Ngb-pt-0082-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[610][610.1]རྒྱ་གར་སྐད་དུ། ཨུརུ་མསྐྲུ་ཤི་བྷ་ཥ་ཏནྟྲ་རཏྣ་ནཱ་ལྭ་ནཱ་མ། བོད་སྐད་དུ། འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ཞེས་བྱ་བ། །འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་[610.2]འཚལ་ལོ། །འཁོར་བའི་སེམས་ཅན་ཐམས་ཅད་ཀུན། །མ་རིག་པས་ནི་རྒྱུ་བྱས་ནས། །ལས་དང་ཉོན་མོངས་རྐྱེན་དབང་གིས། །སྡུག་བསྔལ་རྒྱ་མཚོར་ཆུད་པ་རྣམས། །སྡུག་བསྔལ་མཚོ་ལས་བཏོན་པ་ནི། །བྱང་[610.3]ཆུབ་བདེ་ལ་བཀོད་པའི་ཕྱིར། །གསང་དབང་ལག་ན་རྡོ་རྗེ་ཡིས། །འཇམ་དཔལ་དོན་གྱི་མཚན་བརྗོད་པའི། ཁུད་ཀྱི་སྙིང་པོ་ལྷུན་རྫོགས་འདི། །རྫོགས་པའི་སངས་རྒྱས་བཅོམ་ལྡན་འདས། །ཐུབ་པའི་དབང་པོ་ཉིད་[610.4]ལ་ཞུས། །དེ་དོན་ཕྱིན་ཅི་མ་ལོག་པར། །རྗེས་འཇུག་རྣམས་ཀྱིས་རྟོགས་བྱའི་ཕྱིར། །གསལ་བྱེད་སྒྲོན་མ་ལྟ་བུ་ཞུས། །ཨེ་མ་ཆོས་རྣམས་ཀུན་སྟོན་ཅིང་། །ཟབ་ཅིང་རྒྱ་ཆེའི་དོན་སྟོན་པ། །འཇམ་དཔལ་དོན་གྱི་མཚན་[610.5]བརྗོད་པའི། ཁུད་ཀྱི་སྙིང་པོ་ལྷུན་རྫོགས་འདི། །མར་མེ་འཆི་ཀའི་འོད་བཞིན་དུ། །བསྟན་པ་འཇིག་ཀའི་དུས་དག་ཏུ། །རྒྱལ་བའི་ཐུགས་རྗེའི་བྱིན་རླབས་ཀྱིས། །འཛམ་བུ་གླིང་གི་དབུས་སུ་དར། །སྐལ་ལྡན་རྣམས་[610.6]ཀྱི་སྒྲོན་མེ་བྱེད། །ལས་དང་ཉོན་མོངས་གཉེན་པོ་བྱེད། །དང་པོའི་འོག་མིན་ཆོས་དབྱིངས་སུ། །གསང་སྔགས་གླུ་འདི་རང་སྒྲར་བཤད། །སངས་རྒྱས་རྡོ་རྗེ་འཆངཆེནགྱིས། །སངས་རྒྱས་དཔག་མེད་རྣམས་ལ་[611][611.1]གསུངས། །དེ་ནས་ལྷ་གནས་གསུམ་དུ་གྲགས། །སྤྲུལ་སྐུ་འཁོར་ལོ་བསྒྱུར་རྒྱལ་གྱིས། །ལྷ་རྣམས་དང་ནི་དྲང་སྲོང་དང་། །རིག་འཛིན་ཚོགས་ལ་བཤད་པ་ཡིན། །ཐ་མ་འཛམ་གླིང་དབུས་སུ་[611.2]གྲགས། །བྱ་རྒོད་ཕུང་པོའི་རི་ཡི་འགྲམ། །བྱ་རྐང་རི་ཡི་རྩེ་དག་ལ། །སངས་རྒྱས་བཅོམ་ལྡན་ཤཱཀ་ཐུབ་ཀྱིས། །ལག་ན་རྡོ་རྗེ་ཁྲོ་བོའི་རྒྱལ། ཁྲོ་ཚོགས་ལྔ་བརྒྱ་དང་བཅས་ལ ཟབ་ཅིང་རྒྱ་ཆེའི་མཚན་དོན་[611.3]བཤད། །གསང་བའི་བདག་པོ་ཉིད་ཀྱིས་བསྡུས། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །བྱུང་ཚུལ་བསྟན་པའི་ལེའུ་སྟེ་དང་པོའོ།། །།དེ་ནས་གསང་དབང་ལག་ན་རྡོ་རྗེ་[611.4]ཡིས། །སྟོན་པ་ལ་ནི་དྲི་བ་དྲིས། །འཇམ་དཔལ་དོན་གྱི་མཚན་བརྗོད་པའི། ཁུད་ཀྱི་སྙིང་པོ་ལྷུན་རྫོགས་འདི། །བཤད་པའི་ཚུལ་ནི་ཇི་ལྟར་བཤད། ཁུད་ཀྱི་དོན་ནི་ཇི་ལྟ་བུ། ཁུད་ཀྱི་མཚན་ཉིད་ཇི་ལྟར་[611.5]ལགས། །ལེའུའི་སྐབས་རྣམས་དུ་ཞིག་མཆིས། །ལེའུ་དྲུག་ཡེ་ཤེས་འཆང་བ་ཡི། །རིམ་གྱིས་གོ་རིམ་མ་མཐུན་གང་། །རྒྱས་བསྡུས་རིམ་པ་དུ་ཞིག་གསུངས། །སྒྲུབ་ཐབས་ལྷ་ནི་དུ་ཞིག་མཆིས། །ཟབ་མོ་རྫོགས་པའི་[611.6]རིམ་པ་ཡི། །གདམས་ངག་གནད་ནི་ཇི་ལྟར་ལགས། །ཚིག་གི་བཀའ་ཚོམས་ཇི་ལྟར་བཤད། །དྲི་བ་རྣམ་པ་བཅུ་ཡི་དོན། །བཅོམ་ལྡན་འདས་ཀྱིས་བཤད་དུ་གསོལ། །དེ་སྐད་ཞུསཔའིཚིག་དོན་རྣམས། །འཁོར་གྱི་[612][612.1]རྟོག་པ་བསལ་བའི་ཕྱིར། །བཅོམ་ལྡན་འདས་ཀྱིས་བཀའ་སྩལ་མཛོད། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །འཁོར་གྱིས་ཞུས་པའི་ལེའུ་སྟེ་གཉིས་པའོ།། །།དེ་ནས་བཅོམ་[612.2]ལྡན་ཤཱཀྱ་ཐུབ། །རྫོགས་པའི་སངས་རྒྱས་རྐང་གཉིས་མཆོག། །འཁོར་ལ་ཞལ་གཟིགས་འཛུམ་པ་མཛད། །ལྗགས་བརྐྱངས་ནས་ནི་ཚིག་གསུངས་པ། །འཇམ་དཔལ་དོན་མཚན་བརྗོད་པ་ཡི། ཁུད་ཀྱི་སྙིང་པོ་ལྷུན་[612.3]རྫོགས་འདི། །བཤད་ཚུལ་རྣམ་པ་བཞི་ཡིན་ཏེ། །ཆོས་རྣམས་ཟབ་ཅིང་རྒྱ་ཆེ་བའི། །བདག་ཉིད་དུ་ནི་སངས་རྒྱས་དང་། །འགྲོ་བས་དེ་མ་རྟོགས་ཚུལ་དང་། །ཐུགས་རྗེ་བསྐྱེད་ཚུལ་ཉིད་དང་ནི། །དེ་ལས་དམ་ཆོས་[612.4]གསུང་ཚུལ་ལོ། །དམ་ཆོས་གསུང་ཚུལ་རྣམ་བཞི་སྟེ། །རྒྱས་པར་གསུང་དང་འབྲིང་བསྡུས་འཇུག །དེ་ལས་རྒྱས་པར་གསུངས་པ་ནི། །དུག་གསུམ་ཉོན་མོངས་ཆ་མཉམ་པའི། །གཉེན་པོ་བརྒྱད་ཁྲི་བཞི་སྟོང་ངོ་། །ཐེག་[612.5]པ་སྣ་ཚོགས་ཐབས་ཚུལ་གྱིས། །འགྲོ་བའི་དོན་ལ་སྟོན་པའོ། །འབྲིང་ནི་རྣམ་ལ་བཅུ་གཉིས་ཏེ། །མདོ་དང་དབྱངས་དང་ལུང་དུ་བསྟན། །ཚིག་བཅད་ཆེད་བརྗོད་གླེང་གཞིའི་སྡེ། །རྟོགས་བརྗོད་དེ་བྱུང་སྐྱེས་པའི་[612.6]རབས། །རྒྱས་དང་རྨད་བྱུང་གཏན་ལ་ཕབ། །ཡན་ལག་བཅུ་གཉིས་སྲིདརྩབཏོན། །བསྡུསཔ་སྡེ་སྣོད་གསུམ་དག་སྟེ། །མདོ་སྡེ་འདུལ་བ་ཆོས་མངོན་ནོ། །དེ་ཡང་རྣམ་པ་བཞི་ཡིན་ཏེ། །གང་གསུང་གང་དུ་གང་གི་[613][613.1]ཕྱིར། །ཚུལ་ནི་ཇི་ལྟར་བསྡུས་པའོ། །གང་ནི་བཅུ་དང་གཉིས་བཤད་པའོ། །གང་དུ་སྡེ་སྣོད་གསུམ་དུའོ། །གང་ཕྱིར་རིམ་པ་གསུམ་ཡིན་ཏེ། །གཉེན་པོའི་དོན་ཕྱིར་གསུམ་ཉིད་དང་། །བསླབ་གསུམ་[613.2]རྒྱུད་ལ་སྐྱེ་ཕྱིར་གསུམ། །ཆོས་དང་ཆོས་ཕྱིར་བསྡུ་བ་གསུམ། །བསྡུ་ཚུལ་ལ་ནི་རྣམ་གཉིས་ཏེ། །དོན་དང་ཚིག་གི་སྒོ་ནས་སོ། །དོན་ལ་རྣམ་པ་གསུམ་བཤད་དེ། །བསྒོམ་པ་གཙོར་སྟོན་མདོ་ཡི་སྡེ། །བསྲུང་སྡོམ་གཙོར་[613.3]སྟོན་འདུལ་བ་ཡིན། །ལྟ་བ་གཙོར་སྟོན་མངོན་པ་ཡིན། །ཚིག་བསྡུ་རྣམ་པ་གསུམ་ཡིན་ཏེ། །ཐེག་པ་ཆེ་ཆུང་ཐུན་མོང་གསུམ། །མདོ་སོགས་རིམ་ལྔ་མདོ་ཡི་སྟེ། །དེ་རྗེས་རྣམ་བཞི་འདུལ་བ་སྟེ། །ཐ་མ་གསུམ་ནི་མངོན་[613.4]པའོ། །དེ་ནི་ཐེག་པ་ཆུང་ངུ་ཡིན། །རྒྱས་དང་རྨད་བྱུང་མདོ་ཡི་སྡེ། །མདོ་སོགས་རྒྱུ་ནི་འདུལ་བ་ལ། །གཏན་ལ་ཕབ་པ་མངོན་པ་སྟེ། །དེ་ནི་ཐེག་པ་ཆེན་པོའི་གཞུང་། །དང་པོ་ལྔ་ནི་མདོ་ཡི་སྟེ། །དེ་རྗེས་དྲུག་ནི་འདུལ་[613.5]བ་ཡིན། །ཐ་མ་མངོན་པ་ཐུན་མོང་གཞུད་། །ཐེག་པ་མཆོག་གསུམ་སྟོན་པ་པོ། །གང་ཟག་བློ་ཡི་རིམ་པ་གཉིས། །ཐེག་ཆེན་ཐུན་མོང་མ་ཡིན་པའི། །དབང་དུ་བྱས་ཏེ་བཤད་པ་ལ། །མཚན་ཉིད་རྒྱུ་ཡི་ཐེག་པ་[613.6]དང་། །འབྲས་བུ་རྡོ་རྗེ་ཐེག་པའོ། །ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །དེ་ལ་ཡང་ནི་ལྔ་ཡིན་ཏེ། །སྐུ་གསུང་ཐུགས་དང་ཡོན་ཏན་ལས། །འདི་ནི་འཇམ་དཔལ་སྐུ་ཡི་རྒྱུད། །ཟབ་[614][614.1]དང་རྒྱ་ཆེའི་ལམ་དང་འབྲས། ཁྱད་པར་བཤད་ལུགསབཞིཡིསཐོཤད། །ཐུནམོང་བཅུ་གཉིས་ལུགས་ཀྱིས་བཤད། །སྟོན་པ་གནས་འཁོར་དུས་ལ་སོགས། །ཕུན་ཚོགས་ལྔ་ཡིས་གཞི་བཟུང་ལ། །བཤད་ཚུལ་བདུན་[614.2]གྱིས་གནས་སྐབས་སྦྱར། ཁྱུང་ཆེན་ནམ་མཁར་ལྡིང་བ་ལྟར། །རྒྱུད་ཀྱི་སྤྱི་ཁོག་ཕུབ་ཏེ་བཤད། །སྟག་གི་མཆོངས་སྟབས་ལྟ་བུ་ཡིས། ཁུད་ཀྱི་གཞུད་ཚོགས་ས་རྣམས་བཅད། །ངང་མོ་གཞིབ་པའི་འགྲོས་ལྟ་[614.3]བུས། །གོང་འོག་ཚིག་གི་འབྲེལ་པར་སྦྱར། །ཆེ་འགྲན་རྩོད་པ་ལྟ་བུ་ཡིས། །བརྒལ་བ་ལན་གྱིས་བསྙད་པར་བྱ། །དྲང་དཀའ་དབང་པོ་ལྟ་བུ་ཡི། །ལུང་གིས་གང་ཟག་ཡིད་ཆེས་བྱ། །བྱ་གླག་གཟན་འཇུམ་ལྟ་བུ་[614.4]ཡིས། །གདམས་ངག་གནད་ཕྱུང་སྐལ་ལྡན་དང་། །རུ་སྦལ་ནུར་འགྲོས་ལྟ་བུ་ཡིས། །ཡི་གེའི་འབྲུ་འཇོམས་ཚིག་མཐའ་བསྐྱལ། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །བཤད་ཐབས་ཀྱི་[614.5]ཡན་ལག་བསྟན་པའི་ལེའུ་སྟེ་གསུམ་པའོ།། །།ལག་ན་རྡོ་རྗེ་ཁྱོད་ཉོན་ཅིག །གསང་བའི་རྒྱུད་ཀྱི་དོན་བསྟན་པ། །ངོ་བོ་ངེས་ཚིག་དབྱེ་བའོ། །ལྡང་ཚད་མཐུན་དཔེ་དགོས་འབྲེལ་ལོ། །དབྱེ་བ་རྣམ་བཞིར་ཤེས་[614.6]བྱ་སྟེ། །ཚིག་རྡོན་སྒོ་ནས་ད་བྱེ་བ་དང་། །གཞི་ལམ་འབྲས་བུར་དབྱེ་བ་དང་། །རྩ་བ་དང་ནི་ཡན་ལག་དང་། །ལྟ་སྤྱོད་སྒོ་ནས་དབྱེ་བའོ། །ངོ་བོ་དབྱེ་ལས་ཤེས་པར་བྱ། །ངེས་པའི་ཚིག་ནི་དྲུག་ཡིན་ཏེ། །ཕུན་སུམ་[615][615.1]ཚོགས་ལྔས་འཆད་ཕྱིར་དང་། འབྲེལ་དང་མ་ཚད་མེད་ཕྱིར་དང་། །འཁྲུགས་པའི་ཕྱིར་དང་རག་ལུས་ཕྱིར། །གསང་སྔགས་བསླབ་པ་སྟོན་ཕྱིར་རོ། །ལྡང་ཚད་དག་ནི་བཞི་ཡིན་ཏེ། །གླེང་གཞི་དང་ནི་[615.2]གླེང་བསླང་དང་། །ཡོངས་སུ་ཤེས་བྱ་དངོས་པོ་བཅུ། །མཇུག་ཏུ་ཡོངས་སུ་གཏད་དང་བཞི། །དེ་ལ་དངོས་པོ་རྣམ་བཅུ་ནི། །ལྟ་བ་དཀྱིལ་འཁོར་དབང་དམ་དང་། །བསྒྲུབ་པ་ཕྲིན་ལས་སྔགས་ཕྱག་རྒྱ། །ཏིང་འཛིན་[615.3]མཆོད་དང་རྣམ་བཅུ་ཡིས། །གསང་སྔགས་རྒྱུད་ཀྱི་དབྱེ་བ་བསྟན། །ལྟ་བའི་དོན་ལ་རྣམ་བཅུ་སྟེ །ངོ་བོ་མཚན་ཉིད་ངེས་ཚིག་དབྱེ། །མཐུན་དཔེ་རྟོགས་ཐབས་ཕན་ཡོན་དང་། །རྟོགས་པའི་རྟགས་དང་རྟོགས་པའི་[615.4]ཚད། །མ་རྟོགས་ཉེས་དམིགས་སྒྲུབ་བྱེད་དོ། །སྐྱེ་འགག་མེད་དང་མཚན་ཉིད་གཞི། །ཆོས་ཀྱི་དབྱིངས་ལ་ལྟ་ཕྱིར་དང་། །མིང་ཙམ་སྣང་ཕྱིར་གཞིར་བཞེངས་དབྱེ། །མཐུན་དཔེ་རྣམ་པ་བདུན་དུ་སྦྱར། །ཉི་མ་རྡོ་རྗེ་[615.5]རིན་པོ་ཆེ། །ནམ་མཁའ་རྒྱ་མཚོ་པདྨ་གསེར། །ལུང་དང་གདམས་ངག་རྟོགས་པའི་ཐབས། །རྫོགས་སང་རྒྱས་དང་སྒྲིབ་ལས་གྲོལ། །ཆགས་སྡང་ཀུན་བྲལ་ཕྱོགས་ཞེན་མེད། །འཁོར་བ་མི་སྤང་ལུང་དང་[615.6]རིགས། ཁྲེསརབ ཆེནཔོསསྐདཅིག་ལ། །ཆོས་ཀུན་ཁོང་དུ་ཆུད་པ་པོ། །དཀྱིལ་འཁོར་དོན་ལ་རྣམ་གཉིས་ཏེ། །ཟབ་པ་ཆོས་ཉིད་དཀྱིལ་འཁོར་དང་། །རྒྱ་ཆེར་རྟགས་ཀྱི་དཀྱིལ་འཁོར་རོ། །ཆོས་ཉིད་དོན་གྱི་[616][616.1]དཀྱིལ་འཁོར་ནི། །དཀྱིལ་འཁོར་ཆེན་པོ་ཡངས་པ་ཡིན། །སྐྱེ་མེད་ཆོས་དེ་སྣ་ཚོགས་དོན། །ཅི་ཡང་མིན་ལས་ཅིར་ཡང་འཆར། །དཀྱིལ་འཁོར་ཆེན་པོ་མཆོག་ཆེན་ཕོ། །རྒྱ་ཆེན་རྟགས་ལ་དགུ་ཡིན་ཏེ། །གཞི་དང་ངོ་བོ་[616.2]ངེས་ཚིག་དང་། །དབྱེ་བ་སྣང་ལུགས་སྒོམ་ཐབས་དང་། །ཚད་དང་ཕན་ཡོན་ཉེས་དམིགས་སོ། །གཞི་ནི་ས་གཞི་ཕུང་པོ་སེམས། །ཕྱི་ནང་གསང་བར་ཤེས་པར་བྱ། །རྒྱལ་བའི་ཕོ་བྲང་འཁོར་དང་བཅས། །རིག་པ་ཆོས་[616.3]ཉིད་སྙིང་པོ་ལ། །རིགས་བཞི་ལྷ་དང་ལྷ་མོའི་འཁོར། །དཀྱིལ་འཁོར་ཞེས་ནི་དེ་ཕྱིར་བརྗོད། །དབྱེ་བ་གཟུགས་བརྙན་དཀྱིལ་འཁོར་དང་། །ཏིང་འཛིན་རང་བཞིན་དཀྱིལ་འཁོར་གསུམ། །གོམས་དང་མ་གོམས་བྱེ་[616.4]བྲག་གིས། །དངོས་དང་ཏིང་འཛིན་ཡུལ་དུ་སྣང་། །ཡང་ན་དབང་པོ་རབ་འབྲིང་གསུམ། །ཆོས་སྐུ་ལོངས་སྐུ་སྤྲུལ་སྐུའོ། །བསྒོམ་པ་རིམ་མམ་ཅིག་ཅར་རོ། །རྡུལ་ཚོན་འདོམ་གང་གྲུ་བཞི་ལ། །ཏིང་འཛིན་ལྕོགས་ཚད་[616.5]ཚད་ཡིན་ནོ། །བྲིས་པས་རྟོགས་པ་བསྐྱེད་བྱེད་ཅིང་། །བསྒོམ་པས་ཐ་མལ་ཞེན་པ་བཟློག །འཁོར་བ་མི་གྲོལ་ཉེས་པའི་སྐྱོན། །དབང་ལ་རྣམ་གཉིས་དེར་ཤེས་བྱ། །ཟབ་དོན་གྱི་ནི་དབང་མཆོག་དང་། །རྒྱ་ཆེ་རྟགས་[616.6]ཀྱི་དབང་ཉིད་དོ། །ཟབ་པ་དོན་གྱི་དབང་ཉིད་དོ། །རིག་པའི་རྩལ་དབང་ཐོབ་པ་སྟེ། །ཆོས་ཉིད་རྟོགས་པའི་དབང་ཅེས་བྱ། །ཡེ་ཤེས་དབང་བསྐུར་ཅོད་པན་ཅན། །རྒྱ་ཆེར་རྟགས་ཀྱི་དབང་བསྐུར་ལ། །རྣམ་པ་བཅུ་[617][617.1]བཞིར་ཤེས་བྱ་སྟེ། །རྒྱུ་དང་ངོ་བོ་ངེས་ཚིག་དང་། །དབྱེ་བ་རྣམ་གྲངས་བསྐུར་ཚིག་དང་། །ཐོབ་རྐྱེན་ལས་དང་དབང་བསྐུར་ཐབས། །དུས་དག་དང་ནི་འཛིན་བྱེད་རྟེན། །དཔེ་དང་ཕན་ཡོན་ཉེས་[617.2]དམིགས་སོ། །རྒྱུ་ནི་ས་བོན་ས་བོན་བཅས། །གོ་འཕང་གཞན་གྱི་རྒྱུད་ལ་དགོད། །གསང་སྔགས་ཀྱི་ནི་བསླབ་པ་དང་། །ཡོན་ཏན་དག་ལ་དབང་ཕྱིར་དབང་། །དབྱེ་བ་རྣམ་པ་བཞི་ཡིན་ཏེ། །བུམ་པའི་དབང་དང་[617.3]གསང་བའི་དབང་། ཁྲེས་རབ་ཡེ་ཤེས་དབང་ཉིད་དང་། །དབང་བཞི་པར་ནི་བསྟན་པ་ནི། །བུམ་པའི་དབང་ལ་བཅུ་གསུམ་སྟེ། །དང་པོར་བཞག་པའི་འཐད་པ་དང་། །དབང་བསྐུར་སྣོད་དུ་རུང་མི་རུང་། །སྐྱེ་རྒྱུ་ས་[617.4]བོན་དེ་རྣམས་རྟགས། །མ་ཐོབ་རྟགས་དང་བསྐུར་བའི་དུས། །སྣོད་ངན་སྦྱང་དང་ངེས་ཚིག་དབྱེ། །དབང་སྐུར་སློབ་དཔོན་མཚན་ཉིད་དང་། །དཀྱིལ་འཁོར་དབང་གི་བྱེ་བྲག་གོ །བུམ་པ་དང་པོར་བཞག་པ་[617.5]ཡང་ བུམ་པ་བཟང་པོ་ཆེ་བའི་མཆོག །བུམ་པས་དྲི་མ་འཁྲུད་བྱེད་ཅིང་། །སྣོད་དུ་རུང་བར་བྱེད་ཕྱིར་རོ། །དབང་བསྐུར་སྣོད་དུ་རུང་བ་ནི། །གསང་སྔགས་ལ་མོས་ངང་རྒྱུད་བཟང་། །བླ་མ་ལ་གུས་དམ་ཚིག་[617.6]ལྡན། །དེ་ལ་དབང་རྣམས་རིམ་བཞིན་སྦྱིན། །སྣོད་དུ་མི་རུང་གང་ཟག་ནི། །དད་ཆུང་དམ་མེད་རྒྱལ་པོ་དང་། །རང་གི་བུ་དང་ཆུང་མ་ལ། །དབང་ནི་བསྐུར་བར་མི་བྱའོ། །བུམ་དབང་སྐྱེ་བའི་རྒྱུ་གསུམ་སྟེ། ཁུ་ཡི་[618][618.1]ཆོས་ཀྱིས་མི་ངོམས་ཤིང་། །འབྲས་བུའི་ཆོས་ལ་མོས་པ་སྐྱེ། །བླ་མ་ལ་གུས་དམ་ལ་གནས། །ཐར་པ་ཐོབ་འདོད་སྐྱེས་མཆོག་དེས། །བུམ་པའི་དབང་ཐོབ་དང་པོ་ཡིན། །ས་དེ་ཐོབ་པའི་རྟགས་དག་ཀྱང་། །རང་[618.2]སེམས་ལྷར་གསལ་དམ་ཚིག་ལྡན། །བྱམས་དང་སྙིང་རྗེ་རབ་ཏུ་འཕེལ། །སློབ་དཔོན་སྤྱིར་ལེན་ཉོན་མོངས་ཆུང་། །དབང་ཉིད་མ་ཐོབ་རྟགས་དག་ཀྱང་། །གསང་བའི་མན་ངག་འཆལ་བར་སྒྲོག །རྙེད་པ་འདོད་[618.3]ཕྱིར་ཅི་ཡང་བྱེད། །རྡོ་རྗེ་སློབ་དཔོན་ལ་སྨོད་བྱེད། །སློབ་མ་དད་ལྡན་དབང་ལ་མོས། །དགོས་པའི་རྫས་ཆོགས་བསྐུར་བའི་དུས། །སྣོད་ངན་བྱུང་ན་སྦྱང་བའི་ཐབས། །སློབ་དཔོན་གྱིས་ནི་སྤྱིན་བསྲེག་དང་། །ཚ་ཚ་ལ་[618.4]སོགས་མདོ་ཡང་གདོན། །སློབ་མས་སྒྲིབ་པ་རྒྱུན་གཅོད་གདོན། །ཕྱི་བཤགས་ནང་བཤགས་ཅི་ནུས་བྱ། །བུམ་པའི་དབང་གི་ངེས་ཚིག་ཀྱང་། །དབུ་རྒྱན་ལ་སོགས་རྫས་རྣམས་ཀུན། །གཅིག་པའི་ཕྱིར་དང་འདུས་[618.5]ཕྱིར་དང་། །སྤྲོས་མེད་མཚོན་ཕྱིར་བུམ་པ་སྨོས། །དབྱེ་བ་ཕྱི་ནང་གསང་བ་གསུམ། །རང་ཤར་བརྡ་ཡི་བུམ་པ་ཕྱི། །རང་ལུས་རྟགས་ཀྱི་བུམ་པ་ནང་། །གསང་བ་ཆོས་ཀྱི་བུམ་པའོ། །དབང་བསྐུར་སློབ་དཔོན་མཚན་[618.6]ཉིད་ནི། །ལྟ་བ་མ་ནོར་གདོང་ལྡན་ཞིང་། །ཏིང་འཛིན་ལྷ་གསལ་རྒྱུད་ལ་མཁས། །ལས་དང་བྱ་བའི་ཐབས་ལ་མཁས། །གྲུབ་པ་བརྙེས་པས་དབང་བསྐུར་བྱ། །འདི་ལ་དཀྱིལ་འཁོར་དུ་ཞེ་ན། །བསྡུས་དང་འབྲིང་དང་[619][619.1]༄༅། ཁེན་ཏུ་རྒྱས། །བསྡུས་པ་ཡེ་ཤེས་སེམས་དཔའོ། །འཇམ་དཔལ་ཡེ་ཤེས་སེམས་དཔའ་ཡི། །མིང་ནི་ཡང་དག་བརྗོད་པའི་མཆོག །འབྲིང་ནི་རིགས་ལྔ་འཁོར་དང་བཅས། །ཕྱག་རྒྱ་བཞི་བཅུ་ཐམ་[619.2]པའོ། །སངས་རྒྱས་སྐུ་ལྔའི་བདག་ཉིད་ཅན། །རྒྱལ་བ་རིགས་ལྔ་ཡབ་ཡུམ་དང་། །སེམས་དཔའ་སེམས་མ་སྒོ་བ་དང་། །ཉན་ཐོས་འཇིག་རྟེན་གཙོ་བོ་དང་། །དཀྱིལ་འཁོར་རྒྱལ་པོ་འདི་རུ་འདུས། །དེ་ལ་དབང་གི་བྱེ་[619.3]བྲག་ནི། །དཀྱིལ་འཁོར་གང་བླང་བསྐུར་ཐབས་གང་། །སྒྲིབ་པ་གང་དག་གདམས་ངག་གང་། །ལྟ་བ་སྤྱོད་པ་དམ་ཚིག་དང་། །འབྲས་བུ་དག་དང་བརྒྱད་ཡིན་ནོ། །དཀྱིལ་འཁོར་རྡུལ་ཚོན་ཉིད་ལས་བླངས། །བསྐུར་[619.4]གནས་སློབ་མའི་སྤྱི་བོར་བསྐུར། །སྒྲིབ་པ་ལས་ཀྱི་སྒྲིབ་པ་དང་། །གདམས་ངག་སྐྱེད་རིམ་གདམས་ངག་སྟོན། །ལྟ་བ་སྔགས་ཀྱི་ཉན་ཐོས་རྟོགས། །སྤྱོད་པ་དམ་རྫས་ལྔ་ལ་སྤྱོད། །དམ་ཚིག་རྩ་བ་གཅིག་ཉིད་[619.5]དང་། །ཡན་ལག་དང་ནི་བཅས་པའོ། །འབྲས་བུ་མི་དང་ལྷ་གནས་སུ། །འཁོར་ལོས་བསྒྱུར་བའི་རྒྱལ་པོ་ཐོབ། །གསང་བའི་དབང་ལ་བརྒྱད་ཡིན་ཏེ། ཁུ་དང་གང་ཟག་དགོས་ཆེད་དང་། ཐོབ་པའི་རྟགས་དང་[619.6]མ་ཐོབ་རྟགས། །སྲིད་པའི་འདོད་ཆགས་སྤངས་མ་སྤངས། །ངེས་པའི་ཚིག་དང་བྱེ་བྲག་གོ །དཀའ་ཐུབ་སྡོམ་པས་མི་གདུང་ཞིང་། །གསང་བའི་དོན་མོས་སྐྱེ་བའི་རྒྱུ། །གང་ཟག་སྣོད་དུ་མི་རུང་བ། །དགེ་སློང་བྲམ་ཟེ་[620][620.1]རྒད་པོ་དང་། །དད་མེད་དམ་མེད་འདིར་མ་ཡིན། །དགོས་ཆེད་མོས་དང་གསང་ཐུབ་དང་། །གསང་བ་སྔགས་ཀྱི་བྱིན་རླབས་འབྱུང་། །གསང་མཆོག་རྒྱལ་པོ་འདི་ཐོབ་ན། །གང་ཟག་རྣམས་ལ་མི་བརྟེན་ཅིང་། ཁུད་[620.2]རྣམས་གཙོར་ལེན་བསྒྲུབ་ལ་གུས། །དགོན་པ་ལ་དགའ་བཟླས་བརྗོད་གྲིམས། །ཐེག་པ་དམན་ཡང་གཏོང་པར་བྱེད། །འདི་ནི་གསང་མཆོག་ཐོབ་པའི་རྟགས། །དམན་པའི་སྦྱོར་བ་དང་དུ་ལེན། །གསང་བའི་དོན་ལ་[620.3]སྐུར་པ་འདེབས། །གསང་བའི་གསང་མཚན་སྒྲོགས་ཤིང་གཤེ། །འདི་ནི་གསང་དབང་མ་ཐོབ་རྟགས། །གསང་བའི་དབང་མཆོག་འདི་ཐོབ་པས། །པད་ལྟར་སྲིད་པའི་འདོད་ཆགས་སྤང་། །དངོས་གྲུབ་འབྱུང་བའི་[620.4]གསང་དབང་དེ། །ཀུན་ལ་གསང་ཕྱིར་གསང་ཞེས་བྱ། །གསང་དབང་བྱེ་བྲག་དགུ་ཡིན་ཏེ། །དཀྱིལ་འཁོར་བསྐུར་གནས་དག་པའི་ཚུལ། །གདམས་དང་ས་དང་བལྟ་བ་དང་། །སྤྱོད་པ་དམ་ཚིག་འབྲས་བུའོ། །དཀྱིལ་[620.5]འཁོར་ཡབ་ཡུམ་མཁའ་ལས་བླང་། །བསྐུར་གནས་སློབ་མའི་ལྕེ་ལ་བླང་། །སྒྲིབ་པ་ངག་གི་སྒྲིབ་པ་དག །གདམས་ངག་རང་བྱུང་ཡེ་ཤེས་སྟོན། །སྐལ་པ་ས་བརྒྱད་ནོན་དང་མཚུངས། །བལྟ་བ་ཐེག་པ་སེམས་ཙམ་[620.6]རྟོགས། །སྤྱོད་པ་སྦྱོར་སྒྲོལ་ལ་སོགས་པ། །གསང་བའི་མཛད་སྤྱོད་རྣམས་ལ་སྤྱོད། །དམ་ཚིག་ཉི་ཤུ་རྩ་བརྒྱད་བསྲུང་། །འབྲས་བུ་ཚེ་དབང་རིག་འཛིན་འཐོབ། །གསང་སྔགས་དོན་ཀུན་བསྐྱེད་པའོ། ་ས་རབ་ཡེ་[621][621.1]༄༅། ཁེས་དབང་མཆོག་ལ། །རྣམ་པ་བཅུ་གཅིག་ཤེས་བྱ་སྟེ། །རྒྱུ་དང་སྣོད་དུ་མི་རུང་ཚད། །སྣོད་དུ་རུང་བའི་ཚད་དང་རྟེན། །དེ་ལ་ཆོས་ནི་དུ་ལྡན་དང་། ཟུང་དུ་འབྲེལ་དང་ཐོབ་རྟགས་དང་། །མ་ཐོབ་[621.2]རྟགས་དང་བསྐྱར་ཆོག་དང་། །ངེས་པའི་ཚིག་དང་བྱེ་བྲག་གོ །ཐེག་ཆེན་མཆོག་ལ་རབ་མོས་ཤིང་། །བུམ་དང་གསང་བ་རྣམ་གཉིས་ཐོབ། །ཐབས་དང་ཤེས་རབ་ཟུང་དུ་འབྲེལ། །དེ་ནི་ཐོབ་པར་བྱེད་པའི་རྒྱུ། ཁྲེས་[621.3]རབ་ཡེ་ཤེས་ངོ་བོ་ནི། །ཀུན་གྱི་ཐུན་མོང་མ་ཡིན་པས། །སྨོད་དང་འཕྱ་དང་ཡལ་བར་དོར། །སྣོད་དུ་མི་རུང་བསྟན་མི་བྱ། །བ་་མཆོག་སེང་གེའི་འོ་མ་ནི། །སྣོད་མཆོག་རིན་ཆེན་གསེར་སྣོད་བླུག །མཆོག་ལ་མོས་[621.4]ཤིང་དབང་གཉིས་བགྲོད། ཁྲེས་རབ་ལྡན་ཞིང་དམ་ཚིག་ལྡན། །འདི་ནི་སྣོད་དུ་རུང་བའི་ཚད། །རྟེན་ནི་རང་བྱུང་ཡེ་ཤེས་ལ། །སྒྲོན་མུན་བསལ་བ་ཇི་བཞིན་ནོ། །ལུས་དང་ངག་ལ་བརྟེན་པའི་དབང་། །བགྲོད་པས་[621.5]རྣམ་གཉིས་མི་རྟག་འགྱུར། ཁེས་རབ་ལ་ནི་ཆོས་བཞི་སྟེ། །ངོ་བོ་ཉིད་དང་གསང་དོན་རྟོགས། །མ་བསྒྲིབས་པ་དང་རྣམ་བཞི་ཡིན། །ཡེ་ཤེས་ལ་ཡང་རྣམ་བཞི་སྟེ། །བྱེད་པ་མེད་པར་རང་བྱུང་དང་། །ཡེ་དོན་ངེས་པར་[621.6]ཤེས་པ་དང་། །རྐྱེན་གྱིས་མི་འགྱུར་ཤེས་བྱ་གསལ། །གང་གིས་རང་བྱུང་རྟོགས་གྱུར་ན། །ཐབས་དང་ཤེས་རབ་ཟུང་དུ་འབྲེལ། །སྣང་བ་མི་འགོག་ཐབས་ཡིན་ནོ། །ཞེན་ཆགས་མེད་པ་ཤེས་རབ་ཡིན། །གང་གིས་[622][622.1]གསང་ཆེན་རྟོགས་པའི་རྟགས། །འཁོར་བའི་ཆོས་ལ་ཞེན་པ་ལོག །མཉམ་པའི་རྗེས་སུ་གཞོལ་བའོ། །སྙིང་རྗེ་བྱང་སེམས་རབ་ཏུ་འཕེལ། །དབང་མཆོག་མ་ཐོབ་རྟགས་དག་ཀྱང་། །དབུལ་པོ་ཕྱུག་པོར་ཁས་འཆེ་[622.2]འདྲ། །ནོར་འདོད་ཕྱིར་ན་ངན་ལས་བྱེད། །ཐེག་པ་ཆེན་པོར་ཁས་འཆེས་ཀྱང་། །ཐ་སྙད་འདོད་ཕྱིར་མི་ཕྱིར་འབྲང་། །དབང་མ་ཐོབ་སྟེ་བསྐུར་འདོད་ན། །དད་ལྡན་ཚུལ་ཤེས་ངན་སོང་སྤྱོང་། །ཚུལ་དང་ལྡན་པར་[622.3]བྱིན་བརླབས་ཏེ། །ཡང་དང་ཡང་དུ་སྙོམས་འཇུག་གསལ། །བླ་མ་དཔེ་རུ་ནམ་མཁའ་གསལ། །ལུང་དང་མན་ངག་རིག་པས་སྐྱོར། ་ས་པ་རབ་ཡིན་ཡེ་ཤེས་ཡིན། །དེ་ཕྱིར་ཤེས་རབ་ཡེ་ཤེས་སོ། །བྱེ་བྲག་ལ་ནི་[622.4]རྣམ་པ་བརྒྱད། །དཀྱིལ་འཁོར་བསྐུར་གནས་འདག་ཚུལ་དང་། །གདམས་ངག་བལྟ་སྤྱོད་དམ་ཚིག་དང་། །འབྲས་བུ་བསྟན་པ་ཉིད་དང་བརྒྱད། །དཀྱིལ་འཁོར་བླ་མའི་ཞལ་ལས་བླང་། །གནས་ནི་སློབ་མའི་སེམས་[622.5]ལ་བསྐུར། །སྒྲིབ་པ་སེམས་ཀྱི་སྒྲིབ་པ་དག །གདམས་ངག་ཡེ་ཤེས་ངོས་བཟུང་སྟོན། །བལྟ་བ་གཉིས་མེད་ཡེ་ཤེས་རྟོགས། །སྤྱོད་པ་རང་ཤུགས་དགག་བསྒྲུབ་མེད། །དམ་ཚིག་མཉམ་པ་ཆེན་པོ་བསྲུང་། །འབྲས་བུ་[622.6]སྐུ་གསུམ་ཡེ་ཤེས་ལྔ། ་ས་རབ་ཡེ་ཤེས་མེ་པོ་ཆེ། །བཅུ་དྲུག་ཕྱེད་ཕྱེད་ཐིག་ལེ་ཅན། །ཡན་ལག་མེད་པའི་རྩིས་ལས་འདས། །དབང་བཞི་པ་ནི་དེ་དག་ལ། །རྒྱས་འདེབས་པ་ཡི་མན་ངག་སྟེ། གཉིས་མེད་གཉིས་སུ་[623][623.1]མེད་པར་སྟོན། །ཡང་དག་མཐའ་ལ་རྣམ་པར་གནས། །རང་རིག་འགག་མེད་འདུས་མ་བྱས། །བདེ་ཆེན་རང་བཞིན་དངོས་མེད་སྟོན། །མ་སྐྱེས་གསལ་བ་ཡེ་ཤེས་སྐུ། །དེ་ཡི་གནས་ལ་གོམས་པར་[623.2]བྱ། །དབང་བསྐུར་བ་དང་རབ་ཏུ་གནས། །གོ་འཕང་བསྒོམ་དང་རིང་དུ་སྤྱིན། །བྱིན་བརླབ་ཅེས་བྱ་རྣམ་གྲངས་སོ། །དེ་ལ་དབང་འདི་བསྐུར་ཚུལ་དང་། །སློབ་མའི་སྣོད་དང་མོས་སྦྱར་ལ། །ཏིང་ངེ་འཛིན་ནི་རྡུལ་ཚོན་[623.3]ལ། །བརྟེན་ཏེ་རིམ་མམ་ཅིག་ཅར་བསྐུར། །དབང་ཐོབ་རྐྱེན་ལ་རྣམ་བཞི་སྟེ། །བླ་མས་དབང་ཐོབ་ནུས་ལྡན་དང་། །སློབ་མ་དད་ལྡན་ཡོད་པ་ལ། །བླ་མ་མཉེས་པར་བྱས་པ་དང་། །དབང་གི་ཆོ་ག་ལེགས་[623.4]པའོ། །དབང་གི་ལས་ནི་སློབ་མ་ཡི། །དྲི་མ་དག་པར་བྱེད་པའོ། །བསྐུར་ཐབས་རྣམ་པ་བཞི་ཡིན་ཏེ། །ཕྱི་ལྟར་རྫས་ལ་བརྟེན་ནས་བསྐུར། །ནང་གི་རྫས་གཟུངས་བརྟན་ཏེ་བསྐུར། །གསང་བ་ཏིང་ངེ་འཛིན་ལ་[623.5]བསྐུར། །མཐར་ཐུག་གདམས་ངག་བརྟེན་ཏེ་བསྐུར། །དུས་ནི་སྡིག་པ་ལས་ལོག་པ། །གསང་སྔགས་ཆོས་ལ་མོས་དུས་སོ། །དབང་རྣམས་འཛིན་པའི་རྟེན་དག་ནི། །དམ་ཚིག་ཡིན་ཏེ་ཉམས་ན་ཡལ། །དཔེ་ནི་[623.6]གྱང་དང་རི་མོ་ལྟར། །དབང་རྣམས་བསྐུར་བའི་ཕན་ཡོན་ནི། །གསང་སྔགས་སྣོད་དུ་རུང་བ་དང་། །དུས་འདི་ཚུན་ཆད་རྒྱལ་བའི་སྲས། །དབང་མ་བསྐུར་པའི་ཉེས་དམིགས་ནི། །ཉན་པ་ལ་སོགས་བརྩམ་པ་[624][624.1]རྣམས། །འབྲས་བུ་མེད་ཅིང་བརླག་པར་འགྱུར། །དམ་ཚིག་དོན་ལ་རྣམ་གཉིས་ཏེ། །ཟབ་མོ་དོན་གྱི་མཚན་ཉིད་དང་། །རྒྱ་ཆེ་བསྲུང་བའི་དམ་ཚིག་གོ །ཟབ་པ་དོན་གྱི་དམ་ཚིག་ནི། །རང་སེམས་མཉམ་པ་ཆེན་པོ་[624.2]རྟོགས། །དམ་ཚིག་ཀུན་གྱི་མཆོག་ཏུ་གསུངས། །དེ་ཡི་ངང་ལས་མི་འདའ་བར། །བློ་དང་ལྡན་པས་གནས་པར་བྱ །རྒྱ་ཆེ་བསྲུང་བའི་དམ་ཚིག་ལ། །དོན་ནི་བཅོ་ལྔར་ཤེས་པར་བྱ། ཁུ་དང་ངོ་བོ་ངེས་ཚིག་[624.3]དང་། །དབྱེ་བ་དཔེ་དང་རྣམ་གྲངས་དང་། །ལས་དང་ཆེ་བ་བསྲུང་ཐབས་དང་། །ཉམས་རྒྱུ་ཉམས་རྟགས་སྤྱོད་པ་དང་། །བསྐང་ཐབས་ཕན་ཡོན་ཉེས་དམིགས་སོ། །རྒྱུ་ནི་རྩ་བ་བྱང་ཆུབ་སེམས། །ངོ་བོ་བསྲུང་བར་བྱ་[624.4]བ་རྣམས། །སེམས་པ་རྒྱུན་མ་ཆད་པའོ། །ངེས་ཚིག་དམ་པས་གསུང་རྣམས་ལ། །འདའ་བར་བྱ་བ་མ་ཡིན་ལ། །འདས་ན་ཚིག་ཕྱིར་དམ་ཚིག་གོ །དབྱེ་བ་གསུམ་སྟེ་སྤྱི་དང་ནི། །ཁྱད་པར་ལྷག་པའི་དམ་ཚིག་གོ །ཁྱད་[624.5]པར་ལ་ནི་རྩ་བ་དང་། །ཡན་ལག་དག་ཏུ་ཤེས་པར་བྱ། །དཔེ་ནི་སོ་མཁར་ལྟ་བུའོ། །དམ་ཚིག་སྡོམ་པ་ཐ་ཚིག་སྟེ། །ཡལ་གམ་ཞེས་བྱ་རྣམ་གྲངས་སོ། །ལས་ནི་སྡིག་པ་སྤོང་བྱེད་ཅིང་། །ལེགས་པའི་ཡོན་ཏན་འཛིན་[624.6]པར་བྱེད། །དམཚིགདགགིཆེབནི། །བླ་མེད་དམ་ཚིག་འདི་ཉིད་དུ། །བསྲུང་བྱ་ཀུན་འདུས་རྣམ་པར་དག །བསྲུང་ཐབས་གཡོ་སྒྱུ་མེད་པ་ཡིས། །དྲན་དངཤེསབཞིནབྱརསབསྲུང་། །འཁོར་བའི་ཆོས་ལ་ཆགས་[625][625.1]སྡང་ཆེ། །ཆོས་ལ་སྒྲོ་སྐུར་ཕྱོགས་འཛིན་རགས། །དད་བརྩོན་ཤེས་རབ་སྙིང་རྗེ་ཆུང་། །གཉིད་དགའ་ཆང་དང་རང་འདོད་ཆེ། །གསང་མི་ཐུབ་པ་ཉམས་པའི་རྒྱུ། །འཁོར་དང་ལོངས་སྤྱོད་མི་རྟག་[625.2]དང་། །མཛེ་སོགས་ནད་མང་ཚེ་ཚད་ཐུང་། །མ་ཉེས་དགྲ་ལྷ་མཁའ་འགྲོའི་ཆད། །བརྩམ་པའི་ལས་ལ་འབྲས་བུ་མེད། །ཡིད་དུ་མི་འོང་སྣ་ཚོགས་འབྱུང་། །འདི་རྣམས་དམ་ཚིག་ཉམས་པའི་རྟགས། །དམ་ཚིག་ཉམས་[625.3]པའི་སྤྱོད་པ་ནི། ཁུ་ལ་མ་འབད་འབྲས་བུ་ལ། །རེ་བ་ཉམས་པའི་སྤྱོད་པ་ཡིན། །མ་སྦྱངས་མཁས་པར་འདོད་པ་དང་། །ལྟ་བ་ཕྱོགས་རིས་ཉོན་མོངས་རགས། །སློབ་དཔོན་ཁྱད་གསོད་སྒྲོ་སྐུར་ཆེ། །དམ་ཚིག་ཉམས་[625.4]པའི་བསྐང་ཐབས་ནི། །ཡན་ལག་དམ་ཚིག་ཉམས་གྱུར་ན། །ཕྱི་བཤགས་ནང་བཤགས་འབད་དེ་བྱ། །རྩ་བའི་དམ་ཚིག་ཉམས་གྱུར་ན། །བླ་མ་ལ་ནི་འབུལ་བ་བསྐྱར། །སྐུ་ལ་རྒྱལ་བའི་གཟུགས་སྐུ་བྱ། །གསུང་ལ་[625.5]མདོ་འདོན་བཟླས་བརྗོད་བྱ། །ཐུགས་ལ་མཚན་བཅས་མཚན་མེད་བསྒོམ། །མཆོག་ཏུ་ལྷ་བསྒོམ་དོན་ལ་འབད། །དམ་ཚིག་བསྲུངས་པའི་ཕན་ཡོན་ནི། །མཆོག་དང་ཐུན་མོང་དངོས་གྲུབ་བོ། །ཉམས་པའི་ཉེས་[625.6]དམིགས་རྣམ་གཉིས་ཏེ། །འདི་དང་ཕྱི་མར་སྡུག་བསྔལ་འགྲུབ། །དམཚིག ཆེནཔོདེཉིདམཁྱེན། །ཁྱབ་བདགཚིག ཆེན དེཉིདམཁྱེན། །གལ་ཏེ་གསང་སྔགས་བསྒྲུབ་འདོད་ན། །དམ་ཚིག་ལ་ནི་གནས་པར་[626][626.1]བྱ། །དམ་ཚིག་དག་དང་མི་ལྡན་ན། །ཕྱི་ནང་སྡེ་སྣོད་ཀུན་མཁས་ཀྱང་། །འདབ་གཤོག་མེད་པའི་བྱ་བཞིན་ཏེ། །དམྱལ་བའི་གནས་སུ་ཐེ་ཚོམ་མེད། །བསྒྲུབ་པའི་དོན་ལ་གཉིས་ཡིན་ཏེ། །ཟབ་པ་དོན་གྱི་བསྒྲུབ་པ་[626.2]དང་། །རྒྱ་ཆེ་བ་ཡི་བསྒྲུབ་པའོ། །གཉིས་མེད་དོན་ལ་བསྒྲུབ་པ་ནི། །ཟབ་པ་དོན་གྱི་བསྒྲུབ་པ་ཡིན། །རྒྱ་ཆེན་བསྟན་པ་བཅུ་གཅིག་སྟེ། །རྒྱུ་དང་ངོ་བོ་ངེས་ཚིག་དང་། །དབྱེ་དང་བསྒྲུབ་ཚུལ་རྣམ་གྲངས་དང་། །ཆ་རྐྱེན་[626.3]གང་ཟག་དམིགས་པ་དང་། །ཕན་ཡོན་དང་ནི་ཉེས་དམིགས་སོ། །རྒྱུ་ནི་རང་ལ་གནས་པ་ཡི། །བྱང་ཆུབ་སེམས་ཀྱི་ཡོན་ཏན་བསྒྲུབ། །ངོ་བོ་དངོས་གྲུབ་གཉིས་འགྲུབ་པར། །བྱེད་པའི་ཐབས་ཀྱི་རིམ་པའོ ངེས་པའི་[626.4]ཚིག་ནི་ཐབས་འདི་ཡིས། །དགོས་དོན་བསྒྲུབ་ཕྱིར་བསྒྲུབ་པའོ། །དབྱེ་བ་ལ་ནི་རྣམ་བཞི་སྟེ། །བསྙེན་པ་དང་ནི་ཉེ་བསྙེན་དང་། །སྒྲུབ་པ་དང་ནི་སྒྲུབ་ཆེན་པོ། །སྒྲུབ་པའི་ཚུལ་ལ་རྣམ་གཉིས་ཏེ། ་ས་རབ་སྒོ་ནས་[626.5]ཅིག་ཅར་དུ། །འཇུག་པའི་ཚུལ་གྱིས་བསྒྲུབ་པ་དང་། །ཐབས་ཀྱི་སྒོ་ནས་རིམ་པ་ཡིས། །འཇུག་པའི་ཚུལ་དུ་བསྒྲུབ་པའོ། །སྒྲུབ་པའི་ཚུལ་གྱིས་བསྒྲུབ་པ་དང་། །བསྒྲུབ་པ་ཉམས་སུ་ལེན་པ་དང་། །ཚུལ་བཞིན་སྤྱོད་[626.6]དང་ལམ་ལ་གནས། །རྣལ་འབྱོར་བརྩོན་ཞེས་རྣམ་གྲངས་སོ། །དེ་ལ་སྒྲུབ་པའི་ཆ་རྐྱེན་ནི། །གནས་དང་གྲོགས་དང་འཁོར་ཡོ་བྱད། །ཕུན་སུམ་ཚོགས་པས་རྟེན་པའོ། །སྒྲུབ་པ་རྟེན་གྱི་གང་ཟག་ནི། །དད་བརྩོན་དམ་[627][627.1]ཚིག་ལྡན་པ་དང་། ཁྲེས་རབ་རྙིང་རྗེ་ཆེ་བ་དང་། དབང་ཐོབ་མན་ངག་ཅན་གྱིས་བསྒྲུབ། །དམིགས་པ་མཆོག་དང་ཐུན་མོང་ངོ་། །ཕན་ཡོན་འདོད་པའི་དོན་རྣམས་ཀུན། །ཇི་ལྟ་བར་ནི་འགྲུབ་[627.2]པའོ། །མ་བསྒྲུབས་ཉེས་དམིགས་བསྟན་པ་ནི། །འཁོར་བའི་འཁོར་ལོར་འ་ས་པའོ། །ཕྲིན་ལས་ལ་ནི་རྣམ་གཉིས་ཏེ། །ཟབ་པ་དོན་གྱི་ཕྲིན་ལ་དང་། །རྒྱ་ཆེ་དོན་གྱི་ཕྲིན་ལས་སོ། །ཟབ་པ་དོན་གྱི་ཕྲིན་ལས་[627.3]ནི། །མཉམ་ཉིད་རྟོགས་པའི་དང་ནས་ནི། །ལས་བཞི་ཕྲིན་ལས་ཀུན་ཀྱང་འགྲུབ། །རྒྱ་ཆེ་རྟགས་ཀྱི་ཕྲིན་ལས་ལ། །དོན་ནི་བཅུ་གཅིག་ཤེས་བྱ་སྟེ། ཁུ་དང་ངོ་བོ་ངེས་ཚིག་དང་། །དབྱེ་བ་མིང་གི་རྣམ་གྲངས་[627.4]དུས། །ཡུལ་དང་རྩོམ་པའི་གང་ཟག་ཚུལ། །ཕན་ཡོན་མ་བརྩམས་ཉེས་དམིགས་སོ། ཁུ་ནི་ཚད་མེད་རྣམ་བཞི་པོ། ཁེས་རབ་དང་ནི་བཅས་པའོ། །ངོ་བོ་བདག་ཉིད་ཆེན་པོ་ཡི། །ཐུགས་རྗེས་འགྲོ་བ་ཕན་འདོགས་[627.5]པའོ། །ངེས་ཚིག་བྱ་བར་འོས་པའོ། །མཛད་སྤྱོད་བྱ་ཕྱིར་ཕྲིན་ལས་སོ། །དབྱེ་བ་བཞི་ལ་སོགས་པ་ཡིས། །ཕྲིན་ལས་དང་ནི་མཛད་སྤྱོད་དང་། །བྱ་བ་ཞེས་བྱ་རྣམས་གྲངས་སོ། །དུས་ནི་འདུལ་བ་ལ་སོགས་[627.6]པ། །སྐབས་ལ་བབ་པའི་དུས་ཉིད་དོ། །ཕྲིན་ལས་བརྩམ་ཡུལ་བསྟན་པ་ནི། །སྤྱིར་ནི་སེམས་ཅན་ཐམས་ཅད་ལ། །ཁྱད་པར་གནོད་སྡིག་དབུལ་ཕོངས་དང་། །ལོག་ལྟ་ཅན་དང་དྲེགས་པ་ཅན། །ནད་དང་གདོན་གྱིས་[628][628.1]ཉེན་པའོ། །བསྙེན་པ་རྫོགས་ཤིང་ནུས་པར་ལྡན། །མོམུ་པའི་གང་ཟག་ཡིན་པར་གསུངས། །ཕྲིན་ལས་བརྩམ་ཚུལ་རྣམ་གཉིས་ཏེ། །ནང་དང་ཕྱི་རུ་ཤེས་པར་བྱའོ། །ནང་ནི་ཤེས་རབ་ཏིང་འཛིན་དང་། །བཟླས་པ་[628.2]དག་ལ་བརྟེན་པའོ། །ཕྱི་ནི་སྦྱིན་བསྲེག་ཕུར་བུ་དང་། །ཐུན་དང་གཏོར་མ་དཀྱིལ་འཁོར་དང་། །མནན་གཏད་སྤྱོད་ལ་སོགས་པ་བསྟན། །ཕྲིན་ལས་བརྩམ་པའི་ཕན་ཡོན་ནི། །བདག་གཞན་དོན་ནི་འགྲུབ་[628.3]པའོ། །ལས་མ་བརྩམས་པའི་ཉེས་དམིགས་ནི། །བདག་གཞན་བར་ཆོད་དོན་མི་འགྲུབ། །བྱེད་པ་སེམས་ཅན་ཀུན་དོན་བྱེད། །སྔགས་ལ་རྣམ་པ་གཉིས་ཡིན་ཏེ། །ཟབ་པའི་སྔགས་དང་རྒྱ་ཆེའི་སྔགས། །ཟབ་པའི་[628.4]སྔགས་ནི་གཉིས་མེད་དོ། །གསང་བ་སྔགས་ཞེས་བཤད་པ་ཡིན། །རྒྱ་ཆེའི་སྔགས་ལ་དོན་བཅུ་སྟེ། །སྔགས་ཀྱི་དོན་ལ་བཅུ་ཡིས་བསྟན། །རྒྱུ་དང་དབྱེ་བ་ངོ་བོ་དང་། །ངེས་ཚིག་བཟླ་ཐབས་བྱེད་པའི་ལས། །རྟགས་[628.5]དང་མཚན་ཉིད་ཕན་ཡོན་དང་། །སྔགས་དང་མི་ལྡན་ཉེས་དམིགས་སོ། ཁུ་ནི་བྱང་ཆུབ་སེམས་ཉིད་དེ། །སྐྱེ་འགག་མེད་པའི་བདག་ཉིད་དོ། །དབྱེ་བ་ལ་ནི་རྣམ་གཉིས་ཏེ། དོན་ཉིད་ཡེ་ཤེས་སྒོ་ནས་དང་། །རྟགས་[628.6]ཉིད་བཟླས་པའི་སྒོ་ནས་སོ། །དོན་གྱི་སྒོ་ནས་དབྱེ་བ་གསུམ། །གསང་སྔགས་རིག་སྔགས་གཟུངས་སྔགས་སོ། །བཟླ་ཐབས་དབྱེ་ན་བཞི་ཡིན་ཏེ། ཁུ་ནི་མ་ནོར་རྩ་བའི་སྔགས། །བསྐྱེད་པ་རྐྱེན་དང་བཟླས་པ་[629][629.1]ལས། །སྐུལ་བའི་ཕྲིན་ལས་སྔགས་དང་བཞི། །དེ་ལ་སྔགས་ཀྱི་ངོ་བོ་ནི། །ཆོས་ཉིད་མ་ནོར་ཇི་བཞིན་གནས། །ཐབས་དང་ཤེས་རབ་བདག་ཉིད་ཅན། །དེ་ནི་གསང་སྔགས་ངོ་བོ་ཡིན། །དེ་དོན་ཕྱིན་ཅི་[629.2]མ་ལོག་རྟོགས། །དེ་ནི་རིག་སྔགས་ངོ་བོའོ། །རྟོགས་པའི་དོན་ལ་མ་ཡེངས་ནས། །དེ་ནི་གཟུངས་སྔགས་ངོ་བོ་ཡིན། །བཟླ་བ་སྔགས་ཀྱི་ངོ་བོ་ནི། །གསང་སྟེ་ངག་ཏུ་བརྗོད་བའོ། །ངེས་ཚིག་མན་ཏྲ་ཞེས་པའི་[629.3]སྒྲ། ཁྲེས་པ་སྐྱོབ་ཕྱིར་སྔགས་ཞེས་བྱའོ། །བཟླ་བའི་ཐབས་ལ་རྣམ་གཉིས་ཏེ། །དོན་གྱི་སྔགས་ཀྱི་བཟླ་ཐབས་ནི། །རྟོགས་ཤིང་ལྷ་བསྒོམ་ཡིད་ལ་གསལ། །རྟགས་ཀྱི་སྔགས་ལ་ཡང་ནི་གཉིས། །རྡོ་རྗེ་ཞི་བའི་ཟླས་[629.4]པ་དང་། །རྡོ་རྗེ་ཁྲོ་བོའི་བཟླ་ཐབས་སོ། །ཞི་བ་ཤིན་ཏུ་མེར་ཆགས་བཟླས། །ཁྲོ་བོ་དྲག་ཅིང་དར་ཆགས་བཟླས། །དེ་ལ་ཡང་ནི་རྣམ་གསུམ་སྟེ། །བསྙེན་པ་ཆུ་བོའི་གཞུང་ལྟར་འདྲེན། །བསྒྲུབ་པ་ཕུ་ཆུ་འབྲུབ་པ་[629.5]ལྟར། །ལས་སྦྱོར་ནམ་མཁའི་ཐོག་འབབ་ལྟར། །སྔགས་ཀྱི་བྱེད་པའི་ལས་བཤད་པ །གསང་སྔགས་བཟླས་པས་འཁྲུལ་རྟོག་སེལ། །རིག་སྔགས་ཀྱིས་ནི་མ་རིག་སེལ། །གཟུངས་སྔགས་ཀྱིས་ནི་དྲན་ཉམས་[629.6]སེལ། །བཟླས་པའི་སྔགས་ཀྱིས་འཇིག་རྟེན་དང་། །འཇིག་རྟེན་འདས་པའི་སྲོག་བསྐུལ་ཏེ། །དངོས་གྲུབ་མྱུར་དུ་འབྱུང་བར་བྱེད། །སྔགས་ཀྱི་རྟགས་ནི་རྣམ་གསུམ་སྟེ། །གསང་སྔགས་རྟགས་ནི་ལྷ་ཕོ་དང་། རིག་[630][630.1]སྔགས་རྟགས་ནི་ལྷ་མོ་དང་། །གཟུངས་སྔགས་ཡབ་ཡུམ་ཟུང་དུ་འབྲེལ། །མཚན་ཉིད་བསྟན་པ་རྣམ་བཞི་སྟེ། ཁྲེས་རབ་དང་ནི་སྙིང་རྗེ་ཉིད། །གསང་སྔགས་དག་གི་མཚན་ཉིད་ཡིན། ཁྲེས་རབ་དང་ནི་ཡེ་ཤེས་[630.2]ཉིད། །རིག་སྔགས་ཀྱི་ནི་མཚན་ཉིད་དེ། ཁྲེས་རབ་དང་ནི་དྲན་པ་ཉིད། །གཟུངས་སྔགས་ཀྱི་ནི་མཚན་ཉིད་ཡིན། །བཟླས་པ་སྔགས་ཀྱི་མཚན་ཉིད་ནི། །བརྗོད་པ་སྒྲ་ཡི་བདག་ཉིད་དོ། །དངོས་གྲུབ་གཉིས་པོ་འགྲུབ་[630.3]པ་ནི། །དེ་ནི་སྔགས་ཀྱི་ཕན་ཡོན་ནོ། །སྔགས་དང་མི་ལྡན་ཉེས་དམིགས་ནི། །འདོད་པའི་དོན་རྣམས་མི་འགྲུབ་བོ། །སྔགས་མཆོག་སྔགས་བདག་རིག་སྔགས་རྒྱལ། །གསང་སྔགས་རྒྱལ་པོ་དོན་ཆེན་བྱེད། །ཕྱག་རྒྱའི་[630.4]དོན་ལ་རྣམ་གཉིས་ཏེ། །ཟབ་མོའི་དོན་དང་རྒྱ་ཆེར་བཤད། །སྣ་ཚོགས་སྣང་བའི་ཆོས་རྣམས་ལ། །སྐྱེ་བ་མེད་པའི་རྒྱ་ཡིས་བཏབ། །དེ་ནི་དོན་ཟབ་ཕྱག་རྒྱའོ། །རྒྱ་ཆེར་བཤད་པ་དོན་བརྒྱད་དེ། །ངོ་བོ་ངེས་ཚིག་[630.5]དབྱེ་བ་དང་། །མཚན་ཉིད་དཔེ་དང་ཕྱག་རྒྱའི་རྒྱུ། །ཕན་ཡོན་མ་ལྡན་ཉེས་དམིགས་སོ། །ངོ་བོ་བདག་ཉིད་ཆེན་པོའོ། །མཚན་མའི་གཟུགས་སུ་གྱུར་པའོ། །སེམས་ཀྱིས་སྤྲུལ་པའི་མཆོད་རྫས་སོ། །མཚན་མེད་པ་ཡི་[630.6]བདག་ཉིད་དོ། །ངེས་ཚིག་མུ་དྲ་ཞེས་པའི་སྒྲ། །མཚོན་པར་བྱེད་དང་མཛད་པ་སྒྲུབ། །བཅིངས་གྲོལ་བྱེད་དང་རྒྱས་འདེབས་ཕྱིར། །ཕྱག་རྒྱ་ཞེས་ནི་བཤད་པ་ཡིན། །དབྱེ་ན་བསྡུས་དང་རྒྱས་པ་དང་། །བསྡུས་པ་ལ་ནི་[631][631.1]གཉིས་ཡིན་ཏེ། །མཚན་མར་བཅས་པའི་ཕྱག་རྒྱ་དང་། །མཚན་མ་མེད་པའི་ཕྱག་རྒྱའོ། །རྒྱས་པར་དབྱེ་བ་རྣམ་བཞི་སྟེ། །ཕྱག་རྒྱ་ཆེ་དང་དམ་ཚིག་རྒྱ། །ཆོས་དང་ལས་ཀྱི་ཕྱག་རྒྱའོ། །ཕྱག་རྒྱའི་མཚན་[631.2]ཉིད་བཤད་བྱ་བ། །མཚན་བཅས་ཕྱག་རྒྱའི་མཚན་ཉིད་ནི། །རང་རང་དོན་ལས་མི་འདའ་དང་། །བདག་ཉིད་ཆེན་པོའི་རྟགས་སུ་སྟོན། །མཚན་མེད་ཕྱག་རྒྱའི་མཚན་ཉིད་ནི། །ཅིར་ཡང་མ་གྲུབ་ངོ་བོ་ཉིད། །ཕྱག་རྒྱ་[631.3]ཆེན་པོའི་མཚན་ཉིད་ནི། །ཡོངས་སུ་རྫོགས་པ་སྟོང་བདག་མེད། །དམ་ཚིག་ཐུགས་མཚན་མཚན་མའོ། །ཆོས་ནི་ཆོས་ཀྱི་མཚན་མའོ། །ལས་ནི་འགྲོ་དོན་མཚན་ཉིད་དོ། །དཔེ་ནི་རྣམ་པ་བཞིར་བཤད་དེ། །མཚོན་དཔེ་[631.4]མེ་དང་དུ་བའོ། །མཛད་པ་བློན་པོའི་ཕོ་ཉའོ། །བཅིང་གྲོལ་གར་མཁན་ཕུ་དུད་དོ། །རྒྱས་འདེབས་རྒྱལ་པོའི་བཀའ་རྟགས་སོ། ཁུ་ནི་བྱང་ཆུབ་སེམས་ཉིད་དང་། །རྡོ་རྗེ་ཐལ་མོ་ཉིད་ཡིན་ནོ། །ཕན་ཡོན་བདག་དང་[631.5]གཞན་དོན་འགྲུབ། །ཕྱག་རྒྱ་མི་ལྡན་ཉེས་དམིགས་ནི། །བདག་གཞན་དོན་མིན་ངན་སོང་འ་ས། །ཕྱག་རྒྱ་བཞི་ཡི་དོན་སྟོན་པ། །ཕྱག་རྒྱ་འདི་ནི་བླ་ན་མེད། །ཏིང་འཛིན་བསྟན་པ་བཅུ་གཉིས་ཏེ། ཁུ་དང་ངོ་བོ་[631.6]ངེས་ཚིག་དང་། །དབྱེ་བ་བསྒོམ་ཐབས་བསྒོམ་པའི་དཔེ། །མི་མཐུན་ཕྱོགས་དང་སྐྱོན་བཅོས་ཐབས། །དྲོདཚད རྟགས་དང་ཕན་ཡོན་དང་། །ཉེས་དམིགས་བསྟན་པར་ཤེས་པར་བྱ། ཁུ་ནི་རིག་པ་བྱང་ཆུབ་[632][632.1]སེམས། །ངོ་བོ་གང་དམིགས་དོན་དག་ལ། །བསམ་པ་རྩེ་གཅིག་གནས་བྱའོ། །ངེས་ཚིག་དྲན་པས་ཟིན་ཕྱིར་རོ། །དབྱེ་བ་གཉིས་སུ་ཤེས་བྱ་སྟེ། །ཟབ་མོ་མཚན་མེད་ཏིང་འཛིན་དང་། །རྒྱ་ཆེན་མཚན་བཅས་ཏིང་[632.2]འཛིན་ནོ། །སྒོམ་ཐབས་རིམ་དང་ཅིག་ཅར་རོ། །དཔེ་ན་རྒྱ་མཚོ་རི་དབང་དང་། །འཇའ་ཚོན་རི་མོ་ལྟ་བུའོ། །མི་མཐུན་ཕྱོགས་ནི་བྱིང་རྒོད་གཉིས། །བཅོས་ཐབས་གསེང་དང་རྒོད་ཞི་ལ། །དྲོད་ཚད་ཕྱི་ནང་གསང་[632.3]བའོ། །རྟགས་ཀྱང་རྨི་ལམ་འབྱུང་བ་དང་། །དངོས་སུ་འབྱུང་བ་གཉིས་ཡིན་ཏེ། །ཆགས་སྡང་ཆུང་ཞིང་མདོན་ཤེས་འཆར། །དེ་སོགས་རྟགས་ནི་རིམ་གྱིས་འབྱུང་། །ཏིང་འཛིན་བསྒོམས་པའི་ཕན་ཡོན་ནི། །མཚན་མ་[632.4]ཅན་གྱིས་མཐོ་རིས་དང་། །ཚེ་ལ་དབང་བའི་རིག་འཛིན་དང་། །ཕྱག་རྒྱ་ཆེན་པོའི་རིག་འཛིན་ཐོབ། །ཟབ་མོ་མཚན་མེད་དགོངས་པ་ཡིས། །ཀུན་བཟང་དབྱེར་མེད་ས་ཆེན་ནོན། །ཏིང་འཛིན་མེད་པའི་ཉེས་དམིགས་[632.5]ནི། །འཁོར་བ་ངན་སོང་ལས་མི་གྲོལ། །ཏིང་འཛིན་ལུས་ཅན་ལུས་ཀྱི་མཆོག །ཏིང་འཛིན་འདི་ནི་མཆོག་ཏུ་བསྔགས། །མཆོད་པའི་བྱེ་བྲག་རྣམ་གཉིས་ཏེ། །ཟབ་པ་དོན་གྱི་མཆོད་པ་དང་། །ཐུན་མོང་སྤྱི་བཤད་མཚན་[632.6]ཉིད་ཆེ། །ཟབ་མོ་གཉིས་མེད་ངང་གནས་པ། །རྒྱལ་བ་ངང་གིས་མཉེས་པའི་ཕྱིར། །མཆོད་པ་ཞེས་ནི་བཤད་པ་ཡིན། །རྒྱ་ཆེན་དབྱེ་བ་དོན་བཅུ་སྟེ། །ངོ་བོ་ངེས་ཚིག་དབྱེ་བ་དང་། །དབུལ་པའི་ཐབས་དང་གང་ཟག་[633][633.1]ལས། །རྫས་དང་ཡུལ་དང་དགོས་ཆེད་དང་། །མ་ཕུལ་ཉེས་དམིགས་བསྟན་པའོ། །དེ་ལ་མཆོད་པའི་ངོ་བོ་ནི། །འཕགས་པ་མཉེས་པར་བྱེད་པ་ཡི། །ལུས་ངག་ཡིད་གསུམ་རྫས་དང་བཅས། །དམིགས་[633.2]པ་ལས་ཀྱི་བདག་ཉིད་དོ། །ངེས་ཚིག་འཕགས་པ་མཉེས་བྱེད་ཕྱིར། །མཆོད་པ་ཞེས་སུ་བཤད་པ་ཡིན། །དབྱེ་བ་རྣམ་པ་གསུམ་ཡིན་ནོ། །རྣམ་ལྔ་ཕྱི་ལ་དམ་རྫས་ནང་། །སྦྱོར་སྒྲོལ་གསང་བར་ཤེས་པར་བྱ། །རྒྱས་[633.3]པར་དབྱེ་བ་བརྒྱ་ཤེས་བྱ། །དབུལ་ཐབས་མོས་པའི་ཚུལ་དང་ནི། །སྒྱུ་མ་ལྷ་བུའི་བློ་ཡིས་དབུལ། །དབུལ་བའི་རྟེན་གྱི་གང་ཟག་ནི། །དད་པ་གསུམ་ལྡན་ལྷག་སེམས་ཅན། །ལས་ཀྱི་ཚོགས་གསོག་སྒྲིབ་པ་[633.4]སྦྱོང་། །དགེ་བ་ལས་ཀྱི་མངོན་འགྲོ་བའོ། །རྫས་ནི་ཡོན་ཆབ་སོགས་བདུན་དང་། །བདུད་རྩི་ལྔ་ལ་སོགས་པ་དག །དྲང་སྲོང་ཆེ་དགུ་མཆོད་ཅིང་བརྗོད། །མཆོད་པའི་ཡུལ་ནི་འཇིག་རྟེན་དང་། །འཇིག་རྟེན་འདས་པའི་[633.5]དཀོན་མཆོག་གསུམ། །མཆོད་པ་ཕུལ་བའི་དགོས་པ་དག །དངོས་གྲུབ་རྣམ་གཉིས་འབྱུང་བའོ། །མཆོད་པ་ལྔ་ནི་མ་ཕུལ་བའི། །ཉེས་དམིགས་འདོད་དོན་འགྲུབ་མི་འགྱུར། །མཆོད་འོས་བསྟོད་འོས་ཕྱག་གི་[633.6]གནས། །དྲང་སྲོང་ཆེ་དགུས་མཆོད་ཅིང་བརྗོད། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །གསང་བཅུ་རྒྱུད་ཀྱི་ལུས་བསྟན་པའི་ལེའུ་སྟེ་བཞི་པའོ།། །།བཅོམ་ལྡན་འདས་ཀྱིས་[634][634.1]བཀའ་སྩལ་པ། །ལག་ན་རྡོ་རྗེ་ཁྱོད་ཉོན་ཅིག །སླད་དུ་རྒྱུད་ཀྱི་མཚན་སྨོས་པ། །དབང་པོ་རབ་ཀྱི་དོན་འགྱུར་ཕྱིར། །འཕགས་པའི་དོན་དང་འཇམ་དཔལ་དོན། །མཚན་གྱི་དོན་དང་བརྗོད་ཐབས་དོན། །རྣམ་པ་བཞི་[634.2]ཡིས་བཤད་པ་ཡིན། །འཕགས་པའི་དོན་ལ་རྣམ་གསུམ་སྟེ། །བྱེད་པའི་ཚིག་བཞི་དབྱེ་སྒོ་བཞི། །ཐབས་ཀྱི་ཁྱད་པར་རྣམ་བཞི་འཕགས། །དེ་ལ་བྱེད་པའི་ཚིག་བཞི་ནི། །གང་འཕགས་གང་ལས་གང་གིས་[634.3]འཕགས། །གང་དང་འདྲ་བར་འཕགས་པའོ། །དབྱེ་སྒོ་རྣམ་པ་བཞི་དག་ནི། །བརྗོད་བྱ་རྗོད་བྱེད་སྒྲུབ་པ་ལམ། །མཐར་ཐུག་འབྲས་བུས་འཕགས་པའོ། །ཐབས་ཀྱི་ཁྱད་པར་བཞི་དག་ནི། །འཇམ་དཔལ་དོན་གྱི་[634.4]མཚན་བརྗོད་པའི། ཁུད་ཀྱི་རྒྱལ་པོ་ལྷུན་རྫོགས་ནི། །ཐབས་མང་པ་དང་མཁས་པ་དང་། །དེ་བཞིན་སླད་དང་མྱུར་བ་ཡིས། །སྔགས་ཀྱི་བསྟན་པ་ཁྱད་པར་འཕགས། །དེ་ཡང་རྒྱུད་རྒྱལ་ལྷུན་རྫོགས་འདི། །ཐབས་[634.5]མང་བ་ཡི་རྒྱུད་ཡིན་པས། །ཇི་ལྟར་བསྒྲུབས་ཀྱང་འབྲས་བུ་འབྱུང་། །ཐེག་པ་སྣ་ཚོགས་ཐབས་ཚུལ་གྱིས། །འགྲོ་བའི་དོན་ལ་རྟོགས་པ་པོ། །ཐབས་མཁས་པ་ཡི་རྒྱུད་ཡིན་པས། །མ་ཡེང་ཡེ་ཤེས་རྒྱུན་དུ་འཆར། །[634.6]མཁསཔཆེནཔོའདོད་ཆགས་ཆེ། །སེམས་ཅན་ཐམས་ཅད་དགའ་བར་བྱེད། །ཐབས་སླ་བ་ཡི་རྒྱུད་ཡིན་པས། །བཀའ་ཐུབ་སྡོམ་པས་གཟིར་མི་དགོས། ཁྲེས་རབཆེནཔོསསྐདཅིག་ལ། །ཆོས་ཀུན་ཁོང་དུ་ཆུད་[635][635.1]༄༅ པའོ། །ཐབས་མྱུར་བ་ཡི་རྒྱུད་ཡིན་པས། །བསྐལ་པ་དུ་མར་བགྲོད་མི་དགོས། །སྐད་ཅིག་གཅིག་གིས་རྫོས་སངས་རྒྱས། །འཇམ་དཔལ་དོན་ལ་རྣམ་དྲུག་སྟེ། །རང་བཞིན་རྒྱུ་དང་བསྒོམ་པ་[635.2]ལམ། །མཐར་ཐུག་འབྲས་བུ་རྣམ་པ་དང་། །གདུལ་བྱ་ལས་དག་སྣང་བ་ཡང་། ཁུབ་མཐའ་སོ་སོ་ལ་གྲགས་དཔལ། དེ་ལ་མཚན་གྱི་དོན་བཤད་པ། །ཟག་བཅས་ཟག་མེད་ལ་སོགས་པ། །འཁོར་འདས་ཐམས་ཅད་[635.3]འཇམ་དཔལ་མཚན། །ཅིའི་ཕྱིར་འཐད་པ་དྲུག་ཡིན་ཏེ། །ཁྱབ་པའི་ཕྱིར་དང་སྤྲུལ་པའི་ཕྱིར། །རང་བཞིན་ཕྱིར་དང་མཁྱེན་པའི་ཕྱིར། །གསང་བའི་ཕྱིར་དང་མངའ་བརྙེས་ཕྱིར། །ཆོས་ཀུན་འཇམ་དཔལ་མཚན་དུ་[635.4]འདོད། །མཚན་གྱི་བརྗོད་ཐབས་རྣམ་གཉིས་ཏེ། །ཟབ་པའི་དོན་དང་རྒྱ་ཆེའི་ཚིག །ཟབ་པའི་དོན་གྱི་བརྗོད་ལུགས་ནི། །གཉིས་མེད་ངང་ལ་འཇོག་པའོ། །ཚིག་ལ་ཡང་ནི་རྣམ་གསུམ་སྟེ། གཉིས་མེད་ཚུལ་དང་[635.5]གཉིས་སྔགས་ཚུལ། །ཡོན་ཏན་གསུམ་དང་རྣམ་པ་གསུམ། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །རྒྱུད་ཀྱི་མཚན་བསྟན་པའི་ལེའུ་སྟེ་ལྔ་པའོ།། །།བཅོམ་ལྡན་འདས་ཀྱིས་[635.6]བཀའ་སྩལ་པ། །ལག་ན་རྡོ་རྗེ་ཁྱོད་ཉོན་ཅིག །འཇམ་དཔལ་དོན་གྱི་མཚན་བརྗོད་པའི། །གསང་བ་རྒྱུད་ཀྱི་སྙིང་པོ་འདི། །ལེའུའི་གྲངས་ནི་བཅུ་གཅིག་སྟེ། །ཞུས་དང་སླར་གསུང་རིགས་ལ་གཟིགས། །སྒྱུ་འཕྲུལ་དྲ་[636][636.1]བའི་མན་ངག་རིམ་པ་དང་། །ཡེ་ཤེས་དྲུག་དང་རྣམ་པ་བཅུ། །འདུད་རྣམས་ཀྱིས་ནི་བསྟོད་པ་དང་། །ཕན་ཡོན་སྔགས་དང་རྗེས་ཡི་རང་། །རྣམ་པ་བཅུ་བཞིར་བཤད་པ་ཡིན། །དེ་ནས་དཔལ་ལྡན་ཞེས་པ་ནས། །སྤྱན་[636.2]སྔར་ཡན་ཆད་ཞུས་པའི་ལེལྭ །དེ་ནས་བཅོམ་ལྡན་ཞེས་པ་ནས། །ལེགས་ཞེས་གསོལ་པ་ལན་གྱི་ལེལྭ །དེ་ནས་བཅོམ་ལྡན་ཞེས་པ་ནས། །གཙུག་ཏོར་ཆེར་གཟིགས་གཟིགས་པའི་ལེལྭ །ཚིག་གི་བདག་པོ་ཞེས་པ་[636.3]ནས། །ཡང་དག་སྒྱུ་འཕྲུལ་མངོན་བྱང་ལེལྭ །འདི་ལྟར་སངས་རྒྱས་ཞེས་པ་ནས། །ཐེག་པ་ཆེན་པོའི་ཚུལ་གྱིས་མཆོག །རྩ་བ་བྱང་ཆུབ་སེམས་ཀྱི་ལེལྭ །སངས་རྒྱས་རྣམ་པར་སྣང་ཞེས་ནས། །ཞགས་པ་ཡན་ཆད་[636.4]ཆོས་དབྱིངས་ལེལྭ །རྡོ་རྗེ་འཇིགས་བྱེད་ཅེས་པ་ནས། །སྒྲ་དང་ལྡན་པ་མེ་ལོང་ལྟ་བུ། །ཡང་དག་བདག་མེད་ཅེས་པ་ནས། །ཡེ་ཤེས་མེ་ལྕེ་ཀུན་རྟོགས་ལེལྭ །འདོད་པའི་དོན་གྲུབ་ཅེས་པ་ནས། །རིན་ཆེན་གཙུག་ཏོར་[636.5]མཉམ་ཉིད་ལེལྭ །སངས་རྒྱས་རྟོགས་བྱ་ཅེས་པ་ནས། །དཔལ་དང་ལྡན་མཆོག་བྱ་གྲུབ་ལེལྭ །མཆོག་སྦྱིན་རྡོ་རྗེ་ཞེས་པ་ནས། །ཡེ་ཤེས་སྐུ་ཉིད་བསྟོད་པའི་ལེལྭ །ལག་ན་རྡོ་རྗེ་ཞེས་པ་ནས། །ཆོས་ཀྱི་རྒྱལ་པོ་ཕན་[636.6]ཡོན་ལེལྭ །ཨཱོཾ༷་སརྦ་དྷརྨ་ཞེས་པ་ནས། །ཙྭ་ན་གསྟོ་སྔགས་ཀྱི་ལེལྭ །དེ་ནས་དཔལ་ལྡན་ཞེས་པ་ནས། །ཀུན་བཤད་ཡན་ཆད་རྗེས་སུ་ཡི་རང་ལེལྭ །དེ་ཡང་བསྡུ་ན་རྣམ་པ་གསུམ་སྟེ། །དམིགས་པར་བྱ་བའི་ཡུལ་དང་[637][637.1]ནི། །ཉམས་སུ་བླངས་པའི་ཐབས་དག་དང་། ཉམས་སུ་བླངས་པའི་འབྲས་བུའོ། །དམིགས་པའི་ཡུལ་ལ་རྣམ་གསུམ་སྟེ། །སྡུད་པའི་འཁོར་ལ་དམིགས་པ་དང་། །སྟོན་པ་ཉིད་ལ་དམིགས་པ་[637.2]དང་། །རིགས་དྲུག་འབྲས་བུ་ལ་དམིགས་པའོ། །ཉམས་སུ་བླངས་ཐབས་ལེའུ་དགུ། །ཉམས་སུ་བླངས་པའི་འབྲས་བུ་ལ། །རྣམ་པ་གཉིས་སུ་ཤེས་བྱ་སྟེ། །བསྒྲུབ་དང་བཤད་པའི་འབྲས་བུའོ། །བསྒྲུབ་པའི་འབྲས་བུ་[637.3]ཕན་ཡོན་ལེལྭ །བཤད་པའི་འབྲས་བུ་རྗེས་ཡི་རང་བའི་ལེའུའོ། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །ལེའུའི་སྐབས་ཕྱེ་བའི་ལེའུ་སྟེ་དྲུག་པའོ།། །།བཅོམ་ལྡན་འདས་ཀྱིས་[637.4]བཀའ་སྩལ་པ། །གསང་བའི་བདག་པོ་ཡང་ཉོན་ཅིག །ཡེ་ཤེས་དྲུག་གི་ལེའུ་བསྟན་པ་ནི། །དེ་ཡི་འཐད་པ་བཤད་བྱ་བ། །འཁོར་འདས་ལམ་དང་འབྲས་བུའི་ཆོས། །ཀུན་གྱི་རྩ་བར་གྱུར་པའི་ཕྱིར། །རྩ་བ་བྱང་ཆུབ་[637.5]སེམས་ཀྱི་ལེའུ་བཤད། །གཏི་མུག་ཆོས་དབྱིངས་ཡེ་ཤེས་ཏེ། །རབ་ཏུ་ཕྱེ་བའི་རྣམ་གྲངས་ཀུན། །གཏི་མུག་གཉེན་པོ་ཡིན་པའི་ཕྱིར། །ཆོས་དབྱིངས་ཡེ་ཤེས་ལེའུ་བཤད། །ཞེ་སྡང་མེ་ལོང་ཡེ་ཤེས་ཏེ། །རྟོགས་པས་[637.6]ཉོན་མོངས་མ་ལུས་འཇོམས། འཇོམས་ཕྱིར་དྲག་པོའི་སྒྲ་ཡིས་བཤད། །འདོད་ཆགས་ཀུན་རྟོགས་ཡེ་ཤེས་ཏེ། །སྤྱི་དང་རང་གི་མཚན་ཉིད་རྣམས། །མཁྱེན་ཚད་གཙོ་ཆེར་བཤད་པའི་ཕྱིར། །སོ་སོར་རྟོགས་པའི་ལེའུ་[638][638.1]བཤད། །ང་རྒྱལ་མཉམ་ཉིད་ཡེ་ཤེས་ཏེ། །རིན་ཆེན་ཡོན་ཏན་རིགས་ཡིན་པས། །ཡོན་ཏན་ཆེ་བ་གཙོར་སྟོན་ཕྱིར། །མཉམ་ཉིད་ཡེ་ཤེས་ལེའུ་བཤད། །ཕྲག་དོག་བྱ་གྲུབ་ཡེ་ཤེས་ཏེ། །སེམས་ཅན་ཀུན་གྱི་དོན་བྱེད་[638.2]པས། །མཛད་པ་རྒྱ་ཆེར་སྟོན་པའི་ཕྱིར། །བྱ་གྲུབ་ཡེ་ཤེས་ལེའུ་བཤད། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །ལེའུ་དྲུག་གི་ཡེ་ཤེས་ཀྱི་འཐད་པ་བསྟན་པའི་ལེའུ་སྟེ་བདུན་[638.3]པའོ།། །།དེ་ནས་བཅོམ་ལྡན་འདས་ཀྱིས་བཀའ་སྩལ་པ། །གསང་བའི་བདག་པོ་ད་ཉོན་ཅིག །རིགས་དང་ཡེ་ཤེས་གོ་རིམ་ནི། །རིགས་དྲུག་ལ་ནི་གཟིགས་སྐབས་སུ། །ཐོག་མར་ལས་ཀྱི་རིགས་བསྟན་[638.4]པ། །ཐེག་ཆེན་གཞན་དོན་གཙོ་ཆེར་བྱེད། །སྔགས་དྲུག་བསྟན་པའི་སྐབས་དག་ཏུ། །ཐོག་མར་པདྨའི་རིགས་སྨོས་ལ། །ཆོས་ཀྱི་སྤྱིན་པ་མཆོག་ཡིན་ནོ། །གསུང་གིས་འགྲོ་བ་འདྲེན་ཕྱིར་རོ། །ཡེ་ཤེས་དྲུག་གི་ལེའུའི་[638.5]སྐབས། །རིགས་ལྔ་ཡེ་ཤེས་ལྔ་རྣམས་ཀྱི། །བཞི་པའི་རྩ་བར་གྱུར་བའི་ཕྱིར། །ཐོག་མ་ཉིད་དུ་བསྟན་པ་ཡིན། །འདུད་ཀྱིས་བསྟོད་པའི་སྐབས་དག་ཏུ། །དེ་བཞིན་གཤེགས་པའི་རིགས་བདག་ཉིད། །ཆོས་དབྱིངས་ཡེ་[638.6]ཤེས་བསྟན་པ་ཡིན། །རྟོག་པར་བྱ་བའི་ཡུལ་དང་ཕྱིར། །ཐོག་མར་ཆོས་དབྱིངས་ཡེ་ཤེས་བཤད། །རྡོ་རྗེ་རྣམས་ནི་རྟེན་འབྲེལ་སྦྱར། །དེ་ལས་གཞན་པའི་ཡེ་ཤེས་ལྔ། །རྟོགས་བྱ་རྟོགས་བྱེད་དག་ཏུ་སྦྱར། །བསྡུས་དང་[639][639.1]རྒྱས་པའི་རིམ་པ་དག །རྣམ་པ་བཞི་རུ་ཤེས་བྱ་སྟེ། །དབུ་ཞབས་རྫོགས་པ་རྒྱས་པ་ཡིན། །འདུད་ཀྱིས་བསྟོད་པ་འབྲིང་ཡིན་ཏེ། །སྔགས་རིགས་དག་ནི་བསྡུས་པའི་དོན། །ཨ་ཞེས་པ་ནི་ཤིན་ཏུ་[639.2]བསྡུས། །བསྒོམ་མམ་སྟོན་ཡང་མཆོག་ཡིན་ནོ། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །རིགས་དང་ཡེ་ཤེས་ཀྱི་གོ་རིམ་གྱི་ལེའུ་སྟེ་བརྒྱད་པའོ།། །།བཅོམ་ལྡན་འདས་ཀྱིས་[639.3]བཀའ་སྩལ་པ། །གསང་བདག་རྡོ་རྗེ་འཆང་བ་ཉོན། །འདི་ལ་དཀྱིལ་འཁོར་རྣམ་གྲངས་ནི། །བསྡུས་དང་འབྲིང་དང་ཤིན་ཏུ་རྒྱས། །རྣམ་པ་གསུམ་དུ་ཤེས་པར་བྱ། །བསྡུས་པ་ཡེ་ཤེས་སེམས་དཔའོ། །འཇམ་དཔལ་[639.4]ཡེ་ཤེས་སེམས་དཔའ་ཡི། །མིང་ནི་ཡང་དག་བརྗོད་པའི་མཆོག །འབྲིང་ནི་རིགས་ལྔ་འཁོར་དང་བཅས། །ཕྱག་རྒྱ་བཞི་བཅུ་ཐམ་པའོ། །སངས་རྒྱས་སྐུ་ལྔའི་བདག་ཉིད་ཅན། །རྒྱལ་བ་རིགས་ལྔ་ཡབ་ཡུམ་[639.5]དང་། །སེམས་དཔའ་སེམས་མ་སྒོ་བ་དང་། །ཉན་ཐོས་འཇིག་རྟེན་གཙོ་བོ་ཀུན། །དཀྱིལ་འཁོར་རྒྱལ་པོ་འདི་རུ་འདུས། །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལས། །དཀྱིལ་འཁོར་ལྷའི་བྱེ་[639.6]བྲག་བསྟན་པའི་ལེའུ་སྟེ་དགུ་པའོ།། །།བཅོམ་ལྡན་འདས་ཀྱིས་བཀའ་སྩལ་པ། །གསང་བདག་རྡོ་རྗེ་འཆང་བ་ཉོན། །ཟབ་མོའི་གདམས་ངག་བཤད་བྱ་བ། །རྣམ་པ་དགུ་རུ་ཤེས་བྱ་སྟེ། །རྟེན་གྱི་གང་ཟག་རྟོགས་[640][640.1]པའི་རྐྱེན། །རྟོགས་ཐབས་རྟོགས་པའི་ལྟ་བ་དང་། །བསྒོམ་དང་ས་མཚམས་རྒྱུ་མཚན་དང་། །འབྲས་བུ་ཐུགས་རྗེའི་མཛད་པའོ། །འདི་ལ་འཇུག་པར་བྱེད་པ་ཡི། །གང་ཟག་མཚན་ཉིད་བཅུ་གཅིག་སྟེ། །དད་བརྩོན་[640.2]ཤེས་རབ་སྙིང་རྗེ་དང་། །ཐེ་ཚོམ་མེད་དགུས་འཆི་བ་དྲན། །གཏོང་ཕོད་སྒྱུ་མེད་དང་ཚུལ་བཟང་། །བྱང་ཆུབ་མཆོག་གི་རིགས་ཡིན་པས། །དད་ཅིང་གུས་ལ་མན་ངག་སྤྱིན། །ལུང་རིགས་མན་ངག་རྟོགས་པའི་[640.3]རྐྱེན། །ཐབས་ནི་ཐོས་བསམ་རྣམ་པ་གཉིས། །ལྟ་བ་བཤད་སྒོམ་སྔར་བཤད་མཚུངས། །དེ་ཡང་ཆོས་སྐུའི་རང་བཞིན་ཏེ། །སྐྱེ་འགག་མེད་པའི་མཚན་ཉིད་ཅན། །ཀུན་ཏུ་བཟང་པོའི་ངོ་བོ་ཉིད། །དགེ་མི་དགེ་ལས་[640.4]གྲུབ་པ་མིན། །མི་འགྱུར་ཀུན་འགྲོ་ཁྱབ་པའོ། །མཚན་ཉིད་ཡོངས་སུ་དག་པའི་རྒྱུ། །གསལ་བར་སྣང་སྟེ་བརྟགས་ན་སྟོང་། །རང་ག་རང་རིག་འདུས་མ་བྱས། །སྐྱོན་བྲལ་བདེ་བ་ཆེན་པོའི་ངང་། །རང་བཞིན་དངོས་[640.5]མེད་སྟོང་པའི་དབྱིངས། །ཡོན་ཏན་མ་འགགས་ཅིར་ཡང་ཡིན། །ཆོས་ཉིད་ནམ་མཁའ་ཆེན་པོ་སྟེ། །ཐོགས་པའི་རེག་བྱ་ཀུན་དང་བྲལ། །ཐོག་མ་མེད་པ་སྤྲོས་མེད་བདག །དེ་བཞིན་ཉིད་བདག་དག་པའི་བདག །ཆོ་[640.6]འཕྲུལ་སྣ་ཚོགས་ཅིར་ཡང་སྣང་། །ཐབས་ཀྱི་ཐུགས་རྗེ་འགག་པ་མེད། །སངས་རྒྱས་ཀུན་གྱིརངབཞིན འཆང། །སྣང་ཚད་ཐམས་ཅད་འཇམ་དཔལ་སྐུ། །གྲག་ཚད་ཐམས་ཅད་འཇམ་དཔལ་གསུང་། །དྲན་[641][641.1]རྟོག་ཐམས་ཅད་འཇམ་དཔལ་ཐུགས། །སངས་རྒྱས་ཀུན་གྱི་ཐུགས་ཆེ་བ། །སངས་རྒྱས་ཀུན་གྱི་ཐུགས་ལ་གནས། །སངས་རྒྱས་ཀུན་གྱི་སྐུ་ཆེ་བ། །སངས་རྒྱས་ཀུན་གྱི་གསུང་ཡང་ཡིན། །བསྒོམ་[641.2]པའི་ཐབས་ལ་རྣམ་ལྔ་སྟེ། །གནས་ལུགས་ཤེས་བྱ་ལ་བརྟེན་ནས། །སྐྱེ་མེད་དོན་ལ་བསྒོམ་པ་དང་། །སྣང་བ་ཡུལ་ལ་བརྟེན་ནས་ནི། །རང་གྲོལ་ཉམས་སུ་བླང་བ་དང་། །བརྟོལ་སྐྱེས་ཡིད་ལ་བརྟེན་ནས་ནི །ཐུག་ཕྲད་[641.3]ལམ་དུ་བྱ་བ་དང་། །དཀྱིལ་འཁོར་དག་ལ་བརྟེན་ནས་ནི། །ལྷ་སྣང་ལམ་དུ་ཁྱེར་བ་དང་། །རྩ་རླུ་་དག་ལ་བརྟེན་ནས་ནི། །བདེ་བ་ལམ་དུ་བྱ་བའོ། །མངོན་སངས་རྒྱས་པའི་ས་མཆིས་ཀྱང་། །ཕལ་ཆེར་སྲིད་པ་བར་[641.4]མ་དོར། །དབང་པོ་རབ་ལ་བར་དོ་མེད། །འབྲིང་ནི་སྲིད་པའི་བར་དོར་གྲོལ། །ཐ་མ་ལ་ནི་ལས་འཕྲོ་འཐུད། །དེ་ཡང་རྒྱུ་མཚན་དྲུག་ཡིན་ཏེ། །སྙིང་པོ་ཀུན་ལ་ཁྱབ་ཕྱིར་དང་། །མ་ནོར་རྟོགས་ཉིད་བྱ་ཕྱིར་དང་། །རྣལ་[641.5]འབྱོར་གོམས་པར་བྱ་ཕྱིར་དང་། །འདའ་ཀར་ཉོན་མོངས་མ་དཀྲུགས་ཕྱིར། །ལུས་གཉིས་སྒྲིབ་གཡོགས་བྲལ་ཕྱིར་དང་། །ཁྱད་པར་དྲན་པས་གསལ་ཕྱིར་རོ། །མཐར་ཐུག་འབྲས་བུ་བཤད་བྱ་བ། །སྐུ་གསུམ་དང་ནི་[641.6]ཡེ་ཤེས་ལྔ། །ཐུགས་རྗེ་མཛད་པའི་ཁྱད་པར་ནི། ཁུ།ན་ཆད་མེད་པར་ཆུ་བོ་ལྟར། །བྱེད་པ་སེམས་ཅན་ཀུན་དོན་བྱེད། །ངག་དོན་བཀོད་པའི་ཚོགས་དག་ཀྱང་། །དང་པོ་གཞལ་བྱ་དགོད་པ་དང་། །བར་དུ་ཞི་བ་[642][642.1]ཚོགས་རྣམ་པར་བཤད་པ་དང་། །ཐ་མ་རྗེས་བཟླས་བདག་དོན་རིག །འཕགས་པ་འཇམ་དཔལ་གྱི་བཤད་རྒྱུད་རིན་པོ་ཆེའིཕྲེང་བ་ལས། །ཟབ་མོ་གདམས་ངག་གི་གནད་བསྟན་པ་དང་བཀའ་ཚོམས་བཤད་