Ngb-pt-0032-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[123][123.4]ཤེས་འཁོར་ལོའི་རྒྱུད་ལེའུ་སྟེ་བདུན་པ་རྫོགས་སོ།། །། རྒྱ་གར་སྐད་དུ། །མ་ཧྭ་སན་དྷི་ཙྭ་ན་ཙཀྲ་གུ་རྒྱ་ཙེསྟ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཡེ་ཤེས་འཁོར་ལོ་གསང་[123.5]བ་ཐུགས་ཀྱི་རྒྱུད་ཅེས་བྱ་བ། དཔལ་རང་བྱུང་རིག་པའི་ཆོས་སྐུ་དེ་ཁོ་ན་ཉིད་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། །རང་བྱུང་ངོ་བོ་སྟོན་པ་དེ། །ཡེ་ཤེས་ཀློང་གི་གནས་མཆོག་ན། །ཉིད་ལས་མི་[123.6]གཞན་རྟོགས་པའི་འཁོར། །དོན་གཅིག་བསྟན་པ་མངོན་གྱུར་ཏོ། །དེ་ཚེ་ཆོས་ཀུན་སྙིང་པོ་འདི། །དཔལ་གྱི་དཔལ་གྱུར་ཀུན་བཟང་གིས། །རྒྱུ་དག་རྡོ་རྗེ་སེམས་དཔའ་ལ། །བཀའ་རྟགསལྔ་ཡི་དོན་བསྡུས་ནས། །ངེས་[124][124.1]དོན་གདམས་ངག་བཀའ་སྩལ་པ། །སངས་རྒྱས་ཀུན་གྱི་ངེས་པའི་དོན། །དོན་གྱི་ཁྱབ་དང་རྟོགས་པ་ཡི། །བྱིན་རླབས་བརྡ་དང་ཚིག་གི་དོན། །སྣོད་ལྡན་བློ་དང་ལྡན་པ་ལ། །མ་ནོར་ངེས་པ་ངས་བཤད་ཀྱིས། །བརྗོད་[124.2]མེད་དད་པའི་ཡིད་ཀྱིས་ཉོན། །དེ་སྐད་ཅེས་ནི་གསུངས་པ་དང་། །ཁབ་ལེན་ལ་ནི་ལྕགས་འདུ་བཞིན། །བྱིན་གྱི་རླབས་ཀྱི་སྣང་བ་ཡིས། །འཁོར་རྣམས་དགའ་མགུ་མོས་པས་ཉན། །རྫོགས་པ་ཆེན་པོ་ཡེ་ཤེས་འཁོར་[124.3]ལོ་གསང་བ་ཐུགས་ཀྱི་རྒྱུད་ལས། གསུང་བར་ཞལ་གྱིས་བཞེས་ཏེ། གླེང་གཞི་བསྟན་པའི་ལེའུ་སྟེ་དང་པོའོ།། །།དེ་ནས་ཀུན་རིག་སྟོན་པ་དེས། །སྔོན་གྱི་ཐུགས་དམ་ཞལ་བཞེས་པས། །འགྲོ་དོན་ཐུགས་རྗེ་[124.4]རྫོགས་མཛད་ཕྱིར། །ཆེད་དུ་དགོངས་ནས་བཀའ་སྩལ་པ། །བདེར་གཤེགས་སྙིང་པོ་ཆོས་ཀྱི་སྐུ། །འགྲོ་དྲུག་སེམས་ཅན་ཐམས་ཅད་ལ། །ཀུན་ལ་ཁྱབ་པས་ནམ་མཁའ་བཞིན། །རང་བྱུང་ངོ་བོ་ཡེ་ནས་ཡོད། །དེ་ཡང་[124.5]འཁོར་གྱི་སྙིང་པོ་ཉོན། །འཁོར་འདས་མེད་པའི་གོང་རོལ་དུ། །ཡེ་ནས་གནས་པའི་ཆོས་ཉིད་ལ། །མ་འཁྲུལ་ཕྱིར་ན་ངང་གིས་རྟོགས། །ཡོན་ཏན་ལྔ་ལྡན་ཤེས་པ་དང་། །སངས་རྒྱས་དུས་མཉམ་ཀུན་བཟང་[124.6]བྱུང་། །ཉིད་ལས་མི་གཞན་འཁོར་རྣམས་བཅས། །འོག་མིན་གནས་སུ་ཀུན་བཟང་གིས། །རྒྱུད་དག་རྡོ་རྗེ་སེམས་དཔའ་ལ། །ཚིག་ཏུ་མ་གསུངས་དོན་རྣམས་གོ། །རང་གིས་རིག་ཅིང་དགོངས་པས་བརྒྱུད། །དེ་ཕྱིར་[125][125.1]བྱིན་གྱིས་བརླབས་ཞེས་བྱ། །སྤྲུལ་སྐུས་བརྡའ་ཡིས་བརྒྱུད་པ་ཡང་། །ཚིག་དོན་ལུས་དང་རྟགས་ཀྱི་བརྡ། ཁྲཀ་ཐུབ་སྤྲུལ་པ་གཞན་རྩལ་གྱིས། །ལྷ་གནས་མི་ཡིས་ཡུལ་དུ་ཕྱུངས། །རིག་འཛིན་འཕྲུལ་[125.2]གྱི་ཐེག་པ་རི། །ཡང་ཞུན་གསེར་གྱི་ཡི་གེར་བྲིས། །ལག་ན་རྡོ་རྗེའི་སྤྲུལ་པ་ལ། །ངེས་དོན་དགོངས་དོན་མངོན་ཕྱུང་ནས། །སྡེབ་སྦྱོར་ཚིག་གིས་བཀྲོལ་ནས་བཤད། །དེ་ཡང་རྡོ་རྗེ་སེམས་དཔའ་ཉོན། །རིགས་བཙུན་[125.3]ཁྱད་འཕགས་སྣོད་ལྡན་ནི། །གང་ཟག་རྗེས་སུ་མི་འབྲང་བར། །ལུང་རིགས་གཉིས་ལ་རྟོགས་པ་མཁས། །མན་ངག་ཆོས་ཕྱིར་ཤིན་ཏུ་མོས། །བླ་མ་ལ་གུས་ཕྱི་ཐག་རིང་། །ཕངས་མེད་དབུལ་ནུས་སྣོད་ལྡན་[125.4]ལ། །འབྲལ་མེད་ཡེ་ཤེས་རང་ཤར་དོན། །རྒྱུད་དྲུག་ཡང་སྙིང་ཡིན་པའི་ཕྱིར། །བསྟན་མ་ཐག་ཏུ་ཤེས་པའི་ཆོས། །སྣོད་ལྡན་གསང་ཐུབ་འགའ་ལ་བསྟན། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་[125.5]རྒྱུད་ལས། ཚུལ་དུ་གསུངས་པ་མདོར་བསྟན་པའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་སེམས་དཔའ་ཡིས། །ཆེད་དུ་གསུངས་པའི་དོན་གོ་ནས། །འཁོར་རྣམས་ལ་ནི་རྩེར་དགོངས་ནས། །རྫོགས་[125.6]སངས་རྒྱས་་ལ་འདི་སྐད་གསོལ། །གཞི་ཉིད་དཔེ་དོན་གང་གིས་མཚོན། །དང་པོ་སངས་རྒྱས་ཇི་ལྟར་བྱུང་། །དེ་ཡིས་བྱིན་རླབས་ཇི་ལྟར་རྟོགས། །བརྡ་དང་ཚིག་གིས་བཤད་དུ་གསོལ། །དེ་སྐད་ཞུས་པའི་དོན་གསན་[126][126.1]ནས། །འདུས་པའི་འཁོར་ལ་ངེས་པའི་དོན། །མ་ནོར་ངེས་པའི་སངས་རྒྱས་བཀའ། །ང་ཡིས་བཤད་ཀྱིས་ངེས་པར་ཉོན། །རང་བཞིན་གཞི་ཡི་མཚོན་དཔེ་ནི། །འདུས་མ་བྱས་ཀྱི་ནམ་མཁའ་ནི། །གང་ནས་མ་འོང་ཡེ་[126.2]ནས་ཡོད། །གང་ཡང་མི་འགྲོ་དུས་གསུམ་གཅིག །དེ་ལྟར་ཀུན་ཁྱབ་ངོས་གཟུང་མེད། །ཐོག་མཐའ་མེད་པའི་ནམ་མཁའ་འདྲ། །རིག་མེད་སྟོང་པ་ཡིན་པའི་ཕྱིར། །དཔེ་རུ་ཟབ་སྟེ་དོན་དུ་མེད། །དེ་ཡང་རྡོ་རྗེ་སེམས་[126.3]དཔའ་ཉོན། །དེ་བཞིན་ངོ་བོའི་གནས་ལུགས་ནི། །འཁོར་འདས་མ་རིག་རང་བཞིན་ལུས། །སངས་རྒྱས་སེམས་ཅན་གཉིས་མེད་པའི། །འཁོར་འདས་གཉིས་ཀྱི་གཞིར་གྱུར་པ། །མ་ཡེངས་པར་ནི་ཡོད་གྱུར་[126.4]ཀྱང་། །དོན་གྱིས་མ་ཟིན་རང་སྣང་བ། །ངོས་མ་ཟིན་ཅིང་ཤན་མ་ཕྱེད། །འགྲོ་འོང་མེད་པར་རྒྱུན་དུ་གནས། །ཐོག་མཐའ་མེད་ཕྱིར་ངོ་མ་ཤེས། །ད་ལྟ་ཀུན་གཞིའི་སེམས་ལ་གནས། །འདུས་མ་བྱས་ཕྱིར་སྐྱེ་འཇིགས་[126.5]མེད། །སེམས་ཅན་ཀུན་གྱི་རྟེན་གནས་གཞི། །མོས་གུས་མེད་ཕྱིར་རྟོགས་པར་དཀའ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། གཞིའི་དཔེ་བསྟན་པའི་ལེའུ་སྟེ་གསུམ་[126.6]པའོ།། །།དེ་ནས་ཀུན་རིག་སྟོན་པ་ཡིས། །དང་པོ་སངས་རྒྱས་རྟོགས་ཚུལ་ནི། །དད་ལྡན་འདུས་པའི་འཁོར་རྣམས་ལ། །ང་ཡི་རྟོགས་ཉམས་བཀའ་སྩལ་པ། །འཁོར་འདས་མེད་པའི་གོང་རོལ་དུ། །ས་ཆུ་མེ་[127][127.1]རླུད་གང་ཡང་མེད། །སྲིད་པ་མ་ཆགས་སྟོང་པ་ཉིད། །དེ་ཚེ་རང་བཞིན་ལུས་དེ་ནི། །ཡེ་ནས་ཡོད་པའི་ཆོས་ཉིད་དེ། །དོན་དེ་མ་འཁྲུལ་རིག་པ་ཡིས། །ད་ལྟ་མ་འཁྲུལ་ངེས་བསྟན་ཕྱིར། །གཞི་དང་རིག་[127.2]པ་གཅིག་ཏུ་ཤེས། །རྟོགས་དང་སངས་རྒྱས་དུས་མཉམ་བྱུང་། །ནམ་ལངས་ཉི་མ་ཤར་དུས་མཉམ། །རི་བོ་ཏ་ལའི་དཔེ་བཞིན་དུ། །འཁོར་འདས་ཐོག་མཐའ་དུས་གཅིག་ཆོད། །དེ་ཡང་རྡོ་རྗེ་སེམས་དཔའ་[127.3]ཉོན། །ཀུན་བཟང་རྒྱལ་བའི་རྟོགས་པ་དེ། །རང་བྱུང་ངོ་བོ་ཉིད་ཀྱི་སྐུ། །རྒྱུ་རྐྱེན་མ་བྱས་འདུས་མ་བྱས། །ཀུན་ལ་ཁྱབ་པས་ཆོས་ཀྱི་སྐུ། །རང་གི་རིག་པ་ཡེ་ཤེས་ཐུགས། །དེ་ཉིད་ཡིན་པར་ངོ་ཤེས་པས། །ལྷག་མཐོང་[127.4]ཡེ་ཤེས་རང་ཤར་ཕྱིར། །ཡོད་མེད་གཉིས་ཀྱི་སྒྲོ་སྐུར་བྲལ། །དུས་གསུམ་མི་འགྱུར་བརྟན་ངེས་པར། །ཐིག་ལེ་ཉག་གཅིག་ཆོས་ཀྱི་སྐུ། །དེ་ལས་སངས་རྒྱས་ཆོས་རྣམས་བྱུང་། །དེ་ཕྱིར་ཀུན་ཏུ་བཟང་པོ་བྱ་། །།རྫོགས་[127.5]པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཀུན་ཏུ་བཟང་པོའི་རྟོགས་པ་བསྟན་པའི་ལེའུ་སྟེ་བཞི་པའོ།། །།དེ་ནས་ཀུན་རིག་སྟོན་པ་ཡིས། །འོག་མིན་ཆོས་དབྱིངས་གནས་དེ་མུ །།ཇི་[127.6]བཞིན་རྡོ་རྗེ་སེམས་དཔའ་ཡིས། །མ་འཁྲུལ་རིག་པ་གསལ་བ་ནི། །རང་ལ་ཡེ་ནས་ཡོད་མིན་ཡང་། །གཞི་ནི་མི་འགྱུར་ངེས་པ་ནི། །འདི་ཉིད་ཁོ་ན་ཡིན་ནམ་མིན། །ཡིད་ལ་ཐེ་ཚོམ་ཆ་ཕྲ་ཡོད། །དེ་རྟོགས་གསལ་ཕྱིར་[128][128.1]མོས་གུས་བྱེད། །དེ་ཕྱིར་ཀུན་བཟང་དེ་ཆེད་དུ། །མཉམ་བཞག་དགོངས་པ་ཐུགས་བརྟན་པས། །ཐེ་ཚོམ་མེད་པར་ཆོས་ཉིད་རྟོགས། །དེ་ཕྱིར་ཡེ་ཤེས་རྒྱུད་དག་པའི། །རྡོ་རྗེ་སེམས་དཔས་མངོན་གྱུར་གོ། །ཚིག་ཏུ་མ་[128.2]བསྟན་དོན་དུ་ཤར། །དེ་ཡང་འདུས་པའི་སྙིང་པོ་ཉོན། །དེ་ཕྱིར་བྱིན་གྱི་བརླབས་ལུགས་ནི། །ཀུན་བཟང་ཐུགས་ཀྱི་ངེས་དོན་དེ། །ཆོས་དྲུག་མིང་དང་དོན་དཔེ་གཉིས། །དྲུག་གསུམ་གཅིག་ཕྱིར་རིམ་གྱིས་ཀྱང་། །གང་[128.3]ལ་མ་བརྟེན་ཡིད་ཀྱིས་ནི། །ལྷག་མཐོང་ཆོས་སྐུ་དེ་ལྟར་ཤེས། །དེ་ཕྱིར་དགོངས་པས་བརྒྱུད་པའི་ཕྱིར། །རྟོགས་པ་མངོན་གྱུར་སངས་རྒྱས་པའི། །ཕྱིས་མི་ལེན་པའི་རིག་པས་གོ །ཉིད་ལས་མི་གཞན་སངས་རྒྱས་[128.4]འབྱུང་། །དེ་ཕྱིར་བྱིན་གྱིས་བརླབས་ཞེས་བྱ། །ད་ཡང་འདུས་པའི་སྙིང་པོ་ཉོན། །སྟོན་པ་ཀུན་བཟང་བྱིན་རླབས་ཀྱིས། །སྐུ་གསུང་ཐུགས་ཀྱི་སྤྲུལ་པ་གསུམ། །གཟའ་སྐར་རྒྱ་མཚོ་ཇི་བཞིན་དུ། །ངེས་དོན་ཉིད་ཀྱི་རྩལ་[128.5]དུ་བྱུང་། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། རྡོ་རྗེ་སེམས་དཔས་བྱིན་གྱིས་བརླབས་བཤད་པའི་ལེའུ་སྟེ་ལྔ་པའོ།། །།དེ་ནས་འདུས་པའི་ཚོགས་རྣམས་ལ། །ཀུན་རིག་སྟོན་[128.6]པས་བཀའ་སྩལ་པ། །སྤྲུལ་སྐུའི་བརྡའ་ཡིས་བསྟན་པ་ཡང་། །ཚིག་གི་བརྡ་ཡི་སྒྲོན་མེ་ཡིས། །མ་རིག་མུན་པ་བསལ་བའི་ཕྱིར། །ལུང་དང་ལྡན་པའི་གདམས་ངག་གིས། །བསྟན་པ་རྣ་བའི་རྒྱུད་ཅེས་བྱ། །དེ་ཡང་[129][129.1]འདུས་པའི་སྙིང་པོ་ཉོན། །དོན་གྱི་བརྡ་ཡིས་གདམས་ངག་གིས། །ཡེ་ཤེས་རིག་པ་ཁོང་ནས་ཤར། །དེ་ཙམ་ཉིད་ན་སྐྱེ་འགག་མེད། །ད་ལྟ་ཉིད་ན་མངོན་གྱུར་རྟོགས། །ལུས་ཀྱི་བརྔའ་ཡིས་སྤྲལ་པ་[129.2]འགྱེད། །སྟོང་གསུམ་མ་ལུས་ཐམས་ཅད་ཀུན། །སྤྲུལ་པ་གྲངས་མེད་ཀུན་ཏུ་ཁྱབ། །ལྔ་བཅུ་རྩ་བདུན་བརྡའ་ཡིས་ནི། །སྐྱོན་གྱིས་མ་གོས་