Ngb-pt-0016-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[480][480.1]ནམ་མཁའི་སྙིང་པོས་བསྒྱུར་བའོ།། །།རྒྱ་གར་སྐད་དུ། བཛྲ་སཏྭ་ཤ་ཏྭ་ཀྟ་ར་ཨ་སྙི་ཁེ་ཀ་ཏོལྟི་མ་རྭ་ཛ་ཙིལྟི་ཀརྨ་སརྦ་ས་མ་ཡ་ཏནྟྲ་ནཱ་མ། བོད་སྐད་དུ། རྡོ་རྗེ་སེམས་དཔའ་ཡི་གེ་བརྒྱ་པ་ཐུགས་ཕྲིན་ལས་ཐམས་[480.2]ཅད་ཀྱི་དམ་ཚིག་གི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་མཆང་ཆེན་པོ་ཆོས་ཀྱི་སྐུ་ལ་ཕྱག་འཚལ་ལོ། །འདི་སྐད་བདག་གས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཆང་ཆེན་པོ་འོག་མིན་[480.3]གནས་ཀྱི་དང་པོ་རྡོ་རྗེ་དབྱིངས་ན་བཞུགས་ཏེ། དེའི་ཚེ་དེའི་དུས་ན། རྡོ་རྗེ་འཆང་བ་ཡབ་ཡུམ་དང་། རྡོ་རྗེ་སེམས་དཔའ་ལ་སོགས་ཏེ། བྲརྙ་རྡོ་རྗེ་དང་། རིན་ཆེན་རྡོ་རྗེ་དང་པདྨ་རྡོ་རྗེ་དང་། ཀརྨ་རྡོ་རྗེ་དང་། སངས་[480.4]རྒྱས་སྤྱན་ལ་སོགས་ཏེ། འབྱུང་བའི་ཡུམ་ལྔ་དང་། ས་ཡི་སྙིང་པོ་ལ་སོགས་ཏེ། སེམས་དཔའ་བརྒྱད་དང་། ལྭ་པྱ་ལ་སོགས་ཏེ། སེམས་མ་བརྒྱད་དང་། རྣམ་རྒྱལ་ལ་སོགས་ཏེ། སྒོ་བ་བཞི་དང་། ལྕགས་ཀྱུ་ལ་སོགས་[480.5]ཏེ། སྒོ་མ་བཞི་དང་། བརྒྱ་བྱིན་ལ་སོགས་ཏེ། ཐུབ་པ་དྲུག་རྣམས་ཀྱིས་རྡོ་རྗེ་འཆང་ཆེན་པོ་སྟོན་པ་ལ་གཡོན་ཕྱོགས་ནས་བསྐོར་རོ། །བཛྲ་ཁྲག་འཐུང་ལ་སོགས་ཏེ། རིགས་ཀྱི་ཁྲོ་བོ་ལྔ་དང་། བཛྲ་ཀྲོ་དྷི་ལ་སོགས་ཀྲོ་[480.6]་མ་ལྔ་ ང་ ་་རྡི་ལ་སོ ས་ཏེ ་་རྡི་བརྒྱ ་ ང་ སི ་མུ་ཁ་ལ་སོ ས་ཏེ ཕྲ་མེ ་བརྒྱ ་ ང་ ལྕ ས་ ་མ་ལ་སོ ས་ཏེ ངོ་མ་བ ་ ང་ སྲི ་མོ་༄ ་ ་ལ་སོ ས་ཏེ ཡེ་་ས་ཀྱི་ བང་ ་མ་ཉི་ ་[481][481.1]རྩ་བརྒྱད་ཀྱིས་སྟོན་པ་རྡོ་རྗེ་འཆང་ལ་གཡས་རོལ་ནས་བསྐོར་ཏེ་བཞུགས་སོ། །གཞན་ཡང་དཀྱིལ་འཁོར་གྱི་ལྷ་ཚོགས་བསམ་གྱིས་མི་ཁྱབ་པ་ཕུར་པ་པདྨ་བདུད་རྩི་མ་གཤིན་ལ་སོགས་པས་ཡོངས་སུ་[481.2]བསྐོར་རོ། །ཚངས་པ་ལ་སོགས་པའི་ལྷ་དང་། ཀླུ་དང་། ལྷ་མ་ཡིན་དང་། ཁྱབ་འཇུག་ལ་སོགས་པས་ཡོངས་སུ་བསྐོར་རོ། །རྡོ་རྗེ་དྲག་མོ་ལ་སོགས་པ་མཁའ་འགྲོ་མ་བསམ་གྱིས་མི་ཁྱབ་པས་བསྐོར་ཏེ། བསྐོར་བ་[481.3]དང་མཆོད་པས་མཆོད་ཅིང་གནས་སོ། །གཙོ་འཁོར་དེ་རྣམས་ཐམས་ཅད་ཀྱང་ཡིན་མིན་སྤང་བླང་མེད་པའི་ཏིང་ངེ་འཛིན་རྡོ་རྗེ་སྙིང་པོ་རྒྱ་ཆད་མེད་པར་གནས་པ་ལ། འཁོར་དེ་དག་གི་ནང་ནས་རྡོ་རྗེ་སེམས་དཔས་ཁྲོ་[481.4]བོ་ཕྱག་ན་རྡོ་རྗེ་མངོན་པར་སྤྲུལ་ཏེ། སྟོན་པ་རྡོ་རྗེ་འཆང་བ་ལ་གཡས་ཕྱོགས་སུ་བསྐོར་བ་ལན་གསུམ་བྱས་ཏེ་ཡན་ལག་ལྔ་ས་ལ་གཏུགས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་སྦྱར་རྡོ་རྗེ་བཟུང་སྟེ།[481.5]རྡོ་རྗེ་འཆང་བ་ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་སྟོན་པ་རྡོ་རྗེ་འཆང་། །རྡོ་རྗེའི་དབྱིངས་ན་ཀུན་བདེ་སྟེ། །ཁམས་གསུམ་འགྲོ་དྲུག་ཀུན་འཁོར་བ། །མཐོང་ལོག་གཟུང་འཛིན་དུག་ལྔ་ཡིས། །ཆགས་སྡང་[481.6]དགེ་སྡིག་ལས་སྤྱོད་ནས། །བདེ་གཤེགས་སྙིང་པོས་ཡོངས་ལ་ཁྱབ། །ཐུགས་རྗེ་ཆེན་པོས་མི་གཟིགས་སམ། །སྔོན་གྱི་ཉིད་ཀྱི་ཐུགས་དམ་ཅི། །དེ་བས་འཁོར་བ་ཐུགས་རྗེས་ཟུང་། །ཞེས་ཞུས་པས། དེ་ནས་སྟོན་པ་རྡོ་[482][482.1]རྗེ་འཆང་དེ་ཏིང་འཛིན་ཡིན་མིན་མེད་སྤང་བླང་མེད་པའི་ཉིད་དེ་ལས་བཞེངས་ཏེ། གླང་པོ་ཆེའི་ལྟ་སྟངས་ཀྱིས་ནི་གཟིགས། སེང་གེའི་སྒྲ་འདི་སྐད་ཅེས་བསྒྲགས་སོ། །ཉོན་ཅིག་རྡོ་རྗེ་དབྱིངས་སོགས་འཁོར། །བཛྲ་བཱ་[482.2]ཁི་རྩེ་གཅིག་གཏོད། །གསང་སྔགས་གསང་བའི་སྙིང་པོ་ཧུ༷། །གསང་བ་སྔགས་ཀྱི་སྤྱི་གཞི་ཡིན། །སྙིང་པོ་དེ་ཡིས་ཀུན་ལ་ཁྱབ། །རྒྱ་ཆད་ཕྱོགས་ལྷུང་ཀ་ནས་མེད། །རྒྱུ་རྐྱེན་མཚུངས་པ་འཁོར་འདས་ཚུལ། །མྱ་ངན་[482.3]འདས་པ་ང་ཉིད་ཀྱིས། །འཁོར་འདས་འགྲོ་བ་སྐལ་ལྡན་ལ། །བརྡ་རྟགས་སྒྲ་དོན་ཐུགས་རྗེས་བཟུང་། །ཞེས་ཞུས་པའི་ལན་གནང་བའོ། །རྡོ་རྗེ་སེམས་དཔའ་ཡི་གེ་བརྒྱ་པ་ཐུགས་ཕྲིན་ལས་ཐམས་ཅད་དམ་ཚིག་གི་[482.4]རྒྱུད་ལས། ཕུན་སུམ་ཚོགས་པའི་ཞུས་ལན་གྱི་ལེའུ་སྟེ་དང་པོའོ།། །།དེ་ནས་ཕྱག་ན་རྡོ་རྗེ་ཡིས། རྡོ་རྗེ་འཆང་ལ་ཞུ་བ་མེད་པས་འདི་སྐད་ཅེས་གསོལ་ཏོ། །གསང་སྔགས་གསང་བའི་སྙིང་པོ་ལ། །བརྡ་རྟགས་[482.5]སྒྲ་དོན་ཁོག་ཕུབ་ནས། །ཡེ་ཤེས་རང་བྱུང་ཅི་ལྟར་འཆར། །སྡིག་པ་མཚམས་མེད་མི་དགེ་བཅུ། །ཚུལ་ཁྲིམས་དམ་ཚིག་ཇི་ལྟར་ལགས། །ཕྲིན་ལས་ཁ་ཚར་ཇི་ལྟར་བསྒྲུབ། །ཆོས་ཉིད་ལ་རུ་ཇི་ལྟར་བཟླ། །ཞེས་ཞུས་[482.6]པ་དང་། རྡོ་རྗེ་འཆང་གིས་བཀའ་སྩལ་པ། །ཉོན་ཅིག་བཛྲ་བཱ་ཁི་ཁྱོད། །སྙིང་པོ་ལ་ཡང་རྣམ་གསུམ་སྟེ། །སོ་སོའི་རིགས་ཀྱི་སྙིང་པོ་དང་། །སྐུ་གསུང་ཐུགས་སུ་ཐམས་ཅད་འདུས། །དེས་ན་རང་བྱུང་སྙིང་པོ་ཧཱུཾ། །དེ་[483][483.1]དག་དོན་ལ་སྙིང་མེད་དེ། །ཚིག་ལམ་རྐྱེན་གྱིས་མ་མཚོན་ན། །རང་བྱུང་སྙིང་པོའི་དོན་མི་རྟོགས། །མཚོན་བྱེད་བརྡ་དང་ངག་གིས་མཚོན། །ཐམས་ཅད་འདུས་པའི་སྙིང་པོ་ཧཱུཾ། །སྙན་བརྒྱུད་པྲ་ཁྲིད་[483.2]གདམས་ངག་གིས། །ཡོད་མེད་གཉིས་ཀྱི་མཇུག་ཁྲིད་བསྟན། །གསང་སྔགས་སྣང་སྲིད་འཁོར་འདས་ཆོས། །བརྡ་རུ་བསྟན་པས་ཡོད་མེད་ཤེས། །དང་པོ་བརྡ་ཡིས་དེ་མཚོན་པས། །རང་ལུས་ཟག་བཅས་རྟགས་སུ་[483.3]རྫོགས། །ཕྱི་ནང་ཐམས་ཅད་ནང་དུ་སྲིད། །དཀྱིལ་འཁོར་བུམ་པ་སྐུར་རྫོགས་རྟགས། །མིང་བཏགས་རྟོག་འཛིན་སྲོག་གི་གཞི། །བརྡ་བཏགས་གྲོལ་ན་སྲོག་མེད་རྟོགས། །གང་སྣང་མིང་དུ་བཏགས་པ་ཀུན། །ཡི་[483.4]གེར་འདུས་པ་ཚིག་གི་གཞི། །རང་བྱུང་ཧུ༷་གི་བརྡ་ཡིས་བཏགས། །སྒྲ་བཏགས་ཐམས་ཅད་སྙིང་པོ་ཧྭ༷། །རང་ལ་རང་གསང་གསང་བའི་སྒྲ། །རང་གསང་ཐོས་ནས་མིང་མེད་སྒྲོལ། །སྲོག་སྙིང་གཉིས་མེད་རང་བྱུང་[483.5]བས། །ཡུལ་མེད་མིང་བྲལ་དོན་གྱི་མཆོག །ཆོས་མིན་ཆོས་ཉིད་རང་བྱུང་རང་། །དེ་བཞིན་ཉིད་དེ་ཅ་ཡང་མེད། །ལྟ་བ་མཐའ་ཆོད་ཡིན་པ་མེད། །སྒོམ་པ་རང་བྱུང་མིན་པ་མེད། །སྤྱོད་པ་མཉམ་ཉིད་སྤང་བླང་[483.6]མེད། །འབྲས་བུ་རང་ཆས་རེ་དོགས་མེད། །དོན་གྱི་མཆོག་ཅེས་ཁོག་ཏུ་དབུབས། །སྙིང་པོ་ཡེ་ནས་དེ་ལྟར་ཡིན། །གཞི་དང་དངོས་པོའི་དོན་རྟོགས་པས། །ཀུན་གྱི་གཞི་ཡིན་དངོས་རྩལ་སྲིད། །སྲིད་པ་རང་གྲོལ་གཞི་[484][484.1]མ་རང་། །གཞི་ལས་འདས་པས་ཕྱིར་མི་ལྡོག །ཡེ་ཤེས་རང་བྱུང་རང་གྲོལ་ཡིན། །སྐུ་གསུང་ཐུགས་རྗེ་རང་བྱུང་འཆང་། །སྡིག་བཅུའི་བསྲུང་བསྡོམ་བཤགས་ཐབས་དང་། །འཕྲིན་ལས་རིམ་བཞིའི་ལས་ཁ་[484.2]དང་། །ཆོས་ཉིད་ལ་ཟླ་ང་ཡི་བསྟན། །ཞེས་གསུངས་སོ། །རྡོ་རྗེ་སེམས་དཔའ་ཡི་གེ་བརྒྱ་པའི་རྒྱུད་ལས་ཞུས་ལེན་ཁོག་ཕུབ་པའི་ལེའུ་སྟེ་གཉིས་པའོ།། །།དེ་ནས་ཡང་བཛྲ་བཱ་ཁིས་ཞུས་པ། ཀྱེ་ཀྱེ་སྟོན་པ་རྡོ་[484.3]རྗེ་འཆང་། །འཁོར་འདས་དེ་དོན་ཁྱོད་ཡིན་ན། །འགྲོ་དྲུག་ཁྱད་པར་དགེ་སྡིག་དང་། །ཉམས་དང་ཉམས་པའི་འབྲས་བུ་གང་། །ཞེས་གསོལ་པ་དང་། ཆོས་སྐུ་རྡོ་རྗེས་བཀའ་སྩལ་པ། །ཉོན་ཅིག་ལག་ན་རྡོ་རྗེ་[484.4]ཉོན། །འཁོར་འདས་གསང་བ་སྒྲོལ་མ་སྒྲོལ། །གསང་བའི་སྙིང་པོ་སྤྱི་ལ་ཡིན། །རང་བཞིན་རང་བརྟགས་མྱ་ངན་འདས། །ང་སོགས་མཐར་མཁྱེན་སྐུ་གསུང་ཡིན། །ཡེ་ཤེས་རང་བྱུང་རང་རིག་ཡིན། །རང་བཞིན་མ་[484.5]རིག་ཆགས་སྡང་བས། །རྒྱུ་འབྲས་འཛིན་ཆགས་དུག་ལྔར་འཁོར། །མཐོ་རིས་ངན་སོང་ཕྲ་རགས་ཁྱད། །གཟུང་འཛིན་ལུས་ངག་ཡིད་ཀྱིས་སྡིག །མི་དགེ་བཅུ་དང་མཚམས་མེད་ལྔ། །རིག་དྲུག་ལས་ཀྱི་རྣམ་སྨིན་[484.6]བསགས། །འདོད་ལོག་མ་བྱིན་སྲོག་བཅད་དང་། །མི་ཚངས་སྤྱོད་དང་རྫུན་དང་ནི། །ཕྲ་མ་ངག་འཁྱལ་ལོག་ལྟ་དང་། །བརྣབས་སེམས་གནོད་སེམས་རྣམ་པ་བཅུས། །ཕྲ་རགས་གནས་ཀྱི་ཁྱད་པར་ལས། །དུག་ལྔས་[485][485.1]གཙོ་བྱས་མི་དགེ་བཅུས། །འགྲོ་དྲུག་གནས་ན་སྡུག་བསྔལ་ཉོན་མོངས་སོ། །རང་རང་ལས་དང་ཚེ་ཚད་གཟུགས་བོང་ནི། །ཁམས་གསུམ་སེམས་ཅན་དེ་བཞིན་ནོ། །ལྷོ་ཕྱོགས་འཛམ་གླིང་མི་རིགས་[485.2]ལ། །འགྲོ་དང་ལྟུང་བའི་གླིང་འདི་ཡིན། །སྙིང་པོའི་དོན་ལ་མཇལ་ཞིང་རྟོགས་ནུས་ན། །རིགས་དང་ན་ཚོད་རྒན་གཤོན་མེད། །དབུལ་ཕོངས་ཡིན་ཀྱང་མཆོག་ཏུ་འགྱུར། །སྤྲང་པོས་རྒྱལ་པོའི་སྲིད་ཟིན་འདྲ། །ཐམས་[485.3]ཅད་སྣང་བ་སྙིང་པོར་འགྱུར། །མར་མེ་གཅིག་གི་བྱིན་རླབས་ཀྱིས། །བསྐལ་པའི་མུན་ནག་སེལ་བ་བཞིན། །སྙིང་པོའི་དོན་རིགས་སྐད་ཅིག་མས། །བསྐལ་པར་བསགས་པའི་སྒྲིབ་པ་བྱང་། །ནོར་བུ་རིན་ཆེན་བསྲེལ་[485.4]བའི་མིར། །དབུལ་བའི་འཇིགས་པ་མེད་པ་ལྟར། །མཚམས་མེད་ལྔ་དང་སྡིག་པ་བཅུ། །སྙིང་པོའི་དོན་གོ་སྐད་ཅིག་གིས་ནི་བྱང་། །ལྟུང་གནས་འཁོར་བའི་འཇིགས་པ་མེད། །སྙིང་པོའི་དོན་འདུས་སུས་མཐོང་[485.5]བ། །སྦྱིན་དང་ཚུལ་ཁྲིམས་བརྩོན་འགྲུས་བཟོད། །བསམ་གཏན་སྨོན་ལམ་སྟོབས་དང་ཐབས། ཁེས་རབ་ཡེ་ཤེས་རྣམ་པ་བཅུ། །ས་དང་དགེ་བཅུ་ཕ་རོལ་རྫོགས། །དོན་གསང་སྙིང་པོའི་ཚིག་ཙམ་གྱིས། །ཉན་ཐོས་[485.6]ལ་སོགས་དབུ་མ་དང་། །ཕྱོགས་ལྷའི་ཐེག་པ་ཟིལ་གྱིས་གནོན། །རྒྱུད་ལུང་མན་ངག་སྙིང་པོའི་ཆོས། །སེང་གེའི་སྒྲ་གྲགས་གཞན་འབྲོས་བཞིན། །སྡིག་སྒྲིབ་ཉོན་མོངས་བྱང་བར་ངེས་། །ལུས་ངག་བར་མེད་དང་བར་[486][486.1]གསལ། །སྙིང་པོའི་དོན་ལ་ཡོངས་མེད་པར། །ལུས་ངག་འགྱུ་དྲན་རང་བྱུང་བས། །སྡིག་སྒྲིབ་རང་གྲོལ་ཡེ་ཤེས་རང་། །འགྲོ་བ་ཀུན་ལ་རང་བཞིན་གནས། །དེ་ལ་དེ་བསྟན་དེ་ཡང་ཐོབ། །ཅེས་གསུངས་སོ། །ཡི་གེ་[486.2]བརྒྱ་པའི་རྒྱུད་ལས་སྙིང་པོའི་དོན་རྟོགས་ན་སྡིག་བཅུ་རང་དག་གི་ལེའུ་སྟེ་གསུམ་པའོ།། །།དེ་ནས་ཡང་ལག་ན་རྡོ་རྗེས་གསོལ་པ། ཀྱེ་ཀྱེ་སྟོན་པ་རྡོ་རྗེ་འཆང་། །གསང་བ་གསང་བའི་སྙིང་པོ་ཡིས། །གསང་[486.3]སྔགས་དམ་ཚིག་སྐྱོན་ཡོན་གང་། །དམ་ཚིག་བསྲུང་སྡོམ་བཤགས་ཐབས་ཞུ། །ཞེས་གསོལ་པ་དང་། རྡོ་རྗེ་འཆང་གིས་བཀའ་སྩལ་པ། །ཉོན་ཅིག་བཛྲ་བཱ་ཁི་སོགས། །གསང་སྔགས་གསང་བའི་སྒོར་འཇུག་ན། །སྦྲུལ་[486.4]ནི་སྨྱུག་དོང་ཞུགས་པ་འདྲ། །གསང་སྔགས་གསང་བའི་དོན་སྟོན་ལ། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །སྐུ་གསུང་ཐུགས་ཀྱི་དམ་ཚིག་བསྲུང་། །ལུས་མིག་སྲོག་ལྟར་བཀུར་བར་[486.5]བྱ། །རྒྱུད་ལུང་ཁོང་ཁྲོལ་སློབ་དཔོན་ལ། །དམ་ཚིག་ལུས་ལ་ཚད་བཙུགས་བཀུར། །དབང་བསྐུར་སྲོག་གི་སློབ་དཔོན་ལ། །དམ་ཚིག་དཔྲལ་གྱི་མིག་ལྟར་བསྲུང་། །མན་ངག་བལྟ་བསྒོམ་སློབ་དཔོན་ལ། །དམ་ཚིག་[486.6]སྲོག་ལྟར་བསྲུང་བ་ཡིན། །ཡིད་དམ་ལྷ་དང་མི་འབྲལ་བསྒོམ། །ལྕམ་དྲལ་ཕྲག་དོག་ངན་སེམས་སྤང་། །ཕ་སྤུན་སྲིང་ལ་དཔྱའ་མི་བྱ། །སྐུ་ཡི་དམ་ཚིག་བསྲུང་སྡོམ་ཡིན། །སྔགས་དང་བླ་མའི་གསུང་མི་བཅག །ཆོས་[487][487.1]༄༅ ལ་མི་བཅོས་སེལ་མི་གཞུག །རྫུན་སོགས་ངག་གི་སྐྱོན་རྣམས་སྤང་། །གསུང་གི་དམ་ཚིག་བསྲུང་སྡོམ་ཡིན། །གསང་བའི་མན་ངག་སྤེལ་མི་བྱ། །དམ་ཚིག་གནོད་སེམས་སེམས་ལ་སྤང་། །གདམས་[487.2]པའི་དོན་ལས་གཞན་མི་བརྣབ། །ཐུགས་ཀྱི་དམ་ཚིག་བསྲུང་སྡོམ་ཡིན། །གཞན་ཡང་ཡན་ལག་ཉི་ཤུ་ལྔ། །ཤེས་པར་བྱ་དང་བསྒྲུབ་པར་བྱ། །ཐོབ་པར་བྱ་དང་དང་དུ་བླངས། །མི་སྤང་དམ་ཚིག་བསྲུང་བ་ཡིན། །ཡན་[487.3]ལག་སྟོང་དང་རྩ་བརྒྱད་ཀྱང་། །དེ་བཞིན་ཤུགས་ལས་བསྲུང་བ་ཡིན། །ལུས་ངག་ཡིད་གསུམ་སྡོམ་པའི་དོན། །དམ་ཚིག་ཡིད་བཞིན་རིན་པོ་ཆེ། །འཁོར་བའི་རྒྱ་མཚོ་སྒྲོལ་བའི་གྲུ། །སྙིང་པོ་གོམས་འདྲེས་རྟོགས་པ་[487.4]ནི། །བསྲུང་སྡོམ་མེད་དང་ཕྱལ་བ་ཡིན། །ཡུལ་མེད་མིང་དང་བྲལ་ཕྱིར་རོ། །དམ་ཚིག་མི་ལྡན་གང་ཟག་ནི། །གསང་སྔགས་བླ་མེད་བསླབ་པའི་ཕྱིར། །བཀའ་བརྒྱུད་དོན་ལ་མཁས་གྱུར་ཀྱང་། །བེ་སྦྲེལ་གཡང་དུ་[487.5]ལྟུང་བ་བཞིན། །བདག་གཞན་གཉིས་ཀ་ན་རཀ་ནས། །དེ་ཉིད་ངན་སོང་རྡོ་རྗེའི་གནས། །དེ་བས་དམ་ཚིག་ཚུལ་བཞིན་བསྲུངས། །རྒྱལ་པོ་བྲམ་ཟེ་གསང་སྔགས་འབྲེལ། །རྒྱལ་པོས་ཕྲག་དོག་བྲམ་ཟེའི་རྔན། །ལྟུང་[487.6]ནས་འཁོར་བའི་སྡུག་བསྔལ་གྱིས། །དམ་ཚིག་སྐྱོན་དུ་གྱུར་པ་ཡིན། །དེ་ལ་མཆོག་གྱུར་ཐུགས་རྗེས་གཟིགས། །བཀའ་འགྲོས་ཐུགས་རྗེས་དྲངས་པ་ཡང་། །དོན་མཆོག་དོང་སྤྲུགས་ཡི་གེ་བརྒྱ་པ་ཡིན། །ཞེས་གསུངས་[488][488.1]སོ། །རྡོ་རྗེ་སེམས་དཔའ་ཡི་གེ་བརྒྱ་པའི་རྒྱུད་ལས་དམ་ཚིག་རྩ་བ་ཡན་ལག་སྐྱོན་ཡོན་མཚོན་པའི་ལེའུ་སྟེ་བཞི་པའོ།། །།དེ་ནས་ཡང་བཛྲ་བཱ་ཁི་བཞིན་འཛུམ་མུལ་ཏེ་གསོལ་པ། ཀྱེ་ཀྱེ་སྟོན་པ་འགྲོ་བའི་[488.2]མགོན། །བླ་མེད་གསང་སྔགས་དམ་ཉམས་ནས། །ན་རཀ་ངན་སོང་གནས་ལྟུང་བ། །ངན་སོང་དོང་ནས་གང་གི་སྤྲུགས། །ཅེས་ཞུས་པས། ཉོན་ཅིག་གསང་བདག་འཁོར་ཚོགས་ཁྱོད། །མཚམས་མེད་རྩ་བ་ཡན་ལག་[488.3]གིས། །ན་རཀ་ངན་སོང་རྡོ་རྗེའི་གནས། །ཚ་གྲང་ཉེ་འཁོར་རྡོ་རྗེ་དམྱལ་བ་ཡང་། །དོན་མཆོག་དོང་སྤྲུག་བརྒྱ་པས་ཐར། ཁུ་གནས་རྣམ་སྨིན་ཡི་དགས་ཀྱང་། །དོན་མཆོག་དོང་སྤྲུག་བརྒྱ་པས་འདྲེན། །རྐང་མེད་རྐང་[488.4]གཉིས་རྐང་བཞི་དང་། །རྐང་མང་ཁྲག་ཅན་རྣག་ཅན་བྱོལ་སོང་ཡང་། །དོན་མཆོག་དོང་སྤྲུག་བརྒྱ་པས་ཐར། །དོན་མཆོག་སྙིང་པོ་འབྲུ་གཅིག་ལ། །ཡོན་ཏན་ཡིག་འབྲུ་བརྒྱ་ཚན་ལྔ། །རྡོ་རྗེ་སེམས་དཔའ་ལྔ་ཚན་[488.5]ཡིན། །ལྔ་གསུམ་གཅིག་ཏུ་བསྡུས་རྒྱས་ཡིན། །ཐིག་ལེ་ཆེན་པོ་ཡི་གེ་བརྒྱ། །དམ་པ་རིགས་བརྒྱ་གསང་ཆེན་ལྔ། །རིགས་གསུམ་གཅིག་ཏུ་བྱས་པ་ཡིན། །དཀྱིལ་འཁོར་ཆེན་པོ་ཡངས་པ་ཡིན། །ཞི་བ་སྐུ་ཡི་དཀྱིལ་[488.6]འཁོར་དང་། །རྒྱས་པ་ཡོན་ཏན་དཀྱིལ་འཁོར་དང་། །དབང་མཆོག་གསུང་གི་དཀྱིལ་འཁོར་དང་། །ཀརྨ་ཕྲིན་ལས་དཀྱིལ་འཁོར་དང་། །ཐུགས་མཆོག་ཐུགས་ཀྱི་དཀྱིལ་འཁོར་དང་། །ལྷ་བརྒྱ་པ་ཡི་དཀྱིལ་འཁོར་[489][489.1]ཡིན། །སྐུ་ཡི་ལྷ་བརྒྱ་ཡིག་འབྲུ་བརྒྱ། །གསུང་གི་ལྷ་བརྒྱ་ཡིག་འབྲུ་བརྒྱ། །ཐུགས་ཀྱི་ལྷ་བརྒྱ་ཡིག་འབྲུ་བརྒྱ། །ཡོན་ཏན་ལྷ་བརྒྱ་ཡིག་འབྲུ་བརྒྱ། །ཕྲིན་ལས་ལྷ་བརྒྱ་ཡིག་འབྲུ་བརྒྱ། །བསྡུ་ན་རྡོ་རྗེ་[489.2]རིགས་ལྔར་བསྡུ། །དེ་ཉིད་སྐུ་གསུང་དོན་གཅིག་འདྲིལ། །འཁོར་ལོ་ལྔ་དང་དཀྱིལ་འཁོར་སྡེབ། །བཤགས་པའི་རྒྱུད་ལྔ་དུག་ལྔ་ཉོན་མོངས་བརྒྱ། །བཤགས་པའི་དབང་པོ་རིགས་ལྔ་བརྒྱ་པའི་ལྷ། །བཤགས་བྱང་[489.3]ཚངས་པའི་ཡི་གེས་ཡུལ་མིང་མེད། །དོན་མཆོག་སྙིང་པོ་ཆོས་མིང་ལྟ་བའི་གདེང་། །གང་སྣང་གྲོགས་སུ་གྱུར་པ་བསྒོམ་པའི་གདེང་། །མཉམ་ཉིད་སྤང་བླང་མེད་པ་སྤྱོད་པའི་གདེང་། །རེ་དོགས་ཕྱི་དུས་མེད་པ་འབྲས་[489.4]བུའི་གདེང་། །ཞེས་གསུངས་སོ། །ཐུགས་མཆོག་ཡི་གེ་བརྒྱ་པའི་རྒྱུད་ལས་བརྒྱ་ཚན་རྒྱས་བསྡུས་བཤགས་བྱང་གི་ལེའུ་སྟེ་ལྔ་པའོ།། །།དེ་ནས་བཛྲ་བཱ་ཁི་ཡིས། །རྡོ་རྗེ་འཆང་ལ་འདི་སྐད་ཞུས། །ཀྱེ་ཀྱེ་རྡོ་རྗེ་[489.5]འཆང་བ་ཆེ། །དེ་ལྟར་ན་རག་དོང་ནས་སྤྲུག །ཐུགས་ཀྱི་དཀྱིལ་འཁོར་བཛྲ་ཡི། །ལྷ་བརྒྱའི་ཡིག་འབྲུ་བརྒྱ་པ་གང་ ། །ཞེས་གསོལ་པས། རྡོ་རྗེ་འཆང་གིས་བཀའ་སྩལ་པ། །ཉོན་ཅིག་བཛྲ་བཱ་ཁི་[489.6]སོགས། །ཐུགས་མཆོག་རྡོ་རྗེ་སེམས་དཔའ་ཡི། །ཐུགས་ཀྱི་སྙིང་པོ་འབྲུ་གཅིག་ལས། །རང་བྱུང་ཡི་གེ་འཕྲོས་པ་བརྒྱ། །རྡོ་རྗེ་སེམས་དཔའ་སེང་གེས་བསྒྲགས། །འཁོར་ཚོགས་ཁྱེད་ཀྱིས་ལེགས་པར་ཟུང་། །ཧཱུཾ་ཧུ༷་[490][490.1]བཛྲ་སཏྭ་ས་མ་ཡ། མ་ནུ་བཱ་ལ་ཡ། བཛྲ་སཏྭ་ཏེ་ནོ་པ་ཏིམོ དྲི་རྙོ་མེ་བྷ་ཝ། སུ་ཏོསྩོ་མེ་བྷ་ཝ། ཨ་ནུ་རསྟོ་མེ་བྷ་ཝ། སུ་པོསྩོ་མེ་བྷ་ཝ། སརྦ་སིརྙི་སྨེ་པྲ་ཡསྣོ སརྦ་ཀརྨ་སུ་ཙ་མེ། །ཙིསྟ༷་ཐྲེ་ཡ༷་ཀུ་རུ་ཧུ༷་ཧུ༷། ཧ་ཧ་ཧ་ཧ་ཧོ།[490.2]བྷ་ག་བཱན། སརྦ་ཏ་ཐུ་ག་ཏ། བཛྲ་མུ་མེ་མུལྒ བརྣི་བྷ་བ། མཧྭ་ས་མ་ཡ། བཛྲ་སཏྭ་ཨ། ཀུན་བཟང་ཡབ་ཡུམ་རིགས་ལྔ་དང་། །ཡུམ་ལྔ་སེམས་དཔའ་སེམས་མ་དང་། །སྒོ་བ་སྒོ་མ་ཐུབ་དྲུག་སོགས། །བཞི་བཅུ་རྩ་[490.3]གཉིས་རྡོ་རྗེ་དབྱིངས། །ཁྲག་འཐུང་ལྔ་དང་ཀྲོ་དྷི་ལྔ། །ཀོ་རི་བརྒྱད་དང་སིདྷ་བརྒྱད། །སྒོ་མ་བཞི་དང་དབང་ཕྱུག་སོགས། །ཁྲོ་བོ་ཁྲོ་མོ་བཅུ་གཉིས་ཏེ། །ལྔ་བཅུ་རྩ་བརྒྱད་རྡོ་རྗེའི་ལྷ། །རྡོ་རྗེ་རིགས་ཀྱི་ལྷ་བརྒྱ་[490.4]ཡིན། །སྐུ་མདོག་ཕྱག་མཚན་རང་རྟགས་འཛིན། །སྦྱོར་བ་དངོས་གཞི་རྗེས་ཀྱིས་བཤད། །དང་པོར་སྨོན་འཇུག་སེམས་བསྐྱེད་ལ། །ཚད་མེད་བཞི་དང་ཏིང་འཛིན་གསུམ། །སེམས་དཔའི་དོན་གསལ་སྤྲོབསྡུ་[490.5]བྱ། །མཆོད་སྦྱངས་དྲེགས་པ་ཚར་བཅད་ལ། །སྲོག་དང་སྙིང་པོའི་དོན་རྟོགས་བྱས། །ཡེ་ཤེས་རང་རིག་རང་བྱུང་གནས། །ཡུལ་མེད་མིང་དང་བྲལ་ན་ཚང་། །མཚན་མ་མེད་དང་སྨོན་པ་མེད། །སྟོང་པ་ཉིད་དང་འཁྲུལ་[490.6]པ་བཟློག །འགྱུས་དྲན་འཛིན་ཆགས་བར་མེད་པས། །རྟག་ཆད་མཐའ་མེད་རང་བྱུང་རང་། །བལྟ་བསྒོམ་དམ་ཚིག་ཡེ་ཤེས་ལ། །དཔའ་བོ་ཆིག་སྒྲུབ་བརྒྱ་རྫོགས་ཡིན། །ཞེས་གསུངས་སོ། །བཛྲ་བརྒྱ་བཤགས་ཀྱི་[491][491.1]རྒྱུད་ལས་རྡོ་རྗེ་སེམས་དཔའ་རིགས་བརྒྱའི་ལེའུ་སྟེ་དྲུག་པའོ།། །།རྡོ་རྗེ་འཆང་གིས་བཀའ་སྩལ་པ། །ཉོན་ཅིག་ལག་ན་རྡོ་རྗེའི་འཁོར། །རྡོ་རྗེ་རིགས་ཀྱི་སྐུར་བསྟན་པ། །རྣམ་པར་སྣང་མཛད་རྡོ་[491.2]རྗེའི་སྐུ། །ལྷ་བརྒྱ་སྲོག་གི་སྙིང་པོ་བརྒྱས། །མ་རིགས་གཏི་མུག་བཤགས་པའི་ཆོས། །ཞི་བར་བྱེད་པའི་བརྒྱ་པ་ནི། །བདག་ཉིད་སྨོན་འཇུག་སེམས་བསྐྱེད་ལ། །སྦྱོར་བའི་དོན་རྫོགས་འཇུག་པ་ནི། །ཏིང་འཛིན་[491.3]གསུམ་ལས་སེམས་དཔའ་གསུམ། །སྤྱི་བོ་མགྲིན་པ་སྙིང་ག་དང་། །ལྟེ་བ་གསང་སྔགས་འཁོར་ལོ་ལྟར། །འཁོར་ལོ་པདྨ་རྡོ་རྗེ་དང་། །རིན་ཆེན་རྒྱ་གྲམ་ཞི་རྒྱས་དང་། །དབང་དྲག་རྡོ་རྗེ་སྙིང་པོའི་དབུས། །དཔའ་བོ་[491.4]འབྲུ་ལྔ་དཔའ་མོ་གཡོན། །སྐུ་ལྟར་སྤྲོ་བའི་བརྒྱ་པ་ཡིན། །འཁོར་ལོ་ཕྲེང་སྐོར་ཉི་ཟླའི་སྟེང་། །སངས་རྒྱས་རྣམ་པར་སྣང་མཛད་ཅེས། །སེང་གེའི་སྒྲ་བསྒྲགས་ལེགས་པར་ཟུང་། ཨོ༷་བུདྷ་སཏྭ་ས་མ་ཡ། མ་ནུ་བཱ་ལ་ཡ།[491.5]བུདྷ་སཏྭ་ཏེ་ནོ་པ་ཏིམོ དྲི་རྙོ་མེ་བྷ་ཝ། སུ་ཏོསྩོ་མེ་བྷ་ཝ། ཨ་ནུ་རལྟོ་མེ་བྷ་ཝ། སུ་པོསྩོ་མེ་བྷ་ཝ། སརྦ་སིརྙི་སྨེ་པྲ་ཡསྣོ སརྦ་ཀརྨ་སུ་ཙ་མེ། ཙིལྟི༷་ཤེ་ཡ༷་ཀུ་རུ་ཧུ༷་ཧུ༷། ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐུ་ག་ཏ། བུདྷ་མུ་མེ་[491.6]མུལྒ བརྡོ་བྷ་བ། མ་ཧྭ་ས་མ་ཡ། བུརྙ་སཏྭ་ཨ༷༷ །ཨོ༷་ལ་ཤཱསྟི་ཀུ་རུ་གདགས། ཨོ་ཤརྙ་ཀུ་རུ་སྲུ་ཧྭ། །འཁོར་ལོ་སྐུ་སྟེ་རྣམ་སྣང་དབུས། །སྤྱི་གཙུག་ཟླུམ་པོར་རིགས་བརྒྱའི་ལྷ། །ཨོ་ལས་འོད་ཟེར་དཀར་པོ་[492][492.1]འཕྲོས། །མཆོད་སྦྱངས་ཚར་བཅད་སྐུ་ལྟར་བཤགས། །གཏི་མུག་མ་རིག་དག་པར་ངེས། །སྲོག་སྙིང་སྣང་རྟགས་རང་བྱུང་གནས། །ཡུལ་མེད་མིང་བྲལ་ཚངས་པའི་ཚད། །ལུས་ངག་ཡིད་གསུམ་གཅུད་ལ་བོར། །སྲོག་[492.2]དང་སྙིང་པོ་ཨར་ལ་གཏད། །སྣང་བ་ཡོད་མེད་འཁྲུལ་མ་འཁྲུལ། །འཁྲུལ་པ་བདེན་རྫུན་འཁྲུལ་པའི་ཆོད། །མཐོ་དད་ཐག་པར་མི་སྦྲུལ་མེད། །སྒྱུ་མའི་ཆོས་ལ་མཐོང་སྟོབས་མེད། །ཅེས་གསུངས་སོ། །རྡོ་རྗེ་བརྒྱ་[492.3]བཤགས་ཀྱི་རྒྱུད་ལས་སྐུ་ལྟར་བཤགས་པ་ཞི་བའི་ལེའུ་སྟེ་བདུན་པའོ།། །།རྡོ་རྗེ་མཆང་གིས་བཀའ་སྩལ་པ། །ཉོན་ཅིག་ལག་ན་རྡོ་རྗེ་འཁོར་བཅས་ཀུན། །རྡོ་རྗེ་རིགས་ཀྱི་ཡོན་ཏན་ཏེ། །རིན་ཆེན་རྡོ་རྗེ་རྡོ་རྗེའི་[492.4]སྐུ། །ལྷ་བརྒྱ་སྲོག་གི་སྙིང་པོ་བརྒྱས། །ང་རྒྱལ་ཀུན་སློང་བཤགས་པས་ཚངས། །ཚེ་དང་བསོད་ནམས་ལོངས་སྤྱོད་དང་། །ཆོས་དང་ཡེ་ཤེས་སེམས་དང་མཐུ། །སྨན་དང་འབྲུ་དང་བུ་ཚ་དང་། །འཁོར་དང་ཕྱུགས་དང་[492.5]བསམ་པ་ཀུན། །འཕེལ་བར་འགྱུར་ཏེ་ཐེ་ཚོམ་མེད། །སྦྱོར་བ་དངོས་གཞི་རྗེས་གསུམ་བྱ། །བྱམས་དང་སྙིང་རྗེ་སྔོན་བཏང་ལ། །སེམས་དཔའ་གསུམ་གྱི་དོན་ལ་འཇུག །དངོས་གཞི་ཆོས་འཁོར་སྤྲོ་བསྡུ་བྱ། །མཆོད་[492.6]སྦྱངས་དྲེགས་པ་ཚར་བཅད་ཡིན། །རྗེས་སུ་ལའང་རྟོགས་པའི་གདེང་། །དམིགས་པ་མེད་པར་སྒྲོ་འདོགས་བཅད། །རིན་ཆེན་རིན་ཆེན་འབྱུང་ལྡན་ཆེས། །སེང་གེའི་སྒྲ་བསྒྲགས་ལེགས་པར་ཟུང་། །སྭ་རཏྣ་སཏྭ་ས་མ་[493][493.1]ཡ། མ་ནུ་བཱ་ལ་ཡ། རཏྣ་སཏྭ་ཏེ་ནོ་པ་ཏིམོ དྲི་རྙོ་མེ་བྷ་ཝ། སུ་ཏོསྩོ་མེ་བྷ་བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་ཝ། སརྦ་སིརྙི་སྨེ་པྲ་ཡསྒྲོ སརྦ་ཀརྨ་སུ་ཙ་མེ། ཙིལྟི༷་ཐྲེ་ཡེ་ཀུ་རུ་ཧཱུཾ༷། ཧ་ཧ་ཧ་ཧ་ཧོ། བྷ་ག་[493.2]བཱན། སརྦ་ཏ་ཐུ་ག་ཏ། རཏྣ་མུ་མེ་མུལྒ རཏྣ་བྷ་བ་མ་ཧྭ་ས་མ་ཡ། རཏྣ་སཏྭ་ཨ། གྲྭ་ལ་སྤྲུརྨྱི་ཀུ་རུ་གདགས། སྣ་ཚུསྐྱི་ཀུ་རུ་སྭ་ཧྭ། །སིདྷི་དོན་གྱི་གདམས་ཐབས་སོ། །རིན་ཆེན་ཀུན་འབྱུང་རིན་ཆེན་དབུས། །ལྟེ་བ་[493.3]གྲུ་བཞིར་རིགས་བརྒྱའི་ལྷ། །གྲྭ་ལས་འོད་ཟེར་སེར་པོ་འཕྲོས། །མཆོད་སྦྱངས་དྲེགས་པ་ཚར་བཅད་དོ། །སིརྙི་བསྡུ་བའི་ཏིང་འཛིན་གསལ། །སྭ་ལ་བརྒྱ་པའི་ཕྲེང་བསྐོར་ཏེ། །གཡས་གཡོན་བསྐོར་བ་ཕོ་མོའི་[493.4]ཚུལ། །ཡོན་ཏན་རིགས་བརྒྱའི་བཤགས་པ་ཡིན། །མཉམ་ཉིད་ཡེ་ཤེས་རང་བྱུང་རིག །ཡུལ་མེད་མིང་བྲལ་ཚངས་པའི་དབང་། །ཡུལ་དུ་བདེན་རྫུན་གཅིག་ལ་ལྟོས། །གཅིག་ལ་མཐོང་སྣང་ཐ་དད་པས། །གཅིག་ཏུ་[493.5]བདེན་པ་གཅིག་ཀྱང་མེད། །མིང་དུ་བདེན་རྫུན་གཅིག་ལ་ཟུང་། །གཅིག་ལ་མིང་དུ་བདེན་པ་མེད། །དེ་ལ་མིང་དུ་ཅི་ལ་འདྲེན། །བདེན་མཉམ་རྫུན་མཉམ་མིང་མེད་ཡིན། །སྣང་མཉམ་སྟོང་མཉམ་ཡུལ་མེད་[493.6]ཡིན། །བཤགས་པའི་དོན་མཆོག་ཚང་བ་ཡིན། །ཞེས་གསུངས་སོ། །རྡོ་རྗེ་བརྒྱ་བཤགས་ལས་ཡོན་ཏན་གྱི་ལེའུ་སྟེ་བརྒྱད་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་བཛྲ་བཱ་ཁི་སོགས། །རྡོ་རྗེ་རིགས་[494][494.1]ཀྱི་གསུང་མཆོག་ནི། །རྡོ་རྗེ་པདྨ་སྣང་མཐའ་ཡས། །གསུང་མཆོག་སྤྲུལ་སྐུ་གསུང་གི་ལྷ། །ལྷ་བརྒྱ་གསུང་གི་ཡི་གེ་བརྒྱ། །འདོད་ཆགས་སེར་སྣའི་བཤགས་ཚངས་བྱེད། །འཇིག་རྟེན་འདས་དང་འཇིག་རྟེན་[494.2]པ། །འབྱུང་བ་དགྲ་བགེགས་དབང་དུ་གྱུར། །སྦྱོར་བ་དངོས་གཞི་རྗེས་གསུམ་ལས། །སྲོག་དང་སྙིང་པོ་ལ་བཟླའི་ཚད། །སྦྱོར་བའི་དོན་ལ་རྣམ་གཉིས་ཏེ། །སེམས་བསྐྱེད་པ་དང་འཇུག་པ་དང་། །དངོས་གཞི་[494.3]ཆོས་ཉིད་བཤད་པ་དང་། །སྤྲོ་བསྡུ་ཏིང་འཛིན་གསལ་པ་སྟེ། །ཨོ་ལས་བརྒྱ་པའི་ཕྲེང་བསྐོར་ཏེ། །གཡས་གཡོན་འགལ་མེ་གཉིས་བསྐོར་བཞིན། །མཆོད་སྦྱངས་དྲེགས་པ་དབང་དུ་བསྡུ། །རྗེས་སུ་ཤེས་པར་བྱ་བ་[494.4]ཡིན། །སྲོག་སྙིང་ཡུལ་མེད་དམིགས་མེད་དོ། །སྣང་བ་མཐའ་ཡས་མཐའ་ཡས་ཆོས། །གསུང་མཆོག་སེང་གེའི་སྒྲ་བསྒྲགས་གསུང་། །ཨོ༷་པདྨ་སཏྭ་ས་མ་ཡ། མ་ནུ་བཱ་ལ་ཡ། པདྨ་སཏྭ་ཏེ་ནོ་པ་ཏིམོ དྲི་རྙོ་མེ་བྷ་ཝ། སུ་[494.5]རྟསྩོ་མེ་བྷ་བ། ཨ་ནུ་རལྟོ་མེ་བྷ་བ། །སུ་པོསྩོ་མེ་བྷ་བ། སརྦ་སིརྙི་སྨེ་པྲ་ཡསྒོ སརྦ་ཀརྨ་སུ་ཙ་མེ། ཙིརྟི༷་གྲེ་ཡ༷་ཀུ་རུ་ཧྭ༷། ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐུ་ག་ཏ། པདྨ་མྱ་མེ་མུལྒ བཛི་བྷ་བ། མ་ཧྭ་ས་མ་ཡ། པདྨ་སཏྭ་[494.6]ཨ། ཨོ་ལ་བ་ཤ༷་ཀུ་རུ་གདགས། །སྣྲི༷༷བ་ཤ༷་ཀུ་རུ་གྲྭ་ཧྭ། དབང་གི་དོན་དུ་གདགས་པ་ཡིན། །པདྨ་ཟླ་གམ་མགྲིན་པའི་སྐོར། །སྣང་མཐའ་དབུས་ལ་རིགས་བརྒྱའི་ལྷ། །ཕོ་མོ་གཉིས་ནི་གཡས་གཡོན་ནོ། །ཨུ་༷ལས་འོད་[495][495.1]ཟེར་དམར་པོ་འཕྲོས། །ཨ་ལས་འོད་འཕྲོས་དམར་པོ་གཙོ། །མཆོད་སྦྱངས་དྲེགས་པ་དབང་དུ་བསྡུས། །དབང་བསྡུའི་ཏིང་འཛིན་ང་རྒྱལ་ལྡན། །སོ་སོའི་དོན་རྟོགས་གཅིག་ཏུ་གྱུར། །འདི་ཡི་དོན་[495.2]རྟོགས་གཅིག་ཀྱང་མེད། ཁྲེས་པས་རང་བྱུང་ཡུལ་མེད་རང་། །སོ་སོར་མ་རིག་གཅིག་པུ་རང་། །ཡུལ་མེད་མིང་བྲལ་ཡེ་ཤེས་ཉིད། །གཅིག་ནི་ཀུན་གྱི་རང་བཞིན་ཡིན། །མ་འདྲེས་རྒྱ་མཚོའི་གཟའ་སྐར་[495.3]འདྲ། །ཞེས་གསུངས་སོ། །བཛྲ་བརྒྱ་པའི་རྒྱུད་ལས་གསུང་གི་ལེའུ་སྟེ་དགུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་རྡོ་རྗེ་རིགས་ཀྱི་འཁོར། །རྡོ་རྗེ་ཀརྨ་ལས་ཀྱི་སྐུ། །དོན་ཡོད་གྲུབ་པ་དྲག་པོའི་[495.4]ལྷ། །མངོན་པར་བྱང་ཆུབ་བྱ་བ་གྲུབ། །ཕྲིན་ལས་བརྒྱ་པ་ངན་སྔགས་བརྒྱ། །ཁོང་ཁྲོ་ཕྲག་དོག་བཤགས་ཚངས་བྱེད། །བདུད་དང་བར་གཅོད་དགྲ་དང་བགེགས། །དགེ་ལ་བར་གཅོད་གང་བྱེད་ཀུན། །བསད་མནན་[495.5]བསྲེག་དང་བསྐྲད་དང་བཟློག །དྲག་པོའི་ལས་རྣམས་ཐམས་ཅད་འགྲུབ། །སྦྱོར་བ་དངོས་གཞིའི་རྗེས་གསུམ་སྟེ། །སྙིང་རྗེས་བསྒྲལ་བའི་དམ་ཚིག་ནི། །སྦྱོར་བའི་དོན་ལ་ཟིན་པར་བྱ། །ང་རྒྱལ་ཁྲོ་མཆོག་སྐུ་[495.6]གསུང་ཐུགས། །སེང་གེའི་ཡིད་ལ་འབྲུག་གི་སྐད། །ཁྲོ་བོའི་ལུས་ལ་མཚོན་ཆའི་ཐོག །དངོས་གཞི་དོན་ལ་ཤེས་པའི་གདེངས། །སྤྲོ་བསྡུས་མཆོད་སྦྱངས་དྲེགས་པ་འདུལ། །ཏིང་འཛིན་གློག་དང་འབྲུག་ལྟར་[496][496.1]སྦྱར། །རྗེས་སུ་ཡུལ་མེད་མིང་བྲལ་ལོ། །གོ་རིམ་བཟློག་དང་ཡིག་འབྲུ་བཟློག །ཁོག་ཏུ་ཚངས་པ་ཁོག་ཏུ་དཀྲུགས། །དོན་ཡོད་གྲུབ་པ་དོན་ཆེན་སྒྲུབ། །ལས་རྣམས་སེང་གེའི་སྒྲ་སྒྲོགས་ཟུང་། བཛྲ་སཏྭ་ཨུ། མ་ཧྭ་[496.2]ས་མ་ཡ། བཛི་བྷ་བ། བཛྲ་མྱ་མེ་མུལྒ སརྦ་ཏ་ཐུ་ག་ཏ། བྷ་ག་བཱན་ཧོ། ཧ་ཧ་ཧ་ཧ། ཧཱུཾ་ཧུ༷། ཙིཉི༷་ཐྲེ་ཡ༷་ཀུ་སྲ སརྦ་ཀརྨ་སུ་ཙ་མེ། སརྦ་སི་རྙི་སྨེ་པྲ་ཡསྣོ སུ་པོསྩོ་མེ་བྷ་བ། ཨ་ནུ་རལྟོ་མེ་བྷ་བ། སུ་ཏོསྩོ་མེ་བྷ་བ། དྲི་རྙོ་མེ་[496.3]བྷ་བ། ཏེ་ནོ་པ་ཏིམོ བཛྲ་སཏྭ། མ་ནུ་བཱ་ལ་ཡ། ཀརྨ་སཏྭ་ས་མ་ཡ། ཧྭ་ཀརྨ་སཏྭ་ས་མ་ཡ། མ་ནུ་བཱ་ལ་ཡ། བཛྲ་སཏྭ་ཏེ་ནོ་པ་ཏིལྒ དྲི་རྙོ་མེ་བྷ་བ། སུ་ཏོཏྲོ་མེ་བྷ་བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་བ། སརྦ་སིརྙི་[496.4]སྨེ་པྲ་ཡསྒོ སརྦ་ཀརྨ་སུ་ཙ་མེ། ཙིཀྟ༷་ཐྲེ་ཡེ་ཀུ་རུ་ཧུ༷་ཧུ༷། ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐུ་ག་ཏ། བཛྲ་མྱ་མེ་མུལྒ བརྡོ་བྷ་བ་མ་ཧྭ་ས་མ་ཡ། བཛྲ་སཏྭ་ཨ། བསྙེན་པའི་ལས་ལ་བྱའོ། །མ་ས་ཊ་ས་མ་ཡ། མ་ནུ་བཱ་ལ་[496.5]ཡ། ཛྲབ་སཊ། རྨྱེ་ཁོ་པ་ཏིམོ དྲི་རྙོ་ཙབ་ཊ་བ། ཨ་ཎ་རསྟོ་མེ་བྷ་བ། སུ་པོསྩོ་ཙེ་བཊ་བ། སརྦ་སིརྙི་སྩོ་པྲ་ཡསྣྲེསརྦ་ཀ་ཙེ་སུ་མ་ཙེ། ཙིཧཱུཾ་ཁེར་ཡ༷་ཀུ་མྲ རྒྱ༷་རྒྱེ་རྦ། ཊ་ཊ་རྐོ་རྐོ། བཊ་ཁ་བཱན་སརྦ་ཊ་ཐ་ཁ་ཊ། ཛྲ་བ་ཙ་ཙེ་ཙུ་[496.6]རྦ། ཛྲབ་བྷ་བ། ཙ་ཊ་ས་ཙ་ཡ་ས་ཊ་ཨ། འདི་ནི་ལོག་པའི། འདི་དག་རྙེད་ན་བསྡུར་དགོས། ཡི་གེ་བཅུ་པར་སྣང་། གསོད་པའི་ལས་སུ་ཤེས་པར་བྱའོ། །ཧ་ཧ་ཙིལྟི༷་ཐྲེ་ཡ༷་ཀུ་རུ་སརྦ། ཏ་ཐུ་ག་ཏ་ཧུ༷་ཧུ༷། བྷ་ག་བཱན། མ་[497][497.1]ཧྭ་ས་མ་ཡ། མ་ནུ་བཱ་ལ་ཡ། སརྦ་ཀརྨ་སུ་ཙ་མེ། ཏེ་ནོ་པ་ཏིལྒ བཛྲ་མུ་མེ་མུལྒ དྲི་རྙོ་མེ་བྷ་བ། སུ་ཏོསྩོ་མེ་བྷ་བ། ཨ་ནུ་རལྟོ་མེ་བྷ་བ་ཧོ་ཧོ། ཀརྨ་སཏྭ་ས་མ་ཡ། སརྦ་སིརྙི་སྨེ་པྲ་ཡསྣོ བཛྲ་སཏྭ་ཨ། ཧྭ།[497.2]སྒྲུབ་པ་ཆེན་པོ་ལས་ལ་སྦྱར་ཞེས་བྱ། །སྲོག་སྙིང་ལ་ཤན་ཕྱེད་ནས་ལས་རྣམས་ཟིན་ཞེས་བྱ། །ཡུལ་གྱི་སྒྲོ་འདོགས་ཆོད་ན་ལས་སྦྱོར་ཡིན། །བློ་ཕུགས་གཏིང་ནས་གྲོལ་ན་ལས་སྦྱོར་ཡིན། །བག་ཆགས་གཏིང་ཐག་[497.3]ཆོད་ན་ལས་སྦྱོར་ཡིན། །རང་དབང་རང་གི་ཐོབ་ན་ལས་སྦྱོར་ཡིན། །རང་བཞིན་འགྱུར་མེད་མ་འགགས་ལས་རྟོགས་ན། །ལྟ་བ་གྲུབ་མཐའ་ས་ལམ་དགེ་སྡིག་མེད། །ཅེས་གསུངས་སོ། །རྡོ་རྗེ་བརྒྱ་པའི་རྒྱུད་[497.4]ལས་ཕྲིན་ལས་དྲག་པོའི་ལེའུ་སྟེ་བཅུ་པའོ།། །།དེ་ནས་ཡང་དག་བཤད་བྱ་ཡིས། །རྡོ་རྗེ་རིགས་ཀྱི་ལྷ་ཚོགས་ཉོན། །ཕྲིན་ལས་དྲག་པོ་འདི་ཡི་མཆོང་། །ངན་སྔགས་བརྒྱ་པ་ང་ཡིས་བསྟན། །བསད་མནན་[497.5]བསྲེགས་པ་བཟློག་པ་དང་། །བྱོལ་སོང་དགུག་དང་ལས་ལ་སྦྱར། །ངན་སྔགས་མཚོན་ཆ་འདི་ལྟར་ཡིན། །མུ་ར་ཡ། མུ་ར་ཡ་རྦད། མྱ་ར་ཡ། མྱ་ར་ཡ་སྟུ༷་བྷ་ཡ་ནན། མྱ་ར་ཡ། མུ་ར་ཡ་ཛ་ལ་ར༷། མྱ་ར་ཡ་ཨུ་ཙ་ཏ་ཡ་[497.6]ཕཊ་ཕཊ། ཡ་མ་ནཱ་ག་བཟློག་རྦད། ཡ་མ་ནཱ་ག་སྙོ་སྙོ་རྦད། རྣལ་མ་གདོང་བཟློག་དཀྲུགས་བཟློག་ལ། ཤམ་བུའི་སྔགས་སུ་གདག་པ་ཡིན། །གསང་གནས་གྲུ་་གསུམ་རྒྱ་གྲམ་གནས། །ཧྭ་ལས་འོད་ཟེར་ལྗང་དམར་[498][498.1]འཕྲོས། །མཆོད་སྦྱངས་དྲེགས་པ་བསད་མནན་བསྲེག །རྗེས་སུ་ཕྲ་རགས་མཆོད་པ་དབུལ། །སྟོང་གསུམ་འཇིག་རྟེན་རབ་འབྱམས་ཀྱི། །རྒྱལ་བ་རྡུལ་སྙེད་མཉམ་པར་མཆོད། །ཕྲིན་ལས་རིགས་བརྒྱའི་བཤགས་པ་[498.2]ཡིན། །ཁོང་ཁྲོ་ཕྲག་དོག་ལ་སོགས་ཏེ། །དུག་ལྔ་ཆགས་སྡང་བྱང་འདག་ངེས། །འདོད་ཁམས་གཟུགས་ཁམས་གཟུགས་མེད་ཁམས། །ལྷ་གནས་རྣམ་གསུམ་དོང་སྤྲུག་ཡིན། །ཐུགས་ལྟར་བཤགས་པས་ན་རཀ་[498.3]གནས། །ཚ་གྲང་རྡོ་རྗེ་དོང་སྤྲུག་ཡིན། །གསུང་ལྟར་བཤགས་པས་རྒྱུ་རྣམས་སྨིན། །ཡི་དྭགས་རིགས་གསུམ་དོང་སྤྲུག་ཡིན། །སྐུ་ལྟར་བཤགས་པས་མ་ངེས་གནས། །རྐང་རྫོགས་རྣག་ཁྲག་དོང་སྤྲུག་ཡིན། །ཡོན་ཏན་[498.4]ལྟར་བཤགས་གླིང་བཞིའི་མི། །རིགས་བཞི་མི་ཡི་དོང་སྤྲུག་ཡིན། །བྱ་བའི་ལས་གྲུབ་ཡེ་ཤེས་པས། །གཞན་མེད་རང་ཆས་རང་བྱུང་ཤེས། །བྱར་མེད་བྱ་བ་གྲུབ་པའི་ཡེ་ཤེས་ཡིན། །དོན་གྲུབ་མངོན་པར་བྱང་ཆུབ་[498.5]སྐུ། །རེ་དོག་མེད་པས་ལས་རྣམས་ཟིན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་སྔགས་བདག་མཆོང་གི་ལེའུ་སྟེ་བཅུ་གཅིག་པའོ།། །།དེ་ནས་ཡང་ནི་བཀའ་སྩལ་པ། །ཉོན་ཅིག་རྡོ་རྗེ་རིགས་ཀྱི་[498.6]འཁོར། །དེ་དག་ཞི་རྒྱས་དབང་དྲག་ལས། །ཞི་བའི་ལས་རྣམས་བསྒྲུབ་པ་ནི། །ཉམས་དགའ་ས་དཀར་ཤར་བལྟས་པར། །དཀར་གསུམ་འབྲས་བུ་དཀར་པོའི་ཤིང་། །ཙན་དན་མེ་ཏོག་དཀར་པོ་སོགས། །དུང་དང་[499][499.1]དངུལ་གཞོང་སྣོད་ནང་དུ་། །དཀར་གཏོར་འབྲས་ཆན་བརྒྱན་པ་བཤམ། །མཎྜལ་ཟླུམ་པོ་ཧོམ་ཁུང་ཟླུམ། །ར་བ་བཞི་ཡི་ཚེས་གཅིག་བརྒྱད། །ཏིལ་དཀར་ཀ་ར་མར་བསྲེགས་ན། །ཐམས་ཅད་ཞི་འགྱུར་[499.2]དམྱལ་བར་འགྲོ་རེ་ཀན། ཁྲརྙ་ཀུ་རུ་བརྒྱ་སྔགས་གཤམ། །རིགས་བརྒྱ་བཞི་ཡིས་བསྟོད་བྱས་མཐར། །ལྷག་ཆད་སྤངས་པའི་བརྒྱ་པ་མཆོག །རྒྱས་པའི་ལས་ལ་འཇུག་པ་ན། །གསེར་དངུལ་ཟངས་ལྕགས་རིན་པོ་[499.3]ཆེ། །འབྲུ་སྣ་གཙང་མ་སྣ་ཚོགས་དང་། །བཀྲ་ཤིས་པ་ཡི་རྫས་བརྒྱད་དམ། ཁེང་སེར་མེ་ཏོག་སེར་པོ་དང་། །གསེར་རམ་སེར་པོའི་སྣོད་ནང་དུ། །གཏོར་མ་གྲུ་བཞི་རིན་པོ་ཆེ། །རིན་ཆེན་ལྔ་བདར་ཆན་དང་[499.4]སྨན། །ཉམས་དགའ་ས་སེར་ལྷོར་བལྟས་སར། །མཎྜལ་གྲུ་བཞི་གསེར་མདོག་བྱ། །ཚེས་བརྒྱད་ཉ་ཁར་ལས་རྫོགས་བྱ། །ཉུང་དཀར་ཏིལ་དམར་བསྲེགས་བྱས་ན། །རྒྱས་པའི་ལས་འགྲུབ་ངན་འགྲོར་མི་[499.5]སྐྱེའོ། །དབང་གི་ལས་ལ་འཇུག་པའི་ཚེ། །མི་རྟ་ཁྱི་དང་བ་ལད་ཤ །ཁྲག་སྣ་རྣམ་པ་ཚོགས་ཚད་དང་། །ཙན་དན་དམར་པོ་སེང་ལྡེང་དང་། །མཚལ་དང་གུར་གུམ་དར་དམར་རམ། །ཟངས་སམ་དམར་པོའི་སྣོད་ནང་[499.6]དུ། །དབང་གི་གཏོར་མ་ཟླ་གམ་ཤམ། ཁྲ་ཆེན་ཁྲག་ཆེན་རབ་བརྒྱན་ལ། །མེ་ཏོག་དམར་པོས་བརྒྱན་པར་བྱ། །ཚིལ་ཆེན་སྤོས་ལ་ཙན་དན་གྲོགས། །ཡིད་འོངས་བྲག་རི་དམར་པོ་མྲ །མཎྜལ་ཟླ་གམ་དམར་པོ་[500][500.1]ལ། །ཧོམ་ཁུང་ཟླ་གམ་དབུས་སུ་བྱ། །ཐོད་ཆེན་ལ་སོགས་ཐུན་གྱི་སྣོད། །ནུབ་ཕྱོགས་ཁ་བལྟས་ས་དམར་བྱ། །དམར་པོའི་ཤིང་སོགས་བསྲེག་པའི་རྫས། །མར་ནག་དག་གིས་སྤྱིན་བསྲེག་ཏིལ་དམར་པོ། །དབང་གི་[500.2]ལས་འགྲུབ་དབང་དུ་འགྱུར། །ཡི་དྭགས་གནས་སུ་འགྱུར་རེ་ཀན། །དྲག་པོའི་ལས་ནི་བྱེད་པའི་ཚེ། ཁྲ་ཁྲག་རྣམ་པ་སྣ་ཚོགས་དང་། །དུག་སྣ་ས་སྣ་སྣ་ཚོགས་བསོག །ཕུར་པ་ལ་སོགས་མཚོན་ཀུན་བསོག །སྲིན་པོ་[500.3]ཁྲོས་འདྲ་དྲག་པོའི་རི། །དྲག་པོར་འཇུག་པའི་གནས་མཆོག་ཏུ། །ལྕགས་སམ་ནག་པོའི་སྣོད་ནང་དུ། ཁྲ་ཁྲག་དུག་གི་གཏོར་མ་བཤམ། །དུག་ཤིང་ལ་སོགས་གདུག་པའི་ཤིང་། །གུ་གུལ་ཞུན་མར་ཏིལ་མར་[500.4]བསྲེག །ཨེ་འདྲ་རལ་གྲི་རྒྱ་གྲམ་བསྣམས། །ཉམས་འཇིགས་བྱང་དུ་ཁ་བལྟས་བར། །མཎྜལ་ནག་པོ་གྲུ་གསུམ་བྱ། རྡོ་རྗེ་རྒྱ་གྲམ་གསུམ་གྱི་དབུས། །ཧོམ་ཁུང་གྲུ་གསུམ་ལྟེ་བར་རོ། །དམིགས་པ་གསལ་བྱ་ལིདྷ་[500.5]བསྲེག །གང་ཡིན་དམིགས་པ་ཐེ་ཚོམ་མེད། །དྲག་པོའི་ལས་དེ་འགྲུབ་པར་འགྱུར། །ལྷ་དང་ལྷ་མིན་སྐྱེ་མི་བྱེད། །ཐུགས་མཆོག་ཐུགས་ཀྱི་བསྒྲུབ་པ་ནི། །སྦྱོར་བ་དངོས་གཞི་གཞུང་བསྲང་སྟེ། །སེམས་དཔའ་རྣམ་[500.6]གསུམ་གསལ་བ་ཡིས། །ལུས་ངག་ཡིད་གསུམ་དལ་མི་བྱ། །འགུགས་འདྲེན་ཡེངས་མེད་དལ་མེད་བཟླས། །མཆོད་སྦྱིན་ལས་ཀྱང་ཅི་ནུས་བྱ། །རྗེས་ལ་ལ་བཟླ་དགོས་ཚད་དོ། །ཐུགས་སྒྲུབ་ཐིན་ལས་རྣམ་བཞི་[501][501.1]ལ། །ན་རཀ་དོང་སྤྲུག་གདོན་པར་བྱ། །ཀུན་ཀྱང་དེ་རུ་འདུས་པ་ཡིན། །ལྷ་བརྒྱ་སྔགས་བརྒྱ་བཤགས་པ་ཚང་། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་ཕྲིན་ལས་བཞིའི་དགོས་པའི་དོན་[501.2]དང་། ཐུགས་སྒྲུབ་དོན་གྱི་བསྡུ་བ་དང་ནང་གི་སྤང་སྐོང་ཀུན་ལ་གཅེས་པར་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་བཛྲ་བཱ་ཁིས་ཞུས་པ། ཀྱེ་ཀྱེ་སྟོན་པ་རྡོ་རྗེ་འཆང་། །ཐུགས་མཆོག་ཡི་གེ་བརྒྱ་པ་[501.3]འདིས། །མཆོད་སྤྱིན་གཏོར་མ་གཏང་བ་དང་། །སྐུ་གདུང་ཚ་ཚ་གདབ་པ་དང་། །རོ་བསྲེག་བདུན་ཚིགས་བྱེད་པ་ཡང་། །རྨོངས་པས་མ་འཚལ་བཤད་དུ་གསོལ། །ཞེས་ཞུས་པས། ཡང་བཀའ་སྩལ་པ། ཉོན་ཅིག་རྡོ་རྗེ་[501.4]རིགས་ཀྱི་འཁོར། །མཆོད་སྤྱིན་ལས་ལ་འཇུག་འདོད་ན། །དོན་མཆོག་ཡི་གེ་བརྒྱ་པ་ཡིས། །གཏོར་མའི་ལས་ཀུན་རྫོགས་པ་ལ། །སྦྱོར་བ་དངོས་གཞི་རྗེས་སུ་བསྡུ། །དང་པོ་སེམས་བསྐྱེད་རྣམ་པ་གཉིས། །སྨྲོན་པ་[501.5]དང་ནི་འཇུག་པའོ། །བདག་དང་སེམས་ཅན་བྱང་ཆུབ་སྨོན། །ཕ་རོལ་ཕྱིན་དྲུག་འཇུག་པའོ། །སྦྱོར་བ་ཞེས་པ་ཚིག་ལ་སྦྱར། །ཏིང་འཛིན་རྣམ་གསུམ་ཁོག་ཕུབ་ལ། །རྒྱུ་ཡི་ཡི་གེ་ཧུ༷་དེ་ལས། །བདག་ཉིད་རྡོ་རྗེ་སེམས་[501.6]དཔར་བསྐྱེད། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་པས་རྡོ་རྗེ་གཡོན་པས་དྲིལ། །སེང་གེ་ཉི་ཟླ་པདྨའི་གདན། །བརྐྱང་བསྐུམ་སྐྱིལ་ཀྲུང་གང་གསལ་བསྐྱེད། །དེ་ནི་དམ་ཚིག་སེམས་དཔའ་སྟེ། །དེ་[502][502.1]ཡི་ཐུགས་ཀར་ཉི་ཟླ་པད། །དཀྱིལ་ན་རྡོ་རྗེ་སེམས་དཔའ་ཉིད། །གོང་མ་ཅི་འདྲ་ཚོན་གང་བསྒོམ། །དེ་ནི་ཡེ་ཤེས་སེམས་དཔའ་ལ། །དེ་ཡི་ཐུགས་ཀར་ཉི་ཟླ་པད། །གསེར་གྱི་རྡོ་རྗེ་རྩེ་ལྔ་ནི། །འགྲེང་ལྡབས་བུམ་པའི་[502.2]དཀྱིལ་ན་ཧུ༷། །དེ་ནི་ཡིག་འབྲུའི་ཆ་་ག་ཡིན། །སྒོ་སྲོག་གཉིས་ཀྱི་སྤྲོ་བསྡུ་བྱ། །གཞི་ཡི་ཡི་གེ་འགྱུར་མེད་ལས། །དང་པོ་རྒྱུ་ཡི་སྤྲོ་བསྡུ་ནི། །སྣོད་དང་བཅུད་ཅེས་གྲགས་པའི་དོན། །གཞི་པོའི་ཧཱུཾ་ལས་པ༷་གཅིག་[502.3]འཕྲོས། །པད་མ་འདབ་བརྒྱད་རིན་ཆེན་སྣོད། །མཁའ་དང་མཉམ་པར་དམགས་པའོ། །བཅུད་ནི་དཔའ་བོ་འབྲུ་ལྔས་བསྐྱེད། །གཞི་པོའི་འབྲུ་ནི་འགྲིབ་མེད་པས། །བཛྲ་སཏྭ་ཅེས་པ་བརྒྱས། །སྣོད་བཅུད་ཐམས་ཅད་[502.4]སྦྱངས་པ་ཡིན། །སྲུ་དང་བརྒྱ་པས་སྤེལ་བ་ཡིན། །ཨོ༷་དང་བརྒྱ་པས་མོས་པར་བསྒྱུར། །ཧྭ་སོགས་བརྒྱ་པས་མཆོད་སྦྱིན་བྱེད། །སོ་སོར་ཐོབ་པར་བྱ་བ་ཡིན། །ཧཱུཾ་དང་བརྒྱ་པས་དབང་དུ་བསྡུས། །དབང་བསྒྱུར་ཆེན་[502.5]པོའི་ཏིང་འཛིན་བྱ། །དེ་ལྟར་སྦྱངས་སྤེལ་མོས་བཤགས་ལ། །མགྲོན་རྣམས་རིམ་པར་སྤྱན་དྲངས་ཏེ། །ཧཱུཾ་ལས་ཛ་སྤྲོས་འདི་སྐད་བརྗོད། །རྡོ་རྗེ་འཆང་བ་འདི་སྐད་གཤེགས། །རྡོ་རྗེ་འཆང་ལ་ཕྱག་འཚལ་ལོ། །མི་[502.6]འཇིགས་པདྨའི་གདན་ལ་བཞུགས། །རྡོ་རྗེ་འཆང་ལ་མཆོད་པ་འབུལ། །མྱ་ངན་མི་འདའ་འགྲོ་དོན་མཛོད། །གསང་སྔགས་འཁོར་ལོ་བསྐོར་དུ་གསོལ། །ཕྱི་ནང་སྒྲིབ་པ་སྦྱང་དུ་གསོལ། །ཡིད་ལ་སྙིང་པོ་ཐོབ་པར་[503][503.1]སྨོན། །ཡང་དག་སྙིང་པོའི་དོན་རྟོགས་ཤོག །བཛྲ་ས་མ་ཡ་ཞེས་བརྗོད། །མགྲོན་བཞིས་ནམ་མཁའ་ཁེངས་པར་བསམ། །དེ་ནས་མཆོད་སྤྱིན་བཀྱེ་བྱས་ཏེ། །སོ་སོར་ཐོབ་པར་བྱ་བའི་བརྒྱ་པ་ལ། །བ་[503.2]ལིང་ཨི་ད༷་ཁུ་ཧི་གདགས། །དེ་ནས་རང་དོན་དབང་དུ་བྱ། །དེ་ནས་ཚིག་བཅད་བསྡོ་བ་ནི། །ཧུ༷་བྱིན་བརླབས་དམིགས་མེད་གཏོར་མ་ཆེན་པོ་འདི། །སྲི་ཞུ་བླ་མ་རྒྱལ་བ་སྐེབོར་བཅས་དང་། །ཡོན་ཏན་ཕྱི་ནང་ཆོས་སྐྱོང་[503.3]འཁོར་བཅས་དང་། །སྙིང་རྗེ་འགྲོ་དྲུག་གཉོན་མོངས་སེམས་ཅན་དང་། །ལན་ཆགས་བགེགས་རིགས་སྔར་ཆགས་ཐམས་ཅད་ལ། །འདོད་ཡོན་མཆོད་སྤྱིན་གཏོར་མ་འདི་བསྔོས་པས། །མཆོད་མཉེས་ཐུགས་དམ་སྐོང་[503.4]གྱུར་ཅིག །རྐྱེན་བཟློག་སྡུག་བསྔལ་བྱང་ནས་སུ། །ལན་ཆགས་ཕྱི་ནང་སྒྲིབ་པ་དག་གྱུར་ཅིག །ཀུན་གྱིས་ཡང་དག་དོན་རྟོགས་ཤོག །ཅེས་དང་དེ་ནས་ཡང་ནི་བརྒྱ་པ་གདོན། །ལྷ་བརྒྱར་ཕྱག་འཚལ་བཤགས་པ་[503.5]བྱ། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་མཆོད་སྤྱིན་གྱི་ལེའུ་སྟེ་བཅུ་གསུམ་པའོ།། །།ཡང་སྟོན་པ་བཀའ་སྩལ་པ། །ཉོན་ཅིག་རྡོ་རྗེ་རིགས་ཀྱི་འཁོར། །མཆོད་རྟེན་སྐུ་གདུང་གདབ་པ་ནི། །སྦྱོར་བའི་[503.6]དོན་དང་དངས་གཞིའི་དོན། །རྗེས་ཀྱི་ལས་ཀྱི་དོན་དང་གསུམ། །སྦྱོར་བ་སྨོན་འཇུག་སེམས་བསྐྱེད་དེ། །ཚད་མེད་བཞི་ལྡན་རྣལ་འབྱོར་པས། །བསྐྱེད་རྫོགས་སྐུ་གདུང་གདབ་པར་བྱ། །འཇུག་པ་ལྷ་སྟེ་སེམས་བསྐྱེད་[504][504.1]དོ། །དངོས་གཞི་ཞེས་པ་ལས་རིམ་སྟེ། །བྱིན་བརླབས་གདབ་དང་ཏིང་འཛིན་ནོ། །བྱིན་བརླབས་ལས་རིམ་འབྱུང་བ་ལྔ། །འཇུག་པའི་ལས་རིམ་བྱ་བ་ཡིན། །ཐིག་དང་ཕུར་པ་གདབ་པ་ཡིན། །ས་རྐོ་བ་དང་བརྡུང་བ་[504.2]དང་། །སྤོས་ཆུས་བྱུག་དང་མནྟྲ་གཞུག །འབི་འབི་བྱ་དང་ན་བཟའ་སྣུམ། །བྱིན་རླབས་སྔོན་འགྲོའི་རིམ་པ་སྟེ། །རྣལ་འབྱོར་པ་ཡིས་ཤེས་པར་བྱ། །གདབ་པའི་ལས་རིམ་གཉིས་སུ་དབྱེ། །འབྱུང་བ་ལྔ་དང་འཇིམ་པ་[504.3]དང། །གང་སྣང་ལམ་དུ་འདེབས་པའོ། །འབྱུང་བ་ལྔ་ལས་ནམ་མཁའ་དག་ལ་གདབ་པ་ནི། །བདག་ཉིད་སེམས་དཔའི་སྐུ་གསལ་བས། །བརྐོས་ཕོར་བྱིན་གྱིས་བརླབས་བྱས་ལ། །གཞི་ཡི་ཡི་གེ་ཉིད་ལས་[504.4]སྤྲོས། །ངག་ཏུ་བརྒྱ་པ་འདོན་གྱིན་གདབ། །སྐུ་གསུང་ཐུགས་ཀྱི་དཀྱིལ་འཁོར་དམིགས། །མེ་ཆུ་རླུད་ཡང་དེ་བཞིན་གདབ། །འཇིམ་པ་དག་ལ་གདབ་པ་ནི། །འབི་འབི་བརྐོས་ཕོར་ནང་བཅུག་ལ། །ཡིག་འབྲུ་བརྒྱ་པ་[504.5]བརྗོད་གྱིན་དུ །བྷརྨ་ཀྭ་ཡ་ཨ་ཞེས་གདབ། །བཛྲ་སཏྭའི་ལྷ་ནི་བཞུགས། །དཀྱིལ་འཁོར་ཆེན་པོའི་མཆོད་རྟེན་ལ། །ལྷ་བརྒྱ་ལ་སོགས་ཀྱིས་བསྐོར་བར། །བསྐོར་བ་མཆོད་པ་བྱེད་པར་བསམ། །དེ་ཡང་འདི་ལྟར་ཤེས་[504.6]པར་གྱིས། །གདབ་པ་ལ་ཡང་གཉིས་ཡིན་ཏེ། །གསོན་དང་གཤིན་དུ་ཤེས་པར་བྱ། །གསོན་པོ་ལ་ཡང་གཉིས་ཡིན་ཏེ། །བྱང་ཆུང་དོན་དང་རྐྱེན་བཟློག་གཉིས། །བྱང་ཆུབ་དོན་ནི་གོང་ལྟར་ཏེ། །རྐྱེན་བཟློག་ཕྲིན་ལས་[505][505.1]རྣམ་བཞིར་གདབ། །དང་པོ་ཞི་བར་གདབ་པ་སྟེ། །ཞི་བ་་རྙ་རྡོ་རྗེ་དམིགས། །བརྐོས་ཕོར་སྒྱུ༷་གྱིས་བྱིན་བརླབས་ལ། །ཨོ་བུརྙ་སཏྭ་ས་མ་ཡ་ནས་ཨ་ཞེས་བརྒྱ་པའི་སྔགས་བརྗོད་ལ། །ཆེ་གེ་མོ་ཤཱརྙི་ཀུ་[505.2]རུ་གདབས། །མཆོད་རྟེན་དཀར་པོ་ཟླུམ་པོ་ཕྱི། །ནང་དུ་ཞི་མཛད་རྡོ་རྗེ་དཕྱིངས། །འོད་ཟེར་དཀར་པོས་ག་ང་རེག་པ། །ཞི་བར་འགྱུར་ཏེ་ཞི་བར་བྱེད། །རྒྱས་པ་རིན་ཆེན་རྡོ་རྗེར་དམིགས། །བརྐོས་ཕོར་བྷ༷་གྱིས་གྲུ་[505.3]བཞིར་བརླབས། །གྲྭ་རཏྣ་སཏྭ་ཞེས་པ་ནས། །ཨ་ལ་ཐུགས་པའི་རྒྱས་པ་ནས། །ཆེ་གེ་མོ་བྲེརྨྱེ་ཀུ་རུ་གདགས། །མཆོད་རྟེན་གྲུ་བཞི་སེར་པོ་ཕྱི། །ནང་དུ་རྡོ་རྗེ་རྒྱས་མཛད་དབྱིངས། །འོད་ཟེར་སེར་པསི་ཀུན་ལ་[505.4]ཁྱབ། །ཚེ་དང་བསོད་ནམས་དཔལ་རྣམས་རྒྱས། །དབང་ལ་པདྨ་རྡོ་རྗེར་དམིགས། །བརྐོས་ཕོར་ཟླ་གམ་བྱིན་བརླབས་ལ། །ཨུ༷༷པདྨ་སཏྭ་ས་མ་ཡ་ནས། ཨ་ཞེས་ཡི་གེ་བརྒྱ་པ་བརྗོད། །ཧི༷༷པ་ཤང་ཀུ་རུ་[505.5]གདགས། །མཆོད་རྟེན་དམར་པོ་ཟླ་གམ་ཕྱི། །ནང་དུ་དབང་བསྐུར་པདྨ་དབྱིབས། །དམར་པོ་ལྕགས་ཀྱུའི་འོད་ཟེར་གྱིས། །དབང་དུ་བྱ་བ་གང་ཡིན་པ། །མོས་ཤིང་ཐམས་ཅད་དབང་དུ་སྡུད། །དྲག་པོ་དག་གི་ལས་[505.6]བསྒྲུབ་ན། །ཀརྨ་རྡོ་རྗེར་དམིགས་བསམས་ལ། །བརྐོས་ཕོར་༷་གྱིས་ཨེ་རུ་བརླབས། །ཧྭ་ཀརྨ་སཏྭ་ཞེས་པ་ནས། །ཨ་ཞེས་བརྒྱ་པ་རྫོགས་པར་བརྗོད། །ཆེ་གེ་མོ་མྱ་ར་ཡ་ཕཊ་གདགས། །ཧོམ་ཁུང་ནག་པོ་གྲུ་གསུམ་[506][506.1]གྱི། །ནང་དུ་ལས་མཛད་ཁྲོ་བོའི་དབྱིངས། །འོད་ཟེར་ནག་པོ་མེ་མཚོན་གྱིས། །དམིགས་པ་གང་ཡིན་སྒྲོལ་བར་བྱེད། །ཐམས་ཅད་སྒྲོལ་ཏེ་ཐེ་ཚོམ་མེད། །ལས་ནི་གང་བསྒྲུབ་ཐམས་ཅད་ལ། །སྲག་སྙིང་བྲིས་ཤིང་[506.2]ཁོང་པར་གཞུག །དེ་ལྟར་བཏབ་སྟེ་གང་ཡང་འགྲུབ། །ཅེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་གསོན་ལྟར་གདབ་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་འཁོར་ཚོགས་རྡོ་[506.3]རྗེ་ཁྱོད། །ཚེ་འདས་དོན་དུ་གདབ་པ་ནི། །ཐར་ལམ་མཁྱེན་པ་ང་ཡིས་བསྟན། །རུས་པའི་ཕྱེ་མ་ཞིབ་པར་བསྲེ། །དོན་མཆོག་ཡི་གེ་བརྒྱ་པ་ལ། །ཨསྤོ་སུ་ཏྲི་པྲེ་དུ་དྲུག་བཏགས་པའི། །ངན་སོང་སྦྱོང་བའི་སྙིང་[506.4]པོའམ། །ཡང་ན་འདི་བཏགས་གདབ་པ་ཡིན། །ད་ཧ་ད་ཧ་སརྦ་ན་ར་ག་ཀ་ཏེ་ཧེ་དུན་ཧཱུཾ༷་ཕཊ། མ་ཐ་མ་སརྦ་ཏིབྱ་ཀ་ཏེ་ཧེ་དུན་ཧཱུཾ༷་ཕཊ། པ་ཙ་པ་ཙ་སརྦ་པྲེ་ཏ་ཀ་ག་ཏེ་ཧེ་དུན་ཧཱུཾ༷་ཕཊ། ཞེས་པས། ཆ་འདས་ངན་སོང་[506.5]གནས་ནས་དྲང་། །ཧཱུཾ༷་གིས་བརྐོས་ཕོར་ནང་བསྟིམས་ལ། །ཕཊ། ཀྱིས་རྒྱལ་བའི་དབྱིངས་སུ་འཕང་། །རྒྱུད་དྲུག་ས་བོན་འོད་བསྲེགས་ལ། །སྒྲིབ་སྦྱང་རྡོ་རྗེའི་དབྱིངས་སུ་བསྐྱལ། །ད་ནི་རབ་གནས་ཆ་ག་ཡང་། །དམ་[506.6]ཆག་མཆོད་རྟེན་ཅི་བཏབ་གྲངས། །ཡེ་ཤེས་མཆོད་རྟེན་སྤྱན་དྲང་བསྟིམ། །བདེ་གཤེགས་སྙིང་པོས་སྙན་གསན་དབབ། །གཤེགས་སུ་གསོལ་ཞེས་སྤྱན་དྲངས་ལ། །ས་མྱ་ཛ་ཞེས་བརྗོད་པར་བྱོན། །ཏིང་ངེ་འཇན་གྱས་[507][507.1]བསྟིམ་པར་བྱ། །འཁོར་བ་མ་སྟོངས་བར་དུ་བཞུགས། །རྣམ་དག་སྒྱུ་མའི་ཚིགས་བཤད་བརྗོད། །ཨ་ཏི་པུ་ཧོ་ཞེས་ཕྱག་བཙལ་ལ། །དེ་ནས་མཆོད་པ་རིམ་པར་བྱ། །ཕྱག་ཞབས་བསིལ་ཞིང་དྲི་དང་[507.2]ནི། །མེ་ཏོག་མར་མེ་ཨལྷི་དང་། །ཞལ་ཟས་རོལ་མོ་ཡན་ལག་བདུན། །ཀུན་བཟང་མཆོད་པ་སྤྱི་ཁྱབ་ཡིན། །དེ་ནས་དགོས་བསྟོད་སྨོན་ལམ་གདབ། །ན་རཀ་དོང་སྤྲུགས་གདོན་བྱས་ཏེ། །ཀུན་གྱི་ལས་རྣམས་རྫོགས་[507.3]པ་ཡིན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་གཤིན་ལྟར་གདབ་པའི་རབ་གནས་མཆོད་པའི་ལེའུ་སྟེ་བཅོ་ལྔ་པའོ།། །།ཡང་བཀའ་སྩལ་པ། ཉོན་ཅིག་རྡོ་རྗེ་རིགས་ཀྱི་འཁོར། །རོ་བསྲེག་ཕུང་པོ་སྦྱང་[507.4]བ་ནི། །ས་གདོན་མེད་པའི་ས་ཕྱོགས་སུ། །མཎྜལ་འདོམ་གང་མདའ་གང་བྱ། །ཤིན་ཏུ་ཆ་མཉམ་ཆག་ཆག་གདབ། །དབུས་སུ་ཧོམ་ཁུང་བྲུ་བགྱི་སྟེ། །ཕྲིན་ལས་རྣམ་བཞིའི་ཧོམ་ཁུང་ཀུན། །ཡང་གཏིང་གྲུ་གསུམ་དེ་[507.5]སྟེང་ཟླ་གམ་བྱ། །དེ་སྟེང་གྲུ་བཞི་ཡང་ཐོག་ཟླུམ་པོས་བསྐོར། །སོར་བཞི་དཔངས་དང་རྒྱ་རུ་བྱ། །དེ་སྟེང་ཀ་བཞིའི་ཐོག་གི་སྟེང་། །ཤིང་བརྩེགས་ཕྱོགས་བཞིར་སྐར་ཁུང་རེ། །རོ་ཁ་ཤར་དུ་བསྟན་ཏེ་བཞག །ར་་་་་་[507.6]སྙིང་གར་པདྨ་འཁོར་ལོ་བརྒྱ་ལྡན་ལ། །བརྒྱ་རྫོགས་ལྷ་ཡིག་བྲིས་པ་གདགས། །འཁོར་ལོའི་སྟེང་ནས་གཟུངས་སྔག་གདགས། །ལས་ཀྱི་མཁན་པོས་དེ་བཟུང་ལ། །ཏིང་འཇིན་སེམས་དཔའ་གར།་་་་བྱར།་[508][508.1]ནས། །ཐུགས་མཆོག་བརྒྱ་པ་བཟླས་བྱས་ལ། །སྤྲོ་བསྡུ་བྱ་བ་ཤིན་ཏུ་གཅེས། །གཙོ་བོ་དཔའ་བོ་འབྲུ་ལྔ་ལས། །ཡེ་ཤེས་མེ་དཔུང་མེ་ལྕེ་བརྒྱ་དང་བཅས། །མཆོད་སྦྱངས་དྲེགས་པ་ཚར་བཅད་ནས། །རོ་ཉིད་ཕུང་པོ་[508.2]བསྲེག་པར་བྱ། །ཕྱོགས་བཞིའི་སྐར་ཁུང་རེ་ནས་གཟུངས། །རིགས་ལྷ་བརྒྱ་པའི་བཟླས་བརྗོད་བྱ། །སྔོན་འགྲོ་སྦྱོར་བ་དང་པོ་ནས། །དངོས་གཞིའི་ལས་རྣམས་ཀུན་བྱེད་དང་། །རྗེས་ཀྱི་ལས་མཐའ་རྫོགས་པ་ནི། །ན་[508.3]རཀ་དོང་སྤྲུག་ཤེས་པར་བྱ། །དང་པོ་བུམ་ཆུས་རོ་བཀྲུས་ནས། །གཤེད་དང་བྲལ་བ་དགེ་བཅུ་སྟེ། །ཁྲོ་བོ་བཅུ་ལ་ཕྱག་འཚལ་ཡིན། །འགྲོ་དྲུག་གནས་ནས་དྲང་བ་སྟེ། །ཐུབ་པ་དྲུག་ལ་ཕྱག་འཚལ་བྱ། །ས་ལམ་ཕ་[508.4]རོལ་ཕྱིན་བཅུ་སྟེ། །ཁྲོ་མོ་བཅུ་ལ་ཕྱག་འཚལ་ཡིན། །མེ་ལྷ་ཞི་བ་བཞི་བཅུ་གཉིས། །མེ་ལྷ་ཁྲག་འཐུང་ཁྲོ་ཚོགྭས་ཡིན། །དབང་བསྒྱུར་བསྐུར་བ་རང་ཆས་ཡིན། །རིགས་ལྔ་གོ་སེང་སེམས་དཔའ་སེམས་མ་དང་། །ཕྱག་[508.5]འཚལ་ཞི་ཁྲོ་རྩ་བའི་ལྷ། །བརྒྱ་ཚན་ལྔ་བརྗོད་ཆོས་ཀྱི་འཁོར་ལོ་ཡིན། །ཞི་ཁྲོའི་ལྷ་ལ་ཕྱག་འཚལ་བཞི་བསྟོད་སྦྱིན་བསྲེག་ཡིན། །རྩ་བ་ཡན་ལག་དམ་ཚིག་ཉམས་པ་བཤགས་པ་ཡིན། །མཇུག་ཏུ་སྨོན་ལམ་གདབ་པ་[508.6]རྗེས་ཀྱི་ལས་མཐའ་ཡིན། །གཞན་ཡང་ཁ་སྐོང་ཞི་ཁྲོ་ཡིས། །གོ་རིམ་བྱས་པས་སྐྱོན་མེད་གདུལ་བྱ་ཡིན། །དེ་བཞིན་མེ་ལྷ་སྤྱན་དྲང་ཁ་བསྐང་བྱ། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་རོ་སྲེག་གི་ལེའུ་སྟེ་བཅུ་[509][509.1]དྲུག་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་རྡོ་རྗེ་རིགས་ཀྱི་འཁོར། །དེ་ནས་ཚེ་འདས་བདུན་ཚིགས་ནི། །ཕུང་པོ་ཤ་ཁྲག་དབུགས་དང་བྲལ་བའི་ཚེ། །ཞག་གསུམ་ཞག་ལྔ་ཞག་བདུན་[509.2]དུ། །རོ་མི་བསྒུལ་བར་ཙེན་ནར་བཞག ཤེས་པ་བརྒྱལ་ཏེ་མི་རྟོག་ཡོད། །ངུ་སྐད་སྤངས་ཏེ་ཆོས་རྣམས་བསྒྲགས། །གྲོགས་དང་སློབ་དཔོན་སློབ་མས་ཆད། །གྲོགས་སུ་གྱུར་པས་ལས་རྣམས་བྱ། །དང་པོར་གཤེད་[509.3]དང་ཕྲལ་བྱ་བ། །ཁྲོ་བཅུ་བརྒྱ་པ་དྲག་པོས་དབྲལ། །ཐུབ་དྲུག་ཨ་དྲི་སུ་ཏྲི་པྲེ་དུ་ཡིས། །འགྲོ་དྲུག་གནས་ནས་དྲངས་པ་ཡིན། །བརྒྱ་པའི་ཞབས་སུ་ཡིག་འབྲུ་རེ། །དེ་ནས་ལམ་བསྟན་ཁྲོ་མོ་བཅུར། །ཕྱག་འཚལ་མཆོད་[509.4]པའི་རིམ་པ་བྱ། །མཆོད་སྤྱིན་བཏང་ཞིང་སྐུ་གདུང་གདབ། །ཡན་ལག་བདུན་པའི་གོ་རིམ་བྱ། །མར་མེ་སྨོན་ལམ་དེ་བཞིན་བྱ། །ཞི་ཁྲེའི་ལྷ་ལ་ཕྱག་འཚལ་སྡིག་པ་བཤགས། །བརྒྱ་པ་བཏོན་ཏེ་མིང་ཡིག་གདག །དེ་[509.5]ལྟར་ཚུལ་བཞིན་བྱས་བསྒྲུབས་ན། །བར་དོའི་གནས་ནི་ཨ་ཅང་ཆེས། །སྐྱེ་གནས་སྦུབས་ནས་ངེས་པར་འདྲོངས། །རབ་ནི་བདུན་ཚོ་དང་པོས་འདྲོངས། །འབྲིང་ནི་བདུན་གསུམ་ཉི་ཤུ་གཅིག །ཐ་མ་བཞི་བཅུ་ཞེ་[509.6]དགུས་འདྲོངས། །དམ་ཚིག་རྩ་བ་གསུམ་དང་ཉི་ཤུ་ལྔ། །ཉམས་པར་གྱུར་ཀྱང་ངེས་པར་འདྲོངས། །མཚམས་མེད་ལྔ་དང་རྩ་བ་བཞི། །དེ་བཞིན་ངེས་པར་འབྱངས་པར་འགྱུར། །མི་དགེ་ཕལ་རྣམས་སྨོས་ཅི་[510][510.1]དགོས། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས། བདུན་ཚིགས་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་བཀའ་སྩལ་པ། ཉོན་ཅིག་རྡོ་རྗེའི་འཁོར་རྣམས་ཀུན། །ལག་ན་རྡོ་རྗེ་ལེགས་པར་ཟུང་ ང་ཡི[510.2]རྒྱུད་ཀྱི་རྒྱལ་པོ་འདིར། །ཐམས་ཅད་འབྲེལ་ཏེ་རྫོགས་པ་ཡིན། །སྐུ་གསུང་ཐུགས་དང་ཡོན་ཏན་ལས། །ཐམས་ཅད་མ་ལུས་བསྟན་པས་མང་པོ་འདུས། །གཙོ་དང་འཁོར་དུ་བསྟན་པས་དཀྱིལ་འཁོར་ཡིན། །རང་ལ[510.3]རང་ཆས་བསྟན་པས་དབང་ཡང་ཡིན། །རྩ་བ་ཡན་ལག་བསྟན་པས་དམ་ཚིག་ཡིན། །དམ་པ་རིགས་བརྒྱ་བསྟན་པས་ལྷ་ཡང་ཡིན། །འབྲུ་མཆོག་བརྒྱ་པ་བསྟན་པས་སྔགས་ཀྱང་ཡིན། །རྣལ་འབྱོར་ལས་སུ་བསྟན[510.4]པས་རྣལ་འབྱོར་ཡིན། །བརྩོན་འགྲུས་ཡེངས་མེད་བསྟན་པས་བསྙེན་བསྒྲུབ་ཡིན། །མཆོད་བསྟོད་གཉིས་མེད་བསྟན་པས་མཆོད་པ་ཡིན། །ཞི་རྒྱས་དབང་དྲག་བསྟན་པས་ཕྲིན་ལས་ཡིན། །ཡེངས་མེད་རྒྱུན་པ་བསྟན[510.5]པས་བསྒོམ་པ་ཡིན། །ལུས་ངག་ཡིད་གསུམ་སྤྱོད་པས་སྤྲོད་པ་ཡིན། །ཡིན་མིན་ཕྱོགས་དང་བྲལ་བས་ལྟ་བ་ཡིན། །འབྲེལ་དང་མ་ཚང་མེད་པ་དང་། །ཡོངས་སུ་རྫོགས་པས་འབྲས་བུ་ཡིན། །རྒྱུད་ཀྱང་ཡིན་ལ་འབྲེལ[510.6]རྫགས་མཆག །ང་ཡི་ལུང་བསྟན་ཁྱོད་ཀྱིས་ཟུང་། །ལུང་་ཡང་ཡིན་ལ་འཁྱེར་བདེ་མཆོག །ཚེགས་ཆུང་བ་ལ་དོན་ཆེན་བསྟན། །མན་ངག་ཡིན་ཏེ་གནད་ཀྱི་མཆོག །ཐབས་མཆོག་ཐོས་ནས་སྒྲུབ་བྱེད་པ། །སྒྲུབ་ཐབས་[511][511.1]ཡིན་ཏེ་གཟེར་ཀའི་མཆོག །ཅེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་རྒྱུད་འབྲེལ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་བཛྲ་རིགས་ཀྱི་འཁོར། །འཁོར་[511.2]ལོ་ལྔ་ལ་ཡིག་འབྲུ་བརྒྱ། །ལྷ་བརྒྱ་རང་བཞིན་གནས་པ་ཡིན། །སྙིང་ག་ཆོས་ཀྱི་འཁོར་ལོ་ན། །རྩ་འདབ་ཆེན་པོ་བརྒྱད་དུ་གནས། །ཆོས་འབྱུང་ཟླུམ་པོ་སྟོང་དང་དགུ། །སྙིང་དཀྱིལ་ཉི་ཟླ་པདྨའི་སྟེང་། །ཡེ་ཤེས་སེམས་[511.3]དཔའི་ཐུགས་ཀ་ན། །རྡོ་རྗེ་བསླང་བ་འགྲེང་བའི་ཚུལ། །རྡོ་རྗེ་བུམ་དབུས་ཧཱུཾ་དུ་གནས། །སྟོང་པའི་ནང་ན་ཧཱུཾ་དང་བཛྲ་སཏྭའོ། །ཊ་དང་ཨ་ཡང་གནས་པ་ཡིན། །དེ་ནས་ནུ་གཡོན་རྩ་འདབ་ལ། །ས་དང་མ་གཉིས་[511.4]གནས་པ་ཡིན། །དེ་ནས་ནུ་གཡས་རྩ་འདབ་ལ། །ཡ་དང་མ་གཉིས་གནས་པ་ཡིན། །དེ་ནས་རྩ་འདབ་གསུམ་པ་ལ། །ནུ་དང་པ་གཉིས་དེ་བཞིན་ནས། །བཞི་པ་ལ་དང་ཡ་གནས་ཏེ། །ལྔ་པ་བཛྲ་སཏྭ་གཉིས་གནས་[511.5]སོ། །དྲུག་པར་ཏྭ་དང་ཏེ་གཉིས་གནས། །བདུན་པ་ནོ་དང་པ་གཉིས་གནས། །བརྒྱད་པར་ཏི་དང་ཁྱི་གཉིས་གནས། །དེ་ནས་མགྲིན་པར་ལོངས་སྤྱོད་འཁོར་ལོ་ན། །རྩ་འདབ་བཅུ་དྲུག་གནས་པ་ལ། །དང་པོ་རྩ་འདབ་[511.6]དྲེ་རྙོ་གཉིས། །གཉིས་པ་ལ་ནི་མེ་དང་བྷ། །གསུམ་པ་ལ་ནི་བ་དང་སུ། །བཞི་པར་ཏོ་དང་སྩོ་གཉིས། །ལྔ་པ་ལ་ནི་མེ་དང་བྷ། །དྲུག་པ་ལ་ནི་བ་དང་ཨ། །བདུན་པ་ནུ་དང་རཀ་གཉིས་ཡིན། །བརྒྱད་པར་ཏོ་དང་མེ་[512][512.1]གཉིས་གནས། །དགུ་པར་བྷ་དང་བ་གཉིས་གནས། །བཅུ་པར་སུ་དང་པོ་གནས་ཏེ། །བཅུ་གཅིག་པ་ལ་སྩོ་དང་མེ། །བཅུ་གཉིས་པ་ལ་བྷ་གཉིས་ཡིན། །བཅུ་གསུམ་པ་ལ་ས་དང་རྦ། །བཅུ་བཞི་པ་ལ་སིརྙི་སྟེ། །བཅོ་[512.2]ལྔ་པ་ལ་མ་མེ་གཉིས། །བཅུ་དྲུག་པ་ལ་པྲ་དང་ཡ། །སེམས་དཔའ་ཀོ་རྡི་ཡི་གེ་ཡིན། །སྤྱི་བོ་བདེ་ཆེན་འཁོར་ལོ་ལ། །ཡིག་འབྲུ་སུམ་ཅུ་རྩ་གཉིས་པོ། །དེ་ལྟར་ཤུགས་ཀྱིས་གནས་པ་ཡིན། །རྩ་ནས་བཛྲ་སུམ་ཅུ་[512.3]གཉིས། །སྒོ སར། བ། ཀར། མ། སུ། ཙ། མེ། ཙི། སྟི། ཤེ། ཡང་། ཀུ། སྲ ཧུ༷། ཧུ༷། ཧ། ཧ། ཧ། ཧ། ཧོ། བྷ། ག བཱན། སར། བ། ཏ། ཐུ། ག །ཏ། བ། ཛྲ། ལྟེ་བ་སྤྲུལ་པའི་འཁོར་ལོ་ལ། །རྩ་འདབ་དྲུག་ཅུ་[512.4]རྩ་བཞི་སྟེ། །དྲུག་པོ་ལ་ནི་ཡིག་འབྲུ་རེ། །ཐུབ་པ་དྲུག་ཏུ་གནས་པ་ཡིན། །མྱ། མེ། མུ། ལྒ བཛི། བྷ། གསང་བ་གསང་བའི་འཁོར་ལོ་ནི། །རྩ་ཆེན་བཞི་རུ་འདུས་པ་ཡིས། །སྒོ་བ་བཞི་རུ་གནས་པ་ཡིན། །བ །མ།[512.5]ཧྭ། ས། དེ་ནས་དབང་པོའི་སྒོ་བཞི་སྟེ། །རྣ་བ་མིག་དང་སྣ་ལྕེ་ལ། །སྒོ་མ་བཞི་རུ་གནས་པ་ཡིན། །མ་ཡ་བཛྲ་སཏྭ་ཨ། སྙིང་དཀྱིལ་ཀུན་བཟང་ཡབ་ཡུམ་དོན། །སྙང་ནས་གྱེས་ནས་སྙིང་དུ་འདྲིལ་བའོ། །ཞི་ཁྲོ་གཉིས་[512.6]ཀྱི་མཚོན་པ་ཡང་། །སྙིང་དཀྱིལ་པདྨ་འདབ་བཞི་བརྒྱད། །ཚོགས་དྲུག་ཡན་ལག་ལྔ་པོ་བཞི་བཅུ་གཉིས། །བྲརྙ་ཞེ་གཉིས་པདྨས་མཚོན། །སྙིང་ནི་འཁོར་ལོ་རྩིབས་ཆེན་བརྒྱད། །མགྲིན་པར་གྱེས་ནས་བཅུ་དྲུག་[513][513.1]ལ། །སྤྱི་བོར་འཁོར་ལོ་སུམ་བཅུ་གཉིས། །ལྔ་བཅུ་རྩ་བརྒྱད་འཁོར་ལོས་མཚོནི། །འཁོར་ལོ་ལྔ་གསུམ་རྩ་རླུང་ལས་རྫོགས་ཡིན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་བརྒྱ་ཚན་ལུས་ལ་[513.2]རྫོགས་ལུགས་ཀྱི་ལེའུ་སྟེ་བཅུ་དགུ་པའོ།། །།དེ་ནས་ཡང་བཀའ་སྩལ་པ། །བཛྲ་བཱ་ཁི་ཁྱོད་ཉོན་ཅིག །ཞི་རྒྱས་དབང་དྲག་མཚོན་པ་ཡང་། །འདི་ལྟར་བཅས་ཤིང་བསམ་པར་བྱ། །དང་པོར་ཞི་བའི་[513.3]མཚོན་པ་ནི། །ཟླུམ་པོའི་དཀྱིལ་དུ་རྡོ་རྗེ་ཨོ། །དེ་མཐའ་འཁོར་ལོ་རྩིབས་བཞིའི་ཚུལ། །མཐའ་ནི་མུ་ཁྱུད་ཟླུམ་པོས་བསྐོར། །བུམ་པའི་ཨོ་ལ་བྲརྙ་ས་མ་ཡ་ལ་སོགས། །ཨ་ལ་ག་ས་པའི་ཕྲེང་བསྐོར་ཡིན། །དེ་ཡང་[513.4]ཟླུམ་པོར་རོ། ཁྲམ་བུ་ཨོ་ལ་ཤཱརྙི་གདགས། །ཞི་བའི་ལྷ་དང་མཆོད་རྟེན་ཀུན། །འོད་ཟེར་དཀར་པོ་འཕྲོ་བ་ཡིས། །ཞི་བར་འགྱུར་ཏེ་ཐེ་ཚོམ་མེད། །དེ་ནས་རྒྱས་པའི་མཚོན་བསམ་ཡང་། །རིན་པོ་ཆེ་ཡི་ལྟེ་བ་ལ། །རྡོ་[513.5]རྗེ་དཀྱིལ་གནས་བུམ་པར་སྲུ། །མཐའ་མ་གྲུ་བཞི་ལྟེ་བ་ཡི། །བུམ་པའི་གྲྭ་ལས་འཕྲོས་པ་ནི། །གྲྭ་རཏྣ་ས་མ་ཡ། །ཨུ་ཞེས་ཕྲེང་བས་བསྐོར་དུའོ། །གྲུ་བཞིའི་གྲུ་བཞིར་ལྷམ་པ་སྲ ཁྲམ་བུ་སྭ་ལ་པྲེཁོ་[513.6]གདགས། །རྒྱས་པའི་ལྷ་དང་མཆོད་རྟེན་ཀུན། །འོད་ཟེར་སེར་པོ་འཕྲོས་་པ་ཡིས། །རྒྱས་པར་འགྱུར་ཏེ་ཐེ་ཚོམ་མེད། །དེ་ནས་དབང་གི་མཚོན་བསམ་ཡང་། །པདྨ་འདབ་བརྒྱད་ལྟེ་བ་ལ། །རྡོ་རྗེའི་བུམ་པའི་ལྟེ་བར་[514][514.1]ཨུ༷༷ །མཐར་ནི་ཟླ་གམ་ལམ་པ་ཡིན། །བུམ་པར་ཨ༷༷༷ལས་འཕྲོས་པ་ནི། །ཧི༷༷པདྨ་སཏྭ་ས་མ་ཡུ། །ཨ་ལ་ཐུག་པའི་ཕྲེང་བས་བསྐོར། །ཟླ་གམ་ཟླ་གམ་སྒོར་སྒོར་རོ། ཁྲམ་བུར་སྣྲི་ལ་བ་ཤ༷་གདགས། །དབང་གི་ལྷ་དང་[514.2]མཆོད་རྟེན་ཀུན། །འོད་ཟེར་དམར་པོ་འཕྲོ་བ་ཡིས། །དབང་དུ་འདུས་ཏེ་ཐེ་ཚོམ་མེད། །དྲག་པོའི་མཚོན་བྱེད་བསམ་པ་ཡང་། །ཨེ་བརྩེགས་དབུས་སུ་རྒྱ་གྲམ་ལ། །རྒྱ་གྲམ་ལྟེ་ལ་ཧྭ་གནས་ཏེ། །མཐའ་ནི་གྲུ་གསུམ་[514.3]དྲག་པོར་འཁོར། །བུམ་པའི་ཧྭ་ལས་འཕྲོ་ལུགས་བཞི། །རྣལ་མར་བསྐོར་དང་གོ་རིམ་བཟློག །ཡིག་འབྲུ་བཟློག་དང་འདུག་ས་སྤོ། །གྲུ་གསུམ་ཨེ་རུ་བསྐོར་བ་ཡིན། །ཧྭ་དང་ཀརྨ་སཏྭ་ནི། །ཨ་ཞེས་དྲག་པོས་བཟླས་[514.4]པ་ཡི། །ཤམ་བུར་ནཱ་ར་ཡ་རྦད་རྦུད། །ནན་དང་ར༷་དང་བཟློག་ཕཊ་སྨྱོ། །དྲག་པོའི་སྔགས་ཀུན་གདགས་པར་བྱ། །བརླག་པར་འགྱུར་ཏེ་ཐེ་ཚོམ་མེད། །ཕྲིན་ལས་ལྷ་དང་མཆོད་རྟེན་ཀུན། །གྲུ་གསུམ་ནག་པོ་འཕྲོས་པ་[514.5]ཡིས། །བརླག་པར་འགྱུར་ཏེ་ཐེ་ཚོམ་མེད། །ཅེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་ཕྲིན་ལས་བཞིའི་བསམ་པ་དང་། མཚོན་པའི་བྲི་ལུགས་ཀྱི་ལེའུ་སྟེ་ཉི་ཤུ་པའོ།། །།དེ་ནས་ཡང་བཀའ་སྩལ་པ། ཉོན་[514.6]ཅིག་རྡོ་རྗེ་འཛིན་པ་ཁྱོད། །བསྟན་པ་དུས་ངན་བྱུང་བའི་ཚེ། །མུ་སྟེགས་ནག་པོ་དགྲར་ལངས་སམ། །སྔགས་མཁན་ནང་རྒྱལ་བྱུང་བའམ། །སྲི་ཅན་དྲག་པོ་ལངས་པའམ། །ལྷ་འདྲེ་དྲག་པོ་དང་འགྲས་ན། །དོན་[515][515.1]མཆོག་ཐུགས་སྒྲུབ་བརྒྱ་པ་ཡིས། །ཕྲིན་ལས་རྣམ་བཞི་མཆོད་རྟེན་དང་། །བསྒྲུབ་པ་ཆེན་པོའི་མཆོད་རྟེན་བཞེངས། །དང་པོ་དཔང་གཟུགས་བཤ༷ གས་སྦྱང་ཕྱིར། །ཞི་བའི་མཆོད་རྟེན་ཟླུམ་པོར་[515.2]བཞེངས། །ཆུ་གཏོར་དཀར་གཏོར་གཏོང་ཞིང་བཤགས་པ་ཅི་འགྱུར་བྱ། ཁྲར་གྱི་ཕྱོགས་སུ་བཞུགས་སུ་གསོལ། །ཞི་བར་བྱ་བའི་ལས་ཡིན་པས། །བརྒྱ་པར་ཤརྙི་ཀུ་རུ་གདགས། །ཞག་བདུན་བར་དུ་བཟླས་པར་[515.3]བྱ། །དགྲ་བགེགས་ངན་སྔགས་ཞི་བར་བྱེད། །ཞི་བར་བྱ་བའི་ལས་སུ་བཤད། །དཀར་གསུམ་བཟའ་ཞིང་ཁྲུས་ལ་འབད། །མཎྜལ་བུམ་པ་དཀར་པོ་ལ། །གཟུངས་ཐག་དཀར་པོ་བུམརྫས་དཀར། །དོང་སྤྲུགས་[515.4]བཀླག་ཅིང་ཁྲུས་ལ་འབད། །ཞི་བར་འགྱུར་ཏེ་ཐེ་ཚོམ་མེད། །དེ་ནས་བསོད་ནམས་སྤེལ་བའི་ཕྱིར། །རྒྱས་པའི་མཆོད་རྟེན་གྲུ་བཞི་བཞེངས། །གསེར་སྐྱེམས་གཏོང་ཞིང་གཏོར་མ་གཏང་། །འབྲུ་སྣ་རིན་ཆེན་དར་ཟབ་[515.5]རྫས། །མངར་གསུམ་རྩི་སྨན་སྣ་ཚོགས་བསོག །གསེར་གཡུ་གཉིས་ནི་མགུལ་དུ་གདགས། །བརྒྱ་པར་ཨུ་ཡུ༷༷ཚུཉི་ཀུ་རུ་གྲྭ་ཧྭ། །སརྦ་པུརྒྱ་ཚུརྨྱེ༷་ཀུ་རུ་སྭ་ཧྭ། ཞེས་གདགས། མངར་གསུམ་བཟའ་ཞིང་བུམ་སེར་[515.6]བཀྲུ། །དོང་སྤྲུག་གདོན་ཞིང་སིརྙི་བསྒྲུབ། །ཚེ་དང་བསོད་ནམས་འཕེལ་བ་ཡིན། །མཆོད་རྟེན་ལྷོ་ཡི་ཕྱོགས་སུ་བཞུགས། །རྒྱས་པར་འགྱུར་ངེས་ཐེ་ཚོམ་མེད། །དེ་ནས་དབང་དུ་བསྡུ་བའི་ཕྱིར། །དབང་གི་མཆོད་རྟེན་[516][516.1]ཟླ་གམ་བཞེངས། །སྨན་རག་ཤ་ཆེན་གཏོར་མ་བཤམས། །བརྒྱ་པར་བ་ཤང་ཀུ་རུ་གདགས། །སྙི༔དང་ཡི་གེ་ཤིན་ཏུ་གཅེས། །དགྲ་བགེགས་ངན་སྔགས་དབང་དུ་སྡུད། །ཉ་ནས་ཉི་ཤུ་གཉིས་བསྒྲུབས་ཏེ། །མཎྜལ་ཟླ་[516.2]གམ་བུམ་པ་དམར། །སྲོག་དང་སྲོག་གི་སྙིང་པོས་བསྒྲུབ། །མཆོད་རྟེན་ནུབ་ཕྱོགས་བཞུགས་སུ་གསོལ། །དམིགས་པ་གང་ཡིན་དབང་དུ་འགྱུར་། །ཚར་བཅད་རྩད་ནས་བཅད་པའི་ཕྱིར། །དྲག་པོའི་མཆོད་རྟེན་གྲུ་[516.3]གསུམ་བཞེངས། ཁྲ་ཁྲག་དུག་དང་གཏོར་མ་བཤམས། །མཚོན་ཆ་སྣ་ཚོགས་ལག་ཏུ་བླངས། །བསྐོར་བ་ཕྱི་ལོག་ནང་ལོག་བྱ། །ལིདྷ་ནག་མོའི་ཐག་པའི་གདགས། །དམིགས་རྟེན་འབྲུབ་ཁུང་རྩང་གི་[516.4]བསྐོར། །གྲུ་གསུམ་ནག་པོའི་ནང་དུ་བསད། །མིང་རུས་དམིགས་པའི་རྟེན་ཡང་བླངས། །གཤེར་ཐུན་སྐམ་ཐུན་མཚོན་གྱིས་བྲབ། །བྲབ་བརྡེག་དམིགས་པ་གསལ་བར་བྱ། །གུ་གུལ་རྒྱ་ཚིལ་ཚིལ་ཆེན་བདུག །དུག་[516.5]དང་དུག་ཆུས་བྲན་དང་བྱུགས། །གདུག་པའི་དུག་ཤིང་ཚེར་མ་ཅན། །ཧོམ་ཆེན་བཅས་ལ་བསྲེགས་པ་ཡིན། །ཐོད་པ་ངན་པའི་ནང་དུ་མནན། །བྱང་ཕྱོགས་མཆོད་རྟེན་བཞུགས་སུ་གསོལ། །དམིགས་པས་བརླག་[516.6]སྟེ་ཐེ་ཚོམ་མེད། །རྣལ་བཟློག་དཀྲུགས་དང་ཡིག་འབྲུ་བཟློག །དེ་ཤམ་ཆེ་གེ་མོ་མྱ་ར་ཡ་རྦད། །ནན་དང་རི་དང་རྦད་ལ་སོགས་པ་གདགས། །རྫས་དགུ་སྨྱོ་དང་ཡ་དང་ཕཊ། །དྲག་པོའི་ལས་ཀྱི་རྣོ་ངར་ཡིན། །མིང་[517][517.1]རུས་ཐལ་པ་ལདྷི་ཀུན། །མཆོད་རྟེན་གྲུ་གསུམ་ནག་པོ་ཡི། །འོག་ཏུ་གྲུ་གསུམ་དོང་ནང་མནན། །མཆོད་རྟེན་རབ་གནས་བྱས་པ་ནི། །བདག་ཉིད་སྒྲུབ་པའི་དཀྱིལ་འཁོར་གྱིས། །ཕྱོགས་བཞིར་དཀྱིལ་[517.2]འཁོར་དེ་ལྟར་བཞུགས། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་ཕྲིན་ལས་མཆོད་རྟེན་བཞིའི་ལེའུ་སྟེ་ཉེར་གཅིག་པའོ།། །།དེ་ནས་ཡང་སྟོན་པས་བཀའ་སྩལ་པ། །རྡོ་རྗེ་འཛིན་པ་ལེགས་པར་[517.3]ཟུང་། །མཆོད་རྟེན་ཆེན་པོའི་བཞེངས་ལུགས་ལ། །བསྒྲུབ་གནས་མཐོང་བའི་ས་བླངས་ལ། །འཇིམ་པ་བཟང་པོ་དག་དང་སྦྱར། །གསེར་དངུལ་ཟངས་ལྕགས་སྨན་རྣམས་བླུག །དཀར་གསུམ་བ་ཡི་ཆུ་ཡིས་སྤྲུ། །དང་[517.4]པོ་བུམ་པའི་འཇིམ་པ་བྱ། །ཤར་ལྷོ་ནུབ་བྱང་ས་བཞི་བླང་། །ཁ་དོག་བཞི་བཞིའི་ས་དང་སྤོལ། །འཇིམ་པ་བཟང་པོ་དག་དང་སྦྱར། །ཕྱོགས་བཞི་མགུར་ཆུ་བང་རིམ་ས། །བ་ཆུ་སྤོས་ཆུས་སྦྱར་བར་བྱ། །མི་བསད་ཡུལ་[517.5]བཀྱེས་ཕུང་ཤུལ་ས། །ནག་པོ་རེ་བའི་ནང་བླངས་ལ། །ཁྲག་སྣ་དུག་སྣ་པོད་ཆུས་སྤྲུ། །རྨང་དང་འབྲུབ་ཁུང་རྒྱུ་ཡིན་ནོ། །མཆོད་རྟེན་བང་རིམ་བཞི་པ་བཞེངས། །བུམ་པ་མགུར་ཆུ་བྲེ་ཕུལ་ལྡན། །འཁོར་ལོ་གདུགས་[517.6]དང་བྱ་རུ་ཏོག །དར་ཕྱང་དྲིལ་བུ་མེ་ལོང་ཀུན། ་༑ག་ཤོག་དག་ལ་བྱ་བ་ཡིན། །མཆོད་རྟེན་ན་བཟའ་འདི་ལྟར་གསོལ། །རིན་ཆེན་པྲེ་ཕུལ་མཐིང་གར་གསོལ། །བུམ་པ་མགུར་ཆུ་དཀར་པོར་བྱ། ཁྲར་ཕྱོགས་བང་[518][518.1]རིམ་དེ་བཞིན་དཀར། །ལྷོ་ཕྱོགས་སེར་ལ་ནུབ་ཕྱོགས་དམར། །བྱང་ཕྱོགས་བང་རིམ་ལྗང་གུར་གསོལ། །རྨང་ནི་གདུག་བྱེད་ནག་པོར་གསོལ། །འཁོར་ལོ་བཅུ་གསུམ་རྫོགས་པར་བྱ། །ཏོག་ནི་ནོར་བུ་རིན་ཆེན་[518.2]བྱ། །གདུགས་གཉིས་ཐབས་དང་ཤེས་རབ་ཚུལ། །དར་འཕྱང་ཐུགས་རྗེ་ཆེན་པོ་ཡིན། །སྲོག་ཤིང་དཔག་བསམ་ཤིང་བླ་ཡིན། །མཆོད་རྟེན་ཕྱོགས་བཞིར་རྒྱག་པར་བྱ། །བུམ་པ་ལྟོ་བ་ཟླུམ་པོར་བྱ། །རས་སམ་གྲོ་ག་[518.3]ཤིང་ཤུན་ནམ། ་༑ག་ཤོག་དག་ལ་བརྒྱ་པ་བྲི། །རང་གི་མིང་རུས་ཀུན་ཀྱང་བྲི། །བསྟེན་བསྒྲུབས་འགོ་བའི་ལྷ་ཡང་བྲི། །བུམ་པ་སྲོག་ཤིང་སྙིང་ལ་གདགས། །སྙིང་པོ་ལྔ་དང་སྨན་ལྔ་དང་། །འབྲུ་ལྔ་དྲི་ལྔ་རིན་ཆེན་[518.4]ལྔ། །དར་ཟབ་རས་ཀྱིས་གཏུམས་ལ་གཞུག །དེ་ནས་བང་རིམ་བཞིའི་ནང་དུ། །ལྷ་སྲིན་སྡེ་བརྒྱད་སྲོག་སྙིང་གཟུགས། །བྲིས་ལ་བང་རིམ་བཞི་པར་རོ། །དེ་ནས་རྨིང་དང་འབྲུབ་ཁུང་དུ། །གང་ཡིན་དམིགས་པའི་ལིདྷ་[518.5]ལ། །ནག་མོ་ནག་པོའི་ཐག་པས་དཀྲིས། །ལིདྷ་མིང་དང་བཅས་པ་ཡང་། །འབྲུ་ནག་ས་སྦྱིན་དུག་ཁྲག་གཟུགས་དང་སྦྱར། །ཐོད་པ་ནག་པོའི་ནང་འོག་ཏུ། །ཚོན་སྐུད་སྣ་ལྔས་བཅིངས་ལ་བཞག །རྒྱ་གྲམ་འཁོར་ལོས་[518.6]ཁ་ནས་བཅད། །དེ་ནས་སྒྲུབ་པོ་བདག་ཉིད་ཀྱིས། །མཆོད་རྟེན་རབ་གནས་དབང་བསྐུར་བྱ། །བརྒྱ་པའི་སྔགས་དང་རྟེན་འབྲེལ་སྡེབ། །བརྒྱ་ཕྲག་བདུན་གསུམ་རྟེན་འབྲེལ་བཅས། །རབ་ཏུ་གནས་པ་རྒྱས་པར་[519][519.1]བྱ། །བརྒྱ་པ་རྟེན་འབྲེལ་གཉིས་གཤམ་ལ། །ཀྭ་ཡ་དྷརྨ་ཨོ༷་ཞེས་བརྗོད། །མཆོད་རྟེན་ཆོས་ཀྱི་སྐུར་དམིགས་ལ། །སྐུ་ཡི་དབང་བསྐུར་རབ་གནས་ཡིན། །བརྒྱ་པ་དང་ནི་རྟེན་འབྲེལ་ཤམ་ཉིད་[519.2]དུ། །སྙི༷༷ལྭཀ་དྷརྨ་ཨུ༷༷ཞེས་བརྗོད། །མཆོད་རྟེན་ཆོས་སྒྲ་སྒྲོགས་པར་དམིགས། །གསུང་གི་དབང་བསྐུར་རབ་གནས་ཡིན། །བརྒྱ་དང་རྟེན་འབྲེལ་དེར་འཇུག་ལ། །ཧུ༷་ཙིལྟི་དྷརྨ་བཛྲ་ཧུ༷་ཞེས་བརྗོད། །མཆོད་རྟེན་ཡེ་ཤེས་[519.3]ལྔ་ལྡན་དམིགས། །ཐུགས་ཀྱི་དབང་བསྐུར་རབ་གནས་ཡིན། །བདེ་གཤེགས་ཐུགས་དང་སྐུ་གསུང་གནས། །དབང་བསྐུར་རབ་གནས་རྫོགས་པ་ཡིན། །ཀྭ་ཡ་ལྭ་ཀ་ཙིལྟི་ཏིཁྲི་བཛྲ་ཞེས་བརྗོད། །འཁོར་བ་མ་སྟོངས་[519.4]བར་ལ་བཞུགས་པར་བསམ། །མཆོད་རྟེན་སྐུ་གཟུགས་ཀུན་ལ་དེ་བཞིན་སྦྱར། །ཡི་དམ་ནར་མ་མ་ཆག་པར། །ཐུགས་མཆོག་ཡི་གེ་བརྒྱ་པ་བཟླས། །ཞི་བའི་དུས་སུ་ཞི་བ་ལྟར། །རྒྱས་པའི་དུས་སུ་རྒྱས་པ་[519.5]དང་། །དབང་གི་དུས་སུ་དབང་ལྟར་དང་། །དྲག་པོའི་དུས་སུ་དྲག་པོ་ལྟར་དུ་བཟླའ། །ཞི་བར་ནམ་ཕྱེད་ཆུ་དང་སྦྱར། །རྒྱས་པ་ཉི་མའི་དཀྱིལ་འཁོར་ལྟར། །དབང་ནི་ཆུ་རླབས་རླུང་འཚུབ་སྦྱར། །དྲག་པོའི་དུས་སུ་[519.6]འབྲུག་གློག་ཐོག་ལྟར་བཟླས། །ན་རཀ་དོང་སྤྲུག་ཉིད་ལ་བརྩོན་པར་བྱའོ། །ཚ་ཚ་ཆུ་གཏོར་དེ་བཞིན་ནོ། །སྲིའུ་གསོན་གཙུག་ཏོར་རྣམ་བཞི་སྒྲོགས། །མུ་སྟེགས་སྔགས་པ་ནག་པོ་དང་། །སྲི་དང་ལྷ་འདྲེས་ཚུགས་རེ་[520][520.1]ཀན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་བསྒྲུབ་པ་ཆེན་པོ་མཆོད་རྟེན་ལས་རྫོགས་ཀྱི་ལེའུ་སྟེ་ཉེར་གཉིས་པའོ།། །།དེ་ནས་ཡང་བཀའ་སྩལ་པ། རྡོ་རྗེ་འཛིན་པའི་འཁོར་ཐམས་ཅད་ཉོན་ཅིག །དེ་[520.2]དག་ཐམས་ཅད་ལ་ཟློས་ཤིག །རོ་དང་ཕྲོལ་ཅིག་རང་མེད་དོ། །ཞེས་གསུངས་པས་འཁོར་རྣམས་ཕན་ཚུན་བལྟས་ཏེ་བརྒྱལ་བར་འགྱུར་ཏེ། །དེ་ནས་ལག་ན་རྡོ་རྗེ་ལངས་ནས་འདི་སྐད་ཅེས་གསོལ་ཏོ། །ཀྱེ་ཀྱེ་སྟོན་པ་[520.3]རྡོ་རྗེ་འཆང་། །དངོས་ཅག་གིས་བསྐྱེད་རྫོགས་སྤྲོས་བསྡུ་ལ་ཟློས་ཤིག །རོ་དང་ཕྲོལ་ཅིག །རང་མེད་དོ། །ཞེས་གསུངས་པ་མ་རྟོགས་སོ། །བཀའ་སྩལ་ཐུགས་རྗེས་ཟུང་ཞིག་ཞུ་འཚལ་ལོ་ཞེས་ཞུས་པ་དང་། བཀའ་[520.4]སྩལ་པ། ལག་ན་རྡོ་རྗེ་འཁོར་རྣམས་སློངས་ཤིག །གསང་སྔགས་ཀྱི་དེ་ཁོ་ན་ཉིད་མ་ཤེས་ན་ལྷ་གནས་གསུམ་དང་ལོངས་སྐུ་མཐོང་མི་སྲིད་དོ་ཞེས་གསུངས་པ་དང་། དེ་ནས་ལག་ན་རྡོ་རྗེས། ཀྱེ་ཀྱེ་འཁོར་རྣམས་[520.5]ལངས་ལ་ཤོག །གདོད་སྟོན་པ་ལ་དོན་ཞུ་བ་ཞུ་ཡིས། །མ་ཞུས་པར་དཔའ་བའི་སེམས་ཀྱི་ཉོན། གུས་པས་ཐུད་ཅིག་ཅེས་སྨྲས་པས་འདུས་པ་བརྒྱལ་བ་སངས་པ་དང་། རྡོ་རྗེ་ཆོས་སྐུས་གསོལ་བ། ཀྱེ་ཀྱེ་སྟོན་པ་རྡོ་རྗེ་[520.6]འཆང་། །གསང་སྔགས་ཀྱི་དེ་ཁོ་ན་ཉིད་གསུངས་འཚལ་ཞེས་ཞུཁོ་པས། ཡང་སྟོན་པས་བཀའ་སྩལ་པ། འཁོར་རྣམས་མ་སྐྲག་པར་ཉོན་ཅིག །གསང་སྔགས་ཀྱི་དེ་ཁོ་ན་ཉིད་ནི་ཅི་ཡང་མ་ཡིན་ནོ། །ཀྱེ་གསང་བའི་རྡོ་[521][521.1]རྗེ་ཅིའི་ཕྱིར་ཅི་ཡང་མ་ཡིན་ཞེ་ན། ཉོན་ཅིག་ཆོས་གང་ལ་ཡང་འདི་ཡིན་འདི་མིན་མེད་པའི་ཕྱིར་ཏེ། ཆོས་གཅིག་གཏན་ལ་ཕོབ་དང་། ཡིན་པར་ཡང་མེད་ལ། མིན་པ་ཡང་མེད་པའོ། །དེ་ཡང་སྤང་བ་[521.2]ཡང་མེད། བླང་པ་ཡང་མེད། རེ་བ་ཡང་མེད། དོག་པ་ཡང་མེད་དེ་མེད་པའོ། །ཞེས་གསུངས་པས། འཁོར་རྣམས་ངུས་ཏེ་འགྲེ་ལྡོག་གིན། ཀྱི་ཧུད་ཀྱི་ཧུད་བདག་ཅག་གིས་བསྐལ་པ་ནས་བསྐལ་པར་དེ་མ་མཐོང་བས་[521.3]སྟོན་པ་ཉིད་ཐུགས་རྗེ་དང་བྲལ་བའོ། །ཞེས་ཞུས་པས། རྡོ་རྗེ་འཆང་གིས་བཀའ་སྩལ་པ། །རྡོ་རྗེའི་རིགས་ཀྱིས་ལེགས་པར་ཉོན་ཅིག །ང་ནི་ཡིན་མིན་མེད་པའི་ཕྱིར། །སྤང་བླང་རེ་དོགས་མེད་པར་བཤད་དོ། །ཁྱེད་[521.4]རྣམས་ཀྱིས་རང་གིས་རང་མ་ཤེས་སོ། །ངས་ཀྱང་བསྐལ་པ་ནས་བསྐལ་པར་མ་ཤེས་སོ། །དེ་ལྟར་དུ་རིག་པས་ང་ཡང་མྱ་ངན་ལས་འདས་པ་ཡིན་ནོ། །རྡོ་རྗེ་འཛིན་སོགས་ལེགས་ཟུངས་ཤིག །ང་ཡི་ལྟ་བ་ཡིན་པ་[521.5]མེད། །ཕྱོགས་ལྷུང་རྒྱ་ཆད་མེད་པའི་ཕྱིར། །ཕྱོགས་ལྟ་འདོར་བ་ལྟ་བའི་སྲོག །ཕྱོགས་དང་ཕྲོལ་ཅིག་མེད་པ་ཡིན། །བག་ཆགས་རོ་ལ་ཅི་ཡིན་ལྟོས། །ལྟ་བ་མེད་དོ་མེད་པ་ཡིན། །ཁྱེད་རྟོགས་ལྟ་བ་དེ་ལྟར་ཡིན། །དེ་[521.6]རྟོགས་སྒོམ་པ་མིན་པ་མེད། །གང་སྣང་གྲོགས་སུ་རོ་མཉམ་ཕྱིར། །དེ་ཤར་སྤྱོད་པ་ཡིན་མིན་མེད། །སྤང་བྱ་བླང་བྱ་ཡུལ་མེད་ཕྱིར། །དེ་མཐོང་བ་ལ་རེ་དོགས་མེད། །གཞན་ལ་ལྷོས་པའི་ཆོས་མེད་ཕྱིར། །དེ་ལ་ལྟ་[522][522.1]བའི་ཡུལ་མི་སྲིད། །མེད་དང་གཅིག་པུ་ཕྱལ་བ་ཡིན། །ཡུལ་མེད་མིང་དང་བྲལ་བའི་ཕྱིར། །དེ་ལ་བྱ་རྩོལ་ཅི་ལ་སྲིད། །རང་བྱུང་ཡུལ་སྣང་མེད་པའི་ཕྱིར། །ཡུལ་མེད་སྲོག་གཅོད་དགེ་སྡིག་མེད། །མིང་མེད་བདེན་[522.2]རྫུན་སྒྲོ་འདོགས་ཆོད། །ཅེས་གསུངས་སོ། །ཡང་བཀའ་སྩལ་པ། དེ་ནི་གསང་སྔགས་ཞེས་བྱ་གཞི་ཞེས་བྱ། མཉམ་པ་ཉིད་ཅེས་བྱ། ཆོས་ཀྱི་སྐུ་ཞེས་བྱ། རྟོགས་པའི་ལྟ་བ་ཞེས་བྱ། ཆོས་ཉིད་ཅེས་བྱ། ཆོས་རྣམས་ཀྱི་[522.3]དེ་བཞིན་ཉིད་ཅེས་བྱ། དགོངས་པ་ཞེས་བྱ། སྤྱིས་ཆོས་ཀྱི་དབྱིངས་ཞེས་བྱ། གསང་སྔགས་ཀྱི་དེ་ཁོ་ན་ཉིད་ཅེས་བྱའོ། །ཡེ་ཤེས་ཡེ་ཤེས་ཡིན་ནོ། །ཅིའི་ཕྱིར་རང་བྱུང་དུ་ཤེས་པ་དང་། རང་རིག་པས་ཀྱང་ཤེས་[522.4]སོ། །ལྷག་པར་དེ་ཁོ་ན་ཉིད་རྟོགས་པས་ཡེ་ཤེས་ཞེས་བྱའོ། །གསང་སྔགས་རང་གི་དགོངས་པ་ནི། ཡུལ་མེད་མིང་དང་བྲལ་བ་ཡིན། །རང་བྱུང་ཡེ་ཤེས་དགོངས་ཚད་ཡིན། །རང་རིག་ཡེ་ཤེས་དགོངས་ཚད་[522.5]ཡིན། །ལྷག་མཐོང་ཡེ་ཤེས་དགོངས་ཚད་ཡིན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་ལ་བཟླ་དེ་ཁོ་ན་ཉིད་ཀྱི་ལེའུ་སྟེ་ཉེར་གསུམ་པའོ།། །།ཡང་བཀའ་སྩལ་པ། ཉོན་ཅིག་རྡོ་རྗེ་རིགས་ཀྱི་[522.6]འཁོར། །སྲོག་དང་སྙིང་པོ་གསང་སྔགས་བསྟན། །གང་སྣང་བ་ཡི་ཆོས་ཀུན་ལ། །མཚན་མར་སྣང་བས་སྲོག་ཅེས་བྱ། །ཅིའི་ཕྱིར་འཛིན་པས་བཟུང་བའི་ཕྱིར། །སྲོག་གི་ངོ་བོར་འཛིན་པ་ཡིན། །ངེས་ཚིག་འདུས་[523][523.1]བྱས་མི་རྟག་པ། །དབྱེ་བ་དབུགས་ཅན་དབུགས་མེད་སྲོག །དཔེ་ནི་ར་ཤིང་འདུས་པས་བསྟན། །གང་སྣང་བ་ཡི་ཡུལ་དེ་ལ། །མིང་བཏགས་འབོད་པས་སྙིང་པོ་ཡིན། །ཅི་ཕྱིར་དེ་ལ་ཉེས་འཛུགས་[523.2]ཕྱིར། །དེས་ན་བཏགས་པ་མེད་ན་གང་ལ་གཟུང་། །སྣང་བ་དེ་ལ་མིང་གིས་འབོད། །དེས་ན་སྲོག་རང་སྙིང་པོ་ཡིན། །སྲོག་ནི་གཟུགས་ཏེ་སྙིང་པོ་མིང་། །གཟུགས་ནས་བཟུང་ལ་སྙིང་པོར་ཕོད། །སྲོག་ཀྱང་མེད་ལ་[523.3]སྙིང་པོ་མེད། །དཔེར་ན་འབྱུང་བ་ཆུ་ལྷ་བུ། །གཅིག་ལ་ཀུན་ཏུ་སྣང་བས་མཚོན། །དེས་ན་དེ་ལྟར་བདེན་པ་མེད། །དེས་ན་དེ་ལ་མེད་པ་གང་། །དཔེར་ན་ཆོས་ཅན་བུམ་པ་ལ། །ཡིན་མིན་གཉིས་ཀའི་ཆོས་ཅན་[523.4]མེད། །འོ་ན་ཆོས་ཅན་གཅིག་པོ་དེ། །གཟུགས་ཀྱིས་ཡིན་ནམ་མིང་གིས་ཡིན། །མདོག་གིས་ཡིན་ནམ་བསམ་པས་ཡིན། །འདུས་པས་ཡིན་ནམ་འབྲལ་བས་ཡིན། །མཚོན་པས་ཡིན་ནམ་ལས་ཀྱིས་ཡིན། །རྡོ་རྗེ་[523.5]འཛིན་པ་སྤོབས་པ་སྐྱེད། །ལག་ན་རྡོ་རྗེ་ལན་གསོལ་པ། །ཀུན་གྱིས་ཡིན་ཏེ་ཀུན་གྱིས་མིན། །ཡིན་པ་མིན་པས་མིན་པ་མེད། །མ་སྤངས་མ་བླངས་མཉམ་པ་མེད། །རང་ཡིན་རེ་དོགས་མེད་པར་ཁུམས། །ལེགས་སོ་[523.6]ལེགས་སོ་རྡོ་རྗེ་འཛིན། །གསང་སྔགས་བླ་མེད་དེ་བཞིན་ཉིད། །ཁོ་ན་ཉིད་ནི་དེ་ལྟར་རོ། །ཡེ་ནས་ཡིན་ཤེས་ཡི་ཤེས་ཡིན། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་ཆོས་ཅན་རོ་མཉམ་ལ་བཟླ་དེ་ཁོ་ན་ཉིད་ཀྱི་[524][524.1]ལེའུ་སྟེ་ཉེར་བཞི་པའོ།། །།དེ་ནས་ལག་ན་རྡོ་རྗེས་གསོལ་པ། །ཀྱེ་ཀྱེ་སྟོན་པ་ཐུགས་མཆོག་གཙོ། །རྡོ་རྗེ་རིགས་ཀྱི་བརྒྱ་པ་དེ་ལྟར་ན། །དེ་བཞིན་གཤེགས་དང་རིན་ཆེན་རིགས། །པདྨའི་རིགས་དང་ལས་ཀྱི་[524.2]རིགས། །འབྲུ་མཆོག་བརྒྱ་ལྡན་བསྟན་དུ་གསོལ། །ཞེས་གསོལ་པས། ཐུགས་མཆོག་རྡོ་རྗེས་བཀའ་སྩལ་པ། །ང་ཡིས་གཙོ་བྱས་རྡོ་རྗེའི་རིགས། །བརྒྱ་པ་དེ་ལྟར་གོང་བསྟན་པས། །རྡོ་རྗེ་རིགས་ཀྱི་ལྷ་བསྟན་[524.3]ཡིན། །མཚན་ཉིད་འ༷ཛིན་པ་དབུས་གནས་ཏེ། །རེ་རེ་ལ་ཡང་བཞི་བཞིས་བསྐོར། །སྐུ་གསུང་ཐུགས་དང་ཡོན་ཏན་ལས། །དཀྱིལ་འཁོར་དཀྱིལ་འཁོར་བྱ་བ་ཡིན། །ཉོན་ཅིག་རྡོ་རྗེ་འཛིན་པས་ཟུང་། །རྣམ་པར་སྣང་[524.4]མཛད་བརྒྱ་པ་ནི། །ཨོ་བུདྷ་སཏྭ་ས་མ་ཡ། མ་ནུ་བཱ་ལ་ཡ། བུདྷ་སཏྭ་ཏེ་ནོ་པ་ཏིམོ དྲེ་རྙོ་མེ་བྷ་བ། སུ་ཏོསྩོ་མེ་བྷ་བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་ཝ། སརྦ་སིརྙི་སྨེ་པྲ་ཡསྒོ སརྦ་ཀརྨ་སུ་ཙ་མེ། ཀྭ་ཡ་གྲེཡ༷ཀུ་རུ་ཧུ༷།[524.5]ཧ་ཧ་ཧ་ཧ་ཧོ། བྷ་ག་ལྷན། སརྦ་ཏ་ཐུ་ག་ཏ། བུདྷ་མྱ་མེ་མུལྒ བུདྷ་བྷ་ག་མ་ཧྭ་ས་མ་ཡ། བུརྙ་སཏྭ་ཨ། སྐུ་ཡི་བརྒྱ་པ་དེ་ལྟར་ཡིན། །གསུང་ནི་སྣང་བ་མཐའ་ཡས་ཡིན། །ཨོ༷་པདྨ་སཏྭ་ས་མ་ཡ། མ་ནུ་བཱ་ལ་ཡ། ལྭཀ་སཏྭ་[524.6]ཏེ་ནོ་པ་ཏིཁྱི། དྲི་རྙོ་མེ་བྷ་བ། སུ་ཏོསྩོ་མེ་བྷ་བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་བ། སརྦ་སིརྙི་སྨེ་པྲ་ཡསྒོ སརྦ་ཀརྨ་སུ་ཙ་མེ། ལྷཀ་ཐྲེ། ཡ༷་ཀུ་རུ་ཨུ༷་ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐུ་ག་ཏ། ལྷཀ་མྱ་མེ་མུལྒ ལྷ་[525][525.1]ཀབྷ་བ། མ་ཧྭ་ས་མ་ཡ། ལྷུཀླཏྭ་ཨ། །གསུང་གི་བརྒྱ་པ་དེ་ལྟར་ཡིན། །ཡོན་ཏན་རིན་ཆེན་འབྱུང་ལྡན་ཡིན། །སྲུ་རཏྣ་སཏྭ་ས་མ་ཡ། མ་ནུ་བཱ་ལ་ཡ། རཏྣ་སཏྭ་ཏེ་ནོ་པ་ཏིཁྲི། དྲི་རྙོ་མེ་བྷ་བ། སུ་ཏོསྩོ་མེ་བྷ་[525.2]བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་བ། སརྦ་སིརྙི་སྨེ་པྲ་ཡསྣོ སརྦ་ཀརྨ་སུ་ཙ་མེ། རཏྣ་གྲེ་ཡེ་ཀུ་རུ་གྲྭ། ཧ་ཧ་ཧ་ཧ་ཧོ། བྷ་ག་ལྷན། སརྦ་ཏ་ཐུ་ག་ཏ། རཏྣ་མ་མེ་མུལྒ རཏྣ་བྷ་བ། མ་ཧྭ་ས་མ་ཡ། རཏྣ་སཏྭ་ཨ། དེ་ནི་[525.3]ཡོན་ཏན་བརྒྱ་པ་ལགས། །ཕྲིན་ལས་དོན་ཡོད་གྲུབ་པ་ཆེ། །ཧྭ་ཀརྨ་སཏྭ་ས་མ་ཡ། མ་ནུ་བཱ་ལ་ཡ། ཀརྨ་སཏྭ་ཏེ་ནོ་པ་ཏིཁྲི། དྲི་རྙོ་མེ་བྷ་བ། སུ་ཏོསྩོ་མེ་བྷ་བ། ཨ་ནུ་རལྟོ་མེ་བྷ་བ། སུ་པོསྩོ་མེ་བྷ་བ། སརྦ་སིརྙི་སྨེ་པྲ་ཡསྒོ[525.4]སརྦ་ཀརྨ་སུ་ཙ་མེ། ཀརྨ་ཐྲེ་ཡ༷་ཀུ་རུ་ཧུ༷། ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐུ་ག་ཏ། ཀརྨ་མྱ་མེ་མུལྒ ཀརྨ་བྷ་བ། མ་ཧྭ་ས་མ་ཡ། ཀརྨ་སཏྭ་ཨུ། དོན་ཡོད་ཡི་གེ་བརྒྱ་པ་ཡིན། །སྐུ་ཡི་བརྒྱ་པས་གཏི་མུག་[525.5]བཤགས། །གསུང་གི་བརྒྱ་པས་འདོད་ཆགས་བཤགས། །ཡོན་ཏན་བརྒྱ་པས་ང་རྒྱལ་བཤགས། །ཕྲིན་ལས་ཁོང་ཁྲོ་ཕྲག་དོག་བཤགས། །ཐུགས་མཆོག་ཞེ་སྡང་གཙོ་བྱས་བཤགས། །ཞེས་གསུངས་སོ། །རྡོ་རྗེ་བརྒྱ་[525.6]པའི་རྒྱུད་ལས་རིགས་ལྔ་བརྒྱ་ཚན་གྱི་ལེའུ་སྟེ་ཉེར་ལྔ་པའོ།། །།དེ་ནས་ཕྱག་ན་རྡོ་རྗེ་ཡིས། །རྡོ་རྗེ་འཆང་ལ་འདི་སྐད་གསོལ། །ཀྱེ་ཀྱེ་སྟོན་པ་རྡོ་རྗེ་འཆང་། །དེ་ལྟར་ལྷ་བརྒྱའི་དོན་གསུངས་ན། །ཉམས་སྒྲིབ་[526][526.1]བཤགས་པར་བྱེད་པའི་ཚེ། །ལྷ་ལ་མཆོད་པ་ཇི་ལྟར་དབུལ། །ཉམས་དང་སྡིག་སྒྲིབ་ཇི་ལྟར་བཤགས། །ཞེས་གསོལ་པས། སྟོན་པ་རྡོ་རྗེས་བཀའ་སྩལ་པ། །ཉོན་ཅིག་རྡོ་རྗེ་འཛིན་པ་ཆེ། །དེ་ལྟར་མཆོད་བཤགས་བྱ་[526.2]བ་ནི། །ཉའམ་སྟོང་ངམ་ཚེས་བརྒྱད་ལ། །དུས་བཟང་གཟའ་དང་རྒྱུ་སྐར་འཛོམ། །པདྨ་བརྒྱ་ལྡན་དཀྱིལ་འཁོར་བཞེངས། །ཡང་ན་མཎྜལ་ཚོམ་བུ་བྱ། །གཏོར་མ་ཆེན་པོ་བརྒྱ་འམ་ལྔའམ་གསུམ་མམ་གཅིག །དཔལ་[526.3]གྱི་གཏོར་མ་བཤགས་པ་ནི། །རིན་ཆེན་རྒྱ་ཆེན་སྣོད་ནང་དུ། །དང་པོ་དཔལ་བཤོས་ཆེན་པོ་བཞུགས། །ཁམས་ཕོར་གཏོར་ཆེན་བརྒྱ་ཡིས་བསྐོར། །ལྷ་བཤོས་བརྒྱ་འམ་མར་མེ་བརྒྱ། །ཚོམ་བུ་བརྒྱ་འམ་རྣམ་རེས་[526.4]བཞག །གོང་གི་གཏོར་མ་ཆེན་པོ་ཡང་། །བསྒྲུབ་པའི་སྨན་དང་ཁྲག་ཤས་བརྒྱན། །དཀར་གསུམ་ཆན་ཡང་དེ་བཞིན་ནོ། །དཀར་གཏོར་གཅིག་དང་དམར་གཏོར་གཅིག །ཆོས་སྐྱོང་ཕྱི་ནང་གཉིས་ལ་བཤམ། །འབྱོར་[526.5]པའི་རྫས་ཚོགས་ཅི་ལྡན་བཤམ། །སྤོས་དང་མེ་ཏོག་ཨསྙེ་དང་། །མཆོད་པའི་རྒྱུ་ནི་ཐམས་ཅད་བསགས། །ཐུགས་མཆོག་བརྒྱ་པ་རྒྱུན་པར་བཟླས། །ཞག་དྲུག་དག་ལ་དུས་དྲུག་ཏུ། །ན་རཀ་དོང་སྤྲུགས་འདོན་པར་[526.6]བྱ། །ཕྱག་དང་བསྐོར་བ་ཅི་ནུས་བྱ། །ཁ་ཡར་ཞག་གྲངས་མཚམས་གཅད་བྱ། །ཉམས་དང་མཚམས་མེད་སྡིག་པ་ཀུན། །དཔེར་ན་སོལ་བ་དུང་པོར་འདྲ། །ཟླ་བ་ཡར་ངོ་མར་ངོ་འདྲ། །ཞེས་གསུངས་སོ། །རྡོ་རྗེ་བརྒྱ་[527][527.1]པའི་རྒྱུད་ལས་ཉམས་བཤགས་མཆོད་པའི་ལེའུ་སྟེ་ཉེར་དྲུག་པའོ།། །།ཡང་བཀའ་སྩལ་པ། ཉོན་ཅིག་རྡོ་རྗེ་འཛིན་པ་སོགས། །ཐུགས་མཆོག་ཡི་གེ་བརྒྱ་པ་ནི། །དཔེར་ན་ཉི་མ་མུན་པ་[527.2]འདྲ། ཁྲར་བས་སངས་པས་བརྒྱ་པ་ཡིན། །དཔེར་ན་ནམ་མཁའ་ལྟ་བུ་ཡིན། །ཐམས་ཅད་གོ་ཡང་རྒྱ་ཆད་མེད། །དཔེར་ན་ནོར་བུ་རིན་ཆེན་འདྲ། །ཐམས་ཅད་མི་འབྱུང་གང་ཡང་མེད། །ཡོན་ཏན་ཐམས་ཅད་རྫོགས་[527.3]པ་ཡིན། །དཔེར་ན་འཛམ་བུའི་གསེར་དང་འདྲ། །གང་ལྟར་བྱས་པ་དེ་ཉིད་དོ། །སྒྱུ་མ་མཁན་གྱི་དཔེ་དང་འདྲ། །མེད་ལས་ཐམས་ཅད་སྤྲུལ་པར་སྣང་། །དཔེར་ན་ནད་དང་སྨན་ལྟ་བུ། །དཔེར་ན་དུག་དང་བདུད་རྩི་[527.4]འདྲ། །དཔེར་ན་ཟངས་ལྕགས་གསེར་དང་འདྲ། །དཔེར་ན་མེ་དང་རྩི་ཤིང་འདྲ། །དཔེར་ན་མུན་པ་སྒྲོན་མེ་འདྲ། །དཔེར་ན་རྒྱ་མཚོ་གཟའ་སྐར་འདྲ། །དཔེར་ན་ཤེལ་དང་ཟ་འོག་འདྲ། །དཔེར་ན་ཐག་པ་ཐོ་ཡོར་[527.5]འདྲ། །ཞེས་གསུངས་ནས། ཡང་བཀའ་སྩལ་པ། ལག་ན་རྡོ་རྗེ་འཁོར་ཚོགས་ཉོན་ཅིག །ངས་བཤད་ཐུགས་ཀྱི་རྒྱུད་ཆེན་འདི། །སངས་རྒྱས་ཀུན་གྱི་དགོངས་པ་ཡིན། །དགོངས་པ་འདུས་པའི་རྒྱུད་དུ་ཟུང་། །རྒྱུད་ལུང་[527.6]ཞི་ཁྲོ་ལྷ་བརྒྱ་པས། །ལྷ་བརྒྱ་པ་ཡི་རྒྱུད་དུ་ཟུང་། །བསྐྱེད་པར་བྱེད་པའི་ཡི་གེ་བརྒྱ། །ཡི་གེ་བརྒྱ་པའི་རྒྱུད་དུ་ཟུང་། །རང་གི་ཉམས་བཤགས་མཛད་གསོལ་པས། །བཤགས་པ་ཆེན་པོའི་རྒྱུད་དུ་ཟུང་། །ཞི་རྒྱས་དབང་[528][528.1]དྲག་ལས་རྫོགས་པས། །ཕྲིན་ལས་འདུས་པའི་རྒྱུད་དུ་ཟུང་། །དབང་དང་དམ་ཚིག་དཀྱིལ་འཁོར་དང་། །ལྷ་བསྒོམ་སྔགས་དང་ཀུན་འབྲེལ་བས། །འབྲེལ་པ་ཆེན་པོའི་རྒྱུད་དུ་ཟུང་། །རྩ་བ་གསུམ་དང་ཡན་ལག་[528.2]དང་། །སྡིག་སྒྲིབ་ཐམས་ཅད་འདིས་བཤགས་པས། །བཤགས་པ་ཆེན་པོའི་རྒྱུད་དུ་ཟུང་། །ངན་སོང་ཐམས་ཅད་དོང་སྤྲུགས་པས། །དོང་སྤྲུགས་ཆེན་པོའི་རྒྱུད་དུ་ཟུང་། །རྡོ་རྗེ་སེམས་དཔའི་ཐུགས་བསྟན་པས། །བཛྲ་[528.3]བརྒྱ་པའི་རྒྱུད་དུ་ཟུང་། །ཡང་བཀའ་སྩལ་པ། །ལེགས་པར་ཟུང་ཞིག་ཐུབ་པར་ཆོངས། །ཉམ་པར་གྱུར་ན་ན་རཀ་གནས། །རྒྱུ་གནས་རྣམ་པར་སྨིན་པ་ནི། །རིགས་བཞི་བྱོལ་སོང་ལྐུགས་པའི་གནས། །མི་བཟད་[528.4]བདུད་མོའི་གྲོགས་ཀྱིས་མཚོན། །དབང་པ་་མ་ཚང་དབུལ་རྨོངས་ཞན། །མ་ཉམས་རྡོ་རྗེའི་སྐུ་གསུང་ཐུགས། །འགྲོ་ལ་ཕན་འདོགས་སྐུར་གནས་ས། །ལོངས་སྤྱོད་འཁོར་ལྡན་ལྷ་མིའི་ས། །དམན་ལུས་འཛིན་[528.5]འཆང་ནོར་བུ་འཆང་། །བྲག་དང་ཆུ་གཞུང་ཆུ་བོ་ཡིས། །དུས་ངན་མགོ་མཐོང་རྒྱས་པར་གྱིས། །ཞེས་གསུངས་སོ། །རྡོ་རྗེ་བརྒྱ་པའི་རྒྱུད་ལས་དཔེ་མཚོན་བཏགས་པའི་ལེའུ་སྟེ་ཉེར་བདུན་པའོ།། །།དེ་ནས་སྟོན་[528.6]པ་ཉིད་མྱ་ངན་ལས་འདས་སོ། །འཁོར་དུ་འདུས་པའི་སྒྱུ་འཕྲུལ་ཞི་ཁྲོའི་ལྷ་ཚོགས་རྣམས་དང་། ཡང་ཕུར། བདུད་རྩི། མ་གཤིན། དབང་དང་དཀྱིལ་འཁོར་གྱི་ལྷ་རྣམས་དང་། ཚངས་པ་དང་། བརྒྱ་བྱིན་དང་། འཇོག་[529][529.1]པོ་དང་། ཐག་བཟངས་རིས་དང་། སྡེ་བརྒྱད་དང་། ཕྱོགས་སྐྱོང་བཅུ་དང་། རྡོ་རྗེ་དྲག་མོ་ལ་སོགས་ཏེ། །མཁའ་འགྲོ་མ་རྣམས་ཀྱིས་ལག་ན་རྡོ་རྗེར་ཡི་རང་སྟེ་མངོན་པར་སྟོད་ནས། ཐུགས་རྩེ་གཅིག་[529.2]པས་བཛྲ་བཱ་ཁིས་བསྡུས་ཏེ། སྤྲུལ་སྐུ་པདྨ་བྱུང་གནས་ལ་གཏད་དོ། །རྡོ་རྗེ་སེམས་དཔའ་ཡི་གེ་བརྒྱ་པའི་ཐུགས་ཕྲིན་ལས་ཐམས་ཅད་དམ་ཚིག་གི་རྒྱུད་ཅེས་བྱ་བ་རྫོགས་སོ། །སྤྲུལ་སྐུ་པདྨ་འབྱུང་གནས་དང་། དགེ་[529.3]སློང་ནམ་མཁའི་སྙིང་པོས་བསྒྱུར་པའོ།། །། རྒྱ་གར་སྐད་དུ། །མ་ཧྭ་སརྙི་ནི་ཡ་མྱབྲེ་ས་མྱུ་ཧ་ཏནྟྲ་དྲིསྒྱི་སརྦ་གསྙེ་རཏྣ་བྱུ་ཧ་ནཱ་མ། བོད་སྐད་དུ། རྫོགས་པ་ཆེན་པོ་ངེས་དོན་འདུས་པའི་རྒྱུད།