Ngb-pt-0255-vol-03-text
Front
Body
རྒྱས་ཡེ་ཤེས་རིན་པོ་ཆེས་བསྒྱུར་བའོ། །ས་མ་ཡ། །རྒྱ་རྒྱ་རྒྱ།། །། རྒྱ་གར་སྐད་དུ། རུ་དྲ་མནྟྲ་པྲ་ཧ་ར་ཎ་ཀྭ་ལ་ཏནྟྲ། བོད་སྐད་དུ། དྲག་སྔགས་མཚོན་ཆ་ནག་པོའི་རྒྱུད། དཔལ་གཤིན་རྗེ་གཤེད་པོ་ལ་ཕྱག་འཚལ་ལོ ཐམས་ཅད་གསུམ་ལྡན་བདེ་བ་ཡིས། །ཟུངས་ཐུབ་མཚན་མ་ཀུན་སྤངས་ཤིང་། །ཡོན་ཏན་མ་ལུས་ཀུན་ལྡན་པ། །བདེ་བ་ཆེན་པོ་ཁྱེད་ལ་འདུད། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཀྱི་དབྱིངས་མཐའ་དབུས་མེད་པའི་ཕོ་བྲང་ཡེ་ཤེས་ལྷུན་གྱིས་གྲུབ་པའི་གཞལ་ཡས་ཁང་ན་། འཇིག་རྟེན་པའི་དྲེགས་པ་ཅན་དབང་དུ་སྡུད་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་འཁོར་རྡོ་རྗེ་སྙིང་པོ་ལ་སོགས་པ་མ་བསྒྲིབས་པའི་ཆོས་ཀྱི་དབྱིངས་ན་གནས་པ་རྣམས་དང་། ས་ལམ་ལ་གནས་པ་རྣམས་དང་། བགྲོད་པ་ཕྱིན་ཅི་མ་ལོག་པ་རྣམས་དང་། དྲེགས་པ་འདུལ་བའི་ཁྲོ་ཚོགས་དང་། འཇིག་རྟེན་ཁྲམ་འདེབས་འཐོམས་པའི་ཚོགས་དང་། ཁྲག་སྒྱུགས་བཤན་པ་སྲོག་ལ་རྔམ་པའི་ཚོགས་དང་། གདུག་པ་གསུམ་དང་བཅས་པའི་སྡེ་དཔོན་དྲེགས་པ་ཅན་དང་། ཐམས་ཅད་འདུས་པའི་དབུས་ན།འཇམ་པའི་རྡོ་རྗེ་སྙིང་པོས་རྡོ་རྗེ་འཆང་ལ་འདི་སྐད་གསོལ། རྣམ་དག་ཆོས་སྐུའིརངབཞིནལས། །འགྲོ་བ་འདུལ་ཕྱིར་མཚན་མའི་སྐུ། །ཐབས་ཀྱི་རྒྱལ་པོ་བདེ་བ་ཆེ། །ཡེ་ཤེས་རོལ་པའི་ལས་རྣམས་ཀུན། །རྫོགས་པའི་ཚུལ་དུ་རྒྱས་མཛོད་ལ། །གདུག་པ་འདུལ་བའི་དོན་མཛོད་ཅིག །ཅེས་གསོལ་ཏོ། །དེ་ནས་བཅོམ་ལྡན་འདས་ཀྱིས་མཉམ་པ་ཉིད་མི་གཡོ་བ་ལས་རྔམ་ཚིག་དྲག་པོའི་ཏིང་ངེ་འཛིན་ལས་བཞེངས་ཏེ།མྱེ་བཛྲ་སརྦ་དུཛི༷་ཞེས་གསུངས་པས་འཇིག་རྟེན་ཐམས་ཅད་འུར་འུར་རབ་ཏུ་འུར། ཆེམ་ཆེམ་རབ་ཏུ་ཆེམ། གཡོ་ཞིང་ལྡེག་གོ །དེའི་ཚེ་འཁོར་ཐམས་ཅད་བརྒྱལ་ཞིང་སྲོག་དང་བྲལ་དུ་ཆའོ། །ལུས་ས་ལ་བརྡེབས་ཤིང་སྨྲེ་སྔགས་འདོན་ནོ། །རིགས་པའི་རྒྱལ་པོ་བདེ་བ་ཆེ། །འཁོར་དུ་འདུས་པ་སྲོག་དང་བྲལ་དུ་ཉེ། །སྲོག་གི་སྙིང་པོ་འདི་བཞེས་ལ། །དཀྱིལ་འཁོར་ཆེན་པོ་སྤྲུལ་པ་མཛོད། །ཅེས་གསོལ་བ་གདབ་བོ། །དེ་ནས་བཅོམ་ལྡན་འདས་ཀྱིས་འཁོར་རྣམས་ལ་གཟིགས་ཏེ། རྔམ་པའི་སྒྲ་འདི་བསྒྲགས་སོ། །ཀུན་གྱི་རང་བཞིན་གཅིག་པ་ལ། །རྟོག་དཔྱོད་སྣང་སྲིད་ཀུན་ཁྱབ་གདལ། །ཡེ་ཤེས་ཆེན་པོ་ཀུན་འབྱུང་བ། །སྣ་ཚོགས་སྦྱོར་བ་རྒྱས་པའི་ཞིང་། །ཞེས་གསུངས་པས། འཁོར་རྣམས་ཀྱིས་ཐོས་ནས། འཁོར་གྱི་གཙོ་བོ་འཇམ་པའི་རྡོ་རྗེས་འདི་སྐད་ཅེས་གསོལ་ཏོ། །ཡང་དག་བདེ་བའི་ལམ་མཆོག་ལས། །གསང་བ་རིན་ཆེན་གྲུབ་པའི་དོན། །ཟུང་འཇུག་ཐབས་དང་ཤེས་རབ་ལམ། །དམོད་པ་དྲག་པོ་རྒྱས་པར་མཛོད། །ཅེས་གསོལ་ཏོ། །དེ་ནས་བཅོམ་ལྡན་འདས་ཕྱག་རྒྱ་ཆེན་པོ་ཉིད་དྲེགས་པ་ཅན་འདུལ་ཞིང་དམོད་པའི་ལས་རྒྱས་པར་མཛད་པའི་ཕྱིར་ཟིལ་གྱིས་གནོན་པའི་ཏིང་ངེ་འཛིན་ལ་ཞུགས་པའི་དཀྱིལ་འཁོར་འདི་ལྟ་སྟེ། ཆོས་ཀྱི་དབྱིངས་ཀྱི་ཕོ་བྲང་ནས། །དྲག་པོ་ཨེ་ཡི་གཞལ་ཡས་ན། །སྟོབས་ཆེན་དྲེགས་པ་འདུལ་བ་སྟེ། །དབུ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་ཞལ། །འཁོར་ལོ་རྡོ་རྗེ་རལ་གྲི་གཡས། །བེ་ཅོན་ག་་ཤིང་སྡིགས་མཛུབ་གཡོན། །ཞིང་ཆེན་གཡང་གཞི་ཀོ་རློན་དང་། །སྟག་གི་ཤམ་ཐབས་རབ་ཏུ་མཛེས། །སྦྲུལ་དང་རིན་པོ་ཆེ་ཡིས་མཛེས། །སྙན་ཆ་མགུར་ཆུ་ཚངས་སྐུད་དང་། །ཕྱག་ཞབས་རོ་ཉེས་རབ་ཏུ་མཛེས། །དབུ་ལ་ཧེ་རུ་ལྔ་ཡིས་བརྒྱན། །བདུད་རྒྱལ་སྲིན་པོའི་ཐོད་པས་སྤྲས། །ཐུགས་མཆོག་སྨུག་ནག་འཁོར་ལོ་སྙིང་། །དྲེགས་འདུལ་ལྗང་ནག་རྡོ་རྗེ་ཕྲེང་། །རུས་སྦལ་རྔམ་པ་ཀློག་འགྱུ་སྟེ། །དབུ་ལ་མཁའ་ལྡིང་གདུག་པ་འདུལ། །སྟག་དང་སེང་གེ་རྔམ་པ་ལ། །ཡང་སྤྲུལ་སྨུག་ནག་རོ་ཉེ་འདྲེན། །དུག་སྦྲུལ་རླངས་པ་དགྲ་ལ་གཏོང་། །བདུད་མོ་གཡོན་ན་ཉེ་བ་སྟེ། །སྙིང་འཁྱུད་དུང་དམར་གཙོ་ལ་སྟོབ། །འཁོར་གྱི་མོན་པ་བླ་འགུགས་དང་། །འཆི་བདག་ཚེ་བདག་སྲོག་བདག་བཅས། །མ་སྐྱེས་གདོད་ནས་ལྷུན་གྱིས་གྲུབ། །སྟོང་པའི་ངང་ལས་རང་བཞིན་འཆར། །ལས་དང་སྦྱོར་བ་སྣ་ཚོགས་པ། །ཡེ་ཤེས་རོལ་པའི་རྒྱན་དུ་ཆེ། །བསྒྲོ་དང་ཕྱག་རྒྱ་སྟོབས་ཅན་གྱིས། །སྟོབས་ཆེན་སྙིང་པོས་རང་ལུས་བསྲུང་། །དུས་ངན་ལས་ཀྱིས་མནར་བའི་ཚེ། །སྡང་སེམས་ཅན་དང་འགུགས་བྱེད་ལ། །ལས་ཀྱི་འཁོར་ལོ་སྙིང་ལ་བསྐོར། །འབྱུང་བ་རྒྱུ་བའི་ཕུང་པོ་བཤིག །ཉོན་མོངས་ལྔ་གསུམ་རང་གཤེད་དབབ། །ཕོ་ཉའི་ཟ་ཁ་ནང་དུ་བསྟན། །འབྱུང་བཞི་དཀྲུགས་ཤིང་སྐྱིན་ཐང་དབཐེ། །ལས་ཀྱི་མཐའ་བསྡུ་མཁས་པས་བརྟག །གསལ་གསུམ་ཡིན་པ་གསུམ་གྱི་གདེང་། །ལྷུན་གྱིས་གྲུབ་པའི་ལས་སུ་བཤད། །མཚོན་ཆ་ནག་པོ་ སྐུའི་རྒྱུད་ལས་གླེང་བཞི་རྩ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་དྲེགས་པའི་རང་གཤེད་རང་ལ་དབབ་པའི་ཕྲིན་ལས་འདི་གསུངས་སོ། །དུར་ཁྲོད་གདུག་པའི་དབེན་གནས་སུ། །མཆོག་གསུམ་ཚང་བའི་མཚམས་བཅད་ལ། །མཎྜལ་མཐིང་ནག་གྲུ་གསུམ་ལ། །ཕུང་ས་གསུམ་ལ་དུག་ཁྲག་སྐུ། །ལྷོ་རུ་རྩེ་བསྟན་རྩང་དམར་བསྐོར། ཁྲ་ཆེན་སྙིང་སྣས་གཏོར་མ་བརྒྱན། །མོན་པའི་དོན་དང་དཔའ་བོའི་རྟ། ཁྱི་སྤྱང་བྱ་སྤྲེའུ་ལུག་དང་ར། །རབས་ཆད་ནག་མོ་ཡུགས་ས་ཕག །ནལ་བུའི་རྒྱ་ཚིལ་བོང་བུ་སྦྲུལ། །འབྲས་བུ་བཅས་དང་དོན་སྙིང་ལ། །དྲེགས་པའི་དམ་རྫས་བཟུང་ལ་དབྱེ། །བལྟ་བ་ཆོས་ཉིད་ཟབ་མོའི་གདེང་། །དབང་རྫོགས་རྡོ་རྗེ་ཡེ་ཤེས་གདང་། །ཡེ་ཤེས་ལྷུན་གྲུབ་ཕྱག་རྒྱ་གསལ། །སྤྱོད་པ་སྤྱི་དང་སྒོ་ཡི་གཟེར། །གནོད་བྱེད་གཟིར་བ་དེ་བཞིན་མིན། །ཆོས་སྐུ་མཉམ་རྫོགས་གཟིར་མི་དགོས། །ལོག་རྟོག་བརྐམ་ཆགས་ཞབྲུལ་པ་ཡི། །དུག་ལྔའི་ནད་ཀྱིས་ཟིན་པ་ལ། །བདེ་བའི་སྟོབས་མེད་ཞེན་ཆགས་ཅན། །ལོག་པའི་སྟོབས་གཞོམ་དྲག་པོས་གཟིར། །གཤིན་རྗེ་ལ་སོགས་དྲེགས་པ་ཡི། །རང་རང་སྲོག་དང་སྤྱི་སྲོག་དྲིལ། །ཡི་གེའི་གནད་ཀྱིས་འཇོམས་པར་བྱེད། ཁམས་གསུམ་དབང་བྱེད་དྲེགས་པ་ཅན། །དྲེགས་པའི་དེ་ཉིད་ཤེས་གྱུར་ན། །དྲེགས་པ་རང་གཤེད་རང་གིས་བྱེད། །ཀུན་གྱི་སྲོག་སྙིང་ཨེ་ལ་བསྡུ། །འབྲུ་གསུམ་སྙིང་རྩ་མགྲི༷ན་པར་གནས། །འབྲུ་གཉིས་མགོ་དང་ཡན་ལག་གནས། །གནོད་བྱེད་འབྲུ་དྲུག་ཤེས་རྒྱུད་དབང་། །དེ་ལ་སྔགས་ཀྱི་སྟོབས་ཀྱིས་གཟིར། །རང་གཤེད་ཕྱག་ཆ་རང་ལ་བསྐོར། །ལྷ་བསྙེན་བརྟན་ཐོབ་སྒྲ་ལ་དབྱུང་། །ཨཱོཾ་ཨ་ཀྲོ་ཏེ་ཀ་ཡ་སྨྱུརྙ་ཀ་ཧ་ན་མ་ཐ་བྷན་ཛ་ཧྭ༷་ཕཊ། བདག་ཉིད་སྐུ་གསུམ་རྫོགས་པར་བསྒོམ། །སྟོབས་ཀྱི་དྲག་སྔགས་འབུམ་ཚོ་བཅུ། །སྙིང་སྣ་དམ་རྫས་གང་གྲུབ་དབྱེ། །སྤྱི་དྲིལ་ལས་དང་རང་རང་དབྱེ། །མྱུར་དང་སྟོབས་དཔག་མེད་པ་འབྱུང་། །སྒྲུབ་བྱ་ལས་ཀྱི་ཤེས་རྒྱུད་ལ། །རྣོ་དབལ་མཚོན་ཆའི་ཡི་གེ་གནས། །སྙིང་ལ་དྲི་གནས་མགྲིན་པར་ཧུར། །ལྟེ་བར་ཐུམས་དང་གསང་བར་ཛ། །ཀླད་པར་ཧྲིག་ནན་མགོ་སྟེང་ནན། །རྩ་བཞིའི་མདུད་པ་འབྲུ་བཞིས་གཅོད། །མཚོན་ཆའི་རྒྱལ་པོ་རྣོ་དབལ་ལྡན། །རྩ་སྲོག་ཤེས་རྒྱུད་དྲན་པ་གཅོད། །དེ་བསྐུལ་མཆོན་ཆ་རྒྱུད་ལ་ལྡང་། །སྟོབས་ཀྱི་སྔགས་ཀྱིས་འཕེན་པར་བྱེད། །ཨེ་བཛྲ་སརྦ་དུས་ཏན། ཨེ་ཏྲི་ནན། ཨེ་ཧུར་ཐུམས་ཛ༷༷མུ་ར་ཡ་རྦད། དེ་ཡིས་སྦྱོར་བ་སྟོབས་ཞན་ན། །མིང་དང་སྙིང་པོ་འབྲུ་རེ་སྦྱར། །འབྲུ་བཞི་མཚོན་ཆའི་སྟོབས་ཀྱིས་གཅད། །ལས་དང་སྦྱོར་བ་རྩ་དང་སྲོག །ཐམས་ཅད་གང་འདོད་མི་འཇིག་གཅོད། །གང་བརྩམ་ལས་ལ་དོན་མེད་ན། །སྟོབས་དང་བཅས་པ་དྲིལ་ལ་བརྡེག །རང་ལུས་བརྟན་པའི་ཤེས་རྒྱུད་ལ། །བཛྲ་སརྦ་དུས་སྟན་གནས། །རང་ལུས་གནས་པའི་གོ་ཆས་བསྲུང་། །ཞེས་གསུངས་སོ། །མཚོན་ཆ་ནག་པོ་སྐུའི་རྒྱུད་ལས་རང་གཤེད་དབབ་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་དྲག་སྔགས་ཀྱི་སྙིང་པོ་འདི་གསུངས་སོ། སྔགསསོརབཝ །ཨེ་ཀ་ཧེ་དུན་ཡ་མ་སྙིང་ཁྲག་ར་མ་ཙ་ཡ ཨེ་བཛྲ་སརྦ་དུས་ཏན། ཏྲིག་ནན། ཧུར་ཐུམས་ཛ། ཨེ་མུ་ར་ཡ་རྦད། སྲོག་ལ་ཙ་ཤ་རུ་ཏིསྤོ་མུ་ར་ཡ་རྦད། སྲོག་ལ་མུ་ར་ཡ་སྤོ་མྱ་ར་ཡ་རྦད། སྲོག་ལ་ཙིསྟ་འགུ་ལི་ནི་བཱ་ར་ཡ་རྦད། སྲོག་ལ་ཨེ་བ༷་ར༷་ཡ༷་ཁ༷་ཐྲོ་བཱ་ར་ཡ་རྦད། སྲོག་ལ་ཁྱེར་ཕྱུང་བ༷་ཤག་མྱ་ར་ཡ་རྦད། སྤོ་ཧུར་ཐུམས་ཛ་སྟུ༷་བྷ་ཡ་ནན། ཨབླུ་ཤ་ཛ། ཨསྣེ་ཛ་ལ་ར༷། སྲོག་ལ་ཀི་ལི་ཀི་ལི་ཡ། ཏྲིག་ནན་བིསྒྱུ༷་སྙིང་ལ་གཟིར་ནན། ཧུར་ཐུམས་ཛ། མྱགས་ཐུམས་རིལ་རྦད་ཡ། མཚོན་ཆ་ནག་པོ་སྐུའི་རྒྱུད་ལས་དྲག་སྔགས་བསྟན་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་དྲེགས་པ་ཆམ་ལ་དབབ་པའི་ཕྲིན་ལས་འདི་གསུངས་སོ། །ངོ་བོ་མ་བཅོས་བདེ་བ་ཆེན་པོའི་ངང་། །ཆོས་ཉིད་ཡེ་ནས་ལྷུན་གྱིས་གྲུབ། །ཡེ་ཤེས་དཀྱིལ་འཁོང་སྣང་ལ་རང་བཞིན་མེད། །སྤྲུལ་པ་སྣ་ཚོགས་ལོག་རྟོག་འདུལ་ལ་མཁས། །ཐ་སྙད་ཚིག་རྣམས་དོན་ལ་ཡང་དག་སྟོང་། །དེ་རྟོགས་སངས་རྒྱས་ཡིན་པ་གསད་མནན་མེད། །བདེན་དོན་མ་རྟོགས་སྡུག་བསྔལ་ཕུང་པོར་སྨིན། །ལུས་ངག་སེམས་ཀྱི་འདུ་བྱེད་ཀྱིས། །གཞན་ལས་ལྷག་པའི་སྟོབས་རྙེད་པས། །དྲེགས་པའི་ལུས་ངག་སེམས་སུ་སྣང་། །གདུག་པའི་སེམས་ཀྱིས་གཅོད་ཅིང་རྔམ། །དེ་ལ་སྔགས་ཀྱི་སྒྲོར་བ་བརྡེག །རང་བདུད་ཕྱག་ཆ་རང་ལ་བསྐོར། ཁམས་གསུམ་དབང་བྱེད་དྲེགས་པ་ཡིན། །དྲེགས་པའི་དེ་ཉིད་ཤེས་གྱུར་ན། །དྲེགས་པའི་རང་གཤེད་རང་གིས་བྱེད། །ཡི་གེ་སྤྱི་ཡིས་གཟིར་བྱས་ལ། །དྲེགས་པའི་རྣམ་ཤེས་ཡིག་འབྲུ་གཅིག །འཕྲོག་བྱེད་ཡི་གེ་འབྲུ་གསུམ་གྱིས། །སྙིང་གི་དཀྱིལ་ལས་འཕྲོག་ཅིང་འཛིན། །གཅོད་བྱེད་མཚོན་ཆ་འབྲུ་བཞི་ཡིས། །རང་སྲོག་རང་གིས་གཅོད་པར་བྱེད། །དྲེགས་པ་སྤྱི་ཡི་གནད་རྣམས་དང་། དྲེགས་པ་སྒོས་ཀྱི་སྦྱོར་བའི་སྟོབས། །ལས་དང་ནུས་པ་སྦྱར་ལ་གཟུད། །གཟིར་དང་སྲོག་དབྲོག་རྦད་པའི་ལས། །རང་གནད་གཞོམ་པ་འདི་ལྟ་སྟེ། །ཞིཁྲོགཤིནརྗེཕུརཔ་དང་། །མ་མོ་བདུད་མོ་སྲིན་མོ་དང་། །བདུད་དང་མུ་སྟེགས་རྒྱལ་པོ་བཙན། །རྨུ་དང་དུ་ཏྲ་སྲིན་པོ་དང་། །གནོད་སྤྱིན་སྐྱེས་བུ་གྱིང་དག་དང་། །ཐུག་བདག་སྲི་ཅན་གདུག་པ་གསུམ། །དེ་ཉིད་ཤེས་ན་རང་སྲོག་གཅོད། །དྲེགས་པའི་ཕྱག་ཆ་རང་ལ་འཁོར། །དེ་ནས་བཅོམ་ལྡན་འདས་ཀྱིས་གསང་སྔགས་འདི་དག་བསྟན་ཏོ། །ཨེ་བཛྲ་སརྦ་དུས་ཏན་སརྦ་ཤ་ཧྲུན། ཨོ་ཤི་བཛྲ་ཀྲོ་དྷ། ཨེ་ཡ་མ་ཡ། མ་མ་རུ་ལུ་མ། དུན་ཏིང་ཀི་ལྭ་ཡ། ཏ་ཏིར་ཏི་ཀ །རུ་ཏྲ་དུ། དེ་བ་ཨ། དན་ཏང་མེ། མུན་མུན་པ། རྭ་ཙ་ཙ། རསྒ་ར། རག་མོ་ར། ཡཀྟ་ཡཀྟ། ཡག་མོ་ཀྟ། ཤུ་ལ་ཛ། བཛྲ་ས་དུ་ཏྲི། ཧ༷་ཤ༷་ཏྲི། རུ་ཏྲི་སྲ ས་ནཱ་ག་ཕུ།དེ་སྔགས་ཀྱི་གྲོང་ཁྱེར་ཏེ། །སྔགས་པ་ནང་འགྲས་པ། དྲེགས་པའི་ལྷ་འདྲེ་རྒྱུད་ལ་གནོད་པ་དང་། རྟགས་དང་སྦྱར་ཞིང་སྔགས་ཀྱི་ཕྱག་ཆ་རང་ལ་བསྐོར། །རྟགས་རྣམས་འཁྲུགས་ན་སྟོང་གསུམ་གཅིག་དྲིལ་གཟིར།བདུན་ནམ་བཅུ་བཞི་ཉི་ཤུ་གཅིག །གསུམ་མམ་ལྔ་རུ་དྲག་པོར་གཟིར། །དང་པོ་རབ་སྒྲུབ་སྙིང་པོ་དྲངས། །གནད་དུ་གཟིར་ཟིང་དགུག་པར་བྱ། །བོས་ཤིང་གཟིར་ལ་སྲོག་སྙིང་དབྲོག །མིང་དང་རྣམ་ཤེས་འབྲུ་བཞིས་གཅོད། །ཐ་མ་གནན་བསྲེག་དམ་བདར་གཅེས། །མཚོན་ཆ་ནག་པོ་སྐུའི་རྒྱུད་ལས་དྲེགས་པ་གཟིར་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་བསད་པ་ལས་ཀྱི་རང་གཤེད་མཚོན་ཆ་རང་བཟློག་གི་འཁོར་ལོ་འདི་གསུངས་སོ། །ཕུང་སའི་འབྲུབ་ཁུང་མཐིང་ནགཏུ། །མཚོན ཆདམརཔོསྲིན་མོ་འགྲོས། །དུར་ཁྲོད་རས་སམ་རྒྱ་ཤོག་ལ། །འཁོར་ལོ་རིམ་པ་གསུམ་པ་སྟེ། །དྲག་པོ་དབང་གི་འཁོར་ལོ་བརྒྱད། །དྲེགས་པ་གང་སྒྲུབ་ལྟོ་བར་བཅའ། །མིང་དང་རྣམ་ཤེས་བསྒྱུར་ཅིང་བསད། །རང་གཤེད་རང་ལ་དབབ་ཅིང་བསྐོར། །དེས་ཀྱང་ལུས་སེམས་མ་ཕྱེད་ན། །དུག་ལྔ་ལྔས་ནི་འཁོར་ལོ་བསྐོར། །དུག་གསུམ་ཤེས་པ་ཨར་ལ་གཏད། །ཙིསྟི་གནད་ལ་དབབ་ཅིང་བསད། །འབྱུང་བ་དཀྲུགས་པས་ཕུང་པོ་འཇིག །རང་བསྒྲུབས་དམ་ཅན་རང་ལ་བཟློག །ཙིལྟི་དཀྲུག་པའི་སྔགས་དང་བསྡེབས། །གཤེད་པོ་ལས་རྒྱལ་ལྟོ་བར་བསད། །གུ་རུ་སེང་གེའི་ཁོག་མི་བཤིག །དམ་མི་གཅིག་དང་སྔགས་པ་སྤྱི། །རྡོ་རྗེ་སྨུན་དང་ཨུར་མོ་པ། །ལས་ཀྱི་སྐབས་སྦྱར་འཁོར་ལོ་དཀྲུག །འདི་མིན་ལས་གཞན་ཡུག་པ་བརྐྱང་། །མཚོན་ཆ་ནག་པོའི་སྐུའི་རྒྱུད་ལས། བསད་པ་སྲོག་ཏིག་ལས་ཀྱི་འཁོར་ལོའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་སྐྱིན་ཐང་དྲག་པོ་ཆུ་འཁྱགས་དབབ་པ་འདི་གསུངས་སོ། །གཉན་ར་གདུག་པའི་གནས་དག་ཏུ། །རབས་ཆད་ཐོད་པ་སྤྱང་ཀིའི་ཁྲག །གསུམ་ལ་ཁྲག་གིས་ཁ་སོ་སྐུས། ཁྲག་དུག་ཡུལ་མིང་སྲུང་མ་བཞུགས། །རྟ་ནག་ལུག་གམ་རྟ་དཀར་སྙིང་། །ར་དམར་རྒྱ་བོ་སྦྲུལ་གྱི་སྙིང་། །གྲི་བོ་རབས་ཆད་ནག་པོའི་སྙིང་། །དམ་རྫས་རྟེན་ལ་སྡེ་བརྒྱད་བསྟེན། །ཐོད་པ་དོང་བུར་ཡུགས་ས་སྨེ། །གྲི་དང་མནོལ་གྱི་ཁྲག་བླུགས་ལ། །དྲག་སྔགས་འབུམ་ཚོ་བཅུ་རུ་བསྟིམ། །རྟ་ཚོ་གསུམ་པོ་མེ་ཐབ་ཚུལ། །ཡུལ་གྱི་ཀྱང་མདུན་དབུས་སུ་གཞུག །དྲིལ་དང་བཟློག་སྔགས་མངོན་དུ་དབབ། །མ་ཕེབས་སྦྱོར་བ་སྟོབས་ཞན་ན། །སྡེ་བརྒྱད་སྙིང་པོ་གནད་ནས་དབྲོག །དམར་ནག་དུག་ཁྲག་ཀློང་དུ་སྡུད། །སྔགས་རྣམས་དཀྲུགས་ལ་སྡེ་བརྒྱད་གཟིར། །སྙིང་སྣ་བསྲེས་ལ་འོག་ཏུ་གཞུག །གཤིན་རྗེ་གཤེད་དང་སྟོབས་ཆེན་བསྒོམ། །སྙིང་པོ་འབྲུ་བརྒྱད་བསྲེག་ཅིང་སྡུད། །དེ་ཡིས་ཆུ་རྐོད་རི་ལྟར་གཏིབས། །དྲིལ་དང་གཏོར་མ་བསྣོལ་མར་བརྡེག །དེ་ནས་བཅོམ་ལྡན་འདས་ཀྱིས་ཆུ་འཁྱགས་དབབ་པ་འདི་གསུངས་སོ།སྔགསསོརབཞགབྱསཤིངདཔེ་འདིདངགཅིགལསབསྡུརསམརྙེད། ཨེ་བཛྲ་སརྦ་དུས་ཏན། མ་མ། ཡ་མ་ར་ཙ་མུ་ས་ཏྲིག་ནན། །ཀུ་མ་ཧྲི་ཏ་ཁྲ༷་ཁྲ༷་ཤར་ཤར་ཁ་ཧུར་ཐོག་ཕོབ་ཏྲིས་མུ་ཙ་ར་ལ་ཡ། །ཧྲིལ་ཤར་ཕྲ༷་ཕྲ༷། ཡ་མ་མུ་ཙ་མུན་པ་ཏྲི་ཧུར་ཐུམས་ཛ། ཏྲིག་ནན་ཕྲ༷་ཕྲ༷་ཧྲིལ་ཧྲིལ། ཁམ་ཤར་ཧྲིལ་ཧྲིལ་སྨྱོ། སུ་ཏྲིག་ནན་ས་ན་ག་ཁ༷་ཤར་ཧྲིལ་ཕོབ། དེ་ཡིས་འབྱགས་པ་རི་ལྟར་སྐྲུངས། །མ་ཕེབས་སྦྱོར་བ་སྟོབས་ཞན་ན། །ཞིང་ལྤགས་བརྒྱངས་ལ་གསུམ་དུ་བསྐོར། །དབུས་སུ་ཐིག་བཞི་ལེ་ཚེ་བརྒྱད། །ཕྱི་རིམ་རྩིབས་དྲུག་ལ་ལོང་མཚོན། །ལྟེ་བར་ཨེ་དང་བཛྲ་ལ། །ཕྱོགས་བཞིར་སྟོབས་ལ་མཚམས་བཞི་སྲོག །དྲུག་ལ་སྲོག་དབྲོག་གཟིར་བ་སྟེ། །ཐ་མར་མཚོན་ཆ་འབྲུ་བཞིས་གཅོད། ཁ་སྦྱར་བཅས་ལ་དུག་མེས་བདུག །དེས་ནི་ལས་རྣམས་འགྲུབ་པར་བཤད། །མཚོན་ཆ་ནག་པོ་སྐུའི་རྒྱུད་ལས་ཆུ་འབྱགས་དབབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་དྲེགས་པ་རྣམས་ཀྱི་རྟགས་བཟུང་བ་འདི་གསུངས་སོ། །སྔགས་པ་རྦོད་གཏོང་འགྲས་པའམ། །དྲེགས་པའི་ཚོགས་ཀྱི་རྟགས་བསྟན་པ། །མོན་དང་ཞུབ་ཅན་མཛེ་ཅན་རྣམས། །གཤིན་རྗེ་གཤེད་ཀྱི་རྟགས་སུ་བཤད། ཁྲག་མཚོ་མུན་པ་མ་མོའི་རྟགས། །མེ་འབར་ཕྱུར་བ་ན་འུན་ ་བུན་ཀུརྟགས། །བྱ་ནག་ཤིང་ཆེན་བདུད་ཀྱི་རྟགས། །འབག་སེང་བཙད་པོ་རྒྱལ་པོའི་རྟགས། །ནག་པོ་བཞད་ཁྲོ་བྱ་ནག་འཐབ། །མེ་འབར་ཚིག་པ་བདུད་མོའི་རྟགས། །སྤྲེའུ་དང་བན་དེ་དགེ་བསྙེན་རྟགས། །རྟ་པ་ཁྱི་སྤྱང་བཙན་གྱི་རྟགས། །ཁྱི་དམར་ཁྲག་མཚོན་ཐེ་རང་རྟགས། །གཡག་དང་བོན་པོ་མུ་སྟེགས་རྟགས། །མེ་འབར་ཤ་རྒལ་སྲིན་པོའི་རྟགས། །ཀྱ་མུལ་སྐྱ་བཤར་ཐེ་བྲང་ངོ་། །བྱ་ནག་བུད་མེད་དམ་སྲིའི་རྟགས། །རྒོལ་དང་ཁྲོ་ན་རྦོད་གཏོང་ཡིན། །ལས་བྱེད་གར་སྟབས་ཤ་ལ་རོལ། །དེད་དང་བརྡེག་ན་ཐུབ་པའི་རྟགས། །རྨི་ལམ་སྣ་ཚོགས་ཕྱི་ཡི་རྟགས། །དབང་པོ་མངོན་སུམ་ནང་གི་རྟགས། །ལུས་ཡང་སེམས་གསལ་གསང་བའི་རྟགས། །ཞེས་པས་རྟགས་བཟུང་འཁོར་ལོ་བསྐོར། །གནམ་ལ་ཤིང་ལོ་གཏིབས་པའི་སྤྲིན། །བར་སྣང་རླུང་སྒྲ་འོད་ཆགས་མེད། །ས་ལ་འཁྱགས་རོམ་སྟོམ་མ་ལུད། །དུག་རླངས་འཆོལ་བ་སྐྱིན་ཐང་རྟགས། །མཚོན་ཆ་ནག་པོའི་སྐུའི་རྒྱུད་ལས་རྟགས་ཀྱི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་མནན་པའི་ལས་འདི་གསུངས་སོ། །གཞན་གྱི་རྦོད་གཏོང་མནན་པ་དག །ཞི་ཁྲོ་ཡ་མ་ཕུར་པ་ནི། །སྒྲུབ་པའི་དཀྱིལ་འཁོར་འོག་ཏུ་མནན། །མ་མོ་བདུད་མོ་སྲིན་པོ་རྣམས། །བཀའ་རྟེན་བྱིན་ཅན་འོག་ཏུ་མནན། །བདུད་དང་མུ་སྟེགས་མགོན་པོ་རྣམས། །རོ་ཁང་སྒོ་སྲུང་འོག་ཏུ་མནན། །རྒྱལ་པོ་དགེ་བསྙེན་དཀོར་སྲུང་རྣམས། ཁྱི་ཚང་ལམ་ཀའི་འོག་ཏུ་མནན། །བཙན་དང་སྲོག་བདག་སྲིན་པོ་རྣམས། ཁྲ་རུ་སྤྱང་ཐོད་གོང་གསུམ་མནན། །ཐེ་བྲང་ཕྱག་འགོང་གཤིན་རྗོག་རྣམས། །གླང་རུར་བཅུག་ལ་ལམ་མདོར་མནན། །བོན་པོ་རིག་འཛིན་ཁྱི་ཚང་མནན། །སྲི་ཅན་ཆུ་བྱ་ཐེམ་འོག་མནན། །སྲིན་པོ་གདུག་པའི་ཐོད་པ་ལ། །རི་རབ་རྒྱ་གྲམ་དང་བཅས་ལ། །ཐུགས་ཀྱི་སྙིང་པོ་རབ་མཛེས་པ། །མནན་པ་ཐོད་པའི་འཁོར་ལོ་བཤད། །གྲི་ལྕགས་ཕུར་པ་གདུག་པ་ལ། །རྫས་རྒོད་བདུག་སྟེ་སྙིང་ལ་གདབ། །བཅོ་བརྒྱད་རྫས་ཀྱི་དུད་པས་བདུག །དྲེགས་པ་གནད་ལ་དབབ་པར་བཤད། །བསྲེག་པ་མེ་ཡི་འཁོར་ལོ་དག །མེ་ཐབ་བཅས་ལ་མེ་ལྷ་བསྐྱེད། །ལིདྷ་བདུག་ལ་དུག་ཁྲག་ཉུག །དུག་སྔགས་བྲབ་ཅིང་བསྲེག་པར་བྱ། །ལས་རྣམས་རྫོགས་ནས་སྟོང་ཉིད་ལ། །དྲེགས་པ་ཐམས་ཅད་ཞི་བར་བསྒྱུར། །ཕྱིས་ཀྱི་དངོས་གྲུབ་བསྡུ་བར་བྱ། །ལྷ་ལ་སྟོང་པའི་རྒྱ་ཡིས་གདབ། །ཅེས་གསུངས་སོ། །དེ་ནས་ཡང་དག་བཤད་བྱ་བ། །སྔགས་ཐུན་གཟེར་ལ་དབབ་བྱབ། །ཐོད་ཁྲག་དུག་ཆུ་སྟོང་སྐོར་ཚད། །ལྡན་པ་གསུམ་གྱིས་ཟོར་དུ་འཕང་། ་་་དཀར་ཐལ་ཆེན་རྡོ་ཐུན་བྲབ། །གཟུགས་དང་ཐལ་བ་དོང་དེར་སྦ། །གནན་པ་གསང་བའི་ལས་སུ་རིག །ཅེས་གསུངས་སོ། །མཚོན་ཆ་ནག་པོ་སྐུའི་རྒྱུད་ལས། ལས་ཀྱི་མཐའ་སྡུད་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་ཀྱིས་འཁོར་ལ་རྒྱུད་གཏད་པ། ཨེ་མ་རྡོ་རྗེ་སྙིང་པོ་ཆེ། །ང་ཡི་བཀའ་རྒྱུད་མེ་ལྕེ་འདི། །རྒྱལ་བ་ཀུན་གྱི་མཛད་སྤྱོད་སྟེ། །སྐྱེ་མེད་རྡོ་རྗེས་བསམ་དཔག་དཀའ། །སྟོང་ཕྲག་བདུན་དང་བརྒྱ་ཕྲག་བརྒྱད། །སྙིང་པོ་དོན་གྱི་གནད་བསྡུས་པའོ། །བརྗོད་པ་ཀུན་གྲོལ་བཀའ་དང་ལྡན། །བདེ་བ་གཅིག་གིས་བགྲོད་པ་འདི། །སངས་རྒྱས་སྤྱོད་ལམ་བཅིང་གྲོལ་མེད། །གབ་བ་གསང་བའི་ལམ་ཅན་འདི། །རིགས་ཅན་རྡོ་རྗེ་སྙིང་པོས་ཟུང་། །ང་ཡི་བཀའ་ཡི་གསང་རྒྱུད་འདི། །མ་འོངས་དམ་ཅན་སྒྲུབ་བྱེད་ན། །ང་ཡང་དམ་ལས་མི་གཡེལ་བསྲུང་། །རྡོ་རྗེ་བདེ་བའི་རྒྱལ་པོ་དང་། །སྟོབས་དཔག་མེད་པའི་ཁྲོ་ཚོགས་ཀུན། །དམ་ཅན་སྒྲུབ་བྱེད་བསྲུང་ཞིང་གནས། ་།ད་ཀྱི་སྙིང་པོ་རབ་ཏུ་ཟུང་། །རྣམ་རྟོག་མཚན་མ་རང་གྲོལ་བའི། །རྡོ་རྗེ་རྒྱལ་པོ་བདེ་བའི་བཀའ། །ལྕགས་ཐོགས་སྤུ་གྲི་རྦབ་ཆེན་འདི། །ལྷ་དང་མཁའ་འགྲོ་གསང་བ་ཡི། །ཐུན་མིན་རིགས་དང་ཐུན་མོང་ཀུན། །སྙིང་པོ་སྔགས་ཀྱི་གསང་རྒྱུད་ཟུང་། །དམ་ཚིག་བསྲུང་དང་ཐུགས་བརྩེ་་དེ་རྗེངསྟེ་་་ཚོ་ངངངངལེསྟེ་སྡེའང་། ། ་སྐད་གསུངས་པས་འཁར་ཐམས་ཅད་ ས་སུ་ཡ་རང་ ་མངན་པར་བསྟད་ད། །དྲག་སྔགས་མ ན་ཆ་ནག་པ་སྐུའ་རྒྱུད་ལས། །རྒྱུད་གཏད་ཅང་ཡ་རང་བའ་ འུ་ ་དགུ་པའ།། །། ་བརྒྱད་ཆམ་ལ་འབེབས་ཤིང་རང་གཤེད་རང་ལ་འབེབས་པའི་རྒྱུད། །རྡོ་རྗེ་ཐོགས་འབེབས་སྐུའི་རྒྱུད་ཅེས་བྱ་བ། །ལྷ་ཡུལ་དུ་གྲགས་པ་རྫོགས་སོ།། །།བལ་པོ་བ་སུ་དྷ་ར་དང་། བོད་ཀྱི་སྒྲ་བསྒྱུར་གྱི་ལོ་ཙྭ་བ་་་་ཤེང་་ཏེ་སྙི་འིསྙི་་ངང་་༼ངསླབ་དཔན་སངས་རྒྱས་ཡ་ ས་ཀྱས། བ་ཏ་ས་རུ་མབའ་འགྲ་དང་བཀའ་འགྲས་ ་བསྒྱུར་བའ། ། ང་པ ་རྒྱུད་དམ་པ། ང་པ་དན་གྱ་རྒྱུད། རྩགས་སུ་བཞག་པ་ལགས་ས། །རྒྱ་རྒྱ་རྒྱ། ཕྲ་རྒྱུན་ལགས་ས། སྐྱ། ཡ་མུན་ཐན༷༷།། །། ་