འགྲོ་དོན་འགྲུབ། །དེ་ཡང་འདུས་པའི་སྙིང་པོ་ཉོན། །རྟརྒིས་ཀྱི་བརྗོ་ཡིས་[129.3]བསྟན་པའི་ཕྱིར། །སྐུ་མདོག་ཕྱག་མཚན་སྣ་ཚོགས་ལ། །གང་འདུལ་ཕྲིན་ལས་རྫོགས་མཛད་པ། །བྱིན་རླབས་སངས་རྒྱས་དངོས་གྲུབ་ཐོབ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་སྐྱི་རྐྱིད་ལས།།ཚིག་[129.4]དང་བརྡའ་བསྟན་པའི་ལེའུ་སྟེ་དྲུག་པའོ།། །།དེ་ནས་རྡོ་རྗེ་སེམས་དཔའ་ཡིས། །ཡེ་ཤེས་མངོན་དུ་རྟོགས་བྱའི་ཕྱིར། །ཀུན་རིག་ཆོས་ཀྱི་རྒྱལ་པོ་ལ། །བདེན་པའི་ཡིད་ཀྱིས་འདི་་རྡོ་[129.5]གསོལ། །ཆོས་རྣམས་ཀུན་གྱི་རྩ་བ་ཡི། །གཞི་གསུམ་འབྲེལ་པ་ཡོད་དམ་མེད། །ཀུན་གཞི་སེམས་ཀྱི་མུན་གསེབ་ནས། །ཆོས་སྐུ་ངོས་ནི་ཇི་ལྟར་བཟུང་། །ད་ལྟའི་ལུས་དང་མ་བྲལ་བར། །གཟུགས་སྐ་མི་འརྒྱཇེ་སྒོརྔོ་[129.6]གིས་བསྒྲིབས། །མཉམ་པའི་རྒྱལ་པོས་བཤད་དུ་གསོལ། །དེ་སྐད་གསུངས་པའི་དོན་གསན་ནས། །འདུས་པའི་འཁོར་ལ་བཀའ་སྩལ་པ། །དེ་དོན་རྩ་བ་མདོར་བསྡུ་ན། །གཞི་གསུམ་མ་ནོར་ངེས་པ་ཡིརྨི། །འ་བྲེལ་ཛི་[130][130.1]ཡད་མེད་ངས་བཤད་ཀྱས། །དེ་གསུམ་ཡོད་མེད་གཅིག་ཏུ་རྟོགས། །འཁོར་འདས་གཞི་ཡི་རང་བཞིན་ལུས། །འཁོར་གཞི་ཤེས་པ་ལུང་མ་བསྟན། །གནས་སྐབས་འབྲེལ་ཡོད་མཐར་ཐུག་མེད། །གནས་སྐབས་འ ལ་[130.2]པ་ཡོད་པ་ནི། །ལུང་མ་བསྟན་པ་རྣམ་གསུམ་ལ། །རང་བཞིན་ལུས་ཀྱིས་ཁྱབ་པའི་ཕྱིར། །དེ་ཡང་འདུས་པའི་སྙིང་པོ་ཉོན། །མཐར་ཐུག་འབྲེལ་པ་མེད་པ་ནི། ཁེས་གཞི་ལུང་མ་བསྟན་པ་ལ། །ཡིད་སྒྲིབ་ཡོད་ཕྱིར་[130.3]མོས་གུས་མེད། །བྱིན་རླབས་རྟོགས་དང་ལུང་ལྡན་གྱིས། །བསྟན་ཐབས་མེད་ཕྱིར་འཁོར་བའི་རྒྱུ། །དེས་བསྐྱེད་འཁོར་བ་འབའ་ཞིག་ཡིན། །དེ་ཕྱིར་མཐར་ཐུག་འབྲེལ་པ་མེད། །མུན་དང་ཉི་མ་དུས་མི་མཚུངས། །མ་[130.4]རིག་ཡེ་ཤེས་དེ་བཞིན་ནོ། །ད་ཡང་འདུས་པའི་སྙིང་པོ་ཉོན། །འཁོར་འདས་གཞི་ཡི་རང་བཞིན་ལུས། །མྱང་འདས་ཀུན་བཟང་གཞི་དང་ནི། །མཐར་ཐུག་འབྲེལ་ཡོད་གནས་སྐབས་མེད། །མཐར་ཐུག་འབྲེལ་པ་ཡོད་[130.5]པ་ནི། །ལན་ཅིག་སྐྱེ་ཤི་བར་དོ་ལ། །ལུང་བསྟན་གདམས་ངག་ཕྲད་སྲིད་ན། །མོས་གུས་དང་བས་རྟོགས་འགྱུར་ཚེ། །ལུང་མ་བསྟན་པ་དག་ཅིང་སྟོང་། །མཐར་ཐུག་ཡེ་ཤེས་འབྲེལ་པ་ཡོད། །ནམ་ལངས་ཉི་མ་ཤར་བ་[130.6]འདྲ། །དེ་ཡང་འདུས་པའི་སྙིང་པོ་ཉོན། །མྱང་འདས་ཀུན་བཟང་གཞི་དང་ནི། །འཁོར་གཞི་ལུང་མ་བསྟན་པ་གཉིས། །ལྷན་ཅིག་མི་གནས་འགལ་བའི་ཕྱིར། །གནས་སྐབས་མཐར་ཐུག་འབྲེལ་པ་མེད། །ཉི་མའི་[131][131.1]དཀྱིལ་འཁོར་མུན་མེད་བཞིན། །དེ་ཕྱིར་ཡེ་ཤེས་ཟང་ཐལ་ཉིད། །དེ་ཡང་འདུས་པའི་འཁོར་རྣམས་ཉོན། །འཁྲུལ་གཞི་ལུང་མ་བསྟན་ལ་སོགས། ཁྲན་ཕྱེའི་སྐབས་སུ་ངས་བཤད་ཀྱིས། །ལ་ཟླེའི་དས་[131.2]སུ་ངས་མ་གསུངས། །ཕྱི་རབས་རྣལ་འབྱོར་དེ་བཞིན་ནོ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། གཞི་གསུམ་འབྲེལ་པ་ཡོད་མེད་བསྟན་པའི་ལེའུ་སྟེ་བདུན་པའོ།། །།དེན་ས་[131.3]ཀུན་རིག་སྟོན་པ་ཡིས། །ཀུན་གཞི་སེམས་ཀྱི་མུན་གསེབ་ནས། །འཁྲུལ་དང་མ་འཁྲུལ་བཀའ་སྩལ་པ། །འཁྲུལ་པ་རྣམ་བཞི་དབྱེ་བའི་ཕྱིར། །གསུམ་འབྲེལ་བཞི་ལྡན་གོལ་བ་་མེད། །དེ་ཕྱིར་ཆོས་སྐ་གསྒོ་རྡོང་[131.4]གཅིག །དེ་ཡང་འདུས་པའི་སྙིང་པོ་ཉོན། །འཁྲུལ་དང་མ་འཁྲུལ་ཤན་ཕྱེད་པས། །ཐོག་མ་ཉིད་ནས་བསགས་པ་ཡི། །སྔར་གྱི་བག་ཆགས་བཟང་ངན་ནི། །དུས་དང་གནས་སྐབས་འགྱུར་བའི་ཕྱིར། ཁྲེཇོ་ཐི་རྨི་[131.5]འཁྲུལ་དངོས་པོ་ཞབྲུལ། །ཞེན་པ་བརྟས་ཕྱིར་བག་ཆགས་ཏེ། །མི་ཤི་ཁ་དོག་དྲན་པ་འདྲ། །དེ་ཡང་འདུས་པའི་སྙིང་པོ་ཉོན། །ཆགས་སྡང་འབྱུང་བའི་རྒྱུར་གྱུར་པའི། །ཕྱིས་ཀྱི་ཉོན་མོངས་སྐྱི་བ་ཡང་། །དགཧཱུཾ་དང་མི་[131.6]དགའ་ལ་སོགས་པའི། །གློ་བུར་རྐྱེན་གྱིས་འབྱུང་བའི་ཕྱིར། །དངོས་པོ་མ་ཞབྲུལ་ཤེས་པ་འཁྲུལ། །ཐག་པ་སྦྲུལ་དུ་འཛིན་པ་འདྲ། །དེ་ཡང་འཁོར་གྱི་སེམས་དཔའ་ཉོན། །སྣང་བ་གཞི་ལ་མེད་པ་ལ། །སྒོཇོ་སྡུད།་ཞེན་[132][132.1]པ་བྱེད་པ་ནེ། །བློ་དངོས་གཉིས་ཀ་འཁྲུལ་པའི་ཕྱིར། །མེད་པ་ལ་ནི་ཡོད་བརྟག་པ། །རི་བོང་རྭ་ལ་རྟོག་དཔྱོད་འདྲ། །དེ་ཡང་འཁོར་གྱི་སྙིང་པོ་ཉོན། །སྐྱེ་བོ་ཐ་མལ་ཤེས་པ་ཡང་། །བྱ་བ་མ་འཁྲུལ་གང་བྱེད་[132.2]ཀྱང་། །བློ་དངོས་མ་འཁྲུལ་ཆོས་ཉིད་མེད། །ལུང་ལྡན་གདམས་ངག་མེད་པའི་སྐྱིར། །གཞི་ཉིད་མ་ཤེས་མ་རིག་ཡོད། །ཟླ་བ་དཀར་ཀྱང་མུན་ཡོད་འདྲ། །ད་ཡང་འདུས་པའི་སྙིང་པོ་ཉོན། །དེ་དག་རྩ་བ་མདོར་བསྡུ་[132.3]ན། །འཁྲུལ་པ་ཟུང་བཞི་ཡ་བདུན་དག །སྣང་བ་མེད་པར་མ་ཤེས་ཕྱིར། །སྒྲོ་སྐུར་ཞེན་པས་རང་བསླུས་ཏེ། །གདམས་ངག་མེད་ཕྱིར་ཆོས་སྐུ་མིན། །དེ་ཕྱིར་གྲུབ་མཐས་བློ་མ་བསྒྱུར། །རྫོགས་པ་ཆེན་པོ་ཡེ་ཤེས་[132.4]འཁོར་ལོ་གསང་བ་ཐུགས་ཀྱི་རྒྱུད་ལས། སྔེ་ཕྱིའི་རྟོག་པ་འཁྲུལ་པ་བསྟན་པའི་་ལེའུ་སྟེ་བརྒྱད་པའོ།། །།དེ་ནས་འདུས་པའི་ཚོགས་རྣམས་ལ། །ཆོས་སྐུ་ངོ་སྤྲོད་དོན་གསུངས་པ། །སྔ་ཕྱིའི་རྟོགས་[132.5]གསུམ་བྲལ་བ་ཡིས། །རང་རིག་ཆོས་སྐའི་ཡེ་ཤེས་རྣི། །འ་ལ་མེད་ད་ལྔའི་ཤེས་པ་ལ། །ཐ་མལ་ལུས་ལ་རྟེན་བཅས་པའི། ཁེས་པ་མ་བསྒྲིབས་གསལ་བ་འདི། །རང་བྱུང་ཆོས་སྐུ་དག་པའོ། །དེ་ལ་མ་རིག་མུན་པ་[132.6]རྨེད། །ད་ཡང་འདུས་པའི་སྙིང་།པོ་ཉོན༄། །དེ་ལ།་ཡོན།་ཏན་ཀྲུཞི་ལྡན།་ཐོཐོ། །རྡེམ་ཚིག་འཛིན་པའི་ཡེ་ཤེས་སྐྱེས། །སྐྱེ་བོ་མུ་སྟེ།གས་ཡུལ་འདི་ལ། །ང་དང་བདག་ཏུ་རང་རྒྱུད་བྱེད། །ཞེན་པའི་གཉིས་འཛིན་མེད་པའི་[133][133.1]ཕྱར། །སྣང་བ་ ད་པའ་ཡ་ ས་ན། །གལ་ ད་ཆས་དབྱངས་ནམ་མཁའ་འདྲ། །ངང་ ས་གསལ་བའ་ཡ་ ས་ཀྱས། ། གས་དྲུག་བཀག་པའ་འགག་པ་དང་། །ལུས་མེད་མེད་པའ་ལྟ་རྒྱུ་ནི། །གོལ་ས་[133.2]ཀ་ནས་མེད་པའི་ཕྱིར། །རིན་ཆེན་འོད་འདྲ་འཆར་ནུབ་མེད། །དེ་ཡང་རྡོ་རྗེ་སེམས་དཔའ་ཉོན། །ཡེ་ཤེས་ག་་མར་གནས་པ་ཡིས། །དབུ་མ་སེམས་ཙམ་ཐུན་བསྒོམ་དང་། །ཐབས་ཀྱི་རྩ་དང་ཐིག་ལེ་[133.3]སོགས། །འབྱུང་འཇུག་ཅན་གྱི་གོལ་ས་མེད། །བསྐྱེད་རིམ་ཀུན་གཞི་ལ་སོགས་པ། །ཞི་ཁྲོའི་ལྷ་རུ་བསྒོམ་པ་དང་། །འཕེལ་འགྲིབ་ཅན་གྱི་གོལ་ས་མེད། །དེ་ཕྱིར་རྒྱུན་དུ་འབྲལ་མེད་ཡིན། །དེ་ཡང་འས་ཐེའི་སྨིཇེ་པོ་[133.4]ཉོན། །གཏན་ལ་འབེབས་པའི་ཡིད་ཀྱིས་ནི། །ལྷག་མཐོང་རིག་པ་རྟོགས་ཙམ་ན། །དམིགས་འཛིན་མེད་པར་ངང་གིས་གསལ། །ག་་མར་གནས་དང་འཕེལ་འགྲིབ་མེད། །ད་ལྟའི་ཤེས་པ་འདི་ཉིད་་ལ། །རཛ་རིག་[133.5]ཆོས་སྐུ་གཅིག་ཏུ་འདུས། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཆོས་ཀྱི་སྐུའི་བསྒོམ་པ་ངོས་བཟུང་བའི་ལེའུ་སྟེ་དགུ་པའོ།། །།དེ་ནས་འདུས་པའི་ཚོགས་རྣམས་ལ། །ཀརྣོ་[133.6]རིག་སྟོན་པ་ཆོས་རྗེ་ཡིས། །རྣམ་སྨིན་ལུས་དང་བཅས་འདུས་འདིར། །གཟུགས་སྐུ་མི་འབྱུང་བཀའ་སྩལ་པ། །ལྷ་མིན་མངལ་གྱི་སྒྲིབ་པ་འདྲ། །གཟུགས་སྐུ་ངོ་སྤྲོད་མི་འདོད་དོ། །ཆེ་བའི་ཡོརྣེ་ཏན་མི་ ་ཇེ་[134][134.1]ཕྱིར། །ནམ་སྲོས་ཉི་མ་མི་འཆར་འདྲ། །དེ་ཡང་འདུས་པའི་སྙིང་པོ་ཉོན། །ལན་ཅིག་དུས་ཀྱི་དེང་སང་ནི། །ལུང་མེད་རྨོངས་པའི་ང་རྒྱལ་ཅན། །དཔྱད་བཟོ་རིག་པ་བྱེད་པ་ཀུན། །གཟུགས་སྐུ་ད་ལྟ་ངོ་སྤྲོད་ཡོད། །ཁ་[134.2]ཚབ་རྫུན་ཚིག་སྨྲ་བ་ལ། །རྨོངས་པ་བདེན་པར་འཛིན་པ་འབྱུང་། །ད་ཡང་འདུས་པའི་སྙིང་པོ་ཉོན། །མ་རིག་རྫུན་དེ་སུན་འདོན་ཕྱིར། །ད་ལྟ་མངལ་གྱིས་བསྒྲིབས་གཡོགས་པས། །ལོངས་སྐུ་དང་ནི་སྤྲུལ་[134.3]པའི་སྐུ། །བཞུགས་ཚུལ་སྒྲོན་མའི་དཔེ་མཚོན་ཀྱང་། །ད་ལྟ་རང་ལ་འབྱུང་མི་སྲིད། །ཁྱུང་སྒོང་མ་ཆག་འཕུར་མི་ནུས། །དེ་ཕྱིར་གཟུགས་སྐུའི་གཟུགས་བརྙན་དེ། །རིས་སུ་བྲིས་དང་ལུགས་སུ་བླུགས། །འབུར་དུ་[134.4]བརྐོས་པ་ལ་སོགས་པའི། །གཟུགས་སྐུའི་ལྷ་རུ་བྱུང་བ་ཡང་། །དངོས་སུ་སྤྲད་དུ་མི་འདོད་པས། །དེ་ཕྱིར་དྲང་དོན་ལྡེམ་དགོངས་སུ། །ཁྲོ་བོ་བསྒོམ་པའི་ལྷ་ཚོགས་བསྟན། །ད་ཡང་འདུས་པའི་སྙིང་པོ་ཉོན། །སྔོན་བྱུང་[134.5]གཟུགས་སྐུ་བྱུང་བ་ཡང་། །རང་རྒྱུད་ལུས་ཅན་མ་ཡིན་ཏེ། ཁུད་དག་སྤྲུལ་པ་གཞི་གཅིག་ལས། །སངས་རྒྱས་བྱང་ཆུབ་སེམས་དཔའ་ཡིན། །ཆགས་སྡང་ལྔ་དང་བཅས་པའི་ཡིད། །ཐ་མལ་རང་ལུས་སེམས་འདི་[134.6]ལ། །གཟུགས་སྐུ་ད་ལྟར་འབྱུང་མི་སྲིད། །ནམ་མ་ལངས་པར་ཉི་མི་འཆར། །ད་ཡང་རྡོ་རྗེ་སེམས་དཔའ་ཉོན། །ད་ལྟ་གཟུགས་སྐུ་སྤྲད་འདོད་ན། །མཚན་དང་དཔེ་བྱད་མ་ལུས་ཀུན། །རང་གི་ལུས་ལ་ཚང་དགོས་[135][135.1]ན། །ཞིང་ཁམས་ཡོན་ཏན་ཀུན་མཐོང་དགོས། །དུས་གསུམ་སངས་རྒྱས་ཐམས་ཅད་དང་། །སྐུ་གསུང་ཐུགས་ནི་མཉམ་དགོས་ན། །དེ་མེད་ཡིད་སྨོན་ངོ་སྤྲོད་མེད། །དེ་ཡང་འས་པའི་སྨིང་པོ་[135.2]ཉོན། །མངལ་གྱིས་སྒྲིབ་གཡོགས་མ་བྲལ་བར། །ལུང་ལྡན་རྐྱེན་དང་ཕྲད་སྲིད་ན། །རང་སེམས་ཆོས་སྐུར་རྟོགས་པ་ལས། །གཟུགས་སྐུ་མི་འབྱུང་ལུས་ཀྱིས་བསྒྲིབས། །ཉི་མ་སྤྲིན་གྱིས་བསྒྲིབས་ཐོ་འདྲ། །རྡོ་ཡང་[135.3]འཁོར་གྱི་སྙིང་པོ་ཉོན། །སྤྲུལ་སྐུ་ངོ་སྤྲོད་ཡོད་ཟེར་ན། །ད་ལྟ་ཐ་མལ་ལུས་འདི་ཡིས། །འཛམ་གླིང་བྱེ་བ་ཕྲག་བརྒྱ་སྲ །སྤྲུལ་པ་བྱེ་བ་ཕྲག་བརྒྱ་དགོས། །སངས་རྒྱས་དམྱལ་བ་ཡན་ཆད་དུ། །ལུས་ཀྱི་མིག་གིས་རྨིཐོང་[135.4]བ་དགོས། །རྣམ་སྨིན་ལུས་དང་བཅས་དུས་འདིར། །ཇི་ལྟར་གཟུགས་སྐུ་ངོ་སྤྲད་ཀྱང་། །མཐའ་འཁོབ་ཆུ་དང་བྲག་ལ་ཡང་། །མི་ཐར་སྡུག་བསྔལ་འབྱུང་བའི་ཕྱིར། །སྤྲུལ་སྐུ་ངོ་སྤྲོད་ཡོད་ཟེར་རྫན། །ཉི་སྨྲོ་་ན་གྱི་[135.5]སྨད་བསད་རིགས། །དེ་ཡང་རྡོ་རྗེ་སེམས་དཔའ་ཉོན། །ཡིད་སྨོན་ཙམ་དུ་སྤྲོད་ཟེར་ནས། །ཞི་ཁྲོ་ལ་སོགས་བསྒོམ་པ་ཡང་། །རྒྱུད་ལུང་ཆོས་སུ་ལྡམ་དགོངས་བསྟན། །དེ་ཕྱིར་གཟུགས་སྐུ་གནས་ཟླེརྒྱིཇི་ལརྨི། །སྡོརྫེས་[135.6]སུ་འབྱུང་བར་ངས་མ་བཤད། །དེ་ཡང་འདུས་པའི་སྙིང་པོ་ཉོན། །གཟུགས་སྐུ་ངོ་ནི་སྤྲད་འདོད་ན། །དེ་ལ་རྟགས་ཆེན་འདི་འབྱུང་སྟེ། །སེང་གེ་ཁྱུང་དངཨུ་དུམ་ཝར། །རིན་ཆེན་ལ་སོགསི་དུས་འདིཇོ་འབྱུང་། །འསྡིག་[136][136.1]རྟེན་སངས་རྒྱས་འབྱུང་བའི་རྟགས། །དེ་མེད་གཟུགས་སྐུ་འཇིག་རྟེན་དུ། །སེམས་ཅན་ལུས་དང་མ་བྲལ་བར། །གཟུགས་སྐུའི་ཡོན་ཏན་འབྱུང་འདོད་པ། །མུ་སྟེགས་ཀ་ཏ་རི་བ་ཟེར། །མ་རིག་རྨོངས་པ་སྙིང་རེ་[136.2]རྗེ། །མནར་མེད་དམྱལ་བ་ཆེན་པོར་འགྱུར། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ལུས་དང་མ་བྲལ་བར་གཟུགས་སྐུ་མི་འབྱུང་བར་བསྟན་པའི་ལེའུ་སྟེ་བཅུ་པའོ།། །།དེ་ནས་[136.3]རྡོ་རྗེ་སེམས་དཔའ་ཡིས། །རང་རིག་ཆོས་སྐུ་ལ་བཟླའི་ཕྱིར། །ཀུན་རིག་ཆོས་ཀྱི་རྒྱལ་པོ་ལ། །བདེན་པའི་དོན་གྱིས་འདི་སྐད་གསོལ། །མ་བསྒོམས་དོན་དང་མི་འབྲལ་བའི། །ཡེ་ཤེས་རང་ཤར་མན་ངག་གང་། །ཐ་[136.4]མལ་རྣམ་རྟོག་མི་གོས་པའི། །རང་ཤར་སྒོད་པ་ཇི་ལྔ༡ར་སྒོད། །མཉམ་པའི་རྒྱལ་པོས་བཤད་དུ་གསོལ། །དེ་སྐད་གསོལ་པའི་དོན་གསན་ནས། །མ་བསྒོམས་འབྲལ་བ་མེད་པ་ཡིས། །ཡེ་ཤེས་རང་ཤར་ངེས་པའི་[136.5]དོན། །ཀུན་རིག་སྟོན་པས་བཀའ་སྩལ་པ་། །དངོས་པོ་མ་་འ་ལ་རིག་པ་ལ། །ཚོར་བ་བདེ་སྡག་ཅི་རྒྱུང་ཡང་། །ལུང་ལྔན་རིན་ཆེན་རྐྱེན་གྱིས་ཀྱང་། །དེ་ཉིད་ཆོས་སྐུར་ཉམས་སུ་མྱོང་། །ད་ཡང་རྡོ་རྗེ་སེམས་དཔའ་[136.6]ཉོན། །ཡུལ་གྱི་རྣརྨེ་པ་གང་བྱུང་ཡང་། །དངོས་པོ་མ་འཁྲུལ་་རིག་པ།་ཡིས། །དོན་གྱིས་ཟིན་་པའི་ཡེ་་ཤེས་ཏེ། །ཆོས་རྙེད་ཡང་དག་གནས་ལུགས་ཡིན། །དེ་ཉིད་ལུང་ལྡན་སྒྲོན་མ་ཡིས། །མ་རིག་མུན་པ་མེད་པའི་[137][137.1]རྙི༅། །།དེ་རྟེན་ཡུ།ཕྱལར་ད།ང།སྒྲ་འཧཱུཾནཱ་་བྲམེ།་ལྒིའས་། ས།དེཔ་ཚོ༷་།བ།།་༷་སྐྱུ།མ་ །ང་ ཞིལམབྱ། །།ད།ག་༷༷རྡཉ་མས་ སྐྱུསམྱོལྗིཔབའའིཉཕྱིནར།།།ད།།ལ་པམེ་བད་ཡཉསམ་ནཱདསུ་ལྡ་།ངལ་ཚ།ད།དནིང།ས།་༷།་༷གལ༷ངབནི྅་ས་།།སྙི།ས།སྣ། ང།དེ་བཕྱི་ཧཱུཾ་༷གོ།ས་ཐ༷༷་ཧཱུཾ྅་[137.2]ཡིན། །དེ་ཡང་འདུས་པའི་སྙིང་པོ་ཉོན། །ཚོར་བ་མི་བདེ་སྡུག་བསྔལ་ཡང་། །ན་ཚ་མི་ཞིམ་རྩུབ་པ་དང་། །མི་དགའ་ལ་སོགས་ཅི་བྱུང་ཚེ། །ལུང་ལྡན་རིན་ཆེན་རྐྱེན་གྱིས་ནི། །ཆོས་སྐུར་ཉམས་་སུ་མྱོང་ཐོའི་[137.3]ཕྱིར། །ཡུལ་དང་གནས་སྐབས་མཐར་ཐུག་གི། །འབྲེལ་པ་མེད་ཤེས་ཉམས་ཀྱི་ཚད། །དེ་ཡང་འདུས་པའི་སྙིང་པོ་ཉོན། །ཡུལ་འདི་རིག་མེད་འཁྲུལ་པར་ཤེས། །འདུས་བྱས་ཡིན་ཕྱིར་ཆོས་སྐུ་མེད། །སྔག་བསྔལ་ཚོར་[137.4]བ་གང་བྱུང་ཡང་། །དེ་དུས་རྟག་ཆད་མཐར་མ་ལྟུང་། །བྱིང་རྒོད་གཉིས་ཀྱི་རྐྱེན་མ་གོས། །དེ་ཕྱིར་ཆོས་སྐུ་བསྒོམ་མི་དགོས། །དེ་ཡང་རྡོ་རྗེ་སེམས་དཔའ་ཉོན། །ཡུལ་གྱི་དྲན་རྟོག་ཅི་བྱུང་ཡང་། །ག་ང་།ཕྱིར་ཆོས་སྐ་[137.5]ཉམས་སུ་མྱོང་། །ཡང་དྲུག་ཉམས་དང་འབྲེལ་མེད་ཤེས། །རྟོགས་ཐབས་རྣམ་པ་དགུར་ནི་བརྟེན། །རྐྱེན་ཐུབ་གང་དྲག་ལྷག་མཐོང་ལ། །རྐྱེན་ཐུབ་དྲུག་ཏུ་དབྱེ་མི་དགོས། །དེ་ཡང་འདུས་པའི་སྙིང་པོ་ཉོན། །མཐའ་སྡུ་[138][138.1]མི་འཛིན་ལྟ་བ་ལ་། །རིག་པ་རྒྱ་ཡན་ཆོས་སྐུར་གསལ། །ཡིད་ཆེས་གདེང་གིས་ཟིན་པ་ལ། །ཉམས་དང་ལྡན་པའི་ཚད་ཅེས་གསུངས། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཡེ་ཤེས་[138.2]རང་ཤར་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཀུན་རིག་ཆོས་རྗེ་ཡིས། །ཐ་མལ་རྣམ་རྟོག་མི་གོས་པའི། །ལ་བབློའི་སྤྱོད་པ་བཀའ་སྩལ་པ། །གཞི་ཤེས་བློ་དངོས་གཅིག་པ་དང་། །བརྟུལ་[138.3]ཞགས་མཆོག་དང་གེགས་མེད་པའི། །ལ་བབློའི་སྟོད་པ་བཀའ་སྩལ་པ། །གཞི་ཤེས་རང་ཤར་སྟོད་པའི་དུས། །ལུང་ལྡན་ངེས་པའི་གདམས་ངག་གིས། །ཡུལ་མེད་ཆོས་སྐུར་ངོས་ཟིན་པས། །ལུས་ངག་བྱར་མེད་[138.4]བ་རྗེད་པ་ཡི། །གཞན་ཛུ་འཛིན་མེད་རང་རིག་སྐུ། ་།སྔ་ཕྱིས་མ་།བསླད་མ་བཅོརྨི་ཤིཇི་། །འདུ་རྨེབྲརྨོ་མེད་པའི་ཡེ་ཤེས་ནི། །སུས་ཀྱང་མ་བྱས་རང་བྱུང་སྟེ། །གཞི་ཉིད་ཤེས་པས་ནམ་མཁའ་འདྲ། །ད་ཡང་འདུས་པའི་[138.5]སྙིང་པོ་ཉོན། །ཆོས་སྒའི་རིག་པ་འགྲོ་འོང་མེད། །རྟག་ཆད་མཐའ་ཡི་སྒོ་སྐུར་བྲལ། །རང་གི་སྟོད་པ་གང་སྟོད་ཀྱང་། །ཆོས་ཀྱི་སྐུ་ལས་མ་རྟོགས་པ། །རྡུལ་ཙམ་གཞན་ན་ཡོད་མི་སྲིད། །དེ་ཕྱིར་ཤེས་པ་རང་ཡན་[138.6]རྨེ། །ལྷག་མཐོང་དྲན༄་པའི་ག།དེང་གིས་ཟིན། །ཡེངརྨེ་དང་མ་ཡེངས་མེད་་པཇོ་ནི། །བལྟ་བའི་གརྡོང་འབྲལ་རྨོད་པའི་ཕྱིར། །ཆོས་སྐུ་གཞི་ཞེས་སྤྱོད་པ་ཡིན། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་[139][139.1]རྒྱུད་ལས། གཞི་ཤེས་པའི་སྤྱོད་པ་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཀུན་རིག་རྒྱལ་པོ་ཡིས། །འདུས་པའི་འཁོར་ལ་བཀའ་སྩལ་པ། །བློ་དངོས་སྤྱོད་པ་བསྟན་པའི་ཕྱིར། །གཞི་[139.2]ཉིད་དེ་ལྟར་རྟོགས་པ་ལ། །སྣང་བ་ངེས་མེད་སེམས་ལ་རྒྱུ། །དེ་རྒྱུ་ཙམ་ན་ཆོས་སྐུ་ཡིན། །དེ་ལྟར་ཐག་ཆོད་ངེས་པ་ཡིས། །བསྒོམ་དང་མ་བསྒོམས་རང་སར་གྲོལ། །གང་ཡང་ཆོས་སྐུ་གྱུར་པ་ལས། །བློ་དང་དངོས་[139.3]པོའི་དབྱེར་མེད་ཕྱིར། །ནམ་མཁའི་གཞའ་ཚོན་མ་ངེས་རྫོགས། །བློ་དང་སྣང་བ་དངོས་པོ་ཆོས། །སེམས་ཀྱི་དྲན་པ་ཅི་སྣང་ཡང་། །དངོས་མེད་རིག་པ་ཆོས་སྐུར་གསལ། །བསྒོམ་དང་མི་བསྒོམ་ཐ་སྙད་བྲལ། །དེ་ཕྱིར་[139.4]བློ་དངོས་ཡེ་ཤེས་ཤར། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། བློ་དངོས་ཡེ་ཤེས་རང་ཤར་གྱི་སྤྱོད་པ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་འདུས་པའི་ཚོགས་[139.5]རྣམས་ལ། །བརྟུལ་ཞུགས་མཆོག་སྤྱོད་བཀའ་སྩལ་པ། །ལྟ་བ་ལ་ནི་བཟླ་བའི་ཕྱིར། །སྤྱོད་པ་རྩིང་མོ་ཆེད་དུ་དགོས། །ངེས་མི་འཆིང་བའི་གདམས་ངག་ཡོད། །དེ་ཕྱིར་རང་གྲོལ་རྟོགས་པ་གཅེས། །དེཡངའདུས[139.6]པའི་སྙིང་པོ་ཉོན། །ངེས་ལུང་བསྟན་པའི་རྣལ་འབྱོར་པས། །མ་དང་སྲིང་མོ་ཀུན་ཀྱང་སྤྱད། །གཞན་གྱིས་བུད་མེད་སྨོས་ཅི་དགོས། །སེམས་ཅན་མནར་ཅིང་བསད་གྱུར་ཀྱང་། །དགེ་འདུན་མཆོད་རྟེན་དཀོར་འཕྲོག་[140][140.1]ནའང་། །རྐྱེན་སྒྲིབ་མེད་པར་ཡེ་ཤེས་ཤར། །དམྱལ་དཔོན་ལྟུང་བ་མེད་པ་བཞིན། །བརྟུལ་ཞུགས་མཆོག་གི་སྤྱོད་པ་ལ། །བསྲུང་བའི་དམ་ཚིག་མི་འགལ་ཏེ། །ལུང་རིག་མཐུན་པའི་ཆོས་འདི་དགོས། །དེ་ཡང་རྡོ་རྗེ་[140.2]སེམས་དཔའ་ཉོན། །དེང་སང་དུས་ཀྱི་ཆོས་བྱེད་རྣམས། །ཞི་འཇམ་རྒྱུད་འབོལ་འདོད་པ་དེ། །གདམས་ངག་མེད་ཕྱིར་བྱོལ་སོང་རྒྱུ། །དེ་ཕྱིར་རྨོངས་པ་སྙིང་རེ་རྗེ། །ཞི་འབོལ་འབྲས་བུ་ཐོབ་པ་མེད། །ལྷ་རྣམས་[140.3]འཇིག་རྟེན་དུ་ལྟུང་ཞིང་། །ལྟ་བ་མ་རྟོགས་ཐམས་ཅད་ལྟུང་། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། བརྟུལ་ཞུགས་མཆོག་གིས་ཡེ་ཤེས་རང་ཤར་བསྟན་པའི་ལེའུ་སྟེ་བཅུ་བཞི་[140.4]པའོ།། །།དེ་ནས་འདུས་པའི་ཚོགས་རྣམས་ལ། །གཞི་ལ་འདྲེ་མེད་བསྟན་པའི་ཕྱིར། །སྟོན་པ་ཀུན་རིག་ཆོས་རྗེ་ཡིས། །འདྲེ་སུན་འདོན་པ་བཀའ་སྩལ་པ། །གཞི་ལ་ལྷ་འདྲེ་མེད་པ་ལ། །མུ་སྟེགས་སྐྱེ་བོ་[140.5]བདེན་འཛིན་པ། །འདྲེ་ཡོད་སུན་འདོན་ལ་བཟླའི་དོན། །ང་ཡིས་བཤད་ཀྱིས་སེམས་ལ་ཞོག །ད་ཡང་རྡོ་རྗེ་སེམས་དཔའ་ཉོན། །ཡུལ་གྱིས་རྟོག་པ་མ་ཟད་པར། །གནོད་པའི་བགེགས་ལ་ཟད་པ་མེད། །བགེགས་[140.6]རིགས་སྟོང་ཕྲག་བརྒྱད་བཅུ་དང་། །ཡེ་འདྲོག་སུམ་བརྒྱ་དྲུག་ཅུ་རྣམས། །གཞི་ལ་གང་ཡང་མེད་པ་ལ། །བཙུན་པ་ཁྲིམས་འཆལ་ཨུ་ལི་ཡིས། །མུ་སྟེགས་ལོག་ལྟའི་ལྷ་བསྒྲུབས་ནས། །ཁ་ཆེའི་བྱེ་བྲག་སྨྲ་བ་[141][141.1]༄༅ ཡིས། །ཐོལ་ཐོལ་སྨྲ་ཞིང་ལམ་ལམ་བོར། །བདུད་ཀྱི་བྱིན་རླབས་གློ་བུར་འབྱུང་། །ལྷ་མེད་ལྷར་འཛིན་འདྲེ་རྣམས་གནོད། །འདུ་བ་རྣམ་བཞིའི་ནད་དང་ནི། །ཡེ་འདྲོག་སུམ་བརྒྱ་འདྲེ་ཡིས་བྱས། །ལྷ་[141.2]མཆོད་འདྲེ་བརྡུང་ནད་ལ་ཕན། །དེ་སྐད་རྫུན་དུ་སྨྲ་བ་ལ། །རྨོངས་པའི་སྐྱེ་བོ་བདེན་སྙམ་ནས། །བོན་མཆོག་བྱས་པས་ཕན་པ་སྙམ། །འདྲེ་མཆོད་བདུད་དུ་ཕྱི་མང་ཆེ། །འབྱུང་བ་ལྔ་ལ་འདྲེ་ཡོད་ཟེར། །སྲིད་པའི་སྙི་[141.3]བགེགས་མི་ལ་གནོད། །མི་ཤི་འདྲེ་རུ་གནོད་ཟེར་ཏེ། །རྒྱབ་མཆོད་འདྲེ་ནི་བཏགས་བྱས་པས། །ན་ཚ་གོད་ཁ་སླར་ལ་འོང་། །དེ་ཡང་འདུས་པའི་སྙིང་པོ་ཉོན། །སྲིད་པའི་སྤྱི་བགེགས་ཆེན་པོ་འདི། །སྐྱེ་བོ་རྒྱང་འཕེནོ་[141.4]པ་ལ་ཡོད། །སངས་རྒྱས་ཆོས་ལ་འདྲེ་མེད་ཕྱིར། །ཆོས་དང་གང་ཟག་བདག་དང་བྲལ། །དེ་ཕྱིར་སྣང་བ་མེད་པའི་ཕྱིར། །སྲིད་པའི་སྤྱི་འདྲེ་གཞི་ལ་མེད། །འདྲེ་ཡོད་ཟེར་བ་བལྟ་བ་ལོག །རྫོགས་པ་ཆེན་པོ་ཡེ་ཤེས་[141.5]འཁོར་ལོ་གསང་བ་ཐུགས་ཀྱི་རྒྱུད་ལས། གཞི་ལ་འདྲེ་མེད་པར་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་འདུས་པའི་ཚོགས་རྣམས་ལ། །ཀུན་རིག་ཆོས་ཀྱི་རྒྱལ་པོ་ཡིས། །འདྲེ་སུན་འདོན་པ་བརྐེའ་[141.6]སྩལ་པ། །འཇིག་རྟེན་ཞིག་ན་འདྲེ་ཡང་མེད། །ཀུན་བརྟགས་མ་རིག་ཡུལ་དུ་བརྟགས། །མ་རིག་མེད་ན་འདྲེ་ཡང་མེད། །འདྲེ་ནི་གློ་བུར་བཏགས་ཙམ་པ། །མི་ལས་གྱུར་པས་འདྲེ་གནོད་ན། །ལུས་ཅན་གནོད་ན་[142][142.1]མ་ཤིར་རིགས། །ལུས་མེད་སྟོང་པས་གནོད་མི་ནུས། །དེ་ཕྱིར་འདྲེ་གནོད་རྫུན་པོ་ཆེ། །ལྷབ་ཀའི་མོས་མ་ཀུན་གྱིས་བསླུས། །ཐ་མལ་ལས་ཀྱི་དུས་ཟད་ན། །མོ་ཆོག་བྱས་དང་མ་བྱས་མེད། །རྐྱེན་མི་བཟློག་སྟེ་ཀུན་ཀ་[142.2]འཆི། །ད་ཡང་འདུས་པའི་སྙིང་པོ་ཉོན། །དེ་ཕྱིར་ལྷ་འདྲེ་ཀུན་མེད་དེ། །ཞབྲུལ་པའི་བློ་ཡིས་བཏགས་པ་ལས། །རྟོག་པས་འདྲེ་མེད་ལ་ཟློ་ན། །འཁོར་འདས་མ་རིག་ཆོས་འདི་ལ། །ལྷ་འདྲེ་བྱ་བའི་མིང་མེད་[142.3]ཤེས། །ཐམས་ཅད་ཐིག་ལེ་ཉག་གཅིག་ལ། །དུག་ཉིད་སྨན་དུ་སྒོར་ཤེས་ལྟར། །འདྲེ་ཉིད་ཡེ་ཤེས་ཀློང་དུ་ཤེས། །དགག་བསྒྲུབ་མེད་ཕྱིར་འདྲེ་རྣམས་སྟོང་། །རྐྱེན་གྱིས་མི་ཚུགས་ནམ་མཁའ་འདྲ། །ད་ཡང་འདུས་པའི་[142.4]སྙིང་པོ་ཉོན། །སྔགས་དང་དོན་གྱི་ངོ་བོ་ལ། །ལྷ་འདྲེ་མི་ཤེས་་ཡེ་ཤེས་སྐུ། །གང་ལ་རྟོག་མེད་རང་བྱུང་ལ། །ངེས་དོན་གདམས་ངག་གསལ་ཐེབས་ཕྱིར། །བསླུ་བྲིད་ཆོས་ཀྱི་གོལ་སྒྲིབ་མེད། །འདྲེ་མེད་ཡེ་ཤེས་ལ་[142.5]བཟླའོ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། འདྲེ་སུན་འབྱིན་པར་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་རྡོ་རྗེ་སེམས་དཔའ་ཡིས། །རྟོགས་ལྡན་འཁོར་གྱི་དོན་[142.6]ཆེད་དུ། །ཀུན་རིག་སྟོན་པ་ཆོས་རྗེ་ལ། །བདེན་པའི་དགོངས་དོན་འདི་སྐད་གསོལ། །ཡེ་ཤེས་ལ་ནི་ཇི་ལྟར་བཟླ། །དེ་ཡི་འབྲས་བུ་ཇི་ལྟར་འབྱུང་། །ངེས་དོན་རྒྱུད་འདི་གང་ལ་གཏད། །མཉམ་པའི་སྟོན་པས་བཤད་[143][143.1]དུ་གསོལ། །དེ་སྐད་ཞུསླ་པས་དོན་གསན་ནས། །འདུས་པའི་འཁོར་ལ་བཀའ་སྩལ་པ། །རྒྱུ་དང་འབྲས་བུ་རོ་གཅིག་ཕྱིར། །རིམ་པར་དབྱེར་མེད་ངོ་བོ་གཅིག །སངས་རྒྱས་མ་ཚོལ་རང་ལ་གནས ངེ་[143.2]ཕྱིར་རྒྱུ་འབྲས་དབྱེ་རུ་མེད། །དེ་ཡང་འདུས་པའི་སྙིང་པོ་ཉོན། །འཁོར་འདས་རྩ་བ་གཅིག་པའི་ཕྱིར། །རང་བཞིན་ལུས་དེ་ངོ་ཤེས་པས། །ཐར་པ་ཐོབ་ཅེས་བསྟན་པའི་ཕྱིར། །འཁོར་འདས་མེད་པཧཱུཾ་།ཆོས་་་[143.3]རྟོགས། །ཕྱི་ནང་སྣོད་བཅུད་མ་ལུས་ཀུན། །མ་བྱུང་མ་སྐྱེས་ཆོས་དབྱིངས་ལ། །དུས་གསུམ་སངས་རྒྱས་འགྱུར་མེད་ཕྱིར། །ཕྱི་ནང་མ་བཙལ་ཡེ་ནས་ཡིན། །དེ་ཡང་རྡོ་རྗེ་སེམས་དཔའ་ཉོན། །མ་སྡེག་ལཧཱུཾ་སྐེས་སེམཟློ་[143.4]ཅན་དང་། །ཡེ་ཤེས་ལས་བྱུང་སངས་རྒྱས་གཉིས། །ངས་ལུང་བསྟན་པས་ཆོས་སྐུར་གཅིག །མ་བཙལ་ལ་ཟློ་ཆེན་པོ་ཡིན། །བདེ་དང་སྡུག་བསྔལ་འཁོར་འདས་ཆོས། །རྟོགས་དང་མ་རྟོགས་གཉིརྨེ་མེད་སྐྱིར། །ཡུལ་[143.5]དུ་འཛིན་པས་བློ་མེད་པས། །མ་བཙལ་རང་གནས་ཡེ་ཤེས་ཡིན། །དེ་ཡང་འདུས་པའི་སྙིང་པོ་ཉོན། །གཙང་སྨེ་གཞི་ལ་མེད་པའི་ཕྱིར། །བློ་ཡིས་བྱས་པ་ཐམས་ཅད་འཁྲུལ། །མ་བྱས་རྨི་རྦིཅོས།་རང་རྒྱང།་ཐུབས། །ལ་[143.6]བཟླ་བཟང་ངན་མེད་པར་གྱིས། །དེ་ཡང་འདུས་པའི་སྙིང་པོ་ཉོན། །མཐོ་དམན་ཆེ་ཆུང་མ་ལུས་ཀུན། །མན་ངག་ཅན་ལ་ཆེ་ཆུང་མེད། །ཡེ་ཤེས་རང་ལ་གནས་པ་ལ། །མཐོ་དམན་མེད་པར་རྟོགས་ཐྲོར་གྱིཧཱུཾ། །རང་[144][144.1]བྱུང་སྐྱེ་ཤི་མེད་པའི་ཕྱིར། །དུས་གསུམ་གཅིག་པས་ཡེ་ཤེས་སྐུ། །གྲངས་དང་ཚེ་ཚད་བགྲང་དུ་མེད། །དེ་ཕྱིར་མི་འགྱུར་ཡེ་ཤེས་ཡིན། །དེ་ཡང་འདུས་པའི་སྙིང་པོ་ཉོན། །ཡེ་ཤེས་རང་ཤར་ལ་ཟློ་ལ། །གང་ལྟར་སྣང་[144.2]དྲན་ཆོས་ཉིད་ལ། །མ་བཙལ་ཡེ་ཤེས་རང་གནས་ཕྱིར། །བསྒོམ་མི་དགོས་པར་ལ་བཟླའོ། །རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཡེ་ཤེས་རང་ཤར་དུ་ལ་བཟླ་བའི་ལེའུ་སྟེ་བཅུ་བདུན་[144.3]པའོ།། །།དེ་ནས་ཀུན་རིག་རྒྱལ་པོ་ཡིས། །དད་ལྡན་འདུས་པའི་འཁོར་རྣམས་ལ། །རྟོགས་པའི་འབྲས་བུ་བཀའ་སྩལ་པ། །རྟོགས་པའི་ཡོན་ཏན་དུས་འདིར་ནི། །ལུས་མེད་སྒོ་ལྔའི་རིག་པ་འདི། །སྔར་མ་[144.4]མཐོང་བའི་ཞིང་ཁམས་གསུམ། །ཡེ་ཤེས་མིག་གིས་དུས་གཅིག་མཐོང་། །འཆར་ནུབ་མེད་པའི་ཉི་ཟླ་ཤར། །ད་ཡང་རྡོ་རྗེ་སེམས་དཔའ་ཉོན། །མ་བསམ་པ་ཡིས་ལྷག་མཐོང་ལ། །མི་བརྗེད་པ་ཡིས་གཟུངས་ཀྱིས་[144.5]གཟུང་། །མ་ཟོས་བདུད་རྩིའི་རོ་མཆོག་མྱང་། །མ་བསྒྲུབས་པ་ཡིས་འབྲས་བུ་ཐོབ། །མ་བསམས་པ་ཡིས་དོན་གཅིག་འུགྲུབ། །དེ་ཡང་རྡོ་རྗེ་སེམས་དཔའ་ཉོན། །དེ་ཕྱིར་ངེས་དོན་འདིར་བཅངས་ན། །དུས་འདིར་[144.6]ཆོས་ཉིད་བདེན་པ་མཐོང་། །ཐུན་མོངས་དངོས་གྲུབ་ཅི་བསམས་གྲུབ། །རྗེས་དྲན་ཡོན་ཏན་བར་དོར་འོང་། །དུས་འདིར་སངས་རྒྱས་སྨོས་ཅི་དགོས། །རྫགས་པ་ཆེན་པོ་ཡེ་ཤེས་འཁོར ལ གསང༷་ཐུག༷་གི[145][145.1]རྒྱུད་ལས། འབྲས་བུ་མངོན་དུ་འབྱུང་བར་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཀུན་རིག་ཆོས་རྗེ་ཡིས། །འདུས་པའི་འཁོར་ནི་དད་ལྡན་ལ། །ངེས་དོན་གསང་བའི་རྒྱད་གརྟད་[145.2]པ། །རྒྱུད་འདི་ཐོས་པའི་ཕན་ཡོན་ནི། །དོན་མཐོང་སངས་རྒྱས་ལག་ཏུ་ཐོབ། །ཆོས་སྐུའི་ཡེ་ཤེས་དུས་འདིར་རྟོགས། །ཆོས་རྣམས་རྩ་བ་དུས་གཅིག་ཤེས། །རྒྱུད་འདི་འཛིན་པས་དངོས་གྲུབ་ཐོབ། །ཀུན་ཏུ༄་བཟཇི་་པོ་[145.3]ད་ལྟ་ཡིན། །གང་ཞིག་སངས་རྒྱས་དངོས་འདོད་པ། །རྒྱུད་ཆེན་འདི་ལ་བལྟ་བར་གྱིས། །སངས་རྒྱས་བསྟན་པ་ནུབ་ཀ་སྲ །ང་ཡི་ཆོས་འདི་དུས་དེ་སྲ །མན་ངག་སྙིང་པོ་འབྱུང་ངེས་ཀྱི། །ཕྱི་རབས་རྣལ་འབྱོར་སེམས་[145.4]ལ་ཆོངས། །དེ་ཡང་རྡོ་རྗེ་སེམས་དཔའ་ཉོན། །ལན་གཅིག་དུས་ཀྱི་དེང་སང་ན། །འདྲ་མིན་བསླུ་ཆོས་དར་བའི་ཚེ། །འཕྱར་འཇིག་ཚོད་ལ་འདི་བསྟན་ན། །འདིར་སྡུག་ཕྱི་མར་དམྱལ་བར་ལྟུང་། །འདུས་པའི་འཁོར་[145.5]རྣམས་ཡང་ཉོན་ཅིག །རང་བྱུང་ཆོས་སྐུ་ཉག་གཅིག་གི། །མན་ངག་འདི་མེད་ལྷ་མི་ཀུན། །ཕྱི་ནང་སྣོད་བཅུད་བཀའ་རྒྱུད་ཆོས། །མཁས་ཀྱང་རྨོངས་པའི་ང་རྒྱལ་གྱིས། །ངེས་དོན་རྒྱུད་ཆེན་དོན་འདི་ལ། །སྒོ་སྐར་[145.6]འདེབས་ཤིང་འཆིང་བར་འགྱུར། །དེ་ཚེ་དུས་ཀྱི་དེང་སང་ན། །འདྲ་མིན་བསླུ་ཆོས་དར་བའི་ཚེ། །ཁ་བསགས་ཅན་གྱིས་ཀུན་བསླུས་ཏེ། །མན་ངག་གསང་བཤད་ཡོད་ཟེར་ནས། །གཞི་འབོལ་ཆགས་ཆུང་ཚུལ་་འཟློས་[146][146.1]ཏེ། །སྣོད་དང་ལྡན་ལ་བསྟན་ཟེར་ནས། །རང་ལ་ངེས་ལུང་ལྡན་པའི་བློ་མེད་པར། །གཞན་གྱིས་མཁས་བཙུན་དག་ལ་ཁུངས་ཕྱུང་སྟེ། །རིན་ཆེན་གསེར་ནི་དཔག་མེད་ངས་ཕུལ་ཞེས། །རྫུན་གྱ་ད ་ཆུང་ར་ར་མདུན་[146.2]བཀྲམ་ནས། །ཁྱོད་ཀྱིས་འབྱོར་ཚད་ཕུལ་ནི་ཟེར་ནས་སླར། །མཁས་པ་ཤེས་རབ་ཅན་ནི་བསླུར་མི་ཚུགས། །དད་ལྡན་བླུན་པོ་ཀུན་ནི་རབ་བསླུས་ཏེ། །ཁ་ཚབ་རྫུན་ཚིག་ཆེན་པོ་སྨྲས་ནས་ཀྱང་། །བསྟན་རྒྱུ་མེད་པར་[146.3]ཕྱི་ནས་བསྟན་ཟེར་ནས། །རང་ལ་གདམ་ངག་མེད་པར་གཞན་ལ་འཚོལ་དུ་འགྲོ། །གཞན་ནས་མ་རྙེད་ཕྱིར་མི་འོང་ཞིང་འཕྱར་ཀ་འོང་། །བརྒྱ་ལ་རྙེད་ན་གཏན་གྱི་ནོར་ཕུལ་ཟེར། །དད་ལྡན་ཀུན་བསླུས་སུས་བསྟན་[146.4]ཆོས་དང་བྲལ། །དད་ལྡན་གཅིག་བསླུས་སེམས་ཅན་བརྒྱ་བསད་པས། །སྡིག་པ་ཤིན་ཏུ་ཆེ་བར་རྒྱལ་བས་གསུངས། །དེ་ཕྱིར་རང་འདོད་བསླུ་བའི་ཆོས་མི་བཤད། །རྫོགས་པ་ཆེན་པོ་ཡེ་ཤེས་འཁོར་ལོ་གསང་[146.5]བ་ཐུགས་ཀྱི་རྒྱུ་ལས། རྒྱུད་གཏད་ཅིང་གཟུང་བའི་ལེའུ་སྟེ་བཅུ་དགུ་པའོ།། །།རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ཅེས་བྱ་བ་རྫོགས་སོ།། །།