volume 006 152

༄༅། །མཁའ་འགྲོ་སྔགས་ཀྱི་ལྡེ་མིག་བཞུགས་སོ༔

« སློབ་དཔོན་པདྨ་ལ་ཇོ་མོས་ཞུས་པ༔ མཁའ་འགྲོ་སྔགས་ཀྱི་ལྡེ་མིག་དེ༔ སློབ་དཔོན་ཐུགས་ཀྱི་སྒོ་ཕྱེ་འཚལ༔ སློབ་དཔོན་པདྨས་བཀའ་སྩལ་པ༔ ཡི་གེ་བཞི་པ་ཞེས་བྱ་བ༔ འདོད་དགུ་འབྱུང་བའི་སྔགས་སུ་བཤད༔ ཨོཾ་ཨཱཿཧཱུྃ༔ ཧྲཱི་མ་ཧ་རི་ནི་ས༔ ར་ཙ་ཧྲཱི་ཡ་ཧཱུཾ་ཛ༔ ཡི་གེ་བཅུ་གསུམ་མཐའ་བསྒྱུར་གཉིས་དང་བཅས༔ བདག་གི་དབང་དུ་མཁའ་འགྲོ་བསྡུ་བའོ༔ ཧ་རི་ན་ས་ར་ཙ་ཧྲཱི་ཡ་བརྒྱད༔ མཁའ་འགྲོ་ཐོད་རྒལ་དུ་སྒྲུབ་པའོ༔ ས་ནི་རི་ཧ༔ རི་ནི་ས་ཧ༔ ས་ནི་རི་ཧ༔ རྟགས་མ་བྱུང་ན་དཀྲུགས་པའོ༔ ཨཱོཾ་ཧ་རི་ནི་ས་ཧཱུྃ༔ རཏྣ་སི་ཏི་སྡུས་སྡུས༔ ནོར་བསྡུ་བའོ༔ ཧ་རི་ནི་ས་རཾ་རཾ༔ དྲོད་སྐྱེད་པའོ༔ ཞི་བ་དང་ཚོགས་བསགས་པ་ལ༔ ཧ་རི་ནི་ས་ཤནྟིཾ་ཀུ་རུ་སྭཱ་ཧཱ༔ རྒྱས་པ་ལ༔ ཧ་རི་ནི་ས་པུཥྟིཾ་ཀུ་རུ་སྭཱ་ཧཱ༔ དབང་ལ༔ ཧ་རི་ནི་ས་བ་ཤཾ་ཀུ་རུ་སྭཱ་ཧཱ༔ དྲག་པོ་ལ༔ ཧ་རི་ནི་ས་ཆྒཻ་མོ་མཱ་ར་ཡ་སོད༔ དགྲ་བགེགས་བཟློག་པ་ལ༔ ཏྲི་ཨུ་ཙ་ཏ་ཡ་ཕཊ༔ ཕྱག་རྒྱ་མ་དབང་དུ་བསྡུ་ན༔ ཧ་རི་ནི་ས་ཆྒཻ་མོ་ཁུག་ཁུག༔ རྣོ་མཐོང་འདོད་ན༔ ཧ་རི་ནི་ས་ཆུ་བུར་མིག་གི་སྒོ་སོལ༔ སྲིའུ་གསོ་ན༔ ཧ་རི་ནི་ས་བུ་ཏྲ་སི་རཾ་བྲུཾ་ནི་རཀྵ་རཀྵ༔ ལམ་སྲུང་ན༔ ཧ་རི་ནི་ས་ཆོམ་རྐུན་ཟློག་ཟློག༔ མཁའ་འགྲོ་སྔགས་ཀྱི་ལྡེའུ་མིག༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ དགེའོ༔ ༄༅༔ ༔ཤེས་རབ་མའི་མཚལ་འདོན་པའི་རྫས་ལ༔ བྱ་ཕོའི་ཟེ་བ་ཞིབ་པར་སྣུར་ལ༔ སྔགས་འདི་གདབ་བོ༔ ཀྲིག་ནན༔ ཀྲིག་ཕྱུང་༔ ཀྲིག་ཕོབ༔འདི་བརྒྱ་རྩ་བརྒྱད་གདབ་བོ༔ དེ་ནས་ཆུ་གྲང་ལ་སྦྱར་ལ་བཏང་ངོ་༔ འདིས་འབབ་ངེས་སོ༔ ཨྠིྀ༔ འདི་གཅོད་པའི་རྫས་ལ༔ གླ་རྩི་ཐུན་གཅིག་ལ་སྔགས་འདི་གདབ་བོ༔ ཨོཾ་ནི་ཡ་ནོན༔ ཧྲི་ཁོག༔ འབྱུང་བ་ཆོད་ཅིག་སྭཱཧཱ༔ འདི་བརྒྱ་རྩ་བརྒྱད་ཆུ་ལ་བཏབ་ལ་བཏང་ངོ་༔ ཟབ་ཨྠིྀ༔ ཡང་ལུགས་གཅིག་ལ༔ དགུན་ཉལ་གྱི་འཕྱི་བའི་མཚན་མ་དང་༔ མཁྲིས་པ་དང་༔ དོམ་མཁྲིས་སྦྱར་ལ༔ སྔགས་འདི་གདབ་བོ༔ ཨོཾ་སིད་ཏི་རཀྟ་རྦུད་རྦུད༔ ཞེས་པ་བརྒྱ་རྩ་བརྒྱད་བཟླས་ལ་ཆང་བཟང་པོ་ཕོར་གང་ལ་བཏབ་སྟེ་ལྟོར་བཏང་༔ དེས་འབབ་བོ༔ དེ་ནས་མ་ཆོད་ན༔ ཨོཾ་སི་ཏི་རག་ཏ་རྦད་རྦད༔ ཅེས་པ་འདི་ཆུ་ལ་བཏབ་ལ་བཏང་ངོ་༔ ཟབ་ཟབ༔ གསང་ངོ་༔ ཨྠིྀ༔ ཁྲག་དེ་བཟང་ངན་བརྟག་པ་ནི༔ སྐྱེས་པ་གཙང་མ་གྲོང་བའི་ཆོས་ཀྱིས་མ་གོས་པའི་དྲི་ཆུ་གཙང་མ་ལ༔ ཁྲག་དེ་བག་ཙམ་གཅིག་བཅུག་པས་ཆུ་ནང་དུ་ཀ་བ་བཙུགས་པ་ལྟ་བུ་བྱུང་ན་བཟང་ངོ་༔ ཆུ་དང་འདྲེས་པ་ལྟར་སོང་ན་ངན་པར་ཤེས་པར་བྱའོ༔ ཨྠིྀ༔ ཟབ་བོ༔ ཤིན་ཏུ་གསང་བའི་མན་ངག་ཡིན་ནོ༔ ༔ «མཁའ་འགྲོ་སྔགས་ཀྱི་ལྡེ་མིག«མཁའ་འགྲོ་སྔགས་ཀྱི་ལྡེ་མིག

»PAGE - 162 -- PAGE 93 -- PAGE 92 -