Ngb-pt-0928-vol-10-text
Front
Body
རྒྱ་གར་སྐད་དུ། ནཱ་ག་ཀྭ་ལ་ཙཀྲ། བོད་སྐད་དུ། ཀླུའི་འཁོར་ལོ་ནག་པོ། མྱ་ར་ཡ་བསད་པའི་འཕྲིན་ལས། གཤིན་རྗེ་ནག་པོའི་འཁྲུལ་འཁོར། དུག་སྦྲུལ་ནག་པོ་ལྟོ་དཀྲུག་གསང་བ་ཡང་སྙིང་ནག་པོ།ཀླུའི་སྲོག་ཏིག་ནག་པོ་ཞེས་བྱ་བ། ཀླུའི་རིགས་ཀྱི་བདག་པོ་འཇམ་དཔལ་ལ་ཕྱག་འཚལ་ལོ། །རིགས་ཀྱི་བདག་པོ་འཇམ་དཔལ་གཤིན་རྗེ་གཤེད། །སྤྲུལ་པ་གཤིན་རྗེ་ཀླུ་དང་གཟའ། །རིན་ཆེན་ལྷུན་པོའི་རི་རབ་སྟེ། །ཕྱོགས་བཞི་དག་ལ་རེ་རེ་ལ། །ཉི་ཤུ་རྩ་ལྔ་གྲངས་ཀྱིས་སོ། །རྒྱ་མཚོ་ལྗོན་ཤིང་ས་དང་བྲག །ནམ་མཁའ་ལ་སོགས་རིགས་མཐུན་པ། །ཀླུ་ཡི་རྒྱལ་པོའི་གནས་དེ་དག །ཕོ་བྲང་ལ་སོགས་གཞན་དག་ཀྱང་། །རང་རང་རྗེས་སུ་མཐུན་པ་ནི། །རིགས་ལ་ཁྱད་པར་ཡིན་ང།ར་སྣང་། །རྒྱལ་པོ་བྲམ་ཟེ་རྗེའུ་དམངས། །གདོལ་པ་མཚམས་ཀྱི་ཆ་ལ་སྟེ། །འདི་དག་ཏུ་ནི་རྣམ་པར་བཤད། ཁྲར་ལྷོ་ནུབ་བྱང་ཕྱོགས་བཞི་ནང་། །རེ་རེ་ལ་ནི་བཞི་བཞི་སྟེ། །རིགས་ཀྱི་ཁྱད་པར་ཡིན་པར་བཤད། །ཤར་ན་རྒྱལ་པོ་སེང་གེ་གདོང་། །བྲམ་ཟེའི་རྒྱལ་པོ་བོད་གདོང་ཡིན། །ནུབ་ནི་རྗེའུ་རིགས་ཝ་གདོང་སྟེ། །བྱང་ན་དམངས་རིགས་བྱ་རོག་གདོང་། །མཚམས་ན་གདོལ་པ་གནས་པ་སྟེ། ཁྲར་ལྷོ་མགོ་སྟོང་ལུས་ནག་པོ། །བྱང་ཤར་ན་ནི་རྟག་མགོ་ཅན། །ནུབ་བྱང་འཛིན་ཤེས་གཏོང་མི་ཤེས། །ལྷོ་ནུབ་ནག་པོ་མིག་གཅིག་གོ །དེ་དག་རྒྱལ་བའི་ཞལ་མཐོང་མིན། །མྱུར་མགྱོགས་བདེན་པ་མི་ཤེས་པས། །གདོལ་པ་ཞེས་པ་རིགས་ཀྱི་ཆའོ། །ལོ་དང་ཟླ་བ་ཞག་དང་དུས། །རྟགས་དང་འབྱུང་པས་བཙལ་བ ངེས་པར་ཐེབས་དང་འ་ས་པ་དང་། །ལྡོག་དང་འགོར་བ་དུས་ཡིན་ནོ། །འགྲས་པའི་དུས་སུ་འགྲུབ་པ་དང་། །གཏད་པའི་དུས་སུ་ཤེས་པར་ནི། །དགྲ་དང་ཟས་དང་གྲོགས་སུ་ཤེས། །འདི་དག་ཀླུ་ཡི་བདག་པོས་བཤད། །འཇམ་པའི་བདག་པོ་ཀླུ་ཡི་གཤེད། །ཟིལ་གྱིས་མཁར་ལྡིང་ནག་པོས་མནན། །དབང་དུ་རྟ་མགྲིན་རྒྱལ་པོས་བསྡུ། །ལས་ལ་ཀླུ་མོ་ནག་མོས་གཟུད། །ཕོ་བྲང་སྲང་དང་སྲང་སྒོ་དང་། །བྱ་ར་ས་ལ་སོགས་པར་ནི། །རིག་ལ་རེ་རེ་སྣང་བས་གཏད། །གཏད་པ་ཀླུ་ཡི་རྒྱལ་པོ་སྟེ། །ས་ཡི་བདག་པོའི་ལྟོ་བར་གཏད། །འདི་ནི་ཀླུ་ཡི་བདག་པོས་བཤད། །དུག་སྦྲུལ་ནག་པོ་ལྟོ་དཀྲུག་གི་རྟོག་པ་དང་པོའོ།། །།དེ་ནས་བསད་པ་ལས་སྟོན་ནི། །མ་རྭ་ཡ་ཞེས་བྱ་བ་ནི། །བྱང་ཕྱོགས་བྲག་གམ་ཆུ་མིག་གོ །ཡང་ན་ནག་པོ་གལ་བའི་གནས། །ལྷོ་ཕྱོགས་བྲག་ནག་སོག་པོ་འདྲ། །ཡང་ན་རྒྱ་མཚོའི་དོང་ཡང་འདྲ། །གནོད་སྤྱིན་དྲག་པོ་ཡོད་པའི་གནས། །འདི་དག་ཏུ་ནི་བཤད་པ་ཡིན། །དབྱར་ཟླ་ཐ་མའི་ནག་པོའི་དུས། །ལས་ལ་འཁོར་ལོས་སྦྱོར་བ་སྟེ། །དཀྱིལ་འཁོར་ཨེ་ལྡན་རྩིག་བྱུགས་ལ། །ཀླུ་བདག་འཁོར་ལ་གཏོར་མ་སྦྱིན། །འཇིག་རྟེན་པ་ལ་གསེར་སྐྱེམ་གཏང་། །ཐོད་པ་ནག་པོའམ་རོ་རས་ལ། །མཁས་པས་འཁོར་ལོ་བྲི་བར་བྱ། །སྟེང་གཅོད་གཤིན་རྗེ་ནག་པོ་སྟེ། །འོག་གཅོད་བདུད་མོ་རེ་མ་ཏི། །བཅུ་བདུན་གཡས་དང་གཡོན་དུ་བྲི། །ཧྲི་ཏི་སྟི་ཕྱིའི་ཁ་གནན་ཏེ། །རང་ལ་མི་ལྡོག་ཕར་ལ་ཐེབས། ཁ་གནོན་གཟེར་བུ་བཤད་པ་ཡིན། །བར་དུ་བསད་པའི་ཙཀྲ་ནི། །ནག་པོ་ཀླུ་ཡི་འཁོར་ལོ་སྟེ། །སྦལ་ནག་ལྟོ་བར་ཨ་མུ་ཀ །ཕྱི་རོལ་བསད་དང་སྒྲུབ་པ་སྟེ། །བཅུག་ས་དང་སྦྱོར་ཤེས་པར་བྱ། །འཁོར་ལོ་ཉི་མ་བཞི་པ་སྟེ། །མཚན་མོ་ཀླུ་ཡི་དམོད་པ་དང་། །ཡང་སྙིང་ནག་པོས་བསད་པ་ནི། །ཡ་མ་རྭ་ཡ་ཡི་སྲོག་ཐུན་ཞེས། ཁྱབ་བདག་ཡེ་ཤེས་ངེས་བཤད་དོ། །དུག་སྦྲུལ་ནག་པོ་ལྟོ་དཀྲུག་གི་རྟོག་པ་གཉིས་པའོ།། །།དང་པོར་སེམས་ཉིད་སྟོང་པ་ཉིད། །སྙིང་རྗེ་ངང་ལས་ཧུ༷་མཐིང་སྟེ། །ཐུགས་ཀྱི་ཕྱག་རྒྱ་རྡོ་རྗེ་ཆེ། །དེ་ལསཁྲོརྒྱལགཤིནརྗེགཤེད། །མཐིང་ནག་གྱད་ཀྱི་འཇིགས་ཚུལ་ཅན། །ཞལ་གཅིག་ཕྱག་ནི་གཉིས་པ་སྟེ། །བེ་ཅོན་སྡིགས་མཛུབ་ཞབས་བགྲད་པས། །དེ་ཡུམ་བདུད་མོ་རེ་མ་ཏི། །ལྕགས་ཀྱུ་ཙིཀྟ་བསྣམས་པའོ། །ལས་ཀྱི་ལྷ་ཡང་དེ་འདྲ་སྟེ། །འཁོར་ལོ་ནག་པོའི་བདག་ཉིད་ཡིན། །ཙིཀྟ་ཨེ་ཀ་ཧུ༷་ཞེས་པ། །སེམས་དཔའ་བཞུགས་དང་མཆོད་བསྟོད་བྱ། །ཀླུ་ཡི་བདག་པོ་མདུན་དུ་སྟེ། །མགོ་དགུ་ཡབ་ཡུམ་བཀའ་སྟོད་ཚུལ། །སྔགས་ནི་ཉིན་དང་མཚན་མོ་སྟེ། །ཉིན་ནི་གཤིན་རྗེའི་བསྙེན་པ་ལ། །མཚན་མོ་ཀླུ་ཡི་བདག་པོ་བསྒྲུབ། །སྒྲུབ་རྟགས་ཅིར་ཡང་མ་ངེས་ཏེ། །སྦྲུལ་ནག་གཡག་རོག་མོན་པ་དང་། །སྦལ་པ་ནག་པོ་མཐོང་ན་འགྲུབ། །གླང་ཆེན་མ་ཐོང་ལྡོག་དང་འགྲུབ། །རྟགས་ནི་ཆད་མར་ང་ཡི་བཤད། །དུག་སྦྲུལ་ནག་པོ་ལས་ལེའུ་གསུམ་པའི་རྟོག་པའོ།། །།གསང་སྔགས་ངོ་བོ་འདི་དག་གོ །ཨོ༷་ཡ་མ་མེ་ཏ་ཀྟ། ར་ཛ་ས་ཏོ། རུ་ན་ཡོ་ནི། རྭ་ཡ་ཙ་ནི། ས་མ་ཡ་ཧུ༷་ཕཊ། འདི་དག་ཀླུའི་འཁོར་སྡུད་པའོ། །ན་ག་དུ་ནཱ་ག་དུ་ནཱ་ག་ཧེ་ལི་ཧེ་ལི་ནཱ་ག་འདུས་འདུས། འདི་དག་ནི་གཙོ་བོ་བསྒྲུབ་པའོ། །ཨ་ཤེ་ནག་པོ་ཧི་པ་ཙ། ན་ག་ཀྲོ་དྷི་ཤྭ་རི་ཏྲི་ཤ༷་རྦད། བུ་གུ་ཤ་ར་རྦད། ཏི་པ་ཙ་པ་ཙ་ཁ་ལ་བ༷་ཤ་ཏྲུ༷་ཤ་མྱ་ར་ན་ཛུ་ཛུ། འདི་དག་སྙིང་ནག་པོས་བསད་པའོ། །ནག་པོ་བ༷་ཙི་ཙི་རྒྱོབ། ཏྲག་ཐུར་སྙིང་འགུལ་མྱགས་མྱགས་རྩ་བཞི་བསྐུམས། །ཤན་ཤན་སྲོག་ལ་ཤན་ཐུར་སོད་སྲུཧྭ། འདི་དག་ཉི་མ་བཞི་པས་བསད་པའོ། །ཡ་མ་ར་ཛ་ས་ཏོ་མེ་ཡ། ཆེ་གེ་མོ་ཨ་མོ་ཁྲ༷་པྲ་མ་ཡ། ཡ་མེ་ཏོ་རུ་ན་ཡོ་ཏེ། ཆེ་གེ་མོ་ཨ་མུ་ཁ༷་རཀྟ་ཙ་ར་ཡ། ཡ་ཏ་ཡོ་ནོ་ར་ཡསྟེ་ཡ། ཆེ་གེ་མོ་ཨ་མུ་ཁ༷་མུ་ར་ཙ་ར་ལ། ཡསྟེ་ཡ་ཙ་ནི་མ་ར་ཡ། ཆེ་གེ་མོ་ཨ་མུ་ཁ༷་མུ་ར་ཡ། ནཱ་ག་ཁ༷་ཐུམ་མྱགས། དགྲའི་སྲོག་ལ་ནི་རྦུད་རྦུད་ཡ། ཉིན་བཞིན་སྐྲུ་གྲི་སོ་སོའོ། །དུག་སྦྲུལ་ནག་པོ་ལས་འཁོར་ལོ་བསྐོར་བ་དང་གསང་སྔགས་ཀྱི་རྟོག་པ་བཞི་པའོ།། །།འཁོར་ལོ་ཉི་མ་བཞི་རུ་བསྐོར། །མཚན་མོ་བསད་པ་ཀླུ་ཡི་སྔགས། །དགོངས་དང་ཐོ་རང་ཐུན་སྔགས་དང་། །རེག་ཆོད་དྲག་དྲིལ་ལ་བཟླས། །འདི་ནི་འཁོར་ལོ་རྫོགས་ནས་ཞག །གསུམ་དུ་གཏད་པའི་གསང་སྔགས་ཏེ། །དྲིལ་བས་བརྡེག་ཅེས་ངས་བཤད་པ། །རྡོ་རྗེ་རྣོན་པའི་ལས་ཡིན་ནོ། །ལས་ཀྱི་གཤིན་རྗེ་ཕོ་མོ་བསྐུལ། །གཟའ་དང་ཡམ་ཤུད་དམར་པོ་ཡང་། །བསྐུལ་བས་རྡོ་རྗེ་དྲག་པོས་བཤད། །གསུམ་དུ་གཏད་པའི་གསང་སྔགས་ཏེ། །དུག་སྦྲུལ་ནག་པོ་ལས་གསང་བ་དོན་གྱི་ལས་ཏེ་རྟོག་པ་ལྔ་པའོ།། །།ཡང་སྙིང་ནག་པོ་གསང་བའི་དོན། །ནག་པོ་ཀླུ་ཡི་དུག་མདའ་ཡིན། །སྦྲུལ་ནག་ཆེན་པོ་བྱས་པའི་ཁར། །གྲོ་ག་མིང་རུས་རྫས་ལ་བྱ། །ལ་བྱའི་སྦལ་པའི་ཁོག་པར་གཞུག །ནག་པོ་ཀླུ་ཡི་གནས་སུ་གཞུག །དུས་ལ་མི་འདའ་ཁོ་ན་ཉིད། །དང་པོ་དཀར་ལ་བྲིད་པ་ཡིན། །འདྲིས་ནས་དམར་ཡང་དབུལ་བར་བྱ། །ཀླུ་ཡི་བདག་པོ་སྔགས་འདིས་བོད། །ཨོ་ནཱ་ག་ཤ་ཤུ་ཁ་དུམ་པ་ལ་ནཱ་ག་རྭ་ཛ་འདུས་ས་མ་ཡ་ཧྲུ༷་ཛ་ཛ། ཀླུ་ཡི་རྒྱལ་པོ་བོད་པ་ཡིན། །ཨེ་གྱེ་ཧི་ནཱ་མ༷༷ས་མརྙ་ནཱ་ག་རུ་པ་ཛ་ལ་ཛ་ལ་གྲྭཧྭ། སྤྱན་དྲངང་་འི་སྔགས་སུ་འདོད། ཨོ༷་ཨ་ལ་ལ་ཧོ་ནཱ་ག་ར་ཛ་པུ་ཙ་ཡ་ན་པུ་ཙ་ཧྲིང་ཧྲིང་། གཏོར་མ་དབུལ་དང་མཆོད་པའི་སྔགས། ཨོ་ན་ག་རྭ་ཛ་ནག་པོ་བ༷་ཙིསྟ་རྒྱས། ཡན་ལག་སྐུམས་ས་མ་ཡ། མྱ་ར༷་ཡ། ཙི་ཙི་ཛ་ལ་ཁྲག་རྒྱས་ཧེ་ཧེ་ན་ག