Ngb-pt-0235-vol-03-text

Body

བསྒྱུར་ཅིང་ཞུས་ཏེ་གཏན་ལ་ཕབ་པའོ། །རྒྱལ་པོའི་བླ་དཔེའོ། །གཏེར་རྒྱ། སྦས་རྒྱ། གཏད་རྒྱ། རྒྱ་རྒྱ་རྒྱ།། །། རྒྱ་གར་སྐད་དུ། སུ་ག་ཏ་སརྦ་ཀརྨ་ས་མྱ་ཛ་ཀི་ལ་ཡ་མྱུ་ལ་ཏནྟྲ་ནཱ་མ།བོད་སྐད་དུ། བདེ་བར་གཤེགས་པ་ཐམས་ཅད་ཀྱི་ཕྲིན་ལས་འདུས་པ་ཕུར་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་དེ་བཞིན་གཤེགས་པ་ཕྲིན་ལས་ཐམས་ཅད་གདོན་མི་ཟ་བར་ཡང་དག་པར་གྲུབ་པ་ཁྲོ་བོ་ཐམས་ཅད་ཀྱི་རྒྱལ་པོ་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་གསང་བ་མཆོག་གི་དབྱིངས། ཕྲིན་ལས་རྒྱ་ཆེན་པོ་རྣམ་པར་རོལ་པར་མཛད་པའི་དུར་ཁྲོད་ཆེན་པོ་རབ་ཏུ་བསྐྱོད་ཅིང་འཁྲུགས་པར་བྱེད་པའི་རླུད་ལྗང་ནག་འབར་བ། ཕྲག་དོག་གི་ཡེ་ཤེས་ལས་གྲུབ་པར་བྱེད་པའི་ཕོ་བྲང་ཆེན་པོ་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་རྡོ་རྗེ་སེམས་དཔའ་ཆེན་པོ་གཞོན་ནུའི་གཟུགས་ཅན། འཇིག་རྟེན་གསུམ་རབ་ཏུ་སྒྲོལ་བར་མཛད་པ་དེ། དབྱིངས་ཀྱི་ཡུམ་ཆེན་མོ་འཁོར་ལོ་རྒྱས་འདེབས་མ་དང་གཉིས་སུ་མེད་པའི་རོལ་པ་ཆེན་པོས་མཉམ་ཞིང་དགེས་པར་བཞུགས་པ་ལ། །འཇིགས་བྱེད་འབར་བའི་དྲག་པོའི་ཕྲིན་ལས་ཡོངས་སུ་རྫོགས་པར་མཛད་པའི་འཁོར་འདི་ལྟ་སྟེ། བདེ་བར་གཤེགས་པ་རྣམས་ཀྱི་སྲས་ཀྱི་མཆོག་ཏུ་གྱུར་པ། བུརྙ་ཀི་ལ་ཡ་དང་། རཏྣ་ཀི་ལ་ཡ་དང་། པདྨ་ཀི་ལ་ཡ་དང་། ཀརྨ་ཀི་ལ་ཡ་དང་། བདེ་བར་གཤེགས་པ་ཐམས་ཅད་ཀྱི་ལས་ཀྱི་རྒྱལ་པོ་ཧུ༷་ཀྭ་ར་དང་། རྣམ་པར་རྒྱལ་བ་དང་། དབྱུག་པ་སྔོན་པོ་དང་། གཤིན་རྗེ་གཤེད་པོ་དང་། གཡོ་བ་མེད་པོ་དང་།རྟ་མགྲིན་ཅན་དང་། གཞན་གྱིས་མི་ཐུབ་པ་དང་། བདུད་རྩི་འཁྱིལ་པ་དང་། ཁམས་གསུམ་ལས་རྣམ་པར་རྒྱལ་བ་དང་། སྟོབས་ཆེན་པོར་གྱུར་པ་དང་། གཞན་ཡང་རོལ་པའི་ཡུམ་ཆེན་མོ་སྒྲ་འབྱིན་མ་དང་། སྙེམས་མ་དང་། སྡེར་མོ་དང་། དུར་ཁྲོད་ཀྱི་བདག་མོ་དང་། ག་་ཁུང་མ་དང་། ག་་མོ་ཆེན་མོ་དང་། མདའ་སྙེམས་མ་དང་། རླུད་འབྱིན་མ་དང་། གསོད་བྱེད་མ་དང་། སྤྱོད་པར་བྱེད་མ་དང་། དེ་དག་ཐམས་ཅད་ཀྱང་སྤྲུལ་པ་དང་། སྤྲུལ་པའི་ཡང་སྤྲུལ་པ་དང་། སྤྲུལ་པའི་ཕོ་ཉ་དང་། ཕོ་ཉའི་ཕོ་ཉ་དག་དང་བཅས་པ་རྣམས་ཀྱིས་མདུན་དུ་བདར་ཅིང་བསྐོར་ཏེ། གཞན་ཡང་བྱིས་པ་སོ་སོ་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱི་སྐྱེས་བུ་དང་། བསྐལ་པ་དཔག་ཏུ་མེད་པའི་བར་དུ་བགྲོད་ཅིང་སྦྱངས་པ་ལ་སྨོན་པས་དཀའ་བ་སྤྱོད་པར་བརྩོན་པའི་བྱང་ཆུབ་སེམས་དཔའ་རྣམས་ཀྱིས་ཉེ་བའི་ཐུགས་མི་ཐུབ་ཅིང་འདུལ་བའི་སྐལ་བ་དང་མི་ལྡན་ཞིང་། ལོངས་སྤྱོད་ཐམས་ཅད་རབ་ཏུ་རྫོགས་པའི་སྐུ་ཁྲོ་བ་དང་། རབ་ཏུ་ཁྲོ་བ་དང་། འཇིགས་པ་དང་རབ་ཏུ་འཇིགས་པའི་ཚོགས་དང་ལྷན་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཉིད་ཀྱི་སྐུའི་རྣམ་པར་འཕྲུལ་པ་ཁྲོ་བོ་ཆེན་པོ་དྲག་ཤུལ་ཅན་དུ་སྣང་བར་མཛད་ཀྱང་། ཐུགས་རབ་ཏུ་ཞི་བ་ཐུགས་རྗེ་ཆེན་པོ་དང་ལྡན་པའི་ཐུགས་གསང་བ་ཆེན་པོ་ལས་བྱུང་བའི་ཁྲོ་བོའི་ཚོགས་ཆེན་པོ་རྣམས་ཀྱིས་ཉིད་ཀྱི་སྐུའི་ཡོན་ཏན་དཀྱིལ་འཁོར་ཆེན་པོ་རྣམ་པར་དག་པའི་གཞལ་མེད་ཁང་ཆེན་པོ་དང་བཅས་པ་ལ་རབ་ཏུ་སྤྲོ་ཞིང་ངོ་མཚར་བའི་སྒོ་ནས། དགའ་བ་ཆེན་པོ་ཡང་དག་པར་འཁོར་རྣམས་ཀྱིས་མགྲིན་གཅིག་གིས་མངོན་པར་བསྟོད་པ། ཨེ་མ་ཧོ། །མཐའ་དང་དབུས་མེད་ནམ་མཁའི་རང་བཞིན་ལས། །རླུད་ནག་རྡོ་རྗེ་རྒྱ་གྲམ་གཏམས་པའི་སྟེང་། ཁྲག་གི་རྒྱ་མཚོ་རྦ་ཀློང་འཁྲུགས་པའི་དཀྱིལ། །ཀེང་རུས་ཆེན་པོ་བརྩེགས་པའི་རི་རབ་སྟེང་། །གསེར་གྱི་ས་གཞི་ཞིང་ཆེན་ཏི་རས་གཏམས། །མེ་རི་སྨུག་ནག་གྲུ་གསུམ་འབར་བའི་ཀློང་། །ནམ་མཁའི་མཐའ་དང་མཉམ་རྫོགས་གཞལ་ཡས་ཁང་། །རིན་ཆེན་འབར་བ་ཐོད་པ་གསུམ་གྱིས་བརྩིགས། །ལྷ་ཀླུ་ཉི་ཟླ་གཟའ་སྐར་སྦྲུལ་གྱིས་བརྒྱན། །ཡེ་ཤེས་ཚད་མེད་གྲུ་ཆད་སྒོ་བཞི་རྫོགས། །ཕྱི་ནང་མེ་དཔུང་རིན་ཆེན་འོད་དང་ལྡན། །དྲེགས་པའི་བདག་དང་ཉི་ཟླ་པདྨའི་དབུས། མེད་པའི་རྒྱུ་ལས་ཡོད་པར་མངོན་བྱུང་བ། །བདེ་གཤེགས་དཔལ་ཆེན་ཕྲིན་ལས་རྫོགས་པའི་སྐུ། དབུ་གསུམ་ཕྱག་དྲུག་ཞབས་བཞི་བརྐྱང་བསྐུམ་སྟབས། །གཡས་ཀྱི་ཞལ་གདོང་དཀར་བར་བསྟན་པ་ནི། །བདེ་ཆེན་ལོངས་སྤྱོད་རྫོགས་སྐུ་མཐར་ཕྱིན་ཅིང་། །གཡོན་ཞལ་དམར་ནག་སྤྲུལ་སྐུའི་འགྲོ་དོན་མཛད། །ཡོངས་རྫོགས་སྐུ་དང་དབུས་ཞལ་མཐིང་ནག་ནི། །སྐྱེ་མེད་ཆོས་ཀྱི་སྐུ་ལ་འགྱུར་བ་མེད། །རལ་པ་གྱེན་བརྫེས་དབང་དྲག་དུས་གཅིག་རྫོགས། །ཡེ་ཤེས་ལྔ་བདག་རིགས་ལྔའི་སངས་རྒྱས་བཞུགས། །སྤྱན་དགུས་ས་དགུ་མི་དམིགས་དབྱིངས་ལ་གཟིགས། །སྙན་དྲུག་རྒྱུད་དྲུག་ཉོན་མོངས་འཁོར་བར་འདྲེན། ཁྲངས་ནས་སྟོང་གསུམ་སྒྲོལ་བའི་རླུད་ནག་འབྱིན། །ཞལ་གསུམ་ཉོན་མོངས་དུག་གསུམ་དབྱིངས་སུ་སྒྲོལ། །རྡོ་རྗེའི་མཆེ་བས་བདུད་བཞི་རྩད་ནས་གཅོད། །ལེ་བརྒན་ལྗགས་འདྲིལ་ཤེས་རབ་མཐར་ཕྱིན་གསལ། །གསུང་གི་ང་རོས་འཇིག་རྟེན་མཐུ་ཆེན་དང་། །ཕྱག་དྲུག་ཕྱག་མཚན་རང་རྟགས་ཡོན་ཏན་ནི། །རྡོ་རྗེ་རྩེ་དགུས་ས་དགུའི་ཡོན་ཏན་རྫོགས། །རྩེ་ལྔས་རྒྱུད་ལྔ་རྩད་བཅད་རིགས་ལྔར་སྦྱོར། །མེ་དཔུང་འབར་བས་ཉོན་མོངས་དུག་ལྔ་བསྲེག །ཁ་ཊ༷་རྩེ་གསུམ་དུག་གསུམ་རྩད་ནས་གཅོད། །རྡོ་རྗེའི་ཕུར་པ་སྲིད་གསུམ་དབྱིངས་སུ་འདེབས། །ཞབས་བཞི་ཚད་མེད་རྣམ་བཞིའི་ཕྲིན་ལས་མཛད། དཔའ་བོའི་ན་བཟའ་རྒྱན་གྱི་ཆེ་བ་ནི། །གླང་ཆེན་ཀོ་རློན་ཐེག་མཆོག་སྟོབས་བཅུས་བགྲོད། །སྟག་གི་ཤམ་ཐབས་ཕྲིན་ལས་སྣ་ཚོགས་མཛད། །ཞིང་ཆེན་གཡང་གཞིས་ཐུགས་རྗེས་འགྲོ་བ་འདུལ། སྦྲུལ་གྱི་ཆུན་པོས་དཔའ་ཆེན་གདུག་པ་འདུལ། །ཐོད་པའི་ཕྲེང་བ་སྐུ་གསུམ་ངང་ལ་གནས། །དོན་དམ་བཅུད་ལྡན་གཟི་བརྗིད་ས་ལ་དགོད། །རཀྟའི་ཐིག་ལེ་ཆགས་མེད་པདྨའི་སྦྱན། །ཐལ་ཆེན་མཚན་མས་སངས་རྒྱས་ཕྲིན་ལས་རྫོགས། །རྡོ་རྗེའི་གཤོག་པས་མ་ལུས་ཟིལ་གྱིས་གནོན། །རིན་ཆེན་གཤོག་པས་དགོས་འདོད་རེ་བ་བསྐང་། །ཡེ་ཤེས་མེ་དཔུང་རྣམ་རྟོག་བག་ཆགས་བསྲེག །གཉིས་མེད་ཡུམ་ཆེན་དོན་དམ་དབྱིངས་སུ་སྦྱོར། །ཡོན་ཏན་མཐའ་ཡས་ཀུན་གྱིས་རབ་བརྒྱན་པའི། །ཕྲིན་ལས་རྒྱལ་པོ་ཁྱོད་ལ་ཕྱག་འཚལ་བསྟོད། །ཆོས་དབྱིངས་སྐྱེ་མེད་ངང་ལས་མ་གཡོས་ཀྱང་། །སྒྱུ་མའི་ཆོ་འཕྲུལ་ཅིར་ཡང་སྟོན་མཛད་པ། །ཐུགས་རྗེའི་ཐབས་ཀྱིས་གདུག་པ་འདུལ་སླད་དུ། །དྲག་ཤུལ་སྤྱོད་པའི་ཕྲིན་ལས་ཀུན་གྱི་བདག །དོན་དམ་བྱང་ཆུབ་སེམས་ལས་འགྱུར་མེད་ཀྱང་། །ཏིང་འཛིན་ལོངས་སྤྱོད་ཐབས་ཀྱིས་འགྲོ་དོན་མཛད། །བྱིན་རླབས་ཕྱག་རྒྱའི་འོད་ཟེར་འཕྲོ་འདུའི་ཀློང་། །རང་བཞིན་སྤྲོས་བྲལ་ཉིད་ལ་ཕྱག་འཚལ་བསྟོད། །ཅེས་བསྟོད་པས་སླར་ཡང་རོལ་པ་ཆེན་པོའི་དཀྱིལ་འཁོར་བསམ་གྱིས་མི་ཁྱབ་པ་ཡོངས་སུ་རྫོགས་ཤིང་སྣང་བར་གྱུར་ཏོ། །ཕྲིན་ལས་འདུས་པ་རྩ་བའི་རྒྱུད་ལས། གླིང་གཞིའི་ལེའུ་སྟེ་དང་པོའོ།། །།དེ་ནས་ཡང་འཁོར་ཆེན་པོ་དེ་རྣམས་ཀྱིས། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། འདས་དང་མ་འོངས་ད་ལྟར་གྱི། །འདུས་པའི་སངས་རྒྱས་མ་ལུས་པའི། །ཕྲིན་ལས་ཁྱོད་མཛད་ཅི་ཡི་ཕྱིར། །རྡོ་རྗེ་ཞེས་ནི་ཅི་ཕྱིར་བརྗོད། །ཐོག་མ་མེད་པའི་དུས་ཉིད་ནས། །གཞོན་ནུར་གྲགས་པ་ཅི་ཞིག་ལགས། །དངོས་པོར་སྣང་བའི་ཆོས་ཉིད་ལ། །ཁྱད་པར་ཕུར་པ་ཅིའི་ཕྱིར་འཛིན། །ཐུགས་རྗེ་ཞི་བའི་ངང་ཉིད་ལས། །ཁྲོ་ཞིང་འཇིགས་པར་སྟོན་མཛད་ཅིང་། །དྲག་པོའི་རྒྱན་བཅས་མཛད་པ་གང་། །གཞན་ཡང་ཁྱོད་ཀྱི་སྐུ་གསུང་ཐུགས། །གསང་བ་ལས་ཀྱང་ཆེས་གསང་བ། །རྨད་དུ་བྱུང་བའི་ཆོ་འཕྲུལ་ལ། །བདག་ཅག་ཐེ་ཚོམ་སྐྱེས་གྱུར་ཏེ། །ཇི་ལྟར་ཇི་ལྟར་མཛད་པ་ཡི། །དོན་དེ་བདག་ལ་ངེས་སྟོན་ཅིག །ཅེས་གསོལ་པ་དང་། །བཅོམ་ལྡན་འདས་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་མཛད་པར་བྱ་བའི་ཕྱིར། །དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་ངོ་བོར་བཞེངས་ཏེ། སྐུ་དང་གསུང་དང་ཐུགས་ཀྱི་ཡོན་ཏན་གྱི་ཚོགས་ཐམས་ཅད་སྔོན་དུ་འགྲོ་བར་མཛད་ནས། །ཉིད་ཀྱི་གསུང་གི་གསང་བ་ཆེན་པོ་སངས་རྒྱས་ཐམས་ཅད་ཀྱི་ལས་བསྒྲུབ་པར་ནུས་པའི་ཡང་དག་པའི་སྙིང་པོ་འདི་སྐུ་གསུང་ཐུགས་ཀྱི་རྡོ་རྗེ་གསང་བ་པ་ལས་ཕྱུང་ངོ་། །ཨོ༷་བཛྲ་ཀི་ལི་ཀི་ལ་ཡ་སརྦ་བིསྟུ༷་བ༷་ཧུ༷་ཕཊ། །འདི་ཕྱུང་མ་ཐག་ཏུ་ཕྱོགས་བཅུའི་འཇིག་རྟེན་གྱི་ཁམས་ཅད་གཡོ་བར་གྱུར་ཏེ། །གང་དག་སངས་རྒྱས་རྣམས་ཀྱི་ཐུགས་རྗེ་ཞི་བ་ཆེན་པོས་འདུལ་བར་མི་འགྱུར་བའི་དབང་ཕྱུག་ལ་སོགས་པའི་དྲེགས་པ་ཅན་རྣམས་ཀྱང་རབ་ཏུ་འབར་ཞིང་སྔངས་སྐྲག་སྟེ་བརྒྱལ་ཞིང་ས་ལ་ལྷུང་ནས་ཤི་བའི་དུས་ལ་མ་བབ་ཙམ་དུ་གྱུར་པ་ལ། ཡང་བཅོམ་ལྡན་འདས་ཉིད་ཀྱི་ཐུགས་རྗེ་ཆེན་པོའི་འོད་ཟེར་གྱིས་དེ་དག་གི་ལུས་ཁྱབ་པར་བཀྱེ་ནས། ཐམས་ཅད་ཀྱང་ལུས་དང་ངག་དང་ཡིད་བདེ་བ་དཔག་ཏུ་མེད་པ་དང་ལྡན་པར་གྱུར་ནས། བཅོམ་ལྡན་འདས་ཉིད་ལ་ཕྱག་འཚལ་ཞིང་། དཔུང་གི་ཚོགས་དང་བཅས་པ་རྣམས་ཞི་བ་དང་དུལ་བའི་སེམས་ཀྱིས་གནས་ནས་གསུང་རྗེས་སུ་བསྒྲུབ་པའི་བྲན་བཞིན་ལས་བྱེད་པར་ཁས་བླངས་སོ། །དེ་ནས་བཅོམ་ལྡན་འདས་ཀྱིས་འཁོར་ཆེན་པོ་འདུས་པ་དེ་དག་ལ་བཀའ་སྩལ་པ། ཉོན་ཅིག་འདུས་པའི་ཚོགས་ཆེན་རྣམས། །སྔོན་གྱི་སངས་རྒྱས་ཐམས་ཅད་ཀྱིས། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བའི། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་འདིར་གསལ་བས། །མི་འགྱུར་མི་ཤིགས་རྡོ་རྗེ་ཡིས། །འདུས་བྱས་རྫས་ལས་མ་བྱུང་ཞིང་། །དུས་གསུམ་ཀུན་ཏུ་འདུས་མ་བྱས། །སྤྲོས་པའི་མཚན་མ་ཀུན་དང་བྲལ། །གདོད་ནས་མ་བྱུང་སྐྱེ་བ་མེད། །ཡེ་ནས་རྣམ་པར་དག་པའི་ངང་། །དེ་ནི་སྲ་མཁྲེགས་རྩལ་ཤུགས་ལྡན། །ཅིས་ཀྱང་མི་ཤིགས་རྡོ་རྗེའོ། །དཔེར་ན་ཕ་ལམ་རྣོན་པོ་བཞིན། །སུས་ཀྱང་གཞོམ་པར་མི་ནུས་ཤིང་། །སྟོང་ཉིད་སྙིང་པོར་ལྡན་པ་ཡིས། །གོ་ཆ་མཆོག་གི་རྡོ་རྗེའོ། །དུས་གསུམ་བཞུགས་པ་མ་ལུས་པའི། །སངས་རྒྱས་ཀུན་གྱི་ཡེ་ཤེས་སྐུ། །ང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །མྱུར་དུ་སྤྲུལ་པས༷་གཞོན་ནུ་སྟེ། །ང་ལ་བགྲེས་རྒུད་ཡོངས་མི་མངའ། །སྐད་ཅིག་ཉིད་ལས་བྱུང་བའོ། །ཨོ་ཤི་བཛྲ་ཀུ་བཱ་ར་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། །ཐབས་ཀྱི་ཤེས་རབ་ཡུམ་དང་སྦྱོར། །བྱང་ཆུབ་སེམས་རྒྱུན་ཡེ་ཤེས་ཆེ། །ཨཱོཾ་ཏིབྷ་ཙཀྲ་རུ་ལུ་རུ་ལུ་སྨྱོ། །གཉིས་མེད་ཡེ་ཤེས་འོད་ཟེར་གྱི། །འཕྲོ་འདུ་གསལ་བའི་བྱིན་རླབས་ལས། །རྡོ་རྗེ་གཤོན་ནུའི་རིགས་འཛིན་རྣམས། །སྲིད་པ་རྡོ་རྗེ་འགྲུབ་པར་མཛོད། །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་འགྲུབ་པར་མཛོད། །ཨོ་བུརྙ་ཀི་ལ་ཡ་ཧུ༷་ཕཊ། །ཨོ་རཏྣ་ཀི་ལ་ཡ་ཧུ༷་ཕཊ། ཨོ་པདྨ་ཀི་ལ་ཡ་ཧུ༷་ཕཊ། ཨོ་ཀརྨ་ཀི་ལ་ཡ་ཧུ༷་ཕཊ། ཨོ་བཛྲ་ཀྲོ་དྷ་ཧུ༷་ཀྭ་ར་ཧུ༷། ཨོ་བཛྲ་ཀྲོ་དྷི་དི་པ་ཡ་ཏི་ཧུ༷། ཨོ་བཛྲ་སྲུ་ཀ་ར་མུ་ཁ་ཧུ༷། ཨོ་བཛྲ་ཨི་ཁུ་བ་མུ་ཁྲི་ཧུ༷། གརྫ་གརྫ་ཧུ༷་ཕཊ། ཨོ་བཛྲ་ཀྲོ་ཏ་བི་ཛ་ཡ་ཧུ༷། ཨོ་བཛྲ་ཀྲོ་དྷི་ལྭ་སེ་ཀི་ཧུ༷། ཨོ་བཛྲ་བྱུ་ཀྟ་མུ་ཁ་ཧུ༷། ཨོ་བཛྲ་གྲོརྙ་མུ་ཁྲི་ཧུ༷། ཧ་ན་ཧ་ན་ཧུ༷་ཕཊ། ཨོ་བཛྲ་ཀྲོ་ཏ་ནི་ལ་དཎྜ་ཧུ༷། ཨོ་བཛྲ་ཀྲོ་དྷི་ཏ་ན་པ་ཏི་ཧུ༷། ཨོ་བཛྲ་ཙ་མ་ར་མུ་ཁ་ཧུ༷། ཨོ་བཛྲ་དྲོ་ཎ་མུ་ཁྲི་ཧུ༷། ད་ཧ་ད་ཧ་ཧུ༷་ཕཊ། ཨོ་ཀྲོ་ཏ་ཡ་མུརྙ་ཀ་ཧུ༷། ཨོ་བཛྲ་ཀྲོ་དྷི་ཤཱ་ཤཱ་ན་པསྙི་ཧུ༷། ཨོ་བཛྲ་ཧ་རི་ཎ་མུ་ཁ་ཏཱ༷། ཨོ་བཛྲ་ཨུ་ལྕུ་ཀ་མུ་ཁྲི་ཧུ༷། པ་ཙ་པ་ཙ་ཧྭ༷་ཕཊ། ཨོ་བཛྲ་ཀྲོ་དྷ་ཨུརུ་ཨ་ཙ་ལ་ཧུ༷། ཨོ་བཛྲ་ཀྲོ་དྷི་མུ་ས་སྙི་ཧུ༷། ཨོ་བཛྲ་བྱུ་སྣྲི་མུ་ཁ་ཧུ༷། ཨོ་བཛྲ་བཱ་ཡ་ས་མུ་ཁྲི་ཧུ༷། བྷསྡོ་བྷསྡོ་ཧུ༷་ཕཊ། ཨོ་བཛྲ་ཀྲོ་དྷ་ཧ་ཡ་རྒི་བ་ཧུ༷། ཨོ་བཛྲ་ཀྲོ་རྙི་ཙཎྜསྙི་ཧུ༷། ཨོ་བཛྲ་པི་ཌ་ལ་མུ་ཁ་ཧུ༷། ཨོ་བཛྲ་པཀྟ་ཏི་མུ་ཁྲི་ཧུ༷། ཨོ་བཛྲ་པ་ཙ་ལ་མུ་ཁ་ཧུ༷། ཧུ་ལུ་ཧུ་ལུ་ཧུ༷་ཕཊ། ཨོ་བཛྲ་ཀྲོ་ཏ་ཨ་པ་ར་ཛི་ཏ་ཧུ༷།ཨོ་བཛྲ་ཀྲོ་དྷི་ས་བྱ་ཏི་ཧྭ༷། ཨོ་བཛྲ་ཤྭ་ན་མུ་ཁ་ཧྭ༷། ཨོ་བཛྲ་པ་ཏྲི་མུ་ཁྲི་ཧྭ༷། ཏིཛི་ཏིཛི་ཧྭ༷་ཕཊ། ཨོ་བཛྲ་རྐྱི་དྷ་ཨ་མྲི་ཏ་ཀུཎྜ་ལི་ཧྭ༷། ཨོ་བཛྲ་ཀྲོ་དྷི་ས་སྙི་ར་ཎ་ཧྭ༷། ཨོ་བཛྲ་སིདྨ་མུ་ཁ་ཧྭ༷། ཨོ་བཛྲ་ཀྲོ་ཏི་ཏི་ལ་མུ་ཁྲི་ཧྭ༷། སྤྱིསྡོ་སྣྲིསྡོ་ཧྭ༷་ཕཊ། ཨོ་བའཛྲ་ཀྲོ་དྷ་ཏྲེ་རྨོ་ཀྱ་བི་ཛ་ཡ་ཧུ༷། ཨོ་བ༄ཛྲ་ཀྲོ་དྷི་ནཱ་ར་ཎ་ཧུ༷། མོ་བཛྲ་ཏཀྟ་མུ་་ཁ་ཧུ༷། ཨོ་བཛྲ་ན་ཀུ་ལ་མུ་ཁྲི་ཧྭ༷། བིརྙ་བྲེནྟྲ་ཧུ༷་ཕཊ། ་་བཛྲ་ཀྲོ་ཏའ་མ་་ཧྭ་བ་ལ་ཧུ༷། ཨོ་བཛྲ་སྐྲོ་དྷི་ཙུརྗ་ཧུ༷། ཨོ་བཛྲ་རེཀྟ་མུ་་ཁ་ཧུ༷། ཨོ་བརྫོ་མུ་ཁི་མུ་ཁྱི་ཧུ༷། སྤྲོ་ཊ་སྤྲོ་ཊ་ཧུ༷་ཕཊ། ཨོ་བཛྲ་ཡསྟེ་ཁི་ཧུ༷། ཨསྐུ་ཤ་ཛ༷༷། ཨོ་བཛྲ་སྟི་ར་བ་ཧུ༷། བཱ་ཤ་ཧུ༷། ཨོ་བཛྲ་ཨ་སྐྲོ་ཏ་ཧུ༷། སྒྲོ་ཊ་བ༷། ཨོ་བཛྲ་མ་ར་ཎ་ཧུ༷། བྷསྣེ་ཧོ༷༷། ཧྲི་སྤ་ར་ཎ་ཕཊ། སེ་ཧ་ར་ཎ་ཧུ༷། འདི་ནི་སྲིད་པའི་ཚུལ་དུ་བྱུང་། །ཡབ་ཡུམ་བྱང་ཆུབ་སེམས་ལས་བསྐྱེད། །ཡི་གེ་འཕྲོ་འདུའི་རྐྱེན་ལས་གྱུར། །རང་ལས་བྱུང་སྟེ་དབྱིངས་སུ་འདེབས། །སྲིད་པའི་ཕུར་པ་ཞེས་སུ་བཤད། །སྣང་ཞིང་གསལ་བའི་ཆོས་རྣམས་ཀུན། །མ་ལུས་འདི་ཡིས་ལེགས་པར་བཏབ། །འཇིག་རྟེན་པ་དང་འཇིག་རྟེན་འདས། །ལུབ་ཆུབ་འདུས་པས་ཕུར་པ་སྟེ། །ཀུན་རྫོབ་རྟགས་སུ་ང་ཡིས་བཟུང་། །ཡོན་ཏན་ཚོགས་ཆེན་ལས་བྱུང་ཞིང་། །མ་ལུས་ཕྲིན་ལས་རྫོགས་མཛད་ཕྱིར། །ཕྱོགས་བཅུ་དག་གི་སངས་རྒྱས་ཞིང་། །ཀུན་གྱི་མཛད་པ་རྫོགས་སྤྱོད་ཅིང་། །སེམས་ཅན་ཁམས་ཀུན་ཡོངས་སྒྲོལ་བའི། འཇིགས་བྱེད་ཁྲོ་བཅུ་བྱུང་བ་ནི། །ཞལ་གསུམ་ཕྱག་དྲུག་ཞབས་བཞིར་བཞུགས། །ཕྱོགས་བཅུའི་དྲེགས་པ་གནོན་པར་མཛད། །ཕྱག་དྲུག་དང་པོ་གཉིས་ཀྱིས་ནི། །རྡོ་རྗེ་དང་ནི་ཐོད་ཁྲག་འཛིན། །ཐ་མ་ཕུར་པ་འདྲིལ་ཞིང་སྡོམ། །ཧུ༷་ཆེན་སྔོ་སྐྱ་མདའ་གཞུ་འགེངས། །རྣམ་རྒྱལ་འཁོར་ལོ་ཏྲི་ཤུལ་དཀར། དབྱུག་སྔོན་མེ་དཔལ་དབྱུག་ཏོ་འཕྱར། །གཤིན་རྗེ་གཤེད་ནི་མཐིང་ག་སྟེ། །ཐོད་དབྱུག་དང་ནི་དགྲ་སྟུ་འཛིན། །མི་གཡོ་ལྗང་སྔོན་རལ་གྲི་ཞགས། །རྟ་མགྲིན་ཞགས་པ་སྤུ་གྲི་དམར། །འདོད་རྒྱལ་དམར་སྐྱ་བྷརྙ་རྔཡབ། །བདུད་རྩི་ལྗང་ནག་རྒྱ་གྲམ་དྲིལ། །ཁམས་རྒྱལ་སྦྲུལ་ཞགས་རྡོ་རྗེ་མཐིང་། །སྟོབས་ཆེན་དུད་ཁ་ཐོ་བ་ཞགས། །ཡུམ་རྣམས་ཡབ་ཀྱི་མདོག་ལྡན་ཞིང་། །སྒྲ་འབྱིན་མ་ནི་གཡས་བེ་ཅོན། །སྙེམས་མ་རལ་གྱི་འཛིན་པར་མཛད། །རྡོ་རྗེ་སྡེར་མོ་ལྕགས་ཀྱུའོ། །དུར་ཁྲོད་བདག་མོ་ཐོད་དབྱུག་འཛིན། །ག་་ཁུང་མ་ནི་ཐོ་བའོ། །རྡོ་རྗེ་ག་་མོ་སྐྲུ་གྲི་འཛིན། །རྡོ་རྗེ་མདའ་སྙེམས་ཐོ་བ་ཅན། །རླུད་འབྱིན་མ་ནི་དགྲ་སྟུའོ། །རྡོ་རྗེ་གསོད་བྱེད་མ་གྲི་གུག །སྐུལ་བྱེད་རྡོ་རྗེ་རྩེ་གསུམ་འཛིན། །ཕྱག་གཡོན་རྣམས་ནི་ཐོད་ཁྲག་སྟོབ། །ཡབ་ཡུམ་འདི་དག་ཐམས་ཅད་ཀྱིས། །སྲིད་པའི་ཕུར་པ་སྤྲོས་པ་ལས། །རང་གི་སྐུ་མདོག་དང་མཐུན་པའི། །ཞལ་གཅིག་ཕྱག་གཉིས་ལྕམ་དྲལ་ཚུལ། །གཡས་དང་གཡོན་གྱི་ཕྱོགས་གནས་ཤིང་། །ཡབ་ཡུམ་ཕྱག་མཚན་སོ་སོར་འཛིན། །གཡོན་གྱིས་མཚོན་བྱེད་ཕུར་པ་འཛིན། །སྔོན་གྱི་འདུལ་གཞི་ལས་བྱུང་བའི། །སོ་སོའི་གདོང་གི་ཁྱད་པར་ནི། །སྟག་དང་བྱ་རྒོད་བྱ་རོག་གཡག ཁྲ་བ་འུག་པ་གཟིག་དང་ཁྭ། །བྱི་ལ་པུ་ཤུད་སྤྱང་ཀི་ཁྲ། །སེང་གེ་ཕ་ཝང་སྲེ་མོ་དོམ། །ཕག་དང་སྨིག་བུ་བྱི་བ་དྲེད། །རིམ་བཞིན་དུ་ནི་རང་གནས་བལྟ། །ཕྱོགས་བཞིར་པུ་ཤུད་སྐྱ་ཀ་དང་། སྲིན་བྱ་ཁྲ་ཡི་མགོ་ཅན་རྣམས། །ཁ་དོག་དཀར་སེར་དམར་དང་ལྗང་། །ལྕགས་ཀྱུ་ཞགས་པ་ལྕགས་སྒྲོག་དྲིལ། །རིམ་བཞིན་གཡས་བསྣམས་གཡོན་ཕུར་བུ། །ཉེ་བའི་སྲས་མཆོག་ཕུར་བུ་ནི། །བདེ་གཤེགས་རིན་ཆེན་པདྨ་ལས། །ཞལ་གསུམ་ཕྱག་དྲུག་ཞབས་བཞིར་བགྲད། །དཀར་སེར་དམར་དང་སྔོ་བའི་ཞལ། །ཁྱད་པར་བྲརྙ་ཀི་ལ་ཡ། །ཞལ་གསུམ་མཐིང་དམར་དབུས་དཀར་ཞལ། །ཕྱག་དྲུག་རྡོ་རྗེ་རྒྱུ་ཞགས་གཡས། །གཡོན་ན་དགྲ་སྟུ་རལ་གྲིའོ། །སྲས་མཆོག་རཏྣ་ཀི་ལ་ཡ། །ཞལ་གསུམ་དཀར་དམར་དབུས་སེར་ཞལ། །གཡས་ན་བེང་དང་རལ་གྲིའོ། །གཡོན་ན་དགྲ་སྟུ་བེ་ཅོན་འཛིན། །དབང་གི་ཀི་ལ་ཡ་ཞེས་པ། །ཞལ་གསུམ་དཀར་སེར་དབུས་དམར་ཞལ། །གཡས་གཡོན་དང་པོ་རལ་གྲི་མདུང་། །བར་པ་གཉིས་ན་མདའ་གཞུ་འགེངས། །ཕྲིན་ལས་མཛད་པའི་སྲས་མཆོག་ནི། །ཞལ་གསུམ་དཀར་དམར་ལྗང་གུ་སྟེ། །གཡས་ན་མདུང་དང་ལྕགས་ཀྱུ་སྟེ། །གཡོན་གྱི་གྲི་གུག་རལ་གྲིའོ། །ཐ་མའི་ཕྱག་གཉིས་ཐམས་ཅད་ཀྱི། །ཞི་རྒྱས་དབང་དང་དྲག་པོ་ཡི། །རི་རབ་ཕུར་པ་རིམ་བཞིན་འཛིན། །འདི་དག་མ་ལུས་ཐམས་ཅད་ཀུན། །དཔའ་བརྗིད་དུར་ཁྲོད་ཆས་ཀྱིས་བརྒྱན། །ཕྱི་རོལ་དངོས་པོའི་ཆོས་རྣམས་ཀུན། །གཟུགས་སུ་སྣང་དང་སྒྲ་རུ་གྲག །དྲན་དང་བསམ་དང་རྟོག་དཔྱོད་ཚོགས། །འདི་དག་རྣམས་ཀྱི་སྐུ་གསུང་ཐུགས། །འདི་དག་ཉིད་ཀྱང་དེ་དག་སྟེ། །ཆོས་ཉིད་ཁྱབ་པའི་ཕུར་པའོ། །དེ་ཉིད་ཐབས་ཀྱི་ཤེས་འགྱུར་ཞིང་། ཁོ།ས་རབ་ཉིད་ཀྱང་དེ་ཡི་ཐབས། །དོན་དམ་གཉིས་མེད་ཕུར་པ་སྟེ། །ཀུན་གྱི་དམ་པ་འདི་ཟུང་ཞིག །རྟོག་པའི་འཆིང་བས་འཆིང་བྱེད་ཅིང་། །གྲོལ་བ་ཡང་ནི་དེ་ཉིད་དོ། །སངས་རྒྱས་རྣམས་ཀྱི་གསང་ཆེན་འདི། །རྟོགས་པ་དང་ནི་ཤེས་བྱའི་ཡུལ། །ཁྱོད་ཀྱིས་ཐེ་ཚོམ་མ་བསྐྱེད་ཅིག །ཅེས་གསུངས་སོ། །ཕྲིན་ལས་འདུས་པ་རྩ་བའི་རྒྱུད་ལས། སྐུ་ཡོངས་སུ་རྫོགས་པ་ཕྲིན་ལས་རྩ་བའི་ལེའུ་སྟེ་གཉིས་པའོ།། །།དེ་ནས་ཁྲོ་བོའི་རྒྱལ་པོ་ཡིས། །དམ་པའི་དགོངས་པ་འདི་བཤད་དོ། །ངོ་བོ་རིག་པ་བྱང་ཆུབ་སེམས། །ཀུན་གྱི་ས་ལ་མ་ལུས་འདེབས། །ཆོས་ཉིད་ཡེ་ཤེས་གཉིས་སུ་མེད། །ཆོས་ཅན་ཀུན་ལ་གདབ་པར་བྱ། །དེ་ཉིད་རྟོགས་པའི་ཡེ་ཤེས་ནི། །ཆོས་ཉིད་མཉམ་པ་ཉིད་དུའོ། །མ་ལུས་མཁྱེན་པ་དེ་ཡིས་ནི། །དངོས་པོ་ཆོས་ཅན་དེ་བཞིན་ནོ། །རྣམ་རྟོག་ཚོགས་ལ་ཆོས་སྐུས་གདབ། །ཡིད་ཀྱི་རྣམ་ཤེས་ལྡན་པའི་ལྷ། །ཀུན་རྫོབ་སྣོད་བཅུད་སྣང་ལ་གདབ། །ཐུགས་རྗེ་ཆེན་པོ་ཐབས་ཀྱི་མཆོག །མ་ལུས་སེམས་ཅན་ཁམས་ལའོ། །མཚོན་བྱེད་རྫས་ཀྱི་གནོད་པ་འཇོམས། །ཇི་སྙེད་བཏགས་པའི་མིང་ཙམ་མོ། །དབྱིངས་དང་ཡེ་ཤེས་གཉིས་སུ་མེད། །སྤྲོས་མེད་གསལ་ལ་ཕྱོགས་དང་བྲལ། །ཆོས་དབྱིངས་རིག་པའི་ཡེ་ཤེས་ཏེ། །སྐྱེ་འགག་མེད་པའི་ཀློང་དུའོ། །སྣང་ཞིང་སྲིད་པ་དེ་ཡི་ཡུལ། །གཉིས་མེད་སེམས་སུ་རྟོགས་པ་ཐབས། །དེ་ལས་དེ་ཉིད་འཆར་ཞིང་སྟོང་། །མཐོང་ཡོད་སེམས་ལས་མ་འདས་པར། །དེ་ཉིད་ཀྱི་ནི་ཡོན་ཏན་ཡིན། །དཀར་དམར་སྣང་བ་བྱང་ཆུབ་སེམས། །མཉམ་ཉིད་ཡུམ་གྱི་མཁའ་ལ་བཏབ། །ཐབས་དང་ཤེས་རབ་གཉིས་སུ་མེད། །སྐྱེ་འགྲོ་རིགས་ཀྱི་སྲས་སུ་གྲུབ། །མངོན་གྱུར་ལོངས་སྤྱོད་རྫོགས་པའི་སྐུ། །འགྱུར་མེད་གསལ་བ་འབྲས་བུ་ཡིན། །སྙིང་རྗེས་སེམས་ཅན་བློས་མི་འདོར། །མ་དག་སྡུག་བསྔལ་སྦྱང་ཕྱིར་གདབ། །རྒྱུད་དྲུག་ཡུལ་ཏེ་ཚད་མེད་བཞི། །དག་པའི་གོ་འཕང་སྣང་བར་བྱེད། །འཁོར་བའི་གནས་ངན་སྤར་བ་ཡིན། །དེ་ཉིད་རྟོགས་པ་སྤྲུལ་པའི་སྐུ། །འོག་མིན་བདེ་ཆེན་ལྷུན་གྲུབ་གནས། །རྒྱུད་དག་ཆོས་ཀྱི་དབྱིངས་རྟོགས་པ། །དེ་ཡི་བདག་པོ་དེ་འདིར་གནས། །བསྒོམ་བྱ་རྣམ་པར་རྟོག་པའི་ལྷ། །སྣང་ཞིང་ངེས་པ་སྤྲུལ་པའི་ཚོགས། །ཞི་རྒྱས་དབང་དྲག་བྱེ་བྲག་གིས། །རང་གི་དམིགས་པའི་ཡུལ་ལའོ། །སྔགས་རྫས་ཏིང་འཛིན་དེ་ཡིས་གྲོགས། །ཡོན་ཏན་རྟགས་དང་འབྲས་བུར་བཅས། །མཐར་ཕྱིན་དེ་ཡི་བྱེད་པའོ། །རིགས་བཞི་སྲས་ཀྱི་མཆོག་གྱུར་པས། །དམིགས་པའི་དུ་ཏྲ་སེམས་ཀྱི་རྟེན། །གནས་གསུམ་རྩོལ་བས་དེ་བསྒྲལ་ཚུགས། །གང་འདོད་ལས་ལ་སྦྱར་བར་ནུས། །བྱིན་གྱིས་བརླབས་པའི་རྟགས་འབྱུང་ཉིད། །ཕྱོགས་དབུས་རིགས་ལྔ་ཡེ་ཤེས་ལྔ། །ཚད་མེད་བཞི་དང་རྣམ་ཐར་བརྒྱད། །རིགས་ལྔ་སྟོབས་མངའངཇག་ངརགཔ་ང ་པའངརྭགཁྲོ་བཅུ་སྒོ་བ་བཞི། །ཐུགས་རྗེའི་ཤུགས་ཀྱིས་སྐུ་གསུང་ཐུགས། །སྤྲུལ་པར་བཅས་ཏེ་རྫོགས་པའོ། །འདི་ཉིད་རྟེན་དང་བརྟེན་པ་དང་། །ཕྱག་མཚན་ཕོ་ཉེར་ཤེས་པར་བྱ། ཁེས་རབ་བློ་ཆེ་དབང་པོ་རྣོ། །འདོད་ཆགས་ལམ་ནུས་བརྩོན་འགྲུས་ཆེ། །དད་ལྡན་སྙིང་རྗེ་གཞན་དོན་སྤྲོ། །བློས་བཅས་ཞེ་གདུག་གནག་པར་ལྡན། །འདི་དག་དོན་བྱེད་ནུས་པའི་རྒྱུ། །རྫས་བཞི་སོ་སོའི་ནུས་མཐུ་བསྒྲུབ། །ཆུ་ཤེལ་བདུད་རྩི་མེ་ལོང་དང་། །ཉུང་དཀར་དམིགས་པའི་རྫས་ཡིན་ཏེ། །རང་བཞིན་དཀྱིལ་འཁོར་ཐིག་ལེ་དང་། །ཏིང་ངེ་འཛིན་དང་གཟུགས་བརྙན་ཏེ། །དེ་ཉིད་དང་བསྙེན་བསྒྲུབ་གསང་བ་ཡིས། །ལྷ་དང་སྤྲུལ་པ་ཕོ་དང་མོ། །ལྷ་ནི་གཅིག་ལྔ་བརྒྱ་རྩ་བརྒྱད། །སྤྲུལ་པ་ཕྱི་ནང་གསང་བ་ཡིས། །སྐུ་ཡི་ཕྱག་རྒྱ་གསུང་ཡིག་འབྲུ། །གྲུ་གསུམ་རྒྱ་མདུད་ཨེ་ཁྲམ་བཅས། །འཆོལ་དང་འདུས་དང་བསད་པ་དང་། །བང་རིམ་གསུམ་པས་མཐའ་བསྡུས་ཏེ། །འདུས་བྱས་རྫས་སུ་སྣང་བ་ཡིན། །འདི་དག་ང་ཡི་ཚུལ་ཤེས་པས། །ཇི་སྙེད་མཁྱེན་པའི་ཡེ་ཤེས་དང་། །ཇི་ལྟར་གནས་པའི་མཐར་ཐུག་དོན། །དེ་འདིར་རིག་པ་བྱ་བ་ཡིན། །ཞེས་གསུངས་སོ། །ཕྲིན་ལས་འདུས་པ་རྩ་བའི་རྒྱུད་ལས། ཐུགས་རྣམ་པར་དག་པའི་དགོངས་པ་རབ་ཏུ་བསྟན་པའི་ལེའུ་སྟེ་གསུམ་པའོ།། །།དེ་ནས་ཁྲོ་བོའི་རྒྱལ་པོ་ཡིས རིམ་པར་བསྒྲུབ་པ་འདི་གསུངས་སོ། ཁེན་ཏུ་ག་་ཞིང་གཏུམ་པའི་གནས། །བྱང་གི་ཕྱོགས་སུ་གཞོལ་བ་དེར། །མཐུན་པའི་རྫས་དང་ཡོ་བྱད་བསྟར། །བླ་མ་མཉེས་བྱས་གྲོགས་ཀྱི་མཆོག །གང་ལ་དམིགས་པ་དེ་ལྡན་ཞིང་། །རེ་དང་དོགས་པའི་སེམས་སྤངས་ཏེ། །བརྟུལ་ཕོད་དྲག་པོས་འཇུག་པར་བྱ། །ཕྱི་ནང་བསྲུང་བ་འབད་པས་བརྩམ། །རྣལ་འབྱོར་ཆོ་ག་ཡོངས་རྫོགས་ནས། །ནམ་མཁའ་སྦྱངས་པའི་དཀྱིལ་འཁོར་བསྒོམ། །ཨོ་མ་ཧྭ་ཤུ་ཙྭ་ཏ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། ཆོས་རྣམས་དེ་ཉིད་ཡིན་མོད་ཀྱང་། །སྡུག་བསྔལ་སྤྱོད་ལ་ཐུགས་རྗེ་བསྐྱེད། །ཨོ་མ་ཧྭ་དྷརྨ་དྷ་ཏུ་སྭ་བྷ་ཝ་ཨུཏྣ་ཀོ྅ཧ༷། འདུས་སྦྱངས་རྟགས་ཀྱི་གཉེན་པོ་སྟེ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་ལྟ་བུ། །ནམ་མཁའི་དཀྱིལ་ནས་ཐིགས་པ་ཤར། །འབར་བས་མི་རྟོག་ཡི་གེ་ཧུ༷། །རྟོག་པ་བསྐལ་པ་གསུམ་གྱིས་སྦྱངས། །ཡེ་ཤེས་འབྱུང་བ་ཡུམ་གྱི་མཁའ། །རྣམ་དག་དབྱིངས་ལས་ཤར་བའི་རྒྱུ༷། །ཕྲིན་ལས་ཡོངས་གྱུར་གཞལ་མེད་ཁང་། །རང་ལུས་རྫོགས་པ་འདི་ཉིད་དེ། །མཚོན་ཆེན་རྡོ་རྗེ་ཧྭ༷་སྔོན་པོ། །ལུས་ཀྱི་སྒོ་བཅུར་ཤར་བ་དང་། །འཕྲོ་འདུ་གསལ་བའི་ཕྱག་རྒྱ་ཡིས། །ཡེ་ཤེས་སེམས་དཔའ་ཡབ་ཡུརྨི་གཉིས། །སྙིང་གའི་དབུས་སུ་བསྒོམ་པར་བྱ། །མདུན་རྒྱབ་གཡས་གཡོན་གནས་བཞི་མྲ །རིགས་ཀྱི་སྲས་བཞི་བསམ་པའོ། །སྤྱི་གཙུག་ཧུ༷་མཛད་ཡབ་ཡུམ་སྟེ། །དཔྲལ་བར་རྣམ་པར་རྒྱལ་བའོ། །མགྲིན་པར་རྟ་ཡི་མགྲིན་ཅན་དང་། །སྙིང་གར་བདུད་རྩི་འཁྱིལ་པ་བསྒོམ། །ལྟེ་བར་གཤིན་རྗེ་གཤེད་པོ་སྟེ། །གསང་བའི་གནས་སུ་སྟོབས་པོ་ཆེ། །དཔུང་པ་གཡས་སུ་དབྱུག་སྔོན་ཅན། །གཡོན་དུ་ཁམས་གསུམ་རྣམ་རྒྱལ་ལོ། །རྐང་པ་གཡས་ལ་མི་གཡོ་བ། །གཡོན་ལ་གཞན་གྱིས་མི་ཐུབ་པའོ། །ཡན་ལག་མཐིལ་བཞི་སྒོ་མ་བཞི། །བ་སྤུའི་བུ་ག་ཐམས་ཅད་ཀྱང་། །ཧུ༷་སྔོན་འབར་བ་རྡོ་རྗེར་བསྒོམ། །ཕུང་པོ་རྡོ་རྗེས་གཏམས་བྱས་ནས། །སྟེང་འོག་གནས་གསུམ་སྐུ་གསུང་ཐུགས། །ཉི་མའི་དཀྱིལ་འཁོར་ཧུ༷་ལྡན་པའི། །རྣམ་པར་ཤེས་པ་རྡོ་རྗེར་བསྒོམ། །སྤྱི་གཙུག་ཡེ་ཤེས་རྒྱུན་སྦྱར་བས། །དྲི་མ་༄༅ བསལ་བར་རིགས་ཆེན་ལྔ། །སྙོམས་མཛད་བྱང་ཆུབ་སེམས་ཀྱི་རྒྱུན། །མགྲིན་པར་བབས་པས་དངོས་པོར་འཛིན། །བསལ་བའི་འབྲས་བུ་སྣང་མཐའ་ཡས། །ཡེ་ཤེས་འཁོར་ལོ་ལྷ་མོར་གྱུར། །བདག་ལ་ཐིམ་པས་བདེ་བར་གྱུར། ཁྲེས་རབ་ཡེ་ཤེས་གསལ་བའི་དབང་། །གཉིས་མེད་ཐིམ་པས་དབང་བཞི་རྫོགས། །སྙིང་རྗེས་བསྒྲལ་བའི་དམ་ཚིག་ནི། །མ་ལུས་མཛད་པས་ཀུན་དྲངས་ཏེ། །རྒྱལ་བའི་སྲས་སུ་བྱ་བ་ལས། །གསད་ཅིང་གནན་པར་མ་ཡིན་ཏེ། །འཕྲོ་འདུ་ལས་ལ་ཀུན་སྦྱོར་བས། །འདི་ནི་བསྙེན་པའི་མཆོག་ཡིན་ནོ། །གསོལ་བཏབ་དབང་བསྐུར་རབ་རྫོགས་ནས། །མཁའ་དབྱིངས་གསང་གནས་བྱིན་བརླབས་ཤིང་། །མཉེས་མཛད་བསྐུལ་པའི་འོད་ཕུང་ལས། །འཕྲོ་འདུ་ལས་ཀྱི་གསལ་བར་ཤར། །ཧུ༷་ཧུ༷་ཧུ༷་ཧུ༷། ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ་ཧུ༷་སྨྱོ། ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ་ཧ་ཧེ།ཛ༷༷ཧུ༷་བ༷་ཧོ༷༷། །སྲིད་པའི་ཕུར་པ་མངལ་སྐྱེས་ཚུལ། །རང་གི་མིང་གི་འོད་ཀྱི་དབྱིངས། །སླར་འདུས་སོ་སོའི་གདན་ཡིན་ཏེ། །བརྒྱ་བྱིན་མེ་ལྷ་གཤིན་རྗེ་དང་། །སྲིན་པོ་ཀླུ་དང་རླུད་གི་ལྷ། །གནོད་སྦྱིན་དབང་ལྡན་ས་བདག་དང་། །ཚངས་པ་ཉི་ཟླ་འདི་རྣམས་ཀུན། །རང་གི་མིང་ནས་བྱུང་བའི་སྟེང་། །འཁོར་བཅས་རྫོགས་པའི་ལུས་སུ་བལྟ། །བདག་ཉིད་གསལ་བ་དམ་ཚིག་གི །སྙིང་གའི་འོད་འབར་ཧུ༷་སྔོན་ལས། །སྲིད་པའི་ཕུར་ཀྱི་བྱིན་རླབས་ཀྱིས། །བདག་ལ་བྱིན་གྱིས་བརླབས་མཛད་ཅིང་། །བདག་གི་ལྷག་པའི་བསམ་པ་རྣམས། །འགྲུབ་པར་བྱིན་གྱིས་བརླབས་པའོ། །བསྐྱིལ་ཞིང་རྒྱན་ཡང་བསྐྱིལ་བ་ལ། །སེམས་ཀྱི་ཆོས་ལ་སྐུ་མི་མངའ། །སྒྲ་ལས་འདས་པའི་སྦྱོར་བ་སྟེ། །བསམ་དང་བྲལ་བའི་ཡེ་ཤེས་སོ། །སྲིད་གསུམ་འཇོམས་མཛད་མཉམ་ཉིད་ངང་། །ཁྲོ་བོ་རྡོ་རྗེ་འདུ་འཕྲོ་མཛད། །ཁྲོ་བོ་འགྲོ་དོན་མཛད་ཕྱག་འཚལ། །དགུག་ཅིང་བསྡམ་དབབ་ཕྱག་རྒྱ་ཡིས། །ནམ་མཁའི་ཁམས་དང་གཉིས་མེད་སྦྱོར། །དེ་ཉིད་བདུད་རྩི་བཏུང་བའི་མཆོད། །སྔགས་ལ་བརྩོན་པའི་རྣལ་འབྱོར་དེས། །བདག་གཞན་དོན་གྱི་བཟླས་པ་བརྩམ །སྔགས་འོད་ཡུམ་གྱི་ཞལ་སྒོར་ཞུགས། །སྡིག་བྲལ་དབུ་མའི་ནང་བརྒྱུད་དེ། །དབྱིངས་ནས་གསང་བའི་ལམ་ལ་ཐིམ། །དེ་ཉིད་དབྱིངས་ནས་ཧུ༷་ལས་བསྐུལ། །ལུ་གུ་བརྒྱུད་ཀྱིས་བརྗོད་པར་བྱ། །རྟེན་འབྲེལ་ལུགས་ལས་བཟློག་པའོ། །མཚན་མ་འབྱུང་བའི་བཟླས་པ་ནི། །གཙོ་ཆེན་ཡབ་ཡུམ་ཐུགས་བསྐུལ་བས། །ཆོས་སྐུ་སྤྱན་དྲངས་ཞལ་དུ་ཐིམ། །དབུ་མའི་ནང་བརྒྱུད་པདྨར་བབས། །འཕྲོ་འདུས་སྲས་མཆོག་འདུས་ཀུན་རྫོགས། །ཀི་ལ་ཡ་ཡིས་ངེས་ཕྱུང་སྟེ། །གཙོ་དང་མཐུན་པའི་སྐུ་མདོག་ལ། །སྐུ་སྨད་ཟུར་གསུམ་སྐུ་གསུང་ཐུགས། །རྒྱན་ལྡན་འབར་བའི་ཀློང་ན་བཞུགས། །ཡེ་ཤེས་ཁྲོ་བོ་དེ་འདྲ་དབབ། །ཕྱི་ནང་གསང་བ་དེ་ཉིད་ཀྱིས། །མཉེས་པའི་ཆོ་ག་ཚུལ་བཞིན་བྱ། །འབྲུ་ནག་དུག་ཁྲག་བདུད་རྩི་ཡིས། །དབང་བྱིན་བརླབས་ཏེ་ལས་ལ་མངག །སྙིང་དབུས་ས་བོན་ལས་སྔགས་སྤྲོ། །ཚུལ་འདྲའི་གཟུགས་ལ་ངེས་པར་བསྟིམ། །ཨོ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། །ལྡེག་འབར་འོད་དང་སྒྲ་འབྱིན་དང་། །བཟང་པོ་མ་མཐོང་བར་དུའོ། །སྐྱོ་དུབ་ཐུན་མཚམས་བྱ་བའི་དུས། །འདི་ནི་སྒྲུབ་པ་བླ་མེད་པའོ། །ཕྲིན་ལས་འདུས་པ་རྩ་བའི་རྒྱུད་ལས། བསྙེན་པ་དང་བསྒྲུབ་པ་བསྟན་པ་རྩ་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་ཁྲོ་རྒྱལ་གྱིས། །ཉིད་ཀྱི་སྐུ་ཡི་དཔའ་བོའི་ཆས། །ཡོན་ཏན་ཁྱད་པར་འདི་བཤད་དོ། །གླང་ཆེན་ཀོ་རློན་ཐེག་ཆེན་སྟོབས། །དཔའ་གཏུམ་ཟ་བྱེད་སྟག་གི་རྒྱན། །མཉེན་ལྕུག་འཁྲིལ་ཡུམ་སྦྲུལ་གྱིས་བརྒྱན། །བྱང་ཆུབ་སེམས་ལྡན་ཙརྨ་སྟེ། །ཐོད་ཕྲེང་གསུམ་ནི་སྐུ་གསུང་ཐུགས། །ཐུགས་རྗེ་ཆགས་པ་རཀྟའི་རྒྱན། །གདུལ་བྱའི་ཕྲིན་ལས་ཐལ་ཆེན་པོ། །ཞག་གི་རི་མོ་དོན་དམ་བཅུད། །རྒྱུ་ཡིས་མཚོན་ནས་དོན་དྲུག་ལྡན། །གླང་ཆེན་རྒྱས་སྟོབས་ཆེས་རྒྱབ་ཡང་། །ལུས་རགས་རིན་ཐང་ཆེ་འགྱུར་ཞིང་། །ཁྲོམ་བཏགས་གཞན་གྱི་དཔུང་འཇོམས་ནུས། །ཐེག་ཆེན་འདིར་ནི་ལམ་ཀུན་ཤོངས། །དགེ་དང་མི་དགེ་མཉམ་པར་འདེགས། མཚམས་མེད་ལས་སོགས་བྱས་པའང་ཤོངས། །ཉོན་མོངས་འདོད་ཡོན་མ་སྤངས་འགྲུབ། །ལམ་འདི་ཡོན་ཏན་དཔག་ཏུ་མེད། །མ་རིག་ཟག་པ་མྱུར་དུ་འཇོམས། །སྟག་ལྤགས་མཛེས་ཤིང་དཔལ་འབར་འཛིན། །རྩལ་ལྡན་ཤ་རུས་མི་འབྱེད་ཟ། །རི་དྭགས་ཆེན་པོའི་གཉེན་པོར་འགྱུར། །གཅན་གཟན་ཕྲ་མོ་ཟིལ་གྱིས་གནོན། །དུག་ལྔ་རིགས་ལྔ་ཤེས་པས་དཔའ། །ཉོན་མོངས་ཡེ་ཤེས་གྲུབ་པས་མཛེས། །ཐུགས་རྗེས་དབྱེ་བསྲིང་ཡོངས་མི་མཛད། །བག་ཆགས་སྟུག་པོ་དུས་གཅིག་འཇོམས། །དྲེགས་པ་དུ་ཏྲོརེ་གཉེན་པོར་འགྱུར། །དམན་པའི་སྤྱོད་པ་ཟིལ་གྱིས་གནོན། །སྦྲུལ་འཇིགས་བརྗིད་པ་གདུག་པ་ཆེ། །མཉེན་ཞིང་ལྕུག་ལ་དྲི་མ་འབྱར། །ཁ་དོག་གསལ་ཞིང་དུ་མར་སྣང་། །སྤྱོད་པ་འདི་ཉིད་སྔངས་ཤིང་འཇིགས། །ཉིད་ལ་བརྗིད་ཅིང་གཞན་ལ་གདུག །རང་གཞན་དོན་ལ་འདུད་ཅིང་མཉེན། །འབྲས་བུའི་ཁྱད་པར་གསལ་ཞིང་མཐོང་། །བསྐྱེད་རྫོགས་ཆེ་དང་ལམ་འབྲས་བུ། །གང་ཟག་བློ་ལ་སྣ་ཚོགས་སྟོན། །དུག་གསུམ་ལམ་གྱིས་ལོག་ལྟ་འདུལ། །ཐུགས་རྗེ་ཟིན་པ་དམན་མི་གཏོགས། །ཞིང་ལྤགས་མཐོང་འཇིགས་ཚིལ་ཁྲག་ཆུ་སེར་བ་སྦུར་བཅས། །གྲང་མཉེན་རླུང་སྐྱོབ་ཡན་ལག་ཚང་། །འདི་ནི་ཟབ་པའི་སྤྱོད་བླངས་པས། །ངན་པའི་བལྟ་བ་འཇིགས་པ་བསྐྱེད། །དམན་ལ་མོས་པའི་ཡིད་སྐྲག་འགྱུར། །གནས་དང་འཕོ་དང་ཞི་བ་དང་། །ཁྲོ་བརྟན་སྨྱུགས་བསྐྲད་བསྡུས་དང་གཏོར། །རྒྱས་ཞུམ་འཕམ་རྒྱལ་དབང་དུ་བྱ། །རྡོ་རྗེའི་ཐེག་མཆོག་འདི་ལ་གནས། །བསྟན་པ་དང་ནི་ངེས་པ་དང་། །སྒྲ་ཙམ་སྒྲ་མིན་དགོངས་པ་དང་། །ཐོལ་བྱུང་དང་ནི་ཡི་གེ་དང་། །སྤྱི་དང་གབ་སྦས་བརྡ་དང་ཐབས། །བླ་མ་མཉེས་ལ་དྲང་ཞིང་མཉེན། །ལས་ཀྱི་རླུང་དང་གཡུལ་ངོ་བཟློག །གཞི་ལམ་འབྲས་བུ་ལྟ་སྤྱོད་དང་། །དམ་ཚིག་བྱིན་རློབ་ཡན་ལག་ཚང་། །སྐམ་རློན་ར་རི་དབང་པོ་ཚང་། །རིགས་ལྡན་པ་དང་ཟླུམ་པ་དང་། །སྤྲོས་པ་ཉེར་ཞི་ཆོས་ཀྱི་སྐུ། །དུས་གསུམ་དགོངས་པ་ཚང་ཞིང་གཙང་། །འོ།ངས་སྤྱོད་རྫོགས་སྐུ་རོལ་པ་སྐྲ། །དག་པའི་ཏིང་ངེ་འཛིན་ལ་གནང་། །ཁྱིམ་ན་སྤྱོད་པའི་ཆ་ལུགས་འཛིན། །གཞན་དོན་སྤྲུལ་པ་དྲུག་ལ་སོགས། །སྐུ་གདུང་རིང་བསྲེལ་ལྷག་མར་བཅས། །རིགས་དང་ཕ་མ་གཉེན་འདུན་དང་། །འཁོར་དང་བསྟན་པ་གནས་པའི་ཚད། །ཕྱིར་མི་ལྡོག་དང་སྐྱེ་བ་གཅིག །ཐོགས་པ་ཙམ་དང་སྲིད་མཐའ་མ། །མངོན་པོར་བྱང་ཆུབ་གསལ་བར་ལྡན། །སེམས་དཔའ་ཆེ་བའི་ལམ་ཐོབ་ནས། །ཡོངས་རྫོགས་སྲིད་ཀྱི་ཕོ་བྲང་རགས། །མི་རྟོག་པ་ལ་རྣམ་མི་དམིགས། །མཚན་མའི་སྤྲོས་ ལས་དབེན་པ་ཡིས། །ཐབས་དང་ཤེས་རབ་ཟུང་འབྲེལ་ཞིང་། །སྐབས་དོན་རྡོ་རྗེ་ཐེག་པར་གསལ། །རཀྟ་རླན་གདོང་དམར་ནག་ལྡན། །སེར་འདྲེས་བགོས་སླ་བསྒྱུར་བར་ནུས། །མི་དམིགས་ཐུགས་རྗེ་ཆགས་ཤིང་བརླན། །ཆོས་དབྱིངས་ཡེ་ཤེས་ཀུན་ལས་གདོང་། །ཉེ་བར་དགོངས་ཤིང་ངང་ལ་གནས། །ཆེ་བའི་ཡོན་ཏན་ཚོགས་ཀྱིས་བརྒྱན། །ཡེ་ཤེས་ཕྲ་རགས་སྐད་ཅིག་མཁྱེན། །ཐ་དད་སྣང་ཞིང་གཞན་བསྒྱུར་བས། །གདུལ་བྱའི་རིགས་ལ་འཚམས་པའི་རྐྱེན། །ལྷག་པར་རྟགས་ཀྱི་དོན་ལྡན་པའི། །དཀར་ཞིང་གསལ་མཉེན་ཞི་བསྒོ་མྱུར། །ཕྱིར་བསལ་སླ་ཚ་ཕྱིར་གསལ་སླ་བ་ཕྲིན་ལས་དོན། །ཐོག་མའི་མུན་པ་མ་ལུས་སེལ། །ཡེ་ཤེས་སྣང་བའི་ཚོགས་ཀུན་བསྐྱེད། །དྲག་པོས་ལས་སོགས་མྱུར་དུ་འདུལ། །ཁམས་དང་བག་ལ་ཉལ་བ་དང་། །ཇི་ལྟར་འཚམས་པ་དེ་བཞིན་སྟོན། །ངེས་འབྱུང་སྐལ་བ་ཡོད་པ་ཡིས། །རྣམ་གྲོལ་གོ་འཕང་མྱུར་འཐོབ་བྱེད། །བག་ཆགས་ཅུང་ཟད་མི་གནས་པར། །འབྱིན་པའི་དོན་དེ་ཉེ་བར་གནས། །བཅུད་མཆོག་སྣུམ་ཞུན་རོག་པ་མཉེན། །འཀྱུ་བའི་ནད་སེལ་བསལ་མི་ནུས། །དྲི་དང་ཁ་དོག་རབ་གསལ་བཞིན། །རྡོ་རྗེ་ཐོག་མཆོག་གྱ་ནོམ་པ། །རིག་པ་ཅན་གྱི་གཉེན་པོར་འགྱུར། །ཉོན་མོངས་ལྔ་དང་དྲུག་ཉིད་ཀྱིས། །ཡན་ལག་ནད་དུ་གྱུར་པ་སེལ། །གྲངས་མེད་དབར་དུ་ཆུད་མི་ཟ། །བློ་ངན་ཤེས་རབ་ཆུང་བ་ཡིས། །འདི་ལ་ངེས་འབྱུང་སྐལ་མེད་དེ། །དུས་ལ་བབ་ན་སར་གནས་བྱེད། །འདི་དག་རྫོགས་ཕྱིར་རབ་ཏུ་བརྒྱན། །གཞན་ཡང་ང་ཡི་བསྟན་པ་འདིས། །རྡོ་རྗེའི་ཐེག་པ་ཆེར་ལྡན་ཞིང་། །ཁོང་དུ་ཆུད་པའི་མཐུ་མངའ་བས། །གླང་ཆེན་ཀོ་རློན་རབ་ཏུ་བགོས། །རྒོལ་བ་མཐུན་པར་ཚར་གཅོད་ཕྱིར། །སྟག་གི་ཤམ་དུ་དཀྲིས་པའོ། །ལྟོ་འཕྱེའི་དུག་འཇོམས་སྦྲུལ་གྱིས་བརྒྱན། །སེམས་གཉིས་མི་འགྱུར་ཙརྨའོ། །སྐུ་གསུམ་ངང་གིཐོད་ཕྲེང་བརྒྱུས། །ཞི་བའི་སྙིང་རྗེས་མི་གནས་ཆགས། །གཞན་དོན་གཟིགས་པ་རཀྟའོ། །དགེ་བ་འཕེལ་བྱེད་ཐལ་ཆེན་ཏེ། །ཀུན་གྱི་སེམས་རྟོགས་བཅུད་ཀྱིས་བརྒྱན། །གཞན་ཡང་གཏི་མུག་འདོད་ཆགས་དང་། །ཞེ་སྡང་འཇིག་ཚོགས་ཕྲག་དོག་དང་། །སེར་སྣ་ང་རྒྱལ་མ་བརྟགས་སྤྱོད། །དབང་བྱེད་རིམ་བཞིན་རྟགས་ཀྱིས་བརྒྱན། །ཁ་ཅིག་ཏུ་ན་སྔོན་བཞིན་དུ། །ཕྲིན་ལས་ཆེན་པོ་མཛད་པའི་དུས། །དྲེགས་པ་དུ་ཏྲ་དེ་འཁོར་བཅས། །བྱི་ན་ཡ་ག་གླང་ཆེན་གཟུགས། །མཁའ་འགྲོ་ཆེན་མོ་སྟག་མགོ་ཅན། །མཐའ་ཡས་ཀླུ་དང་ལྷ་ཆེན་པོ། །བསྒྲལ་བའི་པགས་པ་ཐོད་ཕྲེང་དང་། །ཁྲག་ཞག་དང་ནི་ཐལ་བས་བརྒྱན། །ཐུན་མོང་ཁྱད་པར་ཕྱི་དང་ནང་། །རྟགས་ཀྱི་དོན་མཚོན་ཙམ་ཉིད་དེ། །དོན་དམ་ངེས་པ་ཡུལ་དང་དངོས། །དེ་ལ་བྱ་དང་བྱེད་པ་མེད། །གཏུམ་ཞིང་ཁྲོ་བས་འདུལ་བ་ལ། །རང་གི་སྣང་བ་སངས་རྒྱས་མཐུ། །ཞེས་གསུངས་སོ། །ཕྲིན་ལས་འདུས་པ་རྩ་བའི་རྒྱུད་ལས། དུར་ཁྲོད་ཆེན་པོའི་ཆས་རྒྱན་གྱི་རྟགས་དང་ཡོན་ཏན་གྱི་ལེའུ་སྟེ་ལྔ་པའོ།། །།དེ་ནས་ཁྲོ་བོའི་རྒྱལ་པོ་ཡིས། །མངོན་སྤྱོད་ལས་ཀྱི་རིམ་པ་ལས། །མཆོད་སྤྱིན་དྲག་པོ་འདི་གསུངས་སོ། །རྩ་བའི་དཀྱིལ་འཁོར་ཉིད་ཀྱི་དྲུང་། །གྲུ་གསུམ་ཁྲུ་གང་རྒྱ་དང་དཔངས། །མུ་རན་སོར་གསུམ་སླར་བསྟོད་དེ། །ཁྲུ་གང་ཨེ་ཡི་དབུས་ཉིད་དུ། །གཅོད་པའི་འཁོར་ལོ་རྩིབས་བཞི་བྲི། །མིང་དང་མཚན་མ་དབྱིངས་སུ་དགོད། །ཕྱི་རོལ་སྲས་མཆོག་ཕྱག་མཚན་ནོ། །གྲི་ས་ཚངས་སྒོ་ཅན་དག་གི །རོ་བསྲེག་ཐལ་བ་ས་ནག་དང་། །རྔ་བོང་བོང་བུའི་བདུད་རྩི་བྱུགས། །འབྲུ་ནག་མེ་ཏོག་ནག་པོ་དགྲམ། །ཚ་ཞིང་རྩུབ་ལ་རྣོ་བའི་ཤིང་། །ཨེ་ཡི་དབྱིབས་སུ་བརྩེག་པར་བྱ། །དུག་ཤིང་གིས་ནི་ཕྱོགས་མཚམས་བསྐོར། །འཕན་གདུགས་རྒྱལ་མཚན་བླ་རེ་དང་། །བ་དན་ཞལ་ཁེབས་ནག་པོས་བརྒྱན། །སོར་བཅུ་རྩ་གཉིས་རྣོ་དབལ་ལྡན། །དུག་ཁྲག་འབྲུ་མར་ནག་པོར་བཅས། །ཁྲེ་འབྲུ་ཁྲག་དང་ལན་ཚྭ་དང་། །སྐྱེ་ཚེ་ནིམ་པ་རོ་ཐལ་དང་། །ཉུང་ནག་དུག་དང་མེ་ཏོག་ནག །སྔོན་པོ་གྱོ་མོ་རྡོ་ཕྱེ་དང་། །རྩུབ་པའི་ཤ་ཁྲག་སྣ་ཚོགས་དང་། ། བོང་བུ་རྔ་བོང་བྱ་རོག་གི །བདུད་རྩི་ཤ་ཁྲག་སྤུ་དང་སྒྲོ །ཚེར་མ་རུས་ཕྱེ་བཤང་གཅི་དང་། །གྲོག་མཁར་ས་དང་སྤྲུ་མ་དང་། །དམིགས་པའི་བདུད་རྩི་ལ་སོགས་བསྟར། །དུས་ནི་ནག་པོའི་ཕྱོགས་དག་གི །ཕྱི་དྲོ་སྲོད་དང་གུང་གཉིས་ལའོ། །ང་རྒྱལ་འཆང་བ་བདག་ཉིད་ནི། །ཁྲག་དང་དུག་གཤེར་གོས་ནག་བགོ །རྐང་པ་གཡོན་གྱིས་གཡས་མནན་ཅིང་། །བྱང་གི་ཕྱོགས་སུ་ཁྲོས་སྟབས་བལྟ། །བ་གླང་ཆུ་དང་བདུད་རྩི་སྦྱར། །བདུད་རྩི་རྒྱལ་པོ་ཡུམ་དང་བཅས། །རང་གི་སྔགས་བཟླས་ལས་ཀྱི་ཆུ། །གཡས་ཀྱི་ཕྱོགས་སུ་གཞག་པར་བྱ། །རྫས་གཞན་རྣམས་ནི་གཡོན་ཕྱོགས་སུའོ། །སྟོང་པ་ཉིད་ལ་བསམ་པའི་དངོས། །ཨ་ཡིས་ཟླ་བའི་དཀྱིལ་འཁོར་དབྱུང་། །སྟེང་དུ་སྒྲ་ཡིག་དང་པོ་ལས། །རྡོ་རྗེ་རྩེ་དགུ་འོད་འབར་བ། །ས་བོན་རྒྱུ་ཡིས་མཚན་པར་བསྒོམ། །ལས་ཀྱི་སྒྲ་བརྗོད་འཕྲོ་འདུ་ཡིས། །གཙོ་ཆེན་རྡོ་རྗེ་འཆང་བ་དེ། །སྦར་བཤད་རྟགས་དང་ལྡན་པར་བྱ། །རིགས་ཀྱི་བདག་པོས་དབུ་མནན་ཅིང་། །རང་གི་སེམས་དཔའ་སྙིང་ལ་གནས། །གསང་བའི་གནས་བྱུང་སྨྱོ་ལས་ནི། །དགྱེས་པའི་ཡུམ་ཉིད་ཚུལ་བཞིན་དབྱུང་། །དེ་ཉིད་དབྱིངས་ཀྱི་གནས་མཆོག་ཏུ། །མིང་གི་ས་བོན་རིག་པ་སྤྲོ། །སྤྲོ་དང་བསྡུ་བ་མངོན་གསལ་བས། །ཚུལ་འདྲའི་ཡེ་ཤེས་དཀྱིལ་འཁོར་བདག །གནས་དབུས་ཉིད་དུ་འབོད་པར་བྱ། །ཕྱི་རོལ་དུ་ནི་སྲས་མཆོག་དང་། །ཇི་སྙེད་པ་ཡི་འཁོར་རྣམས་ཉིད། །གཙོ་བོ་དང་མཐུན་རིགས་ཀྱིས་དབྱུང་། །ལས་ལ་འབད་པའི་ཚོགས་ཀྱང་བཞག །སྙིང་ན་རྡོ་རྗེ་རྣམ་བསམས་ནས། །ལག་པ་རྡོ་རྗེ་བསྡུ་མཛད་དེ། །དགུག་གཞུག་བཅིང་དང་དབང་དུ་བྱ། །ལྕེ་ལ་ཆོས་ཀྱི་ཕྱག་རྒྱ་བཞག །རྒྱས་གདབ་ཕྱག་རྒྱ་ཆེན་པོའོ། །གདན་བསྟབ་པ་དང་འདུད་པ་དང་། །མཆོད་བསྟོད་མཉེས་བྱ་སྒྲ་ཚིག་དབུལ། །དེ་ནས་མེ་ལྷ་མདོག་ནག་པོ། །པདྨ་ནག་པོ་ལ་འདུག་ཅིང་། །ཁྲོས་པའི་ཚུལ་ཅན་བསྐྱེད་པར་བྱ། །གདོལ་པའི་ཁྱིམ་མམ་དུར་ཁྲོད་ནས། །བླངས་པའི་མེ་ལ་དྲག་པོར་འབུད། །གཡོན་པས་བདུད་རྩི་བསང་་ཏོར་བྱ། །སྤྱན་དྲང་བ་དང་བགེགས་བསྐྲད་དང་། །བསྲུང་དང་ཕྱོགས་བཅིང་ངེས་པར་བྱ། །བྱིན་གྱིས་བརླབ་པ་རབ་ལྡན་པ། །དམ་ཚིག་གསང་བའི་བཀའ་དབང་བྱ། །མཆོད་ཡོན་ནག་པོ་དྲི་ ང་བས། །ནག་པོའི་ཆ་ལུགས་འཛིན་པ་མཉེས། །ལྕེ་གཟར་ཁ་ལ་རང་སྔགས་བསམ། །གཡོན་གྱིས་བླུག་པའི་གཟར་བུ་བཟུང་། །བདུད་རྩི་གདུག་པའི་མར་བཅུས་ཏེ། །ཤིན་ཏུ་གདངས་པའི་ཞལ་དེ་མྲ །བདུན་ནམ་ཉི་ཤུ་རྩ་གཅིག་དབུལ། །ཨོ༷་བཛྲ་ཨ་ན་ལ་ཨསྣི་མ་ཧྭ་པུ་ཛ་སརྦ་བྷསྨི་ཀུ་རུ་སརྦ་ཤུ་ཏ་ཧུ༷་ཕཊ། མཉེས་ཤིང་བགེགས་བསྐྲད་དངོས་གྲུབ་གསོལ། །མཆོད་བསྲེག་རྫས་གཞན་རྣམས་ཀྱང་དབུལ། །འབར་བ་དང་ནི་འཁྱིལ་པ་བརྟག །དེ་ནས་རིགས་ཀྱི་བདག་པོ་ཉིད། །རིག་མར་བཅས་པའི་རྫས་ཀྱི་གསང་། །ཁྲག་འཐུང་ཁྲོ་བོ་འཁོར་དང་བཅས། །འབར་བའི་དབུས་སུ་དྲངས་བྱས་ཏེ། །སྔར་བཤད་ཆོ་གས་མཉེས་པར་བྱ། །ལྕེ་ཡི་དབུས་དང་བླུག་གཟར་མཐིལ། །ཆོས་ཀྱི་ཡི་གེ་འབར་བར་བསམ། །ཨོ་བཛྲ་ཀུ་མུ་ར་དིསྟ་ཙཀྲ་ཀི་ལི་ཀི་ལ་ཡ་ས་མ་ཡ་མུ་དྲ་པྲ་བྷན་ཙཀྲ་མེ་ཏི་རེ་ར༷་ཁ་ཁ་ཁའ་ཧི་ཁའ་ཧི། །དགང་བླུགས་ཀྱིས་ནི་དང་པོ་སྲ །དུག་དང་བསྐུ་བའི་འབྲུ་མར་དབུལ། །དེ་ནས་རྫས་ཀུན་ཐམས་ཅད་དེ། །ཐ་མར་དུག་དང་འབྲུ་མར་ཏེ། །བརྒྱའམ་སྟོང་དུ་དབུལ་བར་བྱ། །ལྷག་མ་ལྷ་རྣམས་རང་རང་གི །སྔགས་ཀྱི་ཕྲེང་བདག་གིས་སོ། །དེ་ནས་རྫས་ཀུན་གཅིག་བསྡུས་ཏེ། །དུག་དང་ཁ་བའི་འབྲུ་མར་ལ། །དམིགས་པའི་གཟུགས་བཅས་གཞུག་ཅིང་དགུག །མཐེ་ཆུང་ནས་པས་བཀྲག་མདངས་བསྐྱེད། །དྲག་པོའི་ལས་ལ་འཇུག་པར་ནུས། །གནས་ནས་དགུག་པར་བྱ་བ་ནི། །སྔགས་བཟླས་འོད་ཟེར་དྲག་པོ་ལས། །སྟོང་གསུམ་གང་བའི་ཁྲོ་བོའི་ཚོགས། །ཡུལ་དེ་དགུག་ཅིང་སྟིམ་པར་བྱེད། །སྔོན་དུ་བཤད་པའི་ཆོས་རྣམས་ཀྱིས། །དམ་ཚིག་ཆེན་པོའི་དུས་ལ་བབ། །ཀུན་གྱི་སྦྱོར་བའི་བྱིན་རླབས་སྤྲུལ། །སྤྲུལ་པ་ཆེན་པོའི་དུས་ལ་བབ། །དེ་དག་བཀའ་སྡོད་ཕོ་ཉ་མ། །ཕྱག་བརྙན་ཆེན་མོའི་དུས་ལ་བབ། །ཇི་ལྟར་ནོས་ཤིང་ཁས་བླངས་པ། །ཁྱོད་ཀྱི་དམ་ཚིག་དུས་ལ་བབ། །དང་པོ་དམ་པ་དོན་གྱི་ཕྱིར། །བྱང་ཆུབ་མཆོག་གི་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང་། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཅིག་གིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཕོ་ཉ་འཇིག་རྟེན་རབ་གང་བས། །གདུག་པ་ཀུན་བསྟིམ་ལས་ཀུན་བྱེད། །ཨོ་བཛྲ་ཀི་ལི་ཀི་ལ་ཡ་ཛ༷༷ཧུ༷་བ༷་ཧོ༷༷། །འདྲེན་པའི་སྙིང་པོ་འདི་ཡིས་ནི། །ཡུད་ཙམ་དེ་ཉིད་གནས་སུ་དགུག །ཨོ་བཛྲ་ཀི་ལི་ཀི་ལ་ཡ་ཧུ༷་ཧུ༷་ཧུ༷། །ཕཊ་ཕཊ་ཕཊ། བཛྲ་གིང་ཀ་ར་ཧྲུ༷་ཧུ༷་ཨ་ཨུ། རླུད་གིས་ཤིང་ལོ་བསྐྱོད་བཞིན་དུ། །དབང་སྡུད་ཟིལ་གྱིས་གནོན་པ་ནི། །ཨོ་བཛྲ་ཀུ་མྱ་ར་བྱུདྷ་ཧེ་རུ་ཀ་རཏྣ་ཧེ་རུ་ཀ་པདྨ་ཧེ་རུ་ཀ་ཀི་ལི་ཀི་ལ་ཡ་ཧུ༷་ཧུ༷་ཧུ༷་ཧུ༷། ཕཊ་ཕཊ་ཕཊ་ཕཊ། དེ་ཡིས་རི་རབ་བཞིན་དུ་འགྱུར། །གཡོ་འགུལ་དྲན་པ་མེད་པར་བྱེད། །དེ་ནས་ཁ་སྦྱར་རབ་ཏུ་དགེ །གཞན་བསྲུང་བ་ལ་དབྱེ་བ་ནི། །བརྣག་པས་ཐུན་བཞི་འ༷ བྲོས་པར་འགྱུར། །དེ་ནས་གཟུགས་ལ་བསྡུ་བ་ནི། །དངོས་གྲུབ་བར་ཆད་བྱེད་པའི་བགེགས། །ལྷ་འམ་འོན་ཏེ་བདུད་ཀྱང་རུང་། །ཟུང་ཞིག་རྒྱོབ་ཅིག་རྣམ་པར་ཆིངས། །རྡེགས་ཤིག་གྲོགས་དང་བྲལ་བར་གྱིས། །ཨོ་ཨ་བ་ར་བིདྷདྨ་ཚིན་དྷ་ཚིན་དྷ་ཧུ༷་ཕཊ། སྟིན་དྷ་སྟིན་དྷ་ཧུ༷་ཕཊ། གྲིཎྜ་གྲིཎྜ་ཧུ༷་ཕཊ། ཧ་ན་ཧ་ན་ཧུ༷་ཕཊ། བན་དྷ་བན་དྷ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧུ༷་ཕཊ། །ཕུར་པ་དང་ནི་འབྲུ་ཐུན་བརྡེག །ཧ་ས་ཡ་ར་ན་ད་ཧ་ན་ཧུ༷་ཕཊ། ཁྲག་དུག་སྦྱར་བའི་ཐུན་གྱིས་བརྡེག །ཐྲི་ཀྲི་ཨུ་ན་ཡ་ཧུ༷་ཕཊ། །དུད་པ་དང་ནི་ཐལ་བས་བརྡེག །ཛ་ལ་པ་ཡ་ཛ་ལ་པ་ཡ་ཧུ༷་ཕཊ། མཚོན་ཆ་དྲག་པོས་གཏུབ་པར་བྱ། །ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། །བི་ད་ཡ་བི་ད་ཡ་ཧུ༷་ཕཊ། །འདི་ཡིས་དབབ་ཅིང་དབང་དུ་སྡུས། །བྱིན་གྱིས་བརླབས་པར་བྱ་བ་ནི། །ཐུགས་ཀའི་ཧུ༷་གི་སྤྲོ་བསྡུ་ལས། །གདུལ་བྱའི་སྙིང་ལ་ཁྲོ་བོ་ཞུགས། །གོང་མའི་གནས་བསྐུལ་སྐྱོ་བས་ཕྱུང་། །ཉེས་པའི་ཚོགས་བཤད་བདག་ཉིད་ཁྲོས། །སྙིང་རྩ་བཅད་ཅིང་བདག་ལ་བསྡུས། །དེ་ནི་དེ་ཡི་དབྱེ་བའོ། །ཐོག་མའི་དུས་ན་གནས་དབྱེ་བ། ཀྱོ་བ་འཛིན་མཛད་ཁྲོ་བོ་སྤྲོས། །དེ་ཉིད་གནས་བཅུ་དག་ནས་དབྱུང་། གཟུགས་ལ་བསྡུ་བའི་གནས་ཡིན་ནོ། །གདབ་པའི་གནས་ནི་འདུ་བྱེད་ཀྱིས། །ལག་པ་ཡུམ་བཞིར་བྱིན་བརླབས་ནས། །རྣམ་དག་སྐྱེ་མེད་ཡི་གེ་ཡིས། །སྣང་བ་གསུམ་ཉིད་གསལ་བར་བལྟའོ། །རྒྱུ་གསུམ་ལྡན་པའི་དབྱིངས་སུ་བཟླ། །བྱང་ཆུབ་སེམས་ཀྱི་ཆུ་རྒྱུན་ནོ། །ཨོ༷་བཛྲ་ཀུ་ནཱ་ར་ཀི་ལི་ཀི་ལ་ཡ་ཧུ༷་ཧུ༷། ཨ་ཨུ། སྲས་མཆོག་ཧུ༷་མཛད་ལ་སོགས་གདབ། །དེ་ཡིས་ཕྱོགས་བཅུའི་འཇིག་རྟེན་ཁྱབ། །གནས་ངན་སྦྱངས་ལ་སླར་ལ་བསྡུ། །ཀུན་གྱི་མཐུ་དང་གཟི་བྱིན་བསྐྱེད། །བྱིན་གྱིས་བརླབས་ཏེ་དངོས་གྲུབ་སྩལ། །ཚེ་དང་བཀྲུ་བའི་ལས་ཡིན་ནོ།ཕཊ་ཀྱིས་རབ་མཚན་སྲས་ཀྱི་མཆོག །འབྲུ་དགུའི་རྗེས་ལ་གཟེ་མ་སྤར། །དངོས་བཅོམ་དབུས་སུ་འདུས་པ་ཡང་། །ས་བོན་དྲུག་ལ་འོད་ཀྱིས་བཏབ། འབྲས་བུ་ཕོ་ཉར་བཅས་པ་དབབ། །ཕུར་པ་གསང་བའི་གནས་སུ་བསྟིམ། །ཁྱད་པར་ལས་སུ་རབ་བཤད་དོ། །བདག་ཉིད་སྲས་དང་དམིགས་པ་རྣམས། །གསལ་བ་གསུམ་ལྡན་བྱིན་བརླབས་ཏེ། །ཕོ་ཉ་གདབ་ཅིང་བསྐུལ་བ་ནི། །བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །དེ་ཡི་སྙིང་པོས་གནས་བཅུར་གདབ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ མ་ཐ་མ་ཐ་བཛྲ ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏ༷་ཀ་ཡེ་བཛྲ། ཨ་ཛི་ཏི་ཨ་པ་ར་ཛི་ཏི་བཛྲ། མྱ་ར་སི་ན་པྲ་མརྡ་ནི་ཧུ༷་ཕཊ། འཁོར་ཚོགས་ཀུན་ཡང་སྔགས་ཀྱིས་གདབ། །དྲག་པོའི་རྫས་དང་ཕུར་པས་བརྡེག །ཁྲག་རླུད་རྣལ་ཏེ་རུལ་མྱག་བསམ། །བསད་དང་གསོ་བ་ལས་ཀྱི་མཆོག །མ་ལུས་གནས་འདིར་རྫོགས་པར་བྱ། །ཟབ་ཅིང་རྒྱ་ཆེའི་དོན་ཡིན་ནོ། །ཞེས་གསུངས་སོ། །ཕྲིན་ལས་འདུས་པ་རྩ་བའི་རྒྱུད་ལས།གཏན་འཕོ་བ་བསྒྲལ་བའི་ཕྲིན་ལས་ཀྱི་ལེའུ་སྟེ་བདུན་པའོ།། །།དེ་ནས་ཁྲོ་བོའི་རྒྱལ་པོ་ཡིས། །དྲག་ཤུལ་བསྒྲལ་བ་གསུངས་པ་ལས། །མཚོན་རྣོན་གདུག་པས་བྱིན་བརླབས་ཏེ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཞེས་བརྗོད་ཡན་ལག་ཉིང་ལག་དང་། ཁོག་པ་དོན་སྙིང་བཅས་པ་དག །བཅད་ཅིང་གཏུབ་པ་ཉིད་དུ་བྱ། །དེ་ནས་མཚན་སྔགས་བརྗོད་པ་ནི། །ཧུ༷་མ་མ་བ་ཤ༷་ཀུ་རུ་མ་མ་ཀུ་རུ་མ་སྟ་མ་ཉ། ཨི་དམ་ཀུ་མྲ ཨི་ད༷་དྷ་དྷི་མ་མ་མ་ཤི་ཀྟ༷། ཀརྨ་ཀ་ར་ཡ་ཧུ༷་ཕཊ། ཏ་ཐུ་ཡ་ཏ་ཐུ་ཡ་ཧུ༷་ཕཊ། གཟུགས་སྒྲ་བསམ་པ་འདུས་པ་ཡིས། །མ་ལུས་རྡུལ་ཕྲན་བཞིན་དུ་དམིགས། །དེ་ནས་ལྷག་པར་གནས་པ་ཡི། །མཐུ་དང་བརྫུ་འཕྲུལ་འཕྲོག་པ་ནི། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །བདག་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །སྙིང་པོ་འདི་ཡང་བརྗོད་པར་བྱ། །སརྦ་ཨུ་ན་ཡ་ཧུ༷་ཕཊ། ཏབྱ་ཐུ། ཧ་ན་ཧ་ན་ཧུ༷་ཕཊ། ཕ་རོལ་མཐུ་དང་རྫུ་འཕྲུལ་འཕྲོག །བདག་ལ་བསྟིམ་པ་དེ་ལྡན་བསམ། །བག་ཆགས་ས་བོན་ཕྲ་བ་ཡིས། །གལ་ཏེ་ལྷག་ལུས་བརྡུང་བ་ནི། རྡུངས་ཤིག་རྡོ་རྗེ་འབར་བའི་ག་། །ཁྲོ་མོ་འབར་བའི་ག་་ཁུང་དུ། །རྡོ་རྗེ་ཐོ་བས་བརྡུང་བྱས་ན། །ལྷ་ཡང་རུང་སྟེ་བརླག་པར་འགྱུར། །ཁ་ཐ༷་ཁ་ཐ༷་ཧ་ན་ཧ་ན་ཧུ༷་ཕཊ། །མུདྷ་ར་མུདྷ་ར་ཨ་ཀོ་ཊ་ཡ་ཧུ༷་ཕཊ། བྱིན་བརླབས་དབྱིངས་མཆོག་གྲུ་གསུམ་དུ། །གསང་འབྱུང་རྡོ་རྗེ་ཐོ་བས་བརྡུང་། གནས་སྒོ་དྲག་པོ་གསུམ་གྱི་ལས། །རྟེན་དང་བརྟེན་པའི་ལྷ་རྣམས་ཀྱིས། །ཧུ༷་ཧུ༷་ཧུ༷། སྒྲ་བརྗོད་དེ་དག་ཐུགས་ཀ་ནས། །ནམ་མཁའ་ལས་སྤྲུལ་པའི་དཀྱིལ་འཁོར། ཕཊ་ཕཊ་ཕཊ། དེ་དག་ཐུགས་ཁྲོས་དྲག་ཤུལ་གྱི། །བཛྲ་ཡསྒ་ཀྲོ་དྷ་ཧཱུཾ། སླར་ཡང་ཐུགས་རྗེ་ཤིན་ཏུ་ཁྲོས། ལྷ་མོས་ཐོད་བཀང་ཤ་ཁྲག་སྟོབ། ཁ་ཁ་ཁུ་ཧི་ཁྭ་ཧི། ཕུལ་བ་ཞལ་དུ་གསོལ་བར་དམིགས། ཧ་ཧ་ཧི་ཧི་མཉེས་པར་བསམ། །མཐར་ཕྱིན་རྡུང་བའི་ཕྲིན་ལས་སོ། །རང་བཞིན་ཁྱད་པར་བཟླས་པ་ཡི། །སླར་ཡང་རིམ་པས་གསོ་བ་ནི། །ཆོས་དབྱིངས་དོན་དམ་བདེན་པ་དང་། གསང་སྔགས་མཐུ་ཡི་བྱིན་རླབས་ཀྱིས། །སངས་རྒྱས་སྟོབས་དང་མི་འཇིགས་པའི། །རྫུ་འཕྲུལ་འབྱིན་པའི་ལས་ཡིན་ནོ། །ཨོ་བཛྲ་ཀི་ལི་ཀི་ལ་ཡ་སརྦ་བིསྣ༷་བ༷་ཧུ༷་ཕཊ། །བདུན་ནམ་བཅུ་བཞི་ཉི་ཤུ་གཅིག །སྙིང་གར་དྲིལ་ཞིང་བཏབ་པ་ཡིས། །ཕུང་པོ་ཁམས་དང་སྐྱེ་མཆེད་ཀུན། །ལྷ་དང་ལྷ་མོའི་ཚོགས་སུ་སྤྲུལ། །དེ་དག་སྲས་ཀྱི་སྐུ་ལ་འདུས། །བརྒྱ་རྩ་བརྒྱད་ཀྱི་བར་དུ་བཟླས། །བདག་ཉིད་སྟོང་པའི་གནས་སུ་དྲིལ། །སླར་འདུས་སྦྱོར་བ་སྔོན་བས་ལྷག །རྫས་དང་བདག་ཉིད་གསོ་བ་ཡིན། །ངས་བསྟན་ལུང་བཞིན་གནས་པ་ནི། །ཡབ་ཡུམ་སྦྱོར་བའི་སེམས་ཕབ་པས ཕ་རོལ་སེམས་རྒྱུད་ནམ་མཁའ་གདོན། །ཧུ༷་ཕཊ་ཅེས་པའི་སྒྲ་ཡིས་ནི། །རང་བཞིན་གནས་ལ་གསོལ་བ་གདབ། །དབང་བསྐུར་བས་ནི་འོད་འབར་གྱུར། །ཡབ་ཀྱི་ཞལ་ནས་ཡུམ་གྱི་མཁར། །ཧུ༷་ལས་སྐུར་གསལ་ཕཊ་ཀྱིས་གདོན། །སླར་ཡང་བསྡུ་དང་གཏོར་བ་ཡིས། །འོག་མིན་གནས་ལ་གསོས་གདབ་ཅིང་། །དབང་བསྐུར་འོད་ཞུ་ཧུ༷་དུ་དམིགས། །ཕཊ་ཀྱི་སྦྱོར་བས་ལྷུམས་སུ་འཕང་། །བསྙེན་པ་དང་ནི་ཉེ་བར་བསྙེན། །བསྒྲུབ་པ་བསྒྲུབ་པ་ཆེན་པོ་ནི། །རྫོགས་པས་སྐུར་བཞེངས་ཕྱིར་བྱོན་ནས། །དབུ་རྒྱན་ལྡན་པས་དབང་བསྐུར་ཏེ། །ཕཊ་ཀྱིས་འོག་མིན་གནས་སུ་འཕང་། །ཏོག་དཀར༷་རྒྱལ་ཚབ་དམ་པ་ཡིས། །བཅུ་གཉིས་མཛད་པས་འགྲོ་དོན་རྫོགས། །རྡོ་རྗེའི་གནས་སུ་ལུས་སྦྱོར་བའོ། །སྲིད་ཆད་མཛེ་ཅན་མཚོན་ཤི་བའི། །ཐོད་རུས་ནང་དུ་དམིགས་པ་གཞུག །མི་ཤིས་གནས་སུ་གནན་པ་ནི། །ཨཱོཾ་ལ༷་ཨུ༷༷ལ༷་ཧུ༷་ལ༷། སྟམ་བྷ་ཡ་ནན། མོ་ཧ་ཡ། ཕྲི་ཀྲོ་སྟི་ཀྲི། བཛྲ་ཧུ༷་ཀ་ར་ཧུ༷་ཧུ༷་ཧུ༷། ཕཊ་ཕཊ་ཕཊ། རྡོ་རྗེ་རི་རབ་འཕྲོས་པ་ཡིས། །རབ་ཏུ་གནས་པའི་སྦྱོར་བ་བརྩམ། ཇི་སྲིད་འཁོར་བ་མ་སྟོངས་པར། །གནས་ངན་བག་ཆགས་ཡོངས་མི་ལྡང་། །རྡོ་རྗེ་ཅན་དང་མཚུངས་པར་འགྱུར། །ཞེས་གསུངས་སོ། །ཕྲིན་ལས་འདུས་པ་རྩ་བའི་རྒྱུད་ལས། དྲག་ཤུལ་མངོན་པར་སྤྱོད་པའི་ལེའུ་སྟེ་བརྒྱད་པའོ།། །།དེ་ནས་ཁྲོ་བོའི་རྒྱལ་པོ་དེས། །དྲག་ཤུལ་རྒྱུད་ཀྱི་ཏིང་ངེ་འཛིན། །མངོན་དུ་སྤྱོད་པའི་ཕྲིན་ལས་བཤད། །ང་ཉིད་ང་དང་འདྲ་བ་ཡིས། །འཁོར་བཅས་སྒྲ་ཚིག་དྲག་པོ་ཡིས། །རང་གི་གནས་ལྔ་འབར་ཞིང་སྤྲོ། །མཐར་ཐུག་ཡུལ་མཉེས་དངོས་གྲུབ་བསྡུ། ཨོ་བཛྲ་ཀི་ལི་ཀི་ལ་ཡ་དྷ་དྷི་མ་མ་ཀརྨ། མྱ་ར་སེ་ནི། །སྲ་མརྡ་ན་ཡ། །སརྦ་བིསྣྲུ༷་བ༷་ཧྭ༷་ཕཊ། སྐུ་གསུང་ཐུགས་དང་ཡོ༷ན་ཏན་དང་། །ཀུན་གྱི་རྩ་བའི་ཕྲིན་ལས་སོ། །ཡབ་ཡུམ་བཅས་པའི་ཐུགས་ཀ་ནས། །མགལ་མེ་ལྟ་བུའི་འོད་འཕྲོས་པས། །ཁྲོ་བོའི་དཀྱིལ་འཁོར་བརྟན་ཞིང་གསལ། །རྒྱུད་བསྐུལ་བྱིན་བརླབ་དབང་བསྐུར་བྱ། །ཨཱོཾ་བཛྲ་ཀི་ལི་ཀྭ་ལ་ཡ་དྷ་དྷི་མ་མ་ཀརྨ། ཨ་ཛི་ཏ་ཨ་པ་ར་ཛི་ཏ། ཛ་ཡ་བི་ཛ་ཡ་ཀ་ཏང་ཀ་ཡེ་མུ་ར་སེ་ནི། །ཕྲ་མརྡ་ནི་ཡེ་སརྦ་བིསྒྱུ༷་བ༷་ཧུ༷་ཕཊ། །འདི་ནི་གཞན་གྱིས་མི་ཐུབ་ཅིང་། རྣམ་པར་རྒྱལ་བའི་ཕྲིན་ལས་སོ། །བདག་ཉིད་ཁྲོ་བོའི་ཚོགས་ཀུན་གྱིས། །དྲག་སྔགས་སྒྲག་ནི་གནམ་ལྕགས་ཀྱི། །ཞུན་མ་ས་ལ་བརྡབ་འདྲ་བའི། །འོང་འཕྲོས་གདུག་པ་ཚར་གཅོད་བྱེད། །ཨོ་བཛྲ་ཀི་ལི་ཀི་ལ་ཡ། ཨ་ཛི་ཏ་ཨ་པ་ར་ཛི་ཏ་ཛ་ཡ་བི་ཛ་ཡ་ཀ་ཏང་ཀ་ཡེ། མ་མ་བ་ཤ༷་ཀུ་རུ་མ་ཏ༷་ཀ་ར་ཉ་ཀ་ར་ཨི་ད༷། དྷ་དྷི་མ་མ་ཀརྨ་ཨ་ར་ཨི་དན་ཤི་སྣྲ༷་ཀྭ་ར་ཡ། མྱ་ར་སེ་ན་སྲ་མརྡ་ནི་ཡེ་སརྦ་བིསྣ༷་ཧུ༷་ཕཊ། འདི་ཡིས་མ་ལུས་གདུག་པ་ཅན། ཚར་གཅོད་ལས་སུ་འཛུད་པར་བྱེད། །འཇིག་རྟེན་འདས་དང་མ་འདས་ཀུན། །སྲོག་ནས་དྲངས་པ་བསྒྲུབ་པ་ཆེ། །གཙོ་ཆེན་འཕྲོ་འདུས་ཐམས་ཅད་བསྒྲལ། །ཨོ་བཛྲ་ཀི་ལི་ཀི་ལ་ཡ་བ་ར་བི་དྷརྒྱུ་མྱ་ར་སེ་ན་པྲ་མརྡ་ནི་ཡེ་ཧུ༷་ཕཊ། སརྦ་བིསྣ་ཨ་ན་ཡ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། བན་དྷ་བན་དྷ། །གྲི་ཎྜ་གྲི་ཎྜ། མ་ཐ་མ་ཐ། ཚིནྟྲ་ཚིསྟོ། སྟིསྟོ་སྟིརྙ། ཏ་ཐུ་ཡ་ཏ་ཐུ་ཡ། ཧ་ས་ཡ་ར་ཧྲི་ད་ན། ཨུ་བེ་ཤ་ཡ་ཨུ་བེ་ཤ་ཡ། ཤི་ཀྲི་ཨུ་ན་ཡ། ཛ་ལ་པ་ཡ་ཛ་ལ་པ་ཡ། ཏ་ཐུ་ཡ་ཏ་ཐུ་ཡ། བི་ཏ་ཡ་བི་ཏ་ཡ། ཤི་ཏྲ༷་ཀྭ་ར་ཉ་ཡ། ཛ་ཡི་བི་ཛ་ཡེ། ཀ་ཏ༷་ཀ་ཡེ། ཨ་ཛི་ཏི་ཨ་པ་ར་ཛི་ཏི་བ་ཡ་བ༷་ཧུ༷་ཕཊ།འདི་ཡིས་འཇིག་རྟེན་དྲེགས་པ་ཅན། །ཐམས་ཅད་འདུ་བྱེད་ལས་ལ་འཁོལ། །ཕྱོགས་བཅུ་ཁྲོ་བོའི་ལྷ་རྣམས་ཀུན། །མཐིང་ནག་བ་སྤུའི་དཀྱིལ་འཁོར་སྤྲོ། །ཨོ་བཛྲ་ཀི་ལི་ཀི་ལ་ཡ། མོ་ཧ་ཡཀྟ་ཏ་ཡ་བཛྲ་ཀི་ལི་ཀི་ལ་ཡ་ཧུ༷་ཀྭ་ར་བི་ཛ་ཡ་ནི་ལ་དཎྜཡ་མུརྙ་ཀ །ཨ་ཙ་ལ་ཧ་ཡ་སྒྲི་ཝ། ཨ་པར་ཛི་ཏ་ཨ་མྲི་ཏ་ཀུཎྜ་ལི། ཏྲེ་ལོ་ཀྱ་བི་ཛ་ཡ། མ་ཧྭ་བ་ལ་པ་ར་བི་དྷདྨ། ཚིརྙ་ཚིརྙ། ཨ་པ་ར་ཛི་ཏ། མ་ར་སེ་ནི་ཡེ་པྲ་མརྡ་ནི་ཡེ་སརྦ་བི༷་བ༷་ཧུ༷་ཕཊ། །འདི་ནི་རབ་ཏུ་སྒྲོལ་བ་ཡིས། །ཁྲོ་ཚོགས་འཁོར་བཅས་མངག་པའོ། །ཨོ་བཛྲ་ཀི་ལི་ཀི་ལ་མ་མོ་ཧྭ་ཡ་བྷ་ཏ་ཡ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛ་ཡ་ཛ་ཡ་བཛྲ མ་ཐ་མ་ཐ་བཛྲ། ཤི་ཀྲི་ན་ཀྭ་ར་ཡ།མ་ར་སེ་ནི་པྲ་མརྡ་ནི་ཡེ། མ་ཧྭ་ཙིསྟ་ཁ་ཧི་མ་ཤ་རྦད། མ་ཧྭ་ཤ་ཡ་ཐུམ་མྱག་རྦད། ཀ༷་ཀ་ཤ་ཡ་སྨྱུ་ར་ཡ་ཕཊ། འདི་ནི་རྫས་ཀྱིས་དམིགས་པ་བསྒྲལ། །ཁྲོ༷ ་བོ་ཁྲོ་མོ་སྤྲུལ་པ་དང་། །ཡང་སྤྲུལ་ཕོ་ཉ་ཚོགས་དང་བཅས། །ཕུང་པོ་ལྷག་མེད་རོལ་པར་བྱ། །ཨོ་བཛྲ་ཀི་ལི་ཀི་ལ་ཡ་བྷ་ག་བཱན། མོ་ཧ་ཡ་བྷ་ཏ་ཡ། ཛ༷༷ཧུ༷་པེ་ཧོ༷། ཁེ་ཀྲིན་བྱི་ཀྲིན། དྷ་དྷི་མ་མ་ཤི་སྨྲ༷་ཀྭ་ར་ཡ། ཨཱོཾ་རུ་རུ་བྷཀྟ། ་ག་ཤ་ཏྲག་ཤ །ཙིསྟ་རག་ཤ །ཙིལྟི་ནི་ཏུང་ཏུང་། ཐུམ་ལིང་། ཙིསྟ་ག་་ག་། སྤོ་ཛ༷༷ཕྲིག་ཕྲིག ཁྲ༷་ཤ༷་ཁྱེར་སྨྱོ། །དྲི་ཛ༷༷མྱ་ར་ཡ་རྦད། བརྣག་པ་ཁོ་ན་ཉིད་ལ་དེ། འདི་ཡི་དྲོད་ཚད་བརྟག་ལ་དབབ། །མཚན་མ་བརྟན་པོ་དབྱུང་བར་བྱ། །ཞེས་བཀའ་སྩལ་ཏོ། །ཕྲིན་ལས་འདུས་པ་རྩ་བའི་རྒྱུད་ལས། དྲག་པོ་མངོན་དུ་སྦྱོད་པའི་ཏིང་ངེ་འཛིན་སྤྲུལ་པ་ཆེན་པོའི་ཕྲིན་ལས་ཀྱི་ལེའུ་སྟེ་དགུ་པའོ།། །།དེ་ནས་ཁྲོ་བོའི་རྒྱལ་པོ་ཡིས། །གཏི་མུག་འདོད་ཆགས་ང་རྒྱལ་དང་། ཕྲག་དོག་འདུལ་བ་རབ་མཛད་ཕྱིར། །སླར་ཡང་རིགས་ཀྱི་ཁྲོ་བོར་བསྟན། །སངས་རྒྱས་ཁྲོས་པས་གཏི་མུག་གཅོད། །མཚོན་ཆེན་དཀར་པོ་འབར་ལྟ་བུ། །ནམ་མཁའི་དབྱིངས་ནས་ཐིགས་པར་ཤར། །མི་རྟོག་ཨཱོཾ༷་གྱིས་དངོས་པོ་སྦྱང་། །ཡེ་ཤེས་འབྱུང་བ་ཡུམ་གྱི་མཁའ། །རྣམ་དག་དབྱིངས་ནས་ཤར་བའི་སྒྲུ༷། །ཕྲིན་ལས་ཡོངས་གྱུར་གཞལ་མེད་ཁང་། །རང་ལུས་རྫོགས་པ་འདི་ཉིད་དེ། །མཚོན་ཆེན་འཁོར་ལོ་ཨོ་དཀར་པོ། །ལུས་ཀྱི་སྒོ་རུ་ཤར་བ་དང་། །འཕྲོ་འདུ་གསལ་བའི་ཕྱག་རྒྱ་ཡིས། །ཡེ་ཤེས་སེམས་དཔའ་ཡབ་ཡུམ་གཉིས། །སྤྱི་བོའི་སྟེང་དུ་བསམ་པར་བྱ༷ ། །འདི་ནི་འཁོར་ལོ་གཞོན་ནུ་སྟེ། །བུརྙ་ཀི་ལ་ཡ་ཞེས་བྱ། །མདུན་རྒྱབ་གཡས་གཡོན་གནས་བཞི་མྲ །བཛྲ་ཀི་ལ་ཡ་སོག༷ ས་བསྒོམ། སྙིང་གར་ཧུ༷་མཛད་ཡབ་ཡུམ་སོགས། །སྔར་བཤད་བཞིན་དུ་བསྒོམ་བྱ་སྟེ། །ཨཱོཾ་དཀར་འཁོར་ལོ་འབར་བར་བསམ། །ཕུང་པོ་འཁོར་ལོས་གཏམས་བྱས་ནས། །རྣམ་པར་ཤེས་པ་འཁོར་ལོར་བསྒོམ། །ཨཱོཾ་བྲདྷ་ཀི་ལི་ཀི་ལ་ཡ་སརྦ་ཤཱརྙི་ཨོ༷་ཧུ༷་ཕཊ། དངུལ་ལམ་དཀར་པོའི་ཤིང་རྣམས་ལ། ཟླུམ་པོར་འདུས་རྫས་ལས་ལ་མངག །ཡུལ་གསུམ་མཚན་མ་བརྟན་གྱུར་ན། །ལྷ་ཀླུ་གནོད་སྒྱིན་བགེགས་རིགས་དང་། འདུ་བ་བཞི་གྱུར་ཡན་ལག་ནད། །འཇིགས་དང་དུས་མིན་འཆི་བ་བརྒྱད། །མི་དགེ་གནོད་པའི་ལས་ལ་སོགས། མ་ལུས་ཞི་བའི་ཕྲིན་ལས་སོ། །རིན་ཆེན་ཁྲོས་པས་ང་རྒྱལ་གཅོད། །མཚོན་ཆེན་སེར་པོ་འབར་ལྟ་བུ། །ནམ་མཁའི་དབྱིངས་ནས་ཐིགས་པར་ཤར། །རྟོག་མེད་ཧྲུ༷་གྱིས་དངོས་པོ་སྦྱང་། །ཁ་དོག་རིན་ཆེན་ཧྲུ༷་སེར་པོས། །དཔྲལ་བའི་དབུས་སུ་བསམ་པར་བྱ། །འདི་ལས་རིན་ཆེན་གཞོན་ནུ་སྟེ། །རཏྣ་ཀི༷ ་ལ་ཡ་ཞེས་པའོ། །བྲརྙ་ཀི་ལ་ཡ་སོགས་དང་། །ལྟེ་བར་ཧུ༷་མཛད་ལ་སོགས་བསྒོམ། །གསེར་མདོག་ཧྲུ༷་ལས་རིན་ཆེན་འབར། །ལུས་ཀུན་རིན་ཆེན་འབར་བས་གཏམས། །རྣམ་པར་ཤེས་ཀུན་རིན་པོ་ཆེ། །ཨཱོཾ་རཏྣ་ཀི་ལི་ཀི་ལ་ཡ་སརྦ་སྤྲུརྨྱི་ཧྲུ༷་ཧུ༷་ཕཊ། །གསེར་རམ་སེ་པོའི་ཤིང་རྣམས་ལ། །གྲུ་བཞི་གནས་པའི་རྫས་ལ་མངག །ཡུལ་གསུམ་མཚན་མ་རབ་བརྟན་ནས། །ཚེ་དང་ལོངས་སྤྱོད་དབང་ཕྱུག་དང་། །བསོད་ནམས་ཡེ་ཤེས་དྲེགས་པ་དང་། །དཔལ་དང་འབྱོར་པ་རིགས་འཛིན་དང་། དགའ་བདེ་རང་གཞན་ཕུན་ཚོགས་པ། ཀུན་ཏུ་རྒྱས་པའི་ཕྲིན་ལས་སོ། །པདྨ་ཁྲོས་པས་འདོད་ཆགས་གཅོད། །མཚོན་ཆེན་དམར་པོ་འབར་ལྟ་བུ། །ནམ་མཁའི་དབྱིངས་ནས་ཐིགས་པར་ཤར། །མི་རྟོག་ཧི༷༷ཡིས་དངོས་པོ་སྦྱང་། །ཆོས་ཀྱི་པདྨ་ཧི༷༷དམར་པོ། །མགྲིན་པའི་མཚམས་སུ་རབ་ཏུ་བསྒོམ། །འདི་སྦྱོར་པདྨ་གཞོན་ནུ་སྟེ། །པདྨ་ཀི་ལ་ཡ་ཞེས་བྱ། །མདུན་རྒྱབ་གཡས་གཡོན་གནས་བཞི་ན། །རཏྣ་ཀི་ལ་ཡ་སོགས་བསྒོམ། །དཔྲལ་བར་སྣང་མཛད་ཡབ་ཡུམ་བསྒོམ། །གཞན་ཡང་རང་གི་གནས་སུ་བསྒོམ། །དམར་གསལ་ཧེ༷༷ལས་པདྨ་འབར། །ཕུང་པོ་པདྨའི་རང་བཞིན་ཏེ། །རྣམ་པར་ཤེས་པ་པདྨའོ། །ཨོ་པདྨ་ཀི་ལི་ཀི་ལ་ཡ། སརྦ་བ་ཤ༷་ཧི༷༷ཧུ༷་ཕཊ། །ཟངས་སམ་དམར་པོའི་ཤིང་རྣམས་ལ། །ཟླ་གམ་དབྱིབས་ཀྱི་རྫས་ལ་མངག །ཡུལ་གསུམ་མཚན་མ་བརྟན་ཐོབ་ནས། །ཕྱི་རོལ་བརྟན་པའི་སར་བཞུགས་དང་། །ལོག་པར་བལྟ་དང་ཐེ་ཚོམ་ཅན། །ང་རྒྱས་དྲེགས་པས་ཁེངས་པ་དང་། །ཆེ་བཙན་མཐོ་བཙུན་ལྡན་པ་དང་། །གདུག་རྩུབ་གནོད་སྦྱོར་འཚེ་བ་དང་། །འགྱུར་རློམ་སེམས་དང་ལྡན་པ་དག །མོས་ཤིང་འདུད་པས་དབང་དུ་སྡུད། །རྒྱ་གྲམ་ཁྲོས་པས་ཕྲག་དོག་གཅོད། །མཚོན་ཆེན་ལྗང་གུ་རབ་འབར་བ། །ནམ་མཁའི་དཀྱིལ་ནས་ཐིགས་པར་ཤར། །རྟོག་མེད་ཧྭ་ཡིས་དངོས་པོ་སྦྱང་། །སྐུ་རྫོགས་ལས་ལ་བྱུང་བ་ནི། །རྒྱ་གྲམ་བརྟན་པར་ཧྭ་ལྗང་གུ། །ལུས་ཀྱི་སྒོ་རུ་ཤར་བ་དང་། །འཕྲོ་འདུ་གསལ་བའི་ཕྱག་རྒྱ་ཡིས། །ཡེ་ཤེས་སེམས་དཔའ་ཡབ་ཡུམ་བཞི། གསང་བའི་གནས་སུ་བསམ་པར་བྱ། །མདུན་རྒྱབ་གཡས་གཡོན་གནས་བཞི་སྲ །པདྨ་ཀི་ལ་ཡ་སོགས་དང་། །རིགས་ཀྱི་སྲས་བཞི་བསྒོམ་པར་བྱ། །ཕྲིན་ལས་གཤོན་ནུ་རབ་སྦྱོར་བས། །ཀརྨ་ཀི་ཡ་ཡ་ཞེས་བྱ། །སྙིང་གར་ཧུ༷་མཛད་ཡབ་ཡུམ་དང་། །གནས་གཞན་སོ་སོར་ཁྲོ་ཚོགས་བསྒོམ། །ཧྭ་ལྗང་རྒྱ་གྲམ་འབར་བ་ཡིས། །ལུས་ཀྱི་ཕུང་པོ་རབ་ཏུ་གཏམས། །རྣམ་ཤེས་རྒྱ་གྲམ་རལ་གྲི་སྟེ། །ཨོ་ཀརྨ་ཀི་ལི་ཀི་ལ་ཡ་སརྦ་མུ་ར་ཡ་ཧུ༷་ཕཊ། །ལྕགས་སམ་ནག་པོའི་ཤིང་རྣམས་ལ། །གྲུ་གསུམ་དབྱིབས་ཀྱི་རྫས་ལ་མངག །ཡུལ་གསུམ་མཚན་མ་གསལ་བ་དང་། །ལུས་ཅན་ལུས་མེད་རབ་རྒྱུ་བའི། །འཇིག་སྨོད་སྙོམས་དང་གནོད་ཅིང་འཚེ། །བར་གཅོད་སྒྲོལ་བའི་ཕྲིན་ལས་སོ། །ཕྲིན་ལས་འདི་དག་ཁྱད་པར་ནི། ཁྲར་ལྷོ་ནུབ་བྱང་འཇམ་དང་སྡུག །མཛེས་དང་རྩུབ་པ་ཁྱད་པར་གནས། །དགེ་སྦྱོང་རྒྱལ་པོ་བྲམ་ཟེ་དམངས། །རྒན་པོ་དར་མ་བུད་མེད་དང་། ཁུ།ད་རྩུབ་ལྡན་པ་གནད་ཡིན་ནོ། །གཙོ་ཆེན་ལས་ནི་རིགས་ཀྱི་སྲས། །གནས་པ་སོ་སོར་སྦྱོར་བའི་མཆོག །ཕྲིན་ལས་ཐ་དད་སྦྱོར་བ་ཡིས། །ལམ་ལྔ་སྐུ་ལྔ་ཡེ་ཤེས་ལྔ། །རིགས་ལྔའི་ཚུལ་གྱིས་བགྲོད་ཅིང་བསྒྲུབ། །ཉོན་མོངས་ཡུལ་རབ་ལྟོས་པ་ཡིས། །རིགས་ཀྱི་བདག་པོ་སྦྱོར་བ་ལ། །གང་ལ་གང་གིས་གང་གི་ཕྱིར། །རིག་པ་འཛིན་པ་རྣལ་འབྱོར་ཆེ། །མཁས་རྟོགས་ཤེས་རབ་ལྡན་པས་སྤྱོད། །ཅེས་བཀའ་སྩལ་ཏོ། །ཕྲིན་ལས་འདུས་པ་རྩ་བའི་རྒྱུད་ལས། །རིགས་འཛིན་ཐ་དད་ཀྱི་སྒོ་ནས་ཕྲིན་ལས་བཞི་སོ་སོར་བསྟན་པའི་ལེའུ་སྟེ་བཅུ་པའོ།། །།དེ་ནས་ཁྲོ་བོའི་རྒྱལ་པོ་ཡིས། །ཕྱི་མའི་དུས་ན་རིག་པ་འཛིན། །སྐྱེས་བུ་ཆེན་པོ་རྣམས་ཀྱིས་ནི། །ང་ཡི་བསྟན་པ་འཛིན་ཅིང་བསྲུང་། །དེ་ཕྱིར་དེ་ཡི་ཚུལ་བཤད་དེ། །སྲིད་པ་ལས་ཀྱི་མཐུ་རྩལ་ཅན། །བཅུ་གཉིས་ལྕམ་བྲལ་བཅས་པ་ཡིས། །དམ་ཚིག་ཆོ་ག་རབ་སྦྱོར་བས། །རྗེས་སྤྱོད་ང་ཡི་རྣལ་འབྱོར་ཡིན། །གཟུགས་བརྙན་ཆེན་པོའི་དྲུང་དུ་ནི། །ཨེ་བདུན་བསྣོལ་བའི་ཕོ་བྲང་བརྩེག །གཅོད་སྲེག་བརྟན་པ་རྣམས་ཀྱིས་བསྐོར། །གསེར་དངུལ་ཟངས་ལྕགས་རིན་ཆེན་དང་། །ཁྲག་ཞག་འོ་མ་མར་གྱི་མཚོ། །མི་རྟ་མྱུར་དུ་བསྒྲལ་བའི་ཁྲག །གསུམ་གྱི་ཕོ་བྲང་གསུམ་དུའོ། །ལྕགས་ལས་བྱས་པའི་ཕུར་པ་ནི། །དྲག་པོའི་གཟུགས་ཅན་སོར་བརྒྱད་པ། །དུར་ཁྲོད་རྒྱུ་བའི་མགོ་ནང་དུ། །ཝ་དང་སྤྱང་ཁྱི་འཕར་བ་ཁྱམ། །ཙིསྟ་བཙལ་ཏེ་གནས་སུ་དགོད། །རིན་ཆེན་སྣ་བཞིའི་དབུས་སུ་དགོད། །ཀླ་ཀླེའི་ཡུལ་ནས་ཐོད་པ་མྲ །རིགས་གཉིས་བོང་བུ་བྱ་ལུག་སྙིང་། །སྩལ་བ་མཚོན་ཆེན་གནས་སུ་དགོད། །རིན་ཆེན་མཚན་ལྡན་སྣོད་ནང་དུ། །མི་དབང་ཙིལྟི་ཤ་ཁྲག་བཅས། །སུལ་བཞི་ཕུར་པ་ལ་བཏོད་དོ། །མིང་གི་རྒྱུད་མེད་རིགས་མེད་ཀྱི། །ཐོད་པར་རྡོ་ཐུན་ཁྲག་ཐུན་དང་། སྐྱེ་སྒོའི་ཁྲག་ཐུན་རིམ་བཞིན་བསག །སྲིན་མོ་བཅུ་གཉིས་འདི་ལ་བརྟེན། དྲག་པོ་དཀར་དམར་ནག་པ་ཡིས། །རྒྱལ་བུ་ཨེ་ཡི་མཚམས་གསུམ་ལ། །གླིང་བཞི་རི་རབ་ས་རྡོས་བྱས། །གཅན་གཟན་འདབ་ཆགས་རྒྱལ་མཚན་འཕྱར། །བཤོས་ཆང་མཆོད་ཚོགས་རྒྱན་ལྡན་གོད། །ང་རྒྱལ་ཆེན་པོ་རབ་ལྡན་པས། །ལྕམ་སྲས་བོད་ཅིང་ལས་ལ་རྦད། །སྦྱོར་བའི་སྒྲོལ་བ་རབ་ཏུ་བསྐུལ། །ཨོ་ཤྭ་ན། ཤ་ན། སྲི་ལ་སྲི་ཀ །མུ་ཀ་ཧུ༷་ཛ༷༷། ཏྲག་རསྣ་རུ་་་བི་རུ་བིན་ནན་མུག་ཏི་བ༷་མ་མ་རུ་ལུ་རུ་ལུ་སྨྱོ། པདྨ་དྷ་རི་རུ་མ་ཏི་ཙི་ལ་སྨྱོ། ཧུ་ལུ་ཀྱི་ཧུ་མེ་སེན་ཛ་ཛ། མུ་ཏི་དུ་རུ་ཙ་ས་ལ་མི་ཛ་ཛུ། ཡ་མ་ཁྲེ་ཡསྒ་དྷི་བ་སྟེ་བག་ཤ་བ་ར་ཧི་སྟེ་སྒག་ཚལ་པ་དུམ་བུ་རུ་ཤག་སྨྱོ། སོ་སོའི་གནས་ནས་དྲང་བར་བྱ། བཛྲ་ཤྭ་ན་ཤྭ་ན་སྲི་ལ་སྲི་ཀ་ཀ་པ་ཙིསྟ་དྲི་ཛ༷༷། ཤ་ལ་སྨྱོ་སྨྱོ། མ་ཧྭ་ཡསྒ་སྣ་ནག་མོ་དུན་སྨྱོ། མ་མ་དྲི་ཤ་ཙིཉི་མ་ཛ༷༷། རྦད་ལིང་ཀ་མྱ་ར་ཡ་སྨྱོ། །རག་མོ་ཨག་མོ་རོ་ཤ་ཐུན། ཡསྒ་ཙིསྟ་ཤད་ཤད་སྨྱོ་སྨྱོ། །ཕྲ་མུན་ཙ་མུན་ཤུ་ལ་ཀོ་མུན་ཧ་རི་མ་ནཱ་ར་ཡ་རྦད་སྨྱོ། །ཞེས་པས་དམིགས་པའི་ཡུལ་ལ་རྦད། །བཛྲ་ཤྭ་ན་མུ་ཁ་ཤ་ན་མུ་ཁ་ཤི་ལ་མུ་ཁ་སྲི་ག་མུ་ཁ་ཙིསྟ་པ་མུག་མུག་ཐུ༷་རྦད་ཐུ༷་རྦད། ཐིབ་ཐིབ་ཡ༷་ཡ༷་ཙིསྟ་ལ་ཐུ༷་རྦད་རྦད། ཏྲག་རསྒ་མ་མ་རུ་ཏི་རེ་མ་ཏི་མྱ་ར་ཡ་ཙིལྟི་ལ་མུག་ཐུམ་རྦད་ཡ༷། ཏྲག་རག་ཤ་རུ་ཏི་རེ་མ་ཏི་མྱ་ར་ཡ་ཙིལྟི་ལ་གཏུབ་གཏུབ། ཏྲག་རག་ཤ་རུ་ཏི་རེ་མ་འཛུ་ཙིལྟི་རིལ་རྦད། རག་ཤ་རུ་ཏི་ཐུ༷། ཏྲག་རག་ཤ་རུ་ཏི་རེ་མ་ཛུ་ཙིསྟ་ཐུ༷་ཡ༷་རིལ་རྦད་ཐུ༷། རག་མོ་ཙི་བི་རི་མ་ར་མ་ཐུ༷་རྦད། ཡག་མོ་ཙི་བི་རི་མ་ར་ཡ་ཐུ༷་རྦད། གརྫ་ཙི་བི་རི་མྱ་ར་ཡ་ཧུར་ཐུ༷་རྦད། ཧུ་ལུ་མ་ཙི་བི་རི་མྱ་ར་ཡ་ཧུ༷་ཐུ༷་རྦད། ཕུང་པོ་མྱུར་དུ་བསྒྲལ་བར་བྱ། །དྲག་པོ་རྣམས་ཀྱིས་དམོད་པ་ནི། །བཛྲ་སུ་ཏྲི་པ་ཨ་པ་ར་ཙིསྟ་ཏྲི་ཙ་བ་ལ་མ་ཤ་ཙིསྟ་ཧུ༷་ཕཊ། དྲི་ཛ༷༷མྱ་ར་ཡ་དུ་ཡ་མ་ཙིལྟི་རཀྟ་ཚལ་པ། །དུ་མ་པྲ་མ་དུ་ཙི་ཏ་ལ་ཁུག །བམ་རིལ། མ་ར་ཕྲ་མ་ཨ་པ་ར་ཛི་ཏ། ཨ་ཏྲི་ས་མ་སྤོ་ཛ། དུན་དུན་དྲི་ཛ་རྦད་ཐུ༷། ཀུན་གྱི་རིམ་པའི་རྗེས་སུ་བརྩམ། །བརྡེགས་ཤིང་བརྡེག་པ་འཕང་བསྲེག་དང་། །གཟིར་བའི་ལས་ཀྱིས་ཚར་གཅད་པ། །འདི་ནི་ལུས་ངག་ཡིད་གསུམ་ལྡན། ཁེན་ཏུ་དམིགས་པས་མྱུར་དུ་འགྲུབ། །ཕྱི་ནང་གསང་བ་རྟགས་དང་ཚད། །མངོན་སུམ་བཞིན་དུ་གསལ་བར་སྦྱར། །ཐོགས་པ་མེད་པར་ལས་འགྲུབ་བྱེད། །ཕྲིན་ལས་གཅོད་པའི་མདོ་ཡིན་ནོ། །ཞེས་བཀའ་སྩལ་ཏོ། །ཕྲིན་ལས་འདུས་པ་རྩ་བའི་རྒྱུད་ལས། སྤྲུལ་པའི་ཕྱག་བརྙན་དམ་ཚིག་ཆེན་པོའི་ཕྲིན་ལས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཁྲོ་བོའི་རྒྱལ་པོ་ཡིས། །རྒྱུད་དོན་ཉེ་བར་བསྡུས་ཏེ་བཤད། །རྣལ་འབྱོར་ཡེ་ཤེས་རང་རིག་པའི། །བདག་ཉིད་དཀྱིལ་འཁོར་རྩ་བ་སྟེ། །གཞོན་ནུ་རིགས་ཀྱི་གཙོ་བོ་ལྔ། །དུས་གསུམ་སངས་རྒྱས་སྲས་མཆོག་རྣམས། །ཀུན་སྦྱོར་ཉིས་བརྒྱ་ལྔ་བཅུར་རྫོགས། །ཁྲོ་ཆེན་ཕྱོགས་བཅུའི་དཀྱིལ་འཁོར་དུ། །ཡབ་ཡུམ་ཉེ་བའི་སྲས་གཉིས་ལས། །སྤྲུལ་པ་དང་ནི་ཉེ་བར་སྤྲུལ། །ཐུགས་ཀྱི་བདག་དང་བཅས་པ་ཡི། །བརྒྱ་དང་བཅུ་ཡི་ལྷ་རྣམས་སྣང་། །མངོན་པར་སྤྱོད་པ་ལ་སོགས་པའི། །འདུས་བྱས་ལྔ་རྣམས་གཟུགས་བརྙན་ལ། །ཁྲོ་ཆེན་ཞལ་གསུམ་ཕྱག་དྲུག་ལྡན། །སོ་སོའི་རིགས་ཀྱི་གཙོ་ཆེན་ལྔ། །གང་གིས་འདུལ་བ་དེར་སྣང་ཞིང་། །ཞི་དང་དབང་རྒྱས་དྲག་པོ་ཡིས། །སོ་སོའི་ཕྲིན་ལས་ངོར་འབྱུང་སྟེ། །དབྱིབས་དང་ཁ་དོག་རྫས་དང་སྦྱར། །སྐུ་སྨད་རང་གི་རྒྱུ་ལས་གྲུབ། །འོག་གཉིས་སྐྱེད་པ་ཞབས་ཀྱི་དབྱིབས། །ཟླུམ་པོ་གྲུ་བཞི་ཟླ་ཁམ་དང་། །གྲུ་གསུམ་རྣམས་ནི་ཁྱད་པར་ཡིན། །སྟེང་འོག་ཞི་བ་ཟླུམ་པོ་སྟེ། །ལོགས་བཞི་རྒྱས་པ་སྐྱེད་པ་དབང་། །ཟུར་རྣམས་དྲག་པོ་ཉིད་ཡིན་ནོ། །གོང་མའི་གནས་ལ་གཞལ་མེད་ཁང་། །འཁོར་ལོ་རྩིབས་བརྒྱད་ལྡན་པ་ལ། །ལྟེ་བར་གཙོ་བོ་ཡབ་ཡུམ་བསྒོམ། །རྩིབས་ལ་ཕྱོགས་མཚམས་ཁྲོ་བོ་བརྒྱད། །ཡབ་ཡུམ་སྟེང་འོག་གནས་སུ་ནི། །ཧུ༷་མཛད་དང་ནི་སྟོབས་པོ་ཆེ། །ཡབ་ཡུམ་སྲས་དང་བཅས་པའོ། །སྐྱེད་པ་ཟླ་ཁམ་གནས་སུ་ནི། །ཁྲོ་བརྒྱད་ཀྱིས་ནི་སྲས་ཀུན་གནས། །འོག་མིན་གནས་སོགས་བཞི་ལ་ནི། །ཕྲ་མེན་སྒོ་མ་དབྱུང་ཞིང་བསམ། །རྩ་བ་ལ་སོགས་གནས་དེ་ལ། །འཇིག་རྟེན་གནས་པ་བཅུ་གཉིས་སོ། །ལྕམ་དྲལ་ཉི་ཤུ་རྩ་བཞི་སྟེ། །དབྱིབས་དང་སྦྱར་བའི་གནས་སུ་བསམ། །གོང་མའི་གནས་ཀྱི་ལོགས་བཞི་མྲ །རིགས་དང་ཕྲིན་ལས་རབ་ཕྱེ་བའི། །ལྷག་མའི་སྲས་མཆོག་བསྒོམ་པ་སྟེ། །བདུན་ཅུ་རྩ་བརྒྱད་ཕྱུང་བ་ཡིས། །རྫས་ལ་དམིགས་པའི་དཀྱིལ་འཁོར་རྫོགས། །འདི་དག་མེ་ལོང་གཟུགས་བརྙན་བཞིན། །རང་བཞིན་མ་གྲུབ་སྣང་བ་ནི། །ཆོས་སྐུ་སྐྱེ་མེད་ཕུར་པའོ། །མ་ལུས་སྐུ་ལ་རབ་རྫོགས་པ། །ལོངས་སྤྱོད་རྫོགས་སྐུའི་ཕུར་པ་གྲུབ། །བ་སྐྲུའི་བུ་གའི་ཚུལ་ཐམས་ཅད། །འབར་བའི་ཁྲོ་ཆུང་གཏམས་པ་ནི། །བདག་གཞན་མ་ལུས་དོན་བྱེད་པས། །ཕུར་པ་སྤྲུལ་པའི་སྐུ་ཡི་མཆོག །སྐུ་གསུམ་ཡོངས་རྫོགས་དཀྱིལ་འཁོར་ཆེ། །རང་བྱུང་ཡེ་ཤེས་གནས་ལ་འདུ། །འདི་ནི་སྐུ་ཡི་དཀྱིལ་འཁོར་ཡིན། །རིགས་ལྔ་འབྲུ་དགུ་ཀི་ལ་ཡ། །ཐམས་ཅད་གསུང་གི་དཀྱིལ་འཁོར་གསལ། །བྲིས་ཏེ་ཡིག་འབྲུ་དགོད་པ་དང་། །ཕུར་བུ་དགོད་ཅིང་དངོས་གྲུབ་བླང་། །ཐུགས་ཀྱི་དཀྱིལ་འཁོར་རྩ་བ་ལྔ། །བྲིས་ཏེ་ཕྱག་མཚན་སོ་སོར་དགོད། །མཆོད་ཅིང་ལས་བཅོལ་དངོས་གྲུབ་བླང་། །གཙོ་མོ་ཡུམ་གྱི་སྤོགས་པ་ཡིས། །དཀྱིལ་འཁོར་གནས་སུ་བྲི་བྱ་ཞིང་། །ལྷ་དགོད་རྫས་སྦྱད་བསྐུལ་བས་རྫོགས། །བསྒོམས་ཤིང་དགོད་པའི་ཏིང་ངེ་འཛིན། །བསྐུལ་ཞིང་ཡོན་ཏན་ལྡན་པ་ཡིས། །རྫས་ཀྱི་དཀྱིལ་འཁོར་ཚུལ་བཞིན་དབྱུང་། །ཉི་ཤུ་རྩ་གཅིག་ཨེ་ཡི་དབྱིབས། །ཚད་དང་ལྡན་པ་རྫས་དགོད་ཅིང་། །དངོས་གྲུབ་བླང་བར་ཐ་དད་དོ། །རྫས་བསག་བསྐྱེད་ཅིང་ཚད་ལྡན་བྲི། །རྒྱན་རྟགས་དགོད་པས་འཆོལ་བ་རྫོགས། །སྟོང་དང་རྩ་བརྒྱད་བསྒྲུབ་པའོ། །དཀྱིལ་འཁོར་བྱང་ཆུབ་སེམས་ལས་བྱང་། །ལས་ཀྱི་དཀྱིལ་འཁོར་བརྩིག་པ་དང་། །བསག་མཆོད་གསད་པའི་རྒྱུ་དང་ནི། །ཆོས་ལྡན་ཕ་རོལ་བསྐུལ་བ་ཡིས། །གཟུགས་བསྲེག་གནས་སྤར་ལས་རྣམས་ཀྱིས། །མ་ལུས་འདུས་པར་བརྒྱད་དུ་བསྟན། །རིགས་ཅན་ལྔ་ལ་ཀུན་སྦྱངས་པས། བསྙེན་བསྒྲུབ་སྐུ་གསུང་ཐུགས་ཀྱི་ངང་། །ཐིག་ལེ་གཅིག་ལ་རབ་ཏུ་འདུས། །ཞེས་བཀའ་སྩལ་ཏོ། །ཕྲིན་ལས་འདུས་པ་རྩ་བའི་རྒྱུད་ལས། ཁྱད་པར་གྱི་རིགས་ཀྱི་དཀྱིལ་འཁོར་སྤྲོ་བའི་ཕྲིན་ལས་ཀྱི་ལེའུ་སྟེ་བཅུ་གཉིས་པའོ།། །།དེ་ནས་ཁྲོ་བོའི་རྒྱལ་པོ་ཡིས། །རང་གི་འདུས་པའི་འཁོར་ཚོགས་ལ། །ཤིན་ཏུ་གདམས་པ་འདི་སྐད་གསུངས། །ཀྱེ་མ་སྲས་མཆོག་འཁོར་གྱི་ཚོགས། །སྤྲུལ་པ་ཕོ་ཉར་བཅས་པ་རྣམས། །སྙིགས་མའི་སེམས་ཅན་གདུལ་དཀའ་བ། །ཐུགས་རྗེའི་ཐབས་ཆེན་སྣ་ཚོགས་ཀྱིས། །ང་ཡི་སྐུ་གསུང་ཐུགས་ཀྱི་བདག །ཐམས་ཅད་དུ་ནི་སྣང་ཞིང་སྟོན། །བདག་གི་དོན་དུ་བཞུགས་སོ་སྙོམས། །རང་གི་རྣམ་རྟོག་ཉེ་བར་གནས། །ཁ་ཅིག་ཏུ་ནི་དགེ་སྦྱོང་ཆེ། །ཉན་ཐོས་རང་རྒྱལ་སྤྱོད་པ་སྟོན། །ལ་ལར་བྱང་ཆུབ་སེམས་དཔའ་ཡི། །སྤྱོད་པ་རླབས་ཆེན་ནུས་པར་མཛད། །ཁ་ཅིག་ལ་ནི་ལོངས་སྤྱོད་རྫོགས། །དཔེ་བྱད་བརྒྱད་ཅུར་ལྡན་པའི་སྐུ། །དུལ་བར་གནས་ལ་ཞི་བ་དང་། །གདུག་པ་ཅན་ལ་ཁྲོ་བོ་སྟེ། །ཞིང་ཁམས་རབ་ཏུ་བཀོད་པ་དང་། །གཞལ་མེད་ཁང་པའི་ཕོ་བྲང་རྫོགས། །གཉིས་མེད་སྦྱོར་བའི་ཚུལ་ཅན་དང་། །རྒྱན་གཅིག་ལྡན་པའི་སྐུ་ཡི་རིགས། །ཡབ་དང་ཡུམ་གྱི་རྣམ་པ་ཅན། །གང་གིས་འདུལ་བ་དེར་སྣང་ཞིང་། །རིགས་དྲུག་སེམས་ཅན་ཀུན་ལ་ཡང་། །རང་རིགས་གང་ཡིན་དེར་འབྱུང་བས། །ཚངས་པ་བརྒྱ་བྱིན་དབང་ཕྱུག་དང་། །གནོད་སྤྱིན་མཁའ་ལྡིང་མིའམ་ཅི། །ལྷ་མིན་དྲི་ཟ་མི་རྣམས་དང་། །བྱོལ་སོང་ཡི་དྭགས་དམྱལ་བ་རྣམས། །སོ་སོར་གང་འདུལ་དེ་ཉིད་ཀྱིས། །རང་གི་རྡོ་རྗེ་འཛིན་པར་འགྱུར། །དམན་པ་རྣམས་ལ་རིམ་པ་སྟེ། །རྟག་པ་མ་ཡིན་སྡུག་བསྔལ་དང་། །མིར་སྐྱེ་སངས་རྒྱས་འབྱུང་བ་དང་། །ཕུན་སུམ་ཚོགས་པ་རྙེད་དཀའ་དང་། །སྐྱབས་འགྲོ་གསོ་སྦྱང་བསླབ་གནས་བཅུ། །ཀུན་རྫོབ་དོན་དམ་རང་བཞིན་གྱིས། །སེམས་དབང་བསྒྱུར་ཏེ་བདག་མེད་པའི། །རྟོགས་པ་རབ་རྫོགས་དབུ་མ་སྟོན། །དེ་ནས་ལུས་ངག་བྱ་བ་དང་། །སྤྱོད་པ་རབ་སྒྲུབ་རྣལ་འབྱོར་སྟོན། །བསྐྱེད་པའི་རིམ་པ་རྣལ་འབྱོར་ཆེ། །དེ་ཡི་རྗེས་སུ་རྣལ་འབྱོར་དང་། །རབ་ཏུ་རྫོགས་པའི་རྣལ་འབྱོར་དག །ཐབས་དང་ཤེས་རབ་འཇུག་པས་དོན། །སྐུ་ལྔ་ཆོས་ལྔ་ཡེ་ཤེས་ལྔ། །ལམ་ལྔ་རིགས་ལྔ་དག་པ་ལྔ། །ས་བཅུ་སྟོབས་བཅུ་མ་འདྲེས་པ། །བཅོ་བརྒྱད་ངེས་པར་འབྱུང་བ་དང་། །བསྐལ་པ་ཆེན་པོ་གྲངས་མེད་གསུམ། །སྐད་ཅིག་ཙམ་ལ་རྫོགས་པར་བྱེད། །བློ་དང་དབང་པོ་བསམ་པ་དང་། །ཐ་མ་འབྲིང་དང་མཆོག་གྱུར་ལ། །ཚད་མེད་རྣམས་ཀྱི་ཁྱད་པར་གྱིས། །བརྟན་དང་ཐོབ་པ་དུས་གཅིག་དང་། །ཚེ་གཅིག་སྲིད་པ་བར་མ་དང་། །གསུམ་མམ་ལྔའམ་བདུན་དག་གིས། །རང་གི་ས་ལ་གནས་པར་སྟོན། །འབྱུང་བ་ཆེན་པོ་རྣམས་ཀྱིས་མཐུ། །ཕན་ཚུན་ལོག་པར་ཕྱིན་སྲིད་དེ། །གདུལ་བར་བྱ་བའི་སྲས་རྣམས་ལ། །དུས་ལ་བབ་པ་གང་ཞིག་ན། །སངས་རྒྱས་རྣམས་ནི་ཅུང་མི་འདའ། །ང་ཡི་ཡེ་ཤེས་ཚུལ་འདི་ལ། །ཁྱེད་རྣམས་འཇིགས་པར་མ་བྱེད་ཅིག །ཅེས་བཀའ་སྩལ་པདང་། །འཁོར་འདུས་པ་ཆེན་པོ་རྣམས་ཀྱིས་བཅོམ་ལྡན་འདསདེབཞིན གཤེགསཔཐམས་ཅད་སྐུ་གསུང་ཐུགས་ཀྱི་བདག་པོ་ཁྲོ་བོ་ཆེན་པོའི་རྒྱལ་པོ་ཆེན་པོ་དེ་ཉིད་ཕྲིན་ལས་ཀྱི་རྣམ་པར་རོལ་པ་ཆེན་པོའི་སྒོ་ནས། །ཡུལ་གདུག་པ་ཅན་འདུལ་བའི་རིགས་རྣམས་ཀྱི་དོན་རབ་ཏུ་རྫོགས་པར་མཛད་པ་ལ་རྗེས་སུ་ཡི་རང་བ་རྒྱ་ཆེའི་སྒོ་ནས་བསྟོད་པ་ནི། །ཀྱེ་མ་བཅོམ་ལྡན་རིག་པའི་རྒྱལ་པོ་ཁྲོ་བོའི་རྗེ། །དུས་གསུམ་སངས་རྒྱས་རྣམས་ཀྱི་སྤྱི་དཔལ་ཆེན་པོ་ཧེ་རུ་ཀ །རིག་པའི་རྒྱལ་པོ་སྐུ་ལྔ་ཡེ་ཤེས་ལྔ་རྫོགས་ལྷུན་གྲུབ་ཅིང་། །དཀྱིལ་འཁོར་གསུམ་ལྔ་བརྒྱད་ཀྱི་ངོ་བོར་སྐུ་ལ་རབ་འདུས་རྡོ་རྗེ་འཆང་། །ཕྲིན་ལས་བཞི་དང་གཙོ་ཆེན་དྲག་པོ་མངོན་འབྱུང་སྦྱིན་མཛད་པའི། །གཞོན་ནུ་ལྔ་ལྡན་མྱུར་འབྱུང་འཁོར་དང་བཅས་ལ་ཕྱག་འཚལ་བསྟོད། །དེ་ནས་བཅོམ་ལྡན་འདས་ཀྱིས། འཁོར་འདུས་པ་ཆེན་པོ་དེ་དག་ཉིད་ཀྱི་སྐུ་ལ་རབ་ཏུ་བསྡུས་ཏེ། སྐུ་ལས་འོད་ཟེར་གྱི་ཚོགས་ཆེན་པོ་སྣང་བར་མཛད་ནས། མི་གནས་པའི་དབྱིངས་ཆོས་ཉིད་མཉམ་པ་ཉིད་སྤྲོས་པ་དང་བྲལ་བའི་ངང་ལ་དགེས་པ་ཆེན་པོས་བཞུགས་པར་གྱུར་ཏོ། །ཕྲིན་ལས་འདུས་པ་རྩ་བའི་རྒྱུད་ལས། ཕྱི་མའི་ཚུལ་ངེས་པར་འབྱུང་བར་བསྟན་པའི་ལེའུ་སྟེ་བཅུ་གསུམ་པའོ།། །།བཅོམ་ལྡན་འདས་བདེ་བར་གཤེགས་པ་ཐམས་ཅད་ཀྱི་ཕྲིན་ལས་འདུས་པ་ཕུར་པ་རྩ་བའི་རྒྱུད། བི་བྱོསྟ་མ་འབུམ་སྡེ་ལས་བསྡུས་པ་རྫོགས་སོ།། །།རྒྱ་གར་གྱི་མཁན་པོ་སློབ་དཔོན་ཆེན་པོ་པདྨ་འབྱུང་གནས་དང་། བོད་ཀྱི་ལོ་སྣྲོ་བ་བི་རོ་ཙ་ན་བདག་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །རྒྱལ་པོའི་བླ་དཔེ། གཏེར་རྒྱ།