Ngb-pt-0006-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[351][351.1]བུར་ ཀློང་ ཡངས་གཅག་ ལ་ གཏོད། །ཉ་ ཟླ་ ལྟ་ བུར་ བློ་ གསལ་ ག ག་ ལ་ གཏོད། །མ་འོངས་ བསྟན་ པའ་སྒྲོན་ མ་ བྱེད་ པར་ འགྱུར། །ཞེས་ གསུངས་ སོ། །ལྟ་ བ་ ལ་ཤན་ ཆེན་ པའ་[351.2]རིན་པོ་ཆེའི་སྒྲོན་མ་རྩ་བའི་རྒྱུད་ལས། རྒྱུད་གཏད་པའི་ལེའུ་སྟེ་བཅུ་བཞི་པ་རྫོགས་སོ།། །།ལྟ་བ་ལ་ཤན་ཆེན་པོ་རིན་པོ་ཆེ་སྒྲོན་མ་རྩ་བའི་རྒྱུད། ཨུ་རྒྱན་གྱི་གུ་རུ་ཆེན་པོ་པདྨ་འབྱུང་གནས་དང་། བོད་ཀྱི་ལོསྣྲོ་བ་[351.3]སྐ་བ་དཔལ་བརྩེགས་ཀྱིས་མངའ་བདག་རྒྱལ་པོའི་དོན་དུ་བསྒྱུར་བའོ། །གཏད་རྒྱ། སྦས་རྒྱ།། །།ཀུན་བཟང་རྫོགས་པའི་སངས་རྒྱས་ཀྱིས། །ཐིག་ལེ་ཉག་གཅིག་སྐུ་ལ་ཕྱག་ཚལ་ལོ། །རྩ་རླུད་ཐིག་ལེའི་རྒྱུད་[351.4]བཤད་པ། །ཀྱེ་ཐོག་མ་ལྷུན་གྱིས་གྲུབ་པའི་གནས། །སྟོན་པ་ཐིག་ལེ་ཉག་གཅིག་སྐུ། །འཁོར་ནི་རང་བྱུང་ཆེན་པོ་ལ། །དུས་གསུམ་དབྱེ་བ་མེད་པའི་དུས། །བསྟན་པ་གཉིས་སྣང་མེད་པར་བཤད། །ཅེས་གསུངས་[351.5]སོ། །རྩ་རླུང་ཐིག་ལེའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།ཀྱེ་གསང་བདག་རྡོ་རྗེ་སེསམ་དཔའ་ཉོན། །རྩ་རླུང་ཐིག་ལེ་གཞི་ལ་གནས། །ངོ་བོ་ཐ་དད་རང་བཞིན་གཅིག །ཐུགས་རྗེའི་རོལ་པ་རང་[351.6]ཤར་རོ། །ཤར་ ཚུལ་ སྣང་ ཚུལ་ གཉིས་ སུ་ སྣང་ ། །དེ་ ནི་ གཞི་ ཡི་ རང་ རྩལ་ ལས། །འགག་ པ་མེད་པའི་རང་བྱུང་ཤར། །ཤར་བ་ཡིན་པས་ངེས་པ་མེད། །ཅེས་གསུངས་སོ། །རྩ་རླུངཐིག་ལེའི་རྒྱུད་ལས།[352][352.1]གླེང་སློང་བའ་ལེའུ་སྟེ་གཉས་པའོ།། །།རྡོ་རྗེ་སེམས་དཔའ་ཁྱོད་ཉོན་ཅག །རང་ཤར་ཆེན་པོའི་རྩ་རླུང་ན། །ཕྱ་རུ་ཤར་བའ་རྩ་ལྔ་དང་། །ནང་དུ་ཤར་བའ་རྩ་ལྔ་དང་། །གསང་བར་ཤར་བའ་རྩ་ལྔ་དང་། །ཡང་[352.2]གསང་ཡང་ཏིའི་རྩ་ལྔ་དང་། །དེ་ཁོ་ན་ཉིད་གསང་བ་ཆེན་པོའི་རྩ་ལྔའོ། །དེ་ལས་ཕྱི་རུ་ཤར་བའི་རྩ་ལྔ་ནི། །དབྱིངས་ཀྱི་ཐིག་ལེ་ལྔ་ཡིན་ཏེ། །ཐིག་ལེ་ལྔ་ནི་སྟོང་གསལ་དུ། །སྣང་གསལ་ཆེན་པོའི་རྒྱས་གདབ་[352.3]པོ། །རིག་གསལ་ངང་དུ་ངོ་འཕྲད་པས། །ཐིག་ལེ་ལྔ་ཡང་གཅིག་ཏུ་འདྲིལ། །འབྱུང་བ་ལྔ་ནི་རིག་སྟོང་གསལ། །འབྱུང་བ་ལྔ་ནི་ངོ་སྤྲད་དེ། །ས་་དང་ཆུ་དང་མེ་དང་རླུད་། །མཁའ་ཁྱབ་དངས་པའི་ངང་དུ་ནི། །ཚོགས་[352.4]དྲུག་རོལ་པའི་ངོ་སྤྲད་པས། །འདོད་ཡོན་ལྔ་དང་ཆགས་སྡང་ལྔ། །རང་བྱུང་རང་གྲོལ་རང་ཤར་གསལ། །བདེ་གསལ་ངང་དུ་ངོ་སྤྲོད་དོ། །ཞེས་གསུངས་སོ། །རྩ་རླུང་ཐིག་ལེའི་རྒྱུད་ལས། དབྱིངས་རང་སར་གྲོལ་བའི་[352.5]ལེའུ་སྟེ་གསུམ་པའོ།། །།རྡོ་རྗེ་སེམས་དཔའ་ཁྱོད་ཉོན་ཅིག །ནང་དུ་ཤར་བའི་རྩ་ལྔ་ནི། །ཡེ་ཤེས་རོལ་པའི་རྩ་ལྔ་སྟེ། །གསལ་བྱེད་ཤེས་རབ་རྒྱས་བཏབ་པས། །ནང་གི་རྩ་ལྔ་གཅིག་ཏུ་འཁྱིལ། །ཤེས་རབ་ཆེན་[352.6]པོ་གཅག་ཏུ་གསལ་། །ཡེ་ཤེས་ལྔ་པོ་དབྱིངས་སུ་གྲོལ། །དབྱིངས་ལྔ་རིག་པའི་ཀློང་དུ་གྲོལ། །རང་གྲོལ་རང་ཤར་ངོ་ཤེས་པས། །དེ་ནི་རང་གྲོལ་རྣམ་ལྔ་ཡིན། །ཞེས་གསུངས་སོ། །རྩ་རླུང་ཐིག་ལེའི་རྒྱུད་ལས། ནང་[353][353.1]༄༅ རང་སར་གྲོལ་བའི་ལེའུ་སྟེ་བཞི་པའོ།། །།རྡོ་རྗེ་སེམས་དཔའ་ཁྱོད་ཉོན་ཅིག །གསང་བར་ཤར་བའི་རྩ་ལྔ་ནི། །ཐིག་ལེ་ཉག་གཅིག་རོལ་པ་ལྔ། །རང་བྱུང་ཡིན་པར་ངོ་ཤེས་པས། །སྒོམ་བསྒྲུབ་མེད་[353.2]པའི་རང་ཤར་ལ། །དེ་ལྟ་སྒོམ་སྒྲུབ་བྱེད་པ་ནི། །ང་ཡི་གཞི་ལས་འཚོལ་བ་སྟེ། ཁོ།ས་རབ་ཆུང་བའི་གོལ་ས་ཡིན། །ལྟ་བ་རང་ཤར་ཆེན་པོ་ལ། །སྒོམ་པ་རང་གྲོལ་ཆེན་པོ་ཡིན། །སྤྱོད་པ་ཚོགས་དྲུག་ལྷུག་པ་[353.3]ལ འབྲས་བུ་ཡུལ་སྣང་མེད་པ་ཡིན། །ཡེ་ཤེས་ཟང་ཐལ་ཆེན་པོ་ལ། །བར་དོ་མེད་པ་རང་གྲོལ་ཡིན། །ཞེས་གསུངས་སོ། །རྩ་རླུང་ཐིག་ལེའི་རྒྱུད་ལས། གསང་བ་རང་གྲོལ་གྱི་ལེའུ་སྟེ་ལྔ་པའོ།། །།རྡོ་རྗེ་[353.4]སེམས་དཔའ་ཁྱོད་ཉོན་ཅིག །དེ་ཁོ་ན་ཉིད་ཀྱི་རྩ་ལྔ་ནི། གཉིས་སྣང་མེད་པའི་ཤེས་རབ་ལ། །ཐོགས་པ་མེད་པའི་ཤེས་རབ་ཀྱིས། །འགག་པ་མེད་པའི་རིག་པ་ལ། །རང་རིག་ཡེ་ཤེས་ཟང་ཐལ་དུ། །ལྷངས་ཀྱིས་ཤེས་[353.5]པ་ཤེས་རབ་ཡིན། །ཞེས་གསུངས་སོ། །རྩ་རླུང་ཐིག་ལེའི་རྒྱུད་ལས། ཡང་གསང་རང་གྲོལ་གྱི་ལེའུ་སྟེ་དྲུག་པའོ།། །།རྡོ་རྗེ་སེསམ་དཔའ་ཁྱོད་ཉོན་ཅིག །རྒྱས་པར་རྩ་ལ་བསམ་མི་ཁྱབ། །བསྡུ་ན་རྣམ་པ་གཉིས་[353.6]སུ་འདུས། །ཆོས་རྣམས་ཚིག་གི་རྩ་དང་ནི། །ཡང་དག་དོན་གྱི་རྩ་གཉིས་སོ། །འདི་ནི་ཡང་དག་དོན་གྱི་རྩ། །ཞེས་གསུངས་སོ། །ཀུན་ཏུ་བཟང་པོས་གསུངས་པ་ཡི། །ཡེ་ཤེས་རྩ་ཡི་རྒྱུད་ཆེན་འདི། །ཀུན་ཏུ་བཟང་[354][354.1]པོའི་ཐུགས་ཀྱི་བཅུད། །རྡོ་རྗེ་སེམས་དཔའི་སྲོག་གི་ཐིགས་པ། །དགའ་རབ་རྡོ་རྗེའི་སྲོག་གི་འཁོར་ལོ། སྲོག་གི་ཚན་མ། སྲོག་གི་བཅུད་ཆེན་པོ། ཐུགས་ཀྱི་རེག་ཆོད། རིག་པ་སྲོག་གི་འཁོར་ལོ་ཞེས་གསུངས་སོ། །རྩ་