་འདུས། ཁྲ༷་བ༷་བ་རུ་ན་ཙི་ཙི་རྒྱས། ཁ་ཁྲག་སྙིང་ལ་རྒྱས། ན་ག་རུ་པ་རུ་པ་ཧུ༷་ཕཊ། ནཱ་ག་རྭ་ཛ་ས་མ་ཡ། སྙིང་ལ་ཁྲག་དུ་མུགས་དམ་ཛ་ཛ། བསད་པའི་ཡང་སྙིང་བསྒྲུབ་པ་ཡིན། །ཨོ་ནཱ་ག་ཙ་ནག་པོ་བ༷་ཙིལྟི་རྒྱས། ཡན་ལག་སྐུམས། ས་མ་ཡ། མ་ར་ཡ། ཙི་ཙི་ཛ་ལ་དྲག་རྒྱས། ཧེ་ཧེ་ནཱ་ག་འདུས་འདུས། ཁྲ༷་བ༷་པ་རུ་ན་ཙིསྟ་རྒྱས། ཁ་ཁྲག་སྙིང་ལ་ལ་རྒྱས། ནཱ་ག་རུ་པ་རུ་པ། ཛ་ལ་ཛ་ལཆེ་གེ་མོ་མ་ར་རྦད། བསད་པའི་ཡང་སྙིང་ནག་པོ་ཡིན། །བཙན་དུག་ཁོལ་མ་ལྟ་བུར་བཤད། །དུག་སྦྲུལ་ནག་པོ་ལས། ཡང་སྙིང་ནག་པོའི་རྟོག་པ་དྲུག་པའོ།། །།ཧུ༷། བསྐལ་པའི་རླུད་ནག་འཁྱིལ་པའི་དཀྱིལ་འཁོར་ནས། །རིག་པའི་རྒྱལ་པོ་འཆི་བདག་མགོ་དགུ་པ། །བདུད་ཀྱི་བདུད་ཅིག་འཆི་བདག་ཀླུ་ཡི་བདུད། །འཆི་བདག་ནག་པོ་ཡབ་ཡུམ་སྐུ་བཞེངས་ཅིག །བཀའ་ཡི་ཕོ་ཉ་ལས་ཀྱི་སྲོག་གཤེད་དང་། །ཀླུ་བདུད་ཀླུ་བཙན་ས་བདག་ཀླུ་སྲིན་གཉན། །བསྟན་པ་བསྲུང་ཕྱིར་འཕྲིན་ལས་འདི་ནི་འཆོལ། །དམ་ཉམས་རུ་ཏྲའི་འཁོར་རྣམས་རྩ་རྒྱུ་གཅོད། །ནག་པོ་ཏི་པ་ཙ་ཡ་ནཱ་ག་རསྒ་མཧྭ་བ་ལི་ཏ་ཁུ་ཧི། ཧུ༷། རྒྱ་མཚོ་ཆེན་པོའི་གཏིང་རུམ་ན། །རིགས་བཞིའི་ཀླུ་རྣམས་བཞུགས་པ་ནི། །གཞན་ལ་མི་འབོད་མི་གཡོབ་ཀྱིས། །ནག་པོ་གདལ་པ་ཅན་གྱི་རིགས། །བཞུགས་ནི་ཆབ་མི་གདོང་ན་བཞུགས། །ཆིབས་སུ་རུས་སྦལ་ནག་པོ་ཆིབས། །ཆུ་སྲིན་ནག་པོའི་ཁྲི་སྟེངས་ན། །ནག་པོ་འཛིན་ཤེས་གཏོང་མི་ཤེས། །སྦྲུལ་ནག་སྟོང་གི་ཞགས་པ་འཕེན། །གཏད་པའི་དགྲ་བོ་ཡན་ལག་ཆིངས། །གཡོན་པ་མེད་པའི་ནད་རྣམས་ཀྱིས། །ཚོར་བ་མེད་པའི་སྙིང་ལ་གཏོང་། །སྙིང་ནད་འབར་བའི་ནད་ཀྱང་གཏོང་། །སླར་འཚོ་བྱ་བའི་མིང་ཡང་མེད། །ཙི་ཙི་ཛ་ལའི་མངའ་བདག་སྟེ། ཁྱོད་ཀྱི་