Ngb-pt-0234-vol-03-text

Body

རྒྱ་གར་སྐད་དུ། གྲི་བྷ་ག་བཱན་མ་ཧྭ་བ་ཤ༷་ས་མུ་དྭ་ཡ་མྱུ་ལ་ཏནྟྲ་ནཱ་མ། བོད་སྐད་དུ། དཔལ་བཅོམ་ལྡན་འདས་དབང་ཆེན་འདུས་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་དབང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་ཉིད་དབང་གི་རྒྱལ་པོ་དེ། འོག་མིན་གྱི་གནས་གསང་བའི་བདེ་བ་ཆེན་པོ། རྣམ་པར་དག་པའི་དབྱིངས། པདྨ་མཆོག་གི་ཕོ་བྲང་དམ་པ་རྒྱ་དང་ཚད་མེད་པའི་གཞལ་མེད་ཁང་རྣམ་པར་དག་པ་ན། ཡབ་ཡུམ་གཉིས་སུ་མེད་པའི་རོལ་པ་ཆེན་པོས་དགེས་པའི་བདེ་བ་དང་ལྡན་པ་ལ། དཀྱིལ་འཁོར་ཆེན་པོའི་རང་བཞིན་གྱི་རིགས་ཀྱི་སྤྲུལ་པ་སྣང་བར་གྱུར་པ་འདི་ལྟ་སྟེ། ཡེ་ཤེས་ཀྱི་ལྷ་ཚོགས་དེ་བཞིན་གཤེགས་པ་དང་། རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་སུ་སྣང་བའི་ཞི་བའི་ཚོགས་དང་།རྣམ་པར་རྒྱལ་བ་ལ་སོགས་པའི་ཁྲོ་བོའི་ཚོགས་དང་། གཙོ་མོ་ཆེན་མོ་དབྱིངས་ཀྱི་ཡུམ་ཆེན་མོ་དྲུག་དང་། འདབ་ཆགས་ཀྱི་གཟུགས་ཀྱིས་འགྲོ་བ་འདུལ་བར་བྱེད་པའི་ཁྲོ་བོ་རིགས་ལྔས་བསྡུས་པ་རྣམས་དང་།འཇིག་རྟེན་གྱི་དྲེགས་པ་ཅན་ཕོའི་ཚོགས་དང་། མོའི་ཚོགས་སུ་གྱུར་པ་རྣམས་དང་། སྟོང་གསུམ་གྱི་འཇིག་རྟེན་གྱི་ཁམས་ཀྱི་ཀླུའི་རྒྱལ་པོ་འཁོར་དང་བཅས་པ་རྣམས་དང་། ཀླུ་དང་སྲིན་པོའི་ཚོགས་མ་རུངས་པ་ལས་བྱུང་བའི་གཟའ་དང་རྒྱུ་སྐར་གྱི་ཚོགས་དང་། དེ་དག་ལ་སོགས་པ་དྲེགས་པའི་ཚོགས་མཐུའི་རྫུ་འཕྲུལ་དཔག་ཏུ་མེད་པ་དང་ལྡན་པ། །འདུལ་བར་མཛད་པའི་ཕྱིར་སྤྲུལ་པའི་འོད་ཟེར་རབ་ཏུ་འཕྲོ་བ་ལས་བྱུང་བའི་ཟིལ་གྱིས་གནོན་པའི་ཁྲོ་བོ་ཆེན་པོ་བརྒྱད་ཡུམ་དང་བཅས་པའི་དང་། །ཕྲིན་ལས་བཞི་སོ་སོར་བསྒྲུབ་པའི་ཕྱིར་སྒོ་བཞིར་གནས་པའི་ལྷ་མོ་བཞི་དང་། གཞན་ཡང་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་སྣ་ཚོགས་ལས་སྤྲུལ་པའི་མཁའ་འགྲོ་བཞི་དང་། ཡེ་ཤེས་ལས་བྱུང་བའི་སྤྱན་དང་ལྡན་པའི་སྤྲུལ་པ་བརྒྱད་དང་། ཕྲིན་ལས་ཀྱི་ཕོ་ཉ་ཟ་བྱེད་ཆེན་པོའི་ཚོགས་ཀྱི་གཙོ་བོ་བཅུ་དྲུག་དང་། ལུས་ཀྱིས་མཁའ་ལ་འགྲོ་བའི་ཚུལ་དུ་སྤྲུལ་པའི་ཕྲིན་ལས་ཀྱི་མགྱོགས་མ་བརྒྱད་དང་། སྦས་པའི་མ་མོ་རྩལ་དང་ལྡན་པའི་མགོས་བརྒྱན་པའི་མོ་ཚོགས་ཀྱི་སྲིན་མོ་ཉིཤུ་རྩ་བརྒྱད་དང་། གཞན་ཡང་འཇིག་རྟེན་གྱི་ལས་ལ་གྲུབ་པའི་ལྷ་དང་ཀླུ་དང་གནོད་སྤྱིན་དང་དྲི་ཟ་དང་། ནམ་མཁའ་ལྡིང་དང་མིའམ་ཅི་ལ་སོགས་པའི་འཁོར་གདུག་པ་ཅན་བསམ་གྱིས་མི་ཁྱབ་པ་རྣམས་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་དབང་གི་རྒྱལ་པོ་གསུང་གི་མངའ་བདག །སྣང་བ་མཐའ་ཡས་དེ་ཉིད་ཀྱི་སྐུ་གསུང་ཐུགས་ཞི་བ་ཆེན་པོ་ཆོས་ཉིད་མཉམ་པ་ཉིད་ལས་མ་གཡོས་ཀྱང་། ཐུགས་རྗེ་ཆེན་པོ་དང་བྱམས་པ་ཆེན་པོས་གདུལ་བྱར་མི་ནུས་པའི་དྲེགས་པ་ཅན་རྣམས་འདུལ་བའི་ཕྱིར། སྐུ་གསུང་ཐུགས་འཇིགས་བྱེད་ཆེན་པོར་སྐྲུལ་པ་འདི་ལྟ་སྟེ། ཕྱོགས་བཅུ་མ་ལུས་པའི་ནམ་མཁའི་ཁམས་ཐམས་ཅད་ནི་མཐིང་ནག་གྲུ་གསུམ་ཡུམ་ཀུན་ཏུ་བཟང་མོའི་མཁའ་དབྱིངས་རླུང་གི་ཁམས་ཐམས་ཅད་ནི་འཐོར་རླུང་དྲག་པོ་ལྗང་གུ་ཟླ་གམ་རྒྱ་གྲམ། རིགས་ཀྱི་ཡུམ་དང་དམ་ཚིག་སྒྲོལ་མའི་མཁའ་དབྱིངས་ཆུའི་ཁམས་ཐམས་ཅད་ནི་ཆགས་པའི་གཞི་ཁྲག་གི་རང་བཞིན་དམར་ཞིང་ཟླུམ་པ།རིགས་ཀྱི་ཡུམ་བཱ་མ་ཀིའི་མཁའ་དབྱིངས་སའི་ཁམས་ཐམས་ཅད་ནི་ཕུང་པོ་ཏི་རའི་རང་བཞིན། སེར་པོ་གྲུ་བཞི་པ། རིགས་ཀྱི་ཡུམ་སངས་རྒྱས་སྤྱན་གྱི་མཁའ་དབྱིངས། མེའི་ཁམས་ཐམས་ཅད་ནི་རབ་ཏུ་འབར་ཞིང་སྲེག་པར་བྱེད་པ་རིགས་ཀྱི་ཡུམ་གོས་དཀར་མོའི་མཁའ་དབྱིངས། བྱང་ཆུབ་ཀྱི་སེམས་ཀྱི་རྣམ་པ་ཐམས་ཅད་ནི། ཀེང་རུས་འབར་བའི་རི་རབ་ཆེན་པོ། རབ་ཏུ་རྔམས་པའི་གཟུགས། རིགས་ཐམས་ཅད་ཀྱི་བདག་པོ་ཆོས་དབྱིངས་རྣམ་པར་དག་པའི་རང་བཞིན་དུ་སྦྲུལ་ཞིང་བྱིན་གྱིས་བརླབས་སོ། །གཞན་ཡང་སྣོད་ཀྱི་འཇིག་རྟེན་རིན་པོ་ཆེའི་གཞལ་མེད་ཁང་མཛེས་པར་སྣང་བ་རྣམས་ནི་ཐོད་པ་སྐམ་པོ་དང་རློན་པ་དང་ཤ་ཁྲག་རས་རིས་སུ་ཆགས་པ་བརྩིགས་པའི་གཞལ་མེད་ཁང་རྫོགས་པའི་སྐུ་གསུམ་གྱི་རང་བཞིན། འཇིག་རྟེན་གྱི་ལྷ་དང་ཀླུ་དང་གཟའ་ཆེན་པོ་བསྒྲལ་ཞིང་ཚར་བཅད་པ་དག་ལ་ཀ་གདུང་གི་ཚུལ་དུ་བྱས་པ་ནི་དམན་པའི་ཐེག་པ་བརྒྱད་ཀྱི་རང་བཞིན། བར་སྣང་གི་ལྷ་བྲན་དང་རྒྱུ་སྐར་གྱི་ཚོགས་ཐོག་གྲབ་ཀྱི་ཚུལ་དུ་བྱས་པ་ནི། བསོད་ནམས་ཀྱི་ཚོགས་ཀྱི་རང་བཞིན། ཉི་མ་དང་ཟླ་བས་གསལ་བའི་འོད་འཕེལ་འགྲིབ་མེད་པ་ནི་མཐོངས་ཁུང་བི་ཚུལ་ནི། ཐབས་དང་ཤེས་རབ་རྣམ་པར་དག་པའི་རང་བཞིན་འཇིག་རྟེན་གྱི་མཐུ་དང་དྲེགས་པ་ཅན་དབང་ཕྱུག་ཆེན་པོ་དང་གཙུག་ཏོར་འཁོར་འོ་ས་སྒྱུར་བ་དབང་དུ་བསྡུས་ཏེ་རྒྱལ་མཚན་དུ་བཙུགས་པ་ནི། ཆོས་ཀྱི་སྐུ་དངོས་པོ་མ་ལུས་པ་ཐམས་ཅད་ལས་རྣམ་པར་རྒྱལ་བའི་རང་བཞིན། །ཕྱོགས་བཞིར་སྒོ་བཞིར་སྣང་ཞིང་དུས་བཞི་ཤེས་ལ་འབྱེད་པ་ནི་ཚད་མེད་པ་བཞིའི་རང་བཞིན། ཕྱི་དང་ནང་གི་ཕྱོགས་ཐམས་ཅད་དུ་བསྐལ་པའི་མེ་འོད་ཆེན་པོ་འབར་བ་ནི་ཡེ་ཤེས་རྣམ་པ་ལྔའི་རང་བཞིན་སྟོང་གསུམ་གྱི་ཀླུའི་རྒྱལ་པོ་གདུག་པ་ཅན་གདན་དུ་བྱས་པ་ནི་ཉོན་མོངས་པའི་དུག་མ་ལུས་པ་འཇོམས་པའི་རང་བཞིན། པདྨ་རྣམ་པར་དག་པས་གདན་བྱས་པ་ནི། ཐུགས་རྗེས་སེམས་ཅན་ལ་ཆགས་པར་མཛད་ཀྱང་། །དེའི་སྐྱོན་གྱིས་མ་གོས་པའི་རང་བཞིན་ཉི་མ་དང་ཟླ་བ་པདྨ་འབར་བས་བཏེག་པ་ནི་བསོད་ནམས་དང་ཡེ་ཤེས་ཀྱི་ཚོགས་རྣམ་པར་དག་པས་བསྐྱེད་པ་སྟེ། དེ་ལྟར་སྣོད་ཀྱི་འཇིག་རྟེན་མ་ལུས་པ་ཐམས་ཅད་དབང་དུ་བསྡུས་པའི་སྤྲུལ་པ་རྣམ་པར་འཕྲོ་བར་མཛད་དོ། །གཞན་ཡང་བཅུད་ཀྱི་འཇིག་རྟེན་སྐྱེ་འགྲོ་གཟུགས་སུ་སྣང་བ་ཐམས་ཅད་ཀྱང་བདག་ཉིད་དབང་གི་རྒྱལ་པོར་སྣང་བར་བྱས་པའི་ཚུལ་ནི་འདི་ལྟ་སྟེ། ང་ནི་བདེ་གཤེགས་ཀུན་གྱི་གཙོ། །ང་ནི་སྐྱེ་འགྲོ་ཀུན་གྱི་ཡབ། །ང་ནི་གཤིན་རྗེ་ཀུན་གྱི་གཤེད། །ང་ནི་མ་མོ་ཀུན་གྱི་རྗེ། །ང་ནི་སྦྱོར་བདག་ཆེན་པོ་སྟེ། །ཡག་ཤ་ཤི་ཧེ་རུ་ཀ །ང་ནི་སྒྲོལ་བདག་ཆེན་པོ་སྟེ། །རག་ཤ་ཤི་ཧེ་རུ་ཀ །ང་ནི་སྦས་པའི་རང་བཞིན་ཏེ། །གུ་ཡ་དཔལ་ཆེན་ཧེ་རུ་ཀ །ང་ནི་དམ་ཚིག་ཆེན་པོ་སྟེ། །ས་མ་ཡ་ཤི་ཧེ་རུ་ཀ །ང་ནི་དུས་གསུམ་མངོན་དུ་དབྱུང་། །དུས་གསུམ་འདི་ནི་ང་ཡི་དབང་། །ཐམས་ཅད་ང་ཡི་དབང་དུ་བསྡུས། །བཀའ་དང་དམ་ལས་ཁྱོད་འདས་ན། །གསོ་གླག་མེད་པར་དམྱལ་ཐག་གཅོད། །དེ་བས་ང་ཡི་ལས་རྣམས་སྒྲུབས། །ཞེས༷་གསུངས་ཤིང་ཐམས་ཅད་དབང་དུ་སྡུད་པའི་རོལ་པའི་ཆོ་འཕྲུལ་ཆེན་པོ་དྲག་ཅིང་རྩུབ་པའི་ཤུགས་སྤྱོད་པ་ཀུན་ཏུ་བལྟས་པས་འཇིགས་པར་འགྱུར་བ་རབ་ཏུ་བསྟན་ཏེ། གསུང་ཡང་འདི་སྐད་རབ་ཏུ་སྒྲོགས་སོ། །ཨཱོཾ་པདྷརྙ་ཀྲི་ཏ་ཧ་ཡ་སྒྲི་བ་མ་ཧྭ་ཀྲོ་དྷ་ཨེ་ཀ་ཛ་ཉི་ས་མ་ཡ་རུ་ལུ་རུ་ལུ་ཧུ༷་སྨྱོ་ཧུ༷། ཨུ་ར་ལི་ཛ། སྙི༷༷ སྔགསསོརབ་ དེ་མ་ད་རི་ཧ་ཡ་སྣྲི་ཝ་ཨེ་ཀ་ཛ་རྟི་ས་མ་ཡ་ཧུ་ལུ་ཧུ་ལུ་ཧི༷༷ཛ༷༷ཛ༷༷། ཨེ་ཛ་སྨྱོ་དྲི་ཛ་རྦད།ཧེ༷༷པདྷརྙ་ཀྲིཏ་ཧ་ཡ་སྣྲི་ཝ་ཨེ་ཀ་ཛ་ཉི་ཧུ་ལུ་ཧུ་ལུ་སྙི་ཛ༷༷ཛ། ཨ་ཏི་སརྦ་སྨྱོ་བཟློག །ཅེས་པའི་གསུང་གི་སྒྲ་སྟོང་གི་འཇིག་རྟེན་གྱི་ཁམས་ཐམས་ཅད་ཁྱབ་པར་བྱས་པས། ཕྱོགས་བཅུའི་དྲེགས་པ་ཅན་གྱི་ཚོགས་ཐམས་ཅད་འཇིགས་ཤིང་སྔངས་སྐྲག་བརྒྱལ་བར་གྱུར་ཏེ། ས་ལ་ཁ་བུབ་ཏུ་འགྱེལ་ནས་དབང་གི་རྒྱལ་པོའི་བཀའ་ཉན་ཅིང་བྲན་བཞིན་དུ་ལས་བྱེད་པར་ཁས་བླངས་ཤིང་དམ་བཅས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། པདྨ་རོལ་པའི་དཀྱིལ་འཁོར་ཆེན་པོ་མངོན་པར་སྦྲུལ་པ་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེ་ལ་འཁོར་གྱི་ཐོག་མ་རིགས་ཀྱི་ཁྲོ་བོ་པདྨ་ཧེ་རུ་ཀ་ཆེན་པོ་ཆུ་བདག་གི་རིགས་དཔག་ཏུ་མེད་པ་རྣམས་དང་ལྷན་ཅིག་མགྲིན་གཅིག་ཏུ་འདི་སྐད་ཅེས་གསོལ་ཏོ། །ཨེ་མ་བཅོམ་ལྡན་དབང་གི་རྒྱལ། །པདྨ་རིགས་མཆོག་དེ་བཞིན་གཤེགས། །དུས་གསུམ་སངས་རྒྱས་ཐམས་ཅད་ཀྱི། །གསུང་གི་རང་བཞིན་གསུང་གི་བདག །གསུང་གི་གཙོ་སྟེ་གསུང་དབྱུང་བ། །གསུང་མཆོག་རྣམ་པར་དག་པའི་སྐུ། །མ་ཆགས་མི་ཆགས་ཆགས་མེད་གསུང་། །གསུང་གི་དབང་ཕྱུག་སྨྲ་བ་ཆེ། །བདག་ཅག་ཉན་པར་འཚལ་ལགས་ཀྱིས། །ཁྱོད་ཀྱི་སྐུ་ཡིས་ཅི་ཞིག་མཛད། །དེ་བཞིན་གསུང་གིས་ཅི་ཞིག་གསུང་། །ཐུགས་ཀྱི་རང་བཞིན་ཇི་ལྟ་བུ། །ཁྱོད་ལ་ཡོན་ཏན་ཅི་ཞིག་མངའ། །མཛད་པའི་ཕྲིན་ལས་ཇི་ལྟ་བུ། །གཟིགས་པ་ཡིས་ནི་ཇི་ཞིག་བལྷ། །ཏིང་ངེ་འཛིན་ནི་གང་ལ་བསྒོམ། །དུས་བཞི་ཡིས་ནི་སྤྱོད་པ་གང་། །འཐོབ་པར་བྱ་བ་ཅི་ཞིག་ལགས། །བདག་ཅག་རྣམས་ཀྱི་ཐེ་ཚོམ་འདི། །མྱུར་དུ་ཆོད་ཅིག་ལྷ་ཡི་ལྷ། །སྟོང་གསུམ་གྱི་ནི་འཇིག་རྟེན་ཁམས། །ལྗགས་ཀྱི་དབང་པོས་ཁྱབ་མཛོད་ལ། །ཁམས་གསུམ་མ་ལུས་ཐམས་ཅད་ཀུན། །གསུང་དབྱངས་སྙན་པའི་སྒྲ་བརྗོད་དེ། །གསལ་ལ་རྫོགས་ཤིང་མ་འདྲེས་ལ། །ལྷག་དང་ཆད་པའི་སྐྱོན་བྲལ་བར། །ལེགས་པ་ཉིད་དུ་བསྟན་དུ་གསོལ། །ཞེས་གསོལ་ཏེ་གུས་པ་ཆེན་པོ་དང་བཅས་པས་མདུན་དུ་འཁོད་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསུང་གི་དབང་ཕྱུག་དེས། ཆོས་ཐམས་ཅད་ཀྱི་སྒྲའི་སྙིང་པོ་གསུང་གི་ཕྱག་རྒྱའི་འོད་ཟེར་རྣམ་པར་འཕྲོ་བ་ཡང་དག་པར་རྟོགས་པར་བྱེད་པའི་ཏིང་ངེ་འཛིན་ལ་མཉམ་པར་བཞག་ནས། ཡབ་ཡུམ་གཉིས་སུ་མེད་པའི་རོལ་པ་ཆེན་པོ་རྣམ་པར་འཕྲོ་བ་རབ་ཏུ་བསྟན་ཏེ་ཞལ་གྱི་དཀྱིལ་འཁོར་ལྗགས་ཀྱི་དབང་པོས་ཁྱབ་པར་མཛད་ནས། འདི་སྐད་ཅེས་བཀའ་སྩལ་ཏོ། །ཨེ་མ་ཧོ། །ང་ནི་ཐམས་ཅད་སྐུ་ཡི་རྒྱན། །ང་ནི་ཐམས་ཅད་གསུང་གི་ཀློང་། །ང་ནི་ཐམས་ཅད་ཐུགས་ཀྱི་དབྱིངས། །ང་ནི་ཐམས་ཅད་ཡོན་ཏན་ཚོགས། །ང་ནི་ཕྲིན་ལས་མ་ལུས་མཛད། །ང་ཉིད་གཟུང་འཛིན་བྲལ་བར་བལྟ། །མཉམ་ཉིད་གཡོ་བ་མེད་པར་བསྒོམ། །མ་འགགས་རྩོལ་བ་མེད་པར་སྤྱོད། །སྐུ་དང་ཡེ་ཤེས་དབྱེར་མེད་པར། །ང་ཡི་ཐོབ་པར་བྱ་བ་ཡིན་། །གལ་ཏེ་ཁྱོད་ཀྱི་ཐེ་ཚོམ་དག །སེལ་བྱེད་ནུས་པ་མ་ཐོབ་ན། །ང་ཡི་ལེགས་པར་བསྟན་གྱིས་ཉོན། །དུས་གསུམ་སངས་རྒྱས་ཐམས་ཅད་ཀྱིས་ངའི་ལུས་བྱིན་གྱིས་བརླབས་པའི་ཆོ་འཕྲུལ་རྣམ་པར་དག་པའི་རང་བཞིན་དུ་བསྟན་པ་འདི་ལྟ་སྟེ། འཁོར་བའི་སེམས་ཅན་ལ་ཐུགས་རྗེས་རབ་ཏུ་ཆགས་པས་སྐུ་དམར་པོའི་ཁ་དོག་དང་ལྡན་པའོ། །རྫོགས་པའི་སྐུ་གསུམ་དང་ལྡན་པས་དབུ་གསུམ་གྱིས་མཛེས་པའོ། །དབུ་སྐྲ་རལ་པ་གྱེན་དུ་བརྫེས་པ་ནི་མ་རིག་པ་ཚངས་པའི་སྒོའི་སྦུབས་གནོན་པའོ། །སྤྱི་བོའི་གཙུག་ན་རྟ་མགོ་ལྗང་གུ་རྟ་སྐད་དྲག་པོ་འཚེར་བ་ནི་ཁྱད་པར་དུ་དབང་གི་ཕྲིན་ལས་ཀྱི་སྒོ་ནས་དྲེགས་པ་ཅན་ཚར་གཅོད་ཅིང་དབང་དུ་སྡུད་པའོ། །ཞལ་ནས་སྙི༷༷དང་ཕཊ་ཀྱི་གསུང་སྒྲ་དྲག་པོ་སྒྲོགས་པ་ནི། མ་རུངས་པ་ལོག་པར་ལྟ་བ་ཅན་རྣམས་འདུལ་བར་མཛད་པའོ། ཁྲངས་ནས་རྡོ་རྗེའི་རླུང་འཚུབས་མ་དྲག་པོར་འཁྱིལ་བ་ནི། །འཇིག་རྟེན་གྱི་ཁམས་ཐམས་ཅད་གཡོ་ཞིང་མི་མཇེད་ཀྱི་བདག་པོ་ཚངས་པ་ལ་སོགས་པ་འདུལ་བར་བྱེད་པའོ། །ཨག་ཚོམ་དང་སྨ་ར་སྨིན་མ་སེར་པོ་ལ་བསྐལ་པའི་མེ་ལྟར་འབར་བར་སྣང་བ་ནི། མི་ཤེས་མུན་པའི་ཕྱོགས་མ་ལུས་པར་སེལ་བར་བྱེད་པའོ། །སྤྱན་དགུ་ཉི་མ་དང་ཟླ་བའི་ཟེར་ལྟར་འབར་ཞིང་འཚེར་བ་ནི། འགྲོ་བ་རྣམས་ལ་ཐུགས་རྗེས་གཟིགས་ནས་རང་གི་རིགས་ལ་འགོད་པར་བྱེད་པའོ། །ཕྱག་དྲུག་གིས་ནི་མངོན་པར་ཤེས་པ་དྲུག་དང་ལྡན་པས་འགྲོ་དོན་མཐར་ཕྱིན་པར་མཛད་པའོ། །རྡོ་རྗེ་དང་དྲིལ་བུ་འཛིན་པ་ནི། ཐབས་དང་ཤེས་རབ་གཉིས་སུ་མེད་པའི་རང་བཞིན་དུ་གནས་པའོ། །ཁ་ཊ༷་ག་ནི་ཉོན་མོངས་པ་དུག་གསུམ་གྱི་དངོས་པོ་རྩད་ནས་གཅོད་པའོ། །སྦྲུལ་ཆེན་པོའི་ཞགས་པ་འཛིན་པ་ནི་གདུག་པ་ཅན་རྣམས་གདུལ་ཞིང་ཐུགས་རྗེས་འཛིན་པར་མཛད་པའོ། །བྷརྙ་དམར་པོ་ཁྲག་དང་ཞག་གིས་བཀང་བ་གསོལ་བ་ནི། །འཁོར་བའི་སྡུག་བསྔལ་མ་ལུས་པ་ཐུགས་རྗེ་ཆེན་པོས་ཟད་པར་མཛད་པའོ། །ལྕགས་སྒྲོག་གི་རྒྱུན་འཛིན་པ་ནི། །ཁམས་གསུམ་ཐམས་ཅད་ཐུགས་རྗེས་མི་གཏོང་བར་བདེ་བ་ཆེན་པོའི་ངང་དུ་འཁྲིད་པར་མཛད་པའོ། །གླང་པོ་ཆེའི་པགས་པ་དང་ཞིང་ལྤགས་ཆེན་པོ་གསོལ་བ་ནི། ཐེག་པ་རིམ་པ་དག་གི་གང་དུ་ཕྱིན་ཅིང་ཐུགས་རྗེ་ཆེན་པོའི་སྤྲུལ་པ་རྒྱུན་དུ་འཕྲོ་བའོ། །སྟག་གི་པགས་པས་ཤམ་ཐབས་སུ་དཀྲིས་པ་ནི། ཕྲིན་ལས་ཀྱི་ཁྱད་པར་མ་འདྲེས་པར་སོ་སོར་གྲུབ་པར་མཛད་པའོ། །དུར་ཁྲོད་ཆེན་པོའི་ཆས་བརྒྱད་ཀྱིས་བརྒྱན་པ་ནི། ཡེ་ཤེས་དང་ལས་ལས་གྲུབ་པའི་མ་མོ་མཁའ་འགྲོའི་ཚོགས་དབང་དུ་སྡུད་པའོ། །ཀླུའི་རྒྱལ་པོ་ཆེན་པོ་རིགས་ལྔས་བརྒྱན་པ་ནི། གདུག་པ་ཅན་གྱི་ཚོགས་ཟིལ་གྱིས་གནོན་པའོ། །ཞབས་བཞི་བརྐྱངས་བསྐུམས་དང་དོར་སྟབས་སུ་བཞུགས་པ་ནི། བདུད་དང་མུ་སྟེགས་ཀྱི་ཕྱོགས་འདུལ་བའོ། །ཀླུ་ཕོ་མོ་གདན་དུ་བཏིང་བ་ནི་ཞེ་སྡང་དང་གཏི་མུག་རང་སར་སྦྱོང་བའོ། །པདྨ་དང་ཉི་ཟླའི་གདན་བཏིང་བ་ནི། མ་ཆགས་པའི་བསོད་ནམས་དང་ཡེ་ཤེས་ཀྱི་ཚོགས་སྐྱེད་པའོ། །ཡུམ་ཨེ་ཀ་ཛ་སྣི་རལ་གཅིག་མ་དང་གཉིས་སུ་མེད་པར་འཁྲིལ་བ་ནི། །དབྱིངས་དང་ཡེ་ཤེས་འདུ་འབྲལ་མེད་པའི་ངང་ལ་གནས་པའོ། །སྐུ་མདོག་དམར་ནག་ལ་འོད་འཕྲོ་བ་ནི། །ཆགས་པ་དང་བདེ་བ་ཆེན་པོ་གཉིས་སུ་མེད་པའི་རང་བཞིན་ནོ། །ཞལ་གཅིག་ནི་ཆོས་སྐུ་མཉམ་པ་ཆེན་པོ་གཅིག་ཏུ་མཚོན་པའོ། །ཕྱག་གཉིས་ནི་སྙིང་རྗེ་དང་སྟོང་པ་ཟུང་དུ་འབྲེལ་བའོ། །ཁ་ཊ༷་ག་ནི་སྐུ་གསུང་ཐུགས་ཀྱིས་འགྲོ་བའི་དོན་རྒྱུན་དུ་མཛད་པའོ། །ཐོད་ཁྲག་ནི་འཁོར་བའི་ཉོན་མོངས་པ་ལས་བྱུང་བའི་སྡུག་བསྔལ་ཐམས་ཅད་ཟད་པར་སྟོབ་པའོ། །གཉིས་སུ་མེད་པའི་སྦྱོར་བ་མཛད་པ་ནི། ཐབས་ཐུགས་རྗེའི་རོལ་པ་ཆེན་པོས།འགྲོ་བའི་དོན་རྣམ་པར་འཕྲུལ་བར་མཛད་པའོ། །ཉོན་ཅིག་པདྨ་ཧེ་རུ་ཀ །ང་ཡི་སྐུ་ཡི་རང་བཞིན་ནི། །ཆོས་ཀྱི་སྐུ་སྟེ་སྤྲོས་དང་བྲལ། །ང་ཡི་སྐུ་ཡི་ངོ་བོ་ནི། །ལོངས་སྤྱོད་རྫོགས་ཏེ་མཚན་དཔེར་ལྡན། །ང་ཡི་སྐུ་ཡི་མཚན་ཉིད་ནི། །སྤྲུལ་པའི་སྐུ་སྟེ་འགྲོ་དོན་རྫོགས། །མ་ལུས་ལུས་པ་མེད་པ་ཡི། །ཞིང་གི་རྡུལ་དང་མཉམ་པའོ། །སེམས་ཅན་ཁམས་ཀུན་ཐམས་ཅད་ལ། །ང་ཡི་སྐུ་ནི་རེ་རེ་གནས། །གོལ་ཏེ་ཞབྲུལ་པའི་དབང་གྱུར་པས མ་མཐོང་མ་རྟོགས་ལས་ཀྱིས་ནོངས། །འདི་ལ་གོམས་པར་བྱས་པ་ནི། །ང་དང་གཉིས་སུ་མེད་པར་སྤྱོད། །མཐོང་དང་རྟོགས་པ་ལྟ་ཅི་སྨོས། །ཞེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས།སྐུ་རྣམ་པར་དག་པའི་དབང་ཕྱུག་གསང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་པདྨ་དབང་གི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་བདག་པོ་དེས་ཁམས་གསུམ་པ་ཐམས་ཅད་ཡི་གེ་སྒྲའི་རྟོག་པ་རྣམ་པར་སྤོང་བ་འཁོར་ལོ་ཡོངས་སུ་གཅོད་པའི་ད༷བྱངས་སྟོང་ཞིང་གྲགས་པ་ནམ་མཁའི་དབྱིངས་དང་མཉམ་པར་མཛད་དེ། འདི་སྐད་ཅེས་བཀའ་སྩལ་ཏོ། །སྣྲི༷༷དེ་ནས་ཡང་དེ་བཞིན་གཤེགས་པ་རྣམས་ཀྱི་ཐུགས་རྡོ་རྗེའི་སྙིང་པོ་འདི་སྤྲོ་བ་ཆེན་པོས་སྨྲས་སོ། །ཨཱོཾ་པདྷརྙ་ཀྲི་ཏ་ཧ་ཡ་སྒྲི་ཝ་ཨེ་ཀ་ཛ་རྟི་ས་མ་ཡ་རུ་ལུ་རུ་ལུ་ཧུ༷་སྨྱོ་ཧུ༷་ཨུ་ར་ལི་ཛ། རབ་ཏུ་བཟླས་པའི་སྙིང་པོའོ། །སྣྲི༷༷སྨྱོ་ཛ་ཛ།ཧེ༷༷སྙི༷༷སྙི༷༷ཧི༷༷སྙི༷༷ཧི༷༷སྙི༷༷སྙི༷༷། སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ། ཛ༷༷ཧུ༷་བ༷་ཧོ༷༷། ཧ་ཧ་ཧ་ཧ། ཧ་ཧཧ༷་ཧ། ཧེ་ཧེ་ཧེ་ཧེ། ཧེ་ཧེ༷་ཧེ་ཧེ། མུ༷་མུ༷་མུ༷་མུ༷ མུ༷་མུ༷༷་མུ༷་མུ༷ མུ༷་མུ༷་མུ༷་མུ༷ མུ༷་མུ༷་མུ༷་མུ༷།༷ཕཊ་ཕཊ་ཕཊ་ཕཊ། ཧུ༷་ཧུ༷་ཧུ༷་ཧུ༷། སྨྱོ་སྤྱོ་སྦྱོ་སྨྱོ།རབ་ཏུ་འུགྲུབ་པར་བྱེད་པའི་སྙིང་པོའོ། །ཨོ་ཧ་ཡ་སྙི་ཝ་ཧུ༷་ཛ། ཨཱོཾ་ཨེ་ཀ་ཛ་ཉི་ཧུ༷་ཛ། ཨཱོཾ་པདྨ་ཧེ་རུ་ཀ་ཧུ༷་ཛ། ཨཱོཾ་པདྨ་ཀྲོ་དྷི་ཤྭ་རྡི་ཧུ༷་ཛ། ཨཱོཾ་བཛྲ་ཙཀྲ་རཏྣ་པདྨ་ཀརྨ་ཧུ༷་ཛ། ཨཱོཾ་པདྨ་ཀྲོ་དྷི། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷཇི་བྷནྟྲ། ཧུ་ལུ་ཧུ་ལུ། ཏིཇིཏིམོ སྣྲིཇིསྣྲིནྟྲ། སྟིསྡོསྟིསྡེ། གརྫ་གརྫ། སྒྲོཊ་སྤྲོཊ་ཧུ༷་ཛ། ཨཱོཾ༷་བཛྲ་ཨ༷་ཀུ་ཤ་ཛ༷༷། ཨཱོཾ༷་བཛྲ་བཱ་ཤ་ཧུ༷། ཨཱོཾ༷་བཛྲ་སྤྲོཊ་བེ། ཨཱོཾ༷་བཛྲ་བྷརྟེ་ཧོ༷༷། ཨཱོཾ༷་ཨུ་ར་ལིརྒི་ ་རྒི་ཛ་ཛ། མིང་གི་བོད་པའོ། །ཨཱོཾ༷་རུལུ་རུ་ལུ་ཏཤ་མ་ཏ་ག་རུ་ག་ཏེཙིརྟི་བ༷་བོ༷ ལ༷་རུ་་ཡོ་ཧེ་ས་མ་ཡ། སྟེནརོ་ཤཁ། མ་ར་པྲ་བེ་ཤ །པྲ་ཏ་ཙ་ལ། བྷ་རུ་སྙིབི་ཏ་ན་ག་སྙིན་དུ་ཧི་ར་ཡདུང་དུང་ཙ། རུང་ག་པ་ཤག་པ། མ་ཧྭཀ་མ་ལ་ཧུ༷། ཧ་ཧེ་ཧུ༷་པྲ་བེ་ཤ་ཕཊ། བ་ཧ་བྷསྡོབྷནྟྲཏིསྐོཔྲ་བེཤནག་ལེ་དུ་མ་བ་ལེ། ཨཀ་ལེ། སྤོ་ཏ་ལེ་ཨ་ཀ་ར་ཤ་ཨིན་ཏ་བྷ་ཧ་བྷ་ཧ་ཕྲ་མ་ཕྲ་མ་བྲམ་བྲམ་ཡཀྟ་ས་མ་ཡ་པྲ་བེ་ཤ་ཕཊ་ཕཊ། བསྒྲལ་ཏེ་དབང་དུ་བྱ་བའི་སྙིང་པོའོ། །ཏ་ཀི་ནཏཀི་ན ཧྭ༷། ཏ་ཀེཏ་ཀེ་ཕཊ། བྷན་དྷ་བྷན་དྷ་ཆོམ། ཏིཀྟཏིཀྟ་ཤིག རཀྟ་རཀྟ་ཧུ༷། ཚིཇི་ཚིནྟྲ་ཕཊ། ཀྲོཏ་ཀྲོ་ཏ་རེ། ཧ་ལ་ཧ་ལབ༷། རག་ཤརགཤབ༷། རྙོ་ན་ཙཀྲ་ཀེ་ཏུ་ཏྲེ། རབ་ཏུ་བསྒྲལ་བའི་ཕྱིར་སྦྲེང་བའི་སྙིང་པོའོ། ཤེ་ཀྲོ་དྷི་ཤྭརྡིམདྷ་ལ་ཧུ༷། ཡ༷་ཀརྨ་རཀྟ་ཧུ༷། ར་རཀྟ་ཛ་ལ་མ་དྷ་ལ་ཧུ༷། བ༷་ཏིསྟོ་མ་དྷ་ལ་ཧུ༷། ཀེ་ནི་རི་ཏི་ཛལ་མ་དྷ་ལ་ཀེ ར༷ བཛྲ་ཛ་ལ་ར༷། སྒྱུ༷ བི་ཤྭ་བི་ཤུརྙེ་ཙྭ་ན་ཙཀྲ་མ་དྷ་ལ་ཧུ༷་སྒྱུ༷། གཞི་རབ་ཏུ་བསྐྱེད་པའི་སྙིང་པོའོ། །གཞན་ཡང་དེ་བཞིན་གཤེགས་པཐམསཅད་ཀྱི་སྐུ། སའི་ཁམས་མ་ལུས་པའི་རྡུལ་གྱི་ཆ་དང་མཉམ་པའི་ཚད་ཀྱི་རང་རང་གི་གསུང་ཚདདཔག་ཏུ་མེད་པས་བསྐལ་པ་ཁྲི་ཕྲག་བཅུའི་བར་དུ་ངའིགསུང་གི་མཐའ་བརྗོད་པར་མི་ལང་སྟེ་ཧྭ༷༷༷ཧུ༷་ཞེསབྱ་བ་ནི་ཆོས་ཐམས་ཅད་ཀྱི་སྒོ་སྟེ། འདི་ནིདེབཞིནགཤེགསཔཐམས་ཅད་ཀྱི་གསུང་གིསྙིངཔོཡངདག་པའི་སྒྲའོ། །འདི་ནི་ཕྱོགས་བཅུ་མ་ལུས་པརཁྱབཔའི་སྔོན་དུ་ལྷུནགྱིས་གྲུབ་པའི་རྒྱལ་བ་སྲས་དང་བཅས་པ་རྣམས་ཀྱི་སྐུ་གསུང་ཐུགས་དབང་གི་རིགས་མཐུན་པའི་འདོད་པའི་ཡོན་ཏན་ལྔའི་ལྷ་མོར་གྱུར་ཏེ། མཆོད་པ་དང་བསྟབས་པས་མཉེས་པར་བྱེད་ཅིང་སེམས༷་ཅན་གྱི་ཁམས་ཀྱི་ལུས་དང་ངག་དང་ཡིད་ཀྱི་གནས་ངན་ལེན་པ་མཐའ་དག་སྦྱངས་ཤིང་ཟད་པར་བྱས་ནས། འོད་ཟེར་གྱི་ཚུལ་དུ་སྤྲོས་པས། དེ་བཞིན་གཤེགས་པ་ཉི་མའི་དཀྱིལ་འཁོར་ལྷར་སྣང་བར་བྱེད་པའོ། །ཨཱོཾ་ཧེ༷༷། ཨེ་མ་སངས་རྒྱས་ཐམས་ཅད་ཀྱི། ཆོས་ཀྱི་གསུང་ནི་དཔག་ཏུ་མེད། །ཨེ་ཧ་ཧི་ཡི་ཡན་ལག་ནི། །དྲེགས་པ་ཅན་རྣམས་དབང་དུ་སྡུད། །ཅེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། གསུང་རྣམ་པར་དག་པ་དབང་ཕྱུག་གསང་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དེས་སངས་རྒྱས་ཐམས་ཅད་ཀྱི་ཐུགས་ཀྱི་དེ་ཁོ་ན་ཉིད་རང་བཞིན་ཡོངས་སུ་དག་པའི་ངོ་བོ་དེ་ཉིད་འགྲོ་བ་མ་ལུས་པ་ལ་སྣང་ཞིང་གསལ་བར་མཛད་པ་ནི། འདི་སྐད་ཅེས་བཀའ་སྩལ་ཏོ། །ཐོག་མ་མེད་པའི་དུས་ཉིད་ནས། །བྱུང་དང་མཐོང་དང་མྱོང་བ་དང་། །གནས་དང་དྲན་པ་མ་ལུས་པ། །སྙིང་པོ་བྱང་ཆུབ་སེམས་ཡིན་ཏེ། །འདི་ལས་གཡོས་པ་ཅི་ཡང་མེད། །གཟུགས་དང་ཁ་དོག་མཚན་མ་དང་། །མིང་དང་བརྡའ་དང་ཐ་སྙད་ཀུན། །ནམ་མཁའི་ཆོ་འཕྲུལ་ཇི་བཞིན་ཏེ། །སྣང་ཡང་འདི་ལས་འགྱུར་བ་མེད། །འོན་ཀྱང་རང་ལས་འབྱུང་ཞིང་སྣང་། །བྱུང་བ་ཉིད་ཀྱང་རང་བྱུང་ལ། །སྣང་བ་དེ་ཡང་རང་ལས་སྣང་། །རིག་པའི་དུས་ན་རང་གིས་རིག །རྣམ་པར་ཤེས་པ་མི་གཅིག་པས། །རྟོགས་དང་མ་རྟོགས་ཐ་སྙད་སྣང་། །འོན་ཀྱང་གང་གིས་གང་ཉིད་ལ། །གང་དུ་ཇི་ལྟར་ཇི་བཞིན་དུ། །རྟོགས་སུ་ཡོད་པ་མ་ཡིན་ཏེ། །ཐ་སྙད་ཙམ་དུ་རྟོགས་ཞེས་བརྗོད། །ཀུན་རྫོབ་དོན་དམ་རང་བཞིན་ལས། །ཡོད་དང་མེད་དང་གཟུང་དང་འཛིན། །སྐྱེ་དང་འགག་དང་རྟག་དང་ཆད། །སྣང་སྟོང་སྲིད་དང་ཞི་བ་དང་། །བདེ་དང་སྡུག་བསྔལ་སྟོང་མི་སྟོང་། །མཚན་མ་མེད་དང་མཚན་མ་དང་། །སྨོན་མེད་སྨོན་པ་ཡོད་པ་དང་། །བདག་དང་བདག་མེད་འགྲོ་དང་འོང་། །ཟག་པ་མེད་དང་ཟག་བཅས་དང་། །ཁ་ན་མ་ཐོ་ཡོད་མེད་དང་། །འཇིག་རྟེན་འདས་དང་མ་འདས་དང་། །སྤྲོ་དང་བསྡུ་བ་ལ་སོགས་པ། །དངོས་དང་ངོ་བོ་ཐ་དད་དང་། །མཐུ་དང་ནུས་པ་སྣ་ཚོགས་དང་། །རང་གི་མཚན་ཉིད་སོ་སོ་དང་། །མིང་དང་བརྡའ་དང་ཐ་སྙད་དུ། །བཏགས་པ་ཙམ་ནི་མ་ལུས་དང་། །རྒྱུ་དང་འབྲས་བུ་རྟེན་དང་གནས། །ཕྱི་ནང་སྔ་ཕྱི་དུས་གསུམ་ཀུན། །སེམས་དང་སེམས་ལས་བྱུང་བ་དང་། །རྟོགདཔྱོད་རིགས་དཔྱོད་མཁས་དཔྱོད་དང་། །བག་ལ་ཉལ་དང་ཀུན་ནས་ལྡང་། །མངོན་དུ་རྒྱུ་དང་གཡོ་བ་དང་། །ཡོངས་སུ་གྲུབ་དང་ཀུན་ཏུ་བརྟགས། །གཞན་གྱི་དབང་ལས་གྱུར་པ་དང་། །གང་ཟག་བདག་ལས་བྱུང་བ་སྟེ། །ང་ཡི་ཐུགས་ལས་ཅི་ཡང་མེད། །དཔེར་ན་མཁའ་ལ་སྤྲིན་ཚོགས་དང་། །འཇའ་ཚོན་ཁུག་རྣ་ན་བུན་དང་། །རྫི་རླུད་ཁ་ཆར་འོད་དང་གློག །སྣང་ཡང་མཁའ་ལས་གཡོས་པ་མེད། །དེ་བཞིན་ང་ཡི་ཐུགས་ཀྱི་བདག །མ་སྐྱེས་མི་སྐྱེ་སྐྱེ་བ་མེད། །མ་འགགས་མི་འགག་འགག་པ་མེད། །མ་གཡོས་མི་གཡོ་གཡོ་བ་མེད། །སྙིང་པོ་དོན་གྱི་གཞི་ཉིད་ལས། །རང་བཞིན་དུ་ནི་ལྷུན་གྱིས་གྲུབ། །རྟོགས་པ་ཙམ་གྱིས་མངོན་དུ་འགྱུར། །རྩོལ་མེད་རྒྱུ་ནི་ཡེ་ནས་སྦྱངས། །རང་ལ་རྫོགས་ཤིང་གཞན་ལ་སྣང་། །ཨེ་མ་ངོ་མཚར་རྨད་དུ་བྱུང་། །ཞེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། ཐུགས་རྣམ་པར་དག་པ་དབང་ཕྱུག་གསང་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་བདག་པོ་དེས། དེ་བཞིན་གཤེགས་པ་ཐམས་ཅད་ཀྱི་ཡོན་ཏན་ཕུན་སུམ་ཚོགས་པ་རབ་ཏུ་སྣང་བར་སྒྲུབ་པར་བྱེད་པའི་དོན་རྣམ་པར་དག་པའི་ཆེ་བ་འདི་ཉིད་སྟོན་པ་འདི་ལྟ་སྟེ། སྐུ་གསུང་ཐུགས་ཀྱི་ཆོ་འཕྲུལ་ཅིར་ཡང་འགྱུར་ཞིང་སྟོན་པ་ཐམས་ཅད་ལ་སྣང་ཡང་གཅིག་ཏུ་མ་ངེས་པའི་ཕྱིར། ཐུགས་ཀྱི་ཆེ་བ་ཉིད་དང་། གསུང་གི་ཆེ་བ་ཉིད་དང་། སྐུའི་ཆེ་བ་ཉིད་ལ་སོགས་པ་གང་ཡང་མ་འགགས་པའི་སྒོ་ནས། བྱིན་གྱིས་རླབས་སྣ་ཚོགས་སུ་འབྱུང་བ་ནི། འཇིག་རྟེན་གསུམ་ལས་རྣམ་པར་རྒྱལ་བའི་དོན། །ཟབ་པ་དང་ནི་རྒྱ་ཆེ་བ་དང་། ཉན་ཐོས་ཀྱི་དགེ་འདུན་རྣམས་ཀྱི་ཐེག་པ་ཆེན་པོ་བལྟ་བས་མ་མཐོང་སྟེ། འདུལ་བའི་དུས་ལ་གནས་པའི་སྦྱོང་བས་བར་སྣང་ལ་གནས་པའི་གནོད་སྦྱིན་མཐུ་བོ་ཆེས་རྒྱུ་ཉེ་བར་བཞག་པ་དགེ་བའི་ཆོས་ལ་སྤྱོད་པར་ནུས་ཤིང་དེ་བཞིན་གཤེགས་པའི་དམ་ཚིག་ལ་གཞག་པར་སླའོ། །ཉན་ཐོས་ཀྱི་སྐྱེས་བུ་ནི་སྨད་པར་བྱ་བ་རྣམས་འདུལ་ཞིང་རང་གི་ས་ལ་དགོད་ནུས་པར་ཟད་ཀྱི། བླ་ན་མེད་པའི་ལམ་ལ་སྤྱོད་པར་མི་ནུས་པ་རྣམས་ཀྱང་། །ངའི་ཐུགས་དང་གསུང་དང་སྐུའི་ཡོན་ཏན་ཐོགས་པ་མེད་པ་སྤྱོད་པ་ལ་ནི་རྒྱུ་ཙམ་དུ་ཡང་མི་ཉེའོ། །དེ་ལྟར་དབང་གི་རྒྱལ་པོ་ངའི་ཐུགས་ཉི་མའི་དཀྱིལ་འཁོར་གྱི་འོད་ཀྱིས་ཐུགས་རྗེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ས་ལེ་སྣང་བ་བཞིན། སེམས་ཅན་གྱི་ཁམས་རྣམས་ཀྱི་སེམས་ཀྱི་རྒྱུ་ལས་སྣང་བ་ཐམས་ཅད་བདག་གི་ཡེ་ཤེས་ལ་སྣང་བར་བྱུང་བ་སྟེ་ཐུབ་པ་ཆེན་པོ་ཡན་ཆད་ཡིན་ནོ། །རི་རབ་ཀྱི་རྩེ་མོར་རྣམ་པར་སྣང་མཛད་གང་གི་མཚོ་ཆེན་པོའི་ལུས་ལྷའི་རིག་པ་འཛིན་པའི་སྐྱེས་བུའི་ཚེ་ན། ངའི་རྣལ་འབྱོར་གྱི་དབང་ཕྱུག་ཆེན་པོར་སེམས་བསྐྱེད་དོ། །བདག་དང་འཁོར་དུ་བཅས་པ་རྣམས། །མཐོན་མཐིང་ལྕང་ལོ་ཅན་བསྒྱུར་ཏེ། །བར་སྣང་ཁམས་ཀུན་རབ་སྣང་ཞིང་། །ཕྱོགས་བཞི་མཚམས་དང