅད་ནི། །ཆོས་ཀྱི་དབྱིངས་ཀྱི་ཐིག་ལེ་སྟེ། །དེ་ཉིད་བསྒོམ་པའི་ཐབས་སུ་ནི། །མེ་ཤེལ་གཟུགས་བརྙན་ལ་སོགས་བརྟགས། །བརྟགས་པས་དངོས་པོ་མེད་མཐོང་སྟེ། །ཡང་དག་མཐོང་ན་རྣམ་པར་གྲོལ། །གཟུགས་དང་སྒྲ་ལ་སོགས་པ་རྣམས། །ཡང་དག་མིན་ཏེ་ཀུན་བརྟགས་ཡིན། ཁྲེས་རབ་ཐབས་ལས་ཐམས་ཅད་བྱུང་། །གང་ཞིག་དངོས་མེད་ཤེས་རབ་སྟེ། །རང་གི་མཚན་ཉིད་ཐབས་ཡིན་ནོ། །བདེ་བའི་བསམ་གཏན་ཆེན་པོ་ཡིན། །སྒྱུ་མའི་རོ་ལ་མ་ཆགས་ན། །དེ་ནི་ཆགས་པ་ཆེན་པོ་ཡིན། །སྲོག་དང་མ་བྱིན་ལེན་པ་དང་། །རྫུན་དང་རྩུབ་པའི་ངག་ལས་སོགས། །ཐམས་ཅད་མ་ལུས་སྤྱད་བྱ་སྟེ། །སྦྱར་ན་ཡེ་ཤེས་ཐོབ་པར་འགྱུར། །སྐུ་གསུང་ཐུགས་སུ་གང་སྒྲུབ་པས། །ཕྲ་མོ་ཐིག་ལེ་རྫོགས་པར་བསྒོམ །དེ་ནས་གྲུབ་པ་མཐོང་མ་ཐག །མ་སྐྱེས་པ་ཡི་ཏིང་འཛིན་བསྒོམ། །དེ་ཡང་རང་བཞིན་མཚན་མ་མེད། །གཉིས་མེད་གཉིས་སུ་མེད་མིན་ཞི། །མི་འགྱུར་བ་དང་དྲི་མ་མེད། །ནམ་མཁའ་ལྟ་བུར་བདག་མེད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཀུན་ཏུ་བཟང་པོས། ཐོད་རྒལ་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། ཆེད་དུ་བརྗོད་པ་འདི་བརྗོད་དོ། །རིགས་ཀྱི་བུ་གང་ལ་ལས་ཤིན་ཏུ་རྣལ་འབྱོར་གྱི་དོན་འདི། ཐོས་པ་མེད་པའི་ཚུལ་དུ་ཐོས་པ་དང་། མཐོང་བ་མེད་པའི་ཚུལ་གྱིས་མཐོང་བ་ལ་སོགས་པར་རྟོགས་ཤིག །འདི་ནིདེབཞིནགཤེགསཔཐམས་ཅད་ཀྱི་གསང་བའི་དོན་ཟབ་མོ་ཡི་གེ་མེད་པའི་རྒྱུད་ཅེས་བྱའོ། །དེའི་དོན་ནི་བླ་མའི་ཁ་ནས་ཤེས་པར་བྱ་སྟེ། དངོས་གྲུབ་ཀྱང་བླ་མ་ལ་གནས་སོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། ཤིན་ཏུ་རྣལ་འབྱོར་གྱི་དོན་བསྡུས་པའི་ལེའུ་སྟེ་བཅུ་བཞི་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། འཁོར་རྣམས་ཀྱིས་མགྲིན་གཅིག་ཏུ་བསྟོད་པ། ཐམས་ཅད་སྐུ་ཡི་བདག་པོ་མཆོག །མཚན་དང་དཔེ་བྱད་རྫོགས་པར་ལྡན། ཁེན་ཏུ་རྣལ་འབྱོར་དོན་འཆང་བ། །ཐམས་ཅད་སྐུ་ཁྱོད་ཕྱག་འཚལ་ལོ ཐམས་ཅད་གསུང་གི་བདག་པོ་མཆོག །ཡི་གེ་མེད་པའི་གསུང་མཆོག་སྟེ། །གསང་བ་ཟབ་མོའི་དོན་འཆང་བ ཐམས་ཅད་གསུང་ཁྱོད་ཕྱག་འཚལ་ལོ། །ཐམས་ཅད་ཐུགས་ཀྱི་བདག་པོ་མཆོག །ཡེ་ཤེས་ལྔ་ཡི་བདག་ཉིད་ཅན། །རྫོགས་པ་ཆེན་པོའི་དོན་འཆང་བ། །ཐམས་ཅད་ཐུགས་ཁྱོད་ཕྱག་འཚལ་ལོ། །ཞེས་བརྗོད་པས་དེ་བཞིན་གཤེགས་པ་ཉིད་མཉེས་པར་གྱུར་ཏེ། གསང་བའི་བདག་པོ་ཕྱག་ན་རྡོ་རྗེ་ལ་བོས་ནས། ཁྱེད་ཀྱིས་ཤིན་ཏུ་རྣལ་འབྱོར་གྱི་དོན་འདི་བྱང་ཆུབ་སེམས་དཔའི་རིགས་ཅན་གྱི་འགྲོ་བ་རྣམས་ལ་ཆོས་ཀྱི་འཁོར་ལོ་སྐོར་ཅིག །ཅེས་གསུངས་པས། ཕྱག་ན་རྡོ་རྗེས་བཅོམ་ལྡན་འདས་ཀྱིས་གསུངསཔབཞིནདུབགྱིའོཞེས་བརྗོད་དོ། །དེ་ནས་ཆོས་ཀྱི་རྒྱལ་ཚབ་ཆེན་པོར་དབང་བསྐུར་རོ། །དེ་ནསདེབཞིནགཤེགསཔཐམས་ཅད་ཀྱི་བདག་པོ་འཁོར་དང་བཅས་པ་ཐམས་ཅད་ཤིན་ཏུ་རྣལ་འབྱོར་གྱི་དོན་ལ་ཞུགས་ཏེ། ཅང་མིསྨྲ་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས།བདག་པོ་ཡོངས་སུ་མཉེས་པ་དང་། ཡོངས་སུ་བཟུང་བའི་ལེའུ་སྟེ་བཅོ་ལྔ་པའོ།། །།དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པ་ཞེས་བྱ་སྟེ། མན་ངག་གི་སྙིང་པོ་ཞེས་བྱ་བ་རྣལ་འབྱོར་མའི་རྒྱུད། རྫོགས་པ་ཆེན་པོའི་ཡང་རྫོགས་པ། ཟབ་མོའི་ཡང་ཟབ་མོ་ཤིན་ཏུ་རྣམ་འབྱོར་གྱི་དོན་མཐར་ཐུག་པའི་ས་རྫོགས་སོ།། །།རྒྱ་གར་གྱི་མཁན་པོ་རྙོ་ན་གསྟེ་དང་། བོད་ཀྱི་དགེ་སློང་བི་རོ་ཙ་ནས་བསྒྱུར་ཅིང་གཏན་ལ་ཕབ། ཕྱིས་སྐད་གསར་བཅད་ཀྱིས་ཀྱང་བཅོས་སོ།། །། རྒྱ་གར་སྐད་དུ། རཏྣ་ཙཀྲ་ཀུ་ཊ་ཏནྟྲ་ནཱ་མ། བོད་སྐད་དུ། རིན་པོ་ཆེ་འཁོར་ལོ་བརྩེགས་པའི་རྒྱུད་ཅེས་བྱ་