ཐུགས་དམ་དུས་ལ་བབ། །ན་བཟའ་སྦྲུལ་ནག་སླག་པ་ལ། །སྦལ་སྦྲུལ་མང་པོ་ཕྲུལ་ལུ་ལུ། །ཚ་བའི་འབུ་སྲིན་ཉིལ་ལི་ལི། །བཅོལ་བའི་ལས་རྣམས་གྲུབ་པར་མརྫོད། །ཅེས་ནི་གདོལ་པ་ཁྱད་པར་བསྐུལ། །དུག་སྦྲུལ་ནག་པོ་ལས་བསྐུལ་གྱི་རྟོག་བ་བདུན་པའོ།། །།རང་ལ་མི་ལྡོག་གཉེན་པོ་སྟེ། །སྟོང་ཉིད་ལྟ་བ་དེ་ཉིད་ཡིན། །གཉེན་པོ་ན་ག་རསྒ་སྟེ། །ངན་སྔགས་འདི་དག་གསང་བ་ཡིན། །ཨོ་བྲུ༷་ཀྲི་བྲུ༷་ཁྲ༷། གབ་པའི་ཡི་གེ་ཡིན་པར་བཤད། །འཁོར་ལོ་མི་ལྡོག་ཧྲི་ཏིའི་གཟེར། །ཕོ་ཉ་མི་ལྡོག་བསྐུལ་བའི་གཟེར། །ཛ་ཏི་གུར་ཀུམ་གླ་རྩི་གསུམ། །ལུས་ངག་བསྲུང་བའི་གནས་སུ་གདབ། །རྨ་བྱ་འུག་པ་སྲིན་བྱ་གསུམ། །རྒྱལ་མཚན་ལྟ་བུར་གཟུགས་པར་བྱ། །སྒྲིབ་ཤིང་ཡིན་པས་བཅང་བར་བྱ། །དྲི་ཆེན་དྲི་ཆུ་ཁོང་དུ་གཏང་། །བཙན་དུག་ཨ་རུ་ར་ང་ངངསྙིངམི་ངང་་འི་་ང་ངདང་སྦྱར། །དྲ་ཆུ་དང་སྦྱར་བ་ཁང་དུ་གཏང་། །འད་དག་པའ་ཡང་ ང་ཡན། ། ་ལྡག་པའ་ལས་ཡན་ཏ། །དུག་སྦྲུལ་ནག་པ ་རྟག་པ་བརྒྱད་པའ།། །།དུག་སྦྲུལ་ཕུང་གཤག་ནག་པ་འད། །ལྭ་མ་ནཱ་སྟེངཚོངསྙི་ངབྱེ་་ངཏེ་་་ངབྱེ་་་སྡེ་ངངག་རསྒ་ ། །དུག་ག་མ ན་ཆ་ལྟ་བུ་ཡན། །ཡང་ ང་ནག་པ་གཏད་ཀྱ་རྒྱུད། །ཕུང་ ད་ནག་པ་མག་དགུའ་ག ར། །བྱལ་སང་ཧ་ལ་གདང་པའ་མདའ། །ཕུང་ ད་འཁར་ལ་ལྟ་བ བས་རྒྱུད། །ནག་པ་རགས་ཀྱ་བདག་པོ་སྟེ། །ནཱ་ག་ཧ་ལ་ཞེས་བྱ་བ། །མི་འབར་ཚངས་པ་ཀླུ་ཁང་ན། །རྒྱལ་པོ་ཀ་མས་བརྡ་བཀྲོལ་བ། །འདི་ནི་ཡང་སྙིང་ལྟ་བུར་བསྡུས། །འཆི་བདག་ཀླུའི་ཟླ་གསང་ཡང་སྙིང་ནག་པོ། དུག་སྦྲུལ་ལྟོ་དཀྲུག་ཅེས་བྱ་བ་རྟོག་པ་ཞེས་བྱ་བ་རྫོགས་སོ།། །།རྡོ་རྗེ་གདན་གྱི་ཀ་གདན་གསེར་ཟངས་ཅན་ནས་ཕྱུང་པ། །བ་སུ་དྷ་རའི་མནག་པའོ།། མསྐོ་ལ༷ །།