་སྟེང་འོག་ཀུན། །ཁྲོ་བོ་ཁྲོ་མོས་བཀང་བྱས་ཏེ། །རིན་ཆེན་རྩལ་ཆེན་སེང་གེ་དང་། །རྟ་དང་གླང་ཆེན་ནམ་མཁའ་ལྡིང་། །གྲངས་མེད་གནོན་པ་འོག་མིན་གནས། །རྡོ་རྗེ་ཁྲོ་བོ་རྣམ་པར་རྒྱལ། །ཞབས་འབྲིང་རྡོ་རྗེ་རོལ་པ་མོ། །བྱེ་བ་ཁྲག་ཁྲིག་རྗེས་སུ་འབྲང་། །ལུས་དང་ཡན་ལག་ཐམས་ཅད་ཀུན། །ཐོད་རློན་ཕྲེང་དང་སྦྲུལ་གྱིས་བརྒྱན། །སྤྱན་དགུ་འབར་བས་ས་དགུ་གཟིགས། །དབུ་སྐྲ་རལ་པ་མེ་སྟག་འཕྲོ། །རིན་ཆེན་འབར་བའི་ཟུར་ཕུད་ལྔ། །སེ་མོ་དོ་དང་དོ་ཤལ་དངར། །མགུར་ཆུ་ཆུན་འཕྱངས་ཟ་ར་ཚགས། །དེ་བཞིན་ཞབས་ཀྱི་ཆས་བརྒྱད་ཀྱིས། །ཁྲོ་བོ་ཆེན་པོ་བརྒྱད་འདུལ་བས། །ཚངས་དང་བརྒྱ་བྱིན་སྨོས་ཅི་དགོས། །དབང་ཆེན་ང་ཡི་འཁོར་རྣམས་ཀུན། །བཀའ་བཞིན་བྱེད་པ་ཡོན་ཏན་ཡིན། །གཞན་ཡང་ང་ཡི་ཡོན་ཏན་ནི། །བློ་དང་དབང་པོ་བསམ་པ་དང་། །ཁམས་དང་རིགས་དང་ཡུལ་དང་དངོས། །དམན་དང་བར་མ་མཆོག་ཏུ་བྱེད། །བྱ་བའི་ཆོས་དང་བྱེད་པའི་ཡིད། །གཟུགས་དང་ཚོར་དང་འདུ་ཤེས་དང་། །འདུ་བྱེད་རྣམ་ཤེས་ཕུང་པོའི་ཚོགས། །དབང་པོ་ཡུལ་དང་སྐྱེ་མཆེད་ཁམས། །དེ་ནི་ང་ཡིས་རབ་ཏུ་བྱེད། །དུས་གསུམ་སངས་རྒྱས་ཐམས་ཅད་དང་། །རིག་འཛིན་བྱང་ཆུབ་སེམས་དཔའ་དང་། །ཉན་ཐོས་རང་རྒྱལ་ལྷ་རྣམས་ཀྱི། །ཡོན་ཏན་ཚོགས་ཀུན་ཇི་སྙེད་པ། །ང་ལ་དེ་ཉིད་མངའ་བ་སྟེ། །ཚིག་དང་མིང་དང་རྣམ་གྲངས་དང་། །དཔེ་དང་ཚད་ཀྱིས་བརྗོད་མི་ཡང་། །གཞན་ཡང་ཉོན་ཅིག་ཧེ་རུ་ཀ །ང་ལ་གཟུགས་དང་ཚད་དང་དབྱིབས། །ཡོད་དང་དངོས་པོར་མ་བལྟ་ཅིག །ང་ལ་རིགས་དང་རྒྱུ་དང་རྐྱེན། །བྱེད་པ་པོ་ནི་ག་ལ་ཡོད། །འདུས་མ་བྱས་ཤིང་ལྷུན་གྱིས་གྲུབ། །ཐུགས་རྗེ་མཁྱེན་པས་ཐབས་དང་ལྡན། །འདི་ནི་ང་ཡི་ཆོས་ཀྱི་སྐུ། །སྟོན་བྱེད་པ་དང་དུས་དང་འཁོར། །གང་གིས་བསྟན་པའི་ངོ་བོ་དེ། །ངེས་པ་ཅན་དུ་རྣམ་པ་ལྔ། །ང་ལ་ཕུན་སུམ་ཚོགས་པ་ནི། །ལོངས་སྤྱོད་རྫོགས་པ་ང་ཡི་སྐུ། །སངས་རྒྱས་བྱང་ཆུབ་སེམས་དཔའ་དང་། །དམན་པ་ཉན་ཐོས་རང་སངས་རྒྱས། །འདི་ལས་གཞན་པའི་ཕྱི་རོལ་པ། །དབང་ཕྱུག་དང་ནི་ཚངས་པ་དང་། །དྲག་པོ་ག་་པོ་གཞོན་ནུ་དང་། །ལྷ་ཀླུ་གནོད་སྤྱིན་དྲི་ཟ་དང་། །སེང་གེ་གླང་ཆེན་རི་དྭགས་དང་། །འདབ་ཆགས་སྲིན་བུ་ལ་སོགས་པ། །གང་གི་གང་ལ་གང་གིས་ཕྱིར། །ཇི་ལྟར་ནུས་པའི་དབང་མཛད་ཅིང་། །རང་དང་གཉིས་མེད་མཉམ་སྦྱོར་བ། །ང་ཡི་སྐུ་ལས་རྣམ་སྤྲུལ་སྐུ། །བསམ་གྱིས་མི་ཁྱབ་བརྗོད་ལས་འདས། ཁྲེས་པར་བྱོས་ཤིག་ཧེ་རུ་ཀ །ཞེས་གསུངས་སོ། །དབང་ཆེན་འདུས་པ་རྩ་བའི་རྒྱུད་ལས། ཡོན་ཏན་རྒྱ་ཆེན་པོ་ངེས་པར་བསྟན་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེས། དུས་གསུམ་གྱི་སངས་རྒྱས་ཐམས་ཅད་ཀྱི་ཕྲིན་ལས་མ་ལུས་པ་བསྒྲུབ་པར་བྱེད་པ་དང་། དེ་ལ་ཉེ་བར་བྱེད་ཅིང་སྐལ་བ་ཅན་དུ་བྱེད་པ་དང་། མྱུར་དུ་འགྲུབ་པར་བྱེད་པ་དང་། ལེགས་པར་འགྲུབ་པར་བྱེད་པ་དང་། ཡང་དག་པར་འགྲུབ་པར་བྱེད་པ་དང་། བདེ་བར་འགྲུབ་པར་བྱེད་པའི་ཐབས། དེ་བཞིན་གཤེགས་པ་ཐམས་ཅད་ཀྱི་སྐུའི་གསང་བ་དང་གསུང་གི་གསང་བ་དང་ཐུགས་ཀྱི་གསང་བ་ཆེན་པོ་ཉེ་བར་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་དཀྱིལ་འཁོར་རང་ཉིད་ལ་རྫོགས་པར་གསལ་བར་མཛད་ནས། འདི་སྐད་ཅེས་བཀའ་སྩལ་ཏོ། །ཀྱེ་ཀྱེ་དབང་ཆེན་ཧེ་རུ་ཀ །མ་འོངས་ཤིན་ཏུ་སྙིགས་མའི་དུས། །ཚེ་དང་དུས་དང་ལོངས་སྤྱོད་དང་། །ལས་དང་བལྟ་བས་མནར་བའི་ཚེ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་སེར་སྣ་ཡིས། །རབ་ཏུ་གཟིར་ཞིང་ཉོན་མོངས་པས། །གདུང་བའི་སེམས་ཅན་རྣམས་ཀྱི་ཕྱིར། །ངའི་སྒྲུབ་མཆོག་བཤད་པར་བྱ། །བྱང་ཆུབ་སེམས་དང་ལྡན་པས་ཉོན། །དཔེར་ན་མཁའ་ལ་འགྲོ་བའི་ལུས། །དེ་ཉིད་ཀྱིས་ནི་འདུལ་བ་ལྟར། །ཉོན་མོངས་ཚོགས་རྣམས་དེ་ཉིད་ཀྱིས། །རྣམ་པར་རྟོག་པའི་ཚོགས་ཀྱིས་འདུལ། །དེ་བས་བློ་ལྡན་སྐྱེས་བུ་ཡིས། །ཐོག་མར་ང་ཡིས་བསྒྲུབ་པའི་གནས། །ནུབ་ཏུ་ཁ་བལྟས་དབེན་པའི་གནས། །བྲག་དམར་ཆོ་ཟངས་འདྲ་བའི་ནི། །རང་གི་རིགས་ལ་གཤིས པའིགནས། །ཆགས་ཆེན་མདོག་དམར་ཤེས་རབ་ལྡན། །བསྒྲུབ་པའི་གྲོགས་ལ་བསྔགས་པ་ཡིན། །ཏིང་འཛིན་ཡོ་བྱད་ཕུན་ཚོགས་པས། །རབ་ཏུ་འབད་དེ་བསྒོམ་པར་བྱ། །ཁམས་གསུམ་པ་ཡི་ངོ་བོ་ཉིད། །སྣང་དང་སྲིད་པ་འདི་དག་ཀུན། །མེ་དཔུང་འབར་པའི་འོད་བཞིན་བསྒོམ། །ནམ་མཁའི་ཁམས་ཀྱི་དཀྱིལ་འཁོར་དབུས། །སྲོག་རྟེན་སྙིང་པོ་ཡི་གེ་སྙི༷༷། །སྤྲོ་དང་བསྡུ་བས་བརྟན་པར་བཞག །ཡུལ་དང་དེ་ཡི་ཡུལ་ཅན་ཀུན། །མ་ལུས་དམིགས་པ་རབ་ཏུ་བྱ། །ལུས་དང་ངག་དང་ཡིད་ཀྱི་དངོས། །སོ་སོའི་ལས་ཀྱི་རབ་ཏུ་སྦྱང་། །ང་དང་མཚུངས་པར་གྱུར་པ་ན། །མི་གཡོ་ཚད་ཀྱིས་བརྟག་པར་བྱ། །དེ་ཡིས་ཐོག་མར་བསྙེན་པ་ཡིན། །བསྙེན་པ་ཡི་ནི་ཏིང་ངེ་འཛིན་ནོ། །དེ་ནས་ཉེ་བར་བསྙེན་པའི་པྱིར། །སྐད་ཅིག་ཙམ་མམ་ཡུད་ཙམ་གྱི། །རང་གི་ལུས་ཀྱི་ནུས་པ་གསུམ། །དབང་ཆེན་སྐུ་གསུང་ཐུགས་སུ་བལྟ། །བར་ཆད་བརྩམས་པ་བཟློག་པའི་ཕྱིར། །ཕྱི་ནང་གསང་བའི་ལསརྣམས་ཀྱིས། །བསྲུང་དང་བཟློག་དང་བསྐྲད་པར་བྱ། །རྔམས་པའི་འཁོར་ཚོགས་མཁའ་ལ་སྤྲུལ། །སྒོ་དབྱེ་གསོལ་ཞིང་འདུད་པར་བྱ། །མཉེས་པར་བྱ་བའི་ཡོ་བྱད་བསྟེན། །ཚུལ་བཞིན་མ་གྱུར་ཚངས་པར་བྱ། །བྱིན་གྱིས་བརླབ་པ་ཉིད་ལ་གཟུང་། །དམ་བཅའ་བརྟན་པོ་བདག་གིར་གཟུངས། །ཐུགས་ཀྱི་སྙིང་པོ་སྤྲོ་ཞིང་བསྡུ། །ལས་སུ་རུང་པ་ཚད་ཀྱིས་བལྟ། །དེ་ནས་ཆོས་ཀུན་ངོ་བོ་ནི། །ཡང་དག་པ་ལ་བདག་མེད་བསམ། །དེཡིམཚོནཔརམནུསཔའི། །ཡུལ་རྣམས་ལ་ནི་རྗེས་ཆགས་བྱ། །ཉིད་ཀྱི་དྲན་པའི་རྒྱལ་པོ་དེ། །སྲོག་གཅིག་འབྲུ་ལ་དམིགས་པ་བསྒྲིལ། །ཆོ་ག་ཡན་ལག་འཕྲོ་འདུ་ཡིས། །མཆོད་བསྟོད་མཉེས་དང་སྦྱང་བ་རྫོགས། །རང་གི་ངོ་བོ་ནུས་དང་ལྡན། །ཧི༔སྤ་ར་ན་ཕཊ། སེ་ཧ་ར་ཎ་ཧཱུཾ། ཨེ་ཡ༷་ར་སུ༷་ར༷་ཧྲི་སྤ་ར་ན་ཕཊ། ས༷་ཧ་ར་ན་ཧུ༷། སྟོང་ཞིང་གཡོ་དང་བསྐྱོད་དང་གཞི། །གཙང་སྦྲ་ཆེན་པོ་ལྔ་དག་ནི། །དག་པའི་དག་བྱེད་ཏིང་ངེ་འཛིན། །བྷ་ག་ཡངས་པའི་དཀྱིལ་འཁོར་ལྔ། །རང་གི་ངོ་བོ་ལས་བསྐྱེད་པའི། །བྱིན་གྱིས་རློབས་པའི་མཆོག་ཡིན་ནོ། །སྒྱུ༷་སྤ་ར་ཎ་ཕཊ། ས༷་ཧ་ར་ཎ་ཧུ༷། །སྲ་ཞིང་མཁྲེགས་པའི་རྒྱུ་འདི་ལས། །མཛེས་ཤིང་འཇིགས་པའི་ཕྱི་དང་ནང་། །ཇི་ལྟར་བཤད་པའི་རྒྱན་དང་རྟགས། །འབྱུང་བའི་ནུས་པ་འོད་ལྡན་ཞིང་། །རོལ་ཞིང་འབར་བ་རྣམ་པར་བསམ། །གཞི་རབ་ཏུ་བསྒོམ་པའི་ཏིང་ངེ་འཛིན་ནོ། །དེ་ནས་སངས་རྒྱས་ཐམས་ཅད་ཀྱི། །དབང་གི་རྒྱལ་པོ་ང་ཡི་ལུས། །ཆེ་བའི་ཆེ་མཆོག་རྟ་མགྲིན་ཅན། །དགེས་པའི་ཡུམ་དང་མཉམ་སྦྱར་ནས། །འཕགས་པའི་ཚོགས་ཀུན་མ་ལུས་པའི། །མཉེས་པའི་མཆོད་པ་རབ་བསྟབ་སྟེ། །འགྲོ་བ་རྣམས་ཀྱི་ཞིང་དང་རྒྱུ། །དག་པའི་ངོ་བོ་ཉིད་དུ་སྦྱངས། །སླར་ཉིད་ས་བོན་མངོན་དུ་གྱུར། ས་མ་ཡ་ཧོ། ས་མ་ཡ་སྟུམ། རྭ་གོ྅ཧ༷། རྭ་ག་ལྭ་མི། དྷི༷༷སརྦ་ཏ་ཐུ་ག་ཏ་ཨ་ནུ་རྭ་ག་ཎ་བཛྲ་སྭ་བྷ་ཝ་ཨུཏྣ་ཀོ྅ཧ༷། ང་ཉིད་དབང་ཆེན་རྡོ་རྗེ་སྟེ། །ཁམས་གསུམ་ཡེ་ཤེས་བསྐྱེད་པའི་ཕྱིར། །སྲས་ཀྱི་ཚུལ་དུ་མངོན་པར་གཟུང་། །ནམ་མཁའི་དབྱིངས་ཀྱི་ཕྱོགས་སུ་དགོད། །ང་ཉིད་པདྨ་ཧེ་རུ་ཀ །མདོག་དམར་ཞལ་གཅིག་ཕྱག་གཉིས་ཏེ། །ཕྱག་གཡས་རྡོ་རྗེ་གཡོན་ཐོད་པ། །དེ་དང་རྗེས་སུ་ཆགས་པའི་ཡུམ། །ཁ་ཊ༷་ཐོད་པ་འཛིན་ཅིང་སྟོབ། །ཕྱོགས་ནས་གཅོད་པའི་ལྕེ་བཞི་ལས། །དབང་པོ་ཡི་ནི་ཕྱོགས་ངོས་སུ། །རྡོ་རྗེ་དབང་ཆེན་ཧེ་རུ་ཀ །མཐིང་ནག་གཞལ་གསུམ་ཕྱག་དྲུག་ལྡན། །དང་པོ་རྡོ་རྗེ་ཐོད་ཁྲག་བསྣམས། །གཤིན་རྗེ་གནས་པའི་ཕྱོགས་དག་ཏུ། །རིན་ཆེན་དབང་ཆེན་ཧེ་རུ་ཀ །སེར་ནག་ཞལ་གསུམ་ཕྱག་དྲུག་ལྡན། །དང་པོ་རིན་ཆེན་ཐོད་ཁྲག་བསྣམས། །ཀླུ་དབང་གནས་པའི་ཕྱོགས་དག་ཏུ། །པདྨ་དབང་ཆེན་ཧེ་རུ་ཀ །དམར་ནག་ཞལ་གསུམ་ཕྱག་དྲུག་ལྡན། །དང་པོ་པདྨ་ཐོད་ཁྲག་བསྣམས། །གནོད་སྤྱིན་གྱི་ནི་ཕྱོགས་དེ་མྲ །ཕྲིན་ལས་དབང་ཆེན་ཧེ་རུ་ཀ །ལྗང་ནག་ཞལ་གསུམ་ཕྱག་དྲུག་ལྡན། །དང་པོ་རྒྱ་གྲམ་ཐོད་ཁྲག་བསྣམས། །བར་མ་གཉིས་ནི་སྦྲུལ་ཞགས་དང་། །ཁ་ཊ༷་རྩེ་གསུམ་འཛིན་པར་མཛད། །ཐ་མ་དབང་གི་ཕུར་པ་འདྲིལ། །དབང་ཆེན་ཁྲོ་བོ་འདི་དག་ཀུན། །དབུས་མའི་ཞལ་ནི་སྐུ་ཡི་མདོག །གཡས་ཞལ་དཀར་ལ་གཡོན་ཞལ་ལྗང་། །རྟ་མགྲིན་ལྗང་གུས་ཀུན་ལ་མཛས། །དུར་ཁྲོད་དཔའ་བའི་ཆས་ཀྱིས་བརྒྱན། །ཞབས་གཉིས་བརྐྱངས་བསྐུམ་པྱོགས་དག་གི །དྲེགས་པ་ཕོ་མོ་བརྫིས་པ་སྟེ། །འདི་དག་ཀུན་གྱི་རོལ་པའི་ཡུམ། །རིགས་ཀྱི་དབང་ཕྱུག་ཁྲོ་མོ་བཞི། །རྡོ་རྗེ་རིན་ཆེན་པདྨ་ལས། །སོ་སོའི་ཡབ་ལ་འཁྲིལ་མཛད་ཅིང་། །ཞལ་གཅིག་ཕྱག་གཉིས་ཆགས་པའི་ཚུལ། །སྐུ་ཡི་ཁ་དོག་ཡབ་དང་མཚུངས། །ཅུང་ཟད་དམར་བའི་མདངས་ཀྱིས་མཛེས། །ཁ་ཊ༷་ཐོད་པ་ཕྱག་གིས༷ ་འཛིན། །ཡབ་ཡུམ་འདི་ད༷ག་ཐམས་ཅད་ཀུན། །ཁྲོ་བོའི༷་གར་ཉམས་དགུ་དང་ལྡན། ༷།སྤྱན་གསུམ་གཟིགས་ཤིང་མཆེ་བ་གཙིགས། །མེ་དཔུང་འབར་བའི་ནང་ན་བཞུགས། །རང་གི་ཕྲིན་ལས་ངེས་པར་མཛད། །ཨཱོཾ་ཧ་ཡ་སྒྱི་ཝ་བཛྲ་ཀྲོ་ཏ་ཧཱུཾ། ཨཱོཾ་ཧ་ཡ་སྣྲི་ཝ་རཏྣ་ཀྲོ་དྷ་ཧུ༷། ཨཱོཾ་ཧ་ཡ་སྣྲི་ཝ་པདྨ་ཀྲོ་དྷ་ཧུ༷། །ཨཱོཾ་ཧ་ཡསྣྲི་ཝ་ཀརྨ་ཀྲོ་དྷ་ཧྭ༷། སྨྱོ་ཨེ་ཀ་ཛ་སྤྱི་བཛྲ་ཀྲོ་དྷི་ཧྭ༷། །སྨྱོ་ཨེ་ཀ་ཛ་རྟི་རཏྣ་ཀྲོ་དྷི་ཧུ༷། སྨྱོ་ཨེ་ཀ་ཛ་རྟི་པདྨ་ཀྲོ་དྷི་ཧུ༷། སྨྱོ་ཨེ་ཀ་ཛ་རྟི་ཀརྨ་ཀྲོ་དྷི་ཧུ༷། །སྙི༷༷དྷི༷༷ཧི༷༷སྣྲི༷༷། སྨྱོ་སྨྱོ་སྨྱོ་སྨྱོ། ཧི༷༷སྤ་ར་ཎ་ཕཊ། ས༷་ཧ་ར་ཎ་ཧུ༷། རྩ་བའི་དབང་ཆེན་བསྒོམ་པའི་ཏིང་ངེ་འཛིན་ཏོ། སྣྲི༷༷སྙི༷༷སྙི༷༷སྙི༷༷། སྙི༷༷ཧི༷༷སྙི༷༷སྙི༷༷། སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ། སྣྲི༷༷སྤ་ར་ཎ་ཕཊ། ས༷་ཧ་ར་ཎ་ཧུ༷། ང་ཉིད་དབང་ཆེན་རྡོ་རྗེ་སྟེ། །སྲིད་གསུམ་ཟིལ་གྱིས་གནོན་པའི་ཕྱིར། །འཇིགས་བྱེད་སྤྲུལ་པ་རྣམ་པར་འཕྲོ། །འབར་བའི་ཁྱམས་ལ་མཛས་པར་དགོད། །ཁྲོ་བོ་ཆེན་པོ་འདི་རྣམས་ནི། །མདོག་དམར་ཞལ་གསུམ་ཕྱག་དྲུག་པོ། །གཡས་དཀར་གཡོན་སྔོ་དབུས་དམར་ཞལ། །དབུ་གཙུག་རྟ་མགོ་རེ་རེ་ཐོན། །འཇིགས་བྱེད་དུར་ཁྲོད་ཆས་ཀྱིས་བརྒྱན། །ཁྱད་པར་ཞི་བ་ཟིལ་གནོན་ནི། །འཁོར་ལོ་རྡོ་རྗེ་རིན་ཆེན་གཡས། །པདྨ་རལ་གྲི་དྲིལ་བུ་གཡོན། །སངས་རྒྱས་རིགས་ལྔ་ཞབས་ཀྱིས་གནོན། །མི་ཕམ་ཁྲོ་མོ་ཡུམ་དང་སྦྱོར། །ལས་ཀྱི་ཁྲོ་བོ་ཟིལ་གནོན་ནི། །པདྨ་དབྱུག་ཏོ་སྤུ་གྲི་གཡས། །ཁ་ཊ༷་དགྲ་སྟ་རྒྱ་གྲམ་གཡོན། །ལས་ཀྱི་ཁྲོ་བཅུ་ཞབས་གྱིས་གནོན། །ལྷ་མོ་ཁྲོ་གཉེར་མ་དང་སྦྱོར། །ཡེ་ཤེས་མ་མོ་ཟིལ་གནོན་ནི། །སྡིགས་མཛུབ་ལྕགས་ཀྱུ་སྤྲུལ་ཞགས་གཡས། །ལྕགས་སྒྲོག་རྔ་དང་ཁ་ཊ༷་གཡོན། །གཙོ་མོ་དབྱིངས་ཀྱི་ཡུམ་དྲུག་གནོན། །རོ་ལངས་མ་དང་གཉིས་མེད་སྦྱོར། །ཡེ་ཤེས་ཁྱུང་རྣམས་ཟིལ་གནོན་ནི། །རྡོ་རྗེ་ས་དང་མེ་ཁྱུང་གཡས། །ནམ་མཁའ་ཆུ་རླུད་ཁྱུང་ནི་གཡོན། །ཞབས་ཀྱི་རིགས་ལྔའི་ཁྱུང་རྣམས་བརྫིས། །ཁྲོ་མོ་སྤྱན་གཅིག་ཡུམ་དང་སྦྱོར། །ཕོ་རྒྱུད་ཟིལ་གནོན་རྟ་མགྲིན་ནི། །རྡོ་རྗེ་ཐོད་སྐམ་སྦྲུལརྒྱུཡངཞགས་གཡས། །ཐོད་རློན་ཐོད་ཕྲེང་ཞིང་དབྱུག་གཡོན། །དྲེགས་པའི་ལྷ་བརྒྱད་ཞབས་ཀྱིས་བརྫིས། །རྡོ་རྗེ་ལས་བྱེད་མ་དང་སྦྱོར། །མོ་རྒྱུད་ཟིལ་གནོན་རྟ་མགྲིན་ནི། །རྡོ་རྗེ་རལ་གྲི་གཡས་ན་བསྣམས། །གཡོན་ན་ཞགས་པ་སྡིགས་མཛུབ་སྟེ། །ཐ་མ་མདའ་བཞུ་འགེངས་པའོ། །མ་བདུན་སྲིང་བཞི་ཞབས་ཀྱིས་གནོན། །གཤིན་རྗེ་ལས་བྱེད་མ་དང་སྦྱོར། །ཀླུ་རྣམས་ཟིལ་གྱིས་གནོན་པ་ནི། །ཀླུ་རིགས་དྲུག་གི་སྦྲུལ་ཞགས་འཛིན། །རིགས་བཞིའི་ཀླུ་ནི་ཁྱོ་ཤུག་གནོན། །ཀླུ་མོ་ལས་བྱེད་མ་དང་སྦྱོར། །དྲེགས་པའི་གཟའ་རྣམས་ཟིལ་གནོན་ན། །རྡོ་རྗེ་ཞགས་པ་རལ་གྲི་གཡས། །དུང་ཁྲག་དབྱིག་པ་ཁྱུང་ཆེན་གཡོན། །གཟའ་ཆེན་བརྒྱད་ནི་ཞབས་ཀྱིས་གནོན། །གནོད་སྤྱིན་ལས་བྱེད་མ་དང་སྦྱོར། །ཁྲོ་མོ་ཡུམ་ཆེན་འདི་རྣམ༷ས་ལ། །མདོག་དམར་ཆགས་པ་རྒྱས་པའི་ཚུལ། །ཞལ་གཅིག་ཕྱ༷ག་གཉིས་ཡབ་ལ་འཁྱུད། །ཁ་ཊ༷༷་འཛིན་ཅིང་ཐོད་ཁྲག་སྟོབ། །ཡབ་ཡུམ་བཅས་པའི་ཁྲོ་ཚོགས་ཀུན། ཁྲར་ནས་བརྩམས་ཏེ་རིམ་བཞིན་དབྱུང་། །ཨཱོཾ་པདྨ་ཀྲོ་དྷ་ཧ་ན་ཧ་ན་ཧུ༷་ཕཊ། ཨཱོཾ་པདྨ་ཀྲོ་དྷ་ད་ཧ་ད་ཧ་ཧུ༷་ཕཊ། ཨཱོཾ་པདྨ་ཀྲོ་དྷ་པ་ཙ་པ་ཙ་ཧུ༷་ཕཊ། ཨཱོཾ་པདྨ་ཀྲོ་དྷ་ཏིཇི་ཏིརྫི་ཧུ༷་ཕཊ། ཨཱོཾ༷་པདྨ་ཀྲོ་དྷ་སྣྲིསྡེ་སྦྱིན་ཧུ༷་ཕཊ། ཨཱོཾ༷་པདྨ་ཀྲོ་དྷ་བྷསྡོ་བྷསྡོ་ཧུ༷་ཕཊ། ཨཱོཾ༷་པདྨ་ཀྲོ་དྷ་སྟིསྡོ་སྟིསྡོ་ཕཊ། ཨཱོཾ༷་པདྨ་ཀྲོ་དྷ་ཧུ་ལུ་ཧུ་ལུ་ཧུ༷་ཕཊ། ཨཱོཾ་གུ་རྒྱ་ཀྲོ་དྷི་ཧུ༷། ཨཱོཾ༷་ཙྭ་ན་ཀྲོ་དྷི་ཧུ༷། ཨཱོཾ་རྭ་ག་ཀྲོ་དྷི་ཧུ༷། ཨཱོཾ་བཛྲ་ཀྲོ་དྷི་ཧུ༷། ཨཱོཾ༷་ཡ་མ་ཀྲོ་དྷི་ཧུ༷། ཨཱོཾ༷་ན་ག་ཀྲོ་དྷི་ཧུ༷། ཨཱོཾ༷་ཡག་མོ་ཀྲོ་དྷི་ཧུ༷། ཨཱོཾ་ཙིཀྟ་ཀྲོ་དྷི་ཧུ༷། དྲེགས་པ་ཅན་གྱི་ཚོགས་ཟིལ་གྱིས་གནོན་པའོ། །ཁྲོ་བོ་དབྱུང་བའི་ཏིང་འཛིན་ནི། །ང་ནི་དབང་ཆེན་རྡོ་རྗེ་སྟེ། །ཕྲིན་ལས་རྣམ་བཞི་བསྒྲུབ་པའི་ཕྱིར། །སྤྲུལ་པ་ཕོ་ཉ་ལས་ལ་ཁྲིད། །ཚད་མེད་སྒོ་བཞིར་གདབ་པར་བྱ། །ཛ༷༷ཧུ༷་བ༷་ཧོ༷༷། །༷ཁྲོ་མོ་མདོག་དཀར་ལྕག༷ས་ཀྱུ་འཛིན། །སེ༷ར་མོ་ཞགས་པ་འ༷ཛིན་མ་དང་། །དམར་མོ་ལྕགས་སྒྲོག་སྡོམ་བྱེད་མ། །ལྗང་མོ་དྲིལ་བུ་འཛིན་མ་སྟེ། །ཕྲིན་ལས་བཞི་མཛད་ཕོ་ཉ་མ། །རིམ་པར་ཕྱོགས་ཀྱི་སྒོ་ལ་དབབ། །ཨཱོཾ་བཛྲ་ཨ༷་ཀུ་ཤ་ཛ༷༷། ཨཱོཾ་བཛྲ་བཱ་ཤ་ཧུ༷། ཨཱོཾ་བཛྲ་སྤྲོ་ཊ་བ༷། ཨཱོཾ་བཛྲ་ཀྟརྟེ་ཧོ༷༷། །ཕོ་ཉ་འབྱུང་བའི་ཏིང་ངེ་འཛིན་ནོ། །དབང་ཆེན་འདུས་པ་རྩ་བའི་རྒྱུད་ལས། བསྙེན་པ་ཉེ་བའི་ལྷ་རྣམས་ངེས་པར་དབྱུང་བའི་ཏིང་ངེ་འཛིན་ཀྱི་ལེའུ་སྟེ་དྲུག་པའོ།། །།གཞན་ཡང་ང་ཡིས་བཤད་ཀྱིས་ཉོན། །བདག་གི་དམ་ཚིག་བརྟན་གྱུར་ནས། །གསལཞིངམི་གཡོ་ཚད་ལྡན་ན། །གཉིས་མེད་ཡེ་ཤེས་གཞུག་པར་བྱ། །བསམ་གྱིས་མི་ཁྱབ་ནམ་མཁའི་དབྱིངས། །བྱེ་བ་ཏིལ་གྱི་གང་བུ་བཞིན། །ལོངས་སྐུ་རྫོགས་སྐུ་ཀུན་གྱི་མཆོག །ཐམས་ཅད་ང་ཡི་ཚོགས་ཀྱིས་གང། །དག་པའི་མཁའ་ལ་སྐར་ཚོགས་བཞིན། །དམ་ཚིག་པ་ལ་རབ་ཏུ་དབབ། །དབྱེ་བ་མེད་པའི་ཆོས་ཉིད་ཀྱིས། །ཆུ་ལ་ཆུ་བཞག་བཞིན་དུ་བལྟ། །དེ་ལ་འདུད་ཅིང་མོས་པ་དང་། །སྟོབ་ཅིང་མཉེས་པ་མ་ལུས་པ་། །ཆོས་ཉིད་སྒྲ་ལས་བྱུང་བ་ཡི། །རང་ལས་སྤྲུལ་པའི་ལྷ་རྣམས་ཀྱིས། །ཇི་ལྟར་མོས་པ་བཞིན་དུ་འགྲུབ། །དེ་ནས་ཁྱད་པར་བྱ་བའི་ལས། །གཉིས་མེད་ལུས་ཀྱི་སྲོག་གི་དབུས། །ཆུ་སྐྱེས་ཕྱོགས་བཞི་རབ་ལྡན་ངའི། །ཐབས་དང་ཤེས་རབ་གཉིས་ཀྱི་དབུས། །ང་ཡི་སེམས་ཀྱི་ངོ་བོ་ཉིད། །ཚོན་གང་དམར་པོ་ཞི་ཞིང་ཁྲོ། །རང་གི་སྐུ་དང་མཚུངས་གྱུར་པ། །ཉིན་མཚན་གསལ་ནུས་འོད་ལྡན་པ། །སྲན་ཙ་ན་ཡི་ཕྱེད་ཆའི་སྟེང་། །ཀུན་གྱི་གསུང་སྟེ་ཁྱད་པར་ཐུགས། །སྲོག་ཡིག་ལེ་བརྒན་ཏིལ་འབྲུའི་ཚད། །གསལ་ཞིང་འོད་དང་ལྡན་པ་ལ། །ཡི་གེ་ཕྲེང་བའི་གཟུགས་ཀྱིས་འདུད། །དེ་ནི་ཚོགས་པའི་ཚད་དང་མཉམ། །རང་གི་ལུས་དང་་་། །ཚུལ་གཅིག་པ། །ཀུན་ནས་རེ་རེར་བཞུགས་པར་བྱ། །རང་གི་མིང་གི་སྒྲ་བརྗོད་པས། །ནམ་མཁའི་ཁམས་ཀུན་གསལ་བར་འཕྲོ། །དུས་གསུམ་གྱི་ནི་འཕགས་པ་མཉེས། །ཀུན་ཏུ་སྦྱོར་བ་གསུམ་རྣམས་ཀྱིས། །སྲིད་པའི་ཞགས་པ་མ་ལུས་གཅད། །ཐམས་ཅད་ཀྱང་ནི་རང་གི་ཚུལ། །ཉིད་ལས་གཞན་པ་ཡོད་མ་ཡིན། །དེ་ཉིད་བརྟན་པའི་ཚད་ཀྱིས་བལྟས། །གལ་ཏེ་ལྷག་པར་བསྒྲུབ་འདོད་ན། །ཇི་ལྟར་འདོད་པའི་གཟུགས་རྣམས་ཀྱིས། །བརྟེན་པའི་གནས་གསུམ་ཕོ་བྲང་དུ། །གཅོད་བྱེད་འདམ་སྐྱེས་རྡོ་རྗེ་ལ། ་།་གསུམ་རྩ་བ་རྣམ་དག་མེད། ཁྲེལ་མདོག་བྱེ་རུ་བིཌརུ། །ཡན་ལག་བཞི་དང་ལྡན་པ་ཡིས། །དངོས་པོ་མིང་དང་རྟོགས་པ་ཡིད། །མ་ལུས་ང་ཡི་ངང་དུ་སྦྱངས། །ཁྱད་པར་དུ་ནི་དབང་གི་རྒྱལ། །ང་ཡི་སྔོན་གྱི་དམ་ཚིག་སྟེ། །ལུས་ཀྱི་སྟེང་ཕྱོགས་མཐར་ཐུག་པའི། །རིགས་ཀྱི་བདག་པོས་ལུས་ཀུན་གནས། །རྟ་གདོང་ཞལ་གྱི་དཀྱིལ་འཁོར་བཅས། །རླུད་གིས་བསྐྱོད་ཅིང་སྤྲོས་པ་ཡིས། །གསེར་གྱི་བ་ཐགས་གཟིངས་པ་དང་། །མགལ་མེའི་འཁོར་ལོ་བསྐོར་བ་དང་། །མེ་དབལ་ཚ་བ་འཕྲོ་ལྟ་བུས། །རང་དང་ཕ་རོལ་ཕྱི་དང་ནང་། །ཀུན་ཏུ་སྤྲོ་བའི་ལས་རྣམས་ཀྱིས། །སྦྱངས་ཤིང་བསྡུ་དང་བསྒྲལ་དང་གསོ། །མཆོད་བསྟོད་བར་དང་བཅོལ་ཞིང་བསྐུལ། །གང་དང་གང་ལ་བསྔགས་པ་དེས། །འབད་པའི་སྟོབས་ཀྱིས་དམིགས་པར་བྱ། །སླར་འདུས་རང་གི་གཞི་ཉིད་ལ། །ཐིམ་པའི་ཚུལ་གྱིས་བྱིན་བརླབས་ནས། །གནས་པའི་ངོ་བོ་དེ་ཉིད་དུ། །རྫོགས་དང་རབ་ཏུ་རྫོགས་པ་ཡིས། །དོན་དེ་ཉིད་ལ་བསམ་ཞིང་བལྷ། །ང་དང་གཉིས་སུ་མེད་པར་འགྱུར། །དཔལ་དབང་ཆེན་འདུས་པ་རྩ་བའི་རྒྱུད་ལས། ཉེ་བར་བྱེད་པའི་ལས་རྫོགས་པར་སྦྱོར་བའི་ཏིང་ངེ་འཛིན་གྱི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེས་ཡང་དེ་བཞིན་གཤེགས་པ་ཐམས་ཅད་ཀྱིས་གསུང་འགྲོལ་བར་བྱེད་པའི་ཚིག་མ་ལུས་པ་ཡང་དག་པར་རྟོགས་པར་འགྱུར་བའི་ཏིང་ངེ་འཛིན་ལ་མཉམ་པར་བཞག་ནས་ཉིད་ཀྱི་མིང་གི་འཁོར་ལོ་སྒྲ་ཚིག་རབ་ཏུ་གཡོ་བར་བྱེད་པ། གསུང་གི་ངོ་བོ་འུབ་ཅིང་ཆུབ་པ་རང་གི་ངོ་བོ་ལས་མི་གཞན་པ། །འཇིག་རྟེན་པ་དང་འཇིག་རྟེན་ལས་འདས་པའི་ཆོས་ཐམས་ཅད་ཉེ་བར་སྡུད་ཅིང་སྦྱོང་བ། ལས་ཐམས་ཅད་ཐོག་པ་མེད་པར་བསྒྲུབ་པ་འདི་གསུངས་སོ། །ཨཱོཾ་ནི་ཡེ་ཤེས་ལྔཉིད་རྟོགས་པའོ། །པདྨ་དངོས་པོ་ཀུན་ལ་མ་ཆགས་པའོ། །ཏ་ཀྲིཏ་ཁྲོ་བོའི་གར་དགུ་རྫོགས་པའོ། །ཧ་ཡ་སྣྲི་བ་ནི་ཁམས་གསུམ་དབང་སྡུད་རྟ་མགྲིན་ནོ། །མ་ཧྭ་ཀྲོ་ཏ་ཆེ་བཙན་འདུལ་བའི་ཁྲོ་བོ་ཆེན་པོ། །ཨེ་ཀ་ཛ་ཏེ་རལ་གཅིག་མ་དང་གཉིས་སུ་མེད་ཅིང་དགེས་པའི་ཉམས་དང་ལྡན་པའོ། །ས་མ་ཡ་དམ་ཚིག་ལ་དགོངས་པའོ། །རུ་ལུ་རུ་ལུ་ཁྲོ་བོ་ཁྲོ་མོའི་ཚོགས་ཀུན་དང་མཁའ་འགྲོའི་ཚོགས་རྣམས་དབང་དུ་སྡུད་པའོ། །ཧུ༷་དྲེགས་པའི་ཚོགས་རྣམས་བོད་པའོ། །སྨྱོ་དེ་དག་ལས་ལ་རྦད་པའོ། །ཧུ༷་དངོས་གྲུབ་ཉེ་བར་བསྡུ་བའོ། །ཨུ་ར་ལི་ཛ་ཐམས་ཅད་མཉེས་པར་བསྒྲུབ་པའོ། །དྲག་སྔགས་གསང་བ་འདི་ཉིད་ལ། །བསྙེན་པའི་ལུང་བཞིན་འབད་པར་བྱ། །རྙི༷༷ཐམས་ཅད་ང་ཡི་ངང་དུ་བསམ། །པདྨརྙ་ཀྲིཏ་པདྨ་རིགས་ཀྱི་ཁྲོ་ཆེན་ཚོགས། །དི་མ་དྭ་རི་ཐམས་ཅད་འདུས་པའི་གསུངས་ཡིན་ནོ། །ཧ་ཡ་སྦྱི་བ་མ་ལུས་དབང་གི་རྒྱལ་པོའོ། །ཨེ་ཀ་ཛ་ཏི་སྦས་པའི་ཡུམ་དང་སྦྱོར་བའོ། །རུ་ལུ་རིགས་ཀྱི་སྲས་དང་བཅས་པའོ། །རུ་ལུ་སྦྲུལ་པའི་ཟིལ་གནོན་ཡབ་ཡུམ་མོ། །སྣྲི༷༷ཛ་ཛ་ནི་དབང་གི་ཕོ་ཉ་སྒོ་མའོ། །ཨེ་ཀ་ཛ་སྨྱོ་ལྷ་རྣམས་འགུགས་ཤིང་རྦད་པའོ། །དམ་ཚིག་ཚོགས་ཀྱི་བསྒྲུབ་པས་ན། །རྦད་པའི་ལུང་བཞིན་བརྩོན་པར་བྱ། །པ་སྙི༷༷དྲེགས་པའི་ཚོགས་བཅས་དབང་དུ་སྡུད། །དི་མ་དྭ་རི་ཀུན་ལ་གོ་བར་བྱེད་པའོ། །ཧ་ཡསྣྲི་བ་རྟ་མགྲིན་དབང་གི་ལྷར་གསལ་བའོ། །ཨེ་ཀ་ཛ་ཉི་ཆགས་རབ་དོན་གྱིས་བསྐྱོད་པའོ། །ཧུ་ལུ་ཧུ་ལུ་ཁྲོ་ཚོགས་སྦྲུལ་པ་འགྱེད་པའོ། །ཧི༷༷ཛ་ཛ་ཕོ་ཉ་ལས་ལ་རྦད་པའོ། ཨ་།ངཏཡངཕྲི་སརྦ་སྨྱོ་བཟློག །ཕ་རོལ་ནུས་པ་བཟློག་པའོ། །ཕུ་ཛ་ནཱ་ག་རྦད། །ཀླུ་གདུག་པ་ཅན་རྣམས་འདུལ་བའོ། །ཕ་རོལ་ནུས་པ་འཇོམས་བྱེད་པ། །བཟློག་པའི་དུས་སུ་མངག་པར་བྱ། །དབང་ཆེན་གསང་བ་ལྟ་རྒྱུད་ཀྱི། །སྲོག་སྙིང་ཐུགས་རྒྱུད་བསྐུལ་བ་ནི། །འབར་ཞིང་གསལ་བ་གྲངས་ལས་འདས། །བསྲུངས་ཤིང་བཟློག་དང་གསད་དང་འདུལ། །གང་ལ་དམིགས་པ་མྱུར་དུ་འགྲུབ། །ཨཱོཾ་ཀྭ་ཡ་ཙིརྟི་མ་སྨྱོ། བཱསྐ་ཙིཉི་མ་སྨྱོ། ཙིཉི་ཙིརྟི་མ་སྨྱོ། གུ་ཎ་ཙིསྟ་མ་སྤྱོ། ཀརྨ་ཙིསྟ་མ་སྤྱོ། སརྦ་ཙིསྟ་མ་སྨྱོ། ཁམ་རྒྱ་མ་དྲུག་གི་དྲག་སྔགས་སོ། །ཨོ་ཤྭ་རི་ཁུ་ཧི་ཤྭ་རི་ཁུ་ཧི་ཧུ༷། །རྒྱབ་སྦྲེལ་རྣམས་ཀྱི་དྲག་སྔགས་སོ།༷།ཨོ་ཏིབྷ་ཙཀྲ་ཤྭ་ན་མུ་ཁུ་ཁ་ལོང་ཁ་ཧུ༷་ཕཊ། ཨོ་ཀུ་ཀུ་རྭ་ཛ་རསྒ་རཀྟ་ཙ་མུན་ཏི་ཁ་ལང་ཀ་ཧུ༷་ཕཊ། ཕོ་ཉ་ཁྱི་སྤྱང་དྲག་སྔགས་སོ། །ཧུ༷་ཧུ༷་ཕཊ། སྙི༷༷ཧུ༷་ཕཊ། ཧྭ༷་ཧུ༷་ཕཊ། ཧུ༷་ཧུ༷་ཕཊ། མཆེ་གཤོག་བཞི་ཡི་དྲག་སྔགས་སོ། །ཨཱོཾ་ཛ་ན་ལང་ཏེ་ཙེ་ཏེ། ཡཀྟ་ཀུ་རུ་བྷརྫི་ཧུ༷་ཕཊ། །འབྲུག་མོ་བཞི་ཡི་དྲག་སྔགས་སོ། །ཨོ་བཛྲ་ཤ་ར་སིང་ཧ་ཧུ༷། །རཏྣ་ཤ་ར་སིང་ཧ་ཧུ༷། པདྨ་ཤ་ར་སིང་ཧ་ཧུ༷། ཀརྨ་ཤ་ར་སིང་ཧ་ཧུ༷། རྩལ་ཆེན་རྣམས་ཀྱིའོ། །ཉོན་ཅིག་དབང་གི་འཁོར་ཚོགས་རྣམས། །ང་ཡི་སྐུ་གསུང་ཐུགས་ཀྱི་བདག །ཡོན་ཏན་དང་ནི་ཕྲིན་ལས་དང་། །མ་ལུས་བསྒྲུབ་པར་འདོད་པ་ཡིས། ཁྲེས་པར་བྱ་བ་འདི་དག་ཡིན། །ལུས་ཀྱི་མདུན་རྒྱབ་ཡབ་དང་ཡུམ། །གཡས་དང་གཡོན་ནི་དབང་གི་སྲས། །སྣོད་དང་དོན་སྙིང་བཅས་པ་ནི། །དབང་ཆེན་རིགས་བཞི་ཡབ་ཡུམ་མོ། །ཡན་ལག་ཉིང་ལག་ཐམས་ཅད་ཀུན། །ཁྲོ་བརྒྱད་ཡུམ་དང་བཅས་པ་སྟེ། །མཐིལ་བཞི་སྒོ་སྲུང་བཞི་རུ་བསམ། །སྐྲུ་དང་བ་སྤུ་བཀའ་ཉན་ཚོགས། །བྱ་བའི་ཆོས་དང་བྱེད་པའི་ཡིད། །ཕྱི་དང་ནང་གི་ཤེས་པ་ཡིས། །གཟུང་བའི་ཡུལ་དང་འཛིན་པའི་སེམས། །ཡུལ་ལྔ་ཉོན་མོངས་རྟོགས་པ་དང་། །རྣམ་ཤེས་བརྒྱད་དང་དེ་ཡི་ཡུལ། །དག་པའི་འབྱུང་བ་བཞི་ཉིད་ཀྱང་། །རིམ་གྱིས་ཤེས་པར་བྱ་བ་ཡིན། །འཁོར་བ་དང་ནི་མྱ་ངན་འདས། །དགེ་དང་མི་དགེའི་རྣམ་རྟོག་ནི། །དབང་ཆེན་ང་ལ་ཡོད་མ་མྱོང་། །སྣང་བ་སྣང་མིན་སྐུ་ཡི་ཚོགས། །གྲགས་དང་གྲགས་མིན་གསུང་གི་བདག །སྟོང་དང་སྟོང་མིན་ཐུགས་ཀྱི་ངང་། །ཡོད་དང་ཡོད་མིན་ཡོན་ཏན་ཏེ། །བསྒྲུབ་དང་བསྒྲུབ་མིན་ཕྲིན་ལས་སོ། །འདི་ལ་ཐེ་ཚོམ་བྱར་མི་རུང་། །ཞེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། སྐུ་གསུང་ཐུགས་ཀྱི་ཕྲིན་ལས་གསང་བའི་སྙིང་པོ་དེ་ཁོ་ན་ཉིད་ཀྱི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེ་བཞིན་གཤེགས་པ་རྣམས་ཀྱི་ཐུགས་ཀྱི་བདག་ཉིད་ཅན་དུ་གྱུར་ཏེ། །ཆོས་ཐམས་ཅད་ཀྱི་དབྱིངས་མ་ལུས་པ་ལ་རབ་ཏུ་གཟིགས་པའི་ལྟ་སྟངས་ཆེན་པོ་མཛད་ནས། །འདི་སྐད་ཅེས་བཀའ་སྩལ་ཏོ། །ཨེ་མ་ཉོན་ཅིག་འདུས་པའི་འཁོར། །ང་ནི་དབང་གི་རྒྱལ་པོ་སྟེ། །དབང་མཛད་དབང་གི་ལྷ་ཡིན་ནོ། །ང་ཡི་དབང་དུ་གྱུར་པ་ལས། །སངས་རྒྱས་ཉིད་དུ་མ་ལུས་མཐོང་། །འདི་ལ་བལྟ་བར་བྱ་བ་མེད། །མ་བལྟས་པ་ཉིད་བལྟ་བ་ཡིན། །དེ་བཞིན་མཐོང་དང་དྲན་པ་དང་། །བློ་དང་རིག་པ་ཡོད་མིན་ཡང་། །ཀུན་རྫོབ་ཙམ་དུ་རིག་པར་སྣང་། །ཕྱི་རོལ་དངོས་པོ་སྣང་བའི་ཡུལ། །མ་འགགས་དཔྱད་ཅིང་བཏགས་ཡོད་ཙམ། །འདི་ནི་ཕྱི་ཡི་དབང་ཆེན་ནོ། །ནང་དུ་འཛིན་བྱེད་སེམས་ཀྱི་དངོས། །མ་སྐྱེས་རང་གི་ངང་གིས་སྟོང་། །ནང་གི་དབང་ཆེན་ཡིན་ཞེས་བཤད། །གཉིས་འཛིན་རྟོག་དཔྱོད་རླུད་ལྟ་བུ། །དྲི་མ་མེད་ཅིང་འོད་གསལ་བ། །སྦས་པ་ཡིན་ཏེ་ཀུན་ལ་སྣང་། །འདི་ལ་དབང་ཐོབ་གྱུར་པ་ན། །དབང་གི་རྒྱལ་པོ་མངོན་དུ་གྱུར། །ང་ནི་མ་ཡེངས་མི་རྟོག་པས། །གང་ཡང་བསྒོམ་པར་བྱ་བ་མེད། །མ་ནོར་མ་བཅོས་ཁོ་ན་ཉིད། །དམིགས་མེད་ཙམ་དུ་སྙིང་རྗེའི་ངང་། །རང་ལ་གནས་པ་བལྟར་མ་ནུས། །འཁྲུལ་པའི་གཟུགས་ལ་བལྟ་བ་ཡང་། །ཀུན་རྫོབ་ཙམ་དུ་བསྒོམ་ཞེས་བྱ། །ཕུང་པོ་ང་རྒྱལ་བརྟན་གྱི་བར། །འབྱུང་བཞི་མཐུན་པའི་ཕྱོགས་ཙམ་སྤྱོད། །བླ་མེད་གནས་སུ་མ་སྟོབས་པར། །དུས་བཞི་མཉམ་པར་ལུས་ཀྱི་ལམ། །བར་ཆད་གདུག་པ་གདུལ་གྱི་བར། །མ་རིག་མུན་པ་ཐིབས་པོ་འཇོམས། །ངན་སོང་གནས་རྣམས་སྟོངས་པར་བྱེད། །ཁམས་གསུམ་སྲི་ད་གསུམ་དབང་དུ་སྡུད། །དུས་གསུམ་རྒྱལ་བའི་སྲས་སུ་བསྐྱེད། །བླ་མེད་བྱང་ཆུབ་གནས་སུ་འགོད། །དུག་ལྔ་སྐུ་ལྔ་ཡེ་ཤེས་ལྔ། །ཚོགས་དྲུག་མངོན་པར་ཤེས་པར་དྲུག །ཡུལ་བརྒྱད་ཡིད་ཆོས་འབྱུང་བ་བཞི། །སྟོབས་དང་མི་འཇིགས་རིག་པའོ། །ཁམས་དང་སྐྱེ་མཆེད་བཅོ་བརྒྱད་པོ། །མ་འདྲེས་བླ་མེད་རྫོགས་པའི་ཆོས། །སྒོ་གསུམ་སྐུ་གསུང་ཐུགས་ཡིན་ཏེ། །སོ་སོར་རྟོགས་པ་༄༅ པའོ། །སེམས་སྐྱེ་བ་ཡི་རྒྱུ་རྐྱེན་ནི། །རྒྱུ་གཉིས་རྐྱེན་བཞི་འབྲེལ་པ་བཞི། །སེམས་ཀྱི་ཆོས་ཉིད་ངོ་བོའི་རྒྱུ། ཁྲེས་རབ་དེར་ཤེས་ལྷན་ཅིག་བྱེད། །སློབ་དཔོན་སློབ་བུ་དོན་ཚིག་འབྲེལ། །སྒྱུས་ལས་བློ་ཆེརསྐྱེ་བ་དེ། །བདག་པོ་རྒྱུ་དམིགས་དེ་མ་ཐག་པའི་རྐྱེན། །འབྲེལ་པ་བཞི་ནི་ཐམས་ཅད། །སེམས་ཀྱི་ཆོས་ཉིད་བདག་ཉིད་ཅིག ཆོས་ཉིད་ཤེས་རབ་ཤེས་བྱ་བྱེད། །སློབ་བུ་གདམ་ངག་སྣོད་དང་བཅ། །སློབ་དཔོན་སློབ་བུ་ཐུགས་རྗེ་ལས། །སེམས་ཀྱི་སྐྱེ་ཚུལ་རྣམ་པ་དགུ། །ཆེ་ཆུང་བློ་ཡི་རིམས་གཅིག་འཆར། །ཞེན་དག་མ་དག་ཟག་བཅས་འཆར། །རིམས་སྤངས་མ་སྤངས་ཐོད་རྒལ་ཚོགས། །སེམས་གསལ་མི་གསལ་མོས་སྒོམ་ཚོགས། །ཐུགས་རྗེས་གདུལ་བ་ཞི་དང་ཁྲོས། །ཉོན་མོངས་ཆེ་ཆུང་གྲོལ་ཁམས་ཐབས། །ཆོས་ཉིད་ཕྱག་རྒྱ་མཚན་བཅས་མེད། །རང་སྟོབས་གཞན་སྟོབས་ཐུགས་རྗེ་ལ། །དེ་བརྩོགས་ལམ་གྱི་དབྱེ་སྒོའོ། །སེམས་སྐྱེད་རང་གི་ངོ་བོ་ནི། །བྱང་ཆུབ་སེམས་ངར་སྐྱེ་བ་སྟེ། །གཡོ་ལྡང་སྨོན་འཇུག་གནས་རྫོགས་པའོ། །གསོལ་པ། རྣམ་གྲངས་རྣམ་པར་དབྱེ་བ་ཞེས། བཤད་པའི་རིམ་པ་ཇི་ལྟར་ལགས། ཞེས་གསོལ་པས། བཀའ་སྩལ་པ། རྣམ་གྲངས་མང་ཡང་མདོར་བསྡུས་དགུ། །སྒྲིབ་མེད་རང་གསལ་རྣམ་དག་སེམས། །རང་གི་རང་གསལ་རང་རིག་སེམས། །མ་བཅོས་རྣལ་མ་ཆོས་ཉིད་སེམས། །མ་བཙལ་ཀུན་རྫོགས་ལྷུན་གྲུབ་སེམས། །བླང་དོར་མེད་པས་མཉམ་ཉིད་སེམས། །དངས་སྙིགས་དགག་བསྒྲུབ་མེད་པའི་སེམས། །ཟླ་མེད་ཉག་གཅིག་གཉིས་མེད་སེམས། །གདངས་ཁྱབ་བདེ་ཆེན་རྟོག་མེད་སེམས། །མཐའ་མེད་ཡང་དག་བླ་མེད་སེམ་།། །མཚན་མེད་མི་མཐུན་དོན་ཁྱད་མེད། །ཅེས་བཀའ་སྩལ་པ། ཡང་གསོལ་པ། གཏན་ཚིགས་གཏན་ལ་དབབ་པ་ཞེས། །གསུངས་པ་གང་ལགས་བཤད་དུ་གསོལ། །ཅེས་གསོལ་པས། བཀའ་སྩལ་པ།གཏན་ཚིགས་གཏན་ལ་དབབ་ལུགས་གསུམ། །ལུང་དང་མན་ངག་རིགས་པའོ། །ལུང་གསུམ་སྙན་བརྒྱུད་མངོན་དུ་ཕྱུང་། །ཀུན་ལ་དབབ་དང་གསུམ་དུ་བཤད། །སྙན་ཁུང་བརྒྱུད་ལ་རྣམ་པ་གཉིས། །བདེ་གཤེགས་བརྒྱུད་དང་གང་ཟག་བརྒྱུད། །སྙན་རྒྱུད་བྱིན་རླབས་ངོ་བོ་དང་། །སྡིགས་སྡེབས་སྦྱོར་ལེགས་གསུམ་དུ་བཤད། །མངོན་བྱུང་ལུང་ལ་དྲན་དོན་ངེས། །ལམ་བསྟན་ལུང་བསྟན་སར་འདྲེན་གསུམ། །མཐོང་ལམ་འབྲས་བུ་དྲངདོན་ངེས། །ངེས་ལུང་དཔེ་དོན་རྟགས་གསུམ་སྟེ། །ནམ་མཁའ་ཆོས་ཉིད་སེམས་ཉིད་དོ། །གཏན་ལ་དབབ་པའི་ལུང་ལ་གཉིས། །སེམས་ཅན་ཉོན་མོངས་བློ་ཚད་ལ། །བརྒྱད་ཁྲི་བཞི་སྟོང་ཐེག་པ་བཤད། །ངེས་པར་གཏན་ལ་ཆོས་རྣམས་འབེབས། །སྙིང་པོ་བྱང་ཆུབ་སེམས་ཉིད་དོ། ཞེས་གསུངས་པས། ཡང་གསོལ་པ། རིག་པ་གཏན་ལ་དབབ་ཅེས་པ། །གང་ལགས་རྒྱས་པར་བཤད་དུ་གསོལ། །ཅེས་གསོལ་པས། བཀའ་མཛད་དེ། །ཧུ༷་ཧི༷༷དབང་ཆེན་རྡོ་རྗེ་ཐོག་དང་སེར་ཆེན་འབེབས། །ཧི༷༷དང་ཕཊ་ཀྱིས་སྲིད་གསུམ་འཁོར་བ་འཇིག །ཧུ༷་མཛད་ཧུ༷་གི་བྱིན་རླབས་བསམ་མི་ཁྱབ། །རྡོ་རྗེ་ཁྲག་འཐུང་ཁྲག་གི་རྒྱ་མཚོ་སྐེམ། །མཚོན་ཆེན་གནམ་ལྕགས་འབར་བའི་མཐུ་རྩལ་གྱིས། །གསང་སྔགས་ལོག་པར་ལྟ་བའི་དྲེགས་པ་འཇོམས། །འཇིག་རྟེན་འདི་དང་ཕ་རོལ་གཉིས་ཀ་སྲ །གདུག་པ་འདུལ་ཞིང་དུག་གསུམ་རྩད་ནས་གཅོད། །སྲིད་གསུམ་འདུལ་བའི་བདག་ཏུ་དབང་བསྐུར་རོ། །ཨཱོཾ་ཧ་ཡ་སྒྲི་བ་སརྦ་བི་ནཱ་ཡ་ཀ་ཨ་དྷིཇི་ན་ཨ་སྟི་ཁི྅་ཨ་ཨུ། ཞེས་དྲེགས་པའི་ཚོགས་མ་ལུས་པ་འདུལ་ཞིང་ཚར་གཅོད་པར་དབང་བསྐུར་རོ། །འཇིག་རྟེན་ལས་འདས་པ་དང་འཇིག་རྟེན་པ༷་རྣམས་ཀྱི་དབང་གི༷ ་རྒྱལ་པོར་བཞག་གོ །དེ་ནས་ཕྱོགས་བཅུའི་དེ་བཞིན་གཤེགས་པ་རིགས་ཀྱི་བདག་པོ་རྣམས་ཀྱིས། །དབང་གི་རྒྱལ་པོ་འཁོར་གྱི་ཚོགས་དང་བཅས་པ་རྣམས་ལ་རང་གི་སྙིང་པོ་འདི་ཕུལ་ལོ། །ཨཱོཾ་བུརྙ་བི་རོ་ཙ་ན་ཨཱོཾ། །ཧུ༷་བཛྲ༷་སཏྭ་ཧུ༷། །གྲྭ་རཏྣ་དྷིཀ །ཧི༷༷པདྨ་ཨ་མི་དེ་བ་ཧི། ཧྭ་ཀརྨ་པྲརྫི་དྷིཀ །དེ་ནས་འཇིག་རྟེན་གྱི་བདག་པོ་ལྷའི་རྒྱལ་པོ་དབང་ཕྱུག་ཆེན་པོ་ཡབ་ཡུམ་འཁོར་དང༷་བཅས་པ་རྣམས་ཀྱིས་རང་གི་སྲོག་གི་སྙིང་པོ་འདི་ཕུལ་ལོ། །ཨཱོཾ་མ་ཧྭ་དེ་བ་ཨུ་མ་དེ་བ་ལང་ཕྲ་མ་ནི་རསྒ་ཀ༷་ཀ་པ་ཡ་ཧུ༷་རྙེ་བ་ར་ཙ་ཀྟ་ན་ཧུ༷ ཛ། དེནསགཤིནརྗེའིཚོགས་རྣམས་ཀྱིས་རང་གི་སྙིང་པོ་འདི་ཕུལ་ལོ། །ཨོའ་ཡ་མ་མེ་ད་སྟེ་རྭ་ཛ་ས་དོ་རུ་ཎ་ཡོ་ནི་ར་ཡསྣྲོ་ནི་ཧི༷༷སྐྱི༷༷བི་ཀྲི་ཏྭ་ནན། ཡ་མ་སྙིང་ལ་ཁྲག་བ༷་རིལ་རྦད། དེ་ནས་ཀླུའི་ཚོགས་རྣམ༷ ས་ཀྱིས་རང་གི་སྙིང་པོ་འདི་ཕུལ་ལོ། །ཨཱོཾ་ནག་པོ་ཏི་བ་ཙ་ཡ་ནཱ་ག་རྭ་ཛ་ཧེ་ཕུལ་ལ་ཕེ་ཤ་ཕོས་ཕོས་ཤིག་ཤིག་ཆུམ་ཆུམ་ཏུ་ཡ་ཏིར་ཡ་ཛ་ཛ། དེ་ནས་གནོད་སྤྱིན་གྱི་ཚོགས་རྣམས་ཀྱིས་རང་གི་སྙིང་པོ་འདི་ཕུལ་ལོ། །ཨཱོཾ་ཡསྒ་ཨ་བ་མ་ར་བྷ་རུ་ད་རི་མ་བྷ་ལ་བྷ་ག་ཤ་རུ་་་མ་རུ་་་ཧུ༷་ཛ། དེ་ནས་བདུད་ཀྱི་ཚོགས་རྣམས་ཀྱིས་རང་གི་སྲོག་གི་སྙིང་པོ་འདི་ཕུལ་ལོ། །བདུད་ཏྲི་རུ་ཏྲ་ཙ་པ་སྙིང་ཁྲག་ཏིར་རྦད་དུག་མུག་ཧྲི་ཏི་ར་ཏོ་རྦད། དེ་ནས་སྲིན༷་པོའི་ཚོགས་རྣམས་ཀྱིས་རང་གི་སྲོག་གི་སྙིང་པོ་འདི་ཕུལ་ལོ། །ཨོ་རག་ཤ་མུ་ལ་ས་མུན་ཛ་རུ་ཏྲ་ཧུར་སྨྱོ་རསྒ་མུ་ལོ་ཤིག་ཏྲི་ཏ་ཧུ་ར་ཛ། དེ་ནས་འཇིག་རྟེན་གྱི༷་མ་མོའི་ཆོགས་རྣམས་ཀྱིས་རང་གི་སྙིང་པོ་འདི་ཕུལ་ལོ། །ཨཱོཾ་སྒག་རསྒ་སྙིང་ཁ་རག་མ་ཙིསྟ་མ་སྲོག་ཙ་ཁྲག་ལ་བྲེང་བྲེང་། ཁ་ལ་དུན་ཏིང་མུ་ལ་སོད།དེ་ནས་གཟའི་ཚོགས་རྣམས་ཀྱིས་རང་གི་སྙིང་པོ་འདི་ཕུལ་ལོ། །ཨཱོཾ་པ་ཤ་མེ་ཀི་རུ་རུ་མ་ཏི་ཛ་ལ་ཏི་ཨ་ཏྲ་བིཉི་ས་ཏྲ་རྭ་ཧུ་ཧྲི་ནི་ཛ། དེ་ནས་མཁའ་འགྲོ་མའི་ཚོགས་རྣམས་ཀྱིས་རང་གི་སྙིང་པོ་འདི་ཕུལ་ལོ། །མ་མ་སྒག་ཤ་སྙིང་ཁྲག་ལ་ཧུབས་བཛྲ་མ་ནི་སྙིང་ལ་ཐུན་རག་མོ་མྱོག་རྦད་ཛ། གཞན་ཡང་འཇིག་རྟེན་གྱི་ཁམས་ཀྱི་གདུག་པ་ཅན་ཇི་སྙེད་པ་ཐམས་ཅད་ཀྱིས་ཀྱང་རང་གི་མིང་དང་སྙིང་པོ་ཕུལ་ཏེ། །ཐམས་ཅད་ཀྱིས་དབང་གི་རྒྱལ་པོ་ཉིད་ཀྱིས་བཀའ་ཇི་ལྟར་སྩལ་པ་བཞིན་ལས་སྣ་ཚོགས་བསྒྲུབ་ཅིང་བསྒོ་བ་མཐའ་དག་ཉན་པར་ཁས་བླངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། ཇི་ལྟར་བསྒྲུབ་པ་ཕྲིན་ལས་ཀྱི་ཁྱད་པར་གྱི་ལེའུ་སྟེ་བཅུ་པའོ།། །།དེ་ནས་ཡང་དབང་གི་རྒྱལ་པོས་དེ་བཞིན་གཤེགས་པ་ཐམས་ཅད་ཀྱི་སྤྲུལ་པའི་བདག་ཉིད་ཅན་དུ་བཞུགས་ཏེ། སྟོང་གི་འཇིག་རྟེན་གྱི་ཁམས་ལོངས་སྤྱོད་རྫོགས་པའི་སྐུའི་ངོ་བོར་སྣང་བར་མཛད་ནས། འདི་སྐད་ཅེས་བཀའ་སྩལ་ཏོ། །ཨེ་མ་འདུས་པའི་འཁོར་རྣམས་ཉོན། །ང་ཡི་སྐུ་ཡི་ངོ་བོ་ནི། །རང་རིག་བྱང་ཆུབ་སེམས་ལས་སྣང་། །རྟ་མགོས་སྐད་གསངས་མཐོན་པོ་ཡིས། །བདེ་གཤེགས་གསུང་གི་དངོས་གྲུབ་སྡུད། །ཡང་དག་དོན་ངེས་ཆོས་ཀྱི་སྐུ། །གཟུགས་སུ་སྣང་བ་མཚོན་པའི་རྟགས། །དཔེར་ན་རྟ་ཡི་འགྲོས་དགུ་ཡིས། །ཇི་ལྟར་སྨོན་པའི་སར་འགྲོ་བཞིན། །ཐེག་པའི་རིམ་པ་ངང་གིས་བགྲོད། །རྩོལ་མེད་རབ་ཏུ་རྫོགས་པར་སྣང་། །རྟ་སྐད་ཡོན་ཏན་མང་བ་ལྟར། །ལམ་ལྔ་དང་ནི་ས་བཅུ་དག །ཡོངས་རྫོགས་དེ་ཉིད་ངང་ལས་མངའ། །དཔེ་དང་དོན་གྱི་རྟགས་རྣམས་ཀྱིས། །ཕྱི་ནང་གསང་བ་དེ་ཉིད་ཀྱི། །གསང་སྔགས་ལམ་གྱི་བྱེ་བྲག་ཤེས། །གདུལ་བྱའི་ཐབས་སུ་སྣང་བ་ཡང་། །ཆོས་རྣམས་དཀྱིལ་འཁོར་ལྷུན་གྲུབ་ཅིང་། །སྣང་སྲིད་མ་ལུས་བསྒྲལ་བའི་རྒྱུ། །བཀའ་སྡོད་ཕྲིན་ལས་རྫོགས་པར་མཛད། །སྔོན་གྱི་ཐ་ཚིག་དབྱིངས་ནས་བསྐུལ། །བརྡའ་སྤྲད་ཀློང་རྡོལ་དབང་བསྒྱུར་ཏེ། །མ་ལུས་འདུལ་བ་ང་ཡི་ཐབས། །ཡེ་ནས་མ་བཅོས་ང་ཡི་སྐུ། །ཐབས་དང་ཤེས་རབ་དབྱིངས་ཡེ་ཤེས། །དོན་དམ་ཀུན་རྫོབ་སྣང་དང་སྟོང་། །གཉིས་མེད་ངོ་བོའི་དོན་ཡིན་ནོ། །དབང་གི་རྒྱལ་པོར་བསམ་སྦྱོར་བས། །ཁྲོས་པའི་ཕྱག་རྒྱ་གསུང་གི་སྒྲ། །འཇིག་རྟེན་དྲེགས་པའི་ཚོགས་ཆེན་ཀུན། །དབང་མེད་སྐྲག་པའི་ཚུལ་བཟུང་ཞིང་། །མྱུར་དུ་ཕྲིན་ལས་གན༷ས་བཞིན་བྱེད། །དབྱིངས་ནས་གཟུགས་སྣང་ཐམས་ཅད་ཀུན། །དབང་བསྒྱུར་སྣང་བ་མཉེས་མཛད་དེ། །འགལ་བ་དེ་ཉིད་ངང་དུ་སྦྱངས། །བསྲུང་དང་བཟློག་དང་ཚར་གཅད་པའི། །རིག་པའི་རྒྱལ་པོ་སྐྲུ་གྲིའོ། །ཨཱོཾ་ཐུབ་ཐུབ་མྱག་མྱག་མུག་མུག །ཤར་ཤར་ད་ཧ་ཀླག་ཀླག་དུ་ཧ༷་དུ་ཧ༷། །རྦད་རྦད་ཛ་ཛ་ཧུ༷་ཧུ༷། །ཞེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། དགོངས་པ་ཡང་དག་པའི་ཕྲིན་ལས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་དབང་གི་རྒྱལ་པོ་ཡིས། །རབ་ཏུ་བསྒྲུབ་པ་འདི་གསུངས་སོ། །ནུབ་ཏུ་ཕྱོགས་པ་དབང་གི་གནས། །ཤིས་པའི་རྫས་དང་ལྡན་པའི་དྲུང་། །ཆགས་ལྡན་རིགས་ཀྱི་ཁྱད་པར་གྱིས། །ཡིད་དང་མཐུན་པའི་དཀྱིལ་འཁོར་བརྩིགས། །སྐུ་གསུང་ཐུགས་ཀྱི་གནས་བྱིན་བརླབ། །ཕྱི་ནང་གསང་བ་མཉེས་པའི་རྫས། །ཅི་འབྱོར་པ་ཡིས་རྒྱས་པར་དབུལ། །སྔགས་ཚིག་བསྟོད་པས་ཉེ་གྱུར་ནས། །དམིགས་པའི་ཆེད་དང་སྦྱར་བ་ནི། །སྒྲུབ་པ་པོ་ཉི༷ད་བསྲུང་བ་དང་། །ཕ་རོལ་གཞན་གྱི་ནུས་པ་རྣམས། །བཟློག་ཅིང་གཞིག་དང་གཏོར་བ་དང་། །བསྲེག་ཅིང་གནན་དང་འཕར་བ་དང་། །བསྐྲད་དང་བཅིང་དང་དབབ་པ་དང་། །གུག་ཅིང་མངག་དང་དབང་དུ་བྱ། །ཨཱོཾ་པདྷརྙ་ཀྲིཏ་བཛྲ་མ་ཧྭ་ཀྲོ་དྷ་ཧ་ཡ་སྒྲི་བ་ཧུ་ལུ་ཧུ་ལུ་མ་ཧྭ་ཀ་པྱ་རཀྟ་རཀྟ་སྣ་ཧྭ། ཨུ་ཕྲིས་སརྦ་མ་མ་ར་ཙ་ཐུན་སྨྱོ་བཟློག །ཧྲོ་མ་རི་ཤ་ཤ་ཐུན་སྨྱོ་བཟློག །ཧེ་ཀ་ས་ར་ཀེ་དུམ་ཕྲ་མ་ཡ་ཐུན་སྨྱོ་བཟློག །རྭ་ཏྲ་སྲོག་ཏི་རྦད་ཐུམ་ཐུམ། །ཙ་པ་ཤ་ལིང་ས་མ་ཡ་ཤིག་ཤིག །མ་མ་ཨེ་ཀ་ཛ་ཏི་ཕྱུང་ཡ༷་རྦད། །རོ་དུ་རོ་དུ་རག་མོ་ཙིསྟ་ལ་རྦད་རྦད། །ནཱ་ག་ཧུ་ཡ་ནག་པོ་ཏི་པ་ཙ་ཡ། །ཙ་རེ་ཙ་དུས་དུ་ཤག་ཡ༷། ནཱ་ག་རྭ་ཛ་སོད་སོད། བྱངས་བྱིངས་རྨུགས་རྨུགས་ཧལ་ཧལ་དུན་དུན། མྱོས་མྱོས་བྱིང་བྱིང་རྦད་རྦད། ཐུམ་རིལ་རིལ་ཛ། སྙིང་རྦད་ཡ་ཁྲག་རོ་མ་རོ་བྲག་ཤ་ཡ། སྙོ་ཁྲག་ཛ་ཏྲི་ཆོད་ས་ལ་སོད་མུ་ལ་སོད་ཨ་མུ་ཀ་མྱ་ར་ཡ་ཕཊ། ཧུ་ལུ་ཧུ་ལུ་ཛ་ཛ་ནཱ་ག་བཛྲ་ཡསྒ་ཀི་ལི་ཀི་ལི་ཡ་མྱ་ར་ཡ་ཕཊ། །ཨ་མུ་ཀ་སརྦ་ཤ་ཏྲུ༷ སྨྱུ་ར་ཡ་རྦད་དྲི་ཧུར་ཐུམ་ཛ། མ་ཧྭ་པ་ཤ་ཧ་ཀི་ཛ་ལ་ཛ་ལ་རམ་རམ། སྟི་ཤ་ཙཀྲ་ཧ་ལ་ཧ་ལ་སྟ༷་བྷ་ཡ་ནན་ནན། །དྷ་རུ་ནན་དྷ་རུ་ནན། །ཨ་མུ་ཀ་ཧ་ལི་ཧི་མུ་ཉོད་སོད། །ཏྲི་བུ་ཏ་ནཱ་ར་ཡ་སོད། དྲི་ཡསྒ རསྒ་ཀ་ལི་ར་ཙ་ནཱ་ག་ཏྲི་དུ་མྱ་ར་ཡ་སོད། །ཨ་ནི་ལུ་ཕྲི་དུཏྲི། ཀྲང་ཀ་རི་ཀྲང་ཀ་རི། མི་ཙི་མི་ཙི་ར་ར། ཏྲ༷་ཏྲ༷་ཏྲི་ཏྲེ་གམ་གམ་གུམ་གུམ་ཨུ་པ་ར་ཙ་ཡ༷་དྷ་ཤེ་བ༷་ཧེ། ནཱ་ག་རྭ་ཙ་སྲུ་སྲུ་ཏྲ༷་རི་ཏྲ༷་རི་པྲ་པྲི་ལམ་ལམ། སརྦ་ཨ་པ་སྨ་ར་སྙིརྙ་སྟིརྙ་བྷནྟྲ་བྷསྟོ། ཏི་ལི་ཏི་ལི། མ་ཏ་མ་ཏ། པྲ་བྷན་པྲ་བྷན། པ་ཙ་པ་ཙ། ད་ར་ད་ར། ཚིསྟོ་ཚིནྟྲ། ཧ་ན་ཧ་ན། ཧུ་ལུ་ཧུ་ལུ། ཀུ་ཏ་ཀུ་ཏ། དྷ་ར་དྷ་ར། ཏྲི་ཏ་ཏྲི་ཏ་མ་ར་མ་ར། མུ་ར་ཡ་མུ་ར་ཡ་རྦད་ཐུན་རྦད་ཐུན། ཀི་ལི་ཀི་ལ་ཡ་ཐུན་རྦད། ཧུ་ལུ་ཧུ་ལུ་ཀ་མ་ཧ་ལ་མྱོས་མྱོས་ཐུན་རྦད། ཏིསྐོ་ཏིསྐོ་ཤག་ཏི་ཤག་ཏི་ཚལ་ཚལ་ཐུན་རྦད་རྦད། ཨ་མུ་ཀ་ཀ་ཏ་ཀ་ཏ་ཐུན་རྦད། མ་ར་མ་ར་ཐུན་རྦད། ཏ་ར་ཏ་ར་ཐུན་རྦད། མོ་ཏ་མ་ཏ་ཐུན་རྦད། ཕྲ་མོ་ཏ་ཕྲ་མོ་ཏ་ཐུན་རྦད། སརྦ་པུ་ཏ་མ་ར་མ་ར་ཐུན་རྦད། ཡ་ར་ཡ་ར་ཐུན་རྦད། མ་ར་ཏྲི་སོད་སོད། རིག་པའི་རྒྱལ་པོ་གསང་བའི་སྔགས། །ཇི་ལྷར་བསྔགས་པའི་རྫས་དང་བཅས། །ཟླ་གཅིག་དྲུག་གི་སྦྱོར་བ་ཡིས། །གང་ལ་དམིགས་པ་མྱུར་དུ་འགྲུབ། །ཅེས་གསུངས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། ཡི་གེའི་ཕྲེང་བ་དྲག་པོའི་སྙིང་པོ་རྣམས་བརྗོད་པའི་ལེའུ་སྟེ་བཅུ་གཉིས་པའོ།། །།དེ་ནས་དབང་གི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསུང་གི་བདག་ཉིད་ཆེན་པོ་དེས། ཉིད་ཀྱི་དཀྱིལ་འཁོར་རྣམས་ལ་གསུང་གི་སྒྲ་ཆེན་པོས་རབ་ཏུ་གོ་བར་མཛད་དེ། བཀའ་སྩལ་པ། ཀྱེ་མ་འོངས་པའི་དུས་ཕྱི་མ། །སྙིགས་མའི་དུས་རབ་ཏུ་སྙིགས་མར་གྱུར་པ་ན། རིགས་ཀྱི་བུ་གང་དག་ང་དང་ངའི་བདག་པོ་སྣང་བ་མཐའ་ཡས་དང་། སྤྱན་རས་གཟིགས་དབང་ཕྱུག་ལ་སོགས་པ། པདྨའི་རིགས་འཆང་བའི་དེ་བཞིན་གཤེགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་དད་པ་དང་འདུན་པ་དང་མོས་པ་དང་གསོལ་བར་བྱེད་པ་དེ་དག་ལ་ནི། བདག་ཅག་རྣམས་ཀྱི་ཚེ་དང་སྟོབས་དང་དབང་ཕྱུག་དང་། གྲགས་པ་དང་ལོངས་སྤྱོད་དང་། ཡོན་ཏན་གྱི་ཚོགས་དག་མྱུར་དུ་སྩོལ་བར་བྱེད་དོ། །གཞན་ཡང་ངའི་སྐུ་དང་། གསུང་དང་ཐུགས་ཀྱི་དེ་ཁོ་ན་ཉིད་ཡང་དག་པར་ཡོངས་སུ་ཤེས་པར་འདོད་པའི་ཡོན་ཏན་དག་ལ། བདེ་བ་དང་དགའ་བ་དང་སྤྲོ་བར་ལོངས་སྤྱོད་པར་ནུས་པ་དག་གིས་ནི། ང་དང་དུས་གསུམ་དུ་ཕྱོགས་བཅུ་དག་ན་འཚོ་ཞིང་ཞེས་པའི་སངས་རྒྱས་བཅོམ་ལྡན་འདས་རྣམས་ཀྱི་ཐུགས་མཉེས་པར་བྱས་ཤིང་གཉིས་སུ་མེད་པར་བསྒྲུབ་པ་ཡིན་ཏེ། ངའི་ཚུལ་འདི་ལྟ་བུ་འདི་ལ་ནི། གང་ཟག་དབང་པོ་དམན་པ་དང་། བློ་ཆུང་བ་དང་། ཤེས་རབ་རྟུལ་བ་དང་། ཡིད་མི་གཞུང་བ་དང་། བླང་བ་དང་དོར་བར་སྤྱོད་པ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་ཅན་དང་། ལོག་པར་བལྟ་བ་ཅན་དང་། སྐལ་པ་ཆུང་ཞིང་མྱོས་པ་རྣམས་ཀྱིས་གཟུང་བ་དང་། བཅང་བ་དང་། བྲི་བ་དང་། བཀླག་པ་དང་། བལྟ་བ་དང་། བསྒྲུབ་པ་དང་། བསྟན་པ་དང་། བཤད་པ་དང་། མཉན་པ་ལ་སོགས་པའི་རྔོ་མི་ཐོགས་ཤིང་དབང་དུ་མི་འགྱུར་ཏེ། རྣ་ལམ་དུ་ཡང་གྲགས་པར་མི་འགྱུར་རོ། །དེ་བས་ན་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རིག་པ་འཛིན་པ་རང་བཞིན་གྲུབ་པ་དང་། ས་ལ་སྤྱོད་པ་དང་། ཚེ་རིང་བར་དབང་བ་དང་། དེ་བཞིན་གཤེགས་པ་དག་གི་ཐུགས་ཉེ་བའི་སྲས་སུ་གྱུར་པ། ཁྱེད་རྣམས་ཀྱིས་ཡང་དག་པར་ཟུང་ཞིག་ལོངས་ཤིག་ཆོངས་ཤིག །ཀློག་ཅིག །སྒྲུབས་ཤིག་གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག །འདི་ནི་ངའི་བསྟན་པ་བླ་ན་མེད་པ། གོང་ན་མེད་པ། མཉམ་པ་མེད་པ། མཚུངས་པ་མེད་པ། དཔེ་མེད་པ། ཟླ་མེད་པ། མཆོག་ཏུ་གྱུར་པ། རབ་དང་གཙོ་བོ་དང་། ཕུལ་དང་དམ་པར་གྱུར་པ་སྟེ། རྙེད་པར་དཀའ་ཞིང་ངོ་མཚར་བ་འདི། ཁྱེད་རྣམས་ལ་རྗེས་སུ་གཏད་ཀྱིས། ངའི་བསྟན་པ་འདི་ཡལ་བར་མ་དོར་ཅིག འདི་ཉམས་པར་འགྱུར་ཏ་རེ། ཞེས་གསུངས་ནས། ཉིད་ཀྱི་སྐུ་དང་གསུང་དང་ཐུགས་ཀྱི་རྣམ་པར་འཕྲུལ་པའི་བཀོད་པ་རྒྱ་ཆེན་པོ་དེ་དག་འོད་ཟེར་གྱི་ཚུལ་དུ་སྤྲོ་བ་མཛད་དེ། ཡང་ཉིད་ཀྱི་སྐུ་གསུང་ཐུགས་རྡོ་རྗེ་ཡབ་ཡུམ་གཉིས་སུ་མེད་པའི་སྦྱོར་བའི་ཀློང་དུ་རབ་ཏུ་བསྡུས་ནས། རོལ་པ་ཆེན་པོའི་འོད་ཟེར་གྱིས་ཁྱབ་པར་མཛད་དེ། ཐམས་ཅད་ཀྱང་ཆོས་ཀྱི་དབྱིངས་དམིགས་སུ་མེད་པ་མཉམ་པ་ཉིད་གཡོ་བ་མེད་པ་ལ་རབ་ཏུ་ཞུགས་པར་གྱུར་ཏོ། །དཔལ་དབང་ཆེན་འདུས་པ་རྩ་བའི་རྒྱུད་ལས། ཡོངས་སུ་བསྟན་པའི་ཉེ་བར་གཏད་པའི་ལེའུ་སྟེ་བཅུ་གསུམ་༄༅། པའོ།། །།བཅོམ་ལྡན་འདས་དབང་ཆེན་འདུས་པ་རྩ་བའི་རྒྱུད་རྫོགས་སོ།། །།རྒྱ་གར་གྱི་མཁན་པོ་སློབ་དཔོན་ཆེན་པོ་པདྨ་འབྱུང་གནས་དང་། བོད་ཀྱི་ལོ་སྣྲོ་བ་བི་རོ་ཙ་ན་བདག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །རྒྱལ་པོའི་བླ་དཔེའོ། །གཏེར་རྒྱ། སྦས་རྒྱ། གཏད་རྒྱ། རྒྱ་རྒྱ་རྒྱ།། །། རྒྱ་གར་སྐད་དུ། སུ་ག་ཏ་སརྦ་ཀརྨ་ས་མྱ་ཛ་ཀི་ལ་ཡ་མྱུ་ལ་ཏནྟྲ་ནཱ